سجينة الظلم والإنتقام للكاتبة/ ساره الشمري "عراقية " (مكتملة) - الصفحة 3

فيتامين سي · 18-06-19, 01:31 AM

#سجينة_الظلم_والانتقام
بقلم سارة الشمري
٤٠_______٤٢

#بارت٤٠

ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺇﺫﺍ ﺃﺣﺒﻚ ﻣﻠﻴﻮﻥ ﺷﺨﺺ ﻓﺄﻧﺎ ﻣﻨﻬﻢ، ﻭﺇﺫﺍ ﺃﺣﺒﻚ ﺷﺨﺺ ﻭﺍﺣﺪ ﻓﻬﻮ ﺃﻧﺎ، ﻭﺇﺫﺍ ﻟﻢ ﻳﺤﺒﻚ ﺃﺣﺪ ﻓﺎﻋﻠﻢ ﺍﻧﻲ ﻣﺖ .
ﺑﻤﻜﺎﻥ ﺍﻭﻝ ﻣﺮﺓ ﻧﺮﻭﺣﻠﺔ
ﻛﺎﻋﺪﺓ ﻋﻠﻰ ﺟﺮﺑﺎﻳﺘﻬﺔ ﻭﺣﺎﻃﺔ ﺍﻟﻬﺘﻔﻮﻧﺎﺕ ﺑﺈﺫﻧﻬﺔ ...
ﺗﻐﻨﻲ ﻭﻳﺔ ﺍﻻﻏﻨﻴﺔ ﺑﻬﺪﻭﺀ ...
ﻗﺎﻃﻌﺘﻬﺔ ﺻﻮﺕ ﺭﺳﺎﻟﺔ ﻭﺻﻠﺖ ﻟﺘﻠﻴﻔﻮﻧﻬﺔ ...
ﻗﺮﺗﻬﺔ ﻭﻃﻔﺮﺕ ﻣﻦ ﻣﻜﺎﻧﻬﺔ ﺑﺴﺮﻋﺔ ...
ﺍﻟﺮﺳﺎﻟﺔ ﻣﻦ ﺯﻳﻨﺔ ...
‏( ﻫﻠﻮ ﻧﻮﺭﺓ .. ﻭﻳﻨﺞ ﻟﻴﺶ ﻣﺎ ﺗﺠﺎﻭﺑﻴﻦ .. ﻋﻨﺪﻱ ﺍﻟﺞ ﺧﺒﺮ ﺑﻤﻴﺔ .. ﻏﺰﻭﺍﻥ ﺭﺟﻊ ﺍﻟﻔﺼﻠﻴﺔ ﻻﻫﻠﻬﺔ ﻭﺍﻻﻛﻴﺪ ﺍﻥ ﺑﻌﺪ ﻣﺎ ﺗﺮﺟﻊ ﻻﻥ ﻃﻠﻊ ﺍﺧﻮﻫﺔ ﺑﺮﻳﺊ ... ﻳﻌﻨﻲ ﻫﺴﺔ ﺍﻟﺴﺎﺣﺔ ﻓﺎﺭﻏﺔ ﺍﻟﺞ ﻭﺗﻜﺪﺭﻳﻦ ﺗﺎﺧﺬﻳﻦ ﻏﺰﻭﺍﻥ ... ‏)
ﻧﻮﺭﺓ ﻛﺎﻣﺖ ﺗﻜﻤﺰ ﻭﺗﺼﻴﺢ ... ﻭﺍﺧﻴﻴﻴﺮﺍً ﺭﺍﺡ ﺗﺼﻴﺮ ﺍﻟﻲ ﻏﺰﻭﺍﻥ ...
ﻃﻠﻌﺖ ﻣﻦ ﺍﻟﻐﺮﻓﺔ ﻣﺎﻟﺘﻬﺔ ﻭﺗﻮﺟﻬﺖ ﻟﻠﻤﻄﺒﺦ ﻻﻣﻬﺔ ...
ﻧﻮﺭﺓ ﺑﻔﺮﺣﺔ : ﻣﺎﻣﺎ ﺍﺣﺰﺭﻱ ﺷﻨﻮ ﺻﺎﺭ ..
ﺍﻡ ﻧﻮﺭﺓ : ﺍﺣﺠﻲ ﻣﻦ ﺍﻻﺧﻴﺮ ﺷﺼﺎﺭ ...
ﻧﻮﺭﺓ : ﻏﺰﻭﺍﻥ ﺭﺟﻊ ﺍﻟﻔﺼﻠﻴﺔ ﻻﻫﻠﻬﺔ ﻭﺍﻛﻴﺪ ﺭﺍﺡ ﻳﻄﻠﻜﻬﺔ ..
ﺍﻡ ﻧﻮﺭﺓ : ﺻﺪﺩﺩﻙ .. ﻳﻌﻨﻲ ﻫﺎﻱ ﻓﺮﺻﺘﺞ ﻧﻮﺭﺓ ﺩﻳﺮﻱ ﺑﺎﻟﺞ ﺗﻀﻴﻌﻴﻨﺔ ﻫﺎﻟﻤﺮﺓ ﻣﻦ ﺍﻳﺪﺝ ...
ﻧﻮﺭﺓ ﺑﺨﺒﺚ : ﻫﻪ ﺍﻧﻲ ﺿﻴﻌﺘﺔ ﻣﺮﺓ ﺑﺲ ﻫﺎﻟﻤﺮﺓ ﻣﺴﺘﺤﻴﻞ ...
ﺍﻡ ﻧﻮﺭﺓ : ﻛﻮﻣﻲ ﺧﻞ ﻧﺮﻭﺡ ﻟﺒﻴﺖ ﺧﺎﻟﺞ ﻫﺴﺔ .. ﺣﺘﻰ ﺑﻠﻜﻲ ﺗﺸﻮﻓﻴﻨﺔ ...
ﻧﻮﺭﺓ ﺑﺤﻤﺎﺱ : ﻣﺎﺷﻲ .. ﺭﺍﺡ ﺍﺟﻬﺰ ﻧﻔﺴﻲ ﻭﺍﺟﻲ ...
٪؜٪؜٪؜٪؜٪؜
ﺑﻴﺖ ﺍﺑﻮ ﻏﺰﻭﺍﻥ
ﺩﺧﻠﺖ ﻣﻬﺎ ﻟﻐﺮﻓﺔ ﺧﺎﺗﻮﻥ ﻭﻛﺎﻟﺖ ﺑﻤﻠﻞ : ﻛﻮﻣﻲ ﻫﻨﺎ ﻋﻤﺘﺞ ﺍﻡ ﻧﻮﺭﺓ ..
ﺧﺎﺗﻮﻥ ﺑﺘﺄﻓﻒ : ﺍﻓﻔﻒ ﺗﺮﺓ ﺍﺑﺪ ﻣﻮ ﻭﻛﺘﻬﺔ ... ﺷﻌﺪﻫﺔ ﺟﺎﻳﺔ ﺍﻟﻴﻮﻡ ...
ﻣﻬﺎ ﺑﺴﺨﺮﻳﺔ : ﺍﻛﻴﺪ ﻋﺮﻓﻦ ﺑﻐﺰﻭﺍﻥ ﻭﺩﺓ ﻣﻴﺎﻣﻴﻦ ﻻﻫﻠﻬﺔ ﻭﺍﺟﻦ ﻳﺘﺄﻛﺪﻥ ﻭﻳﻔﺘﺤﻦ ﻣﺠﺎﻝ ﻟﻨﻔﺴﻬﻦ ...
ﺧﺎﺗﻮﻥ : ﺗﺮﺓ ﻭﺍﻟﻠﻪ ﺑﻄﺮﺍﻧﺎﺕ ﻫﺬﻧﻲ ... ﺍﻟﻲ ﺗﺪﻭﺭ ﻏﺰﻭﺍﻥ ﻫﺴﺔ ﻣﻌﻨﺎﺗﻬﺔ ﺗﺪﻭﺭ ﻋﻠﻰ ﺍﺑﺮﺓ ﺑﻜﻮﻣﺔ ﻗﺶ ...
ﻣﻬﺎ ﺑﺘﺄﻓﻒ : ﻫﺴﺔ ﻣﻌﻠﻴﺔ ﺍﻧﻲ .. ﻛﻮﻣﻲ ﺍﻧﺘﻲ ﺍﻧﺰﻟﻴﻠﻬﻦ ﻣﺎﻟﻲ ﺧﻠﻚ ...
ﺧﺎﺗﻮﻥ ﻭﻫﻲ ﺗﻜﻮﻡ : ﺍﻣﺮﻱ ﻝ ﺍﻟﻠﻪ ..
ﻧﺰﻟﺖ ﺧﺎﺗﻮﻥ ﻟﻠﺼﺎﻟﺔ ﻭﺷﺎﻓﺖ ﻋﻤﺘﻬﺔ ﻭﺑﺘﻬﺔ ﻛﺎﻋﺪﺍﺕ ﻳﻢ ﺍﻟﺤﺠﻴﺔ ...
ﻧﻮﺭﺓ ﻛﺎﻣﺘﻠﻬﺔ ﻭﺳﻠﻤﺖ ﻋﻠﻴﻬﺔ ﺑﺤﺮﺍﺭﺓ : ﻫﻠﻮ ﺧﺎﺗﻮﻧﺔ ﺣﻴﺎﺗﻲ ﺷﻠﻮﻧﺞ ..
ﺧﺎﺗﻮﻥ ﺑﺎﻟﻜﻮﺓ ﺍﺑﺘﺴﻤﺖ : ﺍﻟﺤﻤﺪﺍﻟﻠﻪ ﺑﺨﻴﺮ ...
ﺭﺍﺣﺖ ﺳﻠﻤﺖ ﻋﻠﻰ ﻋﻤﺘﻬﺔ ﻭﻛﻌﺪﺕ ﻋﻠﻰ ﺻﻔﺤﺔ ..
ﻧﻮﺭﺓ ﺍﺟﺖ ﻛﻌﺪﺕ ﺑﺼﻔﻬﺔ .. ﺧﺎﺗﻮﻥ ﺗﺄﻓﻔﺖ ﺑﻜﻠﺒﻬﺔ ..
ﻧﻮﺭﺓ ﺑﻬﻤﺲ ﻟﺨﺎﺗﻮﻥ : ﺍﻛﻮﻟﺞ ﺻﺪﻙ ﻫﺎﻱ ﺍﻟﺨﺒﻴﺜﺔ ﻣﻴﺎﻣﻴﻦ ﺭﺟﻌﺖ ﻻﻫﻠﻬﺔ
ﺧﺎﺗﻮﻥ ﺑﻌﺼﺒﻴﺔ : ﻧﻮﻭﺭﺓ .. ﻻ ﺗﺠﻴﺒﻴﻦ ﺳﻴﺮﺓ ﻣﻴﺎﻣﻴﻦ ﺑﺎﻟﻤﻮﺯﻳﻦ .. ﺍﺫﺍ ﺣﺠﻴﺘﻲ ﻋﻠﻴﻬﺔ ﺗﻠﻜﻴﻨﻲ ﺑﻮﺟﻬﺞ ..
ﻧﻮﺭﺓ ﺑﺴﺮﻋﺔ : ﺍﺳﻔﺔ ﺣﺒﻲ ﻣﺠﺎﻥ ﻗﺼﺪﻱ .. ﺑﺲ ﻫﻴﺞ ﺭﺩﺕ ﺍﺳﺄﻝ ..
ﺍﻡ ﻧﻮﺭﺓ ﻭﻫﻲ ﺗﺤﺠﻲ ﻭﻳﺔ ﺍﻡ ﻏﺰﻭﺍﻥ : ﻫﺎ ﺧﻴﺔ ﻣﺎ ﻓﻜﺮﺗﻮ ﺗﺪﻭﺭﻭﻥ ﻣﺮﺓ ﻟﻐﺰﻭﺍﻥ .. ﺗﺮﺓ ﻓﺎﺭﺱ ﻃﻠﻊ ﺍﻟﺴﻨﺔ ... ﻭﻏﺰﻭﺍﻥ ﻣﻮ ﺯﻏﻴﺮ ﺣﺘﻰ ﻳﺒﻘﻰ ﺑﺪﻭﻥ ﺯﻭﺍﺝ ... ﻟﻴﺶ ﻣﺘﺪﻭﺭﻭﻟﺔ ﻣﻦ ﺍﻻﻗﺎﺭﺏ ..
ﺍﻡ ﻏﺰﻭﺍﻥ : ﻭﺍﻟﻠﻪ ﺧﻴﺔ ﻣﻨﺎﻱ ﻫﺬﺍ ﺍﺷﻮﻑ ﺍﺑﻨﻲ ﻋﺮﻳﺲ ﻭﺍﻓﺮﺡ ﺑﻌﺮﺳﺔ .. ﺑﺲ ﺷﻨﺴﻮﻱ ﻏﻴﺮ ﻫﻮ ﻣﺎ ﻳﻘﺒﻞ ..
ﺍﻟﺤﺠﻴﺔ ﺑﺤﺰﻡ : ﻭﻋﻠﻴﺶ ﺗﺪﻭﺭﻳﻠﺔ ﻋﻠﻰ ﻣﺮﺓ .. ﻣﺮﻳﺘﺔ ﻣﻮﺟﻮﺩﺓ ﻭﺍﻛﻴﺪ ﺭﺍﺡ ﺗﺮﺟﻊ ﻟﺮﺟﻠﻬﺔ ...
ﺍﻡ ﻧﻮﺭﺓ : ﻭﺍﻧﺘﻮ ﺑﻌﺪﻛﻢ ﺗﺮﺩﻭﻧﻬﺔ ﻫﺎﻱ ... ﺩﻋﻮﻓﻮﻫﺔ ﺗﻮﻟﻲ ﻭﺟﻴﺒﻮﻟﺔ ﻣﻦ ﺑﻨﻴﺎﺗﻨﺔ ﻏﻴﺮ ﻛﻞ ﻭﺣﺪﺓ ﺍﺣﻼ ﻣﻦ ﺍﻟﺜﺎﻧﻴﺔ ...
ﺧﺎﺗﻮﻥ ﺭﻓﻌﺖ ﺣﺎﺟﺒﻬﺔ ﺑﺈﺳﺘﻨﻜﺎﺭ ﻣﻦ ﺷﺎﻓﺖ ﻧﻮﺭﺓ ﺩﻧﻜﺖ ﺭﺍﺳﻬﺔ ﺑﺨﺠﻞ ...
ﺍﻟﺤﺠﻴﺔ : ﺟﺎ ﻫﻲ ﺑﻜﻴﻔﻨﺔ ﺷﻨﻲ .. ﺍﻟﻮﻟﺪ ﻣﻴﺖ ﻋﻠﻴﻬﺔ ﻭﻳﺮﻳﺪﻫﺔ ﻭﻣﺎﻳﺮﻳﺪ ﻏﻴﺮﻫﺔ ...
ﺧﺎﺗﻮﻥ ﺭﺍﺩﺕ ﺗﺤﺠﻲ ﻭﺗﻜﻮﻝ ﺑﺲ ﻫﻲ ﻣﺎ ﺗﺮﻳﺪﺓ .. ﺑﺲ ﻣﺎﺗﺮﻳﺪ ﺗﻨﻄﻲ ﻓﺮﺻﺔ ﻟﻨﻮﺭﺓ ﻭﺍﻣﻬﺔ ﻳﺘﺸﻤﺘﻦ ...
ﺧﺎﺗﻮﻥ ﻭﻫﻲ ﺗﻮﻛﻒ : ﻋﻦ ﺍﺫﻧﻜﻢ .. ﺭﺍﺡ ﺍﺳﻮﻳﻠﻜﻢ ﻋﺼﻴﺮ ...
ﻧﻮﺭﺓ ﻭﻫﻲ ﺗﻮﻛﻒ ﻭﻳﺎﻫﺔ : ﺧﻞ ﺍﺟﻲ ﻭﻳﺎﺝ ...
ﺩﺧﻠﺖ ﺧﺎﺗﻮﻥ ﻟﻠﻤﻄﺒﺦ ﻭﺑﺪﺕ ﺗﺴﻮﻱ ﺍﻟﻌﺼﻴﺮ ﺑﻬﺪﻭﺀ ..
ﻧﻮﺭﺓ : ﺍﻣﻤﻢ ﺧﺎﺗﻮﻥ .. ﻏﺰﻭﺍﻥ ﻣﻴﺤﺐ ﻣﻴﺎﻣﻴﻦ ﻣﻮ ..
ﺧﺎﺗﻮﻥ ﺭﻓﻌﺖ ﺭﺍﺳﻬﺔ ﺍﻟﻬﺔ ﻭﻛﺎﻟﺖ : ﻭﻟﻴﺶ ﻣﺎ ﻳﺤﺒﻬﺔ .. ﺗﺮﺓ ﻣﻴﺎﻣﻴﻦ ﻛﻮﻟﺶ ﺣﺒﺎﺑﺔ ﻭﺗﺨﺒﻞ ﻭﺍﻟﻜﻞ ﻳﺤﺒﻬﺔ .. ﻭﺧﺎﺻﺎ ﻏﺰﻭﺍﻥ ﻳﻤﻮﺕ ﻋﻠﻴﻬﺔ ..
ﻧﻮﺭﺓ ﺑﻘﻬﺮ ﻭﻋﺼﺒﻴﺔ : ﻻ ﻣﻴﺤﺒﻬﺔ .. ﻣﺴﺘﺤﻴﻞ ﻳﺤﺒﻬﺔ ..
ﺧﺎﺗﻮﻥ ﺑﺎﻭﻋﺖ ﻋﻠﻴﻬﺔ ﻭﺭﻓﻌﺖ ﺣﺎﺟﺒﻬﺔ ...
ﻧﻮﺭﺓ ﺍﻧﺘﺒﻬﺖ ﻟﻨﻔﺴﻬﺔ ﻭﻛﺎﻟﺖ ﺑﻬﺪﻭﺀ : ﻳﻌﻨﻲ ﻗﺼﺪﻱ ﺍﺫﺍ ﻫﻮ ﻳﺤﺒﻬﺔ ﻟﻴﺶ ﺭﺟﻌﻬﺔ ﻻﻫﻠﻬﺔ ...
ﺧﺎﺗﻮﻥ ﺑﺒﺮﻭﺩ : ﺿﺮﻭﻑ ..
ﻧﻮﺭﺓ : ﻭﺷﻨﻮ ﻫﺎﻱ ﺍﻟﻀﺮﻭﻑ ...
ﺧﺎﺗﻮﻥ ﺑﺎﻭﻋﺖ ﻋﻠﻴﻬﺔ ﺑﻌﺼﺒﻴﺔ .. ﻗﺎﻃﻌﻬﺔ ﺩﻛﺔ ﺗﻠﻴﻔﻮﻧﻬﺔ ...
ﺷﺎﻟﺘﺔ ﻭﺷﺎﻓﺖ ﺍﻟﺮﻗﻢ ﻏﺮﻳﺐ ...
ﻓﺘﺤﺖ ﺧﻂ ﺑﺪﻭﻥ ﻣﺘﺤﺠﻲ ﺷﻲ ﻭﺍﺟﺎﻫﺔ ﺍﻟﺼﻮﺕ : ﺍﻟﻮﻭ ﺧﺎﺗﻮﻧﺔ .. ﺍﻧﻲ ﻣﻴﺎﻣﻴﻦ ..
ﺧﺎﺗﻮﻥ ﺑﺴﺮﻋﺔ ﻭﺑﻔﺮﺡ : ﻣﻴﻴﺎﺍﺍﻣﻴﻦ ...
ﻧﻮﺭﺓ ﻓﺘﺤﺖ ﻋﻴﻮﻧﻬﺔ ﺑﻌﺼﺒﻴﺔ ﻭﻋﺎﻓﺘﻬﺔ ﻭﺩﺧﻠﺖ ﻟﻠﺼﺎﻟﺔ ...
ﺑﻴﺖ ﻏﺰﻭﺍﻥ /
ﻛﻌﺪ ﻣﻦ ﺍﻟﻨﻮﻡ ﻭﻋﻴﻮﻧﺔ ﺗﺤﺮﻛﺔ ﻣﻦ ﺍﻟﺒﺠﻲ ...
ﻓﺮﻙ ﻋﻴﻮﻧﺔ ﻭﻛﻌﺪ ﻋﻠﻰ ﺣﻴﻠﺔ ...
ﺍﻟﺘﻔﺖ ﺣﻮﺍﻟﻴﻨﺔ ﺑﺎﻟﻤﻜﺎﻥ .. ﺳﺤﺐ ﺍﻟﺒﺪﻱ ﺍﻟﻲ ﺟﺎﻥ ﺑﺤﻀﻨﺔ ﻭﺍﺧﺬ ﻧﻔﺲ ﻣﻨﺔ ﻭﻏﻤﺾ ﻋﻴﻮﻧﺔ
: ﺻﺒﺎﺣﺞ ﺧﻴﺮ ﻳﺎ ﺯﻫﺮﺓ ﻛﻠﺒﻲ ... ﺍﺷﺘﺎﻗﻴﺘﻠﺞ .. ﺻﺎﺭ ﻳﻮﻡ ﻭﻫﻴﺞ ﻣﻴﺖ ﻋﻠﻰ ﺷﻮﻓﺘﺞ ... ﺷﻠﻮﻥ ﺑﻴﺔ ﺍﺫﺍ ﻣﺎ ﺭﺟﻌﺘﻴﻠﻲ .. ﻭﺍﻟﻠﻪ ﺍﻣﻮﺕ ﺍﺫﺍ ﻣﺎ ﺭﺟﻌﺘﻠﻲ ... ﻻﺯﻡ ﺍﺳﻮﻱ ﺷﻲ ﺣﺘﻰ ﺍﺧﻠﻴﻬﺔ ﺗﺮﺟﻌﻠﻲ ...
ﻛﻤﺖ ﻣﻦ ﻣﻜﺎﻧﻲ ﻭﻃﻠﻌﺖ ﻣﻦ ﺍﻟﻐﺮﻓﺔ ﻭﺳﺪﻳﺖ ﺍﻟﺒﺎﺏ
ﺭﺣﺖ ﻟﻐﺮﻓﺘﻲ ﺳﺒﺤﺖ ﻭﺑﺪﻟﺖ ﻭﻧﺰﻟﺖ ...
ﺍﺭﻳﺪ ﺍﺭﻭﺡ ﻟﻠﻜﻮﺕ ﺣﺘﻰ ﺍﺣﺠﻲ ﻭﻳﺎﻫﺔ ... ﻻﺯﻡ ﺗﺴﻤﻌﻨﻲ ﻫﺎﻟﻤﺮﺓ ...
ﻧﺰﻟﺖ ﻭﻃﻠﻌﺖ ﺑﺮﺓ ﻭﺩﺧﻠﺖ ﻟﻠﺤﻮﺵ ﻣﺎﻝ ﺑﻴﺘﻨﺔ ...
ﺷﻔﺖ ﺧﺎﺗﻮﻥ ﺗﺤﺠﻲ ﺑﺎﻟﺘﻠﻴﻔﻮﻥ ﻭﻣﻨﻄﻴﺘﻨﻲ ﺿﻬﺮﻫﺔ ...
ﺧﺎﺗﻮﻥ : ﻣﻴﺎﻣﻴﻦ ﻭﺍﻟﻠﻪ ﻭﺣﺸﺔ ﻋﻠﻴﺞ .. ﺑﺲ ﻳﻠﺔ ﺍﻟﻤﻬﻢ ﺗﺮﺗﺎﺣﻴﻦ ...
ﻛﻠﺒﻲ ﺣﺴﻴﺘﺔ ﺭﺍﺡ ﻳﻄﻠﻊ ﻣﻦ ﻣﻜﺎﻧﺔ ... ﻫﺎﻱ ﺣﺒﻴﺒﺘﻲ ﻣﻴﺎﻣﻴﻦ ...
ﺭﻛﻀﺖ ﺑﺴﺮﻋﺔ ﻣﻦ ﻭﺭﺍﻫﺔ ﻭﺳﺤﺒﺖ ﺍﻟﺘﻠﻴﻔﻮﻥ ﻣﻨﻬﺔ ...
ﺧﺎﺗﻮﻥ ... ﻛﻤﺰﺕ ﻣﻦ ﺷﻔﺖ ﺍﻟﺘﻠﻴﻔﻮﻥ ﺍﻧﺴﺤﺐ ﻣﻨﻲ ... ﺷﻔﺘﺔ ﻏﺰﻭﺍﻥ ... ﺷﻬﻜﺖ ﻭﺣﺎﻭﻟﺖ ﺍﺧﺬ ﺍﻟﺘﻠﻴﻔﻮﻥ ﻣﻨﺔ ﺑﺲ ﻣﺎ ﻛﺪﺭﺕ ...
ﻣﻴﺎﻣﻴﻦ ... ﺟﻨﺖ ﺍﺣﺠﻲ ﻭﻳﺔ ﺧﺎﺗﻮﻥ ﻭﻓﺠﺄﺓ ﺍﺟﺎﻧﻲ ﺻﻮﺗﺔ ﻛﻠﺔ ﻟﻬﻔﺔ :.. ﻣﻴﺎﻣﻴﻦ ﺣﺒﻴﺒﻲ .. ﻓﺪﻭﺓ ﺳﻤﻌﻴﻨﻲ ﺻﻮﺗﺞ ﻭﺍﻟﻠﻪ ﻣﺸﺘﺎﻗﻠﺞ ...
ﺣﺴﻴﺖ ﺍﻳﺪﻱ ﻭﻛﻔﺖ ﻭﺍﻧﻲ ﺍﺳﻤﻊ ﺻﻮﺗﺔ ... ﻣﺎﻛﺪﺭ ﺍﻧﺰﻝ ﺍﻟﺘﻠﻴﻔﻮﻥ ﻭﺍﺳﺪﺓ ... ﺩﻣﻮﻋﻲ ﻧﺰﻟﺖ ﻭﺍﻧﻲ ﺍﺳﻤﻌﺔ ﻳﺤﺠﻲ ...
ﻏﺰﻭﺍﻥ : ﻣﻴﺎﻣﻴﻦ ﺍﻧﻲ ﻫﺴﺔ ﺭﺍﺡ ﺍﺟﻲ ﻟﻠﻜﻮﺕ ﺍﻟﻠﻪ ﻳﺨﻠﻴﺞ ﺧﻠﻴﻨﻲ ﺍﺷﻮﻓﺞ ... ﺑﺲ ﺍﺳﻤﻌﻴﻨﻲ ...
ﻣﻴﺎﻣﻴﻦ ﺑﺴﺮﻋﺔ : ﺩﻳﻴﺮ ﺑﺎﻟﻚ ﺗﺠﻲ ﻏﺰﻭﺍﻥ ... ﻭﺍﻟﻠﻪ ﺍﻟﻌﻀﻴﻢ ﺍﺫﺍ ﺍﺟﻴﺖ ﻣﺴﺘﺤﻴﻞ ﺍﺧﻠﻴﻚ ﺗﺸﻮﻓﻨﻲ ... ﺍﻧﻲ ﻣﺎﺭﻳﺪ ﺍﺷﻮﻓﻚ ... ﺍﻃﻠﻊ ﻣﻦ ﺣﻴﺎﺗﻲ ﺧﻠﺺ ﺍﻓﻬﻢ ..
ﻏﺰﻭﺍﻥ ﻧﺰﻟﺖ ﺩﻣﻮﻋﺔ : ﻣﺎﻛﺪﺭ ﻣﻴﺎﻣﻴﻦ ... ﻣﻦ ﺍﻟﺒﺎﺭﺣﺔ ﻭﺍﻟﻴﻮﻡ ﻛﻮﺓ ﺍﻛﺪﺭ ﺍﺗﻨﻔﺲ ﺑﺪﻭﻧﺞ .. ﻭﻳﻦ ﻣﺎ ﺍﺑﺎﻭﻉ ﺍﺷﻮﻓﺞ ﻛﺒﺎﻟﻲ .. ﺍﺣﺲ ﻛﻠﺒﻲ ﻳﺮﻳﺪ ﻳﻮﻛﻒ ﻭﺍﻧﺘﻲ ﻣﻮ ﻳﻤﻲ ... ﻣﻴﺎﻣﻴﻦ ﺍﻟﻠﻪ ﻳﺨﻠﻴﺞ ﺍﺭﺟﻌﻴﻠﻲ ... ﻭﺍﻟﻠﻪ ﺍﺣﻠﻔﻠﺞ ﺭﺍﺡ ﺍﺧﻠﻴﺞ ﺍﺳﻌﺪ ﺍﻧﺴﺎﻧﺔ ﺑﺎﻟﺪﻧﻴﺎ ﻭﺍﻧﺴﻴﺞ ﻛﻠﺸﻲ ...
ﻣﻴﺎﻣﻴﻦ ﺑﺴﺨﺮﻳﺔ : ﺍﻧﺖ ﻣﺎ ﻛﺪﺭﺕ ﺗﻨﺴﻰ ﺍﺧﻮﻙ ﺻﺢ ... ﻣﺎ ﻛﺪﺭﺕ ﺗﻨﺴﻰ ﺍﻧﺘﻘﺎﻣﻚ ﺍﻟﺔ ... ﻭﺍﻧﻲ ﻫﺴﺔ ﻣﺎﻛﺪﺭ ﺍﻧﺴﻰ ﺍﻧﺖ ﺷﺴﻮﻳﺖ ﺑﻴﺔ ...
ﻏﺰﻭﺍﻥ ﺑﺘﺮﺟﻲ : ﻣﻴﺎﻣﻴﻦ ﻭﺭﺏ ﺍﻟﻜﻌﺒﺔ ﺍﺣﺒﺞ .. ﺑﺲ ﺍﻃﻴﻨﻲ ﻓﺮﺻﺔ ﺛﺎﻧﻴﺔ ... ﺍﻟﻮ .. ﺍﻟﻮ
ﺧﺎﺗﻮﻥ ﻭﻫﻲ ﺗﺴﺤﺐ ﺍﻟﺘﻠﻴﻔﻮﻥ ﻣﻨﺔ ﺑﻌﺼﺒﻴﺔ : ﺧﻠﺼﺖ .. ﺷﻠﻮﻥ ﺗﺴﺤﺐ ﺍﻟﺘﻠﻴﻔﻮﻥ ﻣﻨﻲ ﻫﻴﺞ ... ﺑﻠﺔ ﻃﻠﻌﺖ ﻣﻴﺎﻣﻴﻦ ﻭﺣﺪﺓ ﻣﻦ ﺻﺪﻳﻘﺎﺗﻲ ﻭﻣﻮ ﻧﻔﺴﻬﺔ ﻫﻲ ... ﻏﺰﻭﺍﻥ ﻻ ﺗﻜﺮﺭ ﻫﺬﺍ ﺍﻟﺘﺼﺮﻑ ﻣﺮﺓ ﺛﺎﻧﻴﺔ .. ﺗﺮﺓ ﻣﺎ ﺍﺭﻳﺪ ﻋﻼﻗﺘﻲ ﺗﺨﺮﺏ ﺑﻤﻴﺎﻣﻴﻦ ﻣﻦ ﻭﺭﺍﻙ ...
ﻏﺰﻭﺍﻥ : ﺍﻃﻴﻨﻲ ﺭﻗﻤﻬﺔ ﺑﺴﺮﻋﺔ ..
ﺧﺎﺗﻮﻥ : ﻣﺴﺘﺤﻴﻴﻴﻞ ... ﻣﻴﺎﻣﻴﻦ ﻭﺛﻘﺖ ﺑﻴﺔ ﻭﻣﺴﺘﺤﻴﻞ ﺍﺧﻮﻥ ﻫﺎﻟﺜﻘﺔ ...
ﻋﺎﻓﺘﺔ ﻭﺩﺧﻠﺖ ﻭﻫﻮ ﺻﺎﺡ ﺑﻘﻬﺮ ﻭﺩﺧﻞ ﻟﺒﻴﺘﺔ ... ﺣﺘﻰ ﻣﺎﻟﺔ ﺧﻠﻚ ﻳﺮﻭﺡ ﻟﻠﻤﺴﺘﺸﻔﻰ ...
ﻧﺰﻉ ﺣﺬﺍﺀﺓ ﻭﺷﻤﺮﺓ ﺑﺎﻟﻜﺎﻉ ﻭﺗﻤﺪﺩ ﻋﺎﻟﻘﻨﻔﺔ ﻭﻫﻮ ﻳﻔﺮﻙ ﺑﺮﺍﺳﺔ ﺑﻌﺼﺒﻴﺔ ...
ﻃﻠﻊ ﻣﺤﻔﻀﺘﺔ ﻣﻦ ﺟﻴﺒﺔ ﻭﺳﺤﺐ ﻣﻨﻬﺔ ﺍﻟﺼﻮﺭﺓ ﻭﺍﻟﺠﻔﻴﺔ ...
ﻗﺮﺏ ﺍﻟﺠﻔﻴﺔ ﻣﻦ ﺧﺸﻤﺔ ﻭﺍﺧﺬ ﻧﻔﺲ ﻗﻮﻱ ﻭﻫﻮ ﻳﺤﺠﻲ ﻭﻳﺔ ﺍﻟﺼﻮﺭﺓ ﻭﻋﺒﺎﻟﻚ ﻛﺒﺎﻟﺔ .. ﺣﺮﺍﻡ ﻋﻠﻴﺞ .. ﻟﻴﺶ ﺗﺼﻴﺮﻳﻦ ﺿﺎﻟﻤﺔ ﺍﻛﺜﺮ ﻣﻨﻲ ... ﻟﻴﺶ ﺗﺤﺮﻣﻴﻨﻲ ﻣﻨﺞ ... ﻟﻴﺶ ﺗﻌﺎﻗﺒﻴﻨﻲ ﺑﺄﻫﻢ ﺷﻲ ﺑﺤﻴﺎﺗﻲ ...
#####
ﺑﻴﺖ ﺍﺑﻮ ﺍﺣﻤﺪ ‏( ﺣﺎﻓﻆ ‏)
ﻛﺎﻋﺪﺓ ﺑﺴﻤﺔ ﻋﺎﻟﻘﻨﻔﺔ ﺑﺎﻟﺼﺎﻟﺔ ﻭﺗﺸﺮﺏ ﻋﺼﻴﺮ ﺍﺑﻮ ﺍﻟﻘﺼﺒﺔ ﻭﺗﺒﺎﻭﻉ ﻋﺎﻟﺘﻠﻔﺰﻳﻮﻥ .. ﺍﻣﻬﺔ ﻭﺍﺧﻮﺍﺗﻬﺔ ﻭﺍﺧﻮﻫﺔ ﻣﻮﺟﻮﺩﻳﻦ ﻛﻠﻬﻢ ...
ﺳﺤﺒﺖ ﻧﻔﺲ ﺑﻤﻠﻞ ﻭﺍﻟﻌﺼﻴﺮ ﺑﺤﻠﻜﻬﺔ ..
ﺩﻙ ﺗﻠﻴﻔﻮﻧﺔ ﻭﺍﻟﻤﺘﺼﻞ ‏( ﺧﻔﻘﺎﻥ ‏)
ﺭﻓﻌﺖ ﺍﻟﺘﻠﻴﻔﻮﻥ : ﺍﻟﻮﻭﻭ
ﺧﺎﺗﻮﻥ : ﺑﺴﻮﻭﻭﻡ ﻓﺪﻭﺓ ﻟﻮ ﺗﺠﻴﻦ ﺗﻠﺤﻜﻴﻠﻲ ﻟﻮ ﺍﻧﻲ ﺍﺟﻴﺞ ...
ﺑﺴﻤﺔ ﻭﻫﻲ ﺗﻜﻌﺪ ﺑﺴﺮﻋﺔ : ﺷﺒﻴﺞ ﺷﻜﻮ ..
ﺧﺎﺗﻮﻥ : ﻧﻮﺭﺓ ﻳﻤﻨﺔ .. ﻭﻟﺰﻛﺖ ﻣﻦ ﺑﻌﺪ ﻣﺎ ﻋﺮﻓﺖ ﺑﻤﻴﺎﻣﻴﻦ ﻣﺸﺖ ..
ﺑﺴﻤﺔ ﺑﺼﺪﻣﺔ : ﻭﻳﻦ ﻣﺸﺖ ﻣﻴﺎﻣﻴﻦ ...
ﺧﺎﺗﻮﻥ : ﺍﻭﻭﻑ ﻣﻮ ﻭﻛﺖ ﻫﺴﺔ ﺍﺣﺠﻲ ﻋﺎﻟﺘﻠﻴﻔﻮﻥ .. ﺗﺠﻴﻨﺔ ﻟﻮ ﺍﺟﻴﻜﻢ ..
ﺑﺴﻤﺔ : ﺍﻧﺘﻲ ﺗﻌﺎﻱ ﺑﺴﺮﺭﻋﺔ ﻣﻮ ﺗﻄﻮﻟﻴﻦ ...
ﺧﺎﺗﻮﻥ : ﻣﺎﺷﻲ ﺟﺎﻳﺔ ﻣﺎ ﺍﻃﻮﻝ .. ﻣﺴﺎﻓﺔ ﻃﺮﻳﻖ ..
ﺳﺪﺕ ﺍﻟﺘﻠﻴﻔﻮﻥ ﻣﻦ ﺧﺎﺗﻮﻥ ...
ﺟﻮﺭﻱ ﺑﺈﺳﺘﻐﺮﺍﺏ : ﺷﺒﻴﺞ ﺑﺴﻤﺔ ... ﻭﻳﻦ ﻣﺸﺖ ﻣﻴﺎﻣﻴﻦ ...
ﺑﺴﻤﺔ ﻭﻫﻲ ﺗﻬﺰ ﺍﻛﺘﺎﻓﻬﺔ : ﻣﺎﺩﺭﻱ .. ﻫﺴﺔ ﺗﺠﻲ ﻭﻧﻌﺮﻑ ...
ﺣﻄﺖ ﺍﻟﻌﺼﻴﺮ ﺑﺤﻠﻜﻬﺔ ﻭﺗﺴﺤﺐ ﻣﻨﺔ ..
ﺩﻙ ﺗﻠﻴﻔﻮﻧﻬﺔ ﻣﺮﺓ ﺛﺎﻧﻴﺔ ..
ﺷﺎﻟﺘﺔ ﺑﺴﺮﻋﺔ ﺑﺪﻭﻥ ﻣﺎ ﺗﻘﺮﺓ ﺍﻻﺳﻢ : ﺧﺎﺗﻮﻥ ﺷﺒﺴﺮﻋﺔ ﻟﺤﻜﺘﻲ ﺗﺸﺘﺎﻗﻴﻠﻲ ﺗﺮﺓ ﻫﺴﺘﻮﻧﻲ ﺳﺪﻳﺖ ﺍﻟﺨﻂ ﻣﻨﺞ ..
: ﺍﺣﺒﺞ ﻭﺍﺷﺘﺎﻗﻴﺘﻠﺞ ﺷﺴﻮﻱ ..
ﺑﺴﻤﺔ ﻏﺼﺖ ﺑﺎﻟﻌﺼﻴﺮ ﻭﺷﻤﺮﺗﺔ ﺑﺎﻟﻜﺎﻉ ﻭﻛﺎﻣﺖ ﺗﻜﺢ ﺑﺴﺮﻋﺔ ... ﻭﺣﺎﻃﺔ ﺍﻟﺘﻠﻴﻔﻮﻥ ﻋﻠﻰ ﺻﺪﺭﻫﺔ ﺧﺎﻑ ﺍﺣﺪ ﻳﺸﻮﻑ ﺍﻟﻤﺘﺼﻞ ...
ﺍﺣﻤﺪ ﻛﺎﻡ ﻋﻠﻴﻬﺔ ﺑﺨﻮﻑ ﻻﻥ ﻭﺟﻬﺔ ﺻﺎﺭ ﺍﺣﻤﺮ : ﺑﺴﺴﻮﻡ ﺷﺒﻴﺞ .. ﺗﻨﻔﺴﻲ ﺗﻨﻔﺴﻲ ...
ﺍﻧﻄﺎﻫﺔ ﻛﻼﺹ ﻣﻲ .. ﻫﻲ ﺍﺧﺬﺗﺔ ﻭﺷﺮﺑﺘﺔ ﻛﻠﺔ ﻣﺮﺓ ﻭﺣﺪﺓ ... ﺑﻠﻌﺖ ﺭﻳﻜﻬﺔ ﻭﺍﺷﺮﺗﻠﺔ ﺑﺈﺻﺒﻌﻬﺔ ﺑﻤﻌﻨﻰ ﺍﻭﻛﻲ ﻛﻠﺸﻲ ﺗﻤﺎﻡ ...
ﻛﺎﻣﺖ ﺑﺴﺮﻋﺔ ﻟﻐﺮﻓﺘﻬﺔ ﻭﻗﻔﻠﺖ ﺍﻟﺒﺎﺏ ..
ﺣﻄﺖ ﺍﻟﺘﻠﻴﻔﻮﻥ ﻋﻠﻰ ﺍﺫﻧﻬﺔ : ﺍﻧﺖ ﻣﺨﺒﻞ ..
ﺣﺴﻨﻴﻦ ﺑﺨﻮﻑ : ﺑﺴﻤﺔ ﺑﻴﺞ ﺷﻲ .. ﺍﻧﺘﻲ ﺑﺨﻴﺮ .. ﺷﺠﺎﺝ ...
ﺑﺴﻤﺔ ﺑﻌﺼﺒﻴﺔ : ﻻ ﻭﺍﻟﻠﻪ ﻣﺎﻛﻮ ﺷﻲ ﺑﺲ ﻣﺠﺮﺩ ﻃﻠﻌﺘﻠﻲ ﻓﺠﺄﺓ ﺑﺼﻮﺗﻚ ﻭﺗﻜﻠﻴﻲ ﺍﺣــ .... ﺳﻜﺘﺖ ﻭﻣﺎ ﻛﺪﺭﺕ ﺗﻜﻮﻟﻬﺔ ...
ﺣﺴﻨﻴﻦ ﺑﺈﺑﺘﺴﺎﻣﺔ : ﺍﺣــﺒﺞ .. ﻗﺼﺪﺝ ﻫﺎﻱ ... ﺍﻱ ﺍﺣﺒﺞ ﻭﺍﺷﺘﺎﻗﻴﺘﻠﺞ ...
ﺑﺴﻤﺔ ﻛﻌﺪﺕ ﻋﺎﻟﺠﺮﺑﺎﻳﺔ ﻭﺗﻬﻔﻲ ﻋﻠﻰ ﻧﻔﺴﻬﺔ ﻭﺣﻄﺖ ﺍﻳﺪﻫﺔ ﻋﻠﻰ ﻛﻠﺒﻬﺔ ﻭﻛﺎﻟﺖ : ﺍﻓﻔﻒ ﻟﻴﺶ ﻣﺘﺼﻞ ﻫﺴﺔ ﺷﺘﺮﻳﺪ ..
ﺣﺴﻨﻴﻦ : ﺍﺭﻳﺪ ﺍﻋﺮﻑ ﺭﺩﺝ ﻋﺎﻟﻤﻮﺿﻮﻉ ..
ﺑﺴﻤﺔ ﺑﻠﻌﺖ ﺭﻳﻜﻬﺔ : ﺑﻌﺪﻧﻲ ﻣﺎ ﺍﻧﻄﻴﺖ ﺟﻮﺍﺏ ﻻﻥ ﺑﺎﺑﺎ ﻛﺎﻝ ﺍﺧﺬﻱ ﺍﺳﺒﻮﻉ ﻳﻠﺔ ﺗﺮﺟﻌﻴﻠﻲ ﺟﻮﺍﺏ ...
ﺣﺴﻨﻴﻦ : ﻭﻟﺸﻨﻮ ﺗﻮﺻﻠﺘﻲ ﺑﺘﻔﻜﻴﺮﺝ ..
ﺑﺴﻤﺔ ﻭﻫﻲ ﻣﺎ ﺗﺪﺭﻱ ﺷﻨﻮ ﺗﺮﺩ : ﺑﻌﺪﻧﻲ ﻣﺎ ﺗﻮﺻﻠﺖ ﻟﺸﻲ ... ﻳﻌﻨﻲ ﻣﺎ ﻋﻨﺪﻱ ﺳﺒﺐ ﻳﺨﻠﻴﻨﻲ ﺍﻭﺍﻓﻖ ..
ﺣﺴﻨﻴﻦ : ﻭﻣﺎ ﻋﻨﺪﺝ ﺳﺒﺐ ﻳﺨﻠﻴﺞ ﺗﺮﻓﻀﻴﻦ .. ﺑﺲ ﺍﻥ ﺍﻧﻲ ﺍﺣﺒﺞ ﻫﺬﺍ ﺳﺒﺐ ﻣﻮ ﻛﺎﻓﻲ ﺑﺎﻟﻨﺴﺒﺔ ﺍﻟﺞ ﺣﺘﻰ ﻳﺨﻠﻴﺞ ﺗﻮﺍﻓﻘﻴﻦ ﻣﻮ ... ﺑﺴﻤﺔ ﺍﻟﻠﻪ ﻳﺨﻠﻴﺞ ﻣﻮ ﻛﺎﻓﻲ ﻋﺎﺩ .. ﺻﺎﺭﻟﻲ ٥ ﺳﻨﻮﺍﺕ ﺍﻓﺘﺮ ﻭﺭﺍﺝ ﻭﺍﺭﻳﺪﺝ ﺑﺲ ﺗﻨﻄﻴﻨﻲ ﻧﻀﺮﺓ ﻭﺍﻧﺘﻲ ﺭﺍﻓﻀﺔ ... ﻭﻛﻞ ﻣﺎ ﺍﺳﺄﻟﺞ ﺷﻨﻮ ﺍﻟﺴﺒﺐ ﻣﺎ ﺗﻨﻄﻴﻦ ﺟﻮﺍﺏ .. ﺑﺴﻤﺔ ﻛﻠﻴﻠﻲ ﺍﺫﺍ ﺍﻛﻮ ﺍﺣﺪ ﺗﺤﺒﻴﻨﺔ ﺧﻠﻴﻨﻲ ﺍﺑﺘﻌﺪ ﺑﻬﺪﻭﺀ ...
ﺑﺴﻤﺔ ﺑﻌﺼﺒﻴﺔ : ﺷﻜﻠﻮﻟﻚ ﻋﻠﻴﺔ ﻳﻮﻣﻴﺔ ﺍﺣﺐ ﻭﺍﺣﺪ .. ﻫﻮ ﺍﻧﻲ ﺷﺎﻳﻔﺔ ﻭﺟﻮﻩ ﺣﺘﻰ ﺍﺣﺐ .. ﺷﻮ ﻣﺎ ﺷﺎﻳﻔﺔ ﻏﻴﺮ ﻭﺟﻬﻚ ..
ﺣﺴﻨﻴﻦ : ﻭﻟﻴﺶ ﻣﺎ ﺣﺒﻴﺘﻲ ﻭﺟﻬﻲ .. ﺷﻨﻮ ﺍﻟﻤﺎ ﻋﺠﺒﺞ ﺑﻲ ...
ﺑﺴﻤﺔ ﺑﺪﻭﻥ ﺗﻔﻜﻴﺮ : ﻣﺎﺑﻲ ﺷﻲ ﻣﺎ ﻋﺠﺒﻨﻲ ...
ﺣﺴﻨﻴﻦ ﺑﻀﺤﻜﺔ : ﺍﻭﻭﻭﻭ .. ﺍﻭﻝ ﻣﺮﺓ ﺗﻄﻠﻊ ﻣﻨﺞ ..
ﺑﺴﻤﺔ ﺿﺮﺑﺖ ﺣﻠﻜﻬﺔ ﺣﻴﻞ ﻭﺗﺘﻼﻃﻢ ﻻﻥ ﺩﻭﻣﻬﺔ ﻣﺎ ﺗﻠﺰﻡ ﻟﺴﺎﻧﻬﺔ ...
ﺑﺴﻤﺔ : ﺍﻧﻲ ﺍﺭﻭﺡ .. ﺑﺎﻱ
ﺣﺴﻨﻴﻦ : ﻟﺤﻀﺔ ﺑﺴﻤﺘﻲ .. ﺍﻟﻠﻪ ﻳﺨﻠﻴﺞ ﻓﻜﺮﻱ ﺑﺎﻟﻤﻮﺿﻮﻉ ﺯﻳﻦ ... ﺍﻧﺘﻲ ﺗﺪﺭﻳﻦ ﺑﻴﺔ ﺍﺣﺒﺞ ﻭﺍﺭﻳﺪﺝ ﺣﻼﻟﻲ ﻭﻳﻤﻲ ... ﻛﺎﻓﻲ ﺧﻠﻴﺘﻴﻨﻲ ﺍﻧﺘﻀﺮ ﻫﻮﺍﻱ .. ﺻﺮﺕ ﺷﺎﻳﺐ ﺗﺮﺓ ﻭﺍﻧﻲ ﺍﻧﺘﻀﺮﺝ ﻋﻤﺮﻱ ﺻﺎﺭ 32 ﻳﻌﻨﻲ 8 ﺳﻨﻮﺍﺕ ﻭﺍﺩﺧﻞ ﺍﻻﺭﺑﻌﻴﻦ .. ﻻ ﺗﺨﻠﻴﻨﻲ ﺍﻧﺘﻀﺮ ﺍﻛﺜﺮ ﺑﺴﻤﺘﻲ ﺣﺒﻴﺒﻲ ..
ﺑﺴﻤﺔ .. ﺳﺪﻳﺖ ﺍﻟﺘﻠﻴﻔﻮﻥ ﻣﻨﺔ ﺑﺪﻭﻥ ﻣﺎ ﺍﻛﻠﺔ ﺑﺎﻱ ...
ﺣﺎﻃﺔ ﺍﻳﺪﻱ ﻋﻠﻰ ﻛﻠﺒﻲ ﻭﺍﺗﻨﻔﺲ ﺑﺴﺮﻋﺔ ...
ﻳﻤﺔ ﻛﺎﻟﻲ ﺑﺴﻤﺘﻲ ﺣﺒﻴﺒﻲ ... ﺍﻫﻮﻱ ﻋﻠﻰ ﻧﻔﺴﻲ ﺑﺴﺮﻋﺔ ﺑﺘﻮﺗﺮ ...
ﺍﻧﺪﻙ ﺍﻟﺒﺎﺏ : ﻣﻨﻮﻭﻭ
ﺧﺎﺗﻮﻥ : ﺍﻓﺘﺤﻲ ﺍﻟﺒﺎﺏ ﻟﻴﺶ ﻗﺎﻓﻠﺘﺔ .. ﺍﻧﻲ ﺧﺎﺗﻮﻥ ..
٪؜٪؜٪؜٪؜٪؜٪؜
ﺑﻴﺖ ﺍﺑﻮ ﺭﺍﺋﺪ /
ﻛﺎﻋﺪﺓ ﻋﺎﻟﻤﺮﺟﻮﺣﺔ ﺑﺎﻟﺤﺪﻳﻘﺔ ﻭﻛﻼﻣﺔ ﻳﺘﺮﺩﺩ ﺑﺈﺫﻧﻬﺔ ..
ﻣﻴﺎﻣﻴﻦ ... ﻳﺮﺑﻲ ﺩﺧﻴﻠﻚ ﻻ ﺗﺨﻠﻲ ﻳﻘﺮﺏ ﻣﻨﻲ .. ﺍﺑﻌﺪﺓ ﻋﻦ ﻃﺮﻳﻘﻲ ﻳﺎﺭﺏ ... ﻭﺍﻟﻠﻪ ﺗﻌﺬﺑﺖ ﻫﻮﺍﻱ ﻭﺑﻌﺪ ﻣﺎﻛﺪﺭ ﺍﺳﺎﻣﺤﺔ ﻋﻠﻰ ﺍﻟﻲ ﺳﻮﺍﻩ ... ﻣﺴﺘﺤﻴﻞ ﺍﻧﺴﻰ ﺍﻱ ﺷﻲ ...
ﺍﻧﻲ ﻫﺴﺔ ﺍﻟﺒﺲ ﻣﺴﺘﻮﺭ ﺑﺎﻟﺒﻴﺖ ﻻﻥ ﺍﺧﺎﻑ ﺍﻵﺛﺎﺭ ﺗﺒﻴﻦ ﺑﺠﺴﻤﻲ .. ﺍﻟﺤﺮﮒ ﻭﺍﻟﻀﺮﺏ ﻣﺎﻝ ﺍﻋﻜﺎﻝ ﺍﻟﻲ ﻟﻬﺴﺔ ﻣﻄﺒﻮﻉ ﺑﻀﻬﺮﻱ ﻭﺟﺴﻤﻲ ...
ﻳﻤﻜﻦ ﺍﻟﻲ ﺟﻨﺖ ﺍﻋﻴﺸﺔ ﻫﻨﺎﻙ ﻭﺟﻨﺖ ﺍﺳﻤﻲ ﺣﺐ ﻫﺬﺍ ﻣﺎ ﺟﺎﻥ ﺍﻻ ﻣﺮﺍﻫﻘﺔ ﻟﻮ ﺍﺳﺘﻌﻄﺎﻑ ﻟﺤﺎﻟﺔ ﻏﺰﻭﺍﻥ ﻻﻥ ﺟﺎﻥ ﻓﺎﻗﺪ ﺍﺧﻮﻩ ... ﺑﺲ ﻫﺴﺔ ﺣﺒﺔ ﺍﻧﺸﺎﻝ ﻣﻦ ﻛﻠﺒﻲ ﻭﺣﻂ ﺍﻟﻜﺮﻩ ﺑﻤﻜﺎﻧﺔ ... ﻣﺴﺘﺤﻴﻞ ﺍﺣﺒﺔ ﺑﻌﺪ ﻣﺎ ﺳﻮﺓ ﻫﻴﺞ ﺑﻴﺔ ... ﻫﻮ ﻣﺤﻰ ﺣﺒﺔ ﻣﻦ ﻛﻠﺒﻲ ﺑﺎﻟﺴﺎﻋﺔ ﺍﻟﻲ ﺍﻋﺘﺮﻓﺘﻠﺔ ﺑﺤﺒﻲ ﻭﻫﻮ ﻗﺎﺑﻠﻨﻲ ﺑﺎﻟﺮﻓﺾ ﻭﺍﻟﻀﺮﺏ ﻭﺍﻻﻫﺎﻧﺔ ...
ﺭﻓﻌﺖ ﺭﺍﺳﻲ ﻟﻔﻮﻙ ﻭﻏﻤﻀﺖ ﻋﻴﻮﻧﻲ ﻭﺗﻨﻬﺪﺕ ﻣﻦ ﻛﻠﺒﻲ ...
ﺣﺴﻴﺖ ﺑﺈﻳﺪﻳﻦ ﺣﺎﻭﻃﺖ ﺧﺼﺮﻱ ...
ﻓﺘﺤﺖ ﻋﻴﻮﻧﻲ ﺑﺴﺮﻋﺔ ...
ﻭﻓﺠﺄﺓ ﺻﺮﺧﺖ : ﻏﺰﺯﺯﺯﻭﻭﻭﻭﺍﺍﺍﻥ ...
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ

#بارت٤١

ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺍﻟﺤﺐ ﻋﺬﺍﺏ ﻓﻲ ﻗﻠﻮﺏ ﺍﻟﺸﺒﺎﺏ، ﺍﻟﺤﺐ ﻧﺒﺎﺕ ﻓﻲ ﻗﻠﻮﺏ ﺍﻟﺒﻨﺎﺕ، ﺍﻟﺤﺐ ﺃﺳﻄﻮﺭﺓ ﻓﻲ ﺍﻟﻘﻠﻮﺏ ﺍﻟﻤﻜﺴﻮﺭﺓ، ﺍﻟﺤﺐ ﺷﺮ ﻻ ﺑﺪ ﻣﻨﻪ .
ﺣﺴﻴﺖ ﺑﺈﻳﺪﻳﻦ ﺣﺎﻭﻃﺖ ﺧﺼﺮﻱ ...
ﻓﺘﺤﺖ ﻋﻴﻮﻧﻲ ﺑﺴﺮﻋﺔ ...
ﻭﻓﺠﺄﺓ ﺻﺮﺧﺖ : ﻏﺰﺯﺯﺯﻭﻭﻭﻭﺍﺍﺍﻥ ...
ﻭﺧﺮﺕ ﺍﻳﺪﻱ ﻣﻦ ﺧﺼﺮﻱ ﻭﺍﻟﺘﻔﺘﺖ ﻋﻠﻲ ﺷﻔﺘﺔ ﻣﻴﺖ ﻣﻦ ﺍﻟﻀﺤﻚ ..
ﺗﻘﺮﺑﺖ ﻣﻨﺔ ﻭﺿﺮﺑﺘﺔ ﻋﻠﻰ ﻛﺘﻔﺔ ﺣﻴﻞ : ﺧﺎﺍﺍﺍﻟﺪ .. ﺷﻜﻢ ﻣﺮﺓ ﻛﺘﻠﻚ ﻻ ﺗﺨﻮﻓﻨﻲ ﻫﻴﺞ ...
ﺧﺎﻟﺪ ﺑﺄﻟﻢ ﻭﻫﻮ ﻳﻔﺮﻙ ﻛﺘﻔﺔ ﻣﻜﺎﻥ ﺍﻟﻀﺮﺑﺔ : ﺍﺍﻱ .. ﻋﻠﻰ ﻛﻴﻔﺞ ﺷﻨﻮ ﻫﺎﻱ ﺍﻳﺪ ﻟﻮ ﺳﺎﻃﻮﺭ ...
ﻣﻴﺎﻣﻴﻦ ﺩﺍﺭﺕ ﻭﺟﻬﺔ ﻋﻨﺔ ﻭﺭﺟﻌﺖ ﻛﻌﺪﺕ ﻋﺎﻟﻤﺮﺟﻮﺣﺔ ..
ﺧﺎﻟﺪ ﻭﻛﻒ ﻭﺭﺍﻫﺔ ﻭﻛﺎﻝ ﺑﺨﺒﺚ : ﺷﻮﻑ ﺍﻟﺸﻮﻙ ﺷﻴﺴﻮﻱ .. ﻣﻦ ﺣﺴﻴﺘﻲ ﺑﺄﺣﺪ ﻟﻤﺴﺞ ﻣﺎ ﺫﻛﺮﺗﻲ ﻏﻴﺮ ﻏﺰﻭﺍﻥ ..
ﻣﻴﺎﻣﻴﻦ ﺑﺘﻮﺗﺮ : ﻫﻴﺞ ﻃﻠﻌﺖ ﻣﻨﻲ ﻻ ﺍﺭﺍﺩﻳﺎ ...
ﺧﺎﻟﺪ ﻭﻫﻮ ﻳﻀﺮﺑﻬﺔ ﺑﺨﻔﺔ : ﻋﻠﻴﻴﻴﻨﺔ .. ﺷﺤﺎﻝ ﻟﻮ ﻣﺎ ﺟﻨﺘﻲ ﺍﺫﺍ ﻛﻤﺰﺗﺞ ﺗﻜﻮﻟﻴﻦ ﺍﺳﻢ ﺭﺍﺋﺪ ... ﻟﻮ ﻫﺴﺔ ﺗﺒﺪﻟﺖ ﺍﻟﻤﻮﺍﺯﻳﻦ ﻭﻏﺰﻭﺍﻥ ﺍﺧﺬ ﻣﻜﺎﻥ ﺭﺍﺋﺪ ...
ﻣﻴﺎﻣﻴﻦ ﻛﺎﻣﺖ ﺑﺴﺮﻋﺔ ﻭﻛﺎﻟﺖ : ﻣﺴﺘﺘﺤﺤﻴﻴﻴﻞ .. ﺭﺍﺋﺪ ﻣﺴﺘﺤﻴﻞ ﺍﺣﺪ ﻳﻜﺪﺭ ﻳﺎﺧﺬ ﻣﻜﺎﻧﺔ ...
ﺧﺎﻟﺪ : ﺍﻱ ﺗﻤﺎﻡ ﺍﺳﻒ ﺷﺒﻴﺞ ﻋﺼﺒﺘﻲ ...
ﻣﻴﺎﻣﻴﻦ ﻛﺎﻣﺖ ﻋﻨﺔ ﻭﺩﺧﻠﺖ ﻟﻐﺮﻓﺘﻬﺔ ﻭﺳﺪﺕ ﺍﻟﺒﺎﺏ ﺑﻌﺼﺒﻴﺔ ...
ﻛﻌﺪﺕ ﻋﺎﻟﺠﺮﺑﺎﻳﺔ ﺑﻌﺼﺒﻴﺔ .. ﻟﻴﺶ ﻛﻠﺖ ﺍﺳﻤﺔ ...
ﻟﻠﺤﻀﺔ ﺗﺨﻴﻠﺘﺔ ﻣﻤﻜﻦ ﻳﻜﻮﻥ ﻫﻮﺓ ... ﺧﻔﺖ ﻳﺮﺟﻊ ﻣﺮﺓ ﺛﺎﻧﻴﺔ ﻟﺤﻴﺎﺗﻲ .. ﺧﻔﺖ ﻳﻜﻮﻥ ﻧﻔﺬ ﻛﻼﻣﺔ ﻭﺍﺟﺎﻧﻲ ﻟﻬﻨﺎ ..
ﻣﺎﺭﻳﺪﺓ .. ﻣﺎﺭﻳﺪ ﺍﻋﻴﺶ ﻭﻳﺎﻩ ﻣﺮﺓ ﺛﺎﻧﻴﺔ ... ﻣﺎ ﺍﺗﺤﻤﻞ ﺍﺷﻮﻓﺔ ﻛﻞ ﻳﻮﻡ ...
ﻗﺎﻃﻊ ﺗﻔﻜﻴﺮﻱ ﺻﻮﺕ ﺗﻠﻴﻔﻮﻧﻲ ...
<<<<<<<<<<
ﺑﻴﺖ ﺍﺑﻮ ﺍﺣﻤﺪ ‏( ﺣﺎﻓﻆ ‏)
ﻛﺎﻋﺪﺓ ﺧﺎﺗﻮﻥ ﻭﺑﺴﻤﺔ ﻭﻳﺎﻛﻠﻦ ﺣﺐ ﻋﻴﻦ ﺍﻟﺸﻤﺲ ﻭﻛﻞ ﻭﺣﺪﺓ ﺗﺴﻮﻟﻒ ﻫﻤﻬﺔ ﻟﻠﺜﺎﻧﻴﺔ ...
ﺑﺴﻤﺔ ﻭﻫﻲ ﺗﻤﺴﺢ ﺩﻣﻌﺘﻬﺔ : ﺍﻛﺮﻩ ﺍﺧﻮﺝ ... ﻳﻌﻨﻲ ﻣﻴﺎﻣﻴﻦ ﺷﺬﻧﺒﻬﺔ .. ﺧﻠﻲ ﻫﺴﺔ ﺍﺟﺔ ﺩﻭﺭﺓ ﻳﺘﻌﺬﺏ ﻣﺜﻞ ﻣﺎ ﻋﺬﺑﻬﺔ ...
ﺧﺎﺗﻮﻥ : ﺍﻱ ﻭﺍﻧﻲ ﻫﻢ ﺍﻛﻮﻝ ﻫﻴﺞ ... ﻭﻣﺎﺭﻳﺪ ﻣﻴﺎﻣﻴﻦ ﺗﺮﺟﻌﻠﺔ ﻻﻥ ﺍﺭﻳﺪﺓ ﺷﻮﻳﺔ ﻳﺤﺲ ﺑﺎﻟﻌﺬﺍﺏ ﺍﻟﻲ ﺷﻮﻓﺔ ﺍﻟﻬﺔ ...
ﺑﺴﻤﺔ ﺑﺘﻨﻬﺪ : ﺷﻨﺴﻮﻱ ﻳﺨﺘﻲ .. ﺍﻟﻲ ﻛﺎﺗﺒﺔ ﺍﻟﻠﻪ ﻳﺼﻴﺮ ..
ﺧﺎﺗﻮﻥ : ﻫﺴﺔ ﺍﻟﻤﻬﻢ ﻛﻠﻴﻠﻲ ﺷﺮﺍﺡ ﺗﺮﺩﻳﻦ ﻻﺑﻮﺝ ﻣﻦ ﺟﻮﺍﺏ ..
ﺑﺴﻤﺔ ﺑﺘﻔﻜﻴﺮ : ﺣﺎﻳﺮﺓ ﻭﺍﻟﻠﻪ ..
ﺧﺎﺗﻮﻥ : ﻭﻟﻴﺶ ﺣﺎﻳﺮﺓ ...
ﺑﺴﻤﺔ ﺳﻜﺘﺖ ﻭﻣﺎ ﺭﺩﺕ ... ﻣﺎ ﺗﻌﺮﻑ ﺷﻨﻮ ﺗﺮﺩ ..
ﺧﺎﺗﻮﻥ ﺳﺤﺒﺖ ﺗﻠﻴﻔﻮﻧﻬﺔ ﻭﺍﺗﺼﻠﺖ ﻋﻠﻰ ﻣﻴﺎﻣﻴﻦ ..
ﻣﻴﺎﻣﻴﻦ : ﺍﻟﻮ ﺧﺎﺗﻮﻧﺔ ..
ﺧﺎﺗﻮﻥ ﺑﺈﺑﺘﺴﺎﻣﺔ : ﻫﻠﻮ ﺍﻣﻮﻥ .. ﺍﺳﻔﺔ ﻋﺎﻟﺸﻲ ﺍﻟﺼﺎﺭ ﻣﺴﺎﻉ .. ﺑﺲ ﻭﺍﻟﻠﻪ ﻣﺎ ﺍﻧﺘﺒﻬﺖ ﻋﻠﻲ ﺍﻥ ﺳﻤﻌﻨﻲ ..
ﻣﻴﺎﻣﻴﻦ : ﻻ ﺗﻬﺘﻤﻴﻦ ﺣﺒﻲ ﺍﻧﺘﻲ ﻣﺎﻟﺞ ﺫﻧﺐ ﺑﺸﻲ ..
ﺧﺎﺗﻮﻥ ﻭﺗﺮﻳﺪ ﺗﻐﻴﺮ ﺍﻟﻤﻮﺿﻮﻉ : ﺍﻟﻤﻬﻬﻢ ... ﺍﻛﻮ ﻧﺎﺱ ﻳﻤﻲ ﻳﺮﺩﻭﻥ ﻳﺴﻠﻤﻮﻥ ﻋﻠﻴﺞ ...
ﻣﻴﺎﻣﻴﻦ ﺑﺈﺳﺘﻐﺮﺍﺏ : ﻣﻨﻮ ..
ﺑﺴﻤﺔ : ﺍﻣﻮﻭﻭﻭﻥ .. ﺍﻧﻲ ﺑﺴﻤﺔ .. ﻣﺸﺘﺎﻗﺘﻠﺞ ..
ﻣﻴﺎﻣﻴﻦ ﺑﻔﺮﺡ : ﺑﺴﻮﻭﻭﻣﺔ .. ﺍﻧﻲ ﺍﻻﻛﺜﺮ .. ﺷﻠﻮﻧﺞ
ﺑﺴﻤﺔ : ﺍﻟﺤﻤﺪﺍﻟﻠﻪ ﺗﻤﺎﻡ .. ﻣﻴﺎﻣﻴﻦ ﻣﺤﺘﺎﺟﺔ ﻣﺴﺎﻋﺪﺗﺞ ﺑﺸﻲ .. ﻳﻌﻨﻲ ﺍﺭﻳﺪ ﺗﻨﻄﻴﻨﻲ ﺣﻞ ...
ﻣﻴﺎﻣﻴﻦ : ﻋﻴﻮﻧﻲ ﺍﻟﺞ ... ﺗﻔﻀﻠﻲ ...
ﺑﺴﻤﺔ ﺣﺠﺘﻠﻬﺔ ﻛﻠﺸﻲ ﺻﺎﺭ ...
ﻣﻴﺎﻣﻴﻦ : ﻫﺴﺔ ﺍﻓﻬﻢ ﻣﻦ ﻛﻼﻣﺞ ﺍﻧﺘﻲ ﺣﺎﻳﺮﺓ ﺧﺎﻑ ﺗﻮﺍﻓﻘﻴﻦ ﻭﺑﻌﺪﻳﻦ ﺗﺘﻨﺪﻣﻴﻦ ..
ﺑﺴﻤﺔ : ﺑﺎﻟﻀﺒﻂ ...
ﻣﻴﺎﻣﻴﻦ : ﺗﻤﺎﻡ ﻟﻌﺪ .. ﺍﺷﺮﻃﻲ ﻋﻠﻰ ﺣﺴﻨﻴﻦ ﺷﺮﻁ ...
ﺑﺴﻤﺔ : ﻭﺷﻨﻮ ﻫﺎﻟﺸﺮﻁ ...
ﻣﻴﺎﻣﻴﻦ : ﺍﺗﺼﻠﻲ ﺑﻲ ﻭﻛﻮﻟﻴﻠﺔ ﺍﻥ ﺗﺮﺩﻳﻦ ﻓﺘﺮﺓ ﺍﻟﺨﻄﻮﺑﺔ ﺗﻄﻮﻝ ﺣﺘﻰ ﺗﺘﻌﺮﻓﻮﻥ ﻋﻠﻰ ﺑﻌﺾ ﺍﻛﺜﺮ ... ﻭﺍﺫﺍ ﻣﺎ ﺗﻔﺎﻫﻤﺘﻮ ﺗﻄﻠﺒﻴﻦ ﻣﻨﺔ ﺗﻨﻔﺼﻠﻮﻥ .. ﺗﻤﺎﻡ ..
ﺑﺴﻤﺔ ﺑﺘﻔﻜﻴﺮ : ﺑﺲ ﺗﻌﺘﻘﺪﻳﻦ ﻳﻮﺍﻓﻖ ..
ﺧﺎﺗﻮﻥ : ﺍﻛﻴﺪ ﺍﺫﺍ ﻳﺮﻳﺪﺝ ﺭﺍﺡ ﻳﻮﺍﻓﻖ ﻻﻥ ﻫﺬﺍ ﺷﺮﻃﺞ ..
ﺑﺴﻤﺔ : ﺗﻤﺎﻡ .. ﺍﺳﻮﻱ ﻣﺜﻞ ﻣﺎ ﻛﻠﺘﻲ ﻭﺍﺷﻮﻑ ﺗﺎﻟﻴﻬﺔ
\\\\\\\\\\\\
ﺑﻌﺪ ﻣﺮﻭﺭ ٣ ﺷﻬﻮﺭ ....
ﻏﺰﻭﺍﻥ ﺣﺎﻟﺘﺔ ﺗﻐﻴﺮﺕ .. ﺻﺎﺭ ﻣﺤﺪ ﻳﺸﻮﻓﺔ ﺍﺑﺪﺍً ..
ﻳﻠﻬﻲ ﻧﻔﺴﺔ ﺑﺎﻟﺸﻐﻞ ﺣﺘﻰ ﻻ ﻳﻔﻜﺮ ﺑﻴﻬﺔ .. ﻭﻣﻦ ﻳﺮﺟﻊ ﻟﻠﺒﻴﺖ ﻳﻨﺎﻡ ﺑﻐﺮﻓﺘﻬﺔ ﻭﻋﻠﻰ ﻣﺨﺪﺗﻬﺔ ﻭﻳﺒﺎﻭﻉ ﻋﻠﻰ ﺻﻮﺭﻫﺔ ﻭﻳﻜﻌﺪ ﻳﺒﺠﻲ ... ﻣﺎ ﻳﻜﺪﺭ ﻳﻨﺴﺎﻫﺔ ﻭﻣﺎ ﻳﻜﺪﺭ ﻳﻨﺎﻡ ﻭﻫﻲ ﺑﻌﻴﺪﺓ ﻋﻨﺔ ... ﺍﻟﺸﻮﻕ ﺍﺧﺬ ﻛﻞ ﺣﻴﻠﺔ ﻣﻨﺔ .. ﻭﺧﺎﺻﺎ ﺍﻥ ﺧﺎﺗﻮﻥ ﻗﺎﻓﻠﺔ ﻋﻠﻰ ﻣﻮﺿﻮﻉ ﺍﻥ ﺗﻨﻄﻲ ﺭﻗﻤﻬﺔ ... ﺍﻟﻌﺬﺍﺏ ﺍﻟﻲ ﻳﻌﻴﺸﺔ ﺑﻌﻤﺮﺓ ﻣﺎ ﻋﺎﺷﺔ ... ﺣﺘﻰ ﺻﺎﺭ ﻣﺎ ﻳﺪﺧﻞ ﻟﺒﻴﺖ ﺍﻫﻠﺔ ... ﻭﺿﻌﻒ ﻭﺻﺎﺭ ﻣﻬﻤﻞ ﻧﻔﺴﺔ ...
ﻣﻴﺎﻣﻴﻦ ... ﺣﻴﺎﺗﻬﺔ ﺗﻘﺮﻳﺒﺎً ﺭﺟﻌﺖ ﻟﻄﺒﻴﻌﺘﻬﺔ ﻣﺜﻞ ﻗﺒﻞ ... ﺭﺍﺩﺕ ﺗﺮﺟﻊ ﻟﻠﻤﺪﺭﺳﺔ ﺑﺲ ﻣﻦ ﺳﻤﻌﺖ ﺍﻥ ﻣﻴﺼﻴﺮ ﺗﺮﺟﻊ ﺍﻻ ﺑﺄﺫﻥ ﺯﻭﺟﻬﺔ ﻟﻬﺎﻟﺴﺒﺐ ﺑﻄﻠﺖ ﻣﺘﺮﻳﺪ ﺗﺮﺟﻊ ﻻﻥ ﻣﺎ ﺗﺮﻳﺪ ﺍﻱ ﺣﻮﺍﺭ ﺑﻴﻨﻬﺔ ﻭﺑﻴﻦ ﻏﺰﻭﺍﻥ ﻭﻟﻨﻔﺲ ﺍﻟﺴﺒﺐ ﻣﺎ ﺍﺗﺼﻠﺖ ﺑﻲ ﺣﺘﻰ ﺗﻄﻠﺐ ﺍﻟﻄﻼﻕ ﻣﻨﺔ ... ﺑﻘﺖ ﺑﺎﻟﺒﻴﺖ ﻭﻣﺎ ﺗﻄﻠﻊ ﺑﺲ ﻋﺪﻫﺔ ﻫﺎﻱ ﺟﻨﺔ ﻣﻘﺎﺑﻞ ﺍﻟﻲ ﺟﺎﻧﺖ ﻋﺎﻳﺸﺘﺔ ﺍﺑﻴﺖ ﻏﺰﻭﺍﻥ ...
ﺧﺎﺗﻮﻥ ... ﺑﻘﺖ ﻋﻠﻰ ﺗﻮﺍﺻﻞ ﻭﻳﺔ ﻣﻴﺎﻣﻴﻦ ﻭﺗﻌﺮﻑ ﻛﻞ ﺍﺧﺒﺎﺭﻫﺔ ﻭﻛﻞ ﻳﻮﻡ ﺗﺤﺠﻲ ﻭﻳﺎﻫﺔ ... ﻛﻞ ﻣﺎ ﺗﺸﻮﻑ ﺣﺎﻟﺔ ﻏﺰﻭﺍﻥ ﺍﺗﻜﻮﻝ ﻫﺬﺍ ﻗﻠﻴﻞ ﻳﻢ ﺍﻟﻲ ﺳﻮﺍﻩ ﺑﻤﻴﺎﻣﻴﻦ ﻭﻳﺴﺘﺎﻫﻞ ﺍﻛﺜﺮ ...
ﺭﺍﺋﺪ .. ﺑﺎﻗﻲ ﻋﻠﻰ ﺣﺎﻟﺔ ﻭﺣﻴﺎﺗﺔ ﺭﺟﻌﺖ ﺑﺲ ﻣﻮ ﻣﺜﻞ ﻗﺒﻞ ... ﺭﺟﻊ ﻟﻠﻤﺠﻤﻊ ﻣﺎﻟﺘﺔ ﺑﺲ ﻛﻠﺶ ﻣﻔﺘﻘﺪ ﻟﻮﺟﻮﺩ ﻓﺎﺭﺱ ﻭﻳﺎﻩ ﻭﻣﺮﺍﺕ ﻳﺒﺠﻲ ﻋﻠﻲ ﻭﻛﻞ ﺍﺳﺒﻮﻉ ﻟﻮ ﺍﺳﺒﻮﻋﻴﻦ ﻳﺮﻭﺣﻠﺔ ﻭﻳﺰﻭﺭ ﻗﺒﺮﺓ ﻭﻳﺮﺟﻊ ...
ﻭﺣﺒﺔ ﺑﻘﺔ ﺑﻜﻠﺒﺔ ﻭﻣﺤﺪ ﻋﺮﻑ ﺑﻲ ﻟﺤﺪ ﺍﻻﻥ ...
ﺣﺲ ﺍﻥ ﺭﺩﺕ ﺭﻭﺣﺔ ﺑﺮﺟﻌﺔ ﻣﻴﺎﻣﻴﻦ ﻟﺤﻴﺎﺗﻬﻢ ...
ﺑﺴﻤﺔ ﺷﺮﻃﺖ ﻋﻠﻰ ﺣﺴﻨﻴﻦ ﺍﻥ ﺗﻜﻮﻑ ﻓﺘﺮﺓ ﺍﻟﺨﻄﻮﺑﺔ ﻃﻮﻳﻠﺔ ﻭﻫﻮ ﻭﺍﻓﻖ ﻃﺒﻌﺎ ﻋﻨﺪﺓ ﺍﻟﻤﻬﻢ ﻫﻲ ﺗﻮﺍﻓﻖ ﻋﻠﻲ ... ﻭﻫﻮ ﺻﺎﺭ ﻃﻮﻝ ﻫﺎﻝ٣ ﺍﺷﻬﺮ ﻣﺪﻟﻠﻬﺔ ﻭﻳﺘﻐﺰﻝ ﺑﻴﻬﺔ .. ﻭﻫﻲ ﺗﺪﻟﻞ ﻋﻠﻲ ﺗﺮﻳﺪ ﺗﺸﻮﻑ ﻗﺪﺭﺓ ﺗﺤﻤﻠﺔ ﺍﻟﻬﺔ ..
_________
ﺑﻴﺖ ﻏﺰﻭﺍﻥ ..
ﺭﺟﻊ ﻟﻠﺒﻴﺖ ﺍﻟﺴﺎﻋﺔ ١٠ .. ﻣﺜﻞ ﻛﻞ ﻳﻮﻡ ﻳﺠﻲ ﺗﻌﺒﺎﻥ ﻭﺣﻴﻠﺔ ﻣﻬﺪﻭﺩ ...
ﻛﻌﺪ ﺑﺎﻟﺼﺎﻟﺔ ﻭﺭﺟﻊ ﺭﺍﺳﺔ ﻟﻮﺭﻯ ﻭﻏﻤﺾ ﻋﻴﻮﻧﺔ ﺑﺘﻌﺐ ﻭﺧﻴﺎﻟﻬﺔ ﻣﺎ ﻳﻔﺎﺭﻙ ﻋﻘﻠﺔ ﻭﻻ ﺛﺎﻧﻴﺔ ...
ﺩﺧﻠﺖ ﻋﻠﻲ ﻣﻬﺎ ﻭﺷﺎﻓﺘﺔ ﻛﺎﻋﺪ ﻫﻴﺞ ... ﻛﻠﺒﻬﺔ ﻳﻨﻤﺮﺩ ﻋﻠﻰ ﺍﺧﻮﻫﺔ ﺑﺲ ﻣﺎ ﺑﻴﺪﻫﺔ ﺷﻲ ﺗﺴﻮﻱ ﺍﻟﺔ ...
ﻣﻬﺎ : ﻏﺰﻭﺍﻥ .. ؟
ﻏﺰﻭﺍﻥ ﻓﺘﺢ ﻋﻴﻮﻧﺔ ﻭﺑﺎﻭﻉ ﻋﻠﻴﻬﺔ ﻭﻛﺎﻝ : ﻫﺎ ﻣﻬﺎ ﺷﺮﺍﻳﺪﺓ ...
ﻣﻬﺎ ﺑﻬﺪﻭﺀ : ﺑﺎﺑﺎ ﺩﺯﻧﻲ ﻋﻠﻴﻚ .. ﺍﻳﻜﻮﻝ ﺧﻠﻲ ﻳﺠﻴﻨﻲ ..
ﻏﺰﻭﺍﻥ ﻭﻫﻮ ﻳﻜﻮﻡ : ﻛﻠﻴﻠﺔ ﺗﻌﺒﺎﻥ ﻭﻳﺮﻳﺪ ﻳﻨﺎﻡ ..
ﻣﻬﺎ ﻭﻛﻔﺘﺔ : ﻏﺰﻭﺍﻥ ﻭﺍﻟﻠﻪ ﺍﻳﻜﻮﻝ ﺍﻟﻤﻮﺿﻮﻉ ﻣﻬﻢ ﻭﻻﺯﻡ ﻳﺠﻲ ...
ﻏﺰﻭﺍﻥ ﺑﺘﺄﻓﻒ : ﻣﺎﺷﻲ ﻳﻠﺔ ﺭﻭﺣﻲ ﻭﺍﻧﻲ ﻻﺣﻜﺞ ..
ﻣﻬﺎ ﻭﻫﻲ ﺗﻤﺸﻲ : ﺗﻤﺎﻡ ﺑﺲ ﻣﻮ ﺗﺘﺄﺧﺮ ..
ﻫﺰ ﺭﺍﺳﺔ ﻭﻫﻲ ﻃﻠﻌﺖ ...
ﺻﻌﺪ ﻟﻐﺮﻓﺘﺔ ﺳﺒﺢ ﻭﻣﺸﻂ ﺷﻌﺮﺓ ﻭﻟﺒﺲ ﺟﺎﻛﻴﺖ ﻻﻥ ﺍﻟﺠﻮ ﺑﺎﺭﺩ ﻭﺷﺘﺎ ...
ﺭﺍﺡ ﻟﺒﻴﺖ ﺍﻫﻠﺔ .. ﺩﺧﻞ ﻟﻠﺼﺎﻟﺔ ﻭﺷﺎﻑ ﺍﻟﻜﻞ ﻣﺠﺘﻤﻌﻴﻦ ... ﺍﻟﻠﻬﻢ ﺍﺟﻌﻠﺔ ﺧﻴﺮ ...
ﺭﺍﺡ ﺣﺐ ﺭﺍﺱ ﺣﺒﻮﺑﺘﺔ ﻭﺍﺑﻮﻩ ﻭﺍﻣﺔ ...
ﺍﻡ ﻏﺰﻭﺍﻥ : ﻫﻴﺠﻲ ﻳﻤﺔ ﻣﺎ ﺗﻤﺮ ﻋﻠﻴﺔ .. ﻻ ﺗﻜﻮﻝ ﺍﻣﻲ ﺿﺎﻝ ﻛﻠﺒﻬﺔ ﻳﻤﻲ .. ﺧﻠﻔﺎﻟﻠﻪ ﻋﻠﻰ ﻣﺆﻳﺪ ﻳﻮﻣﻴﺔ ﻳﺸﻮﻓﻚ ﻭﻳﺠﻴﺒﻠﻲ ﺍﺧﺒﺎﺭﻙ ..
ﻏﺰﻭﺍﻥ : ﺍﻋﺬﺭﻳﻨﻲ ﻳﻤﺔ ﺑﺲ ﺍﻧﺸﻐﻠﺖ ...
ﺍﻟﺘﻔﺖ ﻻﺑﻮﻩ ﻭﻛﺎﻝ : ﻫﺎ ﺑﻮﻳﺔ ﺍﻣﺮﻧﻲ .. ﻣﻮﺩﻱ ﻋﻠﻴﺔ ..
ﺍﺑﻮ ﻏﺰﻭﺍﻥ : ﺍﻱ ﻣﻮﺩﻱ ﻋﻠﻴﻚ ... ﻭﻋﻨﺪﻱ ﻗﺮﺍﺭ ﺍﻧﺘﺔ ﻻﺯﻡ ﺗﻨﻔﺬﺓ ...
ﻏﺰﻭﺍﻥ : ﺍﻣﺮﻧﻲ ﺑﻮﻳﺔ ﺍﻧﻲ ﺣﺎﺿﺮ ...
ﺍﺑﻮ ﻏﺰﻭﺍﻥ : ﻣﻦ ﺑﺎﺟﺮ ﺍﻣﻚ ﺗﺮﻭﺡ ﺗﺨﻄﺒﻠﻚ ...
ﻏﺰﻭﺍﻥ ﻭﻛﻒ : ﺷﻠﻮﻭﻥ .. ﺑﻮﻳﺔ ﺷﺘﺤﺠﻲ ﺍﻧﺖ ..
ﺍﺑﻮ ﻏﺰﻭﺍﻥ ﺑﺤﺰﻡ : ﺷﻮﻑ ﻭﻟﻚ .. ﺍﻧﺖ ﻛﺒﺮﺕ ﻭﺍﻧﻲ ﻛﺒﺮﺕ ﻭﺍﺭﻳﺪ ﺍﺷﻮﻑ ﺍﺣﻔﺎﺩﻱ ... ﻭﺗﺘﺰﻭﺝ ﻏﺼﺒﺎً ﻋﻠﻴﻚ ﻭﻣﻮ ﺑﻜﻴﻔﻚ ... ﺍﻧﻲ ﺍﻃﻴﺘﻚ ﻣﺠﺎﻝ ﻫﻮﺍﻱ ...
ﻏﺰﻭﺍﻥ : ﺑﻮﻳﺔ ﺍﻧﻲ ﻣﺎﺭﻳﺪ ﺍﺗﺰﻭﺝ ... ﺍﻧﻲ ﺍﺣﺐ ﻣﻴﺎﻣﻴﻦ ﻭﻣﺎﺭﻳﺪ ﻏﻴﺮﻫﺔ ...
ﺍﺑﻮ ﻏﺰﻭﺍﻥ : ﻣﻴﺎﻣﻴﻦ ﺍﺫﺍ ﺭﺟﻌﻨﺔ ﻭﺧﻄﺒﻨﺎﻫﺔ ﺍﻛﻴﺪ ﺍﺧﻮﻫﺔ ﻣﺎ ﻳﻄﻴﻬﺔ ﺍﻟﻚ .. ﻳﻌﻨﻲ ﺷﻴﻠﻬﺔ ﻣﻦ ﺭﺍﺳﻚ ... ﻭﺍﻧﺖ ﻣﻦ ﺭﺍﺡ ﺗﺘﺰﻭﺝ ﻫﺴﺔ ﺍﻛﻴﺪ ﺗﻜﻮﻡ ﺗﺤﺒﻬﺔ ﻣﺜﻞ ﻣﺎ ﺣﺒﻴﺖ ﻣﻴﺎﻣﻴﻦ ...
ﻏﺰﻭﺍﻥ ﺑﻌﺼﺒﻴﺔ : ﺷﻨﻲ ﻫﻲ ﺩﻭﻣﻨﺔ ﻭﺍﺣﺐ ﻭﺣﺪﺓ ﺛﺎﻧﻴﺔ ... ﺍﻧﻲ ﺍﺣﺐ ﻣﻴﺎﻣﻴﻦ ﻭﻣﺎﺭﻳﺪ ﻏﻴﺮﻫﺔ ...
ﺍﺑﻮ ﻏﺰﻭﺍﻥ : ﺻﻮﻭﻭﺗﻚ ﻻ ﺗﺮﻓﻌﺔ ﻭﺍﻧﻲ ﻣﻮﺟﻮﺩ
ﻏﺰﻭﺍﻥ : ﺳﻮﻱ ﺍﻟﻲ ﺗﺮﻳﺪﺓ ﻭﺍﻧﻲ ﺯﻭﺍﺝ ﻣﺎ ﺍﺗﺰﻭﺝ ...
ﺭﺍﺩ ﻳﻄﻠﻊ ﻭﻭﻛﻔﺔ ﺻﻮﺕ ﺍﺑﻮﻩ : ﻏﺰﻭﺍﻥ ﺍﺫﺍ ﻣﺎ ﻭﺍﻓﻘﺖ ﻣﺎ ﺍﺭﺿﻰ ﻋﻠﻴﻚ ﻭﺍﻟﻠﻪ ..
ﻏﺰﻭﺍﻥ ﺍﻟﺘﻔﺖ ﻋﻠﻰ ﺍﺑﻮﻩ ﺑﺘﺮﺟﻲ : ﺑﻮﻳﺔ ﻓﺪﻭﺓ ﺍﺭﻭﺣﻠﻚ ﻻ ﺗﺴﻮﻱ ﻫﻴﺞ ..
ﺍﺑﻮ ﻏﺰﻭﺍﻥ : ﺍﻧﺖ ﻻ ﺗﺴﻮﻱ ﻫﻴﺞ ﻏﺰﻭﺍﻥ ... ﻭﻟﻚ ﺍﻟﻌﺎﻟﻢ ﻛﺎﻣﺖ ﺗﻌﻴﺮ ﺑﻴﺔ ... ﻳﻜﻠﻮﻟﻲ ﺿﺎﻡ ﻓﻠﻮﺳﻚ ﻋﻠﻰ ﻛﻠﺒﻚ ﻣﺎ ﺗﺮﺿﻰ ﺗﺰﻭﺝ ﻭﻟﺪﻙ ... ﻭﺷﻲ ﺍﻳﻜﻠﻮﻟﻲ ﺻﺮﺕ ﺷﻜﺒﺮﻙ ﻭﻭﻟﺪﻙ ﺷﻜﺒﺮﻫﻢ ﻭﺍﻧﺖ ﻟﻬﺴﺔ ﻣﺎ ﻋﻨﺪﻙ ﺍﺣﻔﺎﺩ .. ﺧﺎﻑ ﻭﺍﺣﺪ ﻣﻨﻬﻢ ﺍﻳﻤﻮﺕ ﻣﺜﻞ ﻓﺎﺭﺱ ﻭﻣﺎ ﺿﺎﻝ ﻣﻨﺔ ﺫﻛﺮﻯ ﺍﻟﻚ ...
ﺍﻡ ﻏﺰﻭﺍﻥ ﺑﺴﺮﻋﺔ : ﺳﻤﺎﺍﺍﺍﻟﻠﻪ ﻋﻠﻰ ﻭﻟﻠﺪﻱ ﻳﻮﻣﻲ ﻛﺒﻞ ﻳﻮﻣﻬﻢ ﺍﻧﺸﺎﻟﻠﻪ ...
ﻏﺰﻭﺍﻥ ﺑﺘﺮﺟﻲ : ﻳﺎﺑﺔ ﻓﺪﻭﺓ ﺍﺭﻭﺣﻠﻚ ﻣﻌﻠﻴﻚ ﺑﺤﺠﻲ ﺍﻟﻌﺎﻟﻢ ﺧﻞ ﻳﻮﻟﻮﻥ ...
ﺍﺑﻮ ﻏﺰﻭﺍﻥ : ﻏﺰﻭﺍﻥ ﺍﻧﺔ ﺍﻟﻌﻨﺪﻱ ﻛﻠﺘﺔ ... ﻭﺍﻧﺖ ﺑﻜﻴﻔﻚ ﺑﻌﺪ .. ﺍﺫﺍ ﻣﺎ ﺗﺮﻳﺪ ﺭﺿﺎﺗﻲ ﻋﻠﻴﻚ ﻻ ﺗﺘﺰﻭﺝ ...
ﻏﺰﻭﺍﻥ ﺑﺘﻌﺐ : ﺍﺳﻒ ﺑﻮﻳﺔ .. ﺭﺿﺎﻙ ﺍﻫﻢ ﻣﻦ ﻛﻠﺸﻲ .. ﻭﺍﻧﻲ ﺣﺎﺿﺮ ﺑﺎﻟﺘﺮﻳﺪﺓ .. ﺑﺲ ﻳﺎﻫﻲ ﺍﻟﺘﺮﻳﺪ ﺗﺨﻄﺒﻠﻴﺎﻫﺔ ..
ﺍﺑﻮ ﻏﺰﻭﺍﻥ : ﺍﻣﻚ ﺍﺧﺘﺎﺭﺗﻠﻚ ﻧﻮﺭﺓ ﺑﺖ ﻋﻤﺘﻚ ...
ﻣﻬﺎ ﻭﺧﺎﺗﻮﻥ : ﺷﻨﻮﻭﻭﻭﻭﻭﻭﻭﻭﻭ ...
ﻣﻬﺎ : ﻻ ﺑﺎﺑﺎ ﻓﺪﻭﺓ ﺍﺧﺘﺎﺭ ﺍﻱ ﻭﺣﺪﺓ ﺍﻻ ﻧﻮﺭﺓ ..
ﺍﻡ ﻏﺰﻭﺍﻥ : ﺷﺒﻴﻬﺔ ﺍﻟﺒﻨﻴﺔ ﺷﻨﻲ ﻻﻥ ﺣﺒﺎﺑﺔ ﻣﺎ ﺗﺮﺩﻧﻬﺔ ..
ﺧﺎﺗﻮﻥ : ﻳﻤﺔ ﺍﻟﻠﻪ ﻭﻛﻴﻠﺞ ﻫﺎﻱ ﺗﺘﻠﻮﻛﻠﺞ ﻭﺗﺴﻮﻱ ﺭﻭﺣﻬﺔ ﻓﻘﻴﺮﺓ ﻭﻫﻲ ﻣﻦ ﺟﻮﺓ ﻟﺠﻮﺓ ...
ﺍﺑﻮ ﻏﺰﻭﺍﻥ : ﺑﺲ ﺍﻧﺘﻲ ﻭﻳﺎﻫﺔ ... ﻣﻮ ﻋﻴﺐ ﻋﻠﻴﺠﻦ ﺗﺤﺠﻦ ﻋﻠﻰ ﺑﺖ ﻋﻤﺠﻦ ...
ﻏﺰﻭﺍﻥ ... ﻋﻔﺘﻬﻢ ﻳﺤﺠﻮﻥ ﻭﻃﻠﻌﺖ ... ﺍﺣﺲ ﺿﺎﻛﺖ ﺑﻴﺔ ﺍﻟﻮﺳﻴﻌﺔ ... ﻣﺨﺘﻨﻚ ...
ﺷﻠﻮﻥ ﺭﺍﺡ ﺗﺠﻲ ﻭﺣﺪﺓ ﻭﺗﺎﺧﺬ ﻣﻜﺎﻧﺞ ﺑﻬﺎﻟﺒﻴﺖ ...
ﻣﺎﻛﺪﺭ ﺍﺣﺐ ﻭﺣﺪﺓ ﻏﻴﺮﺝ ... ﺍﻧﺘﻲ ﺍﺣﺘﻠﻴﺘﻲ ﻛﻠﺒﻲ ﻭﺭﻭﺣﻲ ﻭﻋﻘﻠﻲ .. ﻣﺎﻛﺪﺭ ﺍﻓﻜﺮ ﺑﻐﻴﺮﺝ ...
ﺷﻠﻮﻥ ﺍﺑﺎﻭﻉ ﺑﻮﺟﻬﺔ ﻭﻫﻲ ﻣﻮ ﺍﻧﺘﻲ ...
ﺩﺧﻠﺖ ﻟﻠﺼﺎﻟﺔ ﻭﺻﺎﺭﺕ ﻛﺪﺍﻣﺔ ﻣﺰﻫﺮﻳﺔ ﺟﺒﻴﺮﺓ ...
ﺿﺮﺑﺘﻬﺔ ﺑﺮﺟﻠﻲ ﺑﻜﻞ ﻋﺼﺒﻴﺔ ﻭﺗﻄﺸﺮﺕ ﺑﺎﻟﻜﺎﻉ ...
ﺻﺮﺧﺖ ﻣﻦ ﻛﻞ ﻛﻠﺒﻲ ...
ﻛﺎﺍﺍﺍﻓﻲ ﻋﺎﺍﺩ .. ﺣﺴﻲ ﺑﻴﺔ ﻭﺍﻟﻠﻪ ﺭﺍﺡ ﺍﻣﻮﺕ ﻣﻦ ﺩﻭﻧﺞ ... ﺍﺩﻭﺭ ﺍﺑﻮﻱ ﻳﺮﻳﺪ ﻳﺠﻴﺐ ﻭﺣﺪﺓ ﻏﻴﺮﺝ ﻟﺤﻴﺎﺗﻲ ...
ﻣﺎﻛﺪﺭ ﺍﺿﻠﻢ ﻭﺣﺪﺓ ﺛﺎﻧﻴﺔ ﺑﺲ ﺷﺴﻮﻱ ...
£££££££
ﻣﻴﺎﻣﻴﻦ ... ﻛﺎﻋﺪﺓ ﺑﺎﻟﺼﺎﻟﺔ ﻭﺍﺑﺎﻭﻉ ﻋﺎﻟﺘﻠﻔﺰﻳﻮﻥ ﻭﺑﺎﻟﻲ ﺍﺑﺪ ﻣﻮ ﻳﻤﺔ ...
ﺗﺄﻓﻔﺖ ﺑﻤﻠﻞ .. ﺍﻟﺘﻔﺘﺖ ﺷﻔﺖ ﺷﻬﺪ ﺩﺧﻠﺖ ﻭﺷﺎﻳﻠﺔ ﺑﻴﺪﻫﺔ ﻃﺎﺳﺔ ﻭﻣﺘﺮﻭﺳﺔ ﺷﺎﻣﻴﺔ ‏( ﺑﻮﺷﺎﺭ ‏)
ﺍﺑﺘﺴﻤﺖ ﻭﺍﻧﻲ ﺍﺷﻮﻓﻬﺔ ﺗﻤﺸﻲ ﻋﻠﻰ ﻛﻴﻒ ﺧﺎﻑ ﺗﻄﻴﺢ ﻣﻨﻬﺔ ﺍﻟﻄﺎﺳﺔ ...
ﻛﻤﺖ ﻭﺍﺧﺬﺗﺔ ﻣﻨﻬﺔ : ﻫﺎﺍﻱ ﺷﻨﻮﻭﻭ .. ﺷﻬﻮﺩﺗﻲ ﺷﻤﺴﻮﻳﺔ ﺍﻟﻴﻮﻡ ...
ﺷﻬﺪ ﻭﻫﻲ ﺗﻜﻌﺪ : ﻣﻮ ﻛﻠﺘﻲ ﺭﺍﺡ ﻳﺒﺪﻱ ﻓﻠﻢ ﻟﺠﻮﻧﻲ ﺩﻳﺐ ﻋﻠﻰ ﺍﻡ ﺑﻲ ﺳﻲ ﺗﻮ ﻭﺍﻧﻲ ﻛﻠﺖ ﻟﻤﺎﻡ ﺗﺴﻮﻳﻠﻨﺎ ﺷﺎﻣﻴﺔ ﺣﺘﻰ ﻧﺎﻛﻠﻬﺔ ﻭﺍﺣﻨﺔ ﻧﺒﺎﻭﻉ ...
ﺿﺤﻜﺖ ﻋﻠﻴﻬﺔ ﻭﻛﺘﻠﻬﺔ : ﺭﺍﺡ ﺍﺻﻴﺢ ﺣﺴﺎﻥ ﻳﺠﻲ ﻳﺸﻮﻑ ﺍﻟﻔﻠﻢ ﻭﻳﺎﻧﺔ ... ﺍﻟﻔﻠﻢ ﺟﺎﻥ ﺍﺳﻤﺔ ‏( finding neverland ‏)
ﺗﻮﺟﻬﺖ ﻟﻐﺮﻓﺔ ﺣﺴﺎﻥ ﺑﺲ ﻣﺎ ﻟﻜﻴﺘﺔ ...
ﺭﺣﺖ ﻟﻐﺮﻓﺔ ﺭﺍﺋﺪ ﻭﺳﻤﻌﺖ ﺻﻮﺗﻬﻢ ﺑﺎﻟﻐﺮﻓﺔ ...
ﺭﺩﺕ ﺍﻓﺘﺢ ﺍﻟﺒﺎﺏ ﺑﺲ ﺷﻬﻜﺖ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻣﻦ ﺳﻤﻌﺖ ﺟﻤﻠﺔ ﺭﺍﺋﺪ ..
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ

#بارت٤٢

ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺣﺒﻴﺒﺘﻲ ﺇﻥ ﻓﻲ ﻗﻠﺒﻲ ﺃﺣﺎﺳﻴﺲ ﻭﻣﺸﺎﻋﺮ ﺗﻀﻄﺮﺏ ﻛﻠﻤﺎ ﺭﺃﻳﺘﻚ، ﻓﻜﺄﻧﻲ ﺃﺭﻳﺪ ﺃﻥ ﺃﺧﺘﻔﻲ ﻣﻦ ﻫﺬﻩ ﺍﻟﺪﻧﻴﺎ، ﻭﺃﻧﺪﻣﺞ ﻓﻲ ﺭﻭﺣﻚ، ﻷﻥ ﻧﻔﺴﻲ ﺗﻮﺍﻗﺔ ﺇﻟﻴﻚ، ﻣﻮﻟﻌﺔ ﺑﻚ ﻓﺄﺻﺒﺤﺖ ﻻ ﺃﺳﺘﻄﻴﻊ ﺃﻥ ﺃﺳﺘﻐﻨﻲ ﻋﻨﻚ ﻓﺮﻓﻘﺎً ﺑﻲ، ﺑﻴﺪﻳﻚ ﺳﻌﺎﺩﺗﻲ .
ﺭﺣﺖ ﻟﻐﺮﻓﺔ ﺭﺍﺋﺪ ﻭﺳﻤﻌﺖ ﺻﻮﺗﻬﻢ ﺑﺎﻟﻐﺮﻓﺔ ...
ﺭﺩﺕ ﺍﻓﺘﺢ ﺍﻟﺒﺎﺏ ﺑﺲ ﺷﻬﻜﺖ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻣﻦ ﺳﻤﻌﺖ ﻛﻠﻤﺔ ﺭﺍﺋﺪ ...
ﺭﺍﺋﺪ : ﺣﺴﺎﻥ ﺍﺣﺒﻬﺔ ﻭﻣﻦ ﺧﻤﺲ ﺳﻨﻮﺍﺕ ﻫﻢ .. ﺑﺲ ﺑﻌﺪ ﺍﻟﻲ ﺳﻮﺍﻩ ﺍﺧﻮﻫﺔ ﺑﻤﻴﺎﻣﻴﻦ ﻣﺎ ﺑﻘﺎﻟﻲ ﺍﻣﻞ ﺑﻴﻬﺔ ..
ﺣﺴﺎﻥ : ﺭﺍﺋﺪ ﺍﺫﺍ ﺗﺤﺒﻬﺔ ﻣﻦ ﺯﻣﺎﻥ ﻟﻴﺶ ﻣﺎ ﺧﻄﺒﺘﻬﺔ ﻣﻦ ﻓﺎﺭﺱ ﻣﻦ ﻗﺒﻞ ..
ﺭﺍﺋﺪ : ﺧﻄﺒﺘﻬﺔ ﻭﻫﻮ ﻭﺍﻓﻖ .. ﻭﺣﺘﻰ ﺑﻨﻔﺲ ﺍﻟﻮﻗﺖ ﻫﻮ ﻃﻠﺐ ﻣﻨﻲ ﺍﺣﺠﻲ ﻭﻳﺔ ﻋﻤﻲ ﺣﺘﻰ ﻫﻮ ﻳﺨﻄﺐ ﻭﺭﻭﺩ ... ﺑﺲ ﻗﺒﻞ ﻻ ﻳﺤﺠﻲ ﻻﻫﻠﺔ ﺻﺎﺭ ﺍﻟﺤﺎﺩﺙ ... ﻭﻣﺎ ﻟﺤﻚ ﻳﻜﻠﻠﻬﻢ ﻭﺍﻧﺖ ﺗﻌﺮﻑ ﺍﻟﺒﺎﻗﻲ ..
ﺣﺴﺎﻥ : ﺷﻠﻮﻥ ﻳﻌﻨﻲ ﻫﺴﺔ ﺗﺮﻳﺪ ﺗﺘﺨﻠﻰ ﻋﻦ ﺣﺒﻚ .. ﺟﺮﺏ ﺍﺧﻄﺒﻬﺔ ﻭﺍﻛﻴﺪ ﻣﺎ ﺭﺍﺡ ﻳﻌﺎﺭﺿﻮﻥ ﻻﻥ ﻫﺴﺔ ﻋﺮﻓﻮ ﺍﻟﺤﻘﻴﻘﺔ ..
ﺭﺍﺋﺪ : ﻣﺴﺘﺤﻴﻞ ﻫﺎﻟﺸﻲ ... ﻻﻥ ﺍﺫﺍ ﺧﻄﺒﺘﻬﺔ ﻳﻌﻨﻲ ﺭﺍﺡ ﺍﺭﺟﻊ ﺍﺭﺗﺒﻂ ﺑﻬﺎﻟﻌﺎﻳﻠﺔ ... ﻭﺍﻧﻲ ﻟﻬﺴﺔ ﻣﺎ ﻣﺼﺪﻙ ﺍﻥ ﻫﻤﺔ ﻣﺎ ﺳﻮﻭ ﺷﻲ ﻟﻤﻴﺎﻣﻴﻦ ... ﻭﺍﻛﻴﺪ ﺭﺍﺡ ﻳﺤﺎﻭﻟﻮﻥ ﻳﺮﺟﻌﻮﻥ ﻣﻴﺎﻣﻴﻦ ﻭﺍﻧﻲ ﻣﺎ ﺍﻗﺒﻞ ﺑﻬﺎﻟﺸﻲ ... ﻻﻥ ﻃﺎﻟﻤﺎ ﻫﻲ ﺭﺍﻓﻀﺔ ﻫﺎﻟﻔﻜﺮﺓ ﻑ ﺍﻧﻲ ﻣﺴﺘﺤﻴﻞ ﺍﻏﺼﺒﻬﺔ ﻋﻠﻰ ﺷﻲ ... ﻭﺑﻌﺪﻳﻦ ﻫﻲ ﺿﺤﺖ ﻋﻠﻤﻮﺩﻱ ﻭﺭﺍﺣﺖ ﺍﻟﻬﻢ ﻓﺼﻠﻴﺔ .. ﻭﻫﺴﺔ ﺍﻧﻲ ﻣﺴﺘﻌﺪ ﺍﺿﺤﻲ ﺑﺤﺒﻲ ﻋﻠﻤﻮﺩ ﺭﺍﺣﺘﻬﺔ ﻭﺍﻧﻲ ﻣﺎ ﺻﺪﻛﺖ ﺗﺮﺟﻊ ﻟﻄﺒﻴﻌﺘﻬﺔ ...
ﻣﻴﺎﻣﻴﻦ ﻧﺰﻟﺖ ﺩﻣﻮﻋﻬﺔ ﻭﻫﻲ ﺗﺴﻤﻊ ﻛﻼﻡ ﺍﺧﻮﻫﺔ ...
ﻳﻌﻨﻲ ﺭﺍﺋﺪ ﻳﺤﺐ ﻭﺣﺪﺓ ﻣﻦ ﺧﻮﺍﺕ ﻏﺰﻭﺍﻥ .. ﺑﺲ ﻣﻨﻮ ﺑﻴﻬﻦ ﺧﺎﺗﻮﻥ ﻟﻮ ﻣﻬﺎ ...
ﻛﻤﻠﺖ ﻭﻫﻲ ﺗﺴﻤﻌﻬﻢ ..
ﺣﺴﺎﻥ : ﺭﺍﺋﺪ ﺍﻧﺖ ﻣﺴﺘﺤﻴﻞ ﺗﻨﺴﺎﻫﺔ ... ﻳﻌﻨﻲ ﻃﻮﻝ ﻫﺎﻟﺴﻨﻴﻦ ﻣﺎ ﻛﺪﺭﺕ ﺗﻨﺴﺎﻫﺔ .. ﺷﻠﻮﻥ ﻫﺴﺔ ﺭﺍﺡ ﺗﻜﺪﺭ ..
ﺭﺍﺋﺪ ﺑﺴﺨﺮﻳﺔ ﺣﺰﻥ : ﺍﻧﻲ ﻣﺎ ﻋﻤﺮﻱ ﻧﺴﻴﺘﻬﺔ ﻭﻣﺎ ﺭﺍﺣﺖ ﻣﻦ ﺑﺎﻟﻲ ... ﺷﻠﻮﻥ ﺍﻛﺪﺭ ﺍﻧﺴﺎﻫﺔ ﻭﻫﻲ ﺳﺎﻛﻨﺔ ﺑﻜﻠﺒﻲ ﻭﺑﺮﻭﺣﻲ .. ﺟﻨﺖ ﻛﻞ ﻣﺎ ﺍﺭﻭﺡ ﻟﻠﺒﺼﺮﺓ ﺍﺭﺍﻗﺒﻬﺔ ﻣﻦ ﺑﻌﻴﺪ ﻟﺤﺪ ﻣﺎ ﺗﺪﺧﻞ ﻟﻠﺪﻭﺍﻡ ... ﻭﻫﺴﺔ ﺍﺣﺲ ﺑﺎﻟﺸﻮﻙ ﺍﺧﺬ ﻛﻠﺒﻲ ... ﺑﺲ ﻻﺯﻡ ﻫﺎﻟﺤﺐ ﻳﺒﻘﻰ ﺑﻜﻠﺒﻲ ... ﻭﺩﻳﺮ ﺑﺎﻟﻚ ﺗﺠﻴﺐ ﺳﻴﺮﺓ ﻻﺣﺪ .. ﻣﺎﺭﻳﺪ ﻣﻴﺎﻣﻴﻦ ﺗﻌﺮﻑ ﺑﻬﺎﻟﺸﻲ ... ﻣﺎﺭﻳﺪﻫﺔ ﺗﺤﺲ ﺍﻥ ﺑﺴﺒﺒﻬﺔ ﻣﺎ ﺭﺍﺡ ﺍﻛﺪﺭ ﺍﺗﺰﻭﺝ ﺍﻻﺣﺒﻬﺔ ...
ﻣﻴﺎﻣﻴﻦ ﺭﺍﺣﺖ ﻟﻐﺮﻓﺘﻬﺔ ﻭﺳﺪﺕ ﺍﻟﺒﺎﺏ ...
ﻛﻌﺪﺕ ﺗﻔﺘﺮ ﺑﺎﻟﻐﺮﻓﺔ ﻭﺗﺒﺠﻲ ... ﻟﻴﺶ ﺗﻀﻢ ﺣﺒﻚ ﺑﻜﻠﺒﻚ ﻣﻦ ﻭﺭﺍﻱ ... ﺍﻧﻲ ﻣﺎ ﺳﻮﻳﺖ ﻛﻞ ﻫﺎﻟﺸﻲ ﺣﺘﻰ ﺍﻧﺖ ﺗﺘﻌﺬﺏ ﺑﻌﺪﻳﻦ ﺑﺴﺒﺒﻲ ..
ﺑﺲ ﻣﻨﻮ ﻫﻲ ﺍﻟﻲ ﻳﺤﺒﻬﺔ ... ﺧﺎﺗﻮﻥ ﻟﻮ ﻣﻬﺎ ...
ﻻﺯﻡ ﺍﻋﺮﻑ ﻣﻨﻮ ﻫﻲ ...
ﻣﺴﺤﺖ ﺩﻣﻮﻋﻬﺔ ﻭﻧﺰﻟﺖ ﻟﻠﺼﺎﻟﺔ ﺷﺎﻓﺘﻬﻢ ﻛﺎﻋﺪﻳﻦ ...
ﺣﺴﺎﻥ : ﻭﻳﻦ ﺟﻨﺘﻲ ﺍﻟﻔﻠﻢ ﺑﺪﻯ ﻭﻭﺻﻞ ﻟﻠﻨﺺ ..
ﻣﻴﺎﻣﻴﻦ ﺑﺪﻭﻥ ﺍﻫﺘﻤﺎﻡ : ﺍﻱ ﻋﺎﺩﻱ .. ﺍﻟﺘﻬﻴﺖ ﻭﻳﺔ ﺍﻟﺒﻨﺎﺕ ﻣﺴﻮﻳﻦ ﻛﺮﻭﺏ ..
ﺣﺴﺎﻥ ﻭﻫﻮ ﻳﺒﺎﻭﻉ ﻟﻠﻔﻠﻢ : ﺍﻧﺘﻲ ﻭﻳﺎﻣﻦ ..
ﻣﻴﺎﻣﻴﻦ ﻭﺟﻬﺖ ﻋﻴﻨﻬﺔ ﻟﺮﺍﺋﺪ ﺍﻟﻲ ﻣﻨﺪﻣﺞ ﺑﺎﻟﻔﻠﻢ ...
: ﺍﻧﻲ ﻭﺧﺎﺗﻮﻥ ﻭﻣﻬﺎ ﻭﺑﺴﻤﺔ ...
ﺭﺍﺋﺪ ﺍﻟﺘﻔﺖ ﻋﻠﻴﻬﺔ ﺑﺴﺮﻋﺔ ... ﻣﻴﺎﻣﻴﻦ ﺳﻮﺕ ﻧﻔﺴﻬﺔ ﻣﻤﻨﺘﺒﻬﺔ ﺍﻟﻬﺔ ﻭﺣﻄﺖ ﺍﻟﻬﺘﻔﻮﻧﺎﺕ ﺑﺄﺫﻧﻬﺔ ﻭﻓﻌﻼ ﻛﻌﺪﺕ ﺗﺮﺍﺳﻞ ﺑﺎﻟﻜﺮﻭﺏ ... ﺍﻟﻲ ﺩﺧﻠﺖ ﺑﻲ ﺑﺴﻤﺔ ﻭﻣﻬﺎ ﻭﺧﻠﺘﻬﻦ ﻳﻨﻄﻨﻬﺎ ﻭﻋﺪ ﺍﻥ ﻣﻴﻨﻄﻮﻥ ﺍﻟﺮﻗﻢ ﻟﻐﺰﻭﺍﻥ ﻭﻃﻠﻌﺎ ﻫﻨﺔ ﺍﻳﺪﻥ ﻫﺎﻟﺸﻲ ... ﻭﻣﻬﺎ ﻋﻼﻗﺘﻬﺔ ﺻﺎﺭﺕ ﻗﻮﻳﺔ ﺑﻤﻴﺎﻣﻴﻦ ...
ﺣﻄﺖ ﺍﻟﻬﺘﻔﻮﻧﺎﺕ ﺑﺈﺫﻧﻬﺔ ﻭﻛﻌﺪﺕ ﺗﺴﻤﻊ ﺗﺴﺠﻴﻼﺗﻬﻦ ﺍﻟﺼﻮﺗﻴﺔ ...
ﺑﺴﻤﺔ : ﺍﻛﻮﻝ ﻭﻳﻦ ﺑﻨﺎﺕ ﻋﺒﺪﺍﻟﻠﻪ ﺍﻟﻴﻮﻡ .. ﺍﺷﻮ ﻭﻻ ﻭﺣﺪﺓ ..
ﻣﻴﺎﻣﻴﻦ ﻛﺘﺒﺖ : ﻣﺎﺩﺭﻱ ﻭﺍﻟﻠﻪ ﻭﻳﻨﻬﻦ .. ﺣﺘﻰ ﺍﻟﻴﻮﻡ ﻣﺎ ﺧﺎﺑﺮﺗﻨﻲ ﺧﺎﺗﻮﻥ ...
ﻣﻬﺎ : ﺍﻧﻲ ﺍﺟﻴﺖ ..
ﺧﺎﺗﻮﻥ : ﻭﺍﻧﻲ ﻫﻢ ..
ﺑﺴﻤﺔ : ﻭﻳﻦ ﺟﻨﺘﻲ ﺍﻧﺘﻲ ﻭﻳﺎﻫﺔ ... ﻟﻴﺶ ﻣﺤﺪ ﻣﻨﺠﻦ ﺗﺠﺎﻭﺏ ..
ﻣﻬﺎ ﻭﺗﺪﻭﺭ ﺣﺠﺔ : ﺍﻟﻨﺖ ﺟﺎﻥ ﻭﺍﻛﻒ ..
ﻣﻴﺎﻣﻴﻦ ﺑﺎﻭﻋﺖ ﺑﻄﺮﻑ ﻋﻴﻨﻬﺔ ﻟﺮﺍﺋﺪ ﺍﻟﻲ ﻛﻠﺴﺎﻉ ﻭﻳﺒﺎﻭﻋﻠﻬﺔ ﻭﺣﺴﺎﻥ ﻳﻀﺤﻚ ﻋﻠﻲ ...
ﺳﻮﺕ ﻧﻔﺴﻬﺔ ﺍﺑﺘﺴﻤﺖ ﺑﻔﺮﺣﺔ ﻭﺣﺠﺖ ﺑﺤﻤﺎﺱ ﻭﻓﺘﺤﺖ ﺍﻟﺘﺴﺠﻴﻞ ﻭﻛﺎﻟﺖ : ﻣﺒﺮﻭﻭﻭﻙ ﺣﻴﺎﺗﻲ .. ﻋﺎﻟﺨﻄﻮﺑﺔ .. ﺷﻮﻛﺖ ﺣﺪﺩﺗﻮ ﺗﺘﺰﻭﺟﻮﻥ ...
ﺭﺍﺋﺪ ﻛﻤﺰ ﻭﻛﻌﺪ ﻭﻫﻮ ﻳﺒﺎﻭﻋﻠﻬﺔ ﺑﺈﻫﺘﻤﺎﻡ ﻭﻃﺎﺑﻚ ﺣﻮﺍﺟﺒﺔ ...
ﻣﻴﺎﻣﻴﻦ ﺍﺧﻔﺖ ﺍﺑﺘﺴﺎﻣﺘﻬﺔ ﻭﺩﺯﺕ ﺍﻟﻤﻘﻄﻊ ﺍﻟﺼﻮﺗﻲ ...
ﺑﺴﻤﺔ ﺩﺯﺕ ﺑﺈﺳﺘﻐﺮﺍﺏ : ﺷﺒﻴﺞ ﻣﻴﺎﻣﻴﻦ .. ﻣﺼﺨﻨﺔ ﺷﻨﻮ .. ﺣﺒﻴﺒﺘﻲ ﺻﺎﺭﻟﻲ ٣ ﺷﻬﻮﺭ ﻣﻦ ﺍﻧﺨﻄﺒﺖ ... ﻭﺍﻧﺘﻲ ﺑﺎﺭﻛﺘﻴﻠﻲ ﺑﻮﻗﺘﻬﺔ ... ﺷﻨﻮ ﺍﻛﻮ ﺍﺣﺪ ﺍﻧﺨﻄﺐ ﻏﻴﺮﻱ ..
ﻣﻴﺎﻣﻴﻦ ﺿﺤﻜﺖ ﻭﺩﺯﺗﻠﻬﺔ : ﻻ ﺣﺒﻲ ﻣﺤﺪ ﺍﻧﺨﻄﺐ ﺑﺲ ﺭﺩﺕ ﺍﺑﺎﺭﻛﻠﺞ ﻣﺮﺓ ﺛﺎﻧﻴﺔ ...
ﺧﺎﺗﻮﻥ ﺩﺯﺕ ﺳﻤﺎﻳﻞ ﻳﻀﺤﻚ : ﺧﺒﺎﻝ ..
ﻣﻬﺎ : ﺗﺘﻔﻄﻨﻴﻦ ﺷﻨﻮ ...
ﻣﻴﺎﻣﻴﻦ ﺑﺎﻭﻋﺖ ﻟﺮﺍﺋﺪ ﻛﺎﻋﺪ ﻭﻳﻬﺰ ﺑﺮﺟﻠﺔ ﺑﻌﺼﺒﻴﺔ ﻭﺗﻮﺗﺮ ...
ﺳﻮﺕ ﻧﻔﺴﻬﺔ ﺩﺍ ﺗﺴﺠﻞ ﺑﺲ ﻫﺎﻟﻤﺮﺓ ﻣﺎ ﺳﺠﻠﺖ : ﺧﺎﺗﻮﻭﻧﺔ ﺍﺫﺍ ﺣﺪﺩﺗﻮ ﺍﻟﻌﻘﺪ ﻛﻠﻴﻠﻲ ...
ﺷﺎﻓﺘﺔ ﻣﻦ ﺳﻤﻊ ﺍﺳﻤﻬﺔ ﻭﺟﻬﺔ ﺍﻧﻜﻠﺐ ﺍﺣﻤﺮ ﻭﺷﺮﺍﻳﻴﻨﺔ ﺑﺮﺯﺕ ﺑﻜﺼﺘﺔ ... ﺷﻤﺮ ﺍﻟﺨﺪﺍﺩﻳﺔ ﻣﺎﻝ ﺍﻟﻘﻨﻔﺔ ﻭﻛﺎﻡ ﺑﻌﺼﺒﻴﺔ ...
ﺑﺎﻭﻋﺖ ﻟﺤﺴﺎﻥ ﺷﺎﻓﺘﺔ ﻳﺒﺎﻭﻉ ﻟﻤﻜﺎﻥ ﺍﺧﻮﻩ ﻭﻫﻮ ﻳﺘﻨﻬﺪ ﺑﺤﺰﻥ ﻟﺤﺎﻝ ﺍﺧﻮﻩ ...
ﻛﺎﻣﺖ ﻣﻦ ﻳﻤﺔ ﻭﺍﺑﺘﺴﺎﻣﺘﻬﺔ ﺍﺧﺘﻔﺖ ...
ﺭﺍﺣﺖ ﻟﻐﺮﻓﺘﻬﺔ ... ﻳﻌﻨﻲ ﺭﺍﺋﺪ ﻳﺤﺐ ﺧﺎﺗﻮﻥ ...
ﺑﺲ ﺧﺎﺗﻮﻥ ﻣﺘﺤﺒﺔ ... ﻳﻌﻨﻲ ﻫﻲ ﻣﺘﺤﺐ ﺍﺣﺪ ..
ﺷﻠﻮﻥ ﺭﺍﺡ ﺍﻛﺪﺭ ﺍﺳﺎﻋﺪ ﺭﺍﺋﺪ ﺣﺘﻰ ﻳﺘﺰﻭﺝ ﺧﺎﺗﻮﻥ ...
ﺍﻫﺘﺰ ﺗﻠﻴﻔﻮﻧﻲ ﺷﻔﺘﻬﻦ ﺍﺷﻌﺎﺭﺍﺕ ﺍﻟﻜﺮﻭﺏ ..
ﺑﺴﻤﺔ : ﺟﺬﺫﺫﺍﺍﺍﺑﺔ .. ﺷﻮﻛﺖ ﺻﺎﺭ ﻫﺎﻟﺸﻲ .. ﻭﺍﻧﺘﻮ ﺷﻠﻮﻥ ﻗﺒﻠﺘﻮ ...
ﺍﺳﺘﻐﺮﺑﺖ ﻛﻼﻣﻬﺔ ﻭﻧﺰﻟﺖ ﺍﻗﺮﺓ ﺍﻟﻤﺤﺎﺩﺛﺎﺕ ﺍﻟﻔﻮﻙ ...
ﺷﻔﺖ ﻣﻬﺎ ﻛﺎﺗﺒﺔ : ﺍﻟﻴﻮﻡ ﺑﺎﺑﺎ ﺣﺠﺔ ﻭﻳﺔ ﻏﺰﻭﺍﻥ ﻭﺟﺒﺮﺓ ﻳﺨﻄﺐ ﻧﻮﺭﺓ ﺑﺖ ﻋﻤﺘﻲ
ﺍﻧﺼﺪﻣﺖ ﻭﺍﻳﺪﻳﺔ ﺻﺎﺭﺕ ﺗﺮﺟﻒ ﺑﻐﻀﺐ ...
ﻏﺰﻭﺍﻥ ﻳﺘﺰﻭﺝ .. ﻃﻮﻝ ﻫﺎﻟﻔﺘﺮﺓ ﻳﺠﺬﺏ ﻭﻣﺴﻮﻱ ﻧﻔﺴﺔ ﻣﻴﺖ ﻋﻠﻴﺔ ... ﺍﺻﻼ ﻣﺎ ﺍﺳﺘﻐﺮﺏ ﻣﻨﺔ ﻫﺎﻟﺸﻲ ... ﺍﻛﺒﺮ ﻧﺬﻝ ﻫﻮ ﻏﺰﻭﺍﻥ ... ﺧﻞ ﻳﺘﺰﻭﺝ ﻭﻳﺨﻠﺼﻨﻲ ﻣﻦ ﺷﺮﺓ
ﺑﺲ ﻫﺴﺔ ﺍﻟﻤﻬﻢ ﻻﺯﻡ ﺍﺭﻛﺰ ﻋﻠﻰ ﺭﺍﺋﺪ ﻭﺧﺎﺗﻮﻥ ... ﻭﻫﻮ ﺷﻴﺮﻳﺪ ﻳﺴﻮﻱ ﺧﻞ ﻳﺴﻮﻱ .. ﺍﺻﻼ ﺑﻌﺪ ﻣﺎ ﻳﻬﻤﻨﻲ ...
ﺷﻤﺮﺕ ﺍﻟﺘﻠﻴﻔﻮﻥ ﻋﺎﻟﺠﺮﺑﺎﻳﺔ ﻭﺻﻌﺪﺕ ﻟﻠﺴﻄﺢ ...
ﺷﻔﺘﺔ ﻛﺎﻋﺪ ﺑﻤﻜﺎﻧﺔ ﻭﻻﺯﻡ ﺑﻴﺪﺓ ﺍﻟﺴﻠﺴﻠﺔ ﻧﻔﺴﻬﺔ ... ﻫﺴﺔ ﻓﻬﻤﺖ ﺷﻨﻮ ﺣﺮﻑ K ...
ﺍﻧﺘﺒﻬﺘﻠﺔ ﺣﺲ ﺑﺤﺮﻛﺘﻲ ﺑﺴﺮﻋﺔ ﻋﺪﻝ ﻛﻌﺪﺗﺔ ﻭﺿﻢ ﺍﻟﺴﻠﺴﻠﺔ ﺑﺠﻴﺒﺔ ...
ﻛﻌﺪﺕ ﺑﺼﻔﺔ ﻭﻛﻠﺖ : ﺷﺒﻴﻚ ﻣﻌﺼﺐ ..
ﺭﺍﺋﺪ : ﻫﻴﺞ ﻣﺎﻛﻮ ﺷﻲ ..
ﻣﻴﺎﻣﻴﻦ : ﺍﻛﻴﺪ ..
ﺭﺍﺋﺪ ﺑﺪﺭﻥ ﻧﻔﺲ : ﺍﻳﻪ ..
ﻣﻴﺎﻣﻴﻦ ﻭﻫﻲ ﺍﻟﻔﻜﺮﺓ ﺗﺠﻮﻝ ﺑﺮﺍﺳﻬﺔ : .. ﺍﻣﻤﻢ ﺭﺍﺋﺪ ؟
ﺭﺍﺋﺪ : ﻧﻌﻢ .
ﻣﻴﺎﻣﻴﻦ : ﻫﺴﺔ ﺍﻧﺖ ﺑﻤﺎ ﺍﻥ ﻣﺘﻜﺪﺭ ﺗﺘﺰﻭﺝ ﺍﻟﻲ ﺗﺤﺒﻬﺔ ﺍﻛﻴﺪ ﻣﺎ ﺭﺍﺡ ﺗﺒﻘﻰ ﻋﺎﺯﺏ ﺻﺤﻴﺢ ؟ ﻳﻌﻨﻲ ﻻﺯﻡ ﺗﺘﺰﻭﺝ ..
ﺭﺍﺋﺪ : ﻣﻴﺎﻣﻴﻦ ﺳﺪﻱ ﻫﺎﻟﻤﻮﺿﻮﻉ .. ﺍﻧﻲ ﻣﺎﺭﻳﺪ ﺍﺗﺰﻭﺝ ..
ﻣﻴﺎﻣﻴﻦ : ﻟﻴﺶ ﺭﺍﺋﺪ ﻓﺪﻭﺓ ... ﺯﻳﻦ ﺑﺲ ﺍﺳﻤﻊ ﻣﻨﻲ .. ﻭﺍﺫﺍ ﻣﺎ ﻋﺠﺒﻚ ﺍﻟﻜﻼﻡ ﺑﻜﻴﻔﻚ ﺑﻌﺪ ...
ﺭﺍﺋﺪ ﺑﻤﻠﻞ : ﺍﺣﺠﻲ ﺑﺴﺮﻋﺔ؟ ...
ﻣﻴﺎﻣﻴﻦ : ﺷﻮﻑ .. ﺧﺎﺗﻮﻥ ﺍﺧﺖ ﻓﺎﺭﺱ ﺟﺎﻧﺖ ﻣﺨﻄﻮﺑﺔ ﻻﺑﻦ ﻋﻤﻬﺔ ... ﻭﺑﻌﺪﻳﻦ ﻫﺬﺍ ﺍﺑﻦ ﻋﻤﻬﺔ ﻃﻠﻊ ﻋﻨﺪﺓ ﺳﻮﺍﻟﻒ ﻣﻮ ﺯﻳﻨﺔ ﻭﺍﻫﻠﻬﺔ ﻓﺴﺨﻮ ﺍﻟﺨﻄﻮﺑﺔ ..
ﺭﺍﺋﺪ ﺑﺈﻫﺘﻤﺎﻡ : ﺍﻳﻴﻲ .. ﺍﺩﺭﻱ ﺑﻬﺎﻟﺸﻲ ... ﻭﺍﻧﻲ ﺍﻟﻲ ﻛﺸﻔﺖ ﺍﺑﻦ ﻋﻤﻬﺔ ﻭﻛﻠﺖ ﻟﻔﺎﺭﺱ ..
ﻣﻴﺎﻣﻴﻦ ﺑﺼﺪﻣﺔ : ﺍﻧﻨﺖ ...
ﺭﺍﺋﺪ : ﺍﻱ ﺍﻧﻲ .. ﺷﺒﻴﺞ ﻣﺴﺘﻐﺮﺑﺔ ... ﺟﺎﻥ ﻻﺯﻡ ﺍﺣﺬﺭﻫﻢ ﻣﻨﺔ ..
ﻣﻴﺎﻣﻴﻦ ﺑﻜﺬﺏ : ﺍﻱ ﺗﻤﺎﻡ ... ﺑﺲ ﻫﺴﺔ ﻫﺬﺍ ﺍﺑﻦ ﻋﻤﻬﺔ ﺭﺟﻊ ﻳﺤﺎﻭﻝ ﻳﺘﻘﺮﺏ ﻣﻨﻬﺔ ﻭﻫﻲ ﻣﺎ ﺗﺮﻳﺪﺓ ..
ﺭﺍﺋﺪ ﺑﻌﺼﺒﻴﺔ : ﻫﺎﻟﺤﻴﻮﺍﻥ ﻣﺎ ﺗﺎﺏ ﺷﻨﻮ ....
ﻣﻴﺎﻣﻴﻦ : ﻻ ﻣﺎ ﺗﺎﺏ ... ﺭﺍﺋﺪ ﺧﻞ ﺍﻃﻠﺐ ﻣﻨﻚ ﻃﻠﺐ ..
ﺭﺍﺋﺪ : ﻛﻮﻟﻲ ...
ﻣﻴﺎﻣﻴﻦ ﺑﺘﺮﺟﻲ : ﺍﻟﻠﻪ ﻳﺨﻠﻴﻚ ﺍﺧﻄﺐ ﺧﺎﺗﻮﻥ ... ﻭﺍﻟﻠﻪ ﻣﺘﻠﻜﺔ ﻣﺜﻠﻬﺔ ...
ﺭﺍﺋﺪ ﺍﻟﺘﻔﺖ ﻋﻠﻴﻬﺔ ﺑﺴﺮﻋﺔ : ﺷﻨﻮﻭ .. ﻣﻴﺎﻣﻴﻦ ﺍﻧﺘﻲ ﻭﺍﻋﻴﺔ ﻟﻠﻲ ﺟﺎﻱ ﺗﺤﺠﻴﻨﺔ ... ﺍﻧﺘﻲ ﺗﺮﺩﻳﻨﺔ ﻧﺮﺟﻊ ﻧﺘﻘﺮﺏ ﻣﻦ ﻫﺎﻟﻌﻴﻠﺔ ...
ﻣﻴﺎﻣﻴﻦ : ﺍﻱ ﻭﺍﻋﻴﺔ ﻭﺍﻋﺮﻑ ﺷﺠﺎﻱ ﺍﺣﺠﻲ ... ﻭﺑﻌﺪﻳﻦ ﺷﺒﻴﻬﺔ ﻫﺎﻟﻌﻴﻠﺔ ﻭﻣﺎﺗﺮﻳﺪ ﺗﺘﻘﺮﺏ ﻣﻨﻬﻢ .. ﻳﻌﻨﻲ ﺍﻧﻲ ﻛﺘﻠﻚ ﻫﻤﺔ ﻣﺎ ﺳﻮﻭﻟﻲ ﺷﻲ .. ﺍﻧﺖ ﻟﻴﺶ ﺗﻜﺮﻫﻢ ﻟﻬﺎﻟﺪﺭﺟﺔ ...
ﺭﺍﺋﺪ : ﻣﻴﺎﻣﻴﻦ ﻻ ﺗﺤﺎﻭﻟﻴﻦ ﺗﻘﻨﻌﻴﻨﻲ ﺍﻥ ﻏﺰﻭﺍﻥ ﻣﺎ ﺿﺮﺑﺞ ﻟﻮ ﺍﺣﺪ ﻣﻨﻬﻢ ﺗﻌﺮﺿﻠﺞ ﺑﺸﻲ ...
ﻣﻴﺎﻣﻴﻦ : ﺭﺍﺋﺪ ﺍﻧﺴﻰ ﻛﻠﺸﻲ ﻭﻋﻮﻑ ﺍﻟﻲ ﻓﺎﺕ ... ﺍﻟﻤﻬﻢ ﻫﺴﺔ ﺧﺎﺗﻮﻥ ... ﺍﻟﻠﻪ ﻳﺨﻠﻴﻚ ﻭﺍﻓﻖ ﻋﻠﻰ ﻫﺎﻟﺸﻲ ... ﻭﺍﻟﻠﻪ ﺧﺎﺗﻮﻥ ﺗﺴﺘﺎﻫﻞ ﻭﺍﺣﺪ ﻣﺜﻠﻚ ...
ﺭﺍﺋﺪ ﻭﻫﻮ ﻳﻜﻮﻡ ﻭﻳﻌﻮﻓﻬﺔ : ﻣﻴﺎﻣﻴﻦ ﺳﺪﻱ ﺍﻟﻤﻮﺿﻮﻉ ﻭﻻ ﺗﻔﺘﺤﻴﻨﺔ ﻣﺮﺓ ﺛﺎﻧﻴﺔ ..
ﻣﻴﺎﻣﻴﻦ ﺗﺄﻓﻔﺖ ﻭﻛﺎﻟﺖ ﺑﻘﻬﺮ ... ﺷﺴﻮﻱ ﻫﺴﺔ .. ﻣﺎﻛﺪﺭ ﺍﺷﻮﻓﺔ ﻫﻴﺞ ﻭﺍﻛﻌﺪ ﺳﺎﻛﺘﺔ ﻭﻣﺎﺳﻮﻱ ﺷﻲ ... ﻻﺯﻡ ﺍﺗﺼﺮﻑ ﺑﺲ ﺷﺴﻮﻱ ؟ ...
$$$$$$$
ﺑﺎﻟﻤﺴﺘﺸﻔﻰ ... ﻣﻜﺘﺐ ﻏﺰﻭﺍﻥ ..
ﻛﺎﻋﺪ ﺑﺎﻟﻤﻜﺘﺐ ﻭﻳﻘﺮﺍ ﻣﻮﺍﻋﻴﺪ ﺍﻟﻌﻤﻠﻴﺎﺕ ﺍﻟﻲ ﻋﻨﺪﺓ ﺑﻬﺬﺍ ﺍﻻﺳﺒﻮﻉ ...
ﺩﺧﻞ ﻋﻠﻲ ﻣﺆﻳﺪ ﻭﻛﻌﺪ ﻋﺎﻟﻜﺮﺳﻲ ﺍﻟﻲ ﻛﺒﺎﻟﺔ ...
ﻣﺆﻳﺪ : ﻏﺰﻭﺍﻥ ﻛﺎﻓﻲ ﻣﺎ ﺗﻌﺒﺖ ﺑﺲ ﺗﺸﺘﻐﻞ ...
ﻏﺰﻭﺍﻥ ﺑﺪﻭﻥ ﻣﺎ ﻳﺮﻓﻊ ﻋﻴﻨﺔ ﺍﻟﺔ ﻭﻳﺸﺘﻐﻞ : ﺍﺫﺍ ﺟﺎﻱ ﺍﺗﻜﻠﻲ ﻫﺎﻟﺤﺠﻲ ﻑ ﻣﻮ ﻭﻛﺘﺔ .. ﻭﺍﺫﺍ ﻋﻨﺪﻙ ﺷﻲ ﻛﻮﻟﺔ ﺑﺴﺮﻋﺔ ﻭﺧﻠﻴﻨﻲ ﺍﻛﻤﻞ ﺷﻐﻠﻲ ...
ﻣﺆﻳﺪ : ﺷﺮﺍﺡ ﺗﺴﻮﻱ ﺑﻤﻮﺿﻮﻉ ﺍﻟﺰﻭﺍﺝ ..
ﻏﺰﻭﺍﻥ ﻋﻠﻰ ﻧﻔﺲ ﻭﺿﻌﺔ : ﺷﺮﺍﺡ ﺍﺳﻮﻱ ﻳﻌﻨﻲ .. ﻣﻀﻄﺮ ﺍﻭﺍﻓﻖ ...
ﻣﺆﻳﺪ : ﻭﺗﻜﺪﺭ ﺗﻨﺴﻰ ﻣﻴﺎﻣﻴﻦ ...
ﻏﺰﻭﺍﻥ ﺭﻓﻊ ﺭﺍﺳﺔ ﻟﻤﺆﻳﺪ ﻭﺫﺏ ﺍﻻﻭﺭﺍﻕ ﻭﺗﻨﻬﺪ ﻭﺟﺮ ﺣﺴﺮﺓ ﻣﻦ ﻛﻠﺒﺔ : ﺷﺴﻮﻱ ﺍﺫﺍ ﻫﻲ ﺣﺘﻰ ﻣﺎ ﺗﻄﻴﻖ ﺗﺴﻤﻊ ﺻﻮﺗﻲ ..
ﻣﺆﻳﺪ : ﻭﺍﻟﻠﻪ ﻣﺎﻟﻮﻣﻬﺔ ﻋﻠﻰ ﻫﺎﻟﺸﻲ ... ﺍﻟﻲ ﺍﻧﺖ ﺳﻮﻳﺘﺔ ﺑﻴﻬﺔ ﻣﻮ ﻗﻠﻴﻞ ... ﺑﺲ ﻫﻢ ﻧﻮﺭﺓ ﺷﻨﻮ ﺫﻧﺒﻬﺔ ﺍﺫﺍ ﺍﻧﺖ ﺭﺍﺡ ﺗﺘﺰﻭﺟﻬﺔ ﻭﻛﻠﺒﻚ ﻭﻳﺔ ﻭﺣﺪﺓ ﺛﺎﻧﻴﺔ ...
ﻏﺰﻭﺍﻥ ﺑﻌﺼﺒﻴﺔ : ﻟﻌﺪ ﺷﺘﺮﻳﺪﻧﻲ ﺍﺳﻮﻱ .. ﺍﺑﻮﻱ ﻓﺮﺽ ﻫﺎﻟﺸﻲ ﻋﻠﻴﺔ ﻭﻣﺎﻛﺪﺭ ﺍﺭﻓﺾ .. ﻭﺍﻧﻲ ﺑﺎﻟﻨﺴﺒﺔ ﺍﻟﻲ ﺍﻟﻤﻮﺕ ﺍﻫﻮﻥ ﻣﻦ ﺍﻥ ﺍﺗﻘﺮﺏ ﻣﻦ ﻭﺣﺪﺓ ﻏﻴﺮﻫﺔ ...
ﻣﺆﻳﺪ : ﺯﻳﻦ ﺣﺎﻭﻝ ﺗﺘﺼﻞ ﺑﻴﻬﺔ ﻭﺗﺤﺠﻲ ﻭﻳﺎﻫﺔ ...
ﻏﺰﻭﺍﻥ : ﻣﺆﻳﺪ ﺍﻧﻲ ﺷﺤﺠﻲ ... ﺍﻛﻠﻚ ﻣﺎ ﺗﻄﻴﻖ ﺣﺘﻰ ﺗﺴﻤﻊ ﺻﻮﺗﻲ ... ﻭﻣﺤﺬﺭﺓ ﺍﻟﺒﻨﺎﺕ ﻭﺣﻠﻔﺘﻬﻦ ﺍﻥ ﻣﺎ ﻳﻨﻄﻨﻲ ﺭﻗﻤﻬﺔ ...
ﻣﺆﻳﺪ : ﻭﺍﻟﻠﻪ ﻣﺎﺩﺭﻱ ﺷﺴﻮﻱ ﺑﻌﺪ .. ﻳﻌﻨﻲ ﺍﺫﺍ ﺍﻧﺖ ﻛﻠﺒﻚ ﻗﺎﻓﻞ ﻋﻠﻰ ﻣﻴﺎﻣﻴﻦ ..
ﻏﺰﻭﺍﻥ ﺭﺟﻊ ﺿﻬﺮﺓ ﻋﺎﻟﻜﺮﺳﺔ ﻭﺭﻓﻊ ﺣﺎﺟﺒﺔ ﻟﻤﺆﻳﺪ ﻭﻛﺎﻝ : ﻭﺍﻧﺖ ﺑﻌﺪﻙ ﺗﺤﺒﻬﺔ ﻟﻮ ﻧﺴﻴﺘﻬﺔ ..
ﻣﺆﻳﺪ ﺍﺑﺘﺴﻢ ﻭﻛﺎﻝ ﺑﺼﺪﻕ : ﺻﺪﻛﻨﻲ ﺷﻠﺘﻬﺔ ﻣﻦ ﻛﻠﺒﻲ ﻭﻣﺎ ﺍﻋﺘﺒﺮﻫﺔ ﻏﻴﺮ ﺍﺧﺖ ﺍﻟﻲ ﻣﻦ ﺍﻟﻠﺤﻀﺔ ﺍﻟﻲ ﻋﺮﻓﺖ ﺑﻴﻬﺔ ﺗﺤﺐ ﺍﺧﻮﻱ ... ﻣﺴﺘﺤﻴﻞ ﺍﻓﻜﺮ ﺍﺣﺒﻬﺔ ﺑﻌﺪ ﻭﻫﻲ ﻛﻠﺒﻬﺔ ﻳﺤﺐ ﺍﺧﻮﻱ ...
ﻏﺰﻭﺍﻥ ﺗﻨﻬﺪ ﻭﺣﻂ ﺭﺍﺳﺔ ﻋﺎﻟﻤﻜﺘﺐ : ﺷﻠﻮﻥ ﻛﺪﺭﺕ ﺗﻨﺴﺎﻫﺔ .. ﺍﻃﻴﻨﻲ ﻫﺎﻟﻄﺮﻳﻘﺔ ﺧﻞ ﺍﻧﺴﺎ ﺍﻧﻲ ﻫﻢ ... ﻛﻞ ﻣﺎ ﺟﺎﻱ ﺍﺣﺎﻭﻝ ﺍﺗﻬﺮﺏ ﻣﻦ ﺫﻛﺮﻳﺎﺗﺔ ﺟﺎﻱ ﺗﺰﻳﺪ ﺑﻜﻠﺒﻲ ﺍﻛﺜﺮ ...
ﻗﺎﻃﻌﺔ ﺻﻮﺕ ﺍﻟﺘﻠﻴﻔﻮﻥ ... ﺭﻓﻌﺔ ﻭﺷﺎﻑ ﺍﻟﻤﺘﺼﻞ ﺍﺑﻮﻩ ...
ﻏﺰﻭﺍﻥ : ﺍﻟﻮ .. ﻫﺎ ﻳﺎﺑﺔ ﺍﻟﻠﻪ ﻳﺴﺎﻋﺪﻙ ..
ﺍﺑﻮ ﻏﺰﻭﺍﻥ : ﻫﻼ ﻏﺰﻭﺍﻥ .. ﺷﻮﻑ ﺩﻛﻴﺖ ﻋﻠﻴﻚ ﺣﺘﻰ ﺍﻛﻠﻚ ﺍﻥ ﺑﻴﺖ ﻋﻤﺘﻚ ﺭﺟﻌﻮ ﺧﺒﺮ ﺍﻟﻤﻮﺍﻓﻘﺔ ﻋﻠﻰ ﺍﻟﺰﻭﺍﺝ ... ﻭﺭﺩﺕ ﺍﻛﻠﻚ ﺍﻥ ﺑﻌﺪ ٣ ﺍﻳﺎﻡ ﻧﺮﻭﺡ ﻧﺨﻄﺐ ﻭﻧﻌﻘﺪ ﻋﻘﺪ ﺷﻴﺦ ..
ﻏﺰﻭﺍﻥ ﻃﻔﺮ ﺑﺴﺮﻋﺔ : ﺑﻬﺎﻟﺴﺮﺭﺭﻋﺔ ... ﻳﺎﺑﺔ ﺷﺪﻋﻮﺓ ﻫﺎﻟﻜﺪ ﻣﺴﺘﻌﺠﻞ ... ﻫﻤﺔ ﻳﻤﺘﺔ ﻋﺮﻓﻮ ﺑﺎﻟﻤﻮﺿﻮﻉ ﻭﻳﻤﺘﺔ ﻟﺤﻜﻮ ﻳﺮﺟﻌﻮﻥ ﺧﺒﺮ .. ﺷﻨﻮ ﻣﺎ ﺻﺪﻛﻮ ...
ﺍﺑﻮ ﻏﺰﻭﺍﻥ ﺑﻌﺼﺒﻴﺔ : ﻏﺰﻭﻭﺍﻥ ﺛﻤﻦ ﺣﺠﻴﻚ ... ﻭﺧﻴﺮ ﺍﻟﺒﺮ ﻋﺎﺟﻠﻪ .. ﺍﺩﺭﻱ ﺑﻴﻚ ﺗﺮﻳﺪ ﺗﺄﺧﺮ ﺍﻟﺴﺎﻟﻔﺔ ﺣﺘﻰ ﺗﻠﻄﺸﻬﺔ ... ﺳﺪ ﺍﻟﺘﻠﻴﻔﻮﻥ ﺑﻮﺟﻪ ﻏﺰﻭﺍﻥ ...
ﻏﺰﻭﺍﻥ ﻳﺒﺎﻭﻉ ﻟﻠﺘﻠﻴﻔﻮﻥ ﻣﺼﺪﻭﻡ ...
ﺭﻓﻊ ﻋﻴﻮﻧﺔ ﻟﻤﺆﻳﺪ ﻭﻛﺎﻝ ﺑﺼﺪﻣﺔ : ﻳﺮﻳﺪ ﻳﻌﻘﺪﻟﻲ ﺑﻌﺪ ٣ ﺍﻳﺎﻡ ..
ﻣﺆﻳﺪ : ﻋﺎﺩ ﻫﺬﺍ ﺍﻟﻮﺍﻟﺪ ﻭﺗﻌﺮﻓﺔ ...
ﻏﺰﻭﺍﻥ ﺷﻤﺮ ﺍﻟﺘﻠﻴﻔﻮﻥ ﺑﻌﺼﺒﻴﺔ ﻋﺎﻟﻄﺎﻭﻟﺔ ... ﻭﻛﻌﺪ ﻭﻫﻮ ﻳﻨﺎﻓﺦ ﺑﻌﺼﺒﻴﺔ ...
////////
ﺑﻴﺖ ﺣﺎﻓﻆ ‏( ﺍﺑﻮ ﺍﺣﻤﺪ ‏)
ﺟﺎﻧﻮ ﺑﻴﺖ ﺍﺑﻮ ﺣﺴﻨﻴﻦ ﻣﻮﺟﻮﺩﻳﻦ ﻳﻤﻬﻢ ﻋﺎﻟﻌﺸﺎ ...
ﺑﺴﻤﺔ ﻛﺎﻋﺪﺓ ﺗﺴﻮﻟﻒ ﻭﻳﺔ ﺍﻟﺒﻨﺎﺕ ..
ﺩﺧﻠﺖ ﻋﻠﻴﻬﺔ ﻣﺮﺍﻡ ﻭﻛﺎﻟﺖ : ﺑﺴﻤﺔ ﺣﺴﻨﻴﻦ ﻳﺮﻳﺪ ﻳﺸﻮﻓﺞ .. ﻭﻳﻨﺘﻀﺮﺝ ﺑﻐﺮﻓﺔ ﺍﻻﺳﺘﻘﺒﺎﻝ ...
ﺑﻠﻌﺖ ﺭﻳﻜﻲ ﻭﻛﻤﺖ ... ﺷﻴﺮﻳﺪ ﻣﻨﻲ ...
ﺭﺣﺖ ﻟﻸﺳﺘﻘﺒﺎﻝ .. ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﺍﻟﻲ ﺑﺎﻟﺒﺎﺏ .. ﻋﺪﻟﺖ ﺷﻌﺮﻱ ﻭﺗﺄﻛﺪﺕ ﻣﻦ ﺷﻜﻠﻲ ...
ﻓﺘﺤﺖ ﺍﻟﺒﺎﺏ ﺑﻬﺪﻭﺀ ... ﺩﺧﻠﺖ ﻭﺷﻔﺘﺔ ﻻﺯﻡ ﺗﻠﻴﻔﻮﻧﺔ ﻭﻛﺎﻋﺪ ﻋﺎﻟﻘﻨﻔﺔ ... ﺗﺤﻤﺤﻤﺖ ﻭﻫﻮ ﺍﻧﺘﺒﻬﻠﻲ .. ﺫﺏ ﺍﻟﺘﻠﻴﻔﻮﻥ ﻭﻛﺎﻣﻠﻲ ...
ﺣﺴﻨﻴﻦ ﺑﺈﺑﺘﺴﺎﻣﺔ : ﺑﺴﻤﺘﻲ ...
ﺳﺤﺒﻨﻲ ﻣﻦ ﺍﻳﺪﻱ ﻭﻗﺮﺑﻨﻲ ﻣﻨﺔ ﻭﻃﺒﻊ ﺑﻮﺳﺔ ﺭﻗﻴﻘﺔ ﻋﻠﻰ ﺟﺒﻬﺘﻲ ...
ﻏﻤﻀﺖ ﻋﻴﻮﻧﻲ ﻭﺍﺣﺲ ﻛﻠﺒﻲ ﺭﺍﺡ ﻳﻄﻠﻊ ﻣﻦ ﻛﺜﺮ ﻣﺎ ﻳﺪﻙ ﺳﺮﻳﻊ ...
ﻓﺘﺤﺖ ﻋﻴﻮﻧﻲ ﻭﺣﻄﻴﺘﻬﺔ ﺑﻌﻴﻮﻧﺔ ... ﺍﻳﺪ ﻻﺯﻡ ﺑﻴﻬﺔ ﺍﻳﺪﻱ ﻭﺍﻻﻳﺪ ﺍﻟﺜﺎﻧﻴﺔ ﻳﻠﻌﺐ ﺑﺨﺼﻼﺕ ﺷﻌﺮﻱ ﻭﻫﻮ ﻳﻜﻮﻝ ﺑﻬﺪﻭﺀ : ﺷﻠﻮﻧﺞ ... ﺷﺴﻮﻳﺘﻲ ﺍﻟﻴﻮﻡ ... ﻭﻳﻦ ﺭﺣﺘﻲ ﻭﻳﻦ ﺍﺟﻴﺘﻲ ...
ﺑﺴﻤﺔ ﺑﺈﺭﺗﺒﺎﻙ : ﺗﻤﺎﻡ .. ﻣﺎ ﺭﺣﺖ ﻟﻤﻜﺎﻥ .. ﺑﺲ ﺑﺎﻟﺒﻴﺖ ...
ﺣﺴﻨﻴﻦ ﺑﺈﺑﺘﺴﺎﻣﺔ : ﺷﺎﺍﻃﺮﺓ ..
ﻗﺮﺏ ﻣﻨﻲ ﻭﺍﺻﺎﺑﻌﺔ ﻋﻠﻰ ﻓﻜﻲ ﺑﺮﻗﺔ ﻭﻗﺮﺏ ﻭﺟﻬﻲ ﻣﻨﺔ .. ﺣﻂ ﺷﻔﺎﻳﻔﺔ ﻋﻠﻰ ﺧﺪﻱ ﻳﺮﻳﺪ ﻳﺒﻮﺳﻨﻲ ...
ﺑﺲ ﻓﺠﺄﺓ ﻃﻔﺮﻧﺔ ﺍﺛﻨﻴﻨﺔ ﻣﻦ ﺳﻤﻌﻨﺔ ﺻﻮﺕ ﺷﻲ ﺍﻧﻜﺴﺮ ...
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻫﻠﻮ ﺣﺒﺎﻳﺒﻲ ﺍﻧﺸﺎﻟﻠﻪ ﺗﻜﻮﻧﻮﻥ ﺑﺨﻴﺮ ... ﻃﺒﻌﺎً ﺍﺭﻳﺪ ﺗﻮﻗﻌﺎﺗﻜﻢ ﻟﻠﺒﺎﺭﺕ ﺍﻟﺠﺎﻱ .. ﺷﺘﺘﻮﻗﻌﻮﻥ ﺭﺍﺡ ﻳﺼﻴﺮ
يتبع

فيتامين سي · 18-06-19, 02:08 AM

#سجينة_الظلم_والانتقام
بقلم سارة الشمري
٤٣_______٤٥

#بارت٤٣

ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺃﺣﺒﻚ ﺟﺪﺍً ﻭﺃﻋﺮﻑ ﺃﻧﻲ ﺃﻋﻴﺶ ﺑﻤﻨﻔﻰ ﻭﺃﻧﺖِ ﺑﻤﻨﻔﻰ ﻭﺑﻴﻨﻲ ﻭﺑﻴﻨﻚ ﺭﻳﺢٌ ﻭﻏﻴﻢٌ ﻭﺑﺮﻕٌ ﻭﺭﻋﺪٌ ﻭﺛﻠﺞٌ ﻭﻧـﺎﺭ ﻭﺃﻋﺮﻑ ﺃﻥ ﺍﻟﻮﺻﻮﻝ ﻟﻌﻴﻨﻴﻚ ﻭﻫﻢٌ ﻭﺃﻋﺮﻑ ﺃﻥ ﺍﻟﻮﺻﻮﻝ ﺇﻟﻴﻚ ﺍﻧﺘﺤـﺎﺭ ﻭﻳﺴﻌﺪﻧﻲ ﺃﻥ ﺃﻣﺰﻕ ﻧﻔﺴﻲ ﻷﺟﻠﻚ ﺃﻳﺘﻬﺎ ﺍﻟﻐﺎﻟﻴﺔ ﻭﻟﻮ ﺧﻴﺮﻭﻧﻲ ﻟﻜﺮﺭﺕ ﺣﺒﻚ ﻟﻠﻤﺮﺓ ﺍﻟﺜﺎﻧﻴﺔ
ﻧﺰﺍﺭ ﻗﺒﺎﻧﻲ 🖤
ﻗﺮﺏ ﻣﻨﻲ ﻭﺍﺻﺎﺑﻌﺔ ﻋﻠﻰ ﻓﻜﻲ ﺑﺮﻗﺔ ﻭﻗﺮﺏ ﻭﺟﻬﻲ ﻣﻨﺔ .. ﺣﻂ ﺷﻔﺎﻳﻔﺔ ﻋﻠﻰ ﺧﺪﻱ ﻳﺮﻳﺪ ﻳﺒﻮﺳﻨﻲ ...
ﺑﺲ ﻓﺠﺄﺓ ﻃﻔﺮﻧﺔ ﺍﺛﻨﻴﻨﺔ ﻣﻦ ﺳﻤﻌﻨﺔ ﺻﻮﺕ ﺷﻲ ﺍﻧﻜﺴﺮ ...
ﺩﻋﺎﺀ ﺑﺸﻬﻜﺔ ﻃﺎﺡ ﺍﻟﻜﻼﺹ ﻣﻦ ﺍﻳﺪﻫﺔ ﻭﺣﺠﺖ ﺑﻔﻬﺎﻭﺓ : ﺷﺪﺗﺴﻮﻱ .. ﻣﻮ ﻋﻴﺐ ﻋﻠﻴﻚ ..
ﺩﺭﺕ ﻭﺟﻬﻲ ﻋﻨﻬﻢ ﻭﻋﻀﻴﺖ ﺷﻔﺘﻲ ﺑﺨﺠﻞ ... ﻭﺟﻬﻲ ﺻﺎﺭ ﺍﺣﻤﺮ ﻣﻦ ﺍﻟﻔﺸﻠﺔ ...
ﺣﺴﻨﻴﻦ ﺿﺮﺏ ﺭﺟﻠﺔ ﺑﻌﺼﺒﻴﺔ ﺑﺎﻟﻜﺎﻉ .. ﻭﻛﺎﻝ ﺑﻘﻬﺮ : ﺩﻋﺎﺍﺍﺀ .. ﺷﻠﻮﻥ ﺗﺪﺧﻠﻴﻦ ﺑﺪﻭﻥ ﻣﺎ ﺗﺪﻛﻴﻦ ﺍﻟﺒﺎﺏ .. ﻭﺑﻌﺪﻳﻦ ﺷﻨﻮ ﺍﻟﻌﻴﺐ ﻏﻴﺮ ﻣﺮﺗﻲ ﻫﻲ ..
ﺩﻋﺎﺀ ﺑﻐﺒﺎﺀ : ﺷﻠﻮﻥ ﻣﺮﺗﻚ .. ﻣﻨﻴﻦ ﺍﺟﺘﻚ ..
ﺣﺴﻨﻴﻦ ﻳﺘﻨﻬﺪ ﺑﺼﺒﺮ : ﺍﻧﻲ ﻣﻮ ﻋﻘﺪﺕ ﻋﻠﻴﻬﺔ ﻋﻘﺪ ﺷﻴﺦ .. ﻳﻌﻨﻲ ﺻﺎﺭﺕ ﻣﺮﺗﻲ ﺷﺮﻋﺎً ..
ﺩﻋﺎﺀ ﻣﻴﻠﺖ ﺭﺍﺳﻬﺔ ﻭﻛﺎﻟﺖ : ﻭﻗﺎﻧﻮﻧﺎً ؟؟؟
ﺣﺴﻨﻴﻦ ﺭﺍﺣﻠﻬﺔ ﺑﻌﺼﺒﻴﺔ ﻭﻟﺰﻣﻬﺔ ﻣﻦ ﺿﻬﺮ ﺑﻠﻮﺯﺗﻬﺔ ﻭﻃﻠﻌﻬﺔ ﺑﺮﺓ : ﺍﻧﺘﻲ ﺍﺣﺪ ﻣﺴﻠﻄﺞ ﻋﻠﻴﺔ .. ﺍﻣﺸﻲ ﻭﻟﻲ ﻣﻦ ﻳﻤﻲ ..
ﺳﺪ ﺍﻟﺒﺎﺏ ﻭﺍﻟﺘﻔﺖ ﻋﻠﻴﺔ ﺷﺎﻓﻨﻲ ﺍﺿﺤﻚ : ﺍﻱ ﺿﺤﻜﻲ ﺍﻧﺘﻲ ﻣﻜﻴﻔﺔ ..
ﻫﺰﻳﺖ ﺍﻛﺘﺎﻓﻲ ﻭﻛﻠﺖ : ﺑﺲ ﻓﺸﻠﺔ .. ﻫﺴﺔ ﺧﺎﻑ ﺗﺮﻭﺡ ﺗﻜﻮﻝ ﻻﺣﺪ ..
ﺣﺴﻨﻴﻦ ﺭﺟﻊ ﻗﺮﺑﻨﻲ ﺍﻟﺔ ﻭﻛﺎﻝ : ﻭﺧﻞ ﺗﻜﻮﻝ .. ﺷﻤﺴﻮﻱ ﺍﻧﻲ .. ﻣﺮﺗﻲ ﻭﺑﻜﻴﻔﻲ .. ﻭﻫﺴﺔ ﺧﻠﻴﻨﻲ ﺍﺷﺒﻊ ﻣﻦ ﻋﻄﺮﺝ ..
ﺣﻀﻨﻲ ﻟﺼﺪﺭﺓ ﻭﺣﻂ ﺧﺪﺓ ﻋﻠﻰ ﺷﻌﺮﻱ ...
ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﺓ ﻭﺍﻧﻲ ﺍﺳﻤﻊ ﺩﻛﺎﺕ ﻛﻠﺒﺔ ...
ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺗﻨﻔﺲ ﻋﻄﺮﺓ ﺍﻟﺮﺟﺎﻟﻲ .. ﺣﺴﻴﺘﺔ ﺩﺧﻞ ﻟﺮﻳﺘﻲ ... ﻣﺎﺩﺭﻱ ﺷﻜﺪ ﻣﺮ ﻭﺍﻧﻲ ﺑﺤﻀﻨﺔ ﺑﺲ ﺳﻤﻌﺖ ﺻﻮﺗﺔ ﻭﻫﻮ ﻳﻜﻮﻝ ﺑﻬﻤﺲ : ﺑﺴﻤﺘﻲ ..
ﺣﺠﻴﺖ ﻭﺍﻧﻲ ﻣﻐﻤﻀﺔ ﻋﻴﻮﻧﻲ ﻭﻣﺎ ﻣﻨﺘﺒﻬﺔ : ﻫﻤﻤﻢ ..
ﺣﺴﻨﻴﻦ ﺑﺈﺑﺘﺴﺎﻣﺔ : ﺷﻨﻮ ﻧﻤﺘﻲ ..
ﻓﺘﺤﺖ ﻋﻴﻮﻧﻲ ﻭﺍﻧﺘﺒﻬﺖ ﻋﻠﻰ ﻧﻔﺴﻲ .. ﻭﺧﺮﺕ ﺑﺴﺮﻋﺔ .. ﻭﺍﻧﻲ ﺍﻋﺪﻝ ﺷﻌﺮﻱ ﺑﺈﺣﺮﺍﺝ ..
ﺣﺠﻴﺖ ﺑﺘﻮﺗﺮ : ﺍﺍﺍﺀ .. ﺍﺳﻔﺔ .. ﺍﻧﻲ ﺗﺄﺧﺮﺕ ﻋﺎﻟﺒﻨﺎﺕ ..
ﺭﺩﺕ ﺍﺭﻭﺡ ﺑﺲ ﺳﺤﺒﻨﻲ ﻣﻦ ﺍﻳﺪﻱ ﺑﺴﺮﻋﺔ ﻭﺑﺎﺳﻨﻲ ﺑﺨﺪﻱ .. ﺷﻬﻜﺖ ﻭﺑﺎﻭﻋﺘﻠﺔ ﺑﺼﺪﻣﺔ .. ﻣﺎ ﺗﻮﻗﻌﺖ ﻫﺎﻟﺤﺮﻛﺔ ...
ﻓﻠﺘﺖ ﺍﻳﺪﻱ ﻣﻨﺔ ﻭﻃﻠﻌﺖ ﺍﺭﻛﺾ ﻭﺍﺳﻤﻊ ﺻﻮﺕ ﺿﺤﻜﺘﺔ ...
ﺭﺣﺖ ﻟﻐﺮﻓﺘﻲ ﻣﺒﺎﺷﺮﺓً .. ﺍﺑﺎﻭﻉ ﻋﺎﻟﻤﺮﺍﻳﺔ ﻭﺟﻬﻲ ﺍﺣﻤﺮ .. ﺻﺮﺕ ﺍﻫﻔﻲ ﻋﻠﻰ ﻧﻔﺴﻲ ﻻﻥ ﺍﺣﺲ ﺻﺨﻨﺖ ﻣﻦ ﺍﻻﺣﺮﺍﺝ ...
ﻋﻄﺮﺓ ﺻﺎﺭ ﺑﻤﻼﺑﺴﻲ ... ﻛﻠﺒﻲ ﻳﺪﻙ ﺳﺮﻳﻊ ... ﻭﺣﺎﻃﺔ ﺍﻳﺪﻱ ﻋﻠﻰ ﺧﺪﻱ ...
ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﺟﻮﺭﻱ ..
ﺷﺎﻓﺖ ﻭﺿﻌﻲ ﻭﺿﺤﻜﺖ ﺑﻘﻮﺓ : ﻭﻳﻴﻴﻦ ﺍﻟﻲ ﺟﺎﻧﺖ ﺍﺗﻜﻮﻝ ﻣﺎﺭﻳﺪﺓ ﻫﺎﺍ ؟ ... ﺍﺣﺠﻲ ﺷﺴﻮﺍﻟﺞ ..
ﺑﺎﻭﻋﺖ ﻋﻠﻴﻬﺔ ﻭﺑﻌﺪﻳﻦ ﻛﻤﺖ ..
ﺣﺠﻴﺖ ﺑﻐﺮﻭﺭ : ﻣﻌﻠﻴﺞ ﻫﺎﻱ ﺧﺼﻮﺻﻴﺔ ..
ﺟﻮﺭﻱ ﻓﺘﺤﺖ ﻋﻴﻮﻧﻬﺔ : ﺷﻨﻮ ﻫﺎﻱ ﺗﺮﺓ ﻣﻴﻠﻮﻙ ﻋﻠﻴﺞ ﺍﻟﻐﺮﻭﺭ ﻭﺍﻟﻠﻪ ...
ﻋﻔﺘﻬﺔ ﻭﻧﺰﻟﺖ ﺟﻮﺓ ﻟﻠﺒﻨﺎﺕ ...
€€€€€€€€
ﺑﻌﺪ ﻣﺮﻭﺭ ٣ ﺍﻳﺎﻡ ... ﻳﻮﻡ ﺧﻄﻮﺑﺔ ﻏﺰﻭﺍﻥ ..
ﻃﺒﻌﺎً ﻛﻌﺪ ﻣﻦ ﺍﻟﺼﺒﺢ ﻭﺭﺍﺡ ﻟﻠﻤﺴﺘﺸﻔﻰ ﻭﻭﻻﻋﺒﺎﻟﻚ ﺍﻟﻴﻮﻡ ﺧﻄﻮﺑﺘﺔ ..
ﺍﻟﺒﻴﺖ ﻣﺨﺒﻮﺹ .. ﻃﺒﻌﺎ ﺍﻟﻤﺨﺒﻮﺻﺔ ﺍﻡ ﻏﺰﻭﺍﻥ .. ﺗﻔﺘﺮ ﻣﻨﺎ ﻭﻣﻨﺎ .. ﻭﺗﺤﻀﺮ ﺍﻟﻐﺮﺍﺽ ﺣﺘﻰ ﻳﺮﺣﻮﻥ ﻟﺒﻴﺖ ﺍﻫﻞ ﻧﻮﺭﺓ ﻳﺨﻄﺒﻮﻧﻬﺔ ..
ﺍﻟﺤﺠﻴﺔ ﺭﻏﻢ ﻣﺎ ﻗﺎﺑﻠﺔ ﺑﺲ ﺷﺘﺴﻮﻱ ..
ﻣﻬﺎ ﻭﺧﺎﺗﻮﻥ ﻳﺴﺎﻋﺪﻥ ﺍﻣﻬﻦ .. ﻭﻫﻨﺔ ﻣﺎ ﻋﺎﺟﺒﻬﻦ ﺍﻟﻮﺿﻊ ﺍﺑﺪ ...
ﻛﻞ ﻭﺣﺪﺓ ﺭﺍﺣﺖ ﻟﻐﺮﻓﺘﻬﺔ ﺗﺠﻬﺰ ﻧﻔﺴﻬﺔ ﺣﺘﻰ ﻳﺮﺣﻦ ﻟﻠﺨﻄﻮﺑﺔ ..
ﻣﻬﺎ ﻟﺒﺴﺖ ﻓﺴﺘﺎﻥ ﺍﺳﻮﺩ ﺿﻴﻚ ﻋﺎﻟﺠﺴﻢ ﻭﻣﺎ ﺣﻄﺖ ﻣﻜﻴﺎﺝ ﻫﻮﺍﻱ ﻻﻥ ﻫﻲ ﺍﺻﻼ ﺣﻠﻮﺓ ﺑﺪﻭﻥ ﻣﻜﻴﺎﺝ ﻭﺧﺎﺗﻮﻥ ﻟﺒﺴﺖ ﺟﺎﻣﺐ ﺳﻮﺕ ﻛﺎﺑﻮﻱ ﺍﺯﺭﻕ ﻭﺟﻮﺍﻩ ﺑﺪﻱ ﻧﺺ ﺭﺩﺍﻥ ﻟﻮﻧﺔ ﺍﺑﻴﺾ ﻭﻟﺒﺴﺖ ﻭﻳﺎﻩ ﺷﻮﺯ ﺍﺑﻴﺾ ﺭﻳﺎﺿﻲ .. ﻭﻫﻢ ﻧﻔﺲ ﺍﻟﺸﻲ ﻣﺎ ﺣﻄﺖ ﻣﻜﻴﺎﺝ ﻫﻮﺍﻱ .. ﻻ ﺍﺻﻼ ﺍﻟﺤﻔﻠﺔﻛﻠﻬﺔ ﻣﺎ ﻋﺎﺟﺒﺘﻬﺔ ﻭﻣﺎ ﺩﺍﺧﻠﺔ ﻣﺨﻬﺔ ..
ﻋﺎﻟﺴﺎﻋﺔ ١١ ﺩﺧﻞ ﻏﺰﻭﺍﻥ ﻟﻠﺒﻴﺖ ﻻﻧﻮ ﺍﺑﻮﻩ ﻛﻠﺔ ﺗﺠﻲ ﻣﻦ ﻭﻗﺖ ..
ﺻﻌﺪ ﺍﻟﺪﺭﺝ ﻭﻫﻮ ﻣﺎﻟﺔ ﺧﻠﻚ ﺷﻲ ... ﺗﻮﺟﻪ ﻟﻐﺮﻓﺘﻬﺔ ﻓﺘﺤﻬﺎ ﻭﺗﻨﻬﺪ ﻣﻦ ﻛﻠﺒﺔ ﻭﻫﻮ ﻳﺒﺎﻭﻉ ﻋﺎﻟﻐﺮﻓﺔ ..
ﻧﺰﻟﺖ ﺩﻣﻌﺔ ﻣﻦ ﻋﻴﻨﺔ .. ﺍﺍﺍﺍﺍﺍﻩ ﺍﻟﻠﻪ ﻳﻌﻠﻢ ﺷﻜﺪ ﻣﺸﺘﺎﻗﻠﺞ .. ﻣﺸﺘﺎﻕ ﻟﺼﻮﺗﺞ .. ﻣﺸﺘﺎﻕ ﻟﻌﻄﺮﺝ ﻭﻟﻜﻠﺸﻲ ﺑﻴﺞ ... ﻣﻴﺖ ﺑﺪﻭﻧﺞ ... ﺭﻭﺣﻲ ﻣﻮ ﻋﻨﺪﻱ ..
ﺣﻂ ﺍﻳﺪﺓ ﻋﻠﻰ ﻛﻠﺒﺔ ﻭﻃﻠﻌﺖ ﺣﺴﺮﺓ ﺟﺒﻴﺮﺓ ﻣﻦ ﻛﻠﺒﺔ ... ﻣﺴﺢ ﺩﻣﻌﺘﺔ ﺑﺴﺮﻋﺔ ﻭﻗﻔﻞ ﺍﻟﺒﺎﺏ ﻭﺗﻮﺟﻪ ﻟﻐﺮﻓﺘﺔ ...
ﺳﺒﺢ ﻋﺎﻟﺴﺮﻳﻊ ﻭﻟﺒﺲ ﺩﺷﺪﺍﺷﺔ ﻟﻮﻧﻬﺔ ﻧﻴﻠﻲ .. ﺍﺧﺬ ﺍﻟﻤﺤﻔﻀﺔ ﻭﻃﻠﻊ ﺻﻮﺭﺗﻬﺔ ﺑﺎﺳﻬﺔ ﻭﺭﺟﻌﻬﺔ ﻟﻤﻜﺎﻧﻬﺔ ..
ﻧﺰﻝ ﻭﻫﻮ ﻳﺤﺲ ﺑﺨﻨﻜﺔ ﺑﺼﺪﺭﺓ .. ﻣﺎ ﻳﺮﻳﺪ ﻳﺮﻭﺡ ﺑﺲ ﺭﺿﺎﺓ ﺍﺑﻮﻩ ﻣﻬﻤﺔ .. ﻣﺠﺒﺮ ﻭﻣﻮ ﻣﺨﻴﺮ ..
ﻧﺰﻝ ﻭﻟﻜﺔ ﺍﺑﻮﻩ ﻭﺍﻛﻒ ﻳﻢ ﺍﻟﺴﻴﺎﺭﺓ ﻭﻫﻮ ﻭﻣﺆﻳﺪ ﻭﻳﻨﺘﻀﺮﻭﻧﺔ ﻳﻄﻠﻊ ..
ﺍﺑﻮ ﻏﺰﻭﺍﻥ ﻋﺼﺐ ﻣﻦ ﺷﺎﻓﺔ : ﺍﻧﺖ ﺗﺮﻳﺪ ﺗﻔﺸﻠﻨﻲ .. ﺷﻨﻲ ﻫﺎﻟﺒﻬﺬﺍﻝ ﻫﺬﺍ ..
ﻏﺰﻭﺍﻥ ﺑﻘﻬﺮ : ﻫﺬﺍ ﺣﺎﻟﻲ .. ﺗﺮﻳﺪﻧﻲ ﺍﺭﻭﺡ ﺑﻲ .. ﺍﺫﺍ ﻣﺎ ﺗﺮﻳﺪﻧﻲ ﻫﻴﺞ ﻑ ﺧﻠﻴﻨﻲ ﺑﺎﻟﺒﻴﺖ ﺍﺣﺴﻠﻲ .. ﻭﺍﻧﺖ ﺗﺪﺭﻱ ﺑﻴﺔ ﺍﺭﻳﺪﻫﺔ ﻣﻦ ﺍﻟﻠﻪ ..
ﺍﺑﻮ ﻏﺰﻭﺍﻥ : ﻭﻟﻚ ﺍﻟﻴﺸﻮﻓﻚ ﺍﻳﻜﻮﻝ ﺭﺍﻳﺢ ﻟﻌﺰﺍ ﻣﻮ ﺭﺍﻳﺢ ﻳﺨﻄﺐ .. ﻟﺤﻴﺘﻚ ﻣﺒﻬﺬﻟﺔ ﻭﻃﻮﻻﻧﺔ ﻭﻻﺑﺲ ﺩﺷﺪﺍﺷﺔ ﻧﻴﻠﻴﺔ ...
ﻏﺰﻭﺍﻥ : ﻫﺬﺍ ﺍﻟﻌﻨﺪﻱ ﺍﻧﻲ ..
ﺍﺑﻮ ﻏﺰﻭﺍﻥ ﺍﺳﺘﻐﻔﺮ ﺭﺑﺔ ﺑﻘﻬﺮ ﻣﻦ ﻏﺰﻭﺍﻥ .. ﺳﺤﺐ ﺍﻟﺠﺮﺍﻭﻳﺔ ﺍﻟﻲ ﻋﻠﻰ ﻛﺘﻒ ﻣﺆﻳﺪ .. ﺗﻘﺮﺏ ﻣﻦ ﻏﺰﻭﺍﻥ ﻭﻟﻔﻬﺔ ﺍﻟﺔ ﻋﻠﻰ ﺭﺍﺳﺔ ﺑﻄﺮﻳﻘﺔ ﺧﻠﻴﺠﻴﺔ ﻭﺻﺎﺭ ﺍﺣﻼ ...
ﻏﺰﻭﺍﻥ ﺑﻘﻬﺮ ﻭﻋﺼﺒﻴﺔ : ﻣﺎﺭﻳﺪ ﺍﻟﺒﺲ ﺟﺮﺍﻭﻳﺔ ..
ﺍﺑﻮ ﻏﺰﻭﺍﻥ ﺑﻌﺼﺒﻴﺔ ﻭﺍﻣﺮ : ﻏﺰﻭﺍﻥ ﺷﻨﻬﻲ ﻫﺎﻱ ﺳﻮﺍﻟﻒ ﺍﻟﻤﺰﻋﻄﺔ .. ﺍﻣﺸﻲ ﻟﺴﻴﺎﺭﺗﻚ ﻳﻠﺔ ..
ﺻﻌﺪﻭ ﺑﺴﻴﺎﺭﺍﺗﻬﻢ ﻭﻏﺰﻭﺍﻥ ﻃﺎﺑﻚ ﺣﻮﺍﺟﺒﺔ ﻭﻣﻘﻬﻮﺭ ...
ﻃﻠﻌﺖ ﺍﻟﺴﻴﺎﺭﺍﺕ ﻭﺟﺎﻧﺖ ﻣﻨﺘﻀﺮﺗﻬﻢ ﺳﻴﺎﺭﺍﺕ ﺑﻴﺖ ﻋﻤﺎﻣﻬﻢ ﻭﺍﻧﻄﻠﻘﻮ ﺳﻮﺓ ..
ﺍﻟﺼﻤﺖ ﺟﺎﻥ ﻣﺨﻴﻢ ﻋﻠﻰ ﻛﻞ ﺳﻴﺎﺭﺓ ..
ﺑﺴﻤﺔ ﻛﻮﺓ ﺍﺟﺖ ﻻﻥ ﻣﺎ ﺗﺮﻳﺪ ﺗﺤﻀﺮ ﺑﺲ ﺧﺎﺗﻮﻥ ﺍﺻﺮﺕ ﻋﻠﻴﻬﺔ ﺍﻥ ﺗﺤﻀﺮ ﻻﻥ ﻣﺎ ﺗﺮﻳﺪ ﻭﺣﺪﻫﺔ ﻫﻨﺎﻙ ﻭﻣﺎﻟﻬﺔ ﺧﻠﻚ ﻟﻨﻮﺭﺓ ..
ﺧﺎﺗﻮﻥ ﻭﻣﻬﺎ ﺟﺎﻧﺖ ﻣﻄﻨﻜﺮﺍﺕ ﻣﺎ ﻳﺮﺩﻥ ﻧﻮﺭﺓ ﺯﻭﺟﺔ ﻻﺧﻮﻫﻦ ...
ﻣﻬﺎ ﻛﻠﺴﺎﻉ ﺗﺘﺄﻓﻒ ...
ﺍﻟﺘﻔﺖ ﻋﻠﻴﻬﺔ ﻣﺆﻳﺪ ﻭﻛﺎﻝ : ﺷﺒﻴﺞ ﺗﺘﺄﻓﻔﻴﻦ ﻭﻣﺎﺩﺓ ﺑﻮﺯﺝ ﺷﺒﺮﻳﻦ ...
ﻣﻬﺎ ﺑﻘﻬﺮ : ﻳﺎﺧﻲ ﻣﺎﻃﻴﻘﻬﺔ .. ﻳﺎﺭﻳﺖ ﺗﺮﺟﻊ ﻣﻴﺎﻣﻴﻦ ..
ﻣﺆﻳﺪ : ﺍﻟﻲ ﻳﺸﻮﻓﺞ ﻣﻮ ﺍﻳﻜﻮﻝ ﺍﻧﺘﻲ ﺟﻨﺘﻲ ﻛﺎﺭﻫﺘﻬﺔ ﻭﻣﺎ ﺗﻄﻴﻘﻴﻦ ﺗﺸﻮﻓﻴﻨﻬﺔ ...
ﻣﻬﺎ ﺑﻨﺪﻡ : ﺷﺴﻮﻱ ﻭﺍﻟﻠﻪ ﻣﺎ ﺟﻨﺖ ﺍﺩﺭﻱ .. ﻳﻌﻨﻲ ﺟﻨﺖ ﻣﻘﻬﻮﺭﺓ ﻋﻠﻰ ﺍﺧﻮﻱ ...
\\\\\\\\
ﻭﻛﻔﺖ ﺍﻟﺴﻴﺎﺭﺍﺕ ﺍﺑﺎﺏ ﺑﻴﺖ ﺍﻡ ﻧﻮﺭﺓ ...
ﺍﺳﺘﻘﺒﻠﻮﻫﻢ ﻭﺩﺧﻠﻮﺍ ... ﻃﺒﻌﺎ ﺍﻟﻘﻬﺮ ﺟﺎﻥ ﻣﺒﻴﻦ ﻋﻠﻰ ﻭﺟﻮﻩ ﺍﻟﻜﻞ ..
ﺍﺳﺘﻘﺒﻠﺖ ﺍﻟﻨﺴﻮﺍﻥ ﺍﻡ ﻧﻮﺭﺓ ..
ﺍﻟﺒﻨﺎﺕ ﺳﻠﻤﻦ ﻋﺎﺩﻱ ﻳﻌﻨﻲ ﻣﺎ ﻳﺮﺩﻥ ﻳﺒﻴﻨﻦ ﺷﻲ .. ﻣﺎ ﻋﺪﺍ ﺑﺴﻤﺔ ﺳﻠﻤﺖ ﻣﻦ ﻭﺭﺓ ﺧﺸﻤﻬﺔ ﻻﻥ ﻣﺎ ﺗﻜﺪﺭ ﺗﻀﻢ ﻗﻬﺮﻫﺔ ﻣﻨﻬﻢ ..
ﺷﺎﻓﻮ ﻧﻮﺭﺓ ﻛﺎﻋﺪﺓ ﺑﻜﺎﻣﻞ ﺍﻧﺎﻗﺘﻬﺔ ﻭﺯﻳﻨﺘﻬﺔ ﻭﻻﺑﺴﺔ ﻓﺴﺘﺎﻥ ﺍﺧﻀﺮ ..
ﺑﺴﻤﺔ ﺷﻬﻜﺖ ﻭﻫﻤﺴﺖ ﻟﻤﻬﺎ : ﺍﻳﻴﻴﻊ ﺧﺰﺯﺯﻱ .. ﺷﻨﻲ ﻫﺎﻱ ﺷﻮﻓﻲ ﻓﺘﺤﺔ ﺍﻟﺼﺪﺭ ﺗﻔﻀﺢ ﺍﻛﺜﺮ ﻣﻤﺎ ﺗﺴﺘﺮ ...
ﻣﻬﺎ ﺿﺮﺑﺘﻪ ﺑﻌﻜﺴﺔ : ﺍﺳﻜﺘﻲ ﻳﻤﻔﻀﻮﺣﺔ ﻻ ﻳﺴﻤﻌﻨﺞ ﺻﻮﺗﺞ ﺷﻌﻠﻮﺓ ...
ﺑﺴﻤﺔ ﺑﺪﻭﻥ ﺍﻫﺘﻤﺎﻡ ﻛﻌﺪﺕ ﻋﺎﻟﻘﻨﻔﺔ ...
ﺍﺟﺖ ﺧﺎﺗﻮﻥ ﻛﻌﺪﺕ ﻳﻤﻬﺔ ﺑﻬﺪﻭﺀ ...
ﻃﺒﻌﺎ ﻭﻻ ﻋﺒﺎﻟﻚ ﺧﻄﻮﺑﺔ ... ﺍﻟﺪﻳﺠﻲ ﻣﺸﺘﻐﻞ ﺑﺲ ﻣﺤﺪ ﻳﺮﻛﺺ ﻏﻴﺮ ﺯﻳﻨﺔ ﻭﺯﻳﻨﺐ ﺑﻨﺎﺕ ﺧﺎﻟﺔ ﺍﻟﻌﺮﻭﺱ ..
ﺑﺴﻤﺔ ﺗﺒﺎﻭﻉ ﺑﻤﻠﻞ ﻋﺎﻟﻜﺎﻋﺪﺍﺕ ﻭﻛﻞ ﻭﺣﺪﺓ ﺗﺴﻮﻟﻒ ﻭﻳﺔ ﺍﻟﺜﺎﻧﻴﺔ ...
ﺍﻟﺘﻔﺘﺖ ﻋﻠﻰ ﺧﺎﺗﻮﻥ ﻭﻛﺎﻟﺖ ﺑﻘﻬﺮ : ﻫﺴﺔ ﻟﻮ ﺿﺎﻟﺔ ﺑﺎﻟﺒﻴﺖ ﻣﻮ ﺍﺣﺴﻠﻲ ... ﺑﺲ ﺍﻧﺘﻲ ﺣﻀﺮﺗﺞ ﺟﺒﺘﻴﻨﻲ ﺑﺎﻟﻐﺼﺐ ... ﻳﻌﻨﻲ ﺗﺪﺭﻳﻦ ﺑﻴﺔ ﻣﺎﻃﻴﻘﻬﺔ ...
ﺧﺎﺗﻮﻥ ﺑﻨﻔﺲ ﺍﻟﻘﻬﺮ : ﻟﻌﺪ ﺗﺮﺩﻳﻨﻲ ﺍﺟﻲ ﻫﻨﺎ ﺍﻛﺎﺑﻞ ﻧﻮﺭﺓ ﻭﺍﻛﻌﺪ ...
ﺑﺴﻤﺔ ﺩﺍﺭﺕ ﻭﺟﻬﺔ ﻋﻨﻬﺔ .. ﺷﺎﻓﺖ ﺩﻋﺎﺀ ﺗﺤﻀﺮ ﻧﻔﺴﻬﺔ ﺗﺮﻳﺪ ﺗﻜﻮﻡ ﺗﺮﻛﺺ ... ﺑﺎﻭﻋﺖ ﻋﻠﻴﻬﺔ ﺑﺨﺰﺭﺓ ...
ﺩﻋﺎﺀ ﺑﺎﻭﻋﺖ ﻋﻠﻰ ﺑﺴﻤﺔ ﺑﺒﺮﺍﺀﺓ ﻭﻫﻲ ﺗﻬﺰ ﺭﺍﺳﻬﺔ ﺑﻤﻌﻨﻰ ﺷﻜﻮ ..
ﺑﺴﻤﺔ ﺍﺷﺮﺗﻠﻬﺔ ﺑﺮﺍﺳﻬﺔ ﺑﻤﻌﻨﻲ ﺍﻛﻌﺪﻱ ...
ﺩﻋﺎﺀ ﺑﻮﺯﺕ ﻭﻛﻌﺪﺕ ﺑﻤﻜﺎﻧﻬﺔ ..
ﺧﺎﺗﻮﻥ ﺿﺤﻜﺖ ﻭﻛﺎﻟﺖ ﻟﺒﺴﻤﺔ : ﺣﺮﺍﻡ ﻋﻠﻴﺞ .. ﺷﻮﻓﻴﻬﺎ ﺍﺷﻠﻮﻥ ﺍﻧﺨﻠﺴﺖ ...
ﺑﺴﻤﺔ : ﺧﻞ ﺗﻜﻌﺪ ﻻﻥ ﻣﺎﻟﻲ ﺧﻠﻚ ﻫﻮﺳﺔ ﺍﻧﻲ ////////
ﻋﻨﺪ ﺍﻟﺮﺟﺎﻝ ...
ﻛﺎﻋﺪ ﻭﻳﻬﺰ ﺭﺟﻠﺔ ﺑﺘﻮﺗﺮ ﻭﻫﻮ ﻳﺴﻤﻊ ﺳﻮﺍﻟﻔﻬﻢ ﻭﺿﺤﻜﻬﻢ ﻭﻓﺮﺣﺘﻬﻢ ... ﻛﺎﻋﺪ ﺑﺼﻔﺔ ﻣﺆﻳﺪ ﻣﻦ ﺟﻬﺔ ﻭﻣﻦ ﺍﻟﺠﻬﺔ ﺍﻟﺜﺎﻧﻴﺔ ﺣﻤﺰﺓ ..
ﺣﻤﺰﺓ ﺿﺮﺑﺔ ﺑﻌﻜﺴﺔ ﻭﻛﺎﻝ ﺑﻬﻤﺲ : ﺍﻋﺪﻝ ﺧﻠﻘﺘﻚ ﺍﻟﻌﺎﻟﻢ ﺗﺒﺎﻭﻉ ﻋﻠﻴﻚ ...
ﻏﺰﻭﺍﻥ ﺑﻌﺼﺒﻴﺔ : ﺧﻞ ﻳﺒﺎﻭﻋﻮﻥ ﺑﻠﻜﻲ ﻳﻔﺘﻬﻤﻮﻥ ﺍﻧﻲ ﻣﺎﺭﻳﺪﻫﺔ ...
ﺣﻤﺰﺓ : ﻏﺰﻭﺍﻥ ﻣﻮ ﻫﻴﺞ .. ﺗﺮﺓ ﻋﻴﺐ ﺑﺤﻖ ﺍﺑﻮﻙ ﻫﻴﺞ ﺗﺴﻮﻱ ...
ﻏﺰﻭﺍﻥ ﺗﻨﻔﺲ ﺑﻌﺼﺒﻴﺔ ﻭﻗﻬﺮ ﻭﻫﻮ ﻳﺴﻤﻊ ﺍﺑﻮﻩ ﺑﺪﺓ ﻳﺤﺠﻲ ﻭﻳﺔ ﺍﺑﻮﻫﺔ ﻭﻳﻄﻠﺒﻬﺔ ﻣﻨﺔ ...
ﻣﺆﻳﺪ ﺍﻧﺘﺒﻪ ﻟﺤﻤﺰﺓ ﺍﻟﻲ ﻛﻞ ﺷﻮﻱ ﻳﺒﺎﻭﻉ ﻋﺎﻟﺒﺎﺏ ..
ﺍﺳﺘﻐﺮﺏ ﻣﻨﺔ ﻭﻛﺎﻝ : ﺷﺒﻴﻚ ﻛﻠﺴﺎﻉ ﻭﻣﺎﺩ ﺭﺍﺳﻚ ﻋﺎﻟﺒﺎﺏ .. ﺷﻨﻮ ﻣﻨﺘﻀﺮ ﺍﺣﺪ ..
ﺣﻤﺰﺓ ﺍﺑﺘﺴﻢ : ﻫﺴﺔ ﻧﺸﻮﻑ ﺍﻧﺸﺎﻟﻠﻪ ﺧﻴﺮ ..
ﻣﺆﻳﺪ ﻋﻘﺪ ﺣﻮﺍﺟﺒﺔ ﻭﻫﻮ ﻣﻮ ﻓﺎﻫﻢ ﺷﻲ ..
ﻏﺰﻭﺍﻥ ﺍﻟﻲ ﻣﺎ ﻣﻬﺘﻤﻠﻬﻢ ﻭﺑﺎﻟﺔ ﻣﻮ ﻳﻤﻬﻢ ...
£££££££
ﺑﻴﺖ ﺍﺑﻮ ﺭﺍﺋﺪ
ﻻﺯﻣﺔ ﺗﻠﻴﻔﻮﻧﻬﺔ ﻭﺗﻔﺘﺮ ﺑﺎﻟﻐﺮﻓﺔ ﻭﺧﺎﻳﻔﺔ ﻣﻦ ﺍﻟﻲ ﺭﺍﺡ ﺗﺴﻮﻳﻪ ... ﻣﺘﻮﺗﺮﺓ ﻣﻦ ﺍﻟﺨﻄﻮﺓ ﺍﻟﻲ ﺭﺍﺡ ﺗﺨﻄﻴﻬﺔ ...
ﻻﺯﻡ ﺍﺗﻨﺎﺯﻟﺔ ﻭﺍﻃﻠﺐ ﻫﺎﻟﺸﻲ ﻣﻨﺔ ﻋﻠﻤﻮﺩ ﺭﺍﺋﺪ ...
ﺍﻧﻲ ﻟﻬﺴﺔ ﻣﺎ ﺍﻃﻴﻖ ﺍﺳﻤﻊ ﺻﻮﺗﺔ ...
ﻣﻴﺎﻣﻴﻦ ﻣﺎﺟﺎﻧﺖ ﺗﺪﺭﻱ ﺍﻥ ﺍﻟﻴﻮﻡ ﺧﻄﻮﺑﺘﺔ ...
ﺭﻓﻌﺖ ﺗﻠﻴﻔﻮﻧﻬﺔ ﻭﺍﺗﺼﻠﺖ ﻋﻠﻰ ﺭﻗﻤﺔ ﺍﻟﻲ ﺍﺧﺬﺗﺔ ﻣﻦ ﻣﻬﺎ ﻭﺧﻠﺘﻬﺔ ﺗﻮﻋﺪﻫﺔ ﺍﻥ ﻣﺘﻜﻮﻝ ﻻﺣﺪ ...
ﺭﻥ ﺭﻧﺘﻴﻦ ﻭﺑﻌﺪﻳﻦ ﻓﺼﻠﺔ ﻫﻮ ...
ﻋﺼﺒﺖ ﺍﻛﺜﺮ ﻭﺿﻐﻄﺖ ﻋﻠﻰ ﺍﻳﺪﻫﺔ ...
ﺍﻫﺪﻱ ﻣﻴﺎﻣﻴﻦ ﺍﻫﺪﻱ ... ﺍﻧﺘﻲ ﺭﺍﺡ ﺗﺴﻮﻳﻦ ﻫﺎﻟﺸﻲ ﻋﻠﻤﻮﺩ ﺍﺧﻮﺝ ﻭﺍﺫﺍ ﻭﺍﻓﻖ ﺑﻌﺪﻫﺔ ﺧﻞ ﺷﻴﺮﻳﺪ ﻳﺴﻮﻱ ﺧﻞ ﻳﺴﻮﻱ ﻳﺘﺰﻭﺝ ﻳﺘﻄﻠﻚ ﻳﺨﻄﺐ ﻣﻌﻠﻴﺔ ﺑﻲ .. ﺑﻤﺎ ﺍﻥ ﻫﻮﺓ ﻫﺴﺔ ﻣﺎ ﻳﺮﻳﺪﻧﻲ ﻭﺭﺍﺡ ﻳﺸﻮﻑ ﺣﻴﺎﺗﺔ ﻑ ﺍﻛﻴﺪ ﻣﺎ ﺭﺍﺡ ﻳﻬﺘﻤﻠﻲ ﻭﻣﻦ ﺍﻃﻠﺐ ﻫﺎﻟﺸﻲ ﻣﻨﺔ ﻣﺎ ﺭﺍﺡ ﻳﻄﻠﺐ ﻩ
ﺷﻲ ﺑﺎﻟﻤﻘﺎﺑﻞ ... ﺍﻛﻴﺪ ﻫﻮ ﻳﺮﻳﺪ ﻳﻌﻴﺶ ﺣﻴﺎﺗﺔ .. ﻭﺍﻧﻲ ﺍﺭﻳﺪ ﺍﺷﻮﻑ ﺳﻌﺎﺩﺓ ﺍﺧﻮﻱ ...
ﺫﺑﺖ ﺍﻟﺘﻠﻴﻔﻮﻥ ﻭﻗﺮﺭﺕ ﺗﺘﺼﻞ ﻭﺭﺓ ﺷﻮﻳﺔ ﻻﻥ ﻫﺴﺔ ﻓﺼﻠﺔ ﺑﻮﺟﻬﺔ ...
$$$$$$$
ﺍﻟﺨﻄﻮﺑﺔ ...
ﻛﺎﻋﺪ ﻋﻠﻰ ﺣﺎﻟﺔ ﻭﻳﺴﻤﻊ ﺍﺑﻮﻩ ﻳﻄﻠﺐ ﻧﻮﺭﺓ ﺍﻟﺔ .. ﻭﺭﺟﻞ ﻋﻤﺘﺔ ﻓﺮﺣﺎﻥ ﻭﺍﻧﻄﺎﻩ ﺍﻟﻤﻮﺍﻓﻘﺔ ..
ﺍﺑﻮ ﻏﺰﻭﺍﻥ : ﻣﺎ ﺩﺍﻡ ﺍﻧﺘﻮ ﻣﻮﺍﻓﻘﻴﻦ ﻭﺍﻟﻌﺮﻭﺱ ﻣﻮﺍﻓﻘﺔ .. ﻣﺎﻛﻮ ﺩﺍﻋﻲ ﻟﻠﺘﺄﺟﻴﻞ ﺑﻌﺪ ... ﻧﺨﻠﻲ ﻫﺴﺔ ﺍﻟﺸﻴﺦ ﻳﻌﻘﺪﻟﻬﻢ ..
ﺍﺑﻮ ﻧﻮﺭﺓ : ﺍﺑﻮ ﻏﺰﻭﺍﻥ ﺍﻟﺒﻨﻴﺔ ﺑﺘﻚ ﻭﺍﻟﻲ ﺗﺮﻳﺪﺓ ﺍﻧﻲ ﺣﺎﺿﺮ ﺑﻲ .. ﻭﻫﺴﺔ ﺍﻃﻴﻬﻢ ﺧﺒﺮ ﻳﺤﻀﺮﻭﻥ ﻧﻔﺴﻬﻢ ﺣﺘﻰ ﺍﻟﺸﻴﺦ ﻳﻌﻘﺪ ...
ﻛﺎﻡ ﺍﺑﻮ ﻧﻮﺭﺓ ﻭﺩﺧﻞ ﻟﻠﺒﻴﺖ ..
ﻏﺰﻭﺍﻥ ﻓﺘﺢ ﺩﻛﻢ ﺍﻟﺪﺷﺪﺍﺷﺔ ﻣﻦ ﻓﻮﻙ ﺑﻌﺼﺒﻴﺔ .. ﻭﺻﺎﺭ ﻳﻔﺮﻙ ﺑﺮﻛﺒﺘﺔ ﻭﻳﺤﺲ ﻧﻔﺴﺔ ﻣﺨﻨﻮﻙ .. ﺻﻮﺭﺗﻬﺔ ﺻﺎﺭﺕ ﺗﻤﺮ ﻛﺒﺎﻟﺔ .. ﻋﻴﻮﻧﻬﺔ .. ﺷﻌﺮﻫﺔ ... ﺣﺮﻛﺎﺗﻬﺔ ..
ﻣﺆﻳﺪ ﻗﺮﺏ ﻣﻨﺔ ﻭﺣﺠﺔ ﺑﻬﻤﺲ ﻭﻫﻮ ﻣﺴﻮﻱ ﻧﻔﺴﺔ ﻳﺒﺘﺴﻢ : ﻏﺰﻭﺍﻥ ﺷﺒﻴﻚ .. ﺗﺮﺓ ﺍﻟﻨﺎﺱ ﻛﻠﻬﺔ ﺑﺪﺕ ﺗﻨﺘﺒﻪ ﻋﻠﻴﻚ ..
ﻏﺰﻭﺍﻥ ﺑﻌﺼﺒﻴﺔ : ﺍﺳﻜﺖ ﺭﺣﻤﺔ ﻻﻫﻠﻚ .. ﺗﺮﺓ ﺭﻭﺣﻲ ﻣﺎ ﻃﺎﻳﻘﻬﺔ .. ﻛﻮﺓ ﻣﺘﺤﻤﻞ ﺍﻛﻌﺪ .. ﻋﻠﻰ ﺩﻗﻴﻘﺔ ﻫﺴﺔ ﺍﻛﻮﻡ ﻣﻨﺎ ﻭﻣﺎ ﺍﺭﺟﻊ ﻟﻮ ﻳﺠﻲ ﻣﺪﺭﻱ ﻣﻨﻮ ..
ﺩﻙ ﺗﻠﻴﻔﻮﻧﺔ ﻭﺭﻓﻌﺔ ... ﺷﺎﻓﺔ ﺭﻗﻢ ﻏﺮﻳﺐ .. ﻣﺎﻟﺔ ﺧﻠﻚ ﻻﻱ ﺍﺣﺪ ﻻﻥ ﺑﺲ ﻳﺤﺠﻲ ﻭﻳﺎﻩ ﺍﺣﺪ ﻫﺴﺔ ﻳﻔﺮﻍ ﻛﻞ ﻗﻬﺮﺓ ﺑﻲ .. ﻓﺼﻞ ﺍﻟﺨﻂ ﻭﺭﺟﻊ ﺍﻟﺘﻠﻴﻔﻮﻥ ﻟﺠﻴﺒﺔ
ﺩﺧﻞ ﺍﺑﻮ ﻧﻮﺭﺓ ﻭﻛﺎﻝ : ﺷﻴﺨﻨﺎ ﺗﻔﻀﻞ ..
ﺍﻟﺸﻴﺦ ﻭﻛﻒ ﻭﺍﺷﺮ ﻟﻐﺰﻭﺍﻥ ﺍﻥ ﻳﻜﻮﻡ ﻭﻳﺎﻩ ...
ﻏﺰﻭﺍﻥ ﺟﺮ ﻧﻔﺲ ﻭﻛﺎﻡ ﻭﻳﺎﻩ ...
ﻭﺻﻠﻮ ﻭﻏﺰﻭﺍﻥ ﻳﻤﺸﻲ ﺑﻘﻬﺮ ﻭﻳﺤﺲ ﻧﻔﺴﺔ ﺭﺍﻳﺢ ﻟﻠﻤﻮﺕ ﻣﻮ ﺭﺍﻳﺢ ﻳﺨﻄﺐ ...
ﻭﺻﻞ ﻟﻠﺒﺎﺏ ﺑﺲ ﺍﻧﻀﺮﺏ ﺑﺸﺨﺺ ﺑﻘﻮﺓ ..
ﺭﻓﻊ ﺭﺍﺳﺔ ﻭﺷﺎﻓﺔ ﻭﺍﻛﻒ ﻭﻳﺒﺎﻭﻉ ﻋﻠﻲ ﺑﻜﻞ ﻋﺼﺒﻴﺔ ..
ﻃﺒﻚ ﺣﻮﺍﺟﺒﺔ ﻏﺰﻭﺍﻥ ﻭﻫﻮ ﻳﺸﻮﻑ ﻧﻀﺮﺍﺗﺔ ﺍﻟﺔ .ﺣﻂ ﺍﻳﺪﺓ ﻋﻠﻰ ﺻﺪﺭ ﻏﺰﻭﺍﻥ ﻭﺭﺟﻌﺔ ﻟﻮﺭﻯ ﺑﺨﻔﺔ ﻭﺻﺎﺭﻭ ﺑﻨﺺ ﺍﻟﺪﻳﻮﺍﻥ ..
ﺻﺎﺡ ﺑﻌﻠﻮ ﺻﻮﺗﺔ : ﺑﺖ ﻋﻤﻲ ﻣﺎ ﺍﻃﻴﻬﺔ .. ﺍﻧﻲ ﺍﻧﻬﻲ ﻋﻠﻴﺔ ﻭﺍﺧﺬﻫﺔ .. ﻳﻌﻨﻲ ﻫﺬﺍ ﺍﻟﺰﻭﺍﺝ ﻣﺎ ﻳﺼﻴﺮ ..
ﻏﺰﻭﺍﻥ ﻓﺘﺢ ﻋﻴﻮﻧﺔ ﻋﻠﻰ ﺍﺭﻛﺎﻥ ﺍﻟﻲ ﻭﺍﻛﻒ ﻳﺤﺠﻲ ﺑﻜﻞ ﺣﺪﺓ ..
ﺍﺑﻮ ﻏﺰﻭﺍﻥ ﻭﻛﻒ ﺑﻌﺼﺒﻴﺔ : ﺷﻬﺎﻟﺤﺠﻲ ﻫﺬﺍ .. ﺍﺭﻛﺎﻥ ﺍﻧﺖ ﻣﺴﺘﻮﻋﺐ ﺷﺘﻜﻮﻝ ..
ﺍﺭﻛﺎﻥ : ﻋﻤﻲ ﺍﺑﻮ ﻏﺰﻭﺍﻥ ﺍﻧﻲ ﺍﺣﺘﺮﻣﻚ ﻭﺍﻗﺪﺭﻙ .. ﺑﺲ ﻋﻤﻲ ﻣﺎ ﺍﻃﺎﻧﺔ ﺧﺒﺮ ﻣﻦ ﺍﻧﺘﻮ ﺧﻄﺒﺘﻮﻫﺔ ﻭﺟﺎﻥ ﺍﻟﻤﻔﺮﻭﺽ ﻳﺴﺄﻟﻨﺔ ﺑﺎﻻﻭﻝ ... ﻭﺑﺖ ﻋﻤﻲ ﻣﺎ ﺍﻃﻴﻬﺔ ﻭﺍﻧﻲ ﺍﺭﻳﺪﻫﺔ .. ﺍﺗﻤﻨﻰ ﻫﺎﻟﺸﻲ ﻣﺎ ﻳﺰﻋﻠﻜﻢ ﻣﻨﺎ ...
ﺍﻟﻮﻟﺪ ﺍﺟﻮ ﻭﻛﻔﻮ ﻳﻢ ﻏﺰﻭﺍﻥ ﻭﻳﺒﺎﻭﻋﻮﻥ ﺑﻌﺼﺒﻴﺔ ﻋﻠﻰ ﺍﺭﻛﺎﻥ .. ﻻﻥ ﻫﺎﻱ ﺗﻌﺘﺒﺮ ﺍﻫﺎﻧﺔ ﺍﻟﻬﻢ ﻣﻦ ﺍﺟﻮ ﻭﺗﻌﻨﻮ ﻭﺗﺎﻟﻲ ﻳﺮﺟﻌﻮﻥ ﺑﻬﺎﻟﻄﺮﻳﻘﺔ ﻭﻳﺘﻔﺸﻠﻮﻥ ..
ﺍﺑﻮ ﻧﻮﺭﺓ ﺣﺠﺔ ﺑﻌﺼﺒﻴﺔ : ﻣﺤﺪ ﻣﻨﻜﻢ ﻣﻦ ﻗﺒﻞ ﺣﺠﺔ ﺑﻬﺎﻟﻤﻮﺿﻮﻉ ﻟﻴﺶ ﻫﺴﺔ ﻳﻠﺔ ﺣﺠﻴﺖ ...
ﺍﺭﻛﺎﻥ : ﻋﻤﻲ ﻻ ﺗﻐﺸﻢ ﺭﻭﺣﻚ .. ﺍﻧﻲ ﻗﺒﻞ ﺳﻨﺔ ﺍﺟﻴﺖ ﻭﻛﺘﻠﻚ .. ﺑﺲ ﺍﻧﺖ ﻛﻠﺖ ﺍﻟﺒﻨﻴﺔ ﺑﻌﺪﻫﺔ ﺯﻏﻴﺮﺓ ..
ﺣﻤﺰﺓ ﺿﺮﺏ ﻏﺰﻭﺍﻥ ﺑﻌﻜﺴﺔ ﻭﺣﺠﺔ ﺑﻬﻤﺲ : ﺳﻨﻮﻧﻚ ﺭﺍﺡ ﺗﻄﻴﺢ ﺑﺤﻀﻨﻚ .. ﺿﻤﻬﻦ ﻓﺸﻠﺘﻨﺔ ﺍﻟﻌﺎﻟﻢ ﺗﺒﺎﻭﻉ ﻋﻠﻴﻚ ..
ﻏﺰﻭﺍﻥ ﺍﻧﺘﺒﻪ ﻟﻨﻔﺴﺔ ﻭﺍﺧﻔﺔ ﻓﺮﺣﺘﺔ .. ﺗﺤﻤﺤﻢ ﻭﻛﺎﻝ ﺑﻌﺼﺒﻴﺔ ﺍﺻﻄﻨﻌﻬﺔ : ﺍﻣﺸﻴﻨﺔ ﻳﺎﺑﺔ .. ﺑﻌﺪ ﻣﺎ ﻧﺒﻘﻰ ﻫﻨﺎ .. ﻫﺎﻱ ﺍﻫﺎﻧﺔ ﺍﻟﻨﺔ .. ﺑﻌﺪ ﻣﺎ ﻧﺎﺧﺬ ﺑﺘﻬﻢ ﻟﻮ ﺷﻴﺼﻴﺮ ..
ﺍﺑﻮ ﻏﺰﻭﺍﻥ ﺍﻧﻄﺎﻩ ﺧﺰﺭﺓ .. ﺍﻟﺘﻔﺖ ﻋﻠﻰ ﺍﺑﻮ ﻧﻮﺭﺓ ﻭﻛﺎﻝ ﺑﻌﺼﺒﻴﺔ : ﺍﺫﺍ ﺍﺑﻦ ﻋﻤﻬﺔ ﺟﺎﻥ ﺭﺍﻳﺪﻫﺔ ﻟﻴﺶ ﺗﻄﻴﻨﺔ ﺍﻟﻤﻮﺍﻓﻘﺔ ﻭﺗﻔﺸﻠﻨﺔ ﻛﺪﺍﻡ ﺍﻟﻌﺎﻟﻢ .. ﻣﺆﻳﺪ ﺧﺎﺑﺮ ﺍﻻﻫﻞ ﺧﻞ ﻳﻄﻠﻌﻮﻥ .. ﻣﺎﻟﻨﺔ ﺿﻠﺔ ﻫﻨﺎ ﺑﻌﺪ ..
ﻣﺆﻳﺪ ﻃﻠﻊ ﺗﻠﻴﻔﻮﻧﺔ ﻭﺭﺍﺡ ﻳﺨﺎﺑﺮ ﺑﺮﺓ ..
ﻃﻠﻊ ﺍﺑﻮ ﻏﺰﻭﺍﻥ ﻣﻦ ﺍﻟﺪﻳﻮﺍﻥ ﻭﻭﻳﺎﻩ ﺍﺧﻮﺍﻧﺔ ﻭﻭﻟﺪ ﺍﺧﻮﺍﻧﺔ ﻭﺍﻟﻲ ﺟﺎﻳﻴﻦ ﻭﻳﺎﻩ ..
ﺣﻤﺰﺓ ﺍﻟﺘﻔﺖ ﻋﻠﻰ ﺍﺭﻛﺎﻥ ﻭﻏﻤﺰﻟﺔ .. ﺍﺭﻛﺎﻥ ﺍﺑﺘﺴﻢ ﻭﻫﺰ ﺭﺍﺳﺔ ﺑﻤﻌﻨﻰ ﺍﻭﻛﻲ ..
ﻃﻠﻌﻦ ﺍﻟﻨﺴﻮﺍﻥ ﻭﺻﻌﺪﻥ ﺑﺎﻟﺴﻴﺎﺭﺍﺕ .. ﻭﻃﺒﻌﺎ ﺍﻟﺒﻨﺎﺕ ﻭﺍﻟﺤﺠﻴﺔ ﻓﺮﺣﺘﻬﻦ ﻣﻮ ﺳﺎﻳﻌﺘﻬﻦ ..
ﺳﻴﺎﺭﺓ ﻣﺆﻳﺪ ... ﺻﺎﻋﺪ ﺑﺎﻟﺴﻴﺎﺭﺓ ﻭﻳﻨﺘﻀﺮ ﺧﻮﺍﺗﺔ ﻳﺠﻦ ..
ﺍﻧﻔﺘﺢ ﺑﺎﺏ ﺍﻟﻜﺪﺍﻡ ﻭﺻﻌﺪﺕ ﻣﻬﺎ ﺑﺎﻟﺴﻴﺎﺭﺓ ..
ﺑﺲ ﺳﺪﺕ ﺑﺎﺏ ﺍﻟﺴﻴﺎﺭﺓ ﻭﻋﺎﻃﺖ ﺑﻔﺮﺡ : ﻳﻴﻴﻴﻴﻴﺴﺴﺴﺲ ...
ﻣﺆﻳﺪ ﻛﻤﺰ ﺑﺴﺮﻋﺔ ﻭﺍﻟﺘﻔﺖ ﻋﻠﻴﻬﺔ ﺑﺼﺪﻣﺔ ...
ﺷﺎﻓﺖ ﺍﻟﻔﺮﺣﺔ ﺑﻌﻴﻮﻧﻬﺔ ﻭﻣﺘﺤﻤﺴﺔ ...
ﺗﺤﻮﻟﺖ ﻋﻴﻮﻧﺔ ﻟﻠﻌﺼﺒﻴﺔ ﻭﺭﻓﻊ ﺍﻳﺪﺓ ﻭﺿﺮﺑﻬﺔ ﻋﻠﻰ ﺭﺍﺳﻬﺔ ﺣﻴﻞ .. ﻭﺣﺠﺔ ﺑﻌﺼﺒﻴﺔ ﻭﻫﻮ ﺣﺎﻁ ﺍﻳﺪﺓ ﻋﻠﻰ ﻛﻠﺒﺔ : ﺍﻟﻠﻪ ﻳﺎﺍﺍﺧﺬﺫﺝ ﺑﺠﺎﻩ ﺍﻟﺤﺒﻴﺐ ﻣﺤﻤﺪ .. ﻃﻴﺤﺘﻲ ﻛﻠﺒﻲ ..
ﻣﻬﺎ ﺣﻄﺖ ﺍﻳﺪﻫﺔ ﻋﻠﻰ ﺭﺍﺳﻬﺔ ﻭﺗﻔﺮﻛﺔ ﺑﺄﻟﻢ : ﺍﺍﺍﻱ .. ﺷﻨﻮ ﻫﺎﻱ ﺍﻳﺪ ﻟﻮ ﺟﺎﻛﻮﺝ .. ﺷﺒﻴﻚ ﺷﻨﻮ ﻣﺎ ﻳﺼﻴﺮ ﺍﻓﺮﺡ ..
ﻣﺆﻳﺪ ﺑﻌﺼﺒﻴﺔ : ﻋﻠﻴﻤﻦ ﺗﻔﺮﺣﻴﻦ ﻭﺍﺣﻨﺔ ﺭﺍﺟﻌﻴﻦ ﻣﺘﻔﺸﻠﻴﻦ ﻛﺪﺍﻡ ﺍﻟﻌﺎﻟﻢ ..
ﻣﻬﺎ ﺭﺟﻌﺖ ﺿﻬﺮﻫﺔ ﺑﺮﺍﺣﺔ : ﻭﺍﻟﻠﻪ ﺧﻞ ﻧﺘﻔﺸﻞ .. ﺍﻟﻤﻬﻢ ﻧﻮﻳﺮﺓ ﻣﺎ ﺗﺼﻴﺮ ﻣﺮﺕ ﺍﺧﻮﻱ ...
ﻣﺆﻳﺪ ﺿﺤﻚ ﻋﻠﻴﻬﺔ ﻭﺣﺮﻙ ﺳﻴﺎﺭﺗﺔ ...
ﺳﻴﺎﺭﺓ ﻏﺰﻭﺍﻥ .. ﻛﺎﻋﺪ ﻳﺴﻮﻕ ﻭﺍﺑﻮﻩ ﻛﺎﻋﺪ ﺑﺼﻔﺔ ..
ﻃﺒﻌﺎ ﺣﺎﻟﺘﺔ ﻭﺣﺎﻟﺔ ﺍﺑﻮﻩ ﻣﺘﻨﺎﻗﻀﺔ ﺟﺪﺍً ..
ﻫﻮ ﺟﺎﻥ ﻓﺮﺣﺎﻥ ﺑﺲ ﺍﺑﻮﻩ ﺟﺎﻥ ﻣﻌﺼﺐ ..
ﻳﺒﺎﻭﻉ ﻟﻠﻄﺮﻳﻖ ﻭﻳﻀﺤﻚ ﺑﺪﻭﻥ ﺳﺒﺐ ..
ﻛﻤﺰ ﻣﻦ ﺣﺲ ﺑﻠﺴﻌﺔ ﺍﻟﺴﺒﺤﺔ ﻋﻠﻰ ﺍﻳﺪﺓ ..
ﺍﻟﺘﻔﺖ ﻋﻠﻰ ﺍﺑﻮﻩ ﺍﻟﻲ ﺿﺮﺑﺔ ﺑﺴﺮﻋﺔ ..
ﺍﺑﻮ ﻏﺰﻭﺍﻥ ﺑﻌﺼﺒﻴﺔ : ﻋﻠﻴﻤﻦ ﻣﻜﺸﺮ ... ﻣﻮ ﻟﻴﻜﻮﻝ ﻫﺴﺔ ﻣﺘﻔﺸﻞ ﻛﺪﺍﻡ ﺍﻟﻌﺎﻟﻢ ...
ﻏﺰﻭﺍﻥ ﺍﻟﺘﻔﺖ ﻋﻠﻰ ﺍﺑﻮﻩ : ﺑﻮﻳﺔ ﺍﻧﺖ ﺗﺪﺭﻱ ﺑﻴﺔ ﻣﺎﺭﻳﺪ ﻫﺬﺍ ﺍﻟﻌﺮﺱ ﻛﻠﺔ .. ﺑﻌﺪ ﺗﺪﺭﻱ ﺑﻴﺔ ﻟﻴﺶ ﻣﻜﺸﺮ ..
ﺍﺑﻮ ﻏﺰﻭﺍﻥ ﻫﺰ ﺭﺍﺳﺔ ﻭﺗﻨﻬﺪ ﻣﻦ ﺣﺎﻟﺔ ﺍﺑﻨﺔ ..
ﻏﺰﻭﺍﻥ ﻭﻛﻒ ﺍﻟﺴﻴﺎﺭﺓ ﻭﺍﻟﺘﻔﺖ ﻻﺑﻮﻩ ﺑﺴﺮﻋﺔ ...
ﻏﺰﻭﺍﻥ ﺑﺘﺮﺟﻲ : ﻳﺎﺑﺔ ﻓﺪﻭﺓ ﻃﺎﻟﺒﻚ ﺍﻧﻲ ...
ﺍﺑﻮ ﻏﺰﻭﺍﻥ ﺑﺎﻭﻉ ﻋﻠﻲ ﻣﺴﺘﻐﺮﺏ : ﺍﺣﺠﻲ ﺷﺒﻴﻚ ..
ﻏﺰﻭﺍﻥ : ﺍﺭﻳﺪ ﺗﺨﻄﺒﻠﻲ ﻣﻴﺎﻣﻴﻦ ...
ﺍﺑﻮ ﻏﺰﻭﺍﻥ ﻫﺰ ﺭﺍﺳﺔ : ﻭﻟﻚ ﻣﻮ ﺗﺪﺭﻱ ﺑﻴﺔ ﺟﻢ ﻣﺮﺓ ﺧﺎﺑﺮﺕ ﺍﺧﻮﻫﺔ .. ﻭﻛﻞ ﻣﺎ ﺍﻛﻠﺔ ﺍﺭﻳﺪ ﺍﺟﻴﻜﻢ ﻳﻜﻠﻲ ﻋﻤﻲ ﻣﻴﺎﻣﻴﻦ ﺭﺍﻓﻀﺔ ﻫﺎﻟﺸﻲ .. ﻭﻛﺘﻠﺔ ﺍﺭﻳﺪ ﺍﺟﻴﻜﻢ ﻭﻳﺔ ﺷﻴﻮﺥ ﻭﻧﻌﺘﺬﺭ ﻣﻨﻜﻢ ﻭﻛﺎﻝ ﻣﺎ ﻳﺤﺘﺎﺝ ﺍﻋﺘﺬﺍﺭﻛﻢ ﻭﺍﺻﻞ .. ﺑﻌﺪ ﺷﺒﻴﺪﻱ ﺍﺳﻮﻱ ﻭﻟﻚ ..
ﻏﺰﻭﺍﻥ : ﻓﺪﻭﺓ ﺑﻮﻳﺔ ﺑﺲ ﺣﺎﻭﻝ ﻫﺎﻟﻤﺮﺓ .. ﻭﺍﻟﻠﻪ ﺑﻌﺪ ﻣﺎﻛﺪﺭ .. ﻛﻠﺒﻲ ﻃﺎﻙ ﻋﻠﻴﻬﺔ ..
ﺍﺑﻮ ﻏﺰﻭﺍﻥ : ﺟﺎ ﻣﺎﺩﺭﻱ ﺑﻴﻚ .. ﺍﻋﺮﻑ ﺣﺎﻟﻚ ﺯﻳﻦ ..
ﻏﺰﻭﺍﻥ : ﻳﻠﺔ ﻓﺪﻭﺓ ﺑﻮﻳﺔ ﺩﻙ ﻫﺴﺔ ..
ﺍﺑﻮ ﻏﺰﻭﺍﻥ ﺑﻌﺼﺒﻴﺔ : ﻏﺰﻭﺍﻥ ﻻ ﺗﺼﻴﺮ ﺧﻔﻴﻒ .. ﻫﺴﺔ ﻭﺍﺻﻠﺔ ﻟﺨﺸﻤﻲ ﺗﺮﺓ .. ﺧﻠﻴﻬﺔ ﻟﺠﻢ ﻳﻮﻡ ﻳﻠﺔ ..
ﻏﺰﻭﺍﻥ ﺩﺍﺭ ﻭﺟﻬﺔ ﺑﻔﺮﺡ ﻭﺷﻐﻞ ﺍﻟﺴﻴﺎﺭﺓ ﻭﻛﻤﻞ ﻃﺮﻳﻘﺔ ..
ﺑﺴﻴﺎﺭﺓ ﺍﺣﻤﺪ ﺍﺧﻮ ﺑﺴﻤﺔ ..
ﻛﺎﻋﺪﺓ ﺑﺴﻤﺔ ﻟﻮﺭﻯ ﻭﻃﻠﺒﺖ ﻣﻦ ﺍﺧﻮﻫﺔ ﻳﺸﻐﻞ ﺍﻏﺎﻧﻲ .. ﻭﻛﺎﻣﺖ ﺗﺼﻔﻚ ﻭﺗﺮﻛﺺ ..
ﺟﻮﺭﻱ ﻭﻫﻲ ﺗﻀﺤﻚ ﻋﻠﻴﻬﺔ : ﻭﻻ ﻋﺒﺎﻟﻚ ﻧﻔﺴﺞ ﻣﻦ ﺍﺟﻴﺘﻲ ..
ﺑﺴﻤﺔ ﻣﺎ ﻣﻬﺘﻤﺔ ﻭﺗﻬﺰ ﺑﺈﻳﺪﻳﻬﺔ ﻭﺗﺮﻛﺺ ﻭﻣﻨﺪﻣﺠﺔ ..
ﺟﻮﺭﻱ ﺿﺮﺑﺘﺔ ﻋﻠﻰ ﻛﺘﻔﻬﺔ ﻭﻛﺎﻟﺖ : ﺍﺫﺍ ﻫﻴﺞ ﺗﺮﻛﺼﻴﻦ ﻟﻴﺶ ﻣﺴﺎﻉ ﻓﺸﻠﺘﻲ ﺩﻋﺎﺀ ﺧﻄﻴﺔ ﻭﻣﺎ ﺧﻠﻴﺘﻴﻬﺔ ﺗﺮﻛﺺ ..
ﺑﺴﻤﺔ : ﻳﺎﺭﻭﺣﻲ ﺩﻋﺪﻭﻋﺔ .. ﻟﻮ ﺍﺩﺭﻱ ﻣﺨﻠﻴﺘﻬﺔ ﺫﺍﺑﺔ ﻟﺤﻢ .. ﻭﺍﻟﻠﻪ ﺗﻨﺪﻣﺖ ﻻﻥ ﻣﺎ ﺭﻛﺼﺖ ﺍﻟﻴﻮﻡ ..
ﺍﺣﻤﺪ : ﺍﺭﻳﺪ ﺍﻓﺘﻬﻢ ﺷﻐﻠﺔ .. ﺍﺫﺍ ﺗﺰﻭﺟﻬﺔ ﻟﻮ ﻻ .. ﺍﻧﺘﻲ ﺷﻌﻠﻴﺞ ﺑﺎﻟﻤﻮﺿﻮﻉ .. ﻟﻴﺶ ﻫﺎﻟﻜﺪ ﻓﺮﺣﺎﻧﺔ ..
ﺑﺴﻤﺔ : ﻻ ﻋﻴﻨﻲ .. ﺍﻧﻲ ﻣﺎﺭﻳﺪ ﻧﻮﺭﺓ .. ﺍﺭﻳﺪ ﻣﻴﺎﻣﻴﻦ ﺗﺮﺟﻊ .. ﻻﻥ ﺍﺣﺒﻬﺔ ﻭﻣﺎﺣﺐ ﻧﻮﺭﺓ ..
ﺍﺣﻤﺪ : ﻭﺍﻟﻠﻪ ﺍﻧﺘﻦ ﻳﺎﻟﺒﻨﺎﺕ ﺍﺫﺍ ﻛﺮﻫﺘﻦ ﺑﻨﻴﺔ ﺗﻄﻴﻨﻦ ﻋﻴﺸﺘﻬﺔ ..
ﺑﺴﻤﺔ ﺑﻌﺼﺒﻴﺔ : ﺍﻟﻲ ﻳﺴﻤﻌﻚ ﺍﻳﻜﻮﻝ ﺍﻧﻲ ﺍﻟﺨﺮﺑﺖ ﺧﻄﻮﺑﺘﻬﺔ .. ﺷﻤﺴﻮﻳﺘﻠﻬﺔ ﺣﺘﻰ ﺍﻃﻴﻦ ﻋﻴﺸﺘﻬﺔ ...
€€€€€€
ﻣﻴﺎﻣﻴﻦ ﻛﺎﻋﺪﺓ ﺑﺎﻟﺼﺎﻟﺔ ﻭﺗﻠﻴﻔﻮﻧﻬﺔ ﺑﻴﺪﻫﺔ ﻭﺗﻬﺰ ﺑﺮﺟﻠﻬﺔ ..
ﺍﻟﺘﻔﺘﺖ ﺷﺎﻓﺖ ﺍﻥ ﺧﺎﻟﺪ ﺍﺟﺔ ﻛﻌﺪ ﻳﻤﻬﺔ ..
‏( ﻟﻠﻤﻌﻠﻮﻣﺔ .. ﺍﻫﻞ ﺧﺎﻟﺪ ﺭﺟﻌﻮ ﺍﻧﺘﻘﻠﻮ ﻣﻦ ﺍﺭﺑﻴﻞ ﻟﻠﻜﻮﺕ ﻷﺳﺒﺎﺏ ﻫﻮﺍﻱ ﻭﺍﻫﻤﻬﺎ ﻣﻦ ﺻﺎﺭﺕ ﺍﻟﺤﺎﺩﺛﺔ ﻭﺍﻧﺤﺒﺲ ﺭﺍﺋﺪ .. ﺍﻡ ﺧﺎﻟﺪ ﺣﺒﺖ ﺗﻜﻮﻥ ﻳﻢ ﺍﺧﺘﻬﺔ ﻭﻗﺮﻳﺒﺔ ﻣﻨﻬﺔ .. ﻭﺻﺎﺭ ﺑﻴﺘﻬﻢ ﻳﺒﻌﺪ ﺗﻘﺮﻳﺒﺎً ﺷﺎﺭﻋﻴﻦ ﻋﻦ ﺑﻴﺖ ﺍﻡ ﺭﺍﺋﺪ .. ‏)
ﺧﺎﻟﺪ ﻭﻫﻮ ﻳﻜﻌﺪ ﺑﺼﻒ ﻣﻴﺎﻣﻴﻦ : ﺍﻣﻮﻧﻲ ﺷﺒﻴﺞ ﻣﺘﻮﺗﺮﺓ ..
ﻣﻴﺎﻣﻴﻦ ﺑﺈﺭﺗﺒﺎﻙ : ﻭﻻ ﺷﻲ ..
ﺧﺎﻟﺪ : ﻣﻮ ﻋﻠﻴﺔ ﻫﺎﻟﺤﺠﻲ .. ﺷﻮﻓﻲ ﺍﻟﺘﻠﻴﻔﻮﻥ ﺭﺍﺡ ﻳﻨﻜﺴﺮ ﺑﻴﺪﺝ ﻣﻦ ﻛﺜﺮ ﻣﺎ ﺭﺍﺻﺔ ﻋﻠﻲ ..
ﻣﻴﺎﻣﻴﻦ ﻛﺎﻣﺖ ﻋﻨﺔ ﻻﻥ ﻣﺎﺗﻜﺪﺭ ﺗﻀﻢ ﺍﻛﺜﺮ ..
ﺩﺧﻠﺖ ﻏﺮﻓﺘﻬﺔ ﺷﺎﻓﺖ ﺍﻟﺴﺎﻋﺔ ٩ ﺑﻠﻴﻞ ...
ﺍﻛﻴﺪ ﻫﺴﺔ ﺭﺟﻊ ﻟﻠﺒﻴﺖ ...
ﺭﻓﻌﺖ ﺗﻠﻴﻔﻮﻧﻬﺔ ﻭﺍﺗﺼﻠﺖ ﻋﻠﻰ ﺭﻗﻤﺔ ...
//////////
ﺑﻴﺖ ﻏﺰﻭﺍﻥ ..
ﺭﺟﻊ ﻣﻦ ﺍﻟﻤﺴﺘﺸﻔﻰ ﺑﻌﺪ ﻳﻮﻡ ﻃﻮﻳﻞ ..
ﻣﺒﺎﺷﺮﺓ ﺻﻌﺪ ﻭﺗﻮﺟﻪ ﻟﻐﺮﻓﺘﻬﺔ ﻭﺷﻤﺮ ﻧﻔﺴﺔ ﻋﻠﻰ ﺟﺮﺑﺎﻳﺘﻬﺔ ﺑﺘﻌﺐ ..
ﺣﻂ ﺭﺍﺳﺔ ﻋﻠﻰ ﻣﺨﺪﺗﻬﺔ ﻭﻏﻤﺾ ﻋﻴﻮﻧﺔ ﻭﻫﻮ ﻳﺘﻨﻬﺪ ﺑﺘﻌﺐ ﻭﻳﺸﻢ ﺭﻳﺤﺘﻬﺔ ﺑﺎﻟﻤﺨﺪﺓ ﺍﻟﻲ ﺗﻌﻮﺩ ﻛﻞ ﻳﻮﻡ ﻣﺎ ﻳﻨﺎﻡ ﺍﻻ ﺑﻐﺮﻓﺘﻬﺔ ﻭﻳﺸﻢ ﺭﻳﺤﺘﻬﺔ ...
ﻓﺘﺢ ﻋﻴﻮﻧﺔ ﻭﻗﺎﻃﻊ ﺭﺍﺣﺘﺔ ﺻﻮﺕ ﺗﻠﻴﻔﻮﻧﺔ ﺍﻟﻲ ﺩﻙ ...
ﺭﻓﻌﺔ ﻭﺷﺎﻓﺔ ﺭﻗﻢ ﻏﺮﻳﺐ ﻭﻧﻔﺴﺔ ﺍﻟﻲ ﺍﺗﺼﻞ ﻋﻠﻲ ﻣﺴﺎﻉ ...
ﺗﺄﻓﻒ ﻻﻥ ﻣﺎﻟﺔ ﺧﻠﻚ ﻻﺣﺪ ﻫﺴﺔ ... ﺑﺲ ﺧﺎﻑ ﺷﻲ ﻣﻬﻢ ..
ﺭﺩ ﻋﺎﻻﺗﺼﺎﻝ : ﺍﻟﻮ ؟ ...
ﻣﺎﻛﻮ ﺭﺩ ..
ﻋﺼﺐ ﻭﻛﺎﻝ : ﺍﻟﻮﻭﻭ ...
ﻣﻴﺎﻣﻴﻦ ﺑﺘﺮﺩﺩ : ﺍﻟﻮﻭ ﻏﺰﻭﺍﻥ ..
ﻏﺰﻭﺍﻥ ﺑﺜﺎﻧﻴﺔ ﻭﺣﺪﺓ ﻛﻤﺰ ﻭﺻﺎﺭ ﻭﺍﻛﻒ ﺑﺎﻟﻜﺎﻉ ﻋﻠﻰ ﻃﻮﻟﺔ ...
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ

#بارت٤٤

ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺍﻟﺤﺐ ﺟﺤﻴﻢ ﻳﻄﺎﻕ . . ﻭﺍﻟﺤﻴﺎﺓ ﺑﺪﻭﻥ ﺣﺐ ﻧﻌﻴﻢ ﻻ ﻳﻄُﺎﻕ .
ﺭﺩ ﻋﺎﻻﺗﺼﺎﻝ : ﺍﻟﻮ ؟ ...
ﻣﺎﻛﻮ ﺭﺩ ..
ﻋﺼﺐ ﻭﻛﺎﻝ : ﺍﻟﻮﻭﻭ ...
ﻣﻴﺎﻣﻴﻦ ﺑﺘﺮﺩﺩ : ﺍﻟﻮﻭ ﻏﺰﻭﺍﻥ ..
ﻏﺰﻭﺍﻥ ﺑﺜﺎﻧﻴﺔ ﻭﺣﺪﺓ ﻛﻤﺰ ﻭﺻﺎﺭ ﻭﺍﻛﻒ ﺑﺎﻟﻜﺎﻉ ﻋﻠﻰ ﻃﻮﻟﺔ ...
ﺣﻂ ﺍﻳﺪﺓ ﻋﻠﻰ ﻛﻠﺒﺔ ﻭﻫﻮ ﻣﻮ ﻣﺼﺪﻙ ...
ﻛﺎﻝ ﻭﺻﻮﺗﺔ ﻳﺮﺟﻒ ﻭﻳﺮﻳﺪ ﻳﺘﺄﻛﺪ : ﻣﻴﺎﻣﻴﻦ ؟ ...
ﻣﻴﺎﻣﻴﻦ ﻛﻠﺒﻬﺔ ﺍﺭﺗﺠﻒ ﻣﻦ ﺳﻤﻌﺖ ﺍﺳﻤﻬﺔ ﻣﻨﺔ .. ﺣﺎﻭﻟﺖ ﺗﻘﻮﻱ ﻧﻔﺴﻬﺔ ﻭﻛﺎﻟﺖ ﺑﺠﻤﻮﺩ : ﺍﻱ ﻣﻴﺎﻣﻴﻦ ..
ﻏﺰﻭﺍﻥ ﺑﻌﺘﺎﺏ : ﺍﺍﺍﺍﺥ ﻳﺎﻗﻮﺓ ﻛﻠﺒﺞ .. ﻫﺎﻟﻜﺪ ﺣﺎﺭﻣﺘﻨﻲ ﻣﻦ ﺻﻮﺗﺞ ...
ﻣﻴﺎﻣﻴﻦ ﺑﻠﻌﺖ ﺭﻳﻜﻬﺎ : ﻏﺰﻭﺍﻥ ﻣﻮ ﻭﻛﺖ ﻫﺎﻟﺤﺠﻲ ﻫﺴﺔ .. ﻣﺎ ﺍﺗﺼﻠﺖ ﻋﻠﻴﻚ ﺣﺘﻰ ﺍﺳﻤﻊ ﻫﺎﻟﺤﺠﻲ ..
ﻏﺰﻭﺍﻥ ﺑﻌﺼﺒﻴﺔ : ﺷﺘﺮﺩﻳﻦ ﺍﺣﺠﻲ ﻟﻌﺪ .. ﻣﻮ ﻛﺎﻓﻲ ﺍﻧﺘﻲ ﻣﺎ ﺗﺮﺩﻳﻦ ﺗﺤﺠﻴﻦ ﻭﻳﺎﻱ ﻭﺣﺎﺭﻣﺘﻨﻲ ﻣﻦ ﺻﻮﺗﺞ ﻭﺍﻧﻲ ﻛﻠﺒﻲ ﻣﻴﺖ ﻋﻠﻴﺞ ...
ﻣﻴﺎﻣﻴﻦ ﺑﻘﻬﺮ : ﺑﻌﺪﻙ ﺍﻧﺖ ﻧﻔﺴﻚ ﻣﺎ ﺗﻐﻴﺮﺕ .. ﺑﺲ ﺗﺼﻴﺢ ﻭﻣﻌﺼﺐ ﻋﻠﻴﺔ ..
ﻏﺰﻭﺍﻥ ﺍﻧﺘﺒﻪ ﻟﻨﻔﺴﺔ ﻭﺿﺮﺏ ﺭﺍﺳﺔ ﺍﻛﺜﺮ ﻣﻦ ﻣﺮﺓ ..
ﺟﺤﺔ ﺑﺼﻮﺕ ﻣﺸﺘﺎﻙ ﻭﻣﺘﻠﻬﻒ : ﻣﻴﺎﻣﻲ ﻳﺮﻭﺣﻲ ﺍﻧﺘﻲ .. ﻭﺍﻟﻠﻪ ﺷﻮﻛﻲ ﺍﻟﺞ ﻋﺎﻣﻲ ﻋﻠﻰ ﻋﻴﻮﻧﻲ .. ﺑﺪﻭﻧﺞ ﻣﺎﺟﺎﻱ ﺍﻛﺪﺭ ﺍﺗﻨﻔﺲ .. ﻟﻴﺶ ﻫﻴﺞ ﺗﺴﻮﻳﻦ ﺑﻴﺔ .. ﻭﺍﻟﻠﻪ ﺍﺣﺲ ﺭﻭﺣﻲ ﻣﺎ ﻋﺎﻳﺶ ﺑﻬﺎﻟﺪﻧﻴﺎ ﻭﺍﻧﺘﻲ ﺑﻌﻴﺪﺓ ﻋﻨﻲ ..
ﻣﻴﺎﻣﻴﻦ ﺑﺴﺨﺮﻳﺔ : ﻫﻪ ﻭﺍﻛﺒﺮ ﺩﻟﻴﻞ ﺗﺮﻳﺪ ﺗﺮﻭﺡ ﺗﺨﻄﺐ ..
ﻏﺰﻭﺍﻥ ﺑﺴﺮﻋﺔ : ﻣﻴﺎﻣﻴﻦ ﺍﻟﻤﻮﺿﻮﻉ ﻣﻮ ﻫﻴﺞ ﻭﺍﻟﻠﻪ .. ﺑﺲ ﺍﻃﻴﻨﻲ ﻣﺠﺎﻝ ﺍﻓﻬﻤﺞ ..
ﻣﻴﺎﻣﻴﻦ ﺗﺬﻛﺮﺕ ﻫﺎﻱ ﺍﻟﻜﻠﻤﺎﺕ ﻫﻲ ﻛﺎﻟﺘﻬﻦ ﺍﻟﺔ ...
ﻗﺎﻃﻌﺘﺔ ﺑﺴﺮﻋﺔ ﻭﻛﺎﻟﺖ : ﻣﺎﺍﺍﺍﺭﻳﻴﺪ ﺍﺳﻤﻊ ﻣﻨﻚ ﺷﻲ ... ﻣﻌﻠﻴﺔ ﺑﻬﺎﻟﻤﻮﺿﻮﻉ .. ﺍﻧﻲ ﺩﻛﻴﺖ ﺣﺘﻰ ﺍﺣﺠﻲ ﻭﻳﺎﻱ ﺑﺸﻲ ﺛﺎﻧﻲ ﻭﺍﻃﻠﺐ ﻣﻨﻚ ﺷﻲ ..
ﻏﺰﻭﺍﻥ ﺑﺴﺮﻋﺔ : ﺍﻣﺮﻳﻨﻲ .. ﺍﻧﺘﻲ ﺑﺲ ﺍﻃﻠﺒﻲ ...
ﻣﻴﺎﻣﻴﻦ ﺣﺠﺖ ﺍﻟﻄﻠﺐ ﺑﺪﻭﻥ ﻣﻘﺪﻣﺎﺕ : ﺍﺧﻮﻱ ﺭﺍﺋﺪ ﺍﺫﺍ ﻃﻠﺐ ﺍﻳﺪ ﺧﺎﺗﻮﻥ .. ﺍﻧﺖ ﺗﻮﺍﻓﻖ ..
ﻏﺰﻭﺍﻥ ﺍﺧﺘﻔﺖ ﺍﺑﺘﺴﺎﻣﺘﺔ ﻭﻫﻮ ﻳﺴﻤﻊ ﻛﻼﻣﻬﺔ : ... ﻣﺎ ﻓﻬﻤﺖ ..
ﻣﻴﺎﻣﻴﻦ ﺗﻨﻬﺪﺕ : ﺷﻨﻮ ﺍﻟﻲ ﻣﺎ ﻓﻬﻤﺘﺔ .. ﺍﺧﻮﻱ ﺭﺍﺋﺪ ﻳﺮﻳﺪ ﻳﺨﻄﺐ ﺍﺧﺘﻚ ﺧﺎﺗﻮﻥ .. ﺗﻮﺍﻓﻖ ﻟﻮ ﻻ ..
ﻏﺰﻭﺍﻥ ﻭﻛﻒ ﺑﻌﺼﺒﻴﺔ : ﻃﺒﻌﺎ ﻻ .. ﻣﺴﺘﺤﻴﻴﻞ ﺍﺳﻮﻱ ﻫﺎﻟﺸﻲ ...
ﻣﻴﺎﻣﻴﻦ ﺑﺼﺪﻣﺔ : ﻭﻟﻴﻴﻴﺶ ﻣﺴﺘﺤﻴﻞ .. ﺷﻨﻮ ﺍﻟﻲ ﻳﺨﻠﻴﻚ ﺗﺮﻓﺾ ..
ﻏﺰﻭﺍﻥ ﺑﻌﺼﺒﻴﺔ : ﻣﺎﺟﺎﻱ ﺍﺳﺘﻮﻋﺐ ﺷﻠﻮﻥ ﺗﻜﺪﺭﻳﻦ ﺗﺴﻮﻱ ﻫﺎﻟﺸﻲ ﺑﺨﺎﺗﻮﻥ ...
ﻣﻴﺎﻣﻴﻦ ﺑﻌﺪﻡ ﻓﻬﻢ : ﺷﻤﻤﻤﺴﺴﺴﻮﻭﻭﻳﺔ ...
ﻏﺰﻭﺍﻥ ﺑﻌﺼﺒﻴﺔ : ﺷﻠﻮﻥ ﺷﻤﺴﻮﻳﺔ .. ﺍﺧﻮﺝ ﻳﺮﻳﺪ ﻳﺨﻄﺐ ﺧﺎﺗﻮﻥ ﺣﺘﻰ ﻳﻌﺬﺑﻬﺔ ﻭﻳﻨﺘﻘﻢ ﻣﻨﻲ ﻣﺜﻞ ﻣﺎ ﺍﻧﻲ ﺳﻮﻳﺖ ﺑﻴﺞ .. ﻭﺍﻧﺘﻲ ﺗﺴﺎﻋﺪﻳﻨﺔ ﺑﻬﺎﻟﻤﻮﺿﻮﻉ ...
....
ﻣﻴﺎﻣﻴﻦ ﻓﺘﺤﺖ ﺣﻠﻜﻪ ﺑﺼﺪﻣﺔ ﻣﻦ ﺗﻔﻜﻴﺮﺓ ...
ﺗﺤﻮﻟﺖ ﻟﻠﻌﺼﺒﻴﺔ ﻭﺣﺠﺖ ﺑﻜﻞ ﻗﻬﺮ ﻭﺣﻘﺪ : ﻏﺰﺯﻭﻭﻭﺍﻥ .. ﻭﺭﺑﻲ ﻛﻞ ﻳﻮﻡ ﺟﺎﻱ ﺗﺨﻠﻴﻨﻲ ﺍﻛﺮﻫﻚ ﺍﻛﺜﺮ .. ﻟﻴﺶ ﺗﺘﻮﻗﻊ ﺍﻟﻌﺎﻟﻢ ﻛﻠﻬﺔ ﻣﺜﻞ ﺣﻘﺎﺭﺗﻚ ﻭﺗﻔﻜﻴﺮﻙ ﺍﻟﺨﺒﻴﺚ .. ﺷﻠﻮﻥ ﺗﺘﻮﻗﻊ ﻣﻨﻲ ﺍﺳﻮﻱ ﻫﺎﻟﺸﻲ ﺑﺨﺎﺗﻮﻥ ﻭﺍﻧﺖ ﺗﻌﺮﻑ ﺧﺎﺗﻮﻥ ﺷﻨﻮ ﺑﺎﻟﻨﺴﺒﺔ ﺍﻟﻲ ﻭﺷﻨﻮ ﺍﻟﻲ ﻫﻲ ﺳﻮﺗﺔ ﻋﻠﻤﻮﺩﻱ ... ﺷﻠﻮﻥ ﻛﺪﺭﺕ ﺗﻔﻜﺮ ﺑﻬﺎﻟﻄﺮﻳﻘﺔ ..
ﻏﺰﻭﺍﻥ ﻭﻫﻮ ﻳﻤﺴﺢ ﻭﺟﻬﺔ : ﻟﻌﺪ ﺷﻨﻮ ﺳﺒﺐ ﻃﻠﺒﺞ ﺍﻟﻬﺔ ﻻﺧﻮﺝ ﺭﺍﺋﺪ .. ﻭﻋﻔﺘﻲ ﻛﻞ ﺍﻟﺒﻨﺎﺕ ﻭﺍﺟﻴﺘﻲ ﻋﻠﻰ ﺍﺧﺘﻲ ...
ﻣﻴﺎﻣﻴﻦ ﺑﻌﺼﺒﻴﺔ : ﻻﻥ ﺭﺍﺋﺪ ﻣﻦ ﺯﻣﺎﻥ ﺟﺎﻥ ﺭﺍﻳﺪﻫﺔ ﺣﺘﻰ ﻗﺒﻞ ﻻ ﻳﺘﻮﻓﻰ ﻓﺎﺭﺱ .. ﻭﻫﻮ ﻃﻠﺒﻬﺔ ﻣﻦ ﻋﻨﺪﺓ ... ﻭﻓﺎﺭﺱ ﻭﺍﻓﻖ ﻭﻛﺎﻟﺔ ﺍﻧﻲ ﺭﺍﺡ ﺍﺣﺠﻲ ﻭﻳﺔ ﺍﻫﻠﻲ ﻭﺍﻣﻬﺪﻟﻚ ﺍﻟﻤﻮﺿﻮﻉ .. ﺑﺲ ﻣﺎ ﻟﺤﻚ ﻳﺤﺠﻲ ﺑﺎﻟﻤﻮﺿﻮﻉ ﻭﺻﺎﺭ ﺍﻟﺤﺎﺩﺙ .. ﻭﻫﺴﺔ ﻫﻮ ﺑﻌﺪﺓ ﻳﺮﻳﺪ ﻳﺨﻄﺒﻬﺔ .. ﻭﺍﻟﻠﻪ ﻳﺸﻬﺪ ﻋﻠﻴﺔ ﺍﻥ ﻫﻮ ﻣﺎﻛﺎﻟﻲ ﺷﻲ ﻭﺣﺘﻰ ﻣﺎ ﻳﺪﺭﻱ ﺍﻥ ﺍﻧﻲ ﺍﻋﺮﻑ ﺑﺎﻟﻤﻮﺿﻮﻉ .. ﺑﺲ ﻋﺮﻓﺖ ﺑﺎﻟﺼﺪﻓﺔ ﺑﻬﺎﻟﺸﻲ ﻣﻦ ﺳﻤﻌﺘﺔ ﻳﺤﺠﻲ ﻫﺎﻟﺴﺎﻟﻔﺔ ﻟﺤﺴﺎﻥ .. ﻭﻛﺎﻝ ﻣﺎﻛﺪﺭ ﺍﺧﻄﺒﻬﺔ ﻻﻥ ﺍﺧﺎﻑ ﻣﺎ ﻳﻘﺒﻠﻮﻥ ﻭﻣﻴﺎﻣﻴﻦ ﻣﺎ ﺗﻘﺒﻞ .. ﻭﺍﻧﻲ ﻣﺎﻛﺪﺭ ﺍﺷﻮﻑ ﺍﺧﻮﻱ ﻫﻴﺞ ﻳﻔﻜﺮ ..
ﻏﺰﻭﺍﻥ ﺳﺤﺐ ﻧﻔﺲ ﻭﻛﺎﻝ ﺑﻐﻴﺮﺓ : ﻳﻌﻨﻲ ﻫﺴﺔ ﺍﻧﺘﻲ ﻣﺎ ﺍﺗﺼﻠﺘﻲ ﺑﺲ ﻋﻠﻤﻮﺩ ﺭﺍﺋﺪ .. ﺗﻨﺎﺯﻟﺘﻲ ﻋﻠﻤﻮﺩﺓ .. ﻳﻌﻨﻲ ﻣﺴﺘﻌﺪﺓ ﺗﺴﻮﻳﻦ ﺍﻟﺸﻲ ﺍﻟﻲ ﻣﺘﺮﻳﺪﻳﻨﺔ ﺑﺲ ﻋﻠﻤﻮﺩ ﺭﺍﺋﺪ ...
ﻣﻴﺎﻣﻴﻦ ﺑﻬﺪﻭﺀ : ﺍﻧﻲ ﺳﻮﻳﺖ ﻫﺎﻟﺸﻲ ﻣﻦ ﻗﺒﻞ .. ﻭﺿﺤﻴﺖ ﻋﻠﻤﻮﺩ ﺭﺍﺋﺪ .. ﻭﻣﺴﺘﻌﺪﺓ ﺍﺿﺤﻲ ﺑﺄﻱ ﻭﻗﺖ ﻋﻠﻤﻮﺩﺓ ..
ﻏﺰﻭﺍﻥ : ﻣﺎﺩﺍﻡ ﻫﺬﺍ ﻛﻼﻣﺞ .. ﺍﻧﻲ ﻣﻤﻜﻦ ﺍﻭﺍﻓﻖ ﺑﺲ ﺑﺸﺮﻁ ..
ﻣﻴﺎﻣﻴﻦ ﻋﻘﺪﺕ ﺣﻮﺍﺟﺒﻬﺔ ﻭﺑﻠﻌﺖ ﺭﻳﻜﻬﺔ : ﺷﻨﻮ ﻫﺎﻟﺸﺮﻁ ..
ﻏﺰﻭﺍﻥ : ﺍﺫﺍ ﺗﺮﺩﻳﻦ ﺍﻭﺍﻓﻖ ﻋﻠﻰ ﺯﻭﺍﺝ ﺧﺎﺗﻮﻥ ﺑﺮﺍﺋﺪ .. ﻻﺯﻡ ﺍﻧﺘﻲ ﺗﻮﺍﻓﻘﻴﻦ ﺗﺮﺟﻌﻴﻦ ﻟﺤﻀﻨﻲ ..
ﻣﻴﺎﻣﻴﻦ ﺻﺎﺭﺕ ﺗﺘﻨﻔﺲ ﺑﺴﺮﻋﺔ ﻣﻦ ﺍﻟﻌﺼﺒﻴﺔ ﻭﺣﺠﺖ ﻭﻫﻲ ﺭﺍﺻﺔ ﻋﻠﻰ ﺳﻨﻮﻧﻬﺔ : ﻟﻮﻭﻭ ﺗﻤﻮﻭﺕ ﻣﺎ ﺍﺭﺟﻌﻠﻚ ..ﺳﺪﺕ ﺍﻟﺘﻠﻴﻔﻮﻥ ﺑﻮﺟﻬﺔ ﻭﻫﻲ ﻛﻠﻬﺔ ﻗﻬﺮ ﻭﻋﺼﺒﻴﺔ ..
ﺷﻤﺮﺕ ﺗﻠﻴﻔﻮﻧﻬﺔ ﻋﺎﻟﺠﺮﺑﺎﻳﺔ ﺑﻌﺼﺒﻴﺔ ..
ﻛﻌﺪﺕ ﺑﺎﻟﻜﺎﻉ ﻭﺩﻣﻮﻋﻬﺔ ﺻﺎﺭﺕ ﺗﻨﺰﻝ .. ﺗﺤﺲ ﺑﺎﻟﺬﻧﺐ ﻳﺠﺘﺎﺣﻬﺔ .. ﻳﻌﻨﻲ ﺑﺴﺒﺒﻬﺔ ﺍﺧﻮﻫﺔ ﻣﺎﺭﺍﺡ ﻳﺤﺼﻞ ﺍﻟﻲ ﻳﺤﺒﻬﺔ ...
ﺍﺍﺍﺍﺍﻩ ﻏﺰﻭﺍﻥ ﻳﺎﻟﻨﺬﻝ .. ﻋﻤﺮﻙ ﻣﺎ ﺭﺍﺡ ﺗﺘﻐﻴﺮ .. ﺍﻛﺮﺭﺭﻫﻚ .. ﺷﻮﻛﺖ ﺍﺭﺗﺎﺡ ﻣﻨﻚ .. ﻳﺮﻳﺪﻧﻲ ﺍﺭﺟﻌﻠﺔ ﻭﻫﻮ ﻳﺮﻳﺪ ﻳﺘﺰﻭﺝ ﻣﺮﺓ ﺛﺎﻧﻴﺔ .. ﻋﺒﺎﻟﺔ ﺭﺍﺡ ﻧﺄﺫﻱ ﺧﺎﺗﻮﻥ ﻣﺜﻞ ﻣﺎ ﻫﻮ ﺍﺫﺍﻧﻲ .. ﻋﺒﺎﻟﺔ ﻛﻞ ﺍﻟﻨﺎﺱ ﻣﺜﻞ ﺗﻔﻜﻴﺮﺓ .. ﻳﺮﻳﺪ ﻳﺮﺟﻊ ﻳﺄﺳﺮﻧﻲ ﻋﻨﺪﺓ ﺑﺲ ﺣﺘﻰ ﻳﻀﻤﻦ ﺳﻼﻣﺔ ﺧﺎﺗﻮﻥ .. ﻣﺎﺭﻳﺪﺓ .. ﻣﺎﺭﻳﺪ ﺍﺭﺟﻌﻠﺔ .. ﺍﻛﺮﺭﺭﻫﺔ ..
ﻃﻠﻌﺖ ﻣﻦ ﺍﻟﻐﺮﻓﺔ ﺍﺭﻳﺪ ﺍﺻﻌﺪ ﻟﻠﺴﻄﺢ ﻻﻥ ﺍﺣﺲ ﺍﺧﺘﻨﻜﺖ ﻃﻠﻌﺖ ﻭﺻﺎﺭ ﺑﻮﺟﻬﻲ ﺧﺎﻟﺪ ..
ﺷﺎﻓﻨﻲ ﻋﻴﻮﻧﻲ ﺣﻤﺮ .. ﻋﻘﺪ ﺣﻮﺍﺟﺒﺔ ﻭﻛﺎﻝ : ﺍﻣﻮﻧﻲ ﺷﺒﻴﺞ ﺗﺒﺠﻴﻦ ..
ﻣﺎ ﺗﺤﻤﻠﺖ ﻭﺭﺣﺖ ﺣﻀﻨﺘﺔ ﻭﺻﺮﺕ ﺍﺑﺠﻲ ..
ﺧﺎﻟﺪ ﻣﺼﺪﻭﻡ .. ﺣﻀﻨﻲ ﻭﻫﻮ ﻳﺤﺠﻲ ﺑﺨﻮﻑ : ﺍﻣﻮﻧﻲ ﺷﺒﻴﺞ .. ﻣﻨﻮ ﻣﺰﻋﻠﺞ .. ﻟﻴﺶ ﻫﻴﺞ ﺗﺒﺠﻴﻦ .. ﺍﺣﺠﻴﻠﻲ ..
ﻭﺧﺮﺕ ﻋﻨﺔ ﻭﺍﻧﻲ ﺍﻣﺴﺢ ﺑﺪﻣﻮﻋﻲ : ﻣﺎﺑﻴﺔ ﺷﻲ .. ﺑﺲ ﺣﺴﻴﺖ ﺍﻥ ﺍﺧﺘﻨﻜﺖ ﻭﺍﺭﻳﺪ ﺍﺑﺠﻲ ..
ﺧﺎﻟﺪ ﻭﻫﻮ ﻳﻤﺴﺢ ﺑﺪﻣﻮﻋﻲ : ﻟﻴﺶ ﻣﻮ ﺣﺮﺍﻡ ﻋﻠﻴﺞ .. ﻫﺎﻟﻌﻴﻮﻥ ﺍﻟﺤﻠﻮﺓ ﻳﺒﺠﻦ .. ﺣﺘﻰ ﺍﻟﻠﻪ ﻣﺎ ﻳﺮﺿﺎﻫﺔ ..
ﺍﺑﺘﺴﻤﺖ ﻋﻠﻰ ﻛﻼﻣﺔ ﻭﻛﺘﻠﺔ : ﺍﻧﺖ ﻣﺎ ﺗﺘﻮﺏ ..
ﺧﺎﻟﺪ ﻭﻫﻮ ﻳﺮﻳﺪ ﻳﻐﻴﺮ ﻣﺰﺍﺟﻲ : ﺷﺴﻮﻱ ﻣﺎﻛﺪﺭ ﻣﺎﺍﻏﺎﺯﻝ ﻋﻴﻮﻧﺞ .. ﻭﻳﻠﺔ ﺭﻭﺣﻲ ﻏﺴﻠﻲ ﻭﺟﻬﺞ ﻭﺍﻧﺰﻟﻲ ﺍﻛﻌﺪﻱ ﻳﻤﻨﺔ ..
ﻫﺰﻳﺖ ﺭﺍﺳﻲ .. ﻭﻋﻔﺘﺔ ﻭﺩﺧﻠﺖ ﻟﻐﺮﻓﺘﻲ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﻛﻼﻡ ﻏﺰﻭﺍﻥ ﻳﺘﺮﺩﺩ ﺑﺄﺫﻧﻲ ‏( ﺍﺫﺍ ﺗﺮﺩﻳﻦ ﺍﻭﺍﻓﻖ ﻋﻠﻰ ﺯﻭﺍﺝ ﺧﺎﺗﻮﻥ ﺑﺮﺍﺋﺪ .. ﻻﺯﻡ ﺍﻧﺘﻲ ﺗﻮﺍﻓﻘﻴﻦ ﺗﺮﺟﻌﻴﻦ ﻟﺤﻀﻨﻲ ‏) ..
ﺍﻟﻠﻪ ﻳﺎﺧﺬﻧﻲ ﻭﻳﺨﻠﺼﻨﻲ ﻣﻨﻚ ﻭﻣﻦ ﻫﺎﻟﺤﻴﺎﺓ ...
ﺑﺎﻭﻋﺖ ﻟﻮﺟﻬﻲ ﺑﺎﻟﻤﺮﺍﻳﺔ .. ﺷﻮﻳﺔ ﺭﺟﻌﺖ ﺍﻟﺮﻭﺡ ﺑﻴﺔ .. ﺳﻤﻨﺖ ﺷﻮﻳﺔ .. ﻳﻌﻨﻲ ﺍﻛﻴﺪ ﻣﻮ ﻣﺜﻞ ﻗﺒﻞ ﺑﺲ ﺍﺣﺴﻦ ﻣﻦ ﻟﻤﺎ ﺍﺟﻴﺖ .. ﺣﺠﻴﺖ ﺑﺴﺨﺮﻳﺔ : ﻫﻲ ﺑﺲ ﺍﻟﻜﻌﺪﺓ ﻳﻤﻚ ﺗﺠﻴﺐ ﺍﻟﻤﺮﺽ ﻭﺍﻟﺤﺰﻥ ..
ﻃﻠﻌﺖ ﻣﻦ ﺍﻟﺤﻤﺎﻡ ﻭﻧﺰﻟﺖ ﻛﻌﺪﺕ ﻳﻤﻬﻢ ..
ﺧﺎﻟﺪ ﺍﺷﺮﻟﻲ ﺑﺮﺍﺳﺔ ﺑﻤﻌﻨﻲ ﺍﻧﺘﻲ ﺑﺨﻴﺮ .. ﺍﺷﺮﺗﻠﺔ ﺑﺎﻱ ..
ﺍﺑﺎﻭﻉ ﻋﻠﻰ ﺭﺍﺋﺪ ﻛﺎﻋﺪ ﻭﺻﺎﻓﻦ ﻭﺍﻟﻬﻢ ﻣﺒﻴﻦ ﺑﻮﺟﻬﺔ ..
ﻧﺰﻟﺖ ﺭﺍﺳﻲ ﺑﺤﺰﻥ ..
<<<<<<<<<<<
ﺑﻴﺖ ﻏﺰﻭﺍﻥ ..
ﻛﺎﻋﺪ ﺑﺎﻟﺒﻠﻜﻮﻧﺔ ﻭﺣﺎﺱ ﺍﻥ ﺍﻟﺮﻭﺡ ﺭﺩﺗﻠﺔ ﻣﻦ ﺳﻤﻊ ﺻﻮﺗﻬﺔ .. ﺣﺲ ﺑﺈﺷﺘﻴﺎﻗﺔ ﻳﺰﺩﺍﺩ ﺍﻟﻬﺔ ..
ﺟﺎﻥ ﻣﺘﺄﻛﺪ ﺍﻥ ﺭﺍﺋﺪ ﻣﺴﺘﺤﻴﻞ ﻳﺴﻮﻱ ﻫﻴﺞ ﺷﻲ ﺍﻭ ﺣﺘﻰ ﻳﻔﻜﺮ ﺍﻥ ﻳﻨﺘﻘﻢ ﻣﻦ ﺧﺎﺗﻮﻥ ..
ﺍﻭﻝ ﺷﻲ ﻻﻥ ﻳﺪﺭﻱ ﺑﻤﻴﺎﻣﻴﻦ ﺗﺤﺐ ﺧﺎﺗﻮﻥ ﻭﻫﻲ ﻟﺤﺪ ﺍﻻﻥ ﺗﺘﻮﺍﺻﻞ ﻭﻳﺎﻫﺔ ..
ﻭﺛﺎﻧﻲ ﺷﻲ ﻭﺍﻻﻫﻢ ﺍﻥ ﺧﺎﺗﻮﻥ ﺗﻜﻮﻥ ﺍﺧﺖ ﻓﺎﺭﺱ ﻭﻫﻮ ﻫﺴﺘﻮﺓ ﻳﻠﺔ ﻋﺮﻑ ﺭﺍﺋﺪ ﺷﻜﺪ ﻳﺤﺐ ﻓﺎﺭﺱ ﻭﺍﻟﺪﻟﻴﻞ ﺍﻥ ﻛﻞ ﻓﺘﺮﺓ ﻳﺨﺎﺑﺮﺓ ﺣﺎﺭﺱ ﺍﻟﻤﻘﺒﺮﺓ ﻭﻳﻜﻠﺔ ﻋﻦ ﺷﺨﺺ ﻳﺠﻲ ﻳﺰﻭﺭ ﻗﺒﺮ ﻓﺎﺭﺱ ﻛﻞ ﺍﺳﺒﻮﻉ ﺍﻭ ﺍﺳﺒﻮﻋﻴﻦ ﻭﻫﻮ ﻋﺮﻑ ﺍﻥ ﻫﻮ ﺭﺍﺋﺪ ﻋﻦ ﻃﺮﻳﻖ ﻣﻮﺍﺻﻔﺎﺗﺔ ..
ﻭﻫﺎﻟﺸﻲ ﺍﻛﺪﻟﺔ ﺍﻥ ﺭﺍﺋﺪ ﻣﺴﺘﺤﻴﻞ ﻳﻔﻜﺮ ﺍﻥ ﻳﺄﺫﻱ ﺧﺎﺗﻮﻥ ..
ﺑﺲ ﻫﻮ ﺣﺠﺔ ﻫﺎﻟﺸﻲ ﻣﻦ ﺳﻤﻊ ﻣﻴﺎﻣﻴﻦ ﻛﺎﻟﺖ ﻣﺴﺘﻌﺪﺓ ﺍﺿﺤﻲ ﻋﻠﻤﻮﺩ ﺭﺍﺋﺪ .. ﻳﻌﻨﻲ ﺍﻛﻮ ﺍﻣﻞ ﺍﻥ ﺗﺮﺟﻌﻠﺔ ﻭﺗﻜﻮﻥ ﻋﻨﺪﺓ ﺍﻟﻔﺮﺻﺔ ﺍﻥ ﻳﻨﺴﻴﻬﺔ ﺍﻟﻲ ﻋﻴﺸﺔ ﺍﻟﻬﺔ ﻣﻦ ﻋﺬﺍﺏ ..
ﺑﻜﺪ ﻣﺎ ﻣﺘﺄﻛﺪ ﻣﻦ ﺣﺒﺞ ﻟﺮﺍﺋﺪ ﻣﺘﺄﻛﺪ ﺍﻥ ﺭﺍﺡ ﺗﻮﺍﻓﻘﻴﻦ ﺗﺮﺟﻌﻴﻦ ﺍﻟﻲ ..
ﺭﻓﻊ ﺻﻮﺭﺗﻬﺔ ﺍﻟﻲ ﺟﺎﻥ ﻻﺯﻣﻬﺔ ﺑﻴﺪﺓ ﻭﺑﺎﺳﻬﺔ ﻭﻧﺰﻟﻬﺔ ﻭﻫﻮ ﻳﺘﺄﻣﻞ ﺑﻮﺟﻬﺔ .. ﺗﻨﻬﺪ ﺑﺘﻌﺐ ﻭﺍﺷﺘﻴﺎﻕ ..
&&&&&&&
ﺑﻴﺖ ﺍﺑﻮ ﻏﺰﻭﺍﻥ ..
ﻛﺎﻋﺪ ﺑﺎﻟﺤﺪﻳﻘﺔ ﻣﺆﻳﺪ ﻭﺣﻤﺰﺓ ﻭﺍﺑﻮ ﻏﺰﻭﺍﻥ .. ﻓﺎﺭﺷﻴﻦ ﻣﺪﺍﺕ ﻭﺣﺎﻃﻴﻦ ﻣﺨﺎﺩ ﻣﺎﻝ ﺩﻳﻮﺍﻥ ..
ﻣﺆﻳﺪ : ﺑﻮﻳﺔ ﻳﻌﻨﻲ ﻧﺎﻭﻱ ﺗﺮﺟﻊ ﺗﺨﻄﺐ ﻣﻴﺎﻣﻴﻦ ﻣﻦ ﺍﺧﻮﻫﺔ ﻣﺮﺓ ﺛﺎﻧﻴﺔ ..
ﺍﺑﻮ ﻏﺰﻭﺍﻥ : ﺍﻱ .. ﻣﺎ ﺗﺸﻮﻑ ﺍﺧﻮﻙ ﺷﻠﻮﻥ ﻧﺎﻳﻢ ﻋﻠﻰ ﻋﻴﻨﺔ .. ﺍﺟﺮﺏ ﻭﺍﺷﻮﻑ ﺑﻠﻜﻲ ﻳﻮﺍﻓﻘﻮﻥ .. ﻭﺍﻧﻲ ﺍﺩﺭﻱ ﺑﺄﺑﻨﻲ ﻳﺮﻭﺡ ﻣﻨﻲ ﺍﺫﺍ ﻣﺎ ﺍﺧﺬ ﻟﻴﺤﺒﻬﺔ ..
ﺣﻤﺰﺓ ﺑﺈﺳﺘﻐﺮﺍﺏ : ﻋﻤﻲ ﻟﻌﺪ ﺍﺫﺍ ﺗﺪﺭﻱ ﺑﻲ ﻳﺮﻭﺡ ﻣﻨﻚ ﻟﻴﺶ ﺭﺣﺖ ﺧﻄﺒﺘﻠﺔ ﻭﺣﺪﺓ ﺛﺎﻧﻴﺔ ..
ﺍﺑﻮ ﻏﺰﻭﺍﻥ ﺑﻘﻠﺔ ﺣﻴﻠﺔ : ﻛﻠﺖ ﺑﻠﻜﺖ ﺍﻟﻠﻪ ﻭﺗﻤﻠﻲ ﻋﻠﻲ ﻛﻠﺒﺔ ﻭﻳﻨﺴﺎ ﻣﻴﺎﻣﻴﻦ ..
ﻣﺆﻳﺪ : ﺑﻮﻳﺔ ﺍﻧﺖ ﻣﺠﺮﺏ ﺍﻟﻌﺸﻚ ﺷﻨﻲ ﻭﺷﺎﻳﻒ ﻟﻮﻋﺘﺔ .. ﻭﺍﻧﺖ ﻫﻢ ﺑﺎﻟﻜﻮﺓ ﻳﻠﺔ ﺣﺼﻠﺖ ﻋﻠﻰ ﺍﻣﻲ .. ﻳﻌﻨﻲ ﺑﻮﻛﺘﻬﺔ ﻟﻴﺶ ﻣﺎ ﻓﻜﺮﺕ ﺗﺘﺰﻭﺝ ﻭﺣﺪﺓ ﺛﺎﻧﻴﺔ ﺣﺘﻰ ﺗﺎﺧﺬ ﻣﻜﺎﻥ ﺍﻣﻲ ﺑﻜﻠﺒﻚ ..
ﺍﺑﻮ ﻏﺰﻭﺍﻥ ﺑﺴﺮﻋﺔ : ﺷﻨﻬﻲ ﺗﺎﺧﺬ ﻣﻜﺎﻧﻬﺔ ﺟﺎ ﻫﻲ ﻟﻌﺒﺔ ..
ﺣﻤﺰﺓ ﺑﻀﺤﻜﺔ : ﺟﺎ ﻋﻤﻲ ﺑﻌﺪ ﺷﻠﻚ ﺑﻴﻬﺔ ﻭﺗﺮﻳﺪ ﺗﺰﻭﺝ ﺍﻟﻮﻟﺪ ﻭﺍﻧﺖ ﺗﻜﻮﻝ ﺟﺎ ﻫﻲ ﻟﻌﺒﺔ .. ﻳﻌﻨﻲ ﺗﺪﺭﻱ ﺑﻴﻬﺔ ﻣﻮ ﻫﻴﻨﺔ ﻋﻠﻲ ..
ﺍﺑﻮ ﻏﺰﻭﺍﻥ ﻭﻫﻮ ﻳﻜﻮﻡ : ﺍﻧﺔ ﺍﺭﻭﺡ ﺍﻧﺎﻡ ﺍﺣﺴﻠﻲ .. ﺍﻧﺘﻢ ﻃﻠﻌﺘﻮﻧﻲ ﻫﻠﻜﺪﻭﺗﻨﻲ .. ﻋﻮﺩ ﺑﺎﺟﺮ ﻳﺼﻴﺮ ﺧﻴﺮ .. ﻳﻠﺔ ﺗﺼﺒﺤﻮﻥ ﻋﻠﻰ ﺧﻴﺮ ..
ﺣﻤﺰﺓ ﻭﻣﺆﻳﺪ ﻭﻛﻔﻮ : ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ ..
ﻣﺆﻳﺪ ﻳﺒﺎﻭﻉ ﻋﻠﻰ ﺍﺑﻮﻩ .. ﺧﻼﻩ ﺩﺧﻞ ﻟﻠﺒﻴﺖ .. ﻛﻌﺪ ﻭﺳﺤﺐ ﺣﻤﺰﺓ ﻭﻛﻌﺪﺓ ﻭﻳﺎﻩ ﺑﺴﺮﻋﺔ ..
ﺣﻤﺰﺓ ﻛﻤﺰ : ﺳﻤﺎﻟﻠﻪ ﺷﺠﺎﻙ ...
ﻣﺆﻳﺪ ﺑﺤﻤﺎﺱ : ﻋﻮﻓﻚ ﻣﻨﻲ ﻫﺴﺔ ﻭﻛﻮﻝ ﺷﻠﻮﻥ ﻛﺪﺭﺕ ﺗﻘﻨﻊ ﺍﺭﻛﺎﻥ ...
ﺣﻤﺰﺓ ﻭﻫﻮ ﻳﺮﻓﻊ ﺍﻛﺘﺎﻓﺔ ﺑﻐﺮﻭﺭ : ﺑﻌﺪ ﺍﻟﺴﺎﻟﻔﺔ ﻭﺑﻴﺪ ﺍﺑﻮ ﺍﺳﺪ .. ﻳﻌﻨﻲ ﻣﺎ ﺗﻌﺪﻱ ﺍﺫﺍ ﻣﻮ ﻣﺤﻠﻮﻟﺔ ...
ﻣﺆﻳﺪ ﺑﻤﻠﻞ : ﻫﺴﺔ ﻏﻴﺮ ﻳﻔﻀﻬﺔ ﻭﻳﺤﺠﻲ ...
ﺣﻤﺰﺓ : ﻭﺍﻟﻠﻪ ﺗﺮﻳﺪ ﺍﻟﺼﺪﻙ .. ﺍﻟﻮﻟﺪ ﺗﻔﻬﻢ ﺍﻟﻤﻮﺿﻮﻉ ﺑﺴﺮﻋﺔ ... ﻭﻛﺎﻝ ﻋﻤﻲ ﺷﻮ ﻣﺎ ﺍﻃﺎﻧﺔ ﺧﺒﺮ ﻭﻳﺪﺭﻱ ﺑﻴﺔ ﺍﺭﻳﺪﻫﺔ .. ﻭﺑﻌﺪﻳﻦ ﻛﺎﻝ ﻋﻮﻑ ﺍﻟﺴﺎﻟﻔﺔ ﻋﻠﻴﺔ ﺍﻧﻲ ﺍﺣﻠﻬﺔ ..
ﻣﺆﻳﺪ ﺑﻨﺺ ﻋﻴﻦ : ﻭﻫﻲ ﻫﺎﻱ ﻭﻧﻔﺨﺖ ﺭﻭﺣﻚ ﻭﺍﺑﻮ ﺍﺳﺪ ﻭﻣﺪﺭﻱ ﺷﻨﻲ .. ﺷﻤﺴﻮﻱ ﺑﻠﺔ ﺑﺲ ﺣﺠﻴﺖ ﺍﻟﺴﺎﻟﻔﺔ ﻟﻠﻮﻟﺪ .. ﺍﻧﻲ ﻛﻠﺖ ﻋﻠﻰ ﻫﺎﻱ ﺍﻟﻨﻔﺨﺔ ﻣﺎﻟﺘﻚ ﺍﻳﺠﻮﺯ ﺣﺎﻁ ﺍﻟﺴﻼﺡ ﺑﺮﺍﺱ ﺍﻟﻮﻟﺪ ﻭﻣﻬﺪﺩﺓ ﻳﺠﻲ ﻳﻨﻬﻰ ﻋﻠﻰ ﺑﺖ ﻋﻤﺔ ..
ﺣﻤﺰﺓ : ﻻ ﺧﻮﻳﺔ ﺍﻧﺔ ﺯﻟﻤﺔ ﻣﺴﺎﻟﻢ .. ﻣﻮ ﻣﺎﻝ ﻋﺮﺍﻳﻚ .. ﺍﻟﻌﺮﺍﻳﻚ ﺧﻠﻴﻨﺎﻫﺔ ﻻﺧﻮﻙ ..
ﻣﺆﻳﺪ ﺑﻀﺤﻚ : ﺍﺳﻜﺖ ﻻ ﻳﺴﻤﻌﻚ ﻭﺍﻟﻠﻪ ﻫﺴﺔ ﺻﺪﻙ ﻳﻜﻠﺒﻬﺔ ﻋﺮﻛﺔ ﻋﻠﻴﻨﺔ ..
ﺣﻤﺰﺓ ﻳﺘﺼﻨﻊ ﺍﻟﻌﺼﺒﻴﺔ ﻭﺣﺠﺔ ﺑﺸﺠﺎﻋﺔ : ﻭﻳﻨﺔ ﺩﺧﻞ ﻳﺠﻲ ﺣﺘﻰ ﺍﻣﺪﺓ ﺑﺎﻟﻜﺎﻉ ﻣﺪ ..
ﻗﺎﻃﻌﺔ ﺩﻛﺔ ﺗﻠﻴﻔﻮﻧﺔ .. ﺟﺎﻭﺏ ﻭﺗﺤﻮﻝ ﺻﻮﺗﺔ ﻣﻦ ﺍﻟﻌﺼﺒﻴﺔ ﻟﺼﻮﺕ ﺫﺍﻳﺐ : .. ﻫﻼ ﻳﺒﻌﺪ ﺭﻭﻳﺤﺘﻲ ..
ﻣﺆﻳﺪ ﺿﺤﻚ ﻋﻠﻰ ﺣﻤﺰﺓ ﺍﻟﻲ ﺑﺲ ﺳﻤﻊ ﺻﻮﺕ ﻣﺮﻭﺓ ﺗﻐﻴﺮ ﻣﻮﺩﺓ ...
ﺣﻤﺰﺓ ﻭﻫﻮ ﻳﺮﺟﻊ ﺭﺍﺳﺔ ﻋﺎﻟﻤﺨﺪﺓ ﻣﺎﻝ ﺍﻟﻜﻌﺪﺓ : ﺍﻣﺮﻳﻨﻲ ﻳﺮﻭﺣﻲ .. ﻣﻮ ﺗﺪﻟﻠﻴﻦ .. ﺟﺎ ﺍﺟﻢ ﻣﺮﻭﺓ ﻋﻨﺪﻱ ..
ﺣﻤﺰﺓ ﻳﺄﺷﺮ ﻋﻠﻰ ﻣﺆﻳﺪ ﻭﻳﻜﻮﻝ : ﻳﺒﻌﺪ ﻫﻠﻲ ﻭﻧﺎﺳﻲ ﻭﺭﺑﻌﻲ ﻛﻠﻬﺔ ...
ﻣﺆﻳﺪ ﻓﺘﺢ ﻋﻴﻮﻧﺔ ﻋﻠﻰ ﺣﻤﺰﺓ .. ﺭﻓﻊ ﺍﻳﺪﺓ ﻭﻏﻤﺔ ﻭﻫﻮ ﺍﻳﻜﻮﻝ : ﻫﻲ ﻫﺎﻱ ﺍﻟﺨﻮﺓ .. ﺯﻟﻢ ﺍﺧﺮ ﻭﻛﺖ ..
ﻛﺎﻡ ﻣﻦ ﻳﻤﺔ ﻭﻋﺎﻓﺔ ﻳﺨﺎﺑﺮ ﻭﻣﺸﻰ /////////////
ﺛﺎﻧﻲ ﻳﻮﻡ ... ﺑﻴﺖ ﻏﺰﻭﺍﻥ ..
ﻛﻌﺪ ﺍﻟﺼﺒﺢ ﺑﻨﺸﺎﻁ .. ﺑﺪﻝ ﻣﻼﺑﺴﺔ ﻭﺗﻮﺟﻪ ﻟﻠﻤﺴﺘﺸﻔﻰ ﻭﻫﻮ ﻳﺪﻭﺭ ﻋﻠﻰ ﺧﻄﺔ ﺗﺨﻠﻲ ﻣﻴﺎﻣﻴﻦ ﺗﺮﺟﻌﻠﺔ ...
ﺩﺧﻞ ﻟﻠﻤﺴﺘﺸﻔﻰ ﻭﺗﻮﺟﻪ ﻟﻤﻜﺘﺒﺔ ..
ﺧﻠﺺ ﺷﻐﻠﺔ ﻭﻳﺔ ﺍﻟﻤﺮﺍﺟﻌﻴﻦ ﻭﻛﻌﺪ ﻳﻔﻜﺮ ﺑﻴﻬﺔ ..
ﻃﻠﻊ ﺗﻠﻴﻔﻮﻧﺔ ﻭﺩﺧﻞ ﻋﻠﻰ ﺭﻗﻤﻬﺔ ﺍﻟﻲ ﺳﺠﻠﺔ ‏( ﺩﻧﻴﺘﻲ ‏)
ﻛﺘﺒﻠﻬﺔ ﺭﺳﺎﻟﺔ ﻭﻫﻮ ﻋﻠﻰ ﺷﻔﺎﻳﻔﺔ ﺍﺑﺘﺴﺎﻣﺔ ..
‏( ﺻﺒﺎﺡ ﺍﻟﻌﺎﻓﻴﺔ .. ﻣﺎ ﻏﻴﺮﺗﻲ ﺭﺃﻳﺞ ‏)
ﻣﺎ ﺭﺩﺕ ﻋﻠﻲ .. ﺍﺑﺘﺴﻢ ﻻﻥ ﺟﺎﻥ ﻣﺘﻮﻗﻊ ﺍﻥ ﻣﺘﺮﺩ ﺍﻛﻴﺪ ..
ﻛﻌﺪ ﻳﺸﺮﺏ ﺍﻟﻜﻬﻮﺓ ﻣﺎﻟﺘﺔ ﻭﻫﻮ ﻳﻔﻜﺮ ﺑﺨﻄﺔ ﻻﺯﻡ ﻳﻨﻔﺬﻫﺔ .. ﺑﺲ ﻳﺤﺘﺎﺝ ﻟﻮﺣﺪﺓ ﻣﻦ ﺧﻮﺍﺗﺔ ﺗﺴﺎﻋﺪﺓ ﻭﺍﻛﻴﺪ ﺧﺎﺗﻮﻥ ﻣﺴﺘﺤﻴﻞ ﺗﺴﺎﻋﺪﺓ ﻭﻣﺎﻛﻮ ﻏﻴﺮ ﻣﻬﺎ ..
ﻃﻠﻊ ﺗﻠﻴﻔﻮﻧﺔ ﻭﺍﺗﺼﻞ ﻋﻠﻰ ﺭﻗﻤﻬﺔ ..
ﺍﺟﺎﻩ ﺻﻮﺗﻬﺔ ﺍﻟﻨﻌﺴﺎﻥ : ﺍﻟﻮ ﻏﺰﻭﺍﻥ ..
ﻏﺰﻭﺍﻥ : ﻛﻮﻣﻲ ﺻﺤﺼﺤﻲ ﺍﻟﺴﺎﻋﺔ ﺏ١١ ..
ﻣﻬﺎ : ﻳﻌﻨﻲ ﺷﺘﺮﻳﺪ ﻣﻨﻲ ﺣﺘﻰ ﺍﻛﻌﺪ ...
ﻏﺰﻭﺍﻥ : ﻋﻨﺪﻱ ﺧﻄﺔ ﻻﺯﻡ ﺍﺳﻮﻳﻬﺔ ﻭﺍﺣﺘﺎﺝ ﻣﺴﺎﻋﺪﺗﺞ ..
ﻣﻬﺎ ﺑﺈﺳﺘﻐﺮﺍﺏ : ﺧﻄﺔ ﻟﺸﻨﻮ ..
ﻏﺰﻭﺍﻥ ﺑﻬﺪﻭﺀ : ﺧﻄﺔ ﺗﺨﻠﻴﻨﻲ ﺍﺭﺟﻊ ﻣﻴﺎﻣﻴﻦ ﺍﻟﻲ ..
ﻣﻬﺎ : ﻏﺰﻭﺍﻥ ﺍﻧﻲ ﻣﺎﻛﺪﺭ ﺍﺳﻮﻱ ﺷﻲ ﻻﻥ ﻭﻋﺪﺗﻬﺔ ﺍﻥ ﻣﺎ ﺍﻧﻄﻴﻚ ﺭﻗﻤﻬﺔ ..
ﻏﺰﻭﺍﻥ : ﻣﺎ ﻳﺤﺘﺎﺝ ﺭﻗﻤﻬﺔ ﻻﻥ ﻫﻲ ﺑﻨﻔﺴﻬﺔ ﺩﻛﺖ ﻋﻠﻴﺔ ...
ﻣﻬﺎ : ﻟﻌﺪ ﺷﻨﻮ ﺍﻟﻲ ﺗﺮﻳﺪﺓ ﻣﻨﻲ ﺑﺎﻟﻀﺒﻂ ..
ﻏﺰﻭﺍﻥ : ........
£££££££
ﺑﻴﺖ ﺍﺑﻮ ﺭﺍﺋﺪ ...
ﻛﺎﻋﺪﺓ ﺑﺎﻟﺼﺎﻟﺔ ﻭﺗﺘﻔﺮﺝ ﻋﺎﻟﺘﻠﻔﺰﻳﻮﻥ ﻭﺗﻔﻜﻴﺮﻫﺔ ﺍﺑﺪ ﻣﻮ ﻭﻳﺔ ﺍﻟﺘﻠﻔﺰﻳﻮﻥ ...
ﻗﺎﻃﻊ ﺗﻔﻜﻴﺮﻫﺔ ﺻﻮﺕ ﺍﻟﻤﺴﺞ .. ﺷﺎﻓﺖ ﺭﻗﻤﺔ .. ﻗﺮﺕ ﺍﻟﻤﺴﺞ ‏( ﺻﺒﺎﺡ ﺍﻟﻌﺎﻓﻴﺔ .. ﻣﺎﻏﻴﺮﺗﻲ ﺭﺃﻳﺞ ‏) ﺭﺻﺖ ﻋﻠﻰ ﺳﻨﻮﻧﻬﺔ .. ﺍﻧﻲ ﺷﻮﺭﻃﻨﻲ ﻭﺧﻼﻧﻲ ﺍﺗﺼﻞ ﻋﻠﻴﻚ ...
ﻭﺭﺓ ﺷﻮﻳﺔ ﻫﻢ ﺭﺟﻊ ﺍﺟﺎﻫﺔ ﻣﺴﺞ .. ﻋﺼﺒﺖ ﻭﻋﺒﺎﻟﻬﺔ ﻫﻮ ﺍﻟﻲ ﺩﺯﻟﻬﺔ ...
ﺭﻓﻌﺖ ﺗﻠﻴﻔﻮﻧﻬﺔ ﺷﺎﻓﺖ ﺍﻟﺮﺳﺎﻟﺔ ﻣﻦ ﻣﻬﺎ ..
ﻣﻬﺎ : ﺻﺒﺎﺣﻮ .. ﻋﻨﺪﺝ ﺍﻟﺞ ﺧﺒﺮ ﺑﻤﻠﻴﻮﻥ ..
ﻣﻴﺎﻣﻴﻦ : ﺻﺒﺎﺣﻮ .. ﺷﻨﻮ ﻫﺎﻟﺨﺒﺮ ..
ﻣﻬﺎ : ﻫﻨﺔ ﺧﺒﺮﻳﻦ ﻣﻮ ﻭﺍﺣﺪ .. ﺧﻄﻮﺑﺔ ﻏﺰﻭﺍﻥ ﺍﻟﺘﻐﺖ ﺍﻟﺒﺎﺭﺣﺔ ... ﻭﺧﺎﺗﻮﻥ ﺍﻧﺨﻄﺒﺖ ..
ﻣﻴﺎﻣﻴﻦ ﻭﻛﻔﺖ ﺑﺼﺪﻣﺔ .. ﺍﻧﺨﻄﺒﺖ .. ﻣﻌﻘﻮﻟﺔ ﻏﺰﻭﺍﻥ ﻛﺎﻟﻠﻬﻢ ..
ﻣﻴﺎﻣﻴﻦ : ﺍﻧﺨﻄﺒﺖ ﻟﻤﻨﻮ ..
ﻣﻬﺎ : ﻋﻤﺮﺍﻥ ﺍﺑﻦ ﻋﻤﻲ .. ﺭﺟﻊ ﺧﻄﺒﻬﺔ ﻣﺮﺓ ﺛﺎﻧﻴﺔ ﻭﺍﻫﻠﻲ ﻳﻤﻜﻦ ﺭﺍﺡ ﻳﻮﺍﻓﻘﻮﻥ ..
ﻣﻴﺎﻣﻴﻦ : ﺷﻠﻮﻥ ﻳﻮﺍﻓﻘﻮﻥ ﻭﻫﻤﺔ ﻳﺪﺭﻭﻥ ﺑﺴﻮﺍﻟﻔﺔ ..
ﻣﻬﺎ : ﻻ ﻭﻟﺞ ﻏﻴﺮ ﺍﻳﻜﻮﻟﻮﻥ ﺗﺎﺏ ﻣﻦ ﻫﺎﻱ ﺍﻟﺴﻮﺍﻟﻒ .. ﻭﻫﺴﺔ ﺭﺟﻊ ﻣﺮﺓ ﺛﺎﻧﻴﺔ ﻃﻠﺐ ﺍﻟﺴﻤﺎﺡ ﻣﻦ ﺍﺑﻮﻱ ﻭﺧﻄﺐ ﺧﺎﺗﻮﻥ ﻣﺮﺓ ﺛﺎﻧﻴﺔ ..
ﻣﻴﺎﻣﻴﺖ ﺫﺑﺖ ﺗﻠﻴﻔﻮﻧﻬﺔ ﻭﺻﺎﺭﺕ ﺗﺘﻨﻔﺲ ﺑﺴﺮﻋﺔ ﻭﻋﺼﺒﻴﺔ .. ﺷﻠﻮﻥ ﻫﻴﺞ .. ﺧﺎﺗﻮﻥ ﻣﻴﺼﻴﺮ ﺗﺘﺰﻭﺝ ... ﺭﺍﺋﺪ ﺍﺫﺍ ﻋﺮﻑ ﺍﻛﻴﺪ ﻛﻠﺒﺔ ﺭﺍﺡ ﻳﻨﻜﺴﺮ ..
ﺷﻠﻮﻥ ﻣﺎﻛﺪﺭﺕ ﺍﺳﻮﻱ ﺷﻲ ﻻﺧﻮﻱ ..
ﻛﻠﺔ ﺑﺴﺒﺒﻚ ﻏﺰﻭﺍﻥ .. ﺍﻧﺖ ﺍﻟﺴﺒﺐ ﺑﻜﻠﺸﻲ ﻣﻮ ﺯﻳﻦ ﺟﺎﻱ ﻳﺼﻴﺮﻟﻲ ..
ﺩﺧﻞ ﺭﺍﺋﺪ ﺍﻟﻲ ﻫﺴﺘﻮﺓ ﺟﺎﻱ ﻣﻦ ﺍﻟﻤﺠﻤﻊ ﻻﻥ ﻭﻗﺖ ﻏﺪﺍ ..
ﺷﺎﻓﻨﻲ ﺍﻓﺘﺮ ﻫﻴﺞ ﻭﻣﺘﻮﺗﺮﺓ .. ﻋﻘﺪ ﺣﻮﺍﺟﺒﺔ ﻭﻛﺎﻝ : ﺍﻣﻮﻧﻲ ﺑﻴﺞ ﺷﻲ ..
ﻣﻴﺎﻣﻴﻦ ﺍﻟﺘﻔﺘﺖ ﻋﻠﻲ ﺑﺴﺮﻋﺔ ﻭﻛﺎﻟﺖ : ﻫﺎ .. ﻻ ﻣﺎﻛﻮ ﺷﻲ ..
ﺭﺍﺋﺪ : ﻟﻌﺪ ﺷﺒﻴﺞ ﻣﻌﺼﺒﺔ ﻭﺗﻔﺘﺮﻳﻦ ﻣﻨﺎ ﻭﻣﻨﺎ ..
ﻣﻴﺎﻣﻴﻦ ﻣﺎﺗﻜﺪﺭ ﺗﺨﻔﻲ ﺗﻮﺗﺮﻫﺔ .. ﻛﻌﺪﺕ ﻭﺻﺎﺭﺕ ﺗﻬﺰ ﺑﺮﺟﻠﻬﺔ ...
ﺭﺍﺋﺪ ﻛﻌﺪ ﺑﺼﻔﻬﺔ :.. ﺍﻣﻮﻧﻲ ﺍﺣﺠﻲ ﺷﺒﻴﺞ ..
ﻣﻴﺎﻣﻴﻦ ﺧﺎﻓﺖ ﻳﻜﺸﻔﻬﺔ .. ﻣﺎ ﺣﺠﺖ ﺷﻲ ..
ﺭﺍﺋﺪ ﺳﺤﺐ ﺍﻟﺘﻠﻴﻔﻮﻥ ﻣﺎﻟﺘﻬﺔ ..
ﻣﻴﺎﻣﻴﻦ ﺑﺴﺮﻋﺔ ﺳﺤﺒﺘﺔ ﻣﻨﺔ ﺑﺨﻮﻑ ﻭﻛﺎﻟﺖ ﻭﻫﻲ ﺑﺲ ﺗﺮﻳﺪ ﺗﻐﻴﺮ ﻣﻮﺿﻮﻉ ﺧﺎﺗﻮﻥ : ﻣﻌﺼﺒﺔ ﻻﻥ ﻏﺰﻭﺍﻥ ﺭﺍﺡ ﻳﺨﻄﺐ ..
ﺭﺍﺋﺪ ﺍﺳﺘﻐﺮﺏ ﺣﺮﻛﺘﻬﺔ ﻭﺟﻮﺍﺑﻬﺔ .. ﺭﻓﻊ ﺣﺎﺟﺒﺔ ﺑﺸﻚ ﻭﻛﺎﻝ : ﻭﺍﻧﺘﻲ ﺷﻌﻠﻴﺞ ﺑﻐﺰﻭﺍﻥ ... ﻭﻟﻴﺶ ﺧﺎﻳﻔﺔ ﻣﻦ ﺍﻟﺘﻠﻴﻔﻮﻥ ..
ﻣﻴﺎﻣﻴﻦ ﻫﺰﺕ ﺭﺍﺳﻬﺔ ﺏ ﻻ ﺑﺪﻭﻥ ﻣﺎ ﺗﺤﺠﻲ ﺷﻲ ..
ﺭﺍﺋﺪ ﻭﻋﺒﺎﻟﻚ ﺣﺲ ﺑﺎﻟﻤﻮﺿﻮﻉ .. ﺳﺤﺐ ﺍﻟﺘﻠﻴﻔﻮﻥ ﻣﻦ ﺍﻳﺪﻫﺔ ﻭﻓﺘﺤﺔ .. ﺟﺎﻧﺖ ﻗﺎﻓﻠﺘﺔ ﻭﻫﻮ ﻋﺎﻟﻤﺤﺎﺩﺛﺔ ..
ﺭﺍﺋﺪ ﻗﺮﺓ ﺍﻟﻤﺤﺎﺩﺛﺔ ﻭﺍﻳﺪﺓ ﺻﺎﺭﺕ ﺗﺮﺟﻒ ..
ﺿﻐﻂ ﻋﺎﻟﺘﻠﻴﻔﻮﻥ ﺑﻴﺪﺓ .. ﺻﺎﺭ ﻳﻔﺮﻙ ﻭﺟﻬﺔ ﺑﻘﻬﺮ ﻭﻫﻮ ﻳﻘﺮﺓ ﺑﺎﻟﻜﻼﻡ ..
ﻭﻛﻒ ﻋﻠﻰ ﺣﻴﻠﺔ ﻭﺷﻤﺮ ﺍﻟﺘﻠﻴﻔﻮﻥ ﺑﺤﻀﻦ ﻣﻴﺎﻣﻴﻦ ﺍﻟﻲ ﺟﺎﻧﺖ ﺧﺎﻳﻔﺔ ﻣﻦ ﺭﺩﺓ ﻓﻌﻠﺔ ...
ﻋﺎﻓﻬﺔ ﻭﻃﻠﻊ ﻣﻦ ﺍﻟﺼﺎﻟﺔ .. ﺭﺍﺣﺖ ﻭﺭﺍﻩ ﺷﺎﻓﺘﺔ ﺩﺧﻞ ﻟﻐﺮﻓﺘﺔ ﻭﺳﺪ ﺍﻟﺒﺎﺏ ﺑﻘﻮﺓ ..
ﺷﻮﻳﺔ ﻭﺳﻤﻌﺖ ﺻﻴﺤﺘﺔ ﺑﻌﺼﺒﻴﺔ ﻭﻛﻤﺰﺕ ﻣﻦ ﺳﻤﻌﺖ ﺻﻮﺕ ﺷﻲ ﺍﻧﻜﺴﺮ ﺑﺎﻟﻐﺮﻓﺔ ...
ﺩﻛﺖ ﺍﻟﺒﺎﺏ ﺑﻜﻞ ﺧﻮﻑ : ﺭﺍﺋﺪ ﺍﻓﺘﺢ ﺍﻟﺒﺎﺏ .. ﺍﻟﻠﻪ ﻳﺨﻠﻴﻚ ﻻ ﺗﺴﻮﻱ ﺷﻲ ..
ﺭﺍﺋﺪ ﺑﻌﺼﺒﻴﺔ ﻣﻦ ﻭﺭﺓ ﺍﻟﺒﺎﺏ : ﻣﻴﺎﻣﻴﻦ ﺭﻭﺣﻲ ﻣﻨﺎ ..
ﺑﻘﺖ ﺗﺪﻙ ﺑﺎﻟﺒﺎﺏ ﺑﺲ ﻫﻮ ﻣﻌﻨﺪ ﻣﺎ ﻳﻔﺘﺤﺔ ..
ﻓﻘﺪﺕ ﺍﻻﻣﻞ ﺍﻥ ﻳﻔﺘﺤﻠﻬﺔ ﺍﻟﺒﺎﺏ .. ﺭﺍﺣﺖ ﻟﻐﺮﻓﺘﻬﺔ ﻭﻛﻌﺪﺕ ﺗﺒﺠﻲ .. ﻛﻠﺔ ﺑﺴﺒﺒﻲ .. ﻛﻠﺸﻲ ﺟﺎﻱ ﻳﺼﻴﺮ ﻣﻦ ﻭﺭﺍﻱ ﺍﻧﻲ .. ﺍﻧﻲ ﺍﻟﻲ ﻭﺻﻠﺘﺔ ﻟﻬﺎﻱ ﺍﻟﺤﺎﻟﺔ ..
ﺷﻠﻮﻥ ﺍﻛﺪﺭ ﺍﺧﻠﻲ ﻳﺤﺼﻞ ﻋﻠﻰ ﺧﺎﺗﻮﻥ ﻭﻫﻲ ﺭﺍﺣﺖ ﻣﻦ ﺍﻳﺪﺓ &&&&&&
ﺍﻟﺴﺎﻋﺔ 12:30 ﺭﺟﻊ ﻏﺰﻭﺍﻥ ﻟﻠﺒﻴﺖ ..
ﺩﺧﻞ ﻟﻠﻤﻄﺒﺦ ﺷﺎﻑ ﺧﺎﺗﻮﻥ ﻭﻣﻬﺎ ﻳﺼﺒﻦ ﺑﺎﻟﻐﺪﺍ ..
ﻣﻬﺎ ﺍﺑﺘﺴﻤﺖ ﻣﻦ ﺷﺎﻓﺘﺔ ﺍﺟﺔ ﻋﻠﻴﻬﻢ ﻻﻥ ﺗﻌﻮﺩ ﺍﺻﻼ ﻣﺎ ﻳﺮﺟﻊ ﻟﻠﺒﻴﺖ ﻏﻴﺮ ﻟﻠﻴﻞ ﻭﻳﺨﻠﺺ ﺍﻟﻨﻬﺎﺭ ﻛﻠﺔ ﺷﻐﻞ ..
ﻣﻬﺎ : ﻫﻼ ﻏﺰﻭﺍﻥ .. ﺭﻭﺡ ﺍﻛﻌﺪ ﺻﺒﻴﻨﺎ ﺍﻟﻐﺪﺍ ..
ﻏﺰﻭﺍﻥ : ﻫﻼ ﺑﻤﻬﺎﻭﻱ ..
ﺍﻟﺘﻔﺖ ﻋﻠﻰ ﺧﺎﺗﻮﻥ ﺍﻟﻲ ﻣﺪﻧﻜﺔ ﻭﺗﺮﺗﺐ ﺑﺎﻟﺨﻴﺎﺭ ﺑﺎﻟﻤﻮﺍﻋﻴﻦ ﻭﺣﺘﻰ ﻣﺎ ﺍﻟﺘﻔﺘﺘﻠﺔ ..
ﺭﺍﺡ ﻭﻛﻒ ﺑﺼﻔﻬﺔ ﻭﺍﺧﺬ ﻗﻄﻌﺔ ﺧﻴﺎﺭ ﻣﻦ ﺍﻟﻤﺎﻋﻮﻥ ﻭﺍﻛﻠﻬﺔ ﻭﻫﻮ ﻳﺒﺎﻭﻉ ﻋﻠﻴﻬﺔ ...
ﺣﺠﺔ ﺑﺈﺑﺘﺴﺎﻣﺔ : ﻭﺍﻧﺘﻲ ﻳﻌﺮﻭﺳﺔ ﻣﺮﺍﺡ ﺗﺴﻠﻤﻴﻦ ﻋﻠﻴﺔ ..
ﺍﻟﺘﻔﺘﺖ ﻋﻠﻲ ﻭﺭﻓﻌﺖ ﺣﺎﺟﺒﻬﺔ ﻣﻦ ﻛﺎﻝ ﻳﻌﺮﻭﺳﺔ ..
ﺭﺟﻌﺖ ﺩﻧﻜﺖ ﺭﺍﺳﻬﺔ ﻭﻛﺎﻟﺖ ﺑﺒﺮﻭﺩ : ﻫﻼ ﺑﻴﻚ ..
ﻏﺰﻭﺍﻥ ﺗﻌﻮﺩ ﻋﻠﻰ ﻫﺬﺍ ﺍﺳﻠﻮﺑﻬﺔ ﻣﻦ ﻳﻮﻡ ﻣﺎ ﺭﺍﺣﺖ ﻣﻴﺎﻣﻴﻦ ﻟﻠﻴﻮﻡ .. ﻳﻌﻨﻲ ﺍﻟﻠﻪ ﻋﺎﻗﺒﺔ ﺑﻤﻴﺎﻣﻴﻦ ﻭﺑﺄﺧﺘﺔ ..
ﺧﺎﺗﻮﻥ ﺍﺧﺬﺕ ﺍﻟﻤﻮﺍﻋﻴﻦ ﻭﺣﻄﺘﻬﻦ ﺑﺼﻴﻨﻴﺔ ﻭﺍﺧﺬﺗﻬﻦ ﻟﻠﺼﺎﻟﺔ ..
ﻣﻬﺎ ﺑﺴﺮﻋﺔ ﺍﻟﺘﻔﺖ ﻋﻠﻰ ﻏﺰﻭﺍﻥ ﻭﺗﻘﺮﺑﺖ ﻣﻨﺔ : ﻏﺰﻭﺍﻥ ﺷﻨﻮ ﻫﺎﻟﺤﺠﻲ ﻫﺬﺍ ﺍﻟﻲ ﺧﻠﻴﺘﻨﻲ ﺍﻛﻮﻟﺔ ﻟﻤﻴﺎﻣﻴﻦ .. ﻻ ﺗﻜﻠﻲ ﻫﺎﻟﺸﻲ ﺻﺤﻴﺢ .. ﻭﺑﻌﺪﻳﻦ ﺷﻨﻮ ﻋﺮﻭﺳﺔ .. ﺷﻮﻑ ﺗﺮﺓ ﺧﺎﺗﻮﻥ ﻣﺴﺘﺤﻴﻞ ﺗﺮﺟﻊ ﺗﻘﺒﻞ ﺑﻌﻤﺮﺍﻥ ﻣﺮﺓ ﺛﺎﻧﻴﺔ .. ﻭﺍﺻﻼ ﺍﻧﺖ ﺟﻨﺖ ﻣﺎ ﺗﺮﻳﺪﺓ .. ﻟﻴﺶ ﻫﺴﺔ ﺩﺍ ﺗﺴﻮﻱ ﻫﻴﺞ ..
ﻏﺰﻭﺍﻥ ﺑﺄﺑﺘﺴﺎﻣﺔ : ﻣﻦ ﻳﺠﻲ ﺍﻟﻮﻗﺖ ﺍﻟﻤﻨﺎﺳﺐ ﺭﺍﺡ ﺗﻌﺮﻓﻴﻦ ﻛﻠﺸﻲ .. ﻳﻠﺔ ﺍﺭﻭﺡ ﺍﺗﻐﺪﻯ .. ﻭﺧﺮﻱ ﻻ ﺗﻌﻄﻠﻴﻨﻲ ..
ﻣﻬﺎ ﻭﻛﻔﺖ ﻭﻫﻲ ﺗﺒﺎﻭﻉ ﻻﺧﻮﻫﺔ ﺑﻘﻠﺔ ﺣﻴﻠﺔ ﻭﻣﺎ ﺗﺪﺭﻱ ﻋﻠﻰ ﺷﻨﻮ ﻫﻮ ﻧﺎﻭﻱ ..
&&&&&&&&
ﺍﻟﺴﺎﻋﺔ ﺗﻘﺮﻳﺒﺎ ﺻﺎﺭﺕ ٩ ﺑﻠﻴﻞ ..
ﺭﺍﺋﺪ ﻟﺤﺪ ﺍﻻﻥ ﻣﺎ ﻃﻠﻊ ﻣﻦ ﻏﺮﻓﺘﺔ ...
ﻣﻴﺎﻣﻴﻦ ﻛﻞ ﺷﻮﻱ ﺗﺮﻭﺡ ﺗﺪﻙ ﺍﻟﺒﺎﺏ ﻋﻠﻲ ﺑﺲ ﻫﻮ ﻣﺎ ﻳﻘﺒﻞ ﻳﻔﺘﺢ ..
ﻛﺎﻋﺪﺓ ﺑﻐﺮﻓﺘﻬﺔ ﻋﻠﻰ ﺟﺮﺑﺎﻳﺘﻬﺔ ﻭﺑﺎﻟﻬﺔ ﻳﻢ ﺍﺧﻮﻫﺔ .. ﻳﺮﺑﻲ ﺩﺧﻴﻠﻚ ﺳﺎﻋﺪﻧﻲ .. ﺷﻠﻮﻥ ﺭﺍﺡ ﺍﻛﺪﺭ ﺍﻃﻠﻌﺔ ﻣﻦ ﻫﺎﻟﺸﻲ ﺍﻟﻲ ﻫﻮ ﻋﺎﻳﺸﺔ .. ﻳﻌﻨﻲ ٥ ﺳﻨﻮﺍﺕ ﻫﻮ ﻳﺤﺒﻬﺔ ﻭﻳﻨﺘﻀﺮﻫﺔ ﻭﺗﺎﻟﻲ ﺗﻨﺨﻄﺐ ﻟﺸﺨﺺ ﺛﺎﻧﻲ ..
&&&&&&&
ﺷﻂ ﺍﻟﻌﺮﺏ /
ﻏﺰﻭﺍﻥ ﻛﺎﻋﺪ ﺑﺴﻴﺎﺭﺗﺔ ﻭﺭﺍﺑﻂ ﺗﻠﻴﻔﻮﻧﺔ ﻋﺎﻟﻤﺴﺠﻞ ..
ﻣﺸﻐﻞ ﺍﻏﻨﻴﺔ ﻟﻴﺎﺱ ﺧﻀﺮ ‏( ﺍﻩ ﻳﺎﻟﻴﻞ ‏) ﻭﻳﻐﻨﻲ ﻭﻳﺎﻫﺔ ﻭﻫﻮ ﻣﺮﺟﻊ ﺭﺍﺳﺔ ﻋﺎﻟﻜﺸﻦ ..
ﻭﺭﺍﻓﻊ ﺻﻮﺭﺗﻬﺔ ﻭﻳﺒﺎﻭﻉ ﻋﻠﻴﻬﺔ .. ﻧﺰﻟﺖ ﺩﻣﻌﺔ ﻣﻦ ﻋﻴﻨﺔ .. ﺍﻟﺸﻮﻙ ﻣﻮﺗﻨﻲ ﺍﻟﺞ .. ﻣﺎ ﺿﻞ ﺑﻜﻠﺒﻲ ﺣﻴﻞ ﻋﻠﻰ ﻓﺮﺍﻛﺞ ..
ﺟﺎ ﻳﻐﻨﻲ ﻭﻳﺔ ﺍﻻﻏﻨﻴﺔ ﻭﻳﺤﺲ ﻛﻠﻤﺎﺗﻬﺔ ﺗﻨﻄﺒﻖ ﻋﻠﻲ ..
ﺍﻩ ﻳﺎ ﻟﻴﻞ ... ﻳﻤﺘﺔ ﺍﻟﺮﺍﺡ .. ﻳﺤﻦ ﻭﻳﻌﺎﻭﺩ ﻟﺤﺒﺔ ..
ﺧﻼﻧﻲ ... ﻭﻣﺸﺔ ﻳﺎﻟﻴﻞ .. ﻏﺮﺑﺔ ﺑﺪﻳﺮﺓ ﺍﻟﻐﺮﺑﺔ ..
ﺟﺎ ﺷﻨﻬﻮ ﺍﻟﻴﺼﺒﺮ ﺍﻟﺮﻭﺡ ... ﻏﻴﺮ ﺍﻟـ ﺍﺍﻩ ﻭﺍﻟﻮﻧﺔ ..
ﻣﻐﺮﺏ ﻭﺍﻟﻄﺮﻳﻖ ﺑﻌﻴﺪ ... ﻣﺎ ﻟﺤﮕﺖ ﺍﻭﺩﻋﻨﺔ ..
ﺗﺎﻟﻴﺖ ﺍﻟـ ... ﺍﻟﻌﻤﺮ ﻳﺎ ﺣﻴﻒ .. ﺿﻌﻨﺔ ﻭﻛﻠﻤﻦ ﺑﺪﺭﺑﺔ ..
ﺻﻔﻨﺎﺗﻚ ﺣﺰﻥ ﻳﺎﻟﻴﻞ .. ﻭﺍﻧﺎ ﻳﻬﻤﻠﻦ ﺩﻣﻮﻋﻲ ..
ﺍﻧﺖ ﺗﻮﻥ ﻋﻠﻰ ﺍﻟﻨﺠﻤﺎﺕ .. ﻭﺍﻧﺎ ﺍﺣﺒﺎﺑﻲ ﻋﺎﻓﻮﻧﻲ ..
ﻣﺎ ﺍﺑﻄﻞ ﺩﻣﻮﻉ ﺍﻟﻌﻴﻦ .. ﻭﺍﺑﻘﻰ ﻣﺴﺎﻫﺮ ﺍﻳﺎﻣﻲ ..
ﻭﺧﻞ ﻳﺒﻘﻰ ﺍﻟﻌﺰﻳﺰ ﺑﻌﻴﺪ .. ﺑﺲ ﻧﻌﻴﺶ ﺑﺄﺣﻼﻣﺔ ..
ﺳﻠﻤﻠﻲ .. ﻋﻠﻲ ﻳﺎﻟﻴﻞ .. ﻭﻛﻠﺔ ﺍﺣﺒﻴﺒﻚ ﺑﻐﺮﺑﺔ ..
ﻗﺎﻃﻌﺔ ﺗﻮﻗﻒ ﺍﻻﻏﻨﻴﺔ ﺑﺴﺒﺐ ﺻﻮﺕ ﺗﻠﻴﻔﻮﻧﺔ ﺍﻟﻲ ﻳﺮﻥ ..
ﻛﻌﺪ ﻋﻠﻰ ﺣﻴﻠﺔ ﻭﻫﻮ ﻳﺸﻮﻑ ﺭﻗﻤﻬﺔ ...
ﺭﺩ ﺑﻜﻞ ﻟﻬﻔﺔ : ﻣﻴﺎﻣﻲ ...
&&&&&&&
ﺑﻴﺖ ﺍﺑﻮ ﺭﺍﺋﺪ ...
ﻣﻴﺎﻣﻴﻦ .. ﻫﺎﻱ ﺍﻟﻤﺮﺓ ﺍﻟﺨﺎﻣﺴﺔ ﺗﺮﻭﺡ ﺗﺪﻙ ﺍﻟﺒﺎﺏ ﻋﻠﻲ ﺑﺲ ﻫﻮ ﻣﺎ ﻳﻘﺒﻞ ﻳﻔﺘﺢ ..
ﺩﻛﺖ ﺍﻟﺒﺎﺏ : ﺭﺍﺋﺪ ﺍﻓﺘﺢ ﺍﻟﺒﺎﺏ ﺍﻟﻠﻪ ﻳﺨﻠﻴﻚ ..
ﻫﺎﻟﻤﺮﺓ ﻣﺎﻛﻮ ﺭﺩ ..
ﺩﻛﺖ ﺍﻟﺒﺎﺏ ﺍﻗﻮﻯ ﻣﻦ ﻗﺒﻞ : ﺭﺍﺍﺍﺍﺋﺪ ﺍﺣﺠﻲ ﻭﻳﺎﻙ ..
ﻣﺎ ﺭﺩ ﻋﻠﻴﻬﺔ ..
ﺧﺎﻓﺖ ﻭﻛﻠﺒﻬﺔ ﺻﺎﺭ ﻳﺪﻙ ﺳﺮﻳﻊ ..
ﻧﺰﻟﺖ ﺍﻟﺪﺭﺝ ﺗﺮﻛﺾ ﻭﻭﺻﻠﺖ ﻟﻠﺼﺎﻟﺔ ﻭﺟﺎﻥ ﻣﻮﺟﻮﺩ ﺧﺎﻟﺪ ﻭﺣﺴﺎﻥ ﻭﺍﻣﻬﺔ ...
ﺣﺠﺖ ﺑﺨﻮﻑ ﻭﻫﻲ ﺗﻠﻬﺚ : ﺍﻟﺤﻜﻮ ﻟﺮﺍﺋﺪ .. ﻗﺎﻓﻞ ﺑﺎﺏ ﻏﺮﻓﺘﺔ ﻣﻦ ﺍﻟﺼﺒﺢ ﻟﻬﺴﺔ ﻭﺍﺩﻙ ﻋﻠﻲ ﺍﻟﺒﺎﺏ ﻣﻴﻔﺘﺤﺔ .. ﻭﻫﺴﺔ ﻣﻴﺮﺩ ﻋﻠﻴﺔ ..
ﺣﺴﺎﻥ ﻭﻛﻒ ﺑﺴﺮﻋﺔ : ﺷﻠﻮﻥ ﻳﻌﻨﻲ .. ﻟﻴﺶ ﻗﻔﻞ ﺍﻟﺒﺎﺏ ..
ﻣﻴﺎﻣﻴﻦ : ﺣﺴﺎﻥ ﻣﻮ ﻭﻗﺖ ﺍﻟﺤﺠﻲ ﻫﺴﺔ .. ﻳﻠﺔ ﺑﺴﺮﻋﺔ ﺭﻭﺡ ﺣﺎﻭﻝ ﺗﻔﺘﺢ ﺍﻟﺒﺎﺏ ..
ﺻﻌﺪﻭ ﺑﺴﺮﻋﺔ ﻭﺍﻡ ﺭﺍﺋﺪ ﺧﺎﻳﻔﺔ ﻋﻠﻰ ﺍﺑﻨﻬﺔ ..
ﺣﺴﺎﻥ ﺣﺎﻭﻝ ﻳﻜﺴﺮ ﺍﻟﺒﺎﺏ ﺑﺲ ﻣﺎﻛﺪﺭ ..
ﺧﺎﻟﺪ ﺟﺎﻥ ﺟﺴﻤﺔ ﻭﺑﻨﻴﺘﺔ ﺍﻗﻮﻯ ﻣﻦ ﺣﺴﺎﻥ ...
ﺩﻓﻊ ﺣﺴﺎﻥ ﻭﺿﺮﺏ ﺍﻟﺒﺎﺏ ﺑﻜﺘﻔﺔ ﺍﻛﺜﺮ ﻣﻦ ﻣﺮﺓ ..
ﺑﺎﻟﻀﺮﺑﺔ ﺍﻟﺨﺎﻣﺴﺔ ﺍﻧﻜﺴﺮ ﺍﻟﺒﺎﺏ ..
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ

#بارت٤٥
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻟﻘﺪ ﺩﺏ ﺍﻟﻬﻮﻯ ﻟﻚ ﻓﻲ ﻓﺆﺍﺩﻱ ﺩﺑﻴﺐ ﺩﻡ ﺍﻟﺤﻴﺎﺓ ﺇﻟﻰ ﻋﺮﻭﻗﻲ .
ﺣﺴﺎﻥ ﺣﺎﻭﻝ ﻳﻜﺴﺮ ﺍﻟﺒﺎﺏ ﺑﺲ ﻣﺎﻛﺪﺭ ..
ﺧﺎﻟﺪ ﺟﺎﻥ ﺟﺴﻤﺔ ﻭﺑﻨﻴﺘﺔ ﺍﻗﻮﻯ ﻣﻦ ﺣﺴﺎﻥ ...
ﺩﻓﻊ ﺣﺴﺎﻥ ﻭﺿﺮﺏ ﺍﻟﺒﺎﺏ ﺑﻜﺘﻔﺔ ﺍﻛﺜﺮ ﻣﻦ ﻣﺮﺓ ..
ﺑﺎﻟﻀﺮﺑﺔ ﺍﻟﺨﺎﻣﺴﺔ ﺍﻧﻜﺴﺮ ﺍﻟﺒﺎﺏ ..
ﺩﺧﻠﻨﺔ ﻭﺷﻔﻨﺔ ﺭﺍﺋﺪ ﻧﺎﻳﻢ ﻋﻠﻰ ﻭﺟﻬﺔ ﻋﺎﻟﺠﺮﺑﺎﻳﺔ ﺑﺎﻟﻌﺮﺽ ﻭﺍﻳﺪﻱ ﺟﻮﺓ ﺭﺍﺳﺔ ..
ﺧﺎﻟﺪ ﺭﻛﻀﻠﺔ ﻭﻳﻜﻌﺪ ﺑﻲ ..
ﺭﺍﺋﺪ ﻓﺘﺢ ﺷﻮﻳﺔ ﻣﻦ ﻋﻴﻮﻧﺔ .. ﺟﺎﻥ ﺷﺒﻪ ﻧﺎﻳﻢ ﻭﻭﺟﻬﺔ ﺍﺣﻤﺮ ﻭﻋﺮﻛﺎﻥ .. ﺧﺎﻟﺪ ﻳﺤﺎﻭﻝ ﻳﻜﻌﺪﺓ ﺑﺲ ﻫﻮ ﻣﺎ ﻳﺮﺩ ﻋﻠﻴﻬﻢ ﺑﺲ ﻳﻮﻥ ..
ﻧﺰﻟﺖ ﺩﻣﻮﻋﻲ ﻭﻛﻠﺖ ﺑﺨﻮﻑ : ﺧﺎﻟﺪ ﺷﺒﻲ ﺭﺍﺋﺪ ..
ﺍﻣﻲ ﻛﺎﻣﺖ ﺗﺒﺠﻲ ﻭﻫﻲ ﺗﺸﻮﻑ ﺭﺍﺋﺪ ﻫﺎﻟﺸﻜﻞ ..
ﺣﺴﺎﻥ : ﻣﺎ ﺑﻲ ﺷﻲ ﻻ ﺗﺨﺎﻓﻮﻥ .. ﺑﺲ ﺣﺮﺍﺭﺗﺔ ﻣﺮﺗﻔﻌﺔ ..
ﻣﺪﺩﻭﻩ ﺍﻟﻮﻟﺪ ﻋﺎﻟﺠﺮﺑﺎﻳﺔ ﻭﻣﻼﺑﺴﺔ ﺭﻃﺒﺔ ﻣﻦ ﺷﺪﺓ ﺍﻟﺤﺮﺍﺭﺓ ﻋﺮﻛﺎﻥ ..
ﺣﺴﺎﻥ ﺍﻟﺘﻔﺖ ﻋﻠﻴﺔ ﻭﻛﺎﻝ : ﺑﺴﺮﻋﺔ ﻃﻠﻌﻴﻠﺔ ﻣﻼﺑﺲ ﻣﻦ ﺍﻟﻜﻨﺘﻮﺭ ..
ﺣﺠﻴﺖ ﻭﺍﻧﻲ ﺍﻃﻠﻊ ﺍﻟﻤﻼﺑﺲ ﻭﺍﺑﺠﻲ : ﺧﻞ ﻧﺎﺧﺬﺓ ﻟﻠﻤﺴﺘﺸﻔﻰ ﻣﻮ ﺍﺣﺴﻦ ..
ﺧﺎﻟﺪ ﻭﻫﻮ ﻳﻤﺴﺢ ﻭﺟﻬﺔ ﺑﺎﻟﺨﺎﻭﻟﻲ : ﻣﺎ ﻳﺤﺘﺎﺝ .. ﻫﺴﺔ ﺗﻨﺰﻝ ﺣﺮﺍﺭﺗﺔ .. ﻣﺎ ﻧﻜﺪﺭ ﻧﻄﻠﻌﺔ ﻭﻫﻮ ﺑﻬﺎﻟﻮﺿﻊ ﻭﺍﻟﺠﻮ ﺑﺎﺭﺩ ..
ﺭﺣﺖ ﺑﺴﺮﻋﺔ ﻟﻠﻤﻄﺒﺦ .. ﺣﻀﺮﺕ ﻃﺎﺳﺔ ﻭﺑﻴﻬﺔ ﻣﻲ ﻭﺣﻄﻴﺖ ﺑﻴﻬﺔ ﻛﻢ ﻗﻄﻌﺔ ﺛﻠﺞ .. ﺍﺧﺬﺕ ﺧﺎﻭﻟﻲ ﺯﻏﻴﺮ ﻭﺭﺣﺖ ..
ﻟﻜﻴﺘﻬﻢ ﻣﺒﺪﻟﻴﻦ ﻣﻼﺑﺴﺔ ﻭﺍﻣﻲ ﻛﺎﻋﺪﺓ ﻳﻢ ﺭﺍﺳﺔ ﻭﺗﻘﺮﺓ ﻋﻠﻲ ﻗﺮﺀﺍﻥ ..
ﺧﺎﻟﺪ ﺍﻟﺘﻔﺖ ﻋﻠﻴﺔ ﻭﻛﺎﻝ ﺑﻌﺼﺒﻴﺔ : ﺷﺠﺎﻩ ﻫﻴﺞ ﻓﺠﺄﺓ ﻗﻔﻞ ﺍﻟﺒﺎﺏ ﻭﻫﻴﺞ ﺻﺎﺭ ﺑﻲ ..
ﻫﺰﻳﺖ ﺍﻛﺘﺎﻓﻲ ﺑﻤﺎﺩﺭﻱ .. ﻣﺎﺩﺭﻱ ﺷﺠﺎﻭﺑﺔ .. ﺍﻛﻮﻟﺔ ﻛﻠﺸﻲ ﺻﺎﺭ ﺑﺴﺒﺒﻲ ..
ﺣﻄﻴﺖ ﺍﻟﻜﻤﺎﺩﺍﺕ ﻋﻠﻰ ﺭﺍﺳﺔ ﻭﺑﻘﻴﺖ ﻛﺎﻋﺪﺓ ﻳﻤﺔ ..
ﺍﻧﺘﺒﻬﺖ ﻻﻣﻲ ﺭﺍﺳﻬﺔ ﺻﺎﺭ ﻳﺘﻤﺎﻳﻞ ..
ﺍﺷﺮﺕ ﻟﺤﺴﺎﻥ ﻳﺎﺧﺬﻫﺔ ..
ﺣﺴﺎﻥ ﺍﻧﺘﺒﻪ ﻋﻠﻴﻬﺔ .. ﻛﺎﻡ ﻭﻫﻮ ﻳﻠﺰﻣﻬﺔ ﻣﻦ ﺍﻳﺪﻫﺔ : ﻳﻤﺔ ﻛﻮﻣﻲ ﺗﻤﺪﺩﻱ ﺷﻮﻳﺔ ..
ﺍﻡ ﺭﺍﺋﺪ : ﻋﻮﻓﻨﻲ ﻣﺎﺭﻭﺡ .. ﺍﺿﻞ ﻳﻢ ﺍﺑﻨﻲ ﺧﺎﻑ ﻳﻜﻌﺪ ..
ﺧﺎﻟﺪ : ﻛﻮﻣﻲ ﻳﻤﺔ ﺍﺣﻨﺔ ﻧﻜﻌﺪ ﻳﻤﺔ .. ﺭﻭﺣﻲ ﺍﺭﺗﺎﺣﻲ ..
ﺍﻡ ﺭﺍﺋﺪ : ﺍﺫﺍ ﻳﻜﻌﺪ ﺻﻴﺤﻮﻧﻲ ..
ﻫﺰﻳﺖ ﺭﺍﺳﻲ ﺑﺄﻱ .. ﻫﻲ ﺩﻧﻜﺖ ﻋﻠﻰ ﺭﺍﺳﺔ ﻭﺣﺒﺘﺔ ﻭﻃﻠﻌﺖ ..
ﺧﺎﻟﺪ ﺟﺎﺏ ﻣﻨﺸﻔﺔ ﺭﻃﺒﺔ ﻭﺣﻄﻬﺔ ﻋﻠﻰ ﺭﺟﻠﻲ ﺣﺘﻰ ﺗﺴﺤﺐ ﺍﻟﺤﺮﺍﺭﺓ .. ﺣﺴﺎﻥ ﻛﻌﺪ ﺑﺮﺓ ﻻﻥ ﻛﺎﻝ ﻣﺎ ﻳﺼﻴﺮ ﻫﻮﺳﺔ ﻳﻤﺔ ﺧﺎﻑ ﻳﻨﺰﻋﺞ ..
ﺧﺎﻟﺪ ﺍﺧﺬ ﺣﺒﺎﻳﺔ ﺍﻟﺒﻨﺪﻭﻝ ﻭﻛﻌﺪﺓ ﻭﻳﺤﺎﻭﻝ ﻳﺨﻠﻲ ﻳﺎﺧﺬﻫﺔ ..
ﺭﺍﺋﺪ ﺟﺎﻥ ﻣﺜﻞ ﺍﻟﺴﻜﺮﺍﻥ .. ﻣﺎ ﻳﻘﺒﻞ ﻳﺎﺧﺬ ﺍﻟﺤﺒﺎﻳﺔ ﻻﻥ ﻧﺎﻳﻢ .. ﻭﻭﺟﻬﺔ ﻣﺜﻞ ﺍﻟﻨﺎﺭ ﻭﺍﺣﻤﺮ ..
ﺍﺧﺬﺕ ﺍﻟﺤﺒﺎﻳﺔ ﻣﻦ ﺍﻳﺪ ﺧﺎﻟﺪ ﻭﺗﺬﻛﺮﺕ ﺍﻥ ﺧﺎﺗﻮﻥ ﻛﺎﻟﺖ ﻣﻦ ﺗﻤﺮﺿﺖ ﻣﻬﺎ ﺣﻄﺘﻬﺔ ﺑﻤﻲ ﻭﺷﺮﺑﺘﻨﻴﺎﻫﺔ ..
ﺟﺒﺖ ﺭﺑﻊ ﻛﻼﺹ ﻣﻲ ﻭﺣﻄﻴﺖ ﺍﻟﺤﺒﺎﻳﺔ ﺑﻲ .. ﺣﺮﻛﺖ ﺍﻟﻤﻲ ﺣﺘﻰ ﺗﺬﻭﺏ ..
ﺧﺎﻟﺪ ﺍﺧﺬ ﺍﻟﻜﻼﺹ ﻭﺷﺮﺑﺔ ﺍﻟﺔ ...
ﻭﺧﺮ ﺍﻟﻠﺤﺎﻑ ﻣﻨﺔ ﻭﺟﺎﺏ ﺟﺮﺟﻒ ﺧﻔﻴﻒ ﻭﻏﻄﺎﻩ ﺣﺘﻰ ﻻ ﻳﻌﺮﻙ ...
ﺧﺎﻟﺪ : ﻣﻴﺎﻣﻴﻦ ﺭﻭﺣﻲ ﺍﺭﺗﺎﺣﻲ .. ﺍﻧﻲ ﺍﺑﻘﻰ ﻳﻤﻚ ..
ﻣﻴﺎﻣﻴﻦ ﻭﻫﻲ ﺗﺒﺎﻭﻉ ﻋﻠﻰ ﺭﺍﺋﺪ : ﻻ ﺍﻧﺖ ﺭﻭﺡ ﺍ .. ﺍﻧﻲ ﻣﺎﻋﻮﻓﺔ ..
ﺧﺎﻟﺪ ﻳﻌﺮﻑ ﺍﻥ ﻫﻲ ﺗﻌﺎﻧﺪ ﻭﻣﺴﺘﺤﻴﻞ ﺗﻘﺒﻞ ﺗﻄﻠﻊ ..
ﻋﺎﻓﻬﺔ ﻭﻃﻠﻊ ﻛﻌﺪ ﻳﻢ ﺣﺴﺎﻥ ﺑﺎﻟﺼﺎﻟﺔ ...
ﻣﻴﺎﻣﻴﻦ ﺭﺟﻌﺖ ﺭﺍﺳﻬﺔ ﻋﻠﻰ ﺗﺎﺝ ﺍﻟﺠﺮﺑﺎﻳﺔ ﻭﻫﻲ ﺗﺒﺎﻭﻉ ﻋﻠﻲ ﻭﺩﻣﻮﻋﻬﺔ ﺗﻨﺰﻝ : ﺍﺳﻔﺔ ﻳﺒﻌﺪ ﺍﺧﺘﻚ .. ﺍﺩﺭﻱ ﻛﻠﺸﻲ ﺻﺎﺭ ﺑﺴﺒﺒﻲ .. ﻟﻮ ﻭﺍﻓﻘﺖ ﺍﻥ ﺍﺭﺟﻊ ﻟﻐﺰﻭﺍﻥ ﻣﺎ ﺟﺎﻥ ﺻﺎﺭ ﺑﻴﻚ ﻫﻴﺞ .. ﺑﺲ ﺷﺒﻴﺪﻱ ﻫﺴﺔ .. ﺧﺎﺗﻮﻥ ﺭﺍﺣﺖ ﻣﻦ ﺍﻳﺪﻳﻚ ﺑﺴﺒﺒﻲ ..
ﺻﺎﺭﺕ ﺗﺒﺠﻲ ﻭﺗﻤﺴﺢ ﺩﻣﻮﻋﻬﺔ ﺑﺲ ﻣﺎﺗﻜﺪﺭ ﺗﺴﻴﻄﺮ ﻋﻠﻴﻬﻦ ﻭﻫﻲ ﺗﺸﻮﻑ ﺍﺧﻮﻫﺔ ﻭﺍﻋﺰ ﻧﺎﺳﻬﺔ ﺑﻬﺎﻱ ﺍﻟﺤﺎﻟﺔ ..
ﻋﺪﻟﺖ ﻛﻌﺪﺗﻬﺔ ﺑﺨﻮﻑ ﻭﻫﻲ ﺗﺸﻮﻓﺔ ﻳﻄﺒﻚ ﺣﻮﺍﺟﺒﺔ ﻭﻫﻮ ﻣﻐﻤﺾ ﻭﻳﻬﺰ ﺑﺮﺍﺳﺔ ..
ﺻﺎﺭ ﻳﻬﻠﻮﺱ ﺑﺎﻟﺤﺠﻲ .. : ﺧﺎﺗﻮﻥ ﻣﺎ ﺗﺘﺰﻭﺝ .. ﻣﺎﺧﻠﻴﻬﺔ ﺗﺘﺰﻭﺝ .. ﻓﺎﺭﺱ ﻛﺎﻝ ﻫﻲ ﺍﻟﻲ .. ﺍﻧﻲ ﺍﺣﺒﻬﺔ ﻣﺎﻛﺪﺭ ﺑﺪﻭﻧﻬﺔ ... ﺷﻠﻮﻥ ﺗﺘﺰﻭﺝ ..
ﺧﺎﻓﺖ ﺍﻛﺜﺮ ﻋﻠﻲ ﻣﻦ ﺷﺎﻓﺖ ﺻﺪﺭﺓ ﻛﺎﻡ ﻳﺼﻌﺪ ﻭﻳﻨﺰﻝ ﻳﺘﻨﻔﺲ ﺑﺴﺮﻋﺔ ..
ﻟﺰﻣﺖ ﺍﻳﺪﺓ ﻭﻫﻲ ﺗﺤﺎﻭﻝ ﺗﻜﻌﺪﺓ ..
ﻋﺼﺮ ﺍﻳﺪﻫﺔ ﺣﻴﻞ ﻭﺩﻣﻮﻋﺔ ﺻﺎﺭﺕ ﺗﻨﺰﻝ .. ﻭﻫﻮ ﻳﺮﺩﺩ ﺑﺄﺳﻢ ﺧﺎﺗﻮﻥ ..
ﻣﻴﺎﻣﻴﻦ ﻫﻨﺎ ﺧﺎﺭﺕ ﻛﻞ ﻗﻮﺍﻫﺔ ﻭﺻﺎﺭﺕ ﺗﺒﺠﻲ ﻭﺗﺸﻬﻚ ..
ﺭﺍﺋﺪ ﻭﻫﻮ ﺩﻣﻮﻋﺔ ﺗﻨﺰﻝ ﻭﻃﺎﺑﻚ ﺣﻮﺍﺟﺒﺔ ﺑﻀﻌﻒ : ﺍﺣﺒﻬﺔ .. ﻟﻴﺶ ﺗﺘﺰﻭﺟﺔ .. ﻭﺍﻟﻠﻪ ﻫﻮ ﻣﺎ ﻳﺤﺒﻬﺔ ﻣﺜﻠﻲ ..
ﺻﺎﺭﺕ ﺗﻤﺴﺢ ﺩﻣﻮﻋﺔ ﻭﺗﻐﺴﻞ ﻭﺟﻬﺔ ﻭﺗﻘﺮﺓ ﻋﻠﻲ ﺍﻳﺎﺕ ﻗﺮﺀﺍﻧﻴﺔ ...
ﺷﺎﻓﺘﺔ ﻏﻔﺔ ﻭﻫﺪﺃ ﻭﺍﺭﺧﻰ ﻗﺒﻀﺔ ﺍﻳﺪﺓ ﺍﻟﻲ ﻻﺯﻣﺔ ﺍﻳﺪﻫﺔ ...
ﻭﺧﺮﺕ ﻣﻦ ﻳﻤﺔ ﺑﺴﺮﻋﺔ ﻭﺷﺎﻓﺖ ﺧﺎﻟﺪ ﻭﺣﺴﺎﻥ ﻛﺎﻋﺪﻳﻦ ﺑﺎﻟﺼﺎﻟﺔ ..
ﺣﺠﺖ ﻭﻫﻲ ﻛﻮﺓ ﻣﺴﻴﻄﺮﺓ : ﺧﺎﻟﺪ ﺍﻧﻲ ﺭﺍﻳﺤﺔ ﻟﻐﺮﻓﺘﻲ .. ﻭﺍﺣﺪ ﻣﻨﻜﻢ ﻳﺪﺧﻞ ﻳﻤﺔ ..
ﻋﺎﻓﺘﻬﻢ ﻭﻣﺸﺖ ﺣﺘﻰ ﻣﺎ ﺍﻧﺘﻀﺮﺕ ﻣﻨﻬﻢ ﺟﻮﺍﺏ ..
ﺩﺧﻠﺖ ﻟﻐﺮﻓﺘﻬﺔ ﻭﻗﻔﻠﺖ ﺍﻟﺒﺎﺏ ﻭﻛﻌﺪﺕ ﺗﺒﺠﻲ ﺑﺎﻟﻜﺎﻉ ﻭﺗﺸﻬﻚ .. ﺟﻨﺖ ﻣﺘﻮﻗﻌﺔ ﺍﻥ ﺿﺤﻴﺖ ﺑﻨﻔﺴﻲ ﻋﻠﻤﻮﺩ ﺍﺧﻮﻱ ﺭﺍﺋﺪ .. ﺑﺲ ﻫﺴﺔ ﺍﻛﺘﺸﻔﺖ ﺍﻥ ﺟﻨﺖ ﺳﺒﺐ ﺩﻣﺎﺭﺓ ﻣﻮ ﺳﻌﺎﺩﺗﺔ .. ﻟﻴﺶ ﻳﺮﺑﻲ ﻫﻴﺞ ﺗﺴﻮﻱ ﺑﻴﺔ ..
ﻭﺍﻟﻠﻪ ﻣﺎﺗﺤﻤﻞ ﺍﺷﻮﻓﺔ ﺑﻬﺎﻟﺤﺎﻟﺔ ..
ﺭﺑﻲ ﻋﺎﻗﺒﻨﻲ ﺑﺄﻱ ﺷﺨﺺ ﺍﻻ ﺭﺍﺋﺪ ..
ﻛﻤﺖ ﻭﺍﻧﻲ ﺍﺑﺠﻲ ﻭﺳﺤﺒﺖ ﺗﻠﻴﻔﻮﻧﻲ ﻭﺍﺗﺼﻠﺖ ﻋﻠﻰ ﺭﻗﻤﺔ ..
ﻏﺰﻭﺍﻥ ﺑﻠﻬﻔﺔ : ﻣﻴﺎﻣﻲ ..
ﻣﻴﺎﻣﻴﻦ ﻭﻫﻲ ﺗﺒﺠﻲ ﻭﻛﻮﺓ ﻳﻄﻠﻊ ﻣﻨﻬﺔ ﺍﻟﺤﺠﻲ : ﻏﺰﻭﺍﻥ .. ﺍﺳﻔﺔ ﻭﺍﻟﻠﻪ .. ﻣﺎﺟﻨﺖ ﺍﺩﺭﻱ ﺭﺍﺡ ﺗﻨﺘﻘﻢ ﻣﻨﻲ ﺑﻬﺎﻟﻄﺮﻳﻘﺔ ..
ﻏﺰﻭﺍﻥ ﻧﺰﻝ ﻣﻦ ﺍﻟﺴﻴﺎﺭﺓ ﻣﺜﻞ ﺍﻟﻤﺨﺒﻞ ﻭﻫﻮ ﻳﺴﻤﻊ ﺻﻮﺗﻬﺔ ﻫﻴﺞ :.. ﻣﻴﺎﻣﻲ ﻳﺮﻭﺣﻲ ﺷﺒﻴﺞ .. ﻣﻨﻮ ﻭﻳﺎﺝ .. ﻣﻨﻮ ﻣﺰﻋﻠﺞ .. ﺑﺲ ﻛﻠﻴﻠﻲ ﻣﻨﻮ ..
ﻣﻴﺎﻣﻴﻦ ﻭﻫﻲ ﺗﺒﺠﻲ : ﻏﺰﻭﺍﻥ ﺍﻧﻲ ﻣﻮﺍﻓﻘﺔ ﻋﻠﻰ ﺷﺮﻃﻚ .. ﻣﻮ ﺍﻧﺖ ﺗﺮﻳﺪﻧﻲ ﺍﺭﺟﻊ .. ﺧﻠﺺ ﻣﻮﺍﻓﻘﺔ ﻋﻠﻰ ﻛﻠﺸﻲ ﺗﻜﻮﻟﺔ .. ﺍﻱ ﺷﻲ ﺗﺮﻳﺪﺓ ﺍﻧﻲ ﻣﻮﺍﻓﻘﺔ ﻋﻠﻲ ﻭﺍﻧﻔﺬﻟﻚ ﻛﻞ ﻃﻠﺒﺎﺗﻚ .. ﻭﺍﺫﺍ ﺗﺮﻳﺪ ﺍﺭﺟﻊ ﻋﺬﺑﻨﻲ ﻣﺮﺓ ﺛﺎﻧﻴﺔ ﺑﺲ ﺍﻟﻠﻪ ﻳﺨﻠﻴﻚ ﻻ ﺗﻌﺎﻗﺒﻨﻲ ﺑﺄﺧﻮﻱ ...
ﻏﺰﻭﺍﻥ ﻭﻫﻮ ﻣﻮ ﻓﺎﻫﻢ ﺷﻲ : ﻣﻴﺎﻣﻴﻦ ﺍﻫﺪﻱ ﻳﺮﻭﺣﻲ .. ﻭﺍﻟﻠﻪ ﻣﺴﺘﻌﺪ ﺍﺳﻮﻱ ﺍﻱ ﺷﻲ ﺗﺮﺩﻳﻨﺔ ﺑﺲ ﺩﻣﻮﻋﺞ ﻻ ﺗﻨﺰﻝ .. ﺧﻠﺺ ﺍﻧﻲ ﻫﻢ ﻣﻮﺍﻓﻖ ﻋﻠﻰ ﺧﺎﺗﻮﻥ .. ﺑﺲ ﺍﻣﺴﺤﻲ ﺩﻣﻮﻋﺞ ..
ﻣﻴﺎﻣﻴﻦ ﻭﻫﻲ ﺗﻤﺴﺢ ﺩﻣﻮﻋﻬﺔ : ﻏﺰﻭﺍﻥ ﺍﻟﻠﻪ ﻳﺨﻠﻴﻚ ﻻ ﺗﺨﻠﻲ ﺍﻱ ﺍﺣﺪ ﻳﺪﺭﻱ ﺍﻥ ﺍﻧﻲ ﺭﺟﻌﺘﻠﻚ ﻋﻠﻤﻮﺩ ﺭﺍﺋﺪ .. ﻻﻥ ﺍﺫﺍ ﻋﺮﻑ ﺍﻥ ﺍﻧﻲ ﺿﺤﻴﺖ ﻋﻠﻤﻮﺩﺓ ﻟﻠﻤﺮﺓ ﺛﺎﻧﻴﺔ ﻣﺎﺭﺍﺡ ﻳﺴﺎﻣﺢ ﻧﻔﺴﺔ .. ﻭﺭﺍﺡ ﻳﺒﻘﻰ ﻣﻘﻬﻮﺭ ..
ﻏﺰﻭﺍﻥ ﺑﻬﺪﻭﺀ ﻭﻏﻴﺮﺓ ﻣﻜﺒﻮﺗﺔ : ﺗﺨﺎﻓﻴﻦ ﻋﻠﻲ ﻻ ﻳﻨﻘﻬﺮ ..
ﻣﻴﺎﻣﻴﻦ : ﺍﺧﺎﻑ ﻋﻠﻲ ﺍﻛﺜﺮ ﻣﻦ ﻛﻠﺸﻲ .. ﻭﺍﺣﺒﺔ ﺍﻛﺜﺮ ﻣﻦ ﺍﻱ ﺷﺨﺺ ..
ﻏﺰﻭﺍﻥ ﻭﻫﻮ ﺭﺍﺹ ﻋﻠﻰ ﺳﻨﻮﻧﺔ : ﻭﺍﻧﻲ ؟ ..
ﻣﻴﺎﻣﻴﻦ ﻣﻐﺼﻬﺔ ﺑﻄﻨﻬﺔ ﻣﻦ ﻛﻠﻤﺘﺔ ﻣﺎﺗﺪﺭﻱ ﻟﻴﺶ :.. ﺍﻧﺖ ﻭﻻ ﺷﻲ ﺑﺎﻟﻨﺴﺒﺔ ﺍﻟﻲ ﻫﺴﺔ .. ﻭﺭﺍﺡ ﺍﻛﻮﻟﻬﺔ ﺍﻟﻚ ﻟﻠﻤﺮﺓ ﺍﻟﺜﺎﻧﻴﺔ .. ﺍﻧﻲ ﺭﺍﺡ ﺍﺭﺟﻌﻠﻚ ﺑﺲ ﻋﻠﻤﻮﺩ ﺭﺍﺋﺪ .. ﺻﺢ ﻣﺴﺘﻌﺪﺓ ﺍﺳﻮﻱ ﺍﻱ ﺷﻲ ﺗﺮﻳﺪﺓ ﺑﺲ ﻣﺴﺘﺤﻴﻞ ﺍﺭﺟﻊ ﺍﺣﺒﻚ ﻟﻮ ﺫﺭﺓ ﻭﺣﺪﺓ .. ﺍﻧﺖ ﺍﻧﺘﻬﻴﺖ ﻣﻦ ﻛﻠﺒﻲ ﻭﻣﺴﺤﺖ ﺣﺒﻚ ﻣﻦ ﻫﺬﻳﺞ ﺍﻟﻠﻴﻠﺔ ..
ﻏﺰﻭﺍﻥ ﻭﻫﻮ ﻳﺤﺲ ﻛﻠﺒﺔ ﻳﻌﺘﺼﺮ ﻭﻫﻮ ﻳﺴﻤﻊ ﻛﻼﻣﻬﺔ ﺍﻟﻲ ﻋﺒﺎﻟﻚ ﻣﺜﻞ ﺍﻻﺑﺮ ﻭﺗﻐﺮﺯ ﺑﻜﻠﺒﺔ .. : ﻭﺍﻧﻲ ﺍﻭﻋﺪﺝ ﺭﺍﺡ ﺍﺧﻠﻲ ﺣﺒﻲ ﻳﺮﺟﻊ ﻳﻨﺒﺖ ﺑﻜﻠﺒﺞ ﻣﻦ ﺟﺪﻳﺪ .. ﻭﺍﺧﻠﻴﺞ ﺗﺤﺒﻴﻨﻲ ﻣﺜﻞ ﻣﺎ ﺍﻧﻲ ﺍﺣﺒﺞ ..
ﻣﻴﺎﻣﻴﻦ ﺑﺴﺨﺮﻳﺔ : ﻫﻪ ﺳﻮﻱ ﺍﻟﻲ ﺗﺮﻳﺪﺓ ﺑﻌﺪ ﻣﺎ ﻳﻬﻤﻨﻲ .. ﺍﻟﻤﻬﻢ ﻫﺴﺔ ﺍﺧﻮﻱ ﺭﺍﺋﺪ .. ﻭﺍﻟﺒﺎﻗﻲ ﻛﻠﺔ ﻳﻬﻮﻥ ..
ﻏﺰﻭﺍﻥ : ﺗﻤﺎﻡ .. ﺧﻠﻲ ﺍﺧﻮﺝ ﻳﺤﺠﻲ ﻭﻳﺔ ﺍﺑﻮﻱ ﻭﻳﻄﻠﺐ ﺧﺎﺗﻮﻥ ﻣﻨﺔ ..
ﻣﻴﺎﻣﻴﻦ ﻗﺎﻃﻌﺘﺔ : ﻻ ﺑﺎﻻﻭﻝ ﺍﻧﺖ ﺗﻄﻠﺐ ﻣﻦ ﺭﺍﺋﺪ ﺍﻥ ﺗﺮﺟﻌﻨﻲ ﺣﺘﻰ ﻻ ﻳﻌﺮﻑ ﺍﻥ ﻭﺍﻓﻘﺖ ﻋﻠﻤﻮﺩﺓ .. ﻳﻌﻨﻲ ﻣﻦ ﺍﺭﺟﻌﻠﻚ ﻭﺭﺍﻫﺔ ﺑﻜﻢ ﻳﻮﻡ ﻳﻠﺔ ﺍﻛﻮﻟﺔ ..
ﻏﺰﻭﺍﻥ ﺑﺈﺑﺘﺴﺎﻣﺔ : ﻣﺎﺷﻲ .. ﺍﻟﺘﺮﺩﻳﻨﺔ ﻳﺠﺮﺍﻟﺞ ..
ﻣﻴﺎﻣﻴﻦ : ﻣﺎﺷﻲ .. ﺍﻧﻲ ﺍﺭﻭﺡ ﻫﺴﺔ ..
ﻏﺰﻭﺍﻥ ﺑﺤﺐ : ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ..
ﻣﻴﺎﻣﻴﻦ : ﻣﻮ ﺍﻧﺖ ﺍﻟﻲ ﺗﻄﻠﺐ ﻣﻨﻲ ﺍﺩﻳﺮ ﺑﺎﻟﻲ ﻋﻠﻰ ﻧﻔﺴﻲ ..
ﺳﺪﺕ ﺍﻟﺘﻠﻴﻔﻮﻥ ﻣﻨﺔ ﻭﺷﻤﺮﺗﺔ ﻭﺻﺎﺭﺕ ﺗﺒﺠﻲ ..
ﻛﻌﺪﺕ ﺑﺎﻟﻜﺎﻉ ﻭﺭﺟﻌﺖ ﺭﺍﺳﻬﺔ ﻋﻠﻰ ﻃﺮﻑ ﺍﻟﺠﺮﺑﺎﻳﺔ ..
ﺻﺎﺭﺕ ﺗﻔﻜﺮ ﺑﺎﻟﻲ ﺟﺎﻱ ﻭﻳﺎﻩ .. ﺷﻠﻮﻥ ﺭﺍﺡ ﺗﻜﺪﺭ ﺗﺘﻘﺒﻠﺔ ﺑﻌﺪ ﺍﻟﻲ ﺳﻮﺍﻩ ﺑﻴﻬﺔ ...
ﺑﺪﻭﻥ ﻣﺘﺤﺲ ﻋﻠﻰ ﻧﻔﺴﻬﺔ ﻏﻔﺖ ﻋﻠﻰ ﻭﺿﻌﻬﺔ £££££££
ﺑﻴﺖ ﻏﺰﻭﺍﻥ ..
ﺭﺟﻊ ﻟﻠﺒﻴﺖ ﻭﻛﻌﺪ ﺑﺎﻟﺒﻠﻜﻮﻧﺔ ﻭﺍﻟﺠﻮ ﺑﺎﺭﺩ ﺑﺲ ﻣﺎﻫﺘﻢ ..
ﺑﻴﻦ ﻓﺮﺣﺎﻥ ﺍﻥ ﻣﻴﺎﻣﻴﻦ ﺭﺍﺡ ﺗﺮﺟﻌﻠﺔ ﻭﺑﻴﻦ ﺻﻮﺗﻬﺔ ﻭﻫﻲ ﺗﺒﺠﻲ ﻣﺎﺟﺎﻱ ﻳﻔﺎﺭﻕ ﻋﻘﻠﺔ ..
ﻭﺍﺧﻴﺮﺍً ﺣﺒﻴﺒﺔ ﺭﻭﺣﻲ ﺭﺍﺡ ﺗﺮﺟﻊ ﻟﺤﻀﻨﻲ .. ﻭﺍﺧﻴﺮﺍ ﺭﺍﺡ ﺍﺭﺟﻊ ﺍﺷﻮﻓﻬﺔ .. ﺍﺷﻢ ﻋﻄﺮﻫﺔ ..
ﺭﻓﻊ ﺭﺍﺳﺔ ﻟﻔﻮﻙ ﻭﺗﻨﻬﺪ : ﺍﺍﺍﺍﺍﻩ ﻳﺮﺑﻲ ﻓﺪﻭﺓ ﻻﺳﻤﻚ .. ﺭﺑﻲ ﺍﻃﻴﻨﻲ ﺍﻟﻘﻮﺓ ﺣﺘﻰ ﺍﺧﻠﻴﻬﺔ ﺗﺮﺟﻊ ﺗﺤﺒﻨﻲ ﻣﻦ ﺟﺪﻳﺪ ﻭﺍﺧﻠﻴﻬﺔ ﺗﻨﺴﻰ ﺍﻟﻤﺎﺿﻲ ..
ﻣﺆﻳﺪ ﺍﻟﺴﺎﻋﺔ ١٢ ﻃﻠﻊ ﻳﺮﻳﺪ ﻳﻘﻔﻞ ﺍﻻﺑﻮﺍﺏ ..
ﺷﺎﻑ ﻏﺰﻭﺍﻥ ﻛﺎﻋﺪ ﺑﺎﻟﺒﻠﻜﻮﻧﺔ ..
ﺣﺠﺔ ﻭﻳﺎﻩ ﻣﻦ ﺟﻮﺓ : ﺍﻧﺖ ﻣﺨﺒﻞ ﻟﻮ ﺻﺎﺣﻲ .. ﺍﻛﻮ ﻭﺍﺣﺪ ﻳﻜﻌﺪ ﺑﻬﺎﻟﺒﺮﺩ ﺑﺮﺓ ..
ﻏﺰﻭﺍﻥ ﺑﺎﻭﻉ ﻋﻠﻰ ﻣﺆﻳﺪ ﻣﻦ ﻓﻮﻙ ﻭﺣﺠﺔ ﺑﻔﺮﺣﺔ : ﻳﺎﺧﻲ ﻋﻮﻓﻨﻲ ﺍﻧﻲ ﻣﺨﺒﻞ .. ﻭﺍﻟﻠﻪ ﺍﻟﺪﻧﻴﺎ ﻣﻮ ﺳﺎﻳﻌﺘﻨﻲ ﻣﻦ ﺍﻟﻔﺮﺣﺔ ..
ﻣﺆﻳﺪ ﺍﺑﺘﺴﻢ ﻋﻠﻰ ﺍﺑﺘﺴﺎﻣﺔ ﺍﺧﻮﻩ ﻭﻛﺎﻝ : ﻓﺮﺣﻨﻲ ﻭﻳﺎﻙ ..
ﻏﺰﻭﺍﻥ : ﺣﺒﻴﺒﺔ ﺭﻭﺣﻲ ﻭﺍﻓﻘﺖ ﺗﺮﺟﻌﻠﻲ .. ﺑﺎﺟﺮ ﺍﻛﻞ ﻻﺑﻮﻱ ﻳﺮﺟﻊ ﻳﺨﻄﺒﻬﺔ ﺍﻟﻲ ﻣﻦ ﺍﺧﻮﻫﺔ ..
ﻣﺆﻳﺪ ﺑﺈﺳﺘﻐﺮﺍﺏ : ﻭﺷﻨﻮ ﺍﻟﻲ ﻏﻴﺮ ﺭﺃﻳﻬﺔ ﻭﺧﻼﻫﺔ ﺗﺮﺟﻌﻠﻚ .. ﺍﻛﻴﺪ ﻋﻘﻠﻬﺔ ﺑﻲ ﺷﻲ .. ﻭﻻ ﺍﻛﻮ ﻋﺎﻗﻠﺔ ﺗﺮﺟﻌﻠﻚ ﺑﻌﺪ ﺍﻟﻲ ﺳﻮﻳﺘﺔ ﺑﻴﻬﺔ .. ﺑﺮﺑﻚ ﻟﻴﺶ ﺗﺮﻳﺪ ﺗﺮﺟﻌﻠﻚ ...
ﻏﺰﻭﺍﻥ ﺍﻟﺘﻔﺖ ﻋﻠﻰ ﻣﺆﻳﺪ : ﻭﺍﻧﺖ ﺷﻌﻠﻴﻚ .. ﻳﻠﺔ ﻗﻔﻞ ﺑﻴﺒﺎﻧﻚ ﻭﺍﻣﺸﻲ ﻧﺎﻡ .. ﺻﺎﻳﺮﻟﻲ ﺣﺎﺭﺱ ﺍﻟﺒﻴﺖ ..
ﻣﺆﻳﺪ ﺿﺤﻚ ﻋﻠﻲ : ﺗﺼﺒﺢ ﻋﻠﻰ ﺧﻴﺮ ..
ﻏﺰﻭﺍﻥ ﻣﻦ ﻭﺭﺓ ﺧﺸﻤﺔ : ﻭﺍﻧﺖ ﻣﻦ ﺍﻫﻠﺔ ..
&&&&&&&&
ﺑﻴﺖ ﺣﺎﻓﻆ ‏( ﺍﺑﻮ ﺍﺣﻤﺪ ‏)
ﺍﻟﻀﻼﻡ ﻭﺍﻟﻬﺪﻭﺀ ﻣﺎﻟﻲ ﺍﻟﻐﺮﻓﺔ ..
ﻓﻘﻂ ﺿﻮﺓ ﺍﻟﺘﻠﻴﻔﻮﻥ ﺍﻟﻲ ﺑﻮﺟﻬﺔ ﻫﻮ ﺍﻟﻲ ﻣﻨﻮﺭ ﺍﻟﻐﺮﻓﺔ ﺑﺸﻲ ﺟﺪﺍ ﺑﺴﻴﻂ ..
ﺩﻣﻮﻋﻬﺔ ﻣﺜﻞ ﺍﻟﺆﻟﺆ ﻋﻠﻰ ﺧﺪﻫﺔ ﺗﻠﻤﻊ ﻭﻳﺔ ﺿﻮﺓ ﺍﻟﺘﻠﻴﻔﻮﻥ ..
ﻣﺮﺭﺕ ﺍﺻﺎﺑﻌﻬﺔ ﻋﺎﻟﺸﺎﺷﺔ ﻭﺷﻬﻜﺎﺗﻬﺔ ﻣﺘﻮﺍﺻﻠﺔ ..
ﺩﻓﻨﺖ ﻭﺟﻬﺔ ﺑﺎﻟﻤﺨﺪﺓ ﻭﺑﺠﺖ ﺑﺤﺮﮔﺔ ﻭﺗﺸﻬﻚ ﻭﺗﺤﺴﻬﻦ ﻃﺎﻟﻌﺎﺕ ﻣﻦ ﻛﻠﺒﻬﺔ ..
ﻫﺬﺍ ﺣﺎﻟﻬﺔ ﻛﻞ ﻳﻮﻡ .. ﺗﻨﺎﻡ ﻭﺩﻣﻮﻋﻬﺔ ﻋﻠﻰ ﺧﺪﻫﺔ ﻭﻫﻲ ﺗﺘﺄﻣﻞ ﺻﻮﺭﺓ .. ﻭﺗﻜﻌﺪ ﺍﻟﺼﺒﺢ ﻣﺎ ﺗﺒﻴﻦ ﻻﺣﺪ ﺿﻌﻔﻬﺔ ..
ﺟﻮﺭﻱ ﻣﺮﺭﺕ ﺍﺻﺎﺑﻌﻬﺔ ﻋﻠﻰ ﺻﻮﺭﺓ ﻓﺎﺭﺱ ﻭﻫﻲ ﺗﺤﺠﻲ ﻭﻳﺔ ﺍﻟﺼﻮﺭﺓ ﻭﻋﺒﺎﻟﻚ ﺻﺪﻙ ﻭﺍﻛﻒ ﻛﺒﺎﻟﻬﺔ .. : ﺍﺷﺘﺎﻗﻴﺘﻠﻚ ﻭﺍﻟﻠﻪ .. ﺍﺷﺘﺎﻗﻴﺖ ﻟﺼﻮﺗﻚ .. ﺣﺘﻰ ﻟﻮ ﺗﻜﻠﻲ ﺧﻮﻳﺔ ﻣﻮ ﻣﺸﻜﻠﺔ .. ﺑﺲ ﻋﻨﺪﻱ ﺍﻟﻤﻬﻢ ﺍﺳﻤﻊ ﺻﻮﺗﻚ .. ﻭﺍﺷﻮﻑ ﻃﻮﻟﻚ ﻛﺪﺍﻣﻲ .. ﺣﺘﻠﻮ ﺗﻜﺮﻫﻨﻲ .. ﻭﺗﻜﺴﺮ ﻛﻠﺒﻲ .. ﺍﻟﻤﻬﻢ ﻣﺎ ﺗﺤﺮﻣﻨﻲ ﻣﻦ ﺷﻮﻓﺘﻚ ..
ﻏﻤﻀﺖ ﻋﻴﻮﻧﻬﺔ ﻭﻫﻲ ﺗﻤﺮ ﺍﺑﺎﻟﻬﺔ ﻟﺤﻀﺎﺕ ﺍﺧﺮ ﻟﻘﺎﺀ ﺟﺎﻥ ﺑﻴﻨﻬﻢ ...
ﻗﺒﻞ ﻭﻓﺎﺗﺔ ﺑﺸﻬﺮ ﺗﻘﺮﻳﺒﺎً ..
ﺟﻮﺭﻱ ﻣﻠﺖ ﻭﻫﻮ ﺗﻨﺘﻀﺮﺓ ﺑﺲ ﺗﺮﻳﺪﺓ ﻳﺒﺎﻭﻋﻠﻬﺔ ﻟﻮ ﻳﺤﺲ ﺑﻴﻬﺔ ..
ﻗﺮﺭﺕ ﺗﺴﺘﺴﻠﻢ ﻭﺗﺮﻭﺡ ﻫﻲ ﻭﺗﺒﻮﺡ ﺑﻤﺸﺎﻋﺮﻫﺔ ﺍﻟﺔ ..
ﻫﻲ ﺗﺪﺭﻱ ﺍﻥ ﻫﺎﻟﺸﻲ ﺍﻛﺒﺮ ﻏﻠﻂ ﻭﻣﻮ ﺻﺢ ﺑﺤﻖ ﺍﻟﺒﻨﺖ ﺍﻥ ﻫﻲ ﺗﺒﺎﺩﺭ ﺑﻬﺎﻟﺸﻲ .. ﺑﺲ ﻫﻲ ﺗﻌﺒﺖ ﻭﻫﻮ ﺗﻨﺘﻀﺮﺓ .. ﻣﻦ ﺟﺎﻧﺖ ﻃﻔﻠﺔ ﻭﻫﻲ ﺗﺤﻠﻢ ﺑﻲ ﻭﻛﺒﺮ ﻫﺎﻟﺤﻠﻢ ﻭﻳﺎﻫﺔ ﻭﺯﺍﺩ ﻫﺎﻟﺤﺐ ﺍﻟﻲ ﺑﻜﻠﺒﻬﺔ ﻭﺗﺤﻮﻝ ﻟﻌﺸﻖ ..
ﺍﺑﺘﺪﺍ ﻫﺎﻟﺤﺐ ﻣﻦ ﺟﺎﻧﻮ ﺍﻃﻔﺎﻝ ﻭﻣﺎ ﻳﻔﻬﻤﻮﻥ ﻣﻦ ﻫﺎﻟﺤﻴﺎﺓ ﺷﻲ ...
ﻭﺍﻟﺤﺠﻴﺔ ﺧﺎﺗﻮﻥ ﺣﺠﺘﻬﺔ ﺑﻜﻞ ﺷﻘﺔ ﻭﻳﺔ ﺍﺣﻔﺎﺩﻫﺔ : ﻭﻟﺞ ﺟﻮﺭﻱ ﺍﻧﺘﻲ ﺧﻨﻴﺴﺔ ‏( ﻫﺎﺩﺋﺔ ‏) ﻭﻟﺴﺎﻧﺞ ﻣﺎﻛﻮﻝ .. ﻭﻣﺤﺪ ﻳﻠﻮﻛﻠﺞ ﻏﻴﺮ ﻣﺆﻳﺪ ﻻﻥ ﻫﻢ ﻣﺜﻠﺞ ﺣﺒﺎﺏ ﻭﻣﻮ ﻭﻛﺢ ... ﺍﻻ ﺍﺯﻭﺟﺞ ﺍﻟﺔ ﻣﻦ ﺗﻜﺒﺮﻳﻦ ..
ﻓﺎﺭﺱ ﺍﻋﺘﺮﺽ ﻋﻠﻰ ﻫﺎﻟﺸﻲ ﻭﻛﺎﻝ ﺑﻌﺼﺒﻴﺔ ﻭﺑﺮﺍﺀﺓ ﺍﻟﻄﻔﻮﻟﺔ : ﻣﺎﺍ .. ﻣﺆﻳﺪ ﻣﺎ ﺍﺧﻠﻲ ﻳﺘﺰﻭﺝ ﺟﻮﺭﻱ .. ﺟﻮﺭﻱ ﺍﻡ ﻋﻴﻮﻥ ﺯﺭﻙ ﺍﻧﻲ ﺍﺗﺰﻭﺟﻬﺔ ﻭﺍﺣﺒﻬﺔ ..
ﺍﻟﺤﺠﻴﺔ ﺑﻀﺤﻜﺔ : ﻫﺎﻳﻬﻴﺔ ﺣﺒﻮﺑﺔ ﺑﻜﻴﻔﻚ .. ﺑﺖ ﻋﻤﻚ ﻭﺍﻧﺖ ﺍﺩﺭﻯ ..
ﻣﺎ ﺟﺎﻥ ﻳﻌﺮﻑ ﺍﻥ ﻫﺎﻱ ﻛﻠﻤﺎﺗﺔ ﺯﺭﻉ ﺍﻭﻝ ﺑﺬﺭﺓ ﻣﻦ ﻫﺎﻟﺤﺐ ﺑﻜﻠﺐ ﺟﻮﺭﻱ ..
ﺻﺎﺭﺕ ﺗﻌﺘﺒﺮﺓ ﺍﻟﻬﺔ .. ﺍﺧﺬﺕ ﻛﻼﻣﺔ ﻋﻠﻰ ﻣﺤﻤﻞ ﺍﻟﺠﺪ .. ﻛﺒﺮﺕ ﺟﻮﺭﻱ ﻭﻛﺒﺮ ﺣﺒﻬﺔ ﺑﻜﻠﺒﻬﺔ ﻭﻳﻮﻡ ﻋﻦ ﻳﻮﻡ ﻫﺎﻟﺤﺐ ﻳﺰﻳﺪ ﻭﻳﺘﻌﻠﻖ ﺑﻔﺎﺭﺱ ..
ﺍﻣﺎ ﻋﻦ ﻓﺎﺭﺱ ﻑ ﻣﺎ ﻛﺎﻥ ﺫﺍﻛﺮ ﻫﺎﻟﻜﻼﻡ ﻣﻦ ﺍﺻﻠﺔ .. ﻭﺣﺘﻠﻮ ﺫﻛﺮﻭﻩ ﺑﻲ ﺟﺎﻥ ﻳﻌﺘﺒﺮﺓ ﺷﻘﺎﻭﺓ ﻃﻔﻮﻟﺔ ﺟﻮﺭﻱ ﻛﺒﺮﺕ ﻭﺣﺴﺖ ﺍﻥ ﻓﺎﺭﺱ ﺻﺎﺭ ﻛﻠﺸﻲ ﺑﺤﻴﺎﺗﻬﺔ ﻣﺎ ﺟﺎﻱ ﺗﻜﺪﺭ ﺗﻄﻠﻌﺔ ﻣﻦ ﻛﻠﺒﻬﺔ ...
ﻭﺻﻌﺐ ﺷﻌﻮﺭ ﺍﻥ ﺍﻧﺖ ﺗﺤﺐ ﺷﺨﺺ ﻟﺪﺭﺟﺔ ﺗﻔﺪﻱ ﺑﺮﻭﺣﻚ ﺑﺲ ﻫﻮ ﺑﺎﻟﻤﻘﺎﺑﻞ ﺣﺘﻰ ﻣﺎ ﻣﻨﺘﺒﻪ ﻟﻮﺟﻮﺩﻙ ..
ﻓﻜﺮﺕ ﺟﻮﺭﻱ ﺍﻥ ﺗﻌﺘﺮﻑ ﻟﻔﺎﺭﺱ ﺑﺤﺒﻬﺔ ﻭﺍﻟﻲ ﻳﺼﻴﺮ ﺧﻞ ﻳﺼﻴﺮ .. ﺧﻠﺺ ﻫﻲ ﺗﻌﺒﺖ ﻣﻦ ﺍﻻﻧﺘﻀﺎﺭ ..
ﺭﺍﺣﺖ ﺑﻴﻮﻣﻬﺔ ﻫﻲ ﻭﺑﺴﻤﺔ ﻟﺒﻴﺖ ﻋﻤﻬﺔ .. ﻃﻠﺒﺖ ﻣﻦ ﺑﺴﻤﺔ ﺍﻥ ﺗﺮﻭﺡ ﺑﺤﺠﺔ ﺗﺸﻮﻑ ﺧﺎﺗﻮﻥ ﻭﻣﻬﺎ .. ﺑﺲ ﻫﻲ ﺗﺮﻳﺪ ﺗﺸﻮﻑ ﻓﺎﺭﺱ ..
ﻛﺎﻋﺪﺍﺕ ﺑﺎﻟﺼﺎﻟﺔ .. ﻫﻮ ﺩﺧﻞ ﺳﻠﻢ ﻋﻠﻴﻬﻦ .. ﻣﺜﻞ ﺍﻟﻌﺎﺩﺓ ﻣﻨﺰﻝ ﺭﺍﺳﺔ ﻭﻫﻮ ﻳﺴﻠﻢ ﻭﻣﺎﻳﻜﻮﻝ ﻏﻴﺮ ﺧﻮﻳﺔ ..
ﻭﺍﻟﻠﻪ ﺗﻌﺒﺖ ﻣﻨﻚ .. ﺷﻮﻛﺖ ﺗﺤﺲ ﺑﻴﺔ ..
ﺷﺎﻓﺘﺔ ﺻﻌﺪ ﻟﻐﺮﻓﺘﺔ .. ﺍﺳﺘﻐﻠﺖ ﺍﻥ ﺍﻟﺒﻨﺎﺕ ﻣﺸﻐﻮﻻﺕ ﺑﺎﻟﺴﻮﺍﻟﻒ ..
ﺍﺧﺬﺕ ﺗﻠﻴﻔﻮﻧﻬﺔ ﺑﺤﺠﺔ ﺍﻥ ﺗﺨﺎﺑﺮ ﺑﺮﺓ ..
ﺑﺴﺮﻋﺔ ﺻﻌﺪﺕ ﺍﻟﺪﺭﺝ .. ﻭﻛﻔﺖ ﻛﺒﺎﻝ ﺍﻟﺴﻮﻳﺖ ﻣﺎﻟﺘﺔ .. ﻭﻛﻠﺒﻬﺔ ﻳﺪﻙ ﻣﻠﻴﻮﻥ ﻣﻮ ﺑﺲ ﺍﻟﻒ ..
ﺳﻤﺖ ﺑﺎﻟﻠﻪ ﻭﺩﻛﺖ ﺍﻟﺒﺎﺏ .. ﺑﺲ ﻣﺎﻛﻮ ﺭﺩﺕ ..
ﻓﺘﺤﺖ ﺍﻟﺒﺎﺏ ﺷﻮﻳﺔ ﻭﺩﺧﻠﺖ ﺭﺍﺳﻬﺔ ..
ﻟﻔﺤﺘﻬﺔ ﺭﻳﺤﺖ ﻋﻄﺮﺓ ﺍﻟﺮﺟﺎﻟﻲ ...
ﺣﺠﺖ ﺑﺼﻮﺕ ﻣﺮﺗﺠﻒ : ﻓـ .. ﻓﺎﺭﺱ ...
ﻣﺎﻛﻮ ﺭﺩﺕ ..
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻟﻨﺺ ﺍﻟﺼﺎﻟﺔ ..
ﺭﺟﻌﺖ ﻧﺎﺩﺕ ﺑﺄﺳﻤﺔ ﻣﺮﺓ ﺛﺎﻧﻴﺔ ﺑﺲ ﻫﻢ ﻣﺎ ﺭﺩ ﻋﻠﻴﻬﺔ ...
ﺍﻋﺘﻘﺪﺕ ﺍﻥ ﻫﻮ ﻃﻠﻊ ﻣﻦ ﺍﻟﺒﻴﺖ ..
ﻓﺘﺤﺖ ﺑﺎﺏ ﻏﺮﻓﺘﺔ ﻭﺩﺧﻠﺖ .. ﺍﻟﻐﺮﻓﺔ ﻣﺮﺗﺒﺔ ﻭﺍﻟﻤﻜﻴﻒ ﻣﺸﺘﻐﻞ ﺑﻴﻬﺔ ..
ﺍﺑﺘﺴﻤﺖ ﻭﺗﻘﺪﻣﺖ ﻟﻨﺺ ﺍﻟﻐﺮﻓﺔ ﻭﻫﻲ ﺗﺘﺄﻣﻠﻬﺔ .. ﻭﻣﺄﻣﻨﺔ ﺍﻥ ﻫﻮ ﻣﻮ ﻣﻮﺟﻮﺩ ..
ﻓﺠﺄﺓ ﻭﺑﺪﻭﻥ ﻣﻘﺪﻣﺎﺕ ﻛﻤﺰﺕ ﻣﻦ ﺍﻧﻔﺘﺢ ﺑﺎﺏ ﺍﻟﺤﻤﺎﻡ ..
ﺍﻟﺘﻔﺘﺖ ﻭﺗﺼﻨﻤﺖ ﺑﻤﻜﺎﻧﻬﺔ ﻭﻫﻲ ﺗﺸﻮﻓﺔ ﺑﺲ ﺑﺎﻟﻤﻨﺸﻔﺔ ﺍﻟﻤﻠﻔﻮﻓﺔ ﻋﻠﻰ ﺧﺼﺮﺓ ﻭﻣﺪﻧﻚ ﺭﺍﺳﺔ ﻭﻳﻨﻔﺾ ﺷﻌﺮﺓ ﺑﺄﺻﺎﺑﻌﺔ ..
ﺷﻬﻜﺖ ﻣﻦ ﺷﺎﻓﺘﺔ .. ﻫﻮ ﺭﻓﻊ ﺭﺍﺳﺔ ﺑﺴﺮﻋﺔ ﻭﺷﺎﻓﻬﺔ ..
ﺟﻮﺭﻱ ﺑﺴﺮﻋﺔ ﺍﻧﻄﺘﺔ ﺿﻬﺮﻫﺔ ..
ﻓﺎﺭﺱ ﺑﻌﺼﺒﻴﺔ : ﺷﺘﺴﻮﻳﻦ ﻫﻨﺎ ..
ﺟﻮﺭﻱ ﻭﻫﻲ ﺗﺘﻠﻌﺜﻢ ﺑﺎﻟﺤﺠﻲ : ﺍﺟﻴﺖ ﺍﺣﺠﻲ ﻭﻳﺎﻙ ..
ﻓﺎﺭﺱ ﺑﻌﺼﺒﻴﺔ : ﻭﻋﻠﻤﻮﺩ ﺗﺤﺠﻴﻦ ﻭﻳﺎﻱ .. ﺗﺼﻌﺪﻳﻠﻲ ﻟﻐﺮﻓﺘﻲ ؟ ..
ﺟﻮﺭﻱ : ﻻﻥ ﺍﻟﻤﻮﺿﻮﻉ ﻣﻬﻢ ﻭﻣﺎﻛﺪﺭ ﺍﺣﺠﻲ ..
ﻓﺎﺭﺱ ﺑﻌﺼﺒﻴﺔ : ﺍﻧﺰﻟﻲ ﺍﻧﺘﻀﺮﻳﻨﻲ ﺟﻮﺓ ﻳﻢ ﺍﻟﺒﻨﺎﺕ ﻭﺍﻧﻲ ﻫﺴﺔ ﺍﺟﻴﺞ ..
ﺟﻮﺭﻱ ﻭﻫﻲ ﺗﻔﺮﻙ ﺑﺄﻳﺪﻳﻬﺔ : ﻛﺘﻠﻚ ﻣﺎﻛﺪﺭ ﺍﺣﺠﻲ ﻛﺪﺍﻡ ﺍﺣﺪ .. ﻳﻌﻨﻲ ﻣﺎﻛﺪﺭ ﺍﺣﺠﻲ ﻛﺪﺍﻡ ﺍﻟﺒﻨﺎﺕ ..
ﻓﺎﺭﺱ ﺑﻨﻔﺎﺫ ﺻﺒﺮ : ﺭﻭﺣﻲ ﺍﻧﺘﻀﺮﻳﻨﻲ ﺑﺎﻟﺼﺎﻟﺔ ﻣﺎﻟﺘﻲ ﻋﻠﻤﺎ ﺍﻟﺒﺲ ﺍﻱ ﺯﻓﺖ ﻭﺍﺟﻴﺞ ..
ﺟﻮﺭﻱ ﺩﻧﻜﺖ ﺭﺍﺳﻬﺔ ﻭﻃﻠﻌﺖ ﺑﺴﺮﻋﺔ ﻣﻦ ﻏﺮﻓﺘﺔ ﻭﺑﻘﺖ ﻭﺍﻛﻔﺔ ﺗﻨﺘﻀﺮﺓ ﺑﺎﻟﺼﺎﻟﺔ ﻣﺎﻟﺖ ﺍﻟﺴﻮﻳﺖ ﻣﺎﻟﺘﺔ ..
ﺍﻳﺪﻳﻬﺔ ﺗﺮﺟﻒ ﻭﺟﺴﻤﻬﺔ ﻛﻠﺔ ﻳﺮﺟﻒ .. ﺗﺤﺲ ﺑﺄﻱ ﻟﺤﻀﺔ ﺭﺍﺡ ﻳﻨﻐﻤﻰ ﻋﻠﻴﻬﺔ ..
ﻭﺭﺓ ﺩﻗﺎﻳﻖ ﺍﻧﻔﺘﺢ ﺑﺎﺏ ﻏﺮﻓﺔ ﻓﺎﺭﺱ ﻭﻃﻠﻊ ﻭﻫﻮ ﻻﺑﺲ ﺗﺮﺍﻙ ..
ﺍﻭﻝ ﻣﺎ ﻃﻠﻊ ﺣﺠﺔ ﺑﻌﺼﺒﻴﺔ : ﺍﻧﺘﻲ ﺗﺨﺒﻠﺘﻲ .. ﺷﻠﻮﻥ ﺗﺪﺧﻠﻴﻦ ﻟﻐﺮﻓﺘﻲ ﻭﺍﻧﻲ ﺑﻴﻬﺔ .. ﻟﻮ ﺍﺣﺪ ﻫﺴﺔ ﺍﺟﺔ ﻭﺷﺎﻓﺞ ﺷﺮﺍﺡ ﻳﻔﻜﺮ ..
ﺟﻮﺭﻱ ﺑﺈﺭﺗﺒﺎﻙ : ﺗﺄﻛﺪﺕ ﺍﻥ ﺍﻟﺒﻨﺎﺕ ﻣﻠﺘﻬﻴﺎﺕ ﻭﺍﺟﻴﺖ ..
ﻓﺎﺭﺱ ﺑﻌﺼﺒﻴﺔ : ﺍﺣﺠﻲ ﺑﺴﺮﻋﺔ ﺷﻌﻨﺪﺝ ..
ﺟﻮﺭﻱ ﺍﺭﺗﺒﻜﺖ ﻭﺣﺎﺭﺕ ﺷﻠﻮﻥ ﺗﺒﺪﻱ : .. ﺍﺍﺍﺀ ... ﻓﺎﺭﺱ ﺍﻧﻲ ..
ﻓﺎﺭﺱ : ﺍﻧﺘﻲ ﺷﻨﻮ .. ﺍﺣﺠﻲ ﻭﻻ ﺗﻄﻮﻳﻠﻴﻦ ﺍﻟﺴﺎﻟﻔﺔ ﺗﺮﺓ ﺑﺪﻳﺖ ﺍﻓﻘﺪ ﻋﻘﻠﻲ .. ﺷﻨﻮ ﻫﺎﻟﻤﻮﺿﻮﻉ ﺍﻟﻲ ﻳﺨﻠﻴﺞ ﺗﺠﻴﻦ ﻟﻐﺮﻓﺘﻲ ﻭﺍﻧﺘﻲ ﻣﺎ ﻋﻤﺮﺝ ﺩﺧﻠﺘﻴﻬﺔ ..
ﺟﻮﺭﻱ ﻧﺰﻟﺖ ﺩﻣﻮﻋﻬﺔ ﻭﻛﺎﻟﺖ ﺑﻀﻌﻒ : ﺍﻧﺖ ﺍﻟﻲ ﺟﺒﺮﺗﻨﻲ ﺍﺟﻴﻬﺎ ﺑﻬﺎﻟﻄﺮﻳﻘﺔ ..
ﻓﺎﺭﺱ ﺍﺳﺘﻐﺮﺏ ﺩﻣﻮﻋﻬﺔ ﻭﻛﺎﻝ : ﻟﻴﺶ ﺗﺒﺠﻴﻦ .. ﻭﺑﻌﺪﻳﻦ ﺍﻧﻲ ﺷﻌﻠﻴﺔ ..
ﺟﻮﺭﻱ ﺗﻘﺮﺑﺖ ﻣﻨﺔ ﻭﻛﺎﻟﺖ : ﺷﻠﻮﻥ ﺷﻌﻠﻴﻚ .. ﻳﻌﻨﻲ ﺗﺮﻳﺪ ﺗﻘﻨﻌﻨﻲ ﻣﺎ ﺣﺴﻴﺖ ﺑﺤﺒﻲ ﻃﻮﻝ ﻫﺎﻟﺴﻨﻴﻦ .. ﻣﺎ ﺣﺴﻴﺖ ﺍﻥ ﺍﻛﻮ ﻭﺣﺪﺓ ﻣﻴﺘﺔ ﺑﺲ ﺣﺘﻰ ﺗﺮﻓﻌﻠﻬﺔ ﻃﺮﻑ ﻋﻴﻨﻚ ﻭﺗﺒﺎﻭﻋﻠﻬﺔ ...
ﻓﺎﺭﺱ ﺑﺼﺪﻣﺔ : ﺟﻮﺭﻱ ﺷﻨﻮ ﻫﺎﻟﺤﺠﻲ ﻫﺬﺍ ..
ﺟﻮﺭﻱ ﺑﺈﻧﻔﻌﺎﻝ : ﻻ ﺗﻜﻮﻟﻲ ﺷﻨﻮ ﻫﺎﻟﺤﺠﻲ ﻫﺬﺍ .. ﺍﻧﺖ ﺍﺧﺬﺕ ﻛﻠﺒﻲ ﻭﻋﻘﻠﻲ .. ﻣﻮ ﺑﻴﺪﻱ .. ﻣﺎﻛﺪﺭﺕ ﺍﺳﻴﻄﺮ ﻋﻠﻰ ﻣﺸﺎﻋﺮﻱ .. ﺗﻌﺒﺖ ﻭﺍﻧﻲ ﺍﺷﻮﻓﻚ ﻣﺎ ﻣﻬﺘﻤﻠﻲ .. ﻻﺯﻡ ﺗﻌﺮﻑ ﺍﻧﻲ ﺷﻜﺪ ﺍﺣﺒﻚ ..
ﻓﺎﺭﺱ ﺑﻌﺼﺒﻴﺔ : ﺟﻮﻭﺭﻱ ﺍﺻﺤﻲ ﻟﻨﻔﺴﺞ .. ﻣﻬﻤﺎ ﺟﺎﻥ ﺣﺒﺞ ﺟﺒﻴﺮ ﻣﺎ ﻻﺯﻡ ﺗﻨﺰﻟﻴﻦ ﻛﺮﺍﻣﺘﺞ ﻭﺗﺠﻴﻦ ﺑﻨﻔﺴﺞ ﺗﻌﺘﺮﻓﻴﻦ ﺑﺤﺒﺞ .. ﻭﺛﺎﻧﻲ ﺷﻲ ﺍﻧﻲ ﻣﺴﺘﺤﻴﻞ ﺍﻋﺘﺒﺮﺝ ﻏﻴﺮ ﺍﺧﺖ ﺍﻟﻲ .. ﻣﺎ ﻋﻤﺮﻱ ﻓﻜﺮﺕ ﺑﻴﺞ ﺑﺎﻟﻄﺮﻳﻘﺔ ﺍﻟﻲ ﺍﻧﺘﻲ ﺗﻔﻜﺮﻳﻨﻲ ﺑﻴﻬﺔ ...
ﺟﻮﺭﻱ ﺗﺒﺠﻲ ﻭﺻﺎﺭﺕ ﺗﻀﺮﺑﺔ ﻋﻠﻰ ﺻﺪﺭﺓ ﺑﺤﺮﻛﺔ : ﻟﻴﺶ ﻣﺎ ﺗﺤﺒﻨﻲ .. ﺷﻨﻮ ﺍﻟﻲ ﻧﺎﻗﺼﻨﻲ ﻭﻣﻴﺨﻠﻴﻚ ﺗﺤﺒﻨﻲ .. ﺷﻨﻮ ﺍﻟﻲ ﺑﻴﺔ ﻣﺎ ﻋﺎﺟﺒﻚ .. ﻣﻮ ﺍﻧﺖ ﺟﻨﺖ ﺍﺗﻜﻠﻲ ﺍﻧﺘﻲ ﺍﻡ ﻋﻴﻮﻥ ﺯﺭﻙ ﺍﻟﻲ .. ﻣﻮ ﺟﻨﺖ ﺍﺗﻜﻮﻝ ﺍﺣﺒﻬﺔ ﻭﻻﻥ ﺣﻠﻮﺓ ﻭﻋﻴﻮﻧﻬﺔ ﺯﺭﻙ ﻣﻦ ﺗﻜﺒﺮ ﺭﺍﺡ ﺍﺗﺰﻭﺟﻬﺔ .. ﻟﻴﺶ ﻫﺴﺔ ﺗﻐﻴﺮﺕ .. ﻟﻴﺶ ﺻﺮﺕ ﺗﻜﺮﻫﻨﻲ ..
ﻓﺎﺭﺱ ﺭﺍﻓﻊ ﺍﻳﺪﻱ ﻟﻔﻮﻙ ﻭﻳﺮﺍﺟﻊ ﻟﻮﺭﻯ ﻭﻫﻲ ﺗﺘﻘﺪﻡ ﻣﻨﺔ ﻭﺗﻀﺮﺑﺔ .. ﻣﺎ ﻳﻜﺪﺭ ﻳﻮﺧﺮﻫﺔ ﻻﻥ ﻣﺎﻳﻜﺪﺭ ﻳﻠﻤﺴﻬﺔ .. ﻏﻴﺮﺗﺔ ﻣﺎ ﺗﺴﻤﺤﻠﺔ ﺑﻬﺎﻟﺸﻲ ..
ﺣﺠﺔ ﺑﻌﺼﺒﻴﺔ : ﻛﺎﻓﻲ ﺟﻮﺭﻱ .. ﺍﻧﻲ ﻣﺎ ﺍﻛﺮﻫﺞ .. ﺍﻧﺘﻲ ﺑﺖ ﻋﻤﻲ .. ﻭﻛﻼﻣﻲ ﻫﺬﺍ ﻛﻠﺘﺔ ﺑﻄﻔﻮﻟﺘﻲ ﻭﻣﺎﺟﻨﺖ ﺍﻓﻬﻢ ﺷﻲ .. ﻭﺍﻧﺘﻲ ﻣﺎ ﻧﺎﻗﺼﺞ ﺷﻲ ﻭﺗﺴﺘﺎﻫﻠﻴﻦ ﺍﻻﺣﺴﻦ ﻣﻨﻲ ..
ﺟﻮﺭﻱ ﺣﺠﺖ ﺑﻀﻌﻒ ﻭﺗﺮﺟﻲ ﻭﻋﻴﻮﻧﻬﺔ ﺑﻌﻴﻮﻧﺔ : ﺑﺲ ﺍﻧﻲ ﺍﺭﻳﺪﻙ ﺍﻟﻚ .. ﻣﺎﺭﻳﺪ ﻏﻴﺮﻙ .. ﻣﺎﺭﻳﺪ ﺍﻻﺣﺴﻦ ﻣﻨﻚ ..
ﻓﺎﺭﺱ ﺑﻬﺪﻭﺀ : ﻭﺍﻧﻲ ﻣﺎﻛﺪﺭ ﺍﺗﺨﻴﻠﺞ ﺯﻭﺟﺔ ﺍﻟﻲ .. ﺍﻧﻲ ﺑﻜﻠﺒﻲ ﻭﺣﺪﺓ ﺛﺎﻧﻴﺔ .. ﻭﺑﻌﺪ ﻛﻢ ﻳﻮﻡ ﺭﺍﻳﺢ ﻻﻫﻠﻬﺔ ﻭﺍﺧﻄﺒﻬﺔ ﻣﻨﻬﻢ ..
ﺟﻮﺭﻱ ﺣﺴﺖ ﻛﻠﻤﺎﺗﺔ ﻣﺜﻞ ﺍﻟﺴﻬﻢ ﺍﻟﻲ ﺍﺧﺘﺮﻕ ﻛﻠﺒﻬﺔ .. ﺗﺮﺍﺟﻌﺖ ﻟﻮﺭﻯ ﺧﻄﻮﺗﻴﻦ ﻭﻫﻲ ﺗﺮﻳﺪ ﺗﺴﺘﻮﻋﺐ ﻛﻼﻣﺔ ..
ﺷﻠﻮﻥ ﺍﻧﻲ ﺍﻧﺘﻀﺮﺓ ﻃﻮﻝ ﻫﺎﻟﺴﻨﻴﻦ ﻭﻫﻮ ﻳﺤﺐ ﻭﺣﺪﺓ ﻏﻴﺮﻱ .. ﺷﻠﻮﻥ ﺗﺠﻲ ﻭﺣﺪﺓ ﺗﺎﺧﺬﺓ ﻣﻨﻲ ..
ﺍﻣﻮﺕ ﻗﺒﻞ ﻻ ﻳﺠﻲ ﻫﺎﻟﻴﻮﻡ ...
ﻓﺎﺭﺱ ﻏﻤﺾ ﻋﻴﻮﻧﺔ ﺑﻘﻠﺔ ﺻﺒﺮ ﻭﻛﺎﻝ : ﺟﻮﺭﻱ ﺍﺫﺍ ﺧﻠﺼﺘﻲ ﻛﻼﻣﺞ ﺍﻃﻠﻌﻲ ﺑﺴﺮﻋﺔ ﻗﺒﻞ ﻻ ﻳﺠﻲ ﺍﺣﺪ ..
ﺟﻮﺭﻱ ﻣﺴﺤﺖ ﺩﻣﻮﻋﻬﺔ .. ﻛﺎﻓﻲ ﺍﻫﺎﻧﺎﺕ .. ﻭﻛﺮﺍﻣﺘﻬﺔ ﻧﺰﻟﺖ ...
ﺗﻌﺪﺗﺔ ﻭﻃﻠﻌﺖ ﻣﻦ ﺍﻟﺴﻮﻳﺖ ﻛﻠﺔ ﻭﻧﺰﻟﺖ ..
‏( ﺍﻻﺛﻨﻴﻦ ﻣﺎ ﺍﻧﺘﺒﻬﻮ ﻟﻠﺸﺨﺺ ﺍﻟﻲ ﺳﻤﻊ ﻛﻼﻣﻬﻢ ﻻﻥ ﺟﻮﺭﻱ ﻣﻦ ﺩﺧﻠﺖ ﺗﺮﻛﺖ ﺍﻟﺒﺎﺏ ﻣﻔﺘﻮﺡ ..
ﻣﺼﺪﻭﻡ ﻣﻦ ﺍﻟﺸﻲ ﺍﻟﻲ ﺳﻤﻌﺔ .. ﺑﻠﻊ ﺭﻳﻜﺔ ﺑﺼﻌﻮﺑﺔ ﻭﻧﺰﻝ .. ‏)
ﻣﻦ ﺑﻌﺪ ﺍﻟﻲ ﺻﺎﺭ .. ﺟﻮﺭﻱ ﻭﻻ ﻣﺮﺓ ﺭﺍﺣﺖ ﻟﺒﻴﺖ ﻋﻤﻬﺔ .. ﻟﺤﺪ ﻣﺎ ﻭﺻﻠﻬﺔ ﺧﺒﺮ ﻭﻓﺎﺗﺔ ﻭﻫﻲ ﺍﻧﺼﺪﻣﺖ ﻭﺍﻧﻬﺎﺭﺕ ﻭﺍﺿﻄﺮﻭ ﻳﺪﺧﻠﻮﻧﻬﺔ ﻣﺴﺘﺸﻔﻰ ...
ﺻﺤﺖ ﺟﻮﺭﻱ ﻣﻦ ﻫﺎﻟﺬﻛﺮﻯ ﻭﺩﻣﻮﻋﻬﺔ ﻋﻠﻰ ﺧﺪﻫﺔ ..
ﺍﺻﻌﺐ ﺷﻌﻮﺭ ﻫﻮ ﻟﻤﻰ ﺗﺸﺘﺎﻕ ﻟﺸﺨﺺ ﻣﻴﺖ .. ﺍﻧﺖ ﺗﻌﺮﻑ ﺑﻲ ﻣﺎﺭﺍﺡ ﻳﺮﺟﻊ .. ﺑﺲ ﻣﻊ ﺫﺍﻟﻚ ﺗﺒﻘﻰ ﺗﺘﻤﻨﻰ ﺍﻥ ﻳﺮﺟﻌﻠﻚ .. ﻭﻟﻤﻦ ﺗﺤﺠﻲ ﺗﺤﺲ ﺍﻥ ﻳﺴﻤﻌﻠﻚ ..
££££££
ﺑﻴﺖ ﺍﺑﻮ ﺭﺍﺋﺪ
ﺟﺎﻧﺖ ﻧﺎﻳﻤﺔ .. ﻓﺘﺤﺖ ﻋﻴﻮﻧﻬﺔ ﺑﺼﻌﻮﺑﺔ ..
ﻓﺰﺕ ﺑﺴﺮﻋﺔ ﻭﻫﻲ ﺗﺸﻮﻑ ﺍﻟﻀﻮﺓ ﺑﻌﻴﻮﻧﻬﺔ ..
ﻳﺎﻟﻠﻪ ﺍﻧﻲ ﺷﻜﺪ ﻧﻤﺖ .. ﺑﺎﻭﻋﺖ ﻟﻠﺴﺎﻋﺔ ﺟﺎﻧﺖ ٧ ﺍﻟﺼﺒﺢ ..
ﻻ ﻻ ﻻ ﻣﺎﺟﺎﻥ ﻻﺯﻡ ﺍﻧﺎﻡ ﻫﺎﻟﻜﺪ .. ﻛﺎﻣﺖ ﻣﻦ ﻣﻜﺎﻧﻬﺔ ﺩﺧﻠﺖ ﻟﻠﺤﻤﺎﻡ ﻏﺴﻠﺖ ﻭﺟﻬﺔ ﻭﺗﻮﺟﻬﺖ ﻟﻐﺮﻓﺔ ﺭﺍﺋﺪ ..
ﺷﺎﻓﺖ ﺣﺴﺎﻥ ﻭﺧﺎﻟﺪ ﻧﺎﻳﻤﻴﻦ ﺑﺎﻟﺼﺎﻟﺔ ﻋﺎﻟﻘﻨﻔﺎﺕ ..
ﻣﺸﺖ ﺑﻬﺪﻭﺀ ﻟﻐﺮﻓﺔ ﺭﺍﺋﺪ ﻓﺘﺤﺖ ﺍﻟﺒﺎﺏ ﺑﻬﺪﻭﺀ ..
ﺍﺳﺘﻐﺮﺑﺖ .. ﻭﻳﻦ ﺭﺍﺋﺪ ..
ﺩﻛﺖ ﺑﺎﺏ ﺍﻟﺤﻤﺎﻡ ﺷﺎﻓﺖ ﺍﻥ ﻣﺎﻛﻮ ﺭﺩ .. ﻓﺘﺤﺖ ﺍﻟﺒﺎﺏ .. ﻣﺎ ﻣﻮﺟﻮﺩ ..
ﺣﺠﺖ ﺑﺨﻮﻑ : ﻭﻳﻦ ﺭﺍﺡ ..
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻳﻠﺔ ﺣﺒﺎﻳﺒﻲ ﺗﻮﻗﻌﺎﺗﻜﻢ ؟
ﺭﺍﺋﺪ ﻭﻳﻦ ﺭﺍﺡ ؟
ﻣﻴﺎﻣﻴﻦ ﻭﻏﺰﻭﺍﻥ ﺣﻴﺮﺟﻌﻮﻥ ﻳﺤﺒﻮﻥ ﺑﻌﺾ ﻟﻮ ﻻ 🤔 ؟
ﺟﻮﺭﻱ ﺣﺘﻜﺪﺭ ﺗﻨﺴﻰ ﻓﺎﺭﺱ ﻟﻮ ﻻ ؟
ﺍﻧﻄﻠﻘﻮ

فيتامين سي · 18-06-19, 02:10 AM

#سجينة_الظلم_والانتقام

بقلم سارة الشمري
٤٦______٤٨

#بارت٤٦
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻛﻨﺖ ﺃﻋﻠﻢ ﺃﻥ ﻓﻰ ﺍﻟﺤﺐ ﻣﻮﺗﻲ، ﻭﺑﺎﻟﺮﻏﻢ ﻣﻦ ﺫﻟﻚ ﺃﺣﺒﺒﺖ، ﻭﻫﺎ ﺃﻧﺎ ﺍﻵﻥ ﺃﺣﺘﻀﺮ ﻭﺃﻣﻮﺕ ﻓﻰ ﺻﻤﺖ .
ﻣﺸﺖ ﺑﻬﺪﻭﺀ ﻟﻐﺮﻓﺔ ﺭﺍﺋﺪ ﻓﺘﺤﺖ ﺍﻟﺒﺎﺏ ﺑﻬﺪﻭﺀ ..
ﺍﺳﺘﻐﺮﺑﺖ .. ﻭﻳﻦ ﺭﺍﺋﺪ ..
ﺩﻛﺖ ﺑﺎﺏ ﺍﻟﺤﻤﺎﻡ ﺷﺎﻓﺖ ﺍﻥ ﻣﺎﻛﻮ ﺭﺩ .. ﻓﺘﺤﺖ ﺍﻟﺒﺎﺏ .. ﻣﺎ ﻣﻮﺟﻮﺩ ..
ﺣﺠﺖ ﺑﺨﻮﻑ : ﻭﻳﻦ ﺭﺍﺡ ..
ﻃﻠﻌﺖ ﻣﻦ ﺍﻟﻐﺮﻓﺔ ﺗﺮﻛﺾ .. ﺻﻌﺪﺕ ﺍﻟﺪﺭﺝ ﻭﻫﻲ ﺗﺘﻤﻨﻰ ﺍﻥ ﻳﻜﻮﻥ ﺗﻔﻜﻴﺮﻫﺔ ﺻﺤﻴﺢ ..
ﺗﻨﻔﺴﺖ ﺑﺮﺍﺣﺔ ﻭﻫﻲ ﺗﺸﻮﻑ ﺑﺎﺏ ﺍﻟﺴﻄﺢ ﺷﻮﻳﺔ ﻣﻔﺘﻮﺡ ﻣﻨﺔ ..
ﻃﻠﻌﺖ ﻟﻠﺴﻄﺢ ﺣﺎﻓﻴﺔ .. ﻗﺸﻌﺮ ﺟﺴﻤﻬﺔ ﻣﻦ ﺑﺮﻭﺩﺓ ﺍﻟﺠﻮ ..
ﺷﺎﻓﺘﺔ ﻭﺍﻛﻒ ﻭﻣﻨﻄﻴﻬﺔ ﺿﻬﺮﺓ ﻭﻳﺒﺎﻭﻉ ﻣﻦ ﻓﻮﻙ ..
ﻣﺸﺖ ﺑﺄﺗﺠﺎﻫﺔ ﻭﺣﺎﻭﻟﺖ ﺗﻄﻠﻊ ﺻﻮﺕ ﺑﺨﻄﻮﺍﺗﻬﺔ ﺣﺘﻰ ﻳﻨﺒﺘﻪ ﻟﻮﺟﻮﺩﻫﺔ ..
ﻫﻮ ﺣﺲ ﺑﺨﻄﻮﺍﺕ ﻭﺭﺍﻩ .. ﺑﺴﺮﻋﺔ ﺿﻢ ﺍﻟﺴﻠﺴﻠﺔ ﺑﺠﻴﺒﺔ ﻭﻣﺴﺢ ﺩﻣﻮﻋﺔ ﺍﻟﻲ ﻣﺎ ﺍﺧﻔﺖ ﻋﻦ ﻋﻴﻮﻥ ﻣﻴﺎﻣﻴﻦ ..
ﺗﺼﻨﻌﺖ ﺍﻻﺑﺘﺴﺎﻣﺔ ﻭﻭﻛﻔﺖ ﺑﺼﻔﺔ ﻭﺣﻀﻨﺖ ﺍﻳﺪﺓ ﻭﻛﺎﻟﺖ : ﺻﺒﺎﺡ ﺍﻟﺨﻴﻴﺮ ..
ﺍﻟﺘﻔﺖ ﻋﻠﻴﻬﺔ ﻭﺍﺑﺘﺴﻤﻠﻬﺔ : ﺻﺒﺎﺡ ﺍﻟﻨﻮﺭ ..
ﻣﻴﺎﻣﻴﻦ ﻭﺍﻳﺪﻳﻬﺔ ﺗﺘﻠﻤﺲ ﺧﺪﻭﺩﺓ ﺗﺘﺄﻛﺪ ﻣﻦ ﺣﺮﺍﺭﺗﺔ : ﻟﻴﺶ ﻃﻠﻌﺖ ﺑﻬﺎﻟﺒﺮﺩ .. ﻣﻮ ﻻﺯﻡ ﺗﺮﺗﺎﺡ ..
ﺭﺍﺋﺪ : ﺻﺮﺕ ﺍﺣﺴﻦ .. ﺍﺧﺘﻨﻜﺖ ﻣﻦ ﺍﻟﺒﻴﺖ ..
ﻣﻴﺎﻣﻴﻦ ﻋﻴﻮﻧﻬﺔ ﺗﺒﺎﻭﻉ ﻟﻴﻜﺪﺍﻡ .. ﻫﺎﺟﻤﺘﻬﺔ ﺍﻓﻜﺎﺭﻫﺔ ﻣﺮﺓ ﺛﺎﻧﻴﺔ .. ﺷﻠﻮﻥ ﺭﺍﺡ ﺗﻜﺪﺭ ﺗﻜﻮﻟﺔ ..
ﺭﺍﺋﺪ ﺍﻟﺘﻔﺖ ﻋﻠﻴﻬﺔ ﻭﺷﺎﻓﻬﺔ ﺻﺎﻓﻨﺔ ﻭﺩﻣﻮﻋﻬﺔ ﺗﻨﺰﻝ ﺑﺪﻭﻥ ﻣﺘﺪﺭﻱ ..
ﺑﺴﺮﻋﺔ ﻟﺰﻣﻬﺔ ﻣﻦ ﺍﻳﺪﻫﺔ ﻭﻛﺎﻝ : ﺍﻣﻮﻧﻲ ﻟﻴﺶ ﻫﺎﻟﺪﻣﻮﻉ ..
ﻣﻴﺎﻣﻴﻦ ﺻﺤﺖ ﺑﺴﺮﻋﺔ ﻭﺍﻟﺘﻔﺘﺖ ﻋﻠﻲ ..
ﺑﺎﻭﻋﺖ ﺑﻌﻴﻮﻧﺔ ﺷﻮﻳﺔ ﻭﺑﻌﺪﻳﻦ ﺣﻀﻨﺘﺔ ﻭﺻﺎﺭﺕ ﺗﺒﺠﻲ ﺑﺤﺮﻛﺔ ﻛﻠﺐ ...
ﺭﺍﺋﺪ ﺑﺨﻮﻑ ﻭﻫﻮ ﻳﺤﻀﻨﻬﺔ : ﻣﻴﺎﻣﻴﻦ ﺷﺒﻴﺞ .. ﻣﻨﻮ ﻣﻀﻮﺟﺞ .. ﺍﺣﺠﻲ ..
ﻣﻴﺎﻣﻴﻦ ﻛﺎﻟﺖ ﻭﻫﻲ ﺗﺘﻤﺴﻚ ﺑﻲ : .. ﺭﺍﺋﺪ ﺍﺭﻳﺪ ﺍﺭﺟﻊ ﻟﻐﺰﻭﺍﻥ ..
ﺭﺍﺋﺪ ﺑﺼﺪﻣﺔ ﻭﻫﻮ ﻳﻮﺧﺮﻫﺔ : ﺷﻨﻮﻭ .. ﺗﺮﺟﻌﻴﻦ ﻟﻐﺰﻭﺍﻥ .. ﻟﻴﺶ ﺗﺮﺩﻳﻦ ﺗﺮﺟﻌﻴﻠﺔ ... ﺷﻨﻮ ﺍﻟﺴﺒﺐ ..
ﻣﻴﺎﻣﻴﻦ ﻭﻫﻲ ﺗﺒﺠﻲ ﻻﻥ ﺭﺍﺡ ﺗﺠﺬﺏ ﻋﻠﻰ ﺍﺧﻮﻫﺔ : ﻣﺎﻛﺪﺭ ﺍﻋﻴﺶ ﺑﺪﻭﻧﺔ ﺭﺍﺋﺪ .. ﺣﺎﻭﻟﺖ ﺍﻧﺴﺎﻩ ﺑﺲ ﻣﺎ ﻛﺪﺭﺕ .. ﺍﺣﺒﺔ ﻭﻣﺎﻛﺪﺭ ﺑﺪﻭﻧﺔ ..
ﺭﺍﺋﺪ ﻳﺒﺎﻭﻉ ﻋﻠﻴﻬﺔ ﻣﺼﺪﻭﻡ :.. ﻣﻴﺎﻣﻴﻦ ﺍﻧﺘﻲ ﺷﺘﺤﺠﻴﻦ .. ﺣﺒﻴﺘﻲ ﺍﻟﺸﺨﺺ ﺍﻟﻲ ﻋﺬﺑﺞ ﻃﻮﻝ ﺳﻨﺔ ﻛﺎﻣﻠﺔ .. ﺷﺤﺒﻴﺘﻲ ﻣﻨﺔ ..
ﻣﻴﺎﻣﻴﻦ : ﺍﻧﻲ ﻛﺘﻠﻚ ﻣﺎ ﻋﺬﺑﻨﻲ ﻏﻴﺮ ﺑﺸﻐﻠﺔ ﻭﺣﺪﺓ ﻭﻫﻲ ﺍﻥ ﺑﻌﺪﻧﻲ ﻋﻨﻜﻢ .. ﻭﻫﻮ ﻳﺤﺒﻨﻲ ﻣﺜﻞ ﻣﺎ ﺍﻧﻲ ﺍﺣﺒﺔ .. ﻣﺎﻛﺪﺭ ﺍﺗﺤﻤﻞ ﺑﻌﺪﺓ ﻋﻨﻲ ﺍﻛﺜﺮ ﻣﻦ ﻫﻴﺞ ..
ﺭﺍﺋﺪ ﺑﻌﺼﺒﻴﺔ : ﺷﻠﻮﻭﻥ ﻳﻌﻨﻲ .. ﺗﺮﺩﻳﻦ ﺍﺭﺟﻌﺞ ﻣﺮﺓ ﺛﺎﻧﻴﺔ ﻟﻬﺎﻟﺸﺨﺺ ..
ﻣﻴﺎﻣﻴﻦ : ﻭﻟﻴﺶ ﻻ .. ﺷﻨﻮ ﺍﻟﻲ ﻳﻤﻨﻌﻚ ﻫﺎﻟﻤﺮﺓ .. ﻫﻤﺔ ﻋﺮﻓﻮ ﺍﻟﺤﻘﻴﻘﺔ .. ﺻﺢ ﻫﻤﺔ ﺿﻠﻤﻮﻙ ﺑﺎﻟﺒﺪﺍﻳﺔ ﺑﺲ ﻣﺎ ﺟﺎﻧﻮ ﻳﺪﺭﻭﻥ ﺑﺎﻟﺤﻘﻴﻘﺔ ﺷﻨﻮ ... ﻭﻫﺴﺔ ﻫﻤﺔ ﻋﺮﻓﻮ ﺍﻟﺤﻘﻴﻘﺔ ﻭﺟﺎﻱ ﻳﻌﺘﺬﺭﻭﻥ ﻣﻨﻚ .. ﻳﻌﻨﻲ ﺷﻨﻮ ﺍﻟﻤﺎﻧﻊ ﻫﺴﺔ ﺍﻥ ﺗﺨﻠﻴﻨﻲ ﺍﺭﺟﻌﻠﺔ ...
ﺭﺍﺋﺪ ﻭﻫﻮ ﻳﺤﺎﻭﻁ ﻭﺟﻬﺔ ﺑﻴﺪﻳﻪ : ﺷﻠﻮﻥ ﺍﺑﻌﺪﺝ ﻋﻨﺎ ﻣﺮﺓ ﺛﺎﻧﻴﺔ ..
ﻣﻴﺎﻣﻴﻦ ﺑﺘﺮﺟﻲ : ﺗﻜﺪﺭ ﺑﺄﻱ ﻭﻗﺖ ﺗﺠﻲ ﺗﺸﻮﻓﻨﻲ .. ﺑﺲ ﻻ ﺗﺤﺮﻣﻨﻲ ﻣﻦ ﺷﻮﻓﺔ ﻏﺰﻭﺍﻥ ﻃﻮﻝ ﺍﻟﻌﻤﺮ ..
ﻧﺰﻝ ﺭﺍﺳﺔ ﺑﺄﺳﻰ ﻣﻦ ﻗﺮﺍﺭ ﺍﺧﺘﺔ ...
ﺭﻓﻊ ﺭﺍﺳﺔ ﻭﻛﺎﻝ : ﻣﺘﺄﻛﺪﺓ ﻫﺬﺍ ﻗﺮﺍﺭﺝ ..
ﻣﻴﺎﻣﻴﻦ ﺑﻠﻌﺖ ﺭﻳﻜﻬﺎ ﻭﻛﺎﻟﺖ : ﺍﻱ ﻣﺘﺄﻛﺪﺓ ..
ﻗﺒﺾ ﺍﻳﺪﺓ ﺑﻌﺼﺒﻴﺔ ﻭﻋﺎﻓﻬﺔ ﻭﻣﺸﻰ ..
ﺣﻄﺖ ﺍﻳﺪﻫﺔ ﻋﻠﻰ ﺣﻠﻜﻬﺔ ﻭﺻﺎﺭﺕ ﺗﺤﺎﻭﺏ ﺗﻜﺘﻢ ﺑﺠﻴﻬﺔ ﻭﺷﻬﻜﺎﺗﻬﺔ ...
ﻛﻠﺔ ﺑﺴﺒﺒﻚ ﻏﺰﻭﺍﻥ .. ﺍﻧﺖ ﺟﺒﺮﺗﻨﻲ ﺍﺟﺬﺏ ﻋﻠﻰ ﺍﺧﻮﻱ .. ﺍﻛﺮﺭﺭﻫﻚ ﺍﻛﺜﺮ ﻣﻦ ﺍﻱ ﻣﺮﺓ ﻛﺮﻫﺘﻚ ﺑﻴﻬﺔ ..
&&&&&&
ﻏﺰﻭﺍﻥ ﻛﻌﺪ ﺍﻟﺴﺎﻋﺔ ٨ ﺍﻟﺼﺒﺢ ﻭﻫﻮ ﻛﻠﺔ ﻧﺸﺎﻁ ..
ﻳﺤﺲ ﺍﻥ ﻛﻠﺔ ﺍﺷﺘﻴﺎﻕ ﻭﻛﻠﺒﺔ ﺑﻌﺪ ﻣﺎ ﻳﺘﺤﻤﻞ ..
ﺻﺢ ﻫﻮ ﺻﺒﺮ ﺍﻛﺜﺮ ﻣﻦ ٣ ﺍﺷﻬﺮ ﺑﺲ ﻣﺎﻳﺪﺭﻱ ﻟﻴﺶ ﻫﺴﺔ ﻣﻦ ﻋﺮﻑ ﺑﻴﻬﺔ ﺭﺍﺡ ﺗﺮﺟﻌﻠﺔ ﺣﺲ ﺑﺸﻮﻗﺔ ﺍﻟﻬﺔ ﻳﺰﻳﺪ ﺍﻛﺜﺮ ﻭﻣﺎﻳﻜﺪﺭ ﻳﺘﺤﻤﻞ ﺑﻌﺪﻫﺔ ﺑﻌﺪ ..
ﻧﺰﻝ ﻣﻦ ﺍﻟﺪﺭﺝ ﻭﻫﻮ ﻓﺮﺣﺎﻥ ﻭﺗﻮﺟﻪ ﻟﺒﻴﺖ ﺍﻫﻠﺔ ..
صورة صورة صورة صورة صورة ﺇﺿﺎﻓﺔ صورة
ﺩﺧﻞ ﻭﺷﺎﻑ ﺍﺑﻮﻩ ﻭﺍﻟﺤﺠﻴﺔ ﻭﺍﻣﺔ ﻭﻣﺆﻳﺪ ﻛﺎﻋﺪﻳﻦ ﻳﺘﺮﻳﻜﻮﻥ ..
ﺩﺧﻞ ﻋﻠﻴﻬﻢ ﺑﺄﺑﺘﺴﺎﻣﺔ : ﺻﺒﺎﺡ ﺍﻟﺨﻴﺮﺍﺕ ..
ﺍﻟﻜﻞ ﺍﺑﺘﺴﻢ ﻋﻠﻰ ﺍﺑﺘﺴﺎﻣﺘﺔ .. ﻣﻦ ﺯﻣﺎﻥ ﻣﺎ ﺷﺎﻓﻮﻩ ﻫﻴﺞ ﻓﺮﺣﺎﻥ .. ﻣﺎ ﻋﺪﺍ ﻣﺆﻳﺪ ﺍﻟﻲ ﺟﺎﻥ ﻳﻌﺮﻑ ﺳﺒﺐ ﻓﺮﺣﺔ ﻏﺰﻭﺍﻥ ﻭﻳﻀﺤﻚ ..
ﺍﻟﻜﻞ ﺭﺩﻭ .. ﻭﺍﻡ ﻏﺰﻭﺍﻥ : ﺻﺒﺎﺡ ﺍﻟﻌﺎﻓﻴﺔ ﻳﺒﻌﺪ ﺍﻣﻚ .. ﺗﻌﺎﻝ ﺍﻛﻌﺪ ﺗﺮﻳﻚ ﻭﻳﺎﻧﺔ ..
ﻏﺰﻭﺍﻥ ﻭﻫﻮ ﻳﻜﻌﺪ : ﺍﻱ ﻳﻤﺔ .. ﺍﻟﺘﻔﺖ ﻫﻠﻰ ﺍﺑﻮﻩ ﻭﻛﺎﻝ : ﻫﺎ ﺑﻮﻳﺔ ﻳﻤﺘﺔ ﺗﺨﺎﺑﺮ ﻋﻠﻰ ﺭﺍﺋﺪ ..
ﺍﺑﻮ ﻏﺰﻭﺍﻥ : ﺧﻮﺏ ﺍﻧﺖ ﺗﺪﻭﺭ ﺍﻟﻤﻬﺎﻳﻦ ﺩﻭﺍﺭﺓ ..
ﻏﺰﻭﺍﻥ ﺑﺘﺮﺟﻲ : ﺑﻮﻳﺔ ﻓﺪﻭﺓ ﺭﺣﺘﻠﻚ ﻣﻮ ﻭﻛﺖ ﺍﻟﺤﺠﻲ ﻫﺬﺍ ﻫﺴﺔ .. ﺍﺗﺼﻞ ﻋﻠﻲ ﻓﺪﻭﺓ ..
ﺍﺑﻮ ﻏﺰﻭﺍﻥ ﻭﻫﻮ ﻳﻄﻠﻊ ﺗﻠﻴﻔﻮﻧﺔ : ﺷﻴﺨﻠﺼﻨﻲ ﻣﻨﻚ ﺍﺫﺍ ﻣﺎ ﺩﻛﻴﺖ ..
ﺍﻟﺤﺠﻴﺔ : ﻋﻠﻴﻤﻦ ﺗﺪﻙ ﻳﻤﺔ .. ﺷﻌﻨﺪﺓ ﺍﻟﻔﺮﺥ ..
ﻏﺰﻭﺍﻥ ﺑﻘﻬﺮ : ﺣﺒﻮﺑﺔ ﻓﺪﻭﺓ ﻻ ﺗﻜﻠﻴﻠﻲ ﻓﺮﺥ ..
ﺍﻟﺤﺠﻴﺔ : ﻭﺍﻧﺖ ﻳﺎﻫﻮ ﺍﻟﺤﺠﺔ ﻭﻳﺎﻙ .. ﺍﻧﺔ ﺍﺣﺠﻲ ﻭﻳﺔ ﺍﺑﻨﻲ ﺍﻧﺖ ﻟﻴﺶ ﺗﺤﻂ ﺭﻭﺣﻚ ﺑﺎﻟﻨﺺ ..
ﺍﺑﻮ ﻏﺰﻭﺍﻥ ﻭﻫﻮ ﻳﺤﻂ ﺍﻟﺘﻠﻴﻔﻮﻥ ﻋﻠﻰ ﺍﺫﻧﺔ ﻭﻳﻀﺤﻚ : ﻳﻤﺔ ﻳﺮﻳﺪﻧﻲ ﺍﺭﺟﻊ ﺍﺧﻄﺐ ﻣﻴﺎﻣﻴﻦ ﻣﺮﺓ ﺛﺎﻧﻴﺔ ﻣﻦ ﺍﺧﻮﻫﺔ ..
ﺍﻟﺤﺠﻴﺔ ﺑﻔﺮﺣﺔ : ﻳﻤﻤﺔ ﻫﺎﻱ ﺍﻟﻌﻠﻮﻡ ﺍﻟﺰﻳﻨﺔ .. ﻓﺪﻭﺓ ﻟﻄﻮﻟﻚ ﻳﺒﻌﺪ ﺭﻭﺣﻲ ..
ﻏﺰﻭﺍﻥ ﺑﻨﺺ ﻋﻴﻦ : ﺟﺎ ﻣﻮ ﻫﺴﺘﻮﻧﻲ ﺟﻨﺖ ﻓﺮﺥ .. ﺷﻮ ﺻﺮﺕ ﻓﺪﻭﺓ ﻟﻄﻮﻟﻲ ..
ﺍﺑﻮ ﻏﺰﻭﺍﻥ ﻭﻫﻮ ﻳﺄﺷﺮﻟﻬﻢ ﺍﻥ ﻳﺴﻜﺘﻮﻥ ... ﺣﺠﺔ ﺑﺘﺮﺣﻴﺐ : ﺍﻟﺴﻼﻡ ﻋﻠﻴﻜﻢ ﻋﻤﻲ ﺭﺍﺋﺪ .. ﺷﻠﻮﻧﻚ ..
ﻏﺰﻭﺍﻥ ﻃﻔﺮ ﻭﻟﺰﻙ ﺭﻭﺣﺔ ﻳﻢ ﺍﺑﻮﻩ ﻭﺣﻂ ﺍﺫﻧﺔ ﻋﺎﻟﺘﻠﻴﻔﻮﻥ ﻳﺤﺎﻭﻝ ﻳﺴﻤﻊ ﻭﻳﺎﻩ ..
ﺍﺑﻮ ﻏﺰﻭﺍﻥ ﺩﻓﻊ ﻏﺰﻭﺍﻥ ﺑﻌﺼﺒﻴﺔ ﻭﻧﺰﻝ ﺍﻟﺘﻠﻴﻔﻮﻥ ﻭﺷﻐﻞ ﻣﻜﺒﺮ ﺍﻟﺼﻮﺕ ..
ﺭﺍﺋﺪ ﺑﺄﺣﺘﺮﺍﻡ : ﻭﻋﻠﻴﻜﻢ ﺍﻟﺴﻼﻡ .. ﻣﻴﺔ ﻫﻼ ﻋﻤﻲ .. ﺍﻟﺤﻤﺪﺍﻟﻠﻪ ﺍﻧﺸﺎﻟﻠﻪ ﺍﻧﺘﺔ ﺑﺨﻴﺮ ..
ﺍﺑﻮ ﻏﺰﻭﺍﻥ : ﺍﻟﺸﻜﺮﻟﻠﻪ ﻛﻠﻨﺔ ﺑﺨﻴﺮ .. ﻭﺍﻧﻲ ﺧﺎﺑﺮﺗﻚ ﻋﻨﺪﻱ ﻃﻠﺐ ﻣﻨﻚ ﻭﺍﺗﻤﻨﻰ ﻣﺎ ﺗﺮﺩﻧﻲ ..
ﺭﺍﺋﺪ ﻭﻫﻮ ﻳﺘﻨﻬﺪ : ﺍﻣﺮﻧﻲ ﻋﻤﻲ ﺍﻧﺸﺎﻟﻠﻪ ﻣﺎ ﺍﺭﺩﻙ ..
ﺍﺑﻮ ﻏﺰﻭﺍﻥ ﻭﻫﻮ ﻳﺒﺎﻭﻉ ﻻﺑﻨﺔ : ﻭﺍﻟﻠﻪ ﺍﺑﻨﻲ ﻣﺜﻞ ﻣﺎ ﺗﻌﺮﻑ ﺍﺣﻨﺔ ﺍﺳﺄﻧﺎ ﺍﻟﻀﻦ ﺑﻴﻚ ﻭﺳﺒﻖ ﻭﺍﻋﺘﺬﺭﺕ ﻣﻨﻚ ﻋﻠﻰ ﻫﺎﻟﺸﻲ ..
ﺭﺍﺋﺪ : ﺍﻱ ﻋﻤﻲ ﻭﺍﻧﺖ ﻣﻌﺬﻭﺭ ﻭﻣﺎﻟﻚ ﺫﻧﺐ ..
ﺍﺑﻮ ﻏﺰﻭﺍﻥ : ﺑﻴﺾ ﺍﻟﻠﻪ ﻭﺟﻬﻚ .. ﺍﻟﻤﻬﻢ ﺍﻧﻲ ﺧﺎﺑﺮﺗﻚ ﻫﺴﺔ ﻭﺍﺭﻳﺪ ﺍﻃﻠﺐ ﻣﻨﻚ ﺍﻳﺪ ﺍﺧﺘﻚ ﻭﺍﺭﻳﺪﻫﺔ ﺗﺮﺟﻊ ﻟﺒﻴﺖ ﺭﺟﻠﻬﺔ ﻋﺮﻭﺱ ﻭﻣﻮ ﻓﺼﻠﻴﺔ ﻭﻣﻌﺰﺯﺓ ﻣﻜﺮﻣﺔ .. ﻭﺍﺭﻳﺪﻙ ﻫﺎﻟﻤﺮﺓ ﻣﺎ ﺗﺮﺩﻧﻲ ﻳﺎﺑﻮﻳﺔ .. ﻻﻥ ﺍﺑﻨﺔ ﺍﻟﻠﻪ ﺷﺎﻫﺪ ﻳﺤﺒﻬﺔ .. ﻭﺷﻔﻨﺔ ﺣﺎﻟﺔ ﻣﻦ ﺭﺍﺣﺖ ﻟﻠﻴﻮﻡ ﻣﺎﺭﺗﺎﺡ ..
ﺭﺍﺋﺪ ﻳﺘﻨﻬﺪ ﺑﺤﺰﻥ ﻭﻛﺎﻝ : ﻋﻤﻲ ﺍﻟﺘﺮﻳﺪﺓ ﻳﺠﺮﺍﻟﻚ .. ﻭﺍﻧﻲ ﺟﻨﺖ ﺭﺍﻓﺾ ﻫﺎﻟﺸﻲ ﻻﻥ ﻣﻴﺎﻣﻴﻦ ﺟﺎﻧﺖ ﺭﺍﻓﻀﺔ .. ﺑﺲ ﻫﺴﺔ ﻫﻲ ﻣﻮﺍﻓﻘﺔ .. ﻭﺍﻧﻲ ﻋﻨﺪﻱ ﺍﻫﻢ ﺷﻲ ﻫﻲ ﻭﺭﺍﺣﺘﻬﺔ .. ﻭﺍﺫﺍ ﻫﻲ ﻣﻮﺍﻓﻘﺔ ﺍﻧﻲ ﻣﺎﻋﻨﺪﻱ ﻣﺸﻜﻠﺔ .. ﺑﺄﻱ ﻭﻗﺖ ﺗﻜﺪﺭﻭﻥ ﺗﺠﻮﻥ ﻭﺗﺮﺟﻌﻮﻧﻬﺔ ..
ﻏﺰﻭﺍﻥ ﻭﻫﻮ ﻳﻌﺪﻝ ﻛﻌﺪﺗﺔ ﻭﺍﻟﻔﺮﺡ ﺑﻴﻦ ﺑﻮﺟﻬﺔ ...
ﺍﺑﻮ ﻏﺰﻭﺍﻥ : ﻭﺍﻟﻠﻪ ﺍﺻﻴﻞ ﻭﺍﺑﻦ ﺍﺻﻮﻝ ... ﻣﺎ ﺟﺬﺏ ﻓﺎﺭﺱ ﺑﺎﻟﺤﺠﺎﻩ ﻋﻨﻚ ..
ﺭﺍﺋﺪ ﺑﺤﺰﻥ : ﺍﻟﻠﻪ ﻳﺮﺣﻤﺔ .. ﺍﻟﻤﻬﻢ ﻋﻤﻲ ﺍﻧﻲ ﻛﻠﻤﺔ ﺭﺍﺡ ﺍﻛﻮﻟﻬﺔ .. ﺍﺫﺍ ﻣﻴﺎﻣﻴﻦ ﺗﺄﺫﺕ ﻟﻮ ﺷﻮﻳﺔ .. ﻟﻮ ﺳﻤﻌﺖ ﺍﻥ ﻣﺰﻋﻠﻴﻨﻬﺔ .. ﻭﻗﺘﻬﺔ ﺭﺍﺡ ﺍﺗﺼﺮﻑ ﺗﺼﺮﻑ ﺛﺎﻧﻲ ﻭﻻ ﺗﻠﻮﻣﻮﻧﻲ ﺍﺫﺍ ﺳﻮﻳﺖ ﺷﻲ ﻣﺎ ﻳﻌﺠﺒﻜﻢ .. ﻻﻥ ﺻﺪﻛﻮﻧﻲ ﻳﺎﻋﻤﻲ ﺍﻧﻲ ﻋﻨﺪﻱ ﻣﻴﺎﻣﻴﻦ ﺍﻫﻢ ﺷﻲ ﻋﻨﺪﻱ ﺑﺎﻟﺪﻧﻴﺎ ﻭﺍﺫﺍ ﺻﺎﺑﻬﺔ ﺷﻲ ﺍﻧﻲ ﺍﻟﻲ ﺭﺍﺡ ﺍﻭﻛﻒ ﺑﻮﺟﻬﻜﻢ ..
ﻏﺰﻭﺍﻥ ﻳﺴﻤﻊ ﻛﻼﻣﺔ ﻭﻳﻌﺼﺮ ﺍﻟﺨﺪﺍﺩﻳﺔ ﺍﻟﻲ ﺑﺤﻀﻨﺔ ﺑﻴﺪﺓ .. ﻳﺨﺎﻑ ﻋﻠﻴﻬﺔ ﻣﻨﻲ .. ﻣﻴﺎﻣﻴﻦ ﺍﻧﻲ ﺍﻟﻲ ﻋﻨﺪﻱ ﻫﻲ ﺑﺎﻟﺪﻧﻴﺎ ﻛﻠﻬﺔ ﻣﻮ ﻫﻮ ..
ﺍﻧﺘﺒﻪ ﻟﻜﻼﻡ ﺍﺑﻮﻩ : ﻳﻨﺎﺳﺒﻜﻢ ﺑﻌﺪ ﺍﺳﺒﻮﻋﻴﻦ ﺍﻧﺸﺎﻟﻠﻪ ﻧﺠﻴﻜﻢ ..
ﺭﺍﺋﺪ : ﺗﺸﺮﻓﻮﻥ ﺑﺄﻱ ﻭﻗﺖ ﺍﻧﺸﺎﻟﻠﻪ ..
ﻏﺰﻭﺍﻥ ﻓﺘﺢ ﻋﻴﻮﻧﺔ ﺑﺴﺮﻋﺔ ﻭﺣﻂ ﺍﻟﻤﻜﺎﻟﻤﺔ ﻛﺘﻢ ..
ﺍﻟﺘﻔﺖ ﻻﺑﻮﻩ : ﺑﻮﻳﺔ ﺷﻨﻲ ﺍﺳﺒﻮﻋﻴﻦ .. ﺷﻌﺪﻧﺔ ﻫﺎﻟﻜﺪ .. ﺧﻠﻴﻬﺔ ٣ ﺍﻳﺎﻡ ..
ﺍﺑﻮ ﻏﺰﻭﺍﻥ ﺑﻌﺼﺒﻴﺔ : ﺍﺛﻜﻜﻞ .. ﺟﺎ ﺗﺠﻴﺐ ﺍﻟﺒﻨﻴﺔ ﻫﻴﺞ .. ﻏﻴﺮ ﺗﺠﻬﺰ ﺍﻟﺒﻴﺖ ﻭﺗﺤﻀﺮﻟﻬﺔ ﻏﺮﺍﺽ ..
ﺍﺑﻮ ﻏﺰﻭﺍﻥ ﺭﺟﻊ ﻳﺤﺠﻲ ﻭﻳﺔ ﺭﺍﺋﺪ ... ﻭﻏﺰﻭﺍﻥ ﻣﻌﺼﺐ ﻻﻥ ﺍﺳﺒﻮﻋﻴﻦ ..
ﺍﺑﻮ ﻏﺰﻭﺍﻥ ﺳﺪ ﺍﻟﺘﻠﻴﻔﻮﻥ ﻣﻦ ﺭﺍﺋﺪ ﻭﺍﻟﺘﻔﺖ ﻋﻠﻰ ﻏﺰﻭﺍﻥ ..
ﺍﺑﻮ ﻏﺰﻭﺍﻥ : ﻫﺎ ﻧﻜﻮﻝ ﻣﺒﺮﻭﻙ ..
ﻏﺰﻭﺍﻥ ﺍﺑﺘﺴﻢ ﺑﻔﺮﺡ ﻭﻛﺎﻝ : ﺍﻟﻠﻪ ﻳﺒﺎﺭﻙ ﺑﻴﻚ ﺑﻮﻳﺔ .. ﺩﻧﻚ ﻋﻠﻰ ﺍﻳﺪﺓ ﻭﺣﺒﻬﺔ ..
ﺍﻡ ﻏﺰﻭﺍﻥ ﻻﻭﻝ ﻣﺮﺓ ﻣﻦ ﻭﻓﺎﺓ ﻓﺎﺭﺱ ﻳﺪﺧﻞ ﻟﻜﻠﺒﻬﺔ ﺍﻟﻔﺮﺡ ﺑﻔﺮﺣﺔ ﺍﺑﻨﻬﺔ .. ﻫﻠﻬﻠﺖ ﺑﺼﻮﺕ ﻭﺑﻔﺮﺣﺔ ..
ﻏﺰﻭﺍﻥ ﺑﺎﺱ ﺭﺍﺳﻬﺔ ﻭﺭﺍﺱ ﺣﺒﻮﺑﺘﺔ ..
ﺍﺑﻮ ﻏﺰﻭﺍﻥ : ﻭﻫﺴﺔ ﺍﺳﻤﻌﻨﻲ .. ﻣﺎﺭﻳﺪ ﺗﻔﺸﻠﻨﻲ ﻭﻳﺔ ﺍﻟﻌﺎﻟﻢ .. ﻫﺴﺔ ﺗﺮﻭﺡ ﺗﺸﻮﻓﻠﻚ ﻏﺮﻓﺔ ﺟﺪﻳﺪﺓ ﻭﺣﻠﻮﺓ ﻭﺗﺠﻴﺐ ﺍﻟﻨﺠﺎﺭ ﻳﻨﺼﺒﻬﺔ ﺍﻟﻚ .. ﻭﺗﺮﺟﻊ ﺗﺮﻭﺡ ﺗﺸﺘﺮﻱ ﺫﻫﺐ ﻣﻦ ﺍﺣﺴﻦ ﻣﺎ ﻳﻜﻮﻥ ﻭﻣﻮ ﻣﻬﻢ ﺍﻟﺴﻌﺮ .. ﻭﺗﺎﺧﺬ ﺧﻮﺍﺗﻚ ﻳﺸﺘﺮﻟﻬﺔ ﺍﻏﺮﺍﺽ ﻭﻳﺮﺗﺒﻨﻬﺔ ..
ﺩﺧﻠﻦ ﻣﻬﺎ ﻭﺧﺎﺗﻮﻥ ﻋﻠﻰ ﺍﺧﺮ ﻛﻠﻤﺔ .. : ﺷﺒﻴﻬﻦ ﺧﻮﺍﺗﺔ ..
ﺍﻡ ﻏﺰﻭﺍﻥ : ﻣﺮﺕ ﺍﺧﻮﺟﻦ ﺭﺍﺡ ﺗﺮﺟﻊ .. ﻭﻭﺭﺍﻧﺔ ﺗﺠﻬﻴﺰ ﻫﻮﺍﻱ ..
ﻣﻬﺎ ﻛﻤﺰﺕ ﺑﻔﺮﺡ : ﻛﻮﻟﻲ ﻭﺍﻟﻠﻪ .. ﻣﻴﺎﻣﻴﻦ ﺭﺍﺡ ﺗﺮﺟﻊ ..
ﺣﻀﻨﺖ ﻏﺰﻭﺍﻥ : ﻣﺒﺮﻭﻭﻭﻙ ﻳﺎﻋﺮﻳﺲ .. ﺍﻱ ﻫﺬﺍ ﺍﻟﻌﺮﺱ ﺍﻟﻲ ﻳﻔﺮﺡ ﺍﻟﻜﻠﺐ ..
ﺧﺎﺗﻮﻥ ﻭﺍﻛﻔﺔ ﻭﻣﺼﺪﻭﻣﺔ .. ﺷﻠﻮﻥ ﻣﻴﺎﻣﻴﻦ ﻭﺍﻓﻘﺖ ﺗﺮﺟﻊ ﺑﻬﺎﻟﺴﻬﻮﻟﺔ .. ﻣﻌﻘﻮﻟﺔ ﺳﺎﻣﺤﺘﺔ ﺑﺴﺮﻋﺔ ..
ﻏﺰﻭﺍﻥ ﺍﻟﺘﻔﺖ ﻋﻠﻰ ﺧﺎﺗﻮﻥ ﻭﺍﺑﺘﺴﻢ : ﻭﺍﻧﺘﻲ ﻣﺎ ﺭﺍﺡ ﺗﺒﺎﺭﻛﻴﻠﻲ ...
ﺧﺎﺗﻮﻥ ﺍﺑﺘﺴﻤﺖ ﻭﺭﺍﺣﺖ ﺣﻀﻨﺘﺔ : ﻣﺎﺩﺍﻡ ﻣﻴﺎﻣﻴﻦ ﺳﺎﻣﺤﺘﻚ ﻟﻌﺪ ﺍﻧﻲ ﻫﻢ ﺳﺎﻣﺤﺘﻚ .. ﻣﺒﺮﻭﻭﻭﻙ ﺣﺒﻴﺒﻲ ..
ﻏﺰﻭﺍﻥ ﺍﺑﺘﺴﻢ ﻭﺑﺎﺳﻬﺔ ﺑﺮﺍﺳﻬﺔ .. ﺟﺎﻥ ﻣﺸﺘﺎﻕ ﻟﺤﻨﺎﻧﻬﺔ ﻛﻠﺶ .. : ﺍﻟﻠﻪ ﻳﺒﺎﺭﻙ ﺑﻴﺞ .. ﻭﺍﻧﺸﺎﻟﻠﻪ ﻳﻮﻡ ﺍﻟﺞ ..
ﺧﺎﺗﻮﻥ ﺍﻛﺘﻔﺖ ﺑﺎﻻﺑﺘﺴﺎﻣﺔ ...
ﻣﺆﻳﺪ ﻭﻛﻒ ﻭﻛﺎﻝ : ﺑﻮﻳﺔ ﺳﺎﻟﻔﺔ ﺍﻟﻐﺮﻓﺔ ﻋﻮﻓﻬﺔ ﻋﻠﻴﺔ ﺍﻧﻲ ﺍﺻﻮﺭ ﻭﺍﺩﺯﻟﺔ ﻭﻫﻮ ﻳﺨﺘﺎﺭ ﻭﺍﺟﻴﺐ ﺍﻟﻨﺠﺎﺭ ﻳﻨﺼﺒﻬﺔ .. ﺧﻠﻲ ﻫﻮ ﻭﺍﻟﻮﺍﻟﺪﺓ ﻳﺮﺣﻮﻥ ﻳﺨﺘﺎﺭﻭﻥ ﺍﻟﺬﻫﺐ ..
ﺧﺎﺗﻮﻥ ﺑﺤﻤﺎﺱ : ﺍﻧﻲ ﺭﺍﺡ ﺍﺗﺼﻞ ﺑﺒﺴﻤﺔ ﺍﺑﺸﺮﻫﺔ ﻭﻫﻢ ﺍﻛﻮﻟﻠﻬﺔ ﺗﺠﻲ ﻭﻳﺎﻧﺔ ﻧﺘﺴﻮﻙ ﻟﻤﻴﺎﻣﻴﻦ ﺍﻏﺮﺍﺽ ﻭﻧﺮﺗﺒﻠﻬﺔ ﺟﻬﺎﺯ ﻋﺮﻭﺱ ﺑﻤﺎ ﺍﻧﺎ ﺍﺣﻨﺔ ﻫﻢ ﻧﻌﺘﺒﺮ ﺍﺧﻮﺍﺕ ﺍﻟﻌﺮﻭﺱ ..
ﻃﻠﻌﻦ ﺍﻟﺒﻨﺎﺕ ﻳﺘﺠﻬﺰﻥ ﺣﺘﻰ ﻳﻄﻠﻌﻦ ﻟﻠﺴﻮﻙ .. ﻭﻣﺆﻳﺪ ﻃﻠﻊ ﻭﻫﻮ ﻳﺨﺎﺑﺮ ﻋﻠﻰ ﺣﻤﺰﺓ ..
ﻏﺰﻭﺍﻥ ﻭﺍﻛﻒ ﻭﻳﺤﻚ ﺷﻌﺮﺓ ﺑﻐﺒﺎﺀ ..
ﺍﻟﺤﺠﻴﺔ ﻭﻫﻲ ﺗﻀﺮﺑﺔ ﺑﺎﻟﻌﺼﺎ : ﺷﻌﻨﺪﻙ ﻭﺍﻛﻒ ﺑﻌﺪﻙ .. ﻣﺎ ﺗﺮﻭﺡ ﻟﻠﺴﻮﻙ ﻭﻟﻚ .. ﺟﻴﺒﻠﻚ ﻗﺎﻁ ﻭﺍﺷﺘﺮﻱ ﺍﻟﺬﻫﺐ ...
ﻏﺰﻭﺍﻥ ﻭﻫﻮ ﻳﻄﻠﻊ : ﺍﻱ ﺍﻱ ﻃﺎﻟﻊ
ﺟﺎﻧﺖ ﺍﻟﻔﺮﺣﺔ ﻣﻮ ﺳﺎﻳﻌﺔ ﺍﻟﻜﻞ .. ﻭﺧﺎﺻﺎ ﺑﺴﻤﺔ ﺍﻟﻲ ﻃﺎﺭﺕ ﻣﻦ ﺍﻟﻔﺮﺡ ﻣﻦ ﺳﻤﻌﺖ ﺑﻬﺎﻟﺸﻲ ... ﻭﻣﺒﺎﺷﺮﺓ ﺣﻀﺮﺕ ﻧﻔﺴﻬﺔ ﺣﺘﻰ ﺗﻄﻠﻊ ﻭﻳﺔ ﺍﻟﺒﻨﺎﺕ ﻟﻠﺴﻮﻙ ﻭﺑﺎﻟﻜﻮﺓ ﻗﻨﻌﺖ ﺟﻮﺭﻱ ﺍﻥ ﺗﺮﻭﺡ ﻭﻳﺎﻫﻢ ..
ﻣﺆﻳﺪ ﻭﻫﻮ ﻳﻮﻛﻒ ﺍﻟﺴﻴﺎﺭﺓ ﺍﺑﺎﺏ ﺑﻴﺖ ﻋﻤﺔ .. ﺍﻟﺘﻔﺖ ﻋﻠﻴﻬﻦ ﻭﻛﺎﻝ ﻟﻤﻬﺎ : ﺑﺴﺮﻋﺔ ﺍﻧﺰﻟﻲ ﺻﻴﺤﻲ ﺑﺴﻤﺔ ﺣﺘﻰ ﺍﺫﺑﺠﻦ ﺑﺎﻟﺴﻮﻙ ﻭﺍﺭﻭﺡ ﺍﻧﻲ ﻟﺤﻤﺰﺓ ..
ﻣﻬﺎ ﻧﺰﻟﺖ ﻭﻭﺭﺓ ﺷﻮﻳﺔ ﺍﺟﺖ ﻭﻭﻳﺎﻫﺔ ﺍﻟﺒﻨﺎﺕ ..
ﺧﺎﺗﻮﻥ ﻓﺮﺣﺖ ﻣﻦ ﺷﺎﻓﺖ ﺟﻮﺭﻱ ﺟﺎﻳﺔ : .. ﻫﺎﻱ ﺟﻮﺭﻳﺔ ﺍﺟﺖ ﻫﻢ ..
ﻣﺆﻳﺪ ﻻ ﺍﺭﺍﺩﻳﺎً ﺍﻟﺘﻔﺖ ﻟﺠﻬﺔ ﺍﻟﺒﻨﺎﺕ ..
ﻣﻬﺎ ﺻﻌﺪﺕ ﻛﺪﺍﻡ ﻛﺎﻟﻌﺎﺩﺓ ﻭﺗﺨﻠﻲ ﺧﺎﺗﻮﻥ ﺗﺼﻌﺪ ﻭﺭﺓ .. ﻫﻨﺔ ﻣﺘﻔﻘﺎﺕ ﺍﺫﺍ ﺟﺎﻧﺖ ﺳﻴﺎﺭﺓ ﻣﺆﻳﺪ ﺍﻟﻲ ﺗﺼﻌﺪ ﻛﺪﺍﻡ ﻫﻲ ﻣﻬﺎ .. ﺑﺲ ﺍﺫﺍ ﺟﺎﻧﺖ ﺳﻴﺎﺭﺓ ﻏﺰﻭﺍﻥ ﺍﻟﻲ ﺗﺼﻌﺪ ﻛﺪﺍﻡ ﺧﺎﺗﻮﻥ ...
ﺑﺴﻤﺔ ﺻﻌﺪﺕ ﻟﻠﺴﻴﺎﺭﺓ ﺑﺤﻤﺎﺱ ﻭﺣﺠﺖ ﺑﺼﻮﺕ : ﺳﻼﺍﺍﺍﻡ .. ﺷﻠﻮﻧﻚ ﻣﺆﻳﺪ ...
ﻣﺆﻳﺪ ﺑﺄﺑﺘﺴﺎﻣﺔ ﻭﻋﻴﻨﺔ ﻟﻜﺪﺍﻡ :.. ﻭﻋﻠﻴﻜﻢ ﺍﻟﺴﻼﻡ .. ﻫﻼ ﺑﺒﺴﻤﺔ .. ﺷﻠﻮﻧﺞ ..
ﺑﺴﻤﺔ : ﺍﻟﺤﻤﺪﺍﻟﻠﻪ .. ﺿﺮﺑﺖ ﺟﻮﺭﻱ ﺑﻌﻜﺴﻬﺔ ﻭﻛﺎﻟﺖ ﺑﻬﻤﺲ : ﺳﻠﻤﻲ ﻋﺎﻟﻮﻟﺪ ﻋﻴﺐ ﻋﻠﻴﺞ ..
ﺟﻮﺭﻱ ﺑﻬﺪﻭﺀ ﻭﻫﻮ ﻣﻨﺰﻟﺔ ﺭﺍﺳﻬﺔ : ﺷﻠﻮﻧﻚ ﻣﺆﻳﺪ ..
ﻣﺆﻳﺪ ﺑﻬﺪﻭﺀ ﻣﺜﻠﻬﺔ : ﺍﻟﺤﻤﺪﺍﻟﻠﻪ ﺑﺨﻴﺮ .. ﺍﻧﺘﻲ ﺷﻠﻮﻧﺞ ..
ﺟﻮﺭﻱ : ﺗﻤﺎﻡ ..
ﺩﺍﺭﺕ ﻋﻴﻮﻧﻬﺔ ﻟﻠﺸﺒﺎﻙ ﻭﻫﻲ ﺗﺒﻌﺪ ﻧﻀﺮﺍﺗﻬﺔ ﻋﻨﺔ .. ﻣﺎ ﺗﺮﻳﺪ ﺗﺒﺎﻭﻋﻠﺔ .. ﻟﻴﺶ ﻃﻠﻌﺖ ﺗﺸﺒﻬﺔ ﻟﻬﺎﻟﺪﺭﺟﺔ .. ﻛﻞ ﻣﺎ ﺍﺷﻮﻓﻚ ﺍﺗﺬﻛﺮﺓ .. ﻛﻞ ﻣﺎ ﺍﺷﻮﻑ ﻣﺆﻳﺪ ﺍﺗﺬﻛﺮ ﻓﺎﺭﺱ ﻻﻥ ﺍﻟﺸﺒﻪ ﺑﻴﻨﻬﻢ ﻛﻠﺶ ﻗﻮﻱ ..
ﻃﺒﻌﺎ ﺍﻟﺒﻨﺎﺕ ﻳﺴﻮﻟﻒ .. ﻣﻬﺎ ﻭﺧﺎﺗﻮﻥ ﻭﺑﺴﻤﺔ ... ﻭﻣﺪﻣﻮﺟﻴﻦ ﻭﺑﺴﻤﺔ ﻣﺘﺤﻤﺴﺔ ﻭﺗﺮﻳﺪ ﺗﻌﺮﻑ ﺍﻻﺧﺒﺎﺭ ...
ﺑﺴﻤﺔ : ﻣﻴﺎﻣﻴﻦ ﺍﻟﺤﻘﻴﺮﺓ ﻣﺎ ﻛﺎﻟﺖ ﻋﺎﻟﻜﺮﻭﺏ ﺍﻥ ﺣﺘﺮﺟﻊ .. ﺑﺲ ﻳﻠﺔ ﻣﺎ ﺗﻨﻼﻡ ﻋﺮﻭﺳﺔ ﺍﻛﻴﺪ ﻭﺗﺴﺘﺤﻲ ..
ﻭﺻﻠﻦ ﻟﻠﺴﻮﻙ ﻭﻣﺆﻳﺪ ﺫﺑﻬﻦ ﻭﻣﺸﻰ ﻟﺤﻤﺰﺓ ﺣﺘﻰ ﻳﺨﺘﺎﺭﻭﻥ ﻏﺮﻓﺔ ﻟﻐﺰﻭﺍﻥ ...
ﻏﺰﻭﺍﻥ ﺭﺍﺡ ﻟﻠﺴﻮﻙ ﻳﺨﺘﺎﺭ ﺍﻟﺬﻫﺐ ..
ﺍﺷﺘﺮﺓ ﺗﺨﻢ .. ﻭﺑﻌﺪﻳﻦ ﺭﺍﺡ ﺍﺷﺘﺮﺓ ﻗﺎﻁ ﺍﺳﻮﺩ .. ﻭﺍﺷﺘﺮﺓ ﻛﻢ ﺷﻐﻠﺔ ﻳﺤﺘﺎﺟﻬﻦ ..
ﻣﺮ ﻟﻠﻤﺴﺘﺸﻔﻰ ﺣﺘﻰ ﻳﺨﻠﺺ ﺷﻐﻞ ..
ﺭﺟﻊ ﻟﻠﺒﻴﺖ ﺗﻘﺮﻳﺒﺎً ﺍﻟﺴﺎﻋﺔ ٨ ﺑﻠﻴﻞ ...
ﺩﺧﻞ ﻟﺒﻴﺘﺔ ﻭﻫﻮ ﻳﺴﻤﻊ ﺻﻮﺕ ﻫﻮﺳﺔ ﻓﻮﻙ ..
ﺍﺳﺘﻐﺮﺏ .. ﻣﻨﻮ ﻣﻤﻜﻦ ﻳﻜﻮﻥ ﻣﻮﺟﻮﺩ ﻫﺴﺔ ..
ﺻﻌﺪ ﺍﻟﺪﺭﺝ ﻭﻫﻮ ﻳﺴﻤﻊ ﺍﻻﺻﻮﺍﺕ ..
ﺗﻨﻬﺪ ﺑﻤﻠﻞ ﻭﻫﻮ ﻳﺴﻤﻊ ﺍﺻﻮﺍﺗﻬﻦ ..
ﺭﺍﺡ ﻟﻐﺮﻓﺘﺔ ﻭﺩﻙ ﺍﻟﺒﺎﺏ ..
ﻣﻬﺎ ﻓﺘﺤﺖ ﺍﻟﺒﺎﺏ ﻭﺑﻘﺖ ﻭﺍﻛﻔﺔ ﻭﻣﻄﻌﺔ ﺑﺲ ﻧﺺ ﺟﺴﻤﻬﺔ : ﻧﻌﻌﻌﻌﻌﻢ ؟؟
ﻏﺰﻭﺍﻥ ﻃﺒﻚ ﺣﻮﺍﺟﺒﺔ : ﺍﻧﻌﻢ ﺍﻟﻠﻪ ﻋﻠﻴﺞ .. ﺑﺲ ﺑﺪﻭﻥ ﺯﺣﻤﺔ ﺧﺎﻑ ﻣﺨﺮﺑﻄﺔ ﺑﺎﻟﻐﺮﻑ .. ﺗﺮﺓ ﻏﺮﻓﺘﻲ ﻫﺎﻱ ..
ﻣﻬﺎ ﺑﺪﻭﻥ ﺍﻫﺘﻤﺎﻡ : ﻧﺪﺭﻱ ﺑﻴﻬﺔ ﻏﺮﻓﺘﻚ .. ﺑﺲ ﻣﻨﺎ ﻟﺤﺪ ﻣﺎ ﺗﺠﻲ ﻣﻴﺎﻣﻴﻦ ﺍﻧﺖ ﻣﻤﻨﻮﻉ ﺗﻨﺎﻡ ﺑﻴﻬﺔ ﺧﺎﻑ ﺗﺨﺮﺑﻬﺔ .. ﻟﻬﺎﻟﺴﺒﺐ ﺭﻭﺡ ﻧﺎﻡ ﺑﻐﺮﻓﺔ ﻣﻴﺎﻣﻴﻦ ﺍﻟﻘﺪﻳﻤﺔ ..
ﻏﺰﻭﺍﻥ ﺑﺄﺑﺘﺴﺎﻣﺔ : ﻭﺍﻧﻲ ﺍﺻﻼ ﻛﻞ ﻳﻮﻡ ﺍﻧﺎﻡ ﺑﻴﻬﺔ ..
ﻣﻬﺎ ﺑﺎﻭﻋﺖ ﻻﺧﻮﻫﺔ ﺑﺄﺑﺘﺴﺎﻣﺔ : ﻭﺍﻥ ﻳﻜﻦ .. ﻫﺴﺔ ﺷﺘﺮﻳﺪ ..
ﻏﺰﻭﺍﻥ : ﻣﻬﺎﺍﺍ .. ﻏﺮﻓﺘﻲ ﻫﺎﻱ .. ﻭﺧﺮﻱ ﺧﻞ ﺍﺩﺧﻞ ..
ﻣﻬﺎ : ﻟﺤﻀﺔ ... ﺑﺴﻤﺔ ﺍﻟﺒﺴﻲ ﺷﺎﻟﺞ ﺗﺮﺓ ﻏﺰﻭﺍﻥ ﺍﺟﺔ ...
ﺑﺴﻤﺔ ﻭﻫﻲ ﺗﻠﺒﺲ ﺷﺎﻟﻬﺔ : ﺍﻭﻭﻭ ﺍﺟﺔ ﺍﻟﻌﺮﻳﺲ .. ﺧﻞ ﻳﺪﺧﻞ ..
ﻏﺰﻭﺍﻥ ﺩﺧﻞ ﻭﺷﺎﻑ ﺍﻟﻬﻮﺳﺔ ﺑﺎﻟﻐﺮﻓﺔ ﻭﺍﻟﻌﻼﻟﻴﻚ ﺗﺎﺭﺳﺔ ﺍﻟﻤﻜﺎﻥ : ... ﻫﺎﻱ ﺷﻤﺴﻮﻳﺎﺕ ﺍﻧﺘﻦ .. ﻻﻣﺎﺕ ﺍﻟﺰﺑﺎﻟﺔ ﻭﺣﺎﻃﺎﺗﻬﺔ ﺑﻐﺮﻓﺘﻲ ...
ﺧﺎﺗﻮﻥ ﻃﻠﻌﺖ ﻣﻦ ﻏﺮﻓﺔ ﺍﻟﻤﻼﺑﺲ ﻭﺷﺎﻳﻠﺔ ﺑﻴﺪﻫﺔ ﺍﻟﻘﻮﻁ ﻣﺎﻝ ﻏﺰﻭﺍﻥ ﻭﺫﺑﺘﻬﻦ ﻋﺎﻟﺠﺮﺑﺎﻳﺔ ...
ﻏﺰﻭﺍﻥ ﻓﺘﺢ ﻋﻴﻮﻧﺔ : ﻫﺪﻭﻭﻭﻣﻲ .. ﺷﻤﺴﻮﻳﺔ ﺍﻧﺘﻲ .. ﻭﻳﻦ ﺗﺮﺩﻳﻦ ﺗﻮﺩﻳﻦ ﻫﺪﻭﻣﻲ ..
ﺑﺴﻤﺔ ﺑﺒﺮﻭﺩ : ﺭﺍﺡ ﻧﺤﻄﻬﻦ ﺑﺎﻟﻐﺮﻓﺔ ﺍﻟﺜﺎﻧﻴﺔ ﺣﺘﻰ ﻣﻦ ﻳﺠﻴﺒﻮﻥ ﺍﻟﻐﺮﻓﺔ ﺍﻟﺠﺪﻳﺪﺓ ﻭﺣﻄﻬﻦ ﺑﺎﻟﻜﻨﺘﻮﺭ ﻻﻥ ﻣﻼﺑﺲ ﻣﻴﺎﻣﻴﻦ ﻫﻮﺍﻱ ﻭﻻﺯﻡ ﻧﺤﻄﻬﻦ ﺑﻐﺮﻓﺔ ﺍﻟﻤﻼﺑﺲ ﻻﻥ ﺑﻴﻬﺔ ﻣﻜﺎﻥ ﻫﻮﺍﻱ ..
ﻏﺰﻭﺍﻥ : ﻳﻌﻨﻲ ﺗﻐﻴﺮﻭﻥ ﻧﻀﺎﻡ ﺗﺮﺗﻴﺒﻲ ..
ﺑﺴﻤﺔ ﺑﺴﺮﻋﺔ ﻭﺑﺤﺪﺓ : ﺍﻳﻴﻴﻴﻲ ﻧﻐﻴﺮﺓ .. ﻋﻨﺪﻙ ﻣﺎﻧﻊ ..
ﻏﺰﻭﺍﻥ ﻃﺒﻚ ﺣﻮﺍﺟﺒﺔ : ﺣﺴﻨﻴﻦ ﻟﻴﺶ ﻣﺨﻠﻴﺞ ﻳﻤﻨﺔ ﻟﻬﺴﺔ .. ﺷﻮﻛﺖ ﻳﺎﺧﺬﺝ ﻟﺒﻴﺘﺔ ﻭﻧﺨﻠﺺ ..
ﺑﺴﻤﺔ ﺍﺳﺘﺤﺖ ﻭﺩﺍﺭﺕ ﻭﺟﻬﺔ ﻻﻥ ﺗﻔﺸﻠﺖ ...
ﻏﺰﻭﺍﻥ ﺿﺤﻚ : ﺍﻭﻝ ﻣﺮﺓ ﺍﺷﻮﻑ ﺑﺴﻤﺔ ﺗﺴﺘﺤﻲ ..
ﺑﺴﻤﺔ ﺍﻟﺘﻔﺘﺖ ﻋﻠﻲ ﺑﻌﺼﺒﻴﺔ : ﺷﻜﺎﻟﻮﻟﻚ ﻋﻠﻴﺔ ﺯﺍﻳﺤﺔ ﺍﻟﻤﺴﺘﺤﺔ .. ﻭﻳﻠﺔ ﻫﺴﺔ ﺭﻭﺡ ﺟﻴﺒﻠﻨﺔ ﻋﺸﺎ ﻣﻦ ﺍﻟﺴﻮﻙ ﻻﻥ ﻣﺘﻨﺔ ﻣﻦ ﺍﻟﺠﻮﻉ ﻭﺍﺣﻨﺔ ﻧﻔﺘﺮ ﺍﻟﻴﻮﻡ ﻋﻠﻤﻮﺩ ﻧﺤﻀﺮﻟﻚ ﺍﻏﺮﺍﺽ ﻋﺮﺳﻚ ..
ﻏﺰﻭﺍﻥ ﻳﻜﺘﻒ ﺍﻳﺪﻱ ﻭﻳﻤﻴﻞ ﻛﺘﻔﺔ ﻋﺎﻟﺒﺎﺏ : ﺍﻱ ﻋﺎﺩ ﻫﺬﺍ ﺷﻐﻠﺠﻦ .. ﻟﻌﺪ ﻏﻴﺮ ﺍﻧﺘﻦ ﺍﺧﻮﺍﺕ ﺍﻟﻌﺮﻳﺲ ...
ﺍﻟﺒﻨﺎﺕ ﻛﻠﻬﻦ ﺑﺼﻮﺕ ﻭﺍﺣﺪ : ﻻﺍﺍﺍﺍﺍﺍﺍ .. ﺍﺣﻨﺔ ﺧﻮﺍﺕ ﺍﻟﻌﺮﻭﺱ ﻣﻮ ﺍﻟﻌﺮﻳﺲ ..
ﻏﺰﻭﺍﻥ ﻓﺘﺢ ﻋﻴﻮﻧﺔ ﺑﺼﺪﻣﺔ : ﻳﺎﻟﻨﻜﺎﺭﺍﺕ ..
ﻣﻬﺎ ﻭﻫﻲ ﺗﻠﺰﻣﺔ ﻭﺗﺪﻓﻌﺔ ﻟﺒﺮﺓ : ﻳﻠﺔ ﻳﻠﺔ ﺣﺒﻴﺒﻲ ﻣﺘﻨﺔ ﻣﻦ ﺍﻟﺠﻮﻉ ﻧﺮﻳﺪ ﺍﻛﻞ ..
ﻧﺰﻝ ﻏﺰﻭﺍﻥ ﻭﻫﻮ ﻳﻀﺤﻚ ﻭﺭﺍﺡ ﺟﺎﺑﻠﻬﻦ ﺍﻛﻞ ﻣﻦ ﺍﻟﺴﻮﻙ ..
ﺭﺍﺡ ﻟﺒﻴﺖ ﺍﻫﻠﺔ ﻻﻥ ﺣﻤﺰﺓ ﻣﻮﺟﻮﺩ ﺑﺎﻟﺒﻴﺖ ﻭﻛﻌﺪﻭ ﻳﺴﻮﻟﻔﻮﻥ ﻭﻳﻀﺤﻜﻮﻥ ..
ﺭﺟﻊ ﻟﻠﺒﻴﺖ ﺍﻟﺴﺎﻋﺔ ١١ .. ﺷﺎﻑ ﺧﺎﺗﻮﻥ ﻭﻣﻬﺎ ﻫﺴﺘﻮﻫﻦ ﻳﻄﻠﻌﻦ ﻣﻦ ﺍﻟﺒﻴﺖ ...
ﺧﺎﺗﻮﻥ : ﻋﻠﻰ ﻓﻜﺮﺓ ﺣﻄﻴﻨﺔ ﻣﻼﺑﺴﻚ ﻋﺎﻟﻤﻴﺰ ﺑﻐﺮﻓﺔ ﺍﻟﺘﺒﺪﻳﻞ ﻻﻥ ﺑﺎﺟﺮ ﻳﻔﻜﻮﻥ ﺍﻟﻐﺮﻓﺔ ﻭﻳﻄﻠﻌﻮﻧﻬﺔ ...
ﻏﺰﻭﺍﻥ : ﻣﺎﺷﻲ .. ﺷﻜﺮﺍ ..
ﻣﻬﺎ ﻋﻮﺟﺖ ﺣﻠﻜﻬﺔ : ﺑﺴﺲ؟ .. ﺩﻛﻮﻝ ﺷﻜﺮﺍ ﺧﻮﺍﺗﻲ ﺣﺒﻴﺒﺎﺗﻲ ﺍﻧﺸﺎﻟﻠﻪ ﺍﺟﺎﺯﻳﺠﻦ ﺑﺎﻻﻓﺮﺍﺡ ..
ﻏﺰﻭﺍﻥ : ﻭﻟﻴﺶ ﺍﻛﻮﻝ ﻫﻴﺞ .. ﻣﻮ ﺍﻧﺘﻦ ﺗﻜﻮﻟﻦ ‏( ﻭﻫﻮ ﻳﻘﻠﺪﻫﻦ ‏) ﻻﺍﺍ ﺍﺣﻨﺔ ﺧﻮﺍﺕ ﺍﻟﻌﺮﻭﺱ ﻣﻮ ﺍﻟﻌﺮﻳﺲ ..
ﺿﺤﻜﻦ ﺍﻟﺒﻨﺎﺕ ﻭﻫﻮ ﻋﺎﻓﻬﻦ ﻭﻣﺸﺔ .. ﺻﻌﺪ ﻟﻐﺮﻓﺘﺔ ﻭﺷﺎﻑ ﺍﻟﻬﻮﺳﺔ ﻛﻠﻬﺔ ﺷﺎﻳﻼﺗﻬﺔ ..
ﺩﺧﻞ ﻏﺮﻓﺔ ﺍﻟﺘﺒﺪﻳﻞ ﻭﻳﺸﻮﻑ ﺍﻟﻤﻼﺑﺲ ﺍﻟﻤﻠﻮﻧﺔ ﻣﺎﻟﻴﺔ ﺍﻟﺪﻭﻻﺏ .. ﺍﺑﺘﺴﻢ ﻭﻫﻮ ﻳﺘﺨﻴﻞ ﺍﻥ ﺭﺍﺡ ﺗﻜﻮﻥ ﺑﻌﺪ ﺍﺳﺒﻮﻋﻴﻦ ﻫﻨﺎ ﻭﻛﺪﺍﻡ ﻋﻴﻮﻧﺔ ..
ﺗﻨﻬﺪ ﻣﻦ ﻛﻠﺒﺔ .. ﺷﻴﺨﻠﺼﻬﻦ ﻫﺎﻻﺳﺒﻮﻋﻴﻦ ..
ﺍﻧﺘﺒﻪ ﺍﻥ ﺍﻛﺜﺮ ﺍﻟﻤﻼﺑﺲ ﻫﻲ ﻣﺎﻝ ﻧﻮﻡ ﻭﺷﻔﺎﻓﺔ .. ﻭﺍﻟﺒﺎﻗﻲ ﻣﻼﺑﺲ ﻃﻠﻌﺔ ﻳﻌﻨﻲ ﻓﺴﺎﺗﻴﻦ ﻃﻮﻳﻠﺔ ﻭﺟﻴﻨﺰﺍﺕ ..
ﺿﺤﻚ ﻭﻫﻮ ﻳﺘﺨﻴﻞ ﺷﻜﻞ ﻣﻴﺎﻣﻴﻦ ﻣﻦ ﺗﺸﻮﻓﻬﻦ .. ﻣﺎ ﺟﺎﻳﺒﺎﺕ ﻭﻻ ﻣﻼﺑﺲ ﻧﻮﻡ ﻣﺴﺘﻮﺭﺓ ﻳﻌﻨﻲ ﺗﺮﺍﻛﺎﺕ ﺑﻨﺎﺗﻴﺔ ﺍﻭ ﺷﻲ ...
ﺑﺪﻝ ﻣﻼﺑﺴﺔ ﻭﺭﺍﺡ ﻟﻐﺮﻓﺘﻬﺔ ﻣﺜﻞ ﺍﻟﻌﺎﺩﺓ ﺗﻤﺪﺩ ﻋﻠﻰ ﻓﺮﺍﺷﻬﺔ ﻭﻫﻮ ﻳﻔﻜﺮ ﺑﻴﻬﺔ ﻏﻔﺔ ..
££££££££
ﻣﻴﺎﻣﻴﻦ ... ﻛﺎﻋﺪﺓ ﺑﻐﺮﻓﺘﻬﺔ ﻭﺻﺎﻓﻨﺔ ﻣﻦ ﺳﺎﻋﺔ ﻣﺎ ﻛﺎﻟﻠﻬﺔ ﺭﺍﺋﺪ ﻋﻠﻰ ﺍﺑﻮ ﻏﺰﻭﺍﻥ .. ﻣﺜﻠﺖ ﺍﻟﻔﺮﺣﺔ ﻛﺪﺍﻣﺔ ﻭﻣﺎ ﺑﻴﻨﺖ ﺣﺰﻧﻬﺔ ..
ﺻﺎﻓﻨﺔ ﻭﺗﻔﻜﺮ ﺑﺤﻴﺎﺗﻬﺔ .. ﺷﻠﻮﻥ ﺗﺴﺎﻣﺢ ﻫﻴﺞ ﺷﺨﺺ ﺩﻣﺮ ﺣﻴﺎﺗﻬﺔ .. ﺗﺤﺲ ﺍﻥ ﺍﻟﺪﻣﻮﻉ ﺗﺤﺠﺮﺕ ﺑﻌﻴﻮﻧﻬﺔ .. ﻣﺠﺎﻱ ﺗﻜﺪﺭ ﺗﺒﺠﻲ .. ﺗﻌﺒﺖ ﻣﻦ ﺍﻟﺒﺠﻲ ..
ﻓﺰﺕ ﻋﻠﻰ ﺻﻮﺕ ﺗﻠﻴﻔﻮﻧﻬﺔ ..
ﺷﺎﻓﺖ ﺍﻟﺮﻗﻢ ﻋﺼﺒﺖ ﺍﻛﺜﺮ .. ﺻﺎﺭﻟﺔ ﺍﻛﺜﺮ ﻣﻦ ﺷﻬﺮ ﻳﺘﺼﻞ ..
ﺭﺩﺕ ﺑﻜﻞ ﻋﺼﺒﻴﺔ : ﺍﻧﺖ ﻣﺎ ﺗﻔﻬﻢ .. ﻣﻮ ﻛﺘﻠﻚ ﺑﻌﺪ ﻻ ﺗﺘﺼﻞ ..
.
.
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ

#بارت٤٧

ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻭﻣﺎ ﻋﺠﺒﻲ ﻣﻮﺕ ﺍﻟﻤﺤﺒﻴﻦ ﻓﻲ ﺍﻟﻬﻮﻯ ﻭﻟﻜﻦ ﺑﻘﺎﺀ ﺍﻟﻌﺎﺷﻘﻴﻦ ﻋﺠﻴﺐ ...
ﻓﺰﺕ ﻋﻠﻰ ﺻﻮﺕ ﺗﻠﻴﻔﻮﻧﻬﺔ ..
ﺷﺎﻓﺖ ﺍﻟﺮﻗﻢ ﻋﺼﺒﺖ ﺍﻛﺜﺮ .. ﺻﺎﺭﻟﺔ ﺍﻛﺜﺮ ﻣﻦ ﺷﻬﺮ ﻳﺘﺼﻞ ..
ﺭﺩﺕ ﺑﻜﻞ ﻋﺼﺒﻴﺔ : ﺍﻧﺖ ﻣﺎ ﺗﻔﻬﻢ .. ﻣﻮ ﻛﺘﻠﻚ ﺑﻌﺪ ﻻ ﺗﺘﺼﻞ ..
ﺯﻳﺎﺩ ﺑﺘﺮﺟﻲ : ﻣﻴﺎﻣﻴﻦ ﺍﺳﻤﻌﻴﻨﻲ .. ﺍﻟﻠﻪ ﻳﺨﻠﻴﺞ ﻻ ﺗﻮﺍﻓﻘﻴﻦ ﺗﺮﺟﻌﻴﻦ ﻟﻐﺰﻭﺍﻥ .. ﻭﺍﻟﻠﻪ ﻫﻮ ﻣﺎ ﻳﺤﺒﺞ ﺑﻜﺪﻱ ...
ﻣﻴﺎﻣﻴﻦ ﺑﻌﺼﺒﻴﺔ : ﺍﻧﻲ ﺍﺣﺒﺔ ﻭﻫﻮ ﻳﺤﺒﻨﻲ .. ﻭﺍﻧﺖ ﻣﻌﺮﻭﻑ ﺷﻨﻮ ﻧﻮﺍﻳﺎﻙ .. ﻭﻋﻠﻰ ﻓﻜﺮﺓ ﺣﺘﻠﻮ ﺟﺎﻥ ﺍﻛﻮ ﺫﺭﺓ ﺍﺣﺘﺮﺍﻡ ﺍﻟﻚ ﺑﻜﻠﺒﻲ ﻑ ﺑﻌﺪ ﺍﻟﻲ ﺳﻮﻳﺘﺔ ﺍﻧﺖ ﻣﺴﺤﺘﻬﺔ .. ﺻﺮﺕ ﺍﻛﺮﻫﻚ ﻭﺍﺳﺘﺤﻘﺮﻙ .. ﻣﻦ ﺷﻔﺘﻚ ﺑﻬﺎﻟﻤﻨﻀﺮ ﻭﺍﻧﺖ ﺳﻜﺮﺍﻥ ﻭﺗﺠﻴﻨﻲ ﻟﻠﺒﺼﺮﺓ ﻭﺗﺘﺒﻠﻰ ﻋﻠﻴﺔ ﻭﺗﺘﻬﻤﻨﻲ ﺑﻜﻼﻡ ﺑﺎﻃﻞ ﻭﺗﺪﺭﻱ ﺑﻬﺎﻟﻜﻼﻡ ﺭﺍﺡ ﻳﺠﻴﺐ ﺍﺧﺮﺗﻲ ... ﺭﻭﺡ ﻭﺑﻌﺪ ﻻ ﺗﺘﺼﻞ ﻋﻠﻴﺔ .. ﻭﻻ ﺗﻔﻜﺮ ﻣﻤﻜﻦ ﺍﺳﺎﻣﺤﻚ ﺑﻴﻮﻡ ﻣﻦ ﺍﻻﻳﺎﻡ ...
ﺳﺪﺕ ﺍﻟﺘﻠﻴﻔﻮﻥ ﺑﻮﺟﻬﺔ ﻭﺷﻤﺮﺗﺔ ...
ﻳﺮﺑﻲ ﻣﻨﻴﻦ ﺗﻄﻠﻌﻠﻲ ﻛﻞ ﻣﺼﻴﺒﺔ ﺻﻔﺢ ...
ﺩﻙ ﺗﻠﻴﻔﻮﻧﻬﺔ .. ﺭﻓﻌﺘﺔ ﺑﻌﺼﺒﻴﺔ ﻭﺷﺎﻓﺖ ﺍﻟﺮﻗﻢ ..
ﺍﺑﺘﺴﻤﺖ ﻭﻫﺪﺃﺕ ﻣﻦ ﻧﻔﺴﻬﺔ : ﺍﻟﻮﻭ ..
ﺑﺴﻤﺔ ﺑﻌﺼﺒﻴﺔ : ﻛﻮﻟﻲ ﻭﺍﻟﻠﻪ .. ﺍﻧﺘﻲ ﻭﻭﺟﻬﺞ ﻟﻮ ﻣﺎ ﺩﺍﻛﺔ ﻋﻠﻴﺞ ﺍﺻﻼ ﺟﺎﻥ ﻣﺎ ﺩﻛﻴﺘﻲ ﻋﻠﻴﺔ ..
ﻣﻴﺎﻣﻴﻦ : ﺑﺴﻤﺔ ﻋﻠﻰ ﻛﻴﻔﺞ .. ﺷﺒﻴﺞ ﻣﻌﺼﺒﺔ ..
ﺑﺴﻤﺔ : ﺷﻨﻮ ﺷﺒﻴﺞ ﻣﻌﺼﺒﺔ .. ﻟﻴﺶ ﻣﻜﻠﺘﻴﻠﻲ ﺍﻥ ﺭﺍﺡ ﺗﺮﺟﻌﻴﻦ .. ﻟﻮ ﻫﻢ ﻛﺎﻳﻤﺔ ﺗﻀﻤﻴﻦ ﻋﻠﻴﺔ ..
ﻣﻴﺎﻣﻴﻦ ﺑﺘﻤﺜﻴﻞ : ﺑﺴﻮﻭﻡ .. ﻳﻌﻨﻲ ﺍﻛﻴﺪ ﻣﺎ ﺭﺍﺡ ﺍﻛﻠﺞ ﺭﺍﺡ ﺍﺭﺟﻊ .. ﺗﺪﺭﻳﻦ ﺑﻴﺔ ﺍﺳﺘﺤﻲ ﺍﺣﺠﻲ ﺑﻬﻴﺞ ﺍﻣﻮﺭ ..
ﺑﺴﻤﺔ ﻭﻫﻲ ﺗﻘﻠﺪ ﻃﺮﻳﻘﺔ ﻛﻼﻣﻬﺔ : ﺍﺳﺘﺤﻲ ﺍﺣﺠﻲ ﺑﻬﻴﺞ ﺍﻣﻮﺭ .. ﻭﺍﻟﻠﻪ ﻣﺎﻝ ﺟﻼﻟﻴﻖ ﻫﺴﺔ ..
ﻣﻴﺎﻣﻴﻦ : ﺍﻋﺼﺎﺑﺞ .. ﻣﺒﻘﺔ ﺷﻲ ﻭﺍﺟﻴﺞ ﻭﺷﺒﻌﻴﻨﻲ ﺟﻼﻟﻴﻖ ..
ﺑﺴﻤﺔ : ﻻ ﻋﻴﻨﻲ ﻣﻨﻮ ﻳﻜﺪﺭ ﻳﻠﻤﺴﺞ ﻭﺍﻻﺥ ﻏﺰﻭﺍﻥ ﻣﻮﺟﻮﺩ ..
ﻣﻴﺎﻣﻴﻦ ﻋﺼﺒﺖ ﺑﺲ ﺍﺧﻔﺖ ﻫﺎﻟﺸﻲ : ﻻ ﻋﻴﻨﻲ ﺷﻌﻠﻴﻨﺔ ﺑﻲ .. ﺍﻧﺘﻲ ﺍﻭﻟﻰ ﺑﻬﺎﻟﺸﻲ ..
ﺑﺴﻤﺔ ﺑﻔﺨﺮ : ﻃﺒﻌﺎ ﺣﺒﻴﺒﺘﻲ .. ﺟﺎﻱ ﻣﻦ ﺍﻟﺒﺮﻳﺔ ﻭﻳﺮﻳﺪ ﻳﺎﺧﺬ ﺍﻻﻭﻟﻴﺔ ..
ﻣﻴﺎﻣﻴﻦ ﺿﺤﻜﺖ ﻋﻠﻰ ﻛﻼﻣﻬﺔ ..
£££££££
ﻣﺮﻥ ﻫﺬﻥ ﺍﻻﺳﺒﻮﻋﻴﻦ ﻋﻠﻰ ﺍﺑﻄﺎﻟﻨﺔ ﺑﻄﻴﺌﺔ ﻋﻠﻰ ﻏﺰﻭﺍﻥ ﻭﺳﺮﻳﻌﺔ ﻋﻠﻰ ﻣﻴﺎﻣﻴﻦ ...
ﻏﺰﻭﺍﻥ ﺟﻬﺰ ﺍﻟﺒﻴﺖ ﻣﻦ ﺍﺣﺴﻦ ﻣﺎ ﻳﻜﻮﻥ ﻭﻓﺮﺣﺘﺔ ﺟﺎﻧﺖ ﻣﻮ ﺳﺎﻳﻌﺘﺔ ﻭﻳﺤﺴﺐ ﺍﻻﻳﺎﻡ ﺳﺎﻋﺔ ﺳﺎﻋﺔ ﻟﺤﺘﻰ ﺗﺠﻲ ﺻﺎﺣﺒﺔ ﺑﻴﺘﺔ ﻭﻛﻠﺒﺔ .. ﺣﺎﻭﻝ ﺷﻜﺪ ﻣﺎ ﻳﻜﺪﺭ ﺍﻥ ﻳﻐﻴﺮ ﻣﻦ ﺍﺛﺎﺙ ﺍﻟﺒﻴﺖ ﺑﺲ ﺣﺘﻰ ﻣﻦ ﺗﺮﺟﻊ ﻣﺎ ﻳﻜﻮﻥ ﺍﻛﻮ ﺷﻲ ﻳﺬﻛﺮﻫﺔ ﺑﺎﻟﻤﺎﺿﻲ ...
ﻭﻃﺒﻌﺎ ﺧﺎﺗﻮﻥ ﻭﻣﻬﺎ ﻭﺑﺴﻤﺔ ﺍﺧﺬﻭ ﺩﻭﺭ ﺗﺮﺗﻴﺐ ﺍﻟﺸﻐﻼﺕ ﺍﻟﺒﻨﺎﺗﻴﺔ ﻭﺍﻟﻨﺴﺎﺋﻴﺔ ﻣﺜﻞ ﺍﻟﻤﻼﺑﺲ ﻭﺍﻟﻤﻜﻴﺎﺟﺎﺕ ﻭﺍﻟﻌﻄﻮﺭ .. ﻭﺧﻠﻮ ﻫﺎﻟﺸﻲ ﻣﻔﺎﺟﺄﺓ ﻟﻤﻴﺎﻣﻴﻦ ﻣﻦ ﺗﺠﻲ ﺗﺸﻮﻑ ﻣﺸﺘﺮﻳﺎﺗﻬﻢ ...
ﻣﻴﺎﻣﻴﻦ ﻃﺒﻌﺎ ﺟﺎﻧﺖ ﻣﻮ ﻣﻬﺘﻤﺔ ﻭﻛﻞ ﻳﻮﻡ ﻳﺠﻲ ﻳﺰﺩﺍﺯ ﺧﻮﻓﻬﺔ ﻣﻦ ﺍﻟﻲ ﺟﺎﻱ ﻭﺷﻠﻮﻥ ﺭﺍﺡ ﺗﻜﺪﺭ ﺗﺘﻘﺒﻠﺔ ...
ﺗﺤﺎﻭﻝ ﺗﺒﻴﻦ ﻟﻠﻜﻞ ﺍﻥ ﻫﻲ ﻓﺮﺣﺎﻧﺔ ﺑﻬﺎﻟﺸﻲ ﺑﺲ ﺣﺘﻰ ﻻ ﺭﺍﺋﺪ ﻳﻜﺘﺸﻒ ﺍﻟﻲ ﻫﻲ ﺳﻮﺗﺔ ...
ﻃﺒﻌﺎ ﻭﺭﻭﺩ ﻃﻠﻌﺖ ﺗﺴﻮﻛﺖ ﻟﻤﻴﺎﻣﻴﻦ ﺑﺤﺠﺔ ﺍﻥ ﻣﻴﺎﻣﻴﻦ ﻣﺘﺤﺐ ﺗﻄﻠﻊ ﻟﻠﺴﻮﻙ ..
ﺍﺷﺘﺮﺗﻠﻬﺔ ﻓﺴﺘﺎﻥ ﺍﺑﻴﺾ ﻃﻮﻳﻞ ﺑﺪﻭﻥ ﺍﻛﻤﺎﻡ ﺣﺘﻰ ﺗﺮﻭﺡ ﺑﻲ ﻣﻨﺎ ﻻﻥ ﺭﻓﻀﺖ ﺍﻥ ﺗﻠﺒﺲ ﺑﺪﻟﺔ ﻉ ﺍﺳﺎﺱ ﺍﻥ ﻫﻲ ﻣﺘﺰﻭﺟﺔ ﻭﻣﻴﺤﺘﺎﺝ ﻟﻌﺮﺱ ..
ﻭﻃﺒﻌﺎ ﻭﺟﻮﺩ ﺑﻌﺾ ﺍﻟﻤﺸﺘﺮﻳﺎﺕ ﺍﻟﻲ ﺟﺎﺑﺘﻬﻦ ﺍﻟﻬﺔ ﻭﺭﻭﺩ ﻭﻫﻲ ﺣﺘﻰ ﻣﺎ ﻛﻠﻔﺖ ﻧﻔﺴﻬﺔ ﺗﻔﺘﺤﻬﻦ ..
ﺭﺍﺋﺪ ﺟﺎﻥ ﻃﻮﻝ ﺍﻟﻔﺘﺮﺓ ﻣﺘﻀﺎﻳﻖ ﻻﻥ ﺭﺍﺡ ﻳﺒﻌﺪ ﺍﺧﺘﺔ ﻟﻠﻤﺮﺓ ﺍﻟﺜﺎﻧﻴﺔ ﻋﻨﻬﻢ .. ﻳﺤﺲ ﺍﻥ ﻫﻲ ﺟﺎﻱ ﺗﺠﺬﺏ ﻋﻠﻲ ﻻﻥ ﻋﻴﻮﻧﻬﺔ ﻳﻜﻮﻟﻦ ﻏﻴﺮ ﻛﻼﻣﻬﺔ .. ﺑﺲ ﻣﺎ ﻳﻜﺪﺭ ﻳﺮﻓﺾ ﻫﺎﻟﺸﻲ ﻻﻥ ﻣﺎ ﻳﺮﻳﺪ ﻳﺠﺒﺮﻫﺔ ﺍﻥ ﺗﺒﻘﻰ
£££££££
ﻳﻮﻡ 2016/3/15 ...
ﻛﻌﺪ ﻣﻦ ﺍﻟﻨﻮﻡ ﻣﻮ ﻛﻠﺔ ﻧﺸﺎﻁ ﻭﺍﻟﻔﺮﺣﺔ ﻣﻮ ﺳﺎﻳﻌﺘﺔ .. ﺍﻟﻴﻮﻡ ﺭﺍﺡ ﻳﺸﻮﻑ ﺣﺒﻴﺒﺔ ﻛﻠﺒﺔ ﻭﺭﻭﺣﺔ ﺍﻟﻲ ﺍﺷﺘﺎﻗﻠﻬﺔ ﺍﻛﺜﺮ ﻣﻦ ﺍﻱ ﺷﻲ ﻭﺍﻧﺤﺮﻡ ﻣﻦ ﺷﻮﻓﺘﻬﺔ ﻟﻤﺪﺓ ٤ ﺷﻬﻮﺭ ﺑﻌﺪ ﻣﺎﻛﺎﻥ ﻣﺎ ﻳﻜﺪﺭ ﻳﺒﺘﻌﺪ ﻋﻨﻬﺔ ﻟﻤﺪﺓ ﺳﺎﻋﺎﺕ ﻗﻠﻴﻠﺔ ..
ﺩﺧﻞ ﻟﻠﺤﻤﺎﻡ ﻭﺍﺧﺬ ﺷﺎﻭﺭ ﻭﻃﻠﻊ ..
ﺑﺪﻝ ﻣﻼﺑﺴﺔ ﻭﻟﺒﺲ ﺍﻟﻘﺎﻁ ﺍﻻﺳﻮﺩ ﻣﺎﻟﺘﺔ ﻭﻫﻮ ﻳﺪﻧﺪﻥ ﺑﺄﻏﺎﻧﻲ ﻣﺨﺘﻠﻔﺔ ...
ﺷﻜﺜﺮ ﻣﺸﺘﺎﻕ ﻟﻮ ﺗﺪﺭﻱ .. ﺷﻜﺜﺮ ﻣﺸﺘﺎﻕ ﻳﺎﻋﻤﺮﻱ .. ﺍﺑﻮﺱ ﻋﻴﻮﻧﻚ ﺍﻟﺤﻠﻮﺍﺕ ﻭﺍﺿﻢ ﺻﺪﺭﻙ ﻋﻠﻰ ﺻﺪﺭﻱ ..
ﺍﻧﺘﻀﺮﺕ ﻫﻮﺍﻱ .. ﺍﺷﻮﻓﻚ ﺟﺎﻱ ...
ﻗﺎﻃﻌﺔ ﺻﻮﺕ ﺗﻠﻴﻔﻮﻧﺔ ﻭﻫﻮ ﻳﺪﻙ ...
ﺭﻓﻌﺔ ﻭﺷﺎﻑ ﺍﻟﻤﺘﺼﻞ .. ﺭﺩ ﺑﺤﺪﺓ : ﺧﻴﻴﺮ ﻳﺎﻟﻤﺰﻋﺞ ﻣﺘﺼﻞ ﺑﻬﺎﻟﻮﻗﺖ ﻏﻴﺮ ﺍﺭﻳﺪ ﺍﺑﺪﻝ ..
ﺣﻤﺰﺓ : ﺩﻓﺘﺢ ﺍﻟﺒﺎﺏ ﺍﺣﻨﺔ ﺟﻮﺓ .. ﺍﻟﻤﻔﺮﻭﺽ ﺍﺣﻨﺔ ﻧﺴﺎﻋﺪﻙ ﺑﺎﻟﺘﺒﺪﻳﻞ ..
ﻏﺰﻭﺍﻥ : ﻭﻟﻴﺶ ﻳﻌﻨﻲ ﺍﻭﻝ ﻣﺮﺓ ﺍﺑﺪﻝ ﻣﺜﻼ ﻭﺗﺮﺩﻭﻥ ﺗﺴﺎﻋﺪﻭﻧﻲ ..
ﺣﻤﺰﺓ : ﻳﺎﻟﻐﺒﻲ ﻳﻌﻨﻲ ﻻﺯﻡ ﺷﻮﻳﺔ ﻋﺎﺩﺍﺕ ﺷﺒﺎﺑﻴﺔ ﻭﻫﻲ ﺍﺧﻮﺍﻥ ﻭﺍﺻﺪﻗﺎﺀ ﺍﻟﻌﺮﻳﺲ ﻳﺴﺎﻋﺪﻭﻧﺔ ﺍﻥ ﻳﺠﻬﺰ ﻧﻔﺴﺔ ..
ﻏﺰﻭﺍﻥ : ﻫﺎﺍﺍ .. ﺍﻱ ﻳﻠﺔ ﺟﺎﻳﻜﻢ ..
ﻗﻔﻞ ﺍﻟﺘﻠﻴﻔﻮﻥ ﻭﻧﺰﻝ ﻓﺘﺢ ﺍﻟﺒﺎﺏ ﺍﻟﻬﻢ .. ﺣﻤﺰﺓ ﻭﻣﺆﻳﺪ ﻭﺣﺴﻨﻴﻦ ...
ﺣﺴﻨﻴﻦ ﺑﻌﺼﺒﻴﺔ : ﻳﺎﺧﻲ ﺟﻤﺪﻧﺔ ﻣﻦ ﺍﻟﺒﺮﺩ ﻭﺍﺣﻨﺔ ﻧﻨﺘﻀﺮ ﺑﺮﺓ .. ﺳﺎﻋﺔ ﻭﺍﻧﺖ ﺗﺴﺘﺠﻮﺏ ﺑﺤﻤﺰﺓ ...
ﻏﺰﻭﺍﻥ : ﻋﻤﻲ ﺍﺳﻒ .. ﺗﻔﻀﻠﻮ ﺗﻔﻀﻠﻮ ..
ﺩﺧﻠﻮ ﻭﻫﻤﺔ ﻳﺒﺎﻭﻋﻮﻥ ﻟﻠﺒﺲ ﻣﺎﻟﺘﺔ ..
ﻣﺆﻳﺪ : ﺧﺴﺎﺭﺓ .. ﺷﻮﻓﺔ ﺷﻠﻮﻥ ﻃﻠﻊ ﻣﺒﺪﻝ ﻣﻦ ﻏﺒﺸﺔ ﺍﻟﻠﻪ .. ﻣﺴﺘﻌﺠﻞ ﺍﻻﺥ ..
ﺣﻤﺰﺓ : ﻳﻠﺔ ﻫﺴﺔ ﻧﺴﻮﻱ ﺍﻟﻠﻤﺴﺎﺕ ﺍﻻﺧﻴﺮﺓ ..
ﺳﺤﺒﻮﻩ ﻭﺻﻌﺪﻭ ﻟﻐﺮﻓﺘﺔ ..
ﺣﺴﻨﻴﻦ ﻳﺤﻄﻠﺔ ﺍﻟﻄﺒﺎﻗﺎﺕ ﻣﺎﻝ ﺍﻟﻘﻤﻴﺺ .. ﺣﻤﺰﺓ ﻳﻤﺸﻂ ﺑﺸﻌﺮﺓ ﻭﻳﺮﺗﺒﺔ ..
ﻣﺆﻳﺪ ﺳﺤﺐ ﺍﻟﻌﻄﺮ ﻭﻫﻮ ﻳﺮﺷﺔ ﺑﻬﺪﻭﺀ ﻋﻠﻰ ﻣﻼﺑﺲ ﻏﺰﻭﺍﻥ ...
ﻏﺰﻭﺍﻥ ﺍﻟﻲ ﺟﺎﻥ ﻣﻨﻄﺮﺏ ﻭﻛﻠﺴﺎﻉ ﻳﻐﻨﻲ ﺍﻏﻨﻴﺔ ﺷﻜﻞ ..
: ﻫﺬﺍ ﺍﻟﻠﻮﻥ ﻋﻠﻴﺔ ﻳﺠﻨﻦ ﻳﺸﺒﻪ ﻟﻮﻥ ﻋﻴﻮﻧﻲ .. ﻧﻀﺮﺍﺕ ﺍﻟﻌﺎﻟﻢ ﻣﺘﻄﻤﻦ ﺧﻞ ﺍﺣﺬﺭ ﻟﻴﺤﺴﺪﻭﻧﻲ ..
ﺣﺴﻨﻴﻦ : ﺧﻒ ﻋﻠﻴﻨﺔ .. ﺷﺠﺎﺏ ﻋﻴﻮﻧﻚ ﺍﻟﺰﺭﻙ ﻟﻠﻮﻥ ﻣﺎﻝ ﺍﻟﻘﻤﻴﺺ ..
ﻏﺰﻭﺍﻥ : ﻳﺎﺧﻲ ﺧﻠﻴﻨﻲ ﻣﻨﻄﺮﺏ ﺷﻌﻠﻴﻚ ﺍﻧﺘﺔ ...
ﺍﻟﻜﻞ ﺍﻧﺘﺒﻬﻮ ﻋﻠﻰ ﻫﺪﻭﺀ ﻣﺆﻳﺪ ...
ﻣﺆﻳﺪ ﺩﻧﻚ ﺭﺍﺳﺔ ﻭﻛﻌﺪ ﻋﻠﻰ ﺭﻛﺒﺔ ﻛﺪﺍﻡ ﻏﺰﻭﺍﻥ .. ﻭﻃﻠﻊ ﻣﻦ ﺟﻴﺒﺔ ﺍﻟﺠﻔﻴﺔ ﻣﺎﻟﺘﺔ ﻭﻧﺰﻟﻬﺔ ﻋﻠﻰ ﺣﺬﺍﺀ ﻏﺰﻭﺍﻥ ﻭﻳﻤﺴﺢ ﺑﻲ ﻭﺍﻳﺪﻱ ﺗﺮﺟﻒ ..
ﻏﺰﻭﺍﻥ ﺑﺴﺮﻋﺔ ﻣﺮﺕ ﻫﺎﻟﺬﻛﺮﻯ ﺍﺑﺎﻟﺔ ﻭﻧﺰﻟﺖ ﺩﻣﻌﺔ ﻣﻦ ﻋﻴﻨﺔ .. ﺩﻧﻚ ﺑﺴﺮﻋﺔ ﻭﺳﺤﺐ ﺍﺧﻮﻩ ﻭﺣﻀﻨﺔ ..
ﺣﻤﺰﺓ ﻧﺰﻟﺖ ﺩﻣﻌﺘﺔ ﻭﻣﺴﺤﻬﺔ ﺑﺴﺮﻋﺔ ﻭﻫﻮ ﻳﻌﺮﻑ ﺷﻨﻮ ﺍﻟﻲ ﺗﺬﻛﺮﻭﻩ ..
ﻏﺰﻭﺍﻥ ﻣﺮﺕ ﺑﺴﺮﻋﺔ ﻫﺎﻟﺬﻛﺮﻯ ﺍﺑﺎﻟﺔ .. ﻗﺒﻞ ﺳﻨﺘﻴﻦ ﺗﻘﺮﻳﺒﺎً ...
ﺩﺧﻠﻮ ﻣﺆﻳﺪ ﻭﻓﺎﺭﺱ ﺑﺴﺮﻋﺔ ﻟﻐﺰﻭﺍﻥ ﺍﻟﻲ ﺟﺎﻥ ﻫﺴﺘﻮﺓ ﻣﺸﺘﺮﻱ ﺳﻴﺎﺭﺓ ﺟﺪﻳﺪﺓ ﻭﺍﺧﺮ ﻣﻮﺩﻳﻞ .. ﻛﺎﻋﺪ ﻫﻮ ﻭﺣﻤﺰﺓ ﺑﺎﻟﺤﺪﻳﻘﺔ ..
ﻏﺰﻭﺍﻥ ﺟﺎﻧﺖ ﺳﻴﺎﺭﺗﺔ ﺑﻌﺪﻫﺔ ﻋﺰﻳﺰﺓ ..
ﻣﺆﻳﺪ : ﻏﺰﻭﺍﻥ ﻃﻠﺒﺘﻚ ﺧﻞ ﺍﺟﺮﺏ ﺍﺳﻮﻗﻬﺔ ..
ﻓﺎﺭﺱ : ﻣﻌﻠﻴﻚ ﺑﻲ .. ﺍﻧﻲ ﺍﻃﻴﻨﻲ ﺧﻞ ﺍﺟﺮﺑﻬﺔ ﺑﺮﻭﺡ ﺍﻟﻌﺰﺍﺯ ..
ﻏﺰﻭﺍﻥ ﻭﻫﻮ ﻳﺒﺎﻭﻋﻠﻬﻢ ﺑﻐﺮﻭﺭ : ﻭﺍﺫﺍ ﺍﻧﺨﺪﺷﺖ ﻟﻮ ﺗﻮﺻﺨﺖ ..
ﻓﺎﺭﺱ : ﺍﻧﻲ ﺑﻌﻴﻨﻲ ﺍﻧﻀﻔﻬﺔ ﺍﻟﻚ ..
ﻣﺆﻳﺪ : ﻏﺰﻭﺍﻥ ﺍﻧﻲ ﺍﻟﺠﺒﻴﺮ .. ﺍﻃﻴﻨﻲ ﺍﻧﻲ ﺍﺟﺮﺑﻬﺔ ..
ﻏﺰﻭﺍﻥ ﺭﺟﻊ ﺿﻬﺮﺓ ﻋﺎﻟﻘﻨﻔﺔ ﺑﺒﺮﻭﺩ : ﻋﻨﺪﻱ ﺷﺮﻃﻴﻦ ﺍﻟﻜﻢ ﺛﻨﻴﻨﻜﻢ ..
ﻓﺎﺭﺱ ﻭﻣﺆﻳﺪ ﺳﻮﺓ : ﺷﻨﻮ ﻫﻨﺔ ..
ﻏﺰﻭﺍﻥ ﺍﻟﺘﻔﺖ ﻟﻔﺎﺭﺱ : ﺑﻌﺮﺳﻲ .. ﻳﻜﻮﻝ ﺗﺰﻳﻴﻦ ﻭﻏﺴﻞ ﺍﻟﺴﻴﺎﺭﺓ ﻋﻠﻰ ﺣﺴﺎﺑﻚ ... ﻣﻮﺍﻓﻖ ﻟﻮ ﻻ ..
ﻓﺎﺭﺱ ﺑﺴﺮﻋﺔ : ﻣﻮﺍﻓﻖ ...
ﻏﺰﻭﺍﻥ ﺍﻟﺘﻔﺖ ﻋﻠﻰ ﻣﺆﻳﺪ ﻭﻛﺎﻝ : ﻭﺑﻌﺮﺳﻲ ﻫﻢ .. ﺭﺍﺡ ﺗﻨﺰﻝ ﻋﻠﻰ ﺭﻛﺒﻚ ﻭﺗﻄﻠﻊ ﺟﻔﻴﺘﻚ ﺍﻟﻲ ﻣﻌﻄﺮﻫﺔ ﻭﺗﻨﺰﻝ ﺗﻨﻀﻒ ﺣﺬﺍﺋﻲ ﻣﺎﻝ ﺍﻟﻌﺮﺱ ..
ﻣﺆﻳﺪ ﻭﻫﻮ ﻳﺤﻚ ﺭﺍﺳﺔ : ﺗﻤﺎﻡ ﻣﻮﺍﻓﻖ ..
ﻃﻠﻊ ﺍﻟﺴﻮﻳﺞ ﻭﺷﻤﺮﺓ ﻋﻠﻴﻬﻢ ﻭﻫﻤﺔ ﻃﻠﻌﻮ ﻳﺮﻛﻀﻮﻥ .. ﻏﺰﻭﺍﻥ ﻭﺣﻤﺰﺓ ﻳﻀﺤﻜﻮﻥ ﻋﻠﻴﻬﻢ .. ﻏﺰﻭﺍﻥ ﺟﺎﻥ ﻣﻘﺮﺭ ﺍﺻﻼ ﻳﻨﻄﻴﻬﻢ ﺍﻟﺴﻴﺎﺭﺓ ﺑﺲ ﺣﺐ ﻳﻠﻌﺐ ﻋﻠﻴﻬﻢ ﺷﻮﻳﺔ ..
ﺭﺟﻊ ﻟﻠﻮﺍﻗﻊ ﻭﻫﻮ ﻳﻮﺧﺮ ﺍﺧﻮﻩ ﻭﻳﻤﺴﺢ ﺑﺪﻣﻮﻋﺔ ..
ﻏﺰﻭﺍﻥ : ﺻﻴﺮ ﻗﻮﻱ ﻣﺆﻳﺪ .. ﻫﻮ ﺑﺎﻟﺠﻨﺔ ﺍﻧﺸﺎﻟﻠﻪ ..
ﻣﺆﻳﺪ ﻫﺰ ﺭﺍﺳﺔ ﻭﻣﺴﺢ ﺩﻣﻮﻋﺔ ..
ﺣﺴﻨﻴﻦ ﺗﺄﺛﺮ ﻭﻳﺮﻳﺪ ﻳﻐﻴﺮ ﺟﻮ : ﻳﻠﺔ ﻋﺎﺩ ﻛﻠﺒﺘﻮﻫﺔ ﻣﻨﺎﺣﺔ .. ﺗﺮﺓ ﻋﻤﻲ ﻳﻨﺘﻀﺮﻙ ﻻﻥ ﻫﻢ ﻳﻠﺔ ﻧﻠﺤﻚ ﻧﺮﻭﺡ ﻟﻠﻜﻮﺕ .. ﺗﺮﺓ ﺍﻟﻄﺮﻳﻖ ﺷﻄﻮﻟﺔ ..
ﻏﺰﻭﺍﻥ : ﺍﻱ ﺻﺢ .. ﻳﻠﺔ ﺗﻌﺎﻟﻮ ﺧﻞ ﻧﻤﺸﻲ ..
ﻧﺰﻟﻮ ﻛﻠﻬﻢ .. ﻭﻏﺰﻭﺍﻥ ﻭﻣﺆﻳﺪ ﺩﺧﻠﻮ ﻟﻠﺒﻴﺖ .. ﻭﺣﺴﻨﻴﻦ ﻭﺣﻤﺰﺓ ﻭﺍﻟﺒﺎﻗﻴﻦ ﻳﻨﺘﻀﺮﻭﻧﻬﻢ ﺑﺎﻻﺳﺘﻘﺒﺎﻝ .ﺩﺧﻞ ﻭﺷﺎﻑ ﺍﻣﺔ ﻭﺣﺒﻮﺑﺘﺔ ﻭﺧﻮﺍﺗﺔ ..
ﺩﺧﻞ ﻭﺍﺳﺘﻘﺒﻠﻮﻩ ﺑﺎﻟﻬﻼﻫﻞ ..
ﺍﻡ ﻏﺰﻭﺍﻥ ﻧﺰﻟﺖ ﺩﻣﻮﻋﻬﺔ ﻭﺗﺴﻠﻢ ﻋﻠﻲ ﻭﻫﻲ ﺗﻨﺸﺮ ﻋﻠﻲ ﻭﺗﻘﺮﺓ ﺍﻳﺎﺕ ﻣﻦ ﺍﻟﺤﺴﺪ ...
ﺍﻟﺤﺠﻴﺔ ﺣﺒﺘﺔ ﺑﺨﺪﺓ ﻭﻫﻲ ﺗﻘﺮﺓ ﻋﻠﻲ ﺍﻳﺎﺕ ﻗﺮﺀﺍﻧﻴﺔ ..
ﺳﺤﺒﺘﺔ ﻣﻦ ﺍﺫﻧﺔ ﻭﻛﺎﻟﺖ : ﺷﻮﻑ ﻭﻟﻚ ﻏﺰﻳﻮﺍﻥ .. ﺍﺫﺍ ﺍﺫﻳﺖ ﺑﺘﻲ ﻟﻮ ﺳﻤﻌﺖ ﺑﻴﻬﺔ ﺷﺎﻛﻴﺔ ﻣﻨﻚ .. ﻫﺎﻟﻤﺮﺓ ﺍﻧﻲ ﺍﻭﺩﻳﻬﺔ ﻻﻫﻠﻬﺔ ﺣﺘﻰ ﺗﺮﺗﺎﺡ ﻣﻨﻚ ..
ﻏﺰﻭﺍﻥ ﺑﺄﻟﻢ ﻭﻫﻮ ﻳﻠﺰﻡ ﺍﺫﺍﻧﺔ : ﺍﻳﻲ .. ﺣﺒﻮﺑﺔ ﻭﺍﻟﻠﻪ ﺍﺣﻄﻬﺔ ﺑﻌﻴﻮﻧﻲ .. ﺍﻧﺘﻲ ﺑﺲ ﻓﻜﻴﻨﻲ ..
ﺍﻟﺤﺠﻴﺔ ﻓﻜﺘﺔ ﻭﻫﻮ ﻳﻔﺮﻙ ﺑﺄﺫﻧﺔ ..
ﺍﺟﻦ ﺧﻮﺍﺗﺔ ﺳﻠﻤﻦ ﻋﻠﻲ ..
ﻏﺰﻭﺍﻥ ﻭﻫﻮ ﻳﺄﺷﺮ ﻋﻠﻴﻬﻦ ﺑﻌﺼﺒﻴﺔ : ﺍﻧﺘﻦ ﺷﻤﺴﻮﻳﺎﺕ ﺑﺨﻠﻘﺘﺠﻦ ..
ﻣﻬﺎ ﻭﺧﺎﺗﻮﻥ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ ..
ﺧﺎﺗﻮﻥ : ﺗﺮﺓ ﻋﺮﺱ ﺷﺒﻴﻚ ..
ﻏﺰﻭﺍﻥ : ﻭﺍﺣﺪ ﻛﺎﻟﻠﺠﻦ ﺍﻧﺘﻦ ﺍﻟﻌﺮﺍﻳﺲ .. ﻳﻠﺔ ﺑﺴﺮﻋﺔ ﺗﻤﺴﺤﻦ ﻫﺬﺍ ﺍﻟﺒﻮﺟﻬﺠﻦ ... ﺗﺮﺩﻧﻲ ﺍﻃﻠﻌﺠﻦ ﻭﺍﻧﺘﻦ ﻫﻴﺞ ﻣﺼﺒﻐﺎﺕ ﻛﺪﺍﻡ ﺍﻟﻌﺎﻟﻢ ..
ﺍﻟﺤﺠﻴﺔ : ﺧﺎﻳﺐ ﻋﻮﻓﻬﻦ ﻫﻲ ﻓﺮﺣﺔ ﻣﻦ ﺍﻟﻌﻤﺮ ..
ﻏﺰﻭﺍﻥ : ﻣﺎﺍﻛﻮ .. ﺍﺫﺍ ﻳﺮﺩﻥ ﻳﺮﺣﻦ ﻭﻳﺎﻱ ﺑﻬﺬﺍ ﻣﻜﻴﺎﺟﻬﻦ ﻻﺯﻡ ﻳﻠﺒﺴﻦ ﺑﻮﺍﺷﻲ ..
ﻣﻬﺎ : ﺍﻛﻴﻴﻴﺪ ﻧﻠﺒﺲ ﺑﻮﺍﺷﻲ ﻣﺎﺩﺍﻡ ﻣﺘﻤﻜﻴﺠﻴﻦ ..
ﻏﺰﻭﺍﻥ : ﺍﻳﻴﻪ .. ﻳﻠﺔ ﺭﻭﺣﻲ ﺍﻧﺘﻲ ﺟﻴﺒﻴﻠﻲ ﺷﻲ ﺧﻞ ﺍﺗﺮﻳﻚ ﻗﺒﻞ ﻻ ﻧﻄﻠﻊ ..
ﻣﻬﺎ ﺭﺍﺣﺖ ﺑﺴﺮﻋﺔ ﺗﺠﻴﺒﻠﺔ ﺭﻳﻮﻙ ..
ﺳﻤﻊ ﺻﻮﺕ ﺍﺑﻮﻩ ﻳﻄﻠﻊ ﻣﻦ ﻏﺮﻓﺘﺔ ﻭﻫﻮ ﻣﺒﺪﻝ ﻭﻻﺑﺲ ﺍﻟﻌﻜﺎﻝ ﻭﺍﻟﻌﺒﺎﻳﺔ ﺍﻟﺮﺟﺎﻟﻴﺔ ..
ﺍﺑﻮ ﻏﺰﻭﺍﻥ ﻭﻫﻮ ﻳﻠﻘﻲ ﻧﻀﺮﺓ ﻋﻠﻰ ﻣﻼﺑﺲ ﻏﺰﻭﺍﻥ ..
ﺍﺑﻮ ﻏﺰﻭﺍﻥ : ﺟﺎ ﺍﻧﺖ ﺩﻭﻣﻚ ﻣﻔﺸﻠﻨﻲ ﻭﺟﻨﻚ ﺭﺍﻳﺢ ﻟﻔﺎﺗﺤﺔ .. ﺍﺩﻭﺭ ﻣﻮ ﻧﻴﻠﻲ .. ﻻﺑﺲ ﺍﺳﻮﺩ ﻭﻟﻚ ..
ﻏﺰﻭﺍﻥ ﻓﻬﻢ ﻛﻼﻡ ﺍﺑﻮﻩ ﻭﻛﺎﻝ ﺑﺴﺮﻋﺔ : ﻻ ﺑﻮﻳﺔ ﻫﺎﻱ ﺗﺨﺘﻠﻒ .. ﻳﻌﻨﻲ ﺍﻻﺳﻮﺩ ﻟﻠﻜﺸﺨﺔ ﻣﺎﻝ ﻋﺮﺳﺎﻥ ..
ﺍﺑﻮ ﻏﺰﻭﺍﻥ ﺑﻨﺺ ﻋﻴﻦ : ﻭﺍﻟﻨﻴﻠﻲ ..
ﻏﺰﻭﺍﻥ ﺧﺎﻑ ﻳﺨﺮﺑﻬﺔ ﻋﻠﻰ ﺭﻭﺣﺔ : ﻫﻴﺞ ﺑﻮﻳﺔ ﻣﺎﺑﻲ ﺷﻲ ..
ﺍﺑﻮ ﻏﺰﻭﺍﻥ ﺿﺤﻚ ﻋﻠﻰ ﺍﺑﻨﺔ ..
ﻃﻠﻌﻮ ﻏﺰﻭﺍﻥ ﻭﻣﺆﻳﺪ ﻭﺍﺑﻮ ﻏﺰﻭﺍﻥ ﻳﺘﺮﻳﻜﻮﻥ ﻫﻤﺔ ﻭﺍﻟﺒﺮﺓ ﺑﺎﻻﺳﺘﻘﺒﺎﻝ ..
ﻭﺑﻌﺪﻳﻦ ﺩﺧﻠﻮ ﻟﻠﺒﻴﺖ ﻭﻏﺰﻭﺍﻥ ﻣﺴﺘﻌﺠﻞ ﻣﺎ ﻣﺼﺪﻙ ﺷﻮﻛﺖ ﻳﺮﻭﺡ ..
ﺍﻡ ﻏﺰﻭﺍﻥ ﺍﺧﺬﺕ ﺍﻟﺬﻫﺐ ﻭﻳﺎﻫﺔ ﻭﺍﻟﺒﻨﺎﺕ ﻛﻞ ﻭﺣﺪﺓ ﺑﺪﻟﺖ ﻭﺣﻀﺮﺕ ﻧﻔﺴﻬﺔ ﻭﻟﺒﺴﻦ ﻋﺒﺎﻳﺎﺗﻬﻦ ..
ﺗﻮﺯﻋﻦ ﻋﺎﻟﺴﻴﺎﺭﺍﺕ ..
ﺳﻴﺎﺭﺓ ﺍﺑﻮ ﻏﺰﻭﺍﻥ ﺟﺎﻥ ﻳﺴﻮﻕ ﺣﻤﺰﺓ ﻭﺍﻟﻲ ﻛﺎﻋﺪ ﺑﺼﻔﺔ ﺍﺑﻮ ﻏﺰﻭﺍﻥ .. ﻭﻟﻮﺭﻯ ﺍﻡ ﻏﺰﻭﺍﻥ ﻭﻣﺮﻭﺓ .. ﻃﺒﻌﺎ ﺍﻟﺤﺠﻴﺔ ﻣﺎﺭﺍﺣﺖ ﻭﻳﺎﻫﻢ ﻻﻥ ﺍﻟﻄﺮﻳﻖ ﻃﻮﻳﻞ ﻭﻫﻲ ﻣﺎ ﺗﻜﺪﺭ ...
ﺳﻴﺎﺭﺓ ﻣﺆﻳﺪ .. ﻃﺒﻌﺎ ﻣﻬﺎ ﺟﺎﻧﺖ ﻛﺎﻋﺪﺓ ﻛﺪﺍﻡ ﺑﺼﻒ ﻣﺆﻳﺪ ﻭﻟﻮﺭﻯ ﻛﺎﻋﺪﺍﺕ ﺧﺎﺗﻮﻥ ﻭﺑﺴﻤﺔ ﺍﻟﻲ ﺍﺻﺮﺕ ﺗﻜﻮﻥ ﻭﻳﺔ ﺍﻟﺒﻨﺎﺕ ﺑﻨﻔﺲ ﺍﻟﺴﻴﺎﺭﺓ ﺣﺘﻰ ﻳﺎﺧﺬﻥ ﺭﺍﺣﺘﻬﻦ ﺑﺎﻟﻄﺮﻳﻖ ..
ﺳﻴﺎﺭﺓ ﻏﺰﻭﺍﻥ ﺟﺎﻥ ﻣﺤﺪ ﺑﻴﻬﺔ ﺑﺲ ﻫﻮﺓ ..
ﺑﻘﻴﺔ ﺍﻟﻌﻮﺍﺋﻞ ﻛﻞ ﻭﺍﺣﺪ ﻭﻳﺔ ﺍﻫﻠﺔ ..
ﺍﻧﻄﻠﻘﻮ ﻭﻭﺟﻬﺘﻬﻢ ... ﺍﻟﻜﻮﺕ ...
&&&&&&&
ﻣﻴﺎﻣﻴﻦ ﺟﺎﻧﺖ ﻛﺎﻋﺪﺓ ﺑﺲ ﻣﻐﻄﻴﺔ ﻧﻔﺴﻬﺔ ﺑﺎﻟﻠﺤﺎﻑ ..
ﺩﺧﻠﺖ ﺍﻣﻬﺔ ﻋﻠﻴﻬﺔ ﻭﻫﻲ ﺗﺮﻳﺪ ﺗﻜﻌﺪﻫﺔ : ﻭﺝ ﻣﻴﺎﻣﻴﻦ ﻛﻮﻣﻲ ﺍﻟﻌﺎﻟﻢ ﺭﺍﺡ ﺗﺠﻲ ..
ﻣﻴﺎﻣﻦ ﻣﻦ ﺟﻮﺓ ﺍﻟﻠﺤﺎﻑ : ﻣﺎﻣﺎ ﻧﻌﺴﺎﻧﺔ ﺍﺭﻳﺪ ﺍﻧﺎﻡ ..
ﺍﻡ ﺭﺍﺋﺪ : ﻭﺝ ﻳﻤﺔ ﻛﻮﻣﻲ ﻣﻮ ﻭﻛﺖ ﻧﻮﻡ ﻫﺴﺔ .. ﻫﻢ ﻳﻠﺔ ﺗﻠﺤﻜﻴﻦ ﺗﺤﻀﺮﻳﻦ ﻧﻔﺴﺞ ..
ﺩﺧﻠﺖ ﻭﺭﻭﺩ ﻭﻫﻲ ﺗﻜﻮﻝ : ﻋﻮﻓﻴﻬﺔ ﺧﺎﻟﺔ ﺍﻧﻲ ﺍﻛﻌﺪﻫﺔ ..
ﺍﻡ ﺭﺍﺋﺪ : ﺍﻱ ﺑﺲ ﺍﺳﺘﻌﺠﻠﻦ ..
ﻭﺭﻭﺩ ﻭﺧﺮﺕ ﺍﻟﻠﺤﺎﻑ ﻋﻦ ﻣﻴﺎﻣﻴﻦ ﻭﺷﺎﻓﺘﻬﺔ ﺗﺒﺠﻲ ..
ﻛﻌﺪﺕ ﻳﻤﻬﺔ ﺑﺴﺮﻋﺔ ﻭﻫﻲ ﺗﻠﺰﻡ ﺧﺪﻭﺩﻫﺔ : ﺍﻣﻮﻧﻲ ﺣﺒﻴﺒﻲ ﺷﺒﻴﺞ ...
ﻣﻴﺎﻣﻴﻦ ﻭﻫﻲ ﺗﺮﻳﺪ ﺗﺘﻬﺮﺏ : ﺭﺍﺡ ﺍﺷﺘﺎﻕ ﻻﺧﻮﺍﻧﻲ ..
ﺍﺟﺎﻫﺔ ﺻﻮﺕ ﻣﻦ ﻳﻢ ﺍﻟﺒﺎﺏ : ﻭﺍﺣﻨﺔ ﻫﻢ ﺭﺍﺡ ﻧﺸﺘﺎﻗﻠﺞ ..
ﻓﺰﺕ ﻣﻦ ﺟﺮﺑﺎﻳﺘﻬﺔ ﻭﺣﻀﻨﺖ ﺣﺴﺎﻥ ﻭﺧﺎﻟﺪ ﺍﻟﻲ ﻭﺍﻛﻔﻴﻦ ﻣﺒﺘﺴﻤﻴﻦ ﺍﻟﻬﺔ ...
ﺣﺴﺎﻥ ﻭﻫﻮ ﻳﻤﺴﺢ ﺩﻣﻮﻋﻬﺔ : ﻟﻴﺶ ﻫﺎﻟﺪﻣﻮﻉ ﻳﻌﺮﻭﺳﺔ .. ﺍﻟﻤﻔﺮﻭﺽ ﺗﻜﻮﻧﻴﻦ ﻓﺮﺣﺎﻧﺔ ..
ﻭﺭﻭﺩ ﻭﻫﻲ ﺗﺴﺤﺐ ﻣﻴﺎﻣﻴﻦ : ﻣﻮ ﻭﻛﺖ ﺳﻮﺍﻟﻔﻜﻢ ﻫﺴﺔ .. ﺗﺮﺓ ﻫﻲ ﻣﺘﺄﺧﺮﺓ ﻭﺍﻟﻌﺎﻟﻢ ﺭﺍﺡ ﺗﺠﻲ ...
ﺳﺤﺒﺘﻨﻲ ﻭﺭﻭﺩ ﻭﺩﺧﻠﺘﻨﻲ ﻟﻠﺤﻤﺎﻡ ... ﺳﺒﺤﺖ ﻭﻃﻠﻌﺖ ﻟﻜﻴﺖ ﻭﺭﻭﺩ ﻣﺤﻀﺮﺗﻠﻲ ﻣﻼﺑﺴﻲ ﻭﺍﻟﻤﻜﻴﺎﺝ ..
ﻛﻌﺪﺕ ﻛﺪﺍﻡ ﺍﻟﻤﺮﺍﻳﺔ ﻭﻭﺭﻭﺩ ﺍﺳﺘﻠﻤﺘﻨﻲ ﺗﺸﺴﻮﺭ ﺷﻌﺮﻱ .. ﻭﺭﺓ ﺷﻮﻳﺔ ﺩﺧﻠﺖ ﺻﺪﻳﻘﺔ ﻭﺭﻭﺩ ﺗﺴﻮﻳﻠﻲ ﻣﻜﻴﺎﺝ ...
ﺳﻮﺗﻠﻲ ﻣﻜﻴﺎﺝ ﻣﻮ ﻃﻮﺥ ﺑﺲ ﻟﻮﻥ ﺍﻟﺤﻤﺮﺓ ﻣﺎﺭﻭﻧﻲ ﻳﻌﻨﻲ ﻃﻮﺥ .. ﻟﺒﺴﺘﻨﻲ ﻋﺪﺳﺎﺕ .. ﺍﻧﻲ ﺭﻓﻀﺖ ﺑﺎﻟﺒﺪﺍﻳﺔ ﺑﺲ ﻫﻲ ﺍﺻﺮﺕ ...
ﻟﺒﺴﺖ ﺍﻟﻔﺴﺘﺎﻥ ﻭﻫﻲ ﻛﻌﺪﺕ ﺗﺴﻮﻳﻠﻲ ﺷﻌﺮﻱ ..
ﺭﺍﺩﺕ ﺗﺮﻓﻌﺔ ﻻﻥ ﻛﻮﻟﺶ ﻃﻮﻳﻞ ﺑﺲ ﺍﻧﻲ ﺭﻓﻀﺖ ﺑﺤﺠﺔ ﺍﻥ ﻣﺎﺑﻴﺔ ﺣﻴﻞ ﻣﻦ ﺍﺭﻭﺡ ﻫﻨﺎﻙ ﺍﻛﻌﺪ ﺍﻓﺘﺢ ﻣﺎﺷﺎﺕ .. ﻋﺎﻓﺘﺔ ﻋﻠﻰ ﻃﻮﻟﺔ ﺑﺲ ﺳﻮﺗﺔ ﻣﻠﻔﻠﻒ ﻣﻦ ﺟﻮﺓ ﻭﺳﻮﺗﻠﻲ ﻛﺬﻟﺘﻲ ﺑﺎﻑ ﻣﻦ ﻓﻮﻙ ﻭﺣﻄﺘﻠﻲ ﺗﺎﺝ ﻧﺎﻋﻢ ﺯﻏﻴﺮ ...
ﺟﺎﻧﺖ ﺳﻴﺎﺭﺕ ﺍﻟﺰﻓﺔ ﺍﻛﻮ ﺍﺟﻮﺍﺀ ﺣﻠﻮﺓ ﺑﻜﻞ ﺳﻴﺎﺭﺓ ﻭﺧﺎﺻﺎً ﺳﻴﺎﺭﺓ ﻣﺆﻳﺪ ﺍﻟﻲ ﻣﺎﺧﺬ ﺍﻟﺒﻨﺎﺕ ﻋﻠﻰ ﻛﺪ ﻋﻘﻮﻟﻬﻦ ﻭﻣﺸﻐﻠﻠﻬﻦ ﺍﻻﻏﺎﻧﻲ ﻋﻠﻰ ﺭﺍﺣﺘﻬﻦ ﻭﻳﻀﺤﻚ ﻋﻠﻴﻬﻦ ...
ﺑﺴﻴﺎﺭﺓ ﻏﺰﻭﺍﻥ ﻫﻢ ﺟﺎﻥ ﻣﺸﻐﻞ ﺍﻏﺎﻧﻲ ﻭﻣﻨﻄﺮﺏ ﻭﻳﻐﻨﻲ ﻭﻳﺎﻫﻦ ﻭﻓﺮﺣﺎﻥ ...
ﺳﻴﺎﺭﺓ ﺍﺑﻮ ﻏﺰﻭﺍﻥ .. ﺟﺎﻧﺖ ﺍﻡ ﻏﺰﻭﺍﻥ ﺗﺼﻔﻚ ﻭﺗﻬﻠﻬﻞ ﻭﺍﻟﺤﺠﻴﺔ ﺗﻬﻮﺱ ..
ﺻﺎﺭﻭ ﻗﺮﻳﺒﻴﻦ ﻋﻠﻰ ﺑﻴﺖ ﺍﺑﻮ ﺭﺍﺋﺪ ﻭﺍﻋﺘﻠﺖ ﺍﺻﻮﺍﺕ ﺍﻻﻏﺎﻧﻲ ﺑﺴﻴﺎﺭﺍﺗﻬﻢ ...
ﻧﺰﻟﻮ ﻋﻠﻰ ﺷﺎﺭﻋﻬﻢ ... ﻭﺟﺎﻥ ﺑﺄﺳﺘﻘﺒﺎﻟﻬﻢ ﺍﺑﻮ ﺯﻳﺎﺩ ﻭﺍﺑﻮ ﺧﺎﻟﺪ ﻭﺣﺴﺎﻥ ﻭﺧﺎﻟﺪ ﻭﺭﺍﺋﺪ ..
ﻧﺰﻟﻮ ﻣﻦ ﺳﻴﺎﺭﺍﺗﻬﻢ ﻭﺍﺳﺘﻘﺒﻠﻮﻫﻢ ...
ﺭﺍﺋﺪ ﺑﻠﻊ ﺭﻳﻜﺔ ﻭﺧﻨﻜﺘﺔ ﺍﻟﻌﺒﺮﺓ ﻭﻫﻮ ﻳﺸﻮﻑ ﻣﺆﻳﺪ ﻻﻥ ﻛﻠﺶ ﻳﺸﺒﻪ ﻓﺎﺭﺱ ... ﻭﻳﻨﻚ ﻳﺎﻋﺰﻱ ﻭﺍﻟﻠﻪ ﻣﺸﺘﺎﻗﻠﻚ ..
ﻭﻣﺸﺘﺎﻕ ﻟﻀﺤﻜﺘﻚ ﻭﺳﻮﺍﻟﻔﻚ ..
ﺳﻠﻢ ﻋﻠﻰ ﺍﺑﻮ ﻏﺰﻭﺍﻥ ﺑﺤﺮﺍﺭﺓ ﻭﻫﻮ ﻳﺒﺎﺭﻛﻠﻬﻢ ..
ﺗﻘﺪﻡ ﻏﺰﻭﺍﻥ ﻣﻨﺔ ﻭﻫﻮ ﻳﺴﻠﻢ ﻋﻠﻲ ﺑﺄﺑﺘﺴﺎﻣﺔ ..
ﺷﺎﻑ ﺍﻟﻔﺮﺣﺔ ﻭﺍﻟﻠﻬﻔﺔ ﺑﻌﻴﻮﻧﺔ .. ﺑﺲ ﻣﺎ ﻳﻜﺪﺭ ﻳﺮﺗﺎﺡ ﺍﻻ ﻳﺸﻮﻑ ﻫﺎﻟﺸﻲ ﺑﻌﻴﻮﻥ ﻣﻴﺎﻣﻴﻦ ﻳﻠﺔ ..
ﺩﺧﻠﻮ ﻟﻠﺒﻴﺖ ﻭﺑﻌﺾ ﺳﻴﺎﺭﺍﺗﻬﻢ ﺍﺟﻮ ﻣﺘﺄﺧﺮﻳﻦ ﻭﻳﻀﺮﺑﻮﻥ ﻃﻠﻖ ﺑﺎﻟﺴﻼﺡ ..
ﻣﺆﻳﺪ ﻗﺒﻞ ﻻ ﻳﺪﺧﻞ ﺍﻟﺘﻔﺖ ﻟﻮﺭﻯ ﻭﺷﺎﻑ ﺭﺍﺋﺪ ﻭﺍﻛﻊ ﺑﺎﻟﻜﺎﻉ ...
ﺭﻛﻀﻠﺔ ﺑﺄﻗﺼﻰ ﺳﺮﻋﺔ ﻫﻮ ﻭﺣﻤﺰﺓ ﺍﻟﻲ ﺍﻧﺘﺒﻬﻠﺔ ﻫﻢ ...
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
#بارت٤٨
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻳﺎ ﻣﻌﺸﺮ ﺍﻟﻌﺸﺎﻕ ﺑﺎﻟﻠﻪ ﺧﺒﺮﻭﺍ
ﺍﺫﺍ ﺣﻞ ﻋﺸﻖ ﺑﺎﻟﻔﺘﻰ ﻛﻴﻒ ﻳﺼﻨﻊ
ﻳﺪﺍﺭﻱ ﻫﻮﺍﻩ ﺛﻢ ﻳﻜﺘﻢ ﺳﺮﻩ
ﻭﻳﺼﺒﺮ ﻓﻲ ﻛﻞ ﺍﻻﻣﻮﺭ ﻭﻳﺨﻀﻊ
ﻛﻴﻒ ﻳﺪﺍﺭﻱ ﻭﺍﻟﻬﻮﻯ ﻗﺎﺗﻞ ﺍﻟﻔﺘﻰ
ﻭﻓﻲ ﻛﻞ ﻳﻮﻡ ﻗﻠﺒﻪ ﻳﺘﻘﻄﻊ
ﺍﻟﻤﺘﻨﺒﻲ 🖤
ﻣﺆﻳﺪ ﻗﺒﻞ ﻻ ﻳﺪﺧﻞ ﺍﻟﺘﻔﺖ ﻟﻮﺭﻯ ﻭﺷﺎﻑ ﺭﺍﺋﺪ ﻭﺍﻛﻊ ﺑﺎﻟﻜﺎﻉ ...
ﺭﻛﻀﻠﺔ ﺑﺄﻗﺼﻰ ﺳﺮﻋﺔ ﻫﻮ ﻭﺣﻤﺰﺓ ﺍﻟﻲ ﺍﻧﺘﺒﻬﻠﺔ ﻫﻢ ...
ﺷﺎﻓﻮﻩ ﻃﺎﻳﺢ ﻋﻠﻰ ﺭﻛﺒﺔ ﻭﺣﺎﻁ ﺍﻳﺪﻱ ﻋﻠﻰ ﺍﺫﻧﻪ ﻭﻣﻐﻤﺾ ﻋﻴﻮﻧﺔ ﺑﻘﻮﺓ ...
ﺗﻘﺮﺑﻮ ﻣﻨﺔ ﻭﻫﻤﺔ ﻳﻠﺰﻣﻮﻧﺔ ﻣﻦ ﻛﺘﻔﺔ ..
ﻣﺆﻳﺪ ﺑﺎﻭﻉ ﻋﻠﻰ ﺣﻤﺰﺓ ﻭﻫﻮ ﻳﺴﻤﻊ ﺭﺍﺋﺪ ﻳﺮﺩﺩ : ﻓﺎﺭﺱ .. ﻻ ﺗﻘﺘﻠﻮﻧﺔ .. ﺍﺧﻮﻱ ﻻ ﻳﻤﻮﺕ ..
ﻣﺆﻳﺪ ﻓﻬﻢ ﺷﺒﻲ ﻭﻃﻠﻊ ﺑﺴﺮﻋﺔ ﻟﻠﺸﺎﺭﻉ ﻭﻳﺼﻴﺢ ﻋﻠﻴﻬﻢ : ﻟﺤﺪ ﻳﺮﻣﻲ .. ﻭﻛﻜﻔﻮ ..
ﺍﺣﺘﺮﻣﻮ ﻛﻼﻣﺔ ﻭﻭﻗﻔﻮ ﺍﻟﺮﻣﻲ ﻭﻫﻮ ﺭﺟﻊ ﺑﺴﺮﻋﺔ ﻟﺮﺍﺋﺪ ..
ﺭﻓﻊ ﺭﺍﺳﺔ ﻣﺆﻳﺪ ﻭﻭﺧﺮ ﺍﻳﺪﻱ ﻋﻦ ﺍﺫﺍﻧﺔ ...
ﺭﺍﺋﺪ ﺍﻧﺘﺒﻪ ﻟﻤﺆﻳﺪ ﻭﻛﺎﻝ ﻓﺠﺄﺓ : ﻓﺎﺍﺭﺱ ..
ﺣﻤﺰﺓ : ﺭﺍﺋﺪ ﺍﻫﺪﺉ .. ﻫﺬﺍ ﻣﺆﻳﺪ ﻣﻮ ﻓﺎﺭﺱ ..
ﺭﺍﺋﺪ ﻭﻫﻮ ﻳﺤﺎﻭﻝ ﻳﺴﺘﻮﻋﺐ : ﺍﻟﻤﺴﺪﺱ ﻭﺍﻟﻄﻠﻖ ..
ﻣﺆﻳﺪ ﻃﻠﻊ ﻭﺭﻗﺔ ﻣﻦ ﺟﻴﺒﺔ ﻭﺻﺎﺭ ﻳﻬﻔﻴﻠﺔ : ﻣﺎﺷﻲ ﺗﻨﻔﺲ ﺍﻧﺘﺔ .. ﻫﺬﺍ ﺟﺎﻥ ﺿﺮﺏ ﻋﻠﻤﻮﺩ ﻏﺰﻭﺍﻥ ... ﻣﺎﻛﻮ ﺍﺣﺪ ..
ﺭﺍﺋﺪ ﺑﺴﺮﻋﺔ ﺍﺳﺘﻮﻋﺐ ﻭﻓﺮﻙ ﻭﺟﻬﺔ ﻭﻭﻛﻒ ﻭﻛﺎﻝ : ﺍﻧﻲ ﺑﺨﻴﺮ .. ﻣﺎ ﺑﻴﺔ ﺷﻲ ...
ﺣﻤﺰﺓ : ﻣﺘﺄﻛﺪ ﻣﺎﺑﻴﻚ ﺷﻲ ..
ﺭﺍﺋﺪ : ﺍﻱ ﻣﺘﺄﻛﺪ ﺑﺲ ﺫﺍﻛﺮﺗﻲ ﺭﺟﻌﺘﻨﻲ ﻟﺬﺍﻙ ﺍﻟﻴﻮﻡ .. ﻣﺎﺭﻳﺪ ﺍﺣﺪ ﻳﺪﺭﻱ ﺣﺘﻰ ﻻ ﺗﺨﺮﻑ ﻓﺮﺣﺘﻬﻢ .. ﺗﺮﺓ ﻣﺎﺑﻴﺔ ﺷﻲ ﻭﺍﻟﻠﻪ ..
ﻣﺆﻳﺪ : ﻣﺎﺷﻲ ﻟﻌﺪ .. ﻳﻠﺔ ﺗﻌﺎﻝ ﺍﺩﺧﻞ ﻭﻳﺎﻧﺔ ...
ﺩﺧﻠﻮ ﻛﻠﻬﻢ ﺟﻮﺓ ﻭﻫﻤﺔ ﻳﺸﻮﻓﻮﻥ ﺍﻟﻔﺮﺣﺔ ﺑﻌﻴﻮﻥ ﻏﺰﻭﺍﻥ ...
££££££££
ﻋﻨﺪ ﻣﻴﺎﻣﻴﻦ .. ﺳﻤﻌﺖ ﺻﻮﺕ ﻫﻮﺭﻧﺎﺕ ﺍﻟﺴﻴﺎﺭﺍﺕ ﺍﺟﺖ .. ﺑﻄﻨﻬﺔ ﻣﻐﺼﺘﻬﺔ ﻭﻛﻠﺒﻬﺔ ﺻﺎﺭ ﻃﺒﻮﻝ ...
ﺻﺎﺭﺕ ﺗﻬﻮﻱ ﻋﻠﻰ ﻧﻔﺴﻬﺔ ﻣﺎﺗﺮﻳﺪ ﺗﺒﻴﻦ ﺧﻮﻓﻬﺔ ﻣﻦ ﺷﻲ ..
ﻭﺭﺓ ﺷﻮﻳﺔ ﺍﻧﺪﻙ ﺍﻟﺒﺎﺏ ﻭﺩﺧﻠﺖ ﺧﺎﺗﻮﻥ ﺍﻭﻝ ﻭﺣﺪﺓ ...
ﻣﻴﺎﻣﻴﻦ ﻛﺎﻣﺖ ﺑﻔﺮﺣﺔ ﻭﺣﻀﻨﺘﻬﺔ : ﺧﺎﺍﺗﻮﻭﻧﺔ .. ﺍﺷﺘﺎﻗﻴﺘﻠﺞ ﻳﺎﻟﺒﻄﺔ ..
ﺧﺎﺗﻮﻥ ﻧﺰﻟﺖ ﺩﻣﻮﻋﻬﺔ ﻭﺿﺮﺑﺘﻬﺔ ﻋﻠﻰ ﻛﺘﻔﻬﺔ : ﺑﻄﺔ ﺑﻌﻴﻨﺞ ﺛﻮﻟﺔ .. ﻣﺸﺘﺎﻗﺘﻠﺞ ﻭﺍﻟﻠﻪ ..
ﺳﻤﻌﻦ ﺻﻮﺕ ﻫﻠﻬﻮﻟﺔ ﻣﺼﺮﻳﺔ ﻛﻮﻟﺶ ﻋﺎﻟﻴﺔ ﻣﻦ ﺑﺮﺓ ﻭﺩﺧﻠﺖ ﻟﻠﻐﺮﻓﺔ .. ﺑﺴﻤﺔ ﻭﻫﻲ ﺗﻜﻄﻊ ﻫﻠﻬﻮﻟﺘﻬﺔ ﺑﺼﺮﺧﺔ : ﻣﻴﺎﺍﺍﺍﻣﻴﻴﻴﻴﻦ ... ﻭﺣﻀﻨﺘﻬﺔ ﻧﻔﺲ ﺍﻟﺸﻲ ..
ﻣﻬﺎ ﺩﺧﻠﺖ ﻭﻳﺎﻫﺔ ﻭﺑﺄﺑﺘﺴﺎﻣﺔ ﻭﻧﺰﻟﺖ ﺩﻣﻮﻋﻬﺔ ﻭﻛﺎﻟﺖ : ﺻﺢ ﻣﺎﺟﻨﺖ ﺍﺷﻮﻓﺞ ﻫﻮﺍﻱ ﺑﺲ ﻭﺣﺸﺔ ﻋﻠﻴﺞ ﻭﺍﻟﻠﻪ ..
ﻭﺭﻭﺩ ﻣﻦ ﻭﺭﺍﻫﻦ : ﻳﻠﺔ ﻋﺎﺩ ﺧﺮﺑﺘﻮ ﻣﻜﻴﺎﺟﻬﺔ ﻭﻣﻜﻴﺎﺟﻜﻢ .. ﺍﺭﺗﺎﺣﻴﺘﻮ ..
ﺍﻟﺒﻨﺎﺕ ﺿﺤﻜﻦ ﻭﺭﺍﺣﻦ ﻋﺎﻟﻤﺮﺍﻳﺔ ﻭﻳﺘﺪﺍﻓﻌﻦ ﻛﻞ ﻭﺣﺪﺓ ﺗﺮﻳﺪ ﺗﻌﺪﻝ ﻧﻔﺴﻬﺔ ﻗﺒﻞ ﺍﻟﺜﺎﻧﻴﺔ ...
ﻋﺪﻟﻦ ﻣﻜﻴﺎﺝ ﻣﻴﺎﻣﻴﻦ ﻭﺿﺒﻄﻨﻬﺔ ..
ﺩﺧﻠﺖ ﺍﻡ ﺭﺍﺋﺪ ﻋﻠﻴﻬﻦ ﺑﺄﺑﺘﺴﺎﻣﺔ : ﻫﺎ ﻳﻤﺔ ﺧﻠﺼﺘﻦ ..
ﺍﻟﺒﻨﺎﺕ : ﺍﻱ .. ﺧﻠﺼﻨﺔ ..
ﺍﻡ ﺭﺍﺋﺪ : ﻳﻠﺔ ﻟﻌﺪ ﻧﺰﻟﻮﻫﺔ ﻻﻥ ﺍﻟﻨﺎﺱ ﺗﻨﺘﻀﺮ ..
ﺍﻟﺒﻨﺎﺕ ﻛﻮﻣﻦ ﻣﻴﺎﻣﻴﻦ ﻭﻃﻠﻌﻮ ﻳﻨﺰﻟﻮﻧﻬﺔ ..
ﻧﺰﻟﺖ ﻣﻴﺎﻣﻴﻦ ﻋﺎﻟﺪﺭﺝ ﻭﺍﻟﻜﻞ ﻳﺒﺎﻭﻉ ﻋﻠﻴﻬﺔ ..
ﺍﻡ ﺭﺍﺋﺪ ﺩﻣﻮﻋﻬﺔ ﻧﺰﻟﺖ ﻭﻫﻲ ﺗﺸﻮﻑ ﺑﻨﺘﻬﺔ ﺭﺍﺡ ﺗﻔﺎﺭﻗﻬﺔ ..
ﺍﻡ ﻏﺰﻭﺍﻥ ﺗﻬﻠﻬﻞ ﻭﺗﺼﻠﻲ ﻋﺎﻟﻨﺒﻲ ﻭﻓﺮﺣﺎﻧﺔ ﻻﻥ ﺍﺑﻨﻬﺔ ﺭﺍﺡ ﻳﺘﺰﻭﺝ ﺍﺧﻴﺮﺍً ...
ﻛﻌﺪﺕ ﻣﻴﺎﻣﻴﻦ ﻋﺎﻟﻘﻨﻔﺔ ﺍﻟﻲ ﺯﻳﻨﺘﻬﺔ ﻭﺭﻭﺩ ﺑﺎﻟﻮﺭﺩ ﺍﻻﺑﻴﺾ ﺑﻄﻠﺐ ﻣﻦ ﻣﻴﺎﻣﻴﻦ ﺍﻥ ﻣﺘﺠﻴﺐ ﻛﻮﺷﺔ ...
ﺍﻧﻄﻠﻘﻦ ﺍﻟﺒﻨﺎﺕ ﺑﺎﻟﺮﻗﺺ .. ﻭﻛﻞ ﻭﺣﺪﺓ ﺗﺘﻤﺎﻳﻞ ﺑﺠﺴﻤﻬﺔ ﺑﺨﻔﺔ ﻭﺍﻟﻔﺮﺡ ﻭﺍﺿﺢ ﺑﻮﺟﻮﻫﻦ ..
££££££
ﻏﺰﻭﺍﻥ ﺟﺎﻥ ﺟﺎﻳﺐ ﺍﻟﻘﺎﺿﻲ ﻟﻬﻨﺎ ﺑﻄﻠﺐ ﺧﺎﺹ ﺣﺘﻰ ﺍﻥ ﻳﻌﻘﺪﻟﻬﻢ ﻋﻘﺪ ﻣﺤﻜﻤﺔ ...
ﺟﺎ ﻭﺍﻛﻒ ﺑﺮﺓ ﻳﻨﺘﻀﺮ ﺍﻟﻘﺎﺿﻲ ﺍﻥ ﻳﻮﺻﻞ ﺣﺘﻰ ﻳﺴﺘﻘﺒﻠﺔ ...
ﺍﻟﺘﻔﺖ ﺷﺎﻑ ﺑﻨﻴﺔ ﻭﺍﻛﻔﺔ ﻭﻻﺑﺴﺔ ﺑﺪﻟﺔ ﺣﻤﺮﺓ ﻗﺼﻴﺮﺓ ﻭﻓﺎﺗﺤﺔ ﺷﻌﺮﻫﺔ ...
ﺍﺑﺘﺴﻢ ﻭﺻﺎﺣﻬﺔ : ﺗﻌﺎﻱ ﻳﺤﻠﻮﺓ ..
ﺷﻬﺪ ﺍﻟﺘﻔﺘﺖ ﻋﻠﻲ ﻭﻛﺎﻟﺖ : ﻣﻨﻮ ﺍﻧﺖ ..
ﺗﻘﺮﺑﺖ ﻣﻦ ﻳﻤﺔ ﻭﻫﻮ ﻧﺰﻝ ﻋﻠﻰ ﺭﻛﺒﺔ ﻟﻤﺴﺘﻮﺍﻫﺔ ..
ﺷﻜﺪ ﺗﺸﺒﻬﺔ .. ﻧﺴﺨﺔ ﻣﻨﻬﺔ .. ﺣﺘﻰ ﻏﻤﺎﺯﺓ ﺍﻟﺤﻨﺞ ..
ﻭﺍﻟﺸﻌﺮ ﺍﻻﺳﻮﺩ ﺍﻟﻄﻮﻳﻞ .. ﻭﺍﻟﻌﻴﻮﻥ .. ﻣﻴﺎﻣﻴﻦ ﺑﺲ ﻧﺴﺨﺔ ﺯﻏﻴﺮﺓ ..
ﻏﺰﻭﺍﻥ : ﺍﻧﺘﻲ ﺷﺘﺼﻴﺮﻳﻦ ﻣﻦ ﻣﻴﺎﻣﻴﻦ ..
ﺷﻬﺪ : ﺍﻧﻲ ﺍﺧﺘﻬﺔ .. ﺍﻧﺖ ﻣﻨﻮ ﻟﻴﺶ ﻣﻨﻴﻦ ﺗﻌﺮﻑ ﺍﺧﺘﻲ ..
ﻏﺰﻭﺍﻥ ﻭﻫﻮ ﻳﺴﺤﺐ ﺧﺸﻤﺔ ﺑﻴﻦ ﺍﺻﺎﺑﻌﺔ ﺑﺨﻔﺔ : ﻻﻥ ﺍﻧﻲ ﺯﻭﺝ ﺍﺧﺘﺞ .. ﻣﻴﺎﻣﻴﻦ ﻣﺮﺗﻲ ﻳﻌﻨﻲ ﺍﻋﺮﻓﻬﺔ ..
ﺷﻬﺪ ﻭﻫﻲ ﺗﺴﺘﻮﻋﺐ : ﻫﺎﺍﺍﺍﺍﺍ ... ﻳﻌﻨﻲ ﺍﻧﺖ ﻧﺴﻴﺒﻨﺔ ..
ﻏﺰﻭﺍﻥ ﺿﺤﻚ : ﺍﻱ ﺍﻧﻲ ﻧﺴﻴﺒﻜﻢ ..
ﺷﻬﺪ ﺑﺄﺑﺘﺴﺎﻣﺔ ﻭﻫﻲ ﺗﻤﺪ ﺍﻳﺪﻫﺔ : ﺍﻧﻲ ﺷﻬﺪ ﻭﺍﻧﺖ ﺷﻨﻮ ﺍﺳﻤﻚ ..
ﻏﺰﻭﺍﻥ ﻳﺼﺎﻓﺤﻬﺔ : ﺍﻧﻲ ﻏﺰﻭﺍﻥ .. ﺷﻬﻮﺩﺓ ﺭﺍﺡ ﺍﺩﺯﺝ ﺑﻤﻬﻤﺔ ..
ﺷﻬﺪ ﻭﻫﻲ ﺗﻬﺰ ﺭﺍﺳﻬﺔ : ﺷﻨﻮ ﻫﻲ .. ﻛﻮﻝ ..
ﻏﺰﻭﺍﻥ ﻗﺮﺏ ﻣﻦ ﺍﺫﻧﻬﺔ ﻭﻫﻤﺲ
££££££££
ﻣﻴﺎﻣﻴﻦ .. ﻛﺎﻋﺪﺓ ﻭﻣﺘﺼﻨﻌﺔ ﺍﻻﺑﺘﺴﺎﻣﺔ ﻭﻫﻲ ﺑﻮﺩﻫﺔ ﺗﻨﻬﻲ ﻛﻞ ﻫﺎﻟﻤﻬﺰﻟﺔ ﺑﺲ ﻣﺎﺗﻜﺪﺭ ..
ﻃﺒﻌﺎ ﺑﺴﻤﺔ ﻭﻣﻬﺎ ﺫﺑﻦ ﻟﺤﻢ ﻣﺎ ﻋﺪﺍ ﺧﺎﺗﻮﻥ ﺍﻟﻲ ﺑﺲ ﺗﻬﺰ ﺑﺄﻳﺪﻳﻬﺔ ﻻﻥ ﻣﺎﺗﻌﺮﻑ ﺗﺮﻛﺺ ..
ﺩﻙ ﺗﻠﻴﻔﻮﻥ ﺧﺎﺗﻮﻥ ﻭﻫﻲ ﺭﺩﺕ .. ﻃﻠﻌﺖ ﻭﺷﻮﻳﺔ ﻭﺭﺟﻌﺖ ﻋﻠﻴﺔ ﻭﺑﻴﺪﻫﺔ ﻛﺘﺎﺏ ﺟﺒﻴﺮ ..
ﺣﻄﺘﺔ ﻛﺪﺍﻣﻲ ﻭﺍﻧﻄﺘﻨﻲ ﺍﻟﻘﺎﻟﻢ ﻭﻛﺎﻟﺖ : ﻭﻗﻌﻲ ..
ﺍﺳﺘﻐﺮﺑﺖ ﻭﻛﻠﺖ : ﺷﻨﻮ ﻫﺬﺍ ..
ﺧﺎﺗﻮﻥ : ﻫﺬﺍ ﻛﺘﺎﺏ ﺍﻟﻤﺤﻜﻤﺔ ..
ﺍﺧﺬﺕ ﺍﻟﻘﻠﻢ ﻣﻨﻬﺔ ﻭﺍﻳﺪﻳﺔ ﺗﺮﺟﻒ .. ﻣﺎﺭﻳﺪ ﺍﻭﻗﻊ .. ﻣﺎﺭﻳﺪ ﺍﺭﺟﻌﻠﺔ .. ﻟﻠﺤﻀﺔ ﺭﺩﺕ ﺍﺷﻤﺮ ﺍﻟﻘﻠﻢ ﻭﺍﻛﻮﻡ ﻭﺍﻋﻮﻑ ﻛﻠﺸﻲ .. ﺑﺲ ﺗﺬﻛﺮﺕ ﺍﺧﻮﻱ ﺭﺍﺋﺪ ﻭﺍﻟﻨﺎﺱ ﺍﻟﺰﻳﻨﺔ ﺍﻟﻲ ﺟﺎﻳﻴﻦ ..
ﺳﻤﻴﺖ ﺑﺎﻟﻠﻪ ﻭﻭﻗﻌﺖ ﻭﺫﺑﻴﺖ ﺍﻟﻘﻠﻢ ..
ﺧﺎﺗﻮﻥ ﺍﺧﺬﺕ ﺍﻟﺪﻓﺘﺮ ﻭﻃﻠﻌﺖ ﺗﺮﺟﻌﺔ ﻟﻐﺰﻭﺍﻥ ..
ﺷﻬﺪ ﺍﺟﺖ ﺗﻘﺮﺑﺖ ﻋﻠﻴﺔ .. ﺍﺷﺮﺗﻠﻲ ﺑﺄﻳﺪﻫﺔ ﺑﻤﻌﻨﻰ ﺗﻘﺮﺑﻲ ..
ﻫﺰﻳﺖ ﺭﺍﺳﻲ ﺑﻤﻌﻨﻰ ﺷﻜﻮ ﻭﻗﺮﺑﺖ ﺭﺍﺳﻲ ﻣﻨﻬﺔ ..
ﻣﻴﺎﻣﻴﻦ : ﻫﺎ ﺷﻬﻮﺩﺓ ...
ﺷﻬﺪ ﻭﻫﻲ ﺗﺸﺎﻭﺭﻧﻲ : ﻏﺰﻭﺍﻥ ﺩﺯﻧﻲ ﻋﻠﻴﺞ ..
ﻋﺼﺒﺖ ﻭﺍﻟﺘﻔﺘﺖ ﻋﻠﻴﻬﺔ : ﻭﺷﻴﺮﻳﺪ ..
ﺷﻬﺪ ﺭﺟﻌﺖ ﺭﺍﺳﻲ ﻭﺣﻄﺖ ﺣﻠﻜﻬﺔ ﻳﻢ ﺍﺫﻧﻲ : ﺍﻳﻜﻮﻝ ﻛﻠﻴﻠﻬﺔ ﺷﻴﺠﻴﺐ ﺍﻟﻠﻴﻞ ﻭﺍﺻﺒﺮ ﺷﻠﻮﻥ ..
ﻓﺘﺤﺖ ﻋﻴﻮﻧﻲ .. ﺍﻟﻤﺎﻳﺴﺘﺤﻲ ﺍﻳﻜﻮﻝ ﻫﺎﻟﻜﻼﻡ ﻟﻄﻔﻠﺔ ﺯﻏﻴﺮﺓ .. ﺻﺪﻙ ﻣﺎﻋﻨﺪﺓ ﺣﻴﺎ ﻭﻻ ﺧﺠﻞ ..
ﺷﻬﺪ ﻛﺄﻧﻬﺔ ﺗﺬﻛﺮﺕ ﻭﺭﺟﻌﺖ ﺳﺤﺒﺘﻨﻲ ﻭﻛﺎﻟﺖ : ﻭﻫﺎ ﺻﺪﻙ .. ﻛﺎﻝ ﻻﺯﻡ ﺗﻮﻓﻲ ﺑﻜﻠﻤﺘﻬﺔ ﻭﺗﻨﻔﺬ ﺷﺮﻭﻃﻲ ﻛﻠﻬﺔ ...
ﻣﻴﺎﻣﻴﻦ ﻭﻫﻲ ﻣﺼﺪﻭﻣﺔ .. ﺍﺻﻼ ﻣﺜﻞ ﻣﺎ ﺗﻮﻗﻌﺘﻚ .. ﻣﺎ ﺭﺍﺡ ﺗﺘﻐﻴﺮ .. ﺗﻤﺸﻲ ﻭﺭﺓ ﺭﻏﺒﺎﺗﻚ ﻭﻣﺴﻮﻱ ﻧﻔﺴﻚ ﺗﺤﺒﻨﻲ ....
ﺍﻓﻔﻒ ﻳﺮﺑﻲ ﺩﺧﻴﻠﻚ ﻋﻴﻨﻲ ﻋﻠﻰ ﻫﺎﻟﻤﺼﻴﺒﺔ ﻫﺬﺍ ..
ﻗﺎﻃﻊ ﺗﻔﻜﻴﺮﻱ ﺻﻮﺕ ﺍﻡ ﻏﺰﻭﺍﻥ : ﻣﺒﺮﻭﻙ ﺣﺒﻴﺒﺔ .. ﺍﻧﺸﺎﻟﻠﻪ ﺷﺎﻳﻔﻴﻦ ﻛﻞ ﺍﻟﺨﻴﺮ ..
ﺍﺑﺘﺴﻤﺘﻠﻬﺔ ﻭﻛﻠﺖ : ﺍﻟﻠﻪ ﻳﺒﺎﺭﻙ ﺑﻴﺞ ﻋﻤﺔ ..
ﺍﻡ ﻏﺰﻭﺍﻥ : ﻋﻤﺔ ﺍﻋﺬﺭﻳﻨﻲ ﻋﺎﻟﺴﻮﻳﺘﺔ ﺑﻴﺞ ..
ﻣﻴﺎﻣﻴﻦ : ﻋﻤﺔ ﺍﻧﺘﻲ ﻣﺎ ﺗﻨﻼﻣﻴﻦ ﻭﻣﺎﻟﺞ ﺫﻧﺐ ﺑﺸﻲ .. ﻭﺍﺻﻼ ﺍﻧﻲ ﻣﺎ ﺳﻮﻳﺘﻴﻠﻲ ﺷﻲ ..
ﺍﻡ ﻏﺰﻭﺍﻥ ﻭﻫﻲ ﺗﻤﺴﺢ ﻋﻠﻰ ﺷﻌﺮﻱ ﺑﺎﻟﻘﺮﺁﻥ ﺍﻟﺰﻏﻴﺮ ﺍﻟﺒﻴﺪﻫﺔ : ﺍﻟﻠﻪ ﻳﺮﺿﻰ ﻋﻠﻴﺞ ﻭﻳﻄﻴﺞ ﺍﻟﺴﻌﺎﺩﺓ ﺍﻧﺸﺎﻟﻠﻪ ..
ﺣﻄﺖ ﺍﻟﻘﺮﺀﺁﻥ ﺑﻴﺪﻱ ﻭﺟﺎﺑﺖ ﻋﻠﺒﺔ ﻣﺎﻝ ﺫﻫﺐ ﻭﻓﺘﺤﺘﻬﺔ .. ﺟﺎﻥ ﺍﻟﺘﺨﻢ ﻛﻮﻟﺶ ﺣﻠﻮ ﻭﺭﺍﻗﻲ .. ﺑﺼﺮﺍﺣﺔ ﻃﻠﻊ ﺣﻠﻮ ﺫﻭﻕ ﻋﻤﺘﻲ ...
ﻟﺒﺴﺘﻨﻲ ﺍﻟﺬﻫﺐ ﻭﺍﻟﺒﻨﺎﺕ ﻳﻬﻠﻬﻠﻦ ﻭﻳﺮﻛﺼﻦ ..
ﺑﻌﺪﻳﻦ ﺣﺒﺘﻨﻲ ﺑﺮﺍﺳﻲ ﻭﻛﻌﺪﺕ ﺑﺼﻔﻲ ﻭﺍﻟﺒﻨﺎﺕ ﺍﺧﺬﻭﻟﻨﺔ ﺻﻮﺭ ﻭﺑﻌﺪﻳﻦ ﻛﺎﻣﺖ ..
ﺍﺟﻦ ﺍﻟﺒﻨﺎﺕ ﻳﺎﺧﺬﻥ ﺻﻮﺭ ﻛﻞ ﻭﺣﺪﺓ ﻭﺣﺪﻫﺔ ﻭﻳﺎﻱ ﻭﺑﻌﺪﻳﻦ ﺍﻟﺼﻮﺭﺓ ﺟﻤﺎﻋﻴﺔ ..
ﻧﺰﻟﺖ ﻭﺭﻭﺩ ﻭﻣﻨﺰﻟﺔ ﺍﻏﺮﺍﺿﻲ ﺑﺠﻨﻄﺔ ﺟﺒﻴﺮﺓ ﺗﺴﺤﺒﻬﺔ ﺍﻡ ﺍﻟﻌﺠﻼﺕ ..
ﺑﺴﻤﺔ ﺭﻛﻀﺘﻠﻬﺔ ﻭﺍﺧﺬﺕ ﺍﻟﺠﻨﻄﺔ ﻣﻨﻬﺔ ﻭﻛﺎﻟﺖ : ﺟﻨﻄﺘﻬﺔ ﺍﻧﻲ ﺍﺧﺬﻫﺔ ..
ﻭﺭﻭﺩ ﺿﺤﻜﺖ ﻭﺍﻓﺘﻬﻤﺖ : ﺍﻛﻴﻴﺪ ﺣﻴﺎﺗﻲ ﺍﺧﺬﻳﻬﺔ ﻛﺪﺍﻣﺞ ...
ﻣﻴﺎﻣﻴﻦ ﺍﺳﺘﻐﺮﺑﺖ ﺑﺲ ﻣﺎ ﺍﻫﺘﻤﺖ ﻟﻠﻤﻮﺿﻮﻉ ...
£££££££
ﻏﺰﻭﺍﻥ ﺧﻠﺺ ﻋﻘﺪ ﺍﻟﻤﺤﻜﻤﺔ ﻭﻫﻮ ﻓﺮﺣﺎﻥ ..
ﻛﺎﻋﺪ ﺑﻴﻦ ﻣﺆﻳﺪ ﻭﺣﻤﺰﺓ ..
ﺣﻤﺰﺓ ﻭﻫﻮ ﻳﺤﺎﺟﻲ ﻣﺆﻳﺪ : ﺷﻮﻑ ﺣﻠﻜﺔ ﻭﺻﻞ ﻻﺫﺍﻧﺎﺗﺔ ﻣﻦ ﻛﺜﺮ ﻣﺎ ﻳﻀﺤﻚ ..
ﻣﺆﻳﺪ ﺑﻀﺤﻜﺔ : ﺍﻧﺖ ﺷﻮﻑ ﺳﻨﻮﻧﺔ ﺭﺍﺡ ﺗﻄﻴﺢ ﺑﺤﻀﻨﺔ ﻣﻦ ﺍﻟﻔﺮﺣﺔ ..
ﻏﺰﻭﺍﻥ ﻳﺴﻤﻌﻬﻢ ﻣﺎ ﻳﺪﺭﻱ ﺍﻥ ﻳﻘﺼﺪﻭﻧﺔ .. ﺍﻟﺘﻔﺖ ﺑﺄﺳﺘﻐﺮﺍﺏ : ﻣﻨﻮ ﻫﻮ ..
ﺣﻤﺰﺓ ﺑﺴﺨﺮﻳﺔ : ﺯﻳﺎﺩ ..
ﻏﺰﻭﺍﻥ ﺍﺧﺘﻔﺖ ﺍﺑﺘﺴﺎﻣﺘﺔ ﻭﺗﺤﻮﻟﺖ ﻟﻌﺼﺒﻴﺔ ﻭﻫﻮ ﻳﺪﻭﺭ ﺑﻌﻴﻮﻧﺔ ﺑﻴﻦ ﺍﻟﻜﺎﻋﺪﻳﻦ : ﻭﻳﻴﻨﺔ ﻫﺎﻟﺤﻴﻮﺍﻥ ..
ﻣﺆﻳﺪ ﻭﻫﻮ ﻳﻀﺤﻚ : ﻳﻌﻨﻲ ﺑﺮﺑﻚ ﻣﻨﻮ ﻏﻴﺮﻙ ﻫﻴﺞ ﻓﺮﺣﺎﻥ .. ﺍﻧﺖ ﻣﻨﺘﺒﻪ ﻟﺮﻭﺣﻚ ﺷﻠﻮﻥ ﺷﺎﻙ ﺣﻠﻜﻚ ﻣﻦ ﺍﻟﻀﺤﻚ ..
ﻏﺰﻭﺍﻥ ﺍﻧﺘﺒﻪ ﻟﻨﻔﺴﺔ ﻭﺍﻧﺤﺮﺝ ... ﻭﺑﻌﺪﻳﻦ ﺭﺟﻊ ﻟﻄﺒﻴﻌﺘﺔ
&&&&&
ﻣﻴﺎﻣﻴﻦ ﻛﺎﻋﺪﺓ ﻋﺎﻟﻘﻨﻔﺔ ﻭﺑﺼﻔﻬﺔ ﺑﺴﻤﺔ ﻭﻣﻦ ﺍﻟﺠﻬﺔ ﺍﻟﺜﺎﻧﻴﺔ ﻣﻬﺎ .. ﺗﻘﺪﻣﺖ ﻣﻨﻬﺔ ﻧﻮﺭﺓ ﻭﺍﻟﻐﻴﺮﺓ ﻣﺒﻴﻨﺔ ﺑﻮﺟﻬﺔ ..
ﻧﻮﺭﺓ ﺑﺮﻓﻌﺔ ﺧﺸﻢ : ﻣﺒﺮﻭﻙ ﻣﻴﺎﻣﻴﻦ ..
ﻣﻴﺎﻣﻴﻦ ﺑﺄﺑﺘﺴﺎﻣﺔ : ﺍﻟﻠﻪ ﻳﺒﺎﺭﻙ ﺑﻴﺞ .. ﻳﻮﻡ ﺍﻟﺞ ..
ﻧﻮﺭﺓ : ﺍﻧﻲ ﻣﺎ ﺍﺗﺰﻭﺝ ﻫﺴﺔ .. ﺑﺲ ﺍﻧﺘﻀﺮ ﺍﻟﻮﻗﺖ ﻭﺍﻟﺸﺨﺺ ﺍﻟﻤﻨﺎﺳﺐ ..
ﺑﺴﻤﺔ ﻭﻫﻲ ﺗﻠﻌﺐ ﺑﻄﺮﻑ ﺷﻌﺮﻫﺔ : ﻭﺍﻟﻠﻪ ﺍﺭﻛﺎﻥ ﺷﻜﻠﺔ ﻣﺴﺘﻌﺠﻞ ﻋﺎﻟﺰﻭﺍﺝ ..
ﻧﻮﺭﺓ ﺑﻌﺼﺒﻴﺔ : ﻭﺍﻧﺘﻲ ﻣﻨﻮ ﻛﻠﺞ ﺍﻧﻲ ﺣﺘﺰﻭﺝ ﺍﺭﻛﺎﻥ ..
ﺑﺴﻤﺔ ﺑﻀﺤﻜﺔ ﺳﺨﺮﻳﺔ : ﺣﺒﻴﺒﺘﻲ ﻣﻮ ﺑﺲ ﺍﻧﻲ ﺍﻛﻮﻝ .. ﺍﻟﻌﺎﻟﻢ ﻛﻠﻬﺔ ﺗﺪﺭﻱ ﺑﺄﺭﻛﺎﻥ ﻧﻬﻰ ﻋﻠﻴﺞ ﻭﺧﺮﺏ ﺧﻄﻮﺑﺘﺞ ﻭﻛﺎﻝ ﺍﺭﻳﺪ ﺍﺗﺰﻭﺟﻬﺔ .. ﻗﺎﺑﻞ ﻫﺎﻟﺤﺠﻲ ﺟﺬﺏ ﻟﻮ ﺟﺎﻳﺒﺘﺔ ﻣﻦ ﺟﻴﺒﻲ ..
ﻧﻮﺭﺓ ﺿﺮﺑﺖ ﺭﺟﻠﻬﺔ ﺑﺎﻟﻜﺎﻉ ﺑﻌﺼﺒﻴﺔ ﻭﻋﺎﻓﺘﻬﺔ ﻭﻣﺸﺖ ﺑﻘﻬﺮ ..
ﻣﻴﺎﻣﻴﻦ : ﺑﺴﻤﺔ ﻟﻴﺶ ﺳﻮﻳﺘﻲ ﻫﻴﺞ .. ﺗﺮﺓ ﻫﺎﻟﻤﺮﺓ ﺍﻧﺘﻲ ﺍﻟﻲ ﺑﺪﻳﺘﻲ ..
ﺑﺴﻤﺔ ﺑﺪﻭﻥ ﺍﻫﺘﻤﺎﻡ : ﺧﻞ ﺗﻮﻟﻲ .. ﺷﻮﻳﺔ ﺧﻠﻴﻬﺔ ﺗﻜﺴﺮ ﻏﺮﻭﺭﻫﺔ ..
ﻣﻴﺎﻣﻴﻦ ﺍﺷﺮﺕ ﻟﻮﺭﻭﺩ ﺗﺠﻲ .. ﻭﺭﻭﺩ ﺩﻧﻜﺖ ﻋﻠﻴﻬﺔ ﻭﻣﻴﺎﻣﻴﻦ ﻫﻤﺴﺘﻠﻬﺔ : ﺩﺯﻱ ﺍﺣﺪ ﺧﻞ ﻳﺼﻴﺢ ﺭﺍﺋﺪ .. ﺷﻮﻓﻲ ﻟﻴﺶ ﻣﺎ ﺍﺟﺔ ﺣﺘﻰ ﻳﻮﺩﻋﻨﻲ ..
ﻭﺭﻭﺩ ﻫﺰﺕ ﺭﺍﺳﻬﺔ ﻭﻋﺎﻓﺘﻬﺔ ﻭﻣﺸﺖ ...
ﺳﻤﻌﺘﻬﻢ ﺍﻳﻜﻮﻟﻮﻥ ﺭﺍﺡ ﻳﺎﺧﺬﻭﻫﺔ ﻳﻌﻨﻲ ﺭﺍﺡ ﻳﺮﺣﻮﻥ ...
ﻣﻴﺎﻣﻴﻦ ﻣﻐﺼﺘﻬﺔ ﺑﻄﻨﻬﺔ ﻭﻛﻠﺒﻬﺔ ﺻﺎﺭ ﻳﺪﻙ ﺑﺴﺮﻋﺔ ﻭﻏﻮﺭﻛﺖ ﻋﻴﻮﻧﻬﺔ ... ﻟﻴﺶ ﺭﺍﺋﺪ ﻣﺎ ﺍﺟﺔ ﺳﻠﻢ ﻋﻠﻴﺔ .. ﺷﻨﻮ ﻳﺮﻳﺪ ﻳﺨﻠﺺ ﻣﻨﻲ ..
ﺍﻟﺒﻨﺎﺕ ﻭﺍﻟﻨﺴﻮﻥ ﻛﻞ ﻭﺣﺪﺓ ﻟﺒﺴﺖ ﻋﺒﺎﻳﺘﻬﺔ ﻭﺑﻮﺷﻴﺘﻬﺔ ﻭﺗﺤﻀﺮﻥ ﺣﺘﻰ ﻳﻄﻠﻌﻮﻥ ...
ﺧﺎﺗﻮﻥ ﺟﺎﺑﺖ ﺍﻟﺴﺘﺮﺓ ﺍﻟﺒﻴﻀﺔ ﻣﺎﻝ ﻣﻴﺎﻣﻴﻦ ﻻﻥ ﻓﺴﺘﺎﻧﻬﺔ ﻟﻠﻜﺘﻒ ﻳﻌﻨﻲ ﺑﺪﻭﻥ ﺍﻛﻤﺎﻡ ﻭﻫﻢ ﺍﻟﺠﻮ ﺑﺎﺭﺩ ..
ﻟﺒﺴﺘﻬﺔ ﺍﻟﺒﺮﻧﺺ ﻣﺎﻝ ﺍﻟﻌﺮﺍﻳﺲ ﻓﻮﻙ ﺗﺴﺮﻳﺤﺘﻬﺔ ..
ﻣﻴﺎﻣﻴﻦ ﻛﻮﺓ ﻻﺯﻣﺔ ﺩﻣﻌﺘﻬﺔ ﻻ ﺗﻄﻴﺢ ...
ﻛﺎﻣﻦ ﺍﻟﺒﻨﺎﺕ ﻳﻬﻮﺳﻦ ﻭﺍﻟﻜﻞ ﺗﻬﻮﺱ ﻭﻳﺎﻫﻦ ...
ﻓﺼﻮﺹ ﺭﻭﺑﺔ ﻭﻳﺎﻛﻔﺎﻫﺔ ﻭﻭﻳﻦ ﺩﻭﺭﻫﺔ ﻭﻟﻜﺎﻫﺔ ...
ﺷﺎﻳﻒ ﺧﻴﺮ ﻭﻣﺴﺘﺎﻫﻠﻬﺔ ...
ﻭﻣﻦ ﻫﺬﻧﻲ ﻫﻮﺳﺎﺗﻬﻦ ﺍﻟﻤﺎ ﺗﺨﻠﺺ ..
ﺍﻡ ﺭﺍﺋﺪ ﺗﻘﺪﻣﺖ ﻣﻦ ﺑﺘﻬﺔ ﻭﺣﻀﻨﺘﻬﺔ ﻭﺑﺎﺳﺘﻬﺔ ..
ﺍﻡ ﺭﺍﺋﺪ ﻭﻫﻲ ﺗﻜﻮﻝ ﻻﻡ ﻏﺰﻭﺍﻥ : ﻓﺪﻭﺓ ﺩﻳﺮﻭ ﺑﺎﻟﻜﻢ ﻋﻠﻰ ﺑﻨﻴﺘﻲ ..
ﺍﻡ ﻏﺰﻭﺍﻥ : ﺑﻌﻴﻮﻧﺔ ﺍﻧﺸﺎﻟﻠﻪ .. ﺍﻋﺘﺒﺮﻳﻬﺔ ﺭﺍﺣﺖ ﻻﻣﻬﺔ ﺍﻟﺜﺎﻧﻴﺔ ...
ﻃﻠﻌﺖ ﺑﺴﻤﺔ ﻭﺳﺤﺒﺖ ﻣﻬﺎ ﻭﻳﺎﻫﺔ ..
ﻣﻬﺎ ﺑﺄﻧﺰﻋﺎﺝ : ﺷﺒﻴﺞ ﻋﻮﻓﻴﻨﻲ ﺧﻞ ﺍﺭﻛﺺ ﻣﺎﺩﺍﻡ ﺑﻌﺪﻧﺔ ﻣﺎ ﻃﺎﻟﻌﻴﻦ ..
ﺑﺴﻤﺔ : ﻳﺎﻟﻐﺒﻴﺔ ﻻﺣﻜﺔ ﻋﺎﻟﺮﻛﺺ ﺭﻭﺣﻲ ﻫﻨﺎﻙ ﻭﺫﺑﻲ ﻟﺤﻢ .. ﺑﺲ ﻫﺴﺔ ﻫﺎﺝ ﺍﺧﺬﻱ ﺟﻨﻄﺔ ﻣﻴﺎﻣﻴﻦ ﻭﺣﻄﻴﻬﺔ ﺑﺴﻴﺎﺭﺓ ﻣﺆﻳﺪ .. ﺩﻳﺮﻱ ﺑﺎﻟﺞ ﺗﺤﻄﻴﻨﻬﺔ ﺑﺴﻴﺎﺭﺓ ﻏﺰﻭﺍﻥ ﺍﻭﻙ ؟ ...
ﻣﻬﺎ ﻋﻘﺪﺕ ﺣﻮﺍﺟﺒﻬﺔ ﺑﺄﺳﺘﻐﺮﺍﺏ : ﻭﻟﻴﺶ ﻳﻌﻨﻲ ..
ﺑﺴﻤﺔ : ﻣﻌﻠﻴﺞ ﺍﻧﺘﻲ .. ﻣﻦ ﻧﻮﺻﻞ ﻫﻨﺎﻙ ﺗﻌﺮﻓﻴﻦ ﻟﻴﺶ ..
ﻣﻬﺎ ﺗﻜﺘﻒ ﺍﻳﺪﻳﻬﺔ ﻭﻛﺎﻟﺖ : ﻭﻟﻴﺶ ﻣﺎ ﺗﻄﻠﻌﻴﻨﻬﺔ ﺍﻧﺘﻲ ..
ﺑﺴﻤﺔ ﻭﻫﻲ ﺗﺘﺄﻓﻒ : ﺭﻭﺣﻲ ﻳﺎﻟﺜﻮﻟﺔ ﺧﺎﺑﺮﻱ ﺍﺧﻮﺝ ﻋﻠﻤﻮﺩ ﻳﻔﺘﺤﻠﺞ ﺍﻟﺴﻴﺎﺭﺓ ﻭﺍﻧﻲ ﻫﺴﺔ ﺍﻟﺤﻜﺞ ﺑﺒﺎﻗﻲ ﺍﻟﻐﺮﺍﺽ ..
ﻣﻬﺎ ﺑﻤﻠﻞ ﻭﻫﻲ ﺗﺴﺤﺐ ﺍﻟﺠﻨﻄﺔ : ﺗﻤﺎﻡ ...
ﻃﻠﻌﺖ ﺗﻠﻴﻔﻮﻧﻬﺔ ﻭﺍﺗﺼﻠﺖ ﻋﻠﻰ ﻣﺆﻳﺪ ﻭﻃﻠﺒﺖ ﻣﻨﺔ ﻳﻔﺘﺤﻠﻬﺔ ﺍﻟﺴﻴﺎﺭﺓ ﺣﺘﻰ ﺗﺤﻂ ﺍﻟﺠﻨﻄﺔ ﺑﻴﻬﺔ ...
ﺑﻌﺪﻫﺔ ﻣﺎ ﻃﺎﻟﻌﺔ ﻭﺍﻧﻔﺘﺢ ﺳﻴﺮ ﺍﻟﺤﺬﺍﺀ ﻣﺎﻟﺘﻬﺔ : ﺍﻓﻔﻒ ﻫﺴﺔ ﻭﻛﺘﻚ ..
.. ﻋﺎﻓﺘﺔ ﻣﻔﺘﻮﺡ ﻭﺍﺧﺬﺕ ﺍﻟﺠﻨﻄﺔ ﺳﺤﺐ ﻭﻃﻠﻌﺖ .. ﻭﺻﻠﺖ ﻟﺴﻴﺎﺭﺓ ﻣﺆﻳﺪ ﻭﺣﻄﺖ ﺍﻟﺠﻨﻄﺔ ﻳﻢ ﺍﻟﺴﻴﺎﺭﺓ
ﻓﺘﺤﺖ ﺑﺎﺏ ﺍﻟﻜﺪﺍﻡ ﻭﺻﻌﺪﺕ ﺑﺪﻭﻥ ﻣﺎ ﺗﻠﺘﻔﺖ ﻋﻠﻰ ﻣﺆﻳﺪ ﻭﺩﻧﻜﺖ ﺗﺴﻮﻱ ﺣﺬﺍﺋﻬﺔ .. : ﻣﺆﻳﺪ ﻓﺪﻭﺓ ﺻﻌﺪ ﺍﻟﺠﻨﻄﺔ ﺗﺮﺓ ﺛﻜﻴﻠﺔ ﻣﺎ ﺍﻛﺪﺭﻟﻬﺔ .. ﻭﺍﻧﻲ ﺣﺬﺍﺋﻲ ﺍﻧﻔﻠﺖ ﺍﺑﺪ ﻣﻮ ﻭﻗﺘﺔ .. ﺗﺪﺭﻱ ﻛﻮﻟﺶ ﺗﻮﻧﺴﻨﺔ ﺍﻟﻴﻮﻡ ﻭﺍﻧﺸﺎﻟﻠﻪ ﻳﻮﻡ ﻧﺘﻮﻧﺲ ﺑﻌﺮﺳﻚ ﻫﻢ ..
ﺍﻧﺘﺒﻬﺖ ﺍﻥ ﻣﺆﻳﺪ ﻣﻐﻠﺲ ﻋﻠﻴﻬﺔ ﻭﻣﺎ ﻳﺮﺩ ..
ﺍﺳﺘﻐﺮﺑﺖ ﻭﺭﻓﻌﺖ ﺭﺍﺳﻬﺔ ﻟﻤﺆﻳﺪ ﻭﺷﻬﻜﻜﻜﺖ ....
££££££££££
ﻃﻠﻌﺖ ﻣﻴﺎﻣﻴﻦ ﻣﻦ ﺍﻟﺒﻴﺖ ﻭﻭﺻﻠﺖ ﻟﻠﻄﺎﺭﻣﺔ ﻣﺎﻟﺘﻬﻢ ﻭﻫﻲ ﺗﺸﻮﻑ ﺭﺍﺋﺪ ﻭﺍﻛﻒ ﻳﻨﺘﻀﺮﻫﺔ ..
ﺭﺍﺣﺘﻠﺔ ﺗﺮﻛﺾ ﻭﺣﻀﻨﺘﺔ ﺑﻘﻮﺓ ﻭﺻﺎﺭﺕ ﺗﺒﺠﻲ : .. ﻟﻴﺶ ﻣﺎ ﺍﺟﻴﺖ ﺳﻠﻤﺖ ﻋﻠﻴﺔ ..
ﺭﺍﺋﺪ ﻭﻫﻮ ﻳﺒﻮﺳﻬﺔ ﺑﺮﺍﺳﻬﺔ ﻭﻳﺤﻀﻨﻬﺔ : ﻣﺎﻫﺎﻥ ﻋﻠﻴﺔ ﺍﺷﻮﻑ ﺩﻣﻮﻋﺞ ..
ﻣﻴﺎﻣﻴﻦ : ﻳﻌﻨﻲ ﺗﺮﻳﺪ ﺗﻌﻮﻓﻨﻲ ﺍﺭﻭﺡ ﺑﺪﻭﻥ ﻣﺎ ﺍﺷﻮﻓﻚ ﻋﻠﻤﻮﺩ ﺩﻣﻮﻋﻲ ..
ﻏﺰﻭﺍﻥ ﻃﻠﻊ ﻣﻦ ﺍﻟﺒﺎﺏ ﻭﻫﻮ ﻳﺸﻮﻑ ﺑﺲ ﺿﻬﺮ ﺭﺍﺋﺪ ﻭﺍﻳﺪﻳﻬﺔ ﻣﺤﺎﻭﻃﺘﺔ ﻭﻣﺘﻤﺴﻜﺔ ﺑﺄﺧﻮﻫﺔ .. ﺭﺍﺋﺪ ﺟﺎﻥ ﻣﻐﻄﻲ ﻋﻠﻴﻬﺔ ﻭﻣﺎ ﻳﺒﻴﻦ ﻣﻨﻬﺔ ﺷﻲ ..
ﺣﻂ ﺍﻳﺪﺓ ﻋﻠﻰ ﻛﻠﺒﺔ ﻭﻗﺒﺾ ﺍﻳﺪﺓ ﺣﻴﻞ ﻭﺍﻟﻐﻴﺮﺓ ﺍﺷﺘﻌﻠﺖ ﺑﻜﻠﺒﺔ ... ﻟﻴﺶ ﻫﺎﻟﻜﺪ ﻳﻐﺎﺭ ﻣﻦ ﺭﺍﺋﺪ ﻣﻊ ﺍﻥ ﻫﻮﺓ ﺍﺧﻮﻫﺔ .. ﺑﺲ ﻻﻥ ﻳﺪﺭﻱ ﺑﻴﻬﺔ ﺷﻜﺪ ﺗﺤﺒﺔ ﻭﻣﺴﺘﻌﺪﺓ ﺗﻀﺤﻲ ﺑﻨﻔﺴﻬﺔ ﻋﻠﻤﻮﺩﺓ ...
ﻏﺰﻭﺍﻥ ﺣﺠﺔ ﺑﺼﻮﺕ ﻭﻫﻮ ﻳﺮﻳﺪﻫﻢ ﻳﻨﺘﺒﻬﻮﻥ ﺍﻟﺔ : ﺭﺍﺋﺪ .. ﻳﻠﺔ ﻧﺮﻳﺪ ﻧﻄﻠﻊ ..
ﻣﻴﺎﻣﻴﻦ ﻣﺠﺮﺩ ﻣﺎ ﺳﻤﻌﺖ ﺻﻮﺗﺔ ﻛﻤﺸﺖ ﺑﺄﺻﺎﺑﻌﻬﺔ ﻋﻠﻰ ﺟﺎﻛﻴﺖ ﺭﺍﺋﺪ ﺣﻴﻞ ... ﻫﺬﺍ ﻫﻮﺓ ..
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤

يتبع
لهنايه وحيكون النشر كل يوم بارت
#روووعه

فيتامين سي · 18-06-19, 02:14 AM

#سجينة_الظلم_والانتقام
البارت 49الى50
بقلم سارة الشمري

#بارت٤٩
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻭﻣﻦ ﻋﺠﺐ ﺇِﻧﻲ ﺃَﺣﻦُ ﺇِﻟﻴﻬﻢ
ﻭﺃَﺳﺄﻝُ ، ﺷﻮﻗﺎً ، ﻋﻨﻬُﻢ ﻭﻫﻢ ﻣﻌﻲ
ﻭﺗﺒﻜﻲ ﻋﻴﻨﻲ ﻭﻫﻢ ﻓﻲ ﺳﻮﺍﺩﻫﺎ
ﻭﻳﺸﻜﻮ ﺍﻟﻨﻮﻯ ﻗﻠﺒﻲ ﻭﻫﻢ ﺑﻴﻦ ﺃَﺿﻠﻌﻲ
ﻏﺰﻭﺍﻥ ﺣﺠﺔ ﺑﺼﻮﺕ ﻭﻫﻮ ﻳﺮﻳﺪﻫﻢ ﻳﻨﺘﺒﻬﻮﻥ ﺍﻟﺔ : ﺭﺍﺋﺪ .. ﻳﻠﺔ ﻧﺮﻳﺪ ﻧﻄﻠﻊ ..
ﻣﻴﺎﻣﻴﻦ ﻣﺠﺮﺩ ﻣﺎ ﺳﻤﻌﺖ ﺻﻮﺗﺔ ﻛﻤﺸﺖ ﺑﺄﺻﺎﺑﻌﻬﺔ ﻋﻠﻰ ﺟﺎﻛﻴﺖ ﺭﺍﺋﺪ ﺣﻴﻞ ... ﻫﺬﺍ ﻫﻮﺓ .. ﺭﺍﺡ ﻳﺎﺧﺬﻧﻲ ﻣﻦ ﺭﺍﺋﺪ ﻭﺍﻫﻠﻲ .. ﻣﺎﺭﻳﺪ ﺍﺭﻭﺡ ﻭﻳﺎﻩ .. ﺍﻛﺮﻫﺔ ..
ﻭﺧﺮﺕ ﻋﻦ ﺭﺍﺋﺪ ﻭﻧﺰﻟﺖ ﺍﻟﺒﺮﻧﺺ ﻋﻠﻰ ﻭﺟﻬﺔ ﺍﻛﺜﺮ ﺑﺤﻴﺚ ﺻﺎﺭ ﻣﻴﺒﻴﻦ ...
ﺭﺟﻌﺖ ﻛﻢ ﺧﻄﻮﺓ ﻟﻮﺭﻯ ﻭﺩﺧﻠﺖ ﻟﻠﺒﻴﺖ ﺑﺪﻭﻥ ﻣﺎ ﺗﺒﺎﻭﻋﻠﺔ ..
ﺍﻟﺒﻨﺎﺕ ﺟﺎﻧﻦ ﻣﻨﺘﻀﺮﺍﺗﻬﺔ ﺗﺴﻠﻢ ﻋﻠﻰ ﺍﺧﻮﻫﺔ ﻭﻳﻄﻠﻌﻦ ...
ﻃﻠﻌﻦ ﺍﻟﺒﻨﺎﺕ ﺧﺎﺗﻮﻥ ﻭﺟﻮﺭﻱ ﺻﻌﺪﻥ ﻣﻴﺎﻣﻴﻦ ﺑﺴﻴﺎﺭﺓ ﻏﺰﻭﺍﻥ ...
ﺑﺴﻤﺔ ﺍﺧﺬﺕ ﺑﺎﻗﻲ ﺍﻟﻐﺮﺍﺽ ﻭﻟﺤﻜﺖ ﻣﻬﺎ ﺑﻴﻬﻦ ﻟﺴﻴﺎﺭﺓ ﻣﺆﻳﺪ ...
&&&&&&
ﻣﻬﺎ ... ﺍﺳﺘﻐﺮﺑﺖ ﻫﺪﻭﺀ ﻣﺆﻳﺪ ... ﺭﻓﻌﺖ ﺭﺍﺳﻬﺔ ﻭﺷﻬﻜﻜﻜﺖ ﻭﻓﺘﺤﺖ ﻋﻴﻮﻧﻬﺔ ﻭﺑﻘﺖ ﻣﺼﺪﻭﻣﺔ ﺗﺒﺎﻭﻉ ﻋﻠﻲ ...
ﺧﺎﻟﺪ ﺍﻟﻲ ﺟﺎﻧﺖ ﺳﻴﺎﺭﺗﺔ ﺳﺎﺩﺓ ﻃﺮﻳﻖ ﻛﻢ ﺳﻴﺎﺭﺓ .. ﺍﺟﺔ ﺣﺘﻰ ﻳﻮﺧﺮﻫﺔ .. ﻣﺠﺮﺩ ﻣﺎ ﺻﻌﺪ ﺑﺎﻟﺴﻴﺎﺭﺓ ﺍﻧﻔﺘﺢ ﺍﻟﺒﺎﺏ ﺍﻟﻜﺪﺍﻡ ﻭﺻﻌﺪﺕ ﺑﻨﻴﺔ ﺣﻠﻮﺓ ﺑﺼﻔﺔ ...
ﻛﻌﺪﺕ ﺗﺴﻮﻟﻒ ﻭﻫﻲ ﻣﺪﻧﻜﺔ ﻭﻫﻮ ﻣﺼﺪﻭﻡ ﻣﻦ ﻋﺪﻫﺔ .. ﺑﻌﺪﻳﻦ ﻓﻬﻢ ﺍﻟﺴﺎﻟﻔﺔ ﺍﻥ ﻫﺎﻱ ﺍﺧﺖ ﻣﺆﻳﺪ ﻣﻦ ﻛﻼﻣﻬﺔ ﻭﺍﻥ ﺻﻌﺪﺕ ﺑﺴﻴﺎﺭﺗﺔ ...
ﺭﻓﻌﺖ ﻣﻬﺎ ﺭﺍﺳﻬﺔ ﺑﻮﺟﻬﺔ ﻭﺑﻘﺖ ﻣﺼﺪﻭﻣﺔ ﻭﺗﺒﺎﻭﻋﻠﺔ ...
ﺧﺎﻟﺪ ﺑﻔﻬﺎﻭﺓ ﻭﻫﻮﺓ ﻳﺒﺎﻭﻉ ﺑﻌﻴﻮﻧﻬﺔ : ﺳﺒﺤﺎﻥ ﻣﻦ ﺧﻠﻘﺞ ﺑﻬﺎﻟﺠﻤﺎﻝ ﻭﺍﻟﻌﻴﻮﻥ ﺍﻟﺰﺭﻛﺔ ...
ﻣﻬﺎ ﺍﻧﺼﺪﻣﺖ ﻭﺭﻣﺸﺖ ﺍﻛﺜﺮ ﻣﻦ ﻣﺮﺓ ﻣﻦ ﻛﻼﻣﺔ ...
ﺑﻠﻌﺖ ﺭﻳﻜﻬﺔ ﻭﻛﺎﻟﺖ ﺑﺪﻭﻥ ﻋﻠﻢ : ﻣﻨﻮ ﺍﻧﺘﺔ .. ﻟﻴﺶ ﺑﺴﻴﺎﺭﺓ ﻣﺆﻳﺪ ..
ﺧﺎﻟﺪ ﻭﻫﻮ ﻣﻔﻬﻲ ﺑﻌﻴﻮﻧﻬﺔ : ﻳﺎ ﻣﺆﻳﺪ .. ﺍﻧﺘﻲ ﺷﺴﻤﺞ ..
ﻣﻬﺎ ﺭﺍﺩﺕ ﺗﻨﺰﻝ ﻭﻫﻮ ﺳﺤﺒﻬﺔ ﻣﻦ ﻣﻌﺼﻢ ﺍﻳﺪﻫﺔ ﻭﻛﺎﻝ ﺑﺄﺻﺮﺍﺭ : ﺷﺴﻤﻤﺞ ...
ﻣﻬﺎ ﺑﻠﻌﺖ ﺭﻳﻜﻬﺔ ﺑﺨﻮﻑ ﻭﻛﺎﻟﺖ : ﻣـ .. ﻣـ ﻣﻬﺎ ...
ﺧﺎﻟﺪ ﻭﻫﻮ ﻳﺒﺎﻭﻉ ﺑﻌﻴﻮﻧﻬﺔ ﺑﻬﻴﺎﻡ : ﻓﻌﻼ ﻣــﻬــﺎ ...
ﺧﺎﺗﻮﻥ ﻭﻫﻲ ﺗﺮﻳﺪ ﺗﺴﺤﺐ ﺍﻳﺪﻫﺔ ﺣﺘﻰ ﺗﻨﺰﻝ ﻭﺗﺤﺠﻲ ﺑﻌﺼﺒﻴﺔ : ﻋﻮﻭﻭﻓﻨﻲ ﺧﻞ ﺍﻧﺰﻝ ﻻ ﻳﺠﻲ ﻣﺆﻳﺪ ﻓﺪﻭﺓ ..
ﺣﺴﺎﻥ ﻭﻫﻮ ﻳﺒﺎﻭﻉ ﻭﺭﺍﻫﺔ : ﺗﻨﺰﻟﻴﻦ ﻭﺣﺪﺝ ﻭﺍﻟﺰﻟﻢ ﺗﺎﺭﺳﺔ ﺍﻟﺸﺎﺭﻉ .. ﺧﻞ ﻳﻌﺒﺮﻭﻥ ﻳﻠﺔ ...
ﻣﻬﺎ ﺑﻌﺼﺒﻴﺔ ﻭﻋﻴﻮﻧﻬﺔ ﻏﻮﺭﻛﺖ : ﻋﻮﻭﻑ ﺍﻳﺪﻱ ﺧﻞ ﺍﻧﺰﻝ ﻣﻌﻠﻴﻚ ﺑﻴﺔ ..
ﺧﺎﻟﺪ ﻣﺎ ﺍﻫﺘﻢ ﻟﻜﻼﻣﻬﺔ ﻭﻃﻠﻊ ﺗﻠﻴﻔﻮﻧﺔ ﻭﺍﺗﺼﻞ ﻋﻠﻰ ﻣﺆﻳﺪ ﺍﻟﻲ ﺍﺧﺬ ﺭﻗﻤﺔ ﻗﺒﻞ ﺷﻮﻳﺔ ﻣﻦ ﻫﻤﺔ ﻳﺴﻮﻟﻔﻮﻥ ﻭﺗﻌﺮﻓﻮ ..
ﺧﺎﻟﺪ ﻭﻫﻮ ﻳﺤﻂ ﺍﻟﺘﻠﻴﻔﻮﻥ ﻋﻠﻰ ﺍﺫﻧﺔ ﻭﻳﺤﺠﻲ : ﺍﻟﻮ ﻣﺆﻳﺪ ..
ﻣﻬﺎ ﺿﺮﺑﺖ ﻋﻠﻰ ﺧﺪﻫﺔ ﺣﻴﻞ ﻣﻦ ﻋﺮﻓﺖ ﺍﻥ ﺍﺗﺼﻞ ﺑﻤﺆﻳﺪ ... ﻳﻤﻤﻤﺔ ﺻﺨﺎﻡ ﺻﺨﻤﻨﻲ ..
ﺧﺎﻟﺪ : ﻣﺆﻳﺪ ﺍﻛﻮ ﻭﺣﺪﺓ ﻣﻦ ﻋﺎﺋﻠﺘﻜﻢ ﺷﻜﻠﻬﺔ ﺧﺮﺑﻄﺖ ﺑﻴﻦ ﺳﻴﺎﺭﺗﻲ ﻭﺳﻴﺎﺭﺗﻚ ﻭﺻﻌﺪﺕ ﺑﺴﻴﺎﺭﺗﻲ .. ﻣﺎﻛﺪﺭﺕ ﺍﺧﻠﻴﻬﺔ ﺗﻨﺰﻝ ﻻﻥ ﺍﻟﺸﺎﺭﻉ ﻣﺘﺮﻭﺱ ﺯﻟﻢ .. ﺗﻜﺪﺭ ﺗﺠﻲ ﺍﻧﺖ ﺗﺎﺧﺬﻫﺔ .. ﻣﺎﺷﻲ ﺍﻧﺘﻀﺮﻙ ..
ﻣﻬﺎ ﻣﺼﺪﻭﻣﺔ ﻭﻛﺎﻟﺖ ﺑﺄﺳﺘﻴﻌﺎﺏ : ﻳﻌﻨﻲ ﻫﺎﻱ ﻣﻮ ﺳﻴﺎﺭﺓ ﻣﺆﻳﺪ ..
ﺧﺎﻟﺪ ﻭﻫﻮ ﻳﻨﺰﻝ ﻭﻣﺒﺘﺴﻢ : ﻻ ﺳﻴﺎﺭﺗﻲ ﻣﻮ ﺳﻴﺎﺭﺓ ﻣﺆﻳﺪ ...
ﻧﺰﻝ ﻭﻃﺒﻚ ﺍﻟﺒﺎﺏ .. ﻣﻬﺎ ﻋﻀﺎﻣﻬﺔ ﻛﺎﻣﺖ ﺷﻲ ﺗﻄﻚ ﺑﺸﻲ ﻣﻦ ﺍﻟﺨﻮﻑ ... ﻳﺮﺑﻲ ﺷﺴﻮﻱ ﻫﺴﺔ .. ﻭﺍﻟﻠﻪ ﻣﺎﺟﻨﺖ ﻣﻨﺘﺒﻬﺔ ...
ﺻﺎﺭﺕ ﺗﺎﻛﻞ ﺑﺄﺿﺎﻓﺮﻫﺔ ﺑﺨﻮﻑ ... ﻭﻓﺠﺄﺓ ﺍﻧﺪﻙ ﺍﻟﺸﺒﺎﻙ ﺣﻴﻞ ﻋﻠﻴﻬﺔ ﻭﻫﻲ ﻛﻤﺰﺕ ..
ﺭﻓﻌﺖ ﺭﺍﺳﻬﺔ ﻭﺷﺎﻓﺘﺔ ﻣﺆﻳﺪ ﻭﻋﻴﻮﻧﺔ ﺣﻤﺮ ﻣﻦ ﺍﻟﻌﺼﺒﻴﺔ ... ﻓﺘﺢ ﺍﻟﺒﺎﺏ ﻭﻛﺎﻝ ﻭﻫﻮ ﺭﺍﺹ ﻋﻠﻰ ﺳﻨﻮﻧﺔ : ﺍﻧﺰﺯﺯﺯﺯﻟﻠﻠﻲ ... ﻭﻏﻄﻲ ﺧﻠﻘﺘﺞ ..
ﻣﻬﺎ ﺍﻧﺘﺒﻬﺖ ﺍﻥ ﻫﻲ ﻣﺎ ﻻﺑﺴﺔ ﺑﻮﺷﻴﺘﻬﺔ ... ﻣﻦ ﺍﻟﺨﻮﻑ ﻣﺎ ﺍﻧﺘﺒﻬﺖ ﻟﺸﻲ ...
ﻧﺰﻟﺖ ﻭﻏﻄﺖ ﻭﺟﻬﺔ ﺑﺎﻟﻌﺒﺎﻳﺔ ﻭﻛﺎﻣﺖ ﺗﻤﺸﻲ ﻭﺭﺍﻩ ﻭﻛﻠﺒﻬﺔ ﻳﺮﺟﻒ ﻣﻦ ﺍﻟﺨﻮﻑ .. ﺳﺤﺐ ﻫﻮ ﺍﻟﺠﻨﻄﺔ ﺍﻟﻲ ﺟﺎﻧﺖ ﻳﻢ ﺍﻟﺴﻴﺎﺭﺓ ﻭﺍﺧﺬﻫﺔ ﻟﺴﻴﺎﺭﺗﺔ ...
ﺻﻌﺪﺕ ﺑﺎﻟﻜﺮﺳﻲ ﺍﻟﻜﺪﺍﻡ ﻭﻫﻮ ﺣﻂ ﺍﻟﺠﻨﻄﺔ ﻭﺭﺓ ﻭﺭﺟﻊ ﺻﻌﺪ ﺑﻤﻜﺎﻥ ﺍﻟﺴﺎﻳﻖ ... ﻭﺍﻟﺒﻨﺎﺕ ﺑﺴﻤﺔ ﻭﺧﺎﺗﻮﻥ ﺧﺎﻳﻔﺎﺕ ﻣﻨﺔ ...
ﺍﻟﺘﻔﺖ ﻋﻠﻴﻬﺔ ﺑﺴﺮﻋﺔ ﻭﺻﺮﺥ ﺑﻴﻬﺔ : ﺷﻤﻮﺩﻳﻴﻴﺞ ﺑﺴﻴﺎﺭﺓ ﺍﻟﻮﻟﺪ ..
ﻣﻬﺎ ﺑﺨﻮﻑ ﻭﻫﻲ ﺗﺮﺟﻒ ﻭﻋﻴﻮﻧﻬﺔ ﻣﻐﻮﺭﻛﺔ : ﻭﺍﻟﻠﻪ ﻋﺒﺎﻟﻲ ﺳﻴﺎﺭﺗﻚ .. ﺷﻮﻓﻬﻦ ﻧﻔﺲ ﺍﻟﺸﻲ ..
ﻣﺆﻳﺪ ﺑﻌﺼﺒﻴﺔ : ﻳﻌﻨﻲ ﺍﻧﺘﻲ ﺛﻮﻟﺔ ﻣﺎ ﺗﻨﺪﻟﻴﻦ ﻭﻳﻦ ﻧﺰﻟﺘﻲ ﺑﻴﺎ ﻣﻜﺎﻥ ..
ﻣﻬﺎ ﻭﺧﺎﻧﻜﺘﻬﺔ ﺍﻟﻌﺒﺮﺓ : ﻭﺍﻟﻠﻪ ﻋﺒﺎﻟﻲ ﻏﻴﺮﺕ ﻣﻜﺎﻧﻬﺔ ﻣﺎ ﺍﻧﺘﺒﻬﺖ ..
ﻣﺆﻳﺪ ﺻﺎﺡ ﺑﻴﻬﺔ : ﻛﺎﺍﺍﺍﻓﻲ ﺻﻤﻲ ﺣﻠﻜﺞ .. ﻭﺍﻟﻠﻪ ﻟﻮ ﻣﺎ ﻋﻴﺐ ﺟﺎ ﺳﺤﻠﺘﺞ ﻭﻛﻔﺨﺘﺞ ﻛﺪﺍﻡ ﺍﻟﻌﺎﻟﻢ .. ﺻﺎﻋﺪﺓ ﺑﺴﻴﺎﺭﺓ ﺍﻟﻮﻟﺪ ﻭﻫﻮ ﺑﻴﻬﺔ
ﻣﻬﺎ ﺍﺧﺬﺕ ﺍﻟﻄﺮﻳﻖ ﻛﻠﺔ ﺳﺎﻛﺘﺔ ﻭﺗﺮﻳﺪ ﺗﺒﺠﻲ ﺑﺲ ﺗﺨﺎﻑ .. ﻋﻠﻰ ﻛﻮﻟﺘﻬﺔ ﺻﺎﺭ ﺍﻟﻌﺮﺱ ﺯﻗﻮﻡ ﻋﻠﻴﺔ ...
ﺑﺴﻤﺔ ﻭﺧﺎﺗﻮﻥ ﻛﻤﻠﻦ ﺍﻟﻄﺮﻳﻖ ﻫﻮﺳﺎﺕ ﻭﺭﻛﺺ ﻣﻦ ﺷﺎﻓﻦ ﻣﺆﻳﺪ ﻫﺪﺀ ...
@@@@@@@@@@@
ﻏﺰﻭﺍﻥ ﻭﻣﻴﺎﻣﻴﻦ ﻛﺎﻋﺪﻳﻦ ﺑﺎﻟﺴﻴﺎﺭﺓ ..
ﻣﻦ ﺍﻭﻝ ﻣﺎ ﺻﻌﺪﺕ ﻭﻏﺰﻭﺍﻥ ﻛﻠﺒﺔ ﺻﺎﺭ ﻃﺒﻮﻝ ﻭﻓﺮﺣﺘﺔ ﻣﻮ ﺳﺎﻳﻌﺘﺔ ﻭﺑﻮﺩﺓ ﻳﺤﻀﻨﻬﺔ ﻫﺴﺔ ﻭﻳﺸﻢ ﻋﻄﺮﻫﺔ ﺑﺲ ﻣﻮ ﻭﻗﺘﺔ ... ﻣﺎ ﺭﺍﺩ ﻳﺤﺠﻲ ﺷﻲ ﻻﻥ ﻣﺎﻳﺮﻳﺪﻫﺔ ﺗﻌﺼﺐ ﻫﺴﺔ ﻭﺑﺎﻟﺴﻴﺎﺭﺓ ...
ﻣﻴﺎﻣﻴﻦ ﺗﺤﺲ ﻧﻔﺴﻬﺔ ﻣﺨﻨﻮﻛﺔ ﻭﻣﺠﺒﻮﺭﺓ ﻭﻛﻠﺴﺎﻉ ﺗﻜﻮﻝ ﻛﻠﺸﻲ ﻋﻠﻤﻮﺩ ﺭﺍﺋﺪ ﻳﻬﻮﻥ ... ﻣﺠﺮﺩ ﻗﺮﺑﺔ ﻣﻨﻬﺔ ﻳﺨﻠﻴﻬﺔ ﺗﻜﺮﻫﺔ ﻭﺗﻜﺮﻩ ﻧﻔﺴﻬﺔ ...
ﻛﻠﺸﻲ ﺳﻮﺍﻩ ﻭﻳﺎﻫﺔ ﺻﺎﺭ ﻳﻤﺮ ﻋﻠﻰ ﺑﺎﻟﻬﺔ ﻣﺜﻞ ﺍﻟﺸﺮﻳﻂ .. ﻏﻮﺭﻛﺖ ﻋﻴﻮﻧﺔ ﺑﺲ ﻣﺎ ﺗﺮﻳﺪ ﺗﺒﺠﻲ ..
ﻣﺴﺘﺤﻴﻞ ﺍﺑﺠﻲ ﻋﻠﻤﻮﺩﺓ ﻣﺮﺓ ﺛﺎﻧﻴﺔ ...
£££££££££
ﺑﻌﺪ ﻣﺮﻭﺭ ٤ ﺳﺎﻋﺎﺕ ﺗﻘﺮﻳﺒﺎً ﻭﺻﻠﻮ ﻟﻠﺒﺼﺮﺓ ...
ﻣﻴﺎﻣﻴﻦ ﺗﺤﺲ ﺟﺴﻤﻬﺔ ﺗﻜﺴﺮ ﻣﻦ ﺍﻟﻜﻌﺪﺓ ﻭﻃﻮﻝ ﺍﻟﻄﺮﻳﻖ ﻫﻲ ﺣﺎﻃﺔ ﺍﻟﺒﺮﻧﺺ ﻋﻠﻰ ﻭﺟﻬﺔ ﻣﺎ ﺗﺮﻳﺪ ﺗﺸﻮﻓﺔ ...
ﻭﺻﻠﻮ ﻭﻏﺰﻭﺍﻥ ﺩﺧﻞ ﺳﻴﺎﺭﺗﺔ ﻟﺒﻴﺖ ﺍﻫﻠﺔ .. ﻭﺑﺎﻗﻲ ﺍﻟﺴﻴﺎﺭﺍﺕ ﻭﻛﻔﺖ ﺑﺮﺓ ﻭﺍﻟﻨﺴﻮﺍﻥ ﻧﺰﻟﻦ ..
ﻏﺰﻭﺍﻥ ﻧﺰﻝ ﺑﺴﺮﻋﺔ ﻭﻓﺘﺤﻠﻬﺔ ﺍﻟﺒﺎﺏ ﻭﻣﺪ ﺍﻳﺪﺓ ﺍﻟﻬﺔ ﺣﺘﻰ ﻳﺴﺎﻋﺪﻫﺔ ﺍﻥ ﺗﻨﺰﻝ ..
ﻣﻴﺎﻣﻴﻦ ﺑﺎﻭﻋﺖ ﻋﻠﻰ ﺍﻳﺪﺓ ﺷﻮﻳﺔ ﻭﺑﻌﺪﻳﻦ ﺗﻤﺴﻜﺖ ﺑﻄﺮﻑ ﺍﻟﻜﺮﺳﻲ ﻭﻧﺰﻟﺖ ...
ﺗﻨﻬﺪ ﻣﻦ ﺗﺼﺮﻓﺔ ﻭﺍﺟﻦ ﺧﺎﺗﻮﻥ ﻭﺑﺴﻤﺔ ﻭﻣﻬﺎ ﺍﻟﻤﻄﻨﻜﺮﺓ ﺳﺎﻋﺪﻧﻬﺔ ﻭﺩﺧﻠﻨﺔ ﻟﻠﺒﻴﺖ ...
ﺍﺑﺘﺪﺕ ﺍﻟﻬﻮﺳﺎﺕ ﻣﺮﺓ ﺛﺎﻧﻴﺔ .. ﻣﻴﺎﻣﻴﻦ ﺗﺤﺲ ﺑﺘﻌﺐ ﻣﻦ ﺍﻟﻄﺮﻳﻖ ﻭﻫﻢ ﺍﻟﻠﻴﻞ ﻛﻠﺔ ﺍﻟﺒﺎﺭﺣﺔ ﻣﺎ ﻧﺎﻳﻤﺔ ﻣﻦ ﺍﻟﺘﻔﻜﻴﺮ ..
ﺍﻭﻝ ﻣﺎ ﺩﺧﻠﺖ ﺷﺎﻟﺖ ﺍﻟﺒﺮﻧﺺ ﻭﺍﻟﺠﺎﻛﻴﺖ ﻣﺎﻟﺘﻬﺔ ....
ﺍﺳﺘﻘﺒﻠﺘﻬﺔ ﺍﻟﺤﺠﻴﺔ ﺧﺎﺗﻮﻥ ﻭﻫﻲ ﺗﻄﺶ ﻋﻠﻴﻬﺔ ﺍﻟﺠﻜﻠﻴﺖ ...
ﻣﻴﺎﻣﻴﻦ ﺣﻀﻨﺘﻬﺔ ﻭﺑﺎﺳﺖ ﺍﻳﺪﻫﺔ ﻭﺭﺍﺳﻬﺔ ﻭﺩﻣﻮﻋﻬﺔ ﻧﺰﻟﺖ ...
ﺍﻟﺤﺠﻴﺔ ﺑﺘﺮﺣﻴﺐ : ﻫﻼ ﻳﺒﻌﺪ ﺭﻭﺣﻲ .. ﺷﻠﻮﻧﺞ ﻳﻌﺰﻳﺰﺓ ﻛﻠﺒﻲ ..
ﻣﻴﺎﻣﻴﻦ ﻭﻫﻲ ﺗﻤﺴﺢ ﺩﻣﻮﻋﻬﺔ : ﺍﻟﺤﻤﺪﺍﻟﻠﻪ ﺣﺒﻮﺑﺔ ﺑﺲ ﻣﺸﺘﺎﻗﺘﻠﺞ ..
ﺍﻟﺤﺠﻴﺔ : ﺟﺎ ﻭﺭﻭﺡ ﺍﺑﻮﻱ ﺍﻧﺔ ﺍﻟﻤﺸﺘﺎﻗﺘﻠﺞ ﺍﻛﺜﺮ ...
ﺩﺧﻠﺘﻬﺔ ﺍﻟﺤﺠﻴﺔ ﻭﻛﻌﺪﺗﻬﺔ ...
ﻫﻮﺳﻦ ﺷﻮﻳﺔ ﻭﺑﻌﺪﻳﻦ ﻓﺮﺷﻦ ﺍﻟﺴﻔﺮﺓ .. ﻣﻴﺎﻣﻴﻦ ﻣﻤﺎﻛﻠﺔ ﺷﻲ ﺍﻟﻴﻮﻡ ﺍﺑﺪ ﻭﻫﺴﺔ ﺍﻟﺴﺎﻋﺔ ﺏ ٤ ﺍﻟﻌﺼﺮ ...
ﻛﻌﺪﻥ ﺍﻟﻨﺴﻮﺍﻥ ﻛﻠﻬﻦ ﻋﺎﻟﺴﻔﺮﺓ ﻭﻳﺎﻛﻠﻦ ﻭﻳﺴﻮﻟﻔﻦ ..
ﺍﺟﺖ ﺑﺴﻤﺔ ﻭﻛﻮﻣﺖ ﻣﻴﺎﻣﻴﻦ ﻣﻦ ﺍﻳﺪﻫﺔ ﻭﺍﺧﺬﺗﻬﺔ ﻭﻳﺎﻫﺔ ﻭﺩﺧﻠﺘﻬﺔ ﻟﻐﺮﻓﺔ ﺍﺑﻮ ﻏﺰﻭﺍﻥ ..
ﺷﺎﻓﺖ ﺍﻟﺒﻨﺎﺕ ﺣﺎﻃﺎﺕ ﺳﻔﺮﺓ ﺯﻏﻴﺮﺓ ﺑﺎﻟﻐﺮﻓﺔ ﻭﻣﻨﺘﻀﺮﺍﺗﻬﺔ ...
ﻣﻴﺎﻣﻴﻦ : ﻳﻤﻤﺔ ﻭﻟﺠﻦ ﻣﻴﺘﺔ ﻣﻦ ﺍﻟﺠﻮﻉ ..
ﺧﺎﺗﻮﻥ ﺣﻀﻨﺘﻬﺔ ﻣﻦ ﻭﺭﺓ : ﻳﺨﺴﻰ ﺍﻟﺠﻮﻉ .. ﻳﻠﺔ ﺗﻌﺎﻱ ﺍﻛﻠﻲ ..
ﻛﻌﺪﺕ ﻫﻲ ﻭﺍﻟﺒﻨﺎﺕ ﻳﺎﻛﻠﻦ ﻭﺍﻧﻄﻠﻘﻦ ﺑﺎﻟﺴﻮﺍﻟﻒ ﻭﺍﻟﺤﺠﻲ ...
ﺧﻠﺼﻦ ﺍﻛﻞ ﻭﻫﻲ ﺭﺟﻌﺖ ﻛﻌﺪﺕ ﺑﺮﺓ ﻭﺍﻟﺒﻨﺎﺕ ﻳﻤﻬﺔ ﻳﺴﻮﻟﻔﻦ ...
ﺷﻮﻳﺔ ﻭﺑﺪﺕ ﺍﻟﻨﺴﻮﺍﻥ ﺗﺨﻒ .. ﻟﺤﺪ ﻣﺎ ﻛﻠﻬﺔ ﺭﺍﺣﺖ ﻭﻣﺎ ﺑﻘﻦ ﻏﻴﺮ ﺍﻟﺒﻨﺎﺕ ﺍﻟﻲ ﺭﺍﺡ ﻳﺒﺎﺗﻦ ﻫﻨﺎ ...
ﺻﺎﺭﺕ ﺍﻟﺴﺎﻋﺔ ٩ ..
ﺍﻡ ﻏﺰﻭﺍﻥ : ﻳﻠﺔ ﻳﻤﺔ ﺍﺧﺬﻥ ﻣﺮﺕ ﺍﺧﻮﺟﻦ ﻭﺭﻭﺣﻦ ﻟﺒﻴﺘﻬﺔ ﺧﻞ ﺗﺮﺗﺎﺡ ..
ﺍﻟﺒﻨﺎﺕ ﻛﻮﻣﻦ ﻣﻴﺎﻣﻴﻦ ﻭﻟﺒﺴﺖ ﺍﻟﺠﺎﻛﻴﺖ ﻭﻟﺒﺴﺖ ﺷﺎﻝ ﻭﺭﺍﺣﺖ ﻟﻠﺒﻴﺖ ...
ﻓﺘﺤﻦ ﺍﻟﺒﺎﺏ ﻭﺩﺧﻠﺖ ﻣﻴﺎﻣﻴﻦ ﻭﻋﻴﻮﻧﻬﺔ ﺍﻓﺘﺮﺕ ﺑﻜﻞ ﺍﻧﺤﺎﺀ ﺍﻟﺒﻴﺖ ..
ﻫﻪ ﻫﺬﺍ ﺍﻟﺒﻴﺖ ﺍﻟﻲ ﻛﻠﺖ ﻣﺴﺘﺤﻴﻞ ﺍﺭﺟﻌﻠﺔ ... ﻫﺎﻱ ﺭﺟﻌﺘﻠﺔ ﻏﺼﺒﺎً ﻋﻠﻴﺔ ﻟﻠﻤﺮﺓ ﺍﻟﺜﺎﻧﻴﺔ ...
ﻛﻞ ﺫﻛﺮﻳﺎﺗﻬﺔ ﺭﺟﻌﺘﻠﻬﺔ ﺑﻬﺎﻟﺒﻴﺖ ﻭﻋﺒﺎﻟﻚ ﺍﻟﺒﺎﺭﺣﺔ ﻋﺎﻓﺘﺔ ... ﻏﻮﺭﻛﺖ ﻋﻴﻮﻧﻬﺔ ﺍﻭﻝ ﻣﺎ ﺩﺧﻠﺖ ﻟﻠﺒﻴﺖ ...
ﺧﺎﺗﻮﻥ ﻭﻫﻲ ﺗﻠﺰﻣﻬﺔ ﻣﻦ ﺧﺪﻫﺔ : ﻣﻴﺎﻣﻲ ﺣﺒﻴﺒﻲ ﺷﺒﻴﺞ ..
ﻣﻴﺎﻣﻴﻦ ﺍﺑﺘﺴﻤﺖ : ﺗﺬﻛﺮﺕ ﺍﻭﻝ ﻣﺎ ﺍﺟﻴﺖ ﻟﻬﺎﻟﺒﻴﺖ ... ﻭﺷﻠﻮﻥ ﺍﻧﺘﻲ ﺍﺳﺘﻘﺒﻠﺘﻴﻨﻲ ﺑﺤﺐ ..
ﺣﻀﻨﺘﻬﺔ ﻭﻛﺎﻟﺖ ﺑﺄﺑﺘﺴﺎﻣﺔ : ﺍﻟﻠﻪ ﻻ ﻳﺤﺮﻣﻨﻲ ﻣﻨﺞ ..
ﺧﺎﺗﻮﻥ ﻭﺩﻣﻮﻋﻬﺔ ﻧﺰﻟﺖ : ﻭﻻ ﻣﻨﺞ ﻣﻴﺎﻣﻲ .. ﻭﻳﻠﺔ ﻛﺎﻓﻲ ﺩﻣﻮﻉ ..
ﻣﻴﺎﻣﻴﻦ ﺑﺄﺑﺘﺴﺎﻣﺔ : ﺍﻧﻲ ﻣﺎ ﺑﺠﻴﺖ ﺑﺲ ﻋﻴﻮﻧﻲ ﻏﻮﺭﻛﺖ .. ﻭﺍﻧﺘﻲ ﺑﺠﻴﺘﻲ ﻣﺒﺎﺷﺮﺓً ..
ﺍﻟﺘﻔﺘﻦ ﻋﻠﻰ ﻣﻬﺎ ﻭﺑﺴﻤﺔ ﺷﺎﻓﻦ ﺩﻣﻮﻋﻬﻦ ﻋﻠﻰ ﺧﺪﻫﻦ ...
ﻣﻴﺎﻣﻴﻦ ﻭﺧﺎﺗﻮﻥ ﺿﺤﻜﻦ ﻋﻠﻴﻬﻦ ...
ﺻﻌﺪﻥ ﻣﻴﺎﻣﻴﻦ ﻟﻠﻐﺮﻓﺔ .. ﻛﻠﺒﻬﺔ ﻳﺮﺗﺠﻒ ﻭﻫﻲ ﺗﺘﻘﺮﺏ ﻣﻨﻬﺔ ﻭﺗﺘﺬﻛﺮ ﺍﻟﻲ ﺻﺎﺭ ﺑﻬﺬﻳﺞ ﺍﻟﻐﺮﻓﺔ ...
ﺩﺧﻠﺖ ﻟﻠﻐﺮﻓﺔ ﻭﺍﻧﺼﺪﻣﺖ ﻭﻋﺒﺎﻟﻚ ﻛﻞ ﺫﻛﺮﻳﺎﺗﻬﺔ ﺗﺒﺨﺮﺕ .. ﺍﻟﻐﺮﻓﺔ ﻣﺘﻐﻴﺮﺓ ١٨٠ ﺩﺭﺟﺔ .. ﺣﺘﻰ ﻣﻜﺎﻥ ﺍﻟﺠﺮﺑﺎﻳﺔ ﻭﺍﻟﺘﺮﺗﻴﺐ ﻛﻠﺔ ﻣﺘﻐﻴﺮ ..
ﺫﺑﺖ ﺍﻟﺠﺎﻛﻴﺖ ﻣﺎﻟﺘﻬﺔ ﻭﻋﻴﻮﻧﻬﺔ ﺗﻔﺘﺮ ﺑﻜﻞ ﺍﻟﻐﺮﻓﺔ ...
ﺑﺴﻤﺔ : ﺣﻀﺮﻧﺔ ﻭﺗﺴﻮﻛﻨﺎﻟﺞ ﻣﻼﺑﺲ ﻭﺣﻄﻴﻨﻬﺔ ﺑﻐﺮﻓﺔ ﺍﻟﻤﻼﺑﺲ .. ﻳﻌﻨﻲ ﻃﺮﺩﻧﺔ ﻏﺰﻭﺍﻥ ...
ﻣﻴﺎﻣﻴﻦ ﺍﻟﺘﻔﺘﺖ ﻋﻠﻴﻬﻦ : ﻣﺎﺟﺎﻥ ﺍﻛﻮ ﺩﺍﻋﻲ ﻟﻬﺎﻟﺸﻲ ... ﺍﻧﻲ ﺟﺒﺖ ﻣﻼﺑﺴﻲ ﻭﻳﺎﻱ .. ﺻﺤﻴﺢ ﻭﻳﻦ ﺟﻨﻄﺘﻲ ..
ﺑﺴﻤﺔ ﺑﺴﺮﻋﺔ : ﻫﺴﺔ ﻣﻦ ﺍﻧﺰﻝ ﺍﺟﻴﺒﻠﺠﻴﺎﻫﺔ ..
ﻣﻴﺎﻣﻴﻦ : ﺍﻱ ﻋﻔﻴﺔ ﺟﻴﺒﻴﻬﺔ ﺗﺮﺓ ﺍﺧﺘﻨﻜﺖ ﺑﻬﺎﻟﻔﺴﺘﺎﻥ ...
ﺑﺴﻤﺔ ﻭﻫﻲ ﺗﺴﺤﺐ ﺧﺎﺗﻮﻥ ﻣﻦ ﺍﻳﺪﻫﺔ : ﻣﺎﺷﻲ ﻳﻠﺔ ﺍﻣﺸﻲ ﺧﺎﺗﻮﻥ ﻧﺠﻴﺐ ﺍﻟﻐﺮﺍﺽ ﺍﻧﻲ ﻭﻳﺎﺝ ...
ﺍﺷﺮﺕ ﻟﻤﻬﺎ ﺑﺮﺍﺳﻬﺔ ﺑﻤﻌﻨﻰ ﺍﻃﻠﻌﻲ ﻭﻳﺎﻧﺔ ...
ﻣﻴﺎﻣﻴﻦ ﺑﻘﺖ ﻭﺣﺪﻫﺔ ﺑﺎﻟﻐﺮﻓﺔ ..
ﻣﺪﺕ ﺍﻳﺪﻫﺔ ﻋﻠﻰ ﺳﺤﺎﺏ ﻓﺴﺘﺎﻧﻬﺔ ﺗﺮﻳﺪ ﺗﻔﺘﺤﺔ ...
ﻓﺘﺤﺖ ﻧﺼﺔ ﻭﺍﻟﺒﺎﻗﻲ ﻣﺘﻜﺪﺭ ﺗﻠﻮﺣﺔ ...
ﻣﻨﻄﻴﺔ ﺿﻬﺮﻫﺔ ﻟﻠﺒﺎﺏ .. ﺍﻧﻔﺘﺢ ﺍﻟﺒﺎﺏ ﻫﻲ ﺍﻟﺘﻔﺘﺖ ﻭﻛﺎﻟﺖ : ﺑﺴﻤﺔ ﺗﻌﺎﻟﻲ ﺳﺎﻋﺪﻳﻨﻲ ﺑﺎﻟﺴـ ...
ﺷﻬﻜﺖ ﻣﻦ ﺷﺎﻓﺖ ﺍﻛﺜﺮ ﺷﺨﺺ ﻣﺎ ﺗﺘﻤﻨﻰ ﺗﺸﻮﻓﺔ ﺑﻬﺎﻟﻠﺤﻀﺔ .. ﺑﺴﺮﻋﺔ ﺩﺍﺭﺕ ﻭﺟﻪ ﻭﺍﻧﻄﺘﺔ ﺿﻬﺮﻫﺔ ﻣﺎ ﻣﻨﺘﺒﻬﺔ ﻟﻀﻬﺮﻫﺔ ﺍﻟﻲ ﻧﺼﺔ ﻃﺎﻟﻊ ...
ﻏﺰﻭﺍﻥ ﺷﺎﻓﻬﺔ ﻭﺣﺲ ﻛﻠﺒﺔ ﻳﺪﻙ ﺑﺴﺮﻋﺔ ..
ﻗﺮﺏ ﻣﻨﻬﺔ ﻭﺻﺎﺭ ﻭﺭﺓ ﺿﻬﺮﻫﺔ ﻭﺍﻳﺪﻱ ﺣﺎﻭﻃﺖ ﺧﺼﺮﻫﺔ ﻭﺳﺤﺒﻬﺔ ﺍﻟﺔ ﻭﺿﻬﺮﻫﺔ ﺿﺮﺏ ﺑﺼﺪﺭﺓ
ﺩﻓﻦ ﻭﺟﻬﺔ ﺑﺸﻌﺮﻫﺔ ﻭﻏﻤﺾ ﻋﻴﻮﻧﺔ ﻭﺳﺤﺐ ﻧﻔﺲ ﺑﻜﻞ ﻗﻮﺓ .. ﺗﻨﻬﺪ ﻣﻦ ﻛﻠﺐ : ﺍﺍﺍﺍﺍﺍﻩ .. ﻟﻮ ﺗﺪﺭﻳﻦ ﺷﻜﺪ ﻣﺸﺘﺎﻗﻠﺞ ..
ﻣﻴﺎﻣﻴﻦ ﺣﺴﺖ ﺟﻠﺪﻫﺔ ﻛﻠﺔ ﻗﺸﻌﺮ ﻣﻦ ﻟﻤﺴﺘﺔ ﻭﺍﻧﻔﺎﺳﺔ ﺍﻟﺤﺎﺭﺓ ﺗﻀﺮﺏ ﻋﻠﻰ ﺭﻛﺒﺘﻬﺔ .. ﻋﻄﺮﺓ ﺍﻟﻘﻮﻱ ﻣﻠﺔ ﺍﻧﻔﺎﺳﻬﺔ .. ﺣﺴﺖ ﺑﻘﺮﻑ ﻣﻦ ﻟﻤﺴﺎﺗﺔ .. ﺣﺎﻭﻟﺖ ﺗﺘﺤﺮﺭ ﻣﻦ ﺑﻴﻦ ﺍﻳﺪﻱ ﺑﺲ ﻣﺎ ﻛﺪﺭﺕ ...
ﻏﺰﻭﺍﻥ ﺑﻬﻤﺲ : ﺷﺸﺸﺶ .. ﻻ ﺗﺘﻮﻗﻌﻴﻦ ﺍﻋﻮﻑ ﻋﻄﺮﺝ ﺑﻌﺪ ﻫﺎﻻﻧﺘﻀﺎﺭ ...
ﻣﻴﺎﻣﻴﻦ ﺑﻌﺼﺒﻴﺔ : ﻭﺧﺮ ﻋﻨﻲ ﺍﺭﻳﺪ ﺍﺑﺪﻝ ﻣﻼﺑﺴﻲ ...
ﻏﺰﻭﺍﻥ ﺩﺍﺭﻫﺔ ﺍﻟﺔ ﻭﺍﻳﺪﻱ ﻣﺎﺯﺍﻟﺖ ﻣﺤﺎﻭﻃﺔ ﺧﺼﺮﻫﺔ ﺑﺘﻤﻠﻚ ...
ﻳﺘﺄﻣﻞ ﺑﺸﻜﻠﻬﺔ .. ﺍﺑﺘﺴﻢ ﻭﻫﻮ ﻳﺸﻮﻓﻬﺔ ﻻﺑﺴﺔ ﺍﻟﺘﺎﺝ ... ﻳﺘﺄﻣﻞ ﻭﺟﻬﺔ .. ﺷﺎﻑ ﻋﻴﻮﻧﻬﺔ ﻭﺍﺧﺘﻔﺖ ﺍﺑﺘﺴﺎﻣﺘﺔ : ﻟﻴﺶ ﻻﺑﺴﺘﻬﻦ ..
ﻣﻴﺎﻣﻴﻦ ﻋﻘﺪﺕ ﺣﻮﺍﺟﺒﻬﺔ : ﺷﻨﻮ ﻫﻨﺔ ..
ﻏﺰﻭﺍﻥ : ﺍﻟﻌﺪﺳﺎﺕ .. ﺍﻧﻲ ﺍﺣﺐ ﻟﻮﻥ ﻋﻴﻮﻧﺞ .. ﻟﻴﺶ ﻻﺑﺴﺔ ﻋﺪﺳﺎﺕ ...
ﻣﻴﺎﻣﻴﻦ : ﺗﺤﺐ ﻟﻮﻥ ﻋﻴﻮﻧﻲ .. ﻫﻤﺰﻳﻦ ﻟﺒﺴﺖ ﻋﺪﺳﺎﺕ ﻟﻌﺪ ..
ﻏﺰﻭﺍﻥ ﻭﻫﻮ ﻳﺒﺎﻭﻋﻠﻬﺔ ﺑﻌﺸﻖ : ﺍﻭﻭﻭﻑ ﻳﺎﻟﻌﻨﻴﺪﺓ ﺍﻟﻤﺎﺗﻐﻴﺮ ﻃﺒﻌﻬﺔ ..
ﻣﻴﺎﻣﻴﻦ ﺣﺎﻭﻟﺖ ﺗﻮﺧﺮ ﻣﻦ ﻋﻨﺪﺓ ﺑﺲ ﻣﺎ ﻛﺪﺭﺕ ..
ﻏﺰﻭﺍﻥ ﻗﺮﺏ ﺷﻔﺎﻳﻔﺔ ﻣﻨﻬﺔ ﻭﻃﺒﻊ ﺑﻮﺳﺔ ﺣﺐ ﻋﻠﻰ ﻛﺼﺘﻬﺔ ...
ﻏﻮﺭﻛﺖ ﻋﻴﻮﻧﻬﺔ ﻭﻫﻲ ﻣﺎﺗﺮﻳﺪﺓ ﻳﻘﺮﺏ ﻣﻨﻬﺔ ...
ﻏﺰﻭﺍﻥ ﺑﺎﻭﻋﻠﻬﺔ ﻭﺷﺎﻑ ﺩﻣﻮﻋﻬﺔ ﻧﺰﻟﺖ ﻋﻠﻰ ﺧﺪﻫﺔ ...
ﺣﺎﻭﻁ ﻭﺟﻬﺔ ﺑﻴﺪﻱ ﻭﻛﺎﻝ : ﻟﻴﺶ ﺍﻟﺪﻣﻮﻉ .. ﻣﺎ ﺧﻠﺼﻦ ﺩﻣﻮﻋﺞ .. ﺷﻜﺪ ﺑﺠﻴﺘﻲ ..
ﻣﻴﺎﻣﻴﻦ ﺑﻘﻬﺮ : ﻣﺎ ﺧﻠﺼﻦ .. ﻭﻣﺎ ﻳﺨﻠﺼﻦ ﻣﺎﺩﺍﻡ ﺍﻧﺖ ﻣﻮﺟﻮﺩ .. ﻋﻮﻓﻨﻲ ﺧﻞ ﺍﺭﻭﺡ ..
ﻏﺰﻭﺍﻥ ﻭﺧﺮ ﺍﻳﺪﻱ ﻋﻨﻬﺔ ﻭﻫﻲ ﻋﺎﻓﺘﺔ ﻭﺩﺧﻠﺖ ﻟﻐﺮﻓﺔ ﺍﻟﺘﺒﺪﻳﻞ ..
ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﻭﺫﺑﺖ ﺍﻟﺘﺎﺝ ﻣﺎﻟﺘﻬﺔ ﺑﻘﻬﺮ ﻭﺫﺑﺖ ﺍﻟﻌﺪﺳﺎﺕ ...
ﺷﺎﻓﺖ ﻣﻜﻴﺎﺟﺎﺕ ﻣﺮﺗﺒﺔ ﺑﺸﻜﻞ ﺣﻠﻮ ﻭﺍﻧﻴﻖ ... ﺳﺤﺒﺖ ﺍﻟﻘﻄﻦ ﺍﻟﻤﺰﻳﻞ ﻟﻠﻤﻜﻴﺎﺝ ﻭﺻﺎﺭﺕ ﺗﻤﺴﺢ ﺑﻤﻜﻴﺎﺟﻬﺔ ...
ﻃﻠﻌﺖ ﻟﻠﻐﺮﻓﺔ ﻭﻟﻜﺘﺔ ﻣﺎ ﻣﻮﺟﻮﺩ ﺗﻨﻬﺪﺕ ﺑﻌﺪ ﺍﺣﺴﻦ ...
ﺗﻮﺟﻬﺖ ﻟﻠﺤﻤﺎﻡ ﻭﺍﺧﺬﺕ ﺷﺎﻭﺭ ﺳﺮﻳﻊ .. ﻟﺒﺴﺖ ﺍﻟﺒﺮﻧﺺ ﻣﺎﻝ ﺍﻟﺤﻤﺎﻡ ﻭﻟﻔﺖ ﺷﻌﺮﻫﺔ ﺑﺎﻟﻤﻨﺸﻔﺔ ﻭﻃﻠﻌﺖ ..
ﺷﺎﻓﺘﺔ ﻛﺎﻋﺪ ﻋﺎﻟﺠﺮﺑﺎﻳﺔ .. ﺗﻌﺪﺗﺔ ﻭﺩﺧﻠﺖ ﻟﻐﺮﻓﺔ ﺍﻟﺘﺒﺪﻳﻞ ..
ﺍﺳﺘﻐﺮﺑﺖ ﻭﻫﻲ ﺗﺪﻭﺭ ﺑﺎﻟﻐﺮﻓﺔ .. ﻭﻳﻦ ﺭﺍﺣﺖ ﺟﻨﻄﺘﻲ ..
ﻃﻠﻌﺖ ﻟﻠﻐﺮﻓﺔ ﻭﺑﺎﻭﻋﺘﻠﺔ ﻭﻛﺎﻟﺖ : ﻭﻳﻦ ﺟﻨﻄﺘﻲ ..
ﻏﺰﻭﺍﻥ ﺍﺳﺘﻐﺮﺏ : ﻳﺎ ﺟﻨﻄﺔ ..
ﻣﻴﺎﻣﻴﻦ : ﺑﺴﻤﺔ ﻛﺎﻟﺖ ﺭﺍﺡ ﺍﺟﻴﺐ ﺟﻨﻄﺘﺞ ﻭﺍﺟﻲ ..
ﻏﺰﻭﺍﻥ ﺑﺄﺑﺘﺴﺎﻣﺔ : ﺑﺴﻤﺔ ﻣﻦ ﻃﻠﻌﺖ ﻛﺎﻟﺖ ﺗﺼﺒﺤﻮﻥ ﻋﻠﻰ ﺧﻴﺮ .. ﻭﺍﻧﻲ ﻫﺴﺔ ﻧﺰﻟﺖ ﻗﻔﻠﺖ ﺍﻻﺑﻮﺍﺏ ﻭﻣﺎﻛﻮ ﻭﻻ ﺟﻨﻄﺔ ..
ﻏﺰﻭﺍﻥ ﺑﺨﺒﺚ : ﺑﺲ ﺗﺮﺓ ﺍﻛﻮ ﻣﻼﺑﺲ ﺟﺪﻳﺪﺓ ﻫﻨﺎ .. ﺍﻟﺒﻨﺎﺕ ﺟﺎﺑﻮﻫﺔ ﺍﻟﺞ ..
ﻣﻴﺎﻣﻴﻦ ﻋﺎﻓﺘﺔ ﺑﺪﻭﻥ ﻣﺎ ﺗﺮﺩ ﻋﻠﻲ ﻭﺩﺧﻠﺖ ﻟﻠﻐﺮﻓﺔ ..
ﺻﺎﺭﺕ ﺗﺪﻭﺭ ﺑﻴﻦ ﺍﻟﻤﻼﺑﺲ .. ﺗﻔﺎﺟﺄﺕ ﻭﻫﻲ ﺗﺸﻮﻑ ﺍﻟﻤﻼﺑﺲ ﻛﻠﻬﺔ ﺳﻴﺘﺎﺕ ﻧﻮﻡ .. ﺷﻨﻮ ﻫﺬﺍ ..
ﺻﺎﺭﺕ ﺗﺪﻭﺭ ﺗﺮﺍﻛﺎﺕ ﺑﻠﻜﻲ ﺍﻭ ﺩﺷﺎﺩﻳﺶ ﻗﺼﻴﺮﺓ ﺑﺲ ﻣﺎﻛﻮ .. ﺍﻟﻤﻮﺟﻮﺩ ﺑﺲ ﺳﻴﺘﺎﺕ ﻧﻮﻡ ﻭ ﺷﻮﺭﺗﺎﺕ ﺗﻔﻀﺢ ﺍﻛﺜﺮ ﻣﻤﺎ ﺗﺴﺘﺮ ..
ﺳﻤﻌﺖ ﺻﻮﺕ ﺍﻟﺤﻤﺎﻡ ﻳﻌﻨﻲ ﻏﺰﻭﺍﻥ ﺩﺧﻞ ﻳﺴﺒﺢ .. ﺍﻓﻒ ﺷﻠﻮﻥ ﻫﺴﺔ .. ﻣﺴﺘﺤﻴﻞ ﺍﻟﺒﺲ ﻫﺎﻟﺸﻮﺭﺗﺎﺕ .. ﻭﺍﻟﻤﻼﺑﺲ ﺍﻟﺒﺎﻗﻴﺎﺕ ﻛﻠﻬﻦ ﻣﺎﻝ ﻃﻠﻌﺔ ﻭﻣﻮ ﻣﺎﻝ ﻭﺍﺣﺪ ﻳﻨﺎﻡ ﺑﻴﻬﻦ ...
ﺗﺄﻓﻒ ﺑﻘﻬﺮ .. ﺷﺄﻟﺒﺲ ﻫﺴﺔ ..
ﺑﻘﺖ ﻛﺎﻋﺪﺓ ﺑﺎﻟﻐﺮﻓﺔ ﻣﺎﺗﺪﺭﻱ ﺷﺘﺴﻮﻱ ..
ﺳﻤﻌﺖ ﺻﻮﺕ ﺍﻟﺤﻤﺎﻡ ﺍﻧﻔﺘﺢ ..
ﺩﺧﻞ ﻏﺰﻭﺍﻥ ﻟﻠﻐﺮﻓﺔ ﻭﺷﺎﻓﻬﺔ ﺷﻠﻮﻥ ﻛﺎﻋﺪﺓ .. ﺍﺑﺘﺴﻢ ﻋﻠﻰ ﺷﻜﻠﻬﺔ ﻭﻫﻮ ﻳﻌﺮﻑ ﺷﺒﻴﻬﺔ ..
ﻣﻴﺎﻣﻴﻦ ﻛﻤﺰﺕ ﻣﻦ ﺩﺧﻞ ﻻﻥ ﺟﺎﻥ ﺍﻟﺒﺮﻧﺺ ﻣﺮﻓﻮﻉ ﻟﻔﺨﺬﻫﺔ ..
ﻏﺰﻭﺍﻥ ﺭﺍﺡ ﻟﻠﺠﻬﺔ ﺍﻟﺜﺎﻧﻴﺔ ﺍﻟﻲ ﺑﻴﻬﺔ ﻣﻼﺑﺴﺔ ﻭﺍﺧﺬ ﺗﺮﺍﻙ ﻧﻮﻡ ﻭﻃﻠﻊ ﻣﻦ ﺍﻟﻐﺮﻓﺔ ..
ﻣﻴﺎﻣﻴﻦ ﺣﺴﺖ ﺑﺎﻟﻨﻌﺎﺱ ﻭﻫﻲ ﺍﺻﻼ ﺗﻌﺒﺎﻧﺔ ﺗﺮﻳﺪ ﺗﻨﺎﻡ ... ﺑﺎﻭﻋﺖ ﻋﺎﻟﻤﻼﺑﺲ ﻭﺳﺤﺒﺖ ﻭﺍﺣﺪ ﻣﻦ ﺳﻴﺘﻠﺖ ﺍﻟﻨﻮﻡ .. ﻃﺒﻌﺎ ﻫﻢ ﺟﺎﻥ ﻣﻔﻀﻮﺡ ﺑﺲ ﻣﻘﺎﺭﻧﺔ ﺑﺎﻟﺒﺎﻗﻴﺎﺕ ﻫﺬﺍ ﺍﺣﺴﻨﻬﻦ ﺟﺎﻥ ﺣﺮﻳﺮ ﻭﻟﻮﻧﺔ ﻣﺎﺭﻭﻧﻲ .. ﻟﺒﺴﺘﺔ ﻭﻟﺒﺴﺖ ﻓﻮﻛﺎﻩ ﺍﻟﺮﻭﺏ ﻣﺎﻟﺘﺔ ﺍﻟﻄﻮﻳﻞ ..
ﻣﺸﻄﺖ ﺷﻌﺮﻫﺔ ﺍﻟﻲ ﻧﺸﻒ ﻻﻥ ﻣﻦ ﺯﻣﺎﻥ ﻫﻲ ﻃﻠﻌﺖ ﺭﺷﺖ ﻣﻦ ﻋﻄﺮﻫﺔ ﻣﺎﻝ ﺍﻟﺸﻬﺮ ﺍﻟﻲ ﺗﺴﺘﺨﺪﻣﺔ ﺩﺍﺋﻤﺎ ﻭﻣﺎ ﺗﺘﺨﻠﻰ ﻋﻨﺔ ﺑﺄﻱ ﺣﺎﻟﺔ ... ﻭﺭﺷﺖ ﻣﻦ ﻋﻄﻮﺭﺍﺕ ﺍﻟﺠﺴﻢ ﻣﺎﻟﺘﻬﺔ ﻻﻥ ﻫﺎﻱ ﻃﻘﻮﺳﻬﺔ ﻭﺭﺓ ﻛﻞ ﺣﻤﺎﻡ ..
ﻃﻠﻌﺖ ﻭﺷﺎﻓﺘﺔ ﻣﺘﻤﺪﺩ ﻋﺎﻟﺠﺮﺑﺎﻳﺔ ..
ﺑﻠﻊ ﺭﻳﻜﺔ ﺑﻔﻬﺎﻭﺓ ﻭﻫﻮ ﻳﺸﻮﻓﻬﺔ ﺑﺎﻟﻠﻮﻥ ﺍﻟﻤﺎﺭﻭﻧﻲ ﺍﻟﻲ ﻋﻜﺲ ﻟﻮﻥ ﺑﺸﺮﺗﻬﺔ ﺍﻛﺜﺮ .. ﻭﺷﻌﺮﻫﺔ ﺍﻻﺳﻮﺩ ﺍﻟﻄﻮﻳﻞ ﻧﺎﺯﻝ ﻋﻠﻰ ﺿﻬﺮﻫﺔ ..
ﻣﻴﺎﻣﻴﻦ : ﺍﺭﻳﺪ ﻓﺮﺍﺵ ..
ﻏﺰﻭﺍﻥ ﻭﻫﻮ ﻳﺄﺷﺮ ﻋﺎﻟﺠﺮﺑﺎﻳﺔ :.. ﺗﻌﺎﻱ ﻧﺎﻣﻲ ﻫﻨﺎ ..
ﻣﻴﺎﻣﻴﻦ : ﻣﺎ ﺍﻧﺎﻡ ﻳﻤﻚ ..
ﻏﺰﻭﺍﻥ ﻭﻫﻮ ﻳﺮﻓﻊ ﺣﺎﺟﺒﺔ : ﻋﻠﻰ ﺍﺳﺎﺱ ﺭﺍﺡ ﺗﻨﻔﺬﻳﻦ ﻛﻠﺸﻲ ﺍﻃﻠﺒﺔ ﻣﻨﺞ ..
ﻣﻴﺎﻣﻴﻦ ﻧﻔﻀﺖ ﻣﻼﺑﺴﻬﺔ ﺑﻘﻬﺮ : ﺍﻓﻔﻔﻔﻒ ..
ﻭﻛﻔﺖ ﻋﻠﻰ ﺟﻬﺔ ﺍﻟﺠﺮﺑﺎﻳﺔ ﻭﻛﺎﻟﺖ : ﺗﺪﻧﺔ ﻟﻠﻄﺮﻑ ﺷﻮﻳﺔ ..
ﻏﺰﻭﺍﻥ ﺍﺑﺘﺴﻢ ﻭﻛﺎﻝ : ﺍﻧﻲ ﻣﺮﺗﺎﺡ ﻫﻴﺞ ...
ﻣﻴﺎﻣﻴﻦ ﻛﻠﺒﺖ ﻋﻴﻮﻧﻬﺔ ﻋﻨﺔ ﻭﻛﻌﺪﺕ ﻋﻠﻰ ﻃﺮﻑ ﺍﻟﺠﺮﺑﺎﻳﺔ .. ﺍﻧﻄﺘﺔ ﺿﻬﺮﻫﺔ ﺣﻄﺖ ﺭﺍﺳﻬﺔ ﻋﺎﻟﻤﺨﺪﺓ ﻭﺗﻐﻄﺖ ..
ﻭﺭﺓ ﺛﻮﺍﻧﻲ ﺣﺴﺖ ﺑﺄﻳﺪﻱ ﺣﺎﻭﻃﺖ ﺧﺼﺮﻫﺔ ...
ﻃﻔﺮﺕ ﺑﺴﺮﻋﺔ ﺗﺮﻳﺪ ﺗﻜﻮﻡ ﺑﺲ ﻫﻮﺓ ﺗﻤﺴﻚ ﺑﻴﻬﺔ ﺍﻛﺜﺮ
ﻭﻫﻤﺲ ﻳﻢ ﺍﺫﻧﻬﺔ : ....
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
يتبع.

#سجينة_الظلم_والانتقام
بقلم سارة الشمري
#بارت٥٠
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺟﺎﺀﻧﻲ ﻃﻴﻒ ﻟﻄﻴﻒ ...
ﺩﻧﺎ ﻣﻨﻲ ﻭﻫﻤﺲ ...
ﺳﺮ ﻟﻲ ﺳﺮﺍ ﻣﺨﻴﻒ ...
ﺷﻖ ﺍﻟﻠﺐ ﻭ ﺍﻧﻐﺮﺱ ...
ﺩﻕ ﻟﻪ ﺍﻟﻘﻠﺐ ﻋﻨﻴﻒ ...
ﻣﺜﻞ ﺩﻗﺎﺕ ﺍﻟﺠﺮﺱ ...
ﺍﻧﻪ ﻃﻴﻒ ﻇﺮﻳﻒ ...
ﻟﻴﺘﻪ ﻗﺮﺑﻲ ﺟﻠﺲ ...
ﻭﺭﺓ ﺛﻮﺍﻧﻲ ﺣﺴﺖ ﺑﺄﻳﺪﻱ ﺣﺎﻭﻃﺖ ﺧﺼﺮﻫﺔ ...
ﻃﻔﺮﺕ ﺑﺴﺮﻋﺔ ﺗﺮﻳﺪ ﺗﻜﻮﻡ ﺑﺲ ﻫﻮﺓ ﺗﻤﺴﻚ ﺑﻴﻬﺔ ﺍﻛﺜﺮ
ﻭﻫﻤﺲ ﻳﻢ ﺍﺫﻧﻬﺔ : ﻻ ﺗﺘﺤﺮﻛﻴﻦ .. ﺍﻧﺘﻲ ﺣﻠﻔﺘﻲ ﻭﻛﻠﺘﻲ ﺭﺍﺡ ﺗﻨﻔﺬﻳﻠﻲ ﻛﻞ ﺷﺮﻭﻃﻲ ...
ﻣﻴﺎﻣﻴﻦ ﻭﻋﻴﻮﻧﻬﺔ ﻣﻐﻮﺭﻛﺔ : ﺍﺳﺎﺳﺎً ﻣﺎ ﺍﺳﺘﺒﻌﺪﺕ ﻣﻨﻚ ﺗﻜﻮﻥ ﻫﻴﺞ .. ﺗﺮﻳﺪ ﺗﺴﺘﻐﻞ ﻛﻠﻤﺘﻲ ﻭﻭﻋﺪﻱ ﺍﻟﻲ ﺍﻧﻄﻴﺘﺔ ﻋﻠﻤﻮﺩ ﺳﻌﺎﺩﺓ ﺍﺧﻮﻱ ﺑﺲ ﺣﺘﻰ ﺗﺮﺿﻲ ﻧﻔﺴﻚ ﻭﺭﻏﺒﺎﺗﻚ ..
ﻏﺰﻭﺍﻥ ﺩﺍﺭ ﻭﺟﻬﺔ ﺍﻟﺔ ﻭﺣﺠﺔ ﻭﻫﻮ ﻗﺮﻳﺐ ﻣﻦ ﻭﺟﻬﺔ : ﺷﺸﺸﺶ .. ﻻ ﺗﺤﺠﻴﻦ ﻣﻦ ﻭﺣﺪﺝ ﺳﺎﻣﻌﺔ .. ﻋﻤﺮﻱ ﻣﺎ ﻓﻜﺮﺕ ﺑﻴﺞ ﻛﺮﻏﺒﺔ ﻭﺑﺲ ﺳﻤﻌﺘﻲ ﻟﻮ ﻻ ..
ﻣﻴﺎﻣﻴﻦ ﺑﻌﺼﺒﻴﺔ : ﻟﻌﺪ ﻫﺬﺍ ﺍﻟﻲ ﺗﺮﻳﺪ ﺗﺴﻮﻱ ﻫﺴﺔ ﺷﻨﻮ .. ﻣﻮ ﺭﻏﺒﺔ ..
ﻏﺰﻭﺍﻥ : ﺍﻟﻲ ﺍﺭﻳﺪ ﺍﺳﻮﻱ ﺍﻥ ﺍﺧﻠﻴﺞ ﺗﻨﺎﻣﻴﻦ ﺑﺤﻀﻨﻲ ﻭﺍﺑﻘﻰ ﺍﺗﻨﻔﺲ ﻋﻄﺮﺝ ﻃﻮﻝ ﺍﻟﻠﻴﻞ .. ﺍﻧﻲ ﻣﺴﺘﺤﻴﻞ ﺍﺗﻘﺮﺏ ﻣﻨﺞ ﻣﺮﺓ ﺛﺎﻧﻴﺔ ﺑﺪﻭﻥ ﻣﺎ ﺗﻜﻮﻧﻴﻦ ﻣﻮﺍﻓﻘﺔ ﻭﻛﻠﺒﺞ ﻳﻜﻮﻥ ﻭﻳﺎﻱ ..
ﻣﻴﺎﻣﻴﻦ ﺣﺴﺖ ﺍﻥ ﺍﺭﺗﺎﺣﺖ ﻣﻦ ﻛﻼﻣﺔ ﻫﺬﺍ ... ﺩﺍﺭﺕ ﻭﺟﻬﺔ ﻋﻨﺔ ﻭﺍﻧﻄﺘﺔ ﺿﻬﺮﻫﺔ ..
ﻫﻮ ﺭﺟﻊ ﻣﺮﺓ ﺛﺎﻧﻴﺔ ﻭﺣﻀﻨﻬﺔ ﻣﻦ ﻭﺭﺓ ﻭﺻﺎﺭ ﺿﻬﺮﻫﺔ ﻋﻠﻰ ﺻﺪﺭﺓ ..
ﻣﻴﺎﻣﻴﻦ ﺗﺄﻓﻔﺖ ﺑﻜﻠﺒﻬﺔ ﻣﻦ ﻗﺮﺑﺔ ﻣﻨﻬﺔ ﻟﻬﺎﻟﺪﺭﺟﺔ ..
ﻏﺰﻭﺍﻥ ﺣﻂ ﻭﺟﻬﺔ ﺑﺸﻌﺮﻫﺔ ﻭﺳﺤﺐ ﻧﻔﺲ ﻣﻨﻬﺔ ﻭﻫﻮ ﻟﺤﺪ ﺍﻻﻥ ﻣﻤﺼﺪﻙ ﺍﻥ ﻣﻴﺎﻣﻴﻦ ﺭﺟﻌﺘﻠﺔ .. ﻳﺤﺲ ﺍﻥ ﻫﺴﺔ ﺭﺟﻌﺘﻠﺔ ﺭﻭﺣﺔ .. ﻫﺴﺔ ﺭﺟﻊ ﻳﺘﻨﻔﺲ ﻣﻦ ﺍﻭﻝ ﻭﺟﺪﻳﺪ ..
ﺍﻧﺘﺒﻪ ﺍﻥ ﺗﻨﻔﺴﻬﺔ ﺻﺎﺭ ﻣﻨﺘﻀﻢ .. ﺍﺑﺘﺴﻢ ﻭﻋﺮﻑ ﺍﻥ ﻫﻲ ﻧﺎﻣﺖ ..
ﺭﻓﻊ ﺭﺍﺳﺔ ﻭﻗﺮﺏ ﻣﻨﻬﺔ ﻭﻃﺒﻊ ﺑﻮﺳﺔ ﺧﻔﻴﻔﺔ ﻋﻠﻰ ﺧﺪﻫﺔ ﺍﻟﻨﺎﻋﻢ ...
ﺭﺟﻊ ﺭﺍﺳﺔ ﻟﺸﻌﺮﻫﺔ ﻭﻏﻤﺾ ﻋﻴﻮﻧﺔ ...
£££££££
ﺑﻴﺖ ﺍﺑﻮ ﻏﺰﻭﺍﻥ ..
ﻧﺎﻳﻤﺎﺕ ﺟﻮﺭﻱ ﻭﺑﺴﻤﺔ ﻭﻣﻬﺎ ﻭﺧﺎﺗﻮﻥ ﻋﻠﻰ ﺟﺮﺑﺎﻳﺔ ﻣﻬﺎ ﻭﺭﺍﻓﻌﺎﺕ ﺭﺟﻠﻴﻬﻦ ﻟﻔﻮﻙ ﺍﻟﺠﺮﺑﺎﻳﺔ ﻭﺻﺎﻳﺮﺍﺕ ﻭﺣﺪﺓ ﻻﺯﻛﺔ ﺑﺎﻟﺜﺎﻧﻴﺔ ﻻﻥ ﺍﻟﻤﻜﺎﻥ ﺿﻴﻖ ..
ﻛﻠﻬﻦ ﺻﺎﻓﻨﺎﺕ ...
ﺧﺎﺗﻮﻥ ﺑﻨﺼﻬﻦ ﻭﻫﻲ ﺗﺒﺎﻭﻉ ﻟﻴﻔﻮﻙ :.. ﺍﻧﻲ ﻟﻬﺴﺔ ﻣﺎ ﻣﻘﺘﻨﻌﺔ ﺷﻠﻮﻥ ﻣﻴﺎﻣﻴﻦ ﻗﺒﻠﺖ ﺗﺮﺟﻊ ﻟﻐﺰﻭﺍﻥ ﻭﻫﻲ ﺟﺎﻧﺖ ﺗﻜﺮﻫﺔ ..
ﺑﺴﻤﺔ ﺑﻘﻬﺮ : ﻭﺍﻟﻠﻪ ﺣﺘﻰ ﺍﻧﻲ ﺍﻛﻞ ﺑﺮﻭﺣﻲ ﺑﺲ ﺍﺭﻳﺪ ﺍﻋﺮﻑ ﻟﻴﺶ ..
ﻣﻬﺎ ﻭﻫﻲ ﻟﺤﺪ ﺍﻻﻥ ﻳﺪﻭﺭ ﺍﺑﺎﻟﻬﺔ ﺗﺼﺮﻑ ﻏﺰﻭﺍﻥ ﻣﻦ ﻃﻠﺐ ﻣﻨﻬﺔ ﺗﺠﺬﺏ ﻋﻠﻰ ﻣﻴﺎﻣﻴﻦ ﺑﺨﺼﻮﺹ ﺯﻭﺍﺝ ﺧﺎﺗﻮﻥ .. ﻳﻌﻨﻲ ﻟﻴﺶ ﻣﻴﺎﻣﻴﻦ ﻣﻦ ﻋﺮﻓﺖ ﺑﺨﺎﺗﻮﻥ ﺗﺮﻳﺪ ﺗﻨﺨﻄﺐ ﻭﺍﻓﻘﺖ ﺗﺮﺟﻊ ﻟﻐﺰﻭﺍﻥ .. ﻻﺯﻡ ﺍﺳﺄﻝ ﻏﺰﻭﺍﻥ ﻋﻠﻰ ﻫﺎﻟﺸﻲ ..
ﺑﺴﻤﺔ ﻭﻫﻲ ﺗﻀﺮﺏ ﻛﺘﻔﻬﺔ ﺑﻜﺘﻒ ﺧﺎﺗﻮﻥ : ﺳﻤﻌﻲ ﺗﺮﺓ ﺑﺎﺟﺮ ﻻﺯﻡ ﻧﺴﺄﻟﻬﺔ ﻭﻻ ﺍﻧﻲ ﺗﺮﺓ ﺍﻣﻮﺕ ﻣﻦ ﺍﻟﻔﻀﻮﻝ ..
ﺟﻮﺭﻱ ﺑﻬﺪﻭﺀ : ﻟﻴﺶ ﻫﻴﺞ ﻣﻌﻘﺪﺍﺕ ﺍﻻﻣﻮﺭ .. ﻳﻌﻨﻲ ﻳﻤﻜﻦ ﻻﻥ ﺗﺤﺒﺔ ﻭﺭﺟﻌﺘﻠﺔ ..
ﺑﺴﻤﺔ ﺑﺪﻭﻥ ﺍﻫﺘﻤﺎﻡ : ﻭﺍﻟﻠﻪ ﻟﻮ ﻣﻮ ﺗﺤﺒﺔ .. ﺑﻌﺪ ﺍﻟﻲ ﺳﻮﺍﻩ ﺑﻴﻬﺔ ﻣﺎ ﺗﺮﺟﻌﻠﺔ ..
ﺟﻮﺭﻱ ﺑﺤﺰﻥ : ﺍﻟﻲ ﻳﺤﺐ ﻳﻐﻔﺮ ﺍﻱ ﺧﻄﺄ ﻟﻠﺸﺨﺺ ﺍﻟﻲ ﻳﺤﺒﺔ ﻣﻬﻤﺎ ﺟﺎﻥ ﺍﻟﺨﻄﺄ ﺟﺒﻴﺮ .. ﻳﻌﻨﻲ ﻫﻲ ﺗﺤﺒﺔ ﻭﺳﺎﻣﺤﺘﺔ ﻭﻧﺴﺖ ﻛﻠﺸﻲ ﺑﺲ ﺣﺘﻰ ﺗﺒﻘﻰ ﻗﺮﻳﺒﺔ ﻣﻨﺔ ﺑﻌﺪ ﻣﺎ ﻋﺮﻓﺖ ﺍﻥ ﻫﻮ ﻳﺤﺒﻬﺔ ﻭﻣﺘﻨﺪﻡ ﻋﻠﻰ ﺍﻟﻲ ﺳﻮﺍﻩ ﺑﻴﻬﺔ ..
ﻣﻬﺎ ﺑﺤﺰﻥ : ﻫﺎﻱ ﻫﻴﺞ ﺍﻟﺤﺐ ﻳﺴﻮﻱ .. ﺍﻓﻔﻒ .. ﺷﻠﻮﻥ ﺍﻟﻮﺍﺣﺪ ﻣﻤﻜﻦ ﻳﻌﺮﻑ ﺍﻥ ﻫﺎﻟﺸﺨﺺ ﻫﻮ ﺍﻟﻲ ﺭﺍﺡ ﻳﺤﺒﺔ ﻭﻳﺘﻌﻠﻖ ﺑﻲ ..
ﺧﺎﺗﻮﻥ ﺑﺄﺑﺘﺴﺎﻣﺔ : ﻋﺎﺩﻱ .. ﻳﻌﻨﻲ ﻣﻤﻜﻦ ﻣﻮﺍﻗﻒ ﺗﺜﺒﺘﻠﺞ ﻫﺎﻟﺸﻲ .. ﺍﻭ ﺻﺪﻓﺔ
ﺑﺴﻤﺔ ﺑﺎﻭﻋﺖ ﻋﻠﻰ ﺧﺎﺗﻮﻥ ﻭﻋﻘﺪﺕ ﺣﻮﺍﺟﺒﻬﺔ ﻭﻛﺎﻟﺖ : ﻣﺜﻞ ﺷﻨﻮ ﻫﺎﻟﻤﻮﺍﻗﻒ ..
ﺧﺎﺗﻮﻥ ﻭﻫﻲ ﺗﺒﺎﻭﻉ ﻟﻠﺴﻘﻒ ﻭﺣﺠﺖ ﺑﺄﺑﺘﺴﺎﻣﺔ : ﺍﻣﻤﻢ .. ﻳﻌﻨﻲ ﻣﺜﻼ ﻋﻦ ﻃﺮﻳﻖ ﺍﻟﻨﻀﺮﺍﺕ .. ﺍﻧﺘﻲ ﻣﺠﺮﺩ ﻣﺎ ﺗﺸﻮﻓﻴﻦ ﻋﻴﻮﻧﺔ ﺭﺍﺡ ﺗﻌﺮﻓﻴﻦ ﺍﺫﺍ ﻛﺎﻧﺖ ﺑﻴﻬﺔ ﺣﺐ ﺍﻭ ﺍﻋﺠﺎﺏ ﺍﻭ ﻻ ﺷﻲ .. ﻭﻣﺮﺍﺕ ﻋﻦ ﻃﺮﻳﻖ ﺍﻟﺘﺼﺮﻓﺎﺕ .. ﻣﺜﻼ ﻳﺘﺤﻜﻢ ﺑﻴﺞ ﻭﺑﻠﺒﺴﺞ ﻭﻳﻌﺼﺐ ﺍﺫﺍ ﺣﺠﻴﺘﻲ ﻭﻳﺔ ﺍﻱ ﻭﻟﺪ .. ﺑﻬﺎﻱ ﺍﻟﺤﺎﻟﺔ ﻳﻜﻮﻥ ﻳﻐﺎﺭ ﻋﻠﻴﺞ ﻭﻳﺤﺐ ﺗﻜﻮﻧﻴﻦ ﺑﺲ ﺍﻟﺔ ... ﻭﺍﻣﺎ ﺍﺫﺍ ﻛﺎﻥ ﺷﻠﻮﻥ ﺗﻌﺮﻓﻴﻦ ﻫﻮ ﻫﺬﺍ ﺍﻟﺸﺨﺺ ﺍﻟﻲ ﺣﺘﺤﺒﻴﻨﺔ ﻳﻌﻨﻲ ﻣﻤﻜﻦ ﺗﻜﻮﻥ ﺻﺪﻓﺔ ﺗﺠﻤﻌﻜﻢ ﺳﻮﺓ ﻭﻳﻜﻮﻥ ﻫﺎﻟﺤﺐ ﻣﻦ ﺍﻭﻝ ﻧﻀﺮﺓ ﺍﻭ ﻣﻤﻜﻦ ﻳﺘﻜﺮﺭ ﺍﻛﺜﺮ ﻣﻦ ﻣﺮﺓ ﻫﺎﻟﻠﻘﺎﺀ ﻭﻳﺒﺪﻱ ﺍﻻﻋﺠﺎﺏ ﻭﻳﺘﺤﻮﻝ ﺍﻟﻰ ﺣﺐ .. ﻳﻌﻨﻲ ﺍﻟﺤﺐ ﺍﻟﺔ ﺍﻛﺜﺮ ﻣﻦ ﻃﺮﻳﻘﺔ ﻭﻫﺎﻟﺸﻲ ﻣﺎ ﻳﻌﺘﻤﺪ ﻋﻠﻰ ﻃﺒﻴﻌﺔ ﺣﻴﺎﺓ ﺍﻟﺸﺨﺺ ﻭﺗﻔﻜﻴﺮﺓ .. ﻳﻌﻨﻲ ﺍﻟﺤﺐ ﻳﺪﺧﻞ ﻟﻠﮕﻠﺐ ﺑﺪﻭﻥ ﻣﻴﺴﺘﺄﺫﻥ ﺻﺎﺣﺒﺔ .. ﻳﺴﺘﻮﻃﻦ ﺩﺍﺧﻠﺔ ﻭﻳﺒﺪﻱ ﻳﻜﺒﺮ ﻟﺪﺭﺟﺔ ﺍﻥ ﺍﻟﺸﺨﺺ ﻳﺤﺲ ﺍﺫﺍ ﺍﺧﺘﻔﻰ ﻫﺬﺍ ﺍﻟﺤﺐ ﻳﻌﻨﻲ ﺣﻴﺎﺗﺔ ﺗﺨﺘﻔﻲ ﻭﻳﺎﻩ ﺣﺘﻠﻮ ﺟﺎﻥ ﻫﺎﻟﺤﺐ ﻣﻌﺬﺑﺔ ..
ﺍﻛﻮ ﺑﻴﻬﻢ ﺍﺷﺨﺎﺹ ﻳﻌﺎﻧﻮﻥ ﻣﻦ ﻭﺟﻮﺩ ﺍﻟﺤﺐ ﺑﺤﻴﺎﺗﻬﻢ ﺑﺲ ﻣﻴﻜﺪﺭﻭﻥ ﻳﺘﺨﻠﺼﻮﻥ ﻣﻨﺔ .. ﻭﺍﻛﻮ ﺍﺷﺨﺎﺹ ﻳﺤﺒﻮﻥ ﻳﻌﻴﺸﻮﻥ ﻗﺼﺺ ﺣﺒﻬﻢ ﻣﻬﻤﺎ ﺟﺎﻧﺖ ﻣﺸﺎﻛﻠﺔ ﺭﺍﺡ ﻳﺘﻘﺒﻠﻮﻧﻬﺔ ﺑﻜﻞ ﺭﺣﺎﺑﺔ ﺻﺪﺭ

ﺍﻟﺒﻨﺎﺕ ﺻﺎﻓﻨﺎﺕ ﻭﻳﺴﺘﻤﻌﻦ ﻟﻜﻼﻡ ﺧﺎﺗﻮﻥ ﺑﺘﻤﻌﻦ ﻭﺗﺮﻛﻴﺰ ...
ﺟﻮﺭﻱ ... ﻧﺰﻟﺖ ﺩﻣﻌﺔ ﻣﻦ ﻋﻴﻨﻬﺔ .. ﺍﻧﻲ ﻋﺎﻧﻴﺖ ﻃﻮﻝ ﻋﻤﺮﻱ ﻣﻦ ﻫﺎﻟﺤﺐ .. ﺩﻣﺮﻧﻲ ﻭﺟﺮﺡ ﻛﺮﺍﻣﺘﻲ ﻭﻛﺴﺮ ﻛﻠﺒﻲ ﻭﺑﺎﻟﺘﺎﻟﻲ ﺣﺮﻣﻨﻲ ﻣﻦ ﺍﻟﻲ ﺍﺣﺒﺔ .. ﻭﻣﻊ ﻫﺎﻟﺸﻲ ﻣﺎﻛﺪﺭﺕ ﺍﻃﻠﻌﺔ ﻣﻦ ﺑﺎﻟﻲ ﻭﻣﺎ ﺍﺣﺒﺔ .. ﺻﺢ ﻛﻼﻡ ﺧﺎﺗﻮﻥ .. ﺍﺫﺍ ﺍﺧﺘﻔﻰ ﻫﺬﺍ ﺍﻟﺤﺐ ﻳﻤﻜﻦ ﺍﻧﻲ ﺍﺧﺘﻔﻲ ﻭﻳﺎﻩ ﻭﺍﻣﻮﺕ .. ﻣﺎﻛﺪﺭ ﺍﻋﻴﺶ ﺑﺪﻭﻥ ﺣﺐ ﻓﺎﺭﺱ ﺣﺘﻠﻮ ﺟﺎﻥ ﻣﻮ ﻛﺪﺍﻣﻲ ﻭﻣﻮ ﺑﻬﺎﻟﺪﻧﻴﺎ ﺍﺻﻼ .. ﺣﺒﺔ ﺍﻧﺰﺭﻉ ﺑﻜﻠﺒﻲ ﻭﺟﺬﻭﺭﺓ ﺍﻣﺘﺪﺕ ﻟﻜﻞ ﻛﻴﺎﻧﻲ .. ﻣﻮ ﺑﻬﺎﻟﺴﻬﻮﻟﺔ ﺍﻛﺪﺭ ﺍﺷﻴﻞ ﻫﺎﻟﺤﺐ ﻣﻦ ﻛﻠﺒﻲ ..
ﺑﺴﻤﺔ ﺗﺒﺎﻭﻉ ﻟﻔﻮﻙ .. ﻛﻞ ﻣﻮﻗﻒ ﻣﺮ ﺑﺒﺎﻟﻬﺔ ﻟﺤﺴﻨﻴﻦ ﻧﻀﺮﺍﺗﺔ .. ﻏﻴﺮﺗﺔ ﻟﻤﺎ ﺟﺎﻧﺖ ﺗﺸﻮﻓﺔ ﻓﺠﺄﺓ ﺩﺧﻞ ﻟﻠﺠﺎﻣﻌﺔ ﻣﺎﻟﺘﻬﺔ ﻭﻳﺮﺍﻗﺒﻬﺔ ﻣﻦ ﺑﻌﻴﺪ .. ﻟﻮ ﺗﻤﺴﻜﺔ ﺑﻴﻬﺔ ﻃﻮﻝ ﻫﺎﻟﻔﺘﺮﺓ .. ﻭﻫﺎﻟﺸﻲ ﻳﻌﻨﻲ ﻫﻮ ﺷﻜﺪ ﺣﺒﻬﺔ ﻭﻣﺎ ﺍﺳﺘﺴﻠﻢ ﻭﻻ ﻣﺮﺓ .. ﺗﻌﺘﺮﻑ ﺍﻥ ﻫﻲ ﺣﺒﺖ ﺗﺼﺮﻓﺎﺗﺔ ﻭﺧﻮﻓﺔ ﻋﻠﻴﻬﺔ ﻭﺍﻫﺘﻤﺎﻣﺎﺗﺔ ﺑﺄﺩﻕ ﺍﻟﺘﻔﺎﺻﻴﻞ ﺍﻟﻲ ﺗﺨﺼﻬﺔ .. ﻓﻌﻼ ﺍﻟﺤﻞ ﺍﻟﻲ ﺍﻧﻄﺘﺔ ﺍﻟﻬﺔ ﻣﻴﺎﻣﻴﻦ ﺍﻥ ﺗﻄﻮﻝ ﺍﻟﺨﻄﻮﺑﺔ ﻛﻮﻟﺶ ﻓﺎﺩﻫﺔ ﻭﺧﻼﻫﺔ ﺗﺸﻮﻑ ﺣﺴﻨﻴﻦ ﺑﻨﻀﺮﺓ ﺛﺎﻧﻴﺔ ﻭﺧﻼﻫﺔ ﺗﺘﻌﻠﻖ ﺑﻲ ﺍﻛﺜﺮ .. ﻭﻫﻲ ﺍﺻﻼ ﻗﺮﺭﺕ ﺍﻥ ﺗﻨﻄﻲ ﺍﻟﻤﻮﺍﻓﻘﺔ ﺑﺄﻱ ﻭﻗﺖ ﻳﻜﺪﺭ ﻳﺤﺪﺩ ﻣﻮﻋﺪ ﺯﻭﺍﺟﻬﻢ ...
ﻣﻬﺎ .. ﻣﺎ ﺗﺪﺭﻱ ﻟﻴﺶ ﻣﺮ ﺍﺑﺎﻟﻬﺔ ﻫﺎﻟﺸﺨﺺ ﺍﻟﻲ ﺷﺎﻓﺘﺔ ﺍﻟﻴﻮﻡ .. ﻣﻌﻘﻮﻟﺔ ﻫﺎﻱ ﺍﻟﺼﺪﻓﺔ ﺍﻟﻲ ﺩﺍ ﺗﺤﺠﻲ ﺑﻴﻬﺔ ﺧﺎﺗﻮﻥ .. ﺑﺲ ﻣﻨﻮ ﻫﻮﺓ .. ﻣﺆﻳﺪ ﺣﺘﻰ ﻣﺎ ﺫﻛﺮ ﺍﺳﻤﺔ ﻛﺪﺍﻣﻬﺔ .. ﻫﻲ ﺣﺘﻰ ﻣﺎ ﺗﻌﺮﻑ ﺍﺫﺍ ﺟﺎﻥ ﻣﻦ ﺍﺻﺪﻗﺎﺀ ﻏﺰﻭﺍﻥ ﻻﻥ ﻫﻤﺔ ﻛﺎﻟﻮ ﺟﻤﺎﻋﺔ ﻏﺰﻭﺍﻥ ﺍﻏﻠﺒﻬﻢ ﻳﺮﺣﻮﻥ ﻭﻳﺎﻩ .. ﻭﻣﻤﻜﻦ ﻳﻜﻮﻥ ﻣﻦ ﺍﻫﻞ ﻣﻴﺎﻣﻴﻦ .. ﺭﺟﻊ ﻣﺮ ﺍﻟﻤﻮﻗﻒ ﺍﺑﺎﻟﻬﺔ ﻭﻫﻲ ﺗﺘﺬﻛﺮ ﺷﻜﻠﺔ .. ﺟﺎﻥ ﻭﺳﻴﻢ ﻛﻮﻟﺶ .. ﺍﺷﻘﺮ ﻭﻋﻴﻮﻧﺔ ﺧﻀﺮ ﻭﻻﺑﺲ ﻗﺎﻁ ﻧﻴﻠﻲ ..
ﺍﺑﺘﺴﻤﺖ ﻋﻠﻰ ﺗﻔﻜﻴﺮﻫﺔ .. ﻣﻬﺎ ﻫﺎﻱ ﻭﺍﻧﺘﻲ ﺧﺎﻳﻔﺔ ﻭﻣﺮﺗﺒﻜﺔ ﻭﻫﻴﺞ ﺭﻛﺰﺗﻲ ﺑﻲ ..
ﺧﺎﺗﻮﻥ ﺍﺳﺘﻐﺮﺑﺖ ﻫﺪﻭﺀ ﺍﻟﺒﻨﺎﺕ ﻭﺳﻜﻮﺗﻬﻦ .. ﺷﺎﻓﺘﻬﻦ ﻛﻞ ﻭﺣﺪﺓ ﺻﺎﻓﻨﺔ ﻟﻔﻮﻙ .. ﺟﻮﺭﻱ ﺩﻣﻮﻋﻬﺔ ﻋﻠﻰ ﺧﺪﻫﺔ .. ﺑﺴﻤﺔ ﺗﺒﺎﻭﻉ ﻟﻔﻮﻙ ﻭﺗﻔﻜﺮ ﻭﻋﻴﻮﻧﻬﺔ ﻓﺮﺣﺎﻧﺔ ... ﻣﻬﺎ ﺗﻠﻌﺐ ﺑﻄﺮﻑ ﺷﻌﺮﻫﺔ ﻭﻣﺒﺘﺴﻤﺔ ﻭﺳﺮﺣﺎﻧﺔ ﺑﻐﻴﺮ ﻋﺎﻟﻢ ..
ﺭﻓﻌﺖ ﺣﺎﺟﺐ ﻭﻧﺰﻟﺖ ﺍﻟﺜﺎﻧﻲ .. ﺑﻠﺔ ﺟﻮﺭﻱ ﺗﺤﺐ ﻓﺎﺭﺱ ﻭﺗﺒﺠﻲ ﻋﻠﻲ ﻫﺎﻱ ﺍﻓﺘﻬﻤﻨﺎﻫﺔ .. ﻭﺑﺴﻤﺔ ﺍﻛﻴﺪ ﺗﻔﻜﺮ ﺑﺤﺒﻴﺐ ﺍﻟﻘﻠﺐ ﺣﺴﻨﻴﻦ ﺍﻛﻴﺪ ﻣﺎﻛﻮ ﻏﻴﺮﺓ ...
ﺍﻻ ﻫﺎﻱ ﻣﻬﺎ ..
ﻛﺮﺻﺖ ﻣﻬﺎ ﻣﻦ ﺯﻧﺪﻫﺔ ﺣﻴﻞ .. ﻣﻬﺎ ﻛﻤﺰﺕ ﻣﻦ ﺻﻔﻨﺘﻬﺔ ﻭﻋﺎﻃﺖ ﻣﻦ ﻗﻮﺓ ﺍﻟﻜﺮﺻﺔ : ﺍﺍﺍﺍﻩ ..
ﺧﺎﺗﻮﻥ : ﻛﺸﻔﻔﺘﺘﺘﺞ ... ﺗﺤﺒﺒﺒﻴﻴﻴﻦ ﻣﻦ ﻭﺭﺍﻧﺔ ﻭﻟﺞ ..
ﺍﻟﺒﻨﺎﺕ ﻛﻤﺰﻥ ﻣﻦ ﺻﻔﻨﺘﻬﻦ ﻋﻠﻰ ﺻﺮﺧﺔ ﻣﻬﺎ .. ﺟﻮﺭﻱ ﺑﺴﺮﻋﺔ ﻣﺴﺤﺖ ﺩﻣﻌﺘﻬﺔ ﻭﺑﺴﻤﺔ ﻓﺰﺕ ﺑﺨﻮﻑ ﻭﻫﻲ ﺗﺒﺎﻭﻋﻠﻬﻦ : ﺷﻜﻮ ﺷﺒﻴﺞ .. ﻣﻨﻮ ﺍﻟﻲ ﺗﺤﺐ ..
ﺧﺎﺗﻮﻥ ﻭﻫﻲ ﺗﺄﺷﺮ ﻋﻠﻰ ﻣﻬﺎ : ﻫﺎﻱ ﺍﻟﺨﺎﻧﻮﻡ .. ﺍﻧﻲ ﺍﺣﺠﻲ ﻋﺎﻟﺤﺐ ﻭﻫﻲ ﺻﺎﻓﻨﺔ ﺑﻐﻴﺮ ﻋﺎﻟﻢ .. ﺍﺣﺠﻴﻴﻲ ﻭﻟﺞ ﺗﺤﺒﻴﻦ ﻣﻨﻮ ..
ﻣﻬﺎ ﺭﺟﻌﺖ ﻟﻮﺭﻯ ﺑﺨﻮﻑ ﻻﻥ ﺧﺎﺗﻮﻥ ﻛﺎﻣﺖ ﺗﺘﻘﺪﻡ ﻣﻨﻬﺔ .. ﺣﺠﺖ ﺑﺘﻮﺗﺮ : ﻣﺎ ﺍﺣﺐ ﺍﺣﺪ ﻭﺍﻟﻠﻪ ﻫﻴﺞ ﺻﻔﻨﺖ .. ﻭﺧﺮﻱ ﻋﻨﻲ ..
ﺑﺴﻤﺔ ﻭﻫﻲ ﺗﺘﺨﻮﺻﺮ : ﻧﻌﻢ ﻧﻌﻢ .. ﻭﺧﺮﻱ ﺷﻨﻮ .. ﻭﻟﺞ ﻣﻬﺎ ﺗﺤﺒﻴﻦ .. ﻫﺴﺔ ﺗﺴﻮﻟﻔﻴﻠﻲ ..
ﻣﻬﺎ ﻭﻫﻲ ﺗﻜﻮﻡ ﻣﻦ ﺍﻟﺠﺮﺑﺎﻳﺔ ﻭﺗﺮﻳﺪ ﺗﺘﻬﺮﺏ ﻣﻨﻬﻦ : ﺍﻭﻭﻑ ﻭﺧﺮﻥ ﻋﻨﻲ .. ﺍﻟﻔﺘﻦ ﺳﺎﻟﻔﺔ ﻋﻠﻴﺔ ﻭﺍﻧﻲ ﻛﻠﺸﻲ ﻣﺎ ﺣﺎﺟﻴﺔ .. ﺍﻋﻮﺫ ﺑﺎﻟﻠﻪ ﻣﻨﺠﻦ .. ﻳﻠﺔ ﻛﻮﻣﻦ ﻣﻦ ﻓﺮﺍﺷﻲ ﻋﻠﻰ ﻣﺎ ﺍﻃﻠﻊ ﻣﻦ ﺍﻟﺤﻤﺎﻡ .. ﺗﺮﺓ ﺍﺭﻳﺪ ﺍﻧﺎﻡ ..
ﻣﻬﺎ ﺩﺧﻠﺖ ﻟﻠﺤﻤﺎﻡ ﻭﺍﻟﺒﻨﺎﺕ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ ﻭﻣﺎ ﻣﺼﺪﻛﺎﺕ ﻛﻼﻣﻬﺔ ...
ﺗﻤﺪﺩﻥ ﻛﻞ ﻭﺣﺪﺓ ﺑﻔﺮﺍﺷﻬﺔ ﻭﻛﻠﻤﻦ ﺗﻔﻜﻴﺮﻫﺔ ﺑﺸﺨﺺ ﻣﻌﻴﻦ ﻣﺎ ﻋﺪﺍ ﺧﺎﺗﻮﻥ ﺍﻟﻲ ﻧﺎﻣﺖ ﻣﺒﺎﺷﺮﺓً ﻣﻦ ﺍﻟﺘﻌﺐ ...
£&£&£&£&£&£&
ﺍﻟﻴﻮﻡ ﺍﻟﺜﺎﻧﻲ ..
ﻓﺘﺤﺖ ﻋﻴﻮﻧﻬﺔ ﻭﻫﻲ ﺗﺤﺲ ﺑﺄﻳﺪﻳﻦ ﻋﻠﻰ ﺧﺼﺮﺗﺔ .. ﻭﺍﻧﻔﺎﺳﺔ ﺍﻟﺤﺎﺭﺓ ﺗﻀﺮﺏ ﻋﻠﻰ ﺭﻛﺒﺘﻬﺔ ...
ﺍﺳﺘﻮﻋﺒﺖ ﺍﻟﻤﻜﺎﻥ ﻭﺍﻟﺤﺎﻝ ﺍﻟﻲ ﻫﻲ ﺑﻲ .. ﺣﺎﻭﻟﺖ ﺗﺤﺮﻙ ﺭﺍﺳﻬﺔ ﺑﺲ ﻣﺎﻛﺪﺭﺕ ﻻﻥ ﺣﺎﻁ ﺭﺍﺳﺔ ﻋﻠﻰ ﺷﻌﺮﻫﺔ ..
ﺣﺴﺖ ﺑﻲ ﺗﺤﺮﻙ .. ﻫﻲ ﻣﺒﺎﺷﺮﺓ ﻏﻤﻀﺖ ﻋﻴﻮﻧﻬﺔ ..
ﻏﺰﻭﺍﻥ ﻓﺘﺢ ﻋﻴﻮﻧﺔ .. ﺍﺑﺘﺴﻢ ﻭﻫﻮ ﻳﺤﺴﻬﺔ ﺑﺤﻀﻨﺔ .. ﺍﺳﺘﻨﺸﻖ ﻣﻦ ﻋﻄﺮﻫﺔ ﻭﻫﻮ ﻳﻬﻤﺲ : ﻫﺎﻻﻭﻛﺴﺠﻴﻦ ﻳﻌﺎﺩﻝ ﺍﻟﻜﻌﺪﺓ ﺑﺤﺪﻳﻘﺔ ﻛﻠﻬﺔ ﻭﺭﺩ ﻟﻤﺪﺓ ﺷﻬﺮ ﻛﺎﻣﻞ ﻋﻠﻰ ﻧﻘﺎﻭﺗﺔ ..
ﺑﻠﻌﺖ ﺭﻳﻜﻬﺔ ﻭﻫﻲ ﺗﺴﻤﻊ ﻫﻤﺴﺎﺗﺔ ﻭﺍﻧﻔﺎﺳﺔ ﻳﻢ ﺍﺫﻧﻬﺔ .. ﻗﺸﻬﺮ ﺟﻠﺪﻫﺔ ﻭﻋﺼﺮﺕ ﺍﻳﺪﻫﺔ ﺍﻟﻲ ﺟﻮﺓ ﺍﻟﻤﺨﺪﺓ ﺣﻴﻞ ﻣﻦ ﺣﺴﺖ ﺑﺸﻔﺎﻳﻔﺔ ﻋﻠﻰ ﺭﻛﺒﺘﻬﺔ ﻭﺑﺎﺳﻬﺔ ﺑﺨﻔﺔ ﻭﺑﻌﺪﻳﻦ ﻛﺎﻡ ﺑﺨﻔﺔ ﺣﺘﻰ ﻻ ﻳﺰﻋﺠﻬﺔ ﻭﻛﻞ ﻓﻜﺮﺓ ﺍﻥ ﻫﻲ ﻧﺎﻳﻤﺔ ..
ﺩﺧﻞ ﻟﻠﺤﻤﺎﻡ ﻭﻫﻲ ﻛﻌﺪﺕ ﺗﻬﻮﻱ ﻋﻠﻰ ﻧﻔﺴﻬﺔ .. ﺷﻨﻮ ﻣﻦ ﺑﺸﺮ ﻫﺬﺍ .. ﻣﺴﺤﺖ ﺭﮔﺒﺘﻬﺔ ﻣﻜﺎﻥ ﺑﻮﺳﺘﺔ ﺑﻘﺮﻑ ..
ﺍﻓﻔﻔﻒ ﻭﺍﻟﻠﻪ ﺍﻗﺮﻑ ﻣﻦ ﻟﻤﺴﺎﺗﻚ ﻋﻠﻴﺔ .. ﻛﺎﻣﺖ ﻣﻦ ﻣﻜﺎﻧﻬﺔ ﺑﻌﺼﺒﻴﺔ ..
ﻓﺘﺤﺖ ﺑﺎﺏ ﺍﻟﻐﺮﻓﺔ ﻭﺗﻮﺟﻬﺖ ﻟﻐﺮﻓﺘﻬﺔ ﺍﻟﻘﺪﻳﻤﺔ ..
ﻓﺘﺤﺘﻬﺔ ﻭﺍﺑﺘﺴﻤﺖ ﺍﺳﺘﻐﺮﺑﺖ ﺍﻥ ﺑﺎﻗﻴﺔ ﻧﻔﺴﻬﺔ ﻭﻋﻠﻰ ﺣﺎﻟﻬﺔ ﻣﺎ ﺗﻐﻴﺮ ﻣﻨﻬﺔ ﺍﻱ ﺷﻲ ..
ﺩﺧﻠﺖ ﻟﻠﺤﻤﺎﻡ ﻏﺴﻠﺖ ﻭﻃﻠﻌﺖ .. ﺭﺟﻌﺖ ﻟﻠﻐﺮﻓﺔ ﻭﺷﺎﻓﺘﺔ ﻃﺎﻟﻊ ﻣﻦ ﺍﻟﺤﻤﺎﻡ ..
ﺗﻮﺟﻬﺖ ﻟﻠﻤﺮﺍﻳﺔ ﺑﺲ ﻫﻮ ﺻﺎﺭ ﻛﺪﺍﻣﻬﺔ ..
ﺭﻓﻌﺖ ﻋﻴﻮﻧﻬﺔ ﺍﻟﺔ ﺑﺒﺮﻭﺩ .. ﺣﺎﻭﻁ ﺧﺪﻭﺩﻫﺔ ﺑﺄﻳﺪﻱ ﻭﻗﺮﺏ ﻣﻨﻬﺔ ﻭﺑﺎﺱ ﻛﺼﺘﻬﺔ ﺑﻮﺳﺔ ﺩﺍﻓﻴﺔ :.. ﺻﺒﺎﺡ ﺍﻟﺨﻴﺮ ..
ﻣﻴﺎﻣﻴﻦ ﻭﻫﻲ ﺗﻨﺰﻝ ﺍﻳﺪﻱ ﻋﻦ ﺧﺪﻭﺩﻫﺔ ﺑﺒﺮﻭﺩ ﻭﺗﺘﻮﺟﻪ ﻟﻠﻤﺮﺍﻳﺔ : ﺻﺒﺎﺡ ﺍﻟﻨﻮﺭ ..
ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﻭﺍﺧﺬﺕ ﺍﻟﻤﺸﻂ ﻭﺗﺴﺮﺡ ﺑﻲ ﺷﻌﺮﻫﺔ ﻭﻫﻮ ﻳﺮﺍﻗﺐ ﺣﺮﻛﺎﺗﻬﺔ ..
ﺻﺎﺭ ﻭﺭﺍﻫﺔ ﻭﺣﺎﻭﻁ ﺧﺼﺮﻫﺔ ﺑﺄﻳﺪﻱ ﻭﺣﻂ ﻓﻜﺔ ﻋﻠﻰ ﻛﺘﻔﻬﺔ ﻭﻛﺎﻝ ﻭﻫﻮ ﻳﺒﺎﻭﻉ ﺑﻴﻌﻮﻧﻬﺔ ﺍﻟﻤﻌﻜﻮﺳﺔ ﻣﻦ ﺍﻟﻤﺮﺍﻳﺔ : .. ﺗﺪﺭﻳﻦ ﺷﻜﺪ ﻣﺸﺘﺎﻗﻠﺞ .. ﻭﺷﻜﺪ ﺟﻨﺖ ﺍﻏﺎﺭ ﻭﺍﻧﺘﻲ ﺑﻌﻴﺪﺓ ﻋﻨﻲ .. ﺍﻏﺎﺭ ﻣﻦ ﺍﻻﺷﺨﺎﺹ ﺍﻟﻲ ﺟﺎﻧﻮ ﻳﺸﻮﻓﻮﻧﺞ ﻭﺍﻧﻲ ﻣﺎﻛﺪﺭ ﺍﺷﻮﻓﺞ ﺍﻭ ﺍﺳﻤﻊ ﺻﻮﺗﺞ ..
ﻣﻴﺎﻣﻴﻦ ﺑﺒﺮﻭﺩ : ﻛﻞ ﻫﺎﻟﺸﻲ ﻣﻦ ﺍﻳﺪﻙ .. ﺍﻧﺖ ﺍﻟﻲ ﺧﻠﻴﺘﻨﻲ ﺍﻛﺮﻩ ﺷﻮﻓﺘﻚ ﻭﺍﻛﺮﻩ ﺍﺳﻤﻊ ﺻﻮﺗﻚ ..
ﻏﺰﻭﺍﻥ ﻭﺍﻟﻨﺪﻡ ﻭﺍﺿﺢ ﺑﻌﻴﻮﻧﺔ : ﻳﻌﻨﻲ ﻣﺎ ﺭﺍﺡ ﺗﺴﺎﻣﺤﻴﻨﻲ ﻭﺗﺮﺣﻤﻴﻦ ﺣﺎﻟﻲ ..
ﻣﻴﺎﻣﻲ ﺍﻟﺘﻔﺘﺖ ﻋﻠﻲ ﻭﻛﺎﻟﺖ : ﻏﺰﻭﺍﻥ ﺧﻞ ﺍﻛﻠﻚ ﺷﻲ ﻭﺍﺣﺪ ... ﻣﺎﺩﺍﻡ ﺍﻟﺮﺣﻤﺔ ﻣﺎ ﻣﻮﺟﻮﺩﺓ ﺑﻘﺎﻣﻮﺳﻚ .. ﺍﺫﺍً ﻻ ﺗﻄﻠﺒﻬﺔ ﻣﻦ ﺍﺣﺪ ﻣﺮﺓ ﺍﻟﺜﺎﻧﻴﺔ .. ﻻﻥ ﺍﻟﻨﺎﺱ ﻣﻦ ﺗﻨﻄﻲ ﺗﺮﻳﺪ ﺍﻟﻤﻘﺎﺑﻞ ﻳﻜﻮﻥ ﺑﺎﻟﻤﺜﻞ ﻣﺎﻟﺘﻬﺔ ..
ﺭﺍﺩ ﻳﺤﺠﻲ ﻏﺰﻭﺍﻥ ﺑﺲ ﻗﺎﻃﻌﻬﻢ ﺩﻙ ﺍﻟﺒﺎﺏ ..
ﺧﺎﺗﻮﻥ : ﻏﺰﻭﺍﻥ ﺍﺑﻮﻳﺔ ﺩﺯ ﻋﻠﻴﻚ .. ﻭﺍﻳﻜﻮﻝ ﺍﺫﺍ ﻣﺎ ﻳﻨﺰﻝ ﻫﺴﺔ ﺍﺟﻲ ﺍﺳﺤﻠﺔ ﺳﺤﻞ ﻻﻥ ﺍﻟﺴﺎﻋﺔ ٩ ..
ﺗﺄﻓﻒ ﻏﺰﻭﺍﻥ ﻭﺭﺍﺡ ﻟﻐﺮﻓﺔ ﺍﻟﺘﺒﺪﻳﻞ ﻭﻟﺒﺲ ﺩﺷﺪﺍﺷﺔ ﺑﻴﻀﺔ ﻭﻟﺒﺲ ﺳﺎﻋﺘﺔ ﻭﺗﻌﻄﺮ ﻭﻣﺸﻂ ﺷﻌﺮﺓ ﻭﻃﻠﻊ ...
ﻭﺭﺓ ﺛﻮﺍﻧﻲ ﺩﺧﻠﻦ ﻣﻬﺎ ﻭﺧﺎﺗﻮﻥ ﻭﺟﻮﺭﻱ : ﺻﺒﺎﺍﺡ ﺍﻟﺨﻴﺮ ..
ﻣﻴﺎﻣﻴﻦ ﺑﺄﺑﺘﺴﺎﻣﺔ : ﺻﺒﺎﺡ ﺍﻟﻨﻮﺭ ..
ﺩﺧﻠﺖ ﺑﺴﻤﺔ ﻭﻫﻲ ﺗﺴﺤﺐ ﻭﺭﺍﻫﺔ ﺟﻨﻄﺔ ﻣﻴﺎﻣﻴﻦ ..
ﻣﻴﺎﻣﻴﻦ ﺷﻬﻜﺖ ﻭﻫﻲ ﺗﺸﻮﻑ ﺟﻨﻄﺘﻬﺔ ﺑﻴﺪ ﺑﺴﻤﺔ ..
ﻫﺠﻤﺖ ﻋﻠﻴﻬﺔ ﺑﺴﺮﻋﺔ ﻭﻋﻀﺘﻬﺔ ﻣﻦ ﻛﺘﻔﻬﺔ ﺑﻘﻬﺮ ..
ﺑﺴﻤﺔ ﺻﺮﺧﺖ ﺑﺄﻟﻢ : ﺍﺍﺍﺍﺍﺍﻩ .. ﻳﺎﻟﺤﻴﻮﺍﻧﺔ .. ﻓﻜﻴﻴﻴﻨﻲ ...
ﻣﻴﺎﻣﻴﻦ ﻓﻜﺘﻬﺔ ﻭﺩﻓﻌﺘﺔ : ﺗﺴﺘﺎﺍﻫﻠﻴﻦ ..
ﺑﺴﻤﺔ ﺗﻔﺮﻙ ﻛﺘﻔﻬﺔ ﺑﺄﻟﻢ ﻭﺷﻮﻳﺔ ﻭﺗﺮﻳﺪ ﺗﺒﺠﻲ : ﺍﻟﻠﻪ ﻳﺎﺧﺬﺝ ﻛﻮﻟﻲ ﺍﻣﻴﻦ .. ﺣﺘﻰ ﺍﻟﺠﻼﺏ ﻣﻮ ﻣﺜﻠﺞ .. ﺍﺍﺍﻩ ﺷﻮﻓﻲ ﺷﻠﻮﻥ ﺻﺎﺭﺕ ﺣﻤﺮﺓ ﻭﺳﻨﻮﻧﻬﺔ ﻃﺒﻌﺖ ..
ﻣﻴﺎﻣﻴﻦ ﺑﻌﺼﺒﻴﺔ : ﻭﺍﻟﻠﻪ ﻗﻠﻴﻠﺔ ﺑﺤﻘﺞ .. ﻣﺎﺧﺬﺓ ﺟﻨﻄﺘﻲ ﻭﻣﺨﻠﻴﺘﻨﻲ ﺍﻟﺒﺲ ﻣﻦ ﺫﻧﻲ ﺍﻟﺰﺑﺎﻟﺔ ﺍﻟﺠﺎﻳﺒﺘﻬﻦ ..
ﺑﺴﻤﺔ ﺑﻘﻬﺮ : ﻫﺬﻧﻲ ﻣﻮ ﺯﺑﺎﻟﺔ .. ﻫﺬﻧﻲ ﻟﻠﻌﺪﻫﻦ ﺍﻧﻮﺛﺔ ﻭﺭﻗﺔ .. ﺑﺲ ﻭﻟﻮ ﺍﻧﺘﻲ ﺷﻤﻌﺮﻓﺞ ﺑﻬﺎﻟﺴﻮﺍﻟﻒ ﻣﺎﻝ ﺍﻻﻧﻮﺛﺔ ﻭﺍﻟﺒﻨﺎﺕ ... ﺑﺲ ﺑﺎﻋﻲ ﺷﻠﻮﻥ ﻋﻀﻴﺘﻴﻨﻲ ﺑﺮﺑﺞ ﻫﺎﻱ ﺳﻮﺍﻟﻒ ﺑﻨﻴﺔ ...
ﻣﻴﺎﻣﻴﻦ ﻋﺎﻓﺘﻬﺔ ﺑﻐﺮﻭﺭ ﻭﻣﺸﺖ ﻭﻫﻲ ﺗﻜﻮﻝ : ﺗﺴﺘﺎﻫﻠﻴﻦ ..
ﻣﻬﺎ ﻭﺟﻮﺭﻱ ﻭﺧﺎﺗﻮﻥ ﺧﺮﺑﺎﻧﺎﺕ ﺿﺤﻚ ﻋﻠﻴﻬﻦ ..
ﺧﺎﺗﻮﻥ ﺣﻄﺖ ﺍﻟﺮﻳﻮﻙ ﺑﺎﻟﻜﺎﻉ ﻭﻛﺎﻟﺖ : ﻳﻠﺔ ﺗﻌﺎﻱ ﺗﺮﻳﻜﻲ ﺍﻛﻴﺪ ﻫﺴﺔ ﺟﻌﺘﻲ ..
ﻛﻌﺪﻥ ﻳﺘﺮﻳﻜﻦ ﻭﻳﺴﻮﻟﻔﻦ ﻭﺑﺴﻤﺔ ﻛﻞ ﻣﺎ ﺗﺬﻛﺮﺕ ﺍﻟﻌﻀﺔ ﺗﺮﺟﻊ ﺗﺴﺐ ﻣﻴﺎﻣﻴﻦ ..
@£@£@£@£@£@
ﻛﺎﻋﺪﻳﻦ ﺍﻟﺸﺒﺎﺏ ﺑﺎﻟﺪﻳﻮﺍﻧﻴﺔ ﻣﺎﻝ ﺑﻴﺖ ﺍﺑﻮ ﻏﺰﻭﺍﻥ ...
ﻭﻓﺮﺣﺎﻧﻴﻦ ﻋﻠﻰ ﻓﺮﺣﺔ ﻏﺰﻭﺍﻥ ...
ﺍﺣﻤﺪ ﺑﻀﺤﻚ : ﺍﻛﻮﻝ ﻏﺰﻭﺍﻥ .. ﺗﻨﺼﺤﻨﻲ ﺍﺗﺰﻭﺝ ﻟﻮ ﻻ ...
ﺣﻤﺰﺓ : ﻣﻦ ﺍﻭﻝ ﻳﻮﻡ ﺗﺴﺄﻟﺔ .. ﺧﻠﻲ ﻳﻤﺮ ﻛﻢ ﺷﻬﺮ ﻟﻮ ﺳﻨﺔ ﻭﺑﻌﺪﻳﻦ ﺍﺳﺄﻟﺔ ..
ﻣﺆﻳﺪ : ﺍﻱ ﻭﻳﺠﻴﻜﻢ ﻏﺰﻭﺍﻥ ﻃﻔﺮﺍﻥ ﻭﻳﻜﻠﻠﻜﻢ ﻟﻮ ﺿﺎﻝ ﺍﻋﺰﺏ ﺍﺣﺴﻠﻲ ..
ﻏﺰﻭﺍﻥ ﻣﻄﻨﺸﻬﻢ ﺑﻌﺪﻡ ﺍﻫﺘﻤﺎﻡ ﻭﻣﺒﺘﺴﻢ ﻭﻫﻮ ﻳﺴﻤﻊ ﻟﺴﻮﺍﻟﻔﻬﻢ ... ﻳﺪﺭﻱ ﺑﻴﻬﻢ ﻳﺮﺩﻭﻥ ﻳﺨﻠﻮﻧﺔ ﻳﻌﺼﺐ ....
ﺣﺴﻨﻴﻦ ﺑﻀﺤﻚ : ﺣﻤﺰﺓ ﺑﻤﺎ ﺍﻧﻚ ﻣﺘﺰﻭﺝ .. ﺍﺣﺠﻴﻠﻨﺔ ﺷﻠﻮﻧﺔ ﺍﻟﺰﻭﺍﺝ .. ﻳﻌﻨﻲ ﺗﻨﺼﺤﻨﺔ ﻧﺘﺰﻭﺝ ..
ﺣﻤﺰﺓ ﺍﻟﻲ ﻛﺎﻋﺪ ﺑﺼﻒ ﻏﺰﻭﺍﻥ .. ﺭﺟﻊ ﺿﻬﺮﺓ ﻋﻠﻰ ﻧﻔﺲ ﺍﻟﻤﺨﺪﺓ ﺍﻟﻲ ﻏﺰﻭﺍﻥ ﻣﺮﺗﻜﻲ ﻋﻠﻴﻬﺔ ﻭﻛﺎﻝ ﺑﻬﻴﺎﻡ : ﻳﺎﺧﻲ ﺍﻟﺰﻭﺍﺝ ﺷﻲ ﺛﺎﻧﻲ .. ﺗﺤﺲ ﺑﺎﻻﺳﺘﻘﺮﺍﺭ ..
ﻣﺆﻳﺪ ﻛﺎﺗﻢ ﺿﺤﻜﺘﺔ ﻋﻠﻰ ﺣﻤﺰﺓ : ﺯﻳﻦ ﺷﻨﻮ ﺍﻻﺷﻴﺎﺀ ﺍﻟﻤﻮﺣﻠﻮﺓ ﺑﺎﻟﺰﻭﺍﺝ ..
ﺣﻤﺰﺓ ﻭﻫﻮ ﻳﻔﻜﺮ : ﺍﻭﻝ ﺷﻲ ﻻ ﺗﺘﺄﺧﺮ ﻋﺎﻟﺒﻴﺖ .. ﻳﻌﻨﻲ ﺗﻠﺘﺰﻡ ﺑﻨﻀﺎﻡ ﺩﻗﻴﻖ ﺑﺎﻻﻭﻗﺎﺕ ..
ﺍﺣﻤﺪ ﻳﺮﻓﻊ ﺣﺎﺟﺒﺔ ﺑﺄﺑﺘﺴﺎﻣﺔ ﻭﻛﻮﺓ ﻻﺯﻡ ﺿﺤﻜﺘﺔ ﻋﻠﻰ ﺷﻜﻞ ﺣﻤﺰﺓ : ﻭﺍﻻﺷﻴﺎﺀ ﺍﻟﺤﻠﻮﺓ ﺷﻨﻮ ..
ﺣﻤﺰﺓ ﺑﺴﺮﻋﺔ : ﻛﻠﺸﻲ ﺣﻠﻮ .. ﻳﺎﺧﻲ ﺗﺪﻟﻠﻚ ﺑﺲ ﺗﻄﻠﺐ ﻣﻨﻬﺔ ﻓﺪ ﺍﻛﻠﺔ ﺗﻠﻜﺎﻫﺔ ﻣﺴﻮﻳﺘﻬﺔ .. ﺍﻟﻜﻼﻡ ﺍﻟﺤﻠﻮ .. ﻭﺍﻟﺴﻮﺍﻟﻒ ﺍﻟﻤﺎ ﺗﻨﻤﻞ ..
ﻗﺮﺏ ﻭﺟﻬﺔ ﻣﻦ ﻏﺰﻭﺍﻥ ﻭﻫﻤﺲ ﺑﺄﺫﻧﺔ : ﻭﺍﺣﻤﺮ ﻭﺍﺧﻀﺮ ﻭﺍﺻﻔﺮ ..
ﻏﺰﻭﺍﻥ ﻓﺘﺢ ﻋﻴﻮﻧﺔ ﺑﺴﺮﻋﺔ ﻭﺍﻟﺘﻔﺖ ﻋﻠﻰ ﺣﻤﺰﺓ ﺑﻌﺼﺒﻴﺔ .. ﺍﺧﺬ ﺍﻟﺨﺎﺷﻮﻛﺔ ﺍﻟﺤﺪﻳﺪ ﻣﺎﻝ ﺍﻟﺠﺎﻱ ..
ﺣﻤﺰﺓ ﻃﻔﺮ ﺑﺴﺮﻋﺔ ﻭﻫﻮ ﻳﻀﺤﻚ ﻭﺷﺮﺩ .. ﻏﺰﻭﺍﻥ ﺷﻤﺮ ﺍﻟﺨﺎﺷﻮﻛﺔ ﻭﻃﺎﺣﺖ ﺑﻜﺼﺔ ﺍﺣﻤﺪ ﺍﻟﻲ ﺣﻂ ﺍﻳﺪﺓ ﻋﻠﻰ ﻛﺼﺘﺔ ﺑﺼﺪﻣﺔ ..
ﺍﻟﺸﺒﺎﺏ ﻃﺎﺣﻮ ﺑﺎﻟﻜﺎﻉ ﻣﻦ ﺍﻟﻀﺤﻚ ﻋﻠﻰ ﺷﻜﻞ ﺍﺣﻤﺪ ﺍﻟﻤﺼﺪﻭﻡ .. ﻏﺰﻭﺍﻥ ﻣﺎ ﺗﺤﻤﻞ ﺍﻛﺜﺮ ﻭﻛﺎﻡ ﻳﻀﺤﻚ ﻋﻠﻰ ﺍﺣﻤﺪ ..
ﻗﺎﻃﻌﻬﻢ ﺩﺧﻮﻝ ﺍﺑﻮ ﻏﺰﻭﺍﻥ ﻋﻠﻴﻬﻢ ..
ﻭﻛﻔﻮ ﺿﺤﻚ ﻫﻤﺔ ﻭﻭﻛﻔﻮ ﺍﺣﺘﺮﺍﻣﺎ ﺍﻟﺔ ..
ﻏﺰﻭﺍﻥ ﻋﻘﺪ ﺣﻮﺍﺟﺒﺔ ﺑﻘﻠﻖ ﻭﻫﻮ ﻳﺸﻮﻑ ﺷﻜﻞ ﺍﺑﻮﻩ ﺍﻟﻤﺎ ﻳﺘﻔﺴﺮ ﻭﻣﺒﻴﻦ ﻋﺼﺒﻲ
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ

فيتامين سي · 19-06-19, 06:23 AM

#سجينة_الظلم_والانتقام 🍂🥀

#البارت الحادي والخمسون

#الكاتبة : سارة الشمري🖤

قالوا الامل
هو حسرة الظمآن حين يرى الكؤوس
فى صورة فوق الجدار
هو ذلك اللون العبوس
في وجه عصفورِ تَحطَم عشه فبكى وطار
وأقام ينتظر الصباحَ لعل معجزةُ تُعيد
أنقاض مأواه المُخرَب من جديد

قاطعهم دخول ابو غزوان عليهم ..
وكفو ضحك همة ووكفو احتراما الة ..
غزوان عقد حواجبة بقلق وهو يشوف شكل ابوه الما يتفسر ومبين عصبي ..

غزوان : خير بوية صاير شي .. شو وجهك مو طبيعي ..
ابو غزوان : ما صاير شي .. مؤيد تعال وراي ..
طلع وعافهم واحد صافن بوجه الثاني ..

حمزة وهو يلزم مؤيد : انت مسويلك سالفة لو شني ...
مؤيد رفع اكتافة : والله مادري .. بس حسب علمي ما مسوي شي ..

غزوان : روح روح لا تتأخر علي ويعصب بالزايد ..
مؤيد وهو يطلع : الله اليستر بس ...

طلع مؤيد وراح ورة ابوه الي دخل للبيت ..

شاف امة وخواتة وبسمة وجوري وميامين بالمطبخ ... مؤيد : السلام عليكم ..

البنات : وعليكم السلام ..

مؤيد : شلونج ميامين .. بالعافية خوية ..
ميامين : الله يعافيك .. الحمدالله بخير ..
مؤيد : يمة ابوي وين ..

ام غزوان : راح لغرفتة زهكان مدري شبي ..
مؤيد وهو يطلع : هسة افتهم السالفة منة ..

توجه لغرفة ابو ودك الباب .. اجا صوت ابوه : تعال ..
دخل للغرفة وبقى واكف : امرني بوية ..

ابو غزوان يأشر عالكرسي : اكعد ..

مؤيد كعد عالكرسي بهدوء ..
ابو غزوان وهو يفر بسبحتة : مؤيد انة صحتك علمود سالفة .. اسمعني زين ..

مؤيد : امرني بوية .. شني مسوي شي واني مادري بروحي ..
ابو غزوان : لا بوية ما مسوي شي .. بس اريد طلبة منك ..
مؤيد بنخوة : عد عيناك بوية ..

ابو غزوان بتنهد : بوية اكو واحد متقدم لبت عمك جوري ..
مؤيد بلع ريكة : اي بوية بيهة الخير .. بس انة شني المطلوب مني ..

ابو غزوان بتنهد : اسمع بوية .. جوري بت عمك انة ادري بيهة جانت هاوية اخوك فارس ... وانة الله يشهد تمنيتهة لواحد من اولادي بس اخوك فارس جان دومة رافض ويكول مثل اختي ..

مؤيد جان يستمع لكلام ابوه ويريد يعرف شنو المطلوب منة ..

ابو غزوان يكمل : وهسة جايين خطابة عليهة .. حجو وية ابوهة وهو كاللهم اطونة مهلة ..

مؤيد : اي بوية بس انة شنهي بالسالفة ..

ابو غزوان : جايك بالحجي .. عمك ايكول اذا ما وافقت هالمرة برضاهة راح اخليهة توافق غصباً عليهة ..
مؤيد عقد حواجبة : وليش يريد يغصبهة ..

ابو غزوان : يابوية مو ايكول اجاهة اكثر من واحد وهي ترفضهم حتى بدون ما تعرف عنهم شي .. واختهة الاصغر منهة بسمة انخطبت وراح تتزوج وهي بعدهة .. يعني هي مو زغيرة تقريباً عمرهة ..

مؤيد بدون وعي : ٢٥ سنة ..

ابو غزوان : اي بعد شني .. ابوهة ايكول اذا ما وافقت هسة على الناس الزينة التجيهة وهي بهذا العمر .. بعد من تكبر ايكومون يجونهة المطلك لو مرتة ميتة لو جبير بالعمر ..
مؤيد بأستغراب : يعني لهالسبب عمي يريد يغصبهة على الي جايين يخطبونهة ..

ابو غزوان : اي .. شوف بوية انة ادري بجوري جانت تحب فارس .. والكلب من يهوى ويحب مو بسهولة ينسى .. وانة جوري عندي اعز وحدة ابنات اخوتي وخواتي واعتبرهة حالهة من حال مها وخاتونة .. وهي اذا تزوجت من واحد وهي كلبهة عد احد ثاني ما راح ترتاح وخاصا اذا رجلهة عرف بهالشي بساعتهة ممكن يعاملهة بطريقة مو زينة ..

مؤيد يفكر بكلام ابوه .. كلة صحيح .. بس عمي ما يعرف بجوري جانت تحب فارس ..

مؤيد التفت على ابوه وكال : وشنو الي تأمرني اني بي بوية ..

ابو غزوان : الي اريدة منك انك تخطب بت عمك جوري وتتزوجهة حتى تجنبهة اضرار الزواج من هالشخص الغريب .. واني اختاريتك لان ادري بيك تعرف بحقيقة حب جوري لفارس ..

مؤيد وهو مصدوم من كلام ابوه : بوية انت متخيل شجاي تحجي .. شلون تريدني اتزوج وحدة تحب اخوي ..
ابو غزوان : مؤيد انت تدري بأخوك متوفي يعني ليش مصعب الامور ..

مؤيد : بوية ماكدر اتخيل اباوع بوجهة واني ادري بكلبهة يحب اخوي .. اعذرني بوية بس كرامتي ما تسمحلي ارخص نفسي هيج ..

ابو غزوان : جا خوش .. وانت الدكيت صدرك وكلت عد عيناك بوية .. شبسرعة بدلت حجايتك ..
مؤيد : بس يابوية والله هالسالفة ماكدرلهة .. اني ماكدر اخذ وحدة تحب اخوي .. نفسي ما تطيني ..

ابو غزوان : انت فكر بالموضوع من ناحية انت راح تنقذ بت عمك وبس ..

مؤيد وهو يفرك وجهة بعصبية : بس بوية ..
ابو غزوان ينهي النقاش : لا بس ولا شي .. فكر بالموضوع زين وباجر رجعلي خبر .. واتمنى جوابك يريح كلبي ..
مؤيد وكف : من رخصتك بوية ..

ابو غزوان هز راسة ومؤيد طلع معصب ..
طلع مؤيد وشاف البنات كاعدات يسولفن ..
باوع لجوري بتنهد وبعدين نزل راسة وطلع ..

صعد سيارتة ومشى وهو ما يدري وين يروح ..
يسوق وعينة للطريق وهو تفكيرة بكلام ابوه .. شلون ممكن اتزوج وحدة تحب اخوي .. شلون راح اعيش وياهة وكلبهة مو يمي .. شلون راح اكدر اباوع بعيونهة بحب وعيونهة ماتبادلني هالشي ..

اني اعرف زين ان اذا حبيت مستحيل تكدر تنسى الي تحبة اعرف هالشي ومجربة .. واعرف زين هي مستحيل تحبني مثل ما تحب فارس .. جنت اشوف هالحب بعيونهة بس اكول يمكن يتهيألي .. بس من سمعتهة كالت هالشي لفارس بنفسهة واعترفتلة بوقتهة تأكدت ودعيت ربي ان يشيل حبهة من كلبي بس ماكدرت .. جنت اوهم نفسي ان نسيتهة وما افكر بيهة ومن اشوفهة فجأة كلشي يتبخر وترجع جروحي تتفتح من اول وجديد ..

صح هو ما يكدر يتزوجهة وهي تحب اخوه .. بس بنفس الوقت ما يكدر يشوفهة تتعذب وية شخص ثاني بمجرد ما يعرف بيهة جانت تحب احد ثاني ..

وكف سيارتة على صفحة وتنهد وهو يحط راسة عالستيرن (المقود) .. ربي ساعدني مالي غيرك .. دليني عالطريق الصح وساعدني اختار الخيار المناسب ..

££££££££££££££

مجمع رائد ...

كاعد عالمكتب وهو يفكر بميامين وشجاي تسوي هسة .. ابتسم وهو يمر طيفهة ابالة .. حس ان مشتاقلهة ومشتاق لشوفتهة ..

اختفت ابتسامتة وهو يكول : انساهة رائد .. خلص هي راح تتزوج .. مو من شيمك تباوع على حلال غيرك ..
تنهد من كلبة وهو يفرك بوجهة ..

دق تليفونة رفعة وابتسم وهو يشوف الاسم ..
رد بأبتسامة : امووني ..
ميامين : رائد حبيبي شلونك ..

رائد : الحمدالله ما ناقصني بس شوفتج ..
ميامين : مو البارحة شفتني .. شنو شوكت لحكت تشتاقلي ..
رائد : شسوي اشتاقيتلج بعد ..

ميامين وهي تريد توصل للموضوع الرئيسي : اذا تريد تشوفني .. تزوج حتى اجي احضر عرسك .. وهم اني ضايجة واريد اركص ..

رائد راحت ابتسامتة وتنهد : الله كريم عوفج مني هسة مو مال زواج .. مو راح يصير عدكم عرس واركصي بي ..
ميامين : عرس منو ..

رائد بألم : لا تستغبين مو حماتج خاتون راح تتزوج ..
ميامين بسرعة : لا جذب ما تتزوج ..

رائد كام على حيلة : شلون يعني ما تتزوج .. مو هذاك اليوم دزولج ان راح تتزوج ..

ميامين ابتسمت على صوتة كلة لهفة : لا هذا جان مقلب من البنات .. يعني تعرف مقالب البنات وكل وحدة اتكول انخطبت وراح اتزوج ومن هالحجي ...

غزوان بفرحة : يعني خاتون ما راح تتزوج ابن عمهة مو ..
ميامين بخبث : لا متتزوجة ... بس شبيك هالكد فرحان ..
رائد وهو يحك راسة : ها .. هيج ماكو شي ..

ميامين بأبتسامة خبيثة : امممم .. هسة تعال صدك ليش متريد تتزوج انتة ..

رائد بأبتسامة : وليش لا .. عادي ماعندي مانع ..
ميامين : اشوف تغير كلامك من بعد ما كتلك على خاتون ..
رائد : اكول انتي معليج .. يلة ولي عندي شغل مهم هسة ..
سد التليفون بوجهة ..

ميامين للتليفون : شوف الخاين .. بس اخذ اخبارهة سد التليفون بوجهي .. يصير خير .. هسة يرجعك الوكت علية ..

££££££

رائد من سمع ان خاتون ما راح تتزوج حس ان الروح رجعتلة .. هو حس ان ضيعهة من ايدة مرة .. مستحيل يضيعهة مرة ثانية .. لازم يتصرف بأسرع وقت ممكن ..
ركب سيارتة وتوجه لبيتهم ..

شاف امة بالمطبخ وخالد كاعد يمهة عالكرسي مال الطاولة ..
رائد تأفف : ياخي امنيتي ادخل لبيتنة ما الكاك موجود ..
خالد بدون اهتمام : بكيفي .. كاعد على كلبك ..

حسان دخل وهو يطك اصبع ويغني : وشعندك وشعندك ... وشعندك كاعد بكلبي ماعدكم بيت ..

ضحكو حسان ورائد .. وهالدمنطيهم الاذن الطرشة وما مهتملهم ..

ام رائد : صدك يمة شو جاي من وكت اليوم ..
رائد كعد عالكرسي بصف خالد : جايج بشغلة مهمة يمة ..
خالد التفت علي بفضول : شنو هي الشغلة ..

رائد يقلد كعدة خالد بعدم اهتمام : معليك ..
خالد ضربة بعكسة : دحجي لا تصير خبيث ..
رائد : ياخي شعليك انتة شكد حشري ..

ام رائد وهي تغسل ايدهة وتكعد عالكرسي كبال رائد وخالد .. : كول يمة .. خيرك ..

رائد يحك شعرة وهو ميدري شلون يبتدي بالموضوع .. : يمة .. مادري شلون احجي ..

خالد ببرود : شبيك .. تريد تتزوج مثلا واحنة ماندري ..
رائد التفت علي بسرعة : شمدريك ..

خالد فتح عيونة والتفت على رائد : صددك تحجي ..
ام رائد : رائد .. صدك يمة تريد تتزوج .. هيج وتفرح كلبي صدك ..

رائد بأبتسامة : اي يمة صدك .. وهالمرة استعجلي ..
ام رائد بفرحة : يا يمة انة ما صدكت تجي تكلي اريد اتزوج .. كلي اكو وحدة ابالك لو ادورلك ..

رائد بسرعة : لا يمة موجودة ما يحتاج تدورين ..

خالد لزمة من ايدة : منهي هاي .. يمتة لحكت تحب ولك ..
رائد نفض ايدة من خالد وباوع لامة : اي يمة نرجع لموضوعنة ..

ام رائد : كول يمة منهي هاي التريدهة ..

رائد ابتسم : احم .. اخت غزوان .. يعني حماة ميامين ..
خالد فتح عيونة بصدمة واختفت ابتسامتة ...

ام رائد : يا يمة زين ما اختاريت والنعم منهن ... بس ياهي بيهن لان هنة اثنين ..

رائد : الجبيرة .. خاتون ..

خالد رجعت ابتسامتة مرة ثانية .. حضن رائد وهو يضحك : كول والله .. ياااخي اني ليش احبك ..

رائد فتح عيونة : خييير انشالله ... شبيك فرحت من كلت خاتون .. شعليك انت ..

خالد بكل صراحة : لان اني اريد الزغيرة اسمهة مها ...

ام رائد : اوكف اوكف .. انت منين تعرف مها ..
خالد يحك راسة بتفكير : شفتهة من اجو البارحة ..
رائد فتح عيونة : وين شفتهة ولك ...

خالد : صعد سيارتي بالغلط وعبالهة سيارة اخوهة مؤيد ...
رائد برفعة حاجب : وشمدريك هي هاي مها ..

خالد بكذب : من خابرت مؤيد كتلة وحدة من اهلكم صعدت سيارتي بالغلط وعبالهة سيارتك وهو كال ياا هاي مها ..
رائد بعدم تصديق : اهااااا ...

ام رائد : هسة خلوني افتهم .. رائد انت تريد خاتون مو ..
رائد هز راسة : اي يمة اريدهة وماريد غيرهة ..
التفتت على خالد وكالت : وانت صدك تريد مها لو تجذب علية ..

خالد : لا يمة ما اجذب عليج .. اني من شفتهة دخلت ابالي وعجبتني واريدهة ...

ام رائد : على خير انشالله .. بس اول شي اخابر امك واكللهة حتى هي تكل لابوك .. وانت رائد خابر ابو غزوان واطلب البنية منة ... واذا اطاك الموافقة حتى اني اخابر ام غزوان ..
رائد بفرحة : انشالله يمة ..

ام رائد : الله يوفقكم انشالله ويكتب الي بي الخير ..
)))))))))))))))))))

مؤيد من بعد التفكير وهو ما توصل لاي حل ..
توجه لبيت حمزة ... دخل كعد بالصالة مالتهم ..
حمزة : مؤيد شبيك .. شو من طلعت ورة عمي اليوم وانت بعد ما بينت .. خير شكالك عمي ...
مؤيد حجالة الي صار من البداية ...
حمزة بحيرة : والله مادري شأكلك ..
مؤيد : اطيني حل شأكول لابوي ...
حمزة : والله انت واخوك مسويني مصلح اجتماعي احل مشاكلكم مال الحب .. احد ضحك عليكم وكال اني طبيب نفسي لو طبيب مجانين ..
مؤيد وهو يكوم : والله انت مو صوجك .. صوجي اني اجيتك ...

حمزة سحبة بسرعة وكعدة : اكعد اشاقة وياك والله ...
مؤيد كعد وهو بعز ضوجتة ...

حمزة : شوف بما انك اتكول تحبهة ف اكيد ما راح ترضى ان هي تتعذب مو صح .. وثاني شي انت ما تريد تتزوجهة لان هي تحب فارس صح ..

مؤيد : اي .. شنو الجديد بالحجيتة ..

حمزة : شوف اني الي افكر بي يعني وبرأيي انك توافق على هذا الزواج ..

مؤيد : شلون اوافق وهي ما تحبني وتحب اخوي ..

حمزة : شوف .. اكو نوعين للحب .. النوع الاول هو الحب الحقيقي .. والنوع الثاني الي احنة نعتقد هو حقيقي بس هو بالتالي مجرد نزوة او مراهقة ...

مؤيد بأهتمام : شلون يعني ..؟؟؟

حمزة بتركيز : شوف مثل ما انت كلت ان جوري تحب فارس من طفولتهة وهالشي ابتدئ ابكلبهة من جانت تسمع كلمات فارس وان هو يسميهة ام عيون زرك وايكول اني احبهة واتزوجهة من تكبر ... هالشي معناتة ان هي بقت تقنع بنفسهة ان هو فعلا يحبهة مع ان جانت طفلة زغيرة وهو هم زغير .. يعني لا هو جان يفتهم ولا هي تفتهم من هالدنيا شي ..

مؤيد : ايي ..

حمزة : هالشي يعني ان هذا نزوة طفولة .. جوري حبت فارس بس لان هو اهتم بيهة بفترة بسيطة من طفولتهة وهالشي خلاهة تتعلق بي وتعتقد ان هي حبتة بس بالتالي هي حبت اهتمامة لان مستحيل طفلة تكون بعمرهة تحب .. وهي كبرت وفقدت هالاهتمام من كبر فارس وصار يستحي يسولف وية بنات عمة مثل قبل .. يعني هي فقدت اهتمامة بيهة وبقة ابكلبهة هالشي وهي معتبرتة حب لدرجة راحت واعترفتلة بهالشي ..

مؤيد : يعني قصدك ان جوري ما تحب فارس ..
حمزة : هي معتقدة ان تحبة وهالشي راسخ بعقلهة مو بكلبهة ...

مؤيد نزل راسة بتفكير ..

حمزة حط ايدة على ركبتة وكال : اني برأيي ان توافق على هالزواج .. وصدكني ورة زواجكم من تبدي انت تهتم بيهة وتحبهة .. هي راح تحبك وتتعلق بيك وبالتالي تصير تضحك على نفسهة لان جانت معتقدة ان هي تحب شخص غيرك .. بس دير بالك تصير مثل غزوان و تستعمل العنف .. ترة الصبر احسن حل .. اصبر عليهة مهما كانت تصرفاتهة وهي بالتالي راح تتغير ..

مؤيد ابتسم وهو يباوع لحمزة ..

رفع ايدة وضربة على كتفة بكل قوة : يااااخييي وتلوومنة من نسويك مصلح اجتماعي .. لازم يسمونك ابو النصايح ..

حمزة وهو يفرك كتفة بألم : الله ياخذك بجاه الحبيب محمد .. كووول امييين ..

&&&&&&&&&&&

ميامين ومها كاعدات ابيت غزوان بالصالة ...

ميامين لازمة الريموت مال التلفزيون وتتابع مسلسل تركي ..

مها متمدد عالقنفة وحاطة راسهة على رجل ميامين ولا زمة موبايل ميامين وتكلب بالصور ..

وهي تكلب بالصور شافت صورة خالد كاعد على القنفة وميامين واكفة وراه وحاضنتة من ورة ..

شهكت وكعدت على حيلهة وهي تباوع عالتليفون ..

ميامين كمزت : شبيييج ...

مها : منو هذا الي بالصورة ..

ميامين بأستغراب : هذا خالد اخوي .. بس ليش تسألين ..
مها : عندج اخ اسمة خالد ؟..

ميامين : لا هو اخوي بالرضاعة وابن خالتي .. بس اني اعتبرة حالة حال اخواني .. شنو الي خلاج تتفاجأين ..
مها وهي متوترة : لا بس شفتج حاضنتة وقريبة علي وهو مو اخوج ..

: منو هذا الي حاضنتة وهو مو اخوهة .....!!!!؟؟؟؟

الكاتبة : سارة الشمري🖤

هلو حبايبي 😘 توقعاتكم للبارت الجاي 😘 فديتكم اتمنى عجبكم البارت

فيتامين سي · 22-06-19, 03:34 AM

البارت الثاني والخمسون

الكاتبة : سارة الشمري🖤..

قلبيَ الحُر الذى لم يفهموه
سوف يثلقي في اغانيه العزاء
لا يظنوا انهم قد سَحقوه
فهو مازال جمالاً ونقاء
سوف تمضى فى التسابيح سنوهُ
وهم فى الشر فجراً ومساء
فى حضيض من آذاهم القوةُ
مُظلم لا حسن َ فيه ولا ضياء

مها وهي متوترة : لا بس شفتج حاضنتة وقريبة علي وهو مو اخوج ..

: منو هذا الي حاضنتة وهو مو اخوهة .....!!!!؟؟؟؟؟

التفتن الة واكف بعصبية ..
مها بخوف من عصبيتة : خالد ..
غزوان بعصبية وهو يسحب التليفون : وخالد ليش تحضنينة .. هو مو ابن خالتج ..
ميامين تصنعت الابتسامة : اي لان خالد يكون اخوية من الرضاعة .. يعني عادي شبيك عصبت حبيبي ..
غزوان ارتخت حواجبة ورفع عيونة الهة بفهاوة وممصدك : هاه ..؟؟؟
مها حصرتهة الضحكة وكالت : من رخصتكم اني رايحة ..
طلعت مها وميامين التفتت على غزوان ببرود .. : ترة لا تصدك .. كلت هالشي لان مها واكفة .. واتمنى انت هم نفس الشي يعني تبين كدامهم احنة عايشين طبيعي لان اني هيج مفهمتهم ..
غزوان قرب وجهة منهة بأبتسامة : شلون يعني طبيعي ..
ميامين ببرود : يعني نتصرف كأي زوجين طبيعيين .. ماشي ؟ ..
غزوان بأبتسامة : ووين اكو احلا من هالشي ...
ميامين بدون اهتمام كامت من يمة وصعدت فوك ..
غزوان يتأمل مشيتهة ويتنهد من كلبة .. لابسة دراعة خليجية لونهة ابيض ومنقشة بالاخضر وفاتحة شعرهة لان جان اكو خطار هنا وجايين يتباركولهة ..
££££££££

اليوم الثاني

طلع مؤيد من غرفة ابوه بعد ما بلغة بموافقتة على الزواج من جوري .. سلم امرة لله وطلع ..
شاف الحجية كاعدة بالصالة .. كعد بصفهة وحط راسة على رجلهة وتمدد على القنفة ..
الحجية وهي تحط ايدهة بشعرة : سمالله يمة شبيك .. انت ما تكعد هاي الكعدة الا عندك بكلبك شي ..
مؤيد تنهد : حجية عن قريب راح ترحين تخطبيلي انشالله ..
الحجية : خايب دحجي صدك لا تجذب علي ..
مؤيد : والله ما مجذب عليج .. هسة حجيت وية ابوي وهاي جيتي من عندة ..
الحجية بفرح : يممة صلاوات عالنبي .. هيج الله هاديكم هالايام .. عساهة دوم انشالله .. بس ما كتلي ياهي التريدهة ..
مؤيد ابتسم لان يدري بحبوبتة تحبهة : عزيزة كلبج ... جورية بت عمي حافظ ..
الحجية بفرحة اكبر : يممممة هاي الاخبار الزينة .. والله انة من انتم بعدكم جهال وانة كلبي حس انتة راح تاخذهة ..
مؤيد : كولي يالله حجية .. بعدنة حتى ما كايلين لعمي حافظ .. ايجوز ما يوافقون ..
الحجية : وليش يمة ما يرضون .. وين يلكون مثلك .. شو دكَتور وزلمة ولحية وشوارب وتخبل ..
مؤيد بضحك : حجية شو صايرة من بنات هسة الي يدورن لحية وشوارب ..
الحجية : شمدريني حبوبة غير هالايام البناويت كلهن يكولن ماكو ولد حلو هسة كلهم جنهم جرابيع لا لحية ولا شارب ..
مؤيد يضحك على كلام حبوبتة .. دائما حتلو جان بعز ضوجتة بس يجي يمهة تحاول بكل الطرق تضحكة ..
دخلن خاتون ومها للصالة يحطن السفرة ويحضرنهة للعشا ... ووياهن ميامين تشيل بالاكل ..
مؤيد اعتدل بكعدتة من شاف ميامين لان بعدة يستحي ما متعود عليهة ..
كملن السفرة والكل اجتمعو عليهة ..
ابو غزوان ابتسم على لمتهم حوالينة كلهم .. تنهد وكال بكلبة (الله يرحمك يافارس يابوية) ..
ابتسم وكال : بما ان الكل موجود .. عندي الكم ٣ اخبار اريد اكولهة ..
الكل التفتو الة بأصغاء .. ومؤيد يعرف ان راح يحجي على موضوع خطوبتة ...
ابو غزوان بأبتسامة وهو يحط ايدة على كتف مؤيد : الخبر الاول قررنة نخطب لمؤيد جوري بت عمة ...
ام غزوان بفرحة : صدددك يمة .. دخيلك ربي فدوة لأسمك على هالاخبار الحلوة ..
البنات باوعن كل وحدة بوجه الثانية بصدمة .. شلون مؤيد يخطب جوري .. جوري تحب فارس ومستحيل توافق على مؤيد ..
غزوان ابتسم : مبروووك ابو المود ..
مؤيد متصنع الابتسامة بهدوء : الله يبارك بيك ..
البنات حسن على نفسهن وباركن لمؤيد ورجعن عيونهن للماعون وتفكيرهن وية هالخبر هذا ...

ابو غزوان : ما راح تسألون شنو الاخبار الثانية ..
ام غزوان : ياا .. احنة على فرحتنة بمؤيد نسينة نسألك ..
ابو غزوان وعينة لخاتون : الخبر الثاني هو .. خاتون عن قريب راح تودعنة وتعوفنة ..
الكل استغربو وخاتون رفعت راسهة : ليش وين تردون تودوني ..
ابو غزوان بأبتسامة : وين يعني .. افهميهة ان جايينج خطابة وخوش ناس ..
خاتون فتحت عيونهة بصدمة واللكمة وكفت ابلعومهة ..
ميامين وغزوان التفتو على ابو غزوان بصدمة ..
باوعو واحد بوجه الثاني وميامين عبالك تحجي وياه بنضراتهة وتكلة شلون صار هيج ورائد شلون ...
غزوان التفت على ابوه : بوية منو هذا الي خطبهة ..
ابو غزوان بأبتسامة : رائد .. اخو ميامين ..
الكل انصدمو ما عدا غزوان وميامين .. لان محد جان متوقع هالشي ..
خاتون بلعت ريكهة بخجل وهستوهة تستوعب ان ابوهة حجة عن خطوبتهة كدام الكل وجهة صار احمر وكامت من يمهم بسرعة لان استحت من ابوهة واخوتهة وتفاجأت بنفس الوقت ..
الكل ضحكو على خجلهة ..
الحجية : والله خوش ناس والنعم بيهم .. يستاهلون المرة ..
ام غزوان بأبتسامة : والله عائلة اخلاق ماشالله ..
اشرت على ميامين وكالت بأبتسامة : مادام ميامين تربيتهم هايهية لعد .. وام رائد والله خوش مرة وطيبة ..
ميامين الفرحة مو سايعتهة : فدوة لكلبج عمة..
غزوان : والله بوية رائد ما ينرد .. وخوش ولد ..
مؤيد : صحيح هالشي .. والله خوش رجال ..
ابو غزوان : وانة والله فرحت من خطب من عدنة .. لان ادري بي يصون مثل ما حاول يصون فارس بس الدنيا ما سمحت وكبر بعيني اكثر من عرفت ان هوة كل اسبوع او اسبوعين يروح لقبر فارس يزورة .. وكل خميس يدفع من فلوس المجمع مالتهم للمحتاجين والفقراء بثواب فارس ..
ميامين ابتسمت على كلامهم وهمة يمدحون بأخوهة رائد ..
ام غزوان مسحت دمعتهة بسرعة وكالت : الله يطي انشالله ..
مها وهي تريد تغير الموضوع لان شافتهم كلهم ضاجو ..: بس بابا شلون خاتون راح تبتعد عنة هالكد مسافة ...
ابو غزوان : اول شي خل تفكر هي براحتهة وتوافق يلة ... وبعدين ليش مو انتو بعدتو بتهم عنهم بكد هاي المسافة ..
مها وهي تحك راسهة وتباوع لميامين : اي صح ...
ابو غزوان وهو يضحك : بس لا تخافين انتي هم راح تطيرين وراهة ..
مها ما فهمت وحجت بغباء : شلون يعني اطير وراهة ..
ابو غزوان : ابن خالة ميامين خالد خطبج .. هسة ابو خابرني وطلبج مني لابنة ...
مها جانت تاكل وغصت باللكمة من سمعت ان خالد خطبهة وصارت تكح .. ميامين كاعدة بصفهة حتى ما حاولت تضربهة لو تنطيهة مي لان هي نفس الشي جانت فاتحة حلكهة ومصدومة ..
ام غزوان : يمة سمالله شجاجن ولجن ..
غزوان ضحك على اشكالهن وضرب ميامين على راسهة وبعدين ضرب بسمة على ضهرهة وانطاهة مي ..
مها وجهة احمر من الكحة .. ميامين ومها وحدة باوعت بوجه الثانية بصدمة حجن بصوت واحد : منووووو ؟؟؟
مؤيد استغرب وعصب بنفس الوقت وباوع على مها بنضرات محد فهمهة غيرهة : كافي انتي وهي خل نفتهم السالفة ..
البنات سكت وكل وحدة مصدومة اكثر من الثانية ..
مؤيد بأستغراب : بوية انت قصدك خالد ابن خالة رائد خطب مها ..
ابو غزوان : اي شبيكم مصدومين .. شبي الولد ..
غزوان : ما بي شي بوية بس ما توقعنة ..
مها : وليش يخطبني اني .. شيريد مني ..
مؤيد بحدة : شيريد منج ؟؟.. خلي عندج شوية خجل واطفري مثل اختج .. مو كاعدة ويانة وتسألين عالولد ..
مها حست على نفسهة ووجهة صار طماطة .. كامت بسرعة من يمهم وراحت لغرفة خاتون وهمة ضحكو عليهة ..
ميامين من بعد ما راحت مها .. شوية استوعبت ان بقت بس هية .. كامت ورة البنات ..
مها دخلت لغرفة خاتون لكتهة تفتر رايحة جاية بالغرفة وتفكر بصوت عالي وتحجي وية نفسهة ..
وحدة باوعت بوجه الثانية
وحجن بصوت واحد : شلوووون ..؟؟؟
بقن واكفات .. دخلت عليهن ميامين وسحبت مها من زندهة وكالت : شلووون بس كليلي شلون ..
مها : شمدريني شلون .. روحي اسألي هوة مو اني ..
خاتون تباوعلهن بأستغراب : شبيجن .. منو هوة ..
ميامين وهي تطلع تليفونهة : خالد ابن خالتي خطب مها ..
خاتون بصدمة وهي تباوع لمها : خالد منو ؟..
مها بغباء : شبيج هذا الي صعدت بسيارتة وعبالي سيارة مؤيد ..
خاتون بصدمة : كوولي والله ..
قاطعهن صوت ميامين : الووو .. خالد يالخسيس ..
خاتون سحبت التليفون وفتحت مكبر الصوت ...
خالد : اعوذ بالله .. شبيج ..
ميامين : شلون ما تكلي راح تخطب مها ..
خالد بأبتسامة : وليش اكلج ..
ميامين بأبتسامة وهي تباوع لمها : وين شفتهة انتة حتى تخطبهة .. يمكن تطلع مو حلوة ..
خالد بهيام : شلون ما شفتهة .. غير بس شفتهة انسحرت بجمالهة .. اسم على مسمى مها وعيونهة عيون المها .. الوجه ابيض والخشم فستقة والحلك زيتوناية .. و ال
قاطعتة ميامين : بسس مو ناقص غير تنطيني مقاس رجلهة شكد .. يالسافل طلعت عوينجي ..
خالد : والله مو عوينجي بس هي الوحيدة الباوعت عليهة لان جمالهة مو طبيعي ..
ميامين باوعت لشكل مها الي وجهة انكلب احمر ومصدوم .. : دكافي يلة ولي .. ترة سمعت كلامك كلة ووجهة الابيض انكلب طماطة ..
خالد ضحك : فديتهة ..
ميامين : انجبب ولك .. يلة ولي ..
سدت التليفون بوجهة .. وتربعت وكالت : احجيلي وين شافج ..
خاتون وهي تكعد : بيوم رحنة عليكم .. هي خربطت بين سيارة مؤيد وسيارة خالد وصعدت سيارتة وهو شافهة واتصل على مؤيد .. ولو تشوفين مؤيد بيومهة شلون انطاهة رزالة غسل ولبس ..
ميامين ضحكت : حيييل .. والله اجت من صالح خالد ..
مها وهي تضربهن : بس انتي وياهة كعدتن ركبة ونص الي وما عبالك خاتون هم انخطبت ..

خاتون تذكرت ورجعت تفكر بصوت : الي محيرني وين شافني رائد حتى يخطبني .. هاي المحيرتني ..
ميامين وهي تضربهة بعكسهة : لا تحيرين حبيبتي .. رائد من كم سنة هو رايدج مو هسة ..
خاتون بصدمة : شنو ..؟؟
ميامين : اي مثل مكتلج .. حتى هوة خطبج من فارس .. وفارس وافق .. بس قبل لا يبلغكم صارت الحادثة وتوفى فارس ..
خاتون بأستغراب : وهو شلون عرفني ..
ميامين : اعتقد جان يشوفج من تطلعين من الدوام لان هو هم جان يجي هنا علمود فارس ..
خاتون : شلون اني ما انتبهتلة ..
ميامين بغمزة : حبيبتي جان من بعيد لبعيد شتنتبهين ..
خاتون بخجل : تمام هسة اطلعو وعوفوني افكر بالموضوع ..
مها وهي تكوم : اني هم رايحة لغرفتي رجاءً ما اريد ازعاج ..
ميامين وكفت وتخوصرت : بلللة شووو .. احلفي انتي وياهة .. ومنو تلم السفرة وياي انشالله ..
خاتون سحبتهة وطلعتهة برة هي ومها : اني مستحيل انزل واشوف وجهي لابوي بعد .. يلة برة ..
مها وميامين يباوعن عالباب الي انسد بوجهن ..
مها دارت وجهة وتوجهت لغرفتهة : والله حبيبتي اني هم نفس الشي .. يلة روحي روحي اغسلي المواعين ..
ميامين نزلت وهي تتحلطم .. ام غزوان ضحكت عليهة وحاولت تلم السفرة وياهة بس ميامين ما قبلت ..
حطت الجاي عالنار وغسلت المواعين بملل لان وحدهة ..
خلصت المواعين وكعدت يم الحجية تسولف وياهة لان سوالفهة حلوة وما انتبهت للوقت ...
قاطع كعدتهن نزول مؤيد من الدرج ..
استغرب وكال : ميامين بعدج هنا ؟ .. اني عبالي رحتي لان الوقت تأخر .. واجيت اقفل البيبان اذا بعدج عادي ...
ميامين رفعت تليفونهة بأستغراب تريد تشوف الساعة .. شافت الساعة ١٢ وبنفس الوقت مكالمات غزوان الفائتة انهالت عليهة لان هي مسوية تليفونهة صامت ..
كامت بسرعة وكالت : والله محسينة بالوقت .. يلة تصبحون على خير ..
طلعت بسرعة من البيت .. عزة شبسرعة مر الوقت ..
وصلت لبيتهم وصعدت فوك ...
دخلت للغرفة وفزت بسرعة من حست ايدين على خصرهة من ورة ورفعتهة لمستواه ورجليهة صارت مو بالكاع ..
غزوان بهمس يم اذنهة : ليش تأخرتي ..
ميامين حاطة ايدهة على كلبهة وكالت لا ارادياً .. : يممة كلبي راد يوكف .. شبيك كمزتني ..
غزوان وهو هايم بقربهة منة : سمالله على كلبج .. بس شسوي اشتاقيتلج ..
ميامين انتبهت لنفسهة وضربتة على ايدة بخفة : نزلني ..
غزوان : ليش ؟
ميامين انقهرت من برودة : نزلني شنو ليش .. لا اطيح ..
غزوان وهو يحرك خشمة على رگبتهة برقة : تتوقعين يعني تطيحين واني الي لازمج ...
ميامين بقشعريرة وهي تحط ايدهة على رگبتهة : اصلا اخاف لان انت الي لازمني ..
غزوان نزلهة بضيق من كلامهة ..
عافتة بدون اهتمام ودخلت للحمام .. سبحت وطلعت بدلت ملابسهة بغرفة التبديل ومشطت شعرهة ..
غزوان شافهة طلعت وهي مبدلة .. ابتسم على شكلهة الطفولي ... لابسة برمودة عريضة لونهة وردي ووياهة بدي لونة اسود ومرسوم علي ميكي ماوس ..
تمددت بجهتهة وهي تريد تنام ..
غزوان همس وهو يخلي شعرهة ورة اذنهة : شنو ما فرحتي بخبر خطوبة رائد لخاتون ..
ميامين بأبتسامة وانطلقت بالحجي : شلون ما فرحت .. هذا اخوي وحبيبي وكل دنيتي راح يخطب وتريدني ما افرح ..
غزوان تنهد وهو يحط راسة على مخدتهة وراسة ملاصق لراسهة .. رفع ايدهة وباس راحة ايدهة (باطن كفهة)وصار يلعب بأصابعهة : تدرين من اسمعج تحجين هيج احس ودي الزم رائد واسوي وصلتين ..
ميامين التفتت علي بعصبية وصارت اقرب علي اكثر : لا بالله .. وليش تسوي وصلتين ..
غزوان وهو خشمة ملاصق لخشمهة : اغار منة .. شكد تحبينة .. وتضحين علمودة .. وتتغزلين بي وحبيبي ودنيتي .. شلون ترديني اسمع هالكلام وما اغار ..
ميامين رجعت راسهة لورى : مو من حقك تغار .. هذا اخوي وشي طبيعي احجي هيج .. وهو حبيبي وروحي ودنيتي وهلي وناسي ..
غزوان فز ووجهة صار فوك وجهة : واني ..
ميامين عقدت حواجبهة : انت ؟؟
غزوان وهو ينقل نضراتة بين عيونهة : شنو اني من هذني الي عددتيهن ..
ميامين غوركت عيونهة وبلعت ريكهة : ....

الكاتبة : سارة الشمري ✍🏻

حبايبي شلونكم 😘 اريد توقعاتكم للبارت الجاي .. 😘 اتمنى عجبكم البارت وحبيتوه 🖤

فيتامين سي · 22-06-19, 03:38 AM

#سجينة_الظلم_والانتقام 🍂🥀

#البارت الثالث والخمسون

#الكاتبة : سارة الشمري✍🏻

إذآ كنت رجلآ بمعنى الكلمة فلا تسمح لفتاة أن تبكي وإذا كنت تحب تلك الفتاة فلا تدعها تغيب عنك وإذا كنت تعشقها فلا تسمح لها بالرحيل .

غزوان وهو ينقل نضراتة بين عيونهة : شنو اني من هذني الي عددتيهن ..
ميامين غوركت عيونهة وبلعت ريكهة : انت ولا شي ...
غزوان بندم : شلون ولا شي .. مو انتي كلتيلي احبك وجانت بنفس هاي النضرات ..
ميامين دموعهة نزلت وكالت بحقد : وانت شسويت من شفت نضراتي .. شسويت من كلت احبك .. دمرتني وانت اتكول شلون كدرتي تكولينهة وعيونج بعيوني وانتي جذابة ..
غزوان مسح دمعتهة بيدة وحط كصتة على كصتهة وكال بهمس وندم : شششش اسف والله اسف .. والله اتمنى لو يرجع بية الزمن لهذاك اليوم .. اموت روحي الف مرة وما اسوي بيج الي سويتة ..
ميامين بصوت متهدج : بس ما راح يرجع .. لو مهما سويت ما راح يرجع .. غلطتك ماكدر اغفرهة ..
غزوان : ميـامــيـ ..
قاطعتة وهي راصة على سنونهة بحقد : وخخر عني .. عوفني وحدي ..
غزوان غمض عيونة وتنهد وكام عنهة .. طلع من الغرفة كلهة ..
ميامين رفعت اللحاف وعصرتة على وجهة وصارت تبجي بقهر وكل تفاصيل هذاك اليوم تنعاد عليهة ...
غزوان طلع من الغرفة وتوجه للبلكونة ...
الجو جان كولش بارد وهو لابس بدي نص ردن مال نوم .. بس مع هالشي يحس بنار مشتعلة بكلبة ...
حط ايدي عالسور وهو يتنفس بسرعة ويطلع البخار من حلكة ويختفي وية الهوى .. يلعن نفسة الف مرة لان جان سبب دموعهة ..
متندم بكد شعر راسة لان خسر حبهة بألي سواه .. مستحيل تنسى الي سواه .. هالوعكة الي هوة سواهة بكلبهة مستحيل تطيب ...
تنهد من كلبة وهو يكول : لا تستسلم غزوان .. ميامين تحبك .. بس هي بعدهة حاقدة عليك ومعتقدة ان هي تكرهك .. الي يحب ما يكره ...
دخل للصالة الفوقية وهو مالة عين يدخل ويشوفهة ...
مرت نص ساعة تقريباً ... دخل للغرفة شافهة منطيتة ضهرهة ..
تمدد عالجرباية وصار وراهة .. عصر ايدة وهو يشوفهة نايمة ودمعتهة ناشفة على خدهة ...
حط خشمة بشعرهة وهو يحاوط خصرهة ويحجي بهمس : اسف .. راح ابقى انتضر لحد ما تسامحيني ..
غمض عيونة وهو حاضنهة وغفى على عطرهة ...

££££££££££

ابطالنا نامو .. لكن مو كلهم ..
البعض منهم قلق .. والبعض منهم يفكر ومحتار ...
والبعض منهم يبجي ..

مؤيد جان قلق من ناحية شنو ردة فعل جوري لمى تعرف ان هو خطبهة ...
وبنفس الوقت قلق من المستقبل الي جاي .. وهو يدري بعمة راح يغصبهة ان توافق تتزوجة ..

ابو غزوان بس انطاه مؤيد الموافقة فوراً اتصل بأخوه حافظ وطلب منة يرفض الي متقدمين لجوري لان مؤيد رايدهة ...
جوري مجرد ما سمعت كلام ابوهة رفضت هالشي رفض قطعي .. مستحيل تتزوج شخص وهي تحب فارس شلون اذا كان هالشخص اخوه ...
ابوهة من سمع رفضهة غصبهة ان توافق بس هي وكفت بوجهة وبالمقابل هو حاول يضربهة بس اخوهة احمد حماهة منة وهدأ ابوه وكلة ميصير غير الي تريدة ..
وهسة جوري منهارة وتبجي .. ماتريد غير فارس ..
ابوهة يريد يجبرهة .. يريد يكسر كلبهة ...
نايمة بحضن بسمة ودموعهة تجري على خدهة وتشهك من البجي ...
بسمة ما تحملت وضع اختهة وطلعت تليفونهة وصارت تكتب لخاتون وتريدهة تحجي وية مؤيد حتى تقنعة يرفض هالزواج من عندة ..
خاتون وجانت متوقعة هالشي من جوري مية بالمية ...
توجهت لغرفة مؤيد .. دكت الباب .. ثواني واجاهة صوتة : تفضل ..
خاتون مدت راسهة من الباب : كاعد لو نايم ..
مؤيد بأبتسامة : كاعد .. تعاي يالعروسة ..
خاتون خجلت بس مو هذا موضوعهة ..: عوفك مني هسة اني جاية احجي بموضوعك ..
مؤيد كعد بأستغراب : شبي موضوعي ..
خاتون بحزن : مؤيد اعرف ان الكلام الي راح اكولة ممكن يجرحك بس مجبورة اكولة الك ..
مؤيد وكأنة عرف شنو تريد تكول : كولي لا تخافين ..
خاتون : مؤيد انت خطبت جوري بس ... سكتت ماكدرت تكمل ..
مؤيد كمل عنهة ببرود : بس جوري تحب فارس ..
خاتون بصدمة وبعدين تحولت لعصبية .. : انت تعرف بهالشي .. ومع ذلك خطبتهة .. انت تدري هسة حاجتني بسمة اتكول هي منهارة وشبعانة بجي لان عمي يريد يجبرهة على هالزواج .. ليش سويت هيج بيها مؤيد ..
مؤيد جان متوقع هاي ردة فعلهة .. سحب تليفون خاتون من ايدهة وفتحة ..
خاتون : مؤيد احجي وياك .. شجاي تسوي ..
مؤيد : وين اسم بسمة ..
خاتون بأستغراب : شتسوي بي .. هذا اول واحد ..
مؤيد برفعة حاجب : مسجلتهة الضغط والسكري ..
خاتون وهي تكتف ايدهة : بربك هذا موضوعنة هسة ..
مؤيد ما اهتملهة وضغط اتصال ..
خاتون تباوعلة وتريد تشوف اخرتهة وياه شنو ..
ردت بسمة بلهفة : الو خاتونة .. بشري حجيتي وية مؤيد ..
مؤيد : بسمة اني مؤيد .. اذا جوري يمج اطيهة التليفون ..
بسمة بتفاجئ : مؤيد .. ماشي دقيقة ..
جوري استغربت ان يريد يحجي وياهة بس بنفس الوقت محتاجة تحجي وياه بلكي يغير رأية ...
جوري بصوت مبحوح من البجي : الو .. مؤيد ..
مؤيد بلع ريكة من صوتهة : شلونج جوري ..
جوري وهي تبجي وعبالك تشكي : مو زينة .. مؤيد الله يخليك الغي هالخطوبة .. اني ماكدر اكون الك ..
مؤيد : وليش ما تكدرين ..
جوري : لان مستحيل اتخيل نفسي زوجة لاخو الشخص الي حبيتة طول عمري .. اي اني احب فارس من زمان وهو صح مات بس بعدة عايش بكلبي .. ماكدر انساه ولا اتخيل نفسي وية غيرة ..
مؤيد بهدوء : اعرف بهالشي من زمان ..
جوري بصدمة : تعرف ؟ .. لعد ليش سويت هيج .. ليش تريد تخطبني .. شسويتلك حتى تعاقبني هيج ..
مؤيد بتنهد : جوري بالعكس اني ما جاي اعاقبج .. اني جاي اسوي هالشي علمودج .. انتي تدرين ابوج راد يجبرج على غير واحد .. واني لان ادري بيج تحبين فارس ما هان علية ازوجج لشخص غريب ومجرد ما يعرف انج جنتي تحبين واحد ثاني راح يعاقبج ويستعمل وياج اسلوب الضرب والتعنيف واذا ما سوة هالشي راح يطلكج .. واني سويت هالشي حتى احميج من هيج علاقة ..
جوري بصدمة : يعني انت خطبتني بس لهالسبب ..
مؤيد : اييي .. وصدكي ما راح اجبرج على شي اني ما تردينة .. يعني زواجنة يكون على ورق ويكون لحمايتج بس .. وانتي اختاري هسة .. يا تتزوجين شخص غريب وتعرفين شنو يصير .. يا تتزوجيني ويكون هالشي لمصلحتج ..
جوري بجت وصارت تشهك .. : موافقة اتزوجك ..
مؤيد : جوري رجاءً لا تبجين بعد .. ترة هالزواج ما راح يغير شي بحياتج .. مجرد توقيع ورقة وبس ..
جوري هزت راسهة وعبالك هوة كبالهة : ماشي .. شكراً مؤيد .. معروفك ما راح انساه طول عمري ..
مؤيد تنهد شحلاة اسمي بلسانج ..: بالخدمة ..
جوري حجت بجدية : بس مؤيد عندي شرط ..
مؤيد بأستغراب : وهو ؟
جوري : بعد زواجنة انت تكمل حياتك طبيعي وعادي تتزوج الي تريدهة .. يعني لا تهتم لاحد .. اني راح اكون اول وحدة توكف وياك .. لان اني هم ما اسمح ان اكون حجرة بطريقك ..
مؤيد بأبتسامة جانبية : اكيد هالشي .. اني اصلا مقرر من البداية ..
جوري بأبتسامة : تمام .. شكرا مرة ثانية .. مع السلامة ..
مؤيد : العفو .. مع السلامة ..
سد التليفون والتفت على خاتون شافهة تبجي ..
مؤيد : خير انشالله .. شبيج تنحبين ..
جوري حضنت اخوهة وكالت : احبك مؤيد والله .. اسفة لان ضلمتك وصيحت عليك ..
مؤيد ابتسم ووخرهة عنة : وخري خنكتيني .. وبعدين وفري هاي الاحضان لرائد مو الي ..
خاتون ماتت من المستحى .. ضربتة على كتفة : مو صوجك ..
عافتة وطلعت وهو يضحك عليهة ...

دخلت غرفتهة وشمرت نفسهة عالجرباية ..
تفكر بكلام ميامين .. جان يحبهة من كم سنة وهي ما تعرف بهالشي .. ليش يحبني الي .. وبعدين اني حتى ما اتذكر شكلة .. شفت وجهة خطف من اجة سلم على ميامين من رحنالهم .. ما ركزت بوجهة وحتى ما اهتميت ..
شلون اشوفة هسة يربي .. خطرت ابالهة فكرة وكمزت ..
طلعت تليفونهة وكعدت تدور على رقم حسان لان ميامين خابرتة قبل من تليفونهة ..
دخلت على تاريخ المكالمات وفعلا لكتة مسجل برقم مجهول .. سجلت رقم حسان وراحت عالانستكرام .. تكلب بصور حسان وشافات صورة هوة رائد ومسوي عليهة تاك لحساب رائد ..
ضحكت وكالت : والله ذكية اني فديتني ..
دخلت على حساب رائد وتكلب بصورة بكل تركيز صورة صورة .. حاط صورتة الشخصية هو وفارس .. واغلب الصور قديمة واكثرهن هوة وفارس .. يعني هالفترة هو ما ناشر الا وحدة لو ثنين ..
تتأمل بصورة وتحجي بتفكير : اممممم .. هوة حلو بس مو يخبل ..
صار عدهة فضول تشوف خالد الي خطب مها .. دخلت على حسابة لان لكتة موجود وية رائد ..
ضحكت وهي تشوفة : والله عمي لايقين هوة ومها .. الاثنين شكران والعيون ملونة يعني النسل يطمن بخير ..

مها جانت بغرفتهة متمددة وتباوع لفوك ومبتسمة .. ما تدري ليش فرحت من عرفت ان خالد خطبهة .. يعني هوة مثلهة يفكر بيهة من شافهة ..

@@@@@@@@@@

يوم جديد وصباح جديد على ابطالنة الحلوين ...

صحت وهي تفرك بعيونهة يحرگنهة لان نامت وهي تبجي .. كعدت وهي تتلفت بالغرفة .. وين راح .. معقولة ما رجع اصلا .. باوعت للساعة ٩ الصبح ..
يالغباء اكيد راح للدوام .. كامت من جربايتهة .. وفتهة شي موجود عالجرار ..
.. ورقة والكلمات مخطوطة بشكل انيق وحلو ..
( القيت في مسمع الحبيب كليمة ..
جرحت عواطفة فما اقساني ..
قطع الحديث وراح يمسح جفنه ..
فوددت لو اجزى بقطع لساني ...

صباح الخير يا امنيتي .. اسف لان خليتج تنامين ودموعج بعيونج .. طلعت قبل لا تكعدين لان مااكدر اشوفج وانتي زعلانة .. وعد ما راح تتكرر مرة ثانية .. غزوان .)

تتأمل الكلمات وتقراهة اكثر من مرة ... رادت تشمرهة بالزبالة بس بأخر لحضة ضمتهة ...

صباح الخير يا امنيتي .. اسف لان خليتج تنامين ودموعج بعيونج .. طلعت قبل لا تكعدين لان مااكدر اشوفج وانتي زعلانة .. وعد ما راح تتكرر مرة ثانية .. غزوان .)

تتأمل الكلمات وتقراهة اكثر من مرة ... رادت تشمرهة بالزبالة بس بأخر لحضة ضمتهة ...

££££££££

بعد مرور اسبوعين ..

جوري رجعت جواب الموافقة لابوهة .. خاتون ومها نفس الشي وافقو وطبعاً رائد طار من الفرح وحس ان الدنيا ضحكتلة ..
تحدد موعد زواج بسمة وحسنين بعد ٣ اسابيع وابو غزوان اقترح ان يكون زواج مؤيد وجوري وياهم سوية .. مؤيد عارض بالبداية بس بالنهاية اقتنع بكلام ابوه وبدة يجهز الشقة مالتة ويعيد تأثيثهة بمساعدة خواتة وغزوان وحمزة ...
جوري ما جانت فرحانة ولا زعلانة وحاولت تبين طبيعينة وفرحانة كدام الكل بس لخاطر مؤيد لا يتفشل .. طلعت تجهزت هي وبسمة للعرس والنيشان وطبعاً البنات وياهن ..
حسنين واخيراً راح يتحقق حلم حياتة وهو ان ينجمع وية حبيبتة بسمة تحت سقف واحد ..
طبعاً بسمة وحسنين علاقتهم تعدلت بس ما تخلى من عركات بسمة وعنادهة وتقلد على ابسط شغلة .. وهذا الشي الي محبب حسنين بيهة ..

ميامين وغزوان على حالهم .. غزوان يحاول يتقرب منهة ويخليهة ترجع تحبة بس ما يلكة منهة غير البرود والصد .. ميامين كلبهة مجاي يكدر ينسى الي سواه بيهة .. شلون كسر كلبهة وتكدر تسامحة بهالسهولة .. غزوان جاي يتعذب اكثر يوم عن يوم وهو يشوف الحقد واللوم بعيونهة ..

طالعات البنات يفترن بالسوك ويشترن شنو النواقص للعرس ..
ميامين كعدت على الكرسي وهي تعبانة : بس تعبت من المشي ..
مها تكعد بصفهة : يمة انهد حيلي ..
بسمة وهي تشرب مي : بس خلصنة كلشي تقريباً ..
خاتون وهي تتخوصر : لا بلة مو انتن تجهزتن .. لعد واحنة شنو .. خوات العريس ولهسة ما اشترينة فساتين للعرس ..
مها : اي والله .. اني راح ادخل لهذا المجمع اشوفلي فستان حلو .. وانت اذا تردن ابقن هنا ..
خاتون : لححضة اروح وياج ..
ميامين : اني هم اروح .. بلكي يعجبني شي ..
مشن وبقن جوري وبسمة كل وحدة صافنة بوجه الثانية .. طفرن بسرعة ومشن وراهن من انتبهن ان ذبن عليهن الغراض ومشن ..

خلصن تسوق وطبعاً مها وخاتون اشترن فساتين ما عدا ميامين لان عدهة هواي فساتين جديدة من الي تسوكنهن البنات الهة من اجت من اهلهة ..

££££££££££

غزوان كاعد بالمكتب بالمستشفى بعد ما خلص من المراجعين .. اندك الباب ودخل الولد الي بالباب ..: دكتور اجت وحدة واتكول هي من اهلك ..
غزوان بأستغراب : من اهلي .. خل تتفضل ..
دخلت وهي تمشي وصوت الكعب ينسمع قبل لا تدخل .. تتمايل بمشيتهة بدلع : هلو غزوان ..
غزوان عقد حواجبة بأستنكار .. والله اكرهة : نورة ؟.. تفضلي ..
نورة وهي تكعد عالكرسي بدون استأذان : شلونك .. اني جنت جاية بمراجعة للدكتورة مالتي وحبيت امر عليك ..
غزوان برفعة حاجب : اهاا .. اهلا وسهلا .. بس يعني مريتي عبث .. لان مشغول كلش ..
نورة : عادي مراح اعطلك .. بس اذا ممكن يعني تطلب من هالولد الي برة يجيبلي شي ينشرب لان تعبت من الوكفة برة ..
غزوان وهو طاك روحة منهة ومالة خلكهة بس يتصنع الابتسامة : ماشي .. تدللي ..
كام من مكانة مع ان يكدر يتصل علي بس يريد يخلص منهة شوية ..
نورة استغلت عدم وجودة وكامت لسترتة المعلكة وحطت بيهة شي ورجعت كعدت ..
شغلت كاميرة تليفونهة واخذت سيلفي الهة وية اسمة الي موجود عالمكتب
( الكتور غزوان عبدالله الجاسر ) وهي تبتسم لان خطتهة راح تمشي ..
رجع غزوان كعد بمكانة وهو يشغل نفسة بالاوراق وما يريد يشوف وجهة ..
رفعت تليفونهة والتقطتلة صورة بدون ما ينتبه الهة ...
شربت العصير واستأذنت ومشت ..
غزوان من طلعت تنهد .. شنو هاي من بنية .. والله لو الي سلطة عليهة جا ربيتهة .. بس هي لا اختي ولا بت عمي ..

طلعت نورة من المكتب ووكفت كدام الولد الي يشتغل اباب مكتب غزوان الي عمرة يطلع تقريباً ١٩ سنة مو اكثر يعني بعدة صبي ..
نورة : مرحبا ..
الولد رفع راسة : اهلا اختي .. تفضلي محتاجة شي ..
نورة بأبتسامة خبث .. : اي ..
................

الكاتبة : سارة الشمري✍🏻

هلو حبايب 😘 يلة انطلقو بتوقعاتكم عالبارت الجاي ؟؟؟

فيتامين سي · 22-06-19, 03:50 AM

#سجينة_الظلم_والانتقام 🍂🥀

#البارت الرابع والخمسون

#الكاتبة : سارة الشمري✍🏻

لا تكسر أبدآ كل الجسور مع من تحب , فربما شاءت الأقدار لكما يومآ لقاء آخرا يعيد ما مضى ويوصل ما انقطع فإذا كان العمرالجميل قد رحل , فمن يدري فربما ينتظرك عمر أجمل .

نورة : مرحبا ..
الولد رفع راسة : اهلا اختي .. تفضلي محتاجة شي ..
نورة بأبتسامة خبث .. : اي ..

.......... مشت نورة وعافت الولد مصدوم من كلامهة .. هز ايدة بسخرية وكام دخل لمكتب غزوان ..
: دكتور اكدر ادخل احجي وياك ..
غزوان ابتسملة : تعال ياسين .. تفضل ..
كعد ياسين وهو يباوع لغزوان كالعادة انطاه الموجز : دكتور هاي الي هسة طلعت من يمك انطتني شيشة عطر ووياهة فلوس ..
غزوان بأبتسامة : خوش والله بالعافية ياسين ..
ياسين وهو يحط العطر عالميز : لا دكتور مو انت ما فهمت .. هي انطتني شيشة العطر وطلبت مني كل يوم قبل لا تطلع ارش منهة على سترتك .. والعطر امبين نسائي ومو رجالي ..
غزوان شم العطر وفعلا كان نسائي جذاب ..
ياسين حط الفلوس يم العطر : وانطتني هذني الفلوس وكالت انطيك بعد اكثر منهن اذا نفذت الي اريدة وخليت مرتة تعوفة ..
غزوان عصب : ايا بنت اللذينة .. تريد ميامين تعوفني مو .. بس هذا العطر شعلي ...
ياسين : شيخ افهمهة .. يعني من تدخل على زوجتك جاي من الشغل وانت ملابسك بيهة عطر نسائي ومو عطرهة .. والله لو اكبر ثقة بيك هم من تشم العطر راح تغار وتبقى تسأل وين جنت ويم منو وشنو هذا العطر البيك ...
غزوان ابتسم عالفكرة وهو يتخيل شكل ميامين وهي تغار وتسألة عن العطر .. نجرب ليش لا ..
ياسين : دكتور وين صفنت ..
غزوان ابتسم : ياسين هاي ما انساهة الك .. شكرا الك لان اجيت واطيتني الاخبار الي .. وهالشي يبين احترامك لشغلك ..
ياسين : دكتور انت افضالك مغركتني .. يعني رجعتني للمدرسة وفوك هالشي مخليني اشتغل هنا وتطيني يوميتي اكثر من اللازم ..
غزوان : ياسين انت بركبتك عائلة وايتام من بعد ما توفى ابوك .. وانت جاي تتعب واني اشوف هالشي .. يعني الصبح تشتغل بالمستشفى ودوامك مسائي .. وانت تستاهل اكثر من هاليومية اصلا ..
ياسين : الله يفتحهة بوجهك انشالله وييسر امورك وينولك اليتمناه كلبك ..
غزوان تنهد من كلبة : اميين يارب ..
طلع ياسين .. غزوان سحب العطر .. خل نختبرج شوية يا امنيتي ..

//////////////////////////////

بيت غزوان الساعة ١٠ بليل .. دخلت ميامين للغرفة طبعا كالعادة رغم هي علاقتهة مو زينة وية غزوان بس ابداً ما تقصر بواجباتة ..
غزوان يدري بيهة اليوم كلة مشغولة وية البنات .. حط من العطر الي جابتة نورة بالسيارة ونزل للبيت ..
ما لكاهة موجودة .. ذب السترة مالتة عالجرباية بشكل مخربط لان يدري بيهة هسة تجي وتشيلهة ..
هي متعودة كل يوم تعزل ملابسة وتغسلهن وتكويهن وحتى من يريد يسبح تحضرهن الة حتى من يطلع يبدل ... غزوان كل ما يدخل للغرفة يبتسم لان يشوفهة مرتبة ونضيفة ومعطرة .. لان ميامين ما تحب الفوضى وتحب كلشي يكون بمكانة ..
بدل ملابسة ولبس تراك البيت وتمدد عالجرباية وكعد يشتغل عالابتوب ..
صارت الساعة ١٠ دخلت ميامين للغرفة شافتة كاعد يشتغل عاللابتوب ..
شالت ملابسة المرمية بالكاع وعدلتهن وحطتهن عالجرباية حتى تغسلهن .. رتبت غراضة يم راسة السويج والمحفضة والسبحة والساعة ومحبس ابوه ..
شالت السترة حتى تعلكهة .. استغربت العطر البيهة .. قربتهة من خشمهة وشمتهة ..
غزوان يباوعلهة من المراية بدون ما تنتبه لان معكوسة صورتهة عليهة ...
تقلصت ابتسامتة وهو يشوفهة تشيل السترة بدون اهتمام وتدخلهة لغرفة التبديل حتى تعلكهة ..
غزوان تأفف بقهر .. ماكو احساس ابد .. دعصبي صيحي كسري ضربي .. حتى ما سألت منين هاي الريحة ..
ميامين تدور بجيوب السترة خاف بيهة شي حتى تطلعة وتعلكهة ... استغربت وهي تطلعة من جيب السترة .. حجت وهي عاقدة حواجبهة : غزوان ما يستخدمة .. شجابة لجيبة ..
فتحتهة وارتخت عقدة حواجبهة ...

غزوان شافهة طلعت حتى بدون ما تهمتم الة سبحت ولان تعبانة نامت مباشرةً ..

£££££££££££

باجر هو موعد زواج جوري ومؤيد وبسمة وحسنين
... طبعا مؤيد عقد على جوري بدون هوسة او شي وبس هو اخذ الشيخ واهلة وراح ...
اليوم يوم الحنة .. حنة الشباب ابيت ابو غزوان وحنة البنات ابيت اهلهن طبعاً ....
جوري البارحة الليل كلة ما نامت وبس تبجي ما تدري ليش حاسة بضيقة وتحس ان دا تخون وعدهة لنفسهة ان متحب غير فارس من راح تتزوج مؤيد ...
بسمة جان التوتر فول وكل ساعة اتكول بطلت ماريد اتزوج ..

مها وخاتون جانن بغرفة ميامين يتجهزن يمهة ويجهزنهة حتى يرحن لحفلة الحنة ..
طبعا خاتون استاذة المكياج سوتلهن كل وحدة مكياج خفيف ويلوكلهن ..
مها وهي تدور بفساتين ميامين : يا فستان حتلبسين ...
ميامين وهي تسوي شعرهة : مادري بعدني ما شفت يا واحد ..
مها بصدمة : شنووووو .. صدك ثولة ..
صارت تدورلهة بين الفساتين .. طلعت واحد وكالتلهة : هذا يجنن البسي ..
ميامين التفتت وبلعت ريكهة : لا طلعي غير واحد .. ماريد البس هذا ..
مها : ليش شبي والله يجنن احلا من الباقيات ..
خاتون وهي تسحبة منهة : راح تلبسة غصباً عليهة ..
تأففت ميامين وهي تتأمل الفستان الاحمر الي جابة غزوان من تركيا .. طلعتهة مها شال احمر حرير وية الفستان ...
خلصت شعرهة ومها سوتلهة كذلتهة نازلة على وجهة وحطتهة صفة وصارت كولش حلوة ..
خاتون اخذت كلينس : بما ان الفستان احمر .. يعني لازم نغير لون الحمرة .. جيبي لون احمر ..
ميامين : لااا .. ماحب الاحمر حيل ..
خاتون وهي تاخذ الحمرة : مو شغلج .. هي تطلع حلوة ..
حطتلهة الحمرة وصارت بعد احلا ..
مها : جنج ياسمين صبري .. طلعتي تخبلين ..
خاتون : يلة كومي البسي الفستان حتى ننزل جوة ..

دخلت ميامين لغرفة التبديل ولبست الفستان ...
صاحت بصوت عالي : خاتون تعالي سويلي السحابة لان ما الوحهة ..
خاتون بنفس علو الصوت : ثواني بس .. انتي لهسة ما تعلمتي شلون تسدين السحابة .. والله فاهية ..
دخل غزوان للغرفة وسمع اخر كلام لخاتون ..
ميامين : هسة ابدال ما ترزليني تعاي سويلياهة حتى هم اطلعلي حذاء فد مرة ..
خاتون : ماشي جاية ..
غزوان اشر لخاتون ان تطلع هي مها .. ابتسمن هنة وطلعن ..
ميامين وهي مدنكة على الرف مال الاحذية وتختار واحد وضهرهة كلة طالع ..: تعاي بسرعة لا يجي اخوج .. لان هو مو شاطر غير يجي بس من تكون سحابة فستاني مفتوحة ..
التفتت بعصبية : وييينـ....
انصدمت وهي تشوفة كدامهة ومبتسم على كلامهة ... جان لابس قاط اسود لان الكل موجودين جوة علمود الحنة ...
بلعت ريكهة بصعوبة وهي جانت مقررة تنزل قبل لا يجي حتى لا يشوفهة بالفستان ..
غزوان ابتسم من شافهة لابسة الفستان الي هوة جابة الهة .. جمالهة بكل مرة يسحرة ويخلي يذوب بكل حركاتهة ..
تقدم منهة ودار ضهرهة الة .. حرك ضهر اصابعة على كتفهة وضهرهة برقة وهو يتلمس نعومة بشرتهة .. صلبت ضهرهة وبلعت ريكهة وكالت : استعجل .. اريد اروح ..
نزل ايدة للسحابة وصار يسحبهة بهدووء وعبالك ما يريدهة تخلص ... سد السحابة وحاوط خصرهة بأيدي ..
صار ضهرهة ملاصق لصدرة ... قرب شفايفة منهة باسهة على كتفهة العاري بوسة طويلة ..
همس يم اذنهة وهو مغمض عيونة : مو كافي .. ما خلص حقدج .. ما ارتاح كلبج وانتي كل يوم تعذبيني ببرودج وياي ..
ميامين : لا ما خلص .. وخر عني خل انزل ..
غزوان وخر عنهة بضيق ...
عافتة وتريد تطلع بس رجع صاحهة : انتضري ..
التفتت علي بأستغراب ..
غزوان سحبهة من ايدهة واخذهة لغرفتهم ..
فتح الكنتور مالتة وطلع علبة زغيرة ..
فتحهة وطلع منهة الكلادة ...
سحبهة ووكفة كدام مراية طويلة وصار يبين كل طولهم ..
صار وراهة ولبسهة الكلادة وهي رفعت شعرهة ومستغربة منة .. : شوكت جبت هاي الكلادة ..
غزوان بأبتسامة : جبتهة وية هذا الفستان ...
ميامين بأستغراب : وليش هسة يلة انطيتنياهة ..
غزوان : تتذكرين اول مرة لبستي هذا الفستان ..
ميامين دارت عيونهة ببرود : اي اتذكر ..
غزوان : اني بوقتهة جنت جاي حتى اطيج الكلادة .. بس من شفتج تيهت دربي وحتى نسيت ليش اجيتج ...
غزوان هو يأشر عالكلادة : تعرفين شنو معناهة هاي الكلادة ...
ميامين بفضول : شنو ..
غزوان : يعني ان اي شخص قاسي وأسود من برة .. ممكن يكون من داخلة ناعم وابيض ويحب الرقة مثل الورد الاحمر ..
ميامين انتبهت على كلامة يقصدهة .. عافتة وراح للباب حتى تتهرب منة ..
غزوان : انتضري ..
ميامين : شكو بعد ..
غزوان سحب الشال الي عالجرباية وتوجه الهة .. : تردين تطلعين هيج ...
لف الشال على كتفهة ... قرب وباسهة على خدهة وطلع ...
ميامين تلزم وجهة الحار ... ضربت الكاع برجلهة بقهر ..: اووووف ...

&&&&&&&&&&

حنة البنات ...
جوري طلعت تخبل طبعاً لبست بدلة لونهة وردي وسوت تسريحة مرفوعة ...
بسمة هم طلعت حلوة ولبست بدلة لونهة ماروني وسوت تسريحة نص شعرهة مفتوح على اكتافهة ...
ابتدت الحفلة والبنات ذبن لحم بالركص ع اساس اخوات العريس .. حنو البنات ورجعن للبيت لان باجر وراهن زفة وشغل ..
طبعا من التعب الكل نامو ...

££££££££££££££

يوم الزفة .. طبعاً البنات كلهن لبسن لبس طويل ومستور وسون فيكات بالحجابات لان راح يطلعون بالزفة زلم ونسوان ..
صارت الساعة ١١ تقريباً .. توجهت سيارات الزفة كلهة لبيت ابو احمد (حافظ)...

العرايس طبعا جانن كل وحدة تكول اني احلا من الثانية .. تسريحاتهن كانت عكس الحنة ..
جوري سوت تسريحة بشعر مفتوح ومزينتة طرحة طويلة تقريبا بطول البدلة ... بدلتهة البيضة جان يزينهة شريط احمر من النص ...
بسمة تسريحتهة كانت مرفوعة بشكل نازك وكيوت وطرحتهة كانت واصلة لخصرهة تقريباً ..
وصلت الزفة وابتدت الهوسات والركص والخبال ...

اجة موعد ان كل وحدة تتوجه لسيارة عريسهة ...
حسنين جانت الفرحة واضحة بوجهة .. لزم ايدهة بس ما شاف من وجهة شي لان جانو مغطينهة كولش .. طلعهة لسيارتة ومنتضرين مؤيد يطلع جوري حتى ينطلقون لبيت ابو غزوان وبليل يزفونهم للفندق الي حجز الهم غزوان على حسابة ك هدية للعرسان ...
دخل مؤيد على صوت الهلاهل والهوسات والجكليت الي يجي من كل صفحة ..
لزم ايد جوري الي جانت مثل الثلج بعكس ايدة الي جانت دافية ..
طلعهة للسيارة وكعد بصفهة .. توجهة السيارات لبيت ابو غزوان ...
طبعا سيارة غزوان جانت بيهة البنات ..
ميامين كاعدة بصف غزوان .. وورة كاعدات مها وخاتون والطريق كلة يصفكن ويهوسن ...
غزوان اول مرة يشوف ميامين هيج فرحانة ...
كلساع تهلهل وتصفك .. مشغلات المسجل ويركصن ..

وصلت الزفة لبيت ابو غزوان ونزلو العرايس وراحو برة ..
ابتدا الركص للبنات والهوسات ..
ميامين كاعدة عالقنفة لان تعبت من كثر الركص ..
اجت نورة وهي تكعد يمهة .. : هلاو ميامين ..
ميامين تأففت بكلبهة بس ردت بأبتسامة ترحيب : هلاو نورة تفضلي ..
نورة برفعة حاجب : والله توقعت تطرديني .. بس شكلج راضية بالامر الواقع ..
ميامين بأبتسامة : هه ليش عن اي واقع تحجين .. بس لا عن الي جاي تدزينهم الي ..
نورة انقهرت من برودهة : اي .. اني دزيتهم الج حتى تكونين على علم بألي جاي يصير بيناتنة اني وغزوان ..
ميامين ضحكت بسخرية وهي تتذكر من شافت الكلينس بجيب غزوان وهي تدري بي ما يحب يستخدمة لان يعتبرة مو نضيف ما يستخدم غير الجفيات الي هي تحضرهن الة وتعطرهن وتحطهن وية اغراضة وهالشي تعود علي حتى من قبل لا تروح لاهلهة .. لهالسبب استغربت من شافت الكلينس بجيبة .. فتحتة وانصدمت من وجود طبع حمرة على الكلينس وخصلة شهر زغيرة ملفوفة بالكلينس عرفت هالخصلة لنورة فوراً لان شعرهة مميز ان كيرلي وصابغتة احمر .. بقت مصدمة شجاب هذني لجيب غزوان .. وثاني يوم بقت نورة تدزلهة رسائل وتكوللهة ان بينهة وبين غزوان شي وتدزلهة الصور الي اخذتهن بمكتبة ..
رجعت للواقع وهي تباوع بسخرية لنورة : والله تقهريني عليج تدرين .. جاي تتعبين نفسج عالخالي بلاش .. ترة ما هميتيني والله ..
نورة بقهر واضح : خليج لا تهتمين .. وابقي تفقدي جيوب زوجج لحد ما تتأكدين ..
ميامين دارت وجهة ببرود عنهة ونورة كامت بقهر ..

اجة وقت الزفة وطبعاً ميامين غزوان منعهة ان تروح وهي ما عارضت لان مابيهة حيل وبس تريد تنام ..
طلعت الزفة للفندق وميامين بقت تعزل بالبيت ورة الهوسة والناس بدت تروح ويفرغ البيت ..
صعدت لغرفة مؤيد وتأكدت ان كلشي مرتب حتى باجر من يجون ما يكون اكو نقص ..
صارت الساعة ١٢ هي راحت لبيتهة ..
مباشرة دخلت للحمام وسبحت وطلعت بدلت ملابسهة ولبست تراك بجامتة طويلة والبدي ضيق ..
غزوان دخل للغرفة تعبان من بعد يوم طويل وزفة وعالم .. منع ميامين تروح لان يعرف اغلب الشباب راح يرحون بزفة مؤيد ...
دخل للغرفة وهو يدور بجيبة على المحبس مالتة الي انطاه الة ابوه .. وين راح هذا ..
صار يدور بمجرات الغرفة وجوة الجرباية ..
ميامين ... سمعت صوت بالغرفة اكيد اجة .. نشفت شعرهة وطلعت وشافتة لازم سترتة مال البارحة وبيدة كلينس ويباوعلة وهو مستغرب لان بي حمرة مثل المرة الي قبلهة ..
غزوان ... ادور عالمحبس وماكو .. شفت السترة مالتي الي لبستهة البارحة بالحنة مايمين بعدهة ما شايلتهة لان البارحة خطية تعبت ونامت مباشرةً ..
دورت بالسترة بس استغربت وجود كلينس بجيبي .. اني بالعادة ما استخدمة .. فتحتة وشفت بداخلة لون احمر مطبوعة بشفايف ..
شفت ميامين طلعت من غرفة الملابس ..
ميامين : على شنو تدور ..
غزوان : المحبس مالتي ماكو ..
ميامين طلعت المحبس من الكنتور وحطتة الة عالمجر ..: جنت ناسي اليوم الصبح بالحمام ...
ما اهتميت للمحبس باوعتلهة بأستغراب : هاي الج ؟..
ميامين تنهدت ببرود : لا .. اكيد اليوم ورة ما حجت وياي اجت حطتهة عبالهة تضوجني ..
غزوان عقد حواجبة : منو هاي التريد تضوجج ..
ميامين وهي مشط شعرهة عالمراية وحجت بدون اهتمام ..: نورة بت عمتك .. صارلهة كم يوم تحط كلينس بجيبك وبي حمرة وبي من شعرهة وتحط لملابسك عطر نسائي وتدزلي رسائل ان انت عندك علاقة بيهة ..
غزوان عصب وشمر الكلينس بالكاع بقرف وراح سحبهة من ايدهة وطبكهة عالحايط ..
حجة بعصبية وهو عاصر على زندهة حيل : وانتي هيج ما هامج الموضوع .. ما حسيتي بالغيرة لو شوية ..
ميامين بألم : غزوان فك ايدي الموضوع ما يستاهل تعصب هيج ..
غزوان بعصبية اكبر : شنو ما يستاهل .. يمتة يصير عندج احساس وتبطلين هالبرود البيج .. انتي حتى ما اجيتي وسألتيني شنو هاي ولو كلامهة صح لو غلط ..
ميامين بعصبية : ........

الكاتبة : سارة الشمري ✍🏻

اتمنى عجبكم البارت وحبيتو حبايبي 😘 حبايبي اريد تفاعلكم للقصة وشجعوني حتى اكمل 😘

فيتامين سي · 23-06-19, 02:00 AM

#سجينة_الظلم_والانتقام 🍂🥀

#البارت الخامس والخمسون

الكاتبة : سارة الشمري🖤

ميامين بعصبية : ..... ما سألتك وما اهتميت لان ادري بكلامهة مو صحيح وكلة خطة منهة ..

غزوان تحولت ملامحة للصدمة وايدي ارتخت عن ايدهة : وشنو الي ثبتلج ان اني ما عندي علاقة بيهة ..

ميامين وهي تباوع بعيونة ببرود : لان انت من جنت تكرهني ما سويت علاقة وية وحدة .. مو هسة وانت تحبني تروح تسوي علاقة ووية منو وية نورة .. وبعدين اني واثقة انت مستحيل تخون عمتك واهلك وتنزل راسهم وتسوي علاقة وية وحدة من شرفك وعرضك وتقربلك .. وهسة عرفت ليش ما صدكتهة ...

غزوان قرب منهة وصار يفصل بينهم سنتيمات قليلة ..
يباوع بعيونهة ويحجي بلوم : كلتي جنت اكرهج وهسة حبيتج .. ليش اني شوكت كرهتج حتى احبج هسة .. اني من شافتج عيني واني حبيتج .. حبيتج قبل لا تصيرين مرتي اصلاً ..

ميامين تباوع بعيونة بصدمة ..: ش شلون قبل لا اصير مرتك ..
غزوان وهو يباوع بعيونهة ويتنهد بعشق : تتذكرين من كتلج جنت احب وحدة قبل لا اتزوجج ..
ميامين وهي تتذكر وهزت راسهة : اي ..

غزوان : انتي الي حبيتهة .. اني شفتج قبل لا اتزوجج بكم شهر .. اجيت للكوت وشفتج بمكتبة ومن يومهة اخذتي كلبي وعقلي وصرت ماشوف دربي من وراج ..
راح لمحفضتة وطلع صورتهة الي بالمكتبة ومدهة الهة : حتى شوفي .. اخذتلج صورة بدون ما تدرين .. ما تحملت اشوف ضحكتج وما اصورج ويبقى تذكار منج عندي .. وبالتالي صارت الصدفة والله خلاج تصيرين من نصيبي انتي بالذات ...

ميامين تباوع للصورة وايديهة ترجف ..
رفعت راسهة الة ودموعهة نزلت على خدهة ..: لعد شكد جانت القسوة البكلبك .. يعني تحبني ومع هالشي عذبتني وما رحمت بحالي وخليتني اكره زماني .. تدري هسة خاف اكو شوية حب بكلبي الك .. من بعد الي كلتة صرت اكرررهـ...
قاطعهة وهو يحط اصبعة على شفايفهة وبنضرة ترجي ..: اششش فدوة كافي .. والله تعبت واني اسمعهة منج .. حسي بية لخاطر الله ..
سحب ايدهة وحطهة على كلبة : شوفي كلبي والله ما يدك هيج بس من انتي كبالي .. من اشوفج افرح مع ان انتي حتى ما تباوعيلي ..

حط خشمة على خدهة وسحب نفس ويتنهد ويحجي بقهر : من اشم عطرج احس بروحي ترد العافية ..
غمضت عيونهة وهي تحس بأنفاسة على وجهة ويحجي بكلب محروك ...

غزوان مسح دموعهة بأصابعة وحاوط خصرهة بيدة وسحبهة الة وابتدة يبوس شفايفهة بكل حنية .. وايدة حول خصرهة وايدة الثانية ورة راسهة ...
ميامين ارتخت وية حنيتة وذابت وياه بدون ما تحس ..
سحبهة لفراشة بهدوء ..

ميامين حست على لمساتة وبوساتة برگبتهة فجأة مرت هذيج اللحضة كبالهة وصار تتخيل ان هسة هي اللحضة نفسهة ..

غزوان حس على رجفة جسمهة مو طبيعية .. رفع راسة لوجهة وشاف شفايفهة ترجف ودموعهة تنزل وتتنفس بسرعة ..

حط ايدة على خدودهة : ميامين ..
فزت بسرعة وصرخت : وخررر عني .. لا تلمسني الله يخليك ..
غزوان رجع لورى ورفع ايدي كدامهة : ماشي اهدي ماراح المسج .. والله ما المسج ..

ميامين صار تبجي وتشهك وتترجاه : .. لا تعيد هذاك اليوم فدوة .. والله بالكوة كدرت انساه ..

غزوان عصرة گلبة عليهة .. سحبهة لحضنة وهو يمسح على شعرهة : خلص والله ما راح يتكرر هالشي ..

ميامين تبجي وتمسكت بي اكثر من حضنهة : انت مو حلفتلي ما تقربلي الا بموافقتي ...

غزوان وهو يبوس شعرهة : اسف يروحي والله اسف ... والله ما تتكرر مرة ثانية بس لا تبجين ..

بقت على صدرة لحد ما غفت وهي تبجي ...

£££££££££££££

الفندق ... العرسان ..

جناح مؤيد وجوري ..

دخل للغرفة وشافهة واكفة وتفرك بأيديهة بخوف ..
وكف كدامهة ورفع الطرحة عن وجهة ..
رافعة راسهة بس منزلة عيونهة بخوف ..

مؤيد تنهد وهو يشوف جمالهة ..
جحة بصوت حنون ..: لا تخافين .. اني على كلمتي .. تكدرين تبدلين وتاخذين راحتج ..
جوري رجع الدم بوجهة وابتسمت لا ارادياً ووجهة صار احلا .. : تمام ..

رفعت طرف بدلتهة وفتحت جنطتهة وطلعت ملابس الة .. التفتت علي وهي تشوفة بعدة واكف ما تكدر تبدل كدامة واكيد ما راح تدخل بالبدلة للحمام ..

مؤيد فهم سبب وكفتهة وطلع من الغرفة وكعد بالصالة ..
ورة شوية دك الباب وسمع صوتهة : تفضل ..

مؤيد دخل وشافهة لابسة سيت نوم طويل لونة ابيض ولابسة فوكاه الروب مالتة ...

بلع ريكة بصعوبة ورمش اكثر من مرة بتوتر وهو يشوفهة عبالك ملاك بالابيض وشعرهة الاشقر نازل على طول ضهرهة ومموج لان جانت مسويتة تسريحة ..

جوري ما باوعتلة وكعدت عالمراية تمسح مكياجهة ..
مؤيد ذب السترة وطلع تراك نوم الة وتوجه للحمام بدل ملابسة وطلع ..

شافهة كامت من المراية وراحت للجرباية تريد تنام ..
مؤيد بأبتسامة : لحضة جوري .. خل احجي وياج ..
جوري بتوتر : اي تفضل ..

مؤيد تربع بالكاع ..: تعاي اكعدي كدامي خل نسوي اتفاق ..
جوري حصرتهة الضحكة وكالت : ترة عادي تكدر تكعد عالقنفة ..

مؤيد حك راسة بتفكير : ما انتبهت .. هسة يلة المهم تعاي اكعدي ..
كعدت كدامة بفضول : شنو الاتفاق ..

مؤيد : شوفي اني وانتي خارج الغرفة نكون طبيعيين كدام الناس وما تبينين لاحد سبب زواجنة طبعاً ما عدا بسمة وخاتون الي يدرن وهنة كل وحدة راح تنكلع لبيت رجلهة .. خوش حجي ..

جوري ابتسمت على كلامة : خوش حجي .. وبعد ..
مؤيد : اما داخل الغرفة نكون اصدقاء ..
جوري : اصدقاء ..؟؟

مؤيد بجدية مصطنعة وهو يريد يطلعهة من مودهة : شوفي من الاخير اني اكلجياهة ما اريد اعيش وية وحدة تضل دومهة هادئة وكوة تحجي .. لا يعني تكونين صديقتي .. نسولف ونضحك ونشاقة حالج من حال حمزة ..
جوري بصدمة : اني مثل حمزة ..

مؤيد ببرائة هز كتفة : ايي وشنو الفرق لعد .. شبي حمزة ..
جوري ضحكت لا اراديا على شكلة .. : ماشي موافقة اكون صديقتك مثل حمزة ..

مؤيد تنهد بوية شني من ضحكة .: بس ترة من هسة اكلج انة شقاي ثكيل .. يعني حمزة من اضربة يضل اسبوع يدعي علية ..

جوري فتحت عيونهة ..: يعني تريد تضربني ..
مؤيد : لا يابوي شلون اضربج انتي .. بس مرات بدون ما ادري بالشقة واكفخ .. يعني تحمليني ..

جوري بضحكة ومدت ايدهة تريد تصافحة
: اتفقنا ...
مؤيد يباوع ليدهة وحجة بدون انتباه : تردين تحركين عشيرتي اليوم ..

جوري بعدم فهم ..: ها ؟؟
مؤيد انتبه وحجة بسرعة .: عشيرتي احتركت من النعاس .. هسة وكت مصافح بلة .. شو طلعيلي لحاف من الكنتور خل انام عالقنفة ..

جوري وهي تطلع اللحاف وتفرشة الة عالقنفة وتحط وحدة من المخدات الة ..
تمددت عالجرباية وهو عالقنفة .. كل واحد بيهم يفكر بالثاني ..

جوري فرحت لان مؤيد طلع تفكيرة هيج ومتفهم وروحة حلوة ...
مؤيد تفكيرة غير .. يفكر بألي جاي وأول مرة ينام هو وياهة تحت سقف واحد ووحدهم ..

§§§§§§§§§§§§§§§

جناح بسمة وحسنين ..

واكف اباب الحمام ويدك بالباب ..: بسومة اطلعي ما راح اسويلج شي ..

بسمة وهي كاعدة على طرف البانيو بعد ما بدلت ملابسهة وخلتة يلتهي وحبست نفسهة بالحمام ..
: ما اطلع روح ..
حسنين : شنو تنامين بالحمام ...

بسمة : اي انام بالحمام .. ما عندي مشكلة .. اصلا حلو ودافي هم لان الغرفة باردة ..
حسنين بصبر : التدفئة مشتغلة .. واطلعي لان مو زين تنامين بالحمام ولا تعاندين ..

بسمة وهي شوية وتبجي ..: ما اريد اطلع انت ما تفتهم ..
حسنين بهدوء : بسومتي حبيبتي .. اطلعي مو زين عليج لا تختنكين .. ما اسويلج شي بس اطلعي ..

بسمة خافت لان فعلا بدت تحر لان الحمام خنكة ...
فتحت الباب وطلعت راسهة : وخر خل اطلع ..
حسنين تنفس براحة ووخر ..

طلعت بسمة ووكفت بنص الغرفة وبعدين التفتت علي وكالت : جوعانة ..
حسنين وهو يجي بأتجاهة ..: اني هم جوعان ..
بسمة ببرائة : يلة لعد اطلب اكــ...

قاطعهة وهو يبوسهة على شفايفهة بكل حب ولهفة .. بسمة انصدمت وبعدين ذابت وياه ..
ووووو الباقي معليكم بي ..

¥¥¥¥¥¥¥¥¥¥¥¥

ثاني يوم الصبح ...

فتحت عيونهة وبعدين استوعبت ان وضعهة مو مثل كل يوم .. كل مرة يكون هو الي حاضنهة .. بس هالمرة هي حاضنتة لا وايدهة لافتهة على رگبتة ..
وخرت بسرعة ايدهة وهو فز ..

غزوان بأبتسامة وصوتة مبحوح من النوم : صباح الخير ..
ميامين دارت وجهة وكامت : صباح النور ..
دخلت للحمام وغسلت وجهة وطلعت وهو بعدة متمدد عالجرباية ويراقب حركاتهة ..

دخلت بدلت ملابسهة ولبست قفطان مغربي لان اليوم يجون العرسان واكيد تجي ناس تباركلهم ..

لفت شالهة ورشت من عطرهة وحضرت دشداشة لغزوان ووياهة اغراضة ... واجت تريد تنزل بس وقفهة ..
كام من الفراش وفتح كنتورة وطلع السوار مال امة الي الحجية لبستة الهة وهو اخذة منهة ..

سحب ايدهة يريد يلبسة الهة .. سحبت ايدهة بسرعة من ايدة : ماااريدة ..
غزوان : ميامين لا تعاندين .. انتي مرت الابن الجبير ولازم تلبسين هذا السوار ..

ميامين : وانت سحبتة مني بالقوة من قبل ..
غزوان : جان مختلف هالشي قبل .. بس هالمرة البسي لخاط الحجية وامي لان هاي عاداتهن وما يصير تكسرينهة ..
ميامين مدت ايدهة وهي تتنهد بصبر ..
ابتسم ولبسة الهة وهي طلعت مباشرةً ...

بس طلعت تحولت ملامحة للعصبية .. سحب تليفونة واتصل على اركان .. لان محد يكدر يوقفهة عند حدهة غيرة ..

~~~~~~~~~~~~~~~~~

جوري ... كعدت من النوم شفتة بعدة نايم ..
كمت ومشيت على اطراف اصابعي وما طلعت صوت حتى لا يكعد ودخلت للحمام .. سبحت عالسريع ولكيت شسوار زغير على مراية الحمام نشفت شعري عالسريع وطلعت ما لكيتة .. همزين كعد حتى اكدر ابدل .. قفلت الباب للأحتياط ..

فتحت جنطتي وطلعت نفنوف ابيض ومنقش بذهبي وبي حزام ذهبي .. لبستة وكعدت عالمراية اريد اسوي مكياج..
اندك الباب .. اوو نسيتة مقفول ..
رحت فتحتة وشفتة يجر وياه عربة الريوك ..

دخل وعلى وجهة ابتسامة : صباح الخير يا طيرة ..
حجيت بأستغراب وابتسامة : صباح النور بس شنو طيرة ..
مؤيد وهو يحط الاكل بنص الغرفة : لان الطيور اول المخلوقات تصبح مثل الديج والعصافير ..

جوري بأبتسامة ..: حلو والله يطلع منك شي حضرة الدكتور مؤيد ..

مؤيد يرفع اكتافة : جا من عبث صرت دكتور ...
جوري ضحكت وهزت راسهة وراحت للمراية تكمل ..
مؤيد وهو ياخذ ملابسة : عوفي الصبغ هسة واكعدي تريكي بين ما اسبح حتى نروح للبيت ..
جوري هزت راسهة : ماشي ..

دخل للحمام وجوري كعدت تتريك وهي ميتة من الجوع لان البارحة من التوتر ما اكلت ولا شي ..

&&&&&&&&&&&&

الغرفة الثانية ..

بسمة ... جنت نايمة وحسيت بشي يمشي بهدوء على خدي وبعدين نزل على رگبتي ..

فزيت بسرعة واني اتخيلهة حشرة على رگبتي ..
صرت اتلمس خدي وركبتي بخوف ..
التفتت وشفتة خربان من الضحك علية ..

باوعت علي بغباء بس استوعبت من شفتة رافع الخيط بيدة ..
حجيت بعصبية : شنو هالسخافة .. خوفتني ..

حسنين وهو يبوسني على خدي : صباحية مباركة يعروسة ..
بسمة تذكرت الي صار واستحيت ووجهي صار احمر .. تحمحمت وحاولت اغير الموضوع : ابيش الساعة هسة ..

حسنين : الساعة ٩ ونص .. كومي يلة اني كعدت من الساعة ٨ ونص وحضرتج نايمة ..

بسمة فعلا انتبهت ان هوة سبحان ومبدل ملابسة .. : ليش ما كعدتني وياك ..

حسنين بأبتسامة : شكلج حلو وانتي نايمة وما هان علية ازعجج .. ويلة كومي بين ما اطلب الريوك ..
بسمة بأبتسامة : ماشي ..

دخلت للحمام وهو ابتسم وكام يطلب الهم ريوك ..

~~~~~~~~~~~~~~~~~~~

بيت ابو غزوان

ميامين .. واكفة بالمطبخ اني وخاتون ومها نحضر العصاير ومواعين الجكليت والكيك لان الناس جاية تبارك ومنتضرات العروس تجي ..
دخلنة الضيافة وقدمناهة ..

الحجية : ميامين يمة تلكين عصاير اباب المطبخ .. يبعد كلبي كون ما اتعبج بس حطيهن بالمجمدة هم يلة يبردن ..
ميامين : انشالله حبوبة ..

طلعت ولبست شالي وصرت ادخل بكراتين العصاير ..
سمعت صوت واحد من جهة الباب يصوفر ويكول : بوووية شلون صاروخ ارضي هذا ..
رفعت راسي للباب الخارجي لا اراديا ..

شهككت واني اشوفة واكف ويباوعلي بنضرات قذرة .. ما لحكت ادخل الا شفتة انسحب وصار بالكاع وما اسمع بس صوت الضرب ..

الكاتبة : سارة الشمري🖤

حبايبي ردت احجي بموضوع .. اريد اوقف القصة هالفترة لان اكو بعض التعليقات جاي تخرب واهسي كلش ويجني للخاص ويطلعن بالقصة مية الف عيب .. ترة اني كلت من قبل ان اني كاتبة مبتدئة وهاي اول قصة اكتبهة يعني شي اكيد راح يكون بيهة اغلاط هواي لان الواحد ما طلع من بطن امة كلشي يعرف يسوي ... وشغلة ثانية للبعض البنات الي ديغلطون عالخاص حبيباتي ما راح اغلط عليجن بس اطلب منجن تتصفن ببعض الاخلاق ولا اني ترة ممجبورة اسمع هالكلام واسكت .. وشغلة ثانية ان هواي صارن يجن ايكولن اختميهة اختميهة وكافي طولتيهة ... حبيبتي اذا مليتي من القصة احذفيهة من مكتبتج ترة ما جبرتج تجين تقرينهة ...
وراح اكولهة لاول مرة اذا القصة ما عاجبتج لا تقرينهة ولا تتابعين. واني من نزلت القصة مجنت متوقعة حتوصل هالكد مشاهدة ومتابعة الهة واشكر تفاعلكم 😘 واشكر الي ديكتبون كلام يخبل مثلهم وينتقدون بطريقة محترمة او كوميدية وحلوة وما يسبون او يغلطون ..

ويمكن راح اوقف القصة هالفترة لان كولش تعصبت من هالموضوع وشكلي اعوفهة لمن تخللص يلة ..
ردودكم تهمني حبايبي

فيتامين سي · 24-06-19, 04:05 AM

#سجينة_الظلم_والانتقام 🍂🥀

#البارت السادس والخمسون

الكاتبة : سارة الشمري🖤

إذامـارأت عـيـني جـمالـك مـقـبلاً......... وحـقـك يـا روحي سـكرت بـلا شرب.

سمعت صوت واحد من جهة الباب يصوفر ويكول : بوووية شلون صاروخ ارضي هذا ..

رفعت راسي للباب الخارجي لا اراديا ..

شهككت واني اشوفة واكف ويباوعلي بنضرات قذرة .. ما لحكت ادخل الا شفتة انسحب وصار بالكاع وما اسمع بس صوت الضرب ..

غزوان .. طلعت من بيتي وتوجهت لبيت اهلي لان خابرني رائد كال اجينة بالطريق حتى نتبارك لمؤيد وبنفس الوقت جايين مشية عالبنات وكال ميامين ما تدري وطلب مني اني اكللهة ..

فتحت الباب والدم صعد الراسي من شفت هالحيوان يباوع عليهة بهالطريقة وهي ما منتبهة ...
سحلتة من ياختة وشمرتة بالكاع واني ماشوف من العصبية .. صرت اضرب بي بوكسيات على وجهة ..
سمعت صيحة ميامين بخوف : غزوووان فدوة عوفة لا يموت بيدك ..

حجيت بغضب من واني احس النار صعد لراسي : طبي جوة لا اكفر بيج هسة ..
خافت هي ودخلت للمطبخ بسرعة ..

ميامين .. واكفة اباب المطبخ واباوع عليهم من الشباك واضرب بخدي بخوف واني اشوف وجه عمران صار ما ينشاف من كثر الضرب ويحاول يخلص نفسة من ايد غزوان ويرافس جواه ..

دخلن مها وخاتون وشافن حالتي اجن يركضن ..
خاتون شهكت من شافت غزوان بهالحالة : يممة ليش غزوان يضرب بعمران هيج ..

ما تحملت وكمت ابجي لان من وراي الي صار : جنت ادخل بالعصاير وعمران يباوع علية من الباب بدون ما انتبه .. وغزوان من شافة تخبل وانهد علي بالضرب ..

مها سدت باب المطبخ الي على الهول حتى النسوان محد تسمع ..: شلون هسة منو يخلصة من ايدة ..

خاتون وهي تأشر على تليفون امهة : هذا تليفون امي هنا بي رقم حمزة بسرعة خابري اكيد هو برة ..

مها اخذت التليفون واتصلت على حمزة وهو رد : امري عمة ..
مها بسرعة : حمزة اني مها .. فدوة تعال بسرعة لبيتنة لان غزوان شاف عمران وهو يباوع على ميامين من الباب وانهد علي بالضرب تعال بسرعة قبل لا يموت بيدة ..

حمزة بعصبية : هالحيوان الماعندة شرف وغيرة ما يتوب من سوالفة .. بس والله الا اموتة ..
سد التليفون بوجهة ..

مها وهي تباوع للتليفون : ياااا ردنا عون صار فرعون ..
خاتون بسرعة ما عدهة غير هالحل .. طلعت تليفونهة واتصلت على ابوهة ..

ثواني وما شفنة غير حمزة دخل وصار يرفس بعمران برجلة ويسب بي وغزوان يضربة بوكسيات ... مها كامت تدك وتلطم واتكول لو ادري ما مخابرتة ..

بسرعة دخل عمو ابو غزوان بعصبية .. سحل غزوان من ياختة ووخرة عن عمران الي يتلوة بالكاع ..
حمزة وكف ضرب من شاف عصبية ابو غزوان ..
حطيت ايدي على كلبي ودموعي تنزل لان من وراي صار هالشي .. يربي اني ما اخلص من المشاكل يعني ..

غزوان ... لو ما ابوي موخرني منة يمكن موتة بيدية ..
غزوان : بوية فدوة عوفني والله كلبي بعدة مورم منة ..
ابو غزوان بعصبية : غزوووان .. ارجع لا احرك عشيرتك هسة .. مو عيب عليكم مستقوين علي ثنينكم ..
حمزة : عمي انة توني (هسة) اجيت حتى ما لحكت اضربة بس جم جلاق ..

ابو غزوان : والك عين تحجي هاي ابدال ما توخرة منة ..
حمزة : والله يستاهل الكتل .. جا مو عيب علي يباوع على مرت ابن عمة من البيبان ..

ابو غزوان وهو يكوم عمران من الكاع بالكوة : شنهي ولك جا انت ما تتوب يومية مكتول .. بس هاي تربية ابوك الاطاك مجال على اساس جبير اخوتك .. كوم يالعار كوم ..
غزوان : وين مودي بوية .. ذبة بالشارع خل يصير عبرة لغيرة ..

ابو غزوان : انت اسكت ولا تحجي كلمة .. ما تشوف روحك مسوي وجهة شوارع واتكول ما برد كلبي .. وخرر هيييج ..
شفت ابوي وحمزة سندوه وطببو للديوانية الزغيرة النكعد بية اني والولد لان فارغة ..

طبيت وراهم وهمة مددو عمران عالقنفة وهوة يون ويحجي : اااه الله يكسر ايديك يغزوان ..
ضربتة على راسة بكل قوة بقهر : من اكسر راسك يلة ترتاح وتسد حلكك يلة ..
ابو غزوان بعصبية : غززوان .. ولك تضربة واني موجود شني ما تحتر احد انتة ..

كعدت عالقنفة واهز برجلي ..: اعذرني بوية ما تحملت ..
قاطعنة دخول مؤيد : ها بوية شكو .. شو اجيت والبنات تلكني ايكولن صارت عركة الحك .. شبي عمران ..
ابو غزوان : بعدين تفتهم عود .. روح جيب علبة المضمد الهناك وتعال عالجة ..

اجة مؤيد وصار يمسع الدم عن حلكة وخشمة وحمرة يحجيلة الصار ..
مؤيد هز راسة وشمر القطن : والله سيتاهل اكثر من هيج .. افا عليك غزوان ما موتة بيدك .. شلون يباوع لمرتك وتعوفة وهو بوعية ..

ابو غزوان صاح بي : الله وكيلكم ماكو احد عاقل من عدكم .. كلكم مخابيل .. خلللص شغلك ولك مؤيد لا تخليني اطلع عصبيتي بيك ..
مؤيد دنك من شاف عصبية ابوي اخذ القطن ورجع يكمل لعمران ..

مؤيد حرك خشم عمران وهو صرخ ...
التفت على ابوي وكال وهو يحك شعرة بخوف من ردة : بوية هذا خشمة مكسور لازم يروح للمستشفى ..
ابو غزوان بعصبية ويأشر علية وعلى حمزة : الله لا يبارك بيكم ثنينكم .. كوم انتة جيبة وراي خل ناخذة للمستشفى ..
طلع ابوي من الديوانية ..

مؤيد سحلة من ياختة وعبالك جان متحمل لان ابوي واكف .. كال بقهر منة : من طمام عار يطم هالوجه المخطط .. دكوووووم ..
طلعة مؤيد وياه ولحك ابوي بي .. خطية مؤيد ما تهنى بمصباح عرسة انسحل للمستشفى ..
باوعت لحمزة وهو باوع علية وطكيناهة ضحكة ما ندري ليش ..

اباوع لدشداشتي كلهة تراب وايدي هسة يلة حسيت بألمهة .. جانت اصابعي حمرة ومزوركة من ورة الضرب على وجة عمران ..
حمزة وهو يكوم : انة رايح لبيتنة ابدل دشداشتي صار بيهة دم من عمران وهم شحاطتي انكطعت من الجلاليق ..
غزوان : يلة انة هم ابدل دشداشتي انترست تراب ..

طلعت ورحت لبيتي وصعدت لغرفتي .. ذبيت المحبس والحلقة من ايدي لان اصابعي احسهن ورمن ..
سمعت صوت باب الغرفة انفتح .. تحولت عيوني للعصبية واني منطيهة ضهري : شمطلعج بالحوش بلة .. ارتاحيتي هسة من شافج هذا النذل ..

التفتت شفت عيونهة مورمة من البجي ..
حسيت كلبي فز من شفت شكلهة هيج ..
رحتلهة بسرعة ولزمت خدودهة بأيدية ..: ميامين حبيبي ليش تبجين .. من عصبيتي صيحت عليج مساع مو قصدي ..
نزلت دمعتهة وحجت بصوت متهدج : ليش ضربتة .. جان راح يموت بيديك من ورة عصبيتك ..

غزوان : جا ترديني اشوفة هيج يباوعلج واسكت ..
ميامين : بس اني والله ما جان قصدي اطلع كدامة واصلا ما انتبهت لوجودة الا من اجيت انتة ..
غزوان : ادري بيج يروحي مو بقصدج تطلعين كدامة .. هو الدخل للبيت وانتي موجودة ..

قوست حلكهة بحركة زعل شعلت كلبي : بس هسة اكيد راح يكولون من وراي انت سويت هالشي ...
تنهدت وحجيت : لا تسوين هيج وخليني راكد .. وبعدين شحدة ليجيب اسمج بشي .. هي كلهة تدري بسوالف عمران من زمان وهاي مو اول مرة علي ..

حطت ايدهة على ايدي الي خدهة ورادت تحجي بس اني سحبت ايدي لا اراديا بسرعة وعقدت حواجبي وسديت ايدي بألم ..
ميامين سحبت ايدي بخوف واضح : شبيهة ايدك .. من شنو هيج زركة ..
فرحت من شفت خوفهة وسويت نفسي اتألم اكثر : من كثر ضرب البوكسيات هيج صار بيهة .. اموتتني من الالم ..

ميامين بسرعة وكفت : ثواني بس اجيب ثلج ..
طلعت هي واني رجعت ضهري عالجرباية وابتسمت ..
دخلت وبيدهة جيس نايلون شفاف وحاطة بي قطع ثلج .. كعدت يمي وسحبت ايدي وحطت الثلج علي ..
سحبت ايدي ومسوي نفسي اتألم : اااخ على كيفج شبيج ..
ميامين رفعت ايدهة : اسفة ..

رجعت حطتهة على ايدي بهدوء .. اني من داخلي كلبي يركص لان ايدي بأيدهة واشوف خوفهة علية ..
حجيت بتنهد واني ما منتبه : اييه لو ادري من زمان ضارب روحي جا شفتج هيج خايفة علي ..
لو ادري ما حاجي .. بس حجيت الكلمة حسيت بجيس الثلج انضرب بكصتي ..

فزيت واني مصدوم .. حاط ايدي على كصتي وعيني عليهة وعالجيس ..
حجت بعصبية : مسوي نفسك تتألم وانت مستغلني .. اني صوجي اصدك بيك ..

عافتني ووكفت كدام المراية واخذت كلينس وصارت تمسح جوة عيونهة لان دموعهة شوية نزلت من الكحل ..
اني بعدني كاعد ومصدوم .. هاي صدك ضربتني ..
باوعت عليهة : ميامين كدهة هاي الضربة ..

حجت بعصبية بدون ما تلتفت الي : اي كدهة .. حتى مرة ثانية ما تجذب وتستغل خوفي ..
اخذت ٣ قطع من الثلج وصرت وراهة : اخر مرة اكلج اعتذري ولا ترة اعاقبج والله ..

ميامين وهي تتخوصر : شتسوي يعني .. تضربني مثلا .. اصلا تعودت هالاسلوب منك ..
باوعتلهة بمكر : لا ما اضربج بس هيج راح اسوي ..
بسرعة حطيت قطع الثلج بضهرهة ..
هي شهكت ببرودة وصارت تكمز : اشااا .. غزوووان مو هييج ..

كعدت على كرسي المراية من الضحك على شكلهة وهي تطافر بالغرفة ..
ميامين : لا تضحك فدوة وخرهن والله احس ضهري جمد ..
انقهرت عليهة ورحتلهة : اوكفي لا تطافرين خل اوخرهن ..
وكفت هي بس تميل بأكتافهة وتحوس ..

مديت ايدي بضهرهة صاير مثل الثلج ..
ايدي لامست بشرتهة هي صلبت ضهرهة ودارت وجهة .. وخرت الثلج وثوبهة تبلل لان الثلج نصة ذاب بضهرهة ..
حاوطت خصرهة وسحبتهة الي .. صارت كلش قريبة علية .. اباوع لتقاسيم وجهة المصدوم ..

رفعت راسهة وكالت : شجاي تسوي عوفني ..
قربت منهة وخشمي لامس خشمهة ..
مديت ايدي ورة ضهرهة ووصلت لجوة رگبتهة ولزمت السحابة وانزلهة بهدووء ..
ميامين انتبهت لحركتي بسرعة : غزوان عوفني شجاي تسوي ..

حجيت واني على وضعي : شششش ... لا تستبردين ضهرج تبلل .. بدلي هذا الي لابستة ..
دفعتني ووخرت وهي لازمة السحابة مالتهة : ترة اكدر اسحبهة بنفسي ..
حجيت برفعة حاجب وابتسامة : من شوكت ..
حجت بقهر : مو شغلك ترة بس الفساتين ما الوح السحابة مالتهن ..

دخلت لغرفة الملابس واني ضحكت عليهة ..
دخلت للحمام سبحت عالسريع لان انترست تراب من بعد طوشة اليوم ..
طلعت من الحمام .. ابتسمت من شفتهة محضرتلي ملابسي واغراضي مرتبتهن عالميز .. تنهدت وكلت : والله احبهة ياناس ..

££££££££££

جوري ... من طلعنة من الفندق سلمت على بسمة لان راحت وية رجلهة لبيت اهلة واني رحت وية مؤيد لبيت اهلة ..

بس دخلنة البنات جانن مخبوصات عركة مدري شنو .. سألت على امي كالن راحت لبيت اهل حسنين علمود بسمة لان اهل ابوه ناس غريبة وبسمة ما متعودة عليهم .. ههه ما تدري ابسمة اذا تعوفهة بين سبع ذيابة ترجع تلكاهة ماكلتهن وتطكطك بعضامهن ..

صعدتني مها للجناح مالتنة جان كولش حلو وديكورة مرتب وناعم ..
ذبيت عباتي وجنطتي عالجرباية وصرت افتر اخذلي جولة بالشقة ..
غرفة النوم جان لونهة ذهبي وحاطين مفرش لونة ابيض وعلي ورد ..

المراية جانت كولش جبيرة وتقريباً ماخذة نص الحايط وعليهة كم قطعة مكياج من الي اشتريتهن اني وكم عطر ..
دخلت لغرفة الملابس وشفت الباقي موجود ومرتب بشكل حلو وملابسي الي اشتريتهن وغيرهن من الملابس الي جابهن مؤيد من راح لبغداد يشتري اخشاب الغرفة ..

الجهة الثانية المقابلة لجهة ملابسي جانت ملابس مؤيد .. ترتيبهة حلو واللون الرصاصي تقريبا جان اغلب ملابسة ..
طلعت من غرفة النوم وجان اكو باب مقابل غرفة النوم .. فتحتة وجان عكس الشقة كلهة .. جان مكتب لونة اسود وباقي المكتب باللون الجوزي ..

تقربت من المكتب اكثر وشفت صورة عالمكتب ..
سحبتهة ونزلت دمعتي واني اشوفة .. جانت صورة فارس لابس قاط اسود وكاشخ مادري شنو المناسبة .. لامست الصورة بأصابعي وهمست ..: اشتاقيتلك والله ..
ورة ثواني سمعت صوتة وراي .. : واني اكول المكتب منور مو بالعادة .. اثاري جوري هنا ..

مسحت دمعتي بسرعة ورجعت الصورة والتفتت وابتسمتلة : اسفة لان دخلت مكتبك بدون استأذان بس صار عندي فضول اشوف الشقة ..

مؤيد بأبتسامة : عادي بأي وقت ادخلي ..
توجه للثلاجة الزغيرة على جهة وكال : بما ان انتي اول مرة تدخلين مكتبي يعني لازم اضيفج شي ..
طلع عصير من الثلاجة وقدمة الي ..

حجيت وبدون ما اخذة : اممم ماكو بيبسي ..
طبك حواجبة وكال بأمر : لا ماكو بيبسي ومن اليوم وجاي المشروبات الغازية ممنوعة ..
طبكت حواجبي : نععععم ؟ وليش بلة ..

مؤيد : اني الاطفال امنعهم من شرب البيبسي .. شلون تردين اخليج تشربينة ..
تخوصرت وبرفعة حاجب : بس اني مو طفلة وبعدين ماكدر اعيش بدون البيبسي ..

مؤيد بدون اهتمام : تتعودين .. وبعدين انتي حالج من حال الطفلة ..
فتحت عيوني وكلت بصدمة : اني مثل الطفلة ؟ .. ترة عمري ٢٥ سنة مو طفلة ..

مؤيد : يا حبيبتي العمر ما يحدد كبر الشخص .. لو تردين نرجع للواقع انتي مثلج مثل العمرهة ١٢ سنة ..
تخوصرت وكلت : وانت شوكت عاشرتني وكلت مثل الطفلة .. يعني على شنو تعتمد بهذا كلامك ..

مؤيد بجدية وهو يكعد عالقنفة الي بالمكتب : على تصرفاتج الطايشة والي تتصرفينهة بدون ما تفكرين ...
عقدت حواجبي وكعدت كدامة : شلون يعني .. شنو الغلط بتصرفاتي .. او شوكت تصرفت بغلط ..

مؤيد : شوفي اني راح احجي بس احنة مثل ما اتفقنا اصدقاء ومايصير تزعلين من كلامي واني واجبي ك صديق اكلج شنو اخطائج ..
طبكت ايدية بأهتمام : ماشي والله ما ازعل منك .. بس كول شنو الغلط ..

مؤيد : شوفي اول شي تسرعج بالاعتراف لفارس بحبج الة ..
فتحت عيوني بصدمة .. شلون عرف بهالشي .. محد يدري بية حجيت وية فارس غيري اني وفارس نفسة .. معقولة يكون فارس هوة الي حجالة ..

مؤيد : لا تنصدمين .. ترة سمعت كلامكم كلة من حجيتي وية فارس ..
دنكت راسي وكلت : تشوف هالشي تسرع مني ..

مؤيد : طبعاً تسرع .. وابسط شي انتي شفتي شنو جانت نتيجتة .. كلبج انكسر من كلامة .. وترة اخذيهة قاعدة .. الشاب مستحيل يحترم بنت تجي هي وتعترفلة بحبهة او هي الي تبادر بشي .. راح يعتبرهة ما متربية وطبعا اني مستحيل اقصدج بهالكلام لان انتي بت عمي واعرف اخلاقج زين .. بس اني احجي بصورة عامة ..

نزلت دمعتي وحجيت بخجل : بس اني سويت هالشي لان شفتة حتى ما ينتبه لوجودي وما معبرني ...

مؤيد وهو يباوع بعيوني بنضرة ما فهمتهة .: ادري ليش سويتي هيج .. انتي حسيتي نفسج تعبتي من كونج تحبين شخص وتهتمين لوجودة وما تشوفين غيرة وبالتالي هوة حتى ما شايفج وما منتبهلج وبعدين تكتشفين ان هالشخص كلبة يم احد ثاني .. صح هالشي لو لا ..

انصدمت من كلامة تحليلة الصحيح : صح كلامك ..
مؤيد بأبتسامة غريبة : وانتي من شفتي هالشي جان لازم تحاولين تنسين ادري هالشي صعب وشبه مستحيل بس حاولي تسوين اي شي الا ان تنزلين نفسج لشخص انتي تحبينة وانتي ما شفتي منة غير الصد .. جان لازم تبقين محافضة على كرامتج .. لازم تكولين مادام هذا الحب راح يكسر كلبي ويحطم كرامتي اني لازم ادفنة بكلبي وما اطلعة لاحد ..

جنت صافنة علي ومركزة بكل كلمة يكولهة .. جاي اكتشف جانب جديد بمؤيد اول مرة اعرفهن .. صحيح مثل ما كالت الحجية مؤيد هادئ وراكز وقرارتة متحضرة ويفكر قبل لا يتصرف وكالت ان هوة الوحيد الي ما طلع يشبه غزوان وابوه بالعصبية وهو عكسهم حتى بوقت عصبيتة يكدر يتحكم بنفسة ولهالسبب تمنيتج انتي تتزوجين مؤيد ..

باوعتلة بتعجب : انت شلون تكدر تفكر هيج .. يعني منين جبت هالكلام ..

مؤيد بأبتسامة : كلامي ما يختلف علي ثنين يحلوة واني كتلج هالشي كرأيي وشاركتج بي .. وهاا ترة انتي كلتي ما ازعل ..

ابتسمتلة : انت ما كلت شي يخليني ازعل .. اني فعلا جان لازم ما اتسرع واخلي نفسي عزيزة علية ..
مؤيد : بالضبط .. وترة ها مو بس البيبسي ممنوع وحتى الايس كريم ممنوع تدخل للبيت ..

ضحكت وبعدين استوعبت : شنوو .. انت حاكم البيت لو شنو .. شهالقوانين هاي ..

££££££££££

غزوان ... دخلت للديوان مالتنة وشفت ابوي وعمامي وولد عمامي كاعدين وهذا العار كاعد بصف ابوه ..

الكاتبة : سارة الشمري✍🏻

حبايبي والله من بعد كلامكم العسل هذا مكدرت اوقف القصة 😘 واسفة على تأخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري