آخر 10 مشاركات
الدخيلة ... "مميزة & مكتملة" (الكاتـب : lossil - )           »          497- وحدها مع العدو - أبي غرين -روايات احلام جديدة (الكاتـب : Just Faith - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          الرزق على الله .. للكاتبه :هاردلك يا قلب×كامله× (الكاتـب : بحر الندى - )           »          بين الماضي والحب *مميزة و مكتملة* (الكاتـب : lossil - )           »          ضلع قاصر *مميزة و مكتملة * (الكاتـب : أنشودة الندى - )           »          شيءٌ من الرحيل و بعضٌ من الحنين (الكاتـب : ظِل السحاب - )           »          سمراء الغجرى..تكتبها مايا مختار "متميزة" , " مكتملة " (الكاتـب : مايا مختار - )           »          دموع زهرة الأوركيديا للكاتبة raja tortorici(( حصرية لروايتي فقط )) مميزة ... مكتملة (الكاتـب : أميرة الحب - )           »          ندبات الشيطان- قلوب شرقية(102)-للكاتبة::سارة عاصم*مميزة*كاملة&الرابط (الكاتـب : *سارة عاصم* - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 27-07-19, 08:01 AM   #21

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الـسـلامُ عـلـيـكـم 🌻🌼

رشفة عشق
الـعـبـاديـــه
البارت _19_

تـشكـوا تـفـرقـنا وأنـتَ جَـنـيتـهُ
ومـن الـعـجائِـبِ ظـالِـمٌ يتــظـلَّـمُ

... ... ... ... ... ...

حـوراء

عباس بقى يعتذر ويحاول يصلح غلطه وآني معانده مااقبل بالصلح لأن أذاني حيييل ..

واگفه ع السنگ اغسل مواعين وحسيت بإيدين حوطت خصري ،، عصرت عيوني حيل وزفرت نفس بعصبيه

- وخرر عباس

حط أَنفه على رقبتي ومشىٰ بكل هدوء گال

- إعتذرت هواي وتعبت كافي زعل آني حبيبج نسيتيني

- عباس رجاءً گتلك إعتذارك ممقبول وخلاص مو آني إلي تذلني بسبب عدم تفهمك

- لچ والله من شفت الرسالتين تخبلت گمت مااشوف گدام عيوني ومن أعصب افقدد تعرفين شنـو افقد؟

- لا مااعرف وخر (بعدت إيديه بضجر من خصري وسديت المـي ورحت اثرم)

- خليها ببالچ راح اضل وراچ وراچ يوميه اصالحچ واعتذر لما تقبلين تصالحيني

- ميفيد إعتذارك باع وجهي شصاير بيه وبعد 4 آيام حنة إيڤان هيچ اروح بهـٰذا شكلي؟

- هسه اجيبلج علاج بسرعه يطيب

- مااريد علاجك (بنتر)

- مو بكيفچ

طلع واخذ السويچ مال السياره وياه ..

سويت دولمه وهوَ ماياكلهه رحت خابرت إيڤان

- الـووو ڤوڤو شلونچ

- ايييع لچ لتصيحيلي ڤوڤو .. شأگول عليك صفاء من طلعتلي هـٰذا اللقب

- هههههـه يليق بيج

-لا والله ميليق إسمي إله هيبته

- اي المهم اگلچ اليوم شنـو غداكم؟

- تمن ومركة فاصوليا

- احنه اليوم دولمه وعباس مياكلها جيبي فاصوليا وننطيج دولمه يعني تبادل

- ماشي بس ينطبخ اجيبه لان مشتهيه دولمه إجتي لباب داري

- هاي هي باي

- باي

صبيت الغدا وهوَ إجه ، من داصب حط العلاگه بحضني وباسني بخدي مقابيل خالتي متت من الخجل وخالتي ضحكت عليه وهوَ إستغل الفرصه شافني مااحچي وياه ولاارده گام كلساع يتحرش بيه ويگرص بخدودي لو بطرف خشمي ..

دخلت إيڤان لابسه عبايه بدون شال ونعال إبو الإصبع وبإيدهه حافظات الغدا متنه ضحك عليهه عباس بقى يصنف ويضحك

عباس .. هـا بيبي بيش صينية الروبه؟

إيڤان بثقه .. خب إنچب والله عبالك ملاك ولابس عبايه

عباس .. هههههههههـاااااي

صفاء .. إيڤان الصراحه الصراحه تشبهين خطر الي وي دواس بمسلسل الحياله

خزرته وهوَ ضحك بصوت عالي وهيَ رافعه حاجبهه گالتله

إيڤان .. باع منو اليحچي دسكت چنك اياد راضي بدور ابو فليس

ضحكنا عليهم وشلون يتناگرون وبقت إيڤان يمنا للعصر گضيناهه تصنيف .

طول الگعده عباس يباوع عليه ويتحسر ويسبل بعيونه ويتوسل بنظراته وآني ارفعله حاجب وادور وجهي عنه .

راحت إيڤان وعباس أشرلي بحواجبه ع الغرفه عود (گومي) ..

قـلّـبت بعيوني بإنزعاج وگمت للغرفه اول مادخلت هجم عليه حضني وبوسني

- كاافي عباسس مااررريد لتصالح ولا تتعب نفسك

حبيت اعذبه واخلي لنفسي قيمه وميشوفني سهله واقل شي وضربني

بدأ يستعيد قدر واهي من تماسكه وشد إيده بغضب وزجر بعصبيه

- خلاص تعبت إلىٰ متىٰ رافعه خشمج علييه اعتذرنا وماخصلنا بعد شتردين مني شأسويلج ابوس رجلچ؟

كتله ببرود وبصوت مستفز لركاكتهُ ...

- گتلك بوس رجلي؟

علامات الصدمه والاندهاش انرسمت على وجهه بتحير گال

- هاي هيَ بسيطه

ضرب الچربايه برجله وراح للحمام ..

گعدت ع الچربايه يائسه واسحب انفاسي بتثاقل ويأس من الحاله الاعيش بيهه !

صاح وهوَ بالحمام

- الخاولي والملابسسس بسسرعه

گمت طلعتله ملابس وخاولي وانطيتهن اله من وره الباب ..
طلع لاف المنشفه على خصره وينشف بشعره والمـي يطفر بأرجاء الغرفه ..

ويتقرب يمي ويهز براسه حيل علمود يطفر المـي على وجهي ..

يريد يستفزني بكل اسلوب حتى اعيط بيه ويطلع هوَ ابو الراهي ..

نفخت أنفاسي بغضب وگمت سحبت منشفه ونشفت وجهي بسرعه وبغضب .
،،
الموبايل شمرته عليه وگتله مااريده وهوَ كيف بقى يكنك بيه وفتح حساباته بيه واني اتشعوط من الحرگه ..

تمدد ع الچربايه يكنك بموبايلي وآني گاعده ع الطرف اللخ وأهز برجلي من العصبيه وعافسه وجهي ..

بقى يتصفح ويصيح

- الله الله شلون موبايل حلو سريع ومايعلگ

سكتت..//

ادري بيه يريد يحرگ كلبي ويستفزني .. گال

- بله تعالي علميني شلون استخدمه لان نظام الآيفون صعب مامتعود عليه

گتله بعصبيه واستهزاء

- اي طبعاً متعرفله لان هـٰذا مو لخريجين الابتدائيه والمايعرفون يقرون !!

هوَ الاملاء مالته مو شي وقرايته هم .. واستفزيته فتح عيونه حيل وضغط على أسنانه قوي وصاح بيه

- إحترمي نفسج ولاتتجاوزين مو تشوفيني ساكتلج احترمتج زياده الظاهر وانتِ مو مال احترام وشوفي هـٰذا التعيريني بيه هاچ
(شمره بكل قوته بالحايط تفلش سديت إذاناتي من قوة الضربه)

خلى وطلع !!

اخخ يالساني الا تفلت .. ولو اني ردت ارجعهه اله من غلط عليه هسه تصافينه وحده بوحده .

إجه الليل ممزوج بتوتري وقلقي ..

اتصل عليه بموبايلي المفلش همزين ماطفى لان نوعيه زينه ..

موبايله مغلق وماأله أثر .!!

لـ12 بالليل وهوَ ماكو بقيت ادگ وألطم خالتي وجدو ناموا عبالهم إجه وآني غلطت ماگلتلهم .. دنگت راسي وبقيت ابچي بحرگه وقهر وادعي مصاير عليه شي ..

صارت الساعه بالـ1 دخل يتطوطح !!

عززاااا العزاااني !!!

ركضت عليه فتح عيونه حيل ودفعني قوي انشمرت ع الچربايه

- عباس شارب؟؟؟؟؟

مشى دايخ ويفتح بعيونه حيل يتسعيد وعيه وآني متصنمه وانظرله نظرات فاحصه ليكون الببالي صح !!

صفن بوجهي المُشرّب بحمرة الفضول وگال بصوت ممفهوم وثقيل

- سبحيني !!

رديت عليه بإندهاش

- شـننوووو؟؟؟

وگع ع الچربايه وغمض عيونه ركضت عليه

- لك عباس شبببييييك؟

ضليت ادگ وألطم
- هسه آني هاي تاليتي رجلي يشرب خمر !!!

ماكو ريحة شرب واصلاً آني ماشامتهه ولااعرفهه لان محد سكران گدامي
بس سامعه اليدوخ يعني سكران !

گعد بسرعه وفتح عيونه حيل وعاط بيه

- خايبه لاتضلين تمسلتين ويني وين الشرب .

شفتي رجفت ودموعي صبت

- ليـش؟؟ إنتَ مو تصوم وتصلي ليـش تشرب؟

زجر بيه بصوت عالي

- خايبه شربيششش؟؟ اگلج ماشارررررب ماشارررررب شمي ريحتي

- حتى لو شميت آني شعرفني بريحته

- إنتِ ماتفهمين داگول ماشاااارررررب ماااشااارررب ولا راح اشررب بحياااااتي فهمممتيي

- چـا شبيك دايخ؟

- ثقلت بالنرگيله ولااول مره بحياتي اضوگهه والمعسل قوي ابو التفاحتين ودخت

ضحكت بصوت لايخلو من السخريه

- ههههههههـه اي شايفني قشمر

- خب شو دطيري الصدگتي والماصدگتي طززز وهسه گومي حضريلي حمام وسويلي چاي خل يعدل راسي لان انسطرت ،، حسره عليه ادخل لهاي الغرفه تره المشاكل تتلگاني !!

صفنت عليه ورفعتله حاجبي بعتب باوع بعيوني ودار وجهه هارب من نظراتي المُتعبه

رحت حضرتله الحمام وعطرته وطلعتله ملابس وسويت چاي ونمت بدون ماانتظره ..

وره شويه حسيته طلع من الحمام وبقى يمشط وكل حركه يتحركهه يطلع اصوات مزعجه حتىٰ تفززني

صحت بضجر

- چـؤ چـؤ چـؤ شلون بله ماننام؟؟؟؟؟

گال ببرود

- اي لاتنامين انتظري انومج بحضني !!

همست

- ماتستحي غير

غمضت عيوني أمثل النوم وهوَ كمل ودحس روحـه يمي وحضنّي وخرت إيده بعصبيه وانزعاج ..

رجعهه على خصري وسحب جسمي كله بحضنه گال

- من دخلتي بهاي الغرفه اول ليله آني شگلت؟

انرسمت علامات التساؤل على وجهي وگتله بنتر

- شگلت؟؟؟؟؟

- مممم يعني متتذكرين؟

- لا

- اذكرچ ليش لا ..
گتلچ ماتطلعين من حضني لو الدنيا تتثالث وهسه شسويتي؟

- ممم ممسويه شي

- لا سويتي وهسه الچ عقوبه

( تقرب على شفتي)
طفرت بسرعه

- ااااهــوو اذا بيهه عقوبه خل اروح انام بالصاله

طفر عليه بسرعه ولزمني من فكي وعصر شفتي بأصابيعه فتهه فت

- ديريييي بالللججچ تعيدين هالكلمه والله العظيم اشوفچ شي ميعجبچ والخلقچ

لزمت إيده متأذيه

- ايييي ... آآآه شفتي وخررر إيدك

عافني وراح نام ومد إيده گال بعصبيه

- إلچ خمس ثواني اذا ماجيتي شوفي شيصير بنص الليل

ركضت نمت بحضنه مُرغمه وازفر انفاسي بعصبيه ..

نمت وبعد ماحسيت على شي ..

،،،،،

بقيت احضر لحنة إيڤان وصفاء وطايرين من الفرح كل الوجوه مستبشره وفرحانه لفرحهم . خطيه صفاء ماقصر خلص السنتين بس شغل ويكون بنفسه لما بنى الشقه ببيت أبو بس شنو أبو صفاء ينافخ منافخ ومنتظر الزله حتى يخربها ..

بيوم الحنه گعدت من الصبح نظفت البيت وخابرت إيڤان إتفقت وياهه

اخذني عباس لبيت اهلي وقبل لاانزل من السياره گال

- من تكملون خابريني

- اي (بنتر)

تحسر وگال

- مو كافي؟

گتله بشموخ وثقه

- لاااا

تأفأف وتنهد

- أستغفر الله

اندار لجهتي

- محتاجه فلوس؟

- لأ

- اي شكلتي كله لا لا لا حتى صارت بيه عقده من وره الـ(لأ) مالتج

طلع فلوس هواي وانطانياهن

- هـا هـا خير شأسوي بيهن شعندي زفه؟

- باعي ذني 500 أريدچ تجين غير شكل صبغي ميشي كلشي سوي لان اليوم لو آني لو إنتِ

- يــاااا..

- اي والله خل اشوف بكيفچ لو بكيفي

- طبعاً بكيفي

التفت عليه خزرني بسرعه درت وجهي ع الشباك خايفه من نظراته وخزرته الخارقه والابتسامه شاقه ثغري

گال

- بكيفي طبعاً بالليل اشوفچ بكيفمن ..

نزلت من السياره ورحنا للصالون لبست إيڤان بدله لون چويتي عاكس بياض بشرتها وسوت تسريحه مرفوعه من مقدمة شعرهه وباقي شعرهه محمول برخاوه .

آني لبست فستان أسود قصير لايخلو من الزهور الغير مرئيه مُطرزه بعنايه ودقه باللون الاحمر الناري .. متوهج بطريقه مثاليه .

صبغت شعري جوزي غامق وميشته لون اصفر ثلجي فاتح وسويت تحديد شفه ..

مكيجتني مكياج مناسب لفستاني ..

وإتصلت على عباس إجه اخذنه للقاعه .. چان مزين ولابس قاط كشخه فديت طالع ستايل

نزل من السياره ساعدني ببدلة إيڤان وعيونه إخترقتني ومبتسم بمكر ..

اول ماصعدنا وجه المرايه عليه ويبتسم وكلساع يغمزلي وآني خجلانه ومقرره اليوم اتخلى عن الزعل واطير عقلي بفستاني الاسود ..

إيڤان طلعت وجهه مقابيل التبريد وبقت تهفي بإيديهه على وجهه

إيڤان .. ولكم متت من الحر مو عرس هـٰذا إنتقام لو ماخذه صفاء وشارده بيه ولاهالظيم مكياج وبدله وإلتزام داحس نفسي شثگلاتني مو عرس عبالك حرب بعد عوزي بس بندقيه ..

آني وعباس واحد صافن باللخ ومحد منتبه إلهه وجهت نظراتهه على عباس وعليه ..

ضربت على كتف عباس بخفه وكالتله

إيڤان .. سوق سوق لاتدعمنا تره بعدني ماتهنيت بصفصف

عباس .. خرب يومچ مهدمة اللحظات غير تسكت خل اشوف مرتي شطالعه

إيڤان .. مادام إخت إيڤان يعني شتطلع؟
اكيد قمرر

عباس .. فديت الاقمار اني

دنگت ابتسم بخجل ..

وصلنا للقاعه واجه صفاء اخذ إيڤان ودخلوا واشتعلت الهلاهل والاضويه

صفاء وإيڤان نسوا العالم بنظرات عيونهم .. واحد محتضن الثاني ويرگصون وصفاء يهمس لاإيڤان وتضحك ..

طلع صفاء ورگصنا وإيڤان شمرت الورد صار الملاگف على فلس ماشاء الله كلهه البنات تريد تعرس ..

خو إخت صفاء كتلت روحها ع الورد لما إيڤان سلمتهه الورده يلا سكتت عابت شكد غثيثه ومكروه هيَ ومرت ابوه بس ينافخن ماعاجبهن العجب ..

إجه عباس علينه صعدنا اني وأمي وياه ..
وإيڤان ويه صفاء .

عباس طاير طيور يريد بس يوصل وآني كلما تسرع خطوه كلبي يدگ عبالك اليوم متزوجه لان يريد يطلع حـيف الأيام الحرمته بيهه ..

وصل اهلي وطار للبيت وينظرلي بنظرات خُبث ..

ردت افتح الباب انزل قفله من يمه وهوَ نزل فتح الباب مالتي ويهزلي بحواجبه ع السريع بخبث ..

بقيت صافنه بيه وهوَ كال

- إنزلي عيني برنسيسه

خفيت إبتسامتي ونزلت ..

سد الباب مال السياره ومشى ورايه كلساع يگرصني بخصري مادام امشي.

إلتفتت عليه گتله

- تره ورم

- أحبه مورم من إيدي

- چـؤ أستغفر الله

- امشي عيني امشي

گتله - لا انتَ أمشي اول

ضحك بصوت عالي وگال

- لا امشي انتِ داتفرج

خزرته وعطت

- عباااسسسس

- هههههـه امشي راح اغمض (وغمض عيونه)

مشيت وهوَ وراي اول مادخلت للغرفه ركض عليه نزعني الصايه بلهفه وتفاجئ بالفستان لزم إيدي وضل يفر بيه وعيونه تخترقني ..

حبيت عذابه وحبيت نظراته وتسبيلة عيونه حسسني بإنوثتي ..

مشاعري تخربطت وخجلت من نظراته .

تقرب عليه وهمس يم إذني

- ولكم هـٰذا فستان لو صاروخ؟

ضحكت بصوت عالي على كلمته ماخلاني اكمل مباشرةً هجم على فكي عضني بيه بهدوء ونزل .. ويهمس بإذني

- والله مسوي تعويض اخخ يابه

بقى يوزع بوسات متناثره وذايب وو...

(تندلون الباب مو؟)

~~~~~~~~~~~~~~~~~~~~~~~~~~~~~

إيڤان

ماچنت خايفه ابدد اعرف بصفاء يأذي نفسه وميأذيني .. كلش مرتاحه من رجعنا من الحفله بقينا للصبح نسولف لما غفيت ع الموبايل ..

گعدت الصبح گعدته چان نايم بثقل على بطنه وشعره مبعثر على وجهه والموبايل يمه موگفه ع الميز .

- يلا حبيبي اگعد

- هممم بعدني نعسان

- غير بالـ4 اكلك نام وماكو الا تتفرج على شكلي

گعد عدل وصحصح

- صباح الخير ياعسل

- ههه صباح النور

- اوووويليي الليله أنتِ بحضني ووف (ويغمز)

حطيت إيديه على وجهي بخجل

- اووي صفاء لتخجلني خل اروح اتريگ احسللي

- ذكريني وياج من تدخلين اللكمه بحلگچ

عكدت حواجبي بتساؤل ومبتسمه

- ليـش عود؟

- مو شفتج بعد بس عصريه وتصير يمي

- اهـوو صفاء بدينا بالانحراف خل اروح احسن

ضحك وغلقته ،، كمت تريكت ورجعت نمت بـ12 يلا رحت للصالون وهم اشتغلني طلعني حلوه ولو مااحتاج اصلاً لان بمكياج ولى بدون اني حلوه احـممم متواضعه

إجتي الزفه وصارت صدگ حسيت طبول تدگ بگلبي اول مره اخاف هيج يممه شصار بيه .

دخل صفاء بقاطه وهيبته اخذني وزفونا والاطلاق والهلاهل اوويليي مداصدك هـٰذا يوم زواجي من حب حياتي ..

زفتنا چانت للبيت مباشرةً على طلبي لان مااحب الفنادق اوهوس خاف حاطين كاميرا فد شي والكل يضحكون عليه وآني هاي طبيعتي الشي اتأكد منه بنفسي يلا ..
ومااثق بالفنادق ..

دخلونا للشقه وأمي توصي بيه وآني بس اهز براسي ..
من طلعت أمي بچيت وهيَ حضنتني وبچت وبابا قبل لااجي شابع بچي حتى رائد اليوم راح لبغداد مايتحمل ..

شويه وزفوه ..

گلبي كام يدگ سريع وملامح الخوف انرسمت بوجهي ماتوقعت هيج اخاف معقوله خفت !!

دخل صفاء وسد الباب ..

باوعلي مبتسم وعيونه تلمع .. تقرب يمي بوسني من راسي وهمس بإذني (صرتي حلال) مشى إيده على خدي بهدددوء ونعومه ..

سحب نفس وحضني قوي كسر اضلاعي

صفاء .. مااصدگ هاي انتِ يمي واخيراً صرتي مالتي شأريد من الدنيا بعد اريد اضم بين ضلوعي

نصيت راسي خجلانه وخدودي إحمرن رفع راسي بأصبعه وگال

- إيڤان داحس نفسي اكتفيت بيچ كلشي مااريد بعد بس إنتِ

ضحكت بهدوء وهوَ دخل إصبعه بفكي بمكان بالنونه تحديداً .. بقى يحفر بيهه ويهمس

- مو گتلچ اعضها وهسه اريد انفذ وعدي

- ههه صفاء ...

بعدني ماكملت وهجم عليهه يعض بيهه بهدوء ويتلمس بالشامه بهدوء

رفع راسه يباوع بيه ويهمس بصوت عذب

- ماشفت بترافتج ابدد چنت متوقع ترفه بس مو لهالدرجه

- صفاء داحس صدري انزرف من إيدك تره شامتي اريدهه مااتخلى عنهه

- مممم لچ هاي اصل عذابي والله اليوم انتقم منهه على كل حسره جريتهه بسببهه على كل جكاره ورثتهه بسببهه

- ههههـه

- إضحكي إضحكي وآني متعذب

راد يهجم ووقفته ردت احجي وياه واخليه يلتزم وياي لان عندي شروطي وقفته بحجة الجوع

- اكلك تره جوعانه

- خرب يوومج شوف بيش تفكر اشتعلوووو

- شبيك لاحگ

- ديلا عمي اني هم جوعان

گمت نزعت البدله ولبست السيت الابيض وحضرت العشا ..

بقى ياكل وآني صافنه بيه .. رفع راسه كال

- شبيچ مو جوعانه ماتاكلين؟

- هـا اي اي هسه

بقيت انقش لان اصلاً مااشتهي سحبت نفس وگتله

- صفاء ..

رفع راسه باوعلي وصفن بوجهي

- هــاا؟

- آآءؤ اكلك اريد اگول شي بس اوعدني تنفذه وتلتزم بيه؟

- اذا اكدرله ليـش لا؟

- امم تگدر تگدر

- اي گولي

- اريدك تلتزم بصلاتك وبعد تصوم وتقضي الايام الفاتت

حك راسه بتوتر وهز إصبع رجله الچبير گال

- مااگدر !!!!

- شنــوو؟ ليـش ماتگدر ناقص إيد رجل؟

- إيڤان مشغول مااگدر التزم ودوم انساهه وأضصلاً ممصلي مره بحياتي ولااعرف شلون الصلاه

- اولاً الشغل مو أهم من عبادة رب العالمين لان الله سبحانه خلقنا علمود نعبده ونصلي لاانفسنا لان ميضره إذا عصينا او خالفنا اوامره

ف ياصفاء لازم تلتزم بصلاتك وصيامك لان الدنيا زايله ومتاخذ وياك بس العمل الصالح وصلاتك هيَ التوكفلك بآخرتك لتضن يوكفلك شغل لو اكل لو شرب شنـو قابل نموت من الجوع على هالعشر دقايق التصلي بيهن ؟؟

وإذا ع التعليم ف آني اعلمك وآني اخليك تلتزم ماشي متفقين؟

حط إصبعه على فكه وكال

- قنعتيني وكلامج صحيح محد يفيدني بس العمل الصالح وآني جنت احتاج شخص يضبني لان اهلي محد مهتملي الصليت او لا .. ف اهنئ نفسي على هيج إختيار

باسني بخدي وكام كال

- يلا كومي علميني عسى ماابقى للصبح

ضحكت وكمت لملمت العشا وتوضيت وهوَ يطبق وراي واحجي بصوت عالي وهوَ يردد وراي ..

لبست الاحرام مال الصلاه صفن بوجهي .. ضحكت وكتله

- شبيك شكو؟

تقرب يمي باسني براسي ونضراته تلمع بعيوني فرحان مامصدگ وآني اكبر من فرحته

- وجهچ يلمع بالاحرام ويه بياضچ ودائرية وجهج عبالك ملاك كلش لايگ عليچ حييل عجبني

- هههـه يلا خل اصلي وانتَ ردد وراي

- ماشي

صليت وهوَ وراي يردد ..

كملنا گتله - تقبل الله

إبتسم وكال .. منا ومنكم

نزعت الاحرام وبلش بنظرات الخبث والمكر ويهزلي بحاجبه ويأشر ع الشامه

- صفاء فـدوه على كيفك وياهه مو تسويلهه قلع

- لا والله اعذريني اسويلهه ونص

هجم على الشامه يبوس بيهه وفاقد ويهمس كلام غزل بأذني حسيت نفسي ذبت وشفتي ترجف ويه إرتفاع وانخفاض عضلات صدري ورجفتي بين إيديه دوختني .. بقى يتنقل بين اكثر مكانين يعشقهن وبعدهه إنتقل لعالمنا الخاص ورحنا بعش الزوجيه

(وتفضلوا بره)

يتبع ..

الـعـبـاديــه🌻🌼

بنات نت ماكو 💔
وعدتكم باي لحظه يصير عندي نت انزل بعدني ع الوعد





لامارا غير متواجد حالياً   رد مع اقتباس
قديم 27-07-19, 08:06 AM   #22

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رشفة عشق
الـعـبـاديـــه
البارت _20_


‏إذا يـومـاً عـشـقــتُكِ، كـانَ حَـقّــاً
علـى عيـنيـكِ أن ترجو الزعـامــه
أنـــــا رجـلٌ إذا أحـــبـبـتُ أُنـثــى
أُخـــلـدهـا إلـىٰ يـومِ الـقـيـامــــه !!

.... .... .... .... ....

إيڤان

گعدنا الصبح فرحانين ووجوها فرحانه ونظرات عيونه تلمع ..
احلى ليله عشتها بحياتي ..

جابوا اهلي الريوگ وتريگنا اني وصفاء وكل شويه يبوسني لو يحضني وميقبل الا هوَ يوكلني بإيده حتى أستحيت ..

بقت الناس تجي تسلم لما خلص اسبوع سوينا حفلة السبعه بيناتنا لبست 7 لبسات وأرگص ونصور فرحانين ..

مـر إسبوعين وصفاء گام يطلع للشغل ..
ماخذ إجازه شهر من شغله بكربلاء وديشتغل هنا .

إيڤان .. صفاء تعودت عليك شلون حتخليني وحدي

صفاء .. لا حبيبتي مااتأخر عليچ 5 أيام وارجع

إيڤان .. يــا چـا ماگايل شي يعني قليله 5 أيام

صفاء .. چـا شأسوي غير كله لخاطر عيونج الحلوات

إيڤان .. احــممم

بقى يطلع للشغل من 8 الصبح لـ12 الظهر وبعدين يرجع من الـ4 العصر لـ8 بالليل ..

سويت ريوگ الصبح وگعدته للشغل ..
تريگ وآني گاعده مقابيله ع الواهس بس مااشتهي ..

حضرتله ملابسه ولبسته واعدل بياخة القميص والردان وهوَ كلساع يتوكح ..

صفاء .. باعي حبيبتي أي وحده تصعد يمچ لاتتركيها وحدهه إبقي گاعده يمهه الچانت هيَ ولا بنتها ولاتنزلين جوه ابدد

إيڤان .. ماشي

طبعاً قصده على مرت أبوه وبنتها .. هيَ ممأذيتني للآن ولا سامعه منهه شي بس يمكن الهدوء اليسبق العاصفه الله اعلم ..

بوسني وطلع للشغل .. حطيت اللحم على نار هاديه ورجعت كملت نومتي ..

بالـ10 گعدت طبخت الغدا وإندگ الباب !!

مباشرةً لبست ملابسي لان چنت لابسه قميص نوم يترجرج بيه جسدي وبارز تفاصيلي

حطيت شال على راسي وفتحت الباب لگيت اسراء (إخت صفاء من أبوه)

- هـلا اسراء تفضلي

بقت تباوع بالشقه بنظرات شك وترمقني بنظرات فاحصه وگالت

- اممم ليـش تأخرتي يلا فتحتي الباب؟

- چنت ابدل ملابسي

- چـا شنـو چنتي عريانه !!

- لا عيني آني هنا ماابدل ابقى بملابس النوم لان بس صفاء يصعد وهوَ رجلي خوما البس من رجلي؟

گالت بإستهزاء وتعوج بحلگهه

- لا لا رجلچ بعد

دخلت للشقه وبقت تفتر تشوف بيهه تريد تقنعني ماشايفتهه هالله ماتدري ذني مايمشن عليه ..

إيڤان .. تعالي يمي بالمطبخ لان داطبخ غدا

- لا خاف حاره

- لا صفاء مخلي ساحبه ،، ويدخل للمطبخ هوى من برودة الصاله مو حارر

-اممم

بقيت اطبخ وهيَ يمي كلساع وگالت هاي شـنو لاتحطين هيج لاتخلين هيچ عود تريد تعلمني ماتدري صرت أم بيت وطيلة سنتين اتعلم بالاكلات .

بقت تسولف يمي وتطير فياله عليه وآني بس اهز راسي بعدم تصديق ..

گالت
- أگلچ تعالي إنزلي يمنه

- هـاا؟ لا صفاء ميقبل

- غير اهله شنـو ميقبل

- لا هوَ موصيني ماانزل من مكاني الا بإذنه

- دنزلي ياعيني نريد نشوفچ غير چنتنه الجديده ونريد نشبع بيج شوف

- قابل وين رايحه هنا يمچ

- دنزلي

- راح اتصل بصفاء اذا قبل انزل

سحبت مني الموبايل وگالت

- لا يقبل اني احچي وياه

- لا ميقبل

بقت تسحل بيه وتصيح

- يختي دنزلي ليش تلحين

- اي بس اقفل شبيچ

- يلاا بسرعه

قفلت الشقه ونزلت چانت امهه بالصاله تقلم باميا اول ماشافتني طگتلهه هلهوله

گالت .. اخيراً شفنه العروس

إبتسمت مجامله

- شلونج خاله

- الحمد لله انتِ شلونج

- تمام بخير

بقت تسولف عليه وآني بس اهز براسي .. شويه ودگ موبايلهه شمرته على اسراء وكالتلهه

- هاچ هاچ هاي أم كربلاء جاوبيهه گليلهه أمي بإيران

اسراء .. اهـووو هم هاي شگد لزگه

ردت على الموبايل

اسراء .. الوو .. الحمد لله زينه
ها خاله امي ماموجوده بإيران ..
يـا لا لا تسويلچ شغلتج بس ترجع
اي اي يلا مع السلامه .

غلقت الموبايل وباوعتلهه گالت

- تگول شوكت تسويلي شغلتي

أم حيدر .. خايبه مالي خلگهه خل تولي

آني فضولي إشتغل سألتهه

إيڤان .. خاله شنـو شغل إيش؟

ام حيدر .. آني آخذ خيره واشتغل بالروحانيات وذني السوالف ف هيَ موصيتني اشتغللهه وآني مالي خلگهه

إيڤان .. هـااا

ترخصت منهم وصعدت طبخت التمن وحضرت السفره على مااجه صفاء ..

اول مادخل ركضت عليه اخذت المسواگ وجبتله مي حار يغط بيه رجليه يسترخي

چان عاگد حواجبه ومن دخل ماسلم ..!!

إيڤان .. شبيك حبيبي؟

صفاء .. إيڤان آني مو كلت نزله جوه ماكو ؟

إيڤان .. هاي اسراء جتي خبصتني ماخلتني اشوف دربي ردت اتصل بيك واخذت الموبايل ماخلتني اتصل

صفاء .. حتى لو متصله مااخليچ تنزلين

إيڤان .. والله هيَ حرجتني

زفر نفس بغضب وعاگد حاجبه گال

- بعد لتنزلين معليج بيهم .

- تدلل من عيوني

تقربت عليه مشيت إصبعي بهدوء على عگدة حاجبه وهمستله (كافي إفتحهه عاد)

شد عليهه وصارت عگده قويه .. ضحكت وگتله

- گتلك إفتحهه مو تشدهه

لزمني من خصري وگال

- هوَ آني بعنادج مااريد افتحهه اريد اشوف شتسوين؟ (ويغمزلي)

- هههههـه مااسوي شي بس تعال خل اداريك واغديك وانيمك هههههـاي

- اي مو إبنچ الصغير

- ابني وابويه وحبيبي وزوجي وكلهن إنتَ

راد يلزمني وطفرت من يمه ضحك بصوت عالي وگال(وين تروحين قابل تبقين شارده)

حطيت رجليه بالمي الحار علما حضرت الغدا ..
دخل سبح وإجه تغده ويطلع اصوات التلذذ بالاكل

- إيڤان ماتوقعت هيج طبخج طيب مممم عاشت إيدچ

- چـا شعبالك إيڤان هاي مو اي شخص

- ممم ماادري بيهه إيڤان المدلله هيج نادره هاي مالتي وحلالي وام بيتي

إبتسمت فرحانه على تشجيعه يوميه اسويله اكله جديده وماخذني الواهس حيل بحيث المجمده انترست كبه وسمبوسه وبورك غير المعجنات .. كله من تشجيع صفاء إلي واعجابه بطبخي .. كلما يمدحني بكلمه اغمره بالدلال .

كمل غدا ودخل نام علما لملمت المواعين وغسلتهن لگيته منتظرني ..

فتحلي حضنه وإرتميت بيه لان چنت تعبانه ..

گعدت العصر هم حضرته وطلع للشغل آني بيه عاده اوكف يم الباب قبل ليروح اودعه وابقى اباوع عليه لما يختفي جسمه يلا اسد الباب ..

باب الشقه يصير بالطارمه مال بيتهم ف من نزل صفاء سمعت مرت أبو تگله

ام حيدر .. عيني صفاء شدعواك ماتخلي إيڤان تنزل يمنه وإنتَ تدري ماكو احد عندي هيَ بس اسراء وعدهه دراسه خل إيڤان تنزل تساعدني إنتم ماعدكم شي

صفاء .. لا ماتنزل اكو ولد شباب ومااقبل على مرتي

ام حيدر .. يـاا جـا ولد غربه همَ لو يصيرون حموينهه

صفاء .. ميخالف مهما يكون يبقون شباب

ام حيدر .. لا والله راح احاچي إبوك اگله ينزلهه يمي مدالحگ ع الشغل

صفاء .. حاچيه مرتي وبكيفي وماتنزل

بقوا يتلاغون خليتهم ودخلت .. بقيت اراسل بحـوراء نسولف سوالف عاديه ..

شويه وراح النت إتصلت بيه ع السيم كارت كملنا سوالف ورحت حضرت العشا من وكت ..

صار المغرب قبل الأذان بنص ساعه واكفه اسوي عشا وسمعت باب الشقه إنفتح رجليه رجفن وبلعت ريقي خايفه .. اخذت الچفچير وياي خاف حرامي ..

تقدمت خطوتين وانلزگت بجسم عطت بصوت عالي وغمضت عيوني ..

سمعت صوت صفاء يضحك بصوت عالي ووجهه احمر من الضحك .. ضربته على متنه بخفه ولزمت جهة گلبي

- صفاء والله خلستني يمممه گلبي

- هههههههـه حبيبتي شبيچ جبانه؟

- خفت عبالي حرامي

- وبس إنتِ حراميج يدخل من الباب؟

- اندري

- ههههههههههههـه خرب

- همزين الله جابك النت ماكو من العصر

- بالليل اصعد اشوفه

- لا هسه سويه دنراسل آني وحـوراء

- ماشي تعاي وياي وجيبي موبايلج من تجي اشعارات يعني صار ..

- يلا

فتحنا باب السطح وهوَ صعد ع البيتونه وآني جوه يم الباب مال الشقه وأگله بالاشاره

- صفاء بعد شويه وجهه على اليسرى

- اوكفي

سمعت صوته يصيح (بششششت)

تقربت يم البيتونه الصاعد عليهه شفت بزونه (قطه) لونهه اسود وعيونهه ذهبي يلصففن خفت حيل

صفاء يصيح (بششت) وماكو واكفه ومتروح وبس تخوزر بيه شال حجاره صغيره وضربهه وهيَ موءت وظهرت اظافيرهه تريد تهجم .. عطت بصوت عالي

- يمممه بِسـم الله الرحمـٰن الرحيم .. لك صفاااء انزل بسرعه هاي مسكونه

بقى يستهزأ بيه ومستمر يشمر عليهه حجار

- خايبه شنو هالخرافات شمسكونه؟

- جـن چـا شمسكونه؟
والله العظيم إذا تطردهه ومتروح مسكوونه لك انزززل هسه المغرب مو زين عليك خرب

- خب شسالفه رجال شكبرني اخافلي من بزونه والله يامسكونه

ضليت اضرب على افخاذي واحجي بحرگه
- لك انزللل الدنيا الغررروب انززززل

- انزل بس مو قبل مااطردهه

- والله راح اصعدلك

- حتى ادفنج

- چـا انزل

البزونه واگفه وتخوزر بيه ولاتحركت من مكانهه وهوَ يخوزر بيهه عود يعاند بيهه

- لك صفاء حاط عقلك بعقل حيوان انززل داگولك

- ماانزل الا اسوي النت يلا

بقيت اعيط فقدت اعصابي

- چـاا سويه عوف البزونه عوووووفهههههها حتخبلني

- خل اطردهه شو متخاف بنت الچلب

خفيت ابتسامتي رغم خوفي عليه

- ابوهه عتوي (قط) تره مو چلب

- هم صدگ ومتخاف بطله بس متخوفني

- اهـوو صفاء والله راح تگمز عليك انزل داگول

- ماانزل

- صفااء لخاطري فـدوه

إجه على جهتي باوع بوجهي وابتسم گال

- نازل

نزل وركضت اعاتب بيه

- لك انتَ ماتعرف البزونه إذا تطردهه ومتروح يعني مسكونه والنوب بوقت المغرب حاط راسك براسهه؟

- ماتخوف چلبي كلهه خرافات

- اي اي ضل بعقليتك مال خرافات .. لازم الجن مموجود بالقرآن

- اي موجود بس مو بالبزازين

- والله اذا متخاف مسكونه

- سدي الموضوع

- ماشي

سويت العشا ..

تعشيناواتصل على ابو الانترنت سواه بعد ماخليته يصعد خفت عليه ..

راح يم جماعته شويه ونمنا ..

نص الليل وگعدت على صوت صفاء يعيط بكل صوته ويهلوس .. بقيت اگعد بيه مايگعد !!

ركضت جبت مي ونثرته على وجهه هم ماكو بس يعيط ويدفر حتى دفرني وكعت من الچربايه .. بقيت اتراجف گلبي ماينطيني اضربه راشدي واگعده ..

تقربت يمه وعصرت عيوني حيل وضربته راشدي صداه رج بالغرفه ..

كعد بسرعه مثل الخايف .. ركضت عليه إنطيته مـي وغسلت وجهه

- صفاء شبيك خوفتني

لزم جهة كلبه وبقى يتنفس قوي

- اخخ گلبي همزين كعدتيني حلم فضيع عبالك واقع حسيت روحي متت چـن ...(قاطعته)

حطيت إصبعي على حلگه

- لا لا لاتسولفه يتحقق إذا حلم مو زين وسولفته يصير واقع

- اخخ بس شنـو گلبي كام يوجعني من الرهبه

- آني خفت منك حتى دفرتني هسه ظهري ديأذيني

سحبني لحضنه ومسد على راسي

- سوده عليه بيه ولا بيچ

رفعت راسي تلمست طبع إيدي على خده ضحكت اويلي لو يدري

دنگ راسه عليه وعكد حواجبه مستغرب

- شكـو شبيج تضحكين؟

- هــاا؟ لا ماكو شي

رفع حاجبه وراح وكف ع المرايه لزم خده وفتح عيونه خزرني حيل غطيت وجهي بإيديه وميته ضحك

- خرب يومج شمسويه واكول تتمضحك

- ههههـه والله اكعد بيك وماكو چـا شاسويلك تستاهل

- هههههـه اگول صايره فقيره بسرعه اجيتي تركضين

- اي شعبالك

..

الصبح مارست روتيني اليومي بس تفاجئت من إتصل بيه صفاء معصب

- إنزلي جوه ساعدي أمي اليوم اسراء عدهه إمتحان

- ماشي بس اكمل الغدا وانزل

- لا عوفي الغدا انزلي بسرعه

- يــاا قابل اخلي حبيبي بدون غدا؟

- يضربني سم !!

تفاجئت برده !!

- حبيبي شبيك معصب؟

- إيڤان إنزلي بدون مناقشه تره روحي طافره

شفته ينتر وگوه يحچي مبين معصب

- اي اي

غلقته منه وبقيت صافنه بالموبايل شبيه؟

مااخذت كلامه كملت الغدا يلا نزلت لگيت عمتي لازمه موبايلهه وتكنك سلمت عليهه ردت وهيَ وجهه بالموبايل !!

- خاله محتاجيني؟

- اي نظفي البيت مدتشوفين الوصخ آني مابيه حيل

- اي تدللين

آني متعوده اصيحلهه خاله لان قبل مااتزوج اصيحلهه خاله وبقت على لساني ماغيرتهه ..

تحزمت ونظفت البيت كومه وصخ وزبايل كله يدحسون جوه القنفات وجوه الفراشات ..

طلعت القراقير كلهه وسويت البيت يلمع وركبت غدا إلهم ..

بقيت انكع بالتمن ودخل حيدر رفعت راسي شفته ودنكت عينه عليه وگال

- شلونچ (رفع حاجبه وكمل كلامه مستهزأ)
مرت إخوي !

- زينه

- اممم گوليلي شلونك

سكتت.//

- يلا يگولون الخوف يعدل الشوف

سكتت..//

- ايبااخ هيچ صفاء يخوف؟

الحايط يسمع وآني مااسمع

أيس هز إيده مستهزأ وراح

كملت غداهم وردت اروح عمتي مقبلت وكالت إبقي يمنا ع الغدا ..

گعدت وياهم ع السفره ومالي نفس اكل تفكيري كله بصفاء ..

چانت أسراء كاعده يمي .. دخل حيدر خزرهه كامت وإجه دحس نفسه يمي !!

طفرت بسرعه من يمه وهمَ ضحكوا كالت عمتي

- يــاا شبيه حيدر شبح شنـو؟

- لا بس آني رايحه هسه صفاء إجه

أبوه خزرني وگال

- إكعدي بمكانج هوَ من يجي يمر ياخذچ

بقيت اتراجف من شكله يخوف حييل ، عيونه جاحظات واكو ندبه صغيره بخده الأيسر مثل مجرى صغير داكن بوجهه يحيط بيهه الدم المتجلط بلون بني داكن رغم هـٰذا بنيته قويه وملامحه حاده تليق بجرحه المخيف ..
ومن يحچي صوته عالي ويهز هزز يخلي الواحد يرجف بعد قسم اجرام خقه يخوف ..

گعدت بمكاني وحيدر لاطش يمي بقيت ادعي يجي صفاء بسرعه لان كلساع يطخني بمتني لو يتلمس بإيدي من اخذ شي من السفره بحجة يجيبه إلي !!

حصرتني البچيه وشفتي رجفت ..

شويه ودخل صفاء تفاجئ من شاف حيدر يمي .!! خزرني حييل وأشرلي بحواجبه ركضت سلمت عليه وگتله (يلا نصعد)

أبوه گال بصوت عالي
- تعال إتغده

سحبني من إيدي مشاني بهدوء وگال

- تعالي

بقى يعصر بإيدي ويقوي قبضته عليهه تقربت يمه ورفعت نفسي لمستواه همست بإذنه
(صفاء إيدي دتأذيني)

ترك ٱيدي وراح گعد ع السفره وگعدني يمه ويهز برجله وعاگد حواجبه بإتقان

شلتله ماعون قدمته إله وعمتي سحبته كالت

- صفاء غداه يمي آني ضامتله !!

- لا هـٰذا موجود عليمن اكلفج

- لا معليچ ييمي

راحت والغطه غطه بعد مااجت ..

صفاء صاح عليهه
- يلا ماما اريد انام وراي شغل

ام حيدر .. اي اي جيت بس لحظه وحده

شويه ودخلت بإيدهه صينية الأكل قدمتهه وراحت .. إنتظرت صفاء يخلص غدا وهيَ تسولف وياي

ام حيدر .. خاله شو ماتغديتي اجيبلج؟

- لا لا شبعانه

- هـاا .. بكيفچ

تغده صفاء وصعدنا .. اول مادخلت عاط بيه بقيت مصدومه

صفاء .. إرتاحيتي من كاعده وياه متن على متن ارتاحيييتتي فاخت

اندهشت رديت عليه مستغربه

- آني شعليه غير انتَ كتلي انزلي؟

- گتلچ إنزلي ماكتلج دگي حنك وياه

- إذا أنتَ تعرف بيه موجود ببيت اهله ليـش نزلتني؟

- كتلج انزلي ماكتلج كعدي يمه

- اذا هوَ لاطش وامه وياه شاسوي انتَ المن دزيتني ؟

- غير كاعد بالشغل وخابروني يردوج شاگلهم؟

- اي صفاء مادام انتَ ردت انزل اتحمل لان ساس الغلط انتَ

- شوفي إيڤان بعد همَ يوميه يردوچ بس قسماً إذا شفتچ طاخه بحيدر لو واصله يمه اگلب الدنيا

گتله ببرود مستفز

- الدنيا محد يگلبهه بس رب العالمين

عاط بصوت عالي خنسني

- لاااا والحُسسسييينن اكلببهههه اكللبههههه

- كافي صفاء شبيك عصبت؟

- لج انتِ متشوفين نفسج شدتسوين وتسأليني ليـش اعصب؟

- ممسويه شي

- إيڤان تكسحي من يمي تره روحه طافره

- وشعليه بيك آني؟؟؟؟؟؟؟

- إييييييييييڤڤڤڤڤڤڤڤڤااااااااا� �

ركضت بسرعه وختلت بالمطبخ خايفه منه سمعته دخل للغرفه يلا طلعت للصاله كعدت بيهه وصافنه افكر ..

كرفصت ع القنفه وافكر بخوفه من إبوه !!
ومن حاچته مرت ابوه كله صار وصار !!

النوم طار من عيني وهوَ بقاله يومين ويرجع لكربلاء ..

بقيت احوس لما صارت بـ3 گمت تسللت للحمام بهدوء ودخلت سبحت ومن كملت حضرته إله ..

حتى ماگعدته للشغل صارت بـ3 ونص ردت اعاند ومااگعده بس گلت يمكن يجنزني خل اكعده احسن بس شلون؟ اووف

طلعت صوت منبه ووگفت على راسه وشغلته .. رفع راسه وإيده تدور على مكان المنبه يريد يوگفه كلما يوصل ارفع إيدي اعلى من مستواه ..

فتح عيونه بتثاقل وبعده النعاس بيهن شافني واگفه ومشغله المنبه سحبني من إيدي بسرعه وگعت بحضنه بقيت ابعد بيه واتملص منه وهوَ يبعد بخصلات شعري ويبوس بيه

- وخخرررر عني

- امم بس خل اشم هَـٰذا العطر الجديد

- صفاء ووخر مو جديد تدري بيه نفسه ممغيرته

- طيب افيششش

دفعته وگمت

- يلا حضرتلك الحمام اسبح بسرعه علما احضرلك الچاي والكيك (بنتر)

- ماشي

راح يسبح وحضرتله الملابس وخدرت الچاي .. إجه بس بالشورت وينقط مـي وخصلات شعره متمردات ونازلات على عيونه وعضلات جسمه بارزه نسيت نفسي وآني اتأمل بيه أشر بإيده على وجهي وگال

- ادري بنفسي حلو بس مو لهالدرجه

- آآءء لا عيني عيوني بمكان وبالي بمكان

- اممم مبين (وغمز)

- اي

صبيتله الچاي وجبت الكيك ومعجنات يحبهن .. اكل وبدل وقبل ليطلع سحبني

- شنـو اليوم ماكو حصتي؟ تقبليهه اروح بدون مامرتي تودعني؟

- اي اقبلهه يلا روح

- بس آني مااقبلهه

سحبني وأخذ حصته وودعني بالباب ...

يتبع ...

الـعـبـاديــه 🌼🌻


لامارا غير متواجد حالياً   رد مع اقتباس
قديم 27-07-19, 08:12 AM   #23

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رَشفة عشق
الـعـبـاديـــه
البارت_21_


قلبـي و قلبـكِ فـي الـوداد سواسيـه
والشــــوق فـي الـقـلـبين نـارٌ كـاويـه
لــٰـكـنـني إنْ سـرتُ خـلف مـشـاعـري
لــــــــن نـلـتـقـي إلا بـِقــعـر الـهـاويــه

... ... ... ... ... ... ... ...

إيڤان

اليوم صفاء تأخر صارت الساعه بـالـ10 وهوَ ماكو ..!!

بقيت حاطه العشا ومنتظرته وأتصل عليه ميجاوب !!

كلش قلقت عليه بقيت افتر بأرجاء الشقه واكل بأظافيري خايفه عليه ..

شويه وإتصل ركضت ع الموبايل جاوبت

- الـوو صفاء ليـش متجاوب؟؟

- إيڤان صار عدنه شغل مهم ف إنزلي جوه آني اتأخر

- اهــوووو هم جوه

- إيڤان شبيچ تكرهين اهلي؟؟

- هـا هسه صاروا عزاز !!

- شما يكون يبقون أهلي

جاوبت بعدم رضا ونبره جافه

- اي هاي هيَ صفاء هاي هيَ وبعدين آني مااخاف لوحدي إذا بقيت

عاط بكل قوته

- إيڤان إنزلي لتخبلييينننييي

- اي اي نازله امري لله (نتر)

نزلت جوه چانوا كلهم ملتمين يشاهدون فلم اجنبي وحاطين كرزات بالوسط ومندمجين .. دخلت سلمت وگعدت يم اسراء وچان حيدر گاعد مقابيلي وكلساع انتبه عليه صافن بوجهي !!

طلعت لقطه رومانسيه بالفلم .. حظي مصخم طلعهه وحيدر يباوع بيه ولزم گلبه ويصيح
(اآخ يابه اريد اجرب هالشعور !!)

امه كالتله .. أشر واجيبلك احسن مره

ينظرلي بخبث ويگلهه

- لا حاطلي وحده ببالي !!

عزا العزاج إيڤان شنزلچ !!
هـٰذا صدگ مايستحي ولا عنده ذرة خجل !!

هسه غير يجي صفاء ياربي ..

صارت بـ12 بالليل كلهم ناموا بس آني فرشتلي اسراء يمهه وماقبلت انام بغير بيتي لو اموت ماانام عدهمم عندي استعداد ابقى للصبح ..

بقيت افتر بالطارمه منتظره صفاء ..

دخل حيدر وبيده علاگه !!

گال بسخريه كالعاده

حيدر .. هـا مرت اخوي شعندج هنا متواعده؟

إيڤان .. دحترم نفسك لااجيبك براشدي أطير معالم وجهك

حيدر .. اوي اوي شبيج انزعجتي

إيڤان .. وخر عني تره اعصابي فايره

حيدر .. اي نوخر عن الدكتوره شعدنه غيرهه

حسيته يخلق مواضيع بس يريد يوكف وياي !!

هـٰذا يسولف ويلغي وآني بس احاول الزم اعصابي

دخل صفاء. يمه عبالك روحي طايره ورجعتلي بدخلته .

اول مادخل عگد حاجبه واشرلي بسرعه عرفت من حيدر ..

صعدت وبقيت انتظره شويه تأخر يلا صعد گال

- شعندچ ويه حيدر واگفه بنص الليل؟

- چنت منتظرتك وهوَ إجه بإيده علاگه مااعرف شنـو

- إيڤان قللي مواقفج ويه حيدر تره مو راحه واعرفه ديلعب لعبه ف لتحتكين بيه ابدد

- صفاء والله هوَ لاطش بيه تخيل قبل شويه طلعت لقطه مو زينه يباوع عليه ويگل لاامه اريد اجرب يعني شنو قصده؟؟

- شلللوووون؟

حطيت إيدي على حلكي راح اعلگهه المن حجيت ؟
بس اني كلت خاف بعد يومين يسوي موقف وياي ف اخلي علم عند صفاء حتى ميركبني الغلط بس يمكن چنت مخطأه وراح تكب بين الإخوه !!

- صفاء اهدأ تره ميغير شي عصبيتك

- لا هسه رايح اطيح حظه واحطله حد

- صفاء حتخوفني منك وبعد مااحچيلك

فتح عيونه وخزرني گال

- شحدچ

- مااريد انزل بعد (همست)

زفر نفس بعصبيه وإيده الخشنه إحتضنت وجناتي

- اخاف عليچ

- مـاا ... هنا بيتي اأمن بيه

- مو همَ يحتاجونج جوه

- صفاء شعليه بيهم تره داتعب انظف بيتي انظف بيتهم؟

- شصار عليج من تنظفيلهم وبعدين إحنه ماعدنه شي ومحد يوصخ بس همَ عائله ف التنظيف اولى الهم !!

- صفاء شببيييك كافله بيهم آني؟

- إيڤان شسالفه داگول لتنظيفن الشقه آني مستغني عنههه

- ليـش بس إنتَ عايش بيهه وآني قابل اعيش ع الوصخ مثلهن ؟؟

- إيڤان اخر كلمه عندي يوميه تنزلين تسويلهم غدا وتصعدين وحيدر متحچين وياه هـٰذا الموجود

فركت وجهي بعصبيه وجريت نفس

- هاي هيَ (بنتر)

خليته ومشيت گالبه وجهي سحب إيدي بسرعه وصاح (اهـوووو)

نترت إيدي بعصبيه وزجرت بيه

- عووووف

- إيڤان تره جاي من الشغل حظي طايح مابيه حيل تنعوصج

التفتت عليه متفاجئه وفاتحه عيوني على وسعهن !!

- اتنعوص؟؟؟؟

ضرب القنفه برجله بعصبيه وعاط

- دكااااافي

اخذ السويج وطلع وصل لباب الششقه وصحت عليه

- ووويييين ؟

- اي بعد عوزي هم حاسبيني

- صفاء تريد تعوفني بهالليل وين اولي؟

- مشكلتج

- والله بس تطلع اخابر رائد يجي ياخذني

فتح عيونه على وسعهن وخزرني تقرب يمي ورجعت خطوتين للخلف سحبني من فكي وعصره حيل

- ديربالج تعيديهه

ماتحملت اسلوبه الجاف ولزمته القويه الفكي بچيت بسرعه ودموعي وگعت بين إيده اللازم بيهه فكي ..

رمش بعيونه وبلع ريقه .. إبتعد وفرك وجهه حيل بحيث صار وجهه احممررر .

گعد ع القنفه وحط راسه بين رجليه ..

آني واگفه اباوعله وابچي ..

همس

- لاتبچين

من گال هيچ زدت عبالك ملح ورش على جروحي بقيت اشهگ بصوت عالي واناشغ ..

ركض عليه إحتضن وجهي بين إيديه وسحبني لحضنه ويمسد على راسي

- اشـشش عسى إيدي إنكسرت

- صفاء ليـش دتسوي هيچ؟؟

- إيڤان ديضغطون عليه راسي حينفجر من وراهم عزلت وماخلصان شأسوي ماادري؟؟ وإنتِ منا متتحملين تنظيف وهيَ مناك تدز عليچ تريدج تساعديهه وكلساع ابوي متصل بيه وحرت وين اولي

- هاي هيَ صفاء لتتعب نفسك آني بعد اكمل شغلي وانزل يوميه انظفلهم بس گول لعمتي تبعد حيدر عن طريقي كلش اخاف من نظراته الوعيده

- شحده والله خل يسحگ على طرفچ حتى يحسب امه ماجابته

- ماشي .
زين متعشي؟

- لا وميت جوع

- هسه احضرلك

حضرتله عشا وتمدد دلكتله جسمه وغفى خطيه تعبان .. شلون حفارگه ماادري

گعدت الصبح قبله وحضرتله ريوگ وراح للشغل وآني طبخت الغدا وبقيت حايره انزل لو لا؟

إندك الباب رحت فتحته لكيت اسراء

اسراء .. شنـو اليوم ماتنزلين؟

إيڤان .. لحظات خل اطفي النار جوه الگدوره

اسراء .. يلا منتظرتچ

طفيت النار ولبست ملابس مستوره ونزلت جوه لگيت عمتي مموجوده سألت اسراء عليهه گالت

اسراء .. دتشتغل بغرفتهه

إيڤان .. شنـو شتشتغل؟

اسراء .. تسوي عمل لهاي جيرانه رجلهه تزوج عليهه وهسه تريد تحبّل مرته الجديده حتى يطلگها ويگلهه مو مني لان ماصارلهم شهر من تزوجوا

إيڤان .. عزززا

اسراء .. عزا عزاج وموت اللفاج

إيڤان ... يــااا !!!

إبتسمت بإحراج وحاولت تلطف

اسراء .. ههههـه اتشاقى

بقيت صافنه بوجهه ..
راح تهدم مستقبل البنت؟؟ والله خطيه ..!!

طبخت الغدا إلهم وصعدت هاربه وخايفه شنـو هاي !!!!

عقلي إفتر ..

ربع ساعه واندك الباب فتحته لگيت عمتي وبيدهه صينيه گالت

- هـٰذا غدا صفاء ضميه إله

- يـاا تسلمين بس طابخه غدا ليـش كلفتي نفسچ؟؟

- لا لا هوَ يحب طبخي

هــه ع الاساس انتِ الطابخه (بداخلي)

- شكراً

- ولـوو

نزلت ورحت فرغت الاكل كله بعلاگه ومباشرةً بالزباله حشى نعمة الله بس مااثق بيهه ..

هيَ طبخهه ينشهدله ونظافتهه بس من تشوفني تعاند تريد آني اطبخلهم وآني انظفلهم ..

إجه صفاء حضرتله الغدا وبقينا نتغدا ..
اول ماگعد گال

- وين الغدا الدزته أمي؟؟

بقيت اتلكأ بالكلام وامتمت

- هـاا .. آآءء شسمه أكلته

- هــاا بالعافيه

- يعافيك

هاي شلون سالفه يربي هسه شاسوي بهاي الحاله النوب تحط شي بالاكل بيه حيل آني؟

اوفف ..

رحت حضرت حمام بخار لصفاء وعطرتله الحمام وسويتله أجواء ودخل سبح وطلع مرتاح ومنعنش إبتسملي

- نعيماً

- احلى سبحه عاشت إيدج

- تدلل حبيبي

- صدگ نسيت اگلچ خبر يطيرچ فرح

- اييييي

- نقلوني لهنا بعد مااروح لكربلاء كالو بس من نحتاجك ندز عليك

صرخت بفرح طفولي

- ااااايييييييي احلى خبر چنت محتاره شلون حفارگك

ركضت عليه حضنته وبقى يضحك عليه ..

طفيت الاضويه وشغلت السبلت صارت اجواء تخبل ونمنا ..

گعدت العصر سويت چاي ومعجنات لصفاء وحضرتله ملابسه وراح للشغل ..

بقيت الهي بنفسي اسوي اكلات واترس بالثلاجه خاف يجونه خطار ..

خابرت حوراء فضفضنا شويه وسولفتلهه على عمتي گالت
(ديربالچ على صفاء لاتخليله شي بالاكل)

- لچ شلون بيه إذا هوَ يحب طبخهه وهيَ تدز هواي حتى من اگله اكلته هسه يگول شبيهه مخروعه لو ماشايفه

- احسن حل جيبي بزونه ربيهه بالبيت وانطيهه الاكل

- يمممممممه هوَ آني اخاف من بالزازين مسكونات عوووذه

- شو دروحي اني داتوسل بعبوسي اكله يجيبلي بزيزينه(مصغر كلمة بزونه)

- هههههههاي بزيزينه؟ خرب يومج حـوراء

- إي چـا شعبالچ

- يلا حروح اسوي كليچه

- اي سوي سوي دللي بصفصف ومن چنتي عند اهلچ متلمسين العوده يبزر الدلال

- خب شو سكتي ع الاساس إنتِ تلمسين تهي بهي اشو چنتي ليل ونهار نايمه وتدرسين وأمي مبتليه

- اي تعلمت هسه غير لرجلي

- واني هم ادلل برجلي حتى يزيد بحبه إلي

- احمم ديلا عمي كلنا هيچ عند اهلنا مدللين وعند العيال نكرف كرف

- طبعاً دلال الاهل وين

سديته منهه وعجنت الكليچه وگصيتهه ..

اندگ الباب وفتحته لكيت اسراء وبيدهه موبايلهه على اذنهه كالت بسرعه ومرتبكه

- وخري وخري خل ادخل

دفعت إيدي ودخلت وآني متصنمه بمكاني وصافنه بيهه

- شبيج؟

اسراء .. حبيبي ديحجي وياي وحيدر إجه النوب يلگفني

- هـا وماكو مكان تخابرين بيه الا يمي؟

- اي چـا شعندي غيرچ

عطت بنفاذ صبر وخازرتهه

- استغفر الله ياالله

- شبيچ تستغفرين غير شقة اخوي

- قصدج شقتنا مو شقة اخوج وحده

- اي المهم هيَ مال اخوي وبوسط بيتنا يعني مالتنه

- اهـوو

- رحمه لوالديج مابيه مشاكل تره كلبي خلصان

- هسه شسوينالج ست الحسن

- بعد لاتجين هنا تخابرين تره صفاء عصبي وإيده والضرب وآني مابيه حيل النوب يكشفونج وتوكع براسي

- لا ماخذه احتياطي محد يكشفني

زفرت نفس بعصبيه وخليتهه بالغرفه ورحت للمطبخ اكمل شغلي ..

شويت الكليچه وكملت الاكل .

دخلت للغرفه مقتحمه خصوصيتهه بدون مؤشر إنذار

لگيتهه واگفه يم البرده مدنگه ومدري شتسوي ومن دخلت سوت نفسهه تعدل بالبرده وتگول

اسراء .. آآءء .. حلوه هاي بردتكم منين ماخذتهه

رفعتلهه حاجبي وگتلهه بحيره وتفكير

- من عمارة البنفسج (بنتر)

- اهــا خل نشتري مثلهه للاستقبال

- اي اشتروا

طلعت من الغرفه وآني ركضت على البرده اشوفهه شچانت تسوي ؟!! بقيت انكث بالبرده وادور بيهه.. اتلمس بالبرده ناگعه مـي !!

طلعت اجيب مـي ورد حتى اقره عليه آيات لگيتهه تنثر بأصابيعهه ع القنفات بالصاله !!
راح اتخبل يربي ..!!

عطت بيهه بعلو صوتي

- شدتسوووين؟

باوعت بيه بنظرات مذهله

اسراء .. يــاا شبيچ غسلت ودانشف إيديه !!

- تنشفين بالقنفات؟؟

- چـا شبيهه؟

- استغفر الله الصبر يربي

جبت المرشه ترستهه مـي ورد وضليت انكث ع البرده والقنفات وابسبس بوجهه وانكث عليهه حسستهه

- سلامٌ قولاً من ربٍ رحيم
- سلامٌ قولاً من ربٍ رحيم

حست على نفسهه وعوجت بحلگها وهزت إيدهه وهمست(هالله)

خلت وطلعت .

بقيت انكثت بالمي واقره آيات وجبت مبخره وطگطگت حرمل وملح وبعد الله الحافظ .

إجه صفاء من الشغل كالعاده حطيت رجليه بمي حار ودلكتله جسمه وسبح .

طلع من الحمام لازم ظهره ويصيح منه

- اخخ ظهري وبطني راح اموت خرب

- شبيك؟

- ظهري موتتني

- خاف من الشغل

- لا ياشغل قابل حمال هيَ شغلي كله بالسياره

- چـا شبيك

- ظهري يأذيني حيل

- ادلكه إلك؟

- علواه

- يلا

رحت جبت زيت ودهن اعصاب وبقيت ادلك بيه وكل لمسه يعيط !!
عبالك مصوب !!

خلصت تدليك وسويتله كمادات بمي حار وحطيتهن على ظهره بلكي تلين الاعصاب ..

خطيه غفى بسرعه عبالك صار سنين مانايم .

طفيت الضوه ونمت بصفه

....

گعد من النوم تمطى وحضني بقى يهمس بإذني كلمات الاشتياق والغزل بطريقته المتحذلقه ..

تشاقينا وضحكنا گام يشتغل يطلع بالارواق ويحسب بالحوالات .. ولابس بس شورت وشعره نازل على عيونه رفعت گذلته وبقيت العب بيهه وهوَ مدنگ يشتغل

- شعرك طولان لازم تزيين

- اي باچر ازين

- خل امشطلك

- براحتچ ملكچ (ويغمزلي)

گمت جبت مي وجل ومشط وبقيت اسويله تسريحات شبابيه ..

خلصت وباوعت بالمشط شعره موگع !!

رفعت المشط تفحصته وشوفته اله

- صفاء شعرك يوگع !!

رفع راسه مذهول وسحب مني المشط

- شنـو هاي خرب شعري چان شعره متوكع منه !!

- خاف مغير الشامبو مال شعرك؟

- لا يابه نفسيته

- هــااا

سكتت وآني نظراتي شك وقلق اريد شخص يروي ظمأ فضولي ويگلي شديصير !!!

مباشرةً إتصلت بأمي سلمت عليهه واستفسرت على أحوالهم وسألتهه

- ماما اشو صفاء يشكي من ظهره وبطنه وهسه شعره يوگع كوام كوام !!

- ولج خاف دايس

- شنـو دايس؟

- يعني صايره بيه دوسه من جن !!

- اسم الله

- لا صدگ احچي هم داخل بخرابه دايس بحفره وقت المغرب؟؟

- هــا؟ ... لا

- چـا شبيه؟؟

- ماادري

بقيت اتذكر واسترجع بذاكرتي وتذكرت موقف البزونه !!

- ماما تذكرت ذاك اليوم المغرب صفاء طرد البزونه وهيَ ماراحت وشال حجاره عليهه وشمرهه وهم ماراحت گتله مسكونه ويگول خرافات

- عزززااا ولچ غير تخلف امراض مو زينه هسه اكيد بيه دوسه هيَ هاي اعراضهه والنوب الغروب وخصوصاً البزازين يخوفن اغلبهن مسكونات ديري بالچ !!

- اي هوَ صعد علمود نسوي النت وبقى يشحت عليهه

- هسه اخذلكم خيره عد هاي البنيه بالفيس

- انتظرج فـدوه خل تشوف شبينه راح اتخبل من الوهواس

- هسه هسه اخابرهه واطمنج

- يلا خوش

..

حسيت بإيدين صفاء حاوطتني وحط راسه بين كتفي ورقبتي ويسبل بعيونه ويستنشق بعذوبه

صفاء .. ويامن چنتي تخابرين؟

- ويه ماما

- مشتاقتلهه؟ إذا مشتاقتلهه آخذچ

آني فكرت إذا يبقى وحده بالشقه يستغلن الفرصه ويشتغلن بسحورتهن من وراي

- لا لا من أريد اروحلها اگلك

- ماشي

همس بإني بهدوء - مشتاقلج

- اممم

عرفت قصده ..

رحت اخذت ثوب قصير لون أسود يبرز تفاصيل وتقسيمات جسدي الانثوي ودخلت للحمام ..

~~~~~~~~~~~~~~~~~~~~~~~~~~~

طلعت من الحمام وتسبقهه رائحة جسدها الطبشوري الابيض الممزوج ويه سواد لبسهه .. رائحة جسدهه لفحت بكل أنحاء الغرفه وذوبت العاشق الولهان المنتظر بشغف وحماس ..

رمقها بنظراته الفاحصه وهوَ يركز بكل تفصيل من تفاصيل جسدها .. ينظرلهه من أُخمص قدمها ويصعد بنظراته لااردافها العريضه المترجرجه تحولت نظراته لخصرها المنحوت وانخفاض وارتفاع عضلات صدرها البارز من الثوب ..

انفتحت عيونه على وسعها وبلع ريقه مذهول من جمال اللوحه الفنيه التستعرض أمامه كانت اكثر إغراءً وسحراً ..

أما هيَ كانت تنظر ببرود إلىٰ غرائزه البدائيه التتدفق من مسامات جلده .. وكأنه ممسيطر على نفسه وكاد يذوب مثل الجليد بجمال جسدها لأنها حركت خياله وألهبت غريزته وبعثت ثرثراته الطويله ..

إحتار وهوَ يحاول يستعيد هالتهُ البيضاء الأصابته بعمى الألوان وماعاد يفرق بين اللوحه الفنيه وزوجته الفاتنه ،،

صوت حركة قدمها الورديه كأنها قائد يعزف لحناً خالداً لمسامعه ،، وأنغام نوطاتٍ معطرهٍ كشمس بغداد ..

إقتربت منه وهيَ ترسم إبتسامه ماكره على شفتيها المشدوده ..

لامست إيدهه الصغيره الناعمه خده المملؤء بشعر اللحيه الكثيف ..

طبعت قُبله هادئه على خده لتبدأ نيران الحرب ويجعل منها وجبه أستثنائيه لاتُنسى ..

(اي تفضلوا بره عود)

.................................................. ...............

حـوراء

چنت فرحانه لان إستقرت حياتي ويه عباس غمرته بدلالي وغمرني بحبه وعطفه عليه ..

أغلب الاوقات يشتغل بيهه ومرات مااشوفه يتأخر بالشغل وماادري شيسوي !!

رغم شغله ينتهي الساعه بـ6 العصر هوَ يرجع بـ12 بالليل !!

ابقى اتصل عليه ينطيني رفض لو يعيط بيه صاير كلش عصبي ناار مايروي ظمأ فضولي ويطمني بكلمتين !!

بقيت أشك بيه يخوني !!
بعدين ارجع واگول متدين مايتطرق لسوالف الحرام !!

بس يمكن متزوج بالسر !!
لا ياالله والله أتخبل إذا صدگ !!
إذا ماعنده شي ليـش هيج ديتأخر !!

كاعده انتظره بنفاذ صبر واهز برجلي بتوتر وعيوني تريد تطلع من العصبيه دخل للغرفه بنص الليل وعاگد حواجبه ومعصب النوب مايبررلي يزيد بيه يحط حطب ع النار !!

گمت تلگيته أخذت منه العلاليگ واتفحص بيه بنظراتي مخُتلسه ..اباوع لرقبته أشمشم بعطره خاف نسائي !!

تمدد بتعب ع الچربايه شمر إيديه ورجليه بنحول وحط إيده على عيونه وغمض ..

وكفت على راسه وسألته

- عباس وين چنت لهـٰذا الوقت؟

رد بإنزعاج

- چــؤؤ چــؤؤ

عطت بصوت عالي

- عباس لتخبللنني وين چنت

گعد بعصبيه ووگف على رجليه مواجهني

- بعد إضربيني شتگولين؟

- عباس إنتَ دتتأخر ومتگولي وين تروح؟

- وانتِ شعليچ؟؟

بقيت اعيط وابچي

- شـنو شعليه آني مرتك

- باعي آني رجال وين مااروح بكيفي ماتلزميني إنتِ بكيفي والله

بچيت بغزاره واذرفت دموعي بحرگه

- والله إذا تخوني لحظه ماابقى

- انچبببببي ولاتمسلتين

- چـا وين هـٰذا الوقت كله ووووووييييين 6 ساعات مو قليل موووو قليل

عاط بكل صوته فززني

- صووووووتتتتچ قسماً بالله إذا تعرفعين صوتچ اثرمچ واذبچ للچلاب

- إي مو تايهتلك

- ليـشش تمسلتيينن لييشششش

- آني بعد لحظه ماابقى هسه رايحه لاأهلي

- حتى ادفنچ

- والله اروح لااهلي ماابقى هسه تاخذني

- إذا خطيتي خطوه وحده ماإلچ رجعه بعد من هسه اگلچ

- اي ماارجع گوم إخذني

- اي يلا بدلي خل اخلص منچ

تفاجئت بس يريد يخلص منه حتى ياخذ راحته !!

يتبع ..

الـعـبـاديــه


لامارا غير متواجد حالياً   رد مع اقتباس
قديم 27-07-19, 08:26 AM   #24

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رشفة عشق
الـعـبـاديـــه
البارت_22_


أعـطـيُـتـها كـفـي لـتـقــرأ طـالعـي
مـا همـني مـا قـد يـقال لمسـمـعي
أحـببـتُ كـفـي أنّ يُـلامـس كـفـهـا
ليكـون حظـي أنْ تحس أصـابعـي

.................................................. ...............

حـوراء

لميت ملابسي بجنطه وعيوني ترش والدنيا نص الليل .. هوَ گعد ع الچربايه وحط إيديه على راسه ويسحب أنفاسه بعصبيه گال

- حـوراء الدنيا ليل ابقي للصبح واني اوديج بإيدي

- داگوللك لحظه ماابقى

عاط بكل صوته

- لچ أنتِ تردين تخبللليييننننييي

- مااخبلك هستوك گلت اخلص منچ يلا يلا اخلص مني دزني هسه ليـش مچلب بيه

- شو دطيري خل اهلچ ينخلسون شو شيصير بيهم بنص الليل

- خليهم معليك بس دزني

- عاندتي بعد .. بس مادام هيچ بعد رجعه ماكووو تخطوين خطوه من الغرفه بعد ماتدخليهه

- اي ميخالف عود

- تدللين امشيييي

سحب إيدي بكل قوته وشمرني بالسياره دخل يرگع بيهه ترگع .. وآني بس ابچي عاط بكل صوته

- لاتتتبببچيين

زدت باذراف الدموع واشهگ

- عليمن تبچيييينن خيير شكو شرايح منج ردتي اهلچ وهاي ماخذچ إلهم بعد المن تتنغوصين ؟

سكتت..//

ساق بعصبيه وصلني لباب ببتنا ونتر بيه

- انزلي

نزلت هاربه ودموعي تتطاير بقيت واگفه بالباب شأگول هسه !!

إذا اخابر سحر اكيد رائد يمهه !!

شلون ياالله !!

عباس واگف ويخوزر بيه يريد يشوفني ارجع لو لا ؟؟!

كلساع التفت عليه مركز نظره عليه ورافع حاجبه بوعيد ..

خابرت سحر طولت يلا ردت مستغربه وصوتهه متفاجئ گلتلهه فتحي الباب ..

انفتح الباب ورائد طلع سلم على عباس ووجهه مية علامة إستفهام ؟؟!

عباس سلم بدون ميحچي كلمه وحتى رائد ماسأل .. دخلنا للبيت آني ورائد ودموعي تكت ..

رائد .. شنـو شبيچ شصاير ؟؟

- ماكو شي !!

- شنـو ماكو شي هاي الدموع كلهه؟؟؟

- رائد والله تعبانه عوفني فـدوه

- هيَ شأعوفچ غير تگليلي شبييييچ

- شبيه يعني تعاركنه آني وعباس وجيت استراح ببيت اهلي اكو مانع؟؟

- ماخجلتي من طلعتي بنص الليل لو منتظره للصبح يطير نصج؟

- شنـو تطردني؟؟

- ولج شنو اطردچ اني ميت ع البيت لو على رجلچ هسه صغرتي بعينه على عيالچ من يگعدون يگلهم مرتي زعلت بالـ1 بالليل؟؟ اشو انتِ ماعندچ تفكير !!
ضربچ؟؟

دنگت راسي ساكته

- احچي ضربچ ؟؟

- لا

- هانچ؟

- لا

- چـاا بعد شببببيييچ

بقيت اتوسل بيه يقلل صوته

- بابا راح يگعد اسكت

- خلي يگعد خلي يسوف استهتار بنته وين وصل !

- هسه انتَ شعليك آني ورجلي إنتَ شكو؟

ركض عليه يريد يلزمني وآني حتلت بظهر سحر

- ولچ إنتِ صايره كلشش يرادلچ تربيه من جديد

سحر ... رائد عوفها باچر يگعد عمو ويتصرف وياهه تعال معليك بيهه

سحبته وهوَ يتهدد كلساع يريد يلزمني ..

دخلوا بغرفتهم وآني رجعت لغرفتي القديمه .. تمددت على سريري أبو النفر وكنتوري الوردي واللصقات مال سندريلا ولعابات بالحايط الوردي ومرايتي الصغيره يم راسي چنت يوميه اباوع بيهه واخذ بيهه صور .

اووف اشتقت لحياتي القديمه چان كل همي تحضير دروسي ومن ارجع شأتغده ومن اروح للمدرسه شأسولف ويه صديقاتي !!

صديقاتي راح يصيرن بالكليه بس يمتحنن سسادس وآني !! بقيت لاشهاده ولادراسه ! اكثر شي غلطت بيه بحياتي تركت دراستي !

منين طلعلي عباس گلب حياتي رأساً على عقب !!

لو ماهوَ آني هسه سعيده ولابالي مشغول ولامتوتره ولاسهرانه ولابچيت !!

بقيت للصبح گاعده ماكو نوم بعيوني ..

~~~~~~~~~~~~~~~~~~~~~~~~~~~~~

إيڤان

ثاني يوم إتصلت بأمي اخذتلي خيره عند البنيه گالت

ام إيڤان .. لچ صفاء عنده دوسه !!

- شلون يعني ؟؟!

- يعني دوسه من جـن هاي الاعراض كلهه من الدوسه ظهره وبطنه وشعره ويختنگ

- اي من البزونه كله من وراه گتله انزل ماقبل

- عوفي الملامه لازم يعالج

- بشـنو اكدر اعالجه؟

- لازم يسوي جلسه وتقرى عليه عزيمه

- ههههـه لو هسه يذبحوه مايأمن بهالسوالف

- ليـش ماموجود بالقرآن ؟

- ماما هاي عقليته بعد

- خوش چـا بخريله وادعي وصلي كثري من قراءة القرآن وشغلي سورة البقره بالبيت وديربالج توگفين ع المرايه بالمغرب ولاتسمعين اغاني بالمغرب ولاتدخلين حمام هـٰذا الوقت اتحذري منه لان اوقاتهن

- خوش راح اصلي وادعي وبعد على الله ماكو قوه اكبر من قوة رب العالمين

- ان شاء الله اعتمدي على ربچ ومايخيب ظنج

- آمين

سديته من أمي وبقيت اشتغل وشغلت القرآن بالامبيثري ..

اليوم ماصعدت أسراء همزين الله فكني ولااني نزلت انطيتهه تغليسه ..

كملت شغلي وبقيت اتصفح بالانترنت واطلع اكلات واطبق عليهن ..

صارت بـ12 رجع صفاء گمت تلگيته اخذت منه المسواگ وردت ابوسه مثل كل مره بس فاجئني من دار وجهه وعاگد حاجبه ووجهه مايگصه الطبر !!

إبتسمت بفشله ورحت حضرته المـي الحار انتظرته لما يحمى وحضرتله الغدا هوَ گعد ع القنفات بالصاله ويهز برجله بسرعه ..

جبت المي الحار خليته يم رجليه ونزعته الجواريب بقيت انتظره يحط رجليه ماكو ماحطهه

- صفاء حط رجليك خل يسترخن

عاگد حاجبه وگال بنتر بدون ميباوع بوجهي

- شيلي !!

جاوبت مستغربه

- شـنو؟؟؟؟

عاط بصوت عالي (دددشييلللللليييي) ورفسه برجله طفر المـي الحار على رجلي احس روحي فرفحت عطت بصوت عالي وركضت للحمام ..

حطيت رجلي جوه المـي البارد واعيط من الألم وروحي شايغه ..

غسلت رجلي ودموعي تصب .. طلعت لگيته مدنگ وحاط إيديه على راسه اول مادخلت رفع راسه وعيونه حمررر .. دنگ راسه ومشى من يمي گتله بصوت عالي

- شبببيييككك؟؟؟؟

زمخ بيه

- صوووووتتجججج

اذرفت دموعي وشهگت من ألم رجلي وألم گلبي !

- ليـشش سويت هيچ فوگ مااگول خطيه يجي تعبان من الشغل اريدك تلگه راحتك ببيتك هيچ تعاملني ؟؟ هاي جزاتي ؟؟

- غصباً عليچ هـٰذا واجبچ !!

رفعت صوتي وبقيت اشيل روحي وارگعهه مفرفحه من الحرگه

- شنـو واجبيييي منيه هيچ تسوي لرجلها ؟؟ آني المدلله العود مااجيسه تعلمته كله علمودك علمود ترتاح ونعيش بهنى تالي تحسب هـٰذا غصباً عني ؟؟ لا مو غصباً عني بكيفي آني لو اريد بس اطبخ واحضر ملابسك واغسلهن وهاي هيَ ممجبوره ادلل بيك !! وهـاي العركه والعياط شنـو السبب؟؟ اريد افتهم ؟؟

تقرب عتني من زندي حيل وشدد قبضته عليه وصلني لمستواه وعيونه بعيوني گال

- باعي لچ لسانج ميطول ومال مو غصباً عنج انسيها فهمتي وعود تريدين تتمردين عليه وتراددين والله بس احسچ تتصرفين تصرف يزعجني افرك حلگچ فهمتي ؟؟؟؟؟
(هزني من إيدي حيل)
وهـا بعد منا وهيچ يوميه تنزلين جوه تنظفين وتطبخين وتشتغلين وكلمه زايده مااسمع !!

تخبلت وعرفت السبب الرئيسي لان مارحت هيچ گلبنه عليه !!

ضحكت بإستهزاء وقوست حواجبي

- هــه !!
لازم خدامة الخلفوك ؟؟

بعدني مامكمله جملتي واجاني راشدي يفر !! حسيت إذني إنطمت وگمت مااسمع بيهه !!

تمالكت دموعي وماضعفت مقابيله وضليت شامخه واضحك بإستهزاء هوَ تخبل ركض عليه ضربني الراشدي الثاني بكل قوته اقوى من الاول ..

بعد ماتحملت خشونة إيده وقوته كلهه إجت على وجهي الهش ..

مباشرةً بچيت وعيطت وآني امشي رايحه للغرفه

- لو اموت ماابقى هسه رايحه لااهلي

- ادفنچ والحُـسين

- ماتمنعنييييي

- لو بيچ خير اطلعي

- اي اطللللعععع وماابقى لحظه

گعد بهدوء ع القنفه وحجى بنبره ماتخلو من السخريه

- اطلعي وآني گاعد هنا

بقيت املخ بروحي مفرفحه وابچي

- شتررريد منيييي شتتررريد خل اوللييي لااهليي معليكك بييييه

قوس متونه وعوج حلگه

- اطلعي لازمج آني؟

گعدت بالگاع وبقيت ابچي ..

متكيه ع الحايط وهوَ ع القنفه ويهز رجله وياكل بشفته ويلوف بيهه كلساع منتقل لجهه ياكل بيهه بتوتر ..

بقينا على هـٰذا الوضع نص ساعه وآني دموعي ماتوقفت كلما اتذكر الموقف وينعاد ببالي ازيد بالبچي وتحصرني الخنگه هيچ داحس نفسي اموت من اتذكر ضربته وكلماته مثل السچاچين انغرست بوسط كلبي !!

أيس وگام أخذ سويچه وطلع !!

حسيته حررني وگفت بقيت اعيط واضرب بإيدي بالكاع عسى ولعل تتفرغ حرگتي بالكاع !!

تعبت وانهد حيلي گعدت بيأس ودموعي على وجناتي ..

تعبت وگمت لملمت الهوسه ورجعت الجدريه مال المي الحار من شفتهه لاارادي دموعي صبن ..

عفت الغدا ع الطاوله حتى من يجي يتغده ..

دخلت للغرفه بدلت ملابسي وطفيت الضوه وتمددت ابجي جوه الغطى ..!!

...

حسيت بيه دخل للبيت تأخر شويه ودخل للغرفه فتح الباب بهدوء وفتح الكنتور اخذ ملابس وطلع ..

رجع دخل للغرفه وآني مستمره اتظاهر النوم .. سمعت صوت نزلة الچربايه ..گعد عليهه
بقى يزفر انفاسه ويتحسر .. فتح المجر طلع جكاير وطگ الجداحه وبقى يدخن ويزفر دخان الجكاره ..

حسيت نفسي إختنكت من ريحة الجكاير بقيت اسعل بقوه ..

ضرب على ظهري ويردد (اسم الله)..

إبتعدت عنه ورجعت لوره .
سحب نفس وزفره بعصبيه .

گمت شربت مـي اعرج من الالم گوه اسحگ على رجلي وهوَ نظراته تريد تخترقني ويتبعني بعيونه ..

رجعت لمكاني دخلت جوه الغطا وغطيت راسي رفع الغطا عن وجهي ورجعته بعصبيه .

وخره عن وجهي وهم رجعته ..

سحبه وظل لازمه بإيده وصافن بوجهي درت وجهي عنه سحبه ولزمني بهدوء من فكي ويباوع بيه وعيونه تتوسل بيه ..

همس بصوت ناصي

- إيڤان

إنعقد فكي ورجفت شفتي اريد ابچي ..
العبره خنگتني وصوتي إختفى !!

رجع همس

- حبيبتي

ماتحملت غطيت وجهي بإيدي وبچيت سحبني لحضنه وبقيت ابچي يمسد على راسي

- اشـشش

تذكرت السواه بيه وخرت من صدره ورجعت نمت وغطيت راسي ..

اسمع صوته يتحسر .

رجع رفع الغطا وگال

- گومي إدهني رجلچ جبتلج مرهم

نترت وقلـّبت عيوني

- مااريددد

- إيڤان گومي لايبقى أثر برجلچ

- آني اريد اثر يبقى حتى كلما اشوفه اتذكر هـٰذا اليوم !!

بلع ريق وصفن لحظات

گام جاب المرهم وسحب رجلي بقيت اتملص منه بس ثبتني بقوته ووزعه بحركه دائريه خفيفه ..

كمل دهن لفهه ببلاستر وغطاني ودحس روحه وياي حضني ودفن راسه برقبتي دفعته بس مافاد وياه إذا حط شي بباله يسويه ..

.....

العصر حسيت على طگطگه بالكنتور ديحضر ملابسه مباشرةً طفرت مااريد يلمس شي ويتمنن عليه عود شگلك هوَ يحضر لنفسه ..

اخذتهن من إيده وكتله(روح اسبح)

دخل للحمام يسبح وحضرتله ملابسه وحضرت المعجنات وخدرت چاي بعدما لملمت الغدا محد أكل ..

بقيت بالصاله إنتظره يكمل تبديل ..

كمل تبديل وإجه كعد ع الطاوله يريد ياكل وآني گمت من يمه ..

سحبني من إيدي وسبل بعيونه

- تعاي إكلي ممتغديته

- مااريد

- إيڤان لتسوين هيچ بنفسچ

- ممسويه شي مااريد شي مااشتهي

- آني رايح وإنتِ إبقي اكلي

تذكرت حتى هوَ بدون غدا گعدت ع الطاوله وگتله

- أگعد إكل

إبتسملي وبقى ياكل وعيونه عليه ياكل ومبتسم بوجهي ..

ماعبالك مسوي شي ..

خلص أكل وگال
( إذا تضوجين انزلي جوه يم أمي)

- هم رججعنننناا

- شبيج داكول من تضوجين

نترت بيه

- ماضايجه ماضايجه

- بكيفچ

طلع وآني حطيت إيديه على راسي متململه ..

لميت الاكل وخابرت حـوراء سولفتلي على مشكلتهه هيَ وعباس ولمتهه لأن غلطت من طلعت بدون ماتتأكد عنده شي ومباشرةً هيج سوت بدون دليل ..

اخذتنا السوالف وماحسينا بالوقت ..

غلقته منهه وكمت احضر بالعشا .. استغربت اليوم اسراء مااجتي يمي !!

بعدني أفكر بيهه واندگ الباب ..
فتحته ولگيتهه ضحكت وكتلهه

- إذكر القط گام نط

- هَاا بشـنو أخذتي غيبتي ؟؟

- هههـه شمسويه حتى آخذ غيبتج؟

- فقيره ومسكينه شمسويه قابل

- هـه كلشي ممسويه

بقت تسولف يمي وتلغي فوگ راسي لما إجه صفاء ونزلت ..

صلينا وگمت احضر بالعشا اندك الباب وفتحه صفاء ..

آني بعدني ع السجاده ادعي ودخل بيده صينيه !!

باوعت عليه گال

- هاي أمي دزتلنا عشا بعد ماكو داعي تسوين

كملت دعاء بوست التربه ورجعتهه گتله

- مسويه عشا ماكو داعي

- لا هـٰذا ناكله احب طبخ أمي

- لا مسويه يعني وين اوديه؟؟

- ضميه لباجر وحميه بالاوڤن

- لا مااريد آمل من هـٰذا

اخذ الصينيه وراح للمطبخ گال (إلحگيني بسرعه)

رحت وراه ..
خلاني واگفه وكعد ياكل بنهم عبالك ماماكل ويتلذذ بالاكل ويخرج اصوات التلذذ

- امممممم

رفع راسه بعدم إهتمام كال

- ماتگعدين؟؟

- مااريد

- امم بكيفچ

بقى ياكل وآني جبت العشا حطيته نقشت شويه وولالمسه . اكل مال اهله كله !!

لميت المواعين ودخلت للغرفه شغلت البلازما وطلعت فلم اجنبي وحضرت الكرزات وبقيت اكرز واتابع ومتجاهلته تماماً ..

إجه گعد يمي وبقى يكرز وياي وكلساع يتلمس بإيدي واسحبهه بسرعه ..

آخر مره تلمس إيدي وطخني بمتني سحبت إيدي ولزمهه بكل قوته وعصرهه حيل خزرني وگال

- إنطيتح مجال هوواي لتشوفيني ساكت !!

- شكو؟؟

- صار ساعه ألمح وماكو وإنتِ ولاعبالك رجلج گاعد يمج مطنشتي وضاربتني بعرض الحايط !

- چـا شأسويلك قابل اگوم اهزلك چتف؟

حط إصبعه على لحيته ورفع حاجبه مفكر بكيد گال

- صدگ ارگصيلي !!!!

فتحت عيوني على وسعهن وعطت

- شـننووووووو؟؟؟؟؟

- شبيج ركصيلي

- شگالولك عني بنت ليل ؟؟

- لا ليـش مرتي وبكيفي

- صفاء تجاوزت هواي وسكتت ودتستغل الفرصه إنتَ تشوفني ساكته ؟؟

- احسن ماالتجأ لغير مكان ارگصيلي إنتِ !!!

فتحت عيوني حسيتهن حيطگن !!

ضربته على صدره وكتله

- روووح إلهن ررروووح إلمن جاي بعد رووح

تهسترت وفقدت اعصابي واضرب بيه ..

ماحسيت الا على راشدي قوي فر راسي . لزم شعري وقربني على وجهي وعاط بيه

- تجاوزج تعدى الحدود والظاهر متمشين الا بالعين الحمرى !!

بقيت ادفع بيه ميندفع قوي حيل ..

- وخررر

حسيت شعري إنقلع من مكانه !!

وجهه انگلبت ملامحه وعصر عيونه حيل ..عاف شعري وركض للحمام !!

سمعت صوته يتقيأ !!

صاح عليه وهوَ بالحمام (المنششسفففه)

ركضت جبتله المنشفه ونشف وجهه وإيديه ..
گلبت وجهي عليه بس من شفت وجهه شلون انسحبت ألوانه وصار اصففررر گلبي ماانطاني سألته

- شبيك؟؟

- بطني تأذيني

سكتت..//

بقى يعصر بنفسه ويتآوه متوجع من ألم بطنه !!

راح غطى راسه وحاول ينام بقيت الوب شبيه ؟!!

ايقنت إنو من الاكل الجابته .. بحثت ع اليوتيوب ختمات وادعيه .. وقريت على مـي وگعدته يشرب ..

- صفاء اشرب هـٰذا المي

حچى بتعب

- مااريد

- دهاك هاك

إنطيته إله شربه ورجع نام

تمددت يمه وهوَ بس يتألم ويعصر بنفسه ويهمس بـ(آآآخخخ)

گلبي إنعصر عليه .

گعدت وبقيت اقرى بسورة البقره وابچي عليه وعلى حالته وألمه !!

طلعت ادعيه واستمريت اقرى وهوَ هدأ ..

نسيت نفسي باوعت للساعه بـالـ5 الفجر ..
طبگت السجاده وبست القرآن ونمت ..

..

گعد الصبح مايتحرك !!
ونفس الألم

- لك صفاء لتخبلني شببيييك؟؟

- بطني حتموتني

- اخابر رائد تروح للمستشفى؟

- لا مااريد

- چـا شلوون؟

- ماادري مااگدر اتحرك من الوجع

- راح اخابر رائد

- لا لا انطيني موبايل خل اخابر حيدر

- اهـوو إلمن مخابره وإنتَ تعرف طينته شنـوو؟؟

- چـا محد إلي ويبقى إخوي

- بكيفك

خابره وگاله راح انزل ماخلاه يصعد يدري بيه .. نزلله وراحوا للمستشفى بسيارة صفاء وحيدر اليسوق .

يتبع ..

الـعـبـاديــه 🌻🌼

بنات البارت اليوم قصير لان اريد انزللكم نهار باچر بارت نريد نجرب شعور النهار


لامارا غير متواجد حالياً   رد مع اقتباس
قديم 27-07-19, 08:30 AM   #25

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الـسـلامُ عـلـيـكـم 🌻🌼

رشفة عشق
الـعـبـاديـــه
البارت _23_


" يـا صـاحـبـي خُـذْ للحـبيبِ رسـالـةً
فعـسى يـرى بيـنَ الســطورِ الأدمُـعَِـاً
بَـلِّـغْــهُ أَنِّـي فـي الــغـرامِ مـُــتـــيّــــمٌ
والـقــلـبُ مـن حــرِّ الـفـراقِ تَـصَـدَّعَـاً ! "

.................................................. ............

حـوراء

بعد المشكله ثاني يوم الصبح گعد بابا وسولفله رائد وبقى يعيط بس بابا اخذني بالاستقبال وگال ماكو شي ينحل بالعياط فهميني شصاير ..

سولفتله كلشي من طأطأ للسلام عليكم ..
من يتأخر واحاسبه ويگول ماكو شي ومن يجي معصب عليه بس علمود يذب اللوم براسي .

سولفتله عن شكي بيه گال :-
(شفتي علامه تدل على خيانته؟؟)

آني صفنت لان ماشايفه هيچ شي ولاشامه بيه عطر نسائي اصلاً كلشي ماكو بس شكوكي دمرتني وسكوته حرقني ..

جاوبته بـ(لا) گل إذن انتِ المُخطئه !!

دنكت راسي وگتله
، -(ماارجع لان هوَ الغلطان مهما يكون ابقى زوجته ومن اسئله يجاوبني مو يگولي تحاسبني مره؟؟)

- اني اليوم ادز عليه واحاچيه

- بابا ماارجع خليني ابقى هنا فتره كرد إعبتار لذاتي

- بكيفچ بس فتره هـا مو أكثر

- لا بس أرتاح

- خوش ارتاحي وبيت ابوج مفتوح تره خاف عبالج تثقلين علينه تره إنتِ بنتي وهـٰذا بيتچ وكلام رائد معليچ بيه ولاتاخذين بخاطرج منه لان عصبي ميتحمل

- ماشي

بقيت فتره ببيت اهلي وهوَ ولاسأل ولااتصل يوميه اگعد الصبح اباوع بوجه بابا بلكي يگلي اتصل يرجعچ بس ماكو آمالي كلهه راحت هباءً منثوراً .

بابا من انظره بأمل يدنگ راسه واعرف النبره شنـو !!؟

گل بابا راح ادز عليه واشوف شنـو تاليته .. جابه وإجتمعوا أثنينهم بالاستقبال ومااسمع صوته ! حسيته متقصد مايسمعني صوته .

اريد اسمع كلمه ماكو أيست ودخلت .
اول ماطلع اجه بابا سألته گال يگول
(خليهه ترتاح فتره !!)

عرفت شنـو قصده !

بقيت لليل الوب اكيد هسه فرحان ومستغل الفرصه اصلاً يمكن كام مايرجع للبيت .!

تمددت بالليل وافكر كلساع اگلب بصفحه النوم طاير من عيني والتوتر ماكل عقلي ..

غمضت عيوني بلكي انام ..
وفززني صورت رنة الموبايل .

ركضت بسرعه للموبايل شفته اسمه .
الابتسامه شقت ثغري لاارادياً واخذت نفس بإرتياح ..

المكالمه رادت تنتهي يلا رديت عود ثگيله وزعلانه .

رديت

- الـوو ..

- الـووو آني عباس

- اي ادري مسجله إسمك

- إي المهم إذا تريدين ترجعين ف ترجعين وحدچ آني ماارجع ولااجي اصلاً وبعد لتدزين عليه بإيد ابوچ !!

بقيت مذهوله بكلامه !!

گتله بنتر وعصبيه نابعه من أعماقي

- ومنو گاللك آني اريد ارجع ؟؟

- اي خاف حاطه ببالج ترجعين او فد شي خل يصير عندچ علم من هسه

- لا عيني روح حط بطيخة صيف ببطنك ماارحع لو يذبحوني

- بعد احسن

وغلقه بوجهي !!

دموعي بقت تنزل على الشاشه مال الموبايل هاي جزاتي ؟؟!

بعد هـٰذا كلامه لو يموت ماارجع ..

~~~~~~~~~~~~~~~~~~~~~~~~~~~~~

إيڤان

روحة المستشفى هيچ چانت مفادت بشي وكالوا كلشي مابيه ورجعنا لحياتنه الطبيعيه بس الآم صفاء مستمره وصار يتحلم أحلام مو زينه وآني مستمره بسورة البقره والادعيه لان لاقوه تظاهي قوة رب العالمين .وهوَ حتى صلاته تركههه شگد حاولت وياه يرجعلهه ميقبل !!

...

مرت فتره صفاء تعبان ووجهه شاحب وأصفر وبس يتصفن ويتأخر يلا يرجع للبيت !!

ومن اتصل عليه ينطيني رفض لو اصلاً ميجاوب ..

آني ابقى أنتظر أنتظر لما اغفى ع القنفات الي بالصاله .. وصارت هاي عاده يوميه !!أبقى انتظر وهوَ ماكو !! والصبح من اسأله بيش الساعه رجعت يگول بالـ1 وآني بالـ1 ونص نايمه !!

غليت لان مابيه حيل للمشاكل ولابد ينكشف وين يروح !!

مرات احسه فاصل عن الدنيا واحچي وياه وهوَ باله مو يمي !!

صفنه تجيبه وصفنه تاخذه !! ويوم عن يوم حالته تزيد !!

شعره گام يوگع اكثر .. لما زينه صفر بطلب مني بلكي يثخن .

حالته ساءت كلشش من اگله روح للساده يقرون عليك ميقبل ولاطش بالمستشفى وهيَ متسوي شي لان عمل روحاني !

كالعاده گعد الصبح يتألم ويتلوه من بطنه وركض يتقيأ وآني وراه لازمتله المنشفه وابچي ومن يلتفت عليه ارمش بعيوني وامسح الدموع بسرعه ..

أخذ المنشفه من إيدي وعيونه تصفن بوجهي بقلق وخوف .

نشف وإحتضن وجناتي بإيديه الخشنه . صفن بعيوني وتحسر بقهر ..

گال
- لاتبچين هسه أصير زين راح اروح للمستشفى

بچيت بغزاره وكأن احد سمحلي بإذراف الدموع

- صفاء مو شغلة مستشفى والله .. روح للساده يقرون عليك وتصير زين

- لا مااثق

- شنـو ماتثق إنتَ تدري ذوله ساده معروفين وكبار من نسل الرسول (ص) خل اسولفلك هـٰذا الموقف .. جدو چانت إذنه مطموه وميسمع بيهه ف راح للساده آل سيد احمـّد بالشطره والله والله اول مادخل للسيد وگاله إذني تأذيني قره عليه ونفخ هوى بإذنه مباشرةً إذنه طگت ورجع يسمع كله بفضل السيد ولان بخته چبير وجده رسول الله(ص) وذاك جدي وروح اسئله ..

- مو شغله روحانيه اني اعرف بنفسي تعلميني

- مليت من وسائل الأقناع شوكت تقتنع ؟؟

- مااقتنع لما أموت وماأمن بهالشغلات ولااثق

- والله انتم الزلم كلكم متثقون بهالسوالف بعد عليمن متعبه نفسي وياك؟

- اي لتتعبين نفسج حبي لأن مااثق وولاعندي ذرة ثقه بهالسوالف مال سحر ماسحر

- ليـش مموجود بالقرآن

- ماادري

- اي حقك ماتدري

- هسه رايح للمستشفى بلكي ينطوني شي اخذه وارتاح راح اموت من الألم جسمي كله يصل عليه

- بكيفك ظـل بقناعتك وإذا فاد بيك العلاج عاتبني عود

- يفيد يفيد ليش لا

- بكيفك

بدل وراح للمستشفى ..

نص ساعه ماطول رجع من المستشفى وبإيده علاگه مال علاج ..
ركضت عليه اريد اشوف شبيه

- هـا صفاء شگالولك؟

- ماكو شي بس مجرد ألم إحتمال مغص إنطوني مسكنات واجيت

- يــاا !! على أساس يعرفون

- ايي

مثل مامتوقعه مابيه شي بس هاي سوالفهن اكيد بيهه إنَّ .. لبست حرام الصلاه وگعدت اصلي واقره قرآن ..

قريت سورة البقره على مـي وملح ورشيت الشقه كلهه ..

وشغلت التلفزيون ع القرآن .
هوَ تمدد وبقى يعصر بنفسه ويغمض بعيونه حييل ..

- صفاء إشرب مسكن

عاط بصوت عالي

- شربتتتتت چـااا بعددد شأسوووي

- يــا چــا شعليه آني ؟؟

أكل أُمك هـٰذا التحبه سوه بيك هيچ
(گلتهه بداخلي)

بقى يتألم ويعصر بإيديه حتى شعره ملشه تهستر گام يرفس بالميز ويكسر بالغراض إختلست وكفت بالزاويه مال الغرفه وإيدي على حلگي وهوَ مستمر يكسر ويعيط من الألم !

ركضت عليه أريد اوقفه واهدأه.
بحركه سريعه شال القوطيه مال المرطب وضربني بيهه إجتي براسي ..!

عطت بصوت عالي ولزمت مكان الضربه .. بقيت ابچي لأن أذتني وهوَ فاقد ..

بچيت من الألم وبچيت على حالته وشصار بيه !!

آخر شي تعب وإنهد حيله كرفص بالگاع وإيديه على راسه ويضرب خفيف على راسه ..

وجهه أحمررر وعيونه دم !!

لاحظت دمعات طفيفه على وجناته !

لزم راسه قوي ويعصر بيه ويهمس

- تعببببتتتت إيڤان تعببتتت كل جسمي يأذيني مااموت واخلص

ركضت عليه اهدأ بيه وابچي وياه

- صفاء هـٰذا اكيد سحر امك

عاط بيه بصوت عالي فززني وخلاني ارجع لوره خطوتين من صلابة صوته

- لججج ياااسسححرر آني تعبببااان تعرفين شنووو تعبااان

- اي ومنين تعبان غير من السحر اذا انتَ شغلك كله بالسياره وميتعب بعد شـنو المتعبك غير سحورتهن

- كااافيي والله إذا غلطتي بحرف هسه اجنزج هنا

- لا والله؟؟

آني گلت كلمتي وهوَ ركض عليه متحامي عتني من شعري حيل وضربني راشدي قوي صارت سولته بشعري كل كلمه وطفر لزمني منه !!

بقيت ابچي ودفعته وعيطت بكل صوتي

- وخررر عني مااتحمللك عووفني اريد اروح لااهلي عووفننييي

- مو بكيفج تطلعين

- لا والله بكيييفييي

لميت ملابسي بسرعه حطيتهن بجنطه صغيره ولبست شال وعباه اول ماتحركت خطوه ركض لزم الباب نترت بيه

- وخررررر

- مااوخرر مو بكيفج تطلعين

- لك ووخر خل اروح لااهلي انتَ متنطاق ماچنت هيج ابدد تغيرت عليه ماارررييدددك

- ليـش هيَ بكيفج شوكت تردين وشوكت ترفضين

- اي بكيفيييي بكيييففيي حيااتي واني حررره

- موو بكييفججج وطلعه ماااكو

بقيت اتعارك وياه وادفع بيه اوخره عن الباب مايندفع بقيت اضرب بيه على صدره واعيط

- وخررر ووخررر

همس بقهر

- اخخخ لچ تعباان لتضرببين

قيد حركة إيديه وسحبني لحضنه بقيت ادفع بيه واحاول اخلص نفسي منه

- لك وخرررر وخرررر مااريييدددك وخخرر

سحب نفس وحركته مقيدتني

- لچ تعبان احس نفسي راح اموت ليش ماتوگفين وياي دافقد وماادري بروحي شأسوي وانتِ صايره ضدي !!
اصبري وياي بس هالفتره وان شاء الله تخلص سلامات بس خل اگوم على حيلي احس جسمي مهشم كل عظم بيه احسه مكسور الآلآم تطحن بجسمي والاحلام تاكل براسي وإنتِ ماجاي تساعديني .. صار مرتين افقد وماادري بنفسي شأسوي من اتذكر شصار اگول معقوله هيج سويت؟؟

رفعت راسي عليه وعيوني ترش على كلامه اريد اسكت ماكو

همس بخوف وقهر

- صفاء شبييكك؟

- إيڤان داموت !!!!

عصرت قميصه ودفنت راسي على صدره وبچيت بصوت عالي واشهگ

- لا صفاء فـدوه لتگول هيچ اموت وراك والله لتفاول على نفسك

- هاي الحاله مو اول مره تصير بيه لتعوفيني إيڤان محتاجج ومن افقد لاتتقربين يمي اخاف أأذيچ

- مااعوفك لو أموت

- وعدد ؟؟

- اي وعد

- اخخخ

عصرني بحضنه حيل ويتحسر ويزفر انفاسه بحرگه وقلق وحيره وألم تعب وتعبني وياه .

لازم اتحمل واصبر لان الصبر مفتاح الفرج .
ودائماً أردد عبارة (المؤمن مُبتلى)

ذني العبارتين ماتركتهن واردد بيهن وكلما تصيبني حالة يأس اتذكرهن واتذكر رب العالمين اقوى من سحورتهن ..
وعدت نفسي ماابچي بعد لان ربي اقوى .

طبخت الاكل وصحته گعد أكل تحت انظاري والخوف والقلق ينهش بيه نهش .

اكل وصبيت الچاي شربه وساكت وهادئ .

بقينا نسولف ع الطاوله مال الطعام واخيراً كدرت استرجع ضحكته وآني اذكره بأيام قبل وضحكنا وهوَ يضحك من أعماقه ..

هيج دقايق معدوده وركض للحمام ذب الاكله كله ..

صحت بصوت
(اخخخخ يالله فدوه انظرلنه بعينك الماتنام)

گمت قريت سورة الملك للحفظ وطگطگت ورق غار وحرمل وعلچ مر (لبان الذكر)

وبقيت افتر بالشقه هوَ شافني وگلب الامه على راسي

- لج طفيييي طفييي

- شبيك

- طففيييي

اخذ المبخره ورگعها بالحايط والفحم تطشر كله بالگاع بحيث وصل للفرشه الارضيه اليم الباب .. إحترگت وركضت عليهه طفيتهه بمي وهوَ بقى بس يكسر بالمبخره !!

بقيت صافنه عليه ومااتقرب يمه مثل مانصحني لان اخاف يكسرهه براسي .

بقى على هالحاله دقايق وكالعاده هلك وكرفص !!

صار شي عادي عندي بحيث مابچيت هالمره احس نفسي تقويت اكثر قراءة القرآن والادعيه قوتني ..

خليته يهدأ وجبتله مـي وكومته غسلت وجهه بإيدي ونشفتله وهوَ فاقد مثل الدُميه احرك بيه بكيفي ..

نومته ع الچربايه وغطيته .

حطيت إيدي على خدي وافكر إلى متىٰ؟ إلى متى يبقى هيچ لايقبل يعالج ولايقبل يشوف لروحه چاره !!

نزلت دمعتي على إيدي وبللت رموشي وخدودي ..

بس تذكرت وعدي مسحت دموعي ع السريع وجبت موبايلي طلعت بيج ع الانستا يبيعون تحفيات وذني السوالف ..

طلبت سوره قرآنيه وگتلهم 3 أريد.

ثاني يوم العصر وصلن الطلبيات
اخذت السور وعلگت وحده بالغرفه ووحده بالصاله ووحده بالمطبخ حتى وين مااروح اشوفهم واصبر چانت الآيات

- (وإصَبرْ علَى ماأصـابكَ)
- ( ولِئنْ صبَرتم لِهو خيَرٌ للـصابرينْ )
- (ياأيهـَا الذينَ ءآمنْوا إستعـينوا بالصبرِ إن الله َ معَ الصابريـن )

صدق الله العظيم

بقيت اتامل بالسور وأبتسم شكلهن كلش حلو مزخرفيهن بورد ناعم وخاطينهن بخط ذهبي وفضي يوحي جمال التأمل

گمت كلما تصيبني حالة يأس اركض اتامل السور ويجيني واهسس چبير وصبرر واتذكر قوة رب العالمين الحمد لله ربي على كل حال .

....

طلع صفاء للشغل وبقيت اطبخ واحضر وذني السحارات ماوصلن بعد لان يدرن بشغلهن اخذ مفعوله شيسون جايات سحرهن وذبنه وراحن وآني هم ماانزل لان كارهه روحي وكارهه البيت كله .

اليوم إجه صفاء من وكت گال

- ابوي عازمنه ع الغدا

طفرت بسرعه كتله

- مانروح مانروح

- شنـو بكيفج مانروح فوتي بدلي خل نوح نتغده

- صفاء طابخه غدا شنـو ماعدنه حتى نتغدا عدهم

- داگول عازمننننه وهسه ننزل

- انزل گله مانكدر نجي واعتذر قابل يرادلهه وقت لو معجزه

- مااگدر !!

صفنت بوجهه وتذكرت كلمة عباس من كال يخاف خوفة الحيه من ابوه وآني الغبيه ماصدگت !!

كتله بإستهزاء

- تخاف؟؟

- لج شنـوو اخاف؟؟؟ مااخاف بس من الخلقني بس لان ابوي عزمني قابل ارده؟؟

- روح وحدك آني مااجي اخاف على نفسي

- إييييڤڤڤڤاااان

درت وجهي عنه وطنشته گال بعياط ووجهه احمر من العصبيه

- باعي الج ربع ساعه الگاچ حاضره علما ابدل واررجع

سكتت..//

عاط

- مفهوووووم؟

نترت بيه بصوت عالي

- اي اي فهمت فهمت

رخت لبست صايه فضفاضه وشال شمرته على راسي ووگفت منتظرته ..

كمل تبديل ونزلنا ..
چانوا يحضرون للغدا .

اول مادخلنا لگتنه من ام حيدر بالترحيب والاستقبالات وعيوني وعيوني وكلبي وحياتي ..

من حطت السحر ماصارن عيونهه

حضرت الغدا وياهن خاف يحطن شي واني قدمت النواعين بنفسي .. رغم هـٰذا بس گلبي مامأمن ويلعب النوب من طابخه حاطته قابل تخفى عليهه ..

گعدنا نتغدا وهوَ كاعد يمي وآني مااكل شلون بيه النوب حاطاتلي بيه شي لان مااثق بيهن ..

ندسني وگال (اكلي شبيج صافنه؟؟)

- مااشتهي قبل لاترجع ماكله

- لا اكلي

بقى يجيب ويحط كدامي وآني على أعصابي كاعده ومتحمله هـٰذا كله احس نفسي اريد أگوم اقتلهم كلهم حياتنه تدمرت بسببهم والسبب الرئيسي صفاء من گتله خل نعيش ببيت جدو گال لا نثقل عليهم وتدلليني اكثر اذ وحدنا !!

هسه فادنا الدلال هاي تاليهه !!

إبوه طول الگعده يخوزر بيه ويرفع بحواجبه ونظرات إشمئزاز مدري استهزاء ماكدرت افسرهه نظراته ..!!

گمت ماارفع راسي عن الاكل خاف الگاه خارزني ..

خلصت اول وحده بس اريد ارجع للبيت وصفاء لاطش .

گعد وياهم شربوا چاي ودك سوالف ..

همستله ( صفاء نعست خل نرجع)

- اي اي شويه .

بقى بالساعتين يسولف كلساع اگرصه بكوعه وهوَ منطلق ويضحك وبس يصعد للشقه تجيه الحاله ..!!

أخر شي همستله(اني رايحه وانتَ ظل)

گال
- لا لا گايم هم يلا نروح

- اي يلا

گمنا نريد نروح وام حيدر ركضت للمطبخ ورجعت بإيدهه جدريه گالت

- ماتغديتي هـٰذا غداچ

- لا خالتي مااشتهي لان ماكله

- لا هسه شويه وتجوعين

- لا والله اذا اجوع اني هم طابخه غدا

رفعتلي حاجبهه وگالت

- لايرد الكريم الا البخيل

إبتسمت بفشله واخذته منهه ..

صعدنا للشقه ركضت للمطبه داعبيه بعلاگه اريد اذبه ودخل صفاء ..

عكد حاجبه مستغرب گال

- شنـو ليش تفرغيه؟؟

- هــاا ؟؟ ءءآآ أريد اجمده

سحبه مني وكال

- ليـش تجمديه اريد آكل !!

- شسالفه غير تغديت

- عينج على لگمتي؟؟؟

- لا لتفهم غلط بس لان شفتك تغديت وهسه شويه واطلع المعجنات واكل

- لااريد من هـٰذا

- لك صفاء شنـو من هـذا بيه بركه شسالفه

- گلت اريد من هـٰذا فوتي صبيلي وتعاي

- اي روح للصاله شويه واجيبه وراك

- يلا بعد احسن وجيبي الطاوله وياج

- اي

ردت بس اخلص منه ..
اول ماطلع فرغته بالعلاگه وشمرته بالزبل واستغفر واقرى آيات

طلعتله المعجنات المسويتهن وخدرت چاي ورحتله بالصينيه ..

گعد متربع ومتحمس يريد ياكل ..

من شاف المعجنات انصدم وباوعلي بمعنى (لاتكولين ذبيته)

ضحكت على نظرته وقدمتله الصينيه كال

- الغدا وين

أشرتله باصبعي ع الزباله وكتله بإستفزاز

- ذير (هناك)

- للج عود انتِ تمشين بعنادددي وعود تصرفاتج تدل على عدم خوفج مني؟

- لا بس اخاف من اكلهه حاطه بيه سحر

مباشرةً وكف وكلب الطاوله ووكعت الصينيه والبيهه

- لج مية مره كتلجججج لتكوولييين سحررر جننتيني خبلتتيييننيي راح اموتج والله

- ليش يابه تموتني شمسويه قاببل مجذذبه

ركض على شعري كالعاده وبقى يهز براسي

- لج كافي كاافي لسانج اطول منج كااافي

سكتت..//

لان عرفت طبگن الخبالات مالاته ..

طلع ورگع الباب بكل قوته ..

رحت لملمت شعري وضفرته گصيبه ..

لميت البيت ونظفت كأنما حادث لم يحدث

تعودت على حالته وعلى تملش شعري وحتى ع الراشديات من يفقد

خلصت العصريه نتخابر آني وحـوراء افضفض الهه همومي وقهري وهيَ تصبر بيه ..

صار الغروب صليت وحضرت العشا وبقيت انتظره يرجع ..

تعدى وقت رجعته وهوَ ماكو !!

رجع على ايام قبل يبات بره !!
گعدت مثل مكاني من انتظره كل مره ويجي وجه الصبح !!

مليت وعرفت ماراح يرجع اليوم .
گمت للغرفه ونمت ع الجربايه ..

...

تأخر الوقت وآني غفيت بعد مادريت بشي !!

حسيت صوت طگطگه يمي وشخص گاعد يمي آني نومي خفيف لان نايمه قلقانه ..

فتحت عيوني اشوف منو هـٰذا ؟؟

باوعت لاإيده شايل بيهه گصيبتي على طولهه ويضحك !!!

يتبع ..

عبرات العبادي


لامارا غير متواجد حالياً   رد مع اقتباس
قديم 27-07-19, 08:32 AM   #26

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رشفة عشق
الـعـبـاديـــه
البارت_24_


حالُـكِ ضَـيَّـعَ أيَّـامِـي
إن ضَـاعَ العُـمرُ فَهـلْ يَرجِـعْ ؟
أنـــا أسـألُ نَـفــسـي أحـيـانــاً
مَنْ فينا ضَـاعَ ، ومَـنْ ضَـيَّــعْ ؟

~~~~~~~~~~~~~~~~~~~~~~~~~~~~~

حـوراء

مرت فتره وعباس ابد لااتصال ولاسؤال وآني هم مطنشه ومغلسه .

نزلت الصبح لگيت أمي بالمطبخ تركب غدا كعدت يمهه سولفنه شويه وگالت (اريد اروح للسوگ)

اني طفرت مباشرةً گتلهه

- اروح وياچ

- يــا وين تروحين؟؟رايحه اتسوك وارجع الترديه وصيني واجيبلچ

- ماما والله ضايجه اريد اروح

- اووف منج گومي بدلي

- اي رايحه

طفرت مكيفه واريد ابدل صاحتني أمي

- لج حـوراء

- هــاا؟

- خابري رجلچ گليله

- ههههـه لو أموت مااگله

- خاف ميقبل

- القبل والماقبل طزز چـا مايخابر هوَ

- بكيفچ بس آني گتلچ مو تگولين ماگالت

- اي اي

رحت بدلت ادري بيه بهيچ وقت بالمحل وأكيد نعبر على المحل مالته لان صاير بنهاية الفرع ..

لبست فستان للركبه وجواه بنطرون كابوي والفستان لون بصلي وبيه تور ابيض .. ولبست شال بصلي وحطيت مكياج كامل من ايلاينر للحمره البصلي ..

شلت جنطتي البصلي ونزلت شافتني امي گالت

- رايحه لعرس؟؟

- اي

-فوتي خففي مكياجج

- يــااا

- فوووتي

- غير متزوجه قابل مثل قبل اطلع بدون مكياج

- وإذا متزوجه المتزوجه تستهتر دفوتي فوتي لاارجعچ

رديت متذمره ورحت خففته

- اهـووو

نزلت گوه اقتنعت بيه وطلعنا أمي ماتفوتهه سالفه گالت لرائد (وصلنا للسوگ) هوَ هم ماعارض ووصلنا ..

اول ماصعدنا ضللت الجامات بالشبك مال السياره وخزرتني عود ادري بيج ليش سويتي هيچ .

درت وجهي عنهه فشلانه ..

وصلنا للسوگ إفترينا اشتريت شغلات هواي جنت محتاجتهه بسببه جان حابسني مايخليني اطلع للباب .. هسه مثل الطير وحرروه ..

اشتريت كل الاحتاجهن ..
وبقيت اگلب بالحاجات بالمحل ..

شويه وسمعت صوت !!
ركزت بيه هـٰذا صوته !!

يحاچي بابو المحل يگله اريد جمله مااريد مفرد !!

عززا !
امي وين؟؟

بقيت اتلفت اريد اشوف امي ماكو !!
التفتت ادور أمي واجت عيني بعينه !!

مباشرةً رجعت درت وجهي ع السريع ووجهي گام ينث عرگ .

شويه وحسيت بإيد على متني !!

گال
- هـاا مدام انتِ هنا؟؟

غمضت عيوني حيل فشلانه درت وجهي عينه وتظاهرت القوه

- شنـوو؟؟

هز راسه بوعيد وأشرلي بإيده كال

- بسيطه بسيطه

بقيت استهزأ واسوي بحواجبي

- خير شـكووو؟؟

سحب إيدي من المعصم وعصرهه حيل همس بغضب مكتوم

- امششي

بقى يدندن وحده (جايه وحدهه بنت الكلب)

سحبت إيدي منه گتله

- أوگف أمي

همس من بين اسنانه وشرايينه بارزه

- امچ عايفتج وحدج؟

- لحظه هسه تجي عووف

بقى يدور عليهه بعيونه شافهه واشرلهه اجتي وبإيديهه دشاديش وزعت نظراتهه بيني وبينه سلم عليهه وگالهه يلا امشوا

اني گتله

- لا بعدنه محتاجه شغلات مماخذتهن

اشرلي بحواجبه وابتسم ابتسامه غاضبه تخفي براكين ثائره ..

- امششي

أمي اشرتلي وكالت - امشي

مشى لسيارته ونمشي وراه التفتلي كال

- فوتي كدامي

سكتت..//

ومشيت كدامه بهدوء ونظراتي خايفه بس اتظاهر القوه ..

بقى يمشي ورانه وهوَ بس يستغفر ويأفأف اضافه للسب بهمس ..

بقيت أسحل بروحي سحل واحرك رجليه گوه خاف تبين معالم جسمي من وره وهوَ مبين محترگ گلبه من هالسالفه ..

عاط بعصبيه

- تمششيين على بيضضض؟

نززيت وخفت بقيت امشي سريع طفحت بمشيتي ..

سحبني من إيدي

- اشتعلللوووا ابقي ع البطيءء احسسن

أمي بس تباوع بيه بنظرات عود تستاهلين ..

وصلنا للسياره اول ماصعدنا هد على أمي

- خاله بشرفج من طلعتيهه وياج ماشفتي لبسهه؟؟

- يــا شبيه مستور

عاط بصوت عالي وعصبيه

- وين السترررر وييين؟؟؟؟

- عباس شبيك تره الثوب طويل ولاتصيح اني خالتك

- خالتي على عيني وراسي بس من طلعت ماشفتتيههاا هيَ هاي الاماانه؟؟

- ماتعلمني اشوفهه لو لا ..
شفتهه وشفت لبسهه مابي شي بس انتم الزلم تتعقدون تريدون الا عبايه

اني طفرت من يمي

- والله ولاالبس عبايه بعدني صغيره

التفتلي وخزرني بغضضب وعيونه تريد تطلع

- غصباً عليچ تلبسيهه ورجليج فوك راسج

- مالبس

- والله تلبسييين عاجبج مننظررررج يعني اردافج يصعدن وينزلن

- لا والله وشلون امشي مثلاً ؟؟

- استري على روحچ واسكتي

قلـّبت بعيوني بعدم رضا واستغفرت ماعاجبني

وجـه المرايه عليه ويخزر بيه بنظراته آني تجاهلته وبقيت عيني ع الشارع .

وصلنا للبيت قبل لاننزل گال لاامي

- خاله انزلي اريد احچي وياهه شويه وتجي

امي ماراضيه خزرتني وراحت بقيت يمه بالسياره وهوَ يباوع بيه بالمرايه ويأفأف وكلساع يذب حسره ..

گتله بنتر

- وتاليي؟؟

- وسم ومرض

- لاتغلط

إندار عليه بعصبيه سحبني من ياختي وعاط

-هـٰذا فستااان هـٰذذذاااا؟؟؟؟

حاولت اوخر إيديه عن جسمي وادفع بيه

- وخرررر

- عفتج كم يوم إستهترتي للأخيرر موووو؟؟

- مااستهترت ولاشي قابل اجرمت من لبست فستان وطلعت؟

- لا مااجرمتي لج الجريمه اهون من فعلتج هاي

إستهزأت بيه وضحكت قوست حواجبي وضحكت بصوت عالي

- هههههههههـه بس لتحمه

سكتني براشدي طم إذاناتي

خزرته حيل وداخلي يغلللي وأعصابي فاارت

- لك انتَ منو سمحلك تضررربنيي

سحبني من فكي حيل وقربني عليه

- عود تستهزأين بيه وبكلامي هـٰذا احترامج إليي؟؟

دمعتي صبت ودفعت إيده

- وخخررر عني لتحاسبني عل اي شي ماالك حق فهمت

- رجلچ وبكيفي وإلي حق أذا مو آني احاسبج منو يحاسبج؟؟

- عندي أب وأخ

- بس اخذتج من اهلج لاتنسين وإذا بعد طلعتي اكسر رجليچ واملص إذاناتج

عطت بكل صوتي همزين الجامات مقفولات جان انفضحنا

- اني شنـو طفله عندك وتگول هيچ؟؟؟
بنتك آني حتى تگول املص اذاناتچ ؟؟؟

- والله بنتي يمكن عدهه احترام اكثر منج

- شعلليييككك بيههه

- رجلج

- چـا من احاسبك واكول مرتك اشو تكولي مالج حق وانتَ هسه هم مالك حق تحاسبني حياتي وبكيفي آني حرة نفسي وتصرفاتي اطلع منهه

- آني رجاااال اختلف

فقدت اعصابي وبقيت اعيط واشمر بأيديه

- واذااا رجال شنوو الفررق شنووو

- صووووتج لاتعليينه وعلي تريديني اطلع طول واعلمج الاصول شلون تصير

- الحمد لله مربايه واعرف الاصول شنـو

حچى بنبره لاتخلو من السخريه

- هـه مبينه تنگطين اصول

- لك انتَ شبيكككك؟؟؟ اكيد لو تخبلت لو تخبلت

- تحترمين نفسج لاوالله صدگ هسه اجنزچ

- افتح الباب خل انزل

- مو بكيفج

- افتحه اريد انززززززل

- من آني أسمحلچ تنزلين تنزلين مو هسه مفهوووم

- لا مو مفهوم خل انززززل

- اسمعي قبل لاتنزلين خليهه ببالج طلعه خارج البيت ماكوووو وهسه تنزلين مباشرةً تنزعين الفستان هـٰذا وتجيبينه إلي

- ليـش

- حتى اشگگه على راسچ

- لا والله ؟؟

- انزللي انزعي الفستان وجيبي بسررررعه

زفرت نفس بنفاذ صبر

- استغفر الله

نزلت من السياره ..
لگيت اهلي يتغدون سلمت وصعدت مباشرةً بدلت ع السريع وحطيت الفستان بعلاگه وانطيته لرائد

- رائد عباس بالباب اخذله هاي العلاگه

- خدام عندچ

- لا مو خدام بس اخذه

- چـؤؤ

اخذه وراح ..
غسلت وكعدت ع السفره بقيت أتغده وبابا لاحظ خدي گال

- حـوراء شـنو شبيه خدچ؟

حطيت إيدي على خدي اتلمسه

- هــاا؟؟ شبيه؟؟

- أحمر

- ماادري شبيه

- هـاا

بقى يخزر بيه طول ماگاعدين وآني مدنگه اسي وحطيت شعري على خدي بلكي يغطيه .

كمت بسرعه عن الاكل من نظرات بابا استحيت حيل وتفشلت كله من وراه ..

شويه خابرت إيڤان تبچي حالة صفاء متأزمه حيل وواصل مرحله هيَ يوميه امي تخابرهه تنطيهه نصائح وتصبرهه واني هم اخابرهه بس ماتگدر تجينه تخاف تعوف صفاء ..

ركضت لاامي گتلهه على إيڤان كالت اليوم نروحلهه ..

رحت خابرته گلت انطيه علم خاف هم يسويلي سالفه ..

اتصل هواي دكيت مرة اللخ يلا جاوب بصوت نعسان مبين نايم گال

- الـووو..

- راح اروح ويه اهلي لبيت إيڤان صفاء مريض (بنتر)

- وعليكم السلام

- اممم قبل شويه اكلتلي راشدي حلو من إيدك شوكت لحگت اسلم

- من إيدچ

- يلا باي بس حبيت اگلك

- ماتروحين

- شـنوووووو؟؟؟؟

جاوب ببرود

- روحه ماكو

- عباس داگول صفااء مريضضض شلون مااروح اختي محتاجتني

- بكيفي والله

- لا والله اروح ونص وهسه باي

- روحي وشوفي

غلقه بوجهي !!

بقيت أتصل عليه مايجاوب !!

راح اتخبل اتصلت بالعشرين مكالمه يلا جاوب ببرود اعصاب گال

- شكو شتردين

- عباس لتطفر اعصابي

- غير تريدين تروحين؟ لو بيج روحي

- عباس كااافيييي اختتي محتاجتتتنيي

- امم اذا خليتج تروحين شتنطيني

- نعل (حطيت ايدي على حلكي ومتت ضحك)
آآآءءءء أقصد ورده

- سمعتهه ولو تموتين مااخليج تروحين

- عباسس والله طلعت لااراديه يعني هـٰذا سؤال مال شتنطيني

- توسلي بيه بعد

- والله لو تموت بعد مااتوسل وهسه اكول لبابا واروح يلا باي

- اوگفي اوگفي لاتسدينه

نترت
- شتريددد

- يلا روحي خطيه كسرتي خاطري

- لا والله؟؟

- اي والله

- تهي بهي

غلقته منه ورحت نمت واهلي هم ناموا العصر گعدنا كلنا بدلنا ورحنا لاإيڤان إستقبلتنا وقدمتلنا الضيافه بس شنـو شصاير بيهه منتهيه الوجه صاير عظام وعظام المحيطه بعيونهه مبينه وجوه عينها كله سواد ..

أما صفاء بحثاً آخر بلعومه منفوخ ونايم فاقد !!

وإيڤان مكابلته وتبجي وإحنه وياهه حتى بابا دمع حضنهه وضلت تبچي بحضنه

~~~~~~~~~~~~~~~~~~~~~~~~~~~

إيڤان

تأخر الوقت وآني غفيت بعد مادريت بشي !!

حسيت صوت طگطگه يمي وشخص گاعد يمي آني نومي خفيف لان نايمه قلقانه ..

فتحت عيوني اشوف منو هـٰذا ؟؟

باوعت لاإيده شايل بيهه گصيبتي على طولهه ويضحك !!!

گعدت مرعوبه شفته صفاء لازم گصيبتي بإيده ويضحك بوجهي بنظرات مرعبه .!!

عطت بصوت عالي وإبتعدت عنه مكرفصه يصيح وبضحك كال

- كصيتهه كصيتهه هههههـه

يمه متت رعب بقيت ابچي واباوع على شعري إنفتح لان الگصيبه إنكصت وصل لحد اسفل إذني ..

بقيت اصيح بهمس

- اكيد كابووسسس اكيدد جذب هسه اكعد

بقى يقيس بيهه ويضحك .!!

ركضت شغلت الگلوب اريد اتاكد هـٰذا واقع !!

وللاسف طلع واقع !!

بقى يباوع بيهه ويضحك !!
تخبلت آني بقيت ابچي واضرب على وجهي ماهمني اي شي غير صفاء تخبل اكيد !!

ركضت طلعت قرآن وبقيت اردد وياه
بقى يعيط ويصرب على راسه ..وآني ركضت عليه اهدأ بيه ..

دفعني ححيل وإبتعدت عنه خليتهي هدأ يلا تقربت منه ..

خلى راسه على رجليه وضل يبچي وينحب على حالته !!

ركضت حطيت راسه بحضني وبقيت ابجي وياه ..حضني حيل ويهمس

- تعبت إيڤان تعبت سوي كلشي بس خلصيني من هاي الحاله داحس نفسي فاقد وتصرفاتي مو بوعيي

- خل السيد يقره عليك

- كلشي سوي بس خلصيني

بقيت ابچي وهوَ يبچي ..

مسح دموعه ورفع راسه من حضني .. شاف شعري إنصدم !!

فتح عيونه على وسعهن وتلمس شعري گال

- إيڤان وين شعرج؟؟؟

بقيت صافنه بوجهه مستغربه !!
عرفته مايدري بنفسه ماردت ازيدهه عليه كلتله بتوتر ومرتبكه

- هـاا؟؟ گصيته

وگف على طوله اخذ گصيبتي وبقى يشم بيهه ويبچي

- آني كصيته مووو؟؟؟؟

- لا صفاء آني گصيته ضوجني يتعب بالتمشيط

- لج ايڤان لاتغشميني اني الهوى التتنفسينه حافظه ولو يعدمونج ماتكصينه لان معتنيه بيه بس آني الكلب كصيته اي والله ادري بس راح اخلصج مني واني اخلص من نفسي بعد مااتحمل !!!

ركض ع المطبخ سحب من جوه الطباخ دبة النفط وبقى يرش على نفسه !!

تهسترت بقيت ادگ وألطم وابچي واتوسل بيه

- لك صفاااااء امووووت وعلي اموت وراك لتسوي هيچ

- مااتحمللللل عوففينننييييييي

- صفااااء فككككررر بربببككك وبيييههه لتسوي هيچ

ركض يدور على جداحه وآني مچلبه بقميصه وابچي قميصه نشگ بإيدي وأظافيري نبتت بصدره ..
دفعني حيل

وكعت بالگاع وچلبت برجليه وابچي تهسترت ماادري بنفسي ادك والطم وهوَ حالته ازيد مني !!

آخر موقف اتذكره هوَ يفلت برجله من إيديه وجسمي كله على رجله يريد يروح يجيب الجداحه ..!!

بعد ماحسيت على نفسي ..

..

كعدت هلكانه وابجي وهوَ يم راسي يرش عليه مـي ..

اول ماشفته إرتميت بحضنه وبقيت اعاتب بيه

- لـيش هيچ لـيش مو وعدتني نبقى سويه لما نموت ونحارب إثنينه تريدني اموت وراك؟؟

- مليت وآنتِ مليتي مني

- ماامل منك ماامل إنتَ النفس الاتنفسه اكو واخد يعيش بدون نفس

دنك راسه ويبجي

- صفاء روحك مو ملكك ولاملكي هاي الروح امانة ربك انطاهه الك وانتَ صغير وگالك راعيها وإنتَ المفروض تخافظ ع الامانه وترجعهه سالمه لربك بكيفه هوَ يحدد شوكت ياخذهه مو إنتَ تحدد !!

- آني إلمن عايش حياتي صارت عباره عن فلم رعب حتى هسه من اسولفهه لواحد مايصدگهه

- آني اصدگهه وإنتَ ومو ضروري احد يصدگها لان محد عايش المرينا بيه فهمت

تكى راسه يم راسي بتعب وزفر بانفاسه بثقل سحبني لحضنه وبقى يمسد على راسي بهدوء لما حسيت انفاسه ثقلت وغفى ..

خليته ينام شويه وكعدته يسبح ملابسه كلهه ريحة نفط ..

گمت نظفت الشقه وكل نفط وبانزين فرغته بالسنگ بس شـنو الريحه گبت بالبيت كله بقيت اعطر واسوي بخورات اليوم كله كضيته بس تنظيم وتعطير ..

قررنا نروح للسيد يقره عليه بلكي يصير زين ..

خابر صديقه عنده سياره وسئله على إسم سيد كاله على سيد اسمه فارس بسوگ الشيوخ .. اخذ رقمه واتصل بيه اخذله خيره اول شي كالله( مشرب سحر وعندك دوسه واثنينهن گايمات عليك ناهياتك !! )

باوعتله ونصى لان كتله وماسمع كلامي .

إتفقوا يرحون ويعالجه بعزيمه ردت اروح وياه ماقبل كال شعندج بين الزلم ..

ثاني يوم گعدته بالـ5 الفجر بدل ملابسه وتعطر وباسني براسي ونظراته كلهه يأس بس آني بادلته بإبتسامه ونظرة أمل لان ثقتي برب العالمين كلش قويه ..

إجاه صديقه وطلع ..

قفلت الباب عليه ورجعت نمت بس عيني مااخذت نوم منتظره شوكت يجي ..

الساعه بالـ10 دخل
ركضت عليه جان كله ريحة دخان وبخورات !

تعبان ووجهه مُرهق سألته گال

- اول ماقره عليه حسيت بسمار وطلع من اصبع رجلي الچبير وبعدين بقيت اتقيأ گال تقيئت السحر والدوسه عالجهه وچواني بين اصابيع رجليه حسيت نفسي مرتاح

بجيت وضليت اتشكر رحت توضيت وصليت صلاة الشكر الف الحمد لله ربي ..

مرت فتره وصار زين ورجع لطبيعته الحمد لله يوميه اتشكر من رب العالمين ودزينه للسيد ذبيحه لسلامته ..

ورجعت حياتنه طبيعيه

...

اشو فتره وكام بس يكح وصوته مبحوح ومن يبلع اللگمه گوه ويشرب وراهه مـي !!

الشغل بطل من عنده ومن سألته على تقديمي طلع مامقدم !!

اول ماتزوجه قدموا الاسماء الي يطلعن بالتعيين وبوقتهه كال قدمت إسمج هسه من سألته كال اريد بس اخلص من لسانج وماقدمت !!

بوقتهه تخبلت ليش هيج صديقاتي كلهن تعينن !!

عايشين على الحصاله مالته ولابد بيوم تخلص ..

اليوم لحيت عليه وكتله اطلع لشغلك رفض

- صفاء اطلع للشغل شلون نعيش؟

- إيڤان تعباان

- چـؤؤ استغفر الله

- بس ارتاح فتره واطلع

- هوَ من تطلع تريح عن نفسك وترتاح

- لا ماارتاح

- صفاء لخاطري روح للشغل

صفن بيه وإبتسم .. رغم كل هـٰذا بس اگله لخاطري يصفن بيه وبعدهه يبتسم ويحقق الاريده وهـٰذا اكثر شي يريحني ..

- اووف رايح تعرفين نقطة ضعفي شنـو

إبتسمتله ورحت حضرت ملابسه علما سبح وكمل إجه بدل وضفت لمساتي إله حتى شعره آني مشطته اله وطلع للشغل ..

بقيت انظف وطبخت الاكل وخابرت أمي لان مشتاقتلهم حيييل صح تخابرني وعلى تواصل مستمر ويومي بس يبقى اللقاء احسن ..

..

رجع صفاء من الشغل رحت حضرتله ملابس بيت وحضرت الاكل وشغلة المـي الحار بطلتهه النوب هم يلطشه بوجهي صح هسه تعافى بس صارت عندي كسره ..

كعدت كدامه وبقيت اكل وهوَ ياكل ويبتسملي شويه وسعل وبقى يكح غاص بالاكل ..

ركضت جبتله كلاص مـي وطبطبت على ظهره

- شبيك صفاء

- ماگدر ابلع اللگمه

- يــاا شبيك

- ماادري

بقيت اضرب على ظهره بخفه لما شويه اندفع الاكل. .

إستمرت هاي الحاله يوميه يسعل. مايكدر يبلع !!

شرب كبسول التهابات بس مافاد !!

اليوم كعدت الصبح وهوَ نايم يمي اول ماكعدت صفنت بوجهه وضحكت فز هوَ ضحك وكرصني بخدي

- شبيج تضحكين

- وجهك يخليني افرح وابتسم واطير واخلق بالسما

عضني بخدي وبقى يداعبني

- صفاء شلعته

- اويليي خل اشلعه مو خد ولكم قمر يلالي

- اووي لاتحسدني

- لج مااتحمل دلعج

- هههههـه

لاحظت بلعومه مورم !!
حطيت إيدي على بلعومه وسألته

- شبيه بلعومك؟؟

حط إيده على بلعومه وتلمسه لكاه مورم عكد حواجبه مستغرب وكال

- ماادري

- يـاا صفاء روح للمستشفى خاف اكو شي

- اي هوَ مقرر اليوم اروح اشوف شنـو صار فتره هيج لاابلع ولااتنفس براحه وبس اسعل

- هسه احضرلك ريوك وروح

- يلا

حضرتله ريوگ وحضرت ملابسه ودعته وراح للمستفى ..

بقى تقريباً 4 ساعات والقلق ياكل بيه !!

اول مارجع ركضت عليه سألته وجهه مايتفسر وبس معصب وينتر

- شبيك

- سم ومرض اليمرضني واليسمني

- يـاا !!
صفاء شبيك الصراحه ؟؟

- إيڤان وخري عني تره روحي طافره وعلي

- صفاء شبيك بس طمني بكلمتين

- شبيه يعني شبيه هوَ من مرض لمرص من سم لسم

- هسه غير تكول شكو؟

- تضخم بالغده الدرقيه

- عزززززاااا

يتبع ..

عـبـرات الـعـبـادي🌻🌼

اليوم تاخرت لان طولتلكم البارت وضفت 100 كلمه 😘💜

ضيفو ضيفو ضيفو 😁

اختي ايوته 😹😹
Aya_Alabadi

بس يصعد حسابهه تنشرلكم قصصها


لامارا غير متواجد حالياً   رد مع اقتباس
قديم 27-07-19, 08:34 AM   #27

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رشفة عشق
الـعـبـاديـــه
البارت _25_


هلْ جئـتَ مشـتكياً هجرَ الحبـيبِ لنا
أم جئـتَ تُـصلـحُ ما أزرى بـكَ الـمَـلَلُ
هـٰذي الدمـوعُ خَلتْ مِن سحرِ رونَـقِها
لا الـشــوقُ فيـهـا ولا بـالـحـبِّ تتَّـصـلُ

~~~~~~~~~~~~~~~~~~~~~~~~~~~~

إيڤان

اول ماگال الخبر حطيت إيدي على وجهي بيأس وبچيت بصوت عالي لااعتراض على قضاءك ربي بس ليـش هيچ ماعولي يخلص من السحر يطلعله مرض ثاني !!

تقرب يمي سحب إيدي من عيوني وتلمس خدودي بهدوء .. نزلت راسي يائسه گال

- باوعيلي

استمريت ابچي گال

- باوعي خل اشوف اللؤلؤات

رفعت نظري عليه ووجهي بين أنامله التتصفح نقاط التعب والارهاق بوجهي بإعجاب ودهشه ..

ظل يبصم وجنتي بقُبلات ساخنه طارد الخوف ومتاهاته المربكه من روحي وجسدي ..

- ماكو شي يخوف مثل ماتخطينا الاصعب منهه نتخطاهه

ظل ينظرلي بعين الاعجاب وآني اهز راسي موافقه برأيه ..

رغم تفائلي وكلامي وياه بس بداخلي يرقد توتر بقاع عميق أملي صار مثل غشاء هش تغزله عنكبوته يائسه وتخاف عليه الاختراق من اول مهب ريح .. هيچ صارت حالتي .. توتر .. واضطراب .. وتعب وجهد ..!!

ضمني لااحضانه الدافئه ظل يعانقني ويقبلني لدرجة ردت اغيب عن وعيي ..

لمست اصابع إيده بلمسه ناعمه وضغطت عليهه باعثه شحنه ملتهبه بجسدي ..

رفعت راسي عليه وكتله

- مااريد تروح تراجع عند طبيب آني اعرف شلون اداويك

استغرب وعگد حواجبه گال

- شلون؟؟

- باچر تاخذني للشريفه بنت الحسن (ع) هيَ تطيبك لاطبيب ولاشي

- خوش آني هم راح ارجع لصلاتي

- لازم تقضي الايام الفاتت

- اي اقضي ليـش لا

زفرت انفاسي بأرتياح .. واستمر يومي بس تحضيرات لسفرة باچر طبخت اكل 4 انواع إضافه للمعجنات والچايات والعصاير واتصلت بحـوراء عزمتهه هيَ وعباس گالت خل اشوفه وانتظرت منهه جواب ..

رايحه ازور وكلي أمل تنطيني مرادي وماتردني خائبه تعبت حيل واريد تجازيني بتعبي دخيلهه بنت الحسن (ع)

إتصلت بيه حـوراء وعباس موافق ويروحون إثنينهم . كلت لصفاء وظل يحضر بالسياره وآني احضر بالاكل ..

جهزتخ كله بعلب وضميته ..

تواعدنه الساعه بالـ5 الفجر يطلعون .

دك المنبه گمت غسلت وسويت ريوگ وحضرت السفره يلا كعدت صفاء .

تريگنا وبدلنا وطلعنا .. اول ماخطيت يم الباب سحبت نفس مرتعش وهمست
(توكلت عليج بنت الحسن)

طلعنا للسياره ورحنا لحـوراء وعباس اخذناهم وتوكلنا للشريفه (ع)

الطريق طويل ومتعب غفيت ماحسيت بنفسي .. عباس وصفاء كلساع يتناوبون ع السياقه لان صفاء مايگدر مريض ..

دخلنا حدود الحله جانت مضيئه بألوانها البرَّاقه وسمائها الزاهيه صافيه بنهارها وطيورها الحره المحلقه بجوها ..

صوت المسجل اليقرأ قرآن يتخلل بمسامعي ويبث راحه بعمق روحي ..

إستمر الوقت نص ساعه من الحدود للمرقد الشريف ..

دخلنا السياره بالگراج ونزلنا نتمشى بسوق الحله متجهين لسيده ذات مقام عظيم ..

السوگ چان مليء بناسه الطيبه ويصيحون باسماء الشغلات اليبيعوهه وكل بائع يتنافس ويه صديقه حتى يجذب نظر الزبائن ..

وصلنا للبدايه مال المرقد ووجهي أبتسم ودمعت لاارادي .. دائماً من اشوف اثر للمراقد الدينيه عيوني تدمع ..
دخلنا لتفتيش النساء وأمننا موبايلاتنه وأحذيتنه ودخلنه للمرقد ..

الطريق واسع كلش وابواب مثلثه بكل مكان يم الباب اليؤدي للمرقد ..
ريحة العطورات والحنه لفحت بوجهي وإبتمست على الريحه وبقيت اشم بيهه بأريحيه تامه ...

دخلنا للمقام وعيوني صبت القبر حجم متوسط والشباك مطلي بالذهب اللامع والعلگ مشدود بكل مكان بالشباك والورود تحيط بيه بكل مكان النسوان كلهه مثبته بالشباك وتبچي ..

انهاريت من شفت المنظر .. ركضت بسرعه لزمت الشباك وبقيت انحب وابچي فرغت كل همومي والكل متفهم حالتي خلني براحتي ابچي وافرغ

ندبت بنت الحسن وان شاء الله ماتخيبني ..
حسيت نفسي خفيفه وخاليه من الهموم .زفرت نفس براحه والتفتت انطي مجال للزائرين .

لگيت حـوراء وراي حاطه إيدهه على حلكهه

وتبچي على حالتي رحت يمهه حضنتهه وطمنتهه عليه ..

صلينه صلاة الزياره وبقينه شويه نزور وندعي واخذت علگ وجروه ..

الجو جان حار وبوخه مال المكان تخنك لعبت نفسي ردت اتقيئ اشرت لحـوراء تتلاحگني مباشرةً شمرتلي علاگه ركضت بره وتقيئت بيهه وبقت نفسي لعبانه كلت اكيد من الطريق وآني عندي سفره .

بقينا بالمرقد لما اتصل بيه صفاء كال يلا اطلعوا ..

طلعنا لگيناهم منتظرينه رحنا تغدينه وبقينه نفتر تسوكنا ورجعنا ..

جانت احلى زياره بحياتي زياره من العمر .

بقت نفسي تلعب طول الطريق وكساع اتقيأ .. صفاء تخبل

- إيڤان شبيج

- نفسي تلعب

- انزل اجيبلج شي ليمون او كبسول

- لا كلشي مااريد هسه اصير زينه

- بس تحسين بنفسج تردين شي گولي

- اي

بقى عاصر إيدي وعيونه مليانه خوف وقلق وكلساع يلتفت عليه ..

.................................................. .................

حـوراء

من إتصلت بيه إيڤان علمود الزياره إحتاريت شلون اخابره؟؟

هسه اكيد يلزمهه عليه حجه ويرفض مثل كل مره ..

گلت خل بابا يتصل بيه . رحت لبابا وحاچيته گال (جيبي موبايلي اخابره) جبتله الموبايل وخابره سلم عليه وگاله واني كلش قريبه ع السماعه كلساع وتدنيت يم بابا علمود اسمع زين ..

اول شي سكت وبعدين گاله (خل تخابرني) بابا گاله شنو وآني مو بعينك .. بقى يتعذر منه وگاله خل تروح ..

عرفته ضملي تحلوفه لان اكيد ماقابل ..

اول مادخلت لغرفتي لكيت الموبايل مگلوب بالاتصالات ..

هههههيو العبب هاي المتوقعتهه

رديت بهدوء واحاول اضبط نفسي

- الووو

- شيسموهه تحرجيني مقابيل ابوچ آني شگايل؟؟

- شنـو شكايل ؟؟ قابل سويت جريمه اختي عزمتني وتريد اروح وياهه

- شايفه هاي الحرگه الداكلهه من وراج بس خل تخلص الشغله الببالي والله الا اطلعهن موقف موقف اخليج تتمنين ممسويه بيه هيچ

- شنـو شـنو شمسويه؟؟

- انه الچ على حرگتي هاي ولوعتي تالي الليل

فهمت قصده ضحكت وطلع صوتي

- ضحكي ضحكي بس انه اعلمچ چـا غير نسقتلي ويه وحده ثلاثينه حاته خليچ عند اهلچ بعد مااحتاجچ

فكيت عيوني على وسعهن مذهوله

گال
- يلا باي خل اخابرهه

نترت بيه بعصبيه

- عباس صدگ تحچي

- قابل مچذب عليچ

- عباسسسس احچي الحقيقه لاتخبلننييي

- يلا يلا باي حبي

- عباسسس عبااسس

بقيت اباوع بالموبايل قاطع الاتصال ..

بقيت ألوب روحي فرفحت اتصل عليه ميجاوب .. ظليت افتر بالغرفه اروح وارجع متوتره والغيره تقره الف وموبايلي على إذني اتصل بيه ..

ميجاوب اخر شي طلعلي الجهاز مغلق !

تخبلت روحي فرفحت وظليت ابچي ..

اكيد سواهه قابل ميت عليه هيَ هاي الزلم ماكو واحد بيه خير إذا مايكلع مكسر گحوف الدنيا على راسه من سوالف نسوان اذا المتدين الصايم المصلي هيچ شاتوقع من غيره !!

اخر شي كلت دخل يولي وبقيت اقنع بنفسي اي خل يروح للحاته وآني اتطلگ وشنـو يعني ..

رجعت خبر لاإيڤان بموافقته وطلعنا الصبح للزياره ..

صفاء وعباس بالمقدمه وآني وإيڤان وره ..

آني صايره وره كرسيه .. تجاهلته ولاعبرته اصلاً عبالك مموجود .. وبس اباوع من الشباك

اشوف يباوعلي بالمرايه الجانبيه بس اني ولاعبالك اشوفه ..

المناظر حلوه وجذابه نسيت نفسي واني اباوع عليهن لما غفيت ماحسيت بنفسي ..

...

شويه سمعت صوت رنة موبايل فتحت عيوني قليل شفته موبايل عباس !!

عدلت كعدتي وبقيت اباوع عليه من المرايه هوَ شاف الاسم بالموبايل ورفع راسه باوع عليه وآني نظراتي متمركزه عليه ..

باوعلي بخبث وضحكب إستهزاء ورد ع الاتصال !

قربت راسي يم كرسيه اسمع الصوت بنت لو ولد !!

وطلع صوت بنت !!

عباس .. آني حالياً بطريقي للحله (بابل)
العصر نطلع ونوصل بالليل ..
اي اي آني من ارجع للبيت امر عليچ توكفيلي بالباب ومباشرةً اخذچ ونطلع !!

بقيت صافنه عليه وهوَ يباوعلي بإنتصار وشماته ..

احس نار الغيره هدمت گلبي وصار رماد ..
هوَ يضحك ويخابر بيهه !! وآني اباوع بعيونه وهوَ يبادلني بنفس النظره ..

مباشرةً دمعتي الحاره صبت على خدي چوت خدي وكلبي ..

مسحتهه بسرعه ودرت وجهي ..
هوَ فتح عيونه وغابت الضحكه عن وجهه .

اندار عليه وآني التفتت ع الشباك مباشرةً ..

- حـوراء نعستي؟؟

نترت بيه

- شنـو هالسؤال قابل راح تجيبلي فراش وبطانيه انام عليهن

حسيت على گرصة إيڤان برجلي وندستني

هوَ تفشل ودار وجهه بدون مايحجي كلمه

گال لصفاء

- صفاء عندك جكاير ؟؟

صفاء .. لا والله ممنوعين منهه
(وباوع بإيڤان مبتسم)

اني باوعتله تضحك وتباوعله بالمرايه كتلهه

- آنتِ حارمه الولد موو؟؟

- طبعاً خليته يتركهه بس من ارفس ببطنه يورث وحده لااكثر
بس هـٰذا رجلچ شبيه يريد جكاره؟؟ ماتتحاچون مو؟؟

- اي طبعاً غير زعلانه عشتو
لحظه اوگفي هـٰذا شيسوي بالجكاير؟؟

عباس .. صفاء اطبگ اطبگ خل انزل اشتري

طبگ السياره ونزل يشتري بقيت اباوعله بعتب من الجامه وهوَ خزرني ودار وجهه عني ..

اشتره جكاير وبقى الطريق كله يورث وينفخ حسرات وجكاير .

صفاء .. اگلك حجي مو كيفت تره إيڤان تختنگ منهن

حـوراء .. واني هم اختنگ

باوعلي بالمرايه ويبتسم مستهزأ

إيڤان .. صدك تره اني على قيد الاختناق

عباس .. حچت ام بطن اسكتي احسللج تره ماضيج القذر كله يمي

إيڤان .. لا والله چـا وماضيك ابو بطل

ضحكت وكتلهه

حـوراء .. هههههـه بطل شنـو

إيڤان .. شوفيه شكبره جان بطول الطنطل انومه بحضني ورجليه شطولهن مايكفن بحضني يضلن طالعات وازفله بطل ومن يصيح (مما مما) احطله البطل بحلگه بلكي يسكت ومرات عود زعلان يظل يصرخ ويبچي

حـوراء .. هههههههههههههـه

بقى يضحك عليهه وواحد يطلع بماضي اللخ ..

اضحك بس داخلي يغلي ناار وموجره بيه .

نظراته مركزه عليه ويجر نفس بالجكاره ويزفر النفس بعصبيه وحرگه ..

اول ماوصلنا دخلنا السياره للكراج وطلعنا بالشارع مال السيده (ع)

اول مانزلنا بالسوگ مشيت يم إيڤان هيَ وصفاء ..
وكف بصفي وتسللت إيده لاإيدي ..

باوعتله خزرته وسحبت إيدي ..
رفع حاجبه ورجع سحبهه .. بقى لازمهه وصايرلي مثل الستر خاف واحد يطخني لو يلمسني ..

وصلنا للمرقد باوع بالقبه وسحب نفس .

باوع بيه ورفع إيديه للدعاء

- وينج يالشريفه اريدج تنطين عقل للمخبله العندي

إيڤان وصفاء ضحكوا عليه وآني خزرته بعدم رضا ..

دخلنا زرنا وانكسر كلبي على إيڤان .
طلعنا لكيناهم منتظرينه .. رجعنا بنفس الطريق .. وآني كالبه وجهي عليه ..

دخلوا يتسوگون وآني بقيت واكفه يم باب المحل صاحني وماقبلت ..

اجه يمي عفته ودخلت سحبني من إيدي وهمس

- شبيجج

نترت إيدي منه وكتله

- روح للحاته مالتك

ضحك وگال

- شگد قشمر

- وخررر روح الهه رووح

- لج ماابدلج بنسوان العالم كلهه كافي زعل

- وخر عني عباس مالي خلگ

- تره إنتِ غلطانه وآني جاي اعتذر بس إذا اجيتي واعتذرتي مااغفرلچ مو تكولين

- هـه لا والله إنتَ غلطان ومااغفرلك

- خوش هـٰذا اخر كلام عندج؟

- اخر كلام

- ماشي

راح ياخذ شغلان وگلب وجهه فوكاهه هوَ زعلان تهي بهي ..رجعنا للسياره وفتح ع البيانات ماسنجر وبقى يراسل والرسائل تتراگع عليه عبالك هجوم مال رسائل ..

طلع جكايره وبقى يورث .. كلساع سحب وحده لما حسيت نفسي إختنگت نترت بيه

- عباس كاافي إختنگت

جاوب ببرود وهدوء

- وشعليه بيچ؟؟

- كافي تدخين كتلت روحك

- بكيفي عاد

- دضل شعليه بيك

~~~~~~~~~~~~~~~~~~~~~~~~~~~~~~

إيڤان

وصلنا للبيت تعبانين ذبينا الجنط مال الاكل غسلتهن ع السريع ودخلت سبحت وره صفاء

طلعت من الحمام لكيت صفاء مسوي اجواء مطفي الضوه ومشغل الكلوب الاحمر وبرودة السبلت وفارش الديباج ..

فتحلي إيده ورفع الديباج اشرلي ركضت عليه دحست روحي بحضنه ونمت ..

نمت بعمق وراحه وتحلمت حلم خلاني كلش مرتاحه ..

چن مكان عشائري قديم وتراثي وبيوت طين وجربايه من حديد وآني وصفاء كاعدين عليهه ومقابيلنه مريه عجوز تجاعيد الزمن متخذه مجراهه بوجهه وعلامات الكبر والوقار مبين عليهه وبصفهه كاهد رجال جبير بالعمر ..

جن آني كتلهه
- علويه هـٰذا صفاء الگتلج عليه مريض تعبنا اني وياه من مرض لمرض

چن جابت جروه من الامام الحسين (ع) وخلطتهه بطاسة صفر يسموهه طاسة الخلاص مرسومه عليهه ايات قرآنيه ..

خلطت بيهه جروه الامام ودهنت بلعوم صفاء بالجروه الي بالطاسه وكالتلي

- الشريفه انطتج مرادج

فزيت من الحلم مرتاااااحه والفرحه ماسايعتني كعدت صفاء وسولفتله كال .. دخيلها بنت الحسن مترد واحد ..

- صفاء باجر روح حلل وشوف

- اي باجر اروح حتى اذا طلعت نتيجه سليمه اخذ ذبيحه للعلويه شريفه وادگ قطعه

- ماشي

كعدت الصبح حضرت ريوك وكعدته كتله يلا روح حلل ..

اول ماتريكنه اتصل عليه رقم غريب !!

انطيته لصفاء جاوب ماكو صوت !!

ماهتميت كملنه ريوگ وراح ..

نظفت وسويت غدا والرقم كلساع يتصل خبلني .. بقيت مااجاوب عليه لان متحذره من الارقام الغريبه دائماً مااجاوب عليهه ..

دخل صفاء وجهه مستبشر ويضحك ركضت عليه گتله

- بشر

حضني بسرعه وكال

- متائج سليمه كلشي ماكو حتى الورم فش

- الف الحمد لله والشكر

- جازاج بتعبج

- اي والله

بقيت اليوم كله فرحانه واشترينه جكليت ووزعنه لكل المنطقه على سلامته .. وقررنه نشيل من الشقه بس يرتب اموره كال مانبقى

- اكلك صفاء وين نروح اذا شلنه؟؟

- لكربلاء راح ارجع لمكان شغلي القديم

- يــاا بعيد صفاء واهلي

- حياتنه اهم من اهلج

- بس اشتاقلهم

احضتن وجناتي بحركته المعتاده وكال

- احيبج الهم كل فتره

- ماشي عيوني

ضلينا فرحانين وكلساع اتقيئ !!

شبيه مااعرف ؟؟
خابرت حـوراء كالت خاف حامل !!

ضليت مصفصفه كلشي ماعندي معلومات لان مااهتم بهيج مواضيع حمل ومااعرف ايش ولااريد اعرف كملت دراستي بالشي المخصص الي فقط ..
واني مااحس بنفسي حامل يمكن من تاثير تعب السفر مال امس ماادري !!

غلست عن الموضوع وحتى لو حامل اكيد تكبر بطني ويبين ..

هـٰذا الرقم كلساع متصل بيه واغلس واغلس ..

اخر شي اتصل موبايل واتس اب !
نفس الرقم اهوو

شويه وصل اشعار مال رسائل دخلت بسرعه اريد اشوف هـٰذا الرقم الخبلني شيريد مني يربي النوب خاف يطلع ولد وشيخلصني من صفاء كلت حتى اذا ولد احضره ع السريع

دخلت داز -الوو

- منو اعرفج؟؟

- اي ليـش متعرفيني

- منو عيني كولي اسمج حتى اكول اعرفج لو لا

- لحضه هسه تعرفين كلشي !!

بقيت انتظر وشويه وصلن صور !!

حملن الصور !!

صدمه !!

انصدمت صدمة حياتي !!
لامستحيل داتحلم اكيد !!

صفاء بدون ملابس وبحضنه نبأ !!!!!

فكيت عيوني على وسعهن متخبله وعقلي يريد يطير نبأ هاي والله نبأ !!

هم مثله ملابسه شي !!
وحاطه إيديه المطليه بالصبغ الاحمر على صدره
على اكثر مكان احبه !!

عيوني مفتوحات على وسعهن وممصدكه وهيَ مستمره تدز رسائل

- هسه عرفتيني مو؟؟
- اني مو كتلج مااعوفج بحالج ؟
- يلا هسه تصافينا وحده بوحده
- شفتي بعينج خوب من اگلچ مايحبج متصدكين بيه بس هسه اكليهه بخاشوكه
- عادي اصلاً داتخيل شكلج اكيد مصدومه انتظرج تطلعين من حالة الصدمه وتجاوبيني

بقت تدز تدز تدز وآني عقلي خلاص وگف عن التفكير

يتبع ..

باجر استراحه😸😸

عـبـرات الـعـبـادي 🌼🌻



لامارا غير متواجد حالياً   رد مع اقتباس
قديم 27-07-19, 08:36 AM   #28

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


رشفة عشق
الـعـبـاديـــه
البارت _26_

يعني ليش مشاهدات البارت 3000-4000 والتصويت مايوصل 1000 ؟؟ 😡😠

‏كلُّ اللواتي قد سبقنَكِ في دمي
أوقـعـتُـهنَّ، فـأين منّـي تهرُبـينْ؟

حاولنَ أن يقتَدنني.. فخسرنني
وكما رحلنَ بدمعهنَّ، سترحلينْ

~~~~~~~~~~~~~~~~~~~~~~~~~~~~~

حـوراء

وصلنا للبيت وصفاء ذبنه بباب بيتنه نزل وهوَ يباوعلي بمكر ويهز بحواجبه ع السريع ..

مشيت من يمه سحب إيدي ورجعني عليه

- اوگفي خل نتفاهم

- ماعندي اي تفاهم وياك چنت شاكه مجرد شك بيك بس هسه اثبتتلي بكلامك وحاتاتك !!

- لچ إنتِ لـيش بسرعه تصدگين

نترت إيدي منه وفتحت الباب من الخيط وگتله

- سمعت بإذني وشفت بعيني هاي هيَ

سديت الباب بوجهه ودخلت .. وصلت لحد المطبخ وهوَ هم فتح الباب ودخل ركض عليه بسرعه عصر إيدي ولواهه

- شايفه هاي إيدچ السدت الباب بوجهي اكسرهه قسم بالله بس تفكرين تتجاوزين عليه

بقيت اتملص منه وإيدي موتتني

- اخخ وخر إيدي انكسرت

بقى يلوي بيهه وعيوني بعيونه وواگف بشموخ

- عباس إيييددددي

نترهه وگال

- اليوم لو اني لو انتِ !!

اول ماگال هيچ رن جرس ببالي دائماً يگولهه من يريد حقوقه !!

دخل قبلي ..
واني دخلت وراه ومصره ماانطي اي شي الا اخليه يتحسر ويتمنى شوفتي ..

استقبلته أمي ورحبوا بيه طايرين بيه صلاوات .. خو امي كلساع
(حـوراء جيبي هيچ لرجلج ) (حـوراء رجلج اكعدي يمه)

خبلتني .. اني شعليه إذا هوَ لزگه .

اخر شي انختمت بصيحته إلي شخصياً ..

أستغفرت ورحت گوه متمالكه اعصابي وروحـي تريد تطفر مني وكلما اتذكر بالسياره مخابرته وصوت بنت اتخبل اكثر ويريد يغشمني هم عباله غبيه .

حطيت شال على راسي ودخلت للاستقبال إبتسم بمكر ..
بقيت واگفه يم الباب صاحني وأشرلي على المكان البصفه وگال (تعالي يمي) نترت

- هـنا مرتاحه

خزرني وگال بتساؤل

- تجين لو شلون؟

زفرت انفاس بعصبيه ورحت يمه گعدت بالمكان الاشرلي عليه ..

استغل الفرصه وتدنى يمي لطش روحه بيه .. بحركه سريعه سحب الشال وهوَ معصب وهمس بإذني

- آني رجلج مو غريب وتلبسين شال

بقى يتقرب يمي وويدفن راسه برقبتي وآني ادفع بيه وهوَ يرجع يتقرب اكثر ويهمس بكلمات الغزل والعشق واكثر كلامه كان إشتياق إلي !!

دفعته مافاد وياه ..
فضلت الجمود احسن حل من شافني هيج إبتعد لان يتخبل من هاي الحاله ومااعتقد اكو رجال غيره يحبهه ..

معصب بس يهدي بنفسه بحركاته وسوالفه بس كلهه تدل على عصبيته رغم كاتمهه .

بقى يسولف ويريد يلين بگلبي وآني جامده وعبالك الحچي مو وياي كتله ببرود

- خلصت؟؟
تره سطرتني !!

فتح عيونه حيل وجابني براشدي شل إذني .
دمعتي صبت وگمت من يمه طايره .
سحبني وفرك حلگي بإيده ويحچي ضاغط على اسنانه

- عبالچ مااگدرلچ والـحُسين اربيچ من جديد بس اگول خطيه وعبالج تتمنين عليه بجسمج والله بكيفي حلالي وبراحتي اتصرف بيه واليوم الگاچ متحظره لابسه احسن شي عندچ وهسه ولي من وجهي

دفعني من متني وطلعني بره طلعت من الاستقبال اشهك وابچي ..

بابا كاعد بالصاله وبس ادخل يشوفني ركضت للحمام وبقيت ابچي واشهگ حقيير ماشفت احقر منه بحياتي ..

شويه واندك باب الحمام وسمعت صوته يهمس

- حـوراء اطلعي لتخبليني

بقيت اشهگ وابچي وشغلت الدوش عليه بملابسي .. اريد يبرد راسي .. داحس نار وتطلع من اذاني وراسي وجسمي كلشي بيه تعب

دگ الباب خفيف وهمس

- حـوراء اهلچ لايحسون إطلعي

ماكو رد سكتت وبس منهاره جوه الدوش وابچي

- حـوراء لتخبليني احچي شصار عندچ؟؟
والله راح اكسر الباب اذا مافتحتيه

سديت المـي وفتحت الباب گتله

- شتريد ؟؟ شنـو الماسويته بيه بعد كمله

بقى يتفحص بجسمي ونظراته اخترقتني لان الملابس تبللت ولطشت على جسمي وكل تعرجات جسمي بينت بلع ريقه وگال

- حـوراء لتتمرضين خل اجييلج ملابس

- مااريد

ردت ادخل واسد الباب بسرعه دفع الباب ودخل وياي ..

- اطلع

سحبني لحضنه واني اتصارع وياه اريد اطلع من حضنه لما أيست وهدأت بحضنه وبقيت ابچي من أذيته الي .

بقى يمسد على شعري ويهمس(اششـش)

حسيت نفسي هدأت دفعته وگتله

- جيبلي ملابس اريد اطلع

نظراته تباوع لشفتي شلون تطلع الكلمه وكلساع بلع ريق ..
مرر اصبعه عليهه وهمس

- مشتاق لكل تفصيل بيج

انطيته ظهري وگتله بنتر

- تجيبلي ملابس لو آني اطلع؟؟

- اي حتى اشنقچ بس تطلعين هيچ

طلع وعيونه علي جسمي نظراته مافارگتني لما طلع .
شويه ودك الباب راد يدخل بس سديته حيل وطلعت بس إيدي سحبت الملابس من عنده وسديت الباب بسرعه ..

بدلت وخليت الخاولي على شعري وطلعت ..

لگيت أمي بالمطبخ دخلتلهه بسرعه باوعت بيه وضحكت كالتلي

- شوكت لحگتوا

فتحت عيوني وكتلهه

- ماما وين راح تفكيرج شسالفه

- هههههـه مو علينه

- اهـووو والله مصار شي بس اريد ادخل اصرفيلي بابا

- هسه لحظات

راحت صرفت بابا وطگيتهه ركضه لغرفتي واتنفس سريع شلون نظراته عابت .

نشفت شعري ونزلت ساعدت أمي بالعشا ..

فرشنا السفره وهوَ گعد يمي وطول الگعده يگرص بيه لو يتلمس بزنودي بحجة جيبيلي شي من السفره ..

ختمهه بلمسته لااردافي ..
طگت روحي همست بغضب مكتوم

- كافي طگت روحـييي

صعد بلمسته وعصرني حيل

همس
- مريتي وبكيفي

خليت وگمت شارده ..

وگفت اسوي چاي ع الطباخ وهوَ دخل مباشرةً ركض عليه إحتضن خصري ودفن راسه برقبتي دفعته ونترت

- كافي كافي كافي موتتني

- مااعوفج اليوم والللللللله

- چـؤؤؤ

غسل ونظراته الماكره مرسومه على شفته ..

شربنا چاي وكملنه بقينه سهرانين آني استأذنت ورحت لغرفتي تمددت وبقيت اتصفح بالأنترنت ..

دقائق وانفتح الباب مال غرفتي ودخل قفل الباب ويهزلي بحواجبه !!

طفرت وگتله بتردد

- ليـش قفلت الباب؟؟

- اريد اخذ راحتي وي مرتي

- عباس مو وقتك افتح الباب

- لا وقتي وكل وقتي هم

- عباس لتخبلني

- هههههـه جملتي هاي لتخمطيهه

- اي من عاشر القوم اربعين يوم صار مثلهم

مالحگت اكمل كلامي وهجم عليه يطبع بوساته المتناثره على وجهي ..

دفعته ميندفع آخر شي تذكرت مواقفه وحده وحده مرن ببالي ولحد آخر موقفي إذني لهسه تأذيني ..

دفعته حيل بكل قوتي ومااعرف منين اجتني القوه بوقتهه ..!!

وگع بالگاع على ظهره ووجهه صار دممممم

حطيت إيدي على حلگي مصدومه هوَ بدون شي كلساع يضربني مو الا هسه هنته ورجولته صارت بالأرض .!!

وگف متحامي وركض عليه لاارادي عطت وصعدت ع الچربايه من خوفي وگلبي يدگ توقعت نفسي راح انجلط .

بقيت اتوسل بيه واركض ع الچربايه وهوَ يحذر بيه انزل وآني اتوسل

- عباس فـدوه والله مو قصدي والله بعد مااسويهه احلف مية إمام بعد مااعيدهه

يحچي بغضب مكتوم وضاغط اسنانه وعيونه تريد تنفجر من العصبيه

- إنزززززززززليييي بسااااع

بچيت ودموعي كامت تصب بس اكيد مايأثرن بيه قابل دموع انجلينا جولي

لزگت نفسي بالحايط وآني معلگه فوگ ع الچربايه وخايفه لايلگفني

- عبالچ مااگدر الزمچ؟؟

- لا تكدر تكدر بس عوفني مسامحه بس هالمره

كلامي ماأثر بيه ابدد

وبسرعه طفر ع الچربايه ولزمني من شعري حيل وصار فوكاي وبلحظه وحده تجردت من ملابسي كلهه وشگگهه وصله وصله وسووه البباله اكيد ..!!

اتوسل وابچي وهوَ فاقد ويريد يسترجع كرامته ورجولته الانهانت بدفعتي وهـٰذا اكبر غلط سويته وخليت الحق إله وهوَ ابو الراهي ..

أبتعد ونام مرتاح وآني نار تغلي بصدري وابچي بعلو صوتي .. شمر عليه المخده وصاح

- اسسكتي

سكتت مُرغمه ولفلفت نفسي بالچرچف واخذت ملابسي وطلعت للحمام الي بالطابق الثاني ..

بقيت ابچي وابچي ودموعي ماتخلص ..

دگ الباب مثل اول مره وراد اطلع ..

رفضت رفض نهائي وهوَ بقى يتوسل ويتعذر !! من چنت اتوسل بيه ماعطف عليه وهسه يريدني اعطف عليه !!

لفيت شعري ولبست ملابسي وحاولت استعيد قواي ..

فتحت الباب ولگيته گاعد يم الباب اول ماشافني وگف ..

گتله وآني شامخه وقويه

- لگيت حل يخلصنا من هاي المشاكل كلههههه

فرح وعيونه لمعت عباله ابشره بخبر رجوعي وياه

گتله ببرود وجمود

- طلگني

عصر عيونه حيل بنفاذ صبر وفرك وجهه گال

- ترفسين ببطني وماتريدين اسوي شي وياچ

- لحل النزاع كله هـٰذا افضل حلل

- حـوراء لاتجفصين وكافي اجيت وداعتذر منج كافي راح يصيرلچ 5 اشهر زعلانه وإنتِ لاشايفه عليه شي ولاعندج دليل

- لا .. شايفه وسامعه هم
وبعدين إعتذارك شيغير مثلاً ؟؟

- تره مليت وآني اتوسل بيچ . يوميه اجي اتوسل ترجعين

- هـه شوكت هاي بالحلم لو وين؟

- دطيري الخلقج خلق غيرج

- روح لغيري لازمتك قابل

خلى وراح معصب هوَ هـٰذا الاعرفه ميلوك بيه دور المسكين المغدور ..

رجعت لغرفتي دخلت بفراشي وشبعت بچي ..

الصبح نزلت لكيته كاعد يتريك وي امي وسوالف وضحك ..

اي چـا ليـش مايسولف ويضحك ويرتاح البارحه ماخذ راحته مني بعد ليـش .

گعدت ع السفره وماطايقه اشوف وجهه ..

تريكت ع السريع وگمت ..

اجتي امي وراي للمطبخ وهوَ بالصاله كالتلي

- حـوراء يلا لمي ملابسج اليوم ترجعين وي رجلج !!

- شنـو شـنو شـنوو؟؟
لو اموت ماارجع

خزرتني واشرتلي على الصاله عود يسمعج واني لان ادري بيه يسمعني رفعت صوتي

- ماارجع لو يضرب راسه بالحايط

حصلتلي گرصه من امي تركت اثرهه البنفسجي بزندي مكانهه

- ترجعين غصباً عليج

بقيت ابجي واعيط

- ماما يخوني تعرفين شنـو يخوني؟؟ يعني 6 ساعات ماهوَ بيهه وين راح ؟؟ هاي غير تلفوناته المستعجله وكلساع طالع .. وامس يخابر بالثلاثينيه الحاته واني هنا راكنّي مثل الحايط من يشبع رغباته ويخلص سوالفه الطايح حظهه يجي عليه يريد حقوقه مني آني شنو دوري مالي مكانه مالي كرامه ليـش توكفين وياه بنتج اني مو هوَ ..

سدت حلكي بايدهه ودفعتهه

- لاتدفعيني منو يكول مايزني !!
اذا هوَ غايب 6 ساعات عن البيت ويعرفله ثلاثينيه شدراني مايروح يمهه

ماحسيت غير راشدي انطبع على خدي !!
ولااول مره امي تضربني !!

خلتني ورادت تروح للصاله تشوفه لگته سمع الكلام كله وواكف بباب المطبخ وعيونه حمر !

خلى وطلع وامي هجمت عليه بالكلام !!

~~~~~~~~~~~~~~~~~~~~~~~~~~~~~

إيڤان

بقيت مصدومه صدمة حياتي شلون هيچ صار وشوكت !!

عقلي توقف عن التفكير وظليت فاغرة الفم وكل عضو بيه متوقف عن العمل ..!!

دخل صفاء فرحان ويضحك ماادري شعنده يحچي وياي وآني فاصله وبس صافنه بوجهه بتمعن اشوف صدقه وين؟؟

الموبايل بحضني وطافي يعني مايشوف الصور طالعات

حط إيده على وجهي ويأشر ويصيح بإسمي ..

گتله بجمود وتعتليني ملامح الصدمه

- شوكت نمت وي نبأ؟؟؟

ملامح الخوف هاجمت وجهه وعصر عيونه حيل ..

بلع ريقه وتقرب يمي

- إيڤان !!

من ردة فعله عرفت الصور الوصلني صح وماكو اي غلط بيهن !!

دموعي صبن وجمره سعرت بصدري !!

- يعني صح مو؟؟

- إيڤان بس افهمچ !!

وگفت بسرعه وعطت

- يعننييي صصححححححح ؟؟؟؟؟؟

حاول يتقرب مني ويتوسل

- إيڤان بس افهمچ

عطت حيل ودموعي تجري ضليت اشيل روحي وارگعهه من الحرگه

- لك شتتتفههممنييي شتفهههمممم؟؟؟؟
اعرف ذني الاعذار لو غرتك لو حطتلك حبايه ومخدر بالمي ذني اعرفهنننن صفاااء اعرفهنن لاتقشمرني ابدد

حاول يتقرب مني وآني مفرفحه ارگع بالغراض واشيل بروحي من القهرر

- إيڤان بس اسمعيني

- لك لييـشش ليـشش بشنـو قصرت بس گول بشـنووو؟؟
بس ضربك إلي يخلي اكبر وحده تتطلگ واني وعدتك مااعوفك ووگفت وياك

تذكرت كل كلامه من يمسح على راسي ويسحبني لحضنه وخايف فقداني ويوميه يكلي لتعوفيني والنوب اني شگد غبيه اگله اي وعد للموت مااعوفك

بقيت اغم بگصتي واصيح

- امداني اي والله امدددداااني هيج غبيه وقشممر عمت عييينيي ولاشفت هالصور عممتتت عيييننننيييييييي

هوَ يهدأ بيه ويتوسل يريد يفسرلي وآني حافظتهن ذني مال غرني جسمهه لو حطتلي مخدر ..

بيش تغريه وهيَ جسمهه يلعب النفس والله جسمي احلى منهه بمية مره بس بياض رجلي ابيض من وجهه كله ..

آني هيج يصير بيه !!؟
گعدت بالكاع فحطانه وابچي واهلس بشعري

- لك هـٰذا شعري شوفه شووووفه احد التضحيات وياك من جنت بالرابع ابتدائي ماكاصته ومعتنيه بيه واجيت گصيته بلحظات بترته كله وسكتت وكتلك اني گصيته ليششش

كرفص گدامي وكلما يحاول يتقرب اعيط لو اكسرلي شي الغرفه صارت قطع صغيره متناثره !!

شفت دموعه على وجناته ويشهگ !!!!

- إيڤان فـدوه لتعوفيني والله اموت بدونچ

- ههههههههـه خوش نكته روح العبهه يم غيري مو عليه

- إيڤان والله مااگدر بدونج تايه وماعندي حياة تعرفين التايهين شنـو

- نبؤه موجوده ليـش تتيه

- تخسى توصل لااظفر رجلچ

- اششـش لاتحچي ابدد وتلبس دور المسكين المستكين بعد لو اموت لحظه ماابقى هنا

وكف بسرعه وآني هم وكفت ركضت ع الكنتور اطلع ملابس وهوَ يجر بيه ويتوسل وآني اعيط واملخ بروحي ..

سحب مني الجنطه وماقبل ينطيهه

- جيب الجنطه جيببهههاا

- على گصاص رگبتي اخليج تطلعين منا

- يعني من خنتنننيي متوووقع ابقى؟؟؟

- تبقين وغصباً عليچ مو اول رجال يسوي هيچ

فتحت عيوني حيل على جرأته وإعترافه

- روحلهه إذن .
هاي فوك شينك كوان عينك

عاط بعلو صوته

- إذا انتِ متريدين تفهميين شأسويلللچ كولي شأسوي مستعد اي شي اسوي وتسمعيني

كتله واني اضغط بمخارج الحروف واشدد ع الكله واصبعي السبابه مرفوع بوسط وجهه

- ماااسمع كلممممه وتاخذ هاي الجنطه عادي اروح وحدي بدون اي شي وعندي استعداد اطلع بذني الملابس ولاابقى يمك

ركضت بسرعه طلعت من الغرفه وهوَ وراي يركض اول ماوصلت لباب الشقه فتحته اريد اطلع وسحبني من شعري حيل وآني مچلبه بالباب مااعوفه .

اخر شي سحبني حيل وشمرني بوسط الصاله

صفاء .. طلعه ماكوووووو هـٰذا مكانج لما تموتين بيه

- والله ماابقى لو امووووت

ركضت للغرفه اريد اتصل برائد وهوَ يركض وراي وين مااروح حسيت نفسي انجنيت لو ماخذيني للشماعيه بوقتهه مااعاند لان صدك تخبلت ..

بقيت ادور بالاسماء ودموعي تنزل ع الموبايل .. راد يسحبه مني ولزمته حيل بقينه نتصارع عليه لما اخر شي ضربني راشدي خلاني الزگ الموبايل بالحايط ..

بچيت وشهگت فوك ماخاينني يضربني !!

بقيت اعيط عليه وولافاد

حسيت قطرات دم تنزل تلمست وجهي لكيت شفتي مشگوكه بالنص والدم ينزل ..

تذكرت اول مره ضربني بيهه وهم نزفت شفتي .. بقيت اناشغ وابجي وگعدت بالكاع مستسلمه لكلشي ..!!

كرفصت روحي وخليت راسي على رجليه وابچي .. كرفص كدامي ورفع راسي بإيده وهمس

- إيڤان خل اشوف

همست من بين شهكاتي وصوتي متقطع

- وو .. وو ..وووخررر

- إيڤان شفتج تنزف

- عساني متت

حط اصبعه على شفتي وعصر عيونه

- اسم الله اني ولاانتِ

- إذا تحبني وتعزني وباقي ذرة حب بگلبك إلي إتصل على بابا لو رائد يجوني

- يعني دتطلبين مني اقتل نفسي؟؟

- إذا ابقى يمك امووت وجهك ماطايقه اشوفه

- اني اطلع بس انتٍ لتطلعين

صفنت بيه ودموعي تنزل گتله

- صفاء لخاطري !!

عصر عيونه حيل وجر نفس بقهر ويرمش بعيونه خاف دموعه تنزل !!

شفته ترجف وإيديه نفس الشي وآني ازيد منه صاير جسمي گصبه من الرجف

- مااگدر إيڤان مااگدر

ولااول مره كسر بخاطري !! لان هاي الكلمه نقطة ضعفه !!

خلاني وطلع ومن طلع قفل الباب وراه !!

حكم عليه بالاعدام وطلع !!

رجيت راسي بيأس على الحايط ودموعي تكت عشره عشره مااسيطر عليهن !!

بقيت ابچي واعيط

- ماما تعاي شوفي المدلله شصار بيهه تعاااااي
هاي دكتورتك بابا جنت تسميني ام خدود هسه وينهن الخدود وين الجمال راح ويين هـٰذا الماياخذ نصيحة اهله يظل يعض اصابع ندم ولو بيدي هسه اجنز روحي تجنز ..
شگد نصحت امي شكد نصحت اختي شكد نصح اخوي وبابا جان الرأي الرئيسي وهيَ المعارضه وعدم القبول بس آني أخخخ

صارت بيه نوبة بكاء ابجي واخذ استراحه واتذكر الموقف بعد وارجع ابجي ..

هوَ طلع من سمعت باب الشقه وهم قفل الباب !!

ضليت وحيده والقطع الصغيره المكسوره والمتناثره تحيط بيه ..

باوعت لجسمي رجليه تنزف دم من الكزاز المكسر وشفتي الدم يبس عليهه من ضربته .. وخصلات من شعري بالگاع من كدما هلست بيه ونثرت بيه واني اتذكر طوله الچان قبل !!

مختنكه بعبرتي واحس شي بداخلي يتألم ويصرخ يريد يطلع ..

الراحه فارقاتني والهموم التمت عليه ..

بس والله الا اندمه واخلي يعض اصابعه ندم مثل ماعضيت اصابعي عاى قسمتي الفاشله ..

لفيت شعري ونهيت بكلبي شخص اسمه صفاء !!

كمت واني متحذره من اثار الملحمه التاريخيه ..

طلعت النسخه الاحتياطيه مال المفتاح وفتحت باب الغرفه بس الشقه مابيهه مفتاح احتياط ..

كمت سبحت ع السريع وطلعت نظفت الشقه كلهه وامسح وابچي وارجع اكول وعدت نفسي ماابجي وامسح دموعي وينزلن هيهات انسى هيهات ..

بس اجتي على بالي خطه ومااطلع إيڤان اذا ماخليته يطلگ وهوَ الممنون ..

مو إيڤان التضعف !!

يتبع ..

عـبرات الـعـبـادي🌻




لامارا غير متواجد حالياً   رد مع اقتباس
قديم 27-07-19, 08:38 AM   #29

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


رشفة عشق
الـعـبـاديـــه
البارت_27_

متى سـتــغـربُ أحــزاني كـما غرَبـتْ
شـمـسُ النـهـارِ ويـأتي بعـدَهـا الـفرحُ

لا يُـذهـبُ الحـزنَ إلّا أن أرى بـلــدي
تحـيا السلامَ وكلَّ الناسِ قد فرحُـوا

~~~~~~~~~~~~~~~~~~~~~~~~~~~~~

حـوراء

طلع عباس من البيت وهادئ كلشش بس وجهه ميتفسر ،، العيون حمر دم والوجه مبينه عروقه وشرايينه !!

بقيت متصنمه بمكاني وأخذت على نفسي شلون هيچ حچيت !!
ماادري شنـو الشعور الاجتاحني !!
من شفت نظراته وخزرته بلحظه تندمت على كلامي وتمنيت أمحيه !!

أمي بقت تلوم بيه وزعلت عليه !!

مر اسبوع بقيت يوميه اصالحهه متقبل وتگلي ماراضيه عليچ ..

- ماما فـدوه والله چنت بحالة عصبيه وانتِ تضغطين عليه تريديني ارجع

- ولچ عباس ماتلكين مثله فطييرر تعرفين شـنو فططيرررر

- لو فطير ماسوه بيه هيچ !!

- من لسانچ هـٰذا المشرشرب من تزوجتي لهسه طلعلچ لسان بطولي ولچ ماچان هيج لسانچ ماربيتچ هيچ آني

- والله هوَ يجبرني احچي بكلامه

- ماكو ماارضى عليچ

- اووف چـا شلون ترضين عليه؟؟

- روحي خابريه واخذي بخاطره

- يــااا ..

- ووجعا بكيفچ خيرتچ واختاري

- اووف رايحه هسه اتصل بيه

- يلا روحـي ولاتجيني الا بأيدچ خبر يفرح

تنهدت بغضب وطلعت لغرفتي ..

لزمت الموبايل وبقيت متردده اتصل لو لا؟؟

اخر شي عصرت عيوني حيل وسحبت نفس بتوتر ودگيت ..

ويه كل دگه گلبي دگاته يزيدن ماعبالك رجلي عبالك مخابره صاحبي وبالختله عن اهلي وخايفه هيچ ..!!

بقى يتصل وهوَ ميجاوب !!
آخر شي انغلق الموبايل !!

استغفر الله ياربي !

طلعت لاامي كتله بنتر مايرد ..لحت عليه الا اعيد الاتصال لما گتلهه غلقه يلا فكت مني ..

بقيت رايحه راجعه اتصل بيه وهم مغلق .. اتصلت على خطه الثاني جاوب بس ماكو صوت !!

- الـووو ..

- .........

- عباس تسمعني ؟؟

- ......

- آسفه

تنهد وسحب انفاسه وغلقه بوجهي !!

بهاللحظه انهاريت وشبعت بچي تعبت شهالحظ هـٰذا لو اني اچفص لو هوَ وتعبنا اثنينه !!

بقيت اراقب بحساباته وميته عليه واشوفه متصل وروحـي تفرفح ..

آخر شي تعبت دخلتله دزيتله ..

- عباس كافي نام وراك شغل

تندمت بگد شعر راسي لان دزيتهه ..

مباشرةً حظرني !!
بقيت اغم بروحـي واكل بأظافيري إلمن دزيتله شعليه بيه يربي شعلليييه انسحلت كرامتي صح غلطت بس هوَ هم غلط .

مرت فتره وهوَ لاسؤال ولاجواب وهادئ حسيت هـٰذا الهدوء اليسبق العاصفه !!

بوقتهه علنوا نتائج السادس اعدادي النت صار عباره عن افتح الرابط لتحميل نتائج السادس وين مااروح الگاه مليت وشمرت الموبايل .

شويه ورن موبايلي صوت رسائل ع الماسنجر !! ركضت بسرعه فتحتهه عبالي هوَ بس تفاجئت حساب بنيه دازتلي نتائج مدرستنه !!

گلتلهه

- منـوو؟؟؟

- هاي مو مدرستچ من چنتي قبل؟؟

- اي عيوني ليـش؟؟؟

- بس باعي ثالث اسم

شفت ثالث اسم طلع اسم بنين صديقتي !!
انصدمت بمعدلهه مطلعه 94 وهيُ قبل چانت كلمه ماتنطق !!

گتلهه

- انتِ بنين ؟؟

- اي اني بنين طلعت 94 وانتِ بقيتي هيچ وسمعت زعلانه عند اهلج الزواج فادج؟؟ ههههـه گتلچ على عبد الله بس تكملين يتزوجج مارضيتي بس تستاهلين ازيد من هيچ ان شاء الله

متت من الحرگه وراسي انكبس وعيوني غوشت من الدموع صرت شماته رزلتهه وحظرتهه ولغيت الماسنجر كله وبقيت يومين متكأبه ..

كلامهه صح ليـش بطلت ليـش اهم شي شهادتي بيش فادني الزواج هسه ؟؟!!

بس طياح حظ ومشاكل وتعب اريد اموت من وراه بعد هاي هيَ قررت لو ارجع للدراسه لو يطلگني وآني راح يصيرلي 6 اشهر ببيت اهلي ..

دزيتله رساله ع السيم كارت

- باوع عباس اني اعتذرت منك بس انتَ معاند ف لو تجي نتفاهم لو تطلگني وكلمن يروح بحال سبيله تعبت تره

بقيت النهار كله مكتأبه وابچي ..

العصر دخلت امي گالت (انزلي رجلج جوه يريد يحجي وياج)

ركضت بدلت وحطيت مكياج خفيف ومرطب شفه اجاني واهس فضيع اكيد هسه ميكدر يرد شروطي ويرجعني للمدرسه لان عنده كلمة طلاگ خط احمر ..

والله والظاهر التهديد فاد وياه .

نزلت كالت امي بالاستقبال .. رحت دكيته الباب وفتحته .. دخلت لگيته هوَ ورائد وبابا ..

سلمت وگعدت يم بابا .. شكله متغير حيل ضعفان ولحيته كثيفه ومامزين ..

ماباوع على جهتي ابدد

طلب من بابا ورائد يطلعون كاللهم

- عمي من رخصتك بس احجي وياهه كلمتين على انفراد

- براحتكم

طلع بابا وآني بقيت مدنگه ومشاعري متلخبطه ومضطربه .

طلع من جيبه ورقه مطبگه فتحهه وشمرهه عليه ..

رفعت راسي اجت عيني بعينه .. باوعلي بشموخ .. وگال

- هاي سبب تأخيري لنصاص الليالي

عكدت حاجبي مستغربه

- شـنوو؟؟

- افتحيهه

فتحت الورقه لگيتهه دراسة الاعدادي شهادة سادس اعدادي !

باوعت للشهاده درجات كلهه تسعينات ميايه !! واسمه يعتلي الشهاده ..گال

- هاي الجرحتي كرامتي وهنتيني علمودهه تتذكرين لو اذكرج؟؟

تذكرت قبل لاازعل من عيرته بشهادته وبعدم معرفته بالآيفون !!

عباس .. هسه إنتِ الصفيتي بدون شهاده مو آني وصارت عندي شهادة اعداديه وإنتِ يادوب شهادة متوسطه وهاي الـ6 ساعات الاغيب بيهن فادني

- اي هسه ادرس واخذ شهادة اعدادي

- اخذي

باوعتله مصدومه

- يعني موافق ادرس ؟؟

- وآني شعليه؟؟

- شنـو شعليك غير رجلي !!

- اني اجيت اشوفج الشهاده وعن قريب قبولي بالمعهد الطبي وبعد كلشي ينتهي بيناتنه !!!!

- عباس انتَ شتحچي ؟؟

- اي هـٰذا آخر كلام عندي بعد معليه بيج آني المره الهانتني وتهمتني زور ماتصيرلي بعد مره لو الدنيا تنگلب !!

- آني اعتذرت منك وتندمت على كلامي

- كلامج رجع شي ؟؟
ماكو شي تغيير بإعتذارج ف احسن حل ننهي كلشي مثل ماگلتي ..!!

- وشنـو ابقى مطلگه؟؟

- اي عادي قابل اول وحده تتطلگ ؟؟

- وانتَ ؟؟؟

بقيت اباوعله بنظرات خوف من كلمته الراح اسمعهه

- اشوف المره التناسبني واتزوجهه وأسس حياتي وياهه !!!

العصبيه صعدت براسي وعيوني غوشت من الحرگه والقهر عطت عليه

- وآني شنـو حايط نصيص اخذتني وشبعت مني وهسه شامرني على اهلي مثل السلعه القديمه !!

- من إيدچ مو من احد

بقيت ابچي مكرفصه بالگاع ودموعي تصب بغزاره واناشغ طالقه العبرات المتكسرع بصدري

- ليـش هيچ تسوي وإنتَ ماكلفت نفسك تشرحلي ولاكلفت نفسك تفهمني وكل السويته انك تثير بغيرتي وتحرگ بگلبي وعاملتني بأبشع إسلوب

- ميفيد العتاب بعد كلشي انتهى

وگفت على حيلي ومسحت دموعي

- لا والله لو تموت مااخليك تتهنى ولااخليك تتزوج ومااتطلگ اصلاً وهسه رايحه اجيب غراضي وارجع

ضحك بإستهزاء

- هــه !!!
لتتعبين نفسج روحي چزت منچ

- واني هم بس المهم مااخليك تتهنى

رحت لميت غراضي وامي بس صافنه بيه وتسألني

- حليتوا اموركم

- اي يوم حلينه كلشي

- الله يهديكم

شلت جنطتي وطلعت اسحل بيهه شثگلهه بابا باوع بيه بنظرات خوف وقلق وطول هالفتره متوتر وقلق بس گتله انو بس ارتاح ارجع ويدري مشكله بيناتنه واني هم ماحبيت اطلع سري وكتلهم وماسألو بس بابا اذا حس مشكله قويه يتدخل غصباً عني بس تردد عباس اخر فتره عليه مطمنه ..

ظليت اسحل بالجنطه مقابيله وهوَ مكتف ويباوعلي بجمود باوعت عليه واشرتله ع الجنطه عود ساعدني .. ضحك بأستهزاء ودار وجهه عني وراح للسياره ينتظرني ..!!!

رائد ركض عليه اخذ الجنطه مني وحطهه بالسياره ..

ودعت اهلي وحبيت احرك غيرته صعدت وره .. كلت بلكي يكلي سايق عندج مثل القصص .

بس واقعي اسود مشى ولاحچه كلمه ..
وصلنا لبيتهم رفت گلبي صار شكد ماشايفه هالبيت هنا حسيت بالراحه رغم اهلي ممقصرين بس هـٰذا بيتي النهائي ..

فتح الجنطه ورحت اشيل الجنطه وهوَ يتفرج !!

صحت بيه
- عباس ساعدني نفسي انگطع !

حرك خده جانبي مستهزأ ..!!

اخذ مني الجنطه وشالهه عبالك ريشه بإيده تفاجئت هاي توني ماجنت اكدر اشيلهه !!

عافهه بالصاله ودخل للغرفه وسد الباب !

دخلت للبيت خالتي ركضت عليه حضنتني وتبوس بيه مشتاقتلي واني هم مشتاقتلهه وجدو وبيبي نفس الشي لان جانت اهتماماتي كلهه بيهم هسه الله اعلم بحالي شصار بيهم

بوستهم وبقينا نسولف ونضحك وعباس ابد ماطلع من الغرفه .!!

گالت خالتي روحي ارتاحي يم رجلج

دخلت للغرفه لگيته متمدد ع الچربايه وبس بالشورت ولازم الموبايل يتصفح ..

بقيت افتر بالغرفه نزعت الشال واشوف شتغير وهوَ ولاكأنو يشوفني عبالك خيال مو بشر ..
اخذت راحتي همزين مايشوفني گعدت جوه يم الچربايه مغطيه نص جسمي وبدلت ثوبي نزعته بس منطيته ظهري ..

بدلت بتراك وكملت اخذت الثوب بإيدي والتفتت بسرعه لكيته ماد راسه عليه ويباوع !! اول ماشافني رجع وجهه بموبايله ..

إبتسمت على تصرفه واخذت ملابسي ولميت ملابسه الوصخه كلهه وحضرت الغساله اريد اغسل ..

اخذتهن ورحت اغسل بالحمام وادندن ويه نفسي ..

خلصت ملابس ورحت احضر عشا وسويت كب كيك لان هوَ يحبه ..

تعشينه وهوَ ابتعد عني ماگعد يمي ابدد ولاتقربلي

طول الكعده ساكتين ومحد يحچي والنقاش انعدم بس صوت طكطة الصحون مسموعه ..

خلصنا ولميت المواعين غسلتهه وجبت الكب كيك ..

قدمته وهوَ من حطيت گدامه دفع الماعون من گدامه وگال باشمئزاز (مااريد)

- انتَ تحبه ليـش متاكل

نتر بيه

- مااريد هيه گوه

اخذته من كدامه فشلانه وغاطسه بملابسي من الفشله

بقى يكنك واني اسولف ويه جدو وخالتي وبيبي وعيني عليه يراسل ويبتسم وآني اغلي نار الغيره تحرگ بيه حرگ ..

بالـ10 گاموا ناموا وآني لميت الاستكاين غسلتهن ولگيته بعده بالصاله على نفس كعدته ومراسلته ونفس الضحكه دخزرته ودخلت للغرفه ..

بدلت بتراك ضيق حيل وبارز مفاتني وجسمي ونمت ع الچربايه ..

شويه وحسيت بيه دخل وراي .. نزع ملابسه وهاي عادته اكيد مينام بس بالشورت ..

حسيت بلمسته على خدي وطبطب خفيف على خدي

- أگعدي أگعدي

تحركت وضليت احوس گال

- اگعدي انزلي نامي جوه بالگاع !!

- شنـوو؟؟

- نامي جوه

كعدت تمغطت وصحصحت شويه يريدني انام بالگاع !!

سحبت نفس بغضب مكتوم وگتله بنتر

- تدلل

اخذت مخدتي وطلعت ديباج ونمت بالگاع

النومه طارت من عيني وهوَ هم بس يحوس وصوت الچربايه كلساع يظهر دلاله على تقلباته ..

كام يزفر الانفاس بعصبيه ويتنهد كلساع ووجهه على جهتي ..

اخر شي شمر الغطى واخذ موبايله وطلع !

تخبلت وبقيت احوس ليـش طلع !؟؟
معقوله يخابر ؟؟!!!

مااجاني النوم وقررت اطلع وراه ..
فتحت الباب بهدوووء وتقنصت عليه وطلعت امشي على اطراف اصابيعي بهدوء ودقه ..

لگيته واگف بالصاله وراسه بالثلاجه !

بقيت اراقبه طلع الكب كيك وضل ياكل ..
إبتسمت بأريحيه وضليت اراقبه .. التفتت وبأيده الماعون شافني وكع الماعون من إيده وانكسر !!

شكله اخترع عاط بيه

- انتِ ماتعرفين تحمحمين خلستيني تره

حكيت راسي بأرتباك

- أأ ماادري

- اشتعل جدج

خزرته

- عباس لتغلط جدي ميت تدري بيه

همس
- جدج ابو امج

ضحكت وكتله بتلطف

- هـا اصعد اكول لجدو

- حتى ادفنج

- ههههـه

- فوتي دخلي مااريد اشوف وجهج طلعت من الغرفه لان انتِ بيهه النوب لحكتيني !!

غابت ابتسامتي وضليت صافنه بوجهه متفاجئه !!

نتر بيه

- شبيج صافنه ولي من وجهي ماطايقج

حصرت دمعتي ووليت هاربه من تجريح كلامه رحت اركض اريد ادخل وصاح وراي

- تعاي اكو كب كيك بعد؟؟

جاوبته والعبره خانگه صوتي

- بالفريزر موجود

صدك بدون احساس وضمير .

~~~~~~~~~~~~~~~~~~~~~~~~~~~~

إيڤان

عزلت الشقه وطبخت ونار تغلي جواي اريد اموت ..

استسلمت وكعدت ع الكرسي بالصاله كل حيل وقوى مابقه عندي حيل انهدم ..

وكفت باوعت لروحي بالمرايه صايره رماد !!

جوه عيوني اسود وهالات تحيط بعظم العين واضحه وكبيره ..
وخدود ماكو ونظاره ماكو !!
عيوني داخلات بنگره وشفتي ميبسه صايله صحراء قاحله !!

جسمي نحفان حيل وزنودي ماهنَ وشعري اهم كلشي بيه ماكو مبتور بتر !!

الگصيبه لحد الآن محتفظه بيهه بالكنتور شديتهه بقراصتين خاف تنفتح وضميتهه كلما يحترگ گلبي على شعري اطلعهه اشكلهه وابقى اباوع بروحي واشتغل وهيَ تدندن على خصري ونهايان افخاذي بس اريد احس بيهه مثل قبل بس تعذبني كلساع تفلت وارجع اچلبهه بالقراصه ..!!

تعذبت حيل وتألمت ..!!

حسيت الباب انفتح مال الشقه طفرت مباشرةً للغرفه وسديت الباب وگعدت عليه خاف يدخل ..

سمعت مفتاحه دخل بالباب ويدفع بيه يريد يدخل مال الغرفه عطت بسرعه

- لاتددددخللل ماطايقتك لااتتدددخل

- إيڤان خل ادخل افهمج

- مااتحمل شوفتك لاتدددخلللللل

- ماادخل ماادخل هاي راح اگعد هنا

گعد وره الباب وظل يسولف ويبچي !!

- إيڤان شفتي بايام السحر شصار بيه قصيت شعرج وماادري بنفسي يعني اكثر شي بيج احبه قصيته بإيدي النذله والله ومو واعي ابدد وهاي الحقيره جانت يوميه تدز رسائل وصورهه بدون ملابس مثل قبل وبيوم خابرتني گالت اكتشفت زوجتك تخونك اني تخبلت دزتلي محادثات مفركشه ويه ولد ع الاساس انتُ وآني مااعرف شلون صدگت بس وهمتني من راوتني نفس رقمج بس طلعت ماسحه الارقام وضايفه نفس رقمج ببرنامج تصميم .. المهم كالت تجيني للبيت واني الغبي رحتلهه وهيَ تلگتني بملابس والله حتى انتِ ماشايفج بيهن رغم انتِ زوجتي !!

بقى يسولف وآني سچاجين وتقطع باحشائي وكلبي معصور ..

عطت بيه بصوت عالي من بين شهقاتي ودموعي

- ككااافي لاتكمللل ادري بسوالفك واني اكمللك هسه دخلت للبيت وغراك جسمهه واكيد جانت لابسه سيت احمر وجابتلك عصير وحاطتلك حبايه بالعصير ونومتك ع السرير واخذتلك صور ودزتلياهن هاي هيَ فهمت

- إيڤان خل اكمل

- كاافي لتكمل اعرف سوالفكم كللههههه ومايمشن عليه

- إيڤان والله من راوتني المحادثات وشلون الرقم مفركشته جنزتهه تجنز وهيَ شسوت كامت وتريد تصرخ تفضحني وتكلهم ديعتدي عليه !!
آني سديت حلگهه بالقوه وضربتهه راشدي علم بوجهه وضلت تضغط على اعصابي وتعيط لما فقدت بعد مادريت بشي واجتني الحاله يمهه لان انتِ جنتي ماتعصبيني بحالتي وتتجنبيني بس هيَ عصبتني واستفزتني بطريقه بشعه وماادري شصار قسم بالله ماعندي ادنى فكره شصار ومن سألتهه گالت اخذتني !!!

حطيت إيدي على وجهي بحركتي المعتاده وبقيت اشهگ وابچي واصيح آآآه بصوت عالي وهوَ يتخبل وكلساع يريد يدفر الباب ويدخل

يأست وتكيت راسي ع الباب

- لك توقعت قبل زواجنا هاي الصور ماتوقعت هيچ تخوني واني على ذمتك كلت اكيد قبل من جانت تدزله صورهه وهوَ شاب وممتزوج ف اكيد قبل الزواج وگلت اذا قبله شويه اهون بس شطلعتتتت صففاااءء شطلعتتتت خنتنييي ليـشششش اخخ ياالله موتنيييي

بقيت ادگ على صدري وشگيت دشداشتي واشهك واعيط واحس النار تطلع من اذاني وراسي

- ربييي اخذذذ روحـي وخلصنننييي اخذهههههه

بقى يبچي ويتوسل وصوته ارتفع

- ٱيڤان افتحي الباب لااكسرهه

- ابتعد عمي ابتعد تعرف شنـوو ابتعد خليك بعيد مااريدك مااريد اشوف وجهكك رووح عني روووحح اكرررررهكككك

- جذاابه جذذذابه والله مستحيل تكرهيني لان قبلهه حبيتيني وجنتي تتنفسيني

- اي وهسه مفتخر بخسانتك ؟؟ گول مفتخررر

- اريد اطم روحي

- اي روح طمهه عساك

حطيت ايدي على حلكي النوب ربي يستجاب دعائي عززا

- آمين ان شاء الله اموت

- اني اموت ااااننييييييي

يتبع ..

عـبـرات الـعـبـادي 🌼🌻

اذا اشوف تفاعلكم انزل تصبيره 🌝


لامارا غير متواجد حالياً   رد مع اقتباس
قديم 27-07-19, 09:21 AM   #30

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


رشفة عشق
الـعـبـاديـــه
البارت _28_

ما أنصفوهـا !! بـكتْ من ظلمهم ألماً
ومــا يلـيـــق بــهـا حـزنٌ ولا ألـمُ …!

إن الدمـوعَ التـي في خـدّها انتـثـرتْ
أغلـى مـن الـدرّ والـيـاقوت لـو عُــلـمْ ..!

~~~~~~~~~~~~~~~~~~~~~~~~~~~~~

إيڤان

ابوه عاط بيه خنسه وهوَ شكله مخيف من دون عياط

- بالتلااااااثثثثه داگوووول

گال بقهر وصوته مخنوگ والعبره تتكسر بصوته

- انتِ طالگ طالگ طالگ !!!!!!!!!!

صبت دمعتي ومسحتهه امثل القوه وهوَ گوه مسيطر والدمعه مستقره بمحجر عيونه ..

گال ابوه

- هسه تمام هاي هيَ بعد لانعرفج ولاتعرفينه توكلي الله وياچ .!!

طفر حيدر من يمه

- لا يابه وين تروح آني اتزوجهه !!

صفاء فتح عينه على وسعهه وطفر عليه شبعه بوكسات خلى وجهه دمى والدم يفور من خشمه وحلگه عبالك نافوره ..

رغم ابوه وامه يريدون يفكونه منه ماكو فقد يمكن طلع حرگة الأيام الفاتت كلهه !!

إبتعد عنه وضل يسحب انفاسه فحطان .. تنفس سريع والتفت عليه اني واگفه بالزاويه وابچي على منظرهم ..

إجه عليه وخشمه طاگ دم سحبني من إيدي حيل حسيتهه انخلعت .

مشى بيه ع السريع وآني اركض واتعثر لان كلش محترك گلبه ..
وقبضة ايده المتشدده على إيدي موتتني ألم !!

صعد الدرج ويسحل بيه سحل ..
اصبع رجلي انصدم بالدرجه عطت بكل صوتي وگعدت رغم قبضة إيده نزل عليه خايف وترك إيدي قرفص يمي وآني بس ابچي كلهه اتجمعت عليه بذيچ اللحظه طلعت الحرگه كلهه .

همس بعصبيه
- خل اشوف

- تاذيني

- خل اشوفهه

سحب رجلي بهدوء ولطه نص الاظفر طاير فتح عيونه ورمش بيهن .. تأفأف ونتر

- گومي خل اعقمها ..

- مــاا ..

- گومي لااطلع حرگتي كلهه بيچ حسابچ يمي بعدني مامحاسبج اصلاً

- صفاء تره إحنه تطلگنه

حچى بنبره لاتخلو من السخريه

- هــه طلاگ جدي هـٰذا

عصبت عليه

- صفاء شتحچي إنتَ تطلگنا بعد

- لچ بابا باطل هـٰذا الطلاگ باااااطل

عطت وبچيت اكثر

- لا مو باطل ليـش بله باطل

- اني مموافق هـٰذا اجبار مو طلاگ

- بس طلكتني بالتلاثه

عاط بصوت عالي

- لج متفهمين داكووول باااطل اني مموافق اطلگ بس جبرتيني مقابيل هـٰذا الوحشش

- بس إنتَ بعتني مقابيله هسه صار وحشش

- يعني تريديني اتعلك بالمروحه كدامچ ؟؟
وإنتِ اول العالم تدرين شجان يسوي بيه ؟؟
لج ذليتيني مقابيله وهنتيني يعني خيرتيني لو تطلگني لو خل يفشلك كدامهم كلهم ويعلكگ مثل قبل

غطيت وجهي وشهگت

- بس آني ماابقى اريد ارجع لااهلي

- گومي ادخلي وبعدين نتفاهم

- صففاااء منتفاهم ارجعع لااهلييي اخر كلاممي

- اي ارجعج بس كومي

- وعد ؟؟

تنهد بحسره وگال بنفاذ صبر

- وووعد بس گومي

گمت اعرج من اصبعي ودخلت للشقه ابچي .

رحت لميت ملابسي بجنطه وابچي دموعي انهار هوَ گاعد بالكاع وراسه بين رجليه .. صفيت الكنتور كله بجنط وهوَ يتنهد وصلت للخانه البيهه الگصيبه مالتي .. من شفتهه انهاريت وسحبتهه اريد احطهه بالجنطه طفر عليه سحبهه مني وهمس

- لاتاخذيهه

- صفاء جيبهه

- ليـش ظالمه خليلي شي ع الاقل

- مااريد اي شي يربطني بيك اي شيي

- هاي حلالي معليج بيهه

تنهدت وعفتهه عنده ولبست شالي عدل وكتله

- يلا صفاء وديني

- اصبعج ماعقمتيه

نترت بنفاذ صبر وروحي طافره لان صار ساعه يماطل مايريد ياخذني

- صفاااء شوعدتني

- هسه اني كتلج مااخذج؟؟ بس خل اعقم اصبعج واخذج وهـا تره فتره وارجعج هاي ترتاحين وبس

- لو اموت ماارجع بعد

- چـا گعدي وسكتي

عطت

- صفااااااااءءءء

- بكيفج والله

فكرت كلت خل يوصلني لااهلي وبعدين اعفطله يمل ويروح

- يلا خوش فتره وتعال

- احلفي

- صفاااء كافي

- احلفي

- مااحلف

- چـا ابقي گاعده

رگعت رجلي بالگاع واصبعي أذاني عطت منه إجه يركض راح جاب معقم وقطن واجه ..

- تعاي خل اعقمه

- مااريد

ماحبيت اكون بقرب يمه خااف اضعف

اجه يمي وسحب رجلي ردت اسحبهه ثبتهه حيل وخزرني بقى يعقم بيهه ومندمج شعره نزل على عيونه وملامحه تعبانه رفع راسه لكاني صافنه بيه مباشرةً دررت وجهي ..

ذب حسره وگام يريد يطلع

- صفاء والله ماابقى اذا ماخذتني اشرد وماابقى بالبيت وياك حرام اصلا.

عاط بصوت عالي

- لج مامطلگين مامطلگيييين متفهمين انتِ متتفهميين

- اخذذذذنييي يابه مطالبه منك غير شي اريدد اهلي اريييدددهمممم

سحب جنطه حيل وگال بعصبيه

- فوتي كدامي يلاااا

ردت احاچيه ع الجنط البقيه خزرني

مشيت من يمه وهوَ ذب حسره بوجهي نزلت دمعتي ومشيت للسياره ..

دخلت بالسياره وابچي ،، ناطه بجي

طول الطريق وآني اشهگ بصوت عالي وابچي وهوَ بس يتحسر ويزفر بانفاسه .

لما عاط بيه

- لجج موو انتِ الردتييي بعد شبيييج تبججين ؟؟

- داابجي على حظي الجابك عليه .. دابجي على مستقبلي الضيعته وياك حتى تعييني خسرته بسبب حضرتك تغار من افتح عياده وراح التعيين عليه والله ياحضرتك ضام الاوراق .. وابجي على تعبي وياك وتالي جازيتني بالخيانهههه صفاااءء بالخيااانه

وكف السياره حسيت راسي راد يدخل بالجام

- لجج انتِ اول الناس تدرين بيه شصارر ليششش تنكريين ليششش مو شفتي بعينج شصار بيه فقددت تعرفين شنو فقدتتت امشي بلا وعي وصلت بيه للانتحار وانتِ شاهده يعني اني لو بوعيي انتحرررر؟؟
ليش ماترحمين بحالي وحالچ وتفكرين عدل وتدرين بذيج الگحـ.... تحوم عليه صار 5 سنين من بعدچ اول مرحله كليه لهسه .

- ليـش انتَ اعمى لو اطرشش ومن دريت بيهه تحوم عليك ليـش رحتلهه كون انتَ هيج وفي وبعدين انتَ شلون تشك بيه هم صدگ نسيت آني

- شفت رقمج بعيوني ولو اي شخص غيري لازم يتأكد مو بس آني ولو انتِ بمكاني وشفتي رقمي بموبايلهه ابصملج بالعشره تتاكدين وتسوين السويته وازيد

سكتت..//

لان صدگ اذا هيج اسمع عنه لازم اتأكد بنفسي

همس بتعب

- إيڤان مااگدر بلياچ تعرفين شنـو مااكدر؟؟

- مااريد صفاء مااريد عوفني ارتاح لتضغط عليه

- إيڤان انطيني أمل حتلو واحد بالميه

- اي انطيك امل

ضحك وابتهجت اساريره

اتصل موبايله باوعله وعگد حاجبه وسواه صامت وشمره بخانة السياره احساسي گاللي هيَ المتصل گتله بنتر

- جاوب

- شنـوو؟؟

- جاوب الاتصال

توتر وعرك جبينه مسح العرك وكال

- لا شخص مو مهم

- اني اريدك تجاوب

- إيڤااان

- داكول جاوب وافتح سبيكر

استغفر بهمس وجاوب فاتح سبيكر ..

اجه صوتهه تتدلع وتتماوع هوَ يحجي نتر وهيَ تتمضحك تگله

- اووي حبيبي اريد اعرف ردة فعل إيڤان من شافتك بحضني

- انجبي ياادبسزز صدگ گحـ....

بقيت اغلي ووجهي يفور وهيَ تتمضحك لما اخر شي گالت

- حبيبي انتَ لازم تتزوجني !!!

- شـنوو؟؟ شبيه مخبل ماخذلي وحده گحـ.. حتى المخبل ميسويهه

عصبت وعاطت بعلو صوتهه

- مو بكيفك والله العب لعب

- خاب دي عوزي بس الگحـ...

- صفاء لتغشم نفسك تدري انتَ اخذتني وآني هسه ديجوني خطابه وين انطي وجهي

صفن متفاجئ وحط إيده على حلگه .

آني حسيت نفسي اختنگت والهوى مديوصل لرئاتي ودموعي تكت وحده وره الثانيه بسرعه

گاللهه بعصبيه ووجهه ناار
- والله مشكلتج ياادبسز اكو وحده شريفه تسوي السويتيه انتِ تره بس الكاوليات هيج يسوون

- والله لااسويهه گعدة عشاير واگلبهه عليك اگلهم هوَ اغتصبني

فقد وظل يعيط بكل صوته

- اكلي نعل حقيره بنت الكلب من انعل ابوج يابو الطلعج كدامي

سده الموبايل ومشتعل نار وبس يفرك بوجهه وعيونه دمعت من العصبيه التفتلي وصفن بيه يشوف ردة فعلي

كملت كلامي گتله بهدوء

- صفاء قبل شويه كتلك انطيك امل بس ماسألتني ع النسبه؟؟

جاوب بخوف

- اي شكد نسبتج؟؟

- نسبة صفر بالميه

فتح عيونه حيل وضرب الستيرن وهمس

- أنه الهه والله لطلع حليب امهه من خشمهه

كتله بجمود

- كافي صفاء اتزوجهه وعيش حياتك لان انتَ خذتهه وراح توگع بخطيتك وانتَ عندك اخت !!

- لج إيڤان شتحجين انتِ لو تصير ألناس مااتزوجها واطببلي وحده گحـ.. ببيتي لو اموت .. لج محد تاخذ مكانچ لو الامه تنگلب

بچيت واناشغ من الدموع گتله

- كافي حررني تطلگنا بعد شنـو شمنتظر

- لج بااااااطلل اعيط بعد حتى تسمعين

- كااافي مااريد اسمع ماااارييد بس وصلني لااهلي خلصني منككك

اخذ شفته السفلى بين اسنانه وظل ياكل بيهه بسرعه متوتر ومعصب ووجهه ميتفسر من الغضب ..

مشى بالسياره بسرعه طاير يريد بس يرجع انقهرت حيل !

ذبني بباب اهلي وكال

- أمانه شهر واجيج

- روح صفاء روح

نزلت بسرعه وهوَ نزل الجنطه وصلهه لباب البيت وراح مشتعل نارر خفت لايسويله مصيبه النوب !!

دخلت للبيت اول ماشفت الطارمه مال بيتنا انهاريت گعدت بيهه بعباتي وملابسي ودگ ولطم وصريخ وبواچي أهلي طلعوا يتراكضون وآني بس ابجي كلشي مافهموا مني غير (ماريده) ..

~~~~~~~~~~~~~~~~~~~~~~~~~~~~~

حـوراء

أتظـن أنك قـد طــمست هويتي !!!
ومحــــوت تاريخي ومعتقـــداتي؟؟

عبثاً تحاول …. لا فنـــاء لثائر
أنــــا كالقيامـــه ذات يـــــوم آتِ

أنا مثـل عيـسى عــائد وبقــــوة
مــن كـــل عاصـــفة ألـم شتـاتي

سأعــود أقدم عاشــــق متمــرد
سأعـود أعظـم أعظّم الثــــورات

سأعود بالتوراة والإنجيـل والــ
قـــرآن والـتسـبــيح والصـــلواتِ

سأعــود بالأديـان ديــناً واحـــداً
خــــــالِ مـــن الأحقـان والنعرات

رجل من الأخدود لاأمـن عودتي
بُـد … أنــا كـل الزمــــــان الآتــي

انصدمت صدمة حياتي من گال
(معقوله مني؟؟) ظلت كلمته ترن بإذني مثل جرس الانذار وبس فاتحه حلگي مصدومه عليه !!

رمشت بعيوني مرتين متتاليات اريد استوعب الصدمه .!!

ضحكت بإستهزاء گتله

- چــا منين من جدي؟؟؟

- حـوراء آني ممتقرب منج صار شهر !!

- عباس كلشي ولاشرفي ذليتني هواي وكلت ميخالف اتحمل غلطت وياه بس توصل لشرفي لهنا وبسسس خط احمر شرفي ..!!

فرك وجهه حيل وزفر نفس

- حـوراء بس شويه انطيني مجال عوفيني وحدي شويه خل افكر

- عباس شنـوو تفكر؟؟ يعني اني منين جبته إذا مو منك منيين؟؟ انتَ شنـو طينتك بس فهمنيي حتاريت بيك اجيت وياك بكل الاساليب مااجيت شاسوي وياك شاسووي .!

ولو مااسوي شي لان لهنا وكافي

- حـوراء اوكفي بس انطيني مجال شويه بس اطلعي عوفيني وحدي

كعد ع الچربايه وحط وجههه بين إيديه وكفت گدامه ورفعت اصبعي تهديد

- اسمع عباس اذا طلعت من هاي الغرفه هسه بعد مستحيل ادخل

بقى بنفس وضعيته معناه اطلعي ..

طلعت ودموعي غدرني كامن يصبن واشهك وابجي ..

دخلت للغرفه مقابيل غرفتنا وضليت ابجي براحتي واغم بروحي صار شكد احاول وياه بس كون يرضى عليه هسه شستفاديت من هيج سوه وشكك بشرفي !!

الليل صار مر مثل العلقم ..
وجرعته بس بالبچي والندم والخيبه ..!

صار الصبح وعيني ماشافت نوم اريد بس يطلع الصبح حتى اروح للتحليل ..

اول ماصارت بالـ7 ركضت سويت ريوگ للكل وگعدت خالتي ..
هيَ ماتگعد هيچ وقت بس اني رحتلهه كعدت فازه ومرعوبه تسأل بيه بس ماجاوبتهه ردتهه لما تنزل وتصحصح خاف يصير بالمره شي بسببي !!

نزلت وتريگت كالت

- شبيج يمه ؟؟

- خاله اريدج تاخذيني للتحليل

- يــاا .. ليـش؟؟

بچيت وماتحملت اوكف دموعي نصيت راسي وكتلهه

- خاله عباس شاك بشرفي !!!

لطمت على صدرها وصاحت

- عززااا

- اي خاله مثل ماسمعتي وهسه التحليل هوَ اليثبت براءتي وبعدهه ماابقى لحظه هنا وإذا اهلي ماتقبلوني اشرد لو انتحر ذني الخيارين مقابيلي

- گومي گومي صدك مايقدر انطوا الماسه وراح يضيعهه من ايده من امداه (وغمت على تجاه غرفتنه)

ركضت فتحت الباب اريد ابدل .

ريحة الجكاير لفحت بوجهي والغرفه صايره بس دخان من الجكاير

هيَ عوزهه بس جكاير خاف جانت ناقصه كملهه بجكايره !!

جان متمدد ع الجربايه والجكاره بحلكه وصافت ع السكف .. اول مادخلت رفع راسه شافني .. عدل گعدته وتمركزت نظراته عليه !

بدون مااباوع عليه فتحت الكنتور وطلعت صايه وشال .

لبست الصايه فوگ ملابسي لان جانت عريضه وفضفاضه ولفيت الشال تحت نظراته المخترقه ..

ردت اطلع وكف كدامي وسحبني عليه

- ووين؟؟

بدون مااباوع بوجهه گتله

- رايحه للتحليل اثبت براءتي وانزه شرفي

- وآني هنا شنو رجل كرسي وطالعه بدون علمي ؟؟

گلت بإستهزاء

- لا طبعاً حشاك عيني بس اريد اثبت براءتي

- سحب الشال من راسي وشمره بعيد رغم مثبتته بدنابيس حسيت راسي انزرف من سحبه لان دخل الدنبوس براسي !!

دفعني بالغرفه وكال

- تحليل ماكو وهـٰذا مكانج تگعدين وتنجبين

عطت بصوت

- ليـشش تحليل ماكو كلامك البارحه ويين ؟؟

- معليج بيه معليج تحليل ماكو كااافي سدي الموضوع

- والله لو اموت مااسد الموضوع لكيتني بلا كرامه واسده لو شايفني رخيصه واسكت بعدما تهمتني بشرفي كلمتين يرنن بإذني لحد الان (معقوله مني؟؟) نسيت لو تحب اذكرك؟؟

- خلاص انهي الموضوع اعتبريني ماحجيت شي !!

- لا والله !! هـه صدك تحجي عود ؟؟

- كافي حـوراء تعبتني

- اني تعبتك لو انتَ احنه من البدايه ممتوالمين وزواجنا كله غلط ف خل ننهي كلشي مو احسن

زجر بيه بصوت قوي رج مسامع اذني

- ماكو طلاگ مااكوووو

بچيت بقوه واشهگ بصوت عالي

- اني المليت مو انتَ انييي شعليك كاعد وساكت وبس تجرح بيه وتهين بيه وكاعده عندك خدامه مثل ماتكول انتَ مو؟؟ خدامه اني مو. احجي ليش ساكته غير خدامه وين راح كلامك ؟؟؟

سكت..//
وغطى وجهه بين ايديه حقه يسكت يدري بروحه شمسوي قابل ينكر !!

ردت اطلع من الغرفه سحبني

- لاتطلعين

جريت ايدي منه بقوه وعصبيه

- كاافي عوفني اعتقني بعد بيا لغه احجي

همس
- تعبت خل ننهي كلشي وننسى الصار ونرجع مثل قبل اشتاقيت لاايامنا جانت الراحه متفارق وجوهنا هسه وين راحت !!

- اسأل نفسك وين راحت مو تسألني ولاتطلب مني شي مستحيل لان بطلبك هـٰذا مثل اليطلب من العاجر وليد

غطى وجهه بين ايده وتنهد غمض عيونه بهدوء وكال بهمس وصوته راخي

- اريد انسى كلششي كلششي مااريد اتذكر المشاكل ولااريد اعرف مرينه بهيج فتره قاسيه والزمن قسى علينه

- لاتذب الصوج بالزمن من ايدك كلشي واشوف الطلاگ هوَ اليجمعنا بعد والمحكمه هيَ التحل مشاكلنا

جر نفس بخلل كال

- مصره يعني ؟؟

- اي مصره وكلش هم

- خوش بس تولدين اطلگچ بس شرط هاي التسع شهور تقضي هنا يمي ومتطلعين من الغرفه

- لا والله

- اي بكيفج خل اودعج قابل اعوفج هيج ولاتنسين بيناتنه طفل وابني الي

- شنو شنو شنوو؟ لو الامه تنكلب ماانطي ابني

- بكيفج بعد

نزلت بالكاع وايديه على راسي وبجيت بعلو صوتي

- ليش تظلمني ليشششش كافي تعذب بيه خل ابني وياي مو كافي عذاب والم وقهر وشوكت ماتريد تعال شوفه

صفن وركز بوجهي كال

- هاي هيَ براحتج

زفرت نفس بارتياح وهمست

- اريد اروح للدكتوره !

خزرني كال

- شكلنا !!!!

- بطني دتأذيني كلشش حموت يعني شلون مااچيك نفسي

همس بنفاذ صبر

- استغفر الله يربي

اصلا كله جذب لاالم ولا شي بس ردته ياخذني ويتأكد بنفسه من تكله الدكتوره على مدة حملي لان ذوله الزلم ابد ميثقون وعقولهم تظل تلعب ف خل احل كلشي احسن ..

يتبع ..

عـبـرات الـعـبـادي 🌼🌻


لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:39 AM



Powered by vBulletin®
Copyright ©2000 - 2024, vBulletin Solutions, Inc.