آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-07-19, 12:13 AM
| #11 | ||||||||
| مراقبة عامة ومشرفة منتدى الروايات المنقولة  
|  #مساء_الخير #البارت_من_غير_تصحيح_املائي #شيخ_الشباب_من_كتابات_زهراء #البارت_العاشر هاي انه الحضنتك لا تلم روحك! -مظفر النواب ▪︎زينب دخل علية مرتضى ، من خوفي صعدت ركب رجلي ودفنت راسي بينهم -زوزة ما سمعتي اريد غده ميت جوع اليوم استلام الرواتب وتأخرت لأجل استلمه ومناك رحت للسوك فتأخرت زينب ارفعي راسج ام عطوب هههه جبت الج مفاجأة دكومي عاد زينب ! فزيت من صيحته ،رفعت راسي ظل صافن مخترع ، اظن كلشي ما يدري ، - اشبيه وجهج ااتقرب ودنك عليه لزمني من ذقني ، يباوع لأثار الضرب - لج شنو هاي وجهج خريطة ، شصاير بيج! منو ضاربج؟ احجي دخلت فاطمة كانها اتريد تلحك لا اكول شي - امي ضربتها وتدري بأمك من تفقد كام من يمي وسأل فاطمة -ليش شنو مسوية الها حتى هيج تعنفها هذا تعنيف مو ضرب عادي يا يوم امي ضربتها بعد ما كبرت!؟ فاطمة-ا ا مو هي قلت ادبها عليها وغلطت فأمي عصبت حيل مرتضى- مهما كالت ما يصير هيج شو وخري فاطمه من كدامي عافنا وطلع تارك كيس صغير احمر يمي رجعت انطرحت وضميت وجهي بادية فاطمة- زينب اياج مرتضى يعرف شي يكتلج خلاص ، و يروح يتعارك ويه ياسر تخرب بلا عمار اذا اخوج عرف رجع عليه -صدك جذب هيج كاتله البنية حتى لو مجاوزه ما يصير دكومي كومي كمت ارعش سحب ايدي وكعدني وهو مدنك يدقق بوجهي ، رفع ردن ثوبي -هاي حتى جسمها شنو هاي ؟ رفع ثوبي عن رجلي يريد يشوف بقية جسمي شهكت غطيتها استحي منه ظل يحجي عليهم و يسب الساعه الي انولدنا بيها واجينا اهنا ، جاب ثلج وكال لفاطمه اتحطة على جوة عيني لا يورم اكثر وراح للثلاجه جاب مسكن شمرة عليه مرتضى- انت شكايلة ما تكولين الي اول تالي امي اضربج ، اجتنا امي بعد ما مرتضى طلع ونفس كلام فاطمه كالت اذا عرف يكتلج بس هو ما مقتنع ابد ، فاطمه- خاف ابوية يكول اله ام علي- ابوج دخل غرفته وبعد ما طلع اشلون بينا لا يصير بيه شي دخلت رقية جانت بالاستقبال وكعدت يمي تبجي ، اني كاعده و ذابه ضهري على الحايط ، لزمت متني وخرت ايدها بقوة عني وكمت من يمها كعدت يم الشباك كامت ، اشرت الها -أياج توصلين الي رقية- ز زينب ! ظلت تشاهك وتبجي فاطمة- رقية جيبي تليفونج راحت طلعته من جنطتها وانطته الها ، فاطمة-روحي رقية للصالة وها غسلي وجهج لا تبجين لا يشوفج مرتضى ، واذا شافج كولي اله اجيت خطار شتكولين ؟ وهي تشهك جاوبت -اجيت خطار -عفية يلا روحي طلعت رقية ، فاطمة كأنها نقلت شي من تليفون رقية الها ، و حطت التليفون على اذنها - الو ياسر اني ام مصطفى اخت رقية عفية اسمع فتحت مايك كأنها اتريد اسمعني - نعم كالها بجمود يخوف - خوية ترة صار التباس بالموضوع وسوء فهم ، احنه كلنا الك وضع الابنية ليش هيج سويت جاوب بصياح انفجر عليها - شكلتو لخاطر الله ، بعد ما تعلقت بيها بعد ما عرفتها شهرين احجي وياها طبيعية الا اجه اخوج الي وعود كال وابوج قبل الزواج بكم يوم شنو الفايده وانه تلاث اشهر وياها كلشي ما بيها فهمت غير شي انه -اوكف اوكف خوية كول يا الله ولا اصيح،خل نفهم من بعض مو كل ما نفتح الموضوع تعصب وكلشي ما تفهم منا و الوضع حرج حيل مو مال يطول ايام -شفهم يا ام مصطفى انه انضحك اعليه حبيت اخت مرتي -استغفر الله حسيت بنقباضه داخلي قوية ، و كانه احد ركعني براسي صحاني من اغماء توني الا وعيت هذا حبني ؟اني حسيت الي سويته اكبر مني فاطمه كملت كلامها وياه -خوية وضلع الزهراء قبل لا تمشي عليها وقبل كلشي من جان مجرد كلام كلنا الكم والله كلنا لاختك لعد ما تذكر دزينا على اهلك قبل لا ننطي موافقه ، ام رقية اختك ما كالت الك ، اشلون ما كالت. راحت من يمنا و كالت الك وانت وافقت الا .. حتى كلنا الكم كل التفاصيل - اختي حلفت حلفت محد كايل الها شي - خوية كول غيرها امي كعدت وياها الله يخليك اتذكر ما اجتك اختك وشرحت الك وانت وافقت ورة يوم ! - انضحك اعليه انه شدري -زين والحل خوية ، هيج تكسر بختها -الي مثل حالتها ما تزوجوها وتورطون العالم وياكم -شنو قصدك هسة عوفك من الملامة احنه كلنا الك وانت وافقت صاح عليها -شكلتووو هاااا شكلتو كلامكم شي وهي شي ثاني حتى حجي جانت تحجي وتفكر هسة كلشي ماكو الطفل احسن منها انه مصدووم مصدوم بيها وبيكم غشيتوني الله يجازيكم ظل يجر حسرات -اااخ اشلون انغشيت - والله محد غشك زينب جاهلة ما قاصده عبالها تساعد اختها - جاهلة ! -اي والله خوية لا غشيناك ولا جنا ندري الله يخليك لم السالفه -الم؟ شنو ذنبي ما اكدر يا بت الناس ما اكدر اتقبلها بعد . - خوية لخاطر الله -ما اكدر ظل يصيح ما اكدر وما اريدها ولا اريد روحي دمعت وبصوت مخنوك كالت فاطمة -الله يخليك ، زين بس سنة ، الله يخليك سنة اخذها يمك ابوية وامي صحتهم ما تتحمل - اتقنعيني ما يدرون ببتهم هاي الي اسمها زينب ما يدرون بيها !؟ -لا والله ابوية رجال يخاف ربه اشلون هيج اشك بيه -ما ادري ما ادري بجت فاطمة مكدرت تتحمل اكثر توسل واذلال - احلفك بستر خواتك رجعها يمك كم شهر مو سنة بس لا توكع اهلي بألسن الناس ، الله يخليك محد يصدك احنه ما غشيناك وراح ابوية يتأذة من الكلام بس كم شهر احلف بروح والدك لا تروح النا ابونا رقية ، رقية اغلى من روحه يتأذئ عليها اكثر من كلام الناس سكت وظل بس يزفر انفاسة وفاطمه تتوسل بيه وتبجي - لا تبجين خيتي والله انه هسة باثر الصدمه ما اكدر ما اكدر اشوفها هسة - الله يخليك لشبابك تعال رجعها -خوية ، بسج صار بس مو اليوم خليها يمكم خطار بس ابرد نفسي سدة و فاطمه ظلت تبجي اشوية وكالت - عساج هسة عرفت حجم السالفه الدخلتينا بيها اذيتينا كلنا سكتت هي واني ابجي بس دموع دخل مرتضى كمنا نمسح دموعنا يباوع النا برتياب وشك -نسيت المفاجاة اهنا اشعجب ما فتحتيها بس لو اعرف شبيكم ؟ اخذ الكيس وطلع منه كارتونه كعد يمي وكال -جبت الج تليفون التوسل وإقناع ابوج تعبني اكثر من افلوسه زينب العكشة ما تحجين اكلج عليج الله شنو سويتي حتى امج هيج اسوي بيج فاطمه-مو كلنا الك مرتضى-وانت الثانية هم اشعندج جاية من غير جهالج بس الصغار اشعجب؟ مجاوبت فاطمه ودخلت رقية مرتضى-اها هاي شنو رقية عدنا! فاطمه-جابها رجلها زيارة مرتضى-من هسة! فاطمة- خطية هالياسر هي توسلت اله وجابها واني امي خابرتني اجي اشوفها ، عفت الكبار لا يدوخوكم وجبت بس التوم والبنية - ها وتبات ! -اي -اشعجب بعدها عروس - اي مو مو تعرف وضع اختك هو قدر وجابها - والله وطلع طيب هالياسر ، ما اعرف اشلون اجازيه مقدر وضعها وحالتها ومدللها هاي هم نعمه سبحان الله جنت ولا ارتاح اله فاطمة مكدرت وجها انكلب اجت تبجي من جديد خلت وكامت ، اني ودي هسة احرك نفسي ، فاطمه وعزة نفسها القوية كعدت تتوسل و رقية يمكن اكثر وحده تتأذى لو بابا ! اه يارب اغفرلي وصغرها مهما كان حجمها وعدينا هالشدة مرتضى ظل يباوع ورة فاطمة من كامت ابسرعة وهو يباوع للباب -زينب ما ادري شنو صاير وهم ما مقتنع بس الظاهر ما تردوني اعرف والله اعلم بالسبب ههههه بس مصايبج اني مطمن الها مهما كبرت مراح توصل لشي كبير لأن اهلج يكبرون الامور وانت اعرفج شنو صدك هذا التليفون جبته لأن شفتج اشكد مكتأبه و وحيده بعد فراق رقية ابوية البارحه الا وافق اجيبه الج ، وها مابيه سيم ولا اسوين مواقع تواصل راح افتح الج سوق بلي و افتح الج يتويوب و فايبر على رقمي تتصلين باختج اشوكت ما ردتي وها اهنا اكو مواقع للقرأة الكتب -ما اريد كلتها ببجي ، لان اجه حيل حيل متأخر - ليش تبجين وليش لا ؟ - متأخر حيل ، مريده والله مريد تليفون اريد اريد اجيت اكول اريد اموت وسكتت - اعرف اعرف انت طموحج كبير و احلامج اكبر من سكف هالبيت بس شسوي الج .... وبصراحه اني ما اريد أكلج ، وانطيج امل وابوج يغير رأيه كلت ما اكلج الا اسجلج ...... بس راح اكلج من هسة وامري لله ابتسم و وخر رولات شعري عند خدي المزيجه بيه السواد الفاتح والشقار الغامق - ابوج بعد تعب و اجهاد تقريبا وافق على الدراسة و راح اسجلج اني بأيدي اقدملج على كلية تربية مسائي هذا اضعف الايمان لأن ما يريد غير التدريس الج كوظيفة مستقبلية لان يدري بيج اذا درستي بعد ما اكعدين باوعت اله مثل المصعوق صاحتله امي راح الها ورة اشوية اجت امي اخذت التليفون وكالت منا لبيت رجلج لو كبرج ما اشوفين التليفون ، اوجاعي اشويه خفت ، وكلت انام الاذان اذن من ساعه واعتقد تعشو دك جرس بابنا واشويه واسمع صياح ام كرار يبو ما يبو صوت يفطر الحايط فطر من حدته وعلاته ، اني وبمكاني انهبطت وبهتت وجمدت اطرافي بعد ما سمعتها اتكول راح ابن اخوك يا حسن راح ابن جابر ! ، جابر عمي ابو عماد ! عماد عماد ردد الساني اسمه وكمت كاسرة ثلج الهبطة و راكضه الهم سمعتها اتكول - ايمن ايمن استشهد ابوية جان بلبس بيتي ، گلبية شكرية خلة وطلع لبرة ومرتضى هرول وركض وراه وهاي اتصيح اووف يا ايمن بعدك صغير ششفت من عمرك كعدت على الدرج حسيت نفسي اضرب خدي بعد ما توجعت هاي منو الي تلطم اني! وين عرفت اللطم والصياح اني؟ لك ايمن ذاك الطفل الي جان يلعب وياي وكأنه ذاك اليوم البارحة ششفت بعمرك ومرتك صغيرة و طالبة وحامل وعدها طفل وامك و خواتك وعماد ،عماد هسة شحوالة الله يساعد گلبك لكيت نفسي وحدي بس رقية بالبيت يمي ، دخلت للغرفة يمها وانحب وهي تقرأ قرأن ودموعها تصب ، اباوع الها والطم -لك ايمن وين عفت اهلك يربي شنو هاي الغمة كل يوم دفعة تتخرج من الدنيا ، امهاتهم شنو ذنبهم ذنب منو يارب من ٢٠٠٣ لليوم شبابنا مثل الدم وجاي يمتصون بيهم شي بأنفجار شي مفخخات شي ذبح شي تسليب وخطف شي فقد من غير اي خبر يطلع وبعد ما يرجع وهسة داعش امنين اجونا يارب منو دخلهم وشجابهم علينا ليش اخذو ولدنا شنو ذنبهم ظليت اضرب على وجهي و رقية ذبت نفسها عليه حتى ابطل اضرب خدي المورم ظلت تبوس بيه و تمسح بغزارة دمعي وجه كدام وجهي واعيونها تتوسلني اسكت لزمتها من امتونها وخرتها عني و رحت لفراشي وظليت ابجي بهدوء . وهي اصلي مدري تقرأ حلمي ... قبل لا يحط يمي طار و راح بعيد لبعيد ... لا ابوية بعد يخلي مرتضى يساعدني و لا عماد يخطب بعد اندكت الباب ، اجتني رقية اصحي بيه عبالها نايمه -ياسر ، ياسر اجاني زينب اجه يرجعني ... زنوبة راح اروح وياه فتحت اعيوني المبللة وكلت الها - اكيد لخاطر مكالمة فاطمة راجع نفسة واجاج ، انتظري ابوية اشلون اطلعين -لا لا هي فاطمة كالت اذا اجا بيوم زوجج ارجعي وياه وهو كلت اله كال لا روحي وياي هسة خل ارجع..... ارجع خاف خاف بعد ما يجي لبست عباتها و جنطتها الصغير اليدوية اني محجيت شي بعد غطيت رأسي رقية-ما اطلعين اسلمين عليه شلت الغطا عني وكلت - روحي رقية من اطلعون اطلع اسرقي الباب وراكم راحت و اجتني خوفه ، خاف ياذيها طلعت حاطه بس عباية على روحي اريد الحك عليها ركضت للحديقة لكيتها تتمشة -وينه رجلج - بالسيارة - هاا الباب جان مردود انفتح كانه كان نازل منها و واكف يم الباب وسمعني ياسر-وين صرتي باوع عليه وخزرني ودخل اني تلقائيا تراجعت خطواتي للخلف اجه عليه عاكب رقية الي واكفه بنصنا جانت و وصل عليه بلعت لعابي وصرت الهث كأني بسباق نطقت ما خضعت للخوف ولهالة الارهاب الي حايطه عليه - دربالك عليها .....مالها ذنب ....م ملاك هي...... سكتت من حدة نظراته كأنها تريد تنفجر عليه حمم نارية تصهرني انتبهت لأيده الي مكورها و مبين منها وريده الاخضر وترجف - ما جنت قاصده والله بس مساعده بسيطه بس الشغلة كبرت دنكت شاعرة بتأنيب اخرسني وخر من كدامي وهو مدري شيكول ماخذ رقية بايده ورايح ▪︎ياسر ثالث يوم زواج ..... كلت الها ننزل نتريك جوة واشوية اكعدي يم اهلي اخذي عليهم ....... نزلنا و امي من شافتنا راحت اسوي ريوك ... كلت الها روحي عاونيها .......راحت......اني بالهول العب بتليفوني طلعت الي شهد -هلا هلا العريس واخيرا نزل - ها ولج روحي وياهن بالمطبخ -هيلاوي العروسة بالمطبخ اروح قبل لا امي تاكلها سمعت شي انكسر .....رحت شفت رقية مدنكه وتلم بالزجاج - مدري والله مدري م مرعوبة كأنها مسوي جرم لا يغفر ام ياسر- دكومي كسر الشر واذا شهد جيبي لمامه لمية بيها كومتها واني اضحك الها - دكومي يفداج الف منه كامت امي هزت بايدها وكالت - واضح نادرة حيل كوب جاي ما عرفتي اتغسليه رقية -اسفة اسفة خاله ام ياسر -كولي عمة ياسر - تعالي رقية كعدتها بالصالة حاطين الميز بيه ، ظلت كاعده بالطابق الارضي و ماصعدت مثل ما كلت الها بس ساكته و وين ما اروح اتروح وراية حبيت ! وكمت احجي مثلها لا تصفن بوجهي خلت شهد تحجي -بركاتج يا شيخه رقية غيرتيه بتلاث ايام واني دهر صارلي ما غيرت كلمة جدامي ههههههه عفتها تنكت ورحت كاعد بالهول اراسل خليل بشغل - شنو قصده ابن عمك أحمد ؟ خليل- عوفك منه ما تسوى اني اخلص الك الشغله - ياخذ مني الزبون و ينطيه هو بضاعة جا شنهو الي التسوى والله عيب جدام اصحاب المحلات ابن خالي هو عودك ام ياسر - شنو انت ظلة لياسر ههههه ضحكت على رقية الي كاعده يمي وصافنه بالفراغ دنكت خجلانه وكعدت امي يمنا اخذتها و كومتها من يمها لطابقنا همست - شنو مضايقه من شي حبيبتي -ها هههه لا هههههه لا ! للعصر ازداد ضيق صبري .....سكوتها يقلق........ وكلامها يخوف بس اصبر يا ياسر مو مثل بناتنا ...... ما عدهم اي مساحة او متنفس يمكن هذا سبب اهتزاز شخصيتها وعدم الثقة عدها قوي....تتلكأ بأجبتها وهم هي عدها مشاكل بطريقة الكلام هذا الشي ادري بيه من زمان... صبرا جميلا يا ياسر يجوز خجلانه وانت تدري بيها.......عدها مشاكل بسبب اهلها الله يسامحهم خانكيها خنك .......دائما احس بطريقة كلامها صحيح مو بالاتصالات لكن بالمراسلة تعبر اكثر عن ضيقها ! لرابع يوم زواج وهي كل يوم يصيرن وياها مواقف تحرجها كدام اهلي جنت وحدي كاعد وهي يمهم. ندكت بابي - رقية ! ادخلي لنها شهد - ابو الشباب كالتها وهي ضايجه حسيتها من صوتها -اشبيج نحلتي - اكلك مرتك اشبيها احجي مجاوب وشايلة خشمها عازلة نفسها عود انت منزلها يمنا هي كاعده على صفحة ولا تحجي احجي وياها اسوي نفسها ما تسمعني اريد اسوي تواصل بينا وهي حاجبة نفسها -رقية افقر من الي بالج لا مجاهلتج ولا متكبرة بس هي اشوية انعزالية ▪︎شهد نزلت من يم ياسر وتندمت لان شكيت اله من مرته من هسة اخاف عباله اغار منها ! اوف شصعدج لو مصاعده نزلت للمطبخ سمعت صوت امي معصب -معقولة ما تفهميني انت اشلون اتكولين للمرة ما ادري سألت-شكو ماما استغربت طريقة كلامها ويه رقية امي-شهد فشلتني كدام جارتنا ام امير تسألها الها اشلونه زوجج وياج اترد ما ادري ما دري انوب اتعيد وازيد بالكلمة دخلتني وسط هدومي وتضحك كدام المرة اشبيه ابني شككت المرة بيه استغربت هاي اشبيها ! ليش هيج مجاوبة راحت من يمنا .... لغرفتها اجونا خطار وهم اضطرينا نصيحها ينطوها فضل كعدت يمهم وامي معصبه منها تضحك بالجذب كدام اقاربنا و اجاملهم . قدمت اني الهم الضيافة اشلونها عروستكم رديت اني -مثل الوردة ام سعد- صدك حلوة حيل ما عدها اخت ههههه رقية- عندي هههههه عندي هههه صفنا كلنا عليها امي قطعت السكوت - اي خالة اشلونها وسن ويه زوجها طلعت مواضيع ... لان خجلت رقية من كلنا باوعنا عليها ولحد ما طلعن ما حجت بعد حتى من يسألنها ساكته ومدنكه، امي اداركت الموقف وجاوبت عنها .. للمغرب اجتنا رسلان -خالة اشلونج مشتاقه الج اتباوست ويه امي من العرس لليوم ما اجتنا وهي دوم كانت يمنا مثل اختي اعتبرها رقية كامت الها اسلم .....مدت ايدها الها رسلان كالت الها ببرود -اشلونج وعافت ايدها وكعدت كدامها رقية كعدت رسلان-وين ياسر طالع امي - لا بغرفته نسوان جايه ونسوان طالعه رسلان - اشكد عمرج رقية عقدت حواجبها رقية -اني ..... اني .... يمكن ٢٤ نسيت يمكن ٢٣ ههههه يمكن هههههه٢٣ جاوبت اني - ٢٤ ظلت رسلان ورقية صعدت لغرفتها من اذن .. جهزت الاكل اني وامي واحجي على كوثر الي راحت لبيت خالي وتركتنا بيهج ايام .... نزلو العرسان بعد ما خلصنا رسلان سلمت بثكل عليه بس اعيونها ولا فاركنه كعد كدامها هو ومرته وامي اتحط كدامهم المقليات كبب تمن وبرغل ودجاج شوي ومقبلات.. بنص الاكل ، اشرت لرقية بحاجبي الي تاكل وما منتبها ردنها الي على شكل ورده بوقية ، نزل على صلصة الكتشب رسلان -ردنج عيوني ردنج رقية ! امي - ردنج رقية اشبيج ما اسمعين انتبهت رقية لردنها الي ما بيه شي امي كالت -الثاني مو سبح سبح شجاج امي-شتمسحين كومي غسليه كامت رقية تغسله ولمحت ابتسامة بزاوية شفة رسلان همست الي رسلان -مبينه عوبة سكتت اني وكملت اكلي ما سولفت لرسلان على الي جاي الاحظه عبالي شخصيتها أنعزالية متحب الاختلاط ، بس هسة دلاحظ عدها طفرات....رحت لياسر ورة العشا كلت... اله على الي جاي....الاحظه ما قبل و شبه....الي زعل مني ضجت حيل هيج.... ما يتحمل عليها زين اني من شوكت.... يعصب عليه فوك ما دا افكر وياه بصوت عالي على الي دا احس بيه رسلان كالت ابات وبس تتسال بيه عن رقية اشلونها ما لونها ويانه اني منطيت الها اجابة شافية .... كلت اركز وياها هالرقية واشوفها شنو قضيتها الصراحه حسيتها ساذجة حيل ! معقولة ياسر محس بيها ! خامس يوم زواج ياسر انعزمنا ، ياسر دزها ويانه الصبح وكال اروح للشغل والحك بيكم من اخلص طلعت بوجه خالي من المكياج وموبشة محبيت ادخل بيها بين نسوان خوالي اهناك وبناتهم ذني أنتقاديات بشكل كلت اتوسل الها تحط شي بوجها -حبابة رقية لخاطري حطي شي لوجهج - ها شحط! - مكياج ، - م م ما اعرف. ما اعرف -زين اني اخليلج -بكفيج تعجبت على قبولها و طريقه كلامها اخذتها لغرفتها حطيت خفيف حلو و اتبوشت وطلعنا لبيت جدي .. هم سكوتها طول مراقبتي الها حاضر وكاعده يمنا وساكته من كامت امي واني هم كمت كامت وراية وين ما اروح وراية هي اشاقن وياها بنات خوالي كنا ست بنيات و هي ما طخت عدها شقه فكامن يضحكن سونها مضحكه وهي ولا هي اني ضجت رحت للمطبخ وهي ورايه -اشبيج فشلتينا رقية مبينه ترى يشاقن فشلتينا -اسفة! الضحى كعدنا بالغرفة مال بيبي الغرفة انملت نسوان ولان العزومه على شرف الكنه الجديدة كلساع سؤال يتوجه الها وهي تصفن لوجهن وامي اجاوب لو اني بس سؤال مرت خالي سكتنا اني وامي - اي وياسر بالش بيج ههههه مبين ساطرج سطر اكلج هم يكلج احبج ويبوسج هذا العكرة ابو حواجب غاضبه امي غمتها على سؤالها رقية - شنو بالش شنو ههه شنو خلتهن كلهن يضحكن رنا بت خالي -لج شنو هاي البراءة ههههههههههههههه مرت خالي نفسها كالت -ولج خاف ياسر ما بالش هااا هاااا واتباوع لرقية رقية- لا لا خرب حظي هسة انت ساكته بهيج أسئلة جاوبتي خليتي ضحكن يهز حيطان الغرفة واني صافنة على رقية وبنظرات شك فرشنا سفرة سفري استخدام واحد على طول ديوان جدي و ننكل بالاكل ونحط و رقية كعدت يمي من كعدنا ودخل ياسر وية اولاد خوالي كامت رقية اني سالتها -وين ! -البس بوشيتي جاوبتها -لج محد غريب اجه يمنا ياسر ومخلاها اتكوم ، خلاها كلساع اتكله ما مرتاحه حرام اريد بوشيتي -اش رقية اني قابل اني كاعدة ابصف رقيه على يمينها وعلى يسارها ياسر و خوالي باركو الها وهمه بمكانهم و الانتباه عليها اشوية لان عروسه وكلساع يكول واحد منهم ما تاكل اكلي لا تستحين وهي اشوف ايدها ترجف من المستحى اني كدامي خليل وناقر ونقير بينا و عادل ابن خالي كعد يم خليل ويباوع الي ويخزر من اشاقه وياه كاتلته الغيره ، يابه طير بعدك تغار واني محجوزة لغيرك وبصراحة الي بالي حلمي ! خلصت ردت اكوم رقية همين حسيتها اتريد اكوم وياية ، اني مشيت اشوية وشفتها اضاهر كاعده هي على عباتها وملتفه على رجلها مدري بصعوبة حسيتها كامت وما كملت كومتها اتعثرت لكدام و وكعت على السفرة صادرة صوت مواعين و تكسر و تبدي اتخشبت اني بمكاني واشوفها واكعه على ضهرها بنص السفرة و الناس صفنت والي اتكول الله الله ياسر الخاشوكه بيدها ويباوع عليها اللكمه ما وصلت حلكه كومها وكلها تمن وتشريب ومرك وروبه خليط وفاكهة الموز لازكه براسها كامت تبجي حيل وخوالي الي يكول -مصار شي والي -خطية من خجلها وجدي الي طلع سالفه حتى يقلل حده موقفها المخجل سكت الي يضحكن عليها رسلان وجماعتها وياسر اخذها واني وراهم امشي ما حجة شي ابد وحاير ينظف بيها واني رحت جبت الها عباية من بيبي و غيرت الها و هي بس تبجي -رجعني للبيت رجعني اخذها لبيتنا والسالفه ظلت بحلوك نسوان خوالي وامي صدتهن بنظراتها خرستهن وكالت -البنية غريبة و بس عليها العين استحت واتعثرت بعباتها بعد الجاي امي ما ظلت اكثر شربت وراحت لبيتها واني وياها امي- شجاها البنية هيج حيل فشلة شنو عين وصابتها كوثر اجتني ويانه -يوم اريد اكلج شي كعدت امي على الارض ضايجه وكالت شكو - يوم اني اني - شكو كوثر - يمة قبل لا نمشي على رقية من دزو عليه ترة مو على مود ينطون موافقه - لعد عليمن - ام رقية كالت الي بتها عدها نقص بعقلها اني وامي بصوت واحد -شنو!!! - اي يمة اي وكالت بطيئة الاستيعاب وفوكهن عدها توحد بسبب هذا الشي بالكوة ابوها بتدخل اطباء أخصائيين الا كدر يقتل اشوية من طيف التوحد الي عدها امي ظلت مشدوهه اني سالتها - ليش ما كلتي النا - كلت يستاهل ! يتبع باجر في بارت بعون الله | ||||||||
|  |
|
18-07-19, 12:23 AM
| #12 | ||||||||
| مراقبة عامة ومشرفة منتدى الروايات المنقولة
| #مساء_الحب #شيخ_الشباب #من_كتابات_زهراء_العراقية #البارت_الحادي_عشر جثير كزازك بروحي واكولن هاي حنية -مظفر النواب ▪︎شهد امي سالتها -شنو ولج ليش هيج طيحتي حظ اخوج ها ليش ها كوثر- يمة يمة هو هم ظلم بختي من رفض حازم جاوبتها امي و تكعد مهدود حيلها -حازم اصغر منج يا ظالمة وسالفه وراحت ....ليش هيج كلبج اسود وذولة اهلها شو بعد ما فتحو السالفه ويانه ياربي والله عرفتها مو طبيعية بس اجذب نفسي اكول ياسر ما يتحمل لو بيها شي كوثر- يمة يمة هو رايدها على عيبها اني بس كلت اكول الج لأن لان امي-لان شنو ولج حقوده - لان خايفه من من منج خاف اتكولين ما كلتي الي وهم لا اطلعيها وياج بعد اتفشلج مثل اليوم امي ظلت تتحسبن - لج ليش ميلتي حظ اخوج ليش واني اكول ليش وجه اصفر وفرحته ناقصة جاي يعرفها توه ااااخ يا ياسر من يوم يومك حظك مايل ومتعوس كلت الها - وهسة جايه اتكولين ما تخافين من ياسر كامت تبجي -والله ندمانه والعباس الله عليكم لا تكولن اله ظلت تتوسل بينا اووف هي علاقتها حيل تراجعت ويه ياسر اني ادري بينها وبين حازم قصة حب قوية بس بعد ياسر قفل كلش حتى اني توسلت اله بوقتها وما قبل ، وهسة وين الجبير يجي الها لو مزوج و يريدها مع زوجه ثانية يطلب ايدها والي زينه ظروفه ما يريد اطفالها ما ضجت منها حيل و ما واخذتها على تصرفها لكن ياسر بمشكلة اشلون بيه لنص الليل سمعنا صوته وهو يصيح صعدنا خايفين ياسر- اشبيج ما تكولين اشبيج شلعتي گلبي بالصالة لكيناهم وهو واصل حده من العصبية امي نزلتها عن وجه واني بقيت اهدي بيه -اشبيك ياسر الدنيا ليل والليل صوته مسموع .- خبلتني .....اتخبلت رسمي كلشي اسالها ما تعرف ولج ما تذكر كلامها وياي كلشي ما اعرف ما ادري احجي ويه طفل انه - ياسر اهدأ الله يخليك يمكن بعدها ما ماخذه عليك -لا ماخذه اعليه وما تخجل وهذا مو خجل قلة فهم احسها مو طبيعية - لا بعدها خجل .. سكتني - ولج مو خجلانه انه مو ما افهم جنها(كأنها) ....جنها عدها نقص بالعقل كالها بصوت ناصي عكس صياحه السابق -جنها مو هي وحده ثانية ! اتغيرت ....او تبدلت..... شنهاي كلشي ماتفهم .....ابسط شي ما تعرفه وما تفهم اظل صافنه بوجهي حتى تعبيرات وجهي ما تفرزنها صعب التواصل وياها صعب ...... استغفر الله جنها ذولي الي معاقين عقليا انفتح فرد جرة بعد ما كان ما ينطي بيها ورافض شكوكي كانها انفجرت طاقة تحملة امي صعدت النا - اشبيك اتصيح ما جاوب وراح للغرفه وقفلها عليه ، واحنه ننزل امي كدامي -اياج ثم اياج تكولين شي لاخوج عن كوثر يكتلها والله -بس اشلون هيج - اسكتي يمة هذا اذا عرف يفلش البيت علينا وعلى اختج وانت تدرين بياسر اذا عصب اشلون يفقد الي صار قبل اشوية نقطة ببحر اعصاب ياسر جاوبتها - اعرف يوم اعرف و الفضل لأخوج المخبل والج وصلنا بالصالة وامي خازرتني -اسفة ماما مو قصدي اسفه دمعت وكالت -لو جنت ادري جنت كتلته لاخوية والله كتلته ولا يسوي الي سواه بأخوج كعدت على كرسي ميز الاكل واني اجيت كدامها على ركبي كعدت -اسفة ماما سامحيني طلعت رقية من غرفة امي -شن شنو خالة اني انام اهنا كرهني ياسر ! اني وامي وحده تباوع للثانية امي -اخذيها شهد اتنام يمج اليوم وانت اذا هو افتقدج يجيج رقية-خل اصعد اصعد امي- لا اصعدين هسة لا يحركج بعصبيته رقية- ليش ليش اكو نار فوك فوك امي ضلت تحك بجبينها وسكتت واني اخذتها وتوها وضحت الصورة كدامي جسم مرة كبيرة بعقل طفل مريض ! منج لله يا كوثر اووف ياربي سامحها لا تاخذ على دعائي ▪︎ياسر نزلت الفجر ادور اعليها ولكيتها يم شهد -كعدي روحي وياي ابسرعه فزت ومشت كدامي تهرول لفوك وصعدت وراها اول ما دخلت هي باوعت الي وكالت -جنت ادعي تجيني واجيت ! -وليش بالله ما تجين لغرفتج ونايمه يم شهد وادعين - اخاف تحركني هزيت ايدي وانطرحت يمها جارها عليه -انتي اشبيج -ها - ليش هيج تتصرفين ليش هيج صرتي - ما فهمت - وين رقية رقيتي الي الي جانت تاخذ الرسايل من الولد الصغير وين نجمتي الي رفعتلي بوشيتها اصيحلي وين رقيتي الي جنت اسهر ليلي وياها - اني اهنا يمك - تذكرين من كلتي اتمنى اشوف بغداد -ها عاصمة العراق - لا عاصمة المانيا - ها لا العراق اجاني بصيص امل وكمت حاط ادي على الفراش يم جوانب خواصرها وجهي جدام وجها - العراق عاصمة أربيل -لا بغداد -اربيل -بغداد بغداد بغداد بابا كال بغداد يعني بغداد -اي وبيها برج ايفل -اي مدام انت انت هههه كلت يعني بيها اختفى الامل مع اخر جملة ليها - ليش - انت مثل مثل با بابا تعرف كلشي - رقية انت اشبيج ما تكليلي ليش هيج اتحولتي وحده ثانية والدك كال انت بطيئة فهم وهو عرضج على طبيب احجيلي انت اريد اسمع منج - ها اي اني ناقص عقلي عقلي ههه -شنو هذا الكلام -والله اني ما افتهم ههههه همه يكولون ، بس بس بابا يكول يكول اني معجونه من طين الجنه ، بمصباح السابع مالتها امي بطل واهسها فجأة وبطلت اسوي سابع !وانه هم مالي خلك اله نزلت جوة خابرت ابوها سولف الي من البداية وبضعف تواصلها اللفظي والمو اللفظي سألته هي مو مريضة توحد ولا عدها طيف هذا يصير عند الطفل ويروح او لا واذا ما راح يختلف تماما انه موش جاهل افهم مريض التوحد يصير متوحد صعب التعامل وياه صح و سلوكياته صعبة ويصير منعزل لكن رقية مرة شكبرها بعقل طفل هذا اكتشافي الها ! سديت الاتصال وهسة بالفعل كلام ابوها مع العندي بته صح وما يبالغ و لا مرتضى بالغ بتهم مريضه بمعنى الكلمة ! بس اشلون اهنا مرارتي راح اطك انتظرتها تتريك واني ما كدرت اكل لكمه صعدت لغرفتها رحت الها أسألها من جديد على كلامنا ايام خطوبتنا ... زين كمت أسألها نفس الاسلئة الشخصية الي كنت أسألها عنها ايام الخطبة حتى اتعرف اكثر -رقية شتحبين بالهحياة صفنت اهواي وظلت تغمض وتفتح مثل الي يريد يعصر مخه اجيت افقد اعصابي مثل البارحه - ما ادري ههههه احب بابا واحب ماما وانت و مرتضى وفاطمة و زينب و مقتدى وعلي و مصطفى - بس بس عفتها وظليت افتر بالغرفه ، وشعري كان المجني عليه احرك بيه بطريقه منفعلة رجعت اسالها واني واكف كدامها واحك بعلباتي (رقبتي) - من سألتج بفترة الخطوبة جان غير جوابج ! لمعت اعيوني بسحابة الذكرى جنت اتحبين اتحبين الامل الي زارعة الله داخلج تتنفسين من خلاله الدنيا -ها اني ! اي اي احب الامن ! رجعت ليها لازمها من امتونها -ولج يا بت الوادم لا اتخبليني انه بيه خيط وراح ينكطع وتالي وياج زين انت مو جنتي اتحبين بغداد و اتبحثين عنها دوم بالنت و تردين تفترين بأبو نواس يا برج ايفل هذا الي بيها انت اتلعبين بيه - لا اصيح حباب كامت اتوبس بوية حتى اسكت لا اعلي صوتي - اي اي احبها احبها ميخالف ميخالف بس لا اضوج وخرتها -ولج لا تخبليني منو جان يحجي وياي -مو زينب اني اني اني وكامت تبجي -اني مو زينب ! - يا زينب - مو زينب اختي اني اني احجي وياك ابتسمت واني اقرب وجهي على وجها -منو جاب طاريها ! اختج منو جاب طاريها -اني اني مو هيي ظلت ترجف ،تمنيت اتحول نسمة لا تنشاف ولا نتلمس الي كدام هبلة و مخبولة ! والي تحجي وياي اختها رجعت خطواتي للخلف كدامها اريد انطق چن (كأن) بسامير مزنجرة(صدئة) اتعلگت بريتي -منو جان يحجي وياي رسايل منو رقية وراس ابوج جاوبي منو ، الله يخليج جاوبي انه حبيتج حيل حيل گبل شاب صغير و اتعلق بمراهقة و بكبرتج عشكت تراب جدامج تمنطقج حجياتج فهاوتج غبائج ذكائج الي يشتغل فجأة اعليه وتتمردين أسألتج ليه الي ما تخلص لنص الليل أسالين منهو هاي -اني اني ! - انت كولي والله اني سكتت ودنكت تبجي ما حلفت فتحت مجر و طلعت مصحف وحطيته بحظنها - كولي وكتاب الله انه الي احجي وياك -ها ها م ما ما وكامت تبجي - احجي ولج احلفي احلفي شالت القران باسته بشفه ترجف وخلت وشردت مشيت وراها ركضت نازلة لجوة خبلتني نزلت وراها صيحت -تعالي وين احلفي اليوم ما تخلصين مني طلعت امي و شهد وكوثر امي -شكو ياسر - تعالي جريتها مصعدها وهي تبجي شهد-على كيفك ياسر صحت بيهن من رادن يصعدن -لحد تلحك بينا شمرتها بالغرفة و دنكت عليها رافعها من شعرها - احجي احجي منو الي جان يحجي وياي -اني اني - بكلشي غبيه بس بالجذب بارعة سكتت خفت لا اتهور وافقد عفتها وطلعت غسلت وجهي بماي من البارد ورجعت ليها ورة دقايق - ها ما ناوية اتحلفين على نفس كعدتها بزوية - زين واذا كلت الج زواجنا باطل وانت مو مرتي ! صفنت اعلية -اي اي اني زوج الي جنت احجي وياها اختج زينب مو ، هي مرتي انه رايدها - اني اني احجي مو زينب -احلفي ولج لعد سكتت -لا اسكتين زواجنا حرام كامت ترجف كعدت يمها و لزمتها من ايدها انه اعصابي تلفانه ،بس بالصلاوات الا كدرت اطلع صوت هادي يرجف بذبذبات الغضب - زين زين مراح اكول لاحد بس نعيد عقدنا ومحد يدري صفنت بوجهي اشبيج حبيبتي حتى ما يصير حرام عليه انه ما اكدر ابوسنج هسة تدرين -ليش حرام - لان ما ادري منهو جان يحجي وياي خل نعيد العقد ، اشبيج جا غير انه حبيبج ، الي صدكين بيه ما اصدكين بيه من اكلج زواجنا حرام -ما اتكول لبابا - لا حبيبتي - اخاف يكتلونا - منو يكتلج وانت مرتي - ما ادري ما ادري بس انخاف اني وياها لان تساعدني هي هي جانت بس اتريد اساعدني بس بس ان اني ما اعرف احجي تحجيني هي هي -هي منو - زينب -يعني زينب جانت تحجي وياي بس اشلون صوتها يشبه صوتج ؟ -لا هي تكتب الي واني اني اني اكوله وهي تراسلك واني واني كلت الها اشوية اشوي لان لان ما ما اعرف اكتب بالتلفون الحروف صغار صغار بس اشوية هي كالت اشوي اشوية لا لان م م ما يصير - اساعدج واهلج يدرون ها يدرون بيها تسهر وياي ها معقولة ما يدرون وانت ما اسوين شي بدون علمهم - ها ما ادري ما ادري وين اسهرون - اااخ انتجيت (انتكأت)على الحايط واضرب گفاي(قفاي ، ) بالحايط مصدوم صدمة موت عزيز ! زينب ! انه احجي ويه اختها موش هي ولك ياما حاولت تذب ميانه وياها تحضرها للزواج ....ااااااخ اخت مرتي ؟ عودك خايف من الحرام وانت تتمعشك وتحجي ويه اختها طلعت مخنوك من الغرفة لفوك السطح بهلحر اريد الشمس تصگعني اتصحيني على زماني زينب ! اني احجي ويه حرمة مو مرتي واتعلقت بيها مصيبة جبيره يا ياسر ولك ياريت بس على هاي الادهى ليش اختها تحجي وياي لأن رقية مريضة ولك مرتك مريضة نفسيا مدري بربع عقل ....لك مرتك الي حفيت اعليها وانذليت وانت تطلبها من اخيها الي عندك ماضي اكشر واتحملت ترس حلكك تراب وداس اعلى راسك و رجعت ليه تطلب اخته تطلع خبلة ! عمرك تخلصه وياها ! زينب تحجي وياي واخيها الي بعيونه كره قبل لا اخذها من خطبتها وافق ! وين جان عقلي اهلها ما حجو الا بعد ما خطبت اي محد كالي عن حالتها قبل لا تورط بعقد واكطع مهر واطلع واسولف وهي تمام التمام ما يخلوها من تطلع تحجي وياي بحجه تخجل واخيها الصغير حارس حتى من اروح ليهم للبيت نادرا ما اتظل وحدها يمي و اختها توالي الليل تحجي وياي ايا كلاب ايا مستغلين شنو انه وين عايش بوكر ذياب هيجي يخدعوني بتدينهم ولكم انه غشيم !؟ ولكم انتم مسلمين شفتوني خوش انسان ومقدركم هيجي اتلعبون بيه انه ينضحك اعليه! طلعت لبرة كعدت جوة النخلة - ولك رگية موش رگية ااه اعيوني ضعفت وفتحت سدها وجرت الدموع على الوجنه دنكت على الكاع و ابجي بحركه مرتي مو مرتي شهد - ياسر اشبيك كمت وخليت وانهزمت منها -ياسر ياسر ليش تبج.... سكتتها بصياحي وانه اروح -ولي منا رحت لسيارتي ماخذها هاج هجة نبي يونس عن گومة ما اعرفن وين امشي و لا المن انه تايه بزماني احبنها يا الله شنو مسوي حتى مكافأتك الي خذيتها مني اااه ياربي شنو امسوي خذيت ابوي و خذيت مني طفولتي وهسة لبة شبابي انسحك بهاي الخيبة والله اهواي ياربي اريدنها منك راح ارجع للبيت بس بمعجزة منك تردها صاحية مثل الي بالي انه مو حمل هالنايبة رحت لأمير المؤمنين داعي ربي ينزال غمي رديت ال عصر للبيت دخلت للغرفة لكيتها كاعده على السرير -انتظرتك ياسر اشوكت نعيد العقد هاي لابسة عباية وكاعده - ها اشبيك تباوع هاا ها انت مو كلت اني مو مرتك لبست هيج اكلك خو زينب مو مرتك ! ضربت ادية ببعضها منفجر غيض كومي انروح نعقد اخذتها ورحنا لبيت أهلها منفجر بأبوها الي مشترك وياهم الشيخ الموقر الي تانى ما كال لحد ما عقدت على بته وغشني ودمرني وهسة عود مبري ذمته! طلعت راجع للبيت وحدي محد اندك بيه بالبيت يعرفون لون وجهي اذا انكلب شصير رحت لكوثر جريتها للصالة شهد- ياسر اشبيك طوقت ركبتها بأيدي - اهلها كايلين الج مو -اهل منو شنو السالفة -اهل مرتي من رحتي الهم وحدج كالو الج البنية مريضه ؟ -لا لا والله ابد اشبيها ااي رگبتي راح تخنكني اشبيك هديتها ولزمتها من شعرها - محد كال الج امها ما كالت ظلت تحلف تتبجي مكايله هديتها ورحت لغرفتي ..... ، كاعد على الارض و اعيوني على سريري واتخيلها جانت قبل اشوية عليه تنتظرني انه اريدها ياربي اريدها حطيت جمر الجكارة على صدري كاصد احرك گلبي - لا تلح اعليه لا تلح مو هي طلعت انضحك عليك يالغبي چويت صدري لكن ما وصل الحريك لوجع گلبي ،، صار سواد گلبي اكبر من سواد الليل خابرت اختها تتوسل دمعت اعيوني على مبچاها (بكائها)جنه (كأنه)مبچى رقية قبلت ارجعها بس مو اليوم انه اعصابي تالفه أذيها اذا جبتها اشوية فكرت يمكني ظلمتهم بس الام والاخت زينب ما ظني كله منهم يمكن ما مسولفه لكوثر من رجلها كايل الها اتكول اي بس خل أتأكد بهدوء قبل اشوية يمكن خافت مني رحت لكوثر لكيتها وحدها بغرفتها سالتها وهي ما تغير تعبير وجه ببرود و زعل - لا -جا المن دزت اعليج -مو كلت لك حتى ينطون الموافقه عليك ، اشمدريني تطلع بتهم هيج ما ادري ليش ما تصدك اني ابليك يعني جيب كتاب الله اذا تريد عفتها ورحت لغرفتي ، راجع محترك حرك هاي اختها فاطمة هم متفقه وياهم هسة خافو من الفضيحه جا من مشو بتهم عليه ما خافو رحت ليها اجيبها بالليل ومتحلف اطلع قهري ولوعتي بيهم اخذها انه مو ناقص و كلب ابن كلب مثلهم ، اااخ منك يا گلبي الكلاب ما خافو الله وكالو الي، غشوني وانه ما اكدر اذلهم واعوفها اعليهم وصلت الهم و اختها اجيت اكتلها لو لا تريثي وما ردت اهدر دمها وانه دايس عتبة بيتهم للحظه اجه بالي اخذها اخطفها اشبعها كتل بس غيرتي منعتني بس هاي الثانية الي اول ما فتحت الباب اتكلي انتظر بابا الا تاخذني كلت الا اخذها ومن غير اذن ابوها ولا اسوي اله اعتبار ولا لأخوها مثل الخاطف جريتها وطلعتها حالف اجرم بيها اليوم مثل المخطوفة طلعت ماخذها تايه الافكار صعدت لغرفتها هي وانه كعدت بالصاله طالعه روحي اكبت اعصابي ما اريد اذيها عندي ميول تعنيف و هاي على البركة اجتني امي - ها ردت رقية وديتها نهار اكلك الصبح صدك خابرت ام علي امها على خطبة مرتضى على شهد يردون بهذا الشهر ياخذوها مستعجلين واول ما يشيلون لبيتهم يردون ياخذوها -امها كالت هيج ؟ -اي وحيل مستعجلين رغم همه كالو نعوفها تكمل مرحلتها الأخيرة بالبداية وشو هسة غيرو بس عادي هي شهد بس سنة الها عفت امي وطلعت للحديقه ايا حقراء يا نصابين يردون ياخذون اختي ويعجلون لا اكشف بتهم وبعد ما انطيهم حتى يكضوني (يلزموني) من ايدي التوجعني ما رد بتهم ليهم انه وين جان عقلي من خطبوها مني بس خطبت بتهم ولك مرتضى شنو من عقل عندك لا وبعد هسة مسوي نفسه ملقي الحجه اعليه من اجاني قبل فترة قليلة من موعد زواجي منها ولك انت شنهو ما تكلي لا لا ابوها يدري ابنه ما يسوي هيج الا بدعم ابوه وبته هم ما تحجي وياي الا بتفاق هي واهلها حتي يزوجون بتهم ▪︎رقية ماعندي ثوب اسود البس على على ايمن يلا باجر اكله يجيب الي طلعت ثوبي الاصفر هو يحبه وبلكت بعد ما يصيح عليه من يشوفه دخل عليه اعيونه مدري اشبيهن يرفن سد الباب ▪︎ياسر انتفضت أحاسيسي وفاض مني الويل بعد هذا التعب ؟هذي المشقة هذي الذلة الي شفتها الا كدرت اوصل الهاو.اجيبها لهنا ،اطلع اني غشيم مخدوع غبي ؟ لك اشلون ما عرفتها اشلوووون ما ميزتها..راح اموت قهر يا الله رفعت راسي للسما و حطيت اديه على وجهي مسحته وما زلت اباوع للنجوم بگلب ملجوم و مخذول حاس بالغباء كدرو ينصبون عليه.،انخدعت اي همه خدعوني همه ؟ بلوني وخلوني ،امام امر واقع باوعت لخلفي لصوب باب البيت وبگلب ملتهب عبرته ودخلت اصدع الارض بهرولتي للغرفة فتحت الباب طخيتها بالحايط مطلع منها صوت قوي فززها كعدت بعد ما جانت متمددة على السرير تبجي خدها مبلل اعيونها ظلت ترسمني بيهم بخوف ما صدتهم عني ، سوادهم المخملي بشرتها الصافية ، اهتزاز صدرها عالن خوفها وارتعادها مني ، شفايفها الترجف كلهن صارن شبه منبه اغراء يصحي الوحش الي بداخلي ونداء الي ما خليت مجال لگلبي يرف عطف اعليها ،كارهه اني ، اي كارهه حيل !!!! خلعت القميص، ودفعتها منيمها حالف اليوم اغتصبها ! اعيونا مستفزة حيل برائتهم صارت ستسفزني وتصحي كرهي الها اتوحشت اعليها لازم اديها بيد وحده فوك راسها صايرات وبايد لازم حنجها ( ذقنها) رافع شفايفها سحكتهن سحك صادر أنينها ينغم بالغرفة ، رفعت راسي عليها اشوف الالم بعيونها ،مغمضة ومن حست بنفاسي قربت عليها من جديد مالت وجهه عني مخلية لب عقلي يطير برفضها ، ضربتها راشدي وهديت اديها ولزمتها من امتونها هزيتها صحت بصوت قوي بنبرته اكثر من علوة - خايفة حضرة جانبج ؟ ضربتها و جريت زيج ثوبها وظليت احاول بيه منا من شكيت ثوبها الاصفر عليها شهكت هي من ضهر جسدها الابيض الطري كدامي سألت -ليش تشهك وتبجي بين ما اني وكفت اخلع ملابسي - ليش تضربني ؟ اني اجيت وياك برضاي! -اش لا اسمع صوتج مكارة كلبه جحظت اعيونها عليه واني اتهمها هاي التهم - ما اريد اتقرب الج كحبيبتي راح اغتصبج مثل ما غصبوني وخدعوني بيج شفتها غمضت خجلانه مني الخداعة رحت اطلع الها الجزء المخفي مني والي ما شايفته ، فتحت الكنتور و طلعته من مجر داخلي مقفول صندوك و جريت من زنجيل ركبتي مفتاح صغير وفتحته بيه وشمرت المفتاح عليها .......... طلعت المسدس من ورة ضهري ............مخليها تضرب بيمنها صدرها أنهز وأتحرك كدامي من خلف ملبسها الداخلي الابيض سالب الي رشدي ..........مثل حبة الفاكهه جان جسمها طيب اله............. لذه خاصه طاروته و انتفاضته جانت تحثني اقسى اكثر ! و انشر اثاري عليها وهي خايفه والمسدس فوك روسنا على عرش السرير ، هي عينها عليه وتبجي تخاف تتحرك ،، ذبيت جسمي ابصفها وامسح بعرك وجهي بينما هي ما زالت تبجي ، كمت اطوطح شلت المسدس رجعته وضميت مفتاح المجر ، باوعت عليها بطرف عيني تغطي بجسمها بالشرشف -رجعني لابوية اريد بابا ... رجعني تبجي وتصيح -انت شرير. .... اغتصبتني !! ضربتني .....رجعني حباب اتجاهلت تناقضها بين وصفي بالشرير والحباب بآن واحد ،واتحرك بداخلي ساكن مكسور على وضعها جانت ظامه وجهة بين ركبها وملفلفه بالشرشف - روحي لبوج وحدج ؟ هاي اذا اندليتي اترجعين !!!!! اريد ارجع الها بس اخاف اقسى ! على الكروته لكاعد كدام الغرفة واسمع بجيها الضعيف كمية برائتها ما تشفع الها ولأهلها الي خدعوني انطوني وحده ثانية ! والگلب يهوى وحده كانت متربعة بالروح وكل طموحي امتلاكها ..سعيي اجتهادي ركضي لهفتي احسب الوقت ثانية ثانية حتى يجي اليوم الي اكدر اقربها عليه هيج تجيني وحده ثانية ! اعاشر وحده ما اعرفها ! نفخت انفاسي بقهر وكلت لنفسي متحلف ابوها اني اعلمه اذا ما ادز اله بنته مكسورة وافضحة ما اسمى ياسر همزين خطفتها اليوم اطلع حركة كلبي بيها والله الا اخلي سيرتكم على كل السان ، وانزل راس اخوج هالعار الحقير مخلي امه تعجل خطبته من اختي ، يريد يلوي ذراعي بأختي قبل لا اكشفهم الكلاب وهاي فاطمة ضحكت اعلية عبالها غشيم ، اااخ اي والله غشيم شنو من ناس ذولة شنو من تخطيطات عدهم والتافو اعليه خل أرجعها هسة الهم ... دخلت ما هي ، وسمعت صوت ماي بالحمام ، طلعت برة ادخن بالساعة ، ورجعت ليها فتحت الباب وظليت لازمه واباوع لضهرها ، كاعدة بلبس الصلاة وفارشة سجادتها مبينه اديها مصعدتهن لفوك ، وتبجي - ياربي خليه يحبني وما يضربني ! وما يرجعني بعد !! تراجعت افكاري بترجيعها اليوم او باجر رحت يمها كعدت كبالها - خلصي اريد احجي وياج - لا ما ما تضربني وتغتصبني -شعرفج الي سويته وياج اغتصاب -لأن ضربتني واني اني خايفه م ما حبيت طلعت جكارة ادخن وسالتها - وشعرفج اسمه اغتصاب دنكت وكالت -ماما كالت بيوم الصباحية خو ما ضربج وغصبج وانت ما تردين خايفه - وهاي امج جانت تدري بزينب مو - لا صحت -تدري - لا لا اصير شرير حباب حباب دك تليفوني لانه ابوها - ابوج هاج ردي عليه وعود كولي اله اغتصبني فتحت خط و شمرته عليها وطلعت لبرة يتبع | ||||||||
|
| |
|
20-07-19, 02:06 AM
| #13 | ||||||||
| مراقبة عامة ومشرفة منتدى الروايات المنقولة
| #شيخ_الشباب #من_كتابات_زهراء الكربلائية ❤ #البارت_الثاني_عشر هذني اثنين بارتات جمع سوية تعويض اعتمدوا القلب فالقلب يعرف مهما الرياح الدنيئة سيئة جارفة -مظفر النواب ▪︎ياسر تركتها وطلعت لبرة ركضت الساعات بيه و غفيت بمكاني على كنبة بالصالة صحيت لكيت الدنيا صبح ، والصوت المزعج الي اخترق نومي هو صوت رن تليفوني ... - الو خليل - وينك من البارحه اتصل بيك ماكو.. - شرايد -اكلك اليوم اذا رحت للفاتحة خذني وياك......انت كلت لجدك ؟ -ياهو مات -شنو ما تدري ابن عم مرتك مات - اشوكت! - اوت البارحه ميت والبارحه الا واصل الخبر لأهلة اكلك اشعجب ماتدري ! سديته من يمه ورحت لرقية نايمة هاي .. -كومي اكعدي ما فزت ... گربت ليها همست يم اذنها - كومي ... ما انطاني گلبي اخرعها بخبر وفاة وهي بوجه منعس عليه لمسات ملائكية - صب صباح الخير -كومي سوي الي ريوك - صار صار صار ، رجعت صعدت ليها واني اريد اطلع بس لازم اوديها يم أهلها حكيت خدي بطرف اصباعي محتار - بدلي خل انروح لهلج شهكت وتركت التليفون الي چانت اتكلب بيه ردت بخوف ووجه غيم رادت تمطر بجي -ليش ها ليش ليش اني اني شسو شسويت مكلت مكلت لبابا مكلت شي - صدك شنو گلتي البارحه لأبوج؟ - رجعت وياك لا يقلق و لا يقلق -وبعد كامت من السرير وكفت كدامي رافعه عنكها (عنقها) ليه ولزمت طرف ايدي - كل كلت انت زي زين همست بندم -كذبت - قابل اول مرة اچذبين بجت و رجعت للخلف وهي تصيح بوجهي - ا اني ما ما اچذب من من وراك من وراك رفعت الها تك حاجب - اذا كلت اله اله بابا يحبني يحبني ما يخليني يمك - وشسوين بيه متمسكة بيه على زينتي وياج كعدت على السرير و متبخر بالحزن والهم كعدت يمي - ما ما تضربني مو مو - لا أسف كلتها واني مدنك على حضني اباوع بحيرة حاوطت خدودي و باستني من شفايفي جفلتني بتصرفها حيل خلتني محتار بيها ! - هههه هههه انت انت حبيبي زوجي زوجي كالت فاطمه مو مو صح انت مو زوج زوج زينب ضحكت وكالت -انت هم اجذب اجذب ليش ليش جذبت عليه ها ها -حيرتيني وياج شو هسة غير واتفكرين وعندج عقل يفكر - اني اني عندي عقل ههههه بس بس ما ما افهم كلامكم صعب صعب و و خليت زينب تكتبلك و و وتعلمني ا اشل اشلون احجي بس بس تعبتها تعبتها وما وما وما اتعلمت كل كل مرة حجيك يختلف يختلف عن الي الي قبلة و اني صعب صعب صعب افهمك افهمك هههههه هههه اتعب وراسي يكوم يكوم يو يوجعني وما افهمك -ليش ما حاولتي تعتمدين على نفسج يمكن جان ابقى مخير مو ميسر و اني الي اختار ما تصير بهذا الموقف - خفت اتع اتعوفني اتعوفني واني واني انتظرت انتظرت ازوج ازوج ازوجك مديت ايدي على خدها مسحت دمعة حارة على وجنتها جريت راسها وحطيته على صدري دافنه بيه لأن دمعة غدارة طلعت من محجري ما كدرت اضمها ، غطيت وجها بصدري حتى لا اشوفها واخذتها لجوة جوف روحي ، اكتفيت بهاي الحظة بيها ، وخرتها عني من ذكرت كلامها السابق و هو اصلا مو كلامها ولا منطقها ، اباوع لوجه فارغ اجوف ما بيه الي ظنيته ، ما عشكت جسد انه عشكت اعيون صافية مثل نبع الماي ترافة روح شفافه روحي ندهت لياه و حسيت هاي قسمتي بدنياي ، و على بالي تطلع روحها تشبهني ! طلعت بعيده بعيده حيل بين فكري وفكرها سبع سموات بفلكهن لا ذنبها ولا ذنبي ، اااخ لو اهلها كايلين قبل لا احجي وياها واعقد اعليها لو اختها ما مدخلة وخرتها وشافتني بديت اغتاض -روحي من وجهي هسة - لا اصيح حباب موو ما اصيح مو؟ - هسة شايفتني مصيح ، دروحي - زين ما اروح لهلي مو ؟ -ترحين بجت كمت وكلت -رقية اتحلفين اهلج ما يدرون بزينب - شنو عدت عليها السؤال بغير صيغة الا فهمت وحلفت - زين اهلج ليش مكالو هو مو لعب - كالو كالو لكوثر والله والله - كوثر اتكول محد كال والله حيرة يلا هسة بدلي اخذج لهلج توسلت - لا لا توديني حباب - بس للعزاء عيب ما ترحين و البسي اسود .. -ما ما عندي ثوب اسود - بس ربطة لفيها انه اتأخرت لازم اروح للعزاء ظلت فاتحه الكنتور وصافنه ، مليت من انتظارها وخرتها عنه و طلعت الها جبة -موش هاي سودة دلبسها -هاي هاي مو مو ثوب -جا الا ثوب ميلي شو وخرتها وفتحت غير خانه وطلعت الها ربطة سوده - وهاي البسيهن ويلا بينا . نزلنا بالصالة شهد -وين امج خل اتروح ويانه للعزة -امي امي -اشبيج انعديتي من رقية رقية كامت تضحك شهد- امي طلعت ! -وين يمعوده هاي امج ما تكعد بالبيت زين كوثر وينها؟ -هم طلعت يم بيت خالي (بينا مسافة) اخذت رقية وصلت لبيت اهلها لكيت بابهم مفتوح ومقتدى طلع شايل مشعل و اولاد من كصته جدورة عزايم مقتدى - ياسر اشلونك - اشلونك مقتدى احد من هلك هنا - بس مرتضى ينتظرني اودي ذني لبيت وياخذني وياه لبيت خالي الجبير اهناك التجمع حتى همه يرحون لبغداد راح مقتدي يصيح اخوه وانه واكف بالحديقه ورقية دخلت رجع مقتدى و مرتضى وراه ما مكمل لبس يدكم بقميصة الاسود واعيونه باهته حمرة اتقدمت اعليه اسلم ماد ايدي اخذها و حضني ! - عظم الله اجرك خوييي كلنا ليها - راح يياسر قبل ما يستشهد بيوم اني اضحك وياه و يخطط لزواجي ! حسيت جسمه يهتز وانه اربت على متنه مقتدى - اخذ رقية للنسوان لو اخليها اهنا يم زينب مرايحه جاوبته اخذها لبيت عمك ، طلعو وابتعد عني مرتضى يمسح بطرف عينه -لازم نطلع لبغداد نستلمة -لهسة ما دافنيه؟ -توهم بالطريق لبغداد واحنه اذا طلعنا هسة نوصل ننتظر الا يوصلون وناخذه -رايح وياكم رجعنا من بغداد محملين تابوت الفاجعة اخذنا الشهيد بطبل و مزمار و وصلنا لامير المؤمين مسوين اله عراضة وانه شايل طرف النعش و يمي مرتضى يمشي ويباوع لكدام للفراغ بعيون تعبانه و بحسبة مليانه هم حسيته اكثر من اخ جان اله عاينت للخلف ادور على رفيجي ..شفته ورانه يمشي وسافط شعره ، لج گلبي -ربي لا تفجعني بخليل هذا رفيج دربي دفنا الشهيد وانه عمي سلمت اعليه وهو مجان بحاله حتى يباوع ولو نظرة عتاب الي .. انوب اخوهم اتخربط اعليهم وما طلع للعزاء والمومن وياه بالمشفى واحنه وعمامهم واهلهم شالو العزاء وانحسب اله اول يوم رجعت لبيتهم موصل مرتضى وياي نزل وعزمني انزل وياه -لا خيي هم يلا اوصل هلي -يا أهلك بيش الساعه توصلهم بات اليوم يمنا ما قبلت واصر ونزلت وياه كلت بس ادخل وياه ما يصير و اطلع جنت حذر لا عمتي اتشوفني ، دخلت للاستقبال .. تفاجأت من عمي دخل وهو يحرك بخرز سبحته بملابس بيتي سيت بيت عادي - اشلونك اوليدي ! عصرلي گلبي بهاي كلمته وكعد جدامي انه كل ظني يم اخوه بعده ابو علي- ليش تأخرتو بالعزا جاوبته- رحنا لبيت اخوك بعد العزاء والشباب اهناك اتعشو ((اخوهم الكبير بغير حي ساكن والجامع بحيه.. بقيت منا من مرتضى كام حتى اوصله )) - اني ارفع الزحمة - يا زحمة اكعد ابني اكعد اتبات اهنا اليوم - عمي اني بخصوص الكلام الي كلته بعدني ما مكمل هو كال - تسرعك و عصبيتك ما تخليني أواخذك و اعتب لكن ابني قال الله .. بسم الله الرحمن الرحيم ﴿ يَا أَيُّهَا الَّذِينَ آَمَنُوا اجْتَنِبُوا كَثِيراً مِنَ الظَّنِّ ﴾ استندت على ظنك وتسرعت بالحكم هذا الموقف بين انت ما تعرفنا وهذاطبيعي لعلاقة سطحية بس يا أبني تأنى لا تعقد علاقاتك ويه البشر -اني عمي حگي ...... - بعدك يعني على ظنك بيه - لا حشى واعتذر منك كمت وكفت يمه ودنكت و حبيت راسه -واحب على راسك هم انت رجال على راسي بس الي صار احگكم بيه عتب كعدت يمه - قبل العتب اريد منك تستر ما شفت منا....نبيك أوصى وقال لا يستر عَبْدٌ عبدا في الدنيا الا ستره الله يوم القيامة صدق رسول الله -عليه افضل الصلاة والسلام - بعد هذا العمر انحط بهيج موقف صعب لا صغرا بيك بس انت من عمر اولادي.....صعبة - عمي انه اعتذر منك وحگك عليه على الكلام الي كلته انت حگك عليه بس القصة انه هم انظلمت بيها ما حسبت كلامك ليه لهاي الدرجة لأن انه اشوفن شي وانت تحجي شي ! وانت هم حگك ظنيت انه قابل و من العادي تفكر بمصلحة اولادك بزواجها لأنك كل ظنك لكيت انسان يقدر وضعها بس انه والله والله هم من جانبي انعميت بأسلوب غير عن الي تحجون عنه! وعمى على بصيرتي اشر بأيده كمقاطعه الي - لا حول ولا قوة الا بالله....بس لا تظن بأختك زينب ظن سوء هي جاهلة عن الحكمة ومقصدها خير لاختها ترة لا تاخذها بغير صورة تراها بنية مرباية لكن لكل مؤمن مدخل للشيطان زاغ الها ان الي اسويه خير لأختها وتيه عنها الحقيقة وعمى على بصيرتها سكتت واني اذكر شكلها كأنه ضاربها وحيل هم مأذيها جسديا وجهه كان مزورك باليوم الي طلعت الي ومع هذا بيها طاقه و ما خافت بعد كل الي سوته وكل الضرب الي من اهلها طلعت تبرر! .عجيب هاي الابنية شنو من قابلية ياريتج رقية عندج ولو اشوية منها اشوية ما طالب اهواي ... دخل مرتضى وبيده صينية اكل ! حطها على الارض - يالله تعال اليوم تعبناك وشفتك ما اكلت مثلي - ازعل منك ياب يا تعب كعدت الصدك جنت حيل جوعان دخلت رقية حطت ماي يمنا رفعت عيني عليها راحت يم ابوها....ابسرعه فتح الها ذراعه طبت جواه على صدره و هو يسبح ويباوع للفراغ باوعت للساعه ب ١٠ خلصنا مرتضى-تعالي شيليها وسوي جاي -اي هههه اي صار ههههه راح مرتضى مدري وين ظليت انه وحدي يم ابوها ابو علي- هسة شنو بالك اسوي !؟ - شسوي بعد الي صار صار والبنية مالها ذنب ادخل بخطيتها سكت وما عرفت نظرته شنو معناها رضا حزن ندم - انه أخليها يمي و اعوفن الوضع على الله - الله مغير الاحوا .....الغلط غلطي اني الاول والاخير مكان لازم اسمع لملحة امها ولا ياخذني الطموح واعتقد اكو من يتقبل وضعها كان خطئي دخلت رقية حطت الجاي كدامي ابو علي-صيحي لاخوج بوية ، اجه مرتضى شرب جاي وراح جاب فرش فرشهن فراش ابصف فراش مسافه ما تسوى تذكر بينهن شنو راح يحطون رقية يمي لا وبعد اخوها يفرشهن النا ! وهي اختفت من انطرح هو ابصفي فهمت هو الي راح ينام يمي اشوية و اجه اخوه شمر سفنجه فوك روسنا مرتضى- جبان ولك اجيت وراية مقتدى- ما خاف اني اجيت انام يم ياسر غير ميصير نعوفه وحده ! ، احاديث عادية الى ان النعاس زار مرتضى وامر اخوه يطفي الضوه اشوية وانفتح الضوة علينا دخل الشيخ -مرتضى هاي شمكتوب بيها الوصفه هاي امك اجيب وتبلع ما نعرف المن كعد بفراشه ويفرك بعيونه اخذ الورقة من ايد ابوه مقتدى شافني متعجب من جيته نص الليل كعد يمي و شاورني - هذا ابوي يريد يشوف مرتضى اشلونه رفعت اله حاجبي معنى ليش شاورني - لان ايمن جان يحبه مرتضى حيل وهو هيج ابوية يريد يشوفه نايم كاعد اذا صار شي يفتح علينا الضوة ما اشوفه اشلون صافن عليه وعايف الوصفه قابل ما يعرف يقرة باوعت اله جاي يمه وكاعد ومرتضى يحجي وهو ولا يم الكلام باله ، يباوع لمرتضى ولخده بنظرات حانية ، خانته ايده و اتمردت و انمدت تمسح شعر جانبه لراس مرتضى مرتضى- يعني يشتغل للمفاصل هم - يلا نام بوية كعدتك عبالي بعدك صاحي لان الكتابة ناعمة ما اشوف اقرة الوصفه نام نام وارتاح هم شاورني مقتدى - بنص الليل اذا ما اجه اكص ايدي ابو علي- وانت ششاور عوف زوج اختك ينام تعبان الولد رجع لفراشه مقتدى مبتسم وطفى الضوة وطلع الاب كعدت على احد يلعب بشعري فتحت بكسل عيني يكلك نايم بيتي ناسي روحي هاي رقية كاعده فوك راسي تلعب بشعري انه بديوانهم ولابس سيت لمرتضى !! -ها ولج شسوين فوك راسي - اكعدك ههههههه اكعدك بابا بابا كال كعديه -اووه من الصبح اكعدون ادري من السته -مو سته الساعه الساعه الساعه باوعت للساعه لان رقية شكل السانه لانها بتسعة الا ربع كمت مفتشل من الناس هاي اشبيه ذاب روحي ما حسيت -استقبالكم بردته مسويته اظلم ما ينعرف الصبح اشوكت يطلع - ههههه ههههه سويت الك ريوك اروح اجيبه اجيبه -ابوج وين اخوانج؟ - راحو يم يم بيت عمي ابو ابو كرار مقتدى و و مرتضى بس بابا بابا اهنا خلعت سيت مرتضى وبدلت ورقية متربعة وكاعده تباوع الي وايدها على خدها - هاي انت جايبه غطى مغطيتني بالليل ! - لا هههه لا بابا بابا غطاك انت. وو مرتضى شفته اخذ غطى من من النضيده واني اني اصلي صلاة صلاة االليل ههههه السبلت بارد ههههه انه رحت وراها للشغل والعصر للفاتحة ، اخر يوم فاتحه ،نزلت من غرفتي لكيت امي كاعدة بالهول ولابسة عبايتها - ها ليش كايل لاختك ما اطلع شرايد اريد اطلع - اريد احجي وياج اشوية تنهدت -اي شكو. صحت - شهد ... شهد كوثر .... كوثر جمعتهن وكعدت كدامهن - المغرب اجيب رقية شهد- ها راح ترجعها -قابل اني ذابه اعليهم حتى ارجعها غير خلصت الفاتحة بعدين انت يوم شنهو لابسة اسود راح اتروحين - اي اليوم انروح اني واخواتك - جا منهو يوصلكم -كلت لعادل لا تهتم شهد- يبوو جان كولتي لخليل امي- اكل لخليل يجي من ** للمشخاب يوصلنا وعادل يمنا ؟ قاطعتهن- اسمعي يمة وانتن هم رقية وعرفتن وضعها البنية حالة خاصة شهد- اي عرفنا كالتها وهي ضايجه عليه كوثر- اي اي عرفنا - اريد منكم لا تحاسبوها على شغل ولا اطلبون منها شي على هواها امي-لعداني المن جننت (كننت/زوجت ابني) غير حتى ارتاح -عندج اثنين بنات كافي و وافي عوفي الها بس طابقها -لعد تاكل على الجاهز واني اخدمها -يوووم ؟ اعتبريها ماكو بعدج على بناتج ما شفتج بيوم عاتبتيهم على الشغل والنتيجه بس غرفجن نظيفة البيت محد اگيسة (تلمسة) والمطبخ شحالة -اني مرة كبيرة مو حمل تنظيف وخواتك تدري وحده طالبه و وحده عدها اطفال ورسلان الله يخليها الي ، تجي كل اسبوع جانت تنظف البيت اسوي كزاز واتروح بس انت الله يسلمك اتزوجت مو حلوة اطلب منها تجي بعد - بتج عدها بس اثنين وعايفتهن يم جدتهم العود(ام امي) اربعة وعشرين ساعة ، وشهد عطلة يمة لخاطر الله رقية اعتبريها ما جايبها ؟ - حظي هذا ميل بختك اااخ من السبب عظت اصبع وباوعت للبنات كوثر وشهد انه شاك بكوثر حيل ومن باوعت ليها شكيت اكثر لأن الرجال ابو علي ما يجذب بس اني مخلي احتمال مرته ما كايله ام علي وهم البحث بالموضوع شنو يفيد الي صار صار ، جبتها للبيت رديتها ، دخلنا للغرفة - رقية هذا الطابق الج . بس هو اريده نظيف واعتني بيه خوش -اي اي هههه تدلل ههههه تدلل -اروح اسبح - روح هههه روح ههههه شكلها يجذب بالاسود وانه عريس جريتها وهي تنزع حجابها -ها.....ها خذيتها للحمام -ها هههههه شنو ياسر ههههه خلعت قميصي وهي دنكت - شنهو ما اسبحين ؟ -لا هههه لا هههه سبحت هههه سبحت قبل لا تجيني جريتها اعليه - انت هههه انت هههه مراح مراح اتكمل نزع نزع -ها !؟ هديتها و هلكت ضحك وهي صافنه عليه مبتسمة - لا لا اريدج اسبحين وياي بوسط ضحكي لكيتها تنزع -هاي شنهو حتى ملابسج الجوة سود ولج تعالي جمارة بيضة - شنو ها دفعتني ، انه وخرت شفتها خافت - لا لا تضربني تضربني حباب حباب - انه ! كسرتني بچلمتها وهدتلي حيلي من دمعت - انه انه اسف انه اعتذر!؟ من منو من هاي الملاچ اي وربي ملاچ مو ملاك تلوك اعليها هاي الكلمة دمعتها هزتلي گلبي مسحت خدها مدنك اعليها حتى اشوف وجهي هي مو كصيفة حيل انه الي طويل - ما رايد اضربنج ردت احبنج - ليش انت صرت ما اتحبني...ما اتحبني بجت -لج لا ابوسنج ابوسنج تذكرين بوسات ليلة عرسنا ردت مثلها رفعت وجهة الدامع و ضحكت -اي اي حلوة بوستك. بوستك بيوم بيوم عرسنا - لعد تعالي نعيدها بستها واجيت اكمل خلعها لملابسها ، هم حاولت تدفعني وخرت عنها ورافع اديه مستسلم -ها رقية -ما ما انت كلت نسبح وتبوسني ما ما اكره اكره هذا خاف تعضني اني راح راح اسبح اسبح لخاطرك لخاطرك مرة ثانية -اوعدج ما اعض - لا لا ما ما اجت تشرد - عاد تعالي نسبح بس نزعت وكالت -يلا نسبح ... نسبح ونطلع مو حباب ! حاولت اتكرب ليها هم رفضت وحسيتها خايفه مني ، صحت اعليها وخرتها..وظليت انه بس جوة الدوش -كافي عذاب عاد شنهو چني بسجن وجاي اتعذبين بيه اتميلين منا ومنا وانه شنهو مو بشر يا ناس -جنت جنت اغسل ! راحت ولا يمها فتحت الماي وكملت سبح وانه بس اعاين ليها جوة الدوش ردت اطلع من جوة الدوش سألت -خلصت؟ -اي -انت ما تعرف تسبح بس بس جوة الماي الماي لازم تليف تليف و تغسل تغسل راسك -هو الي يطب وياج يعرف دربه - اعلمك اني اني -اي حبابه ! رجعت ليه وانه ضحكت اعليها وقنعتها طلعت شايلها وهي تنشف بشعري .... بعد تلاث(ثلاث) اشهر كعدت من النوم نص الليل گلبي يدك بقوة و مفزوع على صوت البجي الي وصلني هسة - شنهو كمت فتحت الضوة لكيت رقية على السرير ذابه نفسها على بطنها واديها مثنيات جوة اعيونها وتبجي بحركة -رقية اشبيج ! كعدت يمها كلبتها -اشبيج يمعوده حلمانه كابوس هزت راسها لا ومستمرة تبجي - يوجعج شي هزت راسها بلا - شصاير ضايجه من شي هزت راسها بأي -منهو اهلي بالنهار مضوجيج رسلان ؟ هزت راسها بلا -جا منهو اشرت عليه اشرت على روحي - انه ؟ -اي ورجعت تبجي -اكعدي واحجيلي ما كعدت،وحجت وهي تبجي -ما تنام يمي ....... -اهووو رجعنا لهاي الاسطوانه يبت الناس أنه ما أعرف انام يم واحد انه اختنك -لا لا انت انت ما تحبني ما تحبني - دكومي غسلي وجهج وانيمج انه راحت تركض عثرت ووكعت يم الحمام خلتني اضرب وجهي غسلت ورجعت تركض -لج لا تركضين عبالهم جوة نلعب ركيضان -خاف خاف تشرد تشرد جوة واشرت على سفنجة (فراش على الارض انام اعليه) نامت على ذراعي - اقرة اقرة الي سورة يس قريت ولازم بصوت اسمعة وانه النوم علك بعيوني غمضت اريدن انام عبالي نامت وسكتت وهاي كملت لوين ما وصلت ! صوتها عذب و على گد ما شجي وحزين النوم راح وخلاني صوتها افكر بأخرتي والموت والحساب والعقاب! ، كعدت الصبح انه رحت للشغل وما ارجع غير العصر ▪︎رقية راح ياسر للشغل واني نزلت من راح لأن عمتي كالت الي من ينزل انزل اكف البيت ما يصير اكفه كدامه ما يحب يشوف واحد ينظف كدامه كون من يجي يلكى كلشي نظيف فاني من يروح انزل اغسل مواعين الريوك و انظف البيت اظل من ال٨ ونص لو التسعة لل١١ ونص لو ال١٢ اني الا اخلص وحيل اتعب لان احاول اصير سريعة وما اتضوج مني عمتي و اروح وراها اغسل هدومهم وهي تطبخ و اصعد للطابق الفوك اغسل ملابسنا اني و ياسر و اخلص شغل ب٢ خطية عمتي تتعب من الطلعة من تجي العصر اروح اني اسوي العشا بس من يطلع ياسر ورة العصر الجبير ابدي بيه لان تأخر لل٨ بالليل اني بطيئة وهي تزعل خطية اتمنى اني لو مثل زينب سريعة ، بيوم طلع ياسر واني نزلت طلعت مكناسة الكهربائية واكنس شهد -ام الروق حبابه قمصاني البيض اعزليها عن الملابس الوان تاخذ لون -خوش ههههه تدللين تدللين اهنا طبت رسلان تخوزر بيه ابسرعه عفت الهول ورحت للاستقبال بعدين انظف الهول رسلان ما تحبني وما اريد اضوجها مني دخلت عليه للاستقبال - اكلج شو الهول وصخ شنو ما اتعرفين اتنظفين - لا اعرف ههههه اعرف ههههه كعدت كدامي وكالت - هاي هيج نظافة غرفتج مثل الهول سكتت و اني اكنس كامت وكالت -راح اصعد اشوف غرفتج - ها بكيفج صعدت هي للطابق الفوك واني كملت الاستقبال .. كلت اخابر امي واحجي وية زينب صعدت لفوك .. دخلت للغرفة لكيت رسلان واكفه كدام المراية ولابسة ساعتي و كنتور ياسر مفتوح ! - ها رسلان حلوة غرفتي نظيفة مو - اهه يمكن ياسر خطية ينظفها مو -لا اني والله اني -اكلج هاي حيل حيل عجبتني الساعه مو هي هاي الي جابها ياسر -لا لا مو هي ذيج ذهبية ذهبية -اريد اشوفها فتحت مجر بيه سوارتي و ساعاتي طلعتها الها من علبة - ههه شهد كالت الج جاب ساعه ساعة مو مو -اي لبستها وظلت تمد بأيدها وترجعها يم خدها وتباوع للساعة -حيل عجبتني....رقية تنطيها الي -ها سكتت اني احبها اكثر ساعة لان من ياسر جابها الي قبل اسبوع هيج من وحده جابها بايدها تلمع وحلوة حيل ساعتي الحلوة بسير مطلي ذهبي وشذرات كرستال ناعمة حيل تزينها و قرصها دائري صغير -ها شكلتي حيل عجبتني عفية رقية انطيها الي -اخذي اخذي هاي انطيتها وحده غيرها -عابت اشكد نحسة شطلبت اني حاولت تنزعها وضاجت -يلا يلا لا ازعلين اخذيها ضحكت -شكرا حبيبتي شكرا باست الساعة واخذت حتى علبتها وطلعت اني دمعتي اسرسحت على خدي واباوع للباب المفتوح .. سديت كنتور ياسر ونزلت الدمعة بعيني نزلت اكمل شغل شهد كاعده بالهول وتقرأ اليوم جمعة وكاعده .. كوثر بغرفتها ما تطلع اجت رقية الصغيره تبجي اتريد تصبيره رحت سويت الها لفة واني حايرة عمتي طالعه اليوم بدون ما اسوي غدة اووف طلعت للهول مكيفه من شفتها دخلت لغرفتها ما خلتني اكول الها شناكل غده انتظرتها تطلع من غرفتها خايفه ادك الباب عليها واكفه يم المطبخ وحايرة شفتها طلعت تمشي ابسرعه ما لحكت عليها غير بالحديقه ردت على تليفونها -جايتك اشبيك اليوم عصبي اندارت حستني وراها وشافتني سدت التليفون -اشعندج اهنا صاحت بيه - الغده عمة الساعه ب١١ ونص ما ما سويتيه -يوووه اعتمدن على نفسجن ما تشتغلن انتن هااا كله عليه مرة شكبرني طلعت مرت خالي (خال ياسر اصيحهم خالي مثله) حديقاتنا مجوارات فتحت الباب ودخلت من غير ما دكها الظاهر جانت بحديقتهم وما شفناها -ها اشبيج ام ياسر - عيني هو جننت(زوجت ابني) وطلع هذا حظي دنكت مستحية من مرت خالي - البنية مثل الورد على كيفج وياها خطية على البركه شفايت الي والله -يمعوده فاهية حيل - والله لو يصيرانبدل انطيج الحياية الي عندي وانطيني هاي الملاك - يا ملاك هبلة والله ذبها عليه عود ماعندي بس واحد غمتها نفسها وطلعت مستعجلة اني حيل استحيت من المرة ام حسين اسمها هي نفسها ام رسلان و عادل و عدها غيرهم بس مزوجين هي و رسلان وعادل عايشين ببيت جد ياسر وياها زوجها متوفي لزمت كفي وكالت - تعالي يخالة يخسأ الجوع اني اسوي الكم غدة - م مجوعانه...اريد الهم خطية خطية الجهال وشهد دخلنا للمطبخ وكفت هي تطبخ واني اباوع الها ، وتحجي على جناتها عايفتها كلهن وطالعات ببيوت وماخذات ولدها ما يجوها الظاهر شريرات حيل ركبت اخر شي التمن الساعة صارت ب١٢ ونص و كالت اني بس انصي عنه من ينشف وراحت لبيتها شهد- رقاوي عفية ما صار الاكل حيل جوعانه .. -اي اي بس ينشف التمن ما راحت شو ظلت واكفه وكالت - اكلج اخوج اشلونه -زين زين اليوم. اليوم العصر يجيب يجيب الي الي اغراض غراض من امي -اها يجي لهنا -اي هههه اي ، للعصر ياسر ما راجع لهسة اني سبحت و حطيت كحلة تعلمت عليها وحمرة سحرية احبها و ظفرت شعري الي بدايته اسود طالع خابر مرتضى والجرس مال الباب دك رديت عليه -رقاوي افتحي الباب هاي اني ونزلت اركض اله ملهوفة حيل واحد من اهلي اجه انركعت بشهد - ها رقرق اشبيج مستعجلة على ياسر -هذا مرتضى مرتضى -ها اكلج رقاوي حبي حبابه روحي شوفي الجاي دا يفور -مرتضى برة برة -روحي حبابه حبابه شوفي القوري وصبيلي على ما اني افتح الباب رحت للمطبخ حطيته على التخدير وغسلت الها كوب وحطيت شكر وطلعت لكيت ياسر مدخله ها هذا ياسر اجه طلع من الاستقبال شافني بالممر جرني - ولج اخوج جاي غير انت اطلعين اله غبية مرت شهد رايده اتروح للمطبخ كال الها -اشعندج فاتحه اله الباب واتعزمين عليه يدخل كلبه اخته تطلع اله -ها مو مو هي تأخرت كالتها وهي خايفه من عصبية ياسر وشردت اني ما عرفت شكول وسوالي حركة بايده وكال اصبريلي -خل يروح الرجال واشوف شغلي وياجن راح واني طلعت لمرتضى بس خايفه وارجف واريده يطول ما يروح بس هو ما ظل راح بس طلع اني شردت للغرفة دخلت للحمام وسويت نفسي اسبح خايفه منه حسيته دخل يمة يمة دخل راح يضربني مثل ذاك اليوم من عرف زينب تحجي وياه وشك ثوبي الاصفر يا يمة ما اريده يشك هذا الثوب الازرك حلو ورة فترة دك الباب - اشوكت اطلعين اريد اسبح يمة بس لا يريد يموتني دكها مرة لخ من خوفي رجعت لورة وازحلكت ووكعت -اييي اييي ماما -ولج شكو -اييي ضهري ضهري -افتحي افتحي مابيه اكوم انوب كام يضرب الباب يمة راح يكتلني هاي هي راح اشبع ضرب اتحملت الوجع وكمت فتحته بالكوة واني مخسوفة الضهر ومحنية واريد اشرد بس كلت حرامات الباب ينكسر - ضهرج بيه شي اجيت اكسر الباب وادخل - اي اي يوجعني حباب لا تضربني ! -اضربج ! نمت على السرير على بطني -حبيبي يوجعج حيل اخذج للطبيب اسوي فحوصات - لا لا خاف يضربني ابرة اخاف جاب من امه دهن ودهنه الي ما قبلت اروح للطبيب ما طلع ويه جماعته اني ما اشوفه جنت بس بالليل يجي من الشغل العصر و يسبح ويطلع وية جماعته لو بيت جدة او خواله واكثر الوكت ويه خليل ويجي ب ١١ لو ب١٢ اني نايمه يفرش بالكاع وينام اني اعرف عنده مشاكل ويه احمد اخو رسلان الجبير دوم اسمعه من يخابر يكول يحاربني ، اني اكول ذاك شنو دوم لازم سلاح ويحارب ياسر لو وية ذولة الدواعش ! ثاني يوم شهودة الضهر من اجت من الدوام ضايجه يمكن لان ياسر زعلها البارحه ضجت عليها خطية ، ياسر بس يرزل بيهن والصبح يتعارك كل يوم و يصيح عليها حتى ما تحط مكياج يريدها مثلي ما تحط بس هي هليام شو ضايجه مني ما اعرف ليش !؟ ما تحجي وياي و مرة صاحت وهو يامرها تمسح المكياج -امنين طلعت الي رقية اووه كلشي تريد انصير مثلها اووف ، اروح بالشهر مرتين لاهلي جنت بالبداية بس هسة مرة وحده وابات يوم واحد يمهم ▪︎شهد طلعت اله اذكرة بيه فتحت الباب ومرتضى صار كدامي من شافني دنك ابسرعة - السلام عليكم يا حلو ثكلة - وعليكم السلام ... اتفضل مرتضى - زاد فضلك بس صيحي الي رقية ليش ما قبل ادخله و هيج دنك اعيونه راح تلزك بالارض ، اني بس ادخله واروح اشبيه؟ - اوكي بس ادخل ما يصير واكف بالباب ما قبل يدخل خلاني افتح الباب زياده صار وراه ياسر وابسرعة مرتضى التفت عليه وسلمو على بعض و ياسر اعيونه كامت تجدح غضب الي دخلت ابسرعة وعفته ورحت للمراية ، اني محضرة روحي لجيته لافة شال ضابطته مع مكياج خفيف و فستان قمحي بسيط للمحجبات ، طلعت للمطبخ و شفت رقية وياسر بالممر يمة دا يرزل بيها يا الله مهما عصب عليها ، هو رقيق وياها اذا عرف اني صرفتها غير ينحرني فذبيتها براسها وشردت ، راح مرتضى وما اعتقد شافني اووف ليش هيج تأخرت بالليل رحت لغرفة امي . لكيتها حاطه قناع وكاعده تكلب بفونها -ماما ام علي بعد ما كالت ما اتكلمت بموضوع الخطبة -ما اعرف بعد ما حجو بس يمكن بسبب حالة الوفاة وتدرين توهم ما صار الهم ثلاث اسابيع من شالو لبيتهم الجديد - خاف غيرو رأيهم - ما ادري بعد وخايفه اذا رجعو ياسر يسد السالفة بعد الي صار بيه عباله خدعوه ما كالو اله من البداية ما يدري كايلين النا والفضل لاختج ما درينا - ماما لا تقلقيني خفت لا غيرو رأيهم وعبالهم ما اقبل لازم اوصل الهم فكرة بعدنا نريد .. طلبت من امي تلمح لأمهم .. ، اشوية رقية بديت امل من اعادتها للكلام وفهمها البطيئ كمت اجنبها ما بيه حيلها والله يساعد ياسر الي انصدم بيها، الي يحبها كل هاي المده تطلع بس واجهة ، حتى احسه تغير ما يكعد بالبيت بس وقت النوم كاره واقعه ما اصورت بعد زواجه هيج راح يصير بيه ومنا هذا احمد جاي يحاربه ادري بيه الكلب .. وعادل منا حابس عليه انفاسي غير مرتضى يتحرك ليش هيج تأخرو ▪︎ زينب مطروحة على سرير فارغ وريحة الديتول معبية ريتي وملفلفة ببطانية فوك عباتي حسيت امي تتحرك كمت الها -ها يوم محتاجه شي - عطشانه حيل يمة -ماما ما يصير عمليتج الساعة. ب ٥ الفجر اصبري - ابوج يجي لو لا!؟ -اشلون ما يجي يوم عبالج بابا رجع بابا بسيارته كاعد من خلص وقت الزيارة يجي سوت امي عملية الزائدة الدودية رجعنا للبيت وخطار فاطمة ابنها مريض اجت عصرية وراحت و رقية اجتنا وراحت ويه رجلها واني الي احتاريت بالخطار وبيها ، ضربت امي برة وطلعت من الغرفة صار كدامي بابا اجاوزني وفات للغرفة اه اشوكت يرضا عني ثلاث اشهر ما يحجي وياي ولا يباوع بوجهي .. انوب فاطمة دزت ابنها اقرية ما يقرة وياها ولا ياخذ منها ... ، وهاي مرن اربع اشهر واجتنا ام عماد اني جنت اغسل بالكراج دخلتها ورجعت اكمل ولا على بالي شي اصلا أيست الصراحه على العشا امي كالت النا على موضوع خطبة عماد يريد يخطبني جان بابا ياكل من اتكلمت امي اكتفى بعبارة - هي تكول اي لو لا بعدين لا تكول غصبوني و أجاهلوني اتعجبت على بردوة ردة فعلة ، وين الحماس الي شفته من خطبني اخو سيد محمد ! والشي الي اثار استغرابي ماكو فرحة بداخلي باهتة ما اعرف ليش خابرت رغده من تليفون امي وكلت الها موافقتي السرية توصلها اله لكن مو ينسى بعدني مصرة على موضوع الدراسة محد عنده اعتراض عليه لكن هي الضروف اشوية صعبة يعني عدهم وفاة ما دارت السنة عماد بس يريد يحجزني رسمي ومن تطلع سنة اخوه الا يصير الزواج لا مشية ولا كعدات زلم ونسوان ابوه كال لابوية وبس .... ، بيوم العقد ، حضرت ثوب بسيط عادي قماشى كلنسي محتشم بردن كامل جوزي اللون واجن فاطمة و رقية من الصبح والبيت حسيته صار بيه روح ، رقية الحمدلله مستقر وضعها واتكول مرتاحه وياهم بس كشكوى بيني وبينها كالت ياسر فد نوب ما يحجي وياها و يدوخ منها حسيته مل من هسة قلقت حيل كانو زواجها مراح يدوم الفروقات بينهم كبيرة ، فاطمة هم من ذيج الجية شكتلي بت عم سيد محمد مأذيتها وتغار على زوجها منها ذيج جانت خطيبته السابقة وارملة حاليا ... بس بهاي جيتهن ما شكن بس اثنينهن احس بكلوبهن غصة ما يردن يطلعنها بيوم خطوبتي واني بالمطبخ وياهن دك تليفوني رحت اركض للكاونتر و رفعته وكلت الهن -عيني عيني ماما سلمته الي واخيرا هههه رحت للغرفة ورديت على رغده طلع عماد .. -اشلونج اليوم - زينة ! اقصد زينة حيل طبعا - اليوم العصر صديق ابوج يعقد النا -اي ادري هههههه - صبرنا ونلنا يا بت العم اريد اشكرج على انتظارج - الله يتمم النا على خير - جهزت الغرفة وكلشي جاهز بس تدرين بالصار -الله يرحمة يارب - اني اجر يومي تدرين بعقد تعيني - الله كريم - واحوالي اتعرفيها .. واني صفيت الابن الكبير الوحيد تدرين بس اخوي ايمن جان يعاون وراح -الله يرحمه دوخني بتدرين وتدرين ، اريد بس انهي المكالمة حسيتها باكت من فرحتي الباهتة جزء - وبالنسبة للدراسة بعد كبرتي و انت واصلة خوش مرحلة مخلصة اعدادية واني وضعي يبت عمي ما اعتقد يتحسن اكثر للسنة الدراسية الجاية ومصاريف واقساطها و امي مرة كبيرة وتدرين خواتي مخطوبات منو يعاونها اذا ازوجن واصلا شسوين بيها انت بعد اذا ازوجتي -بس اني متفقه وياك عماد - شسوين بيها زنوبة دعوفيها هاي السالفه هسة الي خلص شحصل هاي اني يمج مثال - بس اني ببالي من زمان هاي الفكرة - انشالله ما تحتاجين الها تلتهين بطفل وزواج وينج وين الدراسة سمعت احد يحجي وياه ،اترخص وراح واني كأنو احد دا يصدع بجسمي اتكسرت ظليت كاعده كتلة طاقة سلبية و انذبت علية ظليت افرك برقبتي احس الهوى مدا يوصل لريتي رحت لفاطمة اريد احد يلحكني حموت حسرة بهاي اللحظة - فاطمة الحكي هذا عماد يكول ماكو دراسة جانت تحط اللبة على الطرشانه - وشسوين بيها.....بعدج على هاي الرنة - لج غير عليه من هسة بس ضمن راح اصير اله ليش هيج عود سوة لو كايل من قبل ولا انتظرته والله ضيعت كومه فرص كلت ما اعرفهم اشلون اعيش وياهم خاف ما توالم ويخنكوني هذا فاهمني ويعرفني شريد كعدت على الارض وابجي فاطمه خلصت تركيب وكومتني -لج امج اذا شافتج تلطمين تتخربط كومي اخذتني للغرفة و لكينا رقية كاعده تخابر من شافتني ابجي نهت المكالمة وكعدت يمي وفاطمه صرفت رقية -رقية روحي شوفي امي خاف تريد شي - اي اي بس ليش تبجي تبجي زينب عماد عماد حباب افرحي افرحي لا تبجين راحت رقية وباوعت لكفاها وهمست -اتلوك اله وحده مثلج(قاصده رقية) ما اتريد شي غير اطفال وبيت لزمتني فاطمةمن حنجي(ذقني ) بقوة حاطه وجهي كدام وجهه - شنو الي اتغير هااا وخرت ايدها وكلت بوسط اعصار بچاي - فاهي وبارد خامل خامل وسلبي طول المكالمة يتبجبج من الضروف ولا كانو اليوم خطبته مخنوكه مخنوكه خنكني يا فاطمه مريد هيج مريد رجعت لزمتني نفس اللزمة من وجهي -عماد هذا هو نعرفه من زمان وياما كلت الج وانت اصيحين احبه شتغير هسة هاا اني اكلج شتغير شفتي غيره وحلالج وصرتي اتقارنين مووو -شنو قصدج وخرت ايدها وكمت وكفت مذعورة من تلميحها - لشنو اتلمحين فاطمه -مو تلميح انت كعدتي اتقارنين عماد ويه ياسر مو وشفتي الفرق بينهم! وهذا الي تعبج قبل ما جنتي مطلعه بس عليه وراضيه -لا لا شنو هذا الكلام مو صحيح - الا صحيح ، لا عبالج ما فاهمتج اني ترة ادري مو قصة مساعده لرقية يمكن بديتيها مساعده ، بعدين حلالج الوضع و فضولج جرج وملتي للسالفه وحبيتيها .... اتعرفتي على انسان جديد ....متجدد ومتوفق على عماد وعليج رجعت كعدت انهد حيلي راوتني نفسي حطتني كدام حقيقة نفسي وطلعت ياريتني ما التجأت الها حتى تريحني كلامها لان حقيقي والمواجهة ويه نفسي جانت عنيفة اني انجرفت ويه ياسر وافكاره العميقة وطريقة كلامه ومبدأ حياته شفته نافذة جديدة وانفتحت بحياتي بمثابة رؤيا ثانية كان الي للضهر اني مختلية ويه نفسي ضايعة الافكار فجأة صرخ داخلي بهلع لا لا زينب لا مو عماد مو عماد ما اريد سجن جديد.... بعد أسوء هم كخدمات لا زينب هذا السجن الابدي يعني مالي طلعة منه بعد لا ما اريد ما اريد هو بخت واحد بالعمر اذا خاب اخيب وياه كمت افتر بالغرفة مثل المصروعة واحد صحاني توه ما اريده يلمسني لمجرد بينا عقد ما اريده ما دام ماكو احلام وياه وين ميولي اله ! من اشهر راح ! وين راح وليش ؟ اعرف اجوبة أسئلتي بس تهربت منها مرة لخ جنت أواسي نفسي من راح ميولي اله عاد اطلع من سجن ابوية ، هسة عرفت راح بابا يسلم زناجيل حبسي لعماد لزمت تليفوني واتصلت بمرتضى ما يرد رد حباب حباب اتوسلك رد عشرات المرات دكيت عليه من الضهر لل٣ وما يرد اشوف اهلي عدلو البيت وحضرو الضيافة وجهال اختي يكمزرون يمي واني بالغرفة رجعت حبست نفسي حايرة شسوي ماكو حل غير اكل لامي رحت الها ، لكيت فاطمه اتحف الها كلت- يوم وكت حفافه هسة فاطمه -مبقى شي راح اخلصها سألت-ماما بابا وين امي جاوبت- بالاستقبال شرايده منه هو بعده ثكيل عليه -ماما ما اريد عماد ! حبابه كولي اله هسة يكول الهم لا يجون امي وخرت ايد فاطمه عنها وتباوع الي بصدمه واستغراب - ولج شنو تحجين انت اتخبلتي الناس على جية -ما اريده ماما ما اريده فاطمة وامي كعدتني وذيج الرزايل بالاخر امي لزمتني من وجهي وباستني وكالت هذا القلق والخوف طبيعي يمة اقري المعوذات يروح و لا تخافين ابن عمج هذا يصونج فاطمه- مثل ابن الاعم ما تلكين الغريب ما نعرف لولته يا زينب الظنون الي بالج وخريها واذا على الي ترديه ترة اكدرين تأثرين علي ....هاي امه دافعته امي سألت شنو قصة امه، فاطمه مجاوبتها و كملت كلامها الي - عماد المرة القريبة اله تأثر عليه بعدين اقنعيه هدأني كلامهن كان مخدر امي-فاطمة لج هاي زينب وجه اصفر انكلب ولج زينب لا تفشلينا حبابه فاطمه- لا يوم مبينه اقتنعت امي- لو حاجية البارحه مو هسة متأكده عين وصابتج عفتهن الساعة ب٤ العصر ومرتضى ما رجع من الدوام اضاهر طالع لشي مكان شنو ما يجي لعقدي؟، حلمي الاخضر تيبس وذبلت أمالي الاخيرة، مرتضى ماله جية وجبل صبري تلاشة حاولت اقاوم ضعف املي و رحت لبابا اكوله والي يصير يصير اهنا اندك الباب و طلع مقتدى وصوت زلم بابا-ادخلي بوية للداخل اجه شيخ علي الشيخ الي يعقد الي ! اسمع صوت النسوان اجن امه وخواته بالهول وبالاستقبال الشيخ الي يعقد وهو وابوه وعمي ابو كرار ماكو لا حفلة ولا جكليت ! حتى لون ثوبي غامق لخاطرهم لبسته واني بغرفتي سمعت صوت مرتضى يم الدرج طلعت وهو يصعد صعدت وراه قبل لا يدخل لغرفته كلت -مرتضى الحكني الحكني اندار عليه واخترع -اشبيج تبجين -ما اريده ما اريده -شنو ! -حباب مرتضى - ولج شنو انت على مزاجج نمشي مو انت وافقتي دخل لغرفته معصب مني -حباب مرتضى اكتلوني ولا ازوجوني -هاي اشبيها ليش هيج اسوين بأبوج خطية عبالج لعب انطى كلمة موافقة بعد شنو لعبة بيدج احنه والناس كالها بعصبية - حباب حباب ظليت ابجي بصوت -اش يا االله شنو جاي يصير انت اشبيج عبالج ما ملاحظ ابوية ما يحجي وياج لو امي الي سحبت التليفون وضربتج وما اعرف السبب زينب احجيلي شنو جاي يصير من ورة ضهري -راح اسولف الك ! بس حباب لا تفهمني غلط بس ساعدني الله يخليك اني لا حول ولا قوة كل اغلاطي بسبب ردت اصير مثلك! ادرس اطلع اتعلم اثقف اعاشر ناس والله ما ردت اكثر كعدت على سريره -تدرين ينتظروني انزل حتى يعقدون الج ! -حباب الغيه ساعدني -ما بيدي شي والله هذا اختيارج وقرارج - انتحر والله ولا ازوجه جاوب بعصبية و دفعني نيمني على السرير - انت اشبيج ما اتكليلي سولفي يلا شمسويه كعدت وبلعت ريگي(لعابي) احاول اطلع كلام معدل لا اخربط بالكلام وخايفة من ردة فعلة - اني قبل قبل لا يصير كلشي رسمي شسمة ادري بعماد يريد يخطبني قبل سنوات ثلاثة -شنو؟ - اي بس والله بواسطه خواته والله وعدني اكمل دراسة وقبل الخطوبة هم اخته كلت الها وهو موافق على شرطي يمه يخليني اكمل ....اليوم دز دز خبر ما يريد مرتضى حباب ساعدني سأل بعصبية -انت بباله ويدخل ويطب واني ما ادري ! - لو تلاحظ ما اطلع اله استحي حباب لا تفهم السالفه غلط بس حجي بنات يوصلنه الي حل السكوت واجه ابن فاطمه صاح لمرتضى .. ظل يباوع الي بغضب وكفت كدامه ردت اروح لغرفتي دفعني وكعني مرة ثانية على السرير وطلع طالعه روحه ما راح يساعدني يربي دخذ روحي والله مليت من روحي ظليت اتحسر على ماجد اخو السيد ازوج ومدلل زوجته صاحو الي نزلت وفاطمه اخترعت جرتني مسحت وجهي وحطت بادور تخفي اثر البكاء وحطت الي كحلة وحلت شعري المكوي سابقا وطلعت كعدت جثة صامته يظنوني خجلانه ما يدروني منحورة الدنيا طالعه من عيني .. طلبو مني البس عباتي واطلع للعقد .. مدري اشلون لبست و طلعت كعدت يم والدي و اباوع لمرتضى الي يباوع الي ومبتسم وكلت بابا .. و تم العقد اني ابسرعه طلعت حتى من غير ما همه يطلبون مني اتلكتني امه بوستني وباركت وامي و البقية اني بس اهز راسي الهم كجواب هاي يا زينب صار الي كنت ترديه ! وين فرحتك ! اريدهم بس يرحون ، صرت مرته لعماد وصار الي يرده هو احسه مثل الي ضحك عليه او الي اخذني على كد عقلي اجاني حقد مفاجأ اتجاهه كرهني باللحظة الي وافقت بيها عليه بالليل بحدود الساعه تسعة دا افرش لروحي اتصل بيه رقمه الي انطته الي رغده العصر بعد العقد رديت بعد والسلام بدا الكلام عاتبني - ليش ماكعدتي يمي -جنت تعبانه - ها تعبانه يعني....زعلانه والمفروض اني ازعل اشلون اتحطون هيج شرط بالعقد احنه هيج اتفقنا اني وياج -ما فهمت يا شرط اشبيك ضايج واني حتى مهري ٢ ب ٢ وين اكو هيج هسة حاجيته بعصبيه ممتحملته ابد - ها تعيريني من هسة لان ماعندي -مو هيج عماد.....بس يا شرط اقصد اني حيل مساهلة -غير بت عمي اخخخ كتلتني هاي مال بت عمي اخذني برخص من وراها - بس الشرط فأجاني هيج انت متمسكة بالدراسة ومو كبرتي - اشبيك اشكد عمري قابل ويا دراسة ويا شرط - شنو ماتدرين مرتضى اصرف من وحده؟ اني هم شكيت لان ابوج ظل ساكت وصافن على اخوج كانه مايدري -ها شنو ؟ - شرط عليه بالعقد وخلاني انطي كلمه الا اتكملين دراسة هذا شرطج الوحيد عليه واحرجني احنه ما متفقين هيج خلاني اوافق وأمام امر الواقع - شنو مرتضى شرط هههههههه ظليت اضحك وهو يكول اشبيج الو الو - عماد اني انت وعدت قبلها بسنوات واليوم خلفت...... اني هذا شرطي اذا ما رضيت بيه وما يناسبك تكدر اتكول من هسة - ما اعرف شكلج بس الله كريم منا للزواج .. سديته من يمه وطرت طيور لمرتضى دكيت بابه وكمت الحن بدكها كال طبي اضاهر عرفني اني - هلا بالزين والله دكول هيج من البداية الله عليك الله سولف الي اشلون وافق الأستاذ عماد بالشرط مالتك -قصدج مالتج.. -اي مالتي بس هو اتراجع عنه بوقت محرج وضوجني - هم ضجت من تصرفه مدام واعد من سنين ليش من صارت غير الرجال كلمة -هم صدوك - على العموم خليته ما يعرف شيكول كلت الهم شرط البنية وموصلته لعماد وهو موافق غير قابلة لتخلي عنه والدج سكت ما كسر بيه كدامهم وعمج ما رضى بس اني حطيتهم بموقف محرج وبينت عماد سابقا منطي كلمة - اي والله انطى انطى -ها هي لعد ▪︎رقية عقدت زينب و بتت يمهم بيومها واتمنيت لو يجي ياسر ياخذني انام بغرفتي ! تلاث ايام اتصل بيه اشوكت تاخذني يكولي ظلي مرتاحه يم اهلج عود اربع ايام إلا اجه اخذني وصلني وطلع وهيج دومه طالع واني اشتاقله حتى من ينام على الارض واني وياه نفس الغرفة اشتاق اله وهو مو يمي ما ادري شنو مشاكلة ويه احمد ابن خالة الكبير ، بيوم اجانه عصبي و اتعارك ويه امه لان احمد مضوجة وكال عفت الشغل ويه جدي عايفها الهم مخضرة ،صعد وصاحلي عصبي نار واني اخاف من يعصب انطيته خاولي و نزلت احضر اله غده بيومها بس يدخن وداخل الغرفة خنكني حيل نص الليل فزيت على صوته باوعت اله احسه يتحرك ويشهك حيل فتحت الضوة شفته عركان و اديه جوة الديباجة و يون مختنك والدنيا برد ! يمة اشبيه كعدت يمه ابسرعه فتح وحط راسه على حضني! يلهث عبالك جان يركض -اشبيك ياسر مخنوك؟ - جيثوم خانكني وخرت راسه وردت ارجع انام من شفته زين مافهمت اشبيه يمكن حلمان كابوس اني ما اعرف شنو كابوس ما مجربته! بس ادري بيه حلم يخوف جان يجي لزينب ما تكدر اتنام وامي حطتلها حروزه الا راح الصبح صحيت لكيته عايف فراشة وجاي يمي ! ظليت صافنه على وجه والعب بلحيته وخر ايدي وفتح -اليوم يمي ! تثاوب ومط اديه - اي هم اجاني كابوس.......اهنا كدرت انام! ، بالنهار هم صعب جان وكاعد بالبيت ما طلع وبس يصيح ويه خواته وحرم البنات من الطلعه وحتى عمة ما خلاها تطلع نزلت انظف سمعت صوته وراية وهو يصيح عليه -شسوين -انظف ههه انظف صاح بعصبيه لشهد اجت خايفه - ما تنظفين انت مو عطلة اليوم وانت صعدي فوك طلعت امه تحجي عليه -وليش كدام مرتك تنطي باختك - انت معليج جرني صعدني من ايدي وعمة تحجي عليه واسب حظها ، صاح بيه لا انزل اشتغل جوة -ليش ليش -البيت جبير وعندج طابقج هذا كامل عليج عود بالمطبخ ساعدي البيت ما عليج بيه مو خدامه للخلفوني انت ، إمه ما طبخت غده ، راح جاب كباب جاهز وصعده الي اتعجبت شو بس النا ! ليش هيج شنو ماعنده افلوس خطية ! صعدت شهد وكعدت يمنا رادت تاكل ضرب ايدها - ما اطبخن -اي ياسر لا اصير قاسي والله جوعانه شلنا ذنب بنزاعاتك ويه امي هي عاندت وياك وانت عاندت وياها وكوثر اتكول مو خدامة و انت اكول مرتي مو خدامة واني يتيمة طايحة بيها خطية سويت لفة وانطيتها ياسر- اكول ما ادخل بينجن بس مدام هيج انتن راح ادخل رقية ما تنزل تشتغل جوة و حتى مبطخ ما تدخل راح اجيب طباخ واعزل تعبت من امج - اني اعزل وياكم وين اولي ابتسم وكال ميخالف معرفت ليش هيج سوة واشبيها امه وكوثر كلشي مافهمت وصدك العصر راح جاب طباخ واني عندي بالمطبخ الفوك كلشي بس طباخ مجان حاط والتهى بشد ساحبة دهون و صار اشوية مو عصبي بس حلفني ما انزل لجوة واني اسمع كلامه ظليت ما نزلت ، وهو رجع يطلع لبرة وسمعت من كلامهم هو وشهد فتح محل وحده كعدت الصبح وياه سويت ريوك اله والبيض حيل نفسي لايعه منه قليته و حطيته اله ورجعت نمت للعصر خابرت ماما - ماما الحكيني نفسي نفسي بس تلعب ودايخه دايخه بس بس لا لازم اسوي مثلج مثلج اشيل الدودة ضحكت امي وسألتني كم سؤال واني معرف صارلها اشكد غايبة ما احسب الها كالت كولي لزوجج ياخذج يحلل الج خاف حامل ما اجه العصر ياسر ظل لليل نمت و الصبح خواته توسلن يروحن لبيت خاله ابو خليل وراحن وامه بقت بس بالبيت نكعت تمن و كليت بيتنجان و حطيت لحم على النار دورت بالثلاجه ماعندي معجون يا شطبخ لعد نزلت لجوة اني ما انزل بالعادة بس كلت اطلب من عمة شو هدوء حيل .... خاف حرام اخذ معجون بدون ما اكول الها ! لازم اكول الها سمعت صوت باب غرفة انفتح هاا بغرفتها عبالي طالعه رحت الها لكيته بيه فتحه بابها فتحته و كلت -عمة اريد...... سكتت من شفت عمة ماكو ورجال بكد بابا على سريرها منطرح بفانيلة وشورت من شافني غطى نفسة اتذكرت اني هم بثوب بيتي وبلايا ربطة گلبي اجه يوكف ركضت لفوك لغرفتي ودكات گلبي طالعات من نفسي احسهن يمة منو هذا بالبيت ! يمة ياسر وينك ابسرعه خابرت - الو الو ياسر اكو اكو رجال -شنو يا رجال -رجال رجال بالبيت مصلخ مصلخ بغرفة خاله واني واني وحدي محد محد محد بالبيت كمت ابجي اجاني صوت ياسر خايف -ولج شنو رجال مصلخ بغرفة امي ! -اي اي تعال تعال حرامي بغرفتها تعالي تعالي -اقفلي على نفسج اليوم احرك عليهن البيت الك..... مفتهمت منو هنه قبل لا اكوم اسد الباب دخلت عمتي لابسة روب فوك ملابسها -اشبيج اترجفين ترة هذا زوجي على سنة الله ورسولة و ابوية واهلي كلهم يعرفون -ها ها ياسر ياسر -بس هذا المكموع ما يدري يلوصها عليه ما يقبل - ها ها -لا تكولين اله خوش احنه نشوف وقت مناسب ونكول بعدين احجي وياج وافهمج اروح انزل اله ولا تنزلين بعد خوش اني اصعدلج نزلت واني من خوفي كمت ابجي عبالي حرامي طلع زوجها وياسر بالطريق ..... شسوي يا اني كلت اله وهي ماتقبل يدري!؟ يتبع لا تتعودن على هذ الطول هذا ٢ بارت | ||||||||
|
| |
|
23-07-19, 11:26 AM
| #14 | ||||||||
| مراقبة عامة ومشرفة منتدى الروايات المنقولة
| #الشيخ_الشباب #من_كتابات_زهراء_العراقية #الجزء الثالث عشر أفه يا كاعنه ! الوكحة حلاة الليل، واهل الليل والنار.. ابمرابعها أفه يا كاعنه ! السحكتها وانسحكت عليها جيوش يا بو جيوش -مظفر النواب •رقية جانت الدنيا ضهر و هيج وقت ياسر ما يجي ، بس اني خابرته راح يجي شسوي ياربي .... احسن شي اروح اتوضا وادعي ربي احسن اي اي....... رحت توضيت ونفذت كلام بابا الدعاء يدفع البلاء بعد شرح دام ايام الا فهمت واني بملابس الصلاة(چادر ، أسدال صلاة) سمعت صوت صياح اني نسيت نفسي بالصلاة يمكن صارلي اهواي و هذا ياسر اجه ليش يصيح ؟ نزلت رجليه اطكطك ويه بعض واشوفلك واني على الدرج واكف بالممر ويصيح -وينه وينه دفع عمة ودخل غرفتها اني حطيت ايدي على گلبي خايفه من صياحهم - يمة الحية كالت الك ؟ يمه اصبرلي افهمك رجع بالممر و لزمها من امتونها وظل يهز بيها -فاتحتها م**** يوم انت شنووووو خليتيني اودي خواتي حتى تاخذين راحتج موو - يمة رجلي والعباس رجلي وجدك يدري جان لازمها وعاصر اديها عصر هدها مرجعها على الحايط وهي كالت اه -الي ولخواتي ما بيج حيل لل سدت حلكه و هو يباوع الها بقهر - لا تكول شي بسك كافي عشت طول عمري دافنه نفسي والك ولخواتك وخرها ايدها عنه - تتزوجين هاااا تتزوجين هذا جدي كال الي ورفضت مو هو نفسة ؟ - نفسة اي يمة نفسة ابن خال امي -وكلها تدري بس انه دنكت -انت وشهد -ليش يمة ليش يصيح مو يحجي -عيشتج اميرة ما خليت اخوه يذلج ليش شنو محتاجه - يمة الله يخليك كافي تفضح بينا لزمها من زندها خفت يضربها مثل ما سوة وياي وكفت يمهم اريده يوخر عنها - وخر عنها حباب حباب ما سمعوني - ليش يمة ليش - ياسر لا اسوي هيج بيه - ازوجتي و دخلتي رجال غريب فراش....... سكت ما كمل وهدها - اكتله اي والله اكتله وين بيته هااا - يمة رجلي حلالي شنو تكتل عصرها عصر حيل وظل يهز بيها اجت تموت من بين اديه خفت اتقرب بس اكوله يعوفها وهو ما يسمع يصيح عليها - اطلكج منه اطلكج هي بس تبجي - امشي يلا وياي لابوج تطلكين اليوم قبل باجر ظلت تمسح بخشمها وتشهك ،هزت راسها نافية - ما ما اطلك راح دخل لغرفتها وبس صوت التكسير اسمع خفت حيل وامه كعدت على الدرج تبجي ونسمعه يكول اهنا نام ال...... ....... ...... كله يمكن غلط كبير ما سامعته من قبل سديت اذني وهو طلع .... ▪︎ شهد بال٢ الضهر اجانه ياسر بوجه ما يتفسر يكول يلا اطلعن نروح كوثر بس كالت شنو شبسرعه مو على اساس نبات صاح بيها كدام خالي ابو خليل و اخذنا و احنه ابد ما طلع صوتنا عرفناه من رجفة ايده و نظرة اعيونه جاي على اخره حتى خفنا لا يصير بينا حادث على السرعة مالته وقلة انتباهه وصلنا ونزلنا دخلنا لكينه البيت بيه جدي كاعد وخالي ابو ربيع و مرته ومرت خالي الجبير ام احمد كلهن يمنا اول ما دخل - ها جدي زوجتها من ورايه جدي صاح بيه يهدأ ويركز ويحجي وياه عدل وهو ولا على بالة بس يريد يعرف عنوان بيت الي ازوجها؟ واني اريد اعرف هي منو الي ازوجت؟ - شتكول جدي شعقل امي عجوز تتزوج ليش شنو ناقصها و تفشلني هيجي خالي-ترة امك ما سوت حرام تزوجت على سنة ونبيه واحنه الي انطيناها - وانه شنهو گ.... محد يكلي جدي- اذا انت مخبلك داود - مخبل مخبل اي مخبل وراح شال الشاشة التلفزيون بنصهم كسرها ! و كع التحفيات من الرف بحركه وحده بأيده جدي و خالي اخذوه سحل تقريبا كان فاقد اعصابة اني دموعي على اخوي وعلى فعل امي انتبهت الي واكفه بزويه وابجي بصمت واباوع لاثر ياسر الي طلعوه من البيت حضنت وجهي بأثنين اديها -حبيبتي شهودة لا تبجين ، اشويه ويهدأ اخوج لا تخافين عليه وخرت اديها - ليش ماما ليش ماما ليش مصرة اتفككينا ليش صيحت بوجهه وضربتني كف - اكرهج اكرهج مو امي انت كوثر- ارتاحيتي هسة كلت الج تهدين اخر طابوكه اذا تزوجتي اخذتني كوثر لغرفتها منهارة بجي ورجعت بيه الايام واني طفله كل عمري سنوات بدت توها ذاكرتي بالنمو اقل من خمس لو اربعة سنوات عمري دخلت امي وشافتني حاضنه باديه رجليه واهتز كعدت يمي على سريري الوردي - شهودة ماما حبيبتي حطت راسي على صدرها وخرته عنها ورجعت لحركتي - يا يمة شنو شفت اني بحياتي بس الظيم عمري ١٢ سنة و زوجوني توني بالغة اتعرفين شنو طفلة تلعب بلعبة اتصبح ببيت رجال غريب عنها ضلت تبجي مدة الا كملت واني على نفس حركتي -خلفت تلاث بنات بركبتي ثلاثه واني طفلة احتاج احد يربيني وياهن لا عبالج بت جدج الوحيده و تهنيت زوجني واني طفلة حالي حال هالبنات واترملت واني طفلة كل عمري ١٦! ، زوجني مثل الهدية ، واخذو مني بناتي لواحد بالارياف غريبة يا يمة انعى على بناتي كل همة يريد الولد وامه راوتني النبي العربي هي وضرتي .... انكسر ضهري ببعد بزري عني بزع مني و ذبني بس خلفت اله ياسر ذبني واني حامل بيج حالف ياخذج مني بس اجيب من طلعتي بت ما اهتم ورحم بحالي وما خذاج و ابوي اخ يا ابوي ما قبل اخذ ابني ودك كتل خاف عبالج قبل اتطلك وارجعله بسهولة جان قاسي وياي من شاف حالي بعد الي سواه دواد الا رحم بيه تنهدت و تجمع بحسراته وتطلع ويه نفسها وكملت واني ولا حرف طلع مني غير دموعي أزدادت ما كدرت اخذه لياسر ما احجي الج عن كمية العذاب واني مطلكة مرة وارملة مرة وكل عمري ١٩ ١٩ سنة يا شهد كعدت عليكم و ولو متأخرة الا كدرت اجمعكم واخذ ياسر صبرت وياكم و طلعتكم منا بس اخوج رجعنا وما عصيت اله امر .. ظلت تبجي - كبرتو يمة انت نصيبج تروحين اله وهو اخذه نصيبة وكوثر ما ظاله يجي يوم واتروح واني عمري ٤٦ يمكن اشوفوني عجوز بس والله يا يمة بشر اريد من يكعد وياي و راسي على راسه انتم من هسة محد يحجي وياي ويكعد كلمن لاهي بحياته عفت رجلية وشمرت نفسي محتضنتها وابجي وياها بصوت قوي -ماما اريدج يمي لا تعوفيني وحدي ام ياسر - ما اعوفكم والله هاي هي اطلك اطلك ظلت تبجي وياي جاوبتها بهمس - لا ظلي وياه اذا اتكونين مرتاحة ظلي ظلت تبوس بيه وهي اتكول -اخوج اتخبل يا يمة اطلك ولا يصير بيه شي -اشوية ويتعود - ما ردته يعرف الا يمر وقت واكله بلكي كلت من تخطبين وهو يستقر ويه مرته يقدر ويقبل مسحت دموعي -ليش اشلون عرف هو - الي ازوجته جاسم .. اجه جابلي اشياء ناسيتها ببيته هو رجال ارمل و اولاده مزوجهم وعازلهم عنه . بس بته من عمرج وياه عايشة اني غصبا نزلت دموعي مرة لخ من ذكرت زوجها - من اشوكت ازوجتو - قبل شهرين اليوم مر يجيب الي غراضي واني الغبية اصريت يدخل مطمنة انتن تباتن برة ومستحيل ياسر يجي عنده شغل مكوم و هاي مرت اخوج هليام ابد ما تنزل ابد مدري شنزلها شافته وحتى من شافته ما خفت منها عبالي صدك من اهل الله وما تأذيني وتحرگني كدام ابني كلت الها لا اكوله وكالت خلته يجي مخبل عليه يمة اوليدي سودة عليه شجاني و خبلتك من عساني بالموت ياخذني ولا اشوفك هيج متخبل سوده عليه يا يمة - ياسر يحبج ماما ويغار عليج واني هم اغار ما اريد رجال يتقرب الج بس بعد الي كلتيه مالي عتب الج - زين يمة روحي شوفي اخوج اشلونه اخذه جدج لديوانه - ما ما اكدر ماما ما اكدر اشوفه وهو بهاي الحالة .. ضربت حظنها - كله مني سودة علية يمة - لا كله من داود -مات وما خلصنا منه - لا ماما ما خلصنا .... اثارة بينا بعدها ما اشوفين ياسر اشلونه هسة .... ما اشوفيني اني ماما اخاف اخطو خطوة وحدي ... ما أسألين نفسج ليش بالليل دوم اعوف غرفتي واجي انام يمج لو يم كوثر ....ماما اني اخاف من الليل ! ما أسالين نفسج ليش اخاف من النار هاااا ما أسالين ليش ما اعتب المطبخ ماما اني حتى اخاف من الكهرباء اخاف من خيالي اشوفيني طبيعية ؟ هملتيني حيل من ازوجتي وهملتي البيت صارلج شهرين ظلت تشبك بيه و تعتذر مني وتبوس بخدي عافتني واسمع صياحها فوك يمكن على رقية رحت وسمعت كلامها وياها -اني مو ابسرعة صعدت الج وكلت لا تكولين ليش هيجي بهاي الصورة كلتي اله باوعت الها بحقد ضرت زوجها الغبية نزلت افكر بحال ياسر هسة اشلون صار وامي راح تطلق لو لا بنفسي تطلق وترجع الي...بس اخاف عليها بنفس الوقت خطية عمرها قضته كله عذاب بعذاب هاي اول مرة تحجي الي عن دواخلها هي صحيح تهتم بروحها حيل قبل زواجها بس معتنيه بينا رغم كثرة طلعاتها وية صديقاتها وسفرها و يه خوالي...بس بعد الزواج اضاهر تعتني ببييتها الثاني بالنهار و خلتنا ورة ضهرها اجتني كوثر ...كالت اني هم جنت معارضه ...بس هم خطية هي ...هذا ارمل صارله ثلاث سنوات يخطبها من جدج واخوج يرفض خاف ما تدرين فكرت ببالي من جان عمرها ٤٣ سنة رايده الزواج واحنه كلمن لاهي بحياته مع هذا انريد وجودها بينا هو الي يربطنا ببعض بحبل قوي متين يا ماما خواتي اذا رحتي لبيت زوجج يجن وما يلكنج بينا ! اشوية واجوي اهل رقية تسيارة بالكوة كدرت كوثر تبين ماكو شي امي ما كدرت تطلع ظلت يمي بالغرفة واتكول ذولة هسة مو وكتهم كلش غير ياخذون موعد تاليها طلعت سلمت بالكوة مبينه نفسها طبيعية واني وياها كانن امها وخواتها طلبنا منهم يصعدون الها واحنه وياهم صعدنا امي -اعوفكم تاخذون راحتكم ويه ابنيتكم . ام علي-احنه اهل ام ياسر فدوة لكلبج اعذرينا اجينا بلايه موعد . بس هاي رقية ندك عليها وكالعاده ما تسمع واني تليفوني خرب وراحت ارقامكم من يمي - لا حجية البيت بيتكم وبيت بتكم انشيلكم بالعيون كامت امي وصاحت لرقية -رقية يمه تعالي وية كوثر ام علي-لا ازحمون نفسكم قابل غرب - لا اهل وطريقكم بعيد لازم نواجبكم جرت رقية على صفحة من طلعنا للصالة وكالت الها -اياج اطلعين حرف من الي صار هاي اسرار بيوت ما يصير تطلع ويصغر زوجج بنظر اهلج خوش -اي والله بابا بابا كالي ما طلع طلع سركم سركم حتى لامي نزلنا ... اني كلت اشوف ياسر ما اكدر بعد لبست عباتي و امي من شافتني لبست عباتها وطلعت وياي .. دخلنا للبيت اول ما دخلنا امي راحت تسأل ام احمد وين ياسر ام احمد تعجن بالصالة - ياسر راح طلع لا تخافين عليه صار زين ام ياسر -الحمدلله.....خو ما طلع عصبي....ويسوق فدوة لكلبج - لا كالتها ببهوت و وجه مكلوب كأنه دا تخفي شي عنه دخلت رسلان و اجت لامي كعدت على ركبها تبجي - خالة شفتي شصار بياسر سودة عليه امي دفعتها للخلف كردة فعل غير ارادية ، كامت عن القنفه وهي تكول - اشبيه ابني ام احمد صار وجها ينطي الوان وكامت وبأيدها كلها عجين جرتها بتها ام احمد-اشكد وصيتج غبية خرعتي المرة ام ياسر-ولجن شصاير بابني شصاير سالت اني رسلان -شصار رسلان رسلان - اتعارك ويه جدج و ضرب نفسة حيل بالحايط بوسط العركة و نزف راسه يا شهد نزف شفت الدم يكت منه وداخ ومن الضهر لهسة ماخذيه ما اجو امي اغمى عليها واحت رنا اليوم الظاهر جايه يمهم ، ظلينا نصحي ...من صحت وكلوها ملح وخيار حتى الهبوط يروح جريت رسلان تحجي الي رسلان- ليش اخوج هيج بالغ بردة فعلة - اخوية اشبيه - ضرب نفسة بالحايط وعلى الرف الزجاجي راسه وكع مو على الحايط و نزف واخذوه يطببوه - اووف يا ياسر حبيبي يروحي شنو هسة تحس اكيد تتوجع كله منك الله يرحكك بنار جهنم داود هيج خليته يصير حاله ياربي احشرة اسفل نارك رسلان - شنو عمي داود اشبيه وشعليه ما جاوبتها وسالت نفسي بصوت مسموع - اخابر منو هسة ياربي .. رسلان-خابري خليل خابرته امي وراح الهم خابرت خليل رد بسرعة عليه -خليل شصار بياسر وراسة اشلونه خو ما دخلوه الانعاش -يا ستار ياربي بزونة اشبيج يا انعاش اكو واحد يدخلها لان ضارب ايده -ايده لو راسه احجي واباوع لرسلان خليل-ايدة اخوج ما تدرين من يكب على واحد يشمر بأديه ضارب الرف على حافته ومجروحه جرح عميق تخيط وتعقم ورجع وياي بالبيت نايم ومرتاح وانتي كالبتها مناحه ههههههه -خليل الله عليك كلامك صدوك - اي بزونه هذا منو مكبر السالفة اكيد رسلان ام اذانات - الله عليك كلامك صحيح -اي والله ... طمني عليه الحمد للة والشكر ، بس بعدها الشغلة ما خالصه . سألته على جدي ليش ما رجع وكال ظل يمنا يتغدة غلقت الخط -رسلان ليش هيج خرعتينا وهبطتي امي - ها مو شفته لازم راسه كوله دم عبالي منه شنو طلع جارح ايده مو راسة -اي اكول مو لهلدرجة ماكو واحد يركع راسة هيج ! اروح اطمن امي رسلان-اوكفي بس كولي الي ياسر شعرفه بزواج عمة -اها انت تدرين ارتبكت - كلها تدري والله محلفيني ما اكلج -بعدين الحساب مو وكته هسة رسلان-بس حبابة كولي الي ياسر شعرفه - مرته شايفه زوج امي وكايلة لياسر رسلان- خل نروح نعلمها الادب هاي رقية - لا ترحين ومعليج....واهلها يمها عيب عفتها ورحت لامي ظاله بس تلطم وما اصدك بينا عفتها وطلعت ابجي متحملت اشوفها هيج، ورة اشوية سالت على رسلان كالت مرت خالي راحت هي ورنا لبيتكم خفت عزة هاي راحت تعارك رحت الحكها .... ▪︎زينب بغرفتي توني طالعة من الحمام بعد ربع ساعة وكفة على التنور شفت مسج عماد وهلكت ضحك على كلامه ، اني سابقا حاجيه وياه وما قريت الرد توني فتحت تلفوني .. -من كثر ما اشوفج كله مكبعه اخجل اتحرش بيج اشلون راح اتزوجج دزيت اله سمول ضاحك ... مشتركه ببرنامج فيس بوك اسمه، حلو وبيه ماسنجر وعندي واتساب هو عماد سواهن الي والفيس باسم عماد عبد الرزاق بأسمه ما يقبل احط اسم بنت و بصورة ورد رسل -احبك يا حلو - اشكد يعني وشحبيت بيه -بكد رحمة ربج . وهاي شحبيت لان ما ادري - ها اوك راح اروح من تعرف شحبيت خابر - يعني شحبيت برأيج ..... هو اني الكه مثلج ....حنونه و طيبة -مممم مع اسمول يوزع قبل - الله يخليج الي زنبوتي - ويخليك الي ... - اروح حياتي محتاجه شي - اي من تجي النا بالليل لا تلبس سيتك الاسود حباب -قصدج تراكسود هههه لا البس الج اليوم ازرك لخاطر اعيونج العسلية... رحت اصب غده ويه امي واكفه بالمطبخ وتخطط بالتلفون ويه فاطمة اتروح لرقية مشتاقه الها -ماما اخذوني - لا يمة زوجها ما يحبج كلش خاف تلتقون - يوم زوجها ما يجي الا العصر كلش لو بالليل يعني ما يشوفني حبابه اخذوني اتوسل اليك مولاتي - اكول لابوج اذا وافق بابا وافق . اجتنا فاطمة بسيارة السيد يا عيني واحد راح يوصلني وهو ما يطيقني من الله والثاني هم يتخبل مني ما شاء الله كسبت محبة نسابتي حيل بالله ياسر استحق عكيت وياه بس هذا ابو راس جامد اشبيه من رفضت اخوه انوب كلش ثكيل وياي وصلنا باوعت للساعه ب ٣ يلا نلحك نكعد وياها ساعتين قبل لا يجي زوجها هي ما تدري بينا ما ردت على ماما وعادي قابل هي وين اتروح ندريها بالبيت و هي عازلة يعني ما نزعج عيالها ... دخلنا وحسيت بالوجوه شي مو طبيعي وصعدنا لطابق رقرق وشهد مدري اشبيها احسها باكية من كايلة بس وممم و رقية عادية نفسها ،والله مشتاقه الها هاي البذاته من راحن عمتها و بناتها -ولج ليش ضعفانه امي - صدك رقية حللتي -لا لا نسيت نسيت هههه فاطمه سالت امي -شنو غايبة الها ال** امي كالت -اي رقية- هي شعليها ها شعليها ههههه فرحتي خلتني اتغاضه عن سؤال رقية -هلا راح اصير خالة مرة ثانية خلفي واني اربي ههههه , مثل هاي اختج الكبرى تخلف و تشمر عليه اقري رقية - ههههه يعني بطني راح تكبر بوسط ضحكنا وكلامنا دخلت هاي الي اسمها رسلان اتخبل منها لان بصور العرس مال رقية حاشرة نفسها حشر حاستها حاسدة رقية .. شو هاي تأشر على رقية وترجف وتحجي و لا اهتمت لوجودنا واصيح خلت رقية توكف خايفه واحنه هم متعجبين . بس امي ما زالت كاعده رسلان- والله وطلعتي وحده ناقصة عبالنا من اهل ، الله ...كلتي الله وفتنتي تحجي تأشر على رقية اني ظليت صافنه هاي اشبيها هادة على اختي! امي وكفت مصدومة بيهن رقية- والله والله والله ما ادري امي -شنو خاله اشبي.... بعدها امي ما مكملة اكلتنا بصياحها هي و اختها ام حمرة مارونية (رنا) و كله رزايل لرقية رسلان- خبيثة و مسمومة طلعتي حية ام راسين خلت رقية ترجف خوف وتبجي اني ما ادري اشلون ايدي انرفعت وضربت هاي الي اسمها رسلان كف خله اختها تشهك واتكول -طايحة الحظ اضربين اختي - واكسرها هم رنا-اختج العار سوت فتنة بالبيت وظلن يسطرن غلط امي اجرجر بيه وهنه فاطمه ساده بينا هاجمات عليه ورقية خنست على سريرها كعدت خايفة وهاي رسلان اكلتني بلسانها وتهنش بأديها اتدريت توصلني تضربني بس فاطمة خشنه وضخمه صادتهن عني اجت شهد هم اجرجر بيهن بس جانت تبجي شهد -منج لله رقية شسويتي جاوبتها اني -شسوت عيني هالمكروده فاطمة اترادد بس ابد مو غلط مثلهن رسلان- عوفيني شهد خل اكتل العار ضربتني - منو عار بتل بتل امج تنتل معندي شتايم مثلهن وخربطت اهواي بالحجي فاطمه عضت شفتها مبتسمة وهي بوسطنا امي ولا اعتبرنها مرة جبيرة اتحاول اتهدي الوضع العرك الي كب بينا تاليها وكعن شهد فاطمه انحنت اتكوم شهد وهاي رسلان هجمت عليه اني ابسرعة دفعتها وامي لزمت رنا اخت رسلان عني شهد - منكم لله دمرتونا تبجي فاطمه جانت ساندتها من حجت علينا هدتها خلتها تطوطح فاطمة- واحنن شعلينا مستحيل اختي اتسوي شي رسلان -خواتج عارات حقيرات حياية جاوبتها- وانت الكلب الي انكرصة كلبة مطية زمالة . لحد ما غلبتني ماعندي رد الها وكحة السانها اشطولة والفاظ ما سامعتها وشهد وياهن و وصلن ع شرف رقية فاطمه اهنا ترد بس مو مثلهن بس اتكول كافي حرام الي تحجوه لان بدن نزلن على رقية فد نزلة كلام ما يلبس عليه ثوب رنا كامت اتكوله و رسلان ردت مناصرة الها - اي مسوية نفسها نبي وهي ك... الصراحة كنت اخربط وامسلت بالغلط وارد شسوي ومن غلبتني و من كالت فشورة على رقية ماعندي رد تفلت بوجه رسلان شالت تحفية رنا و رادت تضربني بيها ، لكن حركة فاطمة السريعة وقفتها جرتها منها .. ورجعتني اني ورقية ورة وكعنا على السرير كاعدات و فاطمة بس بمواجهتن شهد .. طلعت وفاطمة دفعتهن ادفع من الغرفة وسدت الباب مدري اشبينا ممصدكين الي صار ، واحنه شصار بينا مندري يمكن من اجانه الخطر الا عرفنا نفسنا ما نسكت اله ولا نوكف نواجه حتى لو ما نعرف السبب فاطمة - يمة خل نطلع وناخذ رقية ويانه شنو ذني وحوش خابرت محمد نازلين اله.... امي خابرت بابا و سولفت اله كال اياكم تطلع من غير اذن زوجها ... فصلة ... واضاهر مخابرة وما راد عليه رجع خابرنا وكال ممنوع تطلع اذا زوجها ماكو طلعه ... ظلن يمها وافهمن السالفه وحلن الموضوع ....واذا اجه زوجها قبل الغروب حدكم ابقو وياها اذا اجه.... اخذوها وياكم اذا قبل تروح . ظلينا يمها واجتنا كوثر فاطمة- ام رقية عاجبج الي صار يضريج تهجم على البينة وعلينا - ام مصطفى والله وجهي اسود كدامكم اني طلعت اشوف امي ببيت جدي متخربطة وما ادري بيهن ظلت تتعذر وابد ما لامتنا لان رديناهن ولا جابت طاري ضربي لرسلان و بساقي عليها ! بالعكس هي الي مستحية امي سألتها عن احوال امها .- اشبيها امج ...خالة انروح نشوفها - اشوية تعبانه عدها هبوط وهسة زينه الحمدلله خالة اعذرونا والله عدنا مشكلة عائلية قوية ...وصارت بوجهكم وذني ما يفتهمن جهال عبالهن رقية السبب... رقية مالها شغل .. -مو اكول بتي ما تأذي احد ولا تعرف للخبث - هاي شنو نسوي بعد .... صارت بوجهكم ....وحيل مفتشلة امي- ولا يهمج خالة اصير بكل بيت . .. انتظرنا الغروب ومحمد اتصل عصبي يريد يرجعنا وجهال فاطمه ببيت اهلة يريد يجيبهم ... نزلنا والبيت هدوء .. لكينا ام ياسر بالصالة وكوثر وشهد امي كعدت واحنا ظلينا واكفات و اطمنت على صحة المرة التعبانه الصراحه اول مرة اشوفها ما لابخه حلوة و تبين اصغر من امي حنطية بوجه تفاحي واعيون بنية غامقة .. فاطمة - هسة رقية شنو وضعها كوثر - اتفضلو ليش واكفين واشبيها رقية فاطمة- ما اعرف بعد هجوم البنات عليها و كلام شهد انخاف واعذرينا من هالكلمة بس يظل بالنا عليها امي - ام ياسر .... فدوة لكلبج ما اعرف شصاير بينكم بس رقية مالها اذية على احد والله رقية شو امي من حجت كامت تبجي واتكول - والله كلت كلت اله اله قبل لا لا اصعدين عبالي ..عبالي حرامي حرامي احنه سكتنا وام ياسر كالت - ما صار شي رقية لا تبجين واذا صعدت صيحت وعصبت اشويه عليج مثل امج اني ....وما صار شي ام ياسر محد يتقرب الها بعد بس تدرين بيت كلشي يصير بيه اني فضولي فول استغفر الله ذولة شنو صاير عدهم .... سألنا عن ياسر كالو طالع بشغل و رقية ما عليها شي بعد ما يجيها احد امنا عليها و امي ظلت توصي بكوثر حلفتها ميت يمين ادير بالها عليها واني شاورت رقية - اصعدي بطابقج بعد ما انروح وسدي بابج عليج لا تفتحيه الا لزوجج واذا هو هم مزعلج لا تفتحين هههه ظلت تضحك بوستها وطلعنا بسيارة السيد امي بالصدر وفاطمة يمي قلقانه على بتها تأخرنا عليها -اشبيج ماعليها يم بيبيتها - شهامج انت ماعندج طفل يبجي وراج ضحكت وغمزت الي اسكت شاورتني- فضيعة انت امج تنتل امنين جبتيها ابتسمت - والله طلعت على لاهيتي لأن ما اعرف شو ارد مثل الفاظهن صعبة انطقهن هههههههه وصلنا للبيت اني وامي و فاطمه ما نزلت طلعو كبل ... لكيت دراجة عماد يمنا هلا هلا هذا يمنا هههههه خل ادخل اسلم واشوفه لبس الارزك صدوك لكيته كاعد ويه مرتضى بالهول وكشور الرمان طالعه من الصحن الصغير على الميز الصغير الي كدام الطقم امي ظلت تحجي عليه كان جاب صحن اكبر مرتضى- من وراكم غير كتلنا الجوع باوعت لعماد ما لابس تراكسود لابس قميص سمائي انيق و بنطرون جينز وكاعد متعدل الي هذا ناسي هو بالساحة الي ورانه بيتهم ! بيتنا حيل قريب صار عليهم من انتقلنا ابتهجت بدواخلي حسني وفهمني احسة توه من صرنا نتواصل الا فهمني اكثر اني وياه ماخذه راحتي اكثر من خواتي بفترة خطوبتهن ... طعلنا وطبينا سوية عادي من غير ما حارس ويانه. واروح لبيتهم هم عادي ويه امي و من يجينا نكعد وحدنا لأن ابن عمي ورابي ويه مرتضى منطيه الامان ما يدرون بدأ يتوكح عليه اشوية اشوية واني اموت بالوكاحة ! بيوم اجه وره الدوام اسوي اله غده اهلة طالعين برة البيت ... مرتضى هم اجه من الدوام ودخلت عليهم .. هذا مرتضى فشلني الا يعلق -هاي شنو اليوم خيرات الله كلها نازلة علينا ... اكل مرتب اليوم تمن احمر وسمج شوي و فسنجون والصينية كاملة عماد- زينب شاطرة مرتضى- الله وكيلك كل يوم انتظر ساعة اتضور جوع وتجيني صينية زينب ناشفة حتى ماي ما تحط دنكت مفتشلة من فضايح اخوية وعماد يضحك وسما وبلش طلعت ادردم على مرتضى -هسة دصبغني اشبيك مو اني اختك الا افضحك كدام عفاف ... بس خل يخطبها وانشر غسيلة كله كدامها ... عفاف بت خالتي .. مكملة متوسطة وتاركه من زمان خوش بنوته من زمان امي اتريدها اله بس هو كأنه ما مقتنع كان بيها ...بس هسة وبعد ما شهد امي أستبعدتها كالت ما اريدها كنه الي ما عاجبتني ! وهو كال اي على عفاف بس يأجل بالسالفه خرب واهسة شو... اعرفة وحده حيل حلوة و مكملة ما يقتنع يكول هي مرة بالعمر اريدها مواصفات وعفاف بصراحة البنية معتدلة الجمال بس اشوية قصيرة زياده ، رقية أسالها على حالها اتكول زينه ومبين صوتها مرتاح ... خاصه طلعت حامل واتكول ياسر مداريني حتى البذاته انكول الها تعالي ولج مشتاقين اتكول ما اريد اعوف ياسر و الثانية فاطمة .. بدت تتغير و كل فترة قصة شعر جديده وملابس و كذا واني حياتي بدت تتغير ... اطلع عادي وية فاطمه للسوك واحس نفسي صارلي كيان ومحد يدخل بيه بأدق تفاصيلي مثل قبل .. ولا تليفوني يتفتش ، وعماد ظلمته من ردت ما اوافق عليه ... اني هم متسرعة من يصير شي ابسرعة انطي ردة فعل ما اتمهل ... زين ويحبني وهاي اهم شي عندي و الغريب من انخطبنا لليوم ما زعلنا من بعض مرات اني اسوي زعولات حتى اتغلى عليه وهو يعدي ولا كأنو صاير شي ومتحمل طكاتي لحد ما عقلت وبطلت ازعل استحيت على دمي واساسا طبعي مو بسرعة ازعل بس هيج دلال ، الارهاب ما زال ببلدنا والشباب اتروح وجبات وجبات للموت ومرات جماعي بعد فتوى المرجعية مرتضى حيل محب اله و صارلة مدة يريد يروح للجهاد وابوية واكف بطريقة .... لحد ما رقية اتصلت بيه تبجي - ياسر ياسر -اشبيه ضربج -ياسر يريد يروح يحارب! -ها! ورة ساعات اجتنا رقية بيد زوجها رحت للأستقبال اصنت بلكي بابا يقنعه واطمن بال رقية هذا شو يوصي بيه وحالف يروح يجاهد ويكول انه اتمنى الشهادة عمي .. ما سمع ولا خضع لاقناع ابوية ولا كدر يأثر عليه وصى على مرته وطفلة مدري طفلته و ودعنا ويروح الفجرللتجمع يكول حالي من حال اولاد عمومتي ...!!! راح يروح هسة لبيت خالة خليل و يريد يطلع من محافظته الام اليوم غابش الها هذا مو صاحي لا والله اني وية مبدأ بابا بصراحة كثرة اعداد الشهداء شنو ذنب امهاتهم .. ليش الحكومة ما تدعمهم اكثر ليش ابن الفقيرة الي يروح وليش ابن المحافظة الساقطة مهجر مكنت ادري آلاف الشهداء من ابناء المحافظة الساقطة راحو هم و الطائفية كانت بيها عرج بيه حالي حال كل عراقي بهذا الزمان ، لكن اليوم الي رأي اخر بعد التحرير طبعا لأن اني وغيري من النسوان عدنا جهل بأمور السياسة وعاطفية حيل كل همي ما يرحون للموت راح ياسر وخليل ابن خالة وياه وبقت رقية يمنا ثلاث اشهر على مخابرات مو دائمة منه ... لحد ما بليلة نايمة بعز نومي كعدت على بجي رقية - اشبيج رقية - ياسر ياسر مو زين مو زين تبجي بهستريا خلتني اصيح الها امي واجه بابا يمها يقرة على راسها مدري شنو حلمانه .. سالها بابا -بابا حلمانه بيه - لا لا لا اتصل و دعني ! يتبع ..... | ||||||||
|
| |
|
23-07-19, 11:28 AM
| #15 | ||||||||
| مراقبة عامة ومشرفة منتدى الروايات المنقولة
| #الشيخ_الشباب الجزء ١٤ مساء الريحان فيا رجال يا رجال وحدوا الصفوف خلفه حيّ على السلاح جئت من التاريخ كلّه وجاء من فراغه العدّو شاهرا فراغه وعقمه شهرت بندقيتي الشّماء للكفاح لا تقهر انتفاضتي وموقعي أدوس أنف من يشك أنّ بندقيتي تلقح الزمان أشرف اللقاح -مظفر النواب •شهد بعد ما راحو اهل رقية ورة ساعة كامت امي لغرفتها وطلعت لابسة بس عباية عرفتها لبيت جدي دايرة ، رحت وراها دخلنا للبيت وامي سألت بيبي عن رسلان و رنا ، جاوبت - فوك بغرفتها هي واختها دزتني امي اصيح الهن وكعدت تنتظرهن بالهول يم جدتي نزلت وهنه وراية رسلان - شفتي رقية واهلها اشلون ناس طلعو .....اختها اتفل علينا شنو من ناس بيئة مكنت اتوقع ابد امي اتكوم من مكانها وتوكف كدامها وتضربها كف هزها هز ام ياسر - فضحتيني الله يهدج رنا - ياا عزا اشبيج عمة هاي فوك ما ندافع الج - شدافعين انت الثانية عود الكبيرة العاقلة ترحين اتفضحين بيه هيج رنا- منو فاضح رحنا للحية الي حاطتها ببيتج ومسوية نفسها بركة وهي مفلفلة بشرها رسلان كامت تبجي وتشكي - هيج عمة اضربيني وتوجعيني المفروض هذا الكف لرقية واختها الي هانتني ببيتج المفروض اطرديهم بيبي- ولجن شنو السالفه امي- خَزني يمة گدام اهل رقية سودن وجهي رنا- اذا اتعرفيه سواد وجه اشعندج تتزوجين ها دفعت امي رنا ورنا وكفت كدامها بحدية ومخنزرة عليها كأنها اتريد تفترس امي وصاحت - ليش هيج عمة ويانه اطكين رسلان لخاطرهن وما اطرديهن ليش هااا ليش اكرهينا خايفة لا ما ياخذن شهد مو ؟ واحنه اخونا كلج عمة اريدها ورفضتي ليش بالله هيج ويانه رسلان - عوفيها رنا ..... عبالي تحبني وتعزني .... بيبي - يمة اشبيجن سمن بالرحمن امي رجعت كعدت وكالت بنبرة تعبانه هزيلة ما تفهما وحده من الخوات الواكفات كدامها .... - زواجي موعيب صحيح بس اني لابني ما كلت........ما اريد اهل مرته يعرفون بهاي الطريقة.....بغير وقت نخلي بتهم اتكول الهم بطريقة ما تنزل من شأن ياسر وياسر......اه من ياسر لو موافق من البداية افضله وافضلي مكان هذا حالي رنا- واحنه شعلينا احترينا عليج من خبثت مرته وفقدنا اعصابنا هاي جزاتنا امي -كدام مرت الشيخ سويتن شي ماله داعي و انفضح سر بيتنا ...مشاكلنا صارت كدامهم رسلان -اشمدرينا يمها اهلها جاوبتها اني - ردتي اتروحين ونهيتج وكولت الج وتدرين ومع هذا رحتي متمتت رسلان معرفت شتكول رنا- هسة شنو قابل همه اهم منا احنه كرامتنا راحت و امج كلشي ما سوت رسلان -فوكها تضربني اني ! امي - لا تدخلن بشي ما يخصجن و عوفني بحالي الي بيه كافيني رنا ما سمعت كلام بيبي الي طلبت منها لا ترادد وكالت بنتر - والله محد ضربج على ايدج تتزوجين بالسر امي وكفت رنا خافت لا تضربها.....كعدت يم بيبي وامي اصلا راحت يم باب الهول وكالت - مو بالسر الحمد للة اهلة يدرون واهلي يدرون وابني بس لأن رافض و مشي كلمته عليه وهي باطلة ....انت نفسج تدرين بضروفي وهسة غرزتي سهمج بيه شكول للغريب ....سويتي الي ما سوته رقية هاي الغريبة ظلت تبوس بيه من راحو اهلها لا ازعل مرات الغرب ارحم من الگرب يا عمة! طلعت امي بس كلماتها وجعتني حيل حسيتها على اخر محطات التعب اني رحت كعدت على الدرج و دايخة من حقدهن لهسة يذكرن سالفة عادل من جنت بعمر ال١٧ وراحت ومشت اشلون هيج انقلب وجهن و هاي رنا ناعمة الكلام اليوم شفتها بوجه فضيع مرة من عاركت اهل رقية ومرة هسة بالاولى عبالي من حبها لامي ! وهسة بالثانية من وكفت بوجه امي حسيت كره الدنيا كوله انجمع بين اعيونها لأمي...معقولة ؟ عبالي سالفة الوجهين للبشر بدعة ! سمعت صوت الولد عادل واحمد بيبي كالت اله واخيرا مرتك خلتك تذكرنا بادلها بسؤال- هذا المخبل ياسر صدك ضارب راسة هههههههه شنو ورثها من عمي بيبي - اسكت بسك شنو مخبل اسم الله عليه - خابصينا بيه الربع شيخ الشباب ما شيخ الشباب وهو مخبل الحمدلله كدرت اكص ايده عن مخازن جدي عادل - احمد شنو هذا الكلام مو عيب بيبي صدك اشلونه هسة ياسر اني توني سمعت من احمد بيبي- وانت منو كلك ضارب راسه احمد- رسلان بيبي ظلت اصد بيه بالكلام وماقبلت وهو نزل فد نزلة عليه ورنا وياه اني ما كمت من مكاني بعدني على الدرج بيني وبينهم حايط ساد انطلقو ما يدرون بيه نسو امري .. بيبي -انتم ما منكم فايده اطلع اشوف ربيعة (البقرة مالتها ) رنا - شايفين نفسهم علينا حيل ترة واحسن شي سويته و انشالله يوم الي اشيلهم عنا عاصرة ايدي عصر شرايني اتريد تنفجر منها.......اريد اكوم الهن لكن كعدت انتظر اسمع الصدمات اكثر واكثر عادل ما عجبه الكلام وطلع واتبعة اعتقد احمد لان رسلان اخذت راحتها بالكلام واني واكفه ع اول درجة حاطه اذني على الحايط رسلان- عبالي اخرب عليه من اتعارك كدامهم و ياخذون بتهم ونخلص شو انكلبت علينا السالفة! رنا- هاي الكلبة رقية طلعت مو هينة فارا راسه عمه فر رسلان - ولج لزكه خو ما لزكه كلت بعد الاسلوب الي حجينا بيه وياهم راح ياخذوها ويزعلون ما يبقون هيج بتهم رنا- انت بعدج متأملة بهذا ياسر واحد شايف نفسه ترة مثل ما شهد شايفه نفسها على عادل خليت وطلعت من باب المطبخ للحديقة، شاردة من النفاق حسيت نفسي داخل وكر ثعابين اشلون جنت اشوفهن صديقات طيبات حاسة نفسي غريبة عنهم ما اعرفهم دخلت لبيتنا ..... ادور على دفئ يغطي گلبي الي يرجف من الصدمات لكيت امي بالهول صافنة على تليفونها كعدت يمها والغيرة والشك راودوني ظنيتها اتريد تتصل او تقرة رسالة لهذا زوجها ... شفتها حاطة رقم ياسر وصافنه عليه - لا تتصلين هسة ماما - ليش رجعتي تبجين شنو بيه شي صاير - لا ماما ما صاير شي بياسر بس بس مصدومة اخر كلمة طلعت مع شهقات - بيه ! -بيج ابد ما انصدمت لان كنت شاكة الصدمة برسلان ورنا و واولاد خوالي..... ماما رنا ورسلان شايلات علينا حقد كبير امي - شفتي هاي البشر هيج....واني هاي رنا وكفت الها بزواجها ورسلان خليت ياسر يقنع جدج تكمل شوفي اشلون جازني......فضحنا كدام الناس حتى بس يخربن على ياسر - اشمدريج ماما حتى يخربن هيج سون -مبينة يوم مبينة بس انت طيبة عبالج من حبهن الي شماتت رنا بزوجه ياسر وصلتني مع كلام علينا من ناس......بعدها شايلة عليه وعلى ياسر لأن امها عرضتها وهو رفضها كايل هاي ما اتريحج اني اعرفها اني بوقتها زعلت عليه.....وهسة طلع صدك كلامه اول اللاذعين والمشتين هي واختها رسلان نشرت خبر زوجة ياسر هبلة - بعد مالي علاقة بيهن - خابري يمه انت اخوج هسة - خابرته قبل نص ساعة ما جاوب -بلكي يجاوب عليج ... دكيت عليه .... رد واخيرا - شهد كولي لامج تحضر نفسها - ياسر اشلونك حبيبي اشلون صارت ايدك -شهد كولي لامج اجي ما الكاها اتروح لبيت الي اخذته - ياسر شنو تحجي -مثل ما كلت الج .. سد الخط بوجهي -ها يوم اشلونه اخوج ...؟ • ياسر -شرايد مني هذا احمد يحاربني برزقي اه اكلك...خليل سدة هسة اشوف المرة شتريد سديت الخط ويه خليل و رديت عليها - ها رقية؟ الف علامة أستفهام كانت ببالي اتجاه امي انحلت بعد كلام رقية طلعت ما شايف دربي للبيت بالصلوات الا وصلت ...الضهر ... غمست رجولتي بالوحل من عرفت مدخلة رجال ما اعرفة بيتي وياها امي ومرتي! رحت جبت خواتي يمها حالف اسوي جريمة اليوم و اخذني جدي ... ما اتحمل عصبيتي ولا قدر موقفي ... اتعاركنا وكعت من على الرف شموع ومدري ايش زينة بالديوان الچبير مطلع نيراني بشي ملموس دامي ما اكدر ادمي الي كبالي لانه جدي .. ضربت الرف اثناء صياحي وصياحه و وانكسر...... جنني من كال الي - بسك تحطيم واعقل حسبتك رجال سنين بس تاليها بعدك ما تفهم .... امك رايده زواج مو بكيفك تكعدها مالك حكم عليها حتى تصدر امر بكيفك ردت توافق ما قبلت سنين مخلي الك اعتبار ومكعدها - شنو مالي حكم عليها هي امي!. ضربت الرف الزجاجي الي كاسر حافته والدم صار يتخرخر جدي اتگرب الي - لا تگرب ليه وانه اعلمها اذا ما اطلكها واكعدها ببيتها ما ارتاح مرة عدها كومه اولاد بطولها واطول و عدها إحفاذ جان استحت من الناس بعدها بديت ادوخ وجدي ترك السالفه بس يكلي جرحك عميق انت تنزف .. لزمت راسي دايخ .....شفت جدي وخالي لزموني اجيت اوكع ..مثل المخدر من الدوخه رحت وياهم ..اتخيط جرحي ورجعت لبيت خالي ابو خليل بس محد بعد فتح الموضوع وانه تعبان نمت وكعدت على الم ايدي لكيت نفسي بغرفة خليل نايم وين ملابسي بس بالداخلي ..استحيت اطلع هيج لبست من خليل دشداشة ما طلعت گلت اخاف بناتهم ماخذات راحتهم عيب دورت تليفوني ماكو ...وكفت يم الباب وصحت خليل اهواي الا اجه خليل - صحيت واخيرا ياكل تفاح - جوعان كول لاهلك يسون الي شي اكله وجيب الي تليفوني وينه ... -طلعه من جيبة -شسوي يمك ؟ وين ملابسي منو نزعني وانه نايم ؟ -قصدك وانت قتيل اني نزعتك و انطيتهن لشمة تغسلهن كلهن دم - ذبهن لا اتعبها...وانطيني شي البسة منك انعشيت يمهم كانو حذرين حسيت بهدوئهم حتى خالي كاعد ومغطي رجليه ، حطت يمي شمة الجاي شمة- توجعك ايدك خليل- صدك جيبي اله علاجه من غرفتي على الميز تلكيه شمة-صار اتصلت بيه شهد رديت اعليها طلبت منها اتكول لأمها اتروح لبيت رجلها جابت شمة العلاج اخذت العلاكة منها - اني اروح خليل- وين يمعود بات اهنا - لا رقية تخاف وحدها رقية شنو وضعها هسة خاف امي أذتها وصلني خليل وراح لبيت جدي ينام يمهم . وانه دخلت للبيت مطفين الاضوية فتحت تليفوني الساعة ب١١ احد لزمني التفتت وعلى ضوة شاشة تليفوني حطيتها كدامها ، لانها هي - يمة اشلونها ايدك - مو زينة توجعني -سودة عليه -هه ما تجي شي كد وجع هذا واشرت على گلبي -ورمتي گلبي سنين احاول افهمج وما كادر كعدت على القنفة و هي جثت على ركبها ....گدامي وانفتح الضوة شهد فتحته وكانت تبجي مثل امها .. لزمت ايدي الي مضمدة و ملتف عليها الشاش الابيض .. - حبيبي ليش هيج مسوي بروحك .. - ماكو شي يستاهل مو يم.. ؟ - عاجز لسانك يكول يمة.... ما أستاهلها اني ؟ حقك حقك ربتت على ايدي وكامت اندارت - باجر ترحين لبيت زوجج التفتت - لا يمة لا تطردني - هذا الي ردتيه......مو ردتي زواج هذا الزواج فراگنا كملت بهمست تعيس بارد بالاساس شنو فايدة وجودج الما موجود ! - ما اعوفكم يمة - اني اكلج عوفينا وروحي شوفي حياتج......هي بقت أعليج كلشي بحياتنا كضينا (لزمناه ، او كمشنا )بدينا انه وشهد بالجذب ما ظل عدنا رجعت جثت على ركبها كدامي ... - سامحني يا يمة ما كدرت احميكم وابقيكم.....اني ما كدرت احمي نفسي بالاساس .....حاولت اعوض الي فاتني - عوضي يا ام توبة عوضي جحظت انظارها بخوف ورجفة جفن خاوي كالت -اني ام ياسر! -مات يا يمة ياسر مات يمة من كثر طعن زمانكم ما بقى مكان لجرح جديد وكومتها عني...وكمت امشي لغرفتي وصلت لفوك اتلمست الحايط ...فتحت الضوة شفتها فارشة سجادة و لابسة چادرها(اسدال الصلاة ) كفوفها وحده جوة الثانية والاثنين كان عليهن متوسد خدها الطري مسويه محراب الصلاة الها منام امن لا تفكير لا هم لا جروح خالي هالراس القمري مرات احسدها على راحة بالها -رقية همسة وحدها كعدتها جنت كاعد يمها محني عليها احتظنت بكفوفها وجهي باست خدي وغرزت نعومة خدها بشعر لحيتي هدتني و سجدت -الحمد لله الحمد لله الحمدلله رفعت راسها و دفنت وجها على صدري - اشصاير؟ - دعيت دعيت اهواي قبل لا انام تجي وا اجيت اجيت - هيج دعاويج مستجابة ما تدعين الي بالراحة - ليش انت انت ما ما مرتاح كمت عنها -انت شنو شايفه اني مرتاح توها انتبهت -ايدك ايدك - بسيطة ما بيها شي - هاي هاي ملا ملابسمن (ملابس منو) - خليل .... - اني اني اني اسفة اسفة عبالي حرامي حرامي يبوك بيتنا ما ادري ما ادري زوجها - ريتة حرامي باك وطلع ! -ونظل من من غير غير اثاث بدلت وانطرحت على السرير ، وهي تفرش بالارض -ها هاي هاي هاي فراشك - لا انام يمج اليوم - هاااا! ركضت عليه شمرت نفسها عليه إلمت ايدي - اااااه -ها اسفة اسفة حطت راسها على صدري مثل ما متعودة ... وخرتها عنه -اريد يمك يمك يمك حباب حطيت راسي دفنته على صدرها مستنشق عبيرها مستجدي عطر ثاني •رقية حسيت راسه ينهز على صدري و ما رضى يرفع راسه من حاولت اوخره عني اشوفه..... من انفاسة عرفته يبجي من ابجي يصير بيه نفس الشي نفسي يثكل ما فهمت ليش حط راسه على صدري وليش يبجي وما يقبل يطلع وجه الي بس اني لزمته من كفاه(قفا راسه ) ايدي صارت بين شعرة و ادفع بيها وجه على صدري اريد اضمه ما اطلعه ما اريده يبجي ما اريد اشوفه ، بطلت هو القوي مالتي اني ابجي عليه هو لا حزين حبيبي حزين يمكن ايده توجعه كمت ابجي من غير صوت وابوس براسه وامسح كفاه ... الصبح كعدت .. لكيت نفسي اني راسي على صدرة وهو مغمض واكو فتحه خفيفة بحلكه من ينام...... قربت راسي عليه و بست جوة عينه و رحت للعين الثانية بستها بس على كيفي اخاف اكعده ،منهن بكى بالليل و من حلكه تنفس اتقربت نزلت لجوة بشفايفي وابتسمت شفايفة حلوات ليش يطمسن من ابوسهن حبيباتي يابسات اليوم كمت دورت على مرطب ما لكيت ... جبت حمرة سحرية و حطيت اله هم بسته شو ما يكعد ! كل هذا الي سويته وما كعد هزيته من صدره فتح - شرايده شرايده انطاني ضهرة - اشبيك اشبيك نومك ثكيل وهم وهم الساعة الساعة ب٨ اشعجب نايم نايم - ب٥ نمت تعبان ما شابع نوم ....عوفيني ما اطلع اليوم كيفت عفته ورحت لمطبخي ... حضرت ريوك ورجعت اله ورة ساعة .. اشوية تأخرت لان اسوي واني بالي وياه ... لكيته ما هو وصوت ماي بالحمام .. طلع نازع - باردة باردة حبيبي بارده - شغلي التدفئة صدك شنهو انه ليش محمر شفتي راحت الا راحت حمرتج بايستني بالليل ! - ههههه لا لا الصبح وحطيت وحطيت الك حمرة شفتك شفتك يابسة -استغفر الله همزين انتبهت لبس و نزل واني وراه بس يتريك ما سمعني نزلنا وهو يصيح شهد طلعت كوثر - شهد راحت للدوام .. - وين امج ....حضرت روحها ...اتروح لبيت ابوها؟ .....و خل يجي الشفية ياخذها - ليش يمعود ....خليها تطلك هي البارحه كالت اطلك - مو بكيفكم كل يوم مزوجه ومطلكه خل اتروح لبيتها .... - واتعوفنا ؟ -مو احنه جهال وخايفة طلعت امه تتوسل تبقى - لا تتوسلين روحي شوفي حياتج .... احنه كبرنا ما معتازيج ( محتاجين الج /بعازة الج ، معتازين الج) مو هذا كلامج ونفذتيه ... - بس مو اطلع من البيت ياسر - جا اجيبين رجالج يمي ! روحي يمة الله ومحمد وياج ... - وبناتي - تجين اشوفيه ...وهنه مالهن دخله لبيت رجلج عدا المزوجات انه مالي حكم اعليهن الضهر ماكو....والخنكة ترست البيت طاردة الهوى منه اثاري مجرد وجودها بالبيت متنفس الي...حتى لو جانت بس بالاسم بيه الضهر نايم على السرير بطلت انام على الارض....انه من اتعب او انغث اظل بس اكوبس لو الجيثوم يخنكني بنومي....فراش رقية خوش وقاية الي ما يجيني الجيثوم دخلت اعليه شهد للغرفة وانه مطروح - وين امي ياسر بعدها ما مبدلة ملابسها - ياسر وين امي طردتها طردتها مثل ما كالت كوثر - لا ما طردتها بس هذا الطبيعي -الطبيعي تطرد امك ؟ - ما طردت احد انه هي الي عافتنا جا تردين اجيب رجلها يمنا يشاركنا بيتنا واشوفنه يطلع من غرفتها! لو اطلكها مرة ثالثة! ظلت تبجي كدامي -روحي يا شهد روحي الي بيه كافيني طلعت ....وصوت خطواتها واصلني اشوية وكمت اشوفها جانت متعلقة بامي حيل حتى تنام يمها بالليل لكيتها بالهول ،ورقية اااخ يا رقية تذكرني بالطفل من يشوف امه تبجي يكعد يبوس بيها ويحظنها بفكره البسيط الحضن يبرد الجرح... تبوس بمتنها و راسها وشهد كاعده على القنفة حانية راسها ، وتهتز من البجي كعدت يمها...لزمتني من فانيلتي -رجعها ياسر رجعها الي.....رجعها -كبرنا يا شهد ....كبرنا من البجي(البكاء) على امنا .... اعتبري نفسج ببث تجريبي بالاعتماد على العيشة من غير امج اتعودي راحت لبيت رجلها..... عفتها نامت على صدر رقية تبجي صعدت كاعد بالغرفة وشفت كف نسائي اسود واكع بالارض شلته صعدتلي رقية - شنو البارحه طالعة...صدك شصار من طلعت انه من يمكم - ها هذا هذا بيه نقشة وردة مال مال فاطمة مو مو مالتي - فاطمة جانت يمنا - اي اي ومن اتعاركت رسلان و و و رنا رنا يمكن نسته يمنا يمنا جيبة جيبة خليته وره ضهري واني عاقد حواجبي مستفسر - منو اتعارك ويه منو - اهلي اجو خواتي وامي العصر العصر العصر و رسلان عبالها عبالها اني الي الي خبثت خبثت و كلت كلت غلطت غلطت عليه و و و كالت غلطة جبيرة قوست اديها ممثلة حجم الغلطة بايدها -جبيرة حيل حيل و زي زينب ضربتها ضربتها ضربتها من غلطت علية علية و فاطمه فاطمه طلعتهن من من الغرفة الغرفة وزينب و زينب كالت اقفل الباب لا يجني الي مرة ثانية لان جانن يريدن يضربني يضربني - هاي شنو نزلت استفسرت كوثر كالت الي كلشي الخيط الي براسي اجه يوكع من فضاعة هالبنات طلعت للهول واني اصيح -لهلدرجة بلا تربية شهد طلعت من غرفتها - شكو شكو -بنات خالج....ذني الوكحات بعد اذا طخ السانج ويه السانهن الا ابترة الج وارقامهن مسح وحضر فاهمات .... اشكد ردت ابعدج عنهن ما كدرت بسبب ام ....بس من اليوم وجاي الي تخطي خطوة لبيت جدي بتر ردت اطلع لزمتني شهد -وين - اروح لهاي رسلان اشلون تتهجم على مرتي شهد- لا حباب حباب لا تسوي شي تندم عليه حتى جدي تخسرة امي ضربتها والله وما قبلت على تصرفها انه الها فلا انساها الها بسيطة خابرت صديقي وطلبت منه بعد ما يجي خط عليهن على رسلان وشهد انه اوصلهن ! وهيج اوصل اني شهد ورسلان ظلت حايرة تتغيب تتوسل باخوتها ولا واحد راضي يعوف عمله ويوصلها لحد ما اجرت لشهد عند نفس صديقي و رسلان غلست عنها .. العصر خابرتني عمتي ام رقية خجلان منها على الي صار بس ما فتحت موضوع العركة،طلبت مني اخذ رقية احلل الها بأعتقادها حامل . تسللت البهجة لدواخلي ،كسرها تذكري وضع رقية الام غيمت الخيبة من جديد. اخذتها للمختبر حللت الها طلعت حامل ابسرعة حجزت الها بنفس البناية طبيبة ومن اجه سراها...طلبت من السكرتيرة انه ادخل وياها....ظلت صافنه بوجهي ماعدنا هيجي الظاهر بس المرة تدخل - اريد ادخل لان وضع المرة خاص واريده افهمه انه دخلت طلعت الي دخلتهن ويه رقية و دخلتنا بس انه ورقية ورة الستارة ، الطبيبة كالت حامل مرتك ب ٤٥ يوم كومتها كعدت يمي كدام مكتب الطبيبة ماعدها وضع خاص وضعها الصحي عال العال كتبت على فيتامينات ومشهي وطلعنا .. انه ما كدرت ادرج مشاعري لاي خانه بس هي فرحة مغشاية بخوف! بالليل كاعد على ضوة النوم يمها وهي ذايبة بالنوم بثوبها الحني حطيت ايدي على بطنها - عندي نبض اهنا راجع الي اتمنى تطلع ولد.....اتكون عضيد ابوك.....انه ابقى يمك خطوة بخطوة ما اورطك بهالحياة واخليك مثل ما صار وياي مر اكثر من شهر غياب امي .. انه محمل اهموم اكثر من حمل النخل للسعف....و مجاي اتحمل رقية و بطئ فهمها فما عندي غير السكوت وسيلة ، طفلة تحتاج من يراعيها بالكلام وانه روحي طافرة نفسي ما متحملها من كثر الضغوط من كل جانب العمل و البيت أحتاج احد يسندني مرة تفهمني تالي الليل من اجي الها شاكي مو طفلة لا كلمة طيبة ولا حوار بينا اذا احجي كل كلمه احتاج وقت طويل افهمها المعنى انه هم بشر ورجال والي طاقة تحمل خايف لا بيوم امل وين اتروح هاي البنية وابني اذا طلع مثلها! شنو ذنبة منو الهم ! وصلتني رسالة من رقم غريب .. اني بت خالك رسلان ليش هيج بديت اتحاربني .... - ما حارب مرة انه .....وما انسى شسويتي برقية ولا شماتتكم بأمي ما انسى شي شهد وكوثر سولفن الي كلشي منا وبينا وطعنتونا - ما سويت شي اني...والي منك وبيك هو الي خدعك....وأسال شهد منو الي يدري عن وضع مرتك قبل الخطبة و رادك توكع هيج وكعة منو الي دزو عليها قبل الخطبة الرسمية وسكت متعمد شمرت التليفون وركضت لجوة انه شاك بس ماعندي دليل وهي تنكر بس شهد عدها علم هاي جديدة اعلية فتحت الضوة عليهن شهد تنام يم كوثر جريتها من شعرها مخليها تبجي شهد-شكو شكو - احجي لا اخنكج (اخنقكِ) احجي كوثر تدري مووو واجذب اعليه اتكول ام رقية ما كالت شي ما اتحملت قسوتي وياها لأول مرة كالت -اي اي تدري هديتها وبديت اتقرب من كوثر الي بدت ترجع على كنتورها بخوف وأطفالها كعدو من النوم يبجون - اذا ادفنج اهنا احد يكلي ليش.. جريتها من زندها....لغرفة امي وسديت الباب علينا - ليش حاقده اعلية هااا ليش - ندمت والله ندمت -المصيبة انت اختي الجبيرة لا اكدر اطكنج ولا اكتلج واخلص منج - سامحني ياسر والله ندمت ظليت اغلط و اصيح أعليها وشهد ادك بالباب تبجي.... - هيج حقدج يسوي بيه......خليتني اكسر البنية لا اكدر ارجعها ولا اكدر اتعايش وياها ظال اعاني.....اتعرفين شنو اعاني منج لله انت واختها دمرتونا اثنينا الله يدمركم.... -سامحني يخوية -الله لا يسامحج لا دنيا ولا أخرة طلعت وقفلت الباب ... لثاني يوم حابسها بغرفة امي وشهد تتوسل اطلعها واطفالها هم يتوسلون ، ما طلعتها لثاني يوم ما كدرت اكعد بالبيت رحت لشغلي .. تاركها بالغرفة كاتلها الجوع اكيد ...بس تشرب من ماي الحمام الداخلي اكيد.. اخليها بيه مثل المسجون عاد من تحقد اعليه على شي يسوة مو بلاية سبب من طلعت غافلتني وكسرت شهد الها الباب وطلعت زعلانه لبيت عمها ما كدرت اروح ليها...خليها تنذل من مرت عمها وتردلي هي واطفالها منو يتحملها.. •شهد عندي امتحان و وحدي بالطابق يربي والله خايفة يمة شو اسمع طكطكة بالمطبخ شهكت ولعنت ابو الساعة الي ضميت بيها الحقيقة عن ياسر...بس شسوي كوثر هم اختي وخفت يجرم بيها عاد هسة من مر وقت وعرف مرته حامل خفف عقابها اشوية سمعت مرة لخ صوت بالمطبخ....خرطت العافية كمت طافرة لفوك الساعه ب ٩ وياسر ما جاي بعده برة ظلمة صالتهم وكعت مدري شنو طلع صوت سمعت صوت خطوات شهكت وانركعت باحد اخترعت وصيحت -ي??????????مة - ياسررررررررررررر هذا صوت رقية وهم خايفة فتحت الضوء - عبالي عبالي عبالي حرامي لان ياسر ياسر خابرني توه ساعة ساعة ويجي ويجي كلت-اااه انقطع خلفي حرام عليكم اخترعت رحت لغرفتها وانطرحت على سريرها - اشبيج اشبيج -مابيه حبيبتي قابل اني خايفه بس خفت عليج لا تخافين وحدج واجيت -صدك صدك ضحكت كيفت واجت يمي همست - خليني يمج حبابة خايفة وحدي نسيت الامتحان ونمت كعدت الصبح واستحيت على دمي من شفتهم نيام على الارض اثنينهم بفراش سوة - خرب اني اشكد غبية واشكد عيب نايمه يمهم كمت اتخنس لبرة وطلعت عنهم خطية اتكسرو بسببي ههههه بس حلوين.... نزلت لجوة مستوحشة البيت حيل . ياسر نزل بغرفة ماما ينامون حتى لا اخاف...والصراحه اريد ادخل بغرفتهم لو لا العيب لان التخيلات تشتغل بدماغي وحدي.....ومالي غير ثوب امي احضنه الا اكدر اغفي مرت الايام وتعودت اشوية اني امر بفترة امتحانات... طلعت جوعانه ادور شي اكله الضهرية رحت لرقية واكفه يم سطل النفاية ومدنكة شفتها تتقيئ طفيت عن اللحم اجه يحترك بالحمس - شنو هاي البيت ما منظف بعده - اي اي تعبت تعبت اليوم بطني توجعني شهكت - ليش انت بعدج بالبداية لزمتها من ضهرها تعالي تعالي...دخلتها لغرفة ماما - نامي نامي - والغده الغده - معليج اني ادبر امري... رحت للمطبخ .....اباوع للطباخ...اذكر مرات معدوده اوكف بالصلوات اقلي بيضة وابسرعه اطلعها من النار ما احب الطبخ اوووف ياربي لزمت الجداحه ومتردده ... -لا لا ما افتح نار ولا اطبخ لا شهد لا رحت نظفت الهول و غسلت الكراج ... و دخلت حطيت الحميسة الها ما قبلت تلعب نفسها من اللحم اكلتها اني جوعانه ، و خلفت كلام ياسر ورحت لبيت جدي جبت الها جبن عرب من عدهم و زبد من خاله ام احمد و انطتني لبن من دوابهم طازج اليوم الصبح حالبيه اشبيها مشتقات الحليب اجنن اصلا واتبيض الطفل واخذت خبز حار ومكسب منهم ورجعت الها .. اكلت واخذت علاجها ونامت اني طلعت برة إقرأ .... اشوية وطلعت مصرة تكوي ملابس ياسر .... ما قبلت تأجل -لا لا ثوبة السمائي يريد يطلع بيه العصر ما كاويته اليوم -اووف حبكت يعني خل يطلع عريان ضحكت -عيب عيب واني ما اقبل ما اقبل غيري اشوفه -من جماله عصاعيصة اروح اكوي اني بس كولي وين حاطتهم بغرفتج صعدت اكوي شكلت الكيبل بالنقطة الكهربائية واني هواجزي تندي على ذاكرتي...كم جلده نبتت على ضهري بيه! اكوي و ادردم على ياسر والعن الساعة الي اتبرعت بيها اكوي و ادردم على ياسر والعن الساعة الي اتبرعت بيها اكوي -عزا عزا هاي اشبيه المكوى لزك الثوب بيه مو خوش مكوى اوه ماي الله هذا العكرة اليوم شخلصني منه حطيته بالكنتور وشردت مكملت الباقي لا اجرم بيهن واحركهن كلهن ... رجعت طفيت الاوتي ونزلت العصر اجه ... وما لكه غده ...غير بيضتي ! ظل يتلاطم بس من كلت اله مرته تعبانه ...سكت وراح الها ...ومن ارتاح لبس ثوبه السمائي (دشداشة) ونزل وكف كدامي وتك صدرة طالع من الفتحه - موده حبيبي غير اني اتفنن عضلي شفته وراح..بدل واخذ مرته للطبيبة طلع الطفل نازل وعدها تقلصات اهنا كانت مسؤوليتي دمار من نامت رقية واني البيت صار عليه طلعت سنوات الدلال كولها ، انجبرت اسوي اشياء اجنبها طول عمري .... وكلساع جايه أسالها عن طريقة الطبخ وكم حرك حركت بالمطبخ وانذب منا من رحت بيوم لامي ببيت جدي اشوفها وسولفت الها عن وضعنا بس ما عرفنا امنين عرف ياسر بسالفة كوثر ثاني يوم صار يجينا اكل وخبز حار بكل الوجبات من مضيف جدي اثاري ماما حبيبتي وصت بيبي بينا وياسر عارض بس بيبي سكتته •ياسر استشهد اعز صديق الي وشيعناه...خليل قرر يلبي الفتوى ويروح يلتحق مع الحشد الشعبي ... انه دليلي لاب(خاف) اعليه و غيرتي ما كدر خوفي على ابني يمنعني من ان اشارك ويه النشامى والغيارا اصحاب النخوة ...... الانذال اخذو دم يابو دم ......ما تحملت اسمع بالنساوين الي انسبت وبالناس الي اتمثل بجسادها صور الجنود ملت التليفونات سواء وهمه يحاربون او وهمه يموتون .... جا انه المن ربي خالقني رجال وكاعد بداري وكاعي تحتل على ايد خنازير .. خابرت خليل وكلت اله وبدا هو يقنع بيه لا اروح . لكن انه عزمت .... سلمت شهد لجدي....و رحت اودي المرة لهلها بليلة التجمع...والمرة بس تبجي ما اتريدني اروح.. حاول ابوها يقنعني - انت الوحيد لهلك رجل لخواتك وامك يا ابني انت سندهم .... - الاعمار بيد الله عمي - صدقت بس انت وحيد اهلك ....اذا تصوبت وما حان وقت منيتك اشلون بوضعك...اهناك لعبة ومدروسة يا ابني خيانة حكومة ماكو محافظات تسقط لو لا الخيانة - نعوفهم ينتهكون كاعنا(ارضنا)! نچتل(نقتل) الخاين و النذل ونحرر بدمنا وطنا ما يظل عرضنا بيد انجاس ما ينعرف نسلهم امنين يا عمي الوضع ما ينسكت اعليه واحسن خطوة سواها السيد هي فتوى الجهاد جا هو الحسين عليه السلام من طلع المن طلع غير مصلح ويحرر الدين الاسلامي من مربي القرود مو نقرة(نقرأ) بزيارته ليتنا كنا معكم ! جا داعش شنهو فرقهم عن يزيد وابن زياد من نفس الملة بأسم الاسلام ومحمد يذبحون اولادنا ويحركونا ارضنا و ينتهكون حرمنا.... -حي الله البطن الي شالتك -عمي الي خلق هاي الروح كادر يحميها وانه رايدها للشهادة . - جعلك الله من ركاب سفينة ابا عبد الله كمت اله وكف هو الي بسته من متنة .. ومن غير ما يتوقع اخذت ايده وبستها - ابني امانتك عمي لا تنطيه لاحد من گرابتي - ترجع سالم اوليدي واشيله على ايدك طلعت للحديقة وام وابو رقية وهي وياهم يودعوني ... دخل مرتضى كان برة .. سلم عليه - صدك الكلام الي كاله مقتدى راح تلتحق ويه الحشد الشعبي - اي خويي تحاضنا وصيته - ديربالك على العزاز كان بعيوني رقية وطفلي وشهد ! طلعت مودع لركب المجهول دكيت باب خالي فتحت الي اخت خليل دخلتني لكيت شهد يمهم بعد سلامي عليهم - شسوين اهنا جاية - اني اعيش يم خالي منا من تجي وادنت على خالي ابو خليل ابتسم ابو خليل-خليها اهنا ياسر -بس جدي ما خالي-جدك عوفه عليه ... - بس يعني خاف يعني ما خالي-شنو الما ياسر . ترة اهناك هم عدهم شباب داخله طالعه وبيت جدك ما يخلى من خطارة وعدهم عادل و اولاد خالك نجيب اهنا احسن الها خالي اه يا شهد كاسرة ضهري كسر ... تمنيت الحك اسلمها لابو بيتها قبل لا اروح الفجر اتحضرنا وردنا نطلع وكفت اودع شهد - ديربالك على روحك ..ياسر هاك هذا -شنو هذا حرز؟ - ممم حرز من رقية من كنت اخاف انام وحدي انطته الي اخذه بلكي ببركته تنحفظ الي وترجع سالم ودعتها وردنا نطلع صاحت -ياسر التفتت - ارجعلي ماعندي غيرك....انت ابوية شهكت بالبجي طلعت من البيت ابسرعه وخليل وراية متفقين ويه ابن خالنا يوصلنا لل** مناك ويه اولاد عمامي تلاثة ننطلق من كاعنا للكاع المنتهكة حالفين نرجعها لأصحابها بعد الدورة التدريبية على السلاح رحنا بأسخن منطقة ب ***** انذار ماكو نزول .. حياة ثانية ... او الحياة ما بعد الحياة عالم للتحضر للموت صحراء قاحلة مجرده من كلشي موقعنا ، ذبلت عيونا و اسمرت وجوهنا وكسبت من الهوى البارد وضعفت ابدانا لكن العزيمة زادت والموت صار بعيونه مثل دخلت العريس على عروسته نتمناه بشرف ... مرت ثلاث اشهر واحنه ما شايفين اهلنا ... على الساتر والرمي اعلينا محاصرين ننتظر الاسناد كمنا نخابر على اهلنا ...... خليل صور نفسة -يمة لا ازعلين مني لان ما خطبت بت اختج والله سمينه عبالك تانكي ماي(خزان)....اني عروستي بالجنة حورية تنتظرني ونسة اهناك يمه ونسة لا تبجين يمة و افرحي الي يضحك ويحجي مد الكاميرا اعليه - وهذا ياسر الحقنة شيخ الشباب يمة سوة بطولات اهنا يابو بطولات وصار وجه جنه بسطال من الشمس ضحكت وكلت - ابنج شعرة انترس كمل وما زينة خالة - خايب انجب صارلك ٢٥ يوم ما سابح وجايني اكلج يمة دربالج على ابوية وعلى صحتج وكولي لمحمد اخوي يعرس لا يأجل عرسة وسلمي الي على خواتي الرمي واصل للستار واحنه نخابر و نصور ، انه خابرت من هدأ الرمي .. - الو يمة - ياسر ياسر انت اوليدي و ظلت تبجي وتنعى -ما خليتني اشوفك يا يمة تعالي من تنزل -انشالله عوفج من البجي والعتب يوم - سامحني يمة - سامحيني انت يمة ديربالج على صحتج ونفسج.....وعلى خواتي......صيري الهن سند يمة لا يذلهن رجل وشهد....يوم شهد اذا رجلج خوش انسان اخذيها يمج اتعيش منا من تتزوج تطلع من بيتج - ياسر شو جنك (كأنك)توصي ! ارجعلي يا يمة ماعندي غيرك ارجعلي -انشالله يمة انشاء الله ارجع مودعه يمه - لا يمة ماكو وادع في امان الله محروس باسم الله لا اله الا الله محمد رسول الله علي ولي الله - لا اله الا الله في امان الله ... تأخر الاسناد و ازداد الوضع سخونة كنت ما اريد اتعب رقية واقلقها لكن حبيت اسمع صوتها حسبت الفراك گرب اتصلت بيها بنص الليل - ياسر اشلونك - اني زين وتمام حبيبة شحن تليفوني راح يخلص ، رايد اسلم اعليج واروح ...ديري بالج اعلى روحج و اعلى طفلج سمي? على اسم ابوي اذا ولد واذا بت سميها الي تردي? - انت انت تجي تاخذلي تاخذلي سوناريو -هههههه سونار مالحك اقصد اقصد انشاء الله حبي انشاء الله الي يجي من ربج نعمة من الله -اني اني اريد اريد اسميه اسميه علي علي - ونعم منه دخيل اسمة سميه يلا حبيبتي مودعه لا تنسين ديري بالج على نفسج وظلي يم اهلج خابرت ابوها وصيته الي بالي ... •زينب ثاني يوم اجتنا فاطمة دزت عليها امي ، تعرف اشلون تريح رقية المهلوعة واتكول ياسر مو بخير وبس تبجي ... خلتها تتغدة اليوم الحمدلله بعد الغدة كعدنا والدي فتح موضوع زواج مرتضى على الرغم من مرتضى ماهو بالدوام امي رادت تحجي معارضه حيل ما اتريد شهد عروس لمرتضى سكتها والدي - لا تحجين ....من مشينا و حجزنا البنية اعترضتي علينا مو انت خطبتيها ؟ امي-مو حجينا بهذا الموضوع يارجال وكلت الك طلعت مو من مواخيذنا.... هسة حتى الولد ما كسر كلمتي وافق يعوفها - واني اطلع صغير كدام الشيخ جدها و اخوها..... اني وافقتكم من ردتو اتعوفوها وكلت الج اسدين السالفة وصلي لامها خبر سكتي وانحرجتي وخفتي تأثرين على زواج بتج وظليتي ساكته والناس على بالهم الخطبة قائمة امي- انت وافقت نتركها شنو جد - الي اجد...اخوها من اتصل بيه وصى عليها ! كلنا اتعجبنا وامي كالت شنو ؟ - اي وصى الرجال بأرض الموت وصاني اتمم الخطبة بعد موته وما يعيقهم شي واخذها لأخته يمي و اصونها سكت وبنبرة حزينة كال -وصاني على مرته و طفلة دمعت لا أراديا هذا بدأ يوصي بأهلة وگلب المؤمن دليلة لا ياربي لا تفجع گلبها بيه، رقية تتنفس ياسر .... امي سكتت ما نطقت من سمعت وصية اخوها ... فاطمة -اشلون وصاك هيج - لان اني خاطبها منه وماخذ زلم وياي ما طلب مني العيب ...و كثر الله خيرهم انتظروا أحزانه تخف هاي هي يا نسوان البنية ياخذها اخوجن و همزين ما فاتحنا اختج بموضوع بتها عفاف .. رحت لرقية شفتها مطلعة سن ياسر الي تركته يمي بعد الزواج....اني كلت الها لا تاخذه تذكره بضرب اخونا اله واني اعتني بيه.... - ليش تبجين - اريد ياسر حاولت اطمنها وسكتت.... رحت فتحت فيس بس شو سجل خروج حاولت ادخل يكلي الرمز خطأ حاولت اهواي .... سألت مرتضى برسالة على الواتساب كال هذا متهكر حسابج راح خو ما بيه صورج - لا ابد ما اصور ولا ارسل صوري لأحد يلا خل يولي اسوي غيره .. اهنا دك تليفون رقية وهاي تبجي تخاف تفتح خط - زينب زينب ياسر يتصل -ردي ردي .. فتحت -ها ياسر ...شنو شنو والله والله زينب زينب عفت الشاحنه الي واكفه يمها وما لحكتها وكع التليفون من ايدها واغمى عليها يتبع تعمدت اني انشر البارت لان عليه تصفية الاصنام | ||||||||
|
| |
|
23-07-19, 11:30 AM
| #16 | ||||||||
| مراقبة عامة ومشرفة منتدى الروايات المنقولة
| #مقتطف #شيخ_الشباب رحت قطفت ورد الها وانجرحت ايدي بشوكة .. - يبووو ارجع ذني كافي الها لكيتها كاعدة بمكانها بس يمها رسلان و امل بنات خوالي سألت نفسي اشبيها رقية مدنكه! من تقربت اتبين الي تبجي وهنة سكتن اول ما شافني اجيت - شكو اشبيكم وياها ؟ رسلان-وعليكم الشكو والرحمة كعدت كدامهن يم رقية - اشبيج رقية منو وياج امل- اكلج هاي دوم هيج مثل الطفل تبجي الله يعينكم بس - كومي رقية نرجع للبيت كامت رقية وانطيتها الورد رسلان -هاي كل اللواكة حتى تاخذين اخوها ... درت بس وجهي عليهن - ما يخصج ..... رسلان- لو ادري على شنو هالتكبر انت و اخوج درت وجهي عنهن وكلت - والله مو مشكلتي اذا اشوفين نفسج صغيرة كدامي أمل- عيب هذا الكلام شهد نسيتي احنه صديقاتج رسلان -عوفيها عوفيها تلوگ لرقية واهلها اهل الشرف والعفة ضحكت ضحكة مسمومة ... التفتت عليهن - بس كافي الله الي يعلم شنو كلتو الها ومخليها تبجي ...... مو حرام عليكم البنت حامل ....... - كولشي ما سوينا بس كلنا الها الحقيقة -يا حقيقة كفونا شركم كولشي ما انريد منكم رسلان-حقيقة زينب ! زينب الي اتحب رجل اختها همست - زينب ! رقية -جذب جذب جذب خلت وركضت رقية وهي تبجي ... - شنو هذا الكلام ..... وصلت بيج الدنائة هيج تحجين على البنات مو انت بنية رسلان - شهد بطلي فطارية .....هذولي ضاحكات على ياسر خلو بتهم تحجي وياه وتحبه واتريده وانطوه ثانية وبينهم حب وغرام والله الي يعلم شنو مسوية بالولد خلته يهج امل - هذا الكلام متأكدات منه زينب وياسر بينهم علاقة لهسة والله الي يعلم من كان يروح الهم اشلون تطلع اله هاي زينب التعبانة -اش كافي ما اسمح لوحده اجيب طاري اخوية اشرف منكم كلكم عفتهن ورحت لبيتنا شهودة هيج نعومة وجها طفولي ارفعو المنشور حتى يضهر للجميع | ||||||||
|
| |
|
26-07-19, 03:26 AM
| #17 | ||||||||
| مراقبة عامة ومشرفة منتدى الروايات المنقولة
| #شيخ_الشباب #من_كتابات_زهراء_العراقية #الفصل_الخامس_عشر ناس ما منهم گُمر ناس ما يسوون خاشوكة شكر -مظفر النواب أهداء لرسلان الكريهة •زينب -رقية رقية يمعوده اشبيج اسمع صوت بالتليفون يكول وينج رقية رقية.. أخذت التليفون وحطيته على اذني بين ما ايدي الثانية جوة راسها . -الو منو وياي - اني ياسر اشبيها رقية - انت بخير؟ شكلت الها وهيج أغمى عليها ؟ - ماعت رويحتها ؟ انه جاي بطريقي ليكم تونا وصلنا لل** - اها حمدلله على سلامتك....مابيها شي رقية لا تقلق هاي من فرحتها - زين من تصحى خليها تخابرني سديت الخط وهاي اترمش بعيونها بدت - كومي رقاوي ، زوجج جاي النا هههههه ادخلي للحمام ورتبي امورج غمزت الها هي بعدها مطروحة وتباوع للسكف....دمعت - راح يرجعلي مو - اي المن يرجع لعد صحت الماما وكلت الها الي صار ، اجتي فاطمه وياها كعدن بالغرفة وبابا بس سمع برقية تخربطت راح الها ندك جرس الباب محد كام كلنا هذا مقتدى غلسنا مرتضى يفتح اله بالفعل مرتضى الي راح فتح وسمعناه يكول .... ادخلي لغرفتها هي تدري ومن فرحتها كاعده تبجي اثاري يم باب واصل ودخل علينا ظيفة شهد- السلام عليكم ... دخل علينا مرتضى شهد وجها ضاحك وكفتلها رقية وركضت الها - ياسر جاي اليوم اليوم - اي حبيبتي خابروني ... تعالي انروح لبيتنا يلكانه بيه ..خطية يجي لهنا وبعدين للمشخاب يتعب طريقة طويل من ** للنجف باوعت رقية لابوية الي وكف - اشلونج بوية شهد- الحمد للة...العفو منكم ما سلمت اشلونك عمي .. وراحت لامي وسلمت علينا .. اني كنت مستغربة اخر مرة كنا بموقف كريه...كعدت يم رقية وفاطمة امي كالت شوديجن والبيت متروك شهد - لا خالة اني بين فترة والثانية اروح اله و خالة ام احمد دوم بيه تسقي الزرع امي- بكيف ابوها ابوية -خل اتروح بس وحده منكم وياها تنظف بدل منها ... امي- فاطمة ترحين ويه اختج؟ فاطمة- يمة وذولة السرب الي وياي وين اخليهم وابوهم ما كايله اله... -لعد زينب روحي وياهن مرتضى - اني اوصلهم لعد... انتبهت على مرتضى الي ما زال واكف واعيونه على شهد باوعت الها هي الثانية تباوع اله بابا طلع ... وفاطمة كالت اروح اني . طلعت عباتها و حجابها والبوشية تريد اتروح .. اني عين على مرتضى وعين على شهد ورقية كامت تفتر هم طلعت جنطتها ..... غمزت لمرتضى ابتسم حك لحيته وطلع انتبهت لامي هم مثلي صافنه عليهم وحاطة ايدها على خدها كانها ما عاجبها الوضع كامت رحت وراها للمطبخ ..تحضر شراب اي شي لشهد .. - ها يمة رايده شي - لا اني راح اسكب الها عصير زبيب تنهدت - اخوج كأنه عاجبتة من كلت اله قبل اشوية كلام ابوه ما استفسر رفضي السابق والا اهتم اله شفت بعيونه رغبة بهاي الزواجة و وافق على كلام ابوه - ما ادري البنية حلوة حيل بصراحة احلى وحده من المرشحات الحاليات و جامعية وهو يريدها هيج مواصفات - ما ادري شو ما مرتاحة الها - ماما لا اشيلين ببالج منها ترى كانت بحالة تعبانه من ضغط مشكلتهم بيومها وترة ما غلطت ولا سبت مثل ذني الي هجمن علينا - حسيتها تشبهن ما ارتاحيت الها وبصراحة تندمت لو ما حاجين بيها استعجلنا مبينة جريئة ، منو من بناتنا هيج تطلع وحدها و وتكعد وتسولف جريئة جريئة ما ارتاحيت الها اني اريد وحده خجولة خام - هذا بزمنكم ماما هسة زمنا اختلف وبعدين شمرة عصى بين بيتنا وبيت ابو خليل رحت بدلت ... وصعدنا ويه مرتضى .. وصل يم ابو خليل ونزلت شهد انتظرنا...جابت جنطتها واستأذنت من خالها وطلعنا اني كاعده بالصدر يمة وكلساع اصيدهم واحد عينه على الثاني....كل ما اباوع من المراية الامامية الكه عينها عليه و هو مو بكثرها من اصير عينه بعينها ينزلها ومن حس بيه منتبه بطل يباوع الها.....جريئة حيل لو احنه الي عايشين بدنيا ثانية وهو العصر هيج صار حق للمرة تباوع واتكول اعيونها اريد بلايا خجل مثل شهد ما اريد اظلمها يمكن اني الي من غير هاي الدنيا... اباوع للبنات الي من عمري حفافة و حتى عادي صبغ شعر... اني اخجل احط مرطب لشفتي كدام احد! صحيح رافضة البوشية لكن من ذاتي اخجل البس هذا الشال الي لابسته شهد ولافته. وحاطة قراصة معليتها مدري شعرها طويل المهم طالعه عاليه وعباية من هاي الخياط الحديث ما ادري ايراني مدري كويتية خياط قطعة وحده مو قطعتين ولا بيها خبان مو عراقية .. حجابي اقربة لحواجبي و تحنيك وعباية عراقية و معاصم او كفوف ما اعتقد بيوم حتى لو كنت مخيرة اكدر ذاتيا اطلع للدنيا عن مبدئي وصلنا للمشخاب .. حسيت بالانقباض فتحت شهد بابهم و مرتضى ينزل جنطهم من سيارته الي ما صارلة مدة بسيطة من اشتراها ليش بيتهم بارد...فاهي .....داخلته قبل كنت احس بفخامتة هسة غير مكان بارد مقلق.....يمكن لغياب صاحبة شهد- مو كولش وصخ(وسخ) امي اجته قبل اسبوع نظفته ..... مرتضى ما قبل يدخل للداخل بقى بالحديقة ، وشهد خمس دقايق اسلم على أجدادي وارجع اني صعدت لفوك انظف طابق رقية ، رقية غسلت الكراج واجتي وياي، من نزلت اريد من شهد وصلة مسح لكيت رسلان الخلقة السزز عفتها وصعدت وذبيت كلام بسيط عليها! من خلصت خابرت مرتضى كلت اله ونزلت رقية من شافت رسلان خافت بستها من خدها شاورتها - لا تخافين ياسر جايج ومحد يكدر يندك بيج لازم اروح ما كايلة لعماد لازم ارجع واكله يلا حبيبتي باي شفت رسلان شالها نص شعرها طالع منه وتباوع لمرتضى الي بأخر الحديقة يم الباب ينتظرني رسلان وكفت يمي هاي شعدها تودعني وجاية اتزتتني للباب شنو الخوف يعدل الشوف الظاهر! رسلان -مع السلامة حبيبتي - مع السلامة ! ادنت يم اذني - اضربيني مو الكي نصيبج لعد يا شريفة! الا ابچيچ دم دنيت راسي عنها مرتابة وخليت وطلعت وية اخوية واني محتارة بهاي شتقصد!؟ طايحة الحظ لو لا نسوان كبار واكفات و مرتضى كان علمتها اشلون تهنبل علية بوخة ، رحنا للبيت وامي بس تسأل عن رقية .. كلت الها اكيد ياسر يجيبها ويجي يسلم علينا بس اليوم خطية صارله اهواي ما شايف اهلة ومرتة اكيد مشتاق الها وكفت كدام المراية .. اوي اخبل صايرة فادت الحمية اشوية صار جسمي ارتب منا للدوام اطلع كشخة رحت فتحت الكنتور واباوع للجبة الي جابها الي عماد هدية، الا البسها هي اول يوم الي مممم بس هو شوكت يبدي الدوام دراسي الجديد اوووف بعد الصيف اشطولة يجينا الناس بعدها ما ممتحنة خابرت رقية وهي طايرة من الفرحة كالت اجه رجلي حبيبتي الله يهنيها ااه الحمدلله كلنا أستقرينا رقاوي راح اصير ام و اني الحمدللة انخطبت لخوش رجال وراح ادرس وفطومة رجلها صد هاي الي اتريد تخرب بيته وحط الها حد و ما انطى بفاطمة ابد خابرت عماد وبلغته -ليش ما كلتي - خابرتك ما رديت بعدين هو البيت فارغ ما بيه رجال وساعدتها واجيت -اذا هيج ميخالف ، طمنيني شخبار غراضي بعدج على الحمية التعبانة - هههههه شنو مفتح محل وحاطني حارس علية - هههههه اااخ لو اتعرفين اشلون متحلف بيج بس هي خلي تطلع دورة سنة ايمن - ونحن بالانتظار هههههههه - ااااخ گلبي تضحك بت ال... - ال شنو هاا -بت عمي شيالة همي - مابيه حيل للهموم اني كافي علية هم وزني اشيلة اكثر من هيج ما اريد -غير جسمج يسطر سطر حبابة بطلي تفاهه ولا اضعفين اكثر - هههههه مو عندي اماكن لازم اخففها - لا دخيلج معليج اني اريدها هيج حلوة مثل صاحبتها - عماد لا تجر على الخارجي قاصده بطني والله عندي كروشي صغيروني وهسة راح بس اريد بطني تنخسف خسف وانت وين راح بالك صحت بيه الا رجع لوعيه ... ، مرت ايام اخابر علية ما يرد ما اعرف شسالفته يمكن مشغول هم خطية مسؤوليته كبيرة هو مرت ايمن سو الها مشتمل لان يتيمة الابوين وهم تعذبت يم اخوتها ، فحطوالها يمهم مشتمل صغير طالع من بيتهم .. •شهد من وصلنا بعد غياب للبيت الي مشتاقة لكل كتر بيه .. اليوم من دخلت غرفة زينب وشفت ابوها بيها مشارك بنته فرحتها غرت حيل ، الفقد صعب كلش لكن الاصعب من ما تعرف معناه ولا مجربة اصلا! ياسر رغم الفارق القليل الي بينا استجدي منه مشاعر الابوة مغيرة بيها علاقة الاخوة، كلت الهن خمس دقايق وارجع الجن طلعت للحديقة شفتة كاعد على مرجوحتي هذي مالتي ياسر جابها الي اجاني شعور حلو وهو كاعد شي مالتي ... ظهرة علية و ومندك على تليفونه ما تنهز مرجوحتي و رجلية خاطة بالارض ابتسمت واني يادوب يطخن بالارض هيبة هالرجل تحيطة هالة هدوء راكزة تعلق عين اي بنت وتخطف من گلب دگات? طلعت لبيت جدي قاطعة روي عيني بشوفتة الصراحة داخل بالي! ومن زمان من يوم الي شفته وهو رجل كامل مكتمل بعد زواج اخته من اخوية دخلت وسلمت على بيبي و كالو جدي دخلت وسلمت على بيبي و كالو جدي طالع بكعدة ..... طلعت الي رسلان ردت اروح من غير ما اسلم عليها رسلان - ان حظرت الشياطين غابت الملائكة شهود ليش هالوجه الثكيل ما لايك الج باوعت الها من رجلها لراسها و ظهرت بزاوية شفتي ابتسامة وهزيت راسي ورحت عنها طالعه للحديقة صاحلي عادل - اشلونج بذاته عفتينا - الحمد لله على كل حال - صدك شنو هاي الصورة الناشرتها بالفيس - قصدك صورة حفل تخرج ! اشبيها - ما يصير اتنشريها هيج - هههههه هو اني شطالع مني غير روب التخرج! مغطية وجهي بملصق - اكو برنامج يوخره احذفيها احسن - منو بحال وجهي هاي الحسابات مليانه صور حقيقية يجون الي ههههه اروح للبيت -سمعت من بيبي ياسر جاي اليوم - اي يجي وامي هم اشوية وتجي رحت من كدامة عافصة وجهي اشلون منطق يجون عليه ويحذفون الملصق اجه وراية -منو جابج ؟ - اجيت وية زوجة ياسر واهلها -اهلها كلهم اجو جا خل اكل لجدي نكوم بواجبهم - لا مو كلهم اخوتها ... اقصد هي واختها تساعدنا بالتنظيف و اخوها الي وصلنا - ها مرتضى ! استغربت من حفظه لأسمة وجاوبته اي -جا شنهو اخته تبات اهنا ليش عافها ما انتظرها -دا ينتظرها بالحديقة ما تركها عفته ومشيت وهو وارية - شنو تعالي حديقتكم - لا مال الجيران ...اي بالحديقة مقبل يدخل منا من تخلص اخته وياخذها - ما عدا نخوة يدخل بيت زلمته مو بيه وكفت يم بابنا واصلة - اشبيك شنو هالمنطق ..ترة البيت خواته بيه وبيت اخته وما رضى يدخل لان اني وياهن شتريد يعني يظل مكسر بسيارته .. - دوخري -اويدوخري اتعداني و دخل من دون احم او دستور .. اني وراه شفت رقية واكفه وتضحك وترش بالكراج واخوها يمها هو الي بيده الماسحة و يودي الماي للمجرى من شافونا ذبت الصونده بللت مرتضى ودخلت هي وبطنها كانت ما لابسة شي على راسها عيونه السود طوخ مثل الفجوة المظلمة من كثر سوادها و كثافة رموشة يبين مكحل هالكوفي وجه مرسوم رسم بية شبة من رقية وابوه ضرب گلبي نبضة بقلق من احتدت عيونه الوسيعة وبحاجبة صارت كسرة من كثر ما انعكد غضب لعادل الي يبادلة النظرات بعدها نفس النظرة وجهة الي جاوبت مبررة -عادل عادل ابن عمي اجه يسلم عليك من عرف انت هنا اعذرني اني السبب دخلته وما ادري الغلط مني اسفة... ذبيت الغلط بيه حتى لا يحتد الموقف اكثر عادل - خلي النسوان تاخذ راحتها ويا هلا بيك بمضيف جدي وابوي اتفضل ما قلت حدة نظراته اصلا أزدادت كأنها تأنيب و راح للحنفية سدها وكال لعادل - الله يكرمك ما اكدر اعوف البنات خاف يحتاجن شي الاحسن ابقى اهنا بالحديقة انبهن اذا اجه احد ! اهنا دخلت علينا خالتي ام احمد وبتها رسلان و بنات خوالي ثلاثة مو خوات رسلان من غير خال سلمن عليه وعادل اصر على مرتضى بس اشوية اسلوبة صار لين من شاف اهلة وامة راح وياه... رسلان- يلا حبيبتي نساعدكم احنه هم دخلن و أمل كالت وين رقية كالو جايه وياج - اي جاية اه تذكر زينب البانزين والنار اهنا گلت - رسلان....اختها زينب وياها تعاونها مبين كلامي واضح رسلان- واذا شعلية بيها انه انتظر عمة تجي مالهن اثر الظاهر صعدت لفوك لطابق رقية ..... ام احمد - عوفجن من سوالفجن اليوم انسنها ولا تحاربن عيب انتن بنات مالجن غير بعض و لا تخلن الزلم تحتار وياجن يلا كلمن اشوفلها شغلة البيت كبير ويحتاج تنظيف صارلها اسبوع من نظفته ام ياسر.....والغرفة محد منظفها رحت لغرفتي نظفتها....وافكر بمرتضى صار المغرب اشلون يرجع بالليل ما اريده يسوق......خاصة مبين مو سائق ماهر بعدة حذر حيل وبطيئ بالسياقة اني اعرف اسوق واعرف اميز بين المحترف والي بعده....ياسر علمني بالچول واهواي مارستها اهنا نزلت زينب اصيحلي وتفاجأت من شافت رسلان كدامها تمسح بالاثاث زينب - ! ا شهد افتحي السخانات خل يجي ماي حار الجو بعده ربيعي الماي ينزز وها صدك البيت بيه اهواي حشرات عدكم مبيد نبيدهن تحجي وتباوع لرسلان الي مبتسمة بحتقار الها كلت- مدري ... هسة افتح الگيزر وها صدوك البنات أجن يساعدن اذا رقية تعبانه خل ترتاح واصعد اني الها بس اخلص المطبخ زينب- على راحتج ..... اهم شي لا تصعد النا هالمرادين الطيارة ( الصراصير ) تقصد رسلان مبينة ولا تكعد راحة هالزينب ابد وصعدت بس الغريب رسلان ما مدت السانها ولا ظلت تغلط وتعارك دارت وجهة ورجعت تمسح بالاثاث ... رحت للمطبخ وية ام احمد ... وابالي نظرات مرتضى ابتسمت وكمت اضحك بلهاث واني اغسل السنك واذكر شكلة وهو رافع اشوية من بنطرونة الجوزي و ويمسح حبيت حيل حبيت تواضعة هذا بعمري ما شفت زلمة من عدنا لازمها وضحكاته ويه اخته بس اااخ من عادل جفتهم ضيعها وبدلها بغضب مع هذا عادل احترم وما تعارك ويه عادل...احترم صاحب البيت الي ما احترمه عادل ااه اشكد أحب حضورة يشبه ابوه حيلاجتنا امي رحت لأحضانها ..ضعفانة وحسيتها تعبانه -ماما متغيرة -اشلون ما اتغير واني اعرف اخوج بجهنم حمرة والله ليلي ما انامه بوستها وسألتني جبتو مسواك للثلاجة ام احمد- عيني انزعي عباتج وارتاحي خلصنا تنظيف و المسواك بيت ابوج مفتوح وبية نسوان تطبخ ، صعدت عاونتهن زينب كالت اروح اني خابرت اخوها ونزلت لابسة عباتها ورقية وراها... رقية من شافت رسلان لزمت زينب من عابتها -زينب لا تعوفيني! امي كامت الها بوستها وسلمت على زينب -وين رايحه يمة وكت عشة - لا خالة غير مرة انشالله تأخرنا وخطية مرتضى ينتظرني اشلون بيه گلبي كل ما يجي طاريه يكمز... ما قبلت زينب تظل وكانت صارمة بقرارها مو لينة اشوية حادة الظاهر بعدها حتى ما ناحيتي ما صافية شخصيتها مبينة صعبة ،طلعت واني وراها مرتضى جاي بالحديقة واكف عدلت شالي وحكمت شعري واباوع لل يباوع لحذائة و كفته جانبية واديه بجيوبة ومن طلع انطاني نظرة مدري حسيتها الي رغم هي عشوائية من سلم مودع الكل وطالع.... غرت من مدح بنات خوالي لشكله و الكاريزما والحضور القوي وهاي رسلان ما تسكت - هذا خطيب شهد الظاهر بالمستقبل شيخ هههههه اعيونه اجت تلزك بالكاع كثر ما مدنك هزيت ايدي هازئة ورحت وية امي ، اي هذا الواحد يبتوش مو بس يحذف الصورة لخاطرة مو استاذ عادل يبووو شجاب لجاب..رحت فدوة لخزرة اعيونه واجانة ياسر دخل علينا ب ١٠ بالليل اني عشر مرات خابرته وكلساع كان يكول اسماء المناطق الي يوصلهن اني واني بواجي ومحاضن .. ما انطينا مجال لام احمد تسلم ... امي وخرتني عنه وكالت -شصاير بيك ضعفان ومسمر وهاي اشبيه وجهك شنو مجروح شنو هذا الشخط ظلت تلزم بأديه -خو ماكو شي بيك يمه - مابيه شي لا تخافين ، باوع لرقية وهو حاضن متني بأيده - رقاوي اشلونج ... واكفة على صفحة مستحية وتضحك .. راح الها هو وحط ايده على متنها - اشلونج ام علي ! وتركها راح لجدي الي توه دخل جاي بنفس ملهوفة فاتح ذراعاته لياسر اخر رغم فترة علاقتهم كانت متوترة... واجو البعض من ولد خوالي سلمو و اخذوه لمضيف جدي يتعشة واحنه رحنه وراه كلها تباوع عليه وهو ولا مهتم ياكل كأنه صارله دهر ما ماكل وحده ويشرب من لبن بقرة بيبي رغم هو ما يحبه كان ام ياسر- يمة ياسر شنو مجوعيكم - شنو يمه عبالج اهناك هم عايشين احنه لا ابد حصرة علينا البيضة متغير حيل وجه بس يضحك و ملهوف على الكل لك حتى رسلان سلم عندة هناك موت واجه للحياة محب للكل ياسر-كلت جذب ارجع اشوف هلي هاي هي متت لو لا يجينا اسناد عمي الموت اهناك ببلاش شحجي الكم ابن عمي مصوب قبل شهر بغير فوج هو و وصل للموت.... لساعة ١٢ كال تعبان اريد انام طريقي طويل تكسرت من الكعدة .. رسلان - بات اهنا ونتريك مثل قبل سوة على خبز عمة بالتنور الطين عادل-اي عليك الله ياسر- انشالله بعد اسبوع هاي البيتة الي تردوها كيفت رسلان من ضحك بوجها لكنها تلاشت فرحتها من راح لمرتها حط ايدها جوة ايده - اليوم اخذ امريتي واروح لبيتي.. و اخذني اني هم من ايدي و طلعنا وامي ورانه • ياسر نزلت لهلي ما مصدك عافيتي بعدها بروحي شفت هلي ومريتي صايرة عدها بطن طفلة وحاملة طفل ذولي شلون ردت اعوفهم ..!خذيتها للغرفة و سديت انه الباب لانها فتت گلبي بطيئة وتضحك هالفطيرة - مشتاق حيييييل ترة مو عبالج تعبان - اني اني هم هم مشتاقة مشتاقة -جريتها وكعدتها على السرير حاضنها - انام على ايدج اليوم -هههه ميخالف ميخالف هههههه واقرأ الك الك أية الكرسي الكرسي حكيت شواربي - ميخالف....بس احجيلي اشلون اتنامين من دوني.....هم تفكرين برجوعي سكتت تضحك -انه تندمت اهواي.....يمكني ضوجتج بمزاجي و نومتي وحدي ظنيتيها كره لگربج...... بس هي غير شي........هي توابع من الطفولة..... الانسان من يوصل للموت الا يعيد كل حساباته انه حسيت بنفسي تجددت بهاي التجربة .... تجربة غير عن كل الي شفته بيها تفاني وعذاب و مواقف بطوليةيعني يعني انت انت تجددت توضيت مو ! - ! ضحكت لايم نفسي اشلون متعب فكرها المحدود وياي - ههههه انسي كل الي كلته وتعالي انه ناري موجرة واصلة لأخرها و بسرعة تحولت لرماد لان صارلي اهواي من محترك ومحد يطفيني اشهر ونمت وما صحيت الا وية اذان الضهر على صوت حركتها بالغرفة رجعت لداري ولبيتي والحياة رجعت بني ادم ءاهناك نشلع عاكول كمنا ونحركه نقلي عليه بيض خربان كمت اترحم على ايام بيض شهد! وبالي كله ويه رقية واشلون بيها ويه الطفل اهواي افكر بيها مثل ما يفكر الابو بأبنه مع الاسف عاطفتي كزوجة بدت تقل وتطغي مشاعر المسؤولية و العطف اكثر ، ملامحها بدث تثير عطفي والحب يتحول لأشياء ما مفهومة ، انه الصراحة اهناك بديت اعيد حساباتي ومن اجاني الموت ما فكرت غير بالولد وشهد اليوم زودتها بشكواها وبجيها كاعدين بالحديقة العصر على مرجوحتها - ياسر انذليت حسيت نفسي ماعندي اهل الله يخليك ابقى الي ماعندي غيرك لا تعذبني - منو ذلج ؟ - محد.....بس ابقى احس نفسي مهمشة لا ام لا اب لا اخ.....بوجودك بالبيت اني عندي اهل ، ياسر الله يخليك خلي الجهاد لناسها، انت الوحيد النا ، دمعت عيونها - ما كنت مرتاحة ببيت خالي كد ما هم زينين وياي وماخذه عليهم حسيت نفسي مثكلة....اريد بيتي حباب لا ترجع الله يخليك - ما اعرف انه جنت متراجع بس والله مو خوف من الموت فلا والله بس خايف اعليكم روحي بعدها ما زاهدة الدنيا وبس افكر بيكم انت ورقية -فكر حباب واتراجع وانت معذور....... وها صدوك خاف محد كال الك ترة احمد هو واخوه ناصر احتلو كاعك ودومهم بيها على العناد و بغيابك على كشي أستولو و وصلني كلام من اختك توبة رجلها يشوفهم نص الليل يجون لبيتنا مسوينه مجمع ليلي والله الي يعلم ليش بيتنا وشنو يسون همه وصديقهم اسمة شاكر المطيرجي عرفتة هذا معروف يمنا سكير قذر أيا احمد الدون ادخل السكارى لبيتي...! الظاهر تغافل جدي ولو جدي ما عاد يخوفك الظاهر - اشلون يدخل اكيد ماخذ نسخة مفتاح من امه سواء تدري بيه او لا - الا اكسر اعظامهم - اني ما كلت الك حتى هسة تكسر عظامهم اني كلت الك حتى اوصل الك الوضع شصير بينا بغيابك وانت ما ماخذ اقرار بكاع هذا البيت ،على المكاتبة بس شوف مستقبل ابنك او بتك تحلفت بهذا احمد الفاشل انه اله يجي وكته وانوشنة هسة خل اشوف حالي ومحتالي........ امي رادت ترجع لبيتها شفتها وحدها شايلة جنطتها ، شلتها الها - انه اوصلج - صدك يمة - اي اصعدي بسيارتي شغلتها و طلعنا لبيتهم قريب .. نزلت واباوع اله زين مبين امورة معدلة رجلها من واجهة بيتة نزلت وكفت كدامي -ما تدخل يمة - مرتاحة اهنا؟ - اي عمك جاسم خوش رجال -يلا ادخلي مو حلوة وكفتج هيج رجعت ما دخلت دارها رحت ،شفت اختي توبة و اختي الثانية ا واخذت عند كل وحده هالقاسمة الله لجهالهن تفرح الاخت بزيارة اهلها.. خابرت كوثر وانه بطريقي للبيت تتعذر وكامت تبجي - ارجعي كوثر لبيتج والج مني كلمة ما اطخج ... رجعتها للبيت ولكيت شهد ورقية ماهنه خابرت شهد كالت بالمزرعة مال جدي طلعنا نتمشى رقية اتريد اشوفها الورد ... •شهد طلعنا العصرية رقية تمشي وتباوع حواليها وتضحك - هاي شنو هاي شنو - هذا خباز بيبي زارعته هههههه تحبة ، تعالي نكعد اهناك كعدنا على كراسي الخوص -اشوية ونروح رقية لان تجمعات بنات خوالي اهنا كل يوم وما اريد نظل اكثر خاف يشوفنا -اي شو احس بوجع ببطني -امج كالت الي انت ما اتعرفين الوجع من التقلص او الريح ، عادي لا تخافين اكعدي واني اجيب الورد لحد عندج -اخاف اخاف -هههههه ارتاحي راجعة رحت قطفت ورد الها وانجرحت ايدي بشوكة .. - يبووو ارجع ذني كافي الها لكيتها كاعدة بمكانها بس يمها رسلان و امل بنات خوالي سألت نفسي اشبيها رقية مدنكه! من تقربت اتبين الي تبجي وهنة سكتن اول ما شافني اجيت - شكو اشبيكم وياها ؟ رسلان-وعليكم الشكو والرحمة كعدت كدامهن يم رقية - اشبيج رقية منو وياجامل- اكلج هاي دوم هيج مثل الطفل تبجي الله يعينكم بس كلت- كومي رقية نرجع للبيت كامت رقية وانطيتها الورد رسلان -هاي كل اللواكة حتى تاخذين اخوها درت بس وجهي عليهن - ما يخصج ..... رسلان- لو ادري على شنو هالتكبر انت و اخوج درت وجهي عنهن وكلت - والله مو مشكلتي اذا اشوفين نفسج صغيرة كدامي أمل- عيب هذا الكلام شهد نسيتي احنه صديقاتج رسلان -عوفيها عوفيها تلوگ لرقية واهلها اهل الشرف والعفة ضحكت ضحكة مسمومة ... التفتت عليهن - بس كافي الله الي يعلم شنو كلتو الها ومخليها تبجي ...... مو حرام عليكم البنت حامل ....... - كولشي ما سوينا بس كلنا الها الحقيقة -يا حقيقة كفونا شركم كولشي ما انريد منكم رسلان-حقيقة زينب ! زينب الي اتحب رجل اختها همست - زينب ! رقية -جذب جذب جذب خلت وركضت رقية وهي تبجي... - شنو هذا الكلام ..... وصلت بيج الدنائة هيج تحجين على البنات مو انت بنية مثلها رسلان - شهد بطلي فطارية....هذولي ضاحكات على ياسر خلو بتهم تحجي وياه وتحبه واتريده وانطوه ثانية وبينهم حب وغرام والله الي يعلم شنو مسوية بالولد خلته يهج امل - هذا الكلام متأكدات منه زينب وياسر بينهم علاقة لهسة والله الي يعلم من كان يروح الهم اشلون تطلع اله هاي زينب التعبانة -اش كافي ما اسمح لوحده اجيب طاري اخوية اشرف منكم كلكم عفتهن ورحت لبيتنا لكيت رقية بالهول تبجي وتخابر رقية- زينب شسوي شسوي يكولن عليج عليج كلام كلام مو حلو مو حلو حرام حرام وكفت طالعة روحي معرف ذني من يا طينة كلت لرقية - عوفج منهن لا تتأثرين بكلامهن اظن لان زينب ضاربتها هيج حبت تغيضج - زينب يعرفن انتي كنتِ كنتِ تحجين ويه ياسر يعرفن يعرفن -شنو رقية!؟ منو يحجي وية ياسر وشنو القضية سحبت التليفون منها بس تبجي كلت- زينب شجاي تحجي اختج وشنو القضية ؟ زينب- هو اني فهمت شي...اشبيها... رسلان شكايلة لرقية سمعت صوت يمها .. زينب- بعدين اخابر شهد وافهم اي مرتضى اجيت سديت الخط واني اسمع صوت مرتضى يصيح ! •زينب خابرتني رقية فلقت گلبي نصين وخوفتني ذني شنو يحجن عليه وكلشي ما فهمت ... دخل لغرفتي مرتضى وبصياح كال -زينب تعالي لفوك وراية شافني اتصل صاح بيه بصوت اعلى اجي وراه وطلع سديته وصعدت - ها -اكعدي اهنا اشر على سريرة كعدت وكف كدامي وحط تليفونه كدامي - هاي شنو اريد تفسير .....حسابج هذا لو مو حسابج؟ نشف الدم بعروگي و تخربطت مسيرة دگات گلبي .....انمردت روحي حتى الساني انشل واني اقرة واشوف جاحظة عيني ،سوادها يريد يفترق عن بياضها ....... سحبة عني وكال - شوفتها لفاطمة قبلج واعرف كلشي ترة رجفت بعدني ما ناطقة ضربني كف لوى رگبتي لوي ! يتبع .... التعديل الأخير تم بواسطة فيتامين سي ; 27-07-19 الساعة 02:19 PM | ||||||||
|
| |
|
26-07-19, 03:28 AM
| #18 | ||||||||
| مراقبة عامة ومشرفة منتدى الروايات المنقولة
| #شيخ_الشباب الفصل ١٦ صباح الورد لقد سافر الحلم قاطرة والشبابيك لا تنتهي والوداع استمر سيدتي جميع الشرفاء في هذه الأمة أغراب -مظفر النواب •مرتضى بمكتبي بنهاية الدوام كاعد ، واجتني رسالة على الخط فتحتها لأنها من رقم غريب - افتح مراسلة الماسنجر مالتك ، شهد شهد اخت ياسر؟ تطلب تحجي وياي بس شعجب بادرت ماعجبني التصرف لكن دخلت فتحت المراسلات وشفت رسائل من شهد تسجيل صوتي - اشلونك عيوني شسوي ما اسوي! و بعدها رسالة مكتوبة ...... - اشلونك مرتضى رد وراها عندي موضوع مهم رد هاي من البارحة واليوم دزت من رقم افتح الرسائل الا شفتهم رديت كتابة - اهلا - اريد اكولك موضوع مهم حيل - اتفضلي ، امر خدمة... -ديربالك على اختك زينب - !! - اختك اشوية بعدها صغيرة بس والله من خوفي عليها وعلى اخوية راسلتك.. ما رديت.....مدة دقايق وهي رجعت راسلت - راح اسولف الك واراويك بعينك بس الله عليك اوعدني ما تأذي اختك .. هم ما رديت .. هي رسلت صور محادثات انتبهت للراسل والمرسل صورة ماسنجر اختي فاطمة و حساب زينب الي اتهكر ملتقطة صور للمحادثة ودزتها الي {زينب - فاطمة بعدني مختنكة من خطبتي من عماد اخاف صدك كلامج واظل اقارن بين عماد وياسر فاطمة - هاي نتيجة تصرفاتج الصبيانية ظليتي تراسلين ياسر منا من استغفر الله انسي زينب الرجال صار خطيبج واخوج خوش شرط عليه اليوم } ظلت ترسل الي محادثات ، تاريخهم قديم مبين ، كله يدل زينب اختي عدها علاقة وية ياسر - شنو هذا الكلام شهد هاي المحادثات حقيقية وشجابها الج -كنت شاكة بيهم و هكرت حساب اختك طلع اخوية ماله علاقة بس هي تراسلة ولازكه اله لساها وبعدها بس حذفت المحادثات الي بينهم طلعت من الدوام لبيت فاطمة لكيت رجلها نايم استوة فاطمة -اكعد محمد واجيك - لا اكعدي -طلعي الاطفال عندي وياج كلام .. طلعتهم من الصالة لغرفهم ورجعت الي - شكو مرتضى وكعت گلبي طلعت تليفون وشوفتها كل رسائل شهد الي... سولفت الي السالفة فاطمة لأن اني ما مستوعب كلام شهد سألتها- اااخ الغبرة اشلون هيج اسوي وياسر ما حس بتغير بعد الزواج - حس ورجعها و زعل ابوك بيوم سابعها - وبعدين - خابرته توسلت اله يرجعها لا يفضح ابوية يكولون عليه الناس خدع ياسر ..رجعها ولهذا يومك قبل بيها ورضى بنصيبة - وزينب - احلف الك بضلع الزهراء ما بنيتها او بگلبها شي ناحية رجل أختها ..هي اشوية بس بأول ايام خطوبتها من خلف عماد كلمته ضاجت منه وظلت تقارن ضعفة و احباطة برجل اختها وهذا شي عادي اي وحده تقارن وية الرجال الي حولها اذا ما مقتنعة بخطيبها وهاي المحادثات مقصوصة مو كل الكلام مبين منها هذي شهد حقيرة حيل شنو من وساخة دماغ عليها، اصلا زينب مكانت تحجي بهذا الموضوع اني الي فتحته بس هي باترة المحادثة وهذا الكلام قديم حيل لزمت ايدي تترجاني .- والله هذا الكلام قديم البنية صارت هسة اتموت على خطيبها و اصفت نيتها اتجاه اختيارها وخرت ايدها وطلعت للبيت.....مغلول كل هاي الامورة اصير واني مالي علم ياسر يدري يا صغر وجهي كدامة دخت وراسي راح ينفجر من تصرف اختي الغبي و شهد الي طلعت غير شي اسلوبها مال وحده استغفر ما مخلية احد ما مصاحبته بحيث اجتني اسولف وياي مثل واحد تعرفة و صاحبها سهلة المختصر...واسلوبها خبيث دخلت لمطعم شعبي ، تغديت رحت زرت حيل مختنك رجعت للبيت و ضربتها - حالف ما اضربج من ذاك اليوم ورجعتي تغابيتي شدخلج بينهم هااا شوفي الكلام الي راح اطلعة اخته عليج - يا كلام شنو صاير مرتضى والله ما فاهمة شي وهاي المحادثة شنو والله قديمة وفاطمة مسولفه الك يعني تدري بيه والله مو هيج .. انطيتها التليفون اتكلب بمحادثتي ويه شهد وتبجي.... - عزة والله هاي المحادثات جايتك بأسلوب اني وحده مو زينة بس مو هيج هاي مكصوصة مو كامل الكلام خمس سكرينات الي احجي عن غلطتي وفاطمه تلوم بيه هاي ببداية الخطبة والله جنت ضايجة من عماد واحجي علية هسة تغير كلشي واكو كومه كلام بعدها مبين السالفه مو احب ياسر ومبين القصة كلها بس ما راسلة شهد غير ذني هاي حقيرة .. طردتها من غرفتي .. •زينب نزلت وايدي على خدي....خجلانه من نفسي وزعلانه من نفسي على نفسي كلام خاص اخوية شافه.....اه بس والله ببداية خطوبتي اول ايام كان عماد مزعلني و فاطمة الي فتحت سالفة ياسر مو اني....حوار خوات.... اااه شهد شنو من بشر انت تدخلين على خصوصيتي وتهكرين حسابي وهيج اسوين بيه... قضيتها ليلتها حزن و ضوجة والحسرة نايمة على صدري مكدرت انام لوجه الفجر، الصبح اجيت اتصل بشهد وهونت هاي طلعت وحدة تخوف لا تروح تأذي رقية يمها خفت وما اتصلت لخاطر رقية يومين .. كالت ماما اجه عماد كال اصيح الج طبعا ماما درت بسالفة شهد ولامتنا بگولها:- كلت الكم ما مرتاحه الها هاي شفتو شنو سوت يومين مرتضى وما اراويه وجهي ولا اظن طايقني غسلت وجهي ومشطت شعري وطلعت لعماد امي اشوية وكامت عنا اني اتقربت كعدت يمه - وينك ليش ما تجينا هليام - مشغول - واتصالاتي ؟ما اجتك فرصة خمس دقايق ترد عليها زين رسائلي !؟ - شسوين تحجين وياي اخاف احبطج بسلبيتي ؟ - شنو اشبيك حبيبي احس اكو شي صاير انت بلب انشغالك تتواصل وياي ما بيوم كدرت تغفى الا على صوت انفاسي ! طلع تليفونه وحط كدامي نفس المحادثات وبعد اكثر .. انوب اكو مرات اشاقه وية فاطمه شقة خوات هي اصنف على سوالف زوجها واني هم مصفنة على سوالفه بس ما مرسول اله غير كلامي عليه - شنو هاي شنو هاي - رسائلك وكلامك عني - عماد منين اجاك هذا الكلام من يا مخربة شهد مو ؟ - زهراء -بت عمي ابو كرار؟ - اي زميلة لشهد بغير قسم زهراء لو نسيتي -بس هي ما عدها معرفة بيها حتى قبل الخطبة ماتدري بيها بت عمي وكلش مو هلكد وياهن اشجابها عليها ! - زينب عوفج من هذا الكلام.... اذا مستصغرتني ليش قبلتي بيه ؟ - يمعود والله هذا الكلام قديم والله ببداية خطبتنا من غيرت رأيك - وهذا جديد باوعي حط كدام عيوني كلامي عنه لفاطمه مال اثكل وهاي السوالف مثلا خل يولي خليه يتصل ومار اني اتعزز عليه الزلم دواها الثكل ! تعمدت اكذب عليه اكله تعبانه مالي خلك ههههه - شقة والله مو جد هيج اهنبل والله شقة خوات - مو مهم كله عندي مو مهم - اذا مو مهم عندك ليش صارلك ايام مختفي عني - سمعتج الي احاول افهم شي عنها ... سمعتج طشت بعشريتنا كلها تحجي بيها الا انتو! رفعتلة تك حاجب أسال - اسم الله اشبيها سمعتي -سمعتج واشاعات عنج انج مصادقة رجل اختج بلعت قسوة كلامه وسألت بصوت متحشرج -وانت صدكت - ما صدكت ا الا من شفت كلامج عليه.. وكلام اخته عنج - لا لا قديم والله والسالفه مو هيج والله - سالفه كلامج عليه اذا قديمة اسامحج عليها بس قصتج ويه رجل اختج شسامح ؟ - لا والله ما بينا شي مجرد اساعد رقية يعني هي تحجي وياه واني بس ا رفع تليفونه كدامي وحط سكرين الي فاطمة كايلة - وكحة محمد من نهد ما اخذتي رسالة من ياسر اخذمنج موقف جريئة ورعنه تذكرت هاي المحادثة عاتبتها ليش يكرهني محمد كالت من وقت سالفة الرسالة مال ياسر بيوم قلع السن مالته عنده اني مو صغيره وكحة و رعنة ... الكلام هذا كله عند عماد و قصة اخذي لرسائل ياسر شهكت وظليت ابجي شدافع وشنو احجي كلام خاص انفضحت بيه كدام بنات عمي الي يتخبلن مني سحب تليفونه -كلامي ويه عمي لزمته من ايده - لا عفية ابوية لا يدري سالفه الرسايل والله جنت طفلة وهو مراهق ولعبة لا أكثر اندار عليه وضربني كف - واتكوليها واني عبالي بنية ماعندج سوالف تعبانه ويه منو رجل اختج واشلون اخذ اختج وهو عنده ماضي وياج عافني ابجي بحرگتي ... و اكول مو صدك هذا حلم شنو هاي السوالف قديمه ومنسية شذكره بيها الزمن دارها عليه قفلت على نفسي غرفتي لا هسة زعلان منج زينب يوم ويرجع طبيعي اه ضربني.....ضربني بس حقة اي ولج الرسايل تخبل الواحد اني هم خفت ما نطقت الرسايل لاختي كلبة منج لله انشالله حوبتي ما تتعداج لليل اسمع كلام بابا وعصبي ومرتضى وامي تبجي ...... اني حبست نفسي مجنت ادري شصيرر بعدين الا عرفت من طالع عماد امي طالعه وراه شايفته عصبي وراها امه ماخبرة امي تجيها راحت الها واتكول الها ماكو قسمة خل نفسخ الخطبة ابني راح يتخبل صارلة ايام ما نعرف اشبيه تاليها من طشت سالفة بتج بلسون العشيرة اني كلته يفسخ ويرتاح امي كلشي ما تدري ...مرت عمي كالت الها الاشاعة الي طاشة بلسون النسوان و واصلة الرجال بت الشيخ عدها علاقه سابقة ويه رجل اختها من ورة اهلها واثاري السكرينات انتشرت بالتليفونات بين الاقارب و تحت شعار اكلج شفتي بت المومن شسوت اكلج وعليج الله لا تكولين والحلفان عدنا مثل خوط الشكر بالجاي ماكو اسهل من تذويبة ونسيانه انتشرت بين عشيرتنا اشاعات عني بابا احتار بامي وما يدري عن الاشاعات شي كانت من اقسى ايام حياتي تمنيت الله يلطف بيه وما يخسرني امي الي شكل السكر وياها صعد لل٦٠٠ مرة وحده ضربناها الأنسولين نزلناه حتى جهة امي صار عدها علم عن الاشاعة .. اخوية يدري بحقيقة الامر بس شنو بيده يسوي الي ، ابد ما بالغ بأي كلمة دا اكتبة هسة اذا اكول الكم صار تهويل للأمر لدرجة سوني ادخل ياسر للبيت بغايب الاهل....و ضربني بوري حب أختي الي من اهل الله واخذها. وعافني وحماتي كشفتني اني بهاي الاحداث مثل الطفل الصغير الي ماتت امه وما مستوعب الامر بالضبط.... لحد ما قرر مرتضى يروح لياسر ويخلي حد لشهد الي شوهت سمعتي صارت بالوحل والحقيره حتى سمعة اخوها لوثتها ليش هيج سوت ما فهمت امي اتكول اتريد تخرب زواج رقية راح مرتضى ورجع وكال اتكلمت ويه ياسر وسولفت اله سوالفه اخته بيوم اني سويت عشة الهم ورحت لغرفتي ما اشتهي الهوى ما اشتهي شي غير الستر ...بكل لحظه يدخل واحد من اهلي احسة راح يكتلني ... سمعت صوت بابا بالهول يصيح الي وعلى صوته نزل مرتضى و امي ومقتدى -ها بابا ارجف كدامه - ابن عمج طلكج ! حطيت ايدي على گلبي حسيته راح ينفجر بين اضلوعي وفركت صدري اخفف صعوبة دكاته - بتي اني يطلع عليها حجي تدرون وين كنت اني ! امي- طلكها الاغم ما بيه حظ ابوية- اي طلكها و تدرين وين كنت اني مرتضى- وين بوية - اخوتي التمو وحجولي عن الاشاعات الي طلعت عن بتي يباوع عليه بقهر ويحجي اتقرب مني - ابو كرار و ابو عماد توسلو من طاحو على صفحة حتى عماد يكمل الزواج ما رضى .... رضى ياخذج - ش شنو بابا والله اني اني ممسوية شي غير انت الي تدري بيه والله بابا نزع عمامته وذبها على القنفة بابا- الناس اتكول ماكو دخان من غير نار منو نشر هذا الكلام عنج ... - شهد الكلبة شهد والله وصلتها لبنات عمي كل دموع الي بجيتها بحياتي ما تضاهي دموعي الليلة.....بيها حيل يوكع وياها اخابر و اتصل بيه ما يرد. رسلت اله - لا تأكد كلام الناس خرسهم انت بيدك تسترني احلفك بحبك الي ارجع ..... مو دوم انت اتكول ابن عمج شيال همج .... كلشي ما اريد منك والله كل احلامي انت......انت صرت اقرب الي من انفاسي لا تموتني الله عليك .. .. ابوية راح لياسر وانطاه كلام بالعظم اله حتى يكف شر اخته عنه ويوصل اله لوين وصلنا كلامها بس ما رجع رقية لا يثبت الكلام علينا رحت اله بغرفته ... هذا الكلام بعد ايام من طلاكي ايام واني اترس برامج تواصل عماد رسائل شفته كاعد كدام سجادته.. - بابا انت تدري بيه مظلومة باوع الي بنظرات خفيفة ونزل راسه يسبح - بوية راح اموت والله ابوس ايدك ارضى عني انحنيت عليها بستها ...ربت على راسي وابعده عن ايده - بوية اني مفرفحة دموعي خلصت والحركة والخنكة الي بصدري تكبت انفاسي.. همست بتعب تعبت بوية واحس گلبي يوجعني يوجعني حيل....! فتحت عيوني لكيت نفسي بغرفة امي على سريرها ... وما افهم كلامهم . لمحت مرتضى بملامح مبهمة مو واضحة الي رفعني عن السرير كدرت اميز صوت امي بس من بين كل الاصوات بعدها رجعت غفيت فتحت على سكف ابيض حسيت شي على خشمي محطوط بس دا ينطيني نفس . ايدي ثكيلة والساني اثكل ... بعدها فحصني طبيب ، حسيت بيهم نقلوني من هاي الغرفة الي كلها أجهزة الى ثانية بيني وبين المريض الثاني بردة و كانونة مشكلة بأيدي وصلت بيها الي مغذي وشفت امي اجتني مكانت مبوشة وفاطمه وياها نزعني ملابس المستشفى ولبسني ثوب و حجاب وغطني وامي كعدت يمي على السرير. وراسي وعلى صدرها فاطمة - حمدلله على السلامة -هيج يمة اتفرفحين روحي عليج فاطمة- يمة لا تبجين كدامها هاي هي مثل الورد - يمة بس كومي النا والله ياخذ حقج من الي اسبب نمت خاوية حيل ... اثاريني بهذا العمر بدل بدلة العرس لبست الموت ما اتحملت ايام كنت احس بألم بگلبي وضيق تنفس ودوخة و تعرق ملحوظ اثاري هذي ذبحة صدرية ...رحت لابوية و نمت على ايده وما صحيت الا اليوم كالو ما فتحتي عينج ابد بالبيت اثاري روحي الي حست بيهم من طلعوني وشالني مرتضى اني مالي عين انفتحت اصلا ودخلت بنوبة قلبية طلعت اضعف بهواي من ما أتخيلت ولو الي انقذفت بيه اغلى شي يملكه الشخص ما اعتقد الانسان الشريف يتحمل....سمعتة تتلوث ، حتى بعد ما طلعت خوف اهلي ما كدر يسد فتحات الحزن بداخلي...حبي لعماد وصدمتي بتركه الي اثرهم قوي حبيته بأشهر خطوبتي حب قلع روحي من فشل وراح ، بغرفتي مطروحة وامي راحت للمطبخ بعد ما وكلتني العشا كم لكمة غصبا عني .. دخل والدي - اشلون صرتي بوية وكف يمي حاولت اعدل من نومتي -ظلي مرتاحة لا تكومين بعدج صغيره على النوبات والوكعات .. لكن لله الحمد على كل حال ركزي بصلاتج ودعائج حتى اطلعين من هاي الشدة بخير وسلامة.... الي عافج قسمة ربج واحسن الج....المواقف تبين معدن الناس....والرجال الي يوكف بوجه الريح لخاطر عائلته مو هذا من اول هزة يعوفج ويشرد.....لو طالعه هاي الاشاعة بعد الزواج وبيدج طفل جان تعذبتي اكثر الحمدلله من بعدنا على البر حتى القريب ما معروف اصل عملة المواقف هي الوحيدة الي اتبين الناس - والسالفة بابا الي طشت عني بين الناس اذيتكم اني ياريت من صدك ميتة ومخلصتكم سكت للحظات الا جاوب - ايام وتحتار بحدث ثاني.. طول عمري مبتعد عنهم وباعد امج عن التجمعات اعرف العشائر ما تجي منها غير القالات والاثم اني اعرف بكلشي واعرف رباتي هي سالفة مراسلتج بفترة الخطوبة تهولت لشي اكبر هاي الغلطة ما اكدر طول العمر احطها خيط اخنج بيه الله يهدي الناس و يهدينا احنه ناس لا النا طبة او طلعة يمكن كنتي اتلوميني من باعدكم بس هي والله اسلم طريقة ما بينا غير صلة الرحم سلام وسؤال كنت مدنكة ما اباوع اله حاسة بالذنب والخجل حتى مصاريف المستشفى الاهلي حاسة بالذنب وسهرهم وقلقهم انحنى عليه و باسني من خدي لاحت لحيتة خدي ريحة ،ريحة تنبع حنية و حب، اتمنيت احظنه بس استحي منه •شهد كاعدة بغرفتي و اللابتوب كدامي مطلعة مصادر و اقرأ .. باب غرفتي اندفر لدرجة خرعتني حطيت ايدي على صدري... بعدني ما ناطقة ومعبرة عن استغرابي من دخلته عليه هيج ... جرني من شعري - اييي ياسر شنو اشبيك .... لزم وجهي حسيت فكي بيه براغي وراح تنفتح بأدية عفصني عفص و شمرني على الارض ودفرني برجلة على خاصرتي ... - اي ياسر .. كلتها واني ابجي ميتة خوف - ليش هيج سويتي كلبة شبعني راشديات بحيث حسيت أسناني راح تتكسر من قوتها ... دخلت رقية على قوة بجيي - عوفها عوفها ... ما اهتم ونزل بيه ضرب بعمري ما توقعت بيوم انضربة .. - اتفضحين ببت الواد كلبة بصياح اني اتكومت بمكاني نايمة و حاضنه ركبي وارعش ..... هو توقف عن الضرب وبس يصيح - اشلون اجتج جرئة ادخلين ادكين سوالف وية الرجال لزمني من شعري - طيحتي حظي وكسرتي عيني كدامة... ولج شنو اني مربي حية .....هاااا حياية كوثر واكفه يم الباب وتكوله عوفها تخاف توصله كوثر - يعني شسوت واشبيه هذا اخو مرتك شكالك وهيج اجيت عليها -كال الي سواد وجه ...داخله للرجال مشوفتة كلام على اخته وموصله اله اشياء عنها ياريت على هيج وبس داخلة لرجل المرة و مشهرة بالبنية راح تطلك بسببها طلع من الغرفة بس يغلط ... اجتني رقية تكومني صيحت - عووووفيني عوفيني ولن منا ولن كمت ابجي بهستريا - الكلب الحقير اكرهك مرتضى اموت منك اكرهك ياسر اكرهكم كلكم ولن منا ولللن كمت اضرب برجليه ما مخليه وحده منهن تتقرب مني .... كمت ودفعت كوثر تطلع ورقية خافت طلعت .. سديت الباب و جهي عليها وحاضنتها وابجي خابرت زينب ..ما ردت الصبح .. جعت وعندي امتحان طلعت تريكت ورحت للدوام من رجعت لكيتني رقية رقية- شهودة اشلونج ما جاوبتها ورحت لكوثر لكيتها بغرفتها ويه اطفالها - كوثر هذا مرتضى شكال البارحه لياسر وشنو القصة سولفت الي .. وظلت اتلوم بيه - هيي انت شتلومين بيه منو مراسل هذا مرتضى ومنو داخلة خاص لج اني؟ - اي لعد اني انصدمت بنفسي رحت صعدت لغرفة رقية سحبت فونها ما بيه رمز لان صعب عليها فتحه ما بيه ارقام فقط اخوتها واحنه اخذت رقم زينب مكان عندي بس ماسنجرها كان دكيت هم ما ردت دكيت على مرتضى .. رد واجاني صوته -الو الو منو وياي الو - وياك الو وياك -شهد! - شنو هذا الكلام الي كايله عني هاااا اني يمتى واصل الك وحاجية وياك ليش هيج اتكول - شهد شنو اني يعني اتبلى عليج انت دمرتي مستقبل البنية مو شغلة صغيرة ونسكت عنها ما توقعت توصليها لخطيبها - يا بنية لا اجنني اني ما حاجيه على اختك والكلام الي طلع عنها والله ما ادري بيه غير من ياسر من ضربني -ضربج! اجرم بيه وبسببك كلتها بگلبي بكيت - اني شسويت الك ! كولي شسويت والله ما حاجيه وياك سد الاتصال واجتني رسائل على الماسنجر .منه وكانما حاجيه وياه كبل طلعت رسائلة دزلي مقطع صوتي فتحته وشهكت هذا صوتي اني وسكرن كلام وياه ومن صفحتي وكع التليفون من ايدي ممستوعبة الي يصير وياي ، يومين اتهرب من ياسر وما فاهمة شي واجانه ابوها وسمعت حديثة عليه لان شهرت على بنته السالفة كبيرة ياربي مو شغلة تبلي من زينب عليه البنية انفسخت خطبتها شصاير ..اني ما مراسلة احد والله ما مراسلة وبت عمها زهراء اني وياها مابينا كلام اشلون اراسلها شجيب باجر ياربي صارلي يومين اريد التقي بيها ما اصير الي فرصة وتليفوني دز كوثر ياسر انوخذ مني ما اعرف عرف شي عن اتصالي ويه مرتضى لو من وحده رحت للكافتريا متعمده وشفتها لبت عمها لرقية واخيرا... رحت عليها صبحت و استأذنت منها كلمتين وسالتها اني يمتى حاجيه وياها وشنو قضية زينب ضحكت وكالت هذا كلامج وياي راوتني واخر شي اني كايله الها حبابه اخوية عرف لا تتواصلين بعد وياي كل محادثاتي وياها الوقت نص الليل اني بهذا الوقت غركانه بالنوم من ساعات ! جنيت اريد اندل دربي بعد ما اشوف الي كدامي مدري اشلون اخذت تكسي ورجعت للبيت .. ايام واني افكر وافكر عقلي راح ينشال من مكانه حتى شكيت بنفسي.. واجانه خبر ان زينب بالمستشفى واكعة بنوبة قلبية ! ياربي الشغلة كبيرة كبيرة بيها حياة انسانة اشكد صعبين عائلتها وهي نفسها صعبة وهيج تطلع عليها اشاعة عمي حقها ، ليش هي كبروها هي مجرد تساعد اختها وسالفة وراحت هاي شي حقير من ناس ما تخاف ربها ، بيوم الي طلعت زينب من المستشفى ياسر اخذ رقية الهم من الصبح.. اجتني كوثر لغرفتي - اكلج هاي ياسر راح الهم اشلون راح يراويهم وجه -ليش هو شنو مسوي .. مو سولف الج كلشي ما مسوي مجرد زينب اساعد اختها بكتابة رسايل يعني شغله تافهه وفاكسة وهو ماله ذنب بيها - شهد اكو لعبة جاي تحاك ما دري شاكه بشي اني - لعبتيش اني كلشي ما فاهمة - ما ادري بس اليوم من كلت لرسلان اخر الاخبار -ليش رحتي الهن ذني - اشوف بيبي شنو عيني بيت جدنا ترة مو بيتهم وهاي رسلان من كلت الهم خبر زينب شهكت قاطعتها -شهرتي بالبنية عزة -لا والله ما كلت شي عنها هذا الشي يضر ياسر اشبيه خوثه بس كلت الها البنية واصلة للموت شو ضربت صدرها وجه انكلب الوان ما ادري يا شهد حاسة هي ورة اللعبة - شنو رسلان رسلان رسلان وين جانت عن بالي بس هي شعرفها ! وهم هاي سالفة اعراض كبيرة ما توصل بيها هيج اسوي -ما ادري والله -بس اوكفي اوكفي رسلان هي الي سوت حسابي وتدري بيه حاطه مواليدي رمزي اي والله وتكدر تدخله بكل سهولة عادي احنه كنا الروح بالروح وتخاربنا وهاي السالفة ما طلعت الا بعد ما تحاربنا -لج كوثر هاي رسلان الي داخله لمرتضى ولبنات عم زينب حتى المقطع الصوتي سمعته اهواي اعتقد هذا راسلته اني صح لو لخليل او لياسر بس ما اذكر اشوكت اي اني اشكد غبية هنه هي واختها استغلت فترة أمتحاناتي وبنص الليالي تدخل تخرب هنه مهكرات حساب زينب....رسلان اكبر هكر تعرف بهاي السوالف هكرت صديقتها مرة واكيد اخذت رقم مرتضى واي شي تريده من حساب زينب ولعبت لعبتها عليه ايا كلبة حقيره لازم اكول لياسر ، عنها كوثر- لا ولج اذا كلتي لياسر يذبحها لج ياسر متحلف بيج يريد يكتلج خلاص باليوم الي اتخربطت زينب والله هد عليج بالسكين واني بالكوة وخرتها عنه لحد هسة ممصدك وعنده شك انت صادقه وكلشي ما مسوية صح بس من جاي على اخره ماعندج مبرر او دليل -اكله واقطع شكه بالقين لعد اظل اني بنظرة الحقيره - لج ذني يخوفن لا يبلنا بشي ما ينكدر عليهن - كوثر ويعني شنو اسكت -مؤقتا يا عيني نفهم السالفة ونتأكد منها سمعنا صوت خطوات وكلام ياسر ويه رقية بت كوثر طلعت وكوثر ورايه كوثر-لج شهد شكلنا اسكتي - ياسر دار وجه وراد يروح - انتظر ترة اني ممسوية شي و روح بابا ما مسوية شي ، هاي رسلان داخلة لحسابي.....اني وين اعرف اهكر وحساب ما اعرف اسوي......هي سوت الي حسابي وهي هكرت حساب زينب صدكني ياسر لازم المحجر ويباوع عليه - ورقم مرتضى ! شسوي يمج؟ - ها !! - شهد ما اثق بيج ولا بأختج ولا باي وحده منكم......كل يوم سالفة منكم جديدة - و الله مو اني ياسر صدكني مو اني عافني وصعد لفوك - كوثر ما صدكني .. كوثر كالت عوفيها عليه السالفة اني اكشفها. ، مرن يومين وهي كلشي مسوت.....من سمعت من كوثر ياسر كايل الها قبل لا يروح للشغل، رقية يرجعها اخوها اليوم الدم فار بعروقي ورحت طلعت لبيت جدي متحلفة برسلان اريد اكشف الحقيقة بأسرع وقت ،سألت عنها كالن فوك بغرفتها صعدت الها ودخلت كانت مطروحة ومكنكة - ها شهودة يمنا زين وتنازل القمر ينزل لمستوانا - صرت اشوفج شيطان مو بشر....انت الي مهكرة حساب زينب وانت ورة كل هاي الخرايب - يا زينب ؟ - حقيره و نذلة وكفتلي -كافي عاد زودتيها ترة منو يمها زينب واشبيها - اذا ما اكشفج واخلي ياسر يدمرج ما اسمى شهد دفعتها عني لان اتقربت حيل مني...رجعت للخلف ورجعت عليه ضربتني كف -اه ولزمتني من شعري - دلوعة ماما السانج ابترة اذا تجرأتي عليه مرة ثانية ويلا برة دفعتني مطلعتني من غرفتها وسدت الباب بوجهي رجعت للبيت متروسة دموع دخلت وشفت رقية بنص الحديقة و مرتضى حط الها جنطتها و التفت يريد يرجع يطلع شافوني خدي كان حامي من شفته وياها رحت كدامه وكفت مثل الي يهمش بادية بنص البحر وما يعرف يسبح ماعندي دليل على كلامي وكلت ببجي ضعيف - والله مو اني هاي رسلان ماخذه حسابي مو اني مو اني شفته من بين غواش عيوني بسبب الدموع مدنك وساكت دخلت للهول كعدت ،حسيت باليتم القوي اكو ادين تمسح بضهري رفعت راسي لانها رقية - رقية والله مو اني مو اني -اي اي مصدكة مصدكه لا تبجين لا تبجين ترى اني اني هم هم ابجي ابجي - اييي رقية محد يرضى يصدكني محد - اني اني مصدكة مصدكة - والله رسلان مو اني - ال الله يهديها - كولي الله ياخذها الله يدمرها مثل ما دمرتنا -ها -ادعي عليها رقية ادعي عليها بلكت تنهد - حرام بابا كال ظليت ابجي ورقية تواسيني ببوساتها الي ... حسيت العالم كلة اضعف من انه يتحمل شعوري ومرارة قهري •زينب صليت و رحت لعلاجي اخذته....وطلعت للحديقة اتنفس افرك حرگة صدري اجتني امي -شسوين يمة اهنا - مليت من الغرفة -هاج هذا تليفونج اخذته منها ... وراحت امي ...اقلب بيه ..دخلت للفيس متغير بأسمي وجديد بأسم زينب حسن ! -زنوبة شسوين اهنا - فاطمة هذا شنو مغيرين حسابي ليش - غير مرتضى الحساب و غير خطج هاي هي زنوبة صفحة وانطوت - فاطمة ليش هيج....كلها فترة ويرجعلي عماد - الي يسمع كلام نسوان ويمشي وراهن لا تصدكين يرضى بيه ابوية بعد -فاطمة ما يصير لازم ارجع اله كعدت يمي على الصبة وجوانه الزرع والثيل بين رجلينا صار - ليش انخلقتي اله قابل! مو اول ولا اخر وحده تفسخ واصير وياها مشاكل زينب ...اعرفج اقوى من هيج دمعت -حبيته فاطمة حبيته حيل - دكومي لا تحركين بكلبج ولا تبجين هيج مو زين عليج عفية هسة اجت بسيطة بس الجايات اخطر عندج ذبحة باي وقت تتحول نوبة علينا ، جرت كفي على كيفها ونزعتني الحلقة الي بايدي عديتهن كلهن سوة ضيمي وتـعبي وكسرت واهسي وكسرت الجنحان وكل ذني لعيونك مــضن وصدكني ولن و أنـــــسن يلشوفتك ظحكت وطــن صورة انت بس تختـلف ما ترهم على الحـــيطان يتبع | ||||||||
|
| |
|
28-07-19, 11:26 PM
| #19 | ||||||||
| مراقبة عامة ومشرفة منتدى الروايات المنقولة
| #شيخ_الشباب #من_كتابات_زهراء_العراقية #الفصل ١٧ يامعودين اهلنه ! الگاع ضيجه من عگب?م ماتسع حچام تنام العين ، چي تعبانه مني ومن نفسها تنام ول? ردوا .... حنيني ايگعد الميت وحشتي اتطلع بليل الشته شمس الربيع أيام عين الماتشوف احبابها الحلوين ما هي عين ولاهي تشوف .. ولاهي بعميه ولاهي تنام -مظفر النواب • زينب -جيبيها فاطمة رجعيها - ابوية كال نذبها عليهم ما يقبل تظل عندج......شعندج لابستها -لا عفية رجعيها الي - بعد الخطبة انفسخت شسوين بيها يا امي حطتها جوة باطن ايدها فاطمة كأنها قطعة من جسمي مو حلقة - كومي زينب اهنا حشرات تكرصج نملة لو نحلة كمت وياها ورحت لغرفتي.... رحت لكنتوري لخانه حاطه بيها غراضي دورت على بوكس هدية من عماد ماهو على وردة حمرة كبيرة هم ماهي .. ظليت اهبد عليهن ودموعي اتسرسبت .. فتحت الخانه الثانية الجبة ماهي - وينهن وينهن ليش اخذوهن ، كان عافوهن الي والله اريدهن بعدني عندي أمل قوي بلكت يتندم ويرجع ادري بيه راح يرجع ! ظليت ابجي عليهن وحدي الى ان تعبت و سكتت وحدي ..ضميت الملابس وانطرحت بسريري .. ، اليوم اعتقد بيت فاطمة يتعشون يمنا وبعدين ياخذ محمد اولاده الكبار ويروح للبيت يعوف فاطمة و الصغار يمنا باقين ،هي مالية علية الغرفة ما تخليني وحدي تاخذني افكاري للجحيم .. رن تليفونها ... اجت من المطبخ وردت عليه - الو هلا ام لرقية سكتت اشوية فاطمة تسمع الطرف الثاني بعدين كالت - ام رقية على سواية اختج ناس غيرنا يسون كعدة بيها وغير كلام ، بس احنه لخاطر رقية ولخاطر ندري بأخلاق ياسر وخلينا اله اعتبار والا السالفة كبيرة كبيرة حيل ترة واحنه متانين البنية تتحسن والنا كلام ثاني وياكم ما اعرف شنو تحجي كوثر بس فاطمة اسمع - اتحلفين يا ام رقية!! عندج أطفال خافي.... سكتت اعتقد ذيج قاطعتها - وصلت بتنا للموت ثقي بالله بابا ترك رقية يمكم حتى بس لا يثبت التهمة على زينب وياسر والا سواية شهد ترة.... خليني اكمل ام رقية ام رقية لا تحلفين خليني اكمل..... اختي لا تحلفين ترة الگلب شايل ومليان منكم و خاصة انت من وقت سالفة ترجيع ياسر لرقية بيوم السابع ونكرانج لكلام امي سوء فهم ؟ ام رقية بس اسمعي زين يلا اتفضلي احجي انت يا رقم شنو اي اي ميخالف راح اسأل مرتضى ميخالف راح أساله واذا عنده اجيبه الج خلصت المكالمة -شنو فاطمة شتريد منج هاي - تحلف شهد كلشي ما مسوية ما خلتني احجي بحلفانها بس لو اعرف شنو استفادت شهد -اعتقد لأن ضربت رسلان ما ادري يمكن شايلة علية - شو هسة هاي كوثر هم جابت طاري رسلان تحلف مو شهد الي هيج سوت رسلان - اعتقد اثنينهم بس والله لو مشوهاتني مو ضاربتني ما الوث واشوه هيج سمعتهن شسويت الهن اني ما اعرف اريد شي يستحق هيج يدمرن حياة بشر - ما اعرف من يجي مرتضى ذكريني اسألة -على شنو - اتريد الرقم الي رسل لمرتضى اول رسالة صاحت الها امي وراحت تكمل العشا وياها ... مالي وجه اطلع اتعشة وياهم.... جابو الي العشة للغرفة وامي وفاطمة وياي ... بعدها كالت فاطمة هذا اخيج محتفظ برقمين لشهد هاي شهيدان متصلة بيه مرة ومرة رسالة دزيت الهن الرقمين .. - ها مرتضى اهنا بالبيت -اي واتعشة وياهم اكلج يلا اطلعي سلمي على محمد فشلة من صحيتي لليوم ما متحمد الج على السلامة رغم هو كل يوم اهنا يجي درت وجهي -لا ما اطلع حبابة -ليش - مالي وجه اشوف احد وخاصة زوجج اهه هو من زمان ما طايقني -لج غبية محمد يعتبرج طفلة ويدري بأخلاقج والله اطلعي خل يتحمد الج عيب منه هو وكف وياج من وكعتي عبالج كدرنا نطلع الج تصريح بسهولة من ردنا نحولج لغير مستشفى ؟ كمت مترددة مالي عين اواجه احد بعد الصار...... وكفت يم باب الهول و فاطمة لزمت ايدي وابتسمت وهمست - أدخلي .. اخذت نفس قوي مجمعة اقوى قدر من الهوى داخل ريتي عساه ينطيني الشجاعة..... - الس السلام عليكم فاطمة-محد سمع ترة صدك ما زالو يحجون بابا والسيد ما حسو بوجودي ولا حتى مرتضى الي منطرح ويلعب بفونه فاطمة - يلا هههههه باوعو النا من سمعو ضحك فاطمة اتحول وجهي لأصفر و نطقت بصعوبة -السلام عليكم وكفلي السيد - وعليكم السلام والرحمة حمدلله على السلامة يابة ، خطاك السوء - رحم رحم الله والديك كعدتني فاطمه على القنفة اني اريد اطفر .. اجت امي و بيدها صحن فواكه .. كلامهم سياسي السيد وبابا ومرتضى بعالم ثاني..على نفس نومته و لحيته شو ثخنانه اشعجب ما محددها و عايفها هيج ثخينة ولا باوع الي ، كمت من يمهم اجتني فاطمة -ها ليش كمتي ما تعبتي من الوحده - اشبيه مرتضى ؟ - ما بيه ، يومين فاطمة يمنا ...بعدين راحت لبيتها اطفالها عدهم أمتحانات بعد كم يوم و سمعت كلام امي وية بابا بالصالة الصبح ماخذ اجازة و ما يطلع من البيت ومتعارك اول البارحة وية عماد و ضارب كرار ! واني اكول اشبيه اكيد بسببي ، رجعت لغرفتي والحرگة بصدري بدت تسعر...وضيق قوي صرت اهفي بأيدي كدام خشمي ، فتحت سحاب ثوبي وظليت افرك بصدري ورقبتي وطلعت للمغسلة...اغسل واعيد بوجهي ،توضيت و وتوجهت كدام القبلة،مكدرت انطق دعاء ولا اصلي دموعي غلبتني سجدت واتعثرت بواچيي (بكائي)بالشهكات - أللهم إني لا أسألك رد القضاء ولكن أسألك اللطف فيه تعرف بيه مظلومة ابعد عني الاذى ، ربِ أني مسني الضر وانت ارحم الراحمين..... انتكات على الحايط واني اعاتب عماد هي هاي جزاء وكفاتي وياك ليش هـِٰاي تالية المحنهَّ ونسهَر ونبچي ونباري تالي مِحد يوگِف النهُ وكفت وياك بشداتك وانت وينك هسة؟ •مرتضى ما اعرف شنو يريد مني ياسر يتصل مالي طاقة احجي وياه ، لو ما رقية مرته كان النا وياهم غير تصرف ، الي صار كبير حيل كبير لو ناس غيرنا مكان سدوها بهذا الشكل ، سمعتنا انمست مساس قوي وتأثرنا كلنا بيه ، شهد وعماد كأنما اتفقو يرشون علينا حقارة ... الوالد حتى ما خلاني اروح اعاتب ، مهر زينب من حقها تاخذه ما قبل يطالبهم بشي ،بالتالي ما ردت غير عتاب لهذا الي معتبرة اخ اشلون غدر بيه و لا اهتم النا ولا لسمعتنا وطعن بشرفنا من ترك بت عمة تركه الها اقوى من الاشاعة نفسها لأنه اثبتها وبكل جدارة خابرته ما رد صارلي ايام ما طالع للمقهى التجمع مالتنا، اليوم طلعت ، لكيت ياسر بنص الطريق جاي من الساحة واني رايح الها .. فتحت الجامة وهو هم - ها خويي اشلونك - اهلا ياسر الحمدللة .. -اتصل اعليك ماكو - والله اشوية مشغول باوعت لحظني واسترسلت الكلام بغصة -والسالفة مو صغيرة احتارينا بالبنية انضرت اهواي هو هم دنك -ما اعرف شكلك خيي والله صعبة وحكك وشاكر والله جميلكم قدرتوني وما وصلوتها لجدي - ما انريد الك الضرر ولا لرقية حتى لا تنشر عليكم السالفة يم اقربائك كافي الي صا .... ياسر الوالد بالبيت تلكاه اني اترخص -انه جاي اعليك - اني راجع الك...بس عندي مشوار ، تراجع هو للخلف موسع الي الطريق فتت ورحت للساحة سألت عن عماد ببيتهم كالو طالع .. رحت اله للمقهى .. لكيته كاعد وطالب طلبات وينرگل هو وكرار وقصير اخو كرار .. وكفت يمهم -السلام عليكم ... ردو السلام واني اعيوني على عماد رد و وجه اسمر واصغر وما يباوع لعيوني يتهرب - عماد كوم وياي عندي راس كلمة وياك كرار- اتفضل مرتضى اكعد مكانك هذا قيصير- تفضل خويي - عماد يلا سكتو من اتجاهلتهم وكام عماد مديت ايدي اله -كدامي اتفضل ولو مشى كدامي ويتلفت عليه وصلنا يم سيارتي وين ما راكنها .. - مرتضى اني اريد اجنبك واجنب هاي المواقف ، - العشرة الي بينا تحتم علينا نوكف هاي الوكفة ...وكفة العتاب ليش يا أبن عمي واخوية ليش دنك ما جاوب - مو كد الحمل لا اشيل من البداية -مرتضى متأكد لو انت بمكاني هم تنسحب ، ترة صعبة - عماد مقتنع بنفسك انت لا عليك الله مقتنع....البنية رابية على ايدك انت شهدت على تربيتها مثل خواتك تشك بخواتك انت؟ صارت نظراته حادة واجو كرار وقيصر وكفوا يمنا ... - المفروض تكتل كلام الناس واشيل ويانه انت مو غريب وادير وجهك ، حملنا حملك و حملك حملنا.... لا والله اذا اصير مكانك ما ادير الكم الوجه كرار- لا تقارن مو شغلة اشاعة غير هو شاف بيعنه وسكتنا وعلي قالع خبير لو اني اخوها الا انحرها على القبلة شفت الرسائل انت ؟ - انت اسكت بالله عليك .. كرار- لا حول ولا قوة الا باله -سلاماً عليكم التفتت للقائل لانه ياسر ... يمشي على رجليه مو سيارة جاي وراية عماد احتقن وجه وهو يشوف ياسر واكف يمي عماد- عدك شي اتكوله اريده اروح كالها بزمخ - لا ما عندي .... خلص العتب وياك انرفع، و لا عتب عليه بقطع صلتي بيك يا حيف الخوة الي نداست ياسر- والله يا حيف على الزلم الي مخطوط جوة خشومها شوارب وسلام ما ترد همست اله -ياسر! •ياسر شفت كرار رفع الي تك حاجب ما عاجبه اول ما وكفت وهذا عماد الحرمة ال...... واكف شكلة استفز اعصابي عماد - امشو كرار - شنو انت مو بعينك احنه و ما انرد السلام على العارات -منهو عارات .. هاي انه عار اتقدمت خطوة وايدي انلزمت مرتضى همزلي وهزلي راسه بمعنى اهدأ صكيت اسنوني حيل وانه عارف ما يصير ادخل بين اولاد العم بس حيل غاثني هالعماد وظالة حسرة بگلبي چلمات اكولهن اله كرار هم حاول يتقدم الي بس لزموه عماد والي وياه -مرتضى لخاطرك وخاطرك غالي ، بس كلمة وحدة وحاشرة بزردومي ايام -انت أمك حليبها ما بيها نخوة ماصخ الي يكشف عن عرضة ويخلي الوادم ينهش بيه رخت ايد مرتضى عني التفتت اله وكلت مصحح كلامي. -عرضك محشوم يا مرتضى بس عتبي على ابن عمك المشورب كرار -لهنا وكافي ابن الشوراع طايح الحظ محد لعب على اخته غيرك شفت مرتضى بسرعة ضوئية ضارب كرار موكعة على الارض و صاعد اعليه انه وكفت حذر موش ابن عشيرتهم انحگ ، بس همه ولد عايلة وحدة خل ياخذ حگة منهم عماد بس ياحاول يوخرة عن كرار الي نام مثل المرة جوة مرتضى مسيطر اعليه و قيصر هم يحاول يجرة وانه اتعجبت على تحولة لشعلة هيج قوية محد يطفيها واثنين ما كدروا يسحلوه عن كرار بس للامانه همه ما يحاولون يضربوه قيصر-مرتضى وخر ما انريد نأذيك تقدير حالتك ترة من شافه خنك اخوه و كم رجال وكفوا الي يسال اشبيهم و الي بس يباوع وثالث يصور انه شفت عماد ضرب مرتضى على خاصرته حتى بس يوخر ايده عن خوانيك كرار جريته عبالهم الناس افاكك -اي فكهم ابني انه جريت عماد وسطرته كلة الزلم الواكفة الظاهر كبيرة بالعمر اصحاب المحلات . اجو شباب من الگهوة الا فكونا وخرو مرتضى و انه رحت اعليه سألته -خو ما اذاك هذا واضحك واباوع لكرار المخنوك دفعني عنه مرتضى وراح من كدامي -وخر عني عماد يصيح لحد يبلغ -عمي لحد يبلغ احنه اهل رحم الله واليدكم انحلت انحلت مرتضى صعد سيارته انه ركضت وراه وصعدت والله شكيت رايح الهم من لاكيته رايح للساحة . ركنت سيارتي يم باب بيتهم ورجعت مشي ، اشوفنه يمهم لو لا ، شفته رجع لسيارته وطلع كبل للشارع .. كلت اروح للكهوة خاف رايح الهم بلچن اشوفن هذا عماد المرة .. ، هسة عصبي ما شايف الي كدامة وطلع بينا لبيتهم نزل ونزلت وياه بكراج بيتهم ، دخلني لديوانهم و عافني وراح ، اجاني ابوه يسألني وين كنت شايف سيارتي يم بيتهم واستغرب كلت اله رحت ويه مرتضى .. ندكت الباب و سكتتني ، دخل علينا عم مرتضى وراه مقتدى الي فتح الباب يسلم بقلق وكعد -يرضيك الي سوه ابنك ونسيبك هيج فضايح بالشارع واذية لولدي -خير يا الله شنو صاير يحجي ابو رقية ويباوع الي بعيونه الي تشبه عيون بنته حيل انه ما حجيت ظل يتعاتب و يشكي من مرتضى الي ضارب ابنه - خلى خاطر الك وما كتلوه ولو ضاربيه جان انه خلصت عليهم ابو علي- استهدي بالرحمن نتبين القصة شنو وبعدين نتعاتب مرتضى راكز وانت تعرفة ما يأذي احد ولا يتعدى على احد الا لسبب قوي ابو كرار- ابني ما يعيل دخل مرتضى من غير سلام بنتر على عمه - عمي خل ابنك الناقص يلزم لسانه عنا ويكف شره كدامي ويحجي عن عرضي لعد وراية شسوي والحجي ترة طلع منكم من بيتكم واني رايح هسة لجدي شاكي عائلتك بناتكم وولدك خلى وطلع مرتضى،بينما الاب ساكت . ابو كرار- شنو هذا الكلام ابو علي كرار هيج مسوي انه كلت - اي عمي وجدامي هذا الحجي ضربة بعد ما جاب طاري المستورة وانه ضربت عماد بس لأجل ابعده عن مرتضى چي (لأن) ضربه والا اعرف انه غريب بينكم ما يصير ، بس ما كدرت اعوفه بينهم جا انه هم عندي غيرة على خال ابني كام عمي ابو علي كاسر سكوتة -واني هم رايح لعمي عمامنا يحلوها يا اخي مدام ما كادر على اولادك همه الي بينا حكم اني سكتت وحطيت على الجرح ملح وسكتت كلت اخوتي واقرب الناس الي اذوني ما أذيهم وانت روح ويانه تحلف كدام عمامي اشر عليه ما فهمت شحلف ابو كرار-مو هيج تنحل الامور -وانت يا ابو كرار جيب ولدك وعماد وابوه وتعالو لبيت عمي الحاج ابو حسين اخذني وياه ورحنا وهو طريق كله يتصل لو يستفسر مني هسة انه شورطني بهاي المعمعة انه جاي اليوم لمرتضى لطيب خاطرة من الي بدر منا اخ يا شهد طفلة ولعبتي على شوارب زلم وصلنا لقصر اثاري هذا شيخ عشيرتهم يمكن .. كلها معممة ما شاء الله لازم اوكف واعرف عن نسبي وشنو اكرب لعمي ابو علي على كل فرد منهم ... بعد السلام ... دخل والجد وياه مرتضى طلع عمهم الكبير عم ابو علي بعد دقايق وصل ابو كرار و ولده و ابو عماد وياه هو وعماد.واخ ثاني لبو علي هم اجه بگلبي نغزة جبيرة اه يا شهد راح ينجاب طاريج ليش خليتيني بهذا الموقف لو ما الله زارع بذرة حب جبيرة الج عندي جان والله موتج على هاي سوايتج..... سمعو من ابو علي ... ابو علي متكلم غطى عليهم ما عرف ابو كرار يحجي بعد ... انه اباوع لكرار الي وجه بيه ضربات زركات وهو الملام! طلع هو المحكوك هو وخواته انجاب طاريهن ... مرتضى يكول عن طريق محادثات مفبركة بنات عمي نشرن شي عن بت عمهن ما معترف بالمحادثات حقيقية واللوم كله وكع على ابو كرار عمي ابو علي - وهذا نسيبي الشاهد كدامة ابن اخوية الي معتبرة مثل ابني يطعن بشرف بت عمة واخته والثاني فسخ العقد بعد ما اضرع ودك صدره الي يتوسل انطي مرة مصدر الاشاعة وحده اسمها زهراء بس يحجون بيها ما عرفتها منهي الظاهر اخت هالمصكوع كرار وفهمت من خلال الكلام كرار كان رايدها من قبل للمستورة ... ابو كرار- ابو علي حقك عليه انت اني كلت الك حقك مني تاخذة ليش هاي الكعدة ونشغل الناس عم ابو علي الكبير كال - ابو علي بعمره ما شكى الا و فعلا متأذي والكلام الصراحة وصل لبيتي وقطعته وحلفت الي يجيب طاريه مستورات الحجي ابو علي اطرده من بيتي مدام وصلت حدها حقه علينا كلنا ابو علي- صحيح عمي اني سكتت اهواي و بسبب سكوتي أنهانيت اني اريد احاسب اول من نشر السالفه الي هو اهل اخوية وجبت الولد وياي ... لأن گلبي وكع بالكاع راح ينجاب طاريج يا شهد غمضت متألم كافح انفاسي بنقباضة قوية -لأن ضرب عماد مدافع عن ابني وهو شاهد ابني كان بس يريد يعاتب اصلا محد ركز بضربنا الهم ، السالفة الأكبر ظلو يحجون بيها وعم ابو علي حرم ام كرار وبناتها من دخلة بيته وراح ينشر الخبر من قبل نسوانه البنية مظلومة والكل يعرف استرجاع لكرامة الشيخ محد جاب طاري شهد الحمدلله وفهمت الشيخ عم ابو علي مو شيخ العشيرة وانما كبير العائلة فقط رجعت ويه عمي بسيارته لبيتهم واخذت سيارتي ورحت لبيتنا .. ويه ما دخلت رن تليفوني هذا علي فايز - ها ابو حسن بشر -ابشر طلعت الك البيانات صديقي دبرها - عفية عليك وعليه ونعم منكم بأسم منهو الخط - بأسم نعمان ناظم عباس - نعمان ! سديت الخط منه وصحت -كوثر كوثر اجتني شايلة خاشوكة -شنو تعشيتو -لا جاي اگلي توني تأخرت عبن اليوم اخذت شهد للمضمدة وتأخرنا -اشلون صارت - تدريها متاكل هليام امتحانات ومناك هاي السالفة نامت وما قبلت تنتظر العشى ظلت ع هالمغذي الماي والملح الي شكلته بوريدها - من تخلصين كعديها تاكل - خوش من تصعد صيح مرتك انزلو اتعشو - طلعت بيانات الرقم الي رسل لمرتضى -صدك باسم منو رسلان مو -لا زوج رنا ! -شنو ايا كلبات لعد ذني سوة مشتغلات السالفه -اي واضح مو من ارقامهن المستخدمة حتى يضيعن السالفه .. بس انه الهن خل يحل الصبح احجي لجدج اخلي يجسر اجعاب رجليهن واحرمها الحياة هاي رسلان انه الها تعشينا وصعدت و رقية لفت راسها ونامت وانه كاعد ادخن وحدي بالصالة لا اخنكها ... الساعة توها ١٠ افكر باالي صار لزينب اكيد تكرهنا شعبالها بس لا تظن انه مسولف لشهد مخليها تهكر حسابها تلكاها تكرهني كره العمة ، هالبنية انظلمت اهواي ، حريمة مجانت خالية جانت مليانه طراوة افكارها لولا ابوها مبينة الله يشفيها ويستر اعليها دك تليفوني - وعليكم السلام عمي اشوكت ..؟ لا حول ولا قوة الا بالله الله يرحمة. نزلت لجوة شفت كوثر كاعده تباوع تلفزيون - كوثر انه لازم اروح لل** -خير ليش بس لا ابن عمك المصوب اتوفى -اي - الى رحمة الله ، عظم الله اجرك .. . صعدت بدلت وحطيت قطعتين الي هاي اخذها لو لا بس وينها وين السفر و الفواتح لا ياسر لا تاخذها تتعب وشهد عدها أمتحانات نزلت موصي كوثر بيها يومين انه وارجع نمت كم ساعة ..الفجر صليت وكعدت رقية اصلي وكلت الها .. ورحت لل*** •رقية راح ياسر واني لهسة خايفة من هذا الرجال اليخوف ، كون يرجع ابسرعة قبل يومين لحيت على شهد انروح للمزرعة اخذ ورد ما قبلت كالت عندي دراسة روحي وحدج بس الصبح لا ترحين العصر ذني يجمعن اهناك ، الصبح ما اشتغلت الطابق مالتي نظيف والجو كوثر ما تقبل اشتغل بيه بس طابقي وهي تطبخ وناكل وياها ورحت للمزرعة ورة بيتنا اندليتها بكثر ما حبيتها شلعت تلاث وردات ورديات احب هذا اللون حيل - لكفتج حرامية ورد اخترعت وانداريت لانه رجال ضخم يخوف - والله مو حرامية مو حرامية عمو -عمو! فدوة طالعة من السانج عسل - ش شكرا ردت اروح -وين غير ادفعين افلوسهن الي -ماعندي ماعندي هاك ما اريدهن راد ياخذهن مني ووشو ايده رادت تلزم ايدي خفت ووكع الورد بالكاع ردت اروح -هاي اشبيها ههههه انت منو وشجابج اهنا - ها اني مرت ياسر ياسر - اها هاي الي كالت عنها امي ه.. ها انت زوجة ياسر ابن خال احمد -اي اي -ياسر مثل اخوي - شكرا شكرا ههههه ردت اشرد وجه يخوف واسنونه من ضحك طلعت صفر وسودة وجه اسمر ويمة اعيونه سواد قوي -انه شاكر مثل اخوه لياسر شال الورد وكال هاج ردت اخذه هم اجه يلزم ايدي وخرتها و عفته ورحت امشي سريع يخوف وهو وراية -اوصلج لبيتكم لا تخافين اني لو ادري اكو زلم جان لبست بوشيتي لحد ما وصلت لبابنا التفتت ولكيته واكف وراية ويضحك .. ردت ادخل سمعت واحد يكله -شاكر ليش اجيت ورايه ما ظليت بالمزرعة كلت الك دقيقتين وجاي التفتت هذا احمد اخو رسلان خليت ودخلت ومن ذاك اليوم خفت اطلع وحرامات الورد داس عليه الرجال من مشى وراية كلت لكوثر عليه كالت ولج ماكو غيره هذا شاكر صديق احمد المطيرجي لا تكولين لياسر شافج وبعد لا اطلعين وحدج ما يصير من يومها كمت احلم بيه احلام تخوف واخاف اوصل يم الباب ، واليوم عافني ياسر اني من يجيني حلم بهذا شاكر الزك نفسي يمة اليوم وين اروح ؟ استحي اكول لشهد تعالي يمي وهي دوم بغرفتها ما تطلع ، دا نتعشة واريد اكول خل ابقى يمكم واستحي اشلون بيه اجيت احجي سكتت من ابن كوثر بچى وضربته دوخها يزعل . كوثر-اني الي خلك الك ولي دوختني سكتت ما حجيت وشهد اكلت اشوية وكامت صعدت للطابق يخوف يمة اشوية وصعدت كوثر وجهالها وياها -ولكم لا اكسرون شي يموتكم خالكم ليش ما اصعد اهنا ذولة قرودة اليوم ننام يمج خاف تستاحشين كيفت - اي اي هلا هلا بيكم ورة اشوية صعدت شهد شمرت كتابها الكبير على سريري وكالت -ادري كلكم صعدتو اني اخاف وحدي.. خابرت امها وكالت الها تجيهم طلعت كوثر على قناة فلم اسود وابيض وتباوع وتكرز وشهد بالصالة اصيح اريد اقرة نصيه و الجهال تلعب وتضحك راحت الخوفة . بالليل اني وشهد على السرير و كوثر واطفالها جوانه بالفراشات الصبح كوثر كالت اريد اروح اسوك اني تعالي اخليج انت والجهال ببيت جدي ما امن اخليكم وحدكم شهد بالدوام -رسلان رسلان خاف تضربني - رسلان بالدوام ومحد بالبيت هيج وقت بس النسوان الكبار رحت يمهم واوزع ضحكاتي الهم البيبية - هذا الطفل خطية يعمة بس تضحك وتصفن ما تدري الدنيا وين صفت ام احمد وهي تثرم بتيتة - الله يسهلها عمة - افكر ازوجنه .. بيبي رقية اذا زوجت ياسر مو اضوجين تجيج وحده تساعدج بطلبات زوجج وابنج واتعينج - منو منو زوجيه البيبية-ياسر - بس اني اني زوجته -يصير ياخذ اربعة -وين وين يخليهن ! - الخير اهواي.....ولأجلج انت لا اتعبين انجيب الج وحده تعينج -ما ما اريد وحده وحده اني اني اعرف اعرف اكمط اكمط والبس والبس جهال فاطمة اختي اختي ام احمد- عمة خطية لا تكولين الها هيج -ليش خطية .... هي حبابة تقبل مو بيبي من اريدن ازوجه ما راح اتكولين لا جا ازعل منج -لا لا ازعلين حبابه حبابة - رسلان حبابة وخوش ابنية دمعت من كالت ازوجه رسلان وسكتت -ها اتقبلين خفت تزعل مني هزيت راسي - لا لا رسلان تضربني ما ما تحبني -تحبج من تتزوج ياسر واداريج وتباريج ام احمد- عمة اني ما انطي بتي لمزوج على ضرة عوفي البت انهضمت لا تخافين محد تزوج ياسر لا تخافين .. الساعة عشرة وما اجت كوثر .. ظليت كاعده بالهول وام احمد راحت تخبز و البيبية بغرفتها و مرت خالهم الثانية تشتغل بالمطبخ دخلت رسلان - هلا منو يمنا اليوم شو اسلم عليه ومبتسمة ! - هلا هلا كلتها واني خايفة منها حيل رسلان -همزين اليوم خلصت اختبار من وكت كعدت يمي .. - اكلج شخبار زينب صارت زينة انشالله -زينة - الحمدلله طمنتي بالي اكلج خو ما صار عدها شي مزمن مو فترة وتتحسن احسن من الاول مو ؟ - انشاء الله انشاءالله اني دعيت دعيت الها اهواي اهواي رادت اتروح وكفت يم الباب وكالت - ياسر اشلونه ! ماجاوبت ما اريد انطيها ياسر وما اريدها تساعدني - بعده بدوام لو بطل ... ؟ -ما ما ادري - اشلونه هليام ما يجينا - زين زين وما وما يريد يريد يزو يزوجج -شنو ؟؟ - ما ما اريد ما اريد اساعديني بيه اني اني اداريه هو هو وابني حبابه كولي هههه كولي لبيبي كولي لبيبي حبابة حبابة - شجاي اتهذرين انت كلشي ما فهمت - بيبي اتريد اتريد ازوجج ياسر -هههههههههههههههه ظلت تضحك وكالت -هالله يا الله اني اخذ واخد مزوج وعلى ضرة ليش عيني خو اخذه منج وفتحت اعيونها خوفتني وضحكت رسلان-جذب جذب صدكتي والله اشاقة ههههههه راحت واني كمت ابجي ما اريد ابقى اهنا كمت اخذت ابن كوثر عافته يمي و اخذت بس رقية وياها وطلعت من بيتهم ما كلت الهم .. اريد ادخل لبيتنا - يا بنية يا بنية انداريت يمة هذا شاكر شعنده واكف كدام باب بيتنا دخلت ركض للبيت اندكت الباب كيفت هاي كوثر رحت الها اركض فتحته وصار هو بوجهي سديته و بعده واكف واني وراه - يبنية -روح روح حباب انت انت شت شتريد محد بالبيت محد - ادري شفت حماتج طلعت -روح روح شنو اتريد - اريد اشوف الزرع مالتكم اني فلاح واني الي اعتني بزرعكم وزرع بيت جدج .... ثواني واطلع - والله اشبيج ما اصدكين الزرع اذا ما شفته و اعتنيت بيه يموت وترة ياسر كال الي وصاني قبل لا يروح للفاتحه - اي هو بالفاتحة بالفاتحة -شفتي عبن هو موصيني ادري بيه وين راح لان كالي لازم ادخل هسة ادخليني لو اروح ويموت الزرع وانت وياسر تتجازين انه معليه - لا لا ما اريده يموت يموت - هسة ادخل دقايق واطلع خوية وكفتي اهنا تعبتني ..... - خوش خوش يتبع .... | ||||||||
|
| |
|
01-08-19, 12:04 AM
| #20 | ||||||||
| مراقبة عامة ومشرفة منتدى الروايات المنقولة
| #شيخ_الشباب من كتابات زهراء العراقية الفصل ١٨ مساء الفل يا ريل طلعو دغش والعشق جذابي دك بيّه كلّ العمر ما يطفه عطابي نتوالف ويه الدرب وترابك ترابي وهودر هواهم ولك حدر السنابل كَطه يمثل حب عماد لزينب واكيد الشعر ل -مظفر النواب •رقية - خوش خوش راح راح البس عباتي عباتي واطلع واطلع لبيت جدي جدي واعوفك تدخل تدخل تشتغل تشتغل رحت وعفت الباب مردود عيب اسدة بوجه و اخذت عباتي رجعتها على راسي و صعدت لغرفتي الهثت ...جبت البوشية اني ما البسها داخل بستانهم بس من نطلع للشارع واني انزل سمعت صوت رسلان بالهول يمكن - رقية خانم شكلت الج وزعلتي وطلعتي انزلي ارجعي وياي بيبي دزتني انزلي يلا يمة انت منو يمة انت شدخلك اهنا سمعت صوت رجال خفت رسلان مخترعة اني انزل على كيفي ما بيه انزل سريع ، راح ادخل بشهر السابع و من امشي سريع مدري ليش الهث واتعب بسرعة ، من سمعت صوت رسلان خايفة وكفت خفت اتحرك بعدين سمعت صوتها طلع لبرة للحديقة ابتعدت عن اذني كعدت على الدرج مابيه انزل ... ورة اشوية سمعت صوت عمتي ام ياسر نزلت على صوت صراخها شفتها حاطه رسلان وتضرب بيها ورسلان تبجي -والله عمة ما اعرفة لكيته بنص البيت داخل اجيت اصرخ طلعت للحديقة شاردة اااخ والله ما اعرفة اي عمة والله طلعت لبرة حتى اصرخ واطلعة ما مدخلته - ساقطة طلعتي فد نوب شسوالج بالحديقة احجي دخلت كوثر ذبت اكياسها -شكو يمة وخري عن البنية وخرت كوثر امها وصارت بين عمتي الي واكفه و رسلان الي مطروحه على القنفة تبجي ولزمت متنها عمتي اهواي ضربتها وكرصتها عليه باوعت الي رسلان وصاحت -هاي مدخلته مو اني كوثر -شنو السالفة عمتي اتريد تهد وكوثر ما تخليها - الفاجرة مدخلة شاكر المطيرجي شفته وياها بالحديقة -عزة العزاني اندارت كوثر على رسلان وهم ضربتها واثنينهن يضربن ، وعمتي صاحت بيه - روحي رقية جيبي امها ابسرعة روووحي رحت خايفة من صياح عمتي طلعت راسي من الباب بس النخل كدامي ركضت لبيت جدي دخلت شفت ام احمد بالمطبخ - ها حبوبة ليش زعلتي وطلعتي - خالة خالة تعالي تعالي عمتي عمتي اصيحج - منو عمتج ام ياسر اهنا -اي اي جاية عدلت شيلتها وطلعت بلاية عباية لان احنه مو بشارع ببستان شافتهن موتنها كتل -شكو يا ستار عمتي بصياح كالت الها بتج شفتها ويه واحد ولازمها من ايدها لطمت على خدها عزة العزاني و يتولاني وخرن عنها خل افهم منها ظلت تبجي وتناشغ خطية انكسر خاطري عليها رسلان- والله ما اعرفه اصلا منو والله دخلت اصيح رقية لكيته بالهول هي مدخلته كوثر- هاي من اهل الله الا انت ساقطة تتبلين على بنات العالم وانت غطاج مكشوف ام ياسر- شفتي ام احمد المصيبة ااخ يا حيلي انهد كعدن كلهن مصدومات ومهدود حيلهن بينما هي تدافع تكول رقية مو اني محد يصدكها رسلان- يمة انت مو دزيتيني اطيب خاطر رقية اشبيج اذكري -اي والله اني دزيتها - عمة والقران دخلت للهول لكيته يمشي بيه ويتلفت داخل هاي مدخلته البلوة مرت ابنج ام ياسر- هاي لا حول ولا قوة شدخله حرام عليكم يابة قذف المحصنات لا عبالج ما ادري بسالفتج الي بليتي بيها بتي كوثر- اي والله يمة كشفناها خل يجي ياسر وهو يعرف شغلة هو كشفهن رسلان- يا محصنات ....جيبو الي قرأن احلف عليه اني ما مدخلته ولا عندي علاقة بيه ام احمد- بسجن البنية مظلومة مبينة اتقربت من بتها تتفحص وجه المزورك ام احمد باوعت الي وكالت - احجي رقية الرجال شدخلة للبيت - اني اني اني ما ادري ما ادري صعدت صعدت لغرفتي ونزلت ونزلت سمعت سمعت صوته صوته ويه ويه رسلان خفت خفت وبقيت على الدرج ام ياسر- شفتي سمعتي ام احمد لج انفضحنا فضحتنا بتج بمكسورتها كوثر- ابتلاء والله بلانه بيها هاي بس النوايب منها ظلت تبجي وامها جرتها واخذنها عمتي وامها لبيت الشيخ اني وكوثر بقينا - لا تبجين روحي غسلي وتعالي غسلت وكوثر سوت النا شوربة سيريلاك اني والجهال وراحت اندارت اشوف الاخبار.. رجعت شهد اول ما دخلت ذب عباتها و انطرحت على القنفة تبجي - اشبيج اشبيج - ما جاوبت ما جاوبت يربي مراح اتخرج السنة....حتى بحثي مو تمام همست -يارب تنجح و تنكشف تنكشف رسلان و يزوجها مرتضى! صعدت لغرفتي واني كلشي ما فاهمة رسلان ليش دخلت شاكر وهسة شراح يسون الها ! وليش عمتي تلطم هي مو طلعته كلشي ما فهمت •شهد سمعت بالقصة من كوثر ركضت لرقية افهم منها وسولفت الي الموقف .. هذا الحقير حاط عينه على رقية مبين اني سولفت الي كوثر وكالت شايفها بالمزرعة و سألها منو هي، كايلة اله مرت ياسر والكل يعرف من الجيران ببركة رسلان وخواتها رقية بنص عقل مرت ياسر هبلة شافها حلوة و فطيرة ظال مترصدها واكيد يعرف بياسر مو ببيته من احمد لان احمد يمشي وياه و احمد راح ويه خوالي لياسر للفاتحة بال**** فظال مترصدها منا من جايها اليوم الضحى رايد يضحك عليها يدخل وهي صاعده تلبس بوشيتها وتنزل جاية رسلان الي كلشي ما تعرف و تورطت من عمتي شافتها بالحديقة وشاكر لازم ايدها الظاهر رادت تصرخ وما مخليها. وكعت براس رسلان ! فوك أستيعابي كل الي صار ، شاكر رقية رسلان كلها احسها تصاريف رباني حتى الله يحمي رقية ، و يواسي قلبي المظلوم ، هاي انظلمت رسلان و هسة اكيد تحلف مثل ما حلفت اني هي بريئة ومحد يصدك ويمكن بنات الشيخ حصنهن قوي ما صبرت حوبتهن وقت اطول طلعت خلال ايام !، ما ادري بس مجاي أستوعب ولو شاكر ما مخلي وحده ما زاحف عليها حتى اني زحفلي وحتى رسلان زحف عليها بس هي مسوية نفسها ما تعرفة بنات الجيران تشكي منه ومن وكفاته بس اه منك يا احمد متعب جدي ومتعبنا ، كوثر الضهرية الا فرغت من فضولها ورجعت للبيت اسوي النا غده وكفت وياها بالمطبخ -كوثر اشلونها رسلان - شبعت مدكة وبيبي صار عدها علم اتريد اجيب نجيبة ام صفار القابلة تكشف عليها ما يرضن يصدكنها - وراح يجيبن - لا حلفت بالقران ما لامسها ولا عدها علاقة وحلفت دخلت لكته .. -اني ادري بالحقيقة وراح اروح اكول الهن لا يجيبن احد لا تطلع السالفة وينضر جدي رحت لامي ببيت جدي وسولفت الهن الي كالته رقية وكلهم يعرفون رقية على البركة بيبي كالت سدو السالفة والله حابها جاب عمتج الهن ما نعرف جان شسوة هالابن الحرام امي ما قبلت تنسد وكالت اظل بقلق على البنيات .. بيبي- راح اخلي جدج يكطع رجله عن حلالنا و ما خليه احمد يدخلة امي-بعد احسن يمة لا يأذي البنات ام احمد- اي والله خاف يأذي رسلان - قصدت بنياتي و جنتي بتج اخذت جزاتها ام احمد- ليش هيج ويه البنية مو هاي حبيبتج جانت - اتبلت على بتي تبلي جبير وراح تنكشف انشالله بس يجي ابنا ما رضت امي اسولف الهن شسوت رسلان وياي تنتظر ياسر يجي .. طلعنا من يمهم لكينا كوثر مجهزة الغده وصابه لرقية والجهال كوثر مشمتة حيل بيهن السالفة انسدت امي سدتها لان بيها طاري رقية و همه هم خافو رسلان وامها ما عونن تنسد ورجع ياسر برفقة خوالي و اولادهم بعد يومين غياب وثالث طريق اجه العصر اسمع صوته وما اطلع حتى اسلم عليه صارلي اهواي ما شايفته بس هو تغير عليه اهواي وصدك عليه شي ما مسويته وضربني ضرب قوي تسرسبت دمعة مهظومة مني فتحت تليفوني ،وطلعت صورة كاعد بين الحرمين بكربلاء و اشعة الشمس ضاربة على وجه بارزة بياضة حتى أنت يا مرتضى زعلتني منك اهواي •ياسر رجعت للبيت ولكيت رقية جوة تنتظرني بالهول انه معلمها انه اعلى جية ركضت عليه -على كيفج لا توكعين انه جايج وصلت يمي وظلت تشاهك - لا تعوفني لا تعوفني وحدي وحدي بعد طلعت وجها عن صدري -صاير شي ؟ - اخاف اخاف اريدك اريدك يمي ما اخاف اخاف كوثر - حمدلله على السلامة ياسر -الله يسلمج جا وين شهد - بغرفتها -بعدها ادوخ - لا زينة من سمعت صوتك جاي شردت لغرفتها ! -اها....يصير خير تعالي نصعد .. وصلنا للصالة كدام غرفتنا وكفت رقية وجرت كفي ما خلتني اروح للغرفة ونزلت علية تحبني بكل مكان بوجهي صفنتني اعليها -شدهاج ! ظلت شفتها نايمة على خدي - اشمالج اتحبين بيه جني جاي من موت رقية ! حضنتني عاصرتني لازكه اديه على جوانبي وخرت اديها ورحت طلعت غيارات هلكان من السفر ورقية ومحاوطه خصري وراسها على ضهري افتر وتفتر وياي لازكة نفسها بيه - رقية ميت حر اسبح واطلع الج - ما ما ما دخلني وياك .. طلعت من الحمام وما زالت رقية لازكة بضهري .. - تراج اليوم مو طبيعية صاير شي بغيابي ؟ فرتلي بعيونها - ما ما اريد ابقى يمك اريد اريدك دومك دومك يمي ابتسمت وجريتها حاط ايدي على متنها - انه ماعفتج دهر هو واجب سويته واجيت دمعت - اتروح للحرب - هههههه حرب العالمية الثالثة هههههه لا بعد ما اروح خليل التحق وحده البارحة انه ما راح اروح بعد - صكد ااا صدك صدك -اي صكد ما اروح عمامي خلوني اقسم ما اروح چيفن (لأن) ابوي ماعنده نسل غيري ، ابقى احامي على اختي بتهم -منية منية عدهم بنية منية -هههههه شهد بتهم -يعني يعني كلهم خلفوها -هههههههههههه ههههههه يلعن ابليسج ولج دحدوحه ابوي اخوهم مخلفها وانه ابتليت -ليش ليش -البنات هم ما بعده هم حتى من ازوجها ما راح يرتاح بالي اعليها - واني واني هم هم - انت اكبر هم وابتليت بيه برطمت - جا النسوان كلكم هم - يعني يعني امي همات هم -اي وابوج مشلوع گلبه بيها -ليش ليش ازوجها ليش -ها هههههههههههههه حتى يخلفج النا - ليش هو بابا خلفني ! ماما جابتني اني -بمساعدة السيد الوالد -يعني بابا بابا هم يسوي لماما مثلنا -ههههههههه جا ربه وحد غطت وجه -عيب عيب ما ما يسوي بابا ما - شسويتي بغيابي ؟ - ما ما سويت بس اخاف بعد لا تعوفني -انشالله ما لحكت اوديج لهلج لذلك ما وديتج خو كوثر ما اذتج - لا لا تبات يمي حبابة حبابة مثلك - انت الي ملاك ماكو مثلج ابد - يعني يعني تحبني - اي احبنج دحدوحة(مربربة) تعالي شميت شعرها - هاي ولج غاسلة بشامبو مالتي -هههه اي ههههه وانام على جهتك ومخدتك هههههه و و اشرب جاي بكوبك ههههههه و و البارحه البارحه لبست فانيلتك ونمت نمت - لا يا الله احتلال كامل مسوية تعالي ولج شو حليانه بغيابي هاااا غيابي يخليج هيجي ضحكت هي...، و لمعت خفكات الگلب وعزف لحن الملگة قصايدة الي تحث طراف كلام الجسد يتحرك يبحث عن بصماته السابقة ويعيدها....رادت تنطق وانه وجهي على وجها رافع خصري وبطني عن بطنها حطيت ايدي على شفتها مسكتها ما اريدها تنطق اي شي مو لايگ مو وكته اريدنها مرة كاملة بفراشي ولو .....! ، نمت ساعتين و كعدت الغروب اذن رحت للجامع صليت لاگاني شاكر المطيرجي وياه سلام العربنجي سابقا (عنده عربانه وحمار يشيل عتيك ، هسة اطور الى صاحب ستوته ) سلم سلام رديت لكن شاكر طلع كبل ! ومسرع رحت راجع للبستان ... دخلت لبيت -شهد شهد طلعت مدنكه وتمشي على كيفها واديها بجيوب بجامتها تمضغ علج(علكة ، لبان) - تعالي وياي لبيت جدج - ما اعتب بيتهم - روحي حطي شي على راسج وتعالي ابسرعة بلا مداهر ما اتحركت صحت -شهد انهز متنها وراحت لبست عباتها اتقربت عليها دخلت خصلتين لشالها وبكلنسة فركت عينها -اي اي -اعيونج حلوة بلا هاي الكحلة تبرزهن وتراني اشلع هالدعابل الخضر واعميج حاطة للخلفوني كحل سألت-وين رايحه بفهاوة -رايحة امسحها بكلنس مائي وراحت وظليت انتظر غصبا ما اعليه متحمل دلالها هاي اذا اعترفت ببرأتها شخلصني منها راح اظل اشهر تدلل طلعت ورحنا لبيت جدي انه متصل بيه حاجزة يفرغ الي نفسة كاعد بالهول وايده منتجية على ركبه رجله - ها ياسر اشعندك اليوم مو جنت وياك اليوم ما حجيت واحنه بالطريق -يا عمي انه احكك كعده زلم واريد فصل منكم كعدت اضحك وشهد باست ايده وكعدت تعلج خزرتها شهد-شنو اشبيك اشرت على حلكها -ها نسيت والله طلعته اجت بيبي كعدت يمها .. -اتصلت جدي برنا ورجلها يجون !؟ - اي المرة تعزب ببيت عيالها وتجي -خوش جا اندهم يصبون النا عشا جوعان انه تعشينا وبيت احمد انادرو اعلينا بس سمعوا بينا اهنا ، واني اعيوني كل لحظة اصد رسلان وابتسم وهي تردها بخوف ، انه احط بماعون الاستكان واشرب الجاي وجدي مل صاح لرسلان كعدت .... ورنا ورجلها كاعدين احمد و عائلته و عادل وامهن و جدتي وخالي ومرته اولاده وبناته ما اعرف يمكن كعدو كلهم من باب الفضول شعنده ياسر ! اشوية صعبت الشغلة اعليه العيون كلها اصد ليه سألت- جدي شتعرف عني - ياسر شغلتك مو خاليه -جدي جاوبني وراح اريحك بس كلي شتعرف عني وعن اخلاقي - رجال معدل بالمختصر حامي الحما - طول كعدتي يمك جبتلك حجايه -حشى هو كاعد يمي همست اله مشاورة -حتى الي ردتها خذيتها ما سويت العيب جدي- ياسر سامع شي عنك احد جايب سمعتك بشي -اي يا جدي عليت صوتي وباوعت لرنا ورجلها زوجها- والله انت اخلاقك ينحلف بيها منو الي غاثك - مع الاسف مني وبيه الي طعن بشرفي جدي شافها السالفه جاده -جنها چايده (?ايدة)سالفتك - اي والله يجدي ايام وانه ما انام ليلي .. بنات ابنك واشرت اعليهن وحده وحده طعنن بشرفي و بشرف وحدة مستورة يا جدي الي طعنو بيها وصلت للموت وخربن بيتها وانه صغرني جدام اهلها رنا- شنو هالكلام صاحت جدي صاح بيها تسكت ورجلها خزرها سكتت تبجي شفت بعيوني رجفة رسلان - يجدي طلعو عني كلام انه عندي شي ويه اخت مرتي ترضاها يا جدي - شنهو هذا الكلام صاح جدي وظل يستغفر -الله اكبر عليكم ليش توك جاي اتكول -ما جنت اعرف يا جدي منهو الي وصلها لأهل البنية - اشلون عرفت سولفت كدامهم..... كلت مثل ما كال مرتضى محادثات مفبركة حفاظا على سمعتها وسالفة الرقم الي اتصل باخو البنية واتضح رقم قديم لرنا رجلها اعترف و جان هو نفسة مذهول مصدوم بمرته انه تعمدت اجيبه الشرف غالي يا بنات خالي مثل ما هجمتن بيتها حلفت اخذ حيفها منكم ... امهن كامت تلطم انه كلمتي دليل عند جدي ينوخذ بيها كام منهار على رسلان جرها لغرفته وبس نسمع صوت اهاتها واستغاثة صوت الضرب قوي الظاهر مو عكال سياط لو حزام و رنا عادل ضربها برجله دفرها ورجلها كاله لا تضربها هي بحمايتي هسة راح اطلع من بيتكم وهي اختكم تستاهل السحاب خله وعافها ماخذ ابنها منها وظلت، احمد هم ضربها جدامي انه اخذت شهد وطلعت من بيتهم .. شهد -رسلان جدي راح يموتها - تستاهل الي سوته مو اشوية اكبر منها انه رجال اشكبرني ما اسويه اخاف ربي ما تدرين شكد يغضب رب السما قذف المحصنات ... شهد - بس ما فهمت المحادثات صدك مفبركات -اي أكيد والاشاعات كلها تشهد لأنها جذب لو مصدكه انه اروح لدا رهم بغياب اهلها - لا لا ابد خلت وراحت شهد لغرفتها انه كعدت بالصالة واسمع اصوات بيت جدي اعقتد شعلت بيه نار اسمع دعاوي اعليه رحت لشهد مديت راسي لكيتها مطروحه واديها جوة راسها وتباوع للسكف بس شافتني دارت وجه - منهو حبيبي انة (مين حبيبي انا) شهد- مادري - ردي اعلية وگولي -خربت الاغنية كافي -جا راح اظل اغني منا لباجر سديت الباب ودخلت كعدت جدامها -ذكرتك والسمة مغيمة وأعليك الروح محتارة مدري الدمع من العين مدري الدنية مطارة - كافي صوتك يخرع ترة - جا اظل اغني للصبح منا من يختفي هذا البوز -اني ما مبوزة -جنه (كانه)وجهج بسطال جندي من ازعلين - ياسر! - اعيونه - اني مو بسطال - يلا بيرية - ههههه ما اضحك كرصت اخدودها -اي اي ضربتها علابية - روح ياسر روح هيج صلح ما اريد - باجر العصر اخذكم للزيارة - مممم ميخالف اروح وتشتري الي كشخة و اريد كم حاجية و تعشيني و تفرفرني بالسيارة - ميخالف بعد - و تغير جهازي -اشطلعت هاي انطيتج عين زياده دولي ربع دينار ماكو ، الصبح مريت بجدي لكيته متكدر كاعد بالحديقة مستظل جوة عريشة سيباطات العنب ويشرب كهوة - اصباح الخير جدي كعدت يمه على كرسي خشبي -شايفني بمنامك - خو ما غضبان اعليه جدي - لا حكك تبرأ اختك بس لو ما كدام رجل رنا - حقك يمكن اسرعت ، كلشي ولا هجمان البيوت - عافها الرجال البارحة من سمع عنها هيجي - جدي الي سونه هم خراب البنية توها طلعت من نوبة قلبية لأجل منتشرة اعليها بالعشيرة سالفة باطلة واتطلكت حط ايده على راسه جنه محتار جدي - ليش هيج سون اريد سبب ماجاي الكه الهن -جدي قبل مدة صارت عركة بينهن وبين اخت مرتي ومرتي وهنه الي بدنها رادن يضربن رقية ورقية من اهل الله اختها دافعت عنها وطكت رسلان واشوية وكحه لسان البنية طردتهن من غرفة رقية ذني ردنها الها اشر رد رمنها بشي يغضب الملايكة وربهن و ذبنها براس اختي چيفن(لان) اكو بينهن غيرة منها وخربن اعليها الزواجه (زواجها من مرتضى) تفكيرهن شيطاني يا جدي لا تلومني لاني خربت بيت رنا وهاي رسلان ربيها يا بوي لا اجيب الك شي چايد هاي موش سهلة وتخوف . الي تفكر هيجي ينخاف منها الفكرة فكرتها اعترفت رنا البارحة - صدكت يبن ابوك انه هم گلبي بعد ما ارتاح الها خلفها ابوها وراح تارك حملها عليه راح ابطلها من هاي الكلية واكعدها اهنا يجي اول نصيب الها انطيها واخلص من همهما -جدي وشهد -اشبيها شهد -جدي شهد خربت زواجتها - انه راح احلها -شنهو تدلل على اختي انه صح راغب لهاي الزواجه بس - بعدك صغير يا ياسر موعيب الي يطلب سترة لبته و الناس منطين كلمه اعليها يردوها - بس بعد الصار ابوها كال من اجاني اختك خليها بعيده عنا المعنى حتى الخطبة رجعو بيها جدي اريد ابري شهد كدامهم بعد اذنك حتى لو ما صارت الزواجه بس لا تنظلم اختي سكت محتار وضايج ادري شكلك سوي الي اشوفه صح .. ، العصر شهد عبالها رايحين للزيارة سوالف تعلوم امي والكليات ما سوتها تخاف المفتشات بالحضرة .. و رقية جهزت نفسها ،كوثر ما اتروح ويانه تبقى بالبيت شهد - اول شي وين انروح ها ما جاوبتها ...وصلت لبيت امي رنيت اعليها طلعت الي محضرة نفسها كعدت يم شهد ، رقية نامت بالطريق .. وشهد وراية تقرة دعاء بكتيب صغير هاي من انروح للزيارة تكعد تدعي ومن طلعة ونسة اتحط سماعات وتسمع طربكة وصلنا لحيهم شهد- ليش اجينا لأهل رقية ! ما جاوبتها وصلنا بيتهم ونزلت دكيت جرسهم ،وطلع الي مرتضى انه منطيهم علم رحب بيه و اشرت لهلي يجون امي سدت الباب و نزلت وشهد كعدت رقية ونزلت رقية وعثرت وشهد لزمتها لاحظت شهد تغير لونها دخلنا مرتضى .. كعدنا بالاستقبال ما خليتهن ينفصلن عني مرتضى رجع وكال -اتفضلو اهنا اخذو راحتكم ويه الاهل قاصد نسواني انه كلت - من رخصتك خوية مرتضى مو هسة ، بس انه عندي حجي ويه الوالد و الوالدة كعد جدامنا وكال خير انشالله عينة زاهدة هالمرتضى احب بيه تدينة ما يرفع عينه اذا حرمة بالمكان . دخلو والده وامه هم بعد السلام دخل علينا مقتدى سلم و ضيفنا ماي وراح سولفت لعمي امي بتها مالها علاقة وانه حطيت ايدي على صدري وحلفت -والي خلق هالروح وراح اقسم بيها اختي مالها علاقة لا من ابعيد ولامن قريب بالي صار كل ما هنالك نفوس ضعيفة رادت الخراب والصوت الي سمعة واشرت على مرتضى هذا الي راسلته اختي وهنه بيدهن الحساب ولاعبت لعب امي كالت - هم بعدنا مستحين منكم و ابوية بنفسة باجر يجي الك ابو علي -ما يحتاج ورايتكم بيضة والنفوس طابت مدام حلف ياسر اخيته مالها ذنب يعني مالها ذنب صدكنا ،وهي هم انضرت البنية وانظلمت •شهد اني دمعتي التافهة ليش طلعت ؟ هسة برأتي طلعت وكدامهم اي ليش بعد راح اصيح و ابجي كدامهم يربي عديها مريد مرتضى هالقاسي يشوفني ابجي مديت ايدي مسحتها ، وجرت غيرها و وجهي انكلب ... اشوية وامي كالت انريد انشوف البنية كمنا اني وامي نشوف زينب دخلونا للهول شفناها كاعدة و رقية حاضنتها كامت النا الظاهر سمعت كلشي امي باست راسها - حقج عليه وحوبتج مراح تتخطاهن امي ظلت بس تتعذر و موقف لا تحسد علية بسبب بنات اخوها .. لو لا الناس متفهمين كان حست بذل قوي .. سلمت عليها وكعدت يمها - احلف الج بعد لو صدكتي زينب ؟ اني مالي ذنب - اساسا كان اكو شك لان ماكو بينا شي وحتى اخر مرة نظفنا سوة بيتكم ،حبيتج وارتاحيت الج بس بعد شي وصار امي وامها ببداية الصالة كعدن يسولفن ورقية راحت اسوي ضيافة - ظليت ايام احس بتأنيب ضمير رغم اني مالي علاقة لأن من خلال حسابي صار الي صار وياسر ما يصدك بيه - اشلونج انت...خو ياسر ما اذاج او ضربج بسببي - لا ابد ابد دخلت رقية و امها كأنها سمعت اطراف حديثنا ورجعت عادت السؤال عليه -خو اخوج ما أذاج شهد من ظلمنج بنات خالج رقية-اي اي شبعها شبعها كتل كتل دمه شفتها العصير الي قدمته الي وهي تحجي صار ينهز بأيدي زينب سكتت غلست و امها ظلت تتكاوت عليه واستخطتني وامي ما قصرت انطتهم تقرير عن حالتي الصحية بالسابق وبشرتهم برسوبي المتوقع •زينب ما تأخرو بيت ياسر يمنا اني رجعت لغرفتي معتزلة هليام ع الوجبات اكعد اكل وبس افكر بشهد ومرتضى يا ترى يكمل موضوعهم لو لا بالنسبة الي ما فرقت عندي جيتهم ما حلت شي الي نفس النتيجة ندكت بابي دكة خفيفة - منو اتفضل عدلت كعدتي على السرير دخل بابا - شو دومج اهنا ما اطلعين - ها ليش اطلع بس بس هسة همست -تعبانه - دائما بلغي النفس ورددي لا تكرهِ شيئًا اختاره الله لكِ ! انتبهت اله بابا كلامة ما يثمن غالي خاصة من يحاضر ابتسم لعيوني وحط ايده على متني -فـ على البلاءِ تؤجر ، وعلى المرض تؤجر ، وعلى الفقدِ تؤجر ، وعلى الصبرِ تؤجر ، فرب الخير لايأتي إلا بخير همهمت مأيدة لكلامة الطيب .. -ونعمْ بالله -يلا كومي يا بَنتي ساعدي امج بالعشا -حاضر تأمر اتواصلت فيما بعد وياي شهد وتناقشنا بالسالفة وسالتني اذا كنت بيوم راسلة لاحد من اهلي رقم مرتضى اتريد تعرف اشلون وصل لرسلان حيل مهتمة بهاي السالفة -ما ادري شهد اني ما احذف رسايل مكانت السالفة بالي فاكيد من مراسلاتي ويه الاهل يجوز راسلته الهم وهي اخذته حسستها هاي السالفه تضوجني حتى بعد ما تفتحها وياي حتى كنت حادة ومقتضبة بردودي وياها لا اريد ابني صداقات ولا علاقات حتى اهلي انعزلو عن الاقارب خاصة من جهة والدي والاخوان انقطعت علاقتهم بأخوهم بابا ظل بس عمي الكبير ع تواصل ويه بابا واني هم اريد انسى عندي بنات عم حتى خوات عماد اه يا عماد جرحة مراح يندمل ابدا اذا ما كل ليلة اتذكر كلامه السابق و وده الي كان يظهرة الي وبين قسوته هسة تركني بطريقة قبيحة حيل خلف وراه كسرة گلب وحسرة واه ما تنمحي ، صفيت على علاج فقط للذبحة الي بصدري وبديت اتحسن جسديا كنت اقرا بكتاب بابا قصص الانبياء كنت هاملته دخلت ماما كالت بدلي ابوج يريد ياخذج يطك الج صور -ليش - مال معاملة طلعت ملحكت أسالها لشنو يجوز يجدد جنسيتي (البطاقة الشخصية) لبست حجاب وعدلت نفسي ورحت وياه بلا مجادلة او استفسار طكيت الصورة ورجعت بالليل كاعده اكرز حب واصفح بالتليفون دخل مرتضى صارله كومه ما داخل عليه من اشهر و الكلام بينا شبه معدوم وان وجد مجرد سؤال وجواب عادي ومرات من يصبح ارد او من اصبح يرد بينما بالسابق كنا أصدقاء حط فايل على الميز -هاي وثيقتج اليوم جبتها الج من المدرسة - ها شسوي بيها كعد يمي - ابوية طلب مني باجر ياخذج يقدم الج على المسائي -شيقدم ؟ - على كلية تربية مسائية وانت اختاري التخصص معدلج ينقبل الي ترديه - بابا يعني بابا الله عليك صدوك تحجي - اي ابوج وهالمرة من وحده لا اتوسطت الج ولا توسلت هو وحده من عرف وقت القبولات راد يقدم الج حطيت ايدي على حلكي و اشهك ودموعي طلعت غصبا عني هديت حلكي وحضنت مرتضى ! -احبك احبك حيل وانت وبابا اموت عليكم بسته من خده خليته صافن عليه ما بينا هيج بس اني فرحتي خلتي ودي احضن الحياطين وابشر الكون بيها يتبع هالمرة قفلتها بفرحة انكسر خاطري عليكم ههههه صدوك شكرا على الاكثرية وافقو على الخيار الاول بالنسبة للنشر على التساهيل وانشاء الله ما اقصر بين يوم ويوم انشر و من اختفي واضم وجهي يعني صارت عندي شغلة وشردت😁✋ زهرتكم المحبة🥀 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
