المغروره والأعمى ، للكاتبة/ بسمه البياتي "عراقية" ( مكتملة )

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( المغروره والأعمى )) للكاتبة/ بسمه البياتي قراءة ممتعة للجميع ...

[فيتامين سي]

رابط لتحميل الرواية هنـــــــــــــــــــا

#المغرورة_والأعمى
بقلم بسمه البياتي

القصه ﺟﺘﻤﺎﻋﻴﺔ ﻋﺎﻃﻔﻴﺔ ﻗﺼﺔ ﻋﺎﺋﻠﺔ ﻋﺮﺍﻗﻴﺔ ﻣﺘﻮﺳﻄﺔ ﺍﻟﺤﺎﻝ ﻳﻘﻮﻡ ﺍﻷﺏ ﺑﺘﺰﻭﻳﺞ ﺃﺑﻨﺘﺔ ﺍﻟﺠﻤﻴﻠﺔ ﺍﻟﻰ ﺭﺟﻞ ﺃﻋﻤﻰ ﺑﺴﺒﺐ ﺍﻓﻀﺎﻝ ﻫﺬﺍ ﺍﻟﺸﺨﺺ ﻋﻠﻰ ﻋﺎﺋﻠﺘﺔ ﺍﻟﻔﺘﺎﺓ


#مقدمه
ﺍﻧﻈﺮ ﺍﻟﻰ ﻣﺮﺁﺗﻲ ﻻ ﺍﺩﺭﻱ ﻋﻦ ﻣﺎﺫﺍ ﺃﺑﺤﺚ
ﻋﻦ ﺍﻧﻌﻜﺎﺱ ﺻﻮﺭﺗﻲ
ﺃﻡ ﺃﺣﻼﻡ ﺗﺘﻮﺳﺪ ﻣﺨﻴﻠﺘﻲ
ﺍﻡ ﻋﻦ ﺍﻟﻤﺴﺘﻘﺒﻞ ﺍﻟﻐﺎﻣﺾ ﺍﻟﺬﻱ ﻳﻨﺘﻈﺮﻧﻲ
ﻳﺎ ﻣﺮﺁﺗﻲ ﻛﻢ ﻫﻮ ﻣﺆﻟﻢ ﻋﻨﺪﻣﺎ ﻳﺤﺴﺪﻧﻲ ﺍﻟﺠﻤﻴﻊ
ﻋﻠﻰ ﻗﻮﺗﻲ
ﻭﻻ ﺃﺣﺪ ﻳﻌﻠﻢ
ﺣﺠﻢَ ﺍﻟﻮﺟﻊ ﺍﻟﺬﻱ ﺑﺪﺍﺧﻠﻲ
ﺳﻜﻮﺗﻲ ﻋﻦ ﻣﺎ ﻻ ﻳﺮﺿﻴﻨﻲ
، ﺗﻨﺎﺯﻻﺗﻲ ﺍﻷﻭﻟﻰ ،
ﺗﻐﺎﺿﻲ ﻋﻦ ﻣﺎ ﺃﺗﻌﺒﻨﻲ
، ﺇﺧﻔﺎﺋﻲ ﻟﺮﻓﻀﻲ
، ﺗﺤﻤﻠﻲ ، ﻛﺘﻤﺎﻧﻲ ،
ﺟﻤﻴﻌﻬﺎ ﺻﻼﺑﺔ ﻟﻢ ﺗﺆﻟﻢ ﺃﺣﺪﺍً ﺳﻮﺍﻱ .
ﻳﺎ ﻣﺮﺁﺗﻲ ﺃﺷﻌﺮ ﺃﻧﻨﻲ ﺃﻛﺎﺩ ﺃﻛﻮﻥ ﻣﺮﻏﻤﺔ ﻋﻠﻰ ﻛﻞ ﺷﻲﺀ
ﻭﺑﺈﺭﺍﺩﺗﻲ، ﺧﻮﻓﺎً ﺃﻭ ﺟﺒﻨﺎً ﺃﻭ ﺣﺒًﺎ !
ﺃﻧﺎ ﻟﺴﺖ ﺃﻧﺎ . ﺃﻧﺎ ﺑﻘﺎﻳﺔ ﺃﻧﺜﻰ ﻣﺮﻏﻤﻰ



# ﺍﻟﻤﻐﺮﻭﺭﺓ - ﻭ ﺍﻷﻋﻤﻰ -
‏( ﺑﻘﻠﻢ - ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻷﻭﻝ -


ﻧﻈﺮﺕ ﺍﻟﻰ ﻣﺮﺁﺗﻲ ﻟﻌﻠﻰ ﺍﺟﺪ ﺷﺊ ﺍﺳﻌﺪﻧﻰ ﻓﻰ ﺣﻴﺎﺗﻰ
ﺍﻭ ﺭﺑﻤﺎ ﺍﻧﺴﻰ ﺍﻟﻴﻮﻡ ﻭﺍﻋﻮﺩ ﺑﻌﻘﻠﻰ ﺍﻟﻰ ﺍﻟﻤﺎﺿﻰ
ﻟﻄﻔﻮﻟﺘﻰ ﺣﻴﺚ ﺍﻟﺒﺮﺍﺀﺓ
ﻭﺃﺑﺪﺍ ﺍﺗﺬﻛﺮ ﻋﺬﻭﺑﻪ ﺍﺣﻼﻣﻰ ﻭﺍﺗﺬﻛﺮ ﻛﻴﻒ ﻛﻨﺖ
ﺍﺿﺤﻚ ﻭﻛﻴﻒ ﻛﺎﻥ ﻛﻼﻣﻰ ..
----------------------
ﻭﺍﻛﻔﺔ ﻛﺪﺍﻡ ﺍﻟﻤﺮﺁﻳﺎ ﺍﺭﺗﺐ ﺷﻌﺮﻱ ﺑﺎﻭﻋﺖ ﻋﻠﻰ ﻧﻔﺴﻲ
ﺟﻨﺖ ﻻﺑﺴﺔ ﻓﺴﺘﺎﻥ ﻟﻮﻥ ﺍﺳﻮﺩ ﺗﺤﺖ ﺍﻟﺮﻛﺒﺔ ﻣﺨﺼﺮ ﻋﻠﻰ ﺍﻟﺠﺴﻢ ﺑﻲ ﺣﺰﺍﻡ ﻓﻀﻲ ﻣﺘﻨﺎﺳﻖ ﻭﻳﺎ ﺟﺴﻤﻲ ﻭﻟﻮﻥ ﺑﺸﺮﺗﻲ ﺍﻟﺒﻴﻀﺔ
ﺩﺧﻠﺖ ﺍﺧﺘﻲ ﺑﺎﻥ ﻟﻠﻐﺮﻓﺔ ﻳﻼ ﺃﻳﻠﻮﻝ ﻣﺎﻣﺎ ﺩﺗﺼﻴﺤﺞ
ﺍﻣﺸﻲ ﻗﺪﻣﻲ ﺍﻟﻌﺼﻴﺮ ﻟﻠﻨﺎﺱ
ﺍﻳﻠﻮﻝ .. ﺑﻤﻠﻞ ﺍﻭﻙ ﺟﺎﻳﺔ
ﺑﺎﻥ ... ﻫﺎﻱ ﺷﺒﻴﺞ ﻳﻤﻌﻮﺩﺓ ﺗﺮﺓ ﺟﺎﻳﻴﻦ ﻳﺨﻄﺒﻮﺝ ﻣﻮ ﻳﻌﺪﻣﻮﺝ
ﺍﻳﻠﻮﻝ .. ﻭﺍﻟﻠﻪ ﻣﺪﺭﻱ ﺷﺒﻴﻪ ﻣﻤﺮﺗﺎﺣﺔ ﺍﺑﺪ
ﺑﺎﻥ ... ﻛﺎﻓﻲ ﻫﺎﺝ ﺍﺧﺬﻱ ﺍﻟﺼﻴﻨﻴﺔ ﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻭﺳﻤﻲ ﻭﻗﺮﻱ ﺍﻟﻔﺎﺗﺤﺔ ﻭﺍﺩﺧﻠﻲ
ﺍﻳﻠﻮﻝ ... ﺑﺎﻭﻋﺖ ﻋﻠﻴﻬﺎ ﺑﻄﺮﻑ ﻋﻴﻨﻲ
ﺍﻱ ﻣﻮ ﺩﺍﺧﻠﺔ ﻣﻌﺮﻛﺔ
ﺍﺧﺬﺕ ﺍﻟﻌﺼﻴﺮ ﻭﺩﺧﻠﺖ ﺳﻠﻤﺖ ﻋﻠﻴﻬﻢ ﻭﻗﺪﻣﺘﻠﻬﻢ ﺍﻟﻌﺼﻴﺮ ﺍﺑﺎﻭﻉ ﻋﻠﻴﻬﻢ ﻳﺒﺎﻋﻮﻥ ﻋﻠﻴﻪ ﺑﺘﻜﺒﺮ ﻭﺑﺎﻟﻜﻮﺓ ﺭﺩﻭ ﺍﻟﺴﻼﻡ
ﺣﺘﻰ ﺍﻟﻌﺼﻴﺮ ﺍﺧﺬﻭﺍ ﻣﻨﻲ ﻭﺭﺟﻌﻮﺍ ﻋﻠﻰ ﺍﻟﻄﺒﻠﺔ ﻣﺸﺮﺑﻮﺍ ﻣﻨﻪ
ﻣﺎﻣﺎ ... ﺗﻌﺎﻟﻲ ﺍﻳﻠﻮﻝ ﺍﻛﻌﺪﻱ
ﺍﻳﻮﻝ ... ﺭﺣﺖ ﻛﻌﺪﺕ ﻳﻢ ﻣﺎﻣﺎ
ﺟﺎﻧﻮﺍ ﺟﺎﻳﻴﻦ ﻧﺴﻮﺍﻥ ﺛﻨﻴﻦ ﺍﻣﻪ ﻭﺧﺎﻟﺘﻪ ﻭﺛﻼﺙ ﺑﻨﺎﺕ ﺟﻨﺎﻳﻨﻬﻢ ﺛﻨﻴﻦ ﻭﺍﻟﺜﺎﻟﺜﺔ ﺍﺧﺘﻪ ﺑﺲ ﺣﻴﻞ ﻛﺸﺨﺔ ﻭﻃﺎﻣﺴﻴﻦ ﺑﺎﻟﺬﻫﺐ
ﺍﻡ ﻳﻮﺳﻒ ... ﺍﻧﻲ ﺟﺎﻳﺔ ﺍﻃﻠﺐ ﺑﻨﺘﺞ ﻫﺎﻱ ﻭﺍﺷﺮﺕ ﻋﻠﻴﻪ ﺍﻷﺑﻨﻲ ﻳﻮﺳﻒ
ﺍﻳﻠﻮﻝ ... ﺣﻴﻞ ﺍﻧﺰﻋﺠﺖ ﻣﻦ ﻃﺮﻳﻘﺔ ﻛﻼﻣﻬﺎ ﻋﺒﺎﻟﻚ ﺍﻧﻲ ﺣﺸﺮﺓ ﻛﺪﺍﻣﻬﺎ ﺭﺩﺕ ﺍﺣﺠﻲ ﻣﺎﻣﺎ ﻟﺰﻣﺖ ﺍﻳﺪﻱ
ﻏﻤﻀﺖ ﻋﻴﻨﻲ ﻭﺟﺮﻳﺖ ﻧﻔﺲ ﻭﺑﻘﻴﺖ ﺳﺎﻛﺘﺔ ﺑﺲ ﻋﻠﻰ ﺍﻋﺼﺎﺑﻲ
ﺍﻡ ﻳﻮﺳﻒ ﻛﻤﻠﺖ ﻛﻼﻣﻬﺎ ﺍﺑﻨﻲ ﻣﻬﻨﺪﺱ ﻭﻋﻨﺪﺓ ﻭﻇﻴﻔﺔ ﻭﺭﺍﺗﺒﺔ ﺯﻳﻦ ﻭﻋﻨﺪﺓ ﺑﻴﺖ ﺍﻛﺒﺮ ﻣﻦ ﺑﻴﺘﻜﻢ ﻫﺬﺍ ﺑﻤﺮﺗﻴﻦ
ﻋﻠﻰ ﺫﻭﻗﺔ ﺑﻨﺎﺀ ﻣﺆﺛﺚ ﺑﺄﺣﺴﻦ ﺍﻷﺛﺎﺙ
ﻭﺳﻴﺎﺭﺗﺔ ﺣﺪﻳﺜﺔ
ﻳﻌﻨﻲ ﺍﻟﺤﻤﺪ ﻟﻠﺔ ﻣﻨﺎﻗﺼﺔ ﺷﻲ
ﺟﻨﺖ ﻫﻮﺍﻳﺔ ﺍﺭﻳﺪﺓ ﻳﺰﻭﺝ ﺑﺲ ﺟﺎﻥ ﺭﺍﻓﺾ ﺭﻏﻢ ﺟﺒﺘﻠﺔ ﻛﻮﻣﺔ ﺑﻨﺎﺕ ﻛﻮﻟﻬﻦ ﺷﻬﺎﺩﺍﺕ ﻭﻣﻦ ﻋﻮﺍﺋﻞ ﺭﺍﻗﻴﺔ
ﺃﻳﻠﻮﻝ .. ﺍﻧﻲ ﻛﻠﻤﺎ ﺍﺭﻳﺪ ﺍﺣﺠﻲ ﻣﺎﻣﺎ ﺗﻠﺰﻣﻨﻲ ﻫﺎﻱ ﺟﺎﻳﺔ ﺗﺨﻄﺐ ﻟﻮ ﺟﺎﻳﺔ ﺗﻬﻴﻨﻲ
ﺧﺎﻟﺔ ﻳﻮﺳﻒ .. ﺍﻧﺘﻲ ﺍﺷﻜﺪ ﻋﻤﺮﺝ
ﺍﻳﻠﻮﻝ ... ﺑﺎﻟﻜﻮﺓ ﺟﺎﻭﺑﺘﻬﺎ ﻣﻦ ﺍﻋﺼﺎﺑﻲ
ﻋﻤﺮﻱ 25
ﺧﺎﻟﺘﺔ ... ﻫﺎﻱ ﺷﻨﻮ ﺍﻧﺘﻲ ﺟﺒﻴﺮﺓ ﺷﻌﺠﺐ ﻣﻤﺰﻭﺟﺔ ﻟﻬﺴﻪ ﺑﻨﺎﺗﻨﺎ ﺑﻌﻤﺮﺝ ﺣﺘﻰ ﺍﻃﻔﺎﻝ ﻋﺪﻫﻢ
ﻣﺎﻣﺎ ... ﻋﻴﻨﻲ ﺗﺮﺓ ﻫﻮﺍﻳﺔ ﻳﺠﻮﻫﺎ ﺑﺲ ﺧﻮﻣﺎ ﻧﻨﻄﻴﻬﺎ ﺍﻟﻴﺎﻫﻮ ﺍﻟﺠﺎﻥ ﺍﻛﻴﺪ ﻧﺮﻳﺪﻟﻬﺎ ﻗﺴﻤﺔ ﺯﻳﻨﺔ ﻭ 25 ﻣﻮ ﺟﺒﻴﺮﺓ ﻫﻮ ﻫﺬﺍ ﺍﻟﺴﻦ ﺍﻟﻤﻨﺎﺳﺐ ﻟﻠﺰﻭﺍﺝ
ﺍﻡ ﻳﻮﺳﻒ ... ﺍﻧﻲ ﺟﻨﺎﺗﻲ ﺛﻨﻴﻨﻬﻦ ﺍﺻﻐﺮ ﻣﻨﻬﺎ ﻫﺴﻪ ﺍﻟﺸﺒﺎﺏ ﺗﺮﻳﺪ ﺑﻨﺖ ﺍﻝ 17 ﻭ 18
ﻣﺎﻣﺎ ... ﻟﻌﺪ ﺟﺎﻥ ﺍﺧﺬﺗﻴﻠﺔ ﺑﻨﺖ 17 ﻟﻴﺶ ﺟﺎﻳﺔ ﻋﻠﻰ ﺑﻨﺘﻲ
ﺍﻡ ﻳﻮﺳﻒ ... ﺑﻀﺤﻚ ﺷﺴﻮﻱ ﺍﺫﺍ ﻫﻮ ﻣﻦ ﻳﻮﻡ ﺍﻟﻲ ﺷﺎﻑ ﺑﻨﺘﺞ ﺑﺎﻟﻌﺮﺱ ﻭﻗﻔﻞ ﻋﻠﻴﻬﺎ
ﺍﺧﺖ ﻳﻮﺳﻒ .. ﺣﺠﺖ ﻭﻫﻲ ﺗﺘﻨﻌﻮﺹ ﺯﻳﻦ ﺍﻧﺘﻲ ﻣﺨﻠﺼﺔ ﺩﺭﺍﺳﺔ ﻟﻮ ﺭﺑﺔ ﺑﻴﺖ
ﺍﻳﻠﻮﻝ ... ﺑﻨﻔﺎﺫ ﺻﺒﺮ ﺍﻧﻲ ﺧﺮﻳﺠﺔ ﻣﻌﻬﺪ ﻗﺴﻢ ﺃﺩﺭﺍﺓ ﻗﺎﻧﻮﻧﻴﺔ
ﺍﻡ ﻳﻮﺳﻒ .. ﻭﻫﻲ ﺗﻌﻮﺝ ﺣﻠﻜﻬﺎ ﻭﺗﺤﺠﻲ ﺑﺼﻮﺕ ﻧﺎﺻﻲ ﺑﺲ ﻣﺴﻤﻮﻉ ﻃﻠﻌﺖ ﻣﻌﻬﺪ ﺣﺘﻰ ﻣﻮ ﻛﻠﻴﺔ
ﻣﺎﻣﺎ .. ﻭﺷﺒﻲ ﺍﻟﻤﻌﻬﺪ ﺍﻟﻤﻬﻢ ﻋﺪﻫﺎ ﺷﻬﺎﺩﺓ
ﺣﺠﺖ ﺟﻨﺘﻬﻢ ﺭﺍﺩﺕ ﺗﻐﻴﺮ ﺍﻟﻤﻮﺿﻮﻉ ﻻﻥ ﺍﻟﺠﻮ ﺗﻮﺗﺮ ﺍﻛﻮﻝ ﺣﺒﻴﺒﺘﻲ ﻫﺬﺍ ﺷﻌﺮﺝ ﻟﻮ ﺗﺮﻛﻴﺐ
ﺍﻡ ﻳﻮﺳﻒ ... ﻋﺰﺍﺍ ﺑﺲ ﻻﻳﻄﻠﻊ ﺗﺮﻛﻴﺐ
ﻣﺎﻣﺎ ... ﺟﺎﻭﺑﺖ ﺑﻌﺼﺒﻴﻪ ﻻ ﻃﺒﻌﺂ ﺷﻌﺮﻫﺎ
ﺑﻨﺎﺗﻲ ﻣﻴﺤﺘﺎﺟﻮﻥ ﻫﺎﻱ ﺍﻟﺸﻐﻼﺕ ﻻﻥ ﻣﻦ ﺍﻟﻠﻪ ﻫﻨﺎ ﺣﻠﻮﺍﺕ
ﺟﻨﺘﻬﻢ ﺿﺎﺟﺖ ﻛﺎﻟﺖ ﺗﺮﺓ ﻣﻘﺼﺪﺕ ﺷﻲ ﺑﺲ ﻻﻥ ﺷﻔﺘﺔ ﻃﻮﻳﻞ ﻛﻮﻟﺶ ﻭﺳﺮﺡ ﻛﻠﺖ ﻳﻤﻜﻦ ﺗﺮﻛﻴﺐ
ﻣﺎﻣﺎ ... ﻛﻮﻟﻲ ﻣﺎﺷﺎﺀ ﺍﻟﻠﻪ ﻋﻴﻮﻧﻲ
ﺟﻨﺘﻬﻢ .. ﻣﺎ ﺷﺎﺀ ﺍﻟﻠﻪ ﻭﻋﻮﺟﺖ ﺣﻠﻜﻬﺎ
ﻭﺑﻘﻮﺍ ﻳﺤﺠﻮﻥ ﻭﻳﺎ ﻣﺎﻣﺎ ﻭﺍﻧﻲ ﻛﺎﻋﺪﺓ ﻋﻠﻰ ﺍﻋﺼﺎﺑﻲ ﺍﺧﻴﺮ ﺷﻲ ﻛﺎﻟﻮﺍ ﻫﺬﺍ ﺭﻗﻤﻨﺎ ﻭﻧﻨﺘﻈﺮ ﻣﻨﻜﻢ ﺟﻮﺍﺏ ﺳﻠﻤﻮﺍ ﻭﻃﻠﻌﻮﺍ
ﺍﻳﻠﻮﻝ ... ﻛﻤﺖ ﻋﻠﻰ ﺍﻟﺴﺮﻳﻊ ﺩﺧﻠﺖ ﻟﻠﻐﺮﻓﺔ ﻭﺍﻧﻲ ﺷﺎﻳﻄﺔ ﻣﻦ ﺍﻷﻋﺼﺎﺏ ﺑﺪﻳﺖ ﺃﺑﺪﻝ ﻣﻼﺑﺴﻲ ﺑﻌﺼﺒﻴﻪ ﺩﺧﻠﺖ ﻣﺎﻣﺎ ﻋﻠﻴﻪ
ﻫﺎ ﺑﻨﺘﻲ ﻟﻮﻟﺔ ﺷﻨﻮ ﺭﺍﻳﺞ ﺑﺎﻟﻮﻟﺪ
ﺍﻳﻠﻮﻝ .. ﺑﺎﻭﻋﺖ ﻋﻠﻴﻬﺎ ﺑﻌﺼﺒﻴﻪ
ﻛﺘﻠﻬﺎ ﻗﺼﺪﺝ ﺷﻨﻮ ﺭﺍﻳﺞ ﺑﺎﻫﻠﺔ
ﻣﺎﻣﺎ ... ﻭﺍﻧﺘﻲ ﺷﻌﻠﻴﺞ ﺑﺄﻫﻠﺔ ﺭﺍﺡ ﺗﺰﻭﺟﻲ ﻫﻮ ﻟﻮ ﺍﻫﻠﺔ . ؟
ﺍﻳﻠﻮﻝ ... ﻣﺨﺘﺼﺮ ﺍﻟﻜﻼﻡ ﺍﻧﻲ ﻣﻤﻮﺍﻓﻘﺔ
ﺍﺷﻮ ﻣﺎﻣﺎ ﻛﺒﺖ ﻧﺎﺭ ﻭﺍﻟﻰ ﻣﺘﻰ ﻫﺬﺍ ﻣﺎ ﺍﺭﻳﺪﺓ ﻫﺬﺍ ﻣﻴﻌﺠﺒﻨﻲ ﻟﺞ ﺻﺎﺭ ﻋﻤﺮﺝ 25 ﻭﺍﻧﺘﻲ ﺑﻌﺪﺝ ﻋﻠﻰ ﻗﻠﺒﻲ
ﺍﻳﻠﻮﻝ ... ﺣﺰﺕ ﺑﻨﻔﺴﻲ ﻛﻠﻤﺘﻬﺎ ﺑﺲ ﻣﺒﻴﻨﺖ ﺍﻟﻬﺎ
ﺑﺎﻭﻋﺖ ﻋﻠﻴﻬﺎ ﺑﻘﻬﺮ ﻣﺎﻣﺎ ﺭﺟﺎﺀﺁ ﻛﺘﻠﺞ ﻣﺎ ﺍﺭﻳﺪﺓ ﻭﺧﻠﺺ
ﻣﺎﻣﺎ ... ﺍﻳﻠﻮﻝ ﻛﺎﻓﻲ ﺍﻧﻄﻴﺘﺞ ﻋﻴﻦ ﻫﻮﺍﻳﺔ ﺍﻟﻮﻟﺪ ﻣﻴﺘﻌﻴﺐ ﻣﺘﻠﻜﻴﻦ ﺍﺣﺴﻦ ﻣﻦ ﻫﺎﻱ ﺍﻟﻘﺴﻤﺔ ﻭﺍﺫﺍ ﻋﻠﻰ ﺍﻫﻠﺔ ﻫﻮ ﺭﺍﺡ ﻳﻜﻌﺪﺝ ﺑﻴﺖ ﻭﺣﺪﺝ ﺍﻧﺘﻲ ﺷﻌﻠﻴﻴﻴﺞ ﺑﻴﻬﻢ ﻛﺎﻓﻲ ﺭﺍﺡ ﺗﻤﻮﺗﻴﻨﻲ ﺗﺮﺭﺭﺭﺭﺓ
ﻃﻠﻌﺖ ﻣﻦ ﺍﻟﻐﺮﻓﺔ ﻭﺍﺳﻤﻊ ﺻﻮﺗﻬﺎ ﺗﺤﺠﻲ ﻭﻳﺎ ﻭﺩ ﺍﺧﺘﻲ ﺑﺎﻟﺘﻠﻔﻮﻥ ﻭﺩﺭﺩﻡ ﻋﻠﻴﻪ ﻣﻬﺘﻤﻴﺖ ﺍﻟﻜﻼﻣﻬﺎ ﺟﻴﺖ ﻛﻌﺪﺕ ﻣﻘﺎﺑﻴﻞ ﻣﺮﺁﻳﺘﻲ ﻭﺃﺧﺬﺗﻨﻲ ﺍﻟﺼﻔﻨﺔ
ﻓﺰﻳﺖ ﻋﻠﻰ ﺻﻮﺕ ﻃﺒﻜﺔ ﺍﻟﺒﺎﺏ ﻗﻮﻭﻱ ﺷﻔﺖ ﻣﺎﻣﺎ ﻛﺪﺍﻣﻲ
ﻣﺎﻣﺎ ... ﻫﻮﻭﻭ ﻫﺬﺍﺍﺍﺍ ﺍﻟﻲ ﺍﻧﺘﻲ ﻓﺎﻟﺤﺔ ﺑﻲ ﻟﻴﻞ ﻭﻧﻬﺎﺭ ﻛﺪﺍﻡ ﺍﻟﻤﺮﺁﻳﺎ
ﺷﻮﻓﻲ ﺣﺘﻰ ﻗﺴﻤﺘﺞ ﺍﻧﺴﺪﺕ ﻫﻠﻜﺪ ﻣﺘﺒﺎﻭﻋﻴﻦ ﻋﻠﻴﻬﺎ
ﺍﻳﻠﻮﻝ ... ﻓﺪﻭﺓ ﻣﺎﻣﺎ ﻣﺘﻌﺒﺘﻲ ﻣﻦ ﻫﺬﺍ ﺍﻟﻜﻼﻡ ﻫﻢ ﺭﺟﻌﺘﻲ ﻋﻠﻰ ﻣﻮﺿﻮﻉ ﺍﻟﻤﺮﺁﻳﺎ
ﻣﺎﻣﺎ ... ﻟﻴﺶ ﻫﻮ ﺍﻧﻲ ﺷﻮﻛﺖ ﺍﻧﺘﻬﻴﺖ ﻣﻨﻪ ﺣﺘﻰ ﺍﺭﺟﻊ ﻟﺞ ﻟﻮ ﻣﺰﻭﺟﺔ ﺟﺎﻥ ﻫﺴﻪ ﺍﻃﻔﺎﻟﺞ ﺑﺎﻟﻤﺪﺭﺳﺔ ﺷﻮﻓﻲ ﺧﻮﺍﺗﺞ ﻭﺷﻮﻓﻲ ﻧﻔﺴﺞ ﺗﺨﺘﻠﻔﻴﻦ ﻋﻨﻬﻢ ﺑﻜﻮﻟﺸﻲ ﻻ ﻋﺒﺎﻟﺞ ﻫﺬﺍ ﺟﻤﺎﻟﺞ ﻳﻔﻴﺪﺝ ﻭﻣﻐﺮﻭﺭﺓ ﺑﻲ ﺗﺮﺓ ﺍﻟﺠﻤﺎﻝ ﻣﺼﻴﺮﺓ ﻳﺰﻭﻝ ﻭﺍﻧﻲ ﻭﺍﺑﻮﺝ ﻣﺪﺍﻳﻤﻴﻠﺞ ﻟﺤﻜﻲ ﺭﻭﺣﺞ ﻭﺗﺰﻭﺟﻲ ﺑﻠﻜﻲ ﻳﺼﻴﺮﻟﺞ ﻃﻔﻞ ﻃﻔﻠﻴﻦ ﻳﺴﻨﺪﻭﺝ ﻣﻦ ﺗﻜﺒﺮﻳﻦ.......قصص عراقيه حقيقيه من واقعنا.روعه الطائي
ﺍﻳﻠﻮﻝ ... ﻭﻛﻔﺖ ﻭﺑﺎﻭﻋﺖ ﻋﻠﻴﻬﺎ ﺑﻜﻞ ﺷﻤﻮﺥ ﺧﻠﺼﺘﻲ ﻟﻮ ﺑﻌﺪﺝ ﺷﻮﻓﻲ ﻣﺎﻣﺎ ﻟﻮ ﺗﻜﻄﻌﻴﻨﻲ ﻣﺮﺍﺡ ﺍﻭﺍﻓﻖ ﻋﻠﻰ ﻫﺬﻭﻟﺔ ﺍﻟﻨﺎﺱ ﻣﻮ ﺍﻳﻠﻮﻝ ﺍﻟﻲ ﺗﻘﺒﻞ ﺗﻨﺬﻝ ﻭﻳﺘﺒﺎﻭﻉ ﻋﻠﻴﻬﺎ ﺑﻌﻴﻦ ﺍﻟﺼﻐﻴﺮﺓ
ﺟﺎﻥ ﺍﻛﻮ ﺩﻭﻟﻜﺔ ﻣﺎﻝ ﻣﻲ ﻛﺰﺍﺯ ﺷﺎﻟﺘﻬﺎ ﻭﺿﺮﺑﺘﻬﺎ ﻗﻮﻭﻱ ﺑﺎﻟﻤﺮﺁﻳﺎ
ﺍﻳﻠﻮﻝ .. ﺍﻧﻲ ﺑﺴﺮﻋﺔ ﺭﻓﻌﺖ ﺍﻳﺪﻱ ﺣﻤﻴﺖ ﻭﺟﻬﻲ ﻻﻥ ﺍﻟﻜﺰﺍﺯ ﻃﻔﺮ ﻋﻠﻴﺔ
ﺷﻠﺖ ﺍﻳﺪﻱ ﻟﻜﻴﺖ ﻣﺎﻣﺎ ﺟﺎﻣﺪﺓ ﺑﻤﻜﺎﻧﻬﺎ ﻳﻤﻜﻦ ﻫﻲ ﻫﻢ ﺍﻧﺼﺪﻣﺖ ﻣﻦ ﻫﺬﺍ ﺗﺼﺮﻓﻬﺎ
ﺑﺎﻭﻋﺖ ﻋﻠﻰ ﺯﻧﺪﻱ ﺍﻣﺎﻛﻦ ﻫﻮﺍﻳﺔ ﻳﺠﺮﻱ ﻣﻨﻬﺎ ﺩﻡ
ﺑﺲ ﻣﻬﺘﻤﻴﺖ ﺍﻧﺪﺍﺭﻳﺖ ﻋﻠﻰ ﻣﺮﺁﻳﺘﻲ ﺷﻔﺘﻬﺎ ﻣﺘﻜﺴﺮﺓ ﻭﺍﻟﺰﺟﺎﺝ ﻣﻨﺜﻮﺭ ﺑﻜﻞ ﻣﻜﺎﻥ
ﺣﺴﻴﺖ ﻭﺟﻊ ﺑﻘﻠﺒﻲ ﻋﺒﺎﻟﻚ ﺭﻭﺣﻲ ﺍﻟﻨﻜﺴﺮﺕ ﻣﻮ ﺍﻟﻤﺮﺁﻳﺎ
ﺧﻮﺍﺗﻲ ﺑﺎﻥ ﻭﻣﺎﺭﻳﺎ ﻭﺍﻛﻔﻴﻦ ﻳﻢ ﻣﺎﻣﺎ ﻣﺼﺪﻭﻣﻴﻦ ﻭﻳﺒﺠﻮﻥ
ﻣﺎﻣﺎ ﻭﻋﻴﻮﻧﻬﺎ ﻛﻠﻬﺎ ﺩﻣﻮﻉ ﺗﺮﻳﺪ ﺗﻘﺘﺮﺏ ﻣﻨﻲ
ﺍﺷﺮﺗﻠﻬﺎ ﺗﻮﻛﻒ
ﺍﻳﻠﻮﻝ ... ﺍﻳﺎﺝ ﺗﻘﺘﺮﺑﻴﻦ ﻣﻨﻲ ﺍﻃﻠﻌﻮﺍ ﺑﺮﻩ
ﻣﺎﻣﺎ .. ﻭﻫﻲ ﺗﺒﺠﻲ ﺍﻳﺪﺝ ﺩﺗﻨﺰﻑ ﺑﺲ ﺧﻠﻲ ﺍﺷﻮﻓﻬﺎ
ﺍﻳﻠﻮﻝ ... ﻋﻄﺖ ﺑﻌﻠﻮﺍ ﺻﻮﺗﻲ ﻭﺷﻠﺖ ﻛﺰﺍﺯﺓ ﻭﺧﻠﻴﺘﻬﺎ ﻋﻠﻰ ﺭﻛﺒﺘﻲ
ﻛﺘﻠﻬﺎ ﺑﺲ ﺗﻘﺘﺮﺑﻴﻦ ﺍﺫﺑﺢ ﺭﺭﺭﺭﺭﺭﻭﺣﻲ
ﻣﺎﻣﺎ ... ﻭﺧﻮﺍﺗﻲ ﺑﻘﻮﺍ ﻳﻌﻴﻄﻮﻥ ﻭﻟﺞ ﺍﻳﻠﻮﻝ ﺫﺑﻴﻬﺎ ﻣﻦ ﺍﻳﺪﺝ ﻻﺗﺘﺨﺒﻠﻴﻦ
ﺍﻳﻠﻮﻝ .. ﺻﺤﺖ ﺑﺼﻮﺕ ﺍﻋﻠﻰ ﺍﻃﻠﻌﻮﺍ ﺑﺮﺭﺭﺭﺭﺭﺭﺭﺭﺭﺭﺭﺍ
ﻭﺑﻬﺎﻱ ﺍﻷﺛﻨﺎﺀ ﺩﺧﻞ ﺑﺎﺑﺎ ﻟﻠﻐﺮﻓﺔ ﺟﺎﻥ ﻣﻤﻮﺟﻮﺩ ﺍﻟﻈﺎﻫﺮ ﻫﺴﻪ ﺟﺎﻱ ﻣﻦ ﺍﻟﺸﻐﻞ
ﺷﺎﻓﻨﻲ ﺗﺨﺒﻞ
ﺑﺎﺑﺎﺗﻲ ﺃﻳﻠﻮﻝ ﺫﺑﻲ ﺍﻟﻜﺰﺍﺯﺓ ﻣﻦ ﺍﻳﺪﺝ ﺍﻧﻲ ﺿﺎﻏﻄﺘﻬﺎ ﻗﻮﻱ ﺑﻴﺪﻱ ﺣﺴﻴﺘﻬﺎ ﻛﺼﺖ ﺍﻳﺪﻱ ﻭﺍﻟﺪﻡ ﻳﻨﺰﻝ
ﺟﺎﻥ ﻳﻘﺘﺮﺏ ﺑﺎﺑﺎ ﻣﻨﻲ
ﺑﺎﺑﺎ .. ﻭﻳﻬﻮﻥ ﻋﻠﻴﺞ ﺍﺑﻮﺝ ﺗﺮﻳﺪﻳﻦ ﺗﺘﺮﻛﻲ ﻭﺗﺤﺮﻛﻴﻦ ﻗﻠﺒﻪ ﻋﻠﻴﺞ
ﺍﻳﻠﻮﻝ ... ﻫﻮ ﻛﺎﻝ ﻫﺎﻱ ﺍﻟﻜﻠﻤﺘﻴﻦ ﻭﺍﻧﻲ ﺍﻧﻬﺎﺭﻳﺖ ﺑﺎﻟﺒﺠﻲ ﺍﺟﻪ ﺑﺴﺮﻋﺔ ﺣﻀﻨﻲ ﻭﺍﺧﺬ ﺍﻟﻜﺰﺍﺯﺓ ﻣﻦ ﺍﻳﺪﻱ ﺍﻧﻲ ﺑﻘﻴﺖ ﺍﺑﺠﻲ ﺑﻬﺴﺘﻴﺮﻳﺎ ﺑﺤﻀﻨﻪ ﺍﻟﺤﺪ ﻣﻔﻘﺪﺕ ﺍﻟﻮﻋﻲ ﻭﻣﺼﺤﻴﺖ ﻏﻴﺮ ﻭﺍﻧﻲ ﺑﺎﻟﻤﺴﺘﺸﻔﻰ ﻭﺍﻟﻜﺎﻧﻮﻟﺔ ﺑﻴﺪﻱ ﻭﻣﺸﻜﻠﻴﻠﻲ ﻣﻐﺬﻱ ﻭﺑﺎﺑﺎ ﻳﻤﻲ
ﺑﺎﺑﺎ ... ﻫﺎ ﺑﺎﺑﺎﺗﻲ ﺷﻠﻮﻥ ﺻﺮﺗﻲ
ﺍﻳﻠﻮﻝ ... ﺑﺼﻮﺕ ﻣﺒﺤﻮﺡ ﺍﻟﺤﻤﺪ ﻟﻠﻪ
ﺑﺎﻭﻋﺖ ﻋﻠﻰ ﺃﻳﺪﻱ ﻣﻀﻤﺪﻳﻬﺎ ﻭﺍﻛﻮ ﻻﺻﻘﺎﺕ ﻣﺎﻝ ﺟﺮﻭﺡ ﻋﻠﻰ ﺯﻧﺪﻱ
ﺍﻳﻠﻮﻝ ... ﺑﺎﺑﺎ ﻓﺪﻭﺓ ﺍﺭﻳﺪ ﺍﺭﺟﻊ ﻟﻠﺒﻴﺖ ﺍﻧﻲ ﺑﻄﺒﻌﻲ ﻛﻮﻟﺶ ﺍﻛﺮﻩ ﺍﻟﻤﺴﺘﺸﻔﻴﺎﺕ ﻣﻦ ﺍﺷﻢ ﺭﻳﺤﺘﻬﺎ ﺍﺩﻭﺥ ﻭﻧﻔﺴﻲ ﺗﺒﻘﺔ ﺗﻠﻌﺐ
ﺑﺎﺑﺎ ﺷﺎﻑ ﻣﻤﺮﺿﺔ ﺻﺎﺣﻬﺎ ﻛﺎﻝ ﺷﻮﻓﻴﻬﺎ ﺍﺫﺍ ﺍﻛﺪﺭ ﺍﻃﻠﻌﻬﺎ ﻗﺎﺳﺖ ﺿﻐﻄﻲ ﻻﻥ ﺻﺎﻳﺮ ﻋﻨﺪﻱ ﻫﺒﻮﻁ ﺑﺎﻟﻀﻐﻂ
ﺍﻟﻤﻤﺮﺿﺔ .. ﺿﻐﻄﻬﺎ ﺗﻤﺎﻡ ﻓﺼﻠﺖ ﺍﻟﻤﻐﺬﻱ ﻭﺷﺎﻟﺖ ﺍﻟﻜﺎﻧﻮﻟﺔ
ﺍﻳﻠﻮﻝ .. ﻃﻠﻌﺖ ﺃﻣﺸﻲ ﻭﻳﺎ ﺑﺎﺑﺎ ﻭﺟﻨﺖ ﺑﻌﺪﻧﻲ ﺷﻮﻳﻪ ﺩﺍﻳﺨﺔ
ﺷﻔﺖ ﻋﻴﺴﻰ ﺯﻭﺝ ﻭﺩ ﻭﺍﻛﻒ ﻛﺪﺍﻡ ﺑﺎﺏ ﺍﻟﺮﺩﻫﺔ ﺷﺎﻓﻨﻲ ﺗﺤﻤﺪﻟﻲ ﺑﺎﻟﺴﻼﻣﺔ
ﺑﺎﺑﺎ ... ﻳﺴﺎﻝ ﻋﻴﺴﻰ ﺷﻜﺎﻝ ﺍﻟﺪﻛﺘﻮﺭ ﺗﻜﺪﺭ ﺗﻄﻠﻊ ﺃﻡ ﻗﺪﺭ ﻟﻮ ﻻ
ﺍﻳﻠﻮﻝ ... ﺍﻧﻲ ﺳﻤﻌﺘﺔ ﻫﻴﺠﻲ ﻛﺎﻝ ﻓﺰﻳﺖ ﻧﺪﺍﺭﻳﺖ ﻋﻠﻴﻪ ﺑﺴﺮﻋﺔ ﻟﻴﺶ ﺷﺒﻴﻬﺎ ﻣﺎﻣﺎ
ﺑﺎﺑﺎ .. ﻻﺗﺨﺎﻓﻴﻦ ﻣﺒﻴﻬﺎ ﺷﻲ ﺑﺲ ﺷﻮﻳﻪ ﺍﺧﺘﻨﻜﺖ ﺑﺴﺒﺐ ﺍﻟﺤﺴﺎﺳﻴﺔ ﻭﺍﻟﺮﺑﻮ ﺍﻟﻌﺪﻫﺎ
ﻗﺒﻞ ﻻﻳﻜﻤﻞ ﻛﻼﻣﺔ ﺑﺴﺮﻋﺔ ﺩﺧﻠﺖ ﺟﻮﻩ ﻭﺟﺎﻥ ﺍﺷﻮﻑ ﻣﺎﻣﺎ ﺳﻮﺩﺓ ﻋﻠﻴﺔ ﻧﺎﻳﻤﺔ ﻋﻠﻰ ﺍﻟﺴﺪﻳﺔ ﻭﻣﺨﻠﻴﻠﻬﺎ ﺍﻭﻛﺴﺠﻴﻦ ﻭﻣﺒﻴﻦ ﻋﻠﻴﻬﺎ ﺍﻟﺘﻌﺐ ﻭﺃﺧﺘﻲ ﻭﺩ ﻳﻤﻬﺎ ﺭﻛﻀﺖ ﻋﻠﻴﻬﺎ ﻟﺰﻣﺖ ﺍﻳﺪﻫﺎ ﺃﺑﻮﺱ ﺑﻴﻬﺎ ﻣﺎﻣﺎ ﺣﺒﺒﺒﺘﻲ ﻓﺪﻭﺓ ﺍﺭﻭﺣﻠﺞ ﺷﺒﻴﺞ ﺍﻧﻲ ﺍﻟﺴﺒﺐ ﻫﻴﺠﻲ ﺻﺎﺭ ﺑﻴﺞ ﺷﺎﻟﺖ ﺍﻷﻭﻛﺴﺠﻴﻦ ﻣﻦ ﻭﺟﻬﺎ ﻭﺣﺠﺖ
ﻣﺎﻣﺎ ... ﻻﺗﺨﺎﻓﻴﻦ ﻋﻤﺮﻱ ﻣﺒﻴﻪ ﺷﻲ ﺍﻧﺘﻲ ﺷﻠﻮﻥ ﺻﺮﺗﻲ
ﺍﻳﻠﻮﻝ .. ﻣﺴﺤﺖ ﺩﻣﻮﻋﻲ ﻛﺘﻠﻬﺎ ﺍﻧﻲ ﺍﻟﺤﻤﺪﻟﻠﻪ ﻣﺒﻴﻪ ﺷﻲ
ﻭﺭﻩ ﺭﺑﻊ ﺳﺎﻋﺔ ﺭﺟﻌﻨﺎ ﻟﻠﺒﻴﺖ
ﺑﺲ ﺣﺴﻴﺖ ﺑﺎﺑﺎ ﺿﺎﻳﺞ ﻣﻨﻲ ﻭ ﺍﺧﺘﻲ ﻭﺩ ﻭﺟﻬﺔ ﺛﻜﻴﻞ ﻋﻠﻴﻪ ﻭﻣﺘﺤﺠﻲ ﻭﻳﺎﻱ ﻧﺰﻟﺖ ﻣﻦ ﺍﻟﺴﻴﺎﺭﺓ ﺩﺧﻠﺖ ﻟﻠﺒﻴﺖ ﺑﺎﻥ ﻭﻣﺎﺭﻱ ﺍﺟﻮ ﻳﺮﻛﻀﻮﻥ ﺣﻀﻨﻮﻧﻲ ﻭﻳﺒﺠﻮﻥ
ﺃﻳﻠﻮﻝ ... ﻫﺎﻱ ﺷﺒﻴﻜﻢ ﺗﺮﻩ ﻛﻮﻟﺸﻲ ﻣﺒﻴﻪ ﻻﺗﺨﺎﻓﻮﻥ ﻣﺎ ﺍﻣﻮﺕ
ﻛﺎﻟﻮﺍ ﺍﺳﻢ ﺍﻟﻠﻪ ﺑﺲ ﻭﺍﻟﻠﻪ ﺧﻔﻨﺎ ﻋﻠﻴﺞ
ﺑﻌﺪﻳﻦ ﺷﺎﻓﻮﺍ ﻣﺎﻣﺎ ﺗﻌﺒﺎﻧﺔ ﺭﻛﻀﻮﺍ ﻋﻠﻴﻬﺎ ﻳﺒﻮﺳﻮﻥ ﺑﻴﻬﺎ ﺩﺧﻠﻨﺎ ﻟﻠﺒﻴﺖ ﺧﻄﻴﺔ ﺟﺎﻧﻮﺍ ﺍﻟﺒﻨﺎﺕ ﻣﺴﻮﻳﻦ ﻋﺸﻪ ﺗﻌﺸﻴﻨﺎ ﺑﻌﺪ ﺍﻟﻌﺸﻪ ﻣﺎﻣﺎ ﺭﺍﺣﺖ ﺗﻨﺎﻡ ﻷﻥ ﺃﺩﻭﻳﺔ ﺍﻟﺤﺴﺎﺳﻴﺔ ﺍﻛﺜﺮﻫﺎ ﺗﻨﻮﻡ
ﺑﺎﺑﺎ .. ﺍﻳﻠﻮﻝ ﻳﻼ ﺣﺠﻴﻠﻲ ﺷﻨﻮ ﺻﺎﺭ ﻭﻟﻴﺶ ﻫﻴﺠﻲ ﺳﻮﻳﺘﻲ ﻭﺭﺩﺗﻲ ﺗﻨﺘﺤﺮﻳﻦ
ﺍﻳﻠﻮﻝ ... ﺍﻧﻲ ﺧﺠﻠﺖ ﻭﻣﻌﺮﻓﺖ ﺷﺠﺎﻭﺑﺔ ﻋﻴﺴﻰ ﺭﺍﺩ ﻳﺘﺮﺧﺺ ﻭﻳﺮﻭﺡ ﺑﺎﺑﺎ ﻣﻘﺒﻞ ﻛﺎﻝ ﺍﺑﻘﺔ ﺍﻧﺖ ﻣﺜﻞ ﺍﺑﻨﻲ ﻣﻮ ﻏﺮﻳﺐ
ﺑﺎﺑﺎ ... ﻳﻼ ﺟﺎﻭﺑﻲ ﻛﺎﻝ ﺍﻧﻲ ﻋﺮﻓﺖ ﺟﺎﻳﺞ ﺧﻄﺎﺑﺔ ﺑﺲ ﻫﺬﺍ ﻣﻮ ﺑﺴﺒﺐ ﻳﺨﻠﻴﺞ ﺗﻔﻜﺮﻳﻦ ﺑﺎﻷﻧﺘﺤﺎﺭ
ﺍﻧﻲ ﺩﺍﺋﻤﺂ ﺍﺷﻮﻓﺞ ﻗﻮﻳﺔ ﻭﺍﻛﻮﻝ ﺍﻳﻠﻮﻝ ﻋﻨﺪﻱ ﺑﻤﻴﺔ ﺭﺟﺎﻝ ﺗﺎﻟﻲ ﻫﻴﺠﻲ ﺗﻄﻠﻌﻴﻦ ﺿﻌﻴﻔﺔ ﻭﻣﻬﺰﻭﺯﺓ ﻣﻊ ﺍﻷﺳﻒ ﻋﻠﻴﺞ ﺧﻴﺒﺘﻲ ﺿﻨﻲ ﺑﻴﺞ
ﻭﺩ .. ﺗﺮﺓ ﻣﺎﻣﺎ ﺣﻘﻬﺎ ﻣﻦ ﺗﺘﻌﺼﺐ ﻋﻠﻴﻬﺎ ﺟﺎﻳﺘﻬﺎ ﺧﻮﺵ ﻗﺴﻤﺔ ﻭﺍﻟﻮﻟﺪ ﻣﻴﺘﻌﻴﺐ ﻛﺎﻣﻞ ﻭﺍﻟﻜﻤﺎﻝ ﻟﻠﻪ
ﺑﺎﺑﺎ .. ﺍﺣﺠﻲ ﺍﻳﻠﻮﻝ ﻟﻴﺶ ﺳﺎﻛﺘﺔ
ﺃﻳﻠﻮﻝ .. ﺟﺮﻳﺖ ﻧﻔﺲ ﻋﻤﻴﻖ ﻭﺣﺠﻴﺖ ﺑﻐﺼﺔ ﺍﻧﻲ ﻣﺠﺎﻥ ﻋﻨﺪﻱ ﺍﻋﺘﺮﺍﺽ ﻋﻠﻰ ﺍﻟﻮﻟﺪ ﺑﺲ ﺍﻋﺘﺮﺍﺿﻲ ﻋﻠﻰ ﺍﻫﻠﺔ
ﺑﺎﺑﺎ ... ﺑﺴﺘﻔﻬﺎﻡ ﻟﻴﺶ ﺷﺒﻴﻬﻢ ﺍﻫﻠﺔ ؟
ﻭﺩ .. ﺑﺎﺑﺎ ﺗﺮﺓ ﻣﺎﻣﺎ ﺣﺠﺘﻠﻲ ﺍﻟﻮﻟﺪ ﻋﻨﺪﻩ ﺑﻴﺖ ﻭﺣﺪﺓ ﻫﻲ ﻣﺮﺍﺡ ﺗﻌﻴﺶ ﻭﻳﺎ ﺍﻫﻠﺔ
ﺑﺎﺑﺎ .. ﺍﺷﺮ ﺍﻟﻮﺩ ﺣﺘﻰ ﺗﺴﻜﺖ ﻛﺎﻝ ﻣﻌﻠﻴﺞ ﺍﻧﺘﻲ ﺧﻠﻲ ﺍﻳﻠﻮﻝ ﺍﺟﺎﻭﺏ
ﺍﻳﻠﻮﻝ .. ﺑﺎﺑﺎ ﺍﻧﻲ ﻣﺴﺘﺤﻴﻞ ﺍﻛﺪﺭ ﺍﺗﺤﻤﻞ ﻧﺎﺱ ﻳﺒﺎﻋﻮﻥ ﻋﻠﻴﻪ ﺑﺘﻜﺒﺮ ﻭﻳﺸﻮﻓﻮﻥ ﻧﻔﺴﻬﻢ ﺍﺣﺴﻦ ﻣﻦ ﻋﺪﻧﺎ
ﺑﺎﺑﺎ .. ﺑﺴﺘﻐﺮﺍﺏ ﺷﻠﻮﻥ ﻳﻌﻨﻲ ﻓﻬﻤﻴﻨﻲ
ﺍﻳﻠﻮﻝ ﺣﺠﻴﺖ ﻛﻞ ﻛﻼﻣﻬﻢ ﻣﻦ ﺍﻭﻝ ﻣﺪﺧﻠﻮﺍ ﺍﻟﺤﺪ ﻣﺮﺍﺣﻮﺍ
ﺑﺎﺑﺎ .. ﻭﻋﻴﺴﻰ ﺑﻘﻮﺍ ﻣﺼﺪﻭﻣﻴﻦ
ﺃﻳﻠﻮﻝ .. ﺑﺎﺑﺎ ﻫﻮ ﻟﻮ ﺣﺘﻰ ﺭﺍﺡ ﻳﻜﻌﺪﻧﻲ ﺑﻴﺖ ﻭﺣﺪﻱ ﺑﺲ ﻳﺒﻘﻮﻥ ﻫﻤﺎ ﺍﻫﻠﺔ ﻭﻏﺼﺐ ﻋﻨﻲ ﻷﺯﻡ ﺍﺧﺘﻠﻂ ﺑﻴﻬﻢ ﻫﺬﻭﻟﺔ ﺍﺫﺍ ﻣﻦ ﻫﺴﻪ ﻫﻴﺠﻲ ﻳﺤﺠﻮﻥ ﻟﻌﺪ ﻣﻦ ﺍﺻﻴﺮ ﺟﻨﺘﻬﻢ ﺷﺮﺍﺡ ﻳﺴﻮﻥ ﺑﻴﻪ
ﺑﺎﻭﻋﺖ ﻋﻠﻰ ﺑﺎﺑﺎ ﺍﻟﺸﺮﺍﺭ ﻳﻄﻠﻊ ﻣﻦ ﻋﻴﻮﻧﺔ ﺗﻌﺼﺐ ﻭﺿﺎﺝ ﻣﻨﻬﻢ
ﺑﺎﺑﺎ ... ﺍﻧﺘﻲ ﻟﻮ ﻣﻨﺘﻈﺮﺗﻨﻲ ﺍﻟﺤﺪ ﻣﺎ ﺍﺭﺟﻊ ﻭﻛﺎﻳﻠﺘﻠﻲ ﻫﺬﺍ ﺍﻟﻜﻼﻡ ﻣﺴﺘﺤﻴﻞ ﺃﻗﺒﻞ ﺍﻧﻄﻴﺞ ﺍﻟﻬﻢ ﺍﻧﺘﻲ ﺟﻮﻫﺮﺓ ﻏﺎﻟﻴﺔ ﺍﻟﻲ ﻣﻴﻘﺪﺭﺝ ﻭﻳﺜﻤﻨﺞ ﻭﻳﺨﻠﻴﺞ ﻋﻠﻰ ﺭﺍﺳﺔ ﻣﺎ ﺃﻧﻄﻴﺞ ﺍﻟﻪ
ﺑﺲ ﺭﻏﻢ ﻫﺬﺍ ﺍﻟﻲ ﺳﻮﻳﺘﻲ ﻏﻠﻂ ﻟﻮﺣﺘﻰ ﺗﺘﻌﺎﺭﻛﻴﻦ ﻭﻳﺎ ﺍﻣﺞ ﻣﺠﺎﻥ ﺃﻛﻮ ﺩﺍﻋﻲ ﺗﻜﺴﺮﻳﻦ ﺍﻷﻏﺮﺍﺽ ﻭﺗﺄﺫﻳﻦ ﻧﻔﺴﺞ
ﺍﻳﻠﻮﻝ ... ﻓﺘﺤﺖ ﻋﻴﻮﻧﻲ ﻭﺑﺎﻭﻋﺖ ﻋﻠﻴﻪ ﺑﺼﺪﻣﺔ
ﻭﺣﺠﻴﺖ ﺑﺪﺍﺧﻠﻲ
ﺧﺮﺏ ﺑﺎﺑﺎ ﻋﺒﺎﻟﺔ ﺍﻧﻲ ﻛﺴﺮﺕ ﺍﻟﻤﺮﺁﻳﺎ ﻭﺟﺮﺣﺖ ﻧﻔﺴﻲ ﻣﻜﺪﺭﺕ ﺍﻛﻮﻟﺔ ﻣﻮ ﺍﻧﻲ ﻣﺤﺒﻴﺖ ﺗﺼﻴﺮ ﻣﺸﻜﻠﺔ ﺑﻴﻨﻪ ﻭﺑﻴﻦ ﻣﺎﻣﺎ
ﺑﺲ ﻧﺴﻴﺖ ﺍﻛﻮ ﺑﻠﺒﻞ ﻓﺘﺎﻥ ﻛﺎﻋﺪ
ﻣﺎﺭﻳﺎ .. ﺑﺴﺮﻋﺔ ﻻ ﺑﺎﺑﺎ ﺗﺮﺓ ﻣﻮ ﺃﻳﻠﻮﻝ ﻛﺴﺮﺕ ﺍﻟﻤﺮﺁﻳﺎ
ﺑﺎﻭﻋﺖ ﻋﻠﻴﻬﺎ ﺧﺰﺭﺗﻬﺎ ﺳﻮﻳﺘﻠﻬﺎ ﺣﺮﻛﺔ ﺣﺘﻰ ﺗﺴﻜﺖ ﻣﺎﻛﻮ ﻓﺎﺋﺪﺓ ﻣﺘﺮﺗﺎﺡ ﺍﺫﺍ ﻣﺘﻐﺮﺩ
ﺑﺎﺑﺎ ﻛﺎﻝ ﻟﻌﺪ ﻣﻨﻮ ؟
ﻣﺎﺭﻱ .. ﻣﺎﻣﺎ ﻣﻦ ﺗﻌﺎﺭﻛﺖ ﻭﻳﺎ ﺍﻳﻠﻮﻝ ﻭﺷﺎﻓﺘﻬﺎ ﻭﺍﻛﻔﺔ ﻛﺪﺍﻡ ﺍﻟﻤﺮﺁﻳﺎ ﺗﻌﺼﺒﺖ ﻋﻠﻴﻬﺎ ﻭﻛﺎﻟﺖ ﺍﻧﺘﻲ ﻫﻠﻜﺪ ﻣﺘﺒﺎﻭﻋﻴﻦ ﺑﻴﻬﺎ ﻫﻴﺠﻲ ﻗﺴﻤﺘﺞ ﻭﺍﻛﻔﺔ ﻭﺷﺎﻟﺖ ﺍﻟﺪﻭﻟﻜﺔ ﻭﺿﺮﺑﺘﻬﺎ ﺑﺎﻟﻤﺮﺁﻳﺎ ﻭﺍﻟﻜﺰﺍﺯ ﻃﻔﺮ ﻋﻠﻰ ﺍﻳﺪ ﺍﻳﻠﻮﻝ ﻻﻥ ﺟﺎﻧﺖ ﻭﺍﻛﻔﺔ ﻗﺮﻳﺐ ﻣﻦ ﺍﻟﻤﺮﺁﻳﺎ ﻭﺍﻳﻠﻮﻝ ﻣﻦ ﺷﺎﻓﺖ ﻣﺮﺁﻳﺘﻬﺎ ﺍﻧﻜﺴﺮﺕ ﻛﺎﻣﺖ ﺗﺒﺠﻲ ﻭﺭﺍﺩﺕ ﺗﻨﺘﺤﺮ ﺣﺘﻰ ﻣﺎﻣﺎ ﻻﺗﻘﺘﺮﺏ ﻣﻨﻬﺎ
ﺍﻳﻠﻮﻝ ... ﺍﻧﻲ ﻏﻄﻴﺖ ﻭﺟﻬﻲ ﺑﻴﺪﻱ ﺍﻟﻠﻪ ﻳﻠﻌﻦ ﺑﻠﻴﺴﺞ ﻣﺎﺭﻱ ﻣﺒﻘﺖ ﺷﻲ ﻣﺤﺠﺘﻪ
ﺷﻔﺖ ﺑﺎﺑﺎ ﺻﺎﺭ ﻧﺎﺭ ﻣﻦ ﺍﻷﻋﺼﺎﺏ
ﺍﻳﻠﻮﻝ .. ﺑﺎﺑﺎ ﺣﺒﻴﺒﻲ ﺗﺮﺓ ﺍﻟﺼﺎﺭ ﺳﺎﻋﺔ ﺷﻴﻄﺎﻥ ﻭﺍﻟﻐﻠﻂ ﺟﺎﻥ ﺑﻴﻪ ﺍﻧﻲ ﻋﻠﻴﺖ ﺻﻮﺗﻲ ﻋﻠﻰ ﻣﺎﻣﺎ
ﺑﺎﺑﺎ .. ﺑﻌﺼﺒﻴﻪ ﻛﺎﻝ ﺷﻨﻮ ﻫﺎﻱ ﺍﻟﻤﻬﺰﻟﺔ ﺍﻣﻜﻢ ﺗﺨﺒﻠﺖ ﻋﻮﺩ ﻫﻲ ﺍﻟﺠﺒﻴﺮﺓ ﺍﻟﻌﺎﻗﻠﺔ ﻫﻴﺠﻲ ﺗﺘﺼﺮﻑ ﻧﺎﺱ ﺟﺎﻳﻦ ﻳﻬﻴﻨﻮﻫﺎ ﺑﻴﺘﻬﺎ ﻭﺗﺮﻳﺪ ﺗﻨﻄﻴﻬﻢ ﺑﻨﺘﻬﺎ ﺯﻳﻦ ﻣﻦ ﺿﺮﺑﺖ ﺍﻟﺪﻭﻟﻜﺔ ﻣﻔﻜﺮﺕ ﻣﻤﻜﻦ ﺍﻟﻜﺰﺍﺯ ﻳﺠﻲ ﻋﻠﻰ ﻋﻴﻨﺞ ﻟﻮ ﻭﺟﻬﺞ ﻭﻳﺸﻮﻫﺞ
ﺍﻳﻠﻮﻝ ... ﺍﻧﻲ ﻭﻋﻴﺴﻰ ﻭﺍﻟﺒﻨﺎﺕ ﺑﺎﻟﻜﻮﺓ ﺧﻠﻴﻨﺎ ﺑﺎﺑﺎ ﻳﻬﺪﺀ ﺷﻮﻳﺔ
ﺑﻌﺪﻫﺎ ﺭﺟﻌﻮﺍ ﻭﺩ ﻭﻋﻴﺴﻰ ﺍﻟﺒﻴﺘﻬﻢ ﻭﺍﻧﻲ ﺩﺧﻠﺖ ﻟﻠﻐﺮﻓﺔ ﺣﺘﻰ ﺍﻧﺎﻡ ﺟﻨﺖ ﺣﻴﻞ ﺗﻌﺒﺎﻧﺔ ﻭﺿﺎﻳﺠﺔ ﺑﻘﻴﺖ ﺷﻮﻳﺔ ﺍﻓﻜﺮ ﻭﺑﻌﺪﻳﻦ ﻧﻤﺖ
ﻧﺺ ﺍﻟﻠﻴﻞ ﻓﺰﻳﺖ ﻋﻠﻰ ﺻﻮﺕ ﺣﺮﻛﺔ ﻳﻢ ﺟﺮﺑﺎﻳﺘﻲ ﺑﺎﻭﻋﺖ ﻭﺍﻧﻲ ﺑﺎﻟﻜﻮﺓ ﻓﺎﺗﺤﺔ ﻋﻴﻨﻲ ﻣﻦ ﺍﻟﻨﻌﺎﺱ ﺷﻔﺘﻬﺎ ﻣﺎﻣﺎ
ﻣﺎﻣﺎ .. ﺑﺼﻮﺕ ﻫﺎﻣﺲ ﺳﻮﻳﻠﻲ ﻣﻜﺎﻥ ﻭﺟﺎﻥ ﺗﺘﻤﺪﺩ ﻳﻤﻲ ﻭﻧﻮﻣﺘﻨﻲ ﺑﺤﻀﻨﻬﺎ ﺍﻧﻲ ﻫﻢ ﺣﻀﻨﺘﻬﺎ ﻗﻮﻱ
ﺃﻳﻠﻮﻝ .. ﺷﻌﺠﺐ ﻫﻴﺜﻢ ﺍﻟﻴﻮﻡ ﻣﺨﻠﻴﺞ ﺗﺠﻴﻦ ﺗﻨﺎﻣﻴﻦ ﻳﻤﻲ
ﻣﺎﻣﺎ ... ﺿﺤﻜﺖ ﻛﺎﻟﺖ ﺍﺻﻼ ﻫﻴﺜﻢ ﻣﻨﻄﻴﻨﻲ ﻇﻬﺮﺓ ﻭﻧﺎﻳﻢ ﻣﺒﻴﻦ ﺯﻋﻼﻥ ﻣﻨﻲ ﻋﻠﻤﻮﺩ ﺑﻨﺘﺔ
ﺍﻳﻠﻮﻝ ... ﻫﻬﻬﻬﻬﻪ ﻭﺍﻟﻠﻪ ﻣﻮ ﺍﻧﻲ ﺣﺠﻴﺖ ﻫﺎﻱ ﺍﻟﺒﻠﺒﻞ ﻧﻘﻠﺘﻠﺔ ﺟﻤﻴﻊ ﺍﻟﺘﻔﺎﺻﻴﻞ
ﻣﺎﻣﺎ ... ﻋﺎﺩﻱ ﺍﺻﻼ ﺍﻧﻲ ﺟﻨﺖ ﺭﺍﺡ ﺍﺣﺠﻴﻠﺔ ﻛﻠﺸﻲ ﺗﻌﺮﻓﻴﻦ ﺑﻴﻪ ﻣﺎ ﺍﺿﻢ ﻋﻠﻴﻪ ﺷﻲ
ﺟﺎﻥ ﺗﺘﻨﻬﺪ ﻗﻮﻱ ﻭﻛﺎﻟﺖ ﻣﺎ ﺍﻋﺮﻑ ﺷﻠﻮﻥ ﺳﻮﻳﺖ ﻫﻴﺠﻲ
ﺍﻳﻠﻮﻝ ... ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻬﺎ ﻓﺪﻭﺓ ﺍﺭﻭﺣﻠﺞ ﺍﻧﺴﻲ ﺍﻧﺘﻲ ﺣﻘﺞ ﺗﺮﻳﺪﻳﻦ ﻣﺼﻠﺤﺘﻲ ﻭﺧﺎﻳﻔﺔ ﻋﻠﻴﻪ
ﺑﺎﺳﺘﻨﻲ ﻣﻦ ﺭﺍﺳﻲ ﻭﺑﻘﻴﺖ ﻧﺎﻳﻤﺔ ﺑﺤﻀﻨﻬﺎ ﻟﻠﺼﺒﺢ

[فيتامين سي]

#بارت٢
ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)


ﺛﺎﻧﻲ ﻳﻮﻡ ﻛﻌﺪﺕ ﻣﻦ ﻭﻛﺖ ﺷﻔﺖ ﻣﺎﻣﺎ ﻣﻤﻮﺟﻮﺩﺓ
ﺑﺎﻟﻔﺮﺍﺵ ﻛﻤﺖ ﻋﻠﻰ ﺍﻟﺴﺮﻳﻊ ﺧﻔﺖ ﻻﻳﻜﻮﻥ ﺑﺎﺑﺎ ﻃﺎﻟﻊ ﻟﻠﺸﻐﻞ ﻻﻥ ﺭﺩﺕ ﺍﺣﺠﻲ ﻭﻳﺎ
ﻓﺘﺖ ﻣﻦ ﻳﻢ ﺍﻟﻤﻄﺒﺦ ﺷﻔﺖ ﻣﺎﻣﺎ ﺩﺗﺴﻮﻱ ﺭﻳﻮﻙ ﺻﺒﺤﺖ ﻋﻠﻴﻬﺎ
ﻣﺎﻣﺎ .. ﺷﻌﺠﺐ ﻛﺎﻋﺪﺓ ﻣﻦ ﻭﻛﺖ
ﺃﻳﻠﻮﻝ : ﻭﻳﻦ ﺑﺎﺑﺎ ﺍﺭﻳﺪ ﺍﺣﺠﻲ ﻭﻳﺎ
ﻛﺎﻟﺖ ﻛﺎﻋﺪ ﺑﺎﻟﻬﻮﻝ
ﻣﻤﻤﻢ ﺣﺠﺔ ﻭﻳﺎﺝ ﻟﻮ ﻻ
ﻣﺎﻣﺎ .. ﻻ ﻋﻴﻨﻲ ﺯﻋﻼﻥ ﻭﻣﻴﺒﺎﻭﻉ ﺑﻮﺟﻬﻲ ﺭﺍﺣﺖ ﺍﻳﺎﻡ ﻣﻴﺎﺳﺔ ﺍﺟﻪ ﻣﻦ ﻳﺄﺧﺬ ﻣﻜﺎﻧﻬﺎ
ﺍﻳﻠﻮﻝ .. ﻫﻬﻬﻬﻬﻪ ﺷﻨﻮ ﻫﺎﻱ ﺑﺲ ﻻ ﻏﻴﺮﺍﻧﺔ ﻣﻨﻲ ﻻﺗﺨﺎﻓﻴﻦ ﻣﺎﻛﻮ ﻏﻴﺮﺝ ﺑﺎﻟﻘﻠﺐ ﻭﻛﺮﺻﺘﻬﺎ ﻣﻦ ﺧﺪﻫﺎ ﺭﺍﺩﺕ ﺗﻀﺮﺑﻨﻲ ﺑﺎﻟﺨﺎﺷﻮﻛﺔ ﺍﻧﻬﺰﻣﺖ ﻣﻨﻬﺎ ﺑﺴﺮﻋﺔ
ﺭﺣﺖ ﻟﻠﻬﻮﻝ ﺷﻔﺖ ﺑﺎﺑﺎ ﻛﺎﻋﺪ ﻛﺘﻠﺔ ﺻﺒﺎﺡ ﺍﻟﻌﺴﻞ ﻳﺎﺭﻭﺡ ﺍﻳﻠﻮﻝ
ﺑﺎﺑﺎ .. ﺻﺒﺎﺡ ﺍﻟﺠﻤﺎﻝ ﺑﺎﺑﺎﺗﻲ
ﺷﻌﺠﺐ ﻛﺎﻋﺪﺓ
ﺃﻳﻠﻮﻝ .. ﺍﻫﻮﻭﻭﻭ ﻫﺎﻱ ﺗﺒﻘﻮﻥ ﻳﺎﻫﻮ ﺍﻟﻴﺸﻮﻓﻨﻲ ﻳﻜﻮﻝ ﺷﻌﺠﺐ ﻛﺎﻋﺪﺓ
ﺑﺎﺑﺎ .. ﻣﻮ ﻣﺴﺘﻐﺮﺏ ﻣﻮ ﻣﻦ ﻋﻮﺍﻳﺪﺝ ﺗﻜﻌﺪﻳﻦ ﻫﻴﺠﻲ ﻭﻗﺖ
ﺟﻴﺖ ﻛﻌﺪﺕ ﺑﺼﻔﺔ ﻭﺷﺒﻜﺖ ﺍﻳﺪﺓ ﻭﺧﻠﻴﺖ ﺭﺍﺳﻲ ﻋﻠﻰ ﻛﺘﻔﺔ ﻛﺘﻠﻪ ﺟﻴﺖ ﺍﺣﺠﻲ ﻭﻳﺎﻙ
ﻫﺎﻱ ﺷﺒﻴﻚ ﻭﻳﺎ ﻣﻴﻮﺳﻪ ﻟﻴﺶ ﺯﻋﻼﻥ ﻣﻨﻬﺎ
ﺑﺎﺑﺎ .. ﻗﺎﻃﻌﻨﻲ ﻭﻛﺎﻝ ﺑﻨﺘﻲ ﻣﻌﻠﻴﺞ ﺑﻬﺬﺍ ﺍﻟﻤﻮﺿﻮﻉ ﻫﺬﺍ ﺷﻲ ﺑﻴﻨﻲ ﻭﺑﻴﻦ ﺍﻣﺞ
ﺃﻳﻠﻮﻝ .. ﻻ ﻋﻠﻴﺔ ﻭﻧﺺ ﻻﻥ ﺯﻋﻼﻥ ﻣﻨﻬﺎ ﺑﺴﺒﺒﻲ
ﻭﺍﻧﻲ ﺍﻣﻮﻭﺕ ﻭﻻ ﺍﺷﻮﻓﻜﻢ ﺯﻋﻼﻧﻴﻦ
ﺑﺎﺑﺎ .. ﺍﺳﻢ ﺍﻟﻠﻪ ﻋﻠﻴﺞ ﺑﺎﺑﺎﺗﻲ
ﺍﻳﻠﻮﻝ .. ﺍﻧﻲ ﻣﺘﻌﻮﺩﺓ ﺍﺷﻮﻓﻜﻢ ﻣﺜﻞ ﻋﺼﺎﻓﻴﺮ ﺍﻟﺤﺐ ﺗﺮﺓ ﺧﻄﻴﺔ ﻣﺎﻣﺎ ﻣﻘﻬﻮﺭﺓ ﻭﻻﺗﻨﺴﻰ ﻫﻲ ﻣﺮﻳﻀﺔ ﻻﺗﻘﺴﻰ ﻋﻠﻴﻬﺎ
ﺛﺎﻧﻲ ﺷﻲ ﻋﺎﺩﻱ ﺍﻡ ﻭﺑﻨﺘﻬﺎ ﻳﺘﻌﺎﺭﻛﻮﻥ ﻳﺘﻜﺎﻓﺸﻮﻥ ﺗﺼﻴﺮ ﺑﺎﺣﺴﻦ ﺍﻟﻌﺎﺋﻼﺕ
ﺑﺎﺑﺎ ﻩ .. ﻫﻬﻬﻪ ﻭﻟﺞ ﺷﻨﻮ ﻳﺘﻜﺎﻓﺸﻮﻥ ﺣﺘﻰ ﺍﻛﺴﺮ ﺍﻳﺪﺝ
ﺍﻳﻠﻮﻝ .. ﺧﺮﺭﺏ ﺷﻮﻑ ﻣﻦ ﻛﻠﻤﺔ ﺑﻌﺘﻨﻲ
ﺑﻘﺔ ﻳﺸﺎﻗﺔ ﻭﻳﺎﻱ ﻭﻳﻀﺤﻚ
ﺟﺎﺑﺖ ﻣﺎﻣﺎ ﺍﻟﺮﻳﻮﻙ
ﺑﺎﺑﺎ .. ﻳﻼ ﺗﺮﻳﻜﻲ ﻭﻳﺎﻧﺔ
ﻣﻮ ﻳﺪﻟﻞ ﻫﻴﺜﻢ ﺑﺎﺷﺎ ﺍﻏﺴﻞ ﻭﺍﺟﻲ
ﺭﺣﺖ ﻏﺴﻠﺖ ﻭﺭﺟﻌﺖ ﻟﻜﻴﺖ ﺍﻟﻌﺼﺎﻓﻴﺮ
ﺟﺎﻱ ﻳﺘﻬﺎﻣﺴﻮﻥ ﻭﻫﻴﺜﻢ ﺍﻓﻨﺪﻱ ﻻﺯﻡ ﺍﻳﺪ ﻣﻴﺎﺳﺔ ﺧﺎﺗﻮﻥ ﻭﺟﺎﻱ ﻳﺒﻮﺱ ﺑﻴﻬﺎ
ﺍﻳﻠﻮﻝ .. ﺗﺮﺓ ﺍﻏﺎﺭ ﻣﻮ ﻫﻴﺠﻲ ﻛﺪﺍﻣﻲ ﺍﺣﻀﺎﻥ ﻭﺑﻮﺱ
ﺑﺎﺑﺎ .. ﺗﻌﺎﻟﻲ ﺗﺮﻳﻜﻲ ﻭﻣﻌﻠﻴﺞ ﺑﻴﻨﺎ
ﺃﻭﻙ ﺍﺟﻴﺖ ﻭﺍﻣﺮﻱ ﻟﻠﻪ
ﺑﺎﺑﺎ .. ﻛﺎﻝ ﺍﻟﻴﻮﻡ ﺭﺍﺡ ﺍﺟﻴﺐ ﺑﻀﺎﻋﺔ ﺟﺪﻳﺪﺓ ﻭﺍﺻﻮﺭﻫﺎ ﺍﻟﻜﻢ ﺍﻱ ﻗﻤﺎﺵ ﻳﻌﺠﺒﻜﻢ ﺣﺘﻰ ﺍﺟﻴﺒﺔ
ﺍﻳﻠﻮﻝ ﺑﺎﻟﻨﺴﺒﺔ ﺍﻟﻲ ﻫﻮﺍﻳﺔ ﻋﻨﺪﻱ ﻭﻳﻦ ﺍﻭﺩﻳﻬﻢ
ﻣﺎﻣﺎ ﻫﻢ ﺟﺎﻭﺑﺖ ﻧﻔﺲ ﺟﻮﺍﺑﻲ
ﺑﺎﺑﺎ ﺗﺮﺧﺺ ﻭﻃﻠﻊ ﻭﺍﻧﻲ ﺭﺟﻌﺖ ﻛﻤﻠﺖ ﻧﻮﻣﺘﻲ
ﻛﻌﺪﺕ ﺍﻟﻈﻬﺮ ﻣﺘﻜﺴﺮﺓ ﻟﻜﻴﺖ ﺍﻟﺒﻨﺎﺕ ﻣﺴﺎﻋﺪﺍﺕ ﻣﺎﻣﺎ ﺑﺎﻟﺸﻐﻞ ﻭﻣﺤﻈﺮﻳﻦ ﺍﻟﻐﺪﺓ
ﻣﺎﻣﺎ ﻛﺎﻟﺖ ﻳﻼ ﺗﺘﻐﺪﻳﻦ ﺍﻧﺼﺐ
ﺃﻳﻠﻮﻝ ﺷﻨﻮ ﻣﺮﺍﺡ ﻧﻨﺘﻈﺮ ﺑﺎﺑﺎ
ﻣﺎﻣﺎ ﻻ ﻣﻴﺠﻲ ﻋﻠﻰ ﻏﺪﺓ ﺭﺍﺡ ﻳﺒﻘﻰ ﻟﻠﻤﻐﺮﺏ ﺑﺎﻟﻤﺤﻞ ﻳﺮﻳﺪ ﻳﻜﻤﻞ ﺗﺮﺗﻴﺐ ﺍﻟﻘﻤﺎﺵ ﺑﺎﻟﻤﺤﻞ
ﺍﻳﻠﻮﻝ ﺧﻄﻴﺔ ﺍﻟﻠﻪ ﻳﺴﺎﻋﺪﺓ
ﺗﻐﺪﻳﻨﺔ ﻭﻛﻤﻠﻨﺎ ﺍﻧﻲ ﺍﻟﻴﻮﻡ ﻣﺪﻟﻠﻪ ﻣﺴﻮﻳﺖ ﺍﻱ ﺷﻲ ﻫﻬﻬﻪ ﺧﻄﻴﻪ ﻛﻠﺔ ﺑﺮﺍﺱ ﺍﻟﺒﻨﺎﺕ
ﺳﺄﻟﺖ ﻣﺎﻣﺎ ﺍﻛﻮﻝ ﺍﺷﻮ ﻭﺩ ﺍﻟﻴﻮﻡ ﻣﺒﻴﻨﺖ
ﻣﺎﻣﺎ ﺍﻟﻴﻮﻡ ﻋﻴﺎﻟﻬﺎ ﻋﺪﻫﻢ ﺧﻄﺎﺭ ﻣﺘﻜﺪﺭ ﺗﻌﻮﻓﻬﻢ ﻭﺗﺠﻲ
ﺍﻳﻠﻮﻝ ﻫﻤﻤﻤﻤﻢ ﺍﻱ ﻣﻮ ﺍﻛﻮﻝ ﻣﻮ ﻣﻦ ﻋﻮﺍﻳﺪﻫﺎ
ﺑﺎﻥ ﻛﺎﻟﺖ ﺑﺎﺟﺮ ﺗﺠﻲ ﻣﻦ ﺍﻟﺼﺒﺢ ﻻﻥ ﻗﺪﺭ ﺭﺍﺡ ﺗﺠﻲ
ﺃﻳﻠﻮﻝ ﺻﺪﻭﻙ ﻗﺪﺭ ﺭﺍﺡ ﺗﺠﻲ ﺻﺎﺭﻟﻬﺎ ﺃﺳﺒﻮﻋﻴﻦ ﻣﺠﺎﻳﺔ ﻣﺸﺘﺎﻗﺘﻠﻬﺎ ﻭﻣﺸﺘﺎﻗﺔ ﺍﻷﺩﻡ ﻭﺭﻳﺎﻥ ﺣﺒﺎﻳﺒﻲ
ﺑﺎﻥ ﻭﺍﻟﻠﻪ ﺍﻧﺘﻲ ﺍﻣﺮﺝ ﻋﺠﻴﺐ ﻫﻠﻜﺪ ﺗﺤﺒﻴﻬﻢ ﺑﺲ ﻣﺸﺒﻌﺘﻬﻢ ﺿﺮﺏ ﻭﻋﻘﻮﺑﺎﺕ ﻭﺍﻟﻤﺼﻴﺒﻪ ﻫﻤﺎ ﻫﻢ ﻳﺤﺒﻮﺝ
ﺃﻳﻠﻮﻝ ﻭﺍﻧﺘﻲ ﺷﻜﻮ ﺗﻐﺎﺭﻳﻦ ﺧﺎﻟﺘﻬﻢ ﺣﺘﻰ ﻟﻮ ﺃﻛﺴﺮ ﺭﺍﺳﻬﻢ ﻋﺎﺩﻱ ﺍﻣﻬﻢ ﻭﺍﺑﻮﻫﻢ ﻗﺎﺑﻠﻴﻦ
ﺍﺟﻪ ﺑﺎﺑﺎ ﺍﻟﻤﻐﺮﺏ ﺧﻄﻴﺔ ﻣﻴﺖ ﻣﻦ ﺍﻟﺘﻌﺐ ﺗﻌﺸﻰ
ﻭﺑﻘﻰ ﻛﺎﻋﺪ ﻭﻳﺎ ﻣﺎﻣﺎ ﻭﺍﻟﺒﻨﺎﺕ
ﺍﻳﻠﻮﻝ ﺃﺭﻭﺡ ﺍﺳﺒﺢ ﺍﺣﺲ ﺩﺑﻜﺖ ﻣﻦ ﺣﺮﺍﺭﺓ ﺍﻟﻤﻄﺒﺦ ﻷﻥ ﺍﻧﻲ ﺍﻟﻄﺒﺦ ﺍﻛﺜﺮﺓ ﻋﻠﻴﻪ
ﺩﺧﻠﺖ ﻟﻠﻐﺮﻓﺔ ﺍﺧﺬ ﻣﻼﺑﺲ ﻭﺗﻔﺎﺟﺌﺔ ﺑﻤﺮﺁﻳﺎ ﺟﺒﻴﺮﺓ ﻛﺪﺍﻣﻲ ﺗﺼﻴﺮ ﺑﻄﻮﻟﻲ ﻭﺍﻃﺮﺍﻓﻬﺎ ﺯﻏﺮﻓﺔ ﺑﻠﻮﻥ ﺫﻫﺒﻲ ﻳﻤﺎﺍﺍﻱ ﻓﺪﻭﺓ ﺗﺠﻨﻦ ﺑﻘﻴﺖ ﻣﺼﺪﻭﻣﺔ ﻭﻓﺎﺗﺤﺔ ﺣﻠﻜﻲ ﻣﻦ ﺟﻤﺎﻟﻬﺎ ﺻﺢ ﻋﺪﻧﺎ ﺑﺎﻟﻐﺮﻓﺔ ﻣﻴﺰ ﺗﻮﺍﻟﻴﺖ ﺑﺲ ﺍﻧﻲ ﻣﺮﺁﻳﺘﻲ ﺧﺎﺻﺔ ﺣﺘﻰ ﺍﻟﻤﺎﻣﺎ ﻛﺴﺮﺗﻬﺎ ﻫﻢ ﺟﺎﻧﺖ ﺟﺒﻴﺮﺓ ﺑﺲ ﺍﺑﺪ ﻣﻮ ﺑﺠﻤﺎﻝ ﻫﺎﻱ
ﻣﻦ ﻓﺮﺣﺘﻲ
ﻫﻬﻬﻪ ﻣﺜﻞ ﺍﻟﻤﺨﺒﻠﺔ ﺭﺣﺖ ﺣﻀﻨﺘﻬﺎ
ﺑﺎﻥ ﺷﺎﻓﺘﻨﻲ ﻣﺪﺕ ﺭﺍﺳﻬﺎ ﻣﻦ ﺑﺎﺑﺎ ﺍﻟﻐﺮﻓﺔ ﻭﺻﺎﺣﺖ
ﻣﺎﻣﺎ ﻣﻮ ﺟﻨﺘﻲ ﺗﻜﻮﻟﻴﻦ ﺍﻳﻠﻮﻝ ﻫﻠﻜﺪ ﻣﺘﺒﺎﻭﻉ ﺑﺎﻟﻤﺮﺁﻳﺎ ﻓﺪﻳﻮﻡ ﺗﺘﺨﺒﻞ
ﺍﺑﺸﺮﺝ ﺑﻨﺘﺞ ﺗﺨﺒﻠﺖ
ﺍﻛﻮ ﻛﺘﺎﺏ ﻗﺮﻳﺐ ﻣﻨﻲ ﺷﻠﺘﺔ ﻭﺿﺮﺑﺘﻬﺎ ﺑﻲ
ﺭﻛﻀﺖ ﻋﻠﻰ ﺑﺎﺑﺎ ﺣﻀﻨﺘﺔ
ﻓﺪﻭﺓ ﺑﺎﺑﺎ ﺣﺒﻴﺒﻲ ﺗﺴﻠﻤﻠﻲ ﻋﻠﻰ ﻫﺎﻱ ﺍﻟﻬﺪﻳﺔ
ﺑﺎﺑﺎ ﺗﺪﻟﻞ ﺑﻨﺘﻲ ﺍﻟﺤﻠﻮﺓ ﻛﺎﻝ ﻫﺎﻱ ﻣﻨﻲ ﻭﻣﻦ ﺍﻣﺞ
ﺑﺲ ﺇﻳﺎﺱ
ﻣﻘﺒﻞ ﻳﺎﺧﺬ ﻓﻠﻮﺳﻬﺎ ﺭﻏﻢ ﺟﻨﺖ ﺍﺭﻳﺪ ﺍﺷﺘﺮﻳﻬﺎ ﺍﻟﺞ ﺑﻔﻠﻮﺳﻲ
ﺍﻳﻠﻮﻝ ﺑﺎﺑﺎ ﺣﺒﻴﺒﻲ ﺍﻟﻤﻬﻢ ﻓﻜﺮﺗﻮﺍ ﺑﻴﻪ
ﻭﺭﺣﺖ ﺣﻀﻨﺖ ﻣﺎﻣﺎ ﻫﻢ ﻭﺑﻮﺳﺘﻬﺎ
ﺛﺎﻧﻲ ﻳﻮﻡ ﻛﻌﺪﺕ ﻋﻠﻰ ﺻﻮﺕ ﻫﻮﺳﻪ ﺑﺎﻟﻐﺮﻓﺔ ﻭﺣﺴﻴﺖ ﺍﻛﻮ ﺷﻲ ﻳﻜﻤﺰ ﻋﻠﻰ ﺟﺮﺑﺎﻳﺘﻲ ﻓﺘﺤﺖ ﻋﻴﻨﻲ ﺷﻔﺘﺔ ﺍﺩﻡ
ﻳﺒﻮﻭﻭ ﺍﺷﻜﺪ ﻣﺸﺘﺎﻗﺘﻠﺔ ﺷﺎﻓﻨﻲ ﻛﻌﺪﺕ ﺿﺤﻚ ﻭﺷﻤﺮ ﺭﻭﺣﺔ ﺑﺤﻀﻨﻲ ﺑﻘﻴﺖ ﺍﺑﻮﺱ ﺑﻲ
ﻭﺟﺎﻥ ﻳﺠﻲ ﺭﻳﺎﻥ ﻫﻢ ﺣﻀﻨﺘﻪ ﻭﺑﻮﺳﺘﺔ
ﺩﺧﻠﺖ ﻟﻠﻬﻮﻝ ﺷﻔﺖ ﻣﺎﻣﺎ ﻭﺧﻮﺍﺗﻲ ﻛﺎﻋﺪﺍﺕ
ﺳﻠﻤﺖ ﻋﻠﻰ ﻗﺪﺭ ﻭﺑﻮﺳﺘﻬﺎ
ﺑﺎﻭﻋﺖ ﻋﻠﻰ ﻭﺩ ﻭﺩﺭﺕ ﻭﺟﻬﻲ ﻋﻨﻬﺎ ﻣﻌﺒﺮﺗﻬﺎ ﺍﺧﺬﺕ ﺭﺍﻣﺎ ﻣﻦ ﺣﻀﻦ ﻣﺎﻣﺎ ﻭﺑﻘﻴﺖ ﺍﺑﻮﺱ ﺑﻴﻬﺎ
ﻭﺩ ﺷﻨﻮ ﺍﺣﻨﺎ ﻣﻨﻌﺠﺐ ﻣﺎﻛﻮ ﺳﻼﻡ ﺍﻟﻨﻪ
ﺑﺎﻭﻋﺖ ﻋﻠﻴﻬﺎ ﺑﻄﺮﻑ ﻋﻴﻨﻲ ﻭﻏﻠﺴﺖ
ﻗﺪﺭ ﺍﻧﺘﺒﻬﺖ ﻋﻠﻴﻨﺎ ﻛﺎﻟﺖ ﻫﺎﻱ ﺷﻜﻮ ﺷﺒﻴﻜﻢ ؟
ﻭﺩ ﻳﻤﻜﻦ ﺍﻳﻠﻮﻝ ﺯﻋﻼﻧﺔ ﻣﻨﻲ ﻣﺘﺤﺠﻲ ﻭﻳﺎﻱ
ﻗﺪﺭ ﻟﻴﺶ ﻭﺷﻨﻮ ﺍﻟﺴﺒﺐ ﺣﺘﻰ ﺗﺰﻋﻞ ﻣﻨﺞ
ﻭﻛﺎﻟﻌﺎﺩﺓ ﺟﺎﻭﺑﺖ ﻣﺎﺭﻳﺎ ﺑﺪﺍﻟﻨﺎ
ﻣﺎﺭﻳﺎ ﺍﻱ ﻣﻮ ﻭﺩ ﺟﺎﻧﺖ ﺯﻋﻼﻧﺔ ﻣﻦ ﺍﻳﻠﻮﻝ ﻻﻥ ﻣﺎﻣﺎ ﺗﺨﺮﺑﻄﺖ ﺑﺴﺒﺒﻬﺎ
ﺻﺎﺣﺖ ﻣﺎﻣﺎ ﺑﻴﻬﺎ ﻣﺎﺭﻳﺎ ﻟﺞ ﻭﺗﺎﻟﻲ ﻭﻳﺎﺝ ﺷﻮﻛﺖ ﺗﺒﻄﻠﻴﻦ ﻓﺘﺎﻧﺔ ﺍﻛﺺ ﻟﺴﺎﻧﺞ ﺣﺘﻰ ﺗﺮﺗﺎﺣﻴﻦ
ﻗﺪﺭ ﺑﻌﺼﺒﻴﻪ ﻟﻴﺶ ﺩﺗﺴﻜﺘﻮﻫﺎ ﺷﺼﺎﻳﺮ ﻭﺍﻧﻲ ﻣﺎ ﺍﺩﺭﻱ ﺷﻨﻮ ﺻﺮﺕ ﻏﺮﻳﺒﺔ ﻋﻨﻜﻢ ﻭﻣﺤﺪ ﻳﺤﺠﻴﻠﻲ
ﻭﺍﻧﺘﻲ ﺷﻠﻮﻥ ﺗﺘﺨﺮﺑﻄﻴﻦ ﻭﺍﻧﻲ ﻣﻌﻨﺪﻱ ﻋﻠﻢ
ﻣﺎﻣﺎ ﻋﻠﻰ ﻛﻴﻔﺞ ﺑﻨﺘﻲ ﺍﻧﻲ ﻣﻘﺒﻠﺖ ﻳﻜﻮﻟﻮﻟﺞ ﺣﺘﻰ ﻻﺗﺨﺎﻓﻴﻦ ﻭﻳﺒﻘﺔ ﺑﺎﻟﺞ ﻳﻤﻨﺎ
ﺣﺘﻰ ﻭﺩ ﻟﻮﻣﺎ ﻗﺮﻳﺒﺔ ﻋﻠﻴﻨﺎ ﻫﻢ ﻣﺠﺎﻥ ﻛﺘﻠﻬﺎ
ﻗﺪﺭ ﺍﻱ ﻭﻫﺴﻪ ﻧﺎﻭﻳﻦ ﺗﺤﺠﻮﻟﻲ ﻟﻮ ﻻ
ﻭﺩ ﺗﻌﺎﻟﻲ ﻳﻤﻌﻮﺩﺓ ﺍﻧﻲ ﺍﺣﺠﻴﻠﺞ ﻗﺒﻞ ﻻﺗﺘﺨﺒﻠﻴﻦ ﻋﻠﻴﻨﺎ
ﻭﺑﺪﺕ ﻭﺩ ﺗﺤﺠﻲ ﺍﻟﻘﺪﺭ ﺍﻟﻲ ﺻﺎﺭ
ﻭﻣﻨﺴﻤﻌﺖ ﺑﻜﻼﻡ ﺍﻟﻨﺎﺱ ﺍﻟﻲ ﺍﺟﻮﺍ ﻳﺨﻄﺒﻮﻧﻲ ﻳﺒﻮﻭﻭ ﺗﺨﺒﻠﺖ ﺻﺎﺭﺕ ﺍﻋﺼﺎﺏ ﻓﻮﻭﻝ ﺑﺎﻟﻜﻮﺓ ﺧﻠﻴﻨﺎﻫﺔﺗﺴﻜﺖ...قصص عراقيه حقيقيه من واقعنا.روعه الطائي
ﺍﻧﻲ ﻭﺧﻮﺍﺗﻲ ﺍﺑﺪ ﻣﻨﺘﺸﺎﺑﻪ ﺑﺎﻟﻄﺒﻊ
ﻛﻞ ﻭﺣﺪﺓ ﻋﺪﻫﺎ ﺷﺨﺼﻴﺘﻬﺎ
ﻣﺜﻶ ﻗﺪﺭ ﻋﺼﺒﻴﺔ ﻭﻣﺘﻬﻮﺭﺓ ﺑﺲ ﻗﻠﺒﻬﺎ ﻃﻴﺐ
ﻭﺩ ﺍﺟﺘﻤﺎﻋﻴﺔ ﻭﺗﺤﺐ ﺍﻷﺧﺘﻼﻁ ﻣﺎﺧﺬﺓ ﺍﻟﺤﻴﺎﺓ ﺃﺑﺴﺎﻃﺔ
ﺑﺎﻥ ﻋﺎﻃﻔﻴﺔ ﺟﺪﺁ ﻭﺩﻣﻌﺘﻬﺎ ﺑﻄﺮﻑ ﻋﻴﻨﻬﺎ ﺗﻔﺮﺡ ﺗﺒﺠﻲ ﺗﺤﺰﻥ ﺗﺒﺠﻲ ﻫﻬﻬﻬﻪ ﺍﺳﻤﻴﻬﺎ ﺑﻮﻣﺔ
ﻣﺎﺭﻳﺎ ﻫﺎﻱ ﻣﺼﻴﺒﺔ ﻣﺎﻛﻮ ﻛﻼﻡ ﻳﺒﻘﺔ ﺑﻠﺴﺎﻧﻬﺎ ﻧﺸﺮﺓ ﺍﺧﺒﺎﺭ ﻣﺘﻨﻘﻠﺔ ﻣﺎﻣﺎ ﺍﺷﻜﺪ ﺗﺤﺠﻲ ﻭﺗﻌﺎﻗﺐ ﺑﺲ ﻣﺎﻛﻮ ﻓﺎﻳﺪﺓ ﺍﻟﺒﻠﺒﻞ ﺍﻟﻔﺘﺎﻥ ﻫﻬﻬﻪ
ﺍﻧﻲ ﻗﻮﻭﻳﺔ ﻣﺎ ﺍﻇﻬﺮ ﻣﺸﺎﻋﺮﻱ ﺍﺑﺪ ﻣﺎ ﺍﺣﺐ ﺍﺣﺪ ﻳﺸﻮﻑ ﺩﻣﻮﻋﻲ ﺧﻮﺍﺗﻲ ﻳﻜﻮﻟﻮﻟﻲ ﺍﻧﺖ ﻣﻌﻨﺪﺝ ﺍﺣﺴﺎﺱ
ﻣﺎﻣﺎ ﻳﻼ ﻭﺩ ﻛﻮﻣﻲ ﺭﺍﺿﻲ ﺍﺧﺘﺞ ﺗﻌﺮﻓﻮﻥ ﺑﻴﻪ ﻣﺎ ﺍﻗﺒﻞ ﻭﺣﺪﺓ ﺗﺰﻋﻞ ﻣﻦ ﺍﻟﺜﺎﻧﻴﺔ
ﻛﺎﻣﺖ ﻭﺩ ﺩﺗﺠﻲ ﻋﻠﻴﻪ ﻛﻤﺖ ﻣﻦ ﻣﻜﺎﻧﻲ ﻭﺍﻧﻲ ﻫﻢ ﺑﻮﺳﺘﻬﺎ ﻭﺩ ﺍﻛﺜﺮ ﻭﺣﺪﺓ ﺑﺨﻮﺍﺗﻲ ﻗﺮﻳﺒﺔ ﻣﻨﻲ ﻣﻦ ﺍﺯﻋﻞ ﻣﻨﻬﺎ ﺍﻭ ﻫﻲ ﺗﺰﻋﻞ ﻣﻨﻲ ﺯﻋﻠﻨﺔ ﻣﻴﻄﻮﻝ ﺳﺎﻋﺔ
ﺻﺎﺭ ﻭﻗﺖ ﺍﻟﻐﺪﺓ ﺍﻟﺘﻤﻴﻨﺎ ﻛﻠﻨﺔ ﻭﺟﺎﻥ ﺳﻴﻒ ﺯﻭﺝ ﻗﺪﺭ ﻫﻢ ﻣﻮﺟﻮﺩ ﻭﻋﻴﺴﻰ ﺯﻭﺝ ﻭﺩ
ﻣﺘﻌﻮﺩﻳﻦ ﻣﻦ ﻳﺠﻮﻥ ﺧﻮﺍﺗﻲ ﻭﺍﺯﻭﺍﺟﻬﻢ ﻛﻠﻨﺔ ﻧﻠﺘﻢ ﻋﻠﻰ ﺳﻔﺮﺓ ﻭﺣﺪﺓ ﺩﺍﺋﻤﺂ ﺑﺎﺑﺎ ﻳﻜﻮﻝ ﺳﻴﻒ ﻭ ﻋﻴﺴﻰ ﻫﺬﻭﻟﺔ ﻭﻟﺪﻱ ﻟﻬﺬﺍ ﺍﺣﻨﺎ ﺍﻟﺒﻨﺎﺕ ﻋﺪﻧﺎ ﻣﻴﺎﻧﺔ ﻗﻮﻳﺔ ﻭﻳﺎﻫﻢ
ﺑﺲ ﺍﻧﻲ ﻣﻴﺎﻧﺘﻲ ﻭﻳﺎ ﻋﻴﺴﻰ ﺍﻛﺜﺮ ﻻﻥ ﻫﻤﺎ ﺟﻴﺮﺍﻧﺔ ﻣﻦ ﺯﻣﺎﻥ ﻣﻦ ﺍﺣﻨﺎ ﺍﻃﻔﺎﻝ ﺳﻮﺍ ﻧﻠﻌﺐ ﻭﻣﻦ ﻛﺒﺮﻧﺎ ﺻﺎﺭ ﺍﻋﺠﺎﺏ ﺑﻴﻦ ﻭﺩ ﻭ ﻋﻴﺴﻰ ﻭﺗﻘﺪﻣﻠﻬﺎ ﺻﺎﺭﺕ ﺍﻟﻘﺴﻤﺔ ﻭﺻﺎﺭ ﻋﺪﻫﻢ ﺭﺍﻣﺎ ﻋﻤﺮﻫﺎ ﺳﻨﺔ ﻭﻧﺺ ﻫﺎﻱ ﺣﺒﻴﺒﺔ ﺧﺎﻟﺘﻬﺎ ﺍﻛﺜﺮ ﺍﻟﻨﻬﺎﺭ ﻫﻲ ﻳﻤﻲ ﺍﻣﻮﺕ ﻋﻠﻴﻬﺎ
ﺑﻌﺪ ﺍﻟﻐﺪﺓ ﻛﻌﺪﻧﺎ ﺍﺣﻨﺎ ﺍﻟﺒﻨﺎﺕ ﺑﺎﻟﻐﺮﻓﺔ
ﻭﺩ ﺷﺎﻓﺖ ﺍﻟﻤﺮﺁﻳﺎ ﻭﺍﻭﻭﻭﻭ ﻫﺎﻱ ﺗﺠﻨﻦ ﺍﺣﻠﻰ ﻣﻦ ﺍﻟﻘﺪﻳﻤﺔ ﻭﺍﻟﻠﻪ ﻃﻠﻊ ﺫﻭﻕ ﺇﻳﺎﺱ ﻳﺨﺒﻞ
ﺃﻳﻠﻮﻝ ﻣﺎ ﺃﻋﺮﻑ ﺫﻭﻕ ﻣﻨﻮ ﺑﺲ ﺍﻟﻤﻬﻢ ﻋﺠﺒﺘﻨﻲ
ﻭﺩ ﺍﻱ ﻭﻟﺞ ﺣﺠﺎﻟﻲ ﻋﻴﺴﻰ ﺑﺎﺑﺎ ﻣﺘﺼﻞ ﻋﻠﻴﻪ ﻛﺎﻳﻠﺔ ﺷﻮﻓﻠﻲ ﻣﺮﺁﻳﺎ ﺣﻠﻮﺓ ﺑﺲ ﻻﺗﻜﻮﻝ ﻛﺪﺍﻡ ﺇﻳﺎﺱ ﻫﺎﻱ ﺍﻷﺑﻮ ﻗﺪﺭ
ﻷﻥ ﺍﺫﺍ ﻋﺮﻑ ﺍﻛﻴﺪ ﻣﺮﺍﺡ ﻳﺄﺧﺬ ﻓﻠﻮﺳﻬﺎ
ﺑﺲ ﺍﻟﻤﺸﻜﻠﺔ ﺇﻳﺎﺱ ﺟﺎﻥ ﻛﺎﻋﺪ ﻳﻢ ﻋﻴﺴﻰ ﻭﻳﻤﻜﻦ ﻣﻨﺘﺒﻪ ﻋﻠﻰ ﺍﻟﻜﻼﻡ
ﻣﻦ ﺳﺪ ﺍﻟﺘﻠﻔﻮﻥ
ﺇﻳﺎﺱ ﺧﻴﺮ ﺷﻨﻮ ﺃﺑﻮ ﻗﺪﺭ ﻳﺮﻳﺪ ﻣﺮﺁﻳﺎ
ﺧﻄﻴﺔ ﻋﻴﺴﻰ ﻭﺟﻬﻪ ﺑﺎﻗﻲ ﻳﻨﻄﻲ ﺍﻟﻮﺍﻥ ﻣﻴﻌﺮﻑ ﺷﻴﺠﺎﻭﺏ
ﺑﺲ ﻣﻜﺪﺭ ﻳﻜﺬﺏ ﻛﺎﻟﺔ ﺃﻱ ﻭﺍﻟﻠﻪ
ﺇﻳﺎﺱ ﻟﻌﺪ ﻟﻴﺶ ﻣﺄﺟﻪ ﻳﺨﺘﺎﺭ ﺍﻟﺘﻌﺠﺒﻪ
ﻋﻴﺴﻰ ﺑﺼﺮﺍﺣﺔ ﻫﻮ ﻣﻴﺮﻳﺪﻙ ﺗﻌﺮﻑ ﺍﻟﻤﺮﺁﻳﺎ ﺍﻟﻪ
ﺇﻳﺎﺱ ﺑﺘﻌﺠﺐ ﻟﻴﺶ
ﻋﻴﺴﻰ ﻷﻥ ﺩﺍﺋﻤﺂ ﻣﻦ ﻳﺸﺘﺮﻱ ﻣﻨﻚ ﺷﻲ ﻣﺘﺄﺧﺬ ﻓﻠﻮﺳﺔ ﻭﻫﻮ ﻳﻨﺤﺮﺝ
ﺇﻳﺎﺱ ﻫﺎﻱ ﺻﺪﻙ ﺗﺤﺠﻲ ﻣﻊ ﺍﻷﺳﻒ ﻋﻠﻰ ﺃﺑﻮ ﻗﺪﺭ ﻣﻮ ﻳﻜﻮﻝ ﺍﻧﺖ ﻣﺜﻞ ﺃﺧﻮﻳﺔ ﺍﻟﺼﻐﻴﺮ ﺗﺎﻟﻲ ﻫﻴﺠﻲ ﻳﻄﻠﻊ ﻛﻼﻣﺔ
ﻋﻴﺴﻰ ﺇﻳﺎﺱ ﻋﻠﻰ ﺑﺨﺘﻚ ﻻﺗﻜﻮﻟﺔ ﺷﻲ ﻫﺴﻪ ﻋﺒﺎﻟﺔ ﺍﻧﻲ ﻣﻦ ﻛﻴﻔﻲ ﺣﺠﻴﺘﻠﻚ
ﺇﻳﺎﺱ ﻣﻌﻠﻴﻚ ﺃﻧﺖ ﺃﻧﻲ ﺃﺣﺠﻲ ﻭﻳﺎ ﺍﺑﻮ ﻗﺪﺭ
ﻭﻣﺘﺼﻞ ﻋﻠﻰ ﺑﺎﺑﺎ ﻭﻣﻌﺎﺗﺒﺔ ﻭﺧﻄﻴﺔ ﺑﺎﺑﺎ ﺣﻴﻞ ﺧﺠﻼﻥ ﻣﻨﻪ
ﺇﻳﺎﺱ .. ﻟﻮ ﻣﺎ ﺃﺳﻤﻊ ﻣﻜﺎﻟﻤﺘﻚ ﻭﻳﺎ ﻋﻴﺴﻰ ﺑﺎﻟﺼﺪﻓﺔ ﻭﻻ ﺟﺎﻥ ﻋﺮﻓﺖ
ﺗﻌﺎﻝ ﺍﺧﺘﺎﺭ ﺍﻟﺘﻌﺠﺒﻚ
ﺑﺎﺑﺎ .. ﻗﺒﻞ ﺍﺧﺘﺎﺭ ﻷﺯﻡ ﺗﻮﻋﺪﻧﻲ ﺗﺄﺧﺬ ﻓﻠﻮﺳﻬﺎ
ﺇﻳﺎﺱ .. ﻻﺗﺨﺎﻑ ﺭﺍﺡ ﺍﺧﺬ
ﺑﺎﺑﺎ .. ﻟﻌﺪ ﺧﻠﻲ ﻋﻴﺴﻰ ﻳﺸﻮﻓﻠﻲ ﻭﺣﺪﺓ ﻣﻨﺎﺳﺒﺔ
ﺇﻳﺎﺱ .. ﻻ ﺍﻧﻲ ﺭﺍﺡ ﺍﺧﺘﺎﺭﻟﻚ
ﺑﺎﺑﺎ .. ﺯﻳﻦ ﻓﻠﻮﺳﻬﺎ ﺃﺷﻜﺪ ﺣﺘﻰ ﺃﺩﺯﻫﻢ ﺍﻟﻚ ﺑﻴﺪ ﻋﻴﺴﻰ
ﺇﻳﺎﺱ .. ﻓﻠﻮﺳﻬﺎ ﺍﺭﻳﺪ ﺑﺎﺟﺔ ﻣﻦ ﺃﻳﺪ ﺍﻡ ﻗﺪﺭ
ﺑﺎﺑﺎ .. ﻫﻬﻬﻬﻪ ﻣﻮ ﺗﺪﻟﻞ ﺑﺲ ﻫﻢ ﻷﺯﻡ ﺗﻜﻠﻲ ﺍﺷﻜﺪ ﻓﻠﻮﺳﻬﺎ
ﺃﺷﻜﺪ ﻣﺤﺎﻭﻝ ﻭﻳﺎ ﺃﻳﺎﺱ ﺑﺲ ﻣﻘﺎﺑﻞ ﻳﺄﺧﺬ ﺍﻟﻔﻠﻮﺱ
ﻭﺇﻳﺎﺱ ﻣﺨﺘﺎﺭ ﺃﺣﻠﻰ ﻭﺃﻏﻠﻰ ﻣﺮﺇﻳﺎ
ﺩﻧﺤﺠﻲ ﻭﺟﺎﻥ ﺗﻌﻴﻂ ﻗﺪﺭ
ﻗﺪﺭ .. ﻭﻟﺞ ﻭﺩ ﺷﻮﻓﻲ ﺑﻨﺘﺞ ﻭﺍﻛﻔﺔ ﻛﺪﺍﻡ ﺍﻟﻤﺮﺁﻳﺎ ﻫﺎﻱ ﺑﺲ ﻻ ﺍﻧﻌﺪﺕ ﻣﻦ ﺧﺎﻟﺘﻬﺎ
ﺟﺎﻥ ﻋﺪﻧﺎ ﻣﻐﺮﻭﺭﺓ ﻭﺣﺪﺓ ﺻﺎﺭﻭﺍ ﺍﺛﻨﻴﻦ
ﻭﺩ .. ﻋﺰﺍﺍ ﺍﻟﻠﻪ ﻻﻳﻜﻮﻟﻬﺎ ﺍﺫﺍ ﻃﻠﻌﺖ ﻋﻠﻰ ﺃﻳﻠﻮﻝ ﻏﻴﺮ ﺍﻃﻚ ﻭﺍﻣﻮﺕ
ﺃﻳﻠﻮﻝ .. ﻟﻴﺶ ﻳﻤﻪ ﻭﺷﺒﻴﻪ ﺍﻧﻲ ﺃﺣﻤﺪﻱ ﺭﺑﺞ ﺍﺫﺍ ﻃﻠﻌﺖ ﻣﺜﻠﻲ
ﺑﺎﻥ ... ﻛﻠﻪ ﺻﻮﺟﺞ ﺍﻧﺘﻲ ﻟﻴﻞ ﻭﻧﻬﺎﺭ ﻋﺎﻳﻔﺔ ﺑﻨﺘﺞ ﻳﻤﻬﺎ ﻭﻫﻲ ﻣﻦ ﺗﻮﻛﻒ ﻋﻠﻰ ﺍﻟﻤﺮﺁﻳﺎ ﺗﻮﻛﻒ ﺭﺍﻣﺎ ﻭﻳﺎﻫﺎ ﺍﻛﻴﺪ ﺑﻨﺘﺞ ﺑﻌﺪ ﺗﻌﻠﻤﺖ
ﺃﻳﻠﻮﻝ .. ﺑﻘﻴﻨﺎ ﺍﻧﻲ ﻭﺧﻮﺍﺗﻲ ﻧﺸﺎﻗﺔ ﻭﻧﻀﺤﻚ ﻭﻳﻤﻜﻦ ﺟﺎﻥ ﻫﺬﺍ ﺍﺧﺮ ﻳﻮﻡ ﺍﺿﺤﻚ ﺑﻲ ﻣﻦ ﻗﻠﺒﻲ
يتبع
#روووعه

[فيتامين سي]

- ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻟﺜﺎﻟﺚ -

ﺃﻳﻠﻮﻝ .. ﻭﺍﻛﻔﺔ ﺑﺎﻟﻤﻄﺒﺦ ﺩﺍﺳﻮﻱ ﻋﺸﺎ ﻭﺧﻮﺍﺗﻲ ﻭﻳﺎﻱ ﺩﻳﺴﺎﻋﺪﻭﻧﻲ ﻭﺣﺪﺓ ﺗﺴﻮﻱ ﻣﻘﺒﻼﺕ ﻭﺍﻟﺜﺎﻧﻴﺔ ﺩﺗﺤﻈﺮ ﺍﻟﻤﻮﺍﻋﻴﻦ ﺩﻧﺼﺐ
ﻣﺎﻣﺎ .. ﺻﺎﺣﺖ ﻣﻦ ﺍﻟﻬﻮﻝ ﻳﻼ ﺑﻨﺎﺕ ﻫﺎﻱ ﺷﺼﺎﺭ ﺃﺷﻮ ﻃﻮﻟﺘﻮﺍ ﺧﻄﻴﺔ ﺍﺑﻮﻛﻢ ﺟﻮﻋﺎﻥ
ﺃﻳﻠﻮﻝ ... ﺻﺤﺖ ﺑﺼﻮﺕ ﺩﻗﺎﻳﻖ ﻭﺍﻛﻤﻞ ﺗﺮﺓ ﻋﺎﺩﻱ ﺣﺒﻴﺐ ﺍﻟﻘﻠﺐ ﻳﻨﺘﻈﺮ ﺷﻮﻳﺔ ﺍﻟﺤﺪ ﻣﻨﻜﻤﻞ ﺃﺻﺒﺮﻱ ﻣﻴﻮﺳﺔ
ﻣﺎﻣﺎ ... ﻭﻟﺞ ﺍﻳﻠﻮﻝ ﻭﺗﺎﻟﻲ ﻭﻳﺎ ﻫﺬﺍ ﻟﺴﺎﻧﺞ ﺗﺮﺓ ﺍﺟﻲ ﺑﺎﻟﺼﻮﻧﺪﺓ ﻭﺍﻛﻄﻌﻬﺎ ﻋﻠﻴﺞ
ﺃﻳﻠﻮﻝ ... ﺭﺣﺖ ﻭﻛﻔﺖ ﺑﺎﺏ ﺍﻟﻬﻮﻝ ﻭﺑﺎﻭﻋﺖ ﻋﻠﻴﻬﺎ ﻛﺘﻠﻬﺎ ﺣﺘﻰ ﺣﺒﻴﺐ ﻗﻠﺒﺞ ﻳﺨﻠﻴﺞ ﺗﻨﺎﻣﻴﻦ ﻳﻤﻲ ﻣﺜﻞ ﻫﺬﺍﻙ ﺍﻟﻴﻮﻡ
ﺍﺑﺎﻭﻉ ﻋﻠﻰ ﺑﺎﺑﺎ ﺧﺮﺑﺎﻥ ﺿﺤﻚ ﺍﻟﻠﻪ ﻋﻠﻴﻚ ﻫﻴﺜﻮﻣﻲ ﺗﻘﺒﻞ ﻣﻴﻮﺳﺔ ﺗﻀﺮﺑﻨﻲ
ﺑﺎﺑﺎ ... ﺑﻀﺤﻚ ﻛﺎﻝ ﺷﺤﺪﻫﺎ ﻣﻨﻮ ﻳﻜﺪﺭ ﻳﻤﺪ ﺍﻳﺪﺓ ﻋﻠﻰ ﺣﺒﻴﺒﺔ ﺃﺑﻮﻫﺎ
ﺃﻳﻠﻮﻝ ... ﺳﻮﻳﺖ ﺍﻟﻤﺎﻣﺎ ﺣﺮﻛﺔ ﺑﻴﺪﻱ ﻭﻛﺘﻠﻬﺎ ﻋﻠﻰ ﻋﻨﺎﺩﺝ
ﻣﺎﻣﺎ .. ﺃﺭﺗﺎﺣﻴﺖ ﻫﻴﺜﻢ ﺧﻠﻴﺘﻨﻲ ﺍﻭﻛﻊ ﺑﺎﻟﺴﺎﻥ ﺑﻨﺘﻚ ﻭﻟﺞ ﺗﺮﻭﺣﻴﻦ ﺗﺼﺒﻴﻦ ﻻ ﺃﺟﻲ ﺍﺳﺤﻠﺞ ﻣﻦ ﺷﻌﺮﺝ
ﺃﻳﻠﻮﻝ .. ﺍﺭﺳﻲ ﻋﻠﻰ ﺑﺮ ﺑﺎﻟﺼﻮﻧﺪﺓ ﻟﻮ ﻣﻦ ﺷﻌﺮﻱ ﻣﻮ ﻛﻞ ﺷﻮﻳﺔ ﺑﻜﻼﻡ ﺫﺑﻴﺘﻠﻬﺎ ﺑﻮﺳﺔ ﺑﺎﻟﻬﻮﻯ ﻭﺭﺟﻌﺖ ﻟﻠﻤﻄﺒﺦ
ﺍﺳﻤﻌﻬﺎ ﺍﺗﻜﻮﻝ ﺍﻟﺒﺎﺑﺎ ﻫﺎﻱ ﺍﻟﺒﻨﻴﺔ ﻣﻦ ﺩﻭﻥ ﺧﻮﺍﺗﻬﺎ ﻣﺪﺭﻱ ﻟﺴﺎﻧﻬﺎ ﻋﻠﻰ ﻣﻨﻮ ﻫﻴﺠﻲ ﻃﺎﻟﻊ ﻃﻮﻳﻞ
ﺑﺎﺑﺎ .. ﻫﻬﻬﻬﻪ ﻭﺍﻟﻠﻪ ﻫﺎﻟﺒﻨﻴﺔ ﻋﺴﻞ ﺍﻟﺒﻴﺖ
ﻣﺎﻣﺎ .. ﻫﻮ ﻣﻨﻮ ﺧﺮﺑﻬﺎ ﻏﻴﺮﻙ
ﺍﻧﻲ ﺍﺳﻤﻊ ﻭﺍﺿﺤﻚ .
ﺻﺤﺖ ﻣﺎﺭﻳﺎ ﻛﺘﻠﻬﺎ ﺭﻭﺣﻲ ﻓﺮﺷﻲ ﺍﻟﺴﻔﺮﺓ
ﻭﺑﺪﻳﺖ ﺍﻧﻲ ﺍﺻﺐ ﻭﺑﺎﻥ ﻭﻣﺎﺭﻳﺎ ﻳﻨﻘﻠﻮﻥ ﺍﻷﻛﻞ
ﻛﻌﺪﻧﺎ ﻧﺄﻛﻞ
ﺑﺎﻥ ... ﻋﻔﻴﺔ ﺑﺎﺑﺎ ﺍﻛﻮ ﻣﻌﻬﺪ ﻳﻨﻄﻮﻥ ﺩﺭﻭﺱ ﺗﻘﻮﻳﺔ ﻭﺻﺪﻳﻘﺎﺗﻲ ﺳﺠﻠﻮﺍ ﺑﻲ ﺍﺭﻳﺪ ﺍﻧﻲ ﻫﻢ ﺍﺳﺠﻞ ﺭﻳﺎﺿﻴﺎﺕ ﻭﺃﻧﻜﻠﻴﺰﻱ ﻣﻦ ﻫﺴﻪ ﺣﺘﻰ ﻣﻦ ﺗﺒﺪﻱ ﺍﻟﺴﻨﺔ ﺍﻛﻮﻥ ﺿﺎﺑﻄﺘﻬﻢ
ﺑﺎﺑﺎ .. ﻋﺎﺩﻱ ﺑﻨﻮﻧﺔ ﺳﺠﻠﻲ ﺷﻮﻓﻲ ﺍﻱ ﻣﺎﺩﺓ ﺿﻌﻴﻔﺔ ﺑﻴﻬﺎ ﻭﺳﺠﻠﻲ
ﺑﺎﻥ ... ﺑﻔﺮﺣﺔ ﻓﺪﻭﺓ ﺍﺭﻭﺣﻠﻚ ﺑﺎﺑﺎ ﺣﺒﻴﺒﻲ
ﺍﻳﻠﻮﻝ ... ﺑﺎﻭﻋﺖ ﺍﻟﺨﻮﺍﺗﻲ ﻛﻠﺖ ﺍﻧﻲ ﻟﻬﻨﺎ ﻭﺧﻠﺺ ﺩﻭﺭﻱ ﺍﺭﻭﺡ ﺍﺳﺒﺢ ﻭﺍﻧﺎﻡ ﻭﺍﻟﺒﺎﻗﻲ ﻋﻠﻴﻜﻢ
ﻣﺎﺭﻱ ... ﺑﺘﺬﻣﺮ ﻭﺍﻟﻠﻪ ﺍﻧﻲ ﻣﻌﻠﻴﺔ ﻣﺎ ﺃﻏﺴﻞ ﻣﻮﺍﻋﻴﻦ ﻫﺬﺍ ﺩﻭﺭ ﺑﺎﻥ ﺗﻐﺴﻠﻬﻢ
ﺑﺎﻥ ... ﻭﻟﺞ ﻛﺬﺍﺑﺔ ﻣﻮﺍﻋﻴﻦ ﺍﻟﻐﺪﺓ ﻣﻨﻮ ﻏﺴﻠﻬﻢ ﻣﻮ ﺍﻧﻲ
ﻣﺎﺭﻱ ... ﻭﺍﻟﻠﻪ ﻫﺎﻱ ﻣﺸﻜﻠﺘﺞ ﺣﺒﻲ ﻫﻮ ﺟﺎﻥ ﺩﻭﺭﻱ ﺍﻧﺘﻲ ﻣﻦ ﻭﺣﺪﺝ ﺭﺣﺘﻲ ﻏﺴﻠﺘﻴﻬﻢ
ﺑﺎﻥ ... ﻭﺍﻟﺪﻣﻌﺔ ﺑﻄﺮﻑ ﻋﻴﻨﻬﺎ ﺷﻔﺘﻬﻢ ﻣﻜﻮﻣﺎﺕ ﻋﻠﻰ ﺍﻟﺴﻨﻚ ﻭﺣﻈﺮﺗﺞ ﻧﺎﻳﻤﺔ
ﻣﺎﻣﺎ ... ﻛﺎﻓﻲ ﻣﻨﺎﻛَﺮ ﺑﻴﻨﻜﻢ ﻫﻮ ﺟﻢ ﻣﺎﻋﻮﻥ ﺷﺨﺒﺼﺘﻮﺍ ﺍﻟﺪﻧﻴﺎ ﻟﺞ ﻣﺎﺭﻱ ﺍﻧﺘﻲ ﺗﻐﺴﻠﻴﻬﻢ
ﺑﺎﺑﺎ .... ﻋﻴﻨﻲ ﻣﻴﺎﺳﺔ ﺑﺎﺟﺮ ﺍﻥ ﺷﺎﺀ ﺍﻟﻠﻪ ﺍﺟﻴﺐ ﺑﺎﺟﺔ ﺣﺘﻰ ﻟﻠﺠﻤﻌﺔ ﺗﻄﺒﺨﻴﻬﺎ ﻷﻥ ﻋﺰﻣﺖ ﺇﻳﺎﺱ ﻋﻠﻰ ﺍﻟﻐﺪﺓ
ﻣﺎﻣﺎ .. ﻫﻼ ﺑﻲ ﻳﺴﺘﺎﻫﻞ ﺇﻳﺎﺱ
ﺃﻛﻮﻝ ﻫﻴﺜﻢ ﻫﻮ ﺑﻌﺪﺓ ﻗﺎﻓﻞ ﻋﻠﻰ ﻣﻮﺿﻮﻉ ﺍﻟﺰﻭﺍﺝ ﻭﻣﻴﻘﺒﻞ ﻳﺰﻭﺝ
ﺑﺎﺑﺎ ... ﻭﺍﻟﻠﻪ ﻳﺎ ﻣﻴﺎﺳﺔ ﺗﻌﺒﺖ ﻭﺍﻧﻲ ﺍﻗﻨﻌﺔ ﻭﻣﺎﻛﻮ ﻓﺎﻳﺪﺓ ﻳﻜﻮﻝ ﺃﺑﻘﻰ ﻫﻴﺞ ﻣﺮﺗﺎﺡ ﻣﺎ ﺃﺭﻳﺪ ﺩﻭﺧﺖ ﺭﺃﺱ
ﻣﺎﻣﺎ ... ﺑﺲ ﺗﺮﺓ ﻣﻴﺼﻴﺮ ﻫﻮ ﻣﻮﺻﻐﻴﺮ ﻗﺒﻞ ﻓﺘﺮﺓ ﺻﺎﺭ ﺣﺠﻲ ﻛﺎﻝ ﻋﻤﺮﻩ 38 ﺳﻨﺔ ﻭﻫﻮ ﻭﺣﻴﺪ ﻣﻌﻨﺪﺓ ﺍﺣﺪ ﻻ ﺃﻫﻞ ﻻ ﻛﺮﺍﻳﺐ ﻋﻠﻰ ﺍﻷﻗﻞ ﺗﺠﻲ ﻣﺮﺓ ﻳﻤﻪ ﺗﻤﻠﻲ ﻋﻠﻴﻪ ﺑﻴﺘﻪ ﻭﺗﻬﺘﻢ ﺑﻲ ﻭﺑﻠﻜﻲ ﻳﺼﻴﺮ ﻋﻨﺪﻩ ﺍﻃﻔﺎﻝ ﻳﺸﻴﻠﻮﻥ ﺍﺳﻤﻪ ﻭﻫﻮ ﻣﺎ ﺷﺎﺀ ﺍﻟﻠﻪ ﺣﺎﻟﺘﺔ ﺍﻟﻤﺎﺩﻳﺔ ﻣﻤﺘﺎﺯﺓ ﻭﺷﻜﻠﺔ ﺣﻠﻮ ﻭﺷﺨﺼﻴﺔ ﺃﻛﻴﺪ ﺍﻟﻒ ﻭﺣﺪﺓ ﺗﺘﻤﻨﻰ
ﺃﻳﻠﻮﻝ ... ﺃﻭﻳﻠﻲ ﻋﻠﻴﺞ ﻣﺎﻣﺎ ﺣﺘﻰ ﻫﺬﺍ ﺍﻟﺮﺟﺎﻝ ﻣﺨﻠﺺ ﻣﻦ ﻛﻼﻣﺞ ﺗﺮﻳﺪﻱ ﻳﺰﻭﺝ ﺑﺎﻟﻜﻮﺓ
ﻣﺎﻣﺎ ... ﺍﻧﺘﻲ ﺳﻜﺘﻲ ﻭﻻ ﻛﻠﻤﺔ ﺍﻧﻲ ﻏﺴﻠﺖ ﺍﻳﺪﻱ ﻣﻨﺞ ﻭﺑﻌﺪ ﻣﻌﻠﻴﻪ ﺑﻴﺞ ﻭﻻ ﺍﻛﻮﻟﺞ ﺍﺯﻭﺟﻲ
ﺑﺎﺑﺎ ﻗﺎﻃﻊ ﻛﻼﻣﻨﺔ ﻻﻥ ﻋﺮﻑ ﺭﺍﺡ ﺗﻌﻠﻚ ﺑﻴﻨﻲ ﻭﺑﻴﻦ ﻣﺎﻣﺎ
ﺻﻮﺭﺗﻠﻜﻢ ﺍﻟﻘﻤﺎﺵ ﺷﻮﻓﻮﺍ ﺷﻨﻮ ﻳﻌﺠﺒﻜﻢ ﺣﺘﻰ ﺍﺟﻴﺒﺔ ﻭﺑﻘﻴﻨﺎ ﻧﺘﻔﺮﺝ ﻋﻠﻰ ﺍﻟﺼﻮﺭ ﺍﻧﻲ ﻭﺧﻮﺍﺗﻲ
ﺃﻳﻠﻮﻝ ... ﺷﻔﺖ ﺑﺎﺑﺎ ﻭﻣﺎﻣﺎ ﺩﻳﺘﺒﺴﺒﺴﻮﻥ ﻭﻳﻀﺤﻜﻮﻥ
ﻛﻠﺖ ﺃﺣﻢ ﺗﺮﺓ ﻣﻴﺼﻴﺮ ﻫﻴﺠﻲ ﻛﻮﻟﻮﺍ ﺍﻛﻮ ﻋﺰﺑﺎﻭﺍﺕ ﻛﺪﺍﻣﻨﺎ ﺧﻠﻲ ﻧﺮﺍﻋﻲ ﻣﺸﺎﻋﺮﻫﻢ
ﺿﺤﻜﻮﺍ ﻛﺎﻟﻮﺍ ﻭﻟﺞ ﻗﺎﺑﻞ ﺷﻤﺴﻮﻳﻦ
ﺑﺎﻥ .. ﺍﻛﻮﻝ ﺍﻳﻠﻮﻝ ﺑﺪﻭﻥ ﺯﺣﻤﺔ ﻣﻤﻜﻦ ﺗﻜﻮﻟﻴﻠﻲ ﻭﻳﻦ ﻟﻜﻴﺘﻲ ﻛﻠﻤﺔ ﻋﺰﺑﺎﻭﺍﺕ
ﺍﻳﻠﻮﻝ ... ﺍﻟﻠﻪ ﻭﻛﻴﻠﺞ ﺍﻧﻲ ﻫﻢ ﻣﺎ ﺍﺩﺭﻱ ﻭﻳﻦ ﻟﻜﻴﺘﻬﺎ ﻫﻲ ﻃﻠﻌﺖ ﻣﻦ ﻭﺣﺪﻫﺎ
ﺑﺎﻥ ... ﺍﺳﻤﻬﺎ ﻋﺎﺯﺑﺎﺕ ﻃﻴﺤﺘﻲ ﺣﻆ ﺍﻟﻠﻐﺔ ﺍﻟﻌﺮﺑﻴﺔ
ﺩﻧﺤﺠﻲ ﻭﺩﻙ ﻣﻮﺑﺎﻳﻞ ﺑﺎﺑﺎ
ﻓﺠﺄﺓ ﺑﺎﺑﺎ ﻭﻛﻒ ﻋﻠﻰ ﺣﻴﻠﺔ ﻭﺟﻬﺔ ﺻﺎﺭ ﺍﺻﻔﺮ ﺑﺎﻟﻜﻮﺓ ﺣﺠﻪ ﻳﻤﻌﻮﺩ ﺃﺷﺪﺗﻜﻮﻝ ﻫﺎﻱ ﺷﻮﻛﺖ !
ﺍﻧﻲ ﻭﻣﺎﻣﺎ ﻭﺧﻮﺍﺗﻲ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﺍﺑﺎﻭﻉ ﻋﻠﻰ ﺑﺎﺑﺎ ﺻﺎﺭ ﺑﺎﻟﻜﻮﺓ ﻳﺠﺮ ﺍﻟﻨﻔﺲ ﻭﻳﺮﺩﺩ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺍﺣﻨﺎ ﻧﺮﻳﺪﺓ ﺑﺲ ﻳﺨﻠﺺ ﺍﻻﺗﺼﺎﻝ ﻭﻧﻔﻬﻢ ﺷﺒﻲ ﻣﺘﻨﺎ ﻣﻦ ﺍﻟﻘﻠﻖ
ﻧﻬﻰ ﺑﺎﺑﺎ ﺍﻷﺗﺼﺎﻝ ﻭﺗﻮﺟﻪ ﻟﻠﻐﺮﻓﻪ
ﻣﺎﻣﺎ .. ﻛﺎﻟﺖ ﻫﻴﺜﻢ ﺍﺣﺠﻲ ﺷﺼﺎﻳﺮ
ﺑﺎﻭﻉ ﻋﻠﻴﻨﺎ ﻭﺟﺎﻭﺏ ﺑﻨﻜﺴﺎﺭ ﺍﻟﻤﺤﻞ ﺍﺣﺘﺮﻙ ﺩﻧﻚ ﺭﺍﺳﺔ ﻭﻓﺎﺕ ﻟﻠﻐﺮﻓﺔ
ﻣﺎﻣﺎ ... ﺿﺮﺑﺖ ﻋﻠﻰ ﺧﺪﻫﺎ ﻋﺰﺍ ﺍﻟﻌﺰﺍﺝ ﻣﻴﺎﺳﺔ ﻣﻨﻴﻦ ﺍﺟﺘﻨﺎ ﻫﺎﻱ ﺍﻟﻤﺼﻴﺒﺔ
ﺭﺍﺣﺖ ﻟﻠﻐﺮﻓﺔ ﻋﻠﻰ ﺑﺎﺑﺎ ﺟﺎﻥ ﻣﺴﺘﻌﺠﻞ ﺩﻳﺒﺪﻝ ﻭﺣﺎﻟﺘﺔ ﺗﻜﺴﺮ ﺍﻟﺨﺎﻃﺮ
ﺃﻧﻲ ﺑﺴﺮﻋﺔ ﺍﺧﺬﺕ ﻓﻮﻧﻲ ﻭﺗﺼﻠﺖ ﻋﻠﻰ ﺍﺧﺘﻲ ﻭﺩ
ﺧﻠﺺ ﺍﻷﺗﺼﺎﻝ ﻭﻫﻲ ﻣﺠﺎﻭﺑﺖ ﻳﺒﻮﻭﻭ ﻭﻳﻦ ﻭﻟﺖ ﻫﺎﻱ
ﺭﺟﻌﺖ ﺍﺗﺼﻠﺖ ﻋﻠﻰ ﻋﻴﺴﻰ ﺩﻙ ﺷﻮﻳﺔ
ﻭﺟﺎﻥ ﻳﺠﺎﻭﺏ ﻛﺎﻝ ﺃﻟﻮﻭﻭﻭ
ﺃﻳﻠﻮﻝ .. ﺑﺴﺘﻌﺠﺎﻝ ﺍﻟﻮ ﻋﻴﺴﻰ ﻓﺪﻭﺓ ﺗﻌﺎﻝ ﺍﻟﺒﻴﺘﻨﺎ ﺑﺴﺮﻋﺔ
ﻋﻴﺴﻰ ... ﺑﺨﻮﻑ ﻭﻟﺞ ﺍﻳﻠﻮﻝ ﺷﻜﻮ ﺧﻮﻓﺘﻴﻨﻲ ﺧﻮﻣﺎ ﺻﺎﻳﺮ ﺷﻲ
ﺍﻳﻠﻮﻝ ... ﻣﺤﻞ ﺑﺎﺑﺎ ﻣﺤﺘﺮﻙ
ﻋﻴﺴﻰ ... ﺷﻨﻮ ﻫﺎﻱ ﺷﻮﻛﺖ
ﺍﻳﻠﻮﻝ ... ﻣﺪﺭﻱ ﻫﺴﻪ ﺧﺎﺑﺮﻭﺍ ﻭﻛﺎﻟﻮﻟﺔ ﻓﺪﻭﺓ ﺗﻌﺎﻝ ﻻﻥ ﺑﺪﻝ ﺩﻳﺮﻭﺡ ﻭﺩﺃﺷﻮﻓﺔ ﺑﺎﻟﻜﻮﺓ ﻭﺍﻛﻒ ﻭﺿﻌﺔ ﺍﺑﺪ ﻣﻮ ﻣﺎﻝ ﻳﺴﻮﻕ ﺑﻬﻞ ﻟﻴﻞ
ﻋﻴﺴﻰ ... ﻻﺗﺨﻠﻮﺍ ﻳﻄﻠﻊ ﺩﻗﺎﻳﻖ ﻭﺍﻧﻲ ﻳﻤﻜﻢ
ﺃﺟﻪ ﻋﻴﺴﻰ ﻭﺃﺧﻮ ﺃﺳﺎﻣﺔ ﺭﺍﺣﻮﺍ ﻭﻳﺎ ﺑﺎﺑﺎ
ﻣﺎﻣﺎ ﺑﻘﺖ ﻣﻨﻬﺎﺭﺓ ﻭﺗﺒﺠﻲ ﻣﻘﻬﻮﺭﺓ ﻋﻠﻰ ﺑﺎﺑﺎ ﻭﺑﺎﻥ ﻛﺎﺑﻠﺘﻬﺎ ﻭﻛﻌﺪﺕ ﺗﺒﺠﻲ ﻭﻳﺎﻫﺎ ﻋﻄﺖ ﺑﻴﻬﺎ ﻭﻟﺞ ﻫﺎﻱ ﺑﺪﺍﻝ ﻣﺘﺴﻜﺘﻴﻬﺎ ﻛﺎﻋﺪﺓ ﻛﺒﺎﻟﻬﺎ ﻭﺗﺒﺠﻴﻦ ﺍﻧﺪﻙ ﺍﻟﺒﺎﺏ
ﺭﺍﺣﺖ ﻣﺎﺭﻱ ﺗﻔﺘﺤﺔ ﺍﺟﺘﻨﺎ ﻭﺩ ﻭﻋﻤﺘﻬﺎ
ﻛﻌﺪﺕ ﻋﻤﺘﻬﺎ ﻳﻢ ﻣﺎﻣﺎ ﺗﻬﺪﻱ ﺑﻴﻬﺎ ﺍﻧﻲ ﺃﺧﺬﺕ ﺭﺍﻣﺎ ﻭﻃﻠﻌﺖ ﻟﻠﺤﺪﻳﻘﺔ ﻛﻌﺪﺕ ﺑﺎﻟﻤﺮﺟﻮﺣﺔ ﻭﺭﺍﻣﺎ ﺑﺤﻀﻨﻲ ﺗﻀﺤﻚ ﻭﺩﺭﺩﻡ ﻭﻛﻮﻟﺸﻲ ﻣﺎ ﺍﻓﻬﻢ ﻣﻦ ﻛﻼﻣﻬﺎ ﻭﺍﻧﻲ ﻣﻮ ﻣﺜﻞ ﻛﻞ ﻣﺮﺓ ﻣﺎﻟﻲ ﺧﻮﻟﻚ ﺍﻟﻌﺒﻬﺎ ﺍﻟﻘﻬﺮ ﻳﻌﺼﺮ ﻗﻠﺒﻲ ﺭﻏﻢ ﻣﺎ ﺃﺑﻴﻦ ﻛﺪﺍﻣﻬﻢ
ﺷﻮﻳﺔ ﻭﺟﺎﻥ ﺗﺠﻲ ﻭﺩ ﻛﻌﺪﺕ ﻳﻤﻲ ﺳﺎﻟﺘﻬﺎ
ﻣﺘﺼﻠﺘﻲ ﺑﻌﻴﺴﻰ ﻛﺎﻟﺖ ﺍﻱ ﺍﺗﺼﻠﺖ ﺑﺲ ﻧﻄﺎﻧﻲ ﺭﻓﺾ
ﺍﻳﻠﻮﻝ ... ﺍﺭﺟﻌﻲ ﺍﺗﺼﻠﻲ ﻫﺴﻪ ﺑﻠﻜﻲ ﻳﺠﺎﻭﺏ
ﺃﺗﺼﻠﺖ ﻭﺩ ﺑﻘﻰ ﻳﺮﻥ ﺍﺧﻴﺮ ﺷﻲ ﺟﺎﻭﺏ
ﻭﺩ .. ﺍﻟﻮ ﺣﺒﻴﺒﻲ ﻃﻤﻨﻲ ﺷﻨﻮ ﺍﻷﺧﺒﺎﺭ ﻳﻤﻚ
ﺃﻳﻠﻮﻝ .. ﻫﺴﻪ ﻭﻛﺖ ﻏﺰﻝ ﺑﺮﺑﺞ ﺣﺒﻴﺒﻲ ﻭﺣﻴﺎﺗﻲ ﻭﻫﺰﻳﺖ ﺍﻳﺪﻱ
ﻭﺩ ... ﺑﺎﻭﻋﺖ ﻋﻠﻴﻪ ﻭﺭﻓﻌﺖ ﺣﺎﺟﺒﻬﺎ ﻣﻌﺠﺒﻬﺎ
ﻛﻼﻣﻲ
ﻭﺩ .. ﺍﻫﺎﺍ ﻣﺎﺷﻲ ﻋﻤﺮﻱ ﻭﺳﺪﺗﺔ
ﺃﻳﻠﻮﻝ ... ﻛﻮﻟﻲ ﺷﻜﺎﻝ
ﻭﺩ ... ﻣﻜﺎﻝ ﺷﻲ ﻳﻜﻮﻝ ﻫﺴﻪ ﻣﺸﻐﻮﻝ ﺑﻌﺪﻳﻦ ﺍﺗﺼﻞ ﺑﻴﺞ ﻭﺳﺪﻩ
ﺍﻳﻠﻮﻝ ... ﺑﻤﻠﻞ ﻫﻔﻒ ﻫﺴﻪ ﻏﻴﺮ ﺃﺣﺪ ﻳﻜﻮﻟﻨﺎ ﺷﺼﺎﻳﺮ
ﻭﺩ ... ﻧﻨﺘﻈﺮ ﻭﺍﻟﻠﻪ ﻛﺮﻳﻢ ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ
ﻇﻠﻴﻨﺎ ﻧﻨﺘﻈﺮ ﺻﺎﺭﺕ ﺳﺎﻋﺔ 12 ﻭﺑﻌﺪﻫﻢ ﻣﺮﺍﺟﻌﻴﻦ
ﺃﻡ ﻋﻴﺴﻰ ﺍﺗﺮﺧﺼﺖ ﻭﺭﺟﻌﺖ ﺍﻟﺒﻴﺘﻬﺎ ﻻﻥ ﻣﺮﺓ ﺟﺒﻴﺮﺓ ﻭﻣﺮﻳﻀﺔ
ﺑﺲ ﻭﺩ ﺑﻘﺖ ﻳﻤﻨﺎ
ﺳﺎﻋﺔ 1 ﺳﻤﻌﻨﺎ ﺻﻮﺕ ﺳﻴﺎﺭﺓ ﺑﺎﺑﺎ ﻛﻠﻨﺎ ﻃﻠﻌﻨﺎ ﺣﺘﻰ ﻧﺸﻮﻓﺔ ﺩﺧﻠﻮﺍ ﺍﻟﺴﻴﺎﺭﺓ ﻟﻠﻜﺮﺍﺝ ﺟﺎﻥ ﺍﺳﺎﻣﺔ ﻫﻮ ﻳﺴﻮﻕ ﻭﻋﻴﺴﻰ ﻓﺎﺗﺤﻠﺔ ﺑﺎﺏ ﺍﻟﺤﻮﺵ
ﺗﻮﺟﻪ ﻋﻴﺴﻰ ﻟﻠﺴﻴﺎﺭﺓ ﻭﺳﺎﻋﺪ ﺑﺎﺑﺎ ﺣﺘﻰ ﻳﻨﺰﻝ
ﺳﻮﺩﺓ ﻋﻠﻴﻪ ﻧﺒﺎﻭﻉ ﻋﻠﻰ ﺑﺎﺑﺎ ﺑﺎﻟﻜﻮﺓ ﻳﻤﺸﻲ ﺩﺧﻠﻮﺍ ﻟﻠﺒﻴﺖ ﺍﺣﻨﺎ ﻧﺮﻳﺪ ﻧﺴﺄﻝ ﺣﺘﻰ ﻧﻌﺮﻑ ﺷﺒﻲ ﺑﺎﺑﺎ ﻋﻴﺴﻰ ﺍﺷﺮﻟﻨﺎ ﺣﺘﻰ ﻧﺴﻜﺖ
ﺭﺍﺣﺖ ﺑﺎﻥ ﺟﺎﺑﺖ ﻓﺮﺍﺵ ﺍﻟﺒﺎﺑﺎ ﺣﺘﻰ ﻳﺘﻤﺪﺩ ﺑﺎﻟﻬﻮﻝ
ﺍﻧﻲ ﻃﻠﻌﺖ ﻭﺻﺤﺖ ﻋﻴﺴﻰ
ﺍﺟﺔ ﻋﻠﻴﻪ
ﺍﻳﻠﻮﻝ ... ﺷﺒﻲ ﺑﺎﺑﺎ ﻟﻴﺶ ﻣﻴﻜﺪﺭ ﻳﺤﺠﻲ ﻭﻫﻴﺠﻲ ﺗﻌﺒﺎﻥ ﺍﺟﻮﻱ ﻭﺩ ﻭﺑﺎﻥ ﻫﻢ ﻳﻤﻨﺎ
ﻋﻴﺴﻰ ... ﻣﻦ ﺷﺎﻑ ﺍﻟﻤﺤﻞ ﻣﺤﺘﺮﻙ ﻫﻮ ﻭﺍﻟﺒﻀﺎﻋﺔ ﺗﺨﺮﺑﻂ ﻭﺃﺧﺬﻧﺎ ﻟﻠﻤﺴﺘﺸﻔﻰ ﻫﻢ ﺯﻳﻦ ﻟﺤﻜﻨﺔ ﻋﻠﻴﻪ ﺟﺎﻥ ﺿﻐﻄﺔ ﻣﺮﺗﻔﻊ ﻟﻮ ﺑﺎﻗﻲ ﺷﻮﻳﺔ ﻻ ﺳﺎﻣﺢ ﺍﻟﻠﻪ ﺟﺎﻥ ﺍﻧﻀﺮﺏ ﺟﻠﻄﺔ
ﺃﻳﻠﻮﻝ ... ﺍﻧﻲ ﻭﺧﻮﺍﺗﻲ ﺑﻔﺰﻉ ﺍﺳﻢ ﺍﻟﻠﻪ ﻋﻠﻴﻪ ﻟﻴﺶ ﻫﻠﻜﺪ ﻳﻨﻘﻬﺮ ﻓﺪﻭﺓ ﺍﻟﻪ ﺍﻟﻤﻬﻢ ﻫﻮ ﺑﺨﻴﺮ
ﺍﺟﺔ ﺍﺳﺎﻣﺔ ﺍﺧﻮ ﻋﻴﺴﻰ ﻫﻢ ﻭﻛﻒ ﻳﻤﻨﺎ ﻭﻋﻴﻨﻪ ﻣﻨﺰﻟﻬﺎ ﻣﻨﻲ ﺍﻟﺨﺎﻃﺮ ﺍﻟﻠﻪ ﺍﺷﻜﺪ ﺻﻠﻒ ﻫﺬﺍ ﺍﻟﻮﻟﺪ ﻋﻔﺘﻬﻢ ﺭﺣﺖ ﻳﻢ ﺑﺎﺑﺎ ﻟﻜﻴﺘﺔ ﻧﺎﻳﻢ
ﻭﻣﺎﻣﺎ ﻛﺎﻋﺪﺓ ﻳﻢ ﺭﺍﺳﺔ ﻭﺃﻳﺪﻫﺎ ﻋﻠﻰ ﺧﺪﻫﺎ
ﻭﻫﺎﻱ ﺍﻟﻠﻴﻠﺔ ﻣﺤﺪ ﻣﻨﺎ ﻧﺎﻡ ﺑﻘﻴﻨﺎ ﺳﻬﺮﺍﻧﻴﻦ ﻧﺮﺍﻗﺐ ﻧﻮﻣﺔ ﺑﺎﺑﺎ ﺟﻨﺎ ﻧﺨﺎﻑ ﻻﻳﺘﺨﺮﺑﻂ ﻭﺗﺴﻮﺀ ﺣﺎﻟﺘﺔ ﺑﺲ ﺍﻟﺤﻤﺪ ﻟﻠﻪ ﻋﺪﺕ ﺍﻟﻠﻴﻠﺔ ﻋﻠﻰ ﺧﻴﺮ

[فيتامين سي]

- ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ -
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻟﺮﺍﺑﻊ -


ﺛﺎﻧﻲ ﻳﻮﻡ ﺑﻴﺘﺎ ﺟﺪﺁ ﻛﺌﻴﺐ ﺑﺎﺑﺎ ﻣﻘﻬﻮﺭ ﺑﺎﻟﻜﻮﺓ ﻳﺄﻛﻞ ﺍﺷﻜﺪ ﺩﻧﺤﺎﻭﻝ ﻧﻬﻮﻥ ﻋﻠﻴﻪ ﻣﻨﺮﻳﺪﺓ ﻳﻨﻘﻬﺮ ﻻﻥ ﻣﻮ ﺯﻳﻦ ﻋﻠﻰ ﺻﺤﺘﺔ ﺑﺲ ﺍﺑﺪ ﻣﺎﻛﻮ ﻓﺎﻳﺪﺓ
ﺍﺟﻮﻱ ﻗﺪﺭ ﻭﺳﻴﻒ ﻭﺣﺎﻭﻟﻮﺍ ﻳﺴﺎﻋﺪﻭﻥ ﺑﺎﺑﺎ
ﺳﻴﻒ ... ﻋﻤﻲ ﻻﺗﻀﻮﺝ ﺍﻧﻲ ﻣﺴﻮﻱ ﺳﻠﻔﺔ ﺑﺲ ﺍﺳﺘﻠﻤﻬﺎ ﺍﻧﻄﻴﻬﺎ ﺍﻟﻚ
ﺑﺎﺑﺎ ﺗﺸﻜﺮ ﻣﻨﻪ ﻭﻛﺎﻟﺔ ﻣﻦ ﺍﺣﺘﺎﺝ ﺍﻧﻲ ﺍﻛﻠﻚ
ﺍﺟﻮﻱ ﺧﻮﺍﻟﻲ ﻭﺧﺎﻻﺗﻲ ﻣﻦ ﺳﻤﻌﻮﺍ ﺑﺎﻟﺨﺒﺮ ﻭﻋﺮﻓﻮﺍ ﺑﺎﺑﺎ ﻣﺮﻳﺾ ﺷﻮﻳﻪ ﺑﺎﺑﺎ ﻛﺪﺭ ﻳﻠﺘﻬﻲ ﻭﻳﺎﻫﻢ ﻭﻳﻄﻠﻊ ﻣﻦ ﺍﻟﻜﺄﺑﺔ ﺍﻟﻲ ﻫﻮ ﺑﻴﻬﺎ
ﺍﺣﻨﺎ ﻋﻼﻗﺘﻨﺎ ﺑﺲ ﻭﻳﺎ ﺍﻫﻞ ﻣﺎﻣﺎ ﺯﻳﻨﺔ
ﺍﻣﺎ ﺍﻫﻞ ﺑﺎﺑﺎ ﻣﻌﺪﻧﺎ ﺍﺧﺘﻼﻁ ﺑﻴﻬﻢ ﻻﻥ ﻫﻤﺎ ﻣﻘﺎﻃﻌﻴﻦ ﺑﺎﺑﺎ
ﺑﻴﺒﻴﺘﻲ ﺍﻟﻠﻪ ﻳﺮﺣﻤﻬﺎ ﻗﺒﻞ ﻻﺗﻤﻮﺕ ﻣﻦ ﺟﺎﻧﺖ ﺑﺤﻴﻠﻬﺎ ﺟﺎﻧﺖ ﺗﺮﻳﺪ ﺑﺎﺑﺎ ﻳﺰﻭﺝ ﺣﺘﻰ ﻳﺼﻴﺮﻟﺔ ﻭﻟﺪ
ﻣﺎﻣﺎ ﻣﻦ ﻭﻟﺪﺗﻨﻲ ﺑﻴﺒﻴﺘﻲ ﺷﻨﺖ ﺍﻟﺤﺮﺏ ﻋﻠﻰ ﺑﺎﺑﺎ
ﺗﻜﻮﻟﺔ ﻣﺮﺗﻚ ﺟﺎﺑﺖ ﺛﻼﺙ ﺑﻨﺎﺕ ﻫﺎﻱ ﺧﻠﻔﺘﻬﺎ ﺑﺲ ﺑﻨﺎﺕ
ﻭﻣﻦ ﺑﺎﺑﺎ ﺭﻓﺾ ﻗﺎﻃﻌﺘﻪ ﻭﻋﻤﺎﻣﻲ ﻭ ﻋﻤﺎﺗﻲ ﻳﻤﺸﻮﻥ ﺑﻜﻼﻣﻬﺎ ﺻﺎﺭﻭﺍ ﻭﻳﺎﻫﺎ
ﺧﻄﻴﻪ ﻣﺎﻣﺎ ﺟﺎﻧﺖ ﺗﻨﻘﻬﺮ ﻭﻗﺮﺭﺕ ﺗﺤﻤﻞ ﻣﺮﺓ ﺭﺍﺑﻌﺔ ﺣﺘﻰ ﺑﻠﻜﻲ ﻳﺼﻴﺮﻟﻬﺎ ﻭﻟﺪ
ﺑﺲ ﺭﺏ ﺍﻟﻌﺎﻟﻤﻴﻦ ﻣﻜﺎﺗﺒﻠﻬﺎ ﻫﺬﺍ ﺷﻲ ﻭﺍﺟﺖ ﺑﺎﻥ ﻟﻠﺪﻧﻴﺎ
ﺑﺎﺑﺎ ﺟﺪﺁ ﻳﺤﺒﻨﺎ ﻭﻣﺘﻌﻠﻖ ﺑﻴﻨﺎ ﻭ ﻣﻴﻬﻤﺔ ﺍﺫﺍ ﺻﺎﺭ ﻋﻨﺪﺓ ﻭﻟﺪ ﺍﻭ ﻻ
ﺑﺲ ﻣﺎﻣﺎ ﺑﻘﺖ ﻣﺼﺮﺓ ﺗﺮﻳﺪﻟﺔ ﻭﻟﺪ ﻭﺣﻤﻠﺖ ﻣﺮﺓ ﺧﺎﻣﺴﺔ ﺭﻏﻢ ﺍﻟﺤﻤﻞ ﻛﺎﻥ ﺻﻌﺐ ﻋﻠﻴﻬﺎ ﺑﺴﺒﺐ ﺍﻟﺮﺑﻮ ﺍﻟﻌﺪﻫﺎ
ﺑﻮﻻﺩﺗﻬﺎ ﻣﺎﺭﻳﺎ ﺣﺎﻟﺘﻬﺎ ﺟﺎﻧﺖ ﻛﻮﻟﺶ ﺧﻄﺮﺓ ﻭﺑﺮﺣﻤﺔ ﺍﻟﻠﻪ ﻧﺠﺖ ﻣﻨﻬﺎ ﻭﺑﻌﺪﻫﺎ ﺑﺎﺑﺎ ﺧﻠﻰ ﻣﺎﻣﺎ ﺗﺤﻠﻒ ﺑﻌﺪ ﺗﺄﺧﺬ ﺍﺣﺘﻴﺎﻃﻬﺎ ﺣﺘﻰ ﻣﺘﺤﻤﻞ ﺑﻌﺪ
ﺑﻌﺪﻳﻦ ﺑﻴﺒﻴﺘﻲ ﺗﻤﺮﺿﺖ ﻭﻃﻠﺒﺖ ﺗﺸﻮﻑ ﺑﺎﺑﺎ ﻭﺗﺮﺍﺿﺖ ﻭﻳﺎ ﻭﺑﻌﺪﻫﺎ ﺑﻔﺘﺮﺓ ﺗﻮﻓﺖ
ﻣﻦ ﻛﺒﺮﺕ ﺍﺧﺘﻲ ﻗﺪﺭ ﻋﻤﻲ ﺍﻟﺠﺒﻴﺮ ﺭﺍﺩﻫﺎ ﺍﻷﺑﻨﺔ ﺑﺲ ﺑﺎﺑﺎ ﺭﻓﺾ ﻻﻥ ﺍﺑﻦ ﻋﻤﻲ ﻋﻨﺪﺓ ﺳﻮﺍﻟﻒ ﻣﻜﺴﺮﺓ ﻭﻣﺘﻌﺐ ﺍﻫﻠﺔ
ﻋﻤﻲ ﺯﻋﻞ ﻣﻦ ﺑﺎﺑﺎ ﻭﺭﺟﻊ ﻗﺎﻃﻌﺔ
ﻭﻣﻦ ﻗﺪﺭ ﺍﻧﺨﻄﺒﺖ ﺍﻷﺑﻦ ﺧﺎﻟﻲ ﻋﻤﺎﻣﻲ ﺗﻌﺎﺭﻛﻮﺍ ﻭﻳﺎ ﺑﺎﺑﺎ
ﻳﻜﻮﻟﻮﻥ ﺷﻠﻮﻥ ﺗﻔﻀﻞ ﺍﺑﻦ ﺧﺎﻟﻬﺎ ﻋﻠﻰ ﺍﺑﻦ ﺍﺧﻮﻙ ﻭﺭﺟﻌﻮﺍ ﻗﺎﻃﻌﻮﺍ ﻭﻋﻤﺎﺗﻲ ﻫﻢ ﺍﺑﺪ ﻣﻮ ﺣﻨﻴﻨﺎﺕ
ﺭﺍﺣﻮﺍ ﺍﻟﺨﻄﺎﺭ ﺑﻘﻮﺍ ﻣﺎﻣﺎ ﻭﺑﺎﺑﺎ ﺑﺎﻟﻬﻮﻝ ﻭﺧﻮﺍﺗﻲ ﺗﻤﺪﺩﻭ ﺑﻔﺮﺍﺷﻬﻢ
ﺍﻧﻲ ﻃﻠﻌﺖ ﺍﺭﻳﺪ ﺍﺭﻭﺡ ﺍﺳﺒﺢ ﻗﺒﻞ ﻻ ﺍﻧﺎﻡ ﻻﻥ ﺍﻟﺠﻮ ﺣﺎﺭ ﺳﻤﻌﺖ ﺑﺎﺑﺎ ﻳﺤﺠﻲ ﻭﻳﺎ ﻣﺎﻣﺎ
ﺍﻧﻲ ﻣﻮ ﻣﻦ ﻃﺒﻴﻌﺘﻲ ﺍﺻﻨﻂ ﺑﺲ ﻛﻼﻣﻬﻢ ﺷﺪﻧﻲ ﻭﺧﻼﻧﻲ ﺍﻭﻛﻒ ﺍﺳﻤﻊ
ﺑﺎﺑﺎ ... ﺷﺴﻮﻱ ﻓﻬﻤﻴﻨﻲ ﺷﻠﻮﻥ ﻣﺘﺮﻳﺪﻧﻲ ﺍﻧﻘﻬﺮ ﺍﻟﺒﻀﺎﻋﺔ ﺭﺍﺣﺖ ﻭﺍﻧﻲ ﻣﻦ ﺍﺧﺬﺗﻬﺎ ﻣﻦ ﺍﺑﻮ ﺍﻟﺠﻤﻠﺔ ﺍﻧﻄﻠﺒﺖ ﻋﻠﻴﻬﺎ ﺛﻼﺙ ﻣﻼﻳﻴﻦ
ﻣﻨﻴﻦ ﺍﺟﻴﺐ ﻭﺃﺳﺪﺩ ﺍﻟﺪﻳﻦ
ﻭﺻﺎﺣﺐ ﺍﻟﻤﺤﻞ ﺗﻌﺎﺭﻙ ﻭﻳﺎﻱ ﻳﻜﻮﻟﻲ ﺍﺭﻳﺪ ﺍﻟﻤﺤﻞ ﻳﺮﺟﻊ ﻣﺜﻞ ﻣﺠﺎﻥ ﺍﻧﺖ ﺗﺮﺟﻊ ﺗﺼﻠﺤﺔ ﻭﺍﻧﺘﻲ ﻟﻮ ﺗﺸﻮﻓﻲ ﺻﺎﻳﺮ ﻓﺤﻢ ﻣﺒﺎﻗﻲ ﺑﻲ ﻻ ﻛﻬﺮﺑﺎﺀ ﻻ ﺻﺒﻎ ﻭﺑﻌﺪ ﻛﻢ ﻳﻮﻡ ﺻﺎﺣﺐ ﺍﻟﺒﻴﺖ ﻳﺮﻳﺪ ﺍﻷﺟﺎﺭ ﻭﻣﺼﺎﺭﻳﻒ ﺍﻟﺒﻴﺖ ﻭﺍﻟﺒﻨﺎﺕ ﻣﻨﻴﻦ ﺍﺟﻴﺒﻬﻦ
ﻣﺎﻣﺎ ... ﺍﺧﺬ ﻫﺎﻱ ﺍﻟﺘﺮﺍﺟﻲ ﻭﺍﻟﺤﻠﻘﺔ ﻭﺍﻟﻤﺤﺒﺲ ﺑﻴﻌﻬﻢ ﺑﻠﻜﻲ ﻳﻔﻜﻮﻥ ﺷﻮﻳﺔ ﻣﻦ ﺩﻳﻨﻚ
ﺑﺎﺑﺎ ... ﻳﻤﻌﻮﺩﺓ ﻫﺬﻭﻟﺔ ﻗﺎﺑﻞ ﺍﺷﻜﺪ ﺭﺍﺡ ﻳﺠﻴﺒﻮﻥ
ﺑﺎﺟﺮ ﺍﻧﻲ ﺍﺭﻭﺡ ﺍﺑﻴﻊ ﺍﻟﺴﻴﺎﺭﺓ ﺑﻠﻜﻲ ﺗﺠﻴﺐ ﺳﻌﺮ ﻭﻟﻮ ﺍﺩﺭﻱ ﻣﺮﺍﺡ ﺗﺠﻴﺐ ﻫﻮﺍﻳﺔ ﻻﻥ ﺗﻌﺒﺎﻧﺔ
ﻣﺎﻣﺎ .. ﺍﻟﻠﻪ ﻛﺮﻳﻢ ﺍﻟﻤﻬﻢ ﺻﺤﺘﻚ ﻭﺍﻟﺒﺎﻗﻲ ﻳﻬﻮﻥ
ﺃﻳﻠﻮﻝ ﺭﺟﻌﺖ ﻟﻠﻐﺮﻓﺔ ﻭﺍﻧﻲ ﻣﻴﺘﺔ ﻗﻬﺮ ﻋﻠﻰ ﺑﺎﺑﺎ ﺳﻮﺩﺓ ﻋﻠﻴﻪ ﺍﺷﻜﺪ ﺗﻌﺒﺎﻥ ﻭﻣﻘﻬﻮﺭ ﻭﻛﻔﺖ ﻛﺪﺍﻡ ﻣﺮﺁﻳﺘﻲ ﻭﻏﻤﻀﺖ ﻋﻴﻨﻲ ﻭﻫﻤﺴﺖ ﺑﺪﺍﺧﻠﻲ ﻓﻌﻶ ﺑﺎﺑﺎ ﻟﻮ ﺟﺎﻥ ﻋﻨﺪﻩ ﻭﻟﺪ ﺟﺎﻥ ﺳﻨﺪﺓ ﺑﻬﺎﻱ ﺷﺪﺗﺔ
ﺃﺷﻜﺪ ﺣﺎﻭﻟﺖ ﻭﻳﺎ ﺑﺎﺑﺎ ﺣﺘﻰ ﻳﻘﺒﻞ ﺃﺗﻮﻇﻒ ﺑﻤﻜﺎﺗﺐ ﺍﻭ ﺷﺮﻛﺎﺕ ﺃﻫﻠﻴﺔ ﺑﺲ ﻳﺮﻓﺾ ﺭﻓﺾ ﻗﺎﻃﻊ ﻳﻜﻮﻝ ﻟﻮ ﺣﻜﻮﻣﻲ ﺍﻭ ﺗﺒﻘﻴﻦ ﻛﺎﻋﺪﺓ ﺑﺎﻟﺒﻴﺖ ﺍﻧﺘﻲ ﺣﻠﻮﺓ ﻭﺍﻟﻒ ﻋﻴﻦ ﻋﻠﻴﺞ ﺷﻠﻮﻥ ﺍﻛﺪﺭ ﺍﺧﻠﻴﺞ ﺗﺸﺘﻐﻠﻴﻦ ﺑﻬﻴﺠﻲ ﺃﻣﺎﻛﻦ
ﺍﻧﺪﺭﻳﺖ ﻋﻠﻰ ﺑﺎﻥ ﻭﻣﺎﺭﻱ ﺑﻨﺎﺕ ﺍﻧﻄﻮﻧﻲ ﺗﺮﺍﺟﻴﻜﻢ
.. ﺑﺴﺮﻋﺔ ﻧﺰﻋﻮﻫﻦ ﻭﺣﻄﻮﻫﻦ ﺑﻴﺪﻱ ﺣﺘﻰ ﺑﺪﻭﻥ ﻣﻴﺴﺎﻟﻮﻥ ﻋﻠﻰ ﺍﻟﺴﺒﺐ ﺑﺘﺴﻤﺖ ﺷﻨﻮ ﻣﺮﺍﺡ ﺗﺴﺎﻟﻮﻥ ﺷﺮﺍﺡ ﺍﺳﻮﻱ ﺑﻴﻬﻢ
ﺑﺎﻥ ... ﺍﻋﺘﻘﺪ ﺭﺍﺡ ﺗﻨﻄﻴﻬﻢ ﺍﻟﺒﺎﺑﺎ
ﺍﻳﻠﻮﻝ ... ﻃﻮﻝ ﻋﻤﺮﺝ ﺫﻛﻴﺔ
ﻣﺎﺭﻱ ... ﻓﺪﻭﺓ ﺍﻟﺒﺎﺑﺎ ﻟﻮ ﺍﻧﻄﻲ ﺭﻭﺣﻲ ﻫﻢ ﻗﻠﻴﻞ ﻋﻠﻴﺔ
ﺍﻳﻠﻮﻝ .. ﺍﺑﺎﻭﻉ ﻋﻠﻰ ﺧﻮﺍﺗﻲ ﻓﻌﻶ ﻣﺎﻛﻮ ﺍﺣﻦ ﻣﻦ ﺍﻟﺒﻨﺎﺕ
ﺍﻧﻲ ﺟﺎﻥ ﻋﻨﺪﻱ ﻛﻼﺩﺓ ﻭﺛﻨﻴﻦ ﻣﺤﺎﺑﺲ ﻭﺯﻭﺟﻴﻦ ﺗﺮﺍﺟﻲ ﻭﺧﻠﺨﺎﻝ ﻧﺎﻋﻢ
ﻷﻥ ﺑﺎﺑﺎ ﻣﻦ ﻳﻨﻄﻴﻨﻲ ﻣﺼﺮﻭﻓﻲ ﻣﺎ ﺃﺻﺮﻓﺔ ﺍﺟﻤﻌﺔ ﻭﺍﺷﺘﺮﻱ ﺫﻫﺐ ﻟﻮ ﻣﻼﺑﺲ ﻛﻨﺘﻮﺭﻱ ﻣﺘﺮﻭﺱ ﻣﻼﺑﺲ ﺃﺣﺐ ﺍﻷﻧﺎﻗﺔ ﻭﺍﻷﻫﺘﻤﺎﻡ ﺑﻜﺸﺨﺘﻲ ﺭﻏﻢ ﻣﺎ ﺍﻃﻠﻊ ﻫﻮﺍﻳﻪ ﻫﻬﻬﻬﻪ
ﺣﻄﻴﺖ ﺍﻟﺬﻫﺐ ﺑﻌﻠﺒﺔ ﻭﻗﺮﺭﺕ ﺍﻟﺼﺒﺢ ﺍﻥ ﺷﺎﺀ ﺍﻟﻠﻪ ﺍﻧﻄﻴﻬﻢ ﺍﻟﻤﺎﻣﺎ ﻫﻲ ﺗﻨﻄﻴﻬﻢ ﺍﻟﺒﺎﺑﺎ ﻷﻥ ﺍﻋﺮﻑ ﺍﺫﺍ ﺍﻧﻲ ﺍﻧﻄﻴﺘﻬﻢ ﺍﻟﻪ ﺭﺍﺡ ﻳﺮﻓﺾ ﻣﺎﻣﺎ ﺍﺣﺴﻦ ﻫﻲ ﺗﻘﻨﻌﺔ
ﻭﻓﻌﻶ ﺍﻟﺼﺒﺢ ﺍﻧﻄﻴﺘﻬﻢ ﺍﻟﻤﺎﻣﺎ ﻭﺑﺎﻟﻜﻮﺓ ﻛﺪﺭﺕ ﺗﺨﻠﻲ ﺑﺎﺑﺎ ﻳﺎﺧﺬﻫﻢ
ﺻﺎﺭ ﺍﻟﻌﺼﺮ ﺑﺎﺑﺎ ﺃﺧﺬ ﺳﻴﺎﺭﺗﺔ ﻭﺭﺍﺡ ﻳﻮﺩﻳﻬﺎ ﻟﻠﻤﻌﺎﺭﺽ ﺣﺘﻰ ﻳﺒﻴﻌﻬﺎ
ﻣﺸﻰ ﺍﻟﻮﻗﺖ ﻋﺎﺩﻱ ﺭﺟﻊ ﺑﺎﺑﺎ ﺍﻟﻤﻐﺮﺏ ﺑﺲ ﺟﺎﻥ ﻣﺒﺎﻳﻊ ﺍﻟﺴﻴﺎﺭﺓ ﻭﺍﺷﻮﻑ ﻭﺟﻬﺔ ﺍﻟﺤﻤﺪ ﻟﻠﻪ ﺍﺣﺴﻦ ﻭﻳﻀﺤﻚ ﻓﺮﺣﺎﻥ ﻭﺟﺎﻥ ﺟﺎﻳﺐ ﻣﺴﻮﺍﻙ ﻭﺑﺎﺟﺔ
ﺍﻧﻲ ﻭﻣﺎﻣﺎ ﺍﺳﺘﻐﺮﺑﻨﺔ ﺑﺲ ﻓﺮﺣﺎﻧﺔ ﺍﻟﻔﺮﺣﺔ
ﻭﺭﺍ ﺍﻟﻌﺸﻰ ﻣﺎﻣﺎ ﺳﺎﻟﺘﺔ
ﻣﺎﻣﺎ .. ﺍﻛﻮﻝ ﻫﻴﺜﻢ ﺍﺷﻮ ﻣﺒﻌﺖ ﺍﻟﺴﻴﺎﺭﺓ ﺷﻨﻮ ﻣﺠﺎﺑﺖ ﺳﻌﺮ
ﺑﺎﺑﺎ ... ﺑﺒﺘﺴﺎﻣﺔ ﻻ ﻣﻴﺤﺘﺎﺝ ﻣﺮﺍﺡ ﺍﺑﻴﻌﻬﺎ ﻭﺻﺪﻙ ﺫﻛﺮﺗﻴﻨﻲ ﺫﻫﺒﻜﻢ ﺑﺎﻟﺴﻴﺎﺭﺓ ﺑﺎﺑﺎﺗﻲ ﻣﺎﺭﻱ ﺍﺧﺬﻱ ﺍﻟﺴﻮﻳﺞ ﻣﻦ ﺟﻴﺒﻲ ﺭﻭﺣﻲ ﺟﻴﺒﻲ ﺍﻟﻌﻠﺒﺔ
ﻣﺎﻣﺎ ... ﻣﺴﺘﻐﺮﺑﺔ ﻟﻌﺪ ﺷﻠﻮﻥ ﺭﺍﺡ ﺗﻔﻚ ﺍﻟﺪﻳﻦ ؟
ﺑﺎﺑﺎ ... ﺭﺍﺡ ﺍﺣﺠﻴﻠﺞ ﻛﻠﺸﻲ ﺑﺲ ﻗﺒﻠﻬﺎ ﺻﺒﻴﻠﻲ ﺍﺳﺘﻜﺎﻥ ﺟﺎﻱ ﺛﺎﻧﻲ
ﻣﺎﻣﺎ ... ﺗﺪﻟﻞ
ﻭﺑﺪﺓ ﺑﺎﺑﺎ ﻳﺤﺠﻲ ﻭﺍﺣﻨﺎ ﻣﺮﻛﺰﻳﻦ ﻭﻳﺎ ﺑﻜﻞ ﻛﻠﻤﺔ ﻳﻜﻮﻟﻬﺎ
ﻣﻦ ﺟﻨﺖ ﺑﺎﻟﻄﺮﻳﻖ ﺭﺍﻳﺢ ﻟﻠﻤﻌﺎﺭﺽ ﺍﺗﺼﻞ ﻋﻠﻴﺔ ﺇﻳﺎﺱ ﺟﺎﻭﺑﺘﺔ
ﺇﻳﺎﺱ .. ﺃﺑﻮ ﻗﺪﺭ ﺃﻧﺖ ﻭﻳﻦ ﺍﺭﻳﺪ ﺃﺷﻮﻓﻚ
ﺃﺑﻮ ﻗﺪﺭ .. ﻭﺍﻟﻠﻪ ﻫﺴﻪ ﻋﻨﺪﻱ ﺷﻐﻠﺔ ﺿﺮﻭﺭﻳﺔ ﺧﻠﻴﻬﺎ ﺍﻟﺒﺎﺟﺮ
ﺇﻳﺎﺱ ... ﻭﻳﺸﺪ ﻋﻠﻰ ﺃﺑﻮ ﻗﺪﺭ ﻫﺴﻪ ﺍﺭﻳﺪ ﺍﺷﻮﻓﻚ ﻟﻮ ﺍﻧﺖ ﺗﺠﻲ ﻟﻮ ﺍﻧﻲ ﺍﺟﻴﻚ
ﺃﺑﻮ ﻗﺪﺭ .. ﺑﺼﺮﺍﺣﺔ ﺍﻧﺤﺮﺟﺖ ﻣﻨﻪ ﻛﺘﻠﻪ ﻣﺎﺷﻲ ﻧﺺ ﺳﺎﻋﺔ ﻭﺍﻧﻲ ﻳﻤﻚ ﺃﻧﺖ ﺑﻤﻌﺮﺽ ﺍﻷﺛﺎﺙ ﻣﻮ
ﺇﻳﺎﺱ ... ﺍﻱ ﺑﺎﻟﻤﻌﺮﺽ ﺗﻌﺎﻝ
ﺍﺑﻮ ﻗﺪﺭ .. ﻏﻴﺮﺕ ﻃﺮﻳﻘﻲ ﻭﺭﺣﺖ ﻟﻠﻤﻌﺮﺽ ﺷﺎﻓﻨﻲ ﻋﻴﺴﻰ ﺳﺎﻟﺘﺔ ﺇﻳﺎﺱ ﻭﻳﻨﺔ ﻛﺎﻝ ﻣﻮﺟﻮﺩ ﺑﻤﻜﺘﺒﺔ
ﺃﺑﻮ ﻗﺪﺭ .. ﺇﻳﺎﺱ ﻟﻴﺶ ﻳﺮﻳﺪ ﻳﺤﺠﻲ ﻭﻳﺎﻱ ﺧﻮﻣﺎ ﻋﺮﻑ ﺑﻤﻮﺿﻮﻉ ﺍﻟﻤﺤﻞ
ﻋﻴﺴﻰ ... ﺍﻱ ﻭﺍﻟﻠﻪ ﻋﺮﻑ ﺻﺪﻳﻘﺔ ﻛﺎﻳﻠﺔ ﻭﺍﺟﻪ ﻋﺘﺐ ﻋﻠﻴﻪ ﻳﻜﻮﻝ ﻟﻴﺶ ﻣﻜﺘﻠﻲ ﻭﺑﺼﺮﺍﺣﺔ ﻣﻌﺮﻓﺖ ﺷﺠﺎﻭﺑﺔ
ﺍﺑﻮ ﻗﺪﺭ ... ﻳﻼ ﻋﺎﺩﻱ ﻫﻮ ﺑﻴﻬﺎ ﻭﺑﻼﻳﻬﺎ ﺟﺎﻥ ﺭﺍﺡ ﻳﻌﺮﻑ ﻋﻔﺖ ﻋﻴﺴﻰ ﻭﺗﻮﺟﻬﺖ ﺍﻟﻤﻜﺘﺐ ﺇﻳﺎﺱ
ﺃﻭﻝ ﻣﺸﺎﻓﻨﻲ ﻛﺎﻡ ﻣﻦ ﻣﻜﺘﺒﺔ ﺑﻮﺳﻨﻲ ﻭﺗﺤﻤﺪﻟﻲ ﺑﺎﻟﺴﻼﻣﺔ
ﺇﻳﺎﺱ .. ﻭﻟﻮ ﺍﻧﻲ ﺯﻋﻼﻥ ﻣﻨﻚ ﻫﺎﻱ ﻣﺮﺗﻴﻦ ﺩﺗﺤﺴﺴﻨﻲ ﺍﻧﻲ ﻏﺮﻳﺐ ﻟﻮ ﻣﺎ ﺑﺎﻟﺼﺪﻓﺔ ﻣﺠﺎﻥ ﻋﺮﻓﺖ
ﺃﺑﻮ ﻗﺪﺭ ... ﻭﺍﻟﻠﻪ ﺣﻘﻚ ﺑﺲ ﺍﻟﻲ ﺻﺎﺭ ﻣﺒﻘﺔ ﻋﻘﻞ ﺑﺮﺃﺳﻲ
ﺇﻳﺎﺱ ... ﺍﻟﻠﻪ ﻳﺴﺎﻋﺪﻙ
ﻛﻠﻲ ﻫﺴﻪ ﺷﺮﺍﺡ ﺗﺴﻮﻱ ﻭﺷﻨﻮ ﺗﺸﺘﻐﻞ
ﺃﺑﻮ ﻗﺪﺭ .. ﺩﻧﻜﺖ ﺭﺍﺳﻲ ﻭﺧﺠﻠﺖ ﺍﺣﺠﻲ ﺑﺲ ﺟﺎﻭﺑﺖ ﺍﻟﻠﻪ ﻛﺮﻳﻢ ﻫﺴﻪ ﺑﻌﺪﻧﻲ ﻣﻤﻔﻜﺮ ﺑﺸﻲ
ﺇﻳﺎﺱ ... ﻳﻌﻨﻲ ﺑﻌﺪﻙ ﻣﺼﺮ ﻣﺘﺤﺠﻴﻠﻲ ﺷﻲ
ﺍﺑﻮ ﻗﺪﺭ ... ﺑﺘﻌﺠﺐ ﻟﻴﺶ ﻫﻴﺠﻲ ﺗﻜﻮﻝ
ﺇﻳﺎﺱ .. ﺗﺮﺓ ﺍﻧﻲ ﻋﺮﻓﺖ ﺑﻤﻮﺿﻮﻉ ﺍﻟﺪﻳﻦ ﻭﺃﻧﺖ ﺗﺮﻳﺪ ﺗﺒﻴﻊ ﺳﻴﺎﺭﺗﻚ ﻭﺗﺴﺪﺩﺓ
ﺃﺑﻮ ﻗﺪﺭ .. ﻟﻌﺪ ﺷﺴﻮﻱ ﻣﺎﻛﻮ ﻏﻴﺮ ﺣﻞ
ﺇﻳﺎﺱ .. ﻻ ﺍﻛﻮ ﺣﻞ ﺛﺎﻧﻲ ﻭﺟﺪﺁ ﺑﺴﻴﻂ
ﺃﺑﻮ ﻗﺪﺭ ... ﺑﺴﺘﻔﻬﺎﻡ ﻭﺷﻨﻮ ﻫﻮ ﺍﻟﺤﻞ ؟
ﺇﻳﺎﺱ .. ﻣﻌﻠﻴﻚ ﺑﻤﻮﺿﻮﻉ ﺍﻟﺪﻳﻦ ﺍﻧﻲ ﺍﺳﺪﺩﻩ
ﻗﺎﻃﻌﺖ ﻛﻼﻣﺔ ﻻ ﺇﻳﺎﺱ ﺍﻧﻲ ﻣﺎ ﺃﻗﺒﻞ ﻫﺬﺍ ﺍﻟﺸﻲ ﺗﺮﺓ ﻫﻨﺎ ﻣﻮ 100 ﺃﻭ 200 ﺣﺘﻰ ﺗﺴﺪﺩﻫﻢ ﺑﻤﻜﺎﻧﻲ
ﺇﻳﺎﺱ .. ﻟﻴﺶ ﻫﻴﺠﻲ ﺃﺑﻮ ﻗﺪﺭ ﺍﻟﻠﻪ ﻳﺸﻬﺪ ﺃﻧﻲ ﻣﻌﺘﺒﺮﻙ ﺍﺧﻮﻳﺔ ﺍﻟﺠﺒﻴﺮ ﻭﺃﻧﺖ ﻫﺴﻪ ﻫﻴﺠﻲ ﺗﺠﺎﻭﺑﻨﻲ
ﺃﺑﻮ ﻗﺪﺭ ... ﻭﺃﻧﺖ ﺗﻌﺮﻑ ﻏﻼﺗﻚ ﻋﻨﺪﻱ ﺑﺲ ﻭﺍﻟﻠﻪ ﺻﻌﺒﻪ
ﺇﻳﺎﺱ ... ﻭﺍﻧﻲ ﻋﻨﺪﻱ ﺣﻞ ﻳﺮﺿﻴﻚ
ﺃﺑﻮ ﻗﺪﺭ .. ﺷﻨﻮ ﻫﻮ ؟
ﺇﻳﺎﺱ .. ﺷﻨﻮ ﺭﺃﻳﻚ ﺗﻌﻮﻑ ﺷﻐﻠﻚ ﺑﺎﻷﻗﻤﺸﺔ ﻭﺗﺠﻲ ﺗﺸﺘﻐﻞ ﺍﻫﻨﺎ
ﺍﻧﻲ ﺍﺭﻳﺪ ﺍﻓﺘﺢ ﻣﻌﺮﺽ ﺍﺛﺎﺙ ﺛﺎﻧﻲ ﻭﺃﻛﻴﺪ ﻣﺮﺍﺡ ﺍﻛﺪﺭ ﺍﺩﻳﺮ ﺷﻐﻞ ﺍﻟﻤﻌﺮﺽ ﻭﺣﺪﻱ ﻭﻣﺎ ﺍﻛﺪﻯ ﺃﺟﻴﺐ ﻳﺎﻫﻮ ﺍﻟﺠﺎﻥ ﻻﻥ ﻣﻌﻨﺪﻱ ﺛﻘﺔ ﺑﺎﺣﺪ ﻏﻴﺮﻛﻢ ﺍﻧﺖ ﻭﻋﻴﺴﻰ
ﻭﺍﻧﻲ ﺭﺍﺡ ﺍﻗﻄﻊ ﻛﻞ ﺷﻬﺮ ﻣﻦ ﺭﺍﺗﺒﻚ ﻓﻠﻮﺱ ﺍﻟﺪﻳﻦ ﺍﻟﻲ ﺭﺍﺡ ﺍﺳﺪﺩﺓ ﺑﻤﻜﺎﻧﻚ ﺃﻋﺘﻘﺪ ﻫﺬﺍ ﺍﺣﺴﻦ ﺣﻞ
ﺃﺑﻮ ﻗﺪﺭ .. ﻭﺍﻟﻠﻪ ﻣﺎ ﺍﻋﺮﻑ ﺷﻜﻠﻚ ﺑﺲ ﺍﻧﺖ ﺩﺍﺋﻤﺂ ﺗﻔﺎﺟﺌﻨﻲ
ﺇﻳﺎﺱ .. ﺍﻧﺖ ﺭﺍﺡ ﺗﺸﺘﻐﻞ ﺑﺘﻌﺒﻚ ﺍﻧﻲ ﻣﻤﻔﻀﻞ ﻋﻠﻴﻚ
ﺑﺲ ﻫﺴﻪ ﻣﻌﻠﻴﻪ ﻭﻳﻦ ﻋﺰﻳﻤﺘﻚ ﺷﻨﻮ ﺭﺍﺡ ﺗﻐﻠﺲ ﻋﻠﻴﻬﺎ
ﺃﺑﻮ ﻗﺪﺭ ... ﻫﻬﻬﻬﻬﻪ ﻣﻦ ﻋﻴﻮﻧﻲ ﺑﺎﺟﺮ ﻏﺪﺍﻙ ﻳﻤﻲ
ﻣﺎﻣﺎ .. ﺍﻟﻒ ﺍﻟﺤﻤﺪ ﻟﻠﻪ ﻫﺬﺍ ﺇﻳﺎﺱ ﺍﻟﻤﻼﻙ ﺍﻟﻤﻨﻘﺬ ﺻﺪﻙ ﻟﻮ ﻛﺎﻟﻮﺍ ﻟﻮ ﺧﻠﻴﺖ ﻗﻠﺒﺖ ﺭﺏ ﺍﻟﻌﺎﻟﻤﻴﻦ ﻣﻴﻨﺴﻰ ﻋﺒﺎﺩﺓ
ﺃﻳﻠﻮﻝ .. ﺷﻔﺖ ﺑﺎﺑﺎ ﻭﻣﺎﻣﺎ ﺷﻠﻮﻥ ﻓﺮﺣﺎﻧﻴﻦ ﺣﻤﺪﺕ ﺍﻟﻠﻪ ﻭﺷﻜﺮﺗﺔ ﻭﻫﺬﺍ ﺇﻳﺎﺱ ﺍﺷﻜﺪ ﻛﺒﺮ ﺑﻌﻴﻨﻲ
ﻫﺬﺍ ﺇﻳﺎﺱ ﺍﻧﻲ ﻣﺸﺎﻳﻔﺘﺔ ﺯﻳﻦ ﻳﻤﻜﻦ ﻣﺮﺓ ﺍﻭ ﻣﺮﺗﻴﻦ ﻣﻦ ﻭﺭﺍ ﺟﺎﻡ ﺍﻟﻤﻄﺒﺦ ﻭﻣﻦ ﺑﻌﻴﺪ ﺍﺷﻜﺪ ﻳﺠﻲ ﺍﻟﺒﻴﺘﻨﺎ ﻭﺻﺎﺭﻟﻨﺎ ﺳﻨﻴﻦ ﻧﻌﺮﻓﺔ ﺑﺲ ﺍﻧﻲ ﻭﺧﻮﺍﺗﻲ ﺍﺑﺪ ﻣﻤﻠﺘﻘﻴﻦ ﺑﻲ ﻣﻦ ﻳﺠﻲ ﺑﺎﺑﺎ ﻭﻣﺎﻣﺎ ﻭﻋﻴﺴﻰ ﻳﻘﻮﻣﻮﻥ ﺑﻀﻴﺎﻓﺘﺔ ﻷﻥ ﻣﻬﻤﺎ ﻳﻜﻮﻥ ﻫﻮ ﺭﺟﺎﻝ ﻏﺮﻳﺐ
ﺻﺎﺭ ﻭﻗﺖ ﺍﻟﻌﺰﻳﻤﺔ ﻭﺃﺟﺔ ﺃﻳﺎﺱ ﺑﺎﺑﺎ ﻋﺰﻡ ﺳﻴﻒ ﻭ ﻋﻴﺴﻰ ﺣﺘﻰ ﻳﻜﻌﺪﻭﻥ ﻭﻳﺎ
ﺍﻧﻲ ﺣﺒﺴﺖ ﺭﻭﺣﻲ ﺑﺎﻟﻐﺮﻓﺔ ﻻﻥ ﺍﺗﺨﺒﻞ ﻣﻦ ﺭﻳﺤﺔ ﺍﻟﺒﺎﺟﺔ ﻳﻴﻴﻴﻊ ﺑﺼﺮﺍﺣﺔ ﻣﺎ ﺍﺩﺭﻱ ﺷﻠﻮﻥ ﻳﺎﻛﻠﻮﻫﺎ ﻫﻲ ﻋﺒﺎﺭﺓ ﻋﻦ ﺭﺍﺱ ﻭﺭﺟﻠﻴﻦ ﺷﻠﻮﻥ ﺍﻟﻬﻢ ﻧﻔﺲ ﺑﻴﻬﺎ ﻣﺎ ﺍﺩﺭﻱ ﻣﻦ ﺷﻜﻠﻬﺎ ﺍﻧﺮﻋﺐ
ﺧﻠﺼﺖ ﺍﻟﻌﺰﻳﻤﺔ ﻭﺭﺍﺡ ﺇﻳﺎﺱ
ﺑﺎﺑﺎ ﺑﺪﺓ ﺑﺸﻐﻠﺔ ﺍﻟﺠﺪﻳﺪﺓ ﺑﺎﻟﻤﻌﺮﺽ ﻳﺮﻭﺡ ﺳﺎﻋﺔ 8 ﺻﺒﺎﺣﺂ ﻭﻳﺮﺟﻊ ﺳﺎﻋﺔ 3 ﺍﻟﻈﻬﺮ ﻭﺟﺎﻥ ﺟﺪﺁ ﻣﺮﺗﺎﺡ ﺑﻬﺬﺍ ﺷﻐﻠﺔ ﻋﻜﺲ ﺷﻐﻠﺔ ﺑﺎﻷﻗﻤﺸﺔ ﻻﺯﻡ ﻳﻔﺘﺢ ﺍﻟﻤﺤﻞ ﻣﻦ ﺍﻟﺼﺒﺢ ﻭﻳﺠﻲ ﺑﺲ ﻳﺘﻐﺪﺓ ﻳﺮﺗﺎﺡ ﺷﻮﻳﺔ ﻫﻢ ﻳﺮﺟﻊ ﻭﻳﺒﻘﺔ ﻟﻠﻤﻐﺮﺏ
ﻟﻜﻦ ﻫﺴﻪ ﺻﺎﺭ ﻳﻘﻀﻲ ﻭﻗﺖ ﻭﻳﺎﻧﺔ ﺍﻃﻮﻝ ﻭﻳﻜﺪﺭ ﻳﻄﻠﻊ ﻳﻢ ﺍﺻﺪﻗﺎﺋﺔ ﺍﻟﻌﺼﺮ ﻭﺑﺎﻟﻨﺴﺒﺔ ﻟﻠﺮﺍﺗﺐ ﺟﺎﻥ ﻣﺒﻠﻎ ﻛﺒﻴﺮ ﺣﺘﻰ ﺑﺎﺑﺎ ﻣﻘﺒﻞ ﻣﻦ ﺳﻤﻊ ﺑﺎﻟﺮﻗﻢ ﻭﺭﺍﺩ ﻳﺘﺮﻙ ﺍﻟﺸﻐﻞ ﺑﺲ ﺇﻳﺎﺱ ﺑﻄﺮﻳﻘﺘﺔ ﻛﺪﺭ ﻳﻘﻨﻌﺔ
ﻭﺑﻴﻮﻡ ﻭﻗﺖ ﺍﻟﻌﺼﺮ ﺟﻨﺎ ﺑﺲ ﺍﻧﻲ ﻭﺑﺎﻥ ﺑﺎﻟﺒﻴﺖ ﺑﺎﺑﺎ ﻭﻣﺎﻣﺎ ﻭﻣﺎﺭﻱ ﺭﺍﺣﻮﺍ ﺍﻟﺒﻴﺖ ﺧﺎﻟﻲ
ﺍﻧﺪﻛﺖ ﺍﻟﺒﺎﺏ ﻃﻠﻌﺖ ﺑﺎﻥ ﺗﺸﻮﻑ ﻣﻨﻮ ﺍﻧﻲ ﻛﺎﻋﺪﺓ ﺑﺎﻷﺳﺘﻘﺒﺎﻝ ﺳﻤﻌﺖ ﺻﻮﺕ ﺑﺠﻲ ﺭﺍﻣﺎ ﺷﻔﺖ ﻭﺩ ﺑﻴﺪﻫﺎ ﺭﺍﻣﺎ ﻣﻔﺮﻓﺤﺔ ﻣﻦ ﺍﻟﺒﺠﻲ ﻭﺣﺘﻰ ﻭﺩ ﺩﺗﺒﺠﻲ ﺍﺗﻲ ﺷﻔﺘﻬﻢ ﻫﻴﺠﻲ ﺗﺨﺒﻠﺖ
ﺃﺧﺬﺕ ﺭﺍﻣﺎ ﺑﺎﻭﻋﺖ ﺍﻷﻳﺪﻫﺎ ﻣﻀﻤﺪﺓ ﻋﻄﺖ ﻟﺞ ﻭﺩ ﻫﺎﻱ ﺷﺒﻴﻬﺎ ﺍﻳﺪﻫﺎ
ﻭﺩ .. ﻭﺑﺎﻟﻜﻮﺓ ﺗﺤﺠﻲ ﻛﺎﻟﺖ ﺍﺣﺘﺮﻛﺖ ﺍﻳﺪﻫﺎ
. ﺍﻧﻲ ﺳﻤﻌﺖ ﻛﻼﻣﻬﺎ ﻟﻮﻣﺎ ﺭﺍﻣﺎ ﺑﻴﺪﻱ ﻳﻤﻜﻦ ﺟﺎﻥ ﻣﻠﺨﺘﻬﺎ
ﻭﻟﺞ ﺷﻠﻮﻥ ﺗﺤﺘﺮﻙ ﻭﺍﻧﺘﻲ ﻭﻳﻦ ﺟﻨﺘﻲ ﻋﺎﻳﻔﺘﻬﺎ ﺷﻨﻮ ﻫﺎﻱ ﻓﻬﺎﻭﺗﺞ
ﻋﻔﺘﻬﺎ ﻭﻟﺘﻬﻴﺖ ﺍﺳﻜﺖ ﺑﺮﺍﻣﺎ ﻭﺑﺎﻥ ﻭﻳﺎﻱ
ﺑﻌﺪ ﻧﺺ ﺳﺎﻋﺔ ﻣﻦ ﺍﻟﺒﺠﻲ ﺍﻟﻤﺘﻮﺍﺻﻞ ﺑﺪﺀ ﺍﻟﻤﺴﻜﻦ ﻳﺠﻴﺐ ﻣﻔﻌﻮﻟﺔ ﻭﻛﺪﺭﺕ ﺗﻨﺎﻡ
ﺍﻳﻠﻮﻝ .. ﺑﺎﻭﻋﺖ ﻋﻠﻰ ﻭﺩ ﻳﻼ ﺍﺣﺠﻲ ﺷﻠﻮﻥ ﺍﺣﺘﺮﻛﺖ ﺍﻳﺪﻫﺎ
ﻭﺩ .. ﺟﺎﻥ ﻋﻨﺪﻱ ﺷﻐﻞ ﺑﻐﺮﻓﺘﻲ ﺩﺍﺭﺗﺒﻬﺎ ﻭﺗﻌﺮﻓﻴﻦ ﺭﺍﻣﺎ ﻛﻠﺶ ﺣﺮﻛﺔ ﺧﺒﻠﺘﻨﻲ ﻧﺰﻟﺘﻬﺎ ﺧﻠﻴﺘﻬﺎ ﻳﻢ ﻋﻤﺘﻲ ﻭﺻﻌﺪﺕ ﺍﻛﻤﻞ ﺷﻐﻠﻲ
ﻓﺠﺎﺓ ﺳﻤﻌﺖ ﻋﻴﻄﺖ ﺭﺍﻣﺎ ﻫﺰﺕ ﺍﻟﺒﻴﺖ ﻧﺰﻟﺖ ﺍﺭﻛﺾ ﻣﺜﻞ ﺍﻟﻤﺨﺒﻠﺔ ﻓﺘﺖ ﻟﻠﻤﻄﺒﺦ ﺷﻔﺖ ﺭﺍﻣﺎ ﺑﺎﻟﻜﺎﻉ ﻣﻔﺮﻓﺤﺔ ﻣﻦ ﺍﻟﺒﺠﻲ ﻭﺟﻬﺔ ﺻﺎﻳﺮ ﺍﺯﺭﻙ ﺭﻛﻀﺖ ﻋﻠﻴﻬﺎ ﻭﺟﺎﻧﺖ ﻳﻤﻬﺎ ﻣﻬﺎ ﺍﺧﺖ ﻋﻴﺴﻰ ﻭﺍﺑﻨﻬﺎ ﻣﺤﻤﺪ
ﺷﻠﺖ ﺭﺍﻣﺎ ﺑﺲ ﺍﺭﻳﺪ ﺍﻓﻬﻢ ﺷﺒﻴﻬﺎ ﺭﺍﻣﺎ ﺗﺄﺷﺮﻟﻲ ﻋﻠﻰ ﺍﻳﺪﻫﺎ ﻭﻟﻤﻦ ﻓﺘﺤﺘﻬﺎ ﻟﻜﻴﺖ ﺑﻄﻦ ﺍﻳﺪﻫﺎ ﻣﺼﻠﻮﺧﺔ ﺑﺤﻴﺚ ﺍﻟﻠﺤﻢ ﻃﺎﻟﻊ
ﺗﺨﺒﻠﺖ ﻭ ﻋﻠﻰ ﺻﻮﺕ ﺑﺠﻲ ﺭﺍﻣﺎ ﺍﺟﺘﻲ ﻋﻤﺘﻲ ﻭﺍﺟﻪ ﺍﺳﺎﻣﺔ
ﺑﺎﻭﻋﺖ ﻋﻠﻰ ﻣﻬﺎ ﻭﺻﻴﺤﺖ ﺭﺍﻣﺎ ﺷﻠﻮﻥ ﺍﺣﺘﺮﻛﺖ ﻫﺬﺍ ﺍﺑﻨﺞ ﺣﺮﻛﻬﺎ ﻣﻮ ﺍﻟﻴﻮﻡ ﺍﺧﻠﻲ ﻋﻴﺴﻰ ﻳﺬﺑﺤﺔ
ﺍﻟﻄﻔﻞ ﺧﺘﻞ ﻭﺭﺍ ﺍﻣﻪ ﻭﻛﺎﻝ ﻻ ﻭﺍﻟﻠﻪ ﻣﻮ ﺍﻧﻲ ﻫﺎﻱ ﻣﺎﻣﺎ ﺟﻮﺗﻬﺎ
ﻣﻬﺎ .. ﺑﺮﺗﺒﺎﻙ ﻻ ﺗﻜﺬﺏ ﻣﻮ ﺍﻧﺖ ﺣﺮﻛﺘﻬﺎ ﺑﺎﻟﺠﺪﺍﺣﺔ
ﻣﺤﻤﺪ . ﻭﻫﻮ ﻳﺒﺠﻲ ﻻ ﻭﺍﻟﻠﻪ ﺍﻧﺘﻲ ﺣﺮﻛﺘﻴﻬﺎ ﻣﻮ ﺍﻧﻲ
ﻋﻤﺘﻲ ﺑﻘﺖ ﺗﻐﻠﻂ ﻋﻠﻴﻬﺎ
ﺍﺳﺎﻣﺔ ﻛﺎﻝ ﺍﻣﺸﻲ ﺑﺴﺮﻋﺔ ﺧﻠﻲ ﻧﺮﻭﺡ ﻧﻀﻤﺪ ﺍﻳﺪﻫﺎ
ﺍﻧﻲ ﻫﺪﻳﺖ ﻋﻠﻰ ﻣﻬﺎ
ﻭﻟﺞ ﺍﻳﻠﻮﻝ ﻟﻮ ﺗﺸﻮﻓﻴﻬﺎ ﺷﻠﻮﻥ ﺻﻠﻔﺔ ﺗﻜﻮﻟﻲ ﺍﻱ ﺣﺮﻛﺘﻬﺎ ﻛﺴﺮﺕ ﻋﻠﺒﺔ ﻣﻜﻴﺎﺟﻲ ﺗﺴﻮﻯ ﺭﺍﺳﻬﺎ
ﻭﻋﺎﻓﺘﻨﻲ ﻭﺩﺧﻠﺖ ﺍﻟﻐﺮﻓﺘﻬﺎ
ﺍﻳﻠﻮﻝ ﺍﻧﻲ ﻣﺼﺪﻭﻣﺔ ﻭﺑﺲ ﺍﺳﻤﻊ ﻭﺍﻟﻨﺎﺭ ﺗﻄﻠﻊ ﻣﻦ ﻋﻴﻮﻧﻲ ﻭﺻﻮﺕ ﺑﺠﻲ ﺭﺍﻣﺎ ﻟﺴﻪ ﺑﺄﺫﻧﻲ
ﻣﺘﺤﻤﻠﺖ ﻋﻔﺖ ﻭﺩ ﺑﻌﺪﻫﺎ ﺗﺤﺠﻲ ﺭﻛﻀﺖ ﻟﻠﻐﺮﻓﺔ ﺍﺧﺬﺕ ﺷﺎﻝ ﻭﻟﺒﺴﺖ ﺻﺎﻳﺔ ﻓﻮﻙ ﻣﻼﺑﺴﻲ ﻭﻃﻠﻌﺖ ﺍﺭﻛﺾ
ﻭﺩ ﺑﻘﺖ ﺗﻠﻄﻢ ﻭﺭﺍﻱ ﻟﺞ ﺍﻳﻠﻮﻝ ﻭﻳﻦ ﺭﺍﻳﺤﺔ ﺍﺭﺟﻌﻲ ﻭﺍﻧﻲ ﻭﻻ ﻋﺒﺮﺗﻬﺎ
ﺭﺣﺖ ﺍﻟﺒﻴﺖ ﺍﻫﻞ ﻋﻴﺴﻰ ﻭﺩ ﺍﺟﺘﻲ ﻭﻳﺎﻱ ﺑﺲ ﺗﺮﻳﺪ ﺗﻤﻨﻌﻨﻲ ﺷﻔﺖ ﺍﻟﺒﺎﺏ ﻣﻔﺘﻮﺡ ﺩﻓﺮﺗﺔ ﻭﺩﺧﻠﺖ ..
يتبع
#روووعه

[فيتامين سي]

- ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ -
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻟﺨﺎﻣﺲ -

ﺃﻳﻠﻮﻝ .. ﺟﻨﺖ ﺷﺎﻳﻄﺔ ﻣﻦ ﺍﻟﻐﻀﺐ ﺩﺧﻠﺖ ﺑﻴﺖ ﺍﻫﻞ ﻋﻴﺴﻰ ﻓﺘﺖ ﻣﻦ ﺑﺎﺏ ﺍﻟﻤﻄﺒﺦ ﺻﺎﺭﺕ ﻛﺪﺍﻣﻲ ﺍﻡ ﻋﻴﺴﻰ ﺷﺎﻓﺘﻨﻲ ﺑﻘﺖ ﺗﺮﺣﺐ ﺑﻴﻪ ﻭﺍﻧﻲ ﺍﺻﻼ ﺑﺎﻟﻲ ﻣﻮ ﻳﻤﻬﺎ ﺍﺑﺎﻭﻉ ﺑﻌﻴﻨﻲ ﺍﺩﻭﺭ ﻣﻬﺎ
ﺧﺎﻟﺔ ﻭﻳﻦ ﺑﻨﺘﺞ
ﺃﻡ ﻋﻴﺴﻰ ﺍﺭﺗﺒﻜﺖ ﻭﺣﺠﺖ ﻭﺍﻟﻠﻪ ﺯﻋﻼﻧﺔ ﻭﻛﺎﻋﺪﺓ ﺑﻐﺮﻓﺘﻬﺎ ﻭﺍﻟﻠﻪ ﻳﺎﺑﻨﺘﻲ ﺍﻧﻲ ﻭﺃﺳﺎﻣﺔ ﻃﻴﺤﻨﺔ ﺣﻈﻬﺎ
.. ﻋﻔﺖ ﺍﻡ ﻋﻴﺴﻰ ﺗﺤﺠﻲ ﻭﻓﺘﺖ ﺑﻨﺺ ﺍﻟﺒﻴﺖ ﻭﺻﺤﺖ ﺑﻌﻠﻮﺍ ﺻﻮﺗﻲ ﻟﺞ ﻣﻬﺎﺍﺍﺍﺍﺍﺍﺍﺍﺍ ﻭﻳﻨﺞ
ﻭﺩ ﻻﺯﻣﺘﻨﻲ ﺑﺲ ﺗﺮﻳﺪ ﺗﺮﺟﻌﻨﻲ ﻭﺍﻧﻲ ﻭﻻﻣﻌﺒﺮﺗﻬﺎ
ﻃﻠﻊ ﺍﺳﺎﻣﺔ ﻣﻦ ﺍﻷﺳﺘﻘﺒﺎﻝ
ﻣﻦ ﺷﺎﻓﻨﻲ ﺍﻷﺑﺘﺴﺎﻣﺔ ﺷﻜﺖ ﺣﻠﻜﺔ
.. ﻫﺎﻱ ﺷﻨﻮ ﺍﻟﻴﻮﻡ ﺍﻳﻠﻮﻝ ﻳﻤﻨﺎ ﻻ ﻣﺪ ﺍﺻﺪﻙ ﻋﻴﻨﻲ ﺍﻛﻮﻝ ﺍﻟﺒﻴﺖ ﻟﻴﺶ ﻣﻨﻮﺭ
. ﺃﻳﻠﻮﻝ ﺍﻧﻲ ﺭﻭﺣﻲ ﺑﺨﺸﻤﻲ ﻭﺣﻀﺮﺗﺔ ﺩﻳﺴﺘﻈﺮﻑ ﺑﺮﺃﺳﻲ ﺗﺠﺎﻫﻠﺘﺔ ﻭﺭﺟﻌﺖ ﺻﺤﺖ ﻣﻬﺎﺍﺍﺍﺍ
ﻭﺟﺎﻥ ﺗﻄﻠﻊ ﺍﻟﺒﺮﻧﺴﻴﺴﺔ ﻣﻦ ﻏﺮﻓﺘﻬﺎ ﺗﺘﻤﺨﺘﺮ
... ﻫﻔﻔﻔﻒ ﻫﺎﻱ ﺷﻜﻮ ﺷﻨﻮ ﻫﺬﺍ ﺍﻟﺼﻮﺕ ﺣﻀﺮﺗﺞ ﻭﻳﻦ ﺩﺍﺧﻠﺔ ﺑﻴﺖ ﺍﺑﻮﺝ ﻭﻫﻴﺠﻲ ﺩﺗﻌﻠﻴﻦ ﺻﻮﺗﺞ ﺑﻲ
.. ﺻﻴﺢ ﻋﻠﻴﻬﺎ ﺍﺳﺎﻣﺔ ﺩﻳﺴﻜﺘﻬﺎ
ﺍﻳﻠﻮﻝ .. ﺻﺪﻭﻙ ﻟﻮ ﻛﺎﻝ ﺃﺑﻮ ﺍﻟﻤﺜﻞ ﻓﻮﻙ ﺷﻴﻨﺔ ﻛﻮﺍﺕ ﻋﻴﻨﻪ
ﻭﻟﺞ ﺍﻧﺘﻲ ﺷﻠﻮﻥ ﺗﺤﺮﻛﻴﻦ ﺍﻳﺪ ﺭﺍﻣﺎ ﺍﻟﻴﻮﻡ ﺍﺣﺮﻙ ﺍﻟﺒﻴﺖ ﻋﻠﻰ ﺭﺍﺳﺞ
ﻣﻬﺎ ... ﻫﻴﻴﻴﻴﻲ ﻫﻴﻴﻴﻴﻲ ﻭﺍﻧﺘﻲ ﻣﻨﻮ ﻭﺟﺎﻳﺔ ﺑﻴﺘﻲ ﻭﺗﺼﻴﺤﻴﻦ ﻋﻠﻴﻪ ﺍﺣﺘﺮﻣﻲ ﻧﻔﺴﺞ ﻭﻻﺗﺨﻠﻴﻨﻲ ﺍﻋﻠﻤﺞ ﺍﻻﺣﺘﺮﺍﻡ
.. ﻭﻟﺞ ﻫﺎﻱ ﻣﻨﻮ ﺍﻟﺘﻌﻠﻤﻨﻲ ﺍﻻﺣﺘﺮﺍﻡ ﻭﻟﺞ ﺍﻧﺘﻲ ﻭﺣﺪﺓ ﻣﺮﻳﻀﺔ ﻧﻔﺴﻴﺎ ﻣﺴﺘﻘﻮﻳﺔ ﻋﻠﻰ ﻃﻔﻠﺔ ﻣﻦ ﻃﻴﺢ ﺍﻟﻠﻪ ﺣﻈﺞ ﻭﻟﻮ ﻫﻮ ﺍﺻﻼ ﻃﺎﻳﺢ ﻣﻦ ﻛﺎﻋﻪ
ﻣﻬﺎ ... ﻫﺎﻱ ﻣﻨﻮ ﺍﻟﻤﺮﻳﻀﺔ ﻭﻟﺞ ﺍﻟﻴﻮﻡ ﺍﻛﻠﺐ ﺍﻟﺪﻧﻴﺎ ﻋﻠﻰ ﺭﺍﺳﺞ ﻭﺛﺎﻧﻲ ﺷﻲ ﺍﻧﻲ ﻋﻤﺘﻬﺎ ﺍﺿﺮﺑﻬﺎ ﺍﺣﺮﻛﻬﺎ ﺍﺷﻨﻘﻬﺎ ﺍﻧﺘﻲ ﻣﺘﺪﺧﻠﻴﻦ ﻣﻔﻬﻮﻭﻭﻭﻭﻡ
ﻭﺩ ﻭﺍﻡ ﻋﻴﺴﻰ ﻳﺤﺎﻭﻟﻮﻥ ﻳﻬﺪﺋﻮﻥ ﺑﻴﻨﺎ ﻻﻥ ﺻﻮﺗﻨﺎ ﻋﺎﻟﻲ
ﻣﻬﺎ ... ﻳﻼ ﺣﺒﺎﺑﻪ ﻭﺗﺄﺷﺮ ﺍﻟﻮﺩ ﺍﺧﺬﻱ ﻫﺎﻱ ﺍﺧﺘﺞ ﻃﻠﻌﻴﻬﺎ ﺗﺮﺓ ﺳﻜﺘﻠﻬﺎ ﻫﻮﺍﻳﺔ ﻣﺒﻘﺖ ﻋﻠﻴﻪ ﻏﻴﺮ ﺍﻟﺒﺎﻳﺮﺓ
ﻫﻲ ﺣﺠﺖ ﻫﻴﺞ ﻭﺍﻧﻲ ﻣﺤﺴﻴﺖ ﻋﻠﻰ ﻧﻔﺴﻲ ﻏﻴﺮ ﻃﺎﻓﺮﺓ ﻋﻠﻴﻬﺎ ﻭﻟﺰﻣﺘﻬﺎ ﻣﻦ ﺷﻌﺮﻫﺎ ﻭﻧﻮﻣﺘﻬﺎ ﺑﺎﻟﻜﺎﻉ ﻭﺻﺮﺕ ﻓﻮﻛﺎﻫﺎ ﻭﺩﻙ ﻛﻔﺨﺎﺕ ﻋﻠﻰ ﺭﺍﺷﺪﻳﺎﺕ ﻋﻠﻰ ﺟﺮ ﻣﻦ ﺍﻟﺸﻌﺮ ﻻﺗﻜﻮﻟﻮﻟﻲ ﻭﻻ ﺍﻛﻮﻟﻜﻢ ﺟﻮﻥ ﺳﻴﻨﺎ ﺑﺰﻣﺎﻧﺔ ﻣﻴﻠﺤﻜﻨﻲ ﻣﺎ ﺃﻋﺮﻑ ﻣﻨﻴﻦ ﺍﺟﺘﻨﻲ ﻫﺎﻱ ﺍﻟﻘﻮﺓ
ﻭﻫﻲ ﺻﺎﺭﺕ ﻣﺜﻞ ﺍﻟﻜﺘﻜﻮﺕ ﺟﻮﺓ ﺍﻳﺪﻱ ﺍﻧﻲ ﺍﻃﻮﻝ ﻣﻨﻬﺎ ﻭﺷﻮﻳﺔ ﺍﺿﺨﻢ ﻫﻲ ﻧﺎﻋﻤﺔ ﻛﻮﻟﺶ ﺗﺤﺎﻭﻝ ﺗﻠﺰﻡ ﺍﻳﺪﻱ ﻭﺍﻧﻲ ﻣﺴﺘﻤﺮﺓ ﺑﺎﻟﻜﻔﺨﺎﺕ
ﻭﺩ ﻋﺎﻃﺖ ﺑﺄﺳﺎﻣﺔ ﺷﺒﻴﻚ ﺻﺎﻓﻦ ﻭﻓﺎﺗﺢ ﺣﻠﻜﻚ ﻣﺘﺠﻲ ﺗﺴﺤﺐ ﺍﺧﺘﻚ
ﻭﺩ ﺃﺟﺮ ﺑﻴﻪ ﻭﺍﻣﻬﺎ ﺗﺘﻮﺳﻞ ﻭﺍﻧﻲ ﻭﻻ ﺍﺳﻤﻊ ﻣﻨﻬﻢ ﺑﻌﺪﻳﻦ ﺳﻤﻌﺖ ﺻﻮﺕ ﺍﺑﻨﻬﺎ ﻳﺒﺠﻲ ﺍﻟﺨﺎﻃﺮﺓ ﻋﻔﺘﻬﺎ ﻭﻃﻠﻌﺖ ﺻﺎﺭ ﺑﻮﺟﻬﻲ ﺃﺳﺎﻣﺔ ﻛﺎﻃﻊ ﻃﺮﻳﻘﻲ
ﺍﺟﻲ ﻣﻨﺎ ﻳﺠﻲ ﻣﻨﺎ ﺍﺭﻭﺡ ﻣﻨﺎ ﻫﻢ ﻳﺠﻲ ﺍﻧﻲ ﺍﻋﺼﺎﺏ ﻭﻫﺬﺍ ﻋﺼﺒﻨﻲ ﺑﺎﻟﺰﺍﻳﺪ
ﺻﺤﺖ ﺑﻲ ﺑﺼﻮﺕ ﻋﺎﻟﻲ ﺩﻭﺧﺮﺭﺭﺭﺭﺭﺭﺭﺭ
ﻫﻬﻬﻬﻪ ﻓﺰ ﻭﺑﺴﺮﻋﺔ ﺃﺑﺘﻌﺪ
ﺭﺟﻌﺖ ﺑﺎﻟﻄﺮﻳﻖ ﻭﺩ ﻭﺭﺃﻳﺔ ﺑﺲ ﺍﺳﻤﻊ ﺻﻮﺕ ﺿﺤﻜﻬﺎ
ﺩﺭﺕ ﻋﻠﻴﻬﺎ ﺧﻴﺮ ﺷﻜﻮ ﺗﻀﺤﻜﻴﻦ ﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﺑﻤﻌﻨﻰ ﺳﻜﺘﺖ
ﺩﺧﻠﺖ ﻟﻠﺒﻴﺖ ﺫﺑﻴﺖ ﺍﻟﺼﺎﻳﺔ ﻭﺍﻟﺸﺎﻝ ﻭﻛﻌﺪﺕ ﻋﻠﻰ ﺍﻟﻘﻨﻔﺔ ﺗﻌﺒﺎﻧﺔ ﻫﻬﻬﻬﻬﻪ ﻋﺒﺎﻟﻚ ﺟﻨﺖ ﺑﻤﻌﺮﻛﺔ
ﻭﺩ ﻛﻌﺪﺕ ﺑﺎﻟﻜﺎﻉ ﻭﺃﺳﻤﻊ ﺑﺲ ﺗﻜﺮﻛﺮﻫﺎ
ﺑﺎﻥ ﻳﻤﻌﻮﺩﻳﻦ ﺷﻜﻮ ﻭﻳﻦ ﺟﻨﺘﻮﺍ ﻭﺷﺒﻴﺞ ﻭﺩ ﺗﻀﺤﻜﻴﻦ
ﻭﺩ ﻭﻋﻴﻮﻧﻬﺎ ﻣﺪﻣﻌﺔ ﻣﻦ ﺍﻟﻀﺤﻚ ﻭﻟﺞ ﺑﺎﻥ ﻏﻴﺮ ﻓﺎﺗﺞ ﺷﻠﻮﻥ ﻓﻠﻢ ﺍﻛﺸﻦ ﻛﻠﻪ ﻃﺎﺥ ﻭﻃﻴﺦ ﻫﻬﻬﻬﻬﻬﻬﻬﻬﻪ
ﺑﺎﻥ ﺍﻟﻔﻄﻴﺮﺓ ﺑﺪﻭﻥ ﻣﺘﻔﺘﻬﻢ ﺍﻟﺴﺎﻟﻔﺔ ﻫﻲ ﻫﻢ ﺗﻀﺤﻚ
ﺑﺎﻭﻋﺖ ﻋﻠﻴﻬﻢ ﺧﺮﺭﺭﺏ ﺍﺷﻮ ﺍﻧﻲ ﻫﻢ ﺑﻘﻴﺖ ﺍﺿﺤﻚ ﻋﻠﻰ ﺍﻟﻮﺍﻫﺲ ﻫﻬﻬﻬﻬﻬﻪ
ﻛﻌﺪﺕ ﻭﺩ ﺣﺠﺖ ﺍﻟﺒﺎﻥ ﻛﻮﻟﺸﻲ
ﻭﺩ ﻭﻟﺞ ﻋﻴﻨﻲ ﺑﺎﻥ ﻟﻮ ﺗﺸﻮﻓﻴﻦ ﺍﺧﺘﺞ ﺷﻠﻮﻥ ﻛﺎﻋﺪﺓ ﻓﻮﻛﺎﻫﺎ ﻭﺗﻜﻔﺦ ﺑﻴﻬﺎ ﻭﻫﺬﻳﺞ ﺷﺒﻌﺖ ﻃﻦ ﻛﺘﻞ ﻭﺑﻌﺪﻫﺎ ﺗﻐﻠﻂ
ﻭﻫﺬﺍ ﺍﺳﺎﻣﺔ ﺍﺑﺎﻭﻉ ﻋﻠﻴﻬﺎ ﻓﺎﺗﺢ ﺣﻠﻜﻬﺎ ﻭﺻﺎﻓﻦ ﻣﺜﻞ ﺍﻷﺛﻮﻝ ﻫﻬﻬﻬﻬﻪ
ﺍﻧﻲ ﻣﻦ ﻫﺬﺍ ﺍﻟﻴﻮﻡ ﺍﻳﻠﻮﻝ ﻟﻮ ﺍﺟﺖ ﺿﺮﺑﺘﻨﻲ ﺭﺍﺷﺪﻱ ﺍﻧﻄﻴﻬﺎ ﺍﻟﺨﺪ ﺍﻟﺜﺎﻧﻲ ﻭﺍﻛﻮﻟﻬﺎ ﺭﺣﻤﺔ ﺍﻟﻠﻪ ﻭﺍﻟﺪﻳﺞ
ﺃﻳﻠﻮﻝ ... ﻳﺒﻮﻭﻭﻭ ﺷﻔﺖ ﺍﻇﻔﺮﻱ ﻣﻜﺴﻮﺭ ﻣﺘﺖ ﻗﻬﺮ ﻋﻠﻴﻪ ﺍﻟﻠﻪ ﻻﻳﻨﻄﻴﺞ ﻳﺎ ﻣﻬﺎ ﺑﺴﺒﺒﻬﺎ ﺍﻧﻜﺴﺮ
ﺭﺍﻣﺎ ﺣﺒﻴﺒﺘﻲ ﻇﻠﺖ ﻛﻞ ﺷﻮﻳﺔ ﺗﻜﻌﺪ ﺗﺒﺠﻲ ﻣﻦ ﻭﺟﻊ ﺍﻳﺪﻫﺎ ﻟﻠﻤﻐﺮﺏ ﺑﺎﻟﻜﻮﺓ ﻛﺪﺭﻧﺎ ﻧﺨﻠﻴﻬﺎ ﺗﺮﺟﻊ ﺗﻨﺎﻡ
ﺭﺟﻌﻮﺍ ﺍﻫﻠﻲ ﻣﻦ ﺑﻴﺖ ﺧﺎﻟﻲ ﺑﺲ ﻣﻜﻨﺎﻟﻬﻢ ﺷﻲ
ﺟﻨﺖ ﻭﺍﻛﻔﺔ ﺑﺎﻟﻤﻄﺒﺦ ﻓﺎﺕ ﻋﻴﺴﻰ ﻭﺳﻠﻢ ﻋﻠﻴﻪ ﺑﺲ ﺟﺎﻥ ﺷﻜﻠﺔ ﺿﺎﻳﺞ
ﻋﻴﺴﻰ .. ﺍﻳﻠﻮﻝ ﻋﻨﺪﻱ ﺳﺆﺍﻝ ﺍﻧﺘﻲ ﺻﺪﻙ ﺭﺍﻳﺤﺔ ﺍﻟﺒﻴﺘﻨﺎ ﻭﺿﺎﺭﺑﺔ ﻣﻬﺎ ؟؟
ﺍﻳﻠﻮﻝ .. ﺟﺎﻭﺑﺘﺔ ﺑﻜﻞ ﺑﺮﻭﺩ ﺍﻱ ﺻﺢ ﻟﻮ ﻫﺴﻪ ﺍﺷﻮﻓﻬﺎ ﻛﺪﺍﻣﻲ ﻫﻢ ﺍﺭﺟﻊ ﺍﺿﺮﺑﻬﺎ
ﻓﺰﻳﺖ ﻋﻠﻰ ﺻﻮﺕ ﻗﻮﻱ ﻭﺭﺍﻳﺔ ﺻﺎﺡ ﺃﻳﻠﻮﻭﻭﻭﻭﻭﻭﻭﻭﻭﻭﻝ ﻛﻤﺰﺕ ﻣﻦ ﻣﻜﺎﻧﻲ ﺷﻔﺘﺔ ﺑﺎﺑﺎ ﻣﺘﻌﺼﺐ ﻭﺍﻟﺸﺮﺍﺭ ﺗﻄﻠﻊ ﻣﻦ ﻋﻴﻨﺔ
ﺗﻘﺪﻡ ﺑﺘﺠﺎﻫﻲ
.. ﺷﻨﻮ ﻫﺬﺍ ﺍﻟﺴﻤﻌﺘﺔ ﺗﺮﻭﺣﻴﻦ ﺍﻟﺒﻴﺖ ﺍﻟﻨﺎﺱ ﺑﺪﻭﻥ ﻋﻠﻤﻨﺔ ﻭﺗﻀﺮﺑﻴﻦ ﺑﻨﺘﻬﻢ
ﺍﻧﻲ ﻧﺒﻠﻊ ﻟﺴﺎﻧﻲ ﺍﻭﻝ ﻣﺮﺓ ﻫﻴﺠﻲ ﺍﺧﺎﻑ ﻣﻦ ﺑﺎﺑﺎ
ﺻﺎﺭ ﻋﻴﺴﻰ ﻛﺪﺍﻣﻲ
ﻋﻴﺴﻰ .. ﻋﻤﻲ ﻋﻠﻰ ﻛﻴﻔﻚ ﺧﻠﻲ ﻧﻔﻬﻢ ﻣﻦ ﺍﻳﻠﻮﻝ
ﺍﻛﻴﺪ ﻣﻬﺎ ﻣﺴﻮﻳﺔ ﺷﻲ ﻗﻮﻱ ﺧﻠﻰ ﺍﻳﻠﻮﻝ ﻫﻴﺞ ﺗﺘﺼﺮﻑ
ﺑﺎﺑﺎ .. ﺑﺼﻴﺎﺡ ﻣﻬﻤﺎ ﻛﺎﻥ ﺍﻟﺴﺒﺐ ﻣﻮ ﻣﻦ ﺣﻘﻬﺎ ﺗﺮﻭﺡ ﺗﻀﺮﺑﻬﺎ ﺍﻟﻈﺎﻫﺮ ﺍﻧﻲ ﻣﻌﺮﻓﺖ ﺍﺭﺑﻴﻬﺎ ﺑﺲ ﻫﻴﻨﺔ ﺍﻳﻠﻮﻝ ﺍﻟﻈﺎﻫﺮ ﺻﺪﻙ ﺩﻻﻟﻲ ﺍﻟﺰﺍﻳﺪ ﺧﺮﺑﺞ ﺭﺍﺡ ﺍﺭﺟﻊ ﺃﺭﺑﻴﺞ ﻣﻦ ﺟﺪﻳﺪ
ﻋﻴﺴﻰ .. ﻻ ﻋﻤﻲ ﻻﺗﻜﻮﻝ ﻫﻴﺠﻲ ﺍﻳﻠﻮﻝ ﻣﺘﺮﺑﻴﺔ ﺃﺣﺴﻦ ﺗﺮﺑﻴﺔ ﻭﻧﻌﻢ ﻣﻦ ﺍﺧﻼﻗﻬﺎ
ﺍﺟﺘﻲ ﻣﺎﻣﺎ ﻭﺍﻟﺒﻨﺎﺕ ﻣﻦ ﺳﻤﻌﻮﺍ ﺻﻴﺎﺡ ﺑﺎﺑﺎ ﻳﺮﻳﺪﻭﻥ ﻳﻌﺮﻓﻮﻥ ﺷﺼﺎﻳﺮ
ﺃﺟﺖ ﻭﺩ ﺑﻴﺪﻫﺎ ﺭﺍﻣﺎ ﺗﺒﺠﻲ ﺍﻟﻈﺎﻫﺮ ﺧﻄﻴﺔ ﻓﺰﺕ ﻣﻦ ﺍﻟﺼﻮﺕ
ﻭﺩ .. ﺑﺎﺑﺎ ﺷﻮﻑ ﺍﻳﺪ ﺭﺍﻣﺎ ﻭﺑﻌﺪﻳﻦ ﺍﺣﺠﻲ
ﻋﻴﺴﻰ ﻭﺑﺎﺑﺎ ﺍﻟﺘﻔﺘﻮﺍ ﻋﻠﻰ ﻭﺩ
ﻋﻴﺴﻰ . ﺑﺨﻮﻑ ﺷﺒﻴﻬﺎ ﺭﺍﻣﺎ
ﻭﺩ .. ﺑﺤﺮﻛﺔ ﻗﻠﺐ ﺍﺧﺘﻚ ﺍﻟﻤﺼﻮﻥ ﺣﺮﻛﺖ ﺍﻳﺪﻫﺎ ﻷﻥ ﻛﺎﺳﺮﺓ ﻋﻠﺒﺔ ﻣﻜﻴﺎﺟﻬﺎ
ﻋﻴﺴﻰ ﺑﺴﺮﻋﺔ ﺭﺍﺩ ﻳﻄﻠﻊ ﺑﺎﺑﺎ ﻟﺰﻣﺔ ﻣﻘﺒﻞ ﻳﺮﻭﺡ ﻳﺴﻮﻳﻠﻬﺎ ﺷﻲ
ﺍﻟﻜﻞ ﺍﻟﺘﻬﻮﺍ ﺑﺮﺍﻣﺎ
ﺍﻧﻲ ﺩﺧﻠﺖ ﻟﻠﻐﺮﻓﺔ ﻭﻛﻌﺪﺕ ﻣﻘﺎﺑﻴﻞ ﻣﺮﺁﺗﻲ ﺍﻛﻮ ﻣﻴﺰ ﻳﻢ ﺍﻟﻤﺮﺁﻳﺎ ﺧﻠﻴﺖ ﺭﺍﺳﻲ ﻋﻠﻴﻪ ﻭﺭﺟﻌﺖ ﺍﺫﻛﺮ ﻛﻼﻡ ﺑﺎﺑﺎ
ﺟﻨﺖ ﺍﺗﻤﻨﻰ ﺍﺑﺠﻲ ﺑﺲ ﻣﺎ ﺃﻛﺪﺭ ﻣﺎ ﺃﺭﻳﺪ ﺩﻣﻮﻋﻲ ﺗﻨﺰﻝ ﻭﻳﺸﻮﻓﻮﻫﺎ
ﺑﻌﺪ ﺭﺑﻊ ﺳﺎﻋﺔ ﺍﻧﺪﻛﺖ ﺑﺎﺏ ﺍﻟﻐﺮﻓﺔ
ﻋﺮﻓﺘﻪ ﺑﺎﺑﺎ
ﻛﻠﺖ ﺍﺩﺧﻞ
ﻓﺘﺢ ﺍﻟﺒﺎﺏ ﺗﻘﺪﻡ ﻋﻠﻴﻪ ﻭﺍﺟﺔ ﻛﻌﺪ ﺑﺼﻔﻲ
ﺑﺎﺑﺎ .. ﺑﻨﺘﻲ ﻟﻮﻟﺔ ﺗﺮﺓ ﺍﻟﺴﻮﻳﺘﻲ ﻏﻠﻂ ﻟﻮ ﻭﺍﺣﺪ ﻏﻴﺮ ﻋﻴﺴﻰ ﺟﺎﻥ ﺯﻋﻞ ﻣﻨﺞ ﻫﺎﻱ ﺍﺧﺘﻪ ﻭﻋﻤﺔ ﺭﺍﻣﺎ ﻣﻮ ﻣﻦ ﺣﻘﺞ ﺗﺮﻭﺣﻴﻦ ﺑﻨﺺ ﺑﻴﺘﻬﻢ ﺗﻀﺮﺑﻴﻬﺎ
ﺛﺎﻧﻲ ﺷﻲ ﺍﻟﺒﻨﻴﺔ ﻣﻦ ﻳﻮﻡ ﺍﻟﻄﻠﻘﺖ ﺻﺎﺭﺕ ﻋﺼﺒﻴﻪ ﻭﺗﺼﺮﻓﺎﺗﻬﺎ ﻣﻮ ﻣﺘﻮﺍﺯﻧﺔ
ﺍﻳﻠﻮﻝ .. ﺧﻠﺺ ﺑﺎﺑﺎ ﺍﻧﻲ ﺍﺳﻔﺔ ﻭﺍﺫﺍ ﺗﺮﻳﺪ ﺍﺭﻭﺡ ﺍﻋﺘﺬﺭ ﻣﻨﻬﺎ ﻫﻢ ﻋﺎﺩﻱ ﺍﺭﻭﺡ
ﺑﺎﺑﺎ .. ﻻ ﺍﻟﻲ ﺻﺎﺭ ﺑﻌﺪ ﺻﺎﺭ ﻭﺍﻋﺮﻑ ﺑﻴﺞ ﻧﻔﺴﺞ ﻋﺰﻳﺰﺓ ﻣﻮ ﻣﺎﻝ ﺗﺮﻭﺣﻴﻦ ﺗﻌﺘﺬﺭﻳﻦ
ﺣﻀﻨﻲ ﻭﺑﺎﺳﻨﻲ ﻣﻦ ﺭﺍﺳﻲ
.. ﺍﻧﻲ ﻫﻢ ﺣﻀﻨﺘﻪ ﻣﺴﺘﺤﻴﻞ ﺍﻛﺪﺭ ﺍﺑﻘﺔ ﺯﻋﻼﻧﺔ ﻣﻦ ﺑﺎﺑﺎ
ﻣﺮ ﻳﻮﻣﻴﻦ ﺍﻳﺪ ﺭﻣﺮﻡ ﺷﻮﻳﻪ ﺻﺎﺭﺕ ﺯﻳﻨﺔ ﻭﺩ ﺑﻘﺖ ﻳﻤﻨﺎ ﻣﻘﺒﻠﺖ ﺗﺮﺟﻊ ﻋﺎﺩ ﺍﺟﺘﻲ ﺍﻡ ﻋﻴﺴﻰ ﻭﻣﻬﺎ ﺣﺘﻰ ﻳﺮﺟﻌﻮﻫﺎ
ﻣﻬﺎ .. ﺍﻋﺘﺬﺭ ﻣﻦ ﻭﺩ ﻭﺑﺠﺖ ﺟﻢ ﺩﻣﻌﺔ ﻋﻠﻰ ﺍﺳﺎﺱ ﺿﻤﻴﺮﻫﺎ ﺩﻳﺄﻧﺒﻬﺎ ﺍﻭﻭﻭﻭﻑ ﺍﺷﻜﺪ ﻣﻜﺎﺭﺓ
ﻫﻬﻬﻬﻬﻪ ﺑﺲ ﺟﺎﻧﺖ ﺗﺒﺎﻭﻉ ﻋﻠﻴﻪ ﺑﺤﻘﺪ ﻭﺍﻧﻲ ﺍﺻﻼ ﻻﺑﺴﺘﻬﺎ
ﻭﺑﻴﻮﻡ ﺟﺎﻥ ﺍﻟﻮﻗﺖ ﻋﺼﺮ ﺑﺎﺑﺎ ﻃﻠﻊ ﻭﻳﺎ ﺍﺻﺪﻗﺎﺋﺔ ﺻﺎﺭ ﺍﻟﻤﻐﺮﺏ ﻭﻫﻮ ﺑﻌﺪﻩ ﻣﺮﺍﺟﻊ ﺍﺣﻨﺎ ﻣﺘﻌﻮﺩﻳﻦ ﻋﻠﻴﻪ ﻭﻳﺎ ﻭﻗﺖ ﺍﻷﺫﺍﻥ ﻫﻮ ﺑﺎﻟﺒﻴﺖ
ﻣﺎﻣﺎ ﺗﺘﺼﻞ ﻋﻠﻴﻪ ﻣﻴﺠﺎﻭﺏ ﺻﺎﺭﺕ ﺳﺎﻋﺔ 8 ﻭﻫﻮ ﻣﺎﻛﻮ
ﻣﺎﻣﺎ ﺭﺍﻳﺤﺔ ﺟﺎﻳﺔ ﺩﻭﺧﺘﻨﻲ
ﺍﻳﻠﻮﻝ ... ﺍﻛﻮﻝ ﻣﻴﺎﺳﺔ ﺑﺸﺮﻳﻨﻲ ﺑﻨﻴﺔ ﻟﻮ ﻭﻟﺪ ؟
... ﺩﺍﺭﺕ ﻭﺟﻬﺔ ﻋﻠﻴﻪ ﻛﺎﻟﺖ ﺷﻨﻮ ؟
.. ﻣﻮ ﺩﺍﺷﻮﻓﺞ ﺭﺍﻳﺤﺔ ﺟﺎﻳﺔ ﻋﺒﺎﻟﻚ ﺣﺎﻣﻞ ﻭﺩﻃﻠﻜﻴﻦ
ﺣﺠﺖ ﺑﺎﻥ ﺑﻌﻔﻮﻳﺔ ﺍﻟﺪﺟﺎﺟﺔ ﻣﻦ ﺗﺮﻳﺪ ﺗﺒﻴﺾ ﻫﻢ ﻇﻞ ﺗﻔﺘﺮ ﺩﻭﺭ ﻣﻜﺎﻥ
ﻫﻲ ﺣﺠﺖ ﻫﻴﺞ ﻭﺍﻧﻲ ﺭﺍﺩ ﻳﻐﻤﻰ ﻋﻠﻴﻪ ﻣﻦ ﺍﻟﻀﺤﻚ ﻣﺘﺖ ﻫﻬﻬﻬﻬﻬﻬﻪ ﻣﺎﻣﺎ ﺧﻄﻴﺔ ﻭﺍﻛﻔﺔ ﻣﺼﺪﻭﻣﺔ ﻣﻦ ﻛﻼﻡ ﺑﻨﺎﺗﻬﺎ ﻫﻬﻬﻬﻬﻪ ﺧﺮﺏ ﺑﺒﻠﻴﺴﺞ ﺑﺎﻥ ﻋﻠﻰ ﻫﺎﻱ ﺍﻟﻜﻠﻤﺔ
ﻛﺘﻠﻬﺎ ﻣﺎﻣﺎ ﺍﻟﻠﻪ ﻋﻠﻴﺞ ﻧﺮﻳﺪﻫﺎ ﺑﻴﻀﺔ ﺍﻡ ﺻﻔﺎﺭﻳﻦ ﻫﻬﻬﻬﻬﻬﻬﻬﻪ
ﺗﻜﺮﻣﻮﻥ ﻧﺰﻋﺖ ﺍﻟﺒﺮﺟﻠﻬﺎ ﻭﺭﺍﺩﺕ ﺗﻀﺮﺑﻨﻲ ﺑﻲ
ﺍﻳﻠﻮﻝ . ﻋﺎﺍﺍﺍﺍ ﻣﻴﺎﺳﺔ ﻋﻴﺐ ﻫﺎﻱ ﺍﻟﺸﻐﻼﺕ ﺗﺮﺓ ﺍﺣﻨﺎ ﻛﺒﺮﻧﺔ ﻛﻌﺪﻱ ﻭﺭﺗﺎﺣﻲ ﻫﺴﻪ ﺗﻠﻜﻴﻦ ﻫﻴﺜﻢ ﺟﺎﻱ ﻳﺘﻌﺸﻰ ﻭﻳﺎﺍ ﻣﺮﺗﺔ ﺍﻟﺜﺎﻧﻴﺔ
ﻣﺎﻣﺎ .. ﻟﺞ ﺗﺴﻜﺘﻴﻦ ﻟﻮ ﺍﺟﻲ ﻣﻦ ﺻﺪﻙ ﺍﻛﺴﺮ ﻋﻈﺎﻣﺞ ﺷﻮﻑ ﺍﻧﻲ ﺑﻴﺎ ﺣﺎﻝ ﻭﻫﻲ ﻭﻻ ﻳﻤﻬﺎ
ﺍﻳﻠﻮﻝ .. ﻭﺍﻟﻠﻪ ﻳﺎ ﻣﻴﺎﺳﺔ ﻣﺪﺭﻱ ﻟﻴﺶ ﻗﻠﺒﻲ ﺑﺎﺭﺩ ﻋﻠﻰ ﺑﺎﺑﺎ ﻳﻤﻜﻦ ﺻﺎﺭ ﻋﻨﺪﺓ ﺷﻐﻞ ﺷﻮﻳﻪ ﻭﻳﺠﻲ
ﺻﺎﺭﺕ ﺳﺎﻋﺔ ﺗﺴﻌﺔ ﻭﻫﻮ ﻣﺎﻛﻮ ﺍﻧﻲ ﻫﻢ ﺑﺪﻳﺖ ﺍﻗﻠﻖ ﻋﻠﻴﻪ
ﻛﺘﻠﻬﻢ ﺧﻠﻲ ﺍﺗﺼﻞ ﻋﻠﻰ ﻭﺩ ﺑﻠﻜﻲ ﻋﻴﺴﻰ ﻳﻌﺮﻑ ﺷﻲ
ﺍﺗﺼﻠﺖ ﻋﻠﺒﻬﺎ ﻭﺣﺠﻴﺖ ﻭﻳﺎﻫﺎ ﺍﻟﻲ ﺯﺍﺩ ﺧﻮﻓﻲ
ﻃﻠﻊ ﻋﻴﺴﻰ ﻫﻢ ﻣﺮﺍﺟﻊ ﻭﻣﻴﺮﺩ ﻋﻠﻰ ﺗﻠﻔﻮﻧﻪ
ﻟﻠﺴﺎﻋﺔ ﻋﺸﺮﺓ ﻭﻫﻤﺎ ﻣﺎﻛﻮ ﻭﻣﻴﺮﺩﻭﻥ ﻋﻠﻰ ﺍﻱ ﺍﺗﺼﺎﻝ
ﻣﺘﻨﺎ ﻗﻠﻖ ﻛﺮﺭﺕ ﺍﻷﺗﺼﺎﻝ ﻋﻠﻰ ﻋﻴﺴﻰ
ﻭﺍﺧﻴﺮ ﺷﻲ ﺟﺎﻭﺑﻨﻲ
.
ﺍﻟﻮﻭﻭﻭﻭ ﻋﻴﺴﻰ ﺍﻟﺨﺎﻃﺮ ﺍﻟﻠﻪ ﻫﺎﻱ ﻭﻳﻨﻜﻢ ﻟﻴﺶ ﻣﺠﺎﻭﺏ ﻭﻳﻦ ﺑﺎﺑﺎ
ﻋﻴﺴﻰ .. ﻭﺑﺼﻮﺕ ﻣﺨﻨﻮﻙ ﻻﺗﺨﺎﻓﻴﻦ ﻋﻤﻲ ﻣﺒﻲ ﺷﻲ ﻫﻴﺎﺗﺔ ﻳﻤﻲ
.. ﻟﻌﺪ ﻟﻴﺶ ﻣﻴﺠﺎﻭﺏ ﺍﻧﺘﻮﺍ ﻭﻳﻦ ﻭﺷﺒﻲ ﺻﻮﺗﻚ
ﻋﻴﺴﻰ ... ﺑﺘﻨﻬﻴﺪﺓ ﻭﺣﺴﺮﺓ ﺍﺣﻨﺎ ﺑﺎﻟﻤﺴﺘﺸﻔﻰ
.. ﺻﺮﺧﺖ ﺑﺼﻮﺕ ﺷﻨﻮﻭﻭﻭﻭﻭﻭ

[فيتامين سي]

ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ -
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻟﺴﺎﺩﺱ -


ﺃﻳﻠﻮﻝ .. ﻣﻦ ﺳﻤﻌﺖ ﻛﻠﻤﺔ ﻣﺴﺘﺸﻔﻰ ﺟﻤﻴﻊ ﺍﻷﻓﻜﺎﺭﺓ ﺍﻟﺴﻮﺩﺓ ﺍﺟﺖ ﺑﺮﺍﺳﻲ
. ﺣﺠﻴﺖ ﺑﺨﻮﻑ ﻓﺪﻭﺓ ﻋﻴﺴﻰ ﻻﺗﻜﺬﺏ ﻋﻠﻴﻪ ﺑﺎﺑﺎ ﺧﻮﻣﺎ ﺑﻲ ﺷﻲ
ﻋﻴﺴﻰ .. ﻻ ﻳﺎﺑﺔ ﻭﺭﺑﻲ ﻋﻤﻲ ﻣﺒﻲ ﺷﻲ ﻻﺗﺨﺎﻓﻴﻦ
ﺑﺲ ..
.. ﺑﺲ ﺷﻨﻮ ﺍﺣﺠﻲ ؟
ﻋﻴﺴﻰ .. ﻛﻤﻞ ﻛﻼﻣﺔ ﺑﻨﻜﺴﺎﺭ ﺇﻳﺎﺱ ﺳﻮﻯ ﺣﺎﺩﺙ ﻭﻫﺴﻪ ﻫﻮ ﺑﺎﻟﻌﻨﺎﻳﺔ ﺍﻟﻤﺮﻛﺰﺓ ﺣﺎﻟﺘﺔ ﺣﺮﺟﺔ
ﺃﻳﻠﻮﻝ .. ﺻﺢ ﺍﻃﻤﻨﺖ ﻷﻥ ﺑﺎﺑﺎ ﻭﻋﻴﺴﻰ ﻣﺒﻴﻬﻢ ﺷﻲ ﺑﺲ ﺍﻧﻘﻬﺮﺕ ﻋﻠﻰ ﺇﻳﺎﺱ ﺧﻄﻴﺔ ﻣﻴﺴﺘﺎﻫﻞ
ﻋﻴﺴﻰ .. ﻳﻼ ﺍﻧﻲ ﺭﺍﻳﺢ ﻭﺑﻌﺪ ﻻﺗﺘﺼﻠﻮﻥ ﺍﻟﻤﺴﺘﺸﻔﻰ ﻣﻜﻠﻮﺑﺔ ﻧﺎﺱ ﺭﺍﻳﺤﺔ ﻭﻧﺎﺱ ﺟﺎﻳﺔ ﻻﻥ ﺻﺪﻳﻖ ﺇﻳﺎﺱ ﻫﻢ ﺟﺎﻥ ﻭﻳﺎ ﺑﻮﻗﺖ ﺍﻟﺤﺎﺩﺙ ﻭﻫﻢ ﺣﺎﻟﺘﺔ ﺧﻄﺮﺓ .
ﺳﺪﻳﺘﺔ ﻣﻦ ﻋﻴﺴﻰ
.. ﺍﻭﻭﻑ ﻫﺴﻪ ﺍﺫﺍ ﺍﻛﻮﻝ ﺍﻟﻤﺎﻣﺎ ﺭﺍﺡ ﺗﻨﻘﻬﺮ ﻫﻮﺍﻳﺔ ﺗﺤﺐ ﺇﻳﺎﺱ
ﻃﻠﻌﺖ ﺷﻔﺖ ﻣﺎﻣﺎ ﺑﺎﻟﺤﺪﻳﻘﺔ ﻛﺎﻋﺪﺓ ﺗﻨﺘﻈﺮ ﺑﺎﺑﺎ ﻭﺧﻄﻴﺔ ﺷﺎﺑﻌﺔ ﺑﺠﻲ ﻭﺍﻟﺒﻨﺎﺕ ﻳﻤﻬﺎ
ﺍﻳﻠﻮﻝ ... ﻣﺎﻣﺎ ﻃﻤﺌﻨﻲ ﺑﺎﺑﺎ ﺍﻟﺤﻤﺪ ﻟﻠﻪ ﻣﺒﻲ ﺷﻲ
.. ﻛﺎﻣﺖ ﺑﺴﺮﻋﺔ ﺍﺟﺖ ﻋﻠﻴﻪ
ﻣﺎﻣﺎ .. ﺻﺪﻙ ﺷﻠﻮﻥ ﻋﺮﻓﺘﻲ ﻣﻨﻮ ﻛﺎﻟﺞ ﺍﺑﻮﺝ ﺟﺎﻭﺑﺞ
... ﻋﻠﻰ ﻛﻴﻔﺞ ﺍﻫﺪﺋﻲ
ﺍﺗﺼﻠﺖ ﺑﻌﻴﺴﻰ ﻭﺟﺎﻭﺑﻨﻲ ﺑﺎﺑﺎ ﻭﻳﺎ ﺑﺲ ﻣﺸﻐﻮﻟﻴﻦ ﻭﻣﻴﻜﺪﺭﻭﻥ ﻳﺠﺎﻭﺑﻮﻥ
ﻣﺎﻣﺎ ﺑﺸﻚ ﻭﺷﻨﻮ ﻫﺬﺍ ﺍﻟﺸﻐﻞ ﺑﻬﺬﺍ ﺍﻟﻮﻗﺖ
ﺃﻳﻠﻮﻝ .. ﺍﺭﺗﺒﻜﺖ ﺑﺲ ﻷﺯﻡ ﺍﻛﻮﻟﻠﻬﺎ
ﻣﻮﻭ ﺧﻄﻴﺔ ﺇﻳﺎﺱ ﻣﺴﻮﻱ ﺣﺎﺩﺙ ﻭﻫﺴﻪ ﻫﻮ ﺑﺎﻟﻤﺴﺘﺸﻔﻰ
ﻣﺎﻣﺎ ﻟﻄﻤﺖ ﻋﻠﻰ ﺻﺪﺭﻫﺎ ﻋﺰﺍﺍ ﻭﻟﺞ ﺍﺣﺠﻲ ﺧﻮﻣﺎ ﻣﺘﺄﺫﻱ
ﺃﻳﻠﻮﻝ .. ﻻ ﺑﺲ ﺭﺍﻳﺢ ﻳﺴﻠﻢ ﻋﻠﻰ ﺍﻷﻃﺒﺎﺀ ﻭﻳﺘﻔﻘﺪ ﺍﺣﻮﺍﻝ ﺍﻟﻤﺮﺿﻰ
ﻣﺎﻣﺎ .... ﺍﻳﻠﻮﻭﻭﻭﻭﻭﻭﻭﻝ ﻫﺴﻪ ﻭﻛﺖ ﺗﺼﻨﻴﻔﺞ ﺍﻟﺒﺎﻳﺦ
... ﻭﺍﻟﻠﻪ ﺻﻮﺟﺞ ﺍﻧﺘﻲ ﺳﺆﺍﻟﺞ ﻏﺮﻳﺐ ﻭﺍﺣﺪ ﻣﺴﻮﻱ ﺣﺎﺩﺙ ﻭﺑﺎﻟﻤﺴﺘﺸﻔﻰ ﻭ ﻭﺍﻧﺘﻲ ﺗﻜﻮﻟﻴﻠﻲ ﺧﻮﻣﺎ ﻣﺘﺄﺫﻱ
... ﺍﻳﻠﻮﻭﻭﻭﻭﻭﻭﻭﻝ ﺭﻭﺣﻲ ﻣﻦ ﻛﺒﺎﻟﻲ ﻣﺤﺪ ﺭﺍﺡ ﻳﺠﻴﺐ ﺃﺟﻠﻲ ﻏﻴﺮﺝ
... ﺃﻭﻭﻭﻱ ﺭﺍﻳﺤﺔ ﺧﻴﺮ ﺗﻌﻤﻞ ﺷﺮ ﺗﻠﻜﺔ ﻓﻮﻙ ﻣﺠﺎﻳﺔ ﺍﻃﻤﻨﺞ ﻋﻠﻰ ﺣﺒﻴﺒﺞ ﺻﺎﺭﻟﺞ ﺳﺎﻋﺘﻴﻦ ﺧﺒﺼﺘﻴﻨﺎ ﻭﺍﻟﺪﻣﻮﻉ ﺗﻨﺰﻝ ﻋﺸﺮﺓ ﻋﺸﺮﺓ
ﻭﻫﺴﻪ ﺻﺮﺕ ﺍﻧﻲ ﺍﻟﻤﺴﻜﻴﻨﺔ ﺍﻟﻔﻘﻴﺮﺓ ﺭﺍﺡ ﺍﺟﻴﺐ ﺃﺟﻠﺞ ﺻﺪﻭﻙ ﻟﻮ ﻛﺎﻟﻮﻫﺎ ﺍﻟﺪﻧﻴﺎ ﺣﻈﻮﻅ ﻭﺍﻧﻲ ﺣﻈﻲ ﻣﺎ ﺃﺩﺭﻱ ﺑﻴﺎ ﻃﻴﻨﺔ ﻧﺎﻳﻢ
ﻣﺎﻣﺎ .... ﻭﻟﻜﻢ ﺍﺧﺬﻭﻭﻭﻭﻭﻭﻭﻭﻫﺎ ﻣﻦ ﻛﺒﺎﻟﻲ ﺭﺍﺡ ﺍﺑﺘﻠﻲ ﺑﻴﻬﺎ ﺍﻛﻮﻟﺞ ﺷﻲ ﺍﺑﻘﻲ ﺍﻧﻲ ﺍﺩﺧﻞ ﺭﺍﺡ ﺗﺴﻮﻳﻦ ﺑﻴﻪ ﺿﻐﻂ
ﻋﺎﻓﺘﻨﻲ ﻭﺭﺍﺣﺖ ﻫﻬﻬﻬﻪ ﻣﻮﺑﻴﺪﻱ ﺍﺣﺐ ﺍﺿﻮﺟﻬﺎ ﺍﻧﻲ ﻭﻳﺎﻫﺎ ﺩﺍﺋﻤﺎ ﻫﻴﺠﻲ ﺑﺲ ﻟﻸﻣﺎﻧﺔ ﺭﻭﺣﻲ ﺑﻴﻬﺎ ﻭﺭﻭﺣﻬﺎ ﺑﻴﻪ ﻓﺪﻳﺘﻬﺎ ﻛﻌﺪﺕ ﻳﻢ ﺑﺎﻥ ﻭﻣﺎﺭﻱ ﺑﺎﻟﻤﺮﺟﻮﺣﺔ ﺍﻧﺪﺭﻳﺖ ﻋﻠﻰ ﺑﺎﻥ ﺍﺷﻮ ﻫﺎﻱ ﺑﻌﺪﻫﺎ ﺗﺒﺠﻲ
ﺃﻳﻠﻮﻝ .. ﺑﺎﻥ ﺗﺮﺓ ﺑﺎﺑﺎ ﺍﻟﺤﻤﺪ ﻟﻠﻪ ﻣﺒﻲ ﺷﻲ ﺷﻜﻮ ﺗﺒﺠﻴﻦ
ﺑﺎﻥ .. ﻻ ﻻ ﺍﻧﻲ ﻣﺪ ﺍﺑﺠﻲ ﻋﻠﻰ ﺑﺎﺑﺎ
.. ﻟﻌﺪ ﺷﺒﻴﺞ ؟
ﺑﺎﻥ .. ﺍﻧﻘﻬﺮﺕ ﻋﻠﻰ ﺇﻳﺎﺱ ﺧﻄﻴﺔ
... ﺍﻟﻠﻪ ﻳﺸﺎﻓﻲ ﻭﻳﻜﻮﻣﺔ ﺑﺴﻼﻣﺔ ﺍﺩﻋﻴﻠﺔ ﺑﺪﺍﻝ ﻣﺘﺒﺠﻴﻦ ﻣﺜﻞ ﺍﻟﺒﻮﻣﺔ ﺑﻴﺶ ﻃﺎﻟﺒﺔ ﺍﻟﺮﺟﺎﻝ ﻣﻦ ﻫﺴﺔ ﻧﺎﺻﺒﺘﻠﺔ ﻋﺰﺍ
ﺑﻌﺪﻳﻦ ﻫﻮ ﺍﻧﺘﻲ ﻭﻳﻦ ﺗﻌﺮﻓﻲ ﺍﺷﻮ ﻫﻮ ﻣﻦ ﺟﺎﻥ ﻳﺠﻲ ﻭﻻ ﻭﺣﺪﺓ ﺑﻴﻨﺎ ﺗﻄﻠﻊ ﻛﺪﺍﻣﺔ
ﺑﺎﻥ .. ﺍﻱ ﺍﺩﺭﻱ ﺑﺲ ﻭﺍﻟﻠﻪ ﻣﻮ ﺑﻴﺪﻱ ﺍﻧﻘﻬﺮ ﺑﺴﺮﻋﺔ
... ﺍﻛﻮﻝ ﺑﻨﻮﻧﺔ ﺍﻧﻄﻴﻨﻲ ﻣﻨﺎﺳﺒﺔ ﻭﺣﺪﺓ ﺍﻧﺘﻲ ﻣﺘﺒﺠﻴﻦ ﺑﻴﻬﺎ ﺍﻟﻠﻪ ﻋﻠﻴﺞ ﺑﺲ ﻣﻨﺎﺳﺒﺔ ﻭﺣﺪﺓ ﺍﻧﻄﻴﻨﻲ ﻳﺎ ﺍﻣﻲ ﺧﻠﻲ ﺩﻣﻮﻋﺞ ﻏﺎﻟﻴﺔ ﺗﻨﺰﻝ ﻭﻗﺖ ﺍﻟﺤﺎﺟﺔ ﻣﻮ ﻣﺴﻮﻳﺘﻬﻢ ﺳﺒﻴﻞ ﻟﻠﺮﺍﻳﺢ ﻭ ﺍﻟﺠﺎﻱ ..
ﺻﻴﺮﻱ ﻣﺜﻞ ﻫﺎﻱ ﺍﺧﺘﺞ ﻭﺍﺷﺮﺕ ﻋﻠﻰ ﻣﺎﺭﻱ ﺷﻮﻓﻴﻬﺎ ﺑﻴﺪﻫﺎ ﺍﻷﻳﺒﺎﺩ ﻭﻓﺎﺻﻠﺔ ﻋﻦ ﺍﻟﺪﻧﻴﺎ ﻭﻫﺴﻪ ﺍﻟﻠﻪ ﺍﻟﻴﻌﻠﻢ ﺍﻟﻜﻢ ﻭﺣﺪﺓ ﻣﻦ ﺻﺪﻳﻘﺎﺗﻬﺎ ﻧﺸﺮﺕ ﺍﻟﺨﺒﺮ ..
ﻣﺎﺭﻱ ... ﺷﻨﻮ ﻗﺼﺪﺝ ﺍﻧﻲ ﺍﻧﻘﻞ ﺍﺧﺒﺎﺭ ﻟﻮ ﻓﺘﺎﻧﺔ
ﺍﻳﻠﻮﻝ .. ﻻ ﺣﺸﺎﺝ ﺣﺒﻴﺒﺘﻲ ﺍﺻﻼ ﺍﻧﺘﻲ ﺑﻴﺮ ﺍﺳﺮﺍﺭ ﺑﺲ ﻣﻊ ﺍﻷﺳﻒ ﺑﻴﺮ ﻣﻔﺘﻮﺡ ﻭﻳﺮﻭﻱ ﺍﻟﺮﺍﻳﺢ ﻭﺍﻟﺠﺎﻱ
ﺑﺎﻥ ... ﺍﻭﻭﻭﻱ ﺍﺭﻭﺡ ﻳﻢ ﻣﺎﻣﺎ ﺍﺣﺴﻦ
ﻣﺎﺭﻱ .. ﺍﻧﻲ ﻫﻢ ﺍﺟﻲ ﻭﻳﺎﺝ
ﺍﻳﻠﻮﻝ .. ﻫﺰﻳﺖ ﺍﻳﺪﻱ ﻭﺿﺤﻜﺖ ﺧﺮﺭﺭﺏ ﻫﺠﺠﺘﻬﻢ
ﺻﺎﺭﺕ ﺳﺎﻋﺔ 3 ﺍﻟﻔﺠﺮ ﺟﻨﺖ ﻣﺘﻤﺪﺩﺓ ﻳﻢ ﻣﺎﻣﺎ ﺑﺲ ﺍﻧﻲ ﻭﻳﺎﻫﺎ ﻛﺎﻋﺪﺍﺕ ﺍﻟﺒﻨﺎﺕ ﻧﺎﻣﻮﺍ ﻣﻦ ﺯﻣﺎﻥ
ﺳﻤﻌﻨﺎ ﺻﻮﺕ ﺳﻴﺎﺭﺓ ﺑﺎﺑﺎ ﺭﺍﺣﺖ ﻣﺎﻣﺎ ﻓﺘﺤﺘﻠﺔ ﺍﻟﺒﺎﺏ
ﺧﻄﻴﺔ ﺟﺎﻥ ﻛﻮﻟﺶ ﺗﻌﺒﺎﻥ ﻭﻣﺒﻴﻦ ﻋﻠﻴﺔ ﺍﻟﻘﻬﺮ ﺣﺘﻰ ﻋﻴﻮﻧﺔ ﺣﻤﺮ
ﻣﺎﻣﺎ ﺳﺎﻟﺘﺔ ﻋﻠﻰ ﻭﺿﻊ ﺇﻳﺎﺱ ...
ﺑﺎﺑﺎ .. ﻭﺍﻟﻠﻪ ﺍﻟﺤﺪ ﻫﺴﻪ ﺑﻌﺪﻩ ﻣﺼﺎﺣﻲ ﺍﻟﻀﺮﺑﺔ ﺟﺎﻳﺔ ﻋﻠﻰ ﺭﺍﺳﺔ
ﻣﺎﻣﺎ .. ﻫﻮ ﺷﻠﻮﻥ ﺳﻮﻯ ﺍﻟﺤﺎﺩﺙ ؟
.. ﻭﺍﻟﻠﻪ ﻣﺎ ﺍﻋﺮﻑ ﻷﻥ ﻫﻮ ﻭﺻﺪﻳﻘﺔ ﺑﻌﺪﻫﻢ ﻣﺼﺎﺣﻴﻦ ﺣﺘﻰ ﻳﻜﻮﻟﻮﻥ ﺷﻠﻮﻥ
ﻫﻤﺎ ﺟﺎﻧﻮﺍ ﺑﺄﺭﺑﻴﻞ
ﻭﻣﻦ ﺩﻳﺮﺟﻌﻮﻥ ﺍﻟﻜﺮﻛﻮﻙ ﻗﺮﻳﺐ ﻣﺪﻳﻮﺻﻠﻮﻥ ﺻﺎﻳﺮ ﺍﻟﺤﺎﺩﺙ ﺑﺲ ﺍﻟﻌﺮﻓﺘﺔ ﺻﺪﻳﻘﺔ ﺟﺎﻥ ﻳﺴﻮﻕ ﻣﻮ ﻫﻮ .
ﺍﻧﻲ ﺟﻨﺖ ﻭﻳﺎ ﺃﺻﺪﻗﺎﺋﻲ ﻭ ﻋﻴﺴﻰ ﺃﺗﺼﻞ ﻋﻠﻴﻪ
ﻭ ﺑﻠﻐﻨﻲ
ﻳﻼ ﺍﻧﻲ ﺭﺍﺡ ﺍﻧﺎﻡ ﺷﻮﻳﺔ ﺣﺘﻰ ﻣﻦ ﺍﻟﺼﺒﺢ ﺃﺭﺟﻊ ﻟﻠﻤﺴﺘﺸﻔﻰ ﺧﻄﻴﺔ ﻋﻴﺴﻰ ﺑﻘﺔ ﻫﻨﺎﻙ ﺣﺘﻰ ﻣﻦ ﺍﺭﻭﺡ ﻫﻮ ﻳﺮﻭﺡ ﻟﺒﻴﺘﻪ ﺷﻮﻳﺔ ﻳﺮﺗﺎﺡ
ﺛﺎﻧﻲ ﻳﻮﻡ ﺑﺎﺑﺎ ﻣﻦ ﺍﻟﺼﺒﺢ ﺭﺟﻊ ﻟﻠﻤﺴﺘﺸﻔﻰ
ﻳﻮﻣﻴﻦ ﺑﻘﺔ ﺇﻳﺎﺱ ﻓﺎﻗﺪ ﻭﺑﻌﺪﻫﺎ ﺍﻟﺤﻤﺪ ﻟﻠﻪ ﺣﺎﻟﺘﺔ ﺍﺳﺘﻘﺮﺕ ﻭﺻﺤﻰ ...
ﺑﺲ ﻟﻼﺳﻒ ﻣﻦ ﻓﺘﺢ ﻋﻴﻨﺔ ﻣﻜﺪﺭ ﻳﺸﻮﻑ ﺷﻲ ﻭﺗﻬﺴﺘﺮ ﻭﺣﺎﻟﺘﺔ ﺍﺩﻫﻮﺭﺕ
ﻭﺍﻷﻃﺒﺎﺀ ﺍﻧﺨﺒﺼﻮﺍ ﺑﻲ ﺑﺎﺑﺎ ﻭﻋﻴﺴﻰ ﺍﺑﺪ ﻣﺘﺮﻛﻮ ﺑﻘﻮﺍ ﻭﻳﺎ ﻭﺍﻗﺘﺮﺣﻮﺍ ﻋﻠﻴﺔ ﻳﻨﻘﻠﻮﺍ ﻣﺴﺘﺸﻔﻰ ﺑﺄﺑﻴﻞ
ﻭﻓﻌﻶ ﺛﺎﻧﻲ ﻳﻮﻡ ﺍﺧﺬﻭﺍ ﺍﻷﺭﺑﻴﻞ ﺑﺎﺑﺎ ﺭﺍﺡ ﻭﻳﺎ
ﻭﻫﻢ ﺭﺟﻌﻮﺍ ﺳﻮﻟﺔ ﻓﺤﻮﺻﺎﺕ ﻭﺗﻀﺢ ﺻﺎﻳﺮ ﻧﺰﻳﻒ ﺑﻌﻴﻨﺔ
ﻭﺟﺎﻥ ﻳﺎﻃﺒﻴﺐ ﻳﺎﺧﺬﻭﺍ ﺍﻟﻪ ﻳﻜﻮﻟﻬﻢ ﻛﻼﻡ ﺷﻜﻞ
ﺍﺧﻴﺮ ﺷﻲ ﺗﻌﺐ ﻭﺭﺟﻊ ﺍﻟﻜﺮﻛﻮﻙ
ﻭﻗﺮﺭ ﻳﺪﺯ ﺗﻘﺎﺭﻳﺮﺓ ﺍﻷﻛﺜﺮ ﻣﻦ ﻣﺴﺘﺸﻔﻰ ﺑﺘﺮﻛﻴﺎ ﻭﺍﻳﺮﺍﻥ ﻭﺍﻟﻬﻨﺪ
ﻭﻫﻢ ﺟﻮﺍﺑﻬﻢ ﺟﺎﻥ ﺃﺑﺪ ﻣﻮ ﻣﺮﻳﺢ ﻛﻞ ﻃﺒﻴﺐ ﻳﻘﺘﺮﺡ ﺷﻲ ﻭﺍﻛﺜﺮﻫﻢ ﻳﻜﻮﻟﻮﻥ ﻷﺯﻡ ﻳﺴﻮﻟﺔ ﻋﻤﻠﻴﻪ
ﺑﺎﺑﺎ ﻭﻋﻴﺴﻰ ﺷﺠﻌﻮﺍ ﺣﺘﻰ ﻳﺴﺎﻓﺮ ﻳﺴﻮﻱ ﺍﻟﻌﻤﻠﻴﺔ
ﻟﻜﻦ ﺇﻳﺎﺱ ﺟﺎﻥ ﻣﺤﺒﻂ ﻭﻳﺎﺋﺲ ﺭﻓﺾ ﻳﺴﻮﻳﻬﺎ ﻛﺎﻝ ﺍﺑﻘﺔ ﻫﻴﺞ ﻣﺎ ﺃﺭﻳﺪ ﻳﺸﻮﻫﻮﻥ ﻋﻴﻨﻲ ﻭﺍﻟﻨﺘﻴﺠﺔ ﻣﻤﺼﻤﻮﻧﺔ
ﺃﺑﻮ ﻗﺪﺭ .. ﺯﻳﻦ ﺍﻧﺖ ﺷﻠﻮﻥ ﺭﺍﺡ ﺗﻜﺪﺭ ﺍﺩﺑﺮ ﺍﻣﻮﺭﻙ ﻭﺣﺪﻙ ﺑﻬﺬﺍ ﺍﻟﺒﻴﺖ ﺍﺟﺒﻴﺮ ﻭﻻﺗﻨﺴﻰ ﺷﻐﻠﻚ ﻫﻢ ﻣﺤﺘﺎﺟﻚ ﺗﻮﻛﻞ ﻋﻠﻰ ﺍﻟﻠﻪ ﻭﺳﻮﻱ ﺍﻟﻌﻤﻠﻴﺔ ﺍﻧﺖ ﻣﺨﺴﺮﺍﻥ ﺷﻲ
ﺇﻳﺎﺱ .. ﻣﻤﺮﺗﺎﺡ ﻟﻠﻌﻤﻠﻴﺔ ﻭﺍﻧﺖ ﺷﻔﺖ ﺑﻨﻔﺴﻚ ﻧﺘﻴﺠﺘﻬﺎ ﻣﻮ ﺍﻛﻴﺪﺓ ﻳﻌﻨﻲ ﺍﺣﺘﻤﺎﻝ ﺟﺒﻴﺮ ﺗﻔﺸﻞ ﻣﺎ ﺍﺭﻳﺪ ﻳﺼﻴﺮ ﻋﻨﺪﻱ ﺍﻣﻞ ﻭﺑﻌﺪﻳﻦ ﺗﻔﺸﻞ ﺍﻟﻌﻤﻠﻴﺔ ﺧﻠﻴﻨﻲ ﻫﻴﺞ ﺍﺣﺴﻦ ﻭﺍﺫﺍ ﻋﻠﻰ ﺍﻟﺸﻐﻞ ﺍﻧﺖ ﻭﻋﻴﺴﻰ ﻣﻮﺟﻮﺩﻳﻦ ﻭﺻﺮﺗﻮﺍ ﺗﻌﺮﻓﻮﻥ ﻛﻠﺸﻲ ﻋﻨﻪ
ﺍﻣﺎ ﺑﺨﺼﻮﺻﻲ ﺷﻠﻮﻥ ﺍﺩﺑﺮ ﺍﻣﺮﻱ ﻋﺎﺩﻱ ﺑﻠﻜﻲ ﺗﻠﻜﻴﻠﻲ ﺣﺪﺓ ﺗﺠﻲ ﺗﻨﻈﻒ ﻭﺗﻄﺒﺦ ﻭﺍﻣﻮﺭﻱ ﺍﻟﺨﺎﺻﺔ ﺍﻧﻲ ﺍﻫﺘﻢ ﺑﻴﻬﺎ ﺗﺮﺓ ﺍﻧﻲ ﻣﻮ ﻋﺎﺟﺰ
ﺃﺑﻮ ﻗﺪﺭ . ﺷﻠﻮﻥ ﻛﻼﻡ ﻫﺬﺍ ﺻﺢ ﺍﻧﺖ ﺍﻟﺤﻤﺪ ﻟﻠﻪ ﺑﺼﺤﺘﻚ ﺑﺲ ﻫﻢ ﺭﺍﺡ ﺗﺤﺘﺎﺝ ﻣﺴﺎﻋﺪﺓ ﻭﺛﺎﻧﻲ ﺷﻲ ﺍﻧﻲ ﺷﻠﻮﻥ ﺍﻃﻤﺌﻦ ﺍﺟﻴﺒﻠﻚ ﻭﺣﺪﺓ ﻏﺮﻳﺒﺔ ﻳﻤﻜﻦ ﺗﻄﻠﻊ ﺗﺴﺮﻗﻚ ﻟﻮ ﺗﻄﻠﻊ ﺑﻌﺼﺎﺑﺔ ﻭﺗﺪﺭﻱ ﺑﺎﻟﻮﺿﻊ ﻣﻮ ﺯﻳﻦ
ﺇﻳﺎﺱ .. ﺩﻧﻚ ﺭﺃﺳﺔ ﻭﺍﻟﻠﻪ ﻣﺎ ﺃﺩﺭﻱ ﺷﺴﻮﻱ ﻋﻮﻓﻨﻲ ﺍﻟﻲ ﺍﻟﻠﻪ ﻣﻴﻨﺴﺎﻧﻲ ﻭﺃﻧﺖ ﻭﻋﻴﺴﻰ ﻣﻘﺼﺮﺗﻮﺍ
ﻫﺬﺍ ﻋﻴﺴﻰ ﻋﺎﻳﻒ ﺑﻴﺘﺔ ﻭﺑﺎﻗﻲ ﻳﻤﻲ ﺧﻄﻴﺔ ﻣﺎ ﺍﺭﻳﺪ ﺍﺗﻌﺒﻜﻢ ﺍﻛﺜﺮ ﺷﻮﻑ ﺑﻬﺎﻱ ﺷﺪﺗﻲ ﺍﺷﻜﺪ ﻋﻨﺪﻱ ﺍﺻﺪﻗﺎﺀ ﻣﺤﺪ ﻭﻛﻔﻠﻲ ﻳﺠﻮﻥ ﺧﻄﺎﺭ ﺭﺑﻊ ﺳﺎﻋﺔ ﻭﻳﺮﻭﺣﻮﻥ
ﺃﺑﻮ ﻗﺪﺭ .. ﻛﺎﻓﻲ ﻻﺗﻜﻤﻞ ﺍﺣﻨﺎ ﺍﺧﻮﺓ ﻭﺣﺘﻰ ﻟﻮ ﺍﻧﺖ ﺗﻄﺮﺩﻧﺔ ﻫﻢ ﻣﺮﺍﺡ ﻧﻌﻮﻓﻚ
ﺗﻌﺎﻝ ﺍﻟﺒﻴﺘﻲ ﺍﻧﻲ ﻭﺍﻡ ﻗﺪﺭ ﻭﺑﻨﺎﺗﻲ ﻧﺨﻠﻴﻚ ﺑﻌﻴﻮﻧﺔ
ﺇﻳﺎﺱ .. ﺍﻟﻠﻪ ﻳﺠﻌﻞ ﺑﻴﺘﻚ ﻋﺎﻣﺮ ﺑﺲ ﻭﺍﻟﻠﻪ ﻣﺘﺮﻫﻢ ﺻﻌﺒﻪ ﺧﻠﻴﻨﻲ ﻫﻴﺞ ﻣﺮﺗﺎﺡ
ﺃﺑﻮ ﻗﺪﺭ .. ﺭﺟﻌﺖ ﻟﻠﺒﻴﺖ ﻭﺍﻧﻲ ﻫﻤﻮﻡ ﺍﻟﺪﻧﻴﺎ ﻓﻮﻙ ﺭﺃﺳﻲ ﺣﺎﻟﺔ ﺇﻳﺎﺱ ﻛﺎﺳﺮﺓ ﻇﻬﺮﻱ ﻣﺎ ﺍﻋﺮﻑ ﺷﻠﻮﻥ ﺃﺳﺎﻋﺪﺓ ﺑﻘﻴﺖ ﻃﻮﻝ ﺍﻟﻠﻴﻞ ﺍﻓﻜﺮ ﺑﺤﻞ ﻭﺍﺧﻴﺮ ﺷﻲ ﻗﺮﺭﺕ
ﺍﻱ ﻣﺎﻛﻮ ﻏﻴﺮ ﻫﺬﺍ ﺍﻟﺤﻞ ﻷﺯﻡ ﺍﺑﺪﻱ ﺑﺘﻨﻔﻴﺬﺓ
ﺛﺎﻧﻲ ﻳﻮﻡ ﺍﻟﺼﺒﺢ ﺩﻧﺘﺮﻳﻚ ﺍﻧﻲ ﻭﻣﻴﺎﺳﺔ
... ﺍﻟﻴﻮﻡ ﺃﺭﻳﺪﺝ ﺗﺤﻈﺮﻳﻦ ﺍﻟﻐﺪﺓ ﻣﻦ ﻭﻛﺖ ﺣﺘﻰ ﻣﻦ ﺍﺭﺟﻊ ﺍﺧﺬﺓ ﺍﻟﺒﺒﺖ ﺇﻳﺎﺱ ﻭﻧﺘﻐﺪﺓ ﺍﻧﻲ ﻭﻳﺎ
ﻭﻣﻦ ﺃﺭﺟﻊ ﻋﻨﺪﻱ ﻣﻮﺿﻮﻉ ﻣﻬﻢ ﺃﺭﻳﺪ ﺍﺣﺠﻲ ﻭﻳﺎﺝ ﺑﻲ
ﻣﻴﺎﺳﺔ ... ﺧﻴﺮ ﻫﻴﺜﻢ ﺷﻨﻮ ﺍﻟﻤﻮﺿﻮﻉ؟
ﻫﻴﺜﻢ .. ﻫﻬﻬﻬﻬﻬﻪ ﻳﻌﻨﻲ ﻏﻠﺴﺘﻲ ﻋﻠﻰ ﺳﺎﻟﻔﺔ ﺍﻟﻐﺪﺓ ﻭﺭﻛﺰﺗﻲ ﻋﻠﻰ ﺍﻟﻤﻮﺿﻮﻉ
ﻣﺒﻴﻦ ﻧﻌﺪﻳﺘﻲ ﺍﻟﻔﻀﻮﻝ ﻣﻦ ﺑﻨﺎﺗﺞ
ﻣﻴﺎﺳﺔ .. ﺍﻭﻭﻭ ﻳﻜﻠﻤﺔ ﺭﺩﻱ ﺍﻟﻤﻜﺎﻧﺞ ﺑﻄﻠﺖ ﺑﻌﺪ ﻣﺎﺳﺌﻞ ﺷﻲ ﻭﺍﻟﻐﺪﺓ ﻣﻦ ﺗﺠﻲ ﺗﻠﻜﻲ ﺣﺎﺿﺮ
ﺗﺪﻟﻞ ﺍﻧﺖ ﻭﺇﻳﺎﺱ
ﻫﻴﺜﻢ ... ﺟﺮﻳﺖ ﺃﻳﺪﻫﺎ ﻭﺑﺴﺘﻬﺎ ﺍﻟﻠﻪ ﻻﻳﺤﺮﻣﻨﻲ ﻣﻨﺞ ﺟﺎﻱ ﺍﺷﺎﻗﺔ ﻭﻳﺎﺝ ﻋﻤﺮﻱ ﺑﺲ ﻫﺴﻪ ﻣﺴﺘﻌﺠﻞ ﻣﺎ ﺍﻛﺪﺭ ﺍﺣﺠﻲ ﻭﺛﺎﻧﻲ ﺷﻲ ﺍﻟﻤﻮﺿﻮﻉ ﺣﺴﺎﺱ ﻳﺮﺍﺩﻟﺔ ﻛﻌﺪﺓ ﻃﻮﻳﻠﺔ
ﻣﻴﺎﺳﺔ .. ﻭﺍﻟﻠﻪ ﻳﺎ ﻫﻴﺜﻢ ﻗﻠﻘﺘﻨﻲ
ﻫﻴﺜﻢ ... ﻻﺗﻘﻠﻘﻴﻦ ﻣﺎﻛﻮ ﺷﻲ ﺍﻥ ﺷﺎﺀ ﺍﻟﻠﻪ ﺧﻴﺮ
.
. ﺭﺣﺖ ﻟﻠﻤﻌﺮﺽ ﺧﻠﺼﺖ ﺍﻟﺸﻐﻞ ﺍﻟﻌﻨﺪﻱ ﻭﺭﺟﻌﺖ ﻟﻠﺒﺒﺖ ﺍﺧﺬﺕ ﺍﻟﻐﺪﺓ ﻭﺭﺣﺖ ﺗﻐﺪﻳﺖ ﻭﻳﺎ ﺃﻳﺎﺱ
ﻋﻴﺴﻰ ﺧﻄﻴﺔ ﻳﻮﻣﻴﺔ ﻳﺒﺎﺕ ﻳﻤﻪ
ﺑﻌﺪﻫﺎ ﺭﺟﻌﺖ ﻟﻠﻤﻌﺮﺽ ﻭﻟﻠﻤﻐﺮﺏ ﻳﻼ ﺭﺟﻌﺖ ﻟﻠﺒﺒﺖ ﺗﻌﺸﻴﺖ ﻣﻦ ﺧﻠﺼﺖ ﺍﺷﺮﺕ ﺍﻟﻤﻴﺎﺳﺔ ﺗﺠﻴﺐ ﺍﻟﺸﺎﻱ ﻭﺗﺠﻲ ﻟﻠﻐﺮﻓﺔ
ﺟﺎﺑﺘﺔ ﻭﺍﺟﺖ ﻛﻌﺪﺕ ﻳﻤﻲ ﺃﺧﺬﺗﺔ ﻭﺑﺪﻳﺖ ﺍﺷﺮﺑﻪ ﻭﺍﻧﻲ ﺣﺎﻳﺮ ﺷﻠﻮﻥ ﺭﺍﺡ ﺍﻓﺎﺗﺤﻬﺎ ﺑﺎﻟﻤﻮﺿﻮﻉ
ﻣﻴﺎﺳﺔ .. ﺍﻱ ﻫﻴﺜﻢ ﻣﻜﺘﻠﻲ ﺷﻨﻮ ﻫﻮ ﺍﻟﻤﻮﺿﻮﻉ ﺍﻟﺮﺩﺗﻨﻲ ﺑﻲ
ﻫﻴﺜﻢ . ﻫﻬﻬﻬﻪ ﺑﻌﺪﺝ ﻣﻨﺎﺳﻴﺔ ﺷﻮﻓﻲ ﻣﻴﺎﺳﺔ ﻗﺒﻞ ﻻﺗﻨﻄﻴﻨﻲ ﺍﻱ ﺟﻮﺍﺏ ﺍﺭﻳﺪﺝ ﺗﺴﻤﻌﻴﻨﻲ ﻟﻸﺧﻴﺮ
ﻣﻴﺎﺳﺔ .. ﺩﺣﺠﻲ ﻋﺎﺩ ﻣﻮ ﺍﻟﻔﻀﻮﻝ ﻛﺘﻠﻨﻲ
ﻫﻴﺜﻢ .. ﺍﻧﺘﻲ ﺩﺗﺸﻮﻓﻴﻦ ﻭﺿﻊ ﺃﻳﺎﺱ ﻭﺷﻠﻮﻥ ﺻﺎﻳﺮﺓ ﺣﺎﻟﺘﺔ ﻭﻫﺬﺍ ﻋﻴﺴﻰ ﻫﻢ ﺗﻌﺐ ﻭﻳﺎ ﺧﻄﻴﺔ ﻋﺎﻳﻒ ﺑﻴﺘﺔ ﻭﺯﻭﺟﺘﺔ ﻭﺑﻨﺘﺔ ﻭﺑﺎﻗﻲ ﻳﻤﻪ ﻭﺍﻟﻈﺎﻫﺮ ﺳﺎﻟﻔﺔ ﺇﻳﺎﺱ ﻣﻄﻮﻟﺔ ﺧﻮﻣﺎ ﻧﺒﻘﺔ ﺭﺍﻳﺤﻴﻦ ﺟﺎﻳﻴﻦ ﻋﻠﻴﻪ ﻭﻫﻮ ﺩﻳﺘﺤﺴﺲ ﻭﻳﻨﻘﻬﺮ ﻻﻥ ﺩﻳﺤﺲ ﺑﻨﻔﺴﺔ ﺻﺎﺭ ﺣﻤﻞ ﺛﻘﻴﻞ ﻋﻠﻴﻨﺔ ﻟﻬﺬﺍ ﺍﻧﻲ ﻓﻜﺮﺕ ﻭﻗﺮﺭﺕ ..
ﻣﻴﺎﺳﺔ .. ﺑﻔﻀﻮﻝ ﻟﻴﺶ ﺳﻜﺘﺖ ﻛﻮﻝ ﺷﻘﺮﺭﺕ
ﻫﻴﺜﻢ .. ﻓﺮﻛﺖ ﻭﺟﻬﻲ ﺑﻴﺪﻱ ﻭﺣﺠﻴﺖ ﺑﺪﺍﺧﻠﻲ ﻭﺍﻟﻠﻪ ﺻﻌﺒﻪ ﻋﻠﻴﻪ ﺑﺲ ﻣﺎﻛﻮ ﻏﻴﺮ ﺣﻞ ..
ﻛﻤﻠﺖ ﻛﻼﻣﻲ ﻗﺮﺭﺭﺕ ﺍﺯﻭﺝ ﺃﻳﻠﻮﻝ ﺍﻹﻳﺎﺱ
ﻣﻴﺎﺳﺔ ﺑﺼﺪﻣﺔ ﺷﻨﻮﻭﻭﻭﻭﻭﻭﻭﻭ ......
ﻻﻋﻔﻴﺔ ﻫﻴﺜﻢ ﻻﺗﻜﻮﻟﻬﺎ ﺷﻠﻮﻥ ﺍﺯﻭﺝ ﺃﻳﻠﻮﻝ ﺍﻹﻳﺎﺱ
ﺍﻧﺖ ﺗﺪﺭﻱ ﺑﻴﻬﺎ ﻣﺴﺘﺤﻴﻞ ﺗﻮﺍﻓﻖ ﺍﺟﻮﻫﺎ ﻛﻮﻭﻣﻪ ﺧﻄﺎﺑﺔ ﻭﺟﺎﻧﺖ ﺍﻃﻠﻊ ﺑﻴﻬﻢ ﺍﻟﻒ ﻋﻴﺐ ﻭﻣﻴﻌﺠﺒﻮﻫﺎ ﺷﺒﺎﺏ ﺍﻟﻤﻌﻬﺪ ﻛﺘﻠﻮﺍ ﺭﻭﺣﻬﻢ ﻋﻠﻴﻬﺎ ﻭﻳﻮﻣﻴﺔ ﻭﺍﺣﺪ ﺟﺎﻱ ﻳﺨﻄﺒﻬﺎ ﻭﻫﻲ ﺗﺮﻓﺾ ﺗﺎﻟﻲ ﺗﺄﺧﺬ ﻭﺍﺣﺪ ﺍﻋﻤﻰ ﺍﺳﺘﻐﻔﺮ ﺍﻟﻠﻪ ﺭﺑﻲ
ﻫﻴﺜﻢ .. ﺷﺒﻴﺞ ﻣﻴﺎﺳﺔ ﺷﻨﻮ ﻧﺴﻴﺘﻲ ﻭﻛﻔﺎﺕ ﺇﻳﺎﺱ ﻭﻳﺎﻧﺔ ﻟﻮ ﻣﺎ ﻫﻮ ﻳﻤﻜﻦ ﺟﺎﻥ ﺍﺣﻨﻰ ﻫﺴﻪ ﺑﺎﻟﺸﺎﺭﻉ
ﻣﻴﺎﺳﺔ ﻭﺍﻧﻲ ﻣﻨﺎﻛﺮﺓ ﻭﻫﺬﺍ ﺟﻤﻴﻠﺔ ﻋﻠﻰ ﻋﻴﻨﻲ ﻭ ﻋﻠﻰ ﺭﺍﺳﻲ ﺑﺲ ﻣﻮ ﻣﻌﻨﺎﻫﺎ ﺍﻧﻄﻲ ﺑﻨﺘﻲ ﺛﺎﻧﻲ ﺷﻲ ﻟﻮ ﺣﺘﻰ ﺍﻧﻲ ﺍﺭﺿﻲ ﺗﻌﺘﻘﺪ ﺑﻨﺘﻚ ﺍﻟﻤﻐﺮﻭﺭﺓ ﺭﺍﺡ ﺗﺮﺿﻰ؟؟
ﻫﻴﺜﻢ .. ﻷﺯﻡ ﺗﺮﺿﻰ ﻣﻮ ﺍﻧﺘﻲ ﺟﻨﺘﻲ ﺗﺮﻳﺪﻫﺎ ﺑﺲ ﺗﺰﻭﺝ
... ﺍﻱ ﻃﺒﻌﺂ ﺍﺭﻳﺪﻫﺎ ﺗﺰﻭﺝ ﺑﺲ ﻣﻮ ﺑﻬﺎﻱ ﺍﻟﻄﺮﻳﻘﺔ ..
ﻫﻴﺜﻢ .. ﺯﻳﻦ ﺳﺆﺍﻝ ﺇﻳﺎﺱ ﻗﺒﻞ ﺍﻟﺤﺎﺩﺙ ﻟﻮ ﻣﺘﻘﺪﻡ ﺍﻷﻳﻠﻮﻝ ﺟﻨﺘﻲ ﺭﺍﺡ ﺗﻮﺍﻓﻘﻴﻦ ﻟﻮ ﺗﺮﻓﻀﻴﻦ ؟
.. ﺍﻛﻴﺪ ﺍﻭﺍﻓﻖ
ﻫﻴﺜﻢ .. ﻟﻌﺪ ﻫﺴﻪ ﺷﻨﻮ ﺍﻟﻔﺮﻕ . ؟
ﻣﻴﺎﺳﺔ .. ﻳﻌﻨﻲ ﻣﺘﻌﺮﻑ ﺷﻨﻮ ﺍﻟﻔﺮﻕ
... ﻗﺼﺪﺝ ﻻﻥ ﺍﻋﻤﻰ ﺍﺫﺍ ﻋﻠﻰ ﻫﺬﺍ ﺍﻟﺸﻲ ﺍﺫﺍ ﺳﻮﺍ ﻋﻤﻠﻴﺔ ﺃﺣﺘﻤﺎﻝ ﻛﺒﻴﺮ ﺭﺍﺡ ﻳﺮﺟﻊ ﻳﻔﺘﺢ
ﻣﻴﺎﺳﺔ .. ﺷﻮﻑ ﺍﻧﺖ ﻛﻠﺘﻬﺎ ﺍﺣﺘﻤﺎﻝ ﻣﻮ ﺍﻛﻴﺪ ﻋﻠﻰ ﺍﻟﻌﻤﻮﻡ ﺍﻧﻲ ﺭﺍﺡ ﺍﻓﺎﺗﺢ ﺃﻳﻠﻮﻝ ﺑﺎﻟﻤﻮﺿﻮﻉ ﻭﺃﺷﻮﻑ ﺟﻮﺍﺑﻬﺎ
ﺯﻳﻦ ﺇﻳﺎﺱ ﻳﻌﺮﻑ ﺑﻬﺬﺍ ﺷﻲ ؟؟
ﻫﻴﺜﻢ .. ﻻ ﻛﻠﺖ ﺍﺧﺬ ﻣﻮﺍﻓﻘﺔ ﺃﻳﻠﻮﻝ ﺃﻭﻝ ﺷﻲ ﺑﻌﺪﻳﻦ ﺍﻓﺎﺗﺤﺔ ﺑﺎﻟﻤﻮﺿﻮﻉ ..
... ﺳﻮﺩﺓ ﻋﻠﻴﻪ ﺑﻨﺘﻲ ﻫﺎﻱ ﻭﻳﻦ ﺟﺎﻧﺘﻠﻬﺎ ﻭ ﻓﻮﻛﺎﻫﺎ ﺍﻧﺖ ﺗﻜﻮﻟﻪ ﺍﺧﺬ ﺑﻨﺘﻲ
ﻫﻴﺜﻢ .. ﻛﺎﻓﻲ ﻻﺗﺒﺠﻴﻦ ﺍﻧﻲ ﻣﺮﺍﺡ ﺍﺟﺒﺮﻫﺎ ﻭﺻﺪﻛﻴﻨﻲ ﻫﺎﻱ ﺧﻮﺵ ﻗﺴﻤﺔ ﺇﻳﻠﻮﻝ ﺍﺫﺍ ﺍﺯﻭﺟﺘﺔ ﺭﺍﺡ ﺗﻨﺴﻌﺪ ﻭﻳﺎﺍ ﺍﻧﻲ ﻟﻮﻣﺎ ﻋﻨﺪﻱ ﺛﻘﺔ ﺑﺈﻳﺎﺱ ﻣﺠﺎﻥ ﺍﻧﻄﻴﺘﺔ ﻗﻄﻌﺔ ﻣﻦ ﻗﻠﺒﻲ
.... ﻣﻴﺎﺳﺔ ﻭﻫﻲ ﺗﻤﺴﺢ ﺩﻣﻮﻋﻬﺎ ﻫﺬﺍ ﻫﻮ ﺍﻟﻠﻪ ﻳﻘﺪﻡ ﺍﻟﻲ ﺑﻲ ﺧﻴﺮ ﺍﻟﻬﻢ
ﺛﺎﻧﻲ ﻳﻮﻡ ﺃﻳﻠﻮﻝ ﻛﺎﻋﺪﺓ ﺑﺎﻟﻐﺮﻓﺔ ﺑﻴﺪﻱ ﺍﻟﻤﻮﺑﺎﻳﻞ ﺍﺗﺼﻔﺢ ﺍﺟﺖ ﻣﺎﻣﺎ ﻛﻌﺪﺕ ﻳﻤﻲ
ﻣﻴﺎﺳﺔ .. ﺍﻛﻮﻝ ﺑﻨﺘﻲ ﻟﻮﻟﺔ
ﺃﻳﻠﻮﻝ ﺭﻓﻌﺖ ﺭﺃﺳﻲ ﺻﺎﺭ ﺑﻴﻬﺎ ﻟﻮﻟﺔ ﺧﻴﺮ ﻳﺎﺭﺑﻲ ﻭﻟﻮ ﺍﻋﺮﻑ ﻭﺭﺍ ﻫﺎﻱ ﺍﻟﻤﻘﺪﻣﺔ ﻛﺎﺭﺛﺔ
ﻣﺎﻣﺎ ... ﺑﻌﺪﻧﻲ ﻣﺤﺎﺟﻴﺔ ﺳﺘﻠﻤﺘﻴﻨﻲ ﺍﺩﺭﻱ ﻫﺬﺍ ﻟﺴﺎﻥ ﻟﻮ ﺭﺷﺎﺷﺔ
ﺃﻳﻠﻮﻝ ... ﻻ ﻣﺪﻓﻊ ﺭﻣﻀﺎﻥ
ﻣﺎﻣﺎ ... ﺍﻟﻠﻬﻢ ﻃﻮﻟﺞ ﻳﺎﺭﻭﺡ ﺭﺍﺡ ﺗﺨﻠﻴﻨﻲ ﺍﺣﺠﻲ ﻟﻮ ﺍﻛﻮﻡ ﺍﻭﻟﻲ
ﺍﻳﻠﻮﻝ .. ﺍﺑﺎﻭﻉ ﻋﻠﻰ ﻣﺎﻣﺎ ﻛﻮﻟﺶ ﻣﺮﺗﺒﻜﺔ ﻣﻮ ﻣﻦ ﻋﻮﺍﻳﺪﻫﺎ
ﺍﺣﺠﻲ ﻣﺎﻣﺎ ﺷﻨﻮ ﺍﻟﻤﻮﺿﻮﻉ
ﻣﺎﻣﺎ ... ﻭﻫﻲ ﺗﻔﺮﻙ ﺑﺄﻳﺪﻫﺎ ﺑﺼﺮﺍﺣﺔ ﺃﺑﻮﺝ ﻳﺮﻳﺪ
... ﺍﻱ ﻛﻤﻠﻲ ﺷﻴﺮﻳﺪ
ﻣﺎﻣﺎ ... ﻳﺮﻳﺪ ﻳﺰﻭﺟﺞ ﺍﻹﻳﺎﺱ
يتبع

[فيتامين سي]

ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ -
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻟﺴﺎﺑﻊ -

ﺃﻳﻠﻮﻝ ... ﺍﻧﻲ ﺻﺎﻓﻨﺔ ﻋﻠﻰ ﻛﻼﻡ ﻣﺎﻣﺎ ﻭﻓﺎﺗﺤﺔ ﺣﻠﻜﻲ ﺧﻠﻴﺖ ﺍﻳﺪﻱ ﺑﺄﺫﻧﻲ ﻭﻓﺮﻛﺘﻬﺎ ....
ﻣﺎﻣﺎ ... ﺷﺒﻴﺞ ﺍﻳﻠﻮﻝ ﺍﺷﺪﺗﺴﻮﻳﻦ .
.. ﻣﺎ ﺃﺩﺭﻱ ﺃﺫﻧﻲ ﺷﺒﻴﻬﺎ ﺍﺷﻮ ﻛﻤﺖ ﺍﺳﻤﻊ ﺍﻋﻮﺝ
.. ﻟﻴﺶ ﺷﺴﻤﻌﺘﻲ ؟
ﺍﻳﻠﻮﻝ ... ﺳﻤﻌﺖ ﺗﻜﻮﻟﻴﻦ ﺍﻧﻲ ﺍﺯﻭﺝ ﺇﻳﺎﺱ ﻫﻬﻬﻬﻬﻪ ﻳﻤﻜﻦ ﺃﺫﻧﻲ ﻋﻄﻠﺖ
ﻣﺎﻣﺎ ... ﻟﺰﻣﺘﻨﻲ ﻗﻮﻱ ﻣﻦ ﻛﺘﻔﻲ ﻭﻫﺰﺗﻨﻲ ﺍﻳﻠﻮﻝ ﺷﺒﻴﺞ ﺗﺨﺒﻠﺘﻲ ﺷﻨﻮ ﻫﻠﻀﺤﻚ
.... ﺃﻳﻠﻮﻝ ﻣﻦ ﺣﺠﺖ ﺣﺴﻴﺘﻬﺎ ﻣﺪﺗﺸﺎﻗﺔ ﻭﺍﻟﺴﻤﻌﺘﺔ ﺻﺢ ﺍﻧﺘﻔﻀﺖ ﻣﻦ ﻣﻜﺎﻧﻲ ﺑﺴﺮﻋﺔ ﻭﻛﻔﺖ ﺻﻴﺤﺖ ﺑﺼﻮﺕ
ﻫﺎﻱ ﺗﺎﻟﻴﻬﺎ ﻣﺎﻣﺎﺍﺍﺍﺍﺍﺍﺍﺍﺍﺍﺍ ﺑﺲ ﻋﻠﻤﻮﺩ ﺍﺯﻭﺝ ﺗﻨﻄﻴﻨﻲ ﺍﻟﻮﺍﺍﺍﺍﺍﺍﺍﺍﺍﺍﺍﺣﺪ ﺍﻋﻤﻰ ﺍﻧﺘﻲ ﻟﻴﺶ ﺗﻜﺮﻫﻴﻨﻲ ﺍﻟﻬﺎﻱ ﺍﻟﺪﺭﺟﺔ ﻛﻤﺖ ﺍﻟﻄﻢ ﻋﻠﻰ ﺧﺪﻭﺩﻱ
ﺍﺟﺖ ﻣﺎﻣﺎ ﺑﺴﺮﻋﺔ ﺣﻀﻨﺘﻨﻲ ﻭﺗﺒﺠﻲ ﻭﺍﻧﻲ ﺍﺩﻓﻊ ﺑﻴﻬﺎ ﻋﻮﻭﻭﻭﻭﻭﻓﻴﻨﻲ ﻣﺎ ﺃﺭﻳﺪ ﺗﻠﺰﻣﻴﻨﻲ ﻭﺍﻟﻠﻪ ﺣﺮﺍﻡ ﻋﻠﻴﺞ ﺍﻧﻲ ﺑﻨﺘﺞ ﻣﻮ ﺑﻨﺖ ﺿﺮﺗﺞ
ﻣﺎﻣﺎ ... ﻭﻫﻲ ﺗﺒﺠﻲ ﻛﺎﻓﻲ ﺑﻨﺘﻲ ﻭﺍﻟﻠﻪ ﻣﻮ ﺍﻧﻲ ﻫﺬﺍ ﺍﺑﻮﺝ ﻻﺗﺨﺎﻓﻴﻦ ﻣﺤﺪ ﻳﺠﺒﺮﺝ ﻭﺍﻟﻠﻪ ﻟﻮ ﺍﻋﺮﻑ ﺃﻃﻠﻖ ﻣﻨﻪ ﻣﺎ ﺍﺧﻠﻲ ﻳﻨﻄﻴﺞ ﻏﺼﺐ
ﺍﻳﻠﻮﻝ ... ﺳﻜﺘﺖ ﻭﺑﻘﻴﺖ ﺃﺳﻤﻌﻬﺎ ﻣﻌﻘﻮﻟﺔ ﺑﺎﺑﺎ ﻳﺮﻳﺪ ﻳﻨﻄﻴﻨﻲ ‏( ﺃﺣﺠﻲ ﺑﺪﺍﺧﻠﻲ ‏)
ﻣﻦ ﻫﺪﻳﺖ ﻣﺎﻣﺎ ﻋﺎﻓﺘﻨﻲ ﻭﻃﻠﻌﺖ ﺑﻘﻴﺖ ﺑﻔﺮﺍﺷﻲ ﺍﺑﺪ ﻣﻄﻠﻌﺖ ﻣﻦ ﺍﻟﻐﺮﻓﺔ ﻣﺎ ﺍﺭﻳﺪ ﺃﺷﻮﻑ ﺑﺎﺑﺎ ﻣﻘﻬﻮﺭﺓ ﻣﻨﻪ
ﺧﻮﺍﺗﻲ ﺟﺎﻧﻮﺍ ﻳﺠﻴﺒﻮﻟﻲ ﺍﻷﻛﻞ ﻭﺍﻧﻲ ﺍﺻﻼ ﻣﺎﻟﻲ ﻧﻔﺲ ﺍﻛﻞ ﺷﻲ
ﻟﻠﻴﻞ ﻣﺎﻣﺎ ﺑﻠﻐﺖ ﺭﻓﻀﻲ ﺍﻟﺒﺎﺑﺎ ﻭﻫﻮ ﺳﻜﺖ ﻣﺤﺠﺔ ﺷﻲ ﺑﺲ ﺍﻟﻐﺮﻳﺐ ﺑﺎﻟﻤﻮﺿﻮﻉ ﺍﻭﻝ ﻣﺮﺓ ﺑﺎﺑﺎ ﻣﻴﺴﺘﻔﻘﺪﻧﻲ ﻭﻋﺎﺩﻱ ﻋﻨﺪﺓ ﻣﻴﺸﻮﻓﻨﻲ ﻃﻮﻝ ﺍﻟﻨﻬﺎﺭ ﺍﻟﻈﺎﻫﺮ ﺭﻓﻀﻲ ﻣﻌﺠﺒﺔ
ﺗﻘﺮﻳﺒﺎ ﺳﺎﻋﺔ ﺗﺴﻌﺔ ﺑﺎﻟﻠﻴﻞ ﺍﻫﻠﻲ ﻛﺎﻋﺪﻳﻦ ﺑﺎﻟﻬﻮﻝ ﻭﺍﻧﻲ ﺑﺎﻟﻐﺮﻓﺔ ﻣﺘﻤﺪﺩﺓ ﺑﻔﺮﺍﺷﻲ
ﺃﺟﺘﻲ ﺍﻟﺒﻠﺒﻞ ﺍﻟﻔﺘﺎﻥ ﺗﺮﻛﺾ ﻭﻟﺞ ﺍﻳﻠﻮﻝ ﻟﺤﻜﻲ
... ﺍﻧﻲ ﺑﻔﺰﻉ ﺷﻜﻮﻭ
ﺍﺟﺖ ﻛﻌﺪﺕ ﻋﻠﻰ ﺣﺎﻓﺔ ﺍﻟﺴﺮﻳﺮ ﻭﺣﺠﺖ
ﻣﺎﺭﻱ ... ﺟﻨﺎ ﻛﺎﻋﺪﻳﻦ ﻛﻠﻨﺎ ﻭﺑﺎﺑﺎ ﺍﻟﻴﻮﻡ ﺿﺎﻳﺞ
ﻻﻥ ﺍﻧﺘﻲ ﺭﻓﻀﺘﻲ
ﺑﺎﻥ ﺭﺍﺣﺖ ﻋﻠﻰ ﺑﺎﺑﺎ ﻭﻛﺎﻟﺘﻠﺔ
ﺍﻳﻠﻮﻝ . ﺑﻤﻠﻞ ﺍﻱ ﻭﺗﺎﻟﻲ
ﺑﺎﻥ .. ﺑﺎﺑﺎ ﺣﺒﻴﺒﻲ ﺍﻧﺖ ﻟﻴﺶ ﺿﺎﻳﺞ ﺍﻟﻴﻮﻡ
ﺑﺎﺑﺎ .. ﻣﻀﺎﻳﺞ ﺑﻨﺘﻲ ﺑﺲ ﺷﻮﻳﺔ ﺗﻌﺒﺎﻥ
ﺑﺎﻥ ... ﺑﺎﺑﺎ ﺍﻳﻠﻮﻝ ﺍﺫﺍ ﻣﺘﻘﺒﻞ ﺗﺰﻭﺝ ﺃﻳﺎﺱ ﺍﻧﻲ ﺍﺯﻭﺟﺔ
ﺃﻳﻠﻮﻝ ... ﺑﺼﺪﻣﺔ ﺷﻨﻮﻭﻭﻭﻭ ﻫﺎﻱ ﺍﻛﻴﺪ ﺗﺨﺒﻠﺖ ﺍﻱ ﻛﻤﻠﻲ
ﻣﺎﻣﺎ ﺻﺮﺧﺖ ﻋﻠﻰ ﺑﺎﻥ
ﻣﺎﻣﺎ .. ﻭﻟﺞ ﺑﺎﻥ ﺗﺴﻜﺘﻴﻦ ﻻ ﺍﺟﻲ ﺍﺷﻚ ﺣﻠﻜﺞ
ﺑﺎﻥ ﺑﺮﻃﻤﺖ ﺗﺮﻳﺪ ﺗﺒﺠﻲ ﻭﺳﻜﺘﺖ
ﺑﺎﺑﺎ ... ﻣﻴﺎﺳﺔ ﻣﻌﻠﻴﺞ ﺍﻧﺘﻲ ﺧﻠﻲ ﺑﺎﻥ ﺗﺤﺠﻲ
ﺑﻨﻮﻧﺔ ﻛﻤﻠﻲ ﻛﻼﻣﺞ
ﺑﺎﻥ ﻭﻫﻲ ﺗﺒﺎﻭﻉ ﻋﻠﻰ ﻣﺎﻣﺎ ﺍﻟﻲ ﺟﺎﻧﺖ ﺗﺨﺰﺭ ﺑﻴﻬﺎ ﺟﺎﻥ ﺗﺒﻘﺔ ﺳﺎﻛﺘﺔ ﺗﺨﺎﻑ ﺗﺤﺠﻲ
ﺑﺎﺑﺎ .. ﺑﺎﻥ ﻛﺘﻠﺞ ﻣﻌﻠﻴﺞ ﺑﺄﻣﺞ ﻣﺮﺍﺡ ﺗﺴﻮﻳﻠﺞ ﺷﻲ ﺍﺣﺠﻲ
ﺑﺎﻥ .. ﺑﺘﺮﺩﺩ ﻭﺍﻟﻠﻪ ﺑﺎﺑﺎ ﺍﻧﻲ ﻧﻘﻬﺮﺕ ﻋﻠﻰ ﺇﻳﺎﺱ ﺧﻄﻴﺔ ﻣﻌﻨﺪﺓ ﺍﺣﺪ ﻭﺍﻧﺖ ﻫﻢ ﺩﺃﺷﻮﻓﻚ ﻣﻘﻬﻮﺭ ﻋﻠﻴﻪ ﻟﻬﺬﺍ ﺍﻧﻲ ﻗﺒﻠﺖ ﺍﺯﻭﺟﺔ
ﺑﺎﺑﺎ ... ﺑﺲ ﺑﻨﺘﻲ ﺷﻠﻮﻥ ﻭﺩﺭﺍﺳﺘﺞ ﻣﺒﻘﺔ ﺷﻲ ﻟﻠﺪﻭﺍﻡ ﻭﺍﻧﺘﻲ ﻫﺎﻟﺴﻨﺔ ﺳﺎﺩﺱ ﻻﺯﻡ ﺍﻃﻠﻌﻴﻦ ﻣﻌﺪﻝ ﺣﺘﻰ ﺗﺼﻴﺮﻳﻦ ﻣﻬﻨﺪﺳﺔ ﻣﻮ ﻫﺬﺍ ﺣﻠﻤﺞ
ﺑﺎﻥ .. ﺩﻧﻜﺖ ﺭﺍﺳﻬﺎ ﻋﺎﺩﻱ ﺑﺎﺑﺎ ﻣﺮﺍﺡ ﺍﺩﻭﻡ ﻫﺎﻱ ﺍﻟﺴﻨﺔ ﺍﺧﻠﻴﻬﺎ ﻋﻠﻰ ﺍﻟﺴﻨﺔ ﺍﻟﺠﺎﻳﺔ ﺍﺫﺍ ﺍﻟﻠﻪ ﺭﺍﺩ
ﺑﺎﺑﺎ .. ﺑﺎﺱ ﺭﺍﺱ ﺑﺎﻥ ﻭﺣﻀﻨﻬﺎ ﻓﺪﻳﺘﺞ ﺑﺎﺑﺎﺗﻲ ﺍﺷﻜﺪ ﻗﻠﺒﺞ ﻃﻴﺐ ﻭﺣﻨﻴﻨﺔ
ﻣﺎﻣﺎ ﺗﻌﺼﺒﺖ ﻭﻇﻠﺖ ﺗﺤﺠﻲ ﻭﺗﻌﺎﺭﻛﺖ ﻭﻳﺎ ﺑﺎﺑﺎ ﺍﺗﻜﻮﻟﺔ ﺍﻧﺖ ﺑﻬﺬﺍ ﺗﻔﻜﻴﺮﻙ ﺭﺍﺡ ﺍﺩﻣﺮ ﺑﻨﺎﺗﻲ ﻇﻠﺖ ﺗﺒﺠﻲ ﻭﺭﺍﺣﺖ ﺍﻟﻐﺮﻓﺘﻬﺎ
ﺑﺎﻥ .. ﺑﺎﺑﺎ ﺣﺒﻴﺒﻲ ﺍﻧﺖ ﺍﻟﻴﻮﻡ ﻟﻴﺶ ﻣﺴﺄﻟﺖ ﻋﻠﻰ ﺍﻳﻠﻮﻝ ﺗﺮﺓ ﻭﺍﻟﻠﻪ ﻫﻲ ﺧﻄﻴﺔ ﻻﺗﺰﻋﻞ ﻣﻨﻬﺎ
.. ﺍﻧﻲ ﺍﺳﻤﻊ ﻛﻼﻡ ﻣﺎﺭﻱ ﻭﻣﺼﺪﻭﻣﻪ ﻣﻌﻘﻮﻟﺔ ﺑﺎﻥ ﻫﻴﺠﻲ ﺗﻔﻜﺮ ﺗﻀﺤﻲ ﺑﻤﺴﺘﻘﺒﻠﻬﺎ ﻋﻠﻤﻮﺩ ﺗﺰﻭﺝ ﻭﺍﺣﺪ ﺍﻋﻤﻰ ﻫﺎﻱ ﺍﺧﺎﻑ ﺗﺤﺒﻪ ﻻﻥ ﻫﺬﺍﻙ ﺍﻟﻴﻮﻡ ﻫﻮﺍﻳﺔ ﺑﺠﺖ ﻋﻠﻴﻪ
ﺃﻳﻠﻮﻝ .. ﺑﺎﻭﻋﺖ ﻋﻠﻰ ﻣﺎﺭﻱ ﻫﺴﻪ ﺑﺎﻥ ﻭﻳﻦ ؟
ﻣﺎﺭﻱ .. ﻋﻔﺘﻬﺎ ﻛﺎﻋﺪﺓ ﻭﻳﺎ ﺑﺎﺑﺎ ﻭﺍﻧﻲ ﺍﺟﻴﺖ ﺍﺣﺠﻴﻠﺞ
.. ﻫﺎﻱ ﺍﻭﻝ ﻣﺮﺓ ﻣﺎ ﺍﺭﺯﻝ ﻣﺎﺭﻱ ﻻﻥ ﻧﻘﻠﺘﻠﻲ ﻛﻼﻡ
ﺩﺧﻠﺖ ﺑﺎﻥ ﻟﻠﻐﺮﻓﺔ ﺍﺑﺎﻭﻉ ﻋﻠﻴﻬﺎ ﻣﺒﻴﻦ ﻋﻠﻴﻬﺎ ﻣﻘﻬﻮﺭﺓ ﺟﺎﻧﺖ ﻛﺘﺒﻬﺎ ﻣﻄﺸﺮﺓ ﻋﻠﻰ ﺟﺮﺑﺎﻳﺘﻬﺎ
ﺍﺟﺖ ﻟﻤﺘﻬﻢ ﻭﺭﺍﺣﺖ ﺗﺮﻳﺪ ﺗﺸﻴﻠﻬﻢ
ﻫﻲ ﻫﺎﻱ ﺍﻟﻌﻄﻠﺔ ﻛﻠﻬﺎ ﻛﻀﺘﻬﺎ ﻗﺮﺁﻳﺔ ﺗﺮﻳﺪ ﻣﻦ ﻳﺒﺪﻱ ﺍﻟﺪﻭﺍﻡ ﺗﻜﻮﻥ ﺿﺎﺑﻄﺔ ﺍﻟﻤﻮﺍﺩ ﻭﺑﺎﻥ ﺍﺷﻄﺮ ﻭﺣﺪﺓ ﺑﻴﻨﺎ
ﺭﺣﺖ ﻳﻤﻬﺎ ﺳﺤﺒﺘﻬﺎ ﻣﻦ ﺍﻳﺪﻫﺎ ﻭﻛﻌﺪﺗﻬﺎ ﻋﻠﻰ ﺍﻟﺠﺮﺑﺎﻳﺔ ﻭﻛﻌﺪﺕ ﺑﺼﻔﻬﺎ
ﺍﻳﻠﻮﻝ ... ﺑﻨﻮﻧﺔ ﺷﻨﻮ ﻫﺬﺍ ﺍﻟﻜﻼﻡ ﺍﻟﺴﻤﻌﺘﻪ ﺻﺪﻭﻙ ﺗﺮﻳﺪﻳﻦ ﺗﺰﻭﺟﻴﻦ ﺇﻳﺎﺱ ؟
ﺑﺎﻥ .. ﻭﻫﻲ ﺧﺎﻧﻜﺘﻬﺎ ﺍﻟﻌﺒﺮﺓ ﺍﻱ ﺻﺪﻭﻙ
ﺍﻳﻠﻮﻝ ... ﺍﻭﻝ ﻣﺮﺓ ﺍﺷﻮﻑ ﺑﺎﻥ ﺑﺎﻟﻜﻮﺓ ﻷﺯﻣﺔ ﺭﻭﺣﻬﺎ ﺣﺘﻰ ﻣﺘﺒﺠﻲ
ﻛﻮﻟﻴﻠﻲ ﺑﺎﻥ ﺍﻧﺘﻲ ﺗﺤﺒﻴﻦ ﺇﻳﺎﺱ
... ﺑﺎﻭﻋﺖ ﻋﻠﻴﻪ ﻭﻫﻲ ﻣﺼﺪﻭﻣﺔ ﺑﺴﺮﻋﺔ ﻻ ﻭﺍﻟﻠﻪ ﺍﺻﻼ ﺍﻧﻲ ﻭﻳﻦ ﺍﻋﺮﻓﺔ ﺣﺘﻰ ﺍﺣﺒﻪ ﻃﻮﻝ ﺍﻟﻮﻗﺖ ﻣﻠﺘﻬﻴﺔ ﺑﺎﻟﺪﺭﺍﺳﺔ
. ﻟﻌﺪ ﻟﻴﺶ ﻭﺍﻓﻘﺘﻲ ﺗﺰﻭﺟﻲ ﻭﺗﻀﺤﻴﻦ ﺑﻤﺴﺘﻘﺒﻠﺞ !
ﺑﺎﻥ ... ﻋﻠﻤﻮﺩ ﺑﺎﺑﺎ ﻣﺸﻔﺘﻲ ﺍﺷﻜﺪ ﻣﻘﻬﻮﺭ ﻋﻠﻰ ﺻﺪﻳﻘﺔ ﺑﺎﺑﺎ ﻋﻤﺮﺓ ﻣﻄﻠﺐ ﻣﻨﻪ ﺷﻲ ﻭﻫﺎﻱ ﺍﻭﻝ ﻣﺮﺓ ﻳﻄﻠﺐ
ﺍﻳﻠﻮﻝ .. ﻫﺬﺍ ﻣﻮ ﻃﻠﺐ ﻫﺬﺍ ﺯﻭﺍﺝ ﺑﺎﻥ ﺇﻳﺎﺱ ﺍﻛﺒﺮ ﻣﻨﺞ ﺏ 20 ﺳﻨﺔ ﻟﻮ ﻣﺰﻭﺝ ﺑﻨﺘﺔ ﺑﻌﻤﺮﺝ
... ﺍﺩﺭﻱ ﺑﺲ ﻫﻢ ﻳﻌﺘﺒﺮ ﻃﻠﺐ ﻫﻮ ﻣﻔﺪﻳﻮﻡ ﻗﺼﺮ ﻭﻳﺎﻧﺔ ﺑﺸﻲ ﻛﻀﺔ ﻋﻤﺮﺓ ﻛﻠﺔ ﻳﺸﺘﻐﻞ ﻭﻳﺘﻌﺐ ﺣﺘﻰ ﻳﻮﻓﺮ ﻃﻠﺒﺎﺗﻨﺎ ﺣﺘﻰ ﻣﻦ ﻳﺘﻤﺮﺽ ﻣﻴﻜﻮﻟﻠﻨﺎ ﻭﻳﻄﻠﻊ ﻳﺸﺘﻐﻞ ﻫﻮ ﻟﻮ ﻳﻔﻜﺮ ﺑﻨﻔﺴﺔ ﻭﻣﺼﻠﺤﺘﺔ ﺟﺎﻥ ﻣﻦ ﺯﻣﺎﻥ ﺭﺍﺡ ﺍﺯﻭﺝ ﺣﺘﻰ ﻳﺼﻴﺮﻟﺔ ﻭﻟﺪ ﻳﺴﺎﻋﺪﺓ ﻭﻳﺸﻴﻞ ﺍﻟﺤﻤﻞ ﻋﻨﻪ ﺑﻜﺒﺮﺗﺔ
.. ﺃﺳﻤﻊ ﺑﺎﻥ ﻭﺍﻧﻲ ﻣﻤﺼﺪﻛﺔ ﻫﺎﻱ ﺍﻟﻜﺪﺍﻣﻲ ﻋﻤﺮﻫﺎ 17 ﺳﻨﺔ ﺗﻔﻜﻴﺮﻫﺎ ﺍﻛﺒﺮ ﻣﻦ ﻋﻤﺮﻫﺎ
ﺟﺮﻳﺘﻬﺎ ﺍﻟﺤﻀﻨﻲ ﻭﻫﻲ ﺍﻧﻔﺠﺮﺕ ﺑﺎﻟﺒﺠﻲ
ﺭﻓﻌﺖ ﺭﺍﺳﻬﺎ ﺑﻴﺪﻱ ﻭﻣﺴﺤﺖ ﺩﻣﻮﻋﻬﺎ
ﺍﻳﻠﻮﻝ ... ﺭﺟﻌﻲ ﻛﺘﺒﺞ ﺍﻟﻤﻜﺎﻧﻬﻢ ﻭﺃﺭﺟﻌﻲ ﺃﻗﺮﻱ ﻭﻻ ﺗﻔﻜﺮﻳﻦ ﺑﺎﻟﺰﻭﺍﺝ ﺭﺍﺩﺕ ﺗﺤﺠﻲ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻬﺎ
ﻣﻌﻠﻴﺞ ﺍﻧﺘﻲ ﺍﻧﻲ ﺭﺍﺡ ﺍﺣﻞ ﻛﻮﻟﺸﻲ ﻫﺰﺕ ﺭﺍﺳﻬﺎ ﺑﺎﻟﻤﻮﺍﻓﻘﺔ ﻋﻔﺘﻬﺎ ﻭﻛﻤﺖ
ﺭﺣﺖ ﻛﻌﺪﺕ ﺑﺎﻟﻤﻜﺎﻥ ﺍﻟﻮﺣﻴﺪ ﺍﻟﻲ ﺍﺭﺗﺎﺡ ﺑﻲ ﻛﺪﺍﻡ ﻣﺮﺁﻳﺘﻲ ﺑﺎﻭﻋﺖ ﻋﻠﻰ ﻧﻔﺴﻲ ﺗﻠﻤﺴﺖ ﻭﺟﻬﻲ ﺑﻴﺪﻱ ﻭﻏﻤﻀﺖ ﻋﻴﻨﻲ
ﺭﺍﺡ ﺍﺣﺠﻴﻠﻜﻢ ﺷﻨﻮ ﻗﺼﺘﻲ ﻭﻳﺎ ﺍﻟﻤﺮﺁﻳﺎ ..
ﻣﻦ ﺍﻧﻲ ﻃﻔﻠﺔ ﺍﺣﺐ ﺍﻭﻛﻒ ﻛﺪﺍﻡ ﺍﻟﻤﺮﺁﻳﺎ ﻭﺍﺣﺪ ﺍﺫﺍ ﺿﻴﻌﻨﻲ ﻳﻠﻜﻴﻨﻲ ﻛﺪﺍﻣﻬﺎ
ﻣﺎﻣﺎ ﺍﺫﺍ ﻣﻨﻌﺘﻨﻲ ﺟﻨﺖ ﺍﺑﻘﺔ ﺍﺑﺠﻲ ﺷﻠﻮﻥ ﺍﻟﻄﻔﻞ ﻣﻦ ﻳﻀﻴﻊ ﺍﻣﻪ
ﻭﺟﺎﻥ ﻳﺎﻫﻮ ﺍﻟﻲ ﻳﺸﻮﻓﻨﻲ ﻭﺍﻛﻔﺔ ﻛﺪﺍﻣﻬﺎ ﻳﻜﻮﻝ ﻫﺎﻱ ﻣﻐﺮﻭﺭﺓ ﺑﺠﻤﺎﻟﻬﺎ ﻭﻣﻦ ﻃﻔﻮﻟﺘﻲ ﺻﺎﺭ ﻟﻘﺒﻲ ﺍﻟﻤﻐﺮﻭﺭﺓ
ﺭﻏﻢ ﺍﻧﻲ ﺑﻌﺒﺪﺓ ﺟﺪﺍ ﻋﻦ ﺍﻟﻐﺮﻭﺭ ﻣﺎ ﺍﻋﺘﻘﺪ ﺍﻱ ﻣﺮﺓ ﺗﺒﺎﻫﻴﺖ ﺑﺸﻜﻠﻲ ﻛﺪﺍﻡ ﺍﺣﺪ
ﻛﺒﺮﺕ ﻭﺍﻧﻲ ﺣﺒﻲ ﻳﺰﻳﺪ ﻟﻠﻤﺮﺁﻳﺎ ﻣﻴﻨﻘﺺ
ﻭﺟﺎﻧﺖ ﻫﺎﻱ ﻋﻘﺪﺓ ﻣﺎﻣﺎ ﺧﺼﻮﺻﺎ ﻣﻦ ﺟﺎﻧﻮﺍ ﻳﺠﻮﻧﻲ ﺧﻄﺎﺑﺔ ﻭﺍﺭﻓﺾ ﺍﻟﻤﻮﺿﻮﻉ ﺯﺍﺩ ﻋﻦ ﺣﺪﻩ ﻭﻣﺎﻣﺎ ﺻﺎﺭﺕ ﺗﺘﻀﺎﻳﻖ ﻣﻦ ﺭﻓﻀﻲ
ﺩﺍﻭﻣﺖ ﻣﻌﻬﺪ ﻫﻮﺍﻳﺔ ﺷﺒﺎﺏ ﻭﺃﺳﺎﺗﺬﺓ ﺍﻧﻌﺠﺒﻮﺍ ﺑﻴﻪ ﻭﺍﻛﻮ ﺑﻴﻬﻢ ﺻﺎﺭﺣﻮﻧﻲ ﻭﺍﻧﻲ ﻛﺎﻥ ﺟﻮﺍﺑﻲ ﻫﻮ ﺍﻟﺮﻓﺾ
ﺍﺧﻴﺮ ﺷﻲ ﻣﺎﻣﺎ ﺑﺪﺕ ﺍﺗﻜﻮﻝ ﻫﺬﺍ ﺭﻓﻀﺞ ﻛﻮﻟﺔ ﺑﺴﺒﺐ ﺍﻟﻤﺮﺁﻳﺎ ﺟﺎﺑﺘﻠﺞ ﺍﻟﻨﺤﺲ
ﻭﺑﻴﻮﻡ ﺍﺟﺖ ﺧﺎﻟﺘﻲ ﺍﻟﺒﻴﺘﻨﺎ ﻭﺧﺎﻟﺘﻲ ﺗﻌﺮﻑ ﻗﺼﺘﻲ ﻻﻥ ﻣﺎﻣﺎ ﺩﺋﻤﺎ ﺗﺸﻜﻴﻠﻬﺎ ﻣﻦ ﻫﺬﺍ ﻭﺿﻌﻲ ﻭﺗﺼﺮﻓﺎﺗﻲ
ﺧﺎﻟﺘﻲ ﻣﻨﻰ .. ﺍﻛﻮﻝ ﻣﻴﺎﺳﺔ ﺍﻟﻴﻮﻡ ﺟﺎﺭﺗﻲ ﺩﻟﺘﻨﻲ ﻋﻠﻰ ﺷﻠﻮﻥ ﺳﻴﺪ ﺍﻟﻨﺎﺱ ﻣﻦ ﺟﻮﺓ ﺍﻳﺪﺓ ﺗﺸﻔﻰ
ﻷﻥ ﺑﻨﺘﻬﺎ ﻫﻢ ﺟﺎﻧﺖ ﻗﺴﻤﺘﻬﺎ ﻣﺮﺑﻮﻃﺔ ﻭﺍﺧﺬﺗﻬﺎ ﺍﻟﻪ ﻭﻫﺴﻪ ﺍﻟﺒﻨﻴﺔ ﻣﺨﻄﻮﺑﺔ ﺷﺘﻜﻮﻟﻴﻦ ﻟﻮ ﻧﺎﺧﺬ ﺍﻳﻠﻮﻝ ﺍﻟﻪ ﺍﻧﻲ ﺍﺧﺬﺕ ﻋﻨﻮﺍﻧﻪ
ﻣﻴﺎﺳﺔ .. ﺑﻔﺮﺡ ﺍﻱ ﺍﻟﻠﻪ ﻭﺍﻳﺪﺝ ﻳﺎﺭﻳﺖ ﻣﻦ ﻳﺠﻲ ﻫﻴﺜﻢ ﺍﻛﻮﻟﺔ ﻭﺍﺣﺎﻭﻝ ﺍﻗﻨﻊ ﻫﺎﻱ ﺍﻟﺒﻠﻮﻩ ﺍﻟﻌﻨﺪﻱ ﺑﻠﻜﻲ ﺗﻮﺍﻓﻖ ﺗﺠﻲ ﻭﻳﺎﻧﺔ
ﻭﻓﻌﻼ ﻣﻦ ﺃﺟﺔ ﺑﺎﺑﺎ ﺑﺎﻟﻜﻮﺓ ﻗﺒﻞ ﺗﺄﺧﺬﻧﻲ ..
ﻭﻣﻦ ﺍﺟﺖ ﻛﺎﻟﺘﻠﻲ ﺗﺨﺒﻠﺖ ﻭﺭﻓﻀﺖ ﺍﺭﻭﺡ
ﻭﻫﻲ ﻣﻘﺼﺮﺕ ﺑﻘﺖ ﺯﻥ ﺯﻥ ﺯﻥ ﺍﺧﻴﺮ ﺷﻲ ﺑﺲ ﺍﺭﻳﺪ ﺍﺧﻠﺺ ﻣﻦ ﻣﻠﺤﺘﻬﺎ ﺍﻟﺰﺍﻳﺪﺓ ﻭﺍﻓﻘﺖ ﻭﺃﺧﺬﻭﻧﻲ ﻫﻲ ﻭﺧﺎﻟﺘﻲ ﻟﻠﺴﻴﺪ
ﺃﻳﻠﻮﻝ .. ﻣﺎﻣﺎ ﻭﺧﺎﻟﺘﻲ ﺍﺧﺬﻭﻧﻲ ﺍﻟﺒﻴﺖ ﻣﺴﻮﻱ ﻣﺜﻞ ﺍﻟﻤﻘﺎﻡ ﺩﺧﻠﺖ ﺍﻟﻤﻜﺎﻥ ﻣﺜﻞ ﺍﻟﺮﺑﻌﺔ ﺍﺑﺎﻭﻉ ﺍﺷﻜﺎﻝ ﻭﺍﻟﻮﺍﻥ ﺍﻟﻨﺎﺱ ﻧﺴﺎﺀ ﻭ ﺯﻟﻢ ﻣﻦ ﻛﻞ ﺍﻷﻋﻤﺎﺭ ﻭﺑﺼﻒ ﺍﻟﺮﺑﻌﺔ ﺍﻛﻮ ﻏﺮﻓﺔ ﺻﻐﻴﺮﺓ ﺑﺎﺑﻬﺎ ﻣﻔﺘﻮﺡ ﻋﻠﻰ ﺍﻟﺮﺑﻌﺔ ﻭﺍﻟﺴﻴﺪ ﻛﺎﻋﺪ ﺑﻴﻬﺎ ﻳﺮﻗﻲ ﺍﻟﻨﺎﺱ ﺣﺘﻰ ﺑﺎﺏ ﺑﺎﻟﻐﺮﻓﺔ ﻣﺎﻛﻮ ﻣﺒﻴﻦ ﻳﻌﺠﺒﺔ ﻳﺴﻮﻱ ﺩﻋﺎﻳﺔ ﺍﻟﻨﻔﺴﺔ ﺣﺘﻰ ﺍﻟﻨﺎﺱ ﻳﺸﻮﻓﻮﺍ ﺷﻠﻮﻥ ﻳﻘﺮﺃ ﺑﺎﻟﻜﻮﺓ ﻟﻜﻴﻨﺎ ﻣﻜﺎﻥ ﻛﻌﺪﻧﺎ
ﺍﺑﺎﻭﻉ ﻋﻠﻰ ﺍﻟﻨﺎﺱ ﺍﻛﻮ ﺑﻴﻬﻢ ﺍﻟﻲ ﻓﻌﻼ ﺗﻌﺒﺎﻧﻴﻦ ﻭﺍﻛﻮ ﺍﻟﻲ ﻋﻴﻨﻬﻢ ﺯﺍﻳﻐﺔ ﺑﺲ ﻳﺒﺼﺒﺼﻮﻥ
ﻳﺮﺑﻲ ﺷﺮﺍﺡ ﻳﺠﻴﺐ ﺳﺮﺍﻧﺔ ﻭﺑﻘﻴﻨﺎ ﻧﻨﺘﻈﺮ ﺍﻛﺜﺮ ﻣﻦ ﺳﺎﻋﺘﻴﻦ ﺍﻟﺤﺪ ﻣﺎ ﺍﺟﺔ ﺳﺮﺍﻧﺎ ﻛﻤﺖ ﻭﺍﻧﻲ ﻣﺘﻜﺴﺮﺓ ﻣﻦ ﺍﻟﻜﻌﺪﺓ ﺩﺧﻠﺖ ﺍﻟﻐﺮﻓﺔ ﺍﻟﺴﻴﺪ ﻭﻣﺎﻣﺎ ﻭﺧﺎﻟﺘﻲ ﻭﻳﺎﻱ
ﺑﺎﻭﻋﺖ ﻋﻠﻴﻪ ﺗﻘﺮﻳﺒﺎ ﺑﻌﻤﺮ ﺑﺎﺑﺎ ﺑﺲ ﻣﻬﺘﻢ ﺑﻨﻔﺴﺔ ﻟﺤﻴﺘﺔ ﺷﻮﻳﺔ ﻃﻮﻳﻠﺔ ﻭﻷﺑﺲ ﻣﻼﺑﺲ ﻣﺎﻝ ﺷﻴﻮﺥ
ﺑﺲ ﺃﺑﺪ ﻣﺤﺒﻴﺖ ﻧﻈﺮﺍﺗﺔ ﺍﻟﻲ
ﺭﺣﺐ ﺑﻴﻨﺎ ﻭﻛﻌﺪﻧﺎ ﻭﺑﺪﺕ ﺳﺖ ﻣﻴﺎﺳﺔ ﺗﺸﺮﺣﻠﺔ ﺣﺎﻟﺘﻲ ﻭﺧﺎﻟﺘﻲ ﺗﺸﺎﺭﻛﻬﺎ
ﺑﺨﺘﺼﺎﺭ ﻭﺣﺪﺓ ﺗﺮﻓﻊ ﻭﺍﻟﺜﺎﻧﻴﺔ ﺗﻜﺒﺲ ﻭﻫﻮ ﻣﺸﺎﻝ ﻋﻴﻨﺔ ﻣﻨﻲ
ﺳﺄﻟﻨﻲ ﻛﻮﻟﻲ ﺍﺧﺘﻲ ﺑﺸﻨﻮ ﺗﺤﺴﻴﻦ
. ﺭﻓﻌﺖ ﺭﺍﺳﻲ ﻋﻠﻴﻪ ﻭﺣﺠﻴﺖ ﺑﺪﺍﺧﻠﻲ ﻋﻤﻰ ﺣﺘﻰ ﻋﻤﻰ ﺑﻜﺪ ﺍﺑﻮﻳﺔ ﻭﻳﻜﻮﻟﻲ ﺍﺧﺘﻲ
ﺟﺎﻭﺑﺘﺔ ﺑﻨﻔﺎﺫ ﺻﺒﺮ
ﻣﻮ ﺍﻧﺖ ﺳﻴﺪ ﻷﺯﻡ ﺍﻧﺖ ﺗﻌﺮﻑ ﺷﺒﻴﺔ ﻣﻮ ﺟﺎﻱ ﺗﺴﺎﻟﻨﻲ ﺍﺟﺘﻨﻲ ﻛﺮﺻﺔ ﺛﻼﺛﻴﺔ ﺍﻷﺑﻌﺎﺩ ﻣﻦ ﺧﺎﻟﺘﻲ
ﻫﻮ ﺗﻔﺸﻞ ﻭﺿﺤﻚ ﻛﺎﻝ ﻭﻟﻴﺶ ﻣﺘﻌﺼﺒﺔ ﺍﻧﺘﻲ ﺷﻨﻮ ﺍﺳﻤﺞ ؟
ﻣﺎﻣﺎ ﺟﺎﻭﺑﺖ ﺑﺪﺍﻟﻲ ﺍﺳﻤﻬﺎ ﺃﻳﻠﻮﻝ ..
ﺍﻟﺴﻴﺪ .. ﻋﺎﺷﺖ ﺍﻷﺳﺎﻣﻲ ﺍﺳﻤﺞ ﺣﻠﻮ ﻣﺜﻠﺞ
ﺍﻧﻲ ﺻﺪﻭﻙ ﻧﻔﺴﻲ ﻟﻌﺒﺖ ﻣﻨﻪ ..
ﺍﻟﺴﻴﺪ . ﺗﻌﺎﻟﻲ ﺍﻳﻠﻮﻝ ﺍﻗﺘﺮﺑﻲ ﺣﺘﻰ ﺍﻗﺮﺃ ﻋﻠﻴﺞ ﺭﺍﺩ ﻳﺨﻠﻲ ﺍﻳﺪﺓ ﻋﻠﻰ ﺭﺍﺳﻲ ﺍﻧﻲ ﺑﺘﻌﺪﺕ
ﺍﻳﻠﻮﻝ ... ﻫﻮﻭﻭﺏ ﻫﻮﻭﻭﺏ ﻭﻳﻦ ﻣﺎﺩ ﺍﻳﺪﻙ
ﻣﺎﻣﺎ ﻭﺧﺎﻟﺘﻲ ﺑﺲ ﻳﺮﻳﺪﻭﻧﻲ ﺍﺳﻜﺖ
ﺍﻟﺴﻴﺪ .. ﻋﻮﻓﻮﻫﺎ ﻫﺎﻱ ﻣﻮ ﻫﻲ ﺩﺗﺤﺠﻲ
ﻣﺎﻣﺎ ﻭﺧﺎﻟﺘﻲ . ﺑﺨﻮﻑ ﻟﻌﺪ ﻣﻨﻮ ؟
ﺍﻟﺴﻴﺪ ﻫﺬﺍ ﺍﻟﺠﻨﻲ ﺍﻟﺴﺎﻛﻦ ﺑﻴﻬﺎ ﺑﻨﺘﻜﻢ ﻋﺪﻫﺎ ﻣﺲ ﻋﺎﺷﻖ
ﺍﻧﻲ .. ﺑﺲ ﺻﺎﻓﻨﺔ ﻭﻓﺎﺗﺤﺔ ﺣﻠﻜﻲ
ﻣﺎﻣﺎ ﻭﺧﺎﻟﺘﻲ ﻳﺘﺮﺍﺟﻔﻦ ﻣﻦ ﺍﻟﺨﻮﻑ
ﺍﻟﺴﻴﺪ .. ﺧﻠﻰ ﻋﻮﺩﺓ ﻃﻮﻳﻠﺔ ﻋﻠﻰ ﺭﺍﺳﻲ ﻭﺑﺪﺓ ﻳﻘﺮﺃ ﺟﺎﻥ ﻓﺠﺄﺓ ﻳﺼﺮﺥ ﻭﻳﻜﻮﻝ ﺣﻴﻴﻴﻴﻴﻲ
ﻣﺎﻣﺎ ﻭﺧﺎﻟﺘﻲ ﻛﻤﺰﻥ ﻣﻦ ﻣﻜﺎﻧﻬﻦ ﻣﻦ ﺍﻟﻔﺰﺓ ﻫﻬﻬﻬﻪ
ﺍﻟﺴﻴﺪ .. ﺍﺣﺠﻲ ﺍﻧﺖ ﻣﻨﻮ ﻭﺷﻨﻮ ﺍﺳﻤﻚ ﺍﻗﺴﻤﺖ ﻋﻠﻴﻚ ﻻﺯﻡ ﺗﺤﺠﻲ .
.... ﺍﻧﻲ ﺭﻭﺣﻲ ﻃﻜﺖ ﻭﺟﺎﻥ ﺍﺫﻛﺮ ﺍﺳﻢ ﻋﺎﺩﻝ ﺍﻣﺎﻡ ﺑﻔﻠﻢ ﺭﺳﺎﻟﺔ ﺍﻟﻰ ﺍﻟﻮﺍﻟﻲ ﻗﺒﻞ ﻳﻮﻣﻴﻦ ﺟﻨﺖ ﺍﺗﻔﺮﺝ ﻋﻠﻴﺔ
.. ﺟﺎﻭﺑﺘﺔ ﺍﺳﻤﻲ ﺣﺮﻓﻮﺵ ﻫﻬﻬﻬﻪ ﺍﻟﺴﻴﺪ ﺑﻘﺔ ﺻﺎﻓﻦ
ﻭﻣﺎﻣﺎ ﻭﺧﺎﻟﺘﻲ ﺷﻮﻳﺔ ﻭﻳﻨﺠﻠﻄﻦ
ﺍﻟﺴﻴﺪ .. ﻟﻴﺶ ﺩﺧﻠﺖ ﺑﺠﺴﺪﻫﺎ ﺷﺘﺮﻳﺪ ﻣﻨﻬﺎ
ﺍﻳﻠﻮﻝ ... ﺿﺠﺖ ﻣﻦ ﻋﺎﻟﻤﻨﺔ ﻭﻛﻠﺖ ﺍﺟﻲ ﺳﻴﺎﺣﺔ ﺍﻟﻌﺎﻟﻤﻜﻢ ﻫﻢ ﺷﻮﻳﺔ ﺍﺗﻮﻧﺲ ﻭﺍﻏﻴﺮ ﺟﻮﻭ
ﺍﻟﺴﻴﺪ .. ﺟﺎﻱ ﺗﺤﺸﺶ ﻳﺎﻣﻠﻌﻮﻥ
ﺍﻛﻮ ﻋﺒﺎﻳﺔ ﺑﺼﻔﺔ ﻛﺎﻝ ﺍﻟﺨﺎﻟﺘﻲ ﻏﻄﻴﻬﺎ ﺑﻴﻬﺎ
ﺍﺟﺖ ﺑﺎﻟﻜﻮﺓ ﻏﻄﺘﻨﻲ
ﺣﺴﻴﺖ ﺍﻳﺪﺓ ﻣﻦ ﺟﻮﺓ ﺍﻟﻌﺒﺎﻳﺔ ﻣﺸﺖ ﻉ ﻛﺘﻔﻲ ﻭﺭﺍﺩ ﻳﻨﺰﻟﻬﺎ ﺍﻟﺼﺪﺭﻱ ﻟﺰﻣﺘﺔ ﻭﻏﺮﺳﺖ ﺍﻇﺎﻓﺮﻱ ﺑﻴﺪﺓ ﺣﺴﻴﺖ ﺍﻟﻠﺤﻢ ﺍﺟﺔ ﺑﺎﻇﻔﺮﻱ ﺷﻤﺮﺕ ﺍﻟﻌﺒﺎﻳﺔ ﻭﻛﻤﺖ
ﻟﻚ ﻳﺎﻧﺎﻗﺺ ﻳﺎﺩﺟﺎﻝ ﻳﺎ ﻋﺪﻳﻢ ﺍﻟﺸﺮﺭﺭﺭﺭﺭﺭﻑ
ﺍﻟﻴﻮﻡ ﺃﺷﺮﺏ ﻣﻦ ﺩﻣﻚ ﻳﺎ ﻋﺎﺭ
ﻛﻮﻟﻬﺎ ﺍﺟﺖ ﺗﺘﻔﺮﺝ ﻣﻦ ﺳﻤﻌﻮﺍ ﺻﻮﺗﻲ
ﺃﻳﻠﻮﻝ .. ﺍﻟﻌﻮﺩﺓ ﺑﻌﺪﻫﺎ ﺑﺼﻔﺔ ﻟﺰﻣﺘﻬﺎ ﻭﺑﻜﻞ ﻗﻮﺗﻲ ﺿﺮﺑﺘﺔ ﻋﻠﻰ ﻇﻬﺮﺓ ﻭﻫﻮ ﻳﺼﻴﺢ ﻫﺎﻱ ﺍﻟﺒﻨﻴﺔ ﻣﺨﺒﻠﺔ ﻃﻠﻌﻮﻫﺎ ﺑﺮﺭﺭﺭﺭﺭﺭﺭﺓ
ﻭﺟﺎﻥ ﺍﺿﺮﺑﺔ ﻣﺮﺓ ﺛﺎﻧﻴﺔ ﺑﺎﻟﻌﻮﺩﺓ ﻋﻠﻰ ﺭﺍﺳﺔ ﺷﻮﻳﻪ ﻭﻳﻔﻘﺪ ﺍﻟﺬﺍﻛﺮﺓ ﻣﻦ ﻗﻮﺓ ﺍﻟﻀﺮﺑﺔ
ﻣﺎﻣﺎ ﻭﺧﺎﻟﺘﻲ ﺳﺤﻠﻮﻧﻲ ﺳﺤﻞ ﺣﺘﻰ ﻳﻄﻠﻌﻮﻧﻲ ﺷﻔﺖ ﺍﻟﺰﻟﻢ ﻭﺍﻛﻔﻴﻦ ﻳﺘﻔﺮﺟﻮﻥ ﺟﺎﻥ ﺍﻋﻴﻂ ﺑﻴﻬﻢ
ﻭﻟﻜﻢ ﺍﻧﺘﻮﺍ ﻫﻢ ﺗﻨﺤﺴﺒﻮﻥ ﻋﻠﻰ ﺍﻟﺰﻟﻢ ﺟﺎﻳﺒﻴﻦ ﻧﺴﻮﺍﻧﻜﻢ ﻳﻢ ﻫﺬﺍ ﺍﻟﻌﺎﺭ ﻛﺮﺕ ﻋﻴﻨﻜﻢ
ﺧﺎﻟﺘﻲ ﻛﺎﻣﺖ ﺗﻠﻄﻢ ﺑﺲ ﺗﺮﻳﺪﻧﻲ ﺍﻃﻠﻊ ﻭﺑﺎﻟﻜﻮﺓ ﺳﺤﺒﻮﻧﻲ ﻭﻃﻠﻌﺖ
ﺍﻣﺸﻲ ﺑﺎﻟﺸﺎﺭﻉ ﻭﺍﻧﻲ ﺍﻓﻮﺭ
ﻭﻣﺎﻣﺎ ﻭﺧﺎﻟﺘﻲ ﻳﺪﺭﺩﻣﻮﻥ ﻋﻠﻴﻪ
ﻣﻨﻰ .. ﻣﻴﺎﺳﺔ ﻧﺼﻴﺤﺔ ﻫﺎﻱ ﻻﺗﻔﻜﺮﻳﻦ ﺗﺰﻭﺟﻴﻬﺎ ﻭﻟﺞ ﺧﻼﻝ ﻳﻮﻣﻴﻦ ﻳﻤﻜﻦ ﺗﻤﻮﺕ ﺯﻭﺟﻬﺎ ﻭﻟﺞ ﻋﻴﻨﻲ ﺑﻨﺘﺞ ﻣﺴﺘﺮﺟﻠﺔ ﺿﺮﺑﺖ ﺭﺟﺎﻝ ﺑﻜﺪ ﺍﺑﻮﻫﺎ
ﺭﺟﻌﻨﺎ ﻟﻠﺒﻴﺖ ﺑﺎﺑﺎ ﺟﺎﻥ ﻣﻮﺟﻮﺩ
ﻣﺎﻣﺎ ﻭﺧﺎﻟﺘﻲ ﺣﺠﻮﺍ ﺍﻟﺒﺎﺑﺎ ﻋﻠﻰ ﺗﺼﺮﻓﻲ ﻫﺬﺍ
ﺑﺎﺑﺎ .. ﻟﻴﺶ ﻫﻴﺠﻲ ﺳﻮﻳﺘﻲ
.. ﺟﻨﺖ ﻣﺴﺘﺤﻴﺔ ﻣﻦ ﺑﺎﺑﺎ ﺑﺲ ﻛﺘﻠﺔ ﻳﺴﺘﺎﻫﻞ ﻫﺬﺍ ﻭﺍﺣﺪ ﻧﺎﻗﺺ
ﺑﺎﺑﺎ ... ﻛﺎﻡ ﻣﻦ ﻣﻜﺎﻧﺔ ﻭﺍﺟﺔ ﻋﻠﻴﻪ ﻭﺑﺎﺱ ﺭﺍﺳﻲ ﻋﺎﺷﺖ ﺍﻳﺪﺝ ﻫﺎﻱ ﺑﻨﺘﻲ ﺍﻳﻠﻮﻝ ﺍﻟﻲ ﺍﻋﺮﻓﻬﺎ
ﺷﻔﺖ ﺍﻟﻔﺨﺮ ﺑﻌﻴﻮﻥ ﺑﺎﺑﺎ
ﻣﺎﻣﺎ .. ﻫﻴﺜﻢ ﻫﺎﻱ ﻣﻦ ﻛﻞ ﻋﻘﻠﻚ ﺑﺪﺍﻝ ﻣﺘﺤﺠﻲ ﻋﻠﻴﻬﺎ ﺟﺎﻱ ﺗﺸﺠﻌﻬﺎ
ﺑﺎﺑﺎ ... ﻟﻮﻣﺎ ﺟﺎﻧﺖ ﺍﻳﻠﻮﻝ ﺿﺎﺭﺑﺘﺔ ﺟﺎﻥ ﻫﺴﻪ ﺍﻧﻲ ﺭﺣﺖ ﻛﺴﺮﺗﺔ ﻭﺑﻌﺪ ﺍﺣﺬﺭﺝ ﺗﺄﺧﺬﻳﻦ ﺍﻳﻠﻮﻝ ﺍﻭ ﺍﻱ ﻭﺣﺪﺓ ﻣﻦ ﺍﻟﺒﻨﺎﺕ ﺍﻟﻬﻴﺠﻲ ﺃﻣﺎﻛﻦ ...
ﺻﺤﻴﺖ ﻣﻦ ﺷﺮﻭﺩﻱ ﻭﺭﺣﺖ ﻟﻔﺮﺍﺷﻲ ﺗﻤﺪﺩﺕ ﺍﺷﻜﺪ ﺣﺎﻭﻟﺖ ﺍﻧﺎﻡ ﻣﻜﺪﺭﺕ
ﺻﺎﺭ ﺍﻟﺼﺒﺢ ﻭﺍﻧﻲ ﺑﻌﺪﻧﻲ ﻛﺎﻋﺪﺓ
ﺳﻤﻌﺖ ﺻﻮﺕ ﻃﻜﻄﺔ ﺑﺮﺓ ﺍﻟﻐﺮﻓﺔ ﻫﺎﻱ ﺍﻛﻴﺪ ﻣﺎﻣﺎ ﻛﻌﺪﺕ
ﻛﻤﺖ ﻣﻦ ﻓﺮﺍﺷﻲ ﺑﻜﺴﻞ ﻭﺧﻤﻮﻝ ﻭﺗﻮﺟﻬﺖ ﻟﻠﻤﻄﺒﺦ
.. ﺻﺒﺎﺡ ﺍﻟﺨﻴﺮ ﻣﺎﻣﺎ
ﻧﺪﺍﺭﺕ ﻋﻠﻴﺔ ﺷﻔﺖ ﻋﻴﻮﻧﻬﺎ ﺣﻤﺮﺓ ﻭﻣﻨﻔﻮﺧﺔ ﺍﻟﻈﺎﻫﺮ ﻫﻲ ﻫﻢ ﻣﻨﺎﻣﺖ ﻭﺑﻘﺖ ﻃﻮﻝ ﺍﻟﻠﻴﻞ ﺗﺒﺠﻲ
ﻣﺎﻣﺎ .. ﺻﺒﺎﺡ ﺍﻟﻨﻮﺭ ﺣﺒﻴﺒﺘﻲ
ﻫﺎﻱ ﺍﻟﻤﺮﺓ ﻣﻮ ﻣﺜﻞ ﻛﻞ ﻳﻮﻡ ﻻ ﺍﻧﻲ ﺍﻟﻲ ﻧﻔﺲ ﺍﺷﺎﻗﻴﻬﺎ ﻭﺍﺿﻮﺟﻬﺎ ﻭﻻ ﻫﻲ ﻋﺪﻫﺎ ﻣﺰﺍﺝ ﺗﺴﺌﻠﻨﻲ ﺷﻌﺠﺐ ﻛﺎﻋﺪﺓ ﻣﻦ ﻭﻛﺖ
ﺩﺭﺕ ﻭﺟﻬﻲ ﻭﻣﺸﻴﺖ ﺍﻟﺤﺪ ﺑﺎﺏ ﺍﻟﻤﻄﺒﺦ ﻭﺑﺪﻭﻥ ﻣﺎ ﺍﺩﻳﺮ ﺭﺍﺳﻲ ﻋﻠﻴﻬﺎ ﻛﺘﻠﻬﺎ
... ﻣﺎﻣﺎ ﺑﻠﻐﻲ ﺑﺎﺑﺎ ﺍﻧﻲ ﻣﻮﺍﻓﻘﺔ ﺍﺯﻭﺝ ﺇﻳﺎﺱ ﺳﻤﻌﺖ ﺷﻬﻜﺘﻬﺎ ﻋﻔﺘﻬﺎ ﻭﺭﺟﻌﺖ ﻟﻔﺮﺍﺷﻲ ﻭﻏﻄﻴﺖ ﺭﺃﺳﻲ
ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺤﺖ ﻋﺮﻓﺘﻬﺎ ﻫﺎﻱ ﻣﺎﻣﺎ ﺍﺟﺖ ﻛﻌﺪﺕ ﻳﻤﻲ ﻋﻠﻰ ﺍﻟﺴﺮﻳﺮ ﻭﺭﻓﻌﺖ ﺍﻟﺒﻄﺎﻧﻴﺔ ﻣﻦ ﺭﺍﺳﻲ
ﺳﺤﺒﺘﻨﻲ ﻣﻦ ﺍﻳﺪﻱ ﻭﻛﻌﺪﺗﻨﻲ ﻭﻫﻲ ﻏﺎﺻﺔ ﺑﺎﻟﺒﺠﻲ
ﻣﺎﻣﺎ ... ﺑﺼﻮﺕ ﻣﺨﻨﻮﻙ ﻟﺒﺶ ﻫﻴﺠﻲ ﺗﺴﻮﻭﻥ ﺑﻴﻪ ﻭﺍﻟﻠﻪ ﻣﺎﺩﺍﻡ ﺍﻧﻲ ﻣﻮﺟﻮﺩﺓ ﻣﺤﺪ ﻳﻜﺪﺭ ﻳﺠﺒﺮﻛﻢ ﻋﻠﻰ ﺷﻲ
ﺍﻳﻠﻮﻝ .. ﻻ ﻣﺎﻣﺎ ﺗﻌﺮﻓﻴﻦ ﺑﻴﻪ ﻣﺤﺪ ﻳﻜﺪﺭ ﻳﺠﺒﺮﻧﻲ ﺍﻧﻲ ﻭﺍﻓﻘﺖ ﺑﺄﺭﺩﺗﻲ
... ﺣﻀﻨﺘﻲ ﻗﻮﻭﻱ ﻭﺻﺎﺭﺕ ﺗﺸﻬﻚ ﻭﺗﺒﺠﻲ ﻣﺘﺤﻤﻠﺖ ﻏﺼﺐ ﻋﻨﻲ ﺩﻣﻮﻋﻲ ﻧﺰﻟﺖ
... ﺑﻌﺪﺕ ﺭﺍﺳﻲ ﻣﻦ ﺣﻀﻨﻬﺎ ﻭﻣﺴﺤﺖ ﺩﻣﻮﻋﻲ
ﻣﺎﻣﺎ . ﻛﻮﻭﻥ ﻣﻴﺘﺔ ﻭﻻ ﺍﺷﻮﻑ ﺩﻣﻮﻋﺞ ﺗﻨﺰﻝ ﻃﻮﻝ ﻋﻤﺮﺝ ﻗﻮﻭﻳﺔ ﻭﺩﻣﻮﻋﺞ ﻏﺎﻟﻴﺔ
ﺍﻳﻠﻮﻝ ... ﺃﺳﻢ ﺍﻟﻠﻪ ﻋﻠﻴﺞ ﻳﺎﺭﻭﺣﻲ ﻟﺰﻣﺖ ﺍﻳﺪﻫﺎ ﻭﺑﺴﺘﻬﺎ ﻛﺘﻠﻬﺎ ﺑﺲ ﺑﺤﻀﻨﺞ ﺍﺭﺟﻊ ﻃﻔﻠﺔ ﺿﻌﻴﻔﺔ ﺗﺴﺘﻤﺪ ﻗﻮﺗﻬﺎ ﻣﻨﺞ
ﺑﺎﻥ ﺳﻤﻌﺖ ﺻﻮﺗﻨﺎ ﻛﻌﺪﺕ ﻣﻦ ﺍﻟﻨﻮﻡ
ﺑﺎﻥ ﺑﺨﻮﻑ ﺷﺒﻴﻜﻢ ﻟﻴﺶ ﺗﺒﺠﻮﻥ
ﻣﺎﻣﺎ . ﺍﺑﻠﻮﻝ ﻭﺍﻓﻘﺖ ﺗﺰﻭﺝ ﺇﻳﺎﺱ
ﺑﺎﻥ ﺍﺟﺖ ﺣﻀﻨﺘﻨﻲ ﻓﺪﻭﺓ ﺍﻟﻌﻤﺮﺝ ﻟﻮﻟﺔ ﻻﺗﺒﺠﻴﻦ ﺑﺎﺑﺎ ﻳﻜﻮﻝ ﺇﻳﺎﺱ ﺣﺒﺎﺏ ﻭﺍﻥ ﺷﺎﺀ ﺍﻟﻠﻪ ﻳﺮﺟﻊ ﻳﻔﺘﺢ ﻭﺗﺼﻴﺮﻳﻦ ﺗﺤﺒﻲ ...
ﻣﺎﺭﻱ ﺭﻓﻌﺖ ﺭﺍﺳﻬﺎ ﻣﻦ ﺍﻟﻤﺨﺪﺓ ﺣﺠﺖ ﻭﻫﻲ ﺑﺎﻟﻜﻮﺓ ﻓﺎﺗﺤﺔ ﻋﻴﻨﻬﺎ ﻣﻨﻮ ﺭﺍﺡ ﻳﺰﻭﺝ
ﺑﺎﻥ .. ﺍﻳﻠﻮﻝ ﺭﺍﺡ ﺗﺘﺰﻭﺝ ﺇﻳﺎﺱ
ﺿﺮﺑﺖ ﺑﺎﻥ ﻋﻠﻰ ﻛﺘﻔﻬﺎ ﻭﻟﺞ ﻟﻴﺶ ﺣﺠﻴﺘﻲ ﻫﺴﻪ ﻣﺘﺒﻘﻲ ﺍﺣﺪ ﻣﺘﻜﻮﻟﺔ
ﻣﺎﻣﺎ ... ﺑﺎﻭﻋﺖ ﻋﻠﻴﻪ ﻭﺟﺮﺕ ﺣﺴﺮﺓ ﻫﺬﺍ ﻗﺮﺍﺭﺝ ﺍﻟﻨﻬﺎﺋﻲ ﺣﺘﻰ ﺍﺑﻠﻐﺔ ﺍﻷﺑﻮﺝ
ﺍﻳﻠﻮﻝ .. ﺟﺮﻳﺖ ﻧﻔﺲ ﻋﻤﻴﻖ ﺍﻱ ﻣﺎﻣﺎ ﺑﺲ ﺑﺪﺍﺧﻠﻲ ﺍﺻﺮﺥ ﻭﺍﻛﻮﻝ ﻣﺎ ﺃﺭﻳﺪﺓ ﺍﻟﺨﺎﻃﺮ ﺑﺎﺑﺎ ﻭﺑﺎﻥ ﻭﺍﻓﻘﺖ ﻭﺑﻴﺪﻱ ﻭﻗﻌﺖ ﻋﻠﻰ ﺗﻌﺎﺳﺘﻲ ...........

[فيتامين سي]

ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ -
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻟﺜﺎﻣﻦ -


ﺃﻳﻠﻮﻝ .. ﺑﻌﺪ ﻣﻨﻄﻴﺖ ﻣﻮﺍﻓﻘﺘﻲ ﺍﻟﻤﺎﻣﺎ ﺣﺘﻰ ﺗﺒﻠﻎ ﺑﺎﺑﺎ ﺭﺟﻌﺖ ﻧﻤﺖ ﻻﻥ ﺟﻨﺖ ﻃﻮﻝ ﺍﻟﻠﻴﻞ ﺳﻬﺮﺍﻧﺔ ﻣﻜﻌﺪﺕ ﻏﻴﺮ ﺳﺎﻋﺔ 3 ﺍﻟﻈﻬﺮ ﺑﺎﻭﻋﺖ ﺑﺎﻟﻐﺮﻓﺔ ﺍﻟﺒﻨﺎﺕ ﻣﻤﻮﺟﻮﺩﺍﺕ ﻛﻤﺖ ﻣﻦ ﻓﺮﺍﺷﻲ ﺭﺣﺖ ﻏﺴﻠﺖ
ﺩﺧﻠﺖ ﻟﻠﻬﻮﻝ ﺷﻔﺖ ﻣﺎﻣﺎ ﻭﺍﻟﺒﻨﺎﺕ ﻛﺎﻋﺪﺍﺕ ﺑﺲ ﺑﺎﺑﺎ ﻣﻤﻮﺟﻮﺩ ﺭﺣﺖ ﻳﻢ ﻣﺎﻣﺎ ﺧﻠﻴﺖ ﺭﺍﺳﻲ ﻋﻠﻰ ﺭﺟﻠﻬﺎ ﻭﻫﻲ ﻇﻠﺖ ﺗﻠﻌﺐ ﺑﺸﻌﺮﻱ
ﺃﻳﻠﻮﻝ ... ﻟﻌﺪ ﺑﺎﺑﺎ ﻭﻳﻨﻪ ؟
ﻣﺎﻣﺎ ﺑﺘﺮﺩﺩ ﻫﺎﺍﺍ ﺍﺑﻮﺝ ﻳﻢ ﺇﻳﺎﺱ
.. ﻣﻦ ﻛﺎﻟﺖ ﺍﺳﻤﺔ ﻣﺎ ﺍﻋﺮﻑ ﻟﻴﺶ ﺑﻄﻨﻲ ﻣﻐﺼﺘﻨﻲ
ﻣﺎﻣﺎ .. ﺑﺎﻥ ﻛﻮﻣﻲ ﺻﺒﻲ ﺍﻛﻞ ﺍﻷﺧﺘﺞ
ﺃﻳﻠﻮﻝ .. ﻻ ﻣﺎ ﺃﺭﻳﺪ ﻣﻮ ﺟﻮﻋﺎﻧﺔ
... ﺗﺮﺓ ﻣﻴﺼﻴﺮ ﺗﺒﻘﻴﻦ ﺑﺪﻭﻥ ﺍﻛﻞ ﺟﺮﺕ ﺣﺴﺮﺓ ﻭﻛﺎﻟﺖ ﺑﻨﺘﻲ ﺍﻧﺘﻲ ﺑﻌﺪﺝ ﺑﺎﻟﺒﺪﺍﻳﺔ ﻭﻫﺬﺍ ﺣﺎﻟﺞ ﻟﻌﺪ ﻣﻦ ﺗﺰﻭﺟﻴﻦ ﺷﻠﻮﻥ
ﺃﻳﻠﻮﻝ .. ﺷﻔﺖ ﻣﺎﻣﺎ ﻣﻘﻬﻮﺭﺓ ﺧﻔﺖ ﻋﻠﻰ ﺻﺤﺘﻬﺎ
... ﻳﻼ ﺑﻨﻮﻧﺔ ﻛﻮﻣﻲ ﺻﺒﻴﻠﻲ ﺑﻌﺪ ﺭﺍﺡ ﺍﺩﻟﻞ ﻋﻠﻴﻜﻢ ﻷﺯﻡ ﺷﻄﻠﺐ ﺗﺴﻮﻭ ﺍﻟﻲ
ﺑﺎﻥ .. ﻣﻮﺗﺪﻟﻠﻴﻦ ﻗﺎﺑﻞ ﻛﻢ ﻟﻮﻟﺔ ﻋﺪﻧﺎ
... ﺃﻳﺒﺎﺍﺍﺍﺍﺍﻩ ﻣﻌﺮﻓﺘﺞ ﻗﺒﻞ ﺍﺫﺍ ﺍﻃﻠﺐ ﻛﻼﺹ ﻣﻲ ﻭﺭﺍ ﺳﺎﻋﺔ ﻳﻼ ﺗﺠﻴﺒﻲ
ﺑﺎﻥ .. ﺍﻭﻭﻭﻱ ﺍﻧﻲ ﺷﺴﻮﻱ ﻣﻴﻌﺠﺒﺞ ﻭﺍﻟﻠﻪ ﺣﺮﺕ ﻭﻳﺎﺝ
ﻣﺎﻣﺎ .. ﺑﺎﻥ ﺑﺪﻭﻥ ﻟﻐﻮﺓ ﺯﺍﻳﺪﺓ ﺭﻭﺣﻲ ﺻﺒﻴﻠﻬﺎ
ﺑﻌﺪ ﺭﺑﻊ ﺳﺎﻋﺔ ﺍﺟﺘﻨﺎ ﻭﺩ ﺍﻭﻝ ﻣﺸﺎﻓﺘﻨﻲ ﻭﻟﺞ ﺍﻳﻠﻮﻝ ﻫﺎﻱ ﺻﺪﻭﻙ ﺭﺍﺡ ﺗﺘﺰﻭﺟﻴﻦ ﺇﻳﺎﺱ
... ﻏﻤﻀﺖ ﻋﻴﻨﻲ ﺑﻘﻬﺮ ﻭﺣﺠﻴﺖ ﻭﻳﺎ ﻣﺎﻣﺎ ﻫﺎﻱ ﺷﺒﺴﺮﻋﺔ ﺭﺣﺘﻲ ﻛﺘﻴﻠﻬﺎ ..
ﻣﺎﻣﺎ .. ﻭﻟﺞ ﺷﻨﻮ ﺍﻣﺞ ﻓﺘﺎﻧﺔ ﻭﺗﺮﻭﺡ ﺗﻜﻮﻟﻠﻬﺎ ﺍﻧﻲ ﻻ ﻛﺎﻳﻠﺔ ﻭﻻ ﺣﺎﺟﻴﺔ
ﺑﺎﻭﻋﺖ ﺍﻟﻤﺎﺭﻱ ﺷﻔﺘﻬﺎ ﺩﺗﺴﻮﻱ ﺭﻭﺣﻬﺎ ﻣﺸﻐﻮﻟﺔ ﺑﺎﻷﻳﺒﺎﺩ ﻭﺍﻟﻤﻮﺿﻮﻉ ﻣﻮ ﻳﻤﻬﺎ
ﻭﺩ .. ﻫﺴﻪ ﺗﺤﺠﻮﻥ ﻟﻮ ﺍﺭﺟﻊ ﺍﻟﺒﻴﺘﻲ
ﺃﻳﻠﻮﻝ .. ﺍﻱ ﺭﺍﺡ ﺍﺯﻭﺝ ﻫﺴﻪ ﺍﺭﺗﺎﺣﻴﺘﻲ
ﻭﺩ .. ﺍﻟﻒ ﻣﺒﺮﻭﻙ ﺣﺒﻴﺒﺘﻲ ﻭﺍﻟﻠﻪ ﻓﺮﺣﺘﻠﺞ ﺻﺪﻭﻙ ﺍﻧﺘﻲ ﻭﺇﻳﺎﺱ ﻻﻳﻜﻴﻦ ﺍﻟﺒﻌﺾ
ﺃﻳﻠﻮﻝ ... ﺍﺷﻮ ﻫﺎﻱ ﺍﺟﺘﻨﻲ ﺑﺴﺮﻋﺔ ﺍﺣﻀﺎﻥ ﻭﺑﻮﺱ ﻭﻓﺮﺣﺎﻧﺔ ﻫﺎﻱ ﻋﻮﺩ ﻛﻞ ﻋﻘﻠﻬﺎ
.. ﺟﺎﻭﺑﺘﻬﺎ ﺑﻨﺒﺮﺓ ﺍﺳﺘﻬﺰﺍﺀ ﻫﻪ ﺍﻟﻠﻪ ﻳﺒﺎﺭﻛﻠﺞ ﻳﻮﻡ ﺍﻟﺮﺍﻣﺎ
ﻭﺩ ... ﺷﺒﻴﺞ ﻟﻮﻟﺔ ﻟﻴﺶ ﺿﺎﻳﺠﺔ ﺷﻨﻮ ﺍﻧﺘﻲ ﻣﺘﺮﺩﻳﻨﺔ ؟
ﺑﺎﻭﻋﺖ ﺍﻟﻤﺎﻣﺎ ﻭﺣﺠﺖ ﻋﺰﺍﺍﺍ ﺑﺲ ﻻ ﺍﻧﺘﻲ ﺟﺒﺮﺗﻴﻬﺎ
.. ﻣﺎﻣﺎ ﺑﻌﺼﺒﻴﺔ ﻳﺎﻃﻼﺑﺔ ﺍﻣﻜﻢ ﺍﻟﻴﺴﻤﻌﺞ ﻳﻜﻮﻝ ﺍﻧﻲ ﺃﻛﺮﻫﻜﻢ ﻭ ﻣﺎﻛﻮ ﺭﺣﻤﺔ ﺑﻘﻠﺒﻲ ﻋﻠﻴﻜﻢ
ﻋﺎﻓﺘﻨﺎ ﻭﺩﺧﻠﺖ ﺍﻟﻐﺮﻓﺘﻬﺎ ..
ﺍﻳﻠﻮﻝ .. ﻫﺎﻱ ﻟﻴﺶ ﻫﻴﺠﻲ ﺣﺠﻴﺘﻲ ﺗﺮﺓ ﻣﺎﻣﺎ ﻣﻤﻮﺍﻓﻘﺔ ﻭﻣﻘﻬﻮﺭﺓ ﺧﻄﻴﺔ
ﻭﺩ .. ﻟﻌﺪ ﺍﺣﺠﻴﻠﻲ ﺷﻨﻮ ﺻﺎﻳﺮ ﺍﺣﺲ ﺍﻟﻮﺿﻊ ﺍﺑﺪ ﻣﻮ ﻃﺒﻴﻌﻲ
ﺍﻳﻠﻮﻝ .. ﺍﺭﻳﺪ ﺍﺣﺠﻲ ﺍﻟﻮﺩ ﻭﺟﺎﻥ ﻳﻨﺪﻙ ﺍﻟﺒﺎﺏ ﺭﺍﺣﺖ ﻣﺎﺭﻱ ﻓﺘﺤﺘﺔ ﻭﺟﺎﻥ ﺗﺪﺧﻞ ﻋﻠﻴﻨﺎ ﻗﺪﺭ ﻣﺜﻞ ﺍﻟﻌﺎﺻﻔﺔ ﻣﻔﻮﻭﻭﻟﺔ ﻣﻦ ﺍﻟﻌﺼﺒﻴﺔ
ﺣﺘﻰ ﺳﻼﻡ ﻣﺴﻠﻤﺖ ﺻﺎﺣﺖ ﻭﻟﺞ ﺃﻳﻠﻮﻝ ﻫﺎﻱ ﺻﺪﻭﻙ ﺭﺍﺡ ﺗﺘﺰﻭﺟﻴﻦ
؟
ﻫﺎﻱ ﺗﺎﻟﻴﺘﺞ ﺗﺄﺧﺬﻳﻦ ﻭﺍﺣﺪ ﺍﻋﻤﻰ ﺍﺭﻳﺪ ﺍﻋﺮﻑ ﺍﻫﻠﻲ ﺷﺒﻴﻬﻢ ﺑﺲ ﻳﺮﻳﺪﻭﻥ ﻳﺰﻭﺟﻮﺝ
ﻫﺎﻱ ﺍﻛﻴﺪ ﺳﻮﺍﻟﻒ ﻣﺎﻣﺎ ﺟﺒﺮﺗﺞ
ﻣﻦ ﻫﺎﻱ ﺍﻟﻠﺤﻈﺔ ﻟﻤﻲ ﻣﻼﺑﺲ ﻭﺗﻌﺎﻟﻲ ﻭﻳﺎﻱ ﻣﺘﺒﻘﻴﻦ ﺍﻫﻨﺎ ﺍﺫﺍ ﺍﻟﻬﺪﺭﺟﺔ ﺻﺮﺗﻲ ﺛﻘﻴﻠﺔ ﻋﻠﻴﻬﻢ ﺗﻌﺎﻟﻲ ﻳﻤﻲ ﺍﻧﻲ ﻭﺳﻴﻒ ﻧﺨﻠﻴﺞ ﻋﻠﻰ ﺭﺍﺳﻨﺎ
ﺍﻳﻠﻮﻝ .. ﺍﺷﻜﺪ ﻓﺮﺣﺖ ﺑﻜﻼﻡ ﻗﺪﺭ ﻓﺪﻭﺓ ﺍﻟﻌﻤﺮﻫﺎ
. ﻋﺎﺩ ﺍﻧﻲ ﻭﺍﻟﺒﻨﺎﺕ ﺑﺎﻟﻜﻮﺓ ﻛﺪﺭﻧﺎ ﻧﺴﻜﺘﻬﺎ
ﺍﻳﻠﻮﻝ . ﻭﻟﺞ ﺧﻄﻴﺔ ﻭﺍﻟﻠﻪ ﻣﺎﻣﺎ ﻣﻌﻠﻴﻬﺎ ﻣﻤﻮﺍﻓﻘﺔ ﻭﻣﻦ ﺍﻟﺒﺎﺭﺣﺔ ﺑﺲ ﺗﺒﺠﻲ
ﻗﺪﺭ .. ﻣﻦ ﺳﻤﻌﺖ ﻛﻼﻣﻲ ﻫﺪﺃﺕ
... ﺍﻧﻲ ﺑﻘﺖ ﻋﻴﻨﻲ ﺍﺩﻭﺭ ﻋﻠﻰ ﻣﺎﺭﻱ ﺍﺭﻳﺪ ﺍﻛﻄﻌﻬﺎ ﺑﺄﺳﻨﺎﻧﻲ ﻭﻫﻲ ﻋﺒﺎﻟﻚ ﻓﺺ ﻣﻠﺢ ﻭﺫﺍﺏ
.. ﻛﻠﺖ ﺍﻟﻮﺩ ﻭ ﻗﺪﺭ ﺗﻌﺎﻟﻮﺍ ﺍﺣﺠﻴﻠﻜﻢ ﺍﺣﺴﻦ ﻣﺎ ﻛﻞ ﺷﻮﻳﺔ ﻭﺣﺪﺓ ﺟﺎﻳﺔ ﻭﻣﺴﻮﻳﺘﻠﻬﺎ ﺣﻔﻠﺔ
ﻭﺑﺪﻳﺖ ﺍﺣﺠﻴﻠﻬﻢ ﻛﻮﻟﺸﻲ ..
ﻗﺪﺭ ﺭﺟﻌﺖ ﺗﻌﺼﺒﺖ ﻋﻠﻰ ﺑﺎﻥ
ﻗﺪﺭ . ﻟﺞ ﺑﺎﻥ ﺍﻧﺘﻲ ﻣﻨﻮ ﺻﺨﻢ ﻭﺟﻬﺞ ﻭﻃﻠﺐ ﻣﻨﺞ ﺍﺩﺧﻠﻴﻦ ﻧﻔﺴﺞ ﺑﺸﻲ ﻣﻴﺨﺼﺞ ﻋﻤﺮﺝ 17 ﺳﻨﺔ ﻭﺩﻭﺭﻳﻦ ﺯﻭﺍﺝ
ﺑﻬﺬﺍ ﺗﺼﺮﻓﺞ ﺍﻻﺭﻋﻦ ﺍﻳﻠﻮﻝ ﺍﻧﺠﺒﺮﺕ ﺗﺘﺰﻭﺝ ﺣﺘﻰ ﻻﺗﻀﺤﻴﻦ ﺑﻤﺴﺘﻘﺒﻠﺞ
ﺟﺎﻧﺖ ﺑﺎﻥ ﻣﺨﻠﻴﺔ ﺍﻳﺪﻫﺎ ﻋﻠﻰ ﻭﺟﻬﺔ ﻭﺻﻮﺕ ﺑﺠﻴﻬﺎ ﻭﺷﻬﻜﺎﺗﻬﺎ ﺗﻮﺻﻞ ﺍﻟﺴﺎﺑﻊ ﺟﺎﺭ
ﻗﺪﺭ ﺭﺍﺣﺖ ﺍﻟﻐﺮﻓﺘﺔ ﻣﺎﻣﺎ ﺣﺘﻰ ﺗﻌﺘﺬﺭ ﻣﻨﻬﺎ
ﺍﻻﺟﻮﺍﺀ ﻛﻮﻟﺶ ﻣﺘﻮﺗﺮﺓ ﺑﻘﻴﻨﺎ ﺳﺎﻛﺘﻴﻦ ﺑﺲ ﺻﻮﺕ ﺍﺩﻡ ﻭﺭﺍﻣﺎ ﻭﺭﻳﺎﻥ ﻳﻠﻌﺒﻮﻥ ...
ﻭﺩ .. ﻟﻮﻟﺔ ﺗﻌﺎﻟﻲ ﺍﺣﺠﻴﻠﺞ ﺍﻟﻴﻮﻡ ﺷﺼﺎﺭ ﺑﻴﺖ ﻋﻴﺎﻟﻲ
... ﺧﻴﺮ ﺷﺼﺎﺭ ؟
ﻭﺩ .. ﺍﻟﺒﺎﺭﺣﺔ ﺍﺳﺎﻣﺔ ﺃﺷﺘﺮﻯ ﺍﺭﺑﻊ ﺣﻤﺎﻣﺎﺕ ﻭﻟﺞ ﻳﺎﻋﻴﻨﻲ ﺷﻜﻠﻬﻢ ﻳﺠﻨﻦ ﻭﻏﺎﻟﻴﺎﺕ ﺳﻌﺮﻫﻢ ﺑﺎﻻﻭﺭﺍﻕ
ﺍﻳﻠﻮﻝ .... ﻳﺎﺍﺍ ﺻﻠﻮﺍﺕ ﺃﺳﺎﻣﺔ ﺻﺎﺭ ﻣﻄﻴﺮﺟﻲ ﻫﻲ ﺑﺲ ﻫﺎﻱ ﺟﺎﻧﺖ ﻧﺎﻗﺼﺘﺔ ﻫﻨﻴﺎﻝ ﻋﻴﺴﻰ ﻋﻠﻰ ﻫﻴﺠﻲ ﺃﺧﻮ
.. ﻻ ﻭﻟﺞ ﻫﻮ ﻻﻥ ﺷﻜﻠﻬﻢ ﺣﻠﻮ ﺍﺷﺘﺮﺍﻫﻢ
ﺍﻟﻤﻬﻢ ﺍﻟﻴﻮﻡ ﺍﻧﻲ ﺧﻠﺼﺖ ﺷﻐﻠﻲ ﻣﻦ ﻭﻛﺖ ﻭﺻﻌﺪﺕ ﺍﺭﺗﺎﺡ ﺑﻐﺮﻓﺘﻲ ﻭﻋﻤﺘﻲ ﺑﻘﺖ ﺗﺴﻮﻱ
ﺍﻟﻐﺪﺓ ﻭﻣﻬﺎ ﻛﺎﻟﻌﺎﺩﺓ ﻛﺎﻋﺪﺓ ﺑﻐﺮﻓﺘﻬﺎ ﻭﻗﺖ ﺍﻷﻛﻞ ﻭﺍﻟﻤﺸﺎﻛﻞ ﺗﻄﻠﻊ
ﺻﺎﺭ ﺍﻟﻈﻬﺮ ﻭﻧﺰﻟﺖ ﺣﺘﻰ ﻧﺘﻐﺪﺓ ﺍﻧﻲ ﻭﻣﻬﺎ ﻭﻋﻤﺘﻲ ﻭﺍﻛﻔﻴﻦ ﺑﺎﻟﻤﻄﺒﺦ ﺩﻧﺤﻈﺮ ﺍﻟﺴﻔﺮﺓ
ﺑﺲ ﺍﺷﻮ ﻋﻤﺘﻲ ﻣﻮ ﻋﻠﻰ ﺑﻌﻀﻬﺎ
ﻋﻤﺘﻲ ﺍﻭﻝ ﻣﺴﻤﻌﺖ ﺻﻮﺕ ﺳﻴﺎﺭﺓ ﺍﺳﺎﻣﺔ ﺑﺴﺮﻋﺔ ﻃﻠﻌﺖ ﺍﺳﺘﻘﺒﻠﺘﺔ ﻣﻦ ﺑﺎﺏ ﺍﻟﻤﻄﺒﺦ
ﺍﻡ ﻋﻴﺴﻰ ... ﻳﻤﺔ ﻫﻼ ﺗﻮﺓ ﻧﻮﺭ ﺍﻟﺒﻴﺖ ﺍﻟﻠﻪ ﻳﺴﺎﻋﺪﻙ ﻭﻟﻴﺪﻱ ﻓﺪﻭﺓ ﺍﻟﻄﻮﻟﻚ ﺍﻛﻴﺪ ﺗﻌﺒﺎﻥ ﺣﻀﺮﺗﻠﻚ ﺍﻟﺤﻤﺎﻡ ﻭﻣﻼﺑﺴﻚ ﻫﻢ ﺧﻠﻴﺘﻬﻢ ﺍﻟﻚ ﺑﺎﻟﺤﻤﺎﻡ ﻭﺑﺲ ﺗﻄﻠﻊ ﺗﻠﻜﻲ ﺍﻟﻐﺪﺓ ﺟﺎﻫﺰ ﺷﻠﻮﻥ ﻏﺪﺓ ﻣﺴﻮﻳﺘﻠﻚ
ﺧﻄﻴﺔ ﺍﺳﺎﻣﺔ ﻣﺼﺪﻭﻡ ﻣﻦ ﺗﺮﺣﻴﺐ ﺍﻣﻪ ﺃﺷﺮﻟﻨﺎ ﻛﺎﻝ ﺷﺒﻴﻬﺎ ؟ !!
ﻛﻠﻨﺎ ﻭﺍﻟﻠﻪ ﻋﻠﻤﻨﺎ ﻋﻠﻤﻚ ﻣﻨﺪﺭﻱ
ﺻﺒﻴﻨﺎ ﺍﻟﻐﺪﺓ ﻭﺍﺳﺎﻣﺔ ﺍﺟﺔ ﻛﻌﺪ ﺟﺎﻥ ﺗﺠﻲ ﻋﻤﺘﻲ ﺑﻴﺪﻫﺎ ﻣﺎﻋﻮﻥ ﻭﺗﻘﺪﻣﺔ ﺍﻷﺳﺎﻣﺔ ﻭﻣﻦ ﻧﺒﺎﻭﻉ ﻧﻠﻜﻲ ﺍﻷﺭﺑﻊ ﺣﻤﺎﻣﺎﺕ ﺷﺎﻭﻳﺘﻬﻢ ﺍﻟﻪ
ﻭﻟﺞ ﻟﻮ ﺗﺸﻮﻓﻴﻦ ﺍﺳﺎﻣﺔ ﻳﻤﻜﻦ ﺷﻮﻳﺔ ﺗﻀﺮﺑﺔ ﺟﻠﻄﺔ ﻓﺮﻓﺢ ﺑﻬﻞ ﻇﻬﺮﻳﺔ ﺑﺤﻴﺚ ﺍﻟﺤﻤﺎﻣﺎﺕ ﻭﻫﻨﺎ ﻣﺸﻮﻳﺎﺕ ﻃﺎﺭﻥ ﺑﺎﻟﻬﻮﻯ
ﺍﻳﻠﻮﻝ ..... ﻫﻬﻬﻬﻬﻬﻬﻬﻬﻬﻪ ﺣﻞ ﻳﺴﺘﺎﻫﻞ ﻭﺍﻟﻠﻪ ﻋﺎﺷﺖ ﺍﻳﺪﻫﺎ ﻋﻤﺘﺞ ﻣﺘﻨﻼﻡ ﺑﻲ
.. ﺗﺪﺭﻳﻦ ﺍﺫﺍ ﻳﺴﻤﻊ ﺑﻴﺞ ﺭﺍﺡ ﺗﺘﺰﻭﺟﻴﻦ ﻳﻤﻜﻦ ﻳﺘﺨﺒﻞ
ﺍﻳﻠﻮﻝ ... ﺍﻭﻭﻭﻱ ﻭﺷﺴﻮﻳﻠﺔ ﻣﻮ ﺍﻧﻲ ﻧﺎﻗﺼﺔ ﻫﻮ ﻫﺬﺍ ﺣﻈﻲ ﻳﺎﻫﻮ ﺍﻷﺿﻮﺝ ﻣﻨﺔ ﻭﻣﺎ ﺍﻃﻴﻘﺔ ﻣﺠﻠﺐ ﺑﻴﻪ
ﻭﺩ ... ﻭﻟﺞ ﻭﺍﻟﻠﻪ ﻳﺤﺒﺞ ﺻﺎﺭﻟﺔ ﺳﻨﻮﺍﺕ ﻳﻨﺘﻈﺮ ﻣﻮﺍﻓﻘﺘﺞ ﺍﺷﻜﺪ ﺗﻘﺪﻡ ﻋﻠﻴﺞ ﻭﺍﻧﺘﻲ ﺗﺮﻓﻀﻴﻦ ﻣﻦ ﺟﺎﻥ ﻳﺠﻮﺝ ﺧﻄﺎﺑﺔ ﻭﻳﺴﻤﻊ ﻳﺤﺮﻙ ﺍﻟﺒﻴﺖ ﻋﻠﻴﻨﺎ ﻭﻳﺮﺟﻊ ﻳﺪﺯ ﻋﻤﺘﻲ ﺗﺨﻄﺒﺞ ﻭﺍﻧﺘﻲ ﺍﻟﻠﻪ ﻳﺴﻠﻤﺞ ﻗﺎﻓﻠﺔ ..
ﺍﻳﻠﻮﻝ ... ﺧﻠﻲ ﻳﻄﻠﻌﻨﻲ ﻣﻦ ﺭﺍﺳﺔ ﻭﻳﻌﻴﺶ ﺣﻴﺎﺗﺔ ﻛﻠﺸﻲ ﻗﺴﻤﺔ ﻭﻧﺼﻴﺐ
ﻭﺩ ... ﻫﻬﻬﻬﻪ ﺣﺘﻰ ﻣﻬﺎ ﺍﺫﺍ ﻋﺮﻓﺖ ﺭﺍﺡ ﺗﺎﺧﺬﻳﻦ ﺇﻳﺎﺱ ﺗﻨﺠﻦ
ﺃﻳﻠﻮﻝ ... ﺑﺘﻌﺠﺐ ﻟﻴﺶ؟
ﻭﺩ ... ﻟﺞ ﻣﻦ ﺯﻣﺎﻥ ﻋﻴﻨﻬﺎ ﻋﻠﻴﻪ ﻣﻦ ﻗﺒﻞ ﻻﻳﺴﻮﻱ ﺍﻟﺤﺎﺩﺙ ﻭﻛﻢ ﻣﺮﺓ ﺭﺍﺣﺖ ﻟﻠﻤﻌﺮﺽ ﺑﺤﺠﺔ ﺗﺸﺘﺮﻱ ﻏﺮﺍﺽ ﻭﻋﻴﺴﻰ ﻛﻢ ﻣﺮﺓ ﺗﻌﺎﺭﻙ ﻭﻳﺎﻫﺎ ﻭﻣﻨﻌﻬﺎ ﺗﻮﺻﻞ ﻟﻠﻤﻌﺮﺽ
ﻭﺣﺘﻰ ﻣﻦ ﺳﻮﺍ ﺍﻟﺤﺎﺩﺙ ﻳﻮﻣﻴﺔ ﺗﻠﻤﺢ ﺍﻟﻌﻴﺴﻰ ﺑﺤﺠﺔ ﺧﻄﻴﺔ ﺇﻳﺎﺱ ﻣﻨﻮ ﺍﻟﻪ ﻭﺍﻷﺯﻡ ﺍﺣﺪ ﻳﻌﺘﻨﻲ ﺑﻲ ﻭﺍﻧﺖ ﺍﻟﻰ ﻣﺘﻰ ﺗﺒﻘﺔ ﻋﺎﻳﻒ ﺑﻨﺘﻚ ﻭﻣﺮﺗﻚ ﻭﺗﺒﺎﺕ ﻳﻤﻪ ﻷﺯﻡ ﺗﺠﻲ ﻭﺣﺪﺓ ﺗﺒﻘﺔ ﻟﻴﻞ ﻭﻧﻬﺎﺭ ﻳﻤﻪ
ﻟﺞ ﻋﻴﻨﻲ ﻭﻻ ﺷﻔﺖ ﻭﺣﺪﺓ ﺑﺼﻼﻓﺘﻬﺎ ﻭﻻ ﺗﺴﺘﺤﻲ ﻫﻴﺠﻲ ﺗﺤﺠﻲ ﻛﺪﺍﻡ ﺍﺧﻮﻫﺎ ﺍﺷﻜﺪ ﻳﺮﺯﻟﻬﺎ ﻋﻴﺴﻰ ﻭﻣﺎﻛﻮ ﻓﺎﻳﺪﺓ
ﺃﻳﻠﻮﻝ ... ﺍﻭﻭﻭﻭﻑ ﻳﺎﺭﻳﺖ ﺗﺎﺧﺬﺓ ﻭﺍﻟﻠﻪ ﺭﺍﺡ ﺍﻛﻮﻭﻥ ﻣﻤﻨﻮﻧﻪ ﻣﻨﻬﺎ ﻃﻮﻝ ﻋﻤﺮﻱ
ﻭﺩ .. ﺩﻧﺠﺒﻲ ﻭﺍﻟﻠﻪ ﺧﻮﺵ ﻗﺴﻤﺔ ﻭﺍﺫﺍ ﻣﺤﺒﻴﺘﻲ ﻭﻣﺘﻲ ﺑﻲ ﻓﻼ ﺍﺗﺴﻤﻰ ﻭﺩ
.. ﻫﻪ ﺑﺤﻠﻤﺞ ...
ﺍﺑﻮ ﻗﺪﺭ .. ﻛﺎﻋﺪ ﺑﻴﺖ ﺇﻳﺎﺱ ﺍﺑﺎﻭﻉ ﻋﻠﻴﺔ ﺧﻄﻴﺔ ﺣﺎﻟﺘﺔ ﻣﻦ ﺍﻟﺴﻴﺊ ﺍﻷﺳﻮﺍﺀ
ﻛﻤﻠﻨﺎ ﻏﺪﺓ ﻭﺟﻴﺖ ﻛﻌﺪﺕ ﺑﺼﻔﺔ
... ﺍﻛﻮﻝ ﺇﻳﺎﺱ ﺍﻟﻰ ﻣﺘﻰ ﺗﺒﻘﺔ ﻋﻠﻰ ﻫﺬﺍ ﻭﺿﻌﻚ ﻻﺗﻘﺒﻞ ﺗﺮﻭﺡ ﺗﺴﻮﻱ ﺍﻟﻌﻤﻠﻴﺔ ﻭﻻﺗﻘﺒﻞ ﺗﺠﻲ ﺗﻌﻴﺶ ﻳﻤﻲ ﺍﻧﺖ ﻋﻠﻰ ﺷﻨﻮ ﻧﺎﻭﻱ ﺑﺲ ﻓﻬﻤﻨﻲ ؟؟
ﺇﻳﺎﺱ .. ﻭﺍﻟﻴﺮﺣﻢ ﻭﺍﻟﺪﻳﻚ ﺍﺑﻮ ﻗﺪﺭ ﺳﺪ ﺍﻟﻤﻮﺿﻮﻉ ﻛﺘﻠﻚ ﺷﻮﻓﻠﻲ ﻭﺣﺪﺓ ﺗﺠﻲ ﺗﺴﺎﻋﺪﻧﻲ ﻻﻥ ﺍﺩﺭﻱ ﺑﻨﻔﺴﻲ ﺛﻘﻠﺖ ﻋﻠﻴﻚ ﻭ ﻋﻠﻰ ﻋﻴﺴﻰ
ﺍﺑﻮ ﻗﺪﺭ ... ﻫﺎﻱ ﺗﺎﻟﻴﻬﺎ ﺇﻳﺎﺱ ﻫﻴﺠﻲ ﺗﺤﺠﻲ ﻭﻳﺎﻱ ﻭﺑﻌﺪﻳﻦ ﻣﻨﻮ ﻛﺎﻟﻚ ﺍﻧﺖ ﻣﺜﻘﻞ ﻋﻠﻴﻨﺎ ﻟﻴﺶ ﺷﻨﻮ ﺷﺎﻳﻠﻴﻚ ﻋﻠﻰ ﺍﻛﺘﺎﻓﻨﺎ
ﺍﻧﻲ ﺣﺠﻴﺖ ﻫﻴﺞ ﻻﻥ ﺍﺭﻳﺪ ﻣﺼﻠﺤﺘﻚ ﻭﺭﺍﺣﺘﻚ
ﺇﻳﺎﺱ .. ﺑﺤﺴﺮﺓ ﺍﺩﺭﻱ ﻭﺍﻟﻠﻪ ﺑﺲ ﺍﺭﻳﺪﻙ ﺗﻌﺬﺭﻧﻲ ﺍﻧﻲ ﻫﺎﻱ ﺍﻷﻳﺎﻡ ﺻﺎﻳﺮ ﻛﻠﺶ ﻋﺼﺒﻲ ﻭﻣﺎ ﺍﻋﺮﻑ ﺷﺴﻮﻱ .
ﺍﺑﻮ ﻗﺪﺭ .. ﻣﺒﻘﺔ ﻋﻨﺪﻱ ﻏﻴﺮ ﺣﻞ ﺛﺎﻟﺚ ﺍﻟﻚ ﻭﺑﻜﻴﻔﻚ ﺗﻘﺒﻠﺔ ﺍﻭ ﺗﺮﻓﻀﺔ ﻻﻥ ﻫﺎﻱ ﺣﻴﺎﺗﻚ ﻭﺍﺫﺍ ﻗﺒﻠﺖ ﺍﻭ ﺭﻓﻀﺖ ﺑﻜﻞ ﺍﻷﺣﻮﺍﻝ ﺍﻧﻲ ﻭﻳﺎﻙ ﻭﻣﺴﺘﺤﻴﻞ ﺍﺗﺨﻠﻰ ﻋﻨﻚ ﺍﻟﻰ ﺃﻥ ﺍﻟﻠﻪ ﻳﺄﺧﺬ ﺍﻣﺎﻧﺘﺔ
ﺇﻳﺎﺱ ... ﻋﻤﺮﻙ ﻃﻮﻳﻞ ﺍﻥ ﺷﺎﺀ ﺍﻟﻠﻪ ﻛﻔﻮﻭﻭ ﻣﻨﻚ ﺍﺑﻮ ﻗﺪﺭ ﺍﺩﺭﻱ ﺑﻴﻚ ﻗﻮﻝ ﻭﻓﻌﻞ ﺻﺪﻛﻨﻲ ﺍﻟﻠﻪ ﻳﺤﺒﻨﻲ ﻷﻥ ﺍﻧﺖ ﻣﻮﺟﻮﺩ ﻭﻳﺎﻱ ﺑﺲ ﻣﻜﻠﺖ ﺷﻨﻮ ﻫﻮ ﺍﻟﻤﻮﺿﻮﻉ ؟
ﺍﺑﻮ ﻗﺪﺭ .. ﻭﺍﻟﻠﻪ ﻣﺎ ﺃﻋﺮﻑ ﺷﻠﻮﻥ ﺍﺑﺪﻱ ﺑﺎﻟﻜﻼﻡ ﺑﺲ ﺛﻖ ﺑﺎﻟﻠﻪ ﻟﻮ ﻣﺎ ﺍﻧﺖ ﻏﺎﻟﻲ ﻋﻠﻴﻪ ﺑﻐﻼﺕ ﺑﻨﺎﺗﻲ ﻣﺠﺎﻥ ﺧﻄﻴﺖ ﻫﺎﻱ ﺍﻟﺨﻄﻮﺓ
ﺍﻧﻲ
ﺇﻳﺎﺱ ... ﺍﻱ ﺍﺑﻮ ﻗﺪﺭ ﻛﻤﻞ ﺍﻧﺖ ﺷﻨﻮ ﻟﻴﺶ ﺳﻜﺘﺖ ؟
ﺍﺑﻮ ﻗﺪﺭ ... ﺍﻧﻲ ﺍﺭﻳﺪ ﺍﺯﻭﺟﻚ ﺑﻨﺘﻲ ﺣﺘﻰ ﺗﺴﻨﺪﻙ ﻭﺗﻮﻛﻒ ﻭﻳﺎﻙ ﺑﻬﺎﻱ ﻣﺤﻨﺘﻚ ...
ﺇﻳﺎﺱ ... ﺍﻧﻲ ﺑﺤﺎﻟﺔ ﺻﺪﻣﺔ ﻣﺎ ﺍﻋﺮﻑ ﺷﻨﻮ ﺍﺟﺎﻭﺑﺔ
ﺍﺑﻮ ﻗﺪﺭ .. ﻣﺎ ﺃﺭﻳﺪﻙ ﺍﺟﺎﻭﺏ ﻫﺴﻪ ﻓﻜﺮ ﺑﺮﺍﺣﺘﻚ . ﻭﺑﻌﺪﻳﻦ ﺍﻧﻄﻴﻨﻲ ﺟﻮﺍﺏ
ﺇﻳﺎﺱ .. ﺍﺣﺲ ﺍﻟﻜﻠﻤﺎﺕ ﺿﺎﻋﺖ ﻣﻨﻲ ﻭﺣﺘﻰ ﺻﻮﺗﻲ ﺍﺧﺘﻔﻰ ﺑﺲ ﻷﺯﻡ ﺍﺟﺎﻭﺑﺔ
ﺑﺼﺮﺍﺣﺔ ﺍﺑﻮ ﻗﺪﺭ ﺍﻧﺖ ﻓﺎﺟﺌﺘﻨﻲ ﻭﺍﻧﻲ ﺍﺗﺸﺮﻑ ﺑﻴﻚ ﻭﺑﻨﺘﻚ ﺑﺲ ﺍﻧﺖ ﺩﺗﺸﻮﻑ ﺣﺎﻟﺘﻲ ﺷﻨﻮ ﺫﻧﺐ ﺑﻨﺘﻚ ﺗﺮﺑﻄﻬﺎ ﺑﻮﺍﺣﺪ ﺍﻋﻤﻰ ﻣﺜﻠﻲ
ﺍﺑﻮ ﻗﺪﺭ ... ﺷﺒﻴﻬﺎ ﺣﺎﻟﺘﻚ ﺗﺮﺓ ﺍﻧﺖ ﻣﺒﻴﻚ ﺷﻲ ﺍﻟﺤﻤﺪﻟﻠﻪ ﺑﻌﺪﻙ ﺑﺼﺤﺘﻚ ﻭﺍﺫﺍ ﻋﻠﻰ ﻋﻴﻨﻚ ﺗﺮﺓ ﺍﻛﻮ ﺍﻣﻞ ﺗﺮﺟﻊ ﺗﺸﻮﻑ
ﺇﻳﺎﺱ .. ﻭﺍﺫﺍ ﻣﺮﺟﻌﺖ ﻓﺘﺤﺖ ﺷﻠﻮﻥ ﺍﻛﻴﺪ ﺭﺍﺡ ﺗﻨﻈﻠﻢ ﺑﻨﺘﻚ ﻭﻳﺎﻱ
ﺍﺑﻮ ﻗﺪﺭ ... ﻻ ﺑﻨﺘﻲ ﻣﺮﺍﺡ ﺗﻨﻈﻠﻢ ﻭﻳﺎﻙ ﺍﻧﻲ ﻭﺍﺛﻖ ﻣﻦ ﻫﺬﺍ ﺍﻟﺸﻲ
ﺇﻳﺎﺱ .. ﺯﻳﻦ ﻣﻨﻮ ﻳﻜﻮﻝ ﺑﻨﺘﻚ ﺭﺍﺡ ﺗﻘﺒﻞ ﺑﻴﺔ ؟؟
ﺍﺑﻮ ﻗﺪﺭ .. ﺍﻧﻲ ﻟﻮﻣﺎ ﻭﺍﺛﻖ ﻣﻦ ﻣﻮﺍﻓﻘﺔ ﺑﻨﺘﻲ ﻣﺠﺎﻥ ﺟﻴﺖ ﻓﺘﺤﺖ ﺍﻟﻤﻮﺿﻮﻉ ﻭﻳﺎﻙ
ﺇﻳﺎﺱ . ﺍﺣﺠﻲ ﺑﺪﺍﺧﻠﻲ ﻣﻌﻘﻮﻟﺔ ﺍﻛﻮ ﺑﻨﻴﺔ ﺑﻬﺬﺍ ﺍﻟﺰﻣﻦ ﺗﺮﺿﻰ ﺗﺄﺧﺬ ﻭﺍﺣﺪ ﺍﻋﻤﻰ
ﻓﺰﻳﺖ ﻣﻦ ﺻﻔﻨﺘﻲ ﻣﻦ ﺣﺠﺔ ﺍﺑﻮ ﻗﺪﺭ
.... ﺍﻧﻲ ﻫﺴﻪ ﺭﺍﻳﺢ ﻋﻨﺪﻱ ﺷﻐﻞ ﻭﺍﻧﺖ ﻓﻜﺮ ﻭﺑﺎﺟﺮ ﺍﻥ ﺷﺎﺀ ﺍﻟﻠﻪ ﻣﻦ ﺍﺟﻲ ﺍﺭﻳﺪ ﺟﻮﺍﺑﻚ
ﺇﻳﺎﺱ .. ﺭﺍﺡ ﺍﺑﻮ ﻗﺪﺭ ﻭﺧﻼﻧﻲ ﺣﺎﻳﺮ ﻣﺎ ﺃﻋﺮﻑ ﺷﺴﻮﻱ ﺍﻧﻲ ﺍﺧﺮ ﺷﻲ ﻣﻤﻜﻦ ﺍﻓﻜﺮ ﺑﻲ ﻫﻮ ﺍﻟﺰﻭﺍﺝ
ﻭﻫﺴﻪ ﺍﻧﺤﻄﻴﺖ ﺑﻤﻮﻗﻒ ﺻﻌﺐ ﺍﺫﺍ ﺭﻓﻀﺖ ﺍﺧﺎﻑ ﻳﺰﻋﻞ ﺍﺑﻮ ﻗﺪﺭ ﻣﻨﻲ ﻭﺍﺫﺍ ﻭﺍﻓﻘﺖ ﺍﻋﺮﻑ ﺍﻟﺒﻨﻴﺔ ﺭﺍﺡ ﺗﻨﻈﻠﻢ ﻭﻳﺎﻱ
ﺭﺍﺡ ﺍﺣﺠﻴﻠﻜﻢ ﻋﻦ ﻧﻔﺴﻲ ...
ﺍﻧﻲ ﺇﻳﺎﺱ ﻛﻞ ﺍﻟﻨﺎﺱ ﺗﻌﺮﻓﻨﻲ ﻭﺣﻴﺪ ﻣﻌﻨﺪﻱ ﺍﺣﺪ ﺑﺲ ﺑﺎﻟﺤﻘﻴﻘﺔ ﺍﻧﻲ ﻋﻨﺪﻱ ﺍﻫﻞ ﻭﺍﻗﺎﺭﺏ ﻳﺴﺪﻭﻥ ﻋﻴﻦ ﺍﻟﺸﻤﺲ
ﺍﺑﻮﻳﺔ ﺭﺟﺎﻝ ﻫﻴﺒﺔ ﻭﺷﺨﺼﻴﺔ ﺍﻟﻜﻞ ﻳﻬﺎﺑﺔ ﻭﻳﺤﺘﺮﻣﺔ
ﻭﺃﻣﻲ ﻧﻔﺲ ﺷﺨﺼﻴﺔ ﺍﺑﻮﻳﺔ ﻗﻮﻭﻳﺔ ﻭﻛﻠﻤﺘﻬﺎ ﺗﻤﺸﻲ ﻋﻠﻰ ﺍﻟﺠﺒﻴﺮ ﻗﺒﻞ ﺍﻟﺼﻐﻴﺮ
ﺍﺣﻨﺎ ﺍﺭﺑﻊ ﺍﺧﻮﺓ ﻭﺛﻨﻴﻦ ﺧﻮﺍﺕ ﺛﻼﺛﺔ ﺍﻛﺒﺮ ﻣﻨﻲ ﻭﺛﻨﻴﻦ ﺍﺻﻐﺮ ﻣﻨﻲ ﻋﺎﻳﺸﻴﻦ ﺑﻘﻀﺎﺀ ﺗﺎﺑﻊ ﺍﻷﺣﺪ ﺍﻟﻤﺤﺎﻓﻈﺎﺕ ﺍﺑﻮﻳﺔ ﻋﻨﺪﻩ ﺧﻴﺮ ﻣﻦ ﺍﻟﻠﻪ ﺍﺭﺍﺿﻲ ﺯﺭﺍﻋﻴﺔ ﻭﺣﻼﻝ
ﻭﺣﺎﻟﺘﻨﺔ ﺑﻬﺬﺍﻙ ﺍﻟﻮﻛﺖ ﺭﻏﻢ ﺍﻟﺤﺼﺎﺭ ﺟﺎﻧﺖ ﻣﻤﺘﺎﺯﺓ
ﻋﻤﻲ ﺍﻟﺼﻐﻴﺮ ﻣﺰﻭﺝ ﺧﺎﻟﺘﻲ ﻭﻋﺪﻫﻢ ﺑﻨﻴﺔ ﺍﺻﻐﺮ ﻣﻨﻲ ﺑﺴﻨﺘﻴﻦ
ﺧﺎﻟﺘﻲ ﻣﻦ ﻭﻟﺪﺕ ﻓﺮﺡ ﻗﺒﻞ ﺍﻷﺭﺑﻌﻴﻦ ﺍﺩﻫﻮﺭﺕ ﺻﺤﺘﻬﺎ ﻭﺗﻮﻓﺖ
ﻋﻤﻲ ﺟﺎﻥ ﻳﻌﺸﻖ ﺧﺎﻟﺘﻲ ﻣﻦ ﺳﻤﻊ ﺑﻴﻬﺎ ﻣﺎﺗﺖ ﺧﻠﻰ ﻃﻠﻘﺔ ﺑﺮﺃﺳﺔ ﻭﻣﺎﺕ
ﻣﻦ ﺧﻠﺼﺖ ﺍﻟﻔﺎﺗﺤﺔ ﺍﻫﻠﻲ ﻗﺮﺍﺭﻭﺍ ﻓﺮﺡ ﺗﻌﻴﺶ ﻳﻤﻨﺎ ﺍﺑﻮﻳﺔ ﻭﺍﻣﻲ ﻳﺤﺒﻮﻫﺎﻭﻣﺪﻟﻠﻴﻬﺎ ﺣﺘﻰ ﺍﻛﺜﺮ ﻣﻦ ﺧﻮﺍﺗﻲ ﺷﺬﻯ ﻭﻓﺎﻃﻤﺔ
ﺃﺧﻮﺍﻧﻲ ﺣﺴﻦ ﺷﺬﻯ ﻭﺳﺎﻡ ﻣﺰﻭﺟﻴﻦ ﻭﻃﺒﻌﺎ ﻣﺄﺧﺬﻳﻦ ﻛﺮﺍﻳﺐ
ﻻﻥ ﻗﺎﻧﻮﻥ ﻭﺍﻟﺪﻱ ﻣﻨﺎﺧﺬ ﻭﻻ ﻧﻨﻄﻲ ﻟﻠﻐﺮﻳﺐ
ﺍﻧﻲ ﺍﻟﻮﺣﻴﺪ ﺑﺄﺧﻮﺍﻧﻲ ﺟﻨﺖ ﺍﺣﺐ ﺍﻟﺪﺭﺍﺳﺔ ﻫﻤﺎ ﻟﻠﺜﺎﻟﺚ ﻣﺘﻮﺳﻂ ﻭﻳﺒﻄﻠﻮﻥ
ﻛﻤﻠﺖ ﺳﺎﺩﺱ ﻭﻃﻠﻌﺖ ﻛﻠﻴﺔ ﺍﺩﺍﺭﺓ ﻭﺍﻗﺘﺼﺎﺩ ﺑﻐﻴﺮ ﻣﺤﺎﻓﻈﺔ ﻭﻷﺯﻡ ﺍﺭﻭﺡ ﻗﺴﻢ ﺩﺍﺧﻠﻲ
ﺍﺑﻮﻳﺔ .. ﺗﺰﻭﺝ ﻓﺮﺡ ﻳﻼ ﺍﺧﻠﻴﻚ ﺍﺩﻭﻡ ﻛﻠﻴﺔ
ﺇﻳﺎﺱ ... ﺍﻧﺼﺪﻣﺖ ﻣﻦ ﻫﺬﺍ ﺍﻟﻘﺮﺍﺭ ﻻﻥ ﻓﺮﺡ ﺭﺍﺑﻴﺔ ﻭﻳﺎﻧﺔ ﻭﺍﻋﺘﺒﺮﻫﺎ ﻣﺜﻞ ﺍﺧﺘﻲ ﺑﺲ ﻭﺍﻟﺪﻱ ﻛﺪﺭ ﻳﻘﻨﻌﻨﻲ ﻣﻦ ﻛﺎﻟﻲ ﺍﺷﺘﺮﻳﻠﻚ ﺳﻴﺎﺭﺓ ﺍﺫﺍ ﻭﺍﻓﻘﺖ
ﺟﻨﺖ ﻣﺮﺍﻫﻖ ﻭﻓﺮﺣﺖ ﺑﺎﻟﺴﻴﺎﺭﺓ
ﺍﺯﻭﺟﺖ ﻓﺮﺡ ﺟﺎﻧﺖ ﻣﺪﻟﻠﺔ ﻛﻠﻤﺔ ﻣﺎ ﺍﻛﺪﺭ ﺍﺣﺠﻲ ﻭﻳﺎﻫﺎ ﺑﺴﺮﻋﺔ ﺗﺮﻭﺡ ﺗﺸﺘﻜﻲ ﺍﻷﻫﻠﻲ ﻭﻫﻤﺎ ﻋﺪﻫﻢ ﻓﺮﺡ ﺷﻲ ﻣﻘﺪﺱ
ﺗﺨﺮﺟﺖ ﻣﻦ ﺍﻟﻜﻠﻴﺔ ﺭﺩﺕ ﺍﺗﻌﻴﻦ ﺑﺲ ﺭﺟﻊ ﺣﻀﺮﺕ ﺍﻟﻮﺍﻟﺪ ﺭﻓﺾ ﻛﺎﻝ ﻻﺯﻡ ﺗﺸﺘﻐﻞ ﻭﻳﺎ ﺍﺧﻮﺗﻚ
ﻭﺑﻴﻮﻡ ﺍﺟﺔ ﻋﻠﻴﻪ ﻭﺳﺎﻡ ﺍﺧﺬﻧﻲ ﻭﻃﻠﻌﻨﺎ ﻧﺘﻤﺸﻰ
ﻭﺳﺎﻡ .. ﺷﻮﻑ ﺇﻳﺎﺱ ﻋﻨﺪﻱ ﻣﻮﺿﻮﻉ ﻭﻳﺎﻙ ﻭﻣﺎ ﺍﺭﻳﺪﻙ ﺗﺨﺠﻞ ﻣﻨﻲ ﺍﻧﻲ ﻭﻳﺎﻙ ﺍﺻﺪﻗﺎﺀ ﻗﺒﻞ ﻻ ﻧﻜﻮﻥ ﺃﺧﻮﺓ
ﺇﻳﺎﺱ .. ﻣﻨﻮ ﻛﻠﻚ ﺍﻧﻲ ﺍﺧﺠﻞ ﻣﻨﻚ
ﻭﺳﺎﻡ .. ﻟﻌﺪ ﻟﻴﺶ ﻣﺤﺠﻴﺘﻠﻲ ﻋﻠﻰ ﺍﻟﻌﺠﺰ ﺍﻟﻌﻨﺪﻙ ﺣﺘﻰ ﺍﺳﺎﻋﺪﻙ ﻭﺃﺷﻮﻓﻠﻚ ﻃﺒﻴﺐ ﺯﻳﻦ ﻳﻌﺎﻟﺠﻚ
ﺇﻳﺎﺱ .. ﻭﺳﺎﻡ ﺍﺣﺘﺮﻡ ﻧﻔﺴﻚ ﺻﺢ ﺍﻧﺖ ﺍﻛﺒﺮ ﻣﻨﻲ ﺑﺲ ﻣﺎ ﺃﺳﻤﺤﻠﻚ ﺗﻬﻴﻨﻲ ﻫﺬﺍ ﻳﺎ ﻋﺠﺰ ﺍﻟﺪﺗﺤﺠﻲ ﻋﻨﻪ
ﻭﺳﺎﻡ .. ﻳﻌﻨﻲ ﺍﻧﺖ ﻣﺒﻴﻚ ﺷﻲ ؟؟
ﺇﺑﺎﺱ ... ﺍﻟﻠﻬﻢ ﻃﻮﻟﺞ ﻳﺎﺭﻭﺡ ﺗﺤﺠﻲ ﻟﻮ ﺍﺑﺘﻠﻲ ﺑﻴﻚ
ﻭﺳﺎﻡ ... ﻛﺎﻓﻲ ﻟﻚ ﻻ ﺗﺮﻓﻊ ﺻﻮﺗﻚ ﻟﻌﺪ ﺍﺫﺍ ﻣﺒﻴﻚ ﺷﻲ ﻟﻴﺶ ﻓﺮﺡ ﻭﻳﻦ ﻣﺘﻜﻌﺪ ﺗﻜﻮﻝ ﺇﻳﺎﺱ ﻣﺒﻲ ﺧﻴﺮ ﻟﻌﺪ ﻣﺘﺸﻮﻓﻮﻧﻲ ﻟﻬﺴﻪ ﻣﺼﺎﺭ ﻋﻨﺪﻱ ﺣﻤﻞ ﻟﻚ ﺍﻟﻌﺸﻴﺮﺓ ﻛﻠﻬﺎ ﺻﺎﺭﺕ ﺗﻌﺮﻑ ﺑﺴﺎﻟﻔﺘﻚ
ﺇﻳﺎﺱ ... ﺍﺳﻤﻊ ﻭﺍﻧﻲ ﻣﺪ ﺍﺳﺘﻮﻋﺐ ﺍﻟﻜﻼﻡ ﺩﻳﻦ ﻣﺒﻘﺔ ﺑﺮﺍﺳﻲ ﺭﻛﻀﺖ ﻟﻠﺒﻴﺖ ﻭﺍﻧﻲ ﻧﺎﻭﻱ ﻋﻠﻰ ﻣﻮﺕ ﻓﺮﺡ
ﻋﻔﺖ ﻭﺳﺎﻡ ﻳﺮﻛﺾ ﻭﺭﺍﻳﺔ
ﺷﻔﺘﻬﺎ ﻛﺎﻋﺪﺓ ﻭﻳﺎ ﺍﻣﻲ ﻭﺍﺧﺘﻲ ﺳﺤﻠﺘﻬﺎ ﻣﻦ ﺷﻌﺮﻫﺎ ﻭﻫﻲ ﺗﻌﻴﻂ ﻭﺩﺧﻠﺘﻬﺎ ﻟﻠﻐﺮﻓﺔ ﻧﺰﻋﺖ ﺍﻟﺤﺰﺍﻡ ﻭﻛﻄﻌﺘﺔ ﻋﻠﻴﻬﺎ
ﺍﺳﻤﻊ ﺻﻮﺕ ﺍﻣﻲ ﺗﻠﻄﻢ ﻭﺗﻌﻴﻂ ﺑﺮﺓ
ﺍﺧﻴﺮ ﺷﻲ ﺍﻧﻜﺴﺮ ﺍﻟﺒﺎﺏ ﻭﺩﺧﻠﻮﺍ ﺳﺤﺒﻮﻫﺎ ﻣﻨﻲ ﺍﺟﺖ ﺍﻣﻲ ﺗﺴﺐ ﻭﺗﻐﻠﻂ ﻭﺗﺮﻳﺪ ﺗﻬﺪ ﻋﻠﻴﻪ
ﺍﺑﻮﻳﺔ ﺷﺎﻑ ﻓﺮﺡ ﻣﺪﻣﺎﻳﺔ ﻛًﻠﺐ ﺍﻟﺪﻧﻴﺎ ﻋﻠﻴﻪ
ﻭﺍﻷﺣﻠﻰ ﻣﻦ ﻫﺬﺍ ﻛﻠﺔ ﺃﺑﻮﻳﺔ ﻭﺍﻣﻲ ﻳﻜﻮﻟﻮﻥ ﺑﻨﺖ ﻋﻤﻚ ﺍﻛﻴﺪ ﻣﺘﻜﺬﺏ ﻭﻃﻌﻨﻮﺍ ﺑﺮﺟﻮﻟﺘﻲ
ﻛﺮﻫﺖ ﺍﻫﻠﻲ ﻭﻛﺮﻫﺖ ﺍﻟﺪﻧﻴﺎ ﻛﻠﻬﺎ
ﺛﺎﻧﻲ ﻳﻮﻡ ﺍﺧﺬﺕ ﺍﺧﻮﻳﺔ ﻭﺭﺣﺖ ﻓﺤﺼﺖ ﻳﻢ ﺍﺣﺴﻦ ﻃﺒﻴﺐ
ﺟﺒﺖ ﺍﻟﺘﻘﺮﻳﺮ ﻭﺷﻤﺮﺗﺔ ﻛﺪﺍﻡ ﺍﺑﻮﻳﺔ
ﺇﻳﺎﺱ .. ﺍﺫﺍ ﻫﻢ ﻋﻨﺪﻙ ﺷﻚ ﺑﻬﺬﺍ ﺍﻟﺘﻘﺮﻳﺮ ﻣﺴﺘﻌﺪ ﻫﺴﻪ ﺍﺧﺬﻫﺎ ﻛﺪﺍﻣﻚ
ﺍﻳﻮﻳﺔ .. ﺍﺣﺘﺮﻡ ﻧﻔﺴﻚ ﺣﺘﻰ ﻟﻮ ﻣﺒﻴﻚ ﺷﻲ ﻫﺴﻪ ﺗﺮﻭﺡ ﺗﻌﺘﺬﺭ ﻣﻦ ﺑﻨﺖ ﻋﻤﻚ ﻋﻠﻰ ﻫﺬﺍ ﺿﺮﺑﻚ ﺍﻟﻬﺎ ﻭﺣﺴﺎﺑﻚ ﻭﻳﺎﻱ ﺑﻌﺪﻳﻦ
ﺇﻳﺎﺱ .. ﺑﻨﺖ ﺍﺧﻮﻙ ﺧﻠﻴﻬﺎ ﻳﻤﻚ ﻭﺭﻣﻴﺖ ﻋﻠﻴﻬﺎ ﻳﻤﻴﻦ ﺍﻟﻄﻼﻕ ﺍﺑﻮﻳﺔ ﺍﻧﺠﻦ ﻛﺎﻝ ﺍﺫﺍ ﻃﻠﻜﻬﺎ ﻻ ﺍﻧﺖ ﺍﺑﻨﻲ ﻭﻻ ﺍﻋﺮﻓﻚ ﺍﺗﺒﺮﺓ ﻣﻨﻚ
ﺇﻳﺎﺱ ... ﻭﺍﻧﻲ ﻣﺮﺍﺡ ﺍﻧﺘﻈﺮ ﺗﺘﺒﺮﺓ ﻣﻨﻲ ﻻﻥ ﻣﻦ ﺍﻟﺒﻮﻡ ﺍﻧﻲ ﺭﺍﺡ ﺍﻋﺘﺒﺮ ﻧﻔﺴﻲ ﻣﻌﻨﺪﻱ ﺍﻫﻞ
ﻗﺒﻞ ﻻ ﻳﺤﺠﻲ ﺷﻲ ﻋﻔﺘﻬﻢ ﻭﻃﻠﻌﺖ ﻭﻣﻦ ﻫﺬﺍﻙ ﺍﻟﻴﻮﻡ ﻭﻗﻄﻌﺖ ﻋﻼﻗﺘﻲ ﺑﻴﻬﻢ ﺣﺘﻰ ﻭﻳﺎ ﺍﺧﻮﺍﻧﻲ ﻣﻌﻨﺪﻱ ﺗﻮﺍﺻﻞ
ﺑﻌﺖ ﺳﻴﺎﺭﺗﻲ ﻭﺟﻨﺖ ﺟﺎﻣﻊ ﺟﻢ ﻓﻠﺲ ﻭﻗﺮﺭﺕ ﺍﺳﺎﻓﺮ ﺧﺎﺭﺝ ﺍﻟﻌﺮﺍﻕ
ﻭﺑﻮﻛﺖ ﺍﻟﻨﻈﺎﻡ ﺍﻟﺴﺎﺑﻖ ﺟﺎﻥ ﺍﻟﺴﻔﺮ ﺻﻌﺐ ﻓﻄﻠﻌﺖ ﺗﻬﺮﻳﺐ ﺍﻟﺘﺮﻛﻴﺎ .
ﻭﺻﻠﺖ ﺍﻟﺘﺮﻛﻴﺎ ﻭﻣﺠﻨﺖ ﺍﻋﺮﻑ ﺍﺣﺪ ﺍﺷﺘﻐﻠﺖ ﻫﻮﺍﻳﺔ ﺷﻐﻼﺕ ﺣﺘﻰ ﺍﻛﺪﺭ ﺍﻋﻴﺶ ﻭﺑﻬﺬﺍ ﺍﻟﻮﻗﺖ ﺗﻌﺮﻓﺖ ﻋﻠﻰ ﺷﺎﺏ ﻋﺮﺍﻗﻲ ﺍﺳﻤﺔ ﺍﺣﻤﺪ ﻭﺻﺮﻧﺎ ﺍﺻﺪﻗﺎﺀ
ﺍﺷﺘﻐﻠﻨﺎ ﻫﻮﺍﻳﺔ ﺷﻐﻼﺕ ﻭﺟﻨﺎ ﻧﺠﻤﻊ ﺍﻟﻔﻠﻮﺱ ﺣﺘﻰ ﻧﻜﺪﺭ ﻧﻔﺘﺢ ﺑﻴﻬﻢ ﻣﺸﺮﻭﻉ ﺻﻐﻴﺮ
ﻭﻓﻌﻼ ﻛﺪﺭﻧﺎ ﻧﺠﻤﻊ ﻭﻧﻔﺘﺢ ﻛﺎﻓﺘﺮﻳﺎ ﺻﻐﻴﺮﺓ ﻭﺑﻌﺪﻫﺎ ﻃﻮﺭﻧﺎ ﺷﻐﻠﻨﺎ ﻭﻓﺘﺤﻨﺎ ﻣﻄﻌﻢ ﻭﺻﺎﺭ ﻋﺪﻧﺎ ﺯﺑﺎﺋﻦ ﻭﺍﻟﺤﺎﻝ ﺗﺤﺴﻦ ﻭﻛﺪﺭﻧﺎ ﻧﻜﺒﺮ ﺍﻟﻤﻄﻌﻢ
ﻭﺍﻛﺜﺮ ﺍﻟﺰﺑﺎﺋﻦ ﺟﺎﻧﻮﺍ ﻋﺮﺍﻗﻴﻴﻦ ﻭﺑﻌﺪ ﻓﺘﺮﺓ ﺻﺎﺭ ﻋﺪﻧﺎ ﻣﻄﻌﻢ ﺛﺎﻧﻲ ﻭﺍﻟﺤﺎﻟﺔ ﺍﻟﻤﺎﺩﻳﺔ ﺍﻟﺤﻤﺪ ﻟﻠﻪ ﺻﺎﺭﺕ ﻣﻤﺘﺎﺯﺓ
ﺟﺎﻧﺖ ﺍﻛﻮ ﻋﺎﺋﻠﺔ ﻋﺮﺍﻗﻴﺔ ﻣﻦ ﺍﻟﻘﻮﻣﻴﺔ ﺍﻟﺘﺮﻛﻤﺎﻧﻴﺔ ﺩﺍﺋﻤﺎ ﻳﺠﻮﻥ ﻟﻠﻤﻄﻌﻢ ﻭﺟﺎﻧﺖ ﺗﺠﻲ ﻭﻳﺎﻫﻢ ﺑﻨﻴﺔ ﺍﺳﻤﻬﺎ ﺃﻳﺒﻚ ﻧﺎﻋﻤﺔ ﻭﻣﻼﻣﺤﻬﺎ ﺣﻠﻮﺓ ﻭﻧﺎﺯﻛﺔ ﺍﻭﻝ ﻣﺘﺸﻮﻓﻨﻲ ﺗﺒﺘﺴﻢ ﻭﺍﻧﻲ ﺗﻌﻮﺩﺕ ﻻﺯﻡ ﻳﻮﻣﻴﺔ ﺍﺷﻮﻓﻬﺎ ﻭﻧﺘﺒﺎﺩﻝ ﺍﻟﻨﻈﺮﺍﺕ ﺍﺧﻴﺮ ﺷﻲ ﻏﺼﺐ ﻋﻨﻲ ﻟﻜﻴﺖ ﻧﻔﺴﻲ ﺍﺣﺒﻬﺎ
ﺻﺎﺭﺕ ﻋﻼﻗﺔ ﺑﻴﻨﺎ ﻭﺗﻮﺍﺻﻞ
ﺍﻧﻲ ﻭﺿﻌﻲ ﺍﻟﻤﺎﺩﻱ ﺯﻳﻦ ﻭﻣﻜﻮﻥ ﻧﻔﺴﻲ ﻟﻬﺬﺍ ﻗﺮﺭﺕ ﺍﺧﻄﺒﻬﺎ ﺑﺲ ﺍﺑﻮﻫﺎ ﺭﻓﺾ ﺑﺤﺠﺔ ﻣﺎ ﺃﻛﺪﺭ ﺍﻧﻄﻲ ﺑﻨﺘﻲ ﺍﻟﺸﺨﺺ ﻣﺎ ﺍﻋﺮﻓﺔ ﻭﺍﺣﻨﺎ ﻣﺼﻴﺮﻧﺎ ﻧﺮﺟﻊ ﺍﻟﺒﻠﺪﻧﺎ
ﺭﺟﻌﺖ ﺧﻄﺒﺘﻬﺎ ﺍﻛﺜﺮ ﻣﻦ ﻣﺮﺓ ﺑﺲ ﺑﻘﺔ ﺍﺑﻮﻫﺎ ﻣﺼﻤﻢ ﻋﻠﻰ ﺍﻟﺮﻓﺾ ﻟﻜﻦ ﻫﻲ ﺟﺎﻧﺖ ﻣﺘﻤﺴﻜﺔ ﺑﻴﻪ ﻭﺣﺒﻨﺎ ﻳﻮﻡ ﺑﻌﺪ ﻳﻮﻡ ﻳﺰﻳﺪ ﻣﻴﻨﻘﺺ
ﺑﻌﺪﻫﺎ ﺻﺎﺭ ﺍﻟﺴﻘﻮﻁ ﺑﺎﻟﻌﺮﺍﻕ ﻭﺍﻛﺜﺮ ﺍﻟﻨﺎﺱ ﺑﺪﺕ ﺗﺮﺟﻊ ﻭﻣﻦ ﺿﻤﻦ ﻫﺎﻱ ﺍﻟﻨﺎﺱ ﺍﻫﻞ ﺍﻳﺒﻚ
ﺍﻧﻲ ﺗﺨﺒﻠﺖ ﻭﺭﺣﺖ ﺍﻷﺑﻮﻫﺎ ﻭﻫﻢ ﻃﻠﺒﺘﻬﺎ
ﺟﺎﻭﺑﻨﻲ ﻣﺴﺘﺤﻴﻞ ﺍﻋﻮﻑ ﺑﻨﺘﻲ ﻭﺣﻴﺪﺓ ﺑﻬﺬﺍ ﺍﻟﺒﻠﺪ
ﺭﺟﻌﻮﺍ ﺍﻫﻞ ﺍﻳﺒﻚ ﻟﻠﻌﺮﺍﻕ ﻫﻲ ﺭﺍﺣﺖ ﻭﺍﺧﺬﺕ ﺭﻭﺣﻲ ﻭﻳﺎﻫﺎ ﻭﺩﻋﺘﻬﺎ ﻭﺍﻧﻲ ﺍﻟﻨﺎﺭ ﺗﺎﻛﻞ ﺑﻘﻠﺒﻲ ﺍﻧﻄﻴﺘﻬﺎ ﺍﺭﻗﺎﻣﻲ ﺣﺘﻰ ﻣﻦ ﻳﺼﻴﺮ ﻋﺪﻫﺎ ﺗﻠﻔﻮﻥ ﺗﺘﺼﻞ ﺑﻴﻪ ﻭﻧﺒﻘﺔ ﻋﻠﻰ ﺗﻮﺍﺻﻞ
ﻟﻜﻦ ﻣﻦ ﺭﺍﺣﺖ ﻣﺴﻤﻌﺖ ﺍﻱ ﺧﺒﺮ ﻋﻨﻬﺎ ﻟﻤﺪﺓ ﺳﻨﺔ ﻭﺑﻬﺎﻱ ﺍﻟﺴﻨﺔ ﺣﺎﻟﻲ ﺟﺎﻥ ﺑﺎﻟﻀﻴﻢ ﻣﻦ ﻓﺮﺍﻛﻬﺎ ﻭﺍﻧﻲ ﻣﺎ ﺍﻋﺮﻓﻠﻬﺎ ﺍﻱ ﻋﻨﻮﺍﻥ ﺣﺘﻰ ﺍﺭﻭﺡ ﺍﺩﻭﺭ ﻋﻠﻴﻬﺎ ﻛﻞ ﺍﻟﻲ ﺍﻋﺮﻓﺔ ﻫﻲ ﻣﻦ ﻣﺤﺎﻓﻈﺔ ﻛﺮﻛﻮﻙ
ﻭﺑﻴﻮﻡ ﻛﺎﻋﺪ ﺑﺎﻟﻤﻄﻌﻢ ﻭﺍﺟﺎﻧﻲ ﺍﺗﺼﺎﻝ ﻭﺟﺎﻥ ﻣﻨﻬﺎ ﻣﻦ ﺳﻤﻌﺖ ﺻﻮﺗﻬﺎ ﺍﻧﺠﻨﻴﺖ
ﻋﺎﺗﺒﺘﻬﺎ ﻟﻴﺶ ﻫﻠﻜﺪ ﻛﻄﻌﺘﻲ ﺑﻴﻪ
ﺃﻳﺒﻚ ... ﺣﺒﻴﺒﻲ ﻭﺍﻟﻠﻪ ﻫﺴﺔ ﻳﻼ ﻛﺪﺭﺕ ﺍﺣﺼﻞ ﻣﻮﺑﺎﻳﻞ ﻭﺍﻭﻝ ﺷﻲ ﺳﻮﻳﺘﺔ ﺍﺗﺼﻠﺖ ﻋﻠﻴﻚ
ﺑﻘﻴﻨﺎ ﺍﻧﻲ ﻭﻫﻲ ﻧﺘﻮﺍﺻﻞ ﺍﻧﻲ ﺑﻌﺪ ﻣﺎ ﺍﻛﺪﺭ ﺍﺗﺤﻤﻞ ﺍﺷﺘﺎﻗﻴﺘﻠﻬﺎ ﻭﻗﺮﺭﺕ ﺍﺟﻲ ﺍﺷﻮﻓﻬﺎ ﺍﺧﺬﺕ ﺍﻟﻌﻨﻮﺍﻥ ﻣﻨﻬﺎ
ﻭﺣﺠﺰﺕ ﻭﺍﺟﻴﺖ ﻟﻠﻌﺮﺍﻕ ..
ﺻﺪﻳﻘﻲ ﻋﻨﺪﺓ ﻛﺮﺍﻳﺐ ﻣﻦ ﻛﺮﻛﻮﻙ ﺧﺎﺑﺮﻫﻢ ﺣﺘﻰ ﻭﺍﺣﺪ ﻣﻨﻬﻢ ﻳﺴﺘﻘﺒﻠﻨﻲ ﻣﻦ ﺍﻭﺻﻞ ﻭﻳﺴﺎﻋﺪﻧﻲ ﻻﻥ ﺍﻧﻲ ﻣﺎ ﺍﻧﺪﻝ ﺍﻱ ﻣﻜﺎﻥ ﺑﻬﺎﻱ ﺍﻟﻤﺤﺎﻓﻈﺔ
ﻣﻦ ﻭﺻﻠﺖ ﻓﻌﻼ ﺍﻟﻮﻟﺪ ﺟﺎﻥ ﻳﻨﺘﻈﺮﻧﻲ ﺳﺎﻋﺪﻧﻲ ﺣﺘﻰ ﺍﺣﺠﺰ ﺑﻔﻨﺪﻕ ﻭﻧﻄﺎﻧﻲ ﺧﻂ ﻋﺮﺍﻗﻲ ﺣﺘﻰ ﺍﺫﺍ ﺍﺣﺘﺎﺝ ﺷﻲ ﺍﺗﺼﻞ ﻋﻠﻴﻪ ﺍﻭ ﺍﺫﺍ ﺍﺭﻳﺪﺓ ﻳﺎﺧﺬﻧﻲ ﺍﻟﻤﻜﺎﻥ
ﺑﻘﻴﺖ ﺑﺎﻟﻔﻨﺪﻕ ﻟﻠﻌﺼﺮ ﺍﺭﺗﺎﺣﻴﺖ ﺷﻮﻳﺔ ﻣﻦ ﺗﻌﺐ ﺍﻟﺴﻔﺮ
ﺑﻌﺪﻫﺎ ﻛﺸﺨﺖ ﻭﻗﺮﺭﺕ ﺍﺭﻭﺡ ﺍﺷﻮﻑ ﺣﺒﻴﺒﺘﻲ
ﺍﺳﺘﺤﻴﺖ ﺍﺗﺼﻞ ﻋﻠﻰ ﺍﻗﺎﺭﺏ ﺍﺣﻤﺪ ﺣﺘﻰ ﻳﺄﺧﺬﻧﻲ ﺍﻟﻤﻨﻄﻘﺔ ﺍﻳﺒﻚ ﻛﻠﺖ ﺍﻧﻲ ﺃﺧﺬ ﺗﻜﺴﻲ ﻭﺍﺭﻭﺡ ﺍﻛﻴﺪ . ﻣﺮﺍﺡ ﺍﺗﻮﻩ ﺍﺗﺼﻠﺖ ﻋﻠﻰ ﺍﻳﺒﻚ ﻭﺍﺧﺬﺕ ﺍﻟﻌﻨﻮﺍﻥ ﺍﻟﻤﻀﺒﻮﻁ ﻣﻨﻬﺎ ﻭﻃﻠﻌﺖ ﻣﻦ ﺍﻟﻔﻨﺪﻕ ﺍﺟﺮﺕ ﺗﻜﺴﻲ ﻭﺩﻟﻴﺘﺔ ﻋﻠﻰ ﺍﻟﻌﻨﻮﺍﻥ
ﻭﺻﻠﺖ ﻟﻠﻤﻜﺎﻥ ﺑﺲ ﺑﺼﺮﺍﺣﺔ ﻫﻮﺍﻳﻪ ﺷﻮﺍﺭﻉ ﻭﻓﺮﻭﻉ ﻣﺘﺸﺎﺑﻬﺔ ﺗﻬﺖ
ﺭﺟﻌﺖ ﺍﺗﺼﻠﺖ ﻋﻠﻰ ﺍﻳﺒﻚ ﻭﻫﻲ ﻇﻠﺖ ﺗﻮﺻﻔﻠﻲ ﺍﻟﻤﻜﺎﻥ ﻭﺍﻧﻲ ﺍﻃﻠﻊ ﻣﻦ ﻓﺮﻉ ﺍﺩﺧﻞ ﺑﻔﺮﻉ ﺛﺎﻧﻲ ﻭﻟﻠﻤﻐﺮﺏ ﺑﻘﻴﺖ ﻋﻠﻰ ﻫﺎﻱ ﺍﻟﺤﺎﻟﺔ ﺍﺧﻴﺮ ﺷﻲ ﻟﻜﻴﺖ ﺍﻟﺒﻴﺖ ﻭﻛﺤﻠﺖ ﻋﻴﻨﻲ ﺑﺸﻮﻓﺔ ﺣﺒﻴﺒﺘﻲ ﺻﺢ ﻣﻦ ﺑﻌﻴﺪ ﻣﺎ ﺍﻛﺪﺭ ﺍﻗﺘﺮﺏ ﻣﻨﻬﺎ ﻭﺍﺣﺠﻲ ﻭﻳﺎﻫﺎ ﻭﺍﻧﻲ ﻛﺎﻃﻊ ﻣﺴﺎﻓﺔ ﻃﻮﻳﻠﺔ ﺣﺘﻰ ﺍﺟﻲ ﻋﻠﻴﻬﺎ ﺑﺲ ﻋﺎﺩﻱ ﺣﺒﻴﺒﺘﻲ ﺗﺴﺘﺎﻫﻞ ﺍﻟﺘﻌﺐ ﺍﻟﻤﻬﻢ ﺷﻔﺘﻬﺎ
ﺑﻌﺪﻫﺎ ﺭﺩﺕ ﺍﺭﺟﻊ ﻟﻠﻔﻨﺪﻕ ﻻﻥ ﺍﻟﺪﻧﻴﺎ ﺻﺎﺭﺕ ﻇﻠﻤﺔ ﻭﺍﻟﻮﺿﻊ ﻣﻮﺯﻳﻦ ﻭﺳﺎﻋﺔ 12 ﻳﺼﻴﺮ ﺣﻈﺮ ﺗﺠﻮﺍﻝ ﻣﺸﻴﺖ ﻟﻠﺸﺎﺭﻉ ﺩﺍﻧﺘﻈﺮ ﺗﻜﺴﻲ
ﺟﺎﻥ ﺗﻄﺒﻚ ﻳﻤﻲ ﺳﻴﺎﺭﺓ ﻣﺸﻔﺖ ﻣﻨﻬﺎ ﺷﻲ ﻻﻥ ﺍﻟﺪﻧﻴﺎ ﻇﻠﻤﺔ ﻭﺍﻟﻀﻮﻩ ﻣﺎﻟﺘﻬﺎ ﻗﻮﻱ ﻋﻠﻰ ﻋﻴﻨﻲ
ﻧﺰﻟﻮﺍ ﻣﻨﻬﺎ ﺛﻼﺙ ﺷﺒﺎﺏ ﻣﺒﻴﻦ ﻣﻦ ﻣﺸﻴﺘﻬﻢ ﺳﻜﺮﺍﻧﻴﻦ
ﺗﻘﺪﻣﻮﺍ ﻋﻠﻴﺔ ﺍﺟﻮﺍ ﻳﺮﻳﺪﻭﻥ ﻳﻠﺰﻣﻮﻧﻲ ﻫﻤﺎ ﺍﺻﻼ ﻣﺎﺑﻴﻬﻢ ﺣﻴﻞ ﻳﻮﻛﻔﻮﻥ ﺩﻓﻌﺖ ﻭﺍﺣﺪ ﻣﻨﻬﻢ ﻭﺍﻟﺰﻣﺖ ﺍﻟﺜﺎﻧﻲ ﺷﺒﻌﺘﺔ ﺿﺮﺏ ﺑﺲ ﻓﺠﺄﺓ ﺍﺟﺘﻨﻲ ﺿﺮﺑﺔ ﻗﻮﻳﺔ ﻋﻠﻰ ﺭﺍﺳﻲ ﺑﺸﻲ ﺣﺪﻳﺪ ﻭﻛﻌﺖ ﻭﺑﻌﺪ ﻣﺤﺴﻴﺖ ﺑﺎﻟﺪﻧﻴﺎ ......
ﺑﺎﻟﺒﺎﺭﺕ ﺍﻟﻘﺎﺩﻡ ﺭﺍﺡ ﺗﻌﺮﻓﻮﻥ ﺷﻠﻮﻥ ﺗﻌﺮﻑ ﺇﻳﺎﺱ ﻋﻠﻰ ﺃﺑﻮ ﻗﺪﺭ .. ﺗﺤﻴﺎﺗﻲ ﻟﻠﺠﻤﻴﻊ ﻭﺷﻜﺮﺍ ﻋﻠﻰ ﺍﻟﺘﻌﻠﻴﻘﺎﺕ ﺍﻟﺤﻠﻮﺓ ﻭﺍﻟﺘﺼﻮﻳﺖ ﻓﺪﻳﺘﻜﻢ 🌹🌹 ﺑﺴﻤﺔ ﺍﻟﺒﻴﺎﺗﻲ
يتبع

[فيتامين سي]

ﺍﻟﻤﻐﺮﻭﺭﺓ - ﻭ - ﺍﻷﻋﻤﻰ -
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
- ﺑﺎﺭﺕ ﺍﻟﺘﺎﺳﻊ -

ﺇﻳﺎﺱ .... ﺃﺟﺘﻨﻲ ﺿﺮﺑﺔ ﻗﻮﻳﺔ ﻋﻠﻰ ﺭﺃﺳﻲ ﺑﻌﺪﻫﺎ ﻓﻘﺪﺕ ﻣﺤﺴﻴﺖ ﻏﻴﺮ ﻋﻠﻰ ﺻﻮﺕ ﺭﺟﺎﻝ ﻳﺤﺎﻭﻝ ﻳﻜﻌﺪﻧﻲ ﺑﺎﻟﻜﻮﺓ ﻛﺪﺭﺕ ﺃﻓﺘﺢ ﻋﻴﻨﻲ ﻣﻦ ﺍﻟﺪﻭﺧﺔ ﻭﺍﻟﺜﻘﻞ ﺍﻟﺒﺮﺃﺳﻲ ..
ﺑﺎﻭﻋﺖ ﺍﻟﺪﻧﻴﺎ ﻇﻠﻤﺔ ﻣﺎﻛﻮ ﻏﻴﺮ ﺿﻮﻩ ﺍﻟﺴﻴﺎﺭﺓ
ﻣﻜﺪﺭﺕ ﺃﺭﻛﺰ ﻋﻠﻰ ﺷﻜﻞ ﺍﻟﺮﺟﺎﻝ ﺑﺎﻟﺒﺪﺍﻳﺔ ﻋﺒﺎﻟﻲ ﻫﺬﺍ ﻭﺍﺣﺪ ﻣﻦ ﺍﻟﺘﻬﺠﻤﻮﺍ ﻋﻠﻴﻪ ﺭﺟﻌﺖ ﺍﻟﻴﻮﺭﺍ ﺑﺴﺮﻋﺔ
ﺃﺑﻮ ﻗﺪﺭ ،،ﻻﺗﺨﺎﻑ ﺍﻧﻲ ﺍﺭﻳﺪ ﺍﺳﺎﻋﺪﻙ ﺑﻴﻚ ﺷﻲ ﺗﺤﺘﺎﺝ ﺍﺧﺬﻙ ﻟﻠﻤﺴﺘﺸﻔﻰ
ﺇﻳﺎﺱ .. ﺑﺎﻭﻋﺖ ﻳﻤﻴﻦ ﻭ ﻳﺴﺎﺭ ﺍﻟﺸﺎﺭﻉ ﻓﺎﺭﻉ ﺟﺎﻭﺑﺘﺔ ﻻ ﺍﻟﺤﻤﺪﻟﻠﻪ ﻣﺎﺑﻴﺔ ﺷﻲ ﺑﺲ ﺍﺭﻳﺪ ﺃﺭﺟﻊ ﻟﻠﻔﻨﺪﻕ
.. ﺳﺎﻟﻨﻲ ﻟﻴﺶ ﺍﻧﺖ ﺍﻫﻠﻚ ﻭﻳﻦ ؟
ﺇﻳﺎﺱ .. ﺍﻧﻲ ﻣﻮ ﻣﻨﺎ ﺟﺎﻱ ﺯﻳﺎﺭﺓ
ﺍﺑﻮ ﻗﺪﺭ .. ﺑﻌﺪ ﺭﺑﻊ ﺳﺎﻋﺔ ﺗﺼﻴﺮ ﺳﺎﻋﺔ 12 ﻭﻣﻤﻨﻮﻉ ﺗﺠﻮﺍﻝ ﺷﻨﻮ ﺍﺳﻢ ﺍﻟﻔﻨﺪﻕ ؟
ﺇﻳﺎﺱ .. ﺍﻧﺼﺪﻣﺖ ﻣﻌﻘﻮﻟﺔ ﻛﻞ ﻫﺬﺍ ﺍﻟﻮﻗﺖ ﺍﻧﻲ ﺑﺎﻟﺸﺎﺭﻉ ﻭﻣﺤﺪ ﺍﺟﺔ ﺳﺎﻋﺪﻧﻲ
ﺍﺑﻮ ﻗﺪﺭ ... ﻫﺴﻪ ﺗﻌﺎﻝ ﺍﺻﻌﺪ ﻟﻠﺴﻴﺎﺭﺓ ﻭﺑﺎﻟﻄﺮﻳﻖ ﻧﻜﻤﻞ ﻛﻼﻣﻨﺎ ﻷﻥ ﻣﻈﻞ ﻭﻛﺖ
... ﺻﻌﺪﺕ ﻭﻳﺎﺍ ﻭﺍﻧﻲ ﻣﺘﺮﺩﺩ ﺑﻌﺪ ﺍﻟﻲ ﺻﺎﺭ ﺑﻴﻪ ﻣﺒﻘﺘﻠﻲ ﺛﻘﺔ ﺑﺎﺣﺪ ﺑﺲ ﻣﻌﻨﺪﻱ ﻏﻴﺮ ﺣﻞ ﺍﻟﻮﻗﺖ ﻣﺘﺄﺧﺮ ﻭﻣﺎﻛﻮ ﺳﻴﺎﺭﺍﺕ ﻭﻣﺎ ﺍﻛﺪﺭ ﺍﺑﻘﺔ ﻭﺣﺪﻱ ﺑﺎﻟﺸﺎﺭﻉ
ﻣﺪﻳﺖ ﺍﻳﺪﻱ ﺍﻟﺠﻴﺒﻲ ﻟﻜﻴﺖ ﺟﻴﻮﺑﻲ ﻓﺎﺭﻏﺔ
ﻻ ﻳﺎ ﺍﻟﻠﻪ ﺍﻟﻤﺤﻔﻈﺔ ﻭﺍﻟﻤﻮﺑﺎﻳﻞ ﻭﺣﺘﻰ ﺍﻟﺴﺎﻋﺔ ﻭﺍﻟﻨﻈﺎﺭﺍﺕ ﻣﺄﺧﺬﻳﻬﺎ ﻭﺍﻧﻲ ﻛﻞ ﻓﻠﻮﺳﻲ ﺑﺎﻟﻤﺤﻔﻈﺔ
ﺻﻌﺪﺕ ﻟﻠﺴﻴﺎﺭﺓ ﻭﺍﻧﻲ ﻣﺤﺘﺎﺭ ﺷﺴﻮﻱ ﺍﻟﺮﺟﺎﻝ ﺳﺎﻟﻨﻲ ﻋﻠﻰ ﺃﺳﻢ ﺍﻟﻔﻨﺪﻕ ﻣﻦ ﻛﺘﻠﺔ ﺍﻻﺳﻢ
ﺧﻄﻴﺔ ﺍﻟﺮﺟﺎﻝ ﺑﻘﺔ ﻣﺤﺘﺎﺭ
ﺍﺑﻮ ﻗﺪﺭ، ، ﺍﻟﻔﻨﺪﻕ ﺑﻌﻴﺪ ﻭﺍﺫﺍ ﻭﺻﻠﺘﻚ ﻣﺮﺍﺡ ﺍﻛﺪﺭ ﺍﺭﺟﻊ ﺍﻟﺒﺒﺘﻲ
ﺇﻳﺎﺱ .. ﺑﻘﻠﺔ ﺣﻴﻠﺔ ﻛﺘﻠﺔ ﻧﺰﻟﻲ ﻫﻨﺎ ﻭﺍﻧﺖ ﺃﺭﺟﻊ ﺍﻟﺒﺒﺘﻚ ﻗﺒﻞ ﻻﻳﻨﺴﺪ ﺍﻟﻄﺮﻳﻖ ﺭﺣﻢ ﺍﻟﻠﻪ ﻭﺍﻟﺪﻳﻚ ﻣﻘﺼﺮﺕ ﺳﻮﻳﺖ ﺍﻟﺘﻜﺪﺭ ﻋﻠﻴﻪ
ﺃﺑﻮ ﻗﺪﺭ .. ﻭﺍﻧﺖ ﺷﻠﻮﻥ ؟
ﺇﻳﺎﺱ .. ﺍﻟﻠﻪ ﻛﺮﻳﻢ ﺑﻠﻜﻲ ﺗﺠﻲ ﺩﻭﺭﻳﺔ ﺷﺮﻃﺔ ﻫﻤﺎ ﻳﻮﺻﻠﻮﻧﻲ
ﺍﺑﻮ ﻗﺪﺭ ... ﻻ ﺷﻠﻮﻥ ﺃﻋﻮﻓﻚ ﻭﺍﻟﻮﺿﻊ ﻣﻮﺯﻳﻦ ﺗﻌﺎﻝ ﺻﻴﺮ ﺿﻴﻔﻲ ﺍﻟﻴﻮﻡ ﻭﺍﻟﺼﺒﺢ ﺍﻥ ﺷﺎﺀ ﺍﻟﻠﻪ ﺍﻭﺻﻠﻚ ﻟﻠﻔﻨﺪﻕ
ﺇﻳﺎﺱ .. ﺗﻌﺠﺒﺖ ﻣﻨﻪ ﺷﻠﻮﻥ ﻳﺎﻣﻦ ﻳﺄﺧﺬ ﻭﺍﺣﺪ ﻏﺮﻳﺐ ﺍﻟﺒﻴﺘﺎ ﺍﺻﻼ ﻟﻮ ﻏﻴﺮﺓ ﻭﺍﺣﺪ ﺣﺘﻰ ﻣﻦ ﺷﺎﻓﻨﻲ ﻓﺎﻗﺪ ﺑﺎﻟﻜﺎﻉ ﻳﻌﻮﻓﻨﻲ ﻭﻳﻜﻤﻞ ﻃﺮﻳﻘﺔ ﻻﻥ ﻫﺎﻱ ﻣﺴﺆﻭﻟﻴﺔ
ﺍﺑﻮ ﻗﺪﺭ ... ﺍﻋﺮﻑ ﺑﺸﻨﻮ ﺗﻔﻜﺮ ﺗﺮﺓ ﺍﻟﺪﻧﻴﺎ ﺑﻌﺪﻫﺎ ﺑﺨﻴﺮ ﻫﻮﺍﻳﺔ ﺍﻛﻮ ﻣﺜﻠﻲ ﻭﺍﺣﺴﻦ ﻣﻨﻲ ﺍﻧﻲ ﻣﻦ ﺷﻔﺘﻚ ﻣﺸﻤﻮﺭ ﻋﻠﻰ ﺍﻟﺮﺻﻴﻒ ﻓﻜﺮﺕ ﺍﺫﺍ ﺍﻋﻮﻓﻚ ﻭﺍﻛﻤﻞ ﻃﺮﻳﻘﺔ ﻳﻤﻜﻦ ﺗﻄﻠﻊ ﻋﺎﻳﺶ ﻭﺧﻄﻴﺘﻚ ﺗﺒﻘﺔ ﺑﺮﻛﺒﺘﻲ
ﻛﻠﺖ ﺍﺷﻮﻑ ﺍﺫﺍ ﺑﻴﻚ ﺭﻭﺡ ﺍﺳﺎﻋﺪﻙ ﻭﺍﺫﺍ ﻻ ﺳﺎﻣﺢ ﺍﻟﻠﻪ ﻣﻴﺖ ﺭﺍﺡ ﺍﺿﻄﺮ ﺍﺭﺟﻊ ﺍﻟﺴﻴﺎﺭﺗﻲ ﻭﺍﻛﻤﻞ ﻃﺮﻳﻘﻲ
ﺑﺲ ﺍﻧﺖ ﺷﻄﻠﻌﻚ ﺑﻬﻴﺠﻲ ﻭﻗﺖ ﻭﻣﻨﻮ ﺿﺮﺑﻚ ؟
ﺇﻳﺎﺱ . ﺍﺳﺘﺤﻴﺖ ﺍﻛﻠﺔ ﺟﺎﻱ ﻋﻠﻤﻮﺩ ﺣﺒﻴﺒﺘﻲ
ﻛﺘﻠﺔ ﺟﺎﻱ ﺍﺯﻭﺭ ﺍﺻﺪﻗﺎﺀ ﻭﺗﻴﻬﺖ ﺍﻟﻄﺮﻳﻖ
ﻭﺣﺠﻴﺘﻠﺔ ﺷﻠﻮﻥ ﻫﺬﻭﻟﺔ ﺍﻟﺸﺒﺎﺏ ﺿﺮﺑﻮﻧﻲ ﻭﺳﺮﻗﻮﺍ ﻣﺤﻔﻈﺘﻲ ﻭﻧﻘﺎﻟﻲ
ﻭﺻﻠﻨﺔ ﺍﻟﻤﻨﻄﻘﺔ ﻗﺮﻳﺒﺔ ﻋﻠﻰ ﻣﻨﻄﻘﺔ ﺑﻴﺖ ﺃﻫﻞ ﺍﻳﺒﻚ
ﻃﺒﻚ ﺍﻟﺴﻴﺎﺭﺓ ﻛﺪﺍﻡ ﺑﻴﺖ ﻋﺒﺎﻟﻲ ﺑﻴﺘﻪ ﻧﺰﻝ ﻭﺩﻙ ﺍﻟﺒﺎﺏ ﺑﻌﺪ ﺩﻗﺎﻳﻖ ﻃﻠﻊ ﺭﺟﺎﻝ ﻣﻦ ﺍﻟﺒﻴﺖ ﺣﺠﺔ ﻭﻳﺎﺍ ﻫﺬﺍ ﺍﻟﺴﺎﻋﺪﻧﻲ
ﻭﺍﻧﻲ ﺍﻟﺤﺪ ﺍﻻﻥ ﻣﺎ ﺍﻋﺮﻑ ﺷﻨﻮ ﺍﺳﻢ ﻫﺬﺍ ﺍﻟﺮﺟﺎﻝ
ﺍﺟﺔ ﻋﻠﻴﻪ ﻟﻠﺴﻴﺎﺭﺓ ﻭﻃﻠﺐ ﻣﻨﻲ ﺍﻧﺰﻝ ﻛﺎﻝ ﺗﻌﺎﻝ ﻫﺬﺍ ﻣﻀﻤﺪ ﺧﻠﻲ ﻳﺸﻮﻑ ﺭﺍﺳﻚ ﻻﻥ ﺩﻳﻨﺰﻑ
ﺍﻧﻲ ﺍﺳﺘﺤﻴﺖ ﻣﻨﻪ ﻻﻥ ﻓﻠﻮﺳﻲ ﻛﻠﻬﺎ ﺍﺧﺬﻭﻫﺎ ﺑﻘﻴﺖ ﻭﺍﻛﻒ
ﺃﺑﻮ ﻗﺪﺭ .. ﺷﺒﻴﻚ ﻣﺤﺘﺎﺭ ﺍﻣﺸﻲ ﻳﻼ ﻣﻮﺯﻳﻦ ﺟﺮﺣﻚ ﺑﻌﺪﻩ ﻳﻨﺰﻑ ﻳﻤﻜﻦ ﻣﺤﺘﺎﺝ ﺧﻴﺎﻁ
... ﺟﺎﻭﺑﺘﺔ ﻭﺍﻧﻲ ﻣﻨﺤﺮﺝ ﻣﻨﻪ ﻣﻮ ﻛﺘﻠﻚ ﺍﻧﺴﺮﻗﺖ ﻣﺤﻔﻈﺘﻲ
ﺍﺑﻮ ﻗﺪﺭ .. ﺍﻣﺸﻲ ﻭﻳﺎﻱ ﺍﻧﺖ ﺍﻟﻴﻮﻡ ﺿﻴﻔﻲ ﻣﺎ ﺍﺭﻳﺪﻙ ﺗﺤﺠﻲ ﺷﻲ
ﺍﻟﻤﻀﻤﺪ ﻋﻘﻢ ﺍﻟﺠﺮﺡ ﺑﺲ ﺍﻟﺤﻤﺪﻟﻠﺔ ﻣﺠﺎﻥ ﻣﺤﺘﺎﺝ ﺧﻴﺎﻁ
ﻣﻦ ﺧﻼﻝ ﻛﻼﻡ ﺍﻟﻤﻀﻤﺪ ﻭﻳﺎ ﻫﺬﺍ ﺍﻟﺮﺟﺎﻝ ﻋﺮﻓﺖ ﻳﺴﻤﻮﺍ ﺍﺑﻮ ﻗﺪﺭ
ﺍﺧﺬﻧﻲ ﺍﺑﻮ ﻗﺪﺭ ﺍﻟﺒﻴﺘﺎ ﺩﺧﻠﻨﻲ ﻟﻸﺳﺘﻘﺒﺎﻝ ﺟﺎﻥ ﺑﻴﺖ ﺑﺴﻴﻂ ﺑﺲ ﻧﻈﻴﻒ ﻭﻣﺮﺗﺐ ﻭﺑﻜﻞ ﺭﻛﻦ ﻣﺒﻴﻦ ﺑﻲ ﻟﻤﺴﺔ ﻧﺴﺎﺋﻴﺔ ﻣﻦ ﻃﺮﻳﻘﺔ ﺍﻟﺘﺮﺗﻴﺐ
ﺍﺑﻮ ﻗﺪﺭ ﺳﺘﺄﺫﻥ ﻣﻨﻲ ﻭﻃﻠﻊ ﺑﻘﻴﺖ ﻭﺣﺪﻱ
ﺑﻌﺪ ﺩﻗﺎﺑﻖ ﺍﺟﺔ ﺷﺎﺏ ﻋﻤﺮﻩ ﺑﺪﺍﻳﺔ ﺍﻟﻌﺸﺮﻳﻦ
ﻋﺒﺎﻟﻲ ﺍﺑﻦ ﺍﺑﻮ ﻗﺪﺭ ﺑﺲ ﻣﻦ ﻋﺮﻓﻨﻲ ﻋﻦ ﻧﻔﺴﻪ ﻃﻠﻊ ﺧﻄﻴﺐ ﺑﻨﺘﺔ ﺍﺳﻤﺔ ﻋﻴﺴﻰ ﺍﻧﻲ ﻫﻢ ﻋﺮﻓﺘﺔ ﻋﻦ ﻧﻔﺴﻲ ﻻﻥ ﻟﻬﺴﻪ ﻣﻴﻌﺮﻓﻮﻥ ﺍﺳﻤﻲ
ﺑﻘﺔ ﻳﻤﻲ ﺳﻮﺍﻟﻒ ﻭﺷﻘﺔ ﻋﺒﺎﻟﻚ ﺍﻋﺮﻓﺔ ﻣﻦ ﺳﻨﻴﻦ ﺷﺎﺏ ﺩﺭﺓ ﻣﺎﻝ ﺍﻟﻠﻪ
ﺟﺎﺑﻮﺍ ﺍﻟﻌﺸﻰ ﺍﺳﺘﺤﻴﺖ ﻣﻨﻬﻢ ﻷﻥ ﺃّﻧﺨﺒﺼﻮﺍ ﺑﺴﺒﺒﻲ ﺑﻬﻞ ﻟﻴﻞ ...
ﺑﻘﻴﻨﺎ ﻧﺴﻮﺍﻟﻒ ﺍﻧﻲ ﻭ ﺃﺑﻮ ﻗﺪﺭ ﻭ ﻋﻴﺴﻰ
ﺳﺌﻠﻨﻲ . ﺍﺑﻮ ﻗﺪﺭ ﺍﻧﺖ ﻣﻦ ﻭﻳﻦ؟
ﺇﻳﺎﺱ .. ﺍﻧﻲ ﻋﺎﻳﺶ ﺑﺘﺮﻛﻴﺎ ﻭﺣﺪﻱ ﻣﻌﻨﺪﻱ ﺃﺣﺪ ﻭﺟﻴﺖ ﻟﻠﻌﺮﺍﻕ ﺯﻳﺎﺭﺓ ﻭﻳﻤﻜﻦ ﻋﻦ ﻗﺮﻳﺐ ﺃﺭﺟﻊ ﺍﻋﻴﺶ ﻫﻨﺎ
ﺍﺑﻮ ﻗﺪﺭ .. ﺍﻣﺎﻧﺔ ﺍﺫﺍ ﺟﻴﺖ ﺍﺳﺘﻘﺮﻳﺖ ﻫﻨﺎ ﺍﻱ ﺷﻲ ﺗﺤﺘﺎﺝ ﺍﻧﻲ ﻣﻮﺟﻮﺩ ﺍﻋﺘﺒﺮﻧﻲ ﻣﺜﻞ ﺍﺧﻮﻙ ﺍﻟﺠﺒﻴﺮ
ﺇﻳﺎﺱ ... ﻭﻧﻌﻢ ﻣﻨﻚ ﺍﺑﻮ ﻗﺪﺭ ﻭﺍﻟﻠﻪ ﻫﺎﻱ ﻭﻛﻔﺘﻚ ﻭﻳﺎﻱ ﻭﺿﻴﺎﻓﺘﻚ ﺍﻟﻲ ﺟﻤﻴﻞ ﻣﺎ ﺍﻧﺴﻰ ﻃﻮﻝ ﻋﻤﺮﻱ
ﺑﻘﻴﻨﺎ ﺳﻬﺮﺍﻧﻴﻦ ﺷﻮﻳﺔ ﺑﻌﺪﻳﻦ ﺍﺑﻮ ﻗﺪﺭ ﺳﺘﺄﺫﻥ ﻭﺭﺍﺡ ﻧﺎﻡ
ﺍﻧﻲ ﻫﻢ ﺟﻨﺖ ﺩﺍﻳﺦ ﻭﺗﻌﺒﺎﻥ ﺑﺲ ﺧﻠﻴﺖ ﺭﺃﺳﻲ ﻋﻠﻰ ﺍﻟﻤﺨﺪﺓ ﻧﻤﺖ
ﺛﺎﻧﻲ ﻳﻮﻡ ﺍﻟﺼﺒﺢ ﺑﻌﺪ ﺍﻟﺮﻳﻮﻙ ﺍﺧﺬﻧﻲ ﺃﺑﻮ ﻗﺪﺭ ﻟﻠﻔﻨﺪﻕ ﻭﺍﻧﻲ ﺟﻨﺖ ﻣﺤﺘﺎﺭ ﻭﺻﺎﻓﻦ ﺷﻠﻮﻥ ﺭﺍﺡ ﺃﻛﺪﺭ ﺃﺭﺟﻊ ﺍﻟﺘﺮﻛﻴﺎ ﻭﺍﻧﻲ ﻭ ﻻ ﺩﻳﻨﺎﺭ ﻋﻨﺪﻱ
ﺣﺘﻰ ﺭﻗﻢ ﺃﺣﻤﺪ ﺻﺪﻳﻘﻲ ﻭ ﻛﺮﺍﻳﺒﺔ . ﻣﺎﺣﻔﻈﺔ
ﺍﻟﺤﻤﺪﻟﻠﺔ ﺟﻨﺖ ﺩﺍﻓﻊ ﻓﻠﻮﺱ ﺍﻟﻔﻨﺪﻕ ﻣﻘﺪﻣﺎ ﻭﺟﻮﺍﺯﻱ ﺑﺎﻟﻔﻨﺪﻕ ﻋﻔﺘﺔ ﻳﻤﻜﻦ ﻫﺬﺍ ﺍﻟﺸﻲ ﻣﻦ ﺣﺴﻦ ﺣﻈﻲ
ﻭﺻﻠﻨﻲ ﺃﺑﻮ ﻗﺪﺭ ﻟﻠﻔﻨﺪﻕ
ﻗﺒﻞ ﻻ ﺍﻧﺰﻝ ﻣﻦ ﺍﻟﺴﻴﺎﺭﺓ ﺗﻔﺎﺟﺌﺖ ﺑﻲ ﻃﻠﻊ ﻓﻠﻮﺱ ﻭﻧﻄﺎﻧﻲ ﻭﺣﻠﻒ ﻻﺯﻡ ﺍﺧﺬﻫﻦ
ﻓﻌﻼ ﻫﺬﺍ ﺍﻟﺮﺟﺎﻝ ﺍﻟﻠﻪ ﺩﺯﺓ ﺍﻟﻲ ﺣﺘﻰ ﻳﻨﻘﺬﻧﻲ
ﺑﺼﺮﺍﺣﺔ ﻣﺎﻋﺮﻑ ﺷﻠﻮﻥ ﺭﺍﺡ ﺍﻛﺪﺭ ﺍﺭﺩﻟﺔ ﻫﺬﺍ ﻣﻌﺮﻭﻓﺔ ﻭﻳﺎﻱ
ﻭﻋﺪﺕ ﻧﻔﺴﻲ ﻣﻦ ﺍﺭﺟﻊ ﻟﻠﻌﺮﺍﻕ ﻻﺯﻡ ﺍﺯﻭﺭﻩ ﻭﺃﺭﺟﻌﻠﺔ ﻓﻠﻮﺳﺔ
ﺭﺟﻌﺖ ﺍﻟﺘﺮﻛﻴﺎ ﻭﻗﺮﺭﺕ ﺍﺻﻔﻲ ﺷﻐﻠﻲ ﻫﻨﺎﻙ ﻭﺍﺟﻤﻊ ﻓﻠﻮﺳﻲ ﻭﺃﺟﻲ ﺃﻋﻴﺶ ﺑﺎﻟﻌﺮﺍﻕ ﺣﺘﻰ ﺃﻛﺪﺭ ﺃﺯﻭﺝ ﺃﻳﺒﻚ
ﻛﺮﺍﻳﺐ ﺃﺣﻤﺪ ﻋﻨﺪﺓ ﺑﻴﺖ ﺑﻜﺮﻛﻮﻙ ﺟﺎﻥ ﻳﺮﻳﺪ ﻳﺒﻴﻌﺔ ﺑﻤﻨﻄﻘﺔ ﺣﻠﻮﺓ ﻭﻫﺎﺩﺉ ﺩﺯﻟﻲ ﺻﻮﺭﻩ ﺍﻟﺒﻴﺖ ﻣﺴﺎﺣﺘﺔ 600 ﻣﺘﺮ ﻭﺍﻟﺒﻨﺎﺀ ﺟﺪﻳﺪ ﻋﺠﺒﻨﻲ ﻭﺍﻟﺴﻌﺮ ﺟﺎﻥ ﻣﻨﺎﺳﺐ ﻻﻥ ﺍﻟﻮﻟﺪ ﻳﺮﻳﺪ ﻳﺒﻴﻌﺔ ﻭﻳﺴﺎﻓﺮ
ﺭﺟﻌﺖ ﻟﻠﻌﺮﺍﻕ ﺍﺷﺘﺮﻳﺖ ﺍﻟﺒﻴﺖ
ﻭﺟﻨﺖ ﺩﺍﺋﻤﺎ ﻋﻠﻰ ﺗﻮﺍﺻﻞ ﺍﻧﻲ ﻭﺃﻳﺒﻚ ﻭﻫﻲ ﺷﺠﻌﺘﻨﻲ ﻋﻠﻰ ﺍﻟﺮﺟﻌﺔ ﻣﺮ ﻋﻠﻰ ﺭﺟﻮﻋﻲ ﻟﻠﻌﺮﺍﻕ ﺛﻼﺙ ﺃﺷﻬﺮ
ﻛﺮﺍﻳﺐ ﺍﺣﻤﺪ ﺃﺳﻤﺔ ﻋﻠﻲ ﻋﻨﺪﺓ ﻣﻌﺮﺽ ﻳﺒﻴﻊ ﺑﻲ ﺍﺛﺎﺙ ﺗﺮﻛﻲ ﺃﻗﺘﺮﺡ ﻋﻠﻴﻪ ﺃﺩﺧﻞ ﻭﻳﺎ ﺷﺮﻳﻚ
ﻋﺠﺒﺘﻨﻲ ﺍﻟﻔﻜﺮﺓ ﻭﺷﺎﺭﻛﺘﺔ ﻭﺑﺴﺮﻋﺔ ﻛﺪﺭﺕ ﺍﺗﻌﻠﻢ ﻋﻠﻰ ﺍﻟﺸﻐﻞ ﻭﺣﺒﻴﺘﺔ ﺍﻛﺜﺮ ﻣﻦ ﺷﻐﻠﻲ ﺑﺎﻟﻤﻄﻌﻢ
ﻣﻦ ﺑﺪﺍﻳﺔ ﺭﺟﻮﻋﻲ ﻟﻠﻌﺮﺍﻕ ﻛﻠﻤﺎ ﺍﻛﻮﻝ ﺍﻷﻳﺒﻚ ﺧﻠﻲ ﺍﺟﻲ ﺍﺧﻄﺒﺞ ﺗﺄﺟﻠﻬﺎ ﻭﺗﻜﻮﻝ ﻻ ﻫﺴﻪ ﻣﻮ ﻭﻛﺘﻬﺎ
ﺑﺲ ﺍﻧﻲ ﻣﻜﺪﺭﺕ ﺍﺻﺒﺮ ﺍﻛﺜﺮ ﺃﺧﺬﺕ ﻋﻠﻲ ﻭﻛﻢ ﺻﺪﻳﻖ ﻭﺭﺣﻨﺎ ﺍﻟﺒﻴﺖ ﺍﻫﻠﻬﺎ
ﺃﺑﻮﻫﺎ ﺗﻔﺎﺟﺊ ﻣﻦ ﺷﺎﻓﻨﻲ ﺑﻘﺔ ﻣﺴﺘﻐﺮﺏ
ﺣﺠﻮﺍ ﺍﺻﺪﻗﺎﺋﻲ ﻭﻳﺎ ﻭﻛﺎﻟﻮﻟﺔ ﺟﺎﻳﻴﻦ ﻧﺨﻄﺐ ﺑﻨﺘﻚ ﺍﻹﻳﺎﺱ ﻭﺍﻋﺘﻘﺪ ﺍﻧﺖ ﺗﻌﺮﻓﺔ ﻭﻣﺎﻛﻮ ﺑﻌﺪ ﺳﺒﺐ ﻳﺨﻠﻴﻚ ﺗﺮﻓﻀﺔ
ﺍﺑﻮ ﺍﻳﺒﻚ .. ﻃﺒﻌﺎ ﺍﻧﻲ ﺍﺗﺸﺮﻑ ﺑﺈﻳﺎﺱ ﺑﺲ ﻟﻼﺳﻒ ﺍﺟﺔ ﻣﺘﺄﺧﺮ ﺑﻨﺘﻲ ﻣﺨﻄﻮﺑﺔ ﺻﺎﺭﻟﻬﺎ ﺷﻬﺮﻳﻦ ﻭﻋﺎﻗﺪﺓ ﻭﻋﺮﺳﻬﺎ ﻫﺬﺍ ﺍﻟﺸﻬﺮ
ﺇﻳﺎﺱ .. ﻋﻔﺘﻬﻢ ﻭﻃﻠﻌﺖ ﺑﺪﻭﻥ ﻣﺎ ﺃﺣﺠﻲ ﺃﻱ ﻛﻠﻤﺔ ﻳﻌﻨﻲ ﻣﻌﻘﻮﻟﺔ ﺍﻧﻲ ﺍﻟﻬﺪﺭﺟﺔ ﻣﻀﺤﻜﺔ ﻭﻟﻌﺒﺔ ﺑﻴﺪ ﺍﻟﻨﺴﻮﺍﻥ ﻭﺣﺪﺓ ﺗﻄﻌﻦ ﺑﺮﺟﻮﻟﺘﻲ ﻭ ﺍﻟﺜﺎﻧﻴﺔ ﻋﻠﻰ ﺫﻣﺔ ﻏﻴﺮﻱ ﻭﺗﻀﺤﻚ ﻋﻠﻴﺔ ﻭﺗﻤﺜﻞ ﺍﻟﺤﺐ
ﺭﺩﺕ ﺃﺭﺟﻊ ﺍﻟﺘﺮﻛﻴﺎ ﺑﺲ ﻋﻠﻲ ﻗﻨﻌﻨﻲ ﺍﺑﻘﺔ
ﻋﻠﻲ ... ﺃﻳﺎﺱ ﻟﻴﺶ ﺗﺨﻠﻲ ﻣﺮﺓ ﺗﻜﺴﺮﻙ ﺍﻧﺖ ﺃﺳﺴﺖ ﻧﻔﺴﻚ ﺃﻫﻨﺎ ﻭﺷﻐﻠﻚ ﺯﻳﻦ ﻭ ﻋﻨﺪﻙ ﺑﻴﺖ ﻭﺣﻴﺎﺗﻚ ﻭﺃﻣﻮﺭﻙ ﺍﻟﻤﺎﺩﻳﺔ ﺻﺎﺭﺕ ﺃﺣﺴﻦ ﻣﻦ ﻗﺒﻞ ﺍﻧﺴﺎﻫﺎ ﻭ ﻋﻴﺶ ﺍﻟﻨﻔﺴﻚ ﺗﺮﺓ ﻣﺤﺪ ﻳﻤﻮﺕ ﻭﺭﺍ ﺃﺣﺪ ﻭﺍﻟﻀﺮﺑﺔ ﺍﻟﺘﻮﺟﻌﻚ ﺃﻛﻴﺪ ﺗﻘﻮﻳﻚ
ﻭﻓﻌﻼ ﻗﺮﺭﺕ ﺃﺑﻘﺔ ﻭﺃﻋﻴﺶ ﺍﻟﻨﻔﺴﻲ ﻭﺑﺲ ﺷﻠﺖ ﻣﻦ ﻗﺎﻣﻮﺱ ﺣﻴﺎﺗﻲ ﺷﻲ ﺍﺳﻤﺔ ﺣﺐ ﻭ ﺯﻭﺍﺝ ﺑﻌﺪ ﻣﺒﻘﺔ ﻋﻨﺪﻱ ﺛﻘﺔ ﺑﺠﻨﺲ ﺣﻮﺍﺀ
ﺭﺣﺖ ﺯﺭﺕ ﺍﺑﻮ ﻗﺪﺭ ﻭﺻﺎﺭ ﻣﻦ ﺍﻋﺰ ﺍﺻﺪﻗﺎﺋﻲ
ﻋﻠﻲ ﺭﺍﺩ ﻳﺴﺎﻓﺮ ﺍﻧﻲ ﺃﺷﺘﺮﻳﺖ ﺣﺼﺘﺔ ﻭﺻﺎﺭ ﺍﻟﻤﻌﺮﺽ ﺍﻟﻲ
ﻋﻴﺴﻰ ﺍﺯﻭﺝ ﻭﺟﺎﻥ ﻣﺤﺘﺎﺝ ﺷﻐﻞ
ﺷﻐﻠﺘﺔ ﻭﻳﺎﻱ ﻻﻥ ﻣﺴﺘﺤﻴﻞ ﺍﻟﻜﻲ ﻭﺃﺣﺪ ﺑﺄﻣﻨﺘﺔ ﻭﺍﺧﻼﻗﺔ ﻭﻳﻜﻔﻲ ﻫﻮ ﻧﺴﻴﺐ ﺍﺑﻮ ﻗﺪﺭ
ﺃﻳﻠﻮﻝ .. ﺻﺎﺭﻟﻲ ﻳﻮﻣﻴﻦ ﻣﺎ ﺍﻃﻠﻊ ﻣﻦ ﺍﻟﻐﺮﻓﺔ ﺑﺲ ﻟﻠﻀﺮﻭﺭﺓ ﻣﺎﻟﻲ ﺧﻠﻚ ﺍﺳﻮﻱ ﺍﻱ ﺷﻲ ﻭﻣﺎﻣﺎ ﻋﺎﻳﻔﺘﻨﻲ ﺑﺮﺍﺣﺘﻲ
ﻭﺍﻟﺸﻲ ﺍﻟﻐﺮﻳﺐ ﺑﺎﺑﺎ ﺩﻳﺘﻬﺮﺏ ﻣﻦ ﺷﻮﻓﺘﻲ ﻭﻳﺤﺎﻭﻝ ﻣﻴﻠﺘﻘﻲ ﺑﻴﻪ ﺍﺑﺪ ..
ﺩﺧﻠﺖ ﻣﺎﻣﺎ ﻟﻠﻐﺮﻓﺔ
ﻣﺎﻣﺎ .. ﻟﻮﻟﺔ ﺍﺑﻮﺝ ﻳﺮﻳﺪ ﻳﺤﺠﻲ ﻭﻳﺎﺝ
ﺃﻳﻠﻮﻝ .. ﺷﻌﺠﺐ ﺍﻟﻴﻮﻡ ﻳﻼ ﺍﺫﻛﺮﻧﻲ
ﻫﻪ ﺻﺎﻳﺮ ﺑﻴﻨﺎ ﺭﺳﻤﻴﺎﺕ ﻳﺴﺘﺄﺫﻥ
ﻭﻳﺪﺯ ﻭﺳﻴﻂ ﺣﺘﻰ ﻳﺸﻮﻓﻨﻲ
ﻣﺎﻣﺎ .. ﺍﻳﻠﻮﻝ ﺍﺣﺘﺮﻣﻲ ﻧﻔﺴﺞ ﻋﻴﺐ ﺗﺤﺠﻲ ﻋﻠﻰ ﺍﺑﻮﺝ ﺑﻬﺎﻱ ﺍﻟﻄﺮﻳﻘﺔ
ﺍﻳﻠﻮﻝ .. ﻃﻠﻌﺖ ﻣﻦ ﺍﻟﻐﺮﻓﺔ ﺭﺣﺖ ﻟﻠﻬﻮﻝ ﺷﻔﺖ ﺑﺎﺑﺎ ﻛﺎﻋﺪ ﻣﻦ ﺷﺎﻓﻨﻲ ﺑﺎﻭﻉ ﻋﻠﻴﺔ
ﺷﻔﺖ ﻟﻤﻌﺔ ﺑﻌﻴﻨﺔ ﻋﺮﻓﺖ ﺑﻲ ﻣﺸﺘﺎﻗﻠﻲ ﻣﺜﻞ ﻣﺎ ﺍﻧﻲ ﻣﺸﺘﺎﻗﺘﻠﺔ ﺑﺲ ﺍﻟﻈﺎﻫﺮ ﺻﻌﺐ ﻋﻠﻴﺔ ﻳﻮﺍﺟﻬﻨﻲ
ﻛﺎﻡ ﻣﻦ ﻣﻜﺎﻧﺔ ﺗﻘﺪﻣﺖ ﻋﻠﻴﺔ ﺟﺎﻥ ﻳﺴﺤﺒﻨﻲ ﺍﻟﺤﻀﻨﺔ ﻭﺑﺎﺱ ﺭﺍﺳﻲ
ﺑﺎﺑﺎ .. ﺗﻌﺎﻟﻲ ﻟﻮﻟﺔ ﻛﻌﺪﻱ ﺑﺼﻔﻲ ﺳﺤﺒﻨﻲ ﻣﻦ ﺍﻳﺪﻱ ﻭﻛﻌﺪﻧﻲ ﺳﺤﺐ ﻧﻔﺲ ﻋﻤﻴﻖ ﻭﺣﺠﺔ
ﻟﻮﻟﺔ ﺑﺎﺟﺮ ﺇﻳﺎﺱ ﺭﺍﺡ ﻳﺠﻲ ﻭﻳﺮﻳﺪ ﻳﺤﺠﻲ ﻭﻳﺎﺝ
ﻛﻤﺰﺕ ﻣﻦ ﻣﻜﺎﻧﻲ ﺑﺴﺮﻋﺔ ﻛﻤﺖ ﻭﻛﻔﺖ
ﺃﻳﻠﻮﻝ .. ﻟﻴﺶ ﻳﺠﻲ ﺷﻴﺮﻳﺪ ﻳﺤﺠﻲ ﺍﻧﻲ ﻣﻮ ﺍﻧﻄﻴﺘﻚ ﻣﻮﺍﻓﻘﺘﻲ ﻭﺧﻠﺺ
ﺑﺎﺑﺎ ﺻﺎﻓﻦ ﻋﻠﻴﺔ ﻭ ﻋﻠﻰ ﺭﺩﺕ ﻓﻌﻠﻲ
ﺭﺟﻊ ﺳﺤﺒﻨﻲ ﻣﻦ ﺍﻳﺪﻱ ﻭﻛﻌﺪﻧﻲ
ﺑﺎﺑﺎ .. ﺇﻳﺎﺱ ﻳﺮﻳﺪ ﺑﻨﻔﺴﺔ ﻳﺠﻲ ﻳﺴﻤﻊ ﻣﻨﺞ ﺍﻟﻤﻮﺍﻓﻘﺔ
ﺇﻳﻠﻮﻝ .. ﻫﻤﺴﺖ ﺑﻴﻨﻲ ﻭﺑﻴﻦ ﻧﻔﺴﻲ ﺍﻭﻭﻭﻑ ﻳﺎﺭﺑﻲ ﻫﺎﻱ ﺷﺮﺍﺡ ﻳﻔﻀﻬﺎ
ﺍﻭﻙ ﺑﺎﺑﺎ ﻫﺴﻪ ﺍﻛﺪﺭ ﺍﺭﻭﺡ
ﺍﺷﺮﻟﻲ ﺑﺮﺃﺳﺔ ﻳﻌﻨﻰ ﺍﻱ
ﻋﻔﺘﺔ ﻭﺭﺟﻌﺖ ﻟﻠﻐﺮﻓﺔ
ﻳﺎﺭﺑﻲ ﺷﺴﻮﻱ ﺳﺎﻋﺪﻧﻲ ﻣﺠﺮﺩ ﺍﺳﻤﻊ ﺍﺳﻤﺔ ﻣﻌﺪﺗﻲ ﺗﻘﻠﺐ ﻫﺎﻱ ﺷﻠﻮﻥ ﺭﺍﺡ ﺍﻛﺪﺭ ﺍﻋﻴﺶ ﻭﻳﺎ ﺑﻴﺖ ﻭﺍﺣﺪ ﻭﺍﻟﻠﻪ ﺻﻌﺒﺔ ﺩﺧﻴﻠﻚ ﺭﺑﻲ ﺳﺎﻋﺪﻧﻲ
ﺑﻘﻴﺖ ﺑﺎﻟﻐﺮﻓﺔ ﻟﻠﻌﺼﺮ ﺳﻤﻌﺖ ﺻﻮﺕ ﻫﻮﺳﺔ ﺑﺮﺓ ﺑﺲ ﺍﺑﺪ ﻣﺎﻟﻲ ﻣﺰﺍﺝ ﺍﺭﻭﺡ ﺍﺷﻮﻑ ﺷﻜﻮ
ﻭﺍﻟﺒﻠﻴﻞ ﺍﻟﻔﺘﺎﻥ ﻫﻞ ﻣﺮﺓ ﻣﺎﻛﻮ ﻣﺎﺟﺘﻲ ﺗﻨﻘﻠﻲ ﺍﻷﺧﺒﺎﺭ
ﺑﻘﻴﺖ ﺑﻤﻜﺎﻧﻲ ﺑﺲ ﻣﻦ ﺳﻤﻌﺖ ﺻﻮﺕ ﻭﺩ ﺗﺒﺠﻲ ﻣﺘﺤﻤﻠﺖ ﻃﻠﻌﺖ ﺍﺷﻮﻑ ﺷﺒﻴﻬﺎ
ﺑﺎﻭﻋﺖ ﻟﻜﻴﺘﻬﺎ ﻛﺎﻋﺪﺓ ﻳﻢ ﺑﺎﺑﺎ ﻭﻣﺎﻣﺎ ﻭﻣﻴﺘﺔ ﺑﺠﻲ
ﺑﺎﺑﺎ .. ﺗﻌﺎﻟﻲ ﺍﻳﻠﻮﻝ ﻛﻮﻣﻲ ﻭﺩ ﺗﻐﺴﻞ ﻭﺟﻬﺔ ﻭﺍﺧﺬﻳﻬﺎ ﻟﻠﻐﺮﻓﺔ ﺗﺮﺗﺎﺡ
ﺭﺍﺣﺖ ﻭﺩ ﻏﺴﻠﺖ ﻭﺍﺟﺖ ﻟﻠﻐﺮﻓﺔ ﻭﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﺔ ﻭﺩﻓﻨﺖ ﺭﺃﺳﻬﺎ ﺑﺎﻟﻤﺨﺪﺓ ﻭﺑﻘﺖ ﺗﺒﺠﻲ ﻭﺍﻧﻲ ﻣﺜﻞ ﺍﻻﻃﺮﺵ ﺑﺎﻟﺰﻓﺔ
ﺃﻳﻠﻮﻝ .. ﺍﺟﻴﺖ ﻛﻌﺪﺕ ﻳﻤﻬﺎ ﻭﺩ ﺷﺒﻴﺞ ﻟﻴﺶ ﺗﺒﺠﻴﻦ . ﺷﻨﻮ ﻣﺘﻌﺎﺭﻛﺔ ﻭﻳﺎ ﻋﻴﺴﻰ؟
ﻫﺰﺕ ﺭﺃﺳﻬﺎ ﺑﻤﻌﻨﻰ ﻻ
... ﻫﻔﻔﻒ ﻟﻌﺪ ﺷﺒﻴﺞ ﺍﺫﺍ ﻣﺘﺤﺠﻴﻦ ﺍﺻﻴﺢ ﻣﺎﺭﻱ ﺗﺤﺠﻴﻠﻲ
ﻭﺩ ﻣﺴﺤﺖ ﺩﻣﻮﻋﻬﺎ ﻭﻋﺪﻟﺖ ﻛﻌﺪﺗﻬﺎ ﻭﺣﺠﺖ
.. ﺍﻟﻴﻮﻡ ﺍﻟﻈﻬﺮ ﺟﻨﺎ ﺍﻧﻲ ﻭ ﻋﻴﺴﻰ ﻧﺘﻐﺪﺓ
ﻋﻴﺴﻰ .. ﺍﻟﻴﻮﻡ ﻣﻦ ﺟﻨﺖ ﻳﻢ ﺇﻳﺎﺱ ﺳﻤﻌﺘﺔ ﺧﺎﺑﺮ ﻋﻤﻲ ﻭﻛﺎﻟﺔ ﻳﺮﻳﺪ ﻳﺤﺠﻲ ﻭﻳﺎ ﺃﻳﻠﻮﻝ ﻋﻠﻰ ﻣﻮﺿﻮﻉ ﺍﻟﺨﻄﻮﺑﺔ
ﻟﺞ ﻋﻴﺴﻰ ﺑﻌﺪﻩ ﻣﻤﻜﻤﻞ ﻛﻼﻣﺔ ﺳﻤﻌﻨﺎ ﺻﻴﺎﺡ ﻣﻬﺎ .
ﻣﻬﺎ .. ﻃﻠﻌﺖ ﻫﻴﺠﻲ ﺍﻟﺴﺎﻟﻔﺔ ﺍﺧﺘﺞ ﺍﻟﺒﺎﻳﺮﺓ ﺣﺎﻃﺔ ﻋﻴﻨﻬﺎ ﻋﻠﻰ ﺇﻳﺎﺱ ﻭﺷﺎﻓﺘﺔ ﺻﺎﺭ ﺍﻋﻤﻰ ﺟﻠﺒﺖ ﺑﻲ ﻻﻥ ﻫﻲ ﺑﻌﺪ ﻣﻨﻮ ﻳﺄﺧﺬﻫﺎ ﺑﺲ،ﺗﺤﻠﻢ ﺍﺧﻠﻴﻬﺎ ﺗﺎﺧﺬﺓ
ﻋﻴﺴﻰ ﻟﺰﻣﻬﺎ ﻣﻦ ﺷﻌﺮﻫﺎ ﻭﻳﻀﺮﺏ ﺑﻴﻬﺎ ﻭﻫﻲ ﻭﻻ ﺳﻜﺘﺖ
ﺍﺟﺔ ﺍﺳﺎﻣﺔ ﺑﺎﻟﻜﻮﺓ ﻛﺪﺭ ﻳﺨﻠﺺ ﻣﻬﺎ ﻣﻦ ﺍﻳﺪ ﻋﻴﺴﻰ
ﻣﻬﺎ .. ﺍﺳﺎﻣﺔ ﺑﺎﺭﻙ ﺍﻟﻮﺩ ﺍﺧﺘﻬﺎ ﺍﻟﺒﺎﻳﺮﺓ ﺭﺍﺡ ﺗﺘﺰﻭﺝ
ﺍﺳﺎﻣﺔ .. ﺑﺎﻭﻉ ﻋﻠﻴﺔ ﺷﻨﻮ ﻣﻨﻮ ﺭﺍﺡ ﺗﺘﺰﻭﺝ
ﺍﻧﻲ ﺳﻜﺘﺖ
ﺟﺎﻭﺑﺘﺔ ﻣﻬﺎ ﺍﻳﻠﻮﻝ ﺭﺍﺡ ﺗﺘﺰﻭﺝ
ﺍﺷﻮ ﻫﺬﺍ ﺍﻧﻜﻠﺐ ﻭﺣﺶ ﺍﻟﻴﻮﻡ ﺍﺣﺮﻙ ﺑﻴﺘﻜﻢ ﻋﻠﻴﻜﻢ ﻟﻴﺶ ﺍﻧﺘﻮ ﺑﻜﻴﻔﻜﻢ ﺗﻨﻄﻮﻫﺎ ﻭﺟﺎﻥ ﻳﻀﺎﺭﺑﻮﻥ ﻫﻮ ﻭﻋﻴﺴﻰ
ﻭﻟﺞ ﺍﻳﻠﻮﻝ ﺣﺘﻰ ﺍﻧﻲ ﻫﺪ ﻋﻠﻴﻪ ﻫﺬﺍ ﺍﻟﻨﺎﻗﺺ ﻳﺮﻳﺪ ﻳﻀﺮﺑﻲ
ﺍﻧﻲ ﻭﻋﻴﺴﻰ ﻋﻔﻨﺎ ﺍﻟﺒﻴﺖ ﻭﻃﻠﻌﻨﺎ
ﺍﻳﻠﻮﻝ .. ﻟﻌﺪ ﻋﻴﺴﻲ ﻫﺴﻪ ﻭﻳﻨﺔ؟
.. ﺭﺍﺡ ﻳﺒﻘﺔ ﻳﻢ ﺇﻳﺎﺱ
ﺃﻳﻠﻮﻝ .. ﻛﺎﻓﻲ ﻻﺗﺒﺠﻴﻦ ﺍﺳﺎﻣﺔ ﻭﻣﻬﺎ ﺛﻨﻴﻨﻬﻢ ﻃﺎﻳﺢ ﺣﻈﻬﻢ ﻭﺑﺲ ﻟﺴﺎﻥ ﺍﻭﻭﻭﻭﻭﻑ ﻳﺎﺭﺑﻲ ﺑﻌﺪﻧﻲ ﺑﺎﻟﺒﺪﺍﻳﺔ ﻭﺍﻟﻤﺸﺎﻛﻞ ﻋﻠﻰ ﺭﺍﺳﻲ
ﺛﺎﻧﻲ ﻳﻮﻡ ﺍﺟﺔ ﺇﻳﺎﺱ ﺗﻐﺪﺓ ﻳﻤﻨﺎ
ﺍﻧﻲ ﺣﺒﺴﺖ ﺭﻭﺣﻲ ﺑﺎﻟﻐﺮﻓﺔ ﻭﺑﻘﻴﺖ ﺍﻟﻮﺏ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﺍﻟﻘﻬﺮ ﻳﻌﺼﺮ ﺑﻘﻠﺒﻲ
ﺧﻠﺼﻮﺍ ﻏﺪﺓ ﺍﺟﺖ ﻣﺎﻣﺎ ﻛﺎﻟﺖ ﺍﻣﺸﻲ ﻳﺮﻳﺪﻭﺝ ﺑﺎﻻﺳﺘﻘﺒﺎﻝ
ﺩﺧﻠﺖ ﻟﻼﺳﺘﻘﺒﺎﻝ ﺷﻔﺖ ﺑﺎﺑﺎ ﻭﻋﻴﺴﻰ ﻭﺇﻳﺎﺱ ﻛﺎﻋﺪﻳﻦ ﺟﺮﻳﺖ ﻧﻔﺲ ﻭﻛﻠﺖ ﺍﻟﺴﻼﻡ ﻋﻠﻴﻜﻢ
ﺇﻳﺎﺱ ﻣﻦ ﺳﻤﻊ ﺻﻮﺗﻲ ﺭﻓﻊ ﺭﺃﺳﺔ ﻭﻧﺪﺍﺭ ﻋﻠﻰ ﺍﻟﻤﻜﺎﻥ ﺍﻟﻲ ﺍﺟﺔ ﻣﻨﻪ ﺍﻟﺼﻮﺕ ﻭ ﺭﺩ ﺍﻟﺴﻼﻡ
ﺑﺎﺑﺎ .. ﺗﻌﺎﻟﻲ ﺑﻨﺘﻲ ﻟﻮﻟﺔ ﻛﻌﺪﻱ ﺍﻫﻨﺎ
.. ﺍﺟﻴﺖ ﻛﻌﺪﺕ ﺑﺼﻒ ﺑﺎﺑﺎ ﻭﺍﺑﺪ ﻣﺒﺎﻭﻋﺖ ﻋﻠﻰ ﺍﻟﻄﺮﻑ ﺍﻟﻜﺎﻋﺪ ﺑﻲ ﺇﻳﺎﺱ
ﺑﺎﺑﺎ ﻭﻋﻴﺴﻰ ﻛﺎﻣﻮﺍ ﺩﻳﻄﻠﻌﻮﻥ ﺟﻠﺒﺖ ﺑﻴﺪ ﺑﺎﺑﺎ ﻫﻤﺴﺖ ﺑﺼﻮﺕ ﻧﺎﺻﻲ ﻋﺰﺍﺍﺍ ﻫﺎﻱ ﻭﻳﻦ ﻋﺎﻳﻔﻨﻲ ﻭﺣﺪﻱ
ﺑﺎﺑﺎ .. ﺑﻨﺘﻲ ﺇﻳﺎﺱ ﺍﺳﺘﺄﺫﻥ ﻣﻨﻲ ﻳﺤﺠﻲ ﻭﻳﺎﺝ ﻭﺣﺪﻛﻢ ﻭﺍﻧﻲ ﻭﺍﻓﻘﺖ ﻫﻮ ﻣﻮ ﻏﺮﻳﺐ ﻭﺭﺍﺡ ﻳﺼﻴﺮ ﻣﻦ ﺍﻫﻞ ﺍﻟﺒﻴﺖ ﻭﺟﺎﻥ ﻳﻌﻮﻓﻨﻲ ﻭﻳﺎﺧﺬ ﻋﻴﺴﻲ ﻭﻳﻄﻠﻊ
ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻴﺔ ﺷﺎﺏ ﻧﻬﺎﻳﺔ ﺍﻟﺜﻼﺛﻴﻦ ﻭﺳﻴﻢ ﺟﺪﺍ ﻭﺍﻧﻴﻖ ﺑﺸﻜﻞ ﻋﻄﺮﺓ ﺗﺎﺭﺱ ﺍﻷﺳﺘﻘﺒﺎﻝ ﺑﺲ ﺭﻏﻢ ﻫﺬﺍ ﻣﺎ ﺍﻃﻴﻘﺔ ﻭﻣﺎ ﺍﻋﺮﻑ ﺷﻨﻮ ﺍﻟﺴﺒﺐ
ﺍﺣﻢ ﺍﺣﻢ
ﺇﻳﺎﺱ .. ﺷﻨﻮ ﺍﺳﻤﺞ؟
... ﺍﻳﻠﻮﻝ
ﺇﻳﺎﺱ .. ﻋﺎﺷﺖ ﺍﻷﺳﺎﻣﻲ ﺍﻳﻠﻮﻝ
ﺃﻳﻠﻮﻝ .. ﺗﺴﻠﻢ
ﺇﻳﺎﺱ .. ﺍﺳﻤﻌﻴﻨﻲ ﺯﻳﻦ ﺍﻳﻠﻮﻝ ﺍﻧﺘﻲ ﺩﺗﺸﻮﻓﻴﻦ ﻫﺎﻱ ﺣﺎﻟﺘﻲ ﻭﻳﻤﻜﻦ ﺭﺍﺡ ﺍﺑﻘﺔ ﻃﻮﻝ ﻋﻤﺮﻱ ﺑﻬﺬﺍ ﻭﺿﻌﻲ ﺍﻧﻲ ﻣﺎ ﺍﺭﻳﺪ ﺍﻇﻠﻤﺞ ﻭﻳﺎﻱ ﺍﺫﺍ ﺗﺸﻮﻓﻴﻦ ﻧﻔﺴﺞ ﺻﻌﺐ ﺗﺘﻘﺒﻠﻴﻦ ﻭﺍﺣﺪ ﺍﻋﻤﻰ ﺗﻜﻤﻠﻴﻦ ﺣﻴﺎﺗﺞ ﻭﻳﺎﺍ ﻣﻦ ﻫﺴﻪ ﻛﻮﻟﻴﻠﻲ ﻭﻋﻮﻓﻲ ﺍﻟﺒﺎﻗﻲ ﻋﻠﻴﻪ ﻭﻣﻌﻠﻴﺞ ﺑﺎﻫﻠﺞ ﻻﻥ ﻫﺬﺍ ﺯﻭﺍﺝ ﻣﻮ ﻟﻌﺐ
ﺍﻳﻠﻮﻝ .. ﺍﻧﻲ ﻣﺪﻧﻜﺔ ﺭﺍﺳﻲ،ﻭﺍﺳﻤﻌﺔ ﺗﻠﻤﺴﺖ ﺧﺪﻱ ﺩﻣﻮﻋﻲ ﺩﺗﻨﺰﻝ ﻏﺼﺐ ﻋﻨﻲ ﺳﻤﻌﺘﺔ ﻳﻜﻮﻟﻲ ﺟﺎﻭﺑﻲ ﺍﻳﻠﻮﻝ ﻟﻴﺶ ﺳﺎﻛﺘﺔ
ﺭﻓﻌﺖ ﺭﺍﺳﻲ ﻭﻣﺴﺤﺖ ﺩﻣﻮﻋﻲ ﻭﺟﺎﻭﺑﺘﻪ
ﺍﻧﻲ ﻭﺍﻓﻘﺖ ﺑﺎﺭﺩﺗﻲ ﻭﻣﺤﺪ ﺟﺒﺮﻧﻲ ﻭﻣﻦ ﺍﻟﺒﺪﺍﻳﺔ ﺍﻧﻲ ﺍﻋﺮﻑ ﺑﺤﺎﻟﺘﻚ ﻭﻋﺎﺩﻱ ﻣﻌﻨﺪﻱ ﺍﻱ ﺍﻋﺘﺮﺍﺽ ﻋﻠﻴﻬﺎ
ﺍﻳﻠﻮﻝ ﻣﺎ ﺍﻋﺮﻑ ﻟﻴﺶ ﺷﻔﺘﻪ ﻣﻦ ﺳﻤﻊ ﻫﺬﺍ ﺟﻮﺍﺑﻲ ﺿﺎﺝ
ﺇﻳﺎﺱ ... ﺍﻭﻙ ﻟﻌﺪ ﻭﺍﻧﻲ ﺍﻥ ﺷﺎﺀ ﺍﻟﻠﻪ ﻣﺎ ﺍﻗﺼﺮ ﻭﻳﺎﺝ ﺑﺸﻲ ﻭﺷﺘﻄﻠﺒﻴﻦ ﺍﻧﻲ ﺣﺎﺿﺮ
ﺍﻳﻠﻮﻝ .. ﻣﻌﻨﺪﻱ ﺍﻱ ﻃﻠﺒﺎﺕ
ﺇﻳﺎﺱ .. ﺑﺘﻌﺠﺐ ﻟﻴﺶ؟
ﺃﻳﻠﻮﻝ .. ﺑﻨﻔﺎﺫ ﺻﺒﺮ ﺍﻧﻲ ﻣﺘﻬﻤﻨﻲ ﺍﻻﻣﻮﺭ ﺍﻟﻤﺎﺩﻳﺔ
ﺇﻳﺎﺱ .. ﺍﻫﺎﺍ . ﺑﺲ ﺍﻧﻲ ﻗﺮﺭﺕ ﺍﺳﺠﻞ ﺑﺎﺳﻤﺞ 200 ﻣﺘﺮ ﻣﻦ ﻣﺴﺎﺣﺔ ﺑﻴﺘﻲ
ﺃﻳﻠﻮﻝ .. ﻋﺰﺍﺍﺍﺍ ﻫﺬﺍ ﺷﺪﻳﺤﺠﻲ ﻳﺮﻳﺪ ﻳﺮﺑﻄﻨﻲ ﺑﻲ ﻟﻼﺑﺪ
ﻛﻤﻞ ﻛﻼﻣﺔ ﻋﻨﺪﻱ ﺍﻗﺘﺮﺍﺡ ﺍﻟﺞ
ﺍﻳﻠﻮﻝ .. ﺷﻨﻮ ﻫﻮ؟
ﺇﻳﺎﺱ .. ﺷﻨﻮ ﺭﺍﻳﺞ ﻳﺠﻮﻥ ﺍﻫﻠﺞ ﻳﻌﻴﺸﻮﻥ ﻭﻳﺎﻧﺔ؟
ﺃﻳﻠﻮﻝ .. ﻓﺘﺤﺖ ﻋﻴﻨﻲ ﻣﺼﺪﻭﻣﺔ ﺍﻟﻠﻪ ﻋﻠﻴﻚ ﺻﺪﻭﻙ ﺩﺗﺤﺠﻲ
ﺇﻳﺎﺱ .. ﺍﻱ ﺻﺪﻙ ﺍﻟﺒﻴﺖ ﺟﺒﻴﺮ ﻭﺍﻧﻲ ﻭﺣﺪﻱ ﻣﻦ ﺯﻣﺎﻥ ﻣﺤﺎﺱ ﺑﺎﻻﺟﻮﺍﺀ ﺍﻟﻌﺎﺋﻠﻴﺔ ﻭﺍﺗﻤﻨﻰ ﺍﻫﻠﺞ ﻳﻜﻮﻧﻮﻥ ﻣﺜﻞ ﻋﺎﺋﻠﺘﻲ
ﺃﻳﻠﻮﻝ .. ﺍﺷﻜﺪ ﺟﻨﺖ ﺿﺎﻳﺠﺔ ﺑﺲ ﻓﺮﺣﺖ ﻣﻦ ﻫﻴﺠﻲ ﻛﺎﻝ
ﻟﻜﻦ ﺍﺫﻛﺮﺕ ﺑﺎﺑﺎ ﺍﻛﻴﺪ ﻣﺮﺍﺡ ﻳﻮﺍﻓﻖ
ﺇﻳﺎﺱ .. ﺍﺷﻮ ﻫﻢ ﺭﺟﻌﺘﻲ ﺳﻜﺘﻲ
ﺍﻳﻠﻮﻝ .. ﺑﺎﺑﺎ ﺍﻛﻴﺪ ﻣﻴﻮﺍﻓﻖ
ﺇﻳﺎﺱ ﻧﺤﺎﻭﻝ ﺍﻧﻲ ﻭﻳﺎﺝ ﻧﻘﻨﻌﺔ . ﺭﻭﺣﻲ ﺻﻴﺤﻲ
ﺍﻳﻠﻮﻝ .. ﺻﺤﺖ ﺑﺎﺑﺎ . ﻭﺍﺟﺔ ﻫﻮ ﻭ ﻋﻴﺴﻰ
ﺇﻳﺎﺱ ﻓﺘﺢ ﻭﻳﺎ ﺍﻟﻤﻮﺿﻮﻉ ﺑﺲ ﻟﻼﺳﻒ ﺭﻓﺾ ﺭﻓﺾ ﻗﺎﻃﻊ
ﺇﻳﺎﺱ .. ﺯﻳﻦ ﺍﻧﻲ ﻋﻨﺪﻱ ﺣﻞ ﻳﺮﺿﻴﻚ
ﺍﺑﻮ ﻗﺪﺭ .. ﻭﺍﻟﻠﻪ ﻳﺎ ﺇﻳﺎﺱ ﻛﻞ ﺍﻟﺤﻠﻮﻝ ﻣﺮﻓﻮﺿﺔ
.. ﻫﺴﻪ ﺍﺳﻤﻌﻨﻲ ﻭﺑﻌﺪﻳﻦ ﻗﺮﺭ ﺗﺮﻓﺾ ﺍﻭ ﻻ
ﺍﻧﺖ ﻗﺒﻞ ﻓﺘﺮﺓ ﻣﻮ ﺍﺳﺘﻠﻤﺖ ﺍﺭﺽ ﺑﺎﻃﺮﺍﻑ ﻛﺮﻛﻮﻙ ﻭﺭﺩﺕ ﺗﺒﻴﻌﻬﺎ ﺑﺲ ﻣﺠﺎﺑﺖ ﺳﻌﺮ ﺯﻳﻦ
ﺍﺑﻮ ﻗﺪﺭ .. ﺍﻱ ﺻﺢ ﺑﺲ ﺷﺠﺎﺏ ﻫﺎﻱ ﻋﻠﻰ ﻫﺎﻱ
ﺇﻳﺎﺱ .. ﺷﻮﻑ ﺍﻧﺖ ﺭﺍﺡ ﺗﺴﺠﻞ ﻗﻄﻌﺔ ﺍﻷﺭﺽ ﺑﺎﺳﻢ ﺍﻳﻠﻮﻝ ﻣﻬﺮﻫﺎ
ﻭﺍﻧﻲ ﺍﺳﺠﻞ 200 ﻣﺘﺮ ﺍﻟﻲ ﻫﻲ ﻣﺴﺎﺣﺔ ﺍﻟﺤﺪﻳﻘﺔ ﺑﺎﺳﻤﻚ
ﺍﺑﻮ ﻗﺪﺭ .. ﻻ ﻫﻢ ﻣﺘﺮﻫﻢ ﺻﻌﺒﻪ
ﺇﻳﺎﺱ .. ﻫﻲ ﺷﻨﻮ ﺍﻟﺼﻌﺒﺔ ﺗﺮﺓ ﺍﻧﺖ ﺭﺍﺡ ﺗﻜﻌﺪ ﺑﻤﻠﻜﻚ ﻣﻮ ﻳﻤﻲ ﻭﺷﻮﻛﺖ ﻣﺎ ﺍﻧﻲ ﺻﺎﺭ ﻋﻨﺪﻱ ﺍﻃﻔﺎﻝ ﻭﺣﺘﺎﺟﻴﺖ ﺑﺎﻗﻲ ﺍﻟﺒﻴﺖ ﻋﻮﺩ ﺍﻧﺖ ﺍﺑﻨﻲ ﺑﻴﺘﻚ ﺑﺎﻻﺭﺽ ﻣﺎﻟﺘﻚ ﺍﻟﻲ ﻫﻲ ﺍﻟﺤﺪﻳﻘﺔ ﺣﺘﻰ ﺑﻨﺘﻚ ﻭﺍﺣﻔﺎﺩﻙ ﻳﺒﻘﻮﻥ ﻛﺪﺍﻣﻚ
ﺍﻳﻠﻮﻝ ... ﻋﺰﺍﺍﺍﺍ ﺑﻌﻴﻨﺔ ﻫﺬﺍ ﺷﺪﻳﻠﻮﺹ ﻫﺴﻪ ﺍﺫﺍ ﺍﻛﻮﻡ ﻭﺍﺩﻓﺮﺓ ﻋﻠﻲ ﻫﺬﻳﺞ ﺍﻟﻤﻨﻄﻘﺔ ﻭﺍﺧﻠﻲ ﻳﻜﻄﻊ ﺍﻟﺨﻠﻔﺔ ﻫﻢ ﺍﺣﺪ ﺭﺍﺡ ﻳﻠﻮﻣﻨﻲ ﻫﻮ ﺍﻧﻲ ﻣﺎ ﺍﻃﻴﻖ ﺍﺳﻤﻊ ﺻﻮﺗﺔ ﻭﻫﺬﺍ ﺟﺎﻱ ﻳﺪﻭﺭ ﺍﻃﻔﺎﻝ ﺍﻣﺪﺓ ﺣﻈﻲ ﺍﻷﻏﺒﺮ
ﺑﺎﺑﺎ .. ﻣﺎ ﺍﺩﺭﻱ ﺧﻠﻲ ﺍﻓﻜﺮ ﺑﺎﻟﻤﻮﺿﻮﻉ ﻭﺍﻧﻄﻴﻚ ﺟﻮﺍﺏ
ﺇﻳﺎﺱ .. ﻣﺎﺷﻲ ﺑﺲ ﺗﺄﻛﺪ ﺍﺑﻮ ﻗﺪﺭ ﺍﺫﺍ ﺭﻓﻀﺖ ﺍﻧﺴﻰ ﺇﻳﺎﺱ ﻟﻸﺑﺪ
ﺍﻧﻲ ﻣﻦ ﺳﻤﻌﺘﺔ ﻫﻴﺠﻲ ﻳﻜﻮﻝ ﺑﺪﺍﺧﻠﻲ ﺗﻤﻨﻴﺖ ﺑﺎﺑﺎ ﻳﺮﻓﺾ ﺣﺘﻰ ﺍﺧﻠﺺ ﻣﻦ ﻫﺎﻱ ﺍﻟﺰﻭﺍﺟﺔ ﺍﻟﻜﺸﺮﺓ ﻟﻜﻦ ﺗﺠﺮﻱ ﺍﻟﺮﻳﺎﺡ ﺑﻤﺎ ﻻ ﺗﺸﺘﻬﻲ ﺍﻟﺴﻔﻦ ....