26-07-19, 08:26 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  رشفة عشق #_العباديه_ البارت _9_ يـاهـٰذا يـامن عجز لساني عن النطق بأسمهُ.. لو تعلم كم مره باليـوم ألعـنك !! هـل تتـساءل لـمـاذا... ؟؟ سأقـول لك :- لأنك الوحيد الذي أنسـى همومـي مـعهُ لأنك الوحـيد الذي أنـساني ماهوَ الـعالم !! ولـم أعرف أحـداً سـواك .. فـأنـت عالمـي ... إبـقـىٰ هـٰـكـذا أرجـووك 🙏 #بقلم_العباديه @alabadyia_09 ••••••••••••••••� �••••••••••••••••� ��•••••••••••• إيڤان وصلنا للكليه وصفاء نزل وياي دخلني للقاعه يتطمن عليه وصلت يلا يطلع والبنات كلهه تتفرج عبالك عدنه عرض أزياء مال زلم متت من الغيره .. اول مادخلنا للقاعه ركضت عليه نبأ شافت صفاء ندستني وبقت تخوزر بي وتتمضحك وترفع بحاجبها وتسوي حركات بحلگها لو تعوجه لو تطگ بالعلچ !! خزرتهه وعگدت حاجبي اشرتلي براسهه بحركه سريعه عود ممسويه شي.. آني بقيت مركزه نظري على صفاء بوسط تجمع البنات اريد اشوف ردة فعله شنـو ؟ بس هوَ ماعبر ولا وحده وولا باوع بوجه وحده .. وإحنه بالطريق اشترالي ريوگ اول ماوصلنا نزع النظاره وانطاني العلاگه مال الريوگ گال - إيڤان كملي محاضرتج وتريگي إبتسمت بفخر وأخذتهه من عنده - ماشي - من ترجعين هـٰذا الماعون رجعيه وياچ حتى اشوفچ اكلتي لو لا؟ طفرت نبأ وگالت بدلع وتتماوع - عادي اني اكله بمكانهه وترجع الماعون فارغ شأگلك هيَ أكلته نظرلهه بطرف عينه نظرة إستصغار وابتسم بتك خد مستهزأ گالهه - إذا جوعانه هسه اشتريلج عادي لان هـٰذا اشتريته لاإيڤان .. رفع حواجبه ونظرلهه بثقه وإنتصار .. كمل كلامه - إيڤان وبسسسس هيَ تفشلت وجهه صار اصفر من الفشله وهزت إيدهه ماعجبهه كلامه .. اني تلاحقت الموقف وگتله - لا هـٰذا هواي قابل أكله كله اكيد اعزم صديقاتي صفاء - مو مهم تعزمين اهم شي تتريگين معليه .. اذا متريگتي تعرفين بيه شأسوي هزيت راسي وابتسمت لأهتمامه الدائم بيه - اي اتريگ - يلا آني رايح ومن تكملين إتصلي عليه - ماشي لبس نظارته وراح ونبأ انهدت بالغلط عليه تفاجئت نبأ - حقير كلب واحد ميستحي شفتي شلون فشلني آني اتخبل من واحد يغلط على صفاء ... اريد بس آني اغلط واحشش واتشاقى وياه آني بكيفي بس غيري لا مااقبل عليه رديت عليهه بعصبيه وعياط - هييو هيييو شنو شو هديتي تره صفاء هـٰذا التحچين عنه - اي وشنو يعني صفاء شفتيه شسوه بيه؟ - والله تستاهلين خلصتيهه عليه تلبگ وغمز ولمز وهوَ يكره هيچ .. لان البنت التسوي هيچ احسها خفيفه هيَ تخبلت وعاطت بيه - إنتم صدگ متستحون هـٰذا مخبل وخبلچ وياه وأكو وحده ماتوگف ويه صديقتهه ..؟ - اوكف ويه الحقيقه مو وي أي شخص فاهمه خلت ومشت صحت وراهه مااجت زعلت .. ديلا هسه آني وين اروح ويامن امشي عصبتني حيل ماگدرت اسكتلهه .. رحت وراهه بقيت اصالح بيهه وهيَ ماتقبل ترضى گالت - انطيني الريوگ وآني اتخلى عن زعلي - لچ جوعانه تعالي نتريگ اني وياچ قابل بيناتنه فرق وهوَ هواي - لا عيني تنطيني العلاگه كلهه يلا اقبل - اشتريلج من الكافتيريا دارت وجهه وگالت بنتر - اشتري لروحچ من الكافتيريا مديت إيدي وانطيتها العلاگه - هاچ إخذيها ومن اطلع من المحاضره عازمتج ع الريوگ - ماشي ................،،،، دخلنا المحاضره وكتبت المهم منهه وطلعنا للكافتيريا تريگت ونبأ وياي والريوگ مال صفاء شايلته بأيدهه حتى ماقبلت تعوفه وتريگت وياي .. گالت - گولي لصفاء اخذته نبأ الريوگ آني اريد اتصل بيه وهيَ تحچي وياي ومامنتبهه إلهه هزيتلهه براسي - اممم شويه وإجه صفاء من شافهه واگفه يمي عگد حاجبه وخزرني تقربت من السياره وفتحت الباب مال الصدر وگعدت .. ونبأ فتحت الباب الوره ودخلت بدون مااعزمهه واگلهه نوصلچ ! گالت - إيڤان تعالي گعدي يمي صفاء زجر بيهه بعصبيه وينافخ - اي مو السايق مال الخلفوچن آني التفتت عليه فشلانه لأن عاط بيهه وهيَ بسرعه تتزعل - صفاء شنو هـٰذا الحچي؟ سحب نفس وزفره بعصبيه وعيونه ناطه من العصبيه - إيڤان اسكتي روحي طالعه مالي خلگچ سكتت..// ادري بيه اذا معصب يبقى يعيط ونتعارك ومااريد اتفشل گدام نبأ .. مشينا لبيتهم نوصلهه قبل لاتنزل گالتله - شكراً صفاء خففت عني اليوم لان مابيه حيل اروح انتظر الغدا هـٰذا الريوگ حروح اتغدى بيه هوَ فتح عيونه حيل والتفت عليه بسرعه خزرني ورفع حاجبه گال بضيق ونفاذ صبر ومركز نظراته عليه .. آني تمنيت الگاع تنشگ وتبلعني من وره نظراته .. خوفنـّي حييـل . والنوب يضغط على مخارج الحروف هاي حركته بحد ذاتهه تخليني أموت خوف صفاء - بالعاففففـيييييه نزلت نبأ وهوَ مشى بعصبيه ويسوق سريع ولازم الستيرن بكل قوته بحيث شرايين إيده كلهه بارزه وعروقه طاگه .. همست على كيف - صفاء شـبيك؟ رمش بعيونه بحركات متتاليه ولـّم شفته قوي يعصر بيهه حسيتهه حتنفجر دم من گد مـا عصرهه بقوه .. - اسكتي صوتج مااسمعه - علمود الريوگ؟ وگف السياره بقوه بحيث راسي تقدم للمقدمه ورجعت انرگعت بالكرسي - شببببيييييـك؟ عصب حيل وعيونه صارن حمرر ويأشر بأيديه ويزفر انفاس بعصبيه - لچ نبأ اكررهه مووو رراااحه مو رررررااااحه !! - شمسويتلك؟ - وحده گ.......ه فتحت عيوني على وسعهن وخزرته بعصبيه - لا صفاء لهنا وبس تعديت حدودك كلشش هاي عرض ويگولون اليحچي على اعراض الناس يحچون بعرضه يعني انتَ شايف شي عليهه؟ سكت..// - احچي شايف شئ؟ رد بنتر من وره خشمه - لا - چـا ليش هيچ تگول عليهه لك يگولون بنت البيت لاتگول على فرگ شعرها اعوج مو الا توجه هيچ إتهام لنبأ مااسمح ابدد . عاط بوجهي خلى عيوني تلملم دموع وأحاول أخفيها - هاي هيَ إيڤـان إبقي وياهه شعليه بيچ بس تتندمين بالنهايه على هيچ شكولات زفره سكتت..// ليش هَيچ يگول؟ ششايف وگال هالكلمه؟ لاهيَ تطيقه ولا هوَ ..!! رجعنا للبيت وصلني وراد يروح ردته ينزل ماقبل زعل وگلب وجهه حتى السيف مايگصه من العگد والتعفس . نزلت لگيت أمي شايله فراشات البيت كله وتغسل ومسويه حملة تنظيف ع الاستقبال لامخلين بردات لامخلين تخم كله شايلينه مفرغينهه تفريغ .. ردت اعبر گامت تصيح عليه - لج تعالي نزعي حذائچ وولي طگيتها ركضه بحذائي من الصاله لغرفتي وميته ضحك بقت تعيط وإحنه نضحك عليهه . دخلت لغرفتي ذبيت نفسي ع السرير بملابسي . ارتاحيت شويه وبدلت . نزلت جوه الوجوه كلهه فرحانه ومبتهجه ! اخذت خياره وبقيت اگرط بيهه واجتني أمي - ولچ إنتي ماتصبرين لما يجي الغدا - والله جوعانه - دومچ جوعانه مايوم شفتچ شبعتي شهگت ببراءه وسويت نفسي مصدومه - هيييييءء آنيي؟ - لاجدي - لــه لــه ياأُماه ممقبوله منچ .................................................. ............ جهزنا الغدا وإجتمعنا كلنا .. الكل چانوا يباوعون عليه ويبتسمون خبلوني - شكو شبيكم أريد آكل شيلوا عيونكم مني بابا ضحك وگال - ان شاء الله خير - اي غير أفهم الخير شنو؟ - العصر تفهمين عفتهم وصعدت ... راسلت صفاء شگد دزيتله رسائل ماجاوب زعلان عشتو شمرت الموبايل ونمت .. ******************************* گعدت على صوت أمي تگعد بيه وتهز بيه بقوه - لچ إيڤان إگعدي شني السالفه ميته أخذت المخده حطيتهه على راسي وانداريت للجهه المعاكسه الهه وصحت ..اممممَـم .. سحبت المخده من على راسي وتسحب بمتوني تريد تگعدني وارجع اوگع ع السرير عاطت بيه بصوت عالي - لچ إيڤان تگعدين لااگوم اجيب مـي وارشچ رفعت راسي بتعب - اوووو ماما شتردين؟ - گومي إنزلي عدنه خطار !! - خطار !؟ - اي - واني شعليه؟ - اريدچ تقدميلهم ضيافه !! - يـاا بس آنــي هـنا شنو؟ - گومي وآني افهمج تولولت مزعوجه وگمت بتعب واجر بروحي جر قبل لاتطلع گالتلي - إلبسي ثوب من ذني الجدد الاشتريتهن إلچ من تركيا - لا عيوني ذني ضامتهن للمناسبات - چـا هاي شنو؟ صفنت بوجهه وهزيت راسي بحركة إستفهام - شـنو،؟ - إلبسي من ثوابة تركيا وإنزلي بسرعه إلچ ربع ساعه جايين خطابه عليچ !! زفرت نفس بعصبيه وعصرت عيوني مامنتبه شحچت اصلاً - اييييييي طلعت وخلتني بوسط كومه ملابس ومحتاره شألبس؟ آخر شي سحبت تلبيسه كابوي من وره مفتوحه وبالمقدمه جيب صغير وبيه ملصق أحمر ومن الخصر ضيقه وبعدين بيهه فره .. ولبست جواهه قميص لون أبيض مقفل بخطوط لون أحمر وكفيت رداناته ولفيت شالي بأهمال ونزلت من شافتني أمي تفاجئت - ولچ شنو هـٰذا وجهچ ماكو حمّيره كحيله؟ (مصغر كلمات حمره وكحله) گلتلهه بدلع متصنع - ويني وين الميك آب اريد اشوف خطارچ وارجع أنام - فوتي حطي حمره عاد - مـااا - دضلي رتبت شالي وأخذت الضيافه منهه دخلت للاستقبال أمي مطلعتهه تلمع والبروده لفحت بوجهي والمعطر مال الجو ممزوج ويه برودة السبلت واول ماحطيت رجلي بالگاع جانت بارده وارتعشت .. نعست ردت أغفى بس من شفت الاشخاص الگاعدين تفاجئت وصحصحت !! صاحني بابا وتقدمت خطوتين لگيت خالي أبو صفاء وحيدر (أخو صفاء من أبو) اول مادخلت نظرات حيدر فصلتني تفصال ويباوع بيه ويبتسم بخبث سلمت على خالي وباسني وحيدر وگف عبالك يريد يبوسني هههي بهههي .. گال .. شلونچ إيڤان؟ رديت عليه من وره خشمي واضغط على مخارج الحروف مثل حركة صفاء احسهه تخوف عود ردت أخوفه - زززززيييننننه اكرههم لان معذبين صفاء قدمتلهم الضيافه وطلعت سألت أمي ليش جايين كالت يخطبونچ اني قبل شويه سمعت كالت خطابه بس ماانتبهت ولا توقعت ابو صفاء ،، كيفت لا لا طرت اصلاً .. رحت مباشرةً راسلت صفاء وميته من الفرح - لك صفاء فرحاانه ميته فرح أخيراً إجه أبوك خطبني والله ممصدگه يااااي رد عليه بسرعه .... موافقه؟ گتله .. اي اكيد !! بقيت ادزله رسائل ابشر بيه فرحانه وصاحتني أمي گالت روحي گعدي يمهم إستحيت ورحت صاحني خالي گال ..تعاي گعدي يمنه قابل تستحين مني .. رحت گعدت يم بابا .. وهم دگوهه سوالف عن أيام قبل من چانوا سويه بنفس المنطقه وعن جدهم الاعلى مدري شسمه .. بابا وأبو صفاء بيناتهم قرابه من بعيد يعني يصير ابن ابن عمته وعلاقتهم كلش قويه .. ف علاقته ممقطوعه بيه رغم طلگ خالتي وراحت بحال سبيلهه ومتزوجت بس بقينا نتودد عليهم ونروحلهم وهمَ نفس الشي وعبالي هالمره هم مسيرين بس فاجئني من أبو صفاء گال .. أبو صفاء - أبو رائد إنتَ تعرف بالموضوع الجايين عليه وإنطيتك علم .. وهسه مقابيل البنيه آني أريد اخطب المحروسه بنتك لاإبني .. من گال هيچ فرحت ووجهي أبتهج وانفرجت أساريري دنگت خجلانه وبقيت افكر بكلام صفاء من يگول عن قريب اصيح لاابوچ عمي ومن گال ع النونه وكلما حچى وگال عن قريب بقيت افرك أصابيعي الي تعرقن من التوتر ومدنگه خجلانه احس خدودي اشتعلن من الخجل والتوتر .. أبو صفاء - آني من إجاني حيدر وگال عجبتني إيڤان وهيَ وياه بنفس الجامعه بس هوَ قسم تحليلات كلش فرحت الصراحه لان مانلگه نفس أخلاق إيڤان وجمالهه وأكيد إنتَ المربيهه قابل مانعرف تربيتك شنو ف أتمنى تفكرون بعرضنا وترجعون إلنه الجواب المضبوط شوفوا شگد تحتاجون تفكرون مامستعجلين .. طفر حيدر بضحك - لا والله مستعجل بابا وأبوه ضحكوا عليه وآنـي خزرته بنظرات حقد وغضب كرهته متت منه عود يحاول يلطف الجو نننن (أقلد عليه بداخلي) بس من تذكرت خطبني لحيدر !! وجهي إنخطف وإنسحبت ألوانه من گال حيدر !!!!!! صدمه !!! حيدر شنو؟ بقيت فاتحه عيوني على وسعهن وصافنه على بابا وأبو صفاء حتى بعد ماركزت شيحچون ولاشگال بابا بس حسيت عيوني دمعن والعبره خنگتني ردت أنطق بكلمه وحده ماگدرت بقيت أبلع بريقي أريد استعيد وعيي ماكو .. حسيت نفسي بعد مااگدر اگعد وياهم إختنگت ونفسي ضاق حتى إجاني إحساس انزع ملابسي لان خنگنّي ،، من كد ماانقهرت ماسيطرت على نفسي حسيت شخص وطبگ إيديه ببلعومي بسبب هـٰذا الخـبر .!!! إستأذنت من بابا وطلعت بقيت أسحب هوىٰ بقوه وأستندت ع الحايط خاف اتخربط واوگع ... مامستوعبه الخبر چـان صاعقه بالنسبه إلي مو خبر هـٰذا برق نزل عليه من السما وحرگني بناره .. أشوف أهلي فرحانين وطايرين من الفرح وآني فاصله عنهم أصلاً مااعرف شديصير ؟! اول ماطلعت لاگتني أمي تسأل - هـا شحچيتوا؟ ماجاوبتها بس رمشت بعيوني وتقدمت بخطوات يائسه گعدت ع التخم بالصاله انتظر يطلعون واحچي ويه بابا .. مليت من الانتظار طولوا هواي متوتره وأهز برجلي ع الـسريع وأقرطف بأظافيري .. دخل بابا ركضت عليه - بابا شنو هـٰذا السمعته يعني كلكم تعرفون وآني آخر من يعلم؟ - حبينه نسويهه إلچ مفاجأه !! وهسه من إجو گلنالچ ضحكت بهستيريا - مفاجأه؟ بابا هاي مفاجأه؟ انتَ تعرف بيه أريد أكمل دراسه ومو ببالي أتزوج ابد - منو گال هسه تتزوجين؟ هسه بس خطوبه مؤقت منا لما تتخرجين يلا - ههههههه والله وطلعتوا متفقين !! - إيڤان قسمه زينه ليش نرفضها؟ - بابا هوَ شنو قسمه زينه؟ دأگوللك مااريد - إيڤان الولد تحليلات بس يتخرج ع الاقل شهرين ويتعين وإنتِ طب أسنان وهم تتعينين سريع لأن طبيه فكري بيهه يعني تعيشون ملوك - منو گال أريد أعيش ملكه؟ آنـي أحب أعيش بكيفي وبالشخص الاختاره آني وقلبي وعقلي وفكري وجسدي كون كل عضو بيه موافق بيه يلا افكر اوافق .. افكر مو أكيد هم .. أمي عاطت بصوت عالي - مو بكيفچ فهمتي لو لا إحنه گلنالهم يومين ونرجعلكم خبر جاوبت ببرود ورفعت متوني - اي رجعولهم مموافقه خليتهم ومشيت صعدت لغرفتي ميته قهر ذبيت نفسي ع السرير واحس إعصار بداخلي من القهر ! أكيد إذا رفضت حيدر بعد مستحيل خالي يخطبني لصفاء ويشك بيناتنه شي واصير محط للغيبه والتگصگص مال حجي الناس . وصفاء الراسلته وميته فرح هسه شيگول ..؟ اكيد يگول ماصدگت وگتله موافقه هم .. آني عبالي إله گلت نرتاح لان عيوني وعيونه يحچن البداخلنه شنو .. اخذت موبايلي ردت احذف الرسائل بس طلع شايفهن عگبيش بعد؟ بقيت افكر وبالي مشوش حطيت المخده على حلگي وعطت بصوت عالي وبچيت اريد اصفي عقلي ماادري شلون؟ رحت جبت حباية منوم وشربتهن بعد مادريت بشي .. گعدت الساعه بـالـ4 الفجر شبعت نوم من العصر لهسه غسلت وجهي وفتحت نت .. ماكو ولا رساله من صفاء ! رغم راسلته من أمس وبقى زعلان عود حاولت أصالحه بس ممجاوب على رسائلي بس سئلني ع الموافقه ! رجعت رسلت ماكو ماجاوب .. إتصلت عليه هم ماجاوب وهوَ نشط .. إتصلت مره ثانيه .. رن هواي راد ينقطع الاتصال يلا إجاني صوته تعبان ،، مجرح وبيه خرخشه وكلساع يگح ! - الووو .. هلاو صفاء شلونك؟ رد بنتر - هــا إيڤان شتريدين !!! - شنـو؟ ارتفع صوته شويه ونتر - شتريدين؟ آني من شفت نتره وبروده گلت استفسر منه گتله :- - أكلك تعرف بأبوك خطبني اليوم ..؟ - إيي أعرف شوكت إجاكم؟ - العصر هوَ وحيدر وخطبني لحيدر ! جر نفس وسكت ..// إيڤان - صفااء وينك؟ أسمعه يتنفس قوي ويسحب نفس عرفته ديدخن تنهد وگال - وياچ - اي شبيك داگول حيدر خطبني شنو ردك؟ توقعت مثل كل مره يغار وبس يسمع بطاري ولد متقرب يمي ولو مفكر بيه تفكير يگلب الجو بس فاجئني من رد بجمود ونبره هادئه - وآنـي شعليه؟ !! إنصدمت من ردة فعله عبالك كفخني براشدي على گصتي گتله متفاجئه - شنـو؟ بقى يضغط على مخارج الحروف بحرگه وقهر وخصوصاً گالهه بحركته التخوفني - آنـيي شعللليييه؟ عرفت البداخله شنو وتلاحقت نفسي وگلت ألملم آخر ماتبقى من كرامتي - هـا ... لا مو إنتَ إبن خالتي وإخويه (ضغطت على هالكلمه بالذات ،، إخويه ،، ادري بيهه تجرحه وتجرحني هم بس دست على نفسي !! ) كملت كلامي بنتر .... گلت اخبرك حتى تباركلي سحب نفس قوي وگال بصوت مخنوگ - مالي خلگ أبارك إتصلي بعباس يباركلچ هوَ هم إخوچ مشغول هسه باي سده بوجهي بدون مايسمع ردي !! بقيت متفاجئه شبيه !! خاف فكر أوافق وعباله صدگ فرحانه لان گتله فرحانه !! زين آنـي شگد غبيه ماتأكدت يلا راسلت إلمن راسلته اوووف يالسرعه صدگ لو گال بابا بالعجله الندامه وهسه صدگ تندمت .. حطيت مخده وره ظهري وصفنت بالحايط عيوني صافنه ع الفراغ وبالي بيه مليون فكره أجيبها منا تجي لهنا بالي يم صفاء وصوته مبين تعبان لاارادي حسيت خدودي رطبه ايي دابچي .. اليوم حتى دموعي غدرني آخر شي أنفجرت ضليت ابچي بقوه وادگ على راسي من الغباء .. يتبع ... بالبارتات الجايه تبين شخصية عباس عيني إنتم الي عبالكم فقير لاتنغشون تره بس آني فقيره محد فقير بهالوكت (العباديه) 🌝✌😎 الـكـاتبـه 🌻🌼 الـعـبـاديــه🌻🌼 ناقله 💚 2250 كلمه | ||||
|  |
|
26-07-19, 09:17 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رشفة عشق الــعـبــاديــه البارت_10_ صفاء طول هاي الفتره وآني أشتاق لاإيڤان واريدهه يمي اتذكر تفاصيلهه واتخبل بيهه ازداد عشق ليليه ولهفتي تزداد ونضراتي مااگدر اشيلهن عنهه إذا شفتهه .. أحسهه شي مقدس وصعب واحد يلمسه الا وهوَ بكل طهارته .. حسيت نفسي بعد مااتحمل هاي طاقتي إذا بقيت بدونهه يصيبني جنون ! قررت احچي ويه ابوي وأفاتحه بالموضوع .. رحتلهم وأخذت وياي مسواگ تلگوني بالتراحيب وذاك الاستقبال الزين لان بيه مصلحه .. فاتحت أبوي بالموضوع فرح وگال من هسه اروح اخطبهه إلك لأن إيڤان أخلاق وجمال گتله لا مو باچر نروح .. الفرحه ماوسعتني ومامصدگ اخيراً إيڤان راح تصير إلي وگدام عيوني ماجاي اصدگ .. تغدينا وشربنا چـاي وراهه مرت أبوي جابت مي لاأبوي لونه أصفر گاللهه..شنو هـٰذا؟.. گالتله الفوار مالتك ،، گالهه..بس الدكتور مامنطيني فوار...،، گالت..لاانطاك بس إنتَ مامنتبه... شربه هوَ عادي .. ،، بعدها نمنا ساعتين وگعدنا العصر إحنه متعودين العصر ناكل بسكت وكيك لو هيَ دائماً تسوي كليجه ..إتفقنا على يوم نروح آني وياه العصر وننطيهم خبر وافق وفرحان وآني الگاع ماشايلتني من الفرح .. قدمت الكليجه اكلنا وكملنا راح ابوي للشغل وآني هم طلعت للحلاق ارتب شكلي واشتريت ملابس جديده اضمهن ليوم خطوبتي احم .. .................................................. ............ باليوم إلي باتت عدنه إيڤان وتقربت سحبت العوده من رجلهه أول مالمست نعومة بشرتهه وترافة جلدهه قشعر جسمي ورجفت عبالك بشرة طفل ماتحملت ابدد .. بالليل إتصلت بإبوي وگتله باچر نروح نخطب گال ميخالف ثاني يوم الصبح لبست الملابس الجدد الاشتريتهن ورتبت شعري ورشيته بسبريه وجل حتى يثبت ولبست النظاره واخذت سويچي وطلعت وصلت إيڤان وطلعت لبيتنا .. وصلت للبيت دگيت لاابوي گتله..آني بالباب.. گال...إنزل عندي حچايه وياك !! قفلت السياره ونزلت دگيت الباب طلعلي حيدر يباوعلي بنظرات خبث ويبتسم بإنتصار !! إستغربت ورفعتله حاجبي بإستفهام ،، فتت لگيت أبوي بالاستقبال ويمه مرته آني أصيحلهه ماما من إحنه صغار موعدتنا مانگول يمه عود مثقفه وكبرنا بقت على لساناتنه ماما ماغيرناهه .. سلمت عليهه وگعدت .. كال ابوي - صفاء آني بطلت مااخبطلك إيڤان !! فتحت عيوني حيل وإستغربت ،، إعتصر شي بداخلي ألم . بلعت ريقي بغضب وگتله - ليش؟ - لأن عاجبه إخوك حيدر !! عطت بعصبيه - ششـنــوووو؟ - اي مثل ماسمعت عجبت حيدر وإنطيناهم خبر قبل شويه گلنالهم العصر نجيكم نخطب !! تخبلت وجن جناني وگفت هجمت على حيدر وكلهم داروا عليه يفكون بيه مني - هيَ شنو عجبت حيدر؟ لعبه هيَ شنو؟ آني أول شي گتلك نخطبها إلي وبعدين آني وياهه چنه عايشين سويه أكيد تقبل بيه ومتقبل بحيدر لان ماتعرفه مثلي - اي هيَ لأن إنتَ وياهه عايشين سويه مااخطبهه إلك لان هيَ حاسبتكم إخوانهه إنتَ وعباس !! صكيت على أسناني بكل قوتي وعصرت عيوني حيل اطلب الصبر - شوف يابه إيڤان ماتقبل بحيدر لو هسه تشنقوهه فاهميييين وإذا ماتريد تخطبهه إلي آني أخطبهه من أبوهه وآخذهه لأن خالي يقدرني ويحبني ومستحيل يرجعني وإنتم إلي تتفشلون . حيدر طفر بسرعه گال - إيڤان موافقه عليه آني أدري بيهه ودائماً من تشوفني تأشر عليه وتستحي حتى خدودهه يصير حمر من الخجل ومن أسولف وياهه تصفن بعيوني !! تخبلت ركضت عليه لزمته من ياخته ردت اشيله من گاعه - ولك إنتَ شلون تباوعلها وتوصفهههااا ششششلللووون؟ كلهم ركضوا عليه طلعوا من بين إيديه وأبوي ضربني راشدي مقابيلهم كلهم حز بنفسي حيل وإنهانت كرامتي گتلهم - هسه رايح أخطبهه وأريد اشوف اليتقرب منهه أبوي ركض عليه شالني من ياختي وآني رافع راسي وأباوعله بتكبر هوَ كلش ضخم وطويل حييل بحيث يمه اطلع سنفور والنوب قسم الاجرام ..! رجعت بذاكرتي على أيام قبل وشلون يعذبني من يعلگني بالمروحه ويشغل نار جوه رجليه وأضل اتعذب وأصرخ من الالم ويلتمون جيرانه يريدون ينقذوني ويطردهم لما گام محد يتدخل ويخافون منه حيل .. گال بعصبيه وغضب - ولك لاتشوفني محترمك أگول كبر تره هسه اغط راسك بالخيس فهمت لو لا ..؟ إذا إنتَ هيچ متأكد من نفسك وتگول إيڤان تقبل بيه آنه راح أروح العصر اخطبهه لحيدر وإنتَ تروح بالليل تخطبهه إلك ونشوف منو يقبلون عليه؟ بس إذا سمعت إيڤان موافقه بحيدر ماتشوفني وجهك تطلع من العراق كله فهمت وخرت إيديه مني وباوعتله بشموخ وثقه - هاي هيَ بالليل أروح أشوف كلش واثق من إيڤان وثقتي 100% متأكد ترفض .. بقيت اشتغل ع الحاسبه وموبايلي يمي شويه ووصلني رسائل من إيڤان !! إنصدمت ! شنو هاي معقوله إيڤان !! آني زعلت عليهه علمود نبأ وبقيت زعلان حاولت تصالحني بس گلت شويه اعذبهه بس هسه من دزت الرسائل صاعقه ونزلت على راسي !! عيوني غوشت وراسي داخ حسيت طق بيه عرق !! أنفاسي إضطربت وحلگي جف .. أريد استوعب الصدمه واتأكد زين تراسل بيه وطايره من الفرح بالخطوبه ردت استسفسر منهه گتلهه موافقه؟ گالت ايي وفرحانه هم ضليت صافن معقوله ! زين وحبي إلهه وين راح؟ لا يالله چذب ماجاي اصدگ بـ ولا كلمه من الديصير !! ضليت أفتر بالغرفه وافرك بشعري ميت قهر روحي مفرفحه وتلوب شأسوي وأرتاح من هـٰذا الشعور ماادري .. ردت أروح أهجم عليهم بس شيفيد .. ؟ شيفيد ..؟ إذا إيڤان بنفسهه موافقه وتگول طايره من الفرح !! بقيت أتنفس قوي واضرب اي شي يطلع مقابيلي .. ثبتت إيديه بشعري أريد اطلع حرگتي بيه وبقيت اعيط - اخخخخخخ ياالله ليشششششش؟ صار سنين أحبها يروح تعبي ليييششششش؟ چنت مطمئن من أشوف نظرات عيونهه وشلون تفصلني وتصفن بيه گلت مستحيل تقبب بشخص بيه بس ارتب أموري واتقدم بس هسه شنـو ليـش صار هيچ ..؟ عباس وخالتي إجو يركضون يدگون ع الباب وآني ولااسمعهم فاصل عن الدنيا . رحت طلعت كارتون الجكاير ضامه جوه الكنتور بالمكان إلي إيڤان تضم بيه دائماً تگول جوه الكنتور مكان محد متوقعه أي شي تريد تضمه ضمه جواه .وعلمتني على هالمكان ومن ذاك اليوم وآني أضم بنفس المكان وصدگ محد يكشف اي شغله .. طعتهن وبقيت اسحب نفس بقوه أريد ارتاح !! شلون أرتاح وآني كلشي يذكرني بيهه شلوون ..؟ أصغر تفصيل بحياتي هيَ داخله ومترعرعه بيه .. البگلبي محد يدري بيه محددد .!! شعور الخيبه . والخذلان . والندم .والملامه . والشماته .. كلهن تجمعن بيه شلون أواجه أبوي وگال تسافر إذا وافقت ! ياحيـف ثقـتي بنفسي وياحيـف أزامط واگول لاأبوي ماتوافق وترفض واحچي بكل شموخ ! هـسـه وين راح شموخي ويـن ..؟ تمددت ع الچربايـه والجكاير والمطفايه يمي وجكاره تجر جكاره للـ4 الفجر ! موبايلي يمي مفتوح بيه نت وهيَ خابرت من شفت إسمهه إهتز كياني وگلبي حقد عليهه ! ماجاوبت وبقى يدگ گدامي كل شويه وأريد أضعف واجاوب بس أگول لا .. بآخر الاتصال گلت ماابين إلهه آني ضعيف وتهزني مره ! رديت بنتر وعصبيه حسيتهه مصدومه ماعبالك نفسهه الدزتلي موافقه وطايره من الفرح !! ,, وتفاجئت من چانت منتظره مني كلمة , مبروك ,!! لهالدرجه ماكو إحساس تريدني أباركلهه !! ومشاعري وين راحت ..؟ وفوگاهه تگلي إخوي !! چـا من تباوعين بيه بلهفه وحب وعيونچ تتجول بكل تفصيل بيه وعيونچ نفسهن يحتضنن عيوني ويستحن من نضراتي وخدودچ يصيرن حمر من الخجل من ابتسملج بوقتهه وين راحت الأخـوه؟ هـسـه تذكرتي آنــي إخـوچ؟ بسمرتهه وسديت الموبايل مامتحمل أسمع صوتهه ولامتحمل أسمع إسمهه !! .................................................. ............ حـوراء بيوم متجهه لبيت صديقتي وأسرع بخطواتي خايفه لايلحگني مثل كل يوم والشارع فارغ والدنيا الصبح .. ضليت أمشي وأتلفت صار مثل خيالي وين مااروح يلحگني لما خلاني أخاف حتى من نفسي .. رغم جماله وشخصيته بس يخوف وعيونه حمر ومن يخزرني أبقى اطگطگ من الخوف .. أخاف أخاف منه حييل أخاف .. وآني طبعي جبانه حيل. من أشوفه تحصرني البچيه بس مااگدر احچي لااحد ولاأگدر أگول لاأهلي عليه خايفه لايفقدون ثقتهم بيه وأهلي منطيني ثقه تامه لأن ربونه تربيه صحيحه وتعبوا علينه كلشش .. وصلت لبيت صديقتي حسيت بالأمان شويه لأن صديقتي وياي بس يشوفهه يشرد ومايلحگني .. دگيت الباب وسمعت صوته !! إي هـٰذا نفسه الصوت اليتغزل بيه من أمر بالشارع !! .. إنعادت كلمة (منو) سكتت گلت خاف يسمع صوتي وميفتح الباب .. بقيت ساكته وسمعت خطواته جرت النعال ويچرخ بيه .. إنفتح الباب وشفته !! أول ماشفت ملامحه إنهبطت وگلبي گام يدگ سريع .. عيونه حمر چان نايم وهنَ يخوفن بدون شي والنوب هسه حمر .. هوَ من شافني إرتبك ووجهه إنسحبت ألوانه .. بلع ريقه وتفاحة آدم نزلت وصعدت وحچى بإربتاك ..!! - آآآ بنين اليوم متداوم دنگت ومشيت سمعت صوته وراي - حـوراء مشيت بسرعه خايفه لايلحگني رجليه تركض وهوَ وراي . وصل يمي سحبني من إيدي قوي وعطت بصوت عالي ودمعتي نزلت هوَ من شافني إنصدم گال بهمس - لهالدرجه تخافين مني ..؟ جاوبت بسرعه وشهگاتي مسموعه - إي والله أموت من الخوف بس اشوفك أنرعب ضحك يطمني - شبيچ تخافين مني آنــي نيتي وياچ زواج عجبتيني حيل - فـدوه بعد لاتلحگني وعلي من يشوفني رائد يشنقني - آنـي مو ألحگچ جاي أوصلچ للمدرسه خاف شخص يتعرضلچ ومن أشوف بنين تمشي وياچ يلا أتطمن وأروح گتله بنبرة خوف ممزوجه بتوسل - فـدوه بعد لاتلحگني والله بابا يفقد ثقته بيه بس يشوفك - اوگفي اوگفي أكلتيني وبلعتيني خل احچي - لا لا لاتحچي خل اروح لااحد يشوفني واگفه وياك تقدمت خطوتين اركض بيهن وسحبني من إيدي وثبتني من متوني وگفني مقابيله وعصب وخزرني بعيونه وآني أخاف منهن حيل - أگلچ إوگفففييي سكتت خايفه وعيوني تصب عبالك نهر وانفجر إحتضن وجهي بإثنين إيديه ومسحي دموعي بإصبعه الابهام برقه .. بعدت إيده وگتله - حراام وخررررر - رايدچ أم بيتي وحلالي وخايف عليچ مثل ماأخاف على اخواتي - آني صغيره ومامقرره هسه انخطب واتزوج - بس لخاطري تقبلين لأن آني مخبل بيچ مايمر يومي إذا مااشوفچ وأرتوي بكلمات الغزل الاشمرهن عليچ - فـدوه خل أروح تاخرت ع المدرسه - فكري بالموضوع ورجعيلي خبر - ياموضوع ..؟ - موضوعي أريدچ أم بيتي وحلالي باچر أريد خبر منچ گلت اقشمره بكلمتين بس يخليني اروح - اي اي باچر ارجعلك خبر عفته هاربه من الخوف ورجليه يرجفن وجسمي عبالك سعفه كل عضو بيه يرجف وخايفه من أهلي بس لا خنت ثقتهم بيه !! وصلت للمدرسه ولاركزت حتى شأخذنه بالي كله يمه وبكلامه وكلما أتذكره ينعاد الموقف عليه ترجع الخوفه بجسمي ويرتعش وصلت للبيت تعبانه لگيت إيڤان وعباس يتشاقون واصواتهم مسموعه كالعاده وأهلي يضحكون عليهم .. گعدت أتغدى وبالي مو يمهم بالي بأخو بنين مدري منين طلعلي خلى عقلي كله يتشوش صافنه ع الماعون وعيوني مايرمشن وبالي يفكر بغير شي والكل ياكل وبس يسولفون ويضحكون .. فزيت من صفنتي على صوت عباس گالي - هـيـيـو الصفنه مو إلـچ عيني كلهم ضحكوا ويباوعون عليه آني ماانتبهت شگال گتله...شـنـو؟.. كلهم ضحكوا إيڤان گالت - اليوم مطفيه كلشش - لا بس تعبانه أريد أنام گمت ومشيت خطوتين گال عباس - اي مو خطار عدكم إحترميني شويه وإگعدي مجامله إستحيت وحسيت نفسي تفشلت گعدت خجلانه إيڤان - ولك منيلك خطار أشو مشلغم على گلبي ليل ونهار عباس - مسكين عمي شوكت جاي هاي أول مره قصدچ إنتِ لازگه بيه - لا والله بقينا شويه وراح عباس وآني مباشرةً صعدت أريد ارتمي بنفسي على مخدتي وأشكيلهه خوفي وحيرتي .. فتحت شعري ونثرته ع المخده وحاولت أنام ماكو نوم بس عيوني مفتحتهن ومثبتتهن ع السقف بدون هدف گعدت على صوت رسائل بموبايلي على السناب لان ماعندي موبايل چان آيباد ومن بابا راد يغيره گتله مرتاحه بموبايلي وخليته وهالايام ميثبت برامج كل برامجي راحت بلش يعطل .. شفتهه بنين سئلتني شلونج ومدري شنو وبعدين فتحت الموضوع - حـوراء عبد الله قاتل نفسه عليچ وميت على شوفتچ - اگلچ فكي مني إنتِ وأخوچ تره آني صغيرة أهلي وماببالي هالسوالف اريد اكمل دراستي وادخل طبيه مثل أختي ومن اتخرج يلا أفكر بهالسوالف - لچ شبيچ اخويه يصبر عليچ يگول أريد اربيهه على إيدي آني عصبت حيل وعيوني نطن من گالت هيچ - اگلچ شنو آني ممربايه ويربيني .؟ الحمد لله والشكر عندي أب وأخ سانديني ومربيني أحسن تربيه ماربوني ع الضرب وعدم التفاهم لا وإنما إنطوني ثقتهم وگالولي شرفچ بيدچ وسمعتچ إنتِ تبنيهه ومااريد اخرب سمعتي فهمتي لو لا ..؟ - شبيچ عصبتي هاي هيَ بقينا نسولف بالدراسه وأخذت مني الواجبات وراحت نمت وگعدت ثاني يوم هم لبست وطلعت للمدرسه ماموجود همزين لو هنا چان گلبي واكف من الخوف .. وصلت للمدرسه ولگيت بنين بقينا نتمشى وطول مانتمشى هيَ تمدح بأخوهه وتسولف بيه طلعته نبي گدامي وآني گوه عني أسمع بنفاذ صبر وودي أرطمهه على حلگهه أسكتهه بس مجبوره أمشي وياهه لأن محد تمشي وياي وطبعي كلش أستحي ومااخالط بنات ومو إجتماعيه عكس إختي . خلصنا الدورس وحلينا أول ماطلعنا من المدرسه آني وبنين مشينا شويه مسافه عن المدرسه ودخلنا بفرع شبه مقطوع بس بيه ناس قليل . نمشي ونسولف ع الدروس ووگفت يمنا سياره گلبي وگف ورجليه رعشت تصمنت بمكاني من الخوف بنين إلتفتت شافته إخوهه كيفت ومباشرةً صعدت .. گال - إصعدي هزيت راسي نافيه - مااصعد ردت أمشي عاط بصوت عالي - تصعدين لو أنزل اجرجرچ بالشارع وعلي أسويچ فرجه لاأمة محمد عطت بيه - لك إنتَ شتريد مني ..؟ عوفني يابه عوفني مااريد أصعد مااريدددد ضرب ع الستيرن مال السياره وتحولن عيونه حمرر ويخوفن هددني..بالفضيحه.. گال (بس ماتصعدين هسه افضحج بنص الشارع) وردت اصعد مجبوره فتحت الباب الخلفي عاط بيه بصوت عالي رجفني گال..إصعدي يمي.. ماقبلت وبقى يعيط ماعندي وسيله غير اصعد وآني ساكته بقيت ارجف وإيدي على حلگي أسيطر على رجفة شفتي .. فتح الباب مالته وگال..(وعلي راح أنزل أسويلچ فضيحه بنص الشارع !!) آني طبعي خوافه حيل وأخاف من خيالي رديت بسرعه - لا لا فـدوه راح اصعد بس لا تنزل فتحت باب المقدمه وصعدت يمه ضحك وگال - صيري هيچ من أول مره وإصعدي جان ماعصبت عليچ ! گعدت وهوَ بقى واگف ماتحركت السياره إلتفتت عليه - ماتمشي؟ تقرب يمي وحط راسه يم رگبتي گال - بس مو قبل مااشم عطرچ لزگت نفسي بالباب وهوَ يتقرب صار كلش قريب على رقبتي ويشم بشالي عبالك سكران ماگدرت ادفعه لان قيد إيديه - فـدوه وخرر ولايسمع عطت ببنين - لچ بنين شوفي اخوچ شديسوي ضحكت وگال - خل يشمچ شصار الله عليچ بلعت ريقي وميته خوف رفعت راسي للشارع أريد اشوف أكو ناس بلكي اعيط ويساعدوني .. أول مارفعت راسي صارت عيني بعين عباس !! يمممممممممممممه !!! گلبي وگف وجسمي گام يرجف يرجف !! واگف مقابيل السياره وعيونه صايره بگصته ومتلونه بنااار الغضب ومقلص جسمه كله وبس خازرني .. شفتي بقت ترجف وآني اردد بإسمه ودموعي صبن همست بصوت خافت .. - عباس عباس عباس إبتعد عني وگال - ياعباس ولچ؟ بقيت ابچي وإيديه ترجف - عباس إبن خالتي !! هوَ يتقدم علينه وعيونه تحچي ألف كلمه وهـٰٓذا شسوه لعب لعب يصيح - إنزلي ولچ إنزززلليييي آني بس ابچي وارجف محتاره شأسوي انسطرت .. عبر فوگ جسمي فتح الباب مال السياره وشمرني بقوه من السياره وشخطها !!.. جسمي تلاگه ويه الگاع وچان الشارع مبلط بحيث رجليه كلهه انكردت ووگع الجلد وبقت تنزف دم عطت بصوت عالي وبقيت أبچي بقوه وگلبي يدگ سريع .. عباس ركض عليه شافني بالگاع وابچي حسيت بخياله فوگ راسي ماگادره أرفع راسي واباوع بوجهه .. شفت إيده إنمدت إلي شرايينه كلهه بارزه .. رفعت راسي شفته واگف بجمود وثابت ونفس ملامح الغضب بس وجهه صاير احممررر دم .. عصر عيونه وگال - گوومي حطيت إيدي بأيده وگمت لزم إيدي عصرهه حيل وبقى يسحل بيه بقوه وآني أبچي يسحل بيه وآني اركض وراه .. يمشي سريع وآني امشي واتعثر أريده يوگف ماكو فاصل عن الدنيا ماعبالك يسمعني .. - عباس فــدوه إوگف ابوس إيدك إوگف يتبع ... الـعـبـاديـــه🌻🌼 2250 كلمه ناقله 🌸 بنات النشر چان بين يوم ويوم 2500 كلمه هسه يوميه والبارت 2250 كلمه وتگولون قصير !!!! مو دانشر يومي ياعـيونـي إنتــو 🌹🌹 | ||||
|
| |
|
26-07-19, 11:06 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رشفة عشق الـعــبـاديـــه البارت__11__ كانت تـبدو كنـص أدبــي , في كتاب بغلاف فـاخـر , مـطـبوعـه بعنايــه وخاليـة مـن الاخـطـاء الاملائيـه , وأنـا كنـتُ ابدو كرسـالـة انتحار مـكتوبـه بيـد رجل سـكير يقـف علـى الحافـه , .................................................. ............... حــوراء ... حطيت إيدي بأيده وگمت لزم إيدي عصرهه حيل وبقى يسحل بيه بقوه وآني أبچي يسحل بيه وآني اركض وراه يمشي سريع وآني امشي واتعثر أريده يوگف ماكو فاصل عن الدنيا ماعبالك يسمعني .. - عباس فدوه إوگف ابوس إيدك إوگف بس يسحل بيه وآني أركض وراه ودموعي تتطاير وصلنا لبيتهم جدو وخالتي چانوا گاعدين بالصاله مرينا من يمهم وهوَ يسحل بيه جدو من شافه ركض عليه يريد يفلتني منه بس هوَ أبدد فاقد مايسمع أي شي .. مثبت إيديه بكل قوته بإيدي حسيتهه إنخلعت وحسيت أصابعه تلاقت ويه عظم الساعد .. فتح باب غرفته دخلني ،، سد الباب بقوه وطلع تكرفصت بالزاويه لزگت نفسي بالحايط.وبقيت أشهگ وابچي بكل قوتي .. كله بسببي ورطت روحـي .. أسمع عياطه بره على جدو يسأله عليه شمسويه وهوَ يرد عليه بعصبيه وعياطه واصل لاآخر الدنيا يگله... بالأول خل أربيهه وبعدين أگلكم شمسويه ..!!! متت من الخوف كلشي ولا يحچيلهم أموت .. كلشي ولا ثقة أهلي تنكسر بيه ..!! آني شورطني يربي شـنو هـٰذا الحظ العندي .. هـدأ الصوت وبس دقات قلبي مسموعه .. شويه وإنفتح الباب دخل وعيونه نااارر وضاغط على أسنانه قوي ويخزر بيه بغضب حسيته قتلني بنظراته !! زحفت لوره خايفه منه . تقرب مني وآني وگفت مفزوعه وأرجف خوف بحركه سريعه نزع الحزام مال بنطرونه وضربه بالجو بحيث صوت الحزام رج الغرفه رج فكي رجف وعيوني انفجرن بالبچي .. بقيت اتوسل بيه بس ماكو - عباس فـدوه والله ماإلي ذنب هددني إذا مااصعد يفضحني ضربني بكل قوته إجت الضربه على جانبي الايسر عطت بكل قوه من الألم بقيت اكمز حسيت روحـي مفرفحه بقيت اشهگ وابچي مرعوبه وألم الضرب شاغ بگلبي .. وجهه متحول لملامح شيطانيه وعيونه مشتعله ناار من الغضب مو عباس النعرفه ابدد ..!! عاط بصوت عالي - لچ شفته شلون يتقرب منچ شـنو ماإلچ ذنب تضحكين عليه شـنننووو؟ من بين شهقاتي وتوسلاتي - عباس والله جبرني فـدوه صدگني تهستر وبقى يضرب بكل قوته ويضرب ع السريع بيه وآني ويه كل ضربه اگمز وروحي تفرفح واحس الموت يخنگ بيه... آني اعيط ألم وهوَ يعيط غضب ..!! جسمي تكسر من الضرب وخدر من الألم بقيت بس أون . تعب وبقى يتنفس سريع يسحب هوى بقوه وصوت أنفاسه الفحطانه مسموع والحزام بيده .. گعد بالگاع ياخذ إستراحه وحاني وجهه ومغمض عيونه بقوه .. وآني أباوع عليه وابچي صافنه بيه وماحسيت الا ركض عليه مثل الوحش طبگ إيديه ببلعومي ويرص على أسنانه ويعصر بإيده على رقبتي .. الهوى إنقطع عني والدبوس اللافه بيه الشال إنفتح وتنبت ببلعومي .. الشال كله تخربط ومچلب بالدبوس شبثت إيديه إثنينهن بإيده أصارع بالموت وعيوني مفتحات على وسعهن لأن حسيت ملك الموت إجاني !! أريد أنطق كلمه مااگدر حسيت هاي هيَ متت . إستسلمت ووگعن إيديه ماگدرت للمقاومه بيهن لأن حيلي راح وبقيت اغمض بعيوني بهدوء هاي هيَ متت .. بسرعه عافني وگام متفاجئ آني مباشرةً وگعت بالگاع وهديت جسمي كله بالگاع مااگدر أشيل روحـي .. ركض عليه فتح شالي ولگى الشال متروس دم من الدبوس .. توتر وإيديه رعشن .! بقى يهفي على وجهي ويشمر مـي عليه .. آني أول ماوعيت بقيت ابچي واشهگ بصوت عالي وبلاعيمي مجرحه جدو وخالتي بالباب يصيحون وهوَ ولاكأنو يسمع .. رفعني من متوني وگعدني .. سندني ع الكنتور وسحب كلنس هواي وبسرعه طبگهن كلهن وسواهن على شكل مربع وتقرب يمي گال .. - إرفعي راسچ غلست وبس أبچي لزمني من فكي بقوه ورفع راسي جبر وحط الكلنس على الجرح مال الدبوس !! كل شويه يرفع الكلنسه يشوف الدم انقطع لو لا؟.... والدم مستمر ماتوقف راح جاب ديتول عقم الكلنس ولصقه ببلاستر ع الجرح مال الدبوس ولفه قوي حتى يضبط الدم وماينزف .. بعد شعري المتناثر عن عيوني ولفه على شكل كره أربع مرات .. بس گوه لفه لان شعري طويل حيل وثخين وهوَ ممسيطر عليه گعد مقابيلي وسانتيمات تبعد بيناتنه گال بجمود ونظرة كره وإشمئزاز حسيت قتلني بنظراته .. - منـو هـٰٓذا؟ وليش صعدتي وياه؟ صوتي إنقطع وبس اشهگ وابچي عاط بيه بصوت عالي فززني وخلاني احچي من طاطأ للسلام عليكم .. حچيتله كلشي من اول مالحگني لحد هسه .. طبعاً ماصدگ بيه وعاط....چذابه شفتچ بعيوني راضيه وصعدتي بإرادتج حتى من تقرب عليج مادفعتي !! رفعت راسي بعد ماچنت منصيه وطامه راسي من بصمة العار اللحقتني منو يصدگني ...؟ إذا هوَ ماصدگني أهلي يصدگوني ..؟ گتله من بين شهقاتي وصوتي المخنوگ - والله أگول حرام ألمسه وأدفعه آني گلت هيچ وهوَ تخبل وبقى يعيط -يعني مو حرررراااام من دافن راااسه برقبتج ويشمشششم موووو حررررااااام؟ - لچ لو مسويلچ شي ومادفعتي يفيدچ الحراام؟ عذرررجج قبيييييح عيوني زادت بالبچي ورجليه يرجفن وجسمي يهتز مثل السعفه وگف على حيله ونكث روحه گال - گومي خل اخذچ لااهلچ أگلهم يطمون عارچ اشوف شيسوون !! إرتعدت أوصالي وتخبلت أكلت روحي لحم أخرمش بخدودي وأضرب على راسي واهلس بشعري فقدت . نزلت على رجليه أتوسل وابچي - فـدوه كل شي ولاأهلي وعلي أموت اموت عباس فـدوه لاتگللهم دفرني برجله ونظرات الاشمئزاز ماليه وجهه - من سويتي سالفتج مافكرتي بيهم فقدت وضليت املخ بروحي واعيط - شسووووييت شسووويت شنو. ذنبيي ششنو والله مظلوومه مامسويه شي خطأ والله كل همي بهاي الدنيا ماافقد ثقة أهلي بيه .. نزلت راسي وابچي صوتي تحول لنبره هادئه گتله بتوسل - بابا ...(شهكت) ... عباس بابا .. يتخبل إذا يعرف ..!! إنطاني ثقته وگال سمعتي ورفعة راسي بإيديچن - إذا نزل راس بابا اموت والله فـدوه لاتسوي هيچ بيه مااتحمل أنتحر ولااشوف نظرة الندم ع الثقه الانطونياهه أهلي !! ولاكأنما احچي وياه نفس جبروته ونفس وكفته القاسيه گال ببرود - گومي غسلي وجهچ وراچ دگ ولطم هناك رجليه رجفن وگلبي وگف من الألم .. هاي تاليتي اتوسل بيه صار ساعه وهيچ يگول ؟! وگفت مقابيله وضليت أضرب على جهة گلبه واعيط - لك هنا شنـوو فهمني شنـو گلب لو صخررره؟ گال بهدوء وبرود ويه رفعة حاجبه الثخين - صخره !!!! تخبلت وبقيت ازيد بالبچي .. إجيت وياه بكل الطرق ماكو !! لبست شالي بأهمال شمرته على متوني ورقبتي طالعه ووجهي كله آثار حزن وضرب يعزي ويلطم .. مشيت خطوتين وراه وهوَ طلع گدامي إلتفت عليه گال بنتر - غطي رقبتج تريدين الشارع يتفرج ويشبع فوگ ماذاك شبع لما مل !! نزلت دمعتي ع الذل وگتله أمثل القوه - يخسى اليلمس طرف مني ضحك بإستهزاء وهز إيده .. أيست بعد من شفته شلون مصّـرر على قتلي مشيت وياه بس جثه هامده أجر بروحي والخيبه معلگه ب ذيالي .. مشينا بالشارع الدنيا الظهر والجو حاار يمشي گدامي وعروق إيديه بارزه وكلساع يقوي قبضته هوَ يمشي سريع وآني لاحگته گوه أمشي .. إلتفت عليه عاط بيه - تحركي تمشين على بيض شـنو؟ ركضت وصلت يمه وگام يمشي بصفي وصلنا لبيتنا تبسمرت ودموعي صبن . ضليت صافنه ع البيت وعيوني تتجول ع الباب هسه اكيد اهلي يتغدون وبس يشوفون شكلي ويسولف إلهم عباس شيسون؟ يعصبون؟ يضربوني؟ إلتفت عليه وگال..يلا ماتمشين... مااسمعه ومتصنمه بمكاني وعيوني تجري تقدم عليه سحبني من إيدي بقوه ودخلني يسحب بيه وآني بس ابچي .. سحب الخيط ودخل للبيت .. يمشي سريع ويسحب بيه دخل للصاله ورجع عليه دفعني بالمقدمه وشمر إيدي .. چانوا أهلي كلهم گاعدين والغدا ع الطاوله وبابا موبايله بإيده ووجهه مايتفسر ورائد هم نفس الشي والوجوه كلهه مگلوبه وملامح الخوف مرسومه عليهم .. ومن شافوني وجوهم انسحبت ألوانهه وانخطفت .. أمي ركضت عليه تحضن بيه وتبوس وأهلي مصدومين متفاجئين آني عبالك إنهديت بالبچي بس حاضنه أمي واشهگ بقوه .. إيڤان ركضت عليه حضنتني وگامت تبجي وياي حضنت وجهي وگالت..شبيچ حبيبتي..؟ صوتي إختفى وبس اشهگ رائد ركض عليه وبابا أشرله وگف وضل بس ينافس يريد يهجم عليه بأي لحظه ..!! بابا گال - وين چنتي؟ دموعي مااسيطر عليهن ومااگدر احچي كلمه عباس گال - إصعدي لغرفتچ ماصدگت ركضت طياره وسحبت إيڤان وياي ضلت تمشي وياي ومستغربه مني !! دخلنا بالغرفه وحضنتهه وبقيت ابچي دفنت راسي بحضنهه وطلعت كل همومي گامت تبچي وياي وتشهگ وجهه تحول لونه أحمر وخشمهه صار أحمر .. - إيڤان فدوه حاچي عباس لايحچي لبابا مااتحمل نظراته والله إستغربت وفتحت عيونهه حيل - شنو صاير ..؟ بقيت ادفع بيهه - فـدوه لحگي حاچيه وآني احچيلچ نزلت تركض وآني بقيت بالغرفه اروح وأرجع وابچي .. °°°°°°°°°°°°°°°°°°°°°°°°° °°°°°°°°°°°°°°°° إيڤان .. بقيت گاعده لما طلعت الشمس گمت بدلت وطلعت للكليه ماإلي خلگ بس رحت علمود المحاضره الأولى چان عدنا إستاذ محسن كلشش لغوه بس واحد يتأخر يگلب الجو .. حضرت المحاضره الأولى ولگيت نبأ سألتني سولفتلهه ضلت تتشمت بيه نبأ - شفتي شگتلچ مو گتلچ مايحبچ ومبين من رده يعرف بأبو جاي يخطبچ لحيدر وشسوه؟ ماسوه شي !! عطت بيهه بصوت عالي إيڤان - اشـش مامستعده أسمع أي كلمه نفسيتي صفرر رفعت حاجبهه مستهزأه - ضلي شعليه بيچ طلعت من الكليه مامتحمله أي شخص وبس أشوف بشر اطلع قهري بيه .. رجعت أمشي وآني أتذكر يوميه من يجيبني ويتشاقى وياي .. اوفف مديطلع من مخي ابدد لاطـش لاطـشش .. رجعت للبيت أمي تطبخ بالغدا وكلهم بالدوام بس سحر ونايمه كالعاده .. سلمت على أمي وصعدت لغرفتي طلعت صورنا بالزياره وصورنا من إحنار صغار وأعياد ميلادنا سويه من چنا نسويهه هواي ذكريات هوواي .. تمددت ع الچربـايه أريد راسي يرتاح وماافكر ماكو كل الافكار مداهمه عقلي راح اتخبل .. غمضت عيوني بملابسي وممدده ماادري شصاير أخذت قيلوله .. گعدتني أمي بـ12 نزلت جوه أساعدهه بالغدا وحضرت السفره ونقلنا المواعين .. إجوا بابا ورائد غسلوا وبقينا منتظرين حـوراء اليوم تأخرت ومو عادتهه .. إنتظرنا نص ساعه وماكو هم يحلون بـ12 وهسه ونص .!! بابا تخبل إتصل ع المديره گالتله طلعنا صار نص ساعه .. أمي بقت تزلغ بخدودهه وتاكل بروحهه وآني مصدومه والخوف يسري بجسمي كله ماعندي إستعداد لصدمه أخرىٰ .. صارت الساعه بالـ1والجو إنگلب بابا يعيط على أمي لان تبچي ورائد يتصل وآني بس صافنه واتراجف .. شويه ودخل عباس ووراه حـوراء !! تبچي ووجهه أحمر وحالهه مبهذل !! كلنه تفكيرنا راح بعيد وخايفين لاننصدم محد سأل خوفاً من الاجابه !! حضنتنهه وحسيتهه مو طبيعيه ابدد عاط بيهه عباس وسحبتني وياهه صعدت اشوفهه منتهيه وترجف .. گالتلي احاچي عباس ونزلت لگيت عباس گاعد بالصاله ومقابيله بابا ورائد وأمي وسحر بجهه گعدت يمهن أستمع للحديث .. عباس - خالي تعذرني على كلامي وآني اطلب السماح منك لأن ماگدرت ألزم هـٰذا العار !! كلنه إستغربنا بابا سئله - شكو عباس منو عار؟ لاتحچي بالالغاز دنگ راسه وفرك أصابعه گال بنبرة حزن - خالي آني لگيت حـوراء ويه واحد صاعده بسيارته !!! بابا فتح عيونه حيل ووجهه صار أحمر .. رائد وگف وعيط بكل صوته .. رائد - لك أنتَ شتحچيي؟ عباس - مثل ماسمعت وحـوراء چانت وياي سحبت منهه كلام وهـٰذا الولد يصير ...... (حچى السالفه كلهه) بقينا واحد يباوع بوجه اللخ مصدومين رائد طفر وركض يصعد الدرج بابا ركض وراه ونزله گاله - مااسمحلك تتصرف تصرف واحد آني موجود فهممتت رائد - يابه آنتَ شتحچي جابتلنه العارر خل اكتلهه عاط بيه بابا - ماالك حق آني اتصرف مو الزعاطيط رائد تخبل من گاله هيچ خلى وطلع وعباس واگف يتفرج .. بابا تخربط ولزم گلبه آني هنا تخبلت بقيت ادگ والطم كلشي ولابابا ركضنا سويناله لبن وملح لأن دائماً يهبط ضغطه يصير هيچ .. شفت الندم على وجه عباس تقربت عليه وگتله - هسه إرتاحيت. ..؟ شستفاديت؟ - إيڤان أهلچ لازم يعرفون بالصار لان لو ساكت چان تمادى وسوه أكثر من هيج ومنو يگول ماچان ماخذهه لمكان يفقدها شرفهه؟ - عباس تدمرت عائلتنه من هاللحظه تدمرت دنگ راسه وطلع بسرعه .. بابا صار زين انطوه علاجه ونام حتى بدون غدا صعدت لحـوراء لگيتهه تفتر وتبچي وتعصر بأصابعهه أول ماشافتني ركضت عليه - هـا إيڤان شصار ..؟ جريت نفس محتاره شأگلهه - عباس حچى كلشي وبابا تخربط أول ماگتلهه خرت بالگاع وأغمى عليهه ركضت على المي رشيت على وجهه وشممتهه عطر .. گعدت بس تبچي وتردد - بابا والله ماخنت ثقتك والله حضنتهه حيل وبقيت ابچي وياهه صاحني بابا نزلتله گال..صيحيها خل احجي وياهه.. گلت لحـوراء بقت ترجف وتبچي نزلت ومنصيه راسهه اول ماوصلت لبابا ركضت عليه تبوس بإيده هوَ بعدهه عنه وكال بجمود - ليـشش؟ بقت تبچي وتشهگ صوت شهگاته شگن گلبي بالنص . - بابا والله ماخنت ثقتك بس صدگني - إذا هسه أجيب حيوان من الشارع واسولفله سالفتچ مايصدگ لان البنيه المستوره ماتصعد لو يصوبوها بطلقه !! - بابا والله هددني بالفضيحه وآني أخاف وگف وعاط بكل قوته - ولچ فاصحچ بالشارع وغصب عنچ ولا هالفضيحه وبرضاتچ نزلتي راسي طينتيه - بابا هوَ محد يعرف بس إحنه وعباس خل عباس يسد حلگه ومحد يدري ليش اطين راسك والله متسوه تسوون بيه هيچ !! بابا تخبل بقى يشيل بروحه ويدگهه - والشارع الوگفتي بيه واهل المحلات والمجمعات الي بالشارع وين راحووا ويين مثل ماشافچ عباس هم شافوچ آني گلت - بابا شعرفهم شيقربلهه اكيد عبالهم خط عاط بيه خنست - ولج ياخط هـٰذا الخط تصعد يمه بالمقدمه ..؟ الخط يتقرب لجسمهه ويطخه ..؟ دنگت راسي خجلانه بابا گالهه بهدوء - اهنيچ نزلتي راسي أول مره بحياتي اتندم ع الثقه الانطيتهه إلچ عود گلت ماامشي بأسلوب الضرب لان الضرب بس للحيوان بس الظاهر إنتِ متمشين إلا بالضرب ومن اليوم ماعندي بنت إسمهه حـوراء وجودچ وعدمه نفس الشي حـوراء إنهارت وبقت تدگ وتلطم وتبچي منهاره هـٰذا الچـانت خايفه منه وصار گومتهه وهيَ بس تسحل بروحهه ودموعهه ماوگفن ابدد .. احاچيهه ماتحچي بس تهز براسهه بدلت ملابسهه مال المدرسه شفت جسمهه إنصدمت شنو هاي آثار الضرب ..؟ ضليت فاتحه عيوني على وسعهن ومصدومه اباوع بعيونهه واباوع بجسمهه باوعتلي وبچـت حـوراء - إيڤان لاتباوعين هيچ تره ماعايزه آني - شنـو هـٰٓذا؟ - عقاب عباس - ليش وين چنتوا؟ - ببيت جدو - عزه اشو ماادري - وهسه دريتي -شسوالچ؟ - گولي شنو الماسواه؟ - سوده عليه بيه ولابيچ . حطيت إيدهه على حلگي وهمست..إسم الله.. - تتغدين؟ - هـه خل اصفي بالي من التفكير يلا يجي ببالي الأكل جريت نفس على حالتهه وطفيت گلوب وغطيتهه عباس چان ذكي مجنزهه تجنز بس مواصل لوجهه .. - اووف ____________________________________ فــي مــكــانٍ آخــر .. رائد - الوو عباس شلونك عباس - الحمد لله إنتَ شلونك - مو زين عباس كلش مو زين - سلامتك خوي شبيك؟ - أريد اشوفك - حـاضر وين تشوفني؟ - بحديقة غازي تگدر تجي؟ - اي طبعاً أگدر بالـ5 يمك ____________________________________ حــديــقــة غــازي تــمـام الـسـاعــه الـ5 رائد - عباس آني جيت أحچي وياك بموضوع - تفضل - اريدك تتزوج حـوراء !! عباس بصدمه :- شـنوو؟ شچاي تحچي رائد - مثل ماسمعت أريدك تستر عليهه لان اليوم هيَ جابتلنه العار وآني مااتحمل بس أشوفهه اقتلهه وأبويه مايخليني وهل تشوفه نتيجة ثقته شـنو ... وآني ماأتحكم بأعصابي آني اليوم انطيتك أختي مره .. گبع وإخذ حتى بدون مهر !!! هديتك مني أختي عباس...بقيت متفاجئ ومصدوم عبالك ضربني بشيش على راسي معقوله لهالدرجه رخـص إخته .. صحيح جابت العار بس مو هيچ يرخصها آتي لو عندي إخت اقتلهه ولاارخصهه هيچ !! إتداركت الموقف وماگدرت أرد هديته لأن تعتبر عيبه بيه إذا رديت الهديه گتله - هاي هيَ هديتك أنقبلت بس على طبق الاصول مهر وخطبه وعرس ومااحسبهه هديه هيَ بنت خالتي وان شاء الله راح تصير زوجتي هسه اروح منا افتح الموضوع ويه جدي ونجي نخطب - والنعم منك بس عفيه مااريد أبوي يدري بحچينا - تدلل يتبع .. الـعــبـاديـــه🌻🌼 | ||||
|
| |
|
26-07-19, 11:34 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رشفة عشق الـعـبـاديـــه بــارت تـصـبـيـره لـ 12 إيڤان بقت اجواء البيت متوتره بابا متجاهل حـوراء وميحچي وياهه وهيَ كلما يسوي وياهه موقف تنط من البچي ورائد ساكت وميشوفهه بعينه كلنا خايفين من سكوت بس لا يكون السكون اليسبق العاصفه ..!! موضوع حيدر ماانفتح لان إحنه بأوضاع غنى عنه .. أيو صفاء يوميه يخابر بابا يلح عليه بس بابا يگله ممفكرين .. لما أيس وگام ميتصل همزين خلصت وآني أصلاً چنت رافضه وإجه موضوع حـوراء تقريباً خلصت صدگ إنطبقت الآيه [عـَـسْـىٰ أَنْ تَـكـرهـوُاَ شَـيـِئـاً هـوَ خَـيـرٌ لَــكـم] بابا مسألني بس من عرف رفضي وإصراري ع الموضوع والرفض سألني گال - إيڤان آعرف جوابچ بس ردت أتأكد ردت اردله خبر وآني متأكد قسمه زينه وماكو مثلهه بس شأسويلج مااجبرچ أُمي عاطت - أگلك هيَ شنو بكيفهه إحنه أهلهه مسؤلين عنهه هاي هيَ رجع موافقه بابا گالهه بهدوء وتفاهم - هيَ تعيش حياتهه مو إحنه وبعدين نسيتي آنتي هم رفضتي الاختاروا أهلچ وقبلتي بالاختاره گلبچ .. خزرته أمي وإحنه ضحكنه عليهه گالت - إرفضي إرفضي أعرف ببالچ شيدور بس آني أُم وأعرف مصلحة أولادي وتاليتج الندم ياإيڤان الننننددددم - امممم حـوراء إعتكفت وگامت متوصل لباب الغرفه وبس تبچي وبابا انظاره كلهه ع الباب وكل وجبه ينتظر تطلع وعينه ع الباب بس هيَ تستحي تحط عينهه بعينه وهوَ هم من يشوفهه يتجاهلهه .. بابا احلى شي بيه مايضرب ولايعصب من احته صغار لهسه بس يحسسنه بخطأنه من يزعل ويتجاهلنه نبقى ننشال ونرگع يخلينا بعد مانعيد السالفه بس هالمره زعله ثگيل على حـوراء رغم ماغلطت وسالفه تافهه بالنسبه إلي بس مااعرف ليش هالگد عباس كبرهه !! طلعت أغسل بالفرشات وسرفنت برمودتي لوسط رجلي وشلت شعري بقراصه چبيره وشغلت إغنيه نصيتهه وبقيت أدندن وياهه .. تفاجئت بدخول جدو وصفاء وعباس ووياهم خالتي وبيبيتي !! أول مارفعت راسي صارت عيني بعين صفاء هوَ مباشرةً خزر رجليه ودار وجهه ! ركضت دخلت لجوه وگلت لبابا يستقبلهم .. دخلوا جدو والولد للاستقبال وبيبي وخالتي يمنه .. شكلهم خطار مو مثل كل مره تسيوره عاديه رحت قدمت الضيافه وبالي يم صفاء من شفته لهسه تخربطت أحوالي .. بقينا نسولف ونضحك خالتي گالت - چـا حـوراء ويـن؟ آني بسرعه رديت - نايمه ! - يـاا وكت نوم روحي روحي صيحيهه خل تجي نشوفهه ! إستغربت عگدت حواجبي وضحكت - شـكو خـير بيبيتي ضحكت وگالت - إن شَـاء الله خـير رحت على حـوراء لگيتهه متمدده ع الچربايه وعيونهه بالفراغ وكلما تتذكر تبچي شويه وترجع تهدأ وهاي حالتهه صار أيام .. إجيت تمددت يمهه وحطيت إيدي على بطنهه وحضنتهه هيَ ماصدگت دفنت راسهه برقبتي وضلت تبچي وتشهگ .. أمسد على راسهه واهمس بصوت خافت .. - اشش حبيبتي اشش كافي تعذبين بنفسج حـوراء - إيڤان أريد أموت والله أريد أموت - إسم الله عليچ يگلبي ماعليچ شي الله يحرسچ - نظرات بابا كسرتني إيڤان حطمتني نظراته حطمتني مااگدر اشوف إنكساره بسببي - لچ كافي تفكير بهـٰذا الموضوع وگومي ننزل بيت جدو هنا بلكي تغيرين جو فزت وگالت - عباس وياهم؟ - اي هزت راسهه نافيه وإيدهه رجفت - لامستحيل أنزل مستحيل - لـيشش؟ - لچ تعذيبه إلي مستحيل إنساه بحياتي كل أنواع الخوف والذل عيشنياه بنص ساعه - من غيرته عليچ إنتِ عرضه تره عباس لاتشوفينه يتشاقى ويضحك من توصل للعرض والشرف يصير حارر وأحر من الناار بذاتهه - مااريد انزل فـدوه والله أخاف من عنده - حـوراء عيب من خالتي طلبتج بلسانهه - اووف گايمه غسلت وجهه ولبست دشداشه بيتيه ونزلنا سويه أول ماشافتهه بيبي إستغربت - لچ بيبي شصاير بيچ أشو وجهچ تعبان ومتغيره حييل - إي بيبي ماانام بالليل ابقى أقره - هـاا چذبت عليهه لأن صارلهه هواي ممداومه وبابا طلب إلهه إجازه شهر طبعاً ميقبلون بس بالواسطات والرشاوي كلشي يصير .. شويه ودخل صفاء وعباس وبابا ويترأسهم جدو بالمقدمه .. سلمنا عليهم ونضراتي چانت على صفاء المتجاهل وجودي تماماً !! شبيه هـٰذا؟ ليش هيچ يسوي غير رفضت جدو گال - أبو إيڤان أنه گتلك ليش إجينه وهاي البنيه مو غريبه هيَ منه وبينه وبنيتنه تربت بوسطنه ف گللهه من هسه وأمهه هم واخوهه گال رائد - آني ماعندي أي إعتراض وبابا هم كال هيچ بس شنو الموضوع ؟ مانعرف بس من سألته أمي وگالهه - جينا نخطب حـوراء لعباس !! إنصدمنا آني وحـوراء بقينا وحده صافنه بالثانيه .. حـوراء عصرت إيدي حيل ودنگت وجهه صار أصفرر باهت وحسيتهه راح تبچي .. عصرت إيدهه وهزيتلهه راسي بـ(لا) عود لاتبچين .. أمي قبلت وگالت - أخاف من اختي أصلاً أكيف بنتي يم أختي محد تخاف عليهه مثلچ الكل موافق بس حـوراء منطقت بابا سألهه هيَ صفنت عرفتهه راح تگول لا عصرت إيدهه بقوتي فهمت حركتي گالتله - أفكر بابا بابا تفشل وهم عدهم عادي گالو اكيد لازم رأيهه .. أول ماطلعوا رائد رج البيت رج بعياطه گلب الأمه على راس حـوراء لأن گالت أفكر بابا گالهه - توافقين ورجليچ على راسچ هيَ إنصدمت ورفعت راسهه بعد ماچانت منصبه ودافنه راسهه .. بچت ورجعت دنگت .. گالت بصوت مخنوگ - بابا إنتَ مو ماتجبرنا ..؟ ليش دتسوي هيچ ..؟ هوَ ضل يعيط عليهه وهيَ بس تبچي وتشهگ - لچ إنتِ حاسبه روحچ ويه إيڤان؟ إيڤان بنتي الوحيده ماعندي غيرهه فهمتي من ذاك اليوم آني تبريت منچ - بابا شسويت بس گلي شسويت والله ظلمتوني والله - اشش كافي ماكو صوت باچر اردجعلهم الموافقه وإنتهت - بابا آني أخاف من عباس ومنتوالم آني وياه إذا تسوي هيچ تدمر حياتي رائد - زين عمي وتخافيلچ من واحد زين خلي بلكي يربيچ من حل وجديد لان أبوچ إنطاچ ثقته ماانطاچ راشديه الاب - رااااائئئئئئئددددد رائد - اي سكتني سكتني مثل كل مره الاب - فوتي طلعي مااشوف وجهچ لما تعقدين وحضري روحچ الجمعه العقد حـوراء إنهارت وضلت تدگ سحبتهه ومشيت صعدت بس تبچي وصلنا للغرفه سحبت موبايلي وگالت - إيڤان بس هوَ بقى خل احاچيه بلكي يفك مني ويبطل هالخطوبه المزيفه فتحت إلهه الرمز وإتصلت بيه اول مارن إجاهه صوت عباس - هـا لچ أم عطوب شلونچ حـوراء - احمم ألوو .. آني حـوراء عباس - شتريدين؟ حـوراء - ماكو داعي لهاي المسرحيه إنهي كلشي قبل مايبدي !! - هههههـه ضحكتيني - مامنطيتك نكته داگول إنهي كلشي لان مستحيل أوافق - ليش منو گاللچ منتظر موافقتچ؟ - آني الاتزوج مو احد غيري - لچ يابه إنطوني موافقه وآني يمكم وحددنا كلشي إنتِ شتحچين؟ أذرفت الدموع بغزاره ووكعت بالگاع - لا لاتگولهه والله مااتحملك - ليش ششايفتني شبح؟ - لك أثارك لهسه بجسمي وخنگتك إلي مدتروح من بالي يوميه أفز مخروعه عبالي رجعت تخنگ بيه ،، عيونك الخبيثه يوميه يزورني بالحلم يخلسني ويروحن ،، حزامك لهسه صوته يوش بإذاني ،، كلنستك لهسه ع الميز ميبسه من الدم !! بعد شنـو بعد ذكرنيـي - هـه والله بعدچ ماشفتي شي !! إذا ماربيتچ وطلعتلچ گلب ثاني فلا أتسمى عباس واروايچ الامهات شتجيب - لك إنتَ شتريد مني شترريد؟ شمسويتلك آني قاتله أمك أبوك ؟ - لاتتجاوزين لااجيي افرك حلگچ وادوس راسچ بالنعل ياادبسزز غلق الموبايل ..// يتبع .. الـعـبـاديــه🌻🌼 | ||||
|
| |
|
27-07-19, 07:50 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رشفة عشق الــعـبـاديــه البارت_13_ "أريـدُ أن أحيـا في مـكـانٍ حـيـث لايكـون الحب فيه مجازا للضـعف ولاالـصـمـتُ مجـازاً لـلـخـوف .. مـكانـاً حـيـثُ إن استـمريـت بالـضحك طـوال اليـوم لـن تـحـتسـب بـأنـك مَـجـنـون وإن أردت حَـقـاً أن تسـاعـد أحـدهـم فَـلـن تـنتـظـر مـقـابـل ..!! مكـانـاً حيـثُ لاتوجــد أحاديـث صغيـره وحَـيثُ النـاس يهـتمــون بســخـاء، وحَـيـثُ نكـون أنـا وأنـت بـالـقـرب معـاً....." ................... إيڤان كملنا ريوگ ووگفت أغسل بالمواعين ،،مندمجه أغسل ومطلعه إغنيه وادندن وياهه بيه طبع إذا أسمع لطميه او اغنيه واشتغل مااحس بالشغل لان تركيزي ويه الاغنيه يصير بحيث عندي استعداد اجلف حتى السگف من دون تعب وبدون ماادري بنفسي ... حسيت بشخص وراي بسرعه إلتفتت لكيت صفاء وأگف طابگ رجله ومتكيهه ع الباب ومبتسم صافن بيه .. عطت بيه لان خوفني - إنتَ ماتعرف تحچي تحمحم مو خلستني - هوَ آني أريد أخلسچ !! - يـــاااا ..!! صدگ عود ضحك بصوت عالي - ههههـه شبيچ أريد أصفن بيچ شويه حاولت أخفي إبتسامتي الخجوله وسويت نفسي عصبيه - أشو إنتَ صاير جريء ..! غمزلي وحرك حواجبه بسرعه - آني من زمان جريء مو من هسه ..! - يـــاا (خزرته بحذر) صصصصففففاااااءءءء - ههههـه آسفين عمي آسفين إنداريت أكمل شغلي وهوى لگف موبايلي طلع إغنية [ أخذ الحلـوه لكاظم السـاهر ] وگال هاي عليچ .. آني إبتسمت وگتله بثقه - أدري بنفسي حلوه ميحتاج تقرب أخذ خدودي بين إيديه وگرصهن وضل يگرص بيهن ويهز براسي مثل الطفل ويصيح ( خب فدووه) ضليت صافنه ومصدومه بوجهه وخازرته .. من شاف نظراتي عدم قبول لتصرفه ضحك بصوت عالي ورجع خطوتين للخلف وصاح بضحكه - إفلت بقيت متصنمه بمكاني !! هـٰذا شسوه؟ صحيح ميانه وشقى بس ميلمسني بوجهي أبدد حتى بشقانه الوجه ممنوع وهوَ خصوصاً ميلمسني ابد ولايضربني بس اني وعباس ملافخ ..!! بقيت صافنه وهوَ يضحك .. عبست وجهي وعگدت حواجبي بعصبيه - صفاء شنو هـٰذا التصرف ..؟ استغرب وإختفت الضحكه من ملامحه - شـنو؟ گتله بنتر - ع الاسساس متعرف شـنو؟ من شافني جديه إنرسمت إبتسامه يائسه على شفته وگال - شبيچ داتشاقى .. زجرته بعصبيه - هـٰذا مو شقى هـٰذا إسمه طياح حظ وبعد مااسمحلك تعيدهه ومنين جبت الجرأه وهيج تسوي ..؟ حسيته إنصدم لأن متوقع مثل عباس من يضربني ارجعله الضربه !! هوَ مو مثل عباس لان اني وعباس رابين سويه وواحد يضرب اللخ بس هوَ لااضربه ولايضربني بس من اعصب حيل ومااضرب هيچ بس اطخه بإيدي .. گال بصوت شبه معصب - وشسوينالچ هسه إحنه - تعرف شسويتلي وبعد ديربالك تفكر ولو تفكير تلمسني شويه خلي عندك إحترام للمقابل حتى يحترمك .. خليته وطلعت وشكله مگلوب گلاب لايگدر يعيط ولايگدر يردني لأن كاعد ببيتنه وأمي وأبويه بالصاله .. صعدت الدرج وسمعت صوت الباب إنرگع قوي .. دخلت للغرفه وبقيت أفكر يمكن زودتهه ؟؟ لا لا يستاهل حتى بعد ميفكر يعيدهه ويخليلي إحترام قبل ميتصرف أي تصرف .. آني عندي كرامه ماانسى شسوه بيه من خابرته وماانسى من ينتر بيه عبالك مـّان عليه .. هسه رجعتهه إله وحده بوحده .. .................................................. .............. حـوراء نزل بسرعه وبقى يعت بيه بكل قوته وآني لازمه الكرسي مال السياره وهوَ يسحل بيه آخر شي ضربني على إيدي بوكس قوي خلاهه تخدر وسحبني بسرعه .. بقيت أبچي وأرجف اريد اتنفس ماكو وبس تخيلات مو زينه تجي بعقلي شـيريد يسوي ..؟ لا ياربي ان شاء الله ميسوي شي من تخيلاتي .. دموعي نزلن وتوسلاتي إرتفعن گعدت بالگاع وثبتت نفسي حيل .. حس نفسه عاجز يسحلني دنگ عليه وشالني على متنه بقيت اضرب بيه على ظهره واخرمش بأظافيري هوَ ولا كأنو .. - عبااس عووفنيي مشى بيه داخل العماره مال الشقق ووكف مقابيل باب ..! طلع مفتاح من جيبه وفتح الباب دخلنا للشقه أنصدمت !! بطالة السكر والمحارم بكل مكان والملابس الداخليه مال نسوان مشمره ع القنفات بالالوان الاحمر الناري ،، والاسود .. يعني ألوان الاغراء !! ريحة الشرب ماليه المكان وقشور الحب واللبن بكل مكان بالگاع .. وريحة الشرب تلعب النفس مقاومتي إختفت وبس مصدومه بالمنظر هوَ من حس عليه نزلني عرفت جايبني شيريد يسوي ..!! حطيت إيدي على حلگي وشهطت بصوت عالي صفن عليه متفاجئ !! بقى يتحفص بالمكان وآني غافلته بسرعه طلعت موبايلي وع السريع دزيت رساله لاإيڤان بقيت ابچي واعيط ونظراتي المتوسله احاول اخليه يتراجع - عباس فـدوه لاتسوي هيچ والله بعد مااحچي والزم لساني وكلشي تريده اسوي بدون صوت إلتفت عليه متفاجئ وعاط بيه بصوت عالي - شگالولچ عليه لهالدرجه ماعندي شرف وأسوي بيچ شي ؟ تره إنتِ عرضي ومرتي أگدر أصبر للعرس مو لهدرجه ماعندي صبر !! - چـا إلمن جايبني ..؟ - ردت أأدبچ شويه وأوكلچ كم حزام لان الظاهر تأديب المره السابقه مافاد وياچ بس فاجئني المكان ..!! آني هم ركزت زين بالمكان واتطمنت من گال ميسوي شي من تخيلاتي .. أيقنت إنو هاي كلهه خيانه إلي !! وأكيد يجيب گـ...... لأن هاي ملابس نسائيه مقززه !! بچيت وعطت بصوت عالي - عباس شنـو هـٰذا؟ يعني إنتَ دتخوني ..؟ فتح عيونه على وسعهن وعقد جبينه - لا يابه وين شنـو أخونچ ..؟ ركضت عليه أضرب على صدره واعيط ودموعي تجري .. - چـا هاي شنـو فهمني؟؟ أني دافتهم من هـٰذا كله إنو انتَ مخصص مكان تجيب بيه گــ......ب - إحترمي نفسچ لاتخليني أأدبچ هسه خليني أفكر بهاي السالفه ضليت أشيل روحي وارگعهه من الحرگه مهما يكون إحنه عاقدين وهاي خيانه إلي !! - لك شتفكككككررر شتفكككررر تفكر بالگـ.....ب شلون تستمتع وياهن ضربني راشدي قوي خلى راسي يفتر وعاط بصوت عالي - مو داگول خل افكككررر انتِ متفهميين الا بالعياط ،، عياط ،، عياط ،، ضرب ،، ضرب شنو إنتِ فهمينيييي كرفصت بالگاع وبقيت ابچي واهمس بصوت مسموع - دتخوني ...!! زفر نفس بعصبيه وصاح بصوت مقهور (اخخخخ ياالله صبرني) گعد مقابيلي ثنى رجليه ومركز بوجهي .. إحتضن وجناتي بإيديه الدافيه وهمس بصوت عذب - دتبچين لان عبالچ أخونچ ..؟ جاوبته من بين شهقاتي المتتاليه - اي حسيته فرح ورمقني بنظرات فاحصه - ماخاينچ والله - چـا شنو هاي الشقه ..؟ - شقتي هاي بس مأجرهه لصديقي بس مامتوقع يسوي هيچ .. وكفت بسرعه وعطت وبقيت أضرب بيه بعصبيه - چـذاب چـذاب شفتني طفله وتچذب عليه ؟ بقى يهدي بيه وآني فاقده سحبني لحضنه بسرعه وقيد إيديه إحتضني وعصرني بحضنه حيل وبقى يبوس براسي ويهمس يذوبان - اشـش اشـش لاتعصبيني هدأت بحضنه وبس صوتي شهقاتي مسموع همست بصوت خافت مملوء بالقهر والاحزان - ليـش خنتني ..؟ - والنبي ماخاينج احلفلچ أكثر من هـٰذا الحلف بعد ..؟ - چـا هـٰذا الداشوفه شنـو ..؟ - هاي شقتي أجرتهه لصديقي من بغداد صار شهرين،، گال نكعد بيهه آني وزوجتي لان متزوج جديد وأمه ماتحب زوجته وهوَ شغله هنا ومايأمن يعوف زوجته يم أمه ف أجرهه مني وآني هم كلت ليش فارغه أجرتهه إله بس ماتوقعت عنده هيچ سوالف ومسويهه بيت دعـاره ..!! إبتعدت عن حضنه وهمست - منـو يگول كلامك صحيح ..؟ باوع بعيوني ورفع راسي بإيده حطيت عيني بعينه وگال - عيوني شتگلچ ..؟ دنگت راسي و گتله بهمس وحيره - مـم ... مـاادري - متثقين بيه أدري بيچ .. عادي مو مشكله هسه اثبتلچ .. طلع موبايله وحطه بنصنا إتصل على رقم مكتوب عليه (ياسر بغداد) .. إتصل شويه ورد گاله - الوو هلو ياسر شلونك - هلا هلا حبيبي الحمد لله انتَ شلونك - تمام .. أگلك - گول عيوني - انتَ هسه وين ببغداد لو بالناصريه ..؟ - لا بالناصريه . - زين وين إنتَ ..؟ - آني بالبيت - يعني ..؟ يابيت؟ - بشقتك المأجرنياهه ..! - آني هسه بالشقه ..!! - ءءءءءء بقى يجر بالحچي ويمتمت مبين من صوته توتر وضل يجر بالحچي - مع الأسف هيچ تسوي بالشقه ..؟ مسوي ملهى ماتوقعتك هيچ اببد ياحـيف والله ع الثقه الانطيتهه الك وامنتك على شقتي هسه شتگول الناس ؟؟ اكيد عبالهم آني ..! وسمعتي تشوهت بسببك بس تدلل خل اروح لبغداد واتوجه لبيتكم ومباشرةً لمرتك حتى بعد متخون الثقه جاوب بصوت يتوسل وبسرعه گال - يابه عباس استر عليه فـدوه اروحلك وين تگلهه غير تعدمني !! كلشي ولاتگول شتريد انطيك ... إذا تريد اليوم اجيبلك وحده إله تفر عقلك فر وتنسيك إسمك وآني ادفعلهه بس لاتحچي آني رفعت نظري عليه خزرته بغضب وهوَ ضحك وگاله - كلب احترم نفسك ياخسيس عمت عينك إي والله بدل ماتروح تتوب وتصلي تتجه لسوالفك المكسره بعد ديربالك تراويني وجهك مرة اللخ لان بس اشوفك انتقم منك فهمتت ..؟ سده بوجهه وباوعلي گال - هسه صدگتي هزيت راسي بأي .. كملت كلامي وگتله بخوف - عباس خاف يقشمرك ويجييلك هاي المو زينه وتغـ..... قاطعني حط إصبعه على شفتي وگال - اشش لاتكملين كلامچ .. آني تلعب نفسي من هالسوالف وبحياتي ماصادقت بنيه وآني چنت اعزب وأگدر اصادق حالي حال هاي الشباب الي تصادق بحجة (شاب ومن حقي) بس آني قبل كلشي حاط ربي بين عيوني وجدي ماعلمني على هالسوالف حتى اسويهه مو هسه خاطب وعاقد شيخ والاسبوع الجاي زواجي واسوي هيج ..!؟ سكتت واستحيت حيل صدگ هوَ ابد ميصادق بنات وحتى دائماً يحچي على صفاء من جان عنده هيج سوالف بس الحمد لله بطل .. صفن بيه وگال - حـوراء رفعت راسي اجتي عيني بعينه كلت بهمس - هــا ..؟ گال بصوت مُحرج ومبتسم كذب - تگدرين تنظفين الشقه وياي ..؟ - إيـع مااگدر تلعب روحـي - آني وياچ - لا مااگدر انظف قذارات غيري - تمام چـا راح انظف وإنتِ بس جيبيلي ادوات التنظيف ونشفي المـي - ماشي جبتله ادوات التنظيف وحضرتهن راح نزع بنطرونه بقى بس بالشورت يوصل للركبه إستحيت ودنگت گال - شبيچ بنطروني يتبلل لان طويل وعليمن تستحين اني رجلچ ،، يلا كفي ملابسج خل ننظفهه وبعد مااجرهه خليهه فارغه ولا هاللعبان نفس هزيت راسي ورفعت تلبيستي علگتهه بالداخليات وكفيت بنطروني للركبه ولزمت ماسحتي متحضره .. شفت ملابس النسوان مشمره وعباس راح يريد يشيلهن استحيت او يمكن غرت .. مباشرةً ركضت گتله بسرعه - وخر وخر آني انظف وإنتَ امسح ضحك بصوت رجولي وراح اخذ الماسحه وابتعد مشمئز .. لبست علاگه بإيدي وشلتهن مغمضه عيوني ولعبانه نفسي .. مايستحن مخليات ملابسهن هنا الله يطيح حظهن ...!! نزعت شالي ولفيته على خشمي .. طلع شعري مفتوح وسرح نزل على وجهي وزعجني .. عباس صفن وإجه بإتجاهي إني خفت منه وإبتعدت تقرب حط إيده على شعري يتلمس بيه بهدوء ويحچي بقهر ،،گال - ليش هيچ گصيتيه ..؟ چان بنفسي حييل - مزعج ماتشوفه دينزل على عيوني رفع حاجبه وگال - ماچان يزعجچ بس من عباس گال لاتگصه گصيتيه موو ..؟ سكتت..// هوَ تحسر وراح يمسح إتصلت إيڤان خايفه عليه ومتوتره طمنتهه وسديت الموبايل من خلصت المكالمه لگيته خازرتي وعاگد حاجبه .. گال ببرود - شوكت لحگتي تگوليلها ..؟ استحيت ونصيت راسي خجلانه من تصرفاتي وتفكيري - لا عبالي ءءآ....(ماگدرت اكمل) - فهمت فهمت .. بس لاتتوقعين اني هيچ دنيء وهسه خل نكمل تنظيف .. بقيت الملم واذب بالحاويه واغسل بالصوندا اجلف جلف بالقاصر وهوَ ينشف .. سويناهه تلمع .. غيرت الشراشف مال القنفات ومال الچربايه وفتحت الشبابيك حسيت براحه شويه من فرغت طاقتي بالتنظيف .. تعبت حيل وذبيت نفسي ع القنفه وعباس ع القنفه المقابيلي .. غمضت عيوني وسرحت ،، تقريباً بحلاة نومي وسمعت عباس گال - ليش تعصبيتي وتخليني أضربچ ..؟ رفعت راسي بتساؤل لگيته صافن بيه وعيونه نظرات قهر .. - هــاا ..؟ وكف وتقرب يمي تلمس خدي بحنيه - أصابيعي مطبوعه على خدچ ..!! آني جاوبته بهدوء - اي عادي مو أول مره !!! خزرني حيل سحب نفس وگال - وتلوميني سكتت..// گال .. - خل اشوف بلكي مرهم موجود احطلچ - لا ماكو داعي هسه شويه ويروح - لا اكو داعي . راح يدور بالثلاجه وإجه جايب عصاره كريم گال إقريها لان هوَ مو شي بالانگليزي اخذ شهادة سادس إبتدائي وترك قريتهه گتله - هاي (سيلافكس) مال حروق وجروح - اي جيبيهه خل احطلج - لا آني أحط سحبهه مني وبقى يدهن على خدي بهدوء وحنيه وكل شويه يسحب نفس ويتنهد بندم ..! كمل وگام وگف شغل قرآن على سورة البقرة وگال - رايح أشتري حرمل شويه وارجع - وين يخوي عايفني إستر عليه واگعد - لازم نبخر الشقه ونشغل القرآن تطرد الشياطين وبلكي تتطهر الشقه من القذارات - الحرمل يطرد العين مو للـ...(سكتت) - ميخالف راح اجيب وارجع - آني راح انام لان گاعده من الصبح وانتَ جيب - تمام مااتأخر قريب المحل بالشارع الوره الشقه رحت للغرفه تمددت ع الچربايه وغمضت عيوني وغفيت .. شويه تقريبا ربع ساعه وسمعت صوت بره ..!! كعدت بسرعه لان چانت نومتي خفيفه ماغاطه بالنوم كلشش .. حطيت إذني ع الباب اسمع صوت قهقهه وأصوات عاليه مال بنت صوتهه استغفر الله !! وتتماوع من تحچي والدلع باين بصوتهه .. وصوت ولد يگلهه (أريدچ تفرين عقله وتسدين حلگه !!) مباشرةً قفلت الباب مال الغرفه الي آني بيهه وبقيت ادعي يجي عباس بسرعه .. ،،،،،،،،، إجه يمشي بسرعه فرحان بوجود خطيبته وهدوءها الغير معتاد وتحسن علاقتهم .. شايل بإيده أكياس تحتوي على الاشياء التحبهه ومشتري الحرمل بلكي يطرد القذارات الي بشقته .. فتح باب الشقه فر القفل تفاجئ بالقفل مفتوح !! إستغرب لان محد عنده المفتاح بس هوَ وصديقه !! داهمت عقله أفكار شلشته .. دخل بسرعه خايف على خطيبته العافهه وحدهه ومأمن محد يدخل لان المفتاح عنده .. تفاجئ بوجود صديقه ياسر وبحضنه بنيه لابسه مخلع وأصوات ضحكهم ماليه الشقه .. اول ماشافته تقدمت عليه وهيَ تگول - أنت الفريسه مالتي اليوم الا اطير عقلك يحلو دفعهه حيل وركض على صديقه شاله من ياخته وعيونه ناطه من العصبيه وهوَ يگله - وينههاااا جاوبه بإستغراب - منيه ..؟ دفعه حيل وگام يصيح - حــوررااءءءء ويينننججججچ بقى يفتر بالشقه بجنون دور المطبخ واتجه للغرفه دگ الباب إجاه صوتهه المخنوگ - عباس آني خاتله جوه الچربايه مااريد اطلع ساعدني فدوه - إفتحي الباب آني هنا شحده الي يطخج فتحته وهيَ خايفه وكاتمه صوت شهقاته .. حضنهه بسرعه ومسح دمعتهه بهدوء - سوالچ شي - لا ياسر - هـا وتگول ماعندي سوالف طلعت جايب الاصغر ومختار وين الناعمه والرقيقه وعود آني جايبلك وحده تفر عقلك لو أدري بيهه هنا چان حصلتهه بس حرامات ماجنت ادري هجم عليه بسرعه دمى وجهه وبنت الملهى إتجهت لحـوراء وتوجه خطابهه إلهه - تعاي ويانه ونشبعج فلوس حـوراء هجمت عليهه ضربتهه وهلست شعرهه بين إيديهه شفت غليلهه .. طلعهم عباس اثنينهم مثل البهيمه واحتضن خطيبته خايف عليهه لا لمسوهه وقذروا طهارتهه .. ،،،،،،،،، حـوراء.... وين رحت متت خوف - الحمد لله اجيت بالوقت المناسب .. -گلبي راد يوگف من سمعت اصواتهم - اشش راحوا ٱهدي - خل نرجع ماابقى بعد بس انظف ذني ونروح حتصير بـ12 - يلا .. بس هاچ طگطگي الحرمل المن جبته - يلا هسه اسويه طگطگت الحرمل وشغلنا ويه القرآن ورشيت ملح بزوايا الشقه يطرد الشياطين والطاقه السلبيه .. قفلت الابواب ومشينا .. صعدت بالسياره بالخلف وصاحني عباس گال - تعاي يمي - لا هيچ مرتاحه باوع بيه بالمرايه وركز بنظراته عليه - هـا رجعنا للعناد ..؟ دنگت وگلت بسرعه - جيت جيت صعدت يمه ومشينا .. شويه وانطاني علاگه التفتتله مستغربه - شنو هاي .؟ - شغلات تحبيهها نصيت وهمستله بخجل - شكراً - تدللين مية مره - ههههههـه الا مية مره - اي مية مره يتبع ... الـعـبـاديــه | ||||
|
| |
|
27-07-19, 07:51 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رشفة عشق الـعـبــاديـــه البارت_14_ زدني ابتـعاداً لن أفـارقَ موضعـي حتـى بـكاؤكَ لـن يُــبـارحَ مدمـعـي سأظـلّ عُــمـري فـي لُقـاكَ مُـؤمّــلاً ويَـظل حضـنكَ حـينَ أبـكي مَرجعي .... ..... .... ..... .... حـوراء رجعت للبيت فرحانه بكلمتين منه خلاني أحلق بالسماء حاچيت بابا علمود المدرسه وگتله مبطله علموده هوَ إستغرب وگال - إذا تريدين احاچي عباس آني هم شفت نفسي مااگدر اداوم لان بنين لحد الأن تحوم عليه وتتصل بيه ع السناب تگلي يگول عبد الله مستحيل اضيع هيچ جمال من إيدي !! انصدمت بحقارته !! گمت مااستخدم الآيباد وطنشتهه واني اصلاً غيرته واشتريت موبايل جديد نوعيته آيفون 7 بيومهه إيڤان شالت رروحهه ورگعتهه على الآيفون تحب الآيفون وبابا گالهه ملتمسينه الا تتخرجين .. احتلت موبايلي ومااشوفه اصلاً كله عدهه وبنين تتصل ع الآيباد اخر شي فرمتته وانطيته لاابن بنت خالتي صغير .. طبعاً عندي خالات إثنين الكبيره أم أدهم عدها 5 ولد وإثنين بنات وخالتي أم عباس عدهه حسن وعباس .. وخالتي أم صفاء عدهه صفاء وماجد وحامل من زوجها الجديد حسن مانتعلق بيه لان دائماً ماموجود مسافر.. بقينا نجهز طول هـٰذا الاسبوع ماخليت شي وعباس مااتصل عليه ولاكلف نفسه وسأل .. آني هم غلست وكلت ماانزل نفسي إله .. .. إجه يوم الحنه لبست بدله لون عنابي ،، الاكتاف تكون مكشوفه والردن محشيه بالورود المزركشه ونازله بإهمال على المتن ،،والصدر مفتوح على شكل ورده ونفس ورود الردن مطرزات بالصدر .. واللؤلؤ الناعم يحيط بيهن .. تسريحه بسيطه وتاج ناعم من الجواهر المصقولّه اللامعه .. مكياج هادئ ويه بدلتي ونزاكتي طلع شكلي واو هههههـه .. أمـا إيڤان چانت لابس فستان أسود مطعّم بذهبي لامع ،، الردان قماش خفيف ويه بياض بشرتها الترفه طالع فد شي ،، الحاشيه مزركشه على شكل مثلثات عبالك مال راقصات مكياج ماطوخت بس حمره خفيفه وايلانير خطته ببراعه تفاجئنا .. بلشت حفلة الحنه والاصوات والتبريكات بكل مكان . الكل حاضر حتى زوجة أبو صفاء وركزت بيهه صورت من رگصتني إيڤان ورگصنه سويه آني وإيڤان بس هيَ چانت كامرتها على إيڤان ،، عاطت أمي وحلّفت وهيَ الوحيده مقبلت يفتشون موبايلهه الله اليستر ..!! إنتظرنا عباس يجي يحنيني بس ماكو بقينا منتظرين وخابرته خالتي گاللهه أجي .. وساعتين وهوَ ماكو حتى المعازيم ملوا من الانتظار وراحوا .. سمعت إثنين من جيرانه يتبسبسن تگلهه - خايبه ماراضي بيهه ماتشوفينه مااجه - اي يمكن لان هوَ احلى منهه !! صديقتهه گالتلتهه - لچ يااحلى منهه دباعيهه تكسر - اي غير مكياج ندستهه بعكسهه تگلهه - چـا والبياض هم مكياج - يووو خب هن اثنينهن حلوات يلا ارتاحي - يمكن اخطب اختهه الچبيره لااخويه ولچ ذيچ شحم رجلهه ابيض من حياتي دباعي هههههع آني ماسمعتهن بعد بس ركزت بكلامهه يمكن ماراضي !! وليش يخطب اذا ماراضي ..؟ بس تصرفاته صدگ تدل على رفضه وعدم تقبله للموضوع !! وهسه زودهه من ماإجه ..!! خالتي خطيه تفشلت ووجهه صار أحمر وإحنه منتظرين ومحد بقى من المعازيم بس خالاتي وبنات خالتي الكل يباوعلي شفقه ومكسور خاطرهم عليه لان كلش ضجت وعبست وجهي .. وگفت وشلت بدلتي بإيديه خالتي وگفت وگالت - خاله هسه يجي لاتروحين - خاله نعست أريد انام شنـو عندي سهره للصبح اليوم ..؟ - هسه خابرته گال جاي جاوبتهه بجمود - خل يرجع عيوني مدمعه وبس واحد يحاچيني انفجر والدموع تطفر من عيني شلت بدلتي بصعوبه ومشيت من الاستقبال .. مدنگه ع البدله وهيَ منفوشه وچبيره وصلت للباب اريد اطلع وشفت بنطرونه وحذائه رفعت راسي اجت عيني المدمعه بعينه الجامده . درت عيوني عنه وهوَ صافن بوجهي ونزل بعيونه على أكتافي وإرتكز بنظراته على صدري .. توتر وبلع ريقه راد يدخل ،، سويتله مجال ودخل گال ..السلام عليكم .. كلهه ردت السلام بس آني ساكته وواگفه بمكاني .. تقدمت خطوتين ردت أطلع لزم إيدي وعصرهه همس بهدوء - ويـن؟ غير نريد نحنيچ؟ گتله بنتر وصوتي شبه عالي - شكـراً مااريد حس نفسه تفشل گدام امه وبنات خالاتي وإيڤان وأمي ضحك مجامله - ههههـه زعلان الحلو قلّـبت بعيوني ماعاجبني ودرت وجهي اكمل طريقي گلت ببرود بدون ماالتفت - ماما رايحه أنام باچر مو تگعديني من وكت. !! حسيت إيدي انسحبت بقوه وهمس يم إذني - إرجعي أحسللج لاافشلچ گدامهن كلهن !! يحچي صاك على اسنانه بغضب مكتوم بس وجهه يضحك ومطلع اسنانه عود ديصالح بيه .. عيوني دمعت والدمعه طفرت ماتحملت .. خالتي ضحكت وگالتله ...ولك عباس تره حـوريه زعلها ثگيل ... هوَ ضحك گاللهه (آني أراضيها بطريقتي) وغمز لاامه !! سحبني من إيدي وگعدني ع الكرسي وجابن الحنه حط براحة إيدي وحطيتله بأصبعه الصغير مُرغمه .. ويصورن بينه وهوَ يضحك وآني وجهي مايگصه الطبر .. كمل وهنَ طلعن بأمر من عنده أمي گالتله - عبيس تره ميصير تشوفهه قبل الحنه ف إستعجل - أي خاله بس احاچيهه واروح طلعت أمي وسدت الباب وآني بس أريده يطلع أريد ابچي مركز بيه بنظراته وعيونه تتجول بأنحاء جسمي وتفاحته تصعد وتنزل من بلع الريق. عرفته متوتر وگوه لازم نفسه .. صفن بوجهي وگال - شبـيـچ؟ ليش ضايجه..؟ جاوبته بإستهزاء مستفز - هــه لا والله وتسأل شبيه ..؟ خوش من گال المثل يقتل القتيل ويمشي بجنازته ع الاساس متعرف نفسك شسويت وجاي تسألني ليش ضايجه !! گال مبتسم وبثقه - آني هيچ سويت متعمد مااريد ادخل بوسط كومه نسوان مااعرفهه اريد بس اقاربنه . وهـا خفت عليچ من الغيره لان اني وسيم وكلهه البنات من تشوفني ينجلطن من جمالي وانتِ أكيد ميبقى بيچ شي من الغيره ف گلت اخفف سوالف النسوان هاي قوست حواجبي وضحكت مستهزأه - لا والله !؟ جاوب بثقه - إي والله ..! - إنتَ تعرف الحچي الصار لو لا ؟؟ تعرف نفاق النسوان وتعرف سووني بايره وتعرف سوّنك احلى مني وتعرف سونك ماراضي بيه ؟ حط إيده على لحيته وگال - هوَ صدگ آني ماراضي بيچ !!!!! فتحت عيوني على وسعهن مصدومه من كلمته !! رمشت عيوني أخفي نزول الدموع - چـا ليش خطبتني ..؟ - بعدين اگلچ - إذا قبل الزواج هيچ تگول بعد الزواج شتگول ..؟ مادام بعدنه ع البر طلگني !! ضحك بصوت عالي مستهزأ - هههههـه اول مره اشوف وحده ب ليلة حنتها تگول طلگني ..! لچ بابا إنتِ شاربه شي ..؟ - ليش تريد تورطني وياك وتحطني بمشاكل آني بـغنى عنها .؟ - مااورطج ولا شي إنتِ بمكان آني بمكان بس بالغرفه ننجمع سويه !! عيوني بقن يصبن دمع وحدهن وميته قهر .. تقرب مني ورجعت لوره وهوُ رجع تقرب إحتضن وجناتي بإثنين إيديه وهمس - لاتبچين مااتحمل اشوف دموعچ !! انصدمت هـٰذا اكيد لو مخبل لو مخبل !!..؟ حضني حيل وبقى يهمس كلام ممفهوم بس اغلبه غزل وبدى يتجرأ شوي شوي ..!! لما نزل على رقبتي يريد يبوسها مباشرةً دفعته وانطيته متني صفح بس وجهه بوجهي .. تفاجئ وممتوقع مني هيچ ردة فعل ! بقيت دايره وجهي عنه وگتله بنتر - رجاءً لتتقرب إنتَ بمكان وآني بمكان !! حبيت استفزه وأذكره بكلامه قبل ثواني معدوده .. گال بعصبيه وغضب - باوعيلي مادرتله بال وبقيت دايره وجهي عنه .. كررها مره ثانيه بحرگه وعاط بس بصوت مايسمعه اهلي لو الواكف بمكان قريب - باوعيلي اگلچ مادرتله بال تخبل لزم فكي ودار وجهي عليه ركز بوجهي ونظراته اكلتني وآني عيوني منزلتهن ماحطيتهن بعيونه - حطي عينچ بعيني غمضت بعناده عصر فكي حيل حسيته بطگطگة العظم - عييييننننچچچچ - آآه وخر إيدك حطيت عيني بعينه وگتله بنتر - شتـريـد؟ رفع راسي حيل بإيده وعيونه تبث شرارر وتلونن حمر من العصبيه گال - شوفي مو إنتِ التبعديني فهمتيييي؟ آني بكيفي شوكت مااشبع اوخخرررر !! صوتي انمزج بالشهقات وگتله بألم - وخررر عني - ذني الحجج مايمشن وياي مفهووم وبعد عيدي تصرفاتج هاي وإنتِ يمي وشوفي شيصير بيچ وآني الاحدد وين تكونين مو إنتِ - آآآيييي دفعني وطلع عصبي ناار .. رحت غيرت ملابسي بملابس بيت وسبحت شويه ارتاحيت ونمت .. نص الليل ودگ موبايلي !! منو يتصل بهيج وقت !!؟ باوعت ع الاسم لگيته عباس !! يممه بطني انخبطت شيريد؟ رديت بصوت خايف وهمس - الـووو... إجاني صوته يرعد ويعييط گالب الامه بالعياط - بنت الكلب شواعده هـٰذا وهيچ متتتخبببلل؟ بس يعيط مافهمت شي أريد احچي مايخليني بس يعيط وصوته يلعلع خليت وسديت الخط بوجهه !! وياريت ماسويتهه تخبل .. لاانكلب شبح يراسل من جميع البرامج غير الاتصال ع السيم كارت - انعل ابوچ يابو حتى العرفني بيچ ياكلبه بنت الكلب - شايفه هـٰذا تصرفج وحق الله باچر الا اطلعه من عيونچ - ضلي لاتردين وهسه جاي الا اسويچ شذر مذر آني شفت آخر رساله بسرعه رديت وإجاني عياط - ببنت الكللللبببب ماتستحين فضل مني وتزززوووجتچ انه الج وحق الحُـسين اندمج وگولي ماگال هـٰذا الزمال همست بصوت خافت (شوف الالفاظ!!!) وغلط وصياح خلاني ارعش .. حاطه الموبايل على إذاني وابچي من هسه يگلي فضل مني تزوجتج من اتزوجه شيسوي؟ وآني شعليه قابل گتله تزوجني حتى مسوي فضل ! اشو هوَ خطب وراد يزوج بسرعه آني شعليه ؟؟ صوته بعده يلعلع وآني بس ابچي عاط بيه بصوت عالي فزززني - كلللببببه ماتحچييين - شنـو احچي؟ أهنيك ع الغلط لو شأسوي؟ - آنننه إلللچ بسسسييييططططه ماتجييين يمييي سد الخط بوجهي وإنهاريت بالبواچي شورطني يربي شأسوي هسه لابيه اتطلگ ولا بيه احچي مثل بلاع الموس لاهوَ بالعه ولا هوَ مطلعه ..!! بقيت للصبح مكرفصه وابچي صارت الساعه بالـ6 نزلت سويت ريوگ وگعدت اتريگ وصافنه الله اعلم شنو ليلتي وياه اليوم !! شويه وگعدت امي حضنتني ودمعت آني عادي مابچيت لان مصدومه لحد الأن أهلي هيچ يرخصوني ومحد سألني وأخذ رأيي ؟؟ گعدت إيڤان انتضرتهه لما كملت واخذتني امي للصالون وبلشت شغل .. ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،،،،،،،،،،،،،،،، صارت الساعه بـ5 اجتي الزفه بس گلبي عبالك دمام يدگ بكل قوته .. ذبت عليه البرقع ودخل عباس اخذني من إيدي بس چان عاصرهه حيل .. ويركض ركض .. گوه امشي اسحل بروحي سحل .. انطلقت الزفه والهلاهل والهوسات ورانه الناصريه كلهه شهدت على عرسنا ماخلوا منطقه مافروها من الحبوبي لشارع إبراهيم الخليل ووراهه رجعونه لشارع عشرين .. دخلنا للبيت والامه مگلوبه بالهوسات حتى إختنگت وعباس يسحل بيه سحل بس يريد يستخلي بيه حتى يعاقبني على البارحه ولحد الآن اجهل سبب تعصبه !! دخلوني بالغرفه وأمي وإيڤان يمي يوصن بيه وآني بس استمع واهز براسي .. وراهه گالو راح يدخل العريس بقيت اطگطگ من الخوف إيڤان طلعت ووراهه رجعت عليه حضنتني وبچت آني واحد وانطاني حجه إنهديت بالبچي گوه سحلوهه مني .. بدت الهلاهل تعلى والهوسات تكثر والباب انفتح .. يمكن ضغطي هبط من شفت شكله مايبشر بخير ابد. !!! دخل وسد الباب بعصبيه ونظراته متركزه عليه ... فر القفل ثلث مرات ويبتسملي بمكر .. آني من الخوف قطرة دم مابقى بيه .. بقيت متصنمه وواگفه نزع سترته وگال بنتر - بعد اخذي التحيه فد نوب نصيت وگعدت گال - گومي إلمن گعدتي گمت وبفهاوه - هــاا؟ عصب ونتر - گومي بدلي ولبسي من ذني الثواب المشلتحات التعرفيهن من الخجل وجهي صار احمرر وإيديه ترجف باوع بإيديه وگال - يلا لاتمثلين دور الخايفه وراي ناس أريد اكمل واطلع بسرعه فضيهاا رحت انزع بالبدله وماالوح السحاب گتله - خل إيڤان تجي عگد حاجبه بإستغراب - لـيـشش؟ - خل تفتحلي البدله زفر نفس بعصبيه وعصر عيونه بنفاذ صبر - هسه من ارگع راسچ بالحايط اكو واحد يگلي ليـش؟ كلمته چانت مثل السهم وانغرس بوسط گلبي خلى گلبي ينززف !! بابا بهيبته ماگايلي هيچ !! عيوني دمعت وإنعقد فكي والعبره خنگتني تحضراً للبچيه ..!! گال بعصبيه - تعاي بقيت واگفه بمكاني خايفه لااروحله ويضربني ! عاط بيه بصوت - تتتتعععععــاااااااي رحتله اركض رجليه سبقني بدون علمي دارني وفتح السحاب بهدوء تفاجئت بهدوءه !! طول يفتح بيه وأحس إيده بعدهه على السحاب لان ثگل بظهري .. حركت كتفي أنبهه .. گال بصوت هامس وذايب - شنو تستخدمين لظهرچ اشو صافي چنه بشرة طفل .. ؟ رغم خوفي منه ورعبي من گال هيچ حصرتني الضحكه .. لزمت البدله من صدرها خاف توگع والتفتت على الحمام گتله وآني امشي - مااستخدم شي هوَ هيچ - همممم دخلت للحمام سبحت ولبست السيت الابيض المحضراته وطلعت من الحمام لگيته گاعد ع الچربايه اول ماشافني رفع حاجبه بمكر ..(تفضلوا بره) .................................................. ........... أصعب ليله بحياتي ماتوقعت هيج لان كلهه چانت تهدي بيه ويگولن ماكو شي .. بس متت عبالك صاروخ ومفجرينه ببطني .. او يمكن من إسلوبه ووحشيته وياي عرفت عقابه شنـو طلع هـٰذا عقابه إلي .. طلع وسمعت الرمي والهلاهل ..وره شويه دخل تمدد ونام .. وآني بقيت گاعده بالگاع وابچي .. مغمض وإيده على عيونه گال بجمود - تعاااااي تعالت شهقاتي وصوتي الباكي - مو داگول تعاااااي تسمعين لو لا ..؟ سكتت..// - تره راح اجيچ اول ماگال هيچ طفرت رحت وگفت يم الچربايه وهوَ بنفس نومته .. فتح إيده وگال - نامي تفاجئت فاتحلي حضنك وقبل شويه شبعتني ألم !! - ماانعس - تنامين لو استعمل طريقتي ...؟ آني من جهه خجلانه كلشش ومانايمه يم احد بحياتي واستحي .. ومن جهه ثانيه خايفه منه لايعصب .. تقربت وكعدت ع الچربايه وهوَ نايم .. بقيت خجلانه واعصر بإيديه اخر شي سحبني من خصري ونومني على إيده وهمس بإذني - هـٰذا المكان ماتطلعين منه للموت لو مو متزاعلين لو الدنيا تتثالث ماتگومين منا فهمتي ؟ بس اهز براسي علامة قبول .. ~~~~~~~~~~~~~~~~~~~~~~~~~~~~~ إيڤان عرس حـوراء يخبل والاحلى من هـٓذا صفاء چان لابس قاط رسمي لاأول مره بحياته يلبسه ولامره لابس هيچ لبس بس شنو كاعد عليه گعده عبالك رجل أعمال يخبل طالع كتلت نفسي عليه .. بس هوَ مايحچي وياي زعلان عشتو ولو يموت مااراضيه .. آني من گالوا الزفه اجت چنت متأكده صفاء وياهم لان مستحيل يعوف عباس بهيچ يوم ف رحت بسرعه طوخت مكياجي اغيضه .. لبست عبايه خليجيه على فستاني وشال لفيته لفه تركيه .. ركّبت حـوراء بسيارة الزفه وراحوا وبقوا يرتبون بينه احنه النسوان .. چانت السياره كوستر وضيقه والخنگه مال النسوان تكتل گلت بس اصعد يجعصني واموت مااتحمل حر ابدد .. صعدت وشمرنني بالاخير بالخنگه .. بيبي چانت كاعده بالصدر يم السايق والنسوان مستمره تصعد .. گالتلهن بيبي - ولچن وين إيڤان تره تختنك وتموع روحهه أشرتلهه بإيدي - هـا بيبي هياتني - تعاي تجين يمي ادري بيج تختنگين - اي بيبي هوَ اني حالياً على أبواب الاغماء - فلك إجاچ وگاعده وساكته بالاخير وماتجين تگومي گومي - اي جيت بيبي صارت يم السايق لان استحي اكعد يمه وآني صرت يم الشباك مكيفه السايق طلع إغنيه وبيبي وكفتهه وضلت تهوس هوسات قبل احسهن فشاير شدت شيلتهه وضلت تهوس وتصيح :- (جبنالك برنو ماملعوب بسرگيها) وتردد بيهه بس آني من يمي إستحيت غصت بملابسي .. متت ضحك وجهي صار أحمرر احس الدخان طلع من إذاناتي من الخجل والنسوان كلهه ميته ضحك حتى السايق استحى وبيبي مستمره نريد نسكتهه ماكو .. بقت تنطي هوسه اضرب من هوسه وكلنا شابعين ضحك خوب اني فرصه واجتني اضحك لان ضايجه على حـوراء وبيبي گالت هيچ متت ضحك ونسيت العيون التترقبني ونسيت آني گاعده بالصدر .. بوسط الزفه والهورنات مشتغله وسياره تسبق سياره مسوين منافسات ومانحس إلا سياره إعترضت بطريقنا .. جارجر لونهه أحمر من هاي الاحبهه اويلي صفنت بس ع السياره النوب الجام مضلل وتلمع حتى أنظف من مستقبلي .. كلهه النسوان صاحت (يـااااعـلييي) السايق ضحك گالهن - شبيچن هـٰذا من الزفه صارلنا ساعه نتسابق آني وياه شافني سبقته كسر عليه بيبي گلتله - بويه بطلوا سباق استروا علينه شويه وإنفتح باب السياره ونزل صفااء !! عرفته والله هاي سوالفه مااستخطاهه العببب هيَ هاي العايزه مسويلي نفسه بطل تهي بهي .. يلا نشوف دراما شورانه خل نكمل مسرحيته .. تقدم فتح باب الصدر وگال بغضب مكتوم وعاگد حاجبه بإتقان - إنزلي صفنت بوجهه گدام النسوان كلهه واقاربنا اكيد يريد يفشلني وينتقم مني هسه شيگولن بقيت ادعي بگلبي ان شاء مايسوي شي .. اني ماعاندت مباشرةً نزلت ركض على بيبي گالهه - بيبي إنزلي إنتِ تعبانه وجايه هنا بهالخنگه چـا آني وين من صعدتي سوده عليه شوف شصار بوجهچ - يابعد بيبيتك فدوه رحتلك هيچ تفكر بيه فدوه لطيبتك يابو گلب الحنين شو تعال خل ابوسك لگطته ببوسه بوسط تجمع النساء وهنَ ضحكن وهوَ صاار احممررر أباوع لرقبته من وره حمره من الخجل دنگ ونزل بيبيتي آني واگفه اباوعلهم من مر من يمي همس بغضب مكتوم وضاغط على اسنانه - گدامي للسياره آني گتله بإستغراب - شـنو؟ رفع صوته وگال - إيڤان جيبي خالتي وتعالن للسياره خزرني بحواجبه عود نفذي !! أمي كيفت نزلت وسحبتني وياهه .. بيبي كعدت بالصدر وآني وأمي لوره المرايه چان موجهه على الكرسي الوره السايق يدري بيه دائماً أگعد بهـٰذا المكان ف ماخذ احتياطاته الاخ .. طول الطريق عينه عليه ويتوعدلي .. كلساع وهز راسه بوعيد وهاي حركاته حافظتهن .. باوع بالمرايه واشرلي بحواجبه وعض شفته عود آني إلچ .. هزيتله راسي عود شمسويه .. وبس مستمر يهز براسه !! گمت اقلد عليه بكلبي ..من عابت هالراس اي والله .. يتبع .. الــعبــاديــه🌻🌼 ناقله ❤ هـٰذا البارت تعويض لان كلتوا على بارت البارحه قصير واصلا هوَ مو قصير لان اتفقنا اذا يومي 2000 كلمه وبارت البارحه 2100 كلمه😒😒 2400 كلمه 😻❤ احبكم😻❤ | ||||
|
| |
|
27-07-19, 07:53 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـسـلام عـلـيـكـم 🌼🌻 رشفة عشق الـعــبـاديــه البارت_15_ قَـالَـتْ كَـتَـبْـتُ قَـصِيـدَةً وَوَزَنْـتُهَـا فَـوَجَـدْتُ بَـيْـتـاً وَاحِـدًا مَـكْسُــورَاً قُلْـتُ ارْحَـمِـيهِ بِـهَـمْسَـةٍ أَوْ بَـسْـمَـةٍ حَـتَّـى يَـكُـونَ كَـسِـيرُكُـمْ مَـجْـبُـورَاً♡ .. .. .. .. .. .. .. إيڤان وصلت الزفه وزفوا حـوراء ودعتهه وطلعت بقيت بوسط النسوان وكلهه تدك وتركص وآني گلبي يدگ على إختي .. شويه وزفوا العريس بعد زاد خوفي اكثر عليهه عبالك آني العروس . حتى بطني خبطت وصارت تلويني والنسوان كلهه تصيح (إيڤان مـي) عبالك آني ام البيت لان خالتي محد عدهه .. إبتليت وبقيت اوزع مـي .. كلساع اترس صينيه من المطبخ واوزعهه وارجع .. باب المطبخ صاير يم الاستقبال وماانتبهت چان الشباك مفتوح وآني ماخذه راحتي چنت فاتحه شعري ومسويته صفح ورافعه خصله صغيره بقراصه ناعمه على شكل نحله .. وشعري البقيه منطيته حريه مطلقه .. وملابسي نفسهن چان الردن خفيف بس نازل كله يعني عريض مثل لبس الخليجيات ومن الاسفل مثلثلات مزركشه .. طلعت إغنيه ع الاخت ودنگت ع الكرسي وبقيت ابچي لاادري بكحله ولاادري ببشر .. رفعت راسي واشوف واحد يباوع عليه من الشباك اول ماشافني غمزلي ودزلي بوسه بالهوى !! غير تخبلت ركضت مرعوبه سديت الشباك بكل قوتي بوجهه وحاطه إيدي على گلبي .. ياخوفي إذا صفاء يطلع شايفه والله يعدمني .. شفت وجهي مابيه شي أگول يلا هيج سوه لو سايله الكحله چان شرد عباله شبح .. ترست الصينيه مـي ورحت بيهه وزعت النسوان ورجعت لگيت صفاء گاعد ع الكرسي ومدنك راسه يهز برجله قوي .. مباشرةً سحبت الشال على شعري واحاول اغطي إيديه بيه .. إنهبطت ورجليه رجفن ياخوفي يكون شايفه گتله بهمس وخوف (صففااءء !! ) خزرني بسرعه گال - إي صفاء ست إيڤان ليش مستغربه ..؟ - هــا .. لا مو بس نسوان المن داخل .؟ گام تقدم عليه والصينيه فارغه بإيدي .. باوعلي بخبث ويتفحـص بــلبسي گال - إفتري !! جاوبت متفاجئه - شـنو؟ - إفتري - ليـش؟ - تفترين لو يطلعن خبالاتي تره گوه مصبر روحي يلا بسرعه خليت الصينيه من إيدي وافتريت ،، هوَ تخبل لان ظهري چان نصه مكشوف حتى السـ..... مبين أسود .. والشال صغير ميوصلله گرصني من زندي حييل ونبت أصابعه بعظمي ويطگطگ بأصابعه على إيدي بحيث العظم يتحرك يمنى ويسرى بأيده .! روحـي شاطت من گرصته ضليت اگمز وعيوني دمعت .. إيده ثگيله حيل وكرصته اثگل ،، من يگرصني يخلي زندي بنفسجي على أزبري اسبوعين مايروح الاثر مرات احسه يريد يشلع لحم من يگرصني - أخخ صفااء إيدي يحچي ويرص على اسنانه ويشد على الحروف - لچ آني شگايييل؟ - اخخ شگايل؟ - ماتدرين؟ - لا ماادري شـبيك شمسويه؟ - صعدة المقدمه بالسياره والتمضحك والخجل والوجه أحمر والمكياج واللبس والشال مشمور بدون لفه وهسه كاعده بالمطبخ والشباك مفتوح بعد شنو ماسويتي مو شمسويه !! دفعت إيده بس ماإندفعت اكيد - هسه شعليك بيه عندي اب واخ ويحاسبوني ضغط اكثر على زندي - آني ابوچ واخوچ وكل عشيرتچ فهمتي آني احاسبچ وبسس الگرصه أذتني حيل عبالك نحله وتكرص بيه ماحسيت الا الدمعه طافره من عيني .. هوَ شافني بچيت توتر وتفاجئ مصدوم ..! يعني شمتوقع هـٰذا الگرص كله يريدني اضحكله؟ ترك إيدي وبقى مركز بوجهي وصافن حطيت إيديه على وجهي وبچيت سحب إيديه من وجهي وركز بيه وانفاسه تثاقلت وهدأ ..!! - لاتبچين بس داحچي المصلحتج واذا هيچ ماتقبلين ف آعتذر - وخرر عني شيفيد أعتذارك شيفيد إيدي هسه مموتتني - لچ إنتِ تحركين بگلبي عناد بيه تدرين بيه اتخبل من هاي التصرفات .. لا انجن مو اتخبل - شمسويه هسه ياربي كفرررت؟ - لچ شنو شمسويه هـٰذا كله سويتيه وتگولين شمسويه ..؟ سكتت عنه وبقيت ابچي .. سحبني ع الكرسي وكعدني گال ( ابچي وأنتِ كاعده ) وإبتسم متت من الحرگه من ابتسم يعني يضحك عليه !! زدت بالبچي مانقصت حطيت إيديه على وجهي خباثه بيه حتى مايشوفني لان هوَ دوم مركز بوجهي وصافن عبالك لوحه .. سحب الكرسي المقابيلي وگعد .. آني اريد اشوفه شيسوي فتحت فتحات قليله بين اصابيعي واباوعله منهن وإيدي على وجهي .. اشوفه يضحك عليمن ماادري !! مد إيده بهدوء وطلع جكاير من بنطرونه وحط الجكاره بحلگه .. آني مباشرةً وخرت إيديه عن وجهي وگفت وعطت بيه بعصبيه - آنننني شگلللتتتتت ع التتتتدخيييين ..؟ فتح عيونه حيل وگال بعصبيه - تعاي إخذيلچ راشدي فد نوب والله آني من كال هيچ كيفت ووگفت إستعداد اريد أخذلي راشدي فرصه واجتني ليش اضيعهه ؟؟ مديت إيدي ومقرره الزگه راشدي اخليه بحياته ماينساه .. هوَ شاف إيدي اندمت تريد تضرب تخبل وفتح عيونه حييل وگام بسرعه لواهه وخلاهه وره ظهري حسيتهه طگت صحت بصوت عالي (آآآه) هوَ من كلت هيچ عبالك إنطيته اشاره يتقرب .. تقرب اكثر لزگ وجهه بوجهي هـٰذا الحچي بالمطبخ وهمزين الباب مسدود عبالهم محد بيه لان من نظفت كتلهم اليوصل اكسر رجله وهم يخافون مني گام محد يدخل واصلاً ماكو شي موجود بالمطبخ حتى يدخلوله انفاسه لفحت بوجهي وعطره تغلغل برئاتي نبرته مال ذايب گال بهدوووء - خوب كيفتي وصدگتي تريدين تاخذين راشدي حتى إيدچ اكسرهه !! وع الاساس مغمضه عيونچ منين دريتي طلعت الجكاير؟ آني ارتبكت ومتمتت - إيي آني علام الغيب شعبالك ضحك بصوت عاالي وگال - الزروف البين اصابيعج هم يعلمن الغيب ..؟ تفشلت ووجهي عرق - ايي وخر حررني من بين إيديه وصاحوه وطلع .. زفرت نفس بإرتياح يمه السجّان چان شاد على أنفاسي خانگني .. أمي باتت وآني كـذٰلك أصلا راح ابقى هنا اسبوع اسبوعين مااگدر افارگ أختي . رحت غيرت ملابسي ولبست دشداشه عريضه ولا واحد بقى كلهه طشت فكه .. بقيت بس آني انظف كرفت البيت كراف عبالك شفل .. لااول مره بحياتي هيچ اشتغل مااشتغل ابدد بس چان البيت وصخ كلش والجهال يلعبون ف صار عندي واهس اشوفه نظيف .. رحت سبحت وبدلت ملابسي مرة اللخ لان عركت ولعبت نفسي .. لفيت شعري بالخاولي مالي خلك امشطه .. وطلعت اسوي شي اكل لان بدون عشا كله بسبب حـوراء خلصتهه نحيب .. هسه هيَ بحضن رجلهه وآني هنا بالظيم .. رحت فتحت المجمده لگيت فنگر دجاج .. طلعت باكيتين وإلي نيه اكلهن وحدي على التعب التعبته بهالاسبوعين بسبب حـويره لانوم لااكل لاشرب حتى احس نفسي ضعفت اووي .. بقيت اگلي وطلعت اغنيه واردد وياهه .. شويه ودخل صفاء شكله تعبان حيل وجان لابس دشداشه مغيره شكله صفنت عليه وطگيتهه ضحكه صفن بيه مستغرب كال - شبيج؟ - شنـو هاي الدشداشه إييع تلعب النفس باوع على نفسه وگال متفاجئ - صدگ عود؟ - اي والله صدگ محلو بالدشداشه - ولج شو البنات كتلن نفسهن عليه كلهن زحفن بس مانطيت مجال ربچ هالايام صايم عن البنات لان وحده معذبتني غلست وگتله - ومنين ذني البنات بله ياقليلات ذوق؟ - خب شو ماتسكتين لااجيچ اجنزچ أصلاً اخبل بالدشداشه عبالك أمير .. ضحكت بصوت عالي وهوَ بس صافن بيه متفاجئ المسكين .. - روح بدل روح - لا إيڤان عدى الشقى صدگ مو حلو بالدشداشه ؟ - اي والله مو حلو قابل اچذب عليك وهوَ واكف هـا اهـا ،، خرطهه .. نزعهه وشمرهه عليه بقى بس بالكيمونه والشورت صحت بصوت عالي - يــا يــا عزه العزاك ياماتستحي (ودرت وجهي) راح جاب ملابس لبسهن وگعد ع الطاوله يراقب بحركاتي .. سويت زلاطه وحضرت الكجب والمايونيز وحطيت الاكل گدامي وگعدت آكل وهوَ يباوع صافن عليه ورافع حاجبه عود لان ماعزمته. . آني بداخلي ميته ضحك وعناد بيه ماعزمت ولاگتله إكل بقيت اكل وهوَ صافن ويخوزر گال بإستهزاء - ع الاقل كلمة التنگال گولي تفضل حاولت اخفي الابتسامه النرسمت على شفتي وگتله - ليش بله اگول تفضل؟ كافله بيك عندك إيدين ورجلين وگوم گلي وإكل حالك حالي حچى بنبرة تعب - لچ والله مابيه حيل چان گمت - شعليه بيك مشكلتك - لچ جوعان ممتعشي انطيني وياچ ميته ضحك بداخلي واگله بعناد وآني مستمره أكل - مـاانطي گوم وسوي هز راسه بوعيد وگال - هيچ صرنا إيڤان؟ غلست..// گال - خوش والله الا اخليج تتوسلين رايح اجيب بيتزا وفطاير ومناك امر اجيب كناافه ضحكت وگتله - جيب عود إذا لكيت محل مفتح هههههاي - هم صدگ (حط اصبعه على لحيته ويفكر گال بحيله) - ولو عليمن رايح ومتعب نفسي هسه اسوي وأكل گتله بدلع وامط بالكلمات - سـوي بـالـعـافــيـه گام حضر الطاوه وشغل النار وجاب الفنگر يريد يحط گمت بسرعه وسحبتهه من إيده نززته عاط بوجهي - شبببييييج؟ - خب شبيك صد?ت آني آكل وماانطيك ..؟ اصلاً آني چنت مسويه حساب نفرين ادري بيك وببطنك لان حتى عباس مموجود حتى نسطي على شغلاته گال بنفس نبرتي من مطيت الكلمه - مــاااارررريــد ضحكت - اصلاً چنت اضحك عليك لأن تريد تسوي بسمرني گال - روحي كملي اكل وخليني اني اطبخ لروحي بقيت انفخ بريشاتي واحچي بثقه - تخسى إنتَ تسوي وإيڤان موجوده - توه صار هيج الحچي قبل شويه متقبلين تنطين - اي مو لازم اعذبك شويه قابل انطيك مباشرةً جر نفس وگال - والله إنتِ دومج معذبتني ، قابل جديده الطوبه على احمد راضي رجعت البإيده وبقينا ناكل سويه وهوَ هم مثلي ممتعشي .. صفن بيه وگال - ليش تسوين تصرفات تطلعني من طوري؟ - شمسويه؟ هوَ يتخبل من هاي الكلمه گال - لج لاتخليني اعيد گرصة مساع حتى تعرفين شمسويه آني بنبره باكيه وبتصرف طفولي طلعتله مكان الگرصه بزندي وصايره بنزرگي لاهيَ بنفسجي ولاهيَ زرگه خلط بس طوخ حيل عبالك اللحم مشلوع گتله بنبره باكيه ممزوجه بدلع - لك شوف شسويت بيه والله مااگدر احرك إيدي من وره هالگرصه تفاجئ وفتح عيونه على وسعهن ركض على إيدي ردت اغطيهه مالحگت مباشرةً سحبهه .. تفاجئت من حطهه على شفته وبقى يوزع بوسات هادئه بمكان الگرصه - لو ادري هيج تتشوه إيدچ كصيت إيدي ومالمستچ حاولت أدفعه گتله - بعد إنتَ كرصتني شيفيد الندم - خل ابوسهه وتطيب - هههههـه ذكرتني بالافلام الاتابعهن من البطله تنجرح البطل يبوس الجرح ويطيب اگول هاي الحركه منين ماخذهه ههههههـاي دگوم گوم ابو الدروب جاي يطبق عليه مسلسلات هوَ رفع حاجبه وگال - يعني آني بطل وآنتي بطله !! - لا حباب لا بطل ولا بطله ارجع لكرسيك رجع لمكانه متحسف ويتمغط ع الكرسي رفع إيديه ونعس گال - خرب يومك عباس بيش فدتني اشو طاح حظي وإنتَ هسه بالعسل وآني بالخيس - ههههـه ان شاء الله يوكفلك بعرسك عباس عنده وكفات - هاي إذا عرست من وره ذيچ الببالي - ليـش يمه شبيك عانس؟ آني كلت عانس لو هوَ شرگ من الضحك - هسه آني شگلت - لچ گاعده تقلدين عليه دگومي نامي كوومي - گايمه لان طفيت كلش ومنا گاعده من الصبح وإنتَ هم مو تتأخر روح نام - اي هوَ رايح انام وياچ التفتت بسرعه خزرته .. ضرب على راسي بخفه وكال - شبيه تفكيرج قذذر رايح انام بغرفتي بس بنفس وقت نومتج - هـاا سكتنا. // ورحت نمت وهوَ راح نام .. ____________________________________ حـوراء گعدت الصبح لگيته ماموجود بفراشه إرتاحيت بقيت اتمغط وامدد بجسمي لان احس مكسر .. شويه ودخل ينشف بشعره ولابس بس شورت إستحيت ودرت وجهي وهوَ هم ماطايقني ولا باوع بيه .. گال وهوَ يمشط بدون ميباوع عليه - حضريلي ملابس - شـنو؟ - لازم انطرمتي داگول حضري ملابس - اي اعرف بس شنو ملابس إيش يعني دشداشه بنطرون تراك؟ - بنطرون وقميص حضرتله ملابسه ورحت سبحت وبدلت طلعت لگيته ماموجود خفة وراحه .. شويه وأهلي جابوا الريوگ .. تريگت وحدي مااجه هوَ .. همزين محد سألتني لان استتتححيي .. لبست فستان قصير رصاصي لامع ومكياج وردي وطلعت أجامل بالنسوان اليسلمن .. خطيه إيڤان تركض منا ومنا الاحظهه تعبت وهيَ ممتعوده على الشغل ومحد تساعدهه . خفت العالم لان وقت غدا والكل مخبوص بالغدا رحت تمددت بملابسي ع الچربايه واخذت قيلوله .. وآني بحلاة نومي حسيت عليه دخل للغرفه هاد بس من شافني نايمه گام يتحرك بهدوء بدل ملابسه ونام يمي ع الچربايه بس بهدوء خاف يگعدني .. سحب الغطى وغطاني وتغطى .. شويه ولزگ نفسه بظهري حتى انفاسه صارت قريبه على رقبتي .. سحبني بحضنه ونام .. آني مباشرةً سحبت نفسي رجع سحبني لحضنه بس بعصبيه ونتر .. وعصرني بحضنه حيل حسيت أضلاعي طگن دفعته وحاولت اتملص منه وهوَ كلما اصدر صوت يعصر اكثر عطت بصوت عالي - اخخخخ وخررررر ماحسيت الا لزگني راشدي على حلگي بظهر إيده بحيث المحبس مالته طگ ب سني .. لزمت حلگي ودمعتي صبت وبقيت اشهگ بخفه .. دفعني وگام عاقد جبينه وعيونه معصبه وغاضب - وسم حتى سم أعلمج شلون تدفعين بقيت بس اشهگ وابچي .. خلى وطلع ورگع الباب وراه بچيت بصوت عالي وكرفصت نفسي ع الچربايه وحطيت راسي على إيديه .. دقايق واندگ الباب ودخلت إيڤان مباشرةً مسحت دموعي وحاولت أخفي الآثار بس مبينه الدموع وعيوني حمر .. إيڤان من شافتني فتحت عيونهه وإنصدمت تقربت يمي حضنتني بسرعه وآني ماصدگت إرتميت بحضنهه وبقيت ابچي بصوت عالي .. - شبيچ حبيبتي - مابيه شي - شنـو مابيچ شي؟ ووجهچ يبچي - تعاركنا آني وعباس -يــاا .. بعدكم اول يوم نصيت راسي وگتلهه - ايي - معليج بيه بس تجاهليه وغسلي وهسه تعالي تغدي غسلت ورتبت وجهي خفيت آثار الدموع بالمكياج وطلعت .. لگيت الكل مجتمع ع السفره وهوَ گاعد مدنگ ويهز رجله بعصبيه وعاگد حواجبه بإتقان ويلملم بشفته ..! رحت گعدت يم إيڤان وجدو گال - حـوراء إگعدي يم رجلچ بقيت متصنمه وصافنه بوجهه بفهاوه هوَ بسرعه رفع راسه وأشرلي ع المكان البصفه .. رحت گعدت يمه وأحاول مااطخ بيه كل مااخذ شي من السفره هوَ ينز ويبتعد ديلا ع الاساس ميته عليك واطخك هالله .. نقشت تنقيش لان مااشتهي من الألم واصلاً مااحس ألم بطني لو شبعانه ماادري .. كمت اول وحده هوَ رفع راسه وخزرني ..!! يــااا شبيه هـٰذا؟ گمت غسلت ورجعت گعدت اباوع الهم واضحك على سوالفهم .. خلصوا غدا وإيڤان بلشت تلملم بالمواعين وصفاء وياهه .. متت ضحك على منظرهم هوَ مايريد يشيل وهوَ تتوسل بيه تكله إغسلهن وياي هواي عليه ..وكلهه تضحك عليهم .. صفاء من النوع عنده عادي يساعد بأمور البيت مايعتبر هـٰذا الشي بس للمرأه لان دائماً يغسل مواعين وينظف لان متعود بكربلاء بس هوَ عايش لوحده ويطبخ وينظف واصدقائه مرات وياه ف تعود .. إيڤان - يلا صفصف إنتَ إغسل وآني أشطف صفاء -ايبااااخ وين لاكيتهه هاي إنتِ تغسلين لان الشطف شيرادله إيڤان - خب والله مابيه حيل تعبت صفاء - مممم توسلي بعد - دطير والله ولا اتوسل رايحه أغسل لوحدي بس خوش إذا إجيت وگتلي إغسلي ملابسي - غصباً عليچ - لا والله كافله بيك - اي والله آني اجي لهنا استراح تعبان من الغسل والطبخ تتلگيني إنتِ - حباب شبيك والله تعبببتتت باليززز - يلا آني أشطف وإنتِ إغسلي إيڤان بزعل - لا والله ماريد روح روح أغسل وحدي - اهووو يلا آني اغسل - عفيه بصفصف الورد وخدر الچاي وياك - صاحبك حلو لاتاكله كله - لا والله إكله واكرطه هم ومن تخلص اشرب وراه عصير .. شربنا چاي ورحت للغرفه تمددت لان محد يخليني المس شي عود لان عروس .. شويه ودخل نزع ملابسه والتفتلي شافني متمدده گال وهوَ رافع حاجبه - گومي طلعيلي تراك غير هـٰذا ! غمضت عيوني بنفاذ صبر وفتحت الكنتور بعصبيه احسه بس يريد يغثني .. طلعتله تراك شمرته ع الچربايه ورگعت باب الكنتور بكل قوتي .. آني سويت هيچ وهوَ تخبل لزمني من رقبتي ورجعني لوره بكل قوته بحيث توازني إختل وصرت دميه بإيده حركني بكيفه .. لزگت بالكنتور وحسيت ظهري إنشلع صحت بصوت عالي ( آآآه ظهري ) حچى من بين اسنانه وعيونه تبث شرار - لچ إنتِ شو ماعاجبج الوضع وتشمرين تشمر ؟ لزمت إيديه وبقيت احاول ابعدهن عن رقبتي - اااخخ خنگتني قوّى قبضته وگال - هوَ آني اريد اخنگچ واخلص منچ نزلت دموعي - آسفه مااعيدها بس وخر عافني بس بنتر بحيث من فلت إيده إندفعت .. گعدت بالگاع وبقيت ابچي واشهگ وكف على راسي وگال بنتر وجمود - گومي لاتگعدين هاي الگعده اتخبل منهه زجرت بيه بعصبيه - شعليك بيه شعليك - ولچ إنتِ الظاهر ميفيد وياچ راد يرجع يخنگني وبسرعه طفرت وتراجعت عن كلامي - گايمه گايمه - يلا گدامي للچربايه - مااريد خزرني .. خنست ورحت نمت يتبع ... الـعـباديــه🌼🌻 | ||||
|
| |
|
27-07-19, 07:55 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـسـلامُ عـلـيـكـم 🌼🌻 رشفة عشق الـعـبـاديــه البارت_16_ حسـنـاءُ فـي دربِ الـهـوى لاقـيـتُـها تشَـكـو إلـيَّ مِـن الحـظوظِ العـاثـرَه أعـطـيــتُـهـا مـفـتـاح قَــلبـي مـــــرةً لـــتـقــيـمَ فـــيـهِ لـيـــلــةً وتـغـــادره لـــٰكنـها مِـن دونِ أن أدري بــهــا ،، كسـرتـهُ ،، وانفـردت بقـلبـي الـمــاكــره قـلـتُ أخرجـي !! قـالـت أنا أحيـيـتُـهُ ويجـوز أنّ أجتاحَـهُ وأُصـادرَهْ أفـدي الـفقيهـة ما أشـد دهـاءِهـا رأيٌ أصـيـلٌ ، والـفـتـاوى حـاضـرَه ... ... ... ... ... ... إيڤـان بقيت إسبوع عند بيت جدو يم حـوراء وهيَ تحچيلي كلشي على عباس شلون يعاملها وميهتم إلهه ولايباوع عليهه اصلاً متجاهلهه تماماً . هيَ من تسولفلي تحلفني مااتغيير عليه لان علاقتنه إخويه حلوه .. بقيت نفسي ماتغيرت عليه لخاطر حـوراء لأن كلش أريد انتقم منه وببالي خطه بس مو هسه أنفذهه .. ... گاعدين آني وعباس وحـوراء على جهه ومقابيلنا صفاء يكنك بموبايله وحاط وجهه بيه عبالك طاير من عنده .. گال عباس - إيڤان تلعبين ..؟ - شألعب آني ضايجه كلش - نلعب لعبة (حيييل حييل ) گمزت فرحانه - اييييي يلااا والخسران من نوتيلا اكبر حجم - يلا متأكد إنتِ تخسرين خل اربحلي نوتيلا احسللي - افوز وداعت جدتك الماتت حافي - خرب هسه تسمعچ بيبي تحجين على أمها حتى تنتقم منچ - محد يگلهه الا انتَ تگرش - ديلا خل نلعب بقينا نلعب آني أطلع إصبع السبابه وابقى أهزز بيه حيييل ومركزه بحركة إصبعي وهوَ يگول حيل حيل حيل وآني اهز بيه اكثر بلشنا نلعب وبقيت اهز وصفاء وحـوراء ميتين ضحك .. عباس - حيبييللل حيييل حييل وين خشمج (واشرلي بسرعه على راسه) آني حطيت إيدي على راسي مثل حركته وهمَ ماتو ضحك .. صفاء - مامركزه - دسكت إنتَ راح تخسرني بقينا نعيد باللعبه وكلساع اخربط وعباس بإنتظام لان مايركز بحركتي يركز بكلمتي وآني على فطرتي شيسوي اسوي مثله حـوراء - ههههههـه خسرتي إيڤان تره النوتيلا بـ10 إيڤان - إي إنتِ شعليچ راح تنحط بالثلاجه وإنتِ تاكليها تفوو خسرتوني صفاء خزرني على كلمة (تفو) بس شأسوي لساني متعود عليهه (والطبع لايغلب التطبع) اگولهه كدامهم بس بالكليه لا ابدد مو شخصيتي نفسهه بالكليه معقده ومااضحك عود طبيبه وكذا آني بعناده ضليت اصيح واطلع اعيب عليه بلساني - تفو تفو تفو تفو ركض عليه وبسرعه فلتت للمطبخ عباس - تعاي لاتفلتين سلمي نوتيلا وولي شلغمتي على گلبي تخوصرتله وإستهزأت بيه - اي والله شلغمت على گلبه هوَ يريد نوتيلا وين لاگيهه هاي ايبااخ .. خل اروح اگول لبابا يشتريلك - لا عيني اريد من مصروفج - طنن لو تموت -والله ولا اريد من ابوچ من مصروفج يعني من مصروفج - والله ماانطي من مصروفي تريد ماتريد صفاء - كااافي سطرتوني إيڤان - صفاء گله يقبل من بابا لو لا ..؟ عباس - مااقبل - بكيفك إنتَ الخسران طلع صفاء 15 وشمرهن على عباس گاله - كافي بس خلصني آني ادفعهن عباس - لا والله اريد من مصروفهه إيڤان - خايب إنتَ شلزكت مصروفي ماالمسه صفاء غمزلي وأشرلي على فلوسه عود إخذيهن آني هم فكرت بيهه انطي 10وربحانه 5 هههههاي اي والله خوش فكره واني الربحانه انطيته الـ10 واخذت الـ15 وضليت أأشرله بيهن واضحك وهوَ مصدوم ويصيح آني الكم غدارين قررت باچر اداوم من بيت جدو لان تعودت على حـوراء مااتحمل اشوف البيت فارغ ومنا اني رابيه ببيت جدو يعني صارن حجه بحجتين .. لبست قميص لون أصفر غامق طويل بس شديته ع الخصر وتنوره بلون القميص وشال مشجر ورود ناعمه اصفر وابيض وكب ابيض وحذاء ابيض وقليل مكياج لان صفاء يوصلني وميقبل .. طلعت لگيته مبدل ومتشيك على آخر حبايه صبحت عليه وكتله - يلا صفصف - اگلچ أشو إسمج غريب ومااله دلع هسه من تدلعيني شصيحلج بله ڤوڤو نونو - دگعد لاتخرب أسمي تره دوله وعلم خلي على وزنه وقافيته لاتخربه بالدلع ميليق بيه لان ثگيل - اي مو هوَ شعر حتى اله وزنه وقافيته دطيري بابا طيري صعدت بالسياره وطول الطريق مطلع قرآن وادعيه بقيت اضحك عليه واگله اكيد مغيريك .. وصلنا للكليه قبل لاانزل فتحت جنطتي وطلعت الـ15 حطيتهن ع المقدمه مال السياره وهوَ بس يرمقني بنظرات فاحصه .. ردت أنزل صاح بيه - شنـو هاي؟ - مالات البارحه - ليـش رجعتيهن؟ - آني چنت بس اريد احرگ گلب عباس لان مستحيل اخذ من شخص غير بابا - بس آني تبرعت بيهن للنوتيلا -لا عيني آني الي لعبت وتراهنت ومن خسرت لازم ادفع خزرني وأشر عليهن - إيڤان بسرعه إخذيهن وفوتي وراج محاضره - لا والله ولااخذهن لو اموت عاط بيه بصوت عالي - إيڤااااااان الناس دتتفرج وانتِ واكفه بالباب هسه شيگولون ..؟ تفاجئت بركضة نبأ اجت لزگت بصفي ومدت راسهه من جوه ايدي اللازمه بيهه الباب وسلمت على صفاء هوَ تأفأف ورد السلام مُرغم خزرني وگال - يلا إيڤان إخذيهن وروحي - حلفت بالله مااخذهن طفرت نبأ - شنـو شنـو؟ إيڤان - يختي الفلوس مال النوتيلا البارحه تراهنه وهسه حلفت ويريد أخذهن والله لو اموت صفاء - إيڤان والله مااخذهن - واني هم حلفت والحل ..؟ لگفتهن نبأ من السياره وگالت - الحل آني أخذهن وهاي هيَ صفاء خزرهه حيل ورفع حواجبه متفاجئ وهمس بصوت ماسمعته لان بعيده عنه (رخيصه) خزرته بمعنى لاتحچي على صديقتي .. اشرلي ع الباب سديته وراح بدون ميسلم عليه !! يتخبل منهه وللآن مااعرف ليش وهيَ من تشوفه تستخف .. .... خلصت محاضرات بالكليه وطلعت أنتظر صفاء شگد إتصلت بيه ميجاوب يمكن زعل !! دزيتله رساله (صفاء وينك واگفه بالشارع وكلهه تتفرج عليه) مباشرةً دز (هسه راح ادزلج عباس) دزيتله مستغربه(ليش إنتَ ماتجي..؟) صفاء (مااگدر صار عندي شغل !!) نص ساعه يلا وصل عباس لان يسوق بهدوء ..جديد ع السياقه .. وصلنا للبيت نفسي ماطايقتهه من تصرفه كلما يشوف نبأ يزعل ويطنگر هسه غير صديقتي قابل اطردها؟ دخلت للصاله لگيته حاط مخدتين ومتكي عليهن ووجهه بالموبايل ويتمضحك !! وگفت بوسط الصاله وضليت اطلع اصوات اريده يلتفتلي بس ماكو .. تشعوطت من الحرگه گتله بعصبيه - خوش شغل !! التفت وآني مباشرةً رمقته بنظرة إستحقار ومشيت للغرفه .. بدلت ملابسي وطلعت لگيته على گعدته وولامتغير تخبلت أريد طريقه توخر هالجمود .. منين إجاه الصبر يربي اشو گمت احرگ بروحـي .. وكفت وكلت لعباس - عباس نلعب طوبه عباس - يلا آني هم ضايج - بله إنتَ دومك ضايج راح يريد يشغل البلاي وآني گتله - لك لا مو بلاي طوبه طوبه حقيقي هوَ مباشرةً رفع راسه خزرني بغضب وأشرلي اگعد آني قلّـبت عيوني وضحكت بإستهزاء مامهتمه ورحت طلعت الطوبه من وره المجمده .. عباس - تراوغين لو حارس؟ آني مااعرف اراوغ لان دوري كله حارس بس بعناده ،، باوعت بيه ورفعت حاجبي گلت بإنتصار - اراوغ فتح عيونه حيييل وخزرني ضاغط على اسنانه أخيراً نطق الجبل گال بعصبيه وعاگد حواجبه مشربكهن - صغيره وتراوغين؟ سكتت وماهتميتله وحطيت الطوبه بالكاع صاح بصوت عالي - إيڤااااااان إنتِ بنت هزيت اكتافي ببرود وكتله - وإذا شنو الفرق يعني .. ضغط غلى اسنانه قوي يزأر مثل الاسد راد يحچي وكتله بسرعه (معليك معليك لتتدخل) خزرني وهز راسه بوعيد وعصر عيونه حييل بقينا نتراوغ آني وعباس هوَ ضخم وطويل اطول مني وجسمه مربوع وعضلات وكمال اجسام وآني يادوب وزني بالخمسين .. بقى يراوغ بالطوبه بين رجليه وآني احاول اسحبهه من جوه رجليه وهوَ يلعب بيهه بمهاره ويلوف بيهه كلساع فحطني وآني ماماخذتهه .. آخر شي مديت رجلي وطگيتهه لفوك وصات يمي ردت آخذهه منه هوَ راد يسحبهه ضربني بمتني حيل كومني بالگاع ..!! مباشرةً إيدي لاگت الگاع وطگت .. روحـي شاغت وشهگت بچي . بقيت اصرخ - آآآه إيدي صفاء شمر الموبايل وإجه يركض لزم إيدي وآني عطت بصوت عالي - ااخخ تأذينييي لاتلمسهه بقيت ابجي وهوَ تخبل بقى يعيط على عباس واكل روحه صفاء - آني مو كلت لاتللععبببين هاي النتيجه ارتاحييتتتي - آآآه صفاء إيدي إيدي راح اموت بقى يفرك بوجهه وينافخ صفاء ... استغفر الله ياالله سحب إيدي بهدوء وعطت - اخخ صفاء تأذيني - خل اسحبهه لاتلميهه بچيت بصوت عالي - مااگدر مااگدر جدو وخالتي وحـوراء إجو يركضون حـوراء وگفت مقابيلي وبقت تبجي من عرفت عباس وگعني گالت (دومه مصايبه وهوَ) شفته تسلل بإيده لخصرهه وبعدهه اطلقت همسه تتأوه وعگدت حاجبهه .. مبين گرصهه .. بقيت ابچي وانحب وصفاء محتار شيسوي يريد يسكتني وجهه صار دم وبس يعصر بعيونه بعصبيه گال - كومي اخذج للمستشفى - مااروح عاط بصوت عالي فززني - دگومي لا وعلي هسه الا اجرجرچ واخذج غصب - لك اخاف اخاف مااريد سحبني من إيدي الثانيه بكل قوته وصاح بصوت عالي(ددككككووووميييي) فزيت باكيه واعيط - ماارييددد جدو كاله - صفاء على كيفك وياهه لاتكسر إيدهه الثانيه صفاء - ماتشوفهه معانده داگه رجلهه بالگاع آني هيچ عناد ماشفت بحياتي - هيَ عناد لو أخاف من المستشفى صفاء .. إيڤان آخر إنذار إلچ تكومين لو اشيلج؟ مااگدر اكوم شالني وسندني وصلني للسياره وساق بسرعته بحيث لحظات وإحنه بالمستشفى .. طلعت إيدي مفصوخه ولفوهه إلي بباندج .. طول مااحنه گاعدين صفاءء يخزر بيه وروحه طالعه .. رجعنا وهوَ بس ينافخ .. إتطمنو عليه يلا صبوا الغدا .. وآني كله شغلي باليمنى إذا آكل باليسرى غير اتفشل الكل يجيب ويحط گدامي وآني ميعرفون بيه مااگدر .. صفاء گاعد مقابيلي وبس يهز برجله وعاگد حواجبه ولام شفته بعصبيه !! بلشوا ياكلون واني اتفرج جدو گال .. هــا إيڤان ماتتغدين.؟ - جدو ماگدر إيدي اليمنى شغلي كله بيهه صفاء .. اوكلچ..؟ كلهم ضحكوا عليه وهوَ رفع حاجبه ماعاجبه حچاهه صدگ بس همَ اخذوهه بشقى .. عباس .. يلا عادي آني آكل بمكانج هههههاي حـوراء .. إيڤان أجي أساعدج ..؟ إيڤان .. إي والله علواه صفاء .. چـا من گلت آني ضحكتوا ..؟ جدي طبطب على متنه وگال .. ندري بشقاك !! زفر نفس بعصبيه وگام من السفره صاحوا عليه گالهم مااشتهي .. للعصر ونزل صفاء بجنطته !! كلنا إستغربنا !! وانرسمت ملامح القلق على وجوهنا وخصوصاً آني تذكرت السنتين ونص !! حط جنطته بالگاع وكال الخالتي - خاله وياج حطي ملابسي الي ع الحبل بعد ساعه اطلع للشغل الجد .. مو بعدهه ماخلصت إجازتك ..؟ صفاء .. إي جدي بس خابروني لان الولد الماخذ مكاني متخربط خطيه ولازم ارجع . الجد .. شكد تبقى ..؟ صفاء .. ماادري والله حسب الشغل ..!! بقيت اغلي من القهر هـٰذا صدك يحچي ..؟ يعني اقل موقف وحزم جنطته وراح !! قررت اليوم العب بيه لعب وين يروح مني ! دزيت رساله لاامي گتلهه وكعت وإنكسرت إيدي وبعدهه غلقت موبايلي وركضت على موبايل حـوراء غلقته حتى تخابر خالتي .. ماطولت ربع ساعه وانخبص موبايل خالتي ردت عليه وبقت تهدي بأمي وتگلهه مابيهه شي ومن هالحچي .. گالتلهه خل ترجع هسه وهـٰذا المطلوب .. خالتي گالتلي ..إيڤان تگول أمچ خل ترجع طفرت بسرعه گتلهه - إي خاله هسه اگول لصفاء يوصلني - لا خل عباس يوصلج صفاء راح يروح للشغل - لا خاله اخاف من سياقة عباس مسكربه - يــاا ههههههـه طفرت مباشرةً للحديقه شفته ،، طلع بيهه اكيد يدخن .. رحت ولگيته گاعد ع الكرسي وصافن بالسما .. وكفت بعيد عنه وصحته - صفاااء إلتفت عليه والجكاره بحلگه ماحچى شي وبقى ساكت .. تقدمت عليه ووكفت مقابيل كرسيه گتله بهدوء - إنتَ زعلان ..؟ نفخ دخان الجكاره وگال بجمود ويه غمزة عينه - چـؤؤ - چـاا ليش هيج تصرفاتك يعني هسه إنتَ رايح لكربلاء وبعد هم سنتين ونص ماتجي ..؟ رفع متونه وقوس حواجبه وگال بمنتهى البرود - چـؤؤ إحتمال أسويهن هالمره خمس سنين !! تفاجئت وفتحت عيوني حيلل - يــاا صدگ عود؟؟ - قابل أچذب عليچ !! حسيت صبري نفذ عطت بيه بصوت عالي وبعصبيه - لك إنتَ شنو طينتك؟ أقل موقف وزعلت حتى الزعاطيط متتزعل مثلك والنوب زعله شثگله ويريدني اتوسل بيه ..! رد بهددددوووءءء قااااتل - گايللچ تتوسلين؟ - هوَ آني غير غبيه وأجيك اصالحك اگول مايهون عليه يروح زعلان بس بعد طزز بيك وبعشره مثلك والخلقك خلق مليون غيرك گلت هيچ هوَ مباشرةً طفر ولزمني حيل من إيدي السليمه وعيوني تخوزر بيه حسيت يريد ينفجر - ليكون تريدين تروحين للمليون غيري ..؟ - أخخ وخررر هزز إيدي حيل وعاط بصوت عالي - جااااوبببيييي حبيت استفزه واغثه مثل ماغثني - اي طبعاً يقى يعصر بإيدي حيل ويضغط على اسنانه وي عصرة إيده ومركز نظراته بعيوني .. - شايفه هاي الحچايه من تحچيهها افرك حلگچ والنبي حاولت اتملص من عنده وعطت بيه - آآآي دووخرر روح لكربلاء ابقى خمس سنين يفيدنك وخرر عني عاط بيه بصوت فززني - وتالي ويااااج؟ - شمسويه؟ أشو إنتَ بس تشوف نبأ تنبز وتگلب خلقتك عليه يعني صديقتي اطردها؟؟ اگلهه ولي والله صفاء آغا ميريد يشوف خلقتچ إنتَ حط نفسك مكاني وجاووب شأگلهه؟ - إبتعدي عنهه وتغيري عليهه وتجاهليهه وهيَ من تشوف تجاهلج تطفر وحدها - هيَ صديقتي من زمان إنتُ شغاثك ؟؟ آني مااريد أنهي علاقتي وياهه لان صديقتي المقربه أسراري عدهه وسوالفنه وضحكنه سويه وطلعاتنه سويه وكله سويه يعني اخرب صداقتنا علمود إحساسك ممرتاحلهه ؟؟! لا والله تعذرني مااگدر اخرب عشرة عمر علمود إحساس زائف صفن بيه ورفع حاجبه بتساؤل - منو گالچ إحساس؟ - چـا شنو عندك شي وياهه ..؟ - إي عندي شي !!!!!! ____________________________________ عباس كلش فرحت بيوم حـوراء رجعت لهدوءها وماتعاند ومرت الايام كلما اريد اتصل بيهه استحي لان ادري بيهه تستحي وتخليني ارتبك گلت فد نوب هيَ اول وتالي تجي يمي .. إلتهيت احضر للعرس وبكامل حماسي وميت على هـٰذا اليوم .. تفاجئت بالليلة الحنه إتصل عليه رقم جاوبت بصوت خشن عباس .. الووو منو وياي؟ - إنتَ عباس؟ - إي اني تفضل شتريد؟ حچى بنبرة تهديد بس ماهزني - إفصخ خطوبتك من حوراء لان هيَ تحبني وآني احبها وواعدتني تصير إلي بس إنتَ جيت دخلت بوسطنه وفرقتنا ..!! تخبلت من كلامه وكفت على حيلي وبقيت اعيط عليه - لك كلب والله من ألزمك الا أخليك تنسى حليب امك بس ارجع للناصريه لو بيك خير ماشارد بالبصره !! - ماشارد داجهز بنفسي حتى اجي اخذ مرتي منك !! تخبلت بقيت اعيط عليه واهدد وصوته هدأ باوعت لگيته غالقه من 5 دقايق ..!! مباشرةً إتصلت على حـوراء بحرگتي وغلطت لو متصل بيهه من هادئ بس الشيطان ركبني وكل عقل ماضل عندي .. اريدهه تفهمني وتشرحلي صدگ مواعدته .. بس من غلقت الموبايل بوجهي ثبتت التهمه عليهه وشلون تحاچيني بأسلوب لعبت نفسي ..! كلما احاول اصير زين وياهه تصرفاتهه تطلعني من طوري رغم آني مو بذيچ العصبيه بس من إوصل يمهه افقد هم حظها هـٰذا .. من ادخل للغرفه مااحب اشوفها گاعده وبس تباوع عليه من ادخل .. اريدهه تتلگاني بالكلمه الزينه وتگلي (الله يساعدك) ووجهه يضحك وتحضرلي ملابسي وهي هاي الزوجه الزينه .. مو ادخل الگاهه ممدده ومن تشوفني تگعد خاف بارزه ملامح جسمها واشوفها ..!! ... دخلت كالعاده لگيتهه گاعده تتصفح بالموبايل !! تفاجئت منيلهه هـٰذا الموبايل لحد الآن مااعرف بيه !! وگفت على راسهه وسحبته منها بسرعه .. باوعتلي متفاجئه وعيونها نظرات سؤال رفعت حاجبي وگتلهه - منيلچ هـٰذا الموبايل؟؟ حـوراء .. من بابا هدية زواجي - سمحتلچ تقبلين هيج هديه ..؟؟ حـوراء .. ليش إلا تسمحلي مثلاً أبويه إنطاني هديه واخذتهه قابل ارده؟ عطت بوجهه فزت وخنست عباس .. موبايييلل ماااكو. مااثق بيچ ذرة ثقه ماكو فهمتي لو لاااا رفعت عيونه وخزرتني تخبلت ... حـوراء ... تخبلت من يگلي ثقه ماعندي بيچ والنوب سحب الموبايل مني حبييت استفزه ومثل ماهوَ يعاملني اعامله - ع الاساس آني الاثق بيك هـه والله يالله - إحترمي نفسچ آني ماسويت مثل سوايتچ تخبلت واعصابي فلتت حاولت بكل طاقتي اتحكم بأعصابي لان هوَ عصبي واذا اجاوبه بعصبيه عادي بس إذا ببرود يتخبل گتله بهداوه وإسلوب مستفز - ع الاقل ماعندي شقه أجيب بيهه گحـ... واگول مال صديقي ومتفق ويه صديقي فتح عيونه حييل وشد إيده بحراره وضربني على وجهي بكل قوته وهـٰذا الچنت متوقعته لأن مو غريبه عادي أصلاً تعودت ... بس چان أقوى راشدي اكلته بحياتي عبالك جمره وتسعر بصدري .. بقيت اتظاهر بالقوه ورافعه راسي بشموخ .. تقرب لزمني من فكي وحط وجهه بوجهي واختلطت انفاسنا .. رفع إصبعه تهديد وگال وهوَ يشد إيده بغضب - وحق الحُـسـين إذا ماتلزمين لسانچ أگصه شمر فكي بكل قوته وطلع بسرعه !! دنگت بالگاع وبقيت ابچي بضعف واندب بحظي على هيچ قسمه خلتني اطيح براس واحد ثورر يتبع .. الـعـبـاديــه🌻🌼 | ||||
|
| |
|
27-07-19, 07:58 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـسـلامُ عـلـيـكـم رشفة عشق الـعـبـاديـــه البارت_17_ سـأواصلُ التـلميـحَ حتـى تَـفـهـمـي .. ما أصعبَ الـحُـبَّ مع الفهـمِ الثـقـيل .! ... ... ... ... ... ... ... إيڤان إنصدمت شنو عندي شي وياهه دموعي غدرني ونزلن غصب عني بقيت اشهگ وهوَ متفاجئ !! أصلاً حتى آني متفاجئه من نفسي !! گتله من بين شهقاتي وصوتي الضعيف - شعندك وياهه !! طلع موبايله من جيبه ،، فتح القفل وشمره عليه گال بنتر (دخلي ع الرسائل مال ماسنجر) فتحت الرسائل وإنصدمت برسائلهه !! شـنو هاي خزي خزي !! كله رسائلهه (صفاء إنتَ ليش لازگ بإيڤان تره متحبك وعدهه علاقات بالولد والكليه كلهه شاهد بس محد يحچي يخافون !! ) نبأ (صفاء آني احبك من زمان والله شاهد عليه بس إنطيني مجال لتضن إيڤان المغروره الانفه بيوم تباوع عليك هيَ دوم تحچي وتصيح ماتزوج إذا مو دكتور !!) أقرى ومصدومه بالرسائل وبعد هواي منهن تگله ( مستعده كلشي أنطيك حتى شرفي !!! ) معقوله هيچ بشر مصادقتها لا جذب هاي مو نبأ !! وگع الموبايل من إيدي وشهگت بالبچي ركض عليه حط الموبايل بأيدي وگال صفاء - كملي بعدچ ماشفتي شي !!! عطت بعصبيه وابچي - شأشوف بعد أكثر من هـٰذا شأشوف !! رفعت راسي عليه وعيوني متروسه دموع كتله بصوت ضعيف - صفاء إنتَ مصدگ بحچيهه؟ حط إيده على حلگي وعگد حاجبه - مع الاسف عليچ تتوقعين اصدگ بهيچ وحده گحـ... بقى يگلب سريع بالرسائل وصل لااخر ساله وانطانياه ويستغفر !! أخذت الموبايل منه واشوف صورة نبأ !!! صورتهه خزي ،، عريانه ،، ربك ماخلقك !!! ضليت صافنه وحتى توقفت بچي معقوله لهالدرجه !! يعني شنو معناهه بنيه تدز صورتهه لولد بدون ملابس !! وهيَ جسمها حلو وتارس !! رغم هـٰذا الشفته كله گلت ماابيع الصداقه واتأكد واريد بس اقشمر بروحي مثل الغرگان اليچلب بگشايه - صفاء متاكد انتَ ليكون خطه ووحده تريد توگعهه صفاء تخبل فتح عيونه حييل وعض شفته يستغفر !! ويسحب نفس بعصبيه ! - إنتِ گلبچ إلى متى يبقى هيچ بس فهميني !؟ حطيت إيديه على وجهي وشهگت ابچي بكل قوتي إيڤان .. صفاء والله مداصدگ ليش هيچ ليش والله احبها واگول صديقتي مايوم فارگتهه اسراري عدهه واسرار عائلتي عدهه ممقصره وياهه بشي توصيلات واكل وملابس ومكياجات وكلشي كلشي مافد يوم طلعت للسوگ وماتذكرتهه كلشي اشتري لنفسي اشتري الهه حسبتهه اختي والله هيچ تجازيني..؟ ليـش بس اريد افهم ليـشش؟ بقيت اعيط بكل صوتي(ليـشش) وصفاء يهدي بيه صفاء - وحده نگسه متستاهل دمعه من دموعچ إيڤان .. اخخخ ياربي نار دتسعر بصدري ناار جر نفس وتنهد گال بتوتر - إيڤان والله ماأثرت بيه وماشفت غيرچ مره كافي آني اضحك على نفسي وانتِ تضحكين على نفسچ آني أحبچ إيڤان !! باوعتله وجهي متلف دموع .. چنت اتمنى يگولها بغير توقيت مو بأصعب حالاتي !! إبتسم وگال بثقه صفاء .. آني متأكد نفس مشاعري دتحسين بيهه وماكو داعي تجاوبين أدري منهاره بس ثقي والله يشهد عليه ولارساله رديت عليهه وحتى من دزت الصوره مباشرةً حذفت الماسنجر وحظرتهه بس خليت المحادثات لمثل هيچ يوم !! دنگت راسي خجلانه شگد يلح عليه ويگلي تركيها وآني مصره ومكيفه صديقتي امده حظي الخلى هيچ صديقه تطلع بوجهي ! صفاء .. يلا گومي خل اوصلج لااهلچ حتى تتحضرين لباچر لان جايين آني وعائلتي نخطب بتكم الچبيره إبتسمت ونصيت راسي خجلانه . وصلني للبيت وطول الطريق ساكتين .. آني خجلانه وهوَ يمكن هم خجلان لان ماحچى كلمه . وصلني بسرعه لان بيتنه بالفرع كلش قريب يعني بس يلوف بالسياره يوصل بس هوَ يخاف عليه وميقبلون نطلع وحدنا .. قبل ماانزل گال - گولي لااهلچ باجر نجي التفتتله خجلانه وخدودي حينفجرن من الحمار - احَـمم آآء آني استحي اگول لااهلي ضحك وگال - چـا شلون بله مدنگه العب بأطراف شالي وگتله بخجل - آآء خلي خالتي تتصل بأمي - تدللين رويحتي يممه من گال هيج طفرت بسرعه من السياره معبالك صفاء نفسه لا ميته خجل ومو آني المرحه ام الميانه لا لا ابدد الخجل ترسني ترس وعيوني غوشت من الخجل ومااگدر ارفعهن .. نزلت للبيت تلگتني أمي تحضن بيه وتلوم بيه ع الوگعه وإيدي اصلاً حتى إيدي نسيتهه حتى الوجع راح .. أول ماوصلت لغرفتي طلعت رقم نبأ وصافنه بيه شكد نگسه ونذله وماتستحي شمأزيت مجرد ماباوعت برقمهه . إتصلت عليهه مُرغمه أول مااتصل إجاني صوتهه - هلاو إيڤان حبيبي شونچ - گبر طمچ ياعااار ردت مستغربه - شـنو؟ - عرفت كلشي ماكو داعي تمثلين حبيبتي .. هـه أگول تحشين بعقلي على صفاء گاعده ليل ونهار لوك لوك لوك شگال صفاء وشحچى صفاء أثاري عينج عليه بس الظاهر انضربتي بوري ماحزرتي يحلوه لان صفاء من زمان يحبني وهسه يلا ولي بعد لتتصلين عليه واحذفي رقمي فهمتي - ضلي ضلي عبالج صفاء يحبچ شگد غبيه - للعلم باچر حيخطبني وعلى عنادچ لان اليحب يخطب ونتزوج وإنتِ إبقي على دورج القديم مال الناصحه البريئه هههههاي - خايبه والله ثم والله يمااخليچ تتهنين وياه لو على جثتي وگولي هاي ماگالت رديتب اسلوب مستفز واستهزء بيهه - ههههههـه إن شاء الله إن شاء الله سديته منهه ماطايقه صوتهه بس إرتاحيت من غثيتهه شويه ... .... إجه جدو وخالتي وگعدوا بالاستقبال وفتحوا الموضوع تفاجئت بعدم وجود ابو صفاء !! المفروض هوَ اليجي !! بابا ماسكت سأله - چـا شعجب ابو صفاء مو وياكم غير الاصول يجي هوَ لان ابو جدو گاله ( ليش ابو رائد آني مو بعينك) - لا حشى بس غير هوَ ابو واكيد يعرف الاصوال الجد (أبو رائد إنتَ تعرف هوَ بالبدايه تقدم لاإيڤان علمود يخطبهه لحيدر بس القسمه ماصارت ف هوَ لان رفضته صاير بخاطره) - هــاا زين طول الگعده آني اتصنت وحسيت بابا مموافق !! گلبي كام يلعب بس اريدهم يروحون والمس نبض بابا واشوفه قابل لو لا !! طلعوا بعد طلعان الروح وركضت على بابا اباوع بوجهه متسائله بس هوَ تجاهلني وگال لاامي - جيبيلي مـي !! ضليت ساكته ومنحرجه منهم ليش ماحچى شي !! وحتى ماما تعرف بس هم ماحچت !! بقيت الوب .. سوينا العشا ومحد گايل كلمه .. روحي فرفحت وخايفه .. افتر واطگطگ بأصابيعي .. سحر گالتلي - كافي إيڤان دوختيني بس تفرفرين ثبتي يااختي إيڤان .. متوتره مو بيدي سحر .. آني اگلچ الرد أبوج مموافق !! فزييتت - لا چذذذذذذب !! سمعتي شي سحر عفيه طمنيني حموت؟ -لا مسمعت شي بس مبينه تره من ردة فعله شفتي من وافق على حيدر إجه اخذ رأيج ؟ - اي صحيح - اي هسه يعني مموافق وحيرفض من يمه بدون ميسألچ !! - لا مستحيل بابا ميسوي هيچ غير يسألني ويشوف رأيي - ماادري بعد بقيت ألوب واباوع بيه اريده ينطق . وره العشا صاحوني اخيراً ..رحت أركض گعدت وإيديه ترجف من التوتر واحوالي مخربطه الاب .. بابا إيڤان اعتقد عرفتي ليش جدچ إجه؟ هزيت راسي بأي وسكتت گال - شنو رأيچ؟ بقيت امتمت متوتره حييل گتله - بكيفك بابا إنتَ شتگول؟ صدمني من گال - آني مموافق !! وأشوف لو نردلهم عدم الموافقه بأسرع وقت من گال هيچ چان مراقبني ونظراته فاحصه بوجهي يريد يشوف ردة فعلي بلعت ريقي وهزيت راسي مبرطمه اريد ابچي الاب .. إيڤان تره صفاء ماعنده شهاده وماتگدرين تعتمدين عليه بالمستقبل لان الرجال والمره أهم شي شهادتهم بالمستقبل سند الهم آني كلت خل احچي المستحى ميفيد راح اخسر صفاء بعد صراع مع نفسي گتله - بابا الشهاده مو كلشي بالحياة ضحك وهز راسه كال - لا كلشي تدرين شلون؟ آني اگلچ شلون أولاً إذا يجي يوم وهوَ عنده عائله وجهال واعتماده ع الشغل وتمرض وماگدر يطلع للشغل شينطي لااطفاله؟ سكتت..// ألاب - إيڤان جاوبي شينطي لااطفاله وعائلته گوليلي؟ إيڤان - بابا هوَ اكيد ضام مصرف للزمن معقوله لهالدرجه ميحسب؟ - إيڤان هاي شغلة ضام ماضام متصرف لان اكيد المضموم يخلص بس إذا هوَ گاعد وراتبه يجيه من الدوله بعد ميحتاج يضم ف يابنيتي الشهاده اهم شي نصيت راسي خجلانه والدمعه بطرف عيني گتله - بابا آني أخليه يدرس خارجي وتصير عنده شهاده !! خزرني حيل وغمض عيونه حييل - يعني تفهميني بكلامج هـٰذا بيناتكم شي مو؟ - لا لا لا بابا مو هيچ ابدد فـدوه لتفهمني غلط - چـا شنو إيڤان؟ همست مغيره الموضوع - ليش بس حـوراء إنطيتوهه بدون شهاده؟ باوعلي مصدوم وعصب عاط بكل صوته - لچ حـوراء تدرين بيهه شسوت ليش تسوين نفسج غبيييه؟ وبعدين تعاي حـوراء آني مدافع عليهه ملايين مثلچ حدها خامس علمي وبطلت - بس موصلت للخامس - اي چـا شبقى للسنه وتخلص لچ بعدلي قصد لكليتج وتصيرين مرحله رابعه اني حلمي اشوفچ دكتوره تفترين مثل الفراشه بعيادتج مو تفترين مثل الخدامه لعيالچ !! - بابا آني كليتي أكملهه والله واتعيين وتشوفني دكتوره احققلك حلمك - ههههـه هاي إذا لحگتي تشوفين وجهي بعد سكتت ودمعتي صبت شافني هيچ رفع حاجبه وگال - والله أكو شي دنگت راسي خجلانه حتى دمعتي غدرتني الاب - إحچي إيڤان شنـو بينج وبين صفاء؟ - ماكو شي عاط بيه بصوت خنسني - لچ ياماكو شي ذبحتي نفسچ قتلتيهه وتگولين ماكو شي ؟!! - بابا لأن ادري بحنية صفاء وهوَ إبن خالتي مو غريب حتى يوگفلي إذا جار عليه الزمن وأكيد هوَ يعرف بمصلحتي .. - إسمعي إيڤان آخر كلامي صفاء گطنه وشيليهه من إذنچ !!! رفعت عيني بعينه وبچيت گتله - إنتَ مو تگول إلچن حرية الاختيار ومااجبرچن واكون صديقچن قبل لااكون ابوچن هسه شـنو تغير؟ - تغير آني ادرى بمصلحتج وصفاء مايفيدچ وآني گايلچ اختيار قسمه زينه مو مدري شلونهه - بابا معقوله لهالدرجه مادي !! فتح عيونه على وسعهن وصاح بيه بصوت ذلني - گوووومي بررررررره أگول چبيره ومااهينچ بس الظاهر متمشين الا بالرزايل صارلي ساعه ارطن تگلي ماددددي بنت الكلب بقى يعيط وگلب الجو لاول مره هيچ ينگلب وحش ركضوا عليه أمي ورائد وآني طلعت بره ابچي ..أمي بس تخوزر بيه وآني ماطايقه حتى نفسي !! ًً ركضت لغرفتي دفنت وجهي وبقيت ابچي بس آني حظي هيچ چنت منتظره هاللحظه بفارغ الصبر .. إتصل موبايلي باوعت صفاء !! متصل شگد مكالمات من الظهر لهسه يدگ !! بقيت صافنه برقمه شأگله إلمن مجاوبته !! آخر شي مللني ورديت بصوت تعبان - الـوو .. - الـوو هلا إيڤان شونچ شهكت بالبچي وانعقد فكي مرتعش صفاء .. اشـش لتبچين هـٰذا الچنت متوقعه لتبچين بعد بعد إصبري ورانه هواي صبر - لا صفاء إنتَ مشايف تفكير بابا - هـه لو مو إبوچ آخذچ من حلگ السبع ومااخلي واخد يفك حلگه وعلي - صفاء تعبت - هههههـه لچ هاي اول محاوله تعبتي !؟ - ماادري احس نفسي ثگيل - لتهتمين إنتِ إلي وآني إلچ لتفكيرن بغير هالاربع كلمات - ماشي ههه إبتسمت بكلمتين منه أنسى نفسي بقينه نسولف مواضيع عامه وبعدهه نعست ونمت گعدت الصبح نحلانه ومابيه اگوم گلت ماارروح للكليه خل ارتاح مدري شمحصله بس تعب وظيم ودراسه تشگ الحلگ نزلت جوه گاعدين ع السفره يتريگون صبحت عليهم محد رد بس سحر !! غسلت وگعدت محد يحچي وياي !! گال رائد - شـنو اليوم ماكو كليه؟ إيڤان - لا مابيه حيل اروح بابا طفر گال .. اي هاي بعدهه اول يوم هيچ ضربت الدوام چـا من تاخذينه شلون.؟ نزلت راسي وگمت من الريوگ طلع زقوم من طلعوا بابا ورائد سئلت سحر شگالوا شحچوا ورايه گالت ابوچ رجع الهم رفض !! دموعي صبن وبقيت ابچي واشهگ .. دخلت أمي گالت - إسمعي إيڤان بعد رجلچ ماتوصل لبيت جدچ فهمتي لو لا؟ إيڤان .. هوَ بس بيت جدو وحرمتوني منه وين اوليي ويين - إگعدي واسكتي انتِ بت شعدچ وي بيت جدچ كله ولد - منو الولد عباس لو صفاء؟ حتى حسن مسافر بعد وينهم الولد عباس اخويه وكلكم تدرون بهالشي وصفاء الاسبوع الجاي دوامه - عباس وصفاء ولد لو مو ولد؟ سكتت..// - احچي ولد لو مو ولد؟ - ولد - اي بعد انچبي واسكتي '''''''''''''''''''''''''''' حــوراء عباس نفس تصرفاته ويزيد ماينقص وآني كلشي مااعرف بسوالف الزواج داحس نفسي صغيره وظلموني بهالزواجه .. يطب ويطلع معصب وينتر بيه .. موبايلي مسحوب مني وحاطه إيدي على خدي من اضوج ابقى اتصفن بالحيطان .. لما مره كملت شغلي ودخلت للغرفه هوَ يحب يبقى بالحديقه اكثر شي .. البيت يلمع وغرفتي كذلك بس ضايجه الموبايل چان يلهي بيه هواي .. گعدت ع الچربايه ودموعي صبت .. بقيت ابچي بقوه محد يحس بيه ومحد حاسب حسابي كلهم ظلموني وكلهم خبثاء لااهلي ولا هوَ ولا اي بشر حتى إيڤان گطعت علاقتهه ببيت جدو بسبب صفاء وخطبته !! بقيت ابچي وحسيت الباب انفتح .. بقيت منصيه راسي وابچي .. ملمس إيدين على راسي بس ماهتميت .. شال راسي بأيديه وهمس بهدوء عباس ..حـوراء؟ شبيچ؟ مسحت دموعي وگمت حـوراء .. مابيه شي - چـا ليش تبچين؟ - مم ضجت وبچيت -أطلعچ نفتر؟ - لا ميحتاج هسه شوي واصير زينه بقى يباوع عليه بقلق وآني اطمنه بأبتسامه كاذبه .. غسل ووصلنه رسائل ع الماسنجر بقى يراسل وعينه عليه آني صافنه عليه واجر نفس بحسره .. هوَ إنتبهلي گال - حـوراء - هــاا.؟ - گومي فتحي المجر - ليـش.؟ - تگومي - ايي فتحت المجر ولگيت ملفات ودفاتر نظرتله بإستغراب گال - شيلي الدفاتر كلهن زفرت نفس بعصبيه وشلتهن لگيت جواهن موبايلي ! إبتسمت وباوعت عليه - شـنو؟ - إخذيه !! - شنـو؟ - شبيچ الموبايل إخذيه - ليـش إنتَ مو مانعني؟ - وهسه سمحتلج يلا إخذيه بلكي تتونسين بيه إبتسمت فرحانه وإجيت يمه بسته بخده شكر هوَ صفن بيه وگال ( لو ادري هيچ يوميه اخذه وارجعه الج) - ههههـه دخلت بكروب ع التلكرام بس بنات وانطلقت اراسل وهوَ هم يمي محد مركز ويه الثاني .. بقن البنات يسولفن عن ازواجهن ودلالهن ومشاكلهن وآني استحي اسولف .. كالن افتحي گلبج محد تشوف الثانيه ولا وحده تخرب ع الثانيه .. كلهن بغير محافظات آني سولفتلهن وهنَ لعبن بيه لعب على إهمالي ويخبلن بيه يگللي هسه يطب وياه وحده خلني انجن بحيث حصرتني البچيه .. هوَ رفع راسه شافني مدمعه هزلي براسي گال - شبيج؟ - هـاا؟ لا مابيه شي - چــا شبيچ مدمعه راح تبچين؟ - آآءء شفت مقطع حزين - اممم شفت حساب بإسم ولد دخللي !! ضليت ارجف طلعت من المحادثه ورحت للكروب سولفت للبنات لگيته بالگروب رد عليه نفسه الحساب - اگلچ اني بنت شبيچ خايفه مني - لا هـٰذا اسم ولد بنات راح اغادر والله رجلي يشنقني بس يشوف هـٰذا الحساب - ولچ والله العظيم بنت وهـٰذا حساب زوجي ماتشوفين البنات ديراسلون بيه چان طلعوني اذا ولد لان الكروب بس للبنات - مااصدگ - راح اخابر وردي - ماشي حطيت الهتفون وإتصلت بقيت بس اسمع صوتهه يخبل وناعم مال بنيه من سمعت الصوت يلا ارتاحيت نهيت الاتصال وبقيت اراسل بيهه مراسله - ولچ شنو هاي شفت كلامج بالكروب - اي - شنـو إي؟ولچ مبين عليچ فاهيه هسه يروح الرجال من إيدچ وتضلين تتحسرين كلمه منه - چـا شأسوي اذل روحي قابل - آني گتلج ذلي روحج - لا -ولج هـٰذا رجلچ إلبسيله دلليه حتى ميطفر لغيرچ هاي النسوان تدور الرجوله تدور والمو زينات شكثر هسه يلتجأ الهن ويروح للملاهي - لا إحنه بالناصريه ماعدنه ملاهي - خايبه شگد فاهيه هنَ يجنه لازم مايندلن - ماادري هسه شأسوي؟ - هسه هوَ وين؟ - هاذيا ممدد يمي - گومي هسه فتحي الكنتور وبدلي گدامه إلبسي تراك مغري - عزززااا - عززاج اي والله شگد فاهيه - لج استحي ابدل گدامه حتى گدام امي ممسويتهه - ولچ رجلج هـٰذا رجلچ ماكو مستحى ولا كرامه يم الرجال - لا والله وإذا رجلي - دگومي گومي عوفي الموبايل واذا ركز بيچ وشافج شتسوين هـٰذا هايم بيچ - ههههـه يــاا فريتي عقلج شوو - مثل مافريت عقلچ فري عقله كومي بسرررعه ذبيت الموبايل وطفرت بسرعه فتحت باب الكنتور وبقيت اگلب بالتراكات اريد واحد مستور ماكو .. سحبت استر واحد بيهن چان گصير حيل للركبه وربع ردن واحسه ضيگ .. التفتت شفته صافن عليه ورافع حاجبه إستحيت حمحمت هوَ گال - شدتسوين؟ - آآءء داريد ابدل ملابسي - هممم إتجهت للحمام .. بدلت ع السريع وطلعت اسحول بالبدي مال التراك خجلانه النوب إيڤان مشتريتهن كلهن ضيقات عود إغراء وكذا هههههي تهههي گوه تحركت خطوتين اريد اوصل للچربايه وهوَ عيونه إخترقتني بس يباوع عليه وصافن وأحس روحي متت من الخجل وخدودي صارن حمررر .. بلعت ريقي بخجل .. بعدني موصلت للچربايه طفر عليه .. يمممه گلبي وگف بقيت وارجع وره وهوَ يتقدم مد إيديه وثبتني گال - مشتاقلچ نصيت راسي خجلانه .. رفع راسي بأصبعه وگال - شبيچ مستحيه هيچ؟ - احـمم لا ممستحيه - بس خدودچ يحچن غير شي ؟ - لا ههههـه - لچ شبيچ آني رجلچ لاتستحين مني - لا مااستحي عليمن استحي - هـا ماتستحين خل نشوف تقرب يمي حيل وآني نزيت ورجعت لوره ضحك وگال(مبين ماتستحين) رجع تقرب باسني بهدوء ورقه ونزل على رقبتي يطبع بوسات مبعثره ويستنشق بعطري بذوبان .. ويهمس غزل بصوت عذب . و(تفضلوا بره كيفتوا خوب) يتبع .. الـعـبــاديــه | ||||
|
| |
|
27-07-19, 08:00 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رشفة عشق الـعـبـاديـــه البارت _18_ بارت ممزوج بالافراح والاحزان يَـزدادُ شِــعـريَ حُسـنـاً حِــيـنَ أذكــرُكُـم إنّ الـمــلـيـحـــةَ فِــيـهـا يـحـسـنُ الـغــزلُ .. .. .. .. .. .. .. .. إيڤان يوميه يتصل بيه صفاء يسولفلي على الشغل وينكت يضحكني ويخاف عليه من ابسط الاشياء بحيث حتى سهر ميخليني اسهر بـ10 يگلي روحي نامي وراچ كليه .. إذا كلش كلش ونتأخر بالكلام وننسى الوقت بـ12 .. خلصت المرحله الثالثه وصرت بالرابعه يعني العطله كلهه ماشايفه صفاء غير بالصور ولابابا يخليني اروح .. بيوم خابرني صفاء عصبني ناار وميتحاچى اريد افهم منه كلمه مااكو صفاء - لچ إلى متتتتتى حمووووت إيڤان حممموت أريدچ يمييي إيڤان - شبيك صفاء تذكرت شنـو؟ - ليـش آني ناسي حتى اتذكر؟ بچيت ودموعي عبالك نهر اريد يتوقفن ماكو صفاء .. إيڤان باچر ادز جدي وابوي حاولي فدوه اروحلچ حاچي امچ كلشي سوي - صفاء والله داحاول شبيدي جر حسره وسحب نفس مال جكاره مبين إيڤان .. صفاء ليش تدخن؟ آني شگتلك؟ صفاء .. مو بيدي من انقهر لازم ادخن لان اذا اكتم بگلبي امووت - اسم الله عليك هدأت اعصابه بكلامي وشويه شويه ضاع صوته يمكن غفى .. غلقت الموبايل ونمت على دموعي تعذبت حييل ثاني يوم إجه جدو وأبوه وهم حاچوا بابا ونفس الشي .. جدو انهد على بابا وگاله ..بعد هاي هيَ لااعرفك ولاتعرفني إجيتني قبل وطلبت مني بنتي وانطيتك برحابة صدر وهسه إنتَ تردني !! بابا إنحرج من جدو وگاللهم (خل نشوف موافقة البنيه) خلاهم يروحون وإجه گاللي - إسمعي لچ راح اگلهم رفضت إذا حچيتي كلمه اموتج فهمتي آني بقيت فاتحه عيوني حيل وبقيت ابچي واشهگ .. رحت لاامي اتوسل بيهه - ماما فـدوه والله مااتزوج غيره ابقى عانس ولااخلي غيره يلمسني - مايفيدچ إيڤان إحنه اهلج ادرى بمصلحتچ - هيَ شـنو مصلحتي شـنو؟ آني صفاء حياتي ومصلحتي ليش هيج دتسوون بيه مو آنتِ وبابا عشتو شعور الحب وشفتوا لوعته شنـو ليـش تعيشونياه ليـشش؟ بقيت اعيط وادگ والطم ودموعي عشره عشره .. إيڤان .. إنتِ عشتي الحب عشتيييه 7 سنين ويه بابا تحبيه وشفتي شلون عذابه فـدوه آني مااتحمل 7 سنين بقت تبچي وياي وتهدي بيه .. سحبتني لحضنهه وبقيت ابچي لما غفيت .. ...... بقيت إسبوعين يجبروني ع اللگمه وماطالعه من غرفتي .. ملازمه البكاء والنحيب آني كلش احب لفات الفلافل ودائماً آفقد من اشوفهه .. دخلت أمي وبيدهه لفتين هوَ آني مااشتهي العسل .. إنطتني اللفه وجبرتني آكلها ..كملتها وتمددت گالتلي أمي - ولچ إگعدي خل معدتچ تهضم الاكل ليصير عندچ عسر هضم بقيت ممدده وجامده بس اباوع بعيوني عبالك دميه متحركه . نمت وأمي فوك راسي تنحش خاف يصير عندي عسر هضم .. مااهتميت لكلامهه ونمت .. ... گعدت لوحدي بالغرفه والاضويه مطفيه انرعبت .. فزيت طفرت للگلوب شغلته ولعبت نفسي .. ركضت بسرعه للحمام تقيئت بقيت اتقيئ وابچي احس روحي طلعت اصعب شي التقيؤ يخلي الروح تطلع وترجع .. بقيت بالحمام ابچي واتقيء دخل بابا شافني تخبل .. بقى يعصر براسي واني مدنگه اتقيئ وأمي واگفه بالباب حاطه إيدهه على حلگهه وتبچي .. شفت الدمعه بعين بابا ويعصر قوي براسي .. - اخخ بابا راسي يأذيني - حبيبتي هسه يصير زين خلصت وأمي جابت المنشفه نشفت وجهي ومسحت دموعي وتبچي على حالي آني بس جامده واتنفس سريع .. إلتفتت على بابا وگالتله بعصبيه - كافي حسين إنطيهه لصفاء شوف البنت شصار بيهه بنتي راح تروح من إيدي آني بسرعه گلتلهه - لا ماما مو على صفاء بس لان اكلت اللفات تسممت هاي ثالث مره بس آكل فلافل اتقيء حتى مره بالكليه صار وياي هيچ - يمكن لأن مكشوف لو صار عندچ عسر هضم شوف أمي چلبت بالعسر هضم اگلهه كلما آكل فلافل اتسمم تگلي عسر هضم (بگلبي احچي) - ماادري رحت تمددت نحلانه ورحي رايحه مني .. حيل مابيه وجسمي گوه اشيله وعيوني ذبلانات ووجهي مخروط .. بقيت اتصفن بالغرفه حفظت كل تفصيل بيهه من گدما صفنت بيهه . شويه ولعبت نفسي وخبطت معدتي بلعومي انخنگ وركضت للحمام وبقيت اتقيء وابچي .. گمت كلساع تجيني النوبه وابچي واتقيء .. بابا گال - گومي گومي آخذچ للمستشفى - بابا مااروح للمستشفى اخاف سحر .. چـا شلون تخافين وبعد يومين تداومين بالمستشفى هيَ چكة إبره تحمليهه وتعالي إيڤان .. اكو فرق بين آني اضربهم إلابره وهم يضربوني وصارت عندي خوفه من الممرضه كسرت الابره بيه سحر .. إنتِ تقلصين بروحچ وهيَ تصيح رخي لما انكسرت چـا شتسويلچ إيڤان .. إيي منهه بعد كرهت المستشفى النوب هسه هم يضربوني وتنكسر بيه ..وبعدين آني مااداوم بالمستشفى افتح عياده بس اتخرج سحر .. امم الله كريم هسه دروحي وان شاء الله ماتنكسر خل يشدولچ مغذي بقوا يقنعون بيه گوه إقتنعت اروح للمستشفى .. وصلنا للمستشفى واباوع ع المكان النسوان نايمه بالردهه ووجوهن صفره من الالم .. ويمهن لو بناتهم لو اقاربهن بوجوهن الخوف والقلق وبيهن يبچن على حالة المريضه .. والسسترات لابخات بالمكياج لبخ ونص الشعر طالع ويطگن بالعلج ويفترن ببرود يحاچن المرضى وواحد خطيه أمه بين الحياة والموت وهاي تتنغوص وتحچي بطرف خشمهه لما عاط بيهه خنسهه بوسط المستشفى بابا من شاف هيج الحاله گال متدخلين ردهه اخذچ غرفه خاصه .. رحنه بالغرفه وآني روحي ذايبه وداتعذب ألم من بطني احس مصاريني تتگطع .. دخلنا للغرفه إجه ممرض شدلي كانونه وبقينا ننتظر المغذي يخلص .. بس شنو شصار بيه من شد المغذي كلساع اريد اطفر لو الزم إيده وهم يضحكون عليه أخر شي الممرض من سمع بيه ادرس طب گال - المفروض إنتِ تحفزين الناس متخاف مو تتراعشين من كانونه !! الطبيب لازم يكون عنده قوه وقساوة گلب حتى بالعمليه من يشوف مناظر مرعبه ميخاف - امم قنعتني صراحه بس اني من انكسرت الابره لهسه اخاف هم تنكسر لان الالم العشتهه بوقتهه محد عايشه مثلي - لا إحتمال ذيج البنيه مو خبيره او جديده ع الوظيفه ف صار هيچ بيچ - شـكراً راح احتفظ بذني النصائح إبتسمت وخليته يشد الكانونه وصدگ ماحسيت بيهه من قويت گلبي .. بابا تشكر منه لان قنعني رغم چانوا كلهم يقرون براسي واني مااقتنع بقيت گاعده ابتسم واباوع بوجوهم كلهه خوف وتوتر وامي تبچي عبالك راح اموت اليوم .. شويه ودخل عباس وصفاء !! تفاجئنا بوجودهم !! آني عيني بقت على صفاء متغييير حيييل شنـو هاي شصاير بيه !! ضعفان ولحيته طولانه وشواربه صايرات كثيفات ؛! عيونه جواهه اسود وعظام فكه مبينه !! اول ماشفته دمعت على منظره وهوَ إحتضني بنضراته وعيونه المُتعبه .. ركض متلهف ويسأل عليه ومااستحى من اي احد وكلساع وگال (صرتي زينه ؟) راح وره شويه رجع محمل بالعصاير والكيك وكلشي احبه جايبه !! بابا بس يتصفن بيه وبيه .. عيوني مااگدر انزلهن منه وبابا يرمقني بنظرات فاحصه يخجلني .. انزل راسي مُرغمه .. إجه بلهفه قدم العلاگه وگال صفاء .. إشربي عصير بلكي ترجع الروح لوجهج هزيت راسي منصيه وهوَ واگف على راسي يفتر بقلق وتوتر وكلساع شاف المغذي ويتفحص بالكانونه .. بابا سأل عباس گال - شلون عرفتوا إحنه هنا ؟ عباس .. رحت للبيت لگيت بس سحر وكالتلي وإتصلت على رائد گاللي على مكانكم صفاء .. يلا خلص المغذي راح اروح اصيح الدكتور يشيله .. إيڤان .. لا عليمن آني افتحه صفاء .. لا لا شنـو إنتِ وهوَ شنـو شغله راح صاح الممرض فتح المغذي والكانونه وطلعنا من المستشفى ردت اصعد بسيارة رائد ماقبل صفاء وسحبني لسيارته بابا بس صافن بيه ويرفعله بحاجبه .. وهوَ يشوف نظرات باابا بس مغلس ومسوي الوضع مو يمه ابدد طول الطريق ساكتين وعيوانه تترقبني بالمرايه جر حسره وتنهد گال بقهر - متغييره حييل شصاير بيچ نصيت راسي وشفتي ترجف اريد ابچي گتله - إنتَ متغير مو آني - هوَ إحنه إثنينه محتركين مثل الجكاره إنتِ النار وآني الجكاره تاكلين بيه لما تخلصيني - واني هم اخلص من تخلص الجكاره صفنت وگتله - اگلك عود إنتَ ليش تفكيرك بس بالجكاير لهالدرجه تحبهن؟ ضحك وگال - اموت عليهن ادمنتهن بسببج لوما هنَ ميت من زززمماااان - اسم الله شبيك تفاول على روحك - چـا شاسوي وصلنا للبيت مباشرةً نمت گعدت ثاني يوم لكيت امي يم راسي وتضحك .. رفعت راسي وفاتحه بس عين وشعري مبعثر على وجهي بطريقه طفوليه ووجهي منعس إيڤان .. خير ان شاء الله أمي حضنتني حيل بحضنهه وكالتلي - كل الخير بعد امچ كل الخير - إنطينا شويه من هالخير - لج ابوج وافق على صفاء طفرت بسرعه تربعت وفكيت عيوني على وسعهن - چذذذذذذذب ضربتني بخفه عل متني - إنچبي لتگولين جذب ماجذب اني - لا ماما فـدوه صدك السمعته؟ - اي والله صدگ البارحه من رجعنا گال لهفة صفاء على إيڤان خلتني اتطمن عليهه وياه بس ماعتقد ترتاح وياه - لا ارتاح وداعتج ارتاح بقيت احضن بأمي وابوس بيهه واصيح افيييششششش لفيت شعري كعكعه ع السريع وبدلت ملابسي ونزلت لجوه تريگت اكل بسرعه وبتلذذ لان مماكله وجبه كامله صار شگد .. بابا يباوعلي مبتسم وعيونه فرحانه گال - بابا إيڤان من هسه تره هـٰذا إختيارج مو إختيارنا خاف بعد يومين تصيحين إلحگولي أكيد إحنه نوگفلچ بس ماالچ حق تلومين اي شخث بينه فهمتي هزيت راسي بأي وگمت طفشانه من كلامه استحي اباوع بعيونه هسه شيگول عليه .. يلا فادني الاعتكاف اول مارجعوا الخبر اتصل صفاء فرحان ومكيف ومشغل اغاني بكل صوته ويصيح اخيررراً ارتاحيت كلشش .. ثاني يوم إجت المشايه وقروا الفاتحه وحددنا الاثنين العقد .. فرحانه طايره من الفرح .. .. إجه يوم الاثنين ورحنا للصالون لبست بدله لون وردي فاتح ومكياج وردي وتسريحه بسيطه وصبغت نهاية شعري سلڤر واطراف گذلتي هم .. لبست تاج ناعم بورود صغيره لامعه .. وعيوني كلساع تدمع من الفرح مامصدگه .. رجعنا للبيت والهلاهل والرگص اجواء تجنن وآني احس نفسي طايره .. شويه وأجه صفاء وعقدنا .. دخل عليه بقاطه ورزانته طالع يخبل وعيون البنات اكلنا اكل لبسني الحلقه والتراچي والكلاده من لبسنياهه بهدوء ومن خلص باس متني خلاني اموت خجل .. طلع وراحو المعازيم بقينا نركص شويه ووبعدهه دخل رائد وبابا .. شافوني وكاموا يبچون .. آني ركضت على بابا حضنته وبقيت ابچي .. بابا شرط عليه اكمل كليه يلا نتزوج وهوَ وافق .. بقيت يوميه اخابره ونحچي براحتنه ويصبر بيه واصبر بيه ع السنتين .. ( تسريع ..) لما ماحسينا بيهه لان الايام تركض ركض وخلصن السنتين وتخرجت چان احلى يوم يوم تخرجي وبوجود صفاء طبعاً ونبأ چانت موجوده ونضراتهه كلهها حقد تجاهنا وتهز براسهه وارفع حاجبهه بتوعد وآني ماهمتني ابدد .. اول ماخلصت الامتحانات ركض صفاء على بابا وحددوا موعد الزواج بعد اسبوعين لان اني مكمله نيشاني بهاي السنتين كملته كله مابقى شي.. بقيت أحضر الشغلات الناسيتهه وطايره من الفرح .. صفاء اشترى الغرفه وشدوهه يعني مابقى شي .. طبعاً نتزوج ببيت اهله ماقبل ببيت جدو لان مرجعه على اهله .. گال نعزل فوگ ومن تضوجين تنزلين شويه وتصعدين لان مايثق بيهم .. سوه نفس بناء بيتهم فوگ .. كلش فرحت .. خلصن الاسبوعين وإجه يوم حنتي احلى يوم بحياتي .. لبست بدله حمره قصيره وشعري مفتوح ومبروم .. اول مادخلنا للقاعه كلهه صفنت علينه ثنائي واو .. إبتسامتي شاقه ثغري وعيونه مركزه عليه مامصدگ وكلساع يهمس بـ(الحمد لله) گعدنا ع الكوشه وبلش التصوير والاغاني والرگص '''''''''''''''''''''''''' حـوراء طول السنتين آني على اتواصل ويه هاي البنيه وتنطيني نصائح واطبقهه بس شنـو عباس تغير 180 درجه گام يموت عليه وماينام إذا مو بحضني وآني فرحانه مامصدگه قدم دراسه خارجي امتحن ثالث ونجح الحمد لله .. بيوم راسلت فاطمه گلتلهه - اگلچ فاطمه فـدوه غيري اسمچ لااسم بنيه لايشوفه هـٰذا المخبل مالتي ينجن - خب آني المخبل مالتي ميقبل جان غيرته لان هـٰذا حسابه ورقمه وآني مسويه استغلال - يــااا - والله سمعت صوت عباس بالصاله ركضت تلگيته اخذت منه المسواگ وضحكت گتله - الله يساعدك ضحك بوجهي وگرصني بخفه بطرف خشمي ركضت حضرتله الحمام وملابسه ودخل سبح .. حضرت الغدا وصبيت گعدنا كلنه وتغدينا وهوَ كل شويه يهمس بإذني ويضحكني لو يسولف نكت وكلنه نضحك. شربنا الچاي ودخلنا للغرفه دلكتله ظهره ورجليه وغفى غطيته ونمت .. صدگ حسيت برضا على نفسي بسبب إهتمامي بيه المفروض من اول اسوي هيچ حتى يهتم بيه بس ماكو احد يعلمني وينصحني لو ما هاي فاطمه چان حال الظيم حالي .. .... بيوم گعدت من النوم وموبايلي ع الميز مال الچربايه .. تمغطت وگتله - عباس اليوم آني اسبح اول حاچاني وهوَ بنومته ومغمض عيونه - هممم (معناهه إي) اخذت ملابسي ودخلت للحمام .. بقيت اسبح ومسترخيه واجيب بالصابون والعب بيه واضحك .. ومااحس الا الباب مال الحمام تفلششش ويترگع بكل قوته وعياط عباس واصل للستار عباس ..اطللللععععيييي حـوراء .. شبيك غير گتلك راح اسبح قبلك عباس .. لججج اطلعيي بنت الكلببب حـوراء .. عباس لتغلط على بابا شكووو عباس .. لچ كلبه إطلللللعععييي من الخوف والرجف بسرعه بسرعه غسلت وطلعت بالبرنص حتى بدون ماابدل ..! اول مافتحت باب الحمام سحب شعري بدل قوته وصلخني راشدي .. عطت بوجهه حـوراء .. اخخ شبببيييكك؟ ضربني راشدي ثاني وبقى يضرب بيه بسرعه بسرعه ويملخ بشعري عباس .. لچ گـ... منين هـٰذا التراسلينه منيييين؟ عرفته شايف المراسله مالتنه آني وفاطمه بقيت ابچي ووجهي مصلخ عطت بيه حـوراء .. لك بس خل افهمك شببيك ضل يشيل بروحه ويرگعها .. يفتر بالغرفه ويهلس بشعره وكلساع يرفس غرض ووجهه تحول لونه احمرررر گتله بتوسل ودموعي تجري حـوراء .. لك عباس خل افهمك ليـش هيچ تتصرف اكو شي اسمه تفاااههمممم عباس .. لچ اگول يلا مهتمه بيه وتغيرتي اثاري تحسين بالذنب تجاهي بسبب خيانتج هزيت راسي نافيه وصوت شهقاتي مسموع حـوراء .. لا لا والله موهيچ عباس .. بس راح اسألچ وجاوبيني - هـوَ نفسه الي صعدتي وياه قبل ؟؟ بقيت املخ روحي وابچي حـوراء .. لك إنتَ شتحچي ليش تخبلنيي ليششش ؟؟؟؟؟؟؟ عباس .. لچ إنتِ لاتخبليني شفت المراسلات بعيني حـوراء .. شششفت؟ عباس .. شفته يگلچ المخبل مالتج وين راح اخابرج .. لج مسويني مخببللل حــووورررراءء انييي مخبلللللل ركض عليه خنگني ويضرب بيه وخالتي تضرب ع الباب وتعيط وهوَ فاصل عافني وضل يفتر ويتنفس قوي فحطان .. آني شرگت وبقيت اگح واسحب انفاسي المتبقيه .. وابچي ووجهي احسه دخن من الخنگ .. عباس .. گومي انقلعي لااهلچ لحظه ماتبقين شهكت بصوت عالي وگعدت يائسه حـوراء .. لاااااا فـدوه كلشي ولا اهلي والله بعد ميرجعوني ركض عليه شالني من زندي وگال بهمس وعصبيه عباس .. شكلج مااشوفه يلا برررره فتح الباب وسحبني وياه .. شمرني من زندي مثل البهيميه وصاح على ٱمه ( اخذووهه مااريدهه) وسد الباب بكل قوته .. خالتي بس شافتني شهگت ولطمت على وجهه - صخام الصخمني شمسوي بيج هـٰذا؟ شهگت وبچيت بصوت عالي - خاله والله كلشي مامسويه وإذا اروح لااهلي بهالمنظر يطلگوني ض - ايي غير تفهموني شبيكمم؟ - ماخنته والله ماخنته فتحت عيونهه حيل وزلغت خدهه - عززا العزااني - خاله اسمعي .. ( سولفتلهه السالفه كله ) حتى المراسلات موجوده بس هوَ ميخليني افتح الرمز واشوفهياه شاسوي هسه ياربي بس اروح لااهلي يذبحوني - خلي يهدأ وآني احاچيه ماشفتي شصاير بيه تره حالته مو أهون منچ بقيت ابچي بصمت وانحب .. حضرت الغدا وآني عيوني تكت دموع عشره عشره .. صبيتلهم وخالتي كالت ألا تكعدين لان دوم إذا يضوج مايتغدا - خاله آني مااشتهي اصلاً - إگعدي ع الواهس بلكي تشتهين گعدت ع السفره وبس صافنه والعب بالماعون .. شويه وإنفتح الباب وطلع خزرني وفتح عيونه وصاح عباس .. هاي شتسوي بعدهه هنا خالتي گالتله - عباس استهدي بالرحمـٰن ركض عليه شالني من زندي ويسحب بيه للباب مال الشارع وجدو يريد يلزمه ماكو وخالتي تفلت بإيده بس هوَ قوي حيل - اخخ عوفنيييييي خالتي گالتله - ولك بس خل تاخذ ملابسسس شبيك انتَ شبيكك شمر إيدي وكال بعصبيه - تاخذ جرودهه وتطلع مااشوف خلقتهه بالبيت - اي رحت للغرفه الملم بملابسي وهوَ واگف على راسي خاف اضم شي وخالتي وجدو واگفين يقنعون بيه لما عاط بيهم سكتهم .. لميت ملابسي بجنطه صغيره وگتله بشهگه ودموعي تصب - والله ثم والله بس اطلع من عتبة الباب بعد ماارجع للموت لو يگلولي ندفنچ بالنجف لو ترجعين اختار اندفن وإنتَ الخسران لأن المحادثات موجودات بتلفوني ومارضيت تسمعني هاي هيَ آني گتلك وآنتَ شوف . شكله تغيرت ملامحه وعيونه إحتارت وخالتي وجدو يقنعون بيه وآني اخذت الجنطه وطلعت .. وصلت لباب المطبخ صاح عليه وگفت اسمعه بدون مالتفت عليه گال - تعااااي إگعدي خل نتفاهم ضحكت بإستهزاء - لما دميتني تريد تتفاهم؟ كال بجمود - فوتي مالي خلگچ تره دخلت وذبيت الجنطه بالغرفه .. گعد وكال - سولفي حچيتله السالفه كلهه بس شكله مامصدگ - شلون اثق بيچ وآني شفت بعيني يگلچ مخبل عليه ويريد يخابرچ؟ - إنتَ شفت الاشعار من البرده بس هسه اشوفك المحادثات رحت اخذت موبايلي وفتحت الرمز وذبيته عليه اخذه وضل يقره بالرسائل وكلساع يفرك وجهه وسمع الصوتيات كلهن كمل ،، غلق الموبايل ودنگ راسه وعصر عيونه حييل . كتله ببرود وهدوء - طلگنيي !! لحظه ماابقى بهالذل رفع راسه بسرعه خزرني حيل واشرلي بأصبعه على حلگه كال - اشـش ديري بالچ تنطقين بهاي الكلمه - الرجال اليشك بيه وباخلاقي ويلفظ عليه لفظه مو حلوه لو اموت ماابقى عنده ف طلگني برضاتك أحسن مااوگف بالمحاكم تره مالي خلگ (عود اذكره بكلماته) فتح عيونه حيل خزرني إنخنست وغاب صوتي گال بعصبيه - لو تخضر نخله براسج مااطلگ وعيدي هالكلمه وشوفي شيصير بيج همست بدندنه - هـه اكثر من هـٰذا يصير بيه - لاتدندنين وحدج لو بيج خير احجي بصوت عالي سكتت.// وانافخ واستغفر ووجهي صاير خريطه .. رحت لخالتي حضنتهه وبقيت ابچي - خاله مااگدر اعيش وياه واحد متوحش وميتفاهم إيده والضرب شنـو ذنبي وجهي هيج يتخرب ويتدمى ليـش؟ آني مو مرته؟ اكو واحد هيج يجرم بمرته؟ - بعد خالتج هوَ من شاف الرسائل عباله غير شي وهمَ الزلم كلشي ولاتنهان رجولتهم وهاي بإعتبار إهانه لرجولته . - بس لازم يگعد وياي ويتفاهم مو يركض عليه يدميني - اكيد يصدگ عيونه مايصدگ بكلامچ - بس لو ماخذ موبايلي وشايف بقية الرسائل مو احسن من هَـٰذا الدم - اووف الله يهديه الج بحق الحُسـين يتبع .. الـعـبـاديــه 🌼🌻 اجيتكم في سرعةً قصوى 😁 وبارتي التعويض عن البارحه ويايه وهم مااجيت لوحدي لا عيوني ويايه قصه جديده بس يكمل الغلاف انزل مقتطف | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
