آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-10-18, 12:08 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  على أعتاب قلبي / بقلم فينوس آرام ، عراقية مكتملة
| |||||||||||||
|  |
|
19-10-18, 12:16 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته قصتي الجديدة .. #على_اعتاب_قلبي.... قصة عاطفية تجمع دينين .. مختلفين .. نرجع وياكم للثمانينات من القرن الماضي .. رغم الحرب والنيران والدمار لكن الحب يبقى گالبرعم الصغير يحاول ينبت بين هالاشواك ويزهر 🌺......قصة تجمع بين جيلين مختلفين كل جيل اله طقوسة وتوجهاته ....طبعا كتبتهة باللهجة المصلاوية البسيطه جداا يعني كسرتهة باللهجة البغدادية .. الي قروهة بالواتباد فهمومه لكن اتصوروني كاتبه اللهجة غلط .. لا حبايب مو غلط اني تقصدت اكسرهة باللهجة البغدادية حتى تكون مفهومه وبنفس الوقت متفقد مصداقيتهة لان ما اكدر اكتبهة باللهجة البغدادية وهية احداثهة بالموصل... طبعا تنويه حبايب القصة مو قصة حياتي لاا ابدا قصة مختلفة تماما عن قصتي الشبه الوحيد تجمع اديان مختلفة 😍 ابديهة وياكم يوم الخميس الساعة 9 مساءا ان شاء الله.... #فينوس_آرام ⚘  | ||||
|
| |
|
19-10-18, 12:21 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| على_اعتاب_قلبي البارت الاول ⚘⚘⚘⚘⚘ بقلم فينوس آرام الاحداث..سنة 1983 بمدينه الموصل الحدباء.. في زمن الحرب العراقية الايرانية كانت الحرب مستعرة والخوف والقلق مسيطر ع الناس حتى البعض منهم اليأس تملكه بسبب هذه الحرب لأن صارلهة 3 سنين ومدتخلص وهواي ناس يأسو وكالو هالحرب مالهة نهاية لأن ماكو اي بادرة لايقاف هذه الحرب وانتهائهة وطبعا الحبل ع الجرار من الشهداء الجابوهم من الجبهات بمختلف الاعمار...المتزوج وعندة اطفال...والي بمقتبل العمر وشاب ماشاف شي من حياته ...والجبير بالعمر الشيبة... اشكال اخذت هالحرب ...بالاضافة للمدنيين الي استشهدوا بسبب القصف ..كانت اعداد الضحايا كبيرة جدا ...بهذيج الايام كانت كل عائلة من مختلف الاديان عدهة طقوس معينه تسويهة من يشتد القصف وتنطلق صافرات الانذار كل عائلة تتعبد حسب طريقتهة وديانتهة...تضرعا للرب حتى يشعرون بالامان من نيران هذه الحرب ويرتلون ويندعون ويتأملون تكون نهاية هذه الحرب قريبة حتى تخلص ع خير...ينتهي الليل ويطلع فجر الصباح معلن بداية يوم جديد يزرع التفائل بقلوب الناس..عسى ان يكون يوم خير عليهم وعلى كل العراقيين..ف? بعض العوائل يطلعون لأماكن تعبدهم مثلا للكنائس اوللجوامع .... ورغم هذه النيران🔥 والقصف والحرب الدموية القائمه....لكن الحب💘 يبقى موجود مثل البرعم 🌱الصغير...يحاول يشق طريقة وينبت ويزهر بين هالنيران والاشواك المحيطة بيه..الحب مو بيد الانسان حتى يتحكم بي ...هو نعمة من الرب ينزرع بقلب البشر بدون تخطيط مسبق ...ميكدر الانسان يتحكم بعواطفة ومشاعرة تجاه شخص معين... الحب يخترق القلب💘بدون استئذان ولارخصة من احد... الحب لا يعرف عمر.... ولا دين ولاثقافة ...ولا شكل....الحب لغة العالم الموحدة الي كل الاديان وكل دول العالم بكل لغاتهة تفهمهة وتعترف بيهة 😍💘 تبتدي قصتنه وية بنوته اسمهة اوليانا😊... الاحد؛ 28/8/1983 ابو ايفان☆☆ واقف جنب سيارتي بالكاراج وانتضرهم صارلي نص ساعة.. دختو وتعصبتو كثير من تأخيرهم ...فتو للبيت وانا اصيح ....📣يلة يابابا دنروح للكنيسي وين صرتووو.. راح نتأخر هاكذ ع القداس خلصو بقى... ام ايفان☆☆ابتسمتو من اغشعتو(شفت) ابو ايفان عصبي ومتنرفز هو هاكذ على طول قلتولو..جهزنا وخلصنا كل شي.. ليش اتصرخ ياعيني اعصابك مو مليح هاكذ على صحتك ابو ايفان☆☆📣 اشوقت نصل الضهر؟ اي احترام للوقت ماعندم يبقون ولادكي مخربطين وهوسي... كبرو وبعدم مايعرفون اشقد الوقت الو قيمي ايفان☆☆والله يابابا احنا مخلصين وقاعدين بس الخانم لازقة بالمرايي صارله ساعة ابو ايفان☆☆ اي يابابا بمكان ماتحكي عليها روح اغشعهة (شوفهة) كملت او لا..استعجلة خليهة تجي هوني اوليانا☆☆ سمعتو ايفو يحكي عليا😠 ..طعلتو ركض من غرفتي وبيدي ساعتي ودة احاول البسا ..دحقتو عليه وطلعتلو لساني وعيبتو عليه وقلتولو..سمعتك يامكروه تحكي عليه انا لازقه بمرايتي..😒 اصلا اجنن ومايحتاچ اغشع(اشوف) نفسي بالمرايي.. ايفان☆☆🐸 لعد ليش لازقه بمرايتك صارلكي ساعة.. اوليانا☆☆ هوووف باباا احكي معو خلي يفك ياخة عني بقى 😒 ابو ايفان☆☆اختك الصغيرة لاهاكذ معاهة ايفان☆☆ منو هذه الصغيري 😒دغشعهة (شوفهة) صارت اطول مني ترة اوليانا☆☆😱يعرف بية ماحب حدا يقلي صرتي اطول مني حكيتو معاه بنبرة مجانين . .اااانا صررتو اطول منك... لا يا عيني انت القزم مو انا الطويلي ايفان☆☆ 😑 مسكتهه من شعرها وقلتولها تعاالي وليك منو قزم خاف صدقتي حالكي اطول مني اشلحي هالكعب واريد اغشع اشطولكِ تصيرين اوليانا☆☆ أأأأي باباااا ابو ايفان☆☆ ماناوين تكبرون ابد بعدكم على سوالف الچهال.. اترك شعرها ياابني دخلت الجيش وبعدك ماعقلت.. ايفان☆☆هذا تحيز ياوالدي 😐..دائما تحكي عليا وطلع الصوج بية ابو ايفان☆☆صاير يحكي فصحى ايفو افندي هههههه يلا بابا يلا راح اصعد السيارة قبلكم استعجلو اتأخرنه اوليانا ☆☆☺ ابتسمتو ابتسامه عريضةةة حتى اكيد ايفو بس ما اهتملي وخزرني بتك عينو وصعد حتى يسوق😒...صعدنه سيارتنه الشفروليت ستيشن موديل 1981 ... واتجهنا باتجاه كنيسة الساعة لتأدية قداس يوم الاحد.. لأن هذا اول اسبوع نجتمعو فيه من بداية الحرب لليوم ما انجمعنه سوا... اخوتي ايفان ونبيل جنود بالخدمي العسكرية بالجيش وصدفت اجازتم سوا هالمرة ... ف? بابا اخذنه للكنيسي حتى ناخذ بركات و ميصيبنه سوء باسم الرب يسوع ....دخلنا الكنيسي وقعدنه ننتضر القداس يبدأ .. كانت اجواء كثير حلوي .. بعض الناس كانو يرددون الترانيم .. وبعضم كان يسولف بغير مواضيع منهة الحزينه بسبب فقد اولادم من هالحرب ومنهة المضحكي.. والكنيسي ملياني ومكتضي ناس..اما الاطفال الهم عالمهم الخاص يلعبون بيناتم ومايعرفون العراق اشنو قاعد يصير بينو بسبب هالحرب الطاحني ..اكبر همهم هية النستلي كيف يحصلوها.......مرت 10 دقايق واجة القس وبدينا نأدي ترانيم والصلاة.. كملنه القداس وصار الوقت حتى نطلع .. وقفت ماما قبل لا نطلع من الكنيسي وشعلت5 شموع🕯وطلبت اماني متعددة 😊 النا... وطبعا مثل كل مرة فضولي قتلني وسالتها.. ماما اشنو اتمنيتي الي 😎 ام ايفان☆☆ طلبتو من ربنا تفوتين جامعه وارفع راسي بيكي مثل اخوتك الاكبر منكي اوليانا☆☆ 😐 جامعه يا امي... يعني مصممة اكمل جامعه طيب ع الاقل اقعد هالسنه والله تعبتو من البكالوريا..وبعدين ياامي احنا بحرب ماتخافين يجيني صاروخ يطيرني☻ ام ايفان☆☆ياربي سترك بدة الحكي التافه والماصخ الي مالو معنى ...بعيد الشر عنكم يابنتي اشنو هالحكي وبعدين هالحرب صارلها سنين لا انتي الاولى ولا الاخيرة اداوم جامعه ابو ايفان☆☆ هذا اشلون حكي بلا... اشنو تقعدين هالسني .. بنتي الايام تركض والسنين تجري وهذه حرب مانعرف أشنو تاليهة واش راح يصير .. خلصي جامعه واقعدي مايخالف بس تبقين على شهادة السادس لا ما مقبولي.. ايفان☆☆ 😑 واحني يا امي مزتوتين (مشمورين) بأخر القائمي ماحصلنا دعوة قلبيي حلوي منكي علمود ست الحسن والجمال اوليانا خانم ام ايفان☆☆ هههههههه لا ولك ماما اشلون انساكم طلبتو اهم امنية الكم ..يحفظم الرب يسوع من هاي الحرب وترجعولي سالمين انت واخوك نبيل ... ايفان☆☆ وبس 😐 ام ايفان☆☆ ههههه لا لتخاف طلبتو نذر ثاني الك..من القديسي (يوستينا) لان حبيبتك نفس الاسم تحمل..طلبتو منها يكون تصير حبيبتك يوستينا من نصيبك حتى لاتبقى خابصنا بيها ومصدع روسنا.. ونذرت اوقف اباب الكنيسي واوزع بقلاوة للناس الرايحيي والجايي من تتزوجها ههههههه ايفان☆☆رحتو اركض على امي مسكتوها وابوس فيها ... قبان (فدوة) قلبكي ياحنيني اي والله يا امي اشوقت ننجمع انا وياها ادعيلي كثير بقلبكي ادعيلي اشوف هاليوم بسرعه... اوليانا☆☆😒 شكو عليك هالسني تتخرج الخاتوني وتتزوجون مابقى شي...بس المصيبة انا الوراية 4 سنيين ادرس😭 .. ايفان☆☆وليك لاتحطين عينكي عليي مثل الغراب اوليانا☆☆ماما والله كثير 4 سنين دراسي كملتو حياتي كلها بس ادرس اريد اشبع نوم ونسات طلعات اسهر على التلفزيون مو بس دراسي😭 نبيل ☆☆ الحرب عالقه وتريد تشبع طلعات وتسخت الخانم اوليانا☆☆ 🐸مستعدي اطوع بالجيش بس اخلص من الدراسي ايفان☆☆اليدخل هاكذ حرب احتمال كبير مايطلع منها سالم ..لذلك اهل يوستينا احتمال كبير يعارضون ومايوافقون على زواجنا ام ايفان☆☆بعيد الشر يا ابني اشنو هاالحكي اليوم شبيكم كل شوي ويحد( واحد) ذابلي حكاية ماناقصني احباط ترة ...ان شالله تخلص هالحرب عن قريب وترجعون لحضني انت واخوك.....دمعت عيوني حسيتو حيلي انهد قعدتو على كشن السيارة وقلتولو... ياماما انا ما ناقصني قهر لاتحكي هاكذ معي والله ماعندي حيل يحمل بعد هموم يكفي تشائم😢 اوليانا☆☆ 😦كسر قلبنة ايفو بهالكلمتين قلتولو.. بعيد الشر عنكم ايفو حبيبي.. اتقربتو عليه وقرصتو من خدو وقلتولو.. هنة اصلا يحلمون يناسبونا اهل يوستينا وين يلقون ويحد مثلك .. يما فديتو اخوتي احلى عرسان ايفو ونوبي نبيل☆☆ 😈فزيتو من سمعتو كلام اوليانا مسكتوها من شعرها وقلتولها...وليك سحليي لا دخليني بهالدوامي منو قللكي اريد اتزوج اوليانا☆☆😂 أييي وك عيب الناس تشوفنة هاكذ تضحك علينا ويروح البرستيج ولك عوف شعري بقى نبيل☆☆هو اانتي بقيتي بيها عيب تحكين كل حكاية بقد راسك.....ياعرس يازواج اريد اطفر للخارج بس اخاف عليكم اذا اهرب من الخدمه تروحون بالرجلين ابو ايفان☆☆ هههه اذا نبقى على سوالفكم لباكر ماتخلص وانا ورايا شغل ..يلا امشو اصعدو السيارة اتأخرنة .. اوليانا☆☆صعدني بالسيارة وقعدنا.. حكينا شوي اول الطريق ...لكن بعد دقايق عم الهدوء وبقينا كل شخص يفكر بحياتو وبأمورو الخاصة.. كانت اكبر امانينا هية الراحة النفسية والامان وندعي الرب انو مانفترق ابد ويحفظ اخوتي بالجيش ويرجعون النا سالمين من تخلص هالحرب.. ⚘طبعا اعرفكم بنفسي اسمي اوليانا من عائلي مسيحيي معروفة....مواليد 1965 عائلتي ميسورة الحال.. تتكون من ماما وبابا و4 اخوان 2 اكبر مني و2 اصغر مني..علاقتي جدا حلوي بأهلي لاني الوحيدي على 4 اولاد ف? ?نتو مدلله..متعودتو اهلي يرفضولي طلب ابدا كل الاريدو مطاع مجاب..والدي انسان عصامي كان يشتغل حداد بشبابو... كد وتعب علينا الى ان الرب وفقو وفتح معمل للحدادة.. وشغل بينو عمال وتوسع المعمل وكبر وصار الشغل مستمر.. والشكر للرب صارت امورنه المادية ممتازة لانو كان يلزم مقاولات للدولة ويشتغلهة.. اما ماما تصير قريبتو لبابا... من امي اتخرجت من السادس اعدادي بابا راسا اتزوجة.....ف? بقت ماكملت جامعة لانو حملت باخي ايفو .. لذلك هية جدا مصرة اكمل جامعه احسهة تريد تعوض الشي الفقدتو فيني......اخوتي الاكبر مني ايفان ونبيل متخرجين من الجامعة ويخدمو بالخدمة الالزامية بالجيش..ومن ينزلو بالاجازي يشتغلون مع والدي بالمعمل.. وانا واخوتي الاصغر مني دريد ورامي بعدنا طلاب ندرس.. مشت الايام وصار وقت التقديم وقدمتو ع الجامعي وانا كارهة الدراسي 😑كنتو اتمنى ..ابقى بالبيت وما اداوم.. لكن ماما وبابا عدهم الشهادة اهم من كلشي جبروني اقدم للجامعه واكمل تعليمي..اخذتو كتاب التقديم وضليتو صافنه علينو😐واقرة الاقسام الموجودة... ..هووف ياربي كلها يرادلها قراية ودراسة وانا مالي خلق ادرس واتعب واسهر بعد..رأسا صار قبالي قسم التربية الرياضية😀ايييي رياضة .... هلا هلا وين اكو اسهل منهاااا اشو دتعاال.. اشرتو✔ على هالقسم وخليتو اول القائمي 😎.. كل عقلي التربية الرياضية سهلة مجرد تمارين وحركات وطربكه لا تدريس ولا وجع راس .... رجعتو للبيت وانا فرحانه لأن قدمت للجامعه حسب رغبة اهلي ابو ايفان☆☆ ها يا بابا بشري قدمتي ؟ اوليانا☆☆ ☺ اي بابا قدمت لاتخاف عليا راح اخلص جامعه واتخرج مثل ماتريدون ام ايفان☆☆ اشنو اختاريتي ياقسم بشريني اوليانا☆☆ 💃 رياااضة 😎 ابو ايفان☆☆ اتفاجئتو 😳من قالت رياضة... رياضة ؟ اوليانا☆☆ اي 😊 ابو ايفان☆☆يلا طالما راغبتهة انتي خلص بالتوفيق ان شالله يابنتي ام ايفان☆☆ رياضة😱انفعلتو كثير وصرختو عليهة....وليك اشنو رياضة..اشنو هالقسم انتي معدلك 76 اي قسم بي خير روحي..ليش قدمتي على رياضة وليك فهميني ليشش.. اوليانا☆☆ يا امي 😢صدقيني تعباني من الدراسي مالي خلق ادرس بعد ولا بيني حيل.. وبعدين هية كلها نفس الاشيا..بالنهاية راح اتخرج واتصير عندي شهادي بكالوريوس مو هوة هذا الي تريدينو ابو ايفان☆☆ هههههه ليش بابا عبالكي قسم التربية الرياضيي سهل ومابينو تدريس؟ اوليانا☆☆ يامعود يا بابا حتى لو بينو قابل اشنو قمزو تخصرو ركضو قيام جلوس وفضت راحت😁 قابل اشنو هية.. ابو ايفان☆☆لزمتني الضحكه بس ماضحكتو ماحبيتو اصدمها وتصير عدها ردة فعل من الجامعه... ام ايفان☆☆😡 وانتي كل عقلك انا اخليكي تكملين هالقسم اوليانا☆☆ 😦 ابو ايفان☆☆ ام ايفان لاتدخلين بمستقبلها هذا اختيارها ومن حقها تقرر القسم الي تريدو ... ام ايفان☆☆اشتقول انت؟ معدلهة 76 يدخلهة فروع علمية كثيرة ..اتروح قسم رياضة ليش ابو ايفان☆☆ لا معدلها ولا اشي .. باركي جهودهة ولا تعترضين على طموحها ترة هية الي دتدرس مو احنه.... التفتتو على اوليانا وقلتولهة...الرب يباركي يابنتي وتحققين احلامكي ان شالله اوليانا☆☆ اوي حبيبي بابا بس انت تفهمني قمزتو عليه وبقيتو حاضنتو وابوس بينو😗... ••••بداية ايام القبول استدعونه وعملوونة اختبارات😳 بقيتو صافنه و مصدومه ... هية تربية رياضيي يعني اول وتالي اصير معلمه رياضة واقضيهة مع الطلاب ركض بالساحه اشنو هالاختبارات وتدريب ودرجات.. ماصدقتو الوضع وبقيتو مستغربة ياربي خرب واهسي من الرياضة ...حاولتو اغير القسم اكثر من مرة.. لكن كان اكو شي يمنعني اقدم ع غير قسم واتراجع عن التغيير.... بس حسيتو نفسي اتورطتو لان بيها اختبارت يعني اكيد مو سهلي وهيني مثل ماتصورتو😑صار الدوام ودخلتو الجامعه انوب انصدمتو اكثرر😖لأن اغشعتو التربية الرياضية بيهة كتب وشرح يعني همينا دراسة 😭حتى لو سهلة بس حسيتو نفسي اتورطت و اتندمتو كثيرر لان قدمتو تربية رياضيي ياربي لو رايحة اقسام ثانية ع الاقل اقول التعب يسوى ...بقيتو الوم بنفسي عزة العزاكي اوليانا صخام الصخمكي ابيش ورطتي نفسك 😭 داومتو اول يوم بالجامعه وانا طالعه روحي ما اتحمل كلمي من ويحد حتى ما اعتنيتو ولا اهتميتو بروحي مثل عوايدي☹ كنتو دائما اسوي تسريحات بشعري( نكرو او دالاس) وموديلات كثيرة.... بس اليوم مالي نفس فتحتو شعري ويادوب مشطتو تمشيط بسيط وحطيتو مكياج سريع من ورة خشمي ولبستو تنورة قصيرة سودة وقميص ابيض والحذاء اسود كعب3سم وطلعتو.. اغشعتو ماما وبابا واخوتي دريد ورامي قاعدين يتغيقون (يتريكون) سلمتو عليم وقعدتو معاهم ام ايفان☆☆ اوف يانار قلبي يوستينا راح تتخرج هالسني وتصير مدرسة رياضيات اشقدة واشكبره.. وبنتي راح تتخرج مدرسة رياضي وتركض ورة الطلاب بالساحه خرب حظي اوليانا☆☆😑 ماما ترة والله انا بالموت جابرة نفسي حتى اداوم لاتسمعيني هالكلمتين من الصبح هسة اطشر كلشي واقعد مااروح ام ايفان☆☆ ديلا حبابي ع اساس راح تجيبيلي شهادة الطب ابو ايفان☆☆ ام ايييفان بسس اتركيهة يكفي هالكلام هذا الترغب بي على اشنو تعارضيهة... وبعدين يوستينا مدرسة واوليانا همين راح تكون مدرسة ف? اشنو معنى كلامك ام ايفان☆☆ 😒 لابلا ابو ايفان ☆☆خزرتها بنضره لام ايفان وقلتولها..... كافي عاد اتركيهة اوليانا☆☆ يلا انا اروح راح اتاخر على الجامعه ..طلعتو اخذتو تكسي حتى اوصل للجامعه ..بعدنه باول ايام ماعدنه خط..وصلتو ونزلت وتمشيت شوي بالحرم الجامعي وصلتو لبناية الجامعه قبل لا ادخل للقسم اغشعتو صديقتي نجاة هذه البنوته جيرانه بنفس الشارع ونعرفم معرفة سطحية مو قوية بس اتعرفتو عليها بالاختبارت اكثر وصارت صداقة قوية بيناتنا نجاة☆☆ ولك يلا استعجليي لا تبقين هاكذ تتمندلين بالمشي راح يجي الكابتن مابقى وقت امشي استعجلي اوليانا☆☆ دحقتو الهة بضوجه وقلتولها.. اوي ديلا على اساس داخلين قسم رياضيات... هوة خلق تربية رياضيي 😒 نجاة☆☆😐 دتتكلم اوليانا وغشعتو وراهة كابتن عزيز صديق اخوية جورج .. ضليتو متبسمرة بمكاني ..قلتو خلص راح ننطرد من القسم لان هوة مايتحمل ويحد يحكي على قسم التربية الرياضيي يعتبرو اهانا المصيبي اوليانا ماتعرفو لان هو ما اجى بوقت الاختبارات... يبوو بس لاتجفص بالحكي معاه اوليانا☆☆ شبيكي على ايش ادحقين.. اشنو شفتي جني وخرسيتي 😐 عزيز☆☆وصلتو للقسم واغشعتو البنات واقفات اباب القسم ويحدة منن اختو لصديقي جورج والثانية الكانت تستهزء ما اعرفها ...وانا عقلي يطير من ويحد يستهزء بهالقسم يعني مامحترم المادة ولا الاساتذي.. وقفتو وراها وعيني تقدح نار.. حكيتو بحديه معاها......ياخانم اذا معاجبكي القسم ليش قدمتي علينو؟ اوليانا☆☆ عزة وصخام منو هذا ويقف وراية التفتو اغشعتو رجال مو اسمر ولا ابيض خمري ع بياض ورموشة طوال عيونو كبار 😍و مربوع طولو حلو اشوي اطول مني مو كثير شواربو ثخيني وطويلي.. شعرو اسود .. دحقتو عليه باستغراب و جاوبتو...وانت شعليك ليش هاكذ تحكي معانا خاف الجامعه مالت اهلك واحني ماندري 😒 عزيز☆☆ تنرفزتو اكثر.. وفتحتو عيني عليهة وقلتولها....اي مالت اهلي..وهسه اذا ماتدخلين للقسم قبلي وتحترمين الوقت اقدم بيكي كتاب للعمادة وافصلكي 3 ايام ... اوليانا☆☆ من قال هاكذ😦عرفتو هوة استاذ هوني.. بس مشكلتي متحملت اسلوبو مااتعود اسكت اذا ويحد يحاول يهني رفعتلو تك حاجبي واريد اجاوبو....اجتني نجاة طايري علية وسحبتني من ايدي.. نجاة ☆☆ اسفين كابتن اعتذر نيابة عن صديقتي ..وبعد ماتتكرر وعد صدقني .... جريتة من ايدهة ودخلتو ركض للقسم.. وليك يالعوبة هذا استاذنا.. اسمو كابتن عزيز اوليانا☆☆اوي شمعرفني استاذ قابل مكتوب على جبينو حتى اقراه... وبعدين هوي شدعوة هاكذ متحمل علينا نجاة☆☆وج اشش اسكتي بس خلي لسانك بحلقك وقعدي بمكانك راح ننطرد من وراكي.. اوليانا☆☆ 😒 هوف ياريت.... دخل كابتن عزيز للقسم وبدة يتعرف علينا .. هوة صح غثيث شوي وماينجرع ومتكبر وشايف نفسو كثير بس عندو حضور قوي وشخصيتو حلوي ينكت ويضحك مع البنات وبس يدحق عليا يخزرني بعيونو 😐.. مرت اول ايام وانا مالي واهس بأي شي..بالموت اداوم من لا جارة... كارهة اختصاصي وانوب كابتن عزيز كملها عليه باسلوبو ...ياربي اشلون.. هذا كلش صارم وشديد معانا اذا شافنة بيوم متقاعسين عن المادة الي يدرسة يعتبرها اهانا الو وللمادة وينزل بينا اقسى العقوبات بتمارين رياضية شديدي تكسر ضلوعنا 😒 عبالك جيش عندو مو طلاب 😭..قيعدلنه ع الزلي.. ويتحلف بينا.. احسو يتونس على عقوبتنا.. اووف اشراح يخلص هالاربع سنين معانو😑.. ⚘⚘مر حوالي شهر ونص على الدوام .... بديتو شوي شوي اتعود على قسم الرياضة لان خلاني بنشاط وحيويي اتغيرت حياتي عن قبل كنت خاملي وما اقدر اتحرك ودايما ماعندي حيل لكل شي..... بس حاليا لا كلش حيوية ونشيطي واحلى شي نزل من وزني حوالي 1كيلو تقريبا 😍... بهالفترة بديتو انتبه واحس باهتمام الكابتن بيا ولو يحاول مايبينها ويسوي نفسو صارم معايا لكن من اطلب ريست او اطلع اي عذر حتى ما أئدي التمارين رأسا يعذرني ومايلح معايا مثل البقية😏اعترف كنتو احاول ازوغ (اتهرب ) من الرياضة خصوصا من اشوفة شوي صعبي بس التمارين السهلي لا اركضلة ركض😁 ⚘عزيز☆☆يلقبوني بالكابتن استاذ جامعي مواليد 1955 ..حاصل على _________؟ يتبع...............⚘ ان شالله البداية عجبتكم 😊.. راح دكولون اللهجه مو صحيحة هذه مو المصلاوية .. بس كلتلكم راح اكسرهة بالبغدادي حتى تصير القصة مفهومه وان شالله تعجبكم... وبالمناسبة القصة مو قصة حياتي ابدا قصة حياتي بعيدة تماما عن هالقصة اصلا بطله القصة اكبر مني بهواي😊 .. و رأيكم بالقصة يهمني حبايب ... | ||||
|
| |
|
19-10-18, 12:24 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صباح الخير تضاربت الاراء ع القصة الي مؤيد والي يكول مافاهم اللهجة ... بصراحه اني كلشش مبسطتهة وما اتصور بيهة شي غير مفهوم ووجهة نضري من الظلم نكتب قصة تدور احداثهة بالموصل بلهجة بغدادية صرف لان كتبنه بجميع اللهجات العراقية الوسط والجنوب واهل الموصل قروهة ويانه ليش نستكثر عليهم قصه مبسطه بلهجتهم .. حبايب وع العموم مو كل البارتات بلهجه المصلاوية لا راح تتغير للبغدادية بالاحداث الجاية... اتمنالكم متابعه ممتعه..... #على_اعتاب_قلبي البارت الثاني⚘⚘⚘⚘⚘ بقلم فينوس آرام عزيز☆☆ يلقبوني بالكابتن استاذ جامعي حاصل على شهادة الماجستير ودة احضر للدكتورا ... اشتركتو بكثير من العاب ومسابقات محلية وفزتو بالمركز الثاني وعندي مداليتين فضية اوليانا طالبة عندي..من اول دخولها الجامعة چذبت انتباهي... بنت رشيقة طويلة شعرهة طويل لخصرهة ... ولونو فاتح على اشقر مو اسود يسحر العين...لون عيونها جوزي سبحان الخلقهة جدا حلوي وتچذب الانضار الها بشكل اجباري..بس كانت تختلف عن باقي البنات لان دايما معبسة وقالبة خلقتها ☻ ههههههه بس الي افتهمتو ما كانت راغبة هالقسم وسمعتوها ببداية الدوام تستهزء بينو 😡 وانا بطبعي اضوج من الشخص اليستهزء بالتربية الرياضية واشد معاه..ف? شوي شديت معاها بالبداية حتى لاتبقى تستهزء بالمادة.. مرت الاسابيع الاولية وبدت نضرتي عنها تختلف ..مو مثل اول لقاء.. شفتوها اشقد هية حيوييطة ومرحى وعفوية ومو متكبرة مثل ماضنيتها...كلشي بيهة يجذب ويسحر ضحكتهاوعصبيتها...بسمتها ودمعتها كلامها وهمسها كلة بكفة ونزاكتها واناقتها بكفة ثانيي حتى من يكون عدنة درس عملي وتلعب رياضة مع البنات ساحة وميدان..كنت اشوفهة تختلف كثير عن البنات المعاها... ركضتا قفزتها حركاتها كلها بانوثي ورقة... حاولت اخفي اهتمامي فيها خصوصا من قريتو اسمة الكامل بالاضبارة وعرفتو هية مسيحية.. رميتو القلم من ايدي وحسيتو بغصة بقلبي رغم بعدني ما اعرف مشاعرها تجاهي.. لكن مشاعري تجاها اذتني جدا... بقيتو اتكلم مع نفسي واحاول اقنع روحي.. خلص عزيز انت مسلم وهيي مسيحية يعني بالمختصر مستحيل نكون لبعض..حاولتو كثير اتجاهلها بس ماقدرت كنت بنضرة منها اضيع بعالم ثاني... من غير تصرفاتي الطفولية والعفوية تجاها..خصوصا اذا وقعت ع الارض او عثرت او صار شي معها اثناء التمارين اروح اركضلها مثل الطفل حتى اسندها واقومها..حست اوليانا اني مهتم بيها واستغلت هالامر وبدت سلسلة من الاعذار حتى ماتأدي بعض التمارين وبسبب لهفتي عليها كنتو اعطيها عذر وبدون تحقيق معاها او عناد مني.. رغم انو هذا مو طبعي اكون متهاون لهذي الدرجه مع الطلاب.. مر الوقت وانتبهتو على نفسي جدا متمادي بتصرفاتي معاها..ومن يومها صار صراع بداخلي ماقدرتو اتخلص منو ✅ههههه ولك عزيز اشنو صاير اول تالي هاكذ يصير بحالك ... لك اثقل شوي ... ✔ولك اشنو بيدي واشأسوي القلب ومايهوى مو بيدي ياعزيز مو بيدي والله.. ✅واشنو تتأمل ماتقلي هية مسيحية وانت مسلم وهاكذ زواج شبه مستحيل لا اهلهة يوافقون عليه ..ولا اهلي يقبلون بيها اصحى على نفسك وبطل لعب...الطلاب انتبهو عليك ولك وهالامر كبير بحقك اصحى عاد.. ✔قفلتة يول.. خرب حظي .. منين ما اجيبة عوجه وماترهم ... اووف استغفر الله يكفي تفكير واترك كلشي للزمن منو يقول هية تفكر بية اصلا ههههههه يسويها البخت وتطلع تحب واحد ثاني وانا قاعد واخطط هوني ههههههه ..لزمتو نفسي بصعوبة عنها وبديتو اشتت انتباهي من تكون موجودة قدامي.. اوليانا ☆☆ مر اكثر من 3 اشهر على الدوام بالجامعه واتعودتو على كابتن عزيز صرتو احب تواجدو واحب اهتمامو بيا.. واذا يوم يتغيب احس شي ناقصني رغم ماصار بينا اي كلام خاص ....صار وقت محاضرة الكابتن والتمارين صعبة قلت لنونه.....نونه انا رايحة اعتذر بأي حجة للكابتن مابية حيل العب اليوم والله متكسرة عظامي.... نجاة☆☆ همينا ؟ماتقليلي اش حتفتهمين من التمارين ولك اذا اليوم ساكت عليكي الكابتن بنهاية السنة اشنو تسوين اشلون تنجحين؟ اوليانا☆☆ يامعودة كل عقلكي تحكين...تربية رياضيي يعني الدوام لازم يكون سهل طربكه اشنو هالكابتن مستلمنه من اول يوم دوام لليوم اشكال التمارين... حتى جسمي تكسر نجاة☆☆ ايباه جسما تكسر المسكيني... على اساس دتلعبين معانا اشو مقضيتها تعتذرين وهوة ساكت اوليانا☆اي غير اخذ ريست لنفسي لان تعباني ومالي خلق☻أتمرن معاكم.. وهوة شفتو كثير حباب وقلبو طيب مايرفضلي طلب نجاة☆☆😏روحي حبابي اش اعملك بعد اوليانا☆☆ يلة انا اروح 😘 عزيز☆☆ دحقتو اوليانا دتجي وتتقرب علية حكيتو بصوت عالي .. يلا للقاعة اول اشي وبعدين نتجه للساحة والميدان حضرو نفسكم خلال ربع ساعة جاهزين..كملت كلامي ولزمتو كتاب بايدي وبديتو اقلب بصفحاتو وسويت نفسي مامنتبهلة .. اوليانا☆☆وصلت بجانب الكابتن وضل قاعد بمكانو ويتصفح بكتابو مو مثل كل مرة كان يوقفلي واحكي معاه 😐 استغربت من تصرفو لكن ما اهتميت كثير.. قلتولو...اشونك كابتن عزيز☆☆صوتها لحن يخلي الاصم يسمع .....رديت عليهة بتثاقل.. اهلين اوليانا☆☆حكيت وانا مدنكه راسي ... بليز كابتن ممكن اليوم مااحضر التمارين عزيز☆☆راسا جاوبتها وعيني بكتابي مارفعتها.... طلبك مرفوض 🚫 اوليانا☆☆ 😳انصدمتو اول مرة يرفضلي طلب راسا سالتو.. ليش كابتن صدقني تعباني عزيز☆☆من حكت هاكذ انهد حيلي بس قررت اواجه عيونها لشوقت ابقى اتهرب منها.. سديت الكتاب ودحقت بعينها وقلتولها ..عندك عذر طبي؟ اوليانا☆☆ من غبائي وشدهتي اتسرعت بالاجابة ومعرفتو اكذب ..لا كابتن😐 عزيز☆☆ خلص اوليانا طلبك مرفوض .. وتفضلي مع زملائك اريد ابدي التمارين هسة اوليانا☆☆ حسيتو جاف بكلامو معي..اشنو القصة اشبي ليش هاكذ يعاملني..طلعتو من القسم واتجهت للقاعه...بس كنتو كثير ضايجي من اسلوبو معي.. رحت وقعدت على دكات الاحتياط نجاة☆☆ كنت لازمه كرة السلة بايدي ونلعب انا والطلبة شفت اوليانا فاتت للقاعه وقعدت على دكات الاحتياط رحتولها ركض وسالتها.. ها ولك اكيد نطاكي ريست مو؟😉 اوليانا☆☆ لا !! نجاة☆☆اشعجب؟ مو عوايدو😏 اوليانا☆☆ اش عرفني اشو يحكي بتثاقل معي ما اعرف اشنو ألسبب.. ليش هاكذ اتصرف معي؟ معقولة يكون سامع شي عني؟ نجاة☆☆ عمي لاتكبرين الشغلة وهية ماتسوة قابل اشعدكي حتى يسمع عليكي شي.. طلبتي ريست من الكابتن وماوافق عادي جدا ترة .... بس انتي مكبرة الموضوع زيادة عن اللزوم اوليانا☆☆ بس نجاة يعني بعد كل هذا الاهتمام الشفتو من الكابتن فجأة يغير اسلوبو معي.. نجاة☆☆ لان تريدين الصدق يا اوليانا لو تزعلين؟ اوليانا☆☆ دحقت الهة باستغراب .. قولي ما ازعل نجاة☆☆بصراحه يا لولو انتي زيدتيهة كثير وصارت زيادة عن اللزوم سوالفك.... اشقد صارلنا نداوم وانتي من تأدين التمارين معانا عبالك مسوية منية ع الكابتن ... اوليانا☆☆ 😐 نجاة☆☆حبيبتي انتي طالبي هوني حالكي حالنه يعني غصبا عليكي تأدين كل التمارين الصعبي والسهلي لان بالاختبارات النهائية يشمروكي خارج الجامعه يعني يطردوكي لو يرسبوكي.. وترة بالمناسبة هوة همينا يتحاسب على فشلك مو بس انتي .. اوليانا☆☆ اعرف 😐 نجاة☆☆ لعد لا تضلين صافنة اذا تعرفين.. دحقتو عليها بعدها مامغيرة ملابسه قلتولة ولك امشي لبسي الملابس الرياضيي قبل لايجي الكابتن... دة احكي معاها ودخل استاذ عزيز ...يبوو دايما يجي بالوقت الضايع اوليانا☆☆ ولك ملابسي اخذتهن للبيت دتغسلهن ماما وماجبت غيره نسيتو 😯 نجاة☆☆ اشنو هالثقة العجيبة العندكي بالكابتن 🤔 اوليانا☆ غير هوة كل مرة يسمحلي وعبالي اليوم همين نفس الشي وتعرفين ماعدنا اليوم بس محاضرات الكابتن ف? اعتمدتو وماجبتوهن😐 عزيز☆☆ فتوو للقاعه وشفت اوليانا ما لابسة الملابس الرياضية...جمعتو الطلاب كلهم وقلتولهم جاهزين... اوليانا☆☆😑 عزيز☆☆ التفتتو على اوليانا وحكيت معاها بحدية شوي.. اشو بعدكي بهالملابس ؟ ليش مامغيرتهن مو تعرفين عدنه تدريب اوليانا☆☆😐أ_أ_أ_.. بقيتو مرتبكه ما اعرف اشنو احكي راسا نطت نجاة بالحكي ونقذتني نجاة☆☆ استاذ كانت شوي دايخي وهسة صحت..جريتهة من ايدهة وقلتولهه يلة كافي دلع وروحي غيري ملابسك حبيبتي.. وجريتها مسافة عن الكابتن اوليانا☆☆همستو.. ولك ياصخام ياملابس مو تعرفين ماجايبتن... نجاة☆☆همستو..مانسيت يالثولة ولي اخذي تراكسودي انا جايبة 2 معاي باللوكر مالتي محسبة حسابك يالهبلة اوليانا☆☆ همستو.. ههه لك فدوة اشقد احبكي انتي منقذي بدونكي اضيع نجاة☆☆ 🐸 خبلة وصرتي برقبتي اشأسوي لازم اداريكي.. اوليانا☆☆ ايااا عوبة انا خبلة نجاة ☆☆همستو.. ولك امشي عاد كافي تتلوكين راح تجينه رزاله معدلي من الكابتن.. اوليانا☆☆😐 🏃 عزيز☆☆ كان عذر نجاة واضح كذب ...بس سكتو وعديتها بمزاجي خليتها تروح تغير ملابسها..دقايق واجتي لابسة تراكسود شوي قصير عليها وطالعة تموت ضحك😂 .. اوليانا☆☆ خرب حظي هذا يمكن دايضحك على هالملابس 😑 الله لا ينطيكي نجاة لو عايفتني متعاقبة ولا لابسة تراكسودكي حتى ملابسكي عوبة مثلك☹ نجاة☆☆ولك هاي اشنو شطالعه يخبل عليكي التراك ☻ اوليانا☆☆ انجبي😒 نجاة☆☆😂 عزيز☆☆كتمتو الضحكه بقلبي ...وبقيتو ملامحي قاسية...كنت احكي معاها بشكل طبيعي ولاكأن صاير شي... بس بالتمرينات 😈خليتها مع كل فرقة بالقسم تلعب رياضة وماعطيتها ريست لان ماكانت تأدي التمارين بشكل صحيح .. اوليانا☆☆ ما خلصتو التمرينات الا وانا ميته من التعب حسيتو عضامي تكسرت من الالم كل تمرين اعيدو كذا مرة ومايقنع الكابتن بسهولة😒 من غير بكل عزة لطامي مع كل وجبة من الطلاب العب رياضا ماعندي ريست اقعد وارتاح حسيتو بنفسي انقطع كوة اجر النفس وجسمي يركص لوحدو من التعب😭 .. ولك نجاة... تكسرتو الله لا يعطيكي ولا يعطي الكابتن ولك عظامي انطحنت طحن من وراكم ما دة احس بجسمي ... نجاة☆☆ ايا عوبة ليش تحكين عليا😒 اوليانا☆☆ مو انطيتيني تراكسودكي لو مالابسة التراك ومتعاقبة بالدرجات مو اشرفلي 😭 نجاة☆☆تستاهلين☻اشقد كنتي تتهربين من التمرينات لو ماشية عدل كان هسة حالكي من حالنا اوليانا☆☆ 😒 انجبي عاد نجاة☆☆😂 يلة حبابة ارجعي للبيت واقري المواد عدنا امتحان باكر .. اوليانا☆☆اووف 😧....رجعتو للبيت كوة امشي رجلي توجعني دخلتو لقيتو امي قاعدة بالهول تشوف تلفزيون وقالبتو على قناة العراقية وطالعه اغاني حربية وهوسة وامي صافنه عليها قلتولها....هلو ماما اشلونكي ام ايفان☆☆ هلو ماما هلو حبيبتي اوليانا☆☆شفتو عيونها حمر فزيت وشمرتو الحقيبة من ايدي وركضتو عليها.. شبيكي ماما اشنو صاير ليش تبكين سمعتي شي ..صاير شي؟ ام ايفان☆☆ لا ياماما ياستار بعيد الشر ان شالله ماكو اشي.. اوليانا☆☆ لعد ليش عيونك حمر وهذا البكي على اشنو ام ايفان☆☆ خايفة على ايفان ونبيل يابنتي ....كل اشوي يذيعون بيان بالتلفزيون واغاني حربية وهوسي وقلبي مامرتاح ابد ... اوليانا☆☆ ياا امي وقعتي قلبي .. اي اتعودنه على هالوضع صارلنه 4 سنين بالحرب قابل شي جديد لو غريب علينا... مشيت خطوتين وقعدتو يمهة ام ايفان☆☆هاي شبيكي ماما ؟اشنو صاير؟ ليش هاكذ تمشين اوليانا☆☆ ☹حكيتو لامي كل الي صار... يا ماما خلاني الكابتن العب مع كل الفرق بالقسم ومانطاني ريست...يقلي التمارين مو مضبوطي ام ايفان☆☆ ههه تستاهلين مو ردتي شهادي بدون دراسي وتعب واختاريتي هالقسم .. اوليانا☆☆ اهوو بدت الشماتي .. اي بس عاجبني وحلو هالقسم 😒 ام ايفان☆☆ لعد ليش تشتكين اذا عاجبكي.. أدي التمارين واسكتي... يلا هسة قومي غيري ملابسك.. ابوكي على جية حتى اصب الغدة ونتغدة سوى اوليانا☆☆ اويلي ياربي اش راح يصعدني الدرج خرب اشلون ورطه هاي لاوفوقاهة امي متشمته بية ..بقيتو صافنه واحكي مع نفسي هسة انا ليش غرفتي فوق اشراح يصعدني 😭.. أي يارجلي ولك قوميييي عاد راح تجي امي تضحك علية مرة ثانية.. قمتو ووقفت على حيلي.. بالموت مشيتو وصعدتو الدرج احس اصابعي مورمه..غيرت ملابسي ونزلتو شفت بابا ودريد ورامي سلمتو عليهم وقعدنا على الطاولة ومثل كل مرة صلينا كلنا قبل الاكل حتى نشكر الرب على هذه النعمه وبدينه بالاكل ابو ايفان☆☆اليوم بالمعمل اجى جرجس شوي قعد يمي ....شربنا شاي وسولفنا ودزلكم سلام ... ام ايفان☆☆لااا هلا.. اكيد جاي ياخذ فلوس منك؟ مثل كل مرة ابو ايفان☆☆ ام ايفان لشوقت نبقى بهالسيرة الف مرة قلتولك طالما اخوهم الكبير عايش بخير من واجبي انطي لاخوتي المحتاجين... ام ايفان☆☆ محتاجين؟ منو محتاج منم؟ اشو كلم يلعبون لعب بالفلوس وبعدين تعال اقلك تتذكر سنة 1978من وقعت بازمه ماليي واحتاجيت فلوس اشو ولا ويحد من اخوتك وقفلك.. كلم عافوك وبقيت لوحدك تفر براسك اشلون ادبر الفلس ... تتذكر لو اذكرك ابو ايفان☆☆ ضليتو هادئ بكلامي رغم ام ايفان صايرة نار وشرار قلتولهة ..ياعزيزتي يبقون اخوتي ومافرط بيهم وعلى العموم مو هذا موضوعي ام ايفان☆☆ياا حظي كل ما احكي وياك وقلتلي هالكلمتين وتسكتني .. هاي كلها فلوس اولادنه وحقم كل مرة يجي واحد من اخوتك وياخذ لو 200 لو300دينار ماتقلي ليش؟ اشنو احنه قاعدين على بنك وانا ما اعرف هاي كلهة جمعناها بشقانا وتعبنا ماحد ساعدنه منهم بفلس احمر تتذكر اشلون جمعنا للمعمل فلس على فلس وسويناه .. والخير اليجي منو هذا ذخر لأولادنه هما احق بيه... ابو ايفان☆☆انتضرتا تكمل بس ماهتميتو لكلامها ابتسمتو الها والتفتتو على اوليانا وقلتولهة...بابا اسمعيني عمكي جرجس اجة اليوم حتى يطلب ايدكي لابنو باسل اشنو رأيكي؟ اوليانا☆☆😳 باسل؟ ام ايفان☆☆ اشنووو باسل ؟انا انطي بنتي لبيت اخوك ليشش انضربتو براسي اتخبلتو جايزة من بنتي ابو ايفان☆☆ كاااافي.. كلمة زايدي اطلع من البيت وبعد ماتشوفيني.. اشنو قصتك ام ايفان ماكنتي هاكذ ام ايفان☆☆ واشلون تريدني اصير وانت جاي فرحان بابن اخوك ..بلا هذا همين واحد يأمن يعطي بنتو؟ ابو ايفان☆☆ لا فرحان ولامكيف... هية بنت واشكال يخطبوهة ومن واجبنه نقللهة فلان خطبك وعلان رادك ام ايفان☆☆ ومن واجبنه نبههة ع الزين والشين .. مو ياهو اليجي عليها نكيف ونجي نركضلها ونقلها خطبوكي ابو ايفان☆☆اركض اشنو؟ اشو صايرة ماتعرفين تحكين معي .. ام ايفان☆☆ ..يعني...مو قصدي فهمتني غلط ابو ايفان☆☆ خليني اكمل... لا انا جايز من بنتي ولا متعاجز منا بس طالما ابن اخوي رادا وفكر بيا لازم اعطيها خبر... وكلش زين تعرفيني خواتي ماغصبتهن على الزواج مو عاد بنتي اجبرها...وبعدين الف مرة قلتولك خليهة هيا تقرر مصيرها ليش تدخلين بحياتة استغفر الله جريتو نفس والتفتتو على اوليانا .... بابا القرار انتي تقرري ماحد يجبركي على شي ابد.. تريدين باسل ابن عمك او لا اوليانا☆☆ صدقني بابا مامفكرة بالزواج هسة خلي اتخرج والله كريم كلشي بوقتو حلو ام ايفان☆☆ كلش انقهرت من هاكذ ردني.. يعني انا امهة مالي حق عليهة يا ابو ايفان؟ ليش هاكذ اتجاهلتني وماهتميت الكلامي... للأسف ماكانت هاي المرجوة منك ابد ابو ايفان☆☆ تركتو الاكل وحطيت الملعقة ع جنب وقلتولة لأن ماحبيت تكبر السالفة وياكي ام ايفان صعدو او نزلو يبقون اخوتي وعمام ولادكي... لا اسمح لويحد منم يحكي عليكي ولا اقبل تحكين قدامي عليهم ... ام ايفان☆☆ مشكور وماقصرت .. بس خلي ابالك اوليانا ماتصير لباسل الا من اموت ذاك الوقت خلي ياخذا عود.. اوليانا☆☆ياستار ياربي..يامعود بابا والله انا ما افكر بباسل ابد صدقني حالو حال ايفان ونبيل واصلا فكرة الزواج مو ابالي.. ابو ايفان☆☆ طالما فكرة الزواج مو ابالك خلص راح اقللهم تريد تكمل دراستها وبعد وقت على هالكلام ام ايفان☆☆ وليش ماتقللهم ماتريد تتزوج ابنكم ؟ لو عندك امل تاخذ ابن اخوك ابو ايفان☆☆ مو قصة عندي امل.. بس منا لاربع سنين كلشي يتغير.... ليش نقطع الطريق عليم ام ايفان☆☆ وانا قلتولك على جثتي تشيلني جنازة من هالبيت يلا تزوجها لابن اخوك اوليانا☆☆ همستو.. هالطلابة ماتخلص اليوم. تركت الاكل وقمت غسلتو ايدي وقلت لامي.. ماما انا صاعدة لغرفتي شوي انام لان تعباني.. من تصير ساعة ب 5 قعديني عندي امتحان ام ايفان☆☆ ان شالله ماما اوليانا☆☆ صعدتو لغرفتي وارتميتو على السرير..... بقيتو اتقلب اريد انام ما اقدر من التعب ..بس افكر بالكابتن.. نضراتو حركاتو عصبيتو ضحكتو نرفزتو..وليك لولو شدتحكين عبد العزيز مسلم ومستحيل يتم هاكذ زواج.... زواج 😐هههههه😂هههههه سويتو زواج وهوة بعدو لاحاكي معي ولا مفاتحني بالموضوع حتى ماقلي كلمه احبك😁 خبال اي والله .. اقوى شي يطلع هذا كلا اوهام مني ولا يحبني ولاصخام ☻اشلون فشلة ياربي لا ودة العب دور جولييت العاشقة الولهاني والخايفي ع حبيبها من اهلة 😂 دة روحي ادرسي الامتحان لايطين عيشتكي.. يمكن اذا يشوفني ماقاريا يخليني 4 ايام العب رياضة ههههههههه هزيت براسي وضحكت ولزمتو كتابي وبديتو ادرس... ام وايفان☆☆ ابو ايفان هالموضوع انساه لخاطر الله انا احلم ازوج اوليانا لشخص مركزو كبير بالمجتمع انت تقلي ابن اخويي؟ ابو ايفان☆☆ هالكلمه كبيري تنحكي قدامي اشنو مركز كبير بالمجتمع؟ ليش ابن اخي اشبي واخوتي اشبيهم اشناقصهم ام ايفان☆☆ تريد اذكرك بسوالفم كلها ترة ماعندي مانع واقعد احكيلك لباكر لا اتعب ولا اسكت ابو ايفان☆☆هذا الموضوع صار ماااضي ام ايفان☆☆ ماضي بالنسبة الك مو الي .. تتذكر من كنا بعازة اللقمه .. تتذكر اشلون اخوتك الصغارر مثل ماتسميهم لعبو لعبتهم واختلسو فلوسك؟ واخذوهن ونكرو عليك كل شي...ومن حكيت امك تقلك مايخالف يبقون اخوتك واحنا بوقتهة بس ربناا يعرف بحالتنا المادية اشلون كانت واشولون عايشين تتذكر اشلون اخوتك طردووك بوقتها من رحت تشوف امك وتريد تشكيلها....هوة هذا جرجس الي هسة اتريد تعطي بنتي ضنااايي تتذكر من وقفلك بالباب اشنو قالك جرجس وشنو حكى وشنو عمل ..تريد اذكرك بعد ابو ايفان☆☆قمتو على حيلي واخذتو سويج سيارتي وقلتولهة.. انا راجع للمعمل .. ام ايفان☆☆ كلما اجيب هالسيري تضوج وتتركني وتطلع ..روح الله معاك بلكي هالكلام يصحيك وتتذكر سوالفهم العوجا السووها معاك...صعد السيارة ابو ايفان وطلع.. عاد انا راسا صعدتو لأوليانا صحتولها... لولو..لولو يلا قعدي ماما صار العصر فتحتو الباب ودخلتو... اها قاعدة مانايمه ؟ اوليانا☆☆ اي ماقدرت انام قلت ادرس شوي ام ايفان☆☆اتقربتو عليها همممم.....وليش ماقدرتي تنامين يا ماما؟ اوليانا☆☆بديت امغط جسمي واجر بايدي ... من التعب ..يا امي تعرفيني من اتعب بعد ما اقدر انام ابد.. ام ايفان☆☆حطيتو عيني بعينهة..يعني مو علمود ابن عمك؟؟ اوليانا☆☆ لا اشجاب ابن عمي بالنص؟ ام ايفان☆☆اجيتو وقعدتو يمها ع السرير وقلتولها...لولو انتي تريدين ابن عمك؟ اوليانا☆☆ لا يا امي صدقيني مامفكرة بي واصلا مامفكرة بالزواج من اساسو ام ايفان☆☆ شوفي يابنتي.. انا مو ضد باسل لا ابدا ماعندي اشي معاه بالعكس هوة ضاهريا خوش ولد ..بس ما اقدر انسا العملوه عمامكي معانا وخصوصا جرجس كثير استغلالي وهاكذ بشر ماتقدرين تعيشين معاهم.. لان من زمان عينهم على حالنا ومالنا وخصوصا من اشترى ابوكي المعمل وتحسنت احوالنا بفضل الرب بعد ما عمامك اختلسو حق ابوكي بس الرب فرجها علينا وصار عدنا بيت وسيارة ومعمل وهنة من يومها ماتركونا بحالنا حاطين عينهم علينا ونافسينا وكل بلاوينا من تحت راسهم وعيونهم الماتنفقس....ماتشوفين حتى فلوسهم طارت وخسروها لان سرقو حق ابوكي وهسة رجعو علينا مرة ثانيه اوليانا☆☆ خلص حبيبتي ماما اعتبري ماحكو شي بهالموضوع..ورجعي الامور طبيعية بينك وبين بابا.. وصدقيني باسل ابن عمي وبس مافكر ب?شي ثاني ابدا.... اطمئني ام ايفان☆☆ ربي يكملك بعقلك اكثر واكثر يابنيتي..طيب لاتقولين لابوكي اجيت وحكيت معاكي..تعرفي يتحسس من يم اهلو..زين ماما اوليانا☆☆ خلص حبيبتي لاتشيلين هم.... قرصتني من خدودي وبوستني وطلعت.. ضليتو ادحق على ماما شلون محروق قلبا ..خطية كثير تضوج من عمامي وحقها.. همة فعلا استغلاليين جدا... هذا الامر كلنا نعرفو وحاسينو وشايفينو بس بابا قلبو طيب زيادي عن اللزوم ومايقبل يعترف بهالامر 🌲مشيت الايام وانا على نفس الروتين لكن انضبطتو بالتدريبات وصرتو استمتع بتأدية التمارين اكثر وبديتو احب قسمي جدا.... اما عزيز ..كان يوم عن يوم يزيد اعجابي بيه بس مقدرتو ابينلو هالامر....يعجبني اهتمامو بيه وغيرتو عليه..صح مايقدر يضهرهة بشكل علني بس نضراتو وتصرفاتو فضحتو تجاهي.... وانا همينة ماقدرت اقاومو😓ضحكتو وسامتو خفة دمو حتى عصبيتو وخزرة عينو عليه حبيتهة.... نجاة☆☆ امشي تنفوت للكافتيريا هالدرس عدنا ريست خلي ناكل لقمه راح اموت من الجوع اوليانا☆☆ولك انتي بس تاكلين ياالله بخت اشقددد تاكلين وماتسمنين مو مثل حالي 😭 نجاة☆☆ وجع ان شالله عين الحسود بيها عود... عيني عينك تحسدني😒 لاخجل ولا مستحى اوليانا☆☆هوة انتي يفيد بيكي الحسد شأسوي من ضيمي احسدكي اشوفكي تاكلين كلشي وكلاشي الاكو والماكو.. ومثل المسطرة.. وانا حسرة عليه اشرب كاس عصير ازيد كيلوين نجاة☆☆ هههههه 5 اصابع بعيونك .. هسة امشي سريع عاد قتلني الجوع وانتي قاعدة وتحسدين مثل العجايز ...خرب اشنو هاي صار درب الكافتيريا ع الحدود اشو نمشي ومانصل 😅 اوليانا☆☆ههههههه ام بطن وصلنا الحدود.... دخلنا الكافتيريا وقعدنا قلتولها... اش تريدين تاكلين قولي..انا عازمتك هالمرة حتى لاتقولين لولو تحسدني نجاة☆☆ ايي فديتك يومية حسديني مثل ماتريدين بس عزميني على حسابك 😂 اوليانا☆☆ام بطن احكيي عاد اشنو تطلبين نجاة☆☆جيبيلي 2 سينالكو و2 علبة بسكت و2 نستلة اي نوع عادي كلشي يدخل بمعدتي و2 كيك ..لا اقلك ولا تقوليلي اشنو تشوفين قدامكي جيبي من كلشي 2✌ وبطل مي معاه😁 اوليانا☆☆😱 2 سينالكو ومن كلشي 2... ولك غول انتي وفوقاهة مامبين عليها خرب حظي الاسود اللطم😭 نجاة☆☆ ولك لاتصير عيونكي ضيقة مو انتي عازمتني وين عزيمتكي الي ياعوبة اوليانا☆☆ عمي قاعد حظك ومتربع همينا .. يلا اروح اشتري واجي... قمتو من الطاولي ورحتو اشتريتو.. اشقد عيب فرغتو الكافتيريا على ايدي مابقيتو شي ماجبتو لهاي المفجوعه حتى تشبع...كملتو مشترة ورجعتو دة امشي وانتبهتو على بنية ولد قاعدين ويضحكون بيناتم..ما اعرف ليش ضحكتو معهم ههههه نيالهم اكيد يحبون بعض ...اووف ياربي يوم ال الي واعيش هالشعور.... بقيتو امشي وانا ادحق عليهم ومركزة معاهم مثل المجنونه واضحك على ضحكم وماحس الا واستطدمتو بواحد انتبهتو عليه... اوبس كابتن عزيز 🙊... عزيز☆☆ __________؟ يتبع...............⚘ راح تكولون المسيحيين ميزوجن للاقارب .. صح بنسبة 95% من المسيح ميتزوجون اقارب لان يعتبرون اخوة ونفس الانسجه ونخاف من الامراض الي تنشاء من زواج الاقارب ... لكن مو حرام زواجهم الكنيسة ممحرمه هالشي لان الشماس الي يشتغل بالكنيسة سالته وكلي ابو وامه اولاد خاله واتزوجو لكن على مسوليتهم الشخصية | ||||
|
| |
|
19-10-18, 12:24 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صباح الخير تضاربت الاراء ع القصة الي مؤيد والي يكول مافاهم اللهجة ... بصراحه اني كلشش مبسطتهة وما اتصور بيهة شي غير مفهوم ووجهة نضري من الظلم نكتب قصة تدور احداثهة بالموصل بلهجة بغدادية صرف لان كتبنه بجميع اللهجات العراقية الوسط والجنوب واهل الموصل قروهة ويانه ليش نستكثر عليهم قصه مبسطه بلهجتهم .. حبايب وع العموم مو كل البارتات بلهجه المصلاوية لا راح تتغير للبغدادية بالاحداث الجاية... اتمنالكم متابعه ممتعه..... #على_اعتاب_قلبي البارت الثاني⚘⚘⚘⚘⚘ بقلم فينوس آرام عزيز☆☆ يلقبوني بالكابتن استاذ جامعي حاصل على شهادة الماجستير ودة احضر للدكتورا ... اشتركتو بكثير من العاب ومسابقات محلية وفزتو بالمركز الثاني وعندي مداليتين فضية اوليانا طالبة عندي..من اول دخولها الجامعة چذبت انتباهي... بنت رشيقة طويلة شعرهة طويل لخصرهة ... ولونو فاتح على اشقر مو اسود يسحر العين...لون عيونها جوزي سبحان الخلقهة جدا حلوي وتچذب الانضار الها بشكل اجباري..بس كانت تختلف عن باقي البنات لان دايما معبسة وقالبة خلقتها ☻ ههههههه بس الي افتهمتو ما كانت راغبة هالقسم وسمعتوها ببداية الدوام تستهزء بينو 😡 وانا بطبعي اضوج من الشخص اليستهزء بالتربية الرياضية واشد معاه..ف? شوي شديت معاها بالبداية حتى لاتبقى تستهزء بالمادة.. مرت الاسابيع الاولية وبدت نضرتي عنها تختلف ..مو مثل اول لقاء.. شفتوها اشقد هية حيوييطة ومرحى وعفوية ومو متكبرة مثل ماضنيتها...كلشي بيهة يجذب ويسحر ضحكتهاوعصبيتها...بسمتها ودمعتها كلامها وهمسها كلة بكفة ونزاكتها واناقتها بكفة ثانيي حتى من يكون عدنة درس عملي وتلعب رياضة مع البنات ساحة وميدان..كنت اشوفهة تختلف كثير عن البنات المعاها... ركضتا قفزتها حركاتها كلها بانوثي ورقة... حاولت اخفي اهتمامي فيها خصوصا من قريتو اسمة الكامل بالاضبارة وعرفتو هية مسيحية.. رميتو القلم من ايدي وحسيتو بغصة بقلبي رغم بعدني ما اعرف مشاعرها تجاهي.. لكن مشاعري تجاها اذتني جدا... بقيتو اتكلم مع نفسي واحاول اقنع روحي.. خلص عزيز انت مسلم وهيي مسيحية يعني بالمختصر مستحيل نكون لبعض..حاولتو كثير اتجاهلها بس ماقدرت كنت بنضرة منها اضيع بعالم ثاني... من غير تصرفاتي الطفولية والعفوية تجاها..خصوصا اذا وقعت ع الارض او عثرت او صار شي معها اثناء التمارين اروح اركضلها مثل الطفل حتى اسندها واقومها..حست اوليانا اني مهتم بيها واستغلت هالامر وبدت سلسلة من الاعذار حتى ماتأدي بعض التمارين وبسبب لهفتي عليها كنتو اعطيها عذر وبدون تحقيق معاها او عناد مني.. رغم انو هذا مو طبعي اكون متهاون لهذي الدرجه مع الطلاب.. مر الوقت وانتبهتو على نفسي جدا متمادي بتصرفاتي معاها..ومن يومها صار صراع بداخلي ماقدرتو اتخلص منو ✅ههههه ولك عزيز اشنو صاير اول تالي هاكذ يصير بحالك ... لك اثقل شوي ... ✔ولك اشنو بيدي واشأسوي القلب ومايهوى مو بيدي ياعزيز مو بيدي والله.. ✅واشنو تتأمل ماتقلي هية مسيحية وانت مسلم وهاكذ زواج شبه مستحيل لا اهلهة يوافقون عليه ..ولا اهلي يقبلون بيها اصحى على نفسك وبطل لعب...الطلاب انتبهو عليك ولك وهالامر كبير بحقك اصحى عاد.. ✔قفلتة يول.. خرب حظي .. منين ما اجيبة عوجه وماترهم ... اووف استغفر الله يكفي تفكير واترك كلشي للزمن منو يقول هية تفكر بية اصلا ههههههه يسويها البخت وتطلع تحب واحد ثاني وانا قاعد واخطط هوني ههههههه ..لزمتو نفسي بصعوبة عنها وبديتو اشتت انتباهي من تكون موجودة قدامي.. اوليانا ☆☆ مر اكثر من 3 اشهر على الدوام بالجامعه واتعودتو على كابتن عزيز صرتو احب تواجدو واحب اهتمامو بيا.. واذا يوم يتغيب احس شي ناقصني رغم ماصار بينا اي كلام خاص ....صار وقت محاضرة الكابتن والتمارين صعبة قلت لنونه.....نونه انا رايحة اعتذر بأي حجة للكابتن مابية حيل العب اليوم والله متكسرة عظامي.... نجاة☆☆ همينا ؟ماتقليلي اش حتفتهمين من التمارين ولك اذا اليوم ساكت عليكي الكابتن بنهاية السنة اشنو تسوين اشلون تنجحين؟ اوليانا☆☆ يامعودة كل عقلكي تحكين...تربية رياضيي يعني الدوام لازم يكون سهل طربكه اشنو هالكابتن مستلمنه من اول يوم دوام لليوم اشكال التمارين... حتى جسمي تكسر نجاة☆☆ ايباه جسما تكسر المسكيني... على اساس دتلعبين معانا اشو مقضيتها تعتذرين وهوة ساكت اوليانا☆اي غير اخذ ريست لنفسي لان تعباني ومالي خلق☻أتمرن معاكم.. وهوة شفتو كثير حباب وقلبو طيب مايرفضلي طلب نجاة☆☆😏روحي حبابي اش اعملك بعد اوليانا☆☆ يلة انا اروح 😘 عزيز☆☆ دحقتو اوليانا دتجي وتتقرب علية حكيتو بصوت عالي .. يلا للقاعة اول اشي وبعدين نتجه للساحة والميدان حضرو نفسكم خلال ربع ساعة جاهزين..كملت كلامي ولزمتو كتاب بايدي وبديتو اقلب بصفحاتو وسويت نفسي مامنتبهلة .. اوليانا☆☆وصلت بجانب الكابتن وضل قاعد بمكانو ويتصفح بكتابو مو مثل كل مرة كان يوقفلي واحكي معاه 😐 استغربت من تصرفو لكن ما اهتميت كثير.. قلتولو...اشونك كابتن عزيز☆☆صوتها لحن يخلي الاصم يسمع .....رديت عليهة بتثاقل.. اهلين اوليانا☆☆حكيت وانا مدنكه راسي ... بليز كابتن ممكن اليوم مااحضر التمارين عزيز☆☆راسا جاوبتها وعيني بكتابي مارفعتها.... طلبك مرفوض 🚫 اوليانا☆☆ 😳انصدمتو اول مرة يرفضلي طلب راسا سالتو.. ليش كابتن صدقني تعباني عزيز☆☆من حكت هاكذ انهد حيلي بس قررت اواجه عيونها لشوقت ابقى اتهرب منها.. سديت الكتاب ودحقت بعينها وقلتولها ..عندك عذر طبي؟ اوليانا☆☆ من غبائي وشدهتي اتسرعت بالاجابة ومعرفتو اكذب ..لا كابتن😐 عزيز☆☆ خلص اوليانا طلبك مرفوض .. وتفضلي مع زملائك اريد ابدي التمارين هسة اوليانا☆☆ حسيتو جاف بكلامو معي..اشنو القصة اشبي ليش هاكذ يعاملني..طلعتو من القسم واتجهت للقاعه...بس كنتو كثير ضايجي من اسلوبو معي.. رحت وقعدت على دكات الاحتياط نجاة☆☆ كنت لازمه كرة السلة بايدي ونلعب انا والطلبة شفت اوليانا فاتت للقاعه وقعدت على دكات الاحتياط رحتولها ركض وسالتها.. ها ولك اكيد نطاكي ريست مو؟😉 اوليانا☆☆ لا !! نجاة☆☆اشعجب؟ مو عوايدو😏 اوليانا☆☆ اش عرفني اشو يحكي بتثاقل معي ما اعرف اشنو ألسبب.. ليش هاكذ اتصرف معي؟ معقولة يكون سامع شي عني؟ نجاة☆☆ عمي لاتكبرين الشغلة وهية ماتسوة قابل اشعدكي حتى يسمع عليكي شي.. طلبتي ريست من الكابتن وماوافق عادي جدا ترة .... بس انتي مكبرة الموضوع زيادة عن اللزوم اوليانا☆☆ بس نجاة يعني بعد كل هذا الاهتمام الشفتو من الكابتن فجأة يغير اسلوبو معي.. نجاة☆☆ لان تريدين الصدق يا اوليانا لو تزعلين؟ اوليانا☆☆ دحقت الهة باستغراب .. قولي ما ازعل نجاة☆☆بصراحه يا لولو انتي زيدتيهة كثير وصارت زيادة عن اللزوم سوالفك.... اشقد صارلنا نداوم وانتي من تأدين التمارين معانا عبالك مسوية منية ع الكابتن ... اوليانا☆☆ 😐 نجاة☆☆حبيبتي انتي طالبي هوني حالكي حالنه يعني غصبا عليكي تأدين كل التمارين الصعبي والسهلي لان بالاختبارات النهائية يشمروكي خارج الجامعه يعني يطردوكي لو يرسبوكي.. وترة بالمناسبة هوة همينا يتحاسب على فشلك مو بس انتي .. اوليانا☆☆ اعرف 😐 نجاة☆☆ لعد لا تضلين صافنة اذا تعرفين.. دحقتو عليها بعدها مامغيرة ملابسه قلتولة ولك امشي لبسي الملابس الرياضيي قبل لايجي الكابتن... دة احكي معاها ودخل استاذ عزيز ...يبوو دايما يجي بالوقت الضايع اوليانا☆☆ ولك ملابسي اخذتهن للبيت دتغسلهن ماما وماجبت غيره نسيتو 😯 نجاة☆☆ اشنو هالثقة العجيبة العندكي بالكابتن 🤔 اوليانا☆ غير هوة كل مرة يسمحلي وعبالي اليوم همين نفس الشي وتعرفين ماعدنا اليوم بس محاضرات الكابتن ف? اعتمدتو وماجبتوهن😐 عزيز☆☆ فتوو للقاعه وشفت اوليانا ما لابسة الملابس الرياضية...جمعتو الطلاب كلهم وقلتولهم جاهزين... اوليانا☆☆😑 عزيز☆☆ التفتتو على اوليانا وحكيت معاها بحدية شوي.. اشو بعدكي بهالملابس ؟ ليش مامغيرتهن مو تعرفين عدنه تدريب اوليانا☆☆😐أ_أ_أ_.. بقيتو مرتبكه ما اعرف اشنو احكي راسا نطت نجاة بالحكي ونقذتني نجاة☆☆ استاذ كانت شوي دايخي وهسة صحت..جريتهة من ايدهة وقلتولهه يلة كافي دلع وروحي غيري ملابسك حبيبتي.. وجريتها مسافة عن الكابتن اوليانا☆☆همستو.. ولك ياصخام ياملابس مو تعرفين ماجايبتن... نجاة☆☆همستو..مانسيت يالثولة ولي اخذي تراكسودي انا جايبة 2 معاي باللوكر مالتي محسبة حسابك يالهبلة اوليانا☆☆ همستو.. ههه لك فدوة اشقد احبكي انتي منقذي بدونكي اضيع نجاة☆☆ 🐸 خبلة وصرتي برقبتي اشأسوي لازم اداريكي.. اوليانا☆☆ ايااا عوبة انا خبلة نجاة ☆☆همستو.. ولك امشي عاد كافي تتلوكين راح تجينه رزاله معدلي من الكابتن.. اوليانا☆☆😐 🏃 عزيز☆☆ كان عذر نجاة واضح كذب ...بس سكتو وعديتها بمزاجي خليتها تروح تغير ملابسها..دقايق واجتي لابسة تراكسود شوي قصير عليها وطالعة تموت ضحك😂 .. اوليانا☆☆ خرب حظي هذا يمكن دايضحك على هالملابس 😑 الله لا ينطيكي نجاة لو عايفتني متعاقبة ولا لابسة تراكسودكي حتى ملابسكي عوبة مثلك☹ نجاة☆☆ولك هاي اشنو شطالعه يخبل عليكي التراك ☻ اوليانا☆☆ انجبي😒 نجاة☆☆😂 عزيز☆☆كتمتو الضحكه بقلبي ...وبقيتو ملامحي قاسية...كنت احكي معاها بشكل طبيعي ولاكأن صاير شي... بس بالتمرينات 😈خليتها مع كل فرقة بالقسم تلعب رياضة وماعطيتها ريست لان ماكانت تأدي التمارين بشكل صحيح .. اوليانا☆☆ ما خلصتو التمرينات الا وانا ميته من التعب حسيتو عضامي تكسرت من الالم كل تمرين اعيدو كذا مرة ومايقنع الكابتن بسهولة😒 من غير بكل عزة لطامي مع كل وجبة من الطلاب العب رياضا ماعندي ريست اقعد وارتاح حسيتو بنفسي انقطع كوة اجر النفس وجسمي يركص لوحدو من التعب😭 .. ولك نجاة... تكسرتو الله لا يعطيكي ولا يعطي الكابتن ولك عظامي انطحنت طحن من وراكم ما دة احس بجسمي ... نجاة☆☆ ايا عوبة ليش تحكين عليا😒 اوليانا☆☆ مو انطيتيني تراكسودكي لو مالابسة التراك ومتعاقبة بالدرجات مو اشرفلي 😭 نجاة☆☆تستاهلين☻اشقد كنتي تتهربين من التمرينات لو ماشية عدل كان هسة حالكي من حالنا اوليانا☆☆ 😒 انجبي عاد نجاة☆☆😂 يلة حبابة ارجعي للبيت واقري المواد عدنا امتحان باكر .. اوليانا☆☆اووف 😧....رجعتو للبيت كوة امشي رجلي توجعني دخلتو لقيتو امي قاعدة بالهول تشوف تلفزيون وقالبتو على قناة العراقية وطالعه اغاني حربية وهوسة وامي صافنه عليها قلتولها....هلو ماما اشلونكي ام ايفان☆☆ هلو ماما هلو حبيبتي اوليانا☆☆شفتو عيونها حمر فزيت وشمرتو الحقيبة من ايدي وركضتو عليها.. شبيكي ماما اشنو صاير ليش تبكين سمعتي شي ..صاير شي؟ ام ايفان☆☆ لا ياماما ياستار بعيد الشر ان شالله ماكو اشي.. اوليانا☆☆ لعد ليش عيونك حمر وهذا البكي على اشنو ام ايفان☆☆ خايفة على ايفان ونبيل يابنتي ....كل اشوي يذيعون بيان بالتلفزيون واغاني حربية وهوسي وقلبي مامرتاح ابد ... اوليانا☆☆ ياا امي وقعتي قلبي .. اي اتعودنه على هالوضع صارلنه 4 سنين بالحرب قابل شي جديد لو غريب علينا... مشيت خطوتين وقعدتو يمهة ام ايفان☆☆هاي شبيكي ماما ؟اشنو صاير؟ ليش هاكذ تمشين اوليانا☆☆ ☹حكيتو لامي كل الي صار... يا ماما خلاني الكابتن العب مع كل الفرق بالقسم ومانطاني ريست...يقلي التمارين مو مضبوطي ام ايفان☆☆ ههه تستاهلين مو ردتي شهادي بدون دراسي وتعب واختاريتي هالقسم .. اوليانا☆☆ اهوو بدت الشماتي .. اي بس عاجبني وحلو هالقسم 😒 ام ايفان☆☆ لعد ليش تشتكين اذا عاجبكي.. أدي التمارين واسكتي... يلا هسة قومي غيري ملابسك.. ابوكي على جية حتى اصب الغدة ونتغدة سوى اوليانا☆☆ اويلي ياربي اش راح يصعدني الدرج خرب اشلون ورطه هاي لاوفوقاهة امي متشمته بية ..بقيتو صافنه واحكي مع نفسي هسة انا ليش غرفتي فوق اشراح يصعدني 😭.. أي يارجلي ولك قوميييي عاد راح تجي امي تضحك علية مرة ثانية.. قمتو ووقفت على حيلي.. بالموت مشيتو وصعدتو الدرج احس اصابعي مورمه..غيرت ملابسي ونزلتو شفت بابا ودريد ورامي سلمتو عليهم وقعدنا على الطاولة ومثل كل مرة صلينا كلنا قبل الاكل حتى نشكر الرب على هذه النعمه وبدينه بالاكل ابو ايفان☆☆اليوم بالمعمل اجى جرجس شوي قعد يمي ....شربنا شاي وسولفنا ودزلكم سلام ... ام ايفان☆☆لااا هلا.. اكيد جاي ياخذ فلوس منك؟ مثل كل مرة ابو ايفان☆☆ ام ايفان لشوقت نبقى بهالسيرة الف مرة قلتولك طالما اخوهم الكبير عايش بخير من واجبي انطي لاخوتي المحتاجين... ام ايفان☆☆ محتاجين؟ منو محتاج منم؟ اشو كلم يلعبون لعب بالفلوس وبعدين تعال اقلك تتذكر سنة 1978من وقعت بازمه ماليي واحتاجيت فلوس اشو ولا ويحد من اخوتك وقفلك.. كلم عافوك وبقيت لوحدك تفر براسك اشلون ادبر الفلس ... تتذكر لو اذكرك ابو ايفان☆☆ ضليتو هادئ بكلامي رغم ام ايفان صايرة نار وشرار قلتولهة ..ياعزيزتي يبقون اخوتي ومافرط بيهم وعلى العموم مو هذا موضوعي ام ايفان☆☆ياا حظي كل ما احكي وياك وقلتلي هالكلمتين وتسكتني .. هاي كلها فلوس اولادنه وحقم كل مرة يجي واحد من اخوتك وياخذ لو 200 لو300دينار ماتقلي ليش؟ اشنو احنه قاعدين على بنك وانا ما اعرف هاي كلهة جمعناها بشقانا وتعبنا ماحد ساعدنه منهم بفلس احمر تتذكر اشلون جمعنا للمعمل فلس على فلس وسويناه .. والخير اليجي منو هذا ذخر لأولادنه هما احق بيه... ابو ايفان☆☆انتضرتا تكمل بس ماهتميتو لكلامها ابتسمتو الها والتفتتو على اوليانا وقلتولهة...بابا اسمعيني عمكي جرجس اجة اليوم حتى يطلب ايدكي لابنو باسل اشنو رأيكي؟ اوليانا☆☆😳 باسل؟ ام ايفان☆☆ اشنووو باسل ؟انا انطي بنتي لبيت اخوك ليشش انضربتو براسي اتخبلتو جايزة من بنتي ابو ايفان☆☆ كاااافي.. كلمة زايدي اطلع من البيت وبعد ماتشوفيني.. اشنو قصتك ام ايفان ماكنتي هاكذ ام ايفان☆☆ واشلون تريدني اصير وانت جاي فرحان بابن اخوك ..بلا هذا همين واحد يأمن يعطي بنتو؟ ابو ايفان☆☆ لا فرحان ولامكيف... هية بنت واشكال يخطبوهة ومن واجبنه نقللهة فلان خطبك وعلان رادك ام ايفان☆☆ ومن واجبنه نبههة ع الزين والشين .. مو ياهو اليجي عليها نكيف ونجي نركضلها ونقلها خطبوكي ابو ايفان☆☆اركض اشنو؟ اشو صايرة ماتعرفين تحكين معي .. ام ايفان☆☆ ..يعني...مو قصدي فهمتني غلط ابو ايفان☆☆ خليني اكمل... لا انا جايز من بنتي ولا متعاجز منا بس طالما ابن اخوي رادا وفكر بيا لازم اعطيها خبر... وكلش زين تعرفيني خواتي ماغصبتهن على الزواج مو عاد بنتي اجبرها...وبعدين الف مرة قلتولك خليهة هيا تقرر مصيرها ليش تدخلين بحياتة استغفر الله جريتو نفس والتفتتو على اوليانا .... بابا القرار انتي تقرري ماحد يجبركي على شي ابد.. تريدين باسل ابن عمك او لا اوليانا☆☆ صدقني بابا مامفكرة بالزواج هسة خلي اتخرج والله كريم كلشي بوقتو حلو ام ايفان☆☆ كلش انقهرت من هاكذ ردني.. يعني انا امهة مالي حق عليهة يا ابو ايفان؟ ليش هاكذ اتجاهلتني وماهتميت الكلامي... للأسف ماكانت هاي المرجوة منك ابد ابو ايفان☆☆ تركتو الاكل وحطيت الملعقة ع جنب وقلتولة لأن ماحبيت تكبر السالفة وياكي ام ايفان صعدو او نزلو يبقون اخوتي وعمام ولادكي... لا اسمح لويحد منم يحكي عليكي ولا اقبل تحكين قدامي عليهم ... ام ايفان☆☆ مشكور وماقصرت .. بس خلي ابالك اوليانا ماتصير لباسل الا من اموت ذاك الوقت خلي ياخذا عود.. اوليانا☆☆ياستار ياربي..يامعود بابا والله انا ما افكر بباسل ابد صدقني حالو حال ايفان ونبيل واصلا فكرة الزواج مو ابالي.. ابو ايفان☆☆ طالما فكرة الزواج مو ابالك خلص راح اقللهم تريد تكمل دراستها وبعد وقت على هالكلام ام ايفان☆☆ وليش ماتقللهم ماتريد تتزوج ابنكم ؟ لو عندك امل تاخذ ابن اخوك ابو ايفان☆☆ مو قصة عندي امل.. بس منا لاربع سنين كلشي يتغير.... ليش نقطع الطريق عليم ام ايفان☆☆ وانا قلتولك على جثتي تشيلني جنازة من هالبيت يلا تزوجها لابن اخوك اوليانا☆☆ همستو.. هالطلابة ماتخلص اليوم. تركت الاكل وقمت غسلتو ايدي وقلت لامي.. ماما انا صاعدة لغرفتي شوي انام لان تعباني.. من تصير ساعة ب 5 قعديني عندي امتحان ام ايفان☆☆ ان شالله ماما اوليانا☆☆ صعدتو لغرفتي وارتميتو على السرير..... بقيتو اتقلب اريد انام ما اقدر من التعب ..بس افكر بالكابتن.. نضراتو حركاتو عصبيتو ضحكتو نرفزتو..وليك لولو شدتحكين عبد العزيز مسلم ومستحيل يتم هاكذ زواج.... زواج 😐هههههه😂هههههه سويتو زواج وهوة بعدو لاحاكي معي ولا مفاتحني بالموضوع حتى ماقلي كلمه احبك😁 خبال اي والله .. اقوى شي يطلع هذا كلا اوهام مني ولا يحبني ولاصخام ☻اشلون فشلة ياربي لا ودة العب دور جولييت العاشقة الولهاني والخايفي ع حبيبها من اهلة 😂 دة روحي ادرسي الامتحان لايطين عيشتكي.. يمكن اذا يشوفني ماقاريا يخليني 4 ايام العب رياضة ههههههههه هزيت براسي وضحكت ولزمتو كتابي وبديتو ادرس... ام وايفان☆☆ ابو ايفان هالموضوع انساه لخاطر الله انا احلم ازوج اوليانا لشخص مركزو كبير بالمجتمع انت تقلي ابن اخويي؟ ابو ايفان☆☆ هالكلمه كبيري تنحكي قدامي اشنو مركز كبير بالمجتمع؟ ليش ابن اخي اشبي واخوتي اشبيهم اشناقصهم ام ايفان☆☆ تريد اذكرك بسوالفم كلها ترة ماعندي مانع واقعد احكيلك لباكر لا اتعب ولا اسكت ابو ايفان☆☆هذا الموضوع صار ماااضي ام ايفان☆☆ ماضي بالنسبة الك مو الي .. تتذكر من كنا بعازة اللقمه .. تتذكر اشلون اخوتك الصغارر مثل ماتسميهم لعبو لعبتهم واختلسو فلوسك؟ واخذوهن ونكرو عليك كل شي...ومن حكيت امك تقلك مايخالف يبقون اخوتك واحنا بوقتهة بس ربناا يعرف بحالتنا المادية اشلون كانت واشولون عايشين تتذكر اشلون اخوتك طردووك بوقتها من رحت تشوف امك وتريد تشكيلها....هوة هذا جرجس الي هسة اتريد تعطي بنتي ضنااايي تتذكر من وقفلك بالباب اشنو قالك جرجس وشنو حكى وشنو عمل ..تريد اذكرك بعد ابو ايفان☆☆قمتو على حيلي واخذتو سويج سيارتي وقلتولهة.. انا راجع للمعمل .. ام ايفان☆☆ كلما اجيب هالسيري تضوج وتتركني وتطلع ..روح الله معاك بلكي هالكلام يصحيك وتتذكر سوالفهم العوجا السووها معاك...صعد السيارة ابو ايفان وطلع.. عاد انا راسا صعدتو لأوليانا صحتولها... لولو..لولو يلا قعدي ماما صار العصر فتحتو الباب ودخلتو... اها قاعدة مانايمه ؟ اوليانا☆☆ اي ماقدرت انام قلت ادرس شوي ام ايفان☆☆اتقربتو عليها همممم.....وليش ماقدرتي تنامين يا ماما؟ اوليانا☆☆بديت امغط جسمي واجر بايدي ... من التعب ..يا امي تعرفيني من اتعب بعد ما اقدر انام ابد.. ام ايفان☆☆حطيتو عيني بعينهة..يعني مو علمود ابن عمك؟؟ اوليانا☆☆ لا اشجاب ابن عمي بالنص؟ ام ايفان☆☆اجيتو وقعدتو يمها ع السرير وقلتولها...لولو انتي تريدين ابن عمك؟ اوليانا☆☆ لا يا امي صدقيني مامفكرة بي واصلا مامفكرة بالزواج من اساسو ام ايفان☆☆ شوفي يابنتي.. انا مو ضد باسل لا ابدا ماعندي اشي معاه بالعكس هوة ضاهريا خوش ولد ..بس ما اقدر انسا العملوه عمامكي معانا وخصوصا جرجس كثير استغلالي وهاكذ بشر ماتقدرين تعيشين معاهم.. لان من زمان عينهم على حالنا ومالنا وخصوصا من اشترى ابوكي المعمل وتحسنت احوالنا بفضل الرب بعد ما عمامك اختلسو حق ابوكي بس الرب فرجها علينا وصار عدنا بيت وسيارة ومعمل وهنة من يومها ماتركونا بحالنا حاطين عينهم علينا ونافسينا وكل بلاوينا من تحت راسهم وعيونهم الماتنفقس....ماتشوفين حتى فلوسهم طارت وخسروها لان سرقو حق ابوكي وهسة رجعو علينا مرة ثانيه اوليانا☆☆ خلص حبيبتي ماما اعتبري ماحكو شي بهالموضوع..ورجعي الامور طبيعية بينك وبين بابا.. وصدقيني باسل ابن عمي وبس مافكر ب?شي ثاني ابدا.... اطمئني ام ايفان☆☆ ربي يكملك بعقلك اكثر واكثر يابنيتي..طيب لاتقولين لابوكي اجيت وحكيت معاكي..تعرفي يتحسس من يم اهلو..زين ماما اوليانا☆☆ خلص حبيبتي لاتشيلين هم.... قرصتني من خدودي وبوستني وطلعت.. ضليتو ادحق على ماما شلون محروق قلبا ..خطية كثير تضوج من عمامي وحقها.. همة فعلا استغلاليين جدا... هذا الامر كلنا نعرفو وحاسينو وشايفينو بس بابا قلبو طيب زيادي عن اللزوم ومايقبل يعترف بهالامر 🌲مشيت الايام وانا على نفس الروتين لكن انضبطتو بالتدريبات وصرتو استمتع بتأدية التمارين اكثر وبديتو احب قسمي جدا.... اما عزيز ..كان يوم عن يوم يزيد اعجابي بيه بس مقدرتو ابينلو هالامر....يعجبني اهتمامو بيه وغيرتو عليه..صح مايقدر يضهرهة بشكل علني بس نضراتو وتصرفاتو فضحتو تجاهي.... وانا همينة ماقدرت اقاومو😓ضحكتو وسامتو خفة دمو حتى عصبيتو وخزرة عينو عليه حبيتهة.... نجاة☆☆ امشي تنفوت للكافتيريا هالدرس عدنا ريست خلي ناكل لقمه راح اموت من الجوع اوليانا☆☆ولك انتي بس تاكلين ياالله بخت اشقددد تاكلين وماتسمنين مو مثل حالي 😭 نجاة☆☆ وجع ان شالله عين الحسود بيها عود... عيني عينك تحسدني😒 لاخجل ولا مستحى اوليانا☆☆هوة انتي يفيد بيكي الحسد شأسوي من ضيمي احسدكي اشوفكي تاكلين كلشي وكلاشي الاكو والماكو.. ومثل المسطرة.. وانا حسرة عليه اشرب كاس عصير ازيد كيلوين نجاة☆☆ هههههه 5 اصابع بعيونك .. هسة امشي سريع عاد قتلني الجوع وانتي قاعدة وتحسدين مثل العجايز ...خرب اشنو هاي صار درب الكافتيريا ع الحدود اشو نمشي ومانصل 😅 اوليانا☆☆ههههههه ام بطن وصلنا الحدود.... دخلنا الكافتيريا وقعدنا قلتولها... اش تريدين تاكلين قولي..انا عازمتك هالمرة حتى لاتقولين لولو تحسدني نجاة☆☆ ايي فديتك يومية حسديني مثل ماتريدين بس عزميني على حسابك 😂 اوليانا☆☆ام بطن احكيي عاد اشنو تطلبين نجاة☆☆جيبيلي 2 سينالكو و2 علبة بسكت و2 نستلة اي نوع عادي كلشي يدخل بمعدتي و2 كيك ..لا اقلك ولا تقوليلي اشنو تشوفين قدامكي جيبي من كلشي 2✌ وبطل مي معاه😁 اوليانا☆☆😱 2 سينالكو ومن كلشي 2... ولك غول انتي وفوقاهة مامبين عليها خرب حظي الاسود اللطم😭 نجاة☆☆ ولك لاتصير عيونكي ضيقة مو انتي عازمتني وين عزيمتكي الي ياعوبة اوليانا☆☆ عمي قاعد حظك ومتربع همينا .. يلا اروح اشتري واجي... قمتو من الطاولي ورحتو اشتريتو.. اشقد عيب فرغتو الكافتيريا على ايدي مابقيتو شي ماجبتو لهاي المفجوعه حتى تشبع...كملتو مشترة ورجعتو دة امشي وانتبهتو على بنية ولد قاعدين ويضحكون بيناتم..ما اعرف ليش ضحكتو معهم ههههه نيالهم اكيد يحبون بعض ...اووف ياربي يوم ال الي واعيش هالشعور.... بقيتو امشي وانا ادحق عليهم ومركزة معاهم مثل المجنونه واضحك على ضحكم وماحس الا واستطدمتو بواحد انتبهتو عليه... اوبس كابتن عزيز 🙊... عزيز☆☆ __________؟ يتبع...............⚘ راح تكولون المسيحيين ميزوجن للاقارب .. صح بنسبة 95% من المسيح ميتزوجون اقارب لان يعتبرون اخوة ونفس الانسجه ونخاف من الامراض الي تنشاء من زواج الاقارب ... لكن مو حرام زواجهم الكنيسة ممحرمه هالشي لان الشماس الي يشتغل بالكنيسة سالته وكلي ابو وامه اولاد خاله واتزوجو لكن على مسوليتهم الشخصية | ||||
|
| |
|
19-10-18, 12:27 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #على_اعتاب_قلبي البارت الثالث⚘⚘⚘⚘⚘ بقلم فينوس آرام اوليانا☆☆ بقيتو امشي وانا ادحق عليهم ومركزة معاهم مثل المجنونه واضحك على ضحكهم وماحس الا واستطدمت بواحد انتبهتو عليه... اوبس كابتن عزيز 🙊..... عزيز☆☆الله.. الله.. ليكون تاذيتي اوليانا☆☆اتفائجت بي قدامي ..راسا قلت ..🙊 اسفي كابتن ماانتبهت.. همستو ياربي اشون فشلة فوقاهة شايلة هالكيس ومتروس حلويات هسة ايش يقول عليا مفجوعة😑 عزيز☆☆ همستو بصوت مسموع.. ياعمي حقك هالعيون الحلوي يحق الها ماتشوف حدا اوليانا☆☆انصدمت من جرئتو اول مرة هاكذ يحكيي معاي بس غمرتني فرحه مو طبيعيي حسيتو قلبي راح يطلع من مكانو نزلت راسي وجاوبتو... العفو كابتن ماقصدي.. ومشيتو سريع اريد بس اوصل النجاة..... نجاة☆☆ههههههههه ولك اشبيكي شوفي عدل على طريقكي ليش هاكذ مطفية وتدعمين بالناس اوليانا☆☆والله ابد مامنتبهة دة افوت وطلع رأسا قبالي مين اجة اشوقت دخل للكافتيريا وصار بوجهي ما اعرف ....وفوقاهة شايلي هالكيس اشكبرو اشلون فشلة يالله.. رميتو الكيس عليها وقلتولها..اخذي وشبعي بطنك بي نجاة☆☆ هههه عشتو وليش فشلة هي اسما كافتيريا يعني للأكل.. ناكل ونطلع.. اوليانا☆☆اووف يا ام بطن اسكتي اسكتي ...مرت ثواني ورفعتو راسي مرة ثانية وانا ادور على الكابتن بعيوني اريد اشوفو وين راح نجاة☆☆ احم احم .. ها لولو خير اوليانا☆☆ نزلت راسي بسرعه ولزمتو القصبة و اشربت العصير وقلتولها...ها نونه حبي اشبيكي .. نجاة☆☆ حبي خليكي صريحه معي ...لا تتصورين ما اعرف اشنو يدور براسك... الي دتفكرين بينو غلط اوليانا☆☆.. ليش .. اشنو دة افكر بينو؟ نجاة☆☆ ارفعي راسك اولا وماكو داعي ترتبكين .. احنه صديقات ونفهم على بعض .. اوليانا خليكي عاقلة ترة كابتن عبد العزيز مسلم وانتي مسيحية اتذكري هالامر كلش زين... اوليانا☆☆ غمضتو عيوني من القهر.....آه يانجاة ماناسية هالموضوع.. بس صدقيني مو بيدي حاولتو ما اهتم بيه... بس اهتمامو بيية حببني بيه وجبرني انتبهلو واهتم لأمرو نجاة☆☆ على كلامك هذا يعني اي استاذ يهتم لطلابو لازم البنات يحبونو... اوليانا☆☆ ليش هوة مهتم بيكي وبباقي البنات مثلي؟ نجاة☆☆ 😐 لا.... اوليانا☆☆😒 نجاة☆☆طيب حكى معاكي شي؟؟ اوليانا☆☆ لا .. نجاة☆☆لعد اشبيكي مخبوصة يجوز كل هالامور مجرد وهم وتهيأت مو اكثر.. اوليانا☆☆ ما اعتقد كل هذا وهم انتي همينا شفتي اهتمامو بعينكي.. وحاسة بهالشي قولي الصدق نونة احلفكي بالعذرا قولي هالامور اوهام او لا... نجاة☆☆ لولو اذا صارت صدق اتمنى تحسبين حساب كل خطوة تخطيها...لاتخلين العاطفي تغلب ع العقل والمنطق .. هاكذ زواج مستحيل يتم بمجتمعنه لا دينا ولادينم يتقبل ولا الناس راح تتقبل هالامر اوليانا☆☆حسيت بغصة وقهر بقلبي.. ليش مستحيل....هوة مو الصديق المقرب لاخوكي جورج..اشو نايمن قاعدين ماكلين سوا ليش ماقلتي مستحيل وماترهم... نجاة☆☆ اشنو هالحكي ؟ الصداقة شي والزواج شي ثاني تماما....الصداقة عادي تكون من كل الاديان ماكو اشكال .... بس الزواج ارتباط مقدس يختلط بينو دم ودين ...وانتي كبيري وفاهمي هالامور مايحتاج افهمكي بعد ياحبيبتي اوليانا☆☆ كان بودي ابكيي من كلامها... جريت حسرة وقلتولها... خلينا نترك كل شي لوقتو ... والرب يحلها ان شالله .. عزيز☆☆ فتو للكافتريا واسطدمت باوليانا .. لا شعوريا شفت نفسي اتغزل بيها... ابتسمت وردتلي الابتسامة بخجل..اويلي ياهل البسمة التاخذ العقل ..تمنيتو اروح اقعد يمها واحكي واسولف معاها واعترفلها بمشاعري تجاهها...بس نجاة ماتفارقها ولا لحظة... ف? ماحبيت اسبب الها احراج ... ⚘⚘اوليانا☆☆بقينة على هالمنوال نضرات وابتسامات بيناتنه بس بدون كلام... والايام روتينية وتمشي ببطئ .....حرب مستمرة ودراسي مستمرة ومناقر وية ماما مستمر ✌🐸 ... خلصت الاشهر وقربت الامتحانات النهائية وبعض الاساتذة احيانا كانو يخبرونا بالدرجات ومن ضمنهم الكابتن عزيز ... وزع علينا درجاتنا بالقسم ... ولك نونه انا كثير مرتبكة كأني بالابتدائية ههههه نجاة☆☆لاتخافي ياعيني كلنا نرسب الا انتي اوليانا☆☆ حطيتي عينك عليا خلص رحتو بيها الله يرحمني ☻ نجاة☆☆اي مثلك صرتو احسدكي عيني عينك😒 اوليانا☆☆يلا حبابي اسكتي وخلينا نسمع درجاتنا..وزع الكابتن الدرجات وانصدمت من درجتي....القسم كلو ناجح ..بس انا وطالبتين معي سهام ولقاء درجاتنة ضعيفي بالمادة الي يدرسهة كابتن عزيز... بقيت صافنه وفاتحه عيوني صحيح انا مو مجتهدة بالدروس بس اقل شي اخذ مقبول مو ضعيف عزة بعينك نجاة عيونكي ماتخطي الهدف ابدا علاماتكي جيد جدا وانا ضعيف... نجاة☆☆اشقد خجلت حسيتو بنفسي مسوية عملة خرب.. يعني صدق عيني تصيب 😁ولك روحي احكي معاه بسرعة.. اوليانا☆☆شأحكي انا مصدومي من الدرجة حتى المقبول ماحصلتو ....اشلون بالشماتة ياربي اشراح تعمل بية امي من تعرف .. حيكون يوم عيد عدها حتى تشبعني رزايل نجاة☆☆يكفي تولولين وروحي احكي معو ترة ادفركي والله ..ولك طلعتي روحي من قد ماتنقين ... اوليانا☆☆دحقي شكلو مايطمن اشلون قالب خلقتو .. يمكن حيرسبني بهالمادة هذا خبل ويعملها.. ولك بودي الزقو بوكس بس اقول خطي علينو نجاة☆☆اي خطي.. ترة يضيع بأيدكي ههههه يكون تروحيلو حتى يخبزكي خبز هوه بس الكابتن دواكي... اوليانا☆☆😒هسة كذبي عليه وارفعي معنوياتي شوي حتى حكي ماتعرفين تحكين نجاة☆☆يلا ولي من هوني عاد وروحيلو واخذي معاكي البنات...يلا لاتضيعين هالفرصة من ايدكي .. اوليانا☆☆ اي رايحة ...عدلتو نفسي وروحتو للكابتن وصلت جنبو لا انا عارفة احكي ولاانا قادرة ارجع لمكاني ..دحقت على نجاة اشرتلي بأيدهة يعني احكي لاتخافين زادت الثقة شوي بنفسي وحكيتو معو...كابتن😦 ليش درجتي ضعيف بالمادة اشنو السبب؟ عزيز☆☆ هذه الدرجات استحقاقكم ماخليتو شي من جيبي .. اوليانا☆☆بس مو اضعيف كابتن يعني قسم رياضة وضعيف اخذ... حتى فشلة يا الله عزيز☆☆اشنوو معنى هالكلام..اذا ماعاجبكي ومستقلة بيه..ليش دخلتي هالقسم😡؟ اوليانا☆☆همستو عزة انا اشعملت بنفسي... قلتولو.. لالا كابتن مو هاكذ قصدي....بس انا احب الرياضة مامعقولي درجتي هاكذ تكون 😢 عزيز☆☆ كلش اتنرفزتو من حكت هاكذ عن القسم..بس من شفت دمعتها اتراجعت وقلتولم الي عندو اعتراض ع الدرجات يبقى بالقسم... والماعندو اعتراض يتفضل يروح للقاعة الرياضية ياخذ احماء قبل التدريب... اوليانا☆☆ رجعتو لمكاني.. اجر اذيال الخيبة 😑 نجاة☆☆ ههههههه ولك اشسويتي ام لسان بشري اوليانا☆☆ ماشفتي حضرة جنابو اشلون يحكي من ورة خشمو.... نجاة☆☆..وين لسانكي الطولو متر... اوليانا☆☆ ماتسكتي عاد مامليتي من الاهاني نجاة☆☆ قديمه القي غيرهة ... يلا انا اروح للقاعة بين ما اغير ملابسي.. عرفي احكي ولك مو تلوصيهة ههههههههه.... اوليانا☆☆ اوي نجاة مالي خلق لكل شي روحي يلا روحي بيباي...بقينه احنا المعترضين على درجاتنه.. قعد يحكي مع البنات قبلي.. اصلا مايباوع عليا ..همستو😒اشدعوة شايل خشمك هالقد حتى بالحكي اخر وحدي تاركني 😧 ياربي حيرني هالكابتن ابد ماينحزر... عزيز☆☆اعطيتكم درجاتكم التستحقوها حتى تشدو حيلكم بعدين ....ترة الدراسي سهلي لكن انتو مصعبيها على نفسكم ...لا تتهاونو بأي مادة.. لانو مستقبلكم لكن انتو جدا متهاونين بينو ... اوليانا☆☆خلص كلامو مع البنات سهام ولقاء وراحو وبقينا بس انا وهوة... قام ووقف من مكانو واتقرب عليه حسيتو بحالي تخربطتو من الخجل قويت حالي وقلتولو...كابتن هذه مو درجتي الاستحقها عزيز☆☆ بقيتو صافن على وجها وهية تحكي ...وجهك ولا القمر ربنا رسمكي رسم.. ضعت بعيونها حتى ماسمعتها اشنو حكت قلتولها .. أمم اوليانا☆☆ همستو اشنو😒امم ..كابتن انا بالفترة الاخيرة حضرتو كل التمارين وكان مستواية جيد يعني ع الاقل جيد مو ضعيف عزيز☆☆ اي حضرتي كل التمارين بس ما أديتيهن بشكل صحيح مثل بقية الطلاب اوليانا☆☆ 😢ليش كابتن مو بالشكل الصحيح مو كنتو اتمرن كل الوقت مع الطلاب عزيز☆☆ههههه طيب بدون هالدموع همستو لاني راح اضيع اووف .... اوليانا☆☆مافهمتو كابتن عزيز☆☆وقفتو على حيلي وكتفت ايدي دحقت عليها وانا ابتسم... راح اختبركم انتي وباقي الطالبات الدرجاتهم ضعيفة .. اوليانا☆☆ اشنو هالاختبار؟ عزيز☆☆نلعب كرة سلة و فريقي ضد فريقك اوليانا☆☆😑 انت ياكابتن تعلب ضدنا...اكيد راح نخسر عزيز☆☆ مو شرط..انا اكثر من مرة غلبت استاذي ... اوليانا☆☆ والله؟ ... عزيز☆☆ههه بس بشرط🙄 اوليانا☆☆شرط ؟!! عزيز☆☆ اذا كسب فريقي اعزمكي بمطعم خارج الجامعه..... واذا خسر فريقي اعزمكي بالكافتيريا... اشتقولين 😉؟ اوليانا☆☆ يعني بالحالتين تعزمني؟ليش يعني؟ عزيز☆☆ تقبلين العرض او لا؟ اوليانا☆☆لا طبعا ما اقبل هاكذ عرض ..بس ممكن اقبلو باتفاق ثاني ... عزيز☆☆ ابتسمتو وقلتولها.. امم وهزيت براسي يعني كملي... اوليانا☆☆...اذا خسرنا انا الاعزمك ....واذا فزنا انت تعزمني ..😎 عزيز☆☆هههههه لا ماحزرتي ....اذا خسرتي انا الاعزمكي.... واذااا انا خسرت عود طيبي خاطري وعزميني اوليانا☆☆ يعني واثق من نفسك وناوي على خسارتي☹ عزيز☆☆ هزيت براسي يعني.. اي اكيد... اوليانا☆☆مليوصة يعني كابتن .. عزيز☆☆حتى اطلع كل ابداعاتكي باللعب اوليانا☆☆امري ال الله ..قبلتو التحدي.. عزيز☆☆ حلو.. يلة تفضلي قدامك ربع ساعه تحضرين فريقك اوليانا☆☆ودرجاتنا كابتن؟ عزيز☆☆ تتغير حسب جهودكم ولعبكم بهذه اللعبة.. اوليانا☆☆حتى لو نخسر... عزيز☆☆انا ماقلت ربح وخسارا قلت حسب المجهود .. اوليانا☆☆طيب رايحة اتحضر كابتن.. عزيز☆☆ههه يلا تفضلي بالتوفيق ... اوليانا☆☆ رحتو اركضض واصيح ..للبنات سهاااام ... لقاااء تعالوو هووني ... التمو بنات القسم كلهم وقلتولهم.. الكابتن راح يلعبنا لعبة كرة سلة.. اختبااااااار نجاة☆☆حلووو ذبو لحم بهاللعبة حتى تفوزو هههههههه اوليانا☆☆شكو عليكي انتي..المصيبي علينا احنة ☹ نجاة☆☆5 اصابع بعينكي...اي قولي منو راح تختارين لفريقك اوليانا☆☆ انا ولقاء وسهام لان درجاتنا ضعيفي ....ورائدة لأن طويلي وماهرة تقدر تصد الهجمات عن فريقنا.... واكيد انتي 😁 نجاة☆☆ لاا ياعيني انا العب مع للكابتن ما العب معاكم انتو تفشلون☻ اوليانا☆☆هسة صرنه نفشل .. تعالي ولك جريتو نجاة ع صفحه.. نسيت اقلولك اشنو صار بالقسم نجاة☆☆ ولكي اشنو صخمتي اشنو صار😳 اوليانا☆☆الكابتن خيرني اذا يفوز يعزمني واذا يخسر انا اعزمو☺ نجاة☆☆ لاكذب.. اوليانا☆☆ اي والله اشبيكي.. نجاة☆☆ 😐الكابتن بجلالة قدرو يعقد اتفاق وياكي يما قلبي... ولك ما انجلطتي من هاكذ حكى معك اوليانا☆☆ دثبتي حبابي مو وقتها تنجلطين ساعديني افووووز عليه وبعدين انجلطي مثل ماتريدين نجاة☆☆ عشم ابليس بالجنة حبيبتي .. اوليانا☆☆لاا نجاة ساعديني وشجعيني نجاة☆☆اوقفي خليني افكر... اوليانا☆☆فضيها عاد.. نجاة☆☆يلا هاي لخاطرك راح اضيع فرصتي التأريخيي اني اكون جزء من فريق الكابتن وانظم لفريقك الفاشل.. اوليانا☆☆ بلا لا تأشرين باصبعك لانو اذا خسرتو راح تروح هيبتكم بالجامعه ... نجاة☆☆ اذااا خسررر الكابتن ... ورغم ذلك راح العب معاكي. اوليانا☆☆ قبان قلبك اعشقكي.. دخل الكابتن القاعه واحنة بعدنة مامتهيئين ولك نجاة تعالي اشلون الخطة اشنو نسوي نجاة☆☆ خرب حظي عود حاطيكي كابتن لفريقنا ضاعت موهبتني بهالفريق ياربي اشنو سويت بحالي ضاع مستقبلي اوليانا☆☆ ولك لاتبقين تولولين ساعديني بالخطة قبل لا يجلقنه الكابتن مالتك.. عزيز☆☆فتو القاعة شفتو اوليانا مخبوصة وتحكي مع نجاة وباقي البنات ويقسمن اماكنهم باللعب حسب الخطة الحاطيهة .. عملت نفسي مامهتم و وجهتو باقي الطلاب للعب واختاريت مجموعه العب معاهم..التفتت على اوليانا شفتوها مخبوصة المسكينة كثير ههههه اتقربتو منها وقلتولها.. بشري اشنو سويتي اوليانا☆☆ جاهزين كابتن واحنا على اهبة الاستعداد.. عزيز☆☆هههه جاهزين وعلى اهبة الاستعداد همينا ...ترة بس شوط واحد نلعب يعني 20 دقيقية قدامكم........ميلتو راسي عليها اكثر وهمستولها... تحضري للخسارة ياحلوي اوليانا☆☆ لاتخاف كابتن راح اجبر بخاطرك واعزمك مثل ماتفقنا.. عزيز☆☆ههههههههه ضحكت وتركتها مشيت اوليانا☆☆رفعت شعري عملتو ذيل حصان وجيكتو نفسي ملابسي شوزي مامحتاجه شي سالتو البنات جاهزين ..ردو عليا اي جاهزين ماعدنا شي.. اخذنا مواقعنا...وصفر الحكم... والكابتن بدأ اللعب بيدو الطبة وانا والبنات اعصابنا مشدودة ومرتبكين كثير وبقيتو عيني على الكابتن اخاف لايهدف..بس هو اعصابو باااردة وهااادء كثيرر .. يلعب وهو مبتسم وانا عيني عليه واركض وراه.. بدت المناورات والمناوشات من فريق الخصم بثواني خطف الكابتن قدامي وبلمحة عين صارت الكرة بالسلة وهدف الكابتن باول دقيقتين علينه يلعن الحظ ردتو انجلط بقينا صافنين وحدة ع الثانية وفاتحين حلوقنا😦 اشلون هاكذ خطف قدامنا وهدف ياربي شفت عليه ونضرتي محتارة ومستغربة ....شوف يالله اشلون يباوع ويبتسملي بمكر ورفعلي ايدو بالسلام وغمزلي ..صحت نجااااة نجاة☆☆ مو قلتولك الجيد جدا راح تصير رديء مو بس ضعيف بسببكم .. اوليانا☆☆ اشلون هاكذ هدف بسرعه ولك نونة هذا هدف علينا لو انا حلمانة... نجاه☆☆ هدف هذا ياحلوي ..بلا بنااات تعالو اشوي هووني اسمعوني حبابات اولا لاتفكرون بالدرجات لانو مبين عليكم مرتبكات كثير وماتعرفو تلعبو ولا ادافعو عن المرمى... وثانيا ياعيني شيلو هالخجل منكم هسة مو وقتو ابد اعتبرو الكابتن مجرد طالب حالو حالنا اذا نبقى هاكذ معناتو الكابتن راح يلزق بالسلة و يهدف علينا....اشبيكم حبيباتي العبن عدل ليش كل وحدة بالموت تركض شدو همتكم اشوي اوليانا☆☆اي والله صح احني مرتبكات كثير بعدنا باول دقيقة وهدف علينا وهذا شوط كامل يعني 20 دقيقة ..بنات شدو الهمة شوي ولعبن بقوة.. نجاة☆☆ عيني حبابة لولو ليش ماتراقبين الكابتن المفروض تحاصري وماتخلي يلعب بحرية.. اوليانا☆☆ اشعرفني اذا هوة مثل الزيبق يركض منا ومنا... نجاة☆☆ دا نلعب حبل احنه بنتي العبو عدل عاااد...لاتخلينو يتنفس ابقي محاصرتو اوليانا☆☆حاضر ان شالله...رجعنا للملعب ولعبنا لعب جماعي ومناولات من ايد لايد بس رغم ذلك هدفو علينا مرة ثانيا... صرنا(2..0) مرت حوالي 6 دقايق واحني مامهدفين عليهم تمريرة من التمريرات وهدفت نونة وحطت الطبة بالهدف من الفرحه صرنه كلنا فوقاهة.. كان خنقناهة من فرحتنه☻ ...رجعنا للعب واستمر التهديف مرة الهم ومرة النا الى ان انتهت الفترة الاولى من الشوط الاول (4 الهم و2 النا )والكابتن يدحق علية ويضحك بشماتة مرت اول 10 دقايق واخذنة استراحة قصيري عدلنا بالخطة ورجعنة مرة ثانية حتى نكمل الشوط الاول ...قلتولهم ..بنات بس هل10 دقايق قدامنا حبابات لازم ضروري فريقنا يفوز نجاة☆☆همست هههه اشبيكي اخسري حتى الكابتن يعزمكي... اوليانا☆☆ اريد انا اعزمو يالفهميي 😈 نجاة☆☆ هههه صحت بصوت عالي يلا بنات اخذو مواقعكم .. اوليانا☆☆ رجعنا لمواقعنا والكابتن يدحق عليه وكاتم ضحكتو.. بس عيونو فاضحتو ياربي مبينه الشماتة بعيونو ..😡 واثق من نفسو الافندي كثير..طيب صحتو..نجااة اريد اهدف حبابة ساعديني... نجاة☆☆ صار ياقلبي انتي بس اتقدمي وانا والبنات اناولكي الطبة بس مو تفشلينا وتضيعين تعبنا بلاش... اوليانا☆☆لاان شالله بالهدف اخليهة... بدت المباراة وانا كلش محروق دمي خايفة افشل وكل همي اتقدم على فريق الكابتن استمرينا بالمناولات وصلت المرمى مرتين بس ضيعت الفرصة مني.. نجاة☆☆ يالهبلااا راح يخلص الوقت وانتي تضيعين بهالفرص .. اوليانا☆☆ اخر مرة احلفك بالعذرا اخر مرة ناوليني اذا ماهدفتو خلص ... نجاة☆☆😤 الله مطولك يارووح ... اوليانا☆☆مرت اول 3 دقايق ومررتلي نونة الطبة مرة ثالثة ركضتو خطوة وشمرتا للهدف وهوووووب بالهدف ياااااااااااااووو هدددددف ركضتو وانا اعيط واصرخ ماصدقة حالي هدفت على فريق الكابتن...وليك نووونة هدف ااااااا لزمت صديقاتي وقمزت من فرحتي عبالك اخذنه كأس العالم والكابتن نفس وضعو يدحق عليا ويبتسم بستهزاء ... ثواني ورجعنا للعب.. البنات ماقصرو منعو فريق الكابتن يتقدم بس...الكابتن كانت عندة مناولات رائعه من منتصف الساحه ويرمي الكرة ..بس لوما ستر الله كان اجتي بالهدف عدل..ورة دقيقتين ونونة جابت هدف التعادل💃لا عاد هوني صار لازم نرقص ورقصنا من الفرحة صرنه ( 4_4) وماباقي اقل من 5 دقايق وتخلص اللعبة...صحت بصوت عالي..كابتن اذا بقت النتيجة تعادل اشنو نسوي ؟ عزيز☆☆ يستمر اللعب 😉 اوليانا☆☆ عزة يستمررر.....التفتو على الفريق وصرختو بنااات همتكم معي بليززز خلينا نهدف عليهم حبابات لاتخلوهم يهدفون علينة ترة الكابتن مستعد يبقى هوني يومين لا يتعب ولايهتم....استمرينا نلعب والفرص اتضيع من الفريقين.... الكابتن بدى يتنرفز لاني محاصرتو 😈ولازقة بيه ماخليتو يتحرك بحريةوبالمقابل هوة همينة قيدني لا اقدر الزم طبة ولا اقدر اركض راسا ياخذها مني ...يعني فريقنة تقريبا متكافئ القوة مع فريق الكابتن مر فترة من الوقت وجابو هدف علينه وصارت النتيجة (5_4) انجنيتو وردتو انجلط كنتو اتمنى عندي جناحات حتى اطير للسلة وكل اشوي اخلي الطبة بالهدف ...بس الحمد لله سهام ورة اقل من دقيقة عدلت النتيجة وصرنا (5_5) شد الاعصاب مو طبيعي بالشوط هذا.. صارت اخر 30 ثانية .. رائدة ناولت الكرة اللقاء ولقاء ناولتها الي.. حاول يخطف الكابتن الطبة مني بس مررتا لسهام ومن سهام لنونة وووو هدف 😍عاااااااااااااا هددددف ...من فرحتي قمزت وحضنتو الكابتن بدون شعور عزيز☆☆ههههههههههه لو اعرف الهدف هاكذ يعمل كان انا بيدي اهدفلكم كل اشوي.. اوليانا☆☆انتبهت على نفسي يي صخام انا اشسويت .. تركتو ورحت اركض النونة من الفشلة ولك نونة شفتي اشنو صخمت نجاة☆☆هههههههههه ايا هبلة تبقين هاكذ انتبهي شوي .. اوليانا☆☆ صدقيني منتبهت.. الفرحه بالهدف خلتني انسى نفسي .. نجاة☆☆ ههههه يلا ولك شدي حيلك بقت ثواني خلي نلعبها اشلون ماكان بس نحافظ على النتيجة اوليانا☆☆ياربي اشوقت تخلص هالمباراة مر الوقت ولعبنا اشلون ماكان بس نضيع الوقت ونشمر بالطبة منا ومنا ...بس نريد الوقت يخلص والكابتن وجهو ينطي الوان من غير عصبيييتو ونرفزتو على فريقو صفر الحكم ووووواخيرا فزناا على الكابتن ركضنا كلنا وحضنا بعض انا وصديقاتي من الفرحه....رفعتو راسي شفتو الكابتن قاعد على دكات الاحتياط ويشرب مي تركت صديقاتي واتقربت عليه ..مد ايدو على المنشفة الي بجنبو وبدة يمسح وجهو ويدحق عليا بتك عين وياها ابتسامة.. وقفت جنبو وقلتولو .لاتهتم كابتن راح اجبر بخاطرك... مانسيت عزيمتك ... عزيز☆☆ ههه رغم الحضن المفاجئ الحصلتو بس ضليت ضايج...كنتو متوقع تخسر ويخسر فريقها قدامي ماتصورت راح اخسر انا ..راحت العزيمه عليه.. خرب ولك اي عزيمه هي الهيبة كلها راحت.. كابتن وخابص نفسي وبالك عنو وتالي يخسروك طلابك.... دحقتو اوليانا تتقدم علية عرفت جاية تتشمت قلتولها...اي وين راح تعزميني اوليانا☆☆ مفاجئة كابتن.. حضر نفسك عزيز☆☆ مفاجئة..وحضر نفسك..خرب هية هاي تاليها ياربي.. اوليانا☆☆ تركت الكابتن ورحتو ركض غيرت ملابسي وحضرت نفسي والتفتت على نونة شفتها بعد ماجاهزة قلتولها....يلا نونة خلصي عاد... نجاة☆☆ اي لحظة اشوي واكمل ..ليش حبي اشنو تريدين مني ؟ اوليانا☆☆ شنو ليش ولك امشي مو خسرنا الكابتن ..وعزيمتو عليه.. نجاة☆☆ انتي والكابتن واحد عازم الثاني انا شكو بنصكم.. اوليانا☆☆ اقلج بلا هالخرابيط وامشي معي تعرفين انا بلياكي اضيع قبان قلبك لو ما اهدافكي الحلوي اليوم كان هسة اجر اذيال الخيبة... نجاة☆☆ هههههههه طيب وين راح تعزمين للكابتن اوليانا☆☆ بالكافتيريا وين اخذو يعني ... نجاة☆☆هههههههههههه والله عرفت هسة يقول عنكي بخيلة اوليانا☆☆ احسن لعد اشنو يريد افتر بينو بالمطاعم.....يلا استجعلي....... خلصنا كلشي وطلعنت تمشينا شوي بالحرم الجامعي وشفت الكابتن من بعيد مبتسم بس مو ابتسامه شماتة ..لا خطية ابتسامه خجل .. ولك شوفي شكلو يضحك هههه.... نجاة ☆☆ ولك اسكتي بقى وتركي بحالو يالمجنونه اوليانا☆☆ اي خلص اشنو حكينا محامي دفاع انتي عنو...اتقربنة من الكابتن وقلتولو.. مبروك كابتن.. عزيز☆☆هههههههه على شنو هالمبروك على خسارتنا.. اوليانا☆☆ لااا على فوزنا.. واحنة طلابك يعني نجاحنا من نجاحك طبعا .. عزيز☆☆ تستحقون ياعمي مو مبروك وحدة الف مبروك...دحقتو على ساعتي وقلتولهم.. يلا امشو عازمكم لانتأخر.. اوليانا☆☆ عازمنا اشنو؟ لا عيني اتفاقنا اذا اخسر تعزمني واذا انت تخسر انا اعزمك.. عزيز☆☆ اي صح كان هذا الاتفاق الثاني بس رجعت على اتفاقنا الاولي تتذكري.. قلتي اذا انا اخسر اعزمكي وهاي خسرتو قدام فريقكم ف? لازم اوفي بوعدي وائدي الاتفاق.... اوليانا☆☆لاااكابتن هذا غششش...مسكني قوي من ذراعي واتقرب عليه وقلي.. عزيز☆☆ ___________؟ يتبع...............⚘ 🙊🙈رايكم بالقصة يهمني 😙😚 | ||||
|
| |
|
19-10-18, 12:32 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #على_اعتاب_قلبي البارت الرابع⚘⚘⚘⚘⚘ بقلم فينوس آرام اوليانا☆☆لاااكابتن هذا غششش...مسكني قوي من ذراعي واتقرب عليه وقلي... عزيز☆☆بلا نقاش اوليانا سيارتي جاهزة والمشوار هوني مو بعيد .. بقيتو ماسك ايدها وادحق عليها ..ضاربة الشمس على عيونها وصار لون العيون والشعر ذهب.. العاقل تجننو شلون اذا مثل حالي اصلا مجنون بيها لكن من نضرة عيونهة بينت ملامحهة متألمه من شي انتبهت على نفسي ماسك ايدها بقوة ورغم الالم ماحكت ولا كلمه..رخيت ايدي بس بقيت ماسكها قلبي مايطاوعني اتركها تقربت عليها قلتولها.... لازم ترضخين للأمر الواقع وتقتنعين بعزومتي ما الك حل ثاني ياحلوي... اوليانا☆☆قال كلمتو وخلص.. لازم ينفذها مسكني من ايدي بقوة وانا مستغربة ماتوقعت الكابتن هاكذ يتصرف حسيت بشعور غريب وفرحه مو طبيعية.... ضليت ادحق بعيونو وتقابلت نضراتنا وهوة ماسك ايدي بقوة حسيت بألم مو طبيعي كأنو ايدي انشلت لكن ماحكيت شي وكأنو الوضع عاجبني استغربت من نفسي ليش سكتت ...يمكن لاني فرحت بهالتصرف واعتبرتو اعتراف صريح بحبو الي ضليت ساكته...ولما سألني ماحكيت ولا كلمه وعملتو نفسي مو راضية... بس بيني وبين نفسي كان عاجبني جنونو كثير .. عزيز☆☆السكوت علامة الرضا غمزتولها وجريتها من ايدها ومشيت كانت اول مرة امسك ايدها .. بينت عليها ملامح الاستغراب من تصرفي بس عملت حالي مامهتم.... اوليانا☆☆ ماقدرت ارفض طلبو ولا اعمل اي شي ضليت ساكته ..وهوة ماسك ايدي ويقلي امشي دحقت على نجاة وحاكيتها بالنضرات .. نجاة☆☆ لحظة يا كابتن وين راح تاخذنا؟ عزيز☆☆مطعم قريب على الجامعه مو بعيد هوني... لا تخافو دايما انا وجورج نروح الو نجاة☆☆ اي واذا شافنا جورج اشراح اقولو عزيز☆☆ لا تخافي جورج بالقاعه الرياضية عندو تمرين للساعه 4 العصر اذا تركو يكونو رحمو بحالو... يلا امشو ويكفي حكي..فتحتو بيبان السيارة وقلتولهن تفضلو...صعدت اوليانا بالصدر ونجاة ورا..غلقت الباب ورحت لمكاني لبست نضارتي الشمسية وشغلت السيارة وشغلت الكاسيت على اغنية مصلاوية تراثية...يردلي ..لأني اعشق هالاغنية وكلماتها تنطبق على حالنة انا واوليانا💘 يردلي يردلي ...سمرة قتلتيني خافي من رب السما ..وحدي لاتخليني انتي على دينكِي ...وانا على ديني تصومي خمسينكيِ ..واصوم ثلاثيني شرباتكم بارده ...وسطوحكم عالي والله قتلني العطش.. بالله ارحموا حالي رحتي زرتي النبي ..مقبولة زيارتكي متى يمسي المسى.. دتنام جارتكِي واعمل سليلم من حرير ..واصعد لأوضتكي وابوس خدك اليمين ..واحضنُ بقامــــــتكي فتوا على بابها ...عم تنقش الوردي راس ابرتو من ذهب... وبريسمو الهندي لدعي لرب السما ...ليته غدا عندي وافرش فراش الهنا.. ومخدتو زندي⚘ مشغل الكاسيت واسترق النضر الها.. اغشعها مبتسمة ومنزلة راسهة ونازلة خصلات من شعرهة مغطيهة نص وجهة.. وتلعب باضفرها احس روحي تنسلب من اشوف ضحكتها رفعتو صوت الكاسيت من شفتهة مطروبه مع الاغنية مشيت على مهل بسيارتي حتى تنسجم مع كلماتها ..أقل من 5 دقايق وصلنا للمطعم ركنت السيارة على جانب الرصيف.. اوليانا☆☆صعدنا السيارة وشغل الكابتن اغنية يردلي😍عشت مع كل كلمة من كلماتها ضليت طول الطريق مرتبكه والعب باضافري واختلس النضر للكابتن .. ما انكر اني كنت فرحانه لانو حسيت راح يحكي شي بعد طول انتضار ويصارحني بحبو الي بس بنفس الوقت خايفة من المستقبل... لأني متوقعة نتائج هالحب...بلحظتها قررت ما افكر بشي غير هاللحظه الي عايشتها ورجعت البسمه لشفافي .. وصلنا المطعم وركن السيارة حتى ننزل .. نجاة☆☆يا لله هالهبلة فرحانة على هالوضع اشنو رااح يحكي هالرجال علينا وهية توزع ابتسامات كأنها مامصدقة عزيز☆☆ ركنت السيارة وقلتولهن .. انتضرو شوي يابنات .. اوليانا☆☆ ليش كابتن.. عزيز☆☆ غمزتولها بعيوني وابتسمت ابتسامه خفيفة.. اوليانا☆☆ نزل من سيارتو واجة فتحلنا باب السيارة😍اه ياقلبي والله ماعاد يتحمل اشقد جنتلماان هالرجال قلتلو .. مرسي كابتن عزيز☆☆ اقل واجب ياقلب الكابتن اوليانا☆☆صرت بغير عالم لما حكى هالكلمه رجليني ثقلت اريد اتحرك ما اقدر .. همست يييه.. ولك اتحركي اشنو راح يقول عليكي الكابتن ماصدقت سمعت هالكلمه واغمه عليها رفعت عيني بخجل ودحقت عليه وابتسمت ابتسامه خفيفة ونزلت من السيارة ..غلق الباب الكابتن ..وراسا مسكتني نجاة وهمستلي نجاة☆☆ ولك يكفي تبتسمي بقى.. اثقلي شوي يالهبلة اوليانا☆☆والله موبيدي يانجاة احاول اخفي هالارتباك بالابتسامه .. نجاة☆☆ههه يحقلك ترتبكي ياخانم ..بس لاتوزعي كثير ابتسامات اش راح يحكي عليكي ولك اوليانا☆☆ميلتو راسي عليهة وقلتولها 😍 سمعتي الاغنية .. يالله انا اصلا احب هالاغنية انوب هوة شغلها عشقتها اكثر.. نجاة ☆☆ هههه ولك مو وقت اغاني.. دحقي حبيبتي لاتخلي يعزمنا على الغدا نشرب اي شي ونرجع اوليانا☆☆ اي انا همين قلت مانتغدة لأنو اتاخر على اهلي ومالي خلق اخذ رزايل من امي يلا فوتي نونة نحكي بعدين ... دخلنا لجناح العوائل وسحب الكابتن الكراسي النا وقعدنا.. عزيز☆☆ اي كيف حالكم يا بنات اوليانا☆☆بخير الحمد الله تسلم 😊 نجاة☆☆ فرحانين بالفوز على فريقك كابتن ف? اكيد نكون باحسن حال😁 عزيز☆☆هههههههههه اعلمه الرماية كل يوم... فلما اشتد ساعده رماني اوليانا☆☆طلابك كابتن 😉 عزيز☆☆هههههه ماقلتولي اشنو عاجبكم تتغدون ؟ ابالكم شي معين اوليانا☆☆لا كابتن مو وقت غدا صدقتني راح نتأخر كثير ع البيت... نشرب اي اشي ونروح وتكون عزيمتك واصلة عزيز☆☆ لاه لاه لاه همزين انا عزمتكم .. لو باقي عليكم كان قتلني الجوع اوليانا☆☆ لااا مو هاكذ كابتن بس لانو نتأخر. وراح نضطر نتغدة مرة ثانيا بالبيت ☹.. عزيز☆☆اي الف عافية يامعودة اكلي اشنو باقي بالدنية .. وبعدين هذا اتفاق ولازم أئدي.. التفتت على النادل وطلبتو الغدة... نجاة☆☆نتغدة مرتين بأقل من 3 ساعات اشنو راح يصير بية☹ اوليانا☆☆ انتي هاكذ تحكين لعد انا اشأقول 😐 عزيز☆☆ ههههههههه ليش اشنو بيهة نجاة؟ اوليانا☆☆ اوف يا كابتن اتصور تخلص على كل شي بالكافتيريا يلا تطلع ...اتخيل تشرب 2 ✌ سينالكو وتاكل من كل اشي 2 ومايزيد وزنها ابددددد وانا اشرب كاس عصير ______😑خليني ساكته احسن كابتن... نجاة☆☆ عين الحسود بيها عود... والله ياكابتن بهذلتني قاعدي وتحسد بية ☹راح تموتني من عيونها .. عزيز☆☆هههه ولايهمكم باكر اكثف التمرينات واخليكم تخسرون هالسعرات الحرارية من غدوة اليوم اوليانا☆☆😐تكثف التمرينات... وانا اقول ليش احس حالي شبعانه... ضحكو الكابتن ونجاة وانا صافنه عليهم..دقايق واجي النادل جايب الغدة اكلتو شي قليل حتى اقدر اتغدة مع اهلي عزيز☆☆ اتغدي لولو... ليش ماتاكلين؟ اوليانا☆☆ شبعتو كابتن .. نجاة☆☆ولك اتغدي هوة غدا ومحسوب عليكي يلة اكلي لاتهتمين لشي.. اوليانا☆☆ 😒خليتو الغدا الك انتي تسدين ابمكاني... عزيز☆☆مايرد الكريم الا البخيل هاي عزومه يا لولو اكلي لاتخافين تبقين رشيقة وحلوي .. اوليانا☆☆ههه يسلمو كابتن.. رجعت اكل بس خفايف الى ان كملو الغدة واجة النادل شال الباقي... عزيز☆☆ اشنو عاجبكم تشربون؟ اوليانا☆☆ اتاخرنا كثير كابتن لازم نرجع مابقى وقت عزيز☆☆ التفتت للنادل وقلتولو ..جيب 3 بيبسي ..رفعتو عيني بعين اوليانا ... اعرف اتاخرتي بس عندي موضوع مهم معاكي اوليانا☆☆ من حكى هاكذ الكابتن حسيتو قلبي صار برجلي وجسمي كلو يرجف .. اشنو كابتن خير ان شالله نجاة☆☆ انا لهون ويخلص مشواري معاكم غديتوني غدوة كثيير طيبة مشكور كابتن ..يلا لازم اروح .. جريتو حقيبتي ودة اقوم اوليانا☆ راسا مسكتها من ايدها وين تاركتني ورايحا ابقي معي لا تروحي عزيز☆☆ وين رايحا نونة.. انتي مو غريبي اخت جورج وتعرفين كل شي عني ..اقعدي خلينا نحكي اقعدي نجاة☆☆ اشنو موقعي بيناتكم عذول 😐 عزيز☆☆هههه كلامكي هذا سهل عليه كثير امور..التفتو عليها وقلتولها..يعني تعرف اوليانا بمشاعري تجاها اوليانا☆☆سكتو ونزلت راسي وقمتو اتنفس بصعوبة وارتباك عزيز☆☆ اوليانا.. من اول ماشفتك بالجامعه جذبتي انتباهي كثير.. اوليانا☆☆ اهه عزيز☆☆اي يحقلك تضحكين لأنو ماكنت متوقع هاكذ راح يصير بية ..صح بالبداية صار سوء تفاهم وخلاف بيناتنا ...لكن دائما كنتي مميزة بين الطالبات الك نكهة معينه بالقسم.. تعرفي لما بديت اتعود عليكي واحب تواجدكي بالقسم كنت استغرب نفسي.. معقولة انا هاكذ امور تصير معي ؟بس بمرور الايام تحول هالامر لأعجاب واكتشفت نفسي بعدها اني احبك.. وتطور الحب الى عشق وشغف بيكي.. اوليانا اذا يمر يوم واحد بدونك.. ما احسبو من عمري.. لكن كل هالمشاعر بداخلي مالقيت منك ترجمه الها.. احيانا احسك حاسة بية.. واحيانا احسك بعيدة تماما عني .. واحيانا احسك تبادليني هالشعور بشغف منڪ... حيرتيني... حاسس حالي تايه ببحر عيونك لا اقدر انسحب ولا اقدر استمر ولا لاقي المرسى وارسالي على بر... اوليانا☆☆ضليت ساكتي ماحكيتو اي شي عزيز☆☆رسيني على بر اترجاكي لا ليلي مثل الناس ولا نهاري مثل العالم اتعرفين اشقد فكرتو اترك الدراسات العليا والجامعه وكل شي والتحق بالجيش مرة ثانية بس ماقدرت.. اوليانا☆☆جيش؟ عزيز☆☆ اي الجيش.. حتى ابتعد عنك..اريد اطلعك من حياتي واشغل التفكير عنڪ لڪن فشلت .. ولك اذا تغيبين يوم واحد ابقى تايه بالجامعه وادور بالوجوه عليكي..وانتي قيسي مدى حبي الك نجاة☆☆ احم احم عزيز☆☆حسيتو على نفسي قديش تغيبتو عن الدنيا من قعدت وحڪيت معاها واخذت راحتي بالڪلام ...لڪن لما اتحمحمت نونة ضحڪت بخجل... ههه اي نونة احڪيلڪ ڪلمي وشارڪينا الموضوع نجاة☆☆هههههه همزين اتذڪرتو اني قاعدي عذول بيناتڪم😎.... اوليانا☆☆دحقتو لنجاة وقلبي عاصرو القهر.. الشفة تبتسم بس العيون تدمع.. نجاة☆☆ اغشعتو (شفت) اوليانا ماتقدر تحڪي شي عرفتو راح تترڪ ڪلشي ع النص هذا طبعها ماتعرف تحسم الامور بشڪل صحيح اضطريت ادخل واحڪي بدل عنها..... طيب ڪابتن تسمحلي اتدخل بيناتڪم عزيز☆☆ اكيد نونة والا ماكان حكيت اي شي قدامك.. نجاة☆☆ كلشي حكيتو صحيح ..انت تحبها وانا اعرف ومتأكدة انو اوليانا تحبك .. لكن بأعتقادك الحب يكفي بهاكذ علاقة؟ عزيز☆☆عصرت كف ايدي وقلتولهة.....فهمت ڪلامك وهذا الي محيرني ومامخليني اعرف اتصرف نجاة☆☆التفت على اوليانا...احكي ويكفي سكوت بما انو الموضوع انفتح لازم تحسموه اليوم ... اوليانا☆☆كنتو مترددة اتكلم بس كلام نجاة قواني....عندي نفس المشاعر تجاهك كابتن ويمكن اكثر منك... بس حبنا مستحيل..لا اهلي يتقبلوك ...ولا اهلك راح يتقبلوني عزيز☆☆اذا كان على اهلي انا اقنعهم واكيدد يتقبلوكي لان عدنا زواج الكتابية جائز وانتو اصحاب دين يعني عادي ناخذ منكم... نجاة☆☆ بس دينا مايقبل يزوج لغريب من غير دينا لا بنات ولا الاولاد ..لان تطلع عن الدين وهذا حرام ومايصير بدينا... عزيز☆☆بس دينا يسمح بهالعلاقة .. نجاة☆☆يا كابتن كلمن يشوف دينو هوة الصح.. وهذا مو غلط ولا عيب بالعكس..فخر للشخص يكون مفتخر بدينو... دينكم يسمح تتزوجون بناتنا.. بس مايسمح بناتكم يتزوجو غير المسلم ...ودينا مايسمح لا نعطي ولا ناخذ منكم او من غيركم ...طيب انت حسبت معارضة الاهل؟ يعني حرب نفسية الي راح تتعرضولها وبختصار حتى لو الدين يسمح بهالزواج المجتمع راح يرفضو...لذلك انا اشوف علاقتكم خطاء عزيز☆☆همست كلامها منطقي وصحيح حتى لو الدين يسمح.. المجتمع ما راح يسمح يتم هالزواج رفعت عيني بعين اوليانا وقلتولها احڪي شي ليش ساڪتي يعني نجاة حڪت اڪثر منڪ رغم انو انتي صاحبه الشأن.. نجاة☆☆طلبت منڪم اترڪڪم وارجع لبيتنا لڪن انتو ماقبلتو وانا اعرف نفسي لساني مايسڪت وبنفس الوقت ماريد اخرب عليڪم لأن هذه حياتڪم الخاصة ...حڪيتو هاڪذ مجرد توضيح حتى اخلي النقاط ع الحروف لانو اوليانا دايما متشتتة وماتعرف تتصرف بهاڪذ مواقف... وعلى العموم انا اسفي اذا ادخلتو بشي مايعنيني.. اوليانا☆☆ لا بالعڪس نونة ڪلامڪ منطقي وصحيح ماعليه غبار ... عزيز☆☆ لاتتحسسي يانونة من ڪلامي انتي تعرفيني واڪيد تعرفين ما قصدي اجرحڪ بالڪلام بس ردتو اوليانا تحڪي شي اوليانا☆☆حكيت بهمس وقهر ڪابتن قصتنا قصيري ونهايتها معروفه..حسيتو قلبي انعصر وعيوني انعمت من الدموع عزيز☆☆لا تتفاولين هاكذ لخاطر الله اوليانا☆☆ هذا الواقع ڪابتن الناس والدين ما يتقبلون هاڪذ زواج وارتباط عزيز☆☆ الناس شي و الدين شي ثاني ... الناس ابدا ماتهمني لانو مايعبجها العجب وهنة اخر اهتماماتي .. والدين ماحرم هالزواج اوليانا☆☆بس دينا حرم الارتباط بغير المسيحين .. عزيز☆☆اوليانا لا تقفليها ..ابقي على دينڪ ماعندي اي اعتراض ولا مشڪله بهالامر..انا مو من الشباب الي يجبرو المراة على شي معين او قناعه معينه... المثل يقول ..موسى بدينو وعيسى بدينو....هونيها وتهون يابنت الناس اوليانا☆☆ماقدرت احڪي اكثر عجزت عن الحڪي وعيوني تجري دموع ما قدرت افڪر بشي ابدا عزيز☆☆يمڪن سهل عندك ترفضيني وتتركيني.. بس المشكلة هوني...واشرت على قلبي💔وادق بايدي على صدري.....المشكلة بهذاا القلب اشلون اطلعكي منو اشلون اقنعو مايفكر بيكي... ولك ليلي ماا انامو اذا مو اوعد نفسي اني راح احلم بيكي ..وجودك بحياتي صار شي اساسي.. وجهك مايفارق خيالي كلما اشتقت الڪ اغمض عيوني واتاملك .. ودايما اختلي بنفسي واقعد احكي معك ...اوليانا لا تفتين قلبي احكيلك شيي انطقي قولي انڪ تحبيني....او ما الك رغبة بية احڪي اي شي وانا راح احاول اتقبل قرارڪ... اوليانا☆☆ ما اقدر اوصف شعوري .. حسيت حبنا مستحيل وشفت بعيونو اشلون يتوسل ما اتحملت اشوف الكابتن هاكذ حالو ...هذا الهيبة الي البنات عينهن عليه...يتوسلني وعيونو تدمع نطقت بدون وعي وماحسبت حساب اي شي..وانا ____سكتت ونزلت راسي عزيز☆☆ احڪي.. احڪيها اريد اسمعها منك ولك انطقيها حبيبتي لا تترڪيها حسرة بقلبي امنيتي اسمع هالڪلمي منك لاتحرميني منها.. اوليانا اذا عندك مشاعر تجاهي قوليها احڪي انطقييي لاتسڪتي مستعد اتحدى اي ضرف صعب يوقف بوجهنا بس انطقي... اوليانا☆☆ همست بخجل وخوف ....احبڪ عزيز☆☆رجعت ضهري ع الڪرسي حسيت التعب راح ابتسمت واتنهدت تنهيدة كبيييررة وجريت حسرة وقلتولها..رديتي بيه الروﺡ.. من يوم الشفتك صرت عايش على الهامش وهسة صار لحياتي معنى ..جريت كاست المي وشربت شوي منو ورجعتو ع الطاولة...طيب ممكن سؤال... اوليانا☆☆اومأت بخجل يعني.. تفضل عزيز☆☆ من امتى حسيتي بشعور الحب تجاهي يعني من اول السنه مثل حالي...او بعد فترة من الوقت نجاة☆☆غشعتو (شفت)اوليانا مرتبڪه كثير وماتقدر تحكي اضطريت ادخل قلتولو.. كابتن😑 عزيز☆☆التفت على نجاة.... نعم نجاة نجاة☆☆كنت تنتضر اعتراف منها وهاي صارت جلسة مصارحه...يكفي بقى خلينا نرجع عزيز☆☆وليش مستعجلة نجاة☆☆اشنو ننتضر يجينا صاروخ ايراني😒 عزيز☆☆ههههههه ولك اموت واعرف اشلون اوليانا تصادق عشماوي مثلك ولك اشجابڪ عليها نجاة☆☆😑هاي تاليتا صرت عشماوي .. اوليانا☆☆اشنو يعني عشماوي عزيز☆☆ العسكري اليوقف على الاعدامات اوليانا☆☆يااه هههههههه حظي الاغبر جابها عليه اش أسوي .. نجاة☆☆ مقبولي منكم حبايب 😑 يجي يوم وتحتاجوني واااان شالله تلقوني......قاطعني الكابتن عزيز☆☆ ماتقصرين نونة قدها وقدود انتي اخت رجال يكفي اخوكي جورج... اوليانا☆☆ اي والله ياكابتن انا بدون نونة اضيع فديتها اختي الماجابتهة امي نجاة☆☆😒 تلقوني مو بالخدمي وزوج اليخدمكم ياناقصة عقل تقدملكم خدمه على هالحكي ...ما هسة كنتو عشماوي وتسألها اشلون يالولو خانم صادقتيها اوليانا☆☆ههههه قبان قلبك...انتي قلبك ابيض ماتعمليها... عزيز☆☆هههههههه قلتولك انتي اخت رجال ما تجي منك العايبة اوليانا☆☆حبيبتي نونه قبان (فدوة) قلبڪ رغم رفضهة للموضوع لكن اتعاملت مع عزيز بكل لباقة .. اشرتلي نجاة ع الساعه اووف اتاخرنا ...كابتن لازم نرجع كثير اتأخرنه عزيز☆☆ يلا براحتكم بس ثواني اخذت مفاتيح السيارة ونزعت منهة المداليا محفور عليها اول حرف من اسمهة A واول حرف من اسمي A ومكتوب بيناتها Love (احبك)... مسكت ايد اوليانا وحطيت المداليا بيدهة ..هاي هدية الك اوليانا☆☆اخذ ايدي الكابتن واعطاني مداليا كثير حلوي اتفاجئت لاني مامحضرة شي حتى اعطي.. اشنو هذه كابتن عزيز☆☆ شي بسيط اتمنى تتقبلي مني تعرفين كلشي صار سريع وماحسبت يجي هاليوم والا كان صغتوها ذهب وقليل بحقك اوليانا☆☆ بقيت متفاجئة والابتسامي بوجهي وماسكه المداليا ما اعرفت شنو اسوي.. مسكت المداليا بايدي بقوة ومديت ايدي ع رقبتي ونزعت سنسالي والصليب واخذت ايد الكابتن واعطيتو الصليب والسنسال..... وهاي هدية مني الك عزيز☆☆اي والله اجه بوقتو... رغم اني ما متعود اخذ شي من حدا بس هالصليب لازم اخذو لانو كان معلق برقبتك وبي عطرك يعني كلما احتاج هوى استشنق هالسنسال واتخيلك اوليانا☆☆كلامو يخلي الصخر يذوب ويخجل ابتسمت ودنكت راسي واضغط بيدي ع المداليا نجاة☆☆😐وبعدين راح نبقى للمسا هووني عزيز☆☆ هههههه عشماوي انتي ماتجوزي يلا تفضلو قمت ودفعتو الحساب وطلعنا مشيت قبلهم و فتحتولهم باب سيارتي اوليانا☆☆ لا كابتن مشكور احنه ناخذ سيارة من هوني ونرجع عزيز☆☆اصعدو ويڪفي حڪي اماڪنڪم قريبي دقيقتين ونصل .. اوليانا☆☆ واشلون اعرفت بيتي؟ عزيز☆☆ههههههه عزيز اذا راد شي بيوصلو اوليانا☆☆مافهمت عزيز☆☆ مشيتو وراڪي قبل فترة وعرفتو بيتك اوليانا☆☆بقيت صافني ..ياربي انت مجنون 😍 عزيز☆☆فاتح باب السيارة وادحق عليها وعيوني بعيونها هزيت براسي بمعنى.. ااي انا مجنون.. اومأت بعيوني يعني يلا اصعدي السيارة اوليانا☆☆ اوك كابتن بس نزلنه على الشارع مو بالفرع ولا قريب عن بيتنا.... عزيز☆☆اوك يلا اصعدو..اخذتهن بسيارتي دنرجع ... طول الطريق عيني مانزلت عنها فرحتي بيها ماتنوصف لما عرفت حبي بقلبها ساكن وتبادلني نفس الشعور ..احس جبل من الهم ونزاح عن صدري ...وصلت للشارع..ركنت السيارة ع الرصيف حتى ينزلو .... اوليانا☆☆ تعبناك كابتن عزيز☆☆ضحكتو وهزيت براسي ..مستعد كل يوم اوصلكي واشتغل سايق عندكي لا امل ولا اتعب بس المهم اصبح بهالوجه الحلو نجاة☆☆ ياعيني ياعيني خففو هالغزل اشوي انا قاعدة عذول بيناتكم اوليانا☆☆هههه لا محشوم كابتن ماقصرت ..ضحكت ونزلت راسي ..ومديت ايدي حتى افتح باب السيارة وانزل رفعت راسي ودحقتو ابن عمي باسل😧 قدامنه واقف يشتري....ولك نجاة هذا باسل نجاة☆☆همست.... اي عادي واشنو يعني اتصرفي بشكل طبيعي ليش ضايجي ... اوليانا☆☆ هذول ثعابين وxxxxب ما ارتاحلهم نجاة☆☆ كل القرايب هاكذ😅 يلا انزلي .. باسل☆☆اخذت والدي بسيارتنا ورحنا لبيت عمي ابو ايفان لان عدنا شغلة معو وقبل لانصل بيت عمي خلصنة سكاير... ركنتو السيارة بالفرع ورجعتو اشتري من محل على الشارع... دة ارجع وشفت اوليانا دتنزل من سيارة كابرس سودا وقاعدة بالصدر بقيتو ادحق عليها ..ماهتمت ولا عبالك انا ابن عمهة واقف قدامهة....اتقربت منهم حتى اشوف منو بينو هالسيارة .....ها اشلونكي اوليانا اوليانا☆☆😒 بخير باسل☆☆اشنو هذا سايقكم؟ اوليانا☆☆ اي باسل☆☆ لعد ليش مايوصلكم للباب على اشنو دياخذ اجرة وكومه دنانير ليش هوني منزلكم ؟ اوليانا☆☆ ______ ضليت ساكتي ماحبيت اجاوب عليه باسل☆☆ تركت اوليانا و دنكت وحكيتو مع السايق من شباك السيارة....اقول عمي ليش ذابهن هوني؟ ما المفروض توصلن لباب البيت عزيز☆☆ من قالت اوليانا هذا ابن عمي قلبي انقبض ما اعرف ليش.... شفتو يتقرب منها ويدحق عليها... مارتاحيتلو ابدا.. انوب اجة يحكي معاها اتمنيت انزل من السيارة واطحن 👊عظامو طحن حسيت نار اشتعلت بقلبي وعيوني تقدح من الغضب.. انوب اجة و دنك راسو من شباك السيارة وحكى معي بس بقيت ساكت ماقدرت اجاوبو لأني خفت على البنات بس كانت حالتي حاله وانضرلو بعين الغضب نجاة☆☆دحقتو على الكابتن ساكت راسا حكيت بمكانو ...احنا طلبنا منو ينزلنا هوني محتاجين نشتري كم شغلي من المكتبي اوليانا☆☆ اي صح محتاجين كم شغلي نشتريها عندك مانع؟ باسل☆☆ لا ماعندي مانع بس... اوليانا☆☆اذا ماعندك مانع ليش تتكلم بهالاسلوب مع الرجال باسل☆☆لأنو سايق الخط يعني كومة فلوس ياخذ دينار ينطح دينار شوفي كم دينار ياخذ منكم بالشهر غير يوصلكم للباب حتى يفك فلوسو عزيز☆☆😡اي فلوس ماسمعتهن يريدن ينزلن هوني ..وبعدين يومية اوصلهن للباب بعد اشنو هالحكي اوليانا☆☆دحقتو للكابتن عايش دور السايق وصاير اعصاب😁 قلتولة...روح كابتن الله معك وشكرا جزيلا عزيز☆☆ حكيت معها بنرفزة...روحي انتي وبعدين انا اروح.. 😠 اوليانا☆☆ يلا انا رايحي... مشيت خطوتين والكابتن باقى واقف يراقب همستو لنجاة.. ولك هذا بعدو ماتحرك من مكانو نجاة☆☆اي لو بيدو ينزل ويخبز ابن عمك😅 اوليانا☆☆ ولك لهي هاللزقة الاسمو باسل بلكي يتحرك الكابتن ويروح نجاة☆☆ تحركت اسرع من اوليانا وقلتولو انا نجاة صديقة اوليانا وجيرانهم بنفس الشارع 😁 باسل ☆☆اي اهلا وسهلا نجاة☆☆اهلا بيك ...وين موقف سيارتك باسل☆☆ هوني بالفرع مو بعيدي... اوليانا☆☆نجاة لهت باسل بالحكي والكابتن من غضبو شخط السيارة ومشى كثير سريع كان مبين عليه العصبية... ههه غيرتو بلشت تبين... باسل☆☆التفت على اوليانا ..اقول ليش تقليلو كابتن ؟ وعلى اشنو تشكري ؟ اوليانا☆☆ لعبت نفسي منك ياباسل ..يعني واذا كابتن مايصير يشتغل غير شغلي؟ وبعدين هوة وصلنه للمكان الي نريدو ف? من الذوق نشكرو😒 دحقتو عليه بطرف عيني وتركتو ومشيت باسل☆☆طيب امشو معانا نوصلكم للبيت اوليانا☆☆ لا ما نريد عاجبنة نتمشى انا وصديقتي .. بقينه نتمشى وهوة يلاحقنه باسل☆☆اقول هوة السايق اشقد ياخذ؟ اوليانا☆☆ هووووف .. ياخذ فلوس باسل☆☆ لعد ياخذ نوة اعرف فلوس اشقد؟ اوليانا☆☆ وقفت بمكاني وانا ادحق عليه بتك عين..ما اعرف لانو بابا هوة يدفع...وابتعد عني اريد اروح للمكتبة يلا نجاة امشي..مشيتو وتركتو وانا نفسي لعبانة منو ...ييع انكشف اشقد هوة مادي ....اشقد مكروه حقهة امي تتخبل منهم نجاة☆☆هههههه ولك هذا زوج المستقبل اوليانا☆☆بعدك ماتعرفيني رغم احلم اني اكون اسرة واصير ام وزوجة... لكن اذااا صار وانجبرت على هالمخلوق...اروح لاي دير واصير راهبة فينو واعتكف عن حياة الزواج كلها مابقا علية غير ابن عمي جرجس ايع .. نجاة☆☆هههه امشي امشي اتاخرنة ولك اوليانا☆☆ رحنه للمكتبة اشترينه شغلات مانريدهة حتى نتوه الكذبة ورجعنا بعد تقريبا ثلث ساعه للبيت دخلت لقيتو ماما ناصبة الغدة وديتغدون بابا وعمي جرجس و باسل ودريد ورامي ونبيل بس ماما مو وياهم دخلت وسلمتو عليهم وردولي السلام وباسل يدحقلي بطرف عينو تركتهم ورحت للمطبخ .غشعتو ماما تنضف المطبخ قلتولها..... هلو ياحلوي ام ايفان☆☆اهلين حبيبتي ليش اتأخررتي هاكذ ضل بالي عندك وين كنتي اوليانا☆☆..مو...يعني....تعرفين. ..محاضرات كثيرة ورحتو انا ونونة اشترينا كم شغلي من المكتبة وشوي اتأخرنا .. وهاي اجيت بأقصى سرعه ام ايفان☆☆يلا لعد انا قتلني الجوع روحي غيري ملابسك وتعالي دنتغدة سوا اوليانا☆☆ليش ماقعدتي وياهم لمهتم حلوي ترة 😁 ام ايفان☆☆سدي ثمك وولي من هوني تعرفين جواب هالسؤال.... يلا بساع غيري ملابسك لان دختو من الجوع اوليانا☆☆اخذتولها وضيعة الاستعداد وضربتولها تحية ... امرك سيدي دقايق واكون تحت امرك ..صعدت لغرفتي غيرت ملابسي وطلعت المداليا وبقت اتمعن بيها.. كثير حلوي شفتها... بعيوني مميزة تختلف عن اي هدية ثانية ضميتها بايدي قوي وبستها وخليتها ع مكتبي طلعت من غرفتي ونزلت لقيت امي حايرة بالمواعين تغسلهن اجيتو عليها حبيبي ماما اتركي الصحون انا اغسلن روحي اتغدي انتي ام ايفان☆☆ لا حبيبتي انتي جاية من الجامعه تعبانه واكيد جوعاني روحي اتغدي وهسة اخلصهن واقعد معاكي اوليانا☆☆ لاا ياجوعاني اصلا مسدودة نفسي ما اقدر اكل شي.. جيبي حبيبتي خليني اكملن وروحي اتغدي ام ايفان☆☆ ليش مسدودة نفسك ياستار اشبيكي مريضة؟ اوليانا☆☆....ها....لا... بس اكلت اشوي بالكافتريا... وفوقاهة شفت باسل قدامي ايع😝 انسدت نفسي اكثر ام ايفان☆☆ اووف الله يطمن قلبك على هالحكي الحلو هسة نفسي انفتحت على الاكل راح انسف الدست( الجدر) نسف من فرحتي اوليانا☆☆ههههه الف عافية ياامي ام ايفان☆☆ ياماما اهم شي تبتعدين عن بيت عمك...مو بيدي يابنتي ما اقدر انسى مواقفهم الزبالي معانا اوليانا☆☆ اخذتو الجلافة والصحون من ايدها.. وبست راسهة .. حبيبي انتي كل كلمه تحكيهة حقك والف حقك ..روحي ياعمري اتغدي وهسة اجي معاكي ... ام ايفان☆☆ يلا ماما لاتتأخرين كمليهن على السريع وتعاي اوليانا☆☆ راحت امي تتغدة كملت الصحون وقعدتو معاها ع الطاولي وقمت شوي القم بالاكل طبخ امي لا يعلى عليه ويجبرني اكل .. ام ايفان☆☆ خابرتني خالتكي كاترين واتفقنه احنه وباقي خالاتكي نروح للكنيسة يوم الاحد الجاي كلنا اوليانا☆☆اها حلو نيالكم كان اجيت معاكم بس عندي دوام ☹ ام ايفان☆☆ مايخالف ماما بالعطلة تشبعين منهن اوليانا☆☆ امي دتحكي عن خالتي كاترينا واجتي ابالي قريبت امي اسمها نوال رأسا سألتوها...اقول ماما اشنو اخبار نوال؟... ام ايفان☆☆ منو نوال ؟ اوليانا☆☆ نوال قريبتكي.. الي تصير اختو لزوج خالتي كاترينا.. ام ايفان☆☆ استغربت من سؤالها...وهاي اشذكركي بيها ؟ اوليانا☆☆ ________؟ يتبع..............⚘ فعلا هيج نوع من هالحب يكون متعب لان ماكو اي طرف راضي عليه ...توقعاتكم😊 | ||||
|
| |
|
19-10-18, 12:37 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #على_اعتاب_قلبي البارت الخامس ⚘⚘⚘⚘⚘⚘ بقلم فينوس آرام ام ايفان☆☆ استغربت من سؤالها...وهاي اشذكركي بيها ؟ اوليانا☆☆ما اعرف ليش اجتي على بالي ام ايفان☆☆ خلي تولي لاتفكرين بيها ابد اوليانا☆☆ هية اشتقربلك بالضبط ؟ ام ايفان☆☆اقربائنة من بعيد اوليانا☆☆اها.....طيب ماما يعني هية بعدها متزوجة هالولد المسلم او لا؟ ام ايفان☆☆ اي اعتقد بس مااحب اعرف عنها اي شي.. لكن خالتك دائما تتواصل معاها وشبعانه رزايل مني ... اوليانا☆☆ ليش يعني اذا البنت مستقرة مع زوجها معناها اختيارها صح...ليش هاكذ دتعامليها... ام ايفان☆☆ صح؟! ولك وين الصح وشلون شفتي صح؟ تتزوج شخص من غير دينها بنضركي هالشي صح اوليانا☆☆رغم امي عصبت عليه بس ضليت احكي معاها ماسكتت...يا امي غير يحبو بعض وبعدين اضاهر اختيارها صح لان بعدهم سوى ما افترقو ..وتعرفين المسلمين عدهم الطلاق جائز مو مثلنا الا بحاله معينه يلا يتم الطلاق يعني لو ما كانت مرتاحه معو كان اطلقت... ام ايفان☆☆مو كل وحدة بقت مع زوجها يعني زواجها ناجح... يجوز ماكلة تبن وماتقدر بعد ترجع لأهلها.. لانو هية اختارت هالطريق وغصبا عنها تتحمل مسؤليه اختيارهة... اوليانا☆☆ يا امي ليش هاكذ كارهة نوال كلنا نعبد الله الواحد ..مالة داعي هالكره ... ام ايفان☆☆انا مو كارهتها.. لكني ما اقدر اتقبلها .. كثير خطبوها من دينا ليش ماقبلت بيهم راحت تركض على واحد من غير دين ...هاكذ وحدي ماتستاهل نشوف بوجها اصلا اوليانا☆☆هذا حب يا امي والحب مو حرام الحب مشاعر مقدسه عند الرب....هالامر مو بالايد وبعدين ...قاطعتني ام ايفان☆☆يكفي حكي واسكتي ولا كلمة ولانفس.. واصلا ليش متعبة نفسي و اناقشكي ...انتي وين وهالسوالف وين اوليانا☆☆ ليش يا امي احكيلي خليني افهم ام ايفان☆☆ بعدك صغيرة على هالحكي من تكبرين نحكي بهاكذ مواضيع اوليانا☆☆ صغيرة😒؟ عمري صار 19 سنه وصغيرة ام ايفان☆☆مهما كبرتي تبقين بنضري صغيرة ويلا اتغدي ولاتبقين تلغين لانو راسي يوجعني وعندي مجلس عزاء لازم احضرو.... اوليانا☆☆ياستار يارب منو مات؟ ام ايفان☆☆بيت ام ياسين جيرانا الي بضهر بيتنا من الفرع الثاني ..خطية ابنهم مصطفى جابو شهيد امس ولازم اروح اوجبهم واخذ من خاطرهم اليوم .. اوليانا☆☆اها بيت ام ياسين وابنهم مصطفى يعني جيرانا المسلمين تقصدين؟ ام ايفان☆☆اي همة مسلمين ..اشنو معنى كلامك؟ اوليانا☆☆يا امي اذا تضوجين منهم ليش تحضرين مجلس عزائهم ما دة اقدر افهمك؟ ام ايفان☆☆اشنو هالدماغ الغبي عندك يالهبلة؟ اولا انا ماضوج منهم ولا اكرهم ياغبية بالعكس ماعندي شي معاهم..وهذا يسمو حق الجار على الجار... نشاركهم احزانهم وافراحهم نوقف معاهم بالحلوة والمرة لان همة همينا يشاركونا بكل اشي.. بس مو معناها اناسبهم ونعطيهم بناتنه كل شخص الو دينو..وكل شخص يشوف دينو هوة الصح..فهمتي وثانيا.. عضي لسانك الي مايعرف اش يحكي اضاهر تاخيرة الجامعه اليوم أثرت على عقلك وخلتك غبية وماتعرفين تفكرين وتحكين اوليانا☆☆ضليتو ساكتي واستقبل هالاهانات بروح رياضية 😁اي يا امي اشنو حكيت معك مجرد اسئلة ام ايفان☆☆اسئلتك غبية كثير ...يلا كملي غداكي وانتي ساكتة ما اريد اسمع صوتك اوليانا☆☆خلصنه الغدا وقمت شلت الصحون حتى اغسلهم بهالاثناء اجة بابا معانا بالمطبخ ابو ايفان☆☆ اها الحلوين هوني قاعدين وانا اقول المطبخ ليش يضوي هالقد ام ايفان☆☆ اوف ياهاللسان ماينقدر عليه ياخذنه للشط ويرجعنا عطشانين اوليانا☆☆ اهلين باباتي😍 ابو ايفان☆☆اهلين ياروح ابوكي... التفتو على ام ايفان ..اهااااا... اشلون يعني ام ايفو تريديني اغازل بنات الناس.. اي عادي ماعندي مانع مستعد اغردلهن تغريد.. ام ايفان☆☆ماتصدق تسمع كلمه😒 ابو ايفان☆☆هههههه..اي اشلونكي يابنتي اوليانا☆☆الحمد لله ياروحي.. اذا انت بخير انا بخير..خلصت غسل الصحون ونشفت ايدي وقلتو لأمي..تريدين شي مني ماما لو اروح انام شوي ام ايفان☆☆ لا ماما روحي ارتاحي.. ابو ايفان☆☆ تعاي وين رايحه تعاي قعدي جنبي ولك نسيتو شكلك يادوب على وجبات الاكل اشوفك .. اوليانا☆☆اي والله يا بابا انا همينةمشتاقتلك كثير بس اشاسوي دراسة وتمارين وارجع تعباني.. والنهار كأنو ساعتين بسرعه يخلص ابو ايفان☆☆ هههههه ها انلاصت عليكي اغشعتي(شفتي) بكل قسم اكو دراسي وتعب... ماكو شي يجي بالساهل اوليانا☆☆ اويلي يالشمات انوب بابا علية ... اي يا بابا صحيح ..بس احبو شأسوي ابو ايفان☆☆ منو تحبين ولك؟ اوليانا☆☆ اختصاصي 😁 ابو ايفان☆☆ ههههههه ..ام ايفان ما تعمليلنة استكان شاي من ايدك الحلوي ام ايفان☆☆اي مو تدلل .. قمت وحطيت المي والهيل بالقوري وخليتو ع النار وحضرت الصينية وبيهة استكاين الشاي ابو ايفان☆☆ اقول بابا انتو كم طالبة بالخط اوليانا☆☆...احنه .. 4 طالبات ابو ايفان☆☆ يعني مكفيتكم السيارة لو متضايقين منهة؟ أوليانا☆☆ضل وجهي يضرب الوان خفتو لا باسل حاكيلو شي لان سيارة خطنا تويوتا وسيارة عزيز كابرس ياخوفي يكون بابا عرف شي... اي عادي تكفي.. بس ليش اشنو صاير؟ ابو ايفان☆☆ لا ماكو شي ..بس باسل اقترح عليه انو هوة يمسك خطكم.... اوليانا☆☆ 😐 ام ايفان☆☆ يا هالسيرة الي ماتفض .. ابو ايفان ما يكفي بقى .. ليش احسك تحب اذيتي واهانتي ابو ايفان☆☆ اشنو معنى هالكلام؟ ام ايفان☆☆ كلش زين تعرف موقفي من ابن اخوك .. ليش تريد تقربو من اوليانا؟ ابو ايفان☆☆ يابنت الناس هذا شغل يعني رزق ليش اوقف بطريقو اذا يريد يكسب رزقو بالحلال ام ايفان☆☆بس انت هاكذ راح تقطع رزق واحد ثاني مالو ذنب لخاطر ابن اخوك التحفة وبعدين مالو داعي هالكلام ..البنت وصديقاتها مرتاحات بهاي السيارة ليش بعد تغيرو..التفت على اوليانا وحكيتو معاها.. انتو مرتاحين بسيارتكم ما .. احكي ؟ اوليانا☆☆ اي والله بابا مرتاحين والسايق رجال حباب مابدر منو شي حتى نتركو.. ام ايفان☆☆ وبعدين ياعيني اذا ابن اخوك فعلا يريد يشتغل خلي يلزم غير خط..كثير طلاب يحتاجون سيارات توصلهم لمدارسهم لو الا مع بنتي... اتنهدتو ورفعتو عيني للسما اووف ياربي اشوقت اخلص منهم ...هذا مثل اهلو بالضبط نفس ال..... ابو ايفان☆☆نضرتلهة نضرة عتاب بمعنى لا تكملين احترمي وجودي ....انا استخطيتو لأن محتاج شغل وقلت اشغلو سايق ع الاقل ابن عمهة يوصلهة مو غريب ... ام ايفان☆☆اشنو يعني محتاااج شغل ؟ خلي يروح يدور شغل بعيد عنا انت اشدخلك ؟ وبعدين تعال فهمني هوة جندي بالجيش اشلون يلزم خط طالبات ؟ ابو ايفان☆☆لا..مو.. هو طلع لأسباب صحية ليش انا ماقلتولكم؟ ام ايفان☆☆ اسباب صحية ؟ يعني اشلون اشبي ياستار ؟ ابو ايفان☆☆ لا مابي شي بس جرجس راح وطلعلو تقارير على اساس بي كثير امراض وهاكذ.. حتى يطلعو من الجيش تعرفين يعني هاكذ امور... ام ايفان☆☆ اي امور ؟يعني اشنو بي؟ اشنو مرضو بالضبط فهمني ابو ايفان☆☆ ههه مابينو شي بس خلاه مختل عقليا حت...... ام ايفان☆☆عزةة بعيني وتريد واحد مجنون يلزم خط بنتي حتى يقلب السيارة لو يسويلو حادث بليلة غبرة ...ليش ليش ابو ايفان ليش جايز من بنتك انتة .. ابو ايفان☆☆ قلتولك ابو طلعو.. دفع فلوس وسوة هالتقارير وانتي تعرفين كلش زين هوة مابي شي وصاحي..وبعدين باسل كبير اخوتو والبقية كلهم صغار منو يعيل اهلو اذا يبقى بالجيش ام ايفان☆☆لاتقنعني بهاكذ كلام..انت مو قلت ابوه دفعلو.... وانا وانت كلش زين نعرف جرجس اشنو يملك...كلها من فلوسك الي اختلسهن منك يا ابو ايفان تتذكرهن ؟ يعني مامحتاج يشغل ابنو.. ابو ايفان☆☆😒 ام ايفان☆☆وهسة جاي تقلي يعيل اهلو ؟ اشنو هالحكي..خلص طالما اكو تقارير وطبيب وطلعو اعفاء من الجيش يعني فعلا بي شي... بس هنة يكذبو علينا ويطمطمون سالفة ابنهم.. وفوقاهة جاي يريد يخطب بنتي واثق كثيرر من نفسو والله...وما اقدر اصدق يشوه سمعة ابنو ويخلي مختل عقليا حتى بس يطلعو من الجيش.. ابو ايفان☆☆ اعصابك حبيبتي سألنا وحصلنه الجواب ليش عصبيي هالقد ام ايفان☆☆ لانك اكثر واحد يعرف اشقد احنه متاذين من جرجس و... ابو ايفان☆☆مسكت ايدهة .. طالما انا معاكي ماحد يقدر ياذيكي ..يكفي عصبية شوي اهدي ام ايفان☆☆اتنهدت ..الله يحفظك النه يا ابو ايفان والله بلايك اضيع انا والاولاد الله يخليك.. بغلاتي عندك لا تجيب سيرة بيت اخوك مرة ثانية بغلات اولادنه عندك..... ابو ايفان☆☆صار...بس اضحكي... ماكو شي يستاهل هالعصبية هية الدنية اشنو بيهة غير هالحرب والقصف والموت ام ايفان☆☆ ياستار الل? يبعدنه عن القصف والموت ابو ايفان☆☆اشعندي غيرك انتي الحب الاول والاخير.. ام ايفان☆☆هه اي واضح ابو ايفان☆☆ اها اشنو يعني ماتصدقين ؟! ام ايفان☆☆ لا صدقتو ابو ايفان☆☆ ليش مو هالقلب خابص روحو بيكي ودايما يشمرلك اشعار ام ايفان☆☆يا اشعار الخابصني بيهة غير هذا نقل فؤادك حيث شئت من الهوى مالحب الاللحبيب الاولِ كم منزل في الارض يألفه الفتى وحنينه ابدا لأول منزلِ ابو ايفان☆☆اي وهذا الشعر اشنو قليل بنضرك؟ اصلا ينطبق عليكي لانو بس انتي الوحيدة بالقلب❤ ام ايفان☆☆هالشعر معناتو كم وحدة عرفت عليه وتالي رجعتلي ابو ايفان☆☆هو هذا الي الله قدرك علية وفهمتي..وانا يومية احكي واشعر وخابص روحي وتالي أتطلعينا بشوط اضافي.... ام ايفان☆☆هوة هاكذ معناه 😒 ابو ايفان☆☆يابنت الحلال اشعندي غيرك انتي ام ايفو ام اولادي انتي الحب الاول والاخير قربت الكرسي عليها... انتي عشق الصبا والشباب انتي الي صبرتي ع الحلوة والمرة معي اتحملتيني بعصبيتي وبهدوئي اتحملتيني لما تعسرت حالتنه المادية وضاقت العيشة علينا وما اشتكيتي ولا قلتي بالعكس لقيتك سند الي بالشدات وايد حنونه تسند ضهري وتصبرني على ضيق ايامي... ام ايفان☆☆مديت ايدي على وجهو واتلمس لحيتو وخدودو....ياقلبي هذا واجب الزوجه تجاه زوجهة توقف معو بالسراء والضراء... ووبعدين شلون ما اسندك وانت حبيبي وابو اولادي وضي عيوني ربي يحفظك ويطول بعمرك ابو ايفان ولا يحرمنا منك اوليانا☆☆ عيني ياعيني اشتغل الغزل شوي شوي ياجماعه خفو علينااا انا موجودة هون نحنٌ هناا👏ياناااس انتبهو انا العذول وقاعدة بينكم نرجو منكم الانتباااه رجاءا... ام ايفان☆☆ هههههههه وجع فضحتينا اوليانا☆☆ بهالاثناء دخل نبيل للمطبخ ...تعال نيبو اسمع هالغزل واتعلم من البابا حتى بالمستقبل البعيد تغازل زوجتك الهبلة مو تضل صافن بوجها مثل الكاسيت من يعلس... نبيل☆☆ ههههههههه قبان(فدوة) قلبكم احلا بلابل اوليانا☆☆اي طبعا بلابل قابل مثلك غراب كلشي ماتعرف تحكي😁..اجة علية ولزمني من شعري نبيل☆☆ولك رجال ومرتو يتغازلون انتي اشعندك بنصهم اوليانا☆☆اهوو نيبوو اترك شعري أأأي.. ابو ايفان☆☆ اتركهة لاهاكذ معاهة اختك الصغيرة هاي نبيل☆☆ياصغيرة كل هااااي وصغيرة جيت ووقفت بجانبها شوفها صارت بطولي ماكبرت عاد.. كل كلمه وقلتو صغيري الي بعمرهة جابن 7جهال وهية بعدهة تصغر بروحها هالهبلة اوليانا☆☆ 😛ابقة الوحيدة لأهلي ومدلله على عنادك ليش تغار نبيل☆☆تعالي خلي البلابل يتغازلون بيناتهم .. وامشي عندي موضوع معاكي.. جريتهة من شعرهة وهي تحرك راسها بطريقة فكاهية يلا حبابة امشي بقى ...ولك اشنو هالثقل .. اشقد وزنك طن ونص اوليانا☆☆ولك اي شعري اتركني..طن 😐اشنوو طن الله لايوفقك يانيبو وزني 60 كغم قابل مثل حالك ابو كرش ... بابا الحقني شوف ابنك اش يحكي عليه.. أأأي شلع شعري ابو ايفان☆☆ههههههههه بس انت التفهم وماتزعج ابوك..مو مثل اختك ماعدها احساس نبيل☆☆ههههههه سمعتي ياعديمه الاحساس اوليانا☆☆😐 اتبرة مني البابا.. يلا تاركتكم ورايحه..قبل لااطلع باب المطبخ التفتت ورجعت ..ماما حبيبتي تريدين مني شي قبل لا اروح ... ام ايفان ☆☆ لا حبيبتي سلامتك اوليانا ☆☆اتقربت اكثر على الطاولة..اي والله احكي حبيبتي واطلبي اي شي..تريدن انضف المطبخ مرة ثانية عادي هسة اقلبو وانضفو بنص ساعه 😁... ابو ايفان☆☆ هههههههههه ماتجوز هالبنت نيبل☆☆هههههه امشي ولك كأنك غراب بينهم اوليانا☆☆ ايييه انتي الخسرانه ياماما... يلا نيبو امشي ...تركنا امي وابي وهنة يضحكون علينه واحنة نضحك ع بعض صعدنه الدرج وسألتو ..صاير شي نيبو؟ نبيل ☆☆ لا ماصاير شي بس اريد اسالكي عن شغلة اوليانا☆☆همست ياشغلة؟ الله يستر يارب وصلنه غرفتي ودخلنه...يلا احكي اشنو صاير نبيل☆☆اوقفي خلي اقعد تعبان من الدرجات اوليانا☆☆اي ماتقلي اشبيك احكيي بقى فتيت قلبي .... نبيل☆☆او وجع ان شالله ....قعدت على المكتب دحقتو على مداليا حلوي.. مسكتها بيدي وانا اتفحصها واقلب بيها اقول لولو... البنت اخت جورج الي معاكي بالخط اشنو اسمها؟ اوليانا☆☆😧 👐امداك نبيل☆☆اشنو😡 اوليانا☆☆لااا اقصد نجاااة نبيل☆☆اها نجاة اوليانا☆☆ رفعتلو تك حاجبي ..اييي نجااة ليش اشبيها؟ نبيل☆☆لا مابيها شي بس دة اسال عن اسمها اوليانا☆☆واشنو تريد من اسمهة🙄؟ نبيل☆☆اهوو فتحت تحقيق اشراح يخلصنا نصيحه روحي اشتغلي بالأمن تنفعين لهلشغلة اوليانا☆☆لا والله صدق سامع عليها شي شايف شي؟ نبيل☆☆ولك لا شايف ولا سامع بس شفتها وياكي بالخط ...ومن زمان انا شايفها واعرف هية اخت جورج لكن ما اعرف اسمهة ف? هسة ردت اعرف منك اسمهة وبس... اوليانا☆☆وبس😏؟ نبيل☆☆ تعرفين ماعدنا علاقة بجورج قوية لا انا ولا ايفان مجرد جيران بنفس المنطقة فما نعرفهم .. اوليانا☆☆ امممم اي ماعندك علاقا بجورج وتسال على اختو... نبيل☆☆اي وشنو يعني واذا سألت؟ اوليانا☆☆مو تقول انا ما اهتم للنسوان و ماريد زواج اشو قمت تركض وراهن ☻ نبيل☆☆هاي سألت عن اسمهة صرت اركض ورة النسوان ؟ اوليانا☆☆ أي ههههه نبيل☆☆ وجعي.. يلا ولي حبابة الله يشفيكي خلصت مهمتك امشي منا اوليانا☆☆والله هذه غرفتي يا افندي اذا ماعاجبك انت اطلع... نبيل☆☆والله لو ما ابوكي مدللك كاان خبزتك خبز هون.. اوليانا☆☆ماتقدر ياحلو وبعدين اي حركه منك افضحك واحكي لامي وابي كلشي عن ماضيك الاسود☻ نبيل☆☆ وجع تحتاجين طبيب نفسي لانك مجنونه رسمي اوليانا☆☆اي مجنونه على ابن عمك قابل اجيبهة من الشارع هههههههه طلع وهوة يحرك بايدو وياشرلي يعني مجنونه اوليانا☆☆هههههههه نيبووووو نبيل☆☆ وجعععع ولك شبيكي صوتك واصل للجيران اوليانا☆☆ المداليا حبيبي لو سمحت... نبيل☆☆ هبلة... امسكي ... اوليانا☆☆ زت(شمر) المداليا علية وعامل حالو عصبي بس عيونو تحكي غير شي ههههه الله يفرحني بيكم يارب مسكت المداليا وقعدت على سريري وجريت كتابي..اتصفح بيه ....استذكرت الاحداث الصارت معي اليوم لمن لعبنا كرة سله واشلون فزنا على الكابتن وشلون لف الشغلة عليه وعزمني والمفروض انا الاعزمو ...واحلى شي لما لزم ايدي بقوة ومشى.. نمت على سريري وافكر بكلام الكابتن 💖 بمجرد التفكير بيه قلبي نبضاتو صارت 1000 بالثانية ياربي انا اعشقو مو بس احبو ✔تحبي ؟ اشنو تحبي ولك ياحب هذا .....هاكذ موضوع نهايتو حتمية ومعروفة ليش ادخلين نفسك بهاكذ دوامه ✅لا تفقدين الامل لولو كلشي ممكن يصير ماكو شي مستحيل الناس يتغيرو وتفكير اهلي بمرور الوقت ممكن يتغير ✔ولك شنو اليتغير..مستحيل امي تقبل بعزيز شفتي اشلون انفعلت من سمعت بسيرة نوال... ✅لا لولو اكيد من امي تشوف عزيز وتتعرف عليه راح تغير تفكيرهة امي قلبها طيب واكيد ماراح تكسر بخاطري ✔مو قصة تكسر بخاطرك بس هية اصلا مامتقبلة هالامر شوفي اشقد سنين مرت على نوال وماتقبل تحكي معاها .. لا تضحكين على روحك هذا موضوع دين مستحيل يتساهلون بيه اهلك ✅ضغطتو على راسي بايدي.. اسكتي بقى يكفي تفكير ... هية تصفى من يجي وقتها اشش يكفي.... لا تفكري بشي غير الصار اليوم ههههه اهم يوم بحياتي واحلى يوم اعتراف الكابتن بحبو الي 😍..... مسكت الكتاب وانا صافنه عليه مرة ادرس ومرة اسرح بخيالي مع عزيز.. مادريت بنفسي من غفيت....حسيت على صوت امي تصحيني وتحاول تعمل ضجة حتى اصحة من النوم ام ايفان☆☆ قومي ماما حضرت العشة يلا بنتي اقعدي اوليانا☆☆ فركت عيني وقلتلها...هسة صبح لو ليل ماما ؟ ام ايفان☆☆ ليل بنتي بعدنا بنفس اليوم ماصار الصبح ... يلة قومي العشة حار لايبرد اوليانا☆☆ قمت حبيبتي بس لحظة...بقيت متمددة بسريري وماعندي حيل اقوم ام ايفان☆☆شغلت الاضوية ورتبت الكتب مبعثر..و كلشي بالغرفة مبعثر انتبهتلها بعدهة ما صحت .... فضيهاا عااد قومي يابنتي... اوليانا☆☆ اي والله قمت يا امي لاتخبصيني ..قمت على حيلي ورديت قعدت احس روحي تعبانه سحلت روحي ورحت غسلت وجهي ورتبت شعري ونزلت مع اهلي بالمطبخ لقيتهم قاعدين ع الطاولة....سحبت الكرسي وقلتلهم ..مساء الخير ابو ايفان☆☆مساء الورد بابا...نمتي ارتاحيتي شوي اوليانا☆☆اي بابا نمت يمكن ساعتين ابو ايفان☆☆ اذا نايمه ليش عيونك مورمه ومنفوخة هاكذ؟ ام ايفان☆☆ اذا هية تنام بالنهار وتسهر باليل حياتهة بالمقلوب اكيد عيونهة تورم اوليانا☆☆ كنت اقرا وماحسيت على نفسي من غفيت مليت من نفسي يا ابي الزم كتابي منا اغفي وانعس منا ..وما اقدر اقاوم ورأسا انام ولما يجي الليل اكون شبعانه نوم واسهر وهاكذ يومي يمشي ... ابو ايفان ☆☆ نومة الليل ماتتعوض حاولي تنضمين وقتك ونومتك ..وبعدين انتي المفروض رياضيه يعني هالشي يأثر عليكي كثير اوليانا☆☆ ان شالله حبيبي ....انتبهت نيبو ماموجود معنا .. اقول وين نيبو؟ ام ايفان☆☆ معزوم على العشة ابيت صديقو علي اوليانا☆☆من سمعت هاكذ ما اعرف ليش ردتلي الروح وفرحت😍اتفائلت كثير بهالخبر يعني ممكن اهلي يتقبلون عزيز مثل باقي اصدقاء اخوتي رأسا انفتحت نفسيتي ع الاكل ماماتي ترة مت من الجوع هالاكل شكلو كثير يشهي عاشت ايدكي ست الحبايب... ام ايفان☆☆اي وماتمدين ايدك يابنتي منو مانعك يلا اكلي الف عافية اوليانا☆☆ السفرة ملياني...العين وما تمد.. ام ايفان☆☆ يلا ماما مثل كل يوم قبل الاكل نصلي صلاة الشكر للرب على هذه النعمه اوليانا☆☆صلينا كلنا وشكرنا ربنا وبدينا بالاكل...طلعت نشرة الاخبار قام بابا ورفع صوت التلفزيون ورجع للطاولة.... طلع بيان سحب مواليد جديدة للجيش والتجنيد الالزامي ..تنهد بابا وجر حسرة .. ابو ايفان☆☆طالما سحب مواليد يعني المواجهة قوية بالجبهات ويحتاجون دعم ام ايفان☆☆ ياستار يارب معقولة ابو ايفان اشنو هية الحرب العالمية صارلهة كم سنة وماخلصت هالحرب .. ابو ايفان☆☆ والله يا ام ايفان احنا ارحم من غيرنا.. تعرفين حدودنه مع ايران من شمالنه لجنوبنه.. كثير اماكن نروح نرممها او نشتغل بيها حدادة خصوصا الجسور او معامل تكون مقصوفة ....هنوكا المعارك القوية والقصف الحقيقي بس بالنسبة النة احنه وباقي مناطق العراق البعيدة شوي عن ايران امان اكثر وهدوة نسبي لأنو دفاعاتنا قوية مايسمحون للطائرات تخترق المجال الجوي بسهولة لكن المدن الحدودية لا متاذية كثيررر.. ام ايفان☆☆ الله يكون بعونهم وبعونا يارب امتى تخلص هالحرب ونرتاح ويرجعون ولدنا لأحضانه... اوليانا☆☆ورة دقايق طلعو الاماكن المقصوفة من قبل قوات العدو... راسا ماما تركت الاكل وضلت صافنه... كنا حاطين على جنب الطاولة تحفية صليب صغيرة وصورة أمنا العذرا مسكتهم امي وانهارت بالبكي ام ايفان☆☆ يارب سترك يعني هاي الاماكن المدنية هاكذ محطمه لعد الجبهات اشصاير بيهة سترك ربي.. ياربي رجعلي ولدي سالمين ربي دخيلك كبرتهم كل شبر بنذر ياربي ابعد عنهم الخطر دخيلك ياالله 😢 ابو ايفان☆☆غشعتها مرتبكه وتبكي مسكت ايدها بقوة خطية مهما يكون هية ام وقلبها مايتحمل مو جلد مثلنا احنه الزلم....بقيت اهدئ بيها .. اهدئي ام ايفان ان شالله يرجعون سالمين ماراح يسوي شي هالبكي... الدعاء والصلاة الهم افضل حل ..اهدي شوي .. ام ايفان☆☆خلص صبري وتعبت حتى حيل ماضل عندي ... دحق الشارع انترس لافتات وشهداء بكل بيت اكو جنازة وانا... ابو ايفان☆☆قمت من مكاني ووقفت وراهة وحضنتها قوي ...لاتحكي هاكذ قولي يالله ربنا يحفظهم وين ماكانو...قولي امين يارب.. يارب ام ايفان☆☆امين يارب .. اوليانا☆☆ رغم بابا يصبر بأمي لكن كان واضح التوتر بعيونو .. كلنا تركنا الاكل وندحق لامي وعيونا غرقانة بالدمع... شافتنا هاكذ مسحت دموعها وابتسمت النا... ام ايفان☆☆ يلا ماما اتعشو ..دريد ورامي حبايبي وراكم دوام لازم تنامون من وقت .. التفتت على اوليانا..اتعشي بنتي بلكي ترجعين تنامين لان نومتك خطاء بخطاء اوليانا☆☆ تؤمرين حبيبتي بس لاتبكين😢ابتسمتلي ابتسامه خفيفة ومسحت دموعها ...كملنه عشة وقمت غسلت الصحون وماما حضرت الشاي وقعدنه نشرب شاي ونسولف ونضحك على حكايات ايام زمان يستذكرون شقاوة اخوتي ايفان ونبيل لما كانو صغار وعمايلهم من تكسير وتحطيم لغراض البيت واكيد انا الجمل الوديع بنصهم 😁...صارت ساعه 10 ونص ونعسنا وكل واحد راح لمكانو بس بابا بقى سهران على التلفزيون وماما معو وانا واخوتي كل واحد راح لغرفتو....دخلت غرفتي وبديت احضر ملابسي واغراضي للجامعه... ماقدرت امنع نفسي من التفكير بعزيز وبقيت سهرانة ما اعرف اشنو اريد ..لا اقدر ادرس ولا انام.... حسيت بنفسي محتاجه اتكلم مع احد لكن منو يسمعني مالقيت قدامي غير الكتابة...القلم الوحيد اليفهمني واقدر افضفض كل همومي الو رحت لمكتبتي واخذت دفتر جديد وقعدت على مكتبي ومسكت قلمي وابتديت اكتب كل شي يدور براسي.....ضليت اكتب لساعات من اول دخولي للجامعه الى هاللحظة..هالكلام نابع من قلبي لذلك ماتعبت بكتابتو ابدا..حسيت بنفسي ارتحت كثير من كتبت يومياتي وخواطري حتى من كنت استذكرهن مرة ابتسم ومرة اضحك ومرة اكره عزيز وحركاتو ..تعبت كثير لكن ماقدرت انام دحقت الساعه حوالي ب 3 وربع ... نص الليل نزلت ادور لقمه اكلها لان جعت كثير.. فتو للمطبخ وفتحت الثلاجة وطلعت اجبان وقشطه وعملت شاي .. البيت هدووء وانا مندمجه بتحضير الشاي وقبل لا اقعد على الطاولة سمعت صوت يهمس باسمي (اوليااانااا) انرعبت كثير اريد اتحرك من مكاني ماقدرت البيت مو كثير مضوي والهول بينو ضوا خاافت.. رفعت عيني برعب ودحقت وحاولت اركز غشعتو خيال بعيد ديتقرب عليه ماتحملت من رعبتي صرخت.....ااااااااا ___________؟ يتبع............⚘ 😖 | ||||
|
| |
|
19-10-18, 01:01 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #على_اعتاب_قلبي البارت السادس⚘⚘⚘⚘⚘ بقلم فينوس آرام نبيل ☆☆ قفزت عليها ومسكت ثمها بايدي وقلتلها...ووجع ولك هذا ااناا نيبو اشبيكي اوليانا☆عضيتو من ايدو بقوة ..ليشش هاكذ خوفتني ضنيتك شبح صوتك يخوف وواقفلي بالظلمه اشتريد يصير بياا😭 نبيل ☆☆ مو شفتك طلعتي من غرفتك عرفت نزلتي حتى تاكلي واجيت اشاركي يالهبلة اوليانا☆☆سم بقلبك اشقد مكروه ع الاقل احكي بصوت عالي ليش هاكذ تهمس مثل الحرامية ولك قلبي وقف ورجلية ماعادت تحملني من الرعب... نبيل☆☆ مو اهلك نايمين وخفت لا يقعدون اذا صحت بصوت عالي...جريت الكرسي وقعدت ع الطاولة... يلا ماصار شي خلينا ناكل جوعان كثير اوليانا☆☆ ماصار شي؟ كنت راح انجلط من خوفي وتقلي جوعان.. نبيل☆☆ انتي جبانه انا شدخلني ..يلا بلا حكي..وصبيلي استكان شاي خلينا ناكل اوليانا☆☆الي يسمعك يقول مامتعشي.. حسب معلوماتي كنت معزوم ع العشى عند صاحبك علي... نبيل☆☆اي تعشينا عشوة من العمر و طلعنا وتمشينا مسافات طويلة..مابقينا مكان مافترينا بيه الى ان رجلينا تقطعت... اوليانا☆☆ وليش رحتو مشي؟ كان اخذتو سيارتنا.. نبيل☆☆اخذت قطعه من الجبن واكلتا... ﻻ يا لولو مشتاق لكل شبر بمنطقتنة أريد أشبع منهة واملي عيوني بجمالهة وجمال طبيعته مشتاق كثيير لكل شارع وجسر وبناية.. مشتاق لدجلة اقعد واحاكي واعاتبو..مشتاق لكل بناية اثرية موجودة هوني....عيوني غرورقت بالدمع تلاحقت لنفسي ومسحت دموعي ماتتصورين لما نكون بالجبهات ويمر علينة الليل..ونكون فاقدين اصحاب واحباب واصدقاء استشهدو وهمة قبل ربع ساعه كانو معنا...ماتخيلت بيوم افقدهم ..يمر الليل ويبدي الحنين يهل علينا ....الي يحاول يلتهي ويضحك حتى ينسى الصار..او الي قاعد لوحدو ومنزوي..لكن كلنا نكون منتضرين الموت بكل ثانية..واتخيلي بعز هالضجه يضرب حنين الاهل براسنة... ومو بس حنين الاهل.. قعداتنا سوا اكلنه ضحكنا دفئء بيتنا ..حنين للمنطقة الي ربينا فيها وحنين للاصدقاء حنين لكل شي وﻷبسط شي. .تعرفي اكو جنود مايتحملون البعد عن اهلهم ويبكون...وأكو يكتمون هاﻷمر بقلبهم ويكابرون ومايحكون مثل حالي.. اوليانا☆☆اوف ياحبيبي الله يساعدكم ...ان شالله تخلص هالحرب وترجعون النه بالف سلامة نبيل☆☆تنهدت ..الله كريم..ان شالله اوليانا☆☆اامين يارب..صبيتلو شاي وقعدنه ناكل ونسولف...اقوول نيبو عاجبني اخذ رأيك بموضوع نبيل☆☆اي قولي حبيبتي .. اوليانا☆☆جريت كوب الشاي واخذتلي رشفة عندي صديقة كثير احبهة هية صديقتي من ايام المدرسة و... نبيل ☆☆ ما افكر بالزواج يالهبلة موقتو هالكلام... اوليانا☆☆ ومنو خطبها الك 🤔 ... نبيل☆☆ 😒 يعني ليش ذكرتيهة قدامي اشنو معناه؟ اوليانا☆☆معناه اني اريد اسالك شي بخصوصها نبيل☆☆ مافهمت؟ اوليانا☆☆هية يعني أ_أ_اتقدملها شاب معها بالجامعه ...وهنة يحبو بعض كثير نبيل☆☆ضليتو مستمر بالاكل واحكي معاهة ...اي الله يسعدهم .. اوليانا☆☆ بس الشاب من غير دين ...مسلم نبيل☆☆وهية مسيحية؟ اوليانا☆☆ اي... نبيل☆☆اكيد رفضوه .. اوليانا☆☆و ليش اكيد .. نبيل☆☆رفعت راسي الهة...اشنو ليش ؟ لأنو من غير دين لازم يرفضو... اوليانا☆☆وليش يعني لازم يرفضو ؟ نيبل☆☆دحقتو بعيونهة .. لازم كل شخص ياخذ من دينو يابنت ...دينا مايسمح ناخذ من اديان ثانية ..لا ناخذ ولانعطي... اوليانا☆☆بس انت عندك كثير اصدقاء مسلمين وتقعد معاهم وتتسلى وتاكل وتشرب وتنام احيانا ابيتهم ....يعني مابقت على المصاهره.... نبيل☆☆الصداقة شي والمصاهرة شي ثاني... الصداقة علاقات مقدسة ومترابطه... لكن كل شخص يبقى بدينو ويمارس طقوسو بدون تدخل من احد.. اما المصاهرة اختلاط دم ودين واكو جماعات مايعترفو باديان بعض لذلك تصير مشاكل كبيرة احنه بغنى عنها.....من غير تحريم الدين لهلامر... اوليانا☆☆طيب واذا كانو يحبو بعض ومايقدرو يعيشو بدون بعض ويحترمو اديان بعض... يعني مو حرام ينقتل هالحب باسم الدين؟ نبيل☆☆لا مو حرام ..لانو الدين اهم من الحب.. الدين مبداء وعقل وكتاب نزلو الرب لازم نتبعو... اما الحب عاطفة ...ولما المبداء والعقل ينحطو بكفة والعاطفة بكفة هون صار لازم اختيار المبداء والعقل..ولازم يتغلب على العاطفة فهمتي حبيبتي....اعطيني خبزة لأنو خلصت هاي ... اوليانا☆☆ اعطيتو الخبز ورجع ياكل بس انا انسدت نفسي عن الاكل تماما ... ضليت بس اشرب شاي كملنا الاكل وقمت لملمت كل شي ورجعتو لمكانو.. صعدت لغرفتي مكتئبة لزمت القلم وصرت اكتب خواطر تعبر عن حالي وابكي.... نوع من انواع التنفيس... طلع الصبح قمت غسلت وجهي وغيرت ملابسي ولميت شعري ..نزلت لقيت اهلي قاعدين على الطاولة يتروقو ..صباح الخير ام ايفان☆☆ يسعد صباحكي بنتي يلا تعالي تروقي معانا.. اوليانا☆☆ لا حبيبتي قعدت قبل كم ساعه واكلنا انا ونيبو ..شبعت ما اقدر اكل شي ثاني ام ايفان☆☆ عافيات حبيبتي .. اوليانا☆☆يلا ماما انا رايحة سلمت على اهلي وطلعت من البيت لقيت السيارة واقفة على جنب..تمشيت شوي للسيارة فتحت الباب وصعدت ... نجاة☆☆ قولي صباح الخير ع الاقل اشبيكي خلقتك مقلوبة؟ اوليانا☆☆صباح الخير حبيبتي ..مابية شي تعبانه شوي وماقدرت انام وبقيت للصبح قاعدة ف? تشوفيني مامركزة بشي ابدا... نجاة☆☆ وليش مانمتي ياخانم صاير شي اوليانا☆☆ لا بس نومتي تخربطت...انام الضهر وما اقدر ارجع انام باليل وع هالمنوال ابقى سهراني.. نجاة☆☆هاي لأنو بالك مشغول وقلقانة هاكذ صارت حياتك...يلا ولا يهمك اليوم اطلعك من همومك وراح اعزمك على فطور ع حسابي .. اوليانا☆☆ ههه وين راح تعزميني نجاة☆☆ بمطعم القصر الكبير😒 اوليانا☆☆هههههه ماتعمليها نجاة☆☆ زايد عليكي الكافتيريا ..قاتلني الجوع ما اكلت بالبيت صحيت متأخرة ومالحقت....نصل الجامعه ونروح الكافتريا واشربي قهوة واكيد راح يعدل مزاجك وتصحين شوي اوليانا☆☆لا نونة ما اشتهي نفسي مسدودة تماما خليهة غير وقت.. نجاة☆☆يابنت عزومه وبلاش اشلون ترفضين هالفرصة الذهبية اوليانا☆☆ تعبااااانه يانجاة مالي نفس لأي شي .... نجاة☆☆يلة ع راحتك ..تركتها مالحيت عليها وصلنا الجامعه ونزلنا من السيارة تمشينه شوي قبل لانصل قلتلهة..ماغيرتي رأيك خلينا نروح للكافتيريا سوا اوليانا☆☆وحق العذرا كثير تعبانه .. نجاة☆☆ ع راحتك حبي .. يلا انا رايحه باي اوليانا☆☆باي حبيبتي...اوف واخيرا اقتنعت وتركتني..ضليت اتمشى بالحرم الجامعي ..قبل لااوصل القسم شفت الكابتن واقف ..استقلبني بأبتسامه عريضة..وانا بس شفتو ابتسمت ونسيت كل شي...ياربي قبان(فدوة) وجهو البشوش .. عزيز☆☆ صباح الخير ياحلوي اوليانا☆☆ صباح النور كابتن عزيز☆☆لما نكون لوحدنا قولي عزيز وبس بدون كلمة كابتن اوليانا☆☆لا صعب اناديك باسمك ... عزيز☆☆لا مو صعب تتعودي .. يلة قولي عزيز بدون القاب اوليانا☆☆ههه ...متت خجل ماقدرت الفظ اسمو بدون القاب... كابت.....وقاطعني عزيز☆☆ع..ز..ي..ز... اجمعي هالحروف تصير عزيز .. يلا شو خليني اسمع لحن اسمي منك اوليانا☆☆ههه حسيت وجهي يشع حرارة من الخجل ..... عزيز عزيز☆☆ اشنو هاي...قبااان قلبك.. اول مرة احب اسمي هاكذ ههههههه اوليانا☆☆هههه عزيز☆☆دحقت عليها.. والله يااوليانا كثيير انتضرت هاللحظة تجي اوليانا☆☆وانا بعد كثير انتضرتها.. عزيز☆☆ههههههههههه واخيرا نطقتيهة اوليانا☆☆ههه عزيز☆☆ من اول ماشفتك حسيت راح تكونين شي مميز بحياتي وسبحان الله الي جمعنا سوا ... اوليانا☆☆لسة ما انجمعنه كابتن قدامنا طريق وعر وطويييل.. عزيز☆☆انا وانتي قد هالمسؤليه والتحدي باذن الله نقدر نقنع اهالينا .. بس خليكي متفائلة واضحكي وبلا هالاكتئاب من الصبح اوليانا☆☆دنكت راسي وقلت.. الله كريم..بس ماقدرت ابتسم حسيت بغصة كبيرة بقلبي عزيز☆☆اشبيها هالعيون الحلوي ليش ذبلانه هاكذ ؟ اوليانا☆☆البارحه نمت الضهر وصحيت المغرب وكنت شبعانه نوم ماقدرت انام بالليل عزيز☆☆بس اذا تبقي هاكذ تتعبين كثير وهالعيون العذبة تذبل.. اوليانا☆☆.. يهوون هالتعب ياعزيز جنب تعب ماما وبابا عزيز☆☆ليش خير ان شالله عسى ما شر اوليانا☆☆حطيت الحقيبة على المصطبة وقعدت ..البارحه على العشى طلعو بالاخبار الاماكن المقصوفة.. امي راسا انهارت وبكت لأن كثير تخاف على اخوتي تقول اماكن مدنية وهاكذ معمول بيها ....طيب اشنو حال الجبهات بهالحرب.. من غشعت(شفت) امي هاكذ حالها ماقدرت انام.. الليل كلو بقيت سهراني... عزيز☆☆خليت قدمي على المسطبه واثنيت جسمي وتقربت عليهة..رفعت راسها باصبعي.. الله يرجعهم بالف سلامه ياروحي.. ليش هاكذ حزينه الدموع ماتحلى لعيونك ماراح يفديك هالحزن بشي ...هاي حرب وكلشي جائز بيها بس لا تخافي جيشنه قوي وان شالله يرجعون اخوتك واخوتي بالف سلامه.. اوليانا☆☆عندك اخوة بالجيش؟ عزيز☆☆ اي ووالدي همينة قلبو على اخوتي ويبقى يفكر بيهم مايقدر ينام من خوفو عليهم اوليانا☆☆كثير طولت هالحرب صارلهة 5 سنين وماخلصت... كم اخ عندك بالجيش كابتن عزيز☆☆ عندي 3 اخوان بالجيش وولد عمي وولد خوالي كلهم عساكر بالجيش اوليانا☆☆ ان شالله يرجعون سالمين يارب.. بس كابتن ممكن سؤال.. عزيز☆☆كلشي يحقلك تسألين بدون استأذان اوليانا☆☆ابتسمت ودنكت راسي بخجل .. يعني اشعجب انت ما ماخذيك للجبهة.. يعني مجرد سؤال لاتتصور اتفاول عليك هههه بس طلبو مواليدك مو صحيح عزيز☆☆ هههههههههه اي صح طلبو مواليدي بس منو قالك ماخدمت... لا خدمت تقريبا سنة بالجيش ... اوليانا☆☆اها وشلون طلعت من الخدمه عزيز☆☆ لان قدمت على دراسات عليا والي يقدم دراسات عٌليا يتركو اوليانا☆☆ااهاا يعني الي يدرس دراسات عليا يتركو ويسرح من الجيش؟ عزيز☆ هههه ..ما اقدر اكذب عليكي والدي ادخل بالامر وقدر ياخذلي استثناء لانو عندو اصدقاء بالدولة .. اوليانا☆☆يعني طلعوك لأسباب صحية ؟ عزيز☆☆ لالالا اشنو اسباب صحية هههه مو اسباب صحية نقدر نقول واسطات... اوليانا☆☆اهااا هههه ..غعشتو نجاة جاية من بعيد قلتولو.. وهاي نجاة اجت نجاة☆☆ صباح الخير عزيز☆☆صباح النور.. وين كنتي اوليانا☆☆ من كنا بالسيارة صدعتني تقلي مالحقت اكل شي واول ماوصلنا راحت للكافتيرا ركض نجاة☆☆ ههههههه ورانه تمارين اشلون يعني يقتلني الجوع .. عزيز☆☆ ههههههه الف عافية لا تهتمي .. يلا دخلو القسم اتاخرتو كثير اوليانا☆☆اوك يلا مشيت خطوتين والتفتت غشعتو يدحق عليه غمزلي بعينو..... ضحكت بهمس ودنكت راسي ودخلت القسم نجاة☆☆ يكفي رومانسيات ماشبعتو اوليانا☆☆ ولك صوتك نصي لاتفضحينا نجاة☆☆انتو الفاضحين نفسكم انا اشدخلني صارلكم اكثر من نص ساعة واقفين سوا حبكت هالوقت رومانسياتكم.. اوليانا☆☆عشماوي امشي ويكفي حكي نجاة☆☆ اه ياناقصة انا عشماوي 😒 اوليانا☆☆ههههههههه مسكتهة من ذراعهة اموت عليكي يابنت وخصوصا من تقلبي خلقتك ههههههههه بقيت اضحك معاهة وهية قالبه خلقتهة ماتقبل تضحك ولا تحكي ........ 🌲مرت الايام واحنه على هالحال..كنا نسرق نفسنة ونطلع من الجامعه لكن دائما كنت اخذ معي نجاة احس بامان اكثر معاهة لان تعرف تتصرف بالمواقف الصعبة ...كان كل يوم يعدي علينا حبنا يكبر اكثر واكثر ..عرفت كثير اشياء عن عزيز عندو كثيرر اخوة وخوات تقريبا اكثر من 25 شخص وعائلتو كثيير كبيرة واهلو ناس الهم وزنهم بالمجتمع ومعروفين بالمنطقة ..مشت الايام وصارت امتحانات نهاية السنه واتفقنه نطلع اخر طلعه النه احنه الثلاثة حتى نتغدى سوا.. كملنا امتحانات الجامعه وطلعنا كنا طول الطريق نحكي ونضحك وصلنا المطعم وقعدنا على الطاولة وعزيز طلب الغدا. عزيز☆☆دحقتلهة باين عليهة حزينه... ليش الحلوي ماتضحك مايرهم الحزن عليكي.. اوليانا☆☆ماتحملت عيوني دمعت ودنكت راسي ومسحت دموعي .. مسك ايدي عزيز عزيز☆☆ اكيد راح اقدر القى طريقة اشوفك بيهة... اوليانا☆☆ لوكان عندك تلفون كان اتصلت عليك عزيز☆☆ عدنة تلفون لكن الجيش كلو عليه اوليانا☆☆طيب اشلون اتواصل وياك؟ عزيز☆☆ قدمت على معاملة للبدالة حتى اسحب خط تلفون لبيتنه اوليانا☆☆اها بس الي اعرفو مايصير تحسب خط ثاني لانو عدكم تلفون بالبيت عزيز☆☆ هههههه عدنه تلفون بس عدنه بيوت اكثر .. اوليانا☆☆ مافهمت ؟ عزيز☆☆حبيبتي التلفون بالبيت الكبير للعائلة موجود ...لكن بيتنة لا مابيه تلفون اوليانا☆☆بيت كبير؟.. وبيت عيلة يعني تقصد بيت اجدادك؟ عزيز☆☆ احم... لا....بيت والدي.. اوليانا☆☆ مافهمت عدكم اكثر من بيت .. يعني اخوتك طالعين بيوت لوحدهم؟ عزيز☆☆اي نقدر نقول هاكذ شي..بصراحه والدي الحجي متزوج 3 نسوان اوليانا☆☆انصدمت لما قالي والدو متزوج 3 نسوان .. اشنوووو😱 3 نسوان عندو ليش عزيز☆☆هههههههه والله ما سالتو نجاة☆☆مبروك ياحلوي مصيرك على هالطريق يا اختاه.. اوليانا☆☆ التفتو عليها وماعرفت اشأحكي من الصدمه.. عزيز☆☆ولك خليكي محضر خير ياعشماوي اتعلمي شوي من جووورج التفتت على اوليانا. ياحبيبتي انا اختلف عن والدي كثيرر مستحيل اتزوج اكثر من واحدة.. اوليانا☆☆ احنه بديننا ممنوع تعدد الزوجات بس زوجه وحدة تبقى معاك طول العمر عزيز☆☆ليش خايفة ياقلبي ؟انتي كل عقلك ممكن اشوف وحدة ثانية غيرك؟ اوليانا☆☆ ________ ضليت ساكته ماقدرت احكي ... نجاة☆☆ قعدت اراقب الوضع عزيز يحكي واوليانا تسمع نطيت بالحكي ... ياكابتن دينكم يسمح بتعدد الزوجات من هاكذ هية خافت.. عزيز☆☆ راح قلو لجورج يخربطلك معاني وجهك... ولك احكيلك كلمه عدلة بقى نجاة☆☆🐸 قلتولكم انا دايما محضر خير لاتاخذوني معاكم والله تخسرو كثير بس انتو ماسكين بيه اشأسويلكم... اوليانا☆☆طيب عزيز انت من اي ام منهن؟ عزيز☆☆هههه قصدك تسلسل امي بالزوجات امي الثانية... اوليانا☆☆ اها طيب امك تحب باقي زوجات ابوك؟ عزيز☆☆ يعني ما تحبهن لكن متعايشات سوا وهذا اهم شي ..يدارو الوالد ويطلبو رضاه اوليانا☆☆هاي عبودية مو زواج عزيز☆☆ لا ياقلبي مو عبودية مو بهالطريقة الي انتي متصورتهة صدقيني اوليانا☆☆اقنعني عزيز☆☆ ههههه شلون راح افهمك هالامر من حق الرجال بدينه يتزوج اكثر من وحدة طالما متمكن وعندو اسبابو اوليانا☆☆متمكن؟ وعندو اسبابو ... فهمني اكثر يعني ليش ابوك تزوج 3 اشنو السبب عزيز☆☆زوجة والدي الاولى شوي تعبت لان خلفت اكثر من 11 اخت واخ ..ومن تعبت قام والدي واتزوج امي حتى تقدر اداريه وخلفتنه احنه 9 ..اما زوجة والدي الاخيرة لا هاي كرمولهيا كرم من غير عشيرة... اوليانا☆☆يعني اشنو كرم ؟ عزيز☆☆يعني لان يحبو والدي ويشوفو انسان طيب وصالح حبو يعطوهم بنتهم حتى يتناسبون وهاكذ يعني.. اوليانا☆☆مافهمت عزيز☆☆😤حبيبي بعدين اشرحلك هالامور لكن اسمعي هالكمه مني المسلمين من شمال العراق لجنوبو منتشرين بكل مكان لكن اغلبهم متزوجين وحدةةة فقط مو اكثر صح دينا يحلل هالامر لعدة اسباب طبعا واسباب مقنعه لكن اغلب العراقيين المسلمين متزوجين فقط وحدة ويبقى معها طول العمر الا في حال الطلاق او الموت لاسمح الله وهذا يكون بحث اخر ..واكو متزوجين اكثر من اثنين بس يعني نقدر نقول حالات نادرة او مو كثير منتشرة مسكت ايدها ...اطمئني ياقلبي عزيز مستحيل تملي عينو امراة غيرك.....ويلا مدو ايدكم خلي نتغدة ....ليش صافنين يلة مدو ايدكم ... ثواني وغيرت الحكي نكات وضحك حتى يروح خوفهة لان كان مبين عليهة التوتر نجاة☆☆😏دحقت لاوليانا بنضرة خبث قلت بلكي تحس وتخاف من عملتهة.. اوليانا☆☆من سمعت هالكلام اتخربطت احوالي ...لكن بمجرد ما عزيز رجع يضحك نسيت كلشي 😊....اتغدينه ورجعنه بالطريق كان يمشي بالسيارة ع مهل .. وصلنه شارعنه ودعنة بعض ونزلنا وتمشينا انا ونجاة نجاة☆☆يكفي دحقي على حبيب قلبك امشي بقى.. اوليانا☆☆ نجاة اريد اسألكي سؤال نجاة☆☆ قولي حبيبتي اوليانا☆☆ لما يجي عزيز عدكم تقدري تعطيني خبر .. نجاة☆☆ وقفت بالطريق ودحقت عليهة... لولو حبيبتي لو هالامر صحيح ماكان احتاجيتي وسيط حتى تشوفي عزيز كان اجه وخطبك بدون مشاكل اوليانا☆☆ بس هوة اكيد راح يخطبني انا واثقة نجاة☆☆ وانا واثقة راح يجي ويخبطك .. لكن واثقة راح ينرفض بشكل قاطع من اهلك.. لولو حبيبتي خليني ابتعد عن هالموضوع حتى لا يقولو عن طريق نجاة واخوهة جورج صار هالامر ..سامحيني حبيبتي والله اتمنى اساعدك وافرح بيكي ..بس هاي مشاكل انا واهلي بغنى عنهة... اوليانا☆☆ ابتسمت الهة.. ولا يهمك حبيبتي حقك.. مسكت ايدهة ورجعنا للبيت........ ⚘⚘⚘⚘مرت الايام ونجحت من الاول وصرت ثاني جامعه.. لكن طول فترة العطلة ماشفت الكابتن ولا اعرف اخبارو...اما يوستينا حبيبة ايفان تخرجت وطلع تعينها بمدرسة على اطراف الموصل وصار الوقت نخطبها لايفوو😍...حبيبي ايفو يا احلى عريس ياقلب اختك انت قبان هالطله ايفان☆☆❤يسلم قلبك يا اختي الصغيرة قرصتها من خديداتهه ولك اشنو هالخديدات اوليانا☆☆لما قرصني من خدودي حولت عيوني وقلتلو ..اغشعت هاكذ حلاوة بحياتك ايفان☆☆ههههههههههههههههه لا والله بحياتي ماغشعت(شفت) بنت احلى منكي.. ام ايفان☆☆ فرحان ياروح امك ايفان☆☆اشلون ما افرح يا امي واخيرا راح يتحقق حلمي ...صارلي سنين انتضر هاليوم ام ايفان☆☆ دايم الفرح عليك يا ابني اوليانا☆☆ اي شكو عليك تمعشقت وراح تتزوج وانا يبقى هاكذ حالي 😐 ايفان☆☆ ليش انا متشائم منك احسك تطوا وجايي معانا اوليانا☆☆ولك بعتني لخاطر حبيبتك بهالسرعه بعدك ما تزوجتها ايفان☆☆ لا حبيبتي اشنو ابيعك حسافة عليكي هاكذ تحكين ..بس فعلا متشائم منك احسك غراب وتطوة جاية معنا😁 اوليانا☆☆اشرتلو باصبعي وانا غضبانه ..راح اسكت عنك بس لانك عريس ولأني اخت لعريس..ما اريد اخرب هاليوم عليك والا كان خربطتلك وجهك.. بس اقول خطية.. ايفان☆☆ لاه لاه لاه قولي والله ههههههههه اوليانا☆☆قمت احركلو بايدي وابين عضلاتي اشنو انت ناسي اني طالبة بالتربيةالرياضية يعني عندي لياقه عاليه واقدر اتكاون ويااك واغلبك همينة ايفان☆☆طيب حبيبتي جربتي البوكس سابقا ابو ايفان☆☆ بعدكم واقفين هوني... روح يا ابني شغل السيارة شوفها محتاجة مي بانزين چيكهة واقف هون تضيع حكي مع اختك والوقت يركض ركض.... ايفان☆☆ صار ابو ايفان تؤمر...دنكت راسي ومشيت... هذا الوالد كلامو حد السيف لازم يتنفذ اوليانا☆☆اجة بابا وطشرنا كل واحد راح لمكانو..ايفان راح يچيك السيارة.. وانا صعدت لغرفتي اغشع نفسي بالمراية خاف ناقصني شي ..لبست فستان قصير اسود ومقفل بخطوط رفيعه بلون اخضر وشوز اسود كعب عالي.. وشعري سرحتو ورفعتو بالماشات وضبطت مكياجي .. ضليت صافني على نفس بالمراية اجة ع بالي عزيز ❤اشتقتلك كثيررر ياروحي اي والله مابقى صبر اشوقت اشوفك اتنهدت تنهيدة عميقة وعيوني غرقت بالدمع من الاشتياق بس واعدت نفسي ما ابكي .. يالهبلة مابقى وقت ونروح للناس تقعدين تبكين يتخربط وجهك ويصير خرايط غشعتو نفسي بالمراية.. اي والله قبان قلبي اشنو هالحلا ..😗مندمجه امدح بنفسي وابوس حالي سمعت بابا يصرخ بصوت عالي ابو ايفان☆☆ اووووووولياااااانااااا ولك ويييين صرتي خلصص الوقت استعجللليي اوليانا☆☆فزيت من صرخه بابا تركت كل شي ونزلت اركض ع الدرج اندعمت بأخي رامي.... يالاعمى ماتغشع طريقك رامي☆☆ وجع اشبيكي نازلة مثل القرد اليتسلق ع الشجرة اوليانا☆☆ لاتحكي هاكذ معي ..والله اقص لسانك انا اختك الكبيرة ولك احترمني لا اشكيك لبابا اخلي يأدبك... رامي☆☆😒 استعجلي بقى دنروح... اوليانا☆☆كملت الدرج ونزلت..شفت اهلي كلهم جاهزين وقفت بباب المدخل اغشع نفسي بالمراية... كلشي تمام ..طلعنا وصعدنة السيارة يوستينا طالبة بنفس الجامعه مع اخي ايفان لكن هوة كان بغير مرحله ..وهية مرحله اولى وصار الحب بيناتهم.. كان عدنه خبر عن حالة اهلها الماديه ممتازة بس ما شايفيهم ولا نعرفهم من قريب.. بس ايفو شايف بيتهم ويعرف حالتهم ...وصلنا لبيت يوستينا دقينا الجرس وطلعو استقبلونا.. رجال كبير ومرة كبيرة بالعمر ..الرجال ابو يوستينا والمرة نانتهة (بيبيتهة) دخلنة داخل البيت😮 بقيت ادحق وصافني همست ..ايفو اشنو هالبيت هذا بيت يوستينا او القصر الجمهوري ؟ ايفان☆☆ولك فشلتينا اتصرفي عدل لاتعملني حركات الشواحيذ اوليانا☆☆ ايفو دحق هالحديقة اشقد كبيرة.. شلون مرتبة ومزينه بالورد والمرجوحه بنص الحديقة..شي يجنن وعطر الورد ..جريت نفس بهمس..يرد الروح ياخذك لعالم ثاني هون ايفان☆☆ يكفي فضايح يالهبلة فضحتينا.. اوليانا☆☆هههه ماحدا يسمعني لاتخاف.. دخلنا لصالة بيها طخمين اثاث نفس الشكل لانو واسعه وكبيرة..... كثير انيق بيتهم همست لايفان ولك ايفو معقولة يعطوك بنتهم؟.. ناس اغنياء كثير .. ايفان☆☆همست ..الحمد لله حبيبتي احنه همينة حالتنه ممتازة وماناقصين عنهم بشي اوليانا☆☆ ياقلبي ربي يتمم الك على خير.. دخلنا وسلمنا وقعدنا ..ثواني ودخلت يوستينا تقدم العصاير همست لايفو....قبان قلبهة تجنن حبيبة القلب دحق لابتسامي من الاذن للاذن ههه ايفان☆☆ههه احلى بنت بالعراق هية حبيبتي اوليانا☆☆ دحقتو عليه بنص عين...يعني نسيت اختك ياناقص ايفان☆☆ 😑ولك احترميني هوني عيب .. اوليانا☆☆ضحكت معو.. وبقيت ادحق على يوستينا لابسة فستان فضفاض قصير لونو وردي وشعرها عاملتو نيكرو ومكياجها نازك كثير.. طالعا ملاك... وصلت جنب ايفو حتى تقدملو العصير ماتحمل الافندي قام ووقف على حيلو همستولهم ..😍قبان الحب ضيعكم والله هههههه.. ضحكو اثنينهم بس يوستينا ضحكت بخجل كملت تقديم وقعدت جنب نانتهة.. بدأ يحكي بابا مع ابو يوستينا وطلب يوستينا من ابوها... ابو يوستينا☆☆ ابو ايفان جيتكم لهوني ع العين والراس.. وانتو احسن ناس.. وسمعتكم طيبي.. وابد مو خسران الي يصاهركم ..بس.. ابو ايفان☆☆كمل ابو يوستينا ليش سكتت ابو يوستينا☆☆الحرب بعدهة قايمه وايفان عسكري وراتب العسكري مايجيب شي .. يعني ما اعتقد مكون نفسو هاي باب.. ومن باب ثاني العكسري ماضامن عمرو... ام ايفان☆☆ بعيد الشر عن ابني ليش هاكذ متفاول عليه.. وبعدين منو من البشر ضامن حياتو وعمرو ابو ايفان☆☆التفتت على ام ايفان وقلتلهة.. خلينا نحكي عزيزتي....كل كلمه قلتهة من حقك....واجب كل اب يضمن حياة بنتو وهذا امر طبيعي.....اما من ناحية مامكون نفسو الحمد لله الخير كثير.. شهادة بأيدو... وعندي المصنع اذا يحب يشتغل بيه.... واذا ماعاجبو اقدر اساعدو يفتح اي مشورع ابالو يعني ماناقصو شي ... اما من ناحية عسكري.. يا ابو يوستينا لو كل عسكري ما يتزوج ويحسب هالحسابات ..كان لقيت ايران داخلة علينه من زمان ... العسكري من حقو يتزوج ويكون اسرة بالعكس هالامر يعطي دافع يحرص على حياتو اكثر .. لكن تبقى الاعمار بيد الله لا انت ولا انا ولا اي واحد ضامن عمرو بهاللحظة .. ابو يوستينا☆☆ كلامك ماعليه غبار ..لكن نحتاج وقت ونرد الكم الخبر ان شالله.. ابو ايفان☆☆اي طبعا هذا حقكم لازم تاخذون وقتكم بالتفكير هذا زواج مو لعب اوليانا☆☆ قعدنا على اعصابنا وخصوصا ايفو كان يدحق ليوستينا ويتسائل بعيونو ليش ابوكي ماعطانا موافقة... رغم يوستينا خبرت اهلها عن علاقة الحب الي تجمعهم يعني ما عدهم اي مبرر للتأخير دحقتو على ايفو انقلبت خلقتو وبين عليه الحزن..حكيت بهمس ايفو لاتخاف ...هاكذ امور مجرد اجرائات روتينية وانت اعرف بهالامور حبيبي ايفان☆☆ قلبي مامرتاح .. امهة من البداية ماكانت قابلة علية وهسة ابوهة .. اوليانا☆☆هههههه انت بس دحق لنضرات يوستينا راح تطمن كثير..لاتخاف البنت واثقة من حالهة اغشعهة شلون قوية ايفان☆☆ اووف ان شالله تقدر لأبوها اوليانا☆☆ان شالله ياقلبي..قعدنا حوالي نص ساعه او اقل شربنا العصاير واترخص بابا منهم حتى نطلع سلمنا عليهم وطلعنا ابو يوستينا طلع مع ابي للباب قبلنة..وامي مع امهة جريت يوستينا وقربتها مني ومن اخي .. ياحلوي شوفينا شجاعتك الكرة بملعبك هالمرة خليكي قوية وكافحي لحبك ..نزلت راسهة وحكت بخجل يوستينا☆☆ ان شالله اوليانا☆☆ولك والله مالايق عليكي الخجل يابنت.. طول هالسنين تتصرمحو بالشوارع والاسواق و قبل يومين طلعتو للمطعم من وين اجاكي الخجل ... ايفان☆☆ اكرمينا بسكوتك يالهبلة لا يسمعوكي اهلها.. التفتت على يوستينا...طالعه كثير حلوي يوستينا☆☆عيونك الحلوة ايفو .. مديت ايدي ومسكت ايدو.... اطمئن ايفو لا تخاف بابا يحبني وكثير متفهم ويحترم رأيي وكلمتي ايفان☆☆هالايام اصعب ايام حياتي راح انتضر جوابكم على نار.. اوليانا☆☆😒.. مرت دقيقتين وهوة يتغزل بيهة وهي تتنعوصلو..صرخت بهمس يا افندي دينتضرونة بالكراج يكفي غزل بيناتكم.. جريتو من ايدو.. حبيبتي يوستينا بعدك ماتعرفي بابا عندو الوقت والمواعيد اهم من كلشي الي مايحترم الوقت يشوفو الوجه الثاني... لازم اخذو منك ونروح 😗باي ياقلبي...يلا ياحباب مسكتو من ايدو وطلعنة ايفان☆☆ اول مرة تسوين شي بي خير لو عليه كان بقيت اغازلهة وماتحركت من مكاني اوليانا☆☆ ههههه امشي يا روميو زمانك ... صعدنا السيارة وبقينا ساكتين اول الطريق ام ايفان☆☆ايفو مو ع اساس انت وحبيبتك متفقين ؟ ليش ماقالو موافقين.. ابو ايفان☆☆بهاكذ امور من الطبيعي مايردو الخبر بنفس اليوم.. اشنو مامصدقين احد خطب بنتهم....لازم شوي ياخذون وقتهم يسألون عنا عن ايفان هذا زواج مو لعب وانتي ام الاصول وتعرفين هالشغلات.. ام ايفان☆☆😒 نشوف اوليانا☆☆اغشعتي(شفتي) يوستينا يا امي شلون طالعه قمر.. تجنن شي مختلف عن شكلها بالجامعه فستانها وتسريحتها ونزاكتها شي فوق الخيال والله وعرف ينقي ابنك ايفو ايفان☆☆ لما دخلت بيدهة العصاير...نسلبت روحي معها.. اوليانا☆☆ اي ضليت صافن عليها ونسيت تاخذ العصير من ايدها 😂 ايفان☆☆ فضحتينا يالهبلة 😒 اوليانا☆☆ على اساس ما واحد انتبه عليك يا اهبل الكل شافك 😂 ... ضحكنا وفرفشنا وغيرنة جو..... ابو ايفان☆☆ ايفو اخذنه لاي مطعم قريب من هوني حتى نتعشى ايفان☆☆ على العين والراس يا ابو ايفان بأي مطعم حاب تتعشى ابو ايفان☆☆ خلينة نمشي واي مطعم مرتب يصادفنه ننزل نتعشى بيه اوليانا☆☆ مشينة حوالي 10 دقايق بالسيارة ووصلنا مطعم فخم ركن ع الشارع كثير حلو ايفان صف السيارة ودخلنة للمطعم .. ابو ايفان☆☆ ام ايفان وين عاجبكم تقعدون داخل المطعم لو بالحديقة؟ ام ايفان☆☆ لا خلينا بالحديقة نغير جو ... اوليانا☆☆قعدنة ع الطاولة العائلية بالحديقة. ماما انا حفوت جوة اغسل ايدية وارجع .. ام ايفان☆☆ ماما لا تتاخرين لانو اخوكي راح حتى يطلب العشة ويجي.. اوليانا☆☆ اوك حبيبتي..قمت وفتت داخل للمطعم سألت النادل وين الحمامات ووصفلي المكان ..دخلت الحمامات وغسلت ايدي ورتبت نفسي وطلعت مشط من حقيبتي وسرحت شعري كملت كل شي و طلعت من الحمامات ...سمعت صوت يحكيلي...... اشتقتلك كثير يابنت ____😍_____؟ يتبع...............⚘ يمة الحب يمه هههههههه الله يجمع كل حبيبين بالحلال يارب ... رأيكم يهمني غوالي 😊 | ||||
|
| |
|
19-10-18, 01:07 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #على_اعتاب_قلبي البارت السابع⚘⚘⚘⚘ بقلم فينوس ارام عزيز☆☆ اشتقتلك كثير يابنت... اوليانا☆☆😍التفت شفتو قدامي واقف وحاط ايدو بجيبتو ومرتكي على الحيط صحت بهمس .. عزيززز ماصدقت عيوني للحظة نسيت نفسي ....ورحت اركض عليه. وصلت جنبو وتوقفت ... عزيز☆☆ولك ليش وقفتي ما اشتقتيلي؟ اوليانا☆☆كنت مرتبكه كثير.. لكن فرحتي اكثر ..اشنو هالحكي....اشلون تقول اني مااشتقتلك ..اصلا طق قلبي من الشوق عليك ... بس.. التفتت يمين ويسار ...خايفة لا احد يشوفنا .. عزيز☆☆اي ويشوفنا الي يشوفنا يابنتي خلاص انا انجنيت وما عدت اهتم لأحد .. اوليانا☆☆ هههه مو هاكذ كابتن .. عزيز☆☆طلعت ايدي من جيبي ومشيت خطوتين وتقربت عليها ..مسكت ايدهة بقوة من شوقي الها ....ولك انا ما مصدق عيوني انك واقفة قدامي..وجاية تقوليلي يشوفونا لما غشعتك داخلة من باب المطعم قلبي رجف قلت مع نفسي لا مستحيل يكون حضي حلو لهاي الدرجة واشوف حبيبتي اليوم ...تركت العشة واجيت لحقتك لهوني مثل المجنون .. اوليانا☆☆ههههه ..الا عن جد انت اشجابك هوني..كيف عرفت اني هون ؟.. عزيز☆☆لا والله ولا اعرف انك هون.. بس صدفة انا واصدقائي اتفقنه نجي نتعشة ونغير جو .... تقربت عليهة اكثر....وبعدين ربنا يريد يجمعنا ف? ماحدا يقدر يمنع هاللقاء.... اوليانا☆☆ههه .دنكت من خجلي... عزيز☆☆مشتاقلك يا اوليانا.. مثل الطفل اليتيم لما يشتاق لأمو ومايلاقيهة جنبو.. اوليانا☆☆ عيوني غرقت بالدمع.. والله نفس حالي.. الايام ماكانت تمشي ابدا احسهة ثقيلة عليه...كنت مثل التايهة وانا بين اهلي عزيز☆☆ انا اهلك وناسك وكلشي بحياتك .. دحقت عليهة بتركيز من فوق لتحت ...وبعدين تعالي تعالي ولك اشنو هاي ..طالعي قمر بليلة تمامو ..بس اشلون طالعه لوحدك بهاكذ وقت ؟ اوليانا☆☆لا ما لوحدي..اجيت مع اهلي وكلهم قاعدين برة بحديقة المطعم ....هههه اليوم رحنا وخطبنا لاخي ايفان عزيز☆☆اها الف الف مبروك يارب ..اتنهدت تنهيدة قوية... عقبالنه وننجمع سوى باقرب وقت واخذك بحضني و... اوليانا☆☆ههه لاتغمق بالحكي كابتن... خلينا نقول امين ... عزيز☆☆اااامين.... طالما اهلك هون استغل هالفرصة حتى اتعرف عليهم... اوليانا☆☆ لالا عزيز مووقتو الله يخليك... عزيز☆☆ ليش اشنو يمنع؟ اوليانا ☆☆ كثير اشياء تمنع يعني اشلون اقدمك لاهلي بصفتك اشنو؟ عزيز☆☆بصفتي استاذك بالجامعه والتقينا صدفة اوليانا☆☆ لا عزيز مامقتنعه بالفكرة لانو راح انحط بموقف بايخ ماراح يفهمو اهلي .. عزيز ☆☆بايخ؟ ولو مافهمت هالموقف الي تقولين عنو ...لكن ع راحتك حبيبتي مديت ايدي بجيبي وطلعت دفتر صغير وقلم وكتبت رقمي....هذا تلفون البيت اتصلي عليه من ترجعي خليتو بغرفتي الي وبس ممنوع احد يلمسو .. امتى ماتقدرين اتصلي عليه اوليانا☆☆اهااا يعني كملت المعاملة وصار عندك تلفون ؟طيب ليش ما اتصلت علية .. عزيز☆☆اتصلت مرتين ومارديتي... رد عليه رجال كبير اعتقد ابوكي....ف? خفت الح بالموضوع اكثر ويروح يشتكي بالبداله ويطير الرقم مني هههههه ... اوليانا☆☆ههههه اي ابي كلشي يطلع منو ....طيب ليش مارسلتو بيد نجاة.. عزيز☆☆حاولت اقوللها لكن ماصارت فرصة انفرد بيهة وما اريد احكي قدام جورج لانو من يعرف صار عندي تلفون بغرفتي راح يلزقلي ويشهرني بين اصدقائي ويبقى يرن هوة واصدقائي طول النهار... وانا ماخذو الك وبس ما اريد اسمع اي صوت بيه غير صوتك. اوليانا☆☆ صفنت بوجهو.....كأنو صارلي سنين ماشفتك .. كنت اسمع اخبارك من نجاة الفترة الفاتت...واطمن عليك شوي... عزيز☆☆يابختك ويا مسعدك والله .. ع الاقل عندك مصدر تعرفي اخباري منو مو مثل حالي. اوليانا ☆☆سمعت اصوات طقطقة رجلينات ناس تمشي كأنو جايين بتجاه المغاسل..نفضت ايدي من ايد الكابتن وضميت الرقم بحقيبتي ..كابتن صار لازم اروح لا يجي احد و يشوفنه سوى وتنقلب الدنية عليه... عزيز☆☆مسكتهة ..طيب طاوعيني وخليني اتعرف ع اهلك هاي فرصة ذهبية لازم مانفوتهة... اوليانا☆☆لا كابتن الله يخليك مو وقتو خليهة غير وقت نرتب الموضوع وتتعرفو على صار لازم اروح...دنكت راسي وتنهدت مشيت خطوتين وبعدو ماسكني .. همست..اترك ايدي كابتن .. عزيز☆☆ ما اتركهة ..الا تقولين كلمه حبيبي خليني اسمعهة صارلي كثير ماسامعهة منكي.. اوليانا☆☆ سمعت اصوات المشي تتقرب حبيبي وروحي وحياتي.. بس اتركني يامجنون عزيز☆☆هههه فلتت ايدهة واشرتلهة بأيدي انتضر تلفون منك لا تتأخري عليه.. اوليانا☆☆أومأت بعيوني وهزيت راسي بمعنى اي....تركتو ومشيت كم خطوة... صار بوجهي اخي رامي...اووف الشكر للرب ماشافنا رامي☆☆ ليش هاكذ اتاخرتي امي قلقت عليكي ... اوليانا☆☆اي حبيبي حقكم ..بس كان في بنات كثير بالمغاسل وشوي ازدحام ..يلا اجيت خلينا نروح... طلعت انا ورامي لقيت اهلي منتضريني ع العشى.. ام ايفان☆☆ليش هاكذ اتأخرتي يابنتي ؟ اوليانا☆☆حبيبتي اسفة.. بس المغاسل مزدحمه بالبنات وتعرفين لازم انتضر الدور ام ايفان☆☆ بس اتاخرتي كثير لا تعيديهة مرة ثانية.. اوليانا☆☆يعني يا امي تريديني اتقافز بيناتهم مو انتي العلمتيني ع اصول الاحترام والاتكيت وهاي طبقته اليوم .. ام ايفان☆☆ماينقدر على لسانك ابد... اوليانا☆☆هههه قبان قلبك اشقد احبك... حطيت الحقيبة ع جنب الكرسي وقعدت... اتعشينه وكملنا وشالو الاكل من الطاولة وجابولنا عصاير قعدنة نحكي ونضحك ع ايفو وعروستو..ثواني وسمعت صوت عزيز توقفنا عن الكلام التفتت غشعتو واقف وراية... عزيز☆☆لما عرفت اهل اوليانا موجودين قلت لازم اتعرف عليهم لكن ماكنت اعرف كيف اقدملهم نفسي ..كنت اراقبهم من باب المطعم لانو الباب عبارة عن زجاجه كبيرة ... اتعشو وكملو وقعدو يضحكون... ضليت تايه وافكر مااريد افوت هالفرصة رجعت للطاولة مع اصدقائي ..شوي وسحبت جورج من بينهم.. جورج☆☆خير عزيز اشبيك؟ عزيز☆☆اختنقت من المكان تعال شوي نطلع للحديقة جورج☆☆ اها تريد ادخن يعني.. يلة ياعمي امشي خلينة نشتم هوى شوي... عزيز☆☆طلعنة نتمشى سحبت سيكارة وقمت ادخن بس عيوني مانزلت عن اوليانا واهلهة ..أأأ اقول جورج هذه البنت مو طالبة مع نجاة بالجامعه لو انا متوهم؟ جورج☆☆انتبهت عليهم .. اها بيت ابو ايفان هوني..اي هاي البنت مع نجاة....اهلهة ناس طيبين كثير وجيرانا بنفس الشارع.. صح ماعندي علاقة قوية باولادهم ...لكن نعرفهم.... عزيز☆☆ طيب اشعجب ماعندك علاقة باولادهم ؟ جورج☆☆ما اعرف ليش لا انا ولاهمة قدرنة نندمج سوى....لكن شي على شي همة ناس كثير طيبين .. تعال تعال نمسي عليهم .... عزيز☆☆اها همست.. ههه اتمنيتهة من الله وصارت الحمد لله.. يلة امشي نمسي عليهم ..وصلنة جنب طاولتهم وقفت خلف اوليانا تماما.... جورج☆☆ مساء الخير... عزيز ☆☆السلام عليكم...سلمنا عليهم وردو السلام وقامو من مكانهم تصافحنا وتسالمنا ابو ايفان☆☆مساء النور....وعليكم السلام.. جورج☆☆اسفين لانو قاطعناكم بس كنا هون وطلعنة شوي بالحديقة ولما شفتكم قلت اسلم عليكم ... ابو ايفان☆☆ لا يا ابني اشنو هالكلام.. اهلا وسهلا بيكم بأي وقت.. جورج☆☆ غشعتو عمي ابو ايفان يدحق على عزيز ..اعرفكم بصديق عمري كابتن عبد العزيز هوة استاذ البنات بالجامعه .. ابو ايفان☆☆ اها استاذ البنات.. يااهلا وسهلا تفضلو استريحو معنا... جورج☆☆لا عمي مشكور ماتقصر.. بس اصدقائنه ينتضرونه بداخل المطعم ..وطلعنه شوي نشتم هوى ونرجع... عزيز☆☆ سلمت على ابوها واخوها الكبير.. دحقت على اوليانا كانت مستغربة من وجودي وصار وجهة لونة وردي.. ..ابتسمت بخبث ورجعت نضري لابو ايفان... وليانا☆☆سمعت صوت عزيز انصدمت التفتت شفتو واقف خلفي بعدت الكرسي شوي وقمت وقفت على حيلي.. كابتن يااهلا ....وسهلا عزيز☆☆اهلا بيكي ام ايفان☆☆ يا اهلا بيكم ..اشلون اهلك يا ابني امك اختك ان شالله بخير .. جورج☆☆كلنا بخير خالتي الحمد لله.. ام ايفان☆☆سلملي ع امك كثير.. جورج☆☆ ان شالله يوصل ..نتركم تاخذون راحتكم نستاذن منكم ... عزيز☆☆فرصة سعيدة .. ابوايفان☆☆اذنكم معكم.. احنة الاسعد يا ابني اهلا وسهلا.. اويانا☆☆ضليت واقفة بمكاني ومامنتبهة على حالي .. ايفان☆☆يالهبلة ...ليش واقفة هاكذ؟ اقعدي.. اوليانا☆☆حسيت ع حالي فعلا مثل الهبلة واقفة وصافنه .. همست الله لايعطيك عزيز على عملتك مجنوون هالكابتن ابو ايفان☆☆اشبيكي يابنتي ليش تحكي مع نفسك؟ اوليانا☆☆أأ لا مابية شي..بس كنت اقول ما صار الوقت نرجع للبيت .. ابو ايفان☆☆ليش مستعجلة بعدنه باول الليل.. اوليانا☆☆تعبت كثير واريد اغير ملابسي وارتاح ...حتى صدعت يلا قومو خلونة نرجع ابو ايفان☆☆يلة ولا يهمكي .. ايفان اخذهم للسيارة وانا رايح ادفع الحساب... ايفان☆☆لا ابو ايفان انا ادفع الحساب...هاي مفاتيح السيارة افتحوهة واصعدو بين ما ادفع الحساب والحقكم... ابو ايفان☆☆اخذت مفاتيح السيارة... يلة امشو ... اوليانا ☆☆وصلنا السيارة وصعدنه وانا بعدني افكر بالكابتن وسوايتو...انتبهت على ايدي حقيبتي مو معي ..نزلت اركض من السيارة.... بابااا نسيت حقيبتي ثواني اجيبهة واجي ابو ايفان☆☆انتبهي ولك لا تقعي... يفداك الف حقيبة يابنتي انتبهي على طريقك لاتنكسر رجلك اوليانا☆☆ رحت امشي سريع قلتولة مامهتمه للحقيبة بس عندي غراضي مهمة بداخلهة ... دخلت الحديقة وكان النادل ينضف الطاولة .. دحقت ع الكرسي مالقيتهة اووف... من فضلك هوني نسيت حقيبة نسائية ماصار ثواني من تركتها ... النادل☆☆ أي لقيت حقيبة هوني .. دنك ع الارض وسحبهة كان حاطهة مع مجوعه غراض ...تقصدين هاي؟ اوليانا ☆☆اووف يسلمو كثير.. شكرت النادل ومشيت التفتت على الباب غشعت عزيز قايم من مكانو وديجي باتجاهي دحق علية واشرلي بعيوني يعني اشنو صار ..ابتسمت ورفعتلو شوي الحقيبة و فهم اني نسيتها ابتسمنا لبعض ومشيت سريع..وصلت السيارة وصعدت لقيت ايفو ينتضرني.. ايفان☆☆ لما اقول عليك هبلة تزعلي.. اوليانا☆☆اي حبيبي طالعه عليك ياقلبي ابوايفان☆☆ههههههه رد عليهة لو قدرت ايفان☆☆😑ماينقدر على لسانها اوليانا☆☆ كانو كلهم يضحكون وانا الوحيدة الي كنت بغير عالم ...وصلنة للبيت اخذت ملابسي ودخلت الحمام سبحت وطلعت سويت كوب شاي واخذتو وصعدت لغرفتي كتبت يومياتي بدفتر المذكرات.. تعبت كثير.. تركت الدفتر وقمت مسكت الرقم والمدالية واتمددت على سريري ضليت صافنة عليهم اشلون اتصل عليه وبأي وقت اشلون راح اتكلم معاه وامي موجودة...ضليت افكر فيه وبكلامو وضحكت.. مسكت المدالية وقربتهة علية وقعدت احكي معاهة واهمسلهة عن صاحبهة وعمايلو...تعبت كثير و ماحسيت على نفسي لما غفيت ونمت.. ام ايفان☆☆رجعنا تعبانين ماحسيت على حالي لما نمت .. طلع النهار وصحاني ابو ايفان ..ثواني احضر الفطور.. ابو ايفان☆☆ لا ارجعي لنومتك انا وايفان ناكل بالمعمل واصلا مالي نفس لا اكل ولا اشرب شي.. ام ايفان☆☆ على راحتك .. طلع ابو ايفان وايفان دحقت ع الساعه ب ال7 الصبح.. ماقدرت ارجع لنومتي ..قمت رتبت المطبخ ولميت الملابس وشغلت الغساله... دحقت الساعه قاربت ال8.... اصعد اصحي هالبنت لو عليها تبقى يوم كامل بمكانهة ماتتحرك... صعدت لغرفتها وفتحت الباب كانت نايمه وغاطه بالنوم ...اوليانا يلة اقعدي خلص النهار قووومي اوليانا☆☆فتحت عين وغالقه الثانية .. اشلون خلص النهار ليش اشقد الساعه ام ايفان☆☆ساعه 8 ونص يلة قومي اكلي شي وساعديني بالبيت اوليانا☆☆ يا امي بعد وقت خليني شوي انام احس جسمي مكسرر ام ايفان☆☆قومي يلا بلا دلع ومياصة النهار خلص .. چذب انتباهي ورقة صغيرة على سريرهة موجودة ومكتوب بيها رقم كانت جنب ايدها.. اشنو هذا الرقم المن ؟ اوليان☆☆ وقع قلبي لما قالت اشنو هالرقم... هذا رقم صديقتي بالجامعه يا امي ... ام ايفان☆☆اي لا تبقي الورقة هوني اكتبيهة بدليل الهاتف حتى لا يضيع يابنتي ابقى اعلمك.. امتى تكبري بقى.. اوليانا☆☆ حاضر حبيبتي..همست وقع قلبي بسببك ياعزيز..قمت من سريري رتبتو وغسلت وجهي وسرحت شعري ونزلت غشعتو امي بالمطبخ..... ام ايفان☆☆تتروقين( تتريكين) بنتي... اوليانا☆☆ لا ما اشتهي..بس اريد كوب شاي.. اخذت كوب وصبيت شاي.. وقعدت ع الطاولة غشعت امي تركض من هون وهون قلتلها..لا تستعجلي بالشغل يا امي هسة اكمل و اجي معاكي .. ام ايفان☆☆ عاجبني ناخذ غدانة ونروح لعند خالتك كاترينا.. اوليانا☆☆ يااااريت والله... ام ايفان☆☆ اي لعد قومي وهزي طولك خلينه نكمل حتى نلحق اخابر ابوكي واعطيه خبر .. اوليانا☆☆من استعجالي شربت كوب الشاي برشفتين خلصت وقمت غسلت الكوب وهميت على البيت نضفتو وعزلتو .. وماما تطبخ الغدة ..كملت التنضيف واخذت شاور ونزلت قعدنا انا وامي .. ام ايفان☆☆ اريد اروح للكنيسة واشعل شمعه لأيفو واطلب يوستينا من امنا العذرا .. ياقلبي يا ابني اتأخرو بالجواب علينه اهلهة اوليانا☆☆ يا امي البارحه طلبنة ايدهة للبنت وين التأخير ؟ ام ايفان☆☆ يكفي لغو ..انتي قلبك بارد ما مهتمه.. اصلا اشمفهمك بهالامو ابقي ساكته ولاتحكي مرة ثانية... اقوم اخابر ابوكي احسن من القعدة معاكي ع الاقل يفهمني مو مثلك.. اوليانا☆☆ماحكيت شي ... اتصلت امي على ابي وقالتلو نريد نروح لبيت خالتي نتغدى عندهم.... وردت اتصلت على خالتي وقالتهلة جاييكي على الغدة انتضرينا..خلصت اتصالات والتفتت عليه وقالت حضري نفسك ابوكي راح يجي ياخذنه وراحت للمطبخ...سحبت التلفون واتصلت على عزيز .. ☎☎☎ عزيز☆☆كنت نايم و رن التلفون قلت ما غيرهة اكيد اوليانا...قمزت ورفعت الخط الووو اوليانا☆☆ صباح الخير حبيبتي عزيزة انا اوليانا اشلونكي اخباركي مشتاقتلك كثيررر.. عزيز☆☆ عزيزة؟ الله يكملك بعقلك يابنت ليش هاكذ ولك.. اوليانا☆☆هههههههه يابنتي خليني اقدر احكي معكي عزيز☆☆اها هاكذ يعني ..طيب غيرت صوتي وحكيت معاهة .. والله بخير الحمد لله.. اوليانا☆☆همست ليش غيرتي صوتك ؟ عزيز☆☆هههههه عزيزة وصوت رجال اشلون رهمتيهة.... اي ماقلتيلي اشلونكي اخباركي.. اوليانا☆☆بخير اذا انتي بخير اشنو كنتي نايمي يلا قومي بلا كسل... عزيز☆☆ووين ياحسرة هوة العندو جهال يقدر يخمد..شلعولي قلبي وطلعولي عيني من وكاحتهم.. يقطع سيرة الجهال على الي خلفوهم اوليانا☆☆ ههههههههههههه ماقدرت اتماسك نفسي صوتي علا بالضحك عندو روح النكتة رهيبة.. يكفي عزيزة لا هاكذ تضحكيني راح ننفضح ام ايفان☆☆ سمعتهة تضحك اجيت عليهة مع منو تتكلمي .. اوليانا☆☆ أأ..هاي صديقتي عزيزة معي بالجامعه .. الله يبلاهة لازم تضحكني صارلي فترة ماشفتهة واليوم اتصلت عليهة. ام ايفان☆☆ اهه ..هزيت راسي.. يعني فهمت اوليانا☆☆ همست لاتضحكني كثير امي راح تشك بامري .. عزيز☆☆اشنو اسويلك انتي قلتيلي عزيزة عشت الدور معك.. اوليانا☆☆ههههههه همست ..دمك عسل عزيز☆☆مو اكثر منك انتي يا عسل احلى نهار اصطبح على صوتك ياكناري ...تروقتي لو بعدك .. اوليانا☆☆شربت كوب شاي عزيز☆☆ نيااال كوب الشاي الي لامس شفايفك اوليانا☆☆اخجل شوي ياولد عيب هالحكي عزيز☆☆بشرفك شفتي بيوم زلمة يخجل هذا بس الي رابي مع نثاية(اناث) يخجل هاكذ... وانا زلمه ربيت بنص زلم نحكي ومانخجل لما نتغزل بحبيباتنه .. اوليانا☆☆احب جرائتو كثير احسو فعلا زلمه وما يهاب شي ...اليوم راح نطلع لبيت خالتي صارلي فترة ماشايفتهم.. عزيز☆☆ وين بيت خالتك اعطيني العنوان حتى اجيكي لهنوكا.. اوليانا☆☆ مجنون وتعملها .. راح اروح اليوم للكنيسة قريبة كثير عن بيت خالتي واريد اشعل شمعه لامنا العذرا حتى تسهل امرنا و تجمعنا سوا .. عزيز☆☆ياقلبي.. والله ونذر عليه لما تصيري من نصيبي اذبح 3 خرفان لوجه الله واوزعم ع الفقراء واليتامى والمساكين.. اوليانا☆☆ امين حبيبي .. لمحت امي جاية حكيت بصوت عالي .. يلة حبيبتي عزيزة اتصل عليكي بعدين لازم اروح اجهز نفسي وراية طلعة مابقى وقت.. عزيز☆☆هههههه عزيزة مرة ثانية ..طيب.. اوليانا☆☆ ههه ياقلبي يلا ..باي حبيبتي ام ايفان☆☆ اول مرة اعرف عندك صديقة اسمهة عزيزة حتى ماكنتي تجيبين سريتهة اوتتصلين عليهة قبل هالوقت؟ اوليانا☆☆ يعني صداقة عادية كانت مو قوية بس بمرور الايام غشعتهة كثير طيبة وحبابة بس ضيعت رقم تلفونهه واخذتو من نجاة قبل كم يوم هية بنت حبابة كثيرر..دة احكي مع امي وابي دق هورن سيارتو.. قفزت من مكاني ورحت فتحتلو الباب ... ركن السيارة وسلم ودخل ام ايفان☆☆الله يساعدك ابو ايفو.. ابو ايفان☆☆ويساعدك ام ايفان...ما متحضرين بعدكم؟ ..يلة استعجلو عندي شغل ام ايفان☆☆ خليني اصبلك الغدة .. ابو ايفان☆☆ لا قبل شوي اكلنة انا والولد بالمعمل..استعجلي لانو اجاني شغل بغير محافظة ولازم بعد ساعتين نطلع ... ام ايفان☆☆ يعني اليوم ماتبات بالبيت ابو ايفان☆☆لا اقل شي ابقى اسبوع هنوكا عدنه جسر ولازم نكملو ونسلمو حضريلي ملابس وكم غرض اخذهن معي ام ايفان☆☆بس ايفان بعدلو 4 ايام ويلتحق لاتاخذو معك ابوايفان☆☆ لا ما اخذو يبقى هون معكم و لازم المعمل ام ايفان☆☆طيب ابو ايفو نبات الليلة عند بيت اختي.. اليوم البيت راح يفضى علينا وتعرف يعني... ابو ايفان☆☆ههههههه قنعتيني ام ايفو يلة حضرو حالكم بسرعه لا تتأخرو.. ام ايفان☆☆ ثواني ونجهز .. اوليانا☆☆ غيرت ملابسي وكشخت ونزلت .. اي ماما يلا جهزت.. ام ايفان☆☆ ماعندي شي كملت..شوفي رامي ودريد خلصو واخذيلهم ملابس وحسبي حساب اخوكي ايفان بالملابس لانو راح نبات عند خالتك.. اوليانا☆☆😑نبااات ليش ماقلتي .. تركتها ورحت اركض لغرفتي اخذت ملابسي وخليتهن بالكيس ودخلت غرفة اخوتي حضرت ملابسهم بسرعه البرق ونزلت...صحت بعالي صوتي.. خلصت ماما وهاي الملابس حطيتهن بالسيارة بعد شي؟ ام ايفان☆☆ اخذي وياكي دست [ جدرية] البرياني خاف ننساهة اوليانا☆☆اوك حبيبتي.. طلعت قبل امي وشايلة بايدي دست (جدر) البرياني حطيتو بالسيارة وركدتو بمكانو حتى لا ينقلب اجيت اصعد السيارة.. دريد☆☆ تعالي حبيبتي اقعدي بالنص .. اوليانا☆☆اااشنووو ما اقعد بالنص انا اكبر منكم مكاني جنب الشبااك يلا ادخل السيارة بسرعه دريد☆☆لاا ياعيني انتي اصعدي واقعدي بالنص وانا هالمرة اقعد جنب الشباك مو كل مرة الك اوليانا☆☆اسمع الكلام دريد انا اختك الاكبر منك يلا اصعد امي راح تجي ابو ايفان☆☆يكفييي حكيي واصعدو بسرعه اوليانا☆☆ بابا انا ادوخ من الطريق و لازم اقعد جنب الشباك حتى اشتم الهوى ابو ايفان☆☆ دريد اقعد بمكانك ويكفي حكي يا ابني هية دقيقتين ونصل .. وانتي يابنتي شوفيلي وين امك اتاخرنا... اوليانا☆☆طلعت امي وهي تحكي اجيت والله اجيت...قفلت امي باب البيت وصعدت السيارة...فتحت الشباك الجنبي واستنشقت الهوى الله ياهوى ام الربيعين يرد الروح... دريد☆ووجع اوليانا☆☆ موت بقهرك 😁ضليت ادحق على الاسواق والمحلات والناس....الحياة شبه طبيعية والناس عايشين حياتهم لو ما هالحرب الي منغصتنا ... مشينا حوالي 10 دقايق ووصلنا بيت خالتي نزلنة من السيارة ونزلنا الغراض ورحت ادق بابهم ... ام ايفان☆☆ حبيبي لاتنسى قول لايفو يجي لهوني لايبقى بالبيت لوحدو .. ابو ايفان☆☆ ابنك رجال اشطولو ويخدم بالجيش وبعدك تخافين عليه يبقى لوحدو بالبيت ام ايفان☆☆اي قلو اشراح تخسر.. اوليانا☆☆هز راسو بابا بمعنى اي.....وحرك السيارة حتى يرجع لشغلو ....دخلنا لبيت خالتي تسالمنا وقلبناه بالهوسة كثير نحبهم ونندمج معهم ..خالتي عندهة بنتين بعمري تقريبا و3 اولاد وكلنا مثل الاخوة .. نصبنا الغدا واكلنا وكملنا... كاترينا☆☆ انتي ماتستحين جايبة غداكي وجاية اشنو ماعدنه اكل ابيتنا يعني .. ام ايفان☆☆مالك دخل اولادك يحبو طبخي لو غيرانه لان اكلو البرياني كلو وتركو اكلك .. اوليانا☆☆ هههههه طبخ امي لايعلى عليه ياخالتي كاترينا☆☆اي طبعا اختي الكبيرة مين يلحقها بالطبخ اخذت طبع امي ونفسها الله يرحمها اوليانا☆☆كنا نضحك ونحكي ع غفلة وقلبوها هم وغم وبكي على نانا (بيبتي) الله يرحمهة قلت لبنات خالتي مامنهم فايدة راح يبقو يبكو خلونا نغسل الصحون وننضف المطبخ ونروح للكنيسة ...مر الوقت ورحنه للكنيسة وقفت بالمذبح واندعيت وطلبت يهدي اهلي واهل عزيز ومايعارضو على زواجنا ونكون سوا للأبد .. وشعلت شمعه بهلنية ... وامي شعلت شمعه لأيفو ولباقي اخوتي والي مر الوقت ورجعنا لبيت خالتي صار الليل وما اجى ايفو امي اتصلت عليه وقاللهة تعبان سبحت ونمت ما اقدر اجي.... ضلينه نحكي انا وخالتي وبنات خالتي امي راحت نامت جنب اخواني وبقينة احنه سهرانين.... اقول خالتي اريد اسالك سؤال وياريت تجاوبيني.... كاترينا☆☆ اي قولي بنتي .. اوليانا☆☆ اشلونهة نوال تعرفي اخبارهة؟ كاترينا☆☆ اشجابهة على بالك .. اوليانا☆☆ بصراحه صديقتي نفس حكايتهة وحبيت اسال واشوف حتى اقدر اساعدهة.. كاترينا☆☆دحقي يابنتي نوال تزوجت وحطت اهلها امام امر واقع صح امهة وانا ماتركناهة لكن اغلب عائلتهة تركوها ..هاكذ زواج صعب الناس تتقبلو.. انصحي صديقتك لا تقبل تتزوج احد من غير دينهة الامر صعب مو سهل .. اوليانا☆☆ شعور بالاحباط مدمر اتملكني.. حاولت اسيطر على اعصابي قدامهم حتى لا يبين عليه....طيب هية اشلون عايشة مع زوجهة يعني زوجهة يستاهل التضحية يعني حياتهة ناجحه معو؟ كاترينا☆☆ والله يابنتي الشهادة ال الله هوة يحبهة كثير ومتمسك بيهة كثير وحياتهة كثير حلوة معو وهية دايما تمدح بيه..بالبداية كنت متصورة تكابر او تخاف تقول شي حتى لا نلومها ونتشمت بيهة.. لكن الخير يخير ويبين والشر يغير يابنتي.. وهية باين عليهة الراحه والخير مع زوجه..صح الكل قاطعهة عدا امهة كانت تحكي معها وانا بعدني متواصله وياهة لأن من وجهة نضري ..بعيد عن الاديان لازم احترم قرارهة...وهاي كل فترة اتصل عليهة او تتصل عليه ونعرف اخبار بعض ... اوليانا☆☆ صار عدهة اطفال منو ؟ كاترينا☆☆ اي عدهة ولدين وبنتين .. بس ارجع واقول انصحي صاحبتك لاتقبل بهاكذ زواج وتضحي بأهلهة لخاطر رجال غريب ماتعرف طبعو وطينتو..الزواج مو لعب الزواج مسؤليه كبيرة وثقيلة انوب من غير دين يصير مسؤليتو مضاعفة ...ليش تحط نفسهة بهاكذ دوامه.... اوليانا☆☆طيب والحب البيناتهم ياخالتي مو حرام ينقتل.. كاترينا☆☆ الحب مقابل الاهل .. بهالحالة اكيد كفة الاهل هية التكسب.. اوليانا☆☆بس انا سامعه انو اكو عوائل تقبلت بناتهم بعد زواجهم ... كاترينا☆☆قلييييلة هاكذ عوائل يمكن 1% موجودة او اقل من هالنسبة.. كثير قصص سمعت وشفت بعيوني مسلمه اتزوجت مسيحي رغم دينا مايزوج لغير المسيح لكن اتزوجو وصارت مشاكل الهة اول مالهة اخر. مسيحية اتزوجت مسلم وكثييير قصص سامعه عن البنات الي تتزوج من غير دينها مسيح مسلم ازيدي صابئي .. الفكرة يابنتي الزواج بين دينين امر صعب مو بسهولة احد يتقبلو.. اوليانا☆☆بهاللية ابد مانمت صار عندي ارق من التفكير واصلا مكاني متغير ف? ضليت سهرانه وافكر بكلام خالتي ...صار ثاني يوم وامي قررت نرجع للبيت بعد الغدا.. ورجعتنا خالتي بسيارتهة ... مر حوالي يومين على خطوبتنا ليوستينا واتصلت امها على امي ورجعولنا الجواب...___________؟ يتبع..............⚘ بعد بارت الزواج راح اسرع الاحداث لان سبق وكلتلكم القصة تتكلم عن جيلين لذلك حبيت امشي شوي بالتفاصيل بالبداية وراح ابينلكم عادات الزواج عن مسيح الموصل وطبعا كل منطقة ومحافضة تختلف بتقاليدهة .. ووراهة اسرع الاحداث لاني ع وجه سفر 😊 | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
