ملكة الشيخ ضاري الجزء ( 1 ، 2 ) للكاتبة/ سارة المجيد "عراقيه " (مكتملة )

[فيتامين سي]

#ملكة_الشيخ_ضاري

#بارت20

#بقلمي_سارة_المجيد

مساء الخير عليكم حبايب
🌹🌹🌹🌹🌹🌹🌹🌹🌹🌹🌹

امال برتباك ..سناريا اكلج شي بس لا تزعلين مني

سناريا عكدت حاجبها باستغراب كلتلها ..كولي

..
امال ..احم طبعا ادم دزني وكال عرفي اذا هي الها ايد بوكعتها لان ماصدك بيج انتي واكعه بحادث..

سناريا ..لا يانذل اني اله هذا الاجلح الاملح الهندي السوداني اني اعلمه ابن زهره الجلب اذا ماخليته يتندم ماتسمه بنت ابوي ..

امال ..هوب شبيج انفجعتي ..

سناريا ..اشش اسكتي خلي اطلع نار كلبي ..

امال ..انتي خبله شمالج وين عقلج شو كمتي تخبصين يمعودة ..

سناريا ..اوششش ولا حرف اريد انام ..
اخذت علاجي هي ظلت يمي تكركر وي اميره نمت وعفتهم كعدت واني احلم بثائر اوووف فدوة لطولة شكد فرق بينه وبين ذاك الاجلح الاملح امداه ..

حلمت جنت واكفه اني وراح نتزوج وفرحانين وكومه شغلات كعدت الساعه 10اله ثلث جوعانه حيييل ردت اكوم ماكدر باوعت واشوف نفسي شي ثكيل نايم فوكاي فزيت مخروعه عبالي ادم جان اشوف امال واميره ثولات دفعت امال ..

واخذت العكازه مالتي طبعا ماشتريت لان عندي من ذيج وكعتي اكو شي مشترك بين ثائر وادم اثنينهم كسروني اوف اوف هههه ..

باوعت لدرج وكمت اعاتب بي واكله ..صدك جذب يعني انت شلون تخليني اتزحلك وياك يعني اني خبله وانت شبيك غير انت العاقل بالله بعلي انت اخبل مني 😡..

يا شمالني اتسودنت من خررب حظي كمت اضحك ع نفسي خرب تالي ماتالي اسولف وي شي جامد رفعت رأسي واشوف عمامي واكفين مدري شيسوون ..

نزلت اشوف امي شبيها شسوي البيت سكته ماكو شي ظليت افتر بالبيت شربت جاي وشغلت التفلزيون ع mbc..طلعت مسلسل كوشي وارناف ..اسمه حب من النظره الثانيه ..ظليت اباوع علي طلعو حلقات الاسبوع كله ..

كعدت اميره وامال وسوون ريوك تركينا ظلينا ع تلفزيون مصار شي ..

بس العصر اجت بيبي ملكة وياها ثائر وخالو احمد سمعت بيه مكسوره واجت ..

لبست دشداشه وشال لفيته عدل وهاي المره رفعت شعري لفوك ..نزلت سلمت عليهم

ثائر ...من راحت حييل ضجت ماردتها تروح وخرب حتى ماشفتها طلعت الموبايل واشوف صورتها من رحنه لزياره ياربي قدرني اسعدها تستاهل بس هذا ابن عمها الكلب راح يصير مثل الشوكة بالزردوم شلون اتخلص منه ااااااخخخخ

جنت داشتغل ومصعد بالسيارة عبريه وهو طلعلي كسر عليه وكف اكبال سيارتي واشر انزل نزلت اله وكتله ...هلا ادم صاير شي

ادم ..بدون كلام ركعته بوكس شمرته بالكاع ...كتله بت عمي خليك بعيد عنها لا اكسر راسك افتهمت ..

ثائر ..كمت ع حيلي ولزمته من ياخته وضربته كلة بخشمه طك دم كتله ولك تضربني اني وحق رب الكعبة اجنزك معبالك اسكتلك يانذل

ادم ..كسر خشمي الكلب مسحت وجهي ولزمته من راسه كتله ادوس ع راسك هم مو بس اضربك ياناقص ومثل ماسعمت لا عبالك تصيرلك ...
هيه منهي عليها الي وتحلم سناريا تكون الك

ثائر ..نفضت ايده ودفعته وكتله انت واحد متخلف وين عايش وبيا عصر انت مخلوق ..

لك ياثور افهم عصر النهوه خلصصصصصص ماكو هيج شي وهيه تحبني وراح اتزوجها غصباً ع رأسك وراس اكبر واحد بيكم

ادم ..هه نششششوف يابن ال.....منو الي يفوز حبك لو حبي.

ثائر ...هه روح بابا روح سناريا الي هيه اختارتني الي ولو تموت ماتحبك لو تقبل بيك ..

ادم ..لا تكول اسمها ع لسانك احسن ماكسر رأسك يانذل ..

ثائر ..لك دنجب ع شنو شايف نفسك معبالك اخاف منك وحق الحق افنيك بكاعك ..

وانت كلتها الله وياك يلا يلا خلي نشوف رزق رب العالمين

ادم ..قربت منه وهمست بذانه ...بت عمي الي واني خاتم عليها 😏..

ثائر ...ششششششنووو
دفعته ومشيت ..من يومها ماظل عقل برأسي يعني شلون خاتم عليها يعني شلون ااااخخ رأسي راح ينفجر رجعت حتى ماعرف شلون اسوق او شلون امشي وصلت للبيت طبكت ع السريع وركضت خابرت خاله اسمهان من رقم امي ...

يرن يرن محد يريد خرب خرببببببببب ردي ..شويه وطلع محمد ..كالي اخذو سناريا مكسوره رجلها خرببب هاي يوميه كاسره روحها كلت لامي ورحت لبيت جدي ضاري اول ماطبيت ركضت لحبوبتي ملكة كتلها بيبي بيبي ..

ملكة ...الله اكبر

ثائر ...هسه وكتج اصلين
كعدت ع الجربايه انتظرها تكمل صلاة انتظر انتظر وانتظر ..

شويه وخلصت كبل كتلها ...بيبي سناريا بت خاله اسمهان مكسوره رجلها لبسي عباتج ويلا وياي ..

ملكة ..صلي ع محمد يمه هستوني خابرتهم كالو كلشي مابيهه وكسرها مو ذاك القوي ..

ثائر ...الله يخليج بيبي امشي وياي ترا نار شاعله بكل جسمي ..

ملكة ...خير حبوبه شمالك اعقل

ثائر ..دنكت وكتلها ..ماكدر حبوبه ماكدر وداعتج داموت ومحد حاس بيه ..

ملكة ...شو ارفع رأسك

ثائر ..رفعت رأسي وحجت الها كلشي جان تصدمني من كالت ...

ملكة ...سناريا خابرتني وكالت كلشي ..يمه هي تحبك ويمكن هي كسرت روحها لخاطرك البنيه من تحب توفي وماتخون بس ابن عمها مرعبها ..

انت صير حوك وروح لجدك ضاري يخطبها الك وداعتك مايرفضوله طلب ويتمنون هل شي ..

ثائر ...بيبي واذا آدم نهى عليها شلون فهميني ..

ملكة ...وانت موش غريب ابن خالتها يعني هم قريب واوله بيها ..

ثائر ...يعني اسوي نفس الشي ..

ملكة ...اييي حبوبه

ثائر ..وهيه راح تكرهني

ملكة ..لا راح تحبك ماتكرهك ..كوم سوي الي كتلك علي وبس

ثائر ...خوش حبوبه ..
كمت ورحت يم جدي ضاري دخلت اول شي سلام
سلام عليكم شلونك جدي

ضاري ...هلا وليدي وعليكم السلام ..

ثائر ..جدي جايك بطلب
سد القرآن وكام من المصلايه مالته وكعد ع المده وفر بسبحته وكال ..كول بويه اسمعك

ثائر ..جدي اني صغير لو كبير ..

ضاري ..هههههه جا جاي تسألني ع هاي اكيد جبير ..

ثائر ..ههه اي جدي اريد اتزوج

ضاري ..يييوم المنى ونشوفك عريس انت وخالك محمود
بس ياهي الي ابالك ملعون

ثائر ..بت خالتي اسمهان سناريا

ضاري ...وشتسوي ببت العالم ولك ..

ثائر ..مافهمت جدي شتقصد ..

ضاري ...بويه ثائر اسمعني البت سناريا ابن عمها رايدها والشيخ سالم ماينطي بناته للغرب صح احنه اهل وبينه مره بس بويه نبقى غرب عنهم ..

ذاك اليوم جايهم شيخ من شيوخ المعروفه خاطبها رافض عبن ياجدي ماينطي بناته كلهن لكرايب ..

وانت صح ابن خالتها بس عدها ابن عمها اولى بيها ..

تريد تخطب هاي بت خالك محمد نور ابنيه مزيونه وحلوه اخطبها الك واذا مارايدها بنات عمامك هم مامكسرات ..بجمالهن وادبهن ...

ثائر ...جدي يعني سديتها بوجهي جدي اني احبهه ورايدها وماتخايل غيرها تصير حرمتي بيوم اترجاك جدي شوفلي حل

ضاري بثقه ...أسمعني وانه وابوك انه انطيك كاع يابسه شهر اريدها تخضر تكدر

ثائر ..شلون جدي مستحيل

ضاري ..شفت ياوليدي انت ماتتقارن بابن عمها رجال شاغول وعنده محل وراتب وفوك كل هذا ضابط بويه وانت مامخلص حتى الخامس اعدادي ..

من تحب لازم توفر الحياة للي اتحبه انت عايش ع فلوس ابوك ..ولا تكلي اشتغل تكسي شغلة التكسي ماتوكل عيال ..

ثائر ..فهمت جدي ع أمرك ..حسيت بداخلي كسرة مدري شلون تنجبر كلام جدي حسسني اني عاجز ومو كفو اخذ سناريا وادم احسن مني يكدر يعيشها بنعيم

ضاري ..بويه ماريدك تضوج وتتكدر بس وحك كفيل زينب انه اريدك تفهم الزواج موش حب وغراميات الزواج حياة اثنين وبالمستقبل اطفال ومسؤولية ...فكر بكلامي راح تشوفه عين العگل ..

ثائر ..كمت وبست رأسه وكتله ..الله يخليك النا ولا يحرمنه من ظلك جدي ..
طلعت ورحت لصديقي كرار
(الله ياخذه كون ..هل انسان الي راح يدمر حياتي )..
كعدنا ع الشط وحجيت كلشي اله ...

كرار ...اني اكلك شي بس الله عليك بيناتنه ..

ثائر ...خير ولك كول

كرار ..تعرف صاحبنه هذا مروان

ثائر ..ايي شبي

كرار ..ابو تاجر جبير شنو رأيك نخطفه ونهدد ابو حتى ينطينه مبلغ جبير وهم انت تاخذه وتزوج حبيبت الگلب وانه اخذه وأسافر ...

ثائر بصدمة ..خربببب شنو اتسودنت شمالك دروح عمي لالا ماكدر مستحيل شنو اصير مجرم تالي عمري دسكت بابه

كرار ..ولك شبيك اثول هاي لمصلحتك ومصلحتي

ثائر ..كتلك ماكدر ياخيييي شايفني ..مجرم

كرار ..ترا كتلك خلي نخطفه مو نقتله شمالك ..

ثائر ..حتى لو نفس الشي
اني كايم بعد ماظل وكت اتاخرت ..

كرار ..فكر بكلامي راح اتطك طكه للسماء 😉

ثائر ..عود الله كريم
عفته ومشيت بسرعه للبيت ....
خرب بعمي اذا صدك يريد اخطف ولد والله يالله ..ع تالي عمري اصير مجرم

ثاني يوم واني افكر بكلامه شنو اخطف لا مستحيل لالا اكيد مستحيل كعدت الصبح سبحت وبدلت لبست قميص ازرك وبنطرون اسود اجت زينه وكالتلي

زينه ..ثائر عندي موضوع وياك

ثائر ..خير ياطير شنو موضوعج 🤔

زينه ...شوف يابن امي وابوي ياخوي وياحبيبي وياروحي وسندي وووو

ثائر ..هههههه هوب هوب بلا لواكه احجي من الاخير

زينه ...امداك مو صوجك صوج الي تمدح بيك ..المهم

ثائر ..يلا احجي بلا هل شغله الماصخه ..

زينه ..اووف اسمع صديقتي مروه ناسيه تشوف النتيجه مالتي وهي تكول ناجحه ومامتأكده متاخذني للكليه هي شغلة نص ساعه ونرجع مانتأخر ..

ثائر ..اعذريني ماكدر اريد اروح اشوف خبلتي مكسوره ..

زينه ..لا ثائر عفية فدوه

ثائر ..وداعتج ماكدر اني كوه قنعت بيبي ملكة تروح وياي وهاي امج أساليها ..

زينه ..خرررب شلون هسه بله ..

ثائر ..اممممم زين خلي امير يوصلج

زينه ..ليش هو امير باقي بالبيت هم مثلك يشتغل ..

ثائر ..ماشي لعد اوصلج ومن نريد نطلع ارجعلج اوك ..

زينه ..اي هيج من البدايه ..

ثائر ..كامت وكتلها بسرعه حضري روحج شو هاي ماصدكت ركضت حضرت نفسها ومشينه ركبنا واخذت سيارة مالت عمي عدنان احسن وبيها تبريد ..

وصلت لبيت جدي ضاري دكيت هورن طلعت بيبي ملكة وجدي ضاري وياهم خالي احمد كلها ركبت ومشينه

طول الطريق يسولوفن واني بالي كله بحجي كرار وحجي ادم يعني شسوي يااللهي وين انطي وجهي كل هذا العز الي عندي واخطف ليش شنو مصيري بالاخره ..

بس شلون احصل ع سناريا شلون ابن عمها كادر واني لا ..اكيد هيه راح تفضل ابن عمها علي بس اذا هيه من البدايه رايدته ليش حبتني وخلتني اعشكها اووووف بقت هل افكار تتلاطم براسي ماعرف شنو بيدي اسوي ..

وصلنا للكليه كالت زينه هي نزلت وكتلها ساعه لو ساعتين اجي اخذج ..

مشينه وصلنا لبيتهم لكينه يمهم خطار جدي ضاري نزل يسلم وهو وخالي واني دخلت السياره بكراج البيت خالي حسين ابو سناريا ..

نزلتها ودخلت لبيت سلمت ع خاله اسمهان والجهال
كعدت وبيبي ملكة كالتها ..

ملكة ..جا يمه سناريا وين

....

في مكان اخر .

زينه ...طلبت من ثائر يوصلني لان مروه مشافت نتيجتي وماعرف شنو درجاتي وصلني وراح هو وجدو وخالو وبيبي لبيت خاله اسمهان ..

دخلت للكليه شفت عدد قليل من الطلاب ومن ضمنهم أيسر خرب حظي شكو جاي يمعود ..اوووف شكد اكرها

مشيت لاستاذ مروان دكيت الباب سمعت صوته وهو يكول ادخل ..

زينه ..السلام عليكم استاذ ..

أستاذ ..اهلآ وسهلآ شعجب اجيتي بس ماكو دوام لشهر ال9 ..

زينه ..اعرف استاذ اجيت اخذ درجاني

استاذ ..صار اكثر من اسبوع من تم توزيعها

زينه ..كان عندي ضرف ومكدرت اجي

استاذ ..ولا يهمج اتفضلي بنتي هاي سجل الدرجات دوري أسمج وشوفي بنفسج ..

زينه ..شكرا استاذ .. اخذت ادور لكيت أسمي الحمدالله ناجحه ..

رجعت السجل وطلعت جان انصدم بأيسر اتفاجأت بشوفته طبعا ايسر يصير زميل
وياي بقسم مرحله خامسه طب عام ..

القسم مالته كلها تعرفه ابو بنات لان حلو وهو من نوع الي يخلي البنيه برأسه وغصب عليها تجي اكثر من مره تكلم وياي علمود نسوي علاقه طبعا اني رفضت هذا شي مو من طبع بنت الشيوخ الي تنزل رأسها ..

حتى اكو مره سمعت مروه تكول يسحب البنات اله وياخذهن لشقق ويغتصبهن او بأرادتهن لذلك دائما اكون بعيده عنه ..

ابتعدت من هاي الجهه طلع بوجهي بهاي الجهه ..

زينه ..بس عفوا ممكن امر

أيسر ...الله شكد مؤدبه

زينه ..عذرآ منك بس خلي أمشي ..لزمني من ايدي حييل وقربني منه وهمس

ايسر ..واذا ماخليتج🙄

زينه ..كاعده اكلك ابتعد لتخليني اتصرف وياك غير تصرف

أيسر ...ليش يا حلوه مو كافي انماطل خلي نضوك نعمة ربي شويه

زينه ...انت واحد قليل أدب وماتستحي ..كمت ضربته راشدي ودفعته ..وكتله اسمعني زين لا عبالك اني سهله والله وستر امي اعرف شلون اخليك تندم ووتنعل الساعة الي وكفت بيها كدامي عفته ومشيت ...

أيسر ..اني الج والله لكسرج واخلي اهلج يدفنوج بالحياة ..

زينة ..هه 😕ماهتميت لكلامه او خليته بالي طلعت من الممرات ورحت للحديقه اتصلت ع ثائر مارد وانطاني رفض خرب مو وقتها طبعا صورت درجاتي ذلك دخلت ع صور وشفت كم شغله اوف عندي درجتين موزينه يلا نعوضها ..

شفت جايتني رساله من صكر عفته مارديت رجعت اتصلت ع ثائر هم مارد اووف مناك ..ماعندي نت بالخط والرصيد خلص ع ثائر نعله ع ابليسك ثائر شلون بلوة ..

.....
صكر ..كاعد بالمقر وعيني ع الموبايل هاي شكو اليوم لا اتصلت ولا دزت مسج صاير شي رفعت رأسي وتجيته ع الكرسي وافر بي هسه هي تحبني لو لا اخخ من بت حيدر لعبتي بيه لعب ..

كون اكدر الزمهه واعلمها الحب شلون يصير ..
رجعت اتصلت اخر اتصال بالنت ساعه كامله يعني وين راحت اتصلت ع الرصيد ردت يالله ..

زينه ..ظليت كاعده بالحديقه وحايره بزماني ..ياربي اتصل صكر ع الرصيد بسرعه رديت ..هلا بحضرت النقيب

صكر ..هلا بيج

زينه ..ممم شلونك

صكر ..مو زين وانتي

زينه ..أفه أفه ليش

صكر ...ههههههههههههههاي وتعرفين تئفئفين ..

زينه ..لعد بس انته 🙄

صكر ...هههههه وين انتي

زينه ..بالكليه

صكر ..شتسوين اكو احد وياج

زينه ..بلا وعي كتله ..لا وحدي وثائر اتصل علي ميرد والكليه بلشت تفرغ

صكر ..انصدمت من كلامها خرررب صدك جذب كمت من مكاني وكتلها ..ششششششنو

زينه ..عضيت ع لساني
وكتله ..اقصد اكو المعيد والعميد والدكاتره نصهم ..

صكر ...وانتيييييي بنصهم مو جاييييج جايييييج ...

بسرعه نزل يركض صكر مثل الصاروخ عبالك ..طلع من المركز وكلها تضربله تحيه باوع ع الشرطي وكله الجكساره السوده انطيني سويجها شمر اله السويج وطلع وهو يتوعد لزينه اكليها خايبه ...

زينه ...ماعرف شبيه نثولت ثول مو طبيعي هسه خاب اله اكله امداني امداني ..رفعت رأسي وشفت ايسر جاي ويا شله مالته وياهم سوسن ..خرب انه لا ياربي ..شسوي جاي شسوي ...

أيسر خله رجله ع كرسي وسوسن كعدت بصفي وكال ..اييي ياحلوه تعاي نطلع عدنه خوش مشوار

زينه بثقه ...كتلك وخر منا

أيسر ..ههههههههههههأييي

سوسن ..شبيج حبيبتي ترا كلنا سوه ميصير شي

زينه ..درت وجهي وكتلها ..شتسوين جايه انتي لو بيت اهلج مكفاج جاي بالكليه اتسوين الحرام ...

سوسن ..ههههه اوي اوي ترا تقهريني بهذا كلامج كومي يلا ويانا ..

زينه ..اتركي ايدي لا افضحج

سوسن ..شو ماتركهه شسوين ..

زينه ..اصرخ والم ناس عليج وخلي الحرس يعرفون يربوكم ..

أيسر ...هههههههه بالله وينهم الحرس ياحلوه ترا كلهم يرشون ..

زينه ..كلبي صار بحضني من الخوف وادعي القوه وادعي بكلبي تعال صكر تعال وين صرت خررب انه جسمي كام يرجف كمت اطكطك من الخوف ...
جان عندي ترمشيه وحده فا بسرعه ضغطت ع رقم صكر ..

سحبني ايسر من ايدي و وكفني بطوله دفعته عني وكتله ..ايييياك تتقربلي وخر عني لا اطيح حظك
ضليت ادفع بي وهو يريد يملص ايدي ماحس غير ع أيسر وهو ينشال ويركع بالكاع وكل الي ويا شردو وسوسن ماعرف تصنمت بمكانها لزمت ايدي افكر بيها رفعت عيني واشوف !صكر !!..يممه فدوة لطوله بعد روحي نقذني من هل نذل

صكر ..انتي بخير خو مابيج شي

زينه ..ها اي شويه توجعت ..
صدمني تصرفه سحبني كبل لحضنه ونفسه حار حيل ع خدي يضرب بسرعه كال امشي اوصلج

زينه ...لالا راح يجي ثائر

صكر بعصبيه ..انعل ابو ثائر شبيج امشي اوصلج

زينه ...هاييييي شبيك

صكر ...انتيييييي شنو من طينه انتييييي بشر رحمه لاهلج لج اني بني ادم حبيييييتج وعشكتج وكتلج اجي اخطبج كتيلي لا كتلج حبيبني ييييييي بس ماكو أيست منج خلاصصصصص ترا كرامتي فوك الكل ...

زينه ..اني ماسويت شي غلط كتلك اريد اكمل دراستي وانت وافقت بعديش هذا الحجي

صكر ...منو الاهم دراستج لو اني

زينه ..صفنت ياربي شنو أجاوب ..

صكر ...زينة جاوبي منو الاهم اني لو مستقبلج

زينه ..سكتت

صكر ...رجعت سئلتها زينة انتي تحبيني

زينه ..ظليت ساكته

صكر ...كولييييي

زينه ...ماعرف ياربي خاف اتقدم خطوه واخسر كومه حايرة يالهي شرد علي اوووف

صكر ..خلص هاي هيه وصلني جوابج ...

وللحكاية بقية ..

سأبقى قويا لوحدي، وسلاماً على من راق له الابتعاد.

يتبع ...

#تنويه ....حبايب انتظروني ساعة بل10 بالليل راح انزل بارت 21 مال باجر لان تعرفون باجر العرس ومالحك .... مو تنسون باجر ماراح انشر اليوم راح انشرو البارت ...تحياتي

#سارة_المجيد

[فيتامين سي]

#ملكة_الشيخ_ضاري

#بارت21

#بقلمي_سارة_المجيد

مساؤكم عسل صافي غوالي

🌸🌹🌸🌹🌸🌹🌸🌹🌸🌹🌸🌹🌸

الـخطيئه الـوحيده التي لن أغـفر لـ. نفسي بـ أرتكاابهاا "
أني تركت طفولتي وكـَبرت ...

صكر ..خلص هاي هيه وصلني جوابج ...

زينه ..باوع عليه بنظره مانساها لو اموت ظل يباوع عليه مثل الي يريد يحفظ ملامحي اريد اكله لا تروح اريد اكله احبك ..اريد اكوله انتظر خليني احجي بالكلبي

بس اكو شي يصدني عنه ماعرف شنو هو ..كول ماحاول اكله احبك كلبي يمنعني مثل الي يحذرني من شي دفع ايدي الي كان لازمها وكال كلمه لحد هسه ترن بذاني ..

صكر ...الله يوفقج وي الي التحبي بس كلبي هذا وأشر ع كلبه ..ماحب ولا راح يحب غيرج بس انتي الخسرانه ...لان لو تدورين بكل الكون مثل حبي الج مراح تلكين ..اشوفج بخير



زينه ..مشه وعافني صافنه علي كعدت من طولي واني اشوفه يمشي ردت الزمن يوكف وما خلي يجي خليت اديه ع وجهي احس بوجع بنص صدري ياربي شنو احبه ليش ماكتله ليشش يارب ..شبيه شنو هل الشي الي يصدني وميخليني اكوله الي بخاطري والي اشعر بي

شويه وتصل ثائر مسحت دموعي وكمت عدلت نفسي ورديت بسرعه
كتله ..يول وينك صار ساعه منتظرتك

ثائر ..هوب هوب شبيج كتلج ساعه واجي بعدين شبي صوتج جنتي تبجين بس لا رأسبه ..

زينه ..فال الله ولا فالك ماكو شي بس هيج شركت بالعصير واختنكت

ثائر ..اهاا ديله طلعي يم الباب الكليه انتظرج

زينه ..خوش جاية
كمت ومشيت بخطوات ثكيله يارب ماعرف احس نفسي !خسرت شي يالهي شنو الي مضموم الي شنو يارب ..
دخيلك رحمتك ياربي ...

طلعت شفته بالسياره ويا بيبي وجدو وخالو صعدت وسلمت وسألت ع سناريا كالو مابيها شي ...

وصلنا للبيت بسرعه ركضت للغرفه شمرت نفسي وبجين بقهر كنت كوه لازمه دموعي لا تنزل طلعت موبايل اريد اتصل بس كرامتي وغروري وكبريائي كلها وكفت ضدي وما تصلت ...

وهنا بلش الحرب الحقيقيه بين كلبي وعقلي والدنيا كلها ..بلشت اعيش حياة بس ناقصها طعم الحبيب كول يوم باليل اشوف صوره بالفيس ينشر شغلات هواي ..كلها اشعار حزينه وتقهر واني اشوفها ينمرد كلبي اوووف شسويت اني شصخمت امداني شكد ثولة وماعرف اتصرف ضيعت صكر من ايدي ...

مروه تتصل وتكلي روحي اتنازلي عن كبريائج و روحي حاجي يمعوده الدنيا متسوه نزعل الحبيب وانتي تحبي ..

زينه ..ماكدر مروه ماكدر صعبة والله

مروه ..لا حب تكدرين والله تكدرين صدكي انتي خسرانه.

زينه ..انسي ياختي مستحيل

مروه ..اني انسى وانتي انتي معقولة تكدرين تنسين ؟! ماعتقد لان انتي من البدايه تحبي وهو قدم الج الحب ..

انتي مسامعه عنهم هذوله الي بالشرطه عدهم المره جسم غريزه وبس يكضون حاجتهم وبس ..

اما هو رادج بالحلال وكم مره كالج اريد اجي اخطبج وهسه شنو صار ..

انتي خسرانه + انتي غبيه ضيعتي قسمتج ونصيبج بس ماعرف اذا انتي من الأساس عندج عقل انتي شايفه اخوانه اويييييلي لج اخرب او اموت ع خقلتهم كولهم حلوين ..

زينه ..هسه اخوانه شكو بالنص ..

مروه ..يركصون هههه

زينه ..اوف اسكتي احسن مالي خلك لشقاج والله

مروه ..تريدين احجي ويا

زينه ..لا ماريد بعد بس شهر ويبلش الدوام ..

مروه ..اوف لا ذكريني مالي خلك

زينه ...ليش شعندج

مروه ..انتي ناسيه خالو هاي الايام عرسه هو ابغداد والله حالتي ماتسمح لا عرس ولا بطيخ ولا دوم

زينه ...الي يسمعج يكول سفينة حياتج غاركه بنص المحيط الميت ..

مروه ..ههههه اي يمكن صدوك ولج شصار ع موضوع اخوج وي بت خالتج ..شنو شنو أسمها اها ذكرت سناريا ..

زينه ..انرفض ياحظي ابنيه عمرها 14 سنه منو يقبل يزوجها والاضرب من هيج ابن عمها رايدها ويكولون ناهي عليها ..

مروه ..يبوووو اوف اوف خطيه وهسه شراح يصير ..

زينه ..يمكن او الله اعلم جدي يزوجه

مروه ..خاب كمييييييي جدج بيا عصر ماطول يحبها لو يجي الحمزه ابو احزامين مايتزوج غير حبيبته شلون اله نفس بغيرها خطية والله حرام تفرقوهم ..

زينه ...اوووف كلمن ضيمه شكل يله ولج مروه تعبانه يلا باي ..

مروه ..براحتج ...يلا بيباي ..

زينه ..الله وياج
سديته منه فتحت خانت الصور المحذوفه وطلعت صوره كمت اباوع عليهن واعاتب كلبي وعقلي واعاتبه لحد مانمت .......

.......

في مكان اخر ..

سناريا ...نزلت سلمت ع بيبي ملكة وع ثائر وكعدت وبيبي تحجي عليه بس هيه حرامات مالكفتهه هههه خطيه ..

ثائر يباوع عليه من جوه ليجوه بس نظرته نظرة واحد مقهور ونفس الوقت عصبي ماعرف شبي شويه واجه ابن عمي صغيروني اوس كال يلا امشو الشيخ ضاري يصيحلكم ..

امي ماقبلت كالت خلي اروح اشوف جدج لبست عباتها وطلعت واني هم ظليت وحدي وصلت لباب نسحبت من ايدي رفعت رأسي شفت ثائر ..ابتمست وكتله ..خير

ثائر ..مسودنه شلون مكسوره ولج ..

سناريا ..لخاطر عيونك كولششش أسوي

ثائر ..شنووو مفهمت شدخل كسرتج بيه

سناريا ..لان احبك

ثائر بفرحة مسايعته ..ولج شششنو شكلتي عيديها بروح ابيج

سناريا ..ضحكت وكتله احبك

ثائر ..خرب بيومي ولج انتي مالت كرط هسه ..بوووية ممصدك ولج اتمنى هسه اخذج واطير بيج وماخلي احد يشوفج غيري ااااااخ سنورة شكد احبببببج واعششششقج

سناريا ..ههههههه اويلييييي يابه

ثائر ..ع كبري

سناريا ..أسم الله عليك ياروح سناريا

ثائر ..هههه لالا هواي عليه هل شي ولج انتي مصيبه مالت اكل ..
جريتهه وبستها من خدها ماكدر اطور البوسه اكثر ..اخاف عليها من نفسي ماكدر الوثها وهيه طاهرة وبريئة ولا اكدر اتجاوز حدودي وياها بس بستها اتذكرت كلام ادم 😣...

كتلها ..سناريا شنو بينج وبين ادم ..

سناريا بنظرة استغراب ..شنو بيني وبين الاجلح الاملح هذا كولشي ماكو غير بس العركات والمكافش اوووع

ثائر ..ولج لا تاكلين بعقلي حلاوه كتلج شنو بينج وبين ادم احجيلي

سناريا ..صدك مابيني وبينه شي بس ليش تسأل ..

ثائر ..حجيت هيج خوف عليج

سناريا ..اممممممم امبين تخاف كولش

ثائر ..هههه يعني اراويج شلون اخووف ..

سناريا ..لا لا يمعود

ثائر ..يلا لعد باي

سناريا ..الله وياك
طلع وسديت الباب وراه كعدت اريد ارتاح شويه والله مليت ...من كعدت البيت والله ملل ياربي ..
مر كم أسبوع واكضيها سهر وي ثائر ع الموبايل وادم ماشفته ولا شافني لان كله حابسه نفسي بالبيت ما اطلع حتى للحمام من اريد اطلع اخذ اميره وياي ..

بلشت العطله تخلص وماكو شي جديد اله بيوم خابرت ثائر هههه
الوووو

ثائر ..هلا كلبي شلونج

سناريا ..اممممم زينه وانت

ثائر ..هسه من سمعت هذا الصوت صرت احسن ..

سناريا ..كليبي 😁

ثائر ..عيون كليبج

سناريا ..امممم شطلب تكول تم وحاضر ماشي

ثائر ..اي اكيد انتي تأمرين امر

سناريا ..فدوة لعمرك حبيبي مايامر عليك ظالم ..اريد اطلب منك متعوفني بيوم ونظل اني وياك واحد ..وتبقى انت نفسي وروحي ..

ثائر ..افيشششش ولج رويحتي انتي وكلبي اريد اكلج احببببببج عميييي اعششششششكج عششششك مجانين ولج يابنت الناس دولبتيني من جنتي طفلة وكبرتي كدام عيني تعلقت بيج اكثر ولج انتي بنية كلبييييييييي اريد اصرررررخ بعلو صوتي واكول احبببببببببببببببببج ..

سناريا ..عززززه كام يصرخ بصوت عالي واني اضحك من الفرحه 😂..ولك ثائر ..وين انت

ثائر ..اني انيييي لج اني تايه بدونج ولج شوكت تصيرين بحضنيي واكسر ضلوعج بحضني ..وادفنج دفن واعمي عين العالم عنج شششششوكت بوية

سناريا ..قريب ياروحي ان شاءالله قريب

ثائر ..احبببببببج مسودن بيج ياعشقي انتي ..

سناريا ..يااا عززززه ع كيفك ..

ثائر ..ههههه ولج اني مشتعل بيج وانتي تكليلي ع كيفك خايبة متسكتين خليني اطلع الي بكلبي ..

سناريا ..ميصير ولك اخاف عليك ..مضر ع صحتك هذا الحب ..

ثائر ..هههه مضر شنو ولج انتي العافيه مالتي ..

سناريا ..هههه احبك

ثائر ..اموت عليج يابعدي ..

سناريا ..اوف

ثائر ..اسم الله شبيج ياروحي ..

سناريا ..خايفه من ادم حييييل صار فتره ماكو وهو كول مايغيب تصير مصيبه ..

ثائر ..مالج دخل بي وشيريد يسوي خلي يسوي اني ابن خالتج مو غريب عنج اني هم اوله بيج ..

سناريا ..ماعرف ثائر بس خايفه منه

ثائر ..انتي الي اليييي مو لغيري افتهمتي ..

سناريا ..متعوفني ابد ..

ثائر ..مخبل عاقل اعوفج شبيج بوية ...

سناريا ..اي عفيه 😊

ثائر ..كليبي يلا روحي نامي تأخر الوقت ..

سناريا ..ماشي حبيبي ..يله باي تصبح ع خير ..

ثائر ..وانتي من اهل الخير ...

في مكان اخر ..
.....

أمال ...عمري كله مارتاحيت ..عندي امي وحده قاسيه حيل متعرف تتفاهم كول مره تاخذني بالعياط والصريخ ومره تضربني وتحب تكرب فوك رأسي كراب مو طبيعي شغل البيت تمشي ع رأسي ..

مع العلم احنه عايشين وي بيت جدي يعني اكو مره تجي الصبح تنظف والعصر تروح وحتى تطبخ بس امي تكول اريدج سنعه حتى تصيرين خوش مره تعرف كلشي ...

جنت اغار من دلال عمي حسين لسناريا وأميره مافد يوم شفتهن اشتغلن مثلي او حتى شافن الي شفته وصلت صف رابع وامي بطلتني بحجة اول وتالي تزوجين شتسوين بالمدرسه ..

بس بنات عمي كملن مدرسه وكضيت عمري اتحسر ع ابسط الشغلات لحد ماكمت ..

احب ابن عمي أدم حبيته بس هو يحب سناريا وحتى نهى عليها اله ظليت حتى بهاي حسره بس هي ماتحبه ولا تريده ..

من عرفت راح يعقد عليها متت من قهري وكمت ابجي ع حظي دخلت امي وشافتني ابجي بيومها حجيت كلشي الها من ألف لل يأء ...

ام امال ..جا انتي ماكتيلي من البدايه

امال ...يمه شراح اتسوين

ام امال ..لا تخافين يمه ادم مايتزوج بس انتي ..

امال ..بس يمه انتي سمعتي كلام جدي

ام امال ..جا انتي ثوله مالج شغل ومسحي ادموعج واني اعرف شلون ادبرها ...

امال ..طلعت امي من الغرفه مسحت دموعي ..
وظليت ابجي ..

سناريا ..نروح لعمتي ام امال ..بيوم 5 من الشهر لبست عباتها والدنيا ضهر جنت طالعه للمدرسه ﻷن بلشت صحت وراها ..عمه عمه هاي وين رايحه ..

عافتني ومشت مثل الي مضيعه شي وتخاف يعرفون عفتها وغلست طبعا اميره نجحت لصف الاول متوسط ..وكلنا فرحانين بهذا الشي ..

أميره ..هيييو ولج ع شنو صافنه

سناريا ..شفت عمتي ام امال طالعه بهاي الضهريه مدري شعدها شو مو ع بعضها

أميره ..خرب ياضهريه لج بابا ساعه 12 راح يجي الخط يأخذنا ..

سناريا ..اني مامرتاحه وخايفه حيييل احس اكو شي وراها

أميره ..هههه يمعودة دامشي ذاك ابو امير اجه ..

سناريا ..اوك يله مشينا صعدنا بالخط شفت صديقاتي سلمت عليهن كلهن ..وابو امير رجال جبير ومحترم حييييل ويشاقه وي البنات يعني من الاخير هو أب النه كلنا ..

طبعا ماكتلكم بهاي الفتره الشهر ادم يبين بس اني اختفي بس كم مره ومره حاول يحجي وياي اصده اما ثائر اوف صار روحي من الدنيا كال بس انجح لصف الثالث يجي يخطبني ويصير كولشي رسمي ..

طبعا خاله هبه عرفت بعلاقتي وزينه خطيه حالتهه حاله ماعرف شبيها ..بابا سافر لايران لان عنده شغل هاي الفتره وفتح كم محل وخله بيد ولد عمي وسافر ..

والحياة مشت عادي وصلنا لمدرسه صح ماعرفتكم ع صديقاتي ايلاف وتبارك ومريم الي هي راح تكون المصيبه ..
كعدنا كلنا ...

تبارك ..ولج مشتاقين

ايلاف ..اي والله

مريم ..بنات سمعت يكولون هاي السنه نظام كورسات

سناريا ..شنو نظام الكورسات هذا شلون صار

مريم ..لج هذا النظام مالت الكليات والجامعات ..

سناريا ..اها فهمت ..(بكلبي والله ولا فهمت ارجع أسال زينه هي بالكليه )..

خلص اليوم عادي ورجعنا للبيت ساعه 5 اله ثلث
دخلت سلمت ورحت بدلت ..
مرت ايام عاديه لحد مافد يوم خابرتني خاله ايمان ...
الو هلا خاله

ايمان ..هلا بسوسو وين امج

سناريا ..اميي شسوين بيها

ايمان ..يا ولج صيحي لامج ..

سناريا ..امممم وشنو تنطيني 🤔..

ايمان ..هاي شلون مصيبه ياختي روحي صيحي لامج لاموتج

سناريا ..ماشي ماشي

ايمان ..ولججججج وللي

سناريا ..اي اي رايحه ..لا اتصيحين شمالج
ركضت ع الدرج واني اصيح..ييييييمه يييييييمه

اسمهان ..وجججع شمالج

سناريا ..اختج ايييمان ع خط

اسمهان ..جيبي

سناريا ..هاج انطيتها موبايل هستوني اصعد جان أسمع امي تهلهل عزه شكو ..
نزلت ركض شصاير ..

امي ..اي بالعافيه مبروك وربي يتمملكم ع خير

سناريا ..يييمه شكو احجي

امي ..اششش ..اييي وياج لالا صدك حرامات المهم الولد زين حتى لو بالحله المهم هو يحبها جا شلون ماجي شوكت العرس خوش خوش بس يمكن سناريا وأميره ماتجي اي والله عدهم امتحانات ..

سناريا ..لالا اجي اجي اذا بيها عرس اجي خرب بس خلي اعرف شكو

امي ..انطمي كاعده احجي وي خالتج

سناريا ..ظلت امي تحجي وي خالتي فوك عشر ساعات هههه شويه وسدته جيتت عليها يله كولي شكو

امي ..عزززه بعينج ولج اصبري شمالج اتكمزين ..

سناريا ..كولي خرررب

امي ..صفاء بت خالتج ايمان راح تزوج

سناريا ..خررررب أنه هاي شوكت كبرت ام الوصخ
ضربتني امي ع رأسي وكالت تأدبي ..

سناريا ..اوووي يمه شبيج هسه اني شنو كايله ..المهم يمه شكو احجي

اسمهان ..بت خالتج صفاء خطبوها ناس من الحله وهاي الفتره نروح كلنا خوش

سناريا ..اهااا هيج الحجي اممممم ربي يتمم ع خير
باوعتلي امي وكالت ولج ..
كتلها ها خير شكو

اسمهان ..ولج شلون تنزلين ركض ع رجلج ناويه تجلطيني روحي اصعدي ولا تحركين كلبي

سناريا ..اي خوش يلا صاعده
صعدت اكتب ادروسي ..
أميره تلعب كاندي اكراش ونفس الوقت تقراء مدري شلون مدبرتها ..

خلصنا اليوم وباليل اخذت موبايل وتصلت ع الحب مالي مرتين ورد

ثائر ..الووو

سناريا ..هلا ثأوري شلونك

ثائر ..هلا كليبي الحمدالله وانتي

سناريا ..ممم يعني

ثائر ..هههه شنو يعني ولج وين اصرفها هاي

سناريا ..شنو هيه

ثائر ..ال يعني 🤔

سناريا ..ههههه تنصرف هواي بنوك تصرفها

ثائر ..ماشاء الله ذكيه شلونه اول ايام الدراسه

سناريا ..اممم مثل كل مره شيط بيط ..

ثائر ..هههه يلا موفقه

سناريا ..لجميع يارب

ثائر ..اكول ترحين لعرس بت خالة ايمان

سناريا ...اي اكيد

ثائر ..امممممم وشنو ناويه تلبسين عيني 🤔

سناريا ...مادري اشوف 🤔

ثائر ..اممم شوفي ولج لبس شروي غروي ماكو خوش لبس مستور ومحتشم ..ماريد اشوفوج مشلتحه اذبحج

سناريا ..بالله ليش هو عرس لو فاتحه 😕

ثائر ..أسمعي الكلام وبس

سناريا ...ماسمع لا كلمه ولا كلمتين ابويه موجود هو يحسابي 🙄..

ثائر ..ولج لا ترفعين صوتج

سناريا ..يلا يلا

ثائر ..ولج هايييييي عليمن يلا

سناريا ..ها مو عليك🙊🙊

ثائر ..سناريا ضبي نفسج لا ابتلي بيج 😡

سناريا ..هاي شبيييك من كلشي تنرفز صدك جذب

ثائر .. ماكو شي بس تعبان يمعوده لا تزيديها علي ..

سناريا ..بس مو من حقك اتطلع تعبك بيه اوكي ..

ثائر ..كتلج تعبان

سناريا ..يعني شسويلك فهمني

ثائر ...انتي الله خالقج بلا احساس لو اتشوفين واحد يحترك كدامج يموت هم ماتنقهرين

سناريا ..ههههه وليش انقهر كول واحد يحصد نتيجة أفعاله 🙄..

ثائر ..سناريا اذا بيوم سمعتي عني شي لا تصدكين بي

سناريا ..امممم مثلا شسمع

ثائر ..مثلا جريمة قتل او خطف

سناريا ..جنت نايمه بس من كالي هيج كمزة وكتله ..اصخام شششنو عيد عيد

ثائر ..مثل ماكتلج

سناريا ..هههههه لالا تشاقه ..اكيد

ثائر ..ترا هذا افتراض مو حقيقه شبيج صدكتي

سناريا ..امممم ماصدكت بس صدمتني انت تفكر هيج

ثائر ..افتراض ابويه شبيج .!!

سناريا ..اوك ماشي

ثائر ..اكول ادم هم اتعرضلج

سناريا ..ها لا صار فتره ماكو

ثائر ..اكيد

سناريا ..مثلا اجذب عليك

ثائر ..الله اعلم

سناريا ..ثائر شبيك ماعندك ثقه بيه مثلا

ثائر ..عندي ثقه بيج ياثوله بس بهذا الي أسمه ادم ماعندي ثقه بي

سناريا ..اي ماشي .
دخلت أميره للغرفه شايله ماعون حلاوه طحين اخذت خاشوكه واكلت وكتله ..ايي بعد

ثائر ..شتاكلين ولج بس تمطكين وجع

سناريت ..حلاوه طحين 😁..

سناريا ..خرب هاي بالله شلون تاكلينها

سناريا ..هههه ترا عادي اخذ الخاشوكه وخليها بحلكي واسوي امممم😋

ثائر ..ههههههه خرب بيومج اقصد غير شي بس اممم تخبل من حلكج

سناريا ..امممم اوكي😋

ثائر ..اممم تنرفزني لا تكوليها

سناريا ..صدك

ثائر ...ايييي

سناريا ..ليش عود

ثائر ..ههههه تكعد ابليس برأسي ههههههه

سناريا ..ششششنو شهكت

ثائر ...هههه شبيج باباتي

سناريا ..حقير منحرف مو بيدك

ثائر ..اني منحرف وانتي أساس انحرافي😉

وللحكاية بقية ....

اكتب على الحيطان مشتاقلها
منا وحس نبض الگلب يوصلها
ماريد شي من عدها اريدن كلها
حلفوها ياهو الغيري يستاهله

يتبع ...

اشكر كلمن باركلي ع عرس اخوية ربي يبارك بعمركم ويحفظ غواليكم تسلمولي حبيب گلبي .....نلتقي يوم الاربعاء ان شاءالله اشوفكم بخير حبايبي ❤❤

#سارة_المجيد🎀

[فيتامين سي]

#ملكة_الشيخ_ضاري

#بارت22

#بقلمي_سارة_المجيد

مساءا معطر بأريج القداح ينثر شذاه ع انفاس احبتي
🌸🌸🌸🌸🌸🌸🌸🌸🌸🌸🌸🌸

‫في فترة من الفترات ، يجتمع عليك كل شيء !
[ خيبات الحظ ، تحطيم أحلامك ، تعبك الجسدي ذكرياتك المُره ، وبكاؤك الحاد ]
فـ صبراً جميل والله المستعآن !...

....

ثائر ..اني منحرف وانتي أساس انحرافي😉

سناريا ..ايييي انت مثل قوم موسى من كالهم انتم كفار كالوله لم نأمن لنكفر

ثائر ...هههههه يلا يلا ام قوم موسى ولي نامي احبج

سناريا ..ماحبك يلا

ثائر ..اي صدكتج😏

سناريا ..يلا رووح باي
سديته وكملت اكل راجعت القصيده الادب ونمت

في مكان اخر ..

زينه ..مرت فتره شهرين صكر مختفي لا اني اكدر اتنازل عن كبريائي او اتصل ولا اكدر اكعد واتكتف ولا كأنه صار شي بقيت بين نارين ياربي شسويت اني وليش هيج كلبي ديوجعني ونفسيتي تعبانه اووووووف ..

كم مره ومره ادخل ع الفيس مالته الكه اخر شي ناشره قبل شهر ونص ومن بعدها ماكو لكن الي صدمني وقهرني خلاني تحت الخذلان ..

بيوم رجعت للبيت كانت الدنيا العصر لان اني دوامي مسائي دخلت للبيت مثل كول يوم امي تسوي العشه وابويه يم جدو ضاري ..

واخواني بره البيت وبس اني وامي دخلت للغرفه نزعت عباتي وفتحت الشال وفتحت شعري ..

شعري مو كولش يله يوصل نص من ظهري بس لونه اشقر ..باوعت لنفسي بالامرايه شو اني دا اضعف ..

خرب يله فتره وتخلص اوف ماعرف غياب صكر هيج سوه بيه بس هذا الي اني ردته اني ردت انفصل عنه قبل لا يصير شي ..

ماردت بيوم يكون بينه شي اعرف نفسي وطموحي اكبر من الزواج واعرف انو الشيوخ ماعدهم زواجتهم تكمل او منو راح يقبل زوجته تتوضف وتكمل دراستها ..

ماريد اوكف ع محطة الزواج اريد اكمل واخذ الماجستير واكمل واحصل الدكتوراه ..وكل هاي احلامي وطموحي ماريد زوج واطفال توكف بطريقي طبعا كانت هاي كلام بلا خبره ..

فتحت دكم الجبه وغيرتها ولبست دشداشة بيت عاديه بس خفيفه طلعت واني ارفع بشعري بقراصه ..
باوعتلي امي وكالت ..

امي ..زينه هاي الايام اشوفج تعبانه وذبلانه شكو بنتي شصاير احجيلي

زينه ..مصاير شي يمه بس مرحله الثالثه صعبه وهم دا احجي دخل ابويه سلمت علي وماما نست السالفه كلها غلست عن الموضوع ورحت كعدت بالمطبخ اشوف شي اكله ..

شفت امي مسويه دولمه اخذت صحن صبيت وكعدت اكل سمعت صوت موبايلي عفت الاكل ورحت شفت مروه تتتصل ..

زينه ..الووو هلا مروه

مروه ...ولج ياهلا يابطيخ النقيب راح راح من ايدج وابقي انتي تتكلبين عليه لحد ماضيعتي من ايدج

زينه ..خير يمعودة شكو شصاير ولج

مروه ..دشوفي الفيس مالته هستوه نشر صوره الخطوبه والزواج وناس تباركله بالعافيه عليج ضيعتي من ايدج ياغبية

زينة ..الخبر كان مثل الصاعقة ضرب راسي وصدمه او سلاسل من حديد طوقت جسمي كله ولساني اتربط وماعرف شنو اكلها الصدمه كانت كولش قويه لدرجه ماكمت أسسمع شي مجرد ذبذبات صوتها مافهمت شي ..

نزلت دمعه بس ماكانت دمعة فرح كانت حزن قبضني كلبي حييل حسيت اجه احد سحب روحي من جسمي ع البطيئ وأسوء احساس حسيت بي كعدت ع اطراف الجربايه وانه أسمع مروه وهي تكول بكول قلب محترك عليه وع خسارتي اله ..

مروه ..غبيييه ثوله من البدايه كالج احبج ولج كالج اضحي بكلشي علمودج تستاهلين وهاي ضربج ضربة عمرج كله شستفاديتي من خليتي ورحتي ..

هل شغلة الي صارت وياج عمرج مراح تنسيها عيشي هسه بالله هذا الي ردتي افرحي وهلهلي واذا هيج شغلي ساجده عبيد وطلعي خاله وخاله وركصي حبيبج اتزوج ..

زينة ..كانت مروة تحجي بقهر واني أسمع ومابيدي حيله بس كلمة طلعت مني ...كتلها الله يوفقه

مروه ..اويييييييييلي عليج ولج الزمج اخنكج شسوي بيج ولج موتيني بهذا برودج شسوي بيج ولج بشر انتي بشر اويليييييي ع حظي اني نار شابه بيه وداحترك وهيه اتكولي الله يوفقه خاب كومممي ...

زينه ..هففففف مروة مابيدي حيله شسوي خلص هذا هوه اختار طريقه واني اختاريت طريقي وربنه مقاسملنه انكون لبعض ..

مروه ..هلو هلو هلو انتي اتسوين جلطه لاكبر واحد ..ياعني فتيتي كلبي شبيج شنو هل برود العندج عفية كلب ماحس بشي شنو انتي

زينه ..متدري نار شبت بضلوعي وكلبي احترك حرك ..التزمت الصمت وسكتت وهي مستمره تحجي وتعاتبني حسيتها تحجي الي بكلبي ..

لكن اخذت دور القويه والصامده بس من جوه مكسوره ومهزوزه بس احد يطخني انفجر علي بدموعي ..

بعد ساعات من صياح مروه وعتابها سدته وراحت شمرت الموبايل ع ارض

واخذت نفس واول مازفرته نزلت دموعي شلال مايتوقف ظليت ساعات ابجي لحد ماستوعبت الي صار ..

اني خسرانه اي بس خلص كولشي راح حتى ندم مايفيد بعد كورت نفسي مثل الجنين ابطن امه وظلييت افكر بكولشي سويته قراري صحيح لو خطأ لو من الاساس كولشي سويته خطأ ..

ساعات من التفكير الوقت كان عدوي سجين بنص كلبي دا توجعني والتفكير كان اسوء من اي شي افكر واحلل كلشي بعقلي واخر شي النتيجه اني خسرانه ..

بس ماراح افكر هيج ولا راح اذل نفسي خلص خطب واتزوج الله يوفقه ..اني شكو مجرد نزوه بحياته ..

لذلك اني هم راح اختار طريقي واكمل بنفس الثقه اني مره ناجحه وطموحه ماراح اوكف ع هاي المحطه الي شفت بيها الشيخ صكر راح يكون مرحله حلوه مرت بحياتي ..

ماراح افكر بشي يسود عيشتي الحلوه والجميله ...
كمت وكفت ومسحت دموعي ماراح انكسر راح ابقى قويه ..

اخذت موبايلي دخلت ع الفيس دخلت أسمه بالبحث طلع اول شي أسمه دخلت ع صفحته شفت منشور قبل ساعتين ونص ناشرة شفت صوره اله هو واخو كان لابسين زي عربي

ومبين علي الفرحه دخلت ع التعليقات كلها تكله مبروك ناس تكله يول نشوفك شايل ابنك ياشيخ ..واشكال ..

تعبت من القهر وجعني كلبي حييييل دخلت ع الخاص مالته وكتبتله (الف مبروك حضرت النقيب اتمنالك حياة زوجيه سعيده )..وحضرته

..بعد ماتنازل لو كد الشعرايه واحجي وياك انته محطه بحياتي انتهت ومراح تتكرر بس ع غفلة وبدون وعي لزمتني غصة بصدري انفجرت وطكيت بجي ..

وبهل لحظة سمعت صوت امي وهي تصحيلي كمت ع السريع شمرت الموبايل ومسحت دموعي وعدلت نفسي وطلعت كتلها ..ها يمه

امي ..شنو جنتي تبجين

زينه ..احم اي مروه كالتي وحده من صديقاتنا توفت لذلك اتاثرت خطيه

امي ..لاحول ولا قوة الا بالله الله يرحمها ..لا تنقهرين يمه القهر والحزن مايرجع احد تعاي كملي غداج ..

زينه ..هزيت رأسي ورحت اكمل اكل بس اي نفس للاكل ماكو مع العلم الدولمه الي اتسويها امي تخبل محد يلحكها بطبخها ..

خلصت اكل وكمت غسلت الصحن ورجعت لغرفتي طلعت كتبي وبلشت اقراء اخذني الوقت واني اقرأ لكن ولا شي دخل مخي عبالك ماكنت اقرأ لحد مامليت وشمرت الكتب ..

سمعت صوت اهلي دا يتعللون ساعه 10 ونص بالليل اوف شكد صار من دخلت للغرفه ..

طلعت وشفت كاعدين يباوعون فلم كتلهم بالشقه ..
ياخونه ليش مصحتولي

ثائر ..هههه تعاي يابه تعاي اكعدي خوش فلم يفوتج

زينة ..كعدت بين بابا وثائر واخذت كرزات وبلشت اكل احاول اطلع من جو الي كنت عايشته ماريد ابجي اول تالي انزل دمعه ع رجال هه ..عائلتي اهم ...

اخذنا الوقت بين الشقه وسهرنا كلنا وحسيت خلص النعاس طغه عليه اريد انام ..

كمت وكتلهم ..يلا وراي دوام تصبحون ع خير

الكل وانتي من اهل الخير ..
دخلت للغرفه وكبل نمت من التعب ....

في مكان اخر ..

ام امال ..باوعت يمنه يسره ماكو احد خوش خل امشي ع السريع دخلت للبيت وهي تلهث شايله بيدها ثلاث احجابات دخلت ركض لغرفة امال وهي تلهث من العرك والحر ...

ضمتهن بين اهدومها وشمرت العبايه وكالت ..

ام امال ..بينها وبين نفسها ..شني هذا الكصب ع جم احجاب اخذت 150 المعزاية جا من اسوي شي ثاني شكد تاخذ باوعت ع امال وصرخت ..
ولج مصخمة الوجه كومي جيبيلي اكلاص ماي ..

امال كانت نايمه بس من سمعت صوت امها جان يرعد بنص الغرفه كمزت وكالتها ..ها يمه شرايده

ام امال ..ولج رايده عزرائيل ياخذج وارتاح روحي جيبيلي اكلاص ماي روحي

امال ..ها اي اي رايحه ..

امال بكلبها ..هاي شبيها امي اول تالي هسه اني شكو ..طلعت اكلاص من الكاونتر وغسلته وخليت بي ماي بارد من الثلاجه جايه اريد اطلع وانضرب بادم ..
خرب .دنكت وهمست ..أسفه

ادم ..عادي مصار شي

امال ..لزمني من اكتافي وخرني عزه كلبي راح يمه يمه الحكيني مو لمسه كهربني خرب رحت ركض للغرفة انطيت امي الماي وهيه تشرب ..
كتلها ..يييمه وين جنتي

وخرت الكلاص وكالت ..جنت بسوك خير شكو

امال ..وها مو يمه جدي سالم سأل عليج

ام امال ..شعجب سأل بس خاف هاي ام المصايب كايله شي

امال ..ياهي يمه

ام امال ..مالج دخل خليج لحاصل وبس ..

امال ..يمه عليج بخت الحسين وين جنتي

ام امال ..كامت وهي تعدل شيلتها وكالت ..رايحه اسوي عشه كبل لا تحل كارثه ....

امال ..طلعت امي واني مستغربه منهه شبيها اول تالي ..
اخذت موبايل امي طلعت يوتيوب وكعدت اباوع بي هي ماتعرف اله حيل بس اني سناريا علمتني علي وبلشت اباوع بي بس مو كلش اعرفله امي تخابر خالاتي او عماتي لو جيرانه صديقاتها ...
..
سناريا ..كعدت الصبح جان دوامي صبحي لبست صدريتي واجيت امشط سمعت صوت اميره وهي تكول

اميره ..ام السوس راح اروح درب اول عندي امتحان انتي ظلي درب ثاني

سناريا ..روحي اني اصلا مالحك أمشي درب اول
خلصت تمشيط ولفيت شالي لفه ايرانيه ..

واخذت جنطي وعباتي ونزلت ركض ع الدرج وأسمع هورن الخط طلعت بسرعه حتى بدون ماصبح ع اهلي ..

شفت اكبالي سياره ادم مالت الجيش ..
بلعت ريكي اباوع ع خط ماهو
ماحس غير ع صوته بنص اذاني ..

ادم ..هلا بروحي

سناريا ..درت وجهي اها ها هلا
ادم ابتسم واخذ جنطتي خلاها بالسياره ولزم ايدي وصعدني بالسياره ظليت امتمت بيني وبين نفسي خايفه منه اييي خايفه بس مابينت ارتباكي او خوفي ..

ادم ...شبيها الحلوه مالتي اشو ماكو لا صوت ولا حس شنو ماشتاقتلي ..

سناريا ..برتباك اني شكو شكو مشتاقتلك ..

ادم ..افةةةة اني حبيبج وخطيبج ونهوتي الحلوة انتي شلون متشتاقين الي

سناريا ..انت شدتحجي

ادم ..لا لا ماتوقعتج غبيه هلشكل ليش ابن خالتج الشفيه مكالج

سناريا ..خزرته وكتله ..مكالي شي وماراح اصدكك ..

ادم ..ههههههههاييي ليش مكالج هو خطبج بسس اني نهيت عليج اكبالهم كلهم 😏..

سناريا ..لا يالله هذا شديخربط انصرعت كتله شششنو هاي شوكت

ادم ..مو مهم شوكت المهم هسه انتي الي منا لحد ماتكبرين وتخلصين مدرسه ..واعقد عليج

سناريا ..انت دتحجييي من كل عقلك مستحيل ماصدك بيا زمن عايشين احنه نهوة شنو

ادم ..لا تصدكين براحتج 😏..

سناريا ..مخبل

ادم ..مخبل بيج غير

سناريا ..درت وجهي لجهة الثانيه ع الجامة وظليت اباوع ع لا شي وافكر بكلام ادم صحيح او لا مستحيل ..

شنو مصيري اني ..معقولة تالي عمري اكون نهوة ابن عمي لالا مستحيل وثائر شلون اذا ماصير اله والله لا تصير كارثة ..

ظليت صافنه وافكر بكلامه شغل اغنيه لنور الزين ماهتميت اله ابد دنكت وطلعت كتاب الادب وبلشت اراجع بالقصيده رفعت رأسي شفت المدرسه صارت غير درب هاي وين ماخذنه ابن زهره

درت وجهي عليه وكتله ...ولك هاي وين ماخذني
ادم سكتت مارد
رجعت صرخت ..داحجي وياك هييي ويييييين ماخذني

ادم ..اشش اسكتي

سناريا ..شلت الكتاب ضربته وكتله ..وييييين ماخذني نزلنيييييي لتخليني اشمر نفسي من الباب

ادم ..اششش حبيبتي بس اصبري .. وهاي وصلنا

سناريا ..رفعت رأسي واشوف مكتوب مكتب عقد زواج عزززه العزاني اصخام اصخأم بعيني هاي وين ماخذني خرب حظي كمت اصرخ علي وهو مستمر بالسكوت نزل قفل السياره عليه واني وحدي لا يالله😱😱😱

وللحكاية بقية ...

شتكولون آدم شناوي يسوي من مصيبة🤔

يتبع ..

#سارة_المجيد🎀

[فيتامين سي]

#ملكة_الشيخ_ضاري

#بارت23

#بقلمي_سارة_المجيد

اسعد الله مساء متابعيني بكل خير
🍃🌾🍃🌾🍃🌾🍃🌾🍃🌾🍃🌾🍃

سناريا ..كمت اصرخ علي وهو مستمر بالسكوت نزل قفل السياره عليه واني وحدي لا يالله😱😱

جسمي كله يرجف من الخوف بس لايعقد عليه والله اموت اموت ..

ظليت فوك العشر دقايق كاعده بالسياره اجه هو فتح باب الكرسي الي اني كاعده بي نزلني وكال

ادم ..يله مرتي تعاي نزلي

سناريا ..ششششوووو ولك شدتحجي انت عوفني والله ماتزوج لو تصير نبي يوسف ماقبل بيك ظليت ابجي وهو يسحل بيه الناس الي بالمكتب كلها انتهبت علينا بصوت البواجي مالتي فضحته ..
كرصته من ايديه وكمت اصرخ وهو يكول

ادم ..كافييييي فضحتينه كافيييي انعل يومج

سناريا ..عوفني ابوس ايدك ادم اني بت عمك لا تسوي هيج بيه ابوس ايدك والله اشتغل تحت ايدك وشتريد أسوي بس لا تسوي هيج وتكسرني ابوس ايدك واذا تريد ابطل ابطل وماداوم وهم اذا تريد ماطلع من البيت ماطلع بس لا تتزوجني هيج بالغصب حرام عليك ..

بجيت بصوت عالي ماحس غير ع ادم وهو يصرخ بالعالم ويكلهم شششكو تباوعون مسلسل يمكم ..
واحد منهم انزعج حييل صاح بادم ..

وصار معارك واتضاربوا ويا اني فلتت لسياره دورت ع موبايل ادم واديه ترجف ماهوه اكيد عنده اخذت جنطتي وردت اطلع من السيارة هو صعد وصاير عصبي هذا موقف بحياتي مانسى لو اموت ...

بلحظتها قفل السياره ومشى بس ساكت واني ابجيييي حييل خنكني جان يصررررخ بيه ويكول اسسسكتي لا اذبحج سكتت وماعرف شحجي ويا اويلي ياربي شلون اخلص من هذا الانسان ماينعاش ويا .

وصلنا مكتب فارغ وساكت بس صوت انفاسه ينسمع اني سكتت احسن مايصير شي واموت من ورا واللاخ يبتلي بيه عاد بلعتهه غصتي وظليت اعض بصابيعي شويه حسيته هدئ سحب ايدي وباسها قشعر جسمي هذا الانسان مخبل
همس بصوته وكال ..

ادم ..انتي ليش هيج وياي ليش تكرهيني شنو سويت الج ولج افهمي يبنت عمي اني احببببج الخاطر الله استوعبي هل شي من وعيت ع حبج ماكمت اشوف غيرج

سناريا بنفعال ..انت شششنو الخاطر الله شوف شسويت شوف وين وصلتنا انت وخبالك بسببك وبسبب اخبالك ضيعت الامتحان وضاع تعبني شسوي فهمني

ادم ..بدون ماحس ع نفس اضربتها راشدي سطرتها سطر ..

كتلها اششش انجبي ونصي صوتج من تحجين وياي لاطيح حظج انتي مو مال احترامات ابدآ بعد اعرف اشلون اتعامل وياج بس اصطبريلي

سناريا بحقد ...يأرب كون تموتتتتت واخلص منك الله ينتقم منك دمرت نفسيتي ودمرت مستقبلي الله لايوفقك ويراويني بيك يوم يا ادم يبن زهرة

ادم ..ينطيج كلبج تدعين عليه ..يعني معقوله هيج تكرهيني

سناريا ..واكثر من ماتتصور اكرهك وماحبك لا عبالك افكر احبك اووووو نجوم السماء اقرب الك ..

احجي ومخليه ايدي ع خدي درت وجهي وهو رجع للبيت ساعه 8 ونص طار الدرس نصه وراح الامتحان رجعت للبيت اول ماوصلنه نزلت وضربت الباب ضربه كسرته ..

رحت للبيت واني ادردم ع ادم ابو ادم واهل ادم من انعل الساعه السوده صار بيها ادم ابن عمي وصي عليه ابن الفكر دخلت وشمرت الجنطه بالكاع ونزعت عباتي واني ادردم وامي جانت نايمه ..وع ضربتي لباب البيت كعدت مفزوعه

اسمهان ..يا يا خيييير ولج شكو رجعتي شصاير

سناريا بعصبيه ..ماييييخذني الله واخلص منكم وتخلصين منيييي ولكم انيييي مارتاح ابدآ مارتاح الله يخلصكم يييخلصكم مني بجاه النبي واهل بيته ..

اسمهان ..شبيييج ولج خبله شبيج احجي

سناريا ..خبلتوني والله خبلتوني ابن عم عندي لا والله جحش مو ابن عم شايف نفسه متكبر زعطوط ابو النسوان اكرههههههها اموووووت منه عسا يموت واخلص منه دمرني ..طيح حظي ..الله يطيح حظه

اسمهان ...خرب بيومج عبالي بيج شي كبور تلفج انتي وادم هسه ابن عمج يحبج داقبلي ولج مو علعلتي گلبه للولد ..

سناريا ..لو ينصاغ ذهب هم ماحبه لو يصير ولي من اولياء الله ماريده ياعمي كوه خما كوه من خرب صفحتة

اسمهان ..اصعدي لغرفتج واحترمي نفسج ..

سناريا ..صاعده بس يجي يوم اصعد لربي واخلصكم مني وينك يابو فاضل تاخذ ادم وما ترجعه وتسويله انقراض وماتخلي ولا بنيه عدها ابن عم مثل الي عندي ..

اسمهان ..ولج كافي ادعين مرجع الدعوه لصاحبها انطمي وسدي بوزج كافي تدردمين .

سناريا ..اي امبين يمه امبين اصلا دعائي يوصل نص الشارع ويوكف ليش هل جهرة اتمض بي دعوة وربج مثل الصل ولايصير بي شي 😤😤..

عفت امي وصعدت لفوك عندي نعاس غريب كبل شمرت نفسي ع الجربايه ..

غمضت عيني وبسرعه نمت بملابس المدرسه جان احس بادين تمشي ع جسمي وتتلمس جسمي بصوره غريبه عبالي ديتهيئلي بس لا الايد لمستها بدت تصير اقوة ...

بلشت تصعد ع ركبتي وشعري ..بس صارت اكثر جرائه حسيت مثل الجبل وكع عليه اريد اصرخ ماكو ميطلع صوتي اختنكت خنكة الموت ...

بالاخير فزيت مرعوبه وي اذن المغرب حييييييييل هاي شكد نايمه خرب بحظي ..

((هنا بلش سحر ام امال يبين ع سناريا وراح يلعب بيها لعب فضيع ))

كمت ع حيلي عركانه وميته حر مع العلم السبلت مشتغل والدنيا بارده بس ليش محتره اباوع منا ظلمة ماشوف غير بس غواش اسغفرالله ظليت اردد استغفرالله ع لساني شويه ارتاحيت ...

نزلت اشوف امي وخواني من نزلت سمعت امي تحجي وي عمتي ام امال وتكلها ..

اسمهان ..والله يا اختي مدري شبيها اجتي من المدرسه اتصيح وتعيط وتصرخ مدري شصاير وياها هسه المهم ماكتيلي شنو هذا

ام امال ..هاي شوربه زينه الها

اسمهان ..ها خوش مشكوره

ام امال ..يلا ماشيه محتاجه شي

اسمهان ..لا خيتي مشكوره

سناريا ..كملت نزلتي شفت امي تمشي وشايله صينه بيها شوربه شعريه رحت يمها وكتلها ..
خير يمه شنو هاي

اسمهان ..هلا صح النوم عيني

سناريا ..صح بدنج بس مكتيلي شرادت عمتي منج

اسمهان ..رادت سلامتج بس كتلها انتي مريضه سوتلج شوربه

سناريا ..واني ما كلت لا ع الشوربه هجمت وكمت اكل بس احس بشي غريب طعم مر ع حامض اكلت نص وكمت لعبت نفسي ...

ظليت ايام احس بنفس هذا الاحساس الشعور الغريب بالليل احس احد نايم بصفي ومن اكعد مالكه احد واحس ايد تتلمس جسمي ومن اريد احجي اكول خاف يكولون خبله او شي فاسكت احسن ..

ورا اسبوع عزمونا ع عرس بت خالتي ايمان صفاء ..اشتريت فستان وردي مطرز ع صدر وهو طويل من ورا وقصير من كدام وضيك ..

وهم اشتريت لحفلة الزفه بنطرون اسود وقميص ابيض طويل وبي ابنيه أنمي ع صدر تجي وشال وحذاء هم واختي أميره هم اشترت نفس ملابسي بس غير لون ..

طبعا طلعنا كلنا لسوك اني وخالتي هبه وزينه وايمان ماعدى امي وخالتي جنان لان شغل البيت عليهن وتحضير الحنه ..

وصلنا زوج خالتي مصعب وراح
من خلصنا اتصلت علي خاله ايمان اجه اخذنه ورحنا رجعنا للبيت ..

جان مليان خطار بهذا الوقت جدي ضاري جان كلش مريض وتعبان حييل وكالو عنده سكر خطيه ف ظل بالبيت يرتاح ..

بس بيبي ملكة اجت وكملت ويانا الحفله حييل تونسنه اجت العروس صفاوي طالعه تخبل لابسه بدله حمره ومليانه ورد ..

اني لبست لبسي الي هوه فستان الوردي وفتحت شعري ع طوله خليت مريم بت خالي محمد تكوي الي وهم اخذت خلسه عن امي هههه كحله وخليت عيوني لو هنا مكحلات من الله هههه ..

كاعده البس بالحذاء طبعا كل هذا بيت خالو مصعب وهو جبير ماشاءلله البيت ب 6 غرف وكل غرفه حمام خاص بيها احنه اخذنا اكبر غرفه وكعدنا نحضر نفسنه ..

اخذت الهيتفون وطلعت سلمت ع النسوان اكثر شغله اكرها سلام ع النسوان الي بالعرس اوف مليت ورحت وكفت بصف زينه جانت لابسه فستان طويل اسود وع الصدر اكرستال ابيض كولش حلو ..وفاتحه شعرها ومسويته صفح هي شقراء مايحتاج مكياج اصلا مخليه خفيف ..بس هاي المره وجها يضحك مو مثل قبل ..

دكينه وركصنه
اجت المله كملت الحفله وحنتها ام العريس كلبت العرس يخبل ...

خلصنا وصار وقت العشه رحت للمطبخ معزول عن البيت بالباب اني تعبانه وروحي بخشمي من الحر طفت الكهرباء وصارت حاره ..

رحت للبراد طلعت اكلاص اريد اشرب ماي ماحس غير انسحبت من خصري كبل وراه الثلاجه باوعت شفت ثائر ييييمه متتت عزه غمضت عيني واحس بأنفاسه تلفح بوجهي ..

همست بصوت كله خجل ومستحه ..ثائر وخر حباب لحد يطب للمطبخ وننفضح

ثائر ..اويليييي طالعه كيكه ولج راح اكلج اشربج وين انطي وجهي فهميني مو كلت لبس مشلح ماريد

سناريا ..ايي وخر وجهك عن خدي نفسك حار واني ميته حرررر 😴😴

ثائر ..انفعلت من قربتها عليه حسيت جسمي اشتعل نار ونفسي جان حار ع وجها كتلها من وراج غير

سناريا ..ثائر حرام والله ابتعد عني وخر اترجاك

ثائر ..انتي حبيبتي وين الحرام بالموضوع

سناريا ..امممم وخر وخر خليت اديه ع صدره كمت ادفع بي
جان لابس تشيرت ضيك وبارز جسمه الضخم ..

وبنطرون أسود ورافع شعره ليفوك وعطره اوف يخبل عيونه تمشي ع وجهي وتنزل ع شفايفي استحيت من نظراته كانت جريئه حيل وخرت عنه وكتله ..حباب لا تسوي هيج

ثائر ..ادري شلون اتصرف بله زين انطيني بس بوسه واطفر

سناريا ..لا وخر

ثائر ..يعني شنو

سناريا ..يعني لا

ثائر ..ولا شنو يممه

سناريا ..ثائر لا تسوي هيج فدوه

ثائر ..بدون ماتحجي شي خمطت شفايفها حيييل وبحيث عصرت شفتها عصر و ورمتهن (مع الاسف كانت هاي اخر بوسه واخر حضن بينه)...

دفعته عني وركضت لصاله العالم تركص وعالم كاعده تكركر سوالف وتحش ركضت لغرفه البنات اباوع ع شكلي خرب شصاير بيه ولا ادري هيج شكلي ههههه..

ثائر ..من قربتها عليه شعور حسيته دفعني ابوسها من شفايفها ماكدرت اقاوم هل شعور جانت لحظة تسوه عمري الي فات ..بس خافت ودفعتني وانهزمت الهبله ههههههه

سناريا ..خلصت العرس ع خير وشبعنا ركص ع كولت أميره زينه بس يوم الحنه اجت لان جان عدها امتحانات فامكدرت تكمل العرس ودعنه صفاوي و زوجها ماشاء الله علي حلو وادمي ويدرس حقوق ويريد يصير محامي بس هو اكبر منها ب9 سنوات من كلنه ع سالفة العمر بيبي ملكة كالت ..

ملكة ..جا ولج 9 اسنين اهون من 20 سنه فرق

سناريا ..صصصصدك بيبي شكد فرق بينج وبين جدي ضاري

ملكة ..فرق ياحبيبتي 24 سنه

سناريا ..اوف اوف والله فرق جبييير

ملكة ..جا شعبالج بس مهما يكون ابد ماحسيت بفارق العمر البينه ..

لان جدج ماحسسني بهل فارق بعد عمري ابو محمد جان يحبني ومدللني عبالك بنته

سناريا ..عيني عيني شوفوا الحب شوفوا 😂

ملكة ..انجبي ولج هههههه يله انه اكوم ارتاح باجر ارجع لجدج خطيه عفنا وحده ..

سناريا ..بالليل سوينه عشه نواشف وخاله ايمان كل ماتصفن تذكر صفاوي وتبجي عليها خطيه ..اوف افراك الاحباب صعب الله يساعدها حبيبتي اموله ...

طلعت لبره جنت لابسه دشداشه وشال شامرته شمر وكعدت ع عتبت الباب جان درجات ومخليه هيتفون بذاني وأسمع اغانيه لحسين الجسمي واكلب بصور العرس سمعت طكطه وراي درت وجهي واشوف ثائر ..

دنكت خجلانه منه ومن بوسته خرب بس اكو شي غريب من باسني مالعبت نفسي اوف ياربي شنو قضيتي ..سويت نفسي مو يمه ..

سحب مني الهيتفون وخله بذانه
وهمس بذاني ..احبببببج
مارديت سكتت

ثائر ..بعدج زعلانه مني

سناريا ..هزيت رأسي ب لا

ثائر ..شنو يعني

سناريا ..لا

ثائر ..ههههه فدييت الشامة اااااخ ..طفي وتعاي نحجي

سناريا ..سديت الاغنيه وكتله ..كول

ثائر ..لزمت اديها وكتلها ..سناريا اني احبج واموت عليج وراح أسوي هل شي لمصلحتج ولان احبج سويت هيج ماشي لا تزعلين مني ولا تاخذين ع خاطرج مني واني اظل احبج وانتظريني ماريد بيوم تزعلين مني ..

سناريا عكدت حاجبي باستغراب وكتله ..ثائر شكو شنو هل الغاز

ثائر ..باوعت بعيونها وحسيت بخنكه غصيت بالنفس اتلمست وجها وكتلها اااااااه حبيبي راح اشتاقلج موت الله يعيني ع الي جاي

سناريا ..اسم الله ثائر شكو شصاير احجي

ثائر ..اذكريني بالاخير الله يخليج الي راح يصير غصب عني مو بأرادتي وداعة عيونج مو بيدي

سناريا ..ثائر الله يخليك احجي شراح يصير ..وانت وين رايح
كام وكف وسحبني لحضنه جان مثل راح نتفارك وبعد مايلكاني او راح يصير شي ..

جان يعوفني وبعينه دمعه وبصدره عبره مادري شبي ثائر يربي صحت علي ثاااااااائر هوووب اوكف شبيك خلي افتهم السالفه ..ابد ثائر خلاني وطلع راح واختفه

ثائر ..عفتها ومشيت كلت هاي هيه حب كلبي راح اعوفك واسوي كلشي لخاطرك ..رجعت لمكاني وثاني يوم الصبح رحت لكرار نقرر شنسوي ..

في مكان اخر ..

زينه ...مرت فتره طويله مابين صكر ولا اله أثر حتى مارد ع رسالتي ولا حاول ..

مرات اكول خلي اشيل الحظر يمكن يحجي ومرات اكول شكو انزل نفسي كافي نزلتها هواي ...

صار عرس صفاء بت خالتي ورحت وهم ماتونست ابد احس بغصه بلعومي مو طبيعيه عبالك صار عندي حاجز قوي يمنعني اكمل بهذا الطريق ..

لذلك سكتت واني اعرف انو نتيجة سكوتي شنو اعرف كلش زين ...

مثل كل يوم روتيني كعدت وبدلت ورحت للكليه كان يوم ملل بس اجتني مروه وجهه مخطوف

زينه..خير مروه شبيج

مروه ..ها مابيه شي

زينه ..علينا احجي شكو شبيج

مروه ..زينه تذكرين هذا ايسر ابو مرحله الرابعه

زينه ..اتنهدت بخوفة وكتلها ..اييي اذكره شبي

مروه ..اليوم كامشه عميد الكليه وهو ويا الدكتوره جانوا بوضع مخل بالشرف وسولهم فصل اثينهم

زينه ..عزززه العزاه القذر ولايكعد راحة ...اييي احسن نخلص منه ومن شره اوف اخيرآ ارتاحيت منه حجيت بكلبي جان لازكلي بس لو ما صكر جان الله يعلم شنو سوه بيه اوف ياصكر وينك وشخبارك ...

رجعت للبيت وشفت كومه سيارات بالباب انخطف كلبي كلت صار شي اكيد ...

نرجع لثائر ....

عفت سناريا ومشيت واني متأكد بعد ماشوفها ولا تشوفني واعرف كلش زين هي راح تكرهني ..بس شسوي كل هذا لمصحلتهأ هي وبسس ..

ثائر ..اكلك كرار انت شنو راح اتسوي

كرار ..مالك دخل اول شي سوي مثل ما كولك وبس اني انتظرك بالبستان مال جدك وتعال جيبه وياك وها كبل لا انسى دير بالك احد يشوفك او يسمع صوتك ماشي ماريد احد يدري بيك

ثائر بغباء ..خوش يجرالك
رجعت لبيت سبحت ونمت نص ساعه وكعدت اتعشيت وي اهلي بس ضميري حييييل موتني وخايف من المجهول ..

ماعرف الي راح يصير وره هل العملة الشينة ادري الي راح اسوي غلط وجريمة هم بس شسوي لازم يصير عندي فلوس حتى اكدر اكون كفو لسناريا واخطبها ...

كمت وكتلهم راح اطلع لباب الله اشوف رزقي وارجع المهم طلعت ورحت لبيت علي الي راح نخطفه ..

ظليت منتظره شويه وطلع صعد بالسياره والطريق كله كضينا تحشيش وهيج وصلنا يم كرار صعد ولا عبالك اكو شي عبالك شي عادي عبالك الدنيا ضاحكه بوجها

باوعت ع كرار جان يباوع بنظرة خبيثه وحقيرة نظرة كلها اجرام كزبر جلدي هاي شداسوي اني معقولة اشترك بجريمة ويه هل نذل ..

كرار ..هله هله بعلاوي اليوم السهرة اله بشدة ..مو هيج ثائر وغمزتله 😉

ثائر ...

وللحكاية بقية ....

‏طوال هذه السنة، لازمني الإحساس بأنني على شفير الهاوية ..أكثر من أي وقت مضى

................

شتتوقعون ثائر يرتكب جريمة الخطف لو يصحة ع نفسو ويتراجع 🤔

......

تنويه ..احداث الجاية راح تكون صادمة وجريئة الي اترجاه منكم تمسكون اعصابكم وبلا تجاوز اتكلم ع البعض الي يتجاوز يتم حظرو لان مثل متعرفون ابطال القصة يتابعون القصة ويانه .

يتبع ....

#سارة_المجيد🎀

[فيتامين سي]

#ملكة_الشيخ_ضاري

#بارت24

#بقلمي_سارة_المجيد

مساء الخير احبتي
💔💔💔💔💔💔💔💔

تنوية ..((حبايب هذا البارت بي الاحداث راح تصير جريئة🔞 واحداث بيها جريمة قتل بشعة .. طبعا الى البعض رجاءا بلا تجاوز ع الابطال اي تجاوز يتم حظر صاحب التعليق ))

كرار ..هله هله بعلاوي اليوم السهرة اله بشدة ..مو هيج ثائر وغمزتله 😉

ثائر جان مثل الي مضروب براسه وميعرف شديسوي كله ..ها اييي اييي

علي ..خير بس لا بيها شرب تدرون ماكدر اشرب ابوي يلعب لعب بيه

كرار ..لا يمعود غير شي بس سلم نفسك النه وراح اتطير بالسماء 😉

ثائر ..اخذت نفس ورا نفس واختنكت اتذكرت امي واتذكرت سناريا كمت اجر النفس بالكوه عبالك واحد طابك ع ركبتي ياربي عديها ع خير بجاه نبيك ..وصلنا للبستان وبالتحديد المزرعه ..

نزلنا كلنا واجاني كرار
طبعا كرار من النوع ما شهواني يعني اعتذر عن هاي الكلمة واللفظ يحب الجنس الذكري يعني انسان شاذ مقزز هواي ..

فا كانت نظراته لعلي نظرات شهوه دفعته ولزمته من ياخته وكتله ..انت واحد زاني وكلب ابن كلب وحقير ولك ابن الگو**** تريد مني اسوي هيييج شي بالولد متخاف ربك هذا فعل شنيع احنه ماتفقنه ع هل شي ولك انت واحد حقير نذل وسا*** نزلت علي دك بوكسيات وجلاليق ..

بس هو حقير كان اقوه مني طلع سجينه وخلاها ع ركبتي وكال ..

كرار ..امشي كلب لتصير براسي شريف ناقص ...ولعلمك اني وياك راح نقتله فهمت لو لا .. والله لا اخلي الجريمه تتلبسك وحدك ويطيح حظك ..

مسح وجها كرار وهدأ وجان يكله
أسمعني ولك غبي ماكو غير هذا الحل انت تحصل حب حياتك واني ابيع كلشي نحصله لسلوم وهيج انت تربح واني اربح والسالفه تنظم وتضيع ومحد يدري بينه

ثائر ..من كل عقلك تحجي مستحييل
دفعته ومشيت بس لزمني وخله السجينه ع ركبتي وبقى يهدد بيه ماتحملت ..

نزلت علي دك بوكسات كسرت فجه وركبت بالسياره وطلعت كبل جان أسمع صرخت علي ضربت ع الستيرن بحركة گلب مكدرت اعوف علي ويه هل نذل عرفت ديغتصبه فار دمي واحتركت حرك والله لاجنزك اليوم ..

رجعت كبل اول ماوصلت دفعت الباب وطبيت شفته اعوذ بالله بوضع مقزز طلع كرار ضربني ودفعني للغرفه قفل باب الغرفه عليه وراح ع علي وأسمع صريخ علي يستنجد ويتوسل واني هنا عقل مابقه براسي بكل قوتي كمت اضرب بالباب واكسر بي لحد ما اتكسرت عظامي ومانفتح الباب النذل ابن النذل مادري شديسويله الناقص ....

ظليت ساعتين واخر شي انفتحت الباب طلعت ركض اشوف علي لا يالله دخيلك ياربي هاي شنو😱

ياريت ماطلعت ولا شفت الشي الي شفته من شدة المنظر وهول المصيبة الكدامي جمدت بمكاني وصرت مثل الجثة بلا روح المنظر جان كفيل يهد جبل بحاله حسيت عقلي اختل ونفسي انكطع اريد احجي اريد اصرخ اريد يطلع مني صوت ماكو ...حسيت لساني انشل ..

شفت علي مشرح اتشرح ومكطع اتكطع مو طبيعي جان كرار قاتلة بصورة بشعة ومقززة ولاجن انسان يمكن حتى الحيوان المفترس ارحم منه ..

جان كرار مكطع علي كل وصله بمكان والدم مطشر بالكاع صاير مسبح ..

ضربت ع كصتي ولطمت ع راسي وكعت بالكاع وكمت بلا وعي اصرخ واصررررررخ بعلو صوتي حسيت اتجرح زردومي من الصريخ كمت اضرب ع راسي هاي شنو الي دتشوفه عيني شي يخليك تحس بالغثيان ..ردت اتقيء

واخر شي صار الصمت والهدوء عم المكان سكتت اجه كرار كعد بصفي وخله السجينه بيدي والمكص واعضاء علي كلها بجيس اخذها وخلاها بجنطه وكال

كرار ..ههههه شبيك يول ترا السويته مايستوجب لكل هذا وكتلك شغله سهله وماكو ابسط منها ..وداعتك ماطول بيدي نص ساعة وخليت كل لشه منه بمكان 😏

ثائر ..رفعت راسي واني مهدود حيلي وحالتي متدمره حسيت شياطين الدنيا كلها اتنط كدامي اووووويلي الله كمت عليه وبلا وعي مني دفرته وبوكسيات وكلات ع وجها ..

طحت علي فد مره خليته يتمنى الموت بس مايلكاه كرهته بروحه خليته ينعل الساعة السودة الي عرفني بيها ..

عفته وطلعت ركض للسياره وطلعت بيها للبيت واني ابجي اييييي بجيت وانهاريت اني نذل فكرت بنفسي اي فكرت بنفسي ماتت رواح بسببي علي راح اخخخ شسويت شلون قبلت امشي بهل درب ..

بس والله مجان نيتي القتل جانت نيتي بس نخطفه وناخذ فدية عنه حتى اعدل من حالي بالفلوس مادري هل كلب ابن الكلب حشاكم يدك هل دكه الناقصة الخسيس ويقتله ...

وكفت بعيني سناريا وامي وابوي وكل اهلي وكلهم اخخخ نزلت راسكم كله من وراي كله كلةةةةةةة ولكم شلون شسوي شراح يصير بيه

وصلت للبيت ساعه ب11 بالليل فتحت باب الكراج دخلت السياره البيت اظلم وألكل نايم محد موجود فتحت الباب ابوي نايم بالصاله وحسين هم نايم ..

رحت خلسه دخلت للحمام فتحت الدوش وبلش الماي ينزل ع وجهي وملابسي واريد اغلس اريد انسه بس منظر علي من بالي مايروح ..

اتمنيت الي صار يطلع حلم مو حقيقية كمت اضرب وجهي راشديات حتى اكعد من النوم بس هيهات الجريمة جانت بالواقع وحقيقية والي صار اني مشترك بي ..اي مشترك بجريمة قتل بدون قصد ولكم اتمنيت الموت ولا هذا الي شفته اليوم ...

صارت بيه حالة نفسية بقيت ابجي بسكته وحتى كطعت النفس حتى لايبين عليه شي نزعت ملابسي كلها ملطخة بدم علي وخليتهن بكيس زبالة ...

طلعت بدلت وشمرت روحي بالكاع وكورت روحي مثل الجنين بطن امه أسمع الموبايل يدك بس مارديت ولا راح افتح خط ظليت ساكت ..

لحظات جان اسمع صوت امي وهي تفتح باب الغرفه اول ماشفتني شهكة بدموع طاحت وركضت عليه وهي تكلي

امي ..يا يا يا يمه اسم الله الرحمن شبيك يمه شبيك سودة بوجهي ابني مدري شبي كمت ادك ع وجهي والطم وثائر بلا حركة ..

ثائر ..هنا اني كمت ارجف دفنت رأسي بصدرها واسحب من دشداشتها وابجي واكلها يييمه مات مات مأأأأأأأأأأت راح من بين اديه رااااااااااح ..

وهي تريد تعرف السالفه شنو بس ماتعرف بجيت بحضنها شويه ونمت وع صوتها وتقرأ القران شويه ارتاحيت ونمت بس فزيت ع صوت جاي من بره صوت صغيرونتي ايي هذا صوت سناريا فتحت الباب وطبت هي وزينه مدري شيدورن ...

سناريا ....بعد مامر اسبوع ع زواج صفاوي رحنا لخوالي كان يوم جمعه وعطله وكلت اقنع ماما تخلي بابا ياخذنا بعد مارجع من السفر ..

صدك قنعته امي واخذتنه ورحنه اول يوم ماهو ثائر ماشفته واستحي أسال عنه بس الصبح قنعت امي نروح نشوف خاله جنان وخاله هبه ..

لبست اتراك وردي بس البدي عريض والبجامه مالته مخصره فوكها عبايه وشال ورحنه كلنا ...وصلت للبيت دخلت سلمت ع الكول لكيتهم يشوفون زي الوان ..

المهم كيفت من عرفت ثائر لسه بالبيت فا شفت زينه تقرأ كتلها زينه وين الكتاب الي كلتي علي حتى اقراه

زينه ..رفعت رأسي وكتلها ..يمعوده بالغرفة وثائر هسه نايم خليها للعصر حبي

سناريا ..لالا حبابه خلي اقرأ فدوه

زينه ..اوكي كومي

سناريا ..رحت اني وياها دخلت شفته نايم ومكور روحه مثل الجنين وشابك المخده كسرت خاطري نومته مثل المهموم ونازل علي جبل اهموم اوف اوف اويلي عليك حبيبي شنو شايف من اهموم ..

اني وزينه ظلينا ندور ع الغراض مالكته كالت خاف بالغرفه الثانيه كتلها يمكن طلعت هستوني اريد اطلع نسحبت من عباتي ونسد الباب ..

ثائر ..من رادت تطلع بسرعه سحبته من عباتها وشفتها اكبالي حضنتها عصرتها عصر بحضني وتخيلت روحي بعيد عنها بجيت وهي بحضني ادموعي صارت شلال كامت تنزل ع خدها شهكات حارة بصدري طلعتها بحضنها ..

سناريا ..حضني وكام يجبني كسر خاطري كتله شبي حبيبي

ثائر ..جريت حسرة كبيرة حركت صدري حرك كتلها ااااااااااه ولج حبيبج غلط وغلطته جبيره ماتغتفر ولج حبيبج ضااااااااع ضااااااااع

سناريا ..اسم الله سترك ربي شبيك ثائر خوفتني احجي شصاير

ثائر ..رفعت رأسي لسماء وشهكت وكتلها ..كلشي واني احجي وهي انفجرت بالدموع ..حضنتها جان تندفعني حيييل بكل قوتها

سناريا ..من كالي كلشي عن كرار والجريمة البشعة الي نفذها بحق علي صديقهم صرخت صرخة بس خله ايده ع حلكي وبسرعه دفعته رجف كلبي واني خايفه منه ..

اي اي خفت يسوي شي بسرعه طلعت بلا وعي مني وكتله انت قاتل مجرم انت انسان مقزز

ثائر ..انصدمت من كالت قاتل كتلها ..أقسم برب الكعبه مالزمته ولا شاركت بهل جريمة البشعه وداعتج انتي يالغالية مالمسته بس شفته اكبالي مكطع اترجاج لتزيدين همي وتأنيب ضميري الله يخيلج

سناريا ..انت انت ثائر معقولة مداصدك كمت واني خايفه منه وكتله ..لالالا تتقرب مني لا لالا تتقرب انت قاتتتتتتل انت انت مجرم ..

خليت اديه ع وجهي وبجيت وهو سحبني لحضنه دفنت رأسي بصدره

ثائر ...والله احبج وماجذبت عليج بحرف والي صار كله غصب عني والله العظيم وداعت عيونج الغالية مالمسته ولا قبلت ع الي سوا كرار بعلي

سناريا ..انت انت قاتل تريد اصدك بواحد قاتل شلون ..ندك الباب بسرعه دفعته وطلعت شفتهن بره احسن ظليت مصدومه من ثائر ومن كلامه حييل ماتخيلت بيوم من الايام ثائر يطلع قاتل ويقتل نفس بريئه ..

ليشش وشنو السبب مشيت من طريق البستان وعفت امي كعدت بصف الشجره مال التين وبجيت بقهر ماعرف شسوي ..

اكول لاهلي اكول لخوالي لو أسكت ابلعها بس !اني شنو يعني خلص اوف اووووف ماعرف شسوي ياربي ماعرف مسحت دموعي وكمت ..

جان اشوفه واكف كبالي ويباوعلي دنكت واني خايفه علي ...

ثائر ..سناريا حبيبتي بس أسمعيني والله العظيم كل الي صار غصب عني مو بأرادتي الي نفذ الجريمة كرار الله ينتقم منه ماكولج اني مغلطان لا هم غلطت من وافقت ع جريمة الخطف بس والكعبة ماقتلته ولا قبلت ع تنفيذ الجريمة 😔

سناريا ..انت قتلت نفس بريئه حرمت ام من ابنها شلون راح تقابل رب العالمين ...قاطعني وكال

ثائر ..اني ماقتلت شبيييج مو اني ..كرار الي قتلة والكعبة

سناريا ..هه نفس الشي الشاهد ع الجريمه نفس عقاب القاتل ثائر اذا تحبني من صدك سلم نفسك

ثائر ..ليشش سناريا اني مالي ذنب والله

سناريا ..قربت منه ولزمت ايده وكتله ..ذنبك مو ذنبك انت شفت الجريمه روح اعترف بكلشي روح احجي اتلاحك لنفسك كبل ﻷ تكبر الشغله وتصير ضدك ..

ثائر ..دنكت وكتلها ..ماكدر اعذريني والله ماكدر اخاف ابعد عنج اخاف اموت وماشابع من حضنج

...
سناريا ..شنو الي تريده ؟؟

ثائر ..قربت منها وكتلها ..باجر أسلم نفسي واعترف ع كرار ونخلص من كلشي بس اريد ليله وحده انام بصفج اريد احقق هذا شي والله وقسم برب العباد ماتقرب عليج بس احضنج واشم بعطرج واترس ريتي ترس منه حتى اشبع منج

سناريا ..انت مجنون شنو هذا الطلب مستحيل اكيد

ثائر ..خلص براحتج بس فكري زين سناريا اذا سلمت نفسي بعد ماراح اشوفج خليني ع اقل اخر ليله وياج واتذكريها لهاي الليلة

سناريا ...بعدت عنه وكتله ..بأحلامك بأحلامك مستحيل اسويها ..ومشيت ركض سمعته يكول منتظرج بنفس المكان

سناريا ..بسرعه رجعت لبيت جدو ضاري دخلت وشفت الكل كاعده بالطارمه بيبي ملكة سألتني عن امي كتلها يم خالاتي واكفات ع التنور يخبزن وهي يمهن ..

رجعت للغرفه بدلت ملابسي وكعدت وكمت افكر بكلشي كلشي ...صار وقت الغروب ورجعت امي شافتني نايمه كالتي شبيج
كتلها ماما مابيه شي

امي ..ها خوش يلا كومي خالاتج اليوم يجن اهنا نبات

سناريا ..ان شاءلله
صار وقت الاذان وخالو محمد راح جاب دجاج مشوي ومقبلات وهنه سون تشريب وكبه واشكال سويت زلاطه ساعدتهن شويه ..

جان أسمع صوت ثائر كل ماذكر الي سمعته احس جسمي كله يكزبر ماكدر اكعد ويا بمكان واحد كمت بسرعه رحت للغرفه اشوفه نايم بحضن بيبي ملكة وعبالك كلشي مامسوي ...

خرب سناريا شبيج هذا ثائر الي تعرفي مو قاتل ولا مجرم مو متهم بس اخخ رأسي راح ينفجر ماصدك ثائر يسوي هيج ..

اخذت موبايل وشغلت نغمه وكعدت أسمع وحدي حسيت خلص لازم احكم قراري كمت طلعت لبره شفته واكف ويدخن كتله بتعجرف ..مابطلت هاي الحاله

ثائر ..شتريدين مني مو اني قاتل ومجرم ....

سناريا ..ايي انت اعترفت بنفسك قاتل ومجرم وراح اكول لخالو عدنان انت مجرم ولازم تتعاقب

ثائر ...ماتحملت كﻷمها كمت دفعتها ع الحايط وضربتها راشدي وكتلها ..ضبيييي لسانج احسن ماكصه الج

سناريا ..من ضربني كرهته بس لازم ادفعه حتى يسلم نفسه ..صرخت بوجها انت واحد قاتل وراح اتظل مجرم بنظري لو اموت ماغفرلك هاي جريمتك

ثائر ...رجعت عمتها بدال ماتكحلها ..ضغطت ع زنودها وكتلها ...انه كلب ابن كلب من كتلج ع هاي السالفه توقعتج ذكيه وطلعتي غبيه ضربت ع راسها وكتلها ..

هذا المطي الي امدد برأسج خوش ينطيج ايعاز لج ياغبيه اني لو قاتل ماواجهتج واعترف كدامج ..ماكلج ع كلشي كان سكتت بسس ماكدر ماكدر حبج عمانييييييي ...

سناريا ..هيج حب ماريده من انسان بلا رحمة

ثائر ..بس اني مو بلا رحمة

سناريا ..انت شفته يتوسل اكبالك ومانقذته

ثائر ..ولج والقران ماكدرت اساعده ماكدرت صرخت وضربت بسس شنو الفائده طلعت لكيته مقتول اكبالي

سناريا ..خليت اديه ع حلكي وشهكت سحبني لحضنه وبجيت وكتله ..اخاف عليك ثائر ماكدر كول مافكر وتجي ابالي الي كلته امووت خوف ورعب ..لا تعوفني ابوس ايدك

ثائر ...تحجين صدك اني اعوف روحي وماعوفج ولج انتي نبض الي يخليني عايش بهاي الدنيا ..لعد شخلاني بهل حاله غير حبج

سناريا ..انت لازم اتسلم نفسك

ثائر ..خليني بس هل ليله وباجر الله كريم

سناريا ..ابتسمت وكتله ..يلا تعال اتعشه

ثائر ..مالي نفس بالقران البيه نار مشتعلة المنظر الي صار كدام عيني يخيلني اريد اتقيء شي مقزز حبيبتي نفسي متتقبل اي اكل

سناريا ..لخاطري مو لخاطر احد

ثائر ..اوووف لخاطرج كلشي يهون تعاي لزمت ايدها وباوعت بيها الاسوار الي اشتريته الها
كتلها لسه لابسته

سناريا ..غير انت الروح والريه وجان اصرخ ثائر ثائر ثائر شووووف شوف

ثائر ..خير خير شكو ولج

سناريا ..ابو بريص ع حايط فدوه وخره ييييع شكله يلعب نفس عاااااااااا

ثائر ..من كثر ماضيم بكلبي بحركتها هاي زاحت كلشي بسرعه حضنتها وضحكت من كل كلبي وهي تصيح عوفني هسه ابو بريص يصعد ع شعري ييييععععع

ثائر ..هههههههه ولج اشش خلي اشبع منج

سناريا ..تشبع تشبع اوع تعال

ثائر ..سحبتني من ايدي واخذتني لمكان قريب منا ضحكت تباوع للحايط خاف اكو منا منا ابو بريص
كالتلي انتظر هنا شويه واجي راحت طولت ..

كلت هسه تجي طلعت نور بت خالي دنكت ودست ع جكاره لا تفضحني ..

نور ..شلونك ثائر

ثائر ..هلا نور الحمدالله

نور ..شبيك ليش هيج ضايج

ثائر ..ها لا مابيه شي خير شكو

نور ..بس حبيت اكلك شي انت تعرف ..انو وسكتت

ثائر ..شكو احجي لا تلعبين بعصابي

نور ..اوف شلون اكلك

ثائر ..كولي

نور ..سناريا اني سمعت انو ابن عمها اووو شلون اكلك امممممم

ثائر ..خبلتني غير تحجي ..ششششبيج احجي ترا طكت مرارتي

نور ..اوك ماشي سناريا مرتين او يمكن اكثر ابن عمها متقرب الها ..

ثائر ..شششنو شكلتي

نور ..اي والله

سناريا ..رجعت لثائر شايله بيدي صنية عشه اله لان خالتي كالتي هو يريد ياكل وحده سويت اله لفات وكلت اني اوكله طلعت وشفت نور واكفه بصفه وهو مدنك ويفرك بوجهه قربت منهم وكتله ..ثائر هذا الاكل تعال اتفضل

ثائر ..حجي نور خرب كلشي كدام عيني سودتني بكلامها وفوك كل هذا سناريا طلعت ماحسيت ع نفسي غير ضاربها راشدي سطرتها سطر ورجعت ضربتها

سناريا ..(خلاني ملطشه اله لدرجه طلع خالو محمد كال)..

محمد ..احنه كاعدين وأسمع صريخ سناريا وعياطها كمت اريد اشوف شكو
طلعت وشفت ثائر نازل ضرب بيها

لزمته ودفعته وهي لبدت وراي
كتله ولك حقير شدسوي ولك كلب شلون تمد ايدك عليها

ثائر ..خالي هيه وسكتت مكدرت اكمل ....

سناريا ..التزمت الصمت واني اشوفه شلون ضربني ونور تضحك عرفت هيه كالتله واني الغبيه الي أمنتها ع هذا السر كرهت روحي من عرفتها كالت ..

طلعت امي وصار الصوت عالي سحبتني امي ودخلتني لجوه وهي تحقق وياي كنت فاصله عن الكل واسمع عياط خوالي ع ثائر كرهته وكرهت الساعه الي حبيته بيها ..

يعني بهاي البساطه يصدك ليش ما سألني ليش حكم عليه بدون مايسالني اخخ ...
نمت بلا عشه ولا اكل كعدت الصبح ع صوت الرمي واطلاق النار وناس تصرخ وناس تعيط كمت من الهبطه ردت اوكع من طولي ...شنو شصاير

امشي واشوف الناس كومه بالباب وكلها معكله وهادين ع بيت اخو جدو ضاري وسيارات كومه ...
اجت خاله هبه تركض ..
هبه ...ييييمه يييمه وين ابوي وين

ملكة ..خير ولج شني هذا الصوت شكو شصاير احجي

هبه ..ثائر وصاحبه كاتلين ولد وهسه اهله هادين عليه يردون ثأر ابنهم

ملكة ..يبووووو عزززززززه العزاني صخام بعينك ثائر صخام ولك ..

سناريا ..لزمت كلبي وجسمي كام يرجف ياربي دخيلك استر علينه من هل مصيبة ..

كلها كامت تدك وتلطم ومافهمنه شي لبسن عبيهن واني ركضت لبست عباتي ورحت ورا امي وخالاتي ركض ورا البستان وطبيت لجوه شفت الدنيا مكلوبة ...

وناس ماتعرف منين جايه جانت اول يوم بحياتي اشوف بيها الفصول وناس هيج ..
دخلت لبيت خالة جنان جان اشوفها تدك وتلطم ..

بلا وعي كتلها خاله ثائر وين
جان الكل يصرخ بوجهي اني سكتت وكعدت بزاويه وماعرف عدوي من صاحبي شويه ودخلت زينه وجها مخطوف وتركض الامها تريد تعرف شنو السالفه
البيت كله وكف ع تك رجل وانخبص ودخل انذار الله يستر من القادم .......

ثائر بسبب غبائه ضاع واتمدرت حياته احداث صادمة بانتظاركم كونوا قريبين مني مع الجزء الثاني من القصة

وللحكاية بقية ......

💔💔💔💔💔💔💔💔💔

سناريا ...حبيت انهي الجزء الاول من قصة حياتي
لان حالتي الصحيه كلش متدهوره اني سناريا عشت عذاب الشوق والحنين عشت ماعاشه احد اشكر ست ساره المجيد الي صبرت وياي حتى اكمل جزء بسيط من حياتي وحياة بت خالتي زينة ...
اشكركم ع تعليقاتكم
اتنمى تدعولي تتحسن صحتي مدهوره هاي الايام اترك الباقي لست ساره

سارة ..الله يكون بعونج حبيبتي ويريح بالج اتمنى من كل المتابعين فضلا وليس امرا الدعاء لثائر بالفرج ودعوة الغريب مستجابة عند الله لانه انسان مظلوم صح غلط بس ما ارتكب هل جريمة البشعه والله يجازي الي كان السبب بتورطو بهاي الجريمة ...

حبايب وصلنه لنهاية الجزء الاول من القصة انتظروني اسبوع وانزل الجزء الثاني لان البطلة تعبانه نفسيتها خطية شوية تتحسن ونرجعلكم انكمل القصة لان الجزء الثاني بي احداث جدا مشوقه وصادمة اشوفكم بخير حبايب گلبي ❤....
.........

اريد المشي بــ مفردي
اريد البكاء والصراخ والهدوء
اريد التوقف عن التفكير
انا مرهقه بحجم السماء السابعه 💔»»
....

يتبع ....

#سارة_المجيد🎀

[فيتامين سي]

#ملكة_الشيخ_ضاري

#بقلمي_سارة_المجيد

حبايب تعالوا يمي شوية

مساء الخير حبايب

خلونه شوية نتناقش بقضية ثائر

طبعا والله تعليقات البعض شكت گلبي مو بس گلب سناريا وزينة وخالة اسمهان ولعلمكم سناريا اتأذت بسبب تعليقات البعض ...ترا مصخوها البعض والله داشوف يتجاوزون واني احظر بيهم ترا عيب انتوا جايين تقرأون قصة مو تصيرون مفتين وشيوخ براسنه اوك ...ثائر غلط صح بس ماقتل ولا قبل ع القتل ورجع يريد ينقذ علي بس ماكدرلو لكرار ... لان كرار كان اقوه منو وهددو بالقتل لثائر وبالرغم من ذالك ضربو وماقبل ع جريمتو .. وثائر اتندم وصارت بي حالة نفسية لان قبل ع الخطف وبجه بحرقه ولحد هل يوم ديستغفر الله ومتندم ترا احنه بشر ممعصومين من الغلط واي واحد من عدنه متعرض لهيج شغلة بحياتو

وطبعا شفت البعض من الي اتجاوز وغلط ع ثائر ودعوا عليه بالاعدام ..زين ليش كل هل قساوة وقلب الحجر اعتبروا اخوكم لو ابنكم هم هيج راح يكون موقفكم ويا ...لا والله مستحيل راح تدعون ع اخوتكم حتى لو جان كرار نفسو راح تدعولو بالفرج وتبجون دم عليه لو واحد من اهلكم بس هذا عبن انسان غريب طحتوا بي سب وشتم ودعاوي ...واني طبعا حظرت الي تجاوز ماقصرت بيهم لان فوروا دمي الصراحة ...كل انسان تجي عليه ساعة ضعف ويغلط ويوكع بالخطأ ويغوي الشيطان لان محد معصوم من الغلط وماكو واحد ملاك كامل ومنزه نازل من السماء حتى النبي ادم عصه ربو من ماسمع كلامو بالتقرب من الشجرة ..

ورسولنا الكريم قال (كُلُّ ابْنِ آدَمَ خَطَّاءٌ وَخَيْرُ الْخَطَّائِينَ التَّوَّابُونَ) والله سبحانه وتعال قال (( قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)

ركزوا ديكول يغفر الذنوب جميعا مكال بعض الذنوب ..يعني اذا الانسان ارتكب خطأ او اذنب وراها ندم واستغفر وتاب توبة نصوحه الله يغفرلو ويرحمو ...وثائر صارلو 4 سنوات مسجون بجريمة قتل مارتكبها ولا وافق عليها وحاول بكل مايكدر ينقذ المجني عليه لكن كرار كان اقوة ونفذ الجريمة بدم بارد ومارفلو جفن عكس ثائر الي اتدهورت حالتو واتهستر وبجه واتندم ع مشاركتو بجريمة الخطف وشفتوا كدامكم تراجع وراد يخلص علي لكن ماكدر ....

اني مو تادافع عنو لاكن الحق يقال بالقصة اكو جاني واكو مجني علي واكو شارك بالجريمة وتندم وتراجع ولازم الكل ياخذ جزائو العادل مو جزاء القاتل نفس الي راد ينقذ المقتول اتمنى وصلت الفكرة وماريد بعد تجاوز ولا غلط ولا دعاوي ع البطل لان البي مكفي من قهر وعذاب وسجن ...
وتأنيب الضمير الي اصعب من كل هذني يعني يوميه ديموت الف مرة بالسجن .

اذا شفت بعد تدعون ع ثائر او تغلطون علي اوقف القصة واحذفها لان حتى اني تعبت نفسيتي حتى بالبيت صرت اعصاب ...خطية الولد محتاج دعوة فرج مو دعوة غضب عليه ...الي ميكدر يتحمل اله يتجاوز من هسه اكولهم للبعض طبعا اتركوا القصة بلا دوخة راس لان راح تنحظرون .. اني مناقصة ترا هم اتاذيت ع سناريا خطية يوميه احجي وياها تبجي دم وتجون انتوا تكملون عليها بدعاويكم اليشوف الي يتجاوز ومسوين روحهم انبياء يكولون ذولي ماكو هيج ابد مامسوين ذنب وراح ينحشرون ويه المعصومين والاولياء الصالحين ...

اشكر كلمن علق تعليق راقي ودعالو لثائر بالفرج ان شاءالله دعائكم يوصل ويفرج عن ثائر بحق محمد واهل بيتو
اعتذر ع الاطاله بس قضية ثائر اثرت بيه جثيير وسناريا خطية يوميه تحجي وتبجي مكاعد تكدر تنسه ...ان شاءالله الخميس انزل الجزء الثاني للقصة اذا شفت ماكو تجاوز بعد

تحياتي للجميع
سارة المجيد

[فيتامين سي]

#ملكة_الشيخ_ضاري
بقلم سارة المجيد
منقوووول عن لسان الكاتبه
مساء الخير حبايب ..
طبعا هل منشور نشرتو بالكروب وكلت انشرو بالبيج هم اخاف احد مشافو هناك يشوفو هنا

طبعا خلي اكولكم شي ...بسبب شتائم البعض والدعاوي ع البطل اصحاب القصة كوولش ضاجوا وكلولي ختمي القصة ومنريد بعد ننطي احداث اضافية ...واني اكول حقهم لان البعض ماخلوا ذرة احترام لاهل القصة وشكد صرحت ونوهت وكلت ابطال القصة ديتابعون التعليقات والبعض ولا كأنه بقوا بكل بجاحه يغلطون ويسبون ويدعون عليهم ...المهم القصة راح تنتهي للاسف مو كاملة لان البعض عم ع الكل وخسرنه احداث جدا مشوقه وحلوة كلو بسببهم ....اني بعد اذا نزلت قصة جديدة ماحجي ولا انزل اعتاب كبل اول ماشوف تجاوز بالتعليقات انطيهم حظر وخلي تفيدهم اخلاقهم الحلوة عبالهم عود همه ديسوون انجاز عظيم من يتجاوزون ع ابطال القصص ...صدكوا ذولي الي شتموا ودعوا وسبوا الابطال لو يضهرون كدامنه نشوف بلاوي مسويها والعيب تارسهم ترس ... اووووف كل اناء ينضح بما فيه

هاي محادثتي ويه سناريا بسبب تعليقات البعض الغير اخلاقية ....الجزء الثاني راح ينزل بالموعد بس مو مفصل راح يكون تسريع الاحداث واختم القصة بسرعة

[فيتامين سي]

ملكة الشيخ ضاري الجزء 2

#ملكة_الشيخ_ضاري

#بارت1_الجزء2

#بقلمي_سارة_المجيد

🌹🌹🌹🌹🌹🌹🌹🌹🌹🌹🌹🌹

حاولت أن اصنع لكم مساءاً يليق بكم ، فوجدتكم اجمل مايليق بهذا المساء .
❤طاب مسائكم بكل خير احبتي❤
🌠 مني انا الكاتبة 🌠
🌟 #سارة_المجيد 🌟

..بعد ما ختمنه وياكم الجزء الاول من قصة ابطالنه رجعنه وياكم حتى نكمللكم الجزء الثاني من القصة بعد ما ارتاحت سناريا واستعادت صحتها الحمدلله ... بس اتمنى من البعض عدم التجاوز بحق ابطالي لان حتى اهلهم يتابعون القصة مو بس سناريا وزينة احترام لكبار السن خلي تعليقاتكم لائقه وابدوا رأيكم باحترام وتعليق لائق لان القصة رادت تنحذف بأمر من اهل سناريا واني اتلاحكتلها ونشرت بالبيج والكروب ومن شافوا التعليقات مال الاعضاء يردون التكملة وشافوا الهاشتاك الي سووا لقضية ثائر يطلبون الافراج عنو بالاخير قبلوا يكملون القصة ...ان شاءالله ماتتكرر السب والشتم والدعاوي بعد حتى نبقه نعيش احداث القصة بحذافيرها

طبعا الاحداث الي فاتت صارت من قبل 4 سنوات يعني بنهاية 2014 وقضية ثائر لحد هذا اليوم بيد القانون دتاخذ مجراها .. ومثل متعرفون القضايا القانونيه تتأخر جثيير بالمحاكم وثائر مسجون لحد يومنه هذا ع ذمة القضية ...للاسف مراهق اتورط بجريمة مارتكبها لكن كان ضحية غلطة ومؤامرة دنيئه من صديق السوء

وشفت جثيير يسئلوني بيا سنة صارت لان سناريا جانت بصف ثالث متوسط وهسه هيه حاليا بصف سادس علمي تطبيقي والي سئلوا منو ديتابع القصة من الابطال اكولهم اسمهان ام سناريا وزينة وسناريا وخالاتهم ...

البارحة سناريا دزتلي تكملة القصة وسردتها الكم وهذا البارت الاول من الجزء الثاني

لتذكير مشهد من البارت الاخير من الجزء الاول ..
❤

سناريا ..لزمت كلبي وجسمي كام يرجف ياربي دخيلك استر علينه من هل مصيبة ..

كلها كامت تدك وتلطم ومافهمنه شي لبسن عبيهن واني ركضت لبست عباتي ورحت ورا امي وخالاتي ركض ورا البستان وطبيت لجوه شفت الدنيا مكلوبة ...

وناس ماتعرف منين جايه جان اول يوم بحياتي اشوف بيها الفصول وناس هيج ..
دخلت لبيت خالة جنان جان اشوفها تدك وتلطم ..

بلا وعي كتلها خاله ثائر وين
جان الكل يصرخ بوجهي اني سكتت وكعدت بزاويه وماعرف عدوي من صاحبي شويه ودخلت زينه وجها مخطوف وتركض الامها تريد تعرف شنو السالفه
البيت كله وكف ع تك رجل وانخبص ودخل انذار

#بارت1_الجزء2

زينه ...من دخلت للبيت شفت الكل يدك ويلطم وماعرف ليش كلبي نخطف هيج بسرعه رحت يم امي اريد افهم شي منها ماتكلي ظليت الح بس ماكو فايدة امي فاقده ومو بحال تحجي شي ..

ركضت ع مرت خالو سلام سهى كتلها شكو شصاير جان تكلي اخوج ثائر متورط بجريمة قتل وهسه اهله يريدون فصل اني هنا شهكت شهكة حسيت روحي طلعت من جسمي حطيت ايدي ع حلكي وفتحت عيني ع وسعهن من اثر الصدمة ظليت ادك والطم ماعرف شسوي كمت ورحت للغرفه ..

كمت افتر بخوف وأسمع صوت اصياحهم بسرعه قفلت الباب وكعدت اندب بحظي وحظ اهلي ماعرف شلون خطر ابالي صكر هو ضابط وراح يعرف يسوي شي ..

بسرعه ركضت ع موبايلي اديه ترجف وكلشي بيه يرجف ماعرف ياربي صبرني ماعرف شسوي ياالهي وخرت الحظر ورحت ع رقمه شفته متصل بالنت اووووف صكر ...

احاول ادك بس اديه ترجف رجف مو طبيعي اخاف ادك ويفشلني اخاف كلشي اتوقع منه ..

سمعت صوت جدي وعمامي خوالي بالصاله شمرت الموبايل وطلعت ركض شفتهم معصبين والدنيا محتركة ومسوده بعينهم ...

جنان وهيه تمسح بدموعها الي تنزل مثل الجمر ع خدها ..خويه كلي شنو رايدين منكم فدوة فهمني

عمي عدنان ..الناس يريدون دم بدم ..

الكل بصريخ واحد ...ششششششنو يبوووووو يبوووووو ..

سناريا ..لطمت ع وجهي وصرخت لا مستحيل وكمت ابجي وكلها كاعده وتبجي خلص ثائر رحت من بين ادينه رحت يابن گلبي ولك لااااااااااا شسويت بروحك ثائر شسويت 😭..

كله بسببك كتلك ميت مره عوفه مايفيدك هذا صاحبك هذا انسان نذل وخسيس وصاحب سوء 😭..خليت راسي بين رجليه وبجيت بقهر ..

بالحظتها الدنيا صغرت بعيني صارت هل كدها شنو مصير ثائر شلون راح تصفه هل سالفه اوووف ولكم نار كايده بصدري راح تحركني حرك وين انطي وجهي ولك ثائر بعد روحي ليش هيج سويت بنفسك ليششششش اااااااه ياربي رحمتك الطف بينه من هل كارثة 😭😭😭...

زينه ..مستحيييل شنو دم بالدم
مرت ايام اسود من سواد الليل طحنا كلنا بخبر كان والعشيرة كلها انثبرت ..

سناريا ..ثاني يوم اجه ابوي اخذنا الوضع زاد من سيء الى اسوء ..

صار كلشي يخوف كل ماكعد اذكر ثائر وكلشي بينه علاقتنه ضحكاتنه من احنه اصغار لحد هذا اليوم بيوم جنت كاعده وكاطعه الاكل ..

دخلت امي وشايله بيدها صينة الاكل وهي تكلي كومي يمه كومي اكليلج لكمة محد يفيدج يايمه

سناريا ..ماريد سم عوفوني بحالي

امي ..احجي عدل لا تخليني اكول لبوج يعلمج الحجي

سناريا ..ضربت وجهي بقهر وكتلها كتلج ماريد ليش ماتسمعيني اتريدوني احرك روحي حتى تخلصون مني ليش متحسون بيه ولكم بركان وديتفجر بداخلي ارحموني حرام عليكم 😭

امي ..كومي اكلي لا تخليني اضربج .. استغفر الله ياربي بنتي ولج ابن عمج صار فتره يخطبج مني دوافقي الولد شاريج ومايعيبه شي ليش ترفضي

سناريا ..ماوافق ماريده هل حقير وتحلمون اتزوج ادم وهل حجي خلي يفيدج وكومييييي اطلعيييي بره

اعصابي تلفت واتهسترت كمت دفرت الصينيه وصعدت لسطح وكعدت ابجي بقهر واصرخ ياربي تعبت افراكه دمرني ...

والي ديزيد همي ادم لشوكت ابقى هيج ياربي ساعدني انت ارحم الراحمين ارحمني لشوكت اظل ياربي كعدت واتذكرت كلام ادم ..

من يكول انتي الي وماتصيرين لغيري وابن خالتج انجوم السماء اقرب الج منه ..

كعدت بحزني ماشاركت بي احد ظليت ابجي مرت ايام مثل سواد اليل مابيها نجوم ولا كمر خلصت الامتحانات ..

وصرت جلد ع عظم حيييل ذبلت امي تحاول وياي بس ماكو فايده افراك ثائر أذاني حيييل وهو مختفي ماكو اله أثر ..

يعني لحد هذا اليوم محد لاكي بس لاكين كرار والقوا القبض علي ومعترف ع ثائر بكلشي ....

صار اربعين يوم ماكو اله اثر بيوم كاعدين ع عشاء اتصل خالو محمد بابويه وكاله كعدت الفصل صارت اول ايام شهر الثاني ..

ومدري شنو بس مكال ثائر لازمي عمتي ام حسام جايه بيت جدي ابويه راح وكال لامي ان شاء الله ماعلي شي بس امي كضتها صفنات وحزن ..

اني صعدت للغرفه فتحت الكنتور مالتي وكعدت بي وكمت ابجي هاي العاده من كنت اصغيره من احد يأذيني اشرد للكنتور البد بي مره نمت بالكنتور يوم كامل ويدورون عليه ومن كعدت ونزلت لكيتهم رايحين للبستان يدورون

المهم كعدت وحصلت خوش رزاله من اتذكر ايام طفولتي اضحك عليها حيل جنت وكحه حيل واكثر شخص اخاف منه جدو ضاري ..

مره اتذكر كعدت الفجر الكل نايم جان عدهم عش او كن دجاج وجان اكو ديج خبصنه خبص بصوته ..

وكعدت من ورا رحت يمه وكتله انت ماتستحي ولك تكعد العالم خلينا نام ولك خلينا ناأأأأأأم ..

جان أسمع صوت جدي ضاري يصرخ عليه يكلي ولج ويامن تحجين اني طفرت وكتله وي الديج جدي جان يكول خبال اي والله خبال تعاي انطمري نامي يله ..

رحت ركضت اريد انام بس كل مارفع رأسي الكه جدي كاعد اخاف منه الصراحه جدي ضاري كان رعب بنسبه الي جان قاسي اصلا ماعرف شلون بيبي تحملت عصبيته هاي وخزرته ..

يلا يجي يوم واعرف ضحكت ع ايام طفولتي انفتح باب الكنتور أميره وهي تدور تشيرت مالتها جان تفز وتصرخ ..

أميره ..يييييمه جنييي

سناريا ..جني بعينج هاي اني
كمت وطلعت اعدل بملابسي وكتلها شبيج

اميره ..اني لو انتي ولج يمعوده بطلي هاي سوالفج لخاطر من خلقج خرب بيومج

سناريا ..وخرت منها وفتحت شباج الغرفه شفت ادم وولد عمي لاميهم وكاعدين يصيدون طيور حمام

ماعرف ليش هاي الايام كمت اخاف من ادم بشكل جبير بس صار اكو نوع من كره وقرف لادم ...

ثاني يوم كعدت خالو مخابر ابويه وكاله اليوم الكعده تعال وهيج

كمت ولبست جبه وشال زيتوني وشلت عباتي نزلت شايله جنطتي شفت اميره لابسه وكاعده بين النعسانه وبين الكاعده ضحكت عليها كعدت ع القنفه وحسيت باحد كاعد بصفي اصخام درت وجهي ماكو احد ياربي شبيه اوف ..

شويه ودخل ادم لابس دشداشه سوده وعكال ابيض كال صباح الخير مارديت حسيت بخنكه من شفته ..

صدك حسيت بخنكه عبالك احد اجه وخنكني من ركبتي حسيت بعرك ينزل من جبيني كعد بصفي وهو عينه بالموبايل واني الخنكه ذبحتني ..

كمت احس بشي يمشي ع جسمي بسرعه كمزت صرخت وع صرختي صرخ ادم وأميره فزت عفتهم ورحت يم امي ....

حاولت اخفي خوفي بس كان واضح رفعت راسي للامرايه وجان اشوف كبالي ((الله شاهد ع كلامي كل هذا حقيقي وماكو شي جذب او تلفيق لان السحر الي عليه هلوسة واشوف اشياء مو موجودة ))..شفت مره عجوز لابسه ابيض وكاعده بصفي وشعرها اسود مثل سواد الليل وعيونها بيض وتبجي دم فزيت وصرخت يممممممممممممه

امي ..خير خير يمه شبيج

سناريا ..درت وجهي اباوع ماهيه راحت اختفت
ظليت اردد المعوذات بس كل شويه انسى وارجع اعيد الايه من الخوف كل ماكول قُل اعوذ برب الفلق انسى الايه الي بعدها وارجع اردد ..

صارت عندي خوفه غريبه ياربي شنو البيه ياربي اني مو مخبله ولا ماعندي عقل بس هذا شنو ياربي اكيد داتخيل ..

وضعي مو تمام حالتي اتدهورت ياربيي ظليت ارجف مثل السعفه وامي خطيه تهدي بيه اسمعت صوت هورن سيارة ابوي بسرعه حظرنه نفسنه لبست العباية اكبال الامرايه رجعت شفتها واكفه وراي 😨

درت وجهي وظليت صافنه ماهيه راحت كلبي صار بحضني ياربي شنو هذا الي داشوفه وشنو هذا الاحساس راح اموت ظليت جامدة بمكاني مرعوبة بشكل اذا احجي هسه يكولون فقدت عقلها واتخبلت حقهم اكيد محد يصدكني لان شي مو معقول الي داشوفه ..

طلعت وشفت ادم سمعت صوت مثل همس خفيف مافهمت شنو صعدنا كلنا بالسياره طلعنا كلنا اربع سيارت ...
طريق كله صافنه وماعرف شسوي ياربي عيني ..

شكاعد شيصير وياي ليش هذا احساسي ياربي ليش ماكدر اباوع ع ادم اوف ياربي وصلنا وشفت بيت جدي ضاري مليان ناس وسيارات تارسه الكراج

زينه ...من كالو دم بدم هاهيه انتهت عندي راح اخوي كعدت وسكتت دمعه بعيني جفت بشكل غريب ..

ظليت كاعده وأسمع صريخهم ماتحملت ورحت لغرفتي كاعده موبايل اكبالي طلعت رقمه وكتبتله رسالة كتله ...

((اعرف انته هسه رجال متزوج مو من حقي ابدا احجي وياك
بس هسه صكر اني محتاجتك وكعت بمصيبه واهلي هم ..
اخويه راح يروح من بين ادينه انت رجل قانون وماتقبل بالظلم لخاطر الحب الي بكلبك الي ساعدني محتاجتك اكثر من اي وقت فات )) ..

دزيت ارسال وظليت انتظر رده بس مارد كطعت الامل منه اكيد مستحيل يساعد وحده رفضته اوف ياربي ساعدنا ياربي ...

كل يوم بالليل نسمع طلقات وناس كل يوم جاي هادين علينا وداكين بيتنه ماعرفنا ياربي شرايدين منه مرت اربعين يوم ومارحت للكليه ابويه ماقبل اطلع بعد لان خايف يسون شي الي ..

كعدت بالبيت خلال هاي الاربعين يوم انتظر منه رد بس مارد ولا كلف نفسه قطعت الامل برجعت صكر ..

لحد يوم الكعده العشاير كلها اجت كعدت الصبح لبست دشداشه عاديه ورفعت شعري ذيل احصان ورحت اساعد امي الي حيل ماظل عدها وكاعده ع سجادتها وتتوسل برب العالمين يرجع ثائر سالم غانم ..

ياربي شلون مصيبه ياربي دخيلك نجينه منها يارب ارحمني يارب ...

انتهت كلشي سوينا الجاي والضيافه وكمنا نقدمها للعالم

اجوي ناس هواي ظلت الكعده تقريبا اكثر من ثلاث ساعات خاله اسمهان اجت هي وسناريا كعدو يواسون باهلي ...
نعزلت ع الدنيا كلها وكعدت انتظر شراح يصير شنو منتظرنا .....

.....في الديوان .....

حظروا العشيرتين عشيرة ثائر وعشيرة اهل المقتول وحظروا عشيرة ثالثه حكام صنف محايد بينهم بعد ما فتحوا موضوع الجريمة وصار الحجي كالوا اهل الولد ...

اهل الولد ..احنه رايدين دم بدم ماعدنه غير هذا الشي .. ابنه انقتل بمزرعتكم ولازم ناخذ ثار ابنه بالدم

جدي ضاري عكد حاجبه وخزره لابو الولد بعصبية وكله ..شنييي دم بدم بويه كدامك القانون واخذوا حقكم ....
يابه احنه مانكول ابنه موش غلطان بس دم بدم راح تكثر الوادم الخسرانه وتصير مجزرة .. وابنه ماقتل ابنكم والقانون راح يثبت هذا الشي

الصنف المحايد ..ياجماعة الخير صلوا النبي مايصير هيج ...يا ابو علي استهدي بالرحمن وخلينه نحجي لاتصير الدم للرجاب

ابو علي ..جا 170 مليون وفصليه ...

الكل ..ششنو 😨😨😨😨😨😨

شيخ ضاري ...اسمع داكولك انت زودتها بناتتتتتت الشيوخ ماينعطن لا فصليات ولا ينهدون فهمت ..انت كاعد تلعب بعداد عمرك يابو علي لا تخليني اكلبها كلها ضدك انه عاذرك لانك رجال صاحب حق عندي ولو غير هيج جان عرفت شلون اتصرف وياك

ابو الولد ...ياشيييييخ هذا حق دم ابنيييي ..ابنيي ولد عمره 17 سنه مات موته شنيعه لكوا مشرح وين الحق ياشيخ العالم ماترتاح عني اذا ماخذيت حق ابني

شيخ ضاري ..جا تاخذه بفصليه ياحق هذا التحجي عنه احنه ابنه ماقتل ... صح غلط بس مارتكب هل جريمة

...........

نروح لشيخ صكر ونشوف موقفه بهل حدث مال الكعدة لان صكر هوه الي جان حكم وصنف محايد بين العشيرتين

شيخ صكر ...من رفضتني زينه حسيت كرامتي ورجولتي كلها انهانت وحلفت ميت أمام مارد الها ولا احجي وياها ولا لساني يطخ السانها كافي الي سوته وياي كافي ..

ذلتني بحبها شهور وهي تلعب بمشاعري خلتني اتعلق بضحكه منها وهي شنو قدمتة الي غير الصد والرفض ..

ماكان عدها سبب مقنع خليني اعرف شسوي ماعدها سبب مقنع خليني اعوفها لكن صدها وذلها الي خلاني اعوفها وأمشي ..

بس كلبي ماعافها ظل يحبها ويحب كلشي بيها امي لحت هواي علي بهاي الفتره اخطب بت عمي واصرت هواي هوايييي لدرجه بزعت روحي وكتلها خوش راح اخطب ..

وصارت الخطبه وخطبتها بشهر واحد كرهت ابو ابوي من وراها طلعت وحدة ماديه وماعدها سالفه وكل شي يمها تشتري وموبايل ونت واني لعبت روحي من هيج حاله ..

عفتها وكمت اتجنبها كد ماكدر لكن اخواني طلبت منهم ماينشرون الصور ع الفيس بس اخوي منتظر ناشر كميه كبيره من الصور ..

فتحت الفيس اول مارجعت وشفت التعليقات كلها اتباركلي وكلها تهني بيه بس بالي مو يمهم بالي يم الي سلبت كلبي وعقلي ..

بس هيهات ماتنازل لو تنصاغ ذهب مو الشيخ صكر الي يتنازل عن حقه ..

بس راح اظل وراها وراها بيوم الثاني فتحت الفيس ع رد منها تباركلي ماهتميت ابدآ ردت ارد بس طلعت محظور من ردها عرفت هي ماتحبني ولا راح يجي يوم تحبني ..

ورا فتره شهور مرت ايام عاديه صار يوم الي شفت بي رساله منها تطلب مني المساعده عرفت اخوها ثائر المسوي الجريمه وراح تكولون شلون عرفت خلونه نرجع بالاحداث ليوم الي صارت بي الجريمه ..

بيومها جنت كاعد بالمركز الضابط عدنان الي وياي يصير عمها ...
فا كاعدين جان يجي ابلاغ ع جريمة قتل صاير بمزرعه راجع لشيخ فضل اخو جدها ضاري ..

بسرعه كمت اخذت اسلاحي والضابط عدنان اتفاجأ بس مو اكثر مني لكن لازم اعرف شنو هاي الجريمه كمت رحت ومن وصلت كان بس مجرد جثة طفل مراهق وكميه كبيره من الدم مطشره بالكاع ..

اخذنا البصمات وطلعت لشخصين واحد أسمه ثائر والثاني كرار ..

عدنان اهنا زادت صدماته وشفت معالم وجها ماتتفسر لكن شنو بيدي بس القاء القبض ع المتهمين المهم القيت القبض ع كرار وانشمر بالسجن وبديت التحقيق ويا وظل بس ثائر مختفي مدة اربعين يوم واني احقق بالجريمه

كل يوم افتح الموبايل واتمنى منها رسالة لكن عقلي وكبريائي يمنعي ارد ع مسج مالتها وضربته بعرض الحايط ...

بيوم الكعده مالتهم رحت بمكان ابويه الله يرحمه لبست عكالي ودشداشه نيلي وعبايه سوده بيها خط ذهبي وعكالي ابيض بأطار ذهبي خليت عطر وطلعت رحت اني وعمامي ..

دخلنه للديوان وكعدنه وبدوا يحجون
وبنص الكعده طلبو فصليه وفلوس اني هنا ماظل عندي عقل شنو فصليه شنو فلوس ..

انه كل فكري همه ماعدهم غير زينه وزينه ملكيييي ملكييي الي وبس ماسمح لاي احد يلمسها لو تروح فصلية ع جثتي هل شي والشيخ ضاري نقذني بس ابو الولد اهنا تجاوز وداس بمصاريني ..

مصر ياخذ فصليه كمت وكفت وكتله ..من رخصت عمامي واهلي اني الشيخ صكر اطلب ايد المحروسه بت ابو ثائر ونستر وماتروح فصليه وهيج مالكم حجه

شيخ ضاري ..ونعم منك ومن اصلك بويه اكعد والك هيه وهيج يابو علي مالك عدنا مره

الشيخ صكر ..مشكور عمي خلصت الكعد وصار الفصل 170 مليون وبس ..

سناريا ..وتنازلوا عن ثائر ورا اسبوع تم تسليم ثائر للقانون ....واهنا بلشت اكبر مصايبنه ....

يمكن كلكم ناسين #زايد المسؤول السابق الي صارت مشكلة بينه وبين جدي ضاري ببداية القصة وهسه اجه دورة بالقصة وراح ارويلكم شلون دمر عشيرتنه وحطم حياتنه النذل ...

زايد هسه متقاعد كاعد بالفله مالته واجه الخبر ع طبق من ذهب هذا ابتسم بمكر وخبث وكال ..والله واجه يوم اذلك بيها ياشيخ ضاري
..
صكر ..كاعدين اني والضباط اناقش القضيه كلها دخل علينا رجال طويل ومبين علي من اهل الفراش القطني يعني غني كعد طبعا انه ماكمت لان ماحترم هيج اشخاص خله رجل ع رجل وبلش يحجي ..

زايد ..انه المسؤول السابق ...... زايد ال ....

صكر انتجه ع الكرسي مالته وباوع علي وكله ..ونعم اتفضل أمر خدمه ..

زايد ..سلمني ملف قضيه ثائر ..اريده الي

صكر عكدت حاجبي بغضب كتله ..الملف مو بين ايدي لان انرفع للقاضي وي كامل الدلائل ..

زايد بنبرة صوت حادة ..كتلك انطيني الملف

صكر حط ايده ع الميز بقوة وحجه بنبرة تحدي ..بأمر منو لو سمحت انت شخص متقاعد مالك اي سلطه وياي

زايد بغضب ونبرة استهزاء ...انه مالي سلطه ههههههههههههاي انت ماسامع عني يمكن انه ..... صحت ع حضرة الرائد ممكن تتفضل يمنه

صكر دار وجها ع الباب باستغراب منو الي راح يدخل .... دخل الرائد معتز وطلب منه الملف وكان هذا شي بحكم من القاضي مايكدر يرفض ... للاسف زايد كدر يلعبها صح وراح يوكع ثائر بخبر كان ويدمر كل العشيرة بهل مصيبة ...وهل شي ضربة قاضية لشيخ ضاري وتنفيذ الانتقام الي جان شايله من سنين كدر ينفذه هسه برودة اعصاب

صكر ... مكدرت امتنع عن تسليم الملف لان جان جايب حكم من القاضي شخصيا ًوانطيته الملف وتم تسليم القضيه للي ميخافون الله وكلها طلعت من ايدي وصارت بعيده عني اخ ياربي استر بس ........

في مكان اخر....

سناريا ...طبعا هذا الموقف سمعته من خالاتي ..في السجن

جنان ..رحت لثائر اشوفه كبل لا يحولون سجنه من كربلاء لناصريه ..

ثائر بقهر وتوسل وتأنيب ضمير ..يييمه يمه والله ماكتلته صدكيني يمه مواني وغلاتج اني بريء ومالي يد بهل قضية خلي يسئلون كرار هوه راح يكولهم منو القتله والله العظيم ماشتركت بهل جريمة وماقبلت كرار يقتله 😭😭😭

جنان منهارة من البجي ومحروك قلبها ع ضناها ..اييي يمه والله مصدكتك والله مصدكتك يابعد كلبي ادري انت متسويها يايمه😭😭

ثائر ..يمه ابوس ايدج سامحيني يمه اني ماسمعت نصايحج يمه سامحيني يايمه اني غلطان خليت دموعج تنزل انه زعلتج يمه سامحيني يايمه سامحيني والله مجان قصدي والله متندم وغلطت غلطة عمري هاي ادعيلي يايمه دعائج مستجاب ربي يفرج سجني يمه داموت اني داموووووت 😭.. والله لو يرجع بيه الوكت ما اغلط هل غلطة اخخخخ شسويت اني شسويت

نزلت ابوس بيدها ودموعي نزلت وخانتني مكدرت اتحمل الظلم الي وكع عليه

جنان ..يابعد روحي يايمه كافي شلعت كلبي عليك كافي 😭😭..

مثل ماشفنه ثائر متندم وبلش تأنيب الضمير ينهش بحالته والسجن اخذ ما اخذ من صحته ويتمنى لو يرجع بي الزمن مايطاوع الشيطان ولا كرار الي بسببه وكع بالهاوية وهو بعمر المرهقه وماشاف من حياته شي



في مكان اخر....

سناريا ..انتهت سنه كامله مجرد ايام تمر مابيها شي بُعد ثائر عني كان مثل بُعد الام عن ابنها ماكان صاير شي ..

بيوم صادف عيد ميلادي كعدت شفت روحي صايره مثل قلم رصاص بس ينضغط ع خصري انكسر واصير نصين صرت صف ثالث متوسط ..

لبست نفنوف اسود وشعري فتحته ..وخليت كحل ونزلت ع صوت الهلاهل عماتي الي ماعرف ع شنو هاي الهلاهل هو مجرد عيد ميلادي ..

اوف ياربي شهل يوم الاسود اجه بابا وعمامي والكل كاعدين كان يوم أسود بالنسبه لي شفت اموله (امال) لابسه نفنوف طويل مالت محجبات

خلو الكيكه اكبالي ..وكلها تكول كول عام وانتي بخير ويغنون ويصفكون ويهوسون صارت نظرات الكل الي يلا طفي الشمع غمضت عيني واتمنيت شغله وحده (ارجع اعيش مره ثانيه ).....

طفيت الشمعه ونفخت بيها ..وكلها تضحك وتصفك اخذت قطعه اريد اكل بس نفسي مامشتهيه اي اكله ..

باوعت ع عمامي وجدو كلها تضحك ابتسمت ع ابتسامتهم شفت امي واكفه وتبجي مثل كل مره مافهمت ليش تبجي كمت اريد احجي وياها ..

رحت لزمت ايدها وبجيت بحضنها ..رفعت رأسي وكتلها ...يمه لا تبجين الله يخليج

امي ..لا يمه خلص سكتت

سناريا ..لا تقنعيني انتي ماتبجين

امي ..يا شبيج مسحت دموعي وهاي راحت ..

سناريا ..خلصت الحفله وصعدت نزعت ..اريد انزع النفنوف اجت اميره كالتلي ادم اجه وجايب ويا هدية عيد ميلادي ابتسمت ادم خلال هاي السنه يحاول يهتم بيه يحاول يعوضني عن الي خسرته لكن مستحيل الي خسرته مايتعوض لو بكنوز الدنيا ..

لبست دشداشه عاديه لونه جويتي وشال ونزلت شفت علي ومحمد ولد عمي صغار يلعبون بالنفاخات هههه يطكون وحده وينفخون الثانيه ..

درت وجهي وشفته كاعد لابس بنطرون اسود وقميص زيتوني ابتسمت مجامله رحت يمه وكف وكال

ادم ..كل عام وانتي بخير اعذريني ماجيت من وكت

سناريا ..عادي ماصار شي

ادم ..اممم شبيج ضايجه شوفي شنو جبتلج

سناريا ..شنو ترا عادي اذا ماجبت شي

ادم ..اتفضلي افتحي بدون نقاش

سناريا ..اوكي بس لا تتأمر تعرفني اكره الي يتأمر

ادم ..ههههه

سناريا ..اخذت الهديه فتحتها شفته موبايل هواوي ابتسمت وكتله ..شكرا ماقصرت عفته ومشيت جان اسمع جدي يكول ..

الشيخ سالم ..بعد جم يوم نسوي حفل العقد مالت ادم وسناريا

سناريا ..مثل الي اجتني ضربه قاضية ع راسي انسطرت سطر درت وجهي وباوعت لادم ورجعت باوعت لابوي بترجي ماريد هذا العرس ...

والله ماريد هل عرس ليش تحكمون عليه بالموت اني كلبي بغير مكان متعلك وانتوا راح تعدموني بهل زواج باوعت ع ابويه لكن ابويه مايكدر يرفض طلب جدي ..والكل كيفوا وفرحوا شفت امال ماهيه اختفت وينهه المخلوقة ..

وللحكاية بقية ....

هّـــــأدٍئـــونِ جّــــدٍأ ...و رأضًــــونِ بٍمًـــأ ?ْتٌـبٍـــهّــ ألَلَهّــ لَنِـــأ ...حًتٌــــيِ و لَـــو ?ْــــأنِ وجّـعٌــــأ يِقُتٌـلَنِــــأ ... فُــــ ألَحًمًـــدٍ لَلَهّ 😔😔

يتبع ...

انتظروني ساعة بل10 بالليل راح اشر حساب الواتباد مال سناريا لان بخاطرها كلام للبعض تريد تكوله والي يحب يحجي وياها شخصيا راح تجاوبكم بنفس المنشور
تحياتي للجميع .....

#سارة_المجيد🎀

[فيتامين سي]

#ملكة_الشيخ_ضاري

#بارت2_ج2

#بقلمي_سارة_المجيد

اسعد الله مساء متابعيني بكل خير
🕎🕎🕎🕎🕎🕎🕎🕎🕎🕎🕎🕎🕎

سناريا ..وباوعت لادم ورجعت باوعت لابوي بترجي ماريد هذا العرس لكن ابويه مايكدر يرفض طلب جدي ..والكل كيفو وفرحو شفت امال ماهيه اختفت وينهه المخلوقة

وكفت ماريد هذا العرس كله كتلهم بصوت خفيف ..جدو ليس مستعجل

جدي ..ليش بويه انسب وقت الج وانتي ماشاءالله كبرتي مايحتاج بعد ننتظر

سناريا ..بس جدو اني كتلك شنو رأي بزواجي من أدم !!

ادم كمت وكتلها ...جدي خلص انسى ست سناريا ماتشرف تزوجني ولا تنسى فارق العمر الي بينا هم يحكم انه اكبر منها ب13 سنة واكيد متريد تزوج انسان اكبر منها مو سناريا صح كلامي لو غلطان

سناريا ...كلت بكلبي عسى ماتطلع اكبر مني بدقيقه هم ماتزوجك ..

باوعت عليه وكتله بنضرة تحدي كافي سكتت عنه طول هاي الفتره وعباله اني ميته علي

شوفته تخنكني صوته يذبحني ونفسه وحده احسه شوك بنص بلعومي شمرت علي الهديه مالته وكتله ...

اذا عندك كرامه اطلع بره وعوفني بحالي شخص مايريدك شكو ذاب نفسك علي لان انت ماعندك كرامه والي ماعنده كرامه واحساس شسويله ازرع اله كرامه واحساس ..

ماحس غير ع صوت عمي الشيخ ..وهو يصرخ بابوي يسكتني باوعت عليهم وكتلهم ..انيييي ماتزوج بعدني صغيره

عمي ..انطمي قليلة ادب

سناريا ...بس وقاطعني ابوي بصرخه حادة

ابوي .. سنااااااااااااريا كااافي صعدي لغرفتج

سناريا ..صاعده والله ياخذ روحي
خزرت ادم وصعدت ركض وصلت نص من الدرج وسمعت عماتي وعمامي ويحجون عليه وادم عين السيح يكلهم طفله ..

والله لاراويك هاي الطفله شتسوي باوعت بالشباك شفت نفس المره العجوز متضايكه ع ضيكتي يمكن انه الشخص الوحيد الي اشوفها والشخص الوحيد الي احس بيها باوعت عليها وكتلها ..انتي شتريدي مني شتسوين وياي ..

ابتسمت بحزن وراحت ..دخلت لغرفتي وظليت نايمه وصافنه بالسكف شويه وحسيت بادين تمشي ع جسمي
اخذت المخده وكمت اصرخ ...

ولكم عوفوني كافي ريحونييييي ولكم والله تعبت ياربي خلصني خلصني هذا شعور المقزز شنو ياربي كمت اصرخ واضرب برأسي اريد ارتاح ..

جان أسمع الباب وكلها تصيح سناريا بس صوتهم مثل الذبان مافهم شي منه باوعت اكبالي ناس كومه بس مابيهم احد يفهمني ..

بلشت احس احد يمشي ادي ع جسمي كمزت وكمت اصرخ ياعالم ياناس الحكولي ركضت اريد افتح الباب انقفل وادك واصرخ وهم يريدون يفتحون الباب انسد كعدت بزاويه بجيت بقهر ابجي وخليت اديه ع أذاناتي اريد اسكت ماكدر ..

غمضت عيوني وكمت اكرر الصلاة ع النبي واكول بسم الله الرحمن الرحيم حسيت الاصوات اختفت بس صوت اهلي اوف غمضت عيني ماحس ع نفسي غير غافيه ....

في مكان اخر ..
.....
زينه ...من اجه عمي وكال صبوا جاي الناس اجت خاف ياناس ياربي شنو هاي جهزت كتبي حتى اروح للكليه ماحس غير ع اربع نسوان يدخلن البيت ظليت صافنه عليهم امي حالتها حاله وشكلها حيل تعبان ع افراك اخويه ثائر ..

الكل تعبان افراك العزيز صعب حييييل صعب لكن انه قويت نفسي وكفت ع رجليه ماريد هيج ألم يخرب حياتي ..
وكفت ورا الباب واني أسمعهم

ام صكر ..والله احنه جاين نطلب ايد المحروسه بنتكم

خالتي ..اني سمعت من عمي ع كلشي واكيد نتشرف بيكم بس الوقت مو وقت خطبه وزواج انتي شايفه حالتهم ..

ام صكر ..اي والله معذورين

زينه ...انحبست بغرفتي ..خالتي مقبلت اطلع كالتلي ظلي حتى يروحن وروحي ظلوا فوك الساعه وبعدين راحوا ..

لبست عبايه واخذت جنطتي وطلعت جان اشوف سيارة صكر لالا ماصدك هه وليش ماصدك عباله بكسرتي لخوي راح انكسر واضعف وارجع اترجاه لا والله حلمان ..

اجت سيارة الخط صعدت ورحت للكليه ظليت فوك الساعه اني ماعندي محاضرات خلال هاي السنه الي مرت شفت ضيم يابو ضيم امي نقلوها من مستشقى لمستشفى حالتها بلشت تتحسن ماعدها غير سجادتها وقرآنها تكعد من الصبح لضهر تطلب من رب العالمين يفرج عن ثائر اوف ياثائر ليش هيج سويت ياخوي ليش ....

كاعده بالكفتيريا ومنتظره مروه اتاخرت هاي المره حسيت باحد كعد رفعت رأسي وشفت صكر نظرته كانت نظره مختلفه اما اني كانت نظرتي بارده ومستحيل اتقبله ...

درت وجهي عنه ردت اكوم لزم ايدي وكعدني غصب عني وهمس بعصبيه

صكر ..اكعدي وسكتي عندي كلمتين اكولها واروح لتعاندين

زينه بغرور ..يلا بالله كول لان ماعندي وقت اختصر ..

صكر حجه هو صاك ع اسنانه ..من تحجين احجي بحترام لا اكسر فجج زين

زينه ..جاي تحجي لو تهدد كول وحده من الاثنين

صكر ..هههه لا فوكاها تخيرين ههههه صدك جذب ولج احجي عدل وياي ..

زينه ..اي وبعد

صكر ..فورت اعصابي هاي راح اكوم اكسر راسها كوه كضبت اعصابي عنها ..لزمتها وسحبتها عليه وهمست بعصبيه ...وتالي شلون بيج

زينه ..مافهمت شنو يريد دفعته وكتله ..انت شبيك

صكر ..انه شبيه لو انتي

زينه ..هه حيييل حلمان كمت وعفته جان يكول

صكر ..زينه أسمعي بعد شهرين راح تصيرين مرتي وهذا شي بأذن من اهلج يعني مالج اي عذر بعد

زينة درت وجهي وكتله الي متنوشه بيدك نوشه برجلك ..
عفته ومشيت وماخذت كلامه بجديه عفته ومشيت ...مادري شديخبص ويحجي مافهمت علي

في مكان اخر ..

سناريا ..ثاني يوم كعدت لكيت نفسي بالمستشفى وحالتي حاله مغذي وكانونه ومدري شنو حالتي حاله كمت اون من ألالم واحس اعضامي ترجف من الوجع حجيت وكوه طلعت مني الكلمه ..مييي يمه ميي

كامت امي بفزه انطتني الماي اشرب بس احس طعمه مر وكوه جرعته وخرت ايدها ورجعت رأسي اسمعهم يحجون بس صوت ماعندي ..

احس نفسي مو مال احجي او اعبر عن شي اكتفيت بس بالنظر كانت الردها مليانه ناس وكلها حايره بنفسها ظليت صافنه جان تمر من بينهم طفله صغيره اباوع عليها تباوعلي بس احسها تكرهني متحبني ..

اشرت ع الباب وكتلها تعاي تعاي امي صافنه علي وكالتي ..

امي ..ولج يمه ويامن تحجين

سناريا ..ابتسمت وكتلها ..ذيج الطفله خطيه وين امها

امي باوعت ع الباب ..وينها ولج يمه صخام بعيني عزه العزاني طفله تخبلت ولك حسين تعال شوف بنتك

حسين ..خيرر شبييج شبييج

امي ..حجت اله كلشي واني اباوع ع المكان والطفله واكفه وتباوعلي غمضت عيني ع الناس كلهم وحسيت بشخص حضني وكان حضنه دافي سمعت صوت ثائر بأذاني وهو يكول احبج موت حبيبتي انتي بنتي ابتسمت ونمت ...

امي ..كاعدين احجي وي حسين وشفت سناريا نايمه وتبتسم تخبلت لشويه واحجي وي حسين واكله صيح الدكتور خلي يشوفها شويه واجت الدكتوره فحصتها وكالت زينه مابيها شي تكدرون تطلعوها طلعناها بعد ماكعدت ...

ورا ساعه ..

سناريا ..😕ابتسامه ع وجهي والكل يباوعلي واحس ضامين عليه شي ماعرف شنو هو او شنو الي ضامي احسهم مثل خايفين شفت اميره اختي ايدها مجروحه ومحمد وعلي ماعرف شبيهم يارب شصاير ..

جان يطلع ادم اكبالي وكفت وتنصبت جسمي مايرضه يتحرك امي وابوي يريدون مني اتحرك بس ماكدر وكفت لحظه وحسيت بشخص يعصرني عصر ..

صرخت واني احضن ابوي وشفت ادم واكلهم ..وخرو ماريد اشوفه اكرررررهأ اكرررررررها ابوي خاف علي كال ادم طب جوه ..

الكل تباوعلي بشكل غريب طبيت لبيت اختنكت ماريد البيت كمت ابجي واصرخ من رأسي وكلهم طلعوني اختنكت ماريد اطب للبيت ابوس اديكم طلعوني ..

ابوي كرفص يمي ويكلي شبيج بابا بس فهميني شنو الي يوجعج بس كليلي بجيت وكتله ..كلشي كلشي بيه يوجعني اشرت ع ركبتي وكلتلهم مختنكه ماكدر اتنفس ماكدر احجي كلشي بيه يوجعني

ابوي ...يابعد كلبي كولي شتريدين بس كولشي يجرالج

سناريا ..بجيت اكثر وكتله ..ماريد اشوف ادم ماريد اتزوجه خلصوني منه والله وطكيتها بجي ابوي اخذني لحضنه وظل يمسد ع رأسي خلص اهدي اهدي ياكلبي اششش هسه ارتاحي وكلشي يجرالج بس اهدي ..خلاص مانطيج لادم

حسيت نفسي خلص هدأت وغمضت عيوني وكتله ..بابا اني موجوعه لا تعوفني حباب ..أشر لأمي تاخذني للغرفه انام وارتاح صعدتني ونمت ..

بعد ماخذت علاج وعلاجي بي منوم ..
وهم حسيت بشخص وياي بفراشي بسرعه غفيت من التعب ..ظليت ع هاي الحال 6 ايام والحمدالله خلصت العطله

وبلشنه ندرس لصف الثالث وبلشت مشاكل وي صديقتي مريم ...بيوم كاعدين بالصف ..

ايلاف ..اكلج سناريا ع شغله بس خليها سر بينه لاتحجيها لاي مخلوق

سناريا بعتب ..كولي ياختي شنو باقي ومصار وياي

ايلاف ..شوفي هاي مريم تحجي عليج وع حنين ومامخليه كلمه ماكالتها عليج وع حنين وتكول انتن امهات الولد ومصاحبه وتخابرين وكذا واني والله ماردت اكلج بس لازم نخلي الها حد يعني شنو تكول عنج هيج

سناريا ..شعوطتني الله وركعت روحي بالكاع بدون تفكير ركضت للصف شفتها واكفه وتتمضحك اجيت عليها من شعرها لزكتهه بالصبوره وصرخت بيها ..
كتلها ولج ياهيييييي ام الولد ها احجييييي ياهييييي ام الولد والله لعلمج اني منو ولج مكافي الي بيه لطلع عتاب اسنين بيج والله لطيح حظج واخليج تبجين دم

مريم ...ششبيج سناريا انتي شتحجين

ايلاف ..سناريا عوفيها خلي تولي

سناريا ..صفكت وكلت ..والله لعلمج الادب ع اصوله ياخاتون انيييي انيييي ام الولد دشوفي ام الولد ياهي

مريم ..بس اني ماجذب وانتي مامربايه هي وحده ...

سناريا ..ماخليتها تكمل كلامها لزمتها من شعرها وركعتها وضربتها وصارت مكافش وبنات يفاككن بينه بس مايكدرن ..

طحت عليها دوسه ونص سحبتني ايلاف وطلعت لبره اختنكت حيييييل حسيت الدنيا ضاكت بعيوني ماتحملت كل هذا ياربي شنو باقي ومصار وياي شنو الي متنظرني ياربي شوكت ارتاح ياربي شهل عيشه يارب كل عمري 15 سنه شفت الويل ياربي شوكت ارتاح يارب ..

عفت ايلاف تحجي ورحت للمديره قدمت شكوه عليها اجت هي وكامت تبجي وتتماوع مدري شنو سجلو اسمائنا وطلبوا من مريم ولي امر واني رجعت لصف رافعه رأسي وهي ولت للمغاسل ...

ايلاف ..خرب انتي جون سينا عايش بيج خوش كتلتيها

سناريا ..من قهري والله يا الله بيمن اندكت اصلا اني جانت عايزتني حكة خشم حتى اتكاون

ايلاف ..ولج وجهج مخرمش شوفي

سناريا ..انطيني الامرايه

ايﻷف ..هاج خيه

سناريا ..اخذت الامرايه باوع بشكلي خرب تشوهت عاد اني شلون حلوه ههههههه ..

اجت اميره وهم نفس الشي صدك جذب ومدري شنو بنات الصف سكتن وصادف ثاني يوم جمعه رجعت للبيت حجيت كلشي لأمي واميره ماقصرت كلشي سمعته كالته الهم عفتهم وصعدت لغرفتي شمرت كتبي ونزعت ملابسي ..

ونمت بدون سابق انذار حسيت بنفس الشي ياربي راح اموت ....

شعوري كول مأنام احس بي شخص ينام ويايه ودائما احس لمسته جريئه ..

بس من انزعج يختفي او من اقرأ الايات ارتاح هذا شعور ظل ملازمني طول هاي الفتره وابد مكايله لأحد عنه ..

فزيت من النوم اباوع منا ومنا ماكو ياربي ريحني مو تعبت رجعت رأسي ع المخده وخليت ايدي ع رأسي وضليت صافنه بالسكف شويه وسمعت صوت امي وهي تكلي تعاي تغدوا ...

رجعت نمت ماحسيت بالدنيا غير انفض روحي من الحر كمزت كهرباء طافيه بعدني بهدوم المدرسه خرب شهل دنيا هاي حاره ..

اباوع الدنيا غروب خرب ولا اشبع نوم كمت لبست اتراك بيت خفيف صيفي بس هي الدنيا بداية شتاء بس لسه مابردت الدنيا ..

فتحت شعري ورفعته ذيل احصان ونزلت من الدرج واني الف بشعري واهوي روحي بالهوا باوعت شفت البيت فارغ بس صوت الجهال بره ..

ضحكت هه جان البيت مليان ضحكاتي وهسه خانسه صدك الوجع يخفي اكبر ضحكه ..

باوعت ع الموبايل اخذته واجت ايدي ع رقم ثائر القديم اتصلت بخوف وتردد طلع الي صوت حسين وهو يكول هلا خاله اسمهان رفضته واتذكرت حبيبي وكلبي هسه بين اربع حيطان ليش ياربي هيج صار ويانه ليش اتفاركنه ليشششش 😭😭 /..

كعدت ع عتبت الباب واباوع ع غروب الشمس ماكو بس خيط الغروب حلو نزلت دمعتي لزمت ايدي اسوار ثائر ماكو ..

كمزت وطلعت ركض لفوك دخلت طلعت كلشي اكو بالكنتور ماكو فردشت الكنتور هم ماكو الكهرباء مطفيه متساعد ادور ..

كعدت بحزن دفنت رأسي بين رجلي وبجيت يارب كون مو ضايع دخيلك كون موضايع يارب ماتحمل يضيع دخيلك ماريده يضيع هذا اخر ذكرى من حبيبي يارب .....

اجت الكهرباء ودخلوا الكل لبيتهم صعدت اميره وصرخت بيه

أميره.. اصخام سناريا ليششش هيج مهوسه الغرفه

سناريا ..كمزت كتلها ويين السوار الي مكتوب اسمي بي

اميره ..ها واني شكو

سناريا ..هو بس اني وياج بالغرفه

أميره ..مو اني حايط نصيص كولشي يضيع يطيح برأس اميره

سناريا ..اني ابد مامرتاحه الج ابدآ ابدآ

أميره ... وعساج لا ارتاحيتي شسويلج والله يالله ..

سناريا بألم وتعب ..أميره اذا عندج طلعي لا شلعين كلبي الله خليج والله مالي خلك ...هل اسوار ذكرى عزيزة عليه من ثائر فدوة لتحركين گلبي اكثر ماهوه محروك 😔😔

اميره ..اوووف ياخيتي والله ضميته عنج شايفه انتي مهووسه بثائر حتى بحلامج تبجين وتصرخين ثائر ثائر لج بابا كافي اصحي

سناريا ..اميرة تعبت والله تعبت مداتحمل الي صار شي فوك طاقتي احس روحي انسلبت مني عكب ثائر مداستوعب يضيع من ايدي ولج داموت ومحد منكم حاس بيييييه 😭😭😭

اميره ..انتي دتعبين نفسج بنفسج صيري قويه والله كريم حبيبتي وادعيله ولاتأيسين من رحمة الله عسى ربج يفرج عنه سجنه

سناريا ..ونعم بالله 😢
كعدت وهيه راحت طلعت السوار خلته بيدي ونزلت لبست السوار وكتله بس انت وفيت وياي وصاحبك ضاع من بين اديه

شيرجعه صدك لو كال جدي ضاري غالي ينفس ويضيع والرخيص يظل نايم ع كلوبنا ادم مو بس نام ع كلبي خنكني بلزكته ..

طبعا خلال هاي الفتره اني مامصليه ﻷن بس انام كمت احس بشعور غريب رحت توضيت ولبست جادر الصلاه واحس نفسي خجلانه من ربي دنكت وصليت وكعدت شويه اسبح بالصلاة ع محمد ..

خلصت وكمت اريد انزع الجادر باوعت ع القران صغير اخذته واول مافتحته طلعت ايات الرحمن اكبالي بدون تردد كمت اقراها كلها ..وقررت اختم القران ابتمست وكملت نزلت ابتسمت حسيت بشعور ثاني احلى ..

نزلت وكلت لأمي راح اسوي كيكه ضحكت بوجهي وكالت

امي ..تعاي اخلص العشه وانتي سوي الكيكة

سناريا ..اوك ماما كعدت اباوع لمحمد وعلي يلعبون بلي ستيشن كمزت يمهم وكتلهم خلي العب وياكم

محمد ..وانتي تعرفين تلعبين

سناريا ..وانت مستهان بيه شو جيب
اخذت اليده وكمت العب واو غيرت جو غير شكل صاحت علينا امي نصي التلفزيون نصيه اجه بابا كمزنه كلنا علي ونسلم وكان جايب ويا حلويات كعدنا نباوع واحد لثاني مانتظر الكل انريد ناكل حلويات بس 😔 ميصير اوف ...

لازم ناكل العشه كبل الحلويات هم كملنا عشه وبابا حشش علينه اول ماخلصنه اكل كمزنه ع الحلويات اني اخذت كنافه اكل واسوي يميييي واميره هم مثلي ونضحك عليهم ...حسيت رجعت لحياتي ايي رجعت سناريا ...

في مكان اخر ....

زينه ...مشيت وعفته ولا كأن حاجاني رجعت للبيت وبلشت مئساتي اوف شفت ماما كاعده بالباب ويمها خالتي ويواسن بيها قربت منها بستها ودخلت للبيت ..

شفت حسين نايم ودا يكنك ومحمد مشغل التلفزيون ويقلب بالقنوات دخلت لغرفتي شمرت جنطتي وغراضي سمعت صوت موبايل دافتح بالشال عفته وفتحت الجنطه طلعت شفته رساله من صكر ..

كاتب بيها راح اجي انيمج بحضني واهمس بذانج اجمل اشعار والقصائد ..

زينه ..عفته وغلست بس اكو ع وجهي شبهه ابتسامه ماعرف احساس اخترق قلبي بهاي اللحلظه وبلش يدوك بسرعه هههه يمكن دا احلم اوف شسوي خلي يولي شكو انه نزعت شالي ...

مرت ايام عاديه وصكر يزعجني كول يوم برسأله منه قبل لا اكل او قبل لا اطلع يعني يومي صار عباره عن رساله ههه
مشاعري ماعرف شبيها احس نفسي مو جاهزه لهيج خطوه ..

وخاصه الي صار ويانه منو يكول يتقبلني والاصعب الشيخ الي طلب ايدي بالكعده الي لسه ماعرف هو منو او شنو الي يريد مني زين هل شيخ ليش هيج سوه وطلبني من اهلي حتى يخلصني من الفصلية والله دخت ماعرف شديصير ..

تهت كولش ماعرف وين راح اوصل ..
خليت راسي ع المخده وبلشت احلامي مطربه تجي مثل كول يوم افز الصبح ابدل واطلع للكليه لكن وقفني صوت ابويه وهو يكول ويحجيلي عن عريس الغفلة الي متقدملي ..

زينه ..تحطمت كولشي بينه خلص راح وي كول كلمه يكولها ابويه احس جبل من الهموم يوكع ع راسي كانت الدمعه بطرف عيني ..

بس منتظره وقت الي يخلص ابويه كلامة واذرف هاي الدموع مسحت جبيني من التوتر الي انه بي وكتله برتباك ..وهسه بابا .. يعني اقصد خلص اتحدد مصيري ..

ابويه ..اي بنتي خلص الرجال ونعم منه شيخ عشيرة وخلوق وادمي لكن هو متزوج

زينه بعصبيه هادئه ..يعني بابا انه خبزتي ثكلت عليكم هل شكل تزوجوني شخص متزوج وماعرف عنه شي ..لا وفوك كول هذا احنه الممنونين منه ..

بابا انت تعرف كولش زين انو الزواج اخر اهدافي شلون تقبلها اتزوج شخص من الاساس ماعرفه !زين نفرض انه قبلت بي .. منو كال هو يقبل اكمل كليه واكمل ماجستير ..منو يقبل

ابويه ..لا هو كال اخليها تكمل والها بيت وحدها وهيج احسن

زينه .. بكلبي كلت اوووف يابويه بس اني كلبي معلك بغير مكان وهل زواج راح يذبح كلبي ويخلي ينزف طول العمر ...اخخخ شسويت بروحي اني شنو ذنبي اكون ضحية واعيش طول عمري وي انسان ماحبه ولا اعرف عنه شي بس مجرد نقذني ان اكون فصلية 😔😔 ...
كتله بابا من الاخير اني رافضه كول هذا الزواج ومستحيل اقبل بشخص ماشايفته ولا اعرفه .....

وللحكاية بقية ..

زينة جانت متعرف الشيخ الي طلبها للزواج بالكعدة مال الفصل هوه صكر نفسو بقت بلا علم بالموضوع
ومندري بردت فعلها شنو من راح تعرف الشيخ هوه حبيب الگلب نفسو 😉😉

يتبع ...

#سارة_المجيد🎀

[فيتامين سي]

#ملكة_الشيخ_ضاري

#بارت3_ج2

#بقلمي_سارة_المجيد

مساؤؤؤؤؤ عسل حبايب گلبي

🌿🍒🌿🍒🌿🍒🌿🍒🌿🍒🌿🍒

زينه ..بابا اني رافضه كول هذا الزواج ومستحيل اقبل بي ..

كمت وعفت ابويه والدمعه بعيني انه جبته لروحي انه لو قابله بصكر من سنه جان هسه انه ويا مزوجين ومصار كول هذا بس ااأأأأأأأأأه 😭ميت سجينه بكلبي تضرب واعاتب نفسي شسويت بروحي ..

طلعت وانضربت بعمي اعتذرت منه ومشيت ضايعه ومتشتته افكاري ميت فكره وفكره بالي صعدت بالخط بس مكلت شي كان حجي هوايه بداخلي اوف ياربي شسويت بروحي ماكدر ارفض كلام جدي او ابويه وهسه صار كول هذا غصب عني ..

وصلت للكليه بسرعه رحت لمروه شفتها كاعده وي كروب بنات لزمتها من ايدها وسحبتها ومشيت بيها

مروه ..اوف ولج هاي شبيج شصاير اصبري اصبري وين ماخذتني اوكفي

زينه بدمعه ..مروه اني انتهيت انتهييييييت

مروه بخوف ..ششنو شصاير ولج احجي خوفتيني شكو

زينه ..اي والله انتهيت كلشي بيه انتهى اتدمرت وماعاد اعرف شسوي 😭

مروه ..خرررب ولج شكو احجي

زينه ...حجيت كولشي الها من دك الباب لحد السلام عليكم ...

مروه ..اممممم والله انتي غبيه انتي رفستي نعمتج مو كالج اريد اتقدم بس انتي كمتي تماطلين علي بشغله لج عزيزتي انتي الغلطانه

زينه ..وهسه شسوي منو كال هذا عريس الغفله يقبل اكمل دراسه ..

مروه ..انتي وحظج بعد

زينه ..اي وهو انه اعرف حظي مجسي ..

مروه ..اوف هسه منين تجيبيها من الدروس الصعبه لو من المشاكل استغفر الله ياربي ..

زينه ..اوكي لازم ابين قويه احسن شي

مروه ..بكيفج بس انطيج نصيحه اتصلي ع النقيب وخلي يرجع يحجي وياج

زينه ..شلون ماتصل وليش اتصل حتى ينغر ويتكبر ويكول اي من جنت اريدها تصد بيه ومن صارت مشكله تعال صكر لا عيني لو اموت

مروه ..منو كالج هو هيج راح يكول

زينه ..ماعرف بس حاسه هيج يكول

مروه ..هو انتي محد مخرب عقليتج غير هذا الاحساس ...

زينه ..خلص اليوم ورجعت للبيت ضايجه ومقهوره حيل من اهلي ومن نفسي ماحجيت شي وياهم ..

كبل رحت لغرفتي شمرت نفسي بسريري وظليت اباوع ع الشباك شويه واخذت موبايلي دخلت ع قوائم الحظر الي عندي ..

شفت رقمه سويت ازالة الرقم ودخلته بالواتساب شفته عنده اتصال بالنت من 5دقايق ظليت صافنه بنفسي اتصل لو مارد خفت وكمت ارجف يارب كون يطلع كول هذا حلم وارجع لنقطة الصفر ماعرف لا صكر ولا عشت هذا الشعور يارب سويت اتصال وسمعت صوت يرررن يرررن 😣....

في مكان اخر....

سناريا ..كعدت ثاني يوم نشيطه والحمدالله من صليت ارتاحيت شويه لالا هوايه ...نزلت اتريكت وي اهلي وصبحت عليهم بابا راح لشغل وكان يوم جمعه أميره لسه نايمه وهم اخواني بس اني وامي ..

ظليت صافنه شويه وخطر بالي فكره رحت لأمي جانت تلبس عبايتها كتلا يوم وين رايحه

امي ..رايحه اشوف عمتج علمود تحفلي بعد اسبوعين عرس بت خالج

سناريا ..يعني هي وافقت

امي ..اي اكيد لعد شنو تنتظر شعدها كبرت بت خالج متصغر ..وانتي هم بس يجي نصيبج هم ازوجج

سناريا ..هههههههه يمه اني مازوج اظل يمج (ضحكت بألم واتذكرت ثائر اكيد هسه هو يتألم ع افراكي مو هم مشتاقلي هم يفكر بيه شنو اكل شنو شرب ياربي راح اموت من الشوق احس نفسي خلص انتيهت ..يارب عيني ..)

مسحت دمعتي ورحت يمها وكتلها ..يلا يمه روحي

امي ..وانتي اغسلي الاماعين ماشي

سناريا ..اوكيييي.
خلال هاي السنه كبرت وبلش جسمي يتغير مره سمعت عمتي اخت ابويه تكول جسمي يشبه الساعه الرمليه مافهمت وتكول خصري مثل محبس هههه وهم مافهمت وهي خياطه وجانت اتخيطلي دشداشه وتتفنن بجسمي اووووف ..

رفعت دشداشتي شكلتها بملابسي الداخليه وشغلت اغنيه وخليت السماعات بذاني اسمع اغنية أليسا احب احساسها بالاغاني فد شي ..

كمت اغسل واتفنن واضحك طبع بيه اغير مزاجي بهيج شغلات ورا دقايق حسيت بشخص وراي استغفرت الله هاي شبيه درت وجهي ماكو احد اوف كمت اتعوذ من الشيطان ..

بعدين حسيت باللمسه ع خصري وشي خشن يمشي ع ضهري من ورا باوعت هاي ادين ردت اصرخ خل ادي ع حلكي وسحبني وهو يهمس بذاني ..

ادم ..اششش انه حبيبج ادم شبيج ولج مو كافي لوعتي كلبي

سناريا بخوف ورجفه ..عوفني عوفنييي ادم ابوس ايدك ..كمت احس بشي خنكني كمت لعبت نفسي قرفت حيييل من قربه صارت بوساته جريئه ولمساته هم ..

هو اهنا ماظل عندي عقل وهو يشيلني ويدخلني غرفة اهلي كمت اصرخ هو يخلي ايده ع حلكي ويكتم صرخاتي ..

تخبلت حيييل بعد ماتحمل احد يخنكني ونفسي ضاق بعد ماكدر اتحمل جسمي انشل شل اريد احرك ايدي ماكدر كمت مثل وحده مبنجه بس دموعي صارت الي وسيله اعبر عن حزني كمت اصرخ اريد بس لساني ينطق صرختي ماتوصل صرختي ..

هو مستمر يبوسني بركبتي ونزل ع صدري غمضت عيني ونخيت علي ابن ابي طالب يجي احد يخلصني اول ماغمضت عيني حسيت بشخص زرع ادينه بركبتي فزيت مرعوبه ع صوت ادم هو يكلي ..

ادم ..اششششش سناريا حبيبتي اسف والله اسف ماعرف شصارلي اول ماسمعت صوت صرخت ..بس جسمي ميت ميت ..

سناريا ...عوفننييييييييبي كمت ابجي بهستيريه وصوت اشباح برأسي وناس تحجي كمت ماشوف ولا اسمع اريد ارفع اديه ماكدر ادم يحجي بس مو وياي ..

اجت اميره مفزوعه طلع ادم يركض واميره اجت تركض جسمي انشل مايتحرك غمضت عيني وهم نفس الشي احساس شخص خنكني ويهمس بشي مو طبيعي كام نفسي كوه يطلع كوه اريد اتنفس ماكدر نطقت كلمه والله بكلبي ثائر وينك😭

شويه ودخلت امي تركض علي حضنتني وتبجي وبيبي وعماتي ادم بسرعه صرخ لبسوها شي خلي اخذها للمستشفى لبستني امي صايه والحجاب ولا بس ابجي ماريد ادم ماريد اشوفه ولا أسمع صوته كرهته حيييييل 💔💔..اشمأزت نفسي منه اتمنيت اقتله بيدي واشرب من دمه الكره الي بداخلي ناحيته مو طبيعي اشوفه شيطان كدامي مو بشر

بهاي اللحظه اتذكرت ثائر راحت روحي ياحبيبي رحت بيها ...تعال شوف حبيبة كلبك شديصير بيها عكب عينك ...وينك عنها وينك 😭😭

نمت وكعدت بعد مرور يومين كنت تحت البنج ..كاعده بالمستشفى نايمه ماكو صوت حسيت بناس داير مدايري ..

ادم ..من اتقربت الها وبستها مدري شصار بيه شيطان اتربع برأسي اريد ارجع واوخر عنها بس ماكدر عطرها سطرني سطر لو جسمها عفتها هاي الفتره كل ماتكبر تحله وجسمها يصير احلا واخرب ع هيج شي ..

صار عمري 30 سنه ولسه افكر بطفله اريد ابعد عنها هواي تأذيت لكن ماكدر انه حبيتها من اول مانخلقت ع هاي الدنيا وكالوا ادم ال سناريا وسناريا لادم ...احنه ماعدنا بنات هواي هنه بس 4 اسياء وامال وسناريا وأميره وباقي كلها زلم مشوربه ...

عرفت انو هيه هاي الي الي كانت لبوه مفترسه ماتتروض حاولت وياها بكول الطرق ..بس مانجحت ولا فاد بيها

شكد اجيتها من الدروب الي هي بيها تفلت كنت دائما استخدم اسلوب العنف وياها والعين الحمره بس لكيت شخص ثاني سالب كلبها ابن خالتها صح كرهته واريد انتقم منه بس من شفتها ذبلت ع غيابه عرفت مالي مكان بكلبها ...

بس من انسجن وصار حكمه حكم اجباري انطاني القدر فرصه اكمل وياها هي بت عمي وهي الي واني اولى بيها منه جنت بيوم جاي ع عمي انطي الفلوس الشغل دخلت وسمعت صوتها تدندن دخلت وياريت مادخلت وشفتها ..

وكتلكم بهاي اللحظه لا كلبي حكمني ولا عقلي ...اخذتها واني اوزع بوساتي ع كلشي بجسمها واديه تمشي عليها بجرائة ..

اخذتها لغرفه فارغه نومتها واني فاصل عقلي وكلبي ينبهني اريد ابعد حسيت بشخص يجرني الها ..

وحسيت شيطان كاعد مو ادم كمت وخرت بعد ماسمعت اخر كلمه منها شفت وجها انكلب اصفر وشفتها يبست وبس دموعها ع خدها جسمها انشل ميته عبالك ..

كانت كبالي بس بالداخليات ركضت لبستها دشداشه خاف يشكون وطلعت انصدمت باميره جنت ميت من الخوف عليها دفعت اميره ورحت ركض ع عمتي وبيبي كتلهن وجبتهن سحل دخلت وشفتها متهستره بالبجي وجها مثل وحده اجت منيتها .....

شلتها بعد مالبسوها وطلعت اركض بيها صعدت بالسياره امها وعمتي وطلعت كبل للمستشفى الحسيني الاهلي ..

وصلت بسرعه دخلوها للطورائ ورا ساعه طلعت الدكتورة وكالت ...

الدكتوره ..المريضه مابيها شي

ادم ..تخبلت شنو مابيها شي شنو مابيها ششيييي والي صار انشلت اعظامها كمت اباوع بوجهم وهيه تباوعلي ..

ظلت يومين وهي نايمه عايشه ع المغذي سووا تحاليل وكالوا عدها رمل بالمثانه مالتها وباقي التحاليل سليمه كولشي مابيها ..

عمي حسين صارت عند شكوك تجاهي وخاصه من شافوا اثار الركبه مالتها بس طمطمت السالفه بس عمي حيييل ضايج مني ...

خلصن اليومين وطلعنا من المستشفى بالباب كانت نايمه بحضن ابوها صعدها وكتله عمي خلي اوصلكم ..

عمي ..مشكور تعبناك ماكو داعي تكدر تروح

ادم ..حسيت بطرده اخذت نفس تنهدت وطلعت بسيارتي لمكان ارتاح بي ماكو ظليت افتر واتذكر شلون تقربت منها ليش سويت هيج احساس غريب ياربي ......

بعد مرور اسبوعين

سناريا ..كعدت اخذت علاج وحضرت ملابسي وصيت امي راحت هي واميره لسوك يشترن ملابس لعرس زينه فرحت هوايه من عرفت زينو راح تزوج بس هم لسه مكالو الي شصار بيه من رحت للمستشفى اوف ماسألت هوايه ولا همني شي ...

كانت الدنيا شتاء شويه الجو بروده حلو ..قريت امتحاني حتى من اروح للعرس ماهتم لدرس ..حضرت ملابسي وملابس اخواني ..
دخلت امال وجها يبجي وكوه كاتمه ضحكتها مدري ..شبيها

سناريا ..خير ولج شبيج

امال ..ادم اددددددم سناريا ادم 😳

سناريا ..اهووووو بس ذكرت أسمه حسيت نفسي انقطع وارتبكت حيل كتلها بخوف ..خير شبي ادم

امال ..ادم خطبني من جدي والاسبوع الجاي زواجنا 🙊🙊....

كانت صدمه بنسبه الي ظليت صافنه بوجها وكتلها ...انتي تحجين صدك لو
بعدني مامكمله كلامي حضنتني وكالت اي اي والله احجي صدك ماصدك بعد هذا الصبر كله اخيرآ اني وادم راح نتزوج
حضنتها وكتلها الف الف مبروك حبيبتي ...

راحت امال واني فصلت معقوله ادم خطب امال شنو الغيره ماصدك اخيرا راح اخلص منه الف الحمدلله والشكر

في مكان اخر ...

زينه ...وكفت اكبال الامرايه وكنت لابسه فستان ذهبي ضيك يسمو فستان الحوريه من فوك ضيك وبعدين يعرض وبي ذيل طويل ومابي اردانات شعري بارمته ورافعته كان شكلي مختلف اسمع هلاهل اهل العريس واهلي ..جانت دمعه بوسط عيني اتذكرت اخر مكالمه بيني وبين صكر .....

خلونه نرجع بالاحداث شوية

زينه ...سويت اتصال وسمعت جهازه يررررن يررررن ..سمعت صوته هو يكول.

صكر ..الو احم الووو متحجين

زينه ..ظليت ساكته ماعرف شنو اكله او شنو أبرر عضيت ع صبعي بقهر غمضت عيني واله بدموعي تنزل ع خدي رجع كال الوووو شهكت بعد ماتحمل كمية الضغط الي دا اواجها سديت الخط خليت اديه ع وجهي وكمت ابجي بقهر اسنين ع ثائر اخوية مابجيت هيج ياربي امتحانك صعب ..

رجع اتصل ظل يتصل وكل مايتصل تزيد دموعي اكثر واكثر اخر شي وصلتني رساله منه كاتب بيها ...

((خسرانه رجعتي بس شيفيد بعد خلص الحب انتهى ؟؟))

زينة ... انتهى ؟! اي صح انتهى والله انتهى ليش اجذب ع نفسي خلاص كوولشي انتهى وصكر ضاااع من ايدي وكوولشي بلحظة ضااااع ...

ضعت حبيبي من بين اديه ويا اكبر وجعي ويأكبر احزاني ..خسرتك وانه ممنونه منك اتحملتني

خلص انتهى مو خلص هاي هيه حضرت النقيب كمت حذفت كولشي وفرمتت جهازي طلعت السيم كارت كسرته وكلت انه خسرانه لعد شوف ..

كمت طلعت ورحت لحسين كتله يجبيلي سيم كارت جديد كال اي ماشي ..

رجعت لغرفتي طلعت اتراك بيت ليموني بس عريض لبسته ومددت وحاولت انام بس ماكدرت كول ماغمض تجي بالي رسالته فا صعب عليه النوم ....

مر كم يوم وتم تحديد كولشي اجت ام العريس وياها الشفيه لبست فستان عادي ساده لونه زيتوني من تحت وكريمي من فوك مطرز قدمت الهن العصاير وكنت مجبوره اجامل بيهم خلصت الكعده كالو الولد يريد يشوفها او الشيخ كمت لبست عباتي وشالي وكعدت انتظره ..

شويه ودخل هو وابويه احساسي كنت جامده ماعندي اي ردت فعل مجرد خطبه انفرض عليه ولازم اجامل حتى الطفل الصغير ..

مرات اتمنى لو ميته ولا هيج اتزوج ظليت مدنكه وماحجيت شي وبس ساكته ..

سمعت امه تكله ..هاك شوفها
بس من ورا خشمها هه هم مثلي متعرف تجامل من عرفتها وتحجي كله من ورا خشمها زوجته او خطيبته لسه مشفتها ولا اجت ماسمعت صوته او حتى شفته ...

شويه وكامو ..
رفعت رأسي شفت ظهره لابس بنطرون وقميص وستره سوده وشعره مرتبه بس امبين عسكري لان شعره خفيف اول ماطلعوا ركضت لغرفتي وكعدت ع اعصابي كلها دخلت بنات خالو وبنات عمي يريدن يعرف شلون شكله والله مارفعت راسي او حتى حاولت لان شي بداخلي رافض يشوفه ..

خلصت منهن بعد صعوبه كبيره سديت الباب وشمرت عباتي ..وكعدت اباوع لنفسي اوف شوكت ارتاح

في مكان اخر.....

سناريا ...مرات احسد امال ع حياتها مو مثل حياتي بس ارجع واكول الحمدالله ع كولشي كمت عنها وكتلها وهسه اموله

امال ..اوووف سناريا ماعرف شكلج بس شعوري مثل عصفور كان بقفص وبعدها حرروا..

سناريا ..شعور بداخلي يكلي احسن خلي يتزوج واخلص منه ادم مستحيل احبه وهيه خطية تحبه خلي يرتاح مني او اني ارتاح المهم الله يوفقهم ..

كمت كملت تعزيل وهي تحجيلي عن ادم حسيت نفسي اني الخسرانه بالاخير خسرت ثائر وهسه ادم بعدين وكفت ع التفكير شنو الي دا يصير وياي ياربي ارحمني ..

رفعت راسي باﻷمرايه جان اشوف نفس المراة العجوز كاعده بصف امال بس هيه متشوفها ابتسمت هه بقهر ونفس الوقت الخوف صار شي عادي ماكمت اخاف منها او من الاشياء الي اشوفها او أسمعها كانت تمشي وراي وين ماروح ..

خلصت امال كلام وراحت نزلت للمطبخ بعد ماقفلت الباب وكعدت اسوي غدا لاخواني غمضت عيني واتذكرت ثائر وابتسمت من مره كالي ...

ثائر ..شوفي حبيبتي لازم تتعلمين الطبخ ماشي

سناريا ..وليش اتعلم خاله موجوده وهي تطبخ🤔

ثائر ..شششنو شنو لا عيني امي من نتزوج تصير هي الملكه

سناريا ..اييي يممه واني الجاريه مال ابنها مو 😕

ثائر ..ههههه لا انتي اميرة حياتي

سناريا ..امممم اي كمل

ثائر .. بله سؤال صريح انتي شنو شالعين منج الاحساس حبيبتي🤔🤔

سناريا ..لا والله بس ماعرف اعبر عن احساسي بالكلام ولا بالفعل يعني من اريد اكلك احبك استحي وتطلع شي ثاني 😆

ثائر ..هههههه خررب حظي زين كتيلي حتى من هسه ازرع بيج الاحساس ..

سناريا ...ههههههه

ثائر ..شوكت نخلص من النهوه هاي

سناريا ..اوووووف

ثائر ..اذا اجه يوم وربج ما ..

سناريا ..قاطعته وكتله لا تكولها ان شاءالله اني وياك مقسومين لبعض

ثائر ..خايف من الغدر

سناريا ..حياتي لا تخاف اني وياك للموت محد يكدر يفرقنه

ثائر ..احبج

سناريا .. 🙈🙈يلا باي

ثائر ..ههههه بايات

سناريا ... رفعت راسي ذكريات اخر شي ظلت منك ياثأوري شوكت ترجع مو متت شوق ولهفه عليك بس لو اسمع صوتك ...

في مكان اخر.....

....ثائر ....

كاعد بالسجن ومنتجي ع الحايط وافكر بيها وبأمي انظلمت ياعالم انظلمت بعد ماظل عندي عقل كلشي بيه خلص انتهى ﻷ حبيبتي ظلت ولا مستقبل ولا حياة مثل باقي البشر كل يوم تعذيب شكل دنكت وخليت رأسي بين رجليه وكمت اذكر مواقفي وياها ..

ثائر ..يمه اني اشتريت هاي الحاسبة مو احد يلعب بيها

امي ..لا يمه محد يلعب بيها يلا تعال وصلني

ثائر ..هو اني هم اريد اشوف محمود

امي ..ولك شوكت تكول خالي محمود

ثائر ..هههه شبيج يمه ترا الفرق بيني وبينه هي خمس سنوات مدري اقل

امي ..اوف منك امشي

ثائر ...مشيت وصلت شفتها منتجيه ع جذع النخله وتضفر وتفتح بالضفيره مالتها راحت امي دخلت ورحت كعدت بصفها هي عدلت شالها سوت نفسها زعلانه
كتلها شبيها الهبله مالتي

سناريا ..محد خبل غيرك

ثائر ..ليش ولج شمسوي انه والله عاقل

سناريا ..عاقل ع نفسك بس مو عليه ذاك اليوم اتصل وماترد ليش بالله

ثائر ..غير عندي شغل وداعتج

سناريا ..يعني الشغل اهم مني 😒

ثائر ..كلشي يهون عندي اله زعلج يلا عاقبيني واني الممنون

سناريا ..اممممم خلي افكر🤔

ثائر ..هههه يلا فكري

سناريا ..شايف ذيج النبكه

ثائر ..اي شبيها 🤔

سناريا ..روح جيبلي منها نبك😁

ثائر ..هههه انتي خبله من صدك بس يلا تعاي وياي اخذتها من ايدها وصعدت لنبكه جدي ضاري اذا عرف يحرك شيب الخلفوني مايقبل ع نبكة جدي ذيب هاي تراثيه هاي النبكه ....اخذت كم نبكاية ونزلت وكتلها هاج حب

سناريا ..شوووكرآ هههه

ثائر ..سامحتيني

سناريا ..يعني 😋

ثائر ..قربت وهمست بذانها احببببببج

سناريا ..عفته ومشيت وكتله من بعيد .. ثائر شايف السمجه الي بلا ماي اني هيج بلياك 🙈

ثائر ..ههههه فديت السمجة مالتي حياتي انتي وزفرج

سناريا ..هههههه عابببببببببببت

ثائر ..عاب ع كلبي
ابتسمت بقهر ورفعت رأسي ومسحت وجهي واتنهدت بحسرة نزلت دمعه ماعرف اتصرف اخ اخ .شويه ودخل شرطي ناده بأسمي كمت طلعت ومشيت ويا بعد ماخلوا كلبجات بيدي طلعت اخذوني لغرفة التحقيق ..

وبلش يحقق وياي كلشي اعرفه حجيته بعدين رجعوني لسجن بطريقي شفت كرار ماظل عقل برأسي هجمت علي واضرب بيه هو يريد يخلص من ايدي مايكدر اجه الشرطي بسرعه حولني لسجني ...دخلت ورجعت كعدت ..اخذت نفس بضيك ..

((‏هم تشتاكَلي...؟؟؟
تذكرني تالي الليل؟
لو تغفــه بــهدوء وراحــه نفسيــه؟
غزاني الشوكَ وانذليت
وعلى جــر النفس كــل حيل مابيه 😔))

في مكان اخر ....

امال ...رجعت للبيت اول مادخلت صار ادم اكبالي دنكت ومشيت بخجل ابتسمت وحسيت بشعور حلو وكفني صوته هو يكول

ادم ..احم امال

امال ..حجيت بخجل ..ها

ادم ..هففففف ماكو شي روحي

امال ..هزيت رأسي وردت امشي رجع صاحني ورجعت كتله ..ها

ادم ..احم ردت اكلج مو هذا الاسبوع الزفه بس خطبه يعني تعرفين ضروفي بعد اسبوع لازم ارجع للانبار ماكدر اظل

امال ...دنكت راسي كتله بكيفك

ادم ..ها يعني مزعلين

امال ..لا ليش ازعل

ادم ..خوش انه رايح محتاجه شي

امال ..لا سلامتك

ادم ..يلا باي

امال ..مشه واني اباوع ع طوله وهيبته اوف صدك فرحت بهذا الشي ..

رجعت لغرفتي دخلت امي تضحك وتصفك وتهلهل ..متت من الخجل بس كالت شي صدمني ..

ام امال ..اي والله وفلح السحر😏

امال .. اصخام ياسحر يمه 😳

ام امال ..غير الي سويته الادم سحر محبه وبت عمج سويتلها سحر العوذ منه التخيل والكراهيه لادم يعني ضربت عصفورين بحجر واحد

امال ..يعني كلشي سوته سناريا وكل هذا يصير وحب ادم المفاجئ كله سحر سسسسسحر ضليت واكفه وساكته وبس صافنه ع امي نزلت من عيني هواي ردت اطلع اكول لبيبي لزمتني وكالت

ام امال ..انتييي غبيه اذا كلتي او فضحتي هذا السر راح يروح ادم من بين اديج بعدين يرجع لسناريا وهي تزوجه وترتاح وانتي تبقين اهنا بحسرتج هي ماتحبه ولا راح اتحبه بس هو راح ياخذها غصب خلي يحبج ومن يشوفج راح ينسى شي أسمه سناريا ..

امال ..قنعنتي امي بهاي الكلمتين وضليت ساكته بس من اشوفها او اشوف ادم ضميري يعذبي بس سكتت انه ماعولت ع الله ادم خطبني ارجع وافصخ الخطبه مستحيل ....

في مكان اخر .....

زينه ..اجه أمير اخذنا طول الطريق ساكته ماحجيت شي مجرد التعبير عن مشاعري صعب اكتفيت بسكوت هو احسن شي وعفته ع الله وصلت لبيت لكيت الكول موجود شفت سناريا متغيره من وكت ثائر لحد هذا اليوم ..

هيه ماجت لبيت جدو او حتى زارتهم بس خاله اسمهان تجي واخوانها لابسه فستان احمر مطرز بذهبي واسود قصير وفاتحه شعرها ومامخليه مكياج ذبلانه حيل مو نفسها ذيج ام الضحكه الحلوة احس سناريا صوره معاكسه لمعاناتي الي اعيشها اني وياها نفس الشي كعدت ع الكرسي وصحت لها تجي اجت وكعدت بصفي لزمت ايدها وكتلها شلونج حبيبتي وين هاي الغيبه ..

سناريا بابتسامه حزينه ..اهنايه بس بنفس الوقت ماموجوده

زينه ..اوووفففف

سناريا ..اسم الله عليج من الاووف ..دقيقه امي تصيحلي هسه اجيج ..

زينة ..مشت سناريا وظليت اباوع ع الكول ماعرف مارتاحيت ..ساعات من ضيكت الخلك ع كولت خاله نيران شبيج معبسه ..

هيه متعرف الي بيه مصايب وين وعدك ياصكر وييييين ..بس يلا الفات مات .. وانتهى كوولشي لازم اتقبل الواقع الي انفرض عليه ..مرت كم ساعه واجه الشفيه اقصد العريس ..هو واهله سمعت صوت الاطفال تكول اجه اجه اليوم العقد لو عقد ع روحي مو عقد زواج ظليت ساكته وكميه من الحزن وألم موتني شويه ودخلت مروه تركض خطيه متاخره ضحكت ع شكلها وتكول ..

مروه ..ولج طالعه كمر

زينه ..ههه شكرا وينج ولج

مروه ..ولج اسكتي غير شفتلج شوفه انتي مو كلتي العريس متعرفي

زينه ..اي 🤔

مروه ..خرب بحظج ولج العريس هو .....

وللحكاية بقية ....

#يكولها ..مثل شوك النوارس للبحر مشتاك
ومثل شوك السفن من تعشك المرسه
اذا ينسه الفجر خيط الشمس انساك
وابطل كل حزن واتعمد الونسه
بس اعرفها روحي شما تمر ايام
تضل تبجي اعله طيفك وابد ماتنسه

#تكله ...انا نجمة🌟وبالسماا
وغيرك ابد ميلوحها.. 😌❤

باجر العروس راح تنصدم بحبيب الگلب وانشوف ردت فعلها شلون راح تكون 😏😏

يتبع ...

#سارة_المجيد🌹