إنتقام عاشق، للكاتبة/ zezo_a_saad " ليبيه " ( مكتملة )

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( إنتقام عاشق )) للكاتبة/ zezo_a_saad قراءة ممتعة للجميع ...

[فيتامين سي]

رابط لتحميل الرواية هنــــــــــــــا

مساء الفل والورد جميعا ..كيف حالكم.
أول شي ؛-
صدقا وأمانه أستاحشتكم كلكم وأستاحشت كلامكم الحلو ودعمكم وأفكاركم وتوقعاتكم .
.
.
ثاني شي :-
نبي رايكم ومساعدتكم ..عندي روايه قاعده أفكار يعني مش مكتوبه لسه .
فكره الروايه هيا شاب جامعي حالته الماديه بسيطه يحب بنوته زميلته وعايشين قصه حب رائعه وبيوم ينصدم برساله منها تنهي كل شي بيناتهم ومن غير ذكر السبب والتوضيح ..كيف رح تكون ردت فعله وشن أسباب النوته اللي خلتها إدير هكي ..وياتري شن رح يصير وهل بيوم رح يتصلح كل شي بيناتهم وينتصر عشقهم من جديد والا رح تبدأ قصه الانتقام منها .

أنا أخترت إسم الروايه ورح يكون #إنتقام_عاشق .

الشخصيات الاساسيه والفرعيه ماخترتلها أسماء لسه .
.
.
الاهم ضروري نوضح كم نقطه:-
١/لهجتي ومصطلحاتي واسلوب كتابتي اكيد تعودتو عليه من رواياتي السابقه.
٢/المواعيد نحاول وهذا وعد مانقصر معاكم ..وبالمقابل تكونو صبورين معاي كلنا صحاب وخوات وخوت ونعرفو الظروف بالبيت والشغل والعلاقات الاجتماعيه وماالى ذالك .

٣/بالله عليكم أرجوكم رجاء خاص تعليقات متع هذه روايه خليجيه ومترجمتها روايه تشاديه هذه مش طريقه كلامنا وماإلي ذلك أرجوكم رجاء خاص نبيش نشوفها ف الكومنت وضحت من قبل ومازال نوضح عندي متابعات ربي يحفظهم من العراق وسوريا وتونس وغيرها وشهاده لله تجيني منهم رسائل ع الخاص وانا هذا أسلوبي لأن ننشر ف صحف خارجيه واللي يعرفني كويس يعرف هالشي عليا.

أخيرا وليس أخرا حبيت نقوللكم وهالشي ع طول نقول فيه حتي مع نفسي نحبكم هلبا لأنكم داعمي الاول والاخير وسر تألق قلمي وكتابته ومن جد نفرح بتشجيعكم وكلامكم وتعليقاتكم اللي تعطي فيا ف حافز عشان نستمر .
صديقتكم وأختكم.
#zezo_a_saad🌹.

سوري سوري نسيت ملاحظه مهمه /
الصوره تمثل أبطالنا الاتنين ورح ندير تصويت ع الاسماء اللي رح تختاروها واللي رح تكون أكثر رح نختارها يلا حبايبي رايكم وتعليقاتكم .
#بااي😚😍

[فيتامين سي]

#إنتقام_عاشق.
.
.
نبذه:-


تبدأ القصه قبل عشر سنوات لما سيف كان جاي للكليه وهو مضايق وتعبان لأن بسمه"زميلته وحبيبته " ليها أسبوع مختفيه وماترد علي إتصالاته ولا جت للكليه وهالشي خلاه قلقان ومش عارف كيف يوصللها ولا يمشي لحوشها لأنه خايف يسببلها مشاكل مع أهلها.

حتي صديقاتها لما سألهم علاها جاوبوه بنفس الشي أنهم مستغربين غيابها وأن أغلب الوقت فونها مسكر.
.
.
كان سيف داخل للكليه وع أمل أنه يشوف بسمه أو يسمع خبر منها ..وفجأه سمع صوت حد يضبح عليه تلفت وكانت ليلي صديقه بسمه ..جواته فرح وكان متأمل ان في خبر ع بسمه سارع خطواته ومشي لليلي .

ليلي:-
صباح الخير سيف.

سيف:-
صباح النور ...ها طمنيني في أخبار عن بسمه..اسف اسف قبل كل شي كيف حالك سامحيني من لهفتي ع بسمه نسيت حتي الذوق والأدب.

ليلي بتوتر:-
لا عادي ولا يهمك ..الحمد الله وانت.

سيف بتنهيده:-
خليها ع الله ..كيف بيكون حالي بالله من اكثر من اسبوع وأنا زي الميت من غيابها.

ليلي قعدت تفرك ف ايديها ببعض كحركه توتر:-
احم ..اا سيف نبي نقولك شي.

سيف بإستغراب وخوف:-
خير ياليلي شن في ..بالله عليك قولي ماتخلعيني بسمتي😯 فيها حاجه .

ليلي وهيا منزله راسها:-
بصراحه نعرفش شن نقولك ..بس خوذ هالرساله من بسمه ورح تفهم كل شي .

سيف حس أن في شي وبيد ترتعش أستلم رساله بسمه من ليلي وأستأذن منها ومشي قعد ف الجردينه.

"يارب أنا ليش حاس أن في هالرساله شي رح يوجعلي قلبي..ليش ماني متلهف لفتحها ..وأساسا ليش بسمتي أختارت تبعتلي رساله بدل ماترد ع اتصالاتي ..يارب تلطف بيا يااارب ".

فتح سيف الرساله 📝 وكان محتواها.

"سيف لما تقرأ رسالتي هذه أنا رح نكون تزوجت من شخص تاني قادر يهتم بيا ويوفرلي حياة حلوة وكل اللي تتمناه أي بنت ف هالدنيا...سيف انا صح حبيتك بس الحياه مش بس حب وأشعار وكلام فاضي الحياه واقع ومايعيش فيها الغلبان والفقري .. نتمني أنك تسامحني وتنساني وتعيش حياتك ونتمنالك التوفيق ف حياتك ..مع السلامه"

التوقيع:بسمه✏.

ستوب:-
نعرفو بالشخصيات اللي رح ترافقنا بهالروايه .

بالأول نبدو بسيف:-
سيف الدين السلماني :-
طالب بسيط من عيله شبه ميسوره عمره 24 سنه ..يدرس سنه رابعه هندسه إتصالات ومعلومات ..إنسان بسيط خلوق حشومي.كل هدف ف الحياه أنه يكمل دراسته ويفرح أمه واخته اللي تعبو عشان يوصل لهالمرحله ..لأن سيف عاش يتيم الاب من وقت هو بعمر 10 سنوات بعد مابوه توفي بحادث سير وصدماته سياره وهو مروح من شغله وقاطع الطريق .

كان سيف يدرس ويشتغل وبيوم شاف زميلته بالكليه وكانت أصغر منه بسنتين كانت طالعه ومنهاره تبكي وبوسط ربكتها تعثرت وتشرتعو منها كتبها وأوراقها قرب منها وساعدها وبعجله منها طلعه ومانتبهت لفونها اللي طاح منها وقعد عند سيف ومن هنا بدت علاقه سيف ببسمه من زملاء لأصدقاء لأشهر ثنائي يعشقو بعض بكل الكليه .

نرجعو لعيله سيف:-
سهيله:-
أخت سيف وأكبر منه ب5 سنوات ع طول كانت تعامل ف سيف ع أنه ولدها مش خوها تخاف عليه أكثر من روحها تتمني أنها تشوفه بأعلي المراتب وعشانه أضطرت توقف دراستها الجامعيه وتشتغل عشان توفرله مصروف يكمل بيه قرايته وع قد ماكان هو يحب بسمه كانت هيا تحبها لأنها سر سعاده خوها ولانها إنسانه بسيطه وع طول تدعم ف سيف وتوقف بجنبه ف أقصي المواقف.

سهيله متزوجه من حمزه محامي شهم وخلوق وبعمره ماعايرها بعلمها او مستواها الاجتماعي كان يحترم فيها ويشوف في تضحيتها قدوه وعزوة حتي ليه لأن اللي تضحي عشان خوها اكيد قادره تضحي عشان زوجها .

سهيله وحمزه عندهم زوز صغار :-
ماريا وعمرها.6 سنوات وعبد الرحمن عمره 4 سنوات .

الحاجه زهره:-
أم سيف وسهيله انسانه مكافحه وقفت بوجه الدنيا عشان صغارها عانت من الفقر وفقد الزوج والعزوه بعمر صغير اختارت تكمل حياتها وتكد وتتعب وتنحت الصخر لو إضطرت عشان صغارها وكل حلمها انها تشوفهم مرتاحين وسعداء قبل ماتموت .

وليد:-
صديق سيف وخوه وصندوق أسراره يعرف سيف من نظره عيونه ورغم انه كان من عائله مستريحه بس بعمره ماشاف لسيف بنظره الفوارق بالعكس كان جدا معجب بسيف وع طول يقول عنه مثلي الاعلي ف الرجوله والشهامه .

فاتن خليل :-
بنوته دلع وكيوت كل حياتها مظاهر بمظاهر والسبب فلوس بوها والسلطه اللي عنده مغروره بجمالها وعمرها 18 سنه .
الحاج الهادي والحاجه سالمه:-
ناس بسطاء وعايشين حياتهم يربو ف بنت بنتهم اللي توفت وخلتهالهم ف اللفه "رح تعرفو دورهم ف االروايه بحلقات متقدمه".

أما عيله بسمه:-

بسمه :-
بنت رقيقه ناعمه هاديه والاهم قنوعه ..جميله جدا أو خلي نقول فاتنه بجمال روحها قبل شكلها عمرها 22 سنه تدرس هندسه قسم ديكور ..كل همها بالدنيا تتخرج وتشيل الحمل عن بوها لأن تشوف فيه انسان مكافح ويعافر ف الدنيا عشانها هيا وامها .

علي:-
والد بسمه إنسان بسيط وطيب ع الاخر ع قد حاله يشتغل ف مصنع للنسيج عشان يعول مرته وبنته.

ناجيه:-
أم بسمه وسندها الاول بالحياه وطول عمرها تتمني تشوف بسمه فرحانه وتتهني عليها وتزوجها وتشوف صغارها.

مروه:-
صديقه بسمه وجارتها تدرس ف الصيدله وهيا وبسمه صديقات دنيا من هما صغار.

هاذو الشخصيات الاساسيه ..الباقي رح تتعرفو عليهم خلال أحداث الروايه وحلقاتها ..أهم شي ركزو ع الفارق الزمني والاعمار هذه قبل عشر سنوات يعني انا مازال نحكي ف الماضي ووقت نحكي ع الحاضر رح تتغير الاعمار 10 سنوات القدام.

ان شاء الله بدايه حلوه معاكم... حبيت نشكر كل من علق وشجعني ودعمني أمس من جد كلامكم بلسم وعطر يفوح جوات قلبي ..ربي يحفظكم جميعا ومايحرمني منكم.

ملاحظه/
أسماء الشخصيات تم أختيارهم بناءا ع طلب صديقه وماحبيت نكسر بخاطرها لأنها دخلتلي ع الخاص وطلبت تنحط هالاسماء لأسباب خاصه .
تحياتي أختكم وصديقتكم.
#zezo_a_saad🌹❤

[فيتامين سي]

الحلقه الأولى.

أصعب شي بهالدنيا شعور الخيبه وطعنة الغدر والأصعب لما تجينا من أحب الناس علي قلبك ...ناس كنت تشوف فيهم أنهم حياة ليك .. لدرجة أنك عايش كل تفاصيل عمرك معاهم أبسط الامور وأتفهها تشاركها معاهم .
.
"فكرتك صح وكانت هيدي غلطة عمري..أوقات الصح صعب علينا نشوفو دغري..وبنلاقي الغالي علينا مخبى بثوب الكذبه..من جوا رخيص من برا ذهب وقشره" 😢أغنيه أدم🎤🎵.
.
.
.
هذا كان شعور سيف لما كان يقرأ في كل كلمه من رساله بسمته .. شعور كان صعب عليه يتحمله مع كل كلمه يحس أن قلبه فشل وصار عاجز عن النبض ..تنفسه ثقل ..يده وكل جسمه يرتعش ..دموعه كانت كأنها غيث مطر بيوم شتوي لدرجة ضببت عليه الرؤيا ومش قادر يشوف .

البعض منا يمكن يشوف شخصيه سيف إنهزاميه وردت فعله مبالغ فيها بس اللي يفسر شعوره بهاللحظه هو ضياع أحلام شهور وسنين كانت كلها مرتبطه بهالشخص .
.
.
بخطوات متعثره ناض سيف وهو مش مستوعب اللي هو فيه كان يمشي ويطيح ويبكي بأعلي صوته وكأنه شخص فقد كل حياته وبوسط نظرات الإستغراب من زملاءه وكل من بالكليه .
بهاللحظه كان وليد خاش للكليه ومش عارف شي .. لعند شاف قدامه سيف بهالحاله .
.
وليد بلهفه وخوف وهو يقيم فيه:-
سيف سيف خيرك ياوخي شن فيه بالله عليك .

سيف وهو يحضن ف وليد:-
ووواك ياوليد بنموت خلاص معاد قادر.

وليد بخوف وهو شاد وجه سيف بين يديه :-
سيف ورحمه بوك اهدي بس فهمني أمي فيها شي والا سهيله بالله عليك قولي تربح.

سيف ودموعه مش راضيه توقف:-
بسمتي وليد بسمتي خلاص راحت .

وليد بصدمه:-
كيف يعني مافهمت.. بسمه خيرها شن صايرلها كلماتك .

سيف ويده ترجف :-
أقرأ .

وليد وهو شاد الرساله ويقرأ فيها :-
لا مستحيل يكون صح مستحيل بسمه أدير هكي أكيد ف سبب لتصرفها.

سيف بدموع وانهيار:-
وليد روح بيا للحوش .

بعد ماروح وليد بسيف للحوش وعرفت امه وأخته بالموضوع ..سيف صار أنعزالي ومنطوي ع نفسه وماعاد يمشي لكليته ولا يخالط ف حد ..الوحيد اللي قعد واقف معاه بعد اهله وليد وكان بفتره الامتحانات يبات عنده ويساعد فيه ف القرايه وماسيباش ولا لحظه.
.
.
أما عند بسمه :-
ماكنتش أفضل حال من سيف ..بعد ماتزوجت محمود العامري "رجل أعمال صاحب xxxxات وفلل ومصنع النسيج اللي يشتغل فيه بوها" ... بعد شهرين من الزواج أكتشفت أن إنسان سيئ ويشرب ونسواني وكان حياتها معاه جحيم معاه ضرب واهانات وكان همه كله ياخذ متطلباته الجسديه سواء برضاها أو غصب عنها .
.
.
بعد مرور 9 شهور:-
الحاجه زهره وبدموع الفرح:-
روروروروري مبرووك ياوليدي مبروك الحمد الله يارب الحمد الله عشت وشفتك مهندس قد الدنيا.

سيف برسميه وهو يحضن ف امه ويبوس ف راسها:-
الله يبارك فيك ياامي .

سهيله وهي تحضن فيه:-
مبروك سيوفي مبروك ياعمري بطول عمرك ان شاء الله وعقبال مانفرح بيك ونشوفك عريس .

سيف بغضب:-
سكري ع السيره سهيله.

سهيله :-
يسلم عليك حمزه ويياركلك قبل شوي كان يكلم فيا "حمزه مازال كيف خاطب سهيله".

سيف:-
الله يبارك فيه ...وعقبال مانفرحو بيكم .

سهيله بخجل :-
يسلموو حبيبي.

سيف:-
امالا تو نستأذنكم بنطلع.

الحاجه زهره:-
وين ماشي ياوليدي ..بيجو خالاتك وعماتك عازمتهم ع العشي الليله.

سيف:-
بنمشي لوليد يستني فيا ف القهوة ياأمي وبعدين صحتين عليكم عارفيني ماعنديش ع هالوجيج ..السلام عليكم.

الحاجه زهره:-
ااه ياوليدي مش عارفه لعند امتي بتقعد هكي والله ذهبتلي شيرتي ومرضتني معاك.

سهيله بغضب:-
كله من هذيك الجعانه ..ربي ينتقم منها ويورينا فيها يوم..حسبي الله ونعم الوكيل فيها

الحاجه زهره:-
ماتتحسبي فيها يابنيتي ..الواحد مايعرف ظروف غيره ..ربي العالم وحده باأسبابها وهذه نصيبات ف الاخر.

سهيله:-
ماما بطلي الطيبه الزايده ..لأني بجد تستفزي فيا لما تحكي.هكي ..انوض نبدا نوتي ف عوالة العشي خيرلي .
.
.
عند سيف مشي عشان يتلاقى مع وليد ف القهوة:-
سيف :-
السلام عليكم.

وليد:-
او باش مهندس وعليكم السلام وحضنه.

سيف:-
ع اساس مش حتي انت باش مهندس يعني ..بنبدو تجكتير من توا.

وليد بمزح:-
حقي ..ناجح وجوي مليح.

سيف قعمز ع الكرسي :-
أطلبنا قهوه نبيك ف موضوع مهم.

وليد:-
حاضر ادلل...بس قولي شن الموضوع.

سيف:-
وليد انت تعرف انك وخي مش صاحبي وماعندي ف الدنيا غيرك .

وليد:-
عيب ياراجل والله اعز ..شن ف خبرني.

سيف:-
بصراحة انا ف موضوع ليا قداش نفكر فيه وحاطه ببالي وتو قررت انفذه.

وليد:-
خير ان شاء الله شن في.

سيف:-
قررت نسافر برا ليبيا .

وليد:-
شنو !!..شن تقول انت ياسيف تسافر وين وليش وامك واختك شن يصير فيهم.

سيف:-
بنمشي لأمريكا فرص العمل فيها كويسه وخصوصا للكوادر اللي كيف متخرجه ونقدر نبني روحي من الصفر..
ليش انت عارف ليش.

وليد:-
لا مش عارف ..شن ف براسك ياسيف

سيف بغضب وهو ضاغط ع يده:-
نبي ننتقم منها ياوليد..نبي ندمر حياتها زي مادمرتني ..مش هيا عيرتني بفقري رح نكد ونتعب لعند نوصل للي نبيه أن شاء الله نبدأ نخدم كناس لعند نكون روحي ووقت نوقف ع رجليا رح نرجع ورح نبكيها بدل الدموع دم.

وليد بصدمه:-
سيف انت قاعد مانسيت هالموضوع ..فوتها ياسيف وعيش حياتك.

سيف :-
وليد هالموضوع منتهي بالنسبه ليا ..المهم انا نبي نطلب منك طلب.

وليد:-
ادلل ..العمر يرخصلك.

سيف:-
انا والله متحشم منك وحاولت ماندخلك بهالموضوع بس مالياش غيرك .

وليد:-
عيب هالكلام ياسيف ..قول شن في.

سيف:-
نبيك تسلفني فلوس نبدأ بيهم حياتي واول مانرجع نردهملك .

وليد:-
حاضر أدلل قداش تبي .

سيف:-
10 الاف دولار ..ناخذ بيهم فيزا ونسافر ..وانا خالي قالي انه مكلم واحد صديق يعرفه غادي ورح يوفرلي شغل عنده.

وليد:-
خلاص اعطيني بالكثير 3 ايام يكونو عندك.

سيف:-
ربي مايحرمني منك ياوليد ..نشهد بالله انك صاحب دنيا مش ايام.

وليد:-
اوخي ياسيف راك وقتلك ومازال نقولك عمري يرخصلك ..بس عشان خاطري زيد فكر كويس.

سيف:-
خليها ع الله وادعيلي بس .

وليد:-
ربي يوفقك ويفتحها قدامك .

سيف:-
امين..نستأذنك توا امالا .

وليد:-
توين ماشي يابرو..عازمك ع العشي قعمز.

سيف :-
لا والله مستعجل ..نبي نمشي للحاج الهادي ليا قداش ماشفتاش .

وليد مسك يد سيف:-
أنت متأكد أنك قادر تمشي لهذاك المكان.

سيف غمض عيونه:-
لازم نمشي ونكسر الحزن اللي بداخلي ..وبالمره نودعه هو والحاجه سالمه.

وليد:-
ربي يهدي سرك أوخي.
.
.
بعد مرور أسبوع :-
جهز سيف أوراقه وجابله وليد الفلوس وكان يحاول معاه لأخر لحظه ..عطي علم لأمه وسهيله وع قد ماحاولو معاه ماقدرو يغيرو رايه بس بالاخر قبلو برايه ع امل ان وقت يسافر ينسي كل اللي صار معاه .
.
.
.
بعد مرور 3 سنوات:-
مرت هالسنين ع بسمه زي الجحيم ..ضرب اهانات ..تعذيب جسدي ..وصلت الوقاحه بيه ان يجييب ف نساء وخمره للحوش وقدام عيونها ..بهالسنين حملت بسمه ..وبيوم كانت نازله من الدروج ودخل محمود للحوش وكان سكران ومش واعي ..وزي العاده تعارك مع بسمه ع هالوضع بس هالمره كانت غير كل مره لأنه بوقت هما يتعاركو شدها من شعرها ومن غير وعي منه دفها من ع الدروج وطاحت أغمي علاها.
.
.
بعد ماسعف بسمه للمستشفي دخلاها للعمليات لأن كان عندها نزيف وأتضح بعدها انها أجهضت.

مرت الايام وبسمه روحت مع بوها وامها لحوشهم وطلبت من محمود الطلاق والا رح تقدم فيه شكوي.

ولأن محمود مل منها ومن مشاكلها ماعاند وع طول طلقها وحرمها من مستحقاتها.
.
.
أما بالنسبه لسيف :-
صح تعذب بأول سنتين وحفر ف الصخر عشان يكون نفسه بس بواسطه خاله قدر يحصل شغل وكان يدس ف فلوس شغله وخارج ساعات الدوام يشتغل قرصون ف مطعم وبدوام جزئي وأحيانا لو فضله وقت يشتغل بعده تصليح ف البيوت ..ومارجع لليبيا نهائي الا مره وحده بيوم زواج اخته سهيله قبل سنه ونص يومين ورجع لأمريكا.
.
.
بعد مرور 8 سنوات:-
مرت هالسته سنين ع بسمه من غير ولا تغير ف حياتها ...وكانت ع طول تفكر بسيف وعن أخباره بس ماقدرت تسأل عنه وكانت عايشه بس عشان تعيل بوها اللي صار مشلول من بعد اللي صار ويحتاج للعلاج .

كانت بسمه تشتغل بشركه صغيره لتصميم الديكور وبيوم كانت جايه للشغل ..دخلت للشركه وبالتحديد للطابق اللي تشتغل فيه ..حست بالغرابه لأن القسم اللي تشتغل فيه هادي ومافيه حد .

قعدت ع مكتبها وبدت تشتغل وفجأه حست بحد واقف ويشوفلها قامت راسها وكأن الاستاذ فتحي مديرها .

وقفت بسمه :-
صباح الخير استاذ فتحي ..كيف نقدر نساعدك.

.الأستاذ فتحي وهو يعدل ف جاكته :-
صباح الورد للورد..لا مانبي شي ..بس نبي نحكيك ف موضوع خاص.

بسمه بإرتباك:-
.شن هالموضوع الخاص.

أستاذ فتحي "ملاحظه طبع عمره قريب لل60 سنه":-
من الاخر ولأني مانحب اللف والدوران ..أنا معجب بيك يابسمه من اول يوم شفتك فيك يعني قبل 3 سنوات ورايدك بالحلال.

بسمه بصدمه:-
أستاذ فتحي اول شي انت بعمر بوي..ثاني شي انت متزوج وعندك 3 اولاد بعمري ..واعي باللي تقول فيه.

.استاذ فتحي:-
صح كلامك..بس زوجتي مش متفاهم معاها ...مراه نكديه ومشكلجيه وهمها لفلوس والطلعات بس...وانا معحب بيك ونحبك ونوعدك نعيشك ملكه .
.
بسمه كانت كيف بترد سمعت صوت مرأه وراها ...ناديه زوجت فتحي:-
ياحقير ياتافه تبي تتزوج عليا أخر الوقت ..ياأجرب نسيت أنا منو وانسيت فضلي عليك انت لولا فلوس ورثي ماكنت شفت هالعز كله.

فتحي بربكه وخوف:-
ناديه انتي شن جابك هني .

ناديه وهيا تضرب فيه بشنطتها:-
أسكت ولا كلمه ياتافه ياجيعان ..عقابها تبي تتزوج عليا ياصرصري.

.وأنتي ياكلبه ماتتحشميش ع وجهك تدحنسي لراجلي يارخيصه ياتافهه .

بسمه بدموع وخوف:-
أرجوك ياأستاذه ناديه خليني نوضحلك شن صار والله هو اللي جي تقدملي.

فتحي :-
كذابه ماتصدقيهاش هيا اللي تتلصق فيا وادير ف حركات مش مزبوطه ليها قداش عشان تغريني وتخليني نتزوجها.

ناديه بعياط:-
أسكت ياكذاب ..انا سمعت كل شي بوذاني...وأنتي ياساقطه أعتبري روحك مفصوله من اليوم وماعاد عندك مكان بهالشركه.
..
لمت بسمه حاجاتها وطلعت وهيا مكسورة الخاطر وتبكي وقعدت تمشي ف الطرق من غير دليل وكل تفكيرها بشن صار معاها وبحياتها الماضيه وزواجها الفاشل وأيامها مع سيف ودموعها مش راضيه توقف ..وبلحظه وهيا تمشي ومن غير ماتنتبه خبطت ف وحده كانت تلحق ف بنتها .

بسمه:-
أسفه سامحيني مانتبهت وطبست تلم ف حاجاتها وحاجات المراه اللي خبطت فيها.

المراه:-
لا عادي انتي اللي سامحيني نلحق ف بنتي ومش منتبهه ووقت ناضت بسمه.

سهيله بصدمه:-
هذه انتي ياحقيره.

بسمه بدموع :-
سهيله كيف حالك ..ارجوك طمنيني عليك وع سيف.

سهيله دفتها بقوه:-
ديري بالك تجيبي سيرته ع لسانك

بسمه قربت منها وشدت يدها وهيا تبكي:-
أرجوك ياسهيله والله مانبي حاجه ..بس نبي نطمن ع سيف كيف حاله .

سهيله نفضت يدها من بسمه :-
حاله كويس وف خير الخير بعد ماتفكي من وحده فاسده زيك همها كله الفلوس وجيعانه.

كانت بسمه كيف بتبررلها بس سهيله ماعطتها فرصه ومشت سيبتها .
..
أنهارت بسمه وهربت جري روحت للحوش أول ماخشت أستغربت أمها من مرواحها وقعدت تسأل فيها عن السبب وليش تبكي ..بسمه ماتحملت كل هالضغط وأنفجرت ف وجه أمها:-
خلاص ياأمي خليني ف حالي انا سيبت الشغل طردوني منه ارتحتي توا ..وخشت تبكي لدارها .
.
.
.
بعد 6 شهور :-
كان ف شاب وسيم ومتأنق وحاط نظارات شمسيه ويمشي بصاله المطار وماسك شناطيه.
.
وليد من بعيد يأشرله:-
سييف هنا ..وجي يجري عليه.

سيف بفرح:-
مرحبتين يابرو أستاحشتك.

وليد بدموع وهو يحضن فيه :-
واخيرا ياسيف اخيرا ياغالي بعد 9 سنوات قررت ترجع .أستاحشتك ياغالي والله استاحشتك.

سيف وهو ضامه بقوه:-
حتي انا استاحشتك ياوخي الغالي .

طلعو من المطار وركبو بالسياره .

وليد:-
وين تبي نمشو لحوشك والا عند سهيله.

سيف:-
لالا ارفعني لحوشي ..نبي نشوفه كيف ع الواقع من غير الصور وبكر الصبح نمشي لسهيله.

وليد ؛-
تم ياقلم.

وبعد ساعتين وصلو ..ووقفت السياره قدام حوش اقل مايقال عنه قصر ..تلات ادوار وجنان كبير وحوض سباحه وبوابه عاليه حديقه خلفيه يعني من الاخر أحدث طراز

وليد:-
ها شن رايك نفس الخريطه والا لا .

سيف وهو داخل ويتلفت يمين ويسار:-
نفسها بالضبط ربي يحفظك ياغالي..وسامحني تعبتك معاي وخليتك حاصل فيه بروحك .

وليد:-
خوت ياغبي نحن ..بس بجد صحه ليك ع هالتصميم الروعه من جد مهندس شاطر.

سيف بإبتسامه ورجعت بيه الذكريات :-
شايف حبيبي هذه خريطه حوشنا بالمستقبل ان شاء الله لما يفتح عليك ربي قعدت نرسم فيها ليا أسبوعين.

سيف وهو ماسك يدها ويبوس فيها؛-
ان شاء الله حبيبتي بعوم الله معاك رح نبنيه خطوه خطوه .

فاق من شروده ع صوت وليد ومسح دمعته اللي خاناته ورجعاته لبسمه .،

وليد قرب منه وحط يده ع كتفه:-
قاعد مانسيتها ياسيف ..انسي وتريح ارجوك.

سيف بغضب داخلي :-
وليد ماتجيب سيرتها انا نسيتها وماتت بالنسبه ليا وماعاد نبي نذكر سيرتها .

احم خبرني شن اخبار الشركه .

وليد بإبتسامه:-
كويسه الحمد الله اخيرا جيت عشان تستلمها وتريحني ليك شاريها 3 سنوات ولا مره جيتها الا بوقت توفت الحاجه"أم سيف" الله يرحمها قبل سنه ونص .

سيف بإبتسامه مغصوصه:-
البركه فيك ياغالي عارفك مهنيني علاها ..وان شاء الله بكرا نمشو مع بعض ونستلمها .

وليد :-
تم ياغالي ..نخليك تستريح توا امالا وبكرا موعدنا .

سيف بأبتسامه:-
اوك حبيبي نتلاقو.

وليد حضنه من جديد؛+
من جد الدنيا مش سايعتني من الفرحه برجعتك ..تصبح ع خير .

سيف:-
تلاقي الخير ياغالي.لحظه بس وليد بنقولك .

وليد تلفتله ووقف:-
نعم ياغالي ان شاء الله خير .

سيف :-
وسيم بيجي بعد يومين عشان يستلم الشغل معانا..مادا بيا نخليه معاي ونبيك أنت تستلم الفرع اللي ف الظهره ويكون تحت تصرفك..يعني تستلمه ادارته وتتخذ قراراته من غير ماترجعلي.

وليد بتفاجأ:-
نستلم الفرع كله بحالي ونكون مسؤول عليه ..هلبا عليا هكي.

سيف وهو حاط يده ع كتف وليد:-
مش خساره فيك ..انت بعمرك ماقصرت معاي وأنا راس مالي وبدايتي من خير فلوسك وطول هالتلاته سنين وانت شايل حمل الشركه ع كتافك هذا اقل شي نقدر نقدمه ليك .

وليد وهو يحضن فيه :-
ربي مايحرمني منك ياسيفو.

سيف:-
يلا امشي بالك خليني نرقد ونوتو روحنا لتنقنيق سهيله وحمزه بكرا عشان ماعطيتهم علم بجيتي.

وليد:-
أيه خليها ف سرك الهزيبه كلها بناكلها انا ..سعيده حبيبي.

سيف:-.
ف حفظ الله.

بعد ماطلع وليد ..قعد سيف يتجول ف الحوش وبكل زاويه يتخايل ف بسمه وكلامها وذكرياتها معاي ..حس روحه مخنوق دخل لدار النوم فتح الشنطه وطلع شرط وتيشرت كت وقف قدام المرايا وحط يده ع جهة صدره اليمين بالتحديد ع الوشم اللي بأسم بسمه جوات قلب مكسور .
"رجعتلك يابسمه ونوعدك رح نبكيك اضعاف دموعي ونخليك تندمي ع كل كلمه جرحتيني بيها " ..عشر سنين رح نطلع كل تعبي وشقاي ومرمطي اللي عشتها والاهانات والأيام السوده لحتي وصلت للي انا فيه فيك ..أستنيني بس وخش للحمام دوش وغير لبسه ورقد.
.
.
.
أما عند بسمه فكانت طوال هالشهور ادور ع شغل ومش لاقيه وكانت تشتغل بدوام جزئي كموظفه أستقبال ف عيادة رغم ان مش تخصصها بس أضطرت تشتغل ريسبشن عشان تصرف ع أمها وبوها .
.
.
فاقت الصبح وكانت كيف بتخش للحمام رن فونها .

بسمه:-
هذه مروه ..غريبه تتصل بيا بهالوقت.
"ألو صباحو حبيبتي ..كيف حالك".

مروه:-
صباح النور بسومه ..الحمد الله ..عندي ليك خبر حلو .

بسمه:-
قولي ان شاء الله خير.

مروه:-
البارح جلال "زوج مروه" يهدرز عليا وسألني اذا لقيتي شغل او لا ..المهم قالي ان الشركه اللي يشتغل فيها مدايرين اعلان يدورو ع مهندسين ديكور يبو زوز وقالي نعطيك علم بلكي ربي يفتحها عليك وتشد معاك.

بسمه بفرحه:-
الله يامريوتي ياريت..والله ضايق بيا الحال وال300 اللي ناخذ فيهم من خدمتي توا مش سادات حتي علاج بوي
مروه:-
شدي همتك امالا ووتي وراقك وبري بسرعه.

بسمه:-
اكيد ان شاء الله ..امتي المقابله هيا.

مروه:-
جلال قال بكرا وبعد بكرا والنتائج تطلع الخميس .

بسمه:-
تمام حبيبتي بعون الله ..صحيتي مريوه بارك الله فيك اوخيتي .

مروه :-
وفيك بارك الله ..سليمتك حبيبتي توا .

بسمه :-
ف امان الله.
.
.
ناضت بسمه بفرحه ونشاط وخشت للتواليت ودوشت وغيرت حوايجها وطلعت .

بسمه :-
صباح الخير ياأحلي ماما وباست ع راسها .

نجيه:-
الله شن سر هالضحكه اللي من زمان غايبه وماشفتها .

بسمه:-
كلمتني مروه وقالتلي ف شركه كبيره اللي يشتغل فيها جلال زوجها طالبه مهندسين وبنقدم طلب فيها ..ادعيلي ياماما بالله عليك.

نجيه:-
يارب حبيبتي ياارب..ربي يفتحها عليك ويرزقك ويعوضك عن كل وقت صعب مريتي بيه .

بسمه :-
يارب يامامتي يارب .

نجيه بدموع:-
بسمه.

بسمه:-
نعم ماما

نجيه:-
سامحينا يابنتي ..سامحينا انا وبوك لأن السبب ف اللي انتي فيه.

بسمه:-
ماتقولي هكي ياماما أنا هذا قدري ونصيبي والحمد الله ع كل حال ..وين بابا مازال راقد.

نجيه:-
ايه ..واكل حبه الضغط وراقد بعد ماصلي الفجر مابيتش انوضه .

بسمه:-
ايه خليه يرتاح أحسن ...يلا خلي نفطر بسرعه ونمشي للشغل وبعدها نوتي أوراقي لبكرا .
.
.
عند سيف :-
فاق الصبح ...دوش ولبس ملابسه "بنطلون جينز كحلي وسوريه جيشي وجاكيت جلد اكحل ولبس ساعه رولكس وحط عطر سافاج وشوز سبور كحلي وطلع من الحوش .

بالاول مشي لحوش اخته سهيله وأول ماشافاته ماصدقت واستقبلاته بدموع الفرح وطبعا هزباته وبعدها تغدي عندها وقعد للعصر ..وطلع للشركه .

ف الشركه تلاقي مع وليد وأستلم منه الشغل وتفاهمو ع بعض النقاط ووقعو الاوراق عشان يستلم وليد فرع الضهره ..وهكي أستلم سيف شغله وقضى باقي وقته ف الشركه وروح الساعه 10 بالليل .
.
.
ثاني يوم :-
كان نفس الروتين لسيف ..أما بسمه فاقت الصبح بدري وجهزت نفسها ولبست "بنطلون كحلي وجاكيت كحلي وبلووه وردي وفوقها وشاح فوشي وحطت ميك أب بسيط وطلعت عشان تقدم أوراقها بالشركه اللي خذت عنوانها من جلال زوج مروه.

ركبت ف تاكسي وعطاته العنوان وأول ماوصلت ونزلت أنبهرت بمنظر الشركه كيف كبييره وراقيه..نزلت ودخلت للريسيبشن .

بسمه:-
صباح الخير .

ريسيبشن:-
صباح الخير استاذه كيف نقدر نساعدك.

بسمه:-
أنا جيت عشان مقابله الشغل اللي منزلين عليها إعلان بخصوص مهندسين الديكور.

ريسيبشن:-
اها اوك ياباش مهندسه هذا النموذج عبيه وحطي فيه معلوماتك ورقم تليفونك ورح نتصلو بيك بوقت المقابله .

بسمه:-
شكرا أختي .

خذت بسمه النموذج وعباته وحطت بياناتها وسلماته للريسيبشن.

وبوقت اللي هيا طالعه رن تليفونها فتحت شنطتها وبطلعه وفجأه من غير ماتنتبه خبطت ف....
.
.
.
#يتبع.

مساء الفل للجميع ..بدت سطور روايتنا تنكتب وهذه بس البدايه ..شن انطباعكم ع اول حلقه وشن تتوقعو من احداث وهل رح يتلاقي سيف مع بسمه او لا .

بلييز نبي تفاعل حلو ..وكومنتات جميله مثلكم

ملاحظه/بالنسبه للتسارع الزمني مقصود لأن الماضي الغرض منه لمحه توضيحيه والمهم هو الحاضر .

تحياتي صديقتكم

#zezo_a_saad🌹❤

[فيتامين سي]

#إنتقام_عاشق.
.
.
الحلقه الثانيه
بعد ماقدمت بسمه السيڤي متعها وخلت رقم فونها عند الريسيبشن ...طلعت عشان تروح وهيا كيف طالعه رن فونها وبوسط انشغالها وهيا طالع فيه من الشنطه خبطت بشخص.
.
.
فاق سيف الصبح ودار روتينه المعتاد وبعدها مشي للأوتيل اللي قاعد فيه وسيم اللي وصل امبارح من أمريكا عشان يجو مع بعض للشركه.
.
.
وسيم الصالح:-
شاب جميل وأنيق نقشه ع الاشقر هادي ويحب المزح أصغر من سيف بسنه ..وهو ولد رجل الاعمال "بشير الصالح" واللي مشاله سيف لما بعته ليه خاله قبل 9 سنوات ولأن بشير كان معجب جدا بذكاء سيف وحنكته وروح الكفاح والمثابره اللي عنده قرر انه يدعمه ويوقف بضهره ويشاركه وطلب منه ان الشراكه تكون بأسم وسيم .

وصل سيف مع وسيم للشركه وهما كيف داخلين ويحكو مع بعض خبط شخص بسيف.

بسمه وهيا ملتهيه تقيم ف فونها ومن غير ماتشوف :-
أسفه ياأستاذ مش قصدي .

سيف كان مستعجل ومن غير مايشوفلها :-
حصل خير ومر من جنبها ..قدم خطوتين وشي بداخله خلاه يتلفت وكانت بسمه بعدت وتحكي بالفون ..قعد يشوفلها وبعدها رجع يمشي .

بس بلحظه أذكر شي ..أذكر انه لمح أسوار بيد هالبنت فضه وبيه فصين أبيض وسماوي .

تلفت سيف بسرعه بس بسمه كانت خلاص طلعت من الشركه ...قعد سيف يدور علاها يمين ويسار وبعدها طلع يجري البرا دور علاها مالقاها .

رجع للسكيورتي اللي بالباب .

سيف:-
لو سمحت ..ماشفت بنت طلعت قبل شوي كانت لابسه بنطلون وجاكت رسمي كحلي

السكيورتي:-
لالا ياأستاذ سيف.

سيف بتنهيده:-
تمام ..مشكور ربي يعاونك .

وسيم؛-
شن في ياسيف ..طلعت تجري ان شاء الله خير.

سيف بإبتسامه :-
لا ماف شي مهم ...خلينا ندخلو

دخل سيف ووسيم للأسانسير وطلعو للطابق الرابع اللي فيه مكتب سيف .

سيف:-
صباح الخير هبه.

هبه سكرتيره سيف:-
صباح النور أستاذ سيف كيف حالك.

سيف :-
الحمد الله ..هبه نعرفك هذا وسيم الصالح شريكي اللي حاكيتك امس عليه وقتلك جهزوله مكتبه بالطابق التالت ..وسيم رح يستلم قسم التخطيط .

هبه بإبتسامه بشوشه:-
اهلا وسهل بيك أستاذ وسيم .

وسيم بإحترام:-
بيك اكثر مشكوره.

سيف:+
هبه اعطي علم لرنده عشان تجهز المكتب لأن وسيم رح يستلمه اليوم ..ومن بعد اذنك جهزيلي فنجانين قهوه وجيبيهم ع المكتب.

هبه:-
حاضر أستاذ دقايق ويكونو عندك.

وفعلا دخل سيف للمكتب مع وسيم وتناقشو بأمور الشغل وبعد ماشربو قهوتهم أستأذن وسيم ومشي لمكتبه.
.
.
اما سيف وقف قدام الحائط الزجاجي اللي يطلع ع واجهه المدينه وولع سيجار وقعد يفكر ف البنت اللي خبطت فيه.

معقوله تكون هيا ..معقوله البنت هذه نفسها بسمه بس هالبنت لابسه لبس عادي وبسيط والخاينه هذيكا اكيد الحين لبسها كله ماركات واخر صيحه.

بس انا متأكد أني لمحت ف يدها نفس السواره اللي هديتها لبسمه بعيد ميلادها...وسرقاته الذكري لهذاكا اليوم.

كانو قاعدين بقاعه فاضيه .
سيف:-
كل عام وانتي بألف خير حبيبتي ...كل عام وانتي عامي وكل ايامي.

بسمه بإبتسامه خجوله :-
كل سنه وانت معاي وجنبي حبيبي .

سيف بإبتسامه:-
نحببك يابسمتي.

بسمه:-
نموت فيك ياسيف بسمتك بهالحياه.

سيف :-
يلا غمضي عيونك.

بسمه وهيا مغمضه:-
اهو غمضت.

سيف طلع السواره من البوكس:-
أفتحي .

بسمه فتحت عيونها وبفرحه:-
الله ياعمري محلااه ..يهبببل .
.
سيف وهو مستند ع يده ويشوف بعيونها:-
مش أحلي منك ولا أحلي من عيونك..وأساسا ماتليق بيك .بس ربي يقدرني ونجيبلك الاحسن منها .

بسمه بفرحه:-
أنت عمري ويكفيني نكون معاك وجنبك ومانبي شي تاني .
.
.
فاق من شروده وذكرياته ودموعه نزلو ..بغضب مسح دموعه ووقف :-
أصحي ياسيف أصحي وفيق ع روحك...ياسرك من الغباء أنت تكرهها وبس ونسيتها وإحساسك اتجاهها الكره والانتقام بس .
.
.
.
عند بسمه :-
طلعت من الشركه وركبت بتاكسي ومشت لمروه بالصيدليه.

بسمه:-
السلام عليكم مريوه.

مروه :-
وعليكم السلام...اهلين بالقمر كيف حالك.

بسمه :-
الحمد الله ماشي الحال ..كيف حالك انتي

مروه :-
الحمد الله...خبريني شن صار معاك.

بسمه:-
قدمت السيڤي متاعي وقالولي خلي رقمك ونردو عليك.

مروه :-
ان شاء الله خير .. خيرك أنتي مضايقه شن في .

بسمه :-
مافي شي مهم...ضايق بيا الحال يامروه والفلوس مقصرات معاي واليوم موعد علاجه الشهري وماعنديش المبلغ كامل للعلاج.

مروه :-
ربي كريم حبيبتي ..انتي طيبه وربي الا مايجبر بخاطرك ..تو كيف بديري ف علاج بوك.

بسمه :-
والله ماني عارفه ..بس ربي كريم .

مروه :-
بسومه نبي نقولك...أنا عندي حل رح نخاطر نصرفلك العلاج من عندي ونخفي الفاتوره لعند ربي يفتح عليك وتجيبيهملي.

بسمه :-
مانبي ندخلك ف مشاكلي يامروه .

مروه :-
أنتي اوخيتي يابسمه وأهلك اهلي ..انتي ادعي بس ان ربي يسترنا وماننكشفو .

بسمه:-
يارب حبيبتي يارب...صحيتي يامروه ربي يقدرني ونردلك جميلك .

مروه:-
ولايهمك ياقلبي .

بعد ماخذت بسمه العلاج روحت للحوش ولقت امها وبوها قاعدين بالجنان.

بسمه بإبتسامه بشوشه:-
السلام عليكم ..وقربت من بوها وباست ع راسه.

الحاج علي بلكنه متكسره نتيجه المرض :-
وعليكم السلام يابنيتي .

بسمه:-
ماما حبيبتي كيف حالك توا

نجيه :-
الحمد الله يانور عيوني .

بسمه طلعت كيسه العلاج:-
تفضل يابابا هذا علاجك متع الشهر هذا.

الحاج علي والدمعه بعيونه:-
صحيتي يابنيتي ربي يعطيك ماتتمني ويجبر بخاطرك .

بسمه حضناته:-
يارب حبيبي يارب ....يلا خلي نبدل ملابسي ونصلي ونجي نوتي معاك الغدي ماما جيعانه ع الاخر .

نجيه:-
خشي بنيتي بدلي وصلي وتعالي كل شي واتي غير ع التسخين بس

بسمه قربت من مامتها وباست ايدها:-
يسلموو ايديك ياست الحبايب .

خشت بسمه لدارها غيرت وغسلت وتوضت وصلت وطلعت لقت امها ف المطبخ.

نجيه:-
بسومه

بسمه:-
نعم ياروحي

نجيه:-
من وين جبتي علاج بوك.

بسمه بإرتباك:-
عندي فلوس ماما من معاش الشهر اللي فات.

نجيه:-
بسمه عيني بعينك ماتكذبي ياماما فلوس الشهر الفات يادوبك سدوك علاج وكملتي بيه الشهر ..عموما انا عارفه انك ادينتي هذو الفلوس اليوم بعت خدمتي متع حياكه الصوف الحمد الله ربي كرمني وبعتي البضاعه كلها سدي بيها دينك والباقي جيبي بيه لوازم الحوش

بسمه حضنت مامتها وباست على راسها :-
ربي يعطيك الصحه ويقدرني ونريحك من هالشغل.

نجيه بدموع:-
أنا يابنتي كل مانشوف حالك تقتلني الحسره انا وبوك ...ربي يلعنه اللي كان السبب ياريت لو فينا نردو الماضي ياريت ماصار اللي صار.

بسمه حضنت مامتها:-
ماتقولي هكي ياماما أنتي وبابا دنيتي كلها ونفديكم بعمري واللي صار ماضي ونسيته وهذا قدري ...ان شاء الله ربي مش رح ينسانا والجاي يكون احسن ياعمري .

نجيه:-
يارب يابنيتي يارب ندعي ليل ونهار ف صلاتي أن ربي يجبر بخاطرك ويعوضك كل خير.
.
.
عند الساعه 8 بالليل:-
طلع سيف من الشركه بعد ماطلع كل غضبه وغله ف الشغل وهو بالطريق اتصلت عليه سهيله اخته وقالتله انهم يستنو فيه ع العشي.

روح للحوش دوش ولبس لبس كاجوال ..بنطلون أزرق كحلي وتيشرت وردي وخذي كيسات الهدايا ومشي لحوش أخته.
.
.
بعد نص ساعه وصل ..نزل من سيارته وخبط ع الباب.
كانت سهيله بالمطبخ توتي ف العشي وحمزه قاعد بالصاله مع عبدو وماريا.

ناض حمزه فتح الباب.

سيف:-
مساء الخير يابونسيب.

حمزه:-
أهلا بالغالي وحضنه.

سيف:-
شن الجو وكيف حالك اليوم.

حمزه:-
الحمد الله حبيبي ..هيا تفضل

خش سيف وجو عليه ماريا وعبدالرحمن يجرو.

حضن ماريا وقامها بحضنه هيا وعبدو وقعد يبوس عليهم .

سهيله:-
حولو حولو خلولي خوي نبي نشبع منه .
حط سيف عبدو وماريا وعطاهم الكيسات مشو بيهم لدارهم ..وقرب ع سهيله وحضنها بقوه .

حضناته سهيله وقعدت تبوس عليه وحست ان فيه شي بس ماحبت تسأله بالوقت الحالي لأن مش رح يحكيلها لو سألاته .

حمزه:-
الله غالب عليا ..تلاقو الخوت ونسوني.

سهيله بإبتسامه وعيون معبيه دموع:-
طبعا سيوفي مايجي بمكانه حد دنيتي كلها.

حمزه بزعل مصطنع:-
شفت اختك يياباش مهندس باعتني طول.

سيف:-
ولو البركه فيك ياغالي ..والتفت ع سهيله ..قلبي شن مدايره العشي جعان بنموت قاعد من فطور الصبح.

سهيله بعدت عن حضن سيف:-
ماعاش الجوع ...دقايق ويكون جاهز ودخلت للمطبخ.

قعد سيف وحمزه بالصاله وقعدو يهدرزو.

حمزه:-
شن جو الشغل معاك ..وشن الاجواء بليبيا عجباتك والا امريكا خير.

سيف بابتسامه:-
الحمد الله ماشيه الامور..كيف عاد بلادك بلادك.

حمزه بحذر:-
احم ..وامتي ناوي تفرحنا بيك.

سيف بأنفعال :-
سكر ع الموضوع ياحمزه لان انا اصلا مسكر عليه وناسيه وملوح من راسي موضوع الارتباط.

حمزه :-
بس ياسيف.

سيف:-
لا بس لاشي...قولي انت شن جو شغلك وشن مداير.

حمزه:-
ماشي حاله ..تعب وقضايا متراكمه والحمد الله .

سيف:-
ربي يعاونك حبيبي .

سهيله :-
هيا تفضلو العشي جاهز.

تعشى سيف عند حوش اخته وهدرزو وبعدها روح .
.
.
الصبح الساعه 8:-
فاقت بسمه ودارت روتينها اليومي ولانها واخذه اجازه يومين عشان موعد مراجعة بوها طلعت للجنان وقعدت تنظف فيه وتسقي ف الغرس .

أما سيف :-
فاق من النوم وغير حوايجه بعد مادوش ومشي لشغله بالشركه.

دخل سيف لمكتبه وبدي شغله وهو قاعد يشرب ف قهوته أنفتح باب المكتب من غير أذن ودخلت منه وحده لابسه بنطلون وشورت جاكيت وحاطه اوفر ميكب وعطرها من بعد كيلو ينشم.

فاتن :-
صباحوو.

سيف وقف بتفاجأ:-
فاتن ..امتي جيتي من امريكا .

هبه دخلت:-
أسفه ياأستاذ سيف غافلتني ودخلت من غير أذن.

سيف :-
ولايهمك هبه ...خلينا لحالنا .

بعد ماطلعت هبه قربت فاتن ومن سيف وكيف بتحضنه باعدها .

فاتن:-
أستاحشتك هلبا .

سيف:-
ليش جايه فاتن .

فاتن بغضب:-
ولا شي قررت نستقر ف ليبيا عندك مانع.

سيف:-
وليش نمانع ..شن انا رئيس الدوله عشان نمنعك تخشي للبلاد.

قعدت فاتن ع الكرسي قدامه وسكتت .

سيف:-
ايه ماقلتيلي شن ناويه اديري.

فاتن بدلع:-
شي ..قلت لدادي أن نبي نشتغل عندك هنايا بالشركه.

سيف بهزوه:-
تشتغلي هنايا وين...تحسابيني اهبل أنا عشان نشغلك عندي وانا عارفه ناجحه بواسطه بوك وماتعرفي من الهندسه كان أسمها.

فاتن بغرور:-
هالكلام قوله لدادي مش ليا..وماتنسى أسهمه ف شركتك ورضاي عنده بالدنيا ومايرفضلي طلب.

سيف وقف وقعد يدخن:-
شن يعني تهددي فيا والا كيف.

فاتن:-
امم نعرفش بس كيف مافهمت فسر.

سيف:-
تمام عشان داديك ع قولت ومش عشان لسانك السليط رح نخليك تشتغلي عندي بس مش رح تستلمي شغل وانما متدربه لأن مش مستعد نحط سمعه شركتي ع المحك بسبب وحده غبيه زيك .

فاتن بغضب:-
شن قصدك.

سيف شافلها ببرود:-
نعرفش ..بس زي مافهمتي فسريها.

فاتن بهدوء مصطنع:-
طيب موافقه ..المهم اديرلي مكتب ونشتغل بجنبك.

سيف:-
تمام بكرا تعالي تلقي شغلك واتي ..وتوا اطلعي لأن مشغول ومش فاضيلك ومسك لوراق وقعد يراجع فيهم.

فاتن بغضب خبطت رجلها ع الارضيه وطلعت.
.
.
بعد مرور ساعه وبوقت اللي سيف مشغول بمراجعه بعض الاوراق خبط الباب.

سيف:-
تفضل.

هبه:-
أسفه ع المقاطعه ...بس ف ملف لزوز مهندسين امس قدمو طلب للشغل ومن بين كل اللي قدمو حسيت هما المناسبين نبيك تطلع عليهم ولو موافق توقع قرار تعيينهم .

سيف:-
تمام حطيهم ع الطاوله نكمل اللي ف يدي ونشوفهم.

هبه:-
اوك عن أذنك.

كمل سيف أوراقه وناض من ع المكتب وقعد ع الصالون ولع سيجار ومسك أول ملف وكان سيڤي لمهندس شاب قراه وراجعه وعجبه فقرر يوافق عليه.

شوي ومسك الملف التاني وأول مافتحه أنصدم ولا إرادي نزلت دمعته لما عينه جت ع صوره بسمه .

قري الاسم وكأنه يبي يتأكد :-
بسمه علي الطاهر ...32 سنه ...أرمله وعند هالكلمه عيونه توسعو.
وقعد يكرر ف هالكلمه اكثر من مره .
ارمله يعني بسمه زوجها مات ..كيف هكي كيف وانا اللي نبي ننتقم منها ومنه وقعد يشد ف شعره ومتعصب .

بعد ماهدي سيف قعد من جديد ومسك الملف وبلحظه حنين مرر صوابعه ع ملامح وجهها ودمعته زي العاده خاناته وبصوت خافت:-
أستاحشتك يابسمتي ..أستاحشتك ياعمري.

فاق ع نفسه وحط الملف ووقف :-
انت شن قاعد ادير ياغبي هذه مش بسمتك هذه عدوتك والخاينه اللي باعاتك اصحي ..ومشي لباب المكتب وفتحه ووقف قدام هبه .

سيف:-
أتصلي بصاحبه الملف وعطيها موعد للمقابله بعد ساعه وخليها تجي توا وديري بالك تذكري اسمي قدامها وجهزيلي العقد عشان نوقعه.

هبه بإستغراب:-
حاضر ياأستاذ.
.
.
أتصلت هبه فعلا ببسمه وعطتها موعد ...وفعلا بسمه جت بعد نص ساعه للشركه وقرر سيف ان هبه ادير معاها المقابله وبعد دارت المقابله وقعت العقد وقالتلها انها رح تشتغل كمهندس مساعد للمدير وافقت بسمه ...وروحت وهيا مش داريه بشي وكانت فرحانه هيا وأهلها لأن ربي أخيرا فتح عليها ورزقها بشغل كويس.
.
.
.
تسريع بالاحداث:-
الصبح فاق سيف وف باله شي واحد كيف رح تكون مقابلته مع بسمه لبس أشيك لبسه عنده وحط من عطره الغالي ولبس ساعه اخر طراز وطلع .
.
.
بهالوقت كانت بسمه واصله من نص ساعه للشركه وتستني ف المدير اللي مازال ماتعرف انه سيف حبيبها ..شافت لساعتها .

بسمه:-
عفوا ياأستاذه ..بالعاده امتي يوصل المدير.

هبه بإبتسامه:-
ع وصول توا موعده اكيد قريب يدخل .

بسمه كيف بترد سمعت صوت .

سيف بكبرياء:-
صباح الخير.

بسمه وقفت وقالت بإبتسامه :-
صباح النور ..بالاول ماعرفاته لانه متغير ومداير لحيه وحاط نظارات واول ماشاف النظاره.

بسمه بصدمه و....
.
.
#يتبع.

مساء الفل...حبايبي كيف حالكم ...برايكم كيف رح يكون اللقاء بين بسمه وسيف وهل رح يفتح جروحهم وتنكشف الاوراق او للقدر حكم تاني.

بإنتظار تفاعلكم وأراائكم بكل صراحه .

.
.
تحياتي اختكم وصديقتكم.
#zezo_a_saad❤🌹

[فيتامين سي]

#إنتقام_عاشق.
.
.
الحلقه الثالثه.

كانت بسمه قاعده ع نار وتستني في أول لقاء ليها مع مديرها الجديد وبوسط كلامها مع هبه ..دخل سيف.

سيف بكبرياء:-
صباح الخير .

وقفت بسمه وبإبتسامه تلقائيه :-
صباح النور أستاذ .
بس هالإبتسامه أختفت أول ماسيف شال النظارات الشمسيه من ع عيونه وشبحلها بنظره عميقه تختصر سنين من وجع البعد.

"كنت الدنيا كلها ...كنت السنه كلها...كان مطرحك بالقلب..ياريت مافليت..عشتني بخريف ..ورقه علي رصيف...بكير تتذكر ..باقي عمر أكثر...لك روح روح الله يسهلك..خلص الدمع بعيوني ونسيت..أصل الوجع والاه والاه ليش بكيت"...👇

مقطع من أغنيه أدم🎤🎵.

شعور بسمه بهاللحظه كان أصعب شعور يمكن يمر.بيه أي إنسان بالدنيا "حنين مختلط بحزن وبمشاعر شوق وألم وفراق والاهم ظلم اللقاء ".

كل كيان بسمه أنهز بهاللحظه ..حست مع نظرته ليها أن الدنيا بوسعها ضاقت عليها كل المكان وبكل زاويه فيه نظرات قسوه وكره .. تمنت بهاللحظه شي واحد بس أنها تحضن سيف بكل قوه فراق ال9 سنوات الماضيات ..جاهدت وحاولت وقاومت كل رغبه فيها وبدموعها انهم ينزلو .
.
.
أما سيف ماكانش حاله أفضل منها ...كان بنظرته ليها يتمني أن يصرخ بوجهها بكلمه وحده لييش!!.

ولان سيف كان متدرب ومتجهز لهاللقاء عكس بسمه كانت ردت فعله الوحيده انه تجاوزها بكل برود وكأنها مش موجوده .

سيف :-
هبه حضريلي قهوتي وجيبيها ع المكتب ..اه وقولي للمساعده الجديده تدخل عشان نتفاهمو ع أساسيات الشغل.

صدمه بسمه ببرود سيف كانت أكبر من صدمتها بلقاءه ..حست أن رجلاها ماعاد شايلينها وقعدت ع الكرسي وكل تعابير وجهها تغيرت.

شافت لهبه وبحروف يادوب تطلع:-
هو ..احم هو هذا مدير الشركه.

هبه بأبتسامه:-
أيه هذا هو ..أسمه سيف الدين السلماني ..راجع من أمريكا ماليشي هلبه ..بس أشهر مهندس بهالمنطقه بالوقت الحالي ..وأشهر شاب جنتل وحليوه والبنات عليه زي الرز😍😍❤.

قربت هبه من بسمه بقلق:-
فيك شي ..ليش وجهك أستصفر حاسه بشي.

بسمه ويادوبها قادره تتكلم :-
احم ..لا ماتشغلي بالك ولاشي ..بس حسيت بدوخه بسيطه يمكن لأني مش فاطره .

هبه :-
طيب أدخلي للمدير وبعدها أطلعي أفطري وأشربي قهوتك قبل ماتستلمي شغلك .

بسمه بأبتسامه مكابره :-
تمام ...شكرا.
.
.
بخطوات متعثره ونفس يثقل مشت بسمه جهة مكتب سيف ..حاولت تجمع كل قوتها ورفعت يدها وخبطت ع الباب .

سيف وهو يحاول يبين نفسه انه منهمك ف الشغل :-
تفضل.

فتحت بسمه الباب ودخلت..لقاته قاعد ع الكرسي خلف مكتبه ومطبس راسه وملتهي ببعض الاوراق .

وبهاللحظه وبأول ماتعمقت ف تأمل ملامحه حست بالدوار أكثر وكانت ع وشك انها اطيح بس قاومت هالشعور ومسكت بحزام شنطتها بكل قوتها وكانها تستمد منه العون لهاللقاء وقعدت واقفه تستني فيه أمتي يشوفلها ويسمحلها تقعد .

أما سيف فتعمد من جديد أنه يتجاهلها ودار روحه مشغول بتوقيع كومه أوراق ..ورغم البرود والهدوء بملامحه أل ان جواه كان بركان غضب وشوق ليها وكان يجاهد ف نفسه ويقاوم ف شعور الضعف جواته

وهالغضب زاد بوقت شافلها من تحت من غير ماتنتبه وكانت حاطه يدها ع الإسواره اللي بيدها اليمين وتحرك فيها وهيا مطبسه راسها.

وبهاللحظه قرر يحط البيرو من يده ورفع راسه وبنظرات كلها إتهام تكلم وقال :-
أجلسي لو سمحتي.

بسمه رفعت راسها وقعدت تشوفله من غير ماتسمع او تستوعب شن قال لعند كرر من جديد

سيف:-
ماسمعتي شن قلت..أجلسي .

بلعت بسمه ريقها وبخطوات وصوات ثقيل قعدت ع الكرسي :-
ش..شكرا .

سيف كان يحاول يبين هدوءه وماينفجر :-
قبل مانبدأ ف الشغل..ممكن سؤال ..نحن تلاقينا من قبل !؟.

بهاللحظه حست بسمه وكأن سهم دخل بقلبها وشافتله بصدمه وتفاجأ "معقول يكون نساها لدرجة مش متفكرها ...وبوقتها ماشافت بعيونه الا البرود وعدم المعرفه..ولحتي ماتحط نفسها بموقف محرج :-
لا....ماأعتقدش .
.
.
مع هالجواب زاد غضب سيف أضعاف منها وبنبره مستفزه :-
كويس ..معناتها دامنا مانعرفو بعض خلينا نتعرفو أنا سيف الدين السلماني مهندس إتصالات ومعلومات ودارس تصميم داخلي ..ومد يده

مدت بسمه يدها بكل ضعف وسلمت عليه :-
بسمه علي الطاهر مهندسه تصميم داخلي

حس سيف بالضعف والشوق بوقت لمس يدها بس تمالك نفسه:-
أحم خلينا نبدو ف الشغل ..وقعد يشرحلها ف تفاصيل الشغل .

وبعد ربع ساعه :-
سيف :-
ان شاء الله فهمتي الشغل...وفهمتي كويس كل التعليمات والشروط.

بسمه :-
ايه تمام كل شي واضح.

سيف :-
تقدري تتفضلي ع مكتبك .

وقفت بسمه وكأنها سجين ويستني ف هاللحظه من سنين :-
عن أذنك ..وأول ماتلفتت ومشت خطوتين دموعها نزلو ..وكانت تسارع ف خطواتها لحتي توصل للباب وتطلع.

أما سيف فكان نفس ردت فعلها بمجرد ماعطاتها ظهرها نزلت دمعه حاره من عينه وكأنها نهر ليه قداش يصارع ف سد لحتي ينفجر ويسيل ...وكانت ردت فعله أن مسك شعره بين صوابعه بأقوي ماعنده وكأنه يحاول يطلع كل غضبه فيه.
.
.
عند بسمه:-
لو سمحتي أستاذه هبه ..التواليت وين.

هبه :-
الكاريدوري اليمين ..ثاني باب ع اليسار.

بسمه :-
شكرا.

وأول ماخشت للحمام ..أأنفجرت بالبكاء وبأقوي ماعندها...دموع قهر ظلم خوف من الجاي ..دموع شوق وحب وعشق..دموع حسره وألم لدرجة ماعاد قدرت تمسك نفسها وقعدت ع الارضيه وطلعت كل طاقتها.

بعد اكثر من 20 دقيقه هدت بسمه وناضت غسلت وجهها وعدلت ميك اب وجهها وطلعت مشت لمكتبها ...واول مادخلت أنصدمت بأن بجنب مكتب سيف وأن الفاصل بيناتهم حائط زجاجي.

كان سيف واقف ع الشباك ويدخن ..وقفت بسمه بشرود وقعدت تتأمل ف ملامحه اللي مشتاقتلهم وبتموت عليهم .

بنفس الوقت أنفتح باب مكتب سيف ودخلت فاتن زي الهمجيه.

فاتن بغضب:-
أنت تتهزأ عليا ياسيف والا كيف.

تلف سيف وشافلها وشاف بنفس الوقت لمكتب بسمه وأول ماشافلها عطاته ظهرها وقعدت ع طول ع كرسي مكتبها.

رجع سيف يشوف لفاتن:-
أمتي بتحترمي نفسك...وتعرفي الاخلاق ..وتطقي الباب زي البشر قبل ماتخشي.

فاتن بغضب ومشت بإتجاه الفاصل الزجاجي بينه وبين مكتب بسمه وسكرت الستار ورجعت شافتله:-
لما تعاملني وكأني خدامه عندك وتحطني بمكتب أجرب ومع عرم موظفين من حقي نعصب وننسي الاخلاق.

سيف بهزوه:-
ع اساس انهم عندك الاخلاق...عموما هذا اللي عندي ..وانا من الاول قتلك رح تكوني متدربه وحطيتلك مكتب لحالك عجبك باهي ماعجبك باب الشركه تعرفيه .

فاتن حاولت تهدي روحها وبإبتسامه صفراء:-
طيب اوك زي ماتحب ..المهم نكون جنبك .

سيف وهو ماسك سماعه الفون الأرضي:-
كويس ..احم تعالي لمكتبي لو سمحتي.

بسمه بصوت هادي :-
حاضر .

وزي العاده تعصبت فاتن من تجاهله ليها وطلعت زي العجاجه من مكتبه .

شوي وخبطت الباب ودخلت بسمه ؛-
طلبتني ياأستاذ.

سيف:-
خوذي الملف هذا ..وراجعيه كويس وصححي الاخطاء وتأكدي من الخطوط الاساسيه للتصميم تطلع واضحه بالطباعه.

بسمه :-
حاضر ...عن أذنك.

بمكان تاني وتحديدا بفرع الشركه بالظهره .

كان وليد غاطس بالشغل وشوي ورن تليفونه .

وليد :-
ألو.

هبه :-
ألو أستاذ وليد ..حبيت نذكرك أن موعد أجتماعك مع المستثمر الجديد بعد نص ساعه عشان تكون جاهز

وليد خبط راسه:-
فكرتيني ياهبه الله يفكرك بالشهاده كنت ناسي بكل ..مشكووره تعبتك معاي.

هبه بإبتسامه؛-
ولو ..انت أوخي مايحتاج لشكر..وعموما لو حاب انا ممكن نساعدك ونشوفلك سكرتيره كويسه بإعتبار هناء سيبت الشغل

وليد :-
ياريت اديري فيا خير ياهبه .

هبه :-
خلاص من بكرا انزلك اعلان عن النت وان شاء الله خير.

وليد :-
تم عزيزتي ..ربي يحفظك.

هبه :-
ف حفظ الله ...سلام .

بهاللحظه دخل وسيم .

وسيم:-
صباحو هبه.

هبه بإبتسامه :-
صباح النور .

وسيم:-
سيف بمكتبه

هبه:-
ايه موجود .

وسيم:-
تمام ...وكان كيف بيدخل عند سيف شاف مكتب بسمه وأستغرب من وجودها ..خبط الباب ودخل

كان سيف قاعد ويدخن ويراجع ف أوراق .

وسيم:-
صباح الخير يابرو.

سيف :-
صباح النور وسيم تعالي .

وسيم :-
قعد ع الكرسي ...جيت بنعطيك علم ان بعد شوي عندي اجتماع مع السيد خالد صاحب مشروع المنتجع اللي حابب ان نصمموله خريطته وديكوره .

سيف طفى السيجاره :-
تمام ..اوك .

وسيم:-
شفت موظفه جديده قاعده بالمكتب اللي بجنبك من هيا.

سيف:-
مهندسه مساعدتي الخاصه .

وسيم:-
اها ماقلتلي انك عينت مساعده ليك.

سيف:-
أمس كيف وقعت العقد.

وسيم:-
اها ..شن أسمها.

سيف بربكه:-
احم ..اسمها بسمه.

وسيم بتفاجأ:-
ماتقولي انها نفسها .....

سيف بإندفاع:-
لا طبعا ..تشابه اسماء بس

وسيم :-
سبحان الله ع الصدف...عموما عن أذنك توا...وماتخلي موضوع الاسم يضايقك ويذكرك بالماضي.

سيف بألم:-
امشي ياوسيم انت مش داري ع شي.

وسيم:-
اوك ...سلام.

طلع وسيم وقرر يفوت ع مكتب صفاء ويسلم علاها.

خبط ع الباب:-
صباح الخير .

وقفت بسمه:-
صباح النور.

وسيم:-
اسف ع الازعاج بس مريت بجنب مكتبك وحبيت نسلم...أنا وسيم الصالح مهندس ديكور وشريك الاستاذ سيف.

بسمه بإبتسامه:-
اهلا وسهلا بيك أستاذ وسيم ...وانا بسمه علي مهندسه ديكور ومساعده الاستاذ سيف

وسيم :-
تشرفنا انسه بسمه ...عن أذنك نبيش نعطلك ع شغلك.

بسمه بأدب؛-
أذنك معاك.

وأول ماطلع وسيم ..رجعت بسمه تكمل شغلها وحست فيه عيون تراقبها وتلفتت وفعلا كان سيف يراقب فيها ..تلفتت ورجعت تكمل ف شغلها.

اما سيف رجع قعد ع كرسي مكتبه :-
رح نخليك تندمي أشد الندم لأنك نسيتيني يابسمه والايام بيناتنا.

تسارع ف الاحداث:-
وهكي مر اليوم الاول ع بسمه بالشغل هادئ ومليئ بالضعف والالم والمفاجأت .

أما سيف ماكنش يفرق الوضع عنده ..وبالليل وهو مروح للحوش رن فونه وكانت سهيله اخته.

سيف:-
ألو.

سهيله:-
اهلين حبيبي ..كيف حالك.

سيف وهو مخنوق:-
الحمد الله.

سهيله:-
سيوفي بنقولك حمزه مسافر يومين عنده قضيه ..قلت نحكي معاك تجي تقعد عندنا وبالمره نشبع من شوفتك .

سيف:-
تمام ..اساسا عنديش نيه نروح للحوش ونقعد بروحي..شوي ندوش ونغير ونجيب ملابسي ونجي.

سهيله بفرحه:-
اوك حبيبي ...ف حفظ الله

روح سيف لحوشه وبأول مادخل أذكر بسمه وحس من جديد بالشوق ليها والالم والخذلان انها ماعرفاته ...حس روحه مخنوق ودوش بسرعه وبدل وطلع .
.
.
وصل سيف لحوش سهيله ونزل وضرب الجرس ..فتحتله سهيله سلم علاها وخش.

سيف:-
الحوش هادي ...وين الصغار.

سهيله:-
راقدين لعبو هلبا ..طاحو نوم من بكري.

قعدو بالصاله وشافت سهيله لسيف وشافت انه مضايق :-
فيك شي حبيبي .

سيف بخنقه:-
سهيله عادي نرقد ع رجلك وتخربشيلي شعري زي زمان.

سهيله :-
تعالي حبيبي .

تمدد سيف ع الكنبه وحط راسه ع رجل سهيله وقعدت تلعب بشعره.

سهيله:-
تبيش تقولي شن مضايقك ياعمري .

سيف ودموعه نزلو ع طول وبصوت كله عبره:-
شفتها اليوم ياسهيله ...وحسيت قلبي انتفض من مكانه وبنموت.

سهيله بصدمه :-
.....
.
.
.
#يتبع.

برايكم شن رح تكون ردت فعل سهيله ..وكيف رح تتصرف وهل رح تخلي خوها متعذب ..وشن رح يكون الجاي.

بليز ماتنسوني بالتفاعل والتعليق الحلو اللي يشمل رايكم وتوقعاتكم.

تحياتي أختكم وصديقتكم
#zezo_a_saad🌹❤

[فيتامين سي]

#إنتقام_عاشق.
.
.
الحلقه الرابعه.

بعد ماطلع سيف من الشركه كان مضايق ومش خاطره يمشي لحوشه ويعاود ذكرياته مع بسمه ...وهو بالسياره أتصلت عليه سهيله أخته عشان يجي يقعد عندها يومين .
.
.
.
وهو قاعد عند سهيله كان مضايق وغصته بعيونه ..قرب ع أخته وحط راسه ع رجلها .

سهيله وهيا تخربش بشعره:-
قلبي...تبيش تقولي شن مضايقك.

سيف وكأن دموعه تستني ف أبسط إشاره عشان تنزل:-
شفتها ياسهيله ...اليوم شفت بسمه.

سهيله وكأنها ملدوغه وقفت بصدمه؛-
شفتها وين وكيف وأمتي.

سيف وهو مقعمز ومسند راسه ع ايديه ؛-
جت قبل يومين ادور ع شخص ..والصدفه ان ربي حطها بشركتي ...بالاول ماكنت نعرف بس لما شفت ملفها عرفتها هيا ...فرحت انها وفرت عليا تعب ان ندور علاها واول مافتحت الملف انصدمت لما لقيت مكتوب أرمله ..قبلتها بالشغل عشان نشفي غليلي ونبدأ انتقامي منها.

سهيله بغضب:-
سيف من بكرا اول ماتمشي للشركه تطردها.

وقف سيف بعصبيه:-
مستحييل..انا ماصدقت لقيتها عشان ننتقم وناخذ حقي منها.

سهيله بعياط:-
يامهبول انت مش رح تنتقم منها ..لأنك مازال تحبها ورح ترجع تضعف من جديد.

سيف تلفت للجهة التانيه:-
لا مش صح..سيف الطيب الاهبل اللي كان يعشق بسمه وقريب يعبدها مات وانتهي ..انا توا سيف اللي يبي ينتقم بس.

سهيله قربت منه بعصبيه ولفاتها عليها:-
تنتقم صح ..تنتقم ونسيتها صح .

وقعدت تخبط فيه ع صدره جهة الوشم:-
شن تفسرلي أسمها اللي متوشم صدرك وبجهة قلبك ...احكي سيف احكي قول مااحبها.صار.

سيف بعياط:-
قتلك انا نسيتها ..افهمي أسمها وشمته عشان ع طول يذكرني بخيانتها بس.

سهيله مسكاته من تيشرته:-
كذاب سيف انت كذاب...انت مازال تحبها وتعشق ترابها ياكذاب والا ماكنتش تحملت كل هالالم ودرت الحرام عشان جسمك يحضن ولو جزء منها حتي لو كان أسمها.

سيف وهو ماسك ايدين سهيله اللي ع تيشرته:-
خلاص سهيله خلاص ماعاد تعذبيني سكري ع الموضوع.

سهيله بغضب:-
لا مش رح نسكره ..ومش رح نسمحلك تتعذب عشانها من جديد وهالخاينه رح تطردها من بكرا والا أنا اللي رح نطردها.

سيف بدموع:-
مانقدرش أفهمي ..لازم نطفي النار اللي بقلبي ونبرد حرق كل هالسنين.

سهيله وهيا ماسكه وجهه بين ايديها وتمسح بصوابعها ف دموعه:-
أرجوك حبيبي لو تحبني أنساها وخليها تمشي لحالها وعيش حياتك.

سيف وهو يبوس ع يدها:-
والله نحبك ياسهيله ...بس مانقدر نطيعك ونفذ طلبك سامحيني .

سهيله رفعت يدها وضرباته كف:-
أصحي ع روحك اصحي وعيش حياتك ..لعند أمتي بتقعد عايش وانت ميت سيف لعند أمتي ورحمه ماما جاوبني .

وبوسط عركتهم سمعو صوت الصغار جايين .

مسحت سهيله دموعها اول ماجي عبدو وماريا

سهيله:-
ليش فايقين توا..مش خليتكم راقدين.

ماريا وهيا تبكي:-
ياماما عبودي كسرلي بمبليتي اللي جابهالي خالو سيف

سهيله بغضب:-
حاق عبدو كسرت لأختك لعبتها.

عبدالرحمن بخوف:-
حتي هيا ياماما لوحتلي سيارتي ع الارضيه وتنصلو بتارياتها عشان هكي كسرت بمبايتها نبي ننتقم منها.

سهيله قربت منه بغضب ومسكاته من يده:-
شن هالكلام اللي قاعد تقول فيه ياعبدو ..هذه اختك كيف تنتقم منها ياغبي .

سيف قرب منها ومسك عبدو بحضنه:-
سهيله اهدي .. ماتحطي.غضبك ف الصغار انتي قاعده تخوفي فيهم .

مروشتي لو تصالحتي انتي وعبودي بكرا نجيبلكم ألعاب جديده هلبااا.

ماريا وعبدو :-
حاضر خالو.

سيف بهدوء:-
يلا حبيبي تسامح انت واختك وامشو لداركم أرقدو وبكرا بعد المدرسه رح نجيبلكم العاب .

بعد مشو عبدو وماريا لدارهم ..قعد سيف ع الكنبه وشاف لسهيله:-.

شفتي حتي عبدو اللي صغير فكر بالانتقام من أقرب الناس ليه أخته بس لانها كسرت لعبته..فمابالك باللي قلبه أنكسر من أقرب واحب الناس ليه .

قربت منه سهيله وقعدت بجنبه وحطت راسه ع كتفها وباست عليه:-
انا أسفه..ريتها يدي انكسرت ولا مديتها عليك..سامحني ياعمري.

سيف بإبتسامه:-
أنتي أوخيتي وكل ماقعدلي بهالدنيا ولو تقتليني هاين عليا.

سهيله:-
بحياتك سامحني سيف .

سيف بإبتسامه:-
لو تبيني نسامحك ماعاد تفتحيلي السيره هذه نهائي وخليني ندير ماف راسي.

سهيله :-
بس ياسيف ...

سيف :-
لا بس لا شي ...هيا شن بتعشيني متت بالجوع .

سهيله بإبتسامه دافيه:-
حاضر ..شوي ويكون العشي جاهز.
.
.
أما.عند بسمه:-
من أول ماركبت التاكسي ودموعها مارضو يوقفو .

"ياترى ياسيف فعلا نسيتني...لهالدرجة ماعاد حتي فاكر ملامحي...السنين غيرتني وغيراتك ...بس رغم هالشي.طول هالسنين ولابلحظه نسيتك ولامره غبت عن بالي ..كل يوم من غيرك كنت عايشه من غير روح جثه بس".

ياترى ياسيف لو عرفت الحقيقه رح تسامحني وماتكرهني ..ااه ياربي انت وحدك العالم بيا فرج عليا واجبر بخاطري من عندك يارب.
.
.
بعد نصف ساعه وصلت بسمه للحوش وخشت لقت مامتها قاعده بالصاله .

بسمه:-
السلام عليكم ماما.

نجيه:-
وعليكم السلام يابنيتي ..خيرك عطلتي شغلتيني عليك.

بسمه بإبتسامه هاديه؛-
ظأسفه حبيبتي ..نسيت نقولك مواعيد شغلي هو هذاكا.يتم الدوام الساعه 8 ونص ويادوبني لقيت تاكسي ووصلني مسافه الطريق.

نجيه وهيا ماسكه يد بسمه؛-
ربي يعاونك ..ويعطيك الصحه ويجبر بخاطرك .

بسمه باست ع يدها:+
امين ياتاج راسي...بابا وين مش.مبين.

نجيه:-
صلي العشاء وبيستناك كذبت عليه قتله كلمتيني وجايه ف الطريق عطيته دواه ورقد

بسمه؛-
نوم العافيه والراحه ياروحي.

نجيه؛-
نوضي امالا غيري وصلي ..مابين حضرتلك العشي.

بسمه :-
لالا حبيبتي مش بخاطري.ماتعبي.روحك تو كان جي بنيتي ناكل حتي بعدين ..نوضي استريحي.بدارك.

نجيه :-
فيك شي بسومه ..صاير معاك شي.

بسمه بأرتباك:-
لا مااما ماف شي ..غير شويه تعب ومش.متعوده ع روتين الدوام واشغل الجديد

نجيه:-
طيب بنيتي نوضي امالا.صلي وأستريحي وتبي اي حاجه كلميني حتي لو لقيتيني راقده.

بسمه وقفت وباست ع راس مامتها:-
ربي مايحرمني منك ياعمري ...تصبحي.ع خير.

نجيه :-
تلاقي الخير ياكل دنيتي.
.
.
الساعه 1:00 بالليل :-
كان سيف قاعد بالجنان ومش قادر يغفي يفكر.ببسمه .
"ياترى ليش ذبلت هكي..وشن اللي صاير معاها ليش الدموع والحزن ع طول بعيونها ..معقوله تكون فعلا نستني ..يارب دلني ع الصح وبرد ناري ياارب .

"وادي الليل بجراحو ونارو ..ادي.عذابو وادي مرارو...نسهر نعشق ويا جراحو ...شف كم واحد فينا أختارو...مش.هنساك علشان خلتني...اعشق نارك وأنت فايتني...بعد الحب دا كلو تقولي...هو دا قلبي وهو قرارو...ادي الحب اللي أنت نسيتو ..وادي الحب اللي.انت رميتو...وادي.غرامو عذاب بذوقو ..قدام عينك وانت فايتني"
مقطع من أغنيه تامر عاشور🎤🎵.
.
.
الصبح الساعه 7:30:-
فاقت سهيله من النوم وطلعت من دارها مشت للدار اللي فيها سيف مالقاته وفراشه مرتب زي ماخلاته...طلعت تشوف ف سيارته لقاته قاعد بالجنان.

سهيله:-
صباحو ياقلبي

سيف بأبتسامه هاديه:-
صباح النور .

سهيله:-
امتي فقت...وليش مافيقتني فطرنا مع بعض.

سيف :-
مارقدت اصلا من امبارح.

سهيله قعدت بجنبه:-
تفكر فيها صح.

سيف:-
سهيله بلاش هالسيره ع الصبح أرجوك.

سهيله :-
طيب سكتت ها...تعالي نفطرو مع بعض.

سيف:-
لالا صحتين ..يادوبني نروح ندوش ونبدل ونمشي للشغل عن أذنك.

سهيله:-
ربي يهديك وخلاص..دير بالك ع حالك.

سيف:-
ان شاء الله حتي انتي وباس ع راسها ف حفظ الله.

سهيله:-
ف رعاية الله ياعمري.

.
.
ركب سيف سيارته ومشي لحوشه ..دخل دوش وطلع غير ملابسه لبس بنطلون جينز أكحل وسوريا كاروهات أصفر بقهوي وأكحل وجاكيت قهوي كابتشينو وحط عطره وطلع .
.
.
أما بسمه فاقت الصبح ودارت روتينها اليومي ولبست قونه كحله وبريتال دمي وجاكيت أكحل بسيط ولبست وشاح أكحل بوردات دميه ع الاطراف ..صبحت ع بوها وامها زي عادتها وفطرت وطلعت لشغلها.
.
.
أول ماوصلت بسمه للشركه وكيف بتركب بالاسانسير تلاقت مع وسيم.

وسيم:-
صباح الفل انسه بسمه.

بسمه بإبتسامه هاديه؛-
صباح النور أستاذ وسيم كيف حالك اليوم.

وسيم:-
الحمد الله وانتي .

بسمه :-
الحمد الله طيبه.

انفتح الاسانسير.

وسيم:-
تفضلي.

بسمه :-
شكرا ..وركبو الأتنين مع بعض.

وسيم:-
شن جو الشغل معاك ...عجباتك الشركه او لا.

بسمه بهدوء؛-
الحمد الله مريح وهادي .

وسيم؛-
حلو ربي يوفقك ..واحتجتي اي شي تقدري تحكيني بأي وقت وانا تحت امرك.

بسمه بخجل:-
شكرا أستاذ وسيم كلك ذوق.

وسيم بمرح:-
ماف داعي للشكر..وطالما نحن زملاء واصحاب بالشغل بلاش من الالقاب الزايده وضبحيلي بإسمي حاف مانحب الرسميه والتعقيدات.

بسمه:-
تمام ان شاء الله .

أنفتح الاسانسير وبأعتبار وسيم بالدور التالت رح ينزل قبلها.

وسيم:-
فرحت بمعرفتك ..نتلاقو ان شاء الله .

بسمه:-
بعون الله .

نزل وسيم ..وركب الاسانسير ببسمه للدور الرابع واول مافتح طلعت منه ومشت لمكتبها .

بسمه:-
صباح الخير هبه.

هبه بإبتسامه:-
صباح النور حبيبتي.

بسمه:-
الأستاذ سيف جي.

هبه:-
لالا اتصل قال بيتأخر...بيمشي ياخذ سياره جديده لأنه من سنين ماجي للبلاد وماعنده سياره ملاكي

بسمه بفضول:-
عنده هلبا عايش بأمريكا.

هبه:-
من 9 سنوات ..وماجاش لليبيا بكل حتي امه واخته كانو لما يشتاقوله ويبي يشوفهم يبعتلهم ويجيبهم عنده ....ماجاش طول هالسنين الا مرتين مره بعرس أخته ..ومره قبل سنه ونص لما أمه توفقت جي وحضر جنازتها ولأن اخته تعبت هلبا قعد معاها شهر ورجع

بسمه بصدمه وماعاد قدرة توقف:-
أم الاستاذ سيف توفت.

هبه بإستغراب:-
ايه ..ليش انتي تعرفيها!!

بسمه بإرتباك:-
اه ..لالا عن أذنك ومشت لمكتبها.

هبه بإستغراب :-
زعما بسمه ليش وجهها تغير والعبره بعيونها لما عرفت ان ام استاذ سيف توفت...زعما تذكرت زوجها المتوفي ..اكيد هكي مسكينه ربي يصبرها.

اما بسمه اول مادخلت لمكتبها نزلو دموعها :-
معقوله خالتي زهره توفت من سنه ونص وماسمعت بيها وانا نسكن بنفس المدينه معاهم...يارب ارحمها النفس الطيبه واجعلها من اهل الجنه يارب.
.
.بعد 10 دقايق :-
وصل سيف للشركه ...وأركب بالأسانسير ..وبعد وصل للمكتب.

سيف:-
صباح الخير هبه.

هبه:-
صباح النور أستاذ سيف.

سيف:-
قهوتي لو سمحتي جيبيها ع مكتبي .

هبه :-
حاضر أستاذ.

سيف دخل زي العجاجه ومن غير مايتلفت ع بسمه اللي أول ماشافاته وقفت ووجعها خاطرها أنها ماعبراته .
.
.
قعمزت بسمه ع مكتبها تكمل ف باقي شغلها شوي ورن فون المكتب قاماته.

سيف:-
تعالي لمكتبي بسرعه.

بسمه:-
حاضر أستاذ .

شوي ودخلت بسمه:-
صباح الخير.

سيف تجاهلها ومارضي يرد علاها:-
لو سمحتي بعد ساعتين سلميلي الملف اللي عطيتهولك أمس ..وبعدها أبدي دققي ف الملف هذا وحطي الخطه المبدئيه للتسويق والنشر بأسرع وقت.

بسمه وهيا منزله راسها :-
حاضر...تطلب شي تاني.

سيف:-
لا خلاص ..تقدري تتفضلي لمكتبك.
.
.
.
عند وليد:-
كان ف زياره ميدانيه للموقع اللي رح يشتغلو فيه المنتجع وتفاهم مع المهندسين اللي رح يشتغلو معاه والعمال ..وبعد ماطلع من الموقع .
.
.
مسك فونه وأتصل بسيف وأول مارد:-
صباح الخير سيف

سيف:-
صباح النور ياغالي...شن الجو عندك.

وليد :-
تمام ...شن جوك انت.

سيف:-
الحمد الله .

وليد:-
قتلك سيف..انا كنت بالموقع اللي رح نبنو عليه المنتجع وتفاهمت مع العمال والمهندسين...مازال في أشكاليه ف الواجهه للخريطه وبعض التفاصيل ..ماا بيا نعدلهم انا وياك شن رايك.

سيف:-
صاحب المشروع راضي نديروله تعديل ع خريطته.

وليد؛-
السيد خالد قالي اللي بديروه عادي كل شي تحت تصرفني انا يهمني يكون شغل نظيف وحاجه حلوه بالاخر.

سيف:-
تمام متفاهمين...تعالي الليله تعشي معاي عند سهيله وبعدها نتناقشو ونحطو التعديل.

وليد:-
لا مستحيل نمشي عند سهيله لما تقددني ..ليها يومين تبعتلي ف مسجات عشان مارديت علاها كاتبتلي يديرلك ربي تطلع قدامي لما ناكلك بسنوني .

سيف:-
ههههههه جبان .

وليد:-
تضحك ..كله منك قتلك خليني نقوللها انك بتروح سكرت راسك وجت ع راسي.

سيف:-
غير تعالي تو نصالحكم مع بعض.

وليد :-
تو نفكر...المهم انا عطيتك علم وانت رتب اللقاء .

سيف:-
تمام حبيبي متفاهمين .

وليد:-
هيا امالا سلام توا.

سيف:-
ف حفظ الله سلام.

قعد سيف يشرب ف قهوته ويدخن ويشوف لبسمه وهيا تشتغل من الفاصل الزجاجي ..وبعد شوي شافها وقفت وطلعت من مكتبها.

خبط باب مكتبه .

سيف:-
تفضل.

بسمه بعد خشت:-
أسفه لو عطلتك ..بس خلصت الملف.اللي طلبته مني تبع شغل أمس ..تفضل.

سيف وهو يشوف لبسمه بنظرات تحرق:-
وريني ..وقعد يشوف ف الملف ورغم ان الشغل كان منظم وف غايه الروعه بس تصرف عكس هالشي.

سيف بغضب:-
شن هالغباء اللي مدايراته ..انتي غبيه والا تستغبي .

بسمه بصدمه:-
عفوا ...بس انا شن درت.

سيف بعياط:-
أنا قتلك عدلي الخطوط وخليها تطلع واضحه ف الطباعه .

بسمه والدمعه بعينه؛-
وهذا اللي درته بالضبط.

سيف حذف الملف بقوه ع الطاوله:-
اللي درته غباء يافالحه ...قتلك عرضي الخط مش.تخليه كبيير ويلعب ف المنظر.الجمالي.كله .

بسمه وهيا ترجف ودموعها ينزلو :-
حاضر رح نعدله من جديد .

سيف لما شاف دموعها ماقدر يتحمل وكان ف قدامه طاسه ميه مسكها.بقوه لعند تكسرت ف يده وأنجرحت.

بسمه بلهفه وخوف جت تجري عليه ومسكت يده وهيا تبكي:-
انت شن درت بس ...يدك دم وطلعت منديل من جيبها وقت تلف ف يده .

سيف كان قريب منها ع الاخر وقلبه نبضه بيوقف من قربها وكان سارح فيها ويتأمل في ملامح الخوف واللهفه عليه نفسهم اللي كانو قبل .

وبلحظه اللي تلفله ف يده مسك يدها اليمين اللي فيها السواره .

بسمه فاقت ع روحها وتجمدت بمكانها ورفعت راسها بشوي لقاته يشوفلها .

سيف بصوت كله حنين ولهفه:-
من وين جايبه هالسواره ومن عطاهالك.

بسمه بصدمه :-
....
.
.
.
.
#يتبع.

برايكم شن رح يكون رد بسمه...وهل هذه بدايه كشف المستور وهل رح يتنازلو ع كبرياءهم ويعترفو لبعض والا لبسمه رأي تاني.

بإنتظار تفاعلكم وتعليقاتكم .

تحياتي صديقتكم.

#zezo_a_saad❤🌹

[فيتامين سي]

الحلقه الخامسه.

أصعب شي أن الواحد فينا يداري شعور اللهفه والخوف ٱتجاه أنسان يحبه ..والأصعب أنه بوقت يكون علي حافه ان مشاعره تكشفه ويصارع نفسه عشان يلم شتاتها وماينكشف .
.
.
بوقت اللهفه والخوف كانو بعيون بسمه وتصرفاته لمجرد أنها شافت سيف تأذى ...كان بالمقابل الشوق والحنين متحكم بسيف .

بسمه وهيا تلف ف يده ودموعها ع خذها:-
لازم تمشي للدكتور ...يدك تنزف هلبا وإحنمال تحتاج خياطه.

سيف مسك يدها اليمين اللي فيها السواره:-
من وين حصلتيها.

بسمه بإرتباك وخوف :-
مافهمت شن قصدك ... لو سمحت اطلق يدي .

سيف جبدها ناحيته لعند خبطت بصدره وهو ماسك يدها وعيونه بعيونها اللي كان تايه فيهم وبصوت يادوبه قادر يطلعه:-
سؤالي واضح...السواره من وين حصلتيها .

بسمه ومش قادره تاخذ نفس ونبض قلبها مسموع وحاسه روحها بطيح :-
من حب......احم مش متفكره .

سيف والابتسامه اللي كيف كانت رح ترتسم ع وجهه اختفت:-
كيف يعني مش متفكره .

بسمه :-
يعني مش متفكره ...ليها زمان عندي ومتعوده نلبس فيها لأنها عاجبتني ونسيت من وين شاريتها الحق .

سيف بصدمه :-
فك يدها وباعد علاها وعطاها ظهره :-
أطلعي لمكتبك لو سمحتي.

بسمه خذت الملف وطلعت تجري .

مرت ع هبه واستغربت من شكلها وخصوصا انها طالعه تبكي .

هبه ؛-
زعما شن في ...ليش بسمه طلعت تبكي ووين مشت زعما...ان شاء الله خير.

عند سيف :-
اول ماطلعت بسمه ..كان الضحيه الفازه اللي بجنب طاوله مكتبه
حدفها ع الحيط وبصوت عالي:-
خاينه ..خاينه نسيتي حتي هديتي ليك ولابساته بس أكسسوار ...اااااه ياربي فيا ناار ومش حاس بيا حد ...وقعد ع الأرض وطلع كل ألمه ع هيئه دمووع .

أما بسمه كانت تائهه حتي بخطواتها ومش عارفه أصلا وين هيا ماشيه وبلحظه لقت نفسها بحديقه الشركه .

قعدت ع أقرب كرسي وع طول سلمت نفسها للبكاء والدموع.

"عبيه بسمه غبيه ..كنتي رح تقولي من حبيبي وهو مش فاكرك أصلا وناسيك ...أنتي لازم تنسيه سيف بقلبك وعقلك وكل.كيانك بس مش بواقعك أكتفي بهالشي وماتورطي روحك وخليه يعيش حياته زي ماعاشها من قبل حرام عليك حتي اطالبه بمشاعرك او تحسسيه بيها...وشافت للسماء يارب أنت الوحيد اللي سامعني وعارف النار اللي بقلبي يارب ريح بالي وأكتبله السعاده وعوضه خير مني يااارب".
.
.
.
الساعه 1:00 الظهريه:-
رجعت بسمه من حوالي ساعتين لشغلها بعد ماهدت ومزاجها تعدل وكانت تشتغل ع ملف اللي طلب منهة سيف تعاود تعديله.

أما سيف فكان قاعد بمكتبه ويوقع ف بعض الاوراق .

كان وسيم جاي لهبه عشان ياخذ منها الفاكس اللي وصل لسيف .

وهو مار من جنب مكتب بسمه ..لقاها ملتهيه وغاطسه بالشغل .

خبط ع الباب رفعت بسمه راسها.

وسيم:-
أسف ع الازعاج.

بسمه بإبتسامه هاديه:-
لاعادي ولايهمك ..تفضل.

وسيم:-
ليش قاعده بالمكتب ..وقت إستراحة الغدي توا مش بتتغدي.

بسمه :-
مش خاطري الحق...وزياده عندي شغل هلبا ولازم نسلمه اليوم يادوبني نلحق.

وسيم:-
الشغل مش أهم من صحتك...يلا نوضي ان عازمك ع الغدي.

بسمه :-
ماف داعي والله مش بخاطري .

وسيم:-
معقوله ترفضي دعوه صديقك ..ياستي أعتبريه عربون تعارف وصداقه .

بسمه:-
لا مش بقصدي بس.

وسيم :-
لابس ولاشي هيا نوضي مانقبلش منك اي عذر .

بسمه بإستسلام :-
طيب اوكي بس عندي شرط.

وسيم هو مكتف يديه قدام صدره:-
أشرطي ياست بسمه أوامرك.

بسمه بخجل:-
مايأمر عليك ظالم ..نبيش نتأخرو يادوب نتغدو ونرجعو طول.

وسيم بمزح؛-
وحق ربي مش خاطفك انا .

بسمه :-
لا أسفه مش قصدي والله .

وسيم:-
هههههه نمزح عارف والله.

ناضت بسمه تسكر ف اللاب اللي كانت وشتغل عليه وماكانت منتبهه لسيف اللي كان يراقب فيها وقلبه نار .

وبلمح البصر أنفتح باب المكتب.

سيف :-
وسيم شن ادير هنايا.

وسيم:-
اهلا سيفو...ولاشي جاي لحتي نعزم هالانسه الجميله ع الغدي وليا ساعه نلح علاها لحتي اقتنعت.

سيف:-
كملتي شغلك اللي كلفتك بيه.

بسمه كيف بترد تكلم وسيم:-
بس توا أستراحة الغدي ياسيف...يعني خارج نطاق الشغل.

سيف وهو يشوف لبسمه بغضب:-
طيب اوك ...بس دير بالك يشوفك حد من اهل زوجها معاها وطلع.

وسيم:-
أنتي متزوجه قصدك.

بسمه:-
كنت بس زوجي توفي من 3 سنوات

وسيم:-
عفوا انا اسف ..ربي يرحمه.

طيب يلا خلينا نمشوا.
.
.
طلع وسيم مع بسمه من الشركه ومشو لمطعم مقابل للشركه وهما ماشيين.

وسيم:-
ممكن نسألك سؤال لو ماعندك مانع.

بسمه بهدوء؛-
تفضل أكيد .

وسيم:-
بشنو توفي زوجك.

بسمه بإرتباك:-
ا..احم نوبه قلبيه .

وسيم :-
ربي يرحمه...عندك اطفال.

بسمه تذكرت البيبي اللي أجهضاته وبحزن:-
لا للأسف .

وصلو وسيم وبسمه للمطعم وهما كيف بيدخلو رن فون وسيم وطلع يرد .

دخلت بسمه عشان تحجز طاوله ...وهيا داخله وكيف بتقعد ع الكرسي ..شافت شخص قلبلها كل كيانها.."رح تعرفو الشخص بالأجزاء القادمه"😛.

طلعت بسمه تجري قبل ماينتبه عليها الشخص وبخوف .

وسيم:-
خيرك طلعتي

بسمه بخوف وهيا تتلفت:-
ممكن نمشو لغير مكان ..زحمه هني ومش مريح

وسيم بإستغراب:-
ليش...في شي

بسمه :-
لا ..بس مش مرتاحه .

وسيم:-
طيب تمام ..وين حابه نمشو.

بسمه:-
ف مكان قريب من هنايا بالشارع الخلفي ع طول نمشيله متفرع ع بعد شارعين رح يعجبك.

وسيم :-
طيب أوك.
.
.
.عند سيف :-
وبعد ماطلعت بسمه مع وسيم...طلع من زي العجاجه..وركب بسيارته وكان يسوق زي المجنون ولأنه مش مركز ...وقف السياره ع جنب ..وقعد يخبط ف الدومان بيده ويعيط:-
أنت إنسان ضعيف وضعيف هلبا ياسيف ...مازال تحبها وبتموت من الغيره عشان طلعت مع وسيم .

أصحي ياغبي الخائنه هذه ماتستحقش حبك ...انت لازم تكرهها مش تغير علاها بعد كل اللي صار .

نزلت دمعه ساخنه من عيون سيف قعد يضرب ف وجهه بالكف .ليش تبكي.توا ليش مش هذه اللي سيباتك لأنك فقري ومشت تزوجت واحد فلوس ونساتك ...مش هذه اللي توا تطلع وتخش مع أعز صحابك وياعالم يمكن تلخبط فيه وأنت قاعد تبكي علاها .

مسح سيف دموعه بقوه"أنا لازم نبعدها ع طريق صاحبي عشان مايصير فيه زي ماصار فيا " .

بعدها ساق سيارته وقرر يمشي لمكان كان ع طول يتردد عليه ويتغدي فيه .

مطعم صغير بالمدينه القديمه خاص بالمأكولات البحريه للحاج جمعه والحاجه سالمه .

وصل سيف ونزل ... وأول مانزل شاف بنوته تساعد ف جدتها.

سيف:-
السلام عليكم .

رهف:-
وعليكم السلام ...تفضل .

سيف:-
أنا جيت المره الماضيه ..ولقيت المطعم مسكر.

رهف:-
اها حناي كانت مريضه ..وسكرناه يومين.

سيف:-
الف الحمد الله ع سلامته.

رهف:-
تسلم ..بارك الله فيك..شن طلبك لو سمحت.

سيف:-
نبي حساء حرايمي ..وسمك أوراطى ع الريش ومعاه سلطه لو سمحتي.

رهف:-
تمام حاضر شوي طلبك ويكون جاهز.

قعد سيف يتأمل ف المكان ويبتسم...قاعد زي ماهو ماتغير فيه شي الا الزواق وشويه الصيانه ..هه زي ماتغيرت كل ذكرياتي فيه مع بسمه وقعدت بس ماضي مدفون.

شوي وجت رهف :-
تفضل ...طلبك جاهز.

سيف بإبتسامه هاديه :-
يسلمووو...عفوا ممكن سؤال.

رهف وهيا تحط ف الصحون:-
تفضل أسأل.

سيف:-
يزيد فضلك...هو عمي جمعه وين.

رهف:-
أنت كنت تعرف جدي الله يرحمه.

سيف بصدمه وحزن:-
قصدك الحاج جمعه توفي...ان لله وانا اليه راجعون ..انا كنت من زبائنه القدم وع طول لما نطلع من الطامعه نجي نتغدي من عنده.

رهف:-
معناتها شكلك كنت برا البلاد ..وماتعرف ان جدي توفى من 4 سنين وحاليا انا عايشه مع حناي ونشتغلو بالمطعم لحالنا..

سيف:-
قصدك انتي رهف بنت بنتهم رقيه الله يرحمها

رهف بإستغراب:-
أنت تعرفني!!.

سيف:-
نعرفك من وقت عمرك 6 سنوات تقريبا ..لما تجي للمطعم مع جدك وحناك كنتي تلعبي بحداهم وبمره سألت عليك الحاج جمعه ربي يرحمه وقالي أنك بنت بنته ويربي فيك لأن أهلك توفي بحادث سير.

رهف بحزن:-
ايه صح انا هيا .

سيف:-
كبرتي ماشاء الله ...ماعرفتك كم عمرك توا.

رهف:-
16 سنه.

سيف بإبتسامه:-
العمر كله يارب.

رهف بإستغراب :-
ممكن نعرف ليش تسأل.

سيف:-
ولا شي ...بس مضايق وندور ف اي حد نحكي معاه وكنت جاي ع اساس بنحكي مع عمي جمعه بس تفاجأت انه توفي ربي يرحمه.

رهف بفضول طفولي:-
ممكن نقعد .

سيف بإبتسامه:-
اكيد تفضلي .

رهف حطت يدها ع خدها:-
أنت شن أسمك.

سيف وهو ياكل:-
أسمي سيف.

رهف:-
أسمك حلو زيك

سيف :-
شكرا ..خبريني سنه شني تقري.

رهف:-
انا موقفه قرايه من شهور ..حناي صحتها ع قدها وماعاد تقدر تمشي المطعم لحالها ومانقدرش نخليها لحالها.

سيف:-
بس هكي ظلم انتي لازم ترجعي لدراستك ..ليش ماتجيبو حد يشتغل معاكم ويعاونها وترجعي انتي لدراستك.

رهف:-
مصاريف ماتغطي نجيبو حد تاني يشتغل معانا .

سيف؛-
أمم طيب.شن رايك نديرو اتفاق.

رهف بتركيز:-
وشن الاتفاق.

سيف:-
شن رايك نجيب حد يشتغل مع حناك بدالك ..وانتي ترجعي لدراستك ..وماتخافي انا اللي رح ندفع لهالشخص معاشه.

رهف بنظره شك:-
وانت ليش تبي أدير هكي .

سيف بهدوء:-
جدك ربي يرحمه...فضله كبير عليا وياما ساعدني ووقف جنبي وأحيانا كان يعرف ان ماعندي فلوس ويغدي فيا ع حسابه .

رهف:-
أمم انت واضح عليك انسان طيب وصادق ..طيب ف حالة وافقت كيف بنديرو مع حناي .

سيف بإبتسامه:-
حناك هذه ساهله خلاها.عليا.

رهف بمرح :-
طيب خلاص متفاهمين.

سيف:-
ونبيك ترجعي لقرايتك وتنجحي من الاوائل ومصروفك عليا ...أعتبريني خوك الكبير ..انا عندي اخت كبيره اسمها سهيله وعادي يعني تبدأ عندي اخت صغيرونه وشاطره اسمها رهوفه شن رايك.

رهف :-
ممكن سؤال عبيط.

سيف بإبتسامه:-
تفضلي.

رهف:-
هو انت شن تشتغل عشان تبي تتحمل مسؤوليتي وتصرف عليا.

سيف :-
امم ياستي انا مهندس إتصالات ومعلومات وتصميم هندسي وعندي شركه بمركز المدينه .

رهف:-
الله حتي انا عندي صديقتي مهندسه ديكور .

سيف:-
صديقتك ومهندسه!!

رهف:-
ماتستغرب هيا كبيره مش بعمري ...بس تعامل في وكأنها أختي .اسمها ...

الحاجه سالمه:-
يارهف ...يارهف .

رهف قصت ع كلامها:-.
حي عليا حناي تنادي...نستأذنك توا .

سيف:-
أستني ..هذا الكرت فيه ارقامي أحكيني عليه عشان نتفاهمو.

ررهف :-
اوك ...سلام توا.
.
.
.
عند وليد :-
بعد ماكمل شغله الميداني بالموقع اللي رح ينبني عليه المنتجع .

وهو راجع من الشغل ..كانت الطريق زحمه والسيمافرو مسكر .

وليد كان ماسك فونه وملتهي فيه لعند سمع خبطه ف سيارته فتح الشباك.

وكانت ف سيارة تاكسي بجنبه أنفتح بابها بقوه لعند خبط ف سيارته ونزلت منها بنت .

وليد نزل بعصبيه:-
أنتي ياغبيه مش تنتبهي لما تفتحي الباب .شوفي كيف خبطتيلي سيارتي.

البنت :-
أحترم نفسك وتكلم بأسلوب ..وبعدين سمله عليك وع سيارتك مافيها شي

وليد وهو متفاجأ من طريقة كلامها:-
مطول لسانك يابنت ..أطول حتي منك ياشبر ونص ..تعالي هنا أعتذري والا رح تخلصي .

البنت:-
نعتذر لمن ياناطحه سحاب .امشي سلم بابا مش فاضيتلك عندي موعد بيفوتني وانت مدايرلي محاضره عشان شقفت سيارتك انخبطت

وليد :-
حيه ع البنت ماصح وجهها ...والله لما نوريك تو تشوفي لما نشكي فيك.

البنت من بعيد:-
سلملي ع المركز وجماعته ..تشاو .

وليد ركب بسيارته وهو مصدوم من تصرفات البنت

وحق ربي هالبنت مجنونه أقسم بالله.
.
...
.

عوده عند بسمه ووسيم:-

وسيم:-
ها شن وصلنا .

بسمه:-
ايه خلاص اهو ف الزنقه

وسيم:-
حلو المكان وشرح كله تقليدي ويهبل .

بسمه:-
مازال لما تشوف المطعم ...اهو وصلنا .

بسمه كانت تحكي مع وسيم وهما كيف بيدخلو .

بسمه بصدمه:-
....
.
..
.
.
#يتبع

برايكم شن اللي صدم بسمه ...وشن دور رهف بالقصه ..وشن دور البنت اللي خبطت وليد بمسار القصه وكيف رح يكون الجاي بين بسمه وسيف .
.
.
.
تحياتي صديقتكم وأختكم.

#zezo_a_saad❤🌹

[فيتامين سي]

#إنتقام_عاشق.
.
.
الحلقه السادسه.

بعد ماكمل سيف غداها وهو طالع ..كانت الصدمه أنه تلاقي مع بسمه ووسيم بالباب.

سيف بنظره حقد لبسمه:-
اوو اهلا وسيم ..غريب جاي لهالمكان.

وسيم بمرح:-
بسمه شكرتلي المكان وهيا جابتني ليه قلت نجرب.

سيف بسخريه:-
هه معناتها ننصحك تاخذ حساء حرايمي واوراطى ع الريش...صحتين يا...وشاف لبسمه من تحت وبعدها رجع شاف لوسيم ..ياوسيم.
...
أول مادخلت بسمه للمطعم لقت رهف جت علاها تجري وحضنتها.

رهف بفرحه:-
بسومه خيتي أستاحشتك هلبااا

بسمه ودموعها نزلو وهيا مش مركزه بشي إلا بلقاءها بسيف .
حتي انا حبيبتي أسناحشتك هلبا.

وسيم:-
احم ..ماكنت نعرف ان عندك اخت اصغر منك.

رهف بٱبتسامه:-
بسمه مش أختي ..بس انا معتبرتها هكي لأننا صديقات من زمان.

وسيم بعبط:-
أها ..تشرفنا انا أسمي وسيم ومد يده.

رهف :-
وانا رهف وسلمت عليه.

شوي وجت الحاجه سالمه من بعيد :-
بسمه بنيتي كل حالك.

قربت علاها بسمه وباست ع راسها:-
اهلين ياخالتي الحمد الله ..كيف حالك انتي.

الحاجه سالمه:-
الحمد الله يابنيتي الكبر والمرض مافيهم خير.

وسيم :-
ربي يشفيك ياحاجه ويمد بعمرك.

الحاجه سالمه:-
من هالشاب الحليوه...هذا نفسه متع الجامعه أرجعتو ولتم شملكم بعد عمايل هذاكا المغضوب...شن كان أسمه هو ..نسيت ليا زمان ماشفته

بسمه بٱرتباك وخوف:-
اه ..احم لا ياخالتي هذا وسيم زميلي بالشغل ومديري بالشركه.

الحاجه سالمه؛-
اها ..سامحني ياوليدي فكرتك حد ثاني ..عموما أنستوني بمطعمي .

وسيم:-
الله يأنسك ...ربي يحفظك.

بسمه بإستعجال:-
عن أذنك خالتي ..وتلت وسيم وقعمزت ع الطاوله.

وسيم بفضول:-
من اللي تقصده الحاجه ..والمغضوب قصدها راجلك .

بسمه وهيا تحاول تغير الموضوع:-
ماتحط ببالك .واحد كان يقرأ معاي ومره مره نجو نتغدو هنا زمان.

شوي وجت رهف:-
ايه ..شن قررتو تطلبو.

وسيم وهو ملتهي مع رهف يطلب.

أما بسمه كانت سرحانه وتتذكر ف كلام سيف:-
معقول سيف تذكر مكاننا اللي ع طول كنا نجوه مع بعض وتذكر أكلتي المفضله ونساني ...طيب لو ناسيني ليش ذكرها لوسيم ياتري.

وبوسط شرودها مرر وسيم يده قدام وجهها:-
احم بسمه ..وين سرحتي.

بسمه بهدوء:-
أسفه مش بقصدي.

وسيم:-
عادي ولايهمك ...المهم انا طلبتلك ع ذوقي ان شاء الله يعجبك

بسمه :-
تمام اوكي.
.
.
أما سيف كان يسوق ف سيارته وهو معصب:-
لا وفوق مانسيتيني ياخاينه ...جايبه وسيم لنفس مكاننا اللي كنا نتلاقو فيه وفيه كل ذكرياتنا ...جايباته عشان تلخبطيه واديري فيه زي مادرتي فيا وخبط يده بقوه ع الدومان تحلمي يابسمه تحلمي أنك تحبي غيري انتي ليا بس.

وووواك انت شن تخرف ياسيف شن تخرف انت تبي تنتقم والا تخرف وماتباها تمشي لغيرك ...رح نقعد طول عمري غبي وحمار .

.
.
وصل سيف للشركه وهو متعصب والشياطين راكباته وأول مادخل للدور اللي فيه مكتبه .

وقفت هبه :-
عفواا أستاذ سيف

سيف بعصبيه:-
نعم ياهبه

هبه بإرتباك :-
عفوا ...بس كنت نبي نذكرك أن أجتماعك مع السيد محمد الماجد بعد نص ساعه.

سيف بتنهيده:-
تمام اوك...كلمي اللي أسمها بسمه قوليلها ترجع بسرعه للشركه ونلقاها قدامي بقاعه الأجتماعات.

هبه :-
حاضر ٱستاذ.
.
.
عند الساعه 2:30
وصلت بسمه متوتره وخايفه لأنها تأخرت بسبب أن الطريق تسكرت عشان صار فيه حادث سير ومنعو الناس تمر من الزحمه.

وسيم:-
أنا اسف لأني أخرتك.

بسمه بتوتر:-
لا مش ذنبك ...أنت بروحك تأخرت زيني .

وسيم:-
إذا حابه نخش معاك ونبرر تأخرك عادي

بسمه :-
لا ماف داعي...عن أذنك توا.

وأول ماخشت بسمه ...ناضت هبه:-
وين كنتي يامجنونه...الاستاذ سيف قالب عليك الدنيا ..يبيك تحضري.الاجتماع وانتي ولا ع بالك.

بسمه بخوف:-
والله مش بيدي التأخير صار ظرف طارئ أخرني.

هبه :-
ليش نتصل بيك ماتردي ع فونك.

بسمه :-
ماشفته ..كان سايلنت وحاطاته بالشنطه.

هبه:-
عموما ربي يصبرك ع اللي جايك ..لأن الاستاذ سيف خش للإجتماع زي الغول.

بسمه:-
هو قاعد بالاجتماع خلي نمشيله.

هبه:-
ردي بالك ..احسن مايفصل فيك قدام الناس...اساسا.الاجتماع قريب يتم.

بسمه:-
تمام ..رح نستني بمكتبي
.
.
بعد 10 دقايق وصل سيف بعد ماكمل أجتماعه لمكتبه وشاف بسمه خش لمكتبه واتصل علاها واول ماردت:-
تعالي بسرعه لمكتبي.

بسمه بخوف :-
ح...حاضر.

مشت بسمه لسيف بمكتبه وخبطت ع الباب ودخلت..كان واقف وعاطيها ظهرها وأول ماخشت تلفت علاها ولف من وراء مكتبه وجي ناحيتها زي الاعصار.

سيف غاضب:-
ماتقوليلي أنتي من شني مصنوعه بالضبط....مسيبه شغلك لعند تو وادوري أنتي والسيد وسيم ولا علي بالك ..فهميني ليش تأخرتي.

بسمه بربكه وخوف:-
انا ..انا والله مش بقصدي نتأخر ...بس كان..

سيف قص علي كلامها:-
ليش مارديتي ع مكالمات هبه .كم أتصلت عليك مره وانتي زي الغبيه ماتردي.

قعد سيف يهزب ويتهم فيها بالاهمال واللامبالاه وهيا كانت مطبسه راسها وساكته وماردت عليه ولا حرف.

سكوت بسمه زاد أستفز سيف قرب منها ومسكها من فكها بقوه وقام راسها:-
لما نحكي معاك تشوفيلي فاهمه...وبوقت شاف بعيونها لقاهم معبيات دموع ماقدر أكثر وبعد عليها وكأنه ملدوغ.

أطلعي لو سمحتي لمكتبك.

طلعت بسمه وهيا كيف مشت خطوتين طلعت تجري ودموعها نزلو ..دخلت لمكتبها وقررت انها ماتعطيه مبرر لسبب تأخرها.

اما سيف كان زي المجنون يدور بمكتبه ومش قادر يفهم سبب سكوتها وقبولها للإهانه ومادافعت ع روحها نهائي .

شوي وطلع من مكتبه زي الرعد ودخل علاها مكتبها :-
ألحقيني لمكتبي .

مشت بسمه لمكتبه من جديد وكل خطوه من خطواتها أثقل من التانيه.

أول مادخلت شافلها :-
أسمعيني كويس ..انا انسان دقيق جدا ف شغلي ومانقبل ف التقصير والاخطاء ...وهذه اخرلك مره تهملي فيها شغلك عشان تمشي ادوري وترفهي ع نفسك وهالكلام الفاضي ..يكون بعلمك أنا قعدت محرج بسببك لأنك ماكملتي التصميم اللي كلفتك بيه ..عشان هكي رح تشتغلي ساعات إضافي اليوم لعند تكمليه وتسلميه اليوم قبل ماتروحي فاهمه.

بسمه بهدوء:-
فاهمه...أي اوامر تانيه.

سيف تعصب م هدوءها ولامبالاتها:-
بلاش منها االحركات اللي اديري فيهم...تحسابي روحك كان درتي هكي رح تلفتي إنتباهي.

بسمه ماعاد قدرت تتسكت أكثر وشافتله وبعصبيه:-
أنا لا نبي نلفت انتباهك لا انت ولا غيرك ...ولا تفسر سكوتي ضعف ..بس لأني معترفه بخطأي سكتت ..وتوا عن أذنك بنمشي لمكتبي وكيف بتطلع.

سيف:-
أسمعيني ...وسيم صديقي المقرب وزي خوي الصغير...ابعدي عليه أحسنلك لأنه مستحيل ياخذ وحده أرمله .

بسمه حست وكأن سكين انغرس بقلبها وكانت تبي تنفجر فيه بس بعدها أختارت تسكت وماتنوله مراده وشافتله من تحت:-
كملت كلامك ...عن أذنك.

بعد ماطلعت بسمه وسكرت الباب :-
سيف قعد زي المجنون يلوح ف الورق والحاجات ع مكتبه.
"شييت فيك يابسمه...ليش كل ماحاولت نستفزك ونهينك تسكتي وتعاقبيني بسكوتك ..لو قعدت ع هالحال رح تجيبلي الجلطه بتصرفاتها ومش رح نقدر نزعجها.
.
.
عند الساعه 8 ونص بالليل:-
أنتهي الدوام ..وكل الموظفين روحو الا بسمه كانت تخلص ف شغلها وكانت منهمكه ومش مركزه ف شي يصير حواليها.

وسيم:-
مساء الخير.

بسمه شافتله:-
مساء النور.

وسيم:-
خيرك لسه ماروحتي.

بسمه:-
عندي شويه شغل ضروري نكمله قبل مانروح.

وسيم:-
هكي ضغط عليك ..نوضي ياسرك خليني نوصلك وبكرا كملي.

بسمه:-
لا معليش ..ضروري نكمله الليله.

وسيم قعد ع الكرسي:-
طيب نستناك معناتها لعند تكملي..ونوصلك صعب تلقي تاكسي بهالليل.

بسمه:-
لا شكرا ماف داعي ..مازلت معطله نكمل ونروح .

وسيم وقف:-
طيب براحتك ..نبيش نعطلك امالا...تصبحي ع خير.

بسمه بهدوء:-
تلاقي الخير ..سلام .

بعد ماطلع وسيم ..جي سيف اللي كان يراقب فيهم من مكتبه:-
خيره وسيم شن يبي.

بسمه من غير ماتشوفله ومركزه بالاوراق:-
ولاشي...عرض عليا يوصلني قتله مازلت مش مروحه.

سيف كتف ايديه قدام صدره وبغضب:-
اه يعني لو كنتي مكمله كنتي روحتي معاه.

بسمه حطت القلم من يدها وشافت لسيف:-
لا مافي داعي لأني نسكن قريب من هنا ونقدر نروح لحالي.

سيف كان يذكر ان بسمه تسكن بغير منطقه شافلها ومن غير ماينتبه:-

كيف تسكني قريب اللي نعرفه ...وبعدها شد لسانه وفاق ع روحه ..احم طيب كويس دام تسكني بعيد.

رجعت بسمه تكمل ف شغلها قاطعها سيف من جديد:-
مازلتي انتي.

بسمه:-
لا خلاص يادوب نقفل التصميم ونكمل .

سيف:-
اوك ...انا نستني فيك عشان نوصلك مايصير الوقت تأخر.

بسمه:-
لا شكرا ..تقدر تمشي.

سيف بعصبيه:-
اوك براحتك وطلع .

بعد 10 دقايق:-
كملت بسمه شغلها ..وطلعت من مكتبها وطلعت من الشركه ومشت ع رجليها وهيا شارده لعند وصلت للشارع الرئيسي وماكنتش منتبهه لسيف اللي كان يلحق فيها وحب يطمن علاها لعند توصل لحوشها.
.
.
ركبت بسمه ف تاكسي وكان سيف يلحق فيها ..بس ماروحت ع طول لحوشها مشت بالاول عند مروة صديقتها بالصيدليه .

بسمه:-
مرحبتين مروه.

مروه:-
اهلا بسومه كيف حالك.

بسمه حضنتها وقعدت تبكي .

مروه بخوف:-
خيرك بسمه شن في خوفتيني ..ليش تبكي.

بسمه بصوت متقطع :-
ش ..شفته اليوم يامروه.

مروه جابتلها كرسي:-
غير أقعدي واهدي قبل ..وبعدها احكي.

جابت مروه طاسه ميه لبسمه وعطتها تشرب وقعدت بجنبها ومسكت يدها.

مروه :-
شن هديتي .

بسمه:-
هزت راسها.بمعني ايه.

مروه ؛-
خبريني من اللي شفتيه وخوفك.

بسمه:-
شفت محمود.

مروه وقفت بصدمه:-
وين شفتيه الكلب هذا

بسمه:-
اليوم عزمني وسيم اللي يشتغل معاي ع الغدي ..ومشينا للمطعم اللي قريب للشركه دخلت قبل وسيم لأن جاته مكالمه ..وأول مادخلت ع طول لمحته كان قاعد يتغدي هو ووحده طلعت نجري من قبل مايشوفني.

مروه:-
الحقير التافه ..مش كان مسافر شن رده للبلاد

بسمه:-.
مانعرفش انا بروحي نصدمت ..وفرحت انه ماشافني .

مروه:-
وانتي ليش خايفه منه كل هالخوف . يمشي يملح اللي بيناتكم انتهي من زمان.

بسمه:-
لأنه واحد مشراني وحقود ...ونخاف يشوفني يطلع ف حياتي من جديد ويرجع يضايق فيا ...بعدين نسيتي اني كذبت ومقايله اني أرمله ولو حد شاف محمود رح تصير مشكله كبيره.

مروه:-
قصدك خايفه ع سيف منه يابسمه اعترفي

بسمه:-
إيه ...نسيتي اللي صار زمان يامروه ..ومحمود خسيس ولو عرف انه نفس الشخص رح يرجع يلعب ف لعبته.

مروه:-
بطلي خوفك الزايد يابسمه ...وسيف ماعاد صغير ولا زي زمان ...سيف اليوم غير وبروحه مايستهان بيه.

بسمه:-
زعما حق يامروه.

مروه :-
ايه لا عاد تخافي وأطمني ..وانا من رأي تقولي لسيف ع كل شي

بسمه وقفت :-
مستحيييل يامروه ..هالشي فات مروه وماعاد يفيد بشي الا انه يفتح باب نحن ف غني عنه.

مروه:-
مش عارفه امتي بتبطلي تفكري بالكل ع حساب نفسك ..مش عارفه امتي بدوري سعادتك .

بسمه وقفت:-
ربك كريم يامرمورتي...يلا نستأنك توا .

مروه :-
خيرك مستعجله قعمزي مازال الوقت ..أشربي معاي قهوه.

بسمه وهيا تبوس فيها:-
غير مره ياقلبي ...مستعجله متأخره وماما اكيد مشغوله .

مروه:-
سلميلي علاها خالتي هلبااا.

بسمه وهيا طالعه تلفتت:-
مروه.

مروه:-
نعم حبيبتي.

بسمه بإبتسامه هاديه :-
شكرا لأنك سمعتيني وخففتي عليا

مروه رجعت حضنتها:-
أختي انتي راك اخي عليك.

بسمه:-
ربي مايحرمني منك...تصبحي ع خير .

مروه:-
تلاقي الخير حبيبتي ..ف حفظ الله.

بعد ماطلعت بسمه وركبت بالتاكسي.

مروه:-
ربي يسعدك يابسمه ويريح بالك ويعطيك ع قياس نيتك الطيبه والله معدنك اصلي واللي زيك انقرضو بهالزمان.

أما سيف فكان مازال يمشي وراء بسمه وأستغرب وحس بالخوف لتكون مريضه او بيها شي وقت دخلت للصيدليه وكان رح ينزل ويسأل صاحب الصيدليه بس تراجع وقرر يلحق بسمه لعند بيتها.

أول ماوصلت بسمه وخلصت التاكسي ونزلت ...لقت مامتها قاعده بالباب تستني فيها وأول ماشافتها حضنتها بخوف وقلق ....سيف كان شايف هالشي من بعيد وقداش ماحس بالوجع وندم لأنه السبب ف رجوعها متأخر وخوف امها علاها ...وزاد المه لما شاف الحوش اللي ساكنه فيه بسمه كيف قديم وواضح عليه يادوب شاد روحه.

شوي ورن فونه وكان وليد صاحبه.

سيف:-
الو وليد ..وساق سيارته وتحرك.

وليد:-
ي وين يامعلم ..من بكري نستني ف مكالمه منك ومارديت.

سيف:-
سامحني عزيزي ..انشغلت شوي ..شني بتجيني عند سهيله.

وليد:-
لالا ..اتصلت بنقولك الهانم فتحيه أمي العزيزه عازمتك ع العشي وتعالي عشان ماتنفخلي كبدي .

سيف:-
ههههه تعرف منين تخاف شوي نبدل ونجيك.
...
أما بسمه أول مادخلت وأستقبلتها امها.

نجيه:-
خيرك يابنيتي تأخرتي ..طلقتي فيا النار حرام عليك.

بسمه باست ع راسها:-
سامحيني حبيبتي بس كان عندي شغل مكدس ..واضطريت نتأخر .

نجيه:-
ربي يعاونك يابنيتي والله تعب عليك.

بسمه:-
عادي ياروحي..انا شن نبي من الدنيا أكثر من رضاك انتي وبابا عليا وحسكم بهالدنيا يهون عليا كل التعب.

نجيه:-
ربي يرضي عليك...ويجبر بخاطرك.

خشت بسمه مع مامتها ولقت بباها قاعد ع كرسيه المتحرك بالصاله واول ماشافها إبتسم ودموعه نزلو

بسمه جت تجري عليه وحضناته:-.
بابا حبيبي أستاحشتك .

الحاج علي وهو يمرر ف يده الثقيله ع راس بسمه:-
و..وينك يابنيتي ..ششغلتيني عليك.

بسمه:-
ماعاش اللي يشغل بال حبيبي وتاج راسي وباست ع يده..كان عندي ضغط شغل خلصته وجيت ومريت ع مروه تسلم عليكم هلبااا .

نجيه :-
خلي نحضرلكم العشي..لأن بوك رفضت يتعشي الا بعد ماتجي انتي .

بسمه وهيا قاعده ع ركابها قدام بوها:-
يابختي انا ...القمر كله يستني فيا بنتعشي معاه.

الحاج علي:-
تعرفي أني نحبك ...ولو بيدي بس نرجع الزمان يابنيتي.

بسمه:-
وتعرف أني نموت فيك..وانك تزعل فيا لما تقعد تحكي ع الماضي ..نحن أهل اليوم والحمد الله نحن مرينا بالأسوأ وشوف وضعنا اليوم ...من قال ياروحي نحصل شغل بمكان كويس وراتب 1800 بالشهر ...فاكر ياروحي لما كنا مش قادرين ندفعو اجار البيت بس اليوم الحمد الله 500 ندفعها من غير مانفكر فيها ولا نفكر من وين بنأمن لأعز واحد بدنيتي علاجه ولا نخلي ماما تشتغل ..ريح روحك يابابا وع طول احمد ربي وشوف للقدام مش للخلف وان كان ع الماضي فهذا كان مقدر ومكتوب من عند ربي لاأنت ولا أنا سبب فيه.

الحاج علي حط يده ع خدها:-
ربي يكملك بعقلك ويعطيك ع قيس نيتك الطيبه ...صح أنا ماجبت ولاد بس أنتي عندي بميه راجل يابسمه .

بسمه بمزح:-
طبعا أنا من ظهر راجل وبنت بوي وطالعه جدعه زيه ..يلا حبيبي نبدل ونصلي ونجي نتعشي مع أحلي اتنين بكل هالدنيا.

الحاج علي:-
ربي يتقبل منك ويجازيك الف خير .

.
.
عند سهيله كانت تحكي مع حمزه فون :-

كيف حالك حبيبي ...وشن اخبارك.

حمزه:-
الحمد الله مشتاقلك هلبااا

سهيله بخجل:-
حتي انا ياروحي .

حمزه:-
كيف حال الصغار.

سهيله:-
الحمد الله ...تعشو وكتبو واجباتهم ورقدو.

حمزه:-
الحمد الله...شن ماجاكش سيف اليوم.

سهيله بتنهيده:-
كلمني من شوي...وقال وليد عازمه ع العشي ...واساسا حاساته يتجنب فيا من أمس.

حمزه:-
خفي عليه ياسهيله ..وماعاد تفتحيله السيره الله يهديك

سهيله:-
تبيني نشوفه قاعد يتعذب...وهالعقرب قريبه منه ونسكت.

حمزه:-
هو مش صغير ياقلبي ..وحرام عليك تقولي هكي ع البنت الله اعلم بظروف الناس.

سهيله:-
وانت خيرك ادافع علاها قول .

حمزه:-
انا مش نندافع علاها ياحبيبتي...بس انتي بروحك كنتي تقولي عنها اطيب خلق ربي .

سهيله بضيقه:-
هذاكا زمان ..بحياتي عندك غير السيره ..وبسمه هذه نعرف دواها انا ..خبرني امتي بتروح أستاحشتك انا.

حمزه:-
استاحشتيني هلبا والا شوي.

سهيله بدلع :-
هلبااا.

حمزه:-
تعرفي اني نعشقك.

سهيله :-.
وانا نموت فيك.
.
.
عند سيف غير لبسه ومشي لحوش وليد ..
رن الجرس وفتحتله ولاء اخت وليد.

سيف:-
مساء الخير لجميله الجميلات واميره الاميرات البرنسيسه ولاء

ولاء وهيا حاطه يديها بالنص:-.
كان بخاطري نصدقك ياسيف...لولا انك راجع قداش ليك لليبيا ومافكرت تهز طولك وتجي تشوفنا الا بعد ماعزمناك .

سيف:-
خزي في وحده تستقبل خوها هكي .

ولاء:-
احمد ربك مالزيتك وسكرت الباب بوجهك.

سيف:-
تافهه ورح تقعدي طول عمرك هكي...امسكي الشوكلاته وجايبلك معاي هديه من امريكا مع انك ماتستاهلي .

ولاء بفرحه:-
حاق 😍أحلف وحق ربي احلي واحد انت ..احلي سيوفي بالدنيا.

سيف دفها وخش :؛
كذابه ومنافقه... امي وين امالا.

ولاء وهيا تنكت ف الكيسات :-
بالمطبخ ...ووليد يدوش

سيف وهو ماشي جهة المطبخ :-
وهذاكا من يسأل عليه اصلا ..امي امي.

فتحيه:-
سيوفه وليدي جيت ..مرحبتين بالغالي وجت سلمت عليه .

سيف حضنها وباس ع راسها :-
كيف حالك ياأمي وشن اخبارك .

فتحيه بعتب:-
معقوله هالغيبه ياوليدي ..والله أستاحشناك وانت ماتسأل تقول عندي ام ومتلهفه لشوفتي حتي بعد ماروحت.

سيف وهو يبوس ف يدها:؛
حقك عليا ياغاليه ...بس والله قاعد اموري ملخبطه وحايس بهالدنيا .

فتحيه:-
ربي يعاونك ياوليدي.

وليد خش للمطبخ وكان لابس شرط وتيشيرت ربع وشعره مبلول :-
اوو ..سيف امتي جيت.

سيف :-
شن دخلك انت.

خبريني ياأمي شن محضرتلنا للعشي وقام ع الطنجره .

اووو الله الله الله ...محاشي ..تسلم ايدك .

خشت ولاء للمطبخ :-
ثانكس سيوفي ع الفون وباقي الهدايا وحق ربي ان احسن واحد .

سيف:-
تستاهلي اميرتي..قداش عندي ويلو انا وحده بس.

ولاء:-
سيوفي امتي بنجي نشوف الشركه متعك وبالمره نحجزلي مكان.

وليد:-
تجي عينك ..اديريلي العار..تجي نقص رجليك.

ولاء جت وقفت جنب سيف -
وانت من جايك ...انا جايه لخوي حبيبي مش ليك انت ..بعدين اندير عينك مش اندير العار وحق ربي مافي
حد زيني نزيكه وراقيه وكيوت.

وليد:-
كيوت ايه ..واناي كان عطلتي ف بطن امك شوي راك طلعتي عزري.

سيف:-
ههههههههههه صح وحق ربي قرب بطحتني من شوي ف الباب.

ولاء بزعل:-
خزي حتي انت سيف.

فتحيه:-
خيركم مع بنيتي ...كل شي الا ولاء راهو.

سيف :-
نمزح وحق ربي ...وياستي امتي ماتحبي تجي تنوريني ومكانك جاهز من توا.

ولاء:-
شكرا ياأحلى سيف وحق ربي تهبل مش زي هلباا ناس.

وليد:+
طيح سعدك وخلاص.

بعد ماتعشي سيف عند اهله وعيلته التانيه اهل وليد وتناقش معاهم بالشغل ..روح عند اخته سهيله وكان ميت تعب وع طول رقد .
.
.
.
تاني يوم الصبح الساعه 8:30:-
وصلت بسمه ع الشركه ..ودخلت لمكتبها وصبحت ع هبه ..واول مادخلت ..مر سيف من بجنبها وقفت .

بسمه :-
صباح الخير.

سيف اول ماشافها سرح بجمالها البسيط والناعم ..كانت لابسه جاكيت وردي ناعم وقونه كحله وبلوزه كحله ووشاح وردي وأبيض وشويه أزرق ولابسه شوز سبور وردي بالابيض ...ع قد بساطتها كانت ناعمه والوردي عاكس ع وجهها ..احم صباح النور .

دخل سيف لمكتبه وحط يده ع قلبه:-
ياربي كيف بنقدر نتجاهل جمالها وانوثتها ...كيف بنقنع نفسي اني مانحبها واني مش مشتاقلها مووت.

فاق من تفكيره ع تليفون مكتبه :-

الو.

هبه :-
أستاذ سيف اتصلت بينا شركه لونيردي لإعمار الفنادق والمنتجعات السياحيه وطلبت معاك موعد عشان تستلم مشروعها الجديد .

سيف:-
تمام ..شوفي الجدول وحددي معاهم موعد وخبريني .

هبه :-
اوك تمام حاضر.

.
.
سكر سيف مع هبه واتصل ع بسمه:-
تعالي لمكتبي

بسمه :-
حاضر

سلب سيف جاكته وعلقها ..وفتح الستائر اللي بين مكتبه ومكتب بسمه ..شوي وسمع الباب يخبط ودخلت بسمه.

بسمه؛-
طلبتني استاذ

سيف:-
اليوم عندنا اجتماع مع متعاقد جديد..ونبيش يصير معاي زي ماصار المره الماضيه ..هبه مازال ماعطتني الموعد بس ياريت بفتره الظهريه تكوني متواجده

بسمه:+
حاضر...اساسا مش ناويه نطلع من الشركه ونكرر نفس غلط امس .

شافلها سيف بنظره عميقه وقال بسره:-
ياريتك تعرفي شن قاعده اديري فيا انتي ..وقداشني مشتاقلك وقداشني نكرهك و نكره ضعفي اتجاهك..

احم كويس ياريت تجيبيلي ملف التصميم متع امبارح .

بسمه :-
حاضر.

وهو قاعد يحكي مع بسمه دخلت فاتن زي عادتها بهمجيه .

فاتن :-
صباح الخير عزيزي ..عندي ليك اخبار مش عاديه

بسمه نزلت عيونها:-
احم ..نستأذن.

سيف حس من حركه بسمه انها اضايقت ..وفرح من داخله وقرر يلعب ع هالجانب.

شاف لبسمه ولقاها قاعده ع مكتبها وتشوفلهم فستغل هالشي ومسك يد فاتن وفعلا هالشي ضايق بسمه.

سيف يحكي مع فاتن وعيونه ع بسمه:-
ايه شن هالاخبار ماقلتيلي .

فاتن صدقت روحها واستمخت وحطت يدها ع صدر سيف وقعدت تلعب بأزرار قميصه:-
دادي قرر يجيبلك مستثمرين جدد ..بأعتباري شكرتك وشكرت معاملتك قدامه.

سيف حس ان فاتن زودتها ووصل للي يبيه مع بسمه مشي جهة الستائر وسكرها وتلفت ع فاتن:-
ايه ودادي امتي ناوي يعلمك الاخلاق وانك تحترمي نفسك وتنسي الهمجيه وتتعلمي اطقي ع الباب وتستأذني

فاتن بصدمه:-
سيف خيرك تحكي هكي ...قبل شوي كنت غير.

سيف بعصبيه:-
مادخلكش لعلمك انا متقلب المزاج...وبطلي حركاتك هذه والا رح نفهمك غلط ورح نفكر انك قاعده اديري ف هالحركات عشان تغريني وندير معاك حاجه مش مزبوطه.

فاتن بغضب:-
سيف انت تجاوزت حدودك ونسيت نفسك الباين ..انا جيت جايبتلك اخبار حلوه بس انت ماتستاهل اصلا وطلعت زي الزوبعه من المكتب.
.
.
بعد ماطلعت ...خذت بسمه الملف ورفعاته لمكتب سيف خبطت ع الباب ودخلت ..وسرحت فيه.

كان قاعد ع الكرسي ..ويدخن ويلعب بشعره زي عادته قبل لما يتوتر ...أبتسمت ولما رفع سيف راسه شاف إبتسامتها ...وقف وقرب منها.

سيف :-
ليش تبتسمي.

بسمه فاقت ع روحها:-
احم ..لا ولا شي.

سيف كان جواه امل انها تكون فاكره حركته ومازال تذكر فيها قرب منها بلهفه ومسك يدها وحاصرها بإيديه جهة الباب وبصوت كله لهفه وشوق:-
بسمه أرجوك قولي ليش ابتسمتي لما شفتيني هكي.
.
بسمه بصوت ضعيف ودموع:-
.......
.
.
#يتبع.

برايكم شن رح يصير...وشن الجاي..وشن تتوقعو يكون سر بسمه وماضيها .

بإنتظار تفاعلكم وأرائكم ببمسار الاحداث...وحبيت نوضح للي ملو من بطئ الاحداث اني انا نحاول نهتم بأبسط التفاصيل ونمشي بالقصه ع مهل وبكل تفاصيلها ..لو حابين تسريع ف الاحداث مش مشكله بس من راي هكي رح تصير قصه مافيا محتوي .

تحياتي صديقتكم وأختكم.

#zezo_a_saad❤🌹

[فيتامين سي]

#ٱنتقام_عاشق
.
.
الحلقه السابعه.

أصعب شي بالدنيا أنك تكابر بمشاعرك...وتنكرها وتتنكرلها ..مش لأنك قاسي بس لأنك عارف أن البوح بيها رح يفتحلك باب أنت ف غني عنه.

"البعض نحبهم ..ونعشق تفاصيلهم البسيطه ..لكن نداري حبنا عنهم لأن الأفضل لنا ولهم أن تظل الأبواب بيننا وبينهم مغلقه💔" جبران خليل جبران📖✏.
.
.
كانت بسمه سرحانه بحركة سيف العفويه واللي مازال ماتغيير وقاعد يدير فيها لما يكون متوتر ويفكر بشي ..سرقتها الذكرى ليوم بعيد زمنيا بس قرييب بذاكرتها
.
.
سيف وهو سارح ويدير ف نفس الحركه وماسك الكتاب بيده ..قربت بسمه ومانتبه علاها.

بسمه طبست عليه وقربت من وذنه وبهمس وصوتها الهادي اللي يعشقه:-
صباح الخير حبيبي السرحان

سيف تلفت علاها وجت عينه بعينها وكانت أنفاسهم قريبه من بعض :-
تعمد يقرب منها ويهمس قدام شفايفها ..صباح الفل علي دنيتي كلها وجنتي اللي ع طول سرحان وملتهي فيها.

بسمه كان قلبها بيطلع من مكانه وذايبه من نبره صوته بعدت شوي وبإرتباك:-
احم ...ليش قاعد لحالك وبعدين اتصلت بيك مارديت.

سيف وهو يبتسم من خجلها:-
اسف حبيبي ..فوني سايلنت ماانتبهت .

مسك يدها وباس علاها:-
لأمتي بتقعد كل مانقولك كلمه حلوه او نقرب منك خدودك يقعدو حمره وترتبكي .

بسمه طبست راسها :-
ولأمتي انت تتعمد تخليني نخجل بحركاتك أمتي بتعقل.

سيف حط يدها اللي ماسكها ع صدره بمكان قلبه:-
مش مني...من اهو ❤ قوليله يعقل توا انا نعقل.

بسمه شافت بعيونه:-
نحببك.

سيف مسك قلبه:-
ااه ياقلبي...عاوديها ماسمعت .

بسمه:-
سيف خلاص عاد .

سيف:-
ياروح وقلب وعمر سيف ...بحياتك عاوديها عشان خاطري.

بسمه قربت منه ودارت نفس حركته وهمستها قدام شفايفه:-
نحببك ..وطلعت تجري من المكان.

كانت بسمه وهيا غاطسه بذكرياتها تبتسم ومش منتبهه لسيف اللي أنتبه علاها وقرب منها ووقف قدامها.

سيف بأمل ولهفه:-
ليش تبتسمي.

بسمه فاقت علي روحها :-
أحم ..لا ولاشي.

سيف مارضي يستسلم وكان كله أمل انها تذكرت نفس اللي تذكره مسكها من ايديها وحاصرها وكان قريب منها ع الاخر:-
بسمه ..ليش تبتسمي أرجوك قولي.

بسمه كانت علي شفير أنها تضعف وتعترف بس سيطرت ع نفسها:-

ماكنت نبتسم ..انت تتوهم ..ولو سمحت بعد مش صح اللي ادير فيه.

سيف لما شاف بعيونها وتأكد أنها مش رح تقول بعد علاها وعطاها ظهره :-

حطي الملف لو سمحتي وأطلعي.

بسمه كانت وكأنها غريق ويستني ف لحظه خروجه عشان ياخذ نفس..حطت الملف بيد ترتعش وطلعت جري من المكتب.

أما سيف ماكنش وضعه يختلف ..اول ماطلعت بسمه تنفس بعمق وكان قربها كان يمنعه من التنفس من كثر مامخنوق بالشوق والحنين ليها...تنهد ومسك الملف اللي حطاته وقعد يراجع فيه.
.
.
.

عند وليد:-
وصل للشركه وهو بالأسانسير أتصلت عليه هبه.

وليد:-
صباح الخير هبوش.

هبه :-
صباح النور عزيزي ...كيف حالك .

وليد:-
تمام وانتي.

هبه:-
ماشي الحال ..راسي بينفجر أوس "ولدها" ماخلانيش نرقد يسنن عنده إسهال وحراره الليل كله يزن

وليد:-
ألف سلامه عليه يارب...وين الشيخ حازم "زوجها"خيره ماعانداش معاك.

هبه:-
حازم زي العاده ..ديمه تعبان وبيرقد لم مخدته ويرغانه وقالي اقعدي تفاهمي انتي وولدك.

وليد:-
خرا هالراجل مش عارفه كيف متحملاته .

هبه:-
عملي الاسود الله غالب...المهم بنقولك "نزلتلك اعلان السكرتيره من 3 ايام " وأمس عجبتني بنت من اللي قدمو طلب ..بعتهالك اليوم تشوفها أكيد تلقاها وصلت أو قريب توصل شوفها وقرر.

وليد:-
ياحليلي هبوش ..وحق ربي مافي منك يابنت طرف واحد...من جد يسلمووو خيتي.

هبه:-
لخباط ع اساس صدقتك...يلا سلام توا.

وليد:-
سلام ياغاليه.

بعد شوي وصل وليد لمكتبه وأول مافتح الباب لقي البنت اللي قالتله علاها هبه.

وليد:-
صباح الخير.

أمل وقفت وتلفتت عليه:-
صباح النور.

وليد بصوت متفاجئ:-
أنتي!!!!

أمل "نفس البنت اللي تعارك معاها قبل يومين بالطريق":-
لاااا...شن هالصباح..انت شن ادير هني.

وليد بغرور:-
أنا مدير الشركه ياعزيزتي وانتي قاعده بمكتبي.

أمل بصوت واطي:-
راحت عليك ياأمل ... الله لاتربحك يافوزي جارنا طول عمرك نحس كل مانتصبح فيك مايمشيش نهاري طيب.

"احم ...انا بعتتني ليك الأستاذه هبه عشان الوظيفة".

وليد شافلها بنظره من تحت:-
جبتي السيڤي متعك.

أمل :-
ايه ..فتحت شنطتها وعطتهوله.

وليد خذي الملف وقعد يقرأ فيه وبعد شوي .

تتقديرك كويس والسيڤي متاعك حلو...بس ماعندك شهادة خبره .

أمل:-
ٱيه ..ماشتغلت بمكان تاني من قبل.

وليد:-
طيب أوك...عموما هبه شكراتك ليا...ولهذا أرجعيلي بعد ساعه عشان نوقعو العقد وتستلمي شغلك .

أمل بفرحه:-
بالحقه😍.

وليد بغرور:-
إيه ..وتقدري تستني بمكتبك وتباشري شغلك لعند يجهز العقد ونوقعوه.

أمل:-
شكرا شكرا شكرا من جد.

احم وانا أسفه علي اللي صار المره الماضيه.

وليد:-
ياسلام ...مش شايفه ان أعتذارك جي متأخر.

أمل:-
ومش شايف ان حياتك ماكانتش واقفه ع أعتذاري..وان كرم اخلاق مني أني أعتذرت.

وليد:-
مطول لسانك...بس مقصه عندي ماتخافيش✂.

أمل:-
ممكن توريلي مكتبي من بعد ءذنك.

وليد:-
حسيت قلبي بينجلط من اخلاقك اللي تهب فجأه ..تفضلي قدامي .
.
.
الساعه 12 ⏰الظهر وتحديدا بشركه سيف:-
كانت بسمه حاسه بصداع ووقفت بجنب ماكينه االقهوه ادير ف كب كافي☕ يعدلها راسها

ومن غير سابق أنذار ..أنفتح باب المكتب ودخلت سهيله ومن غير لاسلام لا كلام؛-
أسمعيني ياأنت..عندي معاك كلام مهم ألحقيني لحديقه الشركه الخلفيه..وديري بالك سيف يعرف اني جيتك.

بسمه كانت متفاجئ من سهيله بس كانت متوقعه هالزياره من فتره ..وعشان هكي قررت تلحقها ع أمل تحل الخلاف وسوء الفهم اللي بيناتهم.

طلعت بسمه من مكتبها ..وركبت بالاسانسير ونزلت..طلعت من الشركه ومشت للحديقه لقت سهيله تستنى فيها.

بسمه بهدوء:-
أهلين سهيله.

سهيله بعصبيه:-
لا اهلين ول سهلين..عندي كلمتين حطيهم حلقه بوذنك.

أناي رح تستقيلي من الشغل..واليوم قبل بكرا ..لأني مش رح نسمح لوحده مثلك تلعب ع مشاعر خوي زي مالعبت عليه زمان.

بسمه بصدمه بس ماحبت ترد علاها بجواب سيئ او تجادلها لأنها مقدره خوفها ع خوها:-
انا مانحاول لا نلعب عليه ولا نقرب منه...اساسا ماكنت نعرف انه هو صاحب الشركه هذه.

سهيله بغضب:-
والمفروض اني نصدق وحده كذابه زيك...اسمعيني حركاتك هاذو مايفوتوش عليا فاهمه .

بسمه :-
هذا الواقع ..والله العظيم مانكذب ياسهيله.

سهيله :-
أنتي ياهي مستحيل نصدقك ولو تجيبي الكعبه بيدك..وتوا الافضل انك تسمعي الكلام وتنسحبي بهدوء لأني قاعدتلك بالمرصاد ومش رح نخليك ادمري حياة خوي من جديد ...خوي خلاص نساك وشاف حياته وحاليا مرتبط بيها ومستحيل نخليك تخربي عليه.

بسمه دموعها نزلو:-
نعرف انه نساني ومش متذكرني ونعرف أنه مرتبط وانهم يحبو بعض "تقصد ع فاتن" ونشوف فيها لما تخش لمكتبه وتطلع بأريحيه ..صدقيني انا مانبي شي ألا اني نترزق ونشتغل بس.

سهيله انصدمت من كلام بسه وكانت تحكي ف سرها:-
كيف مايعرفها وهو بروحه قالي علاها..وبعدين سيف مايحب ولا مرتبط بنت شن اللي تحكي علاها بسمه انا قولت هكي كذبه عشان نبعدها"...

ماتحاولي تخدعيني بكلامك يابسمه...وكلامي يوصلك ويتعداك ابعدي ع خوي أحسنلك والا مش رح تشوفي طيب .
ومشت وسيبتها.
.
.
ررجعت بسمه لمكتبها وشافتها هبه اللي كانت عند وسيم .

هبه:-
خيرك بسمه ..فيك شي.

بسمه حاولت تصطنع ابتسامه تخفي حزنها:-
ولاشي حبيبتي ...يسلموو لأهتمامك.

هبه:-
ماجاش حد سأل عني ف غيابي.

بسمه فرحت لأن هبه ماشافت سهيله :-
لالا ماجي حد

هبه:-
تمام..حقه بسمه بنقولك ماتنسي عندك أجتماع انتي والاستاذ سيف ووسيم بعد ساعه .

بسمه:-
تمام عندي علم ..حاضر ان شاء الله.

دخلت بسمه لمكتبها وشافها سيف اللي فتح الستائر وهيا كيف خاشه.

سيف:-
ياترى وين كانت...وليش وجهها أصفر زعما صاير معاها شي .

خبط بيده ع الحائط الزجاجي الفاصل بين مكتبهم هما الاتنين .

بسمه تلفتت عليه وأشرلها عشان تجي لمكتبه.

خبطت بسمه ع الباب ودخلت :-
طلبتني أستاذ.

سيف دار روحه ملتهي بالأوراق:-
ايه حبيت نقولك ان اجتماعنا بعد ساعه...عشان هكي امشي تغدي لأن مش رح تقدري تاخذي استراحه الغدي ومش معروف امتي يخلص الاجتماع.

بسمه:-
شكرا لإهتمامك ..بس مش بخاطري.

سيف تعمد يجرحها:-
ومن قالك اني مهتم ..ومن انتي اصلا عشان نهتم فيك...انا بس من واجبي مانحرمك من وقت إستراحتك وحبيت انبهك.

بسمه بألم ووجع من كلامه:-
تمام اسفه ...تبي شي تاني.

سيف شافلها وعرف من حركة ايديها وهي تفرك فيهم ببعض انها تقاوم عشان ماتبكي وقداش توجع وندم أنه جرحها :-
خلاص تقدري تتفضلي

بسمه بصوت مغموم بالبكي:-
عن أذنك ..وطلعت تجري.

سيف ماقدر يقاوم ولحقها لمكتبه واول مادخل وشافاته مسحت دمعتها بسرعه.

بسمه:-
في شي تاني أستاذ.

سيف أستفزاته بهدوءها وقله دفاعها عن نفسه قرب منها وسكها من ذراعها بقوه :-
إيه فيه وفي هلبا كلام بنقوله.

بسمه بألم ودموعها نزلو:-
ااه أطلقني وجعتني لو سمحت.

سيف شاف لدموعها وكان بخاطره يحضنها ويمسحهم بيده ..دفها بقوه ..وبعد علاها.

وهو كيف طالع

بسمه :-
انا نبي نستقيل من الشغل

سيف بعد سمع كلامها كأنه ركبه جن رجعلها وهو زي المجنون ومسكها من ذراعها من جديد وبقوه اكبر؛-

ماتقدريش تمشي لأي مكان...تحلمي فاهمه.

بسمه أستجمعت قوتها وقاومت.الالم اللي حاسه بيه من قبضه يده:-
لا نقدر ..وانا حره ورح نستقيل.

سيف دفها بقوه لدرجه قريب طاحت بس ماهتم:-
صدقيني مش رح تمشي ..أقل شي مش قبل سنه .

بسمه وهيا تفرك في يدها مكان مسكته ليها:-
شن قصدك ..وضح كلامك!!.

سيف:-
أنتي ماقريتي العقد قبل ماتوقعي ..مش عارفه ان ف العقد هناك شرط جزائي ولازم تدفعيه لو فكرتي تقدمي أستقالتك قبل انتهاء فتره العقد.

بسمه بصدمه:-
شرط جزائي شن !!.

سيف بهزوه:-
الظاهر وقعتي من غير ماتقري العقد..نحب نقولك يافالحه ان الشرط الجزائي قيمته 60 الف وانتي وقعتي ع هالشي بإرادتك.

بسمه بصدمه:-
طيب ليش...قصدي كل الموظفين حاطيلهم نفس الشرط.

سيف بكذب:-
اكيد ..وديري بالك اديري العبط وتسأليهم احسن يضحكو عليك كيف توقعي ع شي من غير ماتقريه

"طبعا سيف كان حاط هالبند ف عقد بسمه بس..لأنه كان خايف من هاللحظه وانها تقرر تسيب الشغل وتبعد بعد مااخيرا لقاها ".

بسمه بإستسلام:-
تمام ..انا رح نكمل هالسنه وربي يعيني علاها..وبعدها رح نقدم استقالتي وماعاد رح تشوف وجهي .

سيف ف سره:-
سنه تكفيني عشان نشفي وجعي منك ..احم بعد سنه ساهل وتوا جهزي روحك للإجتماع.
.
بسمه:-
اي أوامر تانيه.

سيف :-
لا ...وكيف جي طالع رجعلها .

بسمه:-
في شي مازال ماقلته

سيف مسك يدها اليمين فجأه:-
عجبتني هالسواره ...تبيعيهالي.

بسمه بشراسه فاجأت سيف:-
تحلم نبيعهولك...هذا مش للبيع.

سيف بفرحه داخليه:-
ليش!!

بسمه بعفويه:-
لأني نحبه وعاجبني ...وماتعودت نستغني ع حاجاتي اللي نحبها.

سيف فهم قصدها غلط وانها استغنت عليه لأنها ماكانت تحبه ضغط ع معصمها بغضب:-
نشريه منك بقد ماتبي.

بسمه نفضت يدها من يده:-
قتلك مستحيل نبيعه ..لو تعطيني ثمنه الشركه هذه كلها ونقعد في كرسيك مقابلها .

سيف شافلها بعمق وطلع سيبها ..مشي لمكتبه.
.
.
.
تسريع ف الاحداث:-
الساعه 1:00 الظهريه⏰:-

كانت بسمه وسيف ووسيم وهبه قاعدين ف قاعه الاجتماعات ويستنو ف المستثمر الجديد.

شوي وأنفتح الباب وكانت الصدمه أنه "محمود"طليق بسمه.

بسمه أول ماشافاته كأن لدغتها عقرب وجهها تغير وطلعت تجري من القاعه من غير حتي ماتستأذن.

هالشي عصب سيف هلبا ..بس حاول مايبين هالشي .

سيف؛-
احم.اهلا وسهلا سيد محمود تفضل.،

محمود بتكبر وهو مش عارف ان سيف نفسه هذاكا الشاب:-
اهلين بيك سيد سيف ..تشرفنا.

.سيف بهدوء عكس العاصفه اللي جواته:-
خلينا نبدو ف الشغل امالا

محمود:-
بصراحة انا مبهور من شغل شركتك وامتيازاتها ..لهذا حبيت ان شركتك تستلم مشروعي الجديد وتتبناها من بدايته هذا اذا ماعندك مانع طبعا.

سيف :-
اكيد هالشي يشرفنا ...ونحن تحت امرك ف اي شي تطلبه.

محمود:-
الخريطه وكل شي من عندكم وانا رح ندفعلكم بنظام الدفعات وكل خطوه بخطوتها.

وسيم:-
قررت وين رح تبني مشروعك.

محمود:-
ايه قطعه الارض جاهزه ...ومازال بس امتي تشوفوها وتعاينو قطعه الارض.

سيف :-
تمام متفاهمين وامتي ماتحب فريقنا رح يمشي ويعاين قطعه الارض ونعطوك مسحه مبدئيا للمشروع.

محمود؛-
تمام ع بركه الله ...خلي نتفاهمو ع التكاليف والنسبه امالا.
.
.
عند بسمه اول ماطلعت من القاعه مشت تجري للتواليت ..دخلت وسكرت ع نفسها...وأنفجرت بالبكاء وكأنها مابكت من قبل ..تذكرت كل معاناتها مع محمود ..ضربه ليها واعتداءه علاها كم من مره وفقدانها للبيبي كانت داخله ف حاله هستيريه وخايفه ان محمود يكون فضحها والكل عرفو انها مطلقه مش أرمله.
.
.
بعد حوالي ساعتين :-
أنتهي الإجتماع ووقف سيف وهو يسلم ع محمود.

سيف؛-
معرفه طيبه استاذ محمود .

محمود :-
شكرا ..نتشرف اكيد..معليشي عندي سؤال.

سيف :-
تفضل.

محمود بخبث:-
ممكن نعرف من هيا المراه اللي اول مادخلنا لقاعه الاجتماعات طلعت تجري.

سيف بغيره لأن هالراجل يسأل عن بسمه هذا وهو مايدري انه هو نفسه زوجها السابق وسبب معاناتهم :-

احم ...مساعدتي الخاصه

محمود بإبتسامه خبيثه:-
مساعدتك بس ..والا حتي هيا مهندسه.

سيف كان معصب وكيف بيرد سبقه وسيم:-
لا حتي هيا مهندسه ديكور وتشتغل معانا بس تحت أشراف سيف.

هبه:-
بس معليش اعذرها اليوم لأنها متوعكه هذا ليش طلعت من غير سابق انذار.

محمود:-
اها ...عموما سلامتها ..بلغوها تحياتي ..عن أذنكم.

أول ماطلع محمود ...انطلق سيف زي الرعد وشياطين الدنيا متلبساته ركب الاسانسير .

حاول وسيم يلحق عليه بس ماقدر .

وسيم:-
هالمجنون هذا رح يدير كارثه ف البنت...خلي نلحقه من الدروج هبه اوك.

هبه:-
ايه بسرعه تربح.

أول مافتح الاسانسير ..دخل سيف لمكتب بسمه مش شايف شي قدامه.

سيف بعصبيه وعياط:-
ممكن نفهم شن اللي درتيه يافالحه...ومسكها من يدها بقوه.

بسمه بخوف:-
حول اطلقني ..انت مش من حقك تشدني هكي.

شوي ودخل وسيم وحاول يفكها منه:-
سيف اهدى مايصير هالشي ..انت معصب توا اجل كلامك معاها لبعدين.

سيف دف وسيم بقوه:-
وسيم امشي من قدامي احسنلك مادخلك فاهم ..ومسك بسمه من يدها ورفعها معاه لمكتبه .

أول مادخل سيف قربع الباب بقوه وسكره بالمفتاح.
.
شاف لبسمه ودفها بقوه لعند طاحت ع الكنبه

بسمه كانت مرهقه وكل الذكريات السيئه والعنف اللي كانت تواجه فيه من مجمود موجود بذاكرتها هاللحظه..ماتحملت حتي سيف يكون عنيف معاها .

ناضت وهيا مش حاسه بروحها وقربت منه وهيا بحاله يرثي لها ورفعت يدها وضرباته كف بأقوي ماعندها وعيطت بوجهه:-

مانسمحلك تستخدم العنف وقوتك ضدي فاهم ..دير بالك تعاود هالشي ..ويكون بعلمك اللي درته توا حقاره وقلة ادب.

سيف ولو عيونه حمر😠 وماكانش مركز بحاله بسمه الهستيريه لأن تفكيره كله بكلامها والكف اللي ضربتهوله.

قرب منها زي المجنون ومسكها من يدها ..قله أدب صار ..واللي درتيه انتي وطلعت من القاعه شن تسميه ..انا بس اللي حقير ..بس انتي ماشفتي مني شي ورح نوريك الحقاره علي أصولها.

وبلحظه وهو مش واعي بنفسه دفها ع الكنبه وجي فوقها وحاول يعتدي علاها لدرجه تمزقت بلوزتها .

بسمه كانت ف حاله يرثي لها وتقاوم فيه ودموعها ينزلو وهو كان مش واعي بشي ولما حاول يبوسها شافت بعيونه ومسكت وجهه وبنبره قهر وألم:-
لا ياسيف مادير هكي...أنا بسمه لاتغلط وحياتك ياسيف .

بهاللحظه سيف فاق علي نفسه وشافلها بصدمه و.......
.
.
.
#يتبع.

برايكم شن رح يصير وهل هذه بدايه كشف الحقيقه ..والا نهايه المشاعر بين سيف وبسمه .

بإنتظار رايكم وتفاعلكم اللي يلهمني ع طول.

تحياتي أختكم وصديقتكم.

#zezo_a_saad❤🌹