آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-05-19, 06:21 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  انتقام ، للكاتب// محمد مالك " ليبيه " (مكتملة)
التعديل الأخير تم بواسطة فيتامين سي ; 18-06-19 الساعة 12:56 AM | |||||||||||||||||
|  |
|
12-05-19, 06:23 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــا #انتقام المقدمة قصة من وحي الخيال للكاتب// محمد مالك . . . السلام عليكم اسمي امواج فكرو شوية تخيل روحك قدام البحر وتشوف في الامواج لونها ازرق وليها رونق جميل شعور حلو لما تكون مقعمز ع الشط وتتفرج علي الامواج تتقلب هكي حياتي بي اختصار شديد متقلبة زيني زي اي بنت عندي طموحات في الحياة اني نقراء وغيرها .. بس الصعب هلباا ان تعطي ثقة في شخص وتتعرض للخيانة من بنت طيبة تخليك الخيانة هادي تتغير 360درجة عن شخصيتك الاولي الغبية الي مفيش منها فائدة غير انهم يضحكو عليك عندي كمية حقد بعد الماساة الي صارتلي وموقف الي انحطيت فيه منسيتش ولا لحظة انضحك عليا فيها ولا قررت ننتقم كيف ننتقم متفهوش غلط مش قتل والحاجات هادي لااااا بنتتقم علي طريقتي مرات تشوفو قصتي مفيش حاجة حتشدكم ليها يعني فكرة واضحة بتنتقم من حاجة صارلتها بس الي حيصير حيفوق كل التوقعات مهما توقعات او فكرت مش حتوصل للي نفكر فيه ومن حننتقم منه وعلاش وشن السبب وكيف حيكون انتقامي هادي اسئلة ادور في عقل كل شخص يقراء في الاسطر هادي بس حنخليكم تفكرو خودو وقتكم ونعاود مرة ثانية مهما طلعت نتائج لي تفكيرك مش حتعرف شن حيصير ....#انتقام للكاتب//محمد مالك التعديل الأخير تم بواسطة فيتامين سي ; 13-05-19 الساعة 06:40 PM | ||||||||
|
| |
|
12-05-19, 06:24 PM
| #3 | ||||||||
| مراقبة عامة ومشرفة منتدى الروايات المنقولة
| الحلقة (( 1 )) للكاتب // محمد مالك . . . . . امواج : مش هكي يا مراد مراد : تعرفي الي عندي قلته واني ميشرفنيش بنت تكلم شباب زي ما كلمتيني تكلمي غيري امواج: كيف انتا مش واثق فيا مراد : دبري راسك نبي الفلوس 10لف مسكرات ولا صورك بنبعتهم لي بوك وخوك امواج..تبكي وملامح خوف ودقات قلب عالية : ليش درت فياا هكي اني نحبكك وانتا تحبني مراد : نحب سمينة اني اطيحي عليا تقتليني هيا عندك يومين نبي فلوسي متعطينيش الفلوس صورك نبعتهم وانتهت امواج : .......سكر الخط امواج حطت التلفون علي سرير وقعدت تبكي طق الباب امواج.. مسحت دموعهاا عبدو( عبد السلام يقولوله عبدو ) عبدو..خوي الكبير : كنتي تبكي ولا كيف ؟ امواج : لا لا عبدو : بنمشي الغدائية ما تبي شئ امواج : لا صحيت عبدو: تمام ومعاش تسكري باب دارك هلبا منحباش الجو هاده طلع عبدو درت شعري ونزلت ونفكر في همي 💔😭 من وين حنجيب المبلغ هاده وقداش غبية نبعت صوري ليه علي اي اساس 💔الله يلعن الحب وسنينه خشيت المطبخ ماما ابتسام : جيب طماطم وخيار وسلاطة ونبي هريسة كملت اليوم عبدو : هادو هما ماما: لا غير اصبر نشوف شن ناقص خديت طاسة مياه مشيت عبيتها وشربت مياه ماما: في حاجة ناقصة يا امواج ؟ اني كنت سرحانة نفكر في همي ماما: امواج نكلم فيك امواج ...مستني بي ايدها امواج .. مفجوعة: نعم ماما: وين مشي دماغك امواج: نفكر في الامتحان غدوا ماما: شن ناقصنا غير الي قلته امواج : مش ناقص شئ ماما: به خلاص يا عبدو هادم هما عبدو: به تمام هي مشيت اني ماما: في امان الله ركبت داري وخديت الفون وقعدت نفكر نقول لي صفاء صاحبتي روح بروح زعما تساعدني قلت نتصل وخلاص وامري لله صفاء : ايوا يا غبية امواج: تعرفي جوي زي الزفت صفاء: ايييي شن في ؟ امواج: مش حكيتلك علي مراد اني تتفكري صفاء: ايه الي ميتة فيه شن تعاركتي معاه امواج: لا صفاء: امالا شن هيا سقدي روحك عندي ما ندير امواج: يهدد فيا بصوري صفاء: يا مصيبتك السودآ شن قالك امواج: يبي فلوس صفاء:كم يبي متقوليش مليون امواج: لا شن مليون يبي 10 الاف صفاء: ومن وين بتجيبيهم امواج..قعدت تبكي صفاء: حيي خيرك تبكي امواج : والله ما توقعت يصيرلي هكي ياصفاء ...وتبكي صفاء: اسكتي نعرفك قوية اني يا سمينة امواج : والله ما عرفت شن ندير صفاء: مشكلة حال من بعضه اني مفلسة حتا قرش وقتلك اخر مرة قلت لي خوي نبي 8 الاف قالي تحشمي حتا من ربي نتحشم نطلبهم امواج: مشكلة قالي بنبعتهم لي بوك وبابا كبير والله يموت نعرفه اني صفاء: والله مصيبتك مصيبة يا صحبتي امواج: شكرا ع الدعم زدتي الموضوع وخلاص صفاء: غير معاش تبكي وابعتيلي رقمه نكلمه بالك يستهدا بالله الشيطان هاده اعوذ بالله منه امواج: به سكري نبعتلك الرقم صفاء: هي سكرت وبعتلها في رسالة رقمه رنت صفاء فوق 5 مرات مش رد مراد: الو صفاء: الو مراد مراد: خيرك زي بو زنان معاش تبي توقفي اتصالات صفاء: اني صديقة امواج مراد: ااايه علينا توا صفاء: غير عيب الي ادير فيه في حق البنت مراد: اووو اول مرة نعرف عيب معلومة جديدة قوليلها عندها يوم مش يومين ... وسكر عليا صفاء: شن درتي في روحك يا امواج بس كيف ثوتقي في شخص مختل رنت عليا صفاء امواج..خائفة : شن صار صفاء: والله مراضي يسمع حتا وسكر عليا وقالي عندها يوم مش يومين امواج.. تبكي صفاء: مش قتلك معاش تبكي وباذن الله تلقي حل بس شكلة انسان حقيرر بكل امواج : الي راقدله راقدله هادا حظي اني 💔 صفاء: استهدئ بالله بالك يرجع لي عقله ويغير رايه امواج: ان شاء الله ياارب يغير رايه توا نعاود نتصل بيك يا صفو بعدين صفاء: بالله عليك ما تخليني مشغولة اتصلي قوليلي شن صار امواج : باهي تمام معا سلامة صفاء: معا سلامة وسكرت الخط ((صعبةة لما تحب شخص ويغدر بيك والله صعبة )) ماما : امواج تعالي اغسلي الماعين بسررعة امواج.. مسحت دموعي : حااضر جااية ونزلت خشيت المطبح لقيت بابا مقمعز ع الطاولة امواج: بابا امتا جيت بابا منصور: توا كيف خشيت امواج: شن جو الخدمة بابا: اهو الحمد الله حطي ناكلو يا مراة قريب نموت من الشر ماما: حاضر الصبر اهو نسقيلك امواج... تغسل في الماعين بابا: بتمشي غدوا الكلية امواج: ايه ان شاء الله بابا : به عبدو يحطك امالا امواج: علاش انتا مش ماشي الخدمة غدوا بابا: لا غدوا عطلة اني ماما: غريبة منين جتهم بابا: والله ما عارف قالولي غدوا عطلة بمرور الشركة ثلاثة سنين افتتاح ماما: باهي تستريح ع الاقل بابا ...يكح يكح ماما: خيركك امواج: خيركك بابا بابا: اعيطيني الحبوب ماما ... تجري طلعت الحبوب واني صبيت مياه وعطيناه امواج: شن صارلك بابا: قلبي ينوض عليا مرة مرة بدي ماما: مفروض تعاين يا منصور بابا : غدوا نمشي اني وياك العشية ناخدو بضاعة للحوش ونعاينو ماما: ايه اصلا كيف بدت تنقص البضاعة ورومضان ع الابواب شن مزال عليه شهر ممكن خش عبدو عبدو : السلام عليكم بابا/ .ماما/ امواج : وعليكم السلام عبدو: هاك الشكاير ماما: سلمك جياب وعليك حجاب عبدو.. ابتسم : اني طالع ما تبو شئ ماما: لا سلامتك يا ولدي دير بالك ع روحك كملت الماعين ورجعت داري عندي امتحان من الخوف والتوتر مقريتش منه حتا حاجة اتصلت بيه اكثر من مرة مردش عليا . (( ثاني يوم في الكلية )) صفاء: وشن بديري امواج: بالله عليك اني الف دينار معنديش منين بنجيب 10 مفيش حل الا نتصلو بيه طلعت التلفون كيف بنتصل هوا اتصل امواج... شافت لي صفاء صفاء: تكلمي بثقة وكانك مش خائفة خديت نفس امواج: الو مراد مراد: ايوا شن عندك المبلغ امواج: اسمعني يا ولد الناس منين بنجيبهم اعطيني وقت ع الاقل مراد: هههههههه والله عرفتك يا سمينة مش حتجيبيهم اصلا اهو بنعطي صورك ومعا سلامة يا ام عيون زرق انتي امواج.. تبكي: لا بالله عليك مراد طوط طوط .. سكر الخط صفاء: شن قالك امواج.. حطت راسها ع كتف صفاء وتبكي صفاء: لاحول ولا قوة الا بالله شن قالك امواج..تبكي بالعبرة: بيعطي صوري قال صفاء: يا مصيبتك وخلاص اني قتلك علاش تكلمي فيه راهو علاقات ما تجيب الا خراب البيوت امواج : والله حبيته وما توقعته يغدر بيا يرن عبدو مسحت دموعي امواج: الو عبدو عبدو: اطلعي اني برا امواج: تمام امواج: عبدو برا معا سلامة صفاء: بالله اتصلي قوليلي شن يصير امواج: تمام مشت امواج وصفاء رفعت ايديها تدعي ربي يستر صاحبتها امواج ركبت السيارة ووصلنا الحوش خشيت ركبت داري نرعش معا بعضي خائفة رن جرس الباب دقات قلبي عالية بككل بابا: شوف من عبدو عبدو: هيا هيا عبدو فتح الباب ملقاش حد شاف ايمين ايسار مفيش حد شاف لوطا لقي ظرف فتحه وقعد يطلع في صور امواج صورة وراء الثانية وهوا مصدوم مكتوب ع الظرف وهادي بنتكم شفتوها مدايرة العار عبدو خش سكر الباب بابا: من يا عبدو عبدو مردش عليه ركب الدار فتح الباب بالقوة امواج: بسم الله خلعتني عبدو: يا حقيرة جبتي العار لينا وشدها من شعرهااا وبدي يضرب فيهااا امواج : تعيططط يا بابا يا بابا ماما: بسم الله ناضت تجري هيا ومنصور ركبو يجرو ماما شدت عبدو تجبد فيه وبابا لما راكب لقي ظرف طايح فتحه طلع الصور وخش الدار بابا..بصوت عالي : عبدو بابا..نزلت دمعته: هكي تكسريني يا امواج مش حرام عليك اني نبكي وتحشمت من روحي بكل 💔 بابا: خزي عليك بابا: ااه يا قلبي ماما: خيرك منصور استريح قعمز بابا: اااه و....طاح ع الارض ماما: حي منصور رد عليا منصور عبدو: بوووي رد يا بوي عبدو قاام بوه ونزل يجري وماما لحقتهم (( يعني العلاقات هادي بااش تفتخري وتقولي حبيبي ودوة الزايادة ادمري عيلة ادمري حوش ولا كرامة بوك وخوك في الارض ع خاطر جماله ولا فلوسه حبيتيه راه اقتنعو افهمو الشاب النظيف صعب تلقاه استرو روحكم لو عندك نصيب يجيك لفم الباب لما بيخطيب الولد الحلو ولا الغني بيسال الناس بيقولوه بنت فلان متربية وشادة حوشها وتخاف ربي ويقولوه بنت فلان مدايرة العار وتكلم في شباب بيفوت العار وبيمشي للمتربية خافوو ربكمم)) اسف طلعت برا الرواية شوية لكن موضوع منتشر في ليبيا للاسف حبيت نوصل رسالة مدامه فوق الفين شخص يقرو حاليا مرات نفيدكم بحاجة طبعا بوي عطاكم عمره الله يرحمه بسكته قلبية عبدو ضربني ضرب مش حننساه طول عمري وبطلوني من القراية وقعدت سجينة الحوش سناتين من بنت توزن 120kg لي بنت توزن 55kg رقم قياسي وغريب حقتته في سناتين من بنت سمينة زي البرميل لي بنت زي العود كنت نحب مراد منكذبش عليكم مش حتا حب عادي حب عشق بس التصرفات تغير مشاعرك اتجاه اي انسان بعد ثلاثة سنين اهتميت بروحي ومعا عيوني الزرق وبشرتي البيضاء قدرتي نبداء لعبتي الي فكرت فيها سناتين كاملين في داري وهيا الانتقام بكل بساطة من مراد ولحد الحظة هادي درت الربع الاول من الخطة وعرسي مزال عليه يومين من خوه عماد الكبير مراد ميعرفش اني انا العروسة لان شكلي مختلف احلي واضعف من قبل . . . . يتبع للكاتب// محمد مالك | ||||||||
|
| |
|
12-05-19, 06:25 PM
| #4 | ||||||||
| مراقبة عامة ومشرفة منتدى الروايات المنقولة
| #انتقام حلقة 2 للكاتب // محمد مالك . . . . . . مراد ميعرفش اني انا العروسة لان شكلي مختلف احلي واضعف من قبل قبل العرس بيومين *** صفاء : يعني فهميني كيف تلقيتي معاه قوليلي بسرعة قبل ما تجي وحدة من بنات خالتك امواج..ندير في شعري : لما كنت نكلم في مراد قالي ان خوه عنده سوق كبير وفيه مدعوم ورخيص واني لما ضعفت ماما وعبدو خافو نموت ونمشي فيها كدا مرة قلت لي ماما ع السوق ومشيت كدا مرة لكن نبتسمله طاح زي الحصان ساهل وطيب مش زي خوه صفاء: به شن ناووية اديري توا امواج: كل شئ في وقته حلو صفاء: انتي تجوزتي يعني خلاص وقلتي عماد خوه انسان محترم وكويس علاش تعذبي في الراجل امواج: خلاص صفاء سكري ع الموضوع لو سمحتي طبعا نوقفو شوية ونتكلمو ع معلومات عليا اني مواليد 92 وعماد مواليد 89 ومراد مواليد 91 يعني الاعمار متقاربة اني طويلة وضعيفة وبشرتي بيضاء وعيوني زرق وعيوني هما سبب الي سموني امواج زي لون البحر كنت سمينة من صغري لحد العامين هادو أصبحت شخص جديد انسانة طول حياتها سمينة ومهما حاولت تضعف مفيش فائدة لكن الإصرار والعزيمة يتغلب علي اي شئ وردة .. بنت خالتي : امواج تعالي دورك للحنه امواج: هيا جااية خيال..بنت خالتي / تي هيا يا بنت تعبتينا امواج: هيا جيت نزلت وهدرزنا وغنينا هما فرحانين بس ميعرفوش اني متجوزة شخص منحباش ميعرفوش الي في راسي وخصوصا كل ما تتفكر يوم الي اعطي صوري كيف عبدو ضربني وبابا رفعوه يجرو لكن وصلو بيه ميت نشوف في ان مراد قتل بابا وكيف روح عبدو بعد موتت بابا فش غله فيا ااااه تعبت والله 💔 خيال: ماشاء الله عبدو ولا طرررف جميلة..بنت عمتي : ايه ماشاء الله عليه عبدو صفاء..شافتلي امواج..ابتسمت: راه في وحدة بتنقز عليكم وردة: زعما من هياا صفاء..تفنص فيا امواج: هههههه منقدرش نقول جميلة: عرفتهااا خلاص صفاء ..تحشمت امواج: خلاص حشمتو البنت استمتعنا تضحكوا وجي يوم العرس _____ عند مراد وعماد عماد: حلوة البدلة ؟؟ مراد: تي حلوة يا خوي خيرك متوتر وخااش في بعضك عماد: حتا هوا عرسي اليوم البنت حبيتها وبنتجوزها مراد: اسمها امواج ولا ؟ عماد: ايه مراد: سمينة ؟؟ عماد: علاش تسال مراد: غير جاوب يا خوي عماد: لا ضعيفة قريب تموت مراد: اني بنشوف امك مراد ماشي للباب بيطلع عماد: وعيونها زرق زي البحر مراد ..وقف وطول فكر في امواج الي بعت صورهااا تلفت لي عماد مراد: كيف تلقيت معاها عماد: المحل مراد: به مبارك يا خوي عماد : الله يبارك فيك مراد نازل الدروج ويفكر يقول زعما هياا ؟؟ به هيا سمينة وعماد قال ضعيفة يعني صدفة الموضوع ولا ضعفت ؟؟ أسئلة هلبا في دماغه مراد: امي ام مراد (( خديجة )) // نعم مراد: هيا بتمشي الصالة ولا ام مراد: ايه استنا اخواتك قريب يكملو طبعا مراد وعماد هما الاولاد الوحيدين في عيلته وعندهم 5 خوات حتعرفوهم في سياق الأحداث مراد : تي شن صار فيكم هياا فيروز..اخته : نازلين الصبر مراد: اني برا نسخن في سيارة ام مراد: به طلع مراد ركب السيارة فتح تلفون اتصل برقم مراد: الو يقين ..بنت علي علاقة بي مراد : ايوا مراد مراد: اسمعي ميشرفنيش بنت تكلم في شباب زي ما كلمتيني تكلمي غيري نبي الف دينار غدوا كان متجيبهمش بنبعث صورك يقين: مراد شن تقول انتا تتكلم جديات مش تحبني ونحبك اني علاش ادير فيا هيك مراد: هااده الي عندي يا بتجيبي الفلوس يا بنبعث صورك ..وسكر الخط ولا السيارة وطلع دخان قعد يدخن شوية ونزلو خوات ومشو الصالة __________ عند امواج امواج : ااه ظهري واسي الفيلو كويس يا بنت صفاء: اصبري شوية ام امواج: حولي يا صفاء توا نديرهولها اني امواج : هلبا ناس برا ام امواج : ايه بنت تزحم وامه اخواته جوو ليهم نص ساعة امواج : متوترة ام امواج ..حضنت بنتها رد بالك ع روحك يا بنتي وخشت امواج الصالة وقعدت يتصورو معاها ويهدرزو معاها __________ عند مراد واقف برا يدخن عبدو : السلام عليكم مراد: وعليكم السلام عبدو : مراد ولاا مراد: ان شاء الله ايه عبدو : اني عبد السلام مراد: زبطك ايه شن الأخبار عبدو: وين خوك عطل قاعد مجاش مراد: لا خلاص معاش يعطل شوية ويوصل مراد بن تلفونه شافه لقاها يقين سكر عليها شوية وبدي صوت كلاكصاط بيب بيب ودوشةة مراد: أهو وصلو عبدو: ايه وصلو وسيارة العريس درست قدام الصالة نزل عماد طول مشي لي عبدو عماد: السلام عليكم عبدو .. ابتسم : وعليكم السلام عماد: كيف الحال عبدو: الحمد الله يستنو فيك داخل قالولي عماد: ايه بنخش تبي حاجة عبدو: لا صحيت عماد خش الصالة وخشيت اني وياه وقص الكيكة وصورنا واحني طالعين ام امواج: رد بالك ع روحك سلم بنتي امواج: حاضر يا ماما صفاء: اسمعي كلميني الصبح اووول وحدة طوول امواج..قعدت تبكي وهيا تسلم عليهم ام امواج: معاش تبكي توا المكياج يندار والراجل ينخلع امواج: حاضر ههههههه وطلعت ركبني السيارة ومشينا في طريق قعدن نبكي فرحتي ناقصة من غير بابا الله يرحمه عماد: خيره الجميل يبكي امواج: هه تفكرت بابا الله يرحمه عماد: الله يرحمه متخافش توا نعوضك علي كل شئ امواج: ان شاء الله حطيت ايدي ع المسجل انفتحت اغنية عشق موت اموتن بيك يالغالي غير انت النفس مالي اعشقك يا قمر عالي عشق موت ولا صوت بعدك يحله واسمعله واحبه وعيني تدمع له ازعل منه وارجعله ولا صوت وتمنيت يرجع وكتي بيه واترك نارك حتى مرة الخ حبيبي اختارك وكون اشدك بيه روح بروح فراقك بس قهر وجروح واحبك واحنى متراضين ومن نتعارك تخيل انت قبالي وشتاقيت حجر شوفتك حسيت كون اسكن بجسمك بيت وما نتفارق عشق موت اموتن بيك يالغالي عماد ابتسم وشافلي ابتسمتله في لحظة هادي عماد وجعني ميعرفوش سبب الرئيسي في جوازي منه 💔 بس مازلت مصرا ع انتقامي مهما كان الثمن ... وصلنا الحوش وصوت كلكص طبعا هما أرض كبيرة فيها ثلاثة حياش واحد لي مراد فاضي وواحد لي عماد وواحد لي عيلته خشينا الحوش وتعشينا ومشي اليوم علي خير ثاني يوم عماد: تبي حاجة نجيبها امواج: لا لا صحيت جيب عشاء معاك من برا عماد: به وتي روحك وامشي لي امي العشية امواج: ايه بنمشي بعدين عماد: اني طلعت امواج: دير بالك ع روحك عماد..ابتسم اعطاني بوسة من بعيد اول عائق في انتقامي عماد حبيته والله 💔 بس معا هاده مش حنتراجع ولا نفكر تتراجع حطيت نفس طلعت حوايج لبستها ودرت شعري وهدرزت معا صفو شوية وطلعت مشيت لي الحوش عشية طقيت الباب فتحت فيروز: اهلين بي العسل امواج: اهلا كيف الحال فيروز: خشي تفضلي فيروز: ماما امواج جت ام عماد: قوليلها تخش اني خاشة الدروج مقابل مراد نازل وشاد اماعين تلفت شفت للدروج وهوا شافها وهيا شافتله عينها جت في عينه قلب امواج بدي ينبض ومراد طيح الداعين ام مراد: حيي خيرك طيحتهم مراد قاعد يشوف لي امواج . . . يتبع من غدوا حلقتين اليوم اعذروني حلقة وحدة ومتاخرة بس في شئ نستنا فيه ليا اسبوع وتوا كيف وصل مفضيتش هلبا للكاتب/ محمد مالك | ||||||||
|
| |
|
12-05-19, 06:26 PM
| #5 | ||||||||
| مراقبة عامة ومشرفة منتدى الروايات المنقولة
| #انتقام حلقة (( 3 )) للكاتب محمد مالك . . . . . . مراد قاعد يشوف لي امواج فيروز ركزت ت نظرات مراد لي امواج ام مراد: خيرك العفو ما تعرف ادير حاجة مراد: والله ما ركزت مفهمتش كيف طاحو ام مراد: ياخدو سؤك مراد ركب الدروج فتح الباب و سكره وقعد يقول والله الا هياا كانت سمينة ضعفت هيااا اني متاكد انها البنت السمينة به علااش تزوجت عماد ناووية تفضحني ؟ اسئلة ادور في دماغهه ويقول مرات مش هيا مجرد شبهه لا اكثر ______ ام مراد: تفضلي قعمزي شن تشربي قهوة ولا شاهي امواج : عادي الي يريحك ام مراد: به ام مراد طلعت من الدار فيروز قعمزت جنب امواج فيروز : تعرفي مراد قبل ؟؟ امواج: من مراد خوك ؟ فيروز: ايه الي طيح الماعين توا امواج: لا اول مرة نشوفه اني استغربت اصلا من الموقف الي صار فيروز ضربها الشكك فيروز: ممكن نزلو خواته وقعدو يهدرزو بس فيروز متبيش اطلع الموضوع من راسها ركبت لي مراد طق الباب مراد : خش فيروز فتحت الباب : مراد مراد: نعم فيروز: خيرك شفت لي امواج هكي مراد: مشفتلهاش بس قلت هادي مني فيروز: خوي ونعرفك لما تكذب وانتا كذاب توا مراد: به اطلعي اقلبي وجهك خيرلك فيروز : هه خلاص طلعت طلع تلفونه ورن ع يقين يقين : الو مراد ليش ادير هكي عيب عليك راجل انتا مفروض مديرش هكي مراد: خلاص معناها معندكش فلوس يقين:به اعطيني وقت مراد: لا خلاص صورك بيوصلوك غدوا وسكر الخط مراد غير حوايجه وانزل مراد: تبي شئ يا امي ام مراد: لا سلامتك مراد: هيا معا سلامة مراد طلع و امواج قاعدة تهدرز معا خواته وامه ________ عبدو : امي تبي تطلعي ام امواج: لا سلم ولدي عندي ضمان وحوسه كيف حنلحق عليها هادي عبدو: امي ام امواج: نعم عبدو: بنبيع الشقة بتاعي ام امواج: علاش تبيعها بتتجوز فيها عبدو: لا اهو الحوش كبير انتي بتقعدي بروحك ام امواج: شن مزالي في هالحياة عبدو: لا ان شاء الله ربي يطول بعمرك اني بنبيعها ونهيجو اني وياك بفلوسهاا ام امواج: ههههه عندي جهد للدوران اني عبدو: قصدك معندكش جهد تمشي مكة المكرمة ام امواج: ياريته نمشو ندعو لي بوك ألله يرحمه عبدو: خلاص جاي واحد بيشوف الشقة وكان انباعت الاسبوع الجاي نمشو ام امواج: تحكي جديات انتا عبدو..ابتسم: ايه علاش بنكذب ام امواج: والله من يوم يومك راضي الوالدين عبدو: اني طلعت ام امواج: دير بالك ع روحك ___________ مراد امشي المصور وطبع صور البنت يقين وحطهم في ظرف زي ظرف الي بعته لي امواج وطلع مشي القهوة معا صحابه وروح في الليل مراد خش لقاهم مقعمزين برا عماد: ههههههههه يا حوله مسرة..اختهم: معاش تقولها فيروز: تعرفي يا امواج من الصغر وعماد يقولها يا حوله وهيا تقوله معاش تقول امواج: هههههه يتعاركو هلبا زيني اني وخوي مراد: السلام عليكم عماد: وعليكم السلام شن الظرف الي في ايدك فلوس هاده امواج شافت ايد مراد لقت الظرف قلبها قعد ينبض تفكرت ظرفهاا طوول مراد: نركب ونجيكم ام عماد: ايه امواج خوك عبدو مواليد كم امواج: 88 ام عماد: ايه ماشاء الله عليه شفته يوم العرس امواج: لا عبدو طيب عماد: شن نمشو امواج: زيد شوية ونمشو عماد:به مسرة: تقري في روايات ؟ امواج: شوية شوية معنديش عليهم هلبا مسرة : اكتبي ع الفيس ولا القوقل روايات محمد مالك واستمتعي تعرفي امواج: خلاص توا بعدين نبحث عليهم نيروز: مهووسةة بالروايات تعرفي ممكن قارية روايات الفيس كلهم عماد: هاده علاش حوله هههههههه مسررة ..فنصت فيه : معااش تقولهااا مراد نزل وجبد الكرسي وقعمز معاهم مراد: شن الجو عماد: الحمد الله مشيت الشارع انتا مراد: كيف جاي من غادي اني عماد : مداير حاجة لي ابراهيم مراد: ابراهيم البيزنطي ؟ عماد: ايه مراد: لا لا عماد: مقايل عليك دوة ويدور فيك ام مراد: انتا خو كبير انتا بدل ما تسكت تقول لي خوك مش يدير مشكلة عماد: غدوا نهاره يتكلم علينا احني يا امي والله ما صارت مراد: غير فوت الموضوع توا نتكلمو بعدين ام مراد: مش غدوا تمشو تاخدو بوكم من المطار عماد: بنمشيله اني ان شاء الله ام مراد: بنمشي معاك عماد: باهي فيروز..ومسرة: حتا احني بنمشو عماد : من قعد مراد و امواج امواج: وين الحمام نيروز نيروز: في دور الثاني امواج: به امواج ركبت الدروج وخائفة نبض عالي قعد تفتح في الديار لقت دار مراد فتحت الباب وسكراته وراها خشت قعدت تفتش وهيا خائفة ع الظرف فتحت الدولاب قعدت ادور لقاته فتحته وطلعت صور البنت يقين امواج : هي علي الحيوان قاعد يضحك ع بنات الناس حطت الظرف في حوايجها وهياا بتطلع نفتح الباب مراد: شن اديري في الدار ؟؟؟ سكر الباب امواج: نحساابه الحمام مراد شدها من يدهاا مراد: تحسابيه الحمام صاار نعرفك مني انتي امواج السمينة ؟؟ امواج: حول ايدك مراد دفها ع الحيط وقرب منها مراد: توا ببتكلمي ولا يصير كلام ثاني عماد: هي نشوف امواج اني هداكا هواا عماد خش الحوش ويركب في الدروج وفي دار مراد مراد شااد امواج عماد: من الدروج: امواج امواج: حول ايدك من عليا عماد اهني توا يفهم غلط مراد: استني متطلعيش عماد: في الحوش اني تعالي متعطليش عماد نزل من الدروج امواج فتحت باب الدار وطلعت نزلت الدروج امواج: معا سلامة تصبحو ع خير ام مراد: معا سلامة ليلتك سعيدة طلعت امواج ولحقت عماد فتحت باب الحوش وخشت عماد: اهلا بالحلو امواج: اهلين بيك عماد: تمشي معانا غدوا ؟؟ امواج: لا ماما جاية عماد: ااه به في بيتزا سخنيها وخلي ناكلو امواج: حااضر هي سخنت البيتزا وكلت هيا وعماد وعماد فتح مسلسل يتفرج عليه امواج بحثث ع روايات محمد مالك وقعدت تقراء (( اسف معاش نعاودها خلاص 😂)) ثاني يوم عماد طلع : تبي شئ امواج: لا سلامتك طلع عماد وطلعت الظرف وولعت فيه النار وهيا اضم في الحوش باب طق امواج: شكله نسي حاجة امواج فتحت الباب مراد دفهاا وبصوت عالي وين الظرف امواج اشرت بصبعها لي الورق المحروق امواج: قصدك هاده؟؟؟ مراد ..... يتبع في حلقة ثانية بعدين للكاتب:: محمد مالك | ||||||||
|
| |
|
12-05-19, 06:27 PM
| #6 | ||||||||
| مراقبة عامة ومشرفة منتدى الروايات المنقولة
| #انتقام حلقة (( 4 )) للكاتب محمد مالك . . . . . امواج: قصدك هاده؟؟؟ مراد شدها من يدهاا مراد:شن تبي انتي ؟؟ علاش متجوزة عماد وتوا تحرقي حاجة مليكش بيها علاقة امواج: كيف مليش بيها علاقة انتا انسان وسخ مراد: تعرفي نقتكلك وندفنك ومحدش يندري عليك امواج: وخووك ؟؟ مراد: يدور توا يتعب بعدهاا امواج: اقتلني هي وشوف النتائج بروحك مراد: تعرفي نفضحك امواج: تفضحني قلت ؟؟ مسمعتكش كويس مراد: جيبك يا طولت البال امواج: اني الي حنفضحك يا بتاع البنات بنات الناس تفضح فيهم مش عارف تستر ع بنت يا وسخ كلهم يعط فيك وتغدر بيهم مراد: هههههه واجعاتك الغدرا ؟؟ امواج: لا نشكر ربي عليها كان هاده قاعدة ضعيفة وغبية مراد: تعرفي تقربي جيهتي ولا ناحية الدار ما تلومي الا روحك امواج: اطلع برا أقلب وجهك مراد: توا تندمي يا ام عيون زرق انتي قعمزت ع الصالون بعد ما تطلع وقعد نفكر انكشفت بسرعة زبطني بسرعة بياخد حذره مني توا طلعت تلفوني واتصلت بي ماما امواج: ماما ام امواج: كيف حالك امواج: الحمد الله شن امتا بتجي ام امواج: بعدين عبدو بيجبني امواج: ماما تتذكري في الصندوق الذهبي فوق الدولاب ام امواج: ايه خيره امواج: نبيه جيبهولي ام امواج: به شن فيه هوا امواج: اكسسورات وشوية مكياج نبيه ام امواج: به حاضر من عيوني كملو مكالمة مشت ام امواج جابت الصندوق بتفتحه لقاته مسكر بقفل ؟؟ استغربت تسكر ع اكسسورات بقفل قالت تستطفل ادير الي تبيه توا نرفعولها وخلاص بعد ساعتين ووصل بوهم عبد الله طلعت امواج ومراد استقبلوه وسلمو عليه عبد الله: هادي بنتنا الجديدة عماد:ايه يا بوي عبدالله : اهلين كيف حالك امواج: الحمد اللهو عبد الله: اهو اول مرة ادير حاجة صح في حياتك مراد: ههه بشوية عليه يا بوي تحرج فيه ام مراد: خش استريح رجليك يوجعو فيك اكيدة مراد: ايه خش استريح مسرة: تعالي امواج امواج: وين فيروز: بنلعبو لودو تعالي العبي معانا امواج: هي شوية ونلحقكم مشيت للحوش بتاعي لحقني عماد امواج: عماد مش طبيعي خوك ؟؟ عماد: خيره شن دارلك امواج حطيت ايدي ع كتف عماد : يفنص من اول ما شافني عماد: ههههه لا هوا هكي لكن طيب راه امواج: به عادي بس سالتك لان حسيته غريب شوية عماد: هوا هكي امواج: اني بنمشي نلعب معا خواتك باهي عماد: به طلعت مشيت للحوش وركبت معاهم في الدار بدينا نلعبو وضحكنا ضفتهم في حساباتهم ع الانستا والسناب والفيس مسرة : اسمعي معاش تردي عليه فيروز : ايه بنسكر عليه وبنفوته امواج: لا هكي ميصيرش فيروز...ابتسمت: خيرك امواج: تتكلمو بالغاز احكولي في من تكلمووو فيروز: ولد يقراء معاي في الكلية كلمته وندمت لصقه بكل اربع وعشرين ساعة يتصل امواج:هههه شكله يموت فيك فيروز : ووه عليا كان هاده شن بيفكه من عليا امواج: وانتي مسرة فيروز: كانت تكلم في واحد بس سيباته امواج: والله الا احسن ما يجيبو الا خراب البيوت العلاقات فيروز: فوق جوو وخلاص مدايرينهم امواج: ردو بالكم تبعتو صوركم فيروز: مسرة تبعت في صورها قدما قتلها مفيش فايدة اما بالنسبة لياا لالا امواج: ربي يهديك يا مسرة في ولاد حرام حشاكم يهددو بالصور فيروز: ايه موضوع منتشر بكل امواج في خطري متندريش انه خوها مداير العار كملنا لعب ام مراد: فيروز مسرة امواج تعالو ساعدوني فيروز : هيا ننزلو امواج: نكلم ماما ولحقتكم مسرة : به مبكري شفت رمز تلفون مسرة نزلو فتحت فون مسرة وبعتت صورها علي تلفوني وطلعت ساعدتهم ومشيت الحوش امواج: عموود عماد: عيونه امواج: نبي نطلع اني وياك غدوا عيتت من الحوش عماد: عيونه وين بتمشي امواج: نمشو كافي واني نبي نخطم ناخد كريمات وبنخطم ع مصور عماد: شن بديري فيه المصور ؟ ناخدو كم لقطة صور لينا وبنطلع كم صورة عرس عماد: ااه طلعتي تفهمي في الجو امواج: هههه عماد: به خلاص بنمشي القهوة اني توا وغدوا نطلعو امواج: به تمام عماد لبس وطلع وشوية وجت ماما حضنتها وسلمت عليها ودرنا قهوة وقعمزنا ماما: ايه حلو الحوش ماشاء الله امواج: ايه كبير ماما: ان شاء الله تتهني يا بنتي امواج: ان شاء الله ماما: خوك باع الشقة امواج: علاش ؟ باعهاا ؟ ماما: ربي يرضا عليه ان شاء الله ميبيش يخليني بروحي وبنمشو الاحد مكة امواج: حيي ياريتني نمشي معاكم ماما: ما عندك وين تمشي عروسة قاعدة امواج: ايه هادي المشكلة امتا الاحد حجزتو ماما: ايه الاحد طيارتنا امواج: تمشو وتجو بالسلامة ان شاء الله ماما: ان شاء الله يا بنتي هدرزت معاها وبعدين ماما روحت فتحت الصندوق الي وصيتها عليه كان فيه تلفون وشفرة وكرت 5 رصيد وكميرة تسجيل صوت صغيرة فتحت التلفون وركبت الشفرة درت دورة فيه وسكرته شفت للكميرة ووصلتها بتلفوني الايفون يوصلو فيه التسجيلات وسكرتهاا كل شئ في وقته حلوو 💔 عماد روح الحوش تعشينا وهدرزنا ثاني يوم . . عماد: هيااا يا بنتي هاده كله امواج:دقيقة نواسي في الوشاح عماد: به بسررعة امواج: اهو كملت خلاص طلعنا ومشينا قهوة عائلية عماد: شن تتطلبي امواج: نسكافيه وكريب سااد عماد: به بناخد كيكة توا ناخد قهوة بعدين امواج: احكيلي شوية علي عيلتكم عماد: هههه زي شن تبي تعرفي امواج: منعرفش انتا احكيلي عماد: حقاا كلمته مراد قلب امواج بدي ينبض امواج: شن قالك عماد: قالي لاا منفنصش غير هيا متعرفنيش مزال امواج: ممكن هوا ميبيش يتجوز ولا شن عماد: يكلم في بنات لكن مفيش وحدة قعدت معاه امواج: كلهم عندهم اسباب عماد: ان شاء الله ربي يهديه وخلااص كلينا وطلعنا امواج: وين المصوراتي نمشو نطلعو الصور عماد: اهوا انزلي هي عماد: السلام عليكم مصور: وعليكم السلام كيف نساعدكم عماد: بناخدو كم صور وبنطبعو صور مصور: توا حاليا في ناس تصور نص ساعة ويبداء دوركم طبع اعطيهم للبنت غادي اطلعهم عماد: اني بناخد مكياطة طلعي الصور انتي وجايك امواج: به مشيت طلع صور مسرة وحيطتهم في شنطتي وطلعت صور العرس شفت الظرف زي الي يحط فيه مراد في الصور خديت منه استنيت شوية وجي عماد وخديناا صور عائق كبير قدامي اني حنضر ناس مليهاش ذنب زي عماد ومسرة مشكلة مشفتش منهم الا كل خير بس حتا هوا ضرر بوي وامي وخوي وقتل بوي ومليهمش علاقة بالموضوع والاكبر من هاده كله انه ضررني اني والله ما عليكم نحب مراد بس هوا خلاني نحقد عليه بتصرفاته حتا هوا انتقام 💔 ورجعنا الحوش خشيينا الحوش عماد: شن تواا عجباتك الطلعةة ؟ امواجج: تي تهبللل بكل ربي يحفظك ليا ان شاء الله عماد: ههههه عيونك الزرق هادو مش عاديات بكل امواج: لكن بابا ناقص في فرحتي عماد: علاش توا تزعلي في روحك ادعيله بالرحمه بدل ما تبكي امواج: ان شاء الله يارب بعد ساعة فتحت تلفون عماد وخديت رقم مراد امواج: عماد بنطلع ننشر الحوايج عماد: به متعطليش امواج: حااضر خديت الصور وطلعت الحوايج قعدت ننشر في الحوايج بعدين مشيت قدام الباب وحطيت الصور وكتبت نفس الجملة الي كتبها هوا تفضل هادي بنتكم بعدين بعتت رسالة من رقمي لي رقم مراد اطلع شوف عاركم قدام حوشكم يا ***** وكسرت الشفرة ودسيت التلفون واجعتني مسرة مليهاش ذنب بس حتا عائلتي شن ذنبهاا شويةة وقعدنا نسمعوو في صوت عيااط امواج: بسم الله هاده شنن ؟ عماد: منعرفش وطلع يجري عماد وطلعت وراه خشينا الحوش مراد: هكي اديري يا ***** ويضرب فيهااا اني خشيت نجري ودفيت مرااد امواج صبعي في وجهه : انتاا تسكر فمك يتبع اعذروني لو قصاار بس في وراي قرااية ونزلتلكم حلقتين وحتا غدوا كان قدرت ركزو علي كلمة كان قدرت مش تجو انتا قلت للكاتب:: محمد مالك | ||||||||
|
| |
|
13-05-19, 05:47 PM
| #7 | ||||||||
| مراقبة عامة ومشرفة منتدى الروايات المنقولة
| الحلقة (( 5 )) للكاتب محمد مالك . . . . . امواج صبعي في وجهه : انتاا تسكر فمك كلهم يشوفولي ولحظة استغراب امواج: يااسر البنت قطعتها مفيش انسان ميغلطش جيبلي انسان واحد معصوم عن الخطاء والي تبيه خوده معمره كان الضرب حل وخديتها من ايدها وركبت بيها دارهاا عبد الله: والله كنتنا قوية مراد: هيا شن دخلهاا في النص واني مسرة لما نقتلها عماد شد مراد من حوايجه عماد: مااه كله من عمايلك انتا تضحك ع البنات عبد الله: قصدك هوا قاعد ع نفس الموضوع عماد: ايه خوي ونزبطه اني قاعد نفس عادته مختل مراد: اااايه وشن ليكم علاقة توا واحد سيبلكم الحوش ويستريح منكم ما يجي منكم غير وجع الراس مراد ركب الدروج وقربع الباب مراد يقول لي روحه : توا تشوفي يا امواج لما اندمك علي كل شئ ومتاكد انك وراء الموضوع ______ امواج: اص معااش تبكي مسرة..تبكي: ااه يا امواج حااره والله فيروز..دمعتها في عينها: ليش تبعتي في صورك يا بنتي الف مرة قتلك امواج في خاطرها واجعتها مسرة بس قالت احسن درس ليها معاش تبعت صورها لي حد ومراد ينحرق عبد الله بوهم دق الباب عبد الله : توا مش عيب عليك مسرة تبكي عبد الله: والله الا عيب عليك باهي راس نزلتيه الارض من عملتك عارف مش ذنبك اني هيا الدنيا هكي دوارة وكله من خوك مراد من عمايله اني في الحظة هادي ركزت انهم عندهم علم بي ولدهم مش موقفينه حده عبدالله: تعرفي انتي وياها باب الدار يتسكر نهاركم باهي صورك محتشمة كان هاده راه ذبحتك في مكانك مكياج معاش نبي نشوفه سهر في الليل لا يعني نشم حاجة نهاركم المرة هادي سامحتك لانه زي ما قالت مرت خوك مفيش انسان معصوم عن الخطاء راه امواج قلبها كبير واني نعرف الناس امواج: متغشش روحك يا عمي الدنيا فانية عيشها في طاعة الله والفرح عبد الله: باذن الله اهوا اني حذرتكم طلع عبد الله امواج: اني مفهمتش حاجة شن دخل خوكم مراد في النص فيروز: هاده يا حنه زمان يلعب ع البنات وياخد في صورهم ويهدد فيهم مرة ماما شداته يهدد في بتت في تلفون ولقو اكثر من مرة تصاوير وصارت مشكلة في حوشنا ع خاطر عماد سمعه يهدد في بنت اسمها زي اسمك امواج امواج قلت بينها وبين روحها زعما اني ؟ امواج: والله امالا الا هوا السبب مسرة تمسح في دموعهاا وحضنتني بالقوة امواج: حبيبتي معاش ترعشي روحك مسرة: تباتي معانا اليوم ع اقل ميقدروش يديرولي شئ معاك فيروز: ايه خليك معانا اليوم امواج: به نمشي الحوش نجيب تلفوني ونجي فيروز : به نستنو فيك نزلت الدروج لقيت عماد وام مراد وبوهم مقعمزين عماد: شن بتروحي امواج: لا بنبات معاهم اليوم بنجيب تلفوني عماد: به تمام طلعت مشيت الحوش خديت تلفوني وخديت بتاع تسجيل الصوت حطيتها في جيبي وطلعت تعشيناء وهدرزنا بس لاحظت انهم تقبلوو الموضوع بسهولة يعني في خفاياة ومصايب مزال بس شن هيا مش عارفة بس الوقت يفضح كل شي قعدت فاتحة فيس نتصفح وفيروز ومسرة رقدو سكرت التلفون ونزلت بنشرب مياه شربت مياه واني راكبا الدروج لقيت مراد واقف مشيت نجري للدار شدني من ايدي مراد: وين ماشية امواج: حول ايدك خير ما نعيط مراد: اص سكري فمك بنقولك حاجة وبنمشي امواج: اختصر شن تبي مراد: انتي وراء صور مسرة ولا امواج: علاش تشوف فيا حقيرة زيك وخشيت الدار ثاني يوم الصبح نضنا درنا فطور وهدرزنا ومراد طالع خديت فرصتي وخشيت وحطيت جهاز تسجيل الصوت في الدار في مكان مستحيل يجيبه فيروز: والله شكرا ع وقفتك معانا امس مسرة: ايه خواتي ما داروها امواج: اييي نحرج منكم راه معاش تشكروني انتو كيف خواتي نزلت بنمشي للحوش عبد الله: وين ماشية امواج: بنمشي الحوش عبد الله: تعودنا عليك اهني راه امواج..ابتسمت: توا بعدين نجي طلعت مشيت لقيت عماد قاعد راقد درت فطور وحطيت الغداء ع النار امواج: عماد نووض عماد: جيتي امواج: ايه ونوض فطور واتي عماد: اهو بنوض خلااص امواج: هيا بسرعة ناض عماد وفطر عماد: مكلمكش مراد ؟ امواج: لا عماد: توا بنعششله وبنركز عليه أمواج: ايه امس حكولي ديروله حل ضروري عماد: ايه توا نوريه كيف اني امواج: به احسن ما ادير بعد ساعتين مراد: قصدك تهدد فيا عماد: تعرف كان متوبش لي ربي لما نفضحك مراد: ايه تهديد يعني عماد: ايه تهديد نشرت صور بنات وسكتنا واغتصبت بنت ناس وغطيت عليك طفح خلاص تعرف غلطة وحدة بنقوله كله لي بوك مراد: باهي يا عماد لما تندم وركب سيارته ومشي عماد: هاده شن الهم مداير العار ومعاش يبي يوقف ثاني يوم نضت فتحت التسجيل الي وصلني بديت نسمع فيه مراد صوت تقربيع في الدار واضح انه يتحرك بعدين يتكلم في التلفون مراد: ايوا فرج مراد: ايه توا يوصلك المبلغ نبيك تقتل واحد مراد: ايه خوي عماد نبيه مقتول غدوا اني سكرت التسجل مخلوعة نضت ندور في عماد ملقيتاش في الحوش مشيت نجري لي حوش العيلة طقيت الباب فتح مراد مراد: خيركك اطقي هكي امواج: حوول وين عماد مراد: مفيش حد عماد رفع امي وخواتي لي حوش عمتي امواج: بتقتل خووك يا تافهه مراد: شنيي ؟ امواج: نعرف كل شئ طلعت تلفوني بنتصل بي عماد مراد ضرب التلفون تلفون طاح ف الارض وطيحني ع الارض امواج: حول من عليا مراد ركب فوقهاا مراد: الي متعرفيش اني نحبكك شن رايك ويشدلي في حوايجي امواج بدت تعيط ساعدونيي ياا نااس ساعدوني مراد: مفيش حد حيسمعك وناخد الي نبيه منك هههههه مراد يحول في حوايجي واني نقاوم امواج : حراام عليك حوول عبد الله فتح الباب امواج : سااعدوني ونبكي عبد الله : يا كلب شن ادير وضرب مراد بالعكوز مراد ناض دف بوه عمي طاح من الدروج مراد مشي يجري نضت نلبس في حوايجي وعمي طاايح ع الارض نزلت نجري شديته امواج: عمي رد عليا عمي وميردش عليا جبت تلفوني اتصلت بي عماد ميردش اتصلت مرة ثانية عماد: الو امواج: الحقني بسرعة يا عماد بوك بيموت عماد: شن فيهههه ؟ امواج : بسرعةة تععالي عماد: 5 دقائق نكون عندك وسكر الخط في خمس دقائق وصل عماد خش عماد: خيرك هكي حوايجك امواج: ارفع بوك توا نشرحلك مشيت نجري ركبت معاهم السيارة ووصلنا المستشفي ودخلوهم العناية طول امواج: حاول يتحرش بيا 💔 وتبكي عماد: الكلب هاده لما نقتله امواج: عمي شافه دافع عليا دفه طيحه وهرب وقال بيقتلك لقيته يتكلم معا واحد اسمه فرج عماد: فرج؟ امواج: ايه عماد: اهربي من اهني بسررعة اهربي خودي مفتاح السيارة وامشي امواج: علاش عماد: اسمعي الكلام خديت مفتاح السيارة ومشيت نجري لكن سمعت صوت طلقة ... يتبع توقعاتكم اسف بس اليوم كله لاهي في المسابقة | ||||||||
|
| |
|
13-05-19, 05:48 PM
| #8 | ||||||||
| مراقبة عامة ومشرفة منتدى الروايات المنقولة
| حلقة (( 6 )) للكاتب محمد مالك . . . . لكن سمعت صوت طلقة كنت نازلة من الدروج لكن لما سمعت الصوت وقفت مكاني وكل تفكيري عماد تخيلو من شخص كان في المخطط ومليشي اي اهمية لي شخص نحبه ومش حب طول رجعت ركبت الدروج خفت علي عماد وصلت لقيت دكاترة متلقطين بس مش باين علي شني متلقطين بنخش انشوف شدتني ممرضة ممرضة: لو سمحتي حولي متقدريش تخشي امواج..منهارة : راجلي هاده ولا لا نبي نشوف ممرضة : ممنوع يا ماما متقدريش جت الحاملة وقاموه طلع عماد 💔 اني قعدت نعيط ونبي نمشيله وممرضة شدتني 😭 لما زدت عياط خدروني ثاني يوم فتحت عيوني في المصحة لقيت مسرة مقعمزة جنبي تبكي امواج: وين عمااد نضت قعمزت زي المهبولة مسرةة: قعمزي في العملية امواج: بوك شن صارله مسرة: شلل معاش يقدر يتحرك علي رجليه 😭 امواج: لا حول ولا قوة الا بالله وين عماد نبي نشوفه مسرة : قعمزي يا امواج محدش شافه اصلا اصبري توا تشوفيه باذن الله امواج: ياارب ما تصيرله حاجة ياارب والله خوك مراد يبي القتل هوا السبب مسرة: مراد السبب ؟ امواج: هوا الي دف بوك من الدروج وهوا كلم واحد مش يقتل عماد وتحرش بيا مسرة ..مش مستوعبة ؟؟ : مراد دار هكي امواج: ايه عمي محالكمش ؟ مسرة: قاعد راقد مناضش امواج: توا لما ينوض ياكد القصة مسرة: مش مصدقةة خوي مراد يدير هكي امواج: ااه راسي صداع بكل مسرة : اصبري نقول لي ممرضة تجي خشت ممرضة شافتها ومشو للحوش عماد طلع من عملية وقاعد في العناية وبوهم روحنا بيه في كروسة مبيتش نخلي عماد بس قنعوني بعد الف سبب وسبب روحنا الحوش وعمي ساكت متكلمش حتا كلمة وحدة وكلنا في حالة سكوت امي كان مزال يومين ع العمره مبيتش نحكيلها ونضيعها عليها ام مراد: والله ما توقعت وليدي يخرب بيتي وكلنا ساكتين ام مراد: ااخ يا قلبي نربي ونكبر بعدين يدمر خوه وبوه وامه ام مراد: اااه ربي ابتلاني بيه والله ما نعرف ه الولد بو مراد: معاش نبي نعيش لو خش الحوش ثاني ام مراد: حي اهو تتكلم خيرك ساكت ترعش فيناا جرب تتحرك علي رجليك بالك تقدر تربح يا عبد الله ركبت الدار فتحت التلفون وفتحت اغنية يا ناس يا ناس افهموني الوجع اكبر من جروحي يا ناس خلصت العمر ما مفتهم روحي عيني على الساعة انتظر مدري شتاني مشكلتي طيب والبكلبي على لساني يا نَأْسَ أَفْهَمُونِي الوَجَع أُكْبَر مِن جُرُوحِي يا نَأْسَ خَلَصَت العُمْر ما مفتهم رُوحِي عَيْنِي عَلِيّ الساعَة أَنْتَظِر مَدَرِي شَتّانِي مُشَكَّلتِي طَيِّب والبكلبي عَلِيّ لِسانِي ما اذكر لنفسي عشت بس عايش لناسي وهذا البياض البكلب بين على راسي خلصت عمري ابجي سنة واضحك ثواني مشكلتي طيب والبكلبي على لساني ما أَذْكُر لِنَفْسِي عِشتُ بَسَّ عايِش لِناسِي وَهٰذا البَياض البكلب بَيْنِ عَلِيّ رَأْسَيْ خَلَصَت عُمْرِيّ ابجي سَنَة وَأَضْحكِ ثَوّانِي مُشَكَّلتِي طَيِّب والبكلبي عَلِيّ لِسانِي يا نَأْسَ أَفْهَمُونِي الوَجَع أُكْبَر مِن جُرُوحِي يا نَأْسَ خَلَصَت العُمْر ما مفتهم رُوحِي سكرت فوني ورقدت بعدهاا ونقول اهو حتا قبل بنفضحهه قدام عيلته طلعو يعرفو حقيقته وساكتين يااارب اشفي عمااد ياارب والله تعلقت بيه فيروز: امواج رقدتي ؟ امواج: لا لا شن فيه فيروز: تعرفي مراد قبل انتي امواج: لا علاش فيروز: والله قاعدة نفكر في اليوم الي شافلك فيه امواج: بالك من الاول حط في راسه يتحرش بيا فيروز: كان نلقاه نقتله بعد الي داره لي بابا امواج ..قعمزت ع سرير امواج: تعرفي بنات خوك ظلمهم ؟ فيروز: سامعة بي بنت اسمها فرح و وحدة امواج الي صارت ع خاطرها مشكلة امواج: تعرفيهم وين ساكنين ؟؟ فيروز: لا لا امواج: نحسابك تعرفي فيروز: شن بديري بيهم ؟ امواج: لا فكرت بيهم بس مسرة..خشت الدار مسرة : سلااام شن كنتو تحكو فيروز: نفس السيرة مسرة: والله لو نشده نقطعه طرف طرف امواج: يعني توا ع اساس لو قدامك بتقدري اديريله حاجة مسرة: ايه نديرله علاش لا امواج: تعرفو راسي صداع وبنمشي غدوا لي عماد مسرة : به نوضيني نمشي معااك و فيروز تمشي ؟ فيروز: لا بنقعد معا ماما مسرة: به يعني نمشو اني وياك امواج: به تمام خش كل واحد رقد الا اني قعدت نستنا فيهم يرقدو بعد رقدو خشيت دار مراد قعدت ندور في كل مكان تقريبا فوق الساعة ملقيتش شى شفت للسرير قلت نشوف تحت الفراش الي ع سرير بالك نلقا قمت الفراش ولقيت حاجات قعدت مصدومة تخيلو مدايرلهم مكان تحت السرير بالوح قعدت نطلع كمية صور كبيرة لي بنات تحتهم في مسدس طلعت مسدس كان ثقيل وايدي ترعش لما شدتيه وشفتله وخفت تطلع منه رصاصة بالغلط رديته مكانه ورديت السرير وطلعت رقدت وقلت مراد انسان مختل ميديرش هكي الا انسان مختل نضت الصبح ع صوت المنبه (( مزعج الصوت هاده اكثر حاجة نكرهاا ولا حد مداير منبه ويقعد يرن ومينوضش زي الميت هوا وانتا تنوض 💔 )) مسرة: صباح الخير هيا مش بنمشو لي عماد نشوفوه امواج: ايه هيا اهو نضت نضت درت دوش ولبست ونزلت امواج: صباح الخير ام مراد: صباح النور وين ماشين ؟ امواج: لي عماد ام مراد: تربحي يا بنتي طمنيني عليه اول ما توصلي امواج: حاضر باذن الله طلعت ركبت السيارة ولعتها ومشيت ملاحظة :: كنت نسوق 4 سنين قبل ما يبعت مراد صوري تلخبطت شوية في طريق بس تفكرت والحمد الله مسرة: والله قاعدة مش مصدقة مراد يحب بابا ويحب عماد اكثر حتا مننا كيف دارلهم هكي متعرفيش امواج: اشبح شن السبب ان شاء الله يفيق عماد ياارب مسرة : ان شاء الله ياارب وبابا يمشي ع رجلين ثاني امواج: باذن الله شن قالكم دكتور ع عمي هوا مسرة: قال لما طاح عمود فقري انضر قال هوا حاليا في شلل موقت معا الوقت حيمشي بس ع الاقل سنتين ثلاثة مش يمشي ثاني امواج: به الحمد الله خير من شلل معاش يقدر يتحرك طول عمره مسرة: ان شاء الله يقدر يتحرك ياارب ..وقعدت تبكي امواج: معاش تبكي يا مسرة خيرك لازم تكوني قوية الحياة اصعب منها مفيش خصوصا لو ...سكتت امواج كانت بتقول خصوصا لو بوك قاعد حي سندك هوا مهما كان بس تفكرت بوها سكتت وخنقتها العبرة اب سند لكل حد ( يحفظ اب كل شخص ورحمة الله علي كل شخص والده متوفى ) مسرة: والله واجعني بابا امواج: كلنا واجعنا يا مسرة وصلنا العيادة نزلنا امواج: لو سمحتي وين غرفة عماد فلان ريسبشن : ثواني نشوف غرفة رقم 209 دور الثالث امواج: صحيتي ركبنا فوق وقفت اني ومسرة قدام الباب امواج: مش متخايلة كيف بنشوفه ؟ ااه ياربي مسرة: هي بسم الله فتحنا الباب خشينا وعماد مهناش ؟؟؟ وينه بعدين طلع حد من الحمام(( حشاكم)) الي في دار تلفت وراي وكان عماد ❤ متصدقوش فرحتي في الحظة هاادي تعادل الدنيا وما بيها امواج بدون اي شعور حضنته عماد: ااااه امواج: بسم الله خيرك عماد: كتفي اااه خيرك هكي تحضني مسرة: حي عماد كويس حالك عماد رقد ع سرير : الحمد الله مسرة: الحمد الله يااارب لك الحمد ياارب ياااررب عماد: من جابكم ؟ مسرة: امواج عماد: تعرفي تسوقي ؟ امواج: ايه عماد: معاش شفتو مرادالكلب ؟ مسرة: لا معاش شفناه عماد:به الحمد الله كيف حال بابا دكتور قالي طلع مسرة شافت لي امواج عماد: خيركم تشوفو لي بعضكم حد يجاوب ولا بوي صارتله حاجة؟؟ مسرة: بابا معاش يقدر يمشي ع رجليه لي فترة عماد..مصدوم: كم الفترة مسرة: سناتين او ثلاثة عماد: ناض من سرير مراد يا **** لما نقتلك امواج: شداته ..قعمز وين بتمشي وانتا تعبان عماد: حولي لما نقتله امواج: قعمز ع سرير يا راجل تربح عماد: حولي من قدامي امواج..منهارة وتبكي :: اني خسرت بوي بسبب خوك وتبيني نخسرك انتا تواا ؟؟ عماد..مستغرب وتلفت ؟؟ : شني ؟؟ يتبع في حلقة ساعة 8 وحلقة ساعة 12 كونو في الموعد للكاتب: محمد مالك | ||||||||
|
| |
|
13-05-19, 05:50 PM
| #9 | ||||||||
| مراقبة عامة ومشرفة منتدى الروايات المنقولة
| الحلقة (( 7 )) & (( 8 )) للكاتب محمد مالك . . . . عماد..مستغرب وتلفت ؟؟ : شني ؟؟ امواج..دموع في عيونها : اني كنت ضحية من ضحايا مراد عماد: غير شن تقولي انتي تتسهوكي ؟؟ امواج: لا منتسهوكش كنت نعرف مراد او بالاحرى كنت ضحيته عماد: تي شن تقولي انتي من غير تسهويك امواج: والله ما نكدب عماد: يعني كنتي علي علاقة معا خوي امواج: ايه بس كانت من طرف واحد هوا همهه الفلوس وبوي توفى من الصدمة عماد: كنتي تعرفي ولا ؟ امواج: شن ؟ عماد: ان اني خو مراد تزوجتيني لي اي سبب ؟ امواج: لا موضوع ان اني نعرفك خو مراد كله محظ صدفة ويعليك صدفة مسرة: يعني هاده كله يفسر علاش مراد شافلك باستغراب امواج: ايه وصدمتي اكبر (( ربي يسامحني ان شاء الله)) عماد مصدوم ومش عارف يجاوب عليا عماد: متاكدة متعرفيش مراد خوي من قبل امواج..خديت نفس وقلت نكذب وخلاص غير ما يكرهني : ايه منعرفش ونصدمت زيني زيك عماد: صااار امواج تعرف خوي ومقتليش امواج: قتلك وخوك سبب خسارة بابا مسرة: يعني هادي نفسها امواج الي لقيته يهدد فيها وتعاركت معاه عماد: ايه معناها انتي نفس البنت امواج: مرات نفس البنت ومرات في غيري خشت ممرضة ممرضة: السلام عليكم لو سمحتو حد يجي يكمل الورق امواج: وعليكم السلام تمام شوية ونجي مسرة: بنكلم ماما نطمنها امواج: به تمام طلعت مسرة من الدار وعماد يفنص عيونه وميبيش يشوفلي امواج: زعلت مني عماد..ساكت امواج : تذكر يوم العرس لما طلعتني من الصالة وركبنا السيارة عماد ..شافلها امواج: ايه اتفكرت ولا لما قعدت نبكي وقتلي خيرك قتلك بابا مش معاي في فرحتي وقلت اني نعوضك عماد..يشوف وساكت امواج..دموع ينزلو من عيونها : صح ولا لا وانتا سندي بعد بابا الله يرحمه وتوا متكنطي مني ومتبيش تكلمني ع خاطر شني ع خاطر خوك قتل بابا ولا ظلمني ولا عذبني ؟؟ خيرك سااكت جااوب عليا عماد: شن تبيني نرد ؟؟ امواج: مرات كلمة تجبر بخاطري بسس كلمة تصلح القلب المكسور من سنين ومن كسره خوك عماد..ساكت وواضح انه ثاتر بكلامي امواج: قاعد مسكر راسك يعني ..وكنت نبكي منهارةة بكل 😭 عماد وسع مكان ع سرير واشر بي ايده : تعالي نضت من كرسي وقعمزت ع سرير جنبه ورقدت ع صدره عماد: اني قد كلامي لما قتلك بنعوضك حنعوضك باذن الله بس لو في حاجة تعرفيها ومتبيش تقوليها قولي توا معاش نبي اسرار بين بعضنا امواج..فكرت وقلت لو توزجته ع خاطر انتقام حيزيد الطين بلة وخلاص افضل حل ننكر امواج: مفيش اي شئ متعرفاش انتا توا عماد: به خلاص يعني مفيش اسرار توا امواج: ايه معاش في اسرار بس نبي نعرف علاش خوك يبي يقتلك ؟؟ عماد: نعرف عليه حاجات خائف نقول امي ولا بوي يصيرلهم حاجة امواج: زي شن ؟؟ عماد: هلباا حاجات وعمايل وصلت للاغتصاب امواج..اثار الصدمة وجهه : معقولة لدرجة هادي مختل وساكتله الغلط منك ساكت طول ه الوقت عماد: شن بندير امي وبوي مش ناقصهم همم امواج: انتا انسان سلبي كيف عندك تخلي بنات ناس يتبهدلو وشرفهم يضيع وخائف ع امك وبوك عماد: كل شخص يشوف في عيلته اهم شئ وعلي حساب اي شخص امواج: تعرفها البنت عماد: ايه نعرفها امواج: شن اسمها ووين تسكن عماد: وشن بديري بيها امواج: بنمشي نشوفها عماد: لا تشوف لا تشوفيها امواج: والله الا حرام عليك وما توقعتك ترضا في بنات الناس عماد: منرضاش في بنات الناس كنت بين خيارين يا موت بوي ويا امي من الصدمة يا نسكر فمي ونسكت امواج..نضت من جنبه امواج: لو انتا بتسكت اني مش حنسكت وطلعت من الدار فتحت الباب وطلعت مستعجلة مسرة: وين ماشية جبت نسكافيه ؟؟ مرديتش عليها ونزلت ولعت السيارة ومشيت للحوش ____________ عند مراد مراد: ايه ههههه والله نموت فيك يا شفشوفة انتي وين تبيني نعزمك نعزمك ما يغلاش عليك بنت : ههههه حتا اني عادي انتا دير موعد ووقت الكلية نطلعوو بعد ما يحطني بابا مراد: به خلاص غدوا نجيك ونهيجوو بنت: به خلاص متفاهمين مراد: باي يا عيوني بنت: بااي مراد..سكر الخط مراد: يعليك خليقة وخلاص كيف تتشقلع زي ***** فرج: والله انتا خطير يا طيري مراد: والله يا فرج خرب بيتي من الموضوع هاده بس فلوس محترمات نحصل فيهم وحاجات ثانية ههههه فرج: لكن راه خليك في موضوع ان الدنيا دوارة رد بالك يا طيري وربك ما ينسا حد مراد: نبي معروف ومش حننسهولك فرج: أومر مراد: انتا خناب خبرة ماشاء الله فرج: نزعل منك راه خناب اني مراد: سامحني يا غالي ايدك خفيفة وخدمتك نظيفة فرج: به ومطلوب مراد: في لاب توب في داري فيه عنواين وتلفونات كل بنت درتلها حاجة وفيه العار كله نبيك تجيبه وخود الفين دينار فرج: غدوا يكون عندك قولي مكانه وين بزبط بس مراد: لا مكانه بالتمام نعطيهولك فرج: مية مية __________ امواج مشيت الحوش لقيتهم يوتو في روحهم بيمشو لي عماد ام مراد: خيرك رجعتي ؟؟ كيف بنمشو كنا امواج: لا دخت معرفتش شن صارلي وبنرقد شوية ام مراد : به رد بالك وسكري باب بالمفتاح امواج: بنقعد في حوشكم اعطيني مفتاح ام مراد: هاك المفتاح ورد بالك سلم بنتي امواج: حاضر باذن الله خشيت الحوش غيرت حوايجي ودرت شعري وفتحت دار مراد قمت السرير وطلعت المسدس والصور درت كل الصور في ظرف ومسدس دسيته في شنطتي وقعدت ندور بس ملقيتش ولا حاجة فتحت تسجيل القديم الي سجلته لما سمعت ان مراد كلم راجل مش يقتل عماد وعليت كل الصوت قعدت نسمع فيه هدوء بعدين صوت تقربيعة بسيطة بس في صوت كانه يجبد في شئ بعدها اتصل بي الراجل مش يقتل عماد بعدها بشوية يدف في حاجة ثاني سكرت التسجيل ومشيت للدار قعدت نشوف شن زعما الي يدف فيه حركت السرير من مكانه ملقيتش شئ قلت نجرب معا الدسك والكاتروات حركت وملقيتش شفت للدولاب قلت زعما وراه ؟؟؟ جيت للدولاب رزين بكلل مقدرتش نجبده فتحته وطلعت الحوايج وحاجات الي فيه وقعدت نجبد فيه جبدته قريب متت مش قدرت بس الصدمة مش هنا الصدمة الحفرة الي في الحيط وراه محطوط فيها لاب توب وفلوس طلعت الاب توب وفلوس مبلغ كبير واضح خديتهم فتحت الاب مباش ينفتح مفيشي شحن قعدت ندور ع خيط شحن لقيته في الحوايج الي كانو في الدولاب خديته ركبته في الضى وفتحته نفتح الكمبيوتر واني علي توتر طلع رمز ؟؟ زعما شن الرمز ؟؟ جربت اسمه كامل غلط عيد ميلاده غلط جربت هلبا مرات شئ كله فشل رديت الحوايج وكل شئ خديت المبلغ دسيته في شنطتي ومعاه الاب توب لبست وشاحي ونزلت ولعت السيارة ومشيت حوشنا فاضي وماما عطتني مفتاح خشيت داخل دسيت الاب توب والمبلغ مرات يريح ولا حاجة منقدرش نخاطر بالموضوع وسكرت الحوش وطلعت روحت خشيت درت كيكة وتكمت العشاء واستنيتهم يرجعوو رجعوو الحوش طلعتلهم ام مراد: الحمد لله على سلامتك يا ولدي عماد: الله يسلمك فيروز: نورت الحوش يا عماددد عماد: هههه هيا بتخلوني واقف برا خشوو امواج: هي خشوو درتلكم عشاء وكيكة مسرة: سلمها الفالحة خشينا وتعشينا معا كل الي عانوه مزالت الابتسامة ع وجههم يضحكو ويبصرو وقت العشاء (( طااقة ايجابية )) عماد: وين نمشو الحوش امواج: لا بالله نقعدو اهني ملتمين اليوم عماد: براحتك غسلنا الماعين وكل شئ وخشيت الدار معا البنات مسرة: يا عليك يوم تعب بكلل امواج: اسمعو بنسالكم فيروز: ؟؟؟ امواج: في كلمة تعرفوها مراد يقول فيها باستمرار وهكي فيروز: منعرفش والله مسرة: اااممم يغني يا ام عيون زرق نسمع فيه مرات امواج: ام عيون زرق ؟؟ مسرة: ايه فيروز: ايه صح نسمع فيه مرات حتا اني في الليل تجيه الحالة ويقول يا ام عيون زرق وياسمينة ويا مش عارف شن مهم كلام مسرة: والله مختل من زمان شكله امواج: ربي يهديه ويصلحه ان شاء الله كملت تهدريز ورقدنا نضت ساعة 4 في الليل شربت مياه واني راكبا سمعت صوت في دار مراد خفت نفتح باب الدار حطيت وذني بس فرج: مهناش وراء الدولاب مافيه شئ فرج: تعالى قاعد في الدار اني نستنا فيك عرفت طول انه يدور في الاب توب خشيت الدار فتحت شنطتي خديت المسدس وشديته استنيت شوية قدام الباب وقعدت نتصنت سمعت صوت مراد في الدار مراد: تي النم كان اهني وين اختفي فتحت الباب وخشيت ومسدس رفعته في وجهم قلبي ينبض من الخوف وايدي ترعش امواج: شن ادور هااه ؟؟ مراد .... امواج...... يتبع للكاتب محمد مالك كل الحقوق محفوظة — مع لازلت صغيرة وDoja Ali. | ||||||||
|
| |
|
13-05-19, 05:51 PM
| #10 | ||||||||
| مراقبة عامة ومشرفة منتدى الروايات المنقولة
| حلقة (( 9 )) للكاتب محمد مالك . . . . امواج: شن ادور هااه ؟؟ مراد: نزلي سلاح ايدك ترعش معناها اول مرة ترفعيه نزلي السلاح فرج مصدوم بحداه وخائف امواج: مش حنزله شن ادور هاه ؟ مراد: نزلي السلاح من غير لعب امواج: عماد راقد في الدار نعيط ينوضو الحوش كله مراد: به اني بنطلع من وين ما جيت امواج: مفيش طلوع اليوم نقتلك اني وننتقم لي بابا مراد: قاعدة تفكري في شئ ليه سنين وسبب موتت بوك مش اني انتي السبب لو خائفة عليه من الاول كنتي سترتيه ومكلمتيش شااب امواج..دموعها ينزلو ع خدها وحست بكلام مراد كانه حقيقة امواج: ادور في الاب توب ولا مراد فنص عيونه مراد: وينه امواج: احلم بيه مراد قعد يقرب امواج: تقرب شويةثانية بنضرب الرصاصة عليك مراد قاعد يقرب امواج: حذرتك بتقرب شوية بسس وبنضربك راه مراد ولا كانه قاعد يقرب امواج رصت ع سلاح مباش ولا يدير صوت مراد خداه من يدهاا امواج حاولت تعيط مراد سكر فمها ايده وقالها في ودنها مراد: التامين بتاع سلاح قاعد مفتوح يا غبية توا اني سكرت التامين بتقوليلي وين الكمبيوتر ولا نحط الرصاصة في راسك مراد حاط يده ع فم امواج امواج خدت نفس وعضت يده مراد حول يده امواج : يا عماااااد (( باعلي صوتهاا )) فرج: هياا يا مراد بسررعة فرج نقز من الروشن مراد حط السلاح ع سرير ونقز وراه خديت السلاح وحطيته في حوايجي عماد ركب يجري وفيروز ناضت ومسرة وامهم عماد: خيررك شن في امواج..نبكي : مراد كان اهني في الدار عماد: شن تقولي؟؟ مشي للروشن وقعد يشوف عماد: دارلك حاجة امواج: لا لا عماد: لاحول ولا قوة الا بالله والله لما نقتله ها **** ام مراد: ها الولد ميبيش يريح روحه ولا كيف عماد: تي اصبري شوية لما نقتله اني نوريه ال *** ام مراد: لا رد بالك يا وليدي خو يقتل خوه لا بالله عليك فيروز: تعالي امواج مسرة: اصبري نجيب كلينكس من المطبخ مشيت معاهم الدار نوم طاار من عيوني بس تاكدت وعرفت ان الاب توب حاجة مهمة بكل غدوا لازم نفتحهه رقدت بعد جهد نضت الصبح عماد: تعالي افطري امواج: جاية دقيقة عماد: به امواج: بنمشي حوش ماما باهي نبي سيارتك عماد: مش في العمره هما ؟ امواج: ايه بنشوف الحوش وبنظف مش حنعطل عماد: به خودي سيارتي مش حنطلع اني منقدرش نخليهم بروحهم مرات يرجع ال*** مراد امواج:به تمام فطرت ولبست وطلعت ركبت السيارة وفتحت المسجل قعدت ندور في اغاني لن طلعت اغنية اليسا سهرنا يا ليل للصبح يا ليل و أمانة ما تمشي يا قمر الليل آه يا محلا الليل ويا حبيبي ده حياتي معاه بقى ليها حياة لو هفضل طول الليل حاضناه مش هشبع من حضن حبيبي استني يا شمس بقى استني مش عايزة حبيبي يروح مني متجيش وحياتك دلوقتي أصل انا لسه مخدتش وقتي عايزة أسهر مرة على طريقتي و أتهنى لحد الصبح معاه استني يا شمس كمان حبة محتاجة اني بحضنه اتخبى وقّف يا زمان ساعتك ليلة دي السهرة بقت جنبه جميلة وحياتي مجتش من الليلة دانا قلبي ما صدق يبقى معاه سهرنا يا ليل للصبح يا ليل و أمانة ما تمشي يا قمر الليل آه يا محلا الليل ويا حبيبي هنغني يا ليل للصبح يا ليل و أمانة ما تمشي يا قمر الليل آه يا محلا الليل ويا حبيبي ده حياتي معاه بقى ليها حياة لو هفضل طول الليل حاضناه مش هشبع من حضن حبيبي على شان خاطري بقى يا ليل طول ويا ريت لو ترجع من الأول خليك سهران حبة معانا الليلة أنا أسعد إنسانة لو هفضل ميت ليل سهرانة مش هتعب برضه مدام حضناه وأمانة عليك آه يا ليل طول وحياتنا لترجع من الأول خليك سهران حبة معانا الليلة أنا أجمل إنسانة لو هفضل ميت ليل سهرانة مش هتعب برضه مدام وياه سهرنا ياليل للصبح ياليل سهرنا ياليل للصبح ياليل وامانه ماتمشي ياقمر الليل اه يامحلى الليل وياحبيبي سهرنا ياليل للصبح ياليل وامانه ماتمشي ياقمر الليل اه يامحلى الليل ويا حبيبي سهرنا ياليل للصبح ياليل وامانه ماتمشي ياقمر الليل اه يامحلى الليل ويا حبيبي وصلت الحوش سكرت السيارة وخشيت درت نسكافيه سخون وقعمزت فتحت الاب توب قعدت احسن حاجة كلمات السر تقدر تجرب كيف ما تبي جربت اسامي عيلته كلها رقمه كل شئ مفيش حااجة صحح بكل جربت ام عيون زرق قلت بالك تطلع صح طلعت غلط تعبت وحرت معاش عرفت شن الكلمة السرية هاادي يااربي قعدت نفكر معرفتش شن نكتب بكلل اتصلت بي صديقتي صفاء ليااا هلبا معاش كلمتها امواج: الو صفااء صفاء: ايوااا يا عيوني حرجانة منك امواج: خيرك العفو صفاء: تزوجتي نسيتيني بكل امواج: والله ما ننساك يا قلبي صفاء: ليك وحششة والله امواج: حتا انتي تقدري تجي حوشنا صفاء: ايه اصلا كسااد بكل امواج: به تعالي اني فيه بنقعد للمغرب استحشتك نشوفك ع الاقل صفاء: به ساعة ونكون غادي باذن الله امواج: به تمام نستنا فيك سكرت منها درت قهوة ع النار وفي شوية حلويات طلعتهم وتكمت الجو واستنيتها رن الباب طلعت فتحتلها صفاء: يا قرددة وحضنتي امواج: استحشتك يا مهبولةة والله صفاء: اني اكثر تعرفي امواج: خشييي القهوة توا تبرد صفاء: ايه احكيلي كل شى بتفصيلللل امواج: هيا تشربو قهوة ونحكيلك بعد ساعة صفاء: هالكلب مراد هاده امواج: جيتي جيتي تعالي نجربو نفتحو الكمبيوتر صفاء:هيا قعدنا نجربو مفيش فائدة بكل امواج: تبي سبول ؟؟ صفاء: به ديري امواج: به 5 دقائق نضت خشيت المطبخ وحطيت السبول ع نار صفاء..باعلي صوتهاا: فتحته تعالي مشيت نجري امواج: تكذبي صفاء: والله شوفي امواج: حي حق شن الرمز ؟ صفاء: امواج امواج: نعم صفاء: الرمز امواج يا غبية امواج: كذابة صفاء: والله امواج بالانجليزي امواج: مسمي رمزه بي اسمي غريبة ترا نفتشوو ونشوفو صفاء: ايه هيا ضربني الفضول الحق امواج: الصبرر بس السبول ع النار توا ينحرق مشيت ومتشوقة نعرف كل شئ ع مراد هاده درت السبول وجبته وفتحت الكمبيوتر صفاء: افتحي ملف هاده امواج: دقيقة نخشو الصور قبل كل شى فتحنا الصور والله مرضت من الي شوفته حاجات استغفر الله ياربي صور بنات فوق الخيال وصور استغفر الله يارب وحاجات والله تكره حياتك منهاا صفاء مصدومة بكل صفاء: حي عليه حي امواج: والله ما طبيعي الانسان هاده صفاء: ربي ياخد فيه الحق امواج : والله ماهو طبيعي الانسان هاده بكل معقولة هكي يدير ربي يحاسبه ان شاء الله صفاء: مختل بمعني الكلمة الانسان هاده امواج: اصبري في ملف مفتحناشي صفاء: افتحي ترا امواج: عناوين أماكن صفاء: مش تعرفي ربي بس المختل وثق كل شئ علي روحه غباء بعد هكي مفيش امواج: حي عليا امتا بنروح اني مغرب وليل صفاء: ايه هداكا هوا حطيني في حوشنا وامشي امواج: هي نوضي خدت فونها امواج وصورت العناوين الي في الكمبيوتر وكل وحدة وعنوانها واسمها مكتوب طلعت سكرت الحوش وحطت صفاء وروحت خشت الحوش امواج: السلام عليكم فيروز: وعليكم السلام ام مراد: وين مغيبة اليوم امواج: مشيت حوشنا درت دورة عليه ام مراد : مفيشي شئ ولا امواج: لا ما فيه شئ الحمد الله وين عماد ام مراد: راقد في حوشك امواج: به شوية ونمشيله هدرزت معاهم وروحت لقيت عماد راقد تعبان قاعد من الرصاصة ورقدت نضت الصبح لقيت عماد مداير قهوة ومقعمز ع الطاولة امواج: صباح الخير عماد: صباح النور امواج: من امتا نضت عماد: من بكري امواج: بنسالك عماد: هاه ؟ امواج: شن اسمها البنت الي تحرش بيها مراد عماد: اياااه علينا توا صبح يا فتاح لازم تفتحي السيرة امواج: نبي نعرف اسمها بس ووعد ما نحكي لي اي كائن اسمهاا بسسس عماد: افنان امواج: هاه ريت ساهلة عماد: شن بديري بيه امواج: فضول بسسس عماد: الفضول يقتل راه رد بالك امواج: به نبي سيارة حتا اليوم 😁 عماد: من غير جو كل يوم هوا امواج: اليوم بسس بنمشي لي صفاء ليا هلبا معاش شفتهاا بكل عماد: به اليوم بسس راه امواج: ايه اليوم بسس جهزت روحي حطيت المسدس في الشنطة وركبت سيارة ومشيت فتحت الفون دورت ع اسم افنان لقيت زوز بنات افنان وكل وحدة بعيدة ع الثانية شفت العنوان الاول ومشيت نص ساعة ووصلت خديت نفس طقيت الباب بنت: منو امواج: افنان بنت فتحت الباب واقفة وراه واضح خائفة امواج: افنان صح افنان: ايه تفضلي ؟؟ امواج: تعرفي مراد فلان ؟؟ شوية مستوعبتش الا ضربتني ع وجهي بوكس . . يتبع للكاتب محمد مالك بنوجه كلام لي ناس كرهتوني في الكتابة مسد كاره الوضع الضرب الي صاير وحالة نفسية زي الزفت ونكتب بالسيف تبو تعرفو الظرف ايه الظرف نسكن في منطقة الضرب في طرابلس وصورايخ من فوق الحوش وضئ يهرب ويجي ومعا هاده نحاول نكتبلكم وانزلكم وتتشرطو خلاص نفد صبري اي حد مش عاجبه معاش يقراء لو سمحتو مش ناقص بكلل ومعاه هاده نضحك ونتقبل في نقد تلقا روحك محظور متقولش شن السبب قول كلمة خير والله نفرح معا النفسية المدمرة ومحدش حيعرف شعور هاده الا لو عاش فيه وكان بين الاشتبكات | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
