آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-06-19, 03:25 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 9 ************ زمرد. كعدت من الصبح غسلت باوعت بالمراية البارحه حتى من الخوف مانتبهت ع جرحي حيل مبين بادي من الحاجب لحد الحنج لون احمر وبادي زراك بيه رانيا جانت عده عطلة اخر سنه بقت نايمه اني رحت لام رانيا وبالي يم ابني اني البارحه كل شوية افز من نوم عبالي يمي ابقه كاعده اريد اروح اشوفه بس استحي زمرد. صباح الخير ام رانيا. صباح الانوار بنيتي حسن نايم بحضنه رحت عليه ابوس بيه وحضن بيه شكد جنت ماريد بس هسة احسة النغس مالتي بس بست تنفست ام رانيا. البارحه بنص الليل اجه علينه هيثم وياه يمكن اخوه زمرد. بس سمعت اسمه خفت كلبي كام يدك سال عليه وشكلتوله ام رانيا. طلع عمج ابو رانيا وكلهم مويمي مادري عنه وكام يصيح عليهم عود قلق عليج هسة انتي وين وهو مدبل ع هيثم كوه لزمته خاف يحسون زمرد. اني بعد مامن نفسي اله اكمل سالفه طلاق خاف هو يسبقني ةياخذني لبيت الطاعه -اي عو اليوم ابورانيا العصر ياخذج لمحامي يصير صديقه ولد شاطر باهي شغلت لاتهتمين انتي نفسه بعدج ماطلعتي الاربعين مو زين عليج بكلبي احجي حتى ماحسيت بنفسه عدنه نفسه تبقه ٤٠ يوم محد يزعجه وخاصه باول طفل يداروهة مدارة ويعتبرون نفسة جسمه كله يكون بخطر لزمه تبقه ملفلفه نفسه ماتطلع الباب اسنانه تتاذه رجليه يصير بيه سوفان شعره يكون خفيف رحمه يكون تعبان لازم دفي نفسه وتبقه متغطيه بس مجرد تكوم للحمام وطفل ترضع كل اقاربنه هيج يسون لو تخلف ميه جاهل لان مو شي سهل روح تطلع من روح الرحمه ساعات ينقبض ومتاذي خلل الولاده تبقين ٣ ايام تتاذين من بطنج بعد الولاده لازم كل حامل سوي هاي شغلات شد بطنه حتى لاتكرش تبقه خاتله بالغرفه وخاصة بشتاء اني شاده بطني ابد مافتحه اله وقت السبح ماريد اكرش بقيت يم ام رانيا غسلت لحسوني وبدلتله وانطيته حليب وهم وكفت وياه اساعده ام رانيا. ولج موزين عليج امشي كعدي حافضي ع نفسج لاتطحين بصخونه نفاس لو غير شي روحي اخذي ابنج يم رانيا كعدوه رحت اكعد برانيا وهي كعدت فرحانه بوجودي كمنه تريكنا راح ناخذ الاحداث من ميس من طلعت من بيت رجله شنو صار ميس جنه كاعدين بليل ريد نصعد نام مانسمع اله هيثم اجه متعصب وبعد باب الحوش يصيح كلبه يمكم هو ابد مادخلنه من يوم العزل تعجبنه بجيت وعليمن جاي يحجي منو اليمنه ومن دخل مبين عليه سكران بس مسيطر ع نفسه هيثم. طلعيهة يمه وين بنت اخوج ام هيثم. ولك قصدك زمرد مو بيته هيثم. يعني مو يمكم متدرون بيه طالعه من البيت ابو هيثم. شنو فهمنة شكو قيس. هسة تلكيه بالبيت قابل الكروده وين تروح بس هذا سكران ومطفي من رائيسي هيثم. والله ماكو شردت من البيت لكيت باب الشقه مفلش وماخذه جاهل وشارده لان تعاركنه وصيحت عليه ابو هيثم. لاجذب ماتشرد اله ماذيه هيثم. مثل ماكتلك ماسويتله شي بس ضربته لان راددتني وطلعت وتركته ام هيثم. شنو اكلك ولك ليش هسة وين بنت اخويه ولك هاي امنه اخوية ميس بقوا يغلطون عليه اخر شي قيس كله خلي نروح ندوره بشوارع او يمكن تروح البيت ابوهة هيثم. وين تروح وهو بي ناس يجار ام هيثم. خاف راحت لبيت صديقته رانيا هيثم. وين بيته تندليه ام هيثم. هي بالفرع بس مادري يابيت روح واسئل قيس. امشي يله بسرعه خلي روح هيثم. لا اني اروح وحدي قيس. امشي امشي ميس طلعوا بس كلنه نتبهلة هيثم عنده شي مخبيه وحتى من دخل يباوع ع وجوهنة يريد يعرف شي بقينه نلوب وخايفين ابويه ماقبلوا يروح وياهم بس ماكعد راح لمكان الشقه وراح ع جيران خاف يمهم ومدور بشوارع رجع مهتوك وتعبان من الفره يكول ماكو بقينه متاملين بلكي يلكوه يم صديقته وحيل تاخروا رجعوا ب ٢ بليل ابو هيثم. ها ماكو قيس. ماكو سئلناهم طلع ابو صديقته زلعب بهيثم طوبة لان شارده ويكله هسة بهل ليل وين راحت ماعده احد هيثم كعد ع القنفه ويفرك بوجه ابو هيثم. ندك ع عمامه حتى خاف يكولون ليش ماكلتونه بس صبح اكلهم ويمكن راحت لعمامه ام هيثم. تبجي وتنوح وين تندلهم هي ابد ماريحتلهم حتى ماتعرف شكل بيتهم يمه زمرد هسة انتي وين سودة عليه كلشي يصير بيج اني اتحمل خطيته كله بذمتي اني انطيتج واحد موكفوا عبالي رجال وعليه العتماد هيثم من سمع هيج طلع ودفر الباب بقينه للصبح كاعدين ابويه بس شاف وقت مناسب دك ع عمامه وكالوا مويمنه وتخبلوا وكالوا جاينكم عمي دك ع هيثم حتى يجي شويه وجوي وصارت مصايح عمام زمرد. هيثم نحرك والقران اذا بتنه صار عليه شي شيخلصك منه هيثم. لاصيرون حنينين براسي صاله سنه محد كلف نفسه وكال خلي اسال اسال عليه مو اجيه مو هسة صرتوا عمامه والمحنه بدت والقران يحجي شي احركه وحرك يدافعله بنتكم ساقطه الله اعلم ويامن طلعت هل سافلة دايحه ابو هيثم . انجب وجه يضربه بس كله لزمته ويصيح ولك تسواك وتسوه عشيرتك اشرف يستحي منه من تفوت من يمه ولك محد شايف طوله الباب ماتوصله ولك هاي شرفك شون تحجي عليه ولك عرضك عرضك هاي وهجم علية طلعوا هيثم حتى لايضربه ابو هيثم وعمام زمرد تفقوا يدورون عليه نرجع لزمرد اجه ابو رانيا العصر وياه محامي يكلي مارديدج طلعين خاف يدورون عليج وكال اذا احد من عمامج اجه ماكدر اكلهم مو هنا لان صير مشاكل زمرد. والله خلي اروح بمكن ثاني خاف اسببلكم مشاكل وهم البارحه اجه هيثم وكتله ماكو خاف من يعرف اني جنت موجوده يسوهة وياك عشائريه ابو رانيا. شبيج بنتي محد يكدر يطخني واصلان عمامج بس يجون اكلهم عن صار شنو زوجج يريد منج راح يحركوه حرك شبيج خايفه والقران ابهذلهم كلي يله دخلي ع محامي وكليله عن كلشي ابد ماتضمين شي تره كلشي يفيدج دخلت سلمت ع محامي وهو رد رجال عمره اتوقع ٣٥ سنه وبيده حلقه مبين مزوج اني دخلت لابسه تراكسود من رانيا شويه طويل ونزعت الحجاب لان لبسته باجبار مجنت مرتاحه بيه شنو فايده لبسني حجاب وميخليني اطلع وهو يسكر ويلعب اقمار وخنيث بقه المحامي يسالني واجاوبة وسلفتله صار كله محامي. حتى بدون ماتكولين للقاضي هو يريد يبيعني لاصدقائه هم راح تطلقين لان انتي مضروبه واكوا اثر ع جسمج وثاني شغله بين ابوج جاي ياخذ بالايجار منج شلون يسرقه زمرد. لا هم الله شاهد اني جنت قابله بس القاصه لا ماقبلت محامي. هو اني قصدي ع قاصه بس هو خاف يصير لوتي ويكلهم جذابة ماعده قاصه وهاي القاصه من فلوسي بس من اكل لقاضي جاي ياخذ بفلوس بيته اي تركه اله ابوهة مراح ينكر لان البيت صدك ماجر وراح اخلي ابو البيت يشهد ع انو هيثم هو اليجي ياخذ الايجار واذا كال اي اخذه اله لان ماخليه تطلع راح اطلع الدين مالته وشربه ودياحته وهو ماعده وضيفه فراح ينكشف انو هو ياخذ فلوسج زمرد انتي قضيتج كلش سهل وداعتج القاضي بس يشوف الجرح الي بوجهج يطلقج والج حضانه الطفل زمرد. حتى ماريد منه نفقه بس ابني محامي. شبيج يمعوده منو ينطي طفل نفاس الواحد سكير ويدوث زمرد امشي ورايه ومعليج اني اصعب من قضيتج ربحته مو نوب هاي قضيه ماكو اسهل منه ابو رانيا. والله مانقصر وياك شنو تطلب حاضرين بس انقذه قبل لا يسوي شي او يروح يرفع عليه بيت طاعه ومتكدر بعد سوي شي محامي. يابيت طاعه هذا عليه شروط بعد اصعب عليه اصير وهسة هو ميكدر يسوي شي لان محتار هي وين بقه محامي يفهمني شلون احجي القاضي وكالي باجر راح اروح اسئل عليه بالمنطقه واروح ارفع عليه قضيه بالمحكمه بس لزم ترحين وياي لان احتاجج زمرد. انشالله كعدت ثاني يوم اني وابو رانيا بقيت حسن يم ام رانيا ورانيا اخذت مستمسكاتي ربك صار عندي عقل بوكته واخذتهن راحنه رفعت دعوة عليه حتى يصير عنده علم وثاني يوم يجي بس اني ميته خوف منه خاف لان كدامنه الشخص الي يدز هاي الدعوة راح دليناه شغل عمي حتى ينطيه الهم بس ردت ارجع للبيت خاف يعرف ويروح لبيت رانيا وياخذ جاهل رحنا بس وصلت لفرعنه باوعت ع بيتنه زمرد. عمو خلي روح نخبر ناس يطلعوان من البيت هاي الايام اريد اكعد بيه ابو رانيا .عيب عليج زمرد شنو تردين تكعدين وحدج وبيتي موجود تكعدين حالج حال رانيا ماريدج تسوين نفسج غريبه زمرد. لا والله عمي حاسبتك مثل ابويه وانته اقربلي من عمامي حتى من شردت انتوا الوحدين الي اجيتوا بالي والله اني حسبتكم اقرب الي من عمامي واحن عليه منهم بس عمي افضلي اكعد بيت ابويه وانتوا مو بعيدين علية هم ناس ماترحم يكلك مطلكه وكاعد بيت ناس غربه وهم عمامي راح يعترضون ابو رانيا براحتج بنتي شنو يريحيج سويه بس هاي الفترة ابقي يمنه لحد ماتطلقين منه لان هذا كلب خاف ياذيج رحنه للبيت طلعتنه مرة جبيرة كلنله وهي وافقت بس كالت انطوني مهلة لحد مالكه بيت واطلع اني كتله براحتج رحنه للبيت دخلنه سلمت ورحت اركض ع ابني ابوس بيه وشمه ريحته احس روحي بيه تغدينه وكملنه ورحت لغرفه وابني بحضني شويه وسمع الباب تفلش تفلش اني ورانيا طفرنه اني عرفت منو هذا وكلبي كام يدك من الخوف ياربي بس لا هو وعمامي وياه ويحلون سالفه ويرجعوني ماردت يعرف بمكاني لحد طلاق عاد من يطلقني بعد ميكدر يرجعني بسرعه ركضنه ولكينه عمي ابو رانيا هم طالع بس شافني كلي مطلعين ودكي ع محامي خلي يجي هو يحجي وياهم احسن خليته يطلع وكلنه انباوع ع الباب نشوف منو اني من سمعت صوت عمي ابو هيثم يسلم بسرعه طلعت الموبايل ودكيت ع محامي فهمتي ع كلشي وهو كلي مسافه طريق وانتي ابد ماطلعيلهم اله اجي وابنج هم كتله ميخالف رحت اخذت ابني ودخلت جوه بغرفة رانيا وعرفت هم دخلوا جوه بالاستقبال اجتني رانيا رانيا. رجلج جاي المخنث وابوه واخوه وعمامج ومبين مايعرفون شي زمرد.شنو حجوا رانيا . ماكو هسة بس سلام وره ربع ساعه اجه المحامي اني خليت ابني نايم وطلعت اسمع لان امنت لان هو لسان ويعرف شون راح يحجي دخل مالمحامي عود هو كرايب ابو رانيا حتى يطمنهم ويحجون عادي بدوا يحجون حجي عادي لحد عمي فتح الموضوع عم زمرد. احنا ابورانيا نعرف بتنه يمك فاتمنه تصيحه نفتهم منه شنو صار وخلاه تشرد من رجله ابو رانيا . هيثم لو مامأذيه جان ماشردت منه واني مانكر اجتي يمي واول ليله كتلكم بنيه مو يمي لان اجه رجله واخوه وكلت خاف اكلهم يمي وياخذوه مني وماكدر احميه عم زمرد. اي سويته غلط اخي ابو رانيا تره شغله بسيطه بس هي كبرته كلنه نكتل نسوانه ويزعلن بس ببيوتهن مو يروحن يطلبن طلاك المحامي . ممكن اتكلم اذا تسمحون كلهم اي تفضل المحامي. اتوقع نص الموضوع مافهمية صح تره استاذ هيثم مو بس ضارب زمرد مبين هو اصلان ماكيلكم الاستاذه يريد يشغله ..... يسوي مرت بنت ليل هم كلهم تفاجئوا ابوهيثم. جاي تحجي انته المحامي. اسئل ابنك المخنث ليش تسألني الي هيثم. احترم نفسك وهجم ع المحامي قيس كام لزمه هيثم وكعده عم زمرد . اكعد خلي نفتهم هل حجي منين جابه قابل جذب المحامي. عادي اذا مامصدكيني تجي زمرد تحجي الكل . خل تجي نفتهم منه اني جنت واكفه واسمع من كال زمرد تجي حيل رتبكت ماعرف ليش اخاف منه وخاص اخر مرة كمت من اسمع اسمه ارعب شون الشيطان احسه اجنتي ابو رانيا كلي بنتي دخلي يريدون يسمعون منج دخلت سلمت وعمامي بقوا صافنين ع الضربه الي بوجهي عمي....... باي بنوتات التعديل الأخير تم بواسطة لامارا ; 23-06-19 الساعة 01:35 AM | ||||
|  |
|
22-06-19, 03:28 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 10 ******************** أيظن أني لعبة بيديه؟ 🤷♀️💆♀️ أنا لا أفكر في الرجوع إليه🤦♀️🚶♀️ اليوم عاد كأن شيئا لم يكن 🙋♂️🙇♀️ وبراءة الأطفال في عينيه 👯♂️👀 ليقول لي : إني رفيقة دربه 💏👣 وبأنني الحب الوحيد لديه 👫 💒💒💒💒💒💒💒🏩💒💒💒💒💒💒💒 زمرد دخلت عليهم وهم كلهم بقوا صافنين ع الضربه سلمت وعمي الجبير حجه عمي. زمرد الحجي الكاله المحامي صحيح زمرد. اي صح وهيثم كمز عليه يريد يضربني ويصيح جذابه تتبله علية حتى تطلك محامي. شنو تتبله عليك يعني سوي هذا كله الملعوب حتى تطلك منك والله يالله تره هي اذا تريد تطلك بس ضربه من هاي الضربات ترفع بيه عليك دعوة مو بس تطلك ولا هم المحكمه تلعب بيك طوبه ابوهيثم. بس انطينه مجال ابني خلي هي تفهمنة تره هاي شغله مو سهلة سمعتي وسمعه عائلتي تدمر من وره هذا الحجي بنتي زمرد احجي الصحيح وبدون جذب واني مصدكج بس مامستوعب الحجي انطيني الحجي نصن شون اجه وكلج شنو يخليه يبيعج لصديقه زمرد. عمو مو هيثم مديون بسبب القمار فجاني كلي صديقي يريدج وهي ليله ودين كله يروح يعني راد يوفي دينه بيه ابو هيثم فتح دكم قميصه وكام يفرك بصدره وعمامي كامت تغلط على هيثم اباوع ع محامي اشرلي حتى اطلع اني بس كلي اطلع بسرعه طلعت بقيت واكفه يم الباب اسمع شنو يحجون بقوا يغلطون ع هيثم وعمامي يريدون يسوهة سالفه عشائريه وهو مصر يكول جذابة تتهمني وعمي ابو هيثم يكله اسكت ولا كلمه وطرده بره اخذه قيس وهو يعيط وطلعة قيس كوة نوب بقوا عمامي يكلون لعني ابو هيثم حضروا نفسكم نسويه عشائريه محامي. مو من صالحكم سوه عشائريه بنتكم راح تشوه سمعته الناس ماترحمه وهي ماله احد لا اب ولا ام تره الناس بس تريد كلمه وتبقي تحور بيه اقتنعوا من حجه هيج عمي الجبير. ابو هيثم علمودك راح نسكت ومنسوي شي ونخليه بس طلاق ومو علمود شي بس علمودك انته .رجل اختنه ونعرفك شنو اخلاقك عمرك ماذيت اختنه بكلمه بس ابنك حرامات ماطلع عليك دللت اختنه واحترامته ابو هيثم. بقه ساكت ماحجه شي بس مبين عليه تعب ابوهيثم. بس اريد احجي ويه زمرد خلي تجي ابو رانيا . بنتي زمرد تعالي دخلت هو بس شافني اجه علية وباس راسي -بنتي عذريني اسف دمرناج شكد ضايج من ابني بس مو بكثر ضوجتي ع فراكج انتي ماتتعوضين وابني راح اتبره منه وماخلي يدخل البيت هيج ولد ماريده عمي جبير. وحق ربك يا ابو هيثم لعيونك سكتنه مو لغير شي والله اذا غير واحد جان دفنته وهو عدل وكلياه من هسة خاف بعدين تكلي ليش ماكتلي هيثم اذا شفناه بشوارعنه نكتله خلص شوف تره احنا ناس كبار وسكتنه وطميناه سالفه بس وربك لو واحد كن ولد عمه يعرف لصير مكاتل وهم تعرفهم شلون متهورين ويدهم وسلاح اني بس هيج سمعت ذكرت ولد عمي شلون البلطجيه بس واحد يطخهم يلعبون بيه طوبه شرانين بسرعه كتله زمرد. لا عمو لاتحجون كدام احد عن هاي شغلة اني مدام كدرت اشرد وحميت نفسي بعد ماتسوه صير مشاكل ومكاتل وهم ناس اذا ماحجت عليه راح تحجي ع هيثم وخطيه ميس تتاذه الناس مترحم احد اقل شي يكولون اذا خوه هيج لعد اخته شلونه وتكف قسمه البنيه حرام علينه واحد من عمامي. اي اني هم هيج كلت افضل نسد الموضوع واذا احد سئل نكله مكدروا يعيشون سوه مشاكل واحد ميطيق ثاني ابو هيثم. ماتقصرون رحمه الله والديكم لو غيركم جان نكلبت دنيا واني من غير عشيرة وحسبوهة علية لان ماعرفت اربي مع الاسف عمامي. محشوم ابو هيثم انتن تربيتك ماكو مثلهة بس ابنك مشه ويه ناس هي خلته هيج يصرف بقوا يحجون ويه ابو هيثم وهو بين عليه تعب بلكوه يحجي وجهة صار اسود اخر شي كلهم اني اروح باوعلي عمي جبير. يله عمي حضري غراضج وامشي ويانه ابو رانيا. لا زمرد خليه يمنه عمي. لا ميصير تبقه هنا ابورانيا. عود قصدك احنا غربة وعيب تبقه يمنه مو عمي. لا والله مو هيج بس احنا عمامه وميصير نعوفه زمرد. عمو اني بس ليله باقيه يمهم وباجر راح اكعد بيت ابويه فليش ابقه رايحه وجايه باجر اروح للمحكمه وحتى كبل ارجع ع بيتنه اني جذب مو باجر ماعرف شوكت بس ابد مداخله بيت عمي وعمامي كلهم مداخله بيتهم احسهم غربة عليه احس ارتاح يم رانيا اقربلي من عمامي امون ع ابو رانيا اكثر من عمامي حاولوا وياي بس اني اصريت ابقه هنا اخر شي راحوا ثاني يوم صبح عفت ابني يم ام رانيا وراح وياي عمي ابو رانيا وعمامي دكوا عليه منتضريني بالمحكمه وكالوا جاي هيثم وياه محامي ومبين مراح يوافق ع طلاق خفت من كال مصر ع انو مانطلق كلت خاف يربح هو القضيه لو ياخذ مني حسن بقيت قلقه لحد دخولنه للمحكمه ولكاني محامي مبتسم المحامي. عرفتج راح يكون هيج شكلج زمرد. شلون يعني المحامي. خايفه وقلقه زمرد. ماجذب عليك حيل خايفه ع حسوني خاف ياخذه مني المحامي. معليج امشي ورايه وشوفي اخذ حقج منه اخلي مايعرف شنو يسوي والله طلعه من المحكمه بطرك ملابسه زمرد. ماريد يبقه كارهني وبره فترة ياذيني المحامي. ماكو هيج شي حتى اخلي يكتب تعهد ماياذيج وميوصل بابج وهم عمامج مانعيه يوصل لمناطقكم يعني عشائرين و قانونين يتاذه ابو رانيا. معليج زمر لاتفكرين بشي اطمني بعد هو محامي وكلشي شايف بحياته زمرد. اي صح اني هم من يمه مطمنه بس هذاك الحقير ماعرف شنو يسوي شويه بقينه واكفين وعمامي اجوي وهيثم والمحامي يمه واكفين ع جه ويباوع علية بكره يخزر بيه لو بيده يلزمني و يخنكني بره نص ساعه صاحوا اسامينه مدخل احد ويانه بس اني وهيثم والمحامي هيثم ومحامي مالتي بقه يسال القاضي بيه ويكلي شنو سبب طلبج للطلاق زمرد. سيدي اني ماريد طلاق بطر او مليت او اكلك حياتي تعيسة مثل غير نسوان بس اني سيدي تعبت منه شوف سيدي شلون ضربته علامته ع وجهي تقبل بنتك هيج تجيك مضروبه وهذا غير الي بجسمي القاضي. تحلفين بالقران انو هو مد يده عليج راح احلفج ع كلشي تحجينه حتى احكم بعدل رحت يم كتاب قران وخليت ايدي عليه وهو يحجي قبلي واني ارد وراه زمرد. والقران الكريم ماحجي شيي كذب وكل الحجي الي احجيه صادق مابيه حرف كذب القاضي. ليش يضربج شنو سبب زمرد. سيدي لان مالي اكد ماعدي اهل كلهم ميتين 😢 القاضي. ☹وليش كاعده اهل ينذل زمرد. سيدي ماشفت ويه هذا👈يوم حلو بعدني عروسة وكتلني وياريت يجي ويعتذر يلزمني هم يكتلني ويكلي اعتذري انتي الغلطانه لان ماسديت الضويه والكهرباء تطفه وتشتغل كتلني وبرهة هم كتلني وكله شغلات تافه متسوه هاي احجي وهيثم يريد يكطع كلامي بس القاضي يكله اسكت القاضي. كملي بنتي زمرد. كام يشرب وكلت ميخالف هم اكو رياجيل تشرب عادي اتحمله برهة طلعني بيت وكالي اريد بيت اهلج ليش فارغ خلي اجره ونستفاد من فلوسه بس بقه يشرب بيهن ماشوف ربع منهن بس مسواك حتى الطفل جبته عندي فلوس عمي انطانياهن كمت اصرف على جاهل كله اكول ماعندي احد غيره ميخالف لازم يتغير لحد يوم اجني ويكلي اني مطلوب فلوس دين هواي بسبب الاقمار طلع يلعب اقمار اني تعصبت وكمت اصيح وهو اجه هجم علية وكتلني وهو حتى جان سكران بس مو كلش سكران شبعني كتل المحامي. سيدي مو بس وجه وشوف ايده ممكن زمرد تكشفين ايدج طلعت ايدي شويه منه المحامي. وهي اكو بضهرة اكثر هيثم. وشدراك بضهرة لزم شايفه القاضي . باوع ع هيثم ماعرف شنو اكلك اصير كدامي ابو غيرة وتخاف عليه لعد ليش ماكبت غيرتك من كتلته وكلت مرتي ميصير اكتله وشرب كدامه المحامي. اني مشفت بس هي ع حجيه تكول من ضربني نمت بالكاع وكمت احوم من كل جهات ومن طبيعي ضهرهة ينضرب لان الجزء الوحيد بجسم مانكدر نحميه . من اذن القاضي احترام ولتحجي عليه هيج كلام بس صدك الكل كل يرى ناس بعين طبعه القاضي . كطعوا كلام كافي بقينه يمكن ب ساعتين يم القاضي جان هيثم معاند ورد القاضي ياجل بس المحامي كله ع سالف هيثم والقاضي من وراه هذا الشي السمعه طلكني من هيثم والي حضانه طفل وهيثم ماله حق يشوف بس بالمحكمه وحقوقي كلهن اخذهن وهيثم تخبل بس المحامي مالته يسكت بيه لان قاضي ميصير تحجي يمه اله هو يسمحلك طلعنه هو يسب ويغلط واحنا مو يمه ولحلو عمامي و ابو رانيا كلهم يكلولي مبروك كام يطفر من حركته وطلع يغلط ويسب هم طلعنه صعدنه بسياره واحد من عمامي وصلوني وراحوا بقيت عشره ايام يم بيت ابو رانيا لحد ماشالت المره من البيت كعدت بالبيت هواي بيه نقص كمت ابيع من ذهبي واشتري وهم عمتي ام رانيا حاولت ساعدني بس اني رفضت ابد مااقبل خابرتني عمتي ام هيثم وتبجي مقهورة عليه وتكلي اني سبب بكلشي دمرتج ودمرت حياتج كتله لاعمه انتي شنو ذنبج كلشي بالقسمه ونصيب لاانتي الج علاقه ولا اني كله رب العالمين مقسمه علينه ةلازم نتقبله مانذمر ونتعصب اصلان اني هيثم خلني اتعلم درس كلش مهم حدهو انو بعض البشر لازم مااثق بيهم مو كل شخص مهما كان علاقتي بيه قويه اخلي حدود وياه حتى لو كان هذا شخص زوجي مامن بالشخص اله عاشرة وعرفة بقت تسولف وياي وبعدين سدته هسة رجعت زمرد من الماضي منا راح تبدي قصته وتستمر الى اين ماعرف ترقبوا صح اخاف وحدي وليل يكون صعب عليه اني كون كدام ناس قوية بس بداخاي فد وحده جبانه مابيه خير والله بليل اخف من ضلي حتى الحمام انحصر مادخل ابقه ليل كله محصوره لحد يجي الصبح اروح للحمام اخاف من كلشي بس احس حياتي حلوة خلل هاي الفتىة القصير وجهي ورد مرتاحه محد يضربني ياذيني انسان نحيت من جديد كمت كل فتره اروح للسوك اشتري شغلت للبيت اني وام رانيا ورانيا ونعوف حسوني يم عمو ابو رانيا ماعرف شنو اكلكم عن عمو دره من الله حنون حباب كل يوم العصر يجي يدك عليه الباب ياخذ حسن مني ويرح ياخذه لبيتهم ومرات اسمعه من ياخذه يكله جدو هلو حبيبي جدو كلمه حنين احس الله عوضني بيهم اني مكروهة من قبل نسوان منطقتنه يموتن مني عبالك مادري شنو مسويتلهن ماكلكم اكو شكم ولد بمنطقتنه ياكلني اكل بنضرات واكو بيهم والقران مايرفع راسه من افوت قمه الاخلق والاحترام وهذاولك عبالك مو مطلقه عبالك جنت بيت مشبوه ابد ماهتم الهم اكول مدام اعرف اني شنو واخلقي شنو فطز بيهم وبتفكيرهم لحد فديوم اجتي عمتي ام رانيا شايطه ومتعصبه ورانيا هم وره بس مامهتمة تكله شعليج بيه خليه تاكل الي برجله (تكرمون) زمرد . ها شكو ام رانيا. ولج اليوام اجتي جترتنه ام كوثر وتكلي شلون تامنين بمطلقه تدخل بيتكم وابو رانيا يجيله ويسولف وياه ويحضن بابنه كتله ماسمحلج هيج تحجين وياه وهي بحساب بنتي واب رانيا بحساب ابوهة وشنو تغير موصارله سنين تلعب بيتنه وتدرس وتاكل هسة شنو تغير ليش تحسسوني المطلقه شبح شفتي منه ونزلت عليه نزله خليته تتندم ع الحجايه وتكول توبه بعد اذا احجي زمرد. هاي لو اطلع نهار كله افتر شيسون شيحجن لو شويه عندي طربكه وخفيفه جان شكالن ام رانيا. والله تسويهن وتسوين عشيرتهن شايلت حقارة زمرد. لاتعصبين نفسج خلي يولن اني ماضوج من كلامهن مدام اعرف نفسي شنو فطز بيهن رانيا. ولج لو اني منج والقران شباب كلهم اصدقهم وخاصه المزوجين ولعب شاطي باطي واغني يابط يابط اسبح بشط وخليهن نارهن تاكل حطبهن ام رانيا. شمرت نعال عليه بس ماوكع بيه لان ختلت وره الباب بسرعه . ولج انتي الله يستر منج اني ماخذ مهر من رجلج المهر متلتج ممنوع طلق لان تلعبين طوبة اذا طلكتي انتي هسة وكوه لازمتج رانيا. مدت راسه يعني ماتدرين بسوالفي اشكرك ربي ام رانيا. ولج يعني شنو تقصدين رانيا. لا اتقشمر وياج ماتتحملين الشقه ام رانيا. يله اني اروح شويه وجيجن اروح لرجلي زمرد. عفيه خالة عود كلي لقاسم (ابو رانيا)خاي يجي يصلحلي الكهرباء رانيا. هههه هلة ابوية راح ام رانيا. يمه خلي اروح الحك ع رجلي يكلك صاير شحه مال زلم وانتي المتعافيه طلكتي زمرد. ههههه عابت لهيثم والزلم المثله اذا اكو مثل هيثم مو بس لريد هم يشحون لا كون تبلعهم الكاع خاله روحي لحكي تره خليته براسي قسومي ام رانيا. يمه صار قسومي خلي اروح ام عباس وربطه بشكم حرز وسحر بعد اعمي عمي رانيا. وياج وياج حرز مو اكو للرزق الفلوس اني اريد رزق زلم وكون كلهم جيبهم ثكيل ام رانيا. مو اكلج ماامن بيج رانيا. اتقشمر وداعت قسومي راح ينباك منج كلنه ههههه راحت ام رانيا واخذت حسن وياه حبيبي هادئ ماكو بس يباوع المهم يشبع بعد يكوم بس يباوع لو يناغي رانيا. يله خلي اخبر ياسر زمرد. هذا منين اجه ياسر مو اسمه احمد رانيا. لا يعمري اني موثابته يعني مو حب اقط ماخب تثبت ع واحد امل زمرد. عود صدك شنو كلب. لو صيرفه رانيا. اتوقع ماهو لان مرات الزم الجه اليسرة ماكو بيه دكات كلب يمكن ماعدي كلب زمرد. تره ميصير هيج مابقه شي وتتخرجين عاد سوي علاقه جدية يعني كلهم هذوالة ولا واحد بيهم يحب مامعقولة رانيا. لا اكو بس اني ماريد ازوج لان اعرف مراح استمر ويه رجال وانتي اكبر دليل شكد عود مستقرة بس ماستقريتي بزواج وطلكتي لعد اني شلون يمكن اول شهر اطلك زمرد. هاي مو نضريه صحيحه اني زهيثم طلكنه جان سبب كلش قوي والله لو ع ضرب والهانة جان ابد مافكرت اطلق وحتى من يسكر ماهتميت وكلت هو الله يعاقبه اني عليه نصحته وكتله شي حرام هذا بس هو ماستجاب رانيا لاتربطين حياتج بحياه غيرج ابني حياه الج وحدج انتي نخلقتي غير عني بتفكيرج معقلج شكلج حتى حياتج متشبه حياتي رانيا. زمرد ماعرف بس هسة هذا الموضوع من افكر بيه احسه يخنكني كل شي بزواج يخنكني خلي اكمل كليه وعود ربج كريم اكلج صدك شنو الكليه داومين لا زمرد. طبعا اداوم رانيا. وابنج زمرد. ادخله حضانه رانيا. ها خوش كاكو يمنه حضانه ع شارع دوامه اتوقع من ٧ الصبح لحد ٣ العصر زمرد. خوش وقت بقينه نسولف هو بعد شهر ونص ع دوام بره كم يوم رحت شفت الحضانه اني وام رانيا مبينه خوش حضانه نضيفه والمديرة انسانه كلش حبابه وعدهم قوانين مانطي طفل اله جنسيه الام وجنسيه الطفل منطي بغير هذني زمرد. هو بس اني اجي اخذه منكم مامو غيري ويمكن عمتي وصديقتي واشرت عليهم هم يجون اذا ماكدرت اني المديرة مو اكو شغله متعرفيه هسة تره ماكو دوام وعدد قليل كلش بس تعاي بالدوام وشوفي شنو صير تنكلب جهال كومه فيعني نكوم ننسه شكل الام هنا كثر من مدرسه فمراح اني يام تجي اعرفه ع مدرسات وحتى لو عر٥ت راح لازم يصير نسيان فلحسن انو جيبون شي يدل ع انو هذا طفلك زمرد. شكرا موبينين خوش روضه واني طفلس مو متعب مال اكل ونوم ماله صوت المديره . الله يحفضه بقيت اتفق وياه وحجزت لان تكلي عدي عدد محدد بعد بره ماخذ اي طفل عادي جانت حياتي خلل هاي شهر ونص رحت اخذت نفقتي بالمحكمه واخذت حسن وياي حتى يشوفه هيثم لان كلتلي عمتي قبل يوم من اجه سلم عليه واخذ حسن بقه ساعه كامل يبوس بيه واكلني اكل بنضراته ماعرف ليش احسه شخص نجس اشوفه شكله عباره عن بطل عرك واكف كدامي شويه سولي فرق فلوس الي ينكيه الي كمت اصرف تسوك اشتريت ملابس للدوام هم اختصرت الاحداث كعدت اليوم ع صوت المنبه من الصبح تليوم دوامي وجهي يضحك كمت بدات لحسوني حتى اوديه للحضانه وهذا كله اركض حتى الحك ع الوقت خليتله بجنطه حفاضات وحليب ومي بترمز وكتب ورقه ع ترمز ولحليب حتى تنتبه الي تهتم بيه فدوة ابني جسمه حساس غيري الحفوضه اله وهم هو ميكعد وميبجي فدوة انطي رضعته كل ساعه وحددت كيلات الحليب لازم تخليهن والمي كم رقم ندك الباب عليه عرفت رانيا رحت فتحتله الباب معدله روحه هي محجبه بس لبسه بناطير جينزل وشي طويل لحد ركبه اني هيج البس رانيا . صباحوا شنو بعدج مامكمله زمرد. لا كملت بس البس حذاء رانيا. عيني وليش وجهج هيج مابيه ذره مكياج زمرد. لا خليت كحل رانيا. لا بداعتي دمشي امشي كحل مخليه ام حلك تره كلش هاملة تفسج زمرد لاتخلين مكياج وين جنتي نهار كله تعتنين بشرتج هسة جنج وجه العتوي زمرد. امشي لج تقلد عليه والله عمي خوش رانيا. كعدي عيني كعدس تره مابقه وقت تره راح ينشلع كلبنه بالازدحام كعدت بقت تخليلي مكياج واني امله خففي خففي عيب اخر شي كملت بس طلع مكياج فدشي يخبل نازك عبالك مامخليه وسوه تغير بوجهي لان خفه شويه التعب ع وجهي صرت غير شكل بس مو تحويل من قرد الى غزال لا بس اني اخر فترة صار سواد جوه عيوني خفته واثر الضربه هم خفته طلعنه ةدينه حسن وصيتهن ميه وصيه ديربالجن عليه واني ادريجن وماقصر وياجن اكلت روسهن رحنه للكليه اوووف يالكليه عالم جميل كلش حلو عالم ملون يطيك الطاقه وحيوية لان تباوع كل طلاب مبتسمين مرحين كل مجموعه واكفه ع صفحه سوالف وتضحك زمرد. رانيا ممكن طلب رانيا. كولي زمرد. ماريد احد يعرف اني مطلقه رانيا. وليش زمرد. يعنبرون مطلقه مو زينه واني ماريد هيج شي وراح يحكمون عليه قبل لا يعرفون شنو اني رانيا. براحتج هذا شي خاص بيج زمرد. شكرا بدت رانيا تعرفني ع اشخاص من بعيد ع الوياه من جانت بالاول مثل تكول هذا مكبل ويه هاي هذولة شله وتعددلي منو منو اني طبعا بعدني ماعرفمنو وياي بالاول وووووو انتضرو احدث حلوة وجديد ادري عبالكم راح تهلص القصه مو بره ماتطلك بس لا هسة بدت بنات كلش خجلانه منجن وحضقجن شنو تحجن احجن بس والله مو بيدي الواتباد كلش اذاني اكتب بارت ونمسح بس البارحه صح شبكه تعبانه وابد ماجتي شبكه واليوم ٣ مرات كاتبه البارت هذا التحديث كاش سيئ جان شكد حلو يحفض وحده بدون ماني اخفض هسة احفض ولكه ممسوح ها صدك اكو ناس جاي تابعني ع الفيس اشكركم وكلكم مجاي اشوف تغريقاتكم لان ماعدي فيس بس جاي يوصلي اخبركم وشكركم مهما كان رائيكم احببببكم كلكم التعديل الأخير تم بواسطة لامارا ; 23-06-19 الساعة 01:41 AM | ||||
|
| |
|
22-06-19, 04:13 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 11 *********** زمرد اول يوم مجان اكو محاضرات بس تعارف اني بقيت ويه رانيا راحت لطلاب مرحلته مجموعه شباب وبنات سلمت عليهم الاغلب شباب وعرفتهم عليه رانيا. هاي صديقتي زمرد مرحلة اولى الكل. هلو زمرد تشرفنه بيج بقيت وياهم هم كلهم واكفين ويضحكون ويسوالفون وين راحوا بالعطلة سوالف عامه يمكن بيهم ٨ ولدو ٦ بنات لان ماانتبهت زين شويه صار عندي خجل واكثرهم يباوعون عليه شويه ودخل الشلة ولد طويل حنطي شكله جان مرتب وعرفت من حجيهم اسمه يوسف يوسف. هلة ولكم مشتاقلكم وخاصه البنات يمه اروحلجن فدوة واخذ نضرة ع كل المجودات واني من ضمنهن ركز علية يوسف. هاي البنيه اني هذيج سنه مشايفه رانيا. ع كيفك يرنكو البنيه جديده مرحلة اولى يوسف. ياهلة بيج تشرفنه بيج شنو اسمج زمرد. اسمي زمرد يوسف . يوسف وزمرد 🤔 متراهمة الاسامي سوية حلو واحدمن شباب . يمعود عوف البنيه بحاله ماتشبع ولاتقنع يوسف. احترم نفسك شكلولك عليه اني جاي اتشاقه بقوا يسولفون وأشرات لرانيا حتى روح غير مكان لان ماعجبني اسلوبه رحنه نتمشه رانيا. ديربالج من يوسف ترة ابو بنات كل يوم ويه وحده يبدل البنات مثل مايبدل قميصه زمرد. اي مبين عليه رانيا. بلوه مايتحمل يبقه وية البنيه شهر كبل يغيره زمرد. شنو من ولد هذا عنده كلب لو كوستر رانيا. والله الكوستر هم ينملي وهو لاء زمرد. دمشي يله هسة تلكيه كام يكمز من وراه الحش مالتنه ماكو جديد طلعنه من دوام بقيت اكثر من ١٥ يوم ع هاي الحالة بدوا الاساتذه ينطونه محاضرات جنت شاطر احضر واشارك ويه الاساتذه وحتى الاساتذة عرفوني شاطرة بس مو مثل من جنت بالمدرسه لان حيل صعبه دراسه واكثره انكليزي يعني صعبة الى درجه حسن حبيبي كل يوم بالروضه اجي اخذه ب٢ الضهر اروح اني ورانيا بخط تكسي واحدنه وابو الخط بهذلنه لو يتاخر لو تعطل سيارته اليوم بدلت لبست تنورة قصير وقميص ابيض اكو ايام نتعاقب ع الزي فكمت اشتري اكثر شغلت بيضه ومرات لا نلبس الوان بكيفنه سويت شعري ضفير هنديه صفح وطلعت بس كم شعرايه خليتهن نازلت خليت مكياج مرتب وماحب مكياج طوخ بس اليوم غيرت خليت حمرة برتقالي ومكياج خفيف برتقالي ع عيوني بس كلش خفيف وديت حسن لعمتي ام رانيا لان نروح من الصبح وروضه هسة متفتح ورجعت لكيت ابو الخط واكف ينتضرني حتى ابو الخط مشايف ابني ماحبيت احد يعرف عني شي وصلنه للكليه كل وحده راحت لمحاضرتهة بهذا اليوم هواي محاضرات كملت محاضره ساعه ١١ طلعت اشرب عصير واكلي شي من الكافتريا رحت وحدي لان رانيا عده محاضرة وحده وره ثاني وماعدي صديقات بس سلام ويه طالبات مرحلتي اخذت كيكه وعصير بيني وبينكم مشتهية لفه فلافل بس الابرستيج يخرب كعدت اكل بالكافتريه واكبل بالموبايل اباوع ع صور حسن واضحك ماحس اله واحد واكف يم الميز يوسف. ممكن اكعد ماكو مكان باوعت ع المكان مابيه طلاب هواي بس كم واحد واكو اماكن فارغه بله هذا شكله زمرد. هادي اكعد حقك صايره الكافترية هوسة يوسف. جر الكرسي هههه لا بس اريد حجه حتى احجي وياج زمرد. مو عدك محاضره يوسف. شنو تجسسين عليه كولي من زمان انتي معجبه بيه وفضيه زمرد. باوعتله بتعجب هه انته شكد شايف نفسك تره صديقتي وياك رانيا وهسة عده محاضرة فلهذا كتلك عندك محاضره يوسف. هااا مو طردني الاستاذ وهمزين طردني حتى اشوف هيج جمال زمرد. خزرته اني صوجي لان خليتك تكعد وياي وتحجي وياي اخذت غراضي وموبايلي وطلعت يوسف. بس اكفي شبيك يمعود والله مو قصدي بس اني تركته ورحت ماحب هيج اسلواب دخلت محاضره براه طلعت لكتني رانيا رحنه للبيت ثاني يوم اني كل يوم اطلع اشوف شنو وضع الجو حتى اذا بارده ومطر البس ثخين واخذ شمسيه واذا حاره البس شي عادي بس شتوي طلعت لكيت الجو حلو حتى دافي شويه لبست جينز وبدي نيلي ثخين رحت للدوام ويايه رانيا وعادي ماكو جديد بس الصدمه مطرت وكت طلعتنه من الدوام والضبط ندك ع ابو الخط ميجاوب شبعنه برد رانيا لابسه قمصله بس اني ارفرف بس البدي ثلجت يعني تخيلو قبل شويه الجو شكد حلو وحتى شمس طالعه بس هسة تحوال صار ثلج وابد ماوكفت من المطر اريد بس توكف نباوع طلاب اكثره صعدت خطوطه بس احنا ابو خطنه شلع كلبنه رانيا. والله بس خلي يجي اله ادفنه شنو هل حقار ليش ميجاوب زمرد. شلع كلبنه هسة ميكول بنات خطيه والله لو اول مره نعذره وانكول ميخالف يمكن صار عنده ضرف بس هو كل يوم هيج رانيا. يله خلي نروح مدام وكفت مطر مشينه واني افرك بديه حيل بردت رانيا . خلي انطيج القمصله زمرد. لا مابقه شي هسة نعبر شارع نصعد سيارة شو من جاي نمشي فاتت من يمنه كيه مال طلاب واجتي ع جتافي قمصله باوعت ع القمصله ورفعت راسي اباوع منين هاي اجتني يوسف مطلع جسمه من شباك السيارة بس باوعتله غمزلي وضحك اني بقيت متعجبه من تصرفه وهو نزل جسمه ودخل بسيارة وراحت السيار (بنات اتخيل لو هاي اصير مسلسل هذا المقطع يطش مثل طشه ام غمزه ) رانيا. لزميني يمه راح انجلط امداني لو ملابسه قمصله خرب حضي باوعتلي بغيض حضوض مو كتلج اخذي قمصلتي جان هسة شمرهة عليه قمصلته زمرد. ولج كافي شامرلي سياره هي قمصله وهو هيج سوه لان شافني متبلله وبردانه تره لااكثر ولا اقل الولد ابتله رانيا . وشنو هاي الغمزه زمرد. عينه شكلت مو غمز يله امشي بلا لغوه مشينه وهي بس تلغي موتتني صعدنه تكسي باوعت ع القمصله بيه عطر رجالي كلش راقي ماعرف ليش من اباوع ع القمصله لو اشم العطر جسمي يرجف صير بيه دغدغه اخذنه حسن من الحضانه ورحنه للبيت تغديت ودرست نوب غسلت القمصله ونشفته حتى باجر انطيه اله بقيت العب ويه حسن وبيه عادة كل يوم افتش جسمه اخاف بيه اثر ضربه او ابره ثاني يوم الصبح بدلت وخليت القمصله بعلاكه ورشيته عطر بس وصلت رحت ادور عليه حتى انطيه اله عفت رانيا بالكافتريا بقيت افتر اخر شي لكيته كاعد بالحديقه يم صديقه من شافني عاف صديقه واجه عليه زمرد. هلو يوسف. هلاوات زمرد. هاي القمصله شكرا يوسف. ولو تروحلج فدوة القمصله وراعيه زمرد. تسلم ماعرف ليش من يحجي اريد اضحك يكوم بلعومي يدغدغ كوه الزم نفسي ماضحك يوسف. ممكن طلب زمرد. اي اطلب يوسف . عادي نصير اصدقاء زمرد. تره اني معتبرتك صديق عادي يوسف . لا يعني واحد يسولف ويه ثاني نكعد هسة انتي اصلا مكاعده بس يوم واحد ويمكن بس خمس دقايق وشردتي زعلانه زمرد. اي عادي بس صداقه مو نوب صير سوالف مكبلين فقط اصدقاء يوسف. وربج اني فقير وكلشي يوصلج عني جذب يردون يخربون سمعتي وخاص شباب لان حلو زمرد. هااا 😏 يوسف . وداعتج وهم اطمنج تره انتي مو مديلي ماحب هيج حلويات تشحط وتخليك تشرب هواي مي زمرد. هااا بدينه يوسف اني ماحب هيج حجي تريد نبقه اصدقاء لاتحجي هيج يوسف. اوكي والله بعد يمج الزم لساني عاجبني تكون عندي صديقه اسولف وياه اذب يمه اسراري يعني راح احسبج واحد من الشباب زمرد. ههه وليش تريد تكون البنيه صديقتك ليش مو شاب اني اعرف الشاب يكون اقرب اله صديق مو صديقه يوسف. هاي صالي سنه ونص اعرفهم بس ولاواحد اعتبره صديق وارتاح وياه من اسوالف وتتورط اضم يمهم سر ثاني يوم تلكاه بالعماده واصل اني ماكلج كلهم بس الاغلبيه زمرد بلا لف اني اريد اصدقج بس مو صدقه حب وكذا لا صداقه حلوة اخوية زمرد. اوكي وعجبني صداقه اخوية لان ماعدي اخ يوسف . افااا اصيرلج اخ وصديق وكلشي يله امشي خلي اعزمج ع اكل بمناسبه الصداقه رحنه للكافترياه يوسف. زمرد شنو تردين فدوة لاتكولين اريد كيكه وعصير هذا جذب مال البنات خلي ع صفحه ادري بيجن تموعن ع الفلافل زمرد. بيني وبينك صدك مال فلافل بس شنسوي برستيج هنا يخرب هههه ماحب اكل بالكافتريه احس كله تباوع عليه يوسف. معليج هسة اخذج لمكان واكلي براحتج والله لو اكو تشريب جان جبت وخليتج تاكلين زمرد. اي وتشريب باجه الله يوسف. هلة هلة طلعت تحب الباجه لعد اله فديوم اعزمج ع باجه زمرد. بس لانكعد بلكليه وناكل يوسف. لا ولج حتى كلهن المكبلات وياي يشردن مني امهات الاندمومي زمرد. هههه يله امشي تره ريحه الفلافل لاتقاوم رحنه لحديقه مابيه احد وهي صغيره كلش وكله اشجار كعدنه بصف شجرة واكلنه بقينه كاعدين هو يسوالف سوالف عامه يعني شفنه بنايه كدامنه سولف عن شي مره صاير بيه مانتبهت للوقت باوعت ع ساعه واني كمزت زمرد. يمه محاضرة باديه صاله ربع ساعه يوسف. صدك شو الوقت ماحسينه بيه زمرد. مادري احجي وياه والم بغراضي وهو كام ورايه اني امشي بسرعه وهو هم يوسف. زمرد ستعجلي بلكي الاستاذ مالتج بعد مجاي مشينه بسرعه رحنه للمحاضره لكينه الاستاذ جاي يشرح نوب هذا استاذ عكره زمرد. يبووو خرب حضي يوسف . روحي حاولي بلكي يقبل دخلين زمرد. خاف احصل رزاله يوسف. عادي عادي طبعا انتي لازم تحصلينه دخلتي ولا مادخلتي تره عندي خانه بالكنتور مخليه بس للرزايل شوفي من يرزلج عادي لاضوجين اخذي شخصيه عديم الكرامه لان اذا خجلتي و صرتي حمرة صيرين مضحكه للطلاب زمرد. توكلت ع الله يوسف. علي وياج علي علي ينصرج علي دكيت الباب زمرد.استاذ اسفه تاخرت بس صار عندي ضرف اريد اكمل بس هو قاطعني الاستاذ. بره ممنوع دخلين الاستاذه جاي هسة اخذت الفشل وطلعت يوسف . خخخخخ نطردت زمرد. هاي اول يوم صداقه هيج صار بيه لعد الله يستر منك مبين وجهك فكر علية يوسف. هههه امشي امشي تعاي خلي اوكلج ايس كريم شويه يخفف الفشله زمرد. لازم مجربه يوسف. هواي زمرد. صدك تره رانيا قبل شويه كالت زمرد اني رايحه عندي محاضرة يعني انته هم عندك محاضره مو يوسف. اي قبل محاضرتج بدت اني متقصد ماريد ادخله زمرد. لا ليش يوسف تره تخصصنه اهم من الطبيه تدري ليش يوسف. ليش زمرد. لان احنه ننطي العلاج للناس لو غلط بسيط غلطنه راح نأذي بيه الناس تره اكثر ناس تروح للمضمد وصيدلاني اذا تمرضت اكثر من دكتور تعتبر صيدلاني حاله حال الدكتور يعني اذا اجاك وكلك اريد لطفل عمره اشهر علاج فلاونزه وتنطيه علاج بس تحدد جرعه غلط او تنطيه علاج مكوناته مو مناسبه لعمرة راح يتاذه فيعني ملازم تفوتنه ولامحاضره تره كله مهمة وبيه فايده النه تخلينه نطور من نفسنه واذا درسنه صح و مانخلي معلومه واحد تفوتنه نصير حتى احسن من دكتور يوسف. كلامج صح تره اني بسادس كلش شاطر مو عبالج اخذت شهادة بالغش لا والله بتعبي وجنت اشطر طالب بصف بس ماعرف من دخلت للكليه كرهت دراسه حتى واهسي طار توقعي الزم الكتاب دقيقه واختنك منه واعوفه كل بالي يمه الطلعه والوانسه كوه نجحت من الاول حتى اهلي تعجبوا بيه زمرد.تره سادس يسوي بالواحد عقده نفسيه يبهذل اني كرهت الدراسه من وراه يوسف . صدك زمرد انتي ليش تركتي سنه شنو سبب ماعرفت شنو اجاوبه رانيا. هلوووو رانيا نقذتني ماريد اكله عن اي شي يحص حياتي كلناله . هلاوات رانيا. عيني شعدك كاعد ويه صديقتي يحلو تره مو مثل التعرفهن زمرد مو سهلة يوسف. وداعتج ماعدي شي بس اصدقاء رانيا. هااا خوش بس مو تخليه تتركني زمرد. يمه ماعوضج بميه صديق رانيا. يمه فداوي للصديقات يوسف. يعني اني ماسوه فلس طلعت زمرد. لا مو هيج بس رانيا هاي صديقه العمر ماكدر اتخله عنه لو ع موتي يوسف الله يدوم صداقتجن رانيا. يله عيني راح ابوكه منك صدك يوسف ليش مانقسمه اني وياك يوم الك ويو الي يوسف.ههههه حسستيني اني وياج شرايج زمرد. هههه لايوسف بلي ثري كلنه هههههه كعدت يمنه رانيا نوب بدت محاضره وكل واحد راح ع محاضرته نوب رجعنه للبيت بطريق للحضانه رانيا. يوسف عرف انتي مطلقه زمرد. لا ماكتله افضل ماحجي بهيج شي وهو مجرد زملائ رانيا. اوكي براحتج واني هم اكلج ابقي ضامته سالفه زواجج وصلنه للحضانه بقت رانيا بره تنتضرني اجيب حسن واجي دخلت ع المديره زمرد. سلام عليكم ست المديره . بتعجب وعليكم سلام شنو ليش جايه مو ابنج اخذه ابوه زمرد. شنووووو ياابوه التعديل الأخير تم بواسطة لامارا ; 23-06-19 الساعة 01:46 AM | ||||
|
| |
|
22-06-19, 04:14 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 12 🖤❤🖤❤🖤❤🖤❤🖤❤🖤❤🖤❤🖤 زمرد. سلام عليكم ست المديره . بتعجب وعليكم سلام شنو ليش جايه مو ابنج اخذه ابوه زمرد. شنووووو ياابوه المديره. زوجج اجه اخذه زمرد. احنا مطلقين شلون تنطيه اله ياربي راح ابني المديره. والله اجه كلي اني ابوه وكتله ماانطيك الطفل اله جنسيتك وجنسيه امه واطفل وانطانياهن كلهن توقعت انتي موصيته كلت يمكن متكدر عده شغل زمرد. نجنيت يمه راح ابني شنو يصير ع ابني احملج المسوؤليه تركته وطلعت ماخليته تحجي رانيا. هااا شكو شبيج وين حسن زمرد. ولج هيثم ماخذ حسن الحقير يريد يحرك كلبي احجي وامشي ع شارع متجهة رانيا. وهسة وين انتي رايحه دوكفي شبيج تره هو ابوه ليش خايفه تلكيه مشتاقله واخذه زمرد. وكفت احجيه مو اعرفه ماسوه هيج اله عنده شي شبيج هو ميت عليه بس باله شغلة اعرفه يريد يحرك كلبي بيه هل نذل ابو الاقمار رانيا. يله امشي اروح وياج ماخليج وحدج تلكيه والله هيج سوه بس علمود تجين وراه عرف منين يلوي ايدج اجرت تكسي وكتله اخذنه للشقه لان اعرفه مايخذه لبيتهم مراح يقبلون وناويه اذا مانطانياه اله افلش الشقه عليه وصلنه جاي انطي الكروه للولد رانيا. ولج هذا هيثم طلع من العمارة باوعت ع مكان هي تباوعلة اني بس شفته ردت انزل هي لزمت ايدي رانيا. ولج اوكفي مشوفين موبيده الجاهل شكو نازله خاف مو هو الماخذه زمرد. يعني شنو مو هو الماخذه رانيا. لا قصدي هو ماخذه بس مو بالبيت يمكن موديه بيت اهلى لاتسرعين وتتعاركين وياه اوكفي دكي ع عمتج وسئليه يمهم حسوني زمرد. بسرعه شلت الموبايل ودكيت ع عمتي وخطيه ابو التكسي صافن علينه رانيا. خويه اعذرنه خاف اخرناك بس دقايق وننزل ماردت انزل ويشوفني هيثم وهو اباوعلة راح صعد بكيه جاوبتني عمتي عمتي. هلة زمرد شلونج عمه زمرد. هلو عمه شلونج ردت اسئله عن حسن بس هي سبقتني عمتي. شلونه حسن حبيبي بيبيته عرفت من كلامه مو يمه حسن زمرد. زين الحمدلله بخير عمتي. عود فديوم اريد اجيكم اشوفه زمرد. هلة بيج بكل وقت نهيتة وياهة رانيا. ها ليش ماكلتيله حسن يمكم زمرد. مو هي سئلتني عن حسن يعني ماتدري بيه رانيا. يمكن ماتريد تبينلج هو يمه زمرد. لا عمتي ماسوي هيج ماتشلع كلبي تعرفني ابني نفس مالي رانيا. وهسة شلون ابنج وين زمرد. ابني بشقه ويمكن عافه يجيبله شغلات ويرجعله او يمكن عاف يمه شخص رانيا يله خلي ننزل باوعت ع سايق شكرت منه السايق. خوية محتاجه مساعده ابقه انتضركم زمرد. لا شكرا تعبناك ويانه نزلنه اني ورانيا صعدنه للشقه دكينه الباب دقايق ونفتح الباب طلعت وحده مبين من شكله موزينه وحتى بارز صدره من الثوب وماليته وشم ولونه اخضر يلعب نفس شكله مو راحه البنيه . تفضلوا زمرد. هي مو شقه هيثم البنيه . اي نعم تفضلي اني زوجته بهاي الاثناء سمعت صوت حسن يناغي جوه ردت اكله انطيني ابني يمكن تدفعني ومتخليني ادخل ودك ع هيثم يجي فاحسن شي اسويله خطه معدلة زمرد. اني جاي ويه هيثم بشغله شوكت يجي البنيه. وشنو شغله البينج وبينه زمرد. هو هسة موجود البنيه . لا طلع وشويه ويجي زمرد. لعد انتضره بس يجي احجي البنيه . اوكي براحتج رانيا. تباوعلي بعدم فهم زمرد. حبابه شنو تخلينه واكفين بالباب تره احنا مو حراميه وهيثم يعرفني البنيه . لا يعمري تفضلوا دخلتنه وعرفت من صوت حسن هو بالغرفه هي كعدتنه وراحت جيبلنه مي رانيا. بصوت ناصي شكو شناويه زمرد. بسرعه راح اروح للغرفه اجيب حسن وانتي احميني منه خاف تضربني لو تتعارك وياي باوعتلي بتعجب. تبوكيه زمرد. لعد هو شسوهة مو هم باكه مني احجي واباوع ع البنيه خاف تجي بسؤعه كمت للغرفه اخذت حسن وحتى ماخذت غراضه وطلعت ورانيا بس شافتني كامت بسرعه حتى نطلع فتحنه الباب البنيه . ياحراميات وين ماخذات الجاهل واجتي علينه جرت حسن مني بس اني حاضنته قوي لان ماكدر عليه خشنه وقوية شافتني مانطيته جاهل لزمتني من شعري وملخته تملخ واني ماكدر اوخره لان بديه حسن بس لزمته رانيا دفعته ومددته بالكاع وشبعته كتل وهي تتكامش وياه اخر شي كوه فكت رانيا منه وكمشته من شعره وعضته من ايده كامت تصرخ كامت عنه رانيا بسرعه اني بس شفته كامت نزلت اركض من درج ورانيا ورايه رانيا. بسرعه تحركي قبل لايجي زمرد. امشي نزلي قبلي اجري تكسي سويتله طريق حتى تفوت ورفعت راسي باوع ع فوك اسمع زوجه هيثم تخابر بيه وتكله اخذن الطفل مني ماكدرتلهن طلعنه من العمارة جاي نمشي بس سمعنه صوت هورن سيارة ورانه باوعنه ع سيارة طلع نغسه الولد الصعدنه وياه اشرلنه يله صعدن يمه احنه فرحنه رحنه نركض لان مابيه سيارات يمه كعدنه بسيارة وهو مشه بكل سرعته مبين عرف قصتنه شويه من مشى مسافة امنت وحسوني سكته شبعته تبوس يمه احس هسة الهوا اجاني نداريت ع رانيا حجابه مخرب وجه بيه خرموشه صغيرة ذكرته من نامت ع زوجه هيثم وعضته وضحكت هي باوعتلي رانيا. بصوت ناصي ضحكين عليه ام المصايب زمرد. بهمس ههه جنج بلطجيه رانيا.بهمس وانتي والله لو شوفين شعرج شبعين ضحك منكوشه شكري ربج اني وياج جان هسة شابعه كتل وهم مكمل عليج هيثم زمرد. اي والله همزين هيثم مالحك علينه جان لعب بينه طوبة قطع كلامنه السايق . اختي اني ساعدتجن وماعرف شنو القصه واعرف راح اوكع بورطه بره مساعدتي الجن زمرد. رحمه الله والديك ماقصرت وانشالله مانورطك ويانه رانيا. والله تره هذا ابنه السايق. طبعا ابنكم اني عرفت من كلامجن اني لو اعرف مو ابنجن هم اساعدجن رانيا. شكرا الله يوفقك بعد سكت ماحجه شي وصلنه للبيت انطيناه كروة هو رفض ياخذه بس احنه ماقبلنة نزلنه دخلنه للبيت كعدنه بلكاع من التعب باوعتلي رانيا وكالت. زمرد ابد ماتوقعتج هيج تفكرين دائما اكول انتي فقيره ماعدج افكار شرانيه دائما اشوفج انسان بريئه يعني جاي تفهمين شنو قصدي مبين عليج يادوب تحمي نفسج بس اليوم كدتي ودخلتي بيت وبالج تخطفين هو صح ابنج بس شي مو سهل مو اي واحد يسويه وخاصه انتي زمرد. رانيا الفقير ينوكل حقه اسوي المستحيل علمود ابني والله يارانيا لو اعرف اكتل علمود ماعدي غيره بهل دنيا عمرة احسبه بدقايق كل يوم يعدي اكول مابقه شي راح يكبر ويصير الي سند رانيا محد يحس بيه اني خلصت كل عمري وحيده مالي احد صح بابا جان موجود بس حتى لو اشكيله او اكله عن الاياذيني مراح يكدر يسوي شي رانيا كل يوم اتخيل حسن يكبر ويحميني من حجي ناس يصير رجال ويطيح حض كل واحد يحجي علية رانيا.اووف شكد يرادلج اله يكبر ويحميج زمرد عدي ايام وساعات زمرد. يكبر واذكرج وكلج شوفي حسن صار رجال وكعت دمعتي من حجيت هيج ليش مالي احد ناس تنام حنى تستفر وترتاح اني نومتي قلقه خايف كل ليله قبل لانام اشغل تلفزيون وخلي صوته عالي حتى ليسمع يكول كاعده مو نايمه واكو هواي ناس بالبيت قطع تفكيري الباب يندك رانيا. يمه بس لهذا هيثم ولج امشي دخلي ابنج بالغرفه وخلي الموبايل بيدج رحت بسرعه خليت حسن بسريره وقفلت الباب وضميته مشيت اني ورانيا فتحنخ الباب طلعت ام رانيا رانيا. يمه خليتينه من الخوف نسويه ع نفسنه ام رانيا. ها ولجن شو تاخرتن اليوم زمرد. هلة خاله اليوم صرنه بلطجيه ام رانيا. ياستار ومبين عليجن مبهذلت وهي مخرمشه( تقصد رانيا ) دخلت جوه وتحجي ومبينه عليه القلق رانيا. هيثم اخذ حسن من الروضه ام رانيا. صخام صخمني ولجن وين هسة رانيا. انطيني مجال احجي زمرد فهميه والله اني تعبانه زمرد. خاله اني مو عرفت هو ماخذه رحت اني ورانيا للشقه سوالفتله صار بتفصيل ام رانيا. حلل يستاهل تعالي ابوسج رانيا اول مرة تريحين كلبي اروحلج فدوة طلع بيجن خير زمرد. بس خايفه يجي ام رانيا. حتى يلعلون بيه طوبه اصلا هسة هو ميت من الخوف لان عمامج لو يدرون بيه جان سوه عشائريه اكلج لان ماله حقه ياخذه نوب شلون الحرامي الله طيح حضه هل مخنث حتى نسوان احسن منه منو مانعك من ابنك تعال وشوفه زمرد. هو ميت ع حسن بس خبيث يريد يحرك كلبي بيه ام رانيا. الله لايوفقه وهسة وين حسن زمرد. مخليته بالغرفه رحت جبته اخذته مني ام رانيا. تلعب بيه. زمرد بعد ماكو حضانه اني كاعده وساكته خلي يمي بعد رانيا. اي زمرد احسن تره هيثم بعد ملازم انأمن بيه خاف هسة اخذه للشقه الله اعلم ثاني مرة وين ياخذه زمرد. لا والله تره هذا بوخه وهو اخذه بس يريد يشوفه ام رانيا. حتى لو ميخالف عوفي يمي جاي اكلج اني اريد والله ضايجه وحدي وعمج هم يفرح زمرد. ماعرف شلون اجازيج خاله والله جاي تخجليني ام رانيا. عابت ولج اني امج اكو بنيه ماتمون ع امه ابد لاتفكرين كل الاسويه دين ولازم بيوم ترجعيه الي ابد ماكو هيج شي حالج حال هاي القردة تقصد رانيا رانيا. هسة القرد شجابه عليه زمرد. صدك والله حشه القرد ههههههههه رانيا. تعاي ولج تضحكين عليه ام شوارب عقيد زمرد تذكرين لو ناسيه والله وكت مو بيدي حفيتهن الج زمرد. ههههه القرد لويدري يشبهون امثالج بيه جان نتحر ونامت عليه تعض بيه واني عيط لحكوني جلب بوليسي هد عليه وخاله شابعه ضحك ام رانيا. امداج زمرد هم محسوبه ع الامهات زمرد. يبووووو يبوووو خاله بنتج خطيه ماماكله لحم رانيا. تعاي اله عضج من ركبتج واشوف شلون ترحين للدوام باجر ام رانيا. واج رانيا دهر صابج منين تعرفين بهاي السوالف رانيا. هههههه نصدت زمرد. نفضحتي حللل ام رانيا. جاي احسج مستهترة زمرد. بهمس ههه هي لحد لان جاي تحس يحضي بنتج جاي تشتغل اعداد زوجيه ماتكبل اله اثنين ٤ ٦ رانيا. وييع ماحب الاعداد الفرديه ام رانيا. شنو الاعداد الفرديه رانيا. هاا زمرد. نسئلج باجر بشارع السيارات الفرديه لو زوجيه تمشي ام رانيا. يمكن زوجي زمرد. ههههههه رانيا. بهمس اشكرك ربي ع هاي الام بسرعه تمشي عليه سالفه ام رانيا. كافي تبسبس ويله خلي روح للبيت زمرد. ابقن خلي نتعشا سوه ام رانيا. لا خاله حبيبتي عفت البيت هوسة عندي كومه شغل ورانيا هم اريده ساعدني رانيا. اكول تكليلي تعاي وياي والله لو اكله لو شي بيه خير جان ماكلتي تعاي وياي اذا اكله تاكلوه اله صيحوني بس الكراب حضي ام رانيا. ههه صدك ضهر جبنه كنافه ونسينه نبقيلج رانيا. خرب حضي صدك غير انتحر من فوك التخم واموت نفسي بداعه عمتج الشكره بقيتولي كنافه ام رانيا. اي بقيت بس مانطيج اله تنضفين البيت رانيا. موبس انضفه حتى اسبحه وحطله شامبو سلمن عليه وراحن اني كبل رحت بدلت الي ولحسن وانطيته حليب وتعشيت كعدت اقره موبايل رن باوعت اسم هيثم زمرد. الوو هيثم. وعله هل مرة سكتتلج وماحجيت وربج راح شوفين من ورايه ايام سوده اله اندمج ياكلبه تحرميني من ابني وتكتلين مرتي الي اضفر رجله يسواج زمرد. شوف تحترم نفسك لا والقران اعرف من زمرد لاتحسبني تايهة واليوم اكدر ع السويته ادك ع عمامي وخليهم شلون يصرفون وياك بس سكتت لخاطر عمتي مو لخاطر احد بس هي وكفت بعيني لان من يكتلوك وتموت موته الجلب تنقهر عليك واذا ع مرتك اي صح تسواني قمرجي ولكه كحب.. طنجره ولكت غطاه ههه شنو وفيت دينك بيه ههههه وسديت الخط بوجه قفلت الموبايل لان اعرفه راح يدك عليه لفيت راسي ونمت ثاني يوم رحنه للدوام عفت حسن يم ام رانيا ماقبلت اخذه للحضانه تكول هذا مدام دك عليج ويهدد فكلشي يسوي وقترحت عليه اكل لعمامي كتله لا هل مرة اسكت لخاطر عمه خطيه تنقهر واذا بعد ثاني مره لو بس يطخني اكل لعمامي دخلت الجامعه وكل وحده راحت لمحاضرته من طلعت من المحاضره رحت للكافتريه اول مادخلت لكيت بوجهي يوسف يوسف. صباح الخير هسة الصباح اكتمل زمرد. ههه صباح الخير وليش اكتمل هسة عيني يوسف. يعني قصدي مايكتمل اليوم اله شوف صديقك هسة انتي مو تحسين يومج ناقص اذا رانيا ماشفتيه بيوم زمرد. بهاي صدقت ماعرف اله اشوفه يوسف. وهسة انتي هيج صديقه عزيز ع قلبي زمرد. شكرا يوسف. يله امشي اليوم عازمج زمرد. لا ماكو مدام احنا اصدقاء فاني اعزمك يوم عليك ويوم عليه خوش يوسف. يله خوش رحنه اكلنه بالكافتريه ودكيت ع رانيا اشوفه وين حتى تجي تاكل كالت دقايق واجي بقه يوسف ياكل ويسولف عن دراسه وصعوبته شويه ودخلت رانيا وياه بنيه رانيا. هلو كيفكم اعرفكم حوراء اقاربنه هاي سنه اولى هسة اله عرفت هي ويانه بالكليه كلناله هلو حوراء يوسف. باوعله بتركيز هلو حوراء بله حوراء ويوسف الله شوف شلون متراهمات يرباه رانيا. شويه اهداء استجن شنو ماعدك جهاز حمايه من البنات عيني حوراء هذا يوسف وهاي زمرد صديقه الطفولة حوراء. هلو يوسف. شنو هل كياته هاي هلو لو احبك زمرد. يبووو يبووو ماعدك حب مانع للتكبيل يوسف. هههه حتى مانع حمل ستعملت ومارهم زمرد. ههههه له جيب حبوب سد الشهية يوسف . هاي توخذ قبل رؤيه الصاكات من زمرد وشيل ايدك زمرد. يبو شكلنه حجي يوسف يوسف نسيت اشرب الحبايه هههه ولجن هسة اني شعدي كاعد بنص جوكه بنات اني ابن شيخ وكاعد بنصجن خلي اكوم عمي احسلي عافنه وراح بقيت اسولف ويه حوراء ورانيا ماكو جديد بالجامعه لحد نصف السنه كل يوم نروح للكليه ورجع للبيت اكضيه ويه حسن كمت انطي لام رانيا فلوس بالاول ابد ماقبلت وكوه اخذتهن اني حيل امنت من اخلي حسن يمه كل يوم بداوام اخلصه ويه يوسف وهو نفس سوالف بس يشوف ابنيه مايتحمل لازم يذبله كلمه اكو بيهن لو ميه كلمه ماتهتم واكو من اول كلمه تبتسم وسوي وياه ميانه هسة تكلولي انتي شنو وياه احنا مجرد اصدقاء وهو يعني كلش يحترمني من يوم كتله حباب بعد لاتتغزل بيه بعد ماحجه وكلش جدي وياي كل هاي علاقتنه وكل يوم نسوالف بس ابد ماكو احد بينه سئل عن حياته الخاصه بس يعرف اني ماعندي اخ لان اكله الله عوضني باخ مثلك. كل كلامنه جان بخصوص الدوام مرات ياخذني للحدايق لو مره فرينه الكليات كله ماخلينه قسم يعتب علينه كمت حتى اروح للدوام بس علموده لان يونس شقاوجي مرح ينطي واحد طاقه اما رانيا مثل كل يوم عادي اني وياه روح ونرجع وهي هاي الفتره دائما تمشي ويه حوراء بس هم يكعدن يمنه اليوم اخر امتحان بعد نكعد عطله نصف السنه من طلعنه من الامتحان اكو طالب من الثاني عزمنه ع اكل واني من ضمنهم خلصت امتحان ورحت لكيتهم كلهم منجمعين سلمت كله ردت جان بيهم ١٤ طالب بنات ولد ويوسف ورانيا من ضمنهم يوسف. ميه هلة تعالي كعدي هنا واشر ع كرسي بصفه واحد من الشباب. كعدي يم الحب عيني كعدي بس يوسف مو طولت هل مره انته حدك ويه البنات شهر وتتركه زمرد شعجب زمرد ضجت حيل بس سكتت ماحجيت يوسف. حس بيه. وحق ربك زمرد اختي وماعدي اي شي وياه وحتى رقمه ماعدي زمرد صديقه عزيزه ع كلبي لاحب ولابطيخ وماريد واحد يحجي عليه حسبوه اختي بجامعه ماريد ينجاب طاريه الكل . عمي ع كيفك هسة شحجينه يوسف . ميخالف هاي سمعه ماقبل واحد يجيب طاري شي هي ماله علاقه بيه رجاء شاقوا بكلشي بس زمرد خط احمر اختي ماريد تجيه احجايه من ورايه كله راضته وكلتله اسفين وبعد مانحجي بهيج شي يوسف . اكلج زمرد صدك انطيني رقمج شعجب نسيت اخذه الكل ههههههه رانيا. مو هسة مشيت عدل وكلنه يوسف معدل ماكو مثله يوسف. اكص الساني بعد اذا احجي مو عزيمه عبالك ستخبارات بقينه كاعدين نضحك ويوسف هو المحلي الكعد بس يحشش وشباب هم كلبوا الدنيا اجواء تنسيك هم وحزنك لو عدك هم الدنيا كله هم ينمحي كل واحد بيهم عنده حياته وهم عنده مشاكل بس من يدخل الكليه تحسه ضارب الدنيا بعرض الحايط خلصته العزيمه كله راحت واني هم طلعت ويه رانيا لان ابو الخط دك علينه ينتضرنه جاي نمشي وسمعت ورايه صوت يوسف يوسف. زمرد اوكفي زمرد. ها يوسف يوسف. اريد رقمج زمرد. ابتسمت اوكي ٠٧٧٨٦٥٨..... شنو بس لاتردون رقمه زمرد بايييي التعديل الأخير تم بواسطة لامارا ; 23-06-19 الساعة 01:52 AM | ||||
|
| |
|
22-06-19, 04:17 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 13 *************** إني عشقتك 👨👫 واتخذت قراري..🙏🖐 فلمن أقدم🤷♂️ يا ترى أعذاري؟🙏 لا سلطة في الحب🙅♂️💑 تعلو سلطتي👆💏 فالرأي رأيي🙋♂️ والخيار خياري..💏 هذي أحاسيسي فلا تتدخلي أرجوك🙅♂️🙎♀️ بين البحر والبحَّار.👮♂️🏝 زمرد انطيته الرقمي رانيا. بس تباوع علينه هيج شكله 😧 يوسف. شكرا زمرد وهذا رقمي ٠٧٦٨٧٩٨٦٥٧٨ زمرد. اكتب وميت خجل بس اكول هو رقم قابل شنو منطيني رانيا. هاي سوالف نعرفه بالاول صديقتي وضلعتي وبعدين رقمج انطينياه وبره وره ١٢ صير المخابره زمرد. خزرته يوسف. طيح الله حضج عود هاي انتي صديقته امداج والله زمرد والله انتي خطيه ماعدج صديقه معدلة زمرد قطعي علاقتج بيه احسلج رانيا. حران حاروكه مخراب الجماعات يوسف. اله افرقجن ههههه خليجن مالخ من الروس زمرد. هههههه يمه نوي يدمر علاقتنه رانيا رانيا. كليله مايفرقنه بس الموت زمرد. طبعا حتى اني وياج صفه نفس القبر يوسف. عمي خلي اشرد منجن ماينكدرلجن عافنه وراح ويسويلنه باي ويدزلنه بوس بلهوا ويضربه بحذاء عود طوبه واحنا نوخر عن البوسه عود حتى متلوحنه رجعنه للبيت احلى شي بالعطله تنام ترتاح مرت خمس ايام ع العطله بس ماعرف ليش احس نفسي مخنوكه ضايجه تعودت ع يوسف يضحك ويشاقه هسة اني اكعد من الصبح اكمل شغل وابقه كاعده مكابله الموبايل اي اي كمت بس انتضر يتصل كمت افكر بحجه حتى احجي وياه بس انتبه ع نفسي واكول ثكلي زمرد شبيج عيب عليج شعدج داكه ع الولد ابقه العب ويه حسن حتى انسه ماعرف شنو شعوري تجاه بس احسه عوضني فدشي ناقص بيه شلون الغرفه ضلمه ومتربه وهو اجه نضفه وخله تلمع وضوه الشمس يشع بكل ركنه من اركنه مرات اكول لان ماعدي اخ ومرات ابقه صافنه واكول معقوله هو الحب وهو شلون الحب شنو اعراضه شلون اعرف اني احب اسئل نفسي بستغراب ومالكه جواب بقاموس عقلي عن الحب ومرات اصحه من خيالي واكول كم شهر وكمت اكول احبه لو ماحبه حتى ماعرف عنه شي مجرد كلام عادي وضرب راسي واكول اصحي زمرد تره انتي هيج تحسين بس لان ماعدج احد والبيت وحش ماكو شي من الفكر بيه وحتى هو معتبرني صديقه واخت كطع تفكيري صوت رانيا دخلت من الباب الخارجي تمشي وتحجي مخليه بحلكه مسجل دفرت الباب ودخلت واني بس شفته نطيت من الضحك لبسه عبايه ومخلبه فوك راسه صينيه اكل ولا مكمله الستايل لابسه حذاء بوت ذبت الصينيه ولزمت اطراف عبايته وتركص رانيا. وشلون ركص العمارة زمرد. هيج وهيج رانيا. بلمنه طك بلمكم يهل العمارة وابنه يريد بتكم يهل العمارة زمرد. عمامه هواي والشارع يسدونه عمامه هواي. احجي وهوس وهي هم تكمز رانيا. طامسين منين اجيكم ياريت عندي بلم وعبر عليكم زمرد. حجيت بركص طيح الله حضج هاي هم هوسة كعدت ع تخم تعبت من الهز زمرد. شعدج كاعده اليوم من وكت وجايبتلي اكل كله هذا بصفحه والاستايل بصفحه رانيا. كلي لامي كعدتني من نومتي كومي كومي بسرعه واخذي هذا زقنبوت لزمرد زمرد. زقنبوت بطنج اي كملي رانيا .سحلتني من الفراش واني مطفيه لبستني العبايه وماقبلت اله اخلي الصينيه ع راسي كتله يم الابرستيج يخرب تكلي شارع فارغ وشاب المنطقه كله مزوجه اني كلت هم صح ماكو واحد اعزب خليته ع راسي وطلعت واني كوه افتح عيوني باوعت تكمون الشحاطه بعيده عليه لكيت هذا كدامي لبسته وطلعت امشي بالمنطقه اكو كم جاهل بشارع يلعب دعابل من شافوني كله صاحت خاله شنو جاي توزعون ثواب اني كتلهم اي وهي كله كامت تركض وصيح اروح اجيب جدزره واني صحتلهم ولكم سفري امي توزع ميحتاج جيبون جداري روح ركضوا قبل لايخلص وهي كله راحت تتراكض زمرد. يااا ولج ليش هيج سويتي رانيا. حتى بعد توب تكعدني من النوم زمرد. منين تجيج هاي الفكار ينعل يومج رانيا. اني اعجبج ياعمري يله خلي ناكل لان ادري مراح احصل شي ويمكن ابات يمج لان راح انكتل اذا رجعت كعدنه ناكل كملنه غسلنه اماعين وكعدنه نشرب جاي جنه انباوع ع مسلسل مبايل مخليته ع شحن شويه سمعت منه رنه مال رساله اجتني رحت بسرعه ع الموبايل ورانيا تباوع عليه عباله امه اني بس شفت الرساله من يوسف بسرعه ابتسمت وكلبي وصل لبلعومي رانيا. هي منو هيج خلاج ضحكين واجتي يمي تباوع زمرد. خفيت الابتسامه ها لاليش اضحك هذا يوسف رانيا. هههه زمرد لاتجذبين عليه شنو تحبيه زمرد. ولي لج شنو احبه شنو ماتعرفيني اني شنو رانيا. مو هاي المصيبه اعرفج واول مرة اشوفج هيج مهتمة لشخص وتضحكين ولمعه بعينج زمرد. تهربت من حجيه . يو شكد تحجين حتى نسيت افتح الرسالة وتعمدت افتحه كدامه حتى صدك ماعدنه علاقه وهم متاكده من محتوة الرسالة شي اكيد جاي يسلم لان مابينه شي وفتحته وقريت يوسف . بس انتي وحده احسج تعادلين عشرة مو خمسة شلونج صقيقتي(ماسحكت بس يوسف يكله صقيقتي عود صديقتي ) زمرد. ع كلامه كلش حلو رانيا. تقلد وتحجي يقول لي أبي دائماً: عندما تموت ولديك كومه حبيبات، فقد عشت حياة عضيمة هجم بيته الباميه زمرد. شكد تفكيرج وصخ تره الولد اول مره يراسلني ولو عنده شي جان دز شي يدل ع انو هو يحبني لو يريد يضحك علية لاصيرين متخلفه رانيا. اني مالي دخل بيه بس انتي زمرد والله راح توكعين وكعه ماتكومين منه اله وانتي صايره رماد زمرد انتي فقيره وابسرعه صدكين بشخص تره اعرفه هسة تلكيه يحجي ويه الف وحده بس خلي بالج لاتفكرين بالحب وياه مراح ترتاحين زمرد. ويني وين الحب وهذا الحجي ولج اني مطلقه وعندي طفل ويني وين هاي سوالف رانيا. اني مالي دخل مو بره كم يوم تجين تبجين وتكولين احبه شلون بيه زمرد. هههه دولي ياحب يابطيخ غيرنه الموضوع وبقينه نباوع ع تلفزيون وحسن كل شويه يكعد بحضن وحده وهو بس يتمضحك ابو خدود فدوة اروحله ناشف شكد نبزس بيه بس منشبع نوب عنده شعر ثخين وطويل تخيلو تخيلو .(ولج اني من وصفتيه عضيت ابني كاعد بصفي حسبته حسن ) للعصر راحت رانيا بس راحت رحت ركض ع الموبايل دزيتله رساله سلام وكتله شكرا وره خمس دقايق دز يوسف. هلة شلونج صقيقتي البذاته ليش مسئلين عليه زمرد. والله اعتذار ماكدرت ادك عليك كلت خاف عندك شغل يوسف. واني هم استحيت كلت خاف اهلج ميقبلون تحجين ويه شباب استحت مني ومرادت تردني من طلبت منه الرقم كل يوم اكول ادك عليج بس اتردد والله ضوجه بس اريد يجي الدوام زمرد. اني اهلي متوفين يوسف. صدك يعني شنو كلهم ميتين زمرد. اي بس اني بقيت وسالفتله من يوم ماتت ماما هي واخويه لحد وفاه بابا يوسف. الله يكون بعونج شكد لعد تعبتي تبهذلتي زمرد. هاي هي الحمدلله يوسف. وبره وفاه ابوج شي اكيد مابقيتي وحدج زمرد. لا عمتي تجي تبات يمي ومرات رانيا وامه واني من نوع ماخاف ماهتم اذا بقيت وحدي مادري شنو خلاني هيج احجي ليش هيج كتله بس نوب كلت وهو حتى لوعرف اني مطلقه هذا شي ميخصه قابل هو شدخله عرف او ماعرف لاراح يقدم ولا يأخر يوسف. ماعرف شلون اواسيج اول مره اسمع هيج شي كل البنات الصادقتهن حياتهن عاديه ماكو مثلج صعبه البنيه بدون اهلها اوووف زمرد ابد ماتخيلتج هيج يشوفج يكول هاي ابوه طاك ومبين عليج مال وحده مدلله زمرد. صح بابا مايتحرك ومايكدر يمشي بس مخلاني احتاج شي واهم شي حنانه وكلامه تدري مرات من اتمرض جان يكلي تعالي نامي بحضني يخليني بحضنه ويبقه يمسد بشعري لحد ماغفه ماكو مثل بابا احلى ايام عشته بوجوده جان مثل الخيمه يوسف. زمرد الله يعوضج انشالله بشخص يحميج ويحافض عليج لان انتي صدك زمرده اسم ع مسمى زمرد. شكرا يوسف. مدام سولفتي عن عائلتج خلي اني هم احجيلج عن اهلي اني عايش ويه ابويه وامي عندي خمسه اخوان ولد واني سادسهم و٤اخوات اني اصغر واحد بيهم اني العرفه اني بزر الكعده واخويه جبير اسمه حامد الباقين وداعتج ماعرف من جبير منو صغير دوخه احنه جنه عايشين بغداد بس انتقلنه منه بسبب الانفجارات ابويه خاف علينه رحنه للمحافضه الفلانيه حالنه حال مهجرين بدينه من الصفر عدنه بهاي المحافضه اقارب ساعدونه لحد ماكمل البيت وكعدنه بيه وكمنه نشتغل بالزراعه نزرع باميه خيار طماطه لوبيا كلشي زرعنه ومن نحصده ناخذه للسوك نبيعه اني جنت دائما معترض ع عيشتنه لان جنه عايشين بغداد حلوة وجنت نهار كله دايحه بس من اجيت لهاي المنطقه ماكو نكرب نهار كله بشغل وابويه صاح شيخ عشيره معروف هناك وصارت علاقتهم قويه كام شيخ مايسوي شي اله ياخذ رائي ابويه وهك ابويه شخص حكيم ويفكر بذكاء فينعجب الشيخ بتفكيره فجنه لازم كل شغله صير روح ويه ابويه للديوان وتعال اكعد وسوالف وكون ماتجفص حيل كرهت هاي العيشه لهذا صار عندي حافز للدراسه كمت بس افكر شلون انجح واخذ معدل عالي حتى انقبل كليه بغداد وخلص من هاي العيشه وربج ماقصر ساعدني وخلني اخذ معدل حيل عالي كله اهلي تعجبوا بيه لان كل اخواني بنات والولد بس مهم نجاح وبيهم تاركين ابويه وامي فرحوا بيه وابويه تباهة بيه كدام الشيخ وعمامه وهسة كله صيحلي دقتور (دكتور) زمرد. هههههه مايدرون بيك مخلصه تكبيل يوسف. هههه خرب بليسج عاديتج رانيا زمرد. وهسة انته وين عايش شي اكيد مايم اهلك وتجي هذا طريق كل يوميه للكليه يوسف. لا موكتلج جنه كاعدين هنا قبل فبيتنه من تركناه خلينه بيه مأجر بس هسة اني سويتلي الطابق الفوك اليه وهم الهم الطابق الجوه زمرد. هاااا وهسة بالعطلة شي اكيد يم اهلك يوسف. اي يمهم اي زمرده زمرد. شنو يوزرسيف يوسف. ههههه ولج تقلدين ع اسمي يل جكمه زمرد. لابله اني جكمه لعد انته شنو يوسف. وداعتج هسة لوتجين ماتعرفيني كاعد الكط بامية وقبل شويه كتلت حيه زمرد. تشاقه احلف كتلت حيه يوسف. والله لان الباميه اكثر شي تجمع يمه الحيايه والعكرب وكلشي شنو بالج زمرد. حجيته بعفوية يمعود ديربالك ع نفسك وهسة وكته الباميه بهل ليل رايح تجمع باميه حباب عوف الباميه لاتجيك بعد حيه يوسف. ويكل اكعد عاقل اروح فدوة للتخاف علية زمرد. يبوووة شورطني وحجيت بقينه نشاقه لحد هو نهى المكالمه لان اخوته صاحوا عليه كام كل يوم يخابرني بحجه لو يسال ع شوكت دوام لازم يدبرله حجه ويبقه ساعه كامل وعلمني ع فايبر كلي احسن من رصيد هذا ع انترنت وكام يدزلي صور البساتين والقريه مالتهم اجواء كلش حلوة تحسسك بطمئنينه والهدواء باييييييييييييييي التعديل الأخير تم بواسطة لامارا ; 23-06-19 الساعة 01:54 AM | ||||
|
| |
|
22-06-19, 04:20 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 14 ********* اول يوم دوام بعد عطله نصف السنه لبست هيج 👆لان الجو ثلج اجتني رانيا هم لابسه جينز وفوكه شي طويل لان هي موحجبه وديت حسن لخاله ام رانيا ورحنه وياه السايق بس وصلت الجامعه بقيت اتمشى اني ورانيا ونسلم ع طلاب الي نعرفهم لان اليوم ماكو محاضرات جاي نمشي بحديق باوعت لكيت يوسف كاعد ع مسطبه ويلعب بموبايله هو بس شافني كام واجه يمشي بتجاهن ومبتسم اني بس شفته كلبي كام يدك بسرعه عبالك واحد عنده خفقان موه اسيطرت ع نفسي لان بس اشوفه يتخربط وضعي يوسف. سلام عليكم شلونهن الحلوات رانيا و زمرد . هلو بالصاك شلونك يوسف. عدل ياخه قميصه ويباوع بغرور بخير رانيا. القرد كلوله طالع حلو كام مياكل موز يوسف. قرد بعينج زمرد. لا يوسف انته نتبهت ع حجيه شنو هذا مثل الكالته لو حكمه لو شنو يوسف. هاي حكمه خبل شارد من الشماعيه بقينه واحد يقلد ع ثاني شويه رانيا اجتي حوراء سلمت علينه اني كمت بوسته واخذته رانيا من يمنه شو يوسف بس خلاهن يكومن ندار عليه بعصبيه يوسف. زمرد هذا هم لبس لابسته زمرد. شبيه وباوعت ع ملابسي يوسف. زمرد تره كلش مغريات يعني يباوعلج مو بنيه صافيه زمرد. ضجت من كلامه حيل . شنو هذا الكلام اني ميه مره كتلك هل حجي ماريد واني صوجي كاعده يمك . اخذت غراضي ومشيت. ماحس اله ونجرت ايدي يوسف. شوفي مو بس اكلج كلمه وتبقين تحجين عليه اني خايف عليج وانتي صديقتي بمثابه اختي فكتلج هيج واني لو بالي اباوع عليج ومسوي الصدقه حجه حتى احجي وياج جان خليتج هيج وبراحتي اباوع بس تهميني وماقبل احد يشوفج بهذا منضر عيب عليج معتبرتني سافل واخر عني وراح متعصب واني هم حترك دمي ومشيت محتركه من حجيه شبيه لبسي هو اني. من يوم كبرت هذا لبسي رحت للحمامات باوعت ع نفسي بالمريه شنو ضيق بملابسي ماكو شي مبين وبارز عدلت نفسي وطلعت وكول نوب عليه هيثم ثاني نوب خلني امشي بخجل خاف اكو شي بيه مو حلو كبل رحت للكافتريا كلت اكعد بيه احسن رحت طلبت ومشيت اريد اكعد ع ميز شفت يوسف موجود جاي ياكل وهو منتبهلي اني درت وجهي عنه ورحت كعدت بميز يعني صار ضهر عليه شو هذا كام وكعد بنفسه ميزه بس مقابيلي وحجه وهو رافع خشمه يوسف. عيب انطي ضهري لحد زمرد.😒 يوسف. 😛كام يعيب عليه يسوي حركات بوجه اني ماتحملت كبل طكيته ضحك حانت حركاته مضحكه لو يطلع لسانه لو يعوج حلكه ويطلع لسانه ماكدرت الازم نفسي يوسف. ههههه اجه يمشي متحمل ابقه زعلان ويه الضلع مالتي هسة نكول صافي يالبن لان ضحكتي زمرد. حركت راسي بنعم يوسف. زمرد اني من حجيت هيج تره علمودج زمرد. اني اسفه هم زودت وياك بالحجي بس والله رحت شفت ملابسي مابيهن شي نفسهن مثل كل مره واني هم اجيب حجم اكبر بدرجه حتى لايكون ضيق يوسف. ميخالف زمرد انتي لبسج طافر من البدايه وشباب نضرتهم مو مثل نضرتج اني واحد منهم ومساعه شفتج بنضرتهم اني لو متهميني جان ولاكتلج بس انتي صقيقتي ومدام صقيقتي ماقبل واحد يباوعلج بنضره حقيرة زمرد. بعد من اشتري اجيب شي طويل يوسف. عفيه بالتسمع الكلام بقه كاعد يمي بره كل واحد راح البيته بقيت شهرين ع هاي الحاله ماكو جديد نفس الروتين والامتحانات الشهرية كل يوم تعبنه نوب مواد صعبه يوسف بهاي شهرين اتوسل بيه توسل حتى يدرس بس هو نهار كله يفتر وياي لان مرات اذا هو عدة محاضره اني ماعدي يتركه ويبقه وياي حتى مره كتله بعد لاتكعد وياي اريد بلكي يروح لمحاضرته حرمات مواد جاي تفوته بس هو قافل مايقبل يروح والحجه مالته والله هذا الاستاذ ماحبه هذا عكره وهي الاستاذه مو حلوة لحد فديوم يومين ماجه بس يخابرني يكلي اني رحت يم اهلي من اجه اني جنت بالمحاضره طلعت لكيته منتضرني سلم عليه وكلي تعاي ورايه عندي شي رحنه نمشي وكل شويه اسئله شكو بس هو ميقبل يكلي شكو رحنه ع كراج السيارات ومشاني ع سياره لونه اسود حلو مديل حديث يوسف. زمرد حلوة هاي السياره زمرد. اي حلوة بس ليش تسال يوسف. اشتريته هاي سيارة مالتي زمرد. صدك مبروك كلش راقيه وفخمه يوسف. وتعالي صعدي شوفي شنو مخلي بيه صعدت بصدر وهو بجه سايق يوسف. شوفي باوعت ع شنو ياشر مخلي بهاي المرايه صير بسياره سنسله ونزله من السنسله حجر الزمرد حيل عجبني شكله حلو ولونه خرافي زمرد. الله شكد حلو هذا الحجر يوسف. اي هذا حجر الزمرد هذا جبته حتى دائما يبقه يذكرني بيج وحرك سياره زمرد. يوسف وين ماخذني. وجهي نخطف لونه يوسف. ...... ساكت ميحجي بس مبتسم زمرد. ردت منه احجي ولاجنه يسمعني تلفت اعصابي شورطني اني شلون اكعد وياه بسياره ياربي احميني بس لاياذيني اني صوجي طبني الف مرض شلون امن بيه وخلي يصير صديقي جذب ماكز صديق بهذا الوقت وختصه الولد قطع تفكيري يوسف. ادري بشنو تفكرين عوفي هذا تفكير الوصخ وشيلي من راسج بس باوعي ع طريق متعرفين هذا طريق المن يودي بس انتي ماتوقع تروحين لهاي المكان زمرد. باوعت ع طريق اريد اعرف احنا وين بس ماعرف من كد الرتباك . زمرد وين احنا يوسف. اخذتج الامام موسى ابن جعفر من تقالدينه اذا اشترينه سياره اول مكان نروح بيه مكان مقداس زمرد. هسة بله سيارتك وتريد تاخذه اني شعليه يوسف. من نزور اني اكلج زمرد. بس فهمني ليش جايبني هنا وحتى ماجبت حجاب ازور بيه يوسف. اشتريلج من السوك بقيت ساكته بس امنت من المكان المخذني اله وهم هسة دوام يعني جاهل مراح اكول تاخرت عليه بحساب انب بالدوام بس قلقه وصلنه وترك السياره بكراج ونزلنه نمشياول شي دخلنه للسوك راحنه لواحد يبيع جادر صلاه اخذلي واحد ابيض وبيه نجمات زرق كلش حلو لبسته واكفه ارتب بيه وهو اكلني بنضراته واكو ع وجه ابتسامه بس خافيه ردت اطلع فلوس من الجنطه هو باوعلي بخزره طلع فلوس من محفضته وانطاه طلعنه زمرد. ميصير اني مردت اضوجك كدام صاحب المحل هاي فلوس الجادر يوسف. والله ماتستحين ع نفسج طيب الله حضج (عود طيح الله حضج بس هو هيج يكل زمرد ) مو عيب عليج شوفي مدام اني وياج لاتفكرين بهيج شي والله لومسويته ومنطيته جان دفرتج يله هسة امشي خلي روح نزور حتى نرجع من وكت اخذني وداني كلي هاي الحمامات توضي وطلعي اني راح اتوضه وانتضرج هنا رحت دخلت نزعت الجادر غسلت وجهي وهمزين اني ماخلي مكياج طوخ بسرعه نمسح توضيت وطلعت لكيته واكفلي ينتضرني نوب وداني اخلي حذائي (تكرمون) بالامانات وهو هم نوب كلي دخلين منا وطلعين من هذا الباب واني انتضرج مقابيل هاي المكتبه اذا مالكيتيني ابقي انتضريني مو تروحين لغير مكان زمرد. ميخالف يوسف. شكد تريدين تبقين زمرد. نص ساعه يوسف. خوش وره نص ساعه هنا ننتضر بعض اوكي زمرد. اوكي كل واحد دخل من جهة رحت زرات صالي هواي مجاي وجان بيومه كلش خفيفه الحضره نسوان ينحسبن حضنت الشباك بقيت ربع ساعه حاضنته مره اشكرهم لان وكفوا وياي هواي ومرات اترجاهم وطلب منهم حاجتي وهي انو ابني يبقه وياي بعدين كعدت ادعي واصلي كملت صلاه باوعت ع ساعع لكيت صايره نص ساعه كاعده رجعت هم زرت وطلعت لكيته كاعد ع صبه من شافني اجه عليه لزم ايدي وهو يباوع ع وجهي اني متفاجى ونفس الوقت خجلان من لزمته صرنه مقابيل الكبه يوسف. ياموسى ابن جعفر يامحمد الجواد هاي الكلبي هواى وراده ماردت احترف بحبي اله الى بحضرتكم اريده الي صير مرتي ام بيتي اجيتكم هسة كون جيتي الثاني جايك عرسان باوعلي زمرد احبج وموسى ابن جعفر ماوصفلكم شعوري بهذيج الحضه نسيت كلشي نمحه كلشي من عقلي بس هو كدامي حسيت نفسي مثل الحمام الي يطير بالحضره بقه يباوعلي نضراته تحضني مو بس تباوعلي يوسف. جاوبيني زمرد زمرد. احبك مثل حب زليخه ليوسف ماعرف شلون طلعت مني اني حجيت هيج ومشيت وهو يمشي ورايه يوسف. اروح فدوة لتخجل اجه بسرعه تقرب يمي ولزم ايدي جسمي كل مثل انتله مشت بيه رفعت راسي باوعتله هو بتسم يوسف. راح اخليج ملكه ع عرشي يا زوليخه مجنونه يوسف نزعت الجادرو رحنه اكلنه بمطعم وجنه مستعجلين لان وقت الدوام راح ينتهي اخذني بسياره رجعنه وهو نضراته احسه مثل الكهرباء بيه مشاعر كومه بقينه ساكتين طول طريق بس هو مشغل اغنيه انا كلي ملكك لشيرين ويدندن وياه وكل شويه يباوعلي بنضره كله حب وشوق وصلنه للجامعه اني نزلت وخليت الجادر بعلاكه ودخلنه للكليه جان بكته ماكو محضرات واكثر طلاب بدت تحضر نفسه حتى تجيه الخطوط باوعت من بعيد رانيا اجتي علينه احنه مانتيه بالكليه وخاصه اني مكاني واحد يابالكافتريا او بحديقه وهي وحده ماغيره رانيا. هلو عيني شو اليوم لاانتي ولا يوسف مختفين يوسف. يعني وين زمرد بمحاضرته هسة طلعت واني ادحم رانيا. سئلت صديقاتج وكالن ماكو زمرد مدخلت المحاضره اني ويوسف ضحكنه سوه يوسف. هل حشريه ماتسكت اله تعرف وين جنه اني اروح جاوووو وغمزلي زمرد. باي رانيا. وين جنتي بعصبيه زمرد. بضحك نروح للبيت واكلج وين جنت يله امشي هسة ابو الخط ع جيه رحنه وهي كل شويه تكلي وين جنتي انتي وياه رجعنه للبيت هي كل مره تروح لبيته بس هل مره دخلت وياي وجر بيه حتى ادخل زمرد. بس خلي اجيب ابني ولج رانيا. عوفي القرد مالج وين جنتي زمرد. يوسف اشتره سياره وسولفتله سالفه من البدايه لحد نهاية رانيا يحبني اووف اول مره اعرف الحب شنو شعور كلش حلووووو شكد حلو الحب رانيا. يحب زمرد البنيه الشابه لو زمرد المطلقه من حجت هيج شايف واحد صفكني راجدي وكعدني من احلى حلم 😔 هو يحب زمرد البنيه الي ماعده طفل الي الي الي الي شنو راح يسوي من يعرف اني مطلقه وضميت عليه رانيا. من وجهج مكايلتله وهسة زمرد شنو الحل بقيت ساكته ماعرف شنو احجي شون انسه هيج شي توقعته جذبه صغيره مراح تاثر بيه معبالي تطور علاقتنه بايات التعديل الأخير تم بواسطة لامارا ; 23-06-19 الساعة 02:04 AM | ||||
|
| |
|
22-06-19, 04:25 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 15 ***************** زمرد من حجت هيج نقبض كلبي اذا كلكم والله نسيت اني مطلقه من كلي احبج نسيت كلشي حسيت نفسي مثل العصفورة وطارت بسما رانيا. زمرد هسة شنو تكليله لو لا زمرد. حاجيته بيأس 🙁. يعوفني؟ رانيا. تدرين اول مره هيج فرحانه من جايتكم باوع وجهج صح مامبين عليه بس فرحان خدودج ورديه صايره زمرد. اني مثل الطير مكسور جنحه ويعاند اله يطير ويحاول يطير ويطير بس شنو الفايده نهايته يوكع واذا طار مكسور جنح يرجع مكسور جنحين رانيا. هسة عرفت الفرح مو من نصيبج زمرد. باجر اكله خليت ايدي ع خدي وافكر شنو اكله وهو شنو رده فعله شراح يكلي من اكله مطلقه رانيا. كومي ماتفيد الصفنه امشي وياي اخذي ابنج كمت بملابس الدوام جبت حسن حبيبي كبر كام يزحف عمره ٨ اشهر بادي يسنن دائما مصخن بس ابد مايبجي اذا يريد يزعجني يبجيله خمس دقايق سودة عليه حتى من يتمرض يبقه خانس وينام بحضني يعني مو مثل جهال يتنحس وخاصه هاي الفتره لان تطلع اسنان انام ع ضهري وهو يجي نام يخلي راسه ع صدري ونام لو يبقه يباوع اني ابقه اقره لو العب بالموبايل وهو ع نومته دخلنه للبيت خليته بالحجله يفتره بالبيت ورحت بدلت وكعدت يمه وكلته نوب اني كمت اكلت نوب صار المغرب كمت صليت وحسن مشغلتله طيور الجنه بيبي صافن هيج شكله 😮 جاي اصلي بالفرض الثاني وسمعت موبايلي رن يعني اجتني رساله ع الفايبر كملت صلاه كمت. فتحت الموبابل الرسل يوسف فتحت لكيته صوره اله لابسه قميص اسود ولابس سنسله وبيه الزمرده وكاتب يوسف. اطمئن عندما اراكي فانتي شمسي التي انارت قلبي المضلم ارجوكي لاتذبهين وتجعلين القمر ياخذ مكانك من عرف قريت الرساله لان تطلع يمه فكتب يوسف. شلونه زمردتي زمرد. بخير من قريت رسائلك يوسف. اني وداعتج مو بخير اله تنورين بيتي اله اصير بخير بقيت ساكته اكله هسة لو لا لا احسن اقبله وحجي يوسف. زمرد زمرد. ها يوسف. وعلاه زمرد.هههه ليش يوسف . كولي سوفي حياتي عمري زمرد. ها سوفي يوسف. اخ يابه الحك ابنك صعد عنده السكر زمرد. اسم الله يوسف. لا مو اكو علاج ومفعوله كلش قوي وهنا شفايفج مو بس يطيبن السكر الميت يعدل من وراهن يمه صرت طماطه وسارت رجفه بجسمي كله يوسف. هههههه ولج شو سكتي ااااخ كون يمج واشوف شلون تخجلين زمرد. كافي غير الموضوع يوسف . هههههه يله راح اغير الموضوع اليوم حلوة الزياره تونستي زمرد. اي والله حتى اليوم احس نفسي مرتاحه زياره اهل البيت تريح الكلب يوسف. اي والله من اشوف نفسي مخنوك او صير عندي مشكله كبل البس وروح ازور لو صاي. نار بس من ادخل الحضرة كلبي يهداء يمكن انتي شوفيني مشيطن مشاغب بس عندي جانب مخفي ماحب ناس تعرفه زمىد والله اني ابد مامسوي شي حرام هاي جكاير استحي اشربه كدام اخويه الجببر هاي سوالف اسهر وبقه لنص الليل دايح بشوارع اموت منه بس ماجذب عندي سوالف البنات احب اصادق زمرد. 😞وهسة يوسف. لا يمه توبه صمت بيج طول العمر صيامي اني عندي قانون الك حق قبل زواج تصادق مدام ماجاي تاذي ولا وحده بيهن وهنا قابلات زمرد. هههه يعني عليك الله ولاوحده وعدته بزواج يوسف. وحق ربج اول ماصدقه اكله اني مناوي وياج زواج بس مجرد صداقه واصلا اكثرهن هم هيج مثل صديقتج رانيا زمرد. يااا يعني رانيا كله تدري بيه مقطاطه يوسف. اي اني اعرفه واكو كم ولد خطيه نقطوا منه زمرد. هههه هي هاي طبيعته بس مو كل البنات هيج اكو يريدن الاستقرار ماعده العلاقه بس مجرد تخلص وقته بيهاي الشغلات يوسف. صح كلامج اكو بنات قمه الادب والخلاق وتره هم هاي البنات الجاي اصدقه وسوي وياه علاقه هم مؤدبه وعده حدود بس اكو ضرف خله هيج سوي اني اكثر الصادقتهن هيج يسون بسبب الاهل لان مانعيهن من كلشي وكلشي يتعاقبن عليه والله صادقت ابنيه تكلي بالكليه لاتحاجيني لان خاف واحد من اهلي يراقبني يعني واصله المرحه تشك بيهم جاي يراقبوه زمرد. اوووف والله خطيه البنيه كلش مضلومه بجتمعنه يوسف. زمرد ماكو مثل ابويه احنا اخوتنه مايقبل نحجي وياهن كلمه يكول تغلط عليك تعال كلي واني ادبه بس مطخه ولاتاذيه بكلمه يعني اختي هي صير اكبر مني بسنه فبمرحله ثاني اجتي لابويه كلتله يابه ولد من مرحلتي معجب بيه ويريد يجي يتقدملي كله عادي اهلن بيه خلي يجي واتعرف عليه وسئل عنه احنه كلنه ضجنه شنو تجي اختنه تكول واحد يحبني بس منكدر نحجي لان ابويه راح يسكتنه وصدك اجه الولد وتعرفنه عليه وابويه كعد وياه وابويه كلش اسلوبه حلو وشفنه الولد شخص مرتب ومن عائله محترمه وزوجناهة اله صح هي بعيده منعدنه بس شنسوي بعد القسمه زمرد. وين زوجت بيا منطقه يوسف. بغداد هنا زمرد. خوش قريبه عليك يوسف . اي قريبه مرات اروحله بقينه نسوالف هواي شغلات ياربي من احجي وياه انسه كلشي نسيت موضوع الطلاق سوالفه حلوة تدرون اول مرة هيج احجي ويه شخص وسالف وياه جان هيثم بس اذا راد شي مني ابد ميسوالف عن حياته سوالف عامه مخلصه سكر هواي فرق بين يوسف وهيثم وكتشفت من حجي يوسف يصلي ويصوم هو مكلي تره اصوم واصلي بس من الحجي مالته من يسوالف ع مواقفه برمضان هو واخوانه وهم قبل لايكل باي كلي باجر محضرلج مفاجئ كتله شنو كلي من تجين باجر تعرفيه حاولت وياه بس هو رفض من خلصت المكالمه منه بقيت العب ويه حسن الزمه من اديه ومشيه وكله تاتي تواتي وهو يرد ورايه حسن.تي تي من يضحكه يفتح حلكه وحلكه فارغ مابيه سنون يشبه شايب واكعه سنونه اشبع ضحك ع ضحكته (لاجذب عليكم شفت صورته يلعب النفس ) زمرد.😞تروحليه فدوة زيليش اخذته ونمت وذكرت بعد يومين لازم اخذه واروح للمحكمه هم اخذ النفقه وهم هيثم يشوف حسن ثاني يوم كعدت الصبح بدلت ورحت اني ورانيا بس وصلنه للكليه نزلت من التكسي اجه عليه يوسف من بعيد عبالك جان واكف ينتضرني سلم علينه اني ورانيا لزم ايدي. يوسف. يله زمرد امشي اشوفج شي حلو واخذني ورانيا تضحك علينه لان هو يمشي ويكله صلي ع محمد لاتحسدينة وهي تهز بيده وتضحك اخذني وكلت بيني وبين نفسي بره مايكلي ع المفاجئ اني اكله ع طلاقي دخلني للكافتريه وصلنه لميز كاعد بيه ابنيه شابه مبين عليه حامل يوسف. ها مريم بس لاتأخرت عليج مريم. لا يعمري باوعتلي كامت سلمت عليه واني هم سلمت بس فضول كتلني اريد اعرف منو هاي يوسف. زمرد هاي اختي مريم ومريم هاي حبيبتي زمرد مريم. عمي كليلي شسويتي باخونه بس يسولف بيج نوب طلعلي بشغله جديده يكلي اله سمين بنتج زمرد يوسف. هنيالج والله اذا طلعتلج هيج بنيه وعصرني من وجهي اني كمت ماعرف احجي حيل خجلانه وبنفس الوقت قلقه صارت سالفه كلش صعبه بقت سوالف عن يوسف وهو هم يسوالف عنه لان هم رويسيه ودائما يتعاركون شبعت ضحك ع سوالفهم وخاصه موقف كلش حبيته مريم. زمرد اني من امي جابت يوسف كلش غرت منه وطكت روحي هاي امي سوالف تكول مره هو عمره اشهر مكمط عيفته بالكاروك وريحه اني شمسويه جايه فاتحه شويه من كماطه وكمت اجر بيه ساحلته البيت كله تكول حتى الحضينه لان بيضه صايره سوده من سحل زمرد. ههههه شنو هو مابجه يوسف. جنت فقير اني ومضلوم مريم. جذب جان وكح من هذوالة جهال نهار كله حافي ويركض بشوارع وبكل عرس تلكيه بنص والله مره ابويه جابه كتل من شارع ويكول لكيته لازم سماعه ويغني شكل لامي من اروح نكسرت الشيشه ويله ركصو لخاطر خالتي ساجده عبيد يوسف. فضحتني ولج احنه شتفقنه بالبيت موكتلج تكليله يوسف خوش ولد زمرد. ههههه كله ميخالف نعديه بس مال خالتك ساجده عبيد كلش واكفه مريم. بعد وبعد مشايفه شي هاي شغلات بسيطه يوسف. اوكي اني هم اروح لرجلج وكله على كلشي يخصج هههههه تذكرين الصرصور مريم. زمرد يوسف خوش رجال ماتلكين مثله بس منه اثنين هو واحد بالمريخ جاي ياكل بطيخ يوسف. اي ماتمشين اله بتهديد بقينه نضحك شويه وراحت لان هي داوم بنفس الجامعه بس بغير قسم مرات الايام واحنا حبنه يكبر مو كل يوم لا كل لحضه يوسف تغير ١٨٠ درجه جان نضرته ع كل بنيه لا هسة بس اني بعيونه واني كل مره اكول باجر اكله بس اتراجع وترك الموضوع هيثم اخر مره شفته بالمحكمه ومن شافني بيدي حسن كلي اله خليج تحلمين شوفيه بسيطه ماهتميت اله لان مائمنه نو ميكدر ياخذه مدام يبقه يم ام رانيا من اروح للكليه واني من ارجع مكابلته وكاعده بعد وين يكدر ياخذه والمحكمه وياي صارت الامتحانات باخر امتخان توادعنه اني ويوسف الحلو بيوسف مو طايش اني اخيلته راح يكون جريء وياي بس لا ابد ماعده بس يلزم ايدي ماكو غيره حتى كلامه بحدود صح مرات يحجي سوالف عيب بس شغلت رومانسيه متتعده الحاجز الي بينه وها اكو شغله حلوة بيه ابد ماكلي ليش متلبسين حجاب او جبرني ع هذا شي لان مبين عليه من عائله ملتزمه حتى اخته من اجتي جانت لابسه حجاب وجبه فمبين عليهم ملتزمين وكل هذا ماكل يوم لبسي حجاب او ليش متلبسين حجاب بس دائما يرزلني ع لبسي لان ضيق اني اخسه مو ضيق بس هو بعد يبقه متعصب فكمت اخر ايام البس بديات طويله لحد الركبه او بدي قصير وفوكه شي طويل مثل بليره او ستره حسب البسه خلصته بالعطله ويه حسن كام يمشي ههههه ١٠ اشهر ومشى وسن واحد عنده ويمه يخبل ع كوله رانيا مال عض رانيا مثل سوالفه مال مخابيل (جاي تابع بصمت ع القصه) بس مونستنه حنه قرد بس تكمز بره فتره استلمت نتيجه اني نجحت وراتيا بس فاجئني يوسف برسوبه زمرد. حرامات يله انشالله تعوضه سنه الجايه يوسف. اني اصلا رسسبت نفسي علمودج هو متقصد زمرد. وليش علمودي .حتى نبقه سوه ونتخرج سوه ماريد ابتعد عنج . تحجي صدك . قابل اجذب هاي السنه الفاتت خلصته من وراج اضرب محاضرت فهسة بعد ماكو اني وياج سوه ماتركج مثل ضلج . هههههه والله مادري شكلك . يعني هسة راح حتى بالماحضرة يمي ابقه اباوع ع عيونك الحلو وطولك الحلو فدوة رحت لطولك (اول مره اتغزل بيه ) يوسف. اوووف ربي منين جبته عليه هاي البلوه زمرد. ههه 😄 يوسف. ولج انتي شني عسل عليج الله كملي تغزلي بيه زمرد. لا كافي اثتحي يوسف. اوووي فديته تستحي بقه يسمعني انواع الغزال يتغزل بشعر برسمه عيونيي باي انتظروا احداث كلش قويه التعديل الأخير تم بواسطة لامارا ; 23-06-19 الساعة 02:05 AM | ||||
|
| |
|
22-06-19, 05:18 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 16 ----------- راح يصير عمر حسن سنه فدوة لكلبه كبر حضرت قبل يوم كلشي رحت اني ورانيا وامه للسوك جبت زينه وحجزت كيكه وجبت شنو احتاج حتى اسوي حلويات ورجعنه خطيه خاله ام رانيا ضايجه علمود بنته اكبر من رانيا متخلف ومسافر للخارج سوي انابيب رجعنه للبيت خابرت عمتي ام هيثم وعزمته هي وميس وكتله حتى عمي خلي يجي وكالت ميخالف طبعا كل هاي الفترة عمتي تخابرني وتسأل عليه وع حسن ومرات تجي وجيب اشكال والوان لحسن متخلي شي ماجيبه العاب ملابس انواع واشكال وهم اتواصل ويه ميس حتى مره سولفتلي ع هيثم عمي ابو هيثم ماترك هيثم بحاله ماخذ قيس ومراقب هيثم وين يروح ويامن يشتغل عارفين انو يشتغل بملهى وفلوسه مخلصه ع الاقمار شنو وهي البنيه لكيناه هي مرته مزوجه من الملهى من عرف عمي بهيج شي متخربط صايره بيه جلطى بس خفيفه من عرف هيثم ابوه متخربط رايحله عمي بس شايفه متخبل باقي يصرخ اطلع بره ماريدك اني متبري منك طلعوه اخر شي قيس جاره وكله اطلع بعد لتجي لهنا لو صدك تخاف ع ابويه مجان سويت هيج وبعد ابد مجايهم ثاني يوم الصبح كعدت من ٧ الصبح حتى اكمل كل الشغل قبل لايكعد حسن لان اذا كعد مراح يخليني اشتغل يبقه يركض ورايه هو صدك ماله صوت بس حرك وجاي يكتشف كلشي لفيت دولمه لان راح يجون بليل وعيب بس حلويات اقدملهم والحلويات ماتسند الكلب مثل الكلات المالحه نكعت دجاج سويتله خلطه نوب بديت بالحلويات سويت شكر لمه و كليجه عجنت العجينه حتى تختمر(هههه ادري راح تكولون شنو عيد بس تحبه عمتي وخاله ام رانيا عرفهن راح تعجبهن) وسويت كنافه اني احب ابدع بالحلويات يطلع طعمهن غير عبالك جاهزة من شفت العجينه مال كليجه ختمرت بديت اسوي والحمدلله حسن نايم خوش معلمته خالة ام رانيا مو تاخذه مني الصبح ترجع تنومه مو بيتهم هادئ وابنه جبير هم يروح للدوام فحسن يبقه نايم مايكعد لحد ١١ تريكه وتخليه ع طيور فهو متعلم ع نوم ل١١ وخاصه اذا اكو هدواء كملت الكليجه خليته بالفرن رحت انضف بالبيت نوب سويت شوربه لحسن حتى يتغده بيه كملت كليجه نهائين نوب رحت للاستقبال زينته خليته نفاخ ٥٠ نفاخه وزينه ورقيه كلش صار حلو بس بلعومي طك من النفخ عود العوبه رانيا كالت اجيج من الصبح اساعدج بس هي تنبل مال نوب واني متوبه اكعده من نومته لان مره كعدته حتى نروح للسوك وهي بعده نعسانه فشسوت الحقيره ثاني يوم رايحه لابو المحل كدامنه وكيلتله اريد باله خفاضات (يعني ٢٤ جيس ) ابو المحل فرحان مفرغله كل المحل منطيه وكيلتله هاي لام حسن زمرد هي دزتني وكالت اني اجيه وانطيه فلوس احسبه عليه دين والحقير ياريت بس هيج كاعده عليهن كلهن فاتحتهن حتى ماكدر ارجعهن لان من يخرب الجيس بعد ماكدر ارجعه وخلتني ادفع الفلوس واني جنت حاصره المصرف حتى يوصلني نهاية شهر كلت بعد هم اكعده هاي مو بس اني امه اخوه كل واحد يخرب عليه نومته لازم سوي بيه دكه معدله كملت كل الشغل قفلت الاستقبال لان حسن اذا شاف هاي الشغلات يلزمه يكطع ميرتاح اله يخربهن رحت كعدته بدلتله ابدله وشم بيه وعضه وهو يكركر من الضحك لبسته دشداشه رجاليه لون جوزي تخبل عليه وشعره طولته وخدوده تخبل واكلته نوب خليته يلعب بالعابه بالغرفه كعدته لان بيه تلفزيون ل٤ العصر اجتي رانيا رانيا. سلخير (هي هيج تحجي اني مغلطت) زمرد. صباح المساء لزم هسة كاعده عيونج منفخه رانيا. اي شنو كملتي شغل زمرد. من الصبح كلشي رانيا. شعدج هو عيد ميلاد لو معرس شسوين وهي تحجي اجه يمشي حسن كلش يحبه يعني من يشوفه يكوم يصفك ويحرك بجسم عود يركص بس شافه كام يصفك ويضحك ويمشي جنه بطريق هي تخبلت بس شافته رانيا. ولك اليوم عيد ميلادك وكامت تركص سرمد داير حوالة هب هب زيتويوا (راح يعرف شنو تحجي بس الشايف بيت الطين) وهو موتركص يركص وياه زمرد. احنا نلعب شلم بلم احنا مامش رداد النه 💃💃💃 رانيا. هلة هلة بلمنه طك بلمكم يهل العمارة وابنه يريد بتكم يهل العمارة صح الاغاني مو يم العيد ميلاد بس نهز ونغني واني صاعده ع تخم وكمز جنه قروده اول مره حسن تعجب وبعدين ندمج ويانه سمعنه الباب انفتح باوعنه من شباك دخل ابو رانيا وامه بسرعه نزلنه من التخم وكعدنه عقال سلموا ابو رانيا. ها شو سكتن تره ركصجن احنا بشارع وسمعناه استمرن استمرن ام رانيا. سمعن هاي الهوسة شلوكه وشلوكه وكطان بين شلوكه أم الولد فرحانة وام البنت مخنوكه ابو رانيا. لاتحجين ع البنات ماقبل سمعي لعد انت ماادري شكلتي وانتي بكلامج علتي وابنج مظموم لبنتي لاخذه واخليج خالية تره نهاية الولد للبنايه ام رانيا ام رانيا. الولد يامحبس يميني يازهرة الدنيا بعيني خلاف الولد محد يلفيني ابو لمار الولد يعين الام اني ماكلك ماحب البنات بس البنات متعبات شيل همهن للكبر ابو رانيا. البنات عونه للاهل البنيه مثل الكنز الثمين كله حنيه وحب واعطفه هاي كدامج مريم(اخت رانيا) كل يوم دك عليه تسأل عليه وتسأل عليج وع اخوته مافديوم نست هاي العادة ورانيا شكد تحب النوم وعده النوم ابوه وامه بس اذا شافت بينه واحد مريض تبقه ليل كله مكابلته وكاعده ماتغفه عينه وزمرد المثال الاكبر شفتيهة شلون دارت ابوه وعتنت بيه مخلته يوم بله متخدمه هسة صح دكليلي غير ابوه بس جانت طفل هي تريد واحد يعتني بيه ام رانيا. اي والله حجيك صدك الله راح يجازيه ع كل السوته بالاخره زمرد. والله هسة لو اكلكم شنو اتمنى مراح تصدكوني اتمنى يرجع لو بس جسد بس المهم موجود يمي جان لازوجت ولاتبهذلت هاي البهذلة شكد جان وجوده مهم بحياتي ابو رانيا. الله يكون بعونج انشالله يكبر حسن ويعوضج عن كلشي زمرد. انشالله جاي نسوالف سمعنه ندك الباب رحت افتحه دخلت عمتي وميس وميدو سلمت عليهن وكتلهن تفضلوا عمتي. بس جيبي حسن خلي يشوفه قيس بره زمرد. يا وليش ميدخل شنو غريب مديت راسي من الباب هو كاعد بسيارة صحتله قيس قيس. هلو زمرد شلونج زمرد. بخير ليش عيني متدخل قيس. لا والله ماكو شي بس كلت خاف يمج خطار عازمه زمرد. لا ياخطار ماعزمت بس صديقتي رانيا واهلة انته تعرفهم قيس. ها خوش لعد خلي ادخل زمرد. هلة بيك دخلوا كلهم سلموا ع بعض بس رانيا ماكو رحت جبت مي الهم شفت رانيا بالحمام جاي تغسل وجه من المكياج لان راح يصير دنيا المغرب حتى اصلي قدمتلهم مي وبقينه نسوالف سوالف عامه شويه واذن كله كامت صلت واني رحت اصلي لكيت رانيا جاي اصلي كملت صلاه سلمت ع ميس اجتي يمنه هم اصلي بس كملنه صلاه بدلنه اني لبست فستان قصير نيلي حلو بس ضيق لبست فوكه بليرة ورانيا لبست فستان طويل مال محجبات كلش حلو لونه زيتوني وميس هي اجتي مبدله هم فستان طويل مال محجبات وفوكه بليره لونه وردي عفتهن يرتبن بالمكياج رحت خليت ميز طعام جبت من بيت رانيا لان ماعدي خليت فوكه قماش ستن حلو مال مناسبات وكمت اخلي الحلويات وديت حسن يم رانيا حتى تلبسه ملابس حلو كمل واجه يمشي هم كلهم كامو يضحكون فرحانين بيه اني طلعت صحت اخو رانيا اسمه موسى كلش حبباب وفقير شكد اطلب منه شغلات يجيبلي ابد ميكول لا صحتله بس هو رفض لان عنده شغل يم صديقه زمرد. لعد ماعوفلك كيكه موسى. غير اذبحج والقران اكل حسن هو هم جنه كيكه حاولت وياه بس ماقبل نوب دخلت لكيت قيس طالب شسوار وجايبته اله ميس يريد يسوي تسريحه لحسن وكاعد يسويله وحسن مغمض عيونه شويه ودخلت رانيا سلمت بصوت عالي لان متنسمع باوست عمتي نوب سلمت ع قيس ركز عليه نوب دنك راسه يكمل حسن هاي اجتي يمي جنه قريبين ع قيس من يشسور وعمي وخاله وعمتي كلهم كاعدين سوه يسولفون عن سياسه وعن الوضع وبصوت عالي رانيا. بصوت خفيف ولج شنو هذا قيس غير جنه كيكه زمرد. شنو ماسمع رانيا. بصوت شويه عالي اكلج قيس جنه كيكه يخبل (بهاي الاثناء من كالت قيس هو سد الشسوار وهي ماسكتت بسرعه سمع شكالت ) قيس من سمع شنو كالت دار وجه عنه وكام يضحك وميس سمعت وخربت ضحك ع فشله رانيا همزين عمي ابو رانيا صوته عالي ماسعوا شكالت هي من شافتنه نضحك غمت نفسه وصارت دم من الفشله بدينه الحفلة قسمنه الكيكه جاي اوزع للكيك وصلت لرانيا انطيه حجه قيس. لعد المن مخليني اني ميس فتهمنة شنو يقصد وهي خزرته بتك حاجب عود دكله كافي بس هو بتسم ودار وجه قيس تركنه وطلع للسياره اجه وبيد مرجوحه ام النفر ميس. جايبه العاب تعليم لابتوب يعلم الطفل الحروف والرقام عمتي.جايبه قاط يخبل مال ستر وقميس ونطرون ميدو. جايب سياره ام ريموت كلش حلوة رانيا. جابت ساعه وكلاده ومحبس نضارات سود سيت واحد تحب هيج شغلات لونهن اسود كلهن ام رانياوابو رانيا. جابوا بايسكل صغيرة اخذت الهدايه شكرت منهم بقوا شويه تعشوا للوحده بليل اله راحوا لبيوتهم حسن نام من ل١١ اني هم رحت ع فراشي نمت لان البيت نضفنهة وياي قبل لايطلعن طلعت موبايل مسويته صامت لكيت يوسف كومه داك عليه حتى رسائل يسأل خو مابيه شي ردت ادزله رسالة بس كلت بالوحده بليل خاف نايم خطيه باجر اخابره بس خليت راسي دك الموبايل باوعت لكيته هو يدك زمرد. الووو هلو يوسف. هلو ليش مجاوبين متكولين حمار باله يمج قلق عليج زمرد. لاحشاك ليش هيج عصبي والله جانو يمنه خطار وماكدرت ارد عليك يوسف. الخطار من يا جنس زمرد. شننو 🤔مافهمت يوسف. ولد بنات يعني الخطار زمرد. هااا اهل رانيا وعمتي وبنته بس تعشوا يمنه وبقوا يسوالفون ل ١٢ اله راحوا بس عمني بقت يمي يوسف. هااا واني شنو متفكرين بيه عاد طمنيني برسالة زمرد. حياتي لاتزعل والله بعد ماعيده يوسف. لان اول مره سويه هل مرة سماح بس اشوف بعد تعيديه اجي املصج من اذاناتج زمرد. هههه جاي تحسسني طفل مسوي وكاحه يوسف. واحلى طفل اووف شكد مشتاقلج بكد عيونج الحلوه السبتني زمرد. 😶 يوسف. زمرد تدرين جنت شكد احب العطله بس هسة ركهته لان تبعدني عنج زمرد. اني اكثر مشتاقتلك (كلت بيني وبين نفسي خلي بله اختبره يحبني صدك لو يجذب عليه مثل باقي البنات راح اكله ادزلك صورتي وشوف بله يقبل ) زمرد. يوسف يوسف. عيونه زمرد. راح ادزلك صورتي وانته دزلي صورتك يوسف. لا ماكو صورتج صورتي ادزه اي بس صورتج لا ممنوع زمرد. ليش يوسف. شنو ليش زمرد ماتوقعتج هيج متخافين ع نفسج كلشي يصير نفترق مصيرين من نصيبي الله ليكوله بس متعرفين شنو مضموملنه يمكن تنجبرين تزوجين من ولد عمج واني شيطان يوسوس براسي ويخليني انشرهن زمرد. اوكي براحتك يوسف. شراح استفاد هسة من تنطيني صورتج ابقه الوب والليل مانمه زمرد اني ماريد سوالف جهال اخذ صورتج واحجي وياج كامره اني رايدج بنيه صادقه وشاهد عليه موسى ابن جعفر مابالي وياج بس زواج اريدج هسة بدال الموبايل كاعده بحضني ااخ ياحضني شكد يتمنى يلمج بضلوعه ماحس الحضن يكون كافي من صيرين اتمنى افتح كلبي وخليج بنصه زمرد اني مريض بيج ودوايه انتي سامعه مرريض علاجه المرض مالته زمرد.😶 يوسف. زمرد وين رحتي هههههههه خجلتي عمي احجي راح اسكت زمرد. يوسف هم تتركني فديوم يوسف. ايامي بعدج سود ماتركج لو اخر يوم بعمري وصيتي قبل لاموت يخلون كبري مفتوح حتى من تموتين يجيبوج بحضني يخلوج زمرد. يمه اسم الله يومي قبل يومك يوسف. زمرد تعرفين صلاه الليل يعني مصليته زمرد. لا والله ماجذب عليك يوسف. هاي صلاه ليل كلش عضيمه عند رب العالمين جان ابويه يكول اذا صليه ٤٠ يوم بستمرار راح شنو تطلب من رب العالمين يسويلكياه اني قبل مااصليه لان اكول الحمدلله ربي منطيني كلشي بس هسة كمت اصليه واطلب من رب العالمين يخليج الي يبهد عنه كل شر ومكروه حتى نبقه لبعض بقه يحجي انواع الغزال وانواع الشوق الي حيل عجبتني عائلته من يسوالف عليهم وخاصه اسلوب ابوه رجال رباهم تربيه مثقفه هسة تكولون شنو خلهم يخلصون دراسه لا ثقافه مو بدراسه شكد شفت ناس مخلصه ماجستير ودكتوراء بس ماعدهم ثقافه اجتماعيه المثقف بخلاقه باسلوبه ويه الناس معلمهم تحترم ناس تعامل ناس بحترام بكلام جميل ماحي من حياتهم الكره او التفرقه او حب طائفه وكره طائفه يسوالف عليه يكول من نكبر ولازم نصلي ونصوم ميجي يامرنه لا بلعكس يجي يكعدنه كلنه سوه ويسوالفلنه قصه بيه عبرة تخلينه نحب الصلاه محسسهم انو الصلاة شكر لرب العالمين ع النعمه الانطانياه نحمده ع نعمه النضر والنطق ونعمه العقل والرزق وحمايتنه من الشر واذيه البشر مفهمه مثل من شخص ينطيك هديه مو تشكره بكلام او بهديه ثانيه رب العالمين مطالب منه بس ٣ دقايق نشكره بيهن شكد ابوه رجال مدارس وميعرف حتى يقره ويكتب بس يحب يحضر مجالس دينيه وحوزات وشيوخ كبار وهذا كله خله ياثر ع اولاده شكد جنت متخيله يوسف شخص مشاغب لعوب والله من اباوعله اكول هذا اضرب من هيثم بس يوم وره يوم كتشفته جانب كلش حلو بيه انسان مؤمن اكثر الشباب بهذا وقتنه ماسحين الصلاه من قائمتهم وتخيلت هو منهم بس طلع يصوم ويصلي ويقراه قران شكد كبر بعيني حتى مرات يكوم يشرحلي عن دين ويوسلفلي قصص بيه عبرة كلامه ماينمل مشوق من يكمل شرح عن هيج مواضيع يكلي هل فهمتي يااختي الكريمه جزاكي الله خير الجزاء ونحنوا معكي عود يقلد الشيوخ مرت الايام مثل بعضه ماكو جديد وكل شهر اخذ نفقتي من هيثم وكل مرة من يشوفني يكلي هل جمله بسيط الله اندمج وخليج تحلمين شوفين حسن كمت اتمنى يسوي شي فارغ بوخه مابي خير بده الدوام كعدت من الصبح بدلت كلش فرحانه لان راح اشوف يوسف كعدت من الصبح بدلت ورحت وديت حسن يم ام رانيا ورانيا بلكوه جريته رحنه للكليه بس دخلت الكليه هو لكاني مبين جان منتضرني من شافني اجه عليه وجه مبتسم يوسف. هلو رانيا و زمرد. هلو يوسف. اي هسة رجعتلي روحي زمرد. ابتسمتله بخجل مشتاقتلك يوسف. اوووف يكلبي مو كتلج دكتور مانعني من هيج كلام وخاصه اذا اجه منج يتعبني رانيا. فاتحه حلكه وتباوع علينه . الله بالخير نحنوا هنا هل تسمعني اجب يوسف. امشي ولي عنه لاتخربين اجوائنه رانيا. شلون اجواء اي والله امده الحب اذا هيج يوسف. صدك رانيا خوش جاي وجبه مرحله اولى يفيدوج بالقط رانيا. توكلنه ع الله يله خلي اروح اصيد بلكي بنية زبيدي (انواع سمك) زمرد. هسة تحصلين خشنيه تلكيهم كلهم مفلسين من وره السادس رانيا. عاد احصل شي بس مو مثلج امداج غمتني وراحت يوسف هز ايد وكلي يوسف. صدك ع طاري القط منين صرفين انتي زمرد.هههه شنو يعني مافتهمت يوسف. مو اهلج ميتين من جاي يصرف عليج زمرد. بابا عايفلي فلوس مبلغ وجاي اصرف منه وعمتي تنطيني (وحده من كذباتي يوسف. بعد متاخذين من عمتج اني كل شهر انطيج بعد اني مسؤول عنج زمرد. لا يوسف اجاي تحجي ع ياساس اخذ منك يوسف. شنو ع ياساس اني اقربلج اكثر منهم بيوم راح صيرين مرتي وهسة شنو تحتاجين كليلي متطلبين من احد اوكي زمرد. لا ماكو هيج حجي اني حتى عمتي مرات اخذ منه لحمدلله ابد مامحتاجه وحتى اذا احتاج عندي بيت شكبره فوك تاركته محد يكعد بيه اجره بس الحمدلله مامحتاج حتى اجره يوسف. ماتكعدين احد يمج خوش نوب انتي وحدج اني هسة مراح اجبرج تاخذين بس عليج القران بعد مطلبين من احد تحتاجين فلوس مني طلبي وحسبي دين من تردين توفين دين ٤٠٠ الف تنطيني ٤٠٠ بوسه زمرد. ضربت ع ايده مشاغب يوسف. امشي امشي لا هسة ابتلي بيج اخذج لمكان اخلي شيطان يكوم يركص زمرد. ها يوسف يوسف. ها شكو شبيج ليش تفكيرج قذر قصدي اخذج للجامع نصلي زمرد.هههه اخذني للكافتريه طلبنه وكعدنه ناكل شويه ودخلت رانيا وياها حوراء سلمن وكعدنه حوراء. عيني شدعواك يوسف اراسلك مجاوب يوسف. جاوبه بانزعاج مادري ماعندي رقمج خوماكو شي حوراء. لا كلت نسوالف شويه نغير جو زمرد. نقهرت من حجيه شبت بيه الغيرة شنو حوراء متدرين يوسف حبيبي وبعد تاب من الضحك ع البنات تغيرت معالم وجه وكالت بمكر حوراء. هاا مبروك مادري بيكم ممبين عليكم يوسف. قابل ننشرهة ع الفيس حوراء. شايفين كل خير عمري بس علاقه دائما لو كم شهر وتتركه مثل الباقيات زمرد. خلتني اشب نار من كلامه زمرد. لزمت ايده حبي شتتوقعين من شخص يعترف بحبه الج بحضره موسى ابن جعفر كذاب ويضحك عليه يوسف عرف اني ضجت من كلامه كوه لزم نفسه لان لزمت ايده يريد يضحك ومتعجب بكلامي وافعالي مو طبعي وهي غيرت الموضوع بقت تسوالف نوب وره شويه كالت حوراء. والله مقهورة ع جيرانه خطيه طلقت وعده جاهل وهي صغيرة خطيه دمرت حياته اني بسرعه نتبهتله مبين جاي تذب حجي شكله تعرف بيه مطلقه بس مامعقولة قابل منين تعرف مامعقولة رانيا تكله جان كلتلي بس نضراته جاي تكلي اعرف بسرعه دزيت رساله لرانيا زمرد. رانيا انتي كايله لحوراء عن طلاقي رانيا. باوعتلي باستفهام وكتبت لا والله ابد حوراء. اكلك صدك يوسف اذا اجتك وحده مطلقه تزوجه يوسف. لا طبعا قله بنات حتى ازوجه ماحب ازوج وحده جان قبلي واحد لزمه احبه تكون الي وحدي وانتي شنو هاي اسئلتج التافهة عندي زمرد تسوه الدنيا كامله مناقصه شي حوراء. لا هيج بس سؤال كلت اشوف شنو رائيك بالمطلقه هو دنك ياكل اني عيوني دمعت يعني عرفت شنو جوابه يعني راح يعوفني رانيا باوعتلي بحزن غمضت عيوني وكتلهم شويه اروح للحمامات اغسل واطلع رحت بسرعه للحمامات ماريد ينتبه عليه وكلت ليش ماريده ينتبه ليش ماكله ليش ابقه ساكته لحد من ابقه ساكته ليش ماكله نوب اكول لا يعوفني ادري بس اكله يعوفني تعلقت بيه اول شخص بحياتي حبيته من كل كلبي اول مره هيج اكون سعيده من شفته حسيت بطعم الحياه معقولة يتركني لا يمكن يعذرني او يمكن يزعل شويه ويرجعلي بس يمكن اذا عرف بزواجي وكذبي عليه وعندي طفل مراح يتقبلني هو هسة كال ماتقبل وحده نايمه بحضان شخص ثاني خليت اديه ع راسي موتني الالم دخلت عليه رانيا شافتني مخليه اديه ع راسي خافت رانيا. يمعوده شبيج كولي يالله شويه صبري زمرد. دكي ع حوراء اريد اعرف منين عرفت وليش جاي تلمح دزتله رساله تعاي بالحمامات كلت لرانيا روحي كعدي يم يوسف ماريد يحس اكو شي رانيا. لا هو راح وكال كلي زمرد شويه واجي شويه واجتي حوراء بس شفته حاجيته بصوت حاد زمرد. انتي منين عرفتي حوراء. خطيه والله تقهرين بس شكد لوتيه ولاتوقعتج ابد مامبين عليج رانيا. الغي منو كلج بله حجي زايد وليش جاي شمرين بالحجي حوراء. والله امج مره اجتي سوالف عن ابن وحده صديقتج كلش تحبه وداريه وكالت امه صديقه رانيا المقربه فاني كلت رانيا ماعده صديق مقربه بس زمرد معقولة زمرد مطلقه سئلته شنو اسم صديقه رانيا كالت اسمه زمرد فتاكدت ميه بالميه زمرد. حجيت بعصبيه . وهسة شرايده شعدج تلمحين وتحاولين تكلين ليوسف حوراء. حبيبتي اني احبه شكد حاولت وياه كم مره ردت الفت انتباه بس هو ماعبرني والعطله كله اراسله ميجاوب طلع ميت بيج ميت بالمطلقه هههه الي ميرغبه زوجه زمرد. لاعبالج يوسف يتركني والله حلمج يصير الج حوراء. زمرد انتي شفتي شنو كال عن المطلقه يعني بس يعرف بيج مو بس يتركج لا يمحيج من حياته لان كذبتي عليه رانيا. دفعته يله ولي حقيره مسمومه الله لايوفقج حوراء. بسيط وطلعت اني اخذت جنطتي وكلت رانيا راح ارجع للبيت ماكدر بعد ابقه هنا رانيا. يله امشي اني اروح وياج رحنه للبيت هي راحت جابت حسن من بيتهم اني كعدت وفكر وقرارت باجر اروح واكله بعد كافي خلي كلشي يصير بس ماكدر بعد اضم عليه رانيا جابتلي حسن اوكله وبدله بس ابد بالي مويمه افكر شلون افتحه بجذبتي شلون ابدي بالكلام دك عليه مجاوبته اعرفه جاي يسال ليش طلعت من وكت ماكدرت اجاوبه لان مخنوكه بليل هم دك عليه جاوبته .هلو زمرد .هلو .حبيبتي ليش طالعه من وكت خومابيج شي .لا مابيه بس شويه صار عدنه شغله بالبيت وضطريت ارجع .ها بس ليش صوتج تعبان مخنوك احس بيج شي . لا مابيه نهضمت بس سيطرت ع نفسي . زمرد والله اكو .احبك 😢 . شنو بجيتي يمعود كولي شبيج . لا مابيه بس جنت اباوع ع فلم جاك وروزه وحيل انقهر من يموت جاك . ههههه شكد خبله واني عبالي فدشي اشكرك ربي ع هل زعطوطه امداج واني كتلني خوف عبالي واحد ماذيج . عادي احجيك باجر تعبانه اريد انام . اي عمري براحتج باجر نلتقي امممواح (باسني)وبعد باوعي افلام رومانسيه نهايته سعيده ماحب نهايه تعيسة . انشالله ودعني وسديته بقيت ليل كله انام واكعد ابد ماستقريت لحد الصبح بدلت لبست اي شي واجرجر بنفسي كوه وين البارحه اركض حتى الحك اشوفه بس هسة اطول بالوقت حتى لا اشوفه واكله رحت وديت حسن لخاله وطلعت اني ورانيا اخذنه سايق وهي حبيبتي ضايجه ع ضوجتي دخلنه جامعه جان عدنه محاضره لان اساتذه كلش عكره مبينين واحنا مداومنه اسبواع اله ثبت الدوام يعني سوالنه عقوبه بقيت امشي واتلفت بلكي الكه يوسف بس هو ماكو اني اكول همزين حتى ابره المحاضره اكله دخلت وهو ماكو الاستاذ شرح وهو ماكو تعجبت معقواله غايب شو ماكلي وهو وعدني ميضرب محاضره خلصت محاضره وطلعت ادور عليه بين طلاب ماحس اله صوت اجه من ورايه ام حسن باي حنوشاتي اشكركم ع تعليقلتكم كلكم قدرتوا الصار البارحه ونقهرتوا عليه شكد ماحجي عليكم قليل بحقكم والله انتو جاي تنطوني طاقه ايجابيه حتى اكمل يعني البارحه كلت اتركه فتره بس تعليقاتكم ودعمكم خل عندي حماس فدوة لكلبكم مافديوم سمعت منكم كلام جارح او تعليق سلبي كل قصصي تفرحوني بتعليقكم امممواح هاي بوسه الكم تره بس للبنات واريد رائيكم بالغلاف حلوووو التعديل الأخير تم بواسطة لامارا ; 23-06-19 الساعة 02:09 AM | ||||
|
| |
|
22-06-19, 05:21 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 17 اَللّهُمَّ اجعَلني فيهِ مِنَ المُستَغْفِرينَ، وَاجعَلني فيهِ مِن عِبادِكَ الصّالحينَ القانِتينَ، وَاجعَلني فيهِ مِن اَوْليائِكَ المُقَرَّبينَ، بِرَأفَتِكَ يا اَرحَمَ الرّاحمينَ. ===========/==//============== ماحس اله صوت اجه من ورايه يوسف.ام حسن لس سمعت صوته من ورايه نقبض كلبي ندرت عليه والخوف بعيني وفكر شلون راح ابررله يوسف. هه😏ام حسن طلعتي مطلقه وعندج طفل هه واني الغبي عبالي قاطعتة . يوسف بس افهمني والله ردت اكلك يوسف. اي بله شوكت ردتييي تكليلي هاااشوكت من اجيب اهلي لج كلت لاهلي واتفقت وياهم يجون يخطبوج فهميني شوكت ردتي تكليلي بليله العرسسسس (يحجي بصوت عالي) زمرد. احجي بخوف لان عيونه كامت تجدح بس اصبر نصي صوتك انطيني مجال افهمك اهداء لااحد يسمع جرني من ايدي يمشي بسرعه اريد اوكفه ماكو اكله اتركني ميقبل وبنفس الوقت ماكدر ادفعه لو اعيط خاف امن جامعه ينتبهون علينه وصلني سيارته صعدني بيه زمرد. وين ماخذني شبيك يوسف. صعدي بدون كلام سكتين سكته حجه وركع الباب مال سياره بقوه واجه من الجه ثانيه صعد وساق سياره زمرد. وين موديني يوسف.😡 زمرد. مو جاي احجي جاوبني ليش ساكت مايحجي وكل سيار صير كدامه يكوم يضرب. بالستيرن ويسب ابو سيارة اني بقيت ساكته وافكر وين راح يوديني نشف حلكي من الخوف بقيت اطكطك بصابيعي لحد ماوصلني لمكان شويه فارغ وكف وخله راسه ع الستيرن واني بس اباوع عليه نوب ندار عليه باوع ولزم كلاده الزمرد بالسياره اخذه بيده يوسف. لزميه تلمسي الحجر باوعله ولزمته تلمست الحجر كلش ناعم ملمسه بقيت لزمته بدون ماحجي وماعرف شنو يقصد يوسف. هيج تخيلت مثل هذه الزمرده خاليه من الشوائب ناعمه مابيج اي غلط اسم ع مسمى شفتج مختلفه عن البنات حسيتج ملك طاهر ماعدج جذب ماعدج علاقات مثل باقي البنات ولج والله حتى .... ماكمل خله ايده ع راسه يوسف. احجي كلشي ليش ماكتيلي ليش يجي غيرج يكلي شنو خلاج تضمين هيج شي زمرد. يوسف والله ردت اكلك بس دائما اتراجع معرف خفت اخسرك جذبت الجذبه وصدكته يوسف. اني استاذه بجذب شون كتدرتي ضمين هيج سالفه زمرد. اول مره محجيت محبيت احد ينضرلي بغير نضره وتعرف بمجتمعنه تكون مشوه سمعه المطلقه من صارت علاقتنه حاولت اكلك بس اتراجع لان اخاف من خسارتك يوسف. خسارتي! وهسة مراح تخسريني مخليتي اي ثقه بعد مااثق بيج اذا هسة هيج كذبتي عليه بعدين الله اعلم شنو تكذبين زمرد. (احجي بعياط) كافي خلصت ماشيه ع صراط المستقيم مايوم غلطت خلصت عمري كلللله ضيم عمري ١٢ سنه وامي تركتني عافتني بصعب عمر هاي اول كسره الي نوب كمت منه وتشكرت ربي بوجود بابا صح وجوده مثل عدمه بس اكول عندي سند عندي شخص اتجهلة من ااااضيك الدنياااا بيه كبرت وعتمدت ع نفسي ربيت نفسي بنفسي ماجذب مرات تخطر بالي اباوع ع البنات شلون يرتبن وبعضهن يصادقن بس جان يوكف بعيني ابيويه واول مره يجيني شخص حابني بصدق ويريد اكون زوجه اله امه جانت تعتبرني بنيه موزينه مدام ماعدي اهل 😢تهمتني بشي مامسويته ولا مفكره اسويه وسديت اذني ومشيت بطريقي لمستقبلي وابويه الي يدليني ويعلمني شلون اكوم من عثرات الطريق من وصلت للاريده وحلم ابويه حققته راح ابويه مني راح البيت جان يحميني من عثرات طريق مو وصلت لنهاية هذا طريق رجعت لبدايته من مات بابا رجعت نقطه الصفر صح جانت كسرتي حيل جبيره بس كمت وكلت ما استسلم وكفت حتى امشي هذا الطريق بس جان لازم واحد وياي يساعدني زوجت هيثم لتوقعته راح يكومني من اعثر بالطريق بس هو لزم بيده عصا وكل خطوه اخطيه يضربني ع رجليه ياريت بس كسرني وراح لا وتركلي حمل ع ضهري طفل انته اجيت ماكلك غيرت حياتي بس خليتني اعرف شنو معنى حياه من احجي يوسف يستمعلي ويباوع بتجاهي واني جنت كلش عصبيه شلون نفاخه وطكت يوسف. حجه هو مدنك راسه بنزعاج. زمرد زمرد. لاتحجي اني عرفت جوابك من البارحه ميحتاج تعيده فتحت باب سياره ونزلت بعصبيه ودموعي تجري امشي بشارع حسيت بيه اجه ورايه يوسف. وين رايحه رجعي بسياره زمرد. وخر عني يوسف.لزمني من ايدي ولج امشي ناس مناه شتكول خاطفج امشي زمرد. واخررررر صوتي عالي انزل واحد من سيارته الولد. خويه محتاجه شي يوسف. بنزعاج لاماكو شي مرتي شويه متعصبه مشكله عائليه الولد. اعتذار اخويه عبالي متعرفك وراح الولد لان عباله جاي يتحرش بيه من عرف هو يعرفني تركنه وراح يوسف. جرني بعصبيه فضحتيني يله امشي بسرعه لادفنج ادفع بيه اريد اوخر عنه بس هو لازمني بقوه ويجرني ماكدرت صعدني سياره بقيت كاعده ماحولت انزل هو صعد مشى بسرعه حجه بعصبيه وهو يسوق يوسف. وين بيتكم زمرد. نزلني يم تقاطع هذا ماريدك توصلني يوسف. الغي وين بيتكم بدون حجي زايد زمرد. شو احسك مان عليه شنو لكيني بشارع ردت افتح باب سياره وهو بسرعه جرني من راسي وخلني ع رجله بقيت ادفر بيه يوسف. بعصبيه تردين تموتين نفسج انتي خبله اححححححجي وين قندرتج (بيتج عود بيتج بس الاستاذ عصبي عذروني) زمرد. حجيت بخوف المنطقه الفلانيه قريب ع شارع فلاني واخر ايده جان لزم بيه راسي يسوق وهو ساكت واني دموعي تجري خسرته وخسرت كرامتي وصلني للمنطقه بس ميندل الفرع كمت ادليه حتى يوصلني وهو يركز بالمحلات اباوعله من نفوت من يم اسواق يقره القطعه وصلنه للبيت كتله هنا اوكف من نزلت باوعتله هو داير وجه ع جامه اليمه وين جان عيونه ماتزل اذا فتت منيمي يبقه يراقب كل خطوه وكل حركه رحت للبيت فتحت الباب مال بيتنه ودخلت من ردت اسد الباب باوعت عليه بعده واكف يباوعلي وعيونه حمر صايرات هو بس شافني اباوعله دار وجه وحرك السياره اني دخلت للبيت وابجي بس طبيت جوه عبالك دخلوا عليه جنازة كمت اصرخ احس بلعومي بيه خنكه ملزوم مايهداء اله اصرخ زمرد. دمرتوا حياتي الله لايفقكم اكره الناس كله اكرهكم اموت من نضره ناس شبيه المطلقه ليش هيج تباوعوله ناس تباوعله بنضره كره وبنضره عديمه شرف مامربايه ليش تعبرونه حالنه حال بنات شارع شنو ذنبي قابل هو بيدي ليش احس تلبنيه اذا طلقت تدفن نفسه احسله بس اريد افهم ااااخ اخر شي تمددت ع تخم من كد التعب والبجي نمت بملابس الدوام (تعرفوني من انقهر انعس ) ماحسيت اله ايد تمشي ع شعري فتحت عيوني رانيا. زمرد حبيبتي شبيج شنو كلتي ليوسف زمرد. بذبول هو عرف كايلتله حوراء رانيا. اي نذله واني صبح حذرته وحتى هددته شكد حقيره بسيطه اني اله زمرد. حسن وين رانيا. كلت لامي اليوم زمرد شويه مريضه خليه يمج علما شويه تصحه . هسة عوفي حسن يوسف شكلج زمرد. شمبين عليه رانيا. حركت راسه بحزن اوووف يازمرد بقيتي كل عمرج كتومه ومتحبين احد يعرف عنج شي مافكرتي فديوم راح تتندمين وتتمنين لو كله تعرف بسرارج مو كلشي نضمه لازم اكو جزاء من يحاتنه لازم ناس تعرفه مو كلشي نخفيه بس اباوعله بنضره تايه هي كامت طلعت لفات رانيا. يله كومي تلكيج من البارحه وحتى البارحه ماكلتي شي كومي اكلي زمرد. ماشتهي رانيا. كومي ماكو متشتهين يله رفعتني من ايده وخلتني اكعد وكامت اتزن حتى اكل اخذت الفه اكل بيه حتى تسكت لان ادري مراح تسكت وهي كعدت هم تاكل جايبتله لفه رانيا. تذكرين من جنه صغار من حس بطعم الفه اله ناكل من لفات بعض زمرد. بتسمت بنكسار . وتذكرين من جنه نلزم ادين بعض مسوين ضفيره ونكمز حتى تتحرك من كل الجهات مجان عدنه هم كل همنة كون نروح للمدرسه والمدرسه غايبه رانيا. ههه تذكرين درس العلوم نكره وسوي نفسي متخربطه وانتي عود تاخذيني للمغاسل ونطول حتى يخلص نص الدرس زمرد. جان كل همنة العب نضوج اذا ماصرنه الام الي تحمي جهاله من الثعلب (لعبه جان طفال تلعبه تكون من ثعلب والام الي عده اطفال يكون عددهم اكثر من ٥ وكل طفل تنطيه اسم حتى ثعلب مايعرفه واذا واحد من اطفال نكشف اسمه يركض ويبقه يركض وره ثعلب لحد مايلزمه ) رانيا. جنتي تحبين صيرين الام زمرد. هاي هي كلشي مكتوب ع الجبين تشوفه العين حتى لو تهربنه منه نهايتنه نشوفه رانيا. زمرد صح صبرتي هواي وحتى بعد كلمه اصبري ماله معنى بس اكلج ربج كريم متعرفين شنو مكتوب ع هل جبين زمرد.هه ضحكت بستهزاء وداعتج كلشي مامكتوب عليه بس الضيم امشي مدام مبدله اجيب حسن اخليه ع الله هو يتكفل بيه عشت كل عمري وحيده كله تركتني قابل بقت ع يوسف كمنه رحت جبت حسن بقت تسال بيه ام رانيا بس سويت نفسي مستبرده ومالي خلك وجهي مبين عليه لان صفره رجعت امشي حسن بشارع مايحب اشيل وهو حيل ثكيل مو مال ينشال حتى من اطلع لو اعوفه يم عمي ابو رانيا لو اخذه بالعربانه جاي امشي وركن مالتنه العصر ينمي شباب شفت من بينهم جواد واكف من شافني مانزل عينه عني والولد كله تباوع عبالك مادري شفايته من يمهم دنكت راسي ودخلت وكلت حسوني وخليته يلعب واني تمددت ع فراشي وحسن كل شويه يجيني يكلي حسن.اما اما اواه (عود مريضه لان سمعنه نحجي وخاله تكله مو تضوج ماما مريضه هو ذكي بسرعه يلقطه) جريته لحضني هو بقه يباوه ع تلفزيون بحضني واني غفيت ماكعدت اله ع شفايفه يعض بخدودي مايعرف يبوس كمت بسته لكيت صتلي ب٢ نايمه ومخلصه صلاه كمت ت ضيت وصليت بره دكيت ع رانيا متجيني باجر كتله ماداوم سديته منه احس شش ناقصني كل يوم اخبره هيج وكت ومرات بليل ونجرهة سوالف بساعات اليوم روحي لايبه وحتى صوره ماعدي اله اني بطبيعتي امسح الصور اخاف حسن يدزهن لشخص ثاني بالغلط ذكرت هو عده فيس مره كلي ينشر بيه صوره رحت بسرعه نزلت فيس بس حاولت اسويه ماعرفته وحسن من جه يبجي يريد ينام عفته ولفيت راسي ونومت حسن بقيت كل شويه انام من جه بس طارت نومه من عيني ومامتعوده انام هيج وكت رحت ع الفايبر قريت رسائلنه كله وكلام يخبل كله يكلي زمردتي حياتي نفسي رجعت احاول السوي فيس بس ماعرف يطلب رقمي وخفت كلت خاف غلط لان اني مو هلكد بهاي المواقع حتى الفايبر هو علمني عليه تمنيت اكلب بصوره احس روحي تعلقت بيه مثل طفل مجلب بعبايه امه اتمنيت اتحول عصفوره وروح لبيته وشوفه شنو يسوي يفكر بيه مقهور مثلي شيكول شيحجي همزين البشر عنده عزه نفس لو ماكو جان تلكيه كل ناس مذلوله للتحبه لو للتشتغل عنده رب العالمين ماخله شي بدون فايده عود هو تركني وجرحني بس اتمنى اشوفه تروحله احضنه نزلعت عليه شلون لعنه بس اريد اشوفه. محد راح يحس بيه بس المفارك الي يحبه بقيت لل٥ الصبح ليل كله جي فاير لو مسيقى حزينه شبعت قهر مرات ابجي ع اهلي ومرات ابجي ع حضي ومرات ابجي ع يوسف لحد صلاه الصبح صليت ونمت ماكعدت اله ع حركه حسن يلعب يمي ساعه ب١١ كمت كوه غسلت وغسلتله وكمت انضف بالبيت بس بدون واهس وريكت حسن خلصته اليوم مثل القبله بس بليل دكت عليه رانيا تقنعني اداوم بس اني ماقبلت كتله اخذلي سبواع اجازة وسئلته ع يوسف كالت هم مامداوم ورايحه متعاركه ويه حوراء لان كايله ليوسف رانيا. انتي ليش حقير شنو هل خباثه الشايلته خربتي حياته حوراء. نهايته يعرف رانيا. صح بس لو هي كايتله هي مسولفتله مو يجي واحد يكله حوراء. وهسة شرايد وانتي شدخلج شنو انتي الكي ناين (كلب) مالته هي بس كلتلي كي ناين لزمته وصفكته راشدي واجتي تضربني بس اجتي طالبه دفعته صارت بينه مثل الحاجز واني اتحلفله حركت كلبي تحجي بكل صلافه ولاعبالك مسويه شي زمرد. عوفيه لادوخين نفسج هاي حقيرة ماغزرت بعينه كعدتنه واكلنه سوه وضحكه حتى الكلب احسن منه يقدر الملح بقت تسوالف اخر شي سديته منه ذكرت لازم باجر اروح اخذ النفقه من هيثم بالمحكمه جاي اريد انام لان مانمت باوعت ع حسن يون رحت لزمته لكيته مصخن صايره حرارته فول تخبلت مو هسة جان بحضني بارد شبسرعه هيج صخن بسرعه كعدت غسلتله اطرافه وهو مايقبل مزعوج رحت شربته علاج مال حراره بقيته بحضني وخليتله كمادات بس اريد تنزل حرارته بس ماكو لست صبح اله نزلت خطيه هو منام لان كمادات ضوجه من خفت صخونته نام كلت العصر اخذه دكتور ردت انام بس كلت خلي اروح للمحكمه اجيب فلوس لان مابقي عندي فلوس ولازم اخذه العصر للدكتور بدلت لبست اي شي واخذت حسن ع نوكت وديته لخاله ام رانيا وكتله تاخذ باله من صخونته ورحت للمحكمه لكيت هيثم واكف هناك هو هيثم لو عنده وضيفه جان ستقطعوا النفقه من راتبه بس ماعنده فيجي بنفسه ينطيه باوع عليه سلمت عليه من وره خشمي مطايقته لان هو الشخص الوحيد الي دمر حياتي وخلاني اوصل لهيج شي رانيا. كومي ماكو متشتهين يله رفعتني من ايده وخلتني اكعد وكامت اتزن حتى اكل اخذت الفه اكل بيه حتى تسكت لان ادري مراح تسكت وهي كعدت هم تاكل جايبتله لفه رانيا. تذكرين من جنه صغار من حس بطعم الفه اله ناكل من لفات بعض زمرد. بتسمت بنكسار . وتذكرين من جنه نلزم ادين بعض مسوين ضفيره ونكمز حتى تتحرك من كل الجهات مجان عدنه هم كل همنة كون نروح للمدرسه والمدرسه غايبه رانيا. ههه تذكرين درس العلوم نكره وسوي نفسي متخربطه وانتي عود تاخذيني للمغاسل ونطول حتى يخلص نص الدرس زمرد. جان كل همنة العب نضوج اذا ماصرنه الام الي تحمي جهاله من الثعلب (لعبه جان طفال تلعبه تكون من ثعلب والام الي عده اطفال يكون عددهم اكثر من ٥ وكل طفل تنطيه اسم حتى ثعلب مايعرفه واذا واحد من اطفال نكشف اسمه يركض ويبقه يركض وره ثعلب لحد مايلزمه ) رانيا. جنتي تحبين صيرين الام زمرد. هاي هي كلشي مكتوب ع الجبين تشوفه العين حتى لو تهربنه منه نهايتنه نشوفه رانيا اجر بيده ولك واخر عنه بس هو ولا عبالك نوب نزعت حذائه وكامت ضرب بيه واني اريد افلت نفسي منه بس ماكو نوب كلبت الحذاء ع الكعب وضربته ع جتفه كام يكمز يمكن ضربته بمكن بيه عضم هو بس تالم تركني اني ورانيا شردنه جوه بالبيت وقفلنه الباب وهو لحكنه بس ماكدر حتى من دفعنه الباب نضربت اصابع كام يكفر بقينه الزمين الباب وحسن يبجي وهو يضرب بالباب رانيا رفعت موبايله ودكت ع ابوه رانيا. لحكلنه بابا هذا هيثم اجه تهجم ع زمرد يريد ياخذ طفل كله هسة جاي يمكن ثواني لان بسرعه اجه ابورانيا عبالك اجه ركض سمعناه ابو رانيا. هاااا خير شعدك تتهجم ع نسوان وحدهن هيثم. اطلع منه انته مالك علاقه ابو رانيا. تروح منا لو شنو نيتك هيثم. اريد ابني ماروح منا اله تنطيني ابني ابو رانيا. امشي منا احسلك .تريد ابنك روح اخذه من المحكمه وشوف شيكلك القاضي هيثم. مارد عليه . والقران يازمىد اذا مانطيتيني ابني اله احرك البيت ع راسج ابو رانيا. اني مو احجي وياك شنو متفتهم يله ولي منا هيثم. رجال جبير ماريد امد ايدي عليك احسلك واخر بحترام لا اسحلك موسى. هي نعال جر منو انعال ابو لابو جابك علينه وتعاركوا وعمي يفازع بيهم اني ورانيا واكفين وره الباب مافتحناه بس نسمع الضرب مانعرف منو يضرب منو بره ثواني من عركتهم سمعت عمي غبو رانيا رفع التلفون خابر عمي جبير موسى وهيثم كل شويه متمالخين لان هيثم يريد يطفر من السياج وره شويه سمعت عمامي اجوي عمي الجبير. خير انشالله شعدك هيثم هيثم. ماعدي شي بس ردت ابني حرام عمي الجبير. مو بالمحكمه شوفه منين اجتك هل محنه هسة هيثم. هاي بشهر مرة وعل مرة مجابته ابو رانيا. دخلوا جوه ناس لتمت علينه عيب فتحنه الباب وسلمت ع عمامي وشافوني مكفشه ورانيا هم شويه شاله مملوخ لان من ضربته هو دفره ع راسه دخل هو يخزر بيه ويريد ياكلني بسنونه بس ساكت لان عمامي موجودين باي انتظرني بارت جديد شتتوقعون بالبارت جديد زنرد بعد شنو تخسر بنات السحكات غلسن عليه فدوة #المشاغب 😎 و المطلقه 👩👦 قصه تدور احداثه حول بنت تتحرر من قيود زوجها الظالم لكن هل يمكن ان تعيش حياة سعيدة بعد طلاقها اما ..... التعديل الأخير تم بواسطة لامارا ; 23-06-19 الساعة 02:18 AM | ||||
|
| |
|
22-06-19, 05:22 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 18 اَللّهُمَّ ارْزُقني فيهِ الذِّهنَ وَالتَّنْبيهِ، وَباعِدْني فيهِ مِنَ السَّفاهَةِ وَالتَّمْويهِ، وَاجْعَل لي نَصيباً مِن كُلِّ خَيْرٍ تُنْزِلُ فيهِ، بِجودِكَ يا اَجوَدَ الأجْوَدينَ. تنويه البارت شون تعرفوه انته اذا كلت باي اذا ماكو باي يعني بارت ناقص خوش عود كلولي كامل لو لا 🕳🕳🕳🕳🕳🕳🕳🕳🕳🕳🕳🕳🕳🕳🕳 ،،،،،،،،،،،،،،،،،،،،،،،،، ،،،،،،،،،،،،،،،، فتحنه الباب وسلمت ع عمامي وشافوني مكفشه ورانيا هم شويه شاله مملوخ لان من ضربته هو دفره ع راسه دخل هو يخزر بيه ويريد ياكلني بسنونه بس ساكت لان عمامي موجودين دخلوا الاستقبال اني ورانيا نسمع من يم الباب شنو يحجون (لاتكولون ممسوين هاي الحركه) بدا عمي يحجي عمي جبير. خير هيثم شعندك لاتكلي ابني اريد اشوفه ومشتاقله هي مو حجه هيثم. ماعدي شي بس ردت ابني شنو حرام تردون تحرموني من شوفة ابني وهي اجتي للمحكمه مجايبته متريد اشوفه اني ورانيا كاعدات ع درج هي فوك واني جوه ماحس اله هاي دكت ع وجه وشهكت بصوت بس اني اسمعه ابورانيا. جاهل مريض وعافته يمنه خطيه مصخن كوه يفتح عيونه وين بعد تكدر جيبه للمحكمه هيثم. شكد منطيتك حتى توكف وياه شنو هل جذب كل هل ايام ماتمرض اله يوم الي اشوفه بيه عمي. انجب لا افرك حلكك رجال بكد ابوك شلون هيج تحجي عليه ابورانيا. عوفه خويه مامعتبره رجال والله لو معتبره زلمه جان فركت حلكه هيثم. رجال ومن ضهر رجال ابورانيا. لو صدك جان ماهجمت ع نسوان ابوك ع العين وراس بس انته حتى تربيه نسوان مو مثلك عمي يسواك ويسوه عشيرتك انته تربيه شوارع صارت صياح وهو يغلط وعمامي يغلطون نوب طلع واحد من عمامي احنا بسرعه سوينه نفسنه كاعدين بالمطبخ دك ع ابو هيثم بس سمعته يكله فدوة تعال لابنك متهجم ع البنيه وملخه تملخ شنو متكدر عليه ماعرف شنو جاوبه سدالموبايل عمي ودخل جوه وهم بعدهم يتمالخون مو يتضاربون بس كلامهم بصياح وغلط وسب وكله بخصوص سالفه الطفال هو يريد ياخذه وهم يكلوله بيك خير اخذه من المحكمه وهو يرجع يسب المحكمه ويكله اخذه يعني اخذه اني ورانيا كاعدات ع درج هي فوك واني جوه ماحس اله هاي دكت ع وجه وشهكت بصوت بس اني اسمعه زمرد. بخوف ها شكو رانيا. وهي تباوع ع رجله حذائي ماكو الضربت بيه هيثم باقي بس برجله تك زمرد. وسم عبالي اكو فدشي تلكيج شمرتيه من شردنه رانيا. كامت بسرعه وهي تحجي. يمه لاينباك هزيت ايدي وابتسمت ع خباله تركض جنه مضيعه ابنه دخلت ولزمه بيده الكعب وعيونه مدمعه زمرد. ها شبيه ابنج رانيا. مكسور الله لايوفقك هيثم افادك افاد اخرس (يكولوه لشخص اذا نضرب مايتاذه او الضربه يتوجع) كسر الكعب زمرد. لا مومعقواله شنو ضهر صبه رانيا. اني هم لكيته مشمور بنص الشارع يمكن تلكيه شمره ونكسر وهو موهلكد مو ماركه زمرد. اي مال واحد لزمه وعاوجه لان معوج مو مكسور بقت كاعد وتباوع ع الحذاء بقهر ودمعه بطرف عينه هي صدك تقهر شكلة كلش حلووو ونازكة ورانيا ملابسه وشغلاته تحب تحافظ عليهن عده شغلت محافضه عليهن من هي طفله مخليتهن بخانه بالكنتور اسميه خانه الماضي كلشي قديم وانتيكه مخليته بهاي الخانه اما عمامي وهيثم ما كو جديد بس عمي الجبير شويه سكتهم بقه يحجي مواضيع وهم يريد ابو هيثم يجي لان هيثم ميدري ابوه راح يجي بقينه نص ساعه كاعدين وحسن بحضني خاف من الصياح وبس يسمع حجي بصوت عالي يبجي بقيت حاضنته بره نص ساعه اجه عمي ابو هيثم وياه قيس دخلوا سلموا هيثم بس شافهم كام عمي الجبير. وين رايح وليش متسلم ع ابوك هيثم. اني اسلم هو مو دخل وافتر عليكم كلكم ليش تركني . ويعني شنو تركه هذا ابوك تنزل تبوس رجله حتى يرضه عليك هيثم. هو تبره مني مو اني . حقه من مصايبك وسوالفك التعبانه والله زين خلفله عليه ماكتلك ودفن عارك هيثم. لاصيرون شرفاء ع راسي وطلعتوني عار وطايح الحض يسمعكم يكول ملحد . والله حتى الملحد احسن منك ومايسوي سوايتك ويبيع مرته شوف زين منه دخلنك لبيوتنه تحترم نفسك وتلزم حدودك لا والقران ارفع عليك قضيه وخليك تكتب تعهد ماتدخل شارع هذا فحسلك تحترم نفسك ابو هيثم. شبيه شعده مافهمت الموضوع عمي. ابنك جاي يريد ياخذ الطفل بالقوة من زمرد ولزمه كاتله وهم وياه صديقته قيس. منو صديقته ابو رانيا . بنتي رانيا تقبله ياابو هيثم بنتي مجرور من شاله وزمرد شعره مكفوش هذا بس شفته بعد الله اعلم وين مضروبات هيثم. وهن ماقصرن لعبن بيه طوبه قيس. وطبك مرض الله يطيح حضك تتهجم ع نسوان شكد عار هيثم. هجم عليه لك اني اكبر منك كلب لاتغلط عليه قيس. تلازم وياه كبر يطمك ويطم كبارتك وصارت مدافر وصوت ضرب وعمامي تصايح تفاككهم اني ورانيا بقينه وحده تباوع ع ثانيه وره شويه نفتح الباب عمي يجر بقيس وقيس يريد يرجع يتعارك ويه هيثم وهيثم صوته عالي يغلط عمي كعد قيس بالمطبخ عمي. دسكت احنا بس اريده يهدا ونخلص منه نوب انته تجي تكمله بله ابقه هنا خلي نشوف نهايته وين يريد يوصل قيس ماحجه شي بس راح عمي طلع جكار من جيبه بس دور ع جداحته ملكاه بجيبه باوع عليه قيس. زمرد اريد جداحه يبو حتى ماسلمت حرك كلبي زمرد. لا عادي مصار شي انطيته جداحه وباوع ع ايدي الي بيه عضه هيثم قيس. هاي شنو حسن عاضج شو يدج معضوضه وحتى طالع منه دم ابو رانيا . بنتي رانيا تقبله ياابو هيثم بنتي مجرور من شاله وزمرد شعره مكفوش هذا بس شفته بعد الله اعلم وين مضروبات هو ابتسم نوب باوع ع حسن الحاضني ماله خلك اشر بديه عود جيبيه انطيته اله شمر الجكاره واخذه قيس. زمرد شو جسم بيه حرارة زمرد. اي مو مريض وهسة بدت تصعد حرارته قيس. انطيتيه علاج زمرد. اي عود ردت اخذه للدكتور بس هيثم اجه قيس. هسة بس تكمل هاي سالفه ونشوف وين يريد يوصل اخذه للدكتور لان حرارته كلش قويه وشكله حيل تعبان بقينه ساكتين وماكدر اسمع عمامي لان صوتهم مو عالي وماكدر اروح يم الباب اسمع لان قيس واكف يمنه بس مبين جاي يحجون بهدواء شويه كام قيس يمهم وطلع عمي كال مي وجاي بسرعه انطيته مي وكلي عمي. شكد نحسه وخبيثه جان اخذتيه وياج بدل هل مشاكل والله لو ضاربني راجدي يمكن ماتاذه هيح دموعي كامت صب ورانيا هزت ايده رانيا. خير مابيه خير بس دخانه يعمي العين بس كليلي حضج بيا زباله مشموره اروح اجيبه ونوكله ونعدله بلكي يغزر وياه ويستعدل بقيت ساكته بس دموعي تنزل ع خدودي عود هم سندي هه شلون عمام ماكال يتيمه تنقهر اذا سمعته هذا الكلام وهو يدري بابني مريض بس باقيه بكلبه مارتاح اله كاله مو حقه ضاع وقته ع شي تافه ميسوه اني منو حتى يضيع وقته عليه منين ماندار كله ضدي هسة راح تكولون ماكو احد ماعنده شي وناس تعامل معامله مو زينه بس والله ماعدي ويه احد ولا حقد بس لاضوج منه ابتعد عنه يعني مثل عمامي جانوا يستنكفون يعزموني بعراسهم اني وبابا لان بابا كاعد بعربانه وهم معارفهم كله طبقاتهم عاليه وراقيه اتذكر مره بعرس بنت عمي عمتي اجتي ضايجه حتى ماحضرت العرس كتله ليش عكول كتلهم ليش متعزمون زمرد خطيه تتونس ويه البنات مرت عمي تكله بنتره وين تجي ابوهة وحده لازم يجي وياه بله وين تعوفه وشلون بكته نقهرت عود اني مداخله بيوتهم وكاعده يمهم بس من جنت طفله وخاف تكولون صح ابوج رجال مقعد ولازم يكون مبهذال او وصخ وانتي طفله بس والله مافديوم شتميت بيه ريحه مو طيبه لو ملابسه وصخه جان كلش نضيف اذا وكع ع ملابسه اكل بسرعه ينزعه ويملي غسليه وميقبل لكعه اغسله بالغساله اله بيدي وملابسه معطره ونضيفه وعود هو ميكوم بس ميقبل اله اكوي ملابسه يكلي يبين اذا معقج واذا اخذته للدكتور حتى لو مسبحته صبح هم اسبحه قبل لانروح واذا ملحكت اسبحه اغسله نص جسمه وعطره وركسونه وعطور رجاليه يدز صديقه يكله جيبلي احسن عطر يعني هاي اكثر شغله بالمشلول صير بس هو ابد مصارت بيه ريحه او مبهذل بس هم يستنكفون من عدنه وحتى اني ملابسي حلوة مرتبه صح ماحف مثل بنات عمي بس اتوقع اكو بنات ميحفن اله يزوجن او يدخلن كليه اووف ياعمامي ولا فديوم حبيتهم احس بيني وبينهم حاجز كلش جبير وابد ماحاول فديوم يكسرون هل حاجز اصلا جاي يزيدونه قطع تفكيري حسن يون من الصخونه رحت اخذته للحمام غسلته بمي بارد ماكدر انطيه علاج لان مصاله ساعه شرب بس مجاي يفيده بقيت عشر دقايق اغسله ورانيا جابتله ملابس من الغرفه حتى ابدله وبعد ماسمعت شنو يحجون وماريد اسمع بس خلي يحالو ياخذ حسن كبل اروح للمحكمه هسة عمامي يحجون وياه بهدواء لان ميردون يتبهذال بالمحكمه وخاص هو ابن اختهم ولخاطر عمتي ساكتيله شويه واجه عمي ابو رانيا ابورانيا. اكلجن قبل لايروح كللي اذاجن انتي رانيا هم مد ايده عليج حتى والقران اكاومه عشائرين رانيا.حجت بعصبيه اي بابا خلي يدفعلي ٢٥ مال حذاء الكعب الي كسره ابورانيا. شلون كسره شنو دفعج ضربج (عباله هيثم ضاربه) رانيا. لا مواني ضربته بيه ع كتفه وشردت وهو الحقير كاسر ابورانيا. باوعلي وضحك . يله باله هاي شحجي وياه واني اكوال ليش كتافه واحد عالي واحد ناصي طلع مورم من الحذاء زمرد. ههههه يطبق عليه المثل فوك حكه دكه ابورانيا هز ايده وراح يضحك رانيا. مادري جاي احسكم تعتبروني مخبله زمرد. يعني توج جاي تحسين تره احنه من زمان ندري بيج شاخطه بس شنسوي خاف نعلن الموضوع للناس وتبقين ع كلبنه بايره رانيا. يعني تريدون تسون سبرايز (مفاجئ)لزوجي المستقبلي شويه وسمعت عمامي يكلوله هسة نجيبه تشوفه عرفت يقصدون ع حسن رانيا. هذا موثقه زمرد خاف ياخذه ويشرد زمرد. لا شنو سالفه عمامي وابوه وقيس ميكدروله قابل رانيا. ميخالف الحذر واجب روحي اوكفي يمه حتى اذا باله يشرد انتي يمه زمرد. لا مادخل يمه اروح اقفل الباب مال البيت حتى اذا فكر يشرد ميكدر بسرعه انطيته حسن ورحت قفلت الباب رجعت لكيتهم ماخذيه يمه رحت اسمع حجيهم اسمعه يكله بابا حبيبي فدوه اروحلك وحجه ويه عمامي هيثم. شوف المهملة شلون هاملته وصاير جمره بس حقه وين تكدر تهتم بيه وهي نهار كله بدوام عمي. اي طبعا ام متكدر وحده ع طفل اني بس سمعته هيج حجه طكت روحي كبل دخلت عليهم زمرد. مهملة مو هسة صرت موزينه ولك انته شكد نذل والله العضيم حلمك تاخذه كل هذا حجيك اعرف وين تريد توصل بيه عود تريد تسويني مهملة وماكدر اعتني بيه وتاخذ الحضانه مني حتى مرتك مادري من يالملهى جايبه تربيه حتى يتربه خوش تربيه يصير مثلك والله العضيم حلمك حسن اضفره ماخليك تجيسه هيثم. بسيط زمرد اشوف منو تمشي كلمته اله خليج تتمنين شوفيه شمر حسن عليه وطلع متعصب عمامي حجوا وياه بس هو ماقبل وسمعت رانيا فتحت الباب اله نوب رجعوا عليه عمامي انتي غبيه شلون دخلين وتحجين وياه هيج مو بلكوه سكتناه وقنعناه حتى ميرجع عليج وياخذ الجاهل بالقوة زمرد. شنو ياخذه بالقوة شنو ماكو قانون والله يالله . والله انتي غبيه ياقانون يابطيخ هو وينه القانون بهذا وكتنه زين حامين نفسهم وحتى لو وكف وياج قانون هو مراح ياخذه منج علني يخطفه يدز ناس تاخذه ويسوي نفسه مايدري ويخلي القانون يفيدج هذا وره عصابه اقوه من الحكومه وشرطه محد يكدرلهم تندمت ع السويته لوساكته مامحجيته صحيح حجي عمامي هذا يخوف وسواه قبل هل مرة مو جديده عليه طلعوا عمامي ضايجين مني واخذاو وياهم ابو هيثم مبين مريض ماله خلك مبين عليه مكسور الله يساعده صعبه يشوف ابنه جاي يضيع وميكدر يسوي شي عود هذا كبارته يرفع اسمه ويفتخر بيه بين الناس الله يساعده راحوا عمامي وحتى ماكلفوا نفسهم واحد منهم كال اليوم ابقه يمج خاف يجي عليج بليل ولاعبالك يعرفوني بس بقه قيس كلي يله امشي حضري نفسج اخذ حسن للدكتور رحت لبست وحسن هم بدلته وطلعت حسبه تاخذني وحسبه جيبني مالي احد شسوي شنو الحل لشوكت ابقه هيج وصلني قيس وابد ماحجه شي بس مبين ضايج عليه ويباوعلي بعطف شكد اضوج من هاي النضر دخلت دكتور انطاني علاج وكلي بسرعه يتمرض وميتحمل مرض بسبب ماعنده مناعه مناعته كلش قليله لان مشرب حليب الام عتمد ع حليب اصطناعي انطاني ادويه هواية وراد ينطيني ابر ماقبلت لان اني اخاف من الابره عندي رعب منه نوب حسن وينه وين الابره رجعني للبيت وقيس مدخل بقه بسياره بس نزلت راح دخلت لكيت رانيا تنتضرني بالبيت نزعت ملابسي وحسن شربته علاجه بره ساعه سمعت دكه الباب راحت رانيا فتحته طلع قيس جايبلي مسواك فواكه وحلويات لحسن وحليب وحفاضات ومخضر زمرد. قيس شنو ليش مكلف نفسك قيس. عيب عليج هيج تحجين واني موالج جايبه لابن اخويه جايبه زمرد. والله ثلاجه ممليه حلويات وفواكه وكلشي عندي قيس. يبو ياعزه النفس العندج ولج حسبيني اخوج وجابلج مسواك هم متاخذين مني يله بلاه حجي زايد اخذيه وزمرد شنو يصير دكي عليه حسن يتخربط يصير غير شي موبايل خلي يمج خوش زمرد. شكرا قيس متقصر بس راح قيس رانيا. شو شلون معدل عود مثل هذاك والله ماتوقعهم اخوان مجاوبته دخلت اول مره احس هيج خايفه من تهديد هيثم مادري عمامي خوفوني هي نتبهت عليه خايفه رانيا. شو احسج مو ع بعضج لج بابا بس لاخفتي من تهديد هذا الدثو امده حضي ولج شو هو خلص كل عمره يهدد بيج وماشفتي شي منه بس حجي لاتهتمين اله هذا بوخه نمله مايعرف يكتل زمرد. مادري قلقه حيل احس روحي مخنوك رانيا. اي طبعا تختنكين عمامج ماقصروا سمموج بالكلام وانتي قبله جنتي ضايجه ع يوسف وحسن مخلاج تنامين كلهن لتمن عليج وهذا كله جاي تحسين بيه بسبب التعب لااكثر ولااقل شو شبعج تهديد واخذ حسن ورحتي البيت واخذتي طفل ماخفتي هيج هسة تخافين كله راح تشهد اذا حسن خطفه منج لان هددج كدام هواي اشخاص كلام رانيا ريحني شويه طمنتني واباوع ع حسن شويه خفت صخونه رانيا. يله كومي خلي نسوي بيتزا مشتهيته ماشالله البيت نمله مسواك كل المواد موجوده بس ادز موسى يجيب جبنه البيتزا خليت حسن ع تلفزيون يباوع وكمت وياه سوي واهس تنسيك همك اذا كعدت وياه وكل شويه سب هيثم لان كسر الكعب مالته كملنه البيتزا دزينه لام رانيا وابوها كم قطعه وكعدنه ناكل وشغلتلي فلم مصري مال بوحه اني ماحبه لان مافهم كلامه بس هي تحبه كل شويه وكلتلي صبح صبح عمي الحج وتقلد صوته وهذا حسن يملخ بشعره لان دارت القناه بس انطته موبايل يباوع ع اليوتيوب ذكرت الفيس كلت مدام هي يمي خلي تسويله صفحه كعدت تسويلي وكومه اسئله عبالك راح ادخل كليه شرطه مو فيس رانيا. شتردين اسميج زمرد. باسمي رانيا. لا احسن خلي ممعروف حتى تنشرين براحتج تعلقين راح اسميج ضاغطتهم ام شوارب زمرد. هههه لا كتبي سوف انتقم من جميع رجال رانيا. لا كيداهم بضحكتي بقينه نضحكك ونألف اسمي بس بعدين اختاريت الاسم سميته سميته (شنو تردون اكلكم حتى تزحفون عليه ) بقت تعلمني شلون اعلق وشلون انضم لكروب وشلون ابحث اسم شخص شويه وراحت اجه عليه اخوه بقيت كاعده اكلب نوب كتبت بالبحث اسم يوسف كومه يوسف كتبت اسم ابوه هم كومه مثل اسم ابوه بعدين ذكرت عشريته كتبته صدك طلع اول واحد جان مخلي صورهتة لابس ازرق دخلت ع صفحته اخر منشور ناشره القبة مال موسى ابن جعفر ومحمد جواد وكاتب جيتك ياموسى بن جعفر فارغ الايدين جيتك والدمعه بالعين ذكرت من رحنه وكال ماجي ازور اله انتي وياي تصرين مرتي نوب نزلت ع صوره ثانيه ناشر صوره غابه مضلمه وكاتب فوك هيج👇صار بيه من بعدك عرفت عليه والوقت المنشوره ب البارحه نوب بقيت اكلب بصفحه قبل لايعرف كله ناشر غزل واشعار واكثر شي يشارك صديقه بصوره مضحكه ويكله هذا يشبهك لو اعزمنه ع هذا المطعم واكو اله صور يخبل جنه العافيه من اكلب حسن كلب دنيا يريد ينام عفت الفيس ونومته ساعه اله نام متنحس من المرض رجعت اكلب بالفيس بصوره ودموعي نزلن من وحدهن حبيته من كل كلبي شفت بيه حنيه حب صادق شكد هو مشاغب وكح ويه البنات جان بس يمي يصير شخص طيب فقير احسه مرات مثل طفل يصير يمي وابد ميجذب كلشي يحجي مو مثل الولد من يكولون اكو بنيه كتلت نفسه عليه حتى اصدقه يكول اني ركضت وراه حتى تصادقني صح هو شي مو حلو انو تحبين واحد جانت عنده علاقه بالبنات بس المهم عاف كل هل بنات من حبج ودليل حوراء مامنطيه اي وجه وهي حجت بلسانه بقيت ساعه كامله كل شويه ارجع اكلب بصفحه مالته لحد ماغفيت بدون مادري بنفسي واني كلت هم مادوام مالي خلك وهم حسن مريض خلي يشفه وداوم بقيت يومين هيج مداوم رانيا تمر عليه سوالف وياي وتروح لحد فديوم كاعده بليل جنت اراسل برانيا واضحك عليه كتله سويت بقلاوه تخبل وهي تكلي اله اجيج بسيطه واني اكله مافتح الباب تتوسل بيه حتى اضمله باجر تجي تاخذ اخر شي سديته منه حتى انام وهي عده دوام بره نص ساعه نومت حسن وكعدت اكلب بالموبايل سمعت الباب ندك تفاجئت كلت معقوله رانيا لان بس هي تدخل احنه بيتنه عدنه باب شارع وبعدين كراج شويه جبير وبراه باب هذا ندخل منه الاستقبال وبس رانيا اومه تدخل ودكه معقوله هاي خبله اجتي علمود بقلاوة باوعت ع فايبر مالته صاله نص ساعه ساده دزيتله رسالة رانيا انتي بلباب بس مجاوبت والباب مستمر يندك ماعرف صارت عندي خوفه رحت باوعت من البرده بلكي اكدر اشوف من يم الباب بس مينشاف اكول منو ميجاوب بس قويت نفسي وكلت شو منطقتنه امينه مافديوم دخلله حراميه وكول هاي رانيا تريد تخوفني هي دائما هيج سوي رحت يم الباب اكول منو ماكو ويندك الباب صرت سباعيه وفتحت الباب واكول والله اذا طلعتي رانيا اله ادفنج فتحته واني بس شفته صارت عليه ادين ع حلكي وعيوني اريد اصرخ ماكو باي يمه اني من سولفتلي هذا المقطع كمت ارجف وهذا تعليقي اله انتي شكد ثوله اكو واحد يفتح الباب بدون ميعرف منو وراه اتحداكم تلكون سحكه التعديل الأخير تم بواسطة لامارا ; 23-06-19 الساعة 02:19 AM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
