آخر 10 مشاركات
أسيرتي في قفص من ذهب (2) * مميزة ومكتملة* .. سلسلة حكايات النشامى (الكاتـب : lolla sweety - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )           »          2 -عصفورة النار - مارغريت بارغيتر -كنوز أحلام قديمة (الكاتـب : Just Faith - )           »          جدران دافئة (2) .. سلسلة مشاعر صادقة (الكاتـب : كلبهار - )           »          كيف لو كنت في البحر ! (الكاتـب : كَيــدْ ! - )           »          إيحــــاء الفضــــة (3) *مميزة ومكتملة *.. سلسلة حـ(ر)ـب (الكاتـب : moshtaqa - )           »          [تحميل]ليالي.. الوجه الآخر للعاشق / للكاتبة رحاب ابراهيم ، مصرية ( Pdf ـ docx) (الكاتـب : فيتامين سي - )           »          رَقـصــــة سَـــــمـا (2) .. *مميزة و مكتملة* سلسلة حـــ"ر"ــــب (الكاتـب : moshtaqa - )           »          عيون لا تعرف النوم (1) *مميزة & مكتمله * .. سلسلة مغتربون في الحب (الكاتـب : bambolina - )           »          عشق وكبرياء(6)-ج1 من سلسلة أسرار خلف أسوار القصور-بقلم:noor1984* (الكاتـب : noor1984 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 18-07-19, 03:09 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 حنة العيد وشهگة النعناع/ للكاتبة melad hameed، عراقية مكتملة






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية

حنة العيد وشهگة النعناع
للكاتبة melad hameed



قراءة ممتعة للجميع....





ندى تدى likes this.


التعديل الأخير تم بواسطة لامارا ; 28-07-19 الساعة 06:39 AM
لامارا غير متواجد حالياً   رد مع اقتباس
قديم 25-07-19, 05:43 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رابط لتحميل الرواية هنـــــــــــا




بسم الله الرحمن الرحيم

السلام عليكم ورحمة الله وبركاته كيف حالكم إن شاء الله دائما بخير ؟

#حنة_العيد_وشهگة_النعناع
بقلم melad hameed
القصه من الواقع
القصه مكتمله بواقع ٢٤ بارت


مثل فزة طفل روحي .. تفز لو سمعت بطرواك 💙







التعديل الأخير تم بواسطة فيتامين سي ; 28-07-19 الساعة 09:04 AM
لامارا غير متواجد حالياً   رد مع اقتباس
قديم 25-07-19, 05:44 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


#البارت_الاول

ابتعد بل اهرب بجلدك بعيداً عن الناس بعيداً عن المدن الكبيره ابتعد عن البلدان ذات الكثافه السكانيه العاليه ابتعد عن المناسبات وعن حفلات الشاي الممله !..ضع موسيقاك الخاصه في اذنك مَثل عدم الفهم عندما يسألك احداً عن شيئ ما ومَثل انك بخير دائماً..
مثل كل يوم الصبح... نگعد نصبح على ماما وبابا واخواني وننجمع على طاولة الافطار. . بس اليوم مختلف اليوم الاول بالعام الدراسي ...
ماكو شي مختلف عن بقية الاعوام بس هل سنة اني دخلت الاعدادية. .
اروح للمدرسة وي اخواتي التوأم ضحى وسجى الاصغر مني بسنة . .
نروح للمدرسة واحنه حافظيها للقاعدة اليومية ممنوع تحچون تفاصيل حياتنا وي بنات خلي علاقتكم سطحية وعلى گد السلام والدروس ممنوع تاخذون وتنطون بالكلام وي المدرسات ممنوع توگفون لأي احد. . من المدرسة للسيارة. . خلي كلامكم بيناتكم ويومية نسمع هل كلام من ماما..

ماما ع گد ما هي انسانة قوية وچبيرة اخوانها واخواتها والها كلمتها ببيت اهلها والها قبول بين الناس... بس اشوفها حييل تضعف وتحترم بابا ومتكسرله كلمة ابد.. وهو كذلك حييل يحبها وميرفضلها طلب صح هو قوي، وقاسي، بحكم عملة الي اني مااعرف تفاصيلة بس من اسألة يگول اني احل مشاكل الناس وماما تگول ابوكم قاضي، واسمع كلمة محكمة دائماً بس مااعرف تفاصيل اسم المحكمة امي دائماً تتحفظ على هيچ معلومات مااعرف ليش وشنو السبب..
ساعة 6:20 الصبح يوم الاحد
اسمع صوت ماما تصيح على اخواني واني بين النايمة والصاحية
انور اسامة مهند يلااا وراكم دوام
گلت ايي اجه دورنة غطيت راسي باللحاف.. صعدت امي لغرفتنا يلا سمرر گومي بنيتي.. ضحى سجى وتصيح اسمائنا عيناً مثل الي بالجيش..
گعدت واني فرحانة اريد اجرب شعور اني بالاعدادية گمت اركض عالحمام داافوت واجتني كفخة على راسي، التفتت شفته اسامة يبوووو اسامة شگد مكروه حتى الصبح تضربني دوخر عااد بقيت ادردم على گد مافرحانة ضوجني شگد همجي اجه بابا گال، صباح الخير شبيچ ادردمين من الصبح گلتله بابا هذا اسامة شوفلة حل ترى والله لعبت نفسي
ضحك بابا گال غير اخوچ ويتشاقى لو صرتي بالاعدادية متتحملين شقة گلتله بابا والله اذاني طلع اسامة بابا رزلة رزالة ناشفة ضحك اسامة ويكولي غير اختنا ونكفخ عليهه
رحت للحمام غسلت وفرشت اسناني وغيرت ملابسي، ورجعت الابتسامة بوجهي والقميص الابيض والصدرية النيلي احبها بيها چاكات رفعت شعري ونزلت تريگت وطلعنه اني واخواتي ننتظر الخط رجال شايب حتى ميشوف مااعرف بابا شعاجبه منه كل سنة هو نفسة من چنت بالابتدائية..
المهم اجه عمو ابو علي وسلمنه عليه وصعدنا گال كبرانات البنات اني ضحكت هو حييل حباب گلتلة عمو هل سنة اني اعدادية هو گال بالخير عمو ويارب يوم تخرجج وتطلعين الطبية
عمو ابو علي رجال چبير ومعندة معيل . . هو حييل مثقف ويفهم بمجالات الحياة صح معندة شهادة ابتدائية بس اي شي اسئلة يعرف . . عندة سبع بنات والله مرزقة الولد بقى ينتظر يجي علي لحد مصار عمرة فوگ ال ٦٠ وعلي ماكو.. مرات انقهر اگوله عمو ليش ميگولولك ابو فاطمة.. بنته الچبيرة فاطمة يگول بعد مشت ابو علي ويضحك مااحسه ضايج لان عندة سبع بنات احسه سعيد من اني صغيرة يسولف على بناته ويگول امهم تدرسهم وحييل متفوقات چنت اتمنى اعرفهم بس ماما متقبل، احتك واتعرف على اي احد..
وصلت للمدرسة واستلمت الكتب وسولفت وي البنات سوالف عادية على المسلسلات واغاني ونضحك..
انتهى الدوام صح ماكو دروس، وواجبات بس چان يوم متعب لان متعودة على گعدة البيت صار، فترة... طلعت بباب الادارة واكفة انتظر اخواتي نزلوا من الدرج لان هم متوسطة بالطابق الثاني والاعدادية طابق الاول.. طلعنة ننتظر عمو ابو علي.. لحد موصل صعدنة وياه وسلمنه عليه وعمو ابو علي، يحس، ويعرف معاناتنه لان هو صاحب، بنات سأل على الدوام وگال استلمتوا گتب بقينه نسولف لحد موصلنة للبيت
وصلنة واني حييل جوعانة ريحة الدولمة تارسة الشارع نزلت للبيت سلمنه ع امي، وگلتلها يوم الحگيلنة حييل جوعانيين...
ماما مدرسة تاريخ بس بحكم البيت واحنه متگدر تداوم تگول من اداوم تتبهذلون منو الكم وفعلا منو النه هي كل شي بالبيت. بس بالعطل اني واخواتي نساعدها..
تغدينا وصعدنا لغرفتنا .. احنه البنات غرفتنا طابق الثاني، وبصفها غرف اخواني..
وعلى هل روتين بين المدرسة والبيت والدراسة..

وماما تساعدنا بشرح الدروس والجأ الهه وين ماالگه صعوبة وتدرس اخواتي احمد الله دائماً على وجودها بحياتي اني واخواتي واخواني ميولنة الها اكثر من بابا..
بابا اكثر وقته بالغرفة يقرأ كتب لو يكمل شغلة يعني بس وقت وجبة الريوگ والعشا نگعد سوة ويسأل على دراستنا وبين فترة وفترة يجي لمدرستنا.. ويسأل علينة..
..... . .. ....
اني سمر عمري 16سنة البنت الاولى والچبيرة لأهلي وقبلي 3 ولد
انور اخوية الچبير عمرة 28 موظف وقبل فترة خطب وحدة ويا بالدائرة لا حب ولا شي عجبتة بعد فترة قرر يخطبها هي حبابة وهادئة يعني اطباعهم متشابهه..
اسامة اخوية الثاني عمرة 24 خريج لغات .. صار سنتين اتخرج ويشتغل بدائرة اهلية..
مهند اخوية الصغير مدلل ابوية عمرة 20 وصار سنتين بالسادس هذا عقدتة بالحياة المدرسة يتخبل منها بس بابا وماما يضغطون علية ويوفرولة كل شي بس حتى يداوم...
واخواتي التوأم ضحى وسجى عمرهم 15سنة صف ثالث متوسط
هذولة بحث اخر... البيت كولة تحت امرهم لان يعتبرون المدللات وامي مترفضلهم طلب... وهم شعوذة على عياط وگالبي للبيت...

.................... . ....................................
عائلتنة متفاهمة والحمد لله معندنا مشاكل امي تحترم اهل ابويه حييل بس بابا يمثل احترامه لاهل امي من يجون خطار ويطلعون يحچي عليهم امي تبقى ساكته مااشوف ب اهل امي عيب.. بس مااعرف ليش بابا ميحبهم... هوميگول بصريح العبارة مااحبهم بس مبين من تعابير وجهه والكلام الي يحچي . . .

. . . . . . . . . . . . .
مرت الايام واحنه على نفس الروتين والنظام من اول مفتحت عيني للدنيا
لحد مااجه اليوم الي غير حياتي . . . .
يوم مشمس.. الجو حلو كلش شهر الرابع.. گعدت على صوت ماما وهي تگولي گومي ساعة سبعة ح تتأخرين على دوامچ .. گمت ركض لميت كتبي وركضت للحمام غيرت ملابسي ورفعت شعري، ونزلت ركض.. ريحة الچاي والصمون الحار تارسة البيت..اكلت بسرعة صارت ساعة سبعة ونص وهل فترة اداوم وحدي..

اخواتي ضحى وسجى بعطلة الاربعين يوم لان هم بكالوريا..
طلع بابا واخواني لدواماتهم اخواتي عفتهم يتحظرون للدراسة وسجى تگول نبدأ بالانكليزي لان صعب ضحى تگولهه لج غبية نبدا بالاسلامية هم سهله وحتى الله يوفقنا ويبووو على هوستهم..
بوست ماما عفتها ترتب بالمطبخ وطلعت...
طلعت من باب المطبخ ركض يااربي امتحان الفيزيا سطرني سطر الليل كوله اقرا واني احس روحي كل شي مااتذكر.. خلصت عمري اخاف من الامتحانات وارتبك حييل..
وگفت بالباب دقايق واني قلقة..
ابو علي مو من عوايدة هيچ يتأخر..
ارجع للبيت شلون؟ وامتحان الفيزيا.. والله ست شكرية لو يطلع جدي احسان من گبره متعيد الامتحان لاي وحدة..

اعاين عالساعة ساعة ثمانية الا ربع ياربي دخيلك تجرأت وقررت اروح مشي للمدرسة لأول مرة بحياتي.. رايحة مشي مرة او مرتين بس لو ماما توصلني لو واحد من اخواني.. مااعرف امشي، وحدي.. هي مو كلش بعيدة المدرسة مشي عشر، دقايق..
امشي واتلفت ع بالك بايگة فد بوگة.. امشي واحچي بيني وبين نفسي. سمور شبيچ شسالفة شلون حتكملين دراستچ وانت روحه للمدرسة مشي مدبرتيها.. ب اثناء هل تفكير قطع صوتي بيني وبين نفسي صوت ثاني..
صوت چلب (اجلكم الله ) نباحه عالي شفته گبالي
اني انفاسي ارتفعت احس گلبي ح يوگف بقيت اعيط ماما الحگيلي ماما ح اموت ياربي ساعدني. . . .
. . . . . . .


يتبع.....


لامارا غير متواجد حالياً   رد مع اقتباس
قديم 25-07-19, 05:46 PM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


البارت الثاني
#حنة_العيد. و #شهگة_النعناع.
:
لا أملك شيئاً مميزًا في حياتي، ليس لدي شخصاً خارق لأضع عليه علامة تميُّز، وليس لدي حدث رائع لأدوّنه، كما إني لا أملك يوماً مِثالي أعتزّ فيه.. . :

وكنت عند خروجي من المنزل في صباح كل يوم، اطلق تنهيدة هادئة ، وكان في وسعهي أن ازيل بنفخة واحدة حطام اليوم الفائت .
-

غيث.....
بيوم ربيعي والجو يجنن اكو نسمة هوى بارد والشمس طالعة... گعدت مصحصح وگلتلهم جيبولنه الريوگ بالحديقة.. اني ومصطفى اخوي.. .
اني غيث عمري 30 سنة عملي ضابط بالجيش العراقي حالياً ادرس حتى اخذ الماستر يعني احاول افرغ نفسي للدراسة والدوام.. وماعندي مجال احك راسي اخوي مصطفى عندة معاملة على سيارتة واصر الا اني اروح وياه يگول اتفائل بيك.. ف گاعدين نسولف عالسيارات ونسمع عياط.... شمرت استكان الچاي وركضت . .
شفناها بنية واگعة بالگاع .. راح مصطفى حچة وياها صيح ماكو الظاهر متخربطه . .
اني صحت على خالة ام مصطفى شالتها دخلتها للبيت غسلت وجهها وغرگتها بالمي فزت البنية وهي خايفة وتشهگ . . گالت لحگني
خالة ام مصطفى گلتلهه منو هذا اللي لحگچ
گلتلهه خالة چلب بالشارع

مصطفى ضحك گلها هذا سوني چلبنة مربوط وميسويلچ شي . .
فزت وتعيط وتبچي . . . استغفر الله شهل بلوة من الصبح . .
ام مصطفى سألتها گلتلهه خالة الچلب بالشارع ومربوط لتخافين . .

گلتلهه خالة راح وكت الدوام وست شكرية بعد متعيد الامتحان. . گلتلهه گولي ياالله
رتبت وضعها ام مصطفى . .

وهي گامت رفعت شعرها واخذت جنطتها تريد تطلع وتخاف گلتلهه امشي اوصلچ للمدرسة گالت لا ح ارجع للبيت گلتلهه لا حرامات امتحانچ يروح . .
اخذتها وهي تمشي وتتلفت . . استغفر الله بيهه شي هل بنية مو طبيعية . .
.........
گمت رفعت شعري ورتبت نفسي واحاول استرجع نفسي،.. واني مستعجلة داروح للمدرسة اعاين عالساعه ساعه ٩ الا ربع.. من شفت الوقت تأخر بقيت اشهگ وابچي الولد الاثنين تفاجئوا گالوا شبيچ گلتلهم راح عليه الامتحان.. واحد منهم گال گومي اني اوصلچ مصدگت وصلنة للمدرسة اول مدخلت الادارة سلم هذا الولد على المديرة شفتها گامت وسلمت عليه تگوله اهلا غيث وليدي شلونك وشلونهم الاهل شكلهه تعرفه اني، غارگة بدموعي... بهل اثناء يگولهه ست بنت جيرانة الطالبة سمر مازن متأخرة اليوم صار عندهم ظرف گالتله ماكو اي مشكلة عيني اني اتفاجئت هذا وين يعرف اسمي كتبتلي المعاونة ورقة دخول للصف، ودنطلع من الادارة سألتة انت منين تعرف اسمي گال العصفورة گالتلي گلتله لا والله دااحچي صدگ گال يعني منين غير انت كاتبه على كل كتبچ اسمچ اني گلتله هاا.. اي صح.. عالعموم شكرا تعبتك.. گال لا ماكو اي تعب بالخدمة.. وطلع..
رحت للصف نطيت الورقة للمدرسة چان درس انكليزي ورحلتي عالشباك البنية الي بنفس الرحلة وياية رانيا بقت تباوعلي صفح وتسألني،وين تعرفين غيث گلتلهه يا غيث گالت الي وصلچ للادارة وچنتوو تحچون گلتلهه هاا سالفة طويلة.. من الرعبه الي، عشتهه حتى مبيه احچي . . گالت شكو.. احچي.. لفتت انتباه المدرسة
ست نهاد بقت تصيح سمر، رانيا بلا بسبسة عندكم شي سؤال استفسار مفاهمين شي احچوا بقينة ساكتين گلتلهه لا ست دااسألهه ع درس، صارلة شگد..
حسيتهه مصدكت واستمرت بالشرح..
وهيچ لحد مصارت الفرصة وبقت رانيا تنگ الا تعرف شعندي وي غيث ومرتاحت الا عرفت..
واجة الدرس الخامس وامتحنت فيزياء والحمد لله جاوبت..
خلص الدوام واني اليوم كوله افكر برجعتي ياربي شلون ح ادبرهه وارجع هم مشي اني بالمرة الاولى فززني چلب، بالرجعة شحيطلعلي،
لحد مگلت لرانيا گالت تعالي ويانة ابو الخط حباب واليوم هوايه بنات ممداومات..
ف بقيت افكر گلت خليهه على الله وكل شي ولا امشي، وافوت من يم الچلب..
دگ الجرس، وطلعنة.. اجة خط صديقتي رانيا سلمت علية ولد شاب گلتلة عفية بلا زحمة ممكن توصلني الخط مالتي ماكو واخاف ارجع گال تدللين وصفتلة بيتنا صعدت وصعدوا هوااية بنات وبقى يوصل بالبنات نزلت رانيا ونزلوا ٤بنات..
وبهل اثناء اتحظروا بنا اثنين عرفت ح ينزلون ف دخل بشارع وبدا يخفف رفعت عيني وفزيت عززة هذا هو
ايي هو الي وصلني شنو هو بقى صافن واني اتفاجئت
نزلوا البنات وسلموا

شفتهم سلموا على نفس الولد صفنت گلت يا سبحان الله شنو هل صدفة..
نزلت لبيتنا وتشكرت من ابو الخط.. دخلت للبيت وميته جوووع وتعبااانة
فتحت باب المطبخ شفت ماما دتحظر للغدا سلمت عليهه وسولفتلهه الي صار گالت وليش مرجعتي گلتلهه يوم شأرجع عندي امتحان گالت بس ابو علي متصل علينة ولا اعتذر،.. ماما خابرت بابا وسولفتلة اني رحت مشي.. وابو علي مو طبعة هيچ يسوي اذا عندة شغل او سيارتة تعطل يخابر بابا ويگولة اعتذر مااگدر اجي وواحد من اخواني يوصلني للمدرسة لو بابا..
بابا گال ابو علي مخابرني شوف شصاير وياه من ارجع من المحكمة اروح لبيته واشوف شبي..
تغديت وصعدت حتى انام شفت اخواتي، يدرسون...
ومو دراسة مخلصيهه عياط وضحك...
.....

غيث....
بعد ما رجعت من المدرسة لبيت خالة ام مصطفى سألوني على البنية گلتلهم وصلتها...

مصطفى گال يلا غيوث هم يلا نلحگ على شغلتنا..
سلمت على خالة ام مصطفى وطلعت صعدت بسيارة مصطفى...
.... مصطفى اخوية الي مولدتة امي هو كل شي بحياتي حتى امي تگولي مرتك شلونهه من تسال عليه.. ومن يتصل ومن يجي تگولي مرتك بالباب على گد ما هو بحياتي واني اضحك من امي هيچ تگول اغلب وقتي ببيت ام مصطفى لان معندهم احد ابو مصطفى من قبل عشر، سنوات متوفي...
مباقي احد بس ام مصطفى ومصطفى واخواتة تلاثة متزوجات واخوه رائد مسافر ومستقر ب استراليا. . ..

مصطفى صديق الطفولة ونفس العمر اني وياه بس هو اخذ شهادة السادس ومكمل دراستة.. خلصها شغل واعمال حرة لحد متعين عسكري ودوامة متعب يبقى بالدوام اسبوع وينزل اسبوع.. ..
من يروح للدوام اني اروح لام مصطفى لو اخابرهه اشوفهه شمحتاجه شناقصها..

اخوات مصطفى ٤ اثنين متزوجات بنفس المنطقة بيوتهم قريبة ووحدة متزوجة بالبصرة.. وهذه كل 6اشهر لو تجي لو ام مصطفى تروحلها..
هم اقرب اليه من اهلي وحييل احبهم يعني ارتاح ببيتهم واحب اكلهم وام مصطفى اگولها يمة وهي تفرح حيل تگول رائد ابني بعيد عني الله عوضني بيك.. ابن ونعم الابن..
. . . . . .
رجعت من المعاملة اني ومصطفى وصلني لبيتنا و گال حظر نفسك اليوم نسهر خابرت اختي سماح ح تجي يم امي وانت شوف وضعك.. گلتلة والله مصطفى مالي خلگ اليوم اريد ارتاح لا دوام ولا دراسة گال اي نطلع نتعشى ونفتر هم تغير جو وهم تطلع من الجو الكئيب الي انت بي گلتلة الله كريم نزلت للبيت سلمت على امي وشهد مرت اخوي اكرم. . . امي گالت صلواات من بينت گلتلهه شنو السالفة البارحة اني يمچ گالت نخابر، ام مصطفى تنطينه اخر اخبارك انت حتى متجاوب من نخابرك گلتلهه والله صار يومين مسوي، تليفوني، صامت دخت من الدوام واريد ارتاح صعدت لغرفتي،..
رجعت صحت على امي گلتلهه يوم خلي، يحظرولي،
القميص الاسود والبنطرون الاسود گالت خير وين طالع.. اگعدلك فد يوم بالبيت خلي نشوفك..

گلتلهه الله كريم..
بهل اثناء امي صاحتني غيث الباب تندگ اطلع شوف منو..
استغفر الله يعني واحد ميرتاح دقايق بهل بيت..
طلعت سلمت عليه صديق اخوية اكرم نطاني مفتاح سيارة اكرم واني احچي وياه اجتي سيارة الخط الي بيهه اخواتي رفعت نظري، صارت گبالي، نفس البنية الي شفتها الصبح بقيت صافن هذه اليوم وراي وراي.. سلموا عليه مريم وحنين اني سلمت بس بالي يم هذه البنية شكلها حزين مااعرف شبيها..
دخلت للبيت ورا البنات صحت مريم سألتها گلتلهه مريم هذه البنية سمر شنو قصتها الي وياچ بالخط گالت مااعرفها اليوم اول مرة تصعد ويانة حتى بالمدرسة مشايفتها... گلتلهه باچر جيبيلي اخبارهه من تصعد بالخط سولفي وياها گالت لا هي متجي بعد گالت بس اليوم لان ابو الخط مالتها متأخر عليهه..
گلتلهه هااا.. چان تگول وانت وين تعرفها گلتلهه لتدخلين واذا اسمع مسولفه لاحد تعرفين شأسؤي، گالت لا والله لمنو احچي، يعني..
مريم كتومة والي يسرهه سر ابد متطلعه احسن من حنين هذه الي، يريد ينشر خبر، ينطيهه گبل الگي، بحلگ امي..
.......
عائلتنا خير من الله لان الحجي الله يحفظة متزوج اثنين امي الزوجة الثانية..
الاولى ام علي عندها علي وحسام وفرح.. بيتهم قريب على بيتنا
وامي عندها احمد واكرم وماهر واني.. وبعد 3بنات نور ومريم وحنين..

......احمد متزوج وعندة اثنين بنات وساكن قريب على اهل زوجتة يعني بس بالعطل والمناسبات نشوفة..
واكرم متزوج وعندة 2ولد وبنية.. وزوجتة بنت خالتي..
وماهر لا هو حاط ولا هو طاير يومية يگول خطبولي ويغير رأيه..
نور متزوجة ابن خالتي اخو مرت اكرم...
ومريم وحنين مريم صف سادس وحنين صف رابع ...
..............................
صعدت لغرفتي واني اتذكر هل بنية بقت ببالي بس مااعرف ليش، احسها حزينة اگول لمريم تسأل عنها..
لا وليش، تسأل عنها..
...............
چنت غارگة بنومتي واسمع امي تعيط... فزيت مرعوبه دنيا مغرب ونزلت اركض اشوف امي گاعدة وتبچي وتنوح حتى الكلام راح مني گلتلهه يوم شبيچ گالت ابو علي ابو الخط مسوي حادث هسه ابوچ راح للمستشفى اني، انصدمت ياربي ميستاهل واني، مرات احچي، عليه بگلبي واگول شايب واكول ميشوف بس ياربي يشافي ويعافي ويرجعة لاهله سالم...
امي گالت عيب خلي اروح لمرتة وبناتة گلتلهه يوم خلي اجي وياج گالت يلا صعدت ركض غيرت ملابسي ورحت ويا ماما... امي خلصت الطريق تبچي تگول الله يشافي بناته منو الهم گلتلهه اي والله خطية وصلنة لبيتهم خطية گالبيهه عزة بچي وعياط وبس نسوان ام علي حضنت امي وبقت تبچي سلمت على بناتهم وعلى بچيهم صرت ابچي..

وتخيلت نفسي يصير ب بابا شي، لا سامح الله
ياربي شگد صعب الموقف الله يشافيلهم ابوهم ويرجعه سالم لبيته....
لساعة 8طلعنه من بيتهم واني تعبت من البچي گلتلهه يوم والله موقفهم صعب گالت اي الله يساعدهم امشي، نسؤي عشا ونرجعلهم خطية خلي نرفع من معنوياتهم گلتلهه اني عندي كووم تحاضير اخذي وحدة من البنات....
گالت اوگفي خلي اخذ، صمون.. وگفت على جهة اجه واحد بسيارة وشكو شي بالساگية صار بوجهي صدگ ردت ابچي وهو نزل جامتة وگال العفو بنتي گلتلة شيفيد الاعتذار، خرب حظي رجعت امي گالت هاي، شصاير بيچ گلتلهه رجال بسيارتة جفص بالساگية هي بقت تضحك گالت امشي امشي شكلچ يضحك.. رجعت للبيت مباشرة للحمام وامي بقت تحضر بالعشا اخواني بقوا يتسألون شلون سوة حادث ومنو وياه وشمحتاجين ومن هل سوالف..
اسامة ذبح نفسة حتى يروح يوصل امي اني اشيل وياچ الجداري .....
امي گالت يلا امشي گلتلهه لا بعد مااروح گالت انت البنات عرفوچ وبعمرچ تعالي، سويلهم واهس خطية..
گلتلهه اوك صعدت غيرت ملابسي ونزلت
وشلت وي امي كم شغلة ولازمة اسامة ونمشي..
وصلنة لبيت ابو علي امي گالت لاسامة انتظرنة
نزلنة الاكل وجبرناهم ياكلون وسلمنة عليهم وطلعنة..

امي گالت لاسامة خوما تأخرنة گلها لا ابد..
واحنه نمشي ومقهورين.. گلتله اسامة خلي نفوت لهذه السوبر ماركت اريد اچباس وهل سوالف گال امشي غير بطرانة گلتله حباب هسه انت شخسران گال اخسر فلوس گلتله مو منك اخذ من امي گال امشي من تلحين الله اليستر..
دخلنا للسوبر ماركت... تسوگنه وخلصنة داانطي الحساب . . اسمع صوت اسامة يسلم على واحد التفتت وفزيت شفته نفسه الي وصلني للمدرسة..
ياربي هذا ليش ديطلع بوجهي...
اخذت الغراض نطيتهم لأسامة دااطلع صار بوجهي.. طلعت بدون كلام..

دنمشي صاح اسامة شنو جايين مشي،! اوصلگم بسيارتي..
اسامة جاوبة تسلم غيووث رحم الله والديك نريد نتمشى..
اوك على راحتك ابو السوم الله وياك

اني احجي بيني وبين نفسي غيوث وابو السوم طلعوا ميانة . . واني ياغافلين الكم الله..
فزيت على صوت امي تگولي، خفي رجليچ خلي نلحك نسوي عشا لابوچ واخوانچ گلتلهه يعني، شلون منقرا اليوم..
گالت لا عيني العفو ست سمر اليوم اخذنه وقتچ.
وصلنة للبيت واني بوجهي لغرفتي، حظرت الجدول وبديت ادرس،...
خابر بابا گال ح ابقى اليوم يم ابو علي وخابر على انور ياخذلة الاشياء الي يحتاجهه.. گلت لامي يعني، شلون باچر هم اروح مشي وچنت اتمنى تگولي اي.. بس گالت لا اسامة يوصلچ اهوووو گالت شكوو گلتلهه اسامة مينطلع وياه گالت امشي اصعدي يلا بلا لغوة زايدة صار اسامة مينطلع وياه...
خلصنة عشا وغسلت مواعين خطية امي تعبت صعدت انام ونفس لغوة اخواتي گلتلهم حبابين اسكتوا اريد انام انت شكو وراكم لا دوام ولا شي.. هم اخذوا كتبهم ونزلوا ويتأفئفون هم غرفتنا وهم يطلعونة منهه ويتمضحكون سديت الباب ونمت...
فزيت اني وين وهاي شديصير وين هذا راح اوووو الحمد لله چان حلم...
رجعت راسي عالمخدة واني استرجع بشريط الحلم شفت هذا الي يصيحولة غيث يمشي بشارعنة والدنيا مطر والشارع گولة طين و صارت گراگيع وهو اختفى.. واني ادور عليه بس واني ساكتة لحد مصارت گراگيع قوية . . . وفزيت...
زين هذا حتى ب احلامي، ديطلع شهل حظ..

اعاين عالساعة الساعة تلاثة ونص...
ارجع انام احسن..
فزيت على صوت امي يلا سمر..
سمرررر صايرة تمبل...
گلتلهه متخلون واحد ينام لا ظهر ولا الصبح
گالت اي مو مطلعتچ للشغل دگومي وراچ مدرسة راح الوكت..

فتت للحمام غيرت ملابسي وغسلت وفرشت اسناني، اعاين لوجهي بالمرايا اگول والله نعسانة هذا الوجه الحلو حيداوم ويعوف المخدة الجميلة..
چان يندك باب الحمام حييل يبووو شكو يا ستار، انزااال....
جاوب اسامة وسم يلا نمتي بالحمام..
اهووو هذا اسامة غثيث مثل صديقة 😂
چان گال لدردمين يلا..
گلتله طالعين بس لتلح..
رفعت شعري وطلعت..
ركض للغرفة بس يشوفني يكفخني..
اخذت جنطتي اخوااتي نايماااات ودعت سريري گلتله ارجعلك هي كولهه كم ساعة..
نزلت دااتريگ وطلع بابا من الحمام الجوة گمت سلمت عليه گلتلة شوگت، رجعت گال قبل، نص ساعة دااغير، ملابسي واروح للدوام گلتلة شلونة عمو ابو علي والله متت قهر عليه گال الحمد لله شوية احسن..
نزل اسامة گال يلا امشي ح اتأخر سلمت عليهم وطلعت ركض..
نمشي ويرزل بيه يعني هل چاكات متتخيط.. گلتلة لا هي هيچ موديلهه گال هذا ابوچ طلع عينچ انت واخواتچ گلتلة اهوو اسامة هو احنه كولة بالخط گال ديلا يلا دنمشي وجفلت اهووووو اسامة هذا الچلب، خرررب ليش، جبتنه منا گال وجع امشي ميسؤي، شي، گلتلة والله ماافوت اخاف منه لزكت بظهر اسامة وهو يصيح ولچ امشي..
طلع ولد من البيت گال السلام عليكم اسامة سلم علية..
ورجع صوت سلم على اسامة هل صوت مو غريب ياربي فز گلبي . .


يتبع....


لامارا غير متواجد حالياً   رد مع اقتباس
قديم 25-07-19, 05:47 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


البارت الثالث
#حنة_العيد. و #شهگة_النعناع.


دُخانٌ أنت ..
تُحيطُ برأسي كبركان
تأتِني بكثرتك

ثم تتلاشى على حينِ غفلةٍ
يُصيبني الدوران
أُريد المزيد منك
ولا أجدك .


ماكو شيء بالوجود يحدث بلا سبب
كُل علاقاتك مشاكلك الاشخاص إلي تصادفهم المواقف إلي تصير وياك دموعك وفرحك كُلها الها سبب وكُل شيء مقدر ومكتوب وأنت مجرد لعبة لا أكثر .
لعبة بيد الحياة توديك وتجيبك ع كيفها ...

طلع ولد من البيت گال السلام عليكم اسامة رد عليه وعليكم السلام..
وواحد لخ طلع سلم على اسامة هل صووت مو غريب يااربي فز گلبي على هل صوت..

امنيتي...؟
صوتك من يمر
توگف عدل رجليه ..
رفعت راسي هذا ابو الغوث ياحبيبي، كملت السبحة..
اتقرب على اسامة تسالموا وتباوسوا چان يگولة ترى الچلب مربوط وميسوي شي وح ندخله للبيت حتى ميسببلكم ازعاجات بقى يضحك اسامة من الفشلة چان يگولة حبيبي، غيوث رحم الله والديك وسلم عليه ومشينة وهو يگرص ب ايدي ويگولي، خزيتيني، گدام الولد گلتله اي شأسؤيلهم اني اخاف شنو هاي الناس متحترم عايفين چلبهم بالشارع يخوف الرايح والجاي..
گال اي عايفيلچياه مو كل الناس مثلچ تخاف من خيالهه.. وصلني للمدرسة وراح..
دخلت للصف ومجموعة بنات يگولن ها سمر اشو يومة واحد موصلچ يغمزولي.. گلتلهم اخواني الي ديوصلوني لان ابو الخط الي يوصلني مسؤي، حادث هن سكتن ..
بدا درس الاحياء واني مشغولة بالمراجعة ورانيا تضربني على ايدي گلتلهه رانيا بالفرصة نسولف گالت شي ضروري گلتلهه درس صعب ويادوب الحگ اراجع گتبتلي بورقة اخت غيث سألتني عنچ..!
كتبتلها گلتلچ بالفرصة نسولف. ..
گالت اوووكي..
خلص الدرس الاول وبعدها عندنا عربي رانيا گالت اهوووو ح تجي سيبويه تتمقلج براسي گلتلهه مو كافي هواي حچيتي گالت لچ اليوم مريم سأألتني عنچ.. گلتلهه اي خليها تسأل.. گالت اخوها سأل على سمر ويگولهه شنو هي وياكم بالخط وهي مجاوبته انو هي متعرفچ گلتلهه كلامها صحيح والوضع طبيعي..

هيچ وضربتني على ضهري انت ثولة لچ غيث من چان يوصل اخته نور حتى المدرسات يركضن وراه وهسه يسأل عنچ..
گلتلهه ترى الموضوع عادي لان صار، وياية هل موقف الاگشر سأل عني..
گالت يا بروودة گلبچ..
خلص الدوام طلعت انتظر واحد من اهلي، يجي..
واسمع احد يدك هورن التفتت شفته غيث، واخواته بالسيارة نزلت وحدة منهم گالت تعالي، نوصلچ گلتلهه لا تسلمين ح يجون اهلي گالت اووك..
راحوا ... احچي بيني وبين نفسي، يعني هذا طلعلي بالمصباح السحري، يومية طالع بوجهي..
اشو قبل ما چنت اشوفة..

ليش هو قبل اني جاية وحدي للمدرسة ابو علي خطية يوصلني ربي يشافيه چان ساتر، علينة...
بهل اثناء اجتي ماما گلتلهه ها يوم لعد وين الولد گالت بعدهم بالدوام بوستها ورجعنة نمشي گلتلهه يوم شوفولي غير خط بس هل شهر منا للامتحانات يعني شلون اخلصها مشي.. گالت ابوج ميقبل يگول عيب من ابو علي گلتلهه هو شنو العيب، يعني بقيت بس اني والحارس مال مدرسة هو قفل المدرسة وبقى بالمدرسة واني بالشارع متخافون علية گالت واني اجيت رگض حتى الطباخ عفته مشتغل..
اوووف شيخلصهه.. گالت بلا لغوة اصبري گولهه اسبوع ويرجع ابو علي وابوچ خابر مطلعي من المستشفى وحالته الحمد لله زينة..
گلتلهه يعني عيب تخلون خط بس مو عيب من تشغلوا للرجال بعد اسبوع والله ياربي الي يعجبكم تسوو..
وصلنة للبيت گلتلهه يوم جووعانة ونعسانة خلي اتغدا حتى انام..
اتغديت وصعدت انام ودوخة اخواااتي وعياطهم گلت خلي اروح انام بغرفة اسامة..
ولو هو مشكلچي... فتحت الباب ودخلت ونمتتتت..
مااسمع بس واحد يتمضحك وفتح الباب ويسولف بالتليفون يگوله والله تعبان هسه انام واگعد واشوف وضعي غيوث الغالي.. خلص المكالمة گعدني دفرااات..
بيج قصص عراقيه حقيقيه من واقعنا.روعه الطائي
ع بالي يوم القياامة گلتلة خيررر شبيك گال اني ممتجاوز حدودي وياچ..

انت ليش تتجاوزين..
فد يوم نمت على چربايتچ گلتله لا.. گال فد يوم نمت عالمخدة مالتچ گلتله لا.. گال لعد ليش تتجاوزين امشي، طلعي برا لا انزلچ لامچ جنازة..
گلتله عابت شكد همجي خلي نشوف مرتك هم هيچ تعاملها.. گال لا هذه ام الجهال هي، تبقى بالغرفة واني اطلع برا ... گلتله اممم خرب حظها الي تاخذك على هل اسلوب عفته ونزلت لامي شفتها تلف كبة گالت يلا ايدچ وياية دادزها لبيت ابو علي.. غسلت ايدي وبديت الف كبه.. وثرمت الكباب..
وامي بدات تسؤي، سلطات.. وشوربة خضار وصدر دجاج لابوعلي..
جهزنة العشا ورتبناه..
صعدت ماما تگول لمهند تعال وصله لبيت ابو علي.. اسامة فز من غرفته لا حجية اني اوديه.
گلتله يلا اي واحد منكم اخذ اسامة العشا وراح...
ومررر الاسبوع بصعوووبة اسامة يوصلني، وامي ترجعني..
صادفت عطلة كم يوم..
والحمد لله تحسنت حالة عمو ابو علي ورجع يوصلني..
ورجع يومي طبيعي خالي من الفزات والصدف..
لحد ايام الامتحانات بديت امتحن واقرا ليل مع نهار،..
وخلصت الامتحانات.. وگعدت بالبيت اخواتي يگولون نيالچ خلصتي هم بعدهم ممتحنين بعد اربع ايام امتحانهم.. اني مرتااااحة...
خابرتني دعاء بنت خالتي اكبر مني بسنة بس مأجلة ف اني وياها صف رابع.. گالت خلصتي امتحانات تعالي يمنه گلتلهه اگول لامي..
گلت لامي گالت روحي.. اجة خالو احمد اخذني، لبيتهم عندة دعاء وفاطمة وعبد الله صغير..
رحت يمهم تونست حيييل سوالف وضحك ومرت خالو حييل احبها علمتني اسوي كيك وعلمتني اطرز.. وتكولي انت اذكى من دعاء بسرعه تتعلمين.. بقيت عشر ايام ويومية اخابر اهلي اسمع اخبار اخواتي ديمتحنون وشنو وضعهم..
خابر انور گال حظري نفسچ بالليل اجيچ..
اني ضجت گلتلهه خالة ح اروح گالت لا وين ترحين اني اخابر امچ.. خطية خابرت امي..
وگلتلهه خطية عندهه عطلة خلي تتونس،

امي مگالت شي..
اني ودعاء من الفرحة خلصناها رگص.. واجه خالو گال ها شبيكم دعاء سولفتلة بقى يضحك گال على هذه المناسبة خلي نطلع..
ركضنه غيرنه ملابسنة ومرت خالو تغير لعبودي وفطومة وخلصنة الطريق نرگص ونضحك..
رجعنة بالليل تعبانين ونمنة..
مرت ايام ورجعت لبيتنا بيت خالو وصلوني..
وعبودي بقى يبچي ويستغرب گلت لامي ح اخذه اشتريلة اني ودعاء گالت لا انتظري اخوانچ يجون..
گلتلهه يوم الطفل شبع بچي.. گالت روحي من الاسواق القريبة اخذنا عبودي وطلعنة نركض..

اخذنة عبودي واشترينة مااعرف ليش، خطر ببالي افوت من الشارع الي بي چلب، وبقيت اسولف ل دعاء وهي خربانة ضحك فتت من الباب مشفت احد..
گالت لچ امشي هسه عمة ترزلنة گلتله امشي خلي نروح لبيتهم گالت انشمر طابوگ عليهم گلتلهه لا بس نشوف شكو ماكو گالت اني اخاف گلتلهه حتى اني بس نفووت واحنه ساكتين.. گالت امشي، واحنه نمشي، نسولف ونضحك...
وصلنة لشارعهم بابهم كولة ولد گلتلهه دعاء، هاي شكوو بالمئات الولد گالت والله حالي من حالچ.. وناس ترگص ناس تاكل هاي شكوو. .
گالت امشي نرجع گلتلهه شبيچ خلي نعرف يجوز عرس، گالت اييع عرس بالشارع... گلتلهه اي عادي تقربنة اريد اشوف منو العريس واشوف خمس ولد او اكثر نفس الملامح ونفس الستر دياخذون صور ويصيحون احلى تحية لاخوان العريس، ومن ضمنهم غيث..
مشينا بسرعة گالت دعاء اليوم عرس، سوبر مان اني سكتت گالت ها اشو سكتي گلتلهه يعني شأگول اعرفة يعرفني خلي يتزوج گالت لا والله ليش، مبقيتي يمهم.. اني ضحكت گلتلهه امشي الله اليستر هسه نلگي امي وامچ منتظرينا رجعنة والوضع هادىء گالت دعاء، الحمد لله..
ضحكنة وصعدنة لغرفتي...
ورا ساعة ماما وخالة صاحولنة عالعشا نزلنة تعشينة وبقوا عندنا يومين ومن راحوا ضجت حييل..
............
بيوم كهرباء ماكو وصيف تمووووت حرررر ساعة تسعة الصبح خابرت رانيا على رقم ماما وگالتلهه خالة اليوم النتائج خلي سمر تجي تاخذ نتيجتها واني ناجحة..
امي گالتلي امشي خلي نروح گلتلهه يوم الشمس تموع الصخر.. مااطلع خابري، ابو علي يجي ياخذني..
خابرت عمو ابو علي بهل اثناء، صعدت غيرت ملابسي واجه عمو ابو علي رحت استلم النتيجة..
رحت ركض للادارة وسألت گالوا انتظري... ربع ساعة وصاحوا اسمي وگالت المعاونة مبروك ناجحة..
ترحين علمي لو ادبي گلتلهه علمي،..
وطلعت ركض لعمو ابو علي، خطية باركلي، وفرح على فرحتي..
نزلت لبيتنا اركض وامي استقبلتني تهلهل..
اخواتي يرگصون خابرت صديقاتي..
وگلت لامي ح اسوي حفلة نجاح..
اجة بابا وبشرتة گلتلة يلا حظر هديتك گال شكو گلتلة نجحت گال الف الف مبروك اامري شنو تردين گلتلة تليفون وسيم كارت گال كم يوم وهن يمچ..
وسويت حفلة لصديقاتي وبنات خوالي...
والحمد لله تعبي مراح ديتكلل بالنجاح... وصرت صف خامس..
....


يتبع.....


لامارا غير متواجد حالياً   رد مع اقتباس
قديم 25-07-19, 05:48 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




البارت الرابع. . . . . .
#حنة_العيد. و #شهگة_النعناع.



“أريد أن اقرأ لك كل القصائد أن أريك كل الصور
أن نزور كل الأماكن ونشرب كل أنواع القهوة ونجرب كل الألوان والحلوى أن نشاهد كل الأفلام والكتب، أن أكتب لك رسالةً كل يوم وأنت بجانبي، أريد أن نتجول كل المقاهي والمتاحف والشوارع و أن ألمس كل نقاط الحياة الجيدة والسيئة بأصابعك أنتِ، أن نضحك بدون سبب ونصمت ونركض ونتحدث وننام طويلاً معاً، أريد أن اكون فقط أول من يريك الجانب الحي من كل هذا الموت الذي يدعونه حياة”..

گاعدين بالحديقة اني وماما وسجى وضحى..
ومنتظرين مهند يطلع نتيجة البنات...
اجة مهند وجهه ضايچ گال وخابصينة يا صاعدين يا نازلين وهيچ نتائجكم..
سجى فتحت عيونها
وضحى دموعها بقت تتطافر والله مجاووبة..

طلع اسامة يركض ها شطلعوا..
مهند يكولة ماتوقعتهم هيچ وشكلة ضايج سجى وجهه اصفر، وضحى تبچي..
يكول واثنينهم بالرياضيات يعني ليش سجى گالت والله كولة مجاوبتة..
ورا شوية مهند عاااط گال اثنينكم ناجحات ودرجاتكم كولهه عالية واعلى شي بالرياضيات 93 سجى و ضحى 89
..

ومنحس الا الدفرات والضرب شبعوا مهند ضرب وهو يگولهم حتى تحسون بلذة النجاح وامي تهلهل فرحانة.. خطية وگف گلبهم وامي انقهرت بس طلع مو هين هل مهند وجهه حزين وعلى اساس، هو عصبي ههههههه
بيومها تعبنه بس من الضحك وامي خابرت خالتي وخوالي...
واني خابرت رانيا بالعطلة قوت علاقتي، بيهه.. لان معندي صديقة بس هي بالمدرسة...
وبيوم من الايام خابرت دعاء، گلتلهه ليش، متجون گالت اگول لبابا ونجيكم..
بوقتها بابا مسافر..
اجوي بيت خالو احمد.. وسجى وضحى ينامون بغرفة امي هم وخالة ام دعاء..
بقينة اني ودعاء للصبح سهرانيين.. ونسولف ساعة خمسة الصبح گلتلها امشي ننزل ناكل جوعانيين گالت يلا..
طلعنة جبن وخدرت جاي.. وطلعنه صمون وناكل ونضحك.. شگد فرحانين صح گعدتنا بسيطة بس كلهه حب.. وحييل فرحانيين
كلتلهه دعاء، گالت ها..
گلتلهه خلي نخابر غيث..
گالت وليش، شنو المناسبة.. گلتلهه هو مو اتزوج خلي اباركلة..
گالت شگد بطرانة وين يعرفچ..

وهسه ساعه خمسة حتى مرتة تجي تخنگچ..
گلتلهه لا باچر الظهر العصر اي وقت گالت انچبي سمر..
گلتلهه اهووو عرضتي..

گالت اوك خابري،.. وانت منيلچ رقمة؟
گلتلهه مااعندي،.. هي بقت تضحك گالت وصار ساعة نتعارك هههههه
گلتلهه شبيچ ناخذة من اسامة..
گالت عوفي اسامة علية.. صعدنة نمنه..
گعدت ساعة 2 الظهر ركض گعدت دعاء گلتلهه كومي يلا گالت منو اجة گلتلهه محد گومي نخابر غيث..
باوعتلي صفح گالت ترى ميسوة هل فزة گلتلهه يسوى يسوى..
نزلتها گوة تغدينة وغسلنة الگراج وگلتلهه روحي دبريلي رقمة..
نزلت دعاء، ل اسامة گلتلة اسامة انطيني تليفونك اريد اخابر، صديقتي، سمر معندها رصيد گلها عالشحن جابتة وصعدت ركض فتحناه منعرف الرمز هههههه گلتلهه ولج هسه شلون نفتحه گالت خلي ارجع ل اسامة..
نزلت نطاها الرمز وصعدت تركض وتتمرگص گلتلهه ولچ اثبتي گلبي ح يوگف ... طلعنا الاسماء اكو اثنين غيث منعرف منو الي نريدة گالت هسه شلون..
گلتلهه خلي ناخذ الاسيا گالت بالله طلع مو هو.. گلتلهه نخابر العراقنا..
اني صدگ ضحكت گلتلهه مو هي لعبة گالت دتوكلي، على الله ....
اخذنا الرقم الاسيا ودگينا..
طلع مشغووول..
گلتلهه دعاء مشغول گالت ارجعي خابري،..

رجعت خابرت دگ.. بسرعه جاوب بصوت عصبي الووو...
گلتلة السلام عليكم..
گال وعليكم السلام احچي منو...
گلتلة انت مو غيث.
گال ايي انت منو..
ريگي، نشف.. گلتة اني سمر
گال اي، سمر، گلتلة اخت اسامة..
گال ها..
محتاجة شي،..

اني هنا نص حيلي انهد
گلتلة لا سلامتك..
گال اوك الله وياچ..
سديتة والخيبة اخذت حصتها مني..
گلتلهه لچ دعاء ميسوة حرامات هل مكروه خابرته..
وهو عصبي گوة يحچي..
وشايل خشمة..

گالت تستاهلين مو گلتلچ متزوج شيصخم بيچ..
شمرت التليفون ونزلنة جوة خالة ام دعاء، تسؤي كيك وامي تخدر چاي..
خلصوا.. طلعوا للحديقة وصاحونة
يسولفون واني صافنة دعاء ضربتني ب ايدها گالت خليچ ويانة بشنو تفكرين.. گلتلهه هيچ خرابيط مو افكار..
بقوا كم يوم.. وراحوا..
ومثل كل عطلة خالاتي يجون..
وبابا رجع من لبنان..

ومن رجع عزمنة اعمامي..
سلام وهيثم وزوجاتهم اتغدوا وراحوا..
ونفس الروتين اليومي..
لحد مقرب موعد الدوام..
طلعنة اني واسامة.. وماما والبنات نجهز للدوام..
افترينا عالمحلات وتعبنة رجعنة بوقت متأخر مباشرةً نمنة..
وبعد اسبوع بدا الدوام سجى وضحى صاروا اعدادية واني صف خامس..
ومثل كل سنة ونفس النصائح وابو علي يجي ياخذنة..
اول مداومت شفت رانيا مشتاقتلهه بقينة نسولف ونضحك وهي تحب تحشش عالمدرسات اني اگولهه مااحب احچي عليهم لان دااتخيل نفسي مكانهم بيوم من الايام تكول اييع تصيرين مدرسة...
وتبقى تصنف وتضحك..
.....
ونفس الدوام والتعب والدروس صعبة وخصوصا الفيزيا والكيميا ماافهم رجعت گلت لامي اريد مدرسة لان مداافهم گالت من يجي ابوچ خلي يشوفلچ...
رجع بابا ماما سولفت وياه گال اخابر، واشوفلهه احسن الاساتذة امي گلتله مااريد خارج المنطقة..
....
لمدة اسبوع ودخلت مدرس خصوصي للكيميا مدرس والفيزيا مدرسة..
وزاد عليه التعب يعني، بين يوم ويوم رهمتها يوم فيزيا ويوم كيميا اول ماارجع للمدرسة اروح..
مدرسة الفيزيا ابو علي ياخذني..
بس استاذ الكيميا قريب فرق شارعين بيناتنا..
وصلت لامتحانات نصف السنة واني على هل روتين تعب ودروس..
رجعت من المدرسة.. هلكانة صعدت غيرت ملابسي ونزلت اكل حتى اروح للاستاذ.. دااكل اسامة گال اني طالع . . گلتلة انتظر اطلع وياك ..
طلعنة نمشي گال برد الجو گلتلة اي والله واني ملبست شي.. گال من تردين تطلعين خابري على امي تجي وتجيبلچ جاكيت گلتلة لا ميستوجب.. وصلت سلم علية وراح....
بدات المحاظرة والاستاذ، يشرح واني نعسااانة..
گوة خلصت ال ٣ساعات...
راسي صاير طبلة.. گلت على شنو اخابر امي اشو هو قريب...بقيت امشي گلت خلي اخذ صمون وياية..
اخذت صمون.. رحت للاسواق اشتريت كم شغلة ونطيت الحساب..
وي، طلعتي صار غيث بوجهي.. گال هلو سمر شلونچ..
اني فزيت گلبي، يريد يجاوبه وعقلي يگولي لا خيولي، قبل فترة من خابرته كرهني، بنفسي..
گلتلة وعليكم السلام..
گال شلونچ.. جاوبته.. بخيرر..
گال اشو طالعة لوحدچ.. گلتلة اغير جو..
سحبت نفسي وكملت طريقي بسرعة وصلت للبيت گلبي، يدگ بسرعة وتندمت لان حچيت وياه بهل اسلوب..
صعدت لغرفتي والف فكرة براسي..
اني ليش من اشوفه ما اتوازن.. زين هو ليش يسلم عليه وليش استلطفني على شنو اني معايزة عطف منه..
وهو متزوج اني ليش افكر بي..
بس هو الي سأل عني اخته..واخته سألت رانيا..
ياربي ساعدني.. هذا منو وليش، ديطلعلي بكل مكان..
قطع تفكيري صوت مسج على تليفوني..
سمر شلونچ اشو مو على بعضچ...
فزيت.. هذا غيث اي هو..
زين شيريد.. كمت وگفت.. واني افكر اجاوبة لو لا..
عقلي انضرب من التفكير..
قررت اجاوبة.. گلتلة مبية شي انت عيونك مغوشة وتدشوف الناس بيهم شي..
دزيت المسج..
وانتظرة يجاوب.. دقيقة دقيقتين مجاوب..امي صاحتني گالت تعالي اتعشي..
گلتلهه مااريد.. گالت طلعتي بلا غدا وهسه متتعشين يلا تعالي نزلي..
نزلت وعيني عالتليفون ماكو ممجاوب..

نزلت اتعشيت وسولفت وي انور وسألته على خطيبتة گال الحمد لله زينة.. واقترحت عليهه نتزوج بهذه العطلة گلتلة هلا هذه الاخبار الحلووة.. وامي فرحانة..
خلصنة عشة غسلت المواعين.. مهند نطاني ملابسة اكويهن.. كويتهن وصعدت .. يصادف يوم خميس. .
گلت تعبت باچر اكمل الكيميا بقى فصل واحد واراجع. .

فتحت الفون ماكو رسالة ولاشي،. .
حطيت راسي عالمخدة ونمت. .
فزيت على صوت مسج..
مكتوب بي.. هههههه

ساعة تلاثة ونص..
گلت بالله هذا صاحي ..
كتبتلة.. انت سهران ترى غيرك غارك بنومتة! ..
رجعت نمت. .
فززني صوت مسج. .
.. هههههه والله هسه گدت وشفت مسج منج ومنتبهت عالوقت.. . .
قريتة ورجعت نمت. .
گعدت الصبح. . رتبت الغرفة واخذت الكتاب والملزمة ونزلت. .
بيج قصص عراقيه حقيقيه من واقعنا.روعه الطائي
سلمت على اهلي . . وتريگنة. .

اخذت كتبي وكعدت بالحديقة اقرا لحد ساعة ،٢حتى اروح للاستاذ. .
بقيت اقرا لحد . . مصارت الشمس قوية طلعت امي گالت سمر تعالي ادرسي جوة شمس بعينچ. . گلتلهه شمس الشتا حلووة. .
بعد دقايق دخلت للبيت . .
منتظرين اخواني يگعدون حتى نتغدا. .
گلتلهه يوم خلي نتغدا وراية محاضرة. .
گالت لا اصعدي گعديهم.. واذا مگعدوا عوفيهم
صعدت گعدتهم...بس انور گعد..
وكلت لضحى وسجى تعالوا تغدوا نزلوا.. اني رحت لغرفتنا شفت تليفوني. غيث كاتبلي.. اليوم عندج محاضرة.
گلت هو شلون يعرف. . .
جاوبتة اي..
گال اووك..
...

نزلت تغديت.. اشوف الساعة وحدة ونص..صعدت ركض غيرت ملابسي ورفعت شعري واخذت كتبي، ونزلت..
سلمت على امي وطلعت..
وصلت للاستاذ واقرا بكل تركيز باچر الامتحان..
ولازم افهم كل شي . .... خلصت ال ٣ساعات...
گلتلة استاذ بقت بس الاسئلة خلي نحلهه گال اوكي..
وبدينة نحل بالاسئلة وخابرت ماما.. وينچ سمر گلتلهه يوم بالمحاضرة دنحل الاسئلة لان باچر الامتحان..
گال من تخلصين خابريني اجي عليچ گلتلهه ان شاء الله..
تقريباً ساعة ونص خلصنة المادة.. اني ووياية اربع بنات.. طلعنة..
بقيت امشي گلت على شنو اخابر ماما.. خلي اتمشى.. اثناء مطلعت سيارة الضوة مالتهه عالي..
امشي وتمشي وراية وگفت على الجهة اللخ ردتها تروح.. اشو ممشت...
طفت الاضوية. ..وانفتحت الباب وشفت غيث..
نزل سلم عليه گال ليش مبقيتوا اليوم يم الاستاذ، فد مرة..
گلتله اي چنة ناوين نبقى.. بعدني ممكملة الجملة گال امشي، صعدي اوصلچ..
گلتلة بيتنا واندل طريقة ورجلية وامشي عليهم على شنو هل توصيلة..
گال امشي، اريد اوصلچ واحچي وياچ..
گلتلة لتشوفك مرتك ع بالهه غير شي..
گال.. وينها مرتي.. الله وايدچ زوجتيني..
اني سكتت.. گال وشلون عرفتي متزوج..
جاوبتة قبل فترة فتت من باب بيتكم وشفت عرسك..
مااسمع بس الضحكة وهو يضحك يگول شهل استنتاج..
ضحكت بس بيني وبين نفسي هذه استنتاجاتي اني ودعاء الغبية.. شگد عيب زوجته للولد وهو ممتزوج..
سكت وگال هذا مو عرس.. هذه خطوبة اخوية الاكبر مني.. قبل كم شهر..
واني والحمد لله ممتورط اقصد ممتزوج..
باوعتلة صفح گلتلة الله يحفظكم..
من رخصتك..
گال الله وياچ ديري، بالچ ليركض وراچ چلب...
ضحكت ومشيت..
رجعت للبيت بوجهي لغرفتي.. شغلت اغاني بتليفوني لحسام الرسام حفلات ردح وبقيت ارگص اخواتي صافنين.. سجى تگول الضحى والله الكيميا ضربت عقلهه.. لچ بس لا احنه السنة اللخ نصير مثلهه ضحى تكولهه لا اسم الله..
واني الفرحة الي بداخلي اكبر من الرگص..
تعبت على گد ما رگصت..
اسمع صوت مسج فتحت التليفون..
ها وصلتي خوما لحگچ الجلب....
قريتة وضحكت گلتلة ماكو بالمنطقة بس الچلب الي ببابكم..
جاوب گال هذا مو چلبنا هذا سوني چلب صديقي مصطفى..
جاوبته الله يحفظكم
وبگلبي، اضحك
جاوبني.. اشكرچ..
نزلت واني الفرحة تارسة عالمي..
اتعشيت غسلت مواعين العشا..
صعدت سبحت وحظرت ملابس، المدرسة..
واخواتي يدرسون ونفس نظامي رتبوا ملابسهم وحظروا نفسهم..
نمت..
الساعة تلاثة وربع فزيت على صوت مسج..
سمر نايمة گاعدة ..

گلت بگلبي يعني هذا معندة بس هل وقت يتذكرني.
شگد عندة وقت طفيت التليفون رجعت نمت..
مگعدت الا ساعة ستة.. راجعت الكيميا وغيرت ملابسي ونزلت اكلت وطلعنه اني واخواتي..
اجة ابو علي ورحنة للمدرسة.....


يتبع.....


لامارا غير متواجد حالياً   رد مع اقتباس
قديم 25-07-19, 05:54 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

#البارت_الخامس

شيءٌ ما في عينيها أو وجهها
يفتحُ لك بابًا فتدخُل من الظلامِ إلى النور ..

.. الانسان اليحب البدايات ويهتم بيها دائماً يخسر النهايات او ميعتبر منها .
بشغلك دائماً آخر ساعة من العمل تظل تباوع على ساعتك شوكت ينتهي شغلك وترجع للبيت .
الطالب بأآخر درس او محاضرة دائماً يشتت ذهنه ويبقى باله شوكت يطلع من المدرسة او الكلية
الطيارة اول متحط على ارض المطار تشوف العالم تشيل بجنطها وتتحضر رغم تحذير المضيفة الرحلة بعدها ممنتهية . احنه منحترم خواتيم اَي شي من الصغر . لانهاية علاقة لانهاية شغل لا اَي نهاية سابقة نعتبر منها .
وراح تبقى العبرة بالخواتيم مو بمزاجك ... ..

خلصت امتحانات نصف السنة وجانت متعبه حييل..
وبهل فترة غيث يومية ميتذكرني الا ساعة تلاثة ونص..
مرات اجاوبة مرات لا..
وبهل فترة قوت علاقتنا ضحك وتحشيش، ويسولف على اهله وعلى دوامة..
واني اسولف على اهلي ويسألني عن ابسط التفاصيل...

خلصت عطلة نصف السنة ورجعت اداوم..
ونفس التعب والمعاناة وغيث كل اربعاء، اشوفة من اطلع من محاضرة الكيميا.. الگاه منتظرني اسلم عليه ونسولف ويسألني شمحتاجة..
وعلى هل روتين.. صرت اخذ رأي غيث بكل شي واسأله واستشيرة.. وهو كذلك..
چان يسولف على صديقة مصطفى يگول حييل قريب عليه بس انت كسرتي عليه وصرتي اقرب منه اليه..
بدأت امتحانات النهائية.. وزادت الدراسة وغيث قلل من كلامة وياية بس الصبح يسألني شلونچ وبالليل، يطمأن علية..
لحد مخلصت الامتحانات وعطلنة...
بهل فترة انشغلنة بتحضيرات عرس انور ومااحچي وي غيث لو تصدف احچي وياه لو لا..
يومية رايحين للسوگ انهد حيلي..
وكل ما اشوف انور اگولة بالله تستاهلون هل تعب.. . اشوفكم بعرسي شتسؤون..
اسامة يگول اهووو هو انت يا مصخم ياخذچ..
گلتله اكو هواي مصخمين..
مهند يغمزلة يگولة الا امة داعيه عليه الياخذ هذه الخبلة..
وهيچ وانور عاط بيهم.... بالله عقلهم ويا هل طفلة وتتداهرون وياها يلا گوموا على شغلكم لا كل واحد بوكس اطفي عينة...
اني خربت ضحك گلتلهم حيل بيكم وابو زايد.. هذا الميحترم اخته هيچ يصير بي..
انور يشبه بابا بهواي امور.. الا العصبية ابد مو عصبي ومتفهم ومااتذكر بيوم من الايام ضوجني بكلام على عكس اسامة الغضب..
ومهند الله مسلطه على ضحى وسجى..
اسامة جاوب انور والله لو ما عرسك بعد يومين چان فلشتك بس انقهر عليك وراك صور وزفة..
اسامة يحب يتناگر وي الكل.. بس لسان هو وگلبه حيييل طيب..
وراحوا لبيت انور يشوفون النواقص.. اجر بيت مقابيل بيتنا..
واني رحت لامي اشوف شمحتاجة..
كملنة كل شي..
وخابر انور يأكد على حجز القاعة..
وصار يوم الحنة... ورحنة اني وانور واخواتي وماما وخالاتي اثنين حتى نحني العروسسة وچانت طالعة تخبل والفرحة مبينة عليهه . .
باركنالهم ورگصنة... وبعد كم ساعة رجعنة للبيت سوينة حنه لاخوية بالبيت اخوالي واعمامي واصدقاء، الولد...
للساعة ١٠ كل شي خلص. .
نظفنا البيت اني ودعاء، وسجى وضحى وجهزنا الاستقبال لأعمامي سلام وهيثم واخوالي احمد ومحمد وصلاح..
وفرشنا الغرفة الجوة لنسوان اخوالي واعمامي.. واحنه البنات صعدنا للطابق الثاني نحضر نفسنا لباچر..
ومن التعب مباشرةً نمنة..
مگعدنة الا ساعة ١٢ على اصوات اغاني وهلاهل وحدة تگعد اللخ نزلنة ركض واندمجنا وياهم ركص وهلاهل.. وانور، بالنص فرحاان..
سوينا غدة اتغدينا واحنة البنات غسلنة المواعين..
واتقسمنه نص يسبح بالحمام الجوة والنص الثاني للحمام الفوگ..
صارت ساعة ٣ واحنه بعدنة نركض وحدة تسشور وحدة تبدل..
وامي تصيح يلا ساعة اربعه ح نطلع..
بيج قصص عراقيه حقيقيه من واقعنا.روعه الطائي
وكالمعتاد ضحى وسجى نفس الملابس فستان قصير بنفسجي ورافعين شعرهم

اني لبست فستان اسود وذهبي، طويل وبي چاكة صغيرة والاكمام طويلة لان اني اخت العريس الچبيرة.. ولاول مرة عفت شعري، مفتوح..
بهل فترة غيث يكتبلي واني لواجاوبه لولا. . بهل لحظة من باوعت بالمرايا تمنيتةموجود. . بس شموجود وبابا اكد على اخواني بس اصدقائهم المقربين حييل يعزموهم مااعتقد غيث معزوم وحتى من سألتة گال لا مااجي حتى لو انعزم لان عندي امتحانات . . فكتبتلة مسج. .
؛صديقي ابو الغوث چنت اتمنى انت حاضر وياية لان فرحتي متنوصف لاول مرة هيچ افرح. .
جاوبني . . .ان شاء الله كل ايامچ افراح سمرتي ،،..
قريت المسج وابتسمت ونزلت ..

تقسمنا عالسيارات..
اني صعدت وي انور ومشغل اغاني عالية لا ارادياً نرگص، اني وياه..
وضحى وسجى وي ماما وبابا..
ومهند بسيارة صديقة..
واسامة بسيارتة ووياه اصدقائة..
وصلنة لبيت العروسة ونزلت الفرقة الموسيقية واني واخواتي واسامة ويانة يرگص..
لحد مطلعنه العروسة وخلصنة الزفة رگص وصلنة للقاعة حتى مبية حيل امشي..
اول ميز گعدت علية بقيت بس اهلهل وابوية يضحك يگول خوش موهبه..
امي خطية تعبت كل شوية تگوم تسلم عالناس الي يجون..
اصدقاء بابا هوااية واصدقاء الولد..
عزمت رانيا ومأجتي..
دناخذ صورة جماعية وي نزلتي من الكوشة صارت عيني بعين غيث، حتى معرفت امشي..
فرحت حييل . . شكد چنت فرحانة بس اكو نقص بفرحتي وبوجودة كمل النقص . .
گعدت . . وكتبتلة مو على اساس متگدر تجي. .
جاوبني . . حبيت احضر حتى اشاركچ فرحتچ. .
رجع كتبلي مسج. .
طالعة احلى من العروسة. . .وعاشت ايدچ عالفستان حييل مستور خصوصاً الچاكة
جاوبتة لاغيث عروستنا حلوة . . وهذا استر فستان بعدين هو عرس اخوية شألبس عادي. .
عفت التليفون... ورحت اخذ صور وي بنات خالاتي.. واخذنا زاوية نرگص بيهه..
للساعة، ٩ طلعنة من القاعة وزفيناهم للفندق..
ورجعنة للبيت يا دوب غيرنة ملابسة ونمنه كووولنة من التعب..
گعدت ساعة ٥ الفجر عطشانة وجوعانة نزلت اكلت وشربت مي..
صعدت مأجاني نوم..
فتحت فوني شفت مكالمتين و ٤ رسائل من غيث..
جاوبته.. وگلتلة هلوو اول مرجعت نمت من گد متعبانة..
ورا دقيقتين جاوب گال نوم العافية..
جاوبته شنو انت جني متنام شوگت مااكتبلك تجاوب،..
جاوبني وهو يضحك گال لچ چنت اقرا عندي، امتحان..
گلتله ها بالتوفيق..
دقايق ورجع خابرني اني جاوبتة وبقينة نسولف عالعرس، وشصار من هو راح.. وسولفلي من گعد وي بابا.. گلتلة اني وين چنت گال حضرتچ ترگصين.. انت وكوومة بنات.. بقينة نضحك..
واني اكولة غيث شفت فلان هذا عمي، وهذا خالي بهل اثناء انفتحت الباب واني بقيت صاافنة..

يتبع....


لامارا غير متواجد حالياً   رد مع اقتباس
قديم 25-07-19, 05:56 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت السادس
#حنة_العيد. #شهگة_النعناع.


جزء كبير من الراحة النفسية تجدها في المصالحة مع نفسك ان تتقبل وضعك اياً كان ان تتعامل مع ظروفك بواقعية وان تؤمن ان الدنيا ليست جنة لكنها ليست جحيماً..

‏ لا تعتذر أبدًا عن كيف تشعر، لا أحد يستطيع السيطرة على كيفية شعوره، لا الشمس تعتذر لكونها شمس، ولا المطر يتأسف لهطوله.. المشاعر كذلك ..
انفتحت الباب واني جفلت للحظات..
واترقب منو الي فتح الباب.. الظلام متغلب عالمكان.. ونبضات گلبي ارتفعت..
بلعت ريگي ومگدرت احچي... اسمع صوت غيث وهو يگول چنتي احلى وحدة.. وبعدهه سكت على سكوتي..
وصار يگول سمرة وين رحتي، شنو نمتي...
اقترب الخيال ومااحس، الا على ايد لزمت ايدي..
غمضت عيوني...مااريد اصدگ اني بالواقع..
شخص گعد يمي ولزم ادية اثنينهم وانسحب الفون مني....
فتحت عيني شفت امي... بصعوبة صرت اسحب النفس...
گالت الوو احچي انت منو..

ومااعرف غيث شنو جاوبها.. بس اسمعها تگوله ابن الاصول ميسؤي، هيچ.. اذا عندك اخوات تقبلها على اخواتك..
وسدت الخط بوجهه وطلعت السيم كارت.. وتقربت عليه ولزمتني من اذني گالت كل شي اتوقعت بس ماتوقعت بنتي هيچ تطلع تافهه...
ماكو اي جواب مني، بس، دموعي تنزل ...
گالت احچي منو هذا ووين عرفتي... واذا تكذبين بشغلة حسابچ عسير..
گوة گدرت اخذ نفس، وبديت اسولفلها واشهگ وابچي..
مااعرف شنو القوة الي خلتني احچي.. ولا عندي اي ضمان او سند الي يحميني..
امي تسمعني ووجها صار ميتفسر.. معرفت ولا گدرت اتوصل او اعرف شنو الاجراء الي حتسؤي،..
عافتني وطلعت وگالت نامي حسابچ بعدين..
هي طلعت واني مااعرف شنو اسؤي، وين اروح.. ياربي ساعدني الغرفة اخذتها ورجعتها الف مرة واكثر من شدة خوفي...ياربي بس لا توصل لابوية.. ويروح لغيث يسؤيلة شي..
ياربي ساعدني طلع الصبح واني على هل حال مااعرف شلون گدرت اغفى..
فزيت على صوت امي وهي تگعدني.. گومي، يا چبيرتي،.. گومي يا فرحتي،..
فزيت خايفة واشعر بالذنب.. معقولة امي گالت لابوية...
گالت منا وجاي ماكو مدرسة تنسيهه اني فزيت وگفت اتوسل لامي.. لا يمة لا الله يخليچ كل شي، بحياتي مدرستي..
امنعيني واحرميني من كل شي الا مدرستي،..
عاينت عليه بنظرة لاول مرة اشوفها بعيون امي..
هل نظرة خلتني اكره نفسي وحسيت بالذنب الي، سؤيتة..
بقيت على هل معاملة لمدة اسبوع لحد يوم النتائج.. صديقات اخواتي اتصلوا بيهم حتى نروح نستلم النتيجة.. وامي مقبلت اني اروح وبقيت اتوسل بيهه گالت گطنه واشلعيهه من اذنچ حتى تحسبين للشي من تسوي،.. ومتتصرفين بطفولة بعد..
گلتلهه يوم توبة وبعد متتكرر گالت انسي،..
راحوا اخواتي ومنهم عرفت اني ناجحة...
يوم من هل ايام صيف والجو حار نزلت من غرفتي واسمع اسامة يحچي وي امي وهي تگولة لو يصير امير زمانة ماازوجه لسمر..
اني من خلال فهمي للموضوع.. استنتجت ان غيث متقدملي..
وامي بقت ملتزمة برأيها لحد ما اسامة فاتح بابا بالموضوع..

بابا رفض وگال تتخرج يلا تتزوج..
بقى اسامة يطرح عليهم هل موضوع لان غيث بقى يگول لأسامة وكل يوم يتصل بي، حتى يعرف وافقوا لو لا..
رجع اسامة فاتح بابا بالموضوع..
بابا متردد يگولة منعرفهم. .
اسامة يگولة اني اعرفه عز المعرفة وصديقي واخوي واعرفه وبضمانتي ويريد سمر تكمل دراستها يعني يايابة اذا انت على دوامها ف هي حتكمل ببيت زوحها دوامها..

بابا اقتنع.. بس بقت امي معاندة وماخذة موقف مني ومن غيث..
بقيت اتوسل بيهه اگولهه مو گلتلچ غيث ابن اوادم وهي ولا مقتنعة..
.........
بعد وقت طويل من الاقناع اني واسامة لامي.. اسامة يقنعها كونه هو صديقه..
واني اقنعها لان حبيته....
امي تعبتني حييل بس مع هذا ما استسلم.. واستخدم اسلوب الاقناع بدون ميحسون اخواني وبابا..
.......... ......
السهِر عگبك أكل بيه شكُثِر ؟
ليلي عكِس النآس يبدي مَن الفجِر 💚

واني سارح بصوتها العذب، الي مسمعت صوت احلى منه بحياتي،..
وسوالفها المضحكة الي ماامليت منها طول هل فترة..
وهي تسولفلي على اعمامها واخوالها واني اگولهه عوفي اعمامچ واخوالچ اصلاً منتبهت على اي احد بس عليچ لان چنتي احلى وحدة فجأة صوتها راح...
بقيت اگول الوو الوو سمرتي وينچ..
جاوبني صوت غريب، وحاچتني بنبرة مو طبيعية وبقت تحچي وترزل وتتوعد..
عرفت هذه امها.. والي سوته من حقها لان هذه بنتها..
انتظرت الصبح يطلع.. بالي وفكري وگلبي يم سمرتي.. لتروح امها تگول لأبوها ويسوولها شي وحتى اذا اتقدملهه يرفضون عناد بيه...
خلصتها ادعي الله.. واردد برداً وسلاماً على گلبچ سمرتي..
رجعت لبيت اهلي وگلتلهم اني اريد اتزوج امي تفاجئت وفرحت وهي ذكية بقت تتحرى شهل قرار المفاجىء..
وتوقعت اني اريد اتقدم لبنت خالتي..
لان هي من زمان حاجزتلياها..

گلتلهه لا يوم اني ببالي وحدة..
امي مقبلت وعارضت وبقت تحچي وتگول بنت خالك حاجزتها الك من چانت صغيرة..
گلتلهه واني ممقتنع بيها.. اني احب وحدة واريدچ تروحين تخطبيها..
گالت وانت تحب بكيفك وزينب بنت خالك معلگيهه صار سنين شأگول لخالك وبيا عين.. گلتلهه اني محاجزهه وكلش زين تدرين بيه ممفكر بيهه ولا اريدهه وهذه قرارتچ وانت تتحملين الشي السؤيتي.. بقيت زعلان عليهه كم يوم.. لحد ما خابرت مرت خالي وبينت الهه اني مااريد بنتهم.. ورجعت اتصلت بخالي.. و وصلني خبر خالي ماخذ موقف..

بعدها..
امي رضت بالامر الواقع لان مستحيل تكسر كلامي ... وتعرف من اريد شغلة لازم اخذها.. والشي، الي، مااريدة لو بعد الف عام ميتغير، رأيي

بهل ايام اتصلت ب اسامة وگلتلة عندي شغلة وياك ضرورية..
اجه اسامة وگلتلة اني شفت اختك بالعرس وعجبتني وانت والنعم منك ومن اهلك صديقي واخوي.. مااريد افرط بيكم.. ياريت لو تفاتح الاهل بالموضوع حتى ندز الكم نسواننا وتصير المشية..
وجه اسامة يبشر بخير،.. وگال غيث وين الگى احسن منك لأختي بس مثل متعرف هي، صغيرة عمرها ١٧ سنة ومااعتقد اهلي يوافقون..

گلتله اطرح الموضوع ومعليك..
مرت الايام واني انتظر.. وكل يوم اتصل ب اسامة ويگولي خير ان شاء الله..
..... ....... .. ... .. ..........
يلچمني اليّود ويريدني انساك

وأنه العايشك .. ما عايش وياك
من كد ما دعيت الله يخليك
مدري بيا كتر بالروح خلاك ..
سمر.....
صرت ادعي الله كل يوم يغير رأي امي..
وقبلت بالامر الواقع وگلت لأمي كل شي تريدي يصير اذا ع المدرسة خلص مااداوم . . بس يوم غيث شنو
ذنبه تعلگي صار، شهرين من فتح وياكم الموضوع..

گالت مااحبه لان سوايته مو قليلة.. گلتلهه مسوة شي واني لحد الان ساكته الولد شاريني ويريدني والله اذا مقبلتي عليه ح اسولف لبابا كل شي، لان صدگ تعبت.. وخلي شيصير يصير..
امي اعرف بشنو تفكر تريد تأدبني..
گالت اني اذا اوافق بشروط..

گلتلهه الشروط مو يمي .. سمعيها لناسها.. بيج قصص عراقيه حقيقيه من واقعنا.روعه الطائي
يومين والثالث واحنه گاعدين نتغدا صادف يوم جمعة رجع اسامة فتح الموضوع وي بابا...
ويريد يسمع منه موافقة اولية..

بابا گال اني سألت عنهم ومن سألت عنهم عرفت اعمامهم واغلبهم اصدقائي،.. وخوش، ناس،..
اني هنا گلبي فز من مكانه وبيني وبين نفسي ادعي..
واسمع بابا يگول لأسامة خلي يتفضلون ويصير خير..
امي وجهه تغير لونه وگالت لأبوية وانت شكو مستعجل عليهه.. اقلها خلي تكمل الاعدادية..
جاوبهه بابا. . ام انور الولد يگول تكمل دراستها عندة وهو رايدهه متتزوج الا بعد السادس. . ليش تصيرين عثرة بطريقهم امي اقتنعت وسكتت لان بالاخر القرار، النهائي لبابا. .

مكملت الغدا.. صعدت ركض لغرفتي واني ابچي، من الفرحة.. وسجدت سجدة الشكر.. واتحمد الله الي ح يجمعني، ب غيث..
مرت الايام وامي رجعت لطبيعتها..
وگالت شنو گعدتچ يمي لحگي على مدرسين وابدي محاظرات بعد شهرين لدوامچ..
اني الفرحة مأخذتني، وگمت ركض، حضنت امي گلتلها انت احلى واعظم ام.. وامي تضحك وتگولي لتتوقعين اخذ قرار يخصچ واني ماافكر بمستقبلچ وحياتچ..
بدأت محاظرات وماما رجعتلي الفون...
ورجعت احچي وي غيث بس، قليل...
هل كلام بظرف اسبوع..
ف خابرني غيث.. چنت نايمة الظهر.. جاوبتة گال سمرتي باچر امي ومرت عمي وام علي مرت ابوي يجون عليكم..
اني فزيت.. گلتلة غيث غير تحچي غير تگول..
گال اتصلت ب اسامة الصبح وگلتلة..
گلتلة بس ممجهزة نفسي.. گال شتجهزين يعني شتسؤين.. واني شنو مشايفچ.. گلتلة حتى لو شلون يصير..
گال.. اني مااخذ، رأيهم بيچ.. اني مقتنع كل الاقتناع..بس دااسؤي هل شي رسمي ولأرضاء اهلچ..
لو عليه من عين باچر اجيب الشيخ يعقدلنا وفضت راحت..
بقينة نسولف لأكثر من ساعة....
.................

يتبع....


لامارا غير متواجد حالياً   رد مع اقتباس
قديم 25-07-19, 05:58 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت السابع
#حنة_العيد. و #شهگة_النعناع.


عواطفنا مثل نوبات التشنج
تجعلنا أقوى لفترة ثم تتركنا ضعفاء إلى الأبد ..

على كل انسان في هذا العالم ان يتعلم حب الحياه قبل كل شيء ،، حب الحياه لا محاولة فهمها . .
ياربي شنو هل يوم الصعب الي من بدايته مصخم...
نزلت من غرفتي واني ضايجة سلمت على امي واخواتي....

امي تگولي شبيچ سمرة اشو ضايجة گلتلهه، يوم مااعرف شنو البس..
گالت ابقي بهذه البيجاما حلوة عليچ
فتحت عيوني گلتلهه يوم صدگ تحچين ترى اليوم خطوبة اولية شنو بيجاما...ضحكت گالت البسي فستان اللي لبستي بعرس انور... صفنت بوجهه گلتلهه انت ناصبة علية هي مال فستان..

اصعد بنفسي واشوف شألبس.. صعدت فتحت باب غرفتي واسمع صوت اغاني عالي،.. الصوت ديطلع من غرفة انور سابقاً غرفة اخواتي حالياً..
رحت دااشوف شبيهم فتحت الباب لگيتهم ديركصون بهل اثناء انسدت الباب على اصابيعي حسيت روحي راحت.. اخواتي ركضوا علية وفتحوا الباب وطلعوا ايدي گالوا شجابج يمنه گلتلهم حظي وشدعوة هلگد مسموم باب غرفتكم.. بقوا يضحكون يگولون ميرحب بأي واحد..
چان كفختكم بس ايدي توجعني يلا طفوا الاغاني وبلا حركات الجهال هذه عفتهم وطلعت....
رحت الغرفتي وايدي توجعني فتحت كنتوري، مااعرف شنو البس مااعرف شنو ذوقهم ولااعرف شنو يحبون چنتهم تلبس.. صفنت وتذكرت كلام غيث من يگولي، اني مدااخذ، رأيهم بس هل شي روتيني دنسؤي، لأجل اهلچ.. ابتسمت واتصلت بغيث..
صباح الخير
غيث : هلا بهل صباح
ههه شلونك
غيث: كلش زين من سمعت صوتچ
اكولك غيث،
غيث: گولي عيوني
شنو البس
غيث : شتلبسين
شبيك من يجون النسوان يعني شنو البس
غيث : اللي يعجبچ حتى لو بملابسچ اللي، لابستهم هسه
اهووو ردتك عون طلعت فرعون شنو فرقك عن امي تگولي ابقي بالبيجاما
غيث : اي ابقي بالبيجاما هههههه
يلا يلا غيث روح ح ابقى بالبيجاما باي
غيث: هههههه اوك اوك باي

سديت الخط.. هذا شبي اللخ شنو ديحشش، عليه..
رجعت للكنتور وصارت عيني على فستان احمر سحبته وترددت.. اخاف عيب..
لا شكو وليش عيب هم بس نسوان..
سشورت شعري وصارت الساعه ١٢ الظهر..
نزلت اتغديت واثناء الغدا دگ تليفون اسامة.. والمتصل غيث، يگولة حظروا نفسكم اهلي جايين..
اني عفت الغدا وركضت لغرفتي الفستان الاحمر ع چربايتي جريته لبسته فتحت شعري وضفت لمسات بسيطة لوجهي..
وحطيت عطر ومااعرف شنو اسؤي، وكل شوية رجلية تعثر، بشيء لحد ما الباب اندگت اخواتي، يغنون ويرگصون الف الصلاة والسلام عليك ياحبيب الله محمد ويهلهلوون ويضحكون بصوت ناصي عرفت منهم اهل غيث، وصلوا.. گلبي، بدا يدگ بصوورة سريعة..
بيج قصص عراقيه حقيقيه من واقعنا.روعه الطائي
حاولت انزل الدرج مگدرت امي تصيح عليه سمرة سمارة يوووو هو وين تگدر تنزل سمرتچ استجمعت نفسي، وگوة نزلت رحت للمطبخ امي نطتني، صينية فناجين الگهوة وگالت الگهوة عالنار صبيها وجيبيهه وعافتني وراحت..

ياااربي حتى امي عافتني واني صافنه قطع مسير افكاري، صوت الگهوة فارت اخذتها وصبيتها بفناجين رفعت الصينية وايدي ترجف واصابعي توجعني من الباب،..
وصلت لباب غرفة الضيوف فتحتها للباب سلمت.. قدمت الگهوة..
وبوستهم.. وحدة منهم سمينه گالت تعالي گعدي بصفي اني ام علي مرت ابو غيث گلتلهه اهلاً وسهلاّ.

وحدة منهم شايفتها بس مااتذكر، هو غيث گال امي ومرت ابوه ومرت عمة هذه الرابعه منو..
بدوا يسولفون وام غيث سوالفها حسيتها بحقارة..
وبسمرتني تگولي شهل فستان لعد شنو بقيتي للحنه وللعرس اني سكتت..
وبقت تسولف المرة اللي شايفتها وگالت غيث ابني اني دخت كم ام عندة هذا.. گالت مقامه من مقام مصطفى وبقت تسولف اخر شي اتذكرت هي نفسها اللي، وگعت ب بابهم وابتسمت بوجهه هي ابتسمتلي وامي گالت سمرة روحي جيبيلنه عصير وكيك واني ادردم بگلبي يوم اني گوة داامشي، وانت تتأمرين المهم طلعت حظرت صينية الكيك وصينية العصير واگول بگلبي شنو ح يباتون عندنا..
دااخذ الصواني واسمعهم يتفقون على الخطوبة الرسمية قدمت العصير وبعدها الكيك..
بقوا يتشاقون ويضحكون استلطفت الكل الا ام غيث حتى سوالفها مثل السم..
طلعوا من بيتنا بعد ساعة ونص..
صعدت لغرفتي غيرت ملابسي..

ومددت واني ساكته حتى تفكيري انقطع.. لحد ما غفيت..
ما گعدت الا على صوتي فوني بصعوبة يلا ركزت وشفت رقم غيث جاوبته وصوتة مو طبيعي.. گلتلهه هلا بيك..
گال سمر شنو لبستي گلتله فستان گال اني، مو گلتلچ تبقين بالبيجاما..
گلتله وشصار يعني.. گال امي تگول ملابسها محلوة وممستورة..
گلتله مو ع اساس هو شي، روتيني وانت مقتنع شكو دتاخذ اراء الناس..
گال مقتنع ب اخلاقچ وشكلچ بس تصرفات الجهال لتسويها..
گلتله مخابر حتى ترزل ترى مبيه حيلك..
گال اوك اخذي راحتج باي وانگطع الخط
بقيت ابچي مفروض يتصل، بيه يسمعني كلمة حلوة يباركلنه لان اتفقوا الجمعة اللخ خطوبتنا هذا شبي..
عفت فوني عالچرباية ورحت للحمام غسلت وجهي، ونزلت اخواني يباركولي وانور ومرته عندنا بقينه نسولف..
وحظرنا العشا اني وامي..
اخواني خلصوها ضحك وتحشيش، على مرت انور يگولوها زوجج چان يحب جيرانه الحولة وهي تضحك...
وانور يغمزلهم حتى ميطلعون الماضي هههههه وهي تگولة دااشوفك انور عينك راحت وانت تغمز..
صارت ساعه ٩ حظرنة الچاي، والكرزات والحب وگعدنة كولنه نتابع فيلم اجنبي وبوقت الاعلان يگلبوها شقى وضحك..
خلص الفيلم وكل واحد راح لغرفته وانور، رجع لبيته..
اني تناسيت غيث..
صعدت لغرفتي وشفت ٢٧ مكالمة وخمس رسائل..
عفته ولا جاوبت..
نمت.. گعدت الصبح نشيطة . . وبعد ساعتين عندي محاضرة احياء..
فتحت فوني لا مكالمة ولا رسالة گلت خلي اخابر غيث شكله زعلان خابرت المرة الاولى مجاوب بالمرة الثانية جاوب وصوته مبين نايم...
اول مجاوب گلتلة ناس عيونها رايحة من القراية وناس عيونها رايحة من النوم..
هو ضحك عرفت انو مزعلان..
گال صباح الخير حبيبي..
گلتلة هلو صباح النور..
شلونج اخبارج.. گلتله الحمد لله انت شلونك گال ع الله..
البارحة وين چنتي.. گلتلة عندنا بيت انور خطار وانشغلت وياهم..
گال امممم جيد المهم انت زينة.. شوكت محاضرتچ..
گلتلة ساعة ٩.. وبقينه نسولف الحمد لله مزاجة زين..
ناس متمشي الا بالعين الحمرا.. هههههه
نزلت حظرت الريوگ گعدت امي وايدها وياية گعد بابا . . اتريگنه وبابا يسولف لأمي على قضية اخوان اثنين يتعاركون على ورث وعلى بيت ابوهم وامي تگول على گدهم اسم الله عليكم ولدي..
مااعرف ولدها شجابهم بالنص. . خلصنة ريوگ بابا اخذ جنطته وطلع اني غسلت المواعين . . وصعدت غيرت ملابسي صارت تسعه الا ربع. . . نزلت سلمت ع امي وطلعت . . بدأت المحاضرة . . الموضوع حييل صعب. . لحد مخلصت
ال ٣ ساعات. طلعت واني حييل جوعانة رجعت للبيت امي طابخة مرگة لحم وتمن ابيض ممممم الله ياطبخچ ام انور . .

صعدت غيرت ملابسي ونزلت اكلت . .
بوجهي للچرباية . . نمت ساعة وگعدت اقرا احياء لان بعد يومين يمتحننا الاستاذ ومعندي وقت ... ساعة ٤ عندي محاضرة رياضيات. .
وعلى هل منوال لحد يوم الاربعاء اتصلت بألاساتذة گلتلهم مااگدر احظر الخميس والجمعة. .
فالخميس طلعت اني وامي ومرت انور اخذوني للصالون رتبوا وجهي. . وگصوا اطراف شعري. .
وطلعنه للسوگ اخذت فستان ابيض طويل. . واكمامة طويلة.. .حتى افوت بعين ام غيث وبعد متحچي عليه. .
وامي مرتبه كولشي بالبيت هي واخواتي . .
خلص يوم الخميس بتعب..
ساعه ١١ بالليل خابرني غيث نطيته الموجز ونمت لان تعبانة..
گعدت على صوت امي ب ٨ الصبح يلا گومي نلحك على الصالون.
اهوووو يوم يعني مااخلص من گعدت الصبح حتى بخطوبتي مشلوع گلبي خلي انام بعد ساعه محيطير الصالون..
واسمع عيطة لخ لچ يلا لو نلحگ لو لا..
اهوووو. امري ل الله..
رحت للحمام سبحت وسشورت شعري نزلت اكلت شي، قليل واني وامي رحنه للصالون ..
هوسة الصالون قبلي اربع عرايس واني خطوبة مو مهم محد بحالي گلت لأمي هسة لو عايفتني نايمة مو احسن...باوعت صفح گالت اسكتي.
لحد ساعة ١٢ يلا صار دوري،.. رفعوا شعري واني عطت گلتلهه عفية لا گطعتي شعري.. عوفي شعري نازل بس وجهي اشتغلي، علية . . شتسؤيلة هذه گالبة وجهه الماكيرا..
المهم خلصت مكياج وجهي وشعري بقى على طولة مفتوح بس رفعت كم خصلة وحطت ورد على راسي..
رحت لغرفة التبديل لبست فستاني امي خابرت انور اجة اخذنة..
وصلت لبيتنا اعمامي وزوجاتهم وخالاتي وخوالي وزوجاتهم وبناتهم..
فرحت حييل بشوفتهم.. بس نفسي، تلعب..
صارت ساعه ٣ وصلوا اهل غيث.. وگعدوا يمي النسوان وام غيث، بس تخزر تريد تحچي متگدر .... و شفت وحدة واگفه وحدهه وشكلها چانت تبچي..
گالوا هلهلوا اني دخت اكثر وكل شوية ع بالي اتحسن بس، حالتي دتزداد سوء.. واريد اسحب نفس مااگدر.. ويهوسون خالاته وعماتة..
هاي الرادها وهاي التمناها.. وام غيث تعوج بحلگها حييل ضوجتني.. مفروض تفرح على فرحة ابنها...
رفعت عيني شفت غيث.. بس مااتذكر شنو لابس ولااتذكر اي شي بس شفت وجهه....گعد يمي وباسني من راسي،.. وگالوا تعالوا ح يعقد الكم الشيخ گمت دااروح للصالة وبعد مشفت شي،..
فتحت عيني واني بغير عالم مكان ابيض امي وابوية يم راسي...
اخذت دقايق يلا استجمعت نفسي وعرفت اني بالمستشفى..
امي شافتني حضنتني تگولي يمة خوفتينة عليچ..
واجه الطبيب يگول ساعتين وطلعوها اتوازن الضغط عندهه..
وبهل وقت سألت امي على غيث گالت موجود برة منتظر خطية..
بابا گال ح اروح اصيحة اني گلتلة لا شوية لخ..
احس ضاربتني تريلة راسي يوجعني وحتى النفس من اسحبة يأذيني..
حاولت اگوم على حيلي اجتي الممرضة فصلت المغذي، من ايدي ومشيت ادور على مرايا قبل ليجي، غيث، وينصدم.
فتت للحمام واباوع على نفسي، بالمرايا انصدمت.. هذه اني شگد حلوووة ههههههه ولااتوقعت هيچ شكلي حسيت نفسي، وجهي ورام ههههه..
طلعت من الحمام غيث صار، بوجهي واجه عليه گال ليش، گمتي من مكانچ باسني من راسي، وگال الحمدلله على سلامتچ خوفتيتي عليچ.. .
الممرضة گالت لا مبيهه شي هبوط بالضغط تگدر تطلع نطيناها مغذيات اتوازن الضغط بس من تطلع ضروري، تاكل..
بهل اثناء، دگ فون غيث جاوب طلعت امة يحچي وياها وصوتها واضح وتگولة هي هاي خبصتنا بيهه الله اعلم شبيهه من امراض اكو وحدة بخطوبتها تتخربط..
حييل انقهرت.. وغيث حاول يسكتها وهو يگولهه مبيهه شي اي تسلم عليچ يلا الله وياچ..
باوعت بعين غيث وهو عرف اني سمعت امه جر نفس قوي وطرح زفير اقوى وگال يلا نطلع..
وصلنة للبيت.. اخواتي واخواني واقاربنة كولهم تحمدولي بالسلامة وگالوا روحي اصعدي ارتاحي.. صعدت لغرفتي دعاء بنت خالي صعدتني گلتلهه دعاء، بس طلعيلي دشداشة ضجت من هل فستان..
غيرت ملابسي ونمت..
....................

يتبع.....



لامارا غير متواجد حالياً   رد مع اقتباس
قديم 25-07-19, 05:59 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت الثامن
#حنة_العيد. و #شهگة_النعناع.


لا تزال تخفي شخصيتك الحقيقية خلف مئات الأقنعة، قناع المجاملات، وقناع التقاليد الاجتماعية، وقناع الطاعة الأبوية.
لا تزال هويتك الحقيقية مختفية في الظلال، لأن المجتمع لا يرغب بظهور شخصيتك الحقيقية"٠
...

بعد اسبوع مليء بالتعب والمحاضرات صار اليوم اللي احلم بس مو بالصورة اللي، چنت متخيلتها..
نزلت من غرفتي ساعة 11 سلمت على اهلي واول الكلام الجارح تلقيته من امي وگالت.. عيالچ التحف وينهم حتى مكلفوا نفسهم ب اتصال يسألون عنچ..
اووو يووم تلگيهم مشغولين بعدين اني، مبيه شي،...
جاوبت بصوت اعلى... ليش هم واحد اثنين اقلها زوجج البعدة مصار زوجج من بدايتها سحب نفسة....
يوم شنو سالفتچ من الصبح تتسألين عنهم بعدين اني شعرفني شبيهم شنو وضعهم..
اصعد لغرفتي هواي احسن...
صعدت سحبت تليفوني وشفت مكالمة وحدة من غيث...
والله متعب نفسة الاستاذ،...صارت زحمة..
رجعت خابرتة مجاوب..
كلام امي زاد قلقي. ومنا غيث بهذا وضعي ممتصل بيه وهسه ميجاوب.
شهل لعبان نفس من الصبح..
ساعة 12 عندي محاضرة مال رياضيات اللي اجلتها اروح احسن من هل لغوة...
غيرت ملابسي ونزلت..
سلمت على اهلي وطلعت..
الاستاذ يشرح وتفكيري ابدا مو وياه..
مااعرف شنو اللي اتغير، بس كلام امي صح.. والي أكد كلام امي غيث حتى مكالمة ممتعب نفسه بيهه..
خلصت المحاضرة ساعة 3 طلعت من جنطتي عصير.. شربتة لاأروح اتخربط..
وبوجهي لمحاضرة الاحياء....تعبانة والتفكير اخذ كل حيلي ونفسي مسدودة..

والافكار السلبية ابد معافتني.. بعد نص ساعه من المحاضرة دگ تليفوني گلتلة استاذ من رخصتگ.. اخذت الفون شفته رقم غيث.. مالي خلگة سويته صامت ورجعت للمحاضرة..
كملت المحاضرة للساعة 5 ونص.. رجعت للبيت مشي والمسافة بعيدة يعني ربع ساعه حتى ب ابو علي مأتصلت..
عندي رغبة بالمشي حتى افكر على راحتي....
رجعت للبيت.. اول مفتحت باب المطبخ امي تلگتني وين چنتي نتصل عليچ ماكو وابو علي يگول مخابرتني وطلعوا اخوتچ يدورون عليچ وحتى غيث خابر،ادگ عليها يگول مجاوبتني....وجهچ ليش اصفر، شنو اتخربطتي اي لان طلعتي بلا اكل..
جاوبته ب على كيفچ يوم لا اتخربطت ولا شي ورجعت مشي وتليفوني من المحاضرة سويته صامت ونسيته..
گالت بالله هذا تصرف اخوانچ بلا شي خايفين عليچ.. وعريس الغفلة اتصل ب اخوچ اسامة يگولة من البارحة اتصلت بيهه مجاوبت واليوم حرگت التليفون هم مجاوبت..
يوم ممكن تسويلي مجال داافوت اصعد الغرفتي اغير ملابسي وانام..
صاحت امي بصوت سمرر
ها يوم
شنو اللي تريدين توصلين اله..
غيث اللي معاجبني ودست على نفسي ووافقت علية لتسويلچ لعبة ترى مالنه خلگ
يوم ترى نفسي لعبت حتى غيث بعدة معاقد لا شيخ ولا محكمة هسه اخابرة واگولة روح الله وياك ترى حتى نفسي كارهتها..
سكتت امي تفاجئت بجوابي وجوابي زاد اصرارها..
تريد تعرف شنو اللي يخليني اتخلى عن غيث...
اني دااصعد عالدرج وصاحت سمر تعالي..
نزلت گلتلهه نعم
لزمتني من ايدية وگالت احچيلي شنو اللي، صاير، وياچ
گلتلهه يوم مصاير شي، بس متقدرين التعب اللي دااتعبه محاضرات ودراسة وضغطكم وام غيث اللي هدت كل حيلي حضنت امي وگمت ابچي امي سكتت گالت شبيهه ام غيث بلا وعي گلتلهه سمعتها تگول لغيث من چنت بالمستشفى وهي خابرت غيث تگوله الله اعلم شبيهه من امراض هل سمر .. امي دفعتني وگالت متأكدة اليوم اعرف شلون اتصرف اخذت التليفون وخابرت اخواني وگالتلهم تعالوا سمر رجعت..
اني سكتت شنطقني يااربي شنو اللي خلاني احچي..
دقايق واخواني مهند واسامة وصلوا سألوني ومن هل كلام وامي انفجرت ام غيث اللي، لو تدور الدنيا متلگة مثل نسبنه وبنتنا صغيرة نطيناها كوله لأجل منكسر، بخاطر ابنها واني مرايدتهم بس لأجل سمر حتى مااكسر، بخاطرهه واتحملت وسكتت تالي، تطلع ببنتي امراض.....
واخواني يهدأون بيهه..

واني احچي بيني وبين نفسي حضنت امي دااشكيلهه الشي المقهورة منه اشو امي، زيدت قهري.
صعدت لغرفتي دااطلع الملازم من الجنطة واشوف ضوة الفون مشتغل الظاهر احد ديتصل سحبت الفون شفت رقم غيث، جاوبته..
گال وينچ يمعودة لتجاوبين اكتبيلي مسج ترى ضل بالي،..
نطيته الملخص اليومي.. گال باچر عندج محاضرات حظري، نفسچ نروح نعقد سيد بالكاظمية.. الصبح
گلتلة وين اگدر 3 محاضرات محضرتة الخميس والجمعة هسه اختل توازني احس نفسي كل شي مدارسة واريد الحگ بصديقاتي.. گال اوك
ساعة 8 اجيب سيد لبيتكم ونعقد..
استغفرك ربي.. شوف هذا يا عقد وامي اللي گالبتها فاتحة بالبيت...
گلتلة مااعرف اتفق انت واسامة اني اترخص غيث والله حيل تعبانة وعندي هواي دراسة يلا مع السلامة..

الف فكرة ببالي ومااعرف شنو الاجراء اللي اتخذة...
لو عاقدين البارحة مچان صار اللي، صار ....اوو كل شي، قسمة الله يهدي امي وتسكت اني روحي كارهتها ..
غيرت ملابسي وداافتح الباب انزل اكل لگمة واسامة صار بوجهي گال حظري نفسچ اخذچ تعقدين..گلتلة لعد مو ببيتنا گال امچ تگول اخزي بس يوصل لبيتنا.. وگالبتها مناحة ماادري، شبيهه.. بس حقها دتتزوج بنتها الچبيرة عادي كل الامهات هيچ تسوي ويضحك
استغفر الله ادري، هو زواج لو قهر.. اسامة اجلها عفية اني گلبي خلصان..
اسامة... لا يمعودة شأجلها اني مصدگت تعقدون.. يلا بسرعه غيري ملابسچ والبسي حجاب ح يعقدلكم سيد..
يااربي شهل حيرة اعقد يعني اتزوج وامي مراضية..
نزلت شفت بابا گاعد بصف امي ويدخن سلمت عليه..وگال يلا بابا حظري نفسچ اخذچ تعقدين.. شوية ارتاحيت من بابا وياية..گلتلة لا بابا مااعقد الا امي توافق..
باوعت عليه صفح گالت موافقة وحتى اذا مموافقة انتو تهتمون لرأيي، گلت ميعقد بالبيت ابوچ بسرعة دبر حل يگول نعقد بأي مكان.... ع بالك عمرچ اربعين سنة ويريد يخلص منچ يعني اني مو ام مااريد افرح لبنتي الچبيرة..

شفت كلامها زين يعني بيها مجال رحت تقربت على امي گلتلهه يوم خلي يجون هنا عاطت بعلو صوتها مو يريد ياخذچ للكاظمية روحي انت وياه متعقدين يمي يلا وخري من وجهي...
بابا صاح عليهه ام انور، كسرتي خاطر البنية شنو الذنب اللي اقترفته هي شعليهه.. انت ضايجة من ام غيث تطلعيها ببنتچ هم هيچ زواج مينراد بنتچ الچبيرة مفروض متحمليهه هل حمل وتفرحين لفرحتها..
يلا مااسمع اي كلام و صل ع نبي وبلا كلام فارغ اني ح اخذ، سمر احتراماً لرأيچ اعقدلها خارج البيت..
يلا بابا غيري ملابسچ وحطي حجاب على راسچ ...
صعدت لبست عباية اسلامية وشال اسود باوعت بالمرايا عيناً ارملة.. اكو وحدة تريد تتزوح بهل حال...
طلعنه من البيت اني وبابا واسامة واجه غيث، بسيارتة اخذنه وعين عالشارع وعين عليه صعدنة وياه وسلمنه..
وصلنه للبيت الي وگعت بباهم.. اللي، چان بي، چلب اول مشفت الباب ابتسمت بس بداخلي اكو الم اتمنيت امي وياية. .. نزلنة واني خجلانة من الموقف اللي، خلتنه بي امي.. شنو بايگين وين اكو وحدة تعقد واهلها بالوجود بغير بيت..
تلگتنا نفس المرة الي اجتي بالخطوبة وبوستني وشمرت چكليت على راسي وبقت تگول هوسات لحد موصلنة لغرفه بيهه السيد گعدنة.. وغيث صار مقابيلي.. اتقرب عليه وگال وضعچ ابد مو عاجبني بيچ شي.. گلتلة اي تعبانة من المحاضرات.. گال البارحة چنت مثل الورد اليوم شصاير بحالچ.. اكو شي ماادري، بي.. گلتلة لا.. گال اي واضح بدليل اسامة مقبل اعقد ببيتكم.. اني سكتت...
قاطع كلامنه السيد.. اخذ اسمائنا وسجل بورقة المقدم والمؤخر....
وصرنة نردد الكلام اللي يگولة.....مااسمع بس السيد يباركلنة...

واجتي ام مصطفى هي وبناتها اثنين وشغلوا اغاني واني من الخجل وجهي مااريد احد يشوفه..
اجه غيث باركلي ولبسني حلقة ونطاني حلقة لخ لبستها اله ونطاني علبة معرفت شنو بيها وگال بالعافية عليچ اني سمرتي. . واني بيني وبين نفسي، هذا شگد بطران ميدري بالعرس اللي سوته امي قبل لااطلع كسرت ابو الواهس . .
بحدود النص ساعه وطلعنه.. رجعت للبيت امي تتفرج تلفزيون ولا ع بالك شي صاير سلمت عليهه وصعدت خابرت دعاء وسولفتلهه اللي صار.. وبعد دعاء اتصلت برانيا وانقهرت حييل بعد اللي صار وياية..
فتحت العلبة بيها قران ابيض مجرد مصارت عيني عليه اطمأنيت وبصف القرآن گلادة بيها اسمائنا شي حييل حلو ومرتب ركضت عالمرايا لبستها بيها اسم غيث واسمي..
حطيت ايدي عالگلادة وغمضت عيوني وبيني وبين نفسي دعيت ياربي لتحرمني منه وتهدي امي عليه.. غيث خوش ولد بس امه مبينه صاحبة مشاكل.. ابعدهه عني..
فتحت عيوني ودموعي نزلت..
رجعت گعدت عالچرباية شفت ورقة بالعلبة فتحتها..
بيهه خط ممفهوم الا ركزت بي، يلا فهمت..

يتبع.....



لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 04:14 AM



Powered by vBulletin®
Copyright ©2000 - 2024, vBulletin Solutions, Inc.