آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-07-19, 10:38 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  متلازمة السجن/ للكاتبه مريم السعدي ، عراقية مكتملة
التعديل الأخير تم بواسطة لامارا ; 27-07-19 الساعة 02:40 PM | |||||||||||||
|  |
|
13-07-19, 08:18 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رابط لتحميل الرواية هنـــــــــــــــا بسم الله الرحمن الرحيم السلام عليكم ورحمة الله وبركاته كيف حالكم إن شاء الله دائما بخير ؟ نقدم لكم رواية عراقية بعنوان متلازمة السجن للكاتبة مريم السعدي بدأتها بعبارة الانهيار ثم الاستقامة من جديد.....  التعديل الأخير تم بواسطة فيتامين سي ; 28-07-19 الساعة 09:38 AM | ||||
|
| |
|
20-07-19, 05:02 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  #البارت الأول #الكاتبة مريم السعدي #متلازمه السجن المرض اصغر رساله تقول للانسان مااضعفك !!!!! انا هنا الا تسمعوني امي. اخي حبيبتي اشعر بدموعك اللتي تحرقني انا بخير اطملني ساعود لكن ماذا بك استتركيني محبوس بين اضلعي قفي اصبري معي كما صبرت. هناء حبيبتي ربي ان كان هذا اختبار منك لاعرف من اللذي يحبني بصدق ومن لايفعل ذلك فانا غير قادر على الاستمرار فاحبائي يتساقطون كاوراق الشجر اليابسه بيوم ذو ريح عتيه الا انتي بجنونك المستفز ارعبتني اربكتني ازعجتني لكن لم تتركيني ---------- اليوم قصتنا تختلف ومن شده النوادر البيها مصدكت قاصتها الا بصور وفديوات دخلت بين احداثها وعشت وي الاستاذ حسام بداخل سجنه سجن استاذ حسام مكان عادي كان بين ضلوعه كانت روحه محبوسه بجسمه بداخل غيبوبه كان يشعر ويسمع ويبرد ويحتر ويحس بلمسات بس ماعده قدره يبينه ميكدر يحرك روحه ابد لدرجه جفن عينه يحسه بلوكه بهالتعبير العبره قاص القصه ----- نخليكم وي الاحداث قصتنا قصيره مملوئه بالاحداث متابعه ممتعه مريم السعدي اخر نضره للمرايه قبل لا اطلع عدلت شاربي وياخه قميصي باوعت للساعه ديله ياعمر ا شتعلت اممك والله لو ما الازدحام جان طلعت بالسياره بس وين احير بيها اذا لزمني الازدحام هفففف دك الهورن مصله على النبي اجه حسسام يمه صديقك اي يووم جيت يله طالع اني محتاجه شي لا يمه الله وياك ومن تجي جيب لبن من يم الجامعه فد جيسين صار باوعت لغرفه خواتي شو ذوله مداومو ضهري اليوم ثنينهم ها خوش يللله وسامم اي يمعووود ووجعه دمشي عاد وسام-يله يله ها اهااا لبست ساعتي وطلعت وراه يوم كولي لمهند اذا اجه ابو المولده كطع الخط عن بيته خل ينطي فلوس الخط ام مهند- صار يمه صار الله وياكم اوووف الله يوفقكم ويحفضكم من شر كل مكروه امين ربي لج رشااااا رشاا كومي مو كلتيلي كعديني من السبعه عدج مراجعه كومي تنبل مال نوم هاا ماما وحماما كومي عاد. اي اي كعدت استغفر الللللله تلفتت عالغرفه بعدها ضلمه يمه عليج القران ساعه بيش ب6مو لا وروح ابوج ب7 شو ضلمه باعي كعديني ب8الله عليج دنخمدي نامت عليج طابوكه مال نجف يمه اسم الله توجهت لسرير رناوي رناوي ماما حبيبتي كومي اي ماما كعدت كعدت راسن باوعت لامي صباح الخير هله يمه هله بهالوجه الصبوح يله ماما عالبيت فدوه اي ماما بعيني. اغديلجيا ورد بس سويلي لفه جبن عرب وزيتون وخضره لا كومي اخوج مسوي بيض بالجبن وبقه وادري بيج تموتين عليه ملعبت بيه بقيته الج ممممم اويلاه كمزت من فزاشي للمطبخ تريكت بنشاط وحيويه ونضفت البيت وامي تركب وتسولف ويايه يمه ذوله بيت ام احمد البارحه ابنهم للوحده يصيح ويبجي خطيه والله يمه يمكن بي شي خطيه والله بصلاه الصبح دعيتله كومه الله يخلي الهم ماما اني كملت حروح اراجع كعدي هاي وياج تشلع كلبي لما تكعد اي اوك طبيت لرشا لج رششششا اهووو كمت اضرب على راسها بالمخده كعدت بالكوه تفرك بعينها رشا- انبشت امك حمورابي اشتعلت صفحتك رنا- همست اذا انتي كاضيتها تلفونات الليل كله طبعا متصحصحين باوعت لاختي بشماته تغارين تغارين ام دودات جيف اني احلى منج ويجون عليه يرقموني حتموتين يالزركه حتموتين بقهرج بقيت صافنه عليها مبتسمه الحمد لله ربي اصغر منج بس عدي عقل بداخلي التارس كلبي ميخليني افكر اباوع لغيره --------- عودتكم من ادخل بقصه واقصها احجي تفاصيل البيت العايش بي البطل والبطله محيطهم والقريب عليهم تكون قصه متماسكه متفرعه مو حصري للبطل والبطله علمتكم اكون كامره وتسجل تفاصيل بيت يسكن بي ابطال القصه اليوم احنا خطار بيت ام مهند وراح نكون هالشهر كله خطارهم نشوف عيشتهم وتربيتهم واغلاطهم ونقاط الضعف ونحاول نستفاد منها واذا كنتو تقرون القصه فكونو على ثقه انه اني اكون تاركه مجال الكتابه بس مو بارادتي واكون بهاللحضه التقرون بيها حيل مشتاقه الكم ولتعليقاتكم متابعه ممتعه مريم السعدي بيت ام مهند مهند يشتغل بوزاره الخارجيه يبلغ من العمر 42عام متزوج وعده بنيه وولد الولد صف ثالث متوسط رائد والبنيه سانه صف رابع عام زوجته من اصول كرديه شيلان بس شالع كلبها بكثره سفره بحكم عمله وسوالفه المكسره وي اصدقائه وسام- ثاني هندسه اتصالات ولد صايع بعد الكليه لاعمله ولاشغله وعيشته على اجار محل ابو وعده مكسرات وي جماعته شرب بس بالنسبه للنسوان لا اخر همه تلعب روحه ومن ناحيته القلبيه هو متربعه بكلبه اخت شيلان مرت مهند ويا بالجامعه اصغر منه ب3سنين بس اخينا بالله مكضيها صرمحه وراسب كم سنه البنيه ممعبرته لان تعرف بسوالفه وتدري بي موطموح من غير اخوشالع كلب اختها شتباوع عليه بعد رشا . واوووف من رنا حسناء البيت الشقراء الجميله جمال وطول وجسم وعيون صف سادس عام رسبت وعادت هالسنه ممخليه شاب بالمنطقه يعتب عليها وومصادقها وناطيته مجال بس محد يدري تعرف شون تداري امورها رنا. الدلوعه العاقله صف خامس علمي ام البيت واخت امها سبعه واكثر وحده ماخذه معزه اخوتها هي شطوره بس سمره فاتح وعيونها وسيعه سود والرمش مكحل بوجه مدور وفم ممتلىء مدور وشعر اسود فحك اليشوفها بول مو من نفس العائله لان الىحيده بيهم سمره اما عن حسام فهو بطلنا حنخلي يحجي شوي عن روحه سلمااان خالي ها دكتور يابه هاي شنو المكتب هار سبوع ممسوح تالي وياك موكتلك بين يوم ويوم نصفه اي هسه اغدي مرايه يله داشوف-- باوعت عالساعه البيدي بعد ربع ساعه محاضرتي باوعت من شباك الغرفه المطل عالسنترمال جامعه جريت نفس مبتسم هنا كعدنا اني وهناء وهنا مشينا باوعت ثنين كاعدين وملامح الخجل بعينهم تذمرت اول مصارحه بيننا بقيت مركز عليهم نضرات الخجل والابتسامات الحلوه والعيون المليانه حب ولهفه رجعت باوعت عالغرفه سلمان كمل شغله وطلع رتبت الميز عدلت الباج مال مكتبي اباوعله الدكتور حسام الحبوري جريت نفس بفخر حصيله دراسه عشرين سنه دكتور بنفس الجامعه اللي تخرجت منها جان اكبر حلم من احلامي راتب محترم وانسان مقدر الحمد لله تعبت هواي على مااخذت الكاجستر والدكتوراه بامتياز عن اقراني عمر ابن خاله امي وصاحبي وصديق الطفوله والشباب كان ويايه بنفس القسم ونفس المرحله اخذنا الماسترسوه بس متوفق بالدكتوراه مثلي للاسف وترك المحاوله من جديد بعد تعيينه بنفس جامعتي معيد لحد هاللحضه اني يوميه اشوفه بحياتي ممكطوع يوم واحدعنه يمكن تمر ايام اخوتي ماشوفهم عادي بس هذا لا مااكدر كذب لو يمرني لو امرله والاكثر اني الامرله لان بيتهم جبير اكبر من بينجتنا حتى صوت اخته الوحيده ماسمعه ولا حتى صوت خالتي او خاله امي مااسمعه نضل ساعات بصالتهم بلي سوالف دراسه نوبات ابات عده جان الوحيد اليدري بعلاقتي بهناء علاقه دامت 4سنين طبيعتي مو راسن اثق بالشخص واحبه ومو راسن اربط روحي بي اله اتاكد من نفسي وادرسه دراسه خالصه يله ارتبط وهيج صار وي هناء حبيتها 3سنين من غير متعرف رغم كنت الاحظ ايهاب ابن عمي محاوطها وهي نوعا ما تتقبله بس من عرفتني راغب بيها احس عيونها بس الي صارت هالبنيه تعبتني حيل غامضه ومو واضحه دوختني السبع دوخات يله فهمتها وهم نوبات اضل حاير بين عيونها مااعرف شتريد وشنو تحب وشنو متحب بس افهم من ملامحها من تتضايق من شغله وتحاول تخفي تضايقها وتفهمني ومتكسرلي كلمه. رغم الحاحها بالتبرير على كل شغله مقابل عليها وتستفسر بليييش وارد اضطر اجاوب واوضح شنو الرفض الرفضته والسبب وين بس بعدها اتعب وارجع واكول هذا اختيار كلبي وهذا حب 4سنين مااهدره ابدا ولا افرط بي هناء صبرت ويايه لحد ماخطبتها ولا فد يوم كالت تعال تقدم لحد ماعرفت انه ايهاب ابن عمي يريد يتقدملها عرفت من عمر انه ايهاب كايل لولد انه حيدز اهله يشوف ينطوها لو لا بنفس اليوم دزيت امي والحمد لله ارتبطت بيها ولبسنا الحلقات وعقدنا وقررنا الزواج بعد 3شهور بس للاسف توفى عمها وابوها اشترط تطلع السمه مال عمها يله نتزوج بهالفتره مهند اخويه اشترى بيت بنفس فرعنا وكعد بي وي عائلته واني كعدت بغرفته جهزنا غرفه نوم تليق بدكتور وكملنا كل الامور قررنا القاعه بنقابه المهندسين ولانني دكتور ينطوني خصم النقابه وتهيانا لكلشي بقه بس الزفاف حبيبتي كلما تجي هنا تكون سعيده بوجودي رغم امو شغلات متعجبها مثلا اختي رشا ورنا جانت دائما تكول اتمنى بيت وحد بس اني اذا طلعت اتجر شبقه من الراتب وشوكت راح اجمع كدرت اقنعها ونسد الموضوع من اساسه بس تبقى بكل موضوع تكول لو وحد جان هيج سوينا اغلس ماعير اهتمام باوعت عالساعه هاهي حان وكت المحاضره طلعت من مكتبي ودخلت لفسم الاتصالات نطيت المحاضره وطلعت بعدها كمت اختنك مدري شبيه مي بارد غسلت وجهي مفاد شبيه اليوم خابرت عمر ها خوييي اكولك كملت محاضراتك لا بعد وحده شكو والله مادري شو اختنكت جريت نفس شبيك يول والله مادري باوع بس تكمل تعال اني مراح ادخل محاضرات بعد ماشي باوع الغي المحاضره لالا ميحتاج تنهدت ديله روح الله وياك سديته منه كمت الوب حتى لعبان نفس صار عدي شكو اليوم شبيه دكتلي هناء ---- يتبع ... | ||||
|
| |
|
20-07-19, 05:54 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الثاني #الكاتبة مريم السعدي #قصة متلازمه السجن ها حبيبي هلو حسام شونك زين الحمد لله بعدك بالجامعه اي والله شوكت ترجع فد ساعه تمر عليه ليش خو مامو شي الاربعاء التقينا ضايجه مادري شبيه تصدكين شو اني هم دااختنك جريت نفس اي راح اجيج تحضري هسه اي هسه مادري فد نوب اختنكت سلامتك حبيبي يله حبدل اوك وكفت سديت التلفون شلت المفتاح مال مكتب والالمحفضه مالتي خليتها بجيبي وضميت التلفون وطلعت النفس حيل ضاق صار بوجهي سلمان كال عمي خوش تنضيف نترت اي اي بس اريد يبتعد عني الخنكه منا وريحته منا اختنكت تعداني من نترت بي انقهرت حسيت روحي حموت من الخنكه صحتله طلعت من محفضتي ورقه فئه خمسه الاف وطيته دعالي وراح مااكدر اكسر بخاطره خطيه طلعت وكفت تكسي ازدحام للستار فليت الرباط وخليته بجيبي هي مال رباط. فد مره قبطت باوعت لبو التكسي كال عمي بيك شي الدوره بعيده اطلع للمستشفى لايابه لا اجه طفل يبيع مي بالازدحام باوعتله الحر كاتله والوصخ ضل يتوسل بيه اشتري مي صاح بي ابو التكسي روح عاد دنكولك ماريدمثل الفزيت كمت راسن افز باوعت للطفل يبتعد صحت تعال عمو تعال اجه يركض اخذت البطل ونطيته اباوع بس. خمسه وعشرينات مال راتب طلعت مكدرت احجي واكول ضاق نفسي كلش ارتجيت الطفل كال عمو روح ماريدها انت مريض لا هاك طيته الخمسه وعشرين كال اصرف وارجع بعد ماكال ابو التكسي ماعدي صرف ارتجيت اتنفس بصعوبه شربت المي ارتاحيت شبيه اليوم اول مره ان. بهالحاله فكت الخنكه شوي شوي والازدحام بعد الطفل خطيه مخله مكان مصرف بي من السيارات ومن جماعته وصلي فاطس بالعرك عمو هاي الباقي ويتنفس سريع مد ايده اباوعها ترجف باوعت بعينه اخذها حبيبي لالا عمو هوايه اخذها ابويه اخذها انت سبع ورجال تستاهل ومن وره المي مالتك اني فكت خنكتي الله يشافيك عمو ويفكك من كل خنكه بحياتك كال هالكلمتين والازدحام فك ماعرف شون فللو السيطره. والكل طلعو الا هو قافل للساعه يله يجي سرانه بالتفتيش طلعنا كلنا بله تفتيش باوعت للطفل يبتسم اشرتله هاي هم من وراك ابتسمت واني صافن ليش صار عدي هيج هل يحتاج اروح افحص واشوف ليش هيج صار عدي مو مال تنعاد روحي كرهتها وراسي قبط الحمد لله وصلت لبيت هناء اخذتها ورجعت لبيتنا بنفس التكسي جانت لابسه ثوب نيلي يخبل عليها وي الحجاب وصلنا لبيتنا كيفت امي بينا من دخلنا سوه وحضرت الغده اني صعدت غسلت وبدلت ونزلت كعدنا اني وهناء وامي مجان امو احد شوي وطبت شيلان السلام عليكم هلاو ام رائد شجايبه بيدج هههه والله سويت شجر بلبن وخاله تحبه جبت شوي بالماعون لو ادري هناء هنا جان سويت هواي هناء- حبيبتي تسلمين بس والله اني ماحبه خسام- جربي وشوفي مديتلها بالخاشوكه لالا ماريد ههه ماحبه والله كيفج اكلتها باوعت لشيلان رائد وين طلع وي جماعته وسانه دتنضف هاله وين البنات بالمدرسه ضهري ها هم عكس سانه حسام/ مهند شوكت يجي شيلان- نصيت راسي رجعت رفعته والله مادري جريت نفس كال الاحد عساس تاجلت للجمعه يجيج بسلامه اكولج ابو الخط شغللكم اي راحله رائد نطاه فلوس وشغل مع العلم الحقير كايليله اذا تاخر عليك لتطفي من يرجع ابونا يجيب الفلوس بس ناقص -هههه والله شيلان عدج سوالف دغتني هناء باوعتلها ها عيني كالت منطلع ليش مو كاعدين لا ضايجه حباب جريت نفس حاره هسه يعني نتغده بالبيت اي وراها نطلع خوش باوعتلها تضايقت كالت اوك صبت امي الغده طب وسام الله يساعدهم اليوم هناء عدنا هناء- هلو وسام شونك هلاو الحمد لله انتي شونج. يله يوووم ميت جوع ام مهند- اي يمه روح انزع اعوذ بالله من بطنك شيلان- وسام عفيه هاي الطوافه خربانه تكدر تسويها اي هسه العصر عود اوك حسام- يول مي ماعدهم فوك عدها خطار يردون يغسلون وسام- منو عدكم ليش عكدت حاجبي بلوعت لحسام تبشبش وي خطيبته وهي تبتسمله وجع شكد سخيفين شيلان - رغيد اختي البارحه جتي من عرفت مهند مسافر وسام- هاا باوعت لامي اضم بالضحكه اي هسه اروح اسوي الطوافه شلهت ايدي شيلان- دروح بدل اول اي هو ابدل صعدت راسن بدلت تراكسودي الجديد غسلت وجهي ومشطت وتعطرت ونزلت امي كالت تعال متامل صبيتجنا لالا داروح بيت مهند اسوي الطوافه اول حسام- عوفي يمعوده خطارهم مغاسلين من البارحه عجييب وسام- انت حير بالبصفك مالك شغل بيه طلعت باوعتله اضحك سديت الباب لبست شحاطتي ورحت لبيت مهند كمزت فتحت الباب وطبيت صحت وكفت بباب المطبخ شيللان سانه وينكم سانه- هلو عمو هلو ست الحسن شونج شو متجين عمو والله داادرس الدروس صعبه والرابع تفليش ههههه ديله سباعيه وين امج داصعد اسوي الطوافه اباوع عالمطبخ ينكرط من النضافه خرب يومج شيلان ربها دينها الماسحه والتنضيف شنو انتي طلعت شيلان ها وسام لو متغدي وجاي ياعيني لا يابه مي ماعدكم بس سوي طريق دااصعد يله تعال فوت صحت ي الله صعدت اتلفت بحجه ادور رائد التفتت على سانه اخوج وين فوك ها زين باوعت ليفوك رجعت باوعت لانحاء البيت بلكن اشوفها هاي واني شايفها بالجامعه بس متعربني صعدت وصارت بوجهي بباب غرفه سانه جانت دتسد الباب وتطلع تنزل ابتسمت كلبي رجف هلاو رغيد اليوم عدنا رغيد- هلو وسام نصيت راسي اي والله ضجت هناك وحدي جيت شوي يم شيلان طلع رائد يباوعلي تك عين بقيت اباوع لخالته واباوعله كفخته على راسه ارتبكت وضيعت الارتباك بالكفخه بس صارت قويه التفتت شاهكه هاي ليش لالا هو هذا جلده معلم عالكتل امشي لك خل نسوي الطوافه عمي تره طوافه مال تانكي مو مال جيش متطير هي طوافه تبدلها وهاذ هو لعد مجان بدلتها ماعرف اشدها دمشي مكيف بيك رجال البيت امشي خل اعلمك باوعت لرغيد صافنه على ايدي التكفخ بي وهو مستقبل عادي عده مبتسم غمزتلها اضحك وصعدنا كلبي صدك يمها تسكن العبرات البت الكلب شايله جمال اروح فدوه بس حقنه متنطي مجال صعدت وي رائد وسويناها بدلتها ونزلت جلبت بيه شيلان ابقى تغده يمنا لالا اني صابه باوعت لرغيد دتصب احم هو انتو شمسوين باوعتلي بطرف عينها ااا يله باي شيلان تردين شي لا الله يخليك تسلم تعال هاك ماعون اخذ وياك تحبها انت هالاكله رائد- جريت كرسي وكعدت عالميز خو خل ياكل يمنا ويفضها باوعتله بطرف عيني اضحك وادري بي شبي عمي واعرف دماراته وسام- انت معليك لك شيلان- وسام هسه انت قابل غريب واعزمك دكعد لتصير عقد وسام- ياب خاف اضوجكم شيلان- لا متضوجنا اصلا نتونس اكعد وسام- باوعت لرغيد متباوعلي ودتصب ممبين بملامحها ضاجت جريت الكرسي وكعدت باوعت لشيلان لعد اليوم عشاكم عدنه نسوي مشاوي رائد- اللله عمي حيصرف انجب لك كفخته رفعت راسها رغيد راسن شلت ايدي منه كتله اكل واسكت ها شيلان شكلتي شيلان- ديله ماشي وانيزاسوي مقبلات بس لتسوي هواي تره ذوله اكلهم قليل سانه- حرامات لو بابا هنا جان شون حلو راإ ئد- طكيله صوره ودزيله وسام- مو داكولك انجب كفخته اداهر رغيد كامت متباوع كعدو كلهم عالميز صارت كدامي نفسيتي للاكل انفكت رائد- عمي البارحه الليل كله تحجي وبابا صعدت على امي كتلها يوم ادري الزرجال يحجي وي مرته هذا ابويه يحاجي سانه لالا وتطكله صور بابا باوع شتريت هذا وتكدرله شوفه حلو عليه ويكولها ذاك احلى ويهبل عليج خطيه كلش متفاعل وسام- انت ليش مضغوط خو انت هم حاجي وطكله صوره ودزها دزيت صوره بايسكلي كتله انكسر كام يفشر اشو مدري ليش كمت وضربته بلوك اكل ومنصي راسي وسام- خههههههههه بالعافيه عليه شبيها دراجتك ولك بي ام اكس ومخلصت من ايدك شنو وحش يابه وكعت باوع رجلي شلت الشورت مشخطه كلهم نصينا جوه يشوفون وياه ياب شنو السالفه فيفي عبده لو مليانه فخاذي شعر اكلو اكلو شعب ميستحي وسلم- هههههه خرب ببليسك رائد لك انت ويامن دتكعد مامولي رحمه للعزيز الجليل وياك عمي تربيتك انجب عاد وين داشوف خلقتك اني بابا الصاحب ساحب اختارك ولك بيهم حظ انقرضو عمي وداعتك لا يابه اذا خليت قلبت اخذلك ولد شطار بحيث يصيرلك واهس تكمل عمي يعني مثل اصدقائك مو باوعتله مستهزا عيب رائد عيب عمي وربتت على كتفه بهدوء اباوع شيلان عينه رادت تطلع على ابنها خزرته نصيت راسي فعلا مينطي مجال كملت اكل ووكفت اغسل عاشت ايدج كلش طيب شيلان يله حروح بلوعت لرغيد كالت متشرب جاي مسوين كيك ابتسمت جريت نفس لالا اشرب كعدت كعدت بصفي سانه تشوفلي صور ابوها الدزها الها من دبي لو واكف يم الابراج لو يم حوض السباحه وتكلب واني العب بشعرها المي يخبل عمو عكدته تدرين بيه من تكعدين بصفي العب بشعرج ويتعكد شكو باقيه بصفي النوب نعست هههه قدمت رغيد جاي وكيك وكعدنا ناكل هي بس ساكته اني هم سكتت اباوعلها وادير وجهي رائد يحجي وسانه وشيلان طلعت من العالم باوعت على ايدها مربربه وثلج تلعب روحي من النسوان والعلاقات بس يمها ويم امي لا يصفى الكلب كلبي ميوسع اكثر من اثنين كملت جايي ووكفت نفضت الكيك من هذومي وشلت ايدي اسلم عاشت ايدكم باوعت لرغيد ابتسمتلي ردت روحي وسلمت وطلعت اشرت لشيلان هسه عالليل باوعت لرغيد مو تنهزمين لاهلج همست منصيه لا باقيه خوش يله هناء هم عدنا حتى تصير لمه شيلان- اوك يله كول لخاله لاسوي شي عليه المقبلات وسام- اي ورنا عليها اللبن الحاجيك اي خوش ديله في امان الله سديت الباب ورجعت مرتاح كلش ليش مو دائما تبتسم وكل مااوكف يمها بالجامعه تترخص وتمول عدي محاضره تنهزم مني وتدري بيه مايللها عيوني اكبر دليل وماعدها احد ببالها حان لاحضت بالحامعه بس يجوز من بره الحامعه لالا الله ليكولها وصلت لبيتنا هناء مخليه حسام على رجلها متمدد العينتين وتلعب بشعره هاااا مو عيب انتو كبار ها ولك هي طوافه ضربت الغده يمهم طبعااا اذا عدهم خطار غمزتله خو انت مرتك يمك وعينك خليتها عليه نام نام يووم هايمه اليوم نشوي بالحديقه ها شكو منها بيت مهند ويانا هاااااا اي مو داكول اهو يمه النوبه انتي حسام- مفضوح بعد اخوك ودرت نجهي على هناء مبتسم مرتاح بحضنها باوعتلهاهمست اليوم خوش لمه حتصير هناء- لا عفيه اريد اطلع منتعشى هنا لا يابه عيب وهذا جايب مشاوي يريد يشوي لا حسام اهووو لعد اني شكو طالعه بقيت صافن عليها شنو تضوجين تكعدين يم اهلي لا ليش مو تغدينا هنا حبيبي غير مره خليها سبوع اللخ نطلع كلبت وجهه صعدت فوك صعدت وراها بوسه على حضنه وتمددت بجربايتي همست تعاي يمي تمددي لا خاف خاله تصعد اخجل بابا مرتي وممسوين شي بس انام بحضنج لا ماريد باوعتله بدلع كيفك خليت ايدي على راسي كمت اغفي كالت هسه اني شسوي هنا شبيج كلبي وخرت ايدي باوعتلها شبيج مابيه ضجت يله ترجعني وكفت تلبس ربطتها ها هناء شبيج حبيبي مااكدر ابقه لليل يله خل نرجع استغفر الله يعني يمي متتونسين لا اليش مو. تونست يمك وتغديت اريد ارجع طلابه كيفج يابه جريت نفس روحي لعبت توني دااغفى شبيها مادري ومالي خلك من وره الخنكه مال يوم اخذ وانطي وياها واشوف شبيهاشلت السويج دكلي عمر الو ها عمر اي اخذت تكسي ورجعت اختنكت مدري شبيه اني داروح اودي مرتي لاهلها ها ديله فدوه مرلي نجمالي خلك اسوق ذبيت السويج حتجنروح وي عمر سيارتك شبيها لا هو على طريقه وجاب اللبن بقه بسيارته الله اليعلم تلف لو لا وكال اوديك بدربي زين نزلنا اني وياها وطلعت اجه عمر وطلعنا لبيتهم اباوع ساعه اربعه ذبيتها ببيتهم وديرجعني عمر لبيتنا هاي شبيك انت اليوم مادري والله اختنكت كمت مااكدر اتنفس،اكولك انتو عدكم غده وراثه اشو نفس اعراض امي لا ماعدنا محد بي لعد ليش والله دوختني ليش متجيك امورك تره موزين لا ماريد لا سامح الله اذا تمررت عود اروح الله ليردها باوعت بالمرايه المدارسه مال رشا اخته مليكه كلبي انفتحت وبدو البنات يطلعون حسام-ها ذنه حلو اباوع رنا منصيه ورشا عينها طايره واختي تخبل من الجنال وتمشي وتاشر بيدها وي صديقاتها جريت نفس صرت اعصاب باوعت لعمر ثگل يلبه ثگل داشوف ذني وكف عمر رنا- شفت سيارته نمل جسمي كمت كوه امشي طبيت للفرع ورشا ورايه يجسلمت على صديقتها ولحكتني مشيت من يم سيارته منصيه صاح حسام عبالي وخده بالسياره متوقعت اخويه وياه رنا ها هلو باوعت لاخويه صفريت وكمت كوه احجي شنو سبع دروس اي سبعه جريت نفس اباوع عمر عيونه تباوع ورايه من جوه ليجوه التفتت رشا حقه يباوعلها وهي ملكه جمال حسام- باوعت لرشا اصعدو خل نوصلكم رشا- عدلت حجابي وصعدت اخويه عيونه صارت نار لو لدري بي يراقبني انصي وامشي ولا لغوته انتبهت عمر صديقه وكرابه امي يباوعلي هو ابد مو مودي ابتسمتله ودرت وجهي خطيه رنا مباوعلها واني ادري بيها ترجف من تشوفه. هههه تغار مني حقها صعدنا وطلع بينا لبيتنا عمر- اخوك مااجه لا بعد عساس الجمعه اخر شي كال هذا شسايف من خياته رفعت راسي بالمرايه باوعتلها ابتسمت ونصيت راسن اموت عليها تخبل بس خل تطلع من السادس اله اخطبها فدوه شون طول عمر- تطلع اليوم بليل لا مسوين مشاوي وعازمين بيت مهند جريت نفس مالي خلك طلعه يعني ماشوفك لا اذا تريد تعال تعشى عدنا رنا- باوعت راسن عليه بلعت ريك ياربي كون ميجي لان عيوني تفضح عمر- لا يابه ممنون اني هم عدي تصليح ديله الله وياك حسام- تعبناك يابه عمر- نزلو كلهم وصحت هاها حسام اللبن ههههه عود جاي علموده يوو جيبه هاي اذا متلفان لا ولك محمض صاير اشرد ههه عاشت ايدك ديله الله وياك طبيت للبيت التفتت على رشا اصحت انتي شنو هالمشيهزالزززفره الدتمشيها شكو شسويت نصيت راسي اتصنع الادب وشكشاكه بعينج ادبسز شنو بشارع ابوج تمشين وتاشرين لصديقاتح وهاي الصدريه اذا لبستيها بعد اشكها عليح فاهمه هاي اختج مو وياج صدريتها عريضه هي رنا مسطره اني اسمن منها والله اليوم امي تروح تشتريلج وحده بيها خير والقران اذا لبستيها بعد متداومين اشو انتي راسبه المن بعد تشوفين طولج للعالم لا والله هاهي حلبس ذيج الثانيه دمشي ولي يله اباوع لرنا تباوعلي بحيره طبت رشا صحتها تعاي رنا همست نعم شبيج مابيه شي امي طتج سبوعبتج اااي اي لعد شبيج محتاجه شي لا ممحتاجه شكرا طبيت بدلت ومسطوره تمنيت نضراته الي مو الها والله متستاهله والله رفيف اخته تحجيلي عنه كامل المواصفات ليش تاخذه رشا تشلع كلبه خطيه بس شسوي باوعت روحي بالمرايه شسوي يحبها لان احلى مني-----1 | ||||
|
| |
|
20-07-19, 06:14 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الثالث #الكاتبة مريم السعدي #قصة متلازمه السجن حسام- تمددت وره مرجعت من توصيله هناء غفيت راسن تعبان مدري شبيه واحس مقصر وي الكل نمت واحلامي مخربطه لعبت روحي حسيت على لمسه امي لخدي رفعت راسي هايمه. شصعدج بست ايدها وتمعصرت بتعب يمه شبيك بس تحجي بنومك لا والله اني حجيت هههههاي الله عليج شخرطت بعدك توك تحجي واني صعدت اكعدك مغربيه ميصلح تنام هالوكت لا يابه ليش بيش ساعه يمه دكت السبعه ها ديله خل اكوم جريت نفس امي وكفت بالباب دتنزل يوم دقيقه ها يمه يمه ممحتاجه شي لا يمه سلامتك شحتاج وانتو ممقصرين باعي امي هاي الخانه تعاي اكولج تقربت مني كمت من الفراش وهي ورايه فتحت كنتوري وفتحت القاصه يمه هالخانه بيها. الراتب شتحتاجين ميحتاج تكولين الج لخواتي للبيت كله بيدج عسما تخلص فدوه لكلبك يمه جريته بسته من خده الله يخليج النا يوم يمه هذا اخوك مديكعد راحه اخاف احجي وتتعارك وياه والله مالي خلك شبيه وسام عكدت حاجبي اي يمه وسام اكعد وياه افتهم منه هي هاي وضعيه شكو يمه باليل لل2يله يطب وريحه هدومه كلها شرب والله اخاف عالبنات اووهو فركت وجهي اليوم احاجي ليضل بالج هسه هذا عليمن طالع ابوك الله يرحمه ولا جان يطيقه للشرب رفعت حاجبي اضحك يمه هو اذا ممجربه ليش ميطيقه هههه الف رحمه على روحه يمه يجوز ويصير رجال الله كريم والله اني مايسه منه فد مره دكولي يا الله ام مهند ذاك ابنج ابو ابسفر وينه شالع كلب مرته خو ذاك هيج صفكت ايد بايد خل يجي ونكعد يوم لتشيلين هم البنات خوما متعبيج لا مسيطره عليهم مدام انت موجود الله ينطيج العافيه هذا الناقص جاب اللحم لو ضربنا بوري ههه لا جابه وديتبله ولايص المطبخ وكلسا عايط برنا المكروده اي لكاها على كد ايده خل انزل شوي اضحك عليه خليت ايدي على جتف امي ونزلنا سوه ونحجي طبيت للمطبخ وهذا لابس صدريه المواعين ويشتغل بالتكه والبصل ويشيش مخبوص يابه لزمت بطني وكعدت بالكع اضحك وسام- هاي شنو يابه هذا شنزله مو جنت نايم والله عرفت كلت هسه ينزل يصنف خل استعجل بالشغل لك لاااا ههههههه منضرك ام بيت يضحك خرب شرفك كون اصورك بربك تكدر تسوي هيج تكه يابه راح تاكلون اصابعكم وراها اريد ضلوع ماجبت ولك هي هاي كيلوين شو طارت عبالك قليل ام مهند- لا يمه زايد كلمن لفتين امشي روح جيب صمون واني شنو بله اني العزمت حبيبي اليعزم يغطي التكاليف مو صايرلي رجال براسي ودتعزم وين اللهوتكون راجعه لاهلها حركت براسي متمني باوعلي خزرني وباوع لرنا وامي ههههه ديله رنا الهوسه نضفيها رنا- اي بس اطلع من مطبخي اوي عيني مطبخها حسام- اي مطبخها هي ام البيت رناوي ورده وين ذيج لعد رنا- نايمه شنو بس انتي تشتغلين كرصت خشمها ابتسمت لا هي من ترجع من المدرسه تنضف البيت بس اليوم نايمه بكلبي خليني خلصانه منها وخل تكضي الليل بالتلفونات عيون اخويه الحايره خوفتني احس يقراني التفتت عالمواعين وطلعو من المطبخ نضفته ولمعته وكعدت جوي بيت مهند واخت شيلان وياهم عرفت خبصه وسام شنو بس خبيبي شون مكيف بلكن الله تصير من قسمته شغل المنقله وحضرتله القوري مال جاي والمقبلات الجاجيك عليه والباقي عشيلان حسام جاب الصمون وصارت لمه شوي ودك الجرص خسام- طلعت اشوف منو مديت راسي عمر لك هااا وينك اخابرك مترد اووو فوني فوك ضل يباوعلي خجلان شبيك شمصخم لا بس بعدها عزيمتك قائمه تعال يمعود بس دقيقه بنات لبسو حجابكم عمر حيفوت رنا- بقيت صافنه باوعت لوسام شنو يبقى ويانا يتعشى وسام- اي لبسو يابه مو غريب الولد ابن خالتج وصديق الطفوله اربع وعشرين ساعه ببيتنا هسه حتكبرون يعني رنا- ها اوك طبيت اني ورشا وشيلان وسانه لبسنا وطلعنا اباوع رشا لبست شي عالبنطرون في حين احنا لبسنا كلبيات بقيت اباوعلها خلت باودر بوجهها مو هي عايزه باوعتلي بعكس المرايه اكو شي باوعتلها بغرور حتطلعين هيج اي باوعتلها من فوك ليجوه جريت نفس رجعت باوعت للمرايه رناوي حبيبي لتحاولين لو البس كونيه يباوعلي نمل جسمي هيج مبين عليه نصيت راسي طلعت من يمي بقيت كاعده بالغرفه وحدي شوي وطلعت استعاديت وضعي باوعتله جان كاعد بالزويه وبصفه حسام ومن الجهه الثانيه امي وبصفها رائد ووسام يشوي ويسولف وعيونه على شيلان واختها وسانه واكفه يمه تطك صور وتدزها لابوها طكتلنا كلنا وترجع تضوك بالاكل وسام كلسا جايبلها قطعه وديسولفون بقيت واكفه بباب الحديقه احس اذا طبيت الكل حيعرف اني اعشقه باوعلي وسام عكد حاجبه اشرلي بركبته فوتي طبيت كعدت يم سانه ابعد شي عنه كمت كلسا ابوك نضره واشوفه منصي وعينه تزرزر على رشا اللي تتقصد تعلي صوتها وي اخترشيلان وتضحك وتباوعله بدلع اني الوحيده الحاسه بيهم والله لو تستاهله اتركه براحته بس تحجي وي 3غيره وحجي مينطاق ياربي ليش هيج والله خطيه ميستاهل تعشينا ووزعت امي اللفات وصبلنا وسام الحاي وقدمه خطيه من يباوع لاخت شيلان يضحك مفضوح بفطاريته ام مهند- يمه خل الولد يكعدون بالحديقه واحنا نفوت للصاله مو احسن شيلان- كيفج خاله رنا- طبينا كلنا بقت شيلان صاحت وسام بتاشيره من بعيد حتى الولد مشافوها بس هو وسام فدوه ها عيني مااعرف ليش فرحت من صاحت بلكن تكولي وصلها لاختي بلكن تكولي تحبك هاي اني رحت زايد فد مره --- ها ام رائد شبيج عفيه وسام هذا ابن اخوك وضعيته ابد مدتعجبني بس ينتر ويصيح ومن غير الشباب اللي لافي عليهم ملكطهم تكول انكس خلق الله لا بربج والله من لبسهم المشكك والماطورات عفيه البارحه من شباك المطبخ داباوعله كاعد عالنرجوحه ويكلب كلها مقاطع استفااااد وصلتله باوعت عليه والله صاير رجال الكتكوت عفيه لتكوله اني كتلك هو قريب لعمرك والله كمت اخاف على سانه متشوف دزيت على اختي حتى اطلع سوك هاي ها حكيت لحيتي هزيت راسي زين تسوين جريت نفس هسه اني احاجي اي فدوه اخوك دائما سفر وذوله ديكبرون وحملهم كبر لا لتشيلين هم ذوله جهالنا واني من اول كتلج اني اخوج مو اخو مهند فدوه لحلكك والله اني احسبك اخويه المجابته امي وادري ماعدي اخوه والله عوضني بيكم بعيني هسه احاجي لتكوله اني كتلك اني كلشي مادري لايابه شنو مافتهم لا حشاك يله حروح يم خاله جريت نفس وطبيت وسام- سويت النركيله ورائد كاعد يرطن لعمه بطولاته الكذبيه بالمدارس هيج ضرب وهيج كتل وحسام يهز براسه ويجر نفس النركيله يدري كله خرط بخرط النوب عمر صافن عباله صدك يباوع لحسام ويباوع لرائد يكوله ولك يتعاركون وياك ولك يشدون هههه بطران هذا تالي انزوو سوه هو وحسام واني جريت رائد ضهري صار على شبابيك الصاله انتجيت على الحايط البي شباك ها رائد شخبارك زين عمي شبيه شونك وي المتوسطه هالسنه بكلوريا اي مسيطر اني اي الحمد لله سبع انت ضربت على كتفه جريت نفس فد يوم امر عليك نطلع سوه وين نروح الله وايدك هه نطلع وي جماعتي اعرفك عليهم هاا ليش انت قريب من عمرنا جريت نفس اشوفك جماعتي وتتعرف عليهم يصيرلك دافع بالحياه من جماعتك ماتصور ههههه بقيت مااضحك باوعلي ودار وجهه سكتت شوي ورجعت كتله اني جماعتي مشكلين بيهم الشراب ااشر بيدي واحسب بهدوء وبيهم النسونجي وبيهم السجاج مال دراسه وبيهم الدايح الصراف مشكلين وانت منو بيهم عمي اني اخذ اغلاطهم واستفاد منها اني جماعتي كلها مسقططه اي مبيها شي انت ابقى وياهم بس شنو لتتعلم منهم سالفه جر هالنفس ابلع هالحبايه لالا اعرف دسمعني مو نوبات يستفزوك باوع اني شدمرني خل اصارحك جنت مااشرب ولو اموت ماخلي بحلكي. بس واحد الله لاينطي هسه سافر وترك الشرب، كام يضحك عليه كدامهم يا خطيه وبابا ميقبل اني اشتغلوني تصنيف والكل كامت تضحك عليه جريت الكلاص بس السطره لحد الان اتذكرها واللعبان نفس يبوو ماريد اذكر وكمت كل مااطلع وياهم يقدمولي واني اخجل واشربه كوه لحد ماجسمي تعلم عليه كلما اشربه اسب والعن محمد اللي علمني عليه وضحك الناس عليه لا عمي اني اضوج منه الحمد لله اخاف تحد يضحك عليك بي كوله مجربه وروحي تلعب منه ويصير عدي لعبان نفس ودوخه راح يعرفون انت صدك مجربه سكتت باوعتله يعني انت ممجربه باوعلي ضحك كال جربته وذبيته راسن مر شون تجرعه حيوان عمي حيوان خليت ايدي على جتفه شفته ذب ميانه زايد باوعتله ولك شونك وي المقاطع يا مقاطع عكدت حاحبي باوع احنا شباب وواحد يفهم عالثاني هذا عمرك بعد مال هالسوالف اباوعله عض شففه وضرب على راسه كال عمي بربك ممجرب النسوان اموت واجرب ههههاي باوعتله ولك لعبان نفس درت وجهي مشماز الله عليك مجرب اي هههه هزيت راسي اي مجرب شون احجيلي شونه الاحساس ايييع كوم انعل ابوك لا ابو اليكعد وياك ليش ليش بس كولي شكولك اييع وخرعني بس شو عبالك كلش حلو باوع خل احجيلك مره بعيد ميلادي قبل سنتين عود جماعتي مال عيد مياادي ديسوون وكذا جابولي هديه وحده اي بربك احلى هديه دكل تبن اسمعني اي وطببوني واني عود سبع وكذا وكلشي ماعرف الله وكيلك غير المقاطع التشوفهن شايفن تالي تالي هي استلمتني بس اني وراها لعبت نفسي لدرجه اي وحده تتموع اتذكر ذيج واريد اذب من راسي. عمي الحلال يختلف ها هيج يعني اسالني اني لعبان نفس وحده الكل محرب بيها تحسها مصنع مال ايييع خرب يومك مادري شون خليتها تبوسني عمي شو لعبت نفسي اي والله شبيك وين وحده ممجربها غيرك ووين وحده عبالك كلاص الوقف ياهو اليجي شرب منه ايع جريت نفس اختك عينك عليها انت رجال البيت عمي لبسها ومن تطب وتطلع لا عمي اني اوصلها للدوام واني ارجعها واسال امي ساعه اتعارك على الربطه والصدريه ليش تلبس كصيف لا زين بس اني حتى اثبت كلمتي وهي هم تسمع كلام لان امي متكسرلي حجايه ومن تجي تشكي لامي امي تنتر بيها تكولها اخوج الجبير ها ههههه هي اكبر منك اي وتكولها اخوج الجبير فتسمع كلام لان امي مسويتلي سيط خوش جريت نفس خو ماعدها تلفون هاي لا تلفون امي ويبات بغرفتي وصراحه من تجي خالتي كلسا اطبلهم للغرفه اخاف من خالتي تنام تاخذ تلفونها نوبات اتصنط على باب الغرفه هااا خوش ميحتاج اوصيك لا عمي اني اسمع بلاوي واخاف على اختي كلش عاشت ايدك جريت نفس باوعلي عبالك عده حجي احجي شبيك بس عمتي رشا عدها تلفون شوون كعدت عدل والله عمي واحد من جماعتي اخو يحاجيها ذيج المره صاحبي القريب مني كالي خاف جذب عكدت حاجبي نوبات من ميحصلون بنيه يطلعون حجي عليها ماعرف بعد درت وجهي على عمي حسام باوعتله عمي البينناميطلع لا انت هم لتحجي لا يبه شوكت تجي تاخذني وياك تعرفني على جماعتك باقرب وكت جريت نفس درت وجهي على شباك الصاله لمحت عيونها صفح تباوعلي فكيت عيني كلها ابتسمت ونصيت ضليت اراجع روحي عزززه بعيني خرطت الاكو والماكو خرب غيرتك رائد كمت طبيت لغرفتي خجلان فركت وجهي عزه بعيني شكد عيب خليت ايدي على حلكي يلووووو عزه حتى عالبنيه الموزينه هم حجيت عزه عليه خاف عدي امل اييس بعد وسام هفف تمددت اغم بروحي كلما اتذكر حجايه عمر- كلهم راحو بقيت اني وحسام مجلب ميريدني اروح خل يخلص التعمير مال نركيله وداس الطاولي باوعتله ماعرف شون طلعت جريت نفس شومت تتزوج واخلص منك الا ازوجك يله ومنيه هاي التقبل بيه باوعتله خليت رجل على رجل ليش لك شناقصك انت بس اشر اشو استاذ جامعي وبيت شكبره وامك بالوجود الله يحفضها وكامل من كلشي حتى سياره. لو شاك بروحك رفعت تك حاحب ههههه لا لك الحمد لله جريت نفس اريد ناس واثق بيهم هاي الدوره كلها بنات ذبيت الزار باوعتله صافن عليه بخجل شبيك العبب واذا ردت منكم ذبيتها ونصيت احس حنكفخ هاا درت وجهي مبتسم رجعت باوعتله رفعت تك حاجب قربت وجهي يعني هاي صداقتك بيه على طمع تنطي لو لا عمي كببع واخذ ابتسمت عليمن مخلي عينك يابه وحده منهن شتنطي نعم الله اي يعني خواتي بت اخويه لا خواتك نصيت راسي لعبت صدك تحجي تتشاقى هو هذا موضوع شقه اني اذا مااخذ موافقتك ماحاجي امي بس والله خطوبه من كيم طاولي عمي اذا غلبت اقبل كملنا لعب ولعب من كل عقله وفعلا ربح لان اني انسطرت وهو ركز باللعبه سد العلبه فزيت كال ها يابه ها شكلت هاهي توكل على الله ومنو مينطيك انت جريت نفس خليت ايدي على كصتي اباوعله نصه راسه مبتسم شبيك لا هيج وتصير نسيبي خرب حضي اي والله يابه متريد كيفك عليمن داخسرك لا يابه بس شوي الموضوع صدمني هههه خل تكمل السادس وادز امي تحجي وي خاله لااااا ومحدد ياهو منهم هم هههههاييابه غير الجبيره اضحك واحس وجهي نار من الخجل كوم كوم ضحكت انعل ابوك لابو عشيرتك كوم روح رايح ههه بس متخلص مني الله يسهل لزمت باب الحوش ديصعد بسيارته -- عمر لتتاخر باجر تره الازدحام يخنك لالا مااتاخر انشاء الله بسته بالهوا اضحك على وجهه التغير من الغيره على اخته بس هم وخلصت منه. صار كومه احاول دعبله وذبيتها وارتاحيت حسام- طبيت للبيت مسطور سطر صارت امي بوجهي ها يمه راح عمر اي يوم راح البنات نامو اي دينامون شكو همست يمه هذا عمر يريد رشا كملت هالكلمه شوي سمعت فد شي وكع بالممر ركضت اباوع رنا وكعت الاوتي من ايدها جانت دتموي هدومي وهدوم وسام غير تديرين بالج لجاباوعها عينها مدمعه شبيج انجويتي متحجي بس تهز راسها لا لعد شبيج احجي باوعت لامي تعاي شوفي هاي شبيج رنا اخذت منها القمصان مال ولد مامو شي همست مخنوكه وطبيت هاي جوه اللحاف تحجي وتتغازل وحبيبي خطبها طبيت لفراشي ابجي بحركه واستغفر ربي لحد مغفيت وكعدت مره لخ بكابوس وهاي بعدها تحجي همس لعبت روحييي وكرهتنيدبالخوات ياريت ماعدي اي اخت حسام- صعدت فوك اتمدد شوي واندكت الباب ادخل باوعت وسام هالك ابتسمت شنو عمر خطب رشا هاي شنو بي بي سي وورد الوالده لعد شنو مو اخوها لا يابه بعد بس اخذ موافقتي خل تكمل السادس بعد كلشي مصاير ممم جريت نفس نصيت راسي كعد عدل حسام وباوعلي بس اليوم كلها نضرات وابتسامات اكو تطور بالعلاقه هيج الغده يسوي ضربته على جتفه باوعتله عكدت حاحبي ايييي موو داكول هاي طلعت انت المهلي عينك راحت صفكت ايد بايد كلها راحت بعد حتى متطب ببيتنا الله وكيلك ليش هههه ليش ولك اسكت خطت وخربطت وي رائد بالحجي عن مغامراتي وطلعت سامعتني اسكت لتذكرني جريت نفس باوعتله يباوعلي بعتب شكو شوكت تعقل لزمت كتفه ليش شسايفني امشي واكمز جريت نفس وسام الدنيا حملها ثكيل ورايدك ويايه اخوك كلشي مشايفين منه حتى مرته مشايفه منه شي جريت نفس ونصيت راسي خجل خويه محتاجك ضهر استند عليه كافي 3سنين ضاعت منك هز راسه اي انجح وتوضف عاونني على حمل خواتك ماريد اقصر وياهم بعد ابوك ذننه تيتما من وكت اي هزيت راسي اواعدك هالسنه اشد حيلي واطلع وبعد شنو بعد تعرف يابه اني مضار بي احد ضار بس روحي ليش انت مو عزيز علينا لك اذا صار بيك شي اني منو الي اخوك ابو السفر والنسوان لتخليني احجي ادري ادري جريت نفس اترك خويه لخاطر عافيتك والله بالاسبوع مره اعدل بيها الجمجمه اي حتى هاي عوفها خلي يولي دتعال فد يوم ويايه وانسيك الدنيا باع هذا اكوله اترك النوبه حيجرني نصيت راسي شنو شعورك من تضرب التفتت اضحك يبوووو تنسى الدنيا تططير كوم نام خرب يومك كوووم ضربته على ضهره ضل يضحك وكف بالباب كال ليضل بالك اني هم داضوج وادري روحي من تلعب نفسي من شغله يا الله الله يهديك يله تصبح على خير وانت من اهله طفي الضوه وياك ماشي حسام- نزل وسام واني ببالي ميت حسبه احس ممخلصها جريت نفس باوعت عالتلفون 30مكالمه بيهن عمو وبيهن هناء دكيتلها ردت الو الو ها هناء هلو حبيبي شونك شنو زعلان لا ليش مو اني ضوجتك ها لا مامو شي جريت نفس بس انت هم نفسيه على غفله تقفلين مادري جنت كلش مخنوكه مردت ابقى بالبيت ماشي جريت نفس، تندمت رجعت شتاقيتلك راسن همم مشبعتي مااشبع منك فدوه لحلكج شوكت نتزوج اسكت فد داضوج ومختنكه احس مالي اهميه بالدنيا اريد اسويلك الاكل اريد اداريك ضجت هاي شنو شبيج هنو مادري مادري اريد اجي يمك تعبت مبقه شي حبيبي زين ماشي باجر اجي عليج ونطلع نتسوك عاجبني كبه وبورك تسويلي اي ههههه فدوه لكلبج بوستي وين اليوم مشبعت ماشبع منج احبك حسام احبك والله العضيم اني هم احبج تنهدت بتعب يله ننام تره غادي جنازه اسم الله عفيه لتحجي هيج مو كافي احلامي الورديه هههه ماشي حسكت بستها بالتلفون ورجعت البوسه وسديته ونمت بس مو نومه عذاب حتى بسابع سما شديتغدون هم فكرت استغفر الله شبيه اني نزلت امي دتقره قران بالمطبخ فزن من شافتني يمه شبيك والله يمه مادري مدااكدر انام وتعبان حيل دتعال يمي شوي دااقره على راسك هاي منفوس انت على شنو يايوم تثاوبت وبقت تقره على راسي واني عيني مفلكحه متنسد واسمع صوتها بالقران يريح النفس تذمرت ابويه وتذمرت بسام اخويه الله يرحمه باوعتلها يوم ؟ هايمه صدقت وباوعتله يمه ابويه من جان بعمري كم طفل عده عده بسام ومهند هممم هسه تتزوج وبزرتك يصيرون بطولك ههه الله كريم يوم من اجه بسام ابويه شسوه يوووه كلب الدنيا جان اعز ولد عده اللي حتى من مات اخذه وياه اووف الله يرحمهم بعدني لهاللحضه اتذكر العالم من حوي يركضون لبيتنا يكولون الحكو لابوك واخوك اندعمو جو ه الجسر الله يرحمهم جريت نفس باوعتله بعد شهر السنه مالتهم اي يمه نسوي غده انشاء الله ماسوي قرايه بس اثوب على روحهم واعزم خالتي وبيت اهل شيلان واهل ابوك عماتك وعمومتك اهو هسه يجي ايهاب افندي يمه ابن عمك ياب دخلي يولي شكد ثكيل ليش الرلد سبع ويساعد وحباب اني من تغالب ويايه على هناء كرهته يمه هو لو مااجه يمها كال اطلبها واشوف ينطون لو لا لا يوم ضل نضرات وهاي وهو شايفني طبتي وطلعتي وياها لحد ماخلاها تفكر بي خبلني هاهي يمه انسى مريتك وبحضنك بعد شهرين زواجكم ونخلص كافي لتوصخ كلبك النضيف اي صح جريت نفس مشتاق لمهند والله فرفح ملبي اباوع لشيلان اخسها بالخمسين من ثكل الحمل صايره هي ام وهي اب وهو طبه وطلعه وصبع شعر وزرع سوالف النسوان خلي يجي لا اسبي سبايه عفيه حتى بعد ميطب هنا هو يرادله دفعه بس خطيه اليوم سانه دزتله الصور كام يبجي تكول مشتاق للمتنا ها ميجي لعد استغفر الله الله يهدي كوم كوم راسك شكبره رجلي راحت هاا ههههه ديله حصعد انام صلي ونام يمه اذن توه خوش ادعيلي يمه يمه شعدي غيركم الله يحفضكم يارب -------- الست مريم تسلم عليكم وتتمنى لو تقره تعليقاتكم بس ماعدها سوشل ميديا غير الفيس تتمنالكم متابعه ممتعه ومشتاقه الكم هواي | ||||
|
| |
|
20-07-19, 06:17 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الرابع #الكاتبة مريم السعدي #متلازمة السجن نمت واخيرا وكعدت وره ساعتين غسلت وبدلت ونزلت تريكت اني ووسام ورنا اليوم عدهم صباحي اباوعها عينها مورمه رنا شبيها عينج شنو شبيها،وسام- شو وارمه كارصتج بكايه مادري نصيت راسي حسام- شنو باجيه البارحه هزيت راسي واني منصيه لا اختنكت بعبرتي شييج يابه شو باعيني وكفت راحت عالسنك غسلت ايدها دتروح باوعت لوسام عاكد حاحبي وكفت صرت بوجهه تريد تروح للغرفه رفعي راسج باعيلي شبيح مبيه شي هاي شبيكم لتلحون عليه تعديته ورحت لغرفتي اهووو شون بله حضل ابجي باوعت لرشا نايمه بالعسل كامت وطبت للحمام تغسل وتبدل نيالها على جمالها وحضها رجعت تمددت احس نفسي مكسره طبت اني كالت يله يمه شبيج شو متكسله مالي خلك ماما ليش شنو موعدها لا بعد لعد شبيج شو مو على بعضج مادري مخنوكه اريد انام ناني ارتاحي مسدت على ااسها دور المراهقه للبنيه صعب جنت بكدها اضل وحدي ابجي وماكو شي مضوجني جريت نفس طبت رشا تبدل هاي شنو متجي لا مالها خلك اليوم اخذيلها اجازه اني معليه والله اختج يمه معليه ماما يله باي الله وياج ويهديج ويوفقج حسام- طلعت رشا هي وجنطتها باوعتلها متعجبني لا لبس لا حجي ولا لسانها جريت نفس شنو متنتضرين اختج لا متجي باي اوكفي خلي وسام يوصلج وسام-اي تعايي رشا- باوعتلهم كلبت خلقتي اتلصمت وطلعت وراه كلسا يلتفت عليه يرفع حاجبه معاجبه يباوعلي لحد موصلنا وعافني حسام- طلعت امي هاي شبيها رنا يوم مبيها شي يمه مراهقه باوعتله بلا موبالاه اليوم طلعيها اشتريلها شي لتخليها ضايجه اي اني هم بباي اوديها للخضر سلام الله عليه خوش فكره دك هورن عمر يله رايح اني محتاجه شي لا يمه سلامتك الله وياكم في امان الله طلعت وي عمر ذبينا وسام بجامعته طبيت ركض محاضره ومقرر اذا شفتها انهزم من عيونها شكد عيب وفعلا شفتها باوعتلي ابتسمت درت وجهي ارتبكت لحد ماعثرت ردت اوكع صوت ورايه صاح الله وثول شبيك التفتت ايهاب ابن عمي اللي يثولك جاوبته مبتسم وعفته وطبيت للقسم حسام -وطلعنا لجامعتنا وصلت نطيت محاضرتين وطبيت للمكتب بديت اختنك نفس الشي لا اله الا الله فتحت الرباط وخايف لا مثل قبل بيوم بديت احتصر وعيوني تحركني وكفت شربت مي راحت الخنكه ماعدي شي بعد راسي قبط اريد اروح انام وكفت تكسي ابلوعله رحت صدقه ونذر محفحف والدهن مال شعره والعلج يوووم فدوه احلى خواته صعدت كتله للدوره طلع بيه وضل يخرط عالوضع والناس والنسوان والشباب يجيبها منا يلطها هنا لعب روحي اكثر من ماهي لعبانه اريد اركز وياه بفد موضوع ماكدر يطب من موضوع ويطلع من موضوع دخت خرب شرفك وصلنا للسيره مال دوره ازدحام شوي وصل سرانا-----فجاه صوت مدوي وماشوف الا طبه والسياره الكدامي تطيييييير على السياره البيها احنا وعالحامه الاماميه الصوره ثواني بس حسيتها بذاكرتي مثل التصوير البطيء بعدها انطفى الضوه ورجعت وره شوي احس بالحواليا اسمع اصواتهم بس كل الاصوات غريبه صياح الله واكبر الله واكبر الحك الحك شيله ولك هاذ دينزف وصوت السعاف والركض مال عالم اطفال تصرخ ونسوان تبجي وتصيح يمممه حسيت باحد شالني باستعجال ورده جسمي عالسفنج حسيت بيها لا اكدر احجي لا اكدر افتح عيني بس كلشي حاس احس حراره براسي وحكه واحس نار ببطني وافخاذي وركبتي حسيت من البروده اني بسياره وطلعت السياره وكلسا موكف ومفتوحه الباب تجيني حراره من يم رجلي ويصيح ن وياك وياك هذا متصوب واخيرا طلعنا بخط مستقيم بعدها بشوي وكفنا حسيت وشالوني ركض بصياح ويصيحون طواريء طواريء انفجار وركض الناس داير مدايري دوخني زين اني ماعدي الم ليش مداكدر احجي وافتح عيني ليش مدااكدراحرك اطرافي حسيت دخلت لغرفه بارده واخد ديلعب براسي ووحده صاحت يابه هاي جزء من عضم الجمجمه مكسور والثاني صاح المخ شوفيلي المخ كلشي مامو دكتور سليم بنجو خل نفحض عضم الفخذ والبطن نشوف النزف منين يابه دشوفي فاقد لا عباس يصحى اثناء العمليه ويخرب شغلنا،يله بنجه بشي بسيط وبعدها محسيت بشي حسيت وره ساعه بمكان هاديء وبارد وهم مااكدر افتح عيني ولااحرك اطراف جسمي صوت بعيد ونين وشهكه بقيت اتصنت يمه على بختك كوم ماعدي غيرك وتون وتشهك يمه دخيلك لتعوفني بحمولي وتون حسيت ركض وصوت سانه بيبي حبابه لتبجين وينه عمو بيبي ممات مو بيبي الله يخليج جاوبي لا بيبي ممات ادعيله فدوه ادعيله بيبي ليش نايم مو سووله عمليه بيبي غيبوبه دخل بيها انشاء الله يكعد ويكوم وسام- يوم هايمه امشي روحي وي عمر اني باقي يمه مااتحرك منا لحد مايصحى يمه رحمه لاالله مابيه حيلج توكعين تتخربطين اني باقي هنا روحي ارتاحي دكولك ماروووح نترت بي حسام- يمه حبيبتي روحي هياني مبيه شي هسه اكعد روحي ارتاحي لتاذيني احجي بداخلي ومحد يسمع ومتكطع لونينها حسيت صوت عمر يتوسل بيها خاله رحتلج فدوه روحي للبيت عليج بداعته اني ووسام باقين يمه والله ماكدر خاله وجودج هنا مبي فايده هناك تدعيله ترتاحين مو يصحى يلكاج مريضه يمه اني من اشوف طوله طاب عليه اصير بت العشرين بس خل اشوفه مبي شي تحجي وتمسح بطرف ربطتها السوده وتباوعله التفتت عليه فاتح حلكه وعبالك نايم ربي لتشوفني بي مكروه ماعدي غيره التفتت على امه خاله والله الدكتور كال مبي شي بس داخل غيبوبه اثر الضربه يومين بالميت ويكعد بس ادعيله خاله ولكم يمه عوفوني لتخلوني ادك على راسي خلوني يمه وكامت تشهك وتبجي منا شهكت وتبجي وسام وكع كدامي ماعرف شصار بيه لك وسااام شلته الاثول ريشه وركضت بي للطواريء وهي ورايه خطيه تبجي وتكول يايمه ولدي راحو مني يايمه مابيه حمل وكفه بعد دخيلك ربي عينني اخذو مني رجعت لغرفه حسام اباوعله راسه ملفوف وعينه ورامه كوم لكك كوم عاد كافي نوم كوم ويايه اهلك يردوك دمعت عيني كعدت على ركبي لزمت ايده حسام الله عليك استجمع قواك بعد هالكلمه مكدرت اضل قوي بجيت من ملبي حسام والقران مااكدر اداوم وحدي انفتحت الباب مسحت دموعي صوت كال السلام عليكم ومشه سريع اباوع زين هذا مهند بس مكلوبه جهرته راح ركض عليه يتلمسه ويبجي مهند- شون تخوصرت شون اسفره مابقي دكتوره وين شكال على كيفك مهند حالته مستقره بس دينتضرو يصحى صاح لك مصحى شووون فهمني ادعيله نصيت راسي خجلان من دموعي باوعت لحسام هذا الصبح جان بصفي ديسولف ويصنف البارحه البارحه جان كبالي ودنلعب كيم الطاولي عفت الغرفه وطلعت مكدرت حسام- صدى يروح الصوت ويجي سمعت صيحه امي على وسام فزيت ورجعت غفيت ورجعت صدى صوت مهند هذا اي والله مهند صاح شوون اذا مصحه فهموني جان يبجي ويصيح اني مبيه شي كاعد والله بس اريد قوه اسيطر بيها على جسمي بالعضلات الاراديه طوني مجال امي امي بس لا يصير بيها شي ربي دخيلك رجعت غفيت حسيت مي بيدي وشوي شوي رجع الصوت سمعت صوت هناء تشهك بحركه وتبجي وتكول لتعوفني حسام عمري ماعوفج والله اصبري يارب القوه منك حسام مااكدر اعيش بعدها صارت هوسه بالغرفه صوت رناوي هذا تبجي يم راسي رنا- اذا متت يعني اني هم اموت مو وحدك تروح لبابا اجي وساك همست هالكلام باذني وابتعد نفسها من اذني احس شبيه طاقه اختفت من القهر وراها اختفى الصوت وغبت عن الوعي او غفيت وره شوي حسيت صوت ميصير هيج يابه ناس طابه وناس طالعه واحد بس يضل كلها تطلع حمدو الله وشكرو خمسين واحد مات بهالانفجار وراها صارت صنطه بس صوت قران امي ايييي هذا الردته صوتج يوم اخذت ايدي كالت يمه انت مو جنت مخنوك هاي دااقرالك قران بس كوم على حيلك كملت قراءه غفيت على صوتها حسيت وره مده الابر تنغرز بكف ايدي وصوت وسام وسام- انتي دكتوره لا اني ممرضه عفيه مماره عليج حاله مثل حالته قبل اي كومه زين اشو الدكتور مينطينا امل ولا يكول لا كال منا لباجر اذا مصحى معناها يطول او يموت واغلب الخالات يموت لا لا اخوك بطل راح يعيش صدكني متاكده راح يحس رحمه الله والديج ههه الله يطمنج يعني اكو مثل حالاته اي هواي ويعيشون لتفكر باللي يموتون راح يعيش ويصير احسن من اول الله يسمع منج بردتي كلبي تقربت منه بعدما طلعت الممرضه شفت تكول حتكعد لو تشوف شون تباوعلك وبليل كلسا تجي تنطيك المقوي وتقيس ضغطك ونبضاتك ههه لعد لوتشوفك انت وكاعد شتسوي ههه احجي وابجي فقدت لزمت ايده قوي راح اترك كلشي مو تريدني سند كوم خل اسندك اذا رحت منو يسندني ها منوو كوم ويايه عدنا خوات يتامى مااكدر وحدي لتعوفني كعدت على ركبي الله يخليك لتروح حسيت انفك الباب طب مهند وعمر باوعولي وكفت مسحت عيني مبتعد منه حسام- مرده لكلبي ياخويه وداعتك مبيه شي حسيت صوت مهند يحاجي عمر عمر فدوه باجر مر لاهلي. من ترجع من دوامك ماداوم جريت نفس ماداوم وحدي لكم بابا شبيكم داومو لتلوصون الوضع والله لو كاعد جان كلبلكم الدنيا عمر-ماشي جريت نفس ماشي كومو روحو للبيت يله وسام امي عينك عليها ورجاءا اكل صار سبوع عالمي واللبن تقوه، اريدك ويايه حسام- سمعته كال سبوع تخبلت هاي اني صارلي سبوع صددك مر سبوع شو محاس غير كم موقف كم مره حسيت احس عقلي يروح بغير عالم ويرجع افكاروذكريات يمكن حتى شغلات مصايره ماكو شي مترابط شي ضارب بشي بس اليوم من حسيت ليهسه مركز كلش بكل حركه وكل شي اسمعه دااعرفه احس وجع بضهري وحكه براسي ورجلي والوكت اعرف بي ديمر بس فاصل مداووجد حسيت واخيرا بتركيز وسام يمي بايت حتى نفسه دااسمعه غافي واكو اوراق يمه ماعرف شنو دتتحرك بفعل الهوا واكو صوت ناصي مال تلفزيون يشتغل شوي وسمعت انفكت الباب حسيت باصابع على ايدي الاصابع ناعمه ودافيه تحسست نبضي وانلف شي على ايدي ممم هذا جهاز الظغط الضاهر ديقيسون ضغطي صوت بنيه بعد مده كالت ممتاز ---صباح الخير حسام همست ورديت بداخلي صباح النور هه ادري دتسمعني وادري راح تصحى تلمست كصتي من جوه الضماد اي اي لج شوي حكي موتني احس فهمتني يحكك مو اليوم نشيله اي خرب شون ارتاحيت من حكته ورخته شوي وسمعت صوت حجي هذا صوت مهند وويا شخص ثاني مهند- دكتور شنو قصدك والله صعب عليه اكول هالشي بس اغلب المرضى بنسبه 90بالميه يموتون بعد هالمده من الغيبوبه وخصوصا مثل حالته الصدمه جتي براسه بس هو عايش ذاك هو كلبه ديدك نترت بي حتى لو اخوك يعتبر ميت سريريا انصحك تتبرع لاعضاءه لاحد محتاجه قبل وقوف قلبه لان الاعصاب اذا بقت متشتغل القلب ميطول ويوكف دكتور لحد مايتوقف كلبه اريدك تحاول وياه استاذ مهند يراده امكانيه ومصرف هاي مو مستشفى خاصه واذا ماعدكم الاممكانيه انقله عسى مااا بالخارج لا الامكانيه موجوده بس راح تكلفكم وانت شلك غرض انت مالك خص اخويه مينشال من الاجهزه لحد ما يصحى ماريد اخيب امالك بس عالاغلب ماريد اسمع اي شي بعد براحتك هاهي حسام- صدددك جذذب شنو الدكتور مايس يعني حموت ومااكعد يربي شون حسيت بايد يم وصوت نفس هذا مهند هذا عطره بك بن ههه حسيت انجر الكرسي وكعد رجه بالسديه صارت كعد يمي بقه لازم ايدي شوي وانفتحت الباب كال ها هناء تعاي يابه هلو مهند شونك شكو ماكو ماكوجديد لا والله جريت نفس لا والله ماكو تعاي هنا يمه هسه اجي وسام راح يجيب امي عفيه مهند حاحيت الدكتور اي حاجيته تنهدت يكول سوينه العلينه الباقي على الله والنعم بالله يعني يطول صار سبوعين والله هناء ماعرف فركت وجهي والله مادري اني مااشيله من الاجهزه لو يبقى اخر فلس بحيبي عسى ما اكدي يارب عليك توكلنا يله كعدي هنا عينج عليه اوك هناء- لزمت ايده نازعيله الحلقه حبيبي شتاقيتلك بسته من خده بهدوء عمري تعبت من دونك حسام- دموعها بللت خدي احس كلبي يوجعني من اسمع شهكتها واني حاس ماريد تتاذه من ورايه ياعمري شبيدي عليج سمعت فتحه الباب صوت ها هناء انتي هنا حسام-هذا ايهاب هناء-اي مسحت دموعي شونك ايهاب الحمد لله زين شونج انتي حسام- هذا شجابه ميت عليه عود خطيه يركص على جروحي هاذ مكيف بنومتي حتى يحلاله الجو هناء- الحمد لله باوعت لحسام بقيت لازمه ايده لحسام ايهاب- الدكتور شكال مكال شي كال سوينا العلينا والباقي على الله والنعم بالله تقربت منه يا الله صار جلد وعضم هذا ابو كرش حسام- امشي لك ابو العرك انت ابو كرش منيلي كرش شكد جلب لعد ايهاب- البارحه خابرت صديقي دكتور بالنمسا هناء- مسحت دموعي ركزت وي ايهاب اي حجيتله عن حالته والضربه وسالته اذا اكو امل كال 80بالميه يوكف كلبه لا بربك بجيت صدك تحجي هناء جريت نفس لازم تقوين روحج خلينا نكون واقعيين يعني بس كلبه يشتغل دماغه والاعصاب واكفه اكيد الكلب من مايلكه استجابه يتوقف لا عفيه يموت عزه شون الله ليمولها ادعيله والله البارحه رحتله للامام وزرت بلكن الله يفك ويكعد رغم كل مشاكلنا يبقى ابن عمي حسام- اسمعه واريد اضربه اووووف لو بيدي قوه بس بعد مكال شون ميكون يبقى ابن عمي وبجه كام يشهك صدك صدكته وهاي ويا تبجي سمعت صوت امي تنهد فتحت الباب تنهد من صعده الطابق الثاني هاي امي اعرفها يمه يمه ها يمه هناء شونج هله خاله يم الله الحمد لله هايمه اهوبي شونك شون امك زينه خاله تسلم عليج البارحه جوي ومجتي موجوده اي يمه كالي وسام يمه حسام حبيبي كوم ارحم كلب امك شوف مريتك شغدت حسام- تبجي امي وهناء وياها مردت كلبي يايمه شبيدي عليج كوم هاي رناوي مقبلت ضلت تبجي تمول الا اشوفه صار يومين مشايفته جتي ويايه ايهاب- شونج بت عمي رنا-هلو ايهاب تقربت يم راسه بسته شوكت تكعد البيت مشتاقلك حسام- لحد يبجي بس الله يخليكم وجعتو كلبي صوت عمر ووسام يحجون وي مهند بنتره عالدكتور ويسببون بي ابتعدو الكل عني وانشغلو باللي كاله ويدردمون عليه صوت بنيه طبت كالت السلام عليكم ردو وعليكم السلام تفضلي حسام- حسيتها تقربت ها هاي ام الصباح الخير ههه من ريحتها مال مي ورد جنها ريحه العرب عرفتها تلمست ايدي البيها كانونه وحسيت ببروده يمكن مغذي الله ليجذبني وذوله بعدهم يحجون ويدردمون كالت همس شوف ذوله كلهم محروك دمهم وانت نايم ممهتم كافي كسل كوم قوي روحك بقيت صافن عليها هاي شبيها خبله عود دكتوره وتعرف شغلها سمعت مهندكال والله راتبي كوله هنا اشمره وانت لك وسام ترجع تداوم وعمر لتضل تاخذ اجايز احنا وضعنا تخربط والله لو كاعد جان ملبها للدنيا شهالليصه من اليوم ساعه وحده الزياره وكلنا نجي نشوفه ونرجع خليت ممرضه عليه اني تبات يمه ووسام تبات يم امي وانت عمر ارجع لبيتكم البارحه خاله متخربطه وصاعد السكر والجيرات موديها للدكتور وانت بايت هنا عمر- نصيت راسي باوعتله مااكدر اعوفه لا تكدر داكولك هاي بقت يم الله يوم لخاطر الله لتضلين تبجين قوي روحج البنات محتاجيج هذا امر الله وانتي مره مومنه كل امكانياتي راح اخليها ماريد اكول لو مسوي هيج بعدين الله ليكولها مفهوم انتو ببقيتكم هنا مدتسوون شي متعرفون اي شي هاي ممرضه خاصه واطباء ومربوط عالاجهزه اي شي يصير ينطيهم اشاره ساعه وحده باليوم العصريه نجي نشوفه ونطلع اخر مره اكولها الكل سكت بس صوت البجي طلعت واخذت امي ويايه وعمر اودي لاهله ووصلت هناء لبيتهم بدربي وسام- بقيت يمه عالكراسي الكباله صافن على نومته شنو خويه هاي نومتك بعد ماشوفك ببيتنا يعني البارحه خواتك بغرفتك يتباجون هاي رنا العزيزه تشم بقميصك وتبجي شنو مالهن خاطر عدك هناء مرتك وجهه صاير هلكدوته لاتاكل ولاتنام انفتحت الباب طبت شيلان وكفت كدامي كالت ها شونه ماكو جديد نصيت راسي قوي روحك وسام محتاجيكم خنكتني العبره اخر مره كعدت وياه كال محتاجك نصيت راسي هاي شنو عود هاي انت الاعصابك قويه مضل بيه حيل شيلان والله بجيت لا فدوه لتكول هيج حضنته وضل يبجي بقهر اول مره تحضنني رغم من اول احسها اخت جبيره الي بس حضنتني شهدي دموع ذبيتها وكمت اشهك من ارفع راسي اشوف رغيد وراها تباوعلي ودموعها تجري جريت راسي من حضنها بلعت ريك مسحت دموعي ابتعدت شيلان راحت يم حسام اشرت لرغيد للكرسي اللي بصفي تفضلي شونك وسام الحمد لله تنهدت الحمد لله يستاهل الحمد همست اباوعله ميباوعلي عينه على اخو -- ااهاي المحاضرات الفايتتك سويتها ملزمه والاحد عدك امتحانين عفيه لازم تقره هم تروح عليك السنه لالا متروح اني واعدته خليت ايدي على عيني بجيت ومسحت دموعي اخذت من ايدها الملازم عاشت ايدج تعبت لا ماكو تعب يمعود بس ردت اساعد رحمه الله والديج شيلان- يله رغيد امشي مكدرت بعد من اشوفه هيج انهار هذا حسام الهيبه هيج يصير حسام- شيلان مردتني مرد وهذا وسام من يبجي يهد حيلي احس كلبي يتفتت عليهم تعبت حيل ربي لو تاخذ امانتك لو اصحى اهلي تدمروووا- شوي غفيت وراها سمعت صوت يمي يدندن باغنيه عراقيه قديمه منو هاي يا فايخ ها هاي ام مي الورد الضاهر مامو احد بالغرفه غيرها هم ربطت جهاز الضغط وكالت جدا ممتاز استاذ حسام كرصتني من خدي دااشك بيها خبله والله بعدها سمعت صوت سانه طبت لزمت ايدي باستها وراها ريحه هناء تلمست وجهي وصوتها حبيبي شونك وراها صوت ايهاب اجه وضل يحجي وي هناء وسانه ومهند اني بس استمع الهم بتركيز عاللي ام مي الورد كالت همس اكولج هذا الولد شيصير منه ابو شامه بوجهه سانه-هذا ابن عمه لعمي المريض ها وهاي البنيه تصير خطيبته اشرت على ايهاب لالا هاي هناء خطيبه عمي ها خطيبه المريض ليش خاطب اي باوعتلها هسه لو ما مممدد شنو انتو ضلت صافنه تباوعلها بقلق وتباوع لايهاب سانه- ليش دتسالين وليش عبالج خطيبته ها لا هيج حسام- شنو الهيج شنو الصار اللي عبالها خطيبه ايهاب خاف هذا الناقص مستغل فرصه بس اكعد اكطع رجله من بيت اهلي واطيح حضه اذا وصل بعد بعدها رجعت غفيت وبعدها حسيت وجع براسي وحكمه قويييه وصوت يمي هوسه دكتور لاحم بس بقه المكان ديذب مي خاف ملتهب لالا هو طبيعه هالمكان هيج هاهي تركي بله ضماد دكتور ادهنه خاف يحركه ولج هو بغيبوبه تضلين بعقليتج مال الس ببلاد العجائب هو نايم ويمكن ميت وبعد ميحس غير اهله مجلبين والله لو منهم اتبرع باعضاءه اقلها تجي حسنات يروح بيها للجنه حسام- اسمعه يحجي مردت عليه ووالوجع كتلني والحريك حسيت رجلي هم بحركه وحكه وطلعو بهوستهم صارت صنطه اريد بس افتح عيني مااكدر احرك ولو الجفن مااكدر حسيت همس معليك منه ادري بيك تسمعني هسه اججججيب دهن مخدر موضعي ويوخر الالتهاب وتطيب وانطيك حبايه مسكن ادري دياذيك المكان هذا الدكتور زمال ميفهم هههه بقيت صافن راحت و شوي وطبت تقربت لراسي خلت دهن بمجرد ان خلته بهدوء الحركه راحت بقه الالم واحس راسي مفكك وراها خلت على الفخذ انجرت الحراره والحركه شوي واختفى الالم اووف ارتاحين حسيت بيها تدندن سليمه خضير هاي شكد عمرها 60لو70 ههه حسيت بغطه خفيف غطاني وحركه بعيد شوي عني يمكن صوت قنفه من واحد ينام عليها شوي وصار صوت عمر يمي كال العفو اخذي راحتج اخذي راحتج عمر- مكدرت انام همست يم راسه اتمنى تكون تسمعني حنام هنا يمك ولو بس اليوم تحملني ------ | ||||
|
| |
|
20-07-19, 06:19 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الخامس #الكاتبة مريم السعدي #متلازمة السجن عمر- حسيت الفجر على دكه التلفون شلت راسي اباوع الممرضه تخلي دهن لراس حسام تباوعله مبتسمه وتهمس مداسمع شدتكول ركزت زين رديت عالتلفون رفيف اختي الوالو. ها رفيف شكو لابربج جايج الممرضه- خو ماكو شي امي تخربطت عفيه دير بالج عليه ميحتاج توصي بقيت صافنه عليه نزل ركض خطيه باوعت لحسام خطيه صديقك محتاجك مبين عليكم جنتو كلش قريبين حسام- جنت نايم وحسيت على تلفون حسام انكمش كلبي حسيت الم براسي رهيب ثواني وحسيت بريحتها مشت ايدها عالجرح وخلت الدهن بهدوء يعني مجموعه حكه والم وحريك احس دااتكطع ورجلي هم رجعت خلت عليهاالدهن ارتاحيت وضل بالي يم عمر سوده بوجهي وحده ضل كل مره من تتخربط امه سوه نحير بيها خطيه ماعده اخ اووف غير اكدر اتحرك عاد اختنككككت حسيت بلمسه على شفافي شبيها هاي عطشان شفافك يبست اممم دقيقه رحت جبت المرطب شفه مالتي من الجنطه وخليتله باع هاي رب الحلو لعابه ودتلعب بيها النوب مكياج اويلي على هيبتك استاذ حسام بس ارتاحيت لان احس خشبه صارت شوي وخلت شي بحلكي ترطب انترس لعاب اريد ابلع ماكدر اووف حسيته نزل من وحده بسلاسه رطب المريء اخ شون ارتاحيت رحمله والديج بداخلي ها حلو احسن مو تلمست شعره خطيبتك محضوضه بيك تدري يله حرجع انام حتى باجر اعوفك 3ساعات اشوف اهلي واجيك اوكي يله نام تلمست خده مكسب تذمرت ضهره صار يومين ممحركي ومامدر وحدي لازم واحد ويايه يرفعه لان ثكيل شلته شوي اباوع بده يفركس اوووو اخ اخ خرب تيبس ضهري والله شفته ريشه صاير خطيه صفحته ودهنت ضهره اييييه رحمه الله والديها عمي وبعدها خليت بودره بقيته صفح شوي يرتاح الصفحه على صفحتي بقيت اباوعله واني عالقنفه ههه شكلك عبالك نايم يمي ههههه والله لو تدري خطيبتك تكلب الدنيا ولو عبالك متغار عليك من اقترب منك هاي متدير بال هاي لو اني اكلب الدنيا ولا واحد يلمس خطيبي حتى لو ميت هههه يله بتصبح على خير وانتي منو يمج دنخمدي حجي فارررغ واني روحي تلوب صارت صنطه وبره هوه عالي صوت ههه هسه السياره انترست تراب ههه وامي دزت البنات يطببون الهدوم ركض قبل لتطير وتترب والشبنت والكزبره اللي منشفتها فوك القصطعه الخارجيه مال سبلت يمكن تكون نسته بقيت صافن عروحي شغلات بسيطه بس جنت متعايش وياها واحبها يارب طيني القوه ماريد اعوف امي وخواتي مهند حاير بهمه احس روحي كمت ابجي من الاحتصار بس شو ماكو دموع بقه بالي يم عمر سمعته دياذن بالجامع تذكرت امي يمه صلي قبل لتنام اخ ربييييي والله تعبت اريد اكعد بلكن يطلع كابوس وافز منه غفيت حسيت الصبح على صوت مهند مهند-لشوكت يله ترجعين اني ب11هنا شوف هاي نبضات القلب اي خربطه ركض تصيح الدكتور وانتبه على جفن عينه بلكن يتحرك اطرافه ماشي بس لتتاخرين اوك مع السلامه الله وياج ااا ها شسمج انتي اني هه صبا اهلا وسهلا بس اذا ممكن رقمج حتى خاف تتعطلين والله عدي عمل اوك هاك رقمي نطيته ورجعت حسام- اسمعهم واتكطع عطلت الكل بنومتي مهند كومه شغل عده حيطخ الشهر وهو مكابلني ميندري شخبار عمر بقيت ساكت اسمع نفسه وتنهيدته بحسره تلمس ايدي ونصه باسها موتني شوي وحسيته بجه اويلي الله شسوي يارررب همس تعبان من دونك وحاير بدنيتي اكعد عاد شبيدي ياخويه اني قابل متونس دك تلفونه رد الو ها حبيبي زين هم يتغزل بمرته جنت متوقعه ناشف وياها لا ماكدر اجي---- بعده والله دمرني بالقران دمرني تدرين هذا ضهري ببغداد اني من دونه اضيع --- اسمعه ومعصور كلبي حبيبه ابقي يم اختج احتمال الخميس امرلج. وارجع السبت ارجع وين يم اهلها شيلان عد اهلها عجيب شو افتر راسي زين المصرف خو مخلص-- سبعه بنيتي جريت نفس ديري بالج على روحج -- اني هم مشتاقلج وروح ابويه ومحتاجج كومه --- ماارجع اذا ميكعد ماشي الله كريم ماعرف حسام- بقيت صافن تناقض بالكلام معقوله تكون مو شيلان اندكت الباب بهالاثناء صوت شيلان كالت السلام عليكم مهند- عليكم السلام يله يابه في امان الله اشوف اموري واخابركم الله وياك شيلان- توجهت لحسام باوعت بوجهه نفس الوضع باوعت لمهند جريت نفس شونك مهند- يم الله منو جابج عمر خطيه مر لخاله وجاب المسواك وي وسام وكال رايح لحسام اشوفه كتله اخذني وياك ممم وينه لعد يم الطبيب ديحاجي ماشي جريت نفس الجهال شونهم زينين وين بتت البارحه يم امي مكالتلج سانه ملحكت عليها راحت للدوام ورنا ورشا همممم رائد مشفته البارحه مو طلع وي وسام سوه الماطور ورجع مممم ممحتاجه شي لا سلامتك بقيت اباوع بعينه نصيت راسي شوكت تسافر لعد بعد مو هسه خل اتطمن عن حاله حسام اول تنهدت اكولج تتخابرين وي خالتج لا خالتي ياخاله هاي باوعتله مستغربه خالتج ضمياء لا ماعدي اتصال بيها من رجلها صار بالبرلمان بعد كامت متتحجى بس اخر شي ادري بيها سافرو كلهم حتى بتها المتزوجه اخذتها بره مممم هزيت راسي متنهد ليش تسال هيج رجلها ويانا داشوف باقي ببغداد وين وياكم هيج باجتماع من الاجتماعات شفته يله اني حروح اذا انتي باقيه عدي شغل شوكت ترجعين فد شوي وي عمر ارجع ديله في امان الله كولي لسانه تلفونها بالمجر مال ميز الصاله مال اهلي وهذا الارعن كوليله مالك دخل بيها اني موحود عود من اموت خل يربيها بقيت صافنه عليه جريت نفس طلع من الغرفه دردمو عساس هو باقي وتربيها من ساعه السوده الجيتني بيها وقبلت بيك خرب حضي اي والله حسام- بقيت مصدوم الجان ديحجي وياها مو شيلان عده غيرها وشيلان علاقتها بيه حييل متازمه حتى نومته عد اهلي والله راسي افتر خرب ببليسك مهند شوي وصوت عمر وانفتحت الباب ها شونه ماكوجديد والله على حالته جريت نفس عمر- تقربت لزمت ايده باوعت لشيلان الله ستر البارحه امي رادت تروح بيها لا بربك والله الضغط ارتفع فول وراسها ورم ووجهه نار وركضت بيها مستشفى وابره وحبوب تلحكولها الله ستر اي والله الحمد لله كلهاي والاستاذ حسام نايم دكوم لك كل مره انت ويايه هالمره وحدي والله حتى خوف خفت طلعت انت الذيب الويايه وطلعت اني بس هوا باوعت لشيلان كامت تبجي نصيت راسي سكتت حسيتها مخنوكه اكثر مني جريت نفس طبت الممرضه كالت سلام هلاو ها مامو حركه شي لا ابد مصيره يتحرك قابل يبقى هيج باوعت لمرت اخو كمت اعرف العائله كلها ابتسمتلها كون الله ينطي لاخويه هيج مره شيلان- داابجي وضحكت هههه اني بيا حال والله حلوه وتحب عيالها مثلج وحنينه هههه تسلمين عمر- دكتوره ابد مامو حركه اولا اني مو دكتوره ثانيا اسلوب الياس هذذا ماحبه هو. راح يتحرك ويكوم بسلامه الله يسمع منج وهسه لازم نگلبه تكابل ويايه عمر صاحبه خفيف تره ميحتاج ميخالف وياج براحتك كلبته ورجعت دهنت ضهره حسام- صرت اضحك لضحكهم وابجي لبجاهم واخيرا دهنت ضهري اوووف الراحه والبروده بعد الحكه والحراره صبا- الحمد لله بده يطيب خليتله بوتره باوعت لعمر اذا ممكن تطلعون لان لازم اغيرله عمر- اني اغيرله اني كايل للدكتور صبا- مسووليتي هاي لالا اذا جان صاحي ميقبل من رخصتكم كيف ابتسمت الله يرده الك سالم طلعت وطلعت ويايه مرت اخو شفت خطيبته من بعيد جتي باوعتلها تمشي سريع شوي وصاح عمر يله تعالوطبيت رفعت السديه عالنص بوضع شبه الجلوس وسندت اطرافه منا ومنا حتى ميتزحلك كافي بس نايم عمر- خاف موزين صبا كلشي ماعلي هو بطل حسام- والله كرعت راسي بطل وبطل سمعت صوت هناء ارتاحت روحي سلام عليكم اهلا وعليكم شيلان- هلاو هناوي ها مكوجديد لا والله ماكو ياربي شوون هاي ليش هيج مكعدته خاف ميصير لا عادي كعدت لزمت الكتاب اباوعلها لزمت ايده وعمر ديغسل بالحمام طلع نشف بالكنينس كال هلو هناء شونج هلو عمر هله بيك بقيت لازمه ايده واني داافقد الامل برجعته بديت اتعب وكت ماردت ارتاح هالايام المفروض دنحضر بيها لزفافنا حبيبي اكعد فدوه رحتلك حسام- ايدها ردت روحي من عصرتني وعصرت كلبي من كالت هالكلمتتين احس داخلي يبجي الم عمر- باوعت للمرضه دتقره شنو بعدج طالبه لا متخرجه شوكت تعينتي هالسنه بس ماشاء الله ايدج ماخذه عبالك صارلج كومه ههه يعني اربع سنين ااداري والدي مريض وبعد وفاته والدتي الله يرحمها سنتين مقعده بالفراش وعدك الحساب وهسه بيبيتي ههه الله يساعدج ويحفضج على هالحماس العدج والامل والتفاؤل كل هذا وتبتسمين وتشتغلين بامانه ههه تسلم الحمد لله يمعود كلو محصل بعضو تدرين شيلان البارحه حسيت بالاربعه دكتلي رفيف اباوعلها دتخلي دهن براسه وضهره شيلان-الله ينطيج العافيه والله حسام جبيرنا والعائله كلها متدهوره بلكن الله ويكعد وهو يشكرج هناء- نومته طولت باوعتله مايسه باوعت لشيلان همست هزيت راسي شكله مامنه كومه بعد بجيت حضنتني شيلان ميصير تكولين هيج ولج خلي ايمانج بالله جبيراباوع لعمر نصه راسه مزعوج كام ترك الغرفه وطلع صبا- عفيه خاف تاثر بنفسيته لحد يبجي يمه ويحسسه انه بعد ميكعد هناء- قابل ديسمع باوعتلها ودرت وجهي مسحت دموعي ومنو كال لا يجوز يسمع كلشي خلي ببالج هناء-ماتصور وكفت اني حروح باي شيلان الله وياج همست باوعت للمرضه باوعتلي وفرت ايدها تره تعبانه نفسيتها اي ميخالف لتكطع الامل طب عمر كال شيلان اني رايح تجين لو تضلين لااجي بست حسام من راسه وشلت جنطتي عمر- اني العصر ارجع امر عينج عليه فدوه لتغفلين عنه صبا- باوعتلهوباوعت لحسام ابتسم ولا ثانيه هزيت راسي الله وياك كعدت يمه بله بربك هي هاي هم اختيار مختارها بومه بقيت اباوع بوجهه لحيته طولانه واكو شعر على خده شكله جان ياخذه خيط شون بيه هسه حفيفه هههه احفلك ههه حسام- باع حضي المصخم هاي شجايبيلي تلمست خدي دك تلفونها ردت الو هابيبي شنو منو على كيفج احجي شنوووو عزه بعيني وين وين ليش وين بيبي شنوه راح يعني كلهن لمها يعني يعني يعني شون بيبي يعني بالجنطه زين بيبي مكالج شي عزه بعيني ياعزه فدوه بيبي شون شسوي منين اجيب 5ملايين حسام- ثولتني بهوستها تروح منا وتجي منا وتصيح وتبجي وتصرب وجهه واني كلبي خلصان انخبصت وروحي ارتبكت من الهوسه لج اششششششش اخر شي سمعتها سدت التلفون وكامت تبجي وتشهك وتكول رد ياحقير رد رد اني صوجي وثقت بيك هلاو شكله واحد داك الناقصه بيها وين ادور عليه وين اروح الله لاينطيك على هالدكه منين اجيب يسجنوني وين اولي الله لا ينطيك احمد باوعتله لحسام نايم تدري نيالك نايم ولو متصحى وتموت هم احسلك الدنيا كلها غدر حسام- دباوع حضي انتي ملزكه وعدج مصيبه بت الكلب اموت اني ليش فوك قهري تجيني هاي والله العضيم مرتاح انت شكو عليك ماتشيل هم احد تدري صار سنين يدك عالقرض يكولي بس تتوضفين قدمي على قرض حتى اشتغل واعاونج بالمصرف جنت اموله مااكدر اسدده يكواجلي لو اعرف اكدي واسدده بس خليني اشتغل تالي اول مستلمه اخذه وطفر حتى ميسدد وعافني وحدي مكال هاي اختي شون اعوفها بعدها صغيره حسام- تحجي وابجي نسيت همي صافن على كلامها مكال بيبيتي علاجها على راتبي هسه منين اجيب اني ولو مو البيت باسم بيبيتي غير جان باعه من زمان واني اذا مكدرت اوفي القرض راح ينباع البيت اكيد كمت اشهك وابجي يعني يعني شون شسوي شون احلها وووين اروح وبيبيتي مريضه ززين زين اني موداساعد العالم الله ليش ميساعدني ها احجي جاوبني اني الوحيده بالممرضات اكثر وحده مبهذله. ولبسي مال عمر جدي وراتبي فلس مااصرف بي على روحي متحجي مو اي حقك انت شعليك ------- يتبع | ||||
|
| |
|
20-07-19, 06:21 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت السادس #الكاتبة مريم السعدي #متلازمة السجن حسام- النوب تريد اجاوب ولج لو بيه حيل اكوم الصم حلكج انه بيا حال والدفان يغمزلي صبا- جريت الكرسي كعدت يمه اباوع على وجهه جربت نفس مسحت دموعي همست دكتور جامعي. وخاطب وتخبل وهيبه وطولك تارس السديه وامك تموت عليك واخوتك وخواتك وعدك صديق شعدك نايم المفروض اني الاموت مو انت اني االاريد اخلص مو انت شتريد من الله بعد ها فهمني عبالك اني الداريد انام تنهدت منين حجين فلوس يعني لازم الراتب كله انطي للقرض واذا منطيته البيت ينحجز او ينباع لو انسجن الله يطيح حضك احمد ياربي دخيلك حلها من يمك انفتحت الباب ها فهيمه شكو امشي ويايه بصالهزالعمليات دننضف دكتور ياسر كال واني شنو قابل منضفه لا ام رسول ماخذه اجازه ودكتور ياسر كال يابه اني ممرضه خاصه مخليتي هالولد بابا هذا ميت ميت كومي فضيها مميت لتكولين عليه هيج وماانزل ناطيني فلوس حتى مافاركه دقيقه وانتي مكيفه بهالكعده خو وانتي شللج خص يعني متجين لا بسيطه الا امرل لدكتور ياسر دروحي انعل ابوج يابو ياحقيره بقيت كاعده يمه مديت ايدي تلمست خده نايم عبالك طفل حسام- من تمد ايدها ماعرف ليش جسمي يقشعر صبا- اباوع جسمه قشعر ابتسمت دتحس بلمستي مو همست تلمست منبت شعره بهدوء اول مره ااثر بشخص دكتور حسام دتحس بلمسه ايدي نزلت على ركبته تلمسته تخيلته حيتدغدغ وينصي راسه مبتسم بس لا استمر جسمه بالقشعريره تاكدت انه ديحس بيه دك تلفوني باوعت دكتور ياسر استغفر الله الو دكتور ثواني وانتي جوه اي دكتور بس المريض شو قاطعني يامريض منعوله الوالدين مكيفه بكعدتج فضيها نزلي الغرفه كلها دم اي دكتور جيت استغفر الله باوعتله استاذ حسام هسه اجيك تنهدت ربي عليك توكلت توني اطلع من الغرفه صار بوجهي مهند اخو هلو استاذ مهند عفيه بس ضل يمه نص ساعه وارجع وين خزرتها والله دكتورياسر رايدني وتدري هو رئيس المنرضين بس اني متفق وياه انتي بقيتج هنا وين غرفه المدير ذيجيه اشرتله مبتسمه بخبث طب شوي وطلع كال فوتي يله متتركي دقيقه زين بس ممكن اسال الدكتوروارجع هسه راح يجي امشي فوتي نترت بيها رجعت طبيت للغرفه شوي وطب دكتور ازاد دكتوره الخاص بالجمله العصبيه كشف عليه بلوع لمهند مخلي ايده بجيبه يباوعلي بغضب ويدير وجهه كال على حاله دكتور بس تره قشعر جسمه من لزمت ايده علمود المغذي اي عادي تحسس خارجي ها عبالي اكو تحسن لا بس كتلج انتبهي اذا حركه رجله دكات الكلب تخربطت انخفاض او ارتفاع بالضغط رجفه بالجسم اي دكتور اعرف اوك يله اترخص استاذ مهند واحنا اسفين دكتور ازاد الله يخليك متتحرك المنرضه منا تحاجي رئيس المنرضين او اشوفلي غير ممرضه لا اعتقد صار سوء تفاهم يله اترخص تفضل دكتورباوعتلها للمرضه زين يعني اني ماكدر من انتو تجون اروح لاهلي اي روحي ساعه وتجين غير انتي خفر اي اي بس اشوف اهلي اي ساعه ورجعي اني اهلي راح يجون ورايه انفتحت الباب طبت شيلان هاي جوي اخذي راحتج يله مع السلامه شيلان- باي صبا باي ههه مهند- لعد وين سانه وي وسام حتجي اني جابني محمد اخويه وراح همم احم بقيت يم امي فلوس اني باجر طالع لزاخو اوك نصيت راسي ديري بالج على بنتج ولتضلين مكابله اهلج ولد اخوج كبارلتباتين هناك وشنو يعني اذا كبار مثل اختهم مثل اختهم شنو بابا بنتج صارت مره لتضلين حايره بالسوالف وممنتبه الها اني دايره بالي وعيني عليها لا ممنتبه زين عدج علم دلشاد ابن اخوج يباوعلها شنو يباوعلها شون يعني ها حتغشمين روحج يبصبص عليها هي كالتلك اي هي كلتلي مااعرف شونريباوع كلبي يكوم يدك عالسريع انتي لو مابعيده عنها متكولي الي هالكلام لان تصادقج الج اني مصادقتها بس يمكن لان حتى ماوديها هناك بعد اني مداكولج لتوديها لتخنكيها فد نوب اني داكولج لتباتينن افهمي افهميييي والله لو يصير عمرج 100سنه يبقى هذا عقلج حجاره مادري شون عشت 14سنه وياج رحمه الله والديك همزين خلصت اي والله بس مع الاسف جان نفروض من زمان افكر بهالشي بقيت ساكته تقربت يم حسام غطيته خنكتني العبره بعمري الضايع بس لامضاع عدي احلى شمعتين ميكدر يضيع عزيمتي بقه ساكت هو يعني من يجي لحد مايرجع يسافر اني بتوتر واعصاب حسام- تخبلت لدرجه كمت اتخيل روحي اني دااتخيل الكلام وهاي لان اني مواعي على روحي بس لا دااحس حتى بالبروده والصوت مال نفسهم وحتى دكات كلبي دااسمعها حسيت كلبي انعصر هذا اخوي منتهيه علاقته بمرته هذا يمكن حتى هاجرهع شديسوي بحياته شديسوي ببت الناس شيلان ورده متستاهل خرب غيرتك يابه كون هسه اكعد اريد اكعد هيه ياررب طيني قووووه يارب اختنكنتتتتتتت شيلان بقت تغطي بيه زين والله كون كاعد واوكفه عد حده طبت الهوسه صوت امي يمه يالغالي يمه يابعد روحي تقربت عليه تبجي واحس روحي تفرفح من اسمعها تبجي تقربت رشا اي هاي صوتها ماما حبابه لتسوين هيج موزين عليج شفتي البارحه شون تخربطتي حسام- من سمعتها كالت هيج برد كلبي الحمد لله وكعتي عقلتها بعدها سمعت صوت عمر رفيق العمر شون مشتاق لوجهه خاله كعدي هنا يمه همس كعدي رشا يم خاله اي صار عمر- كعدت كدامها وعيني على حسام شكد احبها بس اخاف اباوعلها اكثر من قبل لان احسن داخون حسام هو غير يكوم دااخطبها دكوم ياخويه مو تعبتني حسام- اسمع سانه ورنا يحجون مهند كال بس يابه شبيكم تعاي سانه هنا رنا تعاي متشوفي رنا- خل اخلص السبحه حتى البسه البيرق الاخضر عمر- التفتت باوعت لرنا عكدت حاجبي باوعت لوسام اللي لزم ايد حسام ويتحسر وسام دتسوي اختك تحضر ارواح ههه شو وصله خضره وتقره عليها رشا- صديقتها نطتها دعاء تقره عالوصله وتلبسه اله كالتلتها للعافيه عمر- باوعتلها ابتسمت ونصيت راسي ملتمين كلنا على حسام ترخص مهند وراح راحت عليه سانه باست خده مهند- بعد منا وحده ومن راسي هم وحده وبعد منا هم وحده اروح فدوه لاميره ابوها يله تجنلتقي بالبيت اليوم عازمج على لفه رشا- بخخخت سانه ههه باوعت لعمر اضحك رنا- باوعتلها عزه بعيني حتخزينا شون سوالف تسويها عود هي خايفه على امي كدام عمر شون بيها مهند- ها هه يوم لتسوون عشا اني اجيبلج ويايه ام مهند- اي يمه هو منو اله نفس ها شكلنا حجيه لازم نقوي روحنا الله كريم يمه الله كريم حسام- اسمع الهوسه وروحي ترفرف بينهم تجاوب وتتفاعل وياهم وتضحك وتنقهر وتحب حتى الاكل اليحبوه همه بس بقه بكلبي حسره صوت هناء مو وياهم وينها ليش مجتي ملات مو ملت اي ملت بشهر واحد وهذا مهند هم مل وباجر يرجع يسافر اخ ربي رحمتك دخيلللك يارب احس بلمسه واحد واحد بيهم تصير صنطه ويرجعون يحجون وينه بيرقج رناوي شو دنطيني بلكن ارتاح يايمه كفي دموعج مو حركتي كلبيي اخ ربي سكتت امي وكانما حست كامت من يمي باستني من راسي واسمع مشيتها الثكيله الحانت تمشيها بالبيت اللي اعرفها ممن مشيتها هاي امي كعدت عبالك عالقنفه لان صوت السبرنك بعدها احد كعد بمكانها يمكن رناوي اي ترديد ايات رشا تتلمس بايدي وتحجي شتاقيتلك مستغرب منها لان مو من النوع اللي تحجي هالحجي دائما عناديه وسام كال مشتاقه تعاندي حسام- خرب يومك وسام لهنا وتداهرها سكتو احس بعصره ايدي هذا اكيد وسام يتلمس بصمه ايدي ويعصر ايدي الثانيه كمت اعرف لمسه كل واحد بيهم هناء ماكو صار اربع ايام حسيت بحراره بركبتي وبعدها صارت ريحه طيبه تخبل عبالك ريحه الحضره هاي رناوي فدوه لحنانها شكد حنينه ام البيت هاي رنا- شاورته اخجل ابين مشاعري كدامهم بالذات عمر ولو قررت اشيله من بالي لان تعبت --- حسام حبيبي زورتها للعباس والحسين وصديقتي سافرت ايران زورتها واللخ زورتها للنجف والكاضم وقريت عليها 40مره سوره يس وهاي اني حلبسها الك واخليهم همه يداووك واثقه بيهم لتعوفني فدوه لتيتمني مره لخ اختنكت بعبرتي وسام كام من شافني غرغرت عيني ابتعد كعد يم امي لبسته البيرق بيده عمر من كمت من حضن حسام باوعتله بقه يباوعلي ونصه راسه كعدت ولزمت ايده حسام- هدت حيلي لتيتمني مره لخ ياعمري شكد حنينه تذكرت اخر يوم شون جانت مخنوكه والله بس اكعد ماخليج ضايجه اختنكت فد نوب وكلبي انعصر من سمعت شهكتها وابتعدت كلبي حسيته نبضاته دتدك سريع وصوت جهاز النبضات بينها اكثر صاح عمر هاي شنو باوعت لرنا ششاورتي شنو هاي وسام ركض عالدمتور وامه تلوب وتنخي بالله ومفو ملهم اجه الدمتور ركض رجع النبض طبيعي كال بعد الفحص هاي عادي تصير لان جسمه راكد القلب يتعب كال هالكلمتين كلب كياننا وطلع رنا رشا بصفي وماما ووسام وشيلان كاعدين وسانه جتي شافته شوي باسته وابتعدت وهي ورائد ديسولفون انفتحت الباب جتي الممرضه بس اشوفها ابتسم ماعرف ليش وهي هم وجهه يضحك صبا- سلام شونج خاله هله يمه توني داكولهم هاي البنيه شو مجتي والله استاذنت من استاذ معند وهسه رجعت شونج ام رائد هلو سانه اشرت للبنات هلاو لبست البالطو مال منرضه وتقربت منه ها هلاو شونكم زينين الحمد لله رشا- اف هاي شنو ريحه مي ورد منو رش هاي اكيد ماما صبا- لا ههه لا هاي اني اغسل وجهي بالمي ورد بشرتي حساسه تتحسس من المي حسام- سكتي رشا لعد اني شكول من صباح الله رنا- رشا كرصتها باوعتلي خزرتني ودارت وجهه تقربت قاست الضغط باوعت نبض الكلب عالشاشه ابتسمت كله طبيعي كتلها تدرين اني احسدج ليش يعني ههه اكولج انتي اختهم اكيد اي ليش شو متشبهيهم نصيت راسي باوعت لعمر ونصيت خجلت جاربت اي مو اني الوحيده طالعه على بابا هاي جعب الحدر دائما يصير محروك حكاكه همه بيض واني سمره صبا- بس تخبل اطيب من التمن هههه بقيت اباوع بعينها تباوعلي وتنصي رشا- باوعت لعمر اللي بقه يباوعلنا ويباوع لحسام مبتسم. كلتلها هاي حتى صديقاتي اكولهم هاي اختي ميصدك ن اله احلف ههههه يكولولي هاي الله ناسيها بالفرن شون اختج انتي شكره وهي سمره تقصدت امول شكره حتى ابينله انه شعري اشكر عمر- نصيت مبتسم باوعت لحسام دكوم عاد شون بيك اله اباوع لاختك كلتها بكلبي صبا- هي مو بالشكار باوعت لرنا بقت منصيه خجلانه. اكو هواي بيض وشكر والعيون ملونه بس مينزلون اشرت على ركبتي اضحك جامدين خرب يومهم واكوسميره مثل رنا بس عسل شون انتي هسه انتي دمج يلعب عمر- اي صح هي بالدم ---ردت اشاركهم بخديثهم ردت اشوف كلامها ونضراتها - اي صح هم شي الدم يلعب مو جامده تحسيها ميته رنا- باوعتله باوعلي مبتسم يهز براسه موافق صبا اني كلبي طار كمت من يمهم راسن رحت لامي كعدت يمها ماريد لتباوع الله يخليك اني بليه شي ميته بيك ودتروح مني النوبه تباوعلي وتبتسم هاي هاي عيونك لتحاحيني بيها اي صح باوع هههه لعد وينها خطيبته مجتي عمر- لا مو هاي شوي نفسيه صبا- الله يساعدها ههه باوعت لعمر ينحب وعينه على رشا اللي مبين عليها متصنعه للاخير وحتموت على عمر وهو هم يبادلها ويخجل اكثر منها صاحت امها على رشا وراحت يمها بالكوه عبالك مجبوره تريد تبقى كبال عمر باوعت لعمر باوع عمر شنو شوف وانت احكم لزمت ركبته لحسام برقه حسام- خرب يومج دااتدغدغ وارتاح للمستها وهي مسويتني حقل اختبار قشعر جسمي عمر- شكو باوع زنده شبي شوفه قشعر قشعر مو اي ههه هاي اليوم شفت اكو تحسن بس لتحجي ماريد ازرع امل مموجود الدكتور شكال كال جريت نفس كال عادي هاي تحسس خارجي بس انتي اول مره تلاحضي اي والله شكد الزمه هاي امسحله جسمه ادهنه ابد اول مره صدوووووك باوع اني نسيت شكو باوعتلها جتني الضحكه لو يكعد وسام ويشوف خبالها لا يتخبل ويكتبنا كلنا وحده خبله خبله رسمي بس متفاؤله وتعرف شغلها خطيه ومداريته وهذا المحتاجي احنا حماسها باوع بيبي كتلها عليه كالت عدي زيت جان ببطن الكسورمال هوش مو بيبي تشتري كسور هوش وتسوي منها مي لحم وتشربه حتى تتقوى عضامها واو اني اتقوى فكالت بيبيتها فد مره انشلت ووصفولها هالدهن وكامو يوميه يدهنو الها اليوم خطيه خلتها بالفرن العضام علموده وطلعت الدهن وخلتله زين دهن الورد لان ريحه العضم تذبح باوع خلته بقوطيه طلعته من جنطتي جتي امه يمي شنوهذا يمه والله خاله هيج وهيج بلكن الله الله يسمع منج لا اروح لببيتج وابوسها من ايدها ورجلها العفو خاله تره اني افرح اذا كام بسلامه واشوف فرحتكم والله يايمه اذا كام فلا انساج لا اجيبلج هديه لاصارت ولا استوت لا خاله اني هديتي فرحتج بي انتي وخواته واخوته وسام وكف عاكد حاحبه وسام- رجزين هذا خاف مزين يعني بالمكلوب ياثر عليه عمر- توني داكولك لا يابه هذا طب عرف لو يفيد لو ميفيد ميضر باوعت للعلبه من ترحون اسوي لان بي ريحه باوعت لرشا خاف تتحسسون وسام- رحمه الله والديج ووالديك جريت نفس هسه لوعدي هيج اخوه مجان اني ملكه مو حايره. بروحي وبدوه بيبيتي ربي دخيلك لتتركني حايره بقيت اباوع لمتهم صلوات على محمد وال محمد اخاف احسدهم طولو ساعه والسوالف مالتهم متنمل كلسا اباوع لحسام واكوله بكلبي كوم حرامات تروح هاللمه عليك طلعو وصارت صنطه كعدت كدامه اباوع على عيونه المغمضها استاذ حسام الجبوري شكبر اسمك تدري من جوي عماده جامعتك المستشفى انخبصت. بيهم جريت نفس حرامات تروح انت ثروه وطنيه تدري تلمست راسه واطراف اذنه اباوع جسمه قشعر - كلامها اثر بنفسيتي ومعنوياتي وتركت الياس رجع الي امل بالحياه اي ماراح اترك اهلي بعون الله تلمست طرف اذني رخه جسمي صفنت بيدها شون ممكن يكون شكلها ايدها ناعمه مبينه من تحسس اناملها وصوتها بي خشونه مو كلش ناعم صبا ههه والله وصارتلي حياه ثانيه منو جان يتوقع حسام هم تصدك بيوم وليله تنكلب حياتك اندكت الباب وصوت هناء كالت سلام رد روحي هناوي حبيبي توقعت ملت مني صبا- ياهلا جتك حبيبتك باوعت لحسام كمت تركتهم دااطلع شفت ايهاب بالباب اكاد اجزم انه بينهم شي مو زماله اني باوعتلهم طب وطلعت افر بيدي بكلبي ايهاب- ها راحو بيت عمي هناء- ممم مامو احد لزمت ايد حسام اباوعله واجر النفس بصعوبه تعبت من نومته ايهاب- البارحه بليل داكه عليه باوعت لحسام وكلتها هناء- جريت نفس ممم احتاجيت احجي وانت مرديت جنت بيت اختي مكدرت ارد هزيت راسي امم باوعتله نصه على راسه باسه من راسه رفع راسه بقيت اباوع بعينه حسام- تخبلت من كالها داكه عليه وليش تحتاجين تحجين ملكيتي غيره تدرين بيه انكرص منه وارجف يا الللللله كون هسه اكعد تعبببببببببببت كمت اصرخ بداخلي بتعب ايهاب- جريت نفس تلمست كصته باوعت لهناء راح تعدي وتتذكريني هناء- ماتصور كلتها مايسه وشلت جنطتي صايره ماتحمل ابقى هنا كلتها بداخلي حسام- وين رايحه اوكفي الله يخليج لتعوفيني شون يا الله هنااء حسيت بجره جنطتها داخلي يصرخ ايهاب بقه يمي بس يجر النفس بصعوبه طبت صبا حسيت ايهاب وكف كال يله اني رايح فدوه عينج عليه عشره عشره عسى ولعل - اممم ميحتاج توصي طلع من يمي مديت راسي وراهم شفته مشه سريع وشافها حجه وياها هه والله يا الله رجعت لحسام فكيت القوطيه مال دهن وبديت ادهن رجله يتبع.... | ||||
|
| |
|
20-07-19, 06:23 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت السابع #الكاتبة مريم السعدي #قصة متلازمه السجن حسام- نفسيتي تحطمت كمت احس روحي هاهي انتهيت عليمن عايش بعد خل اموت بقيت اتذكر كل موقف سوه نضراتها لايهاب وكت علاقتنا وشلون كدرت اسيطر على كلبها وعقلها فعلا تعبت بحبها معقوله تتركني بس لا ايهاب يجرها اله يستغل وضعيتي شون نيمون ابن عني معقول يسويها بقيت صافن اتذكر عيونها من تباوعلي وهل من المعقول انه اني راح اصحى بعد بس لو اكدر افتح عيني ولو يعرفون بيه حي اكدر اعيش واكدر اسمعهم كافي ليفضحون مشاعرهم كدامي مو تعبت خليني غشيم احسن شميت ريحه نعناع على قرنفل استغربت سمعت نفس الممرضه وريحه المي ورد امتزجت بالنعناع شنو السالفه وين طاب بابو اعشاب طب عرب تقربت مني دااحس بدفو جسمها بدون ميلامس جسمي كالت اي دكتور حسام اليوم الحجيه دزتلك دهن كالت يقوي الاعصاب عده ويمشي الدم بعروكه شنو رايك نجربه شوي اطلع من همي بيك ههه رفعت السديه شوي بوضعيه جلوس وثبتت جسمه وبديت من اطراف اصابع رجله ادهن اباوع منبت الشعر وكف عرفت قشعر جسمه ابتسمت رفعت راسب باوعتله تدري احلى شي شنو احلى شي انك تشعر بلمسات ايدي وتتاثر بيها. بديت ادهن جف رجله واحرك الدهن على اصابعه مثل معلمتني بيبي شنو هاي لخاطر الله شكد تلبس ياقياس جامبو الجبار خوما جامبو الجبار خلص الدهن على جف رجلك ههه حسام- ههه ضحكتني بالبدايه مجنت احس باطرافي بعدها بديت شوي اتدغدغ وراها شوي شوي بده الاحساس كمت ارتاح وصلت لركبي وحيل تدوس احس السديه من تهتز رغم احس الضغط برهاوه ايدها لان الاحساس ضعيف كلبتني وعدلت راسي ورجعت على رجلي من وره - هواي ضعفان يرادلك من تصحى كوه اكل ضهرك باقي بس عضم رغم هالشي معضل اتخيلك جنت ملاكم دكتور هه رشيت الدهن على ضهره وبديت اسوي دوائر دوائر ركبته ضهره لحد نهايته اباوعزالبطابيط خافه اثر الدهن لان من كثر النوم يصير مسلهف ويحك - هلكد ارتاحيت من الحكه حتى راسي فركته بس الريحه تكتتتتل عبالك مال مي لحم وتدهنه على جسمي حتى اطراف اصابعي سوتها شوي شوي رجع الاحساس بيها وكمت ارتاح بيدها بسلاسه تشتغل وعبالك واحد من عائلتها مهتمه كلش وحدده محلله لكمتها مثل ميكولون كملت وكعدت تتنفس وترتاح احس بنفسها تعبت ياربي يكون يجيب نتيجه باوعت عالمغذي عليت التقطير وخليتله مقوي بي تمددت ارتاح شوي وراها سبحت بحمام المستشفى وطلعت بقيت كاعده كدامه شسوي حتى يصحى خطيه تلمست كصته تدري انت محضوض بعايلتك اتمنى عدي هيج عائله اي دضربيهم بعين اني اخ واحد ودك الناقصه بيه وعدي بيبيه خطيه حنينه وعدي عمه متزوجهكاتلتني كتل كل ما تجي لامها بس تشكي وتبجي ماعدها جهال ميصير عدها وحتموت يوميه تجي تبجي النوبه هي موضفه وعدها راتب تكول لامها اريد ابيع بيت ابويه اريد حصتي مستحيتي مكلتي امي وين تولي ااخ استغفر الله ربي واوتب اليه وانت نايم مو يمك جريت نفس الله اليعلم يجوز يبدلوني يجيبون غيري الك لان منا لشهر اللخ يمكن انسجن ماعدي احد يدايني لان يدرون بيه راتبي كلش قليل راح اشلع كلبهم يارب شلون حسام- كامت تروح وتجي يمنه ويسره ثولتني وكلسا وسوت استغفر الله وهففف اختنكت اني منا مخنوك بعدها صارت صنطه واني كمت احتصر حسيت مدااكدر بعد خنكه كتلتني والحراره احس دتمشي بجسمي نار حسيت روحي وعرك كتلني داحس بكلشي بجسمي بس مداكدر احركه الخنكه زادت وماكو احد يمي سنطه حتى حركه ريشه السبلت دااسمعها والهوا مالته يضرب بجسمي ومن يضرب ارتاح ومن يروح الهوا اختنك الحركتلني حسيت انفتحت الباب عرفت جانت بره تقربت مني بس ردت تلزمني حتى تشوف سالفه العرك شنو مامو لج لزميني حتخبل ربي دخيلك لو تموتني لو تصحيني والله العضيم مدااكدر بعدوعزتك وجلالك الحكه انتشرت بجسمي مثل الكهرباء على غله كلشي بيه يحكني كمت احس حتى العرك بين اصابعي وبطويات ركبتي وابطي وتحت اذاني وبين شعري مدت ايدها على كصتي كالت عززه هاي شبي شو عرك كلش يمه مسحت كصته اباوع لحيت مي باوعت راسه نقاط نقاط عرك وخرت جرجفه عن جسمه ميت عرك ماما هذا شبي ركضت عالطبيب رحت عليه كال عادي لو ادرار لو عرك اصلا مااجه شافه رجعت ادردم باوعت ساعه وحده من الليل صارت اني اليوم خفر هم وحتى مرحت لاهلي قفلت الباب باوعتله مومال امسحه واعطره مثل كل يوم وقفت المغذي متردده بخوف اباوعله اكدر لو لا اكدر لو لا شلت صونده المغذي بقيت بس الابره ومكان الكانونه بقيت صافنه حسام- شحتسوي هاي اي ايدي خرب روحكم عوفوني حتى مغذي ماريد خل اموووووت ارتاح خرب هالعيشه صبا- بلعت ريك مديت راسي بره باوعت عالمخزن اللي ببعد3غرف عني ردت كرسي متحرك خايفه من الداسوي كلش طلعت ركض اخذت واحد ومن دااطب شفت احد المرافقين للمرضى بالغرف اللي بصفي ديفتر بالممرات ويحجي بالتلفونباوعلي كلت بس لا يحجي وي الطبيب يكوله طببته وقفلت الباب بقيت اباوع حايره والله محتاج غسله باوعت الجرح طايب يابس ولاحم راح اسبحه قربت الكرسي سندته عليه جسمه كانما عجينه بس ريشه صار خطيه ورغم هذا مداسيطر دااحس يتزحلك مني كعدته بطلعان روح عالكرسي المتحرك راسي وكع عالصفحه ركضت عدلته ووديته لاحمام ركض نزعته التيشرت اللي ينفتح من الدكم ركض جسمي يرجف بقيت اباوع على حفاضه بلعت ريك اخجل تذكرت والدي وشون جنت اغسله بس هذا والدي مو غريب بس يله عادي هو مريض نزعته ركض حسام- من صدك تمنيت الموت كل مره لو وسام لوعمر يبدلوها تخبلت همزين نايم بس فشله وهي حركتها سريعه ممهتمه احس بس الخجل كتلني كتل كون هسه اموت هي ذبت المي على جسمي لو احس احلى احساس بالدنيا ركض بللته بالرشاش مال التواليت لان نفس رشاش اهلي تسبح وتتنفس سريع وكلسا تخلي ايدها على كلبي ونبضي تخاف لاوكف كلبي غسلت شعري فرك يابه الراحه عالميه بعدها على ضهري خلت مثل الوصله وتحجي ولف - هسه عددي هسه هسه عدي مثل الخاولي صغير صغير اياي هسه اخليله صابون ومي ووايصير رغوه واجلفلك جسمك اخليك ترتاح كلش هسه هسه لللتخاف هسه هسه - خبصتني بارتباكها جلفت ضهري نار وطفت وغسلته وبعدها صدري تحت ابطي تجلف واني احس اعضاء جسمي من الليه مابيها عضام واعصاي عبالك ابن نفاس بجيت بقهر دااحس روحي داابجي وين دموعي غسلت اذني الجانت تحكني مموتتتني ووجهي بالاربع قوط جسمي كله انجلف الخجل كتلني وهي ركض ركض حتى بين اصابعي جلفته اني اني نفسي مااغسل روحي هالغسله صبا- هاها حلو ارتاحيت مو ههه هسه هسه اوديك نشفته بمنشفتي ركض ولبسته متغاظيه اجزاء جسمه وخجلي لبسته حفاض نضيف وطلعت طفيت السبلت ورجعت طلعته ركض ورتبت فراشه بدلتله الجرجف مال سريره بسع وعدلته وهو جسمه مايل بس وجهه كام يلمع ابتسمت شلت يمه انشلع كلبي كوه نيمته لبسته من جنطته فانيلا نضيفه وشورت عطرته بمعطري بلوعت بجنطتي مي ورد مال وجهي ابتسمت غسلتله بي على كيفي كمت اتنفس سريع من التعب واباوع عليه براحه غطيته وطبيت لميت الهوسه خاف احد يحس واذا عرف وسام اني مبدلتله الحفاضه شون لالا اذا سال اكوله عمر بدلها واذا عمر كله لا اهوو امولهم ممتدررر هواي اباوع روحي صرت هريسه منكعه وريحتي مطيبه سبحت وشريت هدومي بقيت بالاتك وكمت انفض بهدومي حتى تنشف شريتها كدام الساحبه بالحمام حسام- الراحه تخبل حسيت روحي هدات من الخنكه الجنت بيها بس طيحت حضي بمي الورد النوب خلتلي الي حسيت عليها طبت سبحت وتنفض بهدومها وراهزتقربت تتنفس سريع ربطتني عالاجهزه وخلت راسها على كلبي كالت هاهي الحمد لله لامن شاف ولا من دره ارتاحيت مو اني من يمي ارتاحيت لزمت لحيته باجر يجي وسام اكوله يزينك لزمت اذنه بيها شعر فتحت جنطتي ملقطي جايبته لا والله هفف تذمرت المخزن بي عدد ميحتاجوها وهم بدربي اودي الكرسي نشفت المرسي لبست هدومي جانت بعدها مندايه مديت راسي مام احد ب2بليل جريت المرسي اطلعه ركض وديته للمخزن جان يطلع الدكتور من غرفته لمحني من بعيد عكد حاحبه توجه الي قطره دم مبقت بجسمي من الرجفه وصللي وكف كدامي كال وين جان هذا ااااادكتور اخو احجي صبا لتضليت تمتمتين ااواحد من المرضه غرفه 234رادها خطيه لامه ممم بقه يباوعلي شعري مبلل ومرفوع نضراته خوفتني طببت المرسي دااطلع طب وسد الباب وانتجه عليها كتف ايده عكدت حاجبي مستغربه دكتور المريض ببحده ها وحده اي اني هم وحدي دكتور شبيك خاف يصير بي شي،بابا هذا ميت ميت لتحيرين تعاي اونسك وونسيني شوي تدرين صارلي 5ايام خفر وريحه مره ممشتم تعاي واني ارضيج بالتردي بقيت صافنه فاتحه كلبي تقرب مني واني كمت ارجف وبالي يم حسام خاف يصير شي تقرب واني ابتعد ارجف انحصرت بالشباك صحت اتركني دكتور شبيك لزمني من جسمي بمواضع تكشش الروح كمت ارفس حاول ينزع التنوره من سحاب الوره كمت ارفس ومدااكدر وكلشي بيه يرجف اريد اصيح مخلي ايده على حلكي ويهمس باذني التردي انطي الج انتي عاجبتني من زمان اخر شي الله نطاني قوه دفعته قري وطلعت ركض اركض انهزمت وطبيت للغرفه مال حسام وقفلت الباب ارجف واتنفس سريع احس مديطب هوا لريتي ارتجيت ضهري عالباب تذكرت لمسته الحقيره كعدت بالكع ابجي واشهك الله لاينطيك احمد الله لاينطيك لا ناقص غيره كمت اشهك حسام- راحت توديزالمرسي وتجيب الملقط تحجي وي روحها وويايه بكل خطوه تسويها جنها دورا بالكارتون. راحت وبعد مجتي تاخرت وره شوي سمعتها طبت وقفلت الباب الرجفه اللي بنفسها وصلت للسديه مالتي ودااحس بيها اربكتني بعدها شهكت تبجي وتسب باحمد اخوها اكيد هذا ابو القرض مردت كلبي شبيها هاي شنو جوي الشرطه بقيت بالزبع ساعه تبجي وراها تقربت حسيت حرت ايدي خلت المغدي والشهكه بعدها بيها شبيها هاي قلقتني عفت قهري التهيت بقهرج حسيت كعدت عالكرسي اللي بصف السديه رجعت تبجي كالت - شفته الحقير دكتور ازاد شفته تحرش بيه لزمني بجسمي بمواقع اني اخجل الزمها ااني اني اني لوعدي اخ ججان وكفه عد هد حدخ بس بجيدري بيه ماعدي احد واني غبره كتله اريد فلوس وحجيتله قضيتي ااني اني حجيتله كمت اشهك واحجي - شهكتها شككت كلبي سكتت بعدها تقربت من اذني وتشهك كالت حشيل الشعر حتى متحكك بابا جانت تحكه مسحت دموعي الهي روحي وكمت اشيله جنت دائما اسوي حتى ميضوجني وفعلا سوته وارتاحيت بس مقهور وصدك اشتعلت غيره من عرفته متحرش بيها كرهت المستشفى وكرهت نومتي اكثر من قبل. كملت اذاني تلمست لحيتي كالت انت لو اخويه متخلي مو انت متخلي احد يلزم خواتك مو احجي وابجي نيالهم عليك صدك اذتني بكلامها وضل بالي يم خواتي بقت تتلمس والتاثير مديصير عدي عادي كلما تلزمني اتاثر ويكزبر جلدي وتهدا روحي ههه هم تاثرت هم تاثرت غطيته زين اباوع لشفته ناشششفه متفطره هطيه اخليلج مرطب شفه حتى متحركك خليتله ههه حنطيك قطره مي ترطب بيها داخل حلكك اي والله ياريت خلتلي حسيت صحراء وذبتلها قطره وتجمع المي بزردومي مااكدر ابلع بعدها شوي شوي نزل بصعوبه كالت راح انطيك حلاه هه خل نجرب باوعت عالثلاجه المربى مال الصبح مال ريوك المستفى طلعتها باصبعي خليت بطرف لسانه وسديته حلكه مبتسمه حسام- شنو من احساس حسيت طتني مسحه من الجنه الحلاه ترست حلكي لعاب حرت بي صبا- كام يطلع المي من شفته ينزل لان ممسيطر عالبلع مسحته راسن بجيت لان مديستجاب ضليت ابجي - خلت راسها على ركبتي وبقت تبجي وتردد حباب اكعد كافي اجمع قوتك حسيت بدموعها ومكمت اضوج من ريحه مي الورد ابتعدت حسيت المي نزل من وحده نشفت الباقي وتركتني وراحت بالقنفه تمددت اكيد من الصوت هناك سمعت صوت الباب ينفتح وهي قافلتها ضل بالي عليها كالت منو صوت كاللها فتحي بس احاجيج روح دكتور فدوه ماروح افتحي الباب بس كلمه وحده حسام- عزه هذا خاف يسويلها شي خرب شهالمستشفى الجايفه شوي وراح صوته بعد ماايس راح رجعت تبجي استغفر الله لو اني اكدر احجي اسرحها خل تروح لاهلها النوب من ورايه يروح يسويلها شي سمعتها سكت من البجي اني مكدرت انام مرتاح جسمي بس روحي مفرفحه ماعرف ليش يجوز تاثرت بالصار وياها غفيت بعد الوذان مسمعته ونمت حسيت الصبحيه وهي تتحرك سمعتها تخابر وتتوسل احد يداينها يمكن كانت مره ضلت تبحي وتتوسل كم مكالمه وكعدت شون شونوهسه وووين اروح يسجنوني شون وين اولي سمعت الباب انفتحت وراها اندكت منو كالت جاوب عمر اني صبا ليش قافلتها هلاو ليش قافله الباب ها داابدل همم ها شكو ماكو لاجديدنصيت راسي فركت وجهي بيدي وكعد تقرب من حسام كال اخذي راحتج داابدل ااا ميحتاج مامو ادرار قليل باوعلي بقلق عاكد حاحبه ليش وهالموثر ايجابي لو سلبي لا لتحاف مامو شي عرك هواي همم كعدت كدامه تلمست راسي بسته باوعتلها شو هذا بي ريحه مي ورد ها هه ههه مو غسلتله وجهه ممم باوعتلها مدري شبيها عبالك مسويه مكسوره باوعت عالساعه وسام مااجه لالا هم هسه يجي وكت طلعته من الدوام جريت نفس اندكت الباب طبت هناء ابتسمت هله هنا هلو باوعت للممرضه ولوسام تقربت من حسام عمر راسن ابتعد سوالي مجال وطلع اشر للمرضه تطلع تتركني وياه صبا-طلعت باشاره عمر بقينا بره ليش طلعتني شوي تاخذ راحتها وياه بلكن يصحى ممم نصيت راسي كتفت ايدي شوي وطلعت هناء تبجي ومشت من يمنا سريع وراحت عمر صاح تعاي هناء اوصلج هناء هناء صبا- طبيت للغرفه وراها تقربت من حسام كعدت بمكانها شفت مفتوحه ايده والحلقه بيها فكيت عيني عزه بعينها تتركك بهيج محنه باوعت على وجهه واشوف دمعه منه دتنزل صفح وكفت بلعت ريك حسام خليت ايدي على حلكي مصدومه اكيد بجه لان هي تركته ركضت عالدكتور ازاد حجيتله اجه ورايه راسن فحصه كال هاي تاثيرات خارجيه دفاعيه احتمال من دتمسحين وجهه بالكنينس المرطب عده حسايه وتاثرت عينه هاي دفاعيه خارجيه مالها علاقه بلااحساس لاعبالج لان مقهور بقيت اباوع ابدااا ممقتنعه عمر بعد مااجه كعدت كدامه ابتسم لتبجي اني لو منها ماتركك لتبجي متريدك ملازم بسته من راسه مادري شداسوي لزمت ايده بسته من ايده وشلت الحلقه شوف اني البس حلقتك اني خطيبتك بعدلبست الحلقه وسويت كللليش هههههه بسته من راسه متستاهل دمعه منك اصلا من اول متزلي من ريكي حسام- هههه خرب يومج خرب ضحك على حركاتها احلى شي م لبست الحلقه وهلهلت على كيفها هناء دمرتني بقيت ساكته واخر شي كالت مدااكدر بعد مليت وتعبت وانت مراح تصح وباستني من خدي ونزعت خلقتها وخلتها بيدي وراحت صدك متت قهر جبتج بالتعب ولج ترحين من ايدي اخ ياربي بس والقران حقها اني من روحي مليت بذيج اللحضه اختنكت صحت بداخلي اختنكتتتتتتتتتتتتتتت ربي رحمتك اخذني يمك مو بعد مدااكدر حسيت دموعي تطلع وصوت صبا يمي متفاجا وتركض منا ومنا وراحت للدكتور ورجعت مرتبكه بس الدمتور عمره مبرد كلبي كل مره يخليني اايس اكثر--------- يتبع .... | ||||
|
| |
|
20-07-19, 06:26 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الثامن #الكاتبة مريم السعدي #قصة متلازمه السجن حسام- اريد احرك روحي مدااكدر كافي مدااكدر اليوم صار اربعين يوم والله هلكت ربي دخيلك تالي شون بقيت انتضر للعصر عمر يمي يصلح بالاوراق ويستغفر ربه وكلسا يتلمس كصتي ويحجي حسام محتاجك وروح ابويه اكعد ويرجع يكمل تصليح للعصر سمعت صوت وسام فات صبا ماكو يمكن راحت لبيتهم ميندري شخبارها. حصلت فلوس لدينها لو لا بقيت بهالحاله للعصر سمعت صوت وسام طب هلو عموري يله اخذ راحتك ماخذ راحتي قابل شعدي شونك انت زين ماشي جريت نفس ماكو جديد مو لالا ماكو زين صبا وين طلعت كالت المغرب اجي ممم امي تجي باجر ماشي جريت نفس شكو ماكو اهلك شونهم الحمد لله جريت نفس ماشين الحمد لله جريت نفس اباوع على حسام باوعت لوسام اخاف اايس دمعت عيني تعبت من الانتضار اليوم حيصير 44يوم وسام- بقيت ساكت مرديت ودموعي جرت بقيت اباوع لحسام كمت من يمه رحت للقنفه وكعدت اكلب بالملازم حسام- حقكم والله العضيم حقكم روحو لتجون بعد لتوصلولي الله يخليكم خل اموت ببحدي كل الاطباء كالو يموت خلوني وحدي عمر- اكولك مهند شوكت يرجع وسام- البارحه خابر كال هالخميس يمكم ليش عمر- هيج داشوف بقيت صافن شون افتح موضوعرشا ويا ولو بس حلقات لو مووكتها اخ ربي حسام كوم عاد همست اريد اخطب اختك واريد اصير نسيبك كوم لتعوفني وحدي وسام- دااكلب بالملازم طبت شيلان صارلها فتره مجايه رفعت راسي مبتسم ها يابه الله يساعدج هلاو وسام تعاي رغيد فوتي وسام- وكفت وبيدي الملازم رغيد جتي فتحت عيني باوعت لعمر الخبيث غمزلي مبتسم التفت لحسام مدري شكله ارتبكت مره لخ طبت باوعتلي بخجل هلاو وسام شونك هله بيج تفضلو تفضلو شلت الغراض من عالقنفه كعدو باوعت لشيلان عاكد حاجبي الجهال بالمدرسه اي والله ودااتسوك اليوم عدها اوف ومرينا من صرنا قريبين ها اي زين تسوون شونه الله عليكم ماكو شي جديد اليوم لا ماكو حسام- ضحكتي عمر من شاورني اخوك كام يمطك شكد ناقص هو وسام من يشوف رغيد ينكلب بات مان متعرفه طبت شيلان تسال بقلق تقربت مني همست كوم يعم الجهال محتاجتك وروح ابويه اول مره اعتاز احد بحياتي كوم منو يلزم رائد اذا غلط مو حيلي انهد واخوك بين دوله ودوله ومن مره لمره على بختك ماعدي اخ حسام- شيلان الله عليج سكتي شككتي كلبي. اسمع وسام يحجي وي شيلان يكولها تعالو يمنا بعد امي دتحتصر بليل شيلان- لا فدوه ذوله عدهم دراسه وهاي من تجي تضل تتناكر هي ورشا لو تكابل رنا وتكعد تسولف تنسى الدراسه عمر- ههه عراكات وسام- اكولك اسكت ممالخ هي ورشا عمر-اتخيلها تتعارك ويايه غير اموتها بوس كلتها بداخلي مبتسم وسام- احم اي شونج رغيد زينه الحمد لله لعد شو ماشوفك بالجامعه والله جريت نفس والله بس ادرس وابقى بالقسم مالي خلك احد باوعت بعينه باوعلي ونصه يعني عادي اذا سالت عليك بالقسم اي عادي تعاي لقسمنا اذا محتاجه شي كلبي فرح تريد تمرلي اوك همست نصيت رفعت راسي شفته مبتسم وعينه بالملزمه نصيت مبتسمه شوي وشيلان كالت يله رغيد خل نروح دالحك عالغده وسام- شحتسوين غده ابتسمت من دون ماباوع لرغيد شيلان- راح اسوي هريسه تجي لا انتي تعاي وجيبي الجدر والجهال ولو هالفتره بس امي بليل بس تبجي ويرتفع الضغط ورنا هم كلش دتتاذه اي زين راح اجي ديله باي هلاو عمر- البارحه هنا ذبت الحلقه وطفرت وسام- لابربك عرفت حتمل الله يساعدها ويساعدنا هم حقها لو اني منها ماتركه كلمن يعمل على شاكلته عمر- تاخرت على اهلي بالي يم رفيف وامي شوي مالها خلك دك التلفون رفيف ها يابه اي هسه جاي اي ماشي بعد شتردين اوكي راح اجيب وكفت باوعت لوسام اني حرجع للبيت اهلي محتاحين مسواك - اي الله وياك منصي عالملزمه واحاجي طلع منا طبت صبا اني هم كمت صبا- سلام وسام- هلو صباوي يله حروح ديري بالج عليه واي شي اوك اخابرك بدلناله مالج دخل بالتبديل اي ادري كلي عمر طلعو وبقينه وحدنا جريت نفس كعدت ماكو امل ضليت افتر واتوسل بالعالم محد يقبل يداينني عرفت انه اذا منطيت انسجن لان راتبي ماخذه عليه سلف من وراه هم فميكفي حتى اسدد منه مل البقالي250 ونصه لبيبي وعلاجها حايره بقيت الوب حتى لحسام نسيته تقربت منه هلاو دكتور حسام باوعت الحلقه بيدي ابتسمت انت مو خطيبي حللي السالفه تعبت شون شسوي حروح اكول للمرضات بلكن يداينوني انتضرني اوك وفعلا نزلت على ام مهدي سالتها وكالت هسه اكول للبنات واشوفلج ارتاحيت شوي وبقيت انتضر مكالمتها رجعت لحسام بلكن ام مهدي تحلها شتكول يداينوني والله اني للكل واكفه وحده اسمها رجزينب هاي خطيه اختها اندعمت اني سبوع خفر بمكانها واللخ هدى اني كم مره مغطيه عليها الغياب واكفتلهم كلهم بلكن الله يقبلون حسام- بداخلي كلت انشاء الله وبالي يم امي مشتاق لوجهه ولرناوي اما هنا اتمنى هسه اصحى واوكف كدامها اشوف شحتسوي بلكن تركض لحضني معتذره كاعده يمي صبا وقربت ايدها على ايدي كالت راح اسويلك مساج لا يمعوده لا الريحه مال ذاك اليوم خبلتني والحراره بربج عوفيني طلعت الدهن وخليت باطرافه وبديت ادهن وبالي مشغول اباوع اصبع الصغير يرجف هاي ليش مطلعت للدكتور وكتله. كملت مساج بقوه حسام- ضلوعي احس جانت مفككه وارتاحت بدوستها بقت تدهن رجعت حسيت بحراره وعركت شنو هالدهن الريحه مقرفه بس مريح بعدها بللت خاولي وكامت تمسحه بي ريحه طيبه الخاولي يمكن مخليه معطر ارتاحيت تقربت من وجهي نفسها بوجهي صار مدت ايدها تلكط بالشعر اللي بخدي. خرب خرب هيج هيج منننج اخ ولخ اشتعلت صفحه اهلج يابه روحي طلعت نضفته وتلمسته كالت صار يخبل خدك والله نعل يومج ويوم الخلفج عوفي متروس عوفيني قرد اني شاكيلج اني بيا حال هو منو ديباوع بجهرتي هي المره وطفرت دك تلفونها ردت ركض الو الو ها ام مهدي تعاي اني بالغرفه اي شوي وجتي ها بشري والله مادري شكولج محد قبل يدايني بس دكتور ازاد كال اني اداينها شنوو لا ماريد شبيج روحي اخذي منه لج بابا عذا متروس بابا موخوش رجال ميستحي خو ندري بابا انتي بنيه وبحاله ضعف وماعدج معيل مداكولج نامي ويا دللي داري وتدلعي وترمي حيشيل روحه وينطيها الج خل يولي انعل ابو يابو خل يسجنوني انتي غبيه لج بابا عبالج بس انتي روحي شوفي هدى كومه حصلت منه لحد ماايس متخلي ينام وياها عافها بس شنو من عافها متروسه فلوس بابا راتبه بال3ملايين من غير العمليات والعياده شتحجين شتمولين اني رايحه فكري بالموضوع. وتره محد يداينج لتخلي ينتضرج هواي ليلكه غيرج بقيت صافنه عليها دمعت عيني طلعت ام مهدي بقيت اتصفن ومن اتذكر لمسته اسد عيني قوي وروحي تنقبض واريد اصيح بجيت حد ماكلت كافي باجر اخر يوم عالانذار الاخير يربي شسوي حسام- اسمع والوب من يمي نستني قهري وحرت بقهرها شون اساعدها ضلت تبجي تقربت مني مسحت وجهي كالت عفيه ساعدني صدك متت قهر اذا تسمعني اندعيلي فدوه ماعرف وين اروح تدمرت من كلامها دك تلفونها ردت الو احم الو اي اي اي والله باجر لالا لتدز تبليغ باجر ادزهن كاملات اي اذا مدزيت اي اي دز تبليغ وشتريد حاضره الله وياك سدته وكامت تشهك وتلوب انثبرت وياها واني بهمي وعجزي اسمع تدوس بالارقام تخابر الو ام مهدي كوليله للدكتور ازاد وافقت واني شعليه انتي كوليله اي هسه اروح اكوله كمت دااطلع من الغرفه حسام- تخبلت حتروحله للعار لج وين عزه بعيني صدك اكو عالم ميته بجسد عامل كالبي حسيته حيوكف من صدك تاذيت كمت احس بكلبي من يدك بسرعه وصوت الجهاز وياه تسارعت دكات كلبي بسرعه سسمعت ركضتها عليه حسام حسام عزه ماما رحت ركض لدكتوراازاد عفيه دكتور كلبه كام يدك سريع اجه ويايه راسن فحصه كال هاي الجسد من ميضل يتحرك الكلب يصير بي خفقان تسارع وتباطي شي عادي اذا مصحى منا لشهررميصحى بعد - بقيت اباوع لجسمه بلعت ريك خاف حس بيه داروح اكيد سمعني وخاف علبه احجي وي روحي اليوم بليل تعاي للمخزن نصيت راسي دمعت ماريد اشوف وجهه شكد محتاجه خمسه همست كاملات لا اقساط رجعت همست منصيه وعيني على حسام كال انطيج هسه 2تصرفي بيهن وتدللي مرديت طلع من الغرفه وقبل ليسد الباب كال ب1لتتاخرين وسد الباب غمضت عيني كعدت عالكرسي ارجف وابجي بهدوء بس دموع تجري حسام- كافي تبجييييين رحمه لا الله مو حتى كلبي خلص بيمن احير دااحير خرب بهيج دنيا انعل ابو الذل مهند لو موجود جان داينها اني عدي 3بالقاصه ربي دخيلك لخاطر هاليتيمه اصحى ساعه وحده نص ساعه دقيقه ولو اخابر اهلي وارجع عسى ما متت ربي دخيلك بقائي مميت بي حكمه منك خل اساعد هاليتيمه ويايه مرايد غير شي امي عدها وسام الله يحفضه ومهند ورائد وخواتي يتزوجن هاي ماالها احد دخيل اسمك عينني بس احجي ماافتح عيني صرت نار والعرك كام يصب حست عليه نشفتني من تتلمس صدري اني روحي تروح بيدها تهدا خنكتي خلت قطرات مي على شفتي اليوم جانت جدا هادئه ومكسوره اشتاقيت للغوتها ونكها وخبالها وضحكها خطيه والله مردتني مرد الليل كمت ماريده يجي اليوم ابد محجت بعدماطلع الحقير ازاد بقت ساكته اعرف الوكت من تلفونها اللي كل ساعه تدك دكه صارت ب12اني مكدرت اغفى وهي كلسا تبجي وتسب باخوها للوحده دك التلفون ردت الو صوتهع رايح من البجي الو -- اي -- راح اجي همست سديته وكعدت ابجي ببالي اخلي يلزمني شون ميريد ارخي روحي وبعدها انهزم منه مسحت دموعي تقربت من حسام تاكدت مبي شي دااطلع من الغرفه حسام- لتروحين خرب لتطلعين اتركي خرب هالنومممممممه تعاااي كلبي عصرني قوي اصرخ بداخلللي بصياح اني وحدي الاسمعه تعاااي كمت اسمع دكات كلبي تسارعت كلش واسمع ركضها عليه صبا- حسام دتحس بيه شهكت ابجي ادري بيك دتحس بيه نمت عالسديه يمه بجيت من شفت كلبه دكاته رجعت تسارعت متريد اروح مو متريد اباوعله عبالك ميت بس روحي دتحس بروحه. كمت اشهك خليت راسي على صدره واسمه دكات كلبه المضطربه هدات شوي شوي ماروح والله ماروح اني مو هطيبتك مو تخاف عليه وتغار حسام- اي ضلي خربطي بس لتروحين خاف يجيها كامت راسن قفلت الباب ورجعت نامت يمي عالسديه شتسوي سوي بس كون متروحله دك تلفونها ردت بنتره مااجي دبرت اموري اسمع السب والشتم من ذاك سدت التلفون بوجهه جرت نفس نامت يمي ودموعها احس بيها على جتفي برطوبه ارتاحيت وهدات بس ابقي هنا لتروحين يربي شون احميها من هالوحوش صار اكثر من شهر تداريني كمت اخاف عليها واحسها حالها حال البنات رشا ورنا ----- يتبع..... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
