آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-06-19, 03:06 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  المشاغب والمطلقة / للكاتبة زيليش زاروك ، عراقية
| |||||||||||||
|  |
|
22-06-19, 02:39 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــــا بسم الله الرحمن الرحيم السلام عليكم ورحمة الله وبركاته المشاغب والمطلقة للكاتبة زيليش زاروك قصه تدور احداثه حول بنت تتحرر من قيود زوجها الظالم لكن هل يمكن ان تعيش حياة سعيدة بعد طلاقها اما ؟؟  التعديل الأخير تم بواسطة فيتامين سي ; 24-06-19 الساعة 05:45 AM | ||||
|
| |
|
22-06-19, 02:44 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الاول الماضي *********************** زمرد كعدت الصبح ع صوت ابني يبجي بعده صغير عمره اشهر انطيته حليب جانت ساعه خمسة صبح حبيبي خليته بحضني بوعتله بحزن كتله بصوت ناصي ماتركك لو ع موتي انته زهرة حياتي ماريد اصير مثلي بدون ام عشت تلمست وجهي مورم من ضربه زوجي الضالم الحمدلله حررت نفسي منه رجعت بيه ذاكره لصف الاول متوسط بهذه السنه ماما ماتت بانفجار جانت طالعه هي وبابا و اخويه اصغر مني ماما واخوايه ماتوا بابا رجليه نضربن كام مايمشي يعني تكرم تاذيت كلش بوفاتهة تبهذلت جنت صغيره وخاصه بهذا العمر لازم امي يمي تفهمني ع هواي شغلات بلغت واني ماعرف شي بده جسمي يتغير ملامحي ومناطق بجسمي تكبر اني شكلي حلو بس ماهتم بنفسي لان كل وقتي اداري بابا اخذه للحمام ابدله هو يحرك اديه بس رجليه ماكو ميتات عندي عمام وعمتي وحده بس كل واحد محتار بعايلته يجون بس يسئلون او ينطوني مصرف عمتي تجي كل فتره ساعدني بس شكم دوب يوم يومين وتروح هم عده عايلة وجهال ورجله عده اثلاثه ولد وابنيه هيثم كبير اكبر مني متخرج وقيس بره يدرس كليه واختهم ميس بعمري ١٢ سنه و ميدو دلع احمد هذا عمره ٦ سنين صغير هو هذا اخر العنقود . فعمتي خطيه ماتكدر تبقه يمي كل يوم مرات دزلي بيد قيس اكل لو مسواك لو ملابس الي ولبابا ومرات اني اوصيه خطيه ماتقصر بسرعه دزلي اني بس انطيه فلوس تبقه تلح تريد ماقبل روحي عزيزه ماحب واحد يصرف عليه حتى من عمامي يجون ينطوني فلوس ماقبل يبقون يتوسلون ماقبل واحنا الحمدلله مامحتاجين لان بابا جان جندي ونطوه تعويض عن صار صح راتب قليل بس كافي مو لدرجه يخليني اطلب من احد بس مرات بابا اجيبله علاج يطير الراتب كله ابقه احصر بالفلوس حتى لا تخلص ردت اترك هسنه بس بابا ماقبل تعصب عليه يكلي اني انتضرج بس تخلصين مرحله نوب تريدين تركيه متخيل من اوصل للسادس اطلع معدل عالي ودخل كليه زينه وبره اتعين وساعده براتب اليجيني هه نفكر بالمستقبال ومانعرف شنو مضموملنه بقيت اداوم ورجع الكه خطيه مرات كاعد منتضرني مسويه ع نفسة لو مدمر نفسه اني قبل لا اطلع اخلي ع ميز بصفه اكل يعني الكه موجوعان وكلشي يمه بس شغله التواليت مايكدر يسيطر ع نفسة اروح اركض عليه اخذه للحمام واني بملابس المدرسه اسرفن رداني بسرعه انزعه كل ملابسه اسبحه وخلي يدخل تواليت اطلع من يمه اخلي ع راحته وعوف اروح ارتب مكانه وشيل الجرجف ودوشك اشره ع الحبل لو مرات اذا حيل مدمر اغسله اسمعه يصيحلي اروح بسرعه اكومه البسه ملابسه وكعده بالعربانه هاي احضنه من جوه ايده وشيله بالبدايه جان ثكيل بلكوه اعينه بس هسة صار جلد وعضم عبالك اشيل طفل من ابدله وغسله ومن اجي الكه مسوي ع فراشه سودة عليه يخجل ويصير دم بس اني ابد مابين اله ابقه اسوالف وياه عن صار وياي بالمدرسه ودرجاتي وعن خبالات صديقاتي هو يندمج وياي وينسه تدرون صح اتعب وتبهذل بس شكد افرح من اخدمه احس رب العالمين انطاني اجر بالدنيا حتى بالاخره اخذ ثمره هذا تعب بعدين اخذه اطلعه بره ع شمس اذا اكو او باب البيت لان ضهرة يتعب من النوم ورجع اسوي الاكل مرات بليل احضره وخليه بثلاج واذا نواشف لا من اجي اسويه اتغده اني وياه انطيه علاجه ارجعه لفراشه انومه واني هم اخذلي شويه راحه وبعدين اكوام اقره بابا مرات يبقه يقريني شي مافهمتة ومرات يطلع العصر صديقه يجي يبقه يسوالف وياه هذا صديقه كلش يحبه حتى مرات ياخذه للحمام الخارجي مالتنه يدخله اذا حتاج حمام بدون مايصيحلي يبقه ينتضره يخلص ويطلعه بابا يكدر ينضف نفسه ويرفع ملابسه بس كومه وكعده ماكو ميكدر وعنده عدم سيطره ع نفسه يعني جسمه كله منجوه بطنه لحد اصابع رجليه ميكدر يتحكم بيهم فاذا تاخر ومادخل للحمام يسويه ع نفسة بدون اردته مره من مرات سودة عليه اجيت من المدرسه مالكيته بفراشه رحت اركض بالبيت سمعت صوت نحيبه بالحمام رحت اركض واكع بالكاع ويبجي نزلت عليه شلته زمرد. شلون كمت شلون وصلت هنا بابا.جنت محتاج الحمام شفت يمي الكرسي المتحرك خليت اديه عليه ثبته ورفعت نفسي كدرت اكعد بس من وصلت للحمام ردت هم اكعد ع غربيه بسرعه زحلكت وكعت بعد ماكدرت اكوم زمرد. بسته من راسه وعيوني نزلن منه دموع بهدواء صالك شكد هنا بابا. يمكن ساعه ماعرف بس من زمان زمرد. سودة عليه ياحبيبي غسلته ورتبته رجعته للغرفه بدلت ورحت حضرت غده مرت الايام واني ع هاي الحاله نجحت من الاول متوسط وعندي هواي عفاء نعفيت ب٥ دروس بابا فرحان وعنده امل فديوم اكون انسانه ناجحه ويفتخر بيه هم مرت سنه ثاني متوسط وطلعت عفاء ب٧ دروس المدرسات يحبني بس ابد محد يدري بيه شون عايشه من نوع كتومه وماحب اسولف عن نفسي حتى طالبات يعرفني حياتي خاصه ماحجي بيه عندي صديقه رانيا هي اكثر وحده تعرف عني هواي شغلات وهي بس اسولفلهة عني وحبابه اذا كله سر بعد ينتهي يبقه سر قريبه ع بيتنه روح سوه ونرجع سوه مرات اباوع ع البنات شون يرتبن ومرات يحفن وميتات ع مكياج اني احس بابا كبرني ابد مافكر بهاي سوالف اصلان ماحيتهن من قاموسي جانت رانيا دائما تكلي حفي شاربج لان الشعر حيل كثيف بس ماقبل استحي صح اني مو محجبه كلش ناعمه مو حيل طويله طولي حلو شعري يوصل نص ضهري ناعم عبالك مشسورته معاني وجهي حلوه بس ضايع كله من كد تعب التعب يمحي كل الجمال جنت هواي اتعرض تحرش من شباب وكثرهم من منطقتنه لان يعرفون بابيويه مريض ومايكدر يتحرك فعبالهم لعبه جوله لا احد يحكم ولااحد يسئل عليه بس ميعرفون شريفه تبقه شريفه حتى لو محد يحكمه من صرت بثالث متوسط كمت ناس تجي تخطبني بس اني ارفض علمود بابا جنت اتحجج بحجه دراسه لو مافكر هسة لان بابا يتخبل اذا عرف اني رافضه زواج بسببه فتره الامتحانات قبل اخير سنه انطونه مبرهنات جنت ابد مافتهم شون احلهن دائما اخذ درجه ضعيفه بيهن بابا جان بره كاعد اسمعه صاحني رحتله بسرعه كتله ها بابا محتاج شي ردت امد راسي بره بس شفت ابن جيرانه كاعد يمه اسمه جواد قليل يطلع ويتواجد بالمنطقه من نوع شاطر وعائلته واصلين بدراسه ابوه دكتور وامه مدرسه وهو معيد بجامعه زمرد. سلام عليكم من وره الباب جواد. وعليكم سلام بابا. زمرد انتي مو دائما تشكين من المبرهنات فجاي اسولف ويه اخوج جواد وجبتج بطاري عن عدم فهمج للمبرهنات وطلع هو شاطر بالرياضيات وكال عادي اني افهمه بنتي جيبي كتبج وتعاي خلي يفهمج جواد. زمرد شنو تحتاجين اني حاضر وخاصه بدراسه بس طلبي تلكيني يمج زمرد. شكرا جواد ماتقصر بس خاف اتعبك جواد. تحجين صدك والله انتي بطرانه روحي جيبي كتبج وتعاي رحت جبت الكتاب وجبت فراش حتى نكعد بالطرمه فرشت وكتله تفضل ادخل باوع عليه ابتسم ورجع دنك راسه اني ماهتميت لنضرته بابا بقه بره يم الباب والباب مفتوح كل شويه يباوع علينه ومرات يشاركنه بالحل بابا دائما يحذرني من ولد جيرانه وابد ميحبهم بس يحب جواد دائما يحمد بيه يكول عليه ولد مؤدب شريف مو طايش والله شاهد من درسني ابد مارفع راسه وباوعلي كله مدنك وحتى من يشرح عينه بالكتاب مابدر منه شي موزين فهمني المبرهنات شكرته وراح بره كم يوم صار امتحان الرياضيات نجحت بيه درجه عاليه فرحت وكلت اني بسبب جواد نجحت لزم انطي هديه وهو ماقبل ياخذ فلوس زمرد. بابا جواد ماقصر وبسببه نجحت شتكول شنو انطيه ع مساعدته فلوس ماقبل ياخذ بابا. صح اني هم كلت خطيه تعب وياج ليش ماسويله طبق حلويات كيك لقمه القاضي زنود الست زمرد. شكلولك عليه اني الحمداني شنو القصه ليش ماسويله زلابيه احسن اني شعرفني بزنود الست شون صير بابا. هههه مو مره سويتي لقمه القاضي برمضان تخبل سويه وهم اني مشتهيهة زمرد. كول هيج انته تريد تاكل وذبيته براسه جواد بابا. هههه زمرد. راح اقيس سكر مالتك اذا زين اسوي واذا صاعد ماسوي خاف تاكل وتتخربط بابا. اي خوش زمرد. قست السكر طلع طبيعي رحت سويت لقكه القاضي خليته تختمر بديت اشتغل بالكيكه كملت لقمه القاضي صارت فدشي والكيكه تخبل بابا طلع يم صديقه رتبتلهم ماعونين طلعت قدمته الهم صديق بابا عندي وياه ميانه اسولف وياه بقه يسالني عن دراستي وياكل صديق بابا. شنو هاي زمرد غير تخبل الكيكه عاشت ايدج وهو جاي يسولف اجه جواد اني شويه تراجعت وره الباب سلم جواد. شنو الطيب بله ذوقوني صديق بابا. زمرد اليوم مسويه كيكه تموت عود مثل الجاهز الكريمه تلعب نفس حشى نعمه الله عود جبته بنتي اشتهت كيك هذيج بثلاجه محد اكله بابا. اني ماحب الجاهز ماستنضفه حبيبتي زمرد اكله طيب شنو سويه يضبط ويصير اطيب من جاهز . جواد هذا سوته علمودك لان نجحته بالرياضيات باوعت ع جواد خجل صار وجه دم باوعلي وابتسم اني ستحيت شون بابا يكله سوته علمودك مو عيب رحت بسرعه خليتله بحافضه كم قطعه كيك ولصديق بابا هم خليتله كم قطعه لان عيب انطي جواد وهو واكف ايباوع وخليت بماعون لجواد حتى ياكل ويهم انطيتهم شكروني رجعت اقره مرت الايام صارت الامتحانات جانت كلش سهلة بس الفيزياء عندي كم مسئله مافتهمت شي كل شويه اعيد المسئله مثل ما تدخل تطلع رحت لبابا زمرد. بابا فهمني بهذا الموضوع بابا. بله جيبي بقه يكلب بالكتاب مركز ع مسائل زمرد. ها بابا بشر بابا. ولج هذا كله انكليزي زمرد. ياااا صدك توني دريت ههه صالك ساعه تكلب طلعت تريد تكتشف اللغه شنو اي بابا انكليزي هسة تفهمني لو لا بابا. لا وين اني جنت ادرس بالعربي مو انكليزي زمرد. اووف يله راح اعوف المسائل وادرس الشرح والمهمات عاد بس انجح بابا. اي بنيتي اقري التعاريف وشرح ونقاط المهمة عاد ترفع من درجتج زمرد. انشالله بابا. قرب ايده ع راسي وكال فدوة اروح لعيونج الحلوة عندي امل ترفعين راسي بين الناس وكله تكول زمرد رفعت راس ابوهة زمرد. انشالله اخليك تتباهى بيه تدري تريد من انجح بسادس من اخذ معدل عالي ويكرموني اخذك وياي وكلهم هذا شخص سبب نجاحي هو القواني بكلماته صح ابويه عاجز بس يسوه كل اب بهاي الدنيا اب ماكسر طموح بنته بصعب حالته حاولت ابطل من مدرسه بس هو تعصب ورفض وخلني اكمل بابا احبك بابا. بعيون مدمعه اموت عليج حبيبتي ياحنينه زمرد. بست راسه وكتله يله شويه اطلع بره غير جو اخذت وكفته بالباب واني دخلت جوه اقره شويه سمعت صاحلي رحتله بابا. تعاي زمرد جيبي كتابج جواد راح يفهمج ع مسائل زمرد. هلو جواد جواد. هلو شنو مافهمتة زمرد. هااا لا جواد فهمتة مو مهم (ماحبيت اكلفه عيب ع يااساس يدرسني حتى فلوس مياخذ) بابا. صدك شوكت قريتي مو هسة ضايجه تركتج بسببه زمرد. لا .. قاطعني جواد جواد. عيب عليج زمرد ادري بيج مستحيه مني والله ازعل وياج اذا بعد هيج سوين كتلج الف مرة بس شوفين نفسج مافهمة شي تعاي كليلي زمرد. شكرا جواد .حجيت بخجل. رحت جبت الكتب وفراش حتى نكعد بالطرمه بابا جان كاعد بالباب كعد بصفي جواد بده يشرحلي شون احل كل شويه ابوعله صافن بيه مرات من يطيني مسئله احله من ارفع راسي الكه يباوع عليه بس من يشوفني اباوعله يدير وجه شويه اجه صديق بابا سلم علينه صديق بابا . شتكول ابو زمرد اخذك شويه افرك بهذاك المنتزهة ورجعك مدام زمرد يمه جواد حتى مو تكول اخف عليه وحده بابا. ندار عليه ها زمرد ماعليج شي تبقين هنا بعد يمج اخوج جواد زمرد. بكيفك بابا بابا. جواد هسة اني اجي امنه يمك زمرد جواد. زمرد بعيوني لتخلي بالك راح بابا ويه صديق بالعربانه بقه جواد يدرسني خلص دراسه بقه كاعد ينتضر يجي بابا بربع ساعه ماكو حسيت جواد عنده حجايه بس مستحي يكوله شويه وحجه جواد. اححم زمرد انيي راح اكلج ع شي بس مو تفكرين بغير شي والله نيتي وياج صافيه مابيه اي لعب وحتى لتكولين جذاب بس اسمع رد منج ثاني يوم اكول لاهلي زمرد. ماعرف شنو تحجي جواد. زمرد اني معجب بيج يعني احبج انتي بنيه مؤدبه ماكو مثلج محافضه ع نفسج ماخليتي واحد ينطخ بيج دائما ارقبج اشوف تصرفج مشيتج حركاتج كله تسويه برزانه غير عن البنات احسج مرات مثل الورقه البيضه صافيه خاليه من اي سواد فأني اريد اخطبج بس كلت اشوف رائيج قبل لا اكول لاهلي زمرد. 😶 يمه صرت مي من الخجل . جواد اني ماكدر ازوج علمود بابا منو يبقاله بس اني اله بعد اذا تركته يتبهذل جواد. هم فكرت بهاي شغله اني عندي اخوان كبار مزوجين وكاعدين ويه اهلي اكدر اطلب من ابويه اعزل بيت وحدي ونجيب ابوج ويانه وهم ع دراسة خليج تكملين لان احب البنيه الدرسه وانتي مشالله شاطرة هسة شكلتي زمرد. ماعرفت شنو اكله والله حس صرت مي وجهي كام يطلع نار جواد. ادري خجلان انتي حقج بس اريد جواب كولي لو اي لو لا زمرد. 😶 اي جواد. هاي الخدود دائما تبقه حمرة لو بس من تخجلين اذا بس من سمعين كلام يخجلج راح ابقه احجي حتى يصيرن حمر اروح فدوة الج يا احلى كيكه زمرد. عفيه جواد عيب هذا الحجي ميصير جواد. ابتسم بحب هسة بعد افتهمتي الموضوع لو ارجع اشرحلج زمر. فتهمت شكرا . بكلبي اصلا اني نسيت كلشي باجر مادري شنو اجاوب بقه جواد يمي ننتضر بابا يجي جواد كل شويه يباوعلي بنضرات حلو عيونه تلمع مرات يضحك حسيت فرحان واني ع كعدتي لان بس اكوم اوكع ع وجهي اول مره هيج اسمع كلام ولعجبني بيه مفكر مو بس بيه مفكر بابويه كم شخص اجوني بس ابد مابلهم بابا وين يروح شويه واجه بابا هو صديقه كام جواد سئل بابا افتهمت جواد. بعد زمرد ميحتاج شاطره انشالله تاخذ ١٠٠ بابا. انشالله راح جواد وصديق بابا دخلت بابا اخذت للحمام توضه حتى يصلي واني هم توضيت فرحتي ماتنوصف كملت صلاة بابا بقه يصلي انتضرته يخلص حتى اكله ماحبيت اضم عليه خلص صلاته وحس عندي شي اريد اكوله باوعلي بابا. كولي زمرد جاي احس عندج حجايه تردين تكوليهة زمرد. بخجل وتردد بابا اليوم جواد فاتحني بموضوع بابا . شنو الموضوع زمرد. بابا جواد يكلي اريد اجي اخطبج وسئلني عن رائي حتى يكدر يجيب اهلة ويجي بابا. وانتي شنو رئيج حجه بابتسامه جواد. ابتسم بحب هسة بعد افتهمتي الموضوع لو ارجع اشرحلج بابا. انشالله يسهل امرج جواد شاب مؤدب ومثقف وخلوق مو طايش فخوش قسمه الج راح اطمن عليج يمه ابد ماشيل هم بس بنيتي ماريدج تلتهين عن دراستج زمرد. انشالله بابا رحت سويت عشا كعدنه اكلنه وراه قريت ثاني يوم كعدت من صبح حضرت ريوك لبابا بقيته يمه ودخلت توليت حتى من اروح ميحتاج توليت رحت ويه صديقتي رانيا رانيا . صباحو زمرد. صباح صباح الورد والياسمين والجوري والرياحين رانيا. الله الله اليوم شكو شو الضحكه ماليه وجهج خير يالسجاجه انتي ماضحين اله جاوبين زمرد. انشالله انجاح وهم اخذ ميه مو ٩٩ رانيا. ولج بس لا تعرفين الاسئله حبابه شنو الاسئله زمرد. مو ابويه وزير التربيه ثووال والله بس لان سمعت خبر مفرح فراح اخذ درجه عالية رانيا. بله كليلي عليه بلكي هم من اسمعه انجح زمرد. ولج سالفه اطول خلي نقره نستفاد من الوقت عود من نطلع من الامتحان اكلج رانيا. كافي بسج تسجين يالسجاجه كليلي ماكدر اتحمل زمرد. ولي عني بقت تباوع عليه وتباوع ع كتاب (رانيا طالبه شاطره يعني دور بس نجاح مو معدل عالي عده اخت اكبر منه مزوجه واخ اصغر منه عايشه وايه امها وابوها محجبه و محبوبه بس هي صديقتي المقربه شكد نفسي عزيزه وماخذ شي من احد بس هي لا غير مرات جيب لفات الي واله اخذ منه حسبتهة مثل اختي وهي اذا كتله هذا سر بعد خلص مايطلع لو ع موته وهي هم كومه ضامه يمي اسرار تعرف عني هواي شغلت ابسط شي تعرفه عني وهي هم كلشي تجي تكلي حبابه طيوبه بس اذا شفت حلو ماسيطر ع نفسه واكثر شي تقلد على الولد تحب تضحك عليهم ها صدك عده موبايل وتتواصل ويه كروبات ع تواصل الاجتماعي واني ماعدي موبايل ماحبه واخاف يجرفني لشي مو زين . دخلنه الامتحان جان الاسئله شويه صعبه بس كدرت اجاوب يعني راح اجيب درجه زينه طلعت من الامتحان سولفت لرانيا رانيا. ولج صدك جواد ماغيره خوش ولد والله تستاهلين يازمرد زمرد. شكرا رانيا . اكلج شنو تلبسين اذا اجوي زمرد. والله مادري اريد اروح للسوق بس منو ياخذني رانيا. هو شوكت كلج اجي زمرد. يمكن بس اخلص امتحانات رانيا. لعد خوش بس نرجع من اخر امتحان اكل لامي تاخذنه وروح للسوق زمرد. اي همزين لان اذا رحت ويه عمتي استحي اختار وهي خطيه بره عايله بس فدوه مو تلحين ع امج كون بكت تريد تروح للسوك روح وياهة خاف اتعبه رانيا. ثول اي والله ولج امي جاسبتج مثلي حتى مرات تكلي شنو تشنرين اشتريله مثلا اكسسورات اكله زمرد ماتقبل ليش اشتري وترجعه زمرد. فدوة لعمرج حبيبتي ماتقصر امج هو بس سؤاله علية كافي رجعنه للبيت دخلت لكيت بابا كاعد يباوع ع تلفزيون بدلت واخذته للحمام نوب سويت غده بره رحت سبحت حتى يطيني طاقه للقرايه بس طلعت من الحمام رحت خليت بابا بالعربانه حتى يطلع العصر بره اريد اطلعه سمعت الباب ندك زمرد. بابا هسة اجيك بس اشوف منو بالباب بابا. روحي حبيبتي زمرد رحت وكول بكلبي شي اكيد هاي الخبلة رانيا شيصبره بعد سمعت اكو عرس فتحت الباب ووووو 😚😚😚😚😚😚😚😚😚😚😚😚😚😚😚 باي زلوشاتي حبيباتي هاي قصه كلش حلوه عجبتني حداثه قصه ماحسيت بيه شبه من القصص الباقيه شويه مختلفه اذا عجبتكم القصه صوتولي بنجوم اريد تعلكون البارت التعديل الأخير تم بواسطة لامارا ; 22-06-19 الساعة 07:24 PM | ||||
|
| |
|
22-06-19, 02:48 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت ٢ الماضي ***************** زمرد رحت ةاني امشي كلت شاي لكيد هاي رانيا شيصبره بعد سمعت عرس بالموضوع تكوم كل شويه طامز علية فتحت الباب تفاجئت كدامي ام جواد عرفت جايه علمود موضوع زواج فرحت بداخلي . سلمت عليه زمرد. تفضلي خاله ام جواد. بوجه ضايج لاشكرا عندي حجي وياج وروح زمرد. بنتباه اي تفضلي خاله كولي ام جواد. شوفي عيني ابني عوفيه بحاله زمرد. شنو خاله مافتهمتج ام جواد. بله تمثيل انتي تعرفين كلشي لاسوين نفسج فقير بس راح اكلج بالقلم العريض ابني حلمج تضحكين عليه وتاخذيه عوزه انتي تزوجيه عاف بنات ناس كلهن واجه عليج بحجه تعال قريني الله اعلم شكم واحد ضاحكه عليه طبعا لاحسيب ولارقيب ناس كله تدري بيج ميحتاج نسئل زمرد. ماتتخيلون شنو صار بيه احس عيون كامت طلع نار اريد ابجي بس ماحبيت اشوفه ضعفي حاجيته بعصبيه. تحترمين نفسج ولاتحجين ع تربيتي خوش ام جواد بستهزاء عاد هي شون تربيه الام تركتج والاب يادوب يكدر يخلي لكمه بحلكه مو نوب يربيج ماحسيت اله بابا وراي باوعتله يدفع نفسه بالكرسي عيون صايرات شرار مبين سامع كلشي بابا. احترمي نفسج شنو ماوراج زلم والقران لو مو مره رجال هيج حاجي جان فركت حلكه بنتي تسواج وتسوه عشيرتج واذا قصدج عبالج عده علاقه ويه ابنج الدثو فهوة اجه وطلب ايده وبنتي اشرف من الشرف ويله بلا مطرود بره واني عندي حجي ويه ابو جواد اشوف شنو مخلي نسوان تجي تحجي بدل عنه يله بره بره ام جواد. دردم بس اني سمعته . هه حقك بحبوب منوم تخليك ماتدري منو دخل ومنو طلع وسدت الباب وراه زمرد نقهرت يعني ناس ماخذه هيج عليه سمعه ليش لان ماعدي اهل يعني لماعدهة اهل مو شريفه ندرت ع بابا . بابا ليش عود اني وحد عن البنات هاا شنو يصير لو امي عايشه شراح ياثر ليش انته جان مصار بيك شي جان خلك رب العالمين بس انته سليم حتى محد يحجي عليه اني هيج مو شريف شنو مابين عليه مخلي ناس تحجي عليه شنو ملابسي ضيقه لو اخلي مكياج لو ضحكتي شو حتى ماعرف اضحك منكد الحزن والتعب كلي شنو بيه يخلي ناس شوفني هيج شنو يخليهم يحجون هيج بس كلي شو حتى ماعدي سوالف مراهقه كبرت صرت اكبر من عمري احس نفسي عمر ٤٠ سنه يعني شيصير اذا طبت مابقيت مكرم جان محد حجه عليه هئ هئ هئ بقيت ابجي بشهكات كعدت بالكاع منكد القهر وحركت كلبي حيل نقهرت ع نفسي شكد محافظ ع نفسي مثل الازم تحفيه جبير بيده وحلوه ومتمسك بيه بكل قوته خايف عليه تنكسر هيج حافضت ع نفسي ويجي واحد بطل سهولة يكلي انتي مو متربيه موراج احد يعني الله اعلم شنو ناس ماخذه نضره عليه . اجه بابا بلكرسي تقرب عليه حضني من راسي اني زدت بالبجي بابا. كافي بنيتي لاتقهرين نفسج ناس مقهورة منج ناس ماتحب زين تحب يمشي عكس الطريق شريف والمؤدب بهل وكت مو خوش مايراد من يحضني احس بأمان ارتاح استقر زمرد. بابا حباب خلي اخذ للخارج بلكي يكدرون يعالجوك حباب كوم والله محتاجتك بابا. بنيتي مو دكتور كال مالي علاج ولاعمليه حتى بالخارج بعد وحتى اذا كو مو ناجحه وغاليه زمرد. والله لو اعرف ابيع كلشي حتى البيت وذهب امي بس روح حباب اريدك تكوم وتسكت ناس اريدك كل يوم تلزمني من ايدي وتاخذمي للمدرسه اريد من احناج شي ماطلب من عمتي اريدك انته تاخذني بابا. ياريت بس مو ناجحه العمليه وهم البيت اذا ابيعه ميجيب تكاليف العمليه حيل غاليه كطع كلامنه دك الباب وصوت صديق بابا صديق بابا . ابو زمرد دك دك دوك ( هاي دكه الباب بيمن ذكركم) بابا. هلة بيك اجيتك دقايق زمرد. كمت دفعته فتحت الباب سلمت عليه ودخلت فتحت كتابي اقره مالي خلق اقره بس شسوي مجبورة خاف ارسب ماكو شي جديد لحد ثاني يوم كعدت من الصبح ويه اذان الفجر لان قرايه الصبح احس افتهم اكثل من الليل صارت ساعه سته كمت سويت ريوك لبابا وكومته غسلتله ودخلته حمام ابد مابينت نفسي ضايجه حسسته نسيت الموضوع زمرد. بابا انطيني ١٠ الف بابا . ليش زمرد. بعد مابقه شي وتخلص الامتحانات واكو كدامنه مكتبه بيه شغلات حلو حتى عنده اكسسوارات فحبيت اشتري منه بابا. هاج ياعمري اشتري شنو تردين بس خلي وياج تروح رانيا زمرد. اي ميخالف طلعت من البيت انتضرت رانيا تشلع كلبي اله تطلع من بيته الفلوس الخذته مو علمود اشتري بيه بس اريد انطيه لرانيا توصله لجواد تعويض عن التدريس ماريد يسوي عليه فضل او يكول فديوم قريتج بلاش اني مو فقيره حتى اخذ صدقه من الناس اول مرة اسويه واخذ مانطي بس توبه بعد مراح خلي واحد يسوي عليه فضل ماحبيت اكول لبابا ماحبيت ادوخه بهيج سالفه من ارجع اكله شويه واجتي رانيا صبحت عليه وبقت تسال ليش ضايجه بس ردنه نوصل شفت جواد يمشي ورايه جواد. زمرد زمرد اوكفي زمرد. لزمت ايد رانيا كتله يله امشي بسرعه وجريته جر وهي اطرش بزفه ماتعرف شي تباوع عليه وع جواد يركض وراي ويصيحني ستعجلت دخلت للمدرسه بعد ماكدر يدخل رانيا تتنفس بسرعه لان تعبت من السرعه رانيا . شبيج ولج ليش ماوكفتي لجواد ليش هيج ركضتي من شفتهي بس لاتكليلي جاي تبيعين ثكل عليه زمرد. ولج ياثكل امشي طالبات بدن يدخلن خلي نروح لقاعه الامتحان نكمل امتحان وكلج دخلنه للامتحان هي قبلي برحلة وبغير سره تاشرلي عود كملي بسرعه طلعت من الامتحان كعدنه بالحديقه سولفتلهة ع ام جواد رانيا. شكد حقيرة وطايحة الحض الله لايوفقه وانتي بس لابقيتي ساكته زمرد. شحجي مثل بقيت ساكته رانيا. شكد ثولة وفاهية ولج لو اني منج جان جريته من عبايته وشبعته بوكسيات ولج تحجي ع شرفي وبقه ساكته امداج اي والله مو بس مرة عشرة مرات امشي كومي حركتي كلبي زمرد. اكلج رانيا متكدرين تنطبن فلوس هاي لجواد رانيا . متفاجئ فلوس شنو زمرد. هو مو درسني بلاش فهي لفلوس اريدج تنطيه اله وتكليله هي زمرد دزتهن ورحمه الوالديك ماقصرت اخذتهن مني وكالت ميخالف خلتهن بجيب الجنطه وطلعنه نمشي بس مشينه مسافه اباوع اجه جواد عليه جواد . صبري زمرد بس خلي افهمج رانيا. خيير شرايد متكول بنات يمشن بشارع شكو تركض ورانه جواد. اريد بس احجي ويه زمرد رانيا.شتريد منه هي بدون كلشي ناس تحجي عليه عمي عوفه بحاله البنيه خلي تسلم بجلدهة ناس مترحم وامك وكده منهم زمرد. نداريت عليه . هااا خير شتريد بعد شنو عدكم حجي تره امك ماقصرت مشالله ادت الواجب وزياده جواد. والله العضيم بس عرفت تخبلت بقيت اصيح وحتى اخوني وابويه بقوة يرزلون بيه وكلهم كلوله وين اكو مثل اخلق زمرد بنيه شريف والله العضيم حتى قاطعته وطلعت من البيت تتوسل بيه وماقبل اكو واحد يزعل امه بس والله كلة علمودج زمرد. مو كل ام تحت اقدمه الجنه صفات الام تكون حنونه وكلبه طيب وخلوق مو بس ع جهالة ع كل ناش لازم يكون كلبه طيب واني يتيمه مكالت خطيه ماضلمه ماكسره بس هي اجتي وتهمتني بشياء اني مامسويته وتره هي فانمة التربيه غلط تره كومه اكو بنات نولدن بدون اهلهن وهنا قمه بالخلق وكو بنات عده اب وام واخ ان بس تلعب من وره ضهرهم جواد. والله حقج بكلشي حقج بس تذكرين اني من كتلج انتي بنضري شنو موكتلج انتي مثل الورقه البيضة خالي من شوائب زمرد. صح واني اريد هاي الورقة تبقه بيضة ماريده تتوصخ من كلام فاحسن تتركني ماكو بيناتنه نصيب اذا امك قبل لااعيش وياهة ومصاير بينه حجي جنه وعمه هيج حجت عليه الله اعلم شنو وره زواج تحجي عليه جواد. يعني بهذا حجيج ماكو امل بزواجنه رانيا . بس اكلك انته تدري بالحجي لامك حجته ابوه البلرحه راد يجيب عمامه ويجيكم يكلك بنيه بنت بيت شنو هيج ينحجي عليه شايفين عليه جان سواه عشائريه قنعناه بلكوه زمرد. مديت ايدي ع جيب جنطه رانيا وكتله. هاك خاف تكول درستج وسوي عليه منية هاي فلوس بدل تعبك وكل لامك عندج بنات خلي تخاف عليهن هم دور الدنيا ويصير بيهن مثل السوته بيه عفته ومشيت ورانيا وياي بقه ساكت ماحجه شي اول مره اجرئ وحجي هيج بس حيل قهرتني من نكالت علية ب منوم تلعبين طوبة عود قصده انطي لابويه منوم ودخل ولد امشي بعصبيه ومقلصه ايدي من العصبيه سلمت ع رانيا ودخلت جوه خم رانيا صارت نار كبره حيل تعصبت خلصت الطريق كله تغلط واسب خلصت الايام مثل كل يوم وكلت لبابا ع جواد ماحجه شي خلصت امتحانات بره فتره ستلمت نتيجه طلعت ناجحه ورانيا ناجحه اني درجاتي عاليه ورانيا هم درجاتهة حلوة بابا حيل فرحلي ودك ع عمه تاخذني للسوك اشتري شنو بنفسي لان صالي هواي مطالعه وقبل سوك تاخذني لمدينه العاب بس اني ماقبلت لان مدينه العاب كل لعبه بيه غاليه فكلت لعمه بس روح للسوك وهي كلتلي حضري نفسج العصر اجيج هي وميس لان هم نجحت هم هي ثالث وشطورة بنات عمي قليل اتواصل وياهن وكلهن اصغر مني فماعدي علاقه وياهن العصر اجتي عمتي ورحنه سوكنه هواي شغلات واني اخذ اكثر شغلات مفيده مو ابذر بالمعقول اشتري خطيه عمتي شكد تتويل بيه اخذ شغلات او تشتريلي شي بس اني ماقبل عمتي ام هيثم. ولج شكد عنوديه مو اني عمتج ليش متقبلين اشتريلج شي زمرد. لا عمه والله بابا انطاني فلوس بعد ليش انتي تصرفين من يمج ميس . ماما ماتعرفين زمرد شكد نفسهة عزيزة شكم مرة تشتريله شغلات تصر عليج اله تاخذين الفلوس هاي بعد طبعها خلي براحته ام هيثم. صدك والله من هي صغير الحاجه لي مو اله متاخذه بعد تربيه فاطمه (ام زمرد) من هي صغيرة علمته ع قناعه وعزه نفس الله يرحمه تربيته حلوة معدله زمرد وميس الله يرحمه ام هيثم. يله بنات امشن خطيه عفنه ابوج زمرد يم صديقه خاف يضوج زمرد. اي عمه بس عمه اريد محل يبيع قاصات ام هيثام . هذا كدامنه يله امشي بس شنو سوين بالقاصه ميس. ولج بس لاتردين جمعين للمدرسين الخصوصي مال سادس من هسة زمرد. لا اني زينه ماحتاج مدرس خصوصي بس اريد القاصه اجمع بيه شنو الحصله الي يزود من مصرف البيت وخلي بلقاصه حتى بلكي يطلع مبلغ ونبيع البيت وذهب امي واخذ بابا للخارج لان سئلت دكتور يكول اكو علاج بالخارج ام هيثم. باوعتلي بحنيه . فدوة اروحلج شكد تفكيرج مال كبار شكد معدله احسج شايله حمل ابوج ع ضهرج يارب يفرحج بكومه ابوج نوب اخذتني اشتريت قاصه رجعنه صايره الدنيا مغرب جاي نمشي وكو جامع بطريقنه جان توه يكول ان الله وملائكته يصلون ع نبي عمتي عده عاد لازم تفوت ع هذل جامع وتبوس بابا المحنه وتاخذ مراد منه فهم راحت يم الباب وباسته كلماته حيل اذني جانت تحجي بصوت ناصي بس كدرت اسمعه ام هيثم . يارب عليك بكلمه الله اكبر طيب اخويه وتكومه ع حيله مو لخاطر احد بس لخاطر هاي اليتيمه اريدك يارب تجبره بكومه ابوه فقيره وصغيره مكسورة وريدك تجبره بشفاء ابوهة زمرد. من سمعت كلاماته عيوني دمعت صدك مكسورة مانجبر اله بكومه بابا ع رجليه حس كلشي ماله طعم حتى من نجحت احسن فرحتي ناقصه باوعتلي ام هيثم . عمه ادعيله انتي يتيمه وربج يستجاب دعائج زمرد. حركت راسي ب اي ولزمتني من ايدي ومشينه للبيت لكينه بابا كاعد يمه صديقه اول ماشافنه ابتسم بابا. هلة بيجن ها زمردتي تونستي ام هيثم. ماقبلت تروح لمدينه الالعاب توسلت ردت ماقبلت بابا. باوع عليه بضوجه ليش بنيتي مو كتلج روحي شويه غيري جو زمرد. ماحب اجواء اللعاب بيه هوسة وصياح جهال احب افتر بسوك اكثر وعمه ماقصرت خلتني ع راحتي فرتني السوك من البدايه للنهاية مخلينه شي يعتب علينه بابا. براحتج اهم شي تتونسين دخلنه جوه وهم بابا دخل جوه لان يريد يصلي عمتي بقت ع عشا سويت تكه دجاج وصاج وهي وياي تكلي علميني ع هاي شغلت شو اني بس اسويه دجاجه مركه ميس. امي اذا تريد سوي شي جديد وعود اليوم مغيرين تشويه دجاجه وتجلي عليه كرفص هههه عود سوي لوك جديد زمرد. هههه اني سامعه السمك يخلوله كرفص مو دجاج ميس . الشيف ام هيثم غير تخيلي سوي مركه حامضه وحلوة ومالح بنفس الوقت ام هيثم. شنو جاي تضحكين عليه ولج غير مركه طرشانه هي حامضه وحلوة مالحه اني شعليه وشو دكوهة دك ياريت تعوفونه وداعتج عمه اتمنى يبقون شي يمسحون الماعين مسح واذا اكللهم طيب يكولون لا لو مو طيب ليش مابقوه زمرد. هههه عمه متعافين ام هيثم. صدك والله ماشيفين عوز وحصار جانت حصره علينه المركه والله جنه فخذ اني وعمامج سويه ناكله وهي عود احنه احسن شي بمنطقتنه بقينه نسوالف وهي سولف عن الحصار وبابا هم شاركنه بالكلام اشكر الله ماشفنه هذيج الايام ع حجيهم كلش صعبه الله لا يعيده انشالله بس الخير والفرح ع امه محمد اخر شي كملنه اكل من رادت تطلع بديت افرز غراضهن عن غراضي حتى ياخذنهن وماينسن شي وهي كاعده يمه لان بابا نام مدت ايده بين الغراض وخذت قاصتي وطلعت مجموعه فلوس من جيبه وخلتهن بالقاصه مالحكت عليه زمرد. ليش عمه والله هسة افتحه ام هيثم. حتى ازعل عليج هاي هديه نجاحج مثل مانطيت ميس انطيتج ادري بيج مرا تاخذين مني فخليتهن بالقاصه بدون ماكلج وديري بالج تفتحيه والله ازعل وياج زمرد. شكرا عمه ماتقصرين ام هيثام. ولج انتي بحساب بنتي ميس بمعزته والله احسج مثلي شبهيني هم امي وابويه تركوني واني صغيره تحملت مسؤوليه عمامج وابوج واني يرادلي واحد يتحمل مسؤوليتي صرتلهم ام واب واخت وكلشي مريت بكلشي عوز وحصار جنت اخبز بتنور طين مالوحه لان قصيره ابوج يوكف وياي اني امد الخبزه وهو ياخذه يخليه بتنور ويطلع المستويه وعمج ثاني لان اديه صغار وماعرف الف العجين يجي هو يرتبه ويلفه واذا ماعجنته زين يكمله وعمامج البقيه هم يساعدوني بكلشي خطيه يجون تعبانين من شغل وينطوني الفلوس بيدي ولحد يومج هذا ابد مانسوني كل يوم واحد يجي يسلم علية سودة عليه بس ابوج كام مايكدر يجي بس كل يوم يخابرني ةيسألني ويشوف شريد وحتى مرات احس ربج عوضني ع تعبي انطاني رجال ونعم رجال يحترمني ويقدرني ورزقني بخلفه وماشاءالله احلى عيشه عايشه ربج ماينسه عبده يازمرد ولازم فديوم يعوضج فكل هذا تعبج ربج كريم كل صبرج وخدمتج لابوج راح تكسبين شي اذا مو بدنيا بالاخرة زمرد. انشالله نكسب الجنه راحت عمتي احبه لان حنينه وكلبه طيب وتموت عليه احسة انسانه ماعده كره وغش ومتحب الحجي وجهين وكلامه يريحني تخلي عندي امل بالحياة وقوة مرت الايام مثل كل يوم وجانت فرحتي الوحيده القاصه من اخلي بيه افلوس وهزه احس بثكلهة يعني جاي تنملي جنت احرص بالمصرف حتى يزود وخلي بالقاصه بدت المدرسه وعرفت من رانيا جواد خطب من اقربه صح ضجت بس كلشي نصيب وقسمه يمكن اذا زوجته مارتاح وياه وره شهرين زوج تسريع الاحداث لصف سادس علمي اي دخلت علمي لان احب الاحياء عشق وخاصه بثالث بدت علاقت حبنه شديت حيلي بهاي السنه لان جان عندي اصرار اصير دكتورة اسنان او صيدله ورانيا حبيبتي شدت حيله لان تريد نبقه سوه حتى نفس الكليه ماردنه نتفرق بدينه نقره بالعطله مال الخامس وشغلت صعبة نعوفه وهي دخلت مدرس خصوصي بالعلطة تجي العصر تفهمني الصعب لان اني ماكدرت ادخل لان الخصوصي حيل غالين ماكدر ادخل بس انطتني فكره رانيا رانيا. زمرد. عود ليش ماجيبين موبايل وتابعين مدرسين يدرسون ع اليوتيوب بس لازم جيبين راوتر زمرد. لعد اكل لبابا وشوف يقبل حتى اسويه رحت كلت لبابا وكلي من عيوني تساهلين بره يومين جان طالع بره هو وصديقه شويه اجه بالكرسي بنيتي دخلي جوه اجه ولد يسوي شبكه الانترنت دخلت بالغرفه وكمت اكمز فرحانه لان رانيا سولفتلي ع اليوتيوب كومه بيه شغلت يعني عالم ثاني بره ساعات الولد خلص وكال هذا رمز شبكه اسمعه يعلم بابا ويكله هيج دخله وهذا تنزل سوق بلي هو كلشي تريد بيه راح الولد طلعت لكيت بابا طالع بابا ويه الولد وعايف ع الدرجه كارتونه مال موبايل جهاز يخبل لونه ابيض اجه بابا بابا. ها شفتي هذا موبايل هدية الج قبل النجاح حتى اسويلج واهسة وهدية النجاح مفاجئ حيل جبير زمرد. شكرا بابا . بس مو انته راح تفاجئني من انجح لا اني محضرتلك مفاجئة بعطلة السادس انشالله اخذك وسافر اسويلك عملية وخليك تكوم ع حيلك الله شكد حلو تكول وتمشي احلى هدية بابا. عيون دمعت وباسني من راسي الله لايرحمني من طيبتج وحنيتج يازمردتي بقيت اكلب بالموبايل ونزلت يوتيوب بس نزل طلعت كومه مدرسين انواع شنو اريد موجود اني اضحك عبالك مدرس واكف كدامك يشرحك شرح مفصل وبابا فرحان ع فرحتي بابا. اكلج بابا هذا موبايلي مايصير بيه شو صاري واهس زمرد. ههه خطيه منيله هذا بس ادخل الرمز بيه ينجلط بابا. ههه صدك والله يصير بيه صرع بس لعد كل واحد اله ساعه نقص بينه الوقت خوش زمرد. هههه الساعه بالف بابا. اي عمي حقج مو جايبته من فلوس ابوج هو منو جابه الج زمرد. هااا خوش اني وكت نومتي اخذه مني خوش وكت الدوام بابا. اي خوش لعد نزليلي هذا الفيس يكولون كله بنات زمرد. ها بابا بدينه لعد ماكو موبايل تريد صادق بقيت اشاقه وياه ونضحك نوب كمت اطلع كل دروس اقره كلش حلو افتهمت كل المواضيع ورانيا صعد مستواهة لان هم شاده حيله صارت نصف السنه الامتحانات كلش صعبه بس نجحنه ودرجات حلوة وحتى بكته اكثر الطالبات طلعت كمال عطلنه بس خلصناهة كله قراية ماعرفنه اسم العطله ورانيا خطيه تبهذلت لان نهار كله بالمدرسين الخصوصين صارت ماصولة من تعب واني بابا سوده علية كل شويه يدز جاهل من شارع يكله حيبله حلويات وعصير زبيب يمكن خمس مرات اشربه وهم طالب من عمتي جيب جوز الي دازه يمكن خمس كيلوات جايبه هو منطيه فلوس كل يوم يطلع مجموعه ونتكابل نكسر وناكل وهو هم ع الواهس وياي صدك سوالي اجواء حلوة للدراسة وحبيبي من تجي رانيا يشتريله وياي وينطيه جوز يكله يفيدج حتى صيرين ذكيه حيل تعبنه من الدراسه واني مو بس دراسه وبابا هم لان هل ايام جاي يكثر دخوله اللتواليت كلت لازم سكر بيه خلل قسته طلع معلك متت من الخوف العصر اخذته للدكتور وكال لازم ننطيه ابر انسولين وحالته جاي تسواء يوم وره يوم بس هو من خارج مابيه شي بس جسمه من داخل جاي يتعب وسكر راح ياذيه اكثر تعلمت اضربه انسولين وداريته اكثر من قبل وهم دراستي من جهة بس جان كل يوم يمر اكول راح تجي العطلة ونسافر كمت اعد الايام يوم يوم ب امل اخذ وسافر رجعت من الماضي ودموعي ع اخدودي وابني غافي بحضني باي زلوشاتي التعديل الأخير تم بواسطة لامارا ; 23-06-19 الساعة 12:51 AM | ||||
|
| |
|
22-06-19, 02:51 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 3 **************** زمرد بست ابني بخده وشلته ع فراشة تمددت ع فراشي اليوم الذاكر ماتريد تتركني معانده كل شويه تخليني اذكر شي كمت مشيت بالبيت رحت ع كرسي بابا المتحرك كعدت عليه وحضنت اليدات الي بابا يخلي ايده عليهن ورجعت بذاكره المؤلمه وكلي حزن زمرد والماضي كمت مالحك حيل تعبت دراسة وبابا من جهة رحت لمديرة المدرسة اول مرة اطلب من احد وخاصه بالمدرسة محد يعرف عني شي بس يتيمه بس محد يعرف ابوية مريض دخلت الادارة رحت ع غرفة المديرة لكيت كاعدن يمه العاونة زمرد. سلام عليكم المدير والمعاونة. وعليكم سلام زمرد. ست بس ممكن احجي وياج المديرة. اي تفضلي بنتي كولي تعاي كعدي ماما زمرد وحجي شنو تردين زمرد. كعدت واني اعصر بدية مرتبكه . ست ممكن اطلب منج طلب المديرة. اي كولي بنتي . والمعاونه ركزت علية لان مبين عندي موضوع مهم زمرد. كعدت ع كرسي ماعرف شنو احجي وعصر بديه من الخجل .انتي ست تعرفين اني يتيمه امي متوفيه واخوية هم وياه توفه بس ماحبيت اكوللكم عن ابوية لنشل نص جسمه بقيت اداري بيه من اول متوسط لحد يومنه هذا 😢 بس بهاي الفترة كمت ماكدر اتركه صعب اتركه بالبيت وحده سكر مالته جاي يصعد وحالته جاي سواء فكلت بس اكمل امتحانات اخذ اسافر بيه للخارج بلكي الكاله علاج بالخارج المديرة دنكت راسه وعيونه لمعت المعاونه . شنو بنتي ماعندج عمام خوال زمرد. اهل امي كطعوا من موته امي ونصهم مسافرين وتمامي يجون يمرون بس كل فتره يعني بسبوع مر مرتين بزايد بس عمتي تمر علية كل مره بس ما تسوي شي لان بابا يستحي من كل احد وخاصه عمتي بس اني يتقبلني لان تعود علية المديره. اجتي باستني من راسي بنتي شنو تردين اني حاضرن من ربع للعشرة ملاين بس طلبي زمرد. شكرا ست الحمدلله اني ماريد فلوس بس اريد اطلب اجازة من الدوام يعني بس امتحان وطلع المديرة. وشون ماما تفهمين غير مدرسات يشرحن وانتي حرامات حيل شاطرة حتى عندي بيج امل وبكم طالبه ترفعن راسي بمعدل عالي خاف هذا شي ياثر ع امتحاناتج زمرد. ست اني اوعدج راح اطلع معدل عالي والله وحتى تدريس ماحتاج ولامدرس خصوصي عندي موبايل جاي اطلع منه ودرس وجاي افتهم المعاونة . ست زمرد شاطرة وتستاهل اني اكول انطيه فرصة خطية هي بحاجه واحد يوكف وياهة المديرة. هاي هي بعد راح اخليج تجين بس للامتحان وطلعين وهو مابقه بس عدكم ٦ امتحانات وره تبدي مراجعه مومهمة المراجعه بس شنو اسوي راح اطلب من المدرسات يسولج الامتحان يوم وره يوم حتى كلشي تكملين من وكت وتكعدين وهاي عتبريه هدية من هسة مال نجاح والمعدل اريده العالي خوش زمرد زمرد. انشالله ست اخذتني المعاونه طلبت منهن يسولي امتحان يعرفن شنو سبببس هي تحججت انو ريده تكعد قبل اربعين يوم لان طالب شاطرة وحتى تكعد من وكت تقره زين هنا ماصدكن بس مايكدرن يحجن رحت للبيت لكيت بابا نايم سودة علية بس سمع صوت بالبيت كعد بابا. منو هنا زمرد. بابا اني بابا. شجابج مو عندج دوام سولفتله ع صار ضاج حيل بابا. راح يضيع مستقبلج بسببي ليش هيج جاي سوين قابل اني شعلية اذا بقيت وحدي واذا صار شي ادك عليج زمرد. بابا شلون ماعليك شي لازم ابقه متابعتك وكل شويه اقيس سكر مالتك خاف يصعد وتكول عمتي تجيك علما تدك عليه وبيته بعيد مفول السكر مالتك بابا. وشلون بله تضيعين مستقبلج علمودي زمرد. مايضيع هسة راح اكبلك وكعد وجيب كتبي اقره اضرب عصفورين بحجر يمعود بس لاتتعصب وداعتك اصلان يمك يصيرلي واهس للقرايه وباوعت يم جربايته اكو كومدي يضم بيه جوز اكلك بابا ماكو جوز بابا. مد ايده فتح الكومدي طلعلي جوز والله الة اخليج شردين مني راح اسبيج سبايه بس اشوفج كاعده اكلج اقري حتى من سبحين دخلين الكتاب وياج زمرد. هههه اني هم مرات افكر ادخله بس اخاف يتبلل بابا . لا خلي بعلاكه شفافه وهو مايتبلل زمرد. اجرب يمكن اجواء حلو وبسرعه افهم بابا. اي وتنشر يكوم طلاب يكول اني راح اروح اقره بالحمام يمه وخوه يكله لا اني اريد اقره بالحمام وصير مالخ ع حمام زمرد. هههه ترة بابا خوش فكر مو المغني يكول اول مابديت اغني بالحمام يمكن بيه سر مكنون بابا.هههه ع طاري الحمام نحصرت زمرد. ههههه يله هم اريد اسبحك بابا. اوكي شلته خليته بالعربانه من دخلته بالحمام جاي اليفله درت ع ضهر باوع ع ضهرة صاير ازرك ماعرف شون اوصفلكم شكله بس شي غريب وكعت دموعي حيل خفت بس ماخليته يحس بيه للعصر كتله بابا امشي روح للدكتور بابا. ليش يمعوده والله مابيه شي زمرد. هو كال لازم تجوني بهيج موعد بابا. والله مليت من دكاترة يابابا زمرد. شنة نسوي ياعمري هم يمهم العلاجك قبل روح واني كلبي نار من الخوف علية اريد بس اوصل للدكتور اخذته للدكتور لاكني عمي ع درج هو مكان دكتور عباره عن عمارة كله دكاتره هو زين اول طابق اول ماصعدت الدرج شفت عمي هو وابنه اسنانه توجع سلم علينه سلام الغربه والله حتى صديق بابا هم اذا ملاكيني ميعوفنه ويروح هو ولاعبالك اخوه بس كلف نفسة محتاجين شي فلوس اني كتله لا شكرا عمو رحت منه دخلنه ع دكتور قبلنه كم واحد خليت بابا كاعد وكتله زمرد. راح اطلب من دكتور يدخلنه بسرعه حتى ارجع بسرعه وقره بابا. اي دخليله هو يعرفنه زمرد اني جذب مو علمود ادخل بسرعه بس ردت اكل دكتور ع الشي شفته بضهرة وماريد يعرف خاف سواء حالته لان من كله بيك سكر بقه كم يوم حيل مقهور دكيت الباب كال تفضل دخلت يمه واحد جاي يشكيله حالته من شافني عرفني بسرعه سلم عليه وتفاجئ عباله جاية وحدي دكتور. هلة بنتي شلونج ابوج شلونه شو مجايبته هل مرة وياج زمرد. لا دكتور موجود بره بس اجيت قبله ماريد يعرف بالحجي دكتور. بستغراب اي كولي بنتي زمر. بابا. اليوم انتبهت بضهرة زراك هيج شي غريب لكعه واني مصالي يومين من شفت ضهرة كلشي مابيه دكتور. حرك راسه بضوجه اي بنتي شنو تتوقعين واحد نهار كله نايم واذا كام يكعد ع كرسي بكل الحالات ضهرة تعب من نوم يعني جاي ميتحمل بس هسة ماكلج شي اله اشوف ضهرة خاف مضروب فدشي بسيط زمرد. بس فدوة من نحجي بهذا الموضوع كدامه عود راح اكلك حباية بضهرة لكيت ماريد اخوفه دكتور . اي من عيني هسة دخلون وره هذا المريض زمرد. شكرا دكتور رحت كعدت يم بابا سئةني ليش تاخرت يم دكتور كتله مو يمه واحد ماكدرت اقاطعهم بره شوية طلع المريض دخلت اني وبابا بقه يفحصه ويسأله نوب اني كتله دكتور حبايه اكو بضهر بابا بس ممكن تشوفه كال اي عادي بابا. هاي شنو الحبايه والله عرفتج كل هاي الهوسة وجايبتني للدكتور علمود هاي الحبايه والله يا زمرد هسة تلكيه حب شياب دكتور. ههه بعد بنيه تخاف من كلشي يحجي وياه ورفع بلوزه باوع وهز راسة بخيبه امل نوب بسرعه حجه لاشي بسيط حباية بسيطه اني عرفت من كلامه ميريد يضوج بابا بابا. مو كتلك شي بسيط بس هي حيل دقق دكتور. البنيه دائما صير حنينه وماتتحمل بابا. اي حبيتي شلعت كلبه دكتور. الله يفرحك بنجاحه وتفوقه هسة راح اكتبلك ع تحاليل وعلاج وهم علاج لهاي الحبايه لان انته عندك سكر خاف تكبر عاد اتلحكه قبل لاتكبر زمرد. اخذت بابا سويتله تحاليل وطلع زينات هم صاعدات بس مو درجه عالية شي بسيط كتله بابا ابقه هنا اني اروح اشوف الدكتور العلاج واجيك كلي روحي بنيتي زمرد. نا دكتور شنو هذا بضنر بابا دكتور. بنتي هاي مثل ماكتلج هذا شي صار بيه من كثر نوم شون نوكل ضهرة زمرد. يعني شي خطر دكتور. اي اذا زاد شي خطر وهو عنده سكر فصعب يطيب زمرد. دمعت عيوني بس ماخليتهن ينزلن دكتور شنو الحل دكتور. هذا علاج انطيتج تستمرين عليه بس ملجذب عليج مراح يجيب فايده والله اني انطيتج اياه خاف تكليلي ليش مانطيتنياه لان وجود مثل عدمه ابوج حالته كلش جاي تتعب يوم عن يوم جاي يتعب حتى تحاليل تعبانه مالته زمرد. مو نازلت احسن من هذيج المره دكتور. زمرد بنتي تره جاي تنطي علاج كومه بيه سته انواع باليوم يعني كم حبايه يشرب حتى من سويتله سونر قالونه هايج من وره الادويه زمرد. والله هسة اني كملت كلشي جواز وحضرت كلشي وهسة اخذه وروح وحتى اعوف دراستي دكتور. بنتي والله ماكو فايده تروحين تبهذليه وتصرفون فلوس بدون فايده انتوا غلطكم من اول مرة جان اخذتوه زمرد. جنت صغيرة ماعرف شي وماكو احد كلي يله اني اخه من اخونه دكتور هسة يعني شنو الحل لبابا شون نعالجه دكتور. زمرد رحمه ربج جبيره خلي بيد ربج هو يلكاله حل مانصحج بعمليه ابد مدام عنده سكر صعب تنجح العمليه زمرد. هزيت راسي بيأس وكتله شكرا دكتور طلعت لكيته ملتهي يسولف ويه رجال بعمره مانتبهلي بقيت كاعده يمه كلت خلي شويه يغير بلكي من يحجي ويه ناس ترتاح نفسيته بقيت اعصر بديه وافكر اشتقت لأبي🤗😢👴 لن يرجع أبداً 🙅♀️🚶♂️ ولن يأتي مثله أحداً..🤦♀️👤 إذا كانت الأمومة هي الحنان.🤰👩👧 فالأبوة هي الأمان🙇♀️👴😿 75;وعت يم جربايته اكو كومدي يضم بيه جوز اكلك بابا ماكو جوز بابا. مد ايده فتح الكومدي طلعلي جوز والله الة اخليج شردين مني راح اسبيج سبايه بس اشوفج كاعده اكلج اقري حتى من سبحين دخلين الكتاب وياج زمرد. هههه اني هم مرات افكر ادخله بس اخاف يتبلل بابا . لا خلي بعلاكه شفافه وهو مايتبلل زمرد. اجرب يمكن اجواء حلو وبسرعه افهم بابا. اي وتنشر يكوم طلاب يكول اني راح اروح اقره بالحمام يمه وخوه يكله لا اني اريد اقره بالحمام وصير مالخ ع حمام زمرد. هههه ترة بابا خوش فكر مو المغني يكول اول مابديت اغني بالحمام يمكن بيه سر مكنون بابا.هههه ع طاري الحمام نحصرت زمرد. ههههه يله هم اريد اسبحك بابا. اوكي شلته خليته بالعربانه من دخلته بالحمام جاي اليفله درت ع ضهر باوع ع ضهرة صاير ازرك ماعرف شون اوصفلكم شكله بس شي غريب وكعت دموعي حيل خفت بس ماخليته يحس بيه للعصر كتله بابا امشي روح للدكتور بابا. ليش يمعوده والله مابيه شي زمرد. هو كال لازم تجوني بهيج موعد بابا. والله مليت من دكاترة يابابا زمرد. شنة نسوي ياعمري هم يمهم العلاجك قبل روح واني كلبي نار من الخوف علية اريد بس اوصل للدكتور اخذته للدكتور لاكني عمي ع درج هو مكان دكتور عباره عن عمارة كله دكاتره هو زين اول طابق اول ماصعدت الدرج شفت عمي هو وابنه اسنانه توجع سلم علينه سلام الغربه والله حتى صديق بابا هم اذا ملاكيني ميعوفنه ويروح هو ولاعبالك اخوه بس كلف نفسة محتاجين شي فلوس اني كتله لا شكرا عمو رحت منه دخلنه ع دكتور قبلنه كم واحد خليت بابا كاعد وكتله زمرد. راح اطلب من دكتور يدخلنه بسرعه حتى ارجع بسرعه وقره بابا. اي دخليله هو يعرفنه زمرد اني جذب مو علمود ادخل بسرعه بس ردت اكل دكتور ع الشي شفته بضهرة وماريد يعرف خاف سواء حالته لان من كله بيك سكر بقه كم يوم حيل مقهور دكيت الباب كال تفضل دخلت يمه واحد جاي يشكيله حالته من شافني عرفني بسرعه سلم عليه وتفاجئ عباله جاية وحدي دكتور. هلة بنتي شلونج ابوج شلونه شو مجايبته هل مرة وياج زمرد. لا دكتور موجود بره بس اجيت قبله ماريد يعرف بالحجي دكتور. بستغراب اي كولي بنتي زمر. بابا. اليوم انتبهت بضهرة زراك هيج شي غريب لكعه واني مصالي يومين من شفت ضهرة كلشي مابيه دكتور. حرك راسه بضوجه اي بنتي شنو تتوقعين واحد نهار كله نايم واذا كام يكعد ع كرسي بكل الحالات ضهرة تعب من نوم يعني جاي ميتحمل بس هسة ماكلج شي اله اشوف ضهرة خاف مضروب فدشي بسيط زمرد. بس فدوة من نحجي بهذا الموضوع كدامه عود راح اكلك حباية بضهرة لكيت ماريد اخوفه دكتور . اي من عيني هسة دخلون وره هذا المريض زمرد. شكرا دكتور رحت كعدت يم بابا سئةني ليش تاخرت يم دكتور كتله مو يمه واحد ماكدرت اقاطعهم بره شوية طلع المريض دخلت اني وبابا بقه يفحصه ويسأله نوب اني كتله دكتور حبايه اكو بضهر بابا بس ممكن تشوفه كال اي عادي بابا. هاي شنو الحبايه والله عرفتج كل هاي الهوسة وجايبتني للدكتور علمود هاي الحبايه والله يا زمرد هسة تلكيه حب شياب دكتور. ههه بعد بنيه تخاف من كلشي يحجي وياه ورفع بلوزه باوع وهز راسة بخيبه امل نوب بسرعه حجه لاشي بسيط حباية بسيطه اني عرفت من كلامه ميريد يضوج بابا بابا. مو كتلك شي بسيط بس هي حيل دقق دكتور. البنيه دائما صير حنينه وماتتحمل بابا. اي حبيتي شلعت كلبه دكتور. الله يفرحك بنجاحه وتفوقه هسة راح اكتبلك ع تحاليل وعلاج وهم علاج لهاي الحبايه لان انته عندك سكر خاف تكبر عاد اتلحكه قبل لاتكبر زمرد. اخذت بابا سويتله تحاليل وطلع زينات هم صاعدات بس مو درجه عالية شي بسيط كتله بابا ابقه هنا اني اروح اشوف الدكتور العلاج واجيك كلي روحي بنيتي زمرد. نا دكتور شنو هذا بضنر بابا دكتور. بنتي هاي مثل ماكتلج هذا شي صار بيه من كثر نوم شون نوكل ضهرة زمرد. يعني شي خطر دكتور. اي اذا زاد شي خطر وهو عنده سكر فصعب يطيب زمرد. دمعت عيوني بس ماخليتهن ينزلن دكتور شنو الحل دكتور. هذا علاج انطيتج تستمرين عليه بس ملجذب عليج مراح يجيب فايده والله اني انطيتج اياه خاف تكليلي ليش مانطيتنياه لان وجود مثل عدمه ابوج حالته كلش جاي تتعب يوم عن يوم جاي يتعب حتى تحاليل تعبانه مالته زمرد. مو نازلت احسن من هذيج المره دكتور. زمرد بنتي تره جاي تنطي علاج كومه بيه سته انواع باليوم يعني كم حبايه يشرب حتى من سويتله سونر قالونه هايج من وره الادويه زمرد. والله هسة اني كملت كلشي جواز وحضرت كلشي وهسة اخذه وروح وحتى اعوف دراستي دكتور. بنتي والله ماكو فايده تروحين تبهذليه وتصرفون فلوس بدون فايده انتوا غلطكم من اول مرة جان اخذتوه زمرد. جنت صغيرة ماعرف شي وماكو احد كلي يله اني اخه من اخونه دكتور هسة يعني شنو الحل لبابا شون نعالجه دكتور. زمرد رحمه ربج جبيره خلي بيد ربج هو يلكاله حل مانصحج بعمليه ابد مدام عنده سكر صعب تنجح العمليه زمرد. هزيت راسي بيأس وكتله شكرا دكتور طلعت لكيته ملتهي يسولف ويه رجال بعمره مانتبهلي بقيت كاعده يمه كلت خلي شويه يغير بلكي من يحجي ويه ناس ترتاح نفسيته بقيت اعصر بديه وافكر شسوي شويه كلي يله بابا امشي مرات الايام اني اروح بس للامتحان ورجع وبابا ادهن ضهرة وجاي يزيد يوم عن يوم وسكر عالي اضرب بالنسولين وماكو فايده اذا يريد ينزل بزايد ينزله ٥ درجات يعني هي والمامو سوه خلصت عطله اربعين يوم بدت الامتحانات وطلبت من عمتي تبقه يمه اذا اني بالامتحان وتروح بس اجي بديت امتحان ورانيا تكلي اثنينه كون نجيب نفس المعدل ماريد نفترق وصدك نجاوب سوه وحتى مرات اذا سؤال عليه صعب دكلي تركيه حتى ماتعله درجتي عليه واني هم اتركه وهواي حبيبتي ساعدتني تجي تنطيني شغلات المهمة المدرسين الخصوصيين يأشرون عليه واكثره اجتي شويه الامتحانات عدلت مزاجي لان بسنه مالتنه جانت الاسئله كلش سهلة حتى المدرسين يسولفون بهاي السنه ع سهولة الاسئلة اني ابتسم وكول رب العالمين ماينسه عبده حسيت هذا شي من رب العالمين هدية ع تعبي مابقه بس عندي امتحان واحد رجعت اني ورانيا نسوالف شنو نسوي بالعطله وبعد بس امتحان ونتحرر وهي متخبله ع كليه واني ماجذب عليكم هم متحمسة احسه شي حلو وعالم ثاني بقت تسولف واني تركت سالفه سفر بابا لان اخذته اكثر من دكتور كله مانصحت بسفره دخلت للبيت لكيت البيت فارغ ماكو لا عمتي ولا بابا رحت بسرعه دكيت ع عمتي جاوبت زمرد. الو عمه وينكم شكو شنو صار وين بابا (ماعرف شنو احجي ) عمتي. بحزن حبيبتي ابوج تخربط عندي دكيت ع عمامج وهسة احنه بالمستشفى زمرد. شبيه بابا عمه عليج الله مابيه شي مو عمتي. شويه عمه حالته تعبانه طلع صاعد ضغطه وسكر واصله درجه حيل عاليه وهسة هو فاقد ودكاترة خلوله مغذي وهسة ع الله مخليه بلكي ينزل سكر سديته منه بقيت كاعده الوب شويه وصلني خبر محزن الي دمرني الي من وراه ماشفت شنو الفرح دموعي اريده تنزل ماكو جمدت كعدت بزاويه الغرفه مقابيل سرير بابا لملمت نفسي بس عيوني تباوع ع مكان بيه مو بس ذكريات بيه الم وحزن وبعد غيابه ذل اجني نسوان عمي دخلن كعدن كبالي يبجن ويتلاطمن واني ع كعدتي اجتي ام رانيا ورانيا وجوارين كله واني ع نفس نضرتي ع جربايه شويه كالن نسوان خلي نشيل الجربايه حتى يصير مكان للناس من شفتهن شالنه واني عيوني كامت تجاره ودك ع رجليه جاتي رانيا حضنتني كومتني لغير غرفه شويه وجتي عمتي تبجي دخلت عليه ولج راح ولج لحد اخر نفس بيه يصيح بسمج ولج فاقد الوعي ويهذي بزمرد راح لهذيج الترابه بعد شيرجعه راح هيبتج يازمرد راحوا اهلج زمرد. اااااااه ااااااخ يابه ليش اخذوه ليش مخلوني اشوفه شكد كلوبهم قاسيه الله لايوفقكم ماخليتوني اودعه بقيت مكابله عمتي لحد ما تعبنه بعد مابينه صواتنه راحت بدت ناس تجمع وسو جادر ونسوان كومه واني عازله نفسي بغرفه وحدي جاتي جيرانه ملايه وقرت مال باسم الكربلائي يمه ليش الي نحبهم كمت اصرخ اي ولج يمه ليش عفتيني بهذا الهم بيومه كتلج خليني اروح وياج ماقبلتي ليش يمه جان هسة بحضنج اني ولا هذا الهم يمه تركتيني صغير بهم جبير اشتقت لأب🤗😢👴 لن يرجع أبداً 🙅♀️🚶♂️ ولن يأتي مثله أحداً..🤦♀️👤 إذا كانت الأمومة هي الحنان.🤰👩👧 فالأبوة هي الأمان🙇♀️👴😿 الحاضر زمرد كمت من كرسي بابا الي مليته دموع وذكرت عمتي من كعدتني من صبح وكلتلي ماكو دكومين هسة للامتحان لان اني ردت اتركه بس هي اخذتني بيدهة ويه رانيا واني كلشي ماقريه بس كالته احسن ماتركي عاد بس نجاح دخلت للامتحان احل ومخنوكه دمعه بطرف عيني لحد ماجتي مديره هي ماتعرفني من غير مدرسه المديره. ليش لابسه اسود لازم اخر امتحان تخالفن زمرد. بحزن ست مو ابويه البارحه توفه المدرسات بقن يباوعن علية والطالبات باوعلي ونقهرن لان هنا كلهن صديقاتي المديرة . بخجل اسفه ماما مادري عذريني بقيه بحياتج وليش امتحانتي جان اجلتي زمرد. خاف بدور ثاني تجي اسئله صعبه عاد هسة امتحان وجاوب لكدر علية المديرة . عاد كدرتي تقرين زمرد. لا ست ع قرايه الاربعين يوم بس اني مسيطره ع الماده بس جان لازم اراجع مديره انشالله تكون اجبوبتج كله صحيحه بنتي اخر الاحزان وراحت اخذت المدرسات ع صفحه تحاجيهن بصوت ناصي مبين تكلهن ساعدنه نوب اجتي يم طالبه اول رحله وسئلته وطالبه جاوبته بصوت كدرت اسمعه الطالبه. اي ست كلش شاطره جانت عدنه اشطر طالبه المديره رجعت حاجت المدرسات وطلعت وره شويه اجتي وحده من المدرسات عليه المدرسه . ماما تحاجين مساعده زمرد . لا ست شكرا المدرسه. حبيبتي كولي شتريدين كولي حرمات ضيع عليج درجه وانتي مبين عليج شاطره زمرد. لا ست اسئله سهلة بس راح اتاخر لان افكاري مجاي تجمع عقلي مشوش المدرسة . ع راحتج وقت عندج وانطيج ساعه فوكه ابد لاتفكرين بشي بس فكري بنجاحج كملت الامتحان وحده باوعت ع دفتري لكته مو فارغ مملي حل ابتسمت الي المدرسه. الله يعوضج ابتسمت اله وطلعت شايفين واحد يضحك وداخله حزين ماعرف شون اوصفه بس شخص اكو غصه بداخله وتريد جامل نوب تصعد الغصه بزايد كمت ماكدر احجي اخاف يطلع بجي مو كلام مرات ايام الفاتحه بحزن وبجي عمتي بقت يمي تبات وميس مرات ورانيا هم كم مرة باتت يمي لان اني من نوع خوافه وخلصت اربعين ابويه لحد يوم استلمت نتيجه جان معدل كلش حلو جان ٩٠ بكته اكد ادخل صيدله ورانيا ٩٢ هم صيدله وميس ٨٥ ادبي اني تمنيت بابا هسة وياي جان احتار شيسوي كمت دموعي صب بقن البنات يحاولن يسكتني وعمتي دخلت بحزن وقهر تبجي وتباركلنه من راحت رانيا كالت عمتي عندي وياج موضوع كتله اي عمه اكولي توقعت ع انو شلون ابقه وحدي ام هيثم . بنتي انتي راح تبقين وحدج اني مو دايما الج وانتي بنيه ماسلمتي من كلام ناس من جان ابوج يمج مو نوب هسة وحدج فكلت احسن حل اخطبج لابني هيثم انتضروني بارت جديد بنات القاري قصصي راح يكلي هم نفس كل قصه هم زهراء ابوه مات ولمار ابوهة مات يعني اكو تشابه قوي بالقصه من هذا جانب اني والله مالي دخل هاي القصتين اصرن عليه اله انشر هذا البارت كتلهم اختصر او اسوي شي بسيط بس هنا ماقبلن وخاصه زمرد اصرت لان تحس ابوه جان شكد شخص ضعيف يادوب يكدر يحرك نفسه بس اله اهمية جان بحياته راح بالبارتات الجايه تتمنى لو باقي بس نفس حتى لو مايتحرك بس المهم يمه انشالله راح تشوفوان احداث تكون جديده عن القصتين مالتي اني عجبني احداثه لان راح تحجي عن شي كلش مهم بمجتمعنه هواي بنات عانت منه وانتشر بالفترة الاخير بكثرة 🍊🍊🍊🍊🍋 باي التعديل الأخير تم بواسطة لامارا ; 23-06-19 الساعة 01:01 AM | ||||
|
| |
|
22-06-19, 02:52 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 4 **************** ام هيثم . ابنيتي هيثم متخرج وشاب مرتب وراح تصيرين قريبه مني حتى امن عليج يمي لاابقه افكر بيج ولا شيل همج كدام عيني زمرد. عمه ابويه مصاله كم شهر من مات ابد مو وكتهة ام هيثم .صح كلامج بس عمه انتي بنيه شابه صغيرة بعدج وناس ماترحمج اذا بقيتي وحدج فاحسن نستعجل بالعرس واحنا مراح نسوي هوسة وخبصه بس شي بسيط بس نشهر زواج شكلتي عمه عاجبج تريدين ابني اني ماريد اجبرج ابوج جان ابد مايجبرج ع شي وهسة اني هم ماجبرج او اصر عليج تكليلي لاماريد زواج انهي الموضوع واجكلج براحتج زمرد ماعرف بقيت محتارة بكلام عمتي ماعرفت شكله. عمه هيثم خاف انتي جابرته علية ع ابو بنت خالك وبقت وحده محد اله ام هيثام.لا والله ابد ماجبرته قتبل هو جاهل اني بس فتحت الموضوع ويه ابوهم وعمج ابو هيثم كلش فرح من كتله كال مالكه مثل زمرد بعد تربيه ابو زمرد ونعم التربيه وفتحت الموضوع ويه هيثم شو خذا غتح حلكه سبعه مترات بس عود مايبين وكال هيثم.اي يمه مابيه شي بنت خالي اخذه احسن من الغريبه وهي مناقصه حلوة وشاطرة وام بيت من كلهن ام هيثم. يعني هاي هي مو تكول جبرتيني وكتيلي اخذ بنت خالك بس اني كلت ليش تروح للغريب عاد الك وانته بعد استحقيت زواج الحمدلله شغل عندك وخريج ومناقصك شي حلو تخبل ومعدل ميس. من حماد العروس امه وخالته جاي تمدح بيه وترجع ليورة كافي حسستيني جاي تحجين عن هيثم يوسف مو هيثم اخوية يمه كلمي وكولي صوته حلو يحب المطر ويغني احباب الروح ام هيثم. سكتي ام خشم العوج (كلمه تضغط بيه المقابل وكلش تغث حتى لو جان خشمك فصمه) هااا عمه شو سكته زمرد. ماعرف شنو احجي تفاجئت بالموضوع عادي افكر وبليل انطيج خبر ام هيثم .براحتج ابد لا ضغطين ع نفسج لان زواج مو اجبار انتي بنيه بالغه وتكدرين تحددين مصيرج زمرد عمتي بقت يمنه اني وميس تبات يمنه بقيت افكر بالموضوع زمرد نهايه كل بنيه زواج واني بهذا ضرفي افضلي ازوج لان شكم يوم وعمتي بعد متكدر تجي تبقه يمي وميس تلتهي بكليته وابقه وحدي عاد ازوج رجال يامن حياتي وخاصه بهذا وقت المرة بوحده متكدر تعيش ناس تاكله اكل مترحمه وهيثم شاب مرتب وحباب صح اني قليل شايفته وبس بينه سلام بس مبين من شكله ولد خلوق شكله مثل كل شباب العراقين ملامحه عاديه مرتب بس ماتم موافق اله شرط وهو دراستي ابد ماتنازل عنه مهما كان بقينه نسوي عشا اني وميس وعمتي كاعده تباوع ع تلفزيون كملنه عشا وجينه كعدنه يمه شويه فتحت الموضوع ام هيثم. ها يمه شنو قرارج زمرد. بخجل عمه اني ماعندي مانع بس عندي شرط ام هيثم. اي كولي زمرد. اريد اكمل دراسه يعني هو يقبل اكمل دراسه ام هيثم. مابيه شي هذا مستقبلج واني هم راح ادك عليه كدامج وشوف شنو يكول دكت عليه فتحت ميكرفون هيثم. هلو يمه شلونج ام هيثم. هلة بيك انته شلونك هيثم. بخير شلونهن ميس وزمرد ام هيثم. ابتسمت بخير زينات ميس. من شوكت تسال عليه بس كول حجه حتى تسأل ع بعض ناس اني صرت دم مدنكه راسي ومسوية نفسي اكل هيثم. ميس المحاميه ام لسان سكتي ام هيثم. كافي سكتي خلي احجي وية اخوج يمه هيثم زمرد موافقه بس تكول اكمل دراسه من ازوج هيثم. اي ميخالف مابيه شي ام هيثم. صلوات يمه شايفين كل خير هيثم. شكرا يمه يله اني اروح بعدين اخابرج ام هيثم. الله وياك يمه سدته منه وباوعتلي مبروك بنيتي ماعرف شون اوصف فرحتي ااخ ياخوية لو موجود جان تلكيه هسة طاير من الفرحه زمرد. وكعت دموعي بكلبي احجي كلشي باهت ماله معنه حتى هذا زواج هيج وافقت شسوي مالي احد خلصت عمري مالي احد تنازلت عن هواي شغلت بسبب مالي احد هواي شغلات صلرت بحياتي تمنيت اهلي وياي من شبيت تمنيت امي وياي وتعلمني وتفهمني وتمنيت عندي اخ او اخت من اكعد وحدي يجون يكعدون وياي يسولفون يخففون من وحشتي وعزلتي كله كلت ميخالف ابويه يعوضني هو صار امي وابويه واختي واخوايه بس هم تركني وراح بهم يوم بحياتي ولا واحد منهم يمي شكد جنت متمنيه من اجيب الشهادة يلكوني بالفرحه مثل كل طالبة من ترجع ناجحه وبمعدل عالي تعرفون حتى ماعرف لاهل شون فرحتهم من تجي درجه اولادهم عالي وخاصه بسادس اني من نجحت خلصته بجي حالي حال راسب اصلا ماحسيت اني من الاوائل وعندي معدل حالي حال ماخذ ٥٠ اااخ وهسة باهم يوم تكون البنيه بحاجه ام تعلمه توكف وياه واب يكون اله سند بس ولا واحد منهم يمي اريد اعرف من يجون يخطبوني منو يتلاكهم اااه منو يشرط ويكول هاي بنتي عزيزه عندي ورفع راسي بيهم وتباهة بيهم نتبهت ع كلام عمتي وهي تكول ل ميس باجر روح للصالون حتى احف زمرد ونروح للسوك نشتري فستان هم والج اشتري ثاني يوم دك علية عمي ابو هيثم وكله خابرت عمامه وتفقت وياهم ع الخطبه بنهاية الاسبوع وعمتي كالت يله بناتي مابقه كم يوم وصير الخطبه خلينه روح رحنه للسوك شترتلي عمتي فستان وكالت ذبين الاسود ميصير احنا بطبيعتنه لحد الاربعين عاداتنه نلبس الاسود براه نذبه مانلبس اكثر بس اني راح ادخل ٣ اشهر وبعدني لابسته فمن كالتلي ماهتميت لان واحد مو بالاسود يحزن الحزن بالقلب اذا انته صدك تحب هذا شخص مو تبين حبك اله بالاسود لا غلط الاسود مابيه اي فايده فقط لون لا راح يفيد الميت بس مجرد نلبسه عن كلام الناس وموف من الانتقاد اذا انته ثدك تحب هذا شخص اقره قران اله صلي اله صوم بنيابه عنه هي كل شغلات تفيده عمتي اشترتلي لون حلو مو هوسة وقدرت حزني اخذت لون شويه غامق ردت اني انطي الفلوس بس كالت هذا يعتبر من مهرج لازم اهل العريس يجيبوه هدية الج وهم اشترت فستان ل ميس وهي اشترتلهة ثوب خامته كلش حلوة وتطريز كلش راقي ولون ملكي هي عمتي كلش حلوة ملامحه تخبل منوع عده خدود وحمر ومن تباوعيله مبين عليه الخير وراحه وحيل تعجبني شكد ماعمره كبير بس تحب تعتني بنفسهة وترتب ودائما تلكيه مخليه ماسك ع وجه تخاف من تجاعيد تطلع بوجه ودائما تلبس دشاديش قصير ةحجل برجله ابد ماتنزعه اله من تطلع تغطيه بجواريب وذهب ماتنزعه من اذنه وركبته وديه مدندشه بس هسة من مات بابا ماتلبس بس ملابس بيته قصيرة اخذتنه للحافوفه حفتلي اني من نوع عندي شارب (عود مو ضحكون علية)شويه شارب مبين ومشعره بس حلو حاجبي شمرته وثخين الشعر مالته حتى التحفلي كالت راح يطلع حاجبج يخبل مو تفكرين بيوم تخففيه وعمتي كالتله اريد هم تحفين بنتي ميس بس اريد حفافه بناتيه ميس كامت تكمز من الفرحه كل بنيه هيج اتوقع تحب وجه يتنضف من حفت ميس صارت حلوة اني وياه شوية ملامحنه مشابه حتى بصالون كالن انتن اخوات ميس. حضنتني مو بس بنت خالي واختي وصديقتي وهسة راح صير مرت اخوي علاقتنه اقوه من الخوات نسوان الله يحفضجن نوب وحده من نسوان كعدت يمه عمتي اني وميس جنه نخلي ماسك لوجهنة عرفت عجبته ميس وتريد تخطبه نوب عمتي كامت من يمه وكلتله اكل لابوهة واخوته وردلج خبر واخذت رقم مال عمتي وعمتي هم اخذت رقمه نوب كامت عمتي تحف خلصت كالت يله خلي نروح كمنه عدلنه شعرنه هم ميس ماتلبس حجاب بس عمتي لا تلبس حجاب وجبه ومرات عباية نسوان كله تباوع علينه وخاصه عمتي صارت دم حمرة نوب ام صالون كحلته كلتله عيونج حلوة ليش فارغه صارت تملخ من طلعنه جان لازم نفوت بنص السوك لان صالون بسوك فجاي نمشي واحد يبيع فواكه ويمه صديقه كله مو تكول ماكو طماطه عراقيه لعد هاي شنو عرفنه علينه لان وجوهن دم وسوك بيه ناس قليله فاجوبه صاحبه ولك هاي مو طماطه انته احول هذا تفاح لبناني فرولة تركيه وكرز لاتكول طماطه عراقيه ماكو هيج انتاج عراقي ميس طبيعته مو تسد حلكه لا نطت من ضحك ريده تسكت ماكو جريناه جر حتى نطلع من سوك وهي كلساع كالت صلوات طلعنه تفاح لبناني وعمتي تعض بصابيعه تكول يمه لو لاحكينه وحنا وحدنه زمرد. عمه والله احنه وجهن عادي بس انتي جبتيلنه شبه حمرة وكحلتج سايلة تره كله عليج الحجي عمتي. سكتن ولجن كون يسمع ابو هيثم جان دفني ميس. يمه اروح فدوة للكرز الي خاف من الباذنجان (قصده ع ابوهة لان اسمر بس مو درجه لو الباذنجان) ام هيثم. امشي لج كون ابوج باذنجان لعد منو البرتقال زمرد. صرتوا علوة مو بشر خلي اخذكم وبسط بيكم بسوك ههه ميس. هههه صدك والله ام هيثم . بسجن حجي يله اني اروح لسوي غده وبليل اجيجن مو تفتحن لباب لحد خوش ميس. لاتخافين علينه ياطماطه خاف ع نفسج خاف يسوج طماطه بدهن ام هيثم . ام لسان سكتي وعود كلي لابوج حتى ادفنج ميس. لا يمه ماكوله بس اني سجلت صوتي من صجموج الولد وراح ارسله لبابا زمرد.هههه نوب عده دليل خاف جذبيه ام هيثم . بلوة مو بنيه تتورطين ضمين يمه سر مثل الكهوة بسرعه ينتشر حتى لامريكه يوصل يله ولجن اني اروح عمج خطية وحده وهسة يردون اكل زمرد. الله وياج عمه وشكرا تعبتج ام هيثم. امشي لج انتي بحساب ميس ماكو فرق يله باي يا تفاح لبناني زمرد وميس . ههه باي تسريع الاحداث الي يوم الخطبه اجوي عمامي من الصبح يوم خطبتي ونسوان عمامي خوالي بس اثنين وبالخارج كطعوا تواصلهم وياي من زمان يمكن صالي ٥ سنين ماعرف عنهم شي وخاله وحده وهم مسافرة بتركيا بس تخابلني وتمنت تجي بس ماتكدر رجله شويه حقنه وابو فليس شكد متوسله بيه بس ماقابل تجي يكله فلوس ماعدي خطيه رانيا وامه ماقصرن وياي وكفن وكفه ابد مانساهة راحت ام رانيا جابت كيك قبل يوم بس اني كلشي جيبه انطي فلوسة واخذتني للصالون وسون غده لعمامي اني قبل يوم لفيت دولمه ويفترون يمنه ابو دجاج وابو المخضر جبت هاي شغلات لان عرفت راح يجي احد ع غده لغيت دولمه اني ورانيا قبل يوم وسويت كبه برغل هم خليته بثلاجه حتى بس يطبخن ماعدهن شي عافتني يم صالونه اني ورانيا وهي راحت تحضر الغدة وترتب البيت كمتاني ام صالون هي مكياج سويت دكينه عمتي حتى جيبلنه واحد ياخذنه اجه قيس بسياره هيثم لان هيثم يم الحلاق هم يرتب نفسه لفيت نفسي بالبرنص وطلعت سلم علينه قيس كلش حباب من نوع هادئ خجول ابد مارفع راسة كل مدنكه يسوق وكل شويه رانيا دافرتني وتشاورني رانيا. زمرد عود مو تنسيني اني خيتج وشكد حلو اني وياج سوه بنفس البيت (تقصد عود تريد قيس) زمرد. ههه ولج سكتي لايسمعج رانيا. يارتني الستيرن مالته ياريتني مناضره زمرد. ادبسز اتأدبي خلصت طريق كله ياريت وياريت وصلنه للبيت دخل سيارة بنص البيت وباوعت لكيت عمي واكف تخيلت بابا واكف صارت غص بلعومي بلكوه كمت اتنفس دموعي تريد تنزل كو لزمتهن بس دخلت واني عيوني كامت صب وشهكاتي علت ام رانيا حضنتني ام رانيا. يمه كافي بس كلنه اهلج الله يعوضج بهيثم يكون الج سند ويحبج 🌷🌷🌷🌷🌷🌷🌷🌷🌷🌷🌷🌷🌷🌷🌷 🌷بين كل تجعيدة وتجعيدة من وجه أبي 🌷 🌷قصة نعيم عشتها أنا🌷 🌷 🌷 🌷الحياة بلا حدود .. الأب هو الوجود.. 🌷🌷الكل يسعى وأنت مكبلاً نفسك بالقيود 🌷 🌷فتسعد غيرك وأنت شاقي وتضحك من 🌷 🌷حولك وأنت باكي .. 🌷 🌷🌷🌷🌷🌷🌷🌷🌷🌷🌷🌷🌷🌷🌷🌷 كعدتني انطتني مي واجتي وحده من نسوان عمي رتبت المكياج الي لان شويه تخربط شويه واجاوي اهل هيثم دخلو عمات هيثم كومه وكلهن نسوان كبار اصغر وحده بهن يمكن عمره ٤٠ سنه ويدوخن احسهن كلهن يشابهن ونسوان عمه وبنات كومه البيت صار هل كدوته تقسمن بالغرفه ثانيه وكله تباوع عليه يمه اني صرت مي من الخجل بس مدنك راسي مارفعته عمتي سودة علية تركض منا ومنا حتى تعب مبين ع وجه شويه وكالو حضروهة خلي تجي حتى سيد ياخذ موافقتي لبست جادر صلاه ابيض وعدنه عاده نخلي غتره بيضه مال اخر واحد حج لان تكون مباركه اخذنه من جيرانه غطاو وجهي بيه فرغولنه غرفه دخل سيد وياه هيثم وعمي ابو هيثم وعمي اخذ موافقتنه عمات هيثم هلهلن وعمي ابو هيثم كلهن لاتهلهلن ابوه ميت مصاله كم شهر سكتوا كعدت اني وياه ع كراسي يم نسوان اجتي عمتي نزعتني الجادر وهو باوعلي وابتسم وعماتي كامن يصيحن ها ولك لعوينجي شويه اصبر شعدك تبصبص هيثم. ضحك ع حجيهن نوب صاح ميس كله جيبي شال هي بسرعه فتهمتة راح واجتي جايبه شال من شالاتي قريب ع لون فستاني وخلته ع جتافي ميس. عيني رجلج مايقبل عنده الغيرة فول الله يكون بعونج هيثم. خزره وهي شردت عنه شويه وحجاني كلي طالع حلوة دنكت راسي وصرت دم هيثم. شوف الوجه صار طماطه زمرد. بسرعه اجتي بالي التصجيمه مال طماطه العراقيه يمه كوه لزمت نفسي بكلبي شعدهم ويه طماطه وره نص ساعه بعد مالبسني ذهب والحلقه وكلني كيك وراه كلي يله زمرد اني راح اطلع لان كلش مرتبك من نسوان وهوستهن وحس كله مكابلتني مو زعلين زمرد. ابتسمت لا عادي براحتك هو هم ابتسم وكل لامه يمه اريد اروح هي عرفته خجلان من نسوان كلتله اي يمه روح اكعد يمه رياجيل شويه واحنا نطلع نوب بدن يسولفن كل وحده سوتله حزب نوب وحده من عماتهم اجتي كعدت يمي عمت هيثم. صلوات تخبلين وين جنتي مضمومه عني ام هيثم. اني ضامته مردت احد ياخذه مني وباوعت ع وحده من كاعدات مبينه عمه هيثم اكلج شلونه بنت اخويه عليج الله مو جنه العافيه جاوبته خيه انتي من يومج محضوضه ومشالله شون وكعتلج جنه من السمه نزلتلج هم معدله وتخبل وحده من الحضور ردت عليه ام هيثم تستاهل كلبه طيبه وحنينه تستاهل هيج جنه مبينات يحبن عمتي وصح عمتي كلش حبابه ومنوع كريمه اذا طلبتيه تطيج ثوب الابسته وجه دومه يضحك وماعده حقد بلكي الله يعوضني بيه شويه وراحت ناس كله اجه هيثم سلم عليه وكلي انشالله كم يوم اجيج ونسوي الجرائات حسيته شخص حباب مثل عمتي مرت الايام واني ةهيثم ومرات عمتي تروح وياي او عمي ولو ميس حتى نكمل اجرائات ماطولنه فتره الخطوبه بس شهر ونسوي العرس تبهذلت صارت ركض كل يوم اروح للسوك لو ويه عمتي لو ام رانيا تاخني هي ورانيا مابقه شي باجر الحنه باتت يمي رانيا وامه ابد مانسه وكفتهن ولا عافتني لحضه لازم تجي تكعد يمي وسولف وياي وتاخذني كل يوم نشتري غراض ثاني يوم الصبح رحت للصالون وراحت وياي ام رانيا ورانيا اني شتريت بدله لون ازرق يكللي تحيج من العيون بالخطبه اكلنج اكل بعيونهن لبست هيج بدله👆 وجانت كلش حلوة نوب زيدت من جمال ومكياج وياه صرت غير شكل ام رانيا. يمه صلوات فدوة غير ياكل ويشرب عليج هذا لون نوب راح هو يجيبلج العين رانيا. ولج شنو مايلوكلج زمرد. شكرا يمه الج وخدمج هيج خدمه مانسه وكفتجن شماسويلجن قليل ام رانيا. وداعه رانيا من يم ماتت امج واني دمجتج ويه عائلتي حسبتج اخت رانيا زمرد. شكرا وجاني حضنني رجعنه للبيت جوارين كله اجتي وهيثم اجه والي اجوي بالخطبه كله اجتي بالحنه مابقوا هواي بس حنوانيشويه هزن نوب راحوا وهيثم مبتسم مبين عليه الفرح وكل شويه يكلي غطي نفسج هم كل ميس جيبلي شال بقت جوارين يمنه وكله باركتلي وراحت بس بقت يمي ام رانيا ورانيا ثاني كذالك هم نفس الشي بس كلبته مناحه من الصبح كعدت ابجي لحد اجتي زفه اني ابجي ماوكفن دموعي حتى بصالون مرتين سوتلي مكياج كوه سكتت يمه بقن يحجن سوالف سافله حتى يلهني نوب اني متت من الخوف جسمي كل يرجف من يحجن هيج شي ويكزبر من اجتي زفه شويه كعدوا نوب كالوا يله خلي نطلع عمتي من ناس كامت تطلع فترت بالبيت حتى سد الجهزة وتقفل البوب ورانه لان حتى رانيا وامه راح يجن ويانه اني من شفته هيج واني كمت ابجي بنحيب وباوعله تباوع ع البيت ونزلت دموعه نوب باوعت علية شافتني ابجي اجتي عليه حضنتني وكامت تبجي بصوت عالي وعمات هيثم يسكتن بينه شويه عمه لزمتني من خدودي تمسح بدموعي ام هيثم . راح اعوضج فقدان اهلج راح اصيرلج ام واخت وصديقه ماخليج تكولين ماعدي اهل وانشالله هيثم يعوضج اجه هيثم باس راس امه واجه باسني من راسي وكال كافي مسحي دموعج صعدنه بسياره عمتي كعدت بصدر وفيس يسوق خلص يهز ويسوق مو هذاك الخجول الشفته يوم الخطوبه يركص ويهلهل ويراوغ بسيارات وهيثم شابع ضحك وعمتي تعيط عليه لان يسوق بسرعه وميس كاعده بسياره ويه عماته من تصير سيارتهن يم سيارتنه تكوم تهز و قيس وهيثم يصيحون عليه وهي ولا يمه تهز وصيح دوك عيني دوك باي زلوشاتي وعبرن السحكات يبووو شكد غلطت باسم هيثم كل شويه وكول حسام هذا بطل قصه هديه ولكن بغير طريقه التعديل الأخير تم بواسطة لامارا ; 23-06-19 الساعة 01:06 AM | ||||
|
| |
|
22-06-19, 02:55 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 5 *************** زمرد وصلنه لبيت عمتي عمي ابو هيثم ذبح جوه رجلنه طلي وهيثم خلصه علية غطي وغطي دخلنه جوه شويه كعد نوب كام واني بقيت ساعن وعمت هيثم الحبابة راح انطيه اسم حتى بعد تعرفوهة ام مازن ام مازن . عفيه ام هيثم صعديه العروسة خطيه خلي ترتاح تبهذلت صاله من الصبح لحد هسة ع هل كعد زمرد. من كالت هيج صدك رتاحيت لان بدله حيل ثكيله وكعب وجو حار وتسريحه موتتني اجتي عمتي هي وميس وام مازن صعدني وانسوان تهلهل وتبارك من دخلتني الغرفه ام مازن. لج عيني المن مخليته بين نسوان جنه قطعه كيك هسة تنضرب بعين ام هيثم. كلت عيب بسرعه اصعده ام مازن. مايفيد العيب خية جنتج حلوة وكلهن يحجن جنت ام هيثم حلوة وهم نادرة لان امه ترطته وهي صغيرة وتحملت مسؤوليه بيت بكبرة وبوهة رجال جان مشلول هاي مو بس يحسدنج يشيلنج ويركعنج ستري ع نفسج وع اخوية وانتي هم ذبي هاي دشادشتج ام هيثم ستري ع نفسج كله تكول جننت وهي عبالك جنه ام هيثم. اروح فدوة لتخاف علية ام مازن. بشقه ماميته عليج خايفه ع اخوية لان مكرود يوكع بيه وانتي ماعليج شي ام هيثم. ههههه ماتلوكلج دور الحمات الحقودة من يومج طيبه وتخافين علية ام مازن. لان انتي حبابة وتستاهلين واحد يصير وياج زين وباوعتلي عمه زمرد الوحيده هي من نسوان اخواتي من اجي ارتاح يمه تتحسسني كاعده بيتي تفر بين اني واخواتي فر ماتكعد جيب وتخلي وتضحك وسولف ماكلج نسوان اخواتي الباقيات مايسون هيج بس هي تحسيه وحده من اخواتي اني متلكده راح دللج دلل وتعاملج معامل ميس ويمكن اكثر زمرد. انشالله ام مازن . اجتي يمي وطلعت من جنطته علبه فتحته طلعت بيه كلاده عنقه وبيه ليرات ولبسته الي هاي ماكدرت انطيه الج جوه ينبعصن ويكولن شو احنه وحده ليش مانطيتي جناينه هيج بس هذا كله علمود ام هيثم ام هيثم. والله هواي ليش هيج كلفتي نفسج والله وجودج بيناتنه كافي تحلى هدية زمرد. شكرا عمه بقن يسوالفن نوب كللي رتاحي احنا نتركج اني بس طلعن يمه تممدت ع جربايه بدلتي لان صدك تعبت بره نص ساعه سمعت هوسات دال ع انو هيثم جاي يزفوه اني يمه كلبي كام يدك متت من الخوف بسرعه كمت كعدت ع طرف الجرباية هو فتح الباب ودخل ابتسم هيثم. هلو زمرد. هلو واجه تقرب علية باسني من راسي نوب شويه شوية بده يحضني وكلي نزعي البدله اني بسرعه طفرت لان مبين يريد ينزعني هو كتله لاعفيه عيب اني انزع شو هذا تخبل بزايد عبالك كتله اي نزعني كام ينزعني بسرعه ويبوس بيه بقوة نوب اجه علية اخذني بعنف حيل تاذيت حسيت بعد مابيه شويه واخر عني اباوع دم مملي الفراش هو تركني وراح للحمام كمت اريد الحك اجيب كلنس ماكو فضت بس مو قوي لا بس دم غريب مثل الشهرية لبست ثوب مالتي وكمت الوج من الالم اسفل بطني وره ربع ساعه اجه لكاني كاعده ع طرف جربايه وتالم اجه تقرب علية لكاني فايض دم اني بس شفته زمرد. عفيه اريد اروح للحمام انضف نفسي .اني عبالي هيج لازم يوكع مني فعبالي شي طبيعي هيثم. اكلج هذا دم مو طبيعي ماتوقع هيج لازم يوكع خاف اذيتج اصيح امي زمرد. لا لا عيب شنو نكله هو كلتلي لازم يوكع دم وتوقع هيج شي هيثم. خلي اشوفلج طريق وطلعي غسلي طلع باوع ورجع كلي طلعي بسرعه رحت للحنام وخذت ملابس داخليه وياي وثوب ثاني اغسل وماكو حاله حال شهرية وبطني زاد بيه الالم طلعت من الحمام واني لازمه بطنني لاكتني عمتي تريد جيبلنه اكل شفتني وجه كام ينطي الوان ام هيثام. بصوت ناصي ها عمه شو وجهج كركم زمرد. عمه مو تعبانه عرس ودوخه مانايمه ام هيثم. كملتوا زمرد. بخجل اي عمه بس ماعرف مجاي يوكف الدم صالي فوك نص ساعه دم قوي ام هيثم. حجت بصوت ناصي صخام صخمني خاف تاذيتي ولج امشي لغرفتج خلي اشوفج هيثم وين زمرد. اي بالغرفه مشينه للغرفه وهو تفاجئ من امه هي بسرعه كلتله اطلع هيثم. شكو يمه ام هيثم. ولك يمكن جاي تنزف امشي اطلع هيثم. يعني شنو ام هيثم. يعني لازم ناخذه للمستشفى اذا عده نزيف طلع هو وصار وجه دم من خجل وخوف بوجه حيرة ام هيثم. نامي تعاي خلي اشوفج زمرد. لا عمه والله استحي ام هيثم. شلون لعد مو زين عليج زمرد. هاج شوفي هاي دشادشتي جنت لابسته وهذا كلنس هي بس شافته كامت دك ع وجه ولج هاي انتي نازف كلش قوي يمه شون احسن شي ادك ع ام مازن تصعد تلكالي حل لان باتت هي واخواته يمهم دكت عليه وهي بسرعه افتهمت وصعدت بهدواء حتى محد يحس ام مازن . ها خية شكو ام هيثم. هل غبي ماذيه وهسة عده نزيف اني جنت كاعده ع جربايه ام مازن . لعد شمنتضره لا لبنيه تتخربطه خلي ناخذه للمستشفى باوعتلي شوفي وجه صاير اصفر يله يمه كومي لبسي ملابسج وخلي ناخذج اني كمت مشيت للكنتور وعمتي يمه هاي فايضه بدم باوعت لكيت ثوبي لابسته كله دم من وره ام مازن . سكتي لا تخوفيه روحي كلي لابنج لمعدل خلي يحضر سيارة ونروح بيه وجيبلي عبايتي اني لبست شون نفنوف طويل ولميت شعري وطلعت هو شافنه نزل قبلنه بس بهدواء حتى لحد يسمع هيثم . يمه جيب عبايه وياج اله خلي تغطي نفسه اني ماحجيت شي لان الم بطني موتني وكمت احس لكاع تفتر بيه لزمت ايد ام مازن ام مازن. ها يمه اجتج دوخه زمرد. هزيت راسي اي هي خطيه حضنتني مشتني للسياره اثنينهن كعدن يمي وهي طلعت من جيبه جكليته ام مازن. هاج اكليه شويه تنبهج لان خاف هبط ضغطج اخذته منه كوه اكله اباوع ع هيثم صاير نار ابد ماحجه شي وهنا هم مافتحن وياه موضوع بس ضايجات منه شويه وصلنه للمستشفى نزلني واثنينهن لازمني لان تعبت من الالم كوه امشي وهو سد السيارة واجه ورانه ودني صاله الولاده جانت ساعه ب١١ بليل اكو دكتورات عبالك دنيا صبح قوانين صاله الولاده بس المريضه تدخل اني دخلت وكدي اجتي دكتورة فحصتني دكتورة. بنزعاج ااووف انتي عروسه زمرد. اي دكتورة. هذا جارم بيج يرادلج خياط وحتى خياط داخلي كلش متاذيه اجتي دكتوره وياه هم حجت نفس الحجي بقت تحجي ع هيثم وع كل رجال همجي بليله العرس شويه وجابت الادوات بقت ساعه متت من الالم شاغت روحي بس اني ماعيطت او ضوجتهن لان شفت وحده تطلك وتعيط جابنه غلط وسب فخفت هم يعيطن علية شويه وكالت كمت خلي يكمل المغذي وكومي طلعن واسمعهن يكولون شوفي شكد هادئ ماطلعله صوت بكلبي كلت والله لو بيدي جان كلبت دنيا بس خايفه منجن شويه اجتي سستر وبيده عربانه ودكتورة وياه دكتورة. شربين هذا العلاج و ميتقرب منج زوجج مده اسبواع واني هم كتلهم زمرد. اي. اجتي السستر ساعدتني حتى اكم كعدتني ع كرسي ودفعتني وصلنه لعمتي وام مازن وهيثم من اجيت ملهم اجوي علية ام هيثم. ها شلونج زمرد. زينه ام مازن . يله لحمدلله عدت ع خير انشالبه مادخلين المستشفى اله يوم ولادتج هيثم. خوما اذوج زمرد. لا . بكلبي هو ماكو غير اذاني وصلنه للسياره نزلت من كرسي بس امشي ع كيف خاف لخياط يطك وصلنه للبيت ساعه ب٣ صبح بس دخلنه لكتنه وحده من عمات هيثم وعرفت بسالف وبقت تنصح بيه وشون اعتني بجرح ماخلي يلتهب هيثم اول مادخلنه صعد فوق ساعدتني اصعد فوك اني اكدر امشي بس هي اصرت تصعد وياي تخاف ادوخ وعمتي ام هيثم وام مازن دخلن نامن لان تعبن من عرس والمستشفى وصلتني للغرف ونزلت اني دخلت لكيته مخر الفرشه لان مدمره و نايم اني هم لفيت راسي ونمت لان هي انطتني منوم دكتورة شربته ونمت ماكعدت لثاني يوم ساعه ب ١١ من تعب والمنوم اخذتني نومه باوعت مالكيت هيثم بفراشه كمت شلت الفرشه من الكاع والبدله صفطته وصغرت السيامه حتى متبقه منفوشه رحت غسلت وعقمت جرحي بدلت وسويت مكياج مال عرايس ولبست 👆هيج لان عماتهم موجودات بعدهن اسمع صوت نسوان كلت شي اكيد راح يستنقدني اذا انزل بشي بسيط شويه ودخل هيثم صبح عليه هيثم. شلون صرتي زمرد. زينه هيثم. شربتي علاجج زمرد. اي هيثم. يله اذا كملتي خلي ننزل عماتي كلهن مستغربات ليش مانزلتي وياي واني ماحبيت اكعدج شفتج حتى تهذين من تعب زمرد. هسة كملت بس البس تراجي لبستهن كتله يله هيثم. شنو هيج تنزلين زمرد. باوعت ع ملابسي مو حيل مكشوفات مامبين شي بيه نوب باوعتله جاي تقصد ملابسي هيثم. لا قصدي حجاب متلبسين زمرد. اني مو محجبه هيثم. جان قبل هسة اني احدد شنو تلبسين خوش يله لبسي حجاب وخلي ننزل زمرد. ماجاوبته رحت للكنتور ذكرت ماشتريت حجاب باوعت لكيت عندي شال جاي ويه فستان يصير كلش خفيف كلت البسه احسن من ماكو خليته ع راسي وكتله هيثم لبست يله ننزل هيثم. باوعلي لا بربج هذا هم حجاب زمرد. ماعدي غيرة وانته ماكتلي اشتري شالات هيثم. طلع مني فتح الباب وصاح ميس تعاي هي اجتي بسرعه هيثم. اريد شال من شالاتج ميس . اي حاضر مدت راسه علية صباحيه مباركه يا عروسة زمرد. صباح نور ههه والله هاي البنيه ماعرف تصرفاته تضحكني هي مسويله غرفه فوك ولقيس غرف وحد هي تنام ويه ميدو اخوهة لان تخاف عود هو يحميهة بسرعه جابت شال لبسته ونزلت وهي تمسي قبلنه ميس . صلوا ع نبي نزلوا المعاريس لكته وحده من عماته كلتله عمه ورقتي لو بعدج سلمت علينع و جاوبته شو ولج انتي طالبين مطالب زين مو انتي العروس جان وكفتينه قصاص ميس. هه بعرسي مادخلين اله تورقين من الباب اخمطجن لان مو ثقه تغلسن هيثم. ضربه ع راسه يعني عادي تردين تزوجين ميس. ياخويه هاي سنه الحياة قابل ربي وحد هيثم. ماكو خجل شايلته من القائمه بقوا يتعاركون واني رحت سلمت ع عماتهم وامشي ع كيف ها تدرون شكم عمه هنا ٨ عمات حسام وعمامه ٥ مشالله واكثر بناتهن مزوجات يعني حتى بنته مامزوجه مجايبته وياه بس بالعرس ورايحات ويه اوخانهن مرت ايام وعمتي رادت سوي سبعه بس اني ماقبلت كتله لا احس ماله داعي وهيثم من يوم عرس بعد ابد ماجه يمي بس يسوالف وكتشفت بشخصيته شخص حقنه ولحوح وعصبي نوب مكابلني وكاعد منطيه اجازة من الدوام عشرة ايام صالي ثمانيه ايام العصر كلي حضري نفسج حتى اخذج تفتحين لخياط للعصر بدلت لبست بنطرون ولبسه طويله اخذته من ميس لان اني جبت كله لحد خصر وهو ماقبل وشال هم من ميس لحنه للمستشفى فتحت الخياط وكالت عادي بعد ماعليج شي بس حاولي من يتقرب منج ع كيف طلعت سئلني خاف ماتاذيتي وشويه بينت الابتسامه ع وجه صعدنه وكال خلي اروح اجيب القرص مال العرس مدام راح نمر من ستوديو مال صديقي لان هو صورنه وصلنه نزل جابه واجه وصلنه للبيت كله جانت كاعده سلمنه وكعدنه ميس من شافت القرص بيدي ميس . هاي شنو بيدج زمرد. قرص الحنه و العرس ميس. صدك غير تكولي من البدايه وراحت تركض جيب الابتوب مال قيس هو كللهة اباوع هيثم صعد للغرفه كلت هسة يجي يمكن بس يبدل نزلت ميس وخلينه القرص بالابتوب وكلنه نجمعنه نباوع عمي وعمتي وميدو وقيس نضحك ع ركصهم بالحنه وقيس من يوصل اله تصوير بسرعه يقدمه لان ركص يخزي ونشبع ضحك علية بهاي الفترة كل شويه لكهرباء تطفه وتشتغل جانت مولد وكل شويه طافيه بس احنا مامهتمين كل بالنه يم لابتوب من طفت عمتي كالت ام هيثم. شنو سالفه زمرد خاف تبلامات بغرفتج مشتغلات تره هذني ضواهن يصرف زمرد. بس عمه هيثام فوك اذا مشتغلات جان طفاهن ام هيثم. يمكن نام صعدي بله شوفي صعدت وبالي كله يم الفديو بس اريد انزل وشوف بس دخلت صدك لكيتهن مشتغلات وهيثم كاعد يلعب بموبايله زمرد. مو كاعد ليش مطفيتهن الكهرباء خبلتنه هيثم. يحجي بدون ميباوعلي مبين ضايج وانتي ليش ماصعدتي وشفتيهن زمرد. ماتوقع مشتغلات وكلت حتى لو مشتغلات انته طفيهن وهسة صعدت عبالي نايم هيثم. تعالي واكفي هنا قصده اوكف يمه بصف جربايه جيت يمه واني مستغربه شنو يريد مني هيثم . تعي شويه قربي وجهج علية زمرد. ليش هيثم. كتلج تقربي ماعرف شكله او شنو يريد بس تقربت كلت يمكن يريد يشوفني شي بجهازة لو يحاجيني شي بس دنكت راسي وركعني راشدي صفرت اذني منه هيثم. هذا اول درسه لاهمالج يله ولي بقيت مصفصفه ماعرف شسوي ودمعه مانزلت من عيني خجلنه اول مره انضرب شكد صعب راشدي حسيت بهانة نوب ماعرف شصرف او شكول بقيت احجي بكلبي صدك اني غلطانه مامسويه شي يستاهل راشدي مشيت عنه نمت ع فراشي وصافنه بقيت للمغرب كمت صليت ونزلت حتى ماباوعتله هو طبعا مايصلي هاي معلومه محد يدري بيه من اهلة يجذب عليهم وحذرني اكوال لحد لتهيت اسوي عشا ويه ميس وعمتي هم شاركنه بشغلات بسيطه كملنه عشا وصحنه هيثم كعد ع عشا بصفي بس ابد ماحجيته كمت اني اول وحده رحت سويت جاي بليل من صعدنه اني هم درت وجهي عنه ونمت هيثم. زمرد زمرد. نعم😒 هيثم. كومي اعتذري زمرد. هه هو منو يعتذر هيثم. راح احسب من واحد للعشرة اذا ماعتذرتي اشبعج دكاك حسب واني ماكمت وهو كام جرني من شعري ويكلي كوالي اني اسفه بعد ماعيده زمرد. اااخ واخر ايدك عن شعري واني شنو لغلطت بيه حتى اعتذر هيثم . هيج بمزاجي ومزاجي جاي يكول هي غلطانه وخليه تعتذر وجر حيل زمرد. بقيت ساكته بس شعري ملخه تملخ من الجر موتني اخر شي ستسلمت وكتله اسفه وعيوني كامت تصب نوب نام وياي شكد كرهتة لف راسه ونام سلوبه ابد مو حلو صارلي شهر مزوجين وهو نفس طبعا يزعل ولازم ارضيه وماعده رومانسيه يحجي كلام حلو ونوب طلب اجازة بدون راتب من دوام كابلني وكعد واني تاخرت علية شهرية وكلت لعمتي فرحت وكالت لعصر اخذج اسويلج تحليل عمتي كلش حبابه وعمي يموت علية يكلي انتي نزلتي من سما علينه دائما يكلي هيج لان اذكر علاجه وجيبه اله وهو فرحان بيه وقيس حباب كلش وميس هم كذالك كلهم وميدو كلهم محبوبين بس هذا عكره حتى مو مثلهم يكعدون يشاقون يضحكون وهو بس مكابل الموبايل لو ويه اصدقاء هسة هو نايم عفته يبقه نايم ل١١ ضهر كعد اني جنت انضف وعمتي تغسل كراج كلي غسليلي هاي جواريب اريد اطلع بليل كتاه ميخالف اخذتهن وغسلتهن من نوع رجله طلع ريحه تكتل وجواريبه ريحتهن صير تموت ريحتهن اغسل بيهن وماتطلع الريحه لعبت نفسي حتى جبت معطر مال ارضيت اسمه لميس وهم ماطلع نوب صارت ريحه خايسه لو باقيه ع قبل احسن اجه ميدو يغسل ميدو. اييع ثنو ريحه جواريب تكتل هاي جواريبج ( ميدو كبر وبعده سين وشين وصاد وزاي يلفضهن ثاء ) زمرد. اصم الله شبيه بس هاي جواريب اخوك ميدو . يبووو دومه هيج ريحته تكتل وراح يلعب اني شفتهن شويه ريحتهن خفت رحت شريتهن ع حبل كملت تنضيف نوب بديت اسوي غدا وقيس كل شويه كال جوعان جوعان من نوع جوعي ابد مايشبع لان يشيل اثقال من اطبخ لازم احسبله وجبه تعادل شخصين خليت اكل ع نار هادئ ورحت كعدت اسولف ويه ميس باوع اجه هيثم وبيده جواريب هيثم. بذمتج هذا هم غسل شتمي وجه خله جواريب بنص خشمي زمرد. قابل شسوي هنا مو اصليات ويسون ريحه (ماكتله رجليك طلع ريحه لان يتعصب ميحب واحد يقلد علية ) هيثم. لا اصليات بس انتي خايسه وغسلتيهن من وره خشمج اجه ميدو . لا والله هيثم غثلتهن ثين (غسلتهن زين) اني جنت واكف يمه بث (بس)انته ريحه رجليك مو طيبه هيثم. ولي لك وجرني للحمام من صدر ثوبي ويكول هسة كدامي تغسليهن ميس. شبيك هيثم تخبلت ليش جره هيج قيس. هيثم عيب عليك عوفه وهو مصر اله اغسلهن لزمتهن وكمت افرك بيهن وجهي صار دم من الخجل موقف حيل صعب جانت عمتي بره واكف هي وجيران سوالف ماتدري دخلت ولكت كلهم واكفين يمي ويكلوله عيب عليك ميصير جره ام هيثم .ها شكو شبيكم مجمعين ع زمرد ميس . يمه هيثم يغلط عليه ويجرجره يكله متغسلين زين جواريبي ام هيثم. يله روحوا شنو عدنه مسلسه رجال ومرته يله اختفوا من وجهي كلهم راحوا للاستقبال عمي جان بشغل . مو هيب هليك تتعارك ويه مرتك كدام اخوتك خلي دائما مساكلكم بغرفتكم هاي اني وابوك شفتنه فديوم نتعارك هيثم. يمه ماكو مثلج انتي معدلة ام هيثم. لا هم اغلط ولحد ذاك اليوم تعركنه بس جانت مشلكلنه بس بالغرفه عيب نتعارك كدامكم راح تقل من قيمتكم انته اخواتك بعد مايحترموك وزمرد بعد هم يكوم من يجي يرزلهة لان رجله كدامهم يرزله فصير عادي عدهم وشصار جواريب بيهن ريحه شو من زمان انته جواريبك ريحتهن مطيبه وعادي متحجي ليش هسة طلع لسانك ماعجبه حجي امه تركه وراح رجعت عليه كلتلي ميخالف عمه شويه المزوجين اول سنه صير بينهم مشاكل غسلتهن زين وطلعت شريتهن وكو غصه بلعومي كوه بقيت كاعده بينهم بس ردت صير صلاة حتى اصعد فوق صارت صلاة صعدت بسرعه للحمام كمت ابجي حيل انهضمت حسيت بالهانة شويه غسلت وجهي وتوضيت ؤحت صليت وهو نايم ع جربايه يلعب بالموبايل هل موبايل كاتله كتل مايتركه حتى من يدخل حمام وياه عبالك بيه اسرار اسرائيل كملت صلاة ونزلت تغدينه واني وجهي ثكيل عليه عمتي كلتله يمه راح اخذ مرتك اسويله تحليل كله عادي اخذيه رحنه سويت تحليل وطلعت حامل ماعبالي حمل حسيت ابد مو وقته ردت افهم هيثم اسلوبه شخصيته كلش غريبه اطباعه مو مثل اخوانه عمتي طارت من الفرح تمشي بشارع وتضحك مامسيطرة ع نفسه رجعنه وهي بس دخلت نشرت الخبر بصوت عالي وهاي كله نكلبت عياط وعمي يضحك وهيثم هم فرحان ابتسمت ع ابتسامته من نوع قليل يضحك ميس حضنتني وصيح راح اصير عمه وكعدت تحسب شكد عمره من تصير حفله تخرجه حتى تاخذ البنيه وياهة هي تريد بنيه وعمي هم يريد بنيه والباقين يردون ولد قيس يكله ولي ولج ولد اريد وشبعه دياحه ناوعه ع شخص كاعد ع جهة وصيح ميدو. بغيض يعني اني مو اخر العنقود راح يجي غيري وتحبوه كلنه ضحكنه راح عمي حضنه ويعض بخدوده عمي . ولك انته الروح وريه والباقين كلهم عارية ولك شنو ابن هيثم شنو هذا الوصخ مويوصل اضفرك ويبوس بيه بقوا يحرصون عليه حنى ماشتغل وقلل حركه بليل كملت كلشي طبعا هيثم طلع حتى ماكلي مبروك الغثيث العكرة شتاقيت لرانيا دكيت عليه اني كل مره دك علية لان هي تكول عيب ادك عليج خاف رجلج يمج سلمت عليه وكتله ع حملي طارت من الفرحه وراحت لامه تكله وام رانيا كامت تهلهل وباركتلي وسئلت عن حالي وشون هيثم وياي بعدين بقيت احجي ويه رانيا وهي الوحيد الي افتحله كلبي وشكيله وهي هم ترجع تكلي رجال اول بدايه زواج يصير صعب ميخالف تحمليه نوب نبهتني ع دوام مابقه شي اني وكالت هل ايام تطلع قبولات مال جامعات اني قدمت ويه ميس قيس سوالنياهة يم ابو الحاسبات بس احنه حددنه جامعات الي ريده خليته بالبدايه كليه صيدله ورانيا هم صيدله بقت تضحك عليه شون بطني تكبر واني طالبه وتكول طلكين وكت الدوام لو بالزدحام نفس مسلسلات المصرية اخر شي سديته منه ونمت كعدت صبح وهيثم مبين راجع بنص اليل نايم جفي وبقه عاقج وجه بس يتمزعل شكد طبعه مكروه بس اني ماخذه درب تغليسه ولا اهتملة لحد يم طلعت قبولات ودزينه قيس وصدك طلع اني مقبوله ع كليه صيدله و ميس حقوق بسرعه رحت خابرت رانيا طلعت هم كليه صيدله كمت اكمز يعني مراح نفترق انتضرت يجي هيثم حتى اكله بقيت كاعد للوحده وحده ونص اجه دخل بدل وكعدت اسوالف وياه وكتله ع قبول الجامعه جان هو يلعب بالموبايل من كتله راح اداوم شو هذا ندار عليه ورفع حاجبه باي بنات ٣٠٠٠ كلمه هديه الكم اتمنى تفرحوني بالتصويت التعديل الأخير تم بواسطة لامارا ; 23-06-19 الساعة 01:10 AM | ||||
|
| |
|
22-06-19, 03:06 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 6 *********** زمرد. وليش ماكلت هذا الحجي قبل لاتزوجني ها جان مازوجنه بقيت انتضره بس يجي للوحده ونص دخل كبل ع موبايل عبالك روحه نهار كله مكابله حتى مرات يغفه وهو بيده وهم مرة نايم وعايف جهاز مفتوح وداز رساله صديقه وهو غافي مو متعود يحرك بيده فدازله بشيللن نوب ذبه براسي يكلي ماكو غيرج انتي دزيتيهة بقه يحجي انواع واشكال بس اني اخذ وضع البرود بس ابقه اباوعله حتى مرات يكتلني لان يكلي احجي احجي بس اذا اني ماعدي جواب لعركته او تبرير شكو اتعب لساني ابقه ساكته احسن ومن يخلص من عياطه الف راسي ونام هذا اني طبعي يشوفني يكول ماتهتم بس بداخلي نار براكين فتحت وياه موضوع الدراسه كتله راح اداوم عن قريب هيثم. باوعلي ورفع تك حاجب شنو ماسمعت زمرد. حجيت بقلق طلع قبولي ونقبلت بفلان جامعه كليه صيدله هيثم. ماكو دوام ودار وجه عني ونام زمرد. كلت لهنا وكافي ستوب خليني اخليله حد رحت عليه من جه ثانيه حتى اباوعله من احجي . ليش هيثم شنو هذا القرار الجديد اني مو شرطت عليك الدراسة وكتلي تم هيثم. بدون لغوة كلمتي وحده ماتتغير ماكو دوام يعني ماكو تريدين تفترين بين الولد والله عمي خوش زمرد. وليش ماكلت هذا الحجي قبل لاتزوجني ها جان مازوجنه هيثم .هو من مكلبج خلفله عليه زوجتج جان هسة دايحه بشوارع لاحسيب ولا رقيب زمرد. احترام نفسك شكلولك علية شنو مامربايه ودايحه بشوارع هو بس حاجيته هيج لزمني من شعري وضرب ع راسي هيثم. شلون تعلين صوتج عليه كلبه بنت الكلب احرك ابوج بكبره ويكتلني ملخني تملخ محد حس بينه لان هو من ضربني اني ماعيط بس احمي نفسي وبجي بدون صوت اخر شي وخر عني وبقيت كاعده بالكاع راح ع جربايه نام وطلع موبايله يلعب بيه ويحجي هيثم. كلبه تريد تدخل كليه بنت نعال والله كل هل ضرب ما وجعني بس من يغلط ع ابويه اكوم ابجي وريد اكوم اصيح عليه وكله لاتغلط ع ابويه بس اخاف منه لان يرجع يضربني كمت من مكاني ماعرف ليش من يضربني احس نفسي رخيصه بدون كرامه احس نفسي مكتوله بين هواي ناس وكله اصيح حل تستاهل ومن ابقه كاعده احس نفسي انسانه بدون كرامه وريده يشفق عليه كمت رحت غسلتت بالحمام وشفت نفسي كلت يمكن راح يوكع طفل من ضرب وتمنيت الكه دم وخلص منه ابد مو وكته بس ماكو شي ورجعت نمت طبيعتي من اضوج انام ينزل علية نعاس مو طبيعي كبل غفيت كعدت ثاني يوم وبراسي مخليه قرار انزل الطفل ماريده باوعت عليه لكيته نايم حجيت بكلبي نومه بدون كعده (اني اتوقع روحه بلا رجعه بس بعد زمرد بكيفه تألف) كمت رحت غسلت باوعت ع نفسي وجهي بيه علامه صغيرة زراك وجهي من نوع صافي ابد مابيه حب صافي وحب اعتني بيه فضربه جانت نشاز مو مال تنخفي نزلت الكذلة علية ونزلت جوه بقيت اشتغل وعمتي راحت هي وعمي للسوك وميس هم راحت وياهم تريد تشتري ملابس كلولي تعالي ويانه كتلهم لا هيثم هو ياخذني ماحبيت اضوجهم بطلعتهم فرغ البيت بس بقه ميدو نايم وقيس يروح يتمرن بقاعه كمت انضف بالبيت واجر التخم وانضف الجواه وحتى الباترينه عدنه صغيرة هم جريته ومسحت جواهة وكله هذا سويته حتى ينزل الطفل ماريده كملت كل شغل ب ١١ جاي احضر غده نزل الغثيث او الحقنه بدون سلام هيثم. هيو سوي زقنبوت زمرد. اي هسة واني دايره وجهي عنه بكلبي كتله زقنبوت بطنك وهم ويه زقنبوت سم الهاري تغمس ويه الزقنبوت هاي اكلي بيض ودردم كملت وديته اله وطلعت وهو صافن ع هل تلفون التهيت اشتغل كملت طبخ ساعه ب ١ضهر وجه قويس (تره ماغلطت ادلعه زمرد قويس ) يصيح ماكمل الاكل جوعان هي كل يوم هيج اول مايدخل الكراج لحد ماصبله اله يسكت وره ربع ساعه صبيتله اله سكت جنت مسويه مركه بانيه تخبل عليه كعد ميدو غسل وجه وكابله ياكل وياه وره شويه اجوي ميس وعمتي وعمي وغسلوا بدون صلاه كعدوا اكلوا وهيثم كال هم صبي الي وياهم زمرد. رحت اصب وحجي بكلبي ابو بطن هسة اكلتلك خمس بيضات شوكت لحكت تجوع تغدينه كلنه ميس حجت وياي ميس. اكلج زمرد والله احسلج روحي العصر شتري ملابس لان سوك مملي ملابس وكله تخبل هسة بس اكمل غده اشوفج تره والله بس تتاخري تروح الشغلات الحلوة عمتي. اي يمه هيثم اخذه العصر هيثم. وشكو تشتري ملابس وهي راح تبطل عده طفل شسوي بدراسه عمتي. عافت الاكل وباوعتله . عود تحجي صدك هيثم. مامبين عليه اشاقه عمي. ولك شنو هذا الحجي مو هي شرطت علينه اذا تزوجك تكمل دراسه وانته بلسانك كلت اي هيثم. يابه وينه وين كليه بعد اني كليته يادوب تلحك علية وع الطفل اني ساكته ماحجي شي واكول بلكي يقنعوه عمتي. ماكو هيج حجي خطيه هاي وصيه ابوه عاد ع اقل احترم وصيه خالك هيثم. خالي هو وصيته بالكبور مايدري بدنيا عمي . احترم نفسك وكافي حجي وكلمتي وحده ماتنثني مرتك تكمل دراسة هيثم. واني رجله وبكيفي وكلمتي تمشي عليه يابه ارجوك لاتدخل ماريد مرتي ماتحترمني وتكول ماله كلمه وكلمته صير اثنين عمتي. تريد تحسب نفسك رجال لو انته رجال وكد كلمتك ماثنيت كلمتك وماخليته تبطل هيثم. بس حجت يهج عمتي لزم الصينيه ودفرهة وكام يعيط انتوا ماتحترموني والله العضيم اذا داومت اله ادفنه بالكليه نوب علية زمرد سويني مو رجال واخذ سويج سيارة وطلع وعمي غلط عليه عمي. بصياح والله اله اني اخذه بيدي للكليه واشوفك تحجي ندار عليه وكلي باجر حضري نفسج واشوف منو ميخليج ترحين اني بقيت ساكته لا اخذ ولا انطي بس اباوع عمي راح لغرفته وعمتي هم راحت واني وميس نغسل بالماعين اني نسيت نفسي رفعت شعري وره اذني باوعت عليه ميس. هي شنو على وجهج ليش مزورك زمرد. ها مو ميس. لا مو ولا بو هذا هيثم ضاربج خلي اروح اكل لبابا عليه اله يدفنه زمرد. ولج واكفي انتي شفتهمتي ورحتي تركضين هاي شغله مال مزوجين مو مضروبه .ماحبيت احد يعرف بمشاكلنه وهم اليوم صيحوا عليه خاف هم من يجي يصيحون عليه ميس. لا بله مو كدامج ميدو وضحكين عليه اكلج صح صغيرة بس مبين مال ضربه لان جايه بطول زمرد.جيبي الفيته وبعد قيسي اي ضربه بس اني بديت العركه ميس. اي غير علمود دراستج حاجيتيه وضربج زمرد. لا كمت احجي وتجاوزت عليه وضربني وبس لا تكلين لعمي يبقه يعيط عليه وع شي بسيط اصلا ضربته جانت خفيفه بس اني جسمي بسرعه يتحسس ميس. تعلميني بضربه والله مرة رجعت ويه صديقتي من المدرسه لان خط ماجه وهو شافني امشي بشارع عباله ماجنت بالمدرسه وهو اجني جرني اخذني للبيت ماهمني الهانة الي سواه الي بشارع وناس كله تباوع افكر اذا رجعت وبويه ماكو احصل كتله وكتلته تموت راشدي مالته يطير وجهي اريد افهمة ماكو يمشي سريع اكله والله الخط ماجه بس هو مايتفاهم دخلني للبيت بس امي موجوده ركضت علينه اصيح شكو وهو شابعني كتل ويكلي احجي كولي وين جنتي واني اريد احجي ماكو وامي اجر بيه وتعيط اخر شي قيس اجه وخره عني وهو مصر اله تحجي وين جانت واني اكلهم والله الخط عطل ورجعنه مشي كل بنات الخط وماكو هو يجذبني شويه اجه بابا وتخبل من شافني هيج ملخه تملخ شعري منفوش وجهي مزورك كله راح اروح اسئل جوارين بناتهم اليمنه واذا كلهن كالن خط عطلان اليوم مراح تخلص مني دز قيس ع صديقات واجه كال كلهن يكولن الخط عطل ورجعنه مشي اجه بابا ضربه راشدي وكله اكسر ايدك اذا تمده ع ميس من هذاك اليوم هيثم بعد ماطخني زمرد. يمه اسم الله هذا شبيه ميس. اي بكلشي يشك ويبقه يحقق حتى امي هم هيج يشك ومايقبل عليه فالله يساعدج عليه حتى اني توقعت مراح يخليج داومين وتعجبت من كال عادي داوم زمرد. والله مادري شكلج بلكي عمي يقنعه حرمات كليتي خوش كليه وبيه مستقبل حرامات تضيع علية ميس. لا بعد مدام بابا دخل فحسبي نفسج هاي هي داومتي اكلج تره باجر روح تنستفسر ونشوف شنو الجرائات النسويهة حضري نفسج واني راح انطيج ملابس من يمي هاي الفترة لحد شويه تكبر بطنج عاد تشترين شغلات مال حوامل زمرد. انشالله فكرت شكد شتغلت وحتى متوجعت معاند ميريد يوكع صعدت فوك نمت الضهرية وهيثم ماكو لحد المغرب صليت ونزلت جوه وهو ماكو سوينه عشا نوب كلمن راح الغرفته ساعه ب ١٢ بليل دخل وكالب جهرتة (وجه)ماهتميت لفيت راسي ونمت احسه شخص اناني ميحجي وياي اله وقت حاجته وماعده حنيه او حب الي فاني هم رفعت نفسي يسوالف اسولف يسكت اسكت نمت وكعدت من الصبح ع صوت المنبه ساعه ٦ الصبح لان عمي تفق ويانه نروح من الصبح كمت بدلت وخليت مكياج خفيف شو هذا كعد كل يوم ابد مايكعد لو تنكلب الدنيا هيثم. وين زمرد. عمي كلي حضري نفسج يريد ياخذني للجامعه اني وميس هيثم. هاا شوفي زمرد اذا طلعت باب البيت اطلكج والقران زمرد. ماعرف من كلي هاي الكلمه احس مثل الشي بيه نهدم . ليش هيثم اني هم الي حق احصل شهادة وصير صيدلانيه وتعين هيثم. شوفي اكلج مثل ماكتلج اطلكج وحق ربج اخليج تتبهذلين اذا طلقتي لااهل ولا عمام صالج شكد مزوج هم احد سئل عليج كال خلي اشوف بنت اخويه شمحتاجه شنو ناقصهة نسئل عليه فمالج احد بس اني الج تمشين ورايه تحصلين رجال وبيت وعائله واذا كسرتي كلمتي مالج بس الطلاق وتبقين تايهة مالج احد زمرد. كعدت ع طابوريه وستمعلة حيل نقهرت صارت غصه بلعومي هاي اكثر من مره يكلي مالج احد وخلفله علية اني زوجتج وكلت صدك هو منو الي حتى عمتي اذا طلكت تتغير علاقتي بيه وبقه وحدي احسلي اتنازل عن دراسي علمود لا اطلك وهذا حقير الي براسه يسويه كمت بدلت و رحت ل ميس ولكيت عمي يمه ينتضروني ميس. شنو بعدج مامبدله يمعودة صعدي بدلي زمرد. لا مالي خلك اليوم بطني توجعني حيل اخاف ع طفل خاف يتأذه غير مره اروح عمي. اه خاف هيثم منعج زمرد. لا نايم اصلان وهو ما حجني ابد بس اني بطني كلش توجعني احسن شي ابقه وغير مره اروح عمي. مدام انتي برادتج ومحد مانعج فبراحتج غير مره اخذج روحي بنيتي ارتاحي واليوم لاتتحركين خلي يولي الشغل اهم شي طفل وصحتج زمرد. حاضر عمو هم راحوا واني صعدت نمت مقهورةع جربايه هو اجه تقرب مني هيثم. عفيه بشطورة الي تسمع الكلام وتقرب مني واني قهر الدنيا كله بعيني هو بعالم واني بعالم خلص راح سبح ولف راسه ونام اني كمت سبحت ورجعت نمت ياربي بس اتعصب ينزل عليه نعاس كافر للعشرة اله كعدت اول مرة هيج ابقه نايمه بسرعه نزلت اركض بس ربك لكيت كله نايمه بقيت انضف وارتب عمتي اذا ماعده شي واشوف البيت هادئ ترجع تنام وخاصه بيوم الماعده سوك اني ردت اصعد وخليهم نايمين بس ذكرت قويس هسة يجي يصيح علينه جوعان جوعان رحت سويت الغده واليوم ركبت قبل تنضيف خليته عن نار وبديت انضف من كملت تنضيف وكمل الغده مركه لحم صفرة وتمن ابيض قيس يرغب هاي الاكله لان بيه بروتين وتفيده عمتي كعدت تكلي كعدتني ريحه الاكل وهيثم هم نزل كتله كمل الغده خلي اصبلك هيثم. لا اريد بيض سويتله بيض وكعد يمي بالمطبخ ع ميز طعام شويه الطنكره رايحه منه يضحك ويسوالف عمتي سئلتني ليش ماداومت ويه ميس كتله بطني نفس الجذبه وهي ضاجت لان اشتغل عمتي. بعد اشوفج تكعدين من صبح تنضفين اموتج شعدج تغبشين علينه ولج نامي مو كلنه نايمين واذا ع الغده نسويه ب١١ شعدج كاعده من غبشه زمرد. عمه اني اصلان اليوم كعدت متاخره ب١٠ عمتي. اي كعدي ب١٠ وتنضيف ماكو بس اسوين غده خلي ميس تنضف بليل شو ماعدنه جهال نكدر نبقه ٤ ايام بدون تنضيف دخل قيس قيس. ها الحبايب كاعدات عاد مكملات الاكل لو ملتهيات بسوالف زمرد. كملت من زمان ومسويه مركه لحم اصفر وتمن هاي ساعه ب ١٢ اجه بس هو مايتحمل يبقه للوحده قيس. يعني اليوم دليميه عاشت زمرد والله ونعم منج ومن اهلج زمرد. يمه هذا كله علمود بطنك قيس. بطني ثم بطني ثم امي هيثم. ههه وثوال ماتشبع زمرد. بكلبي ياا صلاوات ضحك قيس. اي حقك لو تركض الركض الركضته (الله خوش جمله)وشيل اوزان جان متت اكلك صدك شنو قصتك ليش لحد هسة مامداومت شو طولت الاجازة هيثم.لا بعد يومين وتخلص اووف غير لو موضف مو عقد جان اخذت اجازة مال سنه بس هسة كوه انطونياه ربك المديره ماخذه اجازة ماتدري والولد صديقي المساعد مالته انطاني الاجازة قيس. مشوف ربك ماعينك يعرف عبده خلصوه ضحك وشقه اني رحت صبيت غده لقيس وصعدت اصلي شويه وعادي مرات يومين عمي كل يوم يكلي خلي اخذج للجامعه بس اني ادبر حجه شكل حتى ماروح هيثم بهذا اليوم داوم وهل ايام شويه صاير عاقل مو عصبي ويشاقه ويسوالف وياي ومرات يكول ضايج شلون راح اداوم وعوفج كعدنه من صبح ريكته وراح للدوام اني رجعت صعدت لان بعد وكت وهل ايام اني وميس نضف بليل فيبقه البيت نضيف كعدت من النوم ب١٠ رحت كبل سويت غده شويه وانفتح الباب مال شارع باوعت من شباك المطبخ اجه هيثم زمرد. احجي ويه نفسي شو من وكت مو كلي لل٣ العصر يبو بس لا اجته هم اجازة غير انجلط شويه ودخل عصبي وعيونه نار شرب مي وبي حاله مو حلوه يكفر هو يكفر واني استغفر بس بصوت ناصي ماحاجيته كلت خلي يشرب مي ويهدئ اله اسئله شبيه شفته كعد كلت خلي اسئله زمرد. هيثم ليش اجيت ضايج خوماكو شي هيثم. بنتر ماكو شي هو يشوف وجهج يرتاح زمرد. ضجت من حجيه . واني شعليه هيثم. بطلوني من دوام المديره البارحه جايه واكو كم خبيث كايله صاله شهر مايجي يداوم واليوم رزلتني كدام الموضفين ورفعت اسمي للدائرة وهم ماوفقين ع قرارهة اصلان هم بس يردون حجه حتى يبطلون ويقللون من الموضفين مو نوب اني مخالف بقيت ساكته عمتي كعدت ع صوته العالي وعرفت القصه كله عمتي. وشلون بله هو انته كو دبرت الوضيفه ليش هيج خسرتهة علمود اجازة وياريت طلعت ويه مرتك بيه خلصته دياحه ونوم جان رايح لدوامك مو احسلك هيثم. هي هاي وجه الفكر زواج الكشر عليه زمرد. صدك تنرفزات من حجيه. اكلك مره تكلي مالج اهل ومره تكلي فكر وصخه ومهملة شو مو بعينك ولاعبالك مرتك عبالك جابريك علية جبر وهو صار نار لان عليت صوتي لزمني موتني تموت وعمتي تدفع بيه عني هيثم. بنت الكلب تعلي صوته علية اليوم اموتج زمرد. من غلط ع بابا تخبلت . لاتغلط ع بابا اضفر رجله يسواك ملخني تملخ وعمتي تفاكك تريد بس هو اقوه ميس نزلت ع صياحنه وميدو كعد من نومته عمي بدوام وقيس بالقاعه كامت ميس وعمتي يجرن بيه وهو ملخني تملخ ذب كل حركته بيه عمتي. ولك راح يموت جاهل وتموته واخر عنه ميس. اذا مو علموده علمود طفل البطنه حرام عليك اخر شي عافني طلع ويغلط عليه وع ابويه واني اسمع وابجي بزايد ميت بدل ماواحد يترحم للميت هو يسبه فرفحت عمتي جابت كلاص مي وتمسح بوجهي وميس تلم بشعري عمتي. بله كومي عمه خاف طفل صار عليه شي زمرد. لازك لزكه ياريت يوكع وخلص منه عمتي. استغفري ربج حرام عليج زمرد. استغفرالله بس ماريد هيثم واحد اناني ويفكر بس بنفسه مايحترمني وهم ميريدني احسه كوه طايقني عمتي. كولي يالله وعوفي هذا الحجي اني هسة يجي عمج وحاجيه وخليه يطيح حض زمرد. كومتني ميس صعدتني فوك لان عمتي كالت استقري خاف طفل اتأذه بقيت نايمه وميس صعدتلي غده جاي اتغده ندك الباب عبالي ميدو لان بقه يبجي عليه. ادخل ميدو بس سمعت صوت عمي بسرعه كمت هو دخل عمي . كعدي بنتي لاتكومين من فراشج اجه كعد يمي وباس راسي عمي. انشالله تنكسر ايده هل حقير بس خلي يجي اله اطيح حضه مسحيه بوجهي عمي ولاتنقهرين موزين عليج انتي حامل زمرد. لا عمي لاتحاجيه واسوي وياه مشكله مهما يكون انته ابوه وهو رجال مو مال تحاجيه وتصيح عليه واني مرته يتعصب عليه وبعدين يجي يعتذر بس من تتعارك وياه راح يكرهني ويزيد بعد عمي. الله يبارك بيج انتي بعد تربيه ابوج بهذا كلامج ثبتي انتي جبيره وعاقله متردين تخربين بيتج عفيه بنيتي المرة الشاطرة توكف وين رجله وكت تعبه وفرحه وحزنه وتقويه ماكلج هو زين بس شنسويله هو هذا شكد احجي وياه اريد عكس اخوانه عنيف ويحب المشاكل وع اقل شي يسوي مشكله ماكلج شي بس تحمليه لازم يعدل سلوبه وانتي حامل بطفل منه بس جيبين يتغير اني هم جنت ارزل عمتج وغلط واكتلهة وهي تحملتني بس من صارت عدنه عائله تغيرت وهسة جاي شوفين شلون احبه وماكدر يوم ع فراكه حتى ماخليه تروح تبات يم اخوته مافركه يوم واحد بس هي تحملت كلشي مني عصبيتي وغلطي والضرب كله تقبلته واني من كالت عمتج اريد زمرد لهيثم فرحت لان انتي تحملتي ابوج رجال مريض تحملتي رجال مقعد صرتي الام والاب اله وبعدج صغيرة عرفتج مثل عمتج ومشالله من دخلتي تاكدت خلوقه وجميله ومعدله مابيج اي نقص محبوبه طيوبه ماعدج خباثه عاقله والله حتى بدوام اسوالف بيج يم الموضفين والموضفات كلهم اجتني حوريه من الجنه فصبري عليه وهو اليوم تعصب لان نطرد من دوام واحد بالعراق كوه يلكه شغله نوب يبطلوه فذب حركت كلبه بيج رجال يتجه المرته اذا تعصب واذا فرح يحسه شخص الوحيد الي يفهمة رجع باس راسي بقه يصبر بيه بره شويه ونزل 🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷 بايييييييييييي التعديل الأخير تم بواسطة لامارا ; 23-06-19 الساعة 01:29 AM | ||||
|
| |
|
22-06-19, 03:09 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 7 ************ زمرد نزل عمي مني وكل شوية واحد يجي يسئل علية حتى قيس اجه هو وميس جايبين حلويات وكعدوا يمي ياكلون واني ندمجت وياهم لان يسولفون ويحششون وميدو هم اجه بقوا وياي لحد المغرب كلهم راحوا يصلون واني هم كمت اصلي ونزلنه نسوي عشا رجعت صعدت وهيثم صارت فوك الوحده وهو ماكو نمت وكعدت ب٣ بليل وهو هم ماكو نزلت ع كيف بقيت الوب خاف صار علية شي بس قيس بعشا دك علية كله تجي تتعشا كله لا اني ويه جماعتي راح ابقه لايضل بالكم بس مو لهيج وقت شويه ودخل باوع يطوطح دخل زمرد. بكلبي شو هذا يمشي مثل سكران ودكيت ع وجهي صخام سكران يمه بس لاعمي يكعد غير يتخب مايقبل ع جكاير نوب سكران رحت فتحتله الباب ودخلته وكله اااشششششش لاعمي يكعد وهو هم مايحجي بس يتموع تموع صعدته ع الدرج وكل شويه يعوفني ويكعد ع البايات مال الدرجه بلكوه صعدنه اريد ادخله للغرفه وهو بابا الغرفه كام يتقيئ واني شفت واحد يتقئ واني دفعت عني ورحت للحمام وتقيئ لعبت نفسي نوب من تقيئ صارت ريحه دخلت كله بخشمي غسلت ورجعتله لكيت كاعد بالكاع ويتقئ نوب صوته مسموع اكوم بيه ماريد احد يحس بس هو شثكله ماحس اله نفتح بابا غرفه قيس باوع بستغراب ع هيثم قيس. هذا ليش يتقئ زمرد. بقهر الاستاذ سكران قيس. تخبل بس صوته ناصي ميريد احد يسمعه كومه ملخ ملابسه علية دخله سبحه طلع وهيثم بعده دايخ لان اول مرة يشرب دخله للغرفه بس دخلنه سد الباب وصفكه راشدي معدلة خله يفتر بالغرفه وعيونه كله عصبيه حسيته هو جبير وهيثم الصغير هيثم صح وعاط علية شلون يضربه قيس. وزقنبوت نصي صوتك والقران اذا ابويه عرف شارب والله ينجلط الله يطيح حضك هيثم. اكل تبن اني اكبر منك قيس. امداك وامده كبارتك جاي تطوطح بنص الليل تركه وطلع قبل مايطلع باوعلي بحزن شلون مقهور عليه اني عفته وطلعت انضف بالحمام والكاع لان دمرت كله ورحت سبحت رجعت لكيته نايم خليت راسي ع مخده وكول خرب حضي هذا حضي سكير بس لو عرف وين حضي مشمور ودموعي كامت تصب رجال مجاي احس يمه بأمان عايشه بقلق نايمه بصفه ومبتعده عنه مسافه كلت خلي اعرف شنو حكم سكران ردت اعرف معلموات عن هذا شي طلعت بموبايلي واقره عرفت انو الي ينام سكران ينام وياه الشطان يعني يصير زوجه الشيطان ولازم من يكعد صبح يسبح سبح الجنابة تخبلت يعني شنو ياربي طلعت اكثر من موقع وطلع خذا الحجي صح وكومه شغلات وامراض وعقاب الله اله وكف شعر راسي احجي ويه نفسي يعني هسة جاي شيطان ينام وياه تخبلت كمت من جربايه ردت اكعده بس خفت خاف يعيط عليه رحت اركض اتوضه وطلعت قران بالغرف حتى شيطان يترك الغرفه وكمت اصلي وادعي واقراة قران بقيت كاعده للصبح صليت صلاة صبح وصليت لابابا وابجي وكله ليش عفتني شكد جت اتعب لان اشيله ومرات اجي تعبانه ولكاه مصخ نفسه بس مثل العسل عندي اصلان مافديوم كلت تعبانه اوتململت بس يكلي اروح اركض نمت بالكاع وحتى ماكدرت انزع حجاب الصلاه غفيت بيه وبدون مخده للصبح احس واحد كاعد يلعب بوجهي يمشي اصابيعه ع خدي كعدت باوعت لكيته هيثم يباوع علية ونضراته بيه خجل وحزن سويت نفسي موبالي هذا شي كتله صباح الخير وكمت لان اني زعلانه من ضربته باوعت ع ساعه ب ١١ هيثم. زمرد اني اعتذار لان اجيت سكران وقبله كتلتج ماعرف تعصبت البارحه حيل لان نطردت من الدوام وماعرف شون سكرات اصدقائي جبروني ع ابو انسه وراح راسك يرتاح زمرد. اول مرة يعتذار فرحت بكلبي بس مابينت كلت ما اخليه يضوج مني خلي اقبل اعتذارة كلشي يصير بين المزوجين -مصار شي عادي عذرتك لان انته جنت متعصب علمود تعينك واتمنى توعدني بعد ماتشرب ابد - اوعدج بعد توبة هسة راسي يريد ينفجر من الالم -هسة اجيبلك حبوب مال وجع راس بس لازم تتريك قبله راح انزل اسوي ريوك -عفيه بمرتي المعدل نزلت لكيت عمتي كاعده عمتي. بشقه ها ولج ليش لحد هسة نايمه للضهاري واني اكرب زمرد. عرفته تشاقه هم مرات تكول ولج خلي ناخذ دور العمه وجنه ونبقه نضحك. هههه عمه كلش ليكلج الدور عمتي. لعد منا وهيج استعمال هذا دور وياج يله بعد ماكو نوم لضهاري تكعدين من ٥ صبح تحلبين الهايشة وبعدين تعجنين وتروحين براه تغسلين البيت وبعدين تخبزين زمرد. هههه حلوة مال الهايشه بله رفستني شلون بيه عمتي. لا كون ميس توكع بناس عدهم حلال هههه هل عجوزية تلكيه جيبلهم مي وتخلي به ملون طعام ابيض وتكلهم حلبت الهايشة ههه زمرد. ههه سويه والله كلشي اتوقع منه هل عجوزية تذكرين عمه من عمي طالب منه جبن ذاك اليوم لوتدرين شمخليتله ويه جبن بريوك عمتي. شمخليه زمرد. مخليه راس بصل وزلاطه طماطه وكوب جاي عمتي. ولج صدك شو محد كلي ههههه خوش تشكيله زمرد. هو محد يدري بس عمي ومن شاف الاكل شبع ضحك اني جنت امسح بالبيت وانتي جنتي طالعه اسمعه تكله حباب لاتكل ماما تقلد علية وهو غص من ضحك بس وعده بس اني ماقصرت فضحته عمتي. هههه انتي وحده تفضح الثانيه نزل هيثم لكاني ملتهية اسوالف ويه عمتي اني من شفته ذكرت وضربت راسي لان نسيت زمرد. اسفه نسيت نفسي هسة راح اسوي هيثم. عادي حبيبتي مصار شي براحتج نصدمت من حجيه سبحان مغير الحوال اباوع ع عمتي كامت تضحك وتكول الله يثخن لبنكم وين البارحه وين اليوم وهو يضحك ع حجي امه اني رحت سويت ريوك انطيته اله اني ماحب اتريك وهو يعرفني فميكلي تعاي رحت اكمل شغل وجتي ام البصل ميس عمتي بس نزلت ميس كلتله هلة ام البصل شلونج ميس. 🤤منو كلج عمتي. هههه جواسيس هواي زمرد. اني دخلت واضحك. والله مو اني ميس ميس ايا خبيثه وجتي تركض وراي واني اركض صعدت ع تخم بس نضحك شلون نلعب وهي هم تضحك عمتي اصيح علينه كعدن ولجن ولج زمرد بطنج هيثم. يضحك علينه وياكل نوب كعدنه اني وميس تعبانين من تكمز شكد ارتاح من يصير زين وياي صح اضوج من يضربني بس اكول ميخالف وانسه اذا تغير بس بداخلي حاسبته زوج مو اعشقه وخاصه افعالة خلتني انجبر بقيه بس زوج كمنه نكمل شغل وحق الله ميس تشتغل وياي وشاركني بكلشي ابد ماتخلي عليه متعبه صدك هي عجوزية بس وياي لا تكول اعوف العجز لان انتي حامل ميصير تعبين مرت الايام عادي ماكو جديد هيثم متعصب ع وضيفته دور كومه شغل بس محد يشغله كل صرفنه ع عمي وعمتي حتى ماطلب شي استحي بس شغلات المهمة وحتى دكتورة مارحت صالي شهرين حامل بس استحي اكوال هم كافي عليهم المصاريف وعمتي تتوسل بيه واني اكله مدام مجاي احس بوجاع او شي غريب فليش اروح و عرفوا ماراح اداوم لان بده الدوام واني ابد مداومت وسبب انو حامل ومابيه عود اجلته ع سنه جاية عاد جايبه ماعدي شي وهم صدكو هيثم يوم زين وعشره لا ممل وكلشي معاجبه شسوي يكلي انتي شمسويه وهم كم مرة اجه سكران وكام لايعتذر ولايكول بتد ماعيده مرات اكل قيس ينزل يصعده لان اخاف ع طفل ومرات من قهري اني اصعده اكوال بلكي ينزال وخلصه من هاي العيشة شراح يفهم ابوه سكير خطيه جنت متوقعه ولد ماعرف ليش بس بداخلي اكوال ولد نرجع زمرد الي هي هسة بالحاضر فزت من صفنته بصوت الجرس راحت تفتح الباب لكته ام رانيا ورانيا سلمن ودخلن ام رانيا. هاي جبتلج علاج سئلت صيدلي كال هذا حسن علاج حتى يختفي اثر الضربات بس شوية بطيئ يرادله وكت زمرد. شكرا خاله تعبتج وياي رانيا. وين حنفوش ولج اريد اعضه من خدوده الحقير ابو خدود زمرد. ولج نايم عوفي شويه خلي يخلص مني ومنج بس نعضعض بيه رانيا. ههه ولج حتى من اكعد افكر بيه وكزكز ع خدوده وريد اجيج بس اكوال خطيه راح يفشن زمرد. ههه تخيلي وحده من العضات ويسوي فششششش وخدوده تروح رانيا . نجيب البم ونفخه بقن يسوالفن وياي شويه راحن حبيبي ابني يبقه نايم من نوع هادئ كلت مدام نايم اخلي دهن لوجهي خليت دهن لوجهي واديه جروح حيل تاذيني حنى من الالم دموعي توكع وحدهن رجعت بيه الذاكرة ماضي حامل بشهر السابع بطني كبرت حيل رحت مرة وحده للدكتورة بس ماكدرت بكت تحدد الجنس لان رحت بدايه الرابع ومثل كل يوم هيثم بليل يرجع سكران وبس اني وقيس ندري بيه شكد قيس تعارك وياه بس هو ماكو تحجي ويه حايط هم ينصح شكد افهمة انو حرام وميصير بس هو قافل وعرفت من قيس مصادق شله كلش سافلة سكر ونسوان تخيلوا عمي ينطينه ٢٠٠ الف يكله هاي الك ولمرتك هو ياخذه لشرب بس يحلف مايوصل للنسوان اني مامصدكته بس ماكو دليل علية يجي شكد سكران بس ابد ميذكر انو نايم ويه بنيه او يهذي بشي يبقه ساكت لحد فديوم اجه سكران بس ساعه ب ٤ الصبح دخل واني هاي حالتي لو ابقه انتضره لو مرلت اوقت الموبايل ساعه ب٣ اكعد حتى اصعده بدون ميحس عمي بقيت كاعده من شفته اجه فتحت البواب ع كيف ودخلته لازمته من جتافه وهو يتمايل جاي نريد نصعد وعمي طلع من الغرف عمي. شبيه هيثم شنو متخربط . ماعرف شبيه لان داير وجه عنه بس من اجه يمنه ايباوع ع هيثم عرف من حركته وريحته مبين سكران وهو جره مني وكام يعيط كعد كل البيت ع صوته وصفك راشدي جان اكو مغسله من كد قوة الراشدي نركع هيثم بالمغسله هيثم من نضرب اجه ع ابوه ويريد يضربه نزل قيس يركض دفعه ونام عليه وبوكسيات ويغلط قيس. ةلك تريد تمد ايدك ع ابويه عمتي دك ع وجه وتبجي وعمي يكله عوفه كوم عنه خلي اطرده من البيت بيتي ماتدخل بيه سكاره ماريده يتنكس ولزمه جره اني نقهرت ليش ماعدي حض رجلي مثل الخروف يجرجرون بيه وهو نص كاعد ونص نايم شكد نزلت قيمته من عيني ماعده ذرة رجوالة قيس . لايبابه لايسويلنه مكسورة خلي يصحه عمتي. بمعزتي عندك لاتطرده بس خلي يصبح الصبح والقران اني اطرده لزمه جره بالحمام وذب علية مي وهو هيثم بس يبدي يصحه يبقه يتقئ عمي من شافه يتقئ عمي. سم الهاري وابو زايد ياكلب ياسرسري وهيثم كاعد كعده ويتقئ نوب سد الحمام عليه وعرفناه دخل يسبح هم كلهم كعدوا بالهوال ينتضروه يطلع مبين يريدون يحاجوه اني صعدت اجيبله ملابس من صاح زمرد كتله اهاك ملابس قبل لايكوال اريد ملابس اخذهن وسد الباب واني رحت صعدت غرفتي رجعت نمت شسويله خليهم بلكي يحاولون وياه حتى يترك هذا الزقنبوت نمت كعدت ع صوته وهو يكلي طومي يله اني فزيت هيثم. بعصبيه يله لمي غراضج بعد مابقه دقيقه هنا زمرد. شكو هيثم. ولاصوت تلمين غراضج وغراضي وماريد ولا كلمه كمت اجمع بالملابس بجنط وحتى ماعرف شنو اخلي ملابس طلعه ملابس بيت كلهن كمت اخلي بس شغلات نحتاجه ماعرف ويه ماخذني هو طلع عرفته طلع بره نزلت لعمتي اريد افتهم شكو لكيته كاعده وحده وتبجي زمرد. ها عمه شكو شصار عمتي. سودة علية اني ورطتج بهاي الزواجه بس كلت احسن ماتبقين وحدج وابني ناوي ع زواج وجان ولد شاب ماعده هيج شغلات وحاله حال اخوته شوية عنده غيرة بس اكوال كل رياجيل هيج شو هذا تحوال ميه درجه بره زواجه تخبل خبال وهسة عمج طرده من البيت حتى يأدبه بس احنا عبالنه يطلع وحده شكم يوم ويرجع بس كال مدام هيج طردتوني راح اخذ مرتي واطلع ابوه كام يصيح متاخذه وياك وهو يكلهم مرتي واني حر بيه محد اله دخل رجله ع رجلي وهسة جاي يلم بغراضه حتى تطلعوان بيت وحدكم شلون بيج منيلكم انتو افلوس تكونن نفسكم وهو مهتلف ماعده وضيفه بقيت صافنه اني كوه متحملته وطايقته خلفله عليهم ينسوني من انزال يمهم انسه حقارته شلون اذا بقيت وحدي شويه وجه بيده كراتين هيثم. شعدج سوالفين هااا مو كتلج كملي شغل الفوك اريده متخلين قطعه قماش فوك زمرد. جنط متكفي نملت . ماحجيه وناقشه لان هو عصبي وبس احجيه وكله خلينه نبقه هنا يتحوال عليه ويذب كل عصبيته بيه هيثم. هاج هاي الكراتين ويله خفي ايدج وطلع يخابر باوعت ع عمتي وكتله شسوي عمتي . بنتي امشي وره رجلج بلكي من ينحصر وهو ماعده فلوس يترك هاي سوالف واني كل فتره اجي انطيج فلوس الج رحت صعدت الم بالغراض ومن ضمنهم قاصه بابا ابد مافتحته اريد بس واحد يروح للحج ونطيه اله يحجه بيهن بنيابه عن بابا خلبته بجنطه وذهب مالتي ومكياجي مابقيت شي بس الغرفه هو يجي يشيله يجب ناس تنقله صعدتلي عمتي بقت تبجي واني هم وياه شبعت بجي نوب طلعت فلوس بيهن ٥٠٠ الف كالت هاي الج دزهن عمج كال كليله ضمهن لوكت حاجته وابد متنطيه منهن هزيت براسي وكتله اي ميخالف وره ساعه اجه هيثم وكال طلعن جبت ناس تشيل الغرفه رحنه كعدنه بغرفه ميس ماحجينه شي ساكتات كمل نقله رحت للغرفه مفرغه كلي يله خلي نطلع اني جنت لابسه جبه وحجاب طلعت وياه هو ببده مفاتيح السياره جاي يريد يشغل السيارة طلع عمي عمي . جيب السويج بسرعه هاي مو سيارتك ع يا اساس تاخذه هيثم. شنو مو سيارتي يابه شبيك انته حنى مسوق بيه وقيس ميعرف عمي. جر المفاتيح مالك شي يمي يسكير ويله بره بلا مطرود واياك تدخل للبيت بس زمرد تجينه انته متدخل هيثم. يله امشي بسرعه رحنا نمشي بشارع اجر تكسي صعدنه واني ماعرف وين ماخذني شوبه ونزلنه كدام عمارة دخلني بالعماره صعدنه ثالث طابق بشقه فتح الباب و كلي فوتي بيت اول مدخلت شلون صاله جبيره وبيه شباك يطل ع شارع من هذا المكان ثلث بوب اثنين خشب واحد الالمنيوم عرفته من الباب هذا الحمام وهاي الغرفتين وحده مطبخ وثانيه غرفه نوم البيت هوسة ملابسنه موجوده وغرفه اخشاب مدخله بالغرفه ناصبه بديت ارتب تبهذلت وهو تركني وطلع نشلع كلبي علما خلص صفطت كل الملابس ونضفت البيت بقت صاله فارغه بس البلازمه بالكاع بعدهي مامشكله والمطبخ كذالك فارغ اجه ب٣ العصر كتلني جوع وتعب وحدي بعدني مستغربه دخل لان عده نسخه من المفاتيح بيده علاكه اكل كلي اكلي هيثم. اسف لازم كتلج الجوع بس عذريني جنت عصبي ونسيت نفسي وهم جنت ادور شغل يله حبي راح اغسل ايدي وجي ناكل سوه تره هم نفسج ماخليت لكمه بحلكي زمرد. اوكي. بقيت متعجبه قبل شويه نار كبره حتى مافتحت حلكي بشي خاف يعيط عليه وهسة يعتذار ويكلي حبيبتي والله هذا مريض رجال اجه تغدينه وبعدين غسلنه ورحنه للغرفه هيثم. ماعرف شسوي كومه نقوصات عندي وبس بجيبي ٢٥ الف زمرد شيريني كليلي شسوي زمرد. وانته ليش طلعت جان بقينه هناك عاد جنه ناكل وماحسين بشي ولامسؤوليه هسة بعد منين ندبر هيثم. زمرد اني اريدج توكفين وياي بشي حبابه ساعديني خلي نساعد بعض زمرد. بشنو اساعدك هيثم. زمرد اريد اطلب منج شي بس والله بس هاي الفترة علما ادبر شغل وهم اكو تعينات راح تنفتح بره شهرين بلكي اتعين زمرد. اي هيثم. خلي نأجر بيت ابوج بس فتره نستفاد من فلوسة لحد ماتعين وهو فارغ زمرد. بقيت محتارة شكله حتى اني نسيت بيت اهلي من يوم زوجت بعد مارحت وشفته بس تكلي رانيا تروح هي وامه ينضفنه ويشوفن خاف احد داخل او مكسور بيه شي تعجبت من طلبه بس كلت هو رجلي لازم اساعده واحنا هسة بحاجه الفلوس عادي عيثم مابيه شي وحتى نجيب الاثاث هنا نخليه لبيتنه لان اثاث جديد وماعدنه جهال متلفته هيثم . هااا خوش لعد راح ادبر ماجر بره فتره جاب الغراض طباخ وثلاجه ومجمده وطباخ وتخم وحتى البردات وفراش الشتاء واجار البيت ب ٥٠٠ الف لان بيت ١٥٠ متر جبير من استلم فلوس الايجار اشتره بيه مواد غذائيه وهل ايام ماكو شرب واني ادعي بلكي يتركه دخلت ميخليني اوصل للباب حتى ميقبل افتحه اذا احد دك الباب بغيابه بره فتره تاخر علية عرفت راح يرجع سكران ب ٣ الصبح دخل وهو يطوطح كبل نام ع الفراش اني شبعت قهر يعني رجع سوالفه كام كل يوم نفس شي جان عاد بين كل فتره يشرب هسة كل يوم وحتى كام الايجار ميكفي يادوب يبقه كم يوم وبعد شهر كله يخلص تحصر وهم ميكطع شرب طلع يشرب بدين ومن يجي الايجار يوفي دينه عمتي دك عليه وهو محذرني مجاوبهم بس من يطلع اجوبه وكتله ابد لاتجين خليني سالمه ع نفسي وعرفت بعده نفس الشي وتخبلت من عرفت اجار بيت بابا وكالت اله اكل لعمج بس اني كتله لاتكليله خليني سالمه هسة بس يعرف عمي يجي يتعارك وياه وهو راح يعرف اني كايتلتكم وهو كلي ادفنج اءا كتيلهم وهي سكتت خافت عليه لان دخل شهر ثامن هذا شهر خطر ع طفل خاف من الكتل اطلك وجيب مرات الايام لحد فديوم اني جنت جاي اطبخ غده وهو كاعد ع موبايل ويكل لواحد اي ميخالف بس هسة ماكدر انتضر بس تجيب بقيت افكر شكو وليش جاي يحجي عليه ومبين صديقه وطبيعته يتخبل اذا اكله من جان يخابرك ويعرف جنت اسمع الحجي مالته حتى مرة كتلني بسبب كتله شنو تكول صديقك اني مديون ودين واصل راسي بس انطيني وقت بس كتله هيج تخبل لعب بيه طوبة شعليج ولاتحشرين نفسج كلت احسن شي ماحجي هو بس يتغده وبعد يروح منا لحد ٣ الصبح يرجع سكران جنت من اذب زباله (تكرمون) كدام الباب صبحيه او العصر اكو مقابيلنه بابا صار عندي فضوال اعرف اكو احد بهذا البيت اني اسمع ناس وصوت بس مامتاكده فديوم سمعت الباب نفتح بسرعه طلعت عود سويته صدفه بس فتحت الباب صارت كدامي وحده مره عمرة يمكن ٣٠ سنه او٣٥ هيج شي شعره اصغر والحواجب تاتوا بس حشه المسويات تاتوا هاي مو تاتوا لعبان نفس مبين اكثر من مره مسويته لان اكو اثر مال قديم وتاتوا لونه اخضر ع زراق لون بشع ومسويته شيطاني ومبتور والحمرة تنكط عبالك عروسة وثوب قصير وطالع نص الصدر شكله بشع صح عمتي تلبس قصير ومعتنيه بنفسه بس ملابسه قانونيه ومتطلع الباب اله براسه العبايه وشكله هاي مو راحه هي بس شافتني سلمت واني رديت سلام ودخلت ابد ماتاحيت اله كلت بس يجي اسئله شنو احنا هنا يعرف ناس الجوارين يمكن ناس موزينه وهو يتركني وحدي حيل خفت لتهيت بشغل البيت نسيت اسئله وهو من يجي مايدري بدنيا وين صايره لحد مرة سئلت وكال ناس ماذيج داكين بابج كتله لاء كال لعد شكو تحققين اني المهم ابو العمارة صديقي دخلت شهر تاسع بنص شهر التاسع صارت عندي الالم بليل ادك عليه ميجاوب لو يقفله اخر شي بعد ماتحملت دكيت ع عمتي ودليتهم ع مكان اعرف بس اسم المنطقه وقيس من الوصف الكتله علية اجه عليه هو وامه دخلوا عليه اخذوني وقيس يغلط ع هيثم لان عايفني وصار نار رحنه للمستشفى بقيت اطلك من ١٠ بليل لحد ساعه ٥ الصبح بس اني سكته يجيني الالم اعض ايدي لو ملابسي واذا راح اسكت والبنات تعيط صريخهن واصل لشارع اني اباوع الدكتورات وكادر كله يبقن يصيحن ع التصرخ وحتى وحده طردنه لان بس يطخنه تصرخ اني ساكته حتى ميجن يفحصني عبالهن سالفتي طويله بديت احس شون شي جاي يوصل غبالك روحي تريد تطلع زمرد. عفيه لحكني راح اموووت اجر الكلمه من الالم اجتي تفحص وتجيب يسمنه قابلة القابله . مشالله واصل راسه صلاوات وباوعت ع دكتورات ولاتوقعته تجيب ع هذا الهدواء العده اخذتني صعدتني ع سديه واني بس اصرخ ياعلي احس وصلت للموات كلت هاي هي القابله . يله ماما هاي اخر دفعه انتي معدله جاي خوش طلكين بس هسة من طلكين اتنفسي قوي وعصري نفسج اني سويت هيج وصرخت ياااااعللللي وهو طلع طفل مني يمه راح كل الالم جان ماذيني بلحضه ختفه كلشي اني من دخلت سولي سونر وعرفت ولد اول مره اسوي سونر وعرف الجنس خليت راسي ع فراش وكتله دكتورة ولد مو اي ماما ولد قرد مثل امه وتضحك باوعتله وابتسمت مصلخ ابيض ثلج احمر اجتي وحده لبسته ملابس وكومني وقابله تكوال ماكو مثلج اجتي وحده ابد ماحسيت بيج كعدني بالكرسي وطلعت للغرفه استراحه وطفل بحضني يخبل جنه العافيه طبعا اني ماكدرت اطلع وجهز اله عمتي هي كلتلي اني سويتله جهاز من جيبين اجيج للمستشفى وانطيجياه وخطيه جايبه كلشي وكله ازرق وردي بس طلعت لكتني عمتي وتهلهل جانت بس هي تكدر تدخل لان رجال بره ممنوع دخولهم عمتي فرت بيه وبجهال تخبلت جابتلي اكل وخذتني للحمام حتى تجي دكتورة تفحصني ونطلع سئلت عمتي ع هيثم كالت اجه ساعه ٤ الصبح وعمج ابو هيثم هم اجه طبعا عمامي ناسيتهم لحد يجي عليه ولايسئل وره ساعه طلعنه ولكوني عمي وهيثم وقيس وكلهم فرحانين وعمي اجه باسني وهيثم تحمدلي بسلامه وقيس هم وفرحان وصلوني للشقه وعمي ماجه للشقه لان زعلان ويه هيثم وقيس كعد شويه وراح بقت عمتي يمي كم يوم وشافته داير وجه وماعجبه وجوده حتى مرة كامت تبجي تكوال والله هذا مو ابني غير واحد شخص غريب واني حسيت من اسلوبه عنده شي وميريد احد يدخلنه وكلساعه يجينن ويعرف عمتي بس يرجع يحجي وياه تكوم تجي كل يوم بس هو هيج سوه حتى بعد ماتجي وحيل ضجت من اسلوبه وليش ميريد يجينه احد والله هذا وراه شي الله يستر منه بقيت كلبي لاعب مخنوكه احس راح يصير شي بس جان جاهل يحتاج اهتمام بقيت ملتهية بيه ومحتاره بيه لحد صاره همرة شهر وهذا اليوم هيثم بقه كاعد يمنه وحتى ماشرب نمنه وهو حسيته عنده شي بس ميعرف يحجيه........ التعديل الأخير تم بواسطة لامارا ; 23-06-19 الساعة 01:30 AM | ||||
|
| |
|
22-06-19, 03:23 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 8 ******** زمرد هذا اليوم هيثم بقه كاعد يمنه وحتى ماشرب نمنه وهو حسيته عنده شي بس ميعرف يحجيه اني هم لفيت راسي ونمت اني بهاي الفترة كمت اصرف من الفلوس النطوهة الي عمي وعمتي قبل لانشيل لان ماكو يجيب الايجار اذا يريد يكتل نفسه ٥٠ الف يادوب مصرف بيت والله مرات انسه اسم فواكه واني ارضعه احتاج هيج شي نوب شفت الطفل خطيه صغير مومال صدري وبس لازم حليب وياه طلعت الفلوس واكل لهيثم هاي اشتري حليب يسالني منيلي ٥ الف مال الحليب اكله اجمع الالف لتعوفه وجيب بيه حليب والله العضيم اتعس حليب اجيبه وريحته تكتل الحليب لا اكدر اخلي ع صدري ماكو شي يشبعني ويخلي صدري يدر هاي مخلصيه تمن ومركه بدون لحم ودجاج اذا يريد يجيب صدفه يجيب وماكدر اكله هاك مثل ميه وملينه ثلاجه مسواك هسة يكلي منيلج وبقه خطيه جاهل منين احيب اله حليب وحفاضات والله نشلع كلبي اكله وين تودي الفلوس مال الايجار يكلي مديون هاي مره كتله وين تودي الايجار وكلي دين اني كتله عليمن مداين ع صخام وجهي بس حجيت بصوت عالي وجنت مقهورة حيل لان ماكو اكل واني نفسة ولايخلي عمتي تجي تمر علية هو بس عيطت وكتله هيج لطمني بالحايط وحتى خشمي طك دم نوب يقهرني من يشوفني هيج مايجي يكلي شبيج يخاف لان طلع دم واني مصالي ٤٠ يوم يتركني ويروح صار عمر ابني اسمه حسن ٣٥ يوم بعد ٥ ايام وندخل اربعين يوم بهذا اليوم اجه هيثم من وكت وماشارب بس اباوعلة يصفن كل شوية يصفن نمنه ثاني يوم كعدنه من صبح وهو مو عادته يكعد من الصبح راح جاب بيض وصمون واجه تريك وطلع اني كمت انضف وجاهل حبيبي كلش هادئ بس انطيه حليب شبعه وبدله يسكت سكته بعد لحد ماني اجي اتحارش بيه لان طفل ميصير يطوال بالوجبات لازم كل شويه انطيه حليب وخاصه جاهل الهادئ لان تفوته وجبات هواية هيثم يحب الطفل بس يكول بهذا العمر ماحب الطفل احبه من يبدي يكبر ويكوم يناغي فقليل يلزمه وهو نص يومه سكران ساعه بتسعه جنت كاعده العب بحسن دخل علينه هيثم وهو سلم وبيده علاكه شرب تعجبت اول مره يجيبه للبيت اني تعصبت بعد يعني بالبيت راح صير راح يجيب هذا الزقوم ويزقنبه هنا وماكدر احجي شي عصابي تلفت بسرعه نومت ابني وطلعت ابوعله يشرب بكلاس مبين عرك ويكرز حب وياه من شافني صاحني هيثم. زمرد اريد اكلج فدشي بس سمعيني للنهاية انتي مرتي ولازم توكفين وياي حجيه مال واحد ثمل بس مو حيل لان لسانه بس كوه يحجي بس كعدته وحركته مو مال ثمل اني سكتت بقيت استمعله وتوقعت منه عنده طلب مثل يريد فلوس او غير شي هيثم.زمرد اني مديون ٥٠ مليون زمرد. دكيت ع وجهي ع شنو مديون هل كد ع هذا السكر هلكد مديون شو مامشترين شي غالي هيثم. مو اني هذا اجرت من الشقه صديقي كمت مانطيه فلوس الايجار وكمت اسكر بفلوس الايجار مال بيتكم ولعب قمار واخسر قبل لاتجيبين لعبت وياه لعبه حيل قوية واني خسرت وانطاني مهلة كم يوم وخلصن وهم انطاني مهلة زمرد. يعني فوك مانته سكير وهم قمرجي الله لايوفقك ياحقير ليش هيج سويت بيه اجه عليه ولج منو قمرجي اني اسوه راسج وراس الخلفج وركعني ع قنفه اني صدك نقهرت وتعصبت عليه شلون خمسين مليون ع شي تافه منيلنه خطيه عمي ماعده هيج يادوبة موفرة العيشه انته انسان فاشل وسافل ياكلب الله لايوفقك انطيتك بيت ابويه حتى تستفاد منه طلعت تلعب بيه قمار هيثم. لزمني ملخني تملخ كفخات واني جوه بس ادفع بيه صارت قريبه عليه لزمه وكام يضرب بيه ويغلط ويفشر اني كمت اتوجع متت كلش اذاني توجع ضربه واير الشاحنه تعب من الضرب كعد شرب البطل نصه و تركني راح للغرفه شويه اجه بيده سيت نوم من ملابسي اجه ويطوطح كوه يمشي هيثم. نسيت اكلج صديقي يريدج يكول تخبل مرتك من نسكر يحجي بيج وهسة ميريد فلوس يكلي بس ليله وياهة تعادل خمسين مليون يعني حل الدين انتي عاد خلينه نستفاد منج زمرد. وكف شعر راسي هذا جاي يحجي شنو الضرب اثر عليه وخلني اسمع هيج حجي زمرد.هيثم جاي تحجي انته الشرب اثر عليك هيثم. مثل ماسمعتي مراح يصير شي زمرد. ولك جاي تحجي اني عرضك شنو هذا الحجي هيثم. عادي هو هم يشاركني برمرته نمت وياهة مرة وعادي ماتحجي شي زمرد. صارت عندي قوة تخليني اضربه راجدي طيرت بيه خده ياكلب تقارني ويه هذني الكح اني اسواك وسوه راسك اجه عليه لزمني بالواير مال شاحنه حتى وحده من ضربات صارت ع وجهي كمت اكمز اديه حتى ابوع كم جرح كام يطلع دم اخر شي وكعت بالكاع من الالم راح للغرفه و طلع من الغرفه بيده قاصه مالت الحج مال بابا اني كمت كوه زمرد.جيب شسوي بقاصه بابا هاي ضامته للحج مالته هيثم. هه ضحكتيني تلكي هسة جاي يتلوع بجهنم زمرد. الله يحرك بنار جهنم دنيا واخر ياحقير وابجي كمت اجره منه جيبه جامعتهن فلس فلس تاخذهن ع شرب دفعني ويريد يطلع هيثم. حضري نفسج اليله سهرة لصبح عود لبسي شي حلو راح قفل الباب مال الشقه واخذ نسخه الي يمي وموبايلي اخذه وطلع اني تخبلت ياالله يا ام البنين لحكيلي ماعدي غيركم يافاطمه لحكيني شرفي راح يروح سمعتي حافضت عليه راح تروح رحت اركض ع حسن لفيته وبالي انو اشرد من البيت مهما يكون المهم احمي نفسي احمي شرفي لبست جبه وحجاب وابني بيدي وطلعت الفلوس الي عندي وذهب مالتي همزين مامخذه وجنسيتي وكلشي مهم يخصني بس طلعت بطرك الحليب للطفل وحفاضات حتى ماكدر الم ملابس خليت ابني بالكاع كمت اجر بالباب ماكو مينفتح اجر وابجي اخر شي ايست باوعت ع ابني وبراسي فكر شيطانيه اكتل نفسي واخلص بس باوعت ع ابني وين يروح من بعدي ماله احد نوب كلت احرك نفسي اني وياه ونخلص من هاي الدنيا باوعت ع حسن عيوني كامت تصب نايم طفل ماله ذنب ليش ياربي زرعته بطني شنو ذنبه يعيش بهاي الاذيه شايف جاي يصارع الموت احس واحد يكلي روحي شغلي الغاز وحركي نفسج واحد يكلي حاولي ويه الباب راح ينفتح وتتحررين اخر شي كمت اجر الباب وابجي ياعلي اوكف وياي ياداحي الباب اوكف وياي انته الي قلعت باب خيبر افتحلي هل باب انقذني ايست من فتحه الباب وكلت لازم هسة هيثم ع جيه رحت بالمطبخ ادور ع شي اغتح بيه الباب باوعت عندي سجينه جبيره عود استعمله للحم جنت بيت اهلي رحت كمت اضرب بالقفل ماكو نوب كمت اضرب بالخشب الي يدخل بيه القفل الخشب يوكع قطع صغيرة ذبيت سجينه بالكاع وجريت الباب جرتين ماكو ثالثه جريته وهو نفتح تكسر الخشب لزمت ابني بديه اول مرة الزم طفل وطلع بيه بشارع حضنته ع كلبي وبيدي جنطه ايد بيه الغراض وركض طلعت المرة من الشقه تباوعلي وصاحت ورايه بس اني ولاباوعتله وهي راحت تدخل للشقه مالته عرفته راح دك عليهم لازم عده معرفه بصاح العمارة الي هو صديق هيثم نزلت العمارة واني كلشي ماندل بس اعرف هي المنطقه اسمه عرف بعده عن بيت اهلي ربع ساعه رحت اركض بشارع وابني حاضنته ع كلبي حتى من كد الحضن اديه توجعني نوب هي مجرحه من الواير اركض بين سيارات خاف يجي هيثم ويشوفني بسرعه وصلت لشارع العام لان جان قريب اجرت اول تكسي حتى ماكتله بيش بسرعه صعدت عفيه وصلني للمنطقه الفلانيه كتله وديني منطقه اهلي ماريد اروح لبيت عمتي لان راح يعرفني هناك اني يم عمتي ردت اختل عنه كلت اروح لبيت رانيا لان مايندل بيتهم وهم مراح يشك اجي لهاي المنطقه لان مالي شي هنا بيتنه وهو ماجره يسوق الولد واني اتمنى يطير بيه من شفت اماكن تدل انو اني وصلت لمنطقتنه ارتاحيت نزلني كدام باب بيتنه لان بيتنه ركن انطيته فلوس ونزلت امشي بنص الفرع هم اهل رانيا نص الفرع رحت دكيت بابهم طلعلي عمي ابو رانيا تستغرب شكلي لابسه حجاب وجهي بيه ضربه خقيقه اني ماشفته بس احس خدي مورم ابو رانيا . شبيج زمرد هاي شصاير بيج زمرد زمرد. بس شفته كمت ابجي وناشغ من كد البجي ابو رانيا . فوتي بنتي فوتي وصاح ام رانيا رانيا تعالن حتى يامني انو موجدات بالبيت لان ترددت ادخل ام رانيا. هاا ابو ياال صخام هاي زمرد شصاير بيج رانيا. اجتي وراهة شكو من شافتني تعجبت وجتي عليه اني بس اجتني حضنته وكمت ابجي بصريخ بيه ريحه الماضي بيه الايام الحلوة بيه ذكريات ابويه من يقرينه سوه ااااه اخ لو ترجع بينه الايام لو باقين صغار ولا هذا الهم هي هم تبجي ع البجي مالتي وحضنه بيه اشتياق الي صالي سنه مشايفته بس اتصال بينن وهم اخر فترة كطعنه المخابره بامر من الحقير هيثم العار ابو رانيا. يمسح بدموعه دخلي بنتي رانيا كافي خليه تدخل ارتاح مبين تعبانه ام رانيا. تبجي وحضنتني يمه سودة عليه الله لايوفق الضاربج تنكسر ايده واخءت اطفل من ايدي دخلوني جابتلي رانيا مي وعصير بس شربت المي لان حلكي يبس من الركض والخوف تركوني ارتاح ابو رانيا. بنتي رنو اخذي زمزم تروح ترتاح وانتي ام رانيا طفل شوفي شنو نقصه خلي اجيبه اله زمرد. عمي اريد اكلك ع شي ابو رانيا. كولي بنتي زمرد. خاف يجي احد من طرفي اهل رجلي رجلي عمامي كلهم ماجتني زمرد ولاشفته اني بشاربك فدوة عمي احميني ابورانيا . بنتي لازم تفهميني شنو صار ماكدر اسوي شي اله اعرف شكو سولفتله كلشي من الف الي الياء مابقيت شي بكلبي وماحجيته ودموع ويه كل كلمه اكوله ينزلن وشهكات ماتنطيني مجال احجي ابو رانيا . الله طيح حضه هذا العار الكلب ام رانيا. صوج مو بيه صوج بعمامج ماوكفوا وياج وسندوج وكل يوم واحد يجي يسال عليج حقه هيج يسوي يكلك مكطوعه من شجرة شسوي محد يسال عليج وحتى عمتج مهما تكون هي امه رانيا. يالله اكو هيج بشر ابو رانيا. الي يسكر ويلعب اقمار كلشي توقعي منه ابو رانيا. زمرد انتي شنو قرارج زمرد. اريد يطلكني بعد ماتقبله وحتى ماضمن نفسي اذا رجعتله لويحلف ميه امام ماصدكه ابو رانيا. شوفي بنتي اني مهما يكون ماكلج ع شي يخرب بيتج بس يابنتي الي كل المرته اريدج كطع وكال استغفرالله ياربي بنتي هذا مورجال هذا مخنث اشباه رجال حرمات ضيعين شبابج وياه فاني من باجر راح اشوفلي محامي يلزم قضيتج وبيت ابوج اروح للناس الي بيه اكلهم تنطوني الي الايجار ماتنطوه لغيري زمرد. خلي عمي شويه ناجل مال طلاق شويه خلي عمامي يعرفون مو احسن ابو رانيا. بنتي زمرد عمامج مابيهم خير واني مستعجل بسالفه طلاق لان مدام بيج هذا جرح وبعده جديد وعميق اريده يكون هو سبب طلاقج لان من كل قاضي زوجه يريده تكون بنت ليل مراح يصدك اله دليل وهيثم راح ينكر فراح اخلي حجتنه نريد نطلق لان شراب عرك ويضرب مرته رانيا. صح كلام بابا اكلج مو كلتي كل جسمي ضربني اكو هم اثر لو ماكو زمرد. اي اكو اكثر ضربه ع اديه وفخذي وضهري ام رانيا. بس ايدج طلعي اشويه منه رفعه شويه من الجبه وطلعت اديه كله خطوط مال كيبل هم كلهم شهكو ام رانيا. انشالله ايدك تنكسر بجاه العباس ابو فاضل ابو رانيا . والله اله اخليه يندم اله كلهن ادمره عليهن بنتي خسبيني ابوج والله اله اخذ حقج من عينه بسيط ياهيثم الكلب مدمرج الحقير ام رانيا. يله يم كومي اخذي راحتج روحي بغ فه رانيا وخلي رانيا تنطيج ملابس ونامي وهم ابد لاتفكرين بابنج يمي اني ادريه الليله خليني ارجع صغيرة اكمط ورضع بس كون يرضع ممه حتى بليل من يكعد جوعان ماكعدج زمرد. اي هاي الممه بس خاف خاله يتعبج ام رانيا. سكتي شيتعبني بطرانه اني اموت ع جهال وهو مبين ابو بطن بس يشبع ينام رانيا . يمه فدوة لهل خدود راح اعزك (اعضك)تقبل يحلو وعضته من خده وهو بس تحرك ورجع نام رانيا. ههه هذا يحب العض يمه فديته فدي ابو خدود ابو رانيا. عوفي خدوده خطيه خلينه مدنفشات وبعده جلد ناعم لايحبب رانيا . عفته عفته وهي مستمر تعض يمه سويلنه نونو حبابة ام رانيا. هههه والله اني هم شو من شفت حسن اشتهيت اسوي طفل بقوا يحجون ويلعبون بحسن اني رحت غسلت ولفيت راسي ونمت نومه قلقه احس نفسي ثقل عليهم ع هم ماحسسوني بشي وهم فد كريمين ويرحبون بشخص بس اتي مامرتاحه باي انتظروني بارت جديد التعديل الأخير تم بواسطة لامارا ; 23-06-19 الساعة 01:33 AM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
