رشفة عشق / للكاتبة العبادية ، عراقية مكتملة

[لامارا]

رشفة عشق
الـعـبـاديـــه
البارت_29_

إيڤان

گعدت بالطارمه وابچي واعيط واهلي ملتمين عليه خايفين ومايدرون شصاير ..!!

بابا حچى وياي وآني فاصله وبس اشهگ لما بعد ماحسيت بشي !!

گعدت لكيت نفسي بحضن بابا حضنته قوي وبچيت بحضنه ..

گال
- بابا شصاير وياچ فهميني ؟؟

شهگت قوي وگتله بصوت متقطع

- بابا آني وصفاء تطل .. تطلگنا ..!!!!

امي لطمت على صدرها وصاحت

- عزا العزاچ إيڤان

وضلت تاكل بروحهه لحم بابا عاط بيهه

- اوگفي يمره خل نشوف شكو شصاير شبيچ اكلتي روحج لحم !!

- هاي الگدامك شوفهه ماتتحمل بلايه صفاء راح تموت روحهه شوف وجهه شلون اصفر من اجت لهسه بس تشهگ وختمتهه بالأغماء هسه انتظر وشوف بعد شيصير بيهه اذا ماتاكللهه شهرين بالفراش عاتبني

غطيت وجهي بإيديه وشهگت بصوت عالي .. سحر گالت

سحر .. ليـش تطلگتوا معقوله مداصدگ إنتو حبكم عظيييييمم

كلهم يريدون احچي وآني صوتي مقطوع واحس نفسي عاجزه عن الكلام !!
عاط بابا بيه

- لچ احچي مو شلعتي گلبي احچچچچيييي

- بابا صفاء جبره أبوه يطلگني !!

كلهم صفنوا ورائد وكف صاح

- جبان والله جبان يخاف من أبوه لو اني منه اسحله شنـو اطلگ مرتي علمود ابوي !!

بابا خزره وهوَ خنس وگعد فشلان خطيه حمه زايد .

بابا احتضن وجناتي بين إيديه وتذكرت هاي حركة صفاء من ياخذ وجناتي ويمرر اصبعه بهدوء على بشرتي الطبشوريه ..

بچيت ونزلت دمعتي على إيده .. مسحهه بهدوء وگال

- باباتي فهميني شصار بينكم وصلكم لهالمرحله

شهگت من وصلت للسبب الرئيسي ووجهي أصفر وشفتي انعقدت .

كلهم منتظرين مني كلمه وآني بس اشهگ آخر شي سحبت نفسي وگلت بصوت شبه مسموع

- صفاء خانّي !!!!

كلهم فتحوا عيونهم والصدمه تعتلي وجوههم !! رائد طفر

- ليـشش خانچ بيش مقصره وياه ؟؟

- لا لا والله ممقصره بهالطول بس يگول بفترة مرضي والله مداصدگ للآن

غطيت وجهي بإيدي واشهگ مااحب احد يتفرج على دموعي ويشوفني ابچي وهاي حركتي دائماً اسويهه ..

بابا گال خلوهه ترتاح وبعدين نتفاهم ..

رحت للغرفه مالتي اباوعلهه واگول بداخلي
. رجعتلج مكسورة الجناح !!

ركضت ع السرير دفنت روحي بالديباج ودگ بواچي لثاني يوم بعد ماطلعت وكلساع احس أمي تدخل تشوفني لو بابا الباب مابطل فتح .. كل شويه مفتوح ..!!

شنـو ذنبهم اهلنا يتحملون همومنا ومشاكلنا يعني حـوراء قبل فتره رجعت وهسه آني ناوبت بمكانهه !!

هاي غير حجي الناس هسه اليصير بفلس !!

گعدت ثاني يوم الظهر وجهي وارم وعيوني وارمه والحياة مسلوبه مني .. اكلت شلون ماكان ورجعت لملجأي لغرفتي لسجني !!

بقيت اسبوع بحالة إكتئاب وأمي تخبلت لعبت بيه لعب على ابو خل يولي وميستاهلج وعرفته ..

- حضري روحچ راح اخلي رائد ياخذچ يم حـوراء تقضين هالفتره بيهه وتنسينه شويه

- ماشي

فرحت اصلاً لان هناك عباس شويه ينسيني بسوالفه وضحكه .

حضرت ملابسي واجه بابا علمود ياخذني ..

طول الطريق ينصح بيه

- بابا اني راح اطلگچ منه لان طلاگگم يعتبر باطل وبعدين تطلگون محكمه حتى هاي هيَ كلشي ينتهي مادام انتِ راغبه الطلاگ خلاص .

- اي

حسيت گلبي انقبض وعيوني دمعن .. مباشرةً مسحت دمعتي مو اني الضعيفه خل يولي مافكر بيه من خانّي لو هسه جاي يتوسل ويدگدگ ..!

وصلنا لبيت جدو ركضت حاميه عليهم ابوس بيهم واحضن صار من تزوجت لهسه مداخله لبيتهم بسبب صفاء افندي باب الشارع ميخليني اعبره ..!!

بقيت بحضن جدو وعباس خلصهه تصنيف عليه وآني اضحك چذب داخلي شي ينزف ومجروح ..

بابا بقى للعصر تغدا وراح وخلاني آني عدهم ..

رحت لغرفتي الچانت بيهه غراضي على حطتهه محد لامس شي ومغيره بس لاحضت ملابس حـوراء بيهه !

نظرات عباس حـوراء ابد متدل إنو متصالحين بس مثلوا هالشي مقابيلي لان سبق وسويت هـٰٖذا الشي ويه صفاء ..

طلب النه عباس بيتزا دلفري وبقى ينتظر طولو وهم يجيبوهه ..

بقى يفتر فوك روسنا

- نعلعلا وين راحت البيتزا متنه جوع

- دصبر شبيك ابو كرش

- خرب والله متت

حـوراء .. مو گتلكم خل اني اسويلكم مقبلتو

إيڤان .. خب شو سكتي خل نقط رجلج

حـوراء .. هم صدك يستاهل القطه

صفن بيهه وحط اصبعه على لحيته يفكر ومبتسم بمكر

عباس .. امم ليـش تخليني اطلع القطه بعد شوي (وغمز)

حـوراء .. يــاا عززا بعينك

إيڤان .. تفوو احترمني ع الاقل

صفنت على كلمتي تذكرته اووف ياالله كلشي يذكرني بيه كلششي ..!

وصل الطلب وعباس راح يركض بقينا نضحك .. والله شويه واجه يركض طاير رجليه مايوصلن للكاع من الركض ..

احنه بالصاله وهوَ الباب مفتوح نشوفه اجه من الطارمه يركض وبيديه البيتزا ..

جانت اكو فرشه بباب الصاله .. اول ماوصل يمهه جلبت برجله وطبببببب

الكاع انردمت وگع على طوله وضخامته شكله يموت والبيتزا طفرت منه واني وحـوراء تگابلنا ونريد نسكت ماكو ..

شبعنا ضحك متنا متنا ..

هوَ وجهه صار احمررر من الفشله ويريد يگوم ماكو .

فطسنا ضحك وهوَ يعيط بينا واحنه مو يمه اصلاً حـوراء ترفس وحاطه ايدهه على حلگهه واني ازيد منهه ..

عباس .. كافي اسكتن مو صوچچن صوجي اني اكول جاعن

- كافي حـوراء لاتضحكين
- إيڤان شلقضيه تره هيَ چلبت برجلي

يحجي وحده واحنه ميتين ضحك محد يجاوبه ..

ظل كلساع يغم بوحده بينه ويقلد ويصبح اضحكن اضحكن .

گعد ع القنفه واحنه كعدنه جواه لبسنه شالات وحطيناهه وره اذاناتنه وظلينا نهوس ونهز بروسنه مثل اليحفن عبالك ننگر بيه وحولنا عيوننه واني اصيح

- الماگدرهه يغص بيهه
والماكدرهه (حـوراء تكمل (يغص بيهه)

هوَ مبتسم وموبايله بإيده ..

سكتنا وظلينه نضحك ونصنف عليه وكلساع نروح لمكان الوكعه نصيح هنا تمدد عبالك بغل وهوَ يتحرگن

شويه وسمعنا اصواته (الماكدرهه يغص بيهه)

بس صوت موبايل التفتنه لگينه الموبايل بإيده وتصوير كامل على الماكدرهه يغص بيهه يبووووي

صحت
- يلهوتي حـوراء انفضحنا

بقينا نتوسل بيه علمود يحذف الفيديو ويصيح

عباس .. الماكدرهه يغص بيهه مو؟؟ يلا هسه غصيتن بيهه

حـوراء .. بليز احذفها اتوسل لك (وتسويله حركة توسل هنديه)

عباس .. امم يتنطيني وينخذف

حـوراء .. اتخبل من هاي الكلمه وبعدين احنه مو اتفقنه نطلع خبالاتنه علمود نتونس مو واخد يبتز اللخ

عباس .. والله اني رجال محروم انطيني شي واحذف

إيڤان .. عزا هـٰذا زاح المستحى خل اطفر

ركضت لغرفتي وميته ضحك كلما اتذكر الموقف والله ياعباس دومه يضحكني الحمد لله من عندي هيج ابن خاله ..

غمضت عيوني اريد انام والتمت عليه لذكريات ونار الفراق ..

بچيت ودموعي حرقت خدي ولمت نفسي معقوله اكو امل اسامحه لو هاي هيَ كلشي انتهى !!

گعدت ثاني يوم آني وحـوراء عزلنه البيت وهيَ طبخت وكلساع تتقيأ !!

صبينه الغدا جانت مسويه دولمه علمودي كلش احبهه ..
گعدنا گلبتهه بالصينيه وطلعت الريحه اويلي انصهرت ..
قدمت اللبن والليمون والزلايط ..

حتى عباس الماياكلهه اجه متلهف ع الريحه يريد يجرب الطعم ..

سحبت ليمونه احبهه حامضه .. اول ماگصيت الليمونه وطلعت ريحتهه لعبت نفسي !!

حسيت نفسي اريد استفرغ ..

ركضت تقيأت وغسلت شويه ارتاحيت ورجعت گعدت كلهم يباوعون بيه متفاجئين ..

خالتي صافنه عليه وبيبي كذٰلك ..

گاموا يوزعون نظراتهم وواحد يباوع للخ صحت بيهم

- خيـر شكو وجهي بيه شواف شنـو؟؟

بيبي گالت

- شو باوعي بوجهي

- مااريد

- بيبي خل اشوفچ خاف حامل

عرفت تفكيرهم نترت

- مااريد بيبي لاحامل ولاشي بس تعبانه

- بس باوعيلي

- بيبي مو حامل صدگي

گامت عليه سحبت وجهي وتريد تفحص وجهي غمضت عيوني وحلفتني افتحهن

فتحت عيوني ركزت بيهن وكالت لخالتي

- هلهلي حامل

خالتي طگتهه بهلهوله ويضحكون فرحانين حتى عباس وحـوراء طاروا

عطت بيهم

- شبيكم مو حامل مو حامل

بيبي گالت

- من شوكت تتقيئين

- ماادري

صفنت وتذكرت اول مره من رجعنا من الشريفه تقيئت

- بيبي من رحنا للشريفه بلشت اتقيأ

- كلللوووشش .. دروحي هوَ طلاگچ باطل من البدايه وهسه تأكد بطوله

- يــاا ..!!

- اي والله

- مو بكيفكم

- ههههـه بكيفنا والله

بقيت صفنه تجيبني وصفنه تاخذني ..

تغدينا وكمت لغرفتي صافنه بالفراغ واتحسر .. اووف والله ماادري شحيصير بعد !

شويه وأتصل موبايلي كمت ادور عليه وانخبصت شفت الاسم لگيته صفاء ..

غمضت عيني وبلعت ريق !

هدأت انفاسي المضطربه وحاولت استجمع قواي ورديت

- الـووو ..

اجه صوته مبين تعبانه والفرحه ماليته

- هلا بيج شونج شخبارج

- الحمد لله

- صدك حامل !!؟

- لا .!! منو گال ؟؟

- شنـو لا ؟!

- مو حامل يابه

- هههـه تجذبين عليه عود انتِ غشيمه يابه ادري بكلشي لاتضمين عليه

- شبيك يابه داكول مو حامل

- هههههـه لج طاير من الفرحه راح اكون اركص ههههـه كلش فرحان اولاً راح اصير أب وثانياً طلاك باطل ولو هوَ من الاصل باطل بس يلا هسه تأكد وثبتتلج باطل

- صفاء مو باطل كافي يلا باي

ضحك برخاوه وهدوء گال

- باي حب حياتي

سديته منه وأرجف واعصابي تعبانه اريد استوعب وگلبي دكاته تزيد كل ثانيه !!

بقيت اباوع بالموبايل عبالك صورته كدامي وشي بداخلي تحرك چنه شعور فرح !!

اتصلت بأمي گلتلهه شو هم فرحت !! معقوله الكل فرح بس آني احس نفسي غيمت وماقابله بيه جنت اريد اخلص واتطلك وهسه ارجع لا مامعقوله !!

- ماما بطني تأذيني حيل

- اووي سوده عليه هوَ انتِ بالشهريه تتخبلين من الألم ف كيف هسه حامل وجياب وراج

- ماما لتخبليني بعدني للآن ممستوعبه خبر حملي ويمكن مو مؤكد

- روحي لج بيبيتج متخطأ واني هيَ كشفت عليه من عيوني وطلعت حامل بيج لان اذا فص العين باهت وبيه صفار حامل وانتِ من اجيتي وجهج مو على بعضه

- اهـوو اذا ردتو شي تطلعونه كلشش عليه

- ديلا يابه العصر اخذج للدكتوره خل تچيكج

- اوك راح احضر ملابسي

- اوكي

حضرت ملابسي وعلكتهم .. نمت للعصر بالاربعه اتصل موبايلي هم صفاء اهووو ..

رديت مزعوجه واني توني كاعده من النوم ومتنحسه كلت بنتر

- الـوو ..

- الـووات مبين معصب الحلو

- شتريد ؟؟

- يلا لبسي اني بالباب !!

- شنـو ياباب شبيك انتَ ؟؟

- يابه مو عندج موعد عند الدكتوره اني حجزتلج وهسه ماخذج اريد اتطمن على ابني

- لك انتَ منو الگالك واصلاً شلون عرفت اني حامل ؟؟

- ميحتاج حبي يلا استعجلي مابيه حيل كاعد بالسياره حاره عليه تقبليهه ابو ابنج يحتر

- دروح

- إيڤاااااان لتعصبييني اذا سديتي الموبايل بةجهي والحسين انزل اسويهه مجزره

- اي وسويهه قابل خايفه منك اني ؟؟

عاط بصوت عالي خلاني ارجف

- هـاا؟؟ تتحديني يعني

بقيت امتمت

- لا لا مااتحداك اكعد بمكانك وانتظر عسى مالليل بكيفي شوكت مااطلع تريد متريد اذا عاجبك انتظر واذا ماعاجبك روح

- هوب هوب هوب اكلتيني بگشوري انتظر يابه شعندي عسى مالباچر شعندي غير مرتي

غلقت بدون مااحجي وطلعت دكيت الباب على غرفة عباس اكيد هوَ قابل اكو غيره

فتحه ويلبس بقميصه عطت بيه

- عباس انتَ كلت لصفاء اني حامل؟

- اي

- ليـش اني سمحتلك ؟؟

- شبيج تعوين يابه غير ابو لازم يدري

- عباس انتَ ليـش تتدخل بحياتي ليـش فهمني يعني لو اريد اني اتصل بيه واگله ميحتاج اطلب اذنك

طلعت حـوراء خايفه ومستغربه

حـوراء .. شبيج إيڤان؟؟

- شوفي رجلچ راح خابر صفاء وگالله بخبر حملي اني دزيت عليك وكتلك روح بشر

عباس .. لج انتِ مخبله اكيد يابه لاانتِ تعيشين بدون صفاء ولاصفاء يعيش بدونج بس هاي كله مكابرات لااكثر واني لحل النزاع كتله

عطت بيه بصوت عالي

- رجال ومرته انتَ شكوووو؟؟

- غير اني گو.... سا.... صوجي والله صوجي شعليه بيكم ناركم تاكل حطبكم مثل مانصحتج قبل ومااخذتي النصيحه هسه هم تندمين وتعاي عوي هنا

- قابل معويه عليك شاكيتلك؟؟

- دطيري نعال عليج وعلى اليسويلج خير

- الفاظك

- وخري عني إيڤان وخرررررري

رفس الباب وطلع !!

خزرت حـوراء ورحت بدلت غصباً عليه ماطايقه احد يمي ابدد

لبست فستان قصير للركبه لون نيلي مقفل ومطعم بوردي وشال وردي وحذاء نيلي وكب نيلي شلت جنطتي وگلت لبيبي وطلعت متعجبه بصفاء يتخبل من الانتظار وصارله اكثر من ساعه ينتظر ..!!

طلعت لكيت سيارته بالباب متمدد بالكشن حاط إيده جوه راسه ونايم دكيت الجامه فزز ويباوعلي بلهفه ومتشوق ..!!

نزل نظره عليه وعكد حاجبه من شاف لبسي اشرلي بإيده بمعنى (ارجعي)

رفعت حاجبي ودكيت الجامه فتحهه وكال

- ارجعي غيري

- يلا افتح الباب مالي خلگ

- إيڤان ارجعي لبسي عباه

- لا والله وانتَ شكو شعليك بيك

- زوجج وبكيفي

- هـه طليقي قصدك

- باااااااااااااططططططططللل للل
بعد اصيح اكثر لو هاي هيَ

- دكاافي يلا افتح الباب

- اممم بله انداري اذا الخلفيه مامبينه ماتلبسين

- چـؤؤ صففاااء بلا سوالفك الماصخه

- بكيفج عاد

انداريت على اعصابي وازفر انفاس بعصبيه گال

- امشي بله خل اشوف

التفتت عليه خزرته وعطت بنفاذ صبر

- صصصصففففففااااءء

كام يقلد عليه

- اووي شبيج عيوني تحركيلج خطوتين دنشوف المدينه شصايره

- استغفر الله

- يلا عيوني يلا

مشيت خطوتين والتفتتله

- هـاا ... هسه؟؟

- روحي جيبي عباه ميصرفلي هـٰذا الحجي

- صفففففاااء ؟؟

- اووووووي

تخبلت من اسلوبه اقل كلمه وكال اوي لان استخدمهه من اتدلع عليه هسه بس يستفز بيه

- يلا حبيبي تاخرت الوقت ع الدكتوره روحي طكيلج عباه وتعالي

- مااعرف امشي بيهه

- اني امشيج يلا

- چـؤؤ

رحت جبت عباه مال حـوراء لبستهه وطلعت يبتسم ويباوعلي بنظرات رضا اشرلي علامة اوكي وفتح الباب صعدت يمه وظل كلساع ملتفت عليه ...

شويه ومد إيده قربهه لرجلي يتلمس . ضربته عليهه وصحت بيه ويه خزره قاتله

- صصصصفففااااءءء

- بس اتحسس ابني

- كافي حجج بايخه امشي

- شبيج بس هالمره

- لاااا .. امشي واسكت

ظل يباوعلي بنظرات توسل ويسبل بعيونه

- بس اتلمس بطنج كبرانه لو لا ؟؟!!

- صفاء زودتها تره

- هسه شمسوي بايگ ناهب ابني واريد اشوفه

سكتت..//

ضحك وگال

- ابو المثل يكول السكوت علانة الرضا يعني اتلمسه موو؟؟

سكتت..//

باوعلي بتوسل وعيونه تلمع ..

كسر خاطري گتله بنتر عود زعلانه

- يلا بسرعه وشيل ايدك لتطول

- ايي

وكّف السياره وتلمس بطني ضحك وگال

- لج صايرتلج بطن زغنونه

ضميت ضحكتي وكتله

- يلا وخر

- بس ابوسها !!

نترت

- صصفففااااء

- شبيج بس هالمره

- لا لا لا ماكو بعد صاحبك حلو لاتاكله كله زين مني وخليتك تلمسه

- بس ظلت بنفسي ابوسه

- صفاء هسه منو يكول حامل اشو امشي

- حامل والله

- لتحلف

- واللللللله حاااملل

- اهـووو

مشى وكلساع يلتفت عليه ويضحك وعيونه تلمع كسر خاطري صدگ بس كلساع اتذكر السواه وارجع اقسي كلبي ..

وصلنا للدكتوره وبقينا ننتظر سرانه گعد يمي وسحب إيدي يتلمس بيهه .. ذب حسره وكال

- اووف والله مشتاقلج ماكو هيج

سحبت إيدي قوى قبضته عليهه ومنعني اسحبهه كال

- مااكلچ بس خليهه بحضني

- اهـوو شورطني وطلعت وياك ماادري

- ورطج حظي الوردي

سكتت..// وكل شويه اقلب بعيوني ماعاجبني الوضع ..

صاحت الدكتوره بإسمه ودخلنا لزك بيه الا وياي يدخل خاف اجذب عليه واكله مو حامل ..

فحصتني الدكتوره وسويت كل التحاليل نومتني ع السديه وحطت ماده على بطني وشافت بالشاشه شغلت الجهاز مال الفحص وسمعنه دقات قلب الطفل ..

اول ماسمعتهن التفتت على صفاء عيونه دمعت وبقى يرمش مسيطر عليهن واني انهديت بچي ..

سحب إيدي وكال

- هـٰذا الراح يرجعنا سوه

- لا مستحيل

- تنسين وتصير سوالف

- مااريد صفاء لتجبرني على شي مارايدته اصلا.

- اششش اسكتي عوفي كلشي وبس اهتمي بفرحتنه وابنه المقبل على حياتنه

- امم

گالت الدكتوره

- وين ماتدرون صار شهرين ونص !!

- شنـوو شو هواي ولابين عليه

- انتِ ناعمه ميبين عليچ اصلاً بس هاي العبالچ كرش صغير هـٰذا ابنج مو النوب عبالج طلعلج كرش وتروحين تسوين دايت هههه

صفاء كال

- هههههـه شحدهه تريد تخلي ابني ضعي

التفت عليه كرصني من خدي واني بس اخوزر بيه ولايستحي من الدكتوره

كال بضحك

- تره اريد ابني مدنفش وابيض عليج

سكتت..//

وبس ابتسم خجلانه

الدكتوره نظراتهه علينه وفرحانه على فرحتنه ..

طلعنه من يمهه وكال امشي نتسوك

بقينا نتسوك ويجيب ويحط بإيدي وايده انترست تسوك جهاز كامل للطفل عبالك متاكد منه ولد كله ازرق ..

إيدي انترست علاليك وايده نفس الشي والسياره بالكراج ..

اني ممسيطره على مشيتي امشي واتعثر وكلساع ارول اريد اوكع ..

رحنا نتمشى للسياره وهوَ يسولف

- إيڤان ارجعي والله متبهذل بعدج ماشفت راحه ولا شفت النوم شنو طعمه كلما ادخل للشقه اشوفج تفرفرين بيهه وارجع اتحسر واغم بروحي لان ضيعتج مني وتدرين هاي خامس مره اتعارك وي امي بسببج لان بس ادخل للشقه والكاج مموجوده اتذكر هي السبب بتفرقنه وهيَ الخلتني افقد واسوي هيج يعني لو ما السحر جان هسه انتِ باحضاني وجان نايمه على جربايتي ووبيتج وبعرشج

- كافي صفاء لاتكمل

- لا خل اكمل لو ما نبأ هاي الگـ... تدرين هسه احنه ملوك

- اي لازم انتَ ملك الهند جلال الدين

- هههههـه مرتي صايره حشاشه

- من وراك جايني ملكه وملك شعندي مسلسل هندي خوما مسلسل

- لا مو مسلسل بس احبج واريدج ترجعيلي

- صفاء شايف العجائب السبعه ؟؟

- ماشايفهن بس سامع بيهن

- اي المهم الاعجوبه لثامنه ارجعلك

- اشتعلوا عشيرتج وعشيرة نبا بنت الكلب

- كافي تغلك ع العالم الميته بسسس

سرعت بمشيتي ومشيت كدامه تخطيته وامشي واتعثر والشارع متروس ولد سوك بعد ..

صار وراي ببعد مسافه قليله واني زايطه بمشيتي

امشي سريع وعبايتي كلساع تلتف جوه رجلي ..

لما صارت جوه رجلي سحكتهه وطبببب

بوسط السوگ وكعت والغراض تدربن مني وايدي انصلخت ..

الناس كلهه صاحت (اسسسسم الله)

خرب حظي ولكم اضحكوا اضحكوا ولاتگولون اسم الله هـٰذا بسمار من نوع اخرر ..

صفاء ركض عليه يكوم بيه ..

لما شويه هدأ الجو وبعدهه صار الضحك بفلس ..

عزا العزاني ..
عيوني قرقرت واريد ابجي من الفشله ..
صفاء مدنك عليه ويريدني اكوم ماكو لطشت بالكاع بعد

رفعت راسي شفته ضام الضحكه وعاصر روحه كوه

رجف فكي اريد ابجي من الفشله

- صفاء وعلي اذا ضحكت اكلب الامه

ابتسم وسد حلگه بإيده

- مااضحك بس كومي

كمت متلفه تراب ورجليه تتراطم واحس الدم ينزل على ركبي لان الكاع خشنه وحصو الشارع واني وكعت عليه صار بيه فلم

يتبع ..

عـبرات الـعـبـادي

[لامارا]

رشفة عشق
الـعـبـاديـــه
البارت_30_

‏أَوَلَسْتَ أَنْتَ وَعَدْتَنِي مَهْمَا حَصَلْ
سَتَكُونُ أنْتَ كَمَا وَثِقْتُ وَأَعْرِفـكْ
يَـا أيَّـهَا الـوَعْـدُ الـذي قَـدْ ضَـرَّنِـي
لا أنْتَ أَنْتَ وَلَسْـتَ حَتَّى تُشْـبِهُكْ
~~~~~~~~~~~~~~~~~~~~~~~~~~~~~~
إيڤان
رفعت راسي شفته ضام الضحكه وعاصر روحه كوه ولام شفافه خاف يضحك
رجف فكي اريد ابجي من الفشله عباتي متربه ورجليه مصلخه كتله بحذر
- صفاء وعلي اذا ضحكت اكلب الامه
ابتسم وسد حلگه بإيده
- مااضحك بس كومي
كمت متلفه تراب ورجليه تتراطم واحس الدم ينزل على ركبي لان الكاع خشنه وحصو الشارع واني وكعت عليه صار بيه فلم ..
مشيت خطوتين وهوَ لازمني خاف ارجع اوگع ..
وصلنا للسياره ..
اول مادخلت انفجرت بچي ع الفشله وهـٰذا صفصف انسدح ع الكشن وكركركركر صوت ضحكه وصل لاامريكا ..
واني ابجي وهوَ يضحك ..
شلت العلاگه وطگيته بيهه وظليت اطلع بالغراض واشمر عليه وهوَ ولا يمه
- كاااافي اسكتت والله كله من وراك اني صوجي لبست عباه صوجي والله .
- لج انتِ شايفه خلفيتج تخززي من الاغراء
شلت علبه نايلون وطگيته بيهه
- كافي شكد ادبسزز
غابت الضحكه عن وجهه والتفت عليه خزرني
- لاتتجاوزين مو انطيتج مجال
ضحكت بسخريه
- ايبااااخ ههههههـه والله ياالله زين هم الك لسان وتحچي
- مهما يكون لو كاتل ابوچ من تتجاوزين افرك حلكچ
-هيَ عوزهه بس تكتل ابوي
- غصباً عليج
- ديلا يلا وصلني وبعد لاتخطي خطوه لبيت جدو
- اخطي ونص بكيفي عاد
- امشي رجاءً
وصلت للبيت مباشرةً نزلت ومااخذت ولااي شي وياي حتى العلاليگ الفشلني عفتهم ..
دخلت للبيت لگيت عباس وحـوراء يتناكرون وهوَ يعيط بكل صوته وهيَ ماتتنازل ترادد بيه .. لما جابهه براشدي گدام الكل خلى وجهه يطفر دم من الفشله .!!
ركضت عليه دفعته وعطت بيه
- لك انتَ شلون هيچ تسوي بإختي منو سمحلك تايهه عندك شنـو
عباس .. انتِ لاتتدخلين
- لازم بس إنتَ تتدخل موو؟؟
- معليج اطلعي منهه
- لاوالله مااطلع ماتبقى لحظه عندك شنـو مخليهه هنا مدگه
- إيڤان لتتدخلين مرتي وبكيفي
- لا مو بكيفك اختي قبل لتكون مرتك
حـوراء مدنگه وتبچي ركضت عليهه سحبتهه من إيدهه وگتلهه
- يلا امشي لااهلج ماعندج كرامه شنـو مانريدج بعناج الج حتى يعاملج مثل الخدم !!
- مااريد اروح
- لج شكد غبيه انتِ هسه يظل يعير بيج ويشوف زعلج ورضاتج نفس الشي ويظل يتصرف بكيفه خليلج كرامه ياعيني
- لج انتِ متفكرين بأهلنه ؟؟
اول شي اني وبعدين انتِ وهسه راح ارجع اني؟؟
- بابا كال بس وحده يحاجيهه لو يذلهه تجي وماعليهه عسى ما يضربوه طلقات
- ماادري إيڤان محتاره
- هوَ عليمن عركتكم ؟
- اسمعي
حـوراء .. چنت داغسل بالخضره ومندمجه واغني .. إجه هوَ شمر قميصه على راسي ضحكت وسكتت إجه من وره حضني وخنكني بالقميص ولف رگبتي ع الاساس يتشاقى اني اختنكت وهم شلت مـي بإيدي وضحكت وشمرته عليه هوَ چان مخلي على وجهه مرهم ماادري شنـو من شمرت المـي وگع ف عاط بيه
- بنت النعل ماتشوفين وجهي حاط مرهم
- إنتَ خنكتني بالقميص وبلشت الشقى
- هيج شاقج من امداج وامده شقاج
- يــاا. ..!!
- ووجعا وسم بس واحد ينطيج مجال تاكلينه
- لا تريد تخنك بيه واسكتلك مو؟؟
- صايره كلشش ادبسزز
- لا والله انتَ متغير ماادري يمكن مرافگ شله مو زينه ماادري تكبرت بالمعهد الطبي ماادري العلم عند الله
- شنـو قصدج بالشله المو زينه
- هم من اسمهم يعني مو زينه
- يعني اني ساقـ.. مو؟؟
اني جاوبت بهدوء وصوت مستفز ورفعت اكتافي
- العلم عند الله يجوز كلشي يصير
ومااحس الا راشدي صمك وجهي صمط
- وهـٰذا الصار وآني الغلطانه مثل كل مره !!
- لاتبقين وياه صاير وحشش مينطاق
بچيت وشهگت على حظي وعلى ابني العنده هيج اب !!
افكر بأهلي يوميه وحده زعلانه شطلعت هاي !
گلت لاإيڤان
- اكلج مااروح لااهلي خطيه امي وابويه من اشوفهم شلون مقهورين علينه اتمنى اطم روحي
- لا يمه ابقي هيج يذل بيج ومكيفه وطايره تهي بهي
- اهلي مااكدر
- ابقي شعليه بيج
بقوا مايتحاچون وبس يشوفهه كلساع يطخهه وهيَ مباشرةً تلتفتلي عود شوفي تصرفاته واني اكلهه من إيدچ ..
اجه هوَ من الشغل سوتله غداه وبقى يسولف ويانه وإحنه لابسينه ومطنشين الوضعيه ولاعبالك ديحجي ويانه ابدد ..
اخر شي عاط
عباس .. اني مو داحجي وياجن لو لااا؟؟
انت صدك ماتستحن وولاعدجن احترام لااحد
حـوراء تقلب بعيونهه وآني اعوج بحلكي سوينه بيه فلم .
بس طلع طگيناهه ضحكه ..
رجع مد راسه ميت من العصبيه ووجهه احمر
عباس .. وسم ومرض عليمن تتمضحكن
سادين حلكونا وكلساع تطلع ضحكه على شكل (بخ) ونكمل الضحكه ميتين عليه ..
العصر اخذ خالتي وبيبي للشط ويصيح بعناد المضغوطين علينه هههـه ..
عباس .. يلا يوم إلبسي خل اخذج فره للشط واشتريلج واشبعج ونسه
هـٰذا يحجي وعينه على حـوراء اللازمه موبايله وتكنك .
اني هم طلعت موبايلي وكعدت يمهه وكنكت .. تخبل .. !!
صفن وخصم عينه .. بحركه سريعه ركض على حـوراء سحب الموبايل منهه ويرفعلهه حاجبه بإنتصار ..
اشرلهه بإيده بعلامة باي وگالهه
- بيباي حـوحـو هههههههـاي
طلع وبقينا صافنين وحده بوجه اللخ حـوراء اشرت بإصبعهه السبابه على نفسهه بجمود كالت
- آني حـوحـوو؟؟
- ههههههههههـاي شهاللقب السخيف
- صدگ زاح المستحى
- شسوه الرجال الفقير
- هههههـه انتِ وياه عليه فهميني موضوعج ؟؟
- اني لاوياه ولاعليه مُحيزه للطرفين
- اختي انتِ عوبه
- ميخالف نشوف تاليتكم شنـو .
..
بالليل رجع عباس وجايب خالتي ويگلهه
- اي يوم هاي شفتيهه البنيه والله تكتل بس اخطبيهه الي
حـوراء التفتتله خزرته وهوَ باوعلهه ودار وجهه غير مبالي .
التفتت عليه همستلي
- مو مال واحد هسه يمطله بالكاع ويكعد عليه بوكسات بشرفج
- دكومي نمطله
- ولج خاف يمطلنه مانمطله ههههههـه
ضحكت بصوت عالي وهوَ إلتفتت إلهه فشلان لان عباله يحترك كلبهه ومن ضحكت فشل .!
صاح بعلو صوته ويباوع بيهه
- يلا يوم تخطبيلي
گامت حـوراء وصاحتني
- تعالي إيڤان حبي نكمل المسلسل بلا هالمواضيع الفاضيه
- جايه غلاتي
گمنا وهوَ بقى بمكانه ويزأر علينه مثل الاسد محروگ گلبه ميت متشعوط هههههـه
رحنا لغرفتهه وهيَ طگتهه بچيه اووف گابلتهه وضليت اواسي بيهه
- لج شفتي شيگول يريد يخطب هاي جزاتي
- والله يريد يحرگ گلبچ شبيج
- ادري بيه بس مو يكولهه بوجهي
- اذا ميحرگ گلبج ويگول كدامج المن كايل بعد
- خبلني والله
- لاتبجين لايجي
- هم صدك
مسحت دموعها وكمنا للمطبخ نسوي عشا ..
تعشينا وكملنا وبقينا سوالف صارت بـ12 وتذكرنا ماكو حلويات للسهره ..
- لج شناكل هسه؟
- نسوي اي شي مو شرط
- حوراء شبيج مااعرف اذا مو جاهز بيه حيل تجربين بيه حلويات
- ههههـه عابت
- خل ندز عبيس للسوك
- لا خيولي مانتنازل
- هم صدك
شويه وإجه عباس بإيده علاگه ويباوعلنا ويضحك ويصيح ماانطي .
همست حـوراء
- ديلا لاتنطي ميتين عليك
بقى ياكل ويطلع اصوات التلذذ بالطعام ويمطگ خبلنا اني اتخبل من هالعاده وحـوراء هم وهوَ عناد بينه يسوي هيج ..
صارت بـ2 بالليل وراح يسوي معكرونيا
عباس .. يلا احلى معكرونيا من ايد الشيف عباس
حـوراء .. الطبخ مو للزلم
عباس .. لا للزلم ونص وغصباً عليج اصلاً الرجل اول من اكتشف الطبخ
إيڤان .. جيبوا اسعاف طفوا
كلنا ضحكنا
عباس .. لاهيَ إسعاف لاهيَ اطفاء
إيڤان .. اي مو يشيلوك للمستشفى من الجذب وتطير الفياله
عباس .. انضغطتي لان ماانطيج
- بالعافيه عيوني بالعافيه
سلك المعكرونيا وبقى ينتظرهه تستوي
كمت اشم ريحه مو طيبه كلتلهم
- اكلكم ريحه مو طيبه شنـوو؟؟
عباس .. محد يشم بس خشمج عبالك ساحبه
حـوراء .. اني داشم هم
عباس .. خشومجن سرافه تسرف
طلع المعكرونيا من السلك وطبخها وظل ياكل ويتلذذ ..
شال لگمه وشاف شي اسود صاح لحـوراء واجينا نركض شفناه وطلع ذرگ فاره (فضلات)
كلنا عطنا
- يبووووووو ههههههـاي
إيڤان .. حيل بيك تستاهل والله عود يحرك كلوبنا
ركض للحمام دخل اصبعه ببلعومه وظل يتقيأ وإحنه فوگ راسه نضحك ونصيح الماكدرهه يغص بيهه بحركتنا المعتاده
- حـوراء شدي الشال وتعاي خل نسوي الماگدرهه بس اهم شي مالازم موبايل
- يلا
نريد نسوي الماكدرهه وهوَ ركض على حـوراء سحبهه من زندهه ودخلهه للغرفه گاللي
- عوفي مرتي بحالهه يلا بعد ماكو الماگدرهه اريد مرتي راح يصير سبع اشهر مشتاقلهه روحي يابه روحي
- امم اذا خلتك عاتبني جااوو
رحت نمت واتذكر مواقفنا واشبع ضحك
------------------------------------------------------
حـوراء
سحبني للغرفه دخلني شمرني ع الچربايه ودل ينزع بقميصه !!
گال
- هاي هيَ بعد خلص الصبر !!
- شنـو شتريد ؟؟
- هسه اكلج شاريد
تقرب وآني ابتعدت ماطايقته قربي ابدد اسم الليانه ماكو كله قساوه واني اتخبل من هالاسلوب
دفعته من صدره بعدته عني خزرني وكال
- والله اذا دفعتي اكسر ايدج
- وخر عني مااريدك
- لج شنـو بكيفج ماتريديني ؟؟
- اي بكيفي مااريد
تمددت بالجربايه ونمت كام سحلني واني بس جماد ضربني هزني مافاد عندت بعد .
كام بعصبيه لبس القميص مالته وگال
- ماتنطيني حقي موو؟؟ بسيطه والله بسيطه رايح بس الا اخليج تتندمين طول عمرج
خلى وطلع وآني ظليت ابچي هاي كل مره بس البجي فالي مديصدگ مااطيقه بس شوفته تخنگني ديضغط عليه وراح انفجر
حاولت أنام وبس احوس واتگلب ماغفيت ابدد
تقريباً ... الساعه بـ5 دخل وآني بس قلقانه اول مادخل ركضت عليه
- وين جنت صار شكد منتظرتك
شميت ريحه غريبه وكريهه !! تخبلت !!
تقربت يم ركبته شميته ريحة شرب وهوَ مختل توازنه !! تخبلت فتحت عيوني حيل مصدومه
عطت
- شااارب؟؟
سحبني من خصري
- اممم دوري يحلوه دوري خل اشوف هل خصر شلون يهتز
لعبت نفسي ديحاچيني بصيغة بنت ليل !!
دفعته قوي وكع ع الكنتور
- شبيك تخبلتت راح انجلطط احجيي
- تعاي يابه تعاي هزيلي شويه هسه قبل شويه جتتي منطلقه شبيج هسه
لطمت على خدودي
- عززاا جنت بالملهى ؟؟؟
- اممم
ركضت عليه افتح بالقميص والمح طبع حمره على صدره !!
فتحت عيوني على وسعهن ودفعته لعبانه نفسي
نزلت دمعتي وسألته بخوف من إجابته
- نايم وي غيري ؟؟
- ليـش منيه انتِ ؟؟
بقيت ادفع بيه واعيط
- منيه اني منيه تخوني عينك عينك وجاي مفتخرر عزاا عزاني وخلاني ابقى هنا
رحت للكنتور وهوَ سحبني وحچى بصوت رزن ومفهوم مو مثل قبل شويه
- اكسر رجلج اذا طلعتي وعلي
- شالك علي شالك لك تحلف بيه وانتَ شارب
- مو صوجب صوج مرتي خلتني التجأ لغيرهه
- هيَ هاي سوالفك تدور بس شغلات طايح حظها عمت عيني على هيج زواجه اي والله عمت عييينييي
ضربني راشدي سكتني
- كاافي لتعيطين مالي خلكج كومي اركصيلي
دموعي تصب واحجي بحركه وقهر
- عمت عينك وعمت عين غيرتك ياناقص
كملت هالكمله والراشديات والبوكسيات بكل مكان تجي بوجهي واني بس اعيط
كام وخلاني اون من الالم فوك شينه كوات عينه
ظليت اهمس
- تخوني مداصدگ چـا ماالوم صفاء اذا انتَ الصايم المصلي هيج تسوي وتلجأ للحرام ف كيف صفاء التربى ع الكفران
- اسسس كافي صوتج مااسمعه لغوه
- بعد لو تموت لحظه ماابقى يمك وبس خل يجي الصبح وشوف انتحر ولاابقى يمك لو امووووت
- صوتج لترفعينه وكافي هرمله كومي غسلي القميص
- اي عايزه بس اغسل قذاراتك مال بنات الليل
- لو تركصين مثلهن شتسوين
- روح الهم روح ارجع المن اجيت تنكد عليه لو تشوه خلقتي بالجذب ماكلت حامل وابني ببطنهه بس خل اجيب وشوف اذا بقيت ولو باجر اني رايحه وابنك ماتشوفه
- قصدج انتِ ماتشوفيه اخذه منج غصب عنك ورجلج على راسج
- لا والله اني اخذه وماانطي ابني يربى وي بنات الليل
- لج شجلبتي ببنات القنادر كافي دوختيني وابني الي تحلمين بشوفته
- خوش مادام هيج اسقطه احسن حل
مباشرةً حسيت بحرارة الراشدي على خدي .. كعدت بالكاع بيأس واعيط وابجي
- الله لاينطيك بحق محمد
- ادعي عليه ادعي بلكي اموت واخلص من جهرتج الزفره
- حتى ابنك ماسلم منك كل غضبك مطلعه ع الناس اشو وي اهلك وبنات عماتك حبايب وسوالفكم وضحككم توصل لراس الشارع ومن تجي يمي كاضيني تكفخ هاي جزاتي لان تعبت وياك حتى فاطمه راسلتهه علمودك ومن كشفتني جنزتني
- من ايدج تره كله بس اجي تنكدين راسي
- بشنو منكده بششنو شكد ظالم
- كافي تحجين والحُسين اموتج موت ولعلمج اذا ابني صار عليه شي شوفي شيصير بحالج الا اشنقج بالمروحه واكلهم انتحرت لان تتعاير ف اخذي حذرج مني احسللج
~~~~~~~~~~~~~~~~~~~~~~~~~~~~~~~
إيڤان
مر إسبوعين على اخر لقاء آني وصفاء ممتشاوفين ولاهوَ إتصل معقوله !!
هاي الفتره كلهه يتوسل وهسه شنو تغير معقوله هنت عليه بهالسهوله !!
ديلا خيولي قابل ميته عليه ..
ظليت الوب عقلي يحجي شي وكلبي يتمرد عليه اريد احد يطمني شصاير ..
اخر حل توصلته اتصل باسراء اسوي نفسي اسأل على شغلاتي ..
اتصلت عليهه تاخرت يلا ردت
- الـوو ..
- الـوو .. هلا اسراء شلونج
- هلا حبيبي شونج
- تمام .. اگلچ
- گولي
- وين هالايام شو ماكو
- والله مشغولين ؟؟
- خير ؟
- اكو غير صفيان ابو العمايل طلع ماخذ نبأ هاي الگـ.. وهسه عشيرتنا وعشيرتهم ملتمين بالاستقبال ديتفاوضون
- عزززاا وشلون كالت لااهلهه؟؟
- رادو يزوجوهه وگلبت الامه كلتلهم اعتدى عليه
- عززاااا وين وصلت الدناءه معقوله ؟!
- لج وبعد وبعد لو شايفه شمسويه تكول لاابوهه حبيته من اول نظره وهوَ هم حبني بس اجتي صديقتي اخذته مني الي هيَ مرته وهسه طلگهه علمودي لان ماخذني من زمان قبل زواجه
- هيييييءءء شكد نذله هاي والله مال هسه اثرمهه وشلون وتالي صفاء شسوه؟؟
- شسوه يعني بس يعيط ويهدد كالعاده بس بوخه
- احترمي شويه
- حقيقه هاي حبي
- اخر حل توصلوله
- يتزوجها !!!!!!
وكع الموبايل من إيدي وعيوني صبن دموع !! شفتي رجفت وعيوني تصب دموع قويه
- جذب جذب
شلت الموبايل واكلهه (جذب مو دتشاقين؟)
- صدك حبي يلا باي اجه صفاء راح ياخذ الحلقات
- حلقات !!!
بجيت وفلشت الموبايل بالحايط المن اتصلت عايزه قهر وحرگه
كمت اتصل على صفاء ميجاوب !
تهسترت تصرفاتي مااعقلهه شنـو بذيج اللحظه .. ويتحقق الرادته نبأ وطلعت اني الخسرانه لا مستحيل مااخلي هالشي يصير !!
صفاء ميجاوب ودموعي متسكت !!
اخر شي أيست وكرفصت بيأس وخيبه وادگ والطم وحتى على بطني دگيت
بقيت اضرب على بطني واعيط
- انزل انزل مااريد شي يربطني بيك رووح
ركضن عليه خالتي وبيبي وحـوراء وياهن وآني متهستره فاقده نهائي
- راح يتزوجها راح يتحقق مرادها هوَ هـٰذا الرادته چـا شتريد بعد شترررييددد
بقن يواسن بيه واني اضرب ببطني رغم هنَ لازمات إيديه بس اجتني قوه ماعرف منين !!
حسيت شي نزل عليه وعيوني غوشت وبعد ماحسيت بشي فقدت !!
گعدت لكيت نفسي بالمستشفى والدكاتره يمي ..
التفتت باوعتلي امي جانت موجوده
- ليـش هيج تريدين تكتلين روح ؟!
إيڤان انتِ الحساسه الماتأذين نمله تسوين هيچ بإبنج ؟
- مااريد مادام ابوه المايتسمى
- هستوه صار مايتسمى قبل جان الروح والريه
- ماما راح يتزوج يتزووج تعرفين شنـو يتزوج يعني باح إيڤان باح طفل يعرفني منين اشرب مي بعد !؟
- چـا كون هيج مارجعتي وحافظتي على بيتج
- ليـش اني جنت ممحافظه ؟؟
- علينه بهسه مارجعتي شكد توسل بيج ماقبلتي
- خييولي بعد لو يصبوه ذهب مااقبل بيه وهسه بشريني ابنه مات لو لا؟؟
- عزا عزاج على هالگلب الحجر
- احجي يوم
- كلشي مابيه ابشرج لان ربج مادام قاسمله حياة يعني يعيش ومايموت لو مو انتِ
- ااخخخ ليـش هيج ديعذبني من هسه ليـش مامات المن جاي المننن
- استغفر الله ماما اكو ناس تتمنى الرزق
- شو سكتي يوم سكتي
طلعنا من المستشفى وبعد رجعت لموبايل بس الشاشه مكسوره طلعت الخط وطفيته هاي هيَ بعد ..!!
....
مر اسبوع واتصلت بيه اسراء على خط خالتي جاوبتهه كالت افتحي خطج ..
رحت فتحته واتصلت بيهه كالت
- اكلج عيني معزومه على زواج صفاء اليوم الساعه بالـ5 بصالة ديمه للاعراس
رمشت بعيوني مابچيت الحمد لله من سيطرت .. عصرت عيني حيل وجاوبت بنبرة حقد
- واني شعليه ؟؟
- مو داعزمج
- وصل حبي يلا باي
سديته وآني اختنگت الغصه صارت بزردومي اتنفس سريع واهفي على وجهي خاف توكع دمعه ..
اي تزوج ليـش لا مني إيڤان اصلاً مادامك خنتهه بعد منين تعرفهه هاي هيَ طابت وياك
فكيت عيوني حيل وطلعت اضحك واسولف عادي ..
بس بالي كله يمه ..
صارت بالـ5 وبلش التفكير هسه زفوهه . هسه لمس ايدهه . هسه اخذهه لغرفته .
معقوله بشقتنا خلاها !! واخذت مكاني !!
صارت الساعه بالـ6 ونص واتصل موبايلي باوعت ع الشاشه رقمه !! واسمه مسميته ماي لوڤ بالانگليزي !!
اول ماشفت الاسم صبت عيني
امسح بدموعي ويرجعن يجرن
ليـش مو وعدت نفسي ماابجي ليـش دابجي ليـش
شويه وصلت منه رساله ..!!


توقعاتكم ..
يتبع ..
عـبـرات الـعـبـادي 🌻🌼
حبايب مو فاضيه ومسؤليات عليه راسي مااحكه اعذروني وقت فراغي انزل وانتقوا كلماتكم لان دتجرحون بالكلام ومااريد اجرح احد رجاءً 💜

[لامارا]

رشفة عشق
الـعـبـاديـــه
البارت _31_

أمَازِحُــهَا لأغـضبـهَا...فخيـرُِ مَزاحنَـا الغَضَـبُ
فتَهجُرُِني فأهجُرُهَا...وتُضَربُ بيننا الحُجُــبُ

فتَسـكُتُ لا تُكلـمُـني...وتنـظُـرُ ثـم تـنــتَحــبُ
فتغـلُِبنِـي مَدَامـعُـهَا...على الـخَدينِ تَـنـسَكِـبُ

فـأبـكِـي عنـدَهَـا دُرَرَا...مـن الأشـواق تَـلتَـهـبُ
فتـغـدرُِ بـي مُـودعَـهً...على عَـجَلٍ و تَنسَـحِـبُ

وتَـبـدَأُ فـي مُـهَـاجَـرَتـي...فكُـل وَصَـالِنَـا تَـعَـبُ

~~~~~~~~~~~~~~~~~~~~~~~~~~~~~~

وصلتني رساله باوعت للأسم صفاء !
فتحتهه

- إيڤان عليج الله جاوبي شي كلش مهم والله إذا مجاوبتي يفوتج وتتندمين !!

بقيت صافنه شنـو هالشي الي اتندم اذا مااعرفه !!

ظل يتصل ويتصل ويتصل وآني ابدد مجاوبت

يگطع إتصال يبلش اللخ مامل ولا لحظه !

آخر شي هم طگت روحـي وهم كلت اشوفه شيريد !

رديت بصوت حزين وقريب للهمس

- الـووو ..

- الـوو إيڤان وينج

- نعم شكو؟؟

- إيڤان نبأ طلعت بنيه !! وچذبت عليه بس علمود اتزوجها وهسه جنزتهه تجنز نقلوهه للمستشفى !!
إيڤان شفتي آني ماخاينج شگد كتلج إنطيني فرصه ثانيه وتگول كلما اتقرب يمك تگلي مابيج عطر إيڤان وكلساع أگرص رقبتهه ادور على شامتج تگول من ماشفت شامه ضربتني راشدي وطلعت !!

اول ماسمعته نزلت دمعتي المتماسكه من العصر لهسه !!

چان فرحان ويحچي بلهفه وفرح متحمس عباله ارجعله !!

- يعني تقربتلهه ؟؟!

صفن وغاب صوته عطت بصوت قوي

- تقررررررببت؟؟

- هـاا ؟؟

- انت متسمع شنـو؟ يعني هيج كاتل روحك ع النومه غسل اي والله

طبعاً لااول مره اتجاوز بعد زواجنه ذاك جان كله شقى هسه صدگ وخذلني من اخذهه هسه

- إيڤان ابوي جبرني

اني هنا تخبلت وكفت وظليت اعيط ووجهي يطفر دم من العصبيه

- لك عيب عليك عييببب انتَ رجال شنـو ابوك ماتستحي مايضيگ حلگك من تگول ابوي ؟؟ مو زلمه شطولك بعرض الحايط تخاف من ابوك ؟

- مو خوف إحترام

- انتَ دتضحك عليه شنـوو؟
شفتني قشمر گدامك ؟؟ كافي صفاء روح العبهه يم غيري هسه نبأ صارت زوجتك واخذتهه يعني ماسويت شي جاي فرحان ويبشرني وهوَ سوه الاسوء منهه ملينه من الحجج مالتك روح لمرتك وطلگني خلاصصصص

غلقته منه وانهاريت گعدت بالگاع وبجيت بحرگه وقهر وامسح بدموعي واكول اني قويه ميهزني رجال وارجع اتذكر وانهار ازيد .!!

قررت بس الليله ابچي على شخص اسمه صفاء باچر ارجع انولد من جديد ماكو بحياتي صفاء اعتبر نفسي نولدت اليوم !!

ظليت ابچي للصبح واشهگ بقوه واعيط بالمخده خاف يخافون عليه همزين مو عند اهلي جان امي لعبت بيه لعب !!

الصبح طلعت غسلت وجهي الذابل من السهر والدموع وگعدت سويت ريوك وطلعت دعاء ارتاحيت نفسياً وتذكرت البارحه اشو مااهتزيت الحمد لله ..!!

احس نفسي اكتفيت بجي واكتفيت طعن !

طلعت حـوراء من الغرفه منهاره وتبچي وكل شهگه تزرف الگلب !!

گعدت ع الطاوله وحطت ايدهه على وجهه وتشهگ وعيونهه دم !!

ركضت عليهه وخرت إديها عن وجهه ورجعتهن تريد تبچي ..

تخبلت ورجليه صارن خيوط من الخوف

- لج شبيج حتخبليني شكوو

- خانني خانني اخخ يوم تعالي شوفي شصار بيه

- لحظه لحظه امج شعليهه شلون خانج؟؟

- البارحه اجه شارب وقميصه كله حمره وصدره كله طبوع حلگ مال بوسات ويگلي اركصي مثلهه

لطمت على وجهي

- عزززاا !!!!

- اي لج يريدني ارگص مثل بنات الليل !!

- وكاعده وساكته؟؟؟

- چـا شاسوي

- صدك عود؟؟

- إيڤان اهلي ملو

عطت بيهه طلعت حركتي

- لج شنـو ملوا غصباً عليهم المن خلفوج اذا ماهمهم امرج ؟؟ مرجوعج على اهلج اذا رجلج مسج بسوء مشكلتهم ملوا ماملوا باقيه والله يااهلي لج من انعل حتى عشيرتج كلهه كومي لمي ملابسج ميته ع الرجل عبالك ذهب لو بيه خير شسويتي كوممييييي ادبسسز

بجت بقوه وكالت

- مااكدر اعوفه

- اشتعلووا وعلي متبقين لحظه هسه رايحه اخابر ماما

ركضت عليه تتوسل دفعتهه واتصلت بأمي

حـوراء .. لج اخاف يروح يلتچأ للنسوان بس اتركله مجال (سحبت الموبايل مني)

- وطززز خيروح قابل واگفه عليه الدنيا طلاگ وموجود

- اي كملت الحسبه اثنينه مطلگين

- اذا رجولتنه صخام ولطام شلون بله الى متى نتحمل الى متى ؟؟ عمي حتى صفاء الميتفاهم احسن من هـٰذا ع الاقل مگاللي هيچ اجاني يتوسل بس هـٰذا الفقير الگانص چان صوته مينسمع حظچ شنتره وخلاه يسوي هيج الصايم المصلي كلما حچى وكال صايم مصلي شلون صيام وصلاه

شفيت غليلي وحسيت نفسي خفيفه طلعت كل البگلبي وهوَ يسمع لان اصيح بعلو صوتي والغرفه مالتهم قريبه

عاودت الاتصال بأمي وردت طلعت عصبيتي واعيط

- تعاي شوفي بتج تعاي رجلهه يخونهه وشابعهه تكفخ ولاطشه بيه كرامه ماكو احترام ماكو مليت منهه حتخبلني دزي بابا خل يجي ياخذهه لاطشه بهـٰذا الزفت واني هم راح ارجع المن باقيه

- شكو شصاير

- كل الشر صاير چـا شصاير

- هسه جايين

- يلا بسرعه

- اي اي

سديته منهه ولميت غراضي وعطت بحـوراء تلم غراضهاا !!

بقت تمتمت وخايفه وتطگگ بأصابيعهه خايفه

دفعتهه على باب غرفتهه وكتلهه

- ديلا روحي لمي غراضج شهاللزگه

متمشي الا بالعين الحمره .!

راحت للغرفه واني كملت تلملم

------------------------------------------------------

حـوراء

دخلت للغرفه لگيته واكف ويروح ويرجع اول مادخلت سحبني وعصرني ع الباب ورفع اصبعه تهديد

- اسمعي لج طلعه بره البيت ماكو

دفعتهه بكل قوتي وعطت

- لحظه ماابقى هسه اهلي جايين واروح وياهم تحملت بما فيه الكفايه وخلاص لهنا وينتهي تحملي ملليييتتت

- حـوراء لتسوين هيچ

- ليـش من سويت هيج شفكرت مافكرت اةحل لااهلي

- لا چنت مفكر ضامنج متطلعين شما اسوي !!

بقيت صافنه وغميت روحي على غبائي اثاري نزلت من قيمتي !!

- لك ليـش واني اكول خطيه اعوفه بيبي وخالتي كبار ميسون اكل ولايغسلن ملابسك ولايدللنك ولااحد اله اهتمام بيك هاي لان افكر بيك قبل نفسي تروح تخوني !!؟؟

بقى يتوسل !! وسحب إيدي واني رايحه للكنتور اطلع ملابسي اريد اروح ..

نزلت جنطة السفر الچبيره وسحبهه مني .

سحبت الثانيه الصغيره وخليت بيهه ملابسي وهوَ يسحب بالملابس لما عطت بيه

- كااافي عووف خل اولي ميهمك بيه روح للگـ.....

- لج خل اشرحلج !!

- هههههـه واني عبالي بس صفاء هيج يكول اثاري طلعتوا كلكم على نفس المنوال !!

- خب غبيه بسرعه تصدگين

نترت بعصبيه

- لتگول غبيه اني مو غبيه اذكى منك يالفهيم يالدكتور !!

- لا غبيه وابو الغبيه وجد الغبيه

- كاافي

- انتِ ليـش بسرعه تصدكين شهالعقل العندج (ضرب على عقلي)

- كافي لتستفزني كافي

- اصلاً البارحه جنت ويه اصدقائي لاشربت ولاخنت

- مشيهن على البعبع

- هههـه بكيفج

- والحمره والريحه

- هـٰذا كله إتفاق ولو شارب صدگ ماچان عكت عليج ورزلتج بكامل عقلي وبرزانتي لان لو سكران الرزاله تطلع مثل الغزل

- ههههـه شلون عذر ؟!!
صدگ غبيه اذا صدگتك

- ظلي بعقليتج هاي الحمره منج يالفهيمه وشرب كلش سهله اخذت من صديقي

- عفيه صديق ينضرب بيه المثل !

- بكيفج لتصدگين بس لعلمج رائد جان وياي

- خيفيدك اني رايحه

لميت ملابسي كلهه وهوَ گعد مقابيلي ويتحسر ويزفر انفاس بعصبيه ورجله تهززز عبالك ماروك مشتغل ..!

اجه بابا علينه وبقى بس يتفحص بوجهي اول ماطلعت نصيت راسي ومشيت يمه وگفت صاحني وحطني جوه إيده وضمني لصدره اشتهيت ابچي بس استحيت وضميتهه بقى يطمني بحضنته ..

عباس سلم عليه ومدنگ بابا رفعله حاجبه ونتر بيه

- اتفاهم وياك بعدين

- صار عمي

اخذنا وطلعنا الطريق كله بابا عينه عليه وبس يتفحص بوجهي قلق ..

وصلنا للبيت امي واگفه بباب المطبخ ووجهه مخطوف ماخلاهه تجي بابا ..

اول مادخلت ركضت عليه حضنتني وتبوس بيه

- شكو يمه شصاير وياج

دنگت راسي وكتلهه

- ماما بعدين مااكدر اسولف گلبي طاگ

- بكيفج يمه بكيفج

رحت لغرفتي وظليت ابجي على حظي المصخم نايم ابدد مافد يوم گعد ..

إيڤان دخلت وراي ورفعت اصبعهه تهديد وكالت

- قسماً بالله اذا ذرفتي دمعه وحده عليه لهسه اكوم اجنزج تجنز

- اخلص من التجنيز مالته تجيني انتِ

- اني لمصلحتج مو يذل بيج النذذل

- ماابجي عليه دابجي على حظي

- شحدج تبجين ابد دمعه مااريد لاعليه ولاعلى حظج كافي دموع هلكنا عيونه راحت كومي نسوي اقنعه خل ترجع النظاره لبشرتنه

سكتت مالي خلگهه شوف وين تحجي وشوف اني وين

سحبتني من ايدي وكومتني سوت قناع العسل والنشأ وبعد مواد وحطت بوجهي ووجههه وسوت خلطات شعر وخلطات نضاره ماخلت شي لطخنا رواحنا كلشش ..

غسلنا وطلعت شكولاتنه عبالك چنه وصخين وهسه يلا صحت الوجوه ..

- لج شنـو هاي طلعت المعع

- هههاي بعدج مشفتي شي تعالي نسوي قناع الخيار

ماخلت قناع ماسووته ونسيناهم طزز خليهه على الله شيصير خل يصير

إيڤان حاچت بابا علمود تفتح عياده ويقدم اوراقها على تعيين فرح حيل وراح خابر كل اصدقاءه علمود تعيين وسوالهه واسطات كالو شهر ونشوف النتيجه ..

اسبوعين وبابا سوالهه مفاجأه من اخذهه للعياده بقت تبجي وفرحانه حييل كلساع تحضن بابا وتبوسه على مفاجأته كلساع مسويلهه مفاجأه ..

عباس للآن يتصل بيه ويدز رسائل واني ولااجاوب ولاعبالك اعرفه اصلاً مطنشته خل يحس على روحه مثل ماجان يعاملني اعامله بالمثل خيولي ذلني حيل واني الغبيه عبالي هاي تعتبر محافظه على بيتي نسيت يجي يوم ويعيرني !!

رائد للآن مايعرف عباس خايني عباله بس جايه زياره عاديه لو يعرف يرجعني من الصبح بس احنه ماگلناله وحتى هم لايصف ويه عباس لان دائماً واكف وياه وشحده اليحچي عليه مقابيله عشتو

~~~~~~~~~~~~~~~~~~~~~~~~~~~~~

إيڤان

داومت اول ايام بالعياده فرحانه حيل ممصدگه جانت يمي عيادات 4 هم لدكاتره معروفين حيل وزيارات عليهم هائله لان ناجحين بشكل مو طبيعي ..

بلشت بشغلي والحمد لله متقنه شغلي اجوا زبائن اشتغلت الهم واثنو على شغلي ومدحوه واخذوا كارت العياده حتى ينطوه لااصدقائهم وبلشت خطوه جديده بحياتي خاليه من صفاء وعائلته ..

إجه زبون ورحت فحصت اسنانه وانطيته موعد للجلسه كال

- دكتوره مااگدر ابقى سني يأذيني حيل

- ح انطيك مخدر علما يجي الموعد لان حالياً مواد الحشو ممتواجد

- تمام

وصفتله تخدير نوعيه زينه ووصيته يجيبه من الصيدليه الي جوه العياده ..

شويه ورجع گال

- دكتوره يگول دكتور حسام هاي النوعيه تسگط اسنانك بس تخليه !

- دكتور حسام منين هـٰذا ؟؟

- البصف عيادتكم

- ياعيني وانتَ شأخذك لدكتور حسام اني دزيتك صيدليه

- اي دكتوره مو لاگاني طالع من عيادتج والوصفه بإيدي سألني على حالتي وشرحتله وگال هاي مو زينه

- لـيش بكيفه اني المن درست خمس سنين اذا مااعرف نوعية تخدير شنـوو؟

- مااعرف دكتوره بعد هوَ گال

- معليك بيه اني دكتورة حالتك روح اشتري هـٰذا ومعليك

- لا دكتوره اني اخاف هاج هـٰذا تخديرج وهاي الوصفه مااريد اسوي الغي الحجز !!

بقيت صافنه واغلي حرگه هـٰذا شعليه هسه ؟!

طلعت من عيادتي شفت لائحه مكتوب عليهه دكتور حسام اختصاص طب اسنان !!

همم الظاهر منافس جديد صدك لو كال المثل مجدي يغار من مجدي

ضربت كصتي .. يـاا شبيه اكول هيج قابل اني مجديه شنو لا هوَ مجدي اني شكو

رحت للسكرتير مالته اريد احاچيه ميتدخل بشغلي ومعليه بيه

گال ماعنده احد !! اكول يلا انضغط

دكيت الباب وكال تفضل

دخلت من شافني وكف ويرحب بيه !!

- اهلاً دكتوره اهلاً !

چان شاب يطلع عمره بالثلاثينات شعره مرفوع ويلمع من كمية الجل المخليهه وعيونه سود حادات ولحيه وشوارب وجسمه مصبوب صبابه وعضلات وكمال اجسام ..
إيديه بيض ووجهه بشرته بيضه ونازك حسيته مو مال هيج تصرفات

همست بخجل لان ممتعوده اختلط بالرجال

- السلام عليكم

- وعليكم تفضلي دكتوره

كتله بكلبي غسل عاد رد السلام كامل

گعدت وعيني متمركزه على ايديه استحي ارفع راسي

ايديه بيض وبيهن شعر قليل ولابس ساعه سوده عاكسه بياض إيده ونظيفات هههـه من البياض احسهن هيج

- دكتور اني اجيت احاجيك على احمد سلمان القبل شويه نصحته بعدم شراء التخدير الوصفته اله

- اي دكتوره هاي نوعيه مو زينه

رفعت راسي بعصبيه

- ليـش اني مااعرف النوعيات؟؟

- لا لا العفو مو هيج بس هاي النوعيه تكون مضره للسن وخصوصاً اذا واصل للجذر

- لا اني فحصت السن مواصل للجذر وانتَ تعرف يكولون قطع الاعناق ولا قطع الارزاق واليوم المريض شرد من عيادتي بسببك

ضحك وگال

- آسف جدأ آسف بس ضحكت على شرد ههههـه

خزرته مشمأزه على سخافته لان ماكو شي يضحك !!

سكت من شافني مغندبه گال

- اعتذر منج دكتوره چنت مفكر انو حشوة جذر ماعبالي

گمت وكفت

- يلا مصار شي بس رجاءً مااحب احد يتدخل بشغلي من هسه اگول

- لا لا التوبه هههـه بس خفت ع المريض

- اي طفر خطيه

- ههههـه عمي اني ادزلج من يجون لعيادتي اكلهم مااعرف اشتغل بس دكتوره إيڤان عدنه مبدعه

- تسلم ميحتاج

- لا يابه نرجعلج مريضج حتى يصير سد برد

- لا لا ميصير آني اعتذر ع الازعاج مع السلامه

- ماضيفناج دكتوره

- وصل شكراً

اريد انفذ بريشاتي ماكو لزگ . لطش لعبت نفسي منه مارتاحيتله بس يتمضحك رغم شكل يبين ثگيل ورزن بس اشو استخف كلشش .

رجعت للعياده انتظرت انتظرت ماكو مريص الحمد لله من ماكو ان شاء الله كلهه تتشافى ومحد يتألم ..

طلعت وقفلت العياده صار بوجهي اللزئا.

طفر يتلاكني بذاك السلام

- اهلاً دكتوره اهلاً

خبلني بهالكلمه ابتسمت مجامله

- شكراً دكتور

طلعت من العياده وانتظرت بابا يجي عليه ..

اتصل عليه ميجاوب بس يرفضني لما شويه ووگفت يمي سياره وانمد راس من الجامه گال

- هـا دكتوره محتاجه توصيله ؟؟

- لا شكراً هسه يجي الوالد

- لا والله خل اوصلج واتصلي بيه كليله وصلني دكتور حسام

- لا هـهَه وين اعرفك يابه

- وهاي تعرفتي عليه اليوم

- لا تسلم دكتور عطلتك روح مع السلامه

ابتعدت عنه واتصلت على بابا واندب بحظي الخلاني ويه هيج دكتور خفيف ..

اجه بابا عليه واني كلساع اتذمر واكله لايتاخر عليه ..

رجعت للبيت تلكتني حـوراء مكيفه متصل بيهه حضرة الاخ يگلهه جاي عليج وعلي ردت الطشهه براشدي الا اطيرهه راح اتخبل من غبائهه بكلمتين تتقشمر

لزمت راسهه وباصابيعي اثنينهن دكيت على راسهه

- شبي هـٰذا شبي هنا مخ لو شنو

- اااااي شبييج راسي آذاني

- وسم تستاهلين شگلنا احنه مو كلنا ماكو رجوله اشو فلفلتي

- إيڤان عيب هالحجي مو صرتي دكتوره حقيقيه بطلي الفاظج هاي

- حتى لو صرت دكتوره مو معناهه مااحجي الحقيقه عمي انتِ مره متعيشين بدون رجل

صفنت بيه ورجفت شفتهه تحضيراً للدموع

بچت ودارت وجهه عني

- والله ليهمني سوالف المتزوجين ولا شي بس احبه افهمي احبه

- حبيش هـٰذا يسموه ذله مو حب

- اخخ اكابر واني فكري وبالي كله يمه اكل شرب غسل ملابسه طلع متت من التفكير

كعدت يمهه وبهداوه حجيت

- ياعيني مو كلشي بالحياة زواج ورجال كملي دراستج ةمستقبلج وخلي عندج شخصيه قويه وكرامه اهم شي انطيتيه فرصه وضيعها خلاص انهي اطلعي من الحمره اذا الج نيه ترجعين طولي وتشرطي عليه واخذي حقوقج واذا متريدين اكو شي اسمه طلاگ اتطلگي وعيشي حياتج ابنِ متسقبلج وخل الج ضمان لااولادج لتبقين هيج مجرد اسم ربة بيت وشخصيتج ضعيفه لا خليج ربة بيت وقويه وكرامتج فوق كل شي لان ذوله الزلم ميصير بعيونهم لو تعلگين العشره شمع

- صح كلامج راح اشرط عليه ارجع ومو هسه طبعاً بعد مااخليه يتوسل علمود ارجع لان طلاك مستحيل اتطلگ ونصير اثنين مطلگات بحلك العالم

- خوش بكيفج
..

ثاني يوم داومت بالعياده وهم لاگاني حسام وگال

- اهلاً دكتوره اهلاً

تخبلت من الجمله هاي تمنيت الطشه بالگاع عليهه

- اهلاً دكتور

قدملي نسكافيه وكال

- تفضلي

- مااشربهه مضره بالقلب

- ههههـه عود هاي الدكتوره هيج تحجي

- اني دكتورة اسنان مو قلب

- چـا شلون دريتي تضر القلب

- من الوالده اكيد بس اذا بكثره

- امم الله يحفظهه

- تسلم

دخلت للعياده مالتي رتبت الطاوله وكعدت اجه شكم مريض فحصت اسنانهم واشتغلت مواعيد الجلسات الحمد لله اتقنت شغلي بمهاره

شويه اجه عليه سكرتير دكتور حسام كال

- دكتوره استاذ حسام محتاج مساعده لشاب ممكن تجين

- لحظه هسه اجي

اشتغلتهم ع السريع وطلعتله كال السكرتير اتفضلي

دخلت للعياده ولگيته متمدد !!

يتبع ..

عـبـرات الـعـبـادي

[لامارا]

#رشفة_عشق
الـعـبـاديـــه
البارت_32_

أيـظـنُّ أنَّـي لُعـبـةٌ بيـديـهِ ؟
أنـا لا أفـكُّرُ فـي الـرجوعِ إليـهِ🙂

~~~~~~~~~~~~~~~~~~~~~~~~~~~~~~
إيڤان
دخلت لگيته متمدد ع السرير ودكتور حسام يفحص بأسنانه !!
تبسمرت بمكاني اريد اتحرك ماكو .
صفنت وبقيت واگفه بالباب گال الدكتور
- اهلاً دكتوره اهلاً تفضلي ليـش واگفه بالباب
من گال اهلاً وعلي ردت اروحله اجنزه على هاي كلمته اللاطش بيهه خبلني يربي شأسوي ومايگولهه ..
تقدمت خطوتين هوَ مارفع راسه مفمض عيونه وفاتح حلگه للدكتور
وهـٰذا دكتور حسام يحچي وياي وعايف حلگه مفتوح گلت بداخلي هسه تطب بحلگه ذبانه بس همزين ماكو ذبان .
گال دكتور حسام
- دكتوره تعالي بس محتاج مساعده اريد اشوف العصب واصل للجذر لو لا!؟
تنهدت وبداخلي گصيته دكتور شكبره مايعرف العصب واصل لو لا امده الكليه الطلعتك اي والله ..
اخذت الادوات ومشيت خجلانه ورجليه ماشايلاتني ..
شلون اروح احط إيديه بحلگه شلون سالفه هاي وماكو يوم غير هـٰذا التقي بيه ..!!
همزين مافتح عيونه توقعت نايم حتى عبالك ميت شاف برودة العياده والسرير مريح متمدد واسفنج يمكن غفى .
تقربت يمه مشاعري مضطربه واحاسيس مبنثقه
حسام .. شتحتاجين ادوات يمج
هزيت راسي بقبول خاف يسمع صوتي ويعرفني خلي نايم احسن .
اخذت الادوات وتقربت يمه اقدم رجل وارجعهه مرتبكه على قلقانه ..
وصلت يمه بس وگفت ماصدرت اي حركه ركزت بوجهه بحواجبه بعيونه المغمضه بلحيته الثخينه ..
سحبت نفس ومديت إيدي على حلگه اريد افحص سنه ..
اول ماحس بلمستي فتح عيونه !!
باوع بيه ولمعت عيونه !
گعد على حيله وبقى يرمش بعيونه مامصدگ !
إبتسم وسد حلگه ..
دنگت راسي وگتله
- خل افحص ممكن
إبتسم بهدوء وگال
- اي تفضلي
فتح حلگه وگوه تقربت يمه افحص وإيدي ترعش ووجهي ينقط عرگ من قربه .
دكتور حسام واگف يم راسه بأعلى السرير واني يم جهته اليسرى .
بقى يستنشق ويباوع بيه صافن وآني اذا احد يصفن بيه ارتبك واظل مااعرف اشتغل ..
دكتور حسام بس يباوع بيه عگد حاجبه وگاله
- غمض عيونك !
رفع راسه عليه وگال مستهزأ
- شنـوو؟؟
- غمض عزيزي
- مااغمض
- چـؤؤ
بقى يباوع بوجهي ومركز بيه ويبتسم إيديه ترعش ومامركزه ابدد ..
- دكتوره اشو مامركزه شبيج
- مابيه شي
هوَ ضحك بأستهزاء وعوج حلگه منتصر ..
بلعت ريق ووگفت بشموخ وتظاهرت القوع وگلت هاي هيَ نسيته بعد شي راح وإنتهى .!!
بقيت اشتغل بسنه وشفته يحتاج حشوه ..
اخذت المواد وضربته ابرة التخدير عصر عيونه حيل ولزم إيدي قوي !!
دكتور حسام خزره بس هوَ مامنتبه
شصار بيه كل خليه بجسمي فزت واحس قطرات العرق تمشي بإنتظارم بظهري ..!
الابره اخذت مفعولهه وبقيت احشي بالسن ..
كلما يأذيه يلزم إيدي لما آخر شي صفن بيه ومد إيده يريد يتلمس بطني !!
إبتعدت بسرعه وخزرته ضحك ..
دكتور حسام إنتبه ونفخ بحلگه هوى گال
- روحي دكتوره اني اكمل
هوَ دفع إيدي وگاله
- لا خل هيَ تكمل انتَ أذيتني من حطيت ٱيدك
- عيني انتَ جاي على عيادتي خل اكمل شغلتك
- عادي هسه اروح لعيادة الدكتوره
گاله بنتر
- اگعد اگعد
خاف على المصاري خاف ماينطيهم اله
بقيت اشتغل تحت إشراف دكتور حسام وكل خطوه لو يمدحني لو ينبهني ..
وصلت للحفر مال السن اول ماحطيت الجهاز دكتور حسام لزم إيدي وصاح ( لا لا شلقضيه)
هـٰذا شصار بيه دفع إيده عن إيدي وگعد متحمامي يريد يعارك
عاط بيه بعلو صوته
- انتَ شلون تلزم إيدها ؟؟
- وانتَ شعليك؟؟
گام سحبه من ياخته وآني مخنزره
- لك شعليه وعلي ادمرك دمار بس تتجاوز حدودك فاهم
دفعه وصاح بيه
حسام .. لك روح بابا روح ويامن دتلعب
- نويت على روحك اليوم
لكمه بوكس على خشمه وبقى ينزف دم عطت بعلو صوتي
- لا صفاااءء
الدكتور التفتلي صافن گاللي
- منين تعرفيه ؟؟
صفاء رفع حاجبه وظل يهز بيه من لزمة ياخته گاله
- زوجتي لك
باوعتله بشموخ واستهزاء
- قصدك طليقتك
- مامطلگج باوعي لجنسيتج وتشوفين متزوجه لو لا
- متصرفلي الجنسيه
- لا تصرف هيَ الاصل وهسه انتِ بإسمي
- كافي اطلع رجاءً مااحب افتح هيج مواضيع بمكان عمل
- اطلعي وراي اريد اشوف منو الخلاج تشتغلين
- اطلع بره رجاءً
بقى يزفر بعصبيه وگال وهوَ يضغط على مخارج الحروف
- إيڤان تعاي وراي
- مااجي اطلعع بلا مااصيح العمال يتدخلون
دكتور حسام گال
- روحي لعيادتج واقفلي الباب
گال هوَ
- لاتطلعين
ويخزر بحسام عود يتحداه
اني عناد بيه خليت وطلعت لعيادتي وقفلت الباب اجه دگ دگ واني افتر متوتره وقلقانه اريده يروح مااريد قربه ..
دگ الباب حيل وعاط
- إيڤان اطلعي
سمعت السكرتير يگله
- يابه تره هاي عياده وهل تشوف المرضى مشلول حالهم وكل واحد راسه منفوخ من الم رحاته وانتَ هسه مسوي الباب طبله شلقضيه تريد تتحرش بيهه اخذهه واطلع
عزا عززاني شوه سمعتي النوب
صفاء .. يابه زوجتي شنـو اتحرش وزن كلامك
- اي عيني بالبيت وتفاهمو مكان عمل هـٰذا
خلى وراح يمكن قريت على نفسي الفاتحه يلا راح
إتصلت على بابا وگتله گال
- هسه اتصل بيه واطيح حظه وشويه وجايج
انتظرته واجه من وكت اليوم
صعدت سلمت عليه وانطلقنا لبيتنا
اول مادخلنا خابر صفاء ..
اسمع صياحه بالموبايل يگول لبابا
- هاي امانتي هيچ تسوي بدون علمي وفاتحلهه عياده تتحرش بيهه الجايه والرايحه وبوسط الزلم چـا انه مااعرف اقدملهه من اول مره تعلموني انتم شنـو
بابا عاط بيه وإذا يعصب يتخبل
- احترم نفسك لك تره اجي اطيح حظك منطيك بنتي تسجنهه لو تداريهه راح يصيرلهه سنه من تزوجت ماشافت راحه وياك وبس ظيمك وظيم اهلك وفوگ هـٰذا كله بعده لسانك شطوله لو بيك خير طلعه على ابوك حتى لو تحترمه ماتسوي هيج بس هـٰذا يسموه خوف مو إحترام وتجي تطلگ رجلك فوك راسك واخر كلامي وياك .
غلق الموبايل وظل يتنفس سريع ركضت شربته مي وهوَ ظل يسحب نفس يسحب لما اخر شي وجهه صار احمرررر ووگع غمض عيونه وفقد
اني من اتصل بيه عرفته راح يتخربط ف حصرت لبن كله بسببه
ابچي وگلاص اللبن بيدي يرعش التمينا عليه نذب عليه مي ميگعد ..
شمرت الگلاص وعطت على رائد ناخذه للمستشفى
ركضنا بسرعه بسرعه لبست ورائد ميقبل اروح عطت بيه وابچي
- عوفني اروح معليك بيه
- هوَ بسببجن هيج صار بيه
- چـا وين نولي گولي ووييين
- دصعدي لاتلغين
خفت لايموت ومااشوفه
اسم الله ميصير شي يارب
وصلنا للمستشفى ركض ركض اخذوه بالسديه ورجعونا ماخلونا ندخل ..
بقينا ننتظر على جمر واني انوح وامي هم وكلساع رائد يعيط بينه يسكتنه .
متنا بچي
طلع الدكتور كال رادت تصير بيه جلطه بس الله ستر ..
الحمد لله دخلنا اله شفناه من وره الجام ونبچي
اذا صاير بيه شي بسببي اموت يمكن
گعد بعد فتره زمنيه ودخلنا اني مدنكه راسي گال بصعوبه يحجي
- ارفعي راسج لتنزليه مدام موجود مااخلي احد يفتح حلگه ارفعييي
رفعت راسي وارتميت بحضنه كتله
- الحمد لله عندي هيج اب لو ما انتَ ماإلي سند
- اني ابوج وسندج
بقى يوم وطلع من المستشفى ..
بقت الناس تجي تسلم واجت خالتي ام عباس شافت حـوراء وصلت ع النبي
بيج قصص عراقيه حقيقيه من واقعنا.روعه الطائي
- سمنانه ولج لايگ عليج الحمل ترجعي لرجلج خبليه يحب السمن واللحم يريد دفو
حـوراء نصت راسهه وگالت
- ماارجعله خيروح للگـ...
- حـوراء شهالحچي ماما ميصير تحجين هيچ عباس مايتقرب لهالسوالف
حـوراء - خاله مااريد افتح الموضوع مرة اللخ كلش زين نعرف ليـش طلعت ؟! يعني بشرفج رجال جاي لمرته كله حمره وريحة الشرب تعط شنو معناتهه؟؟
- خاله رجلج تبهذل ببعدج والله حتى ملابسه محد يغسلهه ومااخلي واحد يجيسهم لان اذا غسلتله يتعود على فراكج اخليهن مكومات حتى يعرف عازتچ ويعرف مداراتج اله وهل متعذب ويتوسل وانتِ ماتقبلين خاله بيتج ورجلج مالج غيرهم
- مااريد خاله گلبي مورم منه والله طلعت بيه كل الامراض من اخذته لهسه يوميه طالعلي شي
- چـا شبيدج بس هوَ يحبج يموت عليج والله
- لاتخلفين مكانه خاله هاي هيَ
- يمه والله مامجذبه يموت عليج يوميه ادخل اشوفه مطلع صورتج بالموبايل ويكبر بيهه ويصغر لاخلى عيونج لاحواجبج لاشعرج لاحلكج كلهن قربهن ومركز بيهن بالصوره چـا إذا مايحبج ليش هيج يسوي
حـوراء .. زين خاله هسه هوَ كلف نفسه واجه اعتذر ورجعلي كرامتي وحقي ؟؟
- من باجر اسحله من اذنه
- لا لا عليج العباس لتسوين هيج اريد اشوف شنو تاليته يجي لو لا بس الظاهر وجودي ومه نفسه
- لج يانفسه والله وجهه مملوط ملط وماشايف النوم شنو طعمه وحتى ماياكل سل وراج وهوَ مايحب غير اكلج
- امم مبين
- فدوه اروحلج ارجعي لبيتج
- خاله اريد فتره استراح بيهه من ضغوطاته واذا بقى بنفس اسلوبه ماعندي حل غير الطلاك
- اشش اشش لتكولين هيج هوَ اصل المشاكل والخراب هاي الكلمه تره مادام گلتيهه يعني بقت بباله وكلما تصير عركه يكلج خل اطلك
حـوراء .. دنگت وشفت كلامهه صح
- اي صح
راحت وحاچيت رائد على موضوع دراستي الخلته براسي إيڤان صار فتره تلح عليه حاجيت رائد وعاط بوجهي
- صغيرونه انتِ وتدرسين مو بطنج راح توصل لخشمج وين تردين توصلين مثلاً
- ليش وين اوصل اكمل سادس واروح كليه
- بكل عقلج انتِ بابا بس تجيبين ماتلحكين تحكين راسج وينج وين الكليه
- فدوه رائد حاچي عباس
- روحي بابا روحي
- شعليه بيكم هسه احاچي بابا واداوم
رحت حاچيت بابا وأيدني بالموضوع لان يحب البنت تدرس ويحبهه مستقله مو ضعيفه وشخصيتهه معتمده ع الرجال شيسوي يأثر بيهه لا الهه شخصيه وتأثير ..
وافق اقدم وقدملي هم ..
انقبلت وكلش فرحت اشتريت كتب وبقيت اقره وماخذني الواهس حيل
اشو فتره واندك الباب قوي اني طلعت بسرعه واتكركح اني وبطني ..
وصلت لباب المطبخ وبقيت اباوع
عباس بالباب لاعب لعب برائد
- انتم شنو تقدمولهه وتخلوهه تقره اني مو رجله شنو ضاربيني بعرض الحايط مثلاً ؟!
- لا يابه شنو بعرض الحايط بس هيَ شويه اخذهه الواهس وتدري بأبوي يحب الدراسه ايدهه ووافق
- اني ماعندي مره تداوم بوسط الزلم
دقني بكلامه رحت ذبيت شال على راسي وطلعتله گتله
- اولاً احب ادرس لان حرمتني منهه انتَ وثانياً آني لو يخلوني بين مليون زلمه مااخون ثقة اهلي ولاانزل روسهم واخلي الحچايه المو زينه تطلع عليهم واداوم غصباً ع الكل مادام بابا موافق خلاص واذا خيرتني بينك وبين دوامي ف اختار دوامي
- خليهه ببالج ابني اريده ودوام ماكو أذا داومتي طلاگ وابني وياي
- ابني قبل ليكون ابنك والحضانه الي
رائد عاط لان بابا ماموجود بوقتهه بالدوام
- لج ماتحترمين مو اني واگف هناا
- لا هاي حياتي اني اقرر شلون اعيشهه مو انتَ
- فوتي جوه
- گلت كلامي وهسه رايحه
عباس صاح قبل لاادخل
- هسه شتختارين اني لو الدراسه؟؟
- گتلك دراستي اهم من اي شي
- بسيطه حـوراء بسيطه تتندمين وتعضين اصابعج ندم والله
بيج قصص عراقيه حقيقيه من واقعنا.روعه الطائي
- اي هاي هيَ
دخلت وبچيت ماخفت على الطلاگ ولابچيت عليه ولاعلى اي شي .. بس بجيت على ابني خايفه لاياخذه مني ويسويهه يريد يلزمني من الأيد التوجعني
لزمته وبچيت اشهگ وابجي خايفه عليك ماما وين اروح اذا اخذك اموت ولاافارك بزري
تمددت وابجي
دك موبايلي رفعته بثقل وتعب حتى بدون مااشوف الاسم شنو
- الـوو
اجه صوته هادئ وضعيف
- الـوو
سكتت وبس صوت انفاسه الهادءه مسموعه كلت بنتر
- الووو الـووو شنو نبقى الووات
- اتركي الدراسه راح تخبليني اتركيهه
- مااتركهه دراستي هاي واهم شي بحياتي واكبر غلطه بحياتي تركتهه
- واني شنو تعتبريني؟
- انت مو غلطه لان انجبرت عليك الوافقت ولا موافقت ماخذتك ماخذتك بي لو برضاتي جنت غلطه انتَ جنت مقتنع بدراستي وبابا كال خل اكله من هسه واشرط شروط بس اني اني اخخخ مني
اني الغي واعاتب وهوَ ساكت ..
جر نفس وگال بهدوء وصوت عذب
- سمنانه وحليانه
سكتت.. //
وخربطت الحجي وين راح حلگي انلصم ماكدرت احجي كال
- مشتاقلج !!
سكتت..//
وسحبت نفس ميته من القهر على حظي الماگعد !
- لتبقين ساكته احچي عذبتيني ليـش تفضلين دراستج عليه معقوله الدراسه اهم مني ؟؟
- اي اهم
- هـاا ؟؟ هيج صارت حـوراء مو اني ابو ابنج البعد يومين يزين حظنج وينور حياتج
- مو يومين بعد هواي
- ههههـه داضربلج مثل
- يلا باي
- اريد اتلمس ابني واتحسسه واريدج بحضني واريد ترجعين لمكانج ولبيتج والتوبه اذا حاولت إثارة غيرتج
- ماارجع
- آسف على كلشي بدر مني وآسف على كل دمعه نزلت بسببي
اول ماگال هيج بچيت صدگ اذاني هواي وجرحني وداس عليه بأثنين رجليه
- اشش لتبچي آسف آسف آسف بعد تردين اگولهه مية مره
- وشيفيد الاسف والندم ؟؟
- يصلح الشي الانكسر
- ليش الكزازه من تنكسر تتصلح ؟؟
- لا بس نحاول نلصقهه
- ماتنلصق
- اكو عندي نوعيه جديده اشتريتهه بالمحل تلزگ حتى جام اذا عندج گزازه مكسوره اني اجيبه واسويهه الج عادي
ضحكت على لوفته للموضوع وتغييره
- اجيج باجر؟؟
- على شنو؟؟
- غير ترجعين
- كتلك ارجع؟؟
- لا بس اريدج ترجعين ارحمي بيه خلاص متت بسببج راح يطلع براسي شيب
- ماتكدر ترد كرامتي النجرحت هاي هيَ
بيج قصص عراقيه حقيقيه من واقعنا.روعه الطائي
- عمي والله اني جنت هيج اتصرف عبالي اغثج ماادري دست على كرامتج
- ماادري باي مو جاهزه هسه
سحب نفس وزفره بنفاذ صبر
- اوووووف
سديته منه وبقيت افكر مااكدر ارجع گلبي يوجعني وشي بداخلي يمنعني وهوَ حتى موضوع الدراسه غيره ولافه لغير جهه بس بعد مستحيل اترك دراستي ..
~~~~`~~~~~~`~~~~~~~~`~~~~~~~`
إيڤان
رجعت من العياده اليوم بابا مااجه عليه كال عندي شغل الشمس حاره وبطني تأذيني عندي نساوه وتقلصات مال حمل ..
البارحه اشتهيت عنگود عنب واستحيت اگول لبابا يجيبه احس نفسي مثقله عليهم رغم اهلي ومامحسسيني بهالشي ابدد
بس اني من النوع اتحسس بهيج مواضيع ..
اول ماتنسيت بالعنب حكيت بالمكان اليصير بين العضله واخمص القدم صاير على العظم ..
بقيت امسي بهدوء من ألم بطني وگوه اتحرك احس روحي ثگيله ..
حسيت على سياره سوده مضلله وكفت بصفي
بقيت اسرع بمشيتي من دون ماالتفت واسرع وماكو اريد بس اوصل..
ايست من مشيي والسياره وراي كلشش ويطوط بالهورن رجليه ترتعش ووجهي صفر وعيوني ذبلت من كمية الخوف
ظليت امشي بسرعه وماعندي سرعه بسبب الم بطني وثقلهه رغم مامبينه وصغيره حيل بس ثگيله كلش..
شويه والسياره صارت بصفي عززا العزاني ..
مااشوف الا نزل منهه واحد ملثم بأسود ركض عليه واني ركضت .
اريد اوصل اهلي مااندلهم وين والشوارع فارغه وجسمي يتراعش ونحلان ..
ركضت خطوتين وصار وراي كلشش
ردت اتقدم وسحبني من بطني عصرهه وشالني ..
بقيت اعيط وهوَ ولا يهمه عبالك ماخذله دجاجه يذبحها مو بشر اخذني سحل للسياره ودخلني بيهه ويسد بحلكي مايكدر كلساع اعض إيده اليحطهه على حلگي وجهه ماشفته لان صاير بظهري ولازمني من بطني بإثنين إيده راح ابني انجعص متت بجي
- عوفوني شنو شتردون ابني حيموت بسببكم ظلام عوفني آآه باباااااااااااا

يتبع ..
عـبـرات الـعـبـادي 🌻🌼

[لامارا]

رشفة عشق
الـعـبـاديـــه
البارت _33_

وَمَـا فِـي الأَرْضِ أَشْقَى مِنْ مُحِبٍّ
وَإِنْ وَجَـدَ الـهَـوَى حُـلْـوَ الـمَــذَاقِ
فـيــبـكـي إنْ نــأى شـوقـاً إلـيـهـمْ
ويـبـكـي إنْ دنـوا خــوفَ الـفـراقِ
~~~~~~~~~~~~~~~~~~~~~~~~~~~~~

إيڤان

شالني بالسياره واني انهديت بالعياط والصريخ
- يبااااي الحگولي ياناس ياعالم
يسد بحلگي وآني اعض بإيده لما آخر شي صلح
- چلب خوما چلب
ركزت بالصوت وإلتفتت جريت النگابه عن وجهه انصدمت !!
- صففاااءءء !!!!!
ضحك وگال
- شبيج إنچلبتي ايدي انوكلت
من الرهبه والخوف اول ماشفته وشفت شكله ويضحك هم ؟!!!
دخت وعيوني غوشت بعد مادريت بشي !!
گعدت على ضربات إيده بوجهي ومنومني بحضنه !!
اول ماشفت وجهه انهديت بالبچي وهوَ يسكت بيه
- اشـش إيڤان لتبچين عيوني چـا شأسوي ماخليتيلي غير حل الا هـٰذا !
من ركزت بالسالفه وتذكرت هبطتي گعدتله وضرب وضرب وعض وتخرمش خليت إيديه تخر دم وإيديه معضضه گمت عليه وبخده شلعت خده بعضه تسوه حياته ..
هوَ ساعه يوخرني ويدافع عن نفسه ساعه يضحك ..
- متستحي متخجل الله لاينطيك گلبي وگف
احچي ودموعي تصب وجسمي يرعشش كله ..
اخر شي قيد إيديه ودفعني ع الكشن خلاني انام عليه بالعرض وحط إيديه وره ظهري .. بقيت اعيط
- لك الطفل الطفللل مخبلل وخر عني
- حرت بياطريقه اجيبج
- ابنك موتته اليجيب هيج يسوي بس اليوم صرفتلي بطلين دم من الخوف گلت هاي هيَ هسه يخطفوني ويعتدون عليه
- حتى الا احرگ الدنيا
- اشـش كافي سويت بيه فلم وبعدك تحجي وخر عني
- اريد احچي وياج
- تكدر تجي وتكلي يابه اريد احجي وياج وحدنا
- هـه ع الاساس تقبلين انتِ
- لا اقبل
- والله متقبلين
- يعنييب هايي احسسسلك من هسه رعبتني وبعددد لو تموت ماارجع عللى هاي الخوف والرهبه كلبيي وككفف
- مرتي واريد ارجعها شتردين مني
- اه ؟؟ صدگ تحچي عود؟
- والله
- روح بابا روح
ردت انزل البيبان مقفوله وماكو مهرب انجبرت اكمل وياه .
وصلنا لبيتهم !!
التفتتله
- شنسوي هنا ؟؟
- ردت اراويج مكان ابنا شلون سويته يجنن اشتريتله غرفه تعجبج
- منو كالك ولد ؟؟
- هيج احساس لان اني اريده ولد
- واني اكلك بنيه
- ولللددد داكوول
- بنيييه
- اتجيبين ونشوف يلا نزلي
- ماانزل
- اشيلج والله
- ماانزل
- تدللين
راد يشيلني وطفرت عنه كال
- اصعدي بكرامتج
- چـؤؤ استغفر الله
صعدت للشقه واول ماخطيت خطواتي ع الدرج تذكرت من نزلت ابجي وتذكرت من خانني ومن كص شعري ومن احتركت إيده وكل المواقف مرن على بالي مثل الشريط الحلوه والمره !
شفتي رجفت تحضير للدموع
عصرتهه قوي ورمشت بعيوني حاصره الدمعه وكفت بمكاني وصفنت ع الباب !
اشوفه بطرف عيني يباوعلي تحسر وسحب إيدي عصرهه حيل ..
باوعتله بادلني النظره بتوسل ولهفه ..
سحب إيدي وفتح الباب .
سحبني لان متصنمه بمكاني مااتحرك .
مشيت بهدوء اول مادخلت كفخت ريحة البخورات والمعطرات بوجهي ..
سحب إيدي للمخزن ..
فتح الباب وغمض عيوني .!
فتح عيوني ودخلت شفته صاير يجنن ..
غرفه كلهه لون ازرق وملاعيب طفل ضحكت لاارادي وباوعتله بضحكه ..
ماصدگ هوَ ركض عليه وحضني اول شي نسيت نفسي وبادلته وبعدين دفعت إيديه عن خصري وگتله
- صفاء وخر إحنه متطلگين لتنسى
رفع حاجبه وضاج
- انتِ ليـش تلحين مو كلنا باطل لو الا تريدين تنگنگين فوگ راسي نگ نگ نگ نگ
- اي انگنگ وخر خل ارجع للبيت اهلي ماعدهم علم
- گلتلهم
- عززا شكلتلهم
- دزيتلهم رساله من موبايلج كتلهم طالعه ويه صديقاتي
- هاي شوكت ؟؟
- من فقدتي الوعي
- منو سمحلك
- اني !!
زفرت نفس بعصبيه وعفست وجهي بغضب
تلمس بطني وگال (شوكت يجي يوسف)
ابتعدت عنه وگتله
- بيه بنيه مو ولد
صفن وعيونه بين عليهن القلق گال
- اخذتي سونار ؟؟
- لا بس اني داحس بنيه
- وشلون حسيتي بله
- اول شي اتنسى حوامض وحلو وبطني عاليه مو نازله وشعري ثخن وطول ونفس لمعته وحتى اظافري نفس النمو مالتهن ذني كلهن يدل على الحمل ببنت
- شهالخرافات باجر اخذج ونسوي سونار
- مااريد اريدهه مفاجأه
- والغرفه ؟
- گتلك سويهه ؟ اشو انتَ بكيفك تجيب وتحط بدون علمي وتدري بيه ماارجع وتطلگنا وخلاص
- الطلاگ باطل
- لا مو باطل
- خل اثبتلج
تقرب عليه بسرعه صفطني ع الحايط وباسني !!
بقى يتفنن بالبوسه .. حسيت نفسي ذبت وتفاعلت !
اريد ادفعه مااگدر احس نفسي تبنجت ليـش هيج ديصير بيه !!
سحب الشال ونزل على رقبتي وبقى يستنشق ويبوس باكثر مكانه يعشقه حسيت الشامه انشلعت !
مانحس الا الباب اندفر لان جان بس مردود مامقفول ..
اول ماسمعت الباب طفرت ..
دخلت نبأ !!
گالت
- صففاءء حبيبي هـٰذا انتَ هنا ؟؟
دورت بأماكن بس وصلت للمخزن دخلت شافتنا واني اسحب بالشال على رقبتي لان اكيد هسه صارت ملحمه بسببه !!
هيَ شافتنه انصدمت وظلت تعلس بالحچي ..!
صفاء عاط بيهه
- طلعي بره منو سمحلج تدخلين
- مممم جايبهه لهنا اليوم وانتم متطلگين هـه
التفتتلي كالت - شكد اخذتي منه على هالليله !!
فتحت عيوني مصدومه وصفاء ركض عليهه گطعهه وطردها بجلاق وسد الباب !
اول ماطلعت بجيت ..
ركضت على المرايه لبست شالي وشفت شكلي شصاير بيه الحمره ملطخه على خدودي ورقبتي خارطة العراق !!
عيوني تصب وهوَ واگف يمي
- إيڤان ارجعي وخلصينه
عطت بيه وانهاريت على ضعفي بين إيديه معقوله لهالدرجه مشتاقتله لو هوَ خبره بهالسوالف !
- حقيررررر كله بسببك انتَ جبتني لهنا تسحول بيه علمود رغباتك ! وتالي شگالت هاي الگـ.. مالتك سوتني بنت ليل آآه اني هيج اسمع كلمه انييييي
- وعلي هسه اخليهه تبجي دم بس اوكفي
- وخر عني صفاء وخرر
- الى متى يعني هيج نبقى ؟؟
- ماكو شي يبقى احنه مطلكين
- باطل
- لتكول هيج مو باطل مو باطل شكد كمت اكرهك بكد ماحبيتك كرهتتتتك
بيج قصص عراقيه حقيقيه من واقعنا.روعه الطائي
جاوب بهدووء
- لو تكرهيني ماذبتي بين إيديه
- اي غير اني غبيييه غبيييه مافكرت بسوالفك الادبسزز
- خب والله تحبيني وتعشقيني اصلاً لو كرهتيني وحقدتي عليه مارجعتي مثل قبل من تذوبين بيه
- لك كااافييي كااافي لتذكرني كلساع خل اولي
طلعت بسرعه واغم بروحي خليت نقطه غلط عليه امداني اي والله شصار بيه شصاااررر لـيشش مادفعته ليـشش ..
رحت ع الشارع العام وهوَ وراي يصيح (تعاي) مايكدر يلفض اسمي بالشارع حتى بهاي يغار !!
وگف تكسي وهوَ إجه يركض سحبني من إيدي وگال لاابو التكسي (روح خويه روح)
الرجال گام يتذمر ويصيح( چـا لـيش وگفتوني)
راد يتعارك وياه بس آني عفته ورحت اجه يركض وراي دفعته وعطت لان الشارع فارغ الدنيا ظهر وجو حاار
- وخرر لتلمسني وخرر
- اوگفي ماحچينا
- انتَ عندك كل الحجي رغبات وبس
- لج والله مو هيج بس ردت اشوف تأثيري عليج
اني متت حرگه من كال هيج راد يكحلها عماهه
بقيت اباوعله مصدومه وصفنت بوجهه وعيوني ترمش تريد تدمع وشفتي رجفت ..
مد إيده على شفتي يريد يوكفهه من الرجف عود ..
دفعت إيده وگتله
- اريد ارجع لااهلي وخر عني
- تعالي اوصلج هسه
- مااريد وياك
- تعالي
سحبني من إيدي ودخلني بالسياره اول مادخلت بالسياره بقيت ابچي واشهگ التفتلي
- هسه اني شمسويلج تعالي لايتعرضلج احد غريب
- وانتَ خليت للغريب اذا ابنك جعصته واني كسرتني بجسمك هـٰذا الضخم
بقى يمشي ويلتفتلي كلساع .. على عناده درت وجهي ع الشباك وبقيت اباوع بس بالي مو يمه صافنه واتذكر شصار وكلما اتذكر جسمي يقشعر ويرجع بيه التأثير عبالك لااول مره !!
وصلت للبيت نزلت بدون مااسلم قبل لااسد الباب كال (مع السلامه) عود بسمار ..
دخلت للبيت اهلي سألوا عليه لان ماعندي صديقات كلتلهم تعرفت عليهم جدد ومشيتهه ..
تغديت وبس اتصفن ..
شربت سوب مال لحم ولعبت نفسي ركضت للحمام بس اتقيأ وتلعب نفسي ..
وصلت الموت اتخبل من التقيؤ روحي تطلع .
بقيت اتنفس قوي واستنشق هوى ..
طلعت من الحمام امي بوجهي شايله منشفه وكوب أعشاب دافي كالت
- اشربيه زين لبطنج
شربته وبعدهه تلعب نفسي بقيت اتقيأ على طول اليوم اخر شي استسلمت كلت لاامي
- يوم مستشفى حموت
- شصاير وياج اشو بطنج يوميه زينه بس مرتين تتقيئين اليوم شكو
- اي كله بسبب صفاء عصرهاا حيل وأذتني !!
انتبهت لجملتي وحطيت إيدي على حلگي امي خزرتني ونظرتلي نظره خارقه خلتني اغوص بملابسي .!!نصيت راسي واصدرت صوت (احـم احـم)
گالت بشده وصوت صلب
- هـا إيڤان؟؟
اول ماكالت هيج بچيت حسيت نفسي كشفت عندي علاقه ودتحاسبني ..
استحيت كلش ومن فشلتي دموعي صبن كلشي ولا الثقه اكسرهه تعودنا من إحنه صغار منطينه ثقه ومانكسرهه كون ..
عاطت بيه بصوت عالي رجفت
- احججييي ياصفاء هـٰذا تردين تخزينه كون كاتله نفسج عليه ارجعيله ولاتصخمين وجوهنه وانتِ مراهقه ماسويتي العيبه تريدين هسه تسويهه ؟؟
- ماما والله هوَ خطفني !!
- هههـه شايفه جاهل كدامج؟؟
هاي السالفه ع الحمار متتسولف مال خطفني تره اني مو غبيه وهل اشوفين هـٰذا شيبي جاي من خبرتي مو من بطر
- مامجذبه وتدرين بيه مااجذب دامشي بالشارع وخطفني
- لو صدك ماتجذبين جان استحيتي وكلتي عيب اجذب على اهلي واكلهم رايحه ويه صديقاتي
- يوم صدكيني هوَ الدز الرساله مو آني
- بس اجيتي وكملتي تمثيل وكلتي صديقاتي جديدات هيج تربيتج
- ماسوينه شي
عاطت بكل صوتهه
- عوزهه بس تسووين
نصيت راسي وظليت ابجي
كالت
- وين رحتوا ؟؟
سكتت..//
عاطت بيه بعلو صوتهه
- احجيي وين رحتووواا؟؟
همست بصوت شبه مسموع
- للشقه
ضحكت بسخريه وصفكت بأيديهه وعوجت شفتهه
- هاي هيَ راحت تربيتك يابو رائد راحتت تصخمنه
- ماما هسه اني شمسويه
- اششش بنتي واعرفج اجيتي مكيفه وعيونج تلمع عكس يوميه وبس تتصفنين اني مو مااعرف افهمهه وهيَ طايره خاف عبالج
دنگت وابچي
رفعت حاجبهه وباوعت على لفة شالي المفاجأه !!
حطت أيدهه على فكهه تفكر وخصمت عينهه وهز راسهه بوعيد !
سحبت الشال بسرعه مالحگت الزمه رغم لافته تلث مرات بس هيَ صارمه حيل ..
اول ماصار بإيدهه انكشفت رقبتي البنفسجيه !!
فتحت عيونهه حيل وخزرتني ..!
جسمي قشعر وبطني رجفت من الخوف رغم جبيره ومكمله بس للآن ارجف منهه ومن بابا من يخزروني لو اسوي شي خطأ ..
اسناني تتططاگن من الخوف وبطني تقلصت .
حطت إيدهه على رقبتي رجفت وقشعر جسمي هاي بس خزره هيج لو تحجي شيصير بيه
كالت
- هـااا ماسويتوا شي موو؟؟
- ماما
سكتتني بخزره واصبعهه على حلگهه
- اششششش صوتج مااسمعه جايتني مطگعه ومامسويه شي بنت الكلب ..!
بعد شمصخمين خاف حبلج بتوأم
بچيت ونزلت راسي وظلت تطلع صوت شهكات خفيفه ..
- گومي
رفعت راسي عليهه وكلت بصوت خافت ومليان خوف
- وين ؟؟
- لاابوج !!
- عززا ... ماما
- وسم گومي
- ماما فـدوه شلون بابا يشوفني هيج
- لج مطلگين مطلگين مافكرتي بالحرااام هيج ربيتج انييي هيجج
- ماما اني حامل من طلكني باطل
- هسه صار باطل بنت السگط مو يوميه يخابرج تصيحين باطل هسه من صار بيهه شلم بلم صار باطل مو
- هوَ طلگ مجبور واني حامل يعني باطل
- اي گومي هسه اخابره يجيج
- لا هسه يكول كتلت نفسهه عليه
- من انعل ابوج يابو ساعة السوده الجبتج بيهه
ضحكت من شفت بابا وراهه ومتخوصر الهه عاطت بيه ولااول مره هيج تعصب
- شبيج تضحكين وسم تستهزأين بيه
اشرتلهه بحواجبي على الوراهه .. التفتت وشافت بابا وجهه صار اصفر وضحكت جذب
گاللهه
- منو ابوهه
- آني
- هـاا؟؟ هسه صرتي ابوهه شلون سويتيهه
عاطت وهزت إيدهه
- مو وكت شقاك هسه تعال شوف بنتك شمصخمه وشلاعبه
اني مباشرةً سحبت شالي لفيته على رقبتي وهوَ بابا باوعلي وهز راسه كال
- خير شكوو؟؟
ارتبكت لان وراي حساب ثاني كال
- ماكو شي
وجه سؤاله لاامي
- شكو شصاير
كالتله بنتر
- صفاء ماخذهه للشقه
التفتلي بسرعه ..!
اني غمضت عيوني حيل ودنگت ..
بلع ريقه وكال بخوف من الجواب
- شسوالج؟؟
- ماسوالي شي
امي هزت راسهه بسرعه وكالت
- سووا سووا
بابا تفاجى باوعلي مصدوم كال
- إيڤان معقووله؟؟
بقيت اتنفس قوي وارجف .. صوت انفاسي ارتفع وشهگتي زادت بقيت بس اسحب هوى ماكو ..
بابا ركض عليه وامي هم ..
- بابا إيڤان شبيج
صارت بيه حاله مثل الصرع بقيت ارجف واتنفس قوي ووجهي احسه يطلع نار من گد ما ازرگ ركضوا عليه بالمي على وجهي والتدليك وجوهم انخطفت وخايفين اني ظلت تبجي وتصيح
- يمه بنيتي راحت مني يمممه
ضربني بابا راشدي حيل رجعت لوعيي وراحت مني الحاله !!
وگعت بالگاع ميته وجسمي ينث عرگ واحس قطرت العرك تنزل بجبيني ..
شالي ماادري بيه وين وفاتحين دكم دشداشتي بالمقدمه علمود يدخل الهوى واتنفس ..
بقيت اسحب انفاسي براحه ..
وكلساع اغمض واهلي ملتمين يمي .
لاحظت خزرة بابا على رقبتي ..!!
تفشلت ومتت بدمي اشرت لحـوراء جابته إلي وغطتني ..
بابا ضاج وطلع ..
من شفت شكله هيج انعصر كلبي وكلساع اغم روحي على غبائي
امي لحت عليه اسبح علمود العرگ اتخلص منه
سبحت ورجعت لغرفتي تمددت شويه ودخلت حـوراء كالت
- إيڤان بابا يريدج
انخمط وجهي وكلبي دك بسرعه كتلهه
- شيريد؟؟
- ماادري تعالي وضمي ذني (واشرت على رقبتي)
- اي
لفيت شالي وطلعت ولو الكل عرف ماكو داعي بعد بس خوما اتباهى بيهن ..
نزلت ورجليه ترعش وكلساع اريد ارجع بس كملت .
وصلت للغرفه ماال ماما وبابا ..
دخلت كال بابا
- قفلي الباب
- إي
قفلت ودخلت جان يم بابا الميز مال احزمته مال بنطروناته ..
اول ماشافني عدلهن وهزهن !! ونظراته تتجول بيني وبين الأحزمه وكلساع يخزرني رافع حاجبه ويخزر الحزام مثل اليأشرلي عليه !!
بيج قصص عراقيه حقيقيه من واقعنا.روعه الطائي
اني انصدمت عود اعاقبج بس گالهه بطريقه غير مباشره !!
صاحني ع الچربايه ورحت يمه گعدت حاصرتني البچيه على تصرفه هاي اول مره هيج يلمحلي !!
گال بابا
- شمسوين إنتِ وصفاء ؟؟
نصيت راسي وگلت بهمس
- ممسوين شي بابا
سحب الحزام بسرعه وضربه بالهوى رعشت عاط
- شمسوووييين
بچيت بسرعه عود يخوفني بتصرفه هـٰذا مايدري هيج يخوفني ومايخليني احجي وهوَ هل مره خلف كلمته الدائماً يگول بيهه
(كلشي بالسياسه يصير )
بعمره ماضربنه وبس سياسه يعني وآني صغيره ماضربني يريد يضربني واني مره شكبرني وبطني لخشمي ؟؟
جاوبت ببرود
- ممسوين شي
- وهـٰذا جسمج شبيه؟؟
- گرصتني نمله
ضحك بصوت عالي وعاط
- لج شايفتني جاهل كدامج ؟؟
مايوم ماسويت الردتي واخر شي طلبتي تداومين عياده وفتحتلج عياده على حسابي بس ايجارهه 650 بالشهر بأرقى المناطق ومن اجرتهه كتلج رجل ماكو مو بعد يومين وتكولين اريد رجلي وهوَ هانچ ونزل من قيمتج لو يعزج مايخونج ويتزوج عليج بس شسويتي رجعتيله مثل الجلب انتن بناتي تحب اليهينچن ذيج لاطشتله وانتِ نفس الحاله عود مرات اكول احسن من اختهه تتحمل بدونه بس طلعتي اسووء
- بابا لـيش هيج معظميهه ممسويه شي غلط تره هوَ رجلي
عااط بعلو صوته
- إذا رجلج ارجعيله مو تطلعين وياه وانتِ ببيتي والجوارين تدري بيج مطلگه هسه شيگولون فهمينيي
- بابا ممسويه شي غلط ليـش هيج دتعيط ومحترك گلبك
- رجلج مو روحيله بعد مااستقبلج روحي !!
بقيت صافنه يعني هاي طرده لو شيسموهه !؟؟
- يعني شنـو
- فوتي خابريه وگليله تعال اخذني
- بابا ليش هيج تسوي
- فوووتي خابريييه يلا بسرعه
بچيت ونزلت راسي راح ارجعله واني الممنونه والسبب لساني لو ساكته !!؟
رحت خابرته ثانيتين وجاوب
- الـو هلا حبيبي
- صفاء تعال بابا يريد يحجي وياك
- ممم مبين ختماتي جابن نتيجه ؛!
- شنـو انتَ سويت هيج عناد بيه موو؟
- افى اني هيج اخلاقي (ويضحك)
تخبلت عطت بيه
- بسيطه صفاء والله اندمك خووششش
بقيت اغلي من الحرگه يعني اني وبابا خربت علاقتنه بسببه ..!!
ربع ساعه ووصل لبيتنه عبالك منتظرني اتصل بيه !!
دخل للاستقبال وبابا وياه ..
شويه وكالت امي بنتر وماتباوع بوجهي
- يلا كومي حضري غراضج
- يعني سويتوهه صدگ ؟
- اي يلا من إيدچ
بجيت ودرت وجهي رحت للكنتور عزلت غراضي ورحت للاستقبال
دخلت لكيته هوَ وبابا يسولفون ويضحكون ..
سلمت وكعدت سولفو شويه وصفاء ترخص من بابا !!
ودعت اهلي وابجي ..
وصلت يم بابا ردت ابوسه دار وجهه مباشرةً نزلت دمعتي وشهگت بصوت مسموع ..
مايباوع بيه ابدد كال
- الله وياكم امانتي يمك صفاء
- اخليهه بين عيوني
درت وجهي ورحت ركض للسياره وهوَ ينگل بالغراض ..
دخل بالسياره واني اباوع على اهلي من الجامه واودع بيهم بعيوني ..
بابا بقى واكف وهمَ دخلوا ..
شافنه رحنه وصارت السياره بعيده يلا دخل.
التفتت لصفاء
- سويتهه واستوت
- افيشش مرتي رجعتلي يابويه مااصدگ
بجيت والتفتت ع الجامه
كال
- شبيج بويه
- مااريد ارجع للقفص
- ياقفص يابه وابوج حطلي شروط تكسر الظهر
- شنو ؟؟
- ماتدرين بشروط ابوج؟
صفنت وكتله بإرتباك
- هـا ؟؟ لا لا ادري
وهوَ لان ماكو الوت منه كشفني كال
- والله ولا تدرين خل اكلج بيهن
اول نقطه تبقين بداومج وثاني نقطه تعيينج بعد شهر تداومين مستشفى وثالث نقطه اطلع من الشقع بس شغلة شهر ورابع نقطه وين ماتردين تروحين واهم نقطه مااضربج واذا شكيتي من راشدي طلاگ وبعد إاذا تجيبين تبقين يمهم بالمده الترديهه واجازه الج كل اسبوعين تروحيلهم
التفتت عليه كتله بإعجوبه
- وانتَ قبلت على ذني كلهن
سحب إيدي وكال
- لخاطرج كلشي يهون
- اممم
بقيت افكر ببابا رغم زعلنا خلالي كرامه ورجعني بكرامتي والي قيمتي

يتبع ..
عـبـرات الـعـبـادي

[لامارا]

رشفة عشق
الـعـبـاديـــه
البارت_34_


‏وأشاحَ عنّي بناظِريه مُـعاتِـباً
‏لـمّـا رأى حُسـنـي بـكل وقـارُ..
‏وأتاني مُسرِعاً يقـولُ “تخمّري”
‏إنّــــي وربُّ الـعَـالــمــيـن أغـارُ.
~~~~~~~~~~~~~~~~~~~~~~~~~~~~~~
إيڤان
وصلنا للبيت وردت انزل من السياره . لگيت نبأ واگفه بالطارمه ومنتظرتني انزل ومتخوصره ورافعه حاجبهه ...السياره دخلهه صفاء للطارمه وهيَ تنافخ وتنافس ..
اول مانزلت عاطت بصفاء
- رجعتها بالمبارك بس كون أرتاحيت ..؟؟
صفاء نتر بيهه
- فوتي جوه مااسمع صوتج يلا دي
- لا والله خوفتني
ركض عليهه سحبهه من شعرهه ودخلهه وهيَ غلط وفشاير عليه ماينلبس عليهه ثوب !!
هاي اول يوم مشكله بعدني ماشفت شي !
دخلت للشقه وخليته يضرب بيهه وصوتهه واصل لراس الشارع !
بقيت اتفحص بأرجاء الشقه نظيفه ومعطره مبينه تنظيف جديد ..
رحت لغرفتي وصفطت جنطة ملابسي ..
دخل صفاء وجهه أحمر وعيونه بگصته .. نزع جواريبه بعصبيه ولسانه ماسكت من الغلط عليهه ..
آني عاگده حواجبي ووجهي معفوس واصفط بالملابس بالگاع وهوَ ع الچربايه ..
گال
- إيڤان شما تحچي وياچ لاتردين عليهه خليهه ساكته چلب يعوي ويسكت
آني بحرگة گلبي عطت بيه
- اي والله هيَ عوزهه تغلط عليه وابقى ساكته واباوع عليهه شلون تهين بيه موو هيج تريد صفاء آغا ؟
- لا حبيبي مو هيچ بس خليهه تلغي وتسكت
- اگلك شنـو انتَ ماإلك نيه تطلگها ؟؟
صفن وعيونه تحيرن گال
- هـاا؟؟
- شـنو هـا صفاء طلگهه آني شرطي چان تطلگهه بس بابا گال خطيه والناس شتگول بس آني ميصرفلي الناس لان هيج نماذج تستاهل سم
- ماادري اشوف
وگفت على حيلي وذبيت الملابس من إيدي
- شتشوف مثلاً تريدهه گول خل ارجع من هسه
- يااريدهه يابه مااطيقهه اصلاً بس اسمهه يوغف على گلبي
- اي طلگ وفضنا
- هوَ اطلگ بس يعبر شهرين لان بعدهه عروس خاف يگولون بيهه عيبه
- طزز
- عوفينه منهه اليوم ممصدگ إنتِ يمي يوم عيد
إجه بأتجاهي وفاتح إيديه يريد يحضنني !!
اول ماتقرب يمي طفرت وعطت
- خير خير شكو
- مرتي يابه
- صفاء مااريد لتتقرب تدري بيه حامل
- اسهللج الولاده (ويغمزلي)
عصبت حيل من تصرفاته اقل تصرف منه صاير ينرفزني
دفعته وطلعت للمطبخ إجه وراي احتضن خصري بسرعه وسحبني عليه وحط راسه برقبتي ..
دفعته وتذمرت
- صفاء وخررر
عكد حاجبه وضاج ابتعد وكال
- لتسوين شي اني اجيب جاهز
- مااحب الجاهز
- مو انتي حامل واخاف على ابني يتأذه
- لا مابيه شي الحمد لله حامل مو مشلوله
- بكيفج
خليت اللحمه ع النار وبقيت انظف لان هـٰذا التنظيف ميعجبني احتمال اسراء منظفه ..
سويت الشقه تلمع وطبخت غدا مركة بيذنجان لان يحبهه صفاء ..
صبيت وصحته ياكل ويباوع بيه بنظرات لهفه واني مدنگه بس اشوفه بطرف عيني ..
كمل اكل وگال
- افيشش عاشت ايدج هـٰذا الطبخ مو الطبخ الجنت اكله يوميه والنوب اكثر مرگه احبهه
- بالعافيه
- يعافيج مرتي
ونيت بعدم رضا
- مممم
ضحك وراح سبح ونام ..
اليوم مارحت للدوام بقيت ..
ثاني يوم گعدت من الصبح سويت ريوگ وشغلت قرآن احب استمعله الصبح وحطيت السفره وحضرتله الحمام وملابسه وكويتهن هـٰذا كله خلال ربع ساعه .. اركض منا ومنا ..
كعد تمغط وصبح عليه باوعلي مبتسم كال
- احلى صباح بهيج وجهه
- يلا كوم اسبح تأخرنا ع الشغل
عكد حاجبه وكال
- تأخرنا ؟؟
ياشغل هـٰذا ؟؟
خزرته ولميت يفتي مثل العجايز الخبيثات من يسون هالحركه ..
- صفااااءءء لتسوي نفسك متعرف تعرف كلش زين ياشغل
- ممم ماالج نيه تتراجعين عن هالشرط
- لا مالي نيه كوم يلا هم يله توصلني وتروح لشغلك
تذمر وعكد حاجبه كام مزعوج وشمر الغطه حيل
- اووووووف
رفعتله حاجبي ماراضيه ولميت الفراش وعزلت الغرفه ولحكت ابدل ..
اني من اطلع احط مكياج بس خفيف جنت مااحط بس من الحمل احس نفسي تعبانه ووجهي احس مابي روح ف احط قليل ..
تمكيجت ولبست ملابس مستورات .. طلع من الحمام لگاني واگفه اتعطر ومبدله بكامل اناقتي ..
اول ماطلع ينشف بشعره ووجهه مغطه بالخاولي وخر الخاولي ورفع راسه عليه فتح عينه وانصدم ..
عكد حاجبه واشر عليه من الطول للطول
- شنو هاي
اني كتله ببرود
- شنـوو؟؟
- هـٰذا لبس هـٰذا
بقيت اتمقلج واتدلع بالبغدادي
- لعد شنـو لبس إيش ؟؟
- إيڤان غيري وامسحي
- وات وات وات ؟؟
- يلا إيڤان بسرعه تره احرمج الشغل
- تدري بالشرط ف مو بكيفك
عاط بصوت عالي
- بكيفي يابه بكيفيي اني رجلج وحر تدرين بيه اغار واشتعل غيره من هالتصرفات واللبس وخصوصاً جسمج ماشاء الله ماكو حاجه اگول
بقيت بنفس النبره مال التمقلج كتله
- اني مااگدر ابدل لان تأخرت
- إيڤان احچييي عدددل كافي هيج نبره
- امسح بس الايلاينر
- الحمره اهم شي
- مااكدر اعذرني
- تعالي اني امسحهه (وغمز)
اول ماعرفت تفكيره طفرت
- اني اني امسحهه وخر
ضحك وكال
- يلا
مسحت المكياج كلهوت وتخصرتله
- يلا خنروح
- بعد عباه وياج
- صفاااااءءءءءء
- يلا حبيبتي انتِ بس عباه وبالعياده ذبيهه
- اوفف
لبست عباه وطلعنا للعياده طول الطريق ينافخ ويتأفأف لو بيده يخليني محبوسه بالشقه ..
..
خلصت دوامي واتصل عليه اجاني ومن رجعنه شرطت عليه يفرني بالسياره يلا نرجع ..
وهم صدك فرني واشتره مسواگ للثلاجه مال الحلويات ..
رجعنا للبيت وگتله العصر يطلعني اريد استغل الفرصه واغير من حياتي الى متى باقيه وراه بعد بكيفي اقرر مو حابسني
كتله ماقبل عفست وجهي وبقى يحجي وياي مااحاجيه وزعلت ..
اخر شي استسلم ووعدني يطلعني ..
طبخت دولمه ولفيت سمبوسه وعصاير ومـي للعشا وصارت بالـ6 طلعنا لمنتزه الناصريه العام وفرني ع الشط الاضويه بالليل ومنظر الشط والنافورات النابعه والناس ع الملتمه ع الحشيش وفارشين سفره ويتعشون ملتمين واصوات ضحكهم مرتفعه ..
إضافه لمناظر الاشجار والخضار بكل مكان ..
شفت المراجيح والاطفال اشو اشتهيت اتمرجح .. كلت لصفاء
- صفاء مرجحني
خزرني
- اكيد تخبلتي
تنغوصت ورققت صوتي
- فدوه فدوه خل اصعد تحرك بداخلي احساس الطفوله اريد ارجع طفله
- ترجعين طفله لو تجيبين طفله ؟
- اجيب طفله واسميهه اسونه
- لا يجي يوسف
- اهووو صفاء اسونه والله
- اكلج كولي ليش تجذبين عليه مسويه سونار وشايفته بنت لو بس حجي؟
ارتبكت لان واني ببيت اهلي سويت بس محد يدري بس اني رحت لدكتوره صديقتي وكالتلي بنت
- هـاا؟؟ لا ممسويه
هوَ يعرفني من اجذب وجهي يصير احمر وعيوني مااحطهن بعيونه ..
رفع راسه بإصبعه وكال
- مسويه مو؟؟
همست
- اي
عصر عيونه وكال
- بنت لو ولد؟
كتله بواهس وطفوله وامد بالكلمات
- بنيه صغيرونه تخبل لو شايف شكلهه تموت عليهه اني كزكزت ودي بس اجيب
عفس وجهه وكال بنتر
- يلا كومي خل نرجع ونغير الغرفه
تفاجئت كتله
- صفاء شبيك ضجت تره هوَ رزق من رب العالمين
- لا عليمن ضجت الحمد لله (وتلمس بطني)
- بس شكلك يكول ضجت
نتر بيه
- إيڤان داكول ماضجت ليش تلحين
- علكيفك يابه شگلنه
- يلا كومي
لميت الغراض ورجعنا اول ماوصلنا لف راسه ونام !
ادري بيه ضاج بس ميعترف لان يدري بيه اكله رزق من الله وهوَ صدگ رزق لااعتراض على حكم رب العالمين وبعدين شبيهن البنات ..
غسلت المواعين على كيف خاف يطلعن صوت طگطگه ويگعدنه واتحرك بهدوء ..
دخلت للغرفه طلعت ملابس من الكنتور اريد اسبح ..
من فتخت الكنتور طلع صوت ..
اول ماطلع الصوت فز هوَ وكعد على حيله نتر
- متكولين شخص هنا مطمور
خزرته ورفعتله حاجبي
- اكلك لتنتر هيج تره اني مو دوشگ رزايل عندك
فرك وجهه وكال
- استغفر الله
سحبت ملابسي ورگعت الكنتور بكل قوتي ودخلت للحمام ..
..
طلعت لكيته متمدد .. مشطت ورحت نثرت شعري ع المخده ونمت .
اول ماغمضت حسيت بيه تقرب عليه ..
سحب شعري ويتلمس بيه ويخلي على خشمه ويستنشق بهداوه ..
اني غلست رغم گاعده ..
سحبني لحضنه بهدوء ودفن وجهه برقبتي ونام ..
..
گعدت الصبح بثگل ايده على بطني همست بصوت ناصي
- اخخ اخخ صفاء إيدك
رفع راسه بتثاقل ونعاس من شافني متألمه نظرلي بقلق
- هـاا شبيج ؟
- بطني تأذيني
- اخذج للدكتوره؟
- لا لا بس خل ارتاح إيدك على ثگلهه حاطهه على بطني وتأذيت
بوسني بخدودي وهمس
- آسف حبيبتي آسف خل اخذج كومي بدلي
- هسه اسوي اعشاب واصير زينه
- اني اسويلج بس نامي
- لا لا اني اسويه
- اشـش اني
راح سوه أعشاب وجابه إلي حار شربته وحسيت بإرتخاء بعضلات جسمي وارتاحيت حيل ..
ماحسيت على نفسي وغفيت
..
گعدني صفاء ع الغدا ..
يهمس بصوت خافت خاف يفززني
- إيڤان يلا حبيبتي اكعدي
- مممم
- كومي تغدي
من كال هيج رفعت راسي مستغربه
- غداويش؟؟
- ههههـه طبخت يابه
- صدگ؟؟
- اي والله
- شطبخت ؟؟
- برياني الا بشده
- لا والله صفاء احجي الصدك؟
- يابه والله طبخت كومي وشوفي
كمت مستغربه واشوف الميز مال الطعام مليان اكل ومقبلات وترتيب بطريقه مال مطاعم ..
غسلت وكعدت مبتسمه
اكلت طبخه كلش طيب مثل المطاعم تماماً
كتله
- يجنن شنّو مشتغل بمطعم؟
كال
- طباخ يابه شعبالج
- هههـه بعد انتَ اطبخ بس كول مشتغل بمطعم
- اي من جنت صغير حيل اشتغلت فتره مؤقت
- اكول
- اي يابه شعبالج
- ههـه
كملنا ماخلاني المس العوده كال
- روحي الج اجازه اسبوع لاشغل ولادوام
باوعتله بنظره عود كشفتك
- هـا اگول كاتل روحك بس كون مااداوم
- لا والله بس علمودج واصلاً بعد متطبخين منا لما تجيبين
- ههههـه لا خطيه انتَ
- لا عيوني من اتعب اشتري جاهز اريد اصير ابو بيت
- ودوامك صدك؟؟
- اكعد بالـ7 اطبخ واروح
- لا صفاء تتعب
- معليج يابه معليج
- ههههـه
..
بقيت مااداوم وحطيت دكتوره صديقتي لما اجيب يلا ارجع ..
وبقى صفاء يطبخ ومدللني ماالمس اي شي بس ملابسه اغسلهن واكويهن لان ماخليته واحضرله الحمام قبل لايسبح ..
بيوم نايمه وصفاء طالع للشغل ومركب الغدا ضحكت على دلاله طلعت دلالي اله قاطات ..
بقيت اغسل ملابس واسمع قصيده ومااحس الا الباب اندفر !
ترگع ترگع بالدگه ركضت فتحته واشوف نبأ !!
عطت بيهه
- امو واحد هيج يدك الباب؟؟
رفعت إصبعهه تهديد
- باعيلي لج من اليوم تنزلين تنظفين البيت تخليه يلمع و أي قذاره ماريد
ضحكت بإستهزاء وصوت عالي
- ههههههاي دتتشاقين موو؟؟
- لا صدگ احجي مو خدامين عندج احنه نشتغل وننظف وانتِ كاعده هنا
رفعت صوتي وحچيت بجديه
- اسمعي حبابه اذا تنظفين ف ماتنظفين الا قذارتج ووصخج اني شكو انظفلج كافله بيج قابل وهسه راويني عرض اجتافج
- والله تنظفين
دفعتهه من متنهه
- اطعلي بابا اطلعي
سويت هيج وهيَ مباشرةً سحبتني من شعري واني هم سحلت شعرهه ودنكت راسهه للگاع حيل اول مادنگت صارت بطني مقابيلهه ضربتني بوكس عطت ودفعتني وگعت على ظهري
الدم گام ينزل من بين رجليه وهيَ مباشرةً نزلت تركض ووجهه انخطف
- اخخخخ صفااء وينككك
اريظ ازحف اوصل للتلفون ماكو رجليه بايدات وجسمي نحلان والألم يذبح مااتمناه لعدوي..
بقيت ازحف وعيوني تصب دمع ..
وصلت للموبايل دگيت اسمه وخابرته اشهگ
- صـ.. صـ.. صفاء الحگليي
- هـا عمري شبيج شصاير
- نبأ وگعت إبني
- شششنننووووووو احرگ الدنيا غير
- تتـ.. تعال
- جاي
بعد ماحسيت على شي ..
گعدت بعد فتره طويله على صوت ضوضاء ومستشفى واضويه طاگه بعيني ..
فتحت عيوني صفاء لازم إيدي ومگابلني
اول مافتحت دمعت عينه .!!
انصدمت گتله بصوت متقطع
- لاتگولهه !!
بنتي صاير بيهه شي؟؟
رمش بعيونه وبقى ساكت
عطت
- صفففاااء احجييي
- مابيهه شي شبيج
- جذاب اكيد تريد بس تسكتني
سحب إيدي على بطني وكال
- تلمسيهه
من تلمستهه ارتاحيت وحسيت بيهه
- شصاير بيهه؟؟
- ماكو شي بس رادت توگع وتلاحكنا عليهه سولج ربط
- الحمد لله
نبأ وين؟؟
- طلگتهه بنت الكلب
- خطيه
عاط وخزرني
- إيڤااااان
- اعتذر يابه
اني بيه طبيعه اذا الشخص اذاني مااكرهه ابد احقد عليه اي بس اكره لا ومااتمناله الشر لان متعودين من احنه صغار هيج علمونه اهلنه الدنيا زايله ماكو حاجه للكره والحقد ..
رجعت للبيت لكيتهه نظيفه الحمد لله منظفين الدم ..
بقى صفاء على دلاله الي وجبت بنيه سميتهه يقين لان جان عندي يقين يجي يوم وربي يعوضني بتعبي ..
والحمد لله ..
بعدهه صار عندي يوسف وجان نسخه مصغره من ابوه حتى العيون خضر وابيض گطن وارث البياض مني وحواجبه ثخان وشگر عليه ههههـه بس الشگار لاابوه مو إلي ..
ردت اقفل على بنيه وولد بس رب العالمين رزقني ببنيه لخ سميتهه اسينات ولقبهه اسونه .. ..
~~~~~~~~~~~~~~~~~~~~~~~~~~~~
حـوراء
آخر قرار إلي چان ماارجع لعباس وأيقنت نفسي لعبانه منه ومن تصرفاته بس من إجه خبر گالو تطوع بالحشد تخبلت صح لازم يدافع عن الوطن بس اني مااگدر افارگه لان اليروحون ذوله مستغنين عن ارواحهم وانطوهه فداء للوطن وهوَ هيج فكر بس بنفسه مافكر بيه وبطفلي المقبل ..
إتصلت عليه ميجاوب تخبلت !!
بقيت اتصل تقريبا 400 مكالمه قليل اتصل من 3 العصر لـ12 بالليل مامليت ابدد ولحظه مانهيت الاتصال ينقطع وارجع اعاود ..
بقيت ابجي ودموعي تصب ..
دولي رساله قصيره خلتني انهار
( اني رايح للموت لتتصلين)
بقيت اشهك والطم وازلغ بخدودي اموت بلياه لا اجذب على نفسي والله ..
اتصل الجهاز مغلق عززا !!
اهلي التموا عليه ووجهي صار اصفر وتخربطت ميته وجع ..
امي انطتني عصير برتقال شربته اشو كمت اغفي ونمت محاسه على نفسي طلعت حاطتلي منوم .
..
گعدت الصبح على اصوات اهلي همس !
نزلت ع الدرج واسمع ابويه يگلهم
- شلون نگول الهه خاف تتخربط
رائد .. يابه هوَ يريد يموت خلوه حتى تتندم وتنجر اذنهه ويظل ضميرهه ياكل بيهه
امي كالت .. اني مااگدر اگلهه واشوف بنتي تموت مقابيلي
نزلت ركض من سمعت كلامهم
- ماما شصاير وياه شبيه؟؟
كلهم ساكتين ..!!
عطت بصوت عالي
- احجوو ..
ماكو كلام
بجيت وعطت
- عليكم الله احجوا مات مو ماات؟؟
- لا لا مامات بس تصوب
اغمى عليه وكعدت على ضرباتهم ركضت لبست شال وجبه وكتلهم
- اخذوني هسه يلا
بابا كال
- بعدهم بالمستشفى ماجابوه
- ميخالف اخذووووننيي اتخبل اذا بقيت
ركض رائد حضر السياره وصعدني وصلت لبيت جدو ابجي وحضنت خالتي وبقت تعاتب بيه
- ليـش هيج ولج ليـش شكد راد يشوفج قبل لايروح بس لا يشتشهد وينحرم شوفتج جرحه خطير
- خاله اشش ميصير بيه شي اني ادري وبعد مااعوفه والله
- ان شاء الله مابي شي
بقوا مده طويله يلا اجوا للبيت مايقبل يبقى بالمستشفى يكرهه مايطيقهه اصلاً ..
اجه وياه ممرض يعتني بجرحه صاير بكتفه ..
اول مادخلوا كلنا ملتمين واني واگفه اباوع عليه وابجي
رفع راسه شافني باوعلي بعتب ودنگ اني شبعت بجي ..
بقيت اشهگ ..
العالم كلهه يمنه وتسلم عليه ويتحمدوله واني اريد اروحله وحدي ماكو.
اخر شي خالتي كالت راح اصرفهم كلهم وروحي لان مشتاقلج حيل ..
راحت ورجعت اشرتلي
رحت جسمي يرجف واطگگ بأصابعي من التوتر ..
سحبت نفس ودخلت للغرفه جان ممدد بس كتفه مستقيم ..
دخلت وباوعت بيه خجلانه ودنگت ..
هوَ شافني وجر حسره ..
بقيت واگفه بالباب واطگطگ گال بهمس
- تعالي هنا ( اشرلي على مكان يمه)
رحت يمه صفن بوجهي بنظرات ماانساهه للموت ..
عيونه تحجي عتب ووجهه تعبان
همس
- ميت عليج خفت لااموت ومااشوفج
حطيت اصبعي على حلگه وهمست
- اشششش لتتفاول
- اخخ يابه مشتاقلج كلشش تعالي احضنيني
- كتفك مو زين
- معليج بس تعالي هسه يطيب
تقربت سحبني لحضنه مباشرةً وبقى يطبع بوسات على راسي وخدودي ويشم بقوه
- اخخ عطرج مشتاقله حيللل
- واني هم مشتاقتلك ليش متجاوب عليه
- اشش خلي الماضي ماضي وعوفيني بأبني الكبران
بقى يتلمس بطني ويبوس بيهه فرحان ..
كال
- ترجعيلي مو؟
بسته بخده وهمست
- اكيد بس بعد ماكو ضرب ؟
- اي وعد رجال ودراستج ترجعيلهه بس ها للسادس وخلاص
- امم يلا ميخالف حتى اذا ذبني الدهر عندي شهادة السادس اتعين عليهه
- خوش اني اقريج معهد طبي يابه
- هههه متواضع
- كلشش
- مبين ههه
استمرت حياتنا وعباس ماقصر عليه وبطل عادته مال الضرب وكملت سادس طلعت معدل 70 وگعدت ماكملت كليه لان يغار عليه وهم صار عندي مصطفىٰ مخبلني اني وابوه وكح حيل ومدنفش يخبل خدوده مال عض هههه وحالياً حامل ببنيه
ولهنا وانتهت قصتنا وياكم واكيد ماانتهت حياتنا مستمرين عشناهه بكل تفاصيلهه ومرينا باسوء الظروف ورب العالمين واكف ويانه لان جان مختبرنا واحنه صبرنا وانطانه ..💜
إصبروا فإن الصبر جميل ❤
(ان الله يحـبُ الصـابرِين) صدق الله العظيم

اتمنى استمتعتوا بالقراءه واخذتوا العبره من القصه ..
واترك للابطال المجال يكملون حياتهم بدون تدخل مني ومنكم ..
تتفضلون بره لو لا😂
لا هالمره مااطردكم هالمره بابي مفتوح على هالقصه اللطيفه 👇 تعالو واتشرف بيكم حبيتكم شخص شخص وجانت كل وحده تعلق وتصوت من انزل البارت البعده ابقى انتظرهه وهيج وياكم كلكم احبكم كوممممممااات💜
وياكم اضافه لااخيتي الضلعه بس يزيد حسابهه تنشر قصصهه Aya_Alabadi

[لامارا]

[فيتامين سي]

السلام عليكم ورحمة الله وبركاته

كيف حالك إن شاء الله دائما بخير ؟

رابط لتحميل الروايه


هنــــــــــــــــــا


قراءة ممتعة لكم ................

[ندى تدى]

رائعه جدا جدا


شكرا حبيبتي ووفقك الله