آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-07-19, 07:10 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #حنة_العيد. و #شهگة_النعناع. البارت 19 🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡🧡 صدى الماضي حلم ياخذني الك شوغات واحس ضلوعي تطابگ بكل شهگة يا ذاك النفس اليمشط زلوف النبض بالماي الك بية خلگ ليلة عرس محروم ومسامر لحد يتبدى كل حيل الجفن بالشوف گبل لا اغفة جيب ايدك على ضلوعي وافز واگطع حبال الواقع واركض العينك روح اشبع خوف وادروش واختل بالسواد وافرش ضنوني صدى نهر ياخذني الك بستان علي شحة رسايل غيم يا ذاك القريب التسمع الرمشة الك بية عصافير بسمة الغبشة الك بية ورد توة الندى باساه نعسان ويدور ريتك بعطرة صدى الماضي مطر كل ما يطيح تصير بعيوني دواية شوف يالمعلمني اسولف كلشي لعيونك مو كتلك كبل لتروح دورلي وطن بي ريحة من طولك مفتاح الصبر ضهرك فتحتة بوكت مو وكتة فتحتة بوكت بي تعبان بي محتاج للسكتة فتحتة وهبت الفرگة ورذاذ الظلمة بعيوني وصدى خفگة جنح طير ويطيح تراب مدري منين تبعتة الديرة الوهواس التم لمة البردان من الخوف بجفوفي اعصر براسي مامش باب لجفوفي صداع وخوف ومرايات تفتر بي اصيحك والصدى بالسمة يخلي اثار اصيحك يا وطن وبروحي غربة شوگ وحجي ليل ورسايل ناس بعيد وصورتك يمي اشبگك يا گمر بالماي احن الشوفتك واغرگ واتخيل اتخيل تجي وارفع خجل روحي اعاتب بيك الومك اصرخ بوجهك واسمعنك حجي يزعلك لأن تدريني ما اضرك انه لو عندي خنجر ما درت ضهرك وافز واگطع حبال الواقع واركض العينك روح اشبع خوف وادروش واختل بالسواد واعتذر منك يا طعم الشمس والماي عايش بالجذب بجفاك اصبر وانطي عمري وبيرغ الهامة الشمع من عمرة ينطي وتثبت جدامة مرت الايام وبدأت الامتحانات.. غيرت ملابس علي ونزلتة بغرفة امي وطلعت للدوام.. كنت اداوم مسائي اول شهرين من السنة الاولى وبعدها قدمت استضافة عالصباحي وصرت اداوم صباحي.. مهند مرحلة ثالثة قانون بس متوقعته بهل مستوى الدراسي.. حييل يحب القسم اللي هو بي ويستعين ب ب بابا ويستعير منه كتب.. ودائماً اشوف بابا يوضحلة هوااي معلومات ويشرحلة...... وهل مشهد فريد من نوعه لان بابا ابداً ميدرس اي واحد من عندنا سواء ولد او بنات بس مهند.. . سماح اخت زهراء تدرس قانون مرحلة ثانية وزهراء تمدح بمهند دائماً ف دائماً سماح تاخذ كتب ومصادر للبحوث من مهند.. وبهل فترة نزل برنامج الواتس اب دائماً مهند ينطي اوراق لزهراء تصورهم وتدزهم لسماح .. ________________________________________ رجعت من الدوام تعبانة.. لگيت امي بالمطبخ سلمت عليها.. گالت ح نروح لبيت ام علي.. ام علي، مريضة.. سمر: اوك سلميلي عليها. امي: لايوم تعالي ويانا... عيب اروح بس اني.. سمر: ليش وزهراء، مو ح تروح.. امي:اي زهراء بيت اهلها... شي اكيد تروح اني اريدچ انت تجين.. سمر : اوك.. خلي اكل لگمة واغير ملابسي والله كريم.. دخلت للبيت واني ابحث عن علي، رجعت لامي بالمطبخ.. وسألتها.. ماما اشو علي ماكو؟ امي : اي اجه زياد ومرتة واخذوا وسألوا عنچ كلتلهن بعدها بالدوام... سمر: اي وليش مگلتيلي من اول مأجيت.. امي :هاي، شبيچ نسيت.. سمر :يوم هو هذا موضوع ينسي. هم غير يخابرون ينطوني خبر،... صعدت واني ضايجة.. هم ابد مياخذوا هذه اول مرة طلعت تليفوني من الجنطة اتصلت بخالة ام رأفت.. سلمت عليها وصوتها چان حييل تعبان.. گلتلها على علي گالت اي اني دزيت عليه مشتاقتلة وتعبانة مااگدر اجيكم.. سديت الخط كسرت خاطري، خالة.. غيرت ملابسي ونزلت تغديت.. وبعدها رحنه شفنه ام علي.. كلش تعبانه چانت.. اول مرجعنه.. مهند بالمطبخ سلم على امي وگال الها يوم اريدج بموضوع.. راحو لغرفه امي.. للساعه 9 باليل وعلي ماكو.. رجعت خابرت على خاله ام رأفت كالت خلي اليوم يمنه متونس على بنات عمه واني همات كولش متونسه.. مكدرت اكولها لا مثل ماهو ابني هم ابن ابنها وتشوف ابنه بي.. بعد مرور ايام وفجأه امي قررت تخطب لمهند.. الخبر چان صدمه اليه بس طلع الكل يعرف بالموضوع بس اني ماادري.. امي وابويه واسامه وزهراء.. والعروسه سماح اخت زهراء.. اني تفاجئت اكثر.. لاالوقت وقت زواج ولا البنيه مناسبه.. دنتحضر الامتحانات النهائيه يعني مفارغين كولش 4/20 منطيت اي رده فعل ضحكت بوجه مهند وكتله مبروك يحلو.. وصعدت مااعرف ليش من ردت غيث اني الدنيا كولها وكفت ضدي.. بس مهند واسامه وانور من يخطبون ويختارون وحده اهلي ماعليهم الا الموافقه.. موحسد اوشي بس حقيقه.. بوقتها بابا مكال شي امي عارضت.. بس بعدها وافقت لان خلوها امام الامر، الواقع... اووو هسه اني شرجعني لغيث.. بعد اسبوع ميلاد علي الثالث لازم احضر ومر الاسبوع بسرعه بسرعه وصار عمر على 3 ماحلاه وهو يكبر.. بعدها ب اسبوعين امتحانات نهايه السنه.. وعطلنه.. وبهل فتره بابا قرر يروح يخطب لمهند بدايه شهر لسادس.. وماما وبابا وانور واسامه ومهند واخدوا شيخ وعقدلهم.. وكالولهم محنسوي الحفله هسه وبعد شهر نسوي حفله بالقاعه.. مرت الايام وصارت الحفله وياريتها مصارت.. بما انو هو الابن الاخير بابا قرر يسويها مسك الختام.. يعزم كل معارفه ولاقارب والجيران وحجز القاعه وقتين.. وسماح طالعه بهلوان لابسه اخضر وبعدها لبست احمر بالحقيقه هواي احلى.. من المكياج مهند عازم اصدقاءه وسماح عازمه صديقاتها.. بهل فتره صرت ادز علي كل اسبوع لبيت خاله ام رافت.. لان و ضعها الصحي م يسمحلها تطلع.. اني اروح ازورها واشوفها محتاجه.. ومره من المرات شعور غريب صار عندي.. بوحدة من روحاتي لبيت خالة ام غيث رجليه اخذتني لغرفتي اني عماد.. صعدت فتحت الباب.. بعد مرور اربع سنوات نفس ماهي بس احسها ظلمه.. وبيها تراب فتحت كنتور عماد واني اشهگ وابچي عطوره وساعاته عالميز صورة عرسنه..للان موجودة اكثر انسان ترك انطباع ايجابي بحياتي اعترف ماحبيته بس اتعلقت بي.. اشبهه بالامان جان يشبه النسمه الربيعيه .. الله يرحمگ عماد.. واني ابچي صعد علي فتح باب الغرفه.. صاح ماما بيبي تريدج.. اتقرب عليه شافني ابجي.. حضني.. يباوع عالغرفه بطريقه استغراب واول مره يشوفها.. لزمت علي من ايده ونزلت.... خاله ام رأفت نطتني صندوگ بي ذهب.. گالت هذا لعلي ماريد احد يعرف گلتلها خاله علي مناقصه شي.. گالت يمه احس موتتي قريبه خلي يمج ولتحرمين علي من شي.. هذا ابن العزيز خليت الصندوگ بالجنطه سلمت عليها وطلعت.. علي بقى يم ام رافت شهر الثامن الساعه اربعه العصر الجو حلو بابا رجع من الدوام.. وكال حضروا نفسكم باجر جايين خطار وانت بالذات سمر حضري نفسج كتله ليش بابا.. متقدملج شخص وباجر يريد يشوفج.. اتفاجئت؟ ... شنو مفتهمت بابا اعتقد كلامي عربي والي گ تله مفهوم وواضح.. بيج قصص عراقيه حقيقيه من واقعنا.روعه الطائي سمر اي بابا ابني صغير وبعدني ممتخرجه.. بابا اي هذه امور ثانويه بعدين نتفاهم عليها.. بس بابا.. بابا سمر كافي عاد بلا تبسبس.. طلعت من الصاله وراسي صاير بركان لا لا ممقبوله منكم عمري 22سنه المفروض اني اقرر واختار.. وانتم بكيفكم هسه تقررون عني .. هذه حياتي ياناس افهموني.. رجع بابا.. سمر كلامي ميتكرر.. واني مو متسلط بدليل الشخص ا لي ردتي قبل وافقت عليه بس الحظ محالفچ واني مااعارض احد انتي واخوانج.. بس انت بهذا وضعج مو اي احد يتقدملج.. وعندج ولد.. ولتنسين مخطوبه وفاسخه ومتزوجه وزوجج ميت... هل كلام حوطي باللون الاحمر وخلي ببالچ انت مو صغيره.. وحالتج الاجتماعيه صعبه مو اي احد يتقدملج.. واني ابوج وادري بمصلحتج.. اجه اليوم الي شفت بي العريس نصدمت صدمه عمري.. عمره خمسه واربعين سنه... وشفت الشر بعيونه وطلعت من الغرفه اصرخ وابچي.. بس بابا موافق عليه يكول هو هذا الي يضمن مستقبلج.. متزوج وعنده 3ولد وبنيه منفصل عن زوجته وعنده اربع معارض سيارات.. والمصيبه الكبرى مو بغداد بالبصرة .. بعد كل محاولات الرفض وبابا بقى قافل على الموضوع.. الا هو يعني الا هو.. على اللسان بابا يگول عنده فلوس يعيشچ بسعادة ويعيش اولاد اولادج.. سمر. ليش هي الحياه بس فلوس.. بابا. بنتي احنه كول يوم نحچي بهل موضوع مو كتلج انتي وضعج مختلف. . واحمدي الله كل يوم لان. تقدملج هيج شخص.. مرت ايام وصارت الخطوبه وموافقت الابعد شروط.. اولها ابني ويايه وثانيه اكمل دراستي.. بعد الخطوبه بأسبوعين شاكر گ ال لازم نتزوج كلتلهه مو قررنه اكمل المرحله الرابعه.. شاكر . . . اوك نتزوج من يبدأ الدوام ونأجر بغداد.. ~ مرات أگولن گضت ماباقي حسبت وكت و أرتاح و تعدي ... و مرات أكرهة العمر و أسأل و أدور درب للمگبره يودي ... 💓💓💓💓💓💓💓💓 يتبع...... | ||||
|  |
|
25-07-19, 08:05 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 20 #حنة_العيد. و #شهگة_النعناع. هاي عادات السنابل من يحل وكت الحصاد ،، براحة للمنجل تمد ركابها لوّن بي حوبه الدمع ﭼـا جاابكم لينه.. ذكرناكم وكت بي ﭼـان ما نذكر اسامينه كبرنه وحتى باصورّنه هم كبرت معانينه .................................. تزوجت... وليتني لم اتزوج.. اتعس الاوقات قضيتها مع الوحش الكاسر، المسمى شاكر.. انسان تخلو منه كل الانسانيه.. عندما رأيته اول مره رأيت الشر في عينيه.. ولكن رفض والدي السماع الي هو الذي اوصلني الي هذه المرحله.. وضعي الان متزوجة وااسفي على هذه الگلمه.. صار يذهب كل صباح الى عمله ويتركني حبيسه الدار ويالته دار حقاً.. سكنت في شقه طابق رابع في عماره مقابل مدرسه وخلفها مطعم.. الشقه فيها غرفه نوم وصاله وملحقاتها.. منفذي الوحيد... البالكون قضيت اسبوعين.. بعد زواجي من اتعس اللحظات التي عشتها ورأيتها في حياتي.. اني مظلومه حقا.. في المره الاولى ظلمت من قبل امي... اما الان ف ابي هو الذي ظلمني... الهاتف المحمول هو انيسي كل ماتضيق بي الدنيا... اتصل لاسمع صوت امي وولدي... بعد هذه الفترة امي صارت تندب حظي واعترفت انها ظلمتني لولا ظلمها لما وصلت لما انا عليه الان... بعد فتره اسبوعين من زواجنا فاتحتت شاكر بموضوع الدوام مقبل.. اختصرها بجمله ماحب مرتي تداوم بين الزلم.. مرتي اريد تخدمني وبس لبس سترته وطلع هنا دموعي نزلت.. وبس صرت اندب حظي.. ياربي ليش هيچ ديصير وياية . . . . . وگمت مثل الآله يجي ساعه 8 لازم يلگى المائده جاهزة ومابيها كل عيب.. حطيت الملابس بالغساله ودموعي تنزل واتذكر اللي مر بحياتي اذا اجمع الايام الحلوه بحياتي متصير شهر .. بديت اثرم السلطات سويت تبوله ولحم بعجين وسويت كبه... واتصلت بامي وسولفت وياها... وحجيت ويه علي وكتله بس هل الاسبوع واجي اخذك.. سديت الخط.. . واني اكول الله لينطيك شاكر... اذا جبت علي هنا ام رأفت شلون تشوفهه واذا عفته يم امي گلبي انگطع عليه اول مره مشايفته اسبوعين.. وعلود منو علمود شاكر ابو وجوه المحترك اشكد اكره هل رجال ياربي.. صارت الساعه سبعه كمت وتوضيت وصليت.. باوعت عالميز القران اخذته وكعدت اقرا... فتحت القرآن انفتحت على سورة طه.. غمضت عيوني وطلبت من النبي محمد ينصرني على هل متوحش.. ماحس الااجه شاكر.. وبابا يسميه ابو عبدلله عشتو.. اجه مثل الثور الهايج وين عشاج.. سديت القران.. وكمت صبيت عشه.. صاح تعالي حضريلي الحمام.. رحت كتله يعني شلون احضره البسه حزام ورباط وهو سبني ماحسيت الاضربني على وجهي.. ويصيح لج مجايبته امه اللي يصيح عليه سمر :استغفر الله. هذا شلون رااح اخلص حياتي ويااه امرر استاذ شاكر شنو اللي تريده اطلعي مني ماريد اشوف وجهج تعالي تعالي... بعدين هذا حال عروسه لابسه جفن وتفترين.. فد مره البسي نقاب بالبيت.. سمر: بيني وبين نفسي اگوله ان شاء الله چفن يلفك واخلص منك.. اوك شاكر صار هسه اغير الچفن البس درع 😏 عفته رحتت للمطبخ.. كملت النواقص اللي بالمائدة . . . وگعدنة نتعشا وفتحت وياه موضوع كلتله شاكر اريد اجيب علي يمي.. اشو هذا گام وكسر على راسي شكو ماعون عالمائده.. ويصيح ماكو ممنوع واذا جبتي اعذبج.. واعذبه.. تالي عمري اربي ولد العالم.. كمت اعيط وابجي.. لك انته متخاف الله ابني ممفاركته شلون هيج ينطيك گلبك هيچ تتصرف.. وانت مو وعدتني اجيب ابني يعيش وياية ووعدتني اكمل دراستي ونعيش هل فترة ببغداد وين وعودك وين كلامك اشو گلت ماكو بغداد گلتلك موافقة گلت مااريد مرتي تداوم اني سكتت بس اريد ابني ممفارگته كل هل مدة.. مشتاقتلة شنو انت گلبك من حجر.. رااح للغرفه بدل ملابسه وطلع... ولا كأنما احچي وياه رحت للغرفه وخابرت امي وابجي وسولفتلها الي صار . . . امي بقت تهدي، بيه وتگولي اي يمة اتحملي ورجلچ هذا وميخالف ابنچ موجود وبعيوني مخليته يوم يومين ويمل وهو يگولچ جيبي علي يمچ بعد نص ساعه... بابا خابرني وسولفتله للي صار وكال باجر اني اجي اخذج... فرحت حييل من بابا وفعلا ساعه12الضهر بابا دك الباب وحظنته واني محضره نفسي وجنطتي واريد اطلع بابا كال ها بنتي... وين لالا عروسه انتي مطلعين هسه اتفاهم ويه شاكر كعد هو والي ميتسمه فوك الاربع ساعات وتغدوا.. سوالف على ضحك.. وبابا بيومها بات يمنه. ثاني يوم طلع من الصبح وياريته ماطلع... اكلت ضرب الحيوان مشايفه... ويكولي ليش توصلين هل حچي الاهلج ... مانطقت ولا كلمة لان فعلاً تعبت.. هو غير ملابسه وطلع وگال هل مرة سويتيها وعقوبتچ بسيطة مرة لخ تسؤيها احبسچ بالحمام.. جسمي كوله اتكسر حتى مااگدر اتحرك.. حسبي الله ونعم الوكيل عليك.. دموعي صارت تنزل بدون صوت غمضت عيوني صار غيث گدامي.. فتحت عيوني وصرت العن شكو واحد على وجه الارض وكل اللي صار بيه بسبب هل غيث لو ما تسرعه چان هسه اني مرته ومن تذكرت رجعت ابچي، وانحب 😭😭 وادعي الله ياخذني وتخلص هل مأساة لان فعلاً تعبت.. بلايه لونك خربت ارسومي التودها بلايه لونك كل بساتين المدن ذابل وردها.😔 مر اسبوع. . . . يجي للبيت ساعه 10 بالليل وساعه 8 الصبح يطلع يعني بس ينام بالبيت.. ويوميه ينطيني حبوب المانع اشربها گدامة.. عجيب على هيچ رجال حقها مرته الاولى اتطلگت منه من ورى ظلمه وحقارتة والتسلط اللي طاغي على شخصيته.. مر شهر واحنه نفس الوضع.. فقررت بيني وبين نفسي اغير طريقة تعاملي وياه... جائز الخلل بيه.. لازم اكون لطيفة وياه.. ف ضغطت على اعصابي وصرت مرنة وياه.. يعني من يجي اسلم عليه واضحك وياه هو نوعاً ما احسن بس عندة ممنوع طلعه.. ممنوع اهلچ.. اهلچ يريدوچ هم يجوچ.. وعلى هل منوال گوووة گدرت اعيش واتعايش، وياه.. بعد مرور ايام طگت روحي فقررت احچي وياه بلكي يوافق.. وگلتلة شاكر ليش هل مانع خلي نجيب طفل انت مو متقبل اجيب علوش، يمي ولا تقبل نعيش ببغداد بعدني ممكملة كلامي.. معاني وجهي تخربطت وشعري اتنتف... ماصرت احس على شي غير الضرب ويگول وانت شنو تنطين رأيچ بهيچ موضوع گلتلچ لا يعني لا... هل حچي يگولة بصياح وكسر كل البيت وطلع... اني اتعودت على هل همجية.. وكالعادة بقيت ابچي واگول حسبي الله عليك يا شاكر وين تروح من الله دگ تليفوني گمت دااشوف منو رفعت عيني شفت وجهي بالمرايا مثل الطالع من حلبة المصارعه اخووف رحت للتليفون شفت امي تتصل.. مجاوبت الا بعد ماحسنت صوتي وسكتت من البچي ورا ساعتين خابرتها.. وبالعادة يتصلون علية عالسكايب ف بوقتها انحرجت لان وجهي وارم وحلگي منفوخ.. ف تحججت بالشغل... وگلتلهم مشغولة.. وعلى هل روتين خلصت ست اشهر يمه دراستي راحت مني وابني بعيد عني وشوفة اهلي حسرة علية والشارع نسيت شكله كل هذا وصابره اريد اشوف تاليها وياه شنو؟ اكو ايام يگولي عندي شغل بعيد ح ابقى برا البيت واني من خوفي من ابات وحدي مااخلي سورة بالقران ما اقراها.. بيوم من الايام اتصل بيه مهند وگال ابو سمير سوي صفحة ع الفيس بوك حلو هل برنامج هم تتونسين عليه هم تغيرين جو.. گلتلة مو هلگد اني بالفيس... مهند : دتعلميله ياعيني حلوو وسهل.. سويت حساب فيس بوك وعلمني مهند خطوة خطوة وضفت اهلي.. بعد فترة عزموني اهلي على عرس مهند.. گلت لشاكر مقبل اروح اني طگيت من البچي وگلتله ترى عرس اخويه.. بقى مُصر على رأيه ومقبل اروح واتحجج بالشغل ... اني تعبت من طبعه عفته وطلعت گعدت بالصالة... بقيت احووص لان صدگ انقهرت رجعت گلتلة شاكر والله ميصير هيج وين اكو اخت متحضر عرس اخوها گال انت.. يااربي هذا شگد حقير .. گلتله افهم منك يعني مموافق.. شوف ترى اني معليه انت واهلي اتفاهم مو تگول انت گلتيلهم وشحنتيهم عليه لان صدگ مبيه حييل ضرب واهانه ولعبان نفس وبالمختصر اني متحملتك لخاطر بابا.. باوع عليه بنظرة يعني مو عاجبه كلامي گال دگومي گومي حظريلي، الميز كرزات وسلطات... اني هنا ثرت علية وهواي سوالفه التعبانة ميبطلها وگمت اصيح وتعاركت وياه .. شوف شاكر اني اخاف الله واصلي واقرا قران وانت تشرب هذا السم الي يبقى ببطنك اربعين يوم ولا يقبلك صلاة ولا استغفار ويبعدك عن الله.. مااحضرلك اي شي ولا اسؤي، اي شي ولا طاعة لمخلوق في معصية الخالق وشتسؤي سؤي.. صح اني مرتك واللي تريدة جاهز وفوگ الجاهز بس مال اسؤيلك جو حتى تشرب، لا اعذرني كل مرة من احچي وياه اخاف هل مرة مخفت عفته وطلعت... .. اخاف مو من شي بس اخاف لان اني وحدي هنا وبعيدة عن اهلي واعرف هو معندة كل رحمة ماعندة شي اسمة انسانية اذا يضرب او يفشر عادي جداً عندة ..... رحت بسرعة للغرفة وقفلت الباب بقى يدگ بالباب مفتحته وبقيت ادعي الله يعدي هل ليلة على خير،... بعد يومين اجه گال حظري نفسچ حنروح لبغداد.. اني طرت من الفرحة وعرفت بابا متصل بي،.. حظرت الجنط گال شكو كل هل جنط احنه باقين يومين ونرجع.. سمر: اي مااريد اروح هناك ويطلع عندي نقص.. ثاني يوم طلعنه لبغداد... بعد تعب الطريق وصلنه لبيت اهلي.. اول مدخلت البيت حضنت امي واشهگ بالبچي وسألتها على علوش گالت نايم بغرفتي طلعت من الصالة ركض رحت شفته نايم ركضت عليه حضنته وابچي شنو ذنبه هل طفل.. لا اب واني عايفتة.. ياربي ليش هيچ ديصير وياية منين ما اجيبها مسدودة بوجهي.. قاطع بكائي دخول بابا للغرفة عفت علي عالچرباية رحت حضنت بابا وسلمت علية... وصعدت لاخواتي هم فزوا ع بالك نزلت عليهم من السماا ضحى بقت تعيط وتشهگ.. وبدينا تحضيرات اني واخواتي وهم يگولون الفرحة فرحتين عرس، مهند وجيتچ.. اتونست حييل.. مسؤي يوم واحد هو حنه وهو عرس،.. حاجزين قاعتين.. لان هو اخر واحد بالولد ضروري هل سوالف.. الحفلة مو طبيعية هواااي ناس موجودين... والاجمل من العرس شوفة علاوي اللي صاير يجنن.. انور مشتريله قاط يجنن.. وكلش متعلق بي.. اخذنا صور جماعية وبعدها بس الولد اخذوا صور وياهم علوش.. بعد القاعة والهوسة زفينا مهند وسماح للفندق بالكرادة.. ورجعنه لبيت اهلي.. اول مرجعنه شاكر گال سمر حظري نفسچ باچر، طالعين من الصبح.. سمر: اني مااروح اريد اريد ابقى يم اهلي ولا اريد ارجع وياك.. دااحچي وياه بالمطبخ بابا سمعنا.. بابا: شكو يابه سمر ليش اصواتكم عالية.. سمر : بابا بعده العرس مخلص وشاكر يگولي باجر الصبح نرجع للبصرة.. بابا: اي يابه روحي شنو احنه طايرين رجعي وي زوجج شلون يرجع وحدة.. سمر: بابا مااريدة ولا اريد ارجع وياه ترى مليت ولعبت نفسي.. هنا صارت نظرت بابا اليه حادة خزرني ومقبل على كلامي.. وصاح شيگولچ زوجج نفذي بدون متعصين اوامره.. . . اي هو بلا هل كلام شاكر نافخ روحه وبابا كبر راسه شيخلصني منه بعد.. عفتهم وصعدت لغرفتي بعد نص ساعه صعد شاكر فتح الباب ونام بصفي... سويت نفسي نايمة ماالي خلگة يحچي.... اففف ياربي شگد صايرة اكرهه... بيني وبين نفسي ضحكت وليش اني شوكت حبيته حتى صايرة اكرهه... غمضت عيني ونمت... گعدني الصبح على صوتة المقزز.. ساعة ٤ الفجر ولا اگدر اتحرك من التعب.. شاكر : يلا گومي ورانة طريق... سمر : اي اوك گمت.. نزلت حظرت الريوگ... واهلي گعدوا.. تريگنة حظرت نفسي غيرت ملابسي ونزلت... سلمت على اهلي وودعتهم وطلعت بس بوكتها گلبي انعصر متت بچي ع بالك رايحة للاعدام... صعدت بالسيارة والطريق كوله هو ساكت واني هم ساكته ميعجبني احچي وياه.. للساعه عشرة نزلنا اكلنا.. ساعه ٢ وصلنة للشقة... اول موصلت غيرت ملابسي ونمت مگعدت الا ساعه ٨ ونص بالليل گعدت أون من التعب گمت عاينت للشقة ملگيت شاكر اتصلت بي ميرد... گمت حظرت العشا انتظرته للساعه ١٠ وهو ماكو اتعشيت و غسلت المواعين ورتبت الغرفه وجمعت الملابس الوسخة.. شغلت الغسالة ونظفت الشقة.. بهل اثناء وصل الاستاذ ممتعشي.. سويتلة عشا.. گال اريد اسبح حظريلي الحمام سبح وطلع... دخل للمطبخ العشا جاهز اتعشا.. راح للغرفه نام بقيت اني انظف بالمطبخ.. كملت الملابس فتحت البالكون شريت الملابس عالمشر،.. شغلت التلفزيون.. فتحت الثلاجة مبيهه بس برتقال طلعت سويت عصير برتقال بقيت اتفرج عالتلفزيون للساعه ٢ نعست رحت للغرفة نمت... گعدت ساعه ٧ الصبح على صوت العندليب شاكر وهو صوتة يلعلع ولايگول بشر نايم بهل بغرفة ويتطالب بالتليفون... يبووو صباح الاگشر ليبدأ بصوتك.. گمت رحت للحمام سبحت وطلعت.. رحتلة شاكر تريد ريوگ شاكر : الناس الصبح تگول صباح الخير تسلم انت شبيچ مصكوكة من الصبح وجهج ميكصه السيف.. سمر : هو انت تخلي واحد يصبح عليك اذا من الصبح صياح ومطالب.. عالعموم صباح الخير.. شاكر : لا بعد وكت وسم ما اريد اني طالع.. غير، ملابسة وطلع... سمر : روحه بلا ردة.. ودرب الصد مارد.. مگلت باطل لفيت راسي ونمت.. گعدت ساعه ٢ الظهر گمت افتريت بالشقة شفت اكو مسواگ عالميز بالمطبخ وهو ماكو . . . بهل اثناء تليفوني دگ المتصل امي.. فتحت خط وسلمت عليهه وگالت افتحي كاميرا خلي نشوفچ.. فتحت السكايب وشفت سماح ومهند راجعين من الفندق.. سلمت عليهم وباركتلهم مرة لخ.. وعلي يصيح ماما مشتاقلچ.. اني غصة بگلبي عليه بستة وطلعت چان نايم... گلتلة بعد مصار يومين واشتاقيتلي.. ..... سديت الخط منهم وحييل اختنگت اتمنى لو طير ياخذني يمهم.. العيشة هنا متنطاق وياريت لو رجال بي خير اتحمل لأجلة... اوووف لا يخليني اجيب ابني ولا يقبل اخلف لاارحمك ولا اخلي، رحمة الله تجيك... لعنت الشيطان وگمت للمطبخ دااسؤي غدا باوعت الساعه اربعه گلت عليمن اسوي غدا هو الباشا وماكو لو هو هنا يخبصني على بطنة... اني اذا عليه سهلة كل شي اكل.. خلي اكل فاكهه اسلك نفسي للعشا بين ما يجي.. اخذت سلة الفاكهه وگعدت بالصالة.. الشقة اللي گاعدة بيها طابق رابع بعمارة والعمارة بيهه احنه وبعد عائلة... رجال وزوجته وامة.. واطفاله الشقة صح صغيرة بس كلش حلووة بيها غرفة نوم وصالة.. وملحقات.. واثنين بالكون وحدة ع غرفة النوم واللخ على الصالة.. فتحت التلفزيون دااتفرج اتصل عليه اسامة.. بقينة نسولف لاكثر، من نص ساعه.. سولفتلة على وضعي وهو بقى يلوم ب بابا... وگال من عين باچر اجي اخذچ بس اصبري واتحملي، خلي نشوف تاليتها شلون وياه؟ اووف ياسمر اووف انت هل خسيس هيچ يعاملچ بس العتب مو عليه على ابوچ اللي، شمرچ هيچ شمرة.. حاولن اغير الموضوع وگلتله ... ديلا يا عيني خيولي عوفه اسامة متجيب زهراء وتجي والله مشتاقتلكم ومشتاقة للجهال... گال ان شاء هل اسبوع اذا الله سهل... ومر الاسبوع واني مشغولة بتجهيز الشقة لان اسامة گال ح اجيچ ويجيب ماما وعلوش وياه.. اندگت الباب اني طلعت اركض شفت ماما حضنتها وبوستها وگلبي طار من الفرحة ووياها علاوي حضنته وطررت من الفرحة الگاع مشايلتني.. دخلوا للشقة... امي بقت تصلي ع نبي.. سمر : يلا غيروا ملابسكم الغدا جاهز.... .. طبخت برياني ومرگة باميا وسمچ.. وسلطات والبان ... اتصلت اكثر من مرة بشاكر ميجاوب گلت خلي نتغدا... مديت السفرة بالصالة وزهراء ايدها وياية.. اتغدينا ونضحك ونسولف.. وجهال اسامة التوأم يخبلون ويگولون عمة.. شلنا المواعين اني جهزت الچاي وزهراء غسلت المواعين مقبلت اغسل وياها گالت روحي يمهم گعدي.. رحت گعدت وصبيت چاي سوالف وضحك. . اجه شاكر عندة مفتاح فتح الباب واجه سلم... بيج قصص عراقيه حقيقيه من واقعنا.روعه الطائي شرب چاي وراح للغرفة غير، ملابسة وسلم عليهم وطلع واعتذر بحجة الشغل.... مرت يومين وشاكر ما اجه .. واني ماهمني بس كل شوية اتصل عليه ميجاوب.. اني كلشي مااندل هنا.. اسامة گال بدلوا خلي نطلع نسيبنه اش و بس شافنه انهزم احنه منريد منه شي بس خلي يدلينة... سمر: يمعود دعوفه هو هيج كل وقته ذابح نفسة عالشغل.. طلعنه للمول اتسوگنه وبعدها رحنه للالعاب حتى الجهال يتونسون وبعدها رحنه اتعشينا ورجعنه للبيت ساعه ١١.. وبقوا اهلي اسبوع وشاكر ولا اجه اصلا من اجوي اهلي هو ارتاح حتى ميجي للشقة بس مرتين اتصل ويسأل بعدهم لو راحوا... ومرة اجه جايب مسواگ وهم بدل ملابسة وطلع امي واسامة جانوا طالعين ف مطول بسرعه طلع... راحوا اهلي واني رجعت وحيدة وراحت الضحكة من وجهي.. ومرت الايام نفس الروتين البايخ . . . ون فس اسلوب شاكر اللي مبي كل رحمة.. وكل مرة يذب عليه كلام احقر منه وكلمة الخادمة متنزل من لسانة.. بالغرفة چنت نايمة واگلب بالتليفون الساعه اربعه الفجر.. واسمع صوت الباب تندگ ... گمت ركضت باوعت من الباب وشفت............. يتبع..... | ||||
|
| |
|
25-07-19, 08:09 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت٢١ تانيتهم. ياحمد. لمن جزاني الريل. ،،، والحيل مو مال امس. بعكازه صار الحيل. . . . . هو اليحب من صدك ، تنزل دمعتة ويختنك ! بس واحد يغني له 🍃 بالغرفة چنت نايمة واگلب بالتليفون الساعه اربعه الفجر.. واسمع صوت الباب تندگ ... گمت ركضت باوعت من الباب وشفت شاكر فتحتله الباب بالعادة هو يفتح الباب لان عندة مفتاح.. .. دخل للبيت مبهذل وسكران بوجهه راح للغرفة.. اني هزيت ايدي وفرشت بالگاع ونمت... گعد الصبح يدفر، برجلة گومي لچ گومي سويلي ريوگ.. كمت تعاركت وياه.. انت شنو من بشر فهمني انت اكو احد مسلطك عليه اكو رجال هيچ يگعد مرتة... شنو هل ظلم اللي عايشة بي هم بعيدة عن اهلي وهم هيچ اسلوبك وياية؟ اني كل هل فترة اللي، راحت چنت متجنبتة بس بيومها لعبت نفسي.. ماحسيت الا على ضرب وغلط واكو تحفيات بالصالة شكو شي عالطبلة شالة ورگعه بالگاع.. كسرني وكسر البيت اتكسر وعافني وطلع.. اتصلت ب بابا وگلتلة.. گال اكيد انت مضوجته ماكو رجال يضرب مرتة الا اذا چانت مضوجتة.. وغاثتة.. سمر: بابا تعال اخذني اني بعد مااتحمل واذا متجي تاخذني اني اجي والله. بابا: اي اووك جايچ الاريدة منچ متطلعين بس اليوم اصبري، يابنتي... وصبح الصبح واجه بابا واخذني ورجعت لبيت اهلي بعد مرور اسبوعين اجه شاكر گعد واتغدا.. اني من سمعت ب اسمة طفرت لغرفتي اخذت علاوي وصعدت... بعد الغدا صاح علية بابا.... يلا سمر بنتي حظري نفسچ ترجعين وي ابو عبد الله... اني انتفضت ومقبلت ارجع لان فعلاً لعبت نفسي، منه.. وبقيت اصيح بصوت عالي واحچي وي بابا.. الاگولة اريد اداوم ميقبل اگولة اريد اجيب ابني يمي ميقبل اگولة اريد اطفال ميقبل... مااعرف شنو اللي يريدة بالضبط؟ ؟ ترى ماكو هيچ عيشة لا ارحمك ولا اخلي رحمة الله تجيك كل هل كلام هباء منثور بابا متفق ارجع يعني ارجع.. وبابا كل همه الناس يگولي هم تتطلگين وترجعين شتگول الناس.. رجلچ الاول مات وهسه تتطلگين ولتنسين چنتي مخطوبة وفسختي... بابا اتحملي وماكو رجال يبقى على نفس وضعه انت كوني لينة وياه هو شي اكيد يتغير.. ومن هل كلام.. وفعلاً رجعت وي شاكر بس مو بكامل ارادتي.. وانما تحت ضغط من والدي مگدرت اكسرله كلمة.. وخليت رجعتي كمحاولة اخيرة اريد اشوف شنو تاليتها وي شاكر.. قبل لاارجع.. شاكر قطع عهد ع نفسه گدام بابا بعد ميضربني.. ورجعت ونفس الروتين.. وكل يوم اتصل ب اهلي.. واتصل بصديقاتي رانيا ومريم.. بالفترة الاخيرة قللت اتصالاتي بدعاء لان اضوج من كلامها وهي تگولي شنو هل ضعف اللي انت بي وين اكو وحدة بهل وكت تقبل بهل ظلم.. واني چنت اتضجور من كلامها.. لان اني، بين نارين لااگدر اكسر كلام اهلي ولا اگدر اتحمل شاكر ف باقية اتحمل لحد ماشوف تاليتها شلوون.... صرت اتصفح الفيس بوك.. ومرة من المرات شفت صورة ل اصدقاء اسامة.. هواية شباب ومن ضمنهم غيث واگف بالوسط ومسوين اشارة بالصورة اسامة وهواية اشخاص... دورت بين الاشخاص على اسم غيث لگيت صفحته.. بقيت اتفرج بيها واگلب بالصور وكل يوم بقيت ابحث على صفحته واتفرج شنو ينزل.. ومنشور من المنشورات لابس قاط والتعليقات الناس تباركله.. ممممممم اتزوج 😢😢 اي غيث اتزوج لازم اتقبل هل حقيقة... عفت التليفون عالقنفة گمت دااروح للمطبخ رجلية مامشت رجعت گعدت وبچيت بحرگة.. بيج قصص عراقيه حقيقيه من واقعنا.روعه الطائي اي غيث تتهنى بحياتك.. بس اني حياتي بدونك صارت جحيم.. غيث انت كل لحظة چنت وياية ولا گان مفارگتك كل هل سنين... مسحت دموعي وگمت ميفيد هل بچي، اني اللي، عفته وهو كل ظنة اني اللي، عفته ميدري، ضغط اهلي والقهر اللي اني عايشتة... گمت طلعت الملابس من الغسالة حطيتهم بالسلة فتحت باب البالكون داانشر الملابس... شفت سيارة تمشي بأقصى سرعة وواحد ملثم طالع من الشباك ويرمي وورا السيارة نفس اللثام وهم طالع يرمي.. يااا يمة الحگيلي هل شي نفس اللي اشوفه بالافلام گمت اعيط شمرت السلة ودخلت للصالة ركض واني، ابچي واصرخ واگول يارب سترك.. اذا اجتني طلقة اموت بمكاني وحد يدري، عني.. ركضت للغرفه تليفوني عالشحن چان سحبته واتصلت بالشفيه شاكر وسولفتلة على اللي صار واني اشهگ من البچي.. چان جوابه بارد قابل هم عليچ جايين.. بيناتهم يترامون وراحوا.. أكدت عليه وگلتله اني حييل خايفة زمخ عليه وصار عصبي وصاح يعني اني ماعندي لا شغلة ولا عملة بس انت؟ سديت الخط منه واليأس اخذ مني حصة چبيرة حييل انقهرت لجوابه چنت متوقعته يگول هسه راح اجيج.. صعبه مرأه زوجها ميفتهمها وميعرف شنو اللي، تريده.. صح اني دااتحمل اسلوبه الجاف والخالي من الرحمة.. مومعناها احبه بس مترهم من اول زلة اعوفه لازم اضغط على نفسي عسى ولعل يتغير، او اني ارضخ للي يريدة.. هو لحد الان مجهول بالنسبه اليه ماادري شنو هل شخص عجزت واني مااگدر افهمه اشو بالطخات يطلعني واذا طلعت وياه حتى نقاب يلبسني وع بالك بايگة فد بوگة.. ابد مااشوفه يخاف عليه عايفني ليل مع نهار بهل شقة.. چنت مااخاف ابد بس هسه من شالوا جيرانة اللي بالعمارة ويانة صرت اخاف.. اوووف ياربي، والله تعبت موكافي اللي شفته موكافي.. گعدت على ركبي واني ابچي.. لو تذبحوني قطرة دم مبيه اول مرة اشوف هل مشهد.. شعوري خوف وقلق ومنا شاكر زمخ بوجهي حييل انقهرت وضجت.. ساعه 8 بالليل اجه... العشا جاهز ووجهه ميگصه السيف اتعشى وشرب چاي وبقى يگلب بالتلفزيون اني غسلت مواعين ونظفت ورحت لغرفة النوم مددت واتصلت ب امي وحچيت وي علي.. بهل اثناء دخل شاكر للغرفة سحب اللحاف ونام بدون ميحچي شي، گعد الصبح ساعه سبعه گعدني سؤيتلة ريوگ اتريگ وغير، ملابسة اخذ، تليفونة والسؤيچ وطلع حتى بلا ميگول مع السلامة.. هزيت ايدي عفته قفلت الباب وراه.. دخلت للمطبخ تريگت وكمت غسلت مواعين ونظفت.. شغلت التلفزيون وگعدت اتفرج عالبرامج الصباحية وكاميرا تفتر بشوارع بغداد.. اتحسرت.. اووف شگد مشتاقة لبغداد ولأهلي.. سحبت تليفوني دااخابر، امي شفتها ساعه عشرة الصبح.. گلت لا بعد وكت مو هسه اخابر فد ساعه.. دااگلب بالتلفزيون على قناة العراقية مطلعين برنامج صباحي فقرة عالاغاني القديمة ومطلعين اغنية ليلة ويوم.. اني اسمعها وبچيت.. تذكرني بغيث.. هواااي چان يسمعها ويحبها.. حتى چان يگولي، انت حنة العيد وشهگة النعناع.. واني اضحك... اووو وين رجعتوني لأحلى ايام.. تليفوني ب ايدي وبيني وبين نفسي، اردد رقم غيث، ضحكت بصوت بعدني، حافظة رقمة كتبته وضغطت اتصال.. طووووووط طووووووط يااا عزززة اشو هذا دگ.. گطعته.. شگد عيب،.. هذا صارله شگد هل رقم عندة ولا يغيرة خوما اني يومية الله بالخير، واغير، رقمي،... يا الله شگد عيب.. بيني وبين نفسي دااحچي.. دگ تليفوني،... اني فزيت.. يااا هذا رقم غيث،.... عفت التليفون يدگ مجاوبت مرة ومرتين.... المرة الثالثة جاوبته.. اول مگلت الوو عرف صوتي... وي لفظة اسمي جر حسررررة واتنهد وگال اوووف يسمره شفززتي بيه.. اخذني لوين ما عندك انه بگلبي بياض هواي يرهم سالفه لخدك !! و احليك ب(سماري) و لهفتي اتدفيك و اوگع وين ما ودك !! و انه كلي حنين و حتى اذا زعلان من تشتاگ ما اردك !! ........................................ انطيني ايدك بعدني الهسه مشتاك بلگت من الزمك روحي ترتاح انه مــن تعوفني انذل مثل طير يريد يطير لكن فاكد چناح .............................. سلم عليه وصوته چان بي بحه من گال الوو مچانت موجودة هسه طلعت. ... رديت السلام بكل لهفه بس بداخلي غصة.. غيث : سمرة بس دقايق خلي اطلع وارجع اخابرچ.. سمر : لا لا غيث لتتصل اصلا اني اسفه والله اتصلت بالخطأ هيج يعني صار، عندي فضول انو اشوف نفسي، بعدني، حافظة رقمك ومعبالي يدگ والله.. غيث : هههههههههه وبعدچ حافظة رقمي ياملعونة.. دنتظري، دقايق واتصل بيچ.. سمر : لا لا داگولك لتتصل بعدين عيب من زوجتك.. غيث : اييي كلش عيب وزحمة هم دسكتي، يمعودة خلي اطلع وافهمچ شنو الوضع... لمدة خمس دقايق رجع اتصل بيه.. وصرنا نسولف وسولفتلة معاناتي.. هو اتفاجىء گال اخر مرة شفتچ بيها حامل ومبينه مرتاحة.. بعرس اسامة.. اني ضحكت وسولفتلة بالتفصيل.. غيث /// بيوم عندي اجازة واني بالاجازة صاير ابد ماالتقي بالبيت.. صدفة ما اتواجد بالبيت بس اسلم واشوف احتياجاتهم واطلع.. امي وزمن بت خالي اللي هي زوجتي بس يتناگرن.. ولا عبالك بنت اخوها.. وهذه ولا عبالك عمتها.. خبلني بمشاكلهن.. زمن متقوية ب ابوها مرتين راحت زعلانة بهل فترة.. بالبداية چنت اصير اعصاب وازمخ واحچي واعلم.. بس مياخذن الحچي.. مليت منهن.. امي تدور، زلات على اكبر واحد وهذه مشكلچيه متتحمل الكلمة.. عكس مرت اكرم رسل امي مخبلتها بس، هي متحچي.. بيوم اجازة وگعدت متأخر سبحت ونزلت لگيت رسل بالمطبخ سلمت عليهه گالت اگعد اتريك.. تريگت.. اول لگمة اكلتها.. احت عليه زمن.. غيث تليفونك دگ.. اخذت تليفوني باوعت عليه رقم غريب.. گلت خلي اخلص ريوگ واخابر اشوف منو بهل فترة چنت منتظر، اتصال من واحد على شغلة سيارة ف توقعته هو.. خلصت ريوگ واتصلت بالرقم مرة ومرتين وبعدها جابوا.. واول مگالت الو عرفتها هذه سمره ♡ اول مسمعت صوتها رجعتني لأيامنه ♡ يا سيدتي لا أتذكَر إلا صوتك حين تدق نواقيس الأعياد لاأتذكر إلا عطرك.. حين أنام على ورق الأعشاب أنت امرأة لا تتكرر في تاريخ الورد وفي تاريخ الشعر وفي ذاكرة الزنبق و الريحان.. بعد ما عرفت وضع سمر وظلم اهلها الها.. وعدتها وانطيتها كلمة رجال وگلتلها مستعد احارب الدنيا بس اهم شي اخلصچ من هذا النذل.. سمر// غيث رجع بيه الامل.. وبعده نفس اسلوبه وطيبته وشهامته.. سولفلي وضعه واسلوب حياته.. حتى هو المسكين ممرتاح.. مرت الايام كل يوم غيث يتصل بيه يطمأن عليه.. مرة يلگاني ابچي ومرة مقهورة ومرة خايفه.. ومرة من المرات دنتغدا اني وشاكر گلتلة غيث.. وچنت اقصد شاكر.. شاكر فز من مكانه گام كسرني تكسير.. سألني هذا منو يا ساقط اللي تحچين ب اسمة.. واني ما ضميت عليه گلتلة خطيبي الاول وهو يضربني ويحقق وياية واني كل اللي صار گلتلة.. وگلتلة بسبب امي وعنادها عفته.. وزواجي الاول انجبرت من قبل امي وزواجي منك انجبرت من قبل ابويه.. واني مرايده اتزوج لا انت ولا المرحوم عماد.. واني احچي وابچي... هو زاد عناد گال داام ببالچ ذرة امل اتجاه هل ساقط لو تموتين تحلمين تشوفي.. سمر// واني معندي امل ولا اريدة ولا اريد اشوفه اللي بيناتنا انتهى من زمان... وكل الاريدة منك تبطل همجية وتخلف وتغير اسلوبك البائس.. بعد مرور اسبوع صار عندي فضول شاكر وين يقضي وقته اتصلت بغيث وگلتلة غيث شاكر هيچ وهيچ سالفته وميرجعلي الا ساعه 8 بالليل او ب 10 ومرات يبات برى البيت شلون اعرف وين يروح .. گال راقبي اتصالاته فتشي تليفونة بلا ميدري واللي تسؤي ليشكل خطر عليچ.. سمر // بالبيت من يجي يتصلون بي اصدقاءة بس .. وممبين شغلة مو زين بقيت افكر وافكر.. والخوف ماخذني كرت الحگة بس هو اول ميطلع.. يطلع بالسيارة ومرات ينسى شغلة ويرجع عليها. واني شلون انزل وراه هل شي كلش، صعب.. بهل فترة.. كل يوم اسامة يتصل بيه ويعرف كل وضعي... يووووم من الايام دااحچي وي غيث.. اني من احچي وياه اطفي، كل الاضويه واحضر سلة فاكهه او كرزات وهل سوالف واسحب البرده وافتح باب البالكون واگعد احچي.. صار، غيث منفذي الوحيد.. علاقتنا ك صديق فقط ماتعدت حدودها ولا اتجرأ يحچي بالماضي ولا اني نحچي على مشاكلنا وبسس.. دااحچي وياه گمت من الكرسي گلتلة غيث اثنين ملثمين صعدوا للعمارة ... والعمارة مبيها احد واللي، صعدوا وضعهم ميطمأن.. گال شكو دتحچين صدگ تتشاقين.. بهل اثناء، اندگت الباب.. بيج قصص عراقيه حقيقيه من واقعنا.روعه الطائي اني فزيت.. گمت احچي بصوت هامس، وگلبي دگاتة اتسارعت.. گلتلة غيث الباب دتندگ... باوعت من العين السحرية شفتهم نفسهم.. رجعت ركض للغرفة وگلتلة غيث ديدگون بالباب.. هو صاح لچ سمر هذول شغلتهم مو خالية اكيد عصابة.. روحي للحمام ختلي او اي مكان ميدخلولة ... سمعت الباب انفتحت... مصار خيار گدامي بس البالكون.. طلعت للبالكون اركض.. ختلت ورا باب البالكون... دخلوا للبيت واسمعهم يحجون واحد يگول للخ شوف مو گلتلك البيت فارغ لان ظلمة.. الثاني يگولة بس، مشفت احد الصبح طلع بس صاحب الشقة مرتة ماكو.. غيث يصيح الووو. سحبت التليفون وغلقته ولزمتة ب ايدي خفت اسدة ويتصل مرة لخ ويسمعون صوت التليفون ف غلقته.. وايدي ترجف وبقيت اردد ايات ومااعرف شنو ادعي... اصعب موقف مرر بحياااتي 😔 ❤❤❤❤❤ يتبع......... | ||||
|
| |
|
25-07-19, 08:11 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 22 #حنة_العيد و #شهگة_النعناع. . الحُبُّ ليس أن تتحدثَ عن الحُبِّ وإنما أن تتصرفَ بحُبٍّ ! الحُبُّ هو أن تتقي اللهَ فيمن تُحبُّ الحُبُّ هو أن تقولَ اسمَ أحدِهِم في دعائِكَ وهو لا يعلمُ ! الحُبُّ ليس أن أعزلكَ عن العالمِ لأظفرَ بكَ بل أن أترككَ في وسط الزحام وأنا على يقين أن قلبكَ لي ! سحبت نفس وحاولت اصبر نفسي.. وماابچي دمعتي حابستها ومااعرف شنو ادعي صرت... كل الاريدة بس اطلع سلامات من هل موقف... شوية وحسيت صار البيت صنطة... دگات گلبي هدت.. ردت اطلع راسي من ورة الباب واشوفهم طلعوا.. بس خفت ليطلعون بعدهم بالشقة ويلزموني يموتوني خلاص.. مشيت افقياً خطوتين وحنيت نفسي ومديت جزء من راسي من البالكون مشفت احد بالشارع.. رجعت.. شويه لخ واسمع صوت سيارة مديت راسي شفتهم بالسيارة وطلعت السيارة بأقصى سرعتها.. طلعت ركض ومااعرف وين اروح.. باوعت عالشقة مگلوبة گلب.. فتحت تليفوني واتصلت بشاكر وگلتلة على اللي صار واني ابچي.. گال نص ساعه واني جاي.. مااعرف شنو اسؤي رحت سديت الباب بس بعدني خايفه هم گدروا يفتحون الباب يعني كلشي يگدرون يسوون... گعدت عالقنفة وابچي ودگ تليفوني باوعت عالرقم رقم غيث.. جاوبته هو يصيح بعالي صوتة لچ وين رحتي.. سمرة تخبلت من سديتي الخط لچ مااعرف شأسؤي،.. سمرة هسه انت وين طلعتي موو؟ سمر : غيث على كيفك وياية ترى والله مااگدر، احچي من الهبطة الشفتها.. اني بعدني بالشقة شفتهم من البالكون.. طلعوا.. رجعت فتت للشقة بس ميته خوف.. غيث، : سمرة اطلعي لتبقين بالشقة.. ولتخبليني عليچ سمر : غيث شنو اتخبلت ترى دنيا ليل والشارع مبي احد وين انزل اخاف والله.. غيث : الشارع أأمن من الشقة مو جاي اگلچ انزلي البسيلچ عباية وانزلي ولتبقين بهل شقة... سمر : غيث لا لا مااگدر انزل واني اتصلت بشاكر، وگال هسه اجي.. وهو ميقبل انزل وحدي.. غيث : هاا.. والله وكفو من شاكر عايفلة مرة بديرة غرب وسايب.. مااگول بس حسبي الله ونعم الوكيل.. سمر : روح غيث روح شاكر على جية.. غيث : اوك يابه رايح.. بس سمر حاولوا تغيرون مكان سكنكم لان كلش تعبان.. سمر : الله كريم.. سديت الخط من غيث ونزلت راسي عالقنفة وشبعت بچي.. اي غيث للان تخاف عليه وگلبك محترك اكثر، من زوجي.. صارلة اكثر من ساعه من گال اني جاي.. كمت لغرفتي تقربت للكنتور شفتهم ماخذين كل الذهب.. وشكو فلوس بالكنتور.. شوية لخ وسمعت صوت الباب گمت ركضت وگلبي فز ختلت ورة القنفة... باوعت شفته شاكر.. گمت ركض علية ودمعتي بعيني وسولفتلة اللي صار.. عيونة دخنن وگال ماكو حارس بالعمارة شسؤي، شبيدي يعني اعوف شغلي وعملي واگابلچ.. ترى ماكو هيچ ورطة.. سمر : شاكر الله يخليك خلي نشيل منا والله متت خوف على الرعبة الشفته اليوم لهسه گلبي يدگ.. شاكر : شنو الشيلة لعبه.. سمر : لعد والحل والله دااموت خوف قبل كم يوم ناس ترمي هسه حرامية اني شنو ذنبي.. شاكر : الحمد لله على سلامتچ وهذا كله هين.. اني اشوف حارس واغير قفل الشقة وحتى باب العمارة ح اقفلة من اطلع.. بيني وبين نفسي احچي ايباااه شلون حلول يا جاكي شان.. شاكر: ترى اجيت بلا عشا گومي سويلي، عشا.. سمر : والله ولا اگدر.. اگولك لهسه ارجف.. لا اسؤي عشا ولا اريد عشا.. شاكر : اكولچ شنو سالفتچ سويتيها بلا ملح هو حرامي طب باگ وطلع اشو لحيتي هم نقليها لأهلچ هاي حتى شيخلصني من ابوچ يبقى يسفط براسي ويسوي روحه بس هو وبس.. سمر : والله الك خلگ طلايب.. اگوم اسؤي، عشا وامري ل الله.. شاكر : دگعدي گعدي،.. رايح اجيب عشا.. راح جاب عشا واتعشى اني عفته ورحت للغرفه نمت.. گعدني ساعه سته ونص الصبح سؤيتله ريوگ... گال ساعتين واني اجي اجيب واحد يغير الاقفال.. سمر : ترى حتى اذا غيرتهن هم يفتحوهن.. شاكر : دگولي يا الله مؤقت بس هل اسبوع بين ما الگي شقة وانت اتصلي على واحد من اهلچ يجي يمچ هل فترة بين مننتقل.. هاا يا الله اذا بس هل اسبوع نصبر واليوم اخابر اهلي اگولهم شاكر عندة شغل خلي واحد يجي يمي... طلع گمت قفلت الباب وراه وجريت الطخم قنفه ورة اللخ و حطيتهن عالباب.. رجعت تلفلفت باللحاف اخاف انام واني وحدي صافنه ومطلعه بس عيوني من اللحاف ماحسيت على نفسي الا غفيت ... گعدت على صوت تليفوني سحبته شفت المتصل شاكر.. جاوبته گال حضري ريوگ لنفرين گلتلة اوك گمت غسلت وجهزت الريوگ.. بعدهه سحبت القنفات بهل اثناء اجه هو ورجال وغيروا الاقفال مال باب الشقة وباب العمارة.. واتفق وي رجال يشتغل وياه يگعد بالشقة الطابق الاول بس هل فترة... خلصوا ريوگ وطلعوا.. رجع شاكر گال هسه اطمأني حطيتلچ قفلين سرگي وقفل.. ولباب العمارة قفل وزنجيل . . . . وهم الحرامية اجوي مرة بعد ميجون.. وابو صلاح اتفقت وياه حيگعد هل فترة بالشقة الطابق الاول بدال ميبات بالمعارض.. اني ح اطلع شتحتاجين خابري ولتحسبين حسابي عالغدا... شووية ارتاحيت... سحبت المخدة ورجعت غفيت گعدت ساعه 11 سحبت تليفوني واتصلت بغيث وانطيته اخر المستجدات وهو يحرگ بروحة حرگ.... شوية وسديت الخط.. گمت للثلاجة طلعت دجاجة سويتها مرگة صفرة احس صوتي مبحوح من الخوفه... ساعه 2 ونص غيث كاتبلي عالواتس سمرة بس دزيلي الموقع.. جاوبته غيث يا موقع ؟؟ غيث : شبيچ موقع العمارة.. سمر :والله كلشي مااندل هنا.. غيث : ههههه يا فطير ة اقصد دزي عالجيميل سمر : هو اني وين اعرف والله عندك سوالف.. بعدين شتسؤي، بي.. غيث : اريد انطي لولد صديقي يسؤي كشف عالمنطقة ددزي، ياسمرة منتظرچ يلا.. سمر : هاي شبيك والله مااعرف... غيث : سمرة نزلي تطبيق اسمة تليگرام واني اعلمچ تدزيلي الموقع كلش سهل سمر :اوك.. نزلت التطبيق وكلشي مااعرفلة وهو علمني خطوة خطوة لحد مدزيتلة الموقع... باوعت عالساعه حييل ساعه اربعه خلي اگوم اكل لگمة.. گمت اكلت وغسلت المواعين.. فتحت التلفزيون تفرجت.. خابرت امي گلتلهه تعالي هل ايام گالت كلش مريضة ومااكدر وصوتها گوة تحچي.. بقيت الح عليهه اگولهه شبيچ محچت هي بالعادة تتصل بيه بس، صار مرتين اني اتصل بيهه.. صارت ساعه ستة اجه شاكر حظرتلة العشا اتعشى ساعه سبعه ونص گال خلي اطلعچ اليوم گلتلة مااريد نفسيتي تعبانة وبردانة... گمت للغرفة لفيت نفسي باللحاف وحاولت انام ماگدرت صار مشهد الحرامية گدام عيني... گمت فزيت من مكاني طلعت من الغرفة... گعدت يم شاكر.. هو يگلب بالتليفون... امنيتي فد يوم نگعد نضحك نسولف سوة يستشيرني، بموضوع... حال حال الخادمة لا والله اكو خدم افضل مني، تذكرت امي وصوتها شلون چان مبحوح.. حتى سلامها اليه مو بلهفة مثل كل مرة شبيها ياربي.. سمر : شاكر امي مريضة وديني لأهلي.. شاكر : هل فترة مااگدر جايتني بضاعه من عمان ولحد الان ممتجهز حتى اخذها.. مو مال اعوف البصرة واطلع لبغداد مو فارغ.. سمر : هاا خير ان شاء، الله.... حتى لو معنده شي يگول مشغول من تزوجت لحد الان مفد يوم گلتلة وديني لأهلي وقبل الا هو بمزاجة... خلص اليوم مثل روتين كل يوم.. نمت وگعدت سويتلة ريوگ وطلع.. گمت قفلت الباب... رجعت نمت ساعه عشرة ونص، دگ تليفوني سحبته شفت المتصل امي ردت اجاوب انگطع.. حييل تعبانة ونعسانة عفت التليفون گلت بس، اگعد اخابرها كملت نومتي لساعه 12 گعدت سويت ريوگ تريگت.. بعدها اتذكرت امي گمت خابرتها مرتين مجاوبت.. فتحت الواتس كتبت الغيث صباحوو ابو الغوث.. جاوب ولچ سمرة تگولين البصرة باردة اشو انحمست حمس.. سمر : شنووو مفهمت غيث : ههههههه مو ضروري تفهمين بس افتحي البالكون وشوفي شكو.. گمت ركض لبست حجابي باوعت فزززززز گلبي يمةةةة هذا غيث... وي الهوى اشتميت ولفي اعله بابي مالحگـت لفيـت راسـي بحجابـي😍 اني شفته هو مشافني.. رجعت خابرتة وحچيت وياه... غيث شنو اتخبلت ليش اجيت.. غيث : سمر بعيداً عن انت منو وشنو بالنسبة اليه بس اني يمچ هل اسبوع ولتفهميني غلط.. اني هنا لحمايتچ وبس صارت عندي شغلة هنا ف گلت خلي ابقى بعمارتكم... سمر : لا غيث اني افهمك واعرف شنو تفكر وعمري مافهمتك خطأ.. وانت مجاي على شغل ولا شي، اني اعرفك.. غيث : ههههههه يا ملعونة وحتى تعرفني من اچذب.. يلا ابوية روحي وبعد لتتصلين ولا اني اتصل بس اذا حسيتي بخطر اي شي اتصلي اني متواجد بالشقة اجرتها شهر بس، ح ابقى لمدة عشر ايام... بين متغيرون مكانكم.. و عندي بحث جاي اكتبه هنا اقرا واكتب على راحتي.. سمر : اوك غيث متقصر، ربي، يحفظك... سديت الخط وحطيت التليفون ع صدري.. احساس، كلش حلوو من انسان يخاف على الشخص اللي يحبه.. لا يا يحبه اللي، بيناتنا انتهى من زماان... بس مااعرف غيث ليش هيچ ديتصرف رغم اني اذيته اووو ياغيث شگد اذيتك... وانت توعدتلي تأذيني، بس مجرد ما گلتلك عوفني ووعدتني متتعرضلي بحياتي واللي وعدته طبقته.. ريت كل الرجال مثلك.. خوما شاكر الخيخة.. اووو استغفر الله اشو اني ملت هواااي... هذا هم حظة شاكر... لا والله مو حظة هو اسلوبه تعبان... لو بي خير،..... قطع تفكيري صوت مفاتيح الباب اجه شاكر... اجه للبيت سلم عليه گال جوعان.. گمت سويتلة اكل.. طلع من الحمام اني جهزت الاكل.. اكل وگال اني طالع شتحتاجين خابريني، گلتلة اوك.. رجعت لتليفوني تذكرت امي مجاوبت الصبح.. رجعت خابرتها.. جاوبتني ضحى وصوت ضحى ماعجبني... بقيت الح عليها مجاوبت گلتلهه انطيني امي گالت ماما عند الدكتور،.. سديت الخط منها رجعت خابرت اسامة.. وبقيت الح عليه ميقبل يحچي شكو.. عاد هنا طگيت من البچي گلتلة ترى والله ميصير هيچ هم بعيدة عنكم وهم محد يسأل عليه ومحد يگولي شكو شصاير، اسامة دسولفلي امي بيهه شي ابوية بي شي.... اسامة : لا والله سمر ماكو شي، بس صارا مشكلة بين انور وزوجته.. سمر // لاچذب مشكلة بين انور ورغد البيت ينگلب سولفلي شكو.. اسامة /// سمر.. انور طلع برى العراق وطلگ زوجته.. سمر // يمةة عزة العزاني تحچي صدگ اسامة مخلفتك ب الله هاي شكو شديصير، واني ماادري اني شنو غريبة واني منو عنكم بقيت ابچي واصيح يمة اخوية سودة علية وين راح.. اسامة // سمر لتخربطين بكلامچ واهدي على كيفچ اصلا امي متقبل نگولچ واني زايدة مني، گلتلچ وانور، طلع لتركيا.. سمر // زين شنو سبب هل مشكلة ... اسامة // مو انور طلع منه السبب ميخلف.. ف تعاركت وياه زوجته تگولة حسيت منك الخلل واني متحملة وتلح عليه يروح يعالج نفسة . . . . . ف هو مگدر يتحمل كلامها طلگها وسافر.. سمر // يمة اخوية سودة علية واني اگول ليش، ميسأل عني، هل فترة طلعت هل مشاكل كلهه واني ماادري.. اسامة وامي شبيهه اسامة // مبيهه شي بس، من سافر انور لحد الان بس، تبچي وكل شويه متخربطة... سديت الخط من اسامة واني حييل انقهرت.. للساعه ١١ رجع شاكر.. سولفتلة اللي صار وگلتلة خلي اروح لاهلي امي تعبانة گال اي انتظري هل اسبوع يخلص ويصير، خير.. شاكر ترى امي تعبانة مو مال انتظر اسبوع.. اخابر اسامة يجي ياخذني.. شاكر /// گلتلچ انتظري بس هل اسبوع ولتلحين... عرفت ماكو فايدة وياه وقررت باچر اخابر بابا هو يتصرف وياه.. ............. گعدت ساعه عشرة الصبح شاكر طالع .. گمت غسلت ورتبت البيت واتريگت اندگت الباب بطريقة عجيبةةة بس ردت الحگ افتح الباب باوعت من العدسة شفتها مرأة عمرها بالتلاثينات گلت منووو صاحت ولچ افتحي الباب واني اگولچ منو... گلتلهه خالة انت منو صاحت خلخالة تخلخل عظامچ لج افتحي الباب لا اكسره عليچ لچ ساقطة افتحي الباب وتصيح بعلو صوتها وترگع بالباب... متت من خوفي شهل ناس، ياربي ومنو هذه فتحت الباب ........... يتبع.... | ||||
|
| |
|
25-07-19, 08:12 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 23 #حنة_العيد. و #شهگة_النعناع. ثم تزداد مزاجيتك سوءًا, لتجد نفسك فى دقيقة تضحك بلا سبب, وفى الدقيقة التاليه مُغمر فى حالة من الصمت الذى تعجز فيه عن البُكاء. گعدت ساعه عشرة الصبح شاكر طالع .. گمت غسلت ورتبت البيت واتريگت اندگت الباب بطريقة عجيبةةة بس ردت الحگ افتح الباب باوعت من العدسة شفتها مرأة عمرها بالتلاثينات گلت منووو صاحت ولچ افتحي الباب واني اگولچ منو... گلتلهه خالة انت منو صاحت خلخالة تخلخل عظامچ لج افتحي الباب لا اكسره عليچ لچ ساقطة افتحي الباب وتصيح بعلو صوتها وترگع بالباب... متت من خوفي شهل ناس، ياربي ومنو هذه فتحت الباب وشفتها مرأة يجي عمرها نهاية التلاثين... دفعتني ودخلت للبيت وسدت الباب وشگد معندها قوة ضربتني واني مافهمت شنو القصة واصيح واكولهه خالة انت منو وشتريدين مني.. وهي تصيح اخذتي رجلي وتگوليلي شتريدين مني.. اني هنا فزيت خالة بس افهميني والله مأخذت زوجج بس افهمي عليه.. انت زوجته لشاكر مو... والله گال ان هو مطلگچ وميريدچ.. وهي تسب وتضرب وتلعن وكسرت المطبخ... ولا اهتمت لكلامي.. بيج قصص عراقيه حقيقيه من واقعنا.روعه الطائي مااگدرت اسوي شي ركضت اخذت حجابي وحاولت اطلع... طلعت ركض من الشقة بس مااعرف وين اروح وهي عياطها يجيب التايه.. وتركض وراية لزمتني من ايدي وتضرب على راسي.. بهل اثناء، طلع غيث من الشقة وصارت عينه علينا... گال خير شكو.. اني صحت هذه المرأة تريد تموتني.. اجه تقرب عليهه گالهه انت منو... هي وخرت مني و دفعته ونزلت... وگالت والله الا اندمچ تتزوجي موو يا.... متگولين عندة بيت عندة جهال.. ........... يسالفتي العشك ❤مو عيب بس عيب العشك ينضم ميهمني كلام الناس😌 مادام الله ما حرم ميهمني الورد بي لون حلات الورد من ينشم ..... شعور غريب من نوعه غيث، صار كذا سنة مشايفته وتاليها اشوفه بمثل هيچ موقف.. بقى صافن عليه.. وگال هذه منو... سمر // يمكن زوجته لشاكر، لان اللي فهمته منها تگولي، اخذتي رجلي... غيث // ليش متزوج شاكر وحدة غيرچ؟ سمر// والله مااعرف.. اني من تزوحته چان منفصل عنها وشوف لبابا ورقة الطلاگ... غيث// خرب غيرته شهل نذالة اللي شايلهه... دفوتي للبيت غسلي وجهچ كوله دم.. دااروح صاح عليه.. غيث // سمررر اتذكر اول مرة من كال اسمي دكات گلبي بكل مكان بجسمي♥️ سمر /// هااا غيث... غيث/// سمر هي شلون فاتت للشقة سمر // اني فتحتلها الباب غيث // سمر، وتالي وياچ شكو فاتحه الباب لناس متعرفيهم دفوتي جووة ولتفتحين الباب لأي كان... سمر // شكراً غيث لو ما انت هل سعلوة ذابحتني رغم اني اذيتك بس انت طلعت احسن مني... غيث // لا يمعودة هو اني شسويت حتى محچيت اتوقعتها تعرف شاكر لذلك ما لحيت اخاف تنتبه عليه وماالي خلگة هل خرگة لو يندگ وياية بلا تفاهم افرغ الشاجور، براسة سمر // اووي يمة شهل عنف خلي ارجع للشقة احسن لتصير غير، سالفة يلا يابه اودعناك..... دخلت للشقة واني فايرة على شاكر هواي متحملتلة البارحة اتوسل بي اروح لأهلي يضبط علية فوگاها طلع متزوج... لا هو ممتزوج هذه زوجته الاولى نفسها لان دتگولي اخذتي رجلي... بسيطة شاكر الله كتبها عليك ترجع لو لا... گمت للمطبخ داارتبه گلت لا خلي اعوف كلشي على حالة... وخلي اتصل بي.. اووو هو يايوم اتصلت بي واستجاب اليه ومن اگولة تعال كلش يجي يركض خلي انتظرة هو وحدة يجي وامري ل الله .... انتظرت انتظرت وللساعه 8 ونص بالليل يلا اجه.. واول مااجه سولفتلة اللي صار وكأنما انگلبت الدنيا ... هو يحچي واني احچي مخليت سالفة بگلبي.. گام شگد معندة قوة ضربني واني وي كل ضربة روحي تطلع بس حابسة صووتي بس هو يصيح.... بهل اثناء اندگت الباب اني اتوقعته غيث وبقيت اردد يارب عديها على خير، گام فتح الباب ابو صلاح الرجال اللي، يبات بالعمارة ... ابو صلاح // السلام عليكم ابو عبد الله خير شكو صاير شي وياك لان صوتك طالع.. شاكر // وعليكم السلام لا ابو صلاح ماكو شي بس هل حيوانة تتطاول عليه وادبتها.. ابو صلاح // ابو عبد الله انت ابو گلب الچبير، صل على نبيك واتهدى بسم الله الرحمن وعوف الشقة اطلع شوية غير، جوو.. شاكر // هو هم هيچ اني طالع.. اووووف ياربي شهل مخازي حتى الغربة صارت تعرف بمشاكلنا لا ويگول عني حيوانة فوگ ما هو غلطان بسيطة شاكر.. خلص اليوم وهو ماكو... ثاني يوم گعدت مكسور واهسي من كل شي اتصلت على اسامة وسولفتلة اللي صار وگال حظري نفسچ اني جاي.. جمعت ملابسي بجنطة صغيرة لان اني كلشي ما املك ذهبي وباگوا وفلوس، معندي ولا دينار،.. انتظرت اسامة من الصبح للساعه 9 بالليل وهو ماكو رجعت خابرتة گال اي بعد ساعه اوصل.. وساعه 11 وصل اسامة و روحي طارت من الفرحة.. گال باچر الصبح نطلع لبغداد لان حييل تعبت الطريق طويل انقذيني بالحمام وخلي انام.. گعدنة ساعه 8 الصبح تريگنة وكملت كلشي... واندگ الباب.. طلع اسامة يفتح الباب ودخل للبيت متفاجىء گال، سمر احچيلي الصدگ وانت متچذبين علية غيث شعندة بالعمارة؟ سمر // يا غيث ويا عمارة.. اسامة // غيث صديقي ساكن بنفس هل عمارة.. سمر // لابربك؟ ؟ ودگ علينة الباب شيريد؟؟ اسامة // هاي، شبيچ ترى هو هم اتفاجىء بيه.. وعندة شغل هنا ويريد كهرباء، مؤقت لان الشقة اللي هو بيها مبيها كهرباء، اكو عطل بالوطنية.. گلتلة شوية وتعال.. سمر // هاا اي خطية انطي كهرباء،.. اسس.... اساامة اني مااكذب عليك.. وح احچيلك الحقيقة بس لتفهمني خطأ.. حچيت اللي صار، ل اسامة بالتفصيل.. اني احچي وهو مدنگ... رفع عينع عليه وگال لا سمر لا اللي سؤيتي خطأ اني اعرف غيث وأأمن بي على اهلي وعرضي وانت اعرفج شنو واثق بيچ.. بس ماخفتي من شاكر يوگعچ بمصيبة سمر // اسامة والقران ترى غيث مشايفني، بس اني لمحته مرة وحدة هو هنا حتى يحميني من اتصلت بيكم ومحد اجه يمي هو اجه.. شاهد الله مشايفته ولا شايفني غير، مرة وحدة خلصني من ايد مرت شاكر.. اسامة // سمر سمر // هاا.. اسامة // سمر اني اقرب واحد الچ من اخوانچ وحتى اقرب الچ من امي وابوي ح اسألچ وجاوبيني، بصراحة... سمر // اوك اتفضل .. اسامة // انت بعدچ تحبي لغيث.. سمر // لا اسامة يا حب شبيك يمعود هي الدنيا شبقت بيه بقت بيه مجال حتى احب.. اسامة // لا والله يا اختي مو الدنيا امي وابوي اللي، حطموا حياتچ.. عالعموم خطأتي هل خطأ ومااريدة يتكرر واوعدچ اللي تريدي يصير.. بس شأكولچ نفذي وخلي ايدچ ب ايدي والله كريم.. گومي يلا خلي نروح.. دنطلع وصار غيث بوجهنه.. اسامة تذكر شغلة الكهرباء سلمنه علية.. وگله غيث احنه راجعين لبغداد.. حظرت واير حتى تسحب كهرباء لان مستعجلين نريد ننزل بهل اثناء صعد شاكر وشافني واگفة صاح ها شكو هنا.... اني محچيت.. اسامة گله اقلها سلم.. شاكر // مااسلم على واحد ممحترم مثلك.. اسامة // ليش هل منطق شاكر وين عدم الاحترام بالموضوع.. شاكر // المدام محظرة نفسهه تريد ترجع وياك موو.. اليوم اخليهه ترجع وهي مرتاحة.. سحب ايدي يريد يضربني.. اسامة دفعه.. گام شاكر، ضرب اسامة واسامة رجعله اضعاف الضربة وصار غيث بنصهم وغيث واسامة على شاكر اني، بقيت اعيط حيموت ولكم عوفوا مبقوا مكان بجسمة صاحي، كسروا تكسر.. صعد ابو صلاح وگال اتصلت بالشرطة هم يعرفون يتصرفون وياكم سحبني غيث وگال نزلي ح تجي الشرطة... دفعته گلتلة ماانزل متشوف اسامة وجهه كولة دم صعدت دااشوف اسامة سحبني غيث وگال دااگولچ انزلي... غيث سحب ايد اسامة وگله اسامة اخذ سمر، وطلعوا اني لاحگكم.. دخل للشقة... واحنه نزلنة.. لزمت ايد اسامة وطلعنه عالشارع.. سمر // اسامة ح نعوف غيث؟ اسامة // هو جاي ورانة... طلعت تليفوني واتصلت بغيث.. شوية وجاوب گلتلة شدسؤي گال دااجمع كتبي وغراضي، خمس دقايق ونازل... بهل اثناء اجرنة سيارة... واسامة گالة اطلع اني وگفته گلتلة اسامة انتظر دقايق.. شوية ونزل غيث ع بالة طلعنه .. صاح علية اسامة ومقبل يصعد گالة ح اشوفلي سيارة.. سمر // غيث اصعد غيث // اووك.... مشينه نص الطريق ونزلنة صعدنة بغير، سيارة حتى توصلنة لبغداد .. غيث صعد بغير سيارة... الطريق صار طويل... من التعب والخوووف.. . ساعه سته العصر وصلنه للبيت.... قبل لنوصل اهلي عندهم خبر باللي صاير شاكر، مخابرهم وگايللهم العشائر، بيناتنا.. اول موصلت شفت امي ركضت عليهه حييل ضعفانة.. ركضت على علوش صار فترة طويلة مشايفته اخذتة بحضني وبقيت اشهگ وابچي... البيت بي نقص احسة اظلم.. رجعت على امي... يمة انور صدگ راح امي بقت تبچي... وگالت هد حيلي من راح.. اني، بقيت اصيح وابچي ولك انور شلون تروح وتعوف امي وانت اليوم الچنت متمر عليهه تخبص الدنيا وهي تجيك لبيتك تشوفك... شلون نطاك گلبك تعوف امي.. واسامة يسكت بيه ويگولي يرجع يرجع اسكتي، ميتحمل فراگ امي ويرجع.. وعلوش حييل مقهور لان بالفترة الاخيرة وبعد زواجي، من شاكر، حييل متعلق ب انور حتى يگولة بابا... بعد مرور اسبوع اجوي اعمام شاكر.. وصارت گعدة عشائرية... ورادوا يحلونها بالتراضي، وگالوا خلي ترجعلة مرتة.. اني مقبلت ارجع واسامة چان بضهري، يگول لو اعرف اموت مااخليچ ترجعين.. يحچي وي اهلي ويگولهم... شنو انتو متردونها رحت لگيتها بنص عمارة فارغة والشارع يصوصي لو يكتلونها موت محد يدري، بيهه ولا هي، قريبة علينة ونروحلهه يومية ولا زوجها ادمي ونطمأن.. هم هيچ زواج احنه منريدة... شنو ابتلينة نطيناك مرة ادري، صارت مرتك هيچ تأذيها... احنه هم عندنا نسوان بس خايفين الله بيهن وهن تحت رحمتنا ميصير، هيچ نسؤي، بيهن... وفوگ كل هذا مرجع مرتة الاولى... وسمر عايفهه تبات بالعمارة... ومرت الايام واعمام شاكر يومية يجون.. واني ردي الرفض.. ..... وختمناها وگلنالهم خلي، يطلگ... بعد اقناع ابوية وشرحتله كل وضعي وتوسلت بي... يلا قبل.. واسامة وياية ويشرحله وضعي ويفهمه.. اجوي اعمام شاكر وطلبوا يشوفوني.. طلعت سلمت عليهم.. وشرحتلهم وضعنه.. وگلتلهم لايقبل اكمل دراستي ولا يقبل اجيب ابني ولا يقبل اخلف... وممنوع اهلي وماكو طلعه.. وكل هذا وقبلت تاليها يرجع مرتة الاولى... لا لهنا وكافي واني مااتحمله بعد.. وكل هذا ويضربني، وهواي سوالف مااگدر احچيها... وانتو احكموا بيناتنا.. لو فصلية هم ميعاملوها هيچ.. ماقبلوا عليه اعمامة وگالوا اللي تريدي يصير بعد مرور شهرين وهم نفس الحال ميقبل شاكر يطلگ ويريدني، ارجع.. عفت موضوعه على صفحة.. ورجعت كملت اخر سنة بقت الية من دراستي، وچانت حييل متعبة .. لان بيهه كتابة بحث وتطبيق... وخلصت السنة وتخرجت والحمد لله.... وللان شاكر ميقبل يطلگني.. دزينه على اعمامة وحاولوا يضغطون علية ويقنعوا وهو قافل عالموضوع.. لحد ما بابا رتبها هو واصدقاءة كم محامي ورفعوا عليه دعوة.. وقدموا علية ابلاغ وهو مااستجاب الهم.. بعدها سووا طلاگ غيابي تنازلت بي عن كل حقوقي... وخلصت من شاااااااكر، وبقيت بفترة العدة 3 اشهر وعشر ايام... اهتم بعلوش وبالبيت.. بهل فترة ماتت ام رأفت وحييل انقهرت عليها.. وعلي حييل انقهر... ويبچي عليها... الله يرحمها چانت خوش مرأة ابد مسمعت منها كلمة ضوجتني ولا اذتني، بشي ياريت كل العالم مثلها ومثل المرحوم عماد... هند عمت علي رجعت للعراق استقرت وگعدت ببيت ابوها... وكل فترة يروحلها علوش حييل متعلقة بي وتگول هذا ابن الغالي.... بعل فترة تزوجت ضحى.. وبعد ضحى ب اربع اشهر تزوجت سجى... بابا اتمرض كلش.. بحيث المرض خلاه يترك عملة.... امي رجعت لوضيفتها.. مدرسة تاريخ.. بهل فترة اجه غيث خطبني.. اهلي لا گالو اي ولا لا.. اسامة رجعله جواب وگلة موافقين.. طبعا غيث واسامة للان ممتصالحين بعد كل اللي صار.. بس هم واحد يحب الثاني.. وواحد مينطي بالثاني.. اني شعوري عادي لان حتى لهفتي للموضوع ولغيث راحت بعد اللي شفته بحياتي... بعد مرور يومين اجه غيث وياه شيخ وگعدنة بالصالة عقدلنة.. واول مخلصنه العقد گام غيث حضن اسامة.. وهنا تصالح غيث واسامة... بهل فترة سماح صار عندها ولد... ومهند حيييل فرحان سمى ابنه محمد.. وبيت اهلي صاير هوسة من الجهال.. واجتي ضحى خطار وبشرتنا بحملها... .................. من سألو شنو الما اگدر بدونه -گلت بس امي و عيونه ،💜 وحددنا يوم العرس اني وغيث بس لا بدلة ولا هوسة.. حفلة بسيطة بيناتنا ونروح للبيت اللي مأجرة غيث.. مقبل اعيش وي اهله لان زمن وامه صايرات فيوزات.. وصار يوم العرس.. اخذنه صور، بالبيت اني لبست فستان اووف وايت ومحجبة.. ومكياج بسيط.. وغيث قاط اسود وقميص ابيض والشيب تارس شعرة يخبل طالع... غيث // يمن فدوووة رحت لطولچ هاي شطالعه... سمر // ههههه انت الاحلى غيوث.. واگلك زيد وانت الـ من يمر طرواك يتحنه الورد ويطلع البستان بجويريد يالمنك دولايب الحزن والعيد 😍😍 طلعنه دنصعد بالسيارة وسمعنه عيااااط..... شتتوقعون يتم زواجهم اوووو لا وشنو صوت العياط شكووو؟؟ 😍😍😍😍 يتبع..... | ||||
|
| |
|
25-07-19, 08:14 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 24 و الاخير #حنة_العيد. و #شهگة_النعناع. بالطيف لمن تمر خليك اطول وكت حتى اشبع بحجيك... الناس عدها الفجر وعندي الصبح يبتدي من يبتسم وجهك.. 💙 وحددنا يوم العرس اني وغيث بس لا بدلة ولا هوسة.. حفلة بسيطة بيناتنا ونروح للبيت اللي مأجرة غيث.. مقبل اعيش وي اهله لان زمن وامه صايرات فيوزات.. وصار يوم العرس.. اخذنه صور، بالبيت اني لبست فستان اووف وايت ومحجبة.. ومكياج بسيط.. وغيث قاط اسود وقميص ابيض والشيب تارس شعرة يخبل طالع... غيث // يمن فدوووة رحت لطولچ هاي شطالعه... سمر // ههههه انت الاحلى حبيبي غيث // سمرتي.. سمر // عيوني غيث// احبچ ❤ كتَلها احبچ دنگتَ ضحِكت وقصتنة ابتّدت.💗 🖤🖤🖤🖤 طلعنه دنصعد بالسيارة وسمعنه عيااااط..... ولك غيث كسرت خاطر مريتك ولك غيث... درت وجهي دااشوف منو شفتها ام غيث، ووياها بنية.. غيث راح يركض عليها وگالها حجية رجعي للبيت مو وگتچ... ام غيث // اي يمة مو وكتي، كسرت خاطري وحتى مااخذت رأيي بيها تالي رديت لهاي ام الرجولة الضحكت على عقلك واخذتك ودرت ظهرك من مرتك.. غيث // يمة الاوادم منا عيب هل حچي،.. بيج قصص عراقيه حقيقيه من واقعنا.روعه الطائي ام غيث // ياحچي ما گلت شي چذب كسرت كلمتي گبل وهسه ماخذهه من گبل گلبي ما مرتاح الها هاي ام الرجولة سطرتهم اثنين وانت ثالثهم وجاي تضحك عليك.. غيث // يمةةة اخذي زمن ومااريد اشوف ترى اقسم ب الله عتبت البيت مااخطيها ولا اخليكم تشوفون وجهي.. والبنية تصيح والله وسؤيتها صدگ يا غيث الا اگول لأبويه عنك هو يطلعلي حقي منك.... وجه غيث صاار ميتفسر،... واتبعد منهم واجه يمشي قريب علية.. امي واخواتي واسامة ومهند صافنيين ميعرفون شيسوون.. اتقرب غيث گال يلا سلمي، على اهلچ خلي نروح.. باوعت على غيث... اني گلبي خلص من المشاكل دفعته ورجعت فتت لبيت اهلي... اخواتي وامي ركضوا وراية.. امي تصيح لچ سمر امشي زوجج دينتظر، سمر // يوم اني تعبت وهيچ زواج من اول يوم مااريدة.. عفتهم وصعدت فوگ لغرفتي وطبگت الباب وحطيت ادية على وجهي وگمت ابچي.. ياربي ليش هيچ والله تعبت.. كل شي مااريد بس اريد راحة بالي.. اني شنو الذنب اللي اقترفته بحياتي حتى الله هيچ يعذبني... شوية واندگت باب الغرفة.. وانفتحت الباب.. رفعت عيني شفته غيث.. كلش كارهته وضايجة منه وامه تگولي ام الرجولة.. غيث // سمر مو كافي ترى طلعت روحي.. يعني هم امي علية وهم انت.. سمر // روح غيث اني بعد مااريدك.. رايدة راحة بالي.. وشوفت عينك من اول يوم امك هيچ سوت واني بعدني، ببيت اهلي لعد من اگعد يمك شتسؤي.. غيث // معليچ منها يا عيني حقها مقهورة حتى مااخذت رأيهم مباشرةً گلتلهم ح اتزوج.. سمر // مو مشكلتي هذه مشكلتك... ❤❤دارتَ وجهه وكامَت تباوعلي كالتلي واهلك واني سبيَّت إهلي❤❤ غيث// سمر.. انت متنقهرين علية.. مو كافي هل بعد صار سنين بالله عليچ متكولين هذا خطية ترى تعبت والله تعبت من بعدچ تعبت من عفتيني تعبت من اهلي ومن زواجي من زمن وتعبت من كل شي.. ارحميني الله يخليچ.. سمر // انتو ارحموني ترى اللي شفته بحياتي مو قليل.. حضنني غيث وگال وعد علية وعلى عمري اذا احد يأذيچ او يكسر خاطرچ واني موجود.. سمرتي اليوم عرسنا.. لچ صار عشر، سنين احلم بهل يوم.. تالي تستسلمين من اول نسمة هوى... ولچ وراچ عواصف وريااح.. سمر // يمة صارت رياح وعواصف لا عيني بطلت مااريد غيث /// ههههههه دگومي يلا گومي ولتضوجيني.. باوعت على عيون غيث وگلتلة ولو ماادري شنو ضاملي زماني من سوالف بس گايمة وياك وشيصير خلي يصيرر.. انطيني ايدك بعدني الهسه مشتاك بلگت مــن الزمك روحي ترتاح انه مــن تعوفني انذل مثل طير يريد يطير لكن فاكد چناح ....... لزمت ايد غيث ونزلنة وامي هلهلت... وصلنة للكراج سلمت على اهلي وطلعت صعدت بالسيارة.. شغل اغنية ليلة ويوم اني عطت يوووو هم هاي الاغنية طفي احسن.. غيث ضحك.... البيت اللي مأجري كلش قريب بدقايق وصلنة.... ونزلت لبيتي 💙 اول مرة اشعر اني عروووسة... غيث // نورتي بيتچ سمرتي.. سمر // غيث هو اللي دااشوفه حلم لو حقيقة.. غيث // ههههههه وعيونچ حقيقة.. تلاكيني بوجهه يضحك يمن فدوه لضحكتك هـاي ، ............. دخلت للبيت وگلبي طاير من الفرحة... گعدنة بالمطبخ واحنه نسولف المعاناة اللي مرينا بيهه ونضحك.. ومرة ابچي ومرة امسح دموعي ومرة الزم وجه غيث.. الف الحمد لله ياااربي... وهانت الهمومُ ما دمت أنت مسكُ الختام . ❤❤❤❤ وخلص يومنا بحب وشوق ولهفة... صباحية عرسنة ساعه 9 الصبح اندگ الباب... نزل غيث يشوف منو.. نزلت ورا غيث واسمع امه تگولة يلا انت مو تزوجت انصف بين نسوانك.. البارحة يم ام الرجولة اليوم يم زمن... غيث // يمة اني شوكت اعتبرت زمن مرتي ترى كارهه واللي، لازمني عليهه خالي مرتين رايح اطلگها بس اخجل منه من يجي يتوسل ويگول اصبر عليهه وهسه تتغير،... اشو صار سنة ونص متزوج ماشفت منها شي حلو لا اسلوب لا كلام وحتى اذا حاولت هي وياي.. اني مااهضمها وكله بسببچ انت حطيتها برگبتي روحي يمة.. وخلي تعتبرني ببيت مصطفى اني خلصت عمري، بايت يم مصطفى.. ويمة هذا بيتي تجين تشوفيني وتشوفين مرتي اهلا وسهلا بيچ وعلى راسي تجين علمود زمن وانت اربعه وعشرين ساعه تتعاركين وياها بس بغضاً بسمر جاي هيچ تسؤين.. ف اذا تجين ع موضوع زمن اعذريني ماعندي غير جواب.... 💙💙 گالو تعذبك كلتَ لعيَّونها ياخي گاتلني سواد عيَّونها💙💙 ومررررت الاياااام وحياتي يوم احلى من الاخر،..... وعلوش اجه يمي وهو وغيث علاقتهم قوية حتى مرات يتفقون علية.. بعد فترة انفتح تقديم على تعيينات وگلت لغيث اقدم وچان جوابة.. لا حبيبتي اگعدي بالبيت مااريدچ تتعبين نفسچ وتطلعين ومااعرف شنوو.. سمر // اهووو غيث لتصير معقد وظيفة ودوام وهم اساعدك عالعيشة .. غيث // واني ممحتاج وماريد مرتي تتوظف اغار عليها هي گوة... سمر // ممممم دگول هيچ من البداية .... بهل اثناء اتصلت امي عزمتنه على الغدا كمت حظرت نفسيي دنطلع غيث گال بيكاسو انت شدعوة هلگد مشخبطة بوجهچ هو وجهچ حلو ميحتاج اشو هاچ هل كلينكس وامسحي 🔸هنه عيونج يخبلن ، عليمن جاره الكحلة💕 سمر /// اهووو بدت رحمة الله يا عيني غير عروووسة خليني احس هل احساس😋 غيث /// اي ادري بيچ عروسة يعني الا هل حمرة الحمرة... وهذه سوااالف غيث... اللي متخلص... ورحنه لاهلي تغدينا.. واللمة الحلوة واسامة وغيث يتشاقون وبابا يضحك.. وزيد زوج ضحى وحسن زوج سجى گاعدين ويحششون على الجهال.. دخل مهند للصالة گال هالله هالله اليوم النسايب هنا... چان يركض علية علوش ويحضنه... وصوت الضحك عم ب ارجاء البيت... امي صاحتني بالغرفة... گمت وراها فتت لگيتها بالغرفه هي وبابا.. امي /// يمة اني خطأت بحقچ وبحق غيث وضغطت عليچ من زوجتچ من المرحوم عماد مااريد بيوم من الايام تگولين امي ظلمتني... وابوية گال يابه اني ضمري للان يأنبني على زواجج من شاكر اتمنى تنسين اللي صار، صح اني ضغطت عليچ واجبرتچ تعيشين وياه بس ردت اشوفچ مرتاحة.. خطأت بحقچ وظلمتچ... ع بالي بالضغط تتأقلمين وياه وتحبي.. بس كلش خطأت.. 😔 سامحينه... من سمعت هل كلام بقيت ابچي وحضنت بابا وگلتلة كل حياتي تروحلكم فدوة اهم شي رضاتكم عني... وبعدها گمت حضنت امي وگلتلهه كل اللي مريت بي دروس وتعلمت هواي منها والحمد لله ختامها مسك وغيث ربي عوضني بي... صح هو هوااي يغار ويدقق بكل التفاصيل بس هل شي حلوو منه..واني احبه بكل ظروفه وتفاصيلة واحبه شلون ميكون.. والحمد لله اني مرتاحة... هسه احنه فوگ العشگ .. سميني مجنونك ماريد احبك مثل غيري اليحبونك.. لا.. كون اطب ريّتك.. واتخالط اويه الهوه.. واتكاسر بلونك ملگاك كله سهل سولفلي بعيونك ❤❤❤❤❤❤❤❤ الحياة يوم حلو ويوم صعب يوم تعاني من مشاكل يوم ترتاح... الحياة بصورة عامة متقلبة ومو ثابتة ومو دايمة لأحد لو تدوم لأحد مچان وصلنة للي احنه بي الان... صبرت واتحملت وسلمت زمام اموري لربي.. والحمد لله ما خاب ظني بربي... عوضني وجبر، خاطري. .. رغم اللي مريت بي من تعب واذيه واستذكر اللي مريت بي ابد مااضوج.. وانما اگول الحمد لله.. لان لولا زواحي من عماد.. ميجيني فرحتي علي.. ولولا زواجي من شاكر ماتقوى علاقتي ب اسامة ويصيرلي سند واقرب من الروح... كل اللي، مريت بي بوقته كان صعب لكن الان من اتذكرة هو مجرد سلم للوصول للقمة.. والقمة هي غيث،.. ارتبطت بي اولهم بس ماچان الوقت المناسب وبعد عشر، سنوات صار من نصيبي... صح فترة طويلة بس مااحلاها... ولو اعرف نهايتي يم غيث، اتحمل الاكثر، من هيچ... غيث صار كل شي، بحياتي وفعلا كان عند وعدة ماقصر ب اي، شي وياية من جميع النواحي.. مر على زواجنا سنة وما صار عندنا اطفال.. امه چانت تگولي العاجر، وهو جان يردعها ويگولهه احنه منريد... وبهل سنة صار حدث حزين بحياتي وهو فقدان والدي... وچانت صدمة چبيرة بحياتي.. والصبرني على فراگة غيث چان الداعم الاول بحياتي وكلامة ونصائحة الية هي اللي وگفتني على حيلي... الخبر، المفرح بهل سنة هو عودة انور ورجع الفرحة لبيتنا وياه... وبعد محاولات عديدة.. رجعت رغدة لانور... وبعدها بفترة سافروا للعلاج... والدعاء چان وسيلتنا الوحيدة الهم... علي صار صف اول وچانت فرحتي تارسة الدنيا من جابلي النتيجة لأول شهر، هو الاول... هذه ثمرة حياتي..... الى هنا تنتهي، قصتي، الحزينة اللي، مرت بمراحل الحزن واليأس، وبفضل ربي، كانت نهايتها جميلة ومفرحة... كل الحب مني لكم جميعاً ولا تيأسوا من رحمة ربكم... ❤❤❤❤❤❤❤❤❤ النهاية | ||||
|
| |
|
10-08-19, 07:04 PM
| #27 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|   | ||||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
