رشفة عشق / للكاتبة العبادية ، عراقية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية رشفة عشق... للكاتبة العبادية قراءة ممتعة للجميع....

[لامارا]

رابط لتحميل الروايه هنــــــــــــــــــا

بسم الله الرحمن الرحيم

السلام عليكم ورحمة الله وبركاته كيف حالكم إن شاء الله دائما بخير ؟


#رشَفة_عشق
للكاتبه العباديه



ﺍﻟﺴـﻼﻡُ ﻋﻠﻴﻜﻢ ﻣﺘﺎﺑﻌﻴﻨﻲ ﺍﻻﺣﺒﻬﻢ ﻛﻠﺶ ﻛﻠﺶ ﻛﻠﺶ ﺭﺟﻌﺘﻠﻜﻢ ﺑﻘﺼﻪ ﺟﺪﻳﺪﻩ ﺗﺪﻭﺭ ﺃﺣﺪﺍﺛﻬﺎ ﺑﻤﺤﺎﻓﻈﺔ ﺫﻱ ﻗﺎﺭ ‏( ﺍﻟﻨﺎﺻﺮﻳﻪ ‏) ﺍﻧﺸﺎﺀ ﺍﻟﻠﻪ ﺃﻛﻤﻠﻬﻪ ﺑﻌﺪ ﻗﺼﺔ ﺑﻘﺎﻳﺎ ﻋﻨﻘﺎﺀ ..
ﻭﻗﺼﺔ ﻃﺎﻗﺔ ﺗﺤﻤُﻞ ﻛﻠﻜﻢ ﻣﺎﺣﺰﺭﺗﻮﺍ ﺍﻟﻤﺤﺎﻓﻈﻪ ﻭﻭﻻ ﺗﻌﻠﻴﻖ ﺻﺢ ﻭﺧﻠﻴﻬﻪ ﺣﺴﺮﻩ ﺑﮕﻠﻮﺑﻜﻢ ﻣﺎﺍﮔﻮﻝ 😂🤣😂😂
ﻭﻗﺼﺔ ﺑﻘﺎﻳﺎ ﻋﻨﻘﺎﺀ ﺑﻤﺤﺎﻓﻈﺔ ﺩﻳﺎﻟﻲ ﺩﺧﺘﻮﺍ ﻣﻮ ؟ ﻳﻼ ﻣﻴﺨﺎﻟﻒ ﺍﻣﻮﻥ ﻋﻠﻴﻜﻢ 😗🌻😁
# ﺭِﺷﻔﺔ _ ﻋﺸﻖ
ﺍﻟﻜﺎﺗﺒﻪ _ ﺍﻟﻌﺒـﺎﺩﻳﻪ

[لامارا]

البارت < 1 >


رجعت لمكاني وهوَ بقى واگف گعدت بمكاني كأنما ممسويه شي ..
بس تفاجئت بمكاني الأكل مفروش والريحه تعط تخلخلت بأنفاسي صارلي شگد ماماكله
سرفنت رداناتي وگعدت أريد آكل لفيت اللگمه الاولى وهو إجه وگف على راسي رفعت راسي شفته واگف ومكتف إيديه لظهره وعيونه صايره سود من الغضب رمقني بنظرة غضب وعدم رضا وگعد مقابيلي على أطراف رجليه وتكى إيديه على ركبه ويحچي والشرر يتطاير من حلگه .
- اني مو گتلچ ماتتحركين
اني ألـوچ بلگمتي واحچي وياه ببرود وسويت نفسي بريئه واني اسوي مصغر للكلمات .
- شسويت قابل ..رحت اشتريت دعيبيلات واجيت اركض.
امممح (بلعت لگمتي) وبعدين انته شعليك
آني سويت هيچ وهوَ تخبل .
شال الماعون مال الاكل كله وبعصبيه گلبّه بحظني طفرت بسرعه متفاجئه وخايفه من تصرفه
عطت بيه لان ملابسي تّلفت
- لك انته شبيك هاي نعمت الله هيَ لعب ؟
جاوب وعيونه ناررر من العصبيه
- حتى بعد من اگلچ على كلمه تاخذين حچايتي وماتعاندين
اجه الشرطي يركض لان المكان تتلف من وگفت وگع الاكل بالگاع
الشرطي
- شنو هاي نعمة الله بالگاع والمكان متلف هـٰذا مكان حكومي شلون تسوي هيج . ؟
خزرني بعصبيه عود إنتي السبب وباوع للشرطي ..
جاوبه هو ويصبر بنفسه ويضغط بقبضة إيده حييل ..
- خويه ماصار شيء هسه ألمّه بس طشرته لان طفر بريعصي بالاكل اضطريت اطلعه وتطشر
- يلا لموّه
بقى يلم بالاكل من الگاع ويحط بالعلاگه وعيونه تخزر بيه ويتوعدلي بنظراته كل مايشيل شي من الگاع يحطه بقوه بالماعون السفري
لميت شفتي وعصرتههه بقوه من الغضب
صحت على أمي
- يلا خل نروح
تقدمت خطوتين
وصاح وراي بصوت عالي يرج
- ووووووووووين ؟
عصرت عيوني اهدأ بنفسي
- ننتظركم يم هـٰذا الشباك علما حضرتك تكمل لّم الاكل ..شددت على آخر كلمتين وهوَ افتهم القصد ..
اجوا وإتجهنا لشارع مااعرفه شنو اصلاً بقينه نمشي مسافه هواي واني استحي منه اگول خل نگعد هالمره كلش قيدنا السجّان .
حطيت إيدي على سحر وغمضت عيوني گتلهه من تلاگينه حفره گليلي هاي الحركه دائماً نسويها ..
بقيت أمشي واني مغمضه عيوني كلش نحلانه وتعبانه
سمعت صوته بنبرة قلق وخوف ( شبيج ؟ )
فتحت عيوني . شفته واگف مقابيلي وينظرلي بخوف .
- مابيه شي بس تعبانه
- تعالي اصعدچ بذني العرباين
(عربانه صغيره من خشب تنقل الزائرين)
- لا والله خاف متقبل هو اني ستوته گوه صعدت مو الا ذوله النحيفين يدفعونّي . لك شوف شلون لحمه مابيهم ويدفعون بالناس والله خطيه هضيمه والله
- بس شكلج تعبان حيل
- ميخالف أمشي ولااگطع نفس هالمگاريد
إلتفت على أُمي
- خاله إذا نعسانين اشوفلكم فندق ناموا بي وارتاحوا
وبعدين نكمل مشي (يباوع بيه عود انتي )
گتله
- لا عيني ماكو داعي
اني احچي وياه بنتر وهوَ ولاعبالك مسوي شي !
إستمرينا نمشي بتعب وثقل ..
شويه ووگف يمي طول بطول باوعتله مستغربه حط بإيدي چيس باوعتله لفتين كباب !!
دفعت إيده ..
وگتله بنتر (مااريد)
جاوب بحنيه ولهفه
- لچ إكلي شوف وجهج شصار بيه
بنتر
- غير إنته ماتريدني أكل وطشرت الاكل وهسه مااريد أكل ..
(خليت الچيس على ميز يسون عليه شاي للزوار )
هو سحب الچيس واجه وراي غاضب
- تاكلين لو اطلع وجهي الثاني ؟
بقيت اضغط على مخرج الحروف وهاي الحركه تعلمتهه منه
- ماااارييدد
باوعلي بخزر وتوعد
- رايح لاامج اگلهه راح تتخربط علينه ونحتار بيهه لج وين نوديج هنا
گلت بعناد وإصرار
- مااااارررريد
صفن بوجهي وگال
- إاذا تحبين الـحُسين (ع) وقبل شويه چنتي تزورين اكلي
آني سويت نفسي كلش متدينه وع الاساس ماچنت اريد وهوَ اني ميته جوع
- ماتعرف الا تحلّف ؟
- عنادج ماخلىٰ غير طريقه
اخذت اللفات منه واني اصلاً ميته جوع اكلتهم بنهم يلا رجعتلي روحي
صعدنه بالكوستر لگراج سيد جوده وبقينه ننتقل من سياره لسياره علمود نوصل للگراج
وگفنه ابو الكوستر صفاء گاللي
- اصعدي
صعدت يم الشباك وهـوَ صعد يمي والمسواگ كله هوَ شاله خطيه ههههه بس يستاهل
تقرب يمي وهمس بإذني
- أگلچ جوعان
رديت عليه بنتر
- چـا شاسويلك ؟
إستغرب ورد
- اآه ؟
نزل إيده يدور بالغراض وطلع علاگة الشاميه وبقى ياكل ويتذوق بالأكل عود يريدني اطلب منه اني اموت ع الشاميه ماشاء الله ماكو شي مااحبه ..
آني من شفته يتذوق مقابيلي وريحتهه فاحت إشتهيتهه لگفتهه منه
- مـا .. جيب شاميتنه لاتاكل
اخذهه مني وضحك على تصرفي الطفولي
- ههههه خاف متقبلين
- والله شاميتنه اريدهه
فتح العلاگه بحضنه وسحب إيدي خلاها بالعلاگه
- اكلي اكلي بس كون محد يدري بس تدري خالتي تشنقنا .
ضحكت بصوت عالي
- ههههههه
- فضحتينا عود گتلج محد يدري
- يلا راح اكل واسكت
بقينه نباوع ع الشوارع وناكل كل مااحط ايدي احسه يتلمسهه بحنيه مثل اليريد يحفظ شي بس آني اسحبهه بسرعه واخزره وهوَ يطلّع حجّه يضربني على إيدي يگلي اخذي عدل مو تتلمسين چنچ اعمى
بس اني مو غبيه مااعرف شبيه اليوم !
اجت حوراء يمنه وشافت العلاگه مال الشاميه فارغه راحت لاأمي (ماما تعالي شوفي صفاء وإيڤان خلصوا الشاميه )
سمعت صيحة أُمي (ولچ شناكل بالسياره اذا من هسه خلصتوهه )
غطيت راسي جوه العبايه سويت نفسي فقيره ومسكينه ..
گاللهه صفاء (خاله هسه شويه واشتريلكم نكرز بيهه بالسياره هاي خلصت. تره خلصتهه إيڤان)
اني شهگت وضيگت عيني عليه
(هييييء منو الجوعان وفتحها ؟ أيـا خاين )
ضحك بصوت عالي وبعدين صفن وكال
- وداعتچ مااخون ابقى وفي لما أموت
حسيته غّير الموضوع وديحچي عن غير شي !
بس غلست
بقينه نحشش اني وياه ونضحك كالعاده
ماحسينه بالطريق
وگفت السياره ووصلنه لگراج سيد جوده وبلشت مسيرتنه ندور سياره للناصريه !
افترينه الگراج كله ماكو بس بصره اي واحد نسأله گال بصره وجذابه تخبلنه الكراج من البدايه للنهايه البصره وجذابه
(ناس تسميهه جزابه وناس گزابه واني عبالي شو ياهي الچذابه وگلت لاامي منيَ هاي مچذبه عليهم ويصيحون السوّاق چذابه .ضحكوا عليه وگالولي هاي منطقه بالبصره يمكن هيچ أسمهه .تفاجئت ماسامعه بيهه)
صفاء عصب حيل وعيونه صعدت بگصته اني إبتعدت عنه لايشمر حرگته بيه من يعصب ميعرف نفسه منو .. لان تعبنا حيل وماكو سيارات بس نمشي وأحنه رجلينه مكسره .
لگينه سياره يروح للشطره والناس كلهه من الناصريه تجمعوا عليه بقينه نتوسل بيه ياخذنه للناصريه ماقبل لما صفاء عصب عليه
- شلقضيه هيه الشطره عن الناصريه نص ساعه وصلنه للناصريه واطلع للشطره ليش تصير خبيث احنه زوار وتشوف الكراج ولا سياره للناصريه يعني نبقى هنا واحنه تعبانين ؟ خافوا الله بينه
وهم مريه چبيره بالعمر مبين عليهه الوقار والتعب صاحت بيه
(شبيهه الناصريه ييمه بيهه عرابيد (ثعبان) وماتروحولهه هيه محافظه حالهه حال المحافظات وأصلاً قريبه من كربلاء والنجف واقربلك من الشطره هم )
هو صفن وگال إصعدوا بس النفر 17 أُمي شهگت وگالت (يـاا شدعوه مااصعد بويه هاي نهيبه يرادلي 200 بس الرجعه )
صفاء گاللهه متذمر
- ياخاله دصعدي اني ادفعهن رحمه لوالديج اصعدي
صعدت أُمي وگعدنه بالسياره ننتظر نفرين ونطلع للناصريه
السايق بره يصيح (طالع ناصريه طالع) علمود يجيب النفرين واجاه سايق ثاني بقوا يتبسبسون وشويه اجه السايق گال انزلوا بطلت مااروح كلنه انصدمنه وگبت العيطه كلهه تعاركت وياه وصفاء ضربه بوكس ولحگوا عليه السوّاق لزموا
نزلنه ورجعنه ندور
هذا صفاء شصار بيه إنگلب گلّاب وبس يعيط ووجهه احمرر من العصبيه .. كلش خفت منه كل مره من يمشي اوكف بصفه ونمشي بالمقدمه سويه هسه خاتله وره ظهر أُمي منه !!
يمشي گدامنه ولگه واحد عنده سياره ستاركس گاللـه وين توصل؟ السايق گاللـه (بصرى)
- لازم (....كفّر ...) هناك بالبصره
اني شهگت ولطمت على وجهي
- هيييء أستغفر الله.. عزا بعينك صفاء شلون تكفر ؟
إلتفت عليه وعيونه تتطاير منهه شرار الغضب
- ماتشوفيهم شون طلعوا روحي
- وتكفر. ؟
أستغفر الله أستغفر الله
استحى مني كلش وجهه صار أحمر ونزل راسه يلعب بأصابع إيديه لأن هيه چانت زلة لسـان بس نسى اني موجوده
كلش ضوجني من نطقهه
عبست وجهي عليه گام يحاچيني مااحچي وياه حتى بعد مايعيدها خاف اله نيه ويعيدها
راح سأل الشرطي على سيارات الناصريه گاللـه بذيچ الجهه اركبوا سياره وتوصلكم لسيارات الناصريه لان مسوين الناصريه سياراتهم وحدهم تفاجئنه مانعرف بهذا الشي اول مره يسون هيج !
وگّف رف وصعدنه كل مره يگلي اصعدي اصعد يم الشباك ويصعد يمي هالمره گال إصعدي گتله
- إنته إصعد
التفت عليه مستغرب وطبگ أسنانه ويحچي بغضب ..
- إصعدي ماكو مجال ماتشوفيهه صايره لحم كلهه ولد يعني وين تريدين تصعدين ؟
خزرته بعدم رضا وصعدت
صعدت بالمكان اليصير وره السايق يحطون بيه العلاليگ مو كرسي .. حشرت نفسي گوه
هوَ إجه وگعد بالكرسي المقابيلي
اني نزلت راسي على إيديه وسويت نفسي نايمه عن لا اشوفه وألمحه ولايشوفني هوَ هم ..
مشت السياره بينه شويه حسيت على إيده
گعدني بأيده على راسي
- إيڤان إيڤان شوفي هذا التمثيل تحبينه
رفعت راسي بملل شفت التماثيل وساحه چبيره ناحتين كل التماثيل كمشهد تصويري لواقعة الطف گلبي كام يرف اريد اصوره واريد ابچي على التماثيل لان اموت عليهن
سيطرت على مشاعري وعوجت حلگي وگتله
- وشأسويله ؟
صفن بوجهي
- هـاا ؟؟ غير تحبينه چـا شنو ؟
كلت بنتر
- اممم
رجعت راسي ماخلاني رفع راسي
- شبيج ؟
- مااريد احچي وياك
عگد حاجبه مستغرب
- ليش ؟
- مااحب احچي وي اليكفرون بالله
صفن .
فرك وجهه حييل بحيث صار احمرررر
- هاي مو كفره
رديت عليه مستهزأه
- هـه عذر اقبح من الفعل چـا شنو اذا مو كفره ؟
صفن بيه ورجع فرك وجهه بأيده
- آسف والله مااعيدها مو بقصدي طلعت ولاانتبهت اصلاً
- هسه السايق شيگول ؟
يگول جاي للزياره ويكفر ؟
- گتلچ زلة لـسان لان اخواني ذولاك بالبيت كلهم يكفرون بس هاي لاحتني طفار منهم
- خوش عذر قبييييييح
- والحُسين بعد مااكفر بس لاتسوين هيج
رديت بنتر وبجمود خليته ينجن .
- مامسويه شي
رجعت اريد انام رفع راسي بأيده
- لج والله مااعيدها شبيج
عطت بوجهه عصبني حيل
- يتبره منك الله التكفر بيه ..
كافي لاتلح گتلك مااحب احچي ويه اليكفروون
طگگ أصابيع ايديه وسحب نفس .. وكال بقهر
- براحتج
كلش ضاج وگام مايتحاچى بس ينافخ ماعاجبه
نزلنه من الرف وصلنه لسيارات الناصريه اخيراً چان سحر تضرب على إيدي بخفه
- إيڤان إيڤان ذاك حلاّقچ الشفناه بكربلاء !
طبعاً هيَ تعمدت تسوي هيچ تعرف بعصبية صفاء وهوَ چان واگف يمنه وهيَ صوتهه فضيحه !!
هوَ خزرني عيونه رادت تطلع وركز بالكلمه الراح اگولهه
گتلهه
- وآني شعليه ؟
- ولچ خاف لحگنه علمودچ
تدخل صفاء وعيونه صارن بگصته
- ياحلاق ؟
سحر
- هذا واحد چان صافن على إيڤان !!
فتحّ عيونه حيل
بقى يتلفت وصاح (وينه ؟)
آني بسرعه گتله
- راح راح چذب مالاحگنه
تقرب يمي وجهه صار بوجهي
-شعنده وياج !! شيريد . ؟؟
اني جاوبته ببراءه
- ماعنده شي وياي
- چـا ليش لاحگنه
- ياب والله مالاحگنه دشوفه وصل ذني البنات ورجع ميت علينه يلحگنه
- وينه. ؟
عطت بنفاذ صبر
- داگول راح.رجع لااهله لاتكبر الموضوع ماكو شي
خزرني بتوعد وعصب .. مشى للسيارات
صعدنه بسياره طويله مااعرف اسمهه بس كل وسائل الراحه بيهه مكيف واضويه وحتى تدفئه بيهه
أُمي والبنات گعدن وره ووياهن نسوان من الغراف نسقن وياهن ودگ سوالف
صعد عباس يم الشباك اني گعدت يمه إجه هو ودحس نفسه يمي بالكرسي المتحرك التفتت عليه خزرته
- لاتخوزرين لااطفي عينج
اني ردت اخفف عصبيته اكره الشخص العصبي وخصوصاً هوَ من يتعصب يتنحس ومينطاق .
- اني اطفي عيونك ذني المتعجب بيهن والله ياخضر كلساع خازرني بيهن خالسني
ضحك اخيراً بس چانت ضحكته بصوت عالي رجولي
-ههههههههه تستاهلين
- ننننن
عباس بس يضحك علينه ضربته على متنه
- خب شبيك فاتح حلگك اكو شي يضحك
- كون هسه صفاء يموتج موت اويلي وعلي يشفي غليلي
- دطير انته وصفاء
خزرني هوَ
حطيت إيديه على وجهي بحركه طفوليه
- لاتخزززررررر يررربي
عباس
- اي عود گالوله عيونك حلوات هسه شيخلصنه كلساع يخزر بيج هههههه
بقينا نحشش عليه ونضحك
.................................................. ...........
مشت السياره وقت طويل غفيت وخليت راسي على الكشن وعباس هم. بس صفاء بقى گاعد لان اذا ينام ع الكشن نتلازگ كلشش ف بقى گاعد وهم الكرسي الوسط الگعد بيه ماگدامه كرسي يتكي راسه عليه ..
نمت وحسيت بيه يگعدني
رفعت راسي فتحت عين ونص
- شبيك صفاء توني غفيت
- برددت حيل انطيني نص من عباتج
طلعت رداناتي من العباه وأنطيته
- اخذ ..
طلعت نص من عباتي وشمرتهه عليه غطى راسه ومتونه واني نص عليه قسمناهه نصين لان الجو شتاء وبارد .
غفى هوَ وراسه بقى يتطوطح يروح بيه منا ومنا لان هو كرسي وسطي اني وعباس اخذنه الكشن الكرسيين والوسط اله ضحكت عليه ..
أخذت راسه وخليته ع الكشن مال كرسيي واني بقيت گاعده ميته نعاس بس مانمت خاف يگعد
صاح السايق ع الكروه وهوَ گعد ،، شافني كاعده وهوَ نايم بمكاني خزرني ماراضي ..
- ليش ماگعدتيني ونمتي ؟
- لا نام معليك بيه
تذمر بإنزعاج
- چؤؤ
طلعتله محفظته من جنطتي ودفع الكروه مال عباس وخالتي ومالته .. راد يدفع مالتنه وخالتي لعبت بيه لعب وگالتله ضم فلوسك وراك أيام صعبه وخالتك عدهه ماعايزتلك (قصدهه أُمي) وسحبت منه المحفظه بعدما چان ضامهه عندي !!
گاللهه
-جيبيهه المحفظه خل اضمهه عند إيڤان
- لا خليهه عندي بعد ضميتهه
همست بصوت خافت
- تره ماابوگ
همس بأذني
- لو ادري بيج تبوگين ماضميتهه عندچ من البدايه. ولعلمج ثقتي بكل البشر معدومه بس بيج عاليه
رديت بحزن
- ممممم
طلعت موبايله من جنطتي اريد اتصفح بالفيس لان عنده مجاني
ادگ الرمز يطلع خطأ !!
حطيته مقابيل عيونه وگتله
- هاي شنو ؟
استغرب
- شنو ؟
- مغير الرمز ؟
- اي
- ليش ؟ السبب ؟
- هههههه لان صادقت وحده جديده ومااريدج تشوفيهه
- هـاا رجعنا لسوالف قبل مو
- مو سوالف قبل هسه وبعد
كلش احترگت روحي مااعرف شصار بيه دائماً يراويني صاحباته وآخر مره وحده فتحت وياه كام وگتله ذني يصوروك وكلشي يسون وگال بعد مااصادق !! واعرف يسوي هيج كلما اتزاعل وياه لو كلما اطنشه يصادق وحده يحرگ گلبي بيهه ومن نتصالح يگول اعوفهه بس يحرگ گلبي بيهه ..
سحب الموبايل من إيدي وفتحه
طلع صورة بنيه لابسه سيت نوم أحمر ناري والسيت قماشه تول كل قطعه بجسمهه مبينه ومسويه حركه مو زينه وهيه مربربه وحلوه
قربهه لوجهي
- حلوه موو ؟
بعدت الموبايل من وجهي وقلدت
- ايعع تلعب النفس
- ع الاساس انتي احلى منهه
جاوبته بثقه عاليه
- خل البس هذا اللبس وشوف شأصير
فتح عيونه مصدوم وبسرعه خلى اصبعه على شفايفي وتخربطت احواله
- اشش اششش اسكتي لاتكملين
سحبت الموبايل من عنده ودخلت ع الضبط اريد أغير الرمز واخليه بكيفي لأن رمز موبايله دائماً آني مسؤله عنه .. گتله
(شگد الرمز القديم)
- ليش؟
- شكد بدون كلام
قرب راسه يمي وشافني اريد اغير الرمز
- مااگول عوفي الرمز لاتغيريه !
- ليش ؟
- موبايلي بيه خصوصياتي !
عبالك انضربت راشدي على وجهي خصوصيات !!
آني كل مره احط الرمز هسه صارت خصوصيات !!
- هـاا ؟ هيج صارت خوش هاك
(شمرت عليه الموبايل وعفست وجهي )
رد متذمر
- اهووو اليوم شيخلصني منج. ضحك وكمل كلامه گال .. اللزگه
التفتتله مصدومه
- اني لزگه؟
- اي انتي
- خوش صفاء خوش بعد ضم عندي شي الا اذبهن بالزباله
- ميخالف اضم عند خالتي
- چـا ماضميت عدهه من البدايه ؟
- عجبني اضم عندچ ... هسه عندج مانع ؟
ويبتسملي إبتسامه صفراء
عصبت ورديت بنتر وعصبيه
- شگد تافه
- هههههههههههههـه
- عبالك منطيته نكته مو دارزل بيه والله يالله بدون إحساس
ضحك وغلس
وصلنا للناصريه بالـ4 الفجر نزلنه يم الحبوبي گال صفاء
- تحبون نروح على سوگ هرج لو من فروع الحبوبي
- لا من الحبوبي احسن .سوگ هرج هسه ضلمه ويخوف .وهم اقرب منا
- يلا امشوا
مشينه من طريق الحبوبي ووصلنه لشارع 20 دخلنه لبيتنه مترب وباااررد وصاير وحشه فتحنه الاضويه طلعت الصوبات والبطانين لان موت بررد .. وصلينه الفجر
اصلاً احنه من رحنه للزياره مالمّينه الفراشات خليناهن لان من نجي تعبانين مابينه حيل فرش ف كل واحد تمدد بفراشه ونام بس صفاء گال اريد بطانيه رحت جبت البطانين لليريد وبقيت اوزع عليهم وصلتله هوَ واگف يم الشاحنه ويلعب بموبايله گتله
- تريد ؟
التفتلي ورفع حواجبه بتساؤل گال (هـاا؟)
- وجعا . بطانيه تريد ؟
- اي اي اريد خليهه بفراشي
(وهمس) ولو انتي تجين وياهه بعد تسوين فضل چبير
اني سمعت جملته كلش زين بس سويت نفسي ماسمعت
- هـاا ؟
- ههههههه قبل شويه تگوليلي وجعا هسه اني اگلچ .. وجعااااا ..
روحي اخذيهه للفراش شبيج متصنمه
- اي اي اي
رحت أخذتهه وغطيت بيهه فراشه حتى مباشرةً يجي ينام مايغطي نفسه
رحت للغرفه ونمت نووووم عميييق تعب مال 3 أيام ومشي
گعدت على صوت الأذان مال الظهر محد گاعد بس آني رحت غسلت وجهي وتوضيت إجيت للاستقبال بيهه عباس وصفاء نايمين شغلت الأضويه ورحت على صفاء سحبت البطانيه وطلع وجهه يراسل بالموبايل !!
تفاجئت يعني حتى مانايم !!
تركته ورحت لعباس اصل المشاكل گعدت على رجليه وبقيت اضرب بيه
- إگعد إگعد تتذكر من تگعدني بالمي هسه الا اجيب گلاص مي وارشك رش
بسرعه طفر مزعوج
- إيڤان والـحُـسين اذا سويتيهه اموتج موت
- ههههههههههههههيوو
صفاء عاف الموبايل ورد عليه
- ياب شبيج تطفرين فوگ روسنه چنچ شمر نريد ننام
رديت عليه اعوج بحلكي واخصم بعيني حتى يحس على نفسه
- ماشبعتوا نوم من الـ4 لهسه الساعه بـ12 لو ملتهين بغير شي .. ؟ وغمزتله
- اي والله ملتهين بغير شي !
غميته
- امداك خل يقطن بيك خليهن
- فلوسي واني حر
- تفووو
(هاي الكلمه دائماً على لساني ماتنزل منه حتى كمت من أگولهه محد يعتبرهه رزاله هي وكلمة (وسم) اكثر كلمتين لازگات ب لساني )

يتبع .....

الـعـبـاديـه🌼🌻
تابعوا الحساب ليصلكم كل جديد 💖
اشوف تفاعلكم انزل

[لامارا]

رَشفة عشق
بقلـمي الـعبـاديـه
البارت _2_


گام تقدم عليه وخزرني سحب إيدي وعصرها
- ناهيچ من كلمة تفو لو لا ؟
دفعته بدلع وعناد
- اوووووي شبيك عيني متعود لساني عليهه قابل انتَ اول مره تسمعهه مني ؟
خزرني ورفع حاجبه
- إيڤان آخر مره اسمعچ تگوليها وخصوصاً إليه فاهمه لو لا. ؟
- لك والله مااگدر لساني متعود عليهه حتى بالمواقع استخدمهه وبكثره هم
عصب حيل وعاط بصوت نززني
- إيڤڤڤاااان
سديت إذاني ورفعت متوني ببراءه
- إيييي شبيك
- لاتگولين تفوو تره والله اتفتفچ اتفتف
ضحكت بصوت عالي وحطيت ايدي على حلگي اكتم الضحكه لان فضيحه
- لك شنو هاي النوب. *العباديه*
- لتاخذين النصيحه وشوفي شيصير بيج
*******************************"
رشفة عشق
إسمي إيڤان عمري 19 سنه كليه مرحله أولىٰ بيتنه بمحافظة ذي قار (الناصريه) بشارع 20 سموني إيڤان لان جدو تزوج على بيبي بنيه كرديه إسمهه إيڤان حيل حلوه وبيبي طيبه حيل ف صادقت إيڤان وحسبتهه مثل بتهه لان چان عمرهه صغير كلشش يمكن 15 سنه ..
خمس أشهر وإيڤان صارت حامل الكل چان خايف عليهه لان بُنيّتهه ضعيفه ومتتحمل ف من ولدت توفت وبيبي سمتني إيڤان لان تريد تتذكرهه بيه . وآني أحب إسمي حييل وكلهه تگول حلو ودائماً ابوس بيبي لان سمتني بيه .
عندي إخت وحده (حوراء) تدرس صف ثاني متوسط واخ واحد (رائد) متخرج ويشتغل مهندس وزوجته سحر صارلهم سنتين متزوجين وللآن مصاير عدهم طفل وديراجعون لان اثنينهم يحبون الاطفال ومستعجلين حيل،، أُمي معاونة مديره بأعدادية النور وبعدين إنقلت،، وأبويه مدرس رياضيات حالتنه كلش زينه وداخله كليه أهليه طب أسنان بفضل أهلي بس قصادها حيل چبير يعني السنه الوحده قصادها 9 ملايين .. دائماً أگول شنو ذنب أهلي يدفعون هالمبلغ لو مطلعه معدل عالي ورايحه حكومي بجهدي بس شاسوي هـٰذا حلمي وداحققه .
آني بالعطل اقضيهه كله ببيت جدو يعني الوقت ببيت جدو اكثر من بيت أهلي وآني صغيره تربيت وترعرعت عدهم..
لما صرت بالمدرسه گمت أجيهم بس بالعطل خالتي أم عباس زوجهه متوفي وعدهه عباس وحسن ف عايشه ببيت جدو واني عايشه ببيت جدو ف اني وعباس وحسن إخوان وأكثر كلش أحبهم ويحبوني حاسبتهم إخواني الكبار .
حتى چنه نلعب سويه خصوصاً اني وعباس چنت قبل أحطه بحضني وعود اني امه وهو يبچي يصيح .. وا وا وا ..عود طفل و(ما ما) عود جوعان واني اجيبله بطل وازرفه اله واترسه عصير عود مميه هههههه حسن چان معقد ف مااحتك بيه بس أكثر شي عباس اني وياه ساعه عرك ساعه صحبان كلهه محتاره بينه بس علاقتنه أخويه كلش حلوه .. وهوَ اكبر مني
أما صفاء اووف ياصفاء هذا السجّان مالتي حسره عليه أطلع من وراه كل مااروح لبيت جدو يجي وراي عن لا أطلع وبس يخوزر بعيونه الخضر .. بس أكثر شي آني وياه سوالف وضحك ونحشش على اي شي وهوَ حنين كلشش بس آني اتقيد من عنده منه لان حابسني حبس
مو مثل عباس ميانه وسبورت .
بس سوالفنه ماتخلو من الغلط والتدخل
أسرار صفاء كلهه عندي والشخص الوحيد اليثق بيه آني .
امه مطلقه وابو متزوج وزوجة أبوه شابعته ظيم كل مايشتغل ويحصل يوميه يكضيهه حليب وحفاظات ومسواگ برغم انو خالو (أبوه) مامخلي عليهم شي ضابط بالاستخبارات قسم الاجرام ومن يضرب شخص صدگ يجرم بيه بحكم عمله وماعايز فلوس عنده خير بس هيَ عناد بصفاء هيج تسوي عنده اخوان 3 واخوات 3 من مرت إبوه بس كلهم اخلاقهم زفت يكفرون ويشربون جكاير ومايصلون اكرههم حيل
لما هَج منهم وشاف شغل بكربلاء وإنتقل لهناك بس يجي كل شهر او كل اسبوع يشوفهم ويرجع ف من يجي لازم اني مااطلع واتقيد بسببه كلش خانگني ..
خالتي ام عباس گالت لصفاء
- صفاوي خاله ماتروح لاأبوك تسلم عليه وتاخذ من خاطره
- لا خاله مااروح اني شارد منهم تريديني ارجع الهم
- بس سلم وتعال
- حتى المناغيل تستلمني بالباب
هوَ گال (المناغيل) لو اني انهديت بالضحك اريد اسكت ماكو شبعت ضحك عيوني گامت تدمع من الضحك
هوَ مبتسم ومكتف إيديه وصافن عليه
- كافي اختنگتي
- يممممه حموت خرب يومك شنو هالمصطلح
- والله مللوني صدگ چنهم مناغيل (منغولي)
صدگ ضحكت من كل گلبي
.................
من رجعنا من الزياره لگينه مخلص إشتراك النت وهوَ مكنك يومي ع الماسنجر وهم خلص گاللي إشتركيلي اني مااعرف
أخذت موبايله وإتصلت بخدمة #250* فعلت انترنت يومي وبقينه منتظرين رسالة الاعداد مادزوها إتصلت على رقم الشركه 411 وانتظرت الرد من موظف الخدمات
هوَ شافني كامشه الموبايل ورافعه السماعه أخابر أشرلي براسه (ويامن؟)
أشرتله ع الموبايل
- موظف خدمات شركة كورك
هو راد يحچي وإجه صوت موظف الخدمات
- الووو ... تفضلوا وياكم موظف الخدمات من شركة كورك
اني رققت صوتي وگلت
- الووو ....
اريد أكمل وأنسحب الموبايل مني
إيدي بقت معلگه على إذني بمكان الموبايل واباوع عليه مصدومه
تقرب يمي عصر إيدي حيل وعيونه بگصته من العصبيه ..
- سمحتلچ تخابرين ؟؟
عگدت حاجبي مستغربه
- وشعليه بيك غير همَ المفروض يدزون رسالة الاعداد ومدزوهه إتصلت بيهم علمود يدزوهه حتى يجي النت
عاط بوجهي نزيت
- ليششش خابرتي مااسمحلج تحاچين أي ولد ..
رفع إصبعه تهديد ..آخر مره هاي فاهممه
سكتت / ودمعت عيني
عاط بنبره أعلى من علو صوته
- فاااااااااههممممممممممه
نزيت ورديت عليه بخوف وتلعثم
- اي اي فاهمه
مابيه حيل أجادله لان شكله معصب كلشش
همس بغضب ودماراته امتدن على طول رقبته .
- فوگاهه تنعم بصوتهه تسويله اغراءات
كلمته حزت بنفسي وگلت خل احرگ گلبه
- طبعاً ارقق بصوتي ماسمعت صوته شلون يذوّب عبالك بيه سحر أويلي مبين صاك
اني گلت هيچ هوَ تخبل گرصني من زندي حيلل وزجرني بعصبيه وينافس
- عجبج؟
يقوي على الگرصه ويلوي بيهه واني ارفع بجسمي على أطراف رجليه كل مايقوي الگرصه من الألم
- اخخ اخخ عوفني
أذتني حيل عضيت شفتي حيل بهدوء وعصرت عيوني أخفف من الألم
تقرب مني بخدر وهمس بأذني
- شنو هاي؟
- اخخخ شنو؟
بسرعه شمر إيدي وفرك وجهه بإثنين إيديه ويردد (أستغفرُ الله)
بقيت واگفه يمه اشوف حاله شلون مخربط فرك شعره قوي تبعثر على كل وجهه وعصر عيونه غمضهن حيل فتح عيونه لگاني واگفه گدامه إنصدم .صاح بيه بصوت
- شعندچ واگفه هنا روحي من گدامي بسرررعه
اني نزيت ورحت مرهوله للغرفه صاح وراي
- اليوم لاتراويني وجهچ ابدد
- اي اي
خليته ومشيت معصبه منه حيلل شبيه هـٰذا؟
رجعت لغرفتي تمددت ع السرير أفكر بمعنى لتصرفات صفاء !
قاطع صفنتي مداهمة عباس المفاجأه
عباس
- لچ إيڤان تعالي شوفي ششتريتلچ شغله بحياتچ ماتتوقعيهه
تحمست ووگفت
- شنو شنو ؟؟
طلع تراچي من وره ظهره يخبلن برم وطوال وجوه البرم سلسله بيهه ريشه زيتوني كلش حلوات وناعمات .. آني طبعي احب الاكسسوارات الناعمه والمرتبه وهمَ يعرفون ذوقي .
ركضت عليهن
- يخبلن يخبلن عفيه السبع
(وطبطت على متونه)
رفع راسه بفخر وثقه
- شعبالچ شفتهن وتذكرت أخيتي الحقيره الخبيثه
- انتَ خبيث تفوو
لبستهن مايدخلن بزرف إذني . أذني حيل وماداخلات بإذني ..
- خب عباس ميدخلن بإذني جايبلي عاويات . من مجمع التنزيلات هـا ؟
- عمت عينچ هـٰذا ذهب برازيلي مو صوجچ صوچي آني الاتذكرچ امداچ
راد يروح كضيته من شعراته
- خب تعال لبسنياهن خاف لان مااشوف فتحة الاذن مادخلن
- والله إذا تعذبيني وتتحركين ماالبسچ
- لا مااتحرك بس خل اصورهن وهنَ بأذني
- يلا خوش
طبعاً اني ماالبس حجاب مقابيل عباس لان إخوي بس صفاء وواولاد خالاتي الباقيين ألبس عباس إخوي أصلاً ماكو داعي ألبس گدامه
وحتىَ هو فقير ويصوم ويصلي من دون ولد خالاتي كلهم بس هوَ زين بيهم .. حتى صفاء ميصلي ولا يصوم وعنده علاقات بالبنات ورافع شعره وكلادته الذهبيه وملابسه اليوميه شكل ويهتم بأناقته ..
اما عباس حتى شعره بعده ع الزيان الحفر هههه وميهتم بأناقته حتى بنطرون ميلبس واذا يلبسه يلبسه عريض يگول اتعجب ولد ويلبس بنطرون ضيگ ادري تريد تسوي اغراءات للبنات ويستحرم حيل بحياتي مشفته نظرلي غير نظرة الاخت واني كذلك ودائماً ينصحني ونصيحته ذهب ... كل همه الطوبه وبس ههههههه فقير بشكل حتى نصيحله الفاهي
حاول يلبسّني التراچي وعاصيات ميدخلن رگعني على راسي بإيده
- هذا راس مال ثور لو مال طلي احترمناچ وجبنالچ تراچي مايدخلن ليش ؟
جاوب نفسه : لان بصراحه راسچ مال ثور
لزگتهه بطگه على ظهره
- تفوو عليك ياثور دحاول حاول
لبسني الأولى متت من الوجع بقيت أكمز وابچي طلعن إذاني مطمومات
مسحت خشمي الي تحول لون احمر من التدميع بسبب الالم
بقيت اهفي على وجهي واگمز من الالم
مديت اذني وگتله
- يلا بعد الثانيه
- فلا تتوبين توچ چنتي تتنغوصين وتتبكبكين (تبچين)
- ديلا بعدك متعرف البنات اهم شي اناقتهن يتحملن كلشي لخاطر الستايل
سحب راسي وضربني عليه ميفوت ضربه طبعا وانطيته الترچيه وبقى يدخل بيهه واني اكمز
....
ديلبسني بالترچيه الثانيه والغرفه هدوء ومركز مدنگ هوَ على إذني يمشي بإتجاه الزرف مال الاذن القديم لان اذا يحفر جديد تنزف دم
هوَ مركز وآني كل شويه انز والزم ايده اريد اطفر ويثبتني كل شويه لازمه إيده لان يوجع .
ومانحس الا الباب إنفتح ودخل صفاء !! ماعرف شلازم بأيده ومدنگ
- إيڤان تعالي شوفي آآآآ ...(راد يكمل كلامه بس رفع راسه إنصدم من شاف منظرنه !! )
هوَ تفاجأ ووجهه انسحبت ألوانه ركضت على شالي لبسته
رمش بعيونه مصدوم وبلع ريقه گال بصدمه .
- شجاي تسوون؟
آني رديت عليه بأستغراب وبنتر گتله
- شجاي نسوي يعني؟
وجهلي صيغة سؤال
- ديبوس برقبتچ .. ؟
آني فتحت عيوني مصدومه
- شنوو شنوو .. ؟ عيد شگلت
ركض على عباس شاله من خوانيگه
(لك خسيس دتبوسهه مو ؟)
هوَ انصدم گاله
- شبيك أنتَ ماتستحي تگول هيچ انتَ ماتعرف بينه إخوان ؟
عافه
وتقرب يمي وحط عيونه بعيوني ..عيونه انملت دموع وبلع ريقه وگال
- إيڤان چان ديبوسچ من رقبتچ موو. ؟
آني هزيت راسي نافيه وعگدت حواجبي بعصبيه .. خلى العالم كلهه يتهم عباس !! اخويه عباس .. اصلاً حاله حال رائد ..
- صفاء تخبلت شبيك آني وعباس إخوان والكل يعرف ! وإنت اول شخص يعرف بهالشي
نفش شعره بأيديه وبقى يهلس بيه ويدگ على راسه بعصبيه ويعيط بصوت عالي .
- لچ شفته بعيني مدنگ على رقبتچ اكذب عيووووووووني ؟
عطت بيه وخزرته بهدوء
- ماگتلك كذب عيونك بس هو چان ديلبسني التراچي لان إذاناتي مطمومات وآني گتله لبسنياهن شبيهه يعني ؟
ركز بعيوني ورفع حواجبه وحنى وجهه سحب نفس
ويشمر بإيديه ويحچي
- بنت وولد ووحدهم بالغرفه شيسوون؟ يلعبون دعابل ؟
خبلني بشكوكه وضوجني زجرته بصوت عالي
- العندي شي والماعندي انتَ شكو ؟ حياتي واني حره بيهه مفهوم ؟ وهسه تفضل بره إذا ممكن
صفن بوجهي
وأشر بأصبعه على صدره
- تطرديني ! ؟
رفعت راسي وجاوبت بهدوء
- إي اطردك !
فرك لحيته بإيده ولّم شفته بغضب ودفر ميز التواليت عفس الباب مال الميز وطلع رگع الباب يمكن إنكسر
عباس
- كله من وراچ أم راس لو لابسه التراچي ومنچبه ماچان صارت هاي المشكله
- خب عباس مالي خلگك كله من وره تراچيك العاويات
- صوچي بس إذا بعد إشتريلچ شي اطلع نعال
- هـه هوَ إنتَ نعال
ضربني على راسي وطفر مالحگت بيه آخذ ثاري
صحت وراه من الدرج
- آنه الك چـا وين تشرد مني
رجعت للغرفه وآني أتذكر كلمات صفاء وعصبيته شلون شك بيه ؟ آني وعباس !!!
هوَ عباس الوحيد المايغار من عنده لان يدري بيه أخوي بس اليوم شغيره ؟
إجه عباس گتله دزني لبيت جدو
بلكي الگاه هناك
أخذني البيت جدو ودورت عليه مموجود !
سألت جدو گال (رجع لكربلاء راح لشغله !!)
- ياشغل جدو الناس كلهه بالزياره ومعزله تدري كربلاء مگلوبه گلاب ماالك محط رجل
- والله ماادري يابعد جدچ بس هوَ لم غراضه وراح !!
لاأول مره راح بدون مايودعني ولايجي يمر علينه !
حتى ماگال لأأحد رايح بس لجدو حتى عباس اقرب شخص إله مايدري بيه رجع !!
بقيت ألوب شلون ماگاللي ؟
ديلا شعليه بيه قابل أمه أبوه؟ خل يولي
مرت 3 أشهر وصفاء ماكو ولامبين خياله كلش ضجت خصوصاً اني متعوده عليه يوصلني للكليه واتفاخر بالسياره الجارجر اليسوقهه مقابيل صديقاتي ..
بس هو يگدر يضحكني بتحشيشاته ونكته يخلي الواحد يشبع ضحك
مشتاقه لصوته مااعرف شبيه هاي اول مره يصير بيه هيچ ! يمكن لأن زعلان مني ! مااعرف السبب !
طلعت جنطته الانطانياهه بطريق المشي وآني أتذكر شلون شايلهه وأقلد عليه من طلع العطر منهه ورش نفسه
- إيـــع شهالعطر لعبان نفس
- مو لشكلچ لهـٰذا العطر تدرين هـٰذا توصيل من أذربيجان لعلمج
- إيـــع بربع مااشتريه يخلس
آني أستنشق بالعطر وأقلد عليه طيب حيل مجرد ماشميته أدمنته وريحته الطيبه تخلخلت بأنفاسي . ويبقى ثابت بيه من الصبح لثاني يوم الصبح والريحه تشع بطريق المشي
هوَ مخليه بالجنطه والجنطه متروسه بيه وعود هوَ ساده مامفتوح
طلعت الجنطه وشميت بقايا ريحة عطره !
ذكرتني بيه وبسوالفه حيل اشتاقيتله
ضربت نفسي آني شبيه ليش داسوي هيچ؟ آني شعليه بيه مااريده أصلاً لايمي ولايمه
ركضت للجنطه لفيتهه وضميتهه بمكانهه الچانت بيه
مااريد اواجه نفسي بالحقيقه !
.................................................. ............
صارن الـ3 أشهر 5 وصفاء ماكو
لما بيوم إجيت من الدوام لگيت عباس عدنه گال (خل آخذچ لبيتنه)
- ليش شصاير؟
- أريدچ تلعبين وياي بلاي ستيشن
- تريد أفوز عليك مو؟ تدلل الا أوكلك ميه
- هههه تحلمين
دائماً نلعب آني وياه بلاي ويفوز عليه بـ10 صفر لو اقل .
بس مره وحده بحياتي فزت عليه وبيومهه فرحت حيل هههههه
لو نلعب طوبه حقيقيه يشوت عليه واني أصد بس ولا گول يفوت عليه حارس أصلي حتى إنعرفت بالمنطقه وكاموا يصيحولي الحارس لان جانوا اصدقاء عباس يجون ويشوتون عليه كلهم .. ابرع واحد بيهم مايگول عليه وگاموا يصيحولي الحارس هههه والله ايام الطفوله تخبل ..
بس لحد الآن آني وعباس نلعب حارس ولاعب واراوغ بيه ونلعب بلاي
ذبيت جنطتي ورحت وياه أول مادخلنه للبيت شميت العطر مال أذربيجان !!
بقيت اشمشم عبالك چلب بوليسي هههههه
اوف ياربي گمت أتخيل معقوله لهالدرجه مشتاقتله؟
دخلنه للصاله أول ماركضت شغلت البلاي وحضرته علما عباس يجيب الجوستك الزوجي
إختاريت برشلونه وهوَ إختار ريال برغم هوَ هم برشلوني بس اني ماالعب اذا مو نادي برشلونه لان بأعتبار خيانه لبرشلونه إذا أختار ريال حتى لو لعبه
سويت خطتي وسويتله خطه فاتره
إجه شافهه وضحك مستهزأ بيه ماعبالي يجي يتفحص الخطه
خلى خطه فول وبلشنه نلعب ..
بعدني يم گولي واشوت الطوبه عليه اريد اگوّل وهوَ ميت ضحك عليه يگلي تخافين مني ماتوصلين لگولي تحديته ووصلت يم گوله علمني شلون أگول وآني اخذت كلامه وأول ماوصلت بقيت اصيح على اللاعب
(ولك گول عليك الله گول والله اطردك تره) يباااااااااااااا
وصلت للگول گاللي عباس- ضغطي مربع خفيف
بعدني أريد اشوتهه ودخل صفاء شكله معصب. عاگد حواجبه بأتقان !! گال بنتر
- شنو هـٰذا الصياح؟
آني التفتت عليه وضغطت زر دائره بكل قوتي راحت الطوبه وره الملعب
يمكن تدحرجت يم بيت اهلي من كد ماالضربه قويه
بقيت صافنه عليه واجتني الطگه من عباس
- أنه مو گتلچ مربع وضغطه خفيفه شگد غبيه
فززني من صفنتي انتبهتله ورديت مزعوجه
- هوَ آني شعرفني غير نسيت هسه اكسركم كلكم وأفوز
التفتت عليه بعده واگف ويباوع علينه بخزر بنظرات غاضبه ورافع تك حاجب حسيت حاجبه حينقلع من كد مارافعه ..
گتله ببراءه
- شلونك صفاء ؟!! شهالغيبه هاي
رد من ورى خشمه
- زين الحمد لله
حتى ماكلف نفسه وگالي شلونج !!
طلع بره وآني نظراتي تلاحقه
شويه جهز الغدا طفينا البلاي وإجتمعنه ع السفره بيت جدو مسوين دولمه وعازمين خالاتي كالعاده إستقبال لصفاء
بقيت أكل بشراهه ميته جوع تقريباً بـ3 العصر صبوا الغدا لان متعودين يگعدون متأخرين وآني چان دوامي صباحي وممتريگه ف إجيت ميته جوع عبالك إنهديت ع الأكل ونسيت النظرات التراقبني
حتى ذبيت الخاشوگه وبقيت آخذ أصابيع دولمه واعض بيهه اتذوق بطعمهم إذا بخاشوگه مااحس بيهه دولمه الا بأيدي اكض الاصبع واكله
كلهه تاكل بإيديهه لان هيَ الدولمه بالايد تتاكل بس هوَ بخاشوگه ياكل !
إستمريت آكل وهوَ مركز بيه رفعت راسي شفته شلون صافن بيه
رفع حاجبه بحقاره وگال
- على كيفچ إيڤان الدولمه مطايره لاتغصين !!
هوَ گال جملته وآني صدگ غصيت بقيت أگح والكل انتبه عليه وصار هدوء بس يباوعون بيه واني شرگت بلاعيمي تجرحت استحيت كلشش يدري بيه استحي وخلاني بموقف محرج حقيرر حتى نفسي انسدت .
جدو گال
- إنطوهه مـي إنطوهه
شربت مي وراحت الغصه أباوع عليه يبتسملي بمكر عصرت عيوني وعگدت حواجبي وسويت وجهي مايگصه الطبر وگمت من السفره
هوَ أحرجني عمداً .
خليتهم وگمت رحت اغسل وهم شالو السفره وكلهه تغسل ..
من رجعت سمعت بيبي تسولف وياه تگله
- ولك صفاوي شعندك هناك بكربلاء خاف اخذتلك مريه واحنه ماندري
- لا بيبي شنو هذا الحچي اذا اخذ مريه غير إنتي اول الحاضرين
- يمه منك شاكه بأمرك
ضحك هوَ وآني إجتني فكره تتهلهل
ركضت جبت شال من مالاتي الببيت جدو لان ملابسي كلهه ببيتهم مااخذهن وياي ترست الشال عطر نسائي من عطري وركضت بيه لغرفته
رحت لملابسه الوسخه حتى من يغسلون ملابسه ينكشف دحسته وردت اطلع تفاجئت وبقيت متبسمره بدخوله المباشر !!
وجهي إنخطف ورجليه گامن يرجفن من الخوف !!
وجهي صار قوس قزح من الالوان إبتسم بمكر وتقربلي
- شتسوين بغرفتي (ويغمزلي ويحرك بحاجبه)
- آآآآآ
بقيت امتمت مااعرف شأحچي
- آآآآ مااسوي شي
بقى يتقرب عليه وآني أرجع لوره لما أنلزكت بالحايط رجليه گامن يرجفن ونفسي يصعد وينزل نظراته جريئه حيل شالي چان نازل بأهمال وطالعه رقبتي وهوَ نزل نظراته على رقبتي مباشرةً لفيت رقبتي بالشال ..
سحبه مني بكل قوته باوعتله مصدومه !!
وعيوني دمعت .. شيريد يسوي ؟!

يتبع ....
توقعاتكم حبايبي ؟
الـعـبـاديـه🌻🌼

[لامارا]

رشفة عشق
الـعـبـاديـه
البارت _3_

إسمي صفاء عمري 24 سنه أمي مطلقه وأبوي متزوج . من أمي تطلقت ماقبلت تاخذنه آني واخوي بقينه عند أبوي شهرين وأخوي هجّ من مرت أبوي والتوزوز والضرب والاهاين بقيت بس آني مجبور أتحمل أي شي يصير بيه .
كربتني كراب وولدهه يشربون جكاير يجي ابوي يشوف الگـطوف يگلوله صفاء يدخن وينزع الحزام ويراويني النبي عربي حتى گمت مااتأثر من گد الضرب الاكلته بحياتي .
مليت وقررت أطلع منهم رحت لكربلاء أشتغل بدون علمهم خليتهم ينامون وطلعت بسريه . بس تفاجات بعد شهر اجه أبوي جرجرني وگطعني بالضرب وآني رجال !
كلبچني بكلبچات خاف أشرد !! بيومهه چان عدنه بيت خالتي أم إيڤان كلش حزت بنفسي شلون من يضربني خالتي تدافعلي وتصير مقابيلي وإيڤان تبچي خاتله بظهر امهه خايفه ..ماعدهم شخص يضرب شخص .
عائلتهه مثقفين ومبنيه ع التفاهم والتحشيش وشخصياتهم مرحه وحلوه بسرعه ينحبون چانت علاقتي مو هلگد بيهم بس من عشت ببيت جدو عرفتهم ..
المهم بذيچ الليله كلبچ إيديه بكلبچات ونومني بره بالممر اليم الحمام !! والدنيا بنهاية شهر الـ1 تگص گص من البرد الليل كله ارجف قررت افتح الكلبچات بقيت ادور على شي ينجيني لما رحت قربت يم البوري المأسس للتواليت گعدت يمه وبقيت افل بالبرغي المثبت التأسيس تقريباً من المغرب لليل اني افتح بيه لان ضابينه قوي
دخلت إيڤان للممر وآني سويت نفسي نايم تقربت يمي شافتني شكلهه مرعوب مني وخايفه بوقتهه چان عمرهه 13 سنه فتحت عيوني وهيَ شهگت ونزت .. إيديهه رجفت ورجعت لوره .. أشرتلهه تسكت وگتلهه جيبيلي ذاك البرغي
ابتعدت خايفه ومبرطمه من الخوف
- أخاف منك
ضحكت على تفكيرهه
- بابا ماآكلچ بس جيبيلي هذا البرغي حطي بإيدي من وره
بقت تتقرب شويه شويه وعاگده حواجبها تريد تبچي
- شتسوي بيه؟؟
بنفاذ صبر
- چؤ چؤ أستغفر الله
أريد احُك ظهري بيه يحكني
- آني احكه الك خف يتلوث من البرغي
خبلتني بفهاوتهه عصبت عليهه وخزرتهه
- جيييبببي اگلججج
إيديهه رجفن وفزت مرعوبه
ركضت جابته وهيَ ترجف تفاجئت بطفولتهه وحركاتهه البريئه رغم هيَ بالغه وعمرهه بوقتهه 13 سنه !!.. الي بعمرهه تلگاهه شوكحاتهه وتعرف كلشي وصلفه ماتخاف بس هاي شنو !؟
حطت البرغي بإيدي وگتلهه
- مو تگولين حچيتي وياي تره آني شبح وإذا حچيتي لاأحد اطب براسچ
بقت تبچي وشردت مفزوعه تصيح ماما ماما
متت ضحك بوقتهه اريد اسكت ماكو
راحت تريد تدخل جوه لاامها
صحت بيهه
- ولچ چذب چذب ههههههه اقشمر بيچ شكبرچ وعبالك طفله هههههههه خرب يومج منين طلعتيلي هههه
خلتني وراحت
سوتلي فضل چبير من انطتني البرغي مباشرةً دخلته بفتحة المفتاح مال الكلبچه وفريته انفتح گبل ذبيت الكلبچه وتسلقت الحايط ومن سطح لسطح گدرت أشرد
بعد اسبوع
وهم جابني أبوي لان معارفه هواي وموصي السيطرات عليه وهمَ أصدقائه وبقيت على هـٰذا الحال أشرد ويجيبني ..
الا ان قررت استقر بكربلاء واسد حلگه بكم ورقه وفعلاً اشتغلت بكربلاء بالتحويلات والسيارات كرف فلوس كل شهر راتبي 400 ألف واكثر شهر يزيد وشهر ينقص مرات يوصل 900 وحتى مليون لا آني شغلي مشهود عليه نادر كلش والسياره افصخهه تفصيخ ف دائماً يكافئوني ولحد الآن ماكو شغله مااشتغلتهه خبير بجميع المجالات
وآني بس نفر كلش زايد عليه المكافئه انطي لاابوي كل شهر ورقه حتى يفك مني ويعوفني بحالي ومرتاح كلش بالشغل كاضيهه ونسه
بس من أرجع لااهلي مااحب أبقى عدهم گمت انزل بالسنه شهر .
ألا أن نزلت شهر ببيت جدو ولگيت بنيه عدهم شنو الجمال والنزاكه والبياض اويلي كلش عجبتني سألت جدو گال هاي إيڤان !!!
تفاجئت معقوله !!
عفتهه طفله شسواهه هيچ ؟!
بعدين تذكرت البنيه بسرعه تطگ وتكبر مو مثل الولد
شكلهه يخبل وبوجهه براءة طفله
حواجبهه ثخان وبُنيّات وعيونهه جوزي فاتح ناعسات وبالنهايه مجرورات .. رموشها كثيفات وجمالهن طاغي على وجهه الابيض .. وشعرهه كلش طويل بلون عيونهه رغم ماتطلعه گدامي تلبس شال بس دائماً المح گصيبتهه نازله لأاعلى أفخاذهه خشمهه مسطره منحوت نحت .وسيقانهه بيض والجسم گطن . وبرقبتهه شامه غير عذبتني شلت حالي هالشامه وهيَ رقبتهه بيضه والشامه سوده طالعه تلالي ويه جمال رقبتهه .. والمصيبه دائماً تلبس گلاده ناعمه تنزل ع الشامه گوه اسيطر على روحي ومااگرطها ..
چـا والخصر يكتل .. أكبر عملية نحت ماتسوي مثله خبلتني وتفرفر گدامي مثل الحمامه وهيَ بيضه كلشش إسمٌ على مُسمى صدگ چنهه كرديه بس هاي مو فاهي جمالهه هـٰذا الجمال جنوبي أصيل .
عشگتهه حيل .. وعشگت روحهه المرحـه وسوالفهه وضحكاتهه يرنن بإذني والنونه البأسفل حنچهه (فكها) تخبل محفوره بتفُنن خُلقي ..
أشوف ميانتهه وي عباس اتمنى اصير بمكانه وهيج تحچي وياي بعدين قررت آني اكسبهه إلي وأتدخل بيهه وفعلاً نجحت بَهـٰذا الشي لدرجة گامت تسميني السجّان صح اضوج من تصيحلي بيه بس أفرح بنفس الوقت جمالهه مايستحق أحد يشوفه غيري ...
حبستهه حبس للباب ماتطلع وآني موجود هـٰذا غير شقانه وضحكنه حفظت كل تفصيل بشخصيتهه وشنو تحب وشنو تكره ..
هيَ الشخص الوحيد الثقيت بيه طول حياتي دائماً أأمن عدهه موبايلي ومحفظتي وملابسي كل تفصيل بحياتي عدهه وتعرفه واحاسبها وتحاسبني عادي أعاملهه مثل مرتي بس هيَ ماتحس أبدد !.. ماخذتهه من باب الاخوه واني اتخبل من تگلي مثل اخوي ..
مقرر بس استقر اخطبها واخليها صدگ تصير مرتي ..
.................................................. .............
إيڤان ..
بقى يتقرب عليه وآني أرجع لوره لما أنلزكت بالحايط رجليه گامن يرجفن ونفسي يصعد وينزل نظراته جريئه حيل شالي چان نازل بأهمال على رقبتي وهوَ نزّل نظراته على رقبتي مباشرةً لفيت رقبتي بالشال ..
بسرعه سحبه مني بكل قوته باوعتله مصدومه !!
زجرت بيه بتلعثم ورجفه بصوتي
- شبيك صفاء؟
المسافه إنعدمت بيناتنه لزگ بيه لزگ وشفته دنگ على رقبتي يريد يبوسها !!
تخبلت دفعته ماگدرت عليه كلش قوي وأضخم مني قيّد إيديه بحركه من إيده حسيته تخدر ومتنوم مغناطيسي وعيونه مسبله وبس يشتنشق بعطري همس بذوبان
- بس خليني أبوس الشامه !
ضليت ارجف مثل السعفه ودموعي صبت وآني أشوف هـٰذا منظره أبد متوقعته هيچ !!
ضربت على صدره بكل قوتي
- لك صفاء اني عرضك وخر عني لااصرخ
رد مستهزأ
- هـه إحنه حرام وعباس حلال لازم مايعجبچ بوسنّه .
عاد جربي وشوفي إذا ماطلبتي يوميه بوسه فلا اتسمى صفاء (ويغمزلي)
- لك وخر عني حقيرر ماتستحي
دفعته قوي اندفع ويضحك
ابتعد عني وگال بخبث
- تره بإرادتي ابتعدت مااريدج تاخذين عني نظره مو حلوه ومااريد ألوث براءتچ وعبالج مااحكم نفسي لا يحلوه
خليته يضحك بمكر
دفعته عن طريقي وركضت لجوه خايفه ورجليه ترجف نفسي يصعد وينزل وألهث شعري مخربط ودشداشتي نازله وصدري كله مكشوف وحتى شالي بقى يمه ركضت للحمام دخلت قفلت الباب وتكرفصت بالگاع ابچي على تصرفه كلش قهرني ماتوقعته هيچ ابدد !
خفت لاواحد يشوفني بهاي الحاله آني إلمن صعدت يربي صدگ لو گال المثل :-
(من حَفر حفرة لاأخيهِ وقعَ فيها )
غسلت وجهي وعيوني أخفي الآثار
وطلعت من الحمام صار بوجهي رمقته بنظرة إستحقار وكره هوَ ضحك بصوته الجهوري مستهزأ بيه وبإيده شالي !
تقدم عليه ووجه ايده إلي.
- هاچ هـٰذا شالچ غطي بيه رقبتج خاف يطلع أثر ولو آني مابستج وشفيت غليلي بالشامه بس ميخالف الستر حلو ..
ويخزر بيهه ويعض بشفته !! ويسبّل بعيونه
خزرته بنظرة حقد وكره ..
خليته واگف ورحت مهروله للغرفه البيهه غراضي رحت طلعت شال ولبسته بسرعه رحت لعباس نايم گعدته
- گوم وصلني لاأهلي
رد بصوت منعس
- أريد انام شعندچ موليه لاأهلچ بهالظهريه
- لك گوم باچر عندي امتحان صعب حيل گووم
- مـاا ... روحي لصفاء ياخذچ
سمعت إسمه فزيت بصوت باكي
- خب عباس والله راح ارجع وحدي گوم لاانعل إبو صفاء
حس بيه وگعد هوَ وخزرني بعين ونص
- شمسويلچ صفاء ؟
تلبكت وتلعثمت بالحچي وجهي شحب وگام ينطي ألوان
- شمسويلي يعني ؟
شحده يسويلي غير يحسب إمه ماجابته !
- الديچ والدجاجه مبينين متناگرين وإذا يطلع صفاء كاتلج أقبله بجبينه ههههه
- شحده غير
- هههه ديلا يلا گومي لاتتفلسفين براسي طارت النومه
طلعنه آني وعباس وصلنه لباب البيت لگيناه گاعد بالباب ويدخن !! شافني ضحك بصوت عالي متقصد يسمعني !!
همست (وسم) بس هوَ سمعني إجه يركض
- شگلتي؟
- گلت وسم عندك مانع؟
- مانع مال حمل !!
(ويغمزلي !!!!!)
تخبلت واتنرفزت حيل ردت الزگه راشدي اوگع سنونه بحلگه حقير شگد نذل وماعنده خجل
- وسم حتى سم حتى سم
رجع كمل كلامي عباس ضاحك
- حتى سم حتى سم حتى سم هههههه
بقوا يضحكون عليه وصفاء يمشي ويصيح (حتى سم) آني من حرگة گلبي كررت الكلمه وهمَ لزموهه عليه
خبلني بتصرفاته المفاجأه
وصلت للبيت أهلي كلهم نايمين لان الدنيا حاارره تفوورر
ركضت مهروله لغرفتي أول مادخلت إنهاريت بالبچي ليش هيچ ؟
وگفت ع المرايه تلمست الشامه الي برقبتي !
چانت الشامه بين العضمتين.. (تتوسطهن) وشكلهه كلش مغري حتى مرات اني اشتهي أبوسهه ..
بس اليوم خربت كلشي
بسببهه بعد مااحچي ويه صفاء بحياتي
بقيت افرك بيهه ومنهاره
- روحي روحي روحي مااريدج وليييييي
گعدت بالگاع وابچي وأضرب على الشامه مواقفنه كلهه مرت على بالي مثل الشريط وآني أتذكر من يگلي (بحياتي مااكسر خاطرج)
أتذكر ...
مره من المرات شفته يكنك بموبايله ورموشه كثيفات طاغيات على عيونه الخضر وطاخات بحواجبه اني شفتهن إشتهيت أحطلهن مسكارا
جبت المسكارا وتقربت منه وآني أبتسم بمكر
- صفاوي أبو البلاوي شوفف
رفع راسه من الموبايل مستغرب وعگد حاجبه
- شكو شنو هاي؟
- مسكارا
- چـا شأسويلهه ؟
تدلعت بصوتي ورققته وحوّلت ملامحي إلى طفوليه وبريئه
- خل أحطلك !!
هوَ فتح عيونه لما طخن رموشه بحواجبه خزرني وصاح بيه بصوت عالي
- ماتستحين مو رجال بگد التيل شنو مسكارا اني بنت ؟ شكالولج عني مخنثثثثثثث
برطمت بشفتي لان عيط بوجهي ودمعتي صبت هوَ تخبل بقى حلگي يرجف واحچي بصعوبه ودموعي تتساقط
- وشبيك تصيح احچي حچي ديلا ع الاساس ميته على رموشك . هـاا وع الاساس ماتكسر بخاطري بحياتك بس خوش هسه كسرت بخاطري !
تقرب يمي مسح دمعتي براحة اصبعه طفرت من يمه
- انتي ماتفهمين عيب عيب تعرفين شنو عيب الرجال يحط مسكارا ؟!
حولت نظراتي توسل وبراءه
- والله أعرف قابل راح تطلع بيهه للشارع هوَ بس آني أشوفك بيهه وبس اگصلك صوره انزلهه ستوري بالانستا مالتي عود عيوني واني امسحهه الك بأيدي وأصلا هيَ المكسارا فارغه بس امشطلكياهن حباب صفاء اول مره اطلب منك شي وتردني
خزرني وعگد حواجبه
- لا
برطمت بشفتي وزعلت ع الاساس گتله .. خوش كلشي أريده تسوي وماتكسر خاطري ! هالمره كسرت خاطري ووعد الحر دين وانت رجال والمفروض وعدك بالمكان ولازم متكسر خاطري
نفخ واستغفر بنفاذ صبر
- صحيح كتلج مااكسر خاطرج بس مو تستغليني إيڤان اني رجال تره والمسكارا مال بنات
- اي اعرف والله بس اشوف رموشك وين يوصلن وامسحهه بأيدي
رمشت بعيوني بتوسل وببراءه
بس لاتكسر خاطري حبااب صفاوي
بقى يفكر ويعصر بإيديه ويفرك بأصابعه لما تعصب وبقى يرمش بعيونه وصاحني
- حطي بسرعه وگصي الصوره وانتي تمسحيهه وإذا طلعت بيهه كحل وچذبتي عليه اموتج بس تمشيط
گمت أكمز من الفرح
- لا مابيهه مابيهه
چذب اصلاً هيَ المسكارا جديده ! هههههيو خل اقشمره
تقربت بميل المسكارا وهوَ ملتهي يراسل وآني حطيتله بس عين وحده مقبل للثانيه. . من تقربت يمه حطيت المسكارا أنفاسه لفحت بوجهي خلت كياني يتخربط . وهدوء بس إحنه بالصاله وهوَ من تقربت أحطله عاف الموبايل وضل صافن بعيوني لبكني وبسرعه وخرت حتى ماطوختهه مثل ماچنت مخططه
رموشه تعدن حواجبه طلع شكلهن يخبل ركضت صورتهن وخليتهن ستوري ع الانستا
هوَ زجر بيه وعصب حيل بس چان مجبور عن لا يكسر بخاطري !
- يلا مسحيهه
رحت جبت مي وقطن امسح متوگع يبوو خليتله ضد الماء هههه شلون بيه گتله
گتله بخوف ورافعه متوني ببراءه
- صفصف متنمسح
طفر من مكانه وفك عيونه بحيلهن
- شلوووون؟؟
حولت ملامح وجهي لبراءه
- طلعت ضد المي
- اعدمج هسه اذا صدگ
- والله
ركض وراي واني اركض ..
ألهث وصاعده فوگ التخم هاربه .. وهوَ يريدني أنزل ينتقم مني .
- عندي طريقه والله هسه ابحث ع النت واشوف شلون تنمسح
- إيڤان إذا ماانمسحت ويلج وسواد ليلج والله اخليج تتندمين بس مو صوچچ صوچي آني اگول مااردلهه طلب وخليهه براحتهه
رديت بنبرة خوف
- انشاء تنمسح
رد بعصبيه وصوت عالي ويشنر بإيديه تخبل
گال بأصرار ونبرة تهديد
- ماكو انشاء الله تنمسح وانتي تمسحيهه بأيدچ
بقيت ارجف شلون بيه اذا ماانمسحت يموتني والله حتى المنظف مالتي مخلص ..
رحت طلعت ع النت طريقة إزالة المكياج وطلعلي بالزيوت جبت زيت الزيتون وفركت رموشه بيه ووگعت المسكارا اخيراً هوَ صفن عليه وآني امسح برموشه
- حمدي ربچ انمسح
- والله خوفتني الله لاينطيك
خزرني ورفع حاجبه
- هاي زادهه فوگ ماخليتچ تحطين اگول مااكسر بخاطرهه يارجال يقبل تسوين السويتيه اليوم ؟
سكتت صدگ محد يقبل واليسويهه يگولون مخنث بس تفاجئت من قبل عن لايكسر بخاطري گلت هسه يطيرني براشدي يخلي راسي معوج شهرين بس الحمد لله طلباتي اوامر احممم احممم
.................................................. .............
بقيت أتذكر بمواقفه وحنيته ولهفته وابچي ماكو مثله ابدد بحياته مرفضلي طلب اصعب الطلبات يلبيها وكلساع ازيد بالبچي إلا أن غفيت ماحسيت بنفسي بعد
ً................................................ ...........
صفاء
أغار عليهه كلش حتى من الهوى اليلاعب زلوفهه أغار منه
بس عباس چانت علاقتهم إخويه والكل ملاحظ هالشي وحتى آني ماچنت أغار منه لان هيَ معتبرته أخوهه إلى أن شفته مدنگ على رقبتهه آني شفت بس ظهرهم مااعرف شچانوا يسوون !
جناني كاد يطق والعصبيه صعدت براسي فول الشياطين گامت تتراگص فوگ راسي تخيلته شلون يبوسهه بوسط الشامه الحاط عيني عليهه تموت كل مااشوفهه أتوسل بروحي مااروح ابوسهه من الشامه حييل حلووه
من شفتهم بهـٰذا المنظر مافارق بالي ظل طابع ببالي ليش بس لـعباس ؟ وآني صارلي شگد احاول أبين حُبي ماتحس ؟
كلساع أتعوذ من الشيطان بس ترجع الافكار السوده تدور براسي وأگول لا مستحيل إيڤان تسويهه وأفكاري تخربطت قررت أغيب عنهم غبت 5 أشهر ماشفت الراحه أبدد..
لما قررت أرجع نزلت وصعدت لغرفتي گعدت الظهر ولگيتهه تلعب بلاي هيَ وعباس الشيطان گام يطفر فوگ راسي شكوكي يوم بعد يوم تزيد ..
شفتهه صعدت لفوگ ركضت وراهه دخلت لغرفتي .. اني مباشرةً دخلت عليهه ..
وجهه گام ينطي ألوان وإرتبكت بقت ترجع لوره وآني أتقدم عليهه انلزگت بالحايط ولامهرب مني ..
الشال نازل والشامه طالعه تنومت مغناطيسي أريد اشيل عيوني منهه مااگدر هلال بوسط سما .. رقبتهه بيضه گطن تلالي من الصفاء والنقاوه حتى بيهه نضاره والشامه اخخ يالشامه خبلتني گاعده بين العظمتين والاغراء المسويته يكتل ..
ردت أبوسهه بيهه ودفعتني قررت اليوم لو آني لو الشامه !
بعدين من بچت تذكرت نفسي اني شسويت ؟ اني أحبهه الهه مااحب غريزتي !! شگد نذل اني ؟ بآخر لحضه من كالت عرضك تذكرت لان فعلاً فقدت بجمالهه واني مااريدهه تخاف مني ولااريدهه تفكر بيه غير تفكير بس اليوم الشيطان چان اقوى مني !!
ماگدرت اتنازل واعتذر وتگول ماسيطر على نفسه ضليت احرگ بيهه حسيتهه تريد تنفجر ..
شالهه بقى يمي شميته حيل خليت كل ذرة عطر تتخلخل بريتي ونزلت الهه طلعت من الحمام حالهه حال شصار بيه گلبي انمرد مرد شسويت آني كل البنيته سنين ضاع بمجرد حالة ضعف بسيطه اخخخ ياصفاء اخخخخ شلون بيه ويه الشامه كله بسببهه لو مغطيتهه لو ماصاعده لغرفتي !
ولـ(لو) زرعوها وماخضرت .
إستفزيتهه بضحكي ماتت من القهر ..
راحت والدمعه بطرف عينهه وعيونهه النعسانات الباكيات مايفارقن عيوني اريد انتشل صورتهن ماكو ..
لليل وهاجت عليه المواجع وآني اتذكرهه شلون تفرح من نسوي مهمه سريه من عمليات النصب والاغتيال على عباس ونبوگ منه البقلاوه بنص الليل ننزل جوعانين اني ابوگهه وهيَ تتولى عباس تراقبه خاف يگعد
وهوَ يگعد الصبح يلگى غرفته مكنوسه من الأكل وآني وياهه نسوي رواحنه فقره ومساكين بس من يطلع نشبع ضحك الى أن نكشفنه وبعد عباس گام يقفل الثلاجه هههه
نبقى نطگ راس براس من جوع تالي الليل اخر شي تنكرب هيَ لو تسوي سبكتي لو تسوي محروگ إصبعه ومرات تمن أحمر ناكل وكل واحد يروح يلف راسه وينام وهاي صارت عاده گمنه ماننام اذا ماناكل ...
بقيت أكل بروحي الليل كله واني اتذكرهه شلون تتمايل گدامي وأخذت عقلي
اوف ياربي أخابرهه ؟
شي اكيد كارهتني ع الرعب العيشتهه بيه اليوم خل أكعد واسكت احسللي ..
بقيت الليل كله سهران اتذكر بمواقفنه واتذكر شكلهه من طلعت من الحمام شلون مهبوطه وخايفه تتراجف مثل السعفه !
بقيت للصبح جكاره تجر جكاره لما خلصت 7 بواكيت يلا طلع الصبح ..
قررت أرجع لكربلاء وبعد مااخليهه تشوف وجهي بلكي تنسى الشافته مني ..
لفيت ملابسي كلهه وسفطتهن تفاجئت بوجود شال نسائي !!
شميته بيه عطر إيڤان !!
رجعت أشم بيه .. أي والله هذا عطر إيڤان أعرفه لو مية عطر أميزه منهم
زين شيسوي بملابسي الوسخه ؟
إستغربت حيل معقوله من صعدت ذاك اليوم هيَ حطته ؟
زين شنو مصلحتهه إذا حطته ؟!
بقت فكره تجيبني وفكره تاخذني واني لليوم ماعرفت بذاك اليوم المشؤؤم شتسوي دخلت لغرفتي !؟
ضل هـٰذا السؤال ببالي أسال نفسي بيه وماالگه جواب


يتبع .....
الــعـبـاديـه

[لامارا]

رشفة عشق
الـعـبـاديـه
البارت_4_


صفاء
قررت الصبح قبل ماأطلع لكربلاء أروح أستفسر منهه شالهه شيسوي عندي ؟!
بقيت منتظر الصبح على أحر من الجمر صارت الساعه بـ8 ركضت لبيتهم لان دوامهه بالـ8 ونص أول ماوصلت لگيت السايق ببابهم وهيَ بعدهه تبدل مديت راسي من الجامه سلمت ع السايق وگتله إيڤان ماتروح اليوم . صديقتهه گالت:-
( لا عيوني هسه تجي )
السياره كيه چانت متروسه بنات بس كرسي إيڤان فارغ
خزرتهه ورفعت حاجبي وهيَ تطگ بعلچهه وتباوعلي بإبتسامه صفراء ضحكت مستهزأ وگلت للسايق (روح خويه روح)
هيَ طفرت (داگولك إيڤان تروح وتوني خابرتهه گالت إنتظروني)
مبين شكلهه مو راحه وتحب تستفزني گلتلهه بأصرار وعگدت حواجبي متفاجأ من جرأتهه
- وآني أگلچ ماتروح
عوجت حلگهه وگالت
- إنتَ إبن خالتهه ؟
رديت بنفاذ صبر وضاغط على سنوني
- أي
- زين عباس لو صفاء ؟
عصرت عيوني بنفاذ صبر وضغطت على مخرج الحروف
- صصففاااءء
رمقتني بنظرات مافهمتهن وهمست :-
(مادام السجّان يعني خل نروح)
خزرتهه وردت احاچيهه گالت للسايق (حرك)
حرك السايق وشخطت سيارتهم من يمي بقيت صافن !!
طلعت إيڤان من الباب شافتني واگف والسياره مموجوده !
صفنت بيه وگالت (السياره وين؟؟)
قوسّت حواجبي ورفعت متوني
- ماأدري
بقيت صافن عليهه وعلى لبسهه شنو الجمال هاي الخلقه الواحد يتصبح بيهه مو بوجه عباس اتصبح بيه يوميه .. لابسه فستان طويل ماروني وشال ماروني ومخليه حمره خفيفه حمره وشادو أسود وماروني مازجتهن ببراعه ..
بقيت صافن عليهه وهيَ عصبت حيل وعيونهه نطن .
- صفااء السيارره وين ؟
سويت نفسي بريء وفقير
- زين آني شعرفني ! يمكن راحوا !
بهاللحظه إتصل موبايلهه ردت وصفنت عليه بنظرات كلهه غضب وحقد رمشت بعيونهه ساجنه الدمعه لاتنزل .. عصرت شفتهه حيل
وهمست
- محد غيرك دمر حياتي !!!!
خلتني واگف متفاجأ ودخلت وسدت الباب بكل قوتهه بوجهي ! . تخبلت ركضت ع الباب رگعته ترگع بقيت أدفر بيه برجليه بكل قوتي
(افتحي إفتحي ) ركضت فتحته . خايفه شكلهه مرعوب
عگدت حواجبهه بغضب وعصبيه گالت بعياط
- شبيك وسم .
تخبلت من كلمتهه وتجاوزهه رفعت ايدي وطگيتهه على حلگهه بكل قوتي ..
شهگت وضلت متفاجئه ودموعهه صبن
لزمت مكان الضربه مصدومه وعيونهه ألف علامة إستفهام !
زجرت بيهه بعصبيه
- تجاوزتي هواي وآني ساكت . وإذا اسمع هاي الكلمه بعد أشگ حلگچ !
شهگت بكل قوتهه ونفسهه إنگطع ..
شفتهه طگت دم ! وبقت تسحب أنفاسهه بهدوء مختنگه
گامت تسحب هوى بسرعه وفحطانه ودموعهه تصب وتشهگ تخبلت گلت ماتت !! غمضت عيونهه وداخت تريد توگع ..
ركضت عليهه تسرسحت بين إيديه !! وبس تشهگ وتسحب نفس ! أضرب على خدها أريدهه تستعيد وعيها ماكو ..
إجت خالتي وخالي يركضون شافوهه بحضني وهـٰذا حالهه كلهه وجهتلي نظرات الإتهام وتخبلوا
إجه خالي يركض شالهه من بين إيديه
- شبيهه؟
بقيت امتمت وإرتبكت شأگلهم ؟
- مـاادري
عاطت بيه خالتي
- صفاء شنو ماتدري بس إنتَ هنا وتوه الباب سمعناه تفلش بس چنه نايمين ماندري
غلست بسرعه وكلتلهه
- خاله إختنگت خل ننقلهه للمستشفى وبعدين نتفاهم
خالي راد يشيلهه ماگدر لان ضعيف ورجال چبير ردت الگفهه منه ماقبل وگال ..حرام تلمسهه ..!!
من گال هيچ گلبي وگف زين لو يدرون اني البارحه شسويت بيهه يمكن يدفننوني ع الرعب العيشتهه بيه وهيَ مدللـة أبوهه !
صاح على خالتي
(روحي گعدي رائد بسرعه بنتي راح تروح مني)
ركضت خالتي تصيحه
طلع رائد نعسان وبس بالشورت شافه خالي تخبل عصب عليه (لك انتي غبي هيچ ترووووح للمستشفى ررررووووح بدل )
راح يبدل والغطه غطه بعد ماطلع بسرعه التفت عليه وگاللي ..
- صفاء شيلهه بنتي راح تموت وهـٰذا لسا ماطالع
ركضت شلتهه لسيارتهم وخالي ساقهه وهيَ بحضني حتى خالتي مالحگت تجي ويانه
هيَ فقدت الوعي بعدما چانت بس تشهگ آني تخبلت بقيت ابچي عليهه شلون سويت بيهه هيچ !!
دموعي بقن ينزلن على خدها بعدين إنتبهت خالي وياي نزلت جوه الكشن أمسح بدموعي وارمش بعيوني أصبر بنفسي .. آني السبب ولازم أتحمل نتيجة أخطائي !! من ضربتهه ماتوقعت لهالدرجه متتحمل ضربه ماعبالي كيكه بس أضربهه تنثلم !
رجال مايهزني شي بس من شفتهه شلون فاقده توقعتهه ماتت وآني السبب إنهاريت وتمنيت بلحظتهه أگدر ابچي بأي وقت مثلهه ..هنيالهه على هاي بس .
خالي گال شممهه عطر وذب على وجهه مي وإنطاني بطل مي رشيت على وجهه ماگعدت !
طلعت عطر من جيب سترتي وضغطت براحة إيدي وشممتهه بدت تستعيد وعيهه.
بشرت خالي گال هاي أول مره يصير بيهه هيچ وصلنه للمستشفى نزلناهه بالطوارئ وحطولهه إوكسجين فرحتي ماتنوصف بهاي اللحظه الحمد لله والشكر ربي ..
گعدت وبلش خالي بالاستجواب وهيَ مركزه عيونهه بالسقف بدون هدف تتلاشى شوفتي .
خالي
- إيڤان بابا شبيچ ياعمري
ردت بصوت نعسان ومتعب
- بابا لتخاف عليه مابيه شي
- زين ليش هيچ صار بيچ؟ وشلون؟
دارت وجهه عليه وصفنت بيه بعدين درات وجهه لاأبوهه .. كلت أكيد راح تفضحني وتگله هوَ سوه بيه هيچ دنگت عيوني ووجهي صار احمرر من التوتر .. بس فاجئتني من گالت ...
- بابا آني البارحه سهرت ع اليوتيوب أطلع معلومات للبحث ومن خلال تركيزي بالموبايل وتركيزي ويه البحث دخت وضغطي إرتفع وهم وسهرت للـ4 گعدت الصبح دايخه وراسي يأذيني گلت مااروح بس بدلت ومن إجه السايق دخت كلش وگتلهم روحوا ماأجي ف بعد تخربطت محسيت بشي
هوَ أشر على شفتهه ويشوف طبع الضربه !
- بس شنو هاي؟
وجهه خفت وشحبت ألوانه
حطت إيدهه ع المكان مستغربه ورمقتني بنظرة إحتقار وسوت نفسهه متعرف
- شنوو؟
- بابا حلگچ مجروح
- هـا ؟ مااعرف يمكن من تخربطت إنضربت
سكت خالي وهوَ مامصدگ
خلص الاوكسجين وطلعنه من المستسفى توجهنه لبيتهم دخلت للبيت وأهله تلگوهه بالاحضان والبوسات أُمهه حطتلهه مخاديد على القنفه الي بالصاله وتكتهه عليهن .. هيَ تمددت وبقت بس تباوع وهمَ يضحكون بيهه وتبتسم الهم بعيونهه النعسانات ومبينه تعبانه آني شفت مكاني غير مناسب بينهم وگفت وگلت لخالي
- يلا خالي آني أترخص ..
راح اروح لكربلاء وبعد ماارجع
التفتت عليهه وكملت كلامي گلت
-للأبد !!
الكل أستغرب وملامحهم تفاجئت ! ركزت على إيڤان أول ماگلت هيچ التفتتلي رغم جانت ملتفته لجهتي المعاكسه خاف تشوف وجهي وتتذكر تصرفاتي النذله ..
- شعجب ياخالو ليش ماترجع؟
ركزت بنظراتي عليهه
- ماكو شي يستدعي ارجع علموده !
- بس أهلك وأبوك وجدك وإحنه هم .
دنگت أفرك باصابعي وعصرت عيوني . أصعب لحضه عشتهه بحياتي
- لا خالي محد محتاجني بحياته وآني هم إن شاء الله مااحتاج أحد
اباوع عليهه وهيَ مدنگه تلعب بالاطراف مال الچرچف
- مودع بالله خالي مااريد اعترض بطريقك الله يوفقك
حضنت خالي حيل وشميته حيل حسيت بيه ريحتهه ودعتهم كلهم بس هيَ !
إلتفتت أريد أطلع من الصاله وكلت لااروح مامودعهه واتندم التفتت عليهه تفاجئت عيونهه تلالي بالدموع وترمش بيهن لفوگ ماتريد ينزلن الدموع ! حركتهه هاي حافظهه كلش زين .
عصرت شفتي متحسف وعفست وجهي گتلهه:-
- مع السلامه إيڤان !!
هيَ صفنت عليه ورجعت دنگت وهمست بصوت ناصي (مع السلامه) وشفافهه ترجف وكل شويه تاخذ شفتهه السفلى تعصر بيهه عذبتني بحركاتهه .
طلعت من البيت ماطايق ابقى لحضه تمنيت لو گايلتلي إبقى جان بقيت بس بعد ماأرجع ابد حتى هم تنسى تصرفاتي وهم ترتاح مني لان آني سجّان !
.................................................. ............
إيڤان
تفاجئت الصبح بوجود صفاء يم باب بيتنه والسياره مال الخط ماموجوده سألته سوه نفسه بريء بس إتصلت بيه صديقتي وكالت(السجّان طردنا !!) كلش تعصبت ونرفزته بكلامي متقصده أجرحه وطبگت الباب بوجهه بس متوقعته يضربني أبدد !!
شفتي أذتني حيل ألم يكتل وطگت دم ومن گد ماإنقهرت النفس إنقطع وإختنگت ضليت أسحب بالهوى بكل قوتي اريد هوى يدخل بريتي ماكو ! بعد ماادري شنو صار ..
گعدت على عطره بسيارة أبويه وآني بحضنه إرتاحيت للوضعيه ورجعت غمضت عيوني .
هاي الحاله ثاني مره تصير وياي إذا انقهر حيل يصير هيج وياي اتذكر مره بالكليه هم إنقهرت حيل على صديقتي تزوجت مجبوره وتبچي وبچيت وياهه وتخربطت لما اشم العطر يلا أصحى ..
تلاشيت النظر من عنده ماحبيت أشوفه واتذكر مواقفه وياي بس فاجئني من گال بعد مأأرجع أبد !! خزرته بسرعه وهو هم چان مركز بنظره عليه يمكن يريد يشوفني شأسوي .. ومن گال مامحتاج أحد گلت بگلبي
(بس آني محتاجتك)
ماتوقعت يعاقبني بهاي الطريقه ويروح !! حصرتني البچيه بس أهلي عيب أبچي مقابيلهم !! وخصوصاً من ودع الكل بس آني ماودعني ! ليش؟ الدمعه تريد تنزل وأرفع راسي لفوك وارمش أمنعهه تنزل والعبره خنكتني گمت مااگدر احچي ..
لما التفت عليه وودعني إرتاحيت وزفرت نفس بأخر لحضه ردت أگله لاتروح بس أهلي ! ماگدرت ماعندي جرأه أگله هيچ
كلش تأذيت من راح وإحنه متزاعلين وهاي أول مره تصير دائماً مايطلع ويسافر لشغله إذا ماآني وياه متصالحين لو خامطين شي من عباس وضاحكين عليه ..
ترخصت من اهلي وصعدت لغرفتي مهروله دفنت راسي بالمخده وأطلقت الصرخات المكتومه وآني أصرخ (لااااتتترروووح)
تخبلت وجنوني طق ماتحملت يعوفني !
شلون بيه واتحمل فراگه وهوَ مشاركني بكلشي حتى باللفه الاسويهه الصبح أضمله منهه وأتذكره ومن اروح لبيت جدو أنطيهه اله ويگلي عفيه ترباتي تفكرين برئيسج ونبقى نتعارك اگلّه لاآني الرئيس .. وهوَ يگول لا آني .
علاقتنه كلش حلوه ..
كل موقف اتذكره أزيد بواچي آه آه ليش عاقبني بهاي الطريقه والله مااتحمل أفارگه لحضه هوَ من يروح لكربلاء كل دقيقه اتصل بيه وأسبوع يشيب راسه مني وينزل بإجازه . مو هسه مايرجع !!! عقلي ماجاي يستوعب هالكلمه شنو مايرجع؟ يچذب عليه أكيد يريد يقهرني !
بس هوَ قهرني هواي ! ومن حقي أقهره إذا ازعل لو أجرحه بس هوَ مايتحمل وآني أتحمل؟؟
بقيت أدعي ربي إنشاء الله يطلع چذب ويرجع مثل كل مره ..
قنعت نفسي ..إي أكيد يرجع وين يگدر يفارگ ولايته ..
مرن 6 أيام وباليوم السابع حضرت نفسي ولبست أرقىٰ شي عندي وهالمره خليت حمره جوزي مات (جاف) لان هوَ يحب هـٰذا اللون ..
رحت طايره من الفرح لبيت جدو لان هوَ مايجي لبيتنه يستحي دخلت الهم أشوف البيت هدوء وسكته سألت جدو عكس كل مره بيوم جية صفاء
- شنو جدو شبيكم ماتحضرون لجية صفاء؟؟
رد عليه وهوَ يقرأ بالكتاب ومركز عيونه بيه
- صفاء مايرجع بعد !!
آني ضحكت عليه وإستهزأت بيه
- ههههـه هم يله مايجي أعرفه هـٰذا صفاوي إذا مايجي يترس بطنه دولمه وبرياني من إيد بيبي مايرتاح لايقشمركم جدو بس آني اعرفه ترباتي هـٰذا
احچي بكل فخر واضحك عليهم كل مايگولون مايجي !
جدو رفع نظارته وباوعلي بنظرات تقنيع وهز راسه
-إيڤان حبيبة جدچ لاتنتظرين صديقچ لأن مايجي خاف من مايجي تضوجين فلا تنتظرين أحسن وينكسر خاطرچ
- هاي شبيك جدو إخوتي وأعرفهم عباس وصفاء حافظتهم حفظ على گلبي
هز براسه وجاوبني بصوته المرتعش
- بكيفچ جدو بكيفچ
صارت الساعه تركض ركض وكل ماتتقدم ساعه يزيد التوتر والخوف خاف صدگ مايجي !
وارجع اقنع نفسي لا لا أكيد يجي ..
صار الوقت الي كل مره يجي بيه . تقريباً الساعه 5 العصر .. بقيت مگابله الباب وگاعده أنتظره ومرت الساعه وهوَ ماكو ..
ماأيست رحت بالغرفه وأنتظره ..
صار الليل تعشوا وآني مادخلت لگمه بحلگي من الصبح لهسه منتظرته ناكل آني وياه .
كلت اكيد يجي بالليل لان أزدحامات وهيچ ..
وبقيت ع الدرج منتظره لان غرفته فوگ ف من يصعد الأ يگعدني يلا يگدر يصعد حطيت إيدي على خدي ومنتظره ..
والساعه تمشي وآني عيوني تلزگ من النعاس بس مقاومه .
ماحسيت على نفسي من غفيت ..
الأ من جدو گعد للصلاه گعدني گال
- گومي ياجدو گومي
آني بس اصيح
- امممم
- آني شگتلچ؟
مامتبهه عليه شيحچي لان نعسانه حيل ومغمضه عيوني وماواعيه شأحچي وصلني لفراشي وغطاني وطلع ..
گعدت الصبح الساعه بـ9 ركضت لبره لگيتهم بالصاله يتريگون بدون ماأصبح عليهم ركضت بلهفه مديت راسي عليهم
- هـا إجه صفاء؟
عاط بيه عباس
- خب إنتي والله بطرانه گلنالچ مايجي ليش تلحين ساگمه روحچ وسهرانه علمود ابو دماغ هلبت آني وياي هيچ شو بس فالحه تخمطين بيه وتقطين بيه هم
ضجت حيل
وحتى مايشكون رجعت لطبيعتي مرحه واسولف وأضحك جذب
- ديلا خل يولي يخفف علينه أصلا حتى تبقى البقلاوه مال عباس بس إلي من أخمطهه بالليل
- شحدچ غير أكسر إيدچ
- دشوف هههههيوو
رجعت للبيت بخطوات كلهه يأس وقهر ليش ماإجه؟
مو إنتظرته هواي وآني للآن نعسانه بسببه وحتى مارحت للجامعه اليوم عود منتظرته يوصلني بالجارجر وأتفاخر بيهه مقابيل صديقاتي ..
هوَ يشتغل بالتحويلات ف يوميه سياره شكل إذا راقيه يوصلني بيهه بس إذا عاويه نتعارك آني وياه أگله(جبت هاي العاويه حتى ماتوصلني وتتهرب)
بس هوَ يحلف يگول مو آني أختار السياره همَ ينطوني بس آني لازم أغثه شويه ..
أتصلت بيه نبأ صديقتي المقربه تعرف كلشي عني حتى عن صفاء بأدق التفاصيل اسولفلهه وتگلي يحبچ بس آني اكلهه لا مو هيچ ..
بس تفاجئت ثاني يوم من بعد ماراح صفاء تگلي .. مبين ميحبچ ويريد يضحك عليچ ..
إستغربت كلامهه سألتهه:-
- شلون عرفتي؟
- مادام تقرب يريد يبوسچ يعني يحب جسمج مايحبچ إلچ والولد كلهه هيج مو بس هوَ !
- لا أبدد صفاء مو هيچ !
- چـا ليش سوه هيچ وياچ؟
- لا بوقتهه راد يغثني ويكسر خشمي لان شاف عباس يلبسني تراچي
- لج بابا هـٰذا حچي قنعي بيه روحچ الحمار ميصدگه
- لا اصلاً إحنه إخوان وآني ماأحبه حب حب
- چـا شتسميه؟
من سئلتني هذا السؤال إحتاريت شاجاوب سألته لنفسي هواي وملكيت جواب !!
لو آني مااحب اعترف بالجواب؟/!
- مااعرف
خليتهه ومشيت أفكر بكلامهه صدگ هوَ مواقفه هواي من يتلمس إيدي ومن يگلي ادخلي وياي بالبطانيه وآخر موقف صدمني بيه !
إووف ياربي شأسوي والله محتاره كلهه تلومني ..
بس آني اشوف لهفته اكثر من غريزته ..
وبعدين هوَ ولا مره إعترفلي يحبني أو فد شي منين جبت هـٰذا الكلام ؟
رحت لبيت جدو ردت أخابره وأگله إرجع دخلت محد موجود بالبيت بس عباس رحتله
- هـا أبو راس
- عابتلج مثل الجني وين مااروح تلحگيني
- دطير ميته عليك بس أريد رقم صفاء
إستغرب وإنرسمت ملامح حيره بوجهه
- شتسوين بيه؟
ضربته على راسه
- يعني اليريد رقم شخص شيسوي بيه؟
جاوبني عبالك مسوي إنجاز
- يخابره
- هههههههه شگد فاهي يلا رد الرقم
طلعت موبايلي ودخلت ع السجل أريد اسجل رقمه بس عباس ساكت رفعت راسه باوعتله
- شبيك ماترده
صفن بالحايط الوره ظهري إلتفت على الحايط عبالي شخص وراي أشرت بإيدي على وجهه
- هيوو وين وليت؟
- إيڤان عوفي صفاء بحاله !!
يتبع ...

الـعـبـاديـه

[لامارا]

رشفة عشق
#الـعـبـاديــه
البارت_5_
حساب أنستا + واتباد
@alabadyia_09. راقيه بأناملي.


- إيڤان عوفي صفاء بحاله !
صفنت بوجهه ورمشت بعيوني
- شنوو؟؟
- مثل ماسمعتي صفاء عوفيه !
- ليش آني شمسويتله؟
- لاتتصلين بيه ولاتتواصلين وياه
عصبت عليه
- وآنتَ شيهمك إذا ماتريد تنطي الرقم گول اكو غيرك ينطونياه وهوَ هم عنده فيس أعرف الفيس مالته هم صدگ إلمن جايتك آني .
إلتفتت أريد أروح وسحبني من إيدي
- إيڤان الدتسويه كله خطأ !
عصبت حيل وعگدت حواجبي ضربته على صدره وحررت إيدي من إيده
- شمسووويه آني شمسووويه؟
- راجعي نفسچ شوفي شمسويه تره صفاء أمره مو بإيده ويخاف من إبوه خوفة الحيه لايغرچ بمظهره والتفخفخ مالته أريد أحذرچ من هسه ديري بالچ خاف بعد يومين يوگع الفاس بالراس وتعالولي وتدرين بنصائحي مايوم خذتي نصيحتي وتندمتي ..
تنرفزت من كلامه ومااعرف شصار بيه من حچى هيچ ماحبيت احد يواجهني بالحقيقه لان اني نفسي ممواجهتهه ..
- ليكون بعلمك إذا وگع الفاس بالراس أروح للعالم كلهه بس إنتَ ماأجيك وبعدين إنت وياه نفسي الشي إثنينكم إخواني
عصب حيل وصرخ بيه
- إيڤڤااااان آني مو جااهل آني أخوچ بس صفااء لا .. ماتشوفيه هيچ اابد أعرفچ آني ربيت وياج من چنه بالگماط وأعرفچ كلش زييين
آني صرخت بوجهه وإتنرفزت حيل فقدت مااعرف بنفسي شحچيت
- إي مو آخوي يلا هسه إرتاحيت آني عندي مشاعر لصفاءءء إرتاحيتتتتت إرتاحييييت (وأضرب على صدره)
شبك إيديه إثنينهن وگال
- لاتسوين بنفسچ هيچ كاافيي لاتنزلين من نفسچ علموده آني أعرف إختي وأعرف إخوي إثنينكم ربيت وياكم وأعرف كل واحد بيكم شيفكر فلا تنزلين من نفسچ علموده ولاتخابرينه تره ميستاهل
بقى ينرفز بيه بكلامه ومااعرف نفسي شحچيت
- إنتَ تغار منه لأن هوَ دوم احسن منك ولأن عنده إبو وإنت لا فلا تشوه سمعته گدامي خوش !!
هو فلت إيديه وضل صافن ضحك بإستهزاء وگال
- هههه والله خطيه إنتي .. أغار منه على طياح حظه ؟
- إنت طايح الحظ يسواك !!
رگعني راشدي فر راسي فر ..
مباشرةً عيوني إنفجرن بالدموع وضليت أصرخ عليه وأضرب بيه على ظهره .
- حقيررر نذلل لو آخر يوم بحياتي بعد ماأحاچيك وليييي متوقعتك هيچ والله
وجهه صار أحمر من العصبيه شبك إيديه مره ثانيه وطلعني للطارمه مال البيت دفعني وسد باب الصاله
- إنقلعي منا مااريد أشوف وجهچ ! مال واحد يطيح حظچ مو ينصحچ يلا ولي وبعد لاتجين لهنا أبدد !
بقيت أصرخ عليه وأرگع بالباب دفرت الباب برجلي وتوجهت لباب الشارع فتحته وصار جدو مقابيلي متفاجأ بيه
الجد
- شنو هـٰذا الصريخ گاعد يم إبو جبار وإسمع صريخ ...
من شافني إنخطف وجهه وإنسحبت ألوانه فتح عيونه على وسعهن لان چان شالي مخربط وعباتي نازله على أكتافي
- شبيچ جدو ؟
عفته وبس أناشغ وابچي .. أريد أطلع سحبني
- تعالي جدو شبيج عباس سووالچ شي ؟
حضنته وبقيت أبچي بقوه تخبل وجن جنانه
- جدو لاتخبليني شسووالچ عباس؟
جاوبته من بين شهقاتي ودموعي
- ماسوالي شي !
باوع عليه من فوگ لجوه ونظرات الخوف والقلق بعيونه
- چـا ليش تبچين وخدچ احمر ؟
- جدو عباس ضربني راشدي وطردني !
- ليش؟ هسه اطيح حظه
- روح إسئله ليش وبعد مااحاچيه لما أموت وحتى من اموت لايوگف على گبري !
- غير أعرف الصاير بينكم حتى اعرف الحق ويامن
إحتاريت شأگله إخترعتلي حجّه بس اريد اطفر لااهلي
- جدو يريد ينصحني ويتفلسف براسي كتله مااريد نصائحك خليهن إلك وهوَ ضربني !
وحتى بيتكم بعد ماادخله خليني اروح
فلتت إيدي من جدو وركضت للبيت أبچي همزين أهلي بالدوام محد موجود بالبيت بس سحر ونايمه للظهر .
بقيت أبچي بكل قوتي مهضومه من تصرفه حتى لو بيناتنه شي اني وصفاء هوَ شعليه؟
.................................................. .....
مرت فترة إسبوعين وآني معتكفه بغرفتي مااطلع حتى للكليه بطلت ماأروح خسرتهم إثنينهم همَ أخوي وهم صفاء المااعرف وينه صارله شگد !!
الغرفه ظلمه ليل ونهار وبس ابجي لااكل ولاشرب شگد حاولوا وياي ماكو حتى جدو إجه سولف وياي شافني بس صافنه ومااحچي كلمه مل وگام بقى يوميه يجي يسولف وياي شكل وآني قافله .. حتى صوتي ماسامعينه
لما إجه جدو گال
- إيڤان جدو اليوم عباس طلب مني يريد يشوفچ !
آني مباشرةً طفرت بعدما صار شگد صوتي مينسمع
- ماأريد اشوفه ولاأريد اسمع إسمه
- بس إنتي هاي حالتچ من خلافكم إنتي وياه لهسه . إنتم مثل السمچ بالماي بدون بعض ماتعيشون أعرف هاي حالتچ لان أخيج مايحاچيچ وهوَ هم حالته أزيد منچ بعد تربيتوا سوه وكبرتوا سوه وشقاكم وضحككم ترس بيتي ودوم مااتدخل بيكم ادري بيه مايأذيج واثق بيه لان حاسبج مثل إخته وآنتي هم حاسبته اخوج
- جدو مااريد احاچيه كل مااتذكر السواه بيه إنهضم
- جدو شسوالچ لاانتي ترضين تحچين ولا هوَ شلون بله هسه آني اسئلمن ؟
-لاتسأل افضل ..
بس الحمد لله موقف واحد بين حقيقته شنو وآني حاسبته أخوي من وآني صغيره
- ومازال إخوج ويريد يشوفچ هسه شأگله؟
- گولـله ماتريد تشوفك للموت !
- بكيفچ جدو
بقيت افكر ويه نفسي كلت اكيد هسه يتشمت بيه لان هاي حالتي وهسه يگول لان آني چنت احاچيهه جانت عايشه !
گمت سبحت ولبست تراك بيتي ووگفت مقابيل المرايه وجهي شاحب وجوه عيوني كله سواد من النوم حتى النضاره الببشرتي مختفيه
مشطت ونزلت أُمي ركضتلي وتهلهل
ضحكت
- شسالفه ماما عروس وتهلهلين
- بعد گلبي ولچ شسويتي بيه لاليلي ليل ولانهاري نهار
ركضوا عليه كلهم يحضنون بيه ويشمون بيه ..
شگد اذيتهم وحطيت نفسي بمكانهم من يشوفون فرد من أفراد العائله ينقهرون ..
حطيت نفسي بمكان بابا آني هسه لو أشوف حوراء بهاي الحاله يمكن اتخبل ..
الحمد لله من كمت على رجليه لان جان جسمي كله نحلان من قلة الأكل .
ضليت اصيح
- ولكم جووعانه
ضحكوا عليه وطلب بابا جاهز كل الاكلات الاحبهه قدموهه كدامي
بقيت أكل بشراهه تگول مشايفه إسبوعين بدون اكل ولاشرب بس نايمه ..
ردتلي روحي من اكلت إفيشش يماا .
قرصت أقراص خيار وبطاطا خليت لعيوني علمود السواد وحطيت فيتامينات لبشرتي صرت أحسن ..
رجعت لدوامي بالكليه هواي فايتني محاضرات والاساتذه كلهه تسأل عني وملتمين عليه حسسوني بقيمتي صدگ .
صديقاتي مافارقوني لحضه وحده وآني هم چنت كلش مشتاقتلهم .
إجت نبأ يمي تستفسر ليش غبت صار إسبوعين سولفتلهه كلشي گاالت:-
- اگلچ صدگ حچي عباس !
عگدت حواجبي مستغربه
- شنوو؟
- إي صدگ حچي عباس أصلاً صفاء ماشايفچ ومتأكده يريد يضحك عليچ وياخذ اليريده منج !
- لج إنتي شدتحجين آني عرضه شنو يضحك عليه ؟ وهوَ شنو اليريده اصلاً؟
- زين من فكر يبوسچ ماگال هاي عرضي ؟
- بس هوَ ماباسني
- المهم مجرد فكر تفكير إنو يبوسچ يعني يريد يتمادى
- لا صفاء يضبط نفسه وأعرفه كلش زين مايسوي الدتحچين عنه ومو الببالچ أصلا
- چـا مايجي يخطبج من ابوچ ؟ شمنتظر وهوَ يشتغل وعنده خير من الله ومكون نفسه
- هوَ شنو شغله غير تحويلات الشهر 400 لو أكثر لو اقل شهر ينقصوهن وشهر يخلوهن .
- لاتنسين هوَ نفر زايده عليه 25
- شنو 25 ولد شاب ويريد يطلع ويمشي وملابس وكشخه 25؟ نبأ شسالفه هوَ الجاهل متكفيه الـ25
- يلا خوش خلي الراتب زين وعلاقاته ؟
- مو علاقات مجرد بنات ع النت يراسلهم يقضي وقت لااكثر وماكو شاب بهـٰذا الوقت ماعنده علاقات
- چـا مايسوي عباس علاقات؟ حبيبتي حچي قنعي روحج بيه
- عباس مختلف
- بشنو يختلف بله؟
- عباس مايهتم لهاي السوالف مكرس إهتمامه بس بالطوبه وشگالت برشلونه وشگال ريال مال سوالف بنات ماعنده .. بس صفاء يطلع ويمشي وحلو وجسم وشخصيه والبنات كلهه تفتر وراه ليش مايصادق ؟
- خل يجي يخطبج إذا صدك يحبچ بس هوَ چذاب والله
- لاتحلفين يمكن يخاف أهلي يرفضونه لان آني مدللة أبويه وبالكليه وهوَ مخلص رابع إبتدائي ف أكيد يخاف
- عيني إنتي بت خالته وإبوچ مايلكه احسن منه بس هوَ مايريد صدگيني
- أگلچ هو حتى إعتراف ممعترفلي شلون أگله تعال إخطب ؟ شتحچين إنتي ؟
- والله أني أشوف لاتتعلقين بيه وعوفيه من هسه
- ماادري اسكتي
.................................................. ...............
بقى صفاء بكربلاء شگد حاول جدو وأخوالي وحتى أبوه يرحون يجيبوه بس أبدد قافل .
ومرت سنتين ونص وصفاء ماكو !
گلبي يريد يطگ على شوفته ..
راح أموت وآني أنتظره ..
رحت لاابويه طلبت منه نروح لكربلاء نزور بس علمود أشتم الهوى الي هوَ يتنفسه حتى لو مااشوفه ميخالف بس اهم شي اشتم الهوى اليدخل بريته ..
أُمي عاطت بيه
- شتسوين رايحه لكربلاء وإنتي عندچ سفره وحساسه مو مال سفر وطريق
- چـا شلون اروح بالاربعينيه كل سنه ؟
- غير تشلعين گلبي وتطلعين روحي يلا
- إنتي كل سنه تگوليلي أدخلچ للأمام ومتدخليني خل بابا ياخذني
- بس كلنه نروح مو بس أنتي وياه
حضني بابا وحاوطني بإيديه
- لا نروح بس آني وبنيتي
ماما تخوصرتله ويضحكون
- لا والله وآني وين رحت ومدللهه (وتغمزله)
تره ماادللك ها مو تگول
بابا ضحك بصوت عالي
- تغارين من بنتي هههههههههه يلا عمي كلكم بدلوا نروح منا سيارتين
گالتله
- هيچ وصير حباب من أول مره
بقينه نضحك عليهم ورحت أجهز بغراضي وفرحاانه .
جهزت جنطه صغيره بيهه ملابس والشغلات الاحتاجهه
رائد ماقبل يروح يكول عندي شغل رحنا بس آنـي وماما وحوراء وسحر .
ماأحتاجينا سيارتين بس سيارة البيت كفت لأن چبيره وبابا يسوق .
صعدنا بالسياره وتوجهنا لكربـلاء عشقي . أموت علىٰ محافظة كربلاء شي يشدني إلهـه ومرات أتمنىٰ أعيش بيهه . يمكن لان عاش بيهه
الطريق كله خلصته نوم وچان طويل ومتعب لأن بابا يمشي على البطيء ومايحب السرعه بكلشي متأني دائماً يگول:-
(في العجله الندامه وفـي البطئء السلامـه)
وصلنا بعد طريق مُتعب توجهنا مباشرةً للأمام شعوري بالتوتر يزيد لان أول مره راح أدخل للأمام وأرتوي بشوفتـه .
من بعيد شفت المنارات عيوني صبن دموع أخيراً راح ادخل بقيت أستنشق بالريحه الاحبهه إفيييييـش هسه يلا إرتاحيت صارلي فتره مغثوثه بس من دخلنـا الراحه دخلت لگلبي .
نريد ندخل للضريح وآني أشوف براعة المنظر عيوني صفنن بالمنظر وريحة الحنه لفحت بوجهي من بست الحايط .
بقيت ابوس بالحايط داير مداير وبست الباب ودخلت .
عيوني إرتون بشوفة الشباك والنسوان اليزورن بيه مچلبات بالشباك ويدعن والدموع تجري . ووحده تشد علگ ووحده تشمر البياض بداخل الشباك . والورود الورديه والحمرة وكل الالوان داير مداير . سرت بجسمي قشعريره .
فريت عيوني داير مداير . الأضويه قويه والسقف مصنوع بتفنن والشبابيك صغار للتهويه بداخل الحضره كل شباك اشوف بيه حمامات كل شويه يحطن ويطيرن .
حتى بالگاع ركزت چانت مفروشه . مدات قديمه وحياكتهن ناعمه مازجين بين اللون الجوزي والخيط الاحمر دايره مدايره أسود ومرتـبات كلش حلوه وبالاطراف ألوانهن احمر وأسود . وتتوسطهم فرشه چبيره ومرسوم بيهه نقشات وزخارف .
ندستني أُمي بخاصرتي
- إمشي شبيچ صافنه .
تقدمت للشباك ازور ودموعي صبن ومامصدگه دخلت .
طلعت چيس الجكليت طشيته ع الشباك والاطفال بقت تتراكض وآني توجهت للشباك أزور واشم بريحة الشباك وأبوس بيه مثل الماشايفه .
طلعت البياض رميته وبقيت أدعي لأاهلي
رفعـت إيدي أريد أشد علگ وطلبت من رب العالمين يختارلي الانسب ويشوف صفاء يناسبني لو لا لان كلش تعبت مشاعري كلهه تغيت نزلت إيدي من الشباك وتحركت ورده لونهه وردي ومحاطه باللون الأخضر ووگعت من داخلهـا چكليته على راسي . نزلت الچكليته من راسي ووگعـت بأيدي ضبط .
المريه اليمي چبيره بالعمر صلت ع النبي .
(اللهم صـلِ على محمد وآلِ مـحمد) إنطاچ مرادچ بيبي .
كلش فرحت دمعت عيوني فرح وأخذت الچكليته وضميتهه بجنطتي .
طلعنـا لگينـا بابا منتظرنا گال .
- وين ننام لازم نأجر فندق وآني مااندل شي ومابيه حيل تضيعون .
آني همست
- خابر صفاء
همست بصوت واطي كلش مااعرف سمعني أو لا .وأكثر شي ماسمعني
بس فزيت من إيد سحر بزري تكرص بيه وتغمزلي
- شمعنى صفاء؟
تفاجئت وين سمعت هاي صوتي چان مو عالي بس هيَ لازگه نفسهه بيه .
- شنو شمعنى غير إبن خالتي وبس هوَ الوحيد البكـربلاء قابل عدنا اقارب بكربلاء؟
- أكيد لا .
طفرت حوراء ..اي بابا صدگ خابر صفاء خل يجينه إحنه كلشي مانندل
- هم صدگ ذكرتيني .
أُمي إلتفتتلي وتنهدت !
خابره مايرد ! خابر هواي وماكو أيسنّـا وبعد مااتصلنـا . أُمي صاحت
- شني هالناقص تخابره دخل يولي هسه نروح نأجر فندق ونسأل هاي الناس الخيره !
كلش إنقهرت من گالت ناقص عگدت حواجبي وضجت . اتخبل من احد يغلط عليه
طلعنـا من الأمام الحُسين وزرنا الامام العباس (عـلـيهم السلام) .
بس زيارتنا للامام العباس ماشفت منهه شي بسرعه بسرعه حتى ماركزت .
تمشينا لشارع الأمامين أخذنا شغلات تذكار .
وماما صاحت لحوراء .
- تعاي شوفي هـٰذا السوار الردتيه دشوفي هوَ لو لا ؟
-إي هوَ
- توني عاملته بألف شفتي شلون يستغلون الفرصه بالزياره
إلتفتت لاأمي .
- اهوو ماما هسه شي راح وإنتهى وإشترت السوار منا وإنطته لصديقتهه بعد شتسوي بالسوار
- إنتي دوري وجهج ولاتتدخلين
- لان احچي الحقيقه غـير.
وگفنا يم محل شغلات رجاليه وبقيت أختار شغلات لرائد ولبابا وحتى لعباس إشتريت رغم صار سنتين ونص وإحنه مانتحاچـى شگد حاول يصالحني وآني قفلت موقفه هـززني هـزز . وضربته لـسـا ترن بإذني ..
من شفت السبحه إشتهيته لاإيده وگلبي رف صار شگد ماضاحكه من گلبي بس هوَ يضحكني عيوني دمعت وآني أتذكر مواقفه .
وگفت يم السبّح وإختاريتله وحده مطعمه بلونين . لون خرزه أزرگ چويتي ولون أبيض شفاف وصاقليهه طالع شكلهه مثل الجوهره وبنهاية السبحه مداليه قصيره كلش حلوه .
أخذتهه بأيدي أباوع بيهـه وأبتسم وسمعت صوت وراي فززني
- عجبتچ إلي مو؟
ركزت بالصوت هـٰذا صوته !!
إلتفتت بسرعه خايفه لاإذاني سمعت غلط .
أول ماشفته عيوني دمعت وضحكت ..
عيوني بسرعه لمحته من فوگ لجوه محتضنه شكله ومايقبلن ينزلن منه . شفت التغيير بشكله مزداد حلاه ووسامه شعره طولان ورافعه كله مسوي بوستيجه كلش حلوه مطلعه شكله صاك حتى غرت ... وجسمه صاير اخشن وصدره أعرض .. وسلسلته الفضيه تتوسطه .
عيونه الخضر نفسهن ماتغيرن ووجهه صاير أبيض حيل يمكن من جو كربلاء .
حتى آني من إجيت لهسه صار وجهي أبيض حيل بسبب إختلاف الجو .
لبسه مرتب حيل وأنيق لابس تيشرت أسود وملطش بأبيض وبنطرون اسود وحذاء أبيض .
- هـا لك شلونك
حتى خلافنا نسيته ورجعت على شقاي
غلّس على سؤالي بـشلونك وبقى يتفحص بيه
إستحيت كلش من نظراته چانت تتجول بـكل تفصيل بجسمي وصافن بوجهي يطلع التغييرات البوجهي
صفن وكال بنبره هادئه
- متغيره وحليانه
جاوبت بثقه وضحكت
- هوَ آني حلوه من زمان
ضحك بصوت عالي
- هم صدگ
- شوكت إجيت ؟
- مريت منا وشفتكم تفاجئت اول شي عبالي مشتبه بس من شفت السعلوه (حوراء)مالتكم گلت همَ
حوارء تعاركت وياه وهوَ ميت ضحك تتخبل من هاي الكلمه .
أُمي اكلته أكل بالسلام والترحيب وشلونك وشلونك ومشتاقيلك . خبصتنـا .
تقربت يمهه وهمست بإذنهه
- قبل شويه چان ناقص شوكت شتاقيتـي
گرصتني من زندي وترص بالگرصه حيييل خلت عيوني تدمع
- لايسمعچ ولچ الا اموتچ
آني عناد بيهه صحت بكل صوتي
- ااخخخخخ بابا تعال شوف مرتك شسوت بإيدي
طبعاً أُمي معاونه وعصبيه حييل ف تطبق قانون المدرسه علينه وكله نظام....
وتشاقيناوتضحك ويانه وأُمنه يعني عدهه شخصيات متعدده كل شي الا حدود . اذا تصير أُم تصير واذا تريد صديقه تصير وطبعهه تحشش وتضحك وآني أموت على هيچ
صاح بابا
- شبيچ وي بنتي
خزرتني وقبضت إيدهه بفكهه ولمت أصابعهه بمعنى (آنه الچ)
ضحكت وغمزتلهه وحضنت بابا حاوطته بإيديه محتميه منهه .
----------------------------------------------------
أخذنا صفاء لـفندق ودفع الحساب وحجز ليلتين أبويه گام يحجي عليه لان دفع الحساب وحجز ليلتين لان چنـّا ناوين نبقى ليله
- عمي شسالفه هوَ أول مره تجون وتخابروني وآني ماسمعت فشلت منكم حيل بس هسه يلا إرتاحيت جنت احس نفسي بغربه
بابا فشله گاله
- بس آني مو عمك
حط إيده على حلگه وصفن گال...چـا آني شگلت
كلنـا ضحكنا هوَ باوع عليه وهمس يم إذني (إنشاء الله عن قريب تصير عمي) إستغربت بإبتسامه
گال
- هوَ نفس الشي عمي وإلاّ خالي
سحر رفعتله حاجب وگالتله بإبتسامه ومكر
- لا مو نفس الشي

يتبع ...
الــعـبـاديــه🌻🌼

طبعاً هسه يلا لاحظت أبطال قصصي إثنينهم عيونهم خضر بهاي القصه صفاء وبقصة طاقة تحُمل زهراء واثنينتهم نهاية إسماءهم همزه (ء) 😂🤣
إلى اللقاء اترككم ويه اختي 😭 وعكب باجر ينزللكم بارت مو عبالكم العباديه وتحن عليكم تقشمروها بكلمتين😂✌😎
وصيتهه بيكم اذا شافت تفاعلكم وتاكات هواي تنزل بارت اضافي واذا لا ماكو بارت اضافي ✌ ف اوصيكم بالتاكات ممعقوله ماعدكم اصدقاء شسالفه 😒😑

[لامارا]

رشفة عشق
الـعـبـاديـه
البارت__6__

إيڤان
صعدنـا للغرف نرتاح آني وأبويه بغرفه وأُمي وسحر وحوراء بغرفه لان يخافون علينـا لأن بس بنات ف تفرقوا علمودنـا .
طلعنا للمطعم مال الفندق نتغدا وأبويه يدردم علينـا
- يبويه شگول عليكم فرقتوني عن مرتي
رديت عليه بنبرة ضحك
- بابا تحمل هيَ بس ليله شسالفه وبعدين نرجعلك مرتك خل تشبعك تگرص مثل ماورمت زندي
خزرتي أُمي وگالت
- لازم ناويه أزورگلچ الثاني
وتطبگلي بأصابعهه السبابه والابهام ترفع وتنزل بيهن عود تگرص
طفرت خايفه وأضحك
- إفلت
درت يم بابا حتى ماتوصلّي .
أضحك وإجت عيني بعين صفاء صافن عليه ومبتسم فشلته گلت ؛-
- إحم إحـم تره الصفنه لاابو صابر .
الكل ضحك وهوَ تفشل وجهه صار أحمرر إبتسم بمكر وگال:-
- ملـعونه من يومچ سوالفچ تافهه مثلچ
- شهاده أعـتز بيهه وأفتخـر
حوراء
- إنتم مثل الفاره والبزون بس مناگر
سحر همست يم إذني
- نشوف ست إيڤان بالغرفه هم تناگرين لو تذوبين
إستغربت وطبگت حواجبي
- ياغرفه؟
- غرفة عرسكم شبيچ (غمزتلي)
ع الاساس ماتدرين يمممو منچ يالـسوسه
ضجت حيل من كلامها
- سحر شنو هـٰذا الحچي؟ منين جايبته جديد لو شنو؟
- خاف عبالچ الكل مامنتبه الكم بحجة إخوان بس آني مو غبيه
- والمطلوب شنو؟
سكتت.//
- إاذا تحبين تنغصين فرحتي بالزياره ف ماحزرتي
صحت ..يلا بابا إطلبوا الاكل متت جوع ..
صفاء خزرني وگال بهمس؛-
- صوتچ على كيفچ أُم بطن
تدلعت بصوتي ورققته
- إيي مو موتوني جووع جايبيني تصلبوني
گال
- والله من شفتچ وشفتيني جوعانه وصفاء مبتلي بيچ يشتري لفات وسفريات
- شوكت مشتريلي صفاء آغا
- اه ؟ شوكت مشتريلچ ؟ چـا خوش آنه أعلمچ الا أموتچ جوع
تلوگت لـبابا وحضنته وتدلعت
- بابا موجود
- نشوف ياست إيڤان
ومرسومه على شفافه إبتسامه حقيره مال خبثاء .
نزلوا الأكل والكل كمل وصعدوا للغرف يرتاحون آني گلتلهم راح أگعد بالحديقه لان ضايجه .
گعدت بالمرجوحه وأباوع للناس .
سمعت همس وراي نززني
صفاء
- وين صافن الحلو؟؟
گمت وضربته على زنده وأتنحس بصوتي
- صفففففاااااااء هاي شبيك والله رعبتني
سحبني بسرعه لحضـنه عصرني حيل ويشم ويستنشق بعطري دفعته بسرعه
- صفاء شبببيييك ضوجتني تره بهاي تصرفاتك
- مـشـتـاقـلـــــچ حييل .. ويمد بيهه
- شگد بذات ولاتشتاقيلي
إيڤان
- عليمن اشتاقلك على مواقفك الحلوه وياي
صفن بوجهي تذكر مواقفه وضاج
- بس آني مو قصدي . إيڤان تره إنتي تدوسين ببطني وتعصبيني ..
- وآني شعليه؟؟ صفاء تره إنتَ بالفتره الأخيره صرت كلش ماتشوف گدامك وبس تضرب وتنرفز بيه وخصوصاً من شفت عباس لبسني التراچـي
حط إصبعه على شفتي بسرعه
- ااششش لاتذكريني بذاك اليوم الشفتچ بيه إنتي وياه كلما أتذكره اتمنى أموتچ وإذا هسه ذكرتي أموتچ هسه ماعندي مانع
- لا والله تايهتلك
- هاچ شوفي لسانچ
- صففففففاااء كاافي إنتَ صاير تتحسس آني نفسي إيڤان صديقتك ماتغيرت وهاي تصرفاتي وآني صغيره ميانتي وياكم إنتَ وعباس نفسهـا ماتغيرت بس إنت شبيك تغيرت؟ وهيچ تزعجك تصرفاتي؟
- أغااااااااااااررررر
بقيت صافنه ! هوَ باوع لنفسه متفاجئ ! الغيره مايفسرهه الا شي واحد وهوَ الحب وهسه يعني شنو ؟
سكتت..//
غيّرت الموضوع
- صدگ إنتَ شتسوي بكربلاء هنا سنتن ونص لاشايفينك ولاشايفنه جدو شگد إتصل بيك يگول ميرد ومغلق ليش هيچ
- شأسوي جاي إذا إنتي ماتحچين وياي ومتأكد لو راجع بوقتهه لهسه ماتحجين وياي بس شفتي شلون الزمن نساچ
- بس مو هيچ آني ..
إنتَ تعرف بيه بسرعه أسامح وأتقشمر بكلمتين
- ههههههـه إعتراف جريء
- لاتضحك والله صدگ آني فطيره بسرعه اتقشمر غير كل واحد يعرف نفسه وآني هيچ
- حمّاد نفسه يرادله رفسه
ضحكت بصوت عالي
گال:-
-زين ماإشتاقيتيلي بهاي السنتين ونص
إستحيت ودنگت ألعب بأطراف الشال شأگله يوميه أطلع جنطتك وأشم بيهه لو أگله گلادتك لابستهه لحد الآن
سكتت.//
ضحك ضحكه طويله
- هاي منين إجه الخجل لچ شنو هاي سألتچ شتاقيتي مو گتلچ خلي خدودچ يطفرن دم
دنگت مبتسمه
تقرب يمي ورفع راسي ونبت إصبعه بالنونه يتلمسهه برقه
- شايفه هاي النونه بعد كم يوم أعضهه
تفاجئت بجرأته عبست وجهي بعدمـا چان ضاحك ورمشت بعيوني
دفعت إيده وگمت
- رجعت لسوالفك دووخر عني حاسبتك مثل إخوي وأنتَ بطران
هوَ گتله هيچ تخبل وگام يصيح؛-
(مو إخوچ موو إخوچ)
رجعتله وبسرعه سديت حلگه
- لك إيي مو إخوي بس صوتك فضحتنـا
- إنتِ شسويلچ وأثبتلچ آني مو إخوچ
- لاتسوي شي بس خليك هادئ وهاي هيه شگد مخبل
غمزلي
- مخبل بيچ
- صفاء صاير كلش جريء علمنّك بنات الأنترنت .
- إي والله صحيح
-----------------------------------------------------
خلصن يومين شبعت ونسه كل شويه أدخل أزور فرحانه والفندق هم جان مقابيل الامامين (عليهـم الـسلام) وصفاء كلساع يفرنه ونتسوگ رجليه تكسرن من التفرفر والونسه .
قررنـا نرجع لان خلص الحجز وجهزنـا غراضنـا ونريد نطلع أبويه خابر صفاء شويه ووصل .
يباوع بيه بلهفه وشوق يريد يودعني
- هـا خالي راح تروحون؟
- إي والله يخالي رايحين
- شسالفه شبقيتوا إنتو دإبقوا بعد كم يوم
- لا والله إعذرنـا مناك رائد بالبيت وحده وبيتنا هم تايه
- براحتكم خالي مااجبركم
أبويه سئله
- چـا إنتَ ماترجع ويانه؟
باوع عليه وگاله
- لا ماارجع
- چـا صارلك سنتين ونص مانازل وجدك خابصنـا بيك كلش مشتاقلك ويتصل عليك ماتجاوب ليش عود؟
- خالي والله كلش مشغول
- چـا من چنت تنزل كل إسبوع وين إنشغالك
باوع بيه وإبتسم عود إنتي السبب آني دنگت وإستحيت
صفاء
- هوَ بسبب هاي الكل إسبوع تراكم الشغل وسويت تعويض بالشغل
- براحتك خالي
من گال ماارجع متت من الحرگه بقيت أباوع عليه بغضب وأهز برجلي منتظره تصير فرصه وأحاچيه بس ماكو .
شفته نزل ينّزل الجنط نزلت وراه ركض .
أول ماوصلت يمه سحبته من إيده بقوه وأباوع عليه وعيوني تجدح من الغضب
- إنتَ شلون تگول لـبابا ماأرجع هـا؟؟
باوعلي مستغرب ولمحت إبتسامه خفيفه على ملامحه
- شبيچ هيچ هاده تره إيدي أريدها
(وخزر إيدي الساحبه إيده بيهه آني هم إنتبهت لنفسي ونزلتهه خجلانه)
- لاتطّلع حجج ليش ماإجيت وأنتَ صارلك سنتين ماجاي ؟
- مو گلتي مامشتاقيلك بعد إلمن جاي؟
- هاي شوكت گلت؟
- من سئلتچ بالحديقه !
أشرت على نفسي بأصبعي
- آني؟؟؟
أصلا حتى مااتذكر گلت هيچ !
- سكتتي يعني تستحين تگليلي مامشتاقتلك لو مشتاقتلي چان گلتي بس لان تستحين ماگلتي
- ولازم أخاف منك إذا أريد أگلك مامشتاقيلك
- لاتسوين جمع يهمني بيچ إنتي إذا گلتي مشتاقتلي أرجع وإذا گلتي لا أبقى
وهسه شتگولين؟
آني كبريائي ماسمحلي أگله مشتاقلتلك استحي كلشش ماعندي جرأه هيچ وهوَ حرجني
سويتهه بشقى
- ماميتين عليك ولامشتاقيلك !!
صفن بيه مصدوم ضاج وفرك لحيته وسحب الجنطه بغضب بحيث الچروخ إتكسرن حتى نزيت
وصلنا للسياره وبقى واگف يباوع علينه لما حركنا وراح
تحركت السياره شويه مسافه مو بعيده عن الفندق تندمت حيل ف صرخت
- يااا بابا إوگف نسيت نسيت
- شبيچ شكوو
- صفاء إشتره سبحه لرائد وگال من تروحين ذكريني بيهه ونسيتهه خل أنزل وراه أگله
- لا آني أخابره وهسه يجيبهه
آني طفرت لان اريده احچي وياه وحدنا
- لا لا لا بابا راح يروح خل أنزل
وگف السياره ونزلت أركض شفته متقدم مسافه ويمشي ببطئ ويضرب بالحصو برجله ومدنگ صرخت وراه
- صصصففففااااء
إلتفت وشافني إستغرب حيل إجه يركض خايف
- شكو شبيجج؟
- تعال إرجع مشتاقتلك !وحييييل هم
هوَ بسرعه ضحك ضحكه طويله
- ههههههههههههـه هسه يلا عرفتي بنفسج ع الاساس ماميته عليه
- أنبني ضميري هههههـه
- روحي ماأرجع !
إختفت الضحكه وضليت صافنه ومستغربه
- شنوو؟
- ماأرجع
- تضحك عليه شنو؟
- إي ضحكت عليچ ردتچ تگوليهه من أول مره وماأقشمرج
حصرتني البچيه على قشمرته وع چذبتي على ابويه المنتظر بالسياره
بللت شفتي ورمشت بعيوني بغضب
صفن بحركتي وگال؛-
-شنو هاي؟
زجرت بيه
- بعد بحياتك لاتحاچيني وهسه جيب هاي
وسحبت السبحه الچان لازمهه ظل مستغرب وعاگد حواجبه
- بويه سبحتي أريدها
- شتريدني أكول لاابويه الچذبت عليه وكتله صفاء مشتري سبحه لرائد ورايحه أجيبهه؟
- خو من البدايه وگولي مشتاقتلك چان مامچذبه
ويبتسم بنصر
- مامشتاقتلك تف عليك
- هـاا هاي عليه؟
- إي عليك
خليته يضحك ويصيحلي .. والله طفله مخبله ..
رجعت للسياره أغلي چّذب عليه يعني.
.. سحر گالت ..
- ها بله وينهه السبحه؟
- هاي
- يـا من حـورها صارلنه ساعه واگفين
- تخبل والله
أبويه.گال خل اشوفهه أنطيتيهياه گال.هاي عقيق كلش غاالي ..
تشمتت بسحر
- مادام گلتي من حـورها الا ماانطيهه لرجلچ
غمزتلي
- چـا إلمن تنطيهه
- أذبهه بالزبل ولاانطيهياه
- إحتفظي بيهه لاتذبيهه مگششره !
وتضحك
كلماتهه صايره تغثني كلش وبس تلمح خبلتني ..
تقدمنـا مسافه وآني غفيت بالطريق .
گعدت من الطسات بطني مخبوطه .. عفست وجهي ضايجه . آني گاعده بالصدر يم بابا شغلت إغنيه وعليتهه بكل صوتهه وضليت أصور صاحت بيه أُمي ..
- ولچ إذاني إنطرمت وگفيه ..
- مـا.مـا خل أتونس ضايجه
- ولچ طفي الناس شتگول
وتعض بأصبعهه السبابه(حركة نسوان قبل ههه)
-هسه شنيه هيه حسره عليه أشغل اغنيه غير ذولي السيارات ديمرون يمج وإسمعي شمشغلين
- ولج طفي هسه يگولون ذوله سكارىٰ ومشغلين أغاني
- ليش بس السكارى يشغلون؟
صاحت بأبويه وعصبت
- إنتَ ماتشوف بنتك إستهترت گاعد تصفگ وياهه
گالهه
- خليهه تتونس
- وعلي أنزل إذا مايطفى لو آني لو المسجل
بنبرة غضب ممزوجه بحزن
- ماما سويتيهه أكشن هـا أهـا طفيته
(وطفيته بغضب)
خلصت الطريق كله غضبانه وبس أباوع من الشباك لازگه نفسي بالجامه بابا حس عليه زعلت مسد على إيدي وگال(لاتضوجين)
سكتت..//
نمشي بالسياره سرعه متوسطه ولمحت صفاء بسياره تفاجئت گعدت على حيلي بعدمـا چنت متكيه ظهري ع الكرسي ههههه
ضليت أباوع ع السياره لان سبقتنـا
صحت لبابا (بابا إمشي اسرع شنو هاي)
إجتني الصيحه -ولج تريدين نندعم
غمزلي بابا وضل يمشي أسرع .. وصلنا لهاي السياره شفته صفاء ضحكت وهوَ غمزلي ..
شگد حقير لمـا ضوجني يلا إجه حضرته ..
وگف بابا يفول بانزين وهوَ وكف يمنـا ونزل راح لبابا وبقوا يسولفون ..
شويه ورجعوا گال بابا
- بنات المتضايقه تروح وي صفاء بسيارته
بقينـا وحده تباوع بوجه إلخ.صفاء أشرلي بعيونه عود روحي .. آني طفرت گلت لبابا
- آني أروح
صاحت سحر
- إنتي إكعدي وإسكتي كرسيچ وحدچ بس إحنه المحصورين هنا إنجعصنا
- يـاا....أريد اطلع اغاني وأتونس
نزلت من السياره ورحت لسيارة صفاء صحت لاأُمي
- يلا ماما تعالي لمكانچ ولو أستغليته بس فدوه إلي
ضربتني على چفي
- بعد اموتج إذا أخذتي مكاني
غمزتلهه وضحكت
- حبيب الروح ويمج بعد شتردين
- فلا تستحين
يلا إنقلعي خل ارتاح من لسانچ شگد لوّه
رحت فتحت باب الصدر وگعدت وإجن سحر وحوراء ... أهو هم لحگتني سحر دوم من تشوفني مرتاحه لازم تخربهه عليه تغارر
صفاء بعده وأگف يم بابا يسولف وآني إستغليت السياره شكلت الفيشه بموبايلي وطلعت إغنيه ردح خاله وياخاله .
إجه صفاء متعجب وصافن عليه وعلى سيارته الاستغليتهه سويت إحتلال ..
- هاي شنو؟
أغني وي الاغنيه وأهز رگبه لان تقريبا الطريق مقطوع وشبه فارغ الواگفين بيه
- شنوو؟؟
ضل يمد بالكلمات ويأشر بأيديه على السياره
- شمــسويــه شلاعـبــه
جاوبت ببراءه
- مامسويه شي .. (ورفعت أكتافي وقوست حواجبي بحركه بريئه)
عصب وعگد حواجبه اشرلي بأيده ع السريع
- إنزلي إنزلي
بسرعه
ضليت صافنه بوجهه
- شنو؟
خزرني وحچى من بين اسنانه
- إنزززززللليي
سحبت الفيشه من موبايلي بقوه ونزلت معصبه وتوجهت لسيارتنه سحبني من إيدي
- وييين؟
- لسيارتنـا قابل وين
- چـا هاي الگدامچ شنو ؟ (ويأشر على سيارته)
خزرته بغضب
- طردتني وأگعد؟
-طردتچ؟
- إي
- لاماطردتچ ..
( أبويه أشرله وطلع كدامنا !)
عصبت وعليت صوتي
- أگلك إنت غبي لو مخبل؟ هستوك طردتني وگتلي إنزلي يعني آني إنطرمت؟
- اولاً ألفاظچ ثانياً جان قصدي تنزلين وتصعدين وره لأن آني ماميت عليچ نزلتچ من سيارة ابوچ بس من شفتچ بالصدر نزلتچ لان عيب
- إوگف إوگف آني دائماً أگعد بالصدر إنت شكو وبعدين وين العيب بالموضوع؟
همس يم إذني ..قصدي مو عيب قصدي اغار ..
صاحت سحر
- أگلكم نحرك لو تبقون تتناگرون شلون سالفه هاي آني شورطني
- آني ماأصعد
خزرني وعصر وجهه
- إصعددي
- ماأصعد
سحر
- آني عفت العالم كلهه تورطت وي إيڤان يربي
عطت بيهه بصوت عالي
- إنتِ شبيچ ماتشوفينه شلون طردني وتريديني أصعد
- لاتتجاوزين هوَ قصده أگعدي وره شعندچ بالصدر وآنتي بنيه حمره صفره وجهچ أبيض يلالي ويجيب التايه . والسوّاق كلهه تخوزر بيچ چا شبيه الوره مو هل إحنه گاعدين بيه لو بس إنتي
صفاء وكف وياهه
- رحم الله والديچ هـٰذا الحچي الصحيح أحطج على راسي
خزرتهم إثنينهم وعيوني تريد تنفجر من الغضب
صفاء
- يلا إيڤان إصعدي تره تأخرنه
صعدت يمهن وهوَ صعد من دخلت رگعت الباب مال السياره بكل قوتي حسيته إنشلع. مباشرةً التفت عليه خزرني وفتح عيونه حييييل
سويت نفسي مااشوفه وإلتفتت ع الجامه أباوع بقى بالدقيقه صافن بيه معصب اشوفه بطرف عيني . بس تجاهلته
دار وجهه وضرب الستيرن بكل قوته صاح بصوت عالي
- إيڤان إگعدي بالوسط
صحت بكل صوتي وشراييني طگت من العصبيه تخبلت
- صصصصففففاااءءء إمشي وإسكت
- والله ماامشي ولااتحرك خطوه إذا ماكعدتي بالوسط
- مااگعد بالوسط ضل واگف اليوم
حوراء صاحت متولوله
- اهههوووو شجابني وياكم إثنينكم مخابيل .
سحر صاحت
- إيڤان إگعدي بالوسط يختي
رديت بعناد ومكتفه إيديه
- ماأگعد
سحر
- صفاء إمشي خويه ولاتعاند
صفاء
- مااتحرك إاذا ماتوخر عن الجامه
سحر وحوراء صاحن
- وهسسسسه شلووون
رديت بنبرة هادئه ووببرووود
- نبقى هنا
بقينا وأگفين خمس دقايق وحوراء وسحر يتوسلن بيه وماكو وأيسن وإنتقلن لصفاء وهم ماكو
سحر كالت
- راح أتصل بعمو
بسرعه إلتفتت عليهه
- حتى إلا اسويچ عموو
- چـا خلي الولد يتحرك وإگعدي بالوسط
- زين هوَ شغاثه هل تشوفيني گاعده واباوع من الشباك بيش غاثته لو ماذيته
صاح بيه بصوت عالي
- والسواق التصفن بوجهجج
سكتتنّـا صوت رنة موبايله طلعه شافه بابا يتصل بيه خزرني وضحك گال ..نشوفچ تبقين هنا ..
رد عليه ويگله بعدنه ماواصليكم
ويأشرلي بأصبعه السبابه على حلگه بحركات متتاليه عود راح احچي وآني اسويله حركة الهنود وأتوسل بيه
أشرلي ع المكان البالوسط هزيتله راسي عود راح أگعد .. چانت سحر كاعده بيه كرصتهه وگتلهه
- گومي خل أگعد امري لله
تبادلنـا بالاماكن وهوَ يضحك وجّه المرايه عليه وبقى يباوع بيه وآني بس اتأفأف خلص إتصال وزفر نفس .
صفاء
- هف أخيراً هسه يلا إرتاحيت
خزرته معصبه وهوَ طگهه ضحكه ومشىٰ
چان يسوق سريع وبس صافن بيه بالمرايه .كلشش خفت لايسوي بينـا حادث والحوادث كثرانه .
تكيت راسي ونزلته على الكشن مال كرسيه ونمت .
ندسني براسي وهمس
- إيڤان إگعدي... إگعدي
- چؤؤ چؤؤ شتريدد
- عيوني بعدهن ماشابعات بشوفة وجهچ
- إذا تريد تگلبنه من هسه گول تره رائد يريد مرته يلعب جوله وآني هم أريد أعيش
ضحك وگال
- بس إرفعي راسچ وميصير شي
- چؤؤؤ چؤ چؤ أستغفر الله
ورفعت راسي واقلب بعيوني كلساع وهوَ بس صافن بالمرايه ويتمضحك ..
يتبع ..

الـعـبـاديــه🌻🌼
قناة القصه تلگرام
@alabadyia_0

[لامارا]

رَشفة عشق
الـعـبــاديــه
البارت _7_


وصلنـا للبيت تعبانين وهلكانين أول ماوصلنا گعدت يمهم شويه بقوا صفاء ورائد يسولفون وأبويه وياهم سوالف وضحك بعدين ابويه طلب من حوراء تفرش لصفاء لان تعبان وهيَ چانت بوقتهه تلعب بالايباد وصاحت ..مـاا .. أبويه خزرها بس هيَ مامنتبهه وجهه بالايباد هوَ گال
- عوفهه عمي هسه إيڤان تفرشلي
وباوعلي مبتسم بحب
سحر ضحكت بمكر وگالت :-ثاني مره تگول عمي
هوَ فشل منهم وكلهم ضحكوا وسحر تخوزر بيه وتتبسم هوَ من فشلته حك لحيته وگال:-
- هـه لأن متعود على مسؤل الشغل اصيحله عمي هسه خربطت شويه ههههه تحملني خالي
أبويه طبطب على متنه وگاله
- ميخالف براحتك خالي صيحلي باليعجبك
رحت جبت فراش وفرشتله بالاستقبال .. صحته وإجه تمدد بفراشه گال بتعب :-
- إيڤان جيبيلي بطانيه وياچ
تذمرت مزعوجه
- صفاء تره الدنيا حااره شسالفه
- بس آني بردان
سحلت نفس بعصبيه
- هـف مااشي
رحت جبتله بطانيه وردت أروح صاحني
- إيڤان
جاوبت بإنزعاج ونفاذ صبرر
- هـاااا ؟
- بعد مخده
تولولت مزعوجه
- اهههـوووو صفاء والله تعبانه شبيببيييك
- يلا خل تولي روحي نامي
گلبي ماانطاني اعوفه رحت جبتله مخده وإنطيتهيا إبتسم وأخذهه گال :-
- منتبهه كم مره أصيح لاأبوچ عمي وهوَ خالي ؟
طبگت حواجبي مستفسره
- يعني شنوو ؟ مافهمت أي كلمه تره
أخذ حسره وزفر نفس
- روحي نامي روحي
- يلا رايحه خل انام احسن كلش تعبانه
رحت نمت نومه عميقه حييل لأن كلشش تعبانه
گعدت المغرب رحت شفت صفاء بعده نايم وأهلي گاعدين يحضرون عشا .
راسلت صديقتي تعلمني شلون أسوي فيس علمتني ع الخطوات وطلعت شرح ع اليوتيوب وسويت حساب ع الفيس سميته {تٌَــٓرفٌِـ.ٓ.َـٌــّه} مزخرف وبقيت أتصفح بيه .
نزلت ساعدت بالعشا تعشينا وكل شويه ألمح صفاء صافن عليه ومن انتبه يدنگ بسرعه .. سوينا شاي وحضرنا زلابيه وبقلاوه بمواعين واخذناهن للاستقبال وبقينـا نسولف صارت الساعه بـ12 الكل راحو نامو بس آني بقيت أتصفح بالفيس ويمي حوراء تلعب بالايباد .
حوراء عدهه حساب انستا ومتابعه صفاء ومتابعهه عادي .. گاللي
- انطيني حسابج انستا ؟
آني فكرت اذا انطيه حسابي اتقيد وبس يسوف ولد متابعني يلعب لعب وآني متابعيني بالثمانين ألف لان احط كله نص من وجهي وانشر يومياتي واذا يشوفهن يتخبل ..
گتله
- مااريد ماانطيكياه
ضيق نظراته عليه وخصم عينه
- ليش شمعنى ؟
رفعت حاجبي متشمته
- خصوصيات .
ضحك وهز إيده لان هاي كلمته ..
- هـه عادي لاتنطيني مو مشكله
بقوا هوَ وحوراء يكنكون بنفس الموبايل هوَ مشغل فيديوات وهيَ تباوع وياه آني غرت رحت ودحست نفسي بنصهم باوعلي رافع حاجبه وضحك يستهزأ بيه دفعته من متنه
- شويه سويلي مجال
عض شفته بقوه ويضحك .. سوالي مجال وكعدت بينهم .. گالهه
- حوراء تره اني كلشي ماكو بالانستا هسه سويت حساب علميني تعاي
اني مباشرةً طفرت گتلهه
- لاتگوليله حسابج بس ولد يعلقلج يضل يعيرج
خزرني مصدوم وبقى يرمش بعيونه تنهد وحط الموبايل بوجهي وضغط على تطبيق الانستا حيل وحذفه .
حوراء شهگت وباوعتله
- ليش حذفته گوه صار
دفعني علمود يطلع وگام معصب
- خليها ترتاح
بقيت صافنه واباوع بحوراء شبيه هـٰذا هيچ تعصب ..
هيَ عاطت بيه ..
- انتي شبيج تخبلتي اني وياه إنتِ شكو ؟
آني تخبلت وعطت بيهه
- شنو اني شكو أصلاً آني اذا ماعندي علم صفاء ميسوي شي
سمعت صوته وراي
- هَـه الظاهر بعدج متعرفيني وإنتِ لحد الآن كلشي متعرفين عني حوراء تعرف اكثر منج !
بقيت صافنه بوجهه متفاجئه وهوَ ينظرلي بإنتصار ورافع حاجبه
غمضت عيوني فشلانه وهزيت راسي وگمت
مشيت ردت اطلع وصلت للباب ورجعت عليه قربت وجهي منه وگلت بهمس
- الله يثخن لبنكم
يباوعلي منتصر وگال
- هوَ لبنّه ثخين
خزرته بحقد وطلعت ..
رحت گعدت بالصاله وإجه هوَ وراي وكعد يكنك يمي عبالك لاحكني وين مااروح يجي وراي
فتحت حسابي وداگلب بالفيس .. طلعلي إقتراح طلب صداقه صفاء الـ....... &
مباشرةً دزيتله طلب لحضات وهوَ وافق لان هوَ هم چان لازم موبايله .
رفع راسه وخزرني بتفاجأ گال
- إيڤان عندچ فيس ؟
آني إرتبكت وبقيت امتمت گتله
- هـا ؟؟ لا ماعندي
گلت لا لان هوَ منبه عليه مااسوي فيس ومره تعاركنـا بسبب الفيس بس هسه سويته لان مليت بس ع الفايبر والواتساب والانستا مابيهن شي .
دزلي ع الماسنجر ..هلاو ..
صوت رنة الرساله مال الماسنجر مسموعه وجان الجو هددوء إلتفتت عليه الموبايل بإيده وخازرني ..
گام يدز والاشعار يجيني ويضحك مستهزأ بصوت عالي . مباشرةً سويتله حظر وإيديه ترجف ..
گام تقرب يمي ووگف على راسي آني دنگت خايفه وشفتي ترجف واسناني تصطك من الخوف .. مااگدر أرفع عيني بعينه وگف جامد ويحچي بغضب مكتوم ويضغط بأسنانه
- آني مو گلت فييييس مااكووووو
رفعت راسي خايفه واتظاهر القوه
- قابل شمسويه آني
ضحك بإستهزاء
- هـه ترفه ...؟
نزل راسه ويهز براسه ..
-إيڤان ترفه ؟ ترفه مو .. ؟ بسيطه
قررت إعترف وهيَ كايسه كايسه لو بالهدف لو بالنجف
- بس آني حرام عليه وإنتَ عليك حلال موو؟
زجرني بعصبيه وصوت عالي
- آني وووولللدددد
- وإذا ولد شنو الفرق يعني؟
- هـا شنو الفرق؟ تريدين أراويچ الفرق
فتحت عيوني مصدومه
- لا لا لا مااريد تراويني
- عطلي الحساب
- لييششش؟
عصب ويضغط على مخرج الحروف وهـٰذا طبعه من يريد ينفجر
- عطللي الحححسسساب
حولت بنرتي إلى هادئه متوسله .
- والله اخليه خاص وبس صديقاتي فدوه
شال موبايله ورگعه بالگاع نزيت وطفرت من يمه
عاط بصوت
- عطلللللليي
كلش خفت ردت بس اسكته
- اي اي اعطله بس إسكت
گعد ويفرك بوجهه لان صار نار شويه هدأ وهمست
- بس مااعرف أعطل
بنتر
- جيبي
سحب موبايلي بعصبيه وفتحه لگه رمز
- إفتحي
فتحته إله وعطل الحساب ومسح الفيس وأخذ موبايلي وراح
- هـا هـا تعال موبايلي وين ؟
- إوگفي دقايق
خفت لايشوف صوري لان كلهه بملابس البيت وتراكات ولبس ضيق وصور صديقاتي سمعت صوت الموبايل طفى وشغله ولحظات وإنطانياه .
أخذته منه بدون رمز !
تفاجئت فتحته ولاصوره ولابرنامج ولاأي شي!
تخبلت ركضت عليه
- لاتگول فرمتته؟
يحچي بكل هددوء وجمود
- إي فرمتته
عطت عليه
- لك إنتَ مو سمحلك تفرمته گتلك آني فرمته؟
- حتى بعد تبطلين ماتصورين بيه
- وأنتَ شعندك تفتش بالصور هـٰذا موبايلي الخاص ماالك حق تفرمته فااهم
- نفرض ضاع شراح تسوين؟
تريدين ينشرون صورج بهاي الفضايح والموبايل مو آمن وحتى يگدرون يسحبوهن ومن خلال الفيس هم .. چـا ليش أكلج لاتسوينه وصور بعد بطلي مااشي
ضربني بخفه بطرف إصبعه على متني وطلع خلاني مبسمره بمكاني وعيوني ناطه من الحرگه
بقيت ارجف من الحرگه ردت أموت ... گعدت ع القنفه أهدا بنفسي مااگدر اهدأ موبايلي بيه كل صوري وصور صديقاتي التزوجن وتفارقنا من دخلنا كليه وتسجيلات صوتيه وفيديوات متت قهر متتتتت .. محتفظه بيهن صار سننننيييين
طلعت لگيته يمشط ع المرايه بكل هدوء وببرود مديت إيدي إله وبيهه الموبايل
- موبايلي مااستقبله بدون صوري هسه تشوف حل روح لااصدقائك اهل الحاسبات خل يرجعون كلشي مااعرف شوفلك حل
ضحك بإستهزاء
- روحي حبابه روحي
تخبلت بقيت أعيط عليه وهوَ هاددئ وباارد ثلج ضربته على صدره أريد هذا الجبل مال الثلج يذوب ماكو بقيت أگمز وأبچي
- جييب الصوووررر
تفاجئ بيه وبقى فاتح عيونه على وسعهن ممتوقع ردة فعلي شبك إيديه سويه وثبتني بالگاع وحط عينه بعيني ويهمس بصوت ناصي ... اشششش ...
ماسكتت وبقيت أبچي طلعوا أهلي يركضون بابا تقرب يمي گال
- إيڤان بابا شبيچ؟
مسحت دمعتي وشهگت
- بابا صفاء فرمت موبايلي وكل ذكرياتي بيه وهسه أگله رجعهن مايقبل
بابا باوع على صفاء وهوَ إستحى وصار وجهه أحمرر دم من الانحراج . گصته تعرقت وبقى يمسح بقطرات العرق ومدنگ
- خالي ماادري بنفسي من فرمتته صارت بالغلط عود ردت اسويه إلهه ومااعرف شلون تفرمت
بابا إبتسم مجامله
- عادي ماصار شي
باوع عليه وگال .. بابا إيڤان ماصار شي
بقيت أعيط وابچي
- بابا چذذاب والله هوَ فرمته يريد يحرگ گلبي
- ماصار شي
- شنو ماصار شي أگلك ذكرياتي مال المتوسطه والاعدادي كلهه بيه
- إيڤان أشتريلچ آيفون بس إسكتي
بابا چان مواعدني بآيفون من أتخرج وآني ألح عليه أريده هسه وهوَ ميقبل بس هسه راد يسكتني
عطت
- شنو آني صغيره وتسكتني بآيفوون
بقيت أعيط وبابا يهدأ بيه ومااحس الا عييطه قووويه رجت البيت رج ،،، سكتتني وخنستني خلتني أررجف وأختل بظهر بابا
- كككككاااااااففففففيييييي
آني فرمتته آني شتريدين تسوين يعني عاجبج وضعج صورج كلهه مفضوحه ومخليتهه بموبايل مو آمن وبيه فيس فوكاهه حتى مباشرةً يسوولهه سحب ماتتوبين من هاي البنات الدتوگع بالمشاكل بسبب هاي الصور
ختلت بظهر بابا وآني اباوع شكله مگلوب وعصصبي حيل دماراته بارزه وقابض إيده
تقرب يم بابا وگاله
- خالي ولو ماتقبل عليه بس نصيحه لاتخليهه تلتقط صور بالموبايلات
بابا بعده مامجاوبه خلى وطلع ورگع الباب قوي وراه بحيث نزيت من قوة الضربه
بابا التفتلي فشلان وآني حضنت ظهره حيل فشلانه مااگدر احط عيني بعينه فلت إيديه ودارني عليه وبقى يعاتب بيه .
- هيچ تعاملين خطاري؟ هاي زادهه إيڤان الولد صارله 3 ايام ماخلى مكان مافرنه بيه ماخلى أكل ماخلى فندق ماخلى ونسه وضحك فلس أحمر ماخلاني أدفع وحتى بانزين سيارتنا هو فوله ماخلاني ادفع ووصلچن بسيارته خاف تتضايقين شإگول عليچ إيڤان شأاااااگووول
بابا عصب حيل وأول مره يعصب هيچ عليه بقيت أبچي آني هم فقدت أعصابي من فرمت الموبايل عناد بيه تخبلت
صياح بابا ملئ البيت ووجهه صار احمر من العصبيه
إجه رائد دفعني .. إصعدي فوگ بسرعه ..
ركضت لغرفتي أبچي بعده ماإجه وبلشت المشاكل ..
تكرفصت بالگاع وبقيت أبچي واشهگ مقهوره من بابا ومقهوره على صفاء .
بقيت شويه علما بابا يهدأ .
صارت نص ساعه ونزلت لگيته گاعد ع التخم ولازم راسه ويتنفس سريع ..
ركضت عليه خايفه گعدت بحضنه وبقيت ابوس بيه وهوَ ماتحرك
- بابا حبيبي آسفه والله آسفه مااعيدها
دفعني بخفه حاول يبعدني عنه وآني كورت نفسي بحضنه ..
گال بصوت تعبان
- إيڤان وخري عني
قويت حضنتي حيل وجاوبت بطفوله
- مـا .. مـا
-إيييڤڤڤڤااااااان
مباشرةً دموعي صبت وبقيت ابچي
- بابا والله آسفه كلشي ولازعلك
- شيفيد الاسف شيفيد إذا صفاء طلع زعلان ؟
- آني أرجعه والله اعتذر منه واخليه يصالحني إنتَ ماتعرف بمشاكلنا دوم هيچ قابل اول مره
- بس مو ببيتي ياإيڤان
- باچر اروح لبيت جدو وأعتذر منه واعزمه على العشا
- بكيفج اهم شي ماياخذ بخاطره من عدنه
- ايي بس إنتَ تسامحني ؟
حضنني ومسد على شعري
- شعندي غيرچ آني
ضحكت وبقيت افكر شلون اصالح صفاء ابو راس يابس .. عنيد بشكل واذا عند بعد هاي هيَ ..
،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،،،،،،،،،،،،،،،،
ثاني يوم الصبح رتبت نفسي لبست ثوب طويل ومخصر بطريقه حلوه ومن الصدر حاطين بيه اسفنج والردن عريضه وبيهه لاستيكه ومن الخصر بيه حزام مزركش ومن الاسفل مثلثات وبيه كراكش .. لونه اصفر طوخ ولبست حذاء كعب شفافه وصبغت اظافير رجليه لون اصفر ذهبي وشال بيجي ولبست محبس فراشتين ناعمات ... طلعت كلش حلوه مارحت للكليه وتوجهت لبيت جدو رغم ماادخله من اهد ماطردني عباس .
دخلت لگيت عباس يغسل ع المغسله ويدندن إبتسمت بداخلي شكد مشتاقتله .. من سمع رزة الباب من سديته التفت صارت عينه بعيني رمش عيونه متفاجأ ودمع همس بصوت ناصي (إيڤاان !!).
آني رفعت راسي وبعدت نظري عنه .. رفعت حاجبي ومشيت اريد ادخل للصاله سمعت صوته ..
- إيڤان شلونج ؟
التفتتله باوعت بأستصغار وردت ادخل سحبني من إيدي بسرعه لفني عليه وبچى
- إيڤان ليش هيچ والله آسف ذاك اليوم عصبي حييل وصرتي بوجهي
آني شفت دموعه تخبلت بقيت ابچي وياه حتى الكحله سالت
- إنتَ رزلتني ماگلت إختي المدلله حرام عليه اضربها وآني بابا بكيانه ماضاربني
- آسف آسف بعد ماعيدها عاقبتيني عقوبه بحياتي ماافكر اعيدها
ضحكت وگتله
- شحدك تعيدها
ضحك وضربني بمتني
- حتى تشنقيني غير
- هههههههه
- دمسحي كحلتج لطشت عبالك صخله ملمغه
ضحكت مدمعه وضربته
- عابت تلحگني انتَ
- ديلا يلا ملكه ديانا
- غصباً عليك
دخلنا للصاله جانوا مجتمعين إجتماع مابعد الريوگ .. بيت جدي بيهم طبع بعد الريوگ يجتمعون وشكو سالفه خبر او حدث ينتقل بهـٰذا الاجتماع .. اول مادخلت گال جدو
- اييي شنو هاي إيڤان اليوم تگولين للگمر وخر اني بمكانك
ضحكت بخجل وخدودي إحمرن
عباس طفر
- شسالفه جدو ماشايفلك صخل.. ؟
جدو رد عليه وفشله
- احلى منك
بقينا نسولف ونضحك وآني وعباس كاضينهه ملافخ كلساع اضربه ويرجعلياهه ونتشاقى .. شويه ونزل صفاء عيونه حمر ومورمات وشعره مبعثر ولابس فانيله تعلاگه وبرموده قصيره وعاگد حواجبه بإتقان مبين توه گاعد من النوم باوع عليهم كلهم شافني وخزرني من شاف عباس گاعد يمي گال من ورى خشمه وبصوت ممسموع
- صباح الخير
كلنا ردينا عليه بس عباس گاله
- صباح الظهر
خزره ورفعله حاجب وراح هـٰذا كل عقله يغار من عباس !!
راح غسل ودخل للمطبخ الكل يسولف وآني عيني عليه لان المطبخ اله بابين واحد بداخل الصاله وواحد بباب للطارمه .
يتحرك ونظراتي تلاحقه ..
فتح القوري وعگد حواجبه وسد القبق حيل بكل قوته وصاح
- خاله شسالفه مامخليلي چاي
خالتي گالتله
- يمك بالقوري شسالفه
اخذ القوري ورگعه بعصبيه
- وينه يعني قابل مااشوف
خالتي گالتله
- ايي يمكن قبل شويه قدموه لصاحب جدك توه چان يمه
- وهسسه شلون ؟
خالتي باوعتلي وضحكت بإنحراج
- إيڤان بيچ حيل تسوين ؟
آني طفرت وتحولت لكتله من النشاط
- اي اي خاله بيه حيل
رحت للمطبخ وهوَ سحب الكرسي وگعد رحت اخذت القوري وحطيت بيه مـي صفن بيه و گال
- لاتسوين مااريد بس سدي الباب
تفاجئت وعگدت حواجبي بإستغراب
- شنو؟ ليش اسد الباب؟
جاوب بدون ميباع بوجهي
- اريد ادخن مااتحمل بعد
هوَ مايدخن بس مقابيلي ومقابيل عباس لان اقرب اشخاص إله لان جدو ميقبل يدخن ومهدده بس يدخن يلعب لعب .
- صفاء انتَ مو گلت بعد ماادخن
رفع إصبعه تهديد وضغط على اسنانه
- معليج فكي مني وهسه سدي الباب
عصبت حيل وعبست وجهي
- معليه آني اسوي الچـاي واطلع مثل ماامرتني خالتي
جاوب بعصبيه ويگز على سنونه
- لج إيڤان سدي الباااب
- صفاء اطلع برى ودخن انتَ شگد غبي ماتگول الريحه تبقى بالمطبخ وبعدين شيگولون اذا اسد الباب واحنه بالمطبخ سويه ؟
- خوش إيڤان ابقي لاتسدينه وشوفي شأسوي بيچ
- اوو آني شعليه
خليته كاعد وتقدمت اريد اطلع صاح بصوت عصبي وشبه همس
- إيڤان والله إذا طلعتي متلومين الا نفسچ
التفتتله خزرته ورفعت حاجبي وطلعت .. شويه وسمعت صوت شي انكسر خالتتي ركضت عليه مباشرةً آتي بقيت بمكاني وعاگده حواجبي
- شكو شبيك خاله
اسمعه يگلهه
- صبيت الچـاي والاستكان مغسول بمي بارد والچـاي حار ف طگ وانكسر
- يلا فدوه
أسمع خالتي تحاول تخليه ياكل بس هوَ معند ميقبل وبس يسفت چـاي ..
آني عود جايه اصالحه طلعت بمشكله اكبر . قررت ابقى للعصر رحت بدلت ملابسي وتغدينا واخذنا داس اني وعباس بالبلاي والكل راح ينام وصفاء بعد ماشفته ..
شويه ونزل راح للحمامات تقريباً نص ساعه وهوً ماكو بقيت ألوب شيسوي بالحمامات .. ؟
طلع بس وجهه مو طبيعي وعيونه حمررر خزرني وصعد ..
طلعت وراه للحمامات اتفحص بمكانه الحمام كله ريحة جكاير تكتل والگطوف مشمره تقريباً مال باكيتين هـٰذا ميفكر ابدد ..
صعدت بسرعه لغرفته تذكرت ذيچ المره وكلبي رجف بعدين قويت نفسسي ودكيت الباب ماكو صوت دورت الطابق كله ماكو ..
شفت باب السطح مفتوح رحت اتقنص على كيفي ودخلت بهدوء للسطح شفته گاعد وحاط إيديه على ركبه ومدنگ راسه بيأس ويجر نفس بالجكاره ويغمض عيونه ويتحسر ..
مشيت بخطوات مسموعه التفت عليه شافني وجر حسره شكبرهه ورجع يجر نفس بالجكاره تقربت يمه گعدت وهوَ نظراته مركزه بالشباك الصغير اليطل على الحديقه من فوگ ..
تقربت منه ... بقى يتنفس قوي من قربي وانفاسه تسارعت اني ردت اخدعه بقربي ..
شفته تخربطت احواله واستسلم وبس الجكاره بحلگه .. تقربت على كيف وسحبت الجكاره من حلگه بكل قوتي انصدم وفك عيونه متفاجئ
- شسويتي ؟
بعدت إيدي البيهه الجكاره وعطت بيه بعصبيه
- كافي جكاييررر كافي حتموت نفسك
باوعلي بتهديد ومخنزر عيونه بيه
- جيبيهه إيڤان
رديت بعناد وإصرار
- مااجيبهه شوف حالك شصار بيه
عاط بيه فززني
- إييڤڤاااان جيبيها لاتطلعين صوتي
جاوبته بعناد
- مـاا
ركض عليه لوه إيدي لوره ظهري وركز بوجهي انفاسه لفحت بوجهي وجسمي يرجف وايدي موتتني الم
- اخخ صفاء إيدي
يحچي من بين اسنانه وعصبي
- بعد من اگلچ شي لاتعاندين وأسمعي الكلام فهمتتيي
- اي اي فهمت بس ايدي اخخ
عيوني جرن دموع من ألم إيدي وهوَ ثبت إيدي وسحب الجكاره حطهه بحلگه وشمر إيدي بعصبيه حسيتها انخلعت ..
اول ماشمرهه عطت بصوت عالي ووگعت بالگاع وبچيت
- اخخخ
عگد حاجبه ومن شافني اتألم صدگ ركض عليه بخوف وقلق
- شبيج؟
لزمت إيدي قوي وبقيت اشهگ و ابچي
- اخخخ ماما إيدي حموت
هوَ سحبها يدلك بيهه ويستغفر وينافخ .. دلكها ويعصر بيهه بأيد وإيده الثانيه جاب جكاره وورثها تخبلت سحبت ايدي منه بعصبيه بقى صافن وگفت وگتله
- والله حروح لجدو اگله ديدخن
خزرني بكل قوته وعيونه طفرن شرار گال بتهديد
- إيڤان إگعددددي
- والله مااگعد ورايحه
تقدمت خطوتين وبسرعه سحبني من إيدي ودارني عليه
- اشش لاتگولين
- لك شوف شصار بيك راح تموت نفسك من التدخين
- ماادخن بس لاتگولين
- اوعدني
جر نفسي ورفع حواجبه تنهد وگال
- وعدد
- انطيني الباكيت
مديت إيدي للباكيت خزرني وگال
- خلي عندي
- اى وين لاگيهه توعدني واخليه عندك حتى تسحب كلساع وحده
- لا والله مااسحب بعد وعدتج
- مااثق انطينياه صفاء
- ماشي
حطه بإيدي وصفن بوجهي خجلت وردت اروح سحب نفس طويل وزفره كال بصوت مقهور .
- إيڤان دتتعبيني حييل
تفاجئت واشرت على نفسي متفاجئه گتله بصدمه
- آني؟
هز راسه بتعب وثقل گال
- إي إنتِ إيڤان
- بس آني ممسويه شي مأذيتك بيه
- تصرفاتچ دتقتل بيه ع البطيء
رفعت حواجبي واشرت على نفسي
- آني؟
عصب ورفع حاجبه
نتر
- لا جدي
جر نفس وزفره
-انزلي انزلي الظاهر الكلام وياچ بدون فائده
إيڤان
- صفاء آني شعليه إنتَ مدري شبيك متغيرر واني تره اجيت اعتذر ع السويته البارحه والله مو بقصدي بس انجنيت من شفت الصور مموجودات ومتتخيل شگد چنت محافظه عليهن مااقبل احد يشوفهن لان صديقاتي بالابتدائي والمتوسط والاعدادي كلهن بيه
- إيڤان ثقي بالله كل تصرفاتي خوفاً عليچ ولمصلحتج يجي يوم وتگولين همزين هيج سوه صفاء
- اممم


يتبع ...
الـعـبـاديــه🌼🌻

[لامارا]

رشفة عشق
الكاتبه_العـباديـه
البارت _8_

بيج قصص الكاتبه العباديه
إيڤان ثقي بالله كل تصرفاتي خوفاً عليچ ولمصلحتج يجي يوم وتگولين همزين هيج سوه صفاء
- اممم بس المفروض متسوي هيچ وتحذفهن
- لچ بس شفت الصور تخبلت إيڤان اذا احد شاف الصور غيري أموت تعرفين شنو أموت ،؟
إستحيت وخدودي صارن حمر نصيت راسي خجلانه وسكتت ماحچيت هوَ إبتسم وگال
- يلا إنزلي خاف يجي أحد يشوفنا شيگول
- مأإششي
نزلت وگعدت بالصاله شويه ونزل وراي يباوعلي ويبتسم آني دنگت خجلانه من نظراته ..
تغدينا وطول ماآني كاعده يجيب ويحط مقابيلي ويگلي اكلي آني اصلاً مااشتهي بس جابره نفسي گاعده ع السفره ..
صفاء
- هاچ إيڤان إكلي
إيڤان
- مااريد شبعانه
- دكلي اكلي
- مااريد والله
اشرلي بحواجبه وعيونه ع الاكل عود اكلي أخذت الماعون وبقيت انقش بيه علموده . عباس ضربني على ظهري گال
(منين مستحيه ولج منچ مم الشيطان)
اول ماضربني غصيت وبقيت اگح بكل قوتي اريد اسحب نفس ماكو لان دآكل وهوَ ضربني ف شرگت .. عيوني دمعت واسحب هوى قوي اجه صفاء يركض عليه يضرب على ظهري ويگلي تنفسي حسيت التمن صعد بخشمي وبقى يحكني شربت مي وتنفست براحه صفاء ركض على عباس لزمه من ياخته وبقى يعيط عليه
صفاء
- لك انتَ شبيييك ماتگليييي
عباس بخوف
- صفاء شبيك داتشاقه وياهه
- هوَ هيچ الششقققـه؟
جدو بقى يفاكك بينهم وصفاء عيونه مدخنه من العصبيه تخبل فد نوب آني شفته هيچ گتله
- صفاء عادي مصار شي إحنه دائماً هيچ شقانه
عاط بعصبيه
- هوَ شنو مصار شي غير اختنگتي
خزرته بعيوني حيل
- صفففااءءء
خلى وطلع معصب ووجهه مايگصه الطبر جدو گال لعباس
- انتَ مو نهيتك من هـٰذا الشقى لو لا ؟
عباس
- هوَ شعليه آني وإيڤان نتشاقى هوَ شكو .. ؟
- يعني عاجبك من البنيه وصلت الموت وغصت
- ياموت جدو رجاءً لحد يتدخل مادام إيڤان تعرف شقاي وقابله لتتدخلون
خلى وطلع ..
والله احتاريت بيهم اثنينهم واحد اضرب من اللخ ..
دخلت بالغرفه بقيت اتصفح بموبايلي شويه وحسيت خيال فوك راسي رفعت راسي وشفته صفاء وجهه مبوز وعاگد حواجبه بإتقان مد إيده وگال بعصبيه ...
- إنطيني الجكاير
تفاجئت وبقيت اباوعله مصدومه
- شـنو؟
هز راسه وگال بنفاذ صبر وعصبيه
- الجكاير إيڤان الجكايييرر
- إنتَ شوعدتني ... ؟
غمض عيونه حيل وگال من بين اسنانه ويضغط على مخارج الحروف بحركته الارجف منهه
- إيڤان الجكاييييرررررر
عطت بصوت عالي
- هيَ شنو كلشي صار وگلت جكاير ودخنت من شوكت إنتَ تدخن؟
رفعني من متوني خلاني واگفه بعد ماچنت گاعده ..
- گومي طلعيهن
- مـاانطيكياهن
راح إتجه لكنتوري وبقى ينفش ويصيح
- وينهننن ويـــن ضامتههنن ويــيين ..؟
-صصفففااءء كافي باع شسويت بالملابس
- جيبيهن إيڤان
دمعت عيوني وعطت بيه بعصبيه
- هاي هيَ صفاء راح انطيكياهن بس ثق إذا مهتميتلي ودخنتهن بعد إذا حچيت وياي كلمه لو يعدموني مااحچي وياك
بقى ساكت وبس يخزر بيه .
مديت اصابيعي جوه الكنتور وطلعت الباكيت بصعوبه شمرته عليه بعصبيه وازفر انفاسي بغضب وهوَ لگفه بصعوبه راد يوگع من إيده .
راح سد الباب ووگف عليه خاف احد يدخل وطلع الجداحه وحط الجكاره بحلگه ويباوع عليه رافع حاجبه آني صافنه عليه اريد اشوفه يسويهه لو لا .
باوع بيه ونظرلي بإنتصار شغل الجداحه وقربهه للجكاره ببطئ وبعدهه ورجع قربهه وبعدهه بقى يقرب ويبعد
لمـا آخر شي سحب نفس وباوع بيه وحط الجداحه ع الجكاره وورثهه بقيت اغلي رحت عليه دفعته بعصبيه عن الباب اريد اطلع ماخلاني ضربته بقوه على صدره
- وخرررر وخررررر
-اششـش صوتج مااسمعه
تخبلت وبقيت اهمس بعصبيه خاف أحد يسمع
- وخرررر عنييي خل اطللع
نفخ الدخان بوجهي وكال بهدوء
- ماكوو طلعه
بقيت اگح لان اختنگت من الدخان
- وخرر والله اعيط
جاوب بهدوء واستفزاز
- عيطي
دموعي صبن من الحرگه وبروده المستفز حطيت إيديه على وجهي وبقيت ابچي هوَ شافني هيچ فتح عيونه حيل وذب الجكاره بسرعه ع الكاشي وداس عليهه بطرف رجله بحرگه ..
تقرب يمي وخر إيديه من وجهي ويباوع بيه بتركيز آني نصيت راسي ونزلت عيوني وبس صوت الشهقات الخفيفه مسموع ركز بوجهي بخوف همس بقلق ونبرة هدوء
- إيڤان شبيـج؟
- خل اطلع
- علمود الطلعه تبچين؟
- صفاء مااتحمل ابقى يمك لحضه فدوه خل اطلع
رمش بعيونه بعصبيه وحرگه جر نفس وتنهد
- لهالدرجه كارهتني؟
هزيت راسي بهدوء بأي حسيته تخبل من هزيت راسي
ضحك وفرك وجهه بعصبيه تحول لونه أحمر عصر إيده قوي وبرزت شرايينه
- رايح وبعد متشوفين وجهي وعد
رديت بنتر وإستهزاء وبسمرته
- متعود انتَ ع الوفاء بوعدك ف اكيد اثق بيك
خزرني حيل حسيت عيونه حينفجرن ولّـم شفته وعصرها بغضب الشراييـن البرقبته كلهه برزت بشكل مخيف صم إيده وضرب الباب بعصبيه
- إيڤان راح تخبلييني شبيـچ إنـتِ شبييــچ؟
جاوبت ببراءه وبرود وهوَ يتخبل من هاي الحاله
- شكو شصاير... ؟ شبيه... ؟
عاط بيه بصوت عالي فززني
- انتِ شنو هالبرود العندج كافي مللتيني طلعتيني من طوري
- شمسويه قابل..؟ گاعده وساكته وإنتَ إجيتني
- ٱيڤان اني تاليتي بالشماعيه من وراچ
رديت بإستهزاء واضحك
- ايباااااااخ تلوگلك والله
تخبل فك عيونه حيل وطبگني ع الحايط بعصبيه لزمني من فكي قوي وعصره بإيده حتى شفتي حسيتهه تطبگت عگدت حواجبي وخازرته ..
يحچي ويضغط على أسنانه
- قسم بالله هاي التصرفات إذا مابطلتيها عندي وياچ حچي ثاني !!
آني مااگدر احچي لان شفتي معصوره ويه طبگة فكي بس بقيت اصيح بصوت عالي (اممممممم) وأضرب بيه اريده يوخر عني ..
نظراته تجولت على شفتي المتلملمه بين إيديه وعيونه سلهمت حسيته ذاب مثل ذيج المره تذكرت وبقيت ارجف وادعي مايعيدهه بقى يرمش بحركات متتاليه وسريعه بلع ريقه ودفعني عنه رفع حواجبه اثنينهن بتحذير وتنفس يسحب شهيق وزفير عاط بيه بصوت عالي
- إطلعي
آني بقيت متصنمه وصافنه همست بنبرة قلق
- شبيك صفاء .. ؟
عاط بصوت عالي وسحبني من ايدي يطلعني
- اطلعي إيڤان بس تبقين افقد مااسيطر على نفسي
طلعت بسرعه وسد الباب بعصبيه شبيه هـٰذا ؟ متخبل فد نوب ..
طلعت لگيت عباس يشرب مـي من الثلاجه ضربته على ظهره انشحط وبقى يگح ضحكت عليه ورفعتله حاجبي
- هسه تصافينا وحده بوحده
- شگد حقيره
ابتسمت بأنتصار ونظرات خبث
- ثاري مااضيعه (واسويله بإيدي علامة النصر)
- لو بيچ خير تعاي غلبيني بالطوبه
- دروح شغل وهسه جايتك الا احمسك حمس
ضحك بصوت عالي وگال
- حمسوا گبرچ ههههههههـه
- وگبرك ع الواهس
راح حضر اللعبه واختار النوادي واني رحت حضرت الحب والكرزات وجبتهن خليتهن بالنص وبقينا نلعب هوَ يلعب وبس يضحك عليه لأن خلصتهه عياط واتوسل باللاعبين يگولون وهوَ ميت ضحك عليه ..
شويه وانفتح الباب مال الغرفه هيَ تطل ع الصاله والبلاي بالصاله واني وعباس نلعب بيه .. اول ماطلع صفاء صرنا بوجهه عگد حاجبه وگال بنتر
- إيڤان گومي غسليلي تشيرتي
اني مندمجه وألعب ومركزه ع الهدف وحتى ماسمعته شگال ..
عاط بصوت عالي
- إيڤااااان گوووميي
گلت لعباس
- خايب شلون أوگفه؟
اخذ الجوستك مالتي وضعط ع الايقاف مؤقت ووقف اللعبه التفتت لصفاء وگتله بنتر وعصبيه
- شبيك صفاء؟
- مو گتلچ گومي غسلي تيشيرتي؟ ليش تغلسين؟
رجعت ردت وجهي ع اللعبه وكلت بعدم إهتمام
- اي هسه تخلص اللعبه واغسله
دگ رجله بالگاع وبعصبيه گال
- لا هسه ينغسل
آني استهزأت بيه وراددته
- اى .. ؟ آني شعليه واغسللك إنتَ روح واغسله اني شكو ...؟
فتح عيونه حيل وخزرني بغضب درت وجهي عنه وشغلت اللعبه وبقينا نلعب وهوَ واگف والشرار يتطاير منه حسيت بخطواته تحرك بعصبيه زفرت نفس بأرتياح همزين خلصت منه
ثواني والبلاي طفى !!
التفتنا لگيناه واگف يم النقطه ويبتسم بمكر .. آني وعباس ثنيناتنه عطنا بيه
خوب آني تخبلت لان اول مره آني 1 وعباس 0 وتحمست للنهايه متأمله افوز واتوسل باللاعبين
عباس
- لك انتَ ليش طفيته هاي اللعبه ع الكاس
صفاء بخبث
- والله عاد بكيفي
آني عطت بعصبيه وخازرته
- هيَ شنو بكيفك؟
أشر بإصبعه على حلگه وگال
- إنتِ اششش لاتحچين ابدد
تقرب متوجه عليه وگف على راسي ورفعني من أكتافي وگفني اني نترت إيدي منه بعصبيه
- ءآآآييــي دووووخرر
فتح عيونه بعصبيه وضغط على زندي حسيت اصابعه نبتن بالعظم ..
يحجي ويضغط على مخارج الحروف بحركته المعتاده
- من أگلچ على شي تركضين بسرعه فااااهممه وهسه لزمي التيشيرت غسليه يلاااا
شمر عليه تيشيرته وراح وهوَ اصلاً نظيف غاسلته ركضت وراه وشمرته عليه
- لا والله بأي حق أغسلك شگالولك عني خدامة الخلفوك
كلت هيج وهوَ إلتفت وتخبل ركض عليه يريد يلزمني واني إنهزمت لأن شكله كلش مخيف ركضت للمطبخ وقفلت الباب عليه واصرخ من الخوف استنجد بعباس
- عبااااس سااعدني
عباس واگف وميت ضحك ويصيح
- خليه يأدبچ وياخذ ثاري تتذكرين من غصصتيني بالمي
آني گمت ارجف لان هالمره صدگ عصبي مو شقى وهـٰذا الخبل عبالي يتشاقى وياي
- عباس والله مااعيدهه بس وخره
هوَ يضرب ع الباب بكل قوته ويصيح ..
صفاء
- لو بيچ خير إطلعي
إيڤان
- والله مابيه خير هسه اغسله بس وخر عن الباب
دگ الباب بكل قوته
- ماكو هسه تطلعين يعني تطلعين
- صفاء والله راح ابچي من الخوف لايصير بيه جلطه من وراك
گلت بلكي اكسر خاطره لان دائماً إذا ابچي يجي يركض ويسكتني بس هالمره ماكو معاند والنوب محد نزل لاخالتي ولاجدو لان عبالهم نتشاقى مثل كل مره متعودين على شقانه ..
صفاء
- بچيتهم من بچوا
ضليت اطلع بصوتي شأگلك ابچي بس اني ميته ضحك على خوف بداخلي
- هئ هئ هئ صفاء والله اغسله بس وخر
شويه وصار هدوء گلت خاف كمين يريدني اطلع دنگت من جوه الباب وفتحته قليل انلزگ وجهي ع الكاشي صار عبالك محفور هههه .
لگيت محد فتحت الباب قليل لگيت عباس واگف همست
- آني الك ياچلب
همس بصوت ناصي ويضحك
- اطلعي صعد لغرفته
- چذاب تريدني اطلع
- والله صعد
- وإذا طلع كمين والله عباس بعد ماحاچيك
- داگول صعد
طلعت على كيف شويه شويه خاف كمين واتلفت منا ومنا لگيت التيشيرت بالصاله لگفته وافلت طرت ..
.. طفرت للحمام همزين ماموجود
رحت غسلته چان كله عطر شي بداخلي گلي شميه قربت القميص على خشمي وبقيت استنشق بالعطر اسحب شهيق ومااريد ازفره الريحه تعبت بصدري وحسيت كل جسمي صار بريحته من گدما شميتهه غمضت عيوني وبقيت استنشق على كيف وبهدوء .. بعدين المي انترس وتبدى ع الگاع يلا انتبهت لنفسي وبعدته عن انفاسي ..
اريد اغطه بالمي واغسله وايدي ماتنطيني ع العطر البيه والريحه الطيبه ..
اخر شي حطيته على خشمي سحبت نفس قووي اخر شمه وغطيته بالمي وغسلته .
من كملت رجعت شميته بعده العطر نفسه بيه خرب يومه ولا يروح هـٰذا شگد فايخ يشتري ارقى العطورات .. هوَ أبو ألفين كلش كافي عليه ههههه حقه يريد يجذب الصبايا بعطره ..
شريت التيشيرت ودخلت للمطبخ لكيته كاعد ع الكرسي وحاط رجل على رجل وينضرلي بخبث يممه گلبي وكف .. وجهي انسحبت الوانه وارتبكت بقيت واگفه باوع بيع خزرني واشرلي ع الكرسي البصفه ويبتسم إبتسامه صفراء
- تعاي اگعدي
جاوبت بتلعثم
- مما مااريد
عصر عيونه وضغط على اسنانه
- تجين لو شلون؟
خفت من شكله گتله بخوف
- اييي هسه
تقدمت بخطوات خايفه وكعدت ع الكرسي البصفه ولازگه نفسي بالكرسي بس اريد ابعد عنه واعصر بأيديه
كال بنتر
- اني من اگلچ على شي ليش تعاندين؟
- إنتَ تآمر بيه وآني مابيه حيل
- ليش يمه مابيچ حيل عجوز لو چنتي تحصدين بالزرع؟
- صفاء آني عند اهلي مااشيل العوده بس هنا عند بيت جدو مرات اشتغل وانتَ تريدني خدامتك بس گومي وجيبي واگعدي واصعدي
وجهلي سؤال
- ليش تعتبرين هاي التصرفات بنظري انتِ خدامه؟
- اي اكيد
- لاغلطانه مو خدامه يجي يوم وتعرفين شنو أنتِ ببالي
لويت شفتي ماعجبني وگلت
- امممم
- ذبحتيني بهاي الحركات لاتسويهه گدامي
- تدلل
- گومي هسه خل نكص الشجره
- ياشجره؟
- النبگه (شجرة السدر) طولانه يرادلهه گص وتعاي يمي اكصهه وانطيني الادوات
- ماشي
طلعنا بالحديقه الجو يخبل والاشجار مخيمه ع المكان وصاير مضلم والبروده تنبع من اسفل الاشجار وريحة التربه المطينه معبيه المكان وصوت زقزقة العصافير ع الشجر يغردن بأصوات ملحنه تبعث راحه بالنفس ..
جبتله الدرج تسلق وصعد ع الشجره وانطيته المنشار والمگص بقى يگص واني أأشرله ع الاماكن المبهذله وهوَ يگص .. الگاع انترست نشاره وآني حافي مالبست برجلي شي لان اريد احس ببرودة التربه ..
رحت كعدت ع الكرسي واتفرج ع السما صافيه ولونها ازرق فاتح والغيوم طبقات متتاليه والطيور ترفرف بجناحاتها طليقة الحركه .. ووحده قائده والباقي وراها مشكلات مجاميع وكلساع يسون شكل بقيت مركزه بيهن وعلى الاشكال اليسونهه وفززني صوت صفاء
- إيڤان
- خب إيڤان وين رحتي تعالي انطيني المنشار
- اي اي جيت
ركضت للمنشار اريد انطي اله ودخلت برجلي عوده عطت
- اخخ
مد راسه عليه من فوگ وعيونه ألف نظرة قلق وخوف
- شبيج إيڤان؟
- اخخخ صفاء العوده دخلت برجلي
نزل بسرعه وركض عليه تلمس رجلي ولكاهه عوده وبيهه خشبه مثل البسمار كلهه داخله برجلي
- إسحبيها إيڤان
- مااگدر تأذيني
- خل آني اسحبها إلچ
- لك صفاء دتأذيني مااگدر
بقيت ابچي ورجلي تنزف دم والألم يموت
قرب إيده يريد يسحبها وعطت
- لاتتقرب صفاء والله العب لعب اذا لمستها
- إيڤان رجلج تلتهب شلون بله؟
- ماادري ماادري
عيوني ترش ورجلي تنزف والعوده بيهه طول وكلهه مچلبه برجلي وصفاء يتوسل بيه يسحبها وآني مااگدر
- إيڤان ماأذيچ والله بس اسحبها
- مااگدر تأذيني
- لج والله أأذي نفسي وماأذيچ بس خل اسحبها
صفنت بيه وگتله
- يلا اسحبها بس مااريد اشوفك من تسحبهه
- اي غمضي عيونج
غمضت عيوني ولمس رجلي برقه حطهه بحضنه وبقى يسحب على كيف واني كلساع الزم إيده خايفه يأذيني ..
سحبهه بهدوء وآني عاصره نفسي وحتى أنفاسي كاتمتهه ..
طلعهه وگاللي .. فتحي عيونج ..
فتحت وشفتهه شكبرهه اخذتهه من إيده كلهه دم وبقيت مركزه بيهه
- هاي كلهه جانت داخله برجلي،؟
- اي
- عززا همزين مامتت
ضحك بصوت عالي خلاني صافنه بيه
- ههههه خرب حضج
- والله شاغت روحي
گال بهدوء وعذوبه
- بعد قلبي
دنگت وابتسمت خجلانه
- احمم
راح اروح
- ليش؟
- باچر وراي كليه اليوم ماداومت
- باتي واني اخذچ باچر
- بهاي سيارتك مال أمس لو تبدلها بعاويه؟
- لا بمال أمس كشخه تفيدج
- ماشي هسه اخابر بابا استأذن منه
- خابريه مني
- ليش؟
- خاف يخلص رصيدج
- هههه عايزتلك آني دطير بابا طير
- هههه والله أگول لان دومچ بخيله
- آني بخيله،؟ صدمتني الصراحه
- ديلا يلا
إتصلت بـبابا اول شي رفض لان صفاء هنا بس توسلتله ووعدته انام يم جدو يلا قبل ..
رحت نمت يم جدو ..//
گعدت ثاني يوم الصبح مليانه نشاط وحماس بدلت تنوره سوده وقميص زيتوني وشال مشجر بورود ناعمه زيتوني وصحراوي وحذاء صحراوي وكب صحراوي .. حطيت مكياج خفيف طلعت
لگيت صفاء منتظرني وبأناقته الكامله .. الشعر مرفوع لفوگ ومثبت ببوستيجه تخبل وطاگ النظارات ع العيون ولابس قميص ابيض ومسرفن الردانات وبنطرون اسود والساعه متوسطه ساعده زايدته جاذبيه وأناقه .. صفن بيه وگال
- لو گايلتلي لابس زيتوني
رديت عليه بثقه
- لا عيني مااحب أحد يقلدني
ضحك بصوت عالي واخذ السويج من ع الطاوله
- ديلا يلا امشي
- اريد اتريگ
- لج تاخرت على صديقي اني اشتريلچ بالسياره
- مـا .. اريد هسه اتريگ مااگدر اقاوم ريحة الچاي المهيل (وگعدت على ميز الطعام)
- ابقي اشربي چاي مهيل واني رايح
گمت ورحت يمه گلت بنتر
- ديلا امشي

يتبع ..
الـكـاتـبه الـعـبـاديــه🌼🌻