إنتقام عاشق، للكاتبة/ zezo_a_saad " ليبيه " ( مكتملة )

[فيتامين سي]

#إنتقام_عاشق
.
.
الحلقه الثامنه💔.

أكثر المواجهات وجع وألم هيا اللي تصير بلحظه غضب..لأن الإنسان بلحظتها مايكون واعي بنفسه والغضب موصله لمرحله أنه متلبس شخصيه غير شخصيته ...بس ياترى هل الندم ينفع ويقدر يصلح اللي هدماته عاصفه الغضب بعد ماتهدأ رياحها.
.
.
كان سيف بقمه غضبه ومش شايف شي قدامه بالوقت اللي كانت فيه بسمه تعاني ف صراع داخلي وإجهاد نفسي وجسدي وتتخبط ف سواد الماضي .

سيف وغضبه مسيطر:-
صار أنا تصرفي حقاره وقلة أدب ...انتي مازال ماشفتي شي من الحقاره ودفها ع الكنبه وجي فوقها وحاول يعتدي عليها.

بسمه كانت تصارع ف ذكريات ماضيها اللي يكرر فيها سيف حاليا كانت تحاول أدفه وتمنعه وهيا ف حاله بكاء هستيريه :-
حول ..بعد عني حول .

سيف وهو بمرحله اللاوعي قرب من شفايفها وكيف بيبوسها مسكت بسمه وجهه وهيا مغمضه عيونها ودموعها ينزلو وبصوت هو يعرفه كويس:-

سيف أصحي ..أنا بسمه ..أرجوك ماتأذيني .

بهاللحظه سيف فاق ع نفسه وبعد علاها زي الملدوغ وكان واقف ويشوفلها بصدمه ويحاول يستوعب هو شن دار.

قرب منها بخطوات بطيئه :-
بسمه ..انا أسف مش قصدي .

بسمه وقفت ووخرت بخطواتها:-
بعد عني ياهمجي ياحيوان ...كنت رح تأذيني وتقولي مش بقصدك.

سيف بصوت كله دموع؛-
أنا أسفه والله ماكنت بوعيي ..مش عارف كيف صار هكي أرجوك سامحيني.

بسمه قربت منه وغضب الدنيا بعيونه ورفعت يدها وضرباته كف 👋لثاني مره..وقعدت تضرب فيه ع صدره وبكل مكان وهيا ف حاله هستيريه:-

انت عارف روحك شن كنت رح ادير...ياواطي ياحقير معقوله لهالدرجة كرهتني وحاقد عليا ..انت شن تعرف ع اللي انا عانيته شن تعرف أنا بشنو مريت ياتافه ..أنتم كلكم الرجاله زي بعضكم.

سيف كان بحاله صدمه تشويش وتفاجئ من كلامها مش قادر يفهم او يستوعب هيا شن قاعده تقول ..مسكها من ايديها الاتنين وحاول يهديها ويضمها ليه :-
بسمه ارجوك اهدي خلاص والله أسف انا مستحيل نأذيك لو مهما صار.

وفجأه حس بنفس بسمه يضيق وجسمها يرتخي وطاحت بين ايديه .

سيف بإنفعال:-
"لالالا ..بسمه أرجوك روحي فيقي خييرك أرجوك كلميني ".

قامها بين ايديه وحطها ع الكنبه ومشي يجري للتلاجة الصغيرونه اللي بالملحق تبع المكتب جاب ميه وقرب ع بسمه ..حط راسها ع رجله وقعد يصب ف ميه بيده ويمرر ع وجهها

"بسمه أرجوك فيقي ماتخوفيني أرجوك " كانت دموع الخوف والندم والحزن زي النهر تنزل من عيونه وبلحظه هو يفيق فيها ...أنتبه ع أثر حرق بكتفها من الجهه المتمزقه من بلوزتها.

سيف بقهر ووجع:-
لا ياربي ..هذا شني ...وبيد ترتعش قرب من المكان اللي فيه الحرق ومرر يده عليه وبكل ألم غمض عيونه ودموعه مش راضيه تكف .
"ياترى ياروحي شن اللي.دار فيك هذا كله".

بهاللحظه فتحت بسمه عيونها ..بالاول ماستوعبت شي ...بس بعدها ناضت زي الملدوغه وبعدت عليه وتكومت ع روحها وهيا تحاول تلم بلوزتها وتغطي المكان المتمزق.

سيف وقف وأشرلها بيده:-
اهدى ..اهدي وحياتك مش مدايرلك شي ..سلب جاكيته ومدها لبسمه.

"ألبسيها..وأستنيني هني ماتطلعي من المكتب "

خذيت منه بسمه الجاكيت ولبستها وكانت تضم فيها بخوف وجسم يرتعش.

طلع سيف.يجري من المكتب وسكر ع بسمه الباب.

ركب بالأسانسير ونزل طلع من الشركه ..ومشي بالسياره وبأقصي سرعه لأقرب محل تجاري...خذي بلوزه بسيطه وحطها بكيسه ورجع للشركه .

أول مادخل سيف لجناح مكتبه :-
هبه ..أمشي عند وسيم لعند نطلبك.

هبه بأستغراب:-
حاضر .

دخل سيف لمكتبه ..ولقي بسمه ع حالها والخوف والالم بعيونها.

مدلها الكيسه :-
خودي غيري بلوزتك ..ورح نطلع نستناك لعند تكملي.

طلع سيف وفتحت بسمه الكيسه وطلعت البلوزه ..ولبستها وبلحظه أبتسمت أنه مازال.يعرف قياسها وجابها مزبوطه ع قياسها.

بعد 5 دقايق خبط سيف ع الباب ودخل.

سيف بندم:-
بسمه ..انا أسف ماكان بقصدي اللي صار.

بسمه شافتله بنظره كلها إتهام وعتب:-
وأنت مفكر لو أعتذرت رح تغير واقع اللي صار.

سيف بألم:-
بس ماصار شي يابسمه ..كانت غلطه بلحظه غضب مش أكثر.

بسمه بصريخ:-
كنت رح تعتدي عليا عشان تثبت رجولتك وتقولي ماصار شي.

سيف يحاول يدافع عن نفسه:-
أنتي اللي أستفزيتيني وخليتيني نطلع من طوري.

بسمه وقفت وشافتله:-
أسمعني سيف..بما ان لعبه الكذب والأدعاء ان مش فاكرين بعض أنتهت وأنكشفت أوراقنا...أنا.رح نقدم أستقالتي وهكي.نتجنبو أذيه بعض وكل واحد فينا يبعد عن التاني ويشوف حياته .

سيف تعصب من طريقه كلامها ..وانها بلحظه صارت هيا اللي تبي تقرر ونست انها هيا اللي خاناته وسيباته :-
أسمعيني كويس ...اللي صار هنا رح يموت هنا ومش رح يعرف بيه حد ..ويكون بعلمك الاستقاله ماتحلمي بيها لعند تكملي مده العقد او تدفعي الشرط الجزائي.فاهمه.

بسمه بغضب:-
مش أنت اللي تقرر مصيري فاهم...ويكون بعلمك انا مليت منك ومن تصرفاتك ومن غضبك عليا واهانتك ليا بكل مره ..وكرهت تغيرك انت ماعاد سيف اللي...وسكتت شوي بس بعدها كملت سيف االلي كان قلبه ابيض وطيب مع كل الناس.

سيف وقف بغضب:-
لا ياماما..سيف الغبي الأهبل اللي كان يحبك ويموت ف ترابك وقرب انجن وتعذب ف حياته لما بعتيه وخنتيه خلاص مات وانتهي ..واللي قدامك سيف القوي اللي مايهزه شي ويكون بعلمك الأستقاله بعيده عن سنونك ورح تشتغلي برضاك والة غصب عنك والا تدفعي اللي عليك .

بسمه كانت مصدومه من كلامه وكيف اعترف بسرعه انه كان يحبها وكيف جرحها بكلامه انها باعاته وخاناته وهو مش دار باللي هيا تتعرضتله ولا بتضحيتها ومعاناتها بس مع هذا ماقدرت تلومه لأن هو مش داري بشي ولو كانت صارحاته وحكتله كل شي من اول ماشافاته ماكان صار هالشي بس الحين بعد كلامه وبعد كل اللي صار ومحاولته انه يعتدي علاها قررت بلحظه غضب تنهي كل شي من غير ماتشرحله او توضحله .

بسمه :-
كويس انك تغيرت...حتي انا تغيرت وصرت ناضجه وعاقله أكثر...واساسا مااعتقد ان علاقتنا الساذجه كانت رح تنجح لو استمرينا فيها كويس ان كل.واحد فينا شاف حياته .

سيف كان يسمعلها ومصدوم وقرر انه يعاملها بنفس المعامله وينسي كل مشاعره ليها بعد اللي قالاته:-

تمام هكي صرنا واضحين مع بعض...بصراحة انا ماننكر اني بالاول حزنت ع فراقك وتألمت وخذيت اتجاهك موقف سلبي وخصوصا اني صرت نكرهك أكثر من اي مخلوق بهالدنيا بس هذا مايعني اني مش مديونلك بشكر للأن لو ماخنتيني وتزوجت واحد فلوس ترراني ماوصلت للي انا فيه توا.

قعد سيف ع الكرسي بكل برود وحط رجل ع رجل :-
تعرفي شي ..لما انتي مشيتي وبعدتي عني فتحها ربي بوجهي ومستقبلي كله تغير وأنفتحت الدنيا قدامي وكأنك اناي كنتي وجه النحس اللي مسكر بوجهي كل الطرق.

بسمه بعد هالكلام..حست وكأن سكاكين انغرسو بصدرها..حست بالألم وقداش كانت تافهه وغبيه وان تضحيتها وكل معاناتها مع محمود راحت ع الفاضي ..خسارتها لحياتها ولمستقبلها وحتي للبيبي حست انها مشت ع الفاضي بعد كلامه اللي قاله.

"مصدومه بجد ومش بنطق ولا عرفه أرد...مصدومه عشان شكلو في عيني بقا مش ولا بد ...لو طول الوقت هنفضل نتكلم ع بعض..هنخلي ايه للغرب عشان يحكو فيه💔✋".

مقطع من أغنيه إليسا🎤🎵.

نزلو دموع بسمه بألم وقهر بغضب من نفسها ومن الدنيا ومن الشخص اللي حباته من جوات قلبها وحطمها بكلامه قربت منه بغضب :-
أنت واحد حقير وتافه ومابتستاهل ولا حاجه وانا ...

سيف قطع ع كلامها:-
تكرهيني ...عارف من غير ماتقولي وماعاد يهموني مشاعرك أحتفضي بيهم لنفسك.

أنتهي النقاش ...أرجعي لمكتبك .
.
.
.طلعت بسمه من المكتب وحاسه بكل الدنيا قاعده تضيق من حوليها ...ركبت بالأسانسير وهيا مش قادره تكمل شغل نزلت وطلعت من الشركه ومافي بتفكيرها الا كلام سيف والالم اللي سببهولها ...كنت تمشي من غير وجهه ولا دليل تبي تهرب من الدنيا كلها وتهرب حتي من نفسها.

اما.سيف ماكانش حاله يختلف علاها ..اول ماطلعت بسمه حط كل غضبه بالمكتب وقلبه وكسر كل مافيه ...حس بروحه مخنوق أتصل ع هبه.

هبه :-
ألو استاذ سيف.

سيف-
هبه انا طالع...ومش راجع للشغل اليوم تمام .

بعد ماكلم هبه ..طلع وهو مش شايف شي قدامه ساق سيارته بأقصي سرعه ومادري ع نفسه الا وهو واقف قدام البحر .

نزل وطاح ع رجليه وقعد يعيط بأعلي صوته وبكل وجعه يتبعثر بالأرض ويبكي وكأنه عيل صغير ..كان حاس بالالم والخوف والقهر وكانه غريق مش لاقي من ينقذه .

قعد ع هالحال حوالي النصف ساعه لعند حس أن طلع كل القهر والالم اللي جواته .. .كان قاعد ع الشط وحالته متبهذله وحاط يديه ع راسه .

"مصعبها كلمتك يابسمه ...لما قلتي نكرهك حسيت بسكين ذبحتني من الوريد للوريد ...ماخترتي حتي ادافعي عن نفسك أو تشرحي ..زي عادتك أخترتي تصيري غريبه وعطيتيني ظهرك عالساكت وطلعتي".

"تفرقنا وع السكت مشينا...غريب صرنا وغريبه...مهما حاولنا لا مافينا...نخبي الشمس العم بتغيب...يمكن بكرا شمس جديده ..تمحي او تكتب تنهيده ..مش بإيدك ولا بإيدي ..هالدنيا قسمه ونصيب...الله بعوض علينا ياقلبي ليش عم تبكي قولي شوباك..الله بعوض من النا غيرو يمسح دمعتنا انا وياك ..الله بعوض ..كفي طريق القصه خلصت صارت وراك"

مقطع من أغنيه رضا🎤🎵.
.
.
عند بسمه كانت زي عادتها بوقت وجعها وحزنها ماليها الا مروه صديقتها .
وصلت بسمه لحوش مروه ورنت الجرس وأول مانفتح الباب وكانت مروه.

حضنتها بسمه بقوه ومن غير مقدمات وقعدت تصرخ وتبكي بهستيريا وبكل وجع وألم

مروه وهيا تحاول تقيمها وتهديها :-
بسمه حبيبتي خيرك بسم الله..بسمه استهدي بالله ونوضي شن في ياعمري وحياتك قوليلي.

بسمه وهيا حاضنه مروه:-
بنموت يامروه بنموت ماعاد قادره خلاص تعبت وماعاد قادره نكمل.

مروه وهيا مش فاهمه شي ومصدومه بحاله بسمه:-
بسومه أرجوك فهميني شن صار ..اهدي بس ارجوك ماتخوفيني .

هدت بسمه شوي ودخلت مع مروه وبعد جابتلها ميه قعدت بجنبها:-
شن في حبيبتي ارجوك اهدي واحكيلي

حكت بسمه لمروه كل اللي صار بأستثناء ان سيف حاول يعتدي عليها وبعد ماكملت.

مروه وقفت بصدمه؛-
ياربي مش قادره نصدق...شن جابه هالحقير وشن طلعه من جديد ف حياتك ..ع الحال هذا الكل رح يعرف انه كان طليقك لأن هالتافه مش رح يسكت خصوصا لو عرف ان سيف نفسه اللي كنتي تحبيه زمان.

بسمه ودموعها مازالو ع خدها:-
عشان هكي نبي نستقيل ...وندور ف طريقه ندفع بيها الشرط الجزائي وننهي هالقصه.

مروه :-
بسمه لعند امتي بتقعدي هاربه ...لعند امتي تخلي ف الكل يشوفلك بنظره سيئه ومش داري عن حقيقتك ...ليش ماحكيتي لسيف كل شي ..ليش ماقلتيله ان محمود هو السبب بكل شي..ليش ماقلتيله قصتك مع أهلك والسبب اللي جبرك ع هالزواج والاهم كيف ضغط عليك لما عرفك تحبي سيف .

بسمه بعصبيه:-
ماعاد ينفع يامروه خلاص ..فات وانتهي فكرك لو سيف عرف الحقيقه رح يتغير شي ...سيف خلاص قلبه من ناحيتي معبي بالكره والحقد وماعاد ف مكان للحب بقلبه افهميني .

مروه :-
ليش انتي عنيده ...ياستي جربي حاولي خليه يعرف وبعددها شوي قراره.

بسمه؛-
خلاص يامروه سكري ع هالموضوع انا خلاص تعودت ع الالم والجرح من كل اللي نحبهم وماعاد يفرق معاي ..عن أذنك ...وطلعت روحت.

"صرت معود ع جروحي ...من ايدين اللي حبيتهم ...واللي عطيتهم مت روحي ..مايردو يلي عطيتهم ...حتي اللي قلت عنو...بهالدنيا مافي منو ..طلع مثلو مثل الكل ...خلص اخذت القرار...يعني هيك وبأختصار ..ياللي بدو يبقي يبقي واللي بدو يفل يفل 💔"
مقطع من أغنيه وائل كفوري🎵🎤.
.
.
بمكان تاني وبعيد عن سيف وبسمه تحديدا عند وليد:-
كان قاعد بمكتبه ويفكر باللي صار مع سيف لأن اتصل عليه وسيم وحكاله كل شي ..واللي زاد تفكيره هو ان اتصل بسيف كم من مره فونه مسكر.

شوي وخبط باب المكتب.

وليد:-
مانبيش نشوف حد...مش فاضي .

رجع الباب يخبط من جديد ..وليد بعصبيه:-
قلنا مانبي نشوف حد سبحان الله.

انفتح الباب ودخلت أمل ووقفت قدامه:-
مش قتلك مش فاضي باش تفهمي انتي ليش خشيتي.

أمل بنبره لاذعه:-
انا مش جايه نلعب معاك ..انا جايه عشان الشغل لهذا اعذرني مش وقت استرخاءك لأني جايه عشان الشغل.

وليد بصدمه من طريقة كلامها المستفزه:-
الصبر ياربي...انا مش عارفه شن اللي مخليني متحمل طولت لسانك اللي اطول من ليله بلا عشي .

أمل بتكبر:-
اللي مخليك متحمل انه يقول ف الحق...المهم انا جيت نقولك اني كملت الشغل اللي قتلي عليه ...شن تبيني اندير تاني.

وليد شافلها من تحت:-
خلاص ولاشي ...اليوم ماعاد ف شغل بكرا ان شاء الله تبدي دوام رسمي .

أمل كتفت ايديها قدام صدرها:-
بس انت قلتلي رح نشتغل ساعه اضافيه ..بأعتباري بديت متأخره .

وليد :-
لا خلاص تقدري تروحي اليوم.

أمل :-
تمام اوك...سلام .

وليد:-
مع السلامه.
.
.
بالليل الساعه 10:00⏰:-
كان سيف قاعد بالحوش وشوي ورن الجرس بالاول سيف مارضي يفتح بس بعد تكرار الجرس ناض فتح الباب.

وليد:-
ليش مسكر فونك ..وبعدين شن اللي صاير معاك فهمني.

سيف:-
مافي شي...تعبان شوي ونبي نقعد بروحي.

وليد:-
لا مش بكيفك ...قولي شن في.

سيف بعصبيه:-
مافي شي فوتني ياراجل.

وليد:-
لا في ...احكي .

سيف شاف لوليد ودموعه نزلو:-
تلاقيت مع بسمه.

وليد بصدمه:-
بسمه من ...قصدي وين شفتها انت شن تحكي ياسيف.

سيف مسح دمعته:-
تشتغل عندي من أكثر من أسبوعين.

وليد:-
انت اكيد تبصر...بسمه تشتغل عندك من اكثر من اسبوعين وانا اخر من يعلم.

سيف:-
هذا اللي صار ..واليوم انا كنت معصب و ..ونزل عيونه بالارض.

وليد :-
وشني ...فهمني سيف وشني.

سيف:-
ماحسيت بروحي والله ماكنت قاصد مافقت ع روحي الا بلحظه اللي قالت أسمي وانا نحاول نعتدي علاها.

وليد بعياط:-
سيف انت شن قاعد تقول ..مجنون انت كيف درت هكي.كيف .

وقعد سيف مع وليد وحكاله كل شي من وقت ماتلاقي مع بسمه لعند اللي صار اليوم ...وبالاخر بات وليد عنده .
.
.
.
الصبح الساعه 8:30 :-
جت بسمه للشغل وكانت هموم الدنيا ع كتافها ..خشت لمكتبها وقعدت تشتغل ف شغلها شوي وجي وسيم .
.
.
وسيم:-
صباح الخير بسمه.

بسمه:-
صباح النور ..كيف حالك.

وسيم:-
الحمد الله ..وانتي.

بسمه بهدوء؛-
الحمد الله.

وسيم :-
بسمه انا اسف ع اللي صار امس.

بسمه :-
وليش تعتذر انت ماذنبك شي ...الخطأ خطأي اني طلعت من غير أذن.

وسيم:-
ولو ...انا.حاولت نساعدك ونبعد سيف بس هو كان معصب وأصر يحكي معاك.

بسمه بإبتسامه هاديه:-
ولا يهمك اللي صار صار...اساسا هو فصل فيا شوي وانتهي الموضوع .

وسيم:-
يعني صافيه لبن .

بسمه :-
امم حليب ياقشطه .

وسيم:-
يلا معناتها نستأذنك توا ....ونلتقي بعدين .

بسمه:-
بعون الله...سلام .
.
.

عند وليد :-
وصل للشركه ودخل وكانت امل واصله قبله ...ولما.دخل أنصدم من منظرها .

كانت قاعد وحاطه السماعات بوذنها تسمع ف أغاني ...ولابسه بنطلون جينز من النوع اللي متشرك من الركبه وبلوزه تلات أرباع ومش داريه ع اللي حوليها.

وليد قرب منها وخبط ع الطاوله ...أنخلعت امل وشالت السماعات:-
بسم الله ...خوفتني.

وليد بعصبيه:-
انتي مجنونه يابنت انتي والا شن.

أمل بإستغراب:-
ليش انا شن درت عشان تقول هالكلام.

.وليد أشر ع السماعات:-
نحكي عن هذا ...شن تحسابي روحك قاعده ف ديسكو...بعدين شن هاللبس اللي لابساتها تقول لبس الفروخ الرديف انتي تشتغلي بشركه محترمه يافالحه.

.امل بعصبيه؛-
اول شي الدوام مازال مابدي وانا حره ف وقت فراغي اندير شن نبي.
ثاني شي لبسي انا حره فيه ومش انت اللي تقيمني عليه وانا حره نلبس طيف مانبي ومايحقلك تدخل فيا.

وليد مسح ع وجهه وحاول يهدي روحه:-
امل صح انتي حره وانا.ماشرطت عليك تلبسي لبس رسمي ...بس اقل شي البسي لبس يليق بمكان شغلك وبرا الشغل انتي حره .

أمل :-
شن قصدك.

وليد:-
يعني حاولي تكون بنت طبيعيه ..مش نسخه انثويه عن مايكل جاكسون ..ودخل لمكتبه وسيبها
.
.
.
عند سيف:-
وصل للشغل ودخل لمكتبه شوي وأستدعي هبه واول مادخلت.

سيف بنبره رسميه:-
هبه حضريلي قهوتي .

هبه بابتسامه:-
اساسا جبتهالك من غير ماتقول

سيف بتنهيده؛-
جت بوقتها..خبريني هبه كيف حال ولدك.

هبه :-
الحمد الله تمام .

سيف:-
هبه نبي منك خدمه لو سمحتي

هبه :-
تفضل اكيد.

سيف:-
انتي عارفه مالياش هلبه جاي للبلاد ومانعرف المدارس ونبي مدرسه ثانويه كويسه عندي بنت واحد صديقي نبي نسجلها فيها "يقصد ع رهف".

هبه :-
ساهله هذه ...بكرا نشوف المدرسه اللي بالمدينه ولو قبلو يسجلاها نكلمك تجي تسجلها.

سيف:-
تمام عزيزتي بارك الله فيك.

وقفت هبه :-
ولو ..تبي حاجه تانيه.

سيف:-
لالا...ضبحيلي ع بسمه بس.

هبه :-
تمام .

بعد ماطلعت هبه حكت مع بسمه وقالتلها ان سيف يستني فيها ...خبطت بسمه ع الباب ودخلت.

سيف برسميه ومن غير مايشوفلها:-
حضري نفسك بعد شوي بنمشو لعند السيد محمود بمكتبه عندنا معاه اجتماع.

بسمه بخوف وأرتباك:-
ضروري نمشي معاك يعني.

سيف فهمها غلط:-
ماتخافي مش رح نعضك ..وأساسا حتي انا ماعندي نيه تركبي معاي رح تركبي مع السواق الخاص بالشركه وهو رح يجيبك وراي.

بسمه حاولت تبرر:-
مش قصدي اللي فهمته والله ..انا بس...

سيف قطع علاها:-
مش محتاج لتبريرك ...اجلسي عشان نقولك شن صار بالاجتماع الماضي بأعتبارك ماحضرتيه .

بعد ماشرح سيف لبسمه اساسيات واتفاق الاجتماع اللي فات ..ناض وطلع ولحقاته هيا واول ماوصل للأسانسير .

سيف:-
اطلعي بالاسانسير التاني ...نبيكش تركبي معاي انا من ربي مخنوق..

بسمه حست بالالم والوجع من كلامه بس ماردت عليه وبعد نزل بيها الاسانسير ركبت مع السواق ومشي بيها لمكان الاجتماع .

وصل سيف ونزل ..ونزلت بعده بسمه وأول مادخلو ....
.
.
.
#يتبع.

برايكم شن رح يصير...وهل محمود رح يفضح بسمه ...وهل فعلا هذه نهايه الحب بين بسمه وسيف .

بأنتظار رايكم وتعليقاتكم

ملاحظه/أسفه عشان بكيتكم هلبا اليوم بس مسار الاحداث حتم عليا هالشي وأثر فيا زي ماأثر فيكم.

تحياتي اختكم وصديقتكم
#zezo_a_saad🌹❤

[فيتامين سي]

#أنتقام_عاشق
.
.
الحلقه التاسعه.

أحيانا مهما حاولنا نهرب من ماضينا لازم بنهايه المطاف نواجهه عشان نقدرو نعيشو حاضرنا بسلام داخلي مع أنفسنا وخارجي مع كل اللي نحبهم.
.
.
وصلت بسمه وسيف لموقع الأجتماع مع محمود . كانت بسمه حاسه بخوف ورهبه من هاللقاء ..بس بداخلها كانت تشجع ف نفسها وتقنع فيها أن صار لازم تكسر حاجز خوفها وتتجاوزه وتعيش حياتها ..وأن هالمواجهه صار لازم منها.

بأول مادخلو ..كان محمود جاي عليهم ويبتسم ف إبتسامه كلها خبث يمشي بخطوات كله تكبر وعنفوان .

سيف برسميه:-
صباح الخير سيد محمود.

محمود شال نظاراته الشمسيه من عيونه ومد يده يسلم ع سيف:-
صباح النور سيد سيف نورتني.

مد يده بخبث لبسمه عشان يسلم علاها:-
صباح الخير ياأنسه ...!! ماتعرفنا حقه ومانعرف أسمك لسه.

بسمه شافتله بشجاعه مصطنعه بس من جواتها يرتعش:-
بسمه...اه وأسفه مانسلم ع الغرباء.

محمود ضحك بشر:-
حلو...يعجبني هالنوع رغم انه أنقرض.

سيف بغضب من حركات محمود:-
رح نقعدو واقفين هلبا ...سيد محمود.

محمود شافله :-
لا أكيد العفو منك ..تفضلو .

وهما ماشيين للمكان اللي رح يقعدو فيه...حب بلعب بأعصاب بسمه تلفت علاها وسالها:-
معليشي ياأنسه عندي سؤال.

بسمه بإرتباك وشك من تصرفاته:-
تفضل.

محمود وهو يشوفلها من فوق لتحت:-
نحن تقابلنا من قبل.

بسمه بقوة وتقزز:-
مااعتقدش صار هالشي من قبل.

سيف كان يتأفف ومش متحمل محمود ومضايق من كلامه مع بسمه :-
معليشي ياأستاذ محمود بالله استعجل شوي لان ماعندي النهار بطوله .

وتلفت ع بسمه وبقصد مسك يدها وقربها منه وهمسلها "بسرعه نبو" نطلعو وقعد يمشي قدامها وكأنه يحاول يخفيها عن عيون محمود.

بعد وصلو وقعدو ع طاوله الاجتماع .

سيف:-
ايه ياأستاذ محمود ...كيف تحب يكون الديكور والألوان

محمود:-
بالنسبه للديكور نحب يكون كلاسيكي وألوانه مريحه وصيفيه.

سيف:-
عندك لون معين تفضله.

محمود شاف لبسمه:-
بصراحه نفكر نخلي أختيار الالوان للأنسه بسمه...عجبني طريقة ترتيبها للبسها بسيط وراائع عليها "كان متعمد يشدد ع الكلمه" ونتوقع لما تختار الالوان رح يطلعو روعه.

سيف وصل لمرحله من الغيره والعصبيه وكيف بيرد رن فونه :-
نستأذن شوي وراجع.

أول ماناض سيف وبعد ...بسمه شافت بعصبيه لمحمود:-

محمود شيلني من راسك وطلعني من حساباتك الوسخه .

محمود كان شايف ان سيف يشوفلهم وهو يحكي بالفون وكانت بسمه عاطياته ظهرها أبتسم بنذاله:-
اووه حبي يعني فاكرتني مازال .

بسمه :-
وفي حد يعرفك ويقدر ينسي وساختك...فوتني يامحمود وخليني نعيش حياتي سادني ماشفت منك ..والا والله نودرك ونفتح عليك ابواب جهنم.

محمود بأستفزاز:-
اوو قطوستي كبرت وقعدت تخربش ..ماتحطي راسك براسي وخليك عاقله احسن.

بسمه:-
انت اللي ماتحطني براسك احسن ...والا والله رح تشوف مني شي ماتتوقعه ..وماتفكر اني مزلت بسمه متاع زمان اللي مسكتها من يدها اللي توجعها وكسرت ظهرها بأهلها واغلي ماعندها ..وخلك فاكر كويس اللي خسرته ماعندي شن نخسر بعده وأوراقك اللي رح توديك بداهيه عندي وصدقني اللي ماقدرت نديره زمان نقدر نديره توا.

محمود ببرود حط يده ع لحيته:-
امم انا لاحظت شي ..حسيت ان اللي اسمه سيف معجب بيك ..انتي شن رايك.

بسمه بغضب أكثر:-
شي مايخصك ماتدخل فيه فاهم.

محمود:-
اهدي بس ياقطوستي ...طيب هو يعرف اننا كنا متزوجين.

بهاللحظه تغيرت ملامح بسمه وحست قلبها بيوقف من تلميحات محمود لان حساته رح يفضحها :-
أنت غالط ..السيد سيف مايربط بيني وبينه الا الشغل..وأساسا هو خاطب وفرحه عن قريب ..لهذا بلاش ادخل ماضينا ف امور شغلي.

محمود بإبتسامه شماته:-
امم خسااره ...توقعت من تصرفاته انه معجب بيك ..بس يلا راحت عليك..عموما شن جوك انتي وشن مدايره بعد مااطلقنا .

بسمه بشمئزاز:-
ماليكش علاقه بحياتي الخاصه ..ويستحسن تستمر ف قصه انك ماتعرفنيش وماتفتح نار رح تحرقك قبل ماتحرقني لأن بالنسبه ليا خلاص بديت نمشي بفعل "عليا وعلي أعدائي".

سيف خلص مكالمته وجي عليهم وكان ف قمه عصبيته ..جي قعد ع الكرسي :-
خلينا نكملو وين ماوقفنا .

محمود شاف لبسمه:-
زي ماقتلك كنت نقترح ع الاستاذه بسمه تختار الالوان الاساسيه بعتباري معجب بذوقها ف اختيار ملابسها.

سيف كان ماسك القلم بيده وقرب يكسره وبعصبيه:-
لو سمحت سيد محمود الشغل شغل...والمنتجع خاص بيك مش ببسمه ياريت تختار الالوان لأني مستعجل عندي شغل .

محمود ببرود تام:-
تمام اوك نفضل يكون أبيض بالاكحل ومع شويه قهوى درجة كابتشينو وغمز لبسمه.

سيف لبس نظارته ووقف:-
تمام متفاهمين ...يلا عن اذنك توا .

ومشي من غير حتي مايسلم عليه ...اول ماطلعو مسك بسمه من يدها بقوه ورفعها لسيارته.

بسمه تحاول تفك يدها:-
حول يدك ..اطلقني انت شن قاعد ادير.

سيف بعصبيه:-
أركبي وانتي ساكته ...ماتخلي شياطيني تطلع عليك.

ركبت بسمه وركب سيف بجنبها بالسياره وقعد يسوق بأقصي سرعه.

بسمه كانت خايفه من سرعه سيف الجنونيه ومتمسكه بالكرسي وعيونها مغمضه ..وصل بيها للشط ووقف قدامه .

سيف بعياط:-
أنزلي .

بسمه :-
ليش جايبني هنا.

سيف :-
قتلك أنزلي بشنو تفهمي.

نزلت بسمه مع سيف وقف قدام الشط وعطاها ضهره .

بسمه :-
ممكن نعرف ليش جايبني هنا.

سيف لف علاها بعصبيه:-
الباين محمود باشا عجباته القعده معاك نازل فيها ضحك وهدرزه وقت كنت نحكي بالفون.

بسمه وصلت لمرحله من العصبيه بس قررت تستفزه وتردهاله:-
حقه ...زعما هكي تقول.

سيف بعصبيه من كلامها:-
ايه هكي الباين ...والباين لو قعدتي تمثلي ف دور البنت المحترمه صعبه المنال رح يتقدملك عن قريب ..بس برافو عندك موهبه ف تطييح الرجاله المعبيه.

بسمه انقهرت من كلامه :-
يلا ع الاقل نلقي من يدفع عليا الشرط الجزائي ونتريح من شوفتك كل يوم واهاناتك .

سيف قرب علاها وشدها بقوه من يدها:-
بسمه انتي تافهه ...وحقيره وانا حمار وغبي تتحكم فيا مشاعري ومش مخليتني ف حالي .

بسمه فكت يدها منه وضرباته بقوه ع صدره:-
ايه أنت حمار وغبي....أنت مش فاهم شي ولا عارف شي ...وين سيف اللي كان يفهمني من غير مانحكي...لها الدرجه مفكرني رخيصه ..شن تعرف انت ع ظروفي واللي مريت فيه قول قول .

سيف كان مصدوم من انهيارها ودموعها:-
بسمه اهدي وحياتك والله مابقصدي ...أنتي اللي ماتبي تحكيلي ولاتفهيني شن اللي صار معاك .

بسمه بدموع :-
مارح يفيدك تعرف اللي صار معاي . لانه مش هامك ياسيف.

سيف حضنها بقوووه وكأن حياته واقفه ع هالحضن :-
بس فهميني ليش خنتيني يابسمه لييش..ليش دمرتي اللي بيناتنا ومشيتي من غير حتي ماتبرري.

بسمه كانت رح تحكي كل اللي بقلبها وبهاللحظه رن فونها ...وكانت مامتها .

بسمه:-
ألوو ماما.

نجيه بدموع:-
بسمه يابنيتي تعاليلي ..بوك طاح عليا نعرفش خيره.

بسمه بخوف :-
اهدي ياماما...جايه جايه.

شافت بسمه لسيف وعلامات الخوف ع وجهها :-
انا لازم نمشي ..بابا تعبان ونعرفش خيره.

سيف :-
طيب خليني نوصلك.

بسمه :-
لالا ...بابا لو شافك رح يتفكر الماضي ويزيد يتعب .

سيف مسكها من يدها:-
ليش ...فهميني ان ماعاد فاهم شي ..لهالدرجه بوك مش طايق يشوفني .

بسمه :-
صعب تفهم ..لانك ماتعرف شي ..ومشت تجري وقفت ع الطريق ووقفت تاكسي ومشت.
.
.
سيف كان يشوف لبسمه وهيا تبعد .
"لو مهما بعدتي يابسمه وبعداتك الظروف مصيرك رح ترجعي ورح نلتقي وناخذ حقي منك ".
.
"وبينا معاد...لو احنا بعاد...اكيد راجع ولو بيني وبينو بلاد...قصاد عيني ..ف كل مكان ..ومن تاني اكيد راجعين ..انا دايب وكلي حنين..ولا عمري ابيع لو مين ..قصاد عيني ..ومش قادر علي الايام..ولايوصف هوايا كلام..وطول ليلب ولما بنام قصاد عيني ❤"

مقطع لأغنيه عمر ذياب🎤🎵.
.
.
عند وليد:-
كان قاعد بمكتبه ومش قادر يركز ولايفهم اللي صاير وقرر يطلع من مكتبه ويجيب سيجار.

وهو طالع وقف مصدوم من المنظر اللي شافه.

"كانت أمل قاعده وتشتغل ع اللاب ..وبيدها التانيه سندويتش تاكل فيه ".

قرب منها وليد وبعصبيه:-
يافرخه النم..شن قاعده اديري انتي تبي تجننيني والا شني.

أمل وقفه بصدمه :-
شن في ...شن درت.

وليد:-
أنتي مش عارفه ان في وقت محدد للأكل قاعده تاكلي بالمكتب

امل قعمزت ع الكرسي:-
خلعتني ياراجل ..نحساب روحي غير درت كارثه .

وليد وهو مش مصدق اللي سمعه:-
جديات تحكي انتي ..والا متقصده تجلطيني متأكد ان في حد باعتك ليا عشان تهبليني .

أمل:-
ليش شن فاها جعانه والله مافطرت شن بيصير لو كليت سندوتش بالله عليك.

وليد غمض عيونه وحاول يهدي نفسه:-
كولي ياأمل كولي ..ياكلك ورل ان شاء الله قولي امين.

أمل:-
ولك المثل مديري .

وليد:-
شوفي امل انا رح نغض البصر ع اللي درتيه اليو ونعتبر نفسي ماشفت شي ..بس هذه اخرلك مره .

أمل من غير رضا:-
طيب حاضر ..ماعاد ناكلو .

وليد :-
الصبر يارب الصبر ...ومشي سيبها.
.
.
.
عند سيف:-
بعد ماوصل للشركه ..نزل ودخل لمكتبه وقبل مايخش حكي مع هبه.

سيف:-
السلام عليكم.

هبه وقفت :-
وعليكم السلام..اهلين أستاذ سيف .

سيف:-
هبه بنسألك ..شن صار معاك ف المدرسه اللي قلتلك علاها.

هبه :-
ايه شفتلك ..ولقيت مدرسه كويسه وقالو يقبلو ف الطلبه.

سيف:-
تمام صحيتي هبه بارك الله فيك.

دخل سيف لمكتبه وكل تعب الدنيا ع كتافه ..فتح الستار اللي بينه وبين بسمه وشاف لمكتبها وكانت مش موجوده ..حس بروحه مش قادر يقعد بالمكتب طلع ..وقرر يمشي لوسيم بمكتبه.

سيف خبط ع الباب:-
نقدر ندخل.

وسيم شافله ورجع مسك الاوراق:-
ماأنت دخلت اصلا

سيف قرب من وسيم وباس ع راسه:-
اسف وحقك عليا ..والله ماكان بقصدي نعصب عليك ونعيط بوجهك.

وسيم :-
لا عادي انسي.

سيف:-
ويسو أنت وخي ماتزعل مني والله كنت مش شايف حاجه قدامي .

وسيم تنهد وشافله:-
طيب خلاص حصل خير .

سيف؛-
خلينا نطلعو نحس ف روحي مخنوق.

وسيم:-
تمام يلا...بالمره عازمك ع الغدي .
.
.
.
عند بسمه :-
وصلت للحوش ولقت مامتها مسنده بوها وتعطي فيه ف الدواء

بسمه بلهفه قربت ع بوها ومسكت يده:-
خيره بابا ياماما شن فيه .

نجيه :-
نعرفش يابنيتي من بدري داخ وطاح عليا جسمه كله يرتعش ومش راضي يمشي معاي للدكتور.

بسمه تبوس ف يده وتبكي:-
بابا حبيبي نوض معايا نمشو للدكتور.

الحاج علي بتعب:-
مافيش داعي يابنتي...شوي نستريح ونغفي ورح نفيق كويس.

بسمه :-
لا يابابا ...وغلاوتي عندك تنوض معاي هيا .

وفعلا رفعت بسمه بوها للعيادة ودارتله تحاليل وتوضح ان ضغطه مرتفع وعنده تذبذب ف نبضات القلب ..صرفله الدكتور العلاج وروحو.
.
.
تسريع بالاحداث.

بالليل الساعه 9:-
مشي سيف عند رهف بالمطعم وأول مادخل شافاته رهف وجت عليه.

سيف:-
مساء الخير رهوفه.

رهف بإبتسامه:-
مساء الفل اوخي...كيف حالك.

سيف:-
الحمد الله تمام ...كيف حالك انتي.

رهف:-
كويسه الحمد الله.

سيف:-
أقعدي نبي نحكي معاك شوي.

رهف :-
اوك تمام.

سيف:-
اليوم مشيت للمدرسه اللي بالسنتر ...وحطيت وراقك فيها ..من بكرا تقدري تباشري الدراسه.

رهف بفرحه:-
بالحقه 😍.

سيف بإبتسامه:-
ايه بالحقه.

رهف:-
بس اميمه سالمه نقدرش نسيبها بروحها.

سيف:-
ماتشيلي هم...شفت وحده ورح تبدا من بكرا تشتغل معاها ..بنوته طيبه وع حالها ومحتاجه لشغل عشان تربي صغارها .

رهف:-
تمام اوك ...وقعد تشوفله وسارحه فيه.

سيف:-
شن في..ليش تشوفيلي هكي.

رهف:-
عارف ع طول تغكر فيا بصديقتي اللي حكيتلك عنها .

سيف بأستغراب:-
قصدك المهندسه .

رهف:-
ايه ...نفس طيبتك وحنيتك ..رغم ان الظروف كسرتها وحرمتها من أغلي الناس ..تخايل تزوجت واحد عشان تنقذ بوها اللي طاح ف مشكله بالشغل وكان .... كيف بتكمل ضبحت علاها حناها.

رهف:-
عن أذنك اميمه سالمه تنادي.

سيف:-
طيب اوك ...معناتها بكرا نمر عليك ونرفعك لمدرستك تمام.

رهف :-
اوك تمام .

سيف:-
يلا تصبحي ع خير رهوفه.

رهف بأبتسامه:-
تلاقي الخير ياأحلي اخ بالدنيا.
.
.
بعد ماطلع سيف من المطعم ...رن فونه وكان حمزه زوج اخته.

سيف:-
مرحبتين حمزاوي

حمزه:-
اهلين سيف ..كيف حالك ياغالي

سيف:-
الحمد الله تمام ...كيف حالك انت وسهيله والصغار.

حمزه:-.
الحمد الله حبيبي تمام ...قتلك سيفو وين انت.

سيف؛-
والله كيف مروح للحوش...في شي عزيزي .

حمزه:-.
لا خير ان شاء الله...غير كنت نبيك تمر عليا ف الحوش اشبح شن نبيك.

سيف:-
توا.

حمزه؛-
ايه ياريت والله.

سيف:-
تمام ..مسافه الطريق ان شاء الله.

حمزه :-
توصل طيب حبيبي.

سكر سيف من حمزه وغير طريقه ومشي لحوش نسيبه ...بعد نص ساعه وصل ودرس السياره ونزل.

ضرب الجرس فتحتله سهيله.

سيف:-
مساء الخير ياعمري.

سهيله:-
مساء الفل سيوفي ...كيف حالك ياقلبي

سيف:-
الحمد الله وانتي .

سهيله؛-
كنت كويسه وبعد شفتك صرت ممتازه.

سيف بإبتسامه:-
دوووم يارب .

خش سيف وقعد مع اخته ونسيبه حمزه ..وبعد ماتعشي معاهم ولعب صغار اخته شوي .

قعد بالصالون مع سهيله وحمزه.

سيف:-
خير ياحمزه قتلي نبيك بموضوع .

حمزه:-
بصراحه ياسيف..انا عندي صحابي بالجبل عندهم فرح وعازمين انا وسهيله وماعندناش وين نخلو الصغار..قلت نخليهم عندك هاليومين شن رايك.

سيف:-
بس انا ياحمزه ماعمري اهتميت با
صغار ومانعرف نتعامل معاهم ..وزياده هاليومين عندي ضغط شغل بالشركه .

سهيله قربت منه ومسكت يده:-
حبيبي وحياتك ع خاطري بس هاليومين تحملهم وهما مش رح يتعبوك صدقني .

سيف بتنهيده :-
طيب اوك ..امري لله امتي بتمشو.

حمزه:-
الصبح ان شاء الله...نفوتوهم عليك ونمشو .

سيف:-
اوك تمام..توا عن أذنكم...تصبحو ع خير.

سهيله :-
تلاقي الخير حبيبي.
.
.
.
الصبح الساعه 9:00:-
كان سيف حاصل ف صغار اخته ومش عارف كيف يتعامل معاهم ...يحضرلهم ف فطورهم وهما قالبين الحوش ع روسهم ينقزو فوق الكنبات وشرتعو العابهم بالصاله وسيف يعيط عليهم من االمطبخ.

شوي ورن فونه وكانت هبه.

سيف:-
صباح خير هبه.

هبه:-
صباح النور استاذ سيف...بنسألك مش جاي للشغل اليوم.

سيف؛-
لا ياهبه نقدرش نجي رح ناخذ اجازه يومين او تلاته ..سهيله مخليا عندي صغارها ومانقدر نسيبهم لحالهم.

.هبه :-
اوك تمام ..عن أذنك.

بهاللحظه خطرت فكره براس سيف :-
هبه أستني.

هبه:-
تفضل استاذ سيف.

سيف وبراسه شي:-
خلي بسمه تجيني للحوش وتجيب معاها ملف المشروع متع المنتجع عشان نشتغلو عليه.

هبه بأستغراب:-
تجيك ف الحوش!!

سيف:-
ايه ياهبه ...اساسا انا مش لحالي انا معاي صغار اختي الاتنين.

هبه:-
اوك تمام .

سكر سيف من هبه وقعد يفكر كيف رح تكون ردت فعل بسمه لما تشوف حوشه وكيف انه بناه زي ماخططتله هيا بالضبط .

اما عند هبه مشت لبسمه بالمكتب.

هبه:-
بسمه.

بسمه :-
نعم .

هبه:-
أتصل عليا الاستاذ سيف...وقال انه مش رح يقدر يجي للشركه اليوم وقالي نبلغك ترفعي الملف وتمشيله ف الحوش عشان تشتغلو ضروري بمشروع السيد محمود.

بسمه وقفت وشافت لهبه:-
من جدك انتي هبه ...كيف نمشيله لحوشه .

هبه:-
عارفه هالشي صعب ومش لايق بس هو مش لحاله معاه صغار اخته ..والاستاذ سيف انسان محترم.

بسمه:-
هبه انتي تعرفي وضعي انا انسانه ارمله شن رح يقولي عليا الناس.

هبه:-
ماتخافي صدقيني ماحد رح يعرف بالموضوع وعد.

بسمه فكرت شوي ولانها تثق بسيف رغم اللي صار بيناتهم قبل :-
طيب اوك ...بس انا مانعرف العنوان.

هبه:-
اهو تو نسجلهولك.

وبالفعل خدت العنوان ومشت ولما وصلت ودخلت كانت الصدمه...
.
.
.
#يتبع.

برايكم شن رح يصير ..وشن الجاي وكيف رح تكون ردت فعل بسمه.
بإنتظار تفاعلكم وتوقعاتكم

تنويه/بجد شكرا شكرا شكرا لكل التعليقات الحلوه اللي تخطو فيها بارك الله فيكم جميعا وقلت الرد والله
ضغط التعليقات مش أكثر وكلكم ع راسي وبعيوني.

تحياتي اختكم وصديقتكم

#zezo_a_saad🌹❤

[فيتامين سي]

#إنتقام_عاشق.
.
.
الحلقه العاشره❤.

"وقد تأتي السعاده أحيانا ...ف لحظات لم تكن بالحسبان" ميخائيل نعمه✏📖.
.
.
وصلت بسمه للعنوان متع حوش سيف ..وأول ماشافت مظهره الخارجي كانت كل ملامح الصدمه مرتسمه ع وجهها ...نزلو دموعها وحست ان كل ماتقدم خطوة ...بالواقع ترجع خطوه للماضي اللي يربطها بسيف ..كل أيامهم الحلوه بكل ذكرياتها...دخلت للجنان نفس التفاصيل بكل حذفيرها ..مررت بسمه يدها ع الوردات اللي مانسي انها تحبهم وغرسهم بكل الجنان .

"الله ياسيف لو تعرف بس قداشني نحبك ..ولو تعرف أن طول هالسنين ولا لحظه جمعتنا نسيتها ..وكل يوم حبي ليك كان يزيد ببعدك مش ينقص".
.
.
"ولا بعد سنين...يجي يوم وحبي ليه يخلص والا ينقص حبتين..يمكن كمان حبي ليه يلاقيه زايد مرتين ..من يوم كان بالنسبه ليا ..حبيب زمان وكمان حبيب بعدين ... ولايوم هنساه ..وازاي وليه ومين اللي هينسي الحضن اللي وساه ..ونس حياتي ومن يضيع حاجه مونساه مر الحياه حلاه معاي ..وانا ف الحياه ليا ألم وأحزان"
مقطع من أغنيه إليسا🎤🎵.

تنهدت بسمه لما وصلت عند الباب ومسحت دموعها ولملمت شتات نفسها ورنت الجرس.

كان شعور سيف وكأنه رح يشوف بسمه لأول مره ... أول ماسمع الباب يخبط وقف قدام المرايا عدل رقبه تيشرته ومرر صوابعه بشعره وخدي نفس وبعدها فتح الباب.

بسمه وهيا تشوف للأرض:-
صباح الخير أستاذ.

سيف بكبرياء:-
صباح النور تفضلي.

دخلت بسمه وكانت تشوف لتفاصيل الحوش اللي كانت طبق الاصل كيف ماتخيلتها حتي من الالوان وترتيب الغرف ..أبتسمت وجواتها فرح لأنه مازال فاكر تفاصيلها وحززن وقهر لأن مش رح يجمعها باللي تمناته.

سيف أنتبه لأبتسامتها وحب يضغط علاها ويقهرها:-
عجبك الحوش .

بسمه :-
أحم حلوة..تتهني فيه .

سيف:-
بس مازال نحسه بارد ..وعشان هكي فكرت انا لازم نتزوج ونجيب من تملي عليا البيت وتحسسني بدفاه...طالما أن اللي كان مفروض تشاركني فيه خانتني وباعتني وباعت روحها بالرخص.

بسمه بهاللحظه حست بالغضب والوجع شافتله بنظره عصبيه:-
ممكن تفهمني ليش جبتني هنا.

تعصب سيف من سلبيتها وانها مادافعت عن نفسها:-
أكيد مش عشان نعزمك ع قهوه..بعتلك عشان نكملو الشغل اللي عالق ويبي تكميل عشان هكي لاتاخذي حجم اكبر من حجمك.

دخل سيف للصاله ..ولحقاته بسمه وبوقت دخلت شافت صغار اخته سهيله قعدين بالصاله ...وأتذكرتهم ع طول لانها شافتهم بيوم جتها سهيله للشركه .

سيف تلفت علاها:-
هذو صغار اختي عبدو وماريا...قاعدين معاي هاليومين لأن امهم مسافره مع بوهم وعشان هكي مانقدر نخليهم لحالهم ورح نشتغلو هاليومين عندي ف الحوش.

بسمه أبتسمت ومدت يدها سلمت عليهم :-
محلاهم..ربي يحفظهم.

سيف شافلها كيف تعامل فيهم:-
ان شاء الله مش رح تضايقي من وجودهم بوقت الشغل.

بسمه وهيا تمرر ف يدها ع شعر ماريا :-
بالعكس ..انا نحب الاطفال.

بهاللحظه رجعت الذكرى بسيف:-

سيف :-
حبيبي.

بسمه :-
نعم ياقلبي.

سيف:-
تعرفي أكثر شي نتمناه ومتلهف عليه شني بعد نتزوجو.

بسمه :-
أيش.

سيف:-
ان ربي يطعمني صغار منك ..أولاد وبنات يملو عليا دنيتنا ويكون عربون حب يجمعنا طول العمر .

بسمه بخجل:-
ان شاء الله حبيبي.

سيف:-
نحبه الخجلان ياناس نحبببه.

بسمه خبطاته ع كتفه :-
خلاص سيف عاد ..يسمعو فينا .

سيف :-
طيب قوليلي كلمه حلوه نسكت.

بسمه شافت بعيونه وقالت ببطئ:-
نعشقك .

فاق سيف من شروده وحس ان دمعته بتغلبه قرب من بسمه وهو واقف وراها وهمسلها بصوت مسموع :-
نعرف انك تحبي الاطفال.

بسمه تلفت عليه وشافت بعيونه نظره الالم والحزن ..بعد علاها ومشي لصغار اخته.

"عبودي ماريا..حبايبي اركبو ألعبو بداركمعشان عندي شغل ضروري مع أبله بسمه ولو قعدتو عاقلين رح نجيبلكم ايس كريم وشوكلاته بعدين

وقف عبدو وماريا وجمعو العابهم :-
حاضر خالو

مسكت ماريا يد عبدو خوها وشافت لبسمه بنظره غضب طفوليه لأنها أفتكرت يوم اللي مامتها قالتلهم ان هالبنت وحده شريره وتبي تأذي خالهم سيف وانهم مايقولو لخالهم ان مامتهم جت للشركه عشان تشوفها.

بعد ماركبت ماريا وعبدو ..رجع سيف تلفت لبسمه.

أستريحي عشان نبدو بالشغل لو سمحتي ...وجاب سيف اللاب توب تبعه وقعدو يشتغلو.

اما بالنسبه لعبدو وماريا فأول ماركبو حكت ماريا لعبدو ان بسمه هيا نفسها البنت اللي قالتلهم عنها مامتهم انها شريره وقررو يبعدوها عن خالهم عشان ماتؤذيه "بتفكيرهم الطفولي".
.
..
بمكان أخر وتحديدا عند وليد :-
كان جاي للشغل وكله حيويه واول مادخل تفاجئ بمنظر أمل .

"كانت متغيره ع الاخر ..لابسه قونه شمواه كحله وجاكيت وردي وبلوزه كحله ولابسه شوز وردي سبورت ...وحاطه شويه ميك أب خفيف جدا وكانت حاطه شعرها ع كتافها "امل طبعا بنت مش محجبه".

وليد :-
بسم الله ..أشبح وين يهودي مات ...أمل ولت أنثى بالكامل.

أمل وقت سمعت كلامه ف شي ف داخلها انجرح :-
عفوا ...أحترم نفسك ياأستاذ.

وليد قرب منها:-
قصدي وحق ربي تفاجأت فجأه من البرو ماركوس أدينوس لأنجلينا جولي ...قلبي المنجوه لايتحمل الصدمات جزئيلي الصدمه ياأختي.

أمل بألم ودموعها نزلو وأنفجرت فيه:-
أنت واحد حقير ع فكره ...ومش من حقك تتهزأ عليا لانك ماتعرف ظرفي...ياأستاذ المحترم انا السبب اللي مخليني هكي هو جهل بوي وقسوته اللي حاب يتخيلني ولده اللي توفي من 4 سنين ويبي يشوف أمجد اللي عايش وامل اللي ماتت فاهم ...وطلعت تجري من المكتب.

وليد وقف مصدوم من الكلام اللي سمعه وندم انه جرحها ...طلع من المكتب ولحقها .

دخلت امل للتواليت وقعد وليد يستني فيها قدام الباب...قعدت تبكي وتشوف لروحها بالمرايا ..وبعدها طلعت منديل ومسحت الروج والمسكره ولمت شعرها بفوضويه ومسكاته بتوكه وطلعت.

اول ماطلعت شافت وليد قدامها ..تجاهلاته ورجعت للمكتب ..دخل وليد وراها وطبس ع المكتب.

وليد باعتذار:+
أمل انا اسف والله مابقصدي نزعلك ونبكيك ..أسف حقك عليا.

أمل من غير ماتشوفله:-
انسي الموضوع ..حصل خير ..وياريت تنسي حتي اللي حكيتهولك ع حياتي للشخصيه.

وليد بأبتسامه تسحر ويشوف بعيونها:-
تعرفي انك حلوه وتجنني لما تكوني أنثويه وهاديه ...وربي فعلا انصفك لما خلقك أنثي ماتتخلي ع هالشي.

أمل حست ان حرارتها أرتفعت ووجهها قعد احمر وقلبها بيوقف :-
احم ...شكرا.

وليد وقف وأبتسم :-
ياحليلي وتحلو لما تخجل ثاني ...ممكن تحضريلي قهوتي.

أمل من غير ماتشوفله:-
10 دقايق تكون ع مكتبك .

وليد حط يده بجيبه:-
اوك تمام ...يسلموو.

ومشي خطوتين لمكتبه وبعدها رجع وقرب منها من جديد.

أمل بتفاجئ:-
في شي.

وليد بهمس :-
شعرك لما يكون مفرود احلي ومد يده وشال التوكه من شعرها

بعد دخل وليد لمكتبه حط يديه ع خده :-
نهار حرف ع الخرط ياوليد ...خير بلاك شن صارلك البنت رح تقول عليك خفيف ومستهتر.
.
.
عند وسيم :-
أول ماوصل للشركه ...حس بشعور أنه يبي يشوف بسمه وخصوصا ان هاليومين يفكر فيها هلبا...ركب بالاسانسير وطلع ع الدور الرابع وأول مادخل لقي هبه.

وسيم:-
صباحو هبه.

هبه:-
صباح النور وسيم..كيف حالك.

وسيم:-
الحمد الله وانتي.

هبه:-
الحمد الله تمام.

وسيم:-
احم ..سيف موجود.

هبه :-
لالا ...واخذ اجازه يومين .

وسيم بأستغراب:-
خير ف شي...امس نحكي معاه بالليل ماقاللي.

هبه:-
لالا خير ..غير أخته عندها ظرف ومخليه صغارها عنده .

وسيم :-
اها...خير ان شاء الله ...خلاص امالا خلي نصبح ع بسمه قبل مانمشي.

هبه:-
بسمه مش هنايا ..بصراحة الاستاذ سيف طلبها الصبح عشان ف شغل مهم لازم يخلصوه مع بعض.

وسيم بتعجب:-
طلبها وين.

هبه :-
عنده ف الحوش

وسيم ؛-
غريب هالشي...سيف بعمره حتي لما كان بأمريكا خلي حد يزوره بحوشه ومايحب هالشي

هبه :-
لأن مضطر وشغله مستعجل.

وسيم :-
تمام امالا...نستأذنك توا هبه سلام .

هبه :-
سلام.

اول ماطلع وسيم ...كانت فاتن واقفه تتسمع وعرفت باللي صار خشت زي المجنونه ع هبه ومن غير لا سلام لاكلام.

فاتن بعصبيه :-
اعطيني عنوان حوش سيف.

هبه بخلعه:-
بسم الله...اعوذ بالله منك ع طول تخشي من غير احم ولا تستور.

فاتن:-
بلا طول دوه ..قتلك عطيني عنوان سيف بسرعه.

هبه:-
تعرفي قدامك 5 دقايق لو ماتطلعيش من قدام وجهي نعرفش شن بندير فيك.

فاتن شافتلها بصدمه:-
حقيره ...حسابك عندي تو تشوفي.وطلعت تجري .
.
.
.
عند محمود :-
كان قاعد يدخن ويتذكر ف كلام بسمه .
"والله وقويتي يابسمه وبدي عندك لسان طويل وتوقفي بوجهي...الله الله ع ايام كنتي زي النعجه واطيعي فيا لأن كنت عافس عليك ومتحمله عشان بوك وحبيب القلب ..وتهددي فيا بالاوراق اللي عندك ع اساس تقدري توقفي بوجهي بس رح يجي يوم ونفضالك ".

شوي وفونه رن ..وكان المتصل أشرف اللي يشتغل معاه.

محمود:-
ألو ..مرحب بالغالي.

أشرف :-
غالي مره وحده..من وين هالطيبه والقدر.

محمود بخبث:-
القدر مش ليك ..القدر للفلوس اللي تجي عن طريقك

أشرف؛-
طول عمرك واطي يامعلم.

محمود:-
ماتستمخ وتنسي روحك ياهو..خبرني ليش تتصل.

أشرف:-
ف صفقه الاسبوع الجاي تستاهل خشتك علاها.

محمود:-
هبره والة فتفات.

أشرف:-
عيب عليك..انا متع فتفات .

محمود:-
وين وكيف ومأمنه والا لا.

أشرف:-
وين وكيف هذه تبي تقعميزه ...اما مأمنه هذه ماتسأل عليها انت عارفني ذيب ومانحصل وكل صفقاتي تمر زي الشعره من العجين.

محمود:-
يعجبني الواثق...امتي تحب نتلاقو.

أشرف :-
امتي ماتحب انت ..انا فاضي.

محمود:-
خلاص معناتها الليله نتلاقو... سهريه ع كيف كيفك ف الفيلا عندي وأصناف تستاهل عيونك قبل ضروسك.

أشرف:-
معلم ف الكييف ياباشا...خلاص موعدنا الليله ع الساعه 9 .

محمود:-
تم...سلام.
.
.
.
عوده عند بسمه وسيف:-

بعد حوالي ساعتين من شغلهم مع بعض ..كان سيف حاس بكميه راحه مش طبيعيه لان بسمه بجنبه ومعاه رغم انه تعمد يضايقها بأول ماخشت لحوشه ...ولأنه حس انها مضايقه قرر يعطاها شويه مساحه .

سيف:-
خلي ناخذو شويه استراحه .

بسمه:-
اوك تمام.

سيف:-
نمشي نحضر قهوه ...وانتي خوذي راحتك وتقدري تتجولي ف الحوش لو حابه .

بسمه :-
تمام .

بعد مامشي سيف للمطبخ ..وقفت بسمه وقعدت تمدد ف جسمها لانها صارلها وقت قاعده وماتحركت ..وقررت تاخذ بنصيحه سيف وتتجول ف الحوش...مشت جهة الواجهه الزجاجيه للصاله اللي اطل ع الجنان والفاصل فيها باب زجاجي ...قربت منه وفتحاته وطلعت تتأمل ف الجنان .
.
.
وبلحظه انشغال سيف وبسمه ...نزل عبدو وماريا اللي كانو يراقبو من فوق...وتسللو بهدوء وجو لمكان الشغل متع سيف وبسمه ومسكو طاسه العصير اللي كانت تشرب منها بسمه وكباها ع الاوراق واللاب وهربو.
.
.
دخلت بسمه عشان ترجع لمكانها وأول ماشافت المنظر جت تجري قامت اللاب وحاولت تجففه وبهاللحظه جي سيف .

سيف بصدمه:-
نهار حرف انتي شن درتي.

بسمه بخوف:-
أقسم بالله ماهو انا ...انا كنت البرا وجيت لقيت العصير مكبوب ع الاوراق واللاب.

سيف بعصبيه قرب منها ومسكها من يدها:-
ياسرك كذب...انتي درتي هالشي عشان تنتقمي مني لما شفتي اني بنيت الحوش بخريطتك ...ماكنت نحسابك حقوده لهالدرجه.

بسمه بألم ودموع:-
.صدقني مش انا ...اقسم بالله وراس بابا الغالي ماأنا.

سيف كانت مسيطره عليه عصبيته ومش مركز:-
ياسرك كذب ..ماف حد غيرنا بهالمكان ..وانتي اللي درتي العمله هذه بكل حقاره.

بهاللحظه دفاته بسمه وصرخت بوجهه:-
ياسرك خلاااص ..ياسر من الاهانات واتهاماتك ليا ..انت ماشفتني بعيونك وانا نكب ف العصير مايحقلك تتهمني وتحكم عليا من غير ماتشوف.

سيف بعصبيه -
انا متأكد ان انتي اللي درت هالشي...مافي غيرك بهالمكان وعندك اسبابك عشان اديري هكي لانك حقوده

بسمه بصدمه وعصبيه :-
لوحت الطاسه اللي بيدها ع الارض ..قتلك خلاص.

سيف كان مصدوم من ردت فعلها ويشوفلها بس.

نزلو دموع بسمه وبعياط؛-
مليت منك ومن غرورك واتهاماتك ليا...ع طول مصر انك اطلعني انا الانسانه السيئه وانت الشخص البريئ والمظلوم...ياسيدي انا خنتك صح وسيبتك عشان لفلوس أرتحت توا ..ويكون بعلمك لو رد بيا الزمان وانحكيت تحت نفس الظروف كنت برضو رح نكرر نفس اللي درته زمان.

مسكت بسمه شنطتها وكانت بتطلع وهيا معصبه ...عفست ع المرش المتكسر ومن غير ماتهتم او تفكر توقف.

سيف لما شاف الدم وشافها تعفس ومش مهتمه حس بالالم والوجع وماتحمل يشوفها هكي جي يجري علاها:-
بسمه ...رجلك دم لا تعفسي وحياتك.

بسمه بعصبيه :-
لاتقرب مني....خليني ف حالي فاهم مادخلك فيا.

لبسه شوزها ووقفت وكانت تحس بالالم بس تكابر ع نفسها طلعت من الحوش وخلت سيف وراها.

كان سيف واقف مصدوم وحاس بألم ووجع رهيب ف قلبه وبلحظه جنون شد اللاب توب وحدفه ع الحيط وكسره طروف ...وخذي مفتاح سيارته من ع الطاوله ولحق بسمه يجري.

أول ماركب ف سيارته وطلع لقي بسمه مازال قريبه وكانت قاعده ع الارض ومنحيه شوزها وتمسح ف رجلها وتبكي.

نزل من السياره وقرب منها:-
بسمه رجلك تنزل هلبا ...لازك نرفع للعيادة .

بسمه بعياط :-
قتلك خليني ف حالي باش تفهم.

سيف بعياط:-
ماتعانديني قتلك تعالي معاي نرفع للعيادة ماتسكري راسك.

بسمه ؛-.
امشي من قدامي وخلينيف حالي فاهم

سيف بلحظه غضب قرب منها ومن غير سابق انذار قامها بحضنه .

بيسمه تخبط فيه ع صدره:-
نزلني باش تفهم يشوفنا حد ..خليني ف حالي وف همي مش ناقصه.

سيف شاف بعيونها ودمعته نزلت:-
ياريت لو قلبي يطاوعني ونقدر نخليك ف حالك ..وفتح الباب وحطها بالكرسي.

بهاللحظه بسمه هدت وكانت طول الطريق حاطه راسها ع الشباك متع السياره ودموعها ينزلو .

بعد 10 دقايق وصل سيف ببسمه للعياده نزل وهيا كيف بتحاول تنزل جي عليها وعاود نفس اللقطه وقامها بحضنه:-
أشش ماديري شوشره الناس تشوف...وماحد يعرف نحن من رح يفكرونا راجل ومرته او خو واخته لو قعدتي هاديه ومالفتي انتباه .

دخل سيف ببسمه للعياده ..وجي الدكتور وقعد يعقم لبسمه ف جرحها وكانت لما يحط المعقم تضغط من غير قصد ع يد سيف من الالم وقداش ماكان يحس ف الالم عنها مضاعف ..وبعد كملو لفلها الدكتور رجلها بالشاش وطلعو .
.
.
ركبو بالسياره وكانو ساكتين.

سيف:-
اليوم مش رح تقدري تكملي شغلي...رح نوصلك لحوشكم وبكرا نكملو

بسمه بصوت هادي:-
تمام.

سيف؛-
ع فكره مافي داعي تشيلي هم الشغل ..لان انا مداير نسخ احتياطي للشغل ع قرص مضغوط لأن ع طول نحسب ف حساب ان ممكن يصير عطل باللاب او اي شي...الحاجه الوحيده اللي رح نعاودوها الرسم التخطيطي ع الورق بس.

بسمه حطت راسها ع الشباك -
مش انا ع فكره اللي كبيت العصير...ويشهد الله اني صادقه ولو درت هالشي كنت اعترفت لأن مش رح نخاف منك أكثر من خوفي من ربي...بس انت دامك مصر ان انا اللي كبيته انت حر.

وفعلا وصل سيف بسمه لحوشها ورجع لصغار اخته.

ومر الوقت وجي الليل وكان سيف قاعد ع حاله مع صغار اخته ويهتم بيهم ..وبعد مارقدو مسك فونه واتصل ع رهف ...لأنه كان مواعدها ان هو اللي يرفعها اول يوم للمدرسه بس لأن كان لازم يقعد مع عبدو وماريا بعتلها سواق من الشركه عشان يوصلها.

رن فون رهف شافت لقاته سيف:-
مساء الخير خويا سيف.

سيف بأبتسامه:-
اهلين رهوفه...كيف حالك اليوم.

رهف:-
الحمد الله ...وانت.

سيف:-
تمام الحمد الله ...سامحيني اليوم ماقدرت نجي نرفعك للمدرسه انشغلت شوي.

رهف:-
لا عادي ولا يهمك اوخي ربي يعاونك.

سيف :-
خبريني شن جو المدرسه معاك

رهف:-
الحمد الله امورها طيبه ..عجبتني وارتحت فيها الحق .

سيف بإبتسامه:-
ربي يوفقك...وان شاء الله بالنجاح وتحتاجي اي حاجه كلميني من غير تردد.

رهف؛-
حاضر بعون الله...ربي يحفظك ويجازيك خير.

سيف:-
اللهم امين..يلا نخليك توا تستريحي وترقدي وراك فيقه بدري بكرا .

رهف:-
تمام...تصبح ع خير اوخي.

سيف:-
تلاقي الخير .

اما عند بسمه:-
كانت ساهره طول الليل تعاود ف رسم التخطيط متع المشروع وهيا بعز شغلها وصلها مسج ع الواتس ..شافاته كان من وسيم.

فتحاته وكان محتواه:-
بسمه مساء الخير.

بسمه:-
مساء النور ..كيف حالك وسيم

شوي ورد علاها:-
الحمد الله وانتي

بسمه:-
الحمد الله.

وسيم:-
بسمه .

بسمه :-
نعم

وسيم:-
عادي نقولك شي

بسمه بأستغراب:-
تفضل قول!!!؟.

وسيم؛-
نعرفش كيف وليش بس أستاحشتك ومتلهف ع شوفتك والله .

بسمه قرت المسج ونصدمت وماعرفت شن ترد ...بعد كم دقيقه وصلها مسج تاني.

باينتك غفيتي ...يلا نخليك تستريحي تصبحي ع خير.

بسمه :-
تلاقي الخير وسكرت واتس..ورجعت تكمل ف شغلها.

الصبح الساعه 8:-
فاقت بسمه وتقريبيا ماغفت الا .حوالي ساعه...دخلت دوشت وغيرت لبسها ..وفطرت مع مامتها وطلعت بالاول مشت للصيدليه .

بسمه:-
صباح الفل مرمورتي.

مروه:-
صباح الخيرات حبيبتي..نورتي بدري اليوم .

بسمه:-
ايه والله...جيت بناخذ دواء السكؤ والقلب متع بوي .

مروه:-
خيرك تعرجي ع رجلك بالاول.

بسمه بارتباك:-
ولا شي ...زلقت ف الحمام بس.

مروه:-
ان شاء الله لابأس عليك ياعمري..ماتبيش دواء الضغط معاهم.

بسمه:-
لالا..مازال عنده.

مروه :-
تمام...خبريني شن جوك مع سيف.

بسمه وتذكرت اللي صار معاها امبارح:-
قعد لا يطاق بصراحه..بس عموما خلينا منه وقوليلي شن جوك انتي مع العمل والحوش.

مروه:-
الحمد الله حبيبتي ماشيه اموري

بسمه:-
عموما ربي يعاونك حبيبتي ...وخذت الدواء وخلصت حقه ..نستأذنك توا غاليتي

مروه بإبتسامه؛-
ف رعاية الله وحفظه .

رجعت بسمه للحوش وعطت لمامتها علاج بوها وبعدها مشت لحوش سيف

اما عند سيف فكان يجري وراء صغار اخته عشان يفطرهم وهما مش راضيين
وكان كل شوي يهددهم انه رح يتصل بأمهم لو ماقعدو يفطرو ..بس كل محاولاته كانت من دون فايده

"ووواك ياربي فديت من هالوضع ...انا مالي ومال المفرخ نتصل بأمهم تجي ادبرلهم عييت " وهو قاعد يحكي مع نفسه سمع صوت الجرس يرن .

مشي فتح الباب وكان لابس تيشيرت أصفر وشورت جيشي وشخشير كعبه أبيض ..فتح الباب وكانت بسمه.

بسمه:-
صباح الخير

سيف :-
صباح النور...تفضلي .

بعد مادخلت .
سيف:-
كيف حال رجلك اليوم.

بسمه ؛-
الحمد الله احسن.

سيف :-
بالشفاء يارب...اليوم الجو حلو خلينا نقعدو بالجنان نشتغلو احسن.

بسمه:-
تمام زي.ماتحب .

سيف:-
تماام اسبقيني ...نشوف الصغار ونجيب اللاب ونجي.

بسمه؛-
تمام.

ركب سيف شاف صغار اخت لقاهم يلعبو بدارهم نبه عليهم مايطلعو وبعدها مشي لداره جاب اللاب ونزل لبسمه.

سيف :-
اول شي رح نشتغلو ع التخطيط اللي تبزع عليه العصير امس.

بسمه:-
ماف داعي ..انا عاودت رسمته امبارح ماغفيت الا بعد ماكملته ..تفضل.

سيف:-
خذي منها الملف وقعد يشوف فيه وكان طبق الاصل من شغل امبارح تنهد وشافلها"ماكان ف داعي تتعبي نفسك وتبذلي كل هالمجهود يابسمه".

بسمه:-
لا عادي ..الطاسه كانت طاستي وانا نتحمل جزء من المسؤوليه لأني حاطتها جنب اللاب.

عند وليد بالشركه :-
دخل للشركه ..ولسبب مايعلمه كان متشوق يشوف أمل اليوم من وقت ماشافها امس بغير ستايل وهو يفكر ياتري كيف رح تكون.

دخل لمكتبه وكانت أمل واقفه تحضر ف فنجان قهوه..اول ماشافها انبهر .
"كانت لابسه بشت بسيط ونازك أكحل مع طريزه ع السماوي وتحته بنطلون جينز أزرق وحذاء كعب أكحل وكانت حاطه وشاح مورد بطريقه بسيطه ع شعرها .

وليد:-
احم احم ..صباح الخير.

امل تلفتت عليه :-
صباح النور .

وليد:-
كيف حالك اليوم.

أمل:-
الحمد الله ..يسلموو.

وليد بعفويه:-
محلااك..طالعه تهبلي والوشاح زايد محليك.

أمل بخجل تفاجئ من جرأته :-
ش..شكرا.

وليد :-
ممكن تحضريلي فنجان قهوه معاك.

أمل :-
اوك ..تمام.

دخل وليد لمكتبه ..اما امل كانت تحضر ف القهوه ومتفاجئ من جرأت وليد وتصرفاته ..بس بالاخر فكرت ان ممكن بس يحاول يدعمها ويشجعها عشان تقويي شخصيتها بعد ماعرف اللي صار معاها .
.
.
تسريع بالاحداث:-
الظهر الساعه 1:00⏰:-

سيف:-
خلي نستريحو شوي ونطلبو غدي شن رايك.

بسمه:-
عادي...انا مش جعانه

سيف تنهد:-
بسمه لازم تاكلي ...كيف مش جعانه معقوله..شن حابه تاكلي والا نطلب ع ذوقي.

بسمه :-
ايه عادي ..اطلب اي شي وخلاص.

سيف:-
تمام ..استريحي لعند نمشي نتصل بفوني حاطه بالشحن ونجي .

بسمه:-
تمام.

خش سيف ..وقعدت بسمه لحالها قربت لحوض السباحه وقعدت تلمس ف الميه بيدها ومن غير ماتحس حست بحد دفها وطاحت بالميه.

بسمه كانت ماتعرف تسبح وعندها فوبيا من الميه ...قعدت تحاول تطلع وتعيط تنادى ع سيف .

أول ماطلع سيف من داره سمع صوت بسمه طلع يجرى ... وشاف بسمه بالميه ومن غير تفكير وبخوف نقز بالميه وقعد يسحب فيها لعند طلعها.

سيف وهو ماسك وجهها:-
يامجنونه ليش نزلتى بالميه..انتى ماتعرفي تسبحي.

بسمهوهيا ترتعش وتسعل:-
مش انا ...كنت نلمس ف المية وفجأه حسيت بحد دفني والله.

سيف وهو يباعد ف شعرها ع وجهها:-
انتى كويسه.

بسمه هزت براسها :-
ايه.

سيف ماقدر يشد روحه اكثر وحضنها بقووة وخوف وتملك .
"الحمد الله يارب...خوفتيني عليك قلبي كان بيوقف".

بسمه بعدت عليه بخجل :-
أسفه بللتك بسببي.

سيف:-
ولايهمك...وانا اسف اكيد واحد من الصغار كان يبي يمزح معاك ودفك من غير قصد

بسمه:-
عادي حصل خير

سيف شاف لملابس بسمه وكانت بلوزتها لاصقه ع جسمها وشبه شفافه ..نزل عيونه وباعد علاها

"خشي معاي نعطيك لبس من عندي البسيه لعند يجفو ملابسك".

بسمه:-
مافي داعي ..رح نروح نغيؤ ونجي.

سيف بعصبيه:-
انتي انجنيتي تبي تطلعي هكي للشارع
..خشي بلا عناد.

بسمه باستسلام:-
تمام ..اوك.

خشت بسمه مع سيف جابلها منشف جففت بيه وبعدها خش لدارها جابلها بنطلون وتيشرت .

سيف:-
ألبسي هاذو ...رح يجو عليك كبار شوي ..بس مشي بيهم لعند يجفو ملابسك.

خذتهم بسمه منه:-
تمام اوك...وين التواليت لو سمحت.

سيف:-
تعالي .

بعد ماخشت بسمه للتواليت مشي سيف لصغار اخته بدارهم .

سيف:-
من اللي دف خالتو بسمه بالميه .

ماريا:-
مش نحن نعرفوش منو.

سيف:-
قولو الحق وماتكذبو...اللي يكذب يحطه ربي ف النار .

عبدو خاف وقعد يبكي:-
والله ياخالو انا وماريا دفيناها ..لأنها مش كويسه ورح تؤذيك هكي قالتنا ماما لما شافتها.

سيف قرب من عبدو وقعد ع ركابه ؛-
ماما شافت خالتو بسمه .

عبدو:-
ايه ياخالو وقالتلها كلام مش حلو ..وبعدها قالت عنها مش كويسه وتبي تؤذي خالكم..عشان هكي نبو نبعدوها عليك وكبينا العصير علي....

سكت عبدو لأن ماريا ضغطت ع يده عشان مايتكلم ويفضحهم.

سيف بصدمه:-
قصدكم انتم اللي كبيتو العصير .

ماريا وعبدو شافو للأرض وهزو روسهم بمعني ايه.

سيف بعصبيه:-
يعني انا ظلمت بسمه امس...اللي درتوه عيب ومايصير وماعاد يتعاود فاهمين .

ماريا:-
فاهمين ياخالو...أسفين ماتزعل مننا.

سيف:-
تمام خلكم بدارك لعند نجيكم.

طلع سيف ولقي بسمه نازله للصاله خش علاها ..ولقاها قاعده ومتحشمه ومش قادره تشوفله قرب منه وهو حاس بالذنب .

سيف:-
اسف ع اللي صار ..الصغار هما اللي دفوك اعترفو بهالشي رجاءا ماتزعلي منهم.

بسمه بهدوء:-
عادي حصل خير ...هما صغار مايفهمو..وشردت شوي ومن غير وعي قالت "لو كان ولدي عايش كان بعمرهم توا".

سيف بصدمه:-
انتي كان عندك ولد ومات.

بسمه دموعها نزلو:-
كنت حامل واجهضت بالسابع

سيف حس بنار بقلبه وغضب لانه اكتشف انها كانت رح تصير ام من راجل غيره وبلحظه لما شافلها لقاها تمسح ف دموعها بكم التيشرت .

قرب منها ومسك يدها:-
لازم تثني الكمم عشان مايضايقوك ..وهو يثني ف الكم للخلف شاف أثار جرح كبيره بيدها.

سيف بصدمه:-
هذا شني بسمه ..من شنو هالجرح.

بسمه سحبت يدها ووقفت بارتباك:-
مش عارف جرح قديم نسيته.

وقف سيف ورجع مسك يدها:-.
بسمه نسال فيك وماتكذبي عليا من وينلك هالجرح .

بسمه :-
قتلك نسيت ليه زمان مر عليه .

سيف بألم :-
من زوجك صح ..هو السبب

بهاللحظه حست بسمه بالضعف والالم ودموعها نزلو بعدت عليه وعطاته ظهرها .
ارجوك ياسيف سكر ع هالموضوع

بهاللحظه سيف عرف ان كلامه صح وان زوجها السبب..قعد يخبط ف الحيط بيده ويحاول يطلع فيه غضبه :-
الله ينتقم منه الفاسد الحقير ..بننجن ياربي ووواك

بسمه كانت تبكي وتلفتت عليه:-
ماعاد يفيد هالشي ياسيف وانا نسيته هو مات خلاص واللي صار صار.

سيف بغضب:-
عشان هكي معصب ..لانه مات ومانقدر نعاقبه وناخذ حقك منه .

بسمه شافت بعيون سيف ودموعها نزلو:-
مانبي نحكي بالماضي أرجوك.

سيف قرب منها وبألم ودموع:-
كان يضرب فيك صح.

تلفتت بسمه وهيا مش قادره تتحمل اكثر وبصوت كله دموع :-
خلاص ياسيف أرجوك.

ومن غير ماتحس حضنها سيف من الخلف بقوووه وهو يبكي :-
بسمه خلينا نتزوجو ..أرجوك نبي ننسي كل شي حتي اللي صار بالماضي..انا خلاص ماعاد عندي حيل للمكابره انا ميت ليا سنين ونبي نرجع نعيش أرجوك.

بسمه بصدمه:-.
.
.
.
#يتبع

عارفه مسار الاحداث تغير وبشكل مفاجئ بس صدقوني مازال الاحداث لها مسار جديد ...برايكم شن رد بسمه ..وهل اخيرا رح يرجعلها نصها الثاني وشن رح يصير ف الجاي.

بأنتظار تفاعلكم وارائكم..وصاحب او صاحبت أقرب كومنت للأحداث رح ينزل أسمها بالحلقه الجايه كنوع من االدعم .

بالنسبه اللي يطلبو ف أكثر من حلقه ...والله كلكم حقكن ع راسي وبعيوني...بس والله مضغوطه وظروف البيت والشغل ويادوب نلحق نكتب حلقه باليوم لان الكتابه كل حلقه بحلقتها مش مسبقه...حبي وأعتذاري وكامل تقديري ليكم .

مع تحياتي أختكم وصديقتكم.
#zezo_a_saad❤.

[فيتامين سي]

#إنتقام_عاشق.
.
.
الحلقه الحاديه عشر❤.

"ومن الجميل أحيانا أن لا نعطي لما مضى الأولويه في حياتنا ..وأن نسابق خطواتنا للأمام ونحن نمسك يد من نحب ".

بلحظات تغلبنا عاطفتنا ونستسلم لمشاعرنا وننسى كل أحقادنا وألمنا لمجرد أن الشخص اللي نحبوه قريب مننا وبحضننا.

كانت بسمه منهاره وكل ذكريات الماضي ووجعه تتكرر قدامها لعند حست ايدين سيف تلتف ع خصرها .

سيف بدموع وهمس:-
كان يضرب فيك صح .

بسمه بإنهيار:-
خلاص بالله عليك ماعاد نبي نحكي بالماضي.

سيف كان يحضن فيها ليه بقووه:-
بسمه خلينا نتزوجو أرجوك ..خلينا نتزوجو ياعمري وننسو كل الالم اللي عشناه السنين الماضيه

بسمه بصدمه وزاد بكائها وقعدت تحاول تفك ايديه من حولين خصرها :-
أرجوك اطلقني ياسيف ماعاد نقدر نتحمل كل هالضغط

سيف وهو يبكي ومازال يحضن فيها ليه:-
انا اللي ماعاد قادر نستمر بهاللعبه السخيفه...ماعاد قادر نداري مشاعرى اتجاهك بسمه انا نحبك ومازال نحبك واكثر حتي من قبل طول هالسنين وانا ميت نبي نعيش وحياتك ماتحرميني منك وخلينا ننسو كل شي.

"أنا مافي أحمل جفا ..انا قلبي أكتفى..انا بردان وحضنك دفي ..لاتبيع الوفي..هزتني الليالي ...سرقتني من حالي...وع فراقك ياغالي..عزتني الدنيا اه عزتني الدنيا"
مقطع من أغنيه رضا🎤🎶.

سيف لف بسمه عليه وحاوط وجهها بايديه الاتنين وشاف بعيونها:-
بسمه خلينا ننسو كل الماضي وسنينه ..ونبدو من جديد وانا مسامحك من كل قلبي ومانبي نعرف شي ولا نحكي بالماضي نبيك بس بحاضري لأني نحبك وأنتي تعرفي هالشي .

بسمه كانت تشوف بعيونه ودموعها ينزلو ...لأن كانت تشوف فيهم كميه اللهفه والشوق والحب اللي هيا مشتاقتله ومحتاجتله من سنين ..وااه ع النبض بقلبها لما أرتوي بكلمه انحبك اللي محتاجها من سنين.

"الفرحة جنبه لقيتها..صعب جدا وصفها ..هو قلبي هو نبضي واحلى نبضه قلبي يدقها...الفرحه جنبه لقيتها...قال احبك قالهااااا ".

مسحلها سيف دموعها ومسك يدها باسها وهو مازال يشوف بعيونها:-
لا تبكي ياقطعه من كبده ...ماتبكي والله دموعك نار تحرق فيا ومانقدر نتحملها.

كانت بسمه كيف بترد بعد مااستجمعت قوتها رن جرس الحوش.

سيف بعد عنها وباس راسها:-
شويه نشوف من..اكيد الاكل وصل ..ونرجع .

بعد مابعد سيف ..قعدت بسمه ع الكنبه وهيا ف خليط بين الصدمه والفرحه والخوف مش قادره تفكر...متفاجئه بتغير سيف المفاجئي ...سيف بلحظه رجع لسيف اللي تعرفه الطيب الحنون اللي من عيونه يبان صدق مشاعره وحبه ...كميه سعادة مش طبيعيه عايشتها بهالوقت بلحظه كسبت حب سيف ومسامحته ليها من غير حتي مايكلف نفسه يعرف ماضيها وأسبابها.

وبهاللحظه حست بخطوات تقرب منها رفعت راسها وكانو عبدو وماريا ماسكين ايدين بعض.

بسمه اول ماشافتهم ع طول أبتسمت

ماريا :-
خالتو بسمه ..انا جبت عبودي وجينا عشان نعتذر منك ..نحن أسفين ارجوك سامحينا.

بسمه قربت عليهم وحطت يدها ع خد ماريا واليد التانيه ع خد عبدو:-
ماتتأسفو حبايبي حصل خير ...عبودي ليش تبكي حبيبي.

عبدو شافلها وبدموع:-
عشان خالو قال رح يقول لماما علينا وماما رح تعاقبنا لأن درنا شطانه.

بسمه بإبتسامه ع طفولته وهيا تمسح ف دموعه:-
لا تبكي حبيبي ...رح نحكي مع خالو ومش رح يقول شي لماما متفاهمين.

قربو علاها عبدو وماريا وحضناها:-
شكرا خالتو.

بهاللحظه دخل سيف وكان ماسك بوكسات الاكل بيده وبنبره صوت كلها فرحه:-
الله الله ...شن قاعد يصير من وراي

بسمه بهدوء:-
ولا شي ..تصالحت انا وعبدو وماريا وبدينا صحاب .

سيف:-
امم دام تصالحتو ...معناتها حتي انا سامحتكم ومش رح نقول لماما شي .

عبدو بفرحه:-
بالحقه خالو.

سيف بضحكه:-
ايه بالحقه ..يلا اجرو اغسلو ايديكم عشان نتغدو تمام.

ماريا وعبدو:-
تمام.

بعد مامشو الصغار...قرب سيف من بسمه ..وكانت بسمه متوتره وتحاول تهرب بنظراتها عن سيف .

سيف وهو يشوفلها بعشق:-
هذا ليش نحبك...لأن مهما تغير الزمان طيبتك ماتغيرت ..رح نتغدو ونكملو حديثنا اوك.

دخل سيف للمطبخ وقعد يجهز ف الغدي وكان يدندن ف أغنيه:-
"يارب قلبي لم يعد كافيا...لأن من احبها تعادل الدنيا...فضع ف صدري واحدا غيره ..يكون ف مساحة الدنيا ...حبك يا عميقه العينين ..تطرف تصوف عباده ...حبك مثل الموت والولاده ..صعب بأن يعاد مرتين "
حبيبي كاظم🎧🎤😍

كانت بسمه واقفه بالباب متع المطبخ وتسمع فيه وتبتسم لعند تلفت علاها وقرب منها ومسك يدها
"عدي علي أصابع اليدين مايأتي.فأولا حبيبتي انتي ..وثانيا حبيبتي أنتي..وثامنا وتاسعا وعاشرا حبيبتي انتي "..وباس كف ايدها.

بسمه بخجل :-
سيف مايصير ..تو يجو الصغار يشوفونا .
سيف بإبتسامه:-
حاضر ..تعالي الغدي جاهز رح يعجبك اكيد .

بسمه مسكت يده:-
سيف ضروري نحكو..ف هلبا كلام نبي نقولهولك ..وهلبا حاجات لازم تعرفهم .

سيف:-
خلينا نتغدو توا ..وبعدها ساهل اوك.

.
.
.
عند وليد بالشركه :-
كان الوقت الساعه 1 الظهريه ..طلع من مكتبه ولقي أمل غارقه بالشغل .

وليد قرب منها بإبتسامه وطبس ع المكتب:-
لهالدرجة مشغوله.

أمل بخلعه :-
بسم الله ...خلعتني.

وليد :-
أسف والله مش قصدي .

أمل :-
حصل خير .

وليد شافلها بأعجاب:-
ممكن نطلب منك طلب.

أمل بأرتباك:-
تفضل .

وليد؛-
عادي نعزمك ع الغدي .

أمل :-
أسفه مانقدر.

وليد:-
ممكن نعرف ليش.

أمل :-
عشان مايصير هالشي.

وليد :-
وين المشكله ..مش رح نبعدو اهوا المطعم لقريب من الشركه ...ولو خايفه يشوفك حد رح نطلع انا قدامك وانتي الحقيني شن رايك.

امل حست بايخه ترده وبعد تردد:-
اوك تمام ..اسبقني ولاحقتك.

وليد بأبتسامه :-
تمام وغمزلها😉.

طلع وليد من الشركه ...وقطع الشارع وكانت أمل تمشي وراه ..لعند فجأه سمع.

شخص:-
بس بس ياحلو ..غير عدل علينا .

كان شخص يضايق ف أمل ويمشي بجنبها ويعاكس فيها .

وليد مايعرف بهاللحظه بشن حس أو شن اللي صارلها ومن غير وعي رجع لأمل مسكها من يدها وحطها وراء ظهره .

وليد؛-
أمشي من هنا أحسنلك.

الشخص:-
ليش يابرو ..انت شن دخلك.

وليد؛-
قتلك امشي وماتكثر دوه.

الشخص :-
ولو مامشيت شن رح ادير وريني.

وليد:-
انت الباين جلدك يحك فيك وماتبي تمشي ع خير ...وقعد يضرب فيه ويتعاركو بالشارع ..لعند التمو عليهم الناس وقعدو يحزو فيهم.

شخص:-
شن في ياشاب صلي ع النبي.

وليد وهو يمسح ف الدم من فمه:-
الحيوان هذا...يعاكس ف خطيبتي قدامي.

امل كانت مصدومه وحاطه يدها ع فمها وتبكي من اللي صار وزادت صدمتها لما وليد قال قدام الناس انه خطيبها .

الشخص:-
حصل خير خونا ...خوذ خطيبتك وامشي

وليد قرب من أمل ومسكها من يدها :-
امشي معاي .

كان يمشي وأمل تمشي معاه وهو ماسك يدها لعند انفجر فيها:-
كله منك ...لو مش لابسه هكي وحاطه عطر ريحته من بعد كيلو ماكان صار هالشي .

أمل بصدمه:-
انت شن قاعد تقول .

وليد بغضب:-
اللي سمعتيه ...شفتي شن صار خليتيه يقرب منك ويسمعلك ف كلام قدام الناس.

أمل شافتله بغضب ونحت يدها من يده :-
الحق فيا اللي طلعت معاك ..وبلحظه قصت الشارع وهيا معصبه ومن غير ماتشوف .

وليد شاف وحاول ينبهها :-
اممممل سياره ...وجري علاها دفها وجت الخبطه فيه ع رجله.
.
.
.
عند محمود :-
كان قاعد بالفيلا متعه ومروق وفجأه جي عليه عادل صديقه من سنين.

عادل :-
السلام عليكم.

محمود:-
وعليكم السلام...اووو عدول شن الجو .

عادل:-
الحمد الله شن جوك انت.

محمود :-
تمام عزيزي اهو ماشيه اموري.

عادل :-
ان شاء الله ديمه ...غريب قاعد بالڤيلا بهالوقت.

محمود :-
اهو قاعد نمخمخ ف امور الشغل ونقلب فيها براسي.

عادل:-
شغل بس..ياودي مش عوايدك.

محمود بخبث:-
ع طول زابطني ...تعرف في من نفكر.

عادل:-
ف من .

محمود:-
بسمه.

عادل:-
بسمه من...وبعدها تذكر وبصدمه"ماتقولي طليقتك".

محمود :-
صحه ليك هيا

عادل:-
شن ذكرك بيها توا.

محمود:-
ولاشي...شفتها من فتره بشركه الشخص اللي رح يشتغلي مشروع المنتجع.

عادل بشك:-
محمود ع شن ناوي...خلي البنت ف حالها سادها ماشافت منك حرام.

محمود:-
عارف ياعادل ..بسمه هذه شي تاني ع قد ماهيا ضعيفه ع قد ماهي قويه وقوتها ف حبها لأهلها والشخص اللي كانت زمان تحبه...ياراجل ع قد مانتفكر قداش حاولت نكسرها ونخليها تستسلم شي ولا قالت ننكسر لا وتتحمل بشكل رهيب.

عادل'-
حرام عليك يامحمود ..خليها ف حالها البنت تعذبت معاك هلبا فاكر قداش ضربتها وعذبتها .

محمود بغضب:-
لأنها ماكانت تحبني ..ع قد ماحاولت نكسبها ونخليها تحبني كانت ع طول تحسسني ان انا مفروض علاها فرض ..حتي بلحظاتنا الخاصه كنت ع طول نحس ان جسمها ليا بس قلبها وعقلها بمكان تاني ..تستفز فيا وتحسس فيا اني مش راجل.

عادل:-
وانت خذيت حقك منها وبالزايد ..حرام يامحمود خلي البنت ف حالها ياسر فيها.

محمود :-
مش مداير شي...بس حاب انابشها شوي...بسمه زي القطوسه اول ماتقرب منها تخربشك وانا ليا زمان ع خربشاتها الحق .

عادل:-
ربي يهديك ..بس حط ف بالك الوقت والظروف تتغير ..ومش كل مره تسلم الجره ..خلك فاكر كلامي .
.
.
.
عوده عند سيف:-
بعد ماتغدو وكملو...خذت بسمه ادير ف قهوه ..اما سيف رفع صغار اخته لدارهم وفتحلهم ع الرسوم ورجع .

وقف بباب المطبخ وقعد يتأمل ف بسمه وهايم بملامحها .

بسمه انتبهت عليه :-
في شي.

سيف بإبتسامه :-
نحببك بس.

بسمه كانت تحس بضغط نفسي وتوتر رهيب قربت منه ووقفت قدامه؛-
سيف نحن لازم نحكو..لازم نحكيلك اللي صار معاي.

سيف:-
مانبي نسمع شي...نبي ننسو كل اللي فات ونفكرو بس ف مستقبلنا ممكن.

بسمه بتوتر:-
بس انت لازم تعرف ليش انا سيبتك ارجوك سيف.

سيف حط يده ع فمها:-
اششت بسمه..خلاص انسي الماضي مانبي نعرف شي مانبي نتوجع انا نسيت كل شي نبي بس نعيش معاك حاضري ومستقبلي ارجوك ...بس قوليلي انتي موافقه ع الزواج ورح نكون اسعد انسان.

بسمه بأصرار:-
قبل مانخبرك ضروري تعرف كل الماضي قبل .

سيف:-
اووف بس اووف قتلك مانبي نعرف شي ارجوك ..انا نبي نعرف شي واحد بس لو عطيتيني جوابه يكفيني

بسمه بإستغراب:-
شن هالشي

سيف مسك يدها اليمين وشاف بعيونها:-
أنتي مازال تحبيني ..هذا ليش ماتخليتي ع الاسواره اللي جبتهالك بعيد ميلادك.

بسمه :-
ياسيف ارجوك ف حاجات اهم لازم تعرفها ارجوك خليني نحكيلك.

سيف بأصرار:-
بس جاوبيني ع هالسؤال عشان خاطري.

بسمه شافت بعيونه :-
ايه نحبك ..وبعمري مانسيتك ولا حبيت غيرك.

سيف بإبتسامه :-
خلاص هذا الشي الوحيد اللي يهمني ومانبي نعرف اي شي تاني..نقولك شي رح نمشي نغير ملابسي اللي تبللو وقريب يجفو ع جسمي ونجيك نكملو كلامنا .

بسم بتنهيده استسلام:-
او تمام.

ركب سيف يغير ف حوايجه ..وطفت بسمه ع القهوه وجهزتها بالسفره .شوي وسمعت جرس الحوش يرن.

بسمه استغربت من اللي جاي ونست روحها وشن لابسه ولان سيف كان الفوق ومش سامع الجرس مشت فتحت وتسمرت ف مكانها.

سهيله بصدمه:-
انتي شن اديري هنا يافاسده.

حمزه مسكها من يدها :-
سهيله عيب مايصير هالكلام.

.سهيله نحت يدها وبعدت ع حمزه:-
اطلقني ياحمزه ..خليني نفهم هالفاسده شن ادير ف حوش خوي ولابسه ملابسه بكل وقاحه.

بسمه وهيا تحاول تبررلها؛-
ارجوك ياسهيله ماتفهميني غلط وخليني نشرحلك قبل ..انا جيت عند سيف عشان الشغل ولما كنا نشتغلو بالحديقه عثرت وطحت ف حوض السباحه وتبللت وعشان هكي الاستاذ سيف عطاني لبسه والله هذا اللي صار

سهيله بعصبيه:-
تحسابيني غبيه عشان نصدق كذبك ...ياكذابه يافاسده..وينه خوي .سيف وين.

بهاللحظه نزلت ماريا وعبدو لما سمعو صوت امهم وجو يجرو علاها.

ماريا :-
ماما حبيبتي جيتي

سهيله حضنتهم :-
اهلين حبايبي استاحشتكم.

بهاللحظه تلفت حمزه ع بسمه:-
انا أسف ع اللي صار...ماتزعلي من كلام سهيله ارجوك.

بسمه مطبسه راسها بخجل:-
مافي داعي للإعتذار..حصل خير

سهيله شافت لحمزه من تحت:-
مانبي نحكي قدام الصغار ..رح نمشي ندور ع سيف ونفهم منه هالمخلوقه شن ادير هنا.

بهاللحظه سمعت صوت سيف وهو نازل من الدروج:-
مافي داعي ادوري عليا ياسهيله ..جيتك بروحي ..حمد الله ع السلامه.

حمزه وهو شاد ماريا بحضنه :-
الله يسلمك ياغالي.

سهيله قربت من سيف ومسكاته من يده:-
سيف شن الدير المخلوقه هذه عندك ...وليش لابسه ملابسك فهمني.

سيف بهدوء:-
خلينا نقعدو بالصاله ونشرحلك كل شي .

سهيله شافت لبسمه بغضب:-
مش رح نتحرك من هنا قبل ماتطلع هالخاينه من حوشك.

حمزه عصب علاها:-
سهيله ياسرك عاد ...خلي سيف يقرر بروحه من يستقبل في حوشه ومن مايستقبل زودتيها راك.

بسمه :-
أنا نستأذن توا استاذ سيف ..رح نخليك تاخذ راحتك مع عيلتك .

سيف شاف لبسمه بحنيه:-
تمام ..رح نحكيك بعدين فون اوك..قبل ماتمشي اركبي غيري لبسك تلقيه ف الدار جف .

بسمه :-
اوك ..عن أذنكم .

اول ماطلعت بسمه ع فوق ..مسكت سهيله سيف من يده وطلعت بيه للحديقه :-
سيف فهمني الخاينه هذه شن قاعده ادير ف حوشك.

سيف :-
بسمه مساعدتي الخاصه ..وانا وهيا نشتغلو ه مشروع ولان المشروع مستعجل أستدعيتها للحوش عشان نكملوه مع بعض.

.سهيله بعصبيه:-
سيف انا مش غبيه عشان نصدق كلامك هذا فاهم.

سيف شافلها وببرود:-
انتي حره انا اللي عندي قلته...بتصدقي باهي مش مصدقه انتي حره.

سهيله بغضب -
لأنك تكذب ياسيف ...انت جبتها لانك تحاول تتقرب منها من جديد.

سيف :-
ولو كلامك صح وين المانع...مرت سنين ع اللي صار زمان ومافي شي يمنع اني نرجعلها .

سهيله بصدمه من كلام خوها وبغضب:-
انت اكيد انجنيت ..وهالفاسده قدرت تضحك عليك من جديد وانت زي الغبي صدقتها.

سيف بعصبيه:-
سهيله انا مش صغير عشان تضحك عليا اعرفي شن تقولي .

سهيله قعدت تصفق وبأستهزاء:-
ياسلام ف يومين بس خلاتك زي الخاتم ف صبعها.

بهاللحظه قرب منها حمزه زوجها وبعصبيه:-
سهيله ياسرك زودتيها راك ..حتي لو كنتي اخته الكبيره مايصير تحكي معاه هكي .

نقولك شي امشي قدامي نروحو ...ولما تهدي نحكو .

سيف شاف لسهيله:-
سهيله الافضل فعلا تمشي مع راجلك توا..ورح نحكو بغير وقت لان ماعندي نيه نتعاركو ويكبر الموضوع بيناتنا وخصوصا لأني فرحان وقررت نتزوج بسمه ونبدا صفحه جديده.

سهيله بصدمه ودموعها نزلو:-
مستحيله اللي قاعد يصير ...طيب ياسيف خلك فاكر كلامي كويس...دير بالك تفكر تجيني وتبكي بحضني لما تاخذ كف تاني منها تمام.

ومشت سيباته...شاف حمزه لسيف :-
اسف ياسيف ماتزعل من سهيله هيا بس خايفه عليك.

سيف بابتسامه :-
عادي ولا يهمك..انت هداها بس وبكرا رح انجيكم بعد ماتهدى ونصالحها.

حمزه :-
تمام ياغالي ...نستأذنك توا .

سيف :-
مع السلامه ...ربي يحفظك.
.
.
.
عند وليد:-

بعد مادف أمل وخبطاته السياره شوي ع رجله قربت منه املوهيا تبكي.

أمل :-
انت كويس ...ارجوك طمني صار عليك شي.

وليد بألم وهو يعرج ع رجله :-
لالا جت بسيطه الحمد الله...ممكن بس تساعديني نوصل للشركه.

أمل ببكاء؛-
خلينا نمشو للعيادة يشوفوهالك.

وليد بألم ؛-
مافي داعي مافيا شي ..هاتي يدك بس ساعديني عشان نوصل للشركه

أمل مدت يدها ومسكت يده وكانت تساعد فيه يمشي وهو يتأمل فيها وبملامحها وكيف تمسح ف دموعها بكف يدها .

اول ماوصلو للشركه ساعداته يطلع بالأسانسير وركبت معاه .

وليد قرب منها وقعد يمسح ف دموعها:-
ليش الدموع توا بس .

أمل وهيا تبكي:-
كله بسببي أنا أسفه والله.

وليد قام راسها :-
خايفه عليا أمل .

أمل بأرتباك :-
خلينا نمشو للعيادة ..ف دم ع بنطلونك.

وليد وهو يشوفلها بسرحان:-
انلا ماتحتاج ...خبطه بسيطه ورح نعالجها توا وتمشي .

بهاللحظه انفتح الاسانسير وبعد وليد ع امل وطلع هو وياها ع مكتبه .

خشت امل قبله وقربتله الكرسي وساعداته يقعد عليه ..واول ماقعد مشت تجري ع صندوق الاسعافات الاوليه جاباته وجت قعدت قدام وليد.

أمل :-
ممكن تساعدني نقيم البنطلون نشوف رجلك.

وليد بأبتسامه :-
اوك .

بعد ماقام وليد البنطلون ...قعدت أمل تنظفله ف الجرح ودموعها ينزلو .

امل:-
الجرح متورم وينزف لازم تعاين عليه.

وليد :-
مايحتاج ...دام حطيتي عليه ايديك رح يشفي

أمل بأرتباك:-
احم رح نلفهولك بالشاش تمام.

وليد :-
مسك يد أمل وقربها منه:-
ممكن تشوفي بعيوني نبي نقولك شي.

أمل بخجل :-
أرجوك اطلق يدي مايصير.

وليد وهو هايم بعيونها:-
أمل انا نعرفش شن اللي قاعد يصير معاي بس شايفه نبض قلبي "وحط يدها ع قلبه" الباين اني بديت نحبك .

امل بعدت عليه وناضت وقعدت تلملم ف الحاجات :-
عن أذنك لازم نرجع لمكتبي.

وليد وقف ومسكها من يدها:-
امل أرجوك فكري بكلامي وعطيني واعطي لنفسك فرصه نكتشفو مشاعرنا شني .

أمل طلعت تجري وخلت وليد وراها يشوفلها بأبتسامه .
.
.

تسارع بالاحداث:-
مر باقي النهار ع بسمه وهيا بالحوش مع امها وبوها ...كان كل تفكيرها باللي صار معاها مع سيف .

"يارب ساعدني وقويني ..ولو هالشي حلم لاتفيقني منه نبي نعيشه حتي لو كان حلم يارب اجبر بخاطري يااارب "

بالليل وتحديدا الساعه8:-
كانت بسمه قاعده مع بوها بالجنان بعد ماتعشوا .

الحاج علي:-
بسومه .

بسمه :-
نعم ياروح بسومه.

الحاج علي:-
فيك شي ابنيتي ...أغلب الوقت وانتي سرحانه اليوم .

بسمه قربت من بوها وحطت راسها ع رجله :-
بابا .. هو الانسان عادي يفرح لما يرجعله شي يأس منه من زمان والا يخاف المفروض.

الحاج علي وهو يمرر ف يده ع شعرها:-
لما يكون أنسان مؤمن بربي وقلبه طيب ويحب غيره فلازم يكون متأكد ان هالشي اللي رجعله هو جزاء ربي ليه ع صبره وحسن ظنه وخصوصا لو كان هالشي يحبه هلبا .

بسمه شافت لبوها وباست يده:-
بابا ادعيلي ع طول ..وع طول خليك راضي عني لأن من غير رضاك انت وماما مانقدر نعيش وسامحني لما نغلط وماتزعل مني.

علي وهو يمسح ع وجهها:-
بسمه انتي طول عمرك رضيه وبعمرك مارفعت صوتك او عيونك بعيوني حتي لما نكشخ عليك والا نظلمك تحطي عينك بالارض وتمشي وانتي ساكته صدقيني متأكد ان ربي رح يعطيك ويرضيك ورح يجي يوم ويجبر بخاطرك أكثر مما تتصوري
"هالمقطع خاص بحذافيره وبكل كلمه ليه لبابا ربي يرحمه لأخر أسبوع قبل مايمرض قالي هالكلام وهو مروح بيا من الشغل رجاءا ادعوله 😢😢"

بسمه :-
ربي مايحرمني منك يابابا ويديمك فوق راسي انت وماما

الحاج علي:-
ويسعدك ويجبر بخاطرك ياقلب بوك...وتوا خلينا نخشو لان تعبت من قعدت الكرسي وبناخذ دواءي ونرقد عشان نلحق بكرا للفجر.

بسمه :-
حاضر ياعمري من عيوني .
.
.
عند سيف :-
كان قاعد بالحديقه وقدام حوض السباحه ويفكر ببسمه ويبتسم لذكرياته معاها ..مسك فونه واتصل علاها ماردت بعتلها مسج .
"نحببك اكثر مما تتخيلي...اكثر من الماضي وعقابته ..اكثر حتي من روحي ..تصبحي ع خير حبيبي ".

"ومالو لو ليله تهنا بعيد ..وسبنا كل الناس...انا ياحبيبي حاسس بحب كبير ماليلي دا الاحساس ..حبيبي ليله تهالي ننسي فيها اللي راح ...تعالي جوى حضني وأرتاح ..دي ليله تسوي كل الحياه...ومالي غيرك ولولا حبك اعيش لمين ..حبيبي جايه اجمل سنين وكل مره تحلي الحياه "
مقطع من اغنيه عمر دياب 🎤🎧.
.
.
.
تسريع بالاحداث :-
الصبح الساعه 8 ونص:-

فاق سيف بحيويه ونشاط ودوش ولبس ...واتصل ع رهف بالاول.

سيف:-
صباح الورد رهوفه.

رهف:-
صباح النور اوخي.

سيف:-
ها شن جاهزه نمر عليك نرفعك للمدرسه.

رهف بفرحه:-
جديات تحكي .

سيف:-
ايه جديات...يلا بسرعه انا طالع من الحوش قريب نوصلك.

رهف بفرحه :-
يلا يلا ..رح تلقاني بأنتظارك.

بعد 10 دقايق وصل سيف عند رهف وركبت معاه :-
اهلا بالانسه رهوفه .

رهف :-.
اهلا فيك

سيف :-
خبريني كيف حالك.

رهف:-
زي العسل فرحانه لأنك رح ترفعني ورح نعرفك ع صاحباتي رح ينجلطو لما يشوفوك.

سيف بضحكه:-
هههه ليش.

رهف:-
عشان مقايلتلهم ان عندي خو اكبر مني يجنن.

سيف:-
ياسلام قايمتها بيا صار .

رهف:-
ايه اكيد ...تعرف انا فرحانه هلبااا بيك انت واختي بسمه .

سيف شافلها بصدمه:-
أختك قصدك المهندسه اللي حكيتيلي علاها.

رهف:-
ايه هيا ..تعرف تهبل انسانه طيبه ع الاخر ..اسمها بسمه علي .

سيف بإبتسامه:-
تعرفي ان بسمه هذه هيا حبيبتي من 9 سنوات.

رهف بصدمه:-
مستحيل ..قصدك انت نفسه الشخص اللي كانت بسمه ع طول تحكينا عنه وقداش كانت تحبك.

سيف بشك:-
كانت تجيكم مع زوجها للمطعم.

رهف بغضب:-
قصدك هذاكا الحقير المتوحش.

سيف وقف السياره بجنب الطريق :-
قصدك انتي كنتي تعرفيه.

رهف :-
شفته مره وحده قبل سنين ..جي للمطعم وضرب بسمه قدام الناس لأنها عصت اوامره وجت عندنا للمطعم...بهذاك اليوم قعد يضرب فيها وشدها من شعرها قدام الناس ونزل فيها ضرب لعند خلاها دم وبعدها روح باها ...بعدها بسمه قعدت ماعاد تجي للمطعم ..وبمره جت وسألتها ماما سالمه عن اخبارها قالت كويسه وفرحانه انها حامل بس كان واضح انها تكذب لأن اثار الضرب معبيه جسمها.

سيف كان يسمع ف رهف وهو متقطع وحاس بألم وغضب رهيب بصدره :-
رهف خلاص غيري الموضوع ماعاد نبي نسمع اكثر .

وصل رهف لمدرستها وبعدها طلع ع الشركه .

عند الساعه 9:-
وصلت بسمه ع الشركه وقلبها ينبض وحاسه بتوتر غريب وكأنها رح تشوف سيف لاول مره ...دخلت وصبحت ع هبه ..وبعدها دخلت ع مكتبها .

قعدت ع المكتب وبدت ترتب ف اوراقها شوي ودهل علاها سيف.

سيف بإبتسامه :-
صباح الخير حبيبي.

بسمه بتوتر:-
صباح النور.
.
سيف قرب علاها:-
تعرفي اني أستاحشتك هلبا .

بسمه :-
سيف رح يشوفنا حد مايصير.

سيف ابتسم ومسكها من يدها :-
تعالي معاي ...وخششها لمكتبه وسكر الباب وراه.

اول مادخلو للمكتب بسمه تلفتت عليه :-
سيف نحن لازم نحكو...انا من امس وانا متوتره وخايفه اللي صار مش طبيعي ..فجاه صرت انسان غير سامحتني وماتبي تسمعني وفوقها عرضت عليا الزواج انا مش قادره نفهم.شي.

سيف بأبتسامه قرب علاها ومسك يدها وحطها ع قلبه :-
لأني نحبك ياهبله اسمعي قلبي بسمه وحياتك

وبهاللحظه دخلت عليهم فاتن زي العجاجه.

بهاللحظه بسمه حاولت تباعد ع سيف ..بس سيف مسك بسمه من يدها وشاف لفاتن بنظره حقد:-
شن تبي يافاتن...وكم مره قتلك لما تخشي لمكتبي أستاذني قبل وخبطي ع الباب امتي بتتعلمي زي الناس .

فاتن وهيا تشوف لبسمه بحقد:-
شكلي جيت بوقت مش مناسب...وقطعت عليكم جو الحب والرومانسيه

بسمه كانت تحاول تفك يدها من سيف بس هو مسكها بقوه وشاف لفاتن:-
عندك مانع سيده فاتن.

فاتن بغضب:-
جيت عشان نقولك ان دادي عازمك الليله ع العشي ويبيك بموضوع مهم خاص بالشغل ..بس ماتوقعت نلقي مساعدتك بحضنك والغريب انك انت فرحان بهالشي.

بسمه بتوتر:-
الموضوع مش زي مافهمتي والله...سيف قوللها الحقيقه.

سيف :-
اهدي حبيبتي وماتتوتري.

فاتن لما سمعت كلمه حبيبتي زادت تعصبت وركبها جن وقعدت تشوف لبسمه بنظرات كره وحقد.

سيف:-
لو كملتي كلامك تقدري ترجعي ع مكتبك ...وأخر مره يتكرر هالشي وتخشي زي الهمجيه من غير أستأذان.

فاتن بغضب:-
عن أذنك يا....استاذ سيف ..وطلعت تجري من المكتب.
.
.
بعد ماطلعت فاتن قعد سيف ع الكنبه وولع سيجار.

اما بسمه كانت ادور ف المكتب زي المجنونه وهيا متوتره:-
ياحليلي رح ننفضح ...اكيد رح تمشي تحكي للكل ع اللي شافاته وتشوه سمعتي .

سيف بإرتياحيه:-
وخلهم يعرفو ...بالاخر الكل رح يعرفو اني نحبك ورح نتزوجو عن قريب وين المشكله.

بسمه شافت لسيف بعصبيه:-
انت تمزح صح.

سيف شافلها:-
وين المزح بالموضوع...نحن حكينا امس واتفقنا ننسو الكاضي ةنعيشو حياتنا ونتزوجو صح.

بسمه قربت منه وقعدت قدامه :-
سيف أرجوك هلبا عليهالشي...ارجوك لو كنت ناوي تنتقم مني بهالطريقه وتكسرني خلاص انت وصلت للي تبيه ياسر فيا أرجوك ياسيف.

سيف وقف بصدمه:-
بسمه انتي مفكرتني نبي ننتقم مننا...لعبه الانتقام انتهت خلاص لان حبي ليك غلب كل الحقد اللي بقلبي عليك ويشهد عليا ربي اني صادق بكل شي وعشان نثبتلك صحه كلام شوفي.

بعد عنها سيف وقعد يفتح ف سوريته.

بسمه غطت عيونها:-
سيف انت شن قاعد ادير يامجنون .

سيف نحي سوريته وحطها ع الارض وقرب منها .:-
بسمه افتحي عيونك توا.

بسمه فتحت عيونها ببطئ وشافتله .

سيف قرب منها:-
شفت أسمك الموشوم ع صدري...وشمته بعد ماعرفت اني تزوجتك عشان تكوني قريبه مني ويفكرني بيك ع طول وماتغيبي عني ولو لحظه وكل من يشوفني يعرف أني ملكك لحالك.

بسمه حطت ايديها ع فمها ودموعها نزلو ..قربت منه اكثر وحطت يدها ع صدره وقعدت تلمس ف صدره بصوابعها ..وبلحظه حست ان جسمها بدي يثقل وفجأه فقدت الوعي وطاحت بحضنه.

سيف :-
......
.
.
.
#يتبع.

برايكم شن رح يصير وشن توقعاتكم للجاي وشن براس سهيله ومحمود.

بأنتظار تفاعلكم وتعليقاتكم الحلوه

تحياتي أختكم وصديقتكم.
#zezo_a_saad❤🌹.

[فيتامين سي]

#إنتقام_عاشق
.
.
الحلقه الثانيه عشر.

تائه جدا:-
لاتشعل عود ثقاب من حولي.
لم أعد أفرق بين من يضئي الطريق لي..ومن يسعى لحرقي✋😢.

هذا كان حال بسمه ..حاله من الإضطراب والتوتر والارق والتفكير المتشوش من كميه المشاعر اللي أجتاحتها بين ليله وضحاها ومش قادره تستوعبها ..وبلحظه وهيا بين ايدين سيف ماعاد حست بشي غير بالدنيا ظلمه حولينها.

سيف بلهفه وخوف؛-
بسمه روحي خيرك ..بسمه ردي عليا ارجوك .

قامها بحضنه وحطها ع الكنبه وقعد يخبط ع وجهها بهدوء "حبي خيرك ارجوك ردي عليا ماتخوفيني".

بسمه فتحت عيونها ببطئ:-
س...سيف.

سيف بلهفه:-
ياعيون وقلب سيف ..ارجوك قوليلي بشن حاسه ..خيرك ياروحي.

بسمه بعد صحصحت شوي :-
نبي ميه.

سيف ناض بسرعه من جنبها :-
حاضر ..وجابلها ميه .

بعد شربت تعدلت بتقعميزتها ..

سيف:-
ها شن أحسن توا .

بسمه :-
الحمد الله احسن.

سيف قرب منها ومسك يدها:-
خليني نرفعك للعيادة ..بلكي فيك شي .

بسمه :-
ماف شي وحياتك...بس لاني مش راقده امبارح وعندي ارق وٱرهاق مش أكثر .

سيف :-
متأكده حبيبي .

بسمه:-
ٱيه متأكده..احم سيف.

سيف بلهفه:-
روح سيف.

بسمه بخجل:-
معليش ألبس سوريتك ممكن.

سيف أبتسم لخجلها وناض:-
أسف ياعمري نسيت روحي ..وخذي سوريته وقعد يلبس فيها.

بسمه بتوتر:-
طيب ..رح نرجع لمكتبي اوك.

سيف بأبتسامه :-
صرتي افضل توا جد.

بسمه:-
ايه الحمد الله.

سيف:-
طيب ع راحتك...بس اوعديني لو حسستي بتعب من جديد نمشو للعيادة.

بسمه :-
حاضر...وعد.

ومشت جهه الباب وكيف بتطلع.

سيف:-
بسمه.

بسمه تلفتت عليه:-
امم.

قرب منها ووقف قدامها:-
صدقتيني توا والا مازال شاكه...صدقتي اني نحبك ونعشقك بجنون.

بسمه من غير وعي حطت يدها ع صدره جهة الوشم :-
رح نخبرك ليش تزوجت شخص تاني...بس مش الحين لما انت تكون مستعد انك تسمع كل شي عني ..ووقت تكون جاهز انت تعرف وين تلقاني سيف ..بس اهم شي نبيك تتأكد ان بعمري ماحبيت ولا رح نحب غيرك لعند نموت.

سيف مسك يدها وباسها بعمق:-
حاضر...بسمه والله نحبك ومايهمني اي شي تاني.

بسمه بإبتسامه هاديه:-
وانا نموت فيك...وطلعت لمكتبها.
.
.
.
عند فاتن :-
كانت قاعده بمكتبها وبتموت بغيضها وتفكر بينها وبين نفسها كيف رح تنتقم من بسمه .

"بسمه يا حقيره جيتي وخذيتي مني سيف بلمح البصر ...لكن صدقيني دواك عندي "..ومسكت تليفونها وتتصل برقم بعد شوي جاها الرد.

فاتن :-
ألو حامد.

حامد :-
ايوا سيده فاتن مرحبتين.

فاتن :-
حامد نبيك ف شغل ضروري وحلاوته عندي .

حامد:-
انتي تأمري امر...تفضلي.

فاتن:-
في بنت نبيك تجيبلي عليها معلومات وع قد ماكانت هالمعلومات سمحه وثقيله أجرتك رح تكون اثقل.

حامد بخبث:-
ولو هذه بس ...قوليلؤ من هيا .

فاتن عطاته الاسم وتفاهمت هيا وياه يجيبلها المعلومات .
.
.
.
عند وليد:-
وصل للشركه وكان رابط رجله بعد ماسهراته طول الليل ولما مشي للعيادة جبسوهاله برباط ضاغط.

ركب اللاسانسير ..واول ماوصل لمكتبه وشاف امل قرر انه يدلع علاها.

وليد بألم كاذب:-
صباح الخير أمل.

أمل اول ماشافاته وقفت :-
صباح النور..كيف حالك اليوم.

وليد ويحاول يددس ضحكته:-
ااه موجوع ياأمل مش قادر نمشي ع رجلي .

أمل قربت منه بخوف ولهفه :-
طيب ليش جيت اليوم للشغل ..ليش ماأستريحت .

وليد شافلها بهيام:-
ماهو راحتي نلقي فيها بالشغل.

أمل بعباطه :-
طيب بس أستريح وماتتحرك عليها بكثره.

وليد وهو يدير ف الطروح:-
مشي خطوه ..ااه حاس بوجع امل ساعديني نوصل لمكتبي .

أمل مسكت يده بخوف :-
طيب اوك شوي شوي ماتعفس عليها بقوه .

وليد وهو يشوفلها وذايب من قربها :-
اوك حاضر.

أمل كانت مش منتبهه لنظرات وليد وتساعد فيه يمشي عشان يوصل لمكتبه ..وبعد ماوصل وهيا كيف بتبعد عليه مسك يدها .

امل شافتله بتفاجئي :-
في شي أستاذ وليد.

وليد وهو مازال ماسك يدها:-
أمل شوفي بعيوني وقوليلي بشنو حاسه توا.

أمل حاولت تفك يدها منه:-
لو سمحت مايصير ياأستاذ.

وليد قربها منه أكثر وحط يدها ع قلبه وهمسلها:-
أسمي وليد مش أستاذ...واللي مايصير توا رح يصير يعدين ويقعد مسموح عارفه ليش ..وشاف بعيونها جاوبي ياأمل عارفه ليش.

أمل كانت متخذره من قربه ونبره صوته :-
هزت راسها وقالت لا .

وليد بهمس:-
لأنك رح تصيري مرتي وحبيبتي عن قريب ...أمل شايفه قلبي كيف نبضه بمجرد مانطقت كلمه حبيبتي ع لساني ..حاسه بأحساسي.

أمل بضعف :-
أرجوك سيبني بالله عليك ممكن.

وليد بإبتسامه؛-
ممكن بس بشرط.

أمل شافتله -
شنو

وليد:-
تحضريلي قهوتي بإيديك ..وتجيبيهالي نشربها انا وانتي.

امل بهدوء:-
اوك.

طلقها وليد واول ماباعد علاها طلعت تجري من قدامه.
.
.
بوقت الظهريه وتحديدا عند وسيم:-
مشي لمكتب سيف ..وأول مادخل تلاقى مع بسمه.

وسيم بإبتسامه:-
مساء الخير بسمه.

بسمه:-
مساء النور ..كيف حالك.

وسيم:-
بخير بعد شفتك..سيف قاعد

بسمه:-
لالا طلع من حوالي ساعه هو وهبه قال عنده اجتماع مهم.

وسيم:-
اها تمام...طيب ممكن طلب

بسمه:-
تفضل اكيد.

وسيم:-
ممكن نعزمك ع الغدي ..بصراحه في حكي ضروري نحكيه معاك لو سمحتي .

بسمه بإستغراب:-
خير ان شاء الله شن في.

وسيم:-
كل خير ..خلينا نمشو ورح نحكيلك.

بسمه:-
اوك تمام.

طلعت بسمه مع وسيم ..ومشو للمطعم اللي قريب من الشركه دخلو وقعدو ع الطاوله

بسمه :-
خير ياوسيم شن الموضوع اللي بتحكيني فيه.

وسيم:-
خيرك مستعجله...خلي نطلبو الغدي قبل وبعدها نحكو لعند مايجهز شن رايك.

بسمه :-
اوك تمام.

بعد ماطلب وسيم الغدي ..شاف لبسمه.

وسيم:-
احم بسمه نسألك سؤال.

بسمه:-
تفضل اكيد.

وسيم:-
انتي شن رايك فيا.

بسمه بأستغراب:-
من اي ناحيه.

وسيم:-
يعني بصفه عامه من جميع النواحي

بسمه تعدلت بقعدتها :-
اوك راي فيك انك انسان محترم وراقي وجدا خلوق وبصراحة نستريح لما نحكي معاك لأن نشوف فيك صفه الصديق اللي ينشد بيه الظهر .

وسيم :-
شكرا بسمه ع هالكلام اللي ف حقي .

بسمه:-
انا قلت رايي بصراحه ...وتوا خبرني شن سبب هالسؤال.

وسيم:-
بسمه بصراحه ومن غير مقدمات ..انا معجب بيك وبهاليومين اللي ماشفتك فيه تأكدت من هالشي وحسيت اني مفتقدك ومستاحشك وبصراحه انا ناوي تطور العلاقه بيناتنا وتاخذ منحني تاني.

بسمه بتفاجئ :-
جديات تحكي وسيم.

وسيم:-
ايه جديات والله.

بسمه:-
بصراحة انت فاجئتني بهالكلام ومش عارفه شن بنقولك.

وسيم:-
ماف داعي تردي توا خوذي راحتك بالتفكير انا مش مستعجل .

بسمه خذت شربت ميه وشافتله:-
وسيم انت انسان طيب ومحترم وماتنرد ...بس انا أسفه مانقدر نبادلك بنفس المشاعر أرجوك سامحني.

وسيم بهدوء :-
طيب ممكن نعرف السبب.

بسمه بالاول تردد بس بعدين قررت انها تقوله الحقيقه:-
السبب هو سيف

وسيم بإستغراب:-
شن دخل سيف ممكن تفهميني

بسمه:-
وسيم انت اكيد شايف الوشم اللي ع صدر سيف بأعتبارك صديقه من سنين.

وسيم بصدمه:-
ماتقوليهاش ...قصدك انتي نفسها ...

بسمه بتنهيده:-.
ايه انا هيا بسمه حبيبت سيف اللي خاناته وتزوجت من واحد تاني من 9 سنوات.

وسيم وهو مازال مصدوم:-
مستحيل ..كيف هكي لما سألت سيف بمره اذا كنتي انتي نفسها او لا قالي لا.

بسمه :-
وسيم انت جاهز تسمع قصتي من أولها ومن قبل ماتحكم عليا...وبعد تسمع مني فيك تقرر اذا رح تقعد تحكي معاي ونقعدو أصدقاء او لا

وسيم:-
تمام احكي

تنهدت بسمه وقعدت تحكيله ف كل قصتها "مازال رح تعرفوها 😉" كامله وأخر شي حكتله عن انها مش ارمله وان محمود اللي شركتهم موقعه معاه عقد شغل هو نفسه طليقها .

وسيم بصدمه من اللي سمعه:-
كل هالشي بسمه صاير ...وسيف مازال مايعرف.

بسمه :-
والله هذا حرفيا كل الحكايه وربي شاهد اني صادقه.

وسيم:-
طيب ليش كذبتي وقلتي انك أرمله ...ليش ماقلتي ع الاقى لسيف ان محمود هو نفسه طليقك وسبب كل هالمشاكل قبل مايوقع معاه عقد شغل

بسمه:-
مجتمعنا مايرحم ياوسيم ...وانا ياما عانيت من قصه اني مطلقه وكنت نتعرض لمضايقات وزي ماحكيتلك شفت شن صار معاي بشغلي المره الماضيه وكيف انطردت ...وبالنسبه لسيف والله ماكنت نعرف انه نفسه صاحب الشركه لعند انصدمت لما شفته وبالاول كان مداير روحه مايعرفني ومشيت معاه ع هالاساس لعند جي محمود وصار اللي صار وانصدمت بيه بيوم الاجتماع

وسيم وهو حاس بلخبطه ومش قادر يفكر:-
سيف لازم يعرف كل شي ..ياسر فيكم عذاب انتم الاتنين.

بسمه بحركه لاإراديه مسكت يد وسيم:-
وسيم أرجوك ماتقوله شي ..ارجوك نبيه يعرف الحقيقه مني مش من غيري ارجوك.

وسيم بإبتسامه:-
حاضر وعد مش رح نقوله .ااه ااه يامجانين قداش ماتعذبتو كل هالسنين .لو تعرفي سيف قداشه يحبك ويعشقك ..تعرفي حتي لما ان يحكي عنك ويقول الخاينه كانت عيونه تلمع وتنفي هالشي من جواتها

بسمه:-
وسيم انت مش زعلان مني صح.

وسيم بمزح؛-
هبله انتي ...بالعكس انا فرحان اني حكيتلك قبل مانتعمق بمشاعري وفرحان ان سيف أخيرا رح ترجعله سعادته ..بسمه انتي ماتعلمي سيف شن يعنيلي ..راهو شي كبير ف حياتي
بسمه بهدوء:-
ربي مايحرمكم من بعض.

وسيم:-
ولا يفرقكم عن بعض ...ويفرحني بيكم عن قريب يارب...يلا يافالحه خلي ناكلو لان الغدي برد ونحن ألتهينا بالحكي.

بسمه:-
اوك تمام.
.
.
.
عند سيف:-
وصل هو وهبه لمطعم راقي ..وكان يستني فيهم محمود ومساعدته الخاصه.

وصل سيف وهبه وسلمو عليهم وبعد ماقعدو .

محمود:-
احم ماقتلي ياسيد سيف ...امالا وين مساعدتك الخاصه اللي جت معاك المره الماضيه بصراحه صابني احباط لما ماشفتها معاك اليوم

سيف أضايق من سؤال محمود ورد عليه بشي من الحده:-
ممكن نعرف ليش صابك احباط ياسيد محمود.

محمود بخبث:-
تبي الصراحه ومن غير مقدمات ..البنت عجبتني هلبا وكنت ناوي نشوفها ونتعرف علاها اكثر عشان علاقتنا تتطور اكثر .
سيف لما سمع هالكلام زاد تعصب وتمني بهاللحظه ينوض يضرب محمود ويطلع كل غضبه فيه بس رد بكل برود:-
مع الاسف سيد محمود ..نحب نقولك ان مساعدتي بسمه مرتبطه ورح تتزوج عن قريب ان شاء الله.

محمود وهو متفاجئ ومصدوم:-
متأكد من هالشي.

سيف بإستفزاز:-
زي مانشوف فيك قدامي ...وتو خلينا نكملو شغلنا ممكن.

محمود بضيقه:-
تمام اوك.

وقعدو يشتغلو وبعدها تغدو ..وبعد ماكملو غداهم أستاذن سيف وهبه وطلعو مع بعض للشركه.

هبه :-
أستاذ سيف بنسألك.

سيف:-
اول شي خلينا من الشكليات انتي اوخيتي وانا سيف بس ...ثاني شي تفضلي أسألي.

هبه بإبتسامه:-
يسلمووو وأعز والله...بنسألك بسمه حقه مرتبطه وعرسها عن قريب.

سيف بهدوء:-
ايه حقه قولي ان شاء الله بس.

هبه بإستغراب:-
ان شاء الله...ربي يفرحها ويعطيها الوقت الطيب.

سيف:-
يارب...هبه ممكن طلب صغير.

هبه:-
اكيد ادلل.

سيف؛-
ياريت ماتحكي لبسمه ع اللي صار ..قصدي ع كلام محمود .

هبه شافتله وابتسمت:-
حاضر ادلل كون هاني.

وصل سيف للشركه ودخل لمكتبه لقي بسمه قاعده بمكتبها وتشتغل ومش منتبهه قرب منها بهدوء.

سيف:-
غزالتي تغدت والا لا.

بسمه شافتله وأبتسمت:-
حمد الله ع السلامه.

سيف:-
الله محلاها هالكلمه ..تعرفي أجمل شي يمكن يحس بيه الانسان هو شتور الاهتمام من اللي يحبه .

بسمه:-
ربي يقدرني ونسعدك ياسيف.

سيف قرب منها :-
امتي بتغيريها هالكلمه.

بسمه بأستغراب؛-
كلمه شنو!.

سيف همس بوذنها:-
كلمه سيف .

بسمه بخجل :-
امم وشن حاب نقولك...حبيبي والا سيوفي زي زمان .

سيف بفرحه:-
يعني مازال فاكره.

بسمه:-
وأبسط التفاصيل مانسيتها .

سيف :-
بسمه ماتزعلي مني ع اللي بنديره وقري منها وباس ع خدها وهمسلها "نحبك" ..وطلع سيبها.
.
.
تسريع بالاحداث:-
بالليل الساعه 8:-
كان وليد قاعد يتعشي مع أمه وبوه واخته ولاء.

ولاء:-
ويلو بنسألك.

وليد:-
ويلو هذه مش لله ...أسألي ياحنه.

ولاء:-
خزي مافيش حسن نيه بكل ..أمتي رح تاخذني للشركه ندرب عندك.

وليد:-
ومن اللي كذب عليك وقالك بنرفعك او حتي بنخليك تدربي عندي.

ولاء بزعل:-
شن قصدك ...يعني مش رافعني

وليد ببرود:-
لا طبعا...خلي سيف اللي عطاك كلمه يرفعك

ولاء:-
طيح سعدك...تو نحكي مع سيوفي ونخليه ياخذني عنده ملح انت وشركتك.

منصور والد وليد:-
خطرها ع سيف وينه ماعاد باين .

وليد:-
ملتهي بالشغل هالفتره..المره الماضيه لما جي سأل عليه.

منصور:-
أستاحشته الحق ...خلاص ياولاء الاسبوع الجاي نمشي نزور سؤف بالشركه ونرفعك معاي شن رايك.

ولاء بفرحه:-
حقه بابا...تسلملي ياروحي ربي مايحرمني منك..وشافت لوليد وطلعت لسانها مووت انت باهي.

وليد:-
ربي يعين سيف ع مابلاه وخلاص.
.
.
.
تسريع بالاحداث:-
مرو يومين ع أبطالنا زي كل يوم مافي شي جديد سيف ع حاله مع بسمه وكل يوم يزيد يحبها اكثر ..

.وليد قاعد يتقرب من امل ويبي يسحب منها مشاعرها واعتراف بأنها تبادل نفس الشعور..

.وسيم تقبل رد بسمه وبالعكس قرب منها وقعد يحسس فيها بانه بظهرها لو أحتاجت اي شي.

أما فاتن فكان براسها موال وقررت تغنيه .

اليوم التالت الساعه 6 العشيه :-
كان سيف طالع عنده شغل بره الشركه وبسمه قاعده بمكتبها وتشتغل ...شوي وسمعت الباب يخبط ..تلفتت وكانت فاتن .

فاتن:-
مساء الخير .

بسمه بإستغراب:-
مساء النور.

فاتن :-
ممكن نقعد.

بسمه:-
تفضلي

فاتن:-
احم ..بسمه بصراحه انا جيت عشان نعتذر منك علي تصرفي الاخير معاك والكلام اللي قلتهولك يومها بمكتب الاستاذ سيف.

بسمه :-
لا عادي ولا يهمك حصل خير.

فاتن :-
أرجوك سامحيني بسمه والله ماكان بقصدي مانبيك تاخذي عليا فكره غلط اني أنسانه سيئه وماعندي أخلاق.

بسمه بعبط:-
والله عادي ماتحطي ببالك أنا أصلا نسيت اللي صار.

فاتن :-
طيب لو فعلا سامحتيني ممكن نكونو أصدقاء.

بسمه بإبتسامه:-
اكيد نتشرف طبعا.

فاتن وقفت وشافتلها:-
معناتها اليوم عازمتك عندنا بالحوش ع العشي ومنها نزيدو نتعرفو شن رايك.

بسمه :-
والله ماف داعي تكلفي ع نفسك جد

فاتن:-
أرجوك بسمه..انا بجد حابه يكون عندي صديقه مثلك تجيني ونمشيلها أرجوك.

بسمه:-
طيب أوك ...عطيني العنوان وبعد نكمل دوام نحكي مع ماما نعطيها علم ونجيك.

فاتن:-
ماف داعي أنا رح نمر عليك بمكتبك وانا طالعه من الشركه ونطلعو مع بعض تمام.

بسمه :-
خلاص تمام اوك.

فاتن :-
اوك نتلاقو بعد ساعتين ..سلام.

طلعت فاتن وقعدت بسمه تكمل في شغلها ...شوي ووصلها مسج ع فونها
وكان من سيف .

"أستاحشتك اليوم...طول الوقت أنشغلت ولا شفتك جوي كله اخي وملخبط من غير شوفتك حبيبي❤".

أبتسمت بسمه لما قرت المسج ..شوي وردت وبعتتله مسج.

"نحببك روحي❤".

وحطت فونها ع الطاوله ورجعت تكمل ف شغلها .
.
.
عند الساعه 8 مساءا:-

طلعت بسمه من الشركه ولقت فاتن تستني فيها ف سيارتها ..ركبت معاها.

بسمه:-
السلام عليكم ..ان شاء الله ماعطلتش

فاتن:-
وعليكم السلام..لالا عادي حتي انا كيف طلعت .

بسمه:-
حلوه سيارتك ماشاء الله.

فاتن :-
ايه جابهالي دادي بعيد ميلادي اللي فات .

بسمه:-
تعيشي ويجيبلك وتجددي .

فاتن :-
ثانكس...ايه خبريني عنك انت بسمه شن مدايره ف حياتك .

بسمه -
ولا شي مهم ...نشتغل عشان نعيش ونقدر نعيش ماما وبابا ..بابا متقاعد من بعد ماصارتله مشاكل بالشغل ومرض وانا بنتهم الوحيده .

فاتن وهيا تسوق:-
انا وانتي نختلفو عن بعض فرق الليل عن النهار...بالنسبه ليا نشتغل بس عشان نرفه عن نفسي لان دادي رجل أعمال مليونير ومش منقص عليا شي.

بسمه :-
ومامتك.

فاتن بحزن:-
مامتي توفت من وانا صغيره يعني من سنين بعيده.

بسمه :-
انا أسفه ربي يرحمها.

فاتن :-
عادي ولايهمك بديت متأقلمه مع الوضع..ماقلتيلي امتي بدت علاقتك مع الاستاذ سيف.

بسمه حبت تغير الموضوع وتتكتن عليه:-
قصه طويله هذه بيوم رح نحكيهالك.

فاتن :-
اوك تمام ..خلاص نحن وصلنا للمزرعه.

بسمه بأستغراب:-
خيرها هاديه الباين ماف حد

فاتن:-
احم تعالي بس ...اكيد بابا الداخل .

بسمه :-
انتي تسكني هنا.

فاتن:-
لالا فيلتنا فالمدينه ..بس نجو هنا مره مره.

بسمه حست بعدم الارتياح:-
نعرفش نحس فيها جايه ف مكان مقطوع.

فاتن:-
لالا عادي ماتخافي هيا تعالي.

دخلت فاتن هيا وبسمه لجوى البيت اللي بالمزرعه

فاتن:-
خوذي راحتك شوي ونرجعلك.

بسمه:-
تمام اوك.

فاتن :-
خلي نجيبلك عصير قبل ...ومشت وبعد شوي جت وجابتلها العصير .

بسمه:-
شكرا ..شوي ونرجعلك.

مشت فاتن وكانت بسمه قاعده ومتوتره ومش مرتاحه للوضع لعند وقفت بصدمه لما....
.
.
.
.
#يتبع

برايكم شن رح يصير مع بسمه...وهل فاتن فعلا صادقه ...وكيف رح تتصرف بسمه.

بإنتظار توقعاتكم وتفاعلكم .

تحياتي أختكم وصديقتكم.

#zezo_a_saad❤🌹

[فيتامين سي]

#إنتقام_عاشق.
.
.
الحلقه الثالثه عشر .

"ضاقت فلما أستحكمت حلقاتها..فرجت وكنت أظنها لاتفرج❤".

خشت بسمه مع فاتن للڤيلا اللي بالمزرعه .. كانت هاديه ومخيفه لدرجة تثير الشك ..وهالشي ماريح بسمه .

قعدت بسمه بالصاله من بعد ماأستأذنت منها فاتن ..وكانت تستني فيها كانت حاسه بشعور غريب من التوتر والخوف لعند سمعت صوت تكرهه ومايذكرها الا بالألم .

محمود:-
احم ..العروسه عندنا الليله.

بسمه وقفت بصدمه:-
أنت...انت شن ادير هنايا .

محمود وكان مخمور:-
أنتي قاعده ببيتي ياعسل.

بسمه بصدمه:-
بيتك كيف...هذه مش مزرعه فاتن.

محمود بضحك هستيري:-
ههههههههه بسمه اووف منك 9 سنوات وانتي قاعده بنفس السذاجة ..امم تعرفي احيانا تسخفي فيا من كثر ماعبيطه وخايبه .

بسمه مسكت شنطتها:-
انا لازم نمشي من هنا .

محمود قرب منها بخطواته:-
تمشي وين ياحلوه...كل البيبان مسكره ..ماتخافي انا نعض بس لكن ماناكلش هههههههه.

بسمه وهيا تبكي وترتعش:-
ارجوك يامحمود خليني نطلع من هنا ..ارجوك ياسرك مادرت فيا زمان

محمود بهزوه:-
لاه لاه لاه..بسمه الفاره الخوافه طلعت ع حقيقتها ..اممم ماتخافي ياقلبي مش رح نديرلك شي ..بس أستاحشت ناخذك بالقوة وانتي تقعدي تقاومي فيا وبالاخر تستسلمي ااوووف قداش مايهبل هالشعور .

بسمه وهيا توخر بخطواتها:-
محمود انت مش واعي واللي تقول فيه مش صح ..انا توا مش زوجتك وحرام اللي انت تبي اديره.

محمود انفجر بالضحك:-
هههههه حرام ...مش قتلك ساذجه انا شكلي شكل حرام ومن هالجو ..امم عادي ياستي حتي حرام انا نبي انديره أعتبريها حفله توديع عزوبيه.

بسمه وخرت ومسكت الفازه بيدها:-
دير بالك تقرب مني والله نقتلك .

محمود :-
بسمه ..بسمه ..بسمه .قديم هالجو يابيبي انتي عارفه انك ماتقدريش عليا .

بسمه بخوف وعياط:-
قلتلك لاتقرب أحسنلك...محمود انت شن تبي مني خليني ف حالي ماكفاك اللي درته فيا طول السنين اللي عشتهم معاك.

محمود وكأنه تلبسه جن:-
ليش برايك انا درت هالشي...مش كله بسببك مش فاكره نفسك لما كنت نقرب منك شن اديري ..مش فاكره لما نبعد عنك كيف كنت تدخلي للتواليت وأنتي مشمئزه وتقعدي بالساعه وتطلعي عيونك متورمه ..مش فاكره كيف كنتي تستفزي فيا وتخلي فيا نضرب فيك ..انت السبب بكل شي أنتي

بسمه بعياط:-
كنت عارف اني مانبيك ..كنت عارف انك واخذني بالغصب ..كنت عارف اني نحب شخص تاني الشخص اللي لويت ذراعي بيه ماادير روحك بريئ محمود .

محمود بعصبيه:-
بشن احسن مني هو قولي ..بشنو جاوبيني.

بسمه:-
ماكانش حرايمي ...ماكانش يتاجر بأرواح الناس ماكانش غني بفلوس الحرام ..ماكانش يشرب ويجيب ف النسوان لبيته وقدام زوجته.

محمود؛-
بسمه جوك قديم بكل ..بس تصدقي قاعده بنفس الجمال ونفس التفاصيل اللي امممم نموت علاها وقرب منها وبلحظه مسكها وقربها من حضنه.

بسمه وهيا تقاوم فيه وتحاول تفك روحها وتعيط:-
حول أطلقني لا يامحمود ارجوك وحياة اغلي ماعندك اطلقني .

محمود وهو يحاول يبوسها ومش حاس بشي:-
اهدي بس ماف داعي تقاومي مش رح يفيدك الا انه رح يؤذيك.

بسمه كانت تقاوم وتقاوم وتبكي ومن جواتها تدعي بحسره
"يارب أسترني ياارب...يارب لا تنوله مراده يارب يارب انا ضعيفه خلصني منه ياارب".

وباللحظه اللي كانت رح تنهار فيها بسمه وبدت مقاومتها تضعف ..بعتلها ربي من ينقضها .

قرب عادل من محمود من الخلف غير مايحس وضربه بهراوه ع راسه طاح منها محمود ع الارض وماعاد حس بشي.

بسمه اول ماطاح محمود قعدت تزحف ع الارض وتلملم ف بلوزتها اللي أنفتحو أزرارها.

عادل وهو يتحسس ف نبض محمود:-

هاكي المفتاح ..واطلعي من هنا بسرعه وانسي انك شفتيني .

بسمه وهيا تبكي :-
بس فهمني أرجوك انت مني...هو مات انت قتلته

عادل:-
ماقتلته مازال حي..بس فاقد للوعي ..اطلعي من هنا وخلك فاكره ان محمود متفق مع فاتن وانا بالصدفه امس سمعت كل كلامهم وعرفت باللي رح يصير.

بسمه خذت شنطتها.:-
الله يسترك ...الله يسترك زي ماسترتني وطلعت تجري .
.
.
.
عند فاتن :-
كانت قاعده تستني شن رح يصير وتراقب من برا المزرعه بعد ماطلعت من الباب الخلفي وتذكر في لقائها مع محمود.

فلاش باك:-
فاتن كانت قاعده ف حوشهم لعند رن فونها وكان حامد.

فاتن بلهفه؛-
ها.ياحامد جبتلي اللي قتلك عليه.

حامد :-
عيب عاد كيف ..ماف حاجة تصعب ع حامد راهو جبتلك كل المعلومات اللي تبيها .

فاتن؛-
قول بسرعه.

حامد؛-
اوك ..وقعد يحكيلها شن يعرف ع بسمه لعند وصل لطليقها محمود وحكالها كيف تطلقت منه .

فاتن:-
حلو حلو ...معناتها محمود الهاشم ورقتي الرابحة..سكتت شوي وبعدها "أبعتلي عنوانها بسرعه ".

حامد:-
قبل العنوان ...الحلاوة عاد مايصير

فاتن :-
طبعا من حقك...مر عليا بكرا تلقاها .

حامد بخبث:-
تم ...هذا العنوان وملاهولها.

ناضت فاتن وغيرت ملابسها وطلعت مشت للشركه متع محمود مالقاته ...فمشت لعنده بالمزرعه .

بعد وصلت ..طلبت تشوفه ودخلت .
كان قاعد معاه عادل صديقه .

محمود بخبث:-
اهلا بالانسه .

فاتن مدت يدها وسلمت عليه ؛-
اهلا بيك سيد محمود ...عفوا جيت من غير موعد

محمود :-
ولو القمر مايحتاج الاذن ...بس ماعرفتينا ع نفسك .

فاتن بدلع مصطنع؛-
تسلم هذا من ذوقك ...معاك فاتن الخليل.

محمود؛-
اهلا وسهلا...أسم ع مسمي فعلا انتي فاتنه ..تفضلي أجلسي.

فاتن:-
شكرا كلك ذووق.

محمود:-
شن تحبي تشربي.

فاتن:-
قهوه ع الريحه لو سمحت.

محمود:-
حلوو ..مظبوطه ..دقايق تكون عندك.

فاتن:-
اكيد مستغرب سبب الزياره او من وين نعرفك أصلا.

محمود:-
بصراحة ايه .

فاتن :-
قااصداتك بخديمه بسيطه .

محمود:-
ولو عيوني للناس الحلوه...بس ممكن نعرف شن هالخدمه او بخصوص شني.

فاتن شافتله وشافت لعادل :-
بخصوص بسمه علي الطاهر.

محمود ؛-
أحم...عادل ممكن تخلينا لحالنا.

عادل وقف:-
اوك نجيك بغير وقت امالا عن أذنك.

بعد مامشي.عادل ...شاف محمود لفاتن:-
ايه ماقلتيلي خيرها بسمه.

فاتن:-
بصراحه انا قاصداتك بخصوصها لأن بسمه قربت من حاجه تخصني وقلت مالياش غيرك.

محمود:-
وشن هالحاجه وانا شن دخلني .

فاتن:-
الحاجه سيف ...اما شن يخصك فا سيف هو حبيب القلب القديم.

محمود بصدمه:-
سيف السلماني هو نفسه سيف المنتف اللي.كانت تحبه بسمه.

فاتن:-
ايوه بالضبط .

.
.
فاقت فاتن من ذكرياتها لما شافت بسمه طالعه تجري وتتعثر بمشيتها وأطيح ..وخوف ولعت سيارتها وهربت.
.
.
.
عند سيف كان قاعد مع وسيم بالمكتب يكملو ف شغلهم وبعد ماكملو.

وسيم :-
رايق اليوم يابرو ..ونفسك منفتحه ع الشغل.

سيف بأبتسامه:-
حاجة زي هكي.

وسيم :-
امم والسر فرحني معاك.

سيف :-
عادي نعرفش.

وسيم :-
امم بس انا نعرف ...يمكن يكون السر هو بسمه مثلا.

سيف بصدمه:-
شن قصدك .

وسيم:-
يعني سر هالسعاده هيا بسمه او زي ماتحب تقوللها "بسمتي "

سيف بإرتباك:-
كيف..كيف عرفت.

وسيم :-
مش مهم كيف عرفت...بس والله زعلان منك ع الاخر..معقوله تخبي عليا سيف..تخبي ع خوك ..وانت عارف ان انا اكثر شخص رح نفرح لفرحك لانك خوي مش.صديقي.

سيف قرب منه وقعد بجنبه ؛-
والله عارف اقسم بالله بس كل شي صار بسرعه .

وسيم ؛-
عموما.بسمه جت خير منك وصارحتني.

سيف:-
قصدك بسمه هيا اللي.قالتلك ...كيف وامتي.

وسيم :-
امتي هذه الصبح...وكيف هذه لما.عرضت علاها اننا نرتبطو وتكون بيناتنا علاقه.

سيف بصدمه بغضب:-
وسيم انت شن قاعد تحكي.

وسيم :-
اقعد ياهمي.وخلني نحكيلك.

سيف قعد:-
وسيم احكي.وماتلعب بأعصابي.

وسيم:-
هههه ياحليلي ع العاشق الغيور...ياسيدي الظهريه عزمت بسمه ع الغدي وبصراحة انا البنت كانت عاجبتني والله يسامح اللي غرر بيا ودس ع خوه لما سأله وقاله هيا نفس البنت او لا قاله لا.

سيف وهو حاس بنار:-
كمل ياوسيم ارجوك.

وسيم :-
المهم ياسيدي قلت نصارحها بمشاعري ع بدري ونشوف.رايها والحمد الله اني درت هالشي...سألتها قلتلها توافقي ترتبطي بيا..قالتلي لا ههههه ماراعت حتي مشاعري.هالبنت تصدق.

سيف بعصبيه :-
وبعدها وسيم ماتلعب بأعصابي.

وسيم وهو يضحك:-
هذا هة ياهمي قالتلي لا...قلتلها ليش قالتلي عشان نحب سيف ومستحيل نحب غيره.

سيف تنهد :-
جد تحكي وسيم.

وسيم :-
ياغبي والله مازدت ولا نقصت حرف.

سيف شافله بشك:-
طيب وانت.

وسيم بإستغراب:-
انا شن !!

سيف:-
قصدي يعني مشاعرك .

وسيم ؛-
خزي عليك ياغبي...قتلك كنت معجب معجب افهم ويشهد عليا ربي من وقت ماقالتلي انها تحبك شلتها ع طول من راسي ومانشوف فاها الا حبيبة العاشق خوي واوخيتي ...خيرك انت سيف أقسم بالله انت اوخي ولو نموت مانخونك وخصوصا انا ادرى الناس بقداشك تحب بسمه .

سيف براحه:-
شكرا وسيم لانك قلتلي...وبجد ربي مايحرمني منك ولا من صحبتك.

وسيم خبطه ع كتفه:-
عيب ياراجل مصاحب رجال راك..بعدين نحن خوت مش صحاب .

سيف حضنه وابتسم:-
وأعز والله العظيم.

وسيم :-
يلا ياروميو نستأذنك توا ..ميت تعب ونشوف ف الدنيا فراشات.

سيف :-
تمام حبيبي ...ليلتك طيبه.

بعد ماطلع وسيم ...شاف سيف لمكتب بسمه بعفويه وأبتسم .
"الله يابسمه قداشني نحببك ".

مسك فونه وقعد يتصل علاها .

بهاللحظه بسمه كانت يعلم الله بحالها تمشي من غير دليل وماعارفه وين تمشي ودموعها مغرقه خدودها لعند سمعت فونها يرن ...بيد مرتعشه فتحت شنطتها وشافت المكالمه وكان سيف.

بسمه وهيا منهاره فتحت الخط:-
الو.

سيف بهدوء:-
حبيبي أستاحشتك انا.

بسمه وهيا تبكي بأعلي صوت:-
سيف تعالالي أرجوك انا محتاجتك.

سيف وقف بخلعه:-
بسمه اهدي فهميني خيرك شن فيك.

بسمه بأنهيار:-
بنمووت ياسيف وحياتك ياقلبي تعالالي.

سيف:-
طيب اهدي انا جايك مسافه الطريق ونكون قدام حوشكم.

بسمه بدموع :-
سيف انا مش ف الحوش .

سيف بصدمه:-
كيف بسمه مش ف الحوش مافهمت ...مش من بدري روحت لحوشكم.

بسمه بعياط :-
مش وقته سيف هالكلام مش وقته قتلك بنموت تعالالي.

سيف :-
طيب اهدي حبيبي ..وقوليلي انتي وين.

بسمه تتلفت حولينها:-
نعرفش سيف...بس انا قاعده ف مكان كله ڨيلات ومزارع كبيره بجنب بعضها .

سيف طلع من المكتب يجري ومازال يحكي معاها:-
حبيبي اهدي وركزي كويس ...شوفي اقرب شي ليك شن .

بسمه وهيا تتعثر بخطواتها وتتلفت:-
نعرفش سيف ظلام مش شايفه مش شايفه.

سيف يحاول يسيطر ع اعصابه:-.
قلبي ركزي شوي وحياتك ..اي علامه داله تشوفيها قوليلي علاها.

قعدت بسمه تشوف يمين ويسار لعند شافت ف حد يمشي من بعيد :-
سيف سيف...شفت حد ف حد يمشي.

سيف وهو يسوق ف السياره -
طيب حبيبي اجري عليه ...وأسأليه عن المكان .

بسمه قعدت تجري شوي واطيح لعند وصلت ف الشخص .

بسمه بهستيريا ودموع:-
ارجوك ياخوي ساعدني انا ضايعه ومش عارفه لمكان.

الشخص قرب منها:-
اهدي يااختي بس...وفهميني شن جابك هنايا.

بسمه :-
ارجوك ساعدني وقولي انا وين.

سيف كان يعيط علاها بالفون:-
بسمه عطيني نحكيه .

بسمه مدت الفون للشخص:-
خطيبي يبي يحكي معاك أرجوك احكيه.

خذي الشخص الفون من بسمه وحكي مع سيف وعطاه العنوان وبعدها سكر ومد الفون لبسمه وقعد قاعد معاها لعند بعد نص ساعه وصل سيف.

نزل سيف بخوف ولهفه من السياره وأول ماشافاته بسمه جرت عليه وحضناته بأقوي ماعندها وأنهارت بالبكاء.

سيف وهو حاضنها ويبوس ع راسها:-
اهدي حبيبي اهدي ..بس فهميني انت ليش هنا وشن اديري.

بسمه وهيا تحضن ف سيف بقوه وكأنها تحتمي بيه :-
خوذني من هنايا سيف أرجوك طلعني من هالمكان.

سيف :-
طيب حبيبي خلاص لاتبكي ...ومسكها من يدها وركبها بالسياره وركب وساق السياره.

كانت بسمه طول الطريق ساكته وتبكي بس وضامه رجلاها لحضنها وترتعش...لما شافها سيف بهالحاله حب يعطاها مساحه وبنفس الوقت مارضي يرفعها لحوشها وهيا بهالحاله عشان ماتخوف اهلها علاها...غير المسار ومشي بيها لحوشه .
.
.
عند محمود :-
كان عادل قاعد بجنبه ويفيق فيه ...يخبط فيه ع وجهه ويحاول يفيقه.

عادل:-
محمود ...محمود فيق .

محمود :-
فاق وهو شاد راسه وحاس بألم رهيب.
شن في انا وين.

عادل :-
انت ف الڤيلا بالمزرعه متاعك .

محمود :-
انا شن اللي صارلي ...نحس ف راسي رزين.

عادل بخوف:-
نعرفش انا جيت لقيت الباب مفتوح ولقيتك طايح ع الارض.

محمود :-
قعد يحاول يذكر والالم يحسه يزيد براسه ...وبعدها فتح عيونه بصدمه "بسمه ...الحقيره بسمه وين مشت".

عادل بلع ريقه وشافله ودار روحه مش عارف شي:-
بسمه شني يامحمود شن فكرك فيها توا.

محمود دف عادل :-
انت مش فاهم شي...خلينا نطلعو من هنا بسرعه .

وفعلا طلع عادل ومحمود من الڤيلا وركبو بالسياره ومشو.
.
.
عند فاتن :-
روحت لحوشهم وهيا مرعوبه وتلاقت مع بوها ...دخلت تجري من غير ماتحكي معاه وكيف راكبه ف الدروج .

خليل:-
فاتن

فاتن وقفت وشافتله:-
نعم.

خليل:-
تعالي هنا وين كنتي وليش خاشه زي العجاجه .

فاتن بلعت ريقها بخوف:-
كنت ..ا كنت ...كنت عند صديقتي تعشيت عندها وجيت.

خليل :-
ليش وجهك مايتفسر وتبلعي ف الكلام ..انتي شن مدايره من مصيبه يابنت.

فاتن نزلت من الدروج وقربت منه :-
مادرت شي ...وبعدين اصلا انت امتي تهتمي بمشاكلي والا بوين كنت .

خليل :-
احكي بأدب وماتنسي اني بوك.

فاتن بضحكه عاليه'-
هههههه لا يابوي مش هكي ماتعيش الدور...امتي كنت بوي والا عيشتني هالاحساس ..جيبك هو اللي بوي مش أنت.

خليل بعصبيه:-
انت قليله ادب ووقحه وماعرفت نربيك للأسف.

فاتن زادت قربت منه خطوه :-
ليش انت كان عندك وقت تربيني يا ...دادي ...بلاش تكذب ع روحك وتصدق كذبتك وحياتك.

خليل بهاللحظه رفع يده وضربها كف بأقوي ماعنده لعند طاحت ع الارض:-
أنتي لسانك يبي القص .

فاتن مسكت خدها وشافتله وناضت وقفت وقربت من وذنه:-
كلام الحق ع طول بوجع يا ..دادي ومشت ركبت تجري لدارها.
.
.
عند وليد :-
كان قاعد بالجنان وماسك فونه ويفكر بأمل ويبتسم ع تصرفاتها وكلامها ...فتح الفون أتصل علاها بس ماردت ..
بعتلها مسج✉:-
"أستاحشتك ..أفتحي واتس احكيني ".

شوي ووصله مسج ع الواتس :-

امل:-
مساء الخير.

وليد:-
مساء الفل ...كيفك.

امل :-
الحمد الله وانت.

وليد :-
مش منيح.

أمل :-
ليش.

وليد:-
مشتاقلك ونفكر فيك ع طول.

أمل :-
وحياتك ماادير فيا هكي.

وليد :-
ندير فيك شن مافهمت!!.

أمل:-
لاتتسلي بمشاعري وحياتك.

وليد:-
معقول امل هذا تفكيرك فيا أني نتسلي.

أمل:-
نعرفش ...طيب معقول حبيتني بهالفتره القصيره.

وليد:-
وين المانع ...المشاعر والقلب ماعليه سلطان ...ليش مقلله من قيمه نفسك شن اللي ناقصك وشن فيك ماينحب .

أمل:-
مانعرف...اللي قاعد يصير جديد عليا مش قادره نستوعبه وخايفه منه وليد...أنت عارف انا كيف كنت عايشه وخايفه نعيش هالمشاعر وننصدم بخيبه بالاخر.

وليد :-
ممكن نتصل بيك وتردي ...مش رح ناخذ من وقتك بس 5 دقايق.

امل :-
طيب اوك.

أتصل وليد ع امل ...رن مره واتنين وبعدها انفتح الخط وكانت امل ساكته.

وليد:-
أمل نبيك تعرفي شي واحد...أنا انسان محترم وبعمري مافكرت نتلاعب بمشاعر بنت لان نخاف من ربي ونخاف يعاقبني بأفعالي ف أختي..يابنت الناس انا فعلا معجب بيك ولو تبي الصراحه حاس بمشاعر الحب اتجاهك ويشهد عليا ربي مشاعري ونيتي صافيه من يالاك وناويك بالحلال ..مانبي شي نبي بس فرصه ..فرصه عشان نقربو من بعض اكثر ونفهمو بعض ماتحرميني وتحرمي نفسك من هالفرصه.

أمل كانت تسمع ف كلامه وساكته وبعدها قالتله:-
طيب اوك انا موافقه

وليد بفرحه:-
الله الله ياقلبي وأخيرا قررتي تحني عليا وترحميني..والله يابنت راك معششه بعقلي وقلبي وعاجبتني زي ماأنتي وبطولت لسانك اللي يبي القص وطريقه لبسك وعفويتك وتصرفاتك ويشهد عليا ربي رح ندير كل اللي نقدر عليه عشان نكون عند حسن ظنك وزي ماتبيني .

أمل بخجل:-
أحم ان شاء الله ...ممكن نرجعو نحكو واتس.

وليد بإبتسامه:-
يسلملي الخجلان...حاضر من عيوني يلا طيري واتس...وقعدو يحكو مع بعض لوقت متأخر
.
.
.
عوده عند بسمه :-
كانت ع حالها ع نفس الوضع ..لعند وقفت سياره سيف ..بوقتها انتبهت انها بجنان الڤيلا متع سيف.

بسمه :-
ليش جبتني هنايا سيف.

سيف مسك يدها :-
عشان تهدي ونحكو برواق... ومانبي اهلك يشوفوك بهالوضع ويقلقو عليك.
ممكن ننزلو.

بسمه:-
اوك.

نزلت بسمه وخشت مع سيف ..قعدو بالصاله .

سيف :-
رح نجيبلك ميه ونجي.

بسمه مسكت يده وبدموع:-
لا سيف خليك بجنبي ...ممكن تحضني وحياتك.

قرب منها سيف وحضنها وكانت متمسكه بتيشرته من الخلف ولافه يديها ع خصره بقوه وتبكي وهو يبوس براسها ...بعد مده حسها هدت بعد علاها وشاف لعيونها.

سيف:-
ممكن تحكيلي شن اللي صار.

بسمه بدموع؛-
فاتن هيا السبب.

سيف بصدمه:-
مافهمت شن دخل فاتن .

بسمه :-
فاتن جتني قبل نهايه الدوام وقعدت تعتذرلي ع تصرفها يومها ..وأصرت عليا تعزمني ع العشي بحوشهم عشان تصالحني.

سيف '-
ايه وبعدها

بسمه بدموع:-
مشيت معاها بنهايه الدوام ..وصلنا للمزرعه وخشينا وقالت شوي ونرجعلك لعند ...ونهارت بالبكاء.

سيف :-
لعند شني فهميني بسمه.

بسمه :-
لعند ...
.
.
.
#يتبع.

برايكم شن رح يصير ...وكيف رح تكون ردت فعل سيف بعد مايسمع من بسمه وكيف رح يتصرف وشن الجاي.

بأنتظار تفاعلكم وتعليقاتكم ...وأعذروني لو قصرت معاكم بس مريضه ع الاخر والله يادوبني كتبت حلقه .

تحياتي أختكم وصديقتكم.
#zezo_a_saad❤🌹

[فيتامين سي]

#إنتقام_عاشق
.
.
.
الحلقه الرابعه عشر.

"حدثت الله عنك أخبرته أن قلبي معقودٌ بقلبك .وانك أشد أشيائي حُبًا ...دعوته أن يُبقيك لي ومعي ❤️ "
شهرزاد ✏📝.

شعور الأمان والراحه والطمأنينه ينخلق بس لمن نكون بحضن الشخص اللي نحبوه.

هذا كان حال بسمه وقت كانت حاضنه سيف حضن كانت تهرب فيه من سنين من الوجع والعذاب اللي اطاردها بهاللحظه بكابوس ذكرياتها.

سيف :-
خلاص أهدي روحي وفهميني ...ليش فاتن رفعاتك لهذاك المكان وشن صار بعدها.

بسمه شافت بعيونه وحاولت تكون قويه:-
سيف صار لازم تعرف كل شي ..من يوم ماأفترقت عنك لعند اليوم.

سيف:-
حبيبي مش وقته هالحكي ..بس فهميني توا شن في راني بنهبل.

بسمه:-
هذا وقته أفهم...اللي بنقوله توا مرتبط بالماضي

سيف بإستغراب:-
كيف مافهمت!!

بسمه بإصرار:-
جاهز تسمعني وتفهم .

سيف:-
اوك دامك هكي تبي خلاص...بس مارح تحكيلي لحالي رح نختصرو ع حالنا الوقت وتفهميني بكل اللي صار زمان انا وسهيله أختي ..انتي موافقه.

بسمه وكلها إصرار:-
ايه موافقه.

سيف :-
تمام خليني نحكي مع حمزه عشان يجيب سهيله ويجي .

بسمه:-
أوك تمام.

مسك سيف فونه📱 وأتصل ع حمزه وكانت بسمه مازالت متمسكه بيه وشاده بتيشرته بقووه.

سيف:-
السلام عليكم.

حمزه:-
وعليكم السلام حبيبي ...كيف حالك.

سيف :-
الحمد الله يابونسيب ...كيف حالك انت وحال سهيله والصغار.

حمزه:-
الحمد الله تمام ماشي الحال.

سيف:-
حمزاوي تقدر تجيني انت وسهيله للحوش.

حمزه بأستغراب:-
توا !!.

سيف:-
ايه ياريت.

حمزه:-
في شي ..صاير معاك شي

سيف:-
وقت توصلو رح تفهم كل شي.

حمزه:-
تمام ..عطيني مسافه الطريق ونكون عندك.

سكر سيف من حمزه وشاف لبسمه .

سيف:-
شن حبيبي ..تحسي ف روحك احسن.

بسمه وعيونها متورمه من كثر الدموع:-
طالما انت قريب مني وبحضنك انا أحسن...ياريت لو طول العمر نقعد هكي سيف.

سيف حضنها بقوه وقعد يبوس ع راسها:-
أنا وحضني وكلي ليك ياعمري لعند أخر نفس فيا ..انا ملكك زي ماأنتي ملكي .

" بالحضن ياما بتبتدي حكايات ...وبتنتهي حكايات...الحضن ياما حاجات بتتقال فيه ..الحضن دا أحساس يساوي حياه..وقت الفرح نلقاه ..وقت التعب والاه هنهرب فيه...الحضن
دا من فيني يوم ينساه...من سيرتو مش.وحشاه...ومناه ف يوم يلقاه ويجري عليه...الحضن دا أكثر مكان بيشوف دموع الوحده...وف حضن بعض بنلاقي راحه مانلقهاش بالوحده ..حنيت.حتروح من الوحده فين..ااه ياريت الحضن لو دام سنين"...

إليسا🎧🎤.
.
.

عند سهيله:-
بعد مارقدت الصغار ...كانت قاعده بالمطبخ وتحضر ف قهوه ليها ولحمزه لعند حست بإيدين تلفت ع خصرها وحط حمزه راسه ع كتفها

حمزه:-
قلبي .

سهيله بإبتسامه:-
امم نبض قلبك.

حمزه :-
حكي معاي سيف من شوي.

سهيله بتكشيره:-
ليش ..باهي اللي تفكرنا.

حمزه:-
قال يبيني انا وياك نمشوله لحوشه ضروري.

سهيله تلفتت ع حمزه وبلهفه:-
خيره فيه شي صاير معاه شي.

حمزه:-
اهدي حبيبي ماف شي...بس قال يبينا ف شي ضروري.

سهيله :-
طيب عطيني 5 دقايق نبدل ونجي .

حمزه:-
اوك عمري نستني فيك .

لبست سهيله وطلعت هيا وحمزه بعد ماتأكدت ان صغارها مازال راقدين ....بعد 20 دقيقه وصلو عند سيف .

شوي ورن جرس الحوش ..ناض سيف من بجنب بسمه اللي كيف غفت بحضنه .

بسمه:-
شنو ..سهيله جت.

سيف:-
ايه حبيبي هكي الباين الباب يطق.

بسمه:-
تمام اوك.

مشي سيف للباب وفتحه ..سلم ع حمزه وبعدها قرب من سهيله حضنها بقوه وباس ع راسها.

سيف وهو حاضن سهيله:-
قاعده زعلانه مني...انا أسف ياعمري مش بقصدي نزعلك.

سهيله حضناتها وبدموع:-
أنا خايفه عليك..انت عارف انك اخر من قعدلي بهالدنيا ومانتحمل فيك دقه الشوكه.

سيف :-
عارف ياروحي ..بس عطيني فرصه نفهم شن ف ...انتي عارفه اني نتنفس بسمه مش بس بس نحبها...وطول هالسنين انا ميت...مستكثره عليا نعيش من جديد.

سهيله بحنيه وهيا شاده وجهه بين ايديها:-
ياقلبي أنا ندفع عمري عشان نشوفك سعيد ومرتاح.

سيف باس ع يدها:-
طيب نطلب طلب منك.

سهيله:-
روحي ترخصلك قول ياعمري

سيف:-
بسمه عندي الداخل...نبيك بس تسمعي منها انا جبتك عشان تسانديني بهاللحظه انا خايف نسمع منها الحقيقه لحالي عشان هكي جبتك معاي وحياتك لاتخليني نواجه هالشي لحالي.

سهيله -
طيب حبيبي أهدي .. حاضر من عيوني رح نكون معاك.

سيف:-
ربي مايحرمني منك ..خلينا نخشو.

خش سيف مع سهيله وحمزه ..بسمه اول ماشافتهم وقفت .

بسمه:-
كيف حالك سهيله ومدت يدها.

سهيله تجاهلتها وقعدت ع الكنبه .

حمزه:-
بسمه كيف حالك اوخيتي

بسمه:-
الحمد الله ..شكرا أستاذ حمزه.

بسمه:-
بصراحه انا جمعتكم اليوم عشان نحكيلكم كل اللي صار معاي من 9 سنين ياريت تسمعوني للأخر وبعدها تحكمو ضميركم وياتغفرولي ياأما تستحقروني وتشوفولي بنفس النظره.

سيف:-
اهدي حبيبي ...واحكي براحتك.

حمزه:-
احم طيب نخليكم انا توا ...سهيله رح نستناك بالسياره.

بسمه:-
خليك أستاذ حمزه انت من العيله ..واساسا مافي شي رح نخبيه عليكم .

بعد قعد حمزه بلعت بسمه ريقها وشافت لسيف وسهيله وبدت تحكي:-

قصتي تبدأ بيوم كنت مروحه من الكليه وقبل مانخش وانا بالجنان سمعت عيطت أمي ...دخلت نجري لقيت حوشنا مقلوب فوق تحت ...وأول مادخلت للصاله لقيت ماما قاعده ع الأرض تبكي وبجنبها بابا مضروب وينزف....وكان فيه مجموعه بسلاحهم ماركزت كم عددهم ...بس كان ف ...ونزلو دموعها "كان ف واحد قاعد ع الكنبه وحاط رجل ع رجل"

فلاش باك:-
بسمه :-
بابا حبيبي شن في ...ماما فهميني شن صاير ومن هذو وليش بابا هكي .

محمود:-
اوو شيخ علي ماقلتلي ان عندك بنت أموره وجميله هكي .

بسمه تلفتت عليه :-
من انت وشن تبي من بابا.

محمود وقف وقرب من بسمه :-
نعرفك أنا محمود الهاشم رجل أعمال وصاحب المصنع اللي يشتغل فيه بوك..وانتي ياحلوه ماقلتيلي شن أسمك.

بسمه بعدائيه :-
انت مادخلك...ليش درت ببابا هكي.

محمود بهدوء:-
انا اسف اني خوفتك ...بس بوك معند وكل يوم يتهرب مني لعند أستفزني بصراحه.

بسمه:-
ليش بابا شن دار !!

محمود؛-
بوك واخذ مني قرض من سنه ونص...وعندي 3 شهةر نجري ف جرته عشان يرده ليا ومش راضي.

بسمه شافت لبوها:-
بابا حقه الكلام اللي قاعد يقول فيه الراجل هذا.

الحاج علي بدموع:-
ايه يابنتي ...انا خذيتهم منه وكنت ناوي نخش بيهم مشروع نتوسعو بيه بس للأسف المشروع خسر...والحين مش قادر ندفعله فلوسه وهو مش راضي يستناني.

محمود؛-
لاه لاه ياشيخ علي انا استنيتك هلبا والا نسيت بس عشان هالاموره رح نعطيك اسبوعين زياده وهكي انا خطاني العيب ...سلام ياحلوه ونشوفك وغمزلها😉

فاقت بسمه من شرودها وشافت لسيف اللي كان مصدوم :-
ايه ياسيف انا كذبت عليك...انا مش أرمله واللي يدور براسك صح ...محمود الهاشم اللي تفكر فيه هو نفسه طليقي.

سيف قرب منها ومسكها من يدها :-
كيف هكي وليش فهميني انا بننجن.

بسمه :-
رح نفهمك بس وحياتك أهدي ...بعد هذاك اللقاء كان محمود يتردد ع حوشنا ويحاول يتقرب مني ..كنت لما نتلاقي معاك نجي بنحكيلك بس بعدها نتردد ماكنت نبي نشغلك بمشاكلنا وهمومنا .

وبيوم كنت مروحه من السوبر ماركت ...دخلت لقيت بابا وجهه مايتفسر ..أستغربت وسألت ماما ..قالتلي بوك رح يحكيلك.

الحاج علي:-
بسمه انا نبي نبلغك بشي.

بسمه:-
خير يابوي شن في.

الحاج علي نزل عيونه ع الارض:-
يابنتي السيد محمود كان عندنا من شوي .

بسمه :-
ايه.

الحاج علي:-
وطلبك مني ...وانا..

بسمه بخوف :-
ايه ..وانت شن كمل .

نجيه:-
بوك وافق يابسمه وحدد الفرح الاسبوع اللي بعد الجاي .

بسمه وقفت وهيا مصدومه:-
مستحيل هالشي فاهمين مستحيل.

نجيه:-
يابنتي ماعندنا حل تاني ...هذا شرطه والا رح يقدم الشيكات للشرطه ورح ينحبس بوك.

بسمه بدموع:-
يعني شن ...يعني ضحيتو بيا.

الحاج علي كان منهار بالبكاء ومش قادر يرد.

بسمه:-
احكي ياماما ضحيتو بيا.

نجيه تحاول تكون قويه:-
ماف عندنا حل يابنتي.

بسمه بدموع :-
ع جثتي يصير هالشي ..تحلمو فاهمين وطلعت تجري لدارها.
.
وقفت بسمه عن الكلام وكانو دموعها زي السيل الهادر ومش قادره تسيطر ع انفعالاتها ..قرب منها سيف ومسك يدها.

سيف بصوت مخنوق:-
وبعدين بسمه كملي ...بعد رفضتي شن صار.

بسمه بلعت ريقها وشافتله بعيونه:-
بعد مارفضت محمود عرف هالشي وكان يراقب فيا وعرف باللي كان بيناتنا وبيوم وانا مروحه وقف سيارته قدامي .

فلاش باك:-
نزل محمود من السياره :-
اهلا بعروستي الحلوه.

بسمه بعدائيه:-
تحلم فاهم...نجوم السماء أقربلك.

محمود بثقه:-
مش محمود الهاشم اللي يحلم ...وانا متأكد رح تكون مرتي وبعد اقل من 10 ايام

بسمه كتفت ايديها قدام صدرها:-
وشن اللي يخليك واثق.

محمود وهو ع اساس يفكر:-
امم امم مثلا حبيب القلب ..شن اسمه نسيت شن اسمه يامحمود شن اسمه ايوه سيف .

بسمه بخوف:-
دير بالك ادخل سيف ف الموضوع ...سيف ماليشي علاقه فاهم.

محمود؛-
شوفي هالشي يرجعلك...لو حابه ان حبيب القلب مايتأذاش ويريح فيها بسببك خليك عاقله وحضري نفسك لفرحنا .

بسمه:-
انت ماتقدر اديرله شي.

محمود بغرور:-
بالحقه انتي واثقه..امم طيب ترا شوفي هذا ..ومدلها الفون📱

" فيه صورة سيف مع امه واخته ف حوشه"
.
.
بهاللحظه فاقت بسمه من ذكرياتها وشافت لسيف وبدموع:-

ماقدرت نساوم ع حياتك سيف...حتي لو كان الثمن بالمقابل حياتي ومستقبلي ..أخترت انك تكرهني وتفكر فيا بطريقه سيئه عشان تنساني وتعيش حياتك وعشان هكي كتبتلك الرساله وبعتتهالك..خفت عليك منه خفت عليك تعرف وتتهور ...انا اسفه سيف اسفه ارجوك سامحني ارجوك.

سهيله بصوت مرتعش ودموع:-
يعني....يعني طول هالوقت ونحن ظالمينك يابسمه ..طول هالوقت متحمله وساكته معقول هكي.

بسمه وهيا تمسح ف دموعها:-
سيف كل حياتي ياسهيله ...صدقيني انا تخليت عنه عشان يعيش ..سنين وانا ميته من غيره ..حتي وقت كان محمود يعتدي عليا ويضرب فيا ويهين فيا كان اللي يهون عليا ان سيف بعيد عن كل هالمصايب .

بسمه :-
سيف حبيبي احكيني ماتقعد ساكت أرجوك.

سيف كان مصدوم مش قادر يستوعب خليط من القهر والوجع والألم مسيطر عليه كلمه وحده بس قالها:-
هو اللي لقيتيه بالمزرعه صح.

بسمه دموعها نزلو وغمضت عيونها:-
إيه.

وقف سيف وماقال ولا كلمه بس دموعه اللي حكو وطلع يجري من الحوش.

حاولت بسمه تلحق عليه:-
سيف ..سيف اسمعني ارجوك احكيني ماتخوفني عليك سيف.

بهاللحظه لحقها حمزه :-
بسمه خليه ع راحته توا...اللي سمعه مش هين خليه يختلي بنفسه لعند يهدأ ويرجع

بسمه بدموع وخوف:-
خايفه يصير عليه شي ..انا نموت لو سيف يصير عليه شي.

حمزه:-
ماتخافي وتعالي معاي نخشو...مش رح يصير عليه شي صدقيني هو بس محتاج يختلي بنفسه.

دخلت بسمه مع حمزه وكانت سهيله قاعده ع حالها ..حاله من الصدمه والوجع مسيطره علاها ..وبأول ماشافت بسمه داخله جت علاها تجري وحضنتها .

سهيله بدموع:-
سامحيني بسمه ...ارجوك سامحيني انا ظلمتك هلبا بس والله ماكنت نعلم ارجوك سامحيني.

بسمه وهيا تهدي فيها:-
خلاص حبيبتي...اشش اهدي بس انا بعمري مازعلت منك...بالعكس انا مقدره موقفك أنتي اوخيتي سهيله ولو انا كنت بمكانك رح نتصرف نفس تصرفك.

سهيله :-
ياريتك حكيتي من الاول ماكان صار كل هالشي.

بسمه :-
قدر الله وماشاء فعل هذا اللي ربي كاتبه كل شي عشان سيف يهون.

سهيله رجعت حضنتها:-
ربي يعطيك ع قيس نيتك الطيبه.

بسمه بهدوء:-.
امين وياك...نستأذنكم توا لأني تأخرت وماما اكيد قلقانه عليا.

سهيله :-
أستني رح نوصلك انا وحمزه بطريقنا.

بسمه :-
ماف داعي مانبي نتعبكم ...رح نطلب تاكسي

حمزه:-
ماف تعب ولاشي ...نحطوك ع طريقنا ونروحو .

بسمه :-
تمام ..شكرا بجد.
.
.
.عند سيف:-
كان يسوق ف السياره ودموعه زي المطر بيوم شتوي ..كل كلام بسمه يتردد براسه كان يتخايل ف معاناتها اللي عانتها كل هالسنين يتخيل ف كميه الالم والوجع اللي حساته ...حس ان الرؤيه ضببت ومش قادر يسوق أكثر وقف السياره بنص الشارع ونزل.

قعد ع الارض وماكان هامه الناس اللي يشوفوله ومستغربين بوضعه ...عيط بأعلي صوته بكل الوجع اللي فيه وتمدد ع الارض وقعد يبكي ويصارخ زي العيل اللي فاقد امه.

كانت نظرات تساؤل واضحه بوجوه الناس بين مستغرب ومتعاطف ومتساؤل ياتري شن في هالشاب لحتي منهار .

بكي وبكي وبكي لعند حس بنفسه رح ينقطع وماكان يرد ع تساؤلات الناس اللي قربو منه وحاولو يساعدوه.

بعد مالايقل عن ساعه من نوبه البكاء الهستيري ...أستجمع قوته وناض ركب بالسياره من جديد ...مسك فونه وكان في كميه مسجات واتصالات هائله من بسمه لوح فونه بالسياره وساقها باقسي سرعه.
.
.
.
عند بسمه :-
بعد محاولاتها اليائسه بان سيف يرد علاها وبعد ماوصلت لحوشهم وخشت دارها شافت للساعه كانت 11.40 بالليل ...بالاول ترددت بأعتبار الوقت مأخر ..بس بعدها قررت تتصل ع وسيم.

رن الفون مره واتنين وتلاته وبعدها انفتح الخط

وسيم بصوت ناعس:-
ألو.

بسمه :-
ألو وسيم...أسفه اتصلت بهالوقت

وسيم تعدل وقعمز وبإستغراب:-
بسمه ..شن في شغلتيني مش عوايدك تتصلي هالوقت

بسمه :-
أنا أسفه وسيم فيقتك ..بس ماعندي غيرك نلجأله .

وسيم بقلق:-
شن ف بسمه شغلتيني احكي.

بسمه وغلبوها دموعها:-
سيف ياوسيم ...سيف عرف كل شي

وسيم بصدمه:-
كيييف!!...امتي صار هالشي وكيف .

بسمه :-
قصه طويله رح نحكيهالك ...بس بالاول وحياتك كلمه وشوفه وين انا نتصل عليه مايرد عليا ...من وقت ماطلع وخلاني ف حوشه مع سهيله نطلب فيه مايرد وقلبي نار عليه.

وسيم ناض من ع السرير :-
تمام تمام ...سكري اهو تو نشوفه.

بسمه :-
وحياتك لو رد عليك طمني.

وسيم :-
اوك سلام.
.
...
عند سيف:-
كان يسوق ف السياره زي المجنون وهو مش مركز بشي ...رن فونه 📱 شافله وكان هالمره وسيم...مارد ع اول اتصال ولا علي التاني وبالتالت قرر يرد.

سيف بعصبيه :-
نعم .

وسيم:-
سيف انت وين.

سيف:-
شن تبي وسيم انا مش ناقصك.

وسيم:-
سيف اهدي ..بسمه حكتلي كل شي والبنت قلبها مشغول عليك ..انت وين.

سيف ببكاء:-
نار شاعله فيا ياوخي ياوسيم وبنمشي نطفيها مش قادر لو ماطفيتها نموت وربي

وسيم ركب بسيارته:-
سيف اهدي وماتتهور ...وقولي انت وين بالاول .

سيف:-
ماشي بنطفي ناري ...الليله نشرب من دمها الواطيه هيا وبوها

وسيم وهو مش فاهم شي:-
من هيا ..سيف ورحمه امك تفهمني ارجوك

سيف بعياط:-
من غيرها الفاسده فاتن موتتها ع يدي حسابها عندي .

وسيم بخوف:-
سيف انت وين توا ..ارجوك قولي

سيف:-
قلتلك ماشيلها خليني ف حالي وسكر عليه
.
.
بعد 10 دقايق:-
وصل سيف عند ڤيلا الخليل ونزل ..دخل من البوابه وهو يعيط بأعلي صوته.

سيف:-
وينك يافاسده اطلعي ...الليله موتك ع ايدي اطلعي.

طلع خليل وهو مستغرب ومش فاهم شي:-

سيف انت شن ادير هنا ...وشن اللي جابك .

سيف بعياط:-
وينها الفاسده بنتك ..اللي مش متربيه .

خليل :-
بس فهمني ..خيرها فاتن شن دارت .

سيف:-
خلها تطلع وتواجهني توا هنا.

خليل:-
ياولدي اهدي شوي وفهمني شن في.

سيف:-
تبي تعرف شن في...بنتك المتربيه والخلوقه كانت ناويه تلعب بسمعه خطيبتي وتضيعها.

بهاللحظه طلعت فاتن تجري من الحوش .

فاتن:-
ماتصدقه دادي هو هو يكذب عليك مش صح هالكلام

سيف قرب علاها وحاول يمسكها بس كانت محتميه وراء بوها:-
ليك عين تكذبي ثاني يافاسده ياحقيره حسابك عندي نعرف كيف نربيك انا.

خليل بخوف لما شاف عصبيه سيف:-
فهموني شن في ماتخلوني زي الاطرش ف الزفه بيناتكم.

سيف شاف لفاتن بإحتقار:-
تحكي انتى والا نحكى أنا ...نقولك خلي نحكي انا ...ياسيد خليل بنتك المنصونه رفعت خطيبتي لمزرعه مقطوعه ع أساس انها مزرعتكم ودخلتها وبعدها خلتها مع واحد عشان يختلي بيها وهربت وانت عارف الباقي عاد.

خليل بصدمه:-
انت ..انت شن قاعد تحكي ولف ع فاتن صح هالكلام ..وعيط ف وجهها احكي صح هالكلام.

سيف :-
كلامي مش معاكم...كلامي ف المحكمه انا رح نقدم شكوى ف بنتك ورح نبهذلكم.

خليل قرب منه بخوف:-
سيف سيف ارجوك خلينا نتفاهمو ...انا زي بوك وف بيناتنا عشره وشغل اهدي واقعد خلينا نتفاهمو ومش رح يصير الا اللي بخاطرك.

سيف:-
ماف تفاهم بيناتنا...الشي الوحيد اللي ممكن نتفاهمو عليه ويخليني نشيل بنتك من راسي انها ترجع من وين ماجت وماعاد نشوف وجهها قدامي.

فاتن بعصبيه:-
مستحيل هالشي مستحيل.

سيف قدم خطوتين:-
معناتها السجن مكانك ياحلوه وانا مش ساهل ومعارفي بالهبل وانتي تعرفيني.

خليل بتدخل:-
خلاص انا موافق اللي تبيه يصير رح نحجزلها بأقرب طياره وعد.

فاتن بصدمه:-
دادي انت شن قاعد تقول معقوله تتخلي عني وتبعتني لأمريكا من جديد.

خليل تلفت علاها:-
انتي اللي جبتي هالشي لنفسك...تحملي نتيجه افعالك.

سيف:-
عندكم يومين ياخليل ...يومين بس اليوم التالت رح نبلغ فيها وياعالم شن رح انلفقلها من تهم ووقتها ماتفكر اني نتراجع سلام.
.
.
.
عند بسمه :-
كانت قاعه بدارها بجنب الشباك ودموعها ع حالهم ...شعور مختلط بين ألم ووجع وبين فرحة وراحة ان الحمل انشال من ع ظهرها ..بين تفكير ف سيف اللي مش راضي يرد ع اتصالاتها وبين الجاي شن داسلها .

"ياترى ياربي هذه بدايه طريق سعادتي ..والا مازال الوجع متخبيلي ..يارب يارب لا تمتحن صبري أكثر ..يارب انا تعبت وماعاد عندي طاقه تحمل يارب جازيني خير وطلعني من الضيقه اللي انا فيها...ياربي أجبر بخاطري وأكتبلي السعاده ف اللي جاي ومع اللي اختاره قلبي".

كانت تدعي وتبكي لعند رن فونها وكان وسيم.

بسمه بلهفه:-
الو وسيم طمني لقيت سيف حكيت معاه.

وسيم :-
اهدي بسمه اهدي ...حكيت معاه وتوا ماشيله

بسمه:-
هو كويس ..حاله باهي ارجوك طمني

وسيم وهو يحاول يهديها:-
والله كويس ماتخافي واول مانوصله رح نخليه يحكيك ويطمنك.

بسمه بدموع:-
ايه وحياتك خليه يطمني مش رح نغفى لعند نطمن عليه.

وسيم :-.
تمام حاضر .

بسمه:-
وسيم.

وسيم:-
نعم

بسمه:-
دير بالك عليه وخليك جنبه ماتخليه بروحه.

وسيم بإبتسامه:-
حاضر أدللي ..اي اوامر تانيه.

بسمه :-
لا شكرا...ربي معاك.

وسيم :-
سلام.

بسمه بعد سكرت الفون:-
ربي يحميك ياروحي ويهدي سرك ويكون معاك ومايحرمني منك .

"عايزه اطمن عليك ...وانسي روحي مابين اديك..وافضل اجري واجري بيك..وأبقي مش عارف مكاني ...نفسي اكمل عمري جنبك...نفسي اعيش عمرين معاك ...وانسي حضني جوى حضنك ..نفسي اتنفس هواك...عمري مانسيتك ولا اقدر..اعيش حياتي الا بيك ...ليل نهار اسرح وفكر ...غصب عني حبيبي فيك"
وائل جسار🎤🎧.
.
.
عند وسيم:-
اول ماوصل لمزرعه خليل كان سيف كيف طالع من عندهم ...نزل وسيم وجري عليه.

وسيم:-
سيف انت شن ادير هنا ..فهمني ماقدرت نفهم شي.

سيف بتعب :-
خلينا نمشو من هنا وبعدها رح نحكيلك كل شي .

وسيم:-
تمام اوكي هيا ...ركب كل واحد فيهم سيارته ومشو لعند وصلو لحوش سيف ..نزل سيف ونزل بعده وسيم .

خشو للحوش ...وتمدد سيف ع الكنبه ..قرب منه وسيم.

وسيم:-
سيف فهمني شن في ارجوك.

سيف حط يده ع راسه ودموعه نزلو:-
تعبان ياوسيم تعبان ...كل وجع الدنيا فيا نحس في روحي بنموت.

وسيم قرب عليه وقعد يمسح ع شعره:-
لا تتوجع ياسيف...ساد فيك وجع والم ..بالعكس توا لازم تفرح لأنك عرفت الحقيقه وان بسمه دارت كل هالشي عشان خاطرك وماخانت حبك.

سيف بصدمه:-
يعني انت كنت تعرف وسيم وشايفني نتعذب وماحكيتلي.

وسيم:-
لا والله ياسيف ...انا بس عندي فتره قصيره عارف لما حكيت مع بسمه وطلبتها هيا حكتلي عن كل شي.

سيف:-
وهنت عليك ياوسيم نتعذب وماتقولي.

وسيم:-
وغلاوتك عندي ياسيف وانت تعرف غلاوتك هيا حلفتني بالله وطلبت مني مانحكي لعند هيا تحكيلك بروحها.

سيف بدموع مخنوقه:-
كانت رح تضيع مني من جديد ياوسيم .

وسيم :-
ماتفكر بسلبيه ياسيف ...وفكر بالجاي وحياتك مع بسمه وكيف تعوضها عن كل اللي جاي .

سيف:-
قبل كل شي ف موال براسي لازم نغنيه.

وسيم :-
مافهمت شن قصدك وضح كلامك ياسيف.

سيف:-
قصدي انا توا اللي براسي ونفكر فيه هو الانتقام وبس.

وسيم :-
لا ياسيف أنسي كل اللي فات وماتدخل روحك ف هالطريق .

سيف :-
وحياتك ياوسيم مش رح تطفى ناري قبل ماننتقم من اللي ظلم بسمه وعيشها كل هالوجع طول هالسنين ووجعني معاها وصدقني مش اي انتقام ياوسيم رح يكون #إنتقام_عاشق .

وسيم:-
فهمني طيب شن ناوي ادير.

سيف:-
ماتستعجل كل شي رح تعرفه بوقته .

وسيم :-
طيب ع راحتك بس وحياتك طمن بسمه عليك البنت قلبها نار عليك .

سيف :-
اوك ان شاء الله.

وسيم :-
نستأذنك توا الوقت تأخر وبكرا نحكو.

سيف:-
لا طبعا وين ماشي ...اركب لداري خوذ شن يريحك البسه وارقد بداري .

وسيم :-
حتي هو راي...يلا تصبح ع خير.

سيف:-
تلاقي الخير ياغالي.

بعد ماركب وسيم ...طلع سيف للجنان ومسك فونه📱 واتصل ع بسمه .

باول رنه ردت بسمه بلهفه:-
حبيبي.

سيف اول ماسمع هالكلمه دموعه ع طول نزلو وقعد ساكت.

بسمه بهدوء:-
تبيش ترد ع حبيبتك واطمنها عليك.

سيف:-
اااه ياعمري ااه.

بسمه:-
سلامة قلبك من الاه ..بعيد الشر عنك فيا ولا فيك.

سيف:-
ممكن نطلب منك طلب.

بسمه :-
عمري ليك اؤمرني

سيف:-
ممكن تقعدي تحكيني لعند نغفي ..تعبان بسمه ومش قادر نغفي

بسمه :-
حاضر من عيوني ...يلا غمض عيونك وماتفكر بشي ورح نغنيلك الاغنيه اللي تحبها زي زمان بس ماتضحك ع صوتي قاعد سيئ زي قبل.

سيف أبتسم :-
نحبك بكل مافيك.

بسمه بخجل:-
وانا نموت فيك.

سيف:-
هيا غنيلي.

بسمه :-
اوك " حبيتو بيني وبين نفسي ...وماقلتلوش ع اللي بنفسي ..ماعرفش ايه بيحصلي لما بشوف عينيه ...مابقتش عرفه اقولو ايه..ماعرفش ليه خبت عليه بضعف اوي ونا جنبو وبسلم عليه...كل حب الدنيا ديا بقلبي ليك...دا انت اغلي الناس عليا روحي فيك ...دا انت لو قدام عنيا أشتق اليك "

كان سيف يسمع ف بسمه ودموعه ينزلو ويبتسم.

"علي بالي ولا انت داري باللي جرالي...والليالي سنين طويله سبتهالي...أنشغالي بكل كلمه قلتهالي ...الكلام لو كان يعبر ع الحنان كنت قلت اني بحبك من زمان ...كل يوم الشوق بيكبر عليا بان "

شرين🎤🎶🎶.
.
.
.
#يتبع.

حبيت نخصص كل هالحلقه ببسمه وسيف ونحاول نحكي كل التفاصيل لحظه بلحظه ..نتمني تكون بالمستوي.

وبأنتظار أرائكم وتفاعلكم وتوقعاتكم للجاي

Note/الشكر موصول لتعليقاتكم الحلوه ولكل من راسلني واطمن عليا ف الانبوكس والحمد الله اليوم احسن شوي رغم التعب والحراره

تحياتي أختكم وصديقتكم.
#zezo_a_saad🌹❤

[فيتامين سي]

#إنتقام_عاشق.
.
.
.
الحلقه الخامسه عشر❤.

لستُ إنسانًا يليق به المُشاركة يجب أن أكُون في حياتك الإستقامة أونُقطة الختام لكُل شي.

...بدايه نهار جديد بأحداث جديده وتفاصيل جديده ..إبتسامه فرح ترتسم ع وجوه أفترشتها ملامح الحزن والوجع لزمن طويل ".

عند سيف:-
فتح عيونه الصبح وكان غفيان بالجنان وماحس بروحه ..أبتسم لما أفتكر ان غمض عيونه وغفي ع صوت بسمه .

مسك فونه📲 وأتصل عليها .

بسمه برواق:-
صباحك عسل حبيبي.

سيف بصوت فيه بحه نوم:-
صباحي أنتي عشان يكون اجمل صباح بالدنيا كلها.

بسمه بخجل:-
حبيبي أنت...كيف حالك اليوم.

سيف:-
امم حاس أني مولود جديد ..فايق بنشاط وتفاؤل مش طبيعي .

بسمه :-
يارب ع طول ياعمري.

سيف :-
نحبك نحبك نحبببك.

وسيم من وراه:-
الله الله الله ..ع روميو والعشق المتطرطش اللي صاير ع الصبح.

بسمه كانت تسمع فيه وتضحك.

سيف:-
انت شن جابك هنا ع الصبح.

وسيم:-
يابيبي نسيت اني بايت عندك من امبارح .

سيف :-
نسيتك بكل اقسم بالله.

وسيم :-
مش منك عاد ..المهم نبي نفطر تقطعت بالشر.

سيف:-
همك ع طول ف بطنك ..المطبخ قدامك امشي كول من شادك .

وسيم:-
نمشي ندوش وبعدها نجي نلقاك محضر الفطور ..ضيغك انا .

سيف:-
الضيف ضيف ساعه مش طياح ورقاد.

وسيم:-
بسمه سمعتيه كيف بخيل يبيش يحضرلي الفطور .

سيف:-
باهي باهي ..خلاص وانت كاشفاتك بطنك دوش وتعالى تلقاه جاهز.

بعد مامشي وسيم ...رجع سيف يحكي مع بسمه:-
سمعتيه لمعفن شن يقول.

بسمه :-
ايه حرام ..خلاص امشي حضرله الفطور وبعدها نحكو.

سيف:-
انلا مش نحكو ..نبي نشوفك ضروري نحكو بسمتي.

بسمه؛-
طيب حاضر .. أفطر وبدل وبعدها احكيني .

سيف:-
تمام حبيبي.نحبك هلباااا

بسمه:-
وانا نموت فيك ..ف حفظ الله قلبي.

سيف:-
وياك ..سلام حبي.
.
.
.
عند وليد:-
فاق وبدل ومشي للشركه ..اول مادخل لمكتبه كان متلهف يشوف أمل دخل وأستغرب لقي مكتبها فاضي .

أتصل علاها فونها مقفل ..أستغرب بس حط بباله ان ممكن تكون متأخره بالشغل مش أكثر.

دخل لمكتبه وقعد يشتغل بس من غير تركيز كل تفكيره بأمل وكل شوي يتصل بفونها ونفس الشي مقفل وبعتلها كم مسج بس ماف فايده.

مسك فونه من جديد واتصل ع هبه .

وليد:-
الو هبوش كيف حالك.

هبه :-
اهلا وليد الحمد الله...كيف حالك انت.

وليد:-
اهو ماشي الحال غاطس بالشغل ..بنسألك هبه.

هبه:-
نعم عزيزي ان شاء الله خير.

وليد:-
احم أمل اليوم ماجتش للشغل وأتصلت علاها فونها مقفل ماتعلميش شن في.

هبه:-
لا والله ماعندي علم الحق .

وليد:-
طيب ماتعرفيش رقم حد من اهلها .

هبه:-
لالا ..بس نعرف بنت جيرانهم تو نسألها مرات صاير عندهم شي.

وليد:-
ايه ياريت بالله استعجلي شوفيها وردي عليا.

هبه بٱبتسامه:-
الله عليك ياامل شن درتي فينا بس .

وليد:-
احم ..شن قصدك.

هبه :-
لا شي...سكر خلي نتصل ونرد عليك.

وليد:-
تمام..نستني فيك.
.
.
.
عند سيف :-
كان قاعد يفطر هو ووسيم ...بالجنان لعند رن جرس الحوش .

سيف:-
نوض افتح ياهم.

وسيم:-
حوشي والا حوشك هو.

سيف:-
ماصح خليقتك لابس شلاتيتي وحاط من عطري ولابس ساعتي فوقها وتقول مش حوشي ..نوض والله اني مادلك بالطاسه.

وسيم:-
مايفطر معاك كان الكلب ..باهي .

مشي وسيم فتح الباب ...لعند جت خبطه ف وجهه بالشنطه.

ولاء:-
ساعه مخليني واقفه ع الباب ياللي ماتتحشم شكله عاطس عليك االتافه خوي مولي بليد زيه.

وسيم :-
بسم الله ... خير دعوتك انتي مني انبكيتي ف وجهي زي بمبلي الغاز.

ولاء:-
عفوا ...انت مني مش هذا حوش سيف خوي والا انا غالطه .

وسيم:-
ايه هذا حوش سيف...بس كيف خوك مافهمت شن بو سيف كان عازق ضره ع راس امه .

ولاء:-
ههههههههههه عجبني تفكيرك ..انا أسمي ولاء اخت وليد لو تعرفه.

وسيم:-
اها.....وانا نقول الباين العيله كلها مطرشقه نفس تصرفات خوك.

ولاء:-
انت ياهو احترم نفسك ...اساسا انا ليش نحكي معاك وين سيف.

وسيم بعد ع الباب وهو ميت ضحك:-
خشي خشي ...سيف بالجنان يفطر .

دخلت ولاء حطت شنطتها بالصاله وبدت تنادي ع سيف .

ولاء:-
سيف سيفو ..وينك ديمه وانت غاطس بالماكله ومش طالعلك ع خيال.

سيف:-
ووووه صداع ع الصبح ...شن جابك عندي من صبح ربي .

ولاء:-
اخص عليك وانا اللي ديمه نشكر فيك ونقول عنك عسل وتهبل .

سيف:-
حتي انا نمزح اصلا ...تعالي عزوزتك تحبك افطري معانا.

ولاء:-
ع اساس غير موجوده هيا...اصلا انا احتمال يطلع اللي مكتوبلي مات ف الجبهه.

وسيم كان واقف وراهم ويسمع :-
ههههههههه اقسم بالله عيله مطرشقه.

لفت عليه ولاء وبعدها شافت لسيف:-
من هذا حقه ..فتحلي الباب وحصل عزقه بالشنطه ع وجهه نحسابه انت.

سيف:-
يستاهل بردتي ع كبدي ...هذا وسيم صديقي وشريكي بالشركه .

ولاء وهيا تصب ف فنجان قهوه:-
اها هذا اللي كات معاك بأمريكا حكالي عليه وليد ...تشرفنا وسيم.

وسيم:-
بيك اكثر ياولاء.

سيف:-
اهم شي ألقاب مافيش .

ولاء ملتهيه تاكل:-
الالقاب شكليات ...المهم سيفو حبيبي جيتك بموضوع مهم .

سيف :-
امم قولي شن هالموضوع أؤمري .

ولاء:-
نبي ندرب عندك ...الخريه وليد درهلي كبدي ويلز فيا وبابا كل مره يقولي تو نحكي مع سيف وبلا فايده عالق بشغله وخلاص.

سيف :-
حاضر ..انتي غير تعالي ووقت ماتبي ووين ماتبي تقدري تشتغلي .

ولاء:-
حقه 😍.

سيف:-
ايه حقه قداش عندي ويلو انا .

ولاء:-
ياحليلي خيتيسلمه حبيبي احلي سيفو وحق ربي ...نبي قسم الديكور الداخلي ناويه نتخصص فيه.

سيف:-
امم تمام ...شن رايك تشتغلي مع وسيم ف قسمه ..هو متخصص ديكور داخلي .

وسيم :-
حاس ان الموضوع كمين ...هو اول لقاء بيناتنا حصلت هبكه ع راسي يابال الجاي.

ولاء:-
لم روحك يابرو...كنت مفكرتك سيف مش بقصدي .

وسيم:-
برووو😱 شن كميه الانوثه المتفجره هذه.

ولاء شافتله بربع عين وبعدها شافت لسيف:-
المهم سيفو انا توا مستعجله عندي محاضره مش بخاطري ندير عركه ...المره الجايه ان شاء الله ..نشوفك ياقلبي.

سيف:-
تمام تبي نوصلك.

ولاء:-
لالا معاي سياره .

سيف:-
طيب بلكي ناقصاتك حاجة تبي حاجه

ولاء:-
لالا ..
بس عيد ميلادي الاسبوع الجاي تنساش الايفون اللي خاطرني فيه.

سيف:-
هههه حاضر مش ناسي .

ولاء:-
يلا سلام توا...ومرت من جنب وسيم ..سلام يامديري المستقبلي وطلعت لسانها😜.

وسيم:-
ههه اقسم بالله البنت ابداع شن هذا مجنونه زي خوها .

سيف:-
ويلو تهبل بس هيا هكي طبعها لسانها طويل..المهم انا بنمشي نغير وبنطلع نشوف بسمه...بعد تكمل أغسل الصحون وشوف شن تبي تلبس من دولابي وأسبقني ع الشركه .

وسيم:-
تمام عزيزي .

سيف:-
سلام يابرو.

وسيم:-
سلام.
.
.
عند أمل :-
كانت قاعده بدارها وتبكي ...ودارها مقلوبه فوق تحت ..شوي ودخلت علااها امها.

حليمه "أم أمل" :-
علاش يابنيتي أستفزيتيه ..ليش راده عليه الدوه بس.

أمل ببكاء؛-
مليت ياماما وتعبت لعند امتي بنتحمل كرهني ف عيشتي امتي بيقتنع اني بنتي ونبي نعيش حياتي ولده خلاص مات .

الصادق:-
موت اللي ترفعك ...والله نقطع رقبتك فاهمه يديرلك ربي مازال نلقاك لابسه هاللبس والا حاطه هالخرى ع وجهك.

أمل:-
لا بنلبس ...ياسرك يابابا من هالظلم انا بنت سامع بنت مش ولد عشان نطيعك ف مرضك النفسي هذا انت مش اول ولا اخر واحد يموت ولده تأقلم مع هالوضع.

الصادق:-
واطولي ف لسانك عليا.ثاني وجي شدها من شعرها تي والله نقتلك.

حليمه وهيا تحز فيها منه:-
خلاص ياصادق اللي تبيه يصير اطلق البنت بالله عليك اطلقها .

الصادق:-
عقليها ياحليمه احسنلك انتي وياها وطلع سيبهم

امل بأنهيار:-
اطلعو سيبوني ..خليني ف حالي ياماما بالله عليك.

حليمه :-
ياحليلي ياربي شن بندير بس بين نار بنتي وراجلي .

طلعت حليمه وسكرت الباب...وتمددت أمل ع السرير وهيا منهاره بالبكاء.
.
.
.
عند بسمه :-
بعد فطرت وشربت قهوتها مع أمها وبوها ..خشت لدارها وغيرت حوايجها بعد ماكلمها سيف .

طلعت من الحوش وركبت ف تاكسي ومشت عشان تتلاقي مع سيف اللي كان يستني فيها بمكان يتلاقو فيه زمان قرب الشط .

وصلت بسمه ونزلت وكان قلبها بيطلع من مكانه وكأنها رح تشوف سيف لأول مره .

كان متكي ع السياره وعاطيها ظهره .

بسمه:-
صباحوو .

سيف لف علاها:-
صباح النور حبيبي .

قرب منها ومسك يدها:-
تصدقي لو قتلك أستاحشتك.

بسمه بأبتسامه؛-
حتي انا .

سيف :-
تعالي نقعدو ع الشط...ومشي وهو ماسك ايديها .

قعد وقعدت بجنبه ..سيف شافلها ودموعه نزلو .

بسمه حطت يدها ع خده ومسحت دمعته:-
ليش الدموع توا حبيبي ..والله مانتحمل فيك .

سيف :-
موجوع يابسمتي...الم كل السنين اللي فاتو نحسه كامت ع قلبي توا .

بسمه :-
ليش ياعمري ...نحن توا نفكرو بالمستقبل الماضي خلاص فات ومات.

سيف وقف:-
مش قبل مانطفي ناري بسمه مش قبل ماناخذ بثاري وثارك من اللي فرقنا كل هالسنين .

بسمه:-
لا ياسيف أرجوك ماادخلنا ف هالطريق ..مانبو نرجعو للألم من جديد ارجوك ياسيف .

سيف :-
مستحيل يابسمه مستحيل ... وعد عليا وخوذيه مني عهد مش رح نرتاح ولايهنالي بال إلا لما ننتقم من محمود ونذوقه العذاب أضعاف ...عهد عليا رح ننتقم ليا وليك..#أنتقام_عاشق لحبيبته.

بسمه :-
ياسيف نحن ولاد اليوم ليش تفتح ف أبواب انا نبي نسكرها أرجوك .

سيف:-
خلاص يابسمه انهي هالنقاش ..انا ماجبتك هنا عشان نحكو بهالموضوع .

بسمه :-
طيب حبيبي حاضر ايش رح تحكيلي.

سيف:-
أول شي نبيك تنسي كل اللي صار مع محمود اخر مره وديري بالك يعرف انك حكيتيلي او انا عرفت شي وتعاملي معاه ع اساس انك خايفه منه .

بسمه :-
ممكن نفهم ع شن ناوي طيب

سيف:-
مش مهم كل شي رح تعرفيه بوقته..ديري اللي قلتلك عليه بس.

بسمه:-
طيب حاضر ...وتاني شي شنو.

قرب منها سيف وقعد ع ركبته ومسك يدها وباسها .

تاني شي والمهم ياروحي ..نبيك تحدديلي موعد مع أهلك عشان نتقدملك بالرسمي خلاص انا نبي أسمك ع أسمي بأقرب فرصه حبيبي .

بسمه بفرحه:-
بالحقه روحي😍.

سيف:-
أكيد ياعمري ...بجد بسمه انا محتاجك محتاج نكون معاك وبجنبك محتاج نحس بقربك مني ...لو مهما قتلك مش رح تصدقي قداشني حسيت بالراحة امبارح لما غفيت ع صوتك وقداشني فقت وانا حاس بكميه راحه مش طبيعيه .

بسمه بحنان:-
ياعمري انت ربي مايحرمني منك.

سيف:-
ولا منك حبيبي...ضروري تحدديلي موعد بأقرب وقت .

بسمه :-
حاضر من عيوني اول مانروح رح نحكيهم بعون الله.

سيف:-
اوك ...خلينا نمشو توا .

بسمه :-
امم وين .

سيف :-
اول شي وقامها من يدها "خاطرني نتمشي انا وياك ع الشط زي زمان ".

بسمه بإبتسامه:-
وبعدها .

سيف:-
بنعزمك ع أحلي غدي عند رهوفه شن رايك.

بسمه :-
ياسلام رهوفه صار بنغار انا .

سيف شدها لحضنه:-
أنا ملكك كلني لهذا ماتحتاجي لا تخافي ولا تغيري لأن أملاكك مستحيل تمشي لغيرك.

بسمه :-
نحبك هلباااا سيف .

سيف:-
والله حتي انا ياروحي .

تسريع ف الاحداث:-
وتحديدا الساعه 9 بالليل :-

عند سيف :-
بعد ماقضي معظم النهار مع بسمه ورهف روح لحوشه دوش وغير وبعدها مسك فونه وأتصل علي منصور .

سيف:-
ألو السلام عليكم عمي منصور.

منصور "والد وليد وولاء".:-
وعليكم السلام ورحمه الله...اهلا بوليدي سيف كيف حالك.

سيف:-
الحمد الله طيب...كيف حالك انت عمي وشن أخبارك.

منصور:-
ياودي راني عتبان عليك ياسيف ..معقوله ماتسأل ولا أدور.

سيف:-
حقك عليا ياعمي ...والله مشاغل وظروف مش أكثر .

منصور -
ولايهمك ولدي ربي يعاونك .

سيف:-
اللهم امين...عمي منصور أنا كنت قاصدك بخدمه الحق.

منصور:-
أدلل ولدي اللي نقدر عليه حاضر .

سيف:-
يحضرلك الخير ...الحق الخدمه اللي نبيك فيها تبي تقعميزه وبنفس الوقت تخص شغلك.

منصور:-
أدللي ..بكرا عشاك عندي نكسب شوفتك وبالمره تحكيلي شن الموضوع.

سيف:-
خلاص معناتها متفاهمين بعون الله.

منصور:-
ف انتظارك ان شاء الله...ليلتك طيبه.

سيف:-
ليلتك اطيب عمي ..ربي يحفظك.

عند بسمه :-
روحت لحوشهم وحضرت العشي لأمها وبوها وقعمزو يتعشوا ...وبعد العشي دارت قهوه وجت قعدت جنبهم.

بسمه:-
بابا نبي نقولك ع موضوع انت وماما.

الحاج علي:-
شن يابنيتي ان شاء الله خير .

بسمه :-
لا خير ان شاء الله....بصراحه يابابا أنا ف شخص يبي يتقدملي وقالي ناخذله موعد منك من بعد أذنك وموافقتك طبعا.

نجيه بفرحه؛-
من هالشخص يابنيتي ...نعرفوها قداش عمره وشن وضعه .

بسمه :-
شوي شوي ياماما ..حاضر رح نقولك كل شي ..وناضت قربت ع بوها ومسكت يده .

الشخص يابابا هو مدير الشركه اللي نشتغل فيها سيف السلماني .

الحاج علي بصدمه:-
سيف...سيف السلماني هو نفسه اللي زمان .

بسمه بفرحه:-
ايه يابابا هو نفسه سيف متع ايام الجامعه .

نجيه :-
كيف نفسه يابنتي وانتي قلتي مدير الشركه.

بسمه تلفتت ع أمها:-
لا ياماما ...ماهو سيف وضعه تغير ع الاخر بعد ماسافر لأمريكا والحمد الله ربي فتح عليه.

الحاج علي حط يده ع راس بسمه :-
أنتي شن رايك يابسمه ..يعني انتي موافقه ورايداته.

بسمه باست ع يده:-
ايه يابابا انا موافقه عليه.

نجيه :-
طيب يابنتي هو يعرف عنك كل شي..قصدي يعرف انك كنتي متزوجه وكذا.

بسمه :-
ايه حبيبتي يعرف كل شي ...ونحن قررنا ننسو الماضي ونبدو صفحه جديده.

الحاج علي دموعه نزلو:-
أخيرا يابنتي ربي جبر بخاطري وخاطرك وشفتك فرحانه وقلبك راضي

بسمه وهيا تمسح ف دموعه:-
حبيبي مانبي نشوف دموعك ...من اليوم نبو نفرحو بس نبو ننسو كل الماضي بكل وجعه وحياتك بابا.

الحاج علي:-
حاضر يابنتي...خليه يجي يوم الخميس امالا .

نجيه قربت علاها وحضنتها:-
مبروووك يابنيتي مبروك الحمد الله الحمد الله ربي جازاك قد صبرك .

بسمه:-
الله يبارك فيك حبيبتي ...نستأذنكم نمشي نبلغ سيف .. مشت بسمه لدارها وأتصلت ع سيف وبلغاته .
..
.
.
عند وليد:-
روح للحوش وهو مش طايق نفسه ..خش لداره ومارضي حتي يتعشي ...وهو يبدل ف لبسه رن فونه مسك وكان المتصل أمل .

رد وليد بلهفه:-
ألو أمل .

أمل :-
...

.
.

#يتبع.

برايكم شن رح يصير ..وشن يبي سيف من منصور...وأمل شن رح يصير فيها مع وليد ..ومحمود وين مغطس .

بإنتظار تفاعلكم وتعليقاتكم .

تحياتي أختكم وصديقتكم.
#zezo_a_saad❤🌹

[فيتامين سي]

#إنتقام_عاشق.
.
.
الحلقه السادسه عشر❤.

‏"إن كنتُ سأخوض يوماً معركة ما فإنك معركتي و عراكي..جيشي و درع حمايتي من أعدائي و إنك إنتصاري
ولو هُزمت فأنت ألذّ إنهزاماتي🖤"

ظروف الحياه أحيانا ماتكون أقسي علينا من تصرفات البشر .

كانت أمل قاعده بدارها ودموعها ع خدها وتفكر بتفاصيل الحياه اللي تعاني فيها ..مسكت فونها وفتحاته وتفاجئت بالكم الهائل من الرسائل اللي واصلتها من وليد ..مسحت دموعها وقررت تتصل عليه وبأول ما رن فونها.

وليد بلهفه:-
ألو أمل .

أمل:-
اهلين وليد ..كيف حالك .

وليد:-
انا مش باهي ياأمل ...وينك شغلتيني عليك.

أمل :-
أحم...لا مافي شي غير تعبانه شوي الحق

وليد:-
خيرك شن في لابأس عليك أموله.

أمل:-
لا ولا شي غير شويه برد بس

وليد:-
ألف سلامه عليك غاليتي ...طيب ليش مسكره فونك والله من بدري قلبي نار عليك.

أمل بإرتباك:-
لا..ااحم غير الباين فاصل شحنه وماانتبهت عليه كنت راقده.

وليد بشك:-
أمل فيك شي .

أمل ودمعتها خانقتها:-
لالا مافي شي ...هو هذا وصلوني مسجاتك قلت نطمنك ومشكور بجد هلبا.

وليد بزعل:-
ماف شكر بيناتنا ياأمل معقوله .

أمل :-
طيب اوك ...نشوفك بكرا ان شاء الله .

وليد:-
تمام ..ديري بالك ع روحك .

أمل :-
ان شاء الله ...تصبح ع خير .

وليد:-
تلاقي الخير ..سلام.
.
.
عند سيف :-
كان فرحان بعد مابلغاته بسمه بموافقه أهله وقرر يمشي عند سهيله أخته ...خذي لصغار أخته حاجات .

بعد فتره وصل لحوش سهيله نزل وضرب الجرس ..فتحله حمزه.

سيف:-
السلام عليكم .

حمزه:-
وعليكم السلام ورحمه الله ...اهلا اهلا .

سيف:-
شن الجو

حمزه؛-
الحمد الله تمام ...شن جوك انت عزيزي .

سيف:-
الحمد الله فل الفل ..ان شاء الله غير ماتعشيتوش.

حمزه:-
لالا ...جيت وربي جابك نحصلو عشب ف جرتك اختك تتبكبك مش مدايرتلي عشي .

سيف:-
هههه تستاهل ..بس ولايهمك جايب معاي لحم خاطرني ف شوى .

حمزه:-
اقسم بالله احسن واحد انت ...خش خش.

خش سيف وقعد ينادي ع سهيله .

سهيله:-
اهلا بحبيبي الغالي ...زارتني البركه.

سيف بفرحه:-
شن الجو.ياقلبي .

سهيله:-
الحمد الله....امم وانت شن جوك الفرحه باينته ف عيونك قولي شن في.

سيف:-
ع طول فاهمتني...ياستي فرحان لأن بسمه حكت مع أهلها وحددت موعد معاهم عشان نمشو نخطبوها

سهيله بفرحه قربت عليه وحضناته:-
الف الف مبروك حبيبي ...وأخيرا الحمد الله .

حمزه:-
مبرووك يابونسيب ...ربي يتمم ع خير ان شاء الله.

سهيله:-
معناتها لازمنا طلعه ناخذو حاجات ضروريه للمشيه

سيف:-
الفلوس عندك وخوذي اللي تبيه كله.

سهيله:-
ياعيني حتي هيا بسمه.

سيف:-
ع اساس انا قفاص قبل...المهم جايب لحم خاطرني نديرو شواء ف الجنان نحس ف شهيتي مفتوحه ع الاخر .

سهيله:-
تمام معناتها جهزو الفحم ...وخلي نحضر الحاجات بالمطبخ ونلحقكم .
.
.
.
عند محمود :-
كان قاعد زي العاده ف سهراته المشبوهه والمعتاده ..وكان يشرب بغيض .

قرب منه عادل صاحبه ؛-
ياسرك يامحمود من الشرب من بدري مابطلتش.

محمود وهو ماسك الكاس ويشرب:-
خليني نحس ف روحي بنتفجر.

عادل :-
ليش شن ف ..صاير معاك شي

محمود:-
ف غيرها هيا ..نحس ف نار بتاكلني .

عادل:-
انا مش عارف ليك قداش عام مطلقها شن خطرها عليك توا .

محمود:-
انا بعمري مانسيتها وكبدي عليها دم ...بعمري ماحد رفضني والا حسسني اني مانسواش زي مادارت هيا .

عادل:-
ياسر فيها ماجاها منك يامحمود ..خليها ف حالها .

محمود :-
اخ بس لو نعرف شن صار ف هذيكا الليله كيف كنت بنشفي غليلي منها .

عادل بإرتباك وحاول يغر الدوه:-
شن جو الشغل معاك .

محمود:-
فل الفل...الشحنه نستلمها الاسبوع الجاي .

عادل:-
تمام ..ع خير .

محمود:-
خليني نعدل مزاجي توا مش وقت شغل..تمشي معاي والا زي عادتك تنعج خايف من المدام.

عادل:-
نمشي وين .

محمود غمزله :-
للشقه ..عند هنادي.

عادل:-
لا ياشيخ الله يسترك ...اللي عندي سادني مش محتاج احرام أكثر

محمود :-
ههههه مش قتلك خايف من المدام ..ياعمي جدد وانت من وقت ماأدبست ف اللي عندك ماعاد غيرت.

عادل:-
خليني بالحلال ومانبدل بالحرام .

محمود وقف وهو يترنح:-
مش قتلك من يومك وجه فقر ...خلي نمشي انا امالا ...تشاو توا.

عادل:-
ربي يهديك ..سلامتك .
.
.
الصبح الساعه 9:-

عند سيف:-
وصل للشركه ...وأول مادخل صبح ع هبه وبعدها دخل لمكتب بسمه .

سيف:-
صباح الفل حبيبي .

بسمه بأبتسامه:-
صباح النور والسرور .

سيف بإبتسامه:-
أنا أسعد انسان بالدنيا عارفه.

بسمه:-
ياارب ع طول...امم بس شن سر هالسعاده .

سيف:-
معقوله مش عارفه .

بسمه:-
انلا.

سيف:-
ياستي عشان بعد أيام حبيبتي ونور عيوني وحلم حياتي رح تصير ملكي.

بسمه بخجل:-
حتي انا فرحانه تصدق ..وع قد مافرحانه خايفه .

سيف قرب منها :-
ليش الخوف ياعمري .

بسمه:-
نعرفش سيف خايفه يصير شي وماتم فرحتنا.

سيف:-
ماتخافي دامني معاك ...صدقيني هالمره مش رح نضيعك من يدي ورح نواجه الدنيا كلها ع شانك .

بسمه :-
ان شاء الله خير حبيبي..المهم نبي نفكرك ان اليوم عندنا اجتماع ع الظهريه .

سيف:-
ايه فكرتيني ..خلاص ع الظهريه نحضرو الاجتماع وبعدها عازمك ع الغدي شن رايك.

بسمه :-
وانا نقدر نقولك لا .

سيف:-
خلاص متفاهمين حبي .
.
.
عند وليد :-
كان قاعد بمكتبه ع نار ويستني ف أمل امتي توصل ...شوي وطلع وتفاجئ بيها كانت قاعده بمكتبها .

وليد :-
صباح الخير.

امل وهيا تحاول ماتشوف بعيونه:-
صباح النور أستاذ وليد.

وليد بإستغراب:-
أستاذ!!!...احم كيف حالك اليوم.

امل :-
الحمد الله احسن ..تسلم.

وليد:-
امتي جيتي للشركه .

امل :-
مش من فتره متع 10 دقايق هكي .

وليد:-
وليش ماجيتي لمكتبي وطمنتيني...مش عارفتني نستني فيك.

امل بتهرب:-
قلت مرات مشغول والا حاجه.

وليد بشك:-
امل خيرك ..قوليلي فيك شي ليش تصرفاتك متغيره.

امل :-
لا عادي ماف شي ..شويه تعب بس مش اكثر.

وليد اضايق من طريقه كلامها وتعاملها معاه :-
خلاص تمام براحتك عن أذنك ودخل لمكتبه.

امل دموعها نزلو "سامحني ياوليد ماف الا هالحل ..نحن مش لبعضنا ولازم نحط حد للشي اللي بيناتنا قبل مايبدأ" ومسحت دمعتها وقعدت تكمل ف شغلها.

.
.
.
عند فاتن :-
كانت قاعده ف دارها وبتموت من غيضها وخصوصا ان بوها حجزلها ع طياره الخميس.

أنا لازم ندير حل ...مستحيل نخلاها تتنهني وتعيش حياتها وانا ننطرد عشانها .

مسكت فونها واتصلت ع حامد من جديد.

فاتن:-
الو حامد كيف حالك.

حامد:+
اهلا اهلا ...توين غاطسه مادوري فيا الا بوقت المصالح.

فاتن:-
ع اساس انت تخدم فيا لله ...عموما انت وين.

حامد:-
وين ماتبيني تلقيني .

فاتن:-
باهي نبي نشوفك ضروري .

حامد:-
انا حاضر ...وين تبي نتلاقو وامتي.

فاتن:-
شوف امتي يساعدك وبلغني .

حامد:-
تمام ...انظم اموري ونحاكيك ..سلام.

فاتن:-
سلام.

"حسابك عندي يابسمه ...انا.نعرف كيف نردهالك ".
.
.

عند ولاء:-
بعد ماكملت دوامها بالكليه مرت ع سيف بالشركه .

سألت ع مكتبه وطلعت بالأسانسير وبعدها دخلت لمكتب هبه كانت قاعده مع بسمه ويشربو ف قهوتهم.

ولاء :-
صباح الخير .

هبه وبسمه:-
صباح النور ياهلا .

ولاء:-
سيفو موجود.

هبه بإستغراب :-
عفوا من نقوله.

ولاء:-
قوليله ولاء.

طبعا بسمه بهاللحظه ملامح وجهها تغيرت وضايقت من كلام ولاء .

هبه :-
تمام ..استريحي شوي لعند نحكيه .

ولاء:-
اوك .

حكت هبه مع سيف وعطاته علم بجيه ولاء ودخلتله

سيف:-
اهلا بسنفورتي .

ولاء:-
سيغو ياقلبي ...كيف حالك.

سيف:-
تموم كيف حالك انتي

ولاء:-
تمام ..كيف مروحه من الكليه فشلانه .

سيف؛-
ربي يعاونك وبالنجاح ان شاء الله غزالتي .

ولاء:-
يارب...جيت عشان نشوف مكتبي .

سيف:-
اها حاضر ادللي ...بس قبلها نبي نعرفك ع بنوته عسل.

ولاء:-
احلف ..وينها ومن هيا وشن اسمها.

سيف:-
يالطيف ع طول بصلتك شايطه ...تعالي معاي ومسكها من يدها.

طلع من المكتب ومشي لمكتب بسمه ...كانت بسمه قاعده بمكتبها وميته غيره وتفكر ف ولاء من هيا وشن تكون لسيف .

بهاللحظه دخل سيف وكان ماسك يد ولاء وقفت بسمه بصدمه .

سيف :-
ويلو نعرفك ...حبيبتي وخطيبتي وزوجتي المستقبليه بسمه.

ولاء بفرحه:-
كذاب ...احلف أخيرا درتها وبتتزوج ياخاين ماقلتلي .

وقربت ع بسمه وحضنتها .

بسمه كانت تشوف لسيف ومش فاهمه شي ..ابتسم سيف :-
المجنونه هذه ولاء أخت وليد وأختي اللي ماجابتها أمي .

بسمه بهاللحظه حست بالراحه وأبتسمت:-
اهلا وسهلا بيك...تشرفنا .

ولاء:-
ياهلا فيك...وتلفتت ع سيف .
"حلاتها تهبل ...اخيرا رح يكون عندي مرت خوي حلوه وحق ربي فرحانه انا ".

بسمه بإبتسامه:-
تسلميلي والله انتي اللي حلاتك من جد.

ولاء:-
تعرف انت حسابك مش توا ....يعني انا لو ماجيت تراك ماعرفتني علاها ولا حكيتلي.

سيف:-
ياوجع راسي ...ياغبو ماهو بنرفعك معاي للخطوبه واساسا انا كنت جايكم الليله نبي عمي منصور بموضوع وبالمره بنعطيكم علم.

ولاء:-
تي باهي باهي صدقتك .

قعدت تهدرز ع بسمه شوي وبعدها مشت مع سيف عند وسيم عشان يعرفها ع مكتبها بأعتبار بتشتغل معاه.
.
.
عند وليد:-
كان قاعد بمكتبه ومش طايق نفسه ومضايق من أمل وطريقة كلامها معاه الصبح .

ناض من مكتبه وطلع لقاها ع حالها :-
شن قاعده اديري .

أمل :-
عندي شويه اوراق نطبع فيهم متراكمات من امس.

وليد:-
خلك منهم توا ...وخلينا نمشو نتغدو وبعد مانرجعو كمليهم.

امل من غير ماتشوفله:-
لالا صحتين مش خاطري .

وليد:-
بس انتي ماكليتي شي من الصبح ..ولازم تاكلي عشان تشفي وجسمك يقاوم.

أمل :-
بعد نروح تو ناكل.

وليد:-
امل بالله عليك خيرك صاير معاك شي تبيش تحكيهولي.

أمل بتهرب:-
لا ماف شي شن بيكون صاير يعني.

وليد:-
باهي خيرك امالا من وقت ماجيتي وانتي ماحكيتي معاي حتي كلمه ..ونحكي فيك تعاملي فيا برسميه وماتبي تشوفي حتي بعيوني.

أمل :-
نحن بشغل ولازم نتعاملو برسميه بمكان الشغل هذا ليش .

وليد شافلها بصدمه:-
اها ..تمام عندك حق ...اسف عن أذنك وطلع سيبها .
.
.
بالليل الساعه 10:-
عند سيف :-
بعد كمل شغله بالشركه ...مشي عند حوش وليد .

وصل للحوش وضرب الجرس فتحتله ولاء:-
اهلا بالحامل والمحمول شن جايبلي معاك.

سيف:-
نحي من قدامي من قالك جايبهولك انتي.

ولاء؛-
حتي مش ليا.بناخذه.

سيف:-
وين ماما فوزيه والافطح خوك وين .

ولاء وهيا تفتش ف الاكياس -
ماما بالمطبخ تحضر ف العشي....ووليد بداره من وقت ماجي وهو تقول بكره ميت خش لداره ماعاد طلع

سيف:-
واللواء منصور وين.

ولاء:-
بالجنان قاعد.

سيف:-
شن مدايرين عشي ياحصله.

ولاء:-
ماما مدايرتلك عصبان ومحشي.

سيف:-
وحق ربي ماما فوزيه احسن وحده ...خلي نشوف وليد ونجيك .

مشي لدار وليد خبط ع الباب .

وليد:-
مانبيش نتعشي خلوني ف حالي.

سيف فتح الباب -
من قالك انادو فيك ع العشي اصلا.

وليد تلفت عليه:-
او سيف ...سامحني نحسابك الخرا ولاء.

سيف قعد بجنبه:-
ولاء حبيبتي دير بالك نرضاش فيها.

وليد:-
أشبع بيها ربي يعقد عسلكم.

سيف:-
لا عسل لا مربى...المهم قولي خيرك مش ع بعضك.

وليد -
شي ...مضايق شوي بس.

سيف:-
ايه عارفك مضايق...شن اللي مضايقك .

وليد:-
ضغوطات بالشغل.

سيف:-
بلاش جو فكارين ع اساس مانعرفك ...احكي شن في.

وليد تنهد وشافله :-
امل نعرفش خيرها متبدله عليا من أمس.

سيف:-
كيف متبدله مافهمت.

وليد:-
نعرفش ...تعامل فيا برسميه وتغيره معاي ونسأل فيها نقوللها خيرك تقولي لا تعبانه شوي.

سيف:-
بلكي عندها مشاكل ف حوشهم والا حاجه ...خلاها براحتها تو تحكيلك.

وليد:-
نعرفش ياسيف حاس بدماغي بينفجر .

سيف:-
لالا تعوذ من الشيطان ...ماف الا الخير ..بكرا.تهدى وتلقاها امورها طيبه ان شاء الله.

وليد:-
ان شاء الله خير.

سيف:-
افردها يارجل..انا جاي بنتعشي عندكم وبنعزمكم ع خطوبتي وانت قالب وجهك.

وليد بفرحه:-
قول والله احلف اخيرا قررت ...من وكيف وامتي.

سيف :-
عيب عليك تسأل من ..ف غيرها وخبط ع صدره جهة الوشم.

وليد :-
كذاااب ...كيف صار مش فاهم شي راني.

سيف:-
خلي نشوف الحنونه اللي مدلعتني بالعشي ونشوف اللواء عندي معاه هدرزه وبعدها نهدرزلك بالتفصيل.

وليد:-
خلاص تمام..شوف امورك مابين دوشت وبعدها تحكيلي كل شي بالتفصيل.

سيف وقف:-
تم ياببرو عن أذنك.

طلع سيف ودخل للمطبخ سلم ع فوزيه وقعد ينابش فيها هو وولاء وبعدها طلع عند منصور بالجنان.

سيف:-
السلام عليكم عمي منصور.

منصور وقف وحضنه:-
اهلا اهلا بوليدي الغالي زارتنا البركه .

سيف :-
البركه فيك والله...كيف حالك وكيف صحتك .

منصور:-
الحمد الله كيف حالك انت وشن مداير

سيف:-
الحمد الله والله...جو الخدمه والانشغالات.

منصور:-
ربي يعاونك ..وامتي ناوي تعول وتفرحنا بيك.

سيف:-
والله كأنك قاريني ...كيف بنقولك أني ناوي نخطب ان شاء الله الخميس وطبعا انت بوي ويشرفني انك انت اللي تخطبلي.

منصور:-
مبارك مبارك ياولدي ...ريي يتمم ع خير واكيد ساعه بركه يوم اللي نخطب لولدي ..

سيف:-
الله يبارك فيك يارب ..والعقبه لوليد ولولاء.

منصور:-
ف ساعه طيبه ان شاء الله...صار هذا الموضوع اللي قتلي عليه تبيني فيه.

سيف:-
لا والله انا الحق الموضوع اللي نبيك فيه شي تاني.

منصور:-
ان شاء الله خير شن في .

سيف :-
بصراحه انا نبيك ...
.
.
#يتبع

برايكم شن رح يصير وفاتن ع شن ناويه وشن رح يصير ف أمل .

بأنتظار توقعاتكم وتفاعلكم.

تحياتي أختكم وصديقتكم.

#zezo_a_saad❤🌹

[فيتامين سي]

#إنتقام_عاشق
.
..
الحلقه السابعه عشر.

"مهما حاولنا أنكار الحقيقه سيأتي يوم لتشرق شمسها وتزيل ظلام ستارنا الكاذب" أنطونيو غاتسي 📝✏.

كان سيف قاعد هو واللواء منصور بالجنان ويحكو مع بعض

منصور:-
إيه ماقتلي ياسيف شن الموضوع المهم اللي قتلي رح تحكيني فيه.

سيف:-
بصراحة ياعمي منصور هالموضوع يتعلق بطليق البنت اللي رح نخطبها

منصور:-
من يكون وخيره وضحلي أكثر.

سيف:-
الشخص اللي نحكي عنه أسمه محمود الهاشم ..وع حسب مافهمت من خطيبتي انه مش نظيف يعني الباين عنده ف المشبوه وقلت مافي غيرك يساعدني بحكم طبيعه شغلك .

منصور:-
سيف من غير لف ولادوران قولي انت ع شن ناوي.

سيف:-
من الاخر هالشخص حرقلي قلبي سنين ونبي نردله الوجع أضعاف

منصور:-
اها ...تمام فهمت...عطيني كم يوم وشوف برنامجه شني ونرد عليك.

سيف:-
تمام ياحضره اللواء متفاهمين .

ولاء من الصاله:-
بابا سيفو العشي جاهز تعالو

منصور ؛-
يلا ياعريس نوض .

وخشو وقعد سيف يتعشي ويسهر عندهم.
.
.
.
عند بسمه:-
بعد كملت شغلها ..قررت تمشي عند مروه صديقتها تزورها .

وصلت عند حوش مروه..وضربت الجرس ..شوي وفتحت مروه

بسمه بإبتسامه:-
مساء الفل والياسمين.

مروه بزعل:-
مساء النور ...باهي اللي تفكرتيني وخطرت ع بالك.

بسمه حضنتها :-
ولا تزعلي مني ..والله حقك عليا .

مروه:-
امم زي كل مره كوليني بالدوه وخلاص .

بسمه :-
ولو قتلك ان عندي اخبار حلووة ورح تفرحك.

مروه :-
يلا قولي نعرف قبل وبعدها نشوف نسامحك او لا.

بسمه بفرحه:-
سيف جاي يخطبني نهايه الاسبوع.

مروه بصدمه:-
كذاابه.

بسمه والضحكه بعيونها:-
والله بالحقه .

مروه حضنتها بقوه ودموعها نزلو:-
مبروووك ياعمري مبرووك الف الف مبرووك واخيرا يابسمه الحمد الل يارب الحمد الله.

بسمه :-
شفتي يامريوتي اخيرا ربي جبر بخاطري.

مروه وهيا تبتسم وتمسح ف دموعها:-
ياهبله انتي طيبه وتستاهلي كل خير واكيد ربي رح يعوضك ..المهم خشي خلي نحضر قهوه وتحكيلي شن صار من أول شي لأخر شي .

بسمه بمزح :-
اووف يافضوليه .

مروه وهيا داخله للمطبخ:-
طبعا ..وديري بالك تنسي ولو تفصيل صغير .
.
..
.
عند أمل :-
كانت قاعده بدارها وحزن الدنيا فيها ...ماسكه فونها وتشوف ف مسجات وليد ومش راضيه ترد عليهم .

"أمل لو سمحتي ممكن تردي عليا"

"أمل بس طمنيني عنك ممكن".

"أمل والله حاس ان في شي ..بس قوليلي شن في وريحيني ".

أمل كانت تقرأ في كل هالمسجات ودموعها ينزلو ومش قادره ترد عليهم ...شوي وخش علاها بوها خبت فونها تحت الوساده.

الصادق:-
لعند امتي بتقعدي قالبه وجهك هكي ...شن اللي جد عليك ليك سنين وانتي متقبله هالحياه .

امل:-
مليت من هالدور ..كبدي فدت نبي نعيش حياتي لعند امتي بنقعد نساير فيك.

الصادق:-
لعند نتأقلم وياننسي انا ياتنسي انتي.

أمل :-
بابا حرام عليك اللي ادير فيه ...انت انسان مسلم وعارف هالشي حرام ..هو الله يرحمه هذا اجله ويومه شن ذنبي انا نعيش حياته.

الصادق دموعه نزلو:-
ذنبك انك اخته ...وهو مات وانتي عشتي ولازم تكملي احلامه اللي ماقدر يكملها لان ..لان الموت خذاه.

أمل بدموع:-
بس احلامه تبي راجل يكملها وانا بنت يابابا بنت أرجوك اصحي ع حالك.

الصادق بعصبيه:-
لا فاهمه وقصي هالكلام ودير اللي قلتلك عليه ماعاد في نقاش فاهمه.

أمل :-
حرام عليك والله حرام الظلم.

الصادق:-
قلتلك سكري فمك ماتخليني نمد ايدي عليك...ولوحي هاللبس احسنلك قتلك ماعاد تلبسيه نبي نشوفه فيك فاهمه .

أمل :-
ربي يهديك ويصبرني ...وانهارت بالبكي بعد ماطلع بوها وخلاها بروحها .
.
.
تسريع ف الأحداث:-
مرو يومين ع أبطالنا وماف شي جديد نفس الروتين اليومي .

أمل ع حالها مع وليد ...وبسمه عايشه السعاده وتجهز ليوم خطوبتها...وسيف يخطط شن بدير لمحمود ...وولاء بدت شغل مع وسيم وزي الفار والقطوس هيا وياه ...وفاتن كانت زي المجنونه وتحاول تماطل عشان تأجل سفرها وتلين راس بوها عليها .
.
.
الصبح الساعه 10 :-
كانت فاتن قاعده بالكافي تستني ف حامد لعند وصل .

فاتن :-
طيب فيك اللي وصلت ..ساعه وانا نستني.

حامد:-
تي باهي صبح وانتي مصدعتلي راسي من بكري الزفت .

فاتن:-
ماعنديش نيه نتعارك معاك ...اقعد نقولك شن نبي عشان مستعجله عندي موعد.

حامد:-
قعدنا ..هيا قولي شن تبي.

فاتن:-
عندي ليك خدمه بس نبيها ع النظيف وتاخذ علاها قداش ماتبي .

حامد:-
يعجبني النظيف...وشن هيا الخدمه .

فاتن :-
ف وحده نبي تزيحها من طريقي.

حامد :-
مافهمت وضحي أكثر .

فاتن:-
يعني تخلصني منها...وقداش ماتبي تاخذ .

حامد ؛-
شن هالاجرام ع الصبح ...تي خيرك أنتي الزفت.

فاتن:-
بدير اللي قتلك عليه والا نشوف غيرك .

حامد :-
شوي شوي ...باهي كيف تبيني نتخلصلك منها مافهمت.

فاتن:-
حامد بلاش غباء ..هالشي مخلباته عليك المهم تصير ف خبر كان .

حامد :-
امم والمقابل.

فاتن :-
كم تبي من الاخر .

حامد :-
مش أقل من 250 الف

فاتن بصدمه:-
انت هاي ...شن تحساب روحك بتقتل رئيس دوله .

حامد:-
الجريمه جريمه سواء لرئيس دوله والا حتي لكناس ..شن قلتي موافقه والا لا.

فاتن:-
حسبي الله فيك ياحامد ...خلاص موافقه

حامد :-
خلاص تم متفقين ...عطيني اسمها وامتي تبي انفذ والاهم الفلوس كاش وحاضر .

وقعد حامد يتفاهم مع فاتن .
.
.
.
عند وسيم:-
كان قاعد بمكتبه لعند دخلت عليه ولاء .

ولاء:-
صباحوو.

وسيم:-
صباح النور ...ياهلا .

ولاء:-
اهلين فيك .

وسيم:-
جايه بدري اليوم علي غير عاده.

ولاء:-
ماعندي محاضرات مهمه كنسلت الكليه وجيت ع طول للشركه .

وسيم :-
امم باهي كويس ..تعالي في مشروع قاعد نشتغل عليه ..شوفي كيف الاساسيات رح تستفيدي منهم.

ولاء:-
طيب اوك ...بس بالاول جايبه معاي كابتشينو وكريب ..جبتلك معاي نفطرو قبل وبعدها نشتغلو شن رايك.

وسيم:-
تمام اوك ...يسلمووو .

ولاء:-
عشان شن !!

وسيم:-
لأنك جبتيلي معاك كابتشينو .

ولاء:-
ههه قصدك انت مفكر هالشي لله.

وسيم :-
كيف يعني مافهمت .

ولاء:-
يعني الكابتشينو مش ببلاش ...انا حسبتك ف الفطور وانت بتغديني 😜.

وسيم:-
مستحيل انتي يابنتي ...صحة وجه عندك مش طبيعيه ..مافيش شي لله.

ولاء وهيا ماسكه الشوكه وتاكل ف الكريب:-
طبعا أكيد حتي العقرب تلدغش ببلاش .

وسيم شاف الشوكلاته نازله بجنب شفايفها أبتسم بخبث وقرب علاها .

ولاء بإستغراب:-
شن ف يامواطن ..خيرك.

وسيم طبس علاها وقرب منها ومرر صوابعه ع شفايفها بتعمد ومسح الشوكلاته:-

امم بلاش تاكلي وتبلبزي زي العيله الصغيره.

ولاء تجمدت بمكانها ووجهها قعد أحمر وماعرفت شن ترد.

وسيم:-
ههههه اهدي راك تنجلطي ..بعدت خلاص ع اساس لسانك طويل من شوي .

ولاء وقفت ومسك كنيلكس وقعدت تمسح :-
وسيم

وسيم وهو يشرب ف الكابتشينو:-
امم ..شن تبي يافرخه.

ولاء:-
عندك علم انك تافه بكميه مش طبيعيه .
وسيم:-
ههههههه عارف ...أنطمري خلي نشتغلو .
.
.
.
عند وليد :-
كان متعصب ويستني ف امل امتي توصل وقاعد بمكتبها ..شوي دخلت أمل ولقاته قاعد ع مكتبها.

امل من غير ماتشوفله :-
صباح الخير .

وليد وقف:-
صباح النور...خيرك متأخره.

أمل حطت شنطتها:-
أسفه فقت مأخره

وليد وقف بعصبيه وقرب منها :-
ليش ماتردي ع المسجات ...وبعدها تسكري ف فونك اول ماتروحي من الشغل.

أمل :-
عادي ماف شي .

وليد مسكها من يدها بغضب ودخلها لمكتبه وسكره بالمفتاح.

أمل وهيا تحاول تفتح الباب:-
انت شن قاعد ادير ...حول مايصير هالشي .

وليد قرب علاها:-
مش رح تطلعي من هنا لعند تفهميني شن في .

أمل وخرت بخطواتها وعطاته ضهرها:-
نفهمك شني مافهمت .

وليد وقف قدامها:-
ليش تصرفاتك تغيرت معاي ...ليش بديتي تتجاهلي فيا.

امل:-
ليش لحتي نتجاهلك ..اساسا ماف شي بيناتنا عشان نتجاهلك.

وليد بعصبيه مسكها وقربها ليه:-
كيف ماف شي ...وهذا "حط يدها ع قلبه" شن اندير فيه.

امل وهيا حاسه روحها رح تنهار:-
وانا شن دخلني مافهمت.

وليد مسكها من كتافها وضغط عليهم وعيط بوجهها:-
كيف شن دخلك...انتي عارفه اني نحببك هذا شن علاقتك نحببك سامعه نحبك .

أمل حاولت تتملص من بين ايديه:-
ابعد عني مايصير هالشي...انا مابعمري لا عشمتك ولا قتلك نحبك .

وليد بغضب :-
كيف يعني ...واللي تفاهمنا عليه واننا نعكو لبعض فرصه هذاكا شني .

أمل :-
أنت قلت هكي انا ماقلت .

وليد بعصبيه خبط رجله بالطاوله لعند أنكسرت وبدت رجله تنزف "نفسها اللي انضرب علاها بالسياره":-

ليش ياأمل ليش..فهميني انتي في حد بحياتك غيري.

أمل دموعها نزلو وقربت منه بخوف :-
وليد...وليد رجلك .

وليد اول ماقربت منه تباعد:-
ماتلمسيني فاهمه ...أنا الغبي والحيوان اللي عطيتك مشاعري وعيشت روحي بالوهم.

أمل بإنهيار:-
لا تقول هكي وليد ...الغلط فيا مش فيك ..
وليد وحياتك اقعد عشان نشوف رجلك .

وليد بعد عنها بقوه وبهاللحظه حس بألم برجله:-
ااه ...قلتلك بعدي عني ولاتلمسيني .

أمل بهاللحظه أنهارت وماعاد قدرت تتحمل ودخلت ف هستيريا:-

لا تزيدها عليا ...ماتكون زيهم ..وقعدت تخبط فيه بيدها ع صدره ..حرام عليكم حتي انا انسانه ونحس تبي تعرف ليش متغيره ها تبي تعرف ووخرت عليه

ونحت وشاحها "شايف شايف ...انا ولد هذه حقيقتي هذا بوي كيف يبيني كيف يبي يطمس روحي حرمني حتي من شعري شفت ".

وليد كان واقف يشوفلها ومصدوم ..

فتحت بطمه بلوزتها "شفت رقبتي كيف صوابعه قاعدين مبينين فيها ..ههههه تخايل حاول يخنقني بس لاني قتله انا أمل مش أمجد ..تبي نوريك باقي العلامات والا كافي ".

وليد قرب علاها وحضنها بقوه :-
اشش اسف حبيبي اسف بس أهدي .

أمل بدموع:-
أنا ماناسبك ياوليد ...حياتي مش ليا عشان تكون ليك ..انا صح عايشه بس بالواقع ميته".

وليد وهو يبوس ع راسها ويحطلها ف الوشاح عليه:-
مش صح ..انتي عايشه ..عايشه بقلبي وروحي ونفسي اللي نتنفسه ..انتي اجمل أنثي شافتها عيني سواء بشعر او من غيره فاهمه.

أمل هدت شوي :-
تعبت وليد تعبت من كل شي...بخاطري نهرب من كل هالدنيا ونعيش بغير عالم.

وليد يحاول يلطف الجو'-
وانا لمن بتخليني يافالحه.

أمل :-
انت رح تلقي البنت اللي تناسبك وتستحقك .

وليد بعد علاها:-
وانا مانبيش غيرك..نبي جواب لسؤال واحد بس أمل سؤال واحد.

أمل :-
نحبك ايه من غير ماتسأل وليد ..وكل يوم نحبك اكثر وهالشي يعذبني أكثر لأني عارفه اننا مش لبعض.

وليد حضنها بقووه :-
انتي ليا ومش رح نتخلي عنك فاهمه.

أمل كانت تحضن فيه بقوه وكأنها تحاول تهرب من واقعها :-
ممكن تخليني نشوف رجلك يامجنون.

وليد همس بوذنها:-
ممكن ..بس بشرط.

أمل :-
شن هالشرط.

وليد :-.
توعديني لو مهما صار ماتتخلي عني.. واي شي يصير معاك تحكيه ليا ع طول ونحلوه مع بعض

أمل شافت بعيونه :-
رح تتحملني وتتحمل ظروفي وليد .

وليد حاوط وجهها بايديه :-
رح نتحمل صدقيني ومش رح نتخلي عنك ..ورح نلاقى حل لهالقصه وعد .

أمل :-
نحبك وليد نحبك.

وليد:-
وانا نموت فيك ياروح وليد.
.
.
.
عند بسمه :-
كانت قاعده بمكتبها ووسيف طالع عنده جوله ...شوي وسمعت صوت أكثر واحد بتكرهه.

محمود :-
صباح العسل ياعسل.

بسمه وقفت بخوف:-
انت شن ادير هنا ..امشي اطلع برا.

محمود:-
اهدي ياقلبي احسن تجيك الجلطه...استاحشتك قلت نجي نشوفك ...وقرب بخطواته
"امم والا القمر عنده مانع".

بسمه سحبت فونها واتصلت ع سيف من غير ماينتبه محمود .

بسمه :-
أمشي من هنا محمود ...انساني وخليني نعيش حياتي.

محمود قعد وحط رجل ع رجل :-
امم مازال بخاطري نقضي معاك يومين حلوين زي زمان وبعدها نخليك بحالك شن رايك.

"طبعا سيف كان فاتح الخط ويسمع في كل شي ..وركب بسيارته وشياطين الدنيا براسه ومش شايف شي".

بسمه :-
اطلع برا يامحمود ماتخليني نلم عليك اللي بالشركه كلهم.

محمود :-
لاه لاه خوفتيني ..عموما انا بس حبيت نشوفك ونكحل عيوني بمرأك ..وهذا مش رح يكون اخر لقاء ياعسل .

بسمه :-
واطي ورح تقعد طول عمرك واطي.

محمود وقف :-
ياحليلي ع اللي يخربش..
سلام ياعسل.
.
.
بعد 10 دقايق وصل سيف ...دخل يجري لبسمه :-
الحيوان هذا لمسك ..دار فيك شي

بسمه قربت عليه بلهفه وحضناته :-
الحمد الله انك جيت..انا خايفه سيف.

سيف بعصبيه:-
ماتخافي انا اليوم رح نحط لهالوسخ حد.

بسمه بخوف:-
شن قصدك سيف مافهمت.

سيف بعدها عن حضنه :-
رح تعرفي ...وطلع يجري .

حاولت بسمه تلحق عليه بس ماقدرت.

.
.
عند وسيم :-
كان قاعد مع ولاء بالمكتب ومنسجمين بالشغل شوي وانفتح باب المكتب .

بسمه وهيا تلهث:-
وسيم ..وسيم ارجوك الحقه.

وسيم وقف وقرب علاها:-
اهدي يابسمه ..وفهميني شن في .

بسمه:-
ماف وقت ..الحق سيف طلع زي المجنون ماشي لعند محمود والشر بعيونه.

وسيم :-
كييييف ...تمام تمام اقعدي انتي بس وطلع يجري .

ولاء كانت تسمع ف كلام بسمه واتصلت ع وليد وبلغاته بكل شي وطلع حتي هو لحق سيف.
.
.
عند سيف :-
كان زي المجنون يسوق ومش شايف شي

"اليوم موتك ع ايدي ياحقير ...مانقعدش راجل لو ماسحبت روحك.".

وصل عند شركه محمود واتصل عليه .

محمود :-
سيد سيف ياهلا.

سيف:-
اهلين فيك ...أنا قدام الشركه ممكن تنزل في مشوار ضروري نمشوه.

محمود :-
وين .

سيف:-
للمنتجع ..بخصوص الشغل.

محمود :-
تمام ..اسبقني وانا لاحقك.

بعد ربع ساعه :-
كان سيف واصل للموقع وسالب جاكيته ويستني ف محمود ..شوي وسمع خطواته تقرب .

محمود:-
اسف تأخرت عليك سيد سيف

سيف لف عليه ومن غير مقدمات هجم عليه ونزل فيه ضرب .

"ياواطي ياحيوان ..اليوم نشرب من دمك ..اليوم نقتلك وقعد يضرب فيه من كل مكان وهو مش واعي ولا حاس بشي ...وبعدها طيحه ع الارض وقعد ع بطنه وخنقه ".

سيف؛-
موت ياواطي موت .

بهاللحظه دخل وسيم وجي يجري عليه ..
سيف يامجنون انت شن قاعد ادير ..وحاول يفك ايديه من رقبة محمود.

سيف:-
فوتني ياوسيم ابعد عني هالكلب لازم يموت لازم.

وسيم :-
لا ياسيف هو مايستاهل تضيع نفسك عشانه .

سيف:-
قلتلك باعد عني .

بهاللحظه وصل وليد ومسك سيف من خصره وبعده عن محمود .

وسيم قرب من محمود وبصدمه:-
.....
.
.
#يتبع.

برايكم شن رح يصير ..هل هذه نهايه محمود...والا نهايه بسمه قربت ع ايد فاتن وشن رح يصير مع امل.

بأنتظار تعليقاتكم وأرائكم وتفاعلكم.

تحياتي أختكم وصديقتكم.
#zezo_a_saad😍❤