|
انتقام عاشقه ،للكاتبة/ ميمي ترهوني " ليبيه " (مكتملة)
|
رابط لتحميل الروايه هنــــــــــــا #المقدمة #انتقام_عاشقه . . . . . . . لي الكاتبة ميمي الترهوني❤️ _ووووووووه من هادي العماره الغبره لي مايخلوش حد يرقد 24علي 24 و هما يتعاركو ! يا مامااااا ياااا شيماء و شهد وينهم هادو و طلعت راسي من باب الحوش نسمع في صياح في حوش هانيبال ركبت نجري من دروج لقيت الباب مفتوح خشيت و قعدت نتفرج _شهد انتووووووووو كيف رضيتو كيف تخلوني راقده علي وداني عندكم عادي ياخد عليااا بعد لي صار بينا ياخد عليااااا طول عمري نسمع من بابا الله يرحمه انه نفوس تغير الفلوووس لكن مَش لي درجه هادي مَش لي درجة لي تغيرلها هانيبال علاش اني شن قصرت معاه _يابنتي انتي عارفتيني اني و عمك قداش نحبوك و عارفه راجلك لي في راسه بيديره من امتا يسمع في كلامنا شهد_ وصلي لي ولدك انه اني خلااص وصلت حوش اماليا لا عاد يقربني ولا يجي جهتي مزالي 6 شهور و نجيب و يقدر يطلقني و نزلت نجري خشيت لي داري و صكرتها علي روحي قعدت نبكي نبكي نبكي مستحيل نقدر نتخيل هانيبال متجوز مع غيري صح كان ديما يخون فيا و وصلت خيانه حتي لي زناا مع البنات بس كلهم نزوات ديما كنت اني الأصل اني حبيبته اني لي من صف خامس و اني نحبه لي توا عمري 25 سنه . . . . ماما_لو صارت حاجه في بنتي يا نعيمه والله تشوفي شي ماعمرك شفتيه لا انتي ولا ولدك ولا مدايره حساب لي العشره ولا جيره تمااااام و نزلت هيا و خواتي شيماء و شيرين . . . . _حبيبي شن صار في سياره لي قتلك نبيها هدية الجواز _هانيبال حاضر من عيوني احلا سيارة ليك و توا صكري شويه حبيبتي أمي خاشه انتضار _اففف بااااهي . . . . . هادي مقدمة روايتي لي بتكون غريبه و قصتها جديده عليكم و ان شاء لله تعجبكم❤️ |
#انتقام_عاشقة_الحلقة_1 الكتابة ميمي ترهوني❤️ . . . _هانيبال ايوا ياام شن في خيرك _امه لحق ياولد مرتك سمعت انك بتتجوز و دارت العار _كييييييف تي باهي به اهو جاي و صكر و رجع اتصل بحبيبته ايوا ندوشي _خيرها امك ان شاء لله حاجه مهمه لي خلاتك تصكر عليا و ترد عليها _هانيبال شهد عرفت انه منتجوز عليها _و به!!! ماهو بتعرف بتعرف توا ولا بعدين _هانيبال عارف يا روحي مَش موضوعي هادا غر منصكر شويه منمشي العمارة نشوف جو و نكلمك _تمام باهي به و صكرت في وجه . . . . وصل هانيبال لي العماره طول ركب لي حوشنا و فتحتله شيرين _شيرين بكل صحة وجه جاي؟؟ _هانيبال دفها و خشلي في دار و صكرها بالمفتاح . . . . _شيرين خشت علي شيماء في دار ترا قولي منو جي _شيماء منو ؟؟؟؟ _هانيبال و خش لي شهد و صكر دار _شيرين ربك يستر و خلاص زعما يغير رأيه و يتسامحو _شيماء ان شاء لله خلي نمشي نقول لي ماما و طلعت اما شيرين قامت تليفون و اتصلت بي معتز المرا الاوله مردش تانيه رد _شيرين الو _ايوا خيرك شن في _معتز اني مضايقه هلبا كان نحكيلك شن صار _معتز ايه ايه يا معلم (ههههههههههههه والله تي باهي به اسمعي اني توا مَش فاضي بعدين نهدرزو هي باي و صكر في وجها) _شيرين حدفت تليفون و غمت وجها في المخده و قعدت تبكي مَش عارفه من وين تلقاها من اختها لي لو هانيبال سيبها تموت ولا من نفسها لي مَش عارفه نهايتها وين مع معتز و شن نهاية حبها لي منغير مقابل!! . . . . _ماما و زعما يتسامحو؟؟ _شيماء بما انه من اول ماخش مافيش صوت عياط معناها هكي . . . _هانيبال من اول ما خشيت لقيتها حاطه راسها في المخده و صوت بكي قربت منها و قتلها شهد! _شهد سمعت صوت هانيبال نضت بسرعه و خشيت فيه كنت عارفه انك مَش ح تخليني مَش ح تخلي شوشتك _هانيبال اهدي من قال منخليك اصلا و قرب مني و صار لي صار . . . _ام هانيبال (نعيمة)غريبه هانيبال ليه قريب ساعتين لوطه زعما غير رأيه _سندس ههههههه خالي و نعرفه لي في راسه بيديره و بيتجوز _تي كنهادا صوت شهد وصلنا لي فوق دنيا هدووؤ _سندس هادا الهدوء قبل العاصفة يقولوله ماما نعيمة (اكيده كلكم تقولو علي سندس وجهه الغراب زيني ولا تشأم علي اصوله الأخت 🤦♀️) . . . . _شهد راقده علي أيد هانيبال و تهدرزله تعرف يا حبيبي لما سمعت سندس تحكي لي خواتي انك بتتجوز و ماتبنيش نسمع ملقيتش روحي الا راكبه لي خالتي نعيمة و نبكي و نصيح عليها خالتي نعيمة الي معمريش عليت عليها صوتي اليوم من صدمة مقدرتش نشد روحي بعدها نزلت تعرف لو شفتني كيف نبكي حتي في عزي بابا الله يرحمه مَش هكي بكيت اني مستحيل نتخيل وحده تانيه تشاركني في مكاني هادا مستحيل نتخيل وحده تانيه معاي في كتيب العيلة مستحيل نتخيل وحده غيري تكون ام ولادك مستحيل نتخيل تبدا تجيني يوم بعد يوم و اني نقعد نتعذب لما تمشيلها صح كل خميس و جمعة كنت سهريات انت و صحابك و مع بنات بس عادي كنت اني الأصل لكن الله تو قداش فرحانه انه غيرت رايك هانيبال انت وتيني و الوتين شريان متصل بالقلب ادا نقطع نقطعت الحياة _هانيبال بس شهد لحظه اني مغيرتش رأي في جواز عليك ! يتبع |
#انتقام_عاشقة #الحلقة_2 الكاتبة ميمي ترهوني _شهد:كيييييف؟؟؟؟ _هانيبال: كيف يكيف شن كيف قتلك اني غيرت رأي؟؟؟؟ _شهد: ببه لي توا صاار!!كيف هكي !! (و ناضت قعمزت و دموعها ينزلو) _هانيبال:لي صار يصير بين اَي زوجين شن يمنع زواجي من تانيه بالي صار توا (و ناض يلبس في حوايجه) _شهد:شن يمنع؟؟؟؟ كييييف شن لي يمنع يمنع انه نحبك يمنع أنك تحبني يمنع انه حامل و كلها شهور و نجيب يمنع انه مافيش حد شاف لي شفته معاك سكنت في دار مع اماليك علي خاطر نحبك رقدت علي فراش ارضي لانه نحبك عارضت بابا الله يرحمه لانه نحبك هربت معاك لما يدورو فيك و قعدت سنتين بعيده علي حوشنا يمنع حبنا يمنع انه اني شوشتك حبيبتك الي كنت تضرب في الولاد لي اصغر منك علي خاطرها كان في حد كلمها يمنع لانه اني بس نستاهلك. _هانيبال:انتي تتجملي عليا بلي درتيه ولا كيف توا؟؟؟؟؟ _شهد:(ناضت و لبست روب و وقفت قدّامه) هادا لي طلع معاك نتجمل عليك؟؟؟؟ كلامي كله ماشفتش منه شي الا اني نتجمل عليك ماشفتش حبي؟؟ هاني _هانيبال:(قص عليها كلامها و دفهااا) اسكتيييي و انتي نحبك نحبك باهي فهمنا و زواج منتزوج و مستحيل نغير رأي و غصبا عنك و طلاق مَش مطلقك فاااااااااهمة( و طلع و قربع باب دار وراه) . . . شيماء و ماما كانو في دار جو يجرو و خشو عليا _ماما:خيرك شن صار مَش تسامحتو علاش طلع متعفلق ؟ _شهد:بيتجوز !طلعت نتجمل عليه كلامي كله مَش مهم عنده يشوف فيا تجملت عليه بس!!! و مَش تجري في حضن امها و قعدت تبكي _شهد:ماما اني نحبه نموت من غيره قوليله ميتجوزش عليا نموت والله نموت و نهارت بكي تاني _ماما:حسبي الله ونعم الوكيل حسب _شهد :لا رد بالك و تشهق تدعي عليه ماما رد بالك و رجعت تبكي و تشهق تاني _ماما معاش قادرت زادت شدتني و قعدت تبكي معاي (و اشرت لي شيماء تطلع ) . . . (هانيبال ركب لي حوشهم لقي سندس و امه مقعمزين خش طول لي داره يدوش ) _سندس :مرتحتش لي خشته ولدك _امه(نعيمه):ولا اني زعما شن صار بينهم ؟؟؟ _سندس:تعرفييييي و ولدك مستحيل يقول شن صار مننزل نشوف شرين و شيماء و نسألهم و نجيك _نعيمه:تمشي لي عينك و طياح سعدك فكينا منه يا فرخه و انطمري قعمزي _سندس:تي قوليله مشيت لي حوش مبروكه تقري فيا و معاش طيحيلي سعدي يا جداي باااهي _نعيمه:بري مدخليش فيك مَش جداي وليت توا و طرمت شواربها _سندس:هههههههه يسلملي زعلان و جت باستها علي راسها ماهو يا ماما معاش طيحيلي سعدي هي باي (و لبست شبشبها و نزلت تجري) _نعيمه :اه منها هالفرخة كان متعرفش كل شي تموت خلي نوض نصلي خيرلي . . . (فتحت شيماء لباب دفتها سندس و خشت لي دار شيماء و شيرين ) . . (لحظه لحظه اكيده دختو شويه ولا او هلبا صراحه خلي نفهمكم هي طبعا في المقدمة غلطت و قلت هانيبال خال سندس و هوا عمها صغير عمره 36سنة و طبعا سندس بوها ميت لما عمرها 10و موت بوها هو لي خلا هانيبال يخش علي سلاح و جو هادا و سندس عايشه مع جدتها لي هيا ام هانيبال خلتها امها عندهم من عمرها شهرين و تجوزت لانه راجلها طلقها بعد ماجبت طول و رضعتها ام شهد مع شيماء يعني شيماء و سندس خوات من رضاعة و شيماء عمرها 19 تقرا اسنان في جامعة خاصة و سندس ع 18شهادة ثانوية و شيرين عمرها 20تقرا قانون و شهد عمرها 25سنة و ليها متجوزه 5سنين و كانت علاقة هيا و هانيبال من صف خامس و بوها ميت لي تلاته سنين و حتي هانيبال بوه ميت كان طيار و طاحت بيه طياره في الأحداث ) نرجعو لي رواية توا لانه فهمتو خلاص . . . خشت شيماء لي دار لقت شهد راقده كيف بتطلع خشت شيماء و صكرت دار و اتكت علي الباب و قتلها _شيماء:كان نقولك شن صار _سندس:صيحت و قتلها شن صاااار ؟؟؟؟ _شيرين: من صيحت سندس فاقت خيركم ؟؟؟؟؟؟ . . . _هانيبال:يام اني طالع تبي حاجه و طبس يلبس في كندرته _نعيمه :لالا سلامتك _هانيبال:باهي و سندس ؟ _نعيمه :مانبوش شي قتلك نبوك انت معانه بس و طرمت شواربها _هانيبال:طلع فلوس من جيبه و حطهم علي طاولة و قلها و اني شنو يام معاكم قاعد اهو و وتي روحك عرسي بعد شهر _نعيمه :شن هوا يعني حق الموضوع و مصكر راسك و زياده بعد شهر!! _هانيبال:هادا هوا يام و معاش يناقشني حد و طلع صكر الباب _نعيمه :تي تعاله اهني يا ولد يااااااااااربي من هالولد و قامت أيديها فوق و قعدت تدعي (ربي يهديك يا ولدي و يرجعك لي مرتك و يبعد عليك ولاد و بنات الحرام) . . . _شيماء:صار لي توقعاته سندس و قعمزت علي سريرها _شيرين :قصدك تعاركو ؟؟؟ _ شيماء: ايه و اختك خشينه لقينها منهارة قعدت معاها ماما و طلعت _سندس:ربك يستر مفهمتش عمي شن جاه ؟؟؟ و قاطع عليهم تليفون شيرين (شافت الاسم نفخت و حدفت تليفون ) _سندس:منو معتز و مع قيمت حاجب؟؟؟؟ _شيرين:لا ياريت فرج و خدت المخده و حطت راسها عليها _شيماء:تو بعقلك بتنسي معتز الطرف بفرج الدريا ؟وقعدت تضحك _سندس:لو تكلم مسعود مَش فرج والله ماك ناسيه معتز هادا حالك مَش سنه ولا اتنين هادو خمسه سنين و كانك بتنسيه راهو قداش ليك . . . يتبع |
#انتقام_عاشقة االحلقة_3 الكاتبة ميمي ترهوني (بعد مرور تلات أسابيع) _شيرين:شيماااااااااء وين السبيدرو الاسود (و قعده فاتحه دولاب و تقلب فيه) _شيماء :عمي ان شاء لله باهي و دفتها و طلعاته هادا كله العار علي خاطر بتشوفي دراه الكبد معتز؟؟ _شيرين:اسكتي نرعش مع بعضي و خيره البنت ابتع الكيكه عطلت ووووه تخايلي تفوتني _شيماء:لحظه لحظه ؟؟؟؟قصدك جديات انتي بتعطيه الكيكه حرااام فيه والله حرااام فيه مفهمتش امتا بديري عقل اني! _شيرين تعرفي ضمي فمك من عليا و بلا نصايحك المنكديه و تعالي لبسيني العدسات _شيماء اني معاااش دخلي فيك مَش بعدين تجيني تبكي (وجت تلبسها العدسات )توا في حد بعقله يدير مسكرا بعدين يلبس عدسات ؟؟؟ مدخليش فيك كان عيونك تلبزو (و لبستها و ناضت طلعت ) _اما شيرين ولا كأنه وقفت تتفرج علي روحها و تساوي في شعرها طبعا شعرها كان قصير نوعا ما دارت شوية فيلر في الخصلات لي لوطه و لبست بلوزه بيضه و سروال اسود و دخلت البلوزه من قدام بس من حيت يبان الحزام (طبعا جو كان شتي شهر2) . . . _شيماء :ماما اني طالعة باهي _ماما:الطف مَش توا كيف روحتي من جماعه وين ماشيه؟؟؟ _شيماء:منوصل سندس لي المدرسه _ماما:اهو شيرين طالعه تو ترفعها هيا قعمزي بلا تنسريف زايد _شيماء :يا ماما بالله عليك اما شيرين عارفه بالها واسع بنتك و حركتها بطيئة و سندس معاش وقت عليها و اصلا هكي ولا هكي منطلع مناخد الغسول ابتاعي من صيدلية هي باي ماما :ربع ساعه عندك و تكوني اهني وكان وقفك حد مديريش مشاكل و سوقي من رائيسي مَش من زنق باي طلعت شيماء و صكرت الباب لقت سندس كيف نازله _سندس:علي لي يعبى عليك باهي _شيماء:ونبي اسكتي ماهو عارفه امك و نصايح 10ابتعها و نزلو . . . _شيرين :ماما اني طالعه هي باي _ماما:بري من رائيسي و مديريش مشاكل _شيرين:به به و نزلت تجري لقت البنت خدت منها الكيكه و ركبت سياره و بدت تسوق و كلمت معتز _شيرين :ايوا وين انت _معتز:في الحوش _شيرين :شنووووو متقولش مَش جاي _معتز:ايه بايت مع صاحبي في طريق الشط قصه الحق كان منجي _شيرين :به اني جبتلك الكيكه كيف يصير _معتز :به يا راس سطل علاش متقوليش _شيرين:نسيت المهم بتجي ولا _معتز:جاي جاي طيري خلي نبدل _شيرين :تمام باي . . . _شيماء:هي انزلي اقلبي وجهك لي طابورك يا طالبه و ضحكت _سندس:نننننننننن نازله عليك لبراده كأنه مع قلبت عيون و نزلت و طربقت الباب _شيماء :كصررررره . . _السلام عليكم و رحمة الله و بركاته السلم عليكم و رحمة الله و بركاته و قامت أيديها فوق و قعدت تدعي (اللهم زدني قرباً إليك..اللهم زدني قرباً إليك..اللهم زدني قرباً إليك..اللهم اجعلني من الصابرين..اللهم اجعلني من الشاكرين..اللهم اجعلني في عيني صغيرا.. وفي أعين الناس كبيرا يارب قوة نتحمل بيها لي جاي يارب ) _ماما:تقبل الله _شهد :منا و منك صالح الأعمال مع رجفة خشم وين البنات الحوش هدوء _ماما:اليوم تمت عطلة 15اليوم كل وحده في قرايتها و شيماء خشت رقدت كيف روحت _شهد:اها درتي الغدي باهي ؟ _ماما:لالا توا ماشيه مندير طاجين دجاج _شهد :خلاص تو نوض نديره اني ارتاحي _ماما :براحتك و طلعت . . . _شيرين :اهلييين و اخيرا جيت خيرك عطلت _معتز:مسافة طريق شن الحلاوة هادي اه؟ _شيرين:نزلت راسها لوطه و حتي خصله من شعرها ورا ودنها _معتز :ههههههههه باهي تعالي نقعمزو _معتز :شنو كيكات حركات زعما فيها خطين ؟مع ضحكة و غمزت عين _شيرين:لالا ستة خطوط و انت صادق مع قلبت عيون _معتز :باهي عندك علم تقعميزه هادي أول مرا نقعمزها! بعدين خطم صاحبه قاله شن جو معتز و مشي _شيرين :امممممممم _معتز :و هي توا سلام منروح هداكا هوا _شيرين :معندكش محاضره ؟؟ _معتز:عندي هوا الحق و معنديش خلوق نحضر (معتز عمره25اخر سيم إدارة أعمال و هوا شيرين اصدقاء من قبل ماتقرا معاه شيرين و اصلا هيا خشت جامعه نفسها علي خاطره) . . _طالبة سندس.... ... تعالي خودي ورقتك _سندس:ناضت خدت ورقتها و شافت درجة و شهقت شهقه( لي درجة الفصل كله نخلع 😂)تبصري ولا شن الدرجة هادي 20من 24اني تو ننزل للمدير يتفاهم معاك و قربعت لباب وراها و نزلت تجري و الأبله تجري وراها . . _هانيبال :كملتي حاجاتك _لمياء:يس يس حبيبي مَش مصدقه كله اسبوع و نكون مرتك _هانيبال:بصوت واطي مع الاسف _لمياء:(بصوت تجعوين و يصكر رقبه )قلت حاجه حبيبي؟ _هانييال :لالا سلامتك حبيبي بدون نفس . . _سندس :(خشت الإدارة لا احم ولا دستور)السلام عليكم وين المدير لو سمحتو ؟ (كان في المكتب المدير و نائبة المدير ) _نائبة :هههه قصدك قعده مشفتيش المدير جديد يا سندس اهو قدامك _سندس:صارتلها صدمه و قتلها اه؟؟ (و حلت عيونها المدير كان يهبل تي يجنن و شاب صغير ) و كيف بتتكلم خشت الأبله تصيح _الابله:إستاد احمد ديري حل مع الفرخه المش متربيه هادي ضروري يجوني بوها ولا امها غدوا _سندس:احترمي نفسك و بوي و أمي متحلميش تشوفيهم _المدير :تي شنو قلة الأدب هادي هاتي اسمك استدعاء ولي امر و طرد اسبوع _سندس:طول هكي الحق منغير ماتعرف الحق مع منو يا إستاد ؟؟ _المدير :تعرفي تصكري فمك و تهاتي اسمك؟ _سندس :و دموع في عيونها سندس.... .......... _المدير :شن يقربلك هانيبال... _سندس:عمي و مع قيمت حاجب علاش؟ _المدير :مع ضحكت استهزاء لا شي _الابلة :(لما سمعت بي اسم هانيبال و شن يقرب لي سندس رعشت مع بعضها )ولا نقولك يا استاد خلاص فوتها يا أستاذ تو نتفاهم معاها اني بري اركبي فصلك بري (طلعت سندس و قربعت الباب تاني😂) _المدير:شن غير رايك متقوليش خفتي؟ _الابله:ايه خفت الحق فكني تجيبلي عمها يفصلني حتي من تعليم و طلعت _المدير:قعمز علي المكتب و قعد يمسح في لحيته (شعب يخاف و ميختيشيش🤦♀️😂) . . . تسريع الأحداث ساعة 6العشيه خشت شهد علي خواتها في دار _شهد:وين ماما؟ _سندس :ركبت عند ماما فوق _شهد :به نوضو وتو روحكم منطلعو _شيرين :وييين؟ _شهد :بعدين نقلكم وتو روحكم بسرعه و طلعت في سيارة _شهد :قصدكم اني منسوق؟؟؟ _شيماء :ايييه خلي نصورو سناب احني و جو _سندس:احااااااا💃 _شهد :مصح وجهكم بطني قدامي و تبوني نسوق علي خاطر تصورو سناب يا تافهاات و ركبت في كرسي سواق و مَش عاجبها _سندس:وين منشمو؟ _شهد: لما نوصلو ساهل . . . _ماما:مَش عارفه شهد لي امتا شهد بتقعد تسحن في روحها يا نعيمه _نعيمه :ربك يستر توا يوم الخميس شن بيصير في العرس _ماما:مازال يومين؟؟؟؟ . . . في سياره عند البنات تصوير سناب و جو مليح (وطبعا سندس و شيرين و شيماء تلاته مَش متحجبات) _شيماء :شهد خايفه علي دحي لي تحتك؟ _شهد:هاهاها ضمي فمك كان تتحشمو مَش اني نسوق تبيني نجري بي بطني _شيرين:شهوده في اما شهر توا _شهد:شهر رابع( و درست وصلنا ) _سندس :خيرك درستي قدام دار مايا؟ _شهد :تلفت بضحكه صفره مناخدو قفاطين لي عرس راجلي و قتلهم هيا و نزلت _شيرين :لا تبصر اكيد قصدكم بتمشي و لحقوها مصدومين _شهد: في المحل نبي فيلو بسيط يكون _البنت :تمام و هيا تشبح لي بطنها😕 (طبعا شهد كانت بطنها كبيره تقول في سادس مَش رابع ) خدت شهد فيلو ابيض بارز بطنها حلو هلبا و البنات ساكتين مصدومين و بعدين خطمو خدو عشي و روحو (قدام العمارة ) _شهد : انزلو و نزلو شكاير مابين درست (نزلو البنات و خشت شهد القراج شافت سيارة هانيبال بلعت ريقها بصدمه) و قالت ليه قريب شهر مجاش شن جابه العريس و صكرت سياره و نزلت و كيف بتخش باب العماره لقت هانيبال قدامها وقفو قدام بعض و شهد عيونها كلهم دموع . . . _شيرين :اختكم بكامل قوها العقلية بتمشي العرس ؟؟ _شيماء :اني منخليها تمشي اكيده عارفه شن دير هيا _سندس :صح شهد مَش صغيره! . . . _هانيبال:شنو انتي مروحه توا ساعه 11 شن ولا نضامك غيب يا قط العب يا فار!! _شهد:(مع قيمت حاجب و عيون معبيات دموع) مَش ح نرد علي كلامك لانه كل من خانب مشكاك و كيف بتمشي شدها هانيبال من أيدها _هانيبال :كأنه لسانك مولي طويل ! و قعد يشوفلها ممكن شبحة شوق! المهم مكانتش مفهومه شبحه و بعدها نزل عيونه علي بطنها متفاجئ كيف كبرت _شهد:هااانيبال بصوت يرعش و دموع علي خدودها الحمر اطلقني!! (طلقها هانيبال و هيا ركبت تجري و هوا خبط علي باب العماره و طلع ) يتبع |
#انتقام_عاشقة #الحلقة_4 . . . . ركبت شهد تجري و خشت لقت سندس و شيرين علي صالون حدفت شنطة و تلفتت لي سند و قتلها _شهد:تعرفي انه خالك واااحد حقير و ان شاء يمووووت باهي(و نحت الوشاح و العبايه بغل و قعمزت علي صالون) _سندس:خيرك الطف شن جاب سيرته توا ؟؟؟ _شهد :توا شفته الحيوان هوا و يخدملي غيب ياقط العب يا فار شن قصده اني فار؟؟؟ _شيرين :هادا لي فهمتيه من المثل انك انتي فااار و تفجرت بالضحك هيا و سندس _شهد:الحق. والله مافيكم نوض نحط سمسام خير (و مشت الكوجينه بعدين ولت خدت شكاره و حطتها و ولت)وين شيماء؟؟ _سندس :ركبت تحط لي ماماتي الزوز عشاهم و نازله _شهد:ماما بايته فوق؟؟؟ _شيرين:ايه _شهد :غريبه(ومشت الكوجينه تاني) نزلت شيماء _سندس:جبتيلي توتي ايه _شيماء :ايه (و حذفتها عليها) . . . _نعيمة: (ام هانيبال)و انتي علاش خايفه من مرواحة عم البنات؟؟ _فريده:(ام شهد)مَش عارفه علاش قلبي مَش مطمن هل سبب فعلا مرواحة عم البنات ولا حاجه تانيه و سكتت شويه و قتلها ربك يستر من لي جاي و خلاص . . . _هانيبال :(يسوق بسرعة جونينه اتصلت بيه لمياء ) ايواااا _لمياء:حبيببي نبي نقولك _هانيبال :لا حبيبي لا نمي اطلعي من دماغي ترا و صكر في وجها( و حدف تليفون و زاد سرعة) . . . . _سندس :ولا بكل وقاحه لما عرفت عمي هانيبال خافت الحيوانه و المدير مَش عاجبه _شيماء:و انتي علي أربعة درجات مدايره العار ؟ _سندس:تسحابيني زيك فاشله هادا حقي منسكتش عليه _شهد:تعرفو لو في حاجه نادمه عليها هيا انه سيبت قرايتي وين كان عقلي لما هانيبال زفت قالي وقفي _شيرين:و انتي حماره سمعتي كلامه _شهد :قالو شنو يغار عليا سحيقه ليه و ليا لي سمعت كلامه _سندس:(تبي تغير الموضوع)لكن المدير حلووووووو هلبا يا بنات معمريش شفت حد حلو زيه _شيرين :لا في معتز مع شبحت حب _شيماء:علي سيرت زفت ابتاعك معتز شن صار اليوم ؟ _شيرين:بدت تحكي بحماس و و بعد ما كملت قتلهم نحبببببه بصوت عالي _ شهد:لحظه لحظه قصدك قالك أول مرا نقعمز تقعميزه هادي و سكتيله؟؟؟ _شيرين:ايه شن فيها (مع شبحت استغراب) _شهد:تييي كيف شن فيها يعني انتي لي من ولد لي ولد و مقعمزتيها؟ولا زياده خدي الكيكه و مَشي مفاتش حتي دقيقتين معاك واضحه قصدي جاي لي الكيكه مَش ليك يا مهزبه _شيرين:تعرفي تسكتي و متنكديش عليا؟ _شيما:تعرفو تسكتو لانكم نكدتو عليا (و ناضت قامت سفره و فتحت دولابها سري طلعت لاوزم سهرا و جابت سبيكر و فتحت اغاني ) _شيماء:هي نوضو ارقصو (اليوم تحت عنوان نسعد أنفسنا بي نفسنا)و قعدة تغني بصوت عالي انا حبيتك و جرحتيني انا صنتك لكن خنتيني _سندس:انتيي من الاول مَش بتحبيني ليه من الاول عشمتيني (و ناضو يرقصو البنات و جوهم حلو) بعد يومين (اليوم لي كلكم تستنو فيه يوم عرس هانيبال ) _شهد: خشت هيا و شيماء كيف مروحه من المزين _امها:قعده مغيرتيش رايك و بتمشي؟ _شهد:لا و خشت تليس _شيماء:(خشت علي البنات لقتهم لابسين) مشاء لله واتين! _شيرين :وين شهد _شيماء :في دار تلبس تعرفو طلعت تهبل و زيدك الحمل محليها المزين كله شهق فيها _سندس:ماما كلمتني خوها بيرفعنا البسو بسرعه _شيماء:اني مَش مرتاحه بكل ربك يستر نرعش مع بعضي و مَشت تلبس . . طلعت شهد من دار و هيا لابسه كانو كلهم في صالون و جها كان ميتفسرش كلهم قعدو يشوفولها و سكتو _نعيمه:هيا خوي جي _ام شهد:بناتي في أمانتك نعيمه و خصوصا شهد و لبسو و طلعو . . . _صاحب هانيبال:جاهز يا عريس لي المرا تانيه تي من زيك و قعد يضحك _هانيبال:تعرف تصكر فمك و انت عارف كل شي!و المرا الاوله مايجي زيها حد (و بخ صنته و طلع) . . . _خو نعيمه :مشاء من البنيات لي معاك يا نعيمه _نعيمه :بنات جيرانه خوات سندس _شهد:كيف حالك يا خالي _خو نعيمه:كويس يا بنتي متزعليش روحك سيوره راجعلك نزوه و تمشي (شهد اكتفت بصمت ) (في صالة) (طبعت لما خشو خشت نعيمه طول و دخلت معاها الكروت و البنات علي المرايه قعدو و ضروري الخشوش بالكروت فلما جو بيخشو كلمتهم لبنت لي قدام الباب) _البنت :وين وين الكروت لو سمحتو(و حطت أيدها قدام شهد بي معني ماتخشوش) _شهد:شبحتلها شبحة استحقار من لوطه لي فوق و نزلت أيدها بستحقار و خشت هيا و البنات (و بما انه العرس كان العروسه و العريس واصلين خافت البنت و اكتفت بصمت) . . في طاولة _سندس:ملاحظين العيون كلها علي شهد _نعيمه:من الجمال تباركه رحمان رايحه كيف الغزال و هيا حامل ._شهد:ضحكت ضحكه صفره و ناضت _شيرين:وين _شهد :منمشي الحمام _شيماء_استني نمشي معاك _شهد:هني روحك مَش صغيره اني (و مشت و العيون كانو كلها عليها وقف علي المنظومة ) _شهد :ياحلوه نبيك في خدمه و حطلتها مية دولار علي طاوله . . . (و جي الوقت لي بيخش فيه هانيبال و لمياء) _المنظومه المتحجبة تلبس المتحجبة تلبس العرسان بيخشو _شهد قلبها يرعش و العيون تعبو دموع و لي زاد صدمها الاغنيه لي نفتحت و عيون خواتها و نعيمه عليها . ودوني على بيت حبيبي نعيش مع بعض فيه دا بقالنا مدة طوبة طوبة م الحب بنبنيه انا لابسة الطرحة ومش سايعاني الفرحة وانا وياه ارموا الورد علينا وباركولي بيه (ولمياءتحرك دير في باي و ابتسامه علي وجه هانييال) هسمع كلامه وتحت امره في اللي يقولي عليه وبأي شكل هريحه لو حتي يطلب ايه وان جبت منه بنت يارب تبقى شبهه وان كان ولد هدعيله يتربى بايديه بعد النهاردة محدش غيره ليه عليا كلام وان حد شافنا مش هيقول تلت التلاتة كام انا شايلة اسمه وفيه بقاسمه شريكته في الحياة _شهد :نفس الاغنية لي خشينا عليها في عرسي ؟؟؟؟ (عند العرسان رقصو شويه و صورو و قعمزو ) _شهد:دارته رنه لي المنظومة و ناضت _شيرين :ويييين _شهد:منبارك لي راجلي (و مشت و كل ما تمشي خطوة العيون لي تشوفلها تزيد من هادي البنت لي حامل و لابسه عريان و ماشيه لي العرسان هانيبال معنداش خوات ) (و لمياء كانت مصدومه و هانييال عيونه في شهد و شهد عيونها فيه) _شهد :مبروك يا خطافة رجاله و تأكدي اني الأصل ديما و مهما درتي مَش ح تكوني زيني (و تلفت لي هانيبال بصوت مخنوق من العبره طبست عليه مبروك حبيبي ملقيتش الا اغنية عرسنا دخلها عليها؟ الاغنيه هادي كلمتها يمشو معاي بس اني لي بنيت معاك حوشنا طوبه طوبه مَش هيا اني لي حامل منك مَش هيا تدكر كيف تقولي نبيها بنت و تشبهلك و ضحكت و اني نقولك لا نبيه ولد زيك و يشبهلك تقعد تضحك و تقولي منبيش ولد نقولك علاش تقولي نغار مرات تحبيه اكتر مني و باساته من خده و قتله ربي يسامحك و نزلت) و المعازيم كلهم مصدومين ؟؟ (و بدت الاغنيه ) و بدت شهد ترقص و هانيبال عيونه فيها دي القديمة ياماما تحلى وانا اوردي اجمل واحلى هيحبك على ايه ياحيلة امك دى كبيرك يطلع بيكى الرحلة انا عارفة انني كايداك وشعري مايبئاش على حرمة (و شهد تزيد ترقص بدلع اكتر) ان مافضلت على كذا كايداكي كايداكي تعباكي دنا فرساكي واهراكي (و تما الاغنية مشت تجري خدت عبايتها و ناضو روحو ) و خلو لي في العرس كلهم مصدومين (في حوش شهد ) _شيماء :بنتك خلت روحها رخييييصه اليوم _شيرين:شن الاغنية لي رقصتي عليها هادي شن العار هادا نبي نفهم _ماما :تكلمو و فهموني شن صاير _شهد :مدخلكمش مدخلكمش و تفجرت بكي مافيش حد حاس بنار لي اني فيها (وخشت صكرت علي روحها دار) يتبع |
#انتقام_عاشقة #الحلقة_5 (صبح ) ام شهد مقعمزه تفطر في حوشها و معاها نعيمه _ام شهد :قلبي مش مريحني خايفه البنت دير حاجه في روحها من امس مطلعتش من دارها _نعيمه:لالا ان شاء لله خير تو تهدا بروحها بروحها _ام شهد:ان شاء لله ربي يسمع منك تعرفي حتي البنات مايبوش يخلو أختهم و يمشو لي قراتيهم بسيف عليهم خليتهم يمشو _نعيمه :احسن مادرتي . . . شيرين :ايوا معتز في الكليه انت؟ معتز:ساعه تانيه و جاي _شيرين:باهي نبي نشوفك مضايقه نبي نحكيلك _معتز :والله يا شيري مَش فاضي منجي طول نركب المحاضره _شيرين:باه تمام براحتك و صكرت . . _شيماء:هي باي يا بنات اني مروحه _صاحبتها:خليك مازال في محاضره _شيماء:لالا هي باي راسي معاش قادر . . _نعيمه:الطف الطف شن طق هادا ؟ _ام شهد:ربك يستر خلي نوض نشوف منو _شهد:طلعت تجري مخلوعه ماما منو؟ _امها:اهو منشوف (و فتحت الباب لقاته هانيبال ) الطف الطف خيرك ياولدي هكي طق؟؟ _نعيمه :شن هبلت؟؟ _شهد:كيف بتخش دارها وقفها صوت هانيبال _هانيبال :خليك مكاااااااانك (بصوت عالي و مشالها و لفتها ليه بسرعه )متقوليش شن العار لي درتيه امس طبيعه انتي بعقلك في حد يرخص من روحه هكي حماره حماره انتي حماره؟؟و قعد يدفف فيها _شهد:حولت كصرتك من عليا حوووول (و دفاته) اني صار رخصت من روحي ولا انت؟؟؟؟ اما مصخ وجهك من وصلني لي المرحله هادي غيييييييرك يلي مَش رجل _هانيبال :(فنصص فيها و ضربها كفففف لي جت علي الحيط )جربي عاوديها يا مَش متربيه _نعيمه و ام شهد :اطلع يا ولدي خير ما تزيد المشكله بينكم من توا و لما تهدو بعدين ساهل _شهد: لا ميطلعش لين يطلقني المشششششش راجل شنوووو مششششسش راجل _و اهني هانيبال معاش تحمل و طاح فيها ضرب و هيا ماشده شي غير طلقني يامش راجل _و ام هانيبال و ام شهد معاش قدرو ينحو شهد من عليه كان زي الغول _لين شهد تهسترت و دفاته و فتحت الباب و نزلت تجري و نزلو هما يجرو وراها بس مع الاسف شهد من كتر ما تهسترت طلعت ع الكياس و كانت في سياره تجري نطرت شهد تنطير _هانيبال :شهدددددددددددددددددو مشي يجري . . _قداش مازال و نوصلو ؟ _مازال ننزلو في مطار برج العرب و منها مطار تونس و منها ليبيا _وووه تصورو ليا سنين عليها البلاد استاحشتها -بابا منمشو لي بلادي تانيه؟ _ايه حبيبي . . _شيرين:تعرفي يا حوبا قلبي يوجع فيا و مضايقه _رحاب:علي معتز اماله ؟؟ _شيرين :لالا بس مَش عارفه منوض نروح اني . . . _هانيبال :شهد حبيبتي شهوده نوضي و يخبط علي وجها _و امها تخبط و ام هانيبال ركبت تجري جابت وشاحات ليهم و قالت لي هانيبال تي بسرعه ركبها سياره البنت بتمشي منه _هانيبال:اه اه و ناض قامها (و مشو المستشفي بسرعه) _هانيبال:قايم شهد في حضنه و يجري بيها في المستشفي دكتوررر بسرعه نبي دكتورووووووووووور خدوها منه يجرو و دخلوها العمليات . . وقفت شيماء لقت شارع معبي و زحمه و هيا كيف نزلت جاه يجري جارهم _جارهم :شنو يا بنتي طمنيني علي اختك! _شيماء:من اختي يا عمي؟؟ _جارهم :شهد مَش ضربتها سياره ؟ _شيماء :شنووووووو و مشت سيارتها تجري و اتصلت بي شيرين _شيماء :الووو وين انتو في اما عيادة _شيرين :عيادة شنو خيرك شن في _شيماء :ش شهد ضربتها سياره قالو و قعدة تبكي _شيرين :شنوووووووووو(و شدت فرينو) و قعدت تبكي شو صارلها به _شيماء :منعرفش منعرفش صكري خلي نشوف في اما عيادة و اتصلت بي هانيبال _شيماء :معاهم انت؟ _هانيبال بصوت واضح انه يبكي في ....... _شيماء :به شن حالها؟؟؟طمني؟؟ _هانيبال :منعرفش و صكر عليها . . _شيماء :اتصلت طول بي شيرين و قلتها اما عياده و صكرت . . _شيرين:الووو سندس بسرعه الحقينا مصحة .....شهد ضربتها سياره و صكرت . . _سندس:الو الو (كانت في ساحه مشت تجري الإدارة ) _سندس:أستاذ احمد بالله عليك نبي ادن منطلع وقعدت تبكي _استاد احمد :باهي خيرك شن في _سندس:اتصلو بيا اختي ضربتها سياره _استاذ احمد :هوا ممنوع لكن نوضي تو نوصلك اني _سندس:به هي و طلعو يتبع |
#انتقام_عاشقة #الحلقة_6 بعد مرور اسبوعين _ اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت ربُّ المستضعفين وانت ربّي إلى من تكلني، إلى بعيد يتجهَّمني أم إلى عدو ملكته أمري إن لم يكن بك علىِّ غضبُُ فلا أبالي، ولكنَّ عافَيَتَك أوسعُ لي أعوذ بنور وجهك الذي أشرقت له الظلمات، وصلح عليه أمر الدنيا والآخر ه من أن تُنزل بي غضبك أو يَحِلَّ علىَّ سخطُك لك العتبى حتى ترضى ولا حول ولا قوة إلا بك يااااارب اشفي شهد ياااااارب ياااار انت تشوف فيها توا يارب نوضها بالسلامه اني بي غبائي خسرت ولدي ياااااربي متخلنيش نخسر حتي شهددددد يارب نوضها بالسلامه يااارب و انهار بعدها هانيبال بالبكي (عارفين لما تعرفو قيمة شخص لي عندك بعد فوات الأوان بعد ماتحسه ضاع منك بعد ماتعدبه و تجرحه و هوا كان حاط امله كله فيه و مدايرك سند ليه . بس هل فوات الأوان حق و هانيبال خسر شهد ؟ او مازال في أمل لي رجوعهم و تنوض شهد؟ ) . . _في مكان واااسع و كبييييير كأنه بستان لا مَش بستان هادا جنه ! كنت لابسه قفطان ابيض كله ورد ابيض زي ورد الي كان مالي البستان و كانت ريحته حلوووووه و اني نمشي في البستان هادا و مبهوره بيه لين فجاءه نسمع صوت حد يبكي و كل شويه يزيد صوت قعدت نتبع في صوت لين وصلت لي مكان كان مظلم عكس البستان لي كنت فيه في كل شي حتي في ريحه المكان هادا كانت ريحته كله دم و فجاءه صوت رجع تاني و كان صوت هانيبال يقولي شهد سامحيني شهد سامحيني و بيكي بعدين سكت و قالي ربي انتقملي منك و فجاءه شفت لي قفطاني ولا كله اسود من ابيض لي اسود! . . _شيماء:الو ماما اهو كيف منركب _ام شهد:ايه سلم بنتي ماتباتيش بروحك في الحوش ديري دورتك و اركبي مع سندس و نعيمه بسرعه سلم بنتي _شيماء :حاضر يا ماما تعشيتي انتي و شيرين؟ _ام شهد:ايه كيف جاب هانيبال عشي و تعشينا _شيماء :باهي صحيتين هي تصبحي علي خير سلام _ام شهد:و انتي من اهلو في حفظ الله سلام و صكرت . و كيف فتحت الباب شيماء بتركب شافت شخص مستحيل كانت تتوقع تشوفه!!! . . _سندس:(كانت تكلم في مديرها احمد طبعا مما رفعها لي شهد يوك الحادت بدّي يكلم فيها ديما و علي اساس صداقه )صح كلامك يا احمد بس شخص لما يتعلق و يحب ينعماء زي شهد كانت عمياء لي درجة معمرهاش فكرت انه عمي هانيبال يمكن يطلع من حياتها فجاءه و مع هادا متأكده انه عمي عنده اسبابه الخاصه انه تجوز عليها _احمد :أسباب زي شنو _سندس:منعرفش بس الي خلاني نقول هكي حالته بعد ما شهد خشت غيبوبه و ولده مات خش هستيريه لي توا فيها قاعد تي اجر غرفتين في المصحه خلي يقعد فيهم هوا و امها _احمد :مرات نادم عادي _سندس :لا متأكده مَش ندم و توا قولي شن درت اليوم . . . _شيرين : (طلعت قعمزت قدام الغرفه ورت علي معتز)ايوا _معتز:شن جوك يا شفشفه _شيرين :كوووويس _معتز:معقوله لا عاد تتصلي لا دوري تي استاحشتك _شيرين :لا عاد نتصل ولا ندور!!!حلوه حتي هادي اخر مرا كلمتك شنو كلمتك نبكي و نقولك اختي في غيبوبه و انت مكلفتش روحك بعدها تتصل تسأل حتي دقيقه و متصل توا بعد تلاته أسابيع و مسألتش زيادة !جو انت ره و صكرت عليه(و حطت أيديها علي وجها و قعدت تبكي) علي جيت هانيبال شافها تبكي جي قعمز بحدها _هانيبال :خيرك _شيرين : خيرني لا شي غر اختي بين الحياة و الموت بسببك _هانيبال :بسببي بسببي ناقص اني ماهو ناقص و قعد يخبط علي وجه . . _لمياء:شنوووووووووووووو طلقني _بوها:ايه (و ببرود اعصاب) غدوا توصلك ورقة طلاقك _لمياء:و انت عندك عادي بابا ؟؟سكتله كييييف هكي يطلقني بعد سبوعين _بوها:نعم نعم من الاول متفقين انه شهر و بطلقك خلي يستر عليك و بارك الله فيه هانيبال قعدتي اسبوعين معاه و مرته بين الحياه الموت بسببك _لمياء:هادا اخر كلام عندك يعني _بوها:ايه (و قعد ياكل ) _لمياء :به تو نعرف نتصرف و نقلع شوكي بي ايدي و خبطت علي طاولة و ناضت . . _شيماء :عمي و مشت تجري حضناته و قعدت تبكي _العم:اهلًا اهلًا بريحة المرحوم اهلًا بي بنت الغالي _شيماء:اهلين بيكم الحمد لله علي سلامه و سلمت علي مرت عمها و ولد عمها و ولده و قتلهم(تفضلو تفضلو) (عم شيماء اسمه محمد و متجوز و عمره 50سنه و مرته اسمها ناهد عمرها 46 عندهم ولدهم اسمه طاهر عمره30 طاهر متجوز و عنده ولد عمره سته سنوات و مرته ماتت و هيا تجيب) _عمي محمد:شنو وين خواتك و امك ؟استاحشت شهد و شيرين اما لكن انتي اكتر وحده الحق _شهد: ماما و خواتي في المستشفي _عمي محمد :شنو ؟؟؟؟ علاش ان شاء لله خير في حد منهم في حاجه _شيماء:ايه شهد اختي في غيبوبه . . نمشي في مكان كله ضلام في ضلام نمشي نمشي و نمشي و نمشي بعدين شفت هانيبال مقعمز و بحداه بيبي و يبكي و يبكي جيت قعمزت بحداه و خديت من البيبي و شديته من ايده و قعدت نمشي اني وياه و كل مانمشو يزيد الضي كل مانمشو يزيد الضي لين وصلنا و منطلعو لي لنور تلفت ملقيتش هانيبال معاي قعدت نتلفت و ندور فيه بس اختفي شفت لي ايديا لقيت البيبي لي في ايدي هوا هانيبال نفسه _. . _ام شهد :مَش عيب عليك يا شيماء تخلعي عمك طول كيف مروح يجي طول المصحه _عمي محمد :اني قتلها هادي الغاليه اهم حاجه تنوض بالسلامه بس كيف ضربتها سياره _ام شهد :كانت ماشيه دكان ضربتها _عمي محمد :ربي ينوضها بالسلامه يارب _كلهم :ياااااارب خش هانيبال _هانيبال :السلام عليكم _عمي محمد و طاهر :و عليكم السلام (و سلمو علي بعض و قعمزو و قعدو ساكتين ) _عمي محمد :بس يا مرت المرحوم مفروض تروحي انتي و شيرين قعدتكم بروحكم في المصحه غلط _شيرين :من قال بروحنا معانا خونا هانيبال و هي نستأذن طلعت و قعدت تقول مصحح وجه مروح بعد عشره سنين من أمريكيا و بيتحكم وقح بعدها شافت الممرضات و دكاتره يجرو في دار شهد مَشت لحقتهم تجري . . _طاهر :(مقعمز برا شاف شيماء كيف طالعه) وين علي خير؟؟؟ _شيماء:عفوا تكلم فيا؟؟ _طاهر: مافيش حد غيرك اهني! _شيماء :و شنو حضرتك تشوف فيا صغيره تسأل فيا وين ؟ و كيف بيتكلم طاهر جت تجري شيرين شهد ناضت شهد ناضت قلهم يجو و مشا تجري _شيماء :شنووووووو و لحقتها تجري و خش طاهر قلهم . . في دار عند شهد _عمي محمد :الحمد علي سلامتك يا بنتي _شهد :سلمك يا عمي و تلفتت لي امها من دفن ولدي و دموع عبو عيونها _ام شهد :بوه _شهد :وينه هوا ؟ _ام شهد :برا مقعمز _شهد :ممكن تناديه و تخلونا بروحنا! _امها:تمام (و طلعو كلهم و خش هانيبال) هانيبال:شوشتي حبيبتي و جي قعد يبوس في أيديها حمد علي سلامه سامحيني سامحيني طلقتها اني عرفت قيمتك و الله معاش نعاودها مستحيل مازال نتخلا عليك مستحيل _شهد :سامحتك بس يتبع |
#انتقام_عاشقة _الحلقة_7 _هانيبال :كنت عارف انك بتمىسامحيني اصلا اني وياك نحبو بعض و مستحيل نقدرو نزعلو من بعض _شهد:سامحتك مَش لأني نحبك!اصلا من قال مازال نحبك بعد ماقتلت ولدي ؟تعرف علاش سامحتك لانه يوم القيامة بيتلاقو المتخاصيمون يوم القيامة و اني مانبيش نشوف وجهك !لا توا ولا بعدين ولا حتي في يوم القيامة اني بديت نقرف منك تصور!!!اعععع جديات كرهتك _هانيبال:شهد شهد شن تقولي انتي تبصري ولا مستحيل تكوني انتي شهد نفسك مستحيل وين شهد لي تحبني وين شهد لي تسامح فيا وين شهد لي متقدرش تقعد يوم من غيري شهددد ارجوك متخلنيش ادكري كلماتك قبل مَش تقوليلي نستنا في لحظه الي بيقول فيها ربي يوم القيامة أين المتحابون في حلالي نسيتي لما نقولك لو حطولي مليون حور عين مستحيل نبدلك بيهم _شهد:و في لاخير بدلتني ههههه هانيبال ارجوك اطلع و خليني في حالي و ياريت ورقت طلاقي توصلني . . (بعد مرور شهرين) _عمي محمد :شن قلتي يا بنتي اهم حاجه رايك عندي و تعرفي قداش نعزك انتي بدات في خواتك هادا لاش اخترتك و حتي عمتك ناهد تحبك و تعرفي قداش علي يحبك _شيماء:مَش عارفه يا عمي اني مَش مفكره في جواز حاليا! و بعدين قرايتي _عمي محمد: طاهر بيحضر في ماليزيا و انتي اقري و متنسيش الأجر لي بتحصيله في عليوه و اني عندي تقه فيك هادا لاش اخترتك ام ليه تكوني و ادكري حديث سيدنا محمد عليه أفضل صلاة و سلام (انا و كافل اليتيم....) _شيماء :عليه أفضل الصلاة و السلام تمام عمي دير رايك _عمي محمد :يعني نقدر نكلم امك و اني واخد الموافقة _شيماء:(خدت نفس طوويل)ايه _عمي محمد :تمام معناها خير البر عاجله يا ام شهد يا ام شهد _ام شهد :(تلبس في بدلة صلاة) جايه جايه نعم يا محمد _عمي محمد :طالبك و ياريت متردينيش لانه بنتي شيماء وافقت _ام شهد :اعتبرني عطيتك قولي _عمي محمد :نبي نخطب بنتي شيماء لي طاهر ولدي شن رايك _ام شهد:شن تسأل فيا بنات خوك هما بناتك و بما انه شيماء وافقت عطيتك _عمي محمد :نقرو الفاتحه معناها _ام شهد :هي علاش لا _(اما شيماء كانت مصدومه متوقعتش تنحط قدام الأمر الواقع و بسرعه هادي يتم كل شي قالت لي عمها ايه في البدايه لين دور كدبه تتراجع بيها بعدين بس توا معاش تقدر أبداً) . . _طاهر:شنووو خطبلي شيماء تي علاش يا أمي علاش اني قتلكم اخطبولي وحده كبيره عاقله تقدر تربي ولدي مَش شيماء عيله عمرها 19هادي بروحها تبي من يربيها و كيف بتقدر تتحمل مسؤليه _امه ناهد :اسكت اسكت شن صغيره هادي اني تجوزت بوك عمري 16وفي عمرها انت عمرك سنه و بعدين تعاله جاي البنت خيرها حتي ولد متعلق بيها و بنت عمك اولا من الغريب تاخدها و تستر عليها _طاهر:غر شن تقولي يا أمي بالله عليك و معاش تقارني ارجوك لانه وقتنا مَش زي وقتكم _امه ناهد:هادا هوا توا و كلامك زايد ناقص بوك قال لي مرت عمك العرس بعد سبوعين قبل طيارتك بيومين _طاهر:شن هيا تي ناقص اني ماهو ناقص (و طلع قربع الباب وراه) . . . . _شيرين:لا مصدقه ياربي شيماء المفعوصة بتتجوز قبلي؟؟ _سندس:مووووووستحيل ياربي لالا مَش معقوله شن مدايره تحتك خلي شيماء تتجوز قبلي (و ساخو من ضحك) _شهد :ياسر حرام عليكم معاش تتسهوكو عليها لكن جديات العرس بعد اسبوعين؟؟ _شيماء :شن هيااااا _ماما:ايه ماهو خلي يلحقو يسجلو و من غدوا اطلعي خودي حاجات بسيطه و تاني يوم من جوازك بتسافري _شيماء:باهي معقوله يا ماما منتجوز من غير عرس ؟؟ _شهد:صح هوا ارمل معنداش علاش بس هيا شن ناقصها _شيماء:وجعتها الكلمه و سكتت _ماما:ما ناقصها شي لكن البلاد حرب ان شاء لله غر يسافرو هما و المطار ميصكرش _سندس :باهي منستاحشك (و قعدة تبكي و بعدها كلهم قعدو يبكو) . . _لمياء:وين وصلت في الخطه _قريب نخش في المرحلة تانيه _لمياء :خف روحك نبيهم يبعدو علي بعض بي اَي تمن _تي متفكريش يا حبي كان خليته مازال يشوف حتي لي وجها نولي مَش راجل. . _تعرف شن معني تكون من غير روح اني هكي يا صاحبي شهرين ليا منقدرش نرقد لين تجي في بالي لين نتفرج علي صورها لي تبعتلي فيهم بنت خوي كانت طلعت نقعد نراقب فيها بسياره استاحشتها استاحشت صوتها خوفها عليا _معاش حاولت تكلمها ؟ _هانيبال: لا _صاحبه: علاش _هانيبال:خايف تردي تاني _صاحبه :انت قاعد مطلقتهاش ولا _هانيبال:طبعا لا مستحيل تطلقها _صاحبه :خلاص حاول تكلمها حاول معاها جرب مرا و اتنين و تلاته خير ماضيع منك هيا توا مجروحه بس لكن قعده تحبك _هانيبال :هكي تقول ؟ _صاحبه :توكل علي الله و اسمع كلامي . . _شيرين: يا بنااات خايفه اخته في الفيس تدوي بتكبر يبال غدوا في طبيعه ولا زياده السبعة _شهد :بيكونو زي معتر دراهاات كبد _سندس:(جت قعمزت كيف كلمت ابتع تورتة غدوا تجيبهالك _شيماء :انتي قلتيله _شيرين :لالا قلت لي اخته يوصلو تقعمز هيا و خواتها و يكلمو ولد خالته يقرا معانه يجي هوا وياه بعدها نركب اني في الكافي و هكي _شهد:احسن حاجه الهدية في الموضوع كله و شرين تليفون سندس _سندس:(شافت المكالمه وجها ضحك و ناضت بعيد و ردت )الو حبيبي _احمد:مع مني انتضار كنتي؟؟؟ (ايه نفسه المدير احمد😂) _سندس:يؤبرني الغيور مع البنت ابتع تورته _احمد :اممممم باهي قوليلي . . _شيماء:خالتي ناهد نبي علي _ناهد:خشي هي في داره _شيماء:حاضر (و خشت لعباته و رقداته و كيف بتنوض خش طاهر ) _طاهر:متحوليش تلبسي قناعك الكداب ابتع الأم الحنون لي ولدي تمام؟ _شيماء :نعمممم؟ . . _شهد:الو _هانيبال:وحشتينييييي و حشتي هانيبال يا شوشتك يتبع |
#انتقام_عاشقة_الحلقة_8 _شهد :كانت تسمع في هانيبال و ساكته بس قلبها كان يقول في هلبا حاجات _هانيبال:شوشتي سمحه عمري بنتي مرتي بتقعدي ساكته (و سكت شويه بعدين قلها به انتي حرا حتي صوت أنفاسك ساد شهوده اني نحبكككككك اني شرحتلك أسبابي ساد زعل شهوده شهودتي _شهد :زعلان منك ليلة و قلبي يبيك عجل و صالحني و دورلك سبب لا تعتذر قول اَي شي و أرضي عليك عمر جفا يسكن قلوب تحب _هانيبال:قلبي يبيك يحبك و ميت عليك لا تحبني اقسي و أصد و قلبي يبيك و عيوني لو تطلبني عيوني تجيك شن لي تبيه و قلبي يبيك و بين ايديك _شهد :(بعد ماسمعت كلامه خافت تزيد تضعف و صكرت عليه و حطت راسها علي المخده و أعطت الأذن لي نزول دموعها ) _هانيبال:(فررحان بكلام شهد و حس في أمل ترجعله) . . _شيماء:نعمم؟؟؟ _طاهر :شافلها من فوق لي لوطه و طلع من دار _شيماء:خيره المريض هادا في حد يعامل خطيبته هكي؟؟؟(و ناضت روحت لي حوشهم ) . . _سندس:تسأل فيا نحبك ولا مراهقة لي نحس بيه و ماتبينيش نزعل جديا احمد انت؟؟؟ _احمد:عادي هوا مجرد سؤال و سألتك بحكم فرق العمر12سنه ره و لينا شهرين و اسابيع _سندس :اولا مَش بالعمر و اني طول عمري نحلم بشخص كبير نرتبط بيه و تانيا شن قصدك وهميه حبيتك في شهرين تمام احمد وصلت و نبي نصكر توا _احمد:سندس بلا حركات فرخات نهدرزو عادي احني _سندس:الله غالب فرخه اني ماعندك مادير _احمد:امممم تو نمشي نحب وحده كبيره احسنلي ولا _سندس:ايييه خير من فرخه زيني(و خنقتها العبره و صكرت عليه و صكرت تليفونها )وحطت راسها علي المخده و تبكي . . _طاهر:شيماء حلوه و صغيره و كويسه و بنت عمي لحمي و دمي حرام ناخدها هيا لانه مَش ح تشوف معاي خير اه وينك يا سماح ربي يرحمك ياااارب(سماح مرته الميته و ام علي ولده) . . _شيماء:زعما معجب بيا و يحبني بعد جواز ولا قاعد يحب مرته و ميقدرش يتقبلني اخخخخ ياربي كون معاي و ساعدني . . _احمد:اخخخخ شكلي اني طحت في الفخ مَش هيا و قعد يخبط علي وجه لا احمد رد بالك رد بالك . . اما عند شيرين مافيش احساس خوف مَحستش بيه كيف عاد بتشوف خوات حبيب القلب (الصبح) في حوش شهد (كانت صايره دوشة و حوسه من شيرين و مخليه خواتها واقفين علي رجل وحده) _شيرين:شيمااااء يا كلبه لبسيني العدسات بسرعه و ياااااااا شهد حددتي سوريه _سندس :اسكتي يا حيوانه خلاص ساعه 8 و انتي مدايره حوسه هكي كبرها باكشي بيخطبوك جاين يشوفو فيك ره بكشششه _شيرين:(ولا كأنه الكلام عليها)شهد عدساتي احلا و لا هادو _شهد:هادو احلا طالعين عليك و هيا وقت امتا يبدا تكريم في جامعه؟ _شيرين:10 حي عليا صح و ناضت تجري تلبس _شيماء:طقه اقسمممم بالله طقه و ناضت خلي نبدل منمشو المركز اليوم ولا شهد؟ _شهد :ايه نحطو سندس في المدرسه و نمشو المركز بعدها نروحو بيها و نخطمو علي شيماء و نمشو المحلات _شيماء:به هي نمشو نفطرو قبل مازال وقا لانه _سندس:معناها نركب نبدل (و مشت حوشهم ) _شيرين:(طلعت لي خواتها )شن رايكم ؟؟ (كانت لابسة تجاكيت حمرا خريفية حلوه تحتها بدّي مخطط احمر و ابيض بالعرض و سروال جلد اسود و سبيدرو ابيض و مدايره مكياج ترابي و فلو لي شعرها من لوطه كانت طالعه خرافه) _شهد و شيماء :مع بعض تهبلييييي _شيرين :بالحق _سندس:(كيف خاشه من الباب)تي باربي طالعه _شيرين:ههه به هي باي ادعولي و طلعت _سندس:هي نوضو حتي انتم (و ناضو طلعو حتي هما) تسريع الأحداث (وصلت شيرين الكلية و حضرت حفلة تخرج معتز و كانت متوتره اكتر منه و بعدها طلعت لي الكافي تستقبل خواته) . . _(اما عند سندس كانت طول الحصص تفكر في احمد و زعلانه منه بعدها قررت تنزله و تكلمه ) سندس:عفوا ابلة نبي الحمام _الابلة :تمام عندك خمسه دقايق _سندس: به (و نزلت لي مكتب المدير طول و باهي و لقاته بروحه) _احمد:نعم سندس خيرك في حاجه؟ _سندس:انت سألتني كان نحبك ولا مراهقه نبي نجاوبك _احمد :و برايك اهني مكان مناسب تجاوبيني فيه؟؟ _سندس:ماهو كلامي ضروري وجه لي وجه _احمد :معناها في المرواح نتلاقو في زنقه و نمشو مكان هادي و نهدرزو _سندس :به (و طلعت) . . في المركز (شيماء كانت دير في جلسات و ماسكات عرايس و استرخاء تام) (و شهد نفس شي لانه ليها فوق من اربعه شهور علي جو هادا) . . (عند شيرين و صلت الكافي بسرعه لانه كان قريب من الكليه و قعدت ترتب في المكان مع انه مرتب و حطت الهدية علي جنب لي عباره عن باقة ورد كبيره و البوم دكريات فيه كل ذكرياتها مع معتز و سبيلوات فضة و بوكس في ريحة و ساعة و خشت تستنا في خواته شويه و خشو بعدها) _شيرين:بي تلبك اهلًا اهلًا ( و قعدت تسلم عليهم كانو خواته 6 و معاهم وحده معرفتهاش)و قعدت شيرين تهدرز و تحاول تخش فيهم بس كانو متكبرات و يشوفولها في نضرات غريبه . . _ هانيبال :الو اهلًا يا عروسة _شيماء:اهلين بخوي القاطع _هانيبال:و راصك يا غاليه مشاكل خدمه _شيماء:ربي يعاونك يا غالي _هانيبال :باهي وين انتي توا _شيماء :في المركز اني و شهد _هانيبال:باهي لما تكملو و كلميني اخطمي علي محل... نبيكم _شيماء:تم يا قلم _ هانيبال : تشاو يا قدر. . _الو بديت في تنفيذ الخطه2 _لما تكمل تلقا في حسابك الفلوس _تمام ياحبي _باي _باي . . _عند (شهد كانت مقعمزه تمسح في رسايل لي يضايقو فيها كالعاده و مَش عارفه من منو)جتها شيماء _شيماء :شنو نطلعو _شهد :(تلبس في وشاحها) هي . . (عند سندس كانت مقعمزه مع احمد في سياره و متوتره و خايفه) _سندس:وين ماشي ؟؟؟ _احمد :حوشي اكتر مكان هادي _سندس :احمد بلا جو نمشو كافي احسن _احمد :مَش واتقه فيا _سندس:مَش واتقه فيك صار به برا هي (و شبحت لي روشن ) . . (اما شيرين كانت متوتره من شبحات خوات معتز لي كانو تفنيصاات مَش شبحات و خصوصا من البنت لي معاهم و شويه انقدها خشوش معتز و ولد خالته محمد ) _معتز : (متفاجئ )شن لم شامي علي البغدادي؟؟ (ناضت البنت لي مع خواته ) _هادي يا عزو صديقتك كلمت منار و مدايره حفله لي تخرج _معتز :شكرًا شيرين _شيرين:و لو مَش بينا (و تلفتت لي محمد)اهلين _محمد:اهلين شيرين _(و جابو تورته كانت روعة و عليها صورته و مكتوب مبروك نجاح و كلو و الأمور تمام) . . عند شهد و شيماء _شهد :خيرك وقفتي اهني _شيماء:قالو عنده مجوهرات حلوه هي انزلي _شهد :به (و نزلو و اول ما خشو شهد انصدمت من شافت في المحل و طول شبحت لي شيماء شبحت غل) . . (في شقة احمد ) _سندس:احمد اني طول عمري كنت فاقده حنان الأم و البو صح عمو و حناي مانقصو عليا شي بس مَش زي بابا مات و اني صغيره و ماما تجوزت و خلتني و من يومي وحيده تصور معمريش حبيت لا طفوله ولا مراهقة اما انت معرفتش كيف حبيتك من ماشفتك حسّيت بي احساس غريب و حلو و بعد ماعرفتك وليت نموت فيك مستعده نعطيك عيوني جديات حياتي ولت حلوه بعد ماخشيت فيها بديت نشوف فيك بوي و أمي و حبيبي و حياتي كلها و سكتت و شدت في ايده و قعدت تشوفله _احمد:شيرين مَش عارف شن نقولك بس اني... . . . _(عند شيرين كانت مَش مرتاحه في تقعميزه أبداً و حاولت تفتح موضوع ) _شيرين :عرفتي علي أسامي خواتك معتز _معتز:هههه به (منار .مروه.صفاء.منال.ميار .صافي) _شيرين :عاشت الأسامي و الحلوه لي معاهم _معتز:تسنيم _تسنيم :خطيبته _شيرين:؟؟؟؟؟ يتبع |
| الساعة الآن 02:19 AM |
Powered by vBulletin®
Copyright ©2000 - 2024, vBulletin Solutions, Inc.
