فارس عشقى ،الجزء ( 1 ، 2 ) للكاتبة/ سحر فرج "مصرية" (مكتملة)

[فيتامين سي]

الحلقه العشرون
روايه فارس عشقى
بقلم /سحر فرج

سلمى بدموع ... همس بتموت يا عادل ومحدش حاسس بيها وبتعمل كل ده علشان بتحب فارس اوى اوى وهى صعبانه عليا جدا .
ولسه عادل هايقوم يقف وبيلف نفسه شاف فارس واقف مصدوم من الكلام اللى سمعه من سلمى عن همس .

عادل بصدمه ... فاااااارس !!!!!
انت خرجت امتى من الحمام .

سلمى .. ايه ده هو فارس هنا من امتى وماقولتليش ليه يا عادل ان فارس عندنا .. مكنش ينفع انه يعرف اى حاجه همس محلفانى انه ما يعرفش .

فارس كانت الصدمه لسه مسيطرة عليه فقرب من سلمى ووقف اودامها وقالها ... الكلام اللى سمعته ده مضبوط .
فهد هدد همس انه يموتنى وهى بتعمل كل ده علشان تحمينى منه يا سلمى . وهاتضحى بحبها وحياتها علشان فهد ما يقربش منى .

سلمى بتوتر ... ااااااااا ........اصصصل .....

فارس قرب منها ومسكها من درعها وقال .. قوليلى كل حاجه يا سلمى ارجوكى .. انا بمووووت وهى بعيد عنى .. وقلبى مجرووح وبتعذب اوى ومش مصدق ان همس تعمل معايا كده وتسيبنى علشان واحد زى الحيوان ده .. ارجوكى يا سلمى احكيلى على كل حاجه انتى تعرفيها ارجوكى يا سلمى .. لازم انقذ همس من الزفت اللى اسمه فهد ده وانتقم منه عن كل لحظه دايق فيها همس وزعلها وخلاها تعيش اللى هى فيه ده .. وهانتقم منه وهاخلص منه القديم والجديد وهاوديه فى ستين داهيه .. انطقى يا سلمى انطقى ارجوكى .

عادل قرب من فارس وقاله .. اهدى يا فارس واقعد علشان نشوف هانتصرف ازاى ونعمل ايه .
وسلمى هاتقولك على كل حاجه .. وبص لسلمى وقال خلاص يا سلمى ملوش لازمه انك تخبى حاجه عن فارس هو سمع كل حاجه خلاص ولازم نشوف هانعمل ايه علشان نمنع الجوازة دى باى شكل قبل ما همس تضيع مننا كلنا .

همس حست ان كل شىء انكشف وفارس عرف كل حاجه فقعدت وطلبت منه هو وعادل انهم يقعدوا وهى هاتقولهم على كل شىء .

وفعلا فارس قعد هو وعادل وسلمى بدات تقولهم عن كل حاجه عملها فهد مع همس ومرواحه ليها المطار ومدايقته ليها اكتر من مرة وحاحات كتير جدا وعلى موضوع ٦مر والوقعه الى وقعها من على السلم بسبب فهد برضه لانه كان نازل بسرعه وعاوز يروح لفهد ويموته بسبب همس اخته والى عمله فيها وفى صحتها ورفضه جوازه منها طبعا .

وطبعا عادل وفارس محدش فيهم كان يعرف ان وقعه عمر من على السلم ايه سببها اصلا .
وقالت كمان ان همس رافضه ان اى حاجه تحصل وبالذات موضوع الجواز ده غير لما عمر يخف خالص وتطمن عليه وبعدها هى موافقه عن الجواز من فهد بشرط انه يبعد عن فارس نهائى .

سلمى سكتت خالص وفارس وعادل استغربوا جدا واتصدموا من كلام سلمى والهدوء سيكر على المكان وفجاه ........
خبط فارس ايده على التربيزه اللى قصاده وزقها بعيد عنه وقال.. انا ازاى افكر فيها كده .. انا ازاى محستش انها مظلومه واستحاله انها تبعد عنى وتبيع حبى علشان خاكر فهد ..انا ظلمتك يا همس ظلمتك يا همسى وحبى وعشقى .
وقام وقف وعيونه بتطلع نااار وقال .. انا لازم اروح اموته .. انا هاموته علشان الكل يستريح منه انا هاقتله يا عادل هاقتله .

عادل بسرعه قرب منه ومسكه قبل ما يتحرك من مكانه وقاله اهدى يا فارس ارجوك واقعد موتك ليه مش هايحل حاجه بالعكس انت هاتروح فى ستين داهيه علشان كلب ولا يسوا وهاتتسجن او ممكن كمان تتعدم .
وبكده هاتبعد عن همس وترجع تندم طول حياتك .

سلمى .. عادل عنده حق يا فارس احنا لازم نفكر كويس اوى ونخطط اننا نوديه فى ستين داهيه ونشوف شغله والبلاوى كلها بتعتوه اكيد عنده حاجات توديه لحبل المشنقه برجليه.

فارس استوعب كلام عادل وسلمى وهدى شويه وقال لسلمى .. همس فين دلوقتى يا سلمى ارجوكى انا لازم اشوفها حالا .

سلمى قالت لفارس .. يا سيدى انا كنت سيباها بايته مع عمر فى المستشفى .

فارس رجع على الاوضه بسرعه وغير لبسه وخد مفاتيح عربيته وقالهم انه رايح لهمس على المستشفى .

سلمى .. طيب استنى اجى معاك يا فارس .

عادل .. سيبيه يا سلمى .. الوقت ده بالذات لازم يكونوا هما الاتنين لوحدهم .

وفعلا نزل فارس من عند عادل وركب عربيته بسرعه وباقصى سرعه ساق العربيه وراح على المستشفى .
وبعد عشر دقايق بالضبط نزل فارس من عربيته ودخل المستشفى وسأل على اوضه عمر رضوان وطلع على طووول .
بس للاسف كانت رجاله فهد قاعده اودام باب الاوضه ومنعوا فارس من الدخول بأوامر من فهد طبعا .

فارس حاول اكتر من مرة انه يدخل وهما طبعا منعوه وبدا فارس يضربهم بكل قوه فيه وافتكر كل حاجه وحشه حصلت ليه ولعيلته ولهمس بسبب فهد وطلع كل غله فيهم وهو بيضربهم .

همس كانت سمعت صوت دوشه بره وصوت حد بيزعق ففتحت الباب بسرعه ولسه هاتخرج لقت اللى واقف زى الفارس اودامها .

همس بصدمه .... فاااااااارس .

فارس بحب وعشق... عيون فارس وقلب فارس يا همسى .

همس حست انها بتحلم وصعبت عليها نفسها اوى وبدات عيونها تدمع .. فقرب منها فارس وشدها لصدره وضمها اوى اوى لحضنه .
وقال بهمس .. انتى ليا انا وبس يا همسى فاهمه .
همس بدات تعيط جامد وهو يضمها لصدره اكتر علشان يحسسها بالامان ويطمنها انه معاها وقريب منها وهايقدر يحميها ويحافظ عليها .
مد ايده لوشها ورفع راسها لفوق وبص فى عيونها بكل شووووق ولهفه فبدا وشها يحمر من الكسوف فثار اكتر واكتر وبحركه لا اراديه منها عضت على شفتيفها فاشعلت جنونه اكثر
فاقترب من شفتيها والتهمهم حتى تكاد انفاسهم تنقطع .. وهمس امام شفتيها بطلاصم عشق تدل على عشقه لها .. واقترب مرة اخرى من شفتيها والتهمها فى قبله عصفت بكيانهم .. فبادلته قبلته بعمق اكثر وتمسكت برقبته وكاد ان ينقطع انفاس العاشقين .





ليفترقوا على صوت عمر ... هو فى ايه عندك يا همس .. وايه صوت الزعيق ده .
🙄🙄🙄🙄🙄🙄🙄🙄🙄🙄🙄🙄

فهد طبعا كان رجع اسكندريه . ووصله خبر من الراجل بتاعه اللى واقف اودام المستشفى ان فارس الحسن دخل المستشفى .
فهد بغضب 😠😠😠 ماشى يا حيوان انا هاكلم البهايم الى موقفهم فوق اودام الاوضه واشوف محدش بلغنى ليه لحد دلوقتى
وغور انت وخليك واقف مكانك وبلغنى بكل شىء .

وفعلا قفل فهد الموبيل فى وش الراجل بتاعه واتصل على الاتنين التانين اللى موقفهم اودام باب الاوضه وطبعا من كتر الضرب اللى خدوه من فارس محدش رد عليه خالص .. فاتجنن اكتر وارجع اتصل باللى واقف تحت وقاله اطلع للبهايم اللى فوق وشوفهم مش بيردوا ليه .

همس كانت فاقت من اللى هى فيه وسمعت صوت عمر بصعوبه من الحاله اللى هى كانت فيها 😉وبسرعه دخلت على جوا وردت عليه .

همس .. فى حاجه يا عمر بتقول حاجه .

عمر استغرب الحاله اللى همس فيها وقال .. فى ايه بره وايه الى بيحصل بالضبط .

همس ☺☺☺ااااااا............ ومعرفتش تقول ولا كلمه .

وفجاه دخل فارس بكل وقار وقال .. انا اقولك يا عم عمر فيه ايه بالضبط .

عمر اتفاجاه بدخول فارس وقال .. فارس .. انت هنا من امتى وخرجت امتى من المستشفى .

فارس قرب من عمر وقال .. انا هاحكيلك على كل حاجه . وفعلا قاله وفهمه كل حاجه هو ناوى يعملها علشان يوقف فهد ده عند حده .

عمر ... ايوا كده يا فارس انا كده اطمنت على اختى وعلى حبها .. وعرفت واتاكدت انك تستاهلها وانك راجل هايقدر يحافظ عليها وكويس انك عرفت كل حاجه .

فارس عيونه جت فى عيون معشقوته وغمز لها بعيونه 😉 من هنا ورايح انا اللى هاقف لفهد .. وياريت تسامحينى يا همس .. ياريت يا حبيبتى .. انا كنت اعمى ومقدرتش اشوف الحقيقه بعيونى .. وناوى النهار يطلع وهاروح اجيب الماذون ونتجوز هنا فى المستشفى .
ايه رايك يا عمر .

عمر بص لهمس وقال .. اللى تشوفه همس انا موافق عليه .

همس بعد ما كانت فرحانه وسعيده بكلام فارس ليها .. رجعت خافت تانى وحست ان فهد مش هايسبهم فى حالهم لو عرف موضوع الجواز ده .. وابوها كمان لانه موافق على فهد ودايما فى صفه علشان مصلحته وشغله وبس .

فارس حس بقلق همس فقام وقف وقرب منها ومسك اديها وقال .. انا مش عاوزك تخافى من اى شىء خالص يا روحى طول ما انا جنبك .. واعتبريه كابوس وحش وقومتى منه .



ههمس ابتسمت ليه وقالتله .. اوعى تبعد عنى تانى يا فارس ارجوك انتى فارس عشقى .

فارس .. وانا استحاله ابعد عنك تانى يا همسى من هنا ورايح .

عمر كانت عيونه عليهم وكان فرحان بيهم اوى اوى وحس ان لسه فيه حب حقيقى يستاهل التضحيه زى ما همس كانت هاتضحى بحبها علشان تحمى اللى بتحبه .. وانه من هنا ورايح هايقف فى وش اى حد حد ابوه نفسه اللى كل تفكيره فى الفلوس والشغل وبس ومش مهم عنده عياله وحياتهم .
__________________________________
الراجل بتاع فهد كان طلع على فوق وملقاش الاتنين الرجاله واقفين اودام الاوضه فاستغرب اوى وفضل يدور عليهم .

لان فارس كان شدهم فى اوضه وربطهم من أيديهم ورجليهم وربط بلاستر على بوقهم كمان وقفل الباب بالمتاح .

فهد كان قاعد على نار ومستنى تليفون من الرجاله بتاعته واخر ما زهق اتصل على الراجل تانى وقال .. ما تقولى يا بهيم انت عملت ايه .

الراجل .. يا فهد باشا من ساعه ما طلعت وانا بدور عليهم فى كل مكان ومش لقيهم خالص وكأنهم ملح وداب.

فهد باستغراب .. يعنى هايكونوا راحوا فين الكلاب دول بس .. خليك واقف اودام المستشفى وبلغنى بكل شىء واستنى اى اوامر منى .

الراجل .. اللى تؤمر بيه يا فهد باشا .

فارس كان لسه مع همس وعمر .. وبدا النهار يطلع .. فاستأذن انه هايروح يغير لبسه ويجيب الماذون واتنين شهود ويجى ويكتب كتابه على همس .

همس .. ماشى يا حبيبى وانا كمان زمان ماما هاتيجى واول لما تيجى هارجع على البيت وانقى فستان حلو لزوم كتب الكتاب واقول لسلمى اللى حسابها معايا بعدين على لسانها الطويل ده واجى ونتقابل هنا كلنا .

فارس .. ماشى يا حبيبتى.. وانت يا عمر مش عاوز اى حاجه اجبهالك وانا جاى .

عمر بهزار قال .... اه عاوز جنه 😉😉

همس عيونها جت فى عيون فارس وفضلوا يضحكوا .. وفارس قال .. وانا هاروح بنفسى اجبلك جنه يا عم واخت جنه كمان ايه رايك .

وفضلوا هما التلاته يضحكوا وفارس وقف وسلم عليهم ووعدهم انه مش هايتاخر عليهم ومسافه السكه وهايجى على طول .

عدى الوقت ومامت همس كانت راحت المستشفى وعمر وهمس عرفوها كل شئ وفرحت اوى اوى لهمس بنتها .
وهمس كانت بلغت سلمى بكل اللى حصل واتصلت على رغد وقالت لها اعملى حسابك ان عادل وسلمى هايعدوا عليها هى وجنه علشان يجبوهم على المستشفى علشان يحضروا كتب كتاب همس وفارس .

الكل كان فرحان اوى لما عرف الخبر ده وبدؤا يستعدوا ويلبسوا ويروحوا على المستشفى.

عادل وسلمى كانوا خلصوا ونزلوا ركبوا عربيه عادل وراحوا على بيت رغد علشان يخدوها هى وجنه .

عادل فضل يبص على رغد وجمالها اللى بيزيد فى عينه كل مرة يشوفها فيها وقرر انه فى اقرب وقت هايعترف لها بحبه ده ويروح يتقدم لها .

فارس كان خلص لبس واتصل على همس علشان ياخدها فى سكته على المستشفى .

فارس بغشق وشوووق .. همسى .

همس بحب .. فارس عشقى .

فارس بهيام ... نور عينى يا همسى .

همس .. روح قلبى يا فارس .

فارس .. خلاص يا حبيبتى كلها ساعه بالكتير وهاتكونى ملكى انا وبس ملك فارس الحسن .. او اقولك .. مدام فارس الحسن افضل .

همس ... يااااااه يا فارس .. نفسى اوى فى اللحظه دى اللى اكون فيها ملكك انت وبس .
واعيش انا وانت بعيد عن الناس دى كلها فى جزيره فى قلب البحر .. ونعيش اجمل ايام حياتنا .

فارس .. وانا اخدك فى حضنى واضمك لصدرى ونغمض عيونا ونعيش اجمل لحظات حياتنا يا همسى انا وانتى والبحر وبس .

همس .. وانا مش هلاقى مكان افضل من حضنك احس بيه بالامان يا فارس وفجاه

عااااااااااااااااا الحقنى يا فارس عاااااااا وانقطع الصوت عن فارس .

يا ترى حصل ايه لهمس ؟؟؟؟؟؟

تواقعتكم ايه .

وعاوزة تعليقات وريفوهات كتير تحسسنى بان الروايه عجباكم وناجحه وبتحبوها وبتحبوه فارس الحسن وهمس .

#فارس_عشقى

بقلم سحر فرج

من بكرة ميعادنا هايبقى الساعه 11

[فيتامين سي]

روايه / فارس عشقى
الحلقه/ والواحد والعشرون
بقلمى / سحر فرج

عادل كان وصل هو والبنات اودام باب المستشفى فاركن العربيه ونزلوا منها .. بس افتكر حاجه مهمه المفروض يعملها فاستأذن من سلمى ورغد انه هايرجع تانى يجيب حاجه مهمه .

سلمى باستغراب .. حاجه ايه اللى عاوز تجيبها دلوقتى يا عم انت زمان فارس وصل هو وهمس من بدرى .

عادل .. يا بنتى عاوز اروح اجيب بوكيه ورد وعلبه شيكولاته انا متاكد ان فارس مش هايفتكر حاجه زى كده من اللى هو فيه .. هاروح بسرعه واجى .

سلمى .. ااااه فى كده عندك حق يا عادل .. بس هاتروح لوحدك ولا ايه ؟ مش عاوز حد معاك 😉 وعنيها جت على رغد .

عادل فهم قصد سلمى ايه .. فقرب من رغد وقال .. لو مش يدايقك ممكن تيجى معايا وتنقى بوكيه ورد على زوقك يا رغد لو سمحتى انتى اكيد عارفه زوق همس كويس .

رغد بخجل .. مفيش مانع بس نرجع بسرعه .

عادل بفرحه ... وانا موافق هو انا هاخطفك يا بنتى ولا ايه .. هانروح نجيب الحاجات دى ونرجع فوريرة .

سلمى بضحك ... فوريره يا باشمهندس .. فى حد لسه بيقول فوريره هههههههه انا مش عارفه هندسه ايه اللى انت اتخرجت منها دى .

عادل 😏 ومالها فوريره يا هانم .. هى وحشه يا رغد ولا ايه .

رغد بابتسامه ... لا ابدا حلوة ولذيذه كمان بدام منك .

عادل 😛😛 اتغاظى بقى يا سلمى اهى عجباها .

سلمى .. وانا مالى يا اخويا هو انا هاتجوزك .. افضل ارغى كده كتير لحد ما كتب الكتاب يتكتب واحنا بنتناقش فى كلمه فوريرة بتاعتك دى .. انا هاخد البت جنه واطلع على فوق وخليكم انتم اتناقشوا براحتكم سلام يا هندسه ... ولا اقولك .. روحوا وتعالوا فوريرة ههههههههه .

عادل 😏 مالها البت دى هو انا قولت حاجه غلط ولا ايه .

رغد بضحك .. انا مش عارفه انتم على طول كده زى القط والفأر بتنأروا فى بعض كده على طول .

عادل .. والله انا غلبان هى اللى بتجرجرنى للكلام الفاضى ده على طول .

رغد .. طيب يالا بينا بقى بسرعه علشان شكلنا كده مش هانلحق الكتب كتاب .

عادل قرب من باب العربيه وفتحه وقال .. اتفضلى سياتك .
وفعلا ركبوا وراحوا على اقرب محل ورد واشتروا الورد واشتروا كمان علبه شيكولاته وحاول عادل انه يستغل الفرصه دى انه يقولها انه معجب بيها .

عادل .. ممكن اقولك حاجه مهمه يا رغد .

رغد بخجل .. اه طبعا اتفضل .

عادل .. انا الصراحه كده ومن غير لف ودوران معجب بيكى وبدأت احبك من فترة وعاوز اعرف رايك علشان عاوز اجلكم البيت واطلب ايدك من الحاجه.

رغد بكسوف ووشها احمر من الخجل .. اااااااا
وسكتت خالص .

عادل .. افهم ايه انا من ... ااااااا بتاعتك دى .

رغد عيونها على الارض وقالت .. انا موافقه .

عادل ... وانا اسعد انسان النهارده .. وبما ان فارس هايكتب كتابه النهارده ايه رايك نكتب كتابنا احنا كمان .

رغد .. لاااا طبعا .. لازم تيحى عندنا البيت وتطلب ايدى من ماما الاول .

عادل .. يا بت انا بهزر .. ومسك اديها وباسها .

وبعد شويه كانوا وصلوا اودام المستشفى ونزلوا وخدوا بوكيه الورد وعلبه الشيكولاته وطلعوا على فوق .
واول لما تطلعوا قال للكل انه هايخطب رغد والكل بدأ يبارك ليهم .
سلمى .. ايوااا بقا يا فوريرة .. مكنتش اعرف ان هى الباس ورد بتاعكم يا حلوين ههههههه.

الكل كان فرحان للعرسان دول وكانوا فى انتظار العرسان الاصلين .

وعمر قرب من جنه وقالها عقبالك يا جنه انتى كمان وقريب اوى 😉

جنه بخجل .. قوم انت الاول بالسلامه .

💔💔💔💔💔💔💔💔💔💔💔💔
نيجى بقى لعرسانا .

همس .... عاااااااااااااا فااااااارس
الحقنى يا فااااااااارس .
وفجاه الخط اتقفل وفارس اتصدم اول لما سمع صوت همس بتصرخ ومش عارف فى ايه او ايه اللى حصلها وفضل ينادى عليها ويصرخ همممممممممممس 💔 همممممس ردى عليا يا روحى
همممممممس .

وبسرعه شد مفاتيح العربيه وخد مسدسه ونزل من اوضته .

الام .. فى ايه يا ابنى بتجرى كده ليه حد حصله حاجه .

فارس ما كنش سامع اى حاجه ولا شايف اى حد غير صوت همس وهى بتصرخ وبتنادى باسمه ... وركب بسرعه عربيته وشغلها وساق باقصى سرعه تتخيلوها وكذا مرة كان هايعمل حادثه فى الطريق وفضل يكلم نفسه بصوت عالى ويقول .. جايلك يا حبيبتى جايلك والله متخافيش يا همسى وفضل يفكر فى حاجات كتير وحشه حصلت لها .. وفضل على الحال ده كده لحد ما وصل وراح على الفيلا عند همس .
ركن ونزل من العربيه بسرعه ودخل من باب الفيلا وهو داخل شاف البواب مرمى على الارض وغرقان فى دمه .. فخاف جدا وقلبه اتقبض وحس ان ممكن يكون حصل حاجه وحشه لهمس فاجرى ولقى الباب مفتوح ومفيش اى حد نهائى موجود فى المكان فاطلع على فوق وطبعا مش عارف انهى اوضه من الاوض دى كلها اوضه همس.
فافضل يدور ويفتح باب باب لحد ما لمح باب مفتوح فاطلع مسدسه بشويش و راح ناحيه الباب واول لما وصله شاف حاجات كتير متكسرة على للارض وصوره همس بلبس الطيران متعلقه على الحيطه فاتأكد ان دى اوضه حبيبته .
فضل يدور فى كل مكان ولمح على الارض سلسله دهب بتاعه همس كانت على طول لبساها فى رقبتها وعليها اسمها بالانجليزى .
قعد على الارض ومسك السلسله وضمها بايده اوى وباسها ودموعه نزلت واتاكد ان همس فهد خطفها .
طلع بسرعه موبيله واتصل على عادل اللى كان وصل المستشفى من بدرى هو ورغد والكل كانوا مستغربين ان العرسان لسه ما وصلوش لحد دلوقتى .
اخيرا العريس ظهر اهو انا خايف لا يكون عملها من بره بره وسافر فى اى حته هو وهمس .
عادل بهزار رد على فارس وقال .. ايه يا عم انت .. اتأخرت كده ليه يا عريس فينكم كل ده وفين العروسه .

فارس بحزن ووجع والم قال ... همس اتخطفت يا عادل همس اتخطفت .

عادل بصدمه ... انت بتقول ايه .. همس اتخطفت ازاى ومين اللى خطفها انطق يا فارس .
لكن فارس من صدمته من اللى حصل قفل الموبيل .

كل اللى كان موجود فى الاوضه اتصدم .
الام ... بنتى حبيبتى حصلك ايه يا عمرى ومين عمل كده .

عمر بغضب .. اكيد الحيوان اللى اسمه فهد خطفها لما عرف انها هاتتجوز فارس .. انا هاموتك يا فهد هاموتك لو لمست شعرة من اختى .

عادل اهدوا يا جماعه وخلينا نفكر هانعمل ايه بس دلوقتى .
سلمى .. لازم نبلغ البوليس هو اللى هايقدر يرجع همس .

عادل انا هافضل ورا فارس لحد ما يرد عليا واعرف حصل ايه بالضبط ومين اللى عمل كده وانتم خليكم كلكم هنا واللى يعرف حاجه يقول للتانى .

الام .. وانا هاتصل برضوان واقوله ان همس اتخطفت و اكيد فهد الزفت ده اللى خطفها .

عمر فضل يضرب ايده فى السرير لانه مش عارف يتحرك من ساعه واقعه السلم وحس انه لاول مرة عاجز ومش قادر يعمل حاجه لاخته .

جنه شافته فى الحاله دى فاقربت منه وحاولت تهديه وتطمنه انه يطمن وهمس هاترجع تانى ان شاء الله .

رغد وسلمى حاولوا يرنوا على موبيل همس وكان بيرن بس للاسف مفيش حد بيرد .
وحاولوا كذا مرة تانى وفجاه حد رد عليهم .

سلمى .. ايوا يا همس يا حبيبتى انتى فين .

فارس ... ايوا يا سلمى .. انا فارس والموبيل بتاع همس هنا فى اوضتها .

سلمى بخضه .. هى اتخطفت من الفيلا يا فارس ولا ايه وايه اللى حصل بالضبط .

فارس بحزن وقلب مجروح .. اقفلى يا سلمى وانا جايلكم على المستشفى .
سلمى .. ماشى يا فارس واحنا فى انتظارك وعادل نزل يدور عليك .

وفعلا قفل فارس معاها ونزل وركب عربيته وراح على المستشفى .

سلمى اتصلت على عادل علشان يجى وبلغته ان فارس جاى على المستشفى .
_________________________________

فى مكان تانى خالص وبالتحديد فى قصر على البحر كانت همس نايمه على سرير و موجوده فى اوضه ومقفول عليها بالمفتاح .

همس بدأت بشويش تفوق وتفتح عنيها واستغربت اوى هى فين وايه المكان ده . وفضلت تبص لكل حته فى الاوضه .
فحاولت تقوم بس كانت لسه داخيه فقامت ووقفت وقربت من شباك جنب السرير وفتحته واتفاجأت اول لما فتحته .
شافت جنينه كبيرة اوى وفيها شجر عالى ونخل كتير والبحر اودامها على طووول .
اتصدمت بالمنظر اللى شافته وراحت ناحيه الباب وحاولت تفتحه بس للاسف كان مقفول بالمفتاح .

همس فضلت تصرخ وتخبط على الباب علشان حد يفتلحها لحد ما تعبت من كتر الخبط وقعدت على الارض وضمت رجلها عند صدرها وفضلت تعيط .

وفجاه حست برجلين جايه جنب الباب فاقامت ووقفت ورجعت لورا خطوتين والباب اتفتح واتصدمت اول لما شافت اللى دخل .

همس بصدمه.... فهد .. انت اللى بعت رجالتك وخطفونى .. انا هاوديك فى ستين داهيه يا حيوااااااان .. وقربت منه ولسه هاتضربه بالقلم على وشه بس للاسف كان هو اسرع منها ومسك اديها وضمها لصدره .

همس فجاه لقت نفسها فى حضن فهد فحاولت تزقه وتبعده بس هو كان اشد منها وضمها لصدره اكتر واقرب وشه منها اوى ونفسه كان نااااار على جسمها وفضل يشم ريحتها ويقول ... اخيرا بقيتى فى حضنى يا همس .. ومفيش حد فى الكون هايخدك منى .. انا فهد الجبالى ومحدش يقدر ياخد حاجه انا عينى عليها .. انا كنت هاتجوزك علشان اخد اللى انا عاوزه منك وبعد كده كنت بفكر ارميكى للكلب فارس الحسن .
بس بعد اللى كنتى عاوزه تعمليه معايا وتتجوزى فارس من ورايا ومفكرانى مش هاعرف .. انا مش هاتجوزك و هاخد اللى انا عاوزه وهنا ودلوقتى كمان .

همس اتصدمت من كلامه وفضلت تصرخ وتنادى على اى حد ينقذها من فهد .. بس للاسف مفيش اى حد جه .

فهد بكل غرور .. لو فضلتى تنهدى من هنا لبكرة مفيش حد هايسمعك يا قطه .. القصر ده فى اخر الدنيا ومفيش اى حد ساكن قريب منه .. دى منطقه على البحر وبعيده جدا عن العمار .

همس اتصدمت من كلامه فرجعت لورا بسرعه ومسكت فازه على التربيزة اللى فى وسط الاوضه وحدفتها فى دماغ فهد .

فهد بغضب ... عااااااا يا بنت المجنونه فتحتيلى دماغى .. انا مش هاسيبك وهاخد اللى انا عاوزه منك ودلوقتى وبدا يقلع فى هدومه .. وقرب منها وشدها لحضنه تانى وهى بتقاوم وهو يحاول ولسه كان هايقطع لها هدومها .

فهد سمع الباب بيخبط فقال .. عاوز ايه يا حمااااار .

بلال .. عاوز حضرتك فى شىء ضرورى يا باشا .

فهد .. غووور انت وانا نازل وراك يا بهيم .
وفعلا نزل بلال على تحت واستنى فهد انه ينزله .

فهد .. بدا يلبس هدومه تانى وقال لهمس .. راجعلك يا قطه .. اشوف البهيم ده عاوز ايه وارجعلك على طول سلام مؤقت يا حلوه وفتح الباب وخرج وقفل تانى بالمفتاح .

همس كانت منهارة وحاولت تعدل هدومها وتلم شعرها وفضلت تعيط بحرقه اوى اوى .. وتقول .. انت فين يا فارس .. انا بمووووت من غيرك يا حبيبى .. تعال يا فارس تعال بسرعه قبل ما اضيع منك يا حبيبى .

_________________________________

نزل فهد على تحت وكان بلال واقف مستنيه وبلغه ان رضوان اتصل اكتر من مره عليه وعاوزه ضرورى .

فهد .. شد بلال من بدلته وبغضب وعيون حمرا .. انت مجنووون يا حماار انت .. تخرجنى من المود اللى كنت فيه علشان تقولى سى زفت اتصل عليا كذا مرة ..
ما يتصل ولا يتحرق بجاز حتى اهببله ايه وقام ضربه بالقلم على وشه .

بلال بصدمه .. انت بتضربى يا فهد بيه بعد العمر ده كله .. ده انا من سن والدك الله يرحمه .

فهد بعزم ما فيه ضربه تانى بالقلم وقاله .. انت بترد عليا يا كلب .. انت مش عارف انا مين وممكن اعمل فيك ايه دلوقتى .

بلال بزل .. انا اسف يا باشا مكنتش اقصد .. سامحنى يا باشا ابوس ايدك .

فهد زقه من اودامه وقاله غووور من وشى وهاتلى كام ازازه وكوبايه .. عاوز اعمل مزاج عالى اوى .. انا ورايا مهمه صعبه والبت دى مش هاتيجى غير بالعافيه .. ومتنساش تطلع لها اكل تاكله زمانها جاعت .

بلال .. اللى تؤمر بيه يا بيه هانفذه حالا .

وفعلا راح بلال وجابله من المخزن كام ازازة ويسكى وكوبايه وتلج ووداهم ليه .

فهد .. ما تنساش الاكل تطلعه للبت اللى فوق دى عاوزها جامده وشديده .

بلال .. حالا يا افندم هاتطلعه بسرعه .

وفعلا بلال راح على المطبخ وجاب صينيه وعليها اكل لهمس وعلبه عصير وطلع بيهم على فوق .

فتح الباب بالمفتاح ودخل وعينه جت على همس اللى كانت قاعده على الكرسى ومنكمشه فيه وحالتها تصعب على الكافر .

بلال .. الاكل اهو يا بنتى .. كلى ولو عزتى حاجه اطلبيها منى .

همس حست ان بلال ممكن يكون شخص مختلف عن فهد ده وممكن يتعاطف معاها .
فقامت وقفت وقربت منه وقالتله بترجى .. لو سمحت خرجنى من هنا ارجوك .. انا همس بنت رضوان المحامى بتاع فهد واكيد انت تعرفه .. ارجوك خرجنى من هنا وكل اللى تطلبه هادهولك .

بلال .. انا لو عملت كده فهد بيه يموتنى يا بنتى .. ده انسان معدوم الضمير ومعندوش رحمه ولا يعمل حساب صداقه ولا قرابه .. كل همه نفسه ومزاجه وخلاص .

همس .. طيب ممكن تدينى الموبيل بتاعك وانا اتصل باهلى وابلغهم انا فين بالضبط وهما يجوا ينقذونى بنفسهم .
وفجاه اتصدمت همس من الصوت اللى سمعته واترعبت عاااااااااا
😱😱😱😱

يا ترى ايه الصوت اللى سمعته همس وخلاها تخاف اوى كده وتصرخ .

تواقعتكم بلال هايساعدها ولا لا .

وفهد هايقدر ياخد الى هو عاوزه منها ولا لا .
وفارس هايقدر يوصل لهمسه وعشقه ولا هايروح بعد فوات الاوان .

#فارس_عشقى بقلمى سحر فرج

تابعونى على صفحه الوتباد علشان توصل لكم الحلقه اول لما انزلها.
اوتابعونى على صفحه الفيس بوك بتاعتى .. روايات وقصص نوتيلا سحر فرج .
عاوزه تعليقات كتييييير علشان احنا خلاص فى الحلقات الاخيرة .
ودومتم متاااابعين .

[فيتامين سي]

روايه / فارس عشقى
الحلقه / الثانيه والعشرون
بقلم / سحر فرج

همس .. طيب لو سمحت ممكن تدينى الموبيل وانا هاتصل باهلى وهما هايجوا وينقذونى من فهد .. ارجوك لو سمحت وحيات اغلى حاجه عندك .. انت معندكش ولاد .. اعتبرنى بنت من بناتك .. وفجأه سمعت صوت عالى اوى وده الى خلاها تتصدم من الصوت ده وتصرخ اول لما سمعته لانه اخر حاجه ممكن تتوقع انه يكون موجود هنا .

همس .. عاااااااااااا ايه ده ؟؟؟ ده صوت أسد !!!!

بلال .. اهدى يا بنتى ايوا صوت أسد .. فهد بيه مربى أسد هنا فى القصر بقاله كام سنه .. هو غاوى تربيه الحاجات دى .. بس ما تخفيش هو جوه قفص كبير اوى واستحاله يخرج منه لانه مقفول عليه كويس اوى .

همس بصدمه .... أسد ازاى ده معقول فى حد يربى أسد فى بيته ده انسان استحاله يكون طبيعى دا اكيد مجنون .

بلال .. فى ناس كده كتير يا بنتى بيوصل بيهم التكبر والغرور لتربيه الحيوانات المفترسه دى .. وده مكنش اسد واحد دول كانوا اتنين متربين مع بعض من صغرهم ومن ساعه ما واحد فيهم عور راجل من رجالتنا .. فهد بيه قتله بالمسدس فى قلب القفص .. ومن ساعتها والاسد ده مبقاش طبيعى .. حتى الحارس اللى بيربيه بدا يخاف منه .

همس برعب .. وحيات اغلى حاجه عندك هربنى من هنا ابوس ايدك .

بلال .. سامحينى يا بنتى مش هاقدر اعملك حاجه بخصوص الهرب ده .. انا لازم انزل قبل ما فهد بيه يحس انى لسه هنا ولو عزتى حاجه نادى عليا وانا اجيلك على طول .. لان مفيش فى القصر ده غيرى انا وفهد بيه وانتى .

همس .. ابوس ايدك اوعى تسبنى هنا .. فهد مش ممكن يسبنى .. انا خايفه منه . ارجوك هربنى من المكان ده او ادينى الموبيل وانا اتصل على حد من اهلى ويجيلى .. اعتبرنى زى بنتك والنبى ارجوك وبدات تعيط جامد .

بلال سمع صوت رجل فهد طالع على السلم وخاف اوى لو عرف انه لسه واقف مع همس وكمان بيتكلم معاها .. فاستأذن من همس بسرعه وقالها فهد طالع معلش يا بنتى مش هاقدر اساعدك سامحينى .

همس .. ارجوك اوعى تسيبنى .. ارجوك لو سمحت .

بلال .. سامحينى يا بنتى ومشى وسابها وخرج من الاوضه بسرعه .

همس خافت اوى ومعرفتش تعمل ايه غير انها تاخد المفتاح من الباب من بره وتدخل بسرعه و تقفل الباب عليها بالمفتاح .
_____________________

فى المستشفى عند عمر كان الكل قلقان وزعلان على اللى حصل لهمس .. ومش عارفين يعملوا ايه او يتصرفوا ازاى .. والكل كان حاسس انه متكتف ومش قادر يعمل اى شىء .

فارس كان وصل من بدرى وحاول انه يوصل لاى حته ممكن يكون فهد مخبى همس فيها .

ورضوان كان وصل اول لما مراته بلغته باللى حصل وراح على الاوضه ومكنش واخد باله مين موجود .. لانه كان قلقان على بنته لاول مرة تحصل .. وحاول انه يتصل بفهد كذا مرة بس للاسف كان الموبيل بتاع فهد بيرن فى الاول وبعد كده كان بيدى انه خارج التغطية .

عمر .. انت هاتفضل قاعد كده يا بابا وماسك الموبيل ومش قادر تعمل حاجه ولا تقولنا فهد ده بيته فين .. مش كفايه انى عاجز ومش قادر اتصرف ولا اعمل حاجه وانا عارف ان اختى مخطوفه .

عادل .. اهدى يا عمر واحنا موجودين وان شاء الله هانقدر نوصل لها .

فارس اللى كان واقف ومش سامع اى شىء خالص لانه كان فى دنيا تانيه خالص .. وكان هايتجنن على همس وبيسأل نفسه يا ترى انتى فين والحيوان ده عمل فيكى ايه .
وفاجأه رضوان خد باله من وجود فارس وبص عليه اوى ووجه ليه الكلام وقال .. انت بتعمل ايه هنا ؟

فارس بغضب ... انت بتكلمنى انا الكلام ده .

رضوان قرب منه ووقف اودامه وقال ايوا بكلمك انت يا فارس الحسن.

فارس قرب منه اوى وبكل غضب قال ... وانت مالك .

عادل شاف فارس قلب خالص وكان على اخره اصلا وخاف يحصل مشكله بينه وبين رضوان .. فقرب من فارس وقاله .. اهدى يا فارس .. الموضوع مش ناقص تعقيد اكتر من كده .. ياريت نهدى خالص علشان نقدر نرجع همس .

رضوان بغضب .. انت بتكلمنى انا كده يا استاذ .. انت صلتك ايه اصلا بهمس ومالك ومالها .. ليك عندها ايه .

عمر ... بابا ارجوك مش وقته الكلام ده خالص.. اهم حاجه دلوقتى اننا نعرف فهد خطف همس وخباها فين ولازم نكون كلنا ايد واحده .

رضوان .. ماشى يا سى عمر لما اشوف اخرتها ايه وياكم كلكم .
انا نازل وهاحاول اوصل لاى حاجه توصلنى بفهد ولو عرفت اى شىء هاكلمكم على طول .

فارس .. وانا جاى معاك .

رضوان .. وتيجى معايا بصفتك ايه بقى ان شاء الله يا بيه .

فارس لسه هاينطق ويقول .......
عادل .. قال ماشى يا عمى .. ولو قدرت توصل لاى حاجه رن عليا على طول وخد رقمى معاك اهو .
رضوان بغيظ من نظرات فارس ليه قال .. مش عاوز رقم حد ولو عزت حاجه هارن على موبيل عمر .
يالا سلام .

ام همس بدموع وحرقه على بنتها .. حسبى الله ونعم الوكيل .. حسبى الله ونعم الوكيل .. انت اب انت روح يا شيخ الله يسامحك .

عمر .. اهدى يا امى لو سمحتى وان شاء الله همس هاترجع ونفرح بيها هى وفارس .. وبابا ده ربنا هايحاسبه على اهماله لينا السنين دى كلها لان همه الوحيد كان الفلوس والشغل وبس .. محسناش فى يوم انه اب خايف على حد فينا او همه حد فينا للاسف .

جنه بحزن على عمر قربت منه وقالت .. لو سمحت يا عمر ماتزعلش نفسك ارجوك علشان صحتك .

عمر .. غصب عنى يا جنه .. انا تعبت اوى وحاسس بالعجز لاول مرة فى حياتى .. همس اتخطفت ومش قادر اعمل اى حاجه ليها .

عادل.. خلاص بقى يا عم عمر خلينا دلوقتى فى همس وبس .. ولسه هايلف نفسه ويشوف فارس .. للاسف ملقاش فارس واقف مكانه .
فخرج بسرعه يشوفه واقف بره .. بس كأنه فص ملح وداب.

عادل .. ايه ده معقول يكون نزل ورا رضوان بيه ؟؟؟

الكل بصدمه ... مش معقول ربنا يستر وما يعملوش مشكله مع بعض لو رضوان بيه عرف ان فارس ماشى وراه او بيراقبه هايعمل مشكله وممكن فارس بحالته دى يعمل جنايه .

عادل .. انا عارف دماغ فارس كويس .. اكيد هايفضل يراقبه علشان يوصل لاى حاجه توصله لهمس .. لانه اكيد عارف كل الاماكن اللى ممكن فهد يروح فيها .

وفعلا زى ما توقع عادل بالضبط .. فارس كان نزل وراء رضوان وركب عربيته وفضل ماشى وراه فى اى مكان يروحه ويدور على فهد فيه وفجاه لقى نفسه داخل على طريق اسكندريه الصحراوى .. فكمل وراه بعربيته وبعد اكتر من ساعه تقريبا كان رضوان ماشى سريع جدا وفارس كذلك هو كمان كان سريع جدا .. وفجاه فرده كاوتش من عربيه رضوان انفجرت ومن شده السرعه قلبت العربيه تلت مرات وفى الرابعه جت مقطورة وداست عليها 😱😱😱
_____________________
وعند همس اللى كانت قافله على نفسها بالمفتاح وكانت مرعوبه وبتدعى ربنا انه يكون معاها ويحميها من فهد .
لكن كان وصل فهد وفضل يخبط جامد ويحاول يفتح الباب وينده على همس ويقول بصوت سكران .. افتحى يا همس
افتحى البااااااب بقولك افتحى الباب بدل ما اكسره .

همس بعياط وخوف .. مش هافتحه مش هافتحه .

فهد .. افتحى بقولك ... متفوقنيش من اللى انا فيه .. مزاجى عاااالى اوى .. وهابسطك اوى اوى يا قطه .. يالا افتحى بقى متفوريش دمى .

همس برعب .. مش فاتحه .

فهد .. طيب اما وريتك .. وبكل عزم فيه كسر الباب ودخل وكان منظره بشع .
واقف ومش لابس غير شورت وباقى جسمه مكشوف .
همسه اول لما كسر الباب ودخل فضلت تصرخ وتجرى من اودامه وتترجاه انه يبعد عنها .. لكن هو للاسف معندوش اى احساس بالرحمه وحاول انه يمسكها اكتر من مرة وهى تجرى منه بس فى الاخر مسكها وحاول يشدها لصدره ولسه هايقطع هدومها ويبوسها جه بلال من ضهره وخبطه على راسه بشومه ووقع فهد على الارض وغرق فى دمه .
لكن همس من الصدمه ومن اللى حصل اودام عنيها فضلت تصرخ وتصرخ لحد ما وقعت على الارض وفقدت الوعى .

_____________________

وعند فارس اللى نزل بسرعه من عربيته اول لما شاف اللى حصل اودام عيونه لرضوان جرى وقرب من العربيه بتاعته اللى كانت عبارة عن كتله حديد من شده الحادثه فاحاول هو وبعض الاشخاص اللى اتواجدوا فى مكان الحادث انهم ينقذوا رضوان بس للاسف كان عباره عن اشلاء .
فحاول انه يجمع نفسه من المنظر اللى شافه وبعد شويه ووقف فى ذهوووول تام .. وبعد شويه طلع موبيله علشان يتصل
بعادل ويبلغه باللى حصل وقاله ان يبلغ اللى عنده كلهم .

عادل اتصدم من كلام فارس وحاول يعرف بالضبط ايه اللى حصل .. بس للاسف فارس قاله مش وقته خالص يا عادل وبلغه بمكان الحادثه وطلب منه انه يجيله على هناك بسرعه علشان يشوفوا هايعملوا ايه .. وانه يطمن عمر انه موجود بداله فى حاجه زى كده .

عادل قفل معاه وشاف فى عيون كل اللى حواليه الف سؤال وسؤال .

عمر .. فى ايه يا عادل همس حصلها حاجه .

عادل بتوتر ... مش همس يا عمر ؟

عمر بخوف وعلامات استفهام كتير قال .. انطق يا عادل فى ايه بالضبط .

عادل بتردد ... للاسف رضوان بيه عمل حادثه فى طريق اسكندريه الصحراوى وى.............

عمر .. انطق يا عادل .

عادل .. البقاء لله .. رضوان بيه اتوفى فى الحادثه .

الكل اتصدم ومحدش كان مصدق ان رضوان اللى كان لسه معاهم من حوالى ساعه .. يعمل حادثه ويموت كده فى ثوانى .

الام بصدمه و بعيون كلها دموع من الخبر ده ... ان لله وان اليه راجعون .. ان لله وان اليه راجعون .

عمر .. يعنى ايه ؟؟ بااابا مااات .. وهمس مخطوفه ومعرفش هى فين ؟؟ وانا نايم على سرير فى مستشفى وعاجز ومش قادر اتحرك .. ليه كده يااارب .. ليه كده يارب .. ااااااااااااه .
ااااااااااه .

عادل جرى عليه هو وجنه وحاولوا يهدوه ويصبروه على اللى هو فيه . لكن للاسف ومهما يكون ده واحد وفقد والده مهما كان الاب ده وحش او مش كويس .. او بعيد عنهم .. بس هو ابوه .. طلع وكبر وهو عارف انه حته منه ومن لحمه ودمه .
_____________________

همس كانت وقعت على الارض من الصدمه .

بلال هو اللى جه من ضهر فهد وضربه على راسه بشومه كبيرة .
همس بعد شويه كانت فاقت وفتحت عيونها وقامت من على الارض وافتكرت كل اللى حصل اودام عنيها وشافت الدم فى كل مكان وبدات تعيط جامد وعدلت هدومها اللى اتقطعت ولمت شعرها .
وقربت من الباب وخرجت بشويش .. وبرضه كان الدم فى كل مكان فامشيت براحه علشان محدش يحس بيها .
وفضلت ماشيه لحد ما شافت سلم ونزلت عليه وعيونها كانت فى كل مكان حاسه ان ممكن حد يشوفها ويأذيها .. او فهد يطلع لها من اى مكان .
نزلت السلم براحه وشافت باب القصر مفتوح ومفيش حد واقف خالص .
فراحت عند الباب وشافت جنينه كبيرة وكلها شجر عالى ومفيش اى حد من رجاله فهد فى المكان كله .. فافضلت تدور على باب للخروج من المكان ده وباسرع وقت ممكن .
راحت ناحيه اليمين وبشويش خالص فضلت تدور على باب تخرج منه .. بس للاسف شافت اودام عنيها منظر استحاله تنساه طول حياتها .
همس بصدمه عاااااااااااااااااا
وفضلت تصرخ اوى اوى وباعلى صوتها اول لما شافت قفص حديد كبير وفيه أسد كبير وضخم وبيأكل فى بعض اجزاء شخص بيصرخ 😱😱😱😱😱😱😱😱
بلال جرى عليها وحاول يهديها ويطمنها .. متخافيش يا همس .. متخافيش يا بنتى .. انا ريحتك من فهد وريحت العالم كله من شره .
هى دى اخرته .. هو يستاهل اللى بيحصله دلوقتى .. ياما ازى ناس كتير ويتم اطفال كتير وخرب بيوت ناس كتير .. وياما جاب ناس صاحيه ورماهم للأوسود دى وهما عايشين .. وكان بيقف ويفرح اوى وهما بيتكلوا اودام عنيه .. والاهم ان مفيش دليل ولا شرطه يدوروا وراهم لانهم اتكلوا من الاسود .

فهد بيصرخ بأعلى صوته والأسد للاسف أكل جزء من رجله وايده وفهد بيزحف على الارض وبيترجى ويتوسل بلال انه ينقذه .

فهد .. ارجوكى يا همس .. افتحوا الباب بسرعه .. وانا اوعدك انى مش هاجى جنبك تانى .. ارجوكى خدى المفتاح من بلال وافتحيلى قبل ما الأسد يجى جنبى .. وبيزحف على الارض اللى كانت غرقانه دم .. ابووووس ايديكم افتحوا الباب .. هايكولنى ... افتحوا الباااااااب .
بلال طلع مفتاح عربيه من جيبه واداه لهمس وقالها .. اهربى بسرعه من هنا .. وخدى الموبيل ده واتصلى باهلك يقبلوكى .. بسرعه يا بنتى .. بسرعه اخرجى من المكان الملعوووون ده .

فهد بتوسل .. افتحيلى يا همس .. افتحيلى ابوووس ايدك .. الاسد هاياكلنى

لكن مع بشاعه المنظر همس جريت بعد ما خدت مفاتيح عربيه بلال وموبيله وشافت بوابه كبيرة اوى ..قربت منها وفتحتها بصعوبه .. وشافت العربيه واقفه فجريت عليها وفتحت الباب وركبت بسرعه وشغلت العربيه وساقتها باقصى سرعه .
وبعد شويه حست انها بعدت عن القصر ده خالص واطمنت فامسكت الموبيل واتصلت على
فااااااا❤اااارس

فارس كان قاعد فى عربيته ومستنى عادل يوصله بعد ما بلغه بخبر وفاة رضوان .

سمع موبيله بيرن وشاف رقم غريب عليه .
فسابه يرن مرة واتنين وتلاته لحد ما بطل رن .
بس حس باحساس غريب اوى .. وحس ان قلبه بيدق جامد ولسه هايفتح ويرد .. كان اللى بيتصل قفل السكه .

فارس مسك الموبيل واتصل هو بالرقم اللى كان بيتصل واول ما فتح سمع ... فااااااااارس .

فارس بصدمه ... همس .. حبيبتى انتى فين .. عمل فيكى ايه الحيوان ده .. قوليلى بسرعه انتى فين يا عمرى .

همس كانت ماشيه باقصى سرعه بالعربيه وقابلت لوحه عليها الكيلو 22 .

همس برعب .. حبيبى انا كويسه اطمن .. انا جايه فى طريق اسكندريه الصحراوى ودلوقتى فى الكيلو 22.

فارس ... بجد .. انا جنبك على طول انا فى الكيلو 18 خليكى عندك وانا هايجيلك على طول يا حبيبتى .

همس بالهفه وخوف .. بسرعه يا فارس محتجاك اوى اوى يا حبيبى .

فارس .. خليكى معايا على الموبيل لحد ما اوصلك اوعى تقفلى .. انا معاكى وجنبك يا عمرى .

يا ترى ايه اللى هايحصل .
وممكن فارس يلحق يوصل لهمس بسرعه ولا فى شىء هايأخره .
ويا ترى هايقدر يبلغها بوفاه والدها .
#فارس_عشقى
بقلمى سحر فرج
ما تنسوش متابعه الوتباد وتابعونى على صفحه الفيس بوك
روايات وقصص نوتيلا سحر فرج
وجروب ملوك الروايات.

عاوزة تواقعتكم وتعليقاتكم للحلقه القادمه .
🦁🦁🦁🦁🦁🦁🦁🦁🦁🦁🦁🦁

[فيتامين سي]

الحلقه / الثالثه والعشرون
روايه /فارس عشقى
بقلم /سحر فرج

همس بخوف وتوتر ... تعال بسرعه يا فارس ارجوك .. انا محتجاك اوى اوى يا حبيبى ومحتاجه اكون فى حضنك انا خايفه اوى .



فارس بشوق ... متخافيش يا قلب فارس من جوا .. مسافه السكه واكون عندك اهدى انتى خالص وانا تلت دقايق بالضبط واكون عندك يا روحى .. وخليكى معايا على الموبيل علشان تكونى مطمنه .

همس .. ماشى يا حبيبى .

وفعلا فضلت همس هى وفارس مع بعض على الموبيل بيحاول انه يطمنها ويحسسها بالأمان بعد كل اللى هى مرت بيه .. وهمس كانت قالتله على العربيه اللى هى معاها وعلى نوعها ولونها علشان يعرفها .

وفجاه وهى بتكلمه الصوت راح خالص والموبيل كان مفتوح وده اللى جنن فارس اكتر وقلق عليها .

فارس برعب .. همس .. همس روحتى فين يا حبيبتى .. همس هممممممس .. فذود السرعه اكتر .
وعدى تلت دقايق بالضبط وباقصى سرعه بالعربيه من فارس كان لمح العربيه اللى همس قالته عليها فى الاتجاه التانى بس كانت فاضيه وهمس مش موجوده والباب بتاعها مفتوح على اخره .
ومع اول فتحه قابلته لف ووصل للعربيه اللى كانت مع همس .
وركن اودامها على طول ونزل بسرعه راح للعربيه وملقاش فعلا همس موجوده .. وشاف الموبيل واقع جنب العربيه على الاسفلت.
دقات قلبه زادت جدا واعصابه باظت وكان هايتجنن ومش عارف يتصرف ازاى او يعمل ايه .
_____________________
عادل كان وصل لمكان الحادثه بتاعه رضوان وكان فيه ناس كتير وبوليس واسعاف وشاف منظر العربيه اللى عباره عن كتله حديد وشاف بعض اشلاء من رضوان داخل العربيه وخارجها وهما بيحاولوا يجمعوها ويدخلوها عربيه الاسعاف .
ومن شده بشاعه المنظر حط ايده على عينه وبدا يدور على فارس وعلى عربيته بس للاسف مكنش موجود .

عادل استغرب ان فارس مش موجوده فطلع موبيله واتصل عليه علشان يعرف هو فين بالضبط .

فارس اللى كان واقف جنب عربيه همس ومش عارف هى اختفت فين وبدأ يقلق جدا عليها وخاف لا يكون حد عمل فيها حاجه تانى . وفجاه سمع صوت حد بيتألم ويتوجع من شده الوجع والصوت ده كان قريب من العربيه فابسرعه لف من وراء العربيه واتصدم اول لما شاف همس واقعه على الارض .

فارس من الصدمه جرى عليها بسرعه وقرب منها ورفع راسها لفوق وحاول يفوقها .



همس بحركه ضعيفه رفعت راسها وعيونها جت فى عيون فارس وابتسمت .. ومع الابتسامه كانت دموعها نازله على خدها .

فارس بلهفه وشوق .. حبيبتى انا جنبك ومعاكى متخافيش من اى حاجه ولا اى حد اطمنى يا عمرى كله .. انا كنت هاتجنن عليكى لما جيت وملقتكيش فى العربيه اتصدمت .

همس .. خدنى من هنا يا فارس ارجوك .. ابعدنى من المكان ده بسرعه .. ودينى عند عمر .
خدنى فى حضنك يا فارس وضمنى لصدرك .. نسينى كل اللى مريت بيه .



فارس .. حبيبتى انا جنبك وانتى بين ايديا عاوزك تنسى كل اللى فات وتعتبريه كابوس ويالا بينا نبعد عن هنا خالص قومى اقفى .

همس بضعف .. مش قادرة اقوم اقف يا فارس حاسه انى مش هاقف تانى على رجلى من اللى شوفته ومريت بيه .

فارس بحزن .. قومى يا حبيبتى .. ولا اقولك .. فتح باب العربيه وفجاه لف ايده حاولين راسها وايده التانيه حولين جسمها ورفعها لفوق من الارض ودخلها العربيه وقرب منها وباسها من خدها وقفل الباب تانى بشويييييش .

همس خدت نفس كبيييييير وبدات تحس بالامان اول لما شافت فارس عشقها اودام عنيها .

فارس لسه هايلف ويركب العربيه .. سمع الموبيل بيرن فامسكه وعرف ان عادل هو اللى بيرن عليه .. وافتكر اللى حصل لرضوان وانه طلب من عادل انه يجيله على مكان الحادث.

فارس وهو بيقرب من باب العربيه يفتحه رد على عادل وقال ... ايوا يا عادل انت وصلت .

عادل .. ايوا يا عم انا جيت من شويه انت فين مش شايفك ليه .

فارس .. انا مع همس لقيتها .. وهاروح بيها على المستشفى عند عمر .. خلص انت كل الاجراءات اللى عندك وحصلنى على هناك فاهمنى يا عادل .

عادل باندهاش .. ايه ده معقول انت لقيت همس .. وهى عامله ايه دلوقتى طمنى عليها .

فارس .. الحمد لله هى بخير سلام دلوقتى واعمل اللى قولتلك عليه وفى اسرع وقت وخلص كل حاجه .

عادل .. ماشى يا فارس .. انا فهمت كل حاجه من غير ما انت توضح انا عارف ان همس معاك ومش قادر تتكلم براحتك ..بس اطمن هاخلص الاجراءات كلها واجيلكم على هناك .

فارس .. ماشى يا عادل يالا سلام .

وقفل فارس مع عادل وشغل العربيه ومشى بيها وكانت همس جنبه وباين عليها الارهاق والتعب .. فامد ايده ليها وضمها لحضنه اللى هايمووووووت وتفضل جوه حضنه كده على طول .
______________________________

فى الاوضه عند عمر كان الكل لسه موجود وطلب عمر من جنه ورغد وسلمى انهم ينزولوا يرجعوا على البيت لان الوقت بدا يتاخر .

سلمى .. انت بتقول ايه بس يا عمر احنا استحاله ننزل غير لما نطمن على همس ونشوف فارس هايقدر يوصل ليها ولا لا .

الام اللى كانت قاعده على كرسى جنب عمر وحزينه مهما كان على اللى حصل لرضوان .. بس مهما كان دى عشرة سنين طويله عاشوها مع بعض وعمرها ما هاتنساها فى ثوانى .
فكانت حزينه ومتاثرة بموته وبالشكل البشع ده .
وفى نفس الوقت قلبها كان بيتقطع على همس اللى اتخطفت ومش عارفه عنها اى حاجه لحد دلوقتى .
والوحيد اللى كان هايوصلهم بفهد كان رضوان ومات خلاص .

عمر كان حزين برضه لفقد ابوه .. بس كان خوفه على همس اشد واكتر ومأثر عليه اكتر .. وده اللى خلى جنه تقرب من رغد وتقول ...
رغد ممكن لو سمحتى ترجعى انتى على البيت علشان خاطر ماما اللى سايبنها لوحدها من الصبح وانا هافضل هنا معاهم .

رغد ... بس يا جنه لازم افضل انا لحد ما اطمن على همس.. قومى انتى روحى وخليكى جنب ماما علشان خاطر علاجها برضه .

سلمى كانت سامعه الحوار بين رغد وجنه فقالت ... قومى انتى وهى وارجعوا على البيت علشان تكونوا مع طنط ورتبوا حالكم انتم الاتنين وابقوا تعالوا الصبح .
حتى علشان عمر يستريح هو وطنط شويه .. انتم عاجبكم حالهم إللى من الصبح ده .. من فضلكم قوموا يالا .. ولو عرفت اى حاجه عن همس هاتصل بيكى على طول يا رغد .. ماشى يا بنتى .

رغد بصت لجنه وقالت .. سلمى عندها حق يا جنه .. تعالى نرجع على البيت احنا الاتنين ونشوف ماما ونجهز لبكره ونشوف هانعمل ايه لانه هايكون يوم طويل .

جنه عيونها جت على عمر .. وعمر خد باله وبنظره منه وإشاره براسه .. وافقت انها تقوم مع اختها ويرجعوا على البيت .
وفعلا قامت البنتين وسلموا على الكل وخدوا نفسهم ونزلوا وخرجوا من باب المستشفى وركبوا تاكسى .

وفى نفس الوقت كان فارس وصل بالعربيه اودام باب المستشفى ونزل وفتح الباب لهمس وقرب منها وقال .. تحبى اشيلك واطلعك على فوق بنفسى .

همس بتعب ... لا يا حبيبى انا بقيت احسن وهاقوم واطلع بنفسى متقلقش عليا .. وربنا يخليك ليا يا عمرى .. وده اللى خلى فارس يمد ايده ليها ويمسك اديها ويبوسها ويقول .. تمام يا قلبى يالا بينا .

وفعلا نزلت همس ومسكها فارس بشويش بكل حنيه وحب وقفل الباب ودخلوا على المستشفى .
ووصلوا لحد الاسانسير ودخلوا ووصلوا للدور اللى فيه اوضه عمر .

خرجت همس وفارس وراحوا على اوضه عمر ودخلوا على طول .

عمر ووالدته وسلمى اتفاجوا 😱😱 وفرحوا جدا اول لما شافوا فارس داخل ومعاه همس .
همسسسسسسسسسسس .

همس جريت على حضن امها واترمت فيه واتفتحت فى العياط بصوت عالى وكانها ما صدقت لقت الحضن ده بالذات واترمت فيه .

عمر من السرير بفرحه نسته موت ابوه ... همس حبيبتى . حمد الله على السلامه يا قلبى .. طمنينى عليكى .

همس اول لما سمعت صوت اخوها سابت حضن امها وجريت واترمت على صدره وفضلت تعيط وتحضن فيه .

عمر .. طمنينى عليكى حبيبتى حد عملك حاجه .. فى حد اذاكى .

همس .. اطمن يا عمر انا كويسه يا حبيبى .

سلمى .. وانا ماليش نصيب من الاحضان دى كلها ولا ايه يا هانم يالى قلقتينى ورعبتينى عليكى .

همس ابتسمت وراحت على سلمى وحضنتها وفضلوا يعيطوا هما الاتنين .

فارس ... خلاص بقى يا سلمى كفايه عليكى كده حوشى شويه لبعدين .

سلمى بضحك .. اطلع منها انت يا عم فارس وما متخفش هاسيبلك شويه 😉😉
وفجاه افتكرت سلمى موضوع موت رضوان وانكسفت من الكلام اللى قالته واتاسفت لمامت همس وعمر .

سلمى .. معلش يا طنط والله انا اسفه .. انا من فرحتى بهمس نسيت ....... وسكتت

الام بحزن ... ولا يهمك يا سلمى يا بنتى المهم عندى ان همس رجعت تانى لينا .. وشوفتها بعيونى واطمنت عليها .

همس باستغراب .. هو في ايه يا سلمى وبتتأسفى ليه لماما .. هو حصل حاجه وانا مش موجوده .. وبابا فين مش شيفاه معاكم يعنى ولا هو اصلا معرفش اللى جرى ليا .. ومشغول فى شغله وبس !!!!!! ؟؟؟؟ لا بس بابا مش معقول يعرف اللى حصلى ومايكنش موجود فى وسطكم دلوقتى .. اكيد راح يدور على الحيوان فهد .

الام بدات تعيط وعمر حاول يهرب بعيونه من همس .. وهمس حست من نظرات الكل ان فى شىء كبير مخبينه عليها مش مجرد انها اتخطفت وبس .. فقربت من سلمى وعيونها جت فى عيون سلمى وقالت .. قوليلى انتى يا سلمى فى ايه بالضبط !!!!؟؟؟؟

سلمى بتوتر ... قولها انت يا فارس لو سمحت .

فارس عيونه جت على عمر وعمر هز راسه على انه موافق انه يبلغها بوفاه رضوان فاقرب منها فارس ووقف اودامها ومسك اديها وقال ... البقاء لله يا همس فى باباكى .

همس بصدمه 😱😱😱
انت بتقول ايه يا فارس بابا ماااااااااات .
ازاى معقول ده حصل عااااااااااااااااااا .

فارس .. اهدى يا حبيبتى ارجوكى .. رضوان بيه عمل حادثه وهو بيدور عليكى وعلى فهد الزفت علشان يوصلك ويلحقك منه .. باباكى كان خايف عليكى جدا وكان بيحبك اوى يا همس .. ربنا يرحمه .

همس فضلت تعيط اوى واترمت فى حضن فارس وفارس فضل واخدها فى حضنه لحد ما هديت خالص والكل كان بيعيط على حاله همس وصدمتها من الخبر ده.

وبعد شويه هديت همس وبدات تحكى ليهم على كل التفاصيل اللى هى مرت بيها
وعلى اللى فهد عملوا معاها من ساعه ما رجالته خطفوها من الفيلا .. وكان لسه عاوز يعمل اكتر من كده وعلى مساعده بلال ليها ووقفته جنبها وانه لولا بلال كانت همس ضاعت وضيعت اغلى حاجه عند اى بنت .

الام .. ربنا يمهل ولا يهمل وزى ما عمل فى الناس اتعمل معاه بالضبط .

سلمى ... ياااااه موته بشعه اوى ربنا انتقم منه اشد الانتقام .

الكل حمد ربنا على رجوعها و
عدى ساعه وبدا عمر وفارس يتفقوا هايعملوا ايه ويتكلموا فى كل الاجراءات بتاعه الدفن اللى قرروا يعملوها اول لما النهار يطلع .

بس اصعب حاجه حس بيها عمر انه مش هايقدر يقوم ويقف على رجله ويحضر دفن ابوه ويحضر العزاء بتاعه .

فارس حس بالحاله اللى فيها عمر دلوقتى واحساسه وشعوره باااالنار اللى جواه فراح قعد جنبه على السرير وقال ... عمر انا عاوز اقولك انى هاعمل كل شىء هاتطلبه منى واطمن انا بدالك وموجود انا وعادل ومش هانأثر ابدا وكانك موجود بالضبط .

عمر .. انا عارف والله يا فارس .. ربنا ما يحرمنيش منك ومن وقفتك معايا .. ومن زمان كنت بتمنى ان يكون ليا اخ وفعلا انا بعتبرك من هنا ورايح اخ وسند .

فارس مد ايده وحطها على كتف عمر وقال وده شىء يسعدنى طبعا .. ويشرفنى انى اكون من هنا ورايح اخوك .

عدى الوقت بصعوبه عليهم وعادل كان وصل وطمن فارس وعمر انه نفذ كل شىء بخصوص بكرة وجاب تصريح الدفن.

وبعدها فارس خد همس وسلمى ووصلهم للفيلا علشان يستريحوا من اليوم الطوووووويل ده وساب والدة همس مع عمر وبلغها انه هايعدى عليها من بدرى علشان تحضر دفن رضوان .

وصل فارس مع البنات ودخل بيهم على الفيلا ومرديش يمشى غير لما يطمن عليهم خالص .

سلمى حبت تسيبهم مع بعض لوحدهم شويه فقامت بحجه انها هاتطلع تاخد شور وتغير لبسها وتشوف حاجه من لبس همس وتلبسه .

اول لما طلعت سلمى فارس قام وقعد جنب همس وعيونه جت فى عيونها وقال ...
حبيبتى حمد الله على سلامتك يا روحى .. انا مش مصدق انى ممكن كنت اخسرك وتضيعى منى .. انا هافضل احمد ربنا انه رجعك ليا تانى .. انا من غيرك يا همسى ممكن امووووت او اتجنن .. ربنا ما يحرمنى منك ابدا وتفضلى معايا ونفضل نحب بعض لاخر نفس فى حياتنا.

همس خدت نفس كبييييير وبكل براءه وعشق قالت.. انا بحبك اوى يا فارس.. ومش حب لا ده عشق واقسملك بالله انى بعشقك فعلا وهافضل اعشقك لاخر دقيقه فى عمرى .
انت قلبى وروحى وحياتى وكل ذرة فى همس بتعشقك .

فارس قرب من وشها ولمس خدودها بايده وقال .. انا اللى بعشقك يا همسى وقرب وباسها من جبينها بمنتهى الرومانسيه .
وقالها .. اسيبك بقى تنامى وتستريحى علشان بكرة هايكون للاسف يووووم طويل .
تصبحى على خير يا روح قلب فارس .

همس .. عندك حق يا فارس .. انا مش مصدقه خالص كل اللى حصل ده .. وان بابا ماااات خلاص ومش هاشوفه تاتدنى .. بس ده امر الله وربنا يرحمه ويسامحه على كل شىء عمله ..

فارس .. امين يارب العالمين .

همس .. يالا قوم ارجع على البيت ونام واستريح انت كمان تعبتك معايا يا حبيبى .

فارس حط ايده على شفايف همس وقال .. ما تقوليش كده تانى .. ياريت التعب كله يكون بالطعامه دى 😉 .
ويالا اطلعى على فوق بسرعه قبل ما اتهور ووووو............

سلمى من فوق وصوت عالى ... قبل ما ايه يا فااارس بيه انت لسه هنا وروحتش .

فارس ... اعوز بالله من الشيطان الرجيم .. بتطلعى امتى يا سلمى .. يالا يا همس تصبحى على خير يا حبيبتى قبل ما سلمى تنزل ونسمع كلمتين من لسانها الطويل .

همس بضحكه بسيطه .. وانت من اهل الخير يا حبيبى .
وفعلا قام فارس واستاذن وخد مفاتيح عربيته وموبيله ومشى .
وبعدها قامت همس وقفلت وراه الباب كويس وطلبت من الشغاله انها تعمل ليها فنجان قهوة وتجيبه ليها فى اوضتها وتشوف سلمى تشرب ايه .
وبعدها طلعت على فوق .. بس اول حاجه عملتها انها دخلت على اوضه باباها .
واول لما دخلت شافت صورة كبيرة لباباها على الحيطه فقربت اكتر ووقفت اودمها وبدات تفتكر كل لحظه مرت بيها وهى صغيرة واجمل ذكريات ليها مع ابوها .
واد ايه كان حنين عليهم وهما صغيرين وكان دايما معاهم وهما كل حياته .. بس للاسف الشهرة والشغل والاهم ليه الفلوس خدته منهم .
وفاقت همس على صوت سلمى وهى بتقول ... الله يرحمه يا حبيبتى .. اطلبى ليه الرحمه يا همس .. ويالا يا بنتى ملهاش لزوم الوقفه دى .. انتى زمانك ميته من التعب وبعدين الشغاله جبتلك القهوة وانا كمان طلبت قهوة .. تعالى ندخل اوضتك ونشربها مع بعض .
_________________________________

فى مطار القاهرة .. كانت طيارة شريف وصلت من الرحله اللى فضل فيها اسبوع .. واول حاجه عملها انه يروح على المكتب بتاعهم .. وفتح الباب على اساس انه هيلاقى حد بس للاسف استغرب جدا لما ملقاش حد خالص من البنات موجود .. ولما سأل عليهم زمايل تانيه عرف بكل اللى حصل لان سلمى كانت بلغتهم الصبح انها هى ورغد فى اجازة علشان هايحضروا خطوبه همس على فارس .

شريف بصدمه هزت كيانه... بتقولوا خطوبه مين همس وفارس 💔💔💔💔💔💔💔

يا ترى تواقعتكم ايه لما عرف شريف خطوبه همس وفارس.

#فارس_عشقى

بقلمى سحر فرج

ياريت متابعه صفحه الوتباد علشان توصل الحلقه ليكم اول نزولها .
وما تنسوش تدوسوا على النجمه على حلقه الوتباد .
دومتم متابعين .

[فيتامين سي]

الحلقه الرابعه والعشرون والاخيرة
#فارس_عشقى
بقلم // سحر فرج

سيدي وحبيبى وعاشقى ..
عانق أحساسي
جاوب صمتي وهذياني
رتلني بين شفتيك عشقا
أعزفني بنبض قلبك همسا
أغرقني في بحر عينيك
وأملآني بعبق أنفاسك
تجاوز عن سيئات همسي
فوق السطور أن لم يجديك حرفي
ولكن لا تدعني أفرغ حرفي فيك هباءا
خبئني في ضلعك الأيسر وأتركني هنالك أهذي
فلا شوقا يرتد عنك يوما.. ولا حنينا يسافر عنك أن أباح
ألقي علي قلبي منك سلاما.. يبلغ العمر آمنا وأمانا
منقوووووول للشاعره انجى حسام .

❤فارس عشقى❤

شريف اتصدم اول لما عرف بخطوبه همس من فارس وحس ان كل احلامه فى لحظه انهارت .
استاذن من زمايله وخد شنتطه وخرج بره المطار وركب عربيته علشان يرجع على بيته .

وطول الطريق وهو مش مصدق ان همس هاتكون لحد غيره .. وكان ناوى انه يصارحها بأعجابه بيها اول لما يرجع من رحلته دى .. بس للاسف الظاهر انه ملحقش همس وهاتبقى لحد تانى غيره .
ليه يا همس .. لييييييه يا همس .. مش قادرة تستنى انى اعترفلك بمدى أعجابى وحبى ليكى .. وبحزن وقلب مكسووور قال .. بس يالا كل شىء نصيب وربنا يكتبلك كل خير يا همس .. اللى بيحب حد بيتمنى ليه السعاده حتى لو مش هاتكون معاه .
اتمنالك كل السعاده يا همس .. وربنا قادر انى الاقى انسانه تكون فى رقتك وتربيتك بأذن الله .
_______________________________
فى الفيلا عند فارس اللى كان وصل وطلع على اوضته واترمى على سريره من كتر التعب واليوم الطويل .. راح فى النوم العميق اول لما حط راسه على المخده .
وبدا يحلم كأنه فى مكان كبييييير جدا عباره عن شاطىء ورمله كتير حواليه بس خارج منها شوك كتير .. وبحر لون ميته سودا وموجه عالى اوى اوى .
وكان فى شجرة صغيرة فى وسط الشاطىء ده وكان شايفها من على بعد .. فقرر انه يروح لها ويشوفها وكل لما يقرب منها خطوه يحس انها بتكبر اودام عيونه وغصونها بتكبر واورقها بتزيد لحد ما بقى واقف اودمها واتفاجاه انها اتحولت لقلب كبير .
وشاف ان القلب ده اتفتح فتحه كبيرة وسامع صوت حد بينده عليه فااااارس .. فاااااارس فقرر انه يدخل جواه .
اول لما دخل جواه شاف بنت جميله جدا بس حزينه قاعده على كرسى ومربوطه من اديها .
فقرب منها واتاكد من ملامحها وحس انه يعرفها من زمان بس مش فاكر فين شافها او عرفها .

البنت بسعاده لما شافته .. انت جيت يا فاااارس .. انا مستنياك من زمان يا حبيبى ليه اتأخرت عليا .. انت مش عارفنى .. انا همس حبيبتك .. خطفونى منك وبعدونا عن بعض من سنين .. وكل ده وانا مستنيه اللحظه اللى تلاقيتى فيها يا فارس عشقى .

فارس كأنه فاقد الذاكرة ومش فاكر اى كلمه من اللى هى بتقوله عليها .. بس كان حاسس انه شافها قبل كده بس مش قادر يفتكر شافها فين.

البنت .. انا همس يا فارس حبيبتك من سنين انت مش عارفنى .. هات ايدك اوريك دليل كلامى .
وفعلا فارس مد ايده ليها وطلبت منه انه يفكها لانها كانت مربوطه من ايدها .. واول لما فكها شاف سلسله فى اديها فامسكها وقالتله الدليل اهو .
مد ايده ومسك السلسله كانت عباره عن قلب اخضر فافتحه وشاف صورة البنت دى وصورته بلبس زفاف ابيض فى ابيض .
وحس بلغبطه فى دماغه وحاجات كتير مر بيها .. فى اللحظه دى افتكر كل شىء وقال همسى حبيبتى ❤
وفجاه حسوا ان فى شىء بيجذبهم وطلعهم بره القلب ده وشافوا نفسهم على الشاطى اللى اتملا شجر وورد وزرع كتير والبحر بقى لونه ازرق وموجه هادى .

عيونه جت بعيونها اللى تشبه لون البحر فقرب منها اوى ومد ايده على جسمها وقربها منه بشويش وضمها لصدره .. وقرب بشافيفه من شفايفها ولسه هايبوسها حس بحاجه على شفايفه فعلا وبجسم غريب على صدره فاصحى مخضود من نومه واتنطر من على السرير .
فارس بخضه .. بوسى !!!!!! انتى بتعملى ايه هنا .. صحتينى من اجمل لحظه حراام عليكى .

😜😜😜😜😜😜😜😜😜😜😜😜
اظن انتم كمان كان نفسكم فارس يكمل الحلم مع همس .. بس بعينكم 😜.
__________________________________
طلع النهار والشمس نورت المكان بنورها وضوءها لتعلن عند بدا يوم جديد بس للاسف حزين بالنسبه لهمس وعمر ووالدتهم لفقد والدهم .
مهما كان ومهما يحصل ده اب ومات .. والشعور بفقده شىء كبير جدا ويكسر القلب .
حتى لو كان الاب ده مش قريب منهم وكان كل همه هو الشغل والفلوس ومصالحه وبس .. وعياله وبيته واسرته اخر شىء يفكر فيه .
وحتى لو الاب ده كان هايبيع بنته لواحد من سن ابوها لمجرد ان في مصالح مشتركه بينهم .. وايه كان عارف كل البلاوى بتاعته و انه انسان مجرم ومعندوش رحمه .. وبرضه كان هايبيع بنته ومش مهم عنده سعادتها او حياتها اكتر من مصلحته هو وبس .

اول حاجه عملها فارس اول لما القطه بوسى صحته من نومه انه يتصل بهمس ويطمن عليها .
وفعلا مسك موبيله ورن عليها .

همس كان الحزن مسيطر عليها وعلى نفسيتها لسبيبين اولهم موت ابوها وتانيهم اللى فهد عمله معاها واستحاله تنساه فى يوم من الايام .
كانت لسه على سريرها ويادوبك نامت حوالى ساعتين بالعافيه لانها افتكرت كل اللى مرت بيه وختم بموت الاب .

فتحت عيونها على رن الموبيل وبشويش قامت ومسكته وعرفت انه فارس .. وبصوت منعوس قالت .... صباح الخير .

فارس.. صباح الفل يا حبيبه قلبى .. انتى لسه نايمة ولا ايه وانا اللى صحيتك .

همس بتعب .. لا ابدا يا فارس .. اصل انا فين وفين لما جالى نوم وعرفت اغمض عينى وانام .. مبطلتش تفكير فى كل اللى حصل امبارح ومش مصدقه ان ربنا انقذنى من فهد واللى كان ناوى يعمله معايا.. وكمان موت بابا مش قادره اصدق لحد دلوقتى انى خلاص مش هاشوفه تانى .

فارس .. حاسس بيكى يا حبيبتى والحمد لله انها عدت على خير .. وموت بابا دى حاجه مش بأيد حد غير ربنا وربنا يرحمه .. المهم دلوقتى جهزى نفسك انتى وسلمى علشان انا هانزل كمان عشر دقايق بالضبط واروح على المستشفى اجيب طنط عندكم علشان تجهز نفسها هى كمان ونروح كلنا على الجنازة .. لان عادل جهز كل شىء وزمانه فى انتظارنا من بدرى .

همس .. ماشى يا فارس .. عقبال لما تيحى انت وماما هاكون صحيت سلمى وجهزنا نفسنا ونمشى على طول .

فارس .. ماشى حبيبتى ولو عزتى اى شىء اتصلى عليا .. يالا سلام .

وفعلا قفلت همس مع فارس وراحت على الاوضه بتاعه عمر اللى كانت سلمى نايمه فيها علشان تصاحيها .
لكن سلمى كانت صحيت من بدرى من النوم واتصلت على كل زمايل همس فى المطار وبلغتهم بوفاه رضوان علشان يحضروا الجنازة ويكونوا جنب همس فى حاجه زى كدة وبالمرة تاخد اجازة تانى ليها النهارده .
والاهم من ده كله انها تطمن على وصول شريف اللى كانت عارفه وحافظه ميعاد وصول رحلته بالدقيقة .
ومسكت موبيلها تانى ورنت على شريف علشان تبلغه بوفاه رضوان .

شريف كان لسه نايم طبعا لان رحلته وصلت متأخر وبدا يفوق على لما سمع صوت الموبيل بيرن ورد وقال .. صباح الخير.

سلمى قلبها بدا يدق جامد اول لما سمعت صوت شريف وحست بحاجات غريبه بتحصل لها .. فحاولت تجمع نفسها وتقاوم احساسها وقالت .. صباح النور يا شريف .. حمد الله على السلامه .

شريف .. الله يسلمك يا سلمى .. خير مش عاويدك تتصلى عليا بدرى اوى كده فى حاجه ولا ايه .

سلمى .. معلش انا اسفه انى بتصل بيك بدرى كده وانا عارفه انك راجع من الرحله متأخر بس كنت عاوزة ابلغك بوفاة رضوان بيه والد همس وان الجنازة هاتكون بعد شويه ولازم نكون كلنا موجودين جنبها .

شريف بصدمه .. بتقولى مين .. رضوان بيه والد همس ماااات امتى .

سلمى .. مات امبارح فى حادثه فى طريق اسكندريه الصحراوى .

شريف .. امبارح !!!!!! طب ازاى وانا عرفت ان خطوبه همس كانت امبارح برضه .

سلمى .. لااااااا ده موضوع كبير ومش وقته خالص انى احكيلك عليه .. بعدين هاقولك على كل اللى حصل .. المهم دلوقتى .. فوق وجهز نفسك وتعال علشان تحضر الجنازة .. وانا هابقى ابعتلك الابلكيشن بتاع المكان الى هانتجمع فيه .

شريف .. ماشى يا سلمى .. مسافه السكه اكون عندكم .. ومتشكر جدا انك بلغتينى بكده .

سلمى ... ولا شكر ولا حاجه يا شريف .. ده واجب وكلنا لازم نقف جنب همس فى ظرف زى كده .. احنا زمايل وعشرة ولازم نقف مع بعضنا .

شريف .. عندك حق يا سلمى ومرة تانيه شكرا ليكى .. سلام .

وفعلا قفل شريف مع سلمى .. وسلمى فضلت ماسكه الموبيل وقربته من شفايفها وقالت .. ااااااه لو تعرف انا بحبك اد ايه يا شريف 😥
__________________________________

الكل حضر صلاه الجنازة على رضوان .. فارس وهمس ووالدتها اللى الحزن كان مسيطر عليهم .. والدموع كانت سيده الموقف واللحظه دى .. وعادل وسلمى ورغد وجنه وشريف وكل زمايلها فى الشغل حضروا .

همس كانت مش مبطله عياط وكانت واقفه جنب والدتها بتحاول تواسيها.
شريف من على بعد شاف همس فحاول يقرب منها ويعزيها .

شريف بحزن مد ايده لهمس وقال .. البقاء لله يا همس .. انا زعلت جدا لما سلمى بلغتنى بوفاه والدك .

همس مدت ايديها لشريف وقالت .. ونعم بالله يا شريف ومتشكره جدا لحضورك .

كان فى واحد من على بعد بيراقب الموقف وشايف نظرات شريف طول الوقت لهمس ومن ساعه حفله عيد ميلادها وحاسس ان نظرات شريف لهمس فيها حاجه ومش طبيعية .. فابدأت الغيرة تسيطر عليه وعيونه ووشه بيدل على غضبه .. وبالذات لما فضل شريف ماسك ايد همس وهو بيتكلم معاها وواقف قريب اوى منها ..

عادل خد باله من فارس ومن وشه اللى اتقلب فجاه .. وشاف عيونه اللى بقت زى الدم والشرار بيخرج منهم وحس ان فى مصيبه ممكن تحصل بعد شويه .

عادل قرب من فارس وبصوت هادى قال .. مالك يا ابنى .. انت اتحولت فجاه كده ليه .. فى حاجه حصلت .

فارس بغضب وعيونه على شريف وهمس قال .. انا مش عارف الحيوان ده عاوز من همس ايه .. ومقرب منها اوى كده ليه .

عادل ... بزمتك ده وقته الكلام ده .. طيب استنى ندفن الراجل الاول واعمل اللى تعمله . لكن هو طبعا كان عارف من سلمى ان شريف بيحب همس .. بس طبعا مش هايقدر يبلغ فارس بكده فحاول يهدى الموقف وقال .. فى ايه يا عم انت .. احنا فى ايه ولا ايه .. زميلها وزعلان على موت ابوها وبيعزيها .. جرى ايه يا عم فارس .. مش وقته تفكيرك اللى زى الزفت ده .

فارس بصوت شبه عالى قال .. بقولك ايه يا عادل انا مش ناقصك سيبنى فى حالى دلوقتى انا هاروح واشوفه عاوز منها ايه .. ولسه عادل هايمسكه من دراعه .. كان مشى فارس وقرب من همس ومن شريف وعيونه بطلع نااااار .

همس لاحظت كده وشافت فارس بالمنظر ده فحاولت انها تهديه وقالت اول لما فارس وصل .. تعال يا فارس .. احب اعرفك بشريف زميلى .. اكيد انتم شوفتم بعض فى حفله عيد ميلادى .

ده فارس خطيبى يا شريف .. كانت خطوبتنا امبارح .. وجه حصل اللى حصل لبابا .

فارس من مجرد كلام همس هدى خالص ومد ايده وسلم على شريف وقال .. اهلا شريف وشكرا على حضورك .

عادل حاول ينهى الموقف وبلغهم ان العربيات جاهزة لبقيه إجراءات الدفن و الجنازة .
وفعلا بعد الصلاه راحوا على مدافن الاسرة بمدينه سته اكتوبر وقاموا بدفن رضوان وقراءة ايات من القران الكريم على روحه .

بعد الدفن الكل بدا يمشى .. وفارس خد همس ووالدتها فى عربيته وراحوا على عمر ..اللى زمانه زعلان انه محضرش حاجه زى كده ووقف وحضر جنازة والده .

عادل كان اخد سلمى ورغد وجنه ووصلهم للبيت .. وبعد ما رغد نزلت نزل وراها عادل وقرب منها وقال ... رغد لو سمحتى .. ممكن رقم الموبيل بتاعك .. انا عارف انه مع سلمى .. بس حبيبت اخده منك انتى شخصيا .

جنه سمعت كده فاستاذنت وسبقت رغد على فوق .
رغد اتكسف اوى وقالت .. ماشى يا عادل مفيش مشكله ومدت اديها ليه وخدت منه الموبيل بتاعه وسجلت عليه الرقم بتاعها .

عادل .. متشكر اوى يا رورو يالا علشان ما خلكيش تقفى اكتر من كده فى الشارع .. يالا سلام .

رغد بخجل .. عندك حق يالا سلام .
فارجع عادل على العربيه وقفل الباب وراه وعيونه فضلت على رغد لحد ما دخلت بيتها واطمن انها دخلت وقام مشغل العربيه ومشى بيها وفضل سرحان فى رغد .

سلمى طبعا مش هاتعدى المشهد الرومانسي ده بسهوله فحبت ترخم عليه وقامت ضرباه على صدره فجاه وقالت ... ايه يا عم عادل سرحان فى ايه يا حبيبى.

عادل اتخض وقال ... الله يخرب بيتك .. الله يخرب بيتك يااااا سلمى .. فى ايه يا بلوة سرعتينى .

سلمى فطست على نفسها من الضحك من منظر عادل وقالت ... ايه اتخضيت يا روميو .. مكنتش اعرف انك رهيف كده يا عادوله .

عادل برخامه .. عادوله .. عارفه انا ممكن دلوقتى ارميكى من قلب العربيه على الحركه بتاعتك دى .. بس عامل حساب العيش والملح اللى بينا وحته القرابه كمان .

سلمى مش قادرة تتكلم من كتر الضحك وقالت ... يا شيخ طب اعملها كده يا عادل وانا هاقول لرغد على كل البلاوى بتاعتك .

عادل فرمل فجاه ووقف العربيه ولف نفسه ليها وقال .. بت انتى .. لمى نفسك احسنلك .. واياك اى حاجه عنى تقوليها لرغد .

سلمى بضحك .. ياض بهزر معاك .. متخفش .. انا جدعه ومش هاقول حاجه .. بس يالا بقى علشان انا ميته من التعب وما تقلقش سرك فى بير يا هندسه . ولا اقولك يا فوريرة 😉

عادل برخامه ... لا ظريفه يا بت .. ابوووو شكلك .

وفضلوا على الحال ده لحد ما وصلوا لحد باب العمارة .
__________________________________
عدى حوالى اسبوعين وكانت حاله عمر بدات تتحسن بالعلاج الطبيعى ووقوف جنه جنبه يوميا .. وبدا يحرك الجزء اليمين من جسمه ورجع على البيت .. ورجعت همس لشغلها تانى بس فى المطار وبس وكانت بتعتذر عن اى رحله خارج البلد لحد ما نفسيتها ترجع تانى زى الاول .

فارس وهمس قربوا من بعض اوى خلال الاسبوعين دول وكان بيتصل بيها فى الساعه اكتر من مرة .. وبيقابلوا بعض باستمرار بعد شغله وشغلها .
وده كان بيقربهم من بعض اكتر واكتر وكانوا بيفضلوا طول الليل يحبوا فى بعض .. مع بعض المشاجرات الصغيرة اللى بينهم زى الفلفل والشطه كده وفى اسرع وقت كانوا بيصالحوا بعض .
بس طبعا مفيش اى حاجه تمت بينهم غير لما تعدى فترة على موت بابها وده كان قرار من همس وفارس وافق بيه .

وعادل ورغد قربوا من بعض اكتر .. وراح طلب اديها من مامتها وقروا الفاتحه .

عمر حب جنه اكتر من الاول بكتير لوقفتها جنبه فى الظروف اللى مر بيها دى .. وهى اللى شجعته وقوته على العلاج لحد ما رجع وبقى احسن من الاول ورجع لشغله فى النادى تانى .
ووعد جنه انه هايروح ويتقدم لها ويخطبها من مامتها بس بعد سنه من وفاه ابوه .

شريف حاول انه يشغل نفسه بشغله ورحلاته علشان يقدر ينسى همس وده اللى كان مخلى سلمى حزينه على طول لانها عارفه هو بيعمل كده ليه .. بس فى نفس الوقت مقطعتش الامل انه فى يوم من الايام هايحس بيها وبحبها ليه .
_______________________________

فضلوا على الحال ده وعدى سنه وهما على الوضع ده
فارس وهمس
عادل ورغد
عمر وجنه
وللاسف كانت سلمى هى الوحيده اللى فضلت لوحدها لحد ما فى يوم كانت فى شغلها لوحدها فى الاوضه ودخل شريف وعلى وشه ابتسامه جميله فقرب منها .

شريف .. ازيك يا سلمى عامله ايه .

سلمى من مجرد انها تسمع اسمها منه قلبها بيدق جامد وبتتوتر .. فقالت ... الحمد لله يا شريف بخير .

شريف قرب اكتر وقال .. سلمى انا كنت عاوز اقولك على حاجه مهمه ولازم تعرفيها كويس .. انا الفترة اللى فاتت دى كنت لازم اشغل نفسى بالشغل والسفر علشان امسح وانسى اى شىء جوايا وفى قلبى كنت فى يوم من الايام حاسس بيه تجاه شخص دخل حياتى وكان مجرد اعجاب من طرف واحد علشان ابدا افتح قلبى تانى لشخص انا معجب بيه من فترة ولازم اعترفله بكده .

سلمى بدات تتوتر ومش مصدقه انها فى يوم هاتسمع الكلام ده ومن شريف بالذات اللى بتعشقه بقالها فترة كبيرة .. وعمرها ما فقدت الامل انه هايحس بحبها ده .

شريف بدون اى مقدمات .. تتجوزينى يا سلمى.

سلمى 😱😱😱 اتفاجات من كلام شريف وعيونها اتملت بالدموع وقالت ... اخيرا يا شريف حسيت بيا وبحبى ليك .

شريف بحب .. اه حسيت انك الانسانه الوحيده اللى مش ممكن اقدر ابعد عنها خالص او تكون لحد غيرى .. بحبك يا سلمى اوى اوى اوى ❤❤❤❤ ومد ايده ومسح دوموعها .

انتظرونى فى الخاتمه واللى هاتكون كلها سعاده وفرح ورومانسيه وهيييييييح لابطالنا كلهم.
يوم الجمعه ان شاء الله باليل .
منتظرة تعليقاتكم بالحلقه وبالروايه عموما .
دومتم متابعين .

#فارس_عشقى

بقلمى سحر فرج
❤❤❤❤❤❤❤❤❤❤❤❤

[فيتامين سي]

❤الخاتمه❤

#فارس_عشقى
#بقلم_سحر_فرج

من اروع اشعار نزار قبانى❤

علمني حبك ..أن أحزن

و أنا محتاج منذ عصور

لامرأة تجعلني أحزن

لامرأة أبكي بين ذراعيها

مثل العصفور..

لامرأة.. تجمع أجزائي

كشظايا البللور المكسور

علمني حبك.. سيدتي

أسوأ عادات

علمني أفتح فنجاني

في الليلة ألاف المرات..

و أجرب طب العطارين..

و أطرق باب العرافات..

علمني ..أخرج من بيتي..

لأمشط أرصفة الطرقات

و أطارد وجهك..

في الأمطار ، و في أضواء السيارات..

و أطارد طيفك..

حتى .. حتى ..

في أوراق الإعلانات ..

علمني حبك..

كيف أهيم على وجهي..ساعات

بحثا عن شعر غجري

تحسده كل الغجريات

بحثا عن وجه ٍ..عن صوتٍ..

هو كل الأوجه و الأصواتْ

أدخلني حبكِ.. سيدتي

مدن الأحزانْ..

و أنا من قبلكِ لم أدخلْ

مدنَ الأحزان..

لم أعرف أبداً..

أن الدمع هو الإنسان

أن الإنسان بلا حزنٍ

ذكرى إنسانْ..

***

علمني حبكِ..

أن أتصرف كالصبيانْ

أن أرسم وجهك ..

بالطبشور على الحيطانْ..

و على أشرعة الصيادينَ

على الأجراس..

على الصلبانْ

علمني حبكِ..

كيف الحبُّ يغير خارطة الأزمانْ..

علمني أني حين أحبُّ..

تكف الأرض عن الدورانْ

علمني حبك أشياءً..

ما كانت أبداً في الحسبانْ

فقرأت أقاصيصَ الأطفالِ..

دخلت قصور ملوك الجانْ

و حلمت بأن تتزوجني

اصوات كتير وهيصه وزحمه .. وناس طالعه وناس نازله والمكان بقى عباره عن مسرح كبييير .
بعد تفكير طويل بين فارس وهمس وعادل وعمر ورغد وسلمى وشريف وجنه .. وصلوا اخيرا وقرارو انهم هايعملوا كلهم فرحهم مع بعض فى ليله واحده وقاعه كمان واحده .
وكمان اشتروا فيلا كبيرة اربع ادوار فى التجمع الخامس وهايعيشوا كلهم مع بعض فى نفس الفيلا .. وفرشوا الشقق كلها على احدث طراز .

الكل كان فرحان للقرار ده واختاروا اكبر قاعه للافراح فى القاهرة وفى اجمل فندق على النيل .

وطبعا قررت البنات انهم يتجمعوا كلهم عند همس فى الفيلا ويعملوا اجمل ليله حنه ليهم هما الاربعه بشرط ان الشباب مفيش حد فيهم يحضر الحنه .. ويشوفوا مكان تانى خالص بعيد عن الفيلا ويتجمعوا فيه هما كمان .

طبعا الشباب كانوا معترضين للقرار اللى وصلتله البنات وكان نفسهم انهم يحضروا ليله الحنه دى ويكونوا مع بعضهم .

لكن طبعا راى البنات وقرارهم هو اللى مشى وبدؤا كمان ينفذوه .
وكانوا قبلها حجزوا مع اكبر ميكب ارتست للعرايس .. وانها تروح ليهم الفيلا ويطلعوا عرايس من هناك .
الشباب طبعا كانوا قاعدين ومتجمعين عند عادل فى شقته ومش عاجبهم الوضع كله على بعضه .. بس طبعا مش قادرين على قرار البنات وفى النهايه وافقوا وقرروا هما كمان انهم يسهروا هما الاربعه فارس وعادل وعمر ومعاهم شريف اللى راح واتقدم لسلمى وطلب اديها من عادل ووافق طبعا علشان عارف ان سلمى بتحبه .
فقرروا انهم كمان يعملوا سهرة شباب أخيرة ويودعوا فيها العزوبيه .

وبالنسبه لام عادل وام فارس وام شريف وام رغد وجنه كانوا صحيوا من بدرى وراحوا علشان تجهيزات ليله الحنه ويكونوا موجودين قبل ما اى حد يوصل من المعزومين على الحنه وطبعا كانوا بعض بنات عائلاتهم واهلهم وبعض الزملاء والاصحاب للبنات كلها .
الفيلا كانت عبارة عن شعله حركه ونشاط وكل واحد مسوؤل عن حاجه بينفذها .

لكن فى اوضه همس واوضه عادل كانت الدنيا مقلوبه ومتشقلبه واللبس فى كل مكان وكل ركن من الاوض الاتنين .. بسبب البنات واختيارهم للفساتين اللى كانوا هايلبسوها فى ليله الحنه وبعض اللبس الهندى والنوبى والبدوى والخليجى اللى هايلبسوه للحنه .

البنات كانت فرحانه جدا ومش مصدقين انهم كلهم هايتجوزا فى ليله واحده بالمنظر ده .
وكانوا قرروا مع الشباب ان الموبيلات هاتتقفل منهم اول لما حفله الحنه تبدا وأنهم مهما عملوا او حاولوا يتصلوا بيهم عن طريق حتى الأمهات مش هايردوا عليهم ولا يشوفوهم غير وهما لابسين لبس الفرح وفساتين الزفاف .

سلمى .... حلال فيهم والله الموبيلات اللى هاتتقفل دى خليهم يشتاقوا لينا .. يالا بينا نقفل الموبيلات كلنا من دلوقتى علشان محدش يتصل بينا واحنا بنلبس .

همس.. لسه بدرى يا سلمى انتى مستعجله على ايه بس .. لاحسن يعوزوا حاجه ولا بتاع وما يعرفوش يوصلوا لينا .

رغد .. همس عندها حق يا سلمى مستعجله على ايه .

جنه .. انا من راى سلمى .. وبعدين هما متجمعين عند عادل من بدرى فى الشقه واحنا مش على بالهم خالص وزمانهم بيجهزوا للسهرة بتاعتهم هما كمان .

همس ... يا خوفى من السهرة بتاعه الشباب دى انا بسمع انهم بيعملوا حاجات غريبه فيها وكمان ممكن يشربوا اى حاجه .

سلمى .. ياريت تيجى على الشرب وبس يا اختى .. ده ممكن يكون معاهم كمان .......

رغد وهمس وجنه فى نفس واحد😱😱😱😱 ..... اوعى تقولى بنات .

سلمى .. احتمال والله .

همس .. لااااااا الا كده ده انا اموته 😡
رغد .. وانا كمان 😡
جنه .. وانا هاموته وبعدين اموت نفسى والله 😥
سلمى ... كل شىء جايز ربنا يستر .

همس.. انا عندى فكرة حلوة اوى .

الكل !!!!!!!!؟؟؟؟؟؟؟؟

ايه قولى .
همس .. ايه رايكم بعد لما نخلص الحفله هنا وليله الحنه دى .. نطب عليهم فى الشقه عند عادل ونشوف هما بيعملوا ايه ؟؟؟

سلمى ... والله فكرة حلوة .

رغد ... ياريت علشان نقبض عليهم متلبسين .

جنه ... ياااااريت .. بس يا بنات هانخرج من هنا ازاى ونقول لامهاتنا رايحين فين فى الوقت المتأخر ده .

سلمى .. سيبولى انا المهمه دى🤔🤔🤔 .. ويالا بينا دلوقتى نبدا نجهز نفسنا للحفله قبل ما حد يوصل من البنات .

وفعلا قامت البنات كلها وبدؤا يستعدوا لي ليله الحنه ويلبسوا فساتين الوان واشكال ومكياج .. و السماعات والاغانى كانت شغاله فى كل ركن من الفيلا .
والتربيزات اللى عليها جميع انواع الحلويات والمشروبات .
والامهات قامت وبدات تستقبل الضيوف وترحب بيهم .
وبدأت ليلتهم والكل كان فرحان وسعيد بيهم
وكانوا مش مبطلين رقص ولا غناء مع الاغانى اللى شغاله .. ولا رقص مع امهاتهم اللى كانوا فرحانين اوى بيهم .
وكانوا جايبين واحده نوبيه وفرقه بنات معاها وطبول ودوف و حاجات كتير لزوم الليله دى .

وفضلوا على الحال ده اكتر من خمس ساعات لحد ما الناس بدأت تمشى والكل رجع على بيته الا الامهات والبنات اللى كانوا فاصلين من كتر التعب والارهاق اللى حسوا بيه فى اليوم ده .. وبدأوا يطلعوا على اوض النوم اللى فوق وكل اتنين مع بعض فى اوضه .. لكن البنات كلها اتجمعت فى اوضه همس علشان يخططوا لباقى الليله دى ويروحوا ينقضوا على الشباب فى شقه عادل .

سلمى آخر واحده دخلت الاوضه عند همس بعد ما اطمنت ان الامهات فعلا ناموا من كتر الارهاق والتعب اللى شافوه .

سلمى .. اخيرا اطمنت انهم كلهم ناموا ومش هايقوموا خالص دلوقتى .. يالا بسرعه منك ليها غيروا لبسكم ده وتعالوا هنا وانا هاقولكم هانعمل ايه فيهم لأنى وصلت لحته دين خطه ما تخورش الميه .
بس اهم حاجه عاوزين اربع عبايات سودا واشربات سودا بسرعه .

الكل باستغراب!!!!!!!!!؟؟؟؟؟؟؟؟

ليه يا سلمى ناويه على ايه بالضبط .. احنا عندنا فرح يا بنتى مش جنازة .

سلمى .. نفذى يا هانم منك ليها وبكرة تدعولى على اللى خططت ليه .. المهم دلوقتى اننا نلاقى اربع عبايات سود .

همس بعد تفكير طويل ... دى محلوله ولقيتها يا بت منك ليها .. انتم نسيتوا ان الست النوبيه جابت لينا هدوم كتير علشان نغير فيها ونلبسها لزوم ليله الحنه .. ومن ضمن الهدوم فى اربع عبايات بدويه سودا والاشربات بتاعتهم وغطا كمان للوجه وكده ممكن نلبسهم .. لانها قالت انها هاتبعت بكرة عربيه تخدهم .. واديها فرصه اننا نلبس العبايات دى .

البنات .... يا بنت الايه يا همس .. اه صح .. تصدقى اننا نسينا العبايات دى .. يالا بسرعه نجيبهم ونلبسهم ونشوف هانعمل ايه تانى .. الساعه داخله على اتنين باليل منك ليها .

وفعلا البنات جابت العبايات ولبسوها ولبسوا معاها الاشاربات وحطوا حاجه زى النقاب او غطاء للوش علشان مش يبان غير العيون وبس .. ولبسوا بعض الاكسسورات النوبيه .

سلمى ... يا لهووووى على منظرنا .. احنا عرايس و فرحنا ودخلتنا بكرة 🙄🙄
ولا احنا زى ريا وسكينه بالمنظر والعبايات دى .

البنات بضحك .. اه والله يا سلمى منظرنا فظيع والشباب لو شافونا كده ممكن يرجعوا فى كلامهم .

همس .. طيب يالا يا اختى منك ليها خلينا نشوف الاساتذه دول بيعملوا ايه بسرعه قبل ما يضيعوا مننا 🤨

ومن خوفهم من كلام همس استعدوا فعلا وخدوا مفتاح عربيه همس وفتحوا الباب بشويش خالص علشان محدش يحس بيهم ونزلوا واحده واحده وراء بعض لحد ما نزلوا وفتحوا باب الفيلا براحه وخرجوا كلهم وراحوا على العربيه وركبوها .

واتحركت همس بالعربيه وخرجت من باب الفيلا الخارجى وراحوا على العمارة الى فيها شقه عادل بعد ما وصلوا لخطه هاينفذوها معاهم .
__________________________________
فارس كان قاعد ولابس شورت من تحت وصدره كله مكشوف.
وعادل كذلك شورت وبس .
وعمر وشريف كل واحد فيهم لابس شورت وفانله حماله .

فارس كان فقد الامل هو والشباب ان البنات ترد عليهم لانهم حاولوا كتيييييير جدا انهم يتصلوا بيهم ويطمنوا عليهم لكن للاسف البنات كانت قافله الموبيلات كلها .
وبعد فترة من فقد الامل اتجمعوا وقعدوا على الارض .
وكانوا متجمعين فى الصالون كلهم . والهزار والضحك كان على ودنه ومشغالين اغانى اجنبيه عاليه جدا .. وللاسف كان معاهم مشروبات مش عاديه لزوم السهرة وعادل اللى جابها ليهم 🍻🥂
وفعلا شربوا كتير وكل لما يخلصوا اللى اودامهم حد يروح يجيب من التلاجه تانى ويجيب مزات بتتاكل مع المشروبات دى .

الشباب بدؤا يفقدوا توازنهم وعقلهم وجالهم حاله من هسيتريا الضحك .
فجاه قام عادل وبدا يمد ايده لفارس ويقول .. تسمحيلى بالرقصه دى يا حلوة .

فارس رفع وشه وبص لعادل ومد ايده ليه وقال .. ماشى يا قطه شدينى بايدك الحلوة دى .

وقام فارس مع عادل وفضلوا يرقصوا وعمر وشريف ميتين من كتر الضحك .
وبعدين عمر قام وقف وفضل يدور على حاجه يتحزم بيها علشان يرقص لحد ما شد مفرش تربيزة الصالون واتحزم بيه وفضل يرقص .

شريف بقى قام وقف فوق تربيزة السفره وفضل يتهز ويتمايل ويرقص على الاغانى .

وفجاه 🤔🤔🤔🤔🤔🤔🤔🤔🤔
سمعوا جرس باب الشقه بيرن .
فارس لعادل... هو جرس الباب بيرن ولا انا بتهيئلى يا حبيبتى .

عادل مش مجمع نفسه ولا فيه توازن خالص .. اه يا حلوة شكل الباب بيخبط .. استنى هاقول لعمر يفتح .

عادل ... يا عاااادل .. يا عادل قصدى يا.....
انت ياض ياللى لابس فانله .. اسمك ايه 🤔

فارس ... لا استنوا انا هاروح افتح .

وفعلا فارس راح ناحيه الباب وهو بيطوح ومش ماسك نفسه وفضل يسند على الكراسى والتربيزات لحد ما وصل لباب الشقه .

وصل للباب وحط ايده على الاوكرة وفتح .. واول لما فتح شاف واحده اودامه لابسه اسود فى اسود وعامله زى العفريت .
لان البنات كانوا غيروا مكياج عيونهم علشان مش يبانوا ويتقفشوا .. ومحدش يعرفهم من الشباب وحاولوا يغيروا كمان اصواتهم .

سلمى اللى كانت واقفه واتصدمت من الحاله اللى فيها فارس ومنظره .
وبصوت مغيراه قالت .. لو سمحت .. اختى مريضه جدا ومش عارفه اتصرف معاها ازاى .. واحنا معاكم هنا فى العمارة وكنت نازله بيها على المستشفى بس للاسف وقعت منى على الارض اودام الشقه بتاعتك حتى شوف .

فارس مش مركز اصلا فى الكلام اللى بتقوله وفجاه قرب من سلمى ومد ايده ومسكها من ايديها ودخلها على جوا وقفل الباب .

سلمى .. انت بتعمل ايه يا استاذ انت.. لو سمحت سيب ايدى .. لو سمحت ارجوك .

وفارس ولا هو هنا ودخل بيها على جوا عند الشباب .

سلمى اتصدمت من الحاله اللى فيها الشباب كلها وشافت مناظرهم كده وشافت شريف بيرقص فوق التربيزه ومش مصدقه انه شريف وكانت مكسوفه ومش عارفه تتصرف ازاى .

شريف اول لما شاف سلمى بالمنظر ده نط من فوق التربيزة وقرب منها وفضل يلف حواليها رايح جاى .

همس برة هى ورغد وجنه استغربوا جدا من اللى حصل وقامت همس وقفت اودام الباب وخبطت جامد ومشلتش اديها من على الجرس .

شريف انتبه للجرس وراح يطوح ناحيه باب الشقه وركز شويه وفتح الباب .. واول لما فتح شاف همس اودامه وقال 🤔🤔🤔🤔 ... مش انا سايبك جوه دلوقتى .. انتى جيتى هنا ازاى ومسك اديها ودخل وقفل تانى الباب وراه .
مسك ايد همس ودخلها على الصالون واول لما دخلت شافت سلمى واقفه والشباب كلهم بيلفوا حواليها وبيرقصوا على الاغانى .

سلمى جريت على همس وقالت ... الحقى يا همس .. العيال عملوا ايه فى نفسهم .
والشباب ما ادهومش فرصه انهم يتكلموا مع بعض فامسكو ايد البنات على طول وفضلوا يرقصوا على الاغانى .

وكل ده ورغد وجنه واقفين بره ومش عارفين اى حاجه عن اللى بيحصل جوة .. وبدأوا يرنوا الجرس كتير لحد ما راح عمر بشويش وبراحه لانه كان دايخ ومش قادر يوصل للباب الا بعد محاولات كتير لحد ما وصل وفتح الباب وشاف الاتنين واقفين اودامه متنحين على منظره ومن غير ما حد ينطق ولا كلمه منهم ولا منه مسك ايد الاتنين ودخلهم هما كمان على جوا ورزع الباب وراه .

البنات دخلوا واتصدموا من اللى شافوه اودام عنيهم وخافوا جدا لان الشباب مش فى وعيهم كلهم والخطه اللى اتفقوا عليها انهم ينفذوها باظت خلاص ومش عارفين يتصرفوا ازاى .. فاجريوا ووقفوا مع همس وسلمى والشباب علت الاغانى اكتر وفضلوا يلفوا حوالين البنات .

سلمى ... يا نهار ابيض .. ايه اللى هببوه فى نفسهم ده .
همس .. انا اول مرة اشوف فارس وعمر فى المنظر ده .. الحل ايه دلوقتى يا شملوله منك ليها .
رغد .. انا مصدومه من اللى شيفاه اودام عيونى ودماغى وقفت عن التفكير خالص .

جنه ... احنا لازم نتصرف ونشوف حل بسرعه .. دى كلها كام ساعه والنهار هايطلع واحنا هنا كلنا وبالمنظر ده .. وكده ولا هايبقى فى فرح ولا هايبقى فى دخله للاسف 😥😥

همس طيب ايه رايكم ناخدهم على الحمام كلهم ونفتح عليهم الدش لحد ما يفوقوا .

سلمى .. فكرة والله بس انا خايفه لما يفوقوا ويشوفونا اودامهم .

رغد .. انا عندى فكرة تانيه .. ايه رايكم ندخلهم فى اوضه كلهم ونقفل عليهم علشان ما يشربوش اى حاجه تانى من القرف ده كله
🍺🍻🥂🍾🍷.

جنه .. لا الحل بتاع همس هو عين العقل .. لان لو دخلناهم اوضه وبالمنظر اللى هما فيه ده وننزل ونسيبهم ايه ضمنا انهم هايصحوا قبل ميعاد الفرح .. دول بشكلهم ومنظرهم ده ولا يومين تلاته علشان يوفوقوا من الى هما فيه .

همس .. طيب بالا بينا نشيل الاشاربات والحاجات الى لابسنها دى وكويس اننا لابسين من تحت لبسنا ونشدهم واحد ورا التانى وندخلهم على الحمام يالا بينااااا .

وفعلا البنات كل واحده مسكت ايد خاطبها وحاولوا انهم يدخلوهم على الحمام بس للاسف .

همس مسكت ايد فارس .. فافارس ما صدق وقرب منها وحاول يشدها ليه ويبوسها اول لما شاف وشها وقال ... هممممممس انتى جيتى يا حبيبتى .
همس .. اهدى يا فارس .. انت هاتعمل ايه يا مجنون .. ارجوك فوووق وشدته على الحمام .

رغد شدت عادل من ايده فافاجأها وشالها وراح على اوضه وكان لسه هايقفل الباب وراه لولا جنه وسلمى صرخوا ووقفوا بسرعه اودام الباب وشدوه على الحمام .

وبالنسبه لعمر وشريف اللى كانوا متبهدلين جدا من كتر الشرب .. اتفجأت سلمى وجنه لما رجعوا من الحمام انهم دخلوا البلكونه فراحوا بسرعه ناحيه البلكونه على مصدر صوتهم واتصدموا من اللى شافوه .

سلمى .. الحقى يا جنه عمر واقف فوق سور البلكونه .. المجنون هايقع فى الشارع .
جنه ... يا لهوى وشريف كمان بيحاول يقف جنبه اهو وطالع على الكرسى احنا لازم نتصرف بسرعه .

سلمى... طيب خليكى واقفه هنا بسرعه واوعى حد يقع لحد لما اشوف عادل او فارس فاقوا ورجعوا لوعيهم وهما اللى هايقدروا ينزلوهم .

جنه ... يا لهوى يا سلمى انا ميته من الرعب افرضى حد وقع .

سلمى .. هاروح بسرعه وارجع استنى هنا وخلى بالك .

وفعلا راحت سلمى جرى وشافت فارس وعادل قاعدين على الارض ورغد وهمس ماسكين الدوش ومغرقينهم بالمياه علشان يفوقوا .

سلمى .. الحقوا يا بنات عمر وشريف طلعوا فوق سور البلكونه وعمالين يرقصوا . الحقوا بسرعه قبل ما يقعوا من الدور الخامس .

همس ورغد .. يا نهار ابيض وبسرعه سابوا عادل وفارس على الارض ورموا الدوش وكانوا غرقانين بالمياه وراحوا على البلكونه واتصدموا من منظر عمر وشريف وهما واقفين على سور البلكونه .
همس قربت بشويش من عمر وحاولت تتكلم معاه وتنزله وبعد محاولات كتير نزل معاها وخدته بسرعه على الحمام وقعدته جنب فارس وقفلت عليهم الباب ورجعت للبلكونه .

واول لما رجعت شافت سلمى بتحاول تنزل شريف اللى مكنش عاوز ينزل خالص ومصمم انه يكمل رقص .. وبعد محايلات من سلمى ودموعها اللى بدات تنزل من كتر خوفها نزل معاها براحه وخدته على الحمام .

دخلوا شريف بعد ما فتحوا الباب بالمفتاح ورزعوه على الارض هو كمان مع باقى الشباب وبدأوا يفتحوا عليهم المايه تانى لحد ما بهدلوهم من كتر المياه اللى فتحوها واتبهدلوا هما كمان معاهم لحد ما الشباب فاقت خالص واتصدموا من اللى هما فيه واتصدموا من منظرهم ومنظر البنات والحاله اللى وصلوا ليها بسبب الشرب 🍺🍻🥂🍾🍷 .

البنات اول لما شافوهم فاقوا بصوا ليهم بغضب واستحقار على الحاله اللى وصلولها فى يوم زى ده وخرجوا من الحمام بسرعه وراحوا ناحيه باب الشقه وفتحوه .
ولسه هايخرجوا الشباب قاموا جرى وحاولوا يصلحوا الوضع ويعتذروا ليهم .. بس للاسف البنات ما سمعتش منهم وما ادتهمش فرصه حتى للاعتذار وخرجوا بسرعه ورزعوا الباب وراهم .

الشباب كل واحد فيهم قعد فى مكان واتصدموا من المكان واللى كان معمول فيه ..
وتخيلوا الحاله اللى البنات شافتهم فيها ووصلولها وهما شاربين .

النهار طبعا كان طلع والشمس بدات تشرق والبنات كانت وصلت للفيلا وحمدوا ربنا ان الامهات كانت لسه نايمه .. فابسرعه دخلوا على اوضه همس بشويش خالص وقفلوا وراهم الباب .. وبداوا يدخلوه واحده ورا التانيه على الحمام علشان تغير لبسها اللى كان متبهدل على الاخر وغرقان مايه .

عدى حوالى ساعه عقبال لما كلهم خلصوا واترموا على السرير زى الميتين واتفقوا انهم مش هايعدوا اللى حصل ده على خير ولا بالساهل وهايطلعوا عيون العرسان بس بعد ما الفرح هايخلص و هايمنعوهم انهم يقربوا منهم لما يتقفل عليهم باب اوضه واحد ليله الدخله .. وانهم هايكونوا طبيعين اودام الناس .. وده اقل عقاب ممكن يعملوه معاهم على كل اللى حصل .
ومن كتر التعب والارهاق اللى شافوه الكام ساعه الاخيرة دى راحوا فى سابع نومه بعد القرار اللى وصلوله ده .
_________________________________

الامهات كانت صحيت واستغربوا ان البنات لسه نايمه لحد دلوقتى والميعاد بتاع الميكب ارتست قرب علشان تلحق تمكيجهم كلهم لانهم كذا عروسه .

وبعد محاولات كتير من الامهات الاربعه للعرايس .. صحيوا معاهم بالعافيه وطبعا ما حكوش الليله اللى قضوها مع الشباب والحاله اللى كانوا فيها .

وفعلا بعد شويه كانت وصلت الميكب بتاعتهم وبدات تمكيجهم ولبسوا فساتين الفرح الجميله وبقوا زى الاميرات فى الحواديت كلهم اجمل من بعض .

وطبعا الشباب حاولوا يوصلوا ليهم باى طريقه علشان يعتذروا عن اللى حصل .. بس للاسف البنات فضلت قافله الموبيلات كلها .

الوقت عدى وميعاد وصول العرسان جه وفعلا وصلوا الفيلا عند همس علشان يخدوهم ويطلعوا على القاعه اللى فيها الفرح .
وكان العرسان طالعين حلوين اوى لما لبسوا البدل وطالعين زى القمر كلهم وبالذات فارس 😉😉😉
اول لما دخلوا سلموا على الكل والكل هناهم وبارك ليهم ..وفضلوا فى انتظار البنات ونزولهم مع ابوا فارس وابوا شريف و اتفاجأت الشباب بالبنات اللى كانت جميله جدا وحلوين اوى بفساتين زفافهم .. بس اللى استغربوه ان البنات عاديه جدا ومبتسمه و كأن مفيش اى حاجه حصلت .. فحمدوا ربنا انهم مش زعلانين من اللى حصل وما يعرفوش طبعا بالقرار اللى وصلولوا وهايتفاجؤا بيه بعدين لما يدخلوا اوضهم فى الفندق اللى كانوا حاجزين فيه .

كل واحد مسك ايد حبيبته وباسها وبارك لها وخرجوا وطلعوا بره وركبوا العربيات وراحوا على الفندق اللى فيه القاعه .

بدا الفرح واشتغلت الاغانى والرقص والكل كان فرحان و سعيد .. والبنات كانت عاديه خالص ولا كأن فيه حاجه حصلت . وده اللى ريح الشباب واطمنوا ان الليله هاتعدى على خير .
وبعد كذا ساعه اشتغلت الاغنيه الاخيرة لانتهاء الفرح وكل واحد قرب من عروسته وبدؤا يرقصوا على الاغنيه دى .

شو كانت حلوة الليالى
والهوى يبقى ناطرنا
وتيجى تلاقينى
اه يا سهر الليالى
اه يا حلو على بالى
غنى اه
غنى اه
غنى على الطرقات
ياى يا سهر الليالى ياى يا حلو على بالى غنى
اه غنى غنى على الطرقات .

وانتهى الفرح وكل واحد خد عروسته على اوضته بعد ما ودعوا امهاتهم واهلهم .
والكل أتمنى ليهم حياه سعيده .

طلع كل واحد فعلا على اوضته واتقفل عليهم باب واحد .. وللاسف ياريته ما اتقفل لان البنات اتحولت خالص وبقوا بنات تانيه خالص .

شريف لسه هايقرب من سلمى اتصدم من اللى سمعه .. انت بتعمل ايه انت مالكش دعوة بيا .. اوعى تكون مفكر اللى حصل هايعدى بسهوله لا انسى خالص انى هاسمحلك تيجى جنبى .
ومن اول نظرة ولمسه من شريف لسلمى وعيونه جت فى عيونها استسلمت خالص ورفعت الرايا البيضه .

وعند عمر وجنه .. عمر قفل الباب ولف نفسه شاف جنه قعدت على السرير ووشها احمر من كتر الخجل والكسوف ويادوبك عمر قرب منها نسيت كل اللى هما اتفقوا عليه وبادلته نفس مشاعره 😉😉😉

عادل قفل الباب وشاف رغد واقفه فى مكانها وباصه فى الارض وجسمها بدا يرجف من كتر الخجل اللى حاسه بيه .
عادل قرب منها وحاول يهديها بس هى بعدت عنه .. فقرب عادل تانى وحاول بكام كلمه حلوة انه يهديها ويطمنها .
لحد ما قرب اكتر وعيونه جت فى عيونها وبدا يلمس وشها وقرب من شفايفها وباسها بمنتهى الرومانسيه ونساها الدنيا والى فيها والخطه اللى كانوا متفقين عليها كلها .

اما بالنسبه لابطالنا الرئيسين فارس❤همس
فالليله كانت مختلفه خالص .

اول لما دخل فارس وقفل الباب وراه ولف نفسه .. شاف همس واقفه فى وسط الاوضه وحاطه ايديها فى وسطها وقلبت واتحولت لانسانه تانيه خالص .

فارس بابتسامه صغيرة .. خير يا حبيبتى فى ايه !!!!!!؟؟؟؟؟؟

همس مرة واحده ... اطلع بره يا فارس واقفل الباب وراك علشان انا تعبانه وعاوزة انام واستريح .

فارس بدا يضحك وقال ... لاااااا انتى اكيد بتهزرى يا همسى .

همس قلبت اكتر وقالت بصوت عالى .. اطلع برة يا فارس وكفايه اوى اللى انا شوفته امبارح والحاله اللى انتم كنتم فيها انت والبهوات التانيه .. واحمد ربنا انى كملت الفرح اصلا .. لكن اللى انت بتفكر فيه يحصل استحاله هايحصل يا فارس .

فارس مصدوم من كلام همس وحاول يقرب منها ويفهمها كل اللى حصل بس للاسف هى رفضت انه يفسر اى شىء ليها وكفايه اوى اللى هما عملوه .
فارس .. لا لازم تسمعينى يا همس وانا هاشرحلك كل شىء .. وبعدين ده شىء عادى وبيحصل لاى واحد بيودع العزوبيه وانتم اصلا ايه اللى جابكم على الشقه عندنا .

همس .. انا مش عاوزة اعرف حاجه واتفضل اخرج يا فارس بره وسيبنى لوحد................
وملحقتش تكمل كلامها لفارس علشان فاجئها بيبوسه فى شفايفها نهت كل الحوار وحطمت قلعه وحصون همس ودابت بين ايد فارس وراحوا فى عالم تانى خالص للعشق والحب والرومانسيه واللهفه والشووووق .

ونزل الستار 💒💒💒

وانتهت روايتنا #فارس_عشقى
ويارب اكون اسعدكم بيها وقدرت اوصل ليكم حاجه مهمه بخصوص الاب وبعده عن بيته واولاده .. وان الشغل والفلوس مش هايعوضه عنهم .
لكل اب ... بيتك واولادك هم اهم شىء فى الحياه عن اى حاجه تانيه .. والحب والحنيه والعطف واللمه والعيله اهم من الفلوس ومن الشغل حتى لو كانت العيشه بسيطه وعلى الاد .
وبالنسبه لفهد مش هاقول غير ( ربنا يمهل ولا يهمل )
وبالنسبه لبلال واللى حصل معاه هافسر ده ان شاء الله فى الجزء التانى من الروايه وهايكون بعد العيد الاضحى بأذن الله .

ياريت اشوف تعليقاتكم وتشجعكم وريفيوهاتكم علشان احتفظ بيها وتكون بالنسبه ليا دافع لكتابه الجزء التانى .

مستنيه ريفيوهاتكم على جروبى
( ملوك الروايات )
وتابعونى على صفحه الفيس بتاعتى
( روايات وقصص نوتيلا سحر فرج )

دمتم متابعين ❤❤❤❤❤

امضاء /سحر فرج

[فيتامين سي]

الجزء الثاني من ( فارس عشقي )


#فارس_عشقى_2

الفصل الاول

بقلم /سحر فرج

تدق ساعه الحائط لتعلن عن بدء يوم جديد من الحب والسعادة والرومانسيه اللى جمعت بين فارس وهمس ليسطر التاريخ اجمل ايام حياتهم واجمل قصه حب يشهدها العشاق .

وبعد مرور حوالى شهرين من جوازهم رجعت همس تانى لشغلها اللى بتعشقه بمطار القاهرة الدولى .

الساعه كانت اربعه الفجر وهمس قامت من بدرى زى عوايدها علشان تستعد لرحلتها لروما اللى هاتفضل فيها يومين بحالهم بعيد عن فارس عشقها .

وده الى كان مخلى فارس زعلان وحزين دايما فى كل رحله تروح فيها همس من بعد جوازهم .
واكتر من مرة طلب منها انها تخلى شغلها كله فى المطار نفسه زى باقى زمايلها رغد وسلمى ما عملوا بعد جوزاهم .
لكن للاسف همس الوحيده اللى موافقتش على كده بعد محاولات كتير من فارس بأقناعها . بس همس كان السفر بالنسبه لها شريان حياتها اللى بتحلم بيه من صغرها واستحاله انها تتخلى عنه .. بس بقدر الامكان حاولت انها تقلل رحلاتها واستكفت برحله واحده اسبوعيا علشان خاطر فارس حبيبها متزعلهوش .

همس قامت ودخلت الحمام وخدت شور سريع وبدات تلبس اللبس الخاص بيها كامضيفه لشركه مصر للطيران وسرحت شعرها .
وبعد ما خلصت كل حاجه قربت من فارس وهو نايم وبشويش خالص قعدت جنبه على السرير وبدات تلعب فى شعره براحه ولسه هاتقرب منه وتبوسه فى هدوء علشان ماتصحوش من نومه .. كان هو اسرع منها و لف ايده عليها وضمها لصدره وخطف شفايفها وباسها بكل حب وشوووق .
وبعد دقايق من تبادل القبلات والاشواق فتح عيونه وقال ... هاتوحشينى يا حبيبتى اوى اوى اوى .

همس بحب ... فااااارس انت صاحى يا روحى .. بقى كده وانا مش عاوزة اعمل دوشه ولا اى صوت .. انت كمان هاتوحشنى اوى ومعلش بقى يا حبيبى انت عارف ظروف شغلى كويس وغصب عنى والله انى اسافر واسيبك وابعد عنك يومين وتلاته .

فارس بحنيه .. ولا يهمك يا حبيبتى المهم تكونى مبسوطه بشغلك .. وخلى بالك من نفسك وكلمينى اول لما توصلى يا قلبى .

همس .. ربنا يخليك ليا يا حبيبى وما اتحرمش من حبك ده ابدا .. وقامت وقفت وحاولت تضبط نفسها بس فاجئها فارس و شدها تانى ليه وقالها .. ما لسه بدرى ما تيجى جنبى شويه وووو .......... !!!!!!

همس ... فاااااارس حرام عليك .. انا كده هاتأخر اوى مش كفايه اخرتنى الرحله اللى فاتت وكنت هاتتسبب فى فصلى من شغلى .

فارس .... ماشى يا همس .. هاسيبك المرة دى بس المرة الجايه مش هايهمنى اى شىء غير انك تكونى فى حضنى وجنبى على طول .

همس خدت نفس كبير وقالت .. ياااااتى يااااتى على الناس اللى بتسمع الكلام حبيبى حبيبى يا فيرووووو .

فارس ابتسم من كلمه فيروووو وقال ... ماشى يا همسى تحبى اقوم بسرعه واوصلك للمطار بنفسى علشان الوقت لسه بدرى .

همس .. لا يا حبيبى انا كده كده مش راحه لوحدى .. وسلمى هى كمان زمانها جهزت نفسها ومستنيانى علشان جايه معايا دلوقتى على المطار .

فارس باستغراب .. ليه كده مش سلمى بقى كل شغلها فى المطار نفسه وبتروح زى الموظفين هى ورغد ؟؟ ليه تروح بدرى كده ؟

همس .. انت ناسى يا فارس ان ده موسم الحج والشغل بيكون كتير جدا بسبب رحلات الحجاج للسعوديه.

فارس .. اه صح عندك حق .. وكل سنه وانتى طيبه حبيبتى .

همس .. وانت طيب يا عمرى وسلام بقى علشان سلمى زمانها هاطلعهم عليه دلوقتى علشان اتأخرت عليها اوى .

فارس ... ماشى يا عمرى ... لا اله الا الله .

همس ... محمد رسول الله .

بس وهى بتقوم فجاه من على السرير حست بدوخه خفيفه بس ما حولتش تظهر اى حاجه علشان فارس ما يحسش باى شىء وقالت ده اكيد ارهاق وقله نوم .

وفى شقه سلمى اللى كانت لسه نايمه فى السرير هى وشريف وراحت عليها نومه ونسيت خالص ان عندها شغل من بدرى فى المطار ونسيت كمان انها اتفقت مع همس انهم هايروحوا مع بعض على الشغل .

همس نزلت من فوق لانهم مع بعض كلهم فى فيلا كبيرة عبارة عن ثلاث طوابق غير الارضى وعاشوا مع بعض كلهم فيها وده كان اتفاق بينهم قبل الجواز .
عمر فى الدور الارضى هو وجنه وسلمى وشريف فى الاول بعد الارضى وعادل ورغد فى التانى وفارس فضل انه يكون فى اخر دور علشان يكون قريب للنجوم والسماء والقمر والليل وجماله من المناطق المرتفعه .

نزلت همس ورنت جرس الباب على سلمى .. واستنت ان حد يفتح لها لكن للاسف محدش فتح ورنت تانى وتالت لحد ما حد فتح باب الشقه .

همس بصدمه .... يا لهوى عليكى يا سلمى .. انت لسه نايمه .. هى راحت عليكى نومه ولا ايه يا بنتى انتى .

سلمى بعين نصف مفتوحه وعماله تتتاوب وترفع شعرها من على وشها قالت ... همس !!!! عااااااا... هى الساعه كام دلوقتى؟؟؟

همس ... لااااا انتى الظاهر سهرتى جامد ومش ناويه تروحى الشغل .. انا نازله علشان اتاخرت جدا وفاضل ساعه واحده على ميعاد الطيارة سلام يا هانم وادخلى كملى نوم .

سلمى .. لا نوم ايه روحى انتى علشان ما تتاخريش وانا هاروح البس بسرعه واحصلك .
انتى عارفه ضغط الشغل الايام دى .

همس .. طيب سلام .

سلمى .. سلام يا حبيبتى .

وفعلا قفلت سلمى باب الشقه ونزلت همس على تحت وركبت عربيتها وراحت على المطار .

وفى مكان تانى خالص وفى مكان معزول عن الناس وفى منطقه نائيه عن العمار .. كان فيه قصر عالى و كبير حوليه اشجار عاليه كتير وبوابه حديد ضخمه جدا .. ولوحه صغيرة على الباب مكتوب عليها .. قصر الجبالى وواقف عليها مجموعه من البودى جردات اللى شايلين سلاح ومنتشرين حولين القصر بالكامل .

وفى داخل القصر ده كان فى شخص واقف بكل وقار .. سنه حوالى اربعه وتلاتين سنه .. طويل وشعره اسود وعريض من فوق وله عضلات دليل على ممارسته للرياضه وهو بيكون
عز الدين الجبالى .. ابن اخوا فهد الجبالى.

عز بغضب انا لازم اعرف كل شىء عنهم كلهم وبالذات الى اسمها همس دى انتم فاهمين يا بهايم كلكم ولا لااااا .

الرجاله .. فاهمين يا عز باشا .. وفى اقرب وقت ممكن هانجمع كل المعلومات عنهم .

عز .... انا لازم انتقم منهم كلهم وبالذات اللى اسمها همس دى .. هى السبب فى كل اللى حصل مع عمى واستحاله اسيبها بعد الى عرفته ده كله .. والحيوان اللى اسمه بلال ده انا هاعرف انتقم منه كويس اوى بعد اللى عمله مع عمى فهد .
مابقاش انا عز الدين الجبالى لو ما اقدرتش ارجعلك حقك يا عمى من كل اللى اتجرأ وقرب منك ... واطمن انا هاجبهالك لحد عندك راكعه تحت رجليك اللى اسمها همس دى حتى لو فى اخر الدنيا .

فهد بصوت ضعيف... وانا علشان كده صبرت سنه بحالها لحد ما انت رجعت ليا يا عز .. انت مهما كان ابن اخويا وبعتبرك ابنى .. وانا اللى ربيتك بعد موت ابوك وامك الله يرحمهم وكان يادوبك لسه عندك كام شهر .. وسافرتك بره ودخلتك احسن المدارس والجامعات لحد ما كبرت ومسكت كل شغلى اللى بره كله وكنت باعدك عن مصر نهائى علشان كل القرف اللى فيها ده واستحملت انى ابعد عنك شهور وسنين .. انا ماليش غيرك ومستعد اكتبلك كل ما املك باسمك انت يا عز لو نفذت اللى انا طلبته منك .

عز .... وانا مابقاش عز الدين الجبالى لو ما انتقمتش منهم كلهم يا عمى وهاجبهالك لحد عندك اعمل فيها اللى انت عاوزه .

فهد بفرحه ... يارييييييت يا عز يااااريت .
انا مش عارف البت دى عملت فيا ايه بالضبط من اول مرة شوفتها فيها وانا مش على بعضى واول مرة واحده تقف قصادى كده ومعرفش اطولها .

عز ... اطمن يا عمى .. هاتنول كل اللى انت عاوزة وتشبع منها وبعد ما تزهق فى الاخر نرميها للاسد وتتفرج عليها وهو بينهش جسمها وتتمتع بمنظرها وهى بتتوسل ليك زى ما هى اتفرجت عليك وانت بتتوسل ليها انها تنقذك من نفس الاسد هى والكلب بلال .

فهد ... وانا منتظر الوقت ده بفارغ الصبر يا عز يا ابنى ومتاكد انك هاتجبلى حقى وتعمل كل اللى انا عاوزه .

عز وهو بيشرب فى السيجار وخد نفس طويل وقال ... قريب اوى يا عمى قريب اوى متقلقش .. انا مجهز لها مفاجاه حلوة اوى فى انتظارها .

________________________________

وفى مطار القاهرة كانت وصلت همس وركنت عربيتها وخدت شنتطها ودخلت على جوه فى منتهى السرعه لان الوقت كان اتأخر جدا ومفيش وقت خالص انها تدخل حتى على مكتبها وراحت بسرعه على الطيارة .

وبعد اقل من ربع ساعه كانت طلعت الطيارة فى اتجاها الى روما .

وفى الفيلا كانت جنه صحيت من نومها وبدات تجهز الفطار لعمر قبل ما يروح على النادى .
وهى فى المطبخ وواقفه بتجهز الاطباق على السفره حست يايد عمر بتلف حولين وسطها وباسها من كتفها .

عمر ... صباح الفل يا روح قلبى .

جنه لفت نفسها لعمر وقالت .. صباح النور يا حبيبى .. انا كنت لسه هاروح اصحيك واقولك الفطار جاهز يا روحى .

عمر رفع حاجب ونزل حاجب وقال .... انا مش عاوز الفطار ده وشاور على السفره وبعدها عيونه جت على جنه وقال انا عاوز الفطار ده وبايده لمس شفايفها .

جنه برومانسيه ... شكلك طماع يا كابتن عمر .. افطر الاول وسيب الحلو لبعد الفطار .

عمر عمل نفسه زعلان وقال ... لا انا بحب احلى الاول وبعدين افطر .

جنه ... وبعدين معاك انت كده هاتتأخر على النادى وهاتأخرنى على الجامعه .. خد يا عم احلى حلو اهو .. وقامت بيساه بوسه سريعه على شفايفه .

عمر مش عاجبه البوسه دى وعمل نفسه زعلان ولسه جنه هاتقرب منه وتصالحه .. شدها لحضنه ومسك وشها بين ايديه وخطف من شفايفها بوسه روت عطشه وحبه ليها .
جنه حاولت تبعد لتاخد نفسها لكن هو كان اسرع وشدها تانى لصدره وخد بوسه اشد من الاولى واطول بكتير .

جنه بعدت وقالت ... خلاص بقى يا عمر انا ميته من الجوع .

عمر ... ماشى يا روحى نكمل بعدين .. يالا علشان نفطر ولينا لقاء تانى مع الحلو 😉

جنه بضحكه رقيقه ... ماشى يا كابتن لما نشوف اخرت الطمع ده ايه .

وفعلا قعد عمر وجنه على السفرة الصغيرة اللى فى المطبخ وبدؤا يفطروا ويشربوا العصير .

_________________________________

وبعد فترة وفى القصر الكبير اللى فيه فهد وعز وبعض رجالتهم .. كان قاعد فهد وكان معاه الدكتور اللى بيتابع حالته من حوالى سنه وكان متفق معاه ان بعد العمليه اللى عملهاله وفترة العلاج اللى استمرت حوالى سنه هايعمل عمليه بسيطه تانى ويركب فيها اطراف صناعيه للايد وجزء من الرجل اللى الاسد كالهم ولحسن حظ فهد انه كان مريض ومقدرش يكله كله .. او طعم فهد معجبش الاسد 😂

فهد رجعت بيه الزاكرة لورا وبدا يفتكر لحظه ما راح لهمس الاوضه اللى حبسها فيها وقرب من همس وكان عاوز يبوسها ويحضنها .

وحد جه من ورا وضربه على دماغه ووقع على الارض .
ولما فاق لقى نفسه جوا قفص الاسد ومكنش قادر يقاومه علشان الشرب اللى كان شربه خلاه يفقد توازنه وتحكمه وعمله خلل فى جسمه وضعف شديد . ومخلهوش يقدر يقاوم بلال وكل ده كان فى صالح بلال انه يقدر يرميه زى الكلب للاسد ويتفرج عليه زى ما هو كان بيتفرج على الناس اللى كان بيرميها وتكون اكل وطعم للاسد ويفرح ويشمت فيهم .
وسبحان الله كما تدين تدان .. وربنا يمهل ولا يهمل .

فهد .. ارجوك يا بلال .. ارجوك طلعنى من هنا قبل ما يجى جنبى تانى .. ارجوك يا بلال اتوسل اليك طلعنى بسرعه .. ومستعد اكتبلك كل ما املك بس خرجنى من هنا بسرعه .. ابوس ايدك .

بلال .. لااااااا استحاله اخرجك و مش هاطلعك من هنا ولازم تدوق من نفس الكأس اللى سقيت الناس منه وكنت بترميهم للاسد وبتحب تشوفهم وهما بيتاكلوا اودام عنيك وتتشفى فيهم من غير اى رحمه ولا شفقه منك .. انت ايه يا شيخ انت شيطان.. ربنا يمهل ولا يهمل واديك دوقت من نفس الكأس يا ظالم .
وربنا يسامحنى على كل شىء كنت بعمله بسببك غصب عنى .

فهد بعياط وبتوسل .. ربنا بيسامح وهايسامحنى .. ارجوك تسامحنى انت كمان وطلعنى قبل ما يقرب تانى نحيتى .. كويس انه كان عيان و واكل و شبعان ومش عاوز يجى جنبى.

وفجاه وقبل ما فهد يكنل كلامه . سمعه صوت كلاكس عربيه جت وتلت دقايق واتفتحت بوابه القصر وسمعه صوت خطوات جايه نحيتهم .

بلال مكنش متخيل ان اى حد يجى على القصر نهائى واستغرب جدا من صوت العربيه والخطوات دى وكان ناسى الحارس الخصوصى بتاع الاسد خالص .
فحاول انه يهرب بسرعه بس للاسف مفتاح القفص الحديد بتاع الاسد وقع من ايده .

وفهد ما صدق سمع صوت الخطوات دى فافضل يصرخ ويصرخ باعلى صوته .. الحقوووووونى الحقووووووونى هاياكلنى

وفاق على صوت الدكتور وهو بيكلمه .

الدكتور ... ايه يا فهد باشا سرحت فى ايه .

فهد خد تنهيده كبيرة وقال ... ابدا يا دكتور انت خلصت .

الدكتور .. اه خلصت يا سيدى واحب اطمنك ان كل شىء هايرجع زى الاول بعد العمليه الى هانعملها قريب دى .. الطب اتقدم جدا فى العمليات دى وبالذات فى الاطراف الصناعيه ومش عاوزك تقلق خالص واطمن سياتك واطمن يا عز باشا انت كمان .

عز ... ان شاء الله يا دكتور . انا عاوز اشوف عمى زى الاول واحسن .

الدكتور .. قريب اوى باذن الله .

عز ... ان شاء الله .
___________________________

وفى روما وبالتحديد فى الفندق اللى متعوده همس تنزل فيه .. كانت وصلت وطلعت على اوضتها وقلعت لبسها ودخلت خدت شور وبعدها مسكت موبيلها وطلبت فارس علشان تطمنه انها وصلت زى ما وعدته انها اول لما توصل تطمنه .

فارس كان صحى وراح على الشركه هو وعادل وكان قاعد مستنى الموبيل يرن علشان يطمن على همس .. وعادل كان عمال يتكلم معاه عن الشغل والمشاريع الجديده والعميل الجديد اللى هايشاركهم فى شغل كتير .. بس هو كان فى دنيا تانيه خالص وعينه على الموبيل .

عادل ..... ايه يا عم انت .. سرحت فى ايه .. انت مش معايا خالص .. اسيبك دلوقتى وهابقى ارجعلك بعدين ماشى يا معلم .. واطمن زمانها وصلت متقلقش 😉

فارس .. وحياتك يا عادل هى مش نقصاك غور دلوقتى وروح على مكتبك و.....

ولسه مكملش كلامه وموبيله رن ومسكه بسرعه اول لما عرف انها همس .

فارس .. اطلع بره يا عادل واقفل الباب وراك .

عادل بضحك .. لا مش ماشى عاوز اسمع هاتقولها ايه .

فارس مسك حاجه من على المكتب وحدفها فى عادل وقاله .. غووووور بقى واخلص يا رخم .

عادل قام بسرعه علشان يتفادى الحاجه اللى حدفها فارس عليه وفتح الباب وخرج من المكتب بسرعه بس قبل ما يقفل الباب قال .. ماشيه معاك يا ابو الفوارس😉 وبسرعه قفل الباب .

فارس خد نفس طويل وفتح الموبيل وقال .. روووووح قلبى اخيرا .

همس .. حبيبى . انا كنت لسه هاقفل افتكرتك مشغول او فى اجتماع ومش قادر ترد .

فارس .. لا يا عمرى ده الرخم اللى اسمه عادل حب يرخم شويه معايا لما عرف انك اللى بترنى .. المهم وصلتى بالسلامه يا قلبى .

همس .. اه يا حبيبى وصلت من شويه ويادوبك خدت شور وقولت اطمنك يا باشا .

فارس ... قلب الباشا وعقل الباشا وروح الباشا يا همس .. وحشتيييييينى اوى اوى اوى يا حياتى .

همس بضحك .. ده انا يا دوبك مكملتش كام ساعه يا فارس وانا بعيد عنك لحقت اوحشك اوى كده .

فارس .. انتى بتوحشينى وانتى فى حضنى يا همسى .. انا بموووت فيكى يا حبيبتى .

همس ... وانا كمان يا قلبى بموووت فيك يا حبيبى .. وفجاه سمعت صوت خبط على الباب .. وتوقعت انه يكون حد من الفندق علشان كانت طلبت فطار خفيف علشان مكلتش اى حاجه من الصبح .
وقالت .. ماشى يا فارس اقفل دلوقتى اصل الباب بيخبط واكيد جابوا الفطار اللى كنت طلبته منهم .. وهافطر وانام بقى ولما اصحى هابقى اكلمك تانى يا حبيبى ماشى .

فارس .. ماشى يا حبيبتى وخلى بالك من نفسك واول لما تصحى كلمينى على طول .

همس .. ماشى يا قلبى يالا سلام .

وفعلا قفلت همس الموبيل ورمته على السرير وراحت علشان تفتح الباب .

يا ترى مين اللى بيخبط على الباب ؟؟
تواقعتكم ايه ؟؟

#فارس_عشقى_2

بقلم / سحر فرج

مواعيد النشر ان شاء الله هاتكون يوم السبت والتلات والخميس .
ولو كتبت اى حاجه هانزلها على طول فى اى وقت .
عاوزة تعليقاتكم بقى عن الحلقه ورأيكم فى بدايه الجزء التانى وشجعونى لكتابه الحلقات الجايه .
تحياتى .. سحر فرج

[فيتامين سي]

#فارس_عشقى_2

الحلقه التانيه

بقلم/ الكاتبه سحر فرج

قفلت همس الموبيل مع فارس ورمته على السرير علشان تروح تشوف مين اللى بيخبط على الباب .

قربت همس من الباب وفتحت وفعلا زى ما توقعت الفطار اللى كانت طلبته جبوه .

همس خدت منهم الاكل وشكرته وقفلت وراها الباب بالمفتاح .

وحطته على التربيزة اللى فى البلكونه اللى الفيو منها روعه وفى منتهى الجمال وقعدت واكلت وشربت عصير فريش كمان .
وبعد حوالى ربع ساعه بعد ما خلصت فطارها دخلت على السرير وراحت فى سابع نومه .

فى الفيلا عند مامت فارس اللى كانت صحيت من بدرى وفطرت هى وجوزها وبعدها قررت انها تتصل بفارس وتصبح عليه زى كل يوم .

الام لفارس ... صباح الخير يا حبيبى ولا اقول مساء الخير الظهر قرب يأذن اهو .

فارس بحب ... صباح الفل يا ست الكل اى حاجه منك حلوة يا قلبى .
اخبار صحتك ايه واخبار السيد الوالد ايه .

الام .. الحمد لله يا حبيبى وبابا قاعد جنبى اهو بيصبح عليك هو كمان .

فارس .. سلميلى عليه يا حبيبتى وان شاء الله هاخلص شغل الشركه واجى عندكم على طول .

الام .. وانا مستنياك يا روحى ومجهزالك كل الاكل اللى انت بتحبه واكيد هاتقضى معانا اليومين اللى همس مسافرة فيهم زى المرة اللى فاتت .

فارس .. ان شاء الله يا حبيبتى .. سلام بقى دلوقتى علشان فى عميل مهم وصل بره وانا لازم استقبله بنفسى .. مش عاوزة اى حاجه اجبها وانا جاى يا امى .

الام .. تيجى بالسلامه يا حبيبى وربنا يحفظك يا نور عيونى .. لو هاتجيب بقى هات شويه حلويات من اللى بابا بيحبها .

فارس .. ويخليكى ليا يا ست الكل انتى وبابا عيونى حاضر يالا سلام .

وقفل فارس مع والدته ومسك التليفون الخاص بالمكتب بتاعه ورد على السكرتيرة اللى بلغته بوصول العميل وطلب منها انها تدخل العميل المهم اللى عاوز يقابله وكان فارس فى انتظاره .

وفعلا بعد اقل من دقيقه واحده دخلت السكرتيرة ومعاها العميل لاوضه فارس
والعميل طلب من البودى جارد بتوعه انهم ينتظروه بره المكتب لحد ما يخلص مقابلته مع فارس .

فارس قام وقف واستقبله بنفسه ورحب بيه وطلب منه انه يتفضل يقعد فى صالون صغير جنب المكتب للعملاء .. وقعد هو كمان وطلب من السكرتيرة قبل ما تخرج انها تطلب من البوفيه عصير للعميل او قهوة زى ما يحب .

فارس .. تحب تشرب ايه حضرتك ؟

العميل .. قهوة مضبوطه لو سمحت .

فارس بنظرة للسكرتيرة امرها انها تبعت القهوة والسكرتيرة بطبيعتها فهمت من نظرته هو يقصد ايه واستأذنت وخرجت وقفلت الباب وراها .

فارس ... اهلا بحضرتك .

العميل .. اهلا بيك وانا سعيد انى قابلت شخصيه معروفه فى السوق زيك .. انا كل شغلى كله بره مصر وبقالى سنين عايش فى اوربا وسمعت عنك حاجات كتير جدا .
وقررت بعد السنين دى كلها انى ارجع مصر واحول كل شغلى للسوق المصرى .. والوحيد اللى هايقدر يساعدنى هو فارس الحسن بعد ما سألت وعرفت انك اقوى وافضل واحد فى المجال ده .

فارس ... انا اسعد انى قابلت حضرتك ... ومتشكر جدا للكلام الحلو ده وكتير عليا اوى .. انا انسان عادى جدا وكل اللى انا فيه ده بفضل والدى واخويا الكبير الله يرحمه .. هما اللى اسسه الشركه دى ومن خلالها بقت مجموعه كبيرة جدا بتضم شركات كتير فى مصر والوطن العربى وانا كملت المسيرة بتاعتهم ووصلت لكده بفضل الله .

العميل ... ده تواضع كبير منك واتمنى اننا نشتغل مع بعض الفترة الجايه كلها .

فارس ... انا اتمنى ده يا عز باشا وان شاء الله شركتنا تكون عند حسن ظنك .
بس كان عندى سؤال مهم نفسى اسأله لسياتك

عز ... اه طبعا اتفضل وانا تحت امرك .

فارس .. هو حضرتك ليك علاقه بعيله الجبالى او بالتحديد كان ليك علاقه بفهد الجبالى ولا مجرد تشابه اسماء .

عز عدل نفسه على الكرسى وقال ... مين فهد الجبالى .. انا سمعت الاسم ده قبل كده بس ماليش علاقه بيه ابدا ولا من قريب ولا من بعيد اكيد تشابه اسماء ..

فارس خد نفس كبير وقال ... طب الحمد لله طمنتنى .

عز من تغير ملامح فارس قال ... شكلك بتكره الانسان ده اوى .

فارس بدبلوماسيه حب يغير الموضوع وقال ... ويا ترى حضرتك بدات فعلا فى نقل الشغل ولا لسه لمصر .

عز خد باله ان فارس غير الموضوع وماحولش يحسسه انه فهمه كويس ورد عليه وقال .. اه انا فعلا بدات رسميا فى نقل كل الشغل لمصر وحاليا انا نازل فى فندق معروف وبحاول ادور على منطقه هاديه وقريبه لمقر الشركه الجديد علشان اشوف فيلا كبيرة واعيش فيها .

فارس ... ويا ترى الاسرة وافقت على النقل كده بسهوله .

عز ... انا لسه متجوزتش وعايش لوحدى طول السنين الى كنت عايش فيها برة مصر لانى مجتش مصر من سنين طويله جدا وتعليمى كله كان فى اوربا .

فارس .. انا اسف مكنتش اعرف .

عز قام وقف وطلب انه يستأذن علشان وراه شغل كتير ولازم يمشى .

فارس وقف وسلم عليه وبلغه انهم هايجهزه اجتماع رسمى بينهم هما الاتنين وبين المديرين للشركه فى وقت قريب علشان يبدؤوا الشغل مع بعضهم .

فجاه الباب اتفتح ودخل عادل وفارس عرفهم على بعض .

عادل بنظره غريبه لعز مكنش عارف ايه سببها .. مد ايده ليه وسلم عليه .

عز استاذن وخرج ودخل فارس اللى كان مستغرب نظرات عادل لعز .

فارس ... ايه يا عم انت .. بتبص للراجل كده ليه كأنه عدو ليك .

عادل ... مش عارف والله يا فارس حتى انا مش عارف انا ببصله كده ليه ومش مستريحله اول لما عينى جت فى عنيه .
انا كنت مفكر عز الدين الجبالى ده راجل كبير فى السن .. وطلع العكس ده قريب اوى من سننا .. اومال الامبراطوريه بتاعته دى لحق يعملها امتى .. وايه كميه البودى جردات اللى كانوا مستنيينه بره المكتب دول .
ده انا كنت جاى بظروفها ليك ولما شوفت كده بره جالى فضول اشوف مين اللى معاه الرجاله دى كلها .

فارس ... تصدق يا عادل .. انا برضه حسيت باحساس غريب اوى .. بس عكس الكلام بتاعك ده .. بس مش قادر احدد بالضبط الاحساس اللى انا حسيته ده ايه بالضبط .
وتصدق فيه ملامح من اخويا الله يرحمه .

عادل ... لاااااا انت كده بتستهبل .. اش جاب لجاب .. اخوك كان احلا يا عم انت .

فارس .. مش عارف والله يا عادل .. حسيت بكده وحسيت ان فى شىء بيربطنا ببعض ايه هو مش عارف مع اننا اول مرة نتقابل .

عادل .. طب يالا يا اخويا ورانا شغل اد كده خلينا نفوق ليه واظن اطمنت على الست همس .. ياريت نفوق بقى للشغل .

فارس .. ماشى يا عم يالا اسبقنى على اوضه الاجتماعات وخلى كل المديرين بتوع الفروع والمهندسين يحضروا بسرعه علشان نبدا ننسق مع شركه عز الجبالى الشغل الجديد اللى هانفذه مع بعض .

عادل .. ماشى يا باشا هاروح انا وما تتاخرش علينا يالا سلام .

وفعلا مشى عادل وساب فارس فى المكتب .
لكن فارس قعد على مكتبه وبدا يفتكر كل كلمه قالها عز واد ايه هو شخصيه قويه وليها نفوذ كبير .. واحساسه اللى حس بيه اول ما عيونه جت فى عيون عز .. حس بمليون علامه استفهام جواهم وايه السبب ؟؟؟

____________________________

وبعد عده ساعات وفى روما وبالتحديد فى الفندق بعد مرور عدة ساعات من نوم همس .. كانت بدأت تفوق على خبطات على الباب ... فحاولت انها تقوم من السرير وقربت من الباب وفتحت .. واتفاجأت ببوكيه ورد كبير اودام الباب ومفيش حد واقف .
رفعت البوكيه من الارض وقفلت الباب تانى وقربت من التربيزة اللى فى وسط الاوضه ولمحت كارت مع الورد ومكتوب فيه .
( حمد الله على السلامه . منورة روما كلها )

استغربت همس اوى من البوكيه ومن الكلام الى فى الكارت بس .. دماغها راحت لفارس على طول انه هو اللى عمل ليها مفاجاه وبعت لها البوكيه ده .. فقررت انها تمسك الموبيل وتتصل بيه على طول .

وفعلا عملت كده واتصلت على فارس اللى كان خلص شغله وكان راكب عربيته ورايح على مامته .

فارس كان سايق العربيه وسمع صوت الموبيل بيرن وفرح اوى اول لما عرف انها همس .

فارس ... روح قلبى ... صح النوم يا عمرى.

همس بدلع .. وحشتك .

فارس ... مووووووت .. وهاتجنن عليكى يا حبيبتى .

همس ... وانت كمان يا روح قلبى وحشتنى اوى .. خلصت شغل ولا لسه .

فارس .. انا يا دوبك لسه نازل من الشركه ورايح اقضى اليومين دول عند ماما .. مش قادر اقعد فى الشقه من غير ما تكونى انتى فيها يا همسى.

همس ... للدرجه دى يا فارس بتحبنى .

فارس .. واكتر من كده كمان يا حبيبتى .

همس .. ربنا ما يحرمنيش منك ابدا يا حبيبى وتفضل تحبنى اوى كده طول عمرك .

فارس ... انا مقدرش احب غيرك ابدا يا همس .. انتى قدرى وحبيبتى وعمرى كله يا همسى .

همس ... وانت كمان يا قلبى .. متنساش تسلم على مامتك وباباك كتير .. وانا هاروح اخد شور وانزل الف شويه فى البلد .

فارس .. ماشى يا حبيبتى .. وخلى بالك من نفسك .

همس .. حاضر يا قلبى .. يالا سلام .

فارس .. سلام يا حبيبتى واول لما ترجعى كلمينى علشان اطمن عليكى يا همس .

همس .. تمام .. يالا سلام .

فارس .. سلام يا روحى .

قفلت همس ولسه بتلف نفسها .. شافت بوكيه الورد اللى على التربيزه وافتكرت انها اصلا بتتصل بفارس علشان تسأله عن الورد .. وقالت لنفسها .. من كلامه الحلو نسيت اسأله بس اكيد فارس هايكون مين يعنى .. على العموم شكرا يا فارس عشقى ❤
وفتحت الشنط وطلعت لبس ليها ودخلت على الحمام علشان تاخد الشور .

^^^^^^^^^^^^^^^^^^^^^^^^^^^^

وفى الفيلا اللى بتجمع الشباب كلهم .. كانت رغد فى شقتها ومجهزة السفرة باحلى اكل بيحبه عادل وكانت فى انتظار وصوله من الشركه .
وافتكرت انها نسيت السلطه فى التلاجه فراحت علشان تجبها من المطبخ .

عادل كان وصل وفتح باب الشقه واول لما دخل شم ريحه الاكل الحلو الى على السفرة .. فراح فى اتجاه الريحه وشاف الاكل اللى على السفرة وقال ... الله الله ايه الاكل ده كله .. احنا عندنا عزومه ولا ايه يا حبيبتى ؟

رغد .. رغد انا جيت يا حبيبتى انتى فين .. وساب مفاتيح العربيه والموبيل على السفره وراح على المطبخ اللى توقع ان رغد تكون لسه بتجيب باقى الاطباق .. واول لما وصل للمطبخ .. اتصدم اول لما شاف رغد على الارض واقعه وجنبها طبق مكسور والسلطه على الارض فى كل مكان .

عادل جرى بسرعه ناحيتها وقعد جنبها وحاول يفوقها بس للاسف رغد مش عاوزة تفوق .. فشالها من الارض وراح على اوضه النوم وحاول انه يفوقها بالبرفان بس للاسف برضه مش عاوزة تفوق وكان هايتجنن على منظرها ده ومش عارف يعمل ايه وحس انه دماغه وقفت عن التفكير خالص واول حاجه جت فى باله ينادى سلمى اخته وجنه اخت رغد .
وفعلا جرى ناحيه باب الشقه وفتح الباب وبظروفها قابل جنه فى وشه كانت جايه لرغد .

جنه .. مالك يا عادل فى ايه ومال وشك عامل كده ليه .. فى حاجه .

عادل بلهفه .. كويس انى شوفتك ياجنه انا كنت لسه هانزلك .

جنه بضربات قلب سريعه من منظر عادل وشكله .. فى ايه يا عادل انطق .

عادل .. انا رجعت من الشغل ولقيت رغد واقعه على الارض ومغمى عليها وحاولت افوقها مش عاوزة تفوق.

جنه بصدمه .. رغد اختى .. وجريت على جوا وعادل نزل ينادى سلمى بسرعه من تحت .

وفعلا دخلت جنه لرغد وشافتها بالمنظر دا وبدات تعيط على منظر اختها وتحاول تفوقها ودققتين وجه عادل وسلمى وشريف اللى طلعوا بسرعه اول لما عادل بلغهم باللى حصل لرغد .

وانتظر شريف بره الاوضه ودخلت سلمى وعادل وحاولوا انهم يفوقها و بعد شويه فعلا فاقت رغد بس كانت تعبانه ودايخه وجسمها متلج فطلبت سلمى من عادل انه يتصل بالدكتور بسرعه .

وفعلا عادل راح ناحيه السفره ومسك الموبيل واتصل على الدكتور .
وبعد اقل من ربع ساعه كان وصل الدكتور ودخل وبدأ يكشف على رغد وكانت موجوده معاها سلمى وجنه اللى كانت مش مبطله عياط خالص .
وعادل وشريف كانوا بره وكانوا قلقانين على رغد وبالذات عادل اللى كان هايتجنن على مراته .

وفجاه باب الاوضه اتفتح وخرج الدكتور وعلى وشه ابتسامه بسيطه .
جرى ناحيته عادل وشريف بالهفه .

عادل .. خير يا دكتور مراتى مالها وايه اللى حصل لها ده بالضبط .

الدكتور .. اهدى يا استاذ عادل متقلقش .. وكل اللى حصل للمدام ده شىء عادى جدا لاى ست حامل .
الف مبروك المدام حامل فى شهرها التانى ولازم تتغذى كويس وهاكتب لها على شويه فيتامينات وكالسيوم لزوم الحمل .

عادل مش مصدق الكلام اللى سمعه من الدكتور والفرحه مكنتش سيعاه وقال .. انت بتتكلم جد والله .. رغد حامل وانا هابقى اب .

الدكتور .. وهو الكلام ده فيه هزار يا استاذ عادل .. الف مبروك وانا هاكتب الروشته وياريت المدام تبدا تاخدها من النهارده .

عادل قبل ما الدكتور يكمل كلامه دخل جرى على الاوضه وراح ناحيه السرير الى كانت نايمه عليه رغد وقعد جنبها .

سلمى ... الف مبروك يا عدوله ويتربى فى عزكم يا حبيبى .

جنه .. الف مبروك ليكم واخيرا هابقى خالتوووو .

سلمى .. وانا كمان هاكون عمتووو مش انتى لوحدك يا اختى .

عادل قرب من رغد وباس ايديها .. ولما سلمى شافت المنظر ده غمزت لجنه انهم يسيبوهم لوحدهم شويه .
وفعلا فهمت جنه نظرة سلمى ليها وخرجوا بره الاوضه وقفلوا الباب .

عادل بفرحه ... الف مبروك يا حبيبتى .. كده تخضينى عليكى .. انا كنت هاموووووت من كتر الخوف لما شوفتك واقعه على الارض .

رغد .. الله يبارك فيك يا قلبى .. معلش حقك عليا .. انا كنت جهزت كل حاجه على السفرة وكنت راحه اجيب السلطه من التلاجه وفجاه حسيت ان الدنيا بتلف بيا ومحستش غير وانا فى السرير .

عادل قرب اكتر واكتر وقبل ما تكمل كلامها خطف شفايفها فى بوسه رومانسيه جميله .
بس للاسف دخلت سلمى كالمعتاد وقالت ... احم احم نحن هنا يا شباب مش وقته خالص الكلام بتاعكم ده .

عادل .. يا سلام عليكى وعلى رخامتك .. دايما تيجى فى اوقات رخمه زيك .. اظن فيه باب تخبطى عليه يا مدام .. عاوزة ايه يا هانم .

سلمى بضحك .. سورى يا هندسه .. انا اتصلت بماما وقولتلها وفرحت ومكنتش مصدقه وفرحت جدا جدا يا عدوله .
وانا هاسيبكم لوحدكم بقى وهانزل انا وشريف على شقتنا علشان نتغدى ولو عزتم حاجه ادينى الووووو .
وجنه كمان هاتنزل علشان عمر زمانه جه من النادى .

براحتكم بقى يا قطاقيط 😉😉😉
وبسرعه كان عادل ماسك خداديه من جنب رغد وحدفها فى وش سلمى اللى جريت بسرعه قبل ما تيجى فيها .
وعادل رجع تانى جنب رغد ولسه هايضمها لحضنه دخلت سلمى تانى وقالت .. طيب اجبلكم تتغدوا 🤔
قام عادل بسرعه وكان عاوز يحصلها ويمسكها لولا انها خافت من منظره وجريت بسرعه وفتحت باب الشقه وقفلت وراها .

يا ترى الايام الجايه مخبيه ايه لابطالنا
تواقعتكم ايه .

#فارس_عشقى_2

بقلمى / سحر فرج

متنسوش تعليقاتكم ولايكاتكم وتواقعتكم الحلقات الجايه.
ما تنسوش تدوسوا على النجمه وتعملوا متابعه لصفحه الوتباد علشان تصل لكم الحلقات اول لما تنزل باسم .

[فيتامين سي]

فارس عشقى 2

الحلقه التالته

بقلم سحر فرج

فى قصر الجبالى وبالتحديد داخل غرفه فهد .

عز ... ايوا يا عمى انا بعت بوكيه الورد زى ما انت طلبت بالضبط وبعت جواه الكارت مكتوب فيه الكلام الى انت قولته كمان .
والراجل بيراقب كل تحركاتها فى كل ثانيه متقلقش .
واطمن هانت وهاتكون معاك وفى حضنك وتاخد منها كل حاجه ومتنساش انها كانت السبب في اللى حصل ليك وبقيت عليه دلوقتى .

فهد بفرحه... انا مش عارف لولا وجودك معايا وجنبى يا عز كنت هاعمل ايه .
انت ابنى وربنا بعتك ليا علشان يعوضنى عن موضوع الخلفه اللى اتحرمت منها دى .

بعد ما جربت جوزاة واتنين وتلاته وكلهم قالوا ان عندى عيب يمنعنى من الخلفه .
وكلهم سابونى وبعدوا عنى .
ولولا وقفه ابوك جنبى زمان كنت انتهيت من بدرى .

عز بهيبه قال ... ابويااااا .
انت ليه مش بتكلمنى عنه هو ووالدتى يا عمى .. وكل ما افتح الموضوع ده معاك تقولى هاقولك بعدين كل حاجه .

فهد بهروووب .. بعدين يا عز بعدين .. لما يجى الوقت المناسب هاتعرف كل شىء .

المهم دلوقتى قولى ناوى على ايه الخطوه الجايه .
______________________________

همس كانت ماشيه بتتفرج على المحلات فى شوارع روما وعجبها شويه حاجات لنفسها اشترتها .. وعجبها ساعه حلوة اوى لفارس برضه جابتها .
ولفت نظرها محل لملابس الاطفال .. وقفت اودامه وعجبها اوى لبس الاطفال واد ايه ذوقه حلو ورقيق .. وبعدها كملت مشى وفرجه على الباترينات .

وهى ماشيه تتفرج على المحلات سمعت موبيلها بيرن .. فطلعته من شنتطها وكانت سلمى المتصله .

همس ... سلومه ازيك يا حبيبتى.

سلمى .. مساء الخير يا قلبى اخبارك ايه ؟

همس .. مساء الفل .. انا بخير الحمد لله انتى عامله ايه وازى الشباب كلها ورغد وجنه .

سلمى .. اسكتى يا همس عندى ليكى خبر بمليون جنيه .

همس باستغراب!!!!!! .. خبر ايه انطقى

سلمى بفرحه .. انا هابقى عمتوووو .

همس 🤔🤔 ايييييه ده بجد .. هى رغد .......

سلمى بفرحه ... حاااااامل .. وعملتها من ورنا بنت الذينه .

همس .. احلى خبر ده ولا ايه بجد فرحتينى اوى وفرحت لعادل ولرغد والله . وعقبالك انتى وشريف يارب يا حبيبتى وعقبالى انا كمان وجنه وعمر اخويا .

سلمى .. يارب يا قلبى يارب .
ده احنا هانبقى مسخرة واحنا حوامل وشكلنا هايبقى فظيع 😂

همس .. انتى بتقولى فيها ده احنا هانبقى تحفه.

سلمى ... يااارب يا همس يارب ... سلام بقى علشان هاروح اطلع صينيه الكيكة من الفرن قبل ما تتحرق .

همس .. بالهنا والشفاء يالا سلام .

وبعد ما قفلت همس مع سلمى حست بدوخه خفيفه فتخيلت انها من كتر الف تعبت وقررت انها ترجع على الفندق وتستريح .

_________________________________

وبعد شويه فى فيلا عز الدين الجبالى وفى اوضه النوم بالتحديد بتاعه فهد اللى كانت مليانه اثاث على احدث طراز واجهزة طبيه لزوم حالته .
فهد كان قاعد على كرسى متحرك ولسه بيتكلم هو وعز .
وبيسمع عز ابن اخوه وهو بيحكيله عن اول مقابله ليه مع فارس .. وعز حكاله على كل شىء بالتفصيل .

فهد .... خلى بالك يا عز .. فارس الحسن مش واحد سهل زى ما انت متخيل .. ده دماغه فظيعه وعامل زى الثعبان .. يتسحب يتسحب لحد ما يلدغ وياخد كل شىء طالع لابوه بالضبط واخوه الكبير اللى مات .
وهو دلوقتى اللى ماسك كل حاجه بعد ما ابوه كبر فى السن وبقى ما ينزلش المجموعه كلها خالص غير كل فين وفين .
فارس الحسن هو الوريث الوحيد لكل املاك ابوه بعد ما يموت .. وهو اكبر راس دلوقتى فى مصر كلها ويعتبر العقبه الوحيده اللى اودام شركاتنا ولازم نقضى عليه وباسرع وقت
واخد منه مراته زى ما هو خدها منى الكلب .
( وارد كمان اللى خده ابوه مننا زمااان انا وابوك الله يرحمه )

عز ... قريب اوى هايجى اليوم اللى هاتكون معاك وفى حضنك اودام عنيه لحد ما يموت بحصرته واندمه على كل شىء عمله معاك يا عمى ويعرف مين هما عيله الجبالى .
بس قولى يا عمى ... هو مالوش قرايب خالص ولا ايه .
وابوه خد منك ايه بالضبط انت وابويا الله يرحمه ؟؟؟؟؟

فهد ... كان ليه اخ كبير ومات من سنين . وشويه قرايب من بعيد لابوه وشويه زيهم لامه .

واللى خده منى ومن ابوك الله يرحمه بعدين هابقى اقولك عليه مش وقته خالص .. انا اهم حاجه عندى انى اكسر فارس واقضى عليه واخد همس منه واقضى على عيله الحسن كلها .

عز ... ما تقلقش يا عمى واطمن هانفذ كل اللى انت عاوزه .. ويالا اسيبك واطلع على اوضتى استريح شويه واعمل شويه تليفونات مهمه .

وفعلا طلع عز على اوضته وقلع جاكيت البدله بتاعته اللى لابسها ورماه على السرير ومسك موبيله واتصل بشخص واول لما رد عليه قال باللغه الايطاليه ...

عز ... طمنى عملت ايه .

الشخص التانى .. انا من ساعه ما نزلت سياتك من الفندق وانا ماشى وراها ومسبتهاش لحظه وانا ماشى وراها دلوقتى وشكلها تعبت من كتر اللف وراجعه على الفندق يا عز باشا .

عز ... ماشى خليك برضه وراها ومش عاوزها تغيب عن عينك لحظه لحد ما اطلب منك اى شىء تانى انت فاهم .

الشخص التانى .. فاهم يا باشا وانا تحت امر سياتك .

وقفل عز الموبيل معاه وبدا يقلع باقى لبسه ودخل على الحمام ياخد شور وبعد شويه خرج ورمى نفسه على السرير .

واول لما نام على السرير .. دماغه بدات تفكر فى كل كلام عمه .. وقال .. انا هاوريهم كلهم .. وهانتقم منهم شخص شخص .
بس يا ترى ايه موضوع ابوا فارس ده .. ويا ترى خد ايه من عمى ومن بابا الله يرحمه مخلى عمى عاوز ينتقم منهم بالمنظر ده .

وايه همس دى اللى هايتجنن عليها للدرجه دى .. ياما قابل بنات وستات كتير .. واول مرة اشوفه هايموت على واحده زى همس دى .
يا ترى هى زياده ايه عن باقى البنات .. وايه اللى عجبه فيها للدرجه دى .
وفجاه قام وجاب موبيله وقعد على الكرسى القريب من السرير وفتح الموبيل وبدا يبحث عن زفاف رجل الاعمال فارس الحسن وهمس رضوان .
وفعلا اول لما كتب كده فى جوجل ظهر ليه حاجات كتير عن فارس الحسن وزفافه وكان فرح اسطورى ومش هو بس ده كان فرح كبير ليه ولاصدقائه فرح جماعى واتكلم عليه الوسط كله .
وبدا يشوف الصور صورة صورة واول لما عينه جت على فارس وهمس اتفاجأ بهمس
وجمالها
ورقتها
وحلاوتها
وملامحها البريئه الطفوليه .
وعرف دلوقتى ايه سبب جنون فهد الجبالى بيها للدرجه دى وانها فعلا تستاهل انه يعمل كل شىء علشان يوصلها .
ومد ايده على الصورة وكبرها وظهرت ملامح وتفاصيل وش همس اكتر وعرف انها جميله جدا جدا وبدأ يركز بايده وصباعه على شفايفها وسرح فيهم وبحلاوتهم .
وفاق من شروده على رن الموبيل من مدير اعماله فى اوربا ورد عليه .

وفى الفيلا عند فارس كان قاعد هو ومامته وباباه .. وكانوا اتغدوا وحلوا كمان بالحلويات اللى اشتراها فارس وهو راجع من الشركه .

وراحوا قعدوا فى الرسبشن هما التلاته .

وهما بيتكلموا عن الشركه ومقابله فارس وعز لبعض وعن بدايه مشاريع كتير مع بعض فى الغردقه والساحل الشمالى .

الاب .. يعنى هو ده عز الجبالى صاحب مجموعه عز الاوربيه للاعمار .

فارس .. بالضبط كده يا بابا هو ده صاحب المجموعه بنفسه عز الجبالى وناوى يصفى كل شغله بره وجاى هنا فى مصر وهايستقر هنا على طول .

الام تاهت شويه وسرحت اول لما سمعت اسم عز الجبالى وده اللى خلى فارس ياخد باله منها .

فارس .. ايه يا ست الكل سرحتى فى ايه .

الام فاقت من شرودها وسمعت فارس بيتكلم وقالت .. ابدا يا حبيبي مفيش حاجه الظاهر تعبت شويه من ساعه ما اكلت.. انت عارف معدتى بقالها فترة بتتعب من الاكل .

فارس قعد جنبها وضمها لحضنه وقال .. الف سلامه عليك يا قمر .. وتعالى اخدك واكشف عليكى عند الدكتوره رهف وبالمرة نطمن عليها وعلى خالتو سعاد ولا تحبى اتصل عليها واخليها تيجى هى بدل ما نروح بنفسنا وانتى تعبانه كده .

الام .. لا يا حبيبى .. انا هاخد الفوار والبرشام اللى هى كانت كتباه ليا وانا عندهم اخر مرة متقلقش عليا انت .

فارس .. زى ما تحبى يا حبيبتى . ربنا يخليكى ليا يا ست الكل انتى وبابا ومسك اديها وباسها .
وفجاه موبيل فارس رن وكان عادل هو اللى بيتصل عليه .

فارس ... اهلا يا هندسه خير مش عاويدك يعنى مش لسه سايبك فى الشركه من شويه .. عاوز ايه منى انطق .

عادل بصوت يدل على فرحته قال ... عندى ليك خبر حلو ومش مستحمل استنى لحد بكرة علشان افرحك بيه يا صاحبى .

فارس !!!!! بدام خبر حلو فرحنى طيب بيه .

عادل بفرحه .. هابقى اب .. رغد حاااامل . وانت هاتبقى عمو يا فارس .

فارس بفرحه ... بجد الف مبروك يا حبيبى.. وبلغ رغد وقولها فارس بيقولك الف مبروك يا رورو .

عادل بفرحه .. الله يبارك فيك يا حبيبى وعقبال همس يارب هى كمان قريب ان شاء الله .

فارس .. يارب يا عادل .. يارب وماما جنبى اهى عاوزة تباركلك خدها معاك اهى .

وفعلا ام فارس خدت الموبيل من فارس وباركت لعادل وهنته على حمل رغد وبعدها قفلت الموبيل .

الام .. عقبالك يا حبيبى لما تفرح كده لحمل همس ان شاء الله .

فارس .. ان شاء الله يا امى دعواتك .
________________________________

وفى شقه عادل ورغد اللى كانوا فرحانين اوى وعمابين يحلموا باليوم اللى هايشرف فيه ولى العهد .

عادل ... ان شاء الله انا عاوز ولد ويبقى اسمه ادهم . ادهم عادل .. ايه رايك يا حبيبتى .

رغد طبعا مش عاجبها الكلام فقالت .. نعم يا استاذ عادل ومين قالك انى عاوزة ولد وكمان اسميه ادهم .. انا عاوزة بنوته حلوة كده واسميها همس ايه رايك .. لانى بحب همس اوى ونفسى يكون عندى بنت جميله ورقيقه زيها وعندها نفس الطموح والاحلام اللى عند همس الكبيرة.

عادل لرغد ... لا يا رغود يا حبيبتى .. احنا نتفق من دلوقتى .. انا عاوز الولد ده تجيبيه اول مرة . وتانى مرة ان شاء الله تجيبى البنت اللى انتى عوزاها اتفقنا يا قمر .

رغد بنظره تحدى... طب ايه رايك بقى .. انا هاجيب بنت الاول وبعدين اجيب الولد .

وفجاه سمعوا صوت جرس الباب .. فقام عادل وراح علشان يشوف مين اللى على الباب واتفاجاه اول ما فتح بعمر وجنه مع بعض .

عادل ... اهلا عمورة .. جيتوا فى وقتكم تعالوا اتفضلوا وشوفوا لينا حل فى المشكله بتاعتنا دى .

جنه بخضه .. مشكله ايه يا عادل رغد اختى فيها حاجه .

عادل .. يا بنتى ما تتخضيش وادخلوا احنا هانتكلم على الباب كتير ولا ايه .. وفعلا دخلوا وعادل قفل الباب وراهم .

جنه جريت على اختها وقالت .. مالك يا رغد فيه ايه والنونو اخباره ايه يا روحى .

رغد .. يا بنتى انا كويسه متخافيش .. ده انا وعادل مختلفين على نوع المولود مش اكتر .

جنه .. والله انا خفت .. يا لهوى عليك يا عادل خضتنى اقسم بالله .

عمر بضحك .. هو كان عمل ايه يعنى الراجل انتى اللى فهمتى الكلام غلط يا حبيبتى .

عادل .. قولها والنبى يا عمر اصل هى واختها ....... ولسه هايكمل كلامه قطعته رغد وقالت .. نعم يا استاذ عادل انت والاستاذ عمر فى ايه .. ولا انتم ما صدقتم واتلميتوا على بعض انتم الاتنين .

عادل .... يا لهوى .. عجبك كده يا عمر بيه جبتلنا الكلام اهو .. كل ما فى الموضوع اننا مختلفين على نوع المولود انا عاوز ولد واسميه ادهم وهى عوزاها بنت وتسميها همس .

عمر ... اذا كانت بنت وهاتسموها همس انا موافق طبعا بكل تاكيد .

جنه .. وانا كمان عاوزها تبقى بنوته امورة وجميله كده وياريت تبقى شبه همس الكبيرة فعلا .

عادل ... اووووبا انا شكلى كده دخلت فى حيطه سد .. وقرب من رغد وضمها لحضنه وقال .. والله يا رورو يا حبيبتى كل اللى يجيبه ربنا كويس وكفايه انه حته منك يا عمرى .

عمر ... احم . احم نحن هنا يا هندسه عيب اختشى .

عادل بابتسامه عريضه .. والله اللى غيران مننا يعمل زينا .
وبعدين هو الصبح تقف ست سلمى وانت ومراتك دلوقتى ولا ايه .

عمر ... لا والله يا ابنى انا بهزر ربنا يسعدكم يارب .. وثوانى سمعوا جرس الباب بس اللى حط ايده على الجرس مش عاوز يشيلها فعادل عارف هو ورغد مين اللى بيعمل كده دايما .

عادل قام وبسرعه فتح الباب وقال ... والله يا سلمى وقت ما الجرس ده هايبوظ انتى اللى هاتجيبى غيره يا حته عيله .

سلمى حطت اديها فى وسطها وبصت لشريف وعادل وقالت .. انا عيله يا عادل انا عيله .. عجبك كده يا شريف اللى عادل بيقوله ده .
مش كفايه جايبه ليه صينيه كيكه بحالها

شريف ... الصراحه يا سوسو اخوكى عنده حق .. حد عاقل يعمل اللى انتى بتعمليه ده .

سلمى 😱 حتى انت يا شريف لاااا انا هادخل واشتكيكم للكل جوه .ةومش هأكلكم من الكيكه بتاعتى 😋😋

وفعلا دخلت سلمى وسلمت على الكل وقعدوا كلهم واشتكتهم لعمر وجنه ورغد والكل كان بيضحك على طريقتها الطفوليه اللى بتتصرف بيها دايما وقضوا السهرة كلهم مع بعض اللى كانت كلها هزار ومقالب بينهم وكان نفسهم ان فارس وهمس يكونوا موجودين معاهم . وفى الاخر بعتوا جابوا عشاء جاهز من بره واتعشوا كلهم مع بعضهم .

فارس كان طلع على اوضته وغير لبسه بعد ما اطمن على والده ووالدته انهم راحوا لاوضتهم .. واطمن ان والدته خدت علاجها بتاع القلب .

نام على سريره ومسك الموبيل واتصل على حبيبه قلبه وروحه همسته .

همس كانت يا دوبك خارجه من بلكونه اوضتها وسمعت الموبيل بتاعها بيرن فتوقعت طبعا مين الى هايرن عليها دلوقتى .

اخدت الموبيل من على التربيزة وراحت على السرير وقالت ... الوووووو.

فارس ... الووووو .

همس بهزار ... مين معايا ؟

فارس ابتسم وقال ... انا عاشق ومغرم ممكن نتعرف .

همس برقه ورومانسيه .. وعاوز ايه يا أستاذ يا عاشق يا مغروم .

فارس ... عاوزك فى حضنى واضمك بين ايديا واخبيكى جوا ضلوعى .

همس .. ايه ده انت جرىء اوى يا عاشق . للدرجه دى انت بتحبنى يا فارس عشقى .

فارس بحب .. واكتر من كده يا همس حياتى .
وحشتينى اوى اوى اوى .. وهاين عليا اركب اول طيارة لروما واجيلك على طول .

همس ... وانت كمان وحشتنى اوى اوى يا روحى ووحشنى حضنك ولمستك ليا ونظره عيونك اللى كلها حب وبغرق فيهم .

فارس ... اااااااه يا همس بحبك اوى يا حبيبتى ونفسى ما تبعديش عنى ابدا .

همس .. غصب عنى والله يا فارس .. انت عارف انى بحب شغلى ده اوى واستحاله اسيبه ابدا .

فارس .. عارف يا حبيبتى والله وانا بحترم رغبتك وقرارك ده .. بس مش بايدى غصب عنى انى اقولك وحشانى ونفسى تفضلى جنبى على طول .

همس .. خلاص هانت كلها ساعات واكون عندك وبين اديك وفى حضنك يا عمرى .

فارس بحب .. نفسى اغمض عيونى اشوفك اودامى على طول .

همس .. ان شاء الله يا حبيبى كلها كام ساعه وتلاقينى عندك .. المهم اخبار طنط وعمه ايه سلملى عليهم كتير .

فارس .. والله يا همس انا قلقان على ماما اليومين دول حاسس ان نفسيتها وحشه بس مش عارف ايه السبب وساعه الغدا حسيت انها تعبت فجاه وكنت هاوديها للدكتورة رهف بنت خالتى او اخليها تجيلها البيت وتكشف عليها وطمنى على صحتها .

همس .. ان شاء الله هاتبقى كويسه ما تقلقش عليها يا حبيبى والف سلامه عليها وانا اول لما اوصل هاروح واطمن عليها بنفسى .

فارس .. ان شاء الله يا قلبى .

همس .. ماشى يا حبيبى هاروح انام انا بقى علشان جعانه نوم وهلكانه وحاسه انه داخل عليا دور برد من تغير الجو .

فارس بخضه .. ايه ده انتى تعبانه بجد طيب انزلى روحى اى مستشفى او اتصلى بالفندق يجيبوا اى علاج ليكى يا حبيبتى .

همس .. يا عم انت متخفش انا هانام بس وباذن الله هاصحى واكون كويسه .. ماتقلقش عليا .

فارس .. طيب علشان خاطرى خلى بالك من نفسك يا همس .

همس .. وحياتك يا حبيبى هاخلى بالى
.. تصبح على حب ❤

فارس .. وانتى من اهله يا همسى .

وفعلا قفلت همس مع فارس ونامت على السرير وسرحت شويه فى كلام فارس الحلو اللى مش بتشبع منه ابدا ابدا

وفجاه 😱😱😱😱

يا ترى فيه ايه ؟

تواقعتكم ايه اللى هايحصل .

#فارس_عشقى2

تحياتى سحر فرج

تعليقات ولايكات بقى
ودوسوا على النجمه فى الوتباد واعملولى متابعه لصفحه الوتباد ليصلكم كل جديد من الحلقات القادمه.
صفحه الوتباد باسم
SaharFaragYossef
🌷🌷🌷🌷🌷🌷🌷🌷🌷🌷🌷🌷

[فيتامين سي]

الحلقه الرابعه

#فارس_عشقى_2

#بقلم_سحر_فرج

قفلت همس مع فارس ونامت على سريرها وبدات تفتكر كل كلام فارس الحلو معاها واد ايه هو بيحبها

وفجاه !!!!!!!!!!!!

حست ان فى اصوات خفيفه و خطوات ووقفت اودام الباب وعنيها جت على الباب فورا ولقت الاوكرة فعلا بتلف وفى حد بيحاول يفتح الباب .
ولحسن حظها انها كانت قافله من جوة بالمفتاح .
اعصابها بدات تتوتر وحست بالخوف ومش عارفه تعمل ايه او تتصرف ازاى .. فقامت بشويش من غير ما تعمل اى صوت ومشيت على اطراف رجلها وراحت ناحيه الباب وبصت من العين السحريه للباب بمنتهى الهدوء وشافت شخصين ضخمين واقفين اودام الباب وواحد منهم بيحاول يفتح الباب والشخص التانى بيراقب المكان علشان محدش يشوفهم .

فرجعت همس لورا براحه ومسكت التليفون الخاص بالفندق ورنت عليهم وبلغتهم ان فى شخصين واقفين اودام اوضتها وبيحاولوا يفتحوا الباب عليهم واترجتهم انهم يجوا فى اسرع وقت .

وفعلا وفى اقل من دقيقه واحده جه الامن بتاع الفندق وخبط على باب اوضه همس .

همس من داخل اوضتها .. سمعت صوت الخبط فزاد خوفها اكتر وقربت من الباب وقالت .. مين .. مين بره .

الامن .. احنا امن الفندق يا افندم ممكن تفتحى .

همس اعصابها كانت بايظه خالص ومتوترة من كتر الخوف فاقربت من الباب وفتحت بالمفتاح وفعلا شافت اودمها مجموعه من رجال الامن الخاص بالفندق .. فاطمنت شويه .

رجل الامن ... خير يا افندم ممكن تبلغينا بكل اللى حصل .. احنا جينا فى اسرع وقت ومفيش حد خالص لقيناه موجود .

همس بخوف .. انا كنت نايمه وسمعت صوت ضعيف وخطوات ووقفت اودام باب اوضتى فقربت بشويش وبصيت من العين السحريه ولقيتهم شخصين .. وحاولوا يفتحوا الباب بس انا كنت قافله من جوا بالمفتاح وبلغتكم على طول .

الامن ... طيب ممكن حضرتك توصفى لينا الشخصين دول بالضبط لحد ما نشوف الكاميرات الخاصه بالدور ده ونحاول نحدد شخصيتهم بالضبط .

همس بتوتر .. هو كان فى واحد منهم طويل وعريض وضخم ولابس نضارة سودا وكاب على راسه .
والتانى كان طويل وضخم برضه وبشرته سمرا اوى ولابس نضارة سودا وليه دقن صغيرة.

رجل الامن ... طيب حضرتك اطمنى اوى متقلقيش وفى اسرع وقت هانبلغ حضرتك مين دول .

همس .. انا متشكرة جدا ليكم وياريت اول لما تعرفوا مين دول بالضبط تبلغونى حتى لو سافرت ورجعت على مصر .. هاسيب رقم موبيلى فى الاستقبال وتبقوا تبلغونى باللى وصلته ليه .

رجل الامن .. اكيد يا افندم واحنا اسفين على كل اللى حصل ومتقلقيش هاسيب راجل من رجالتنا اودام اوضه سياتك علشان تبقى مطمنه خالص .

همس .. متشكرا لحضرتك جدا .
وفعلا خرج بتوع الامن على طول و قفلت همس الباب بالمفتاح وراحت على سريرها ومسكت الموبيل بتاعها عشان تبلغ فارس باللى حصل معاها .. بس فى اخر لحظه رجعت فى كلامها علشان ما يقلقش عليها وهى لوحدها وفضلت انها هاتبقى تحكى ليه اول لما ترجع لمصر .

عز كان لسه سهران فى اوضته وماسك السيجار بتاعه ومستنى تليفون مهم من رجالته وده اللى كان مخليه منمش لحد دلوقتى .

وفجاه موبيله رن وكان حد من رجالته وكان هو ده التليفون اللى مسهره لحد دلوقتى وكان مستنيه بفارغ الصبر .

عز مسك موبيله وقال ... كل ده يا بهايم .

الشخص التانى ... انا اسف يا باشا .. حقك عليا .

عز .. اخلص وقولى نفذت اللى طلبته منكم ولا لسه .

الشخص التانى ... لا يا باشا للاسف .. كنا خلاص هانفتح الباب وناخدها .. بس حسينا ان الامن بتاع الفندق حس بحاجه او حد بلغه وجه واطرينا اننا ندخل اوضتنا على طول قبل ما حد فيهم يشوفنا .

عز بغضب نفخ دخان السيجار وقال ... انا مشغل شويه بهايم معايا .. حته بت مش قادرين تخطفوها .. انا هاوريكم شغلكم يا بقر
وقفل السكه فى وشهم .

رمى الموبيل من ايده على السرير وفضل رايح جاى فى اوضته زى الطور الهايج اللى هاينقض على فريسته .
وقال .. هاتروحى منى فين يا همس .. انا هاوريكى 😡😡😡
__________________________________
وفى اوضه ام فارس اللى كانت لسه سهرانه ومش جايلها نوم خالص للاسف .
راح النوم من عنيها وكانت بتعيط ومحدش حاسس بيها لان فارس كان فى اوضته وجوزها كان راح فى سابع نومه .. ومحدش عرف بحالتها دى غير ربنا .
________________________________

عدى كذا ساعه وهمس كانت راحت فى النوم بصعوبه من كتر التفكير فى اللى حصل معاها فى الليله دى وخلاها خايفه ومتوترة .
الشمس بدات تشرق وتنور الدنيا كلها وسمعت همس وهى نايمه صوت موبيلها بيرن .
فحاولت تقوم براحه ومسكت الموبيل وعرفت ان اللى بيتصل مدير ادارة مطار القاهرة ورئيسها فى الشغل .

همس بصوت منعوس ... الووووو

المدير ... صباح الخير يا همس .

همس .. صباح النور يا افندم . خير حضرتك اتفضل .

المدير .. انا حبيت ابلغك بنفسى انك فى اسرع وقت ممكن تجهزى نفسك وتروحى على مطار روما فورا .. فى طيارة جايه على مصر بعد ساعه بالضبط ولازم تكونى عليها وتيجى مصر فورا .

همس باستغراب .. خير يا افندم فى حاجه ولا ايه .. انا لسه طايرتى راجعه بكرة على مصر .

المدير .. دى تعليمات الادارة يا همس ولما ترجعى هاتعرفى كل شىء .. ويالا يا دوبك تجهزى شنتطك ونفسك وتروحى على المطار فورا .

همس ... حاضر يا افندم .. سلام .

وقفلت همس الموبيل ومكنتش مستوعبه الكلام اللى المدير قاله واستغربت جدا لان اول مرة تحصل حاجه زى كده طول فترة شغلها فى المطار .
وقامت ودخلت على الحمام .

وعند فارس اللى كان صحى من نومه من بدرى وجهز نفسه علشان ينزل ويفطر مع باباه ومامته .. وبعد ما صبح عليهم وباس ايد مامته واطمن على صحتها راح على السفره وأكل لقمه خفيفه معاهم وبعدها استاذن علشان يروح على الشركه .. وقبل ما يركب عربيته رن على همس ولما لقى موبيلها مشغول توقع ان سلمى او مامتها بيتكلموا معاها فقفل موبيله وركب العربيه وراح على الشركه .
________________________________
رجاله عز كانوا وصلوا على القصر اللى فيه فهد وعز وكان معاهم بلال اللى قلبوا الدنيا عليه لحد ما جابوه ونفذوا اوامر عز وفهد ليهم .
ودوروا عليه فى كل الاماكن الى ممكن يكون مستخبى فيها لحد ما لاقوه مستخبى عند ابن عمه فى مدينه سته اكتوبر بعد كام شهر من البحث عنه .

عز سمح للرجاله بالدخول جوا القصر عن طريق الاسلكى اللى موجود فى اوضه فهد وعن طريق الالسلكى ده فهد بيطلب من الرجاله تنفيذ اوامره .
و بعد ما سمح لهم عز بالدخول خد بعضه وخرج من اوضه فهد وطلب من فهد انه يحصله على بره بعد ما ياخد علاجه علشان عنده مفاجاه حلوة ليه فى انتظاره .

عز خرج وقعد على كرسى كبير اوى كده فى وسط الريسبشن بتاع القصر وقعد بكل وقار وحط رجل على رجل وولع السيجار بتاعه .

والرجاله كانوا حوالى اربع رجاله من البودى جردات بتوعهم وكان بلال راكع على الارض فى حاله فظيعه .. هدوم مبهدله وشعر طويل وذقن طويله ومغمين عنيه بقطعه من القماش الاسود .

عز بصوت مرعب واستهزاء ... كنت مفكر نفسك هاتقدر تهرب منى ومن عمى ... يبقى انت كده مغفل اوى يا بلال .. لما تفكر كده .
وعيب عليك بعد السنين الطويله اللى اشتغلت فيها مع فهد الجبالى ومتعرفش هما نابهم ازرق اد ايه ومش بالساهل يسيبوا طارهم .
او حد يقدر يهرب منهم .
انت هاتشوف المووووت بعيونك وهاننتقم منك ومن عيالك واحد واحد .

فهد كان وصل واتفاجاه بالرجاله دى وبالشخص اللى راكع على الارض بس من منظره وشكله معرفش انه بلال اللى وصله للحاله اللى هو فيها دى وخلاه يتحرك على كرسى متحرك .

عز ... اهلا يا عمى جيت فى وقتك علشان تشوف بعيونك الشخص اللى عمل فيك كده وعلشان تشوف اللى هاعمله فيه وفى عيلته كلها .

فهد باستغراب ... مين ده يا عز ؟؟؟

عز باشارة منه للرجاله شالوا القماش اللى على عينه وقال ... مدير مكتبك السابق يا عمى .. بلال السيوفى .

فهد مش مصدق ان اخيرا قدر عز الجبالى يجيب بلال ويخليه يركع بالمنظر ده .
فقرب بالكرسى المتحرك بتاعه ناحيه بلال وبابتسامه طوووويله .. اخيرا شوفتك اودامى يا بلال .. كنت مفكر انى مش هاشوفك ولا هاعرف الاقيك واحاسبك على اللى عملته فيا .
ههههههههه ضحك فهد بصوت عالى وقال .. ده انت اهبل اوى لو كنت فكرت كده .. انت مش عارف انا مين واقدر اعمل فيك ايه وفى عيلتك كلها يا بلال .

بلال بتوسل ... ابوس ايدك يا فهد بيه ابوس ايدك

عز بغضب ... انت تخرس خالص .. انا هاجيب عيالك وارميهم للاسد وتتفرج عليهم وهو بيتسلى عليهم واحد واحد .. وبعدها هاقطع جسمك قبل ما ارميك لنفس الاسد زى ما انت عملت فى عمى .. انا هاوريك مين هو عز الجبالى .

بلال ... غصب عنى .. غصب عنى .. ابوس ايدك مالكش دعوة بعيالى هما مالهمش ذنب فى حاجه .. انتقم منى انا واعمل فيا اللى انت عاوزه .. ابوس ايدك يا فهد بيه كلمه .. انا عشت معاك اكتر من عشرين سنه وعمرك ما شوفت منى حاجه وحشه .. ماتخلهوش يجى جنب حد من عيالى .. واعمل فيا اللى انت عاوزه وارمينى للاسد .

عز بغضب .. خدوه من اودامى ونزلوه على المخزن لحد ما تجيبوا عياله هنا فى اسرع وقت .. الليل ما يجيش عليكم وانتم لسه مجبتهمش .

بلال بتوسل ... ابوس ايديكم عيالى ملهمش ذنب ابوووووس ايديكم حرام عليكم حرااام .
والرجاله بيشيدوه وبيحاولوا يجروه .

فهد فجاه جت فى دماغه فكره جبارة وقال ... استنى يا عز انا ........... ؟؟؟؟؟؟
__________________________________

فارس كان وصل بعربيته اودام الشركه وركنها وطلع على مكتبه لفوق .
وهو داخل المكتب شاف عادل كان لسه جاى هو كمان فقرب منه ومد ايده وسلم عليه وحضنه .

فارس .. الف مبرووك يا عدوله وربنا يجيبه بالسلامه .

عادل بفرحه .. الله يبارك فيك يا صاحبى وعقبال همس قريب ان شاء الله .

فارس .. ان شاء الله يا عادل .. امتى يجى اليوم ده .. نفسى اوى اشوف همس وهى حامل فى ابنى او بنتى.

عادل .. قريب اوى يا فارس وتلاقى الايام والسنين بتجرى ويكبروا العيال ويا عالم يمكن يحبوا بعض كمان عيالى وعيالك .

فارس بابتسامه عريضه ... اه تصدق .. وانا احط رجل على رجل وقاله اشمعنى بنت او ابن عادل اللى حبيتيه يا هانم هههههه .

عادل .. نعم يا اخويا وماله عادل يا استاذ ان شاء الله .. انت هاتبدا من دلوقتى وتبقى حمى ولا ايه هههههه .

فارس .. ايه ده احنا اندمجنا فى الدور كده ليه .. يالا يا استاذ على مكتبك ورانا شغل كتير لمجموعه عز الجبالى .

عادل .. تمام يا باشا يالا اشوفك بعدين .

ودخل فارس على مكتبه وقفل وراه واتصل بالسكرتيرة انها تجهز ليه القهوة اليوميه بتاعته .
وبعد ما قفل الخط مسك موبيله ورن على همس علشان يصبح عليها .

همس كانت يا دوبك لسه خارجه من الحمام وبتسرح شعرها وقررت انها مش هاتقول لفارس انها راجعه على القاهرة دلوقتى علشان تعملها ليه مفاجاه وتفرحه بيها .
سمعت الموبيل بيرن فقربت من التربيزه اللى فى وسط الاوضه ومسكت الموبيل وقالت ...
صباح الفل يا روح قلبى .

فارس عدل نفسه على كرسى المكتب ورجع ضهره لورا وبابتسامه كلها حب قال .. صباح الورد والفل والياسمين يا روح قلبى .

همس برقه وبدون مقدمات قالت .. وحشتنى اوى يا فارس .

فارس .. وفارس هايمووووت عليكى يا حبيبتى.. وحشتينى اوى اوى .

همس .. وانت كمان وحشتنى اوى .. وباعد الساعات علشان اجى واترمى فى حضنك .

فارس .. يااااااه يا همسى بحبك اوى يا روحى
ولسه هايكمل الغزل اللى بيتغزل بيه لهمس دخل عادل فجاه وقال ... انا جييييت .

فارس بغضب ... انت هاتفضل بهيم طول عمرك كده .. مش تخبط قبل ما تدخل يا مفرق الجماعات انت .

عادل .. اكيد بتحب فى همس يا استاذ .. وعلاااا صوته وقااال .. صح يا ست همس .

فارس كان لسه حاطك الموبيل على ودنه وسمع همس وهى عماله بتضحك على طريقه كلام عادل وقالت .. ادهولى يا فارس لو سمحت علشان ابارك ليه على البيبى .

فارس .. ماشى يا حبيبتى خديه معاكى اهوووو .. انا مش عارف هايبقى اب ازاى وهو بالمنظر ده .. خد يا عدوله همس عوزاك .

عادل خد الموبيل من ايد فارس وقعد على المكتب وقال ... همووووس .. وحشانى .
فارس اول لما سمعه بيقول كده رزعه حته ضربه على كتفه .
عادل .. اااااااااه يا مفترى انت .

همس .. اذيك يا عادل والف مبروك ليك انت ورغد وان شاء الله تجيبوا لينا بنوته حلوة كده شبه رغد .

عادل .. الله يبارك فيكى يا همس وعقبالك انتى كمان .. وحته واد ولا بت ظى بقى سيبيها على ربنا .

همس .. ماشى يا عادل بلغ سلامى لرغد عقبال لما ارجع لها وسلام مؤقت .

عادل... ترجعى بالسلامه وخدى الاستاذ اللى بياكل فى نفسه ده قبل ما يموتنى .

همس بضحك .. ماشى ادهولى .
وفعلا عادل ادا الموبيل لفارس وفارس رد على همس وقااال ... اه يا حبيبتى .. هاقفل دلوقتى وابقى اكلمك بعدين لما اشوف الرخم ده عاوز ايه ومستعجل اوى كده . .. يالا سلام .

همس .. سلام يا روحى .
وقفلت همس الموبيل وراحت تلبس بسرعه لان الوقت بيعدى بسرعه وميعاد الطيارة اللى راحه على القاهرة زى ما المدير قالها قرب .

وخلال عشر دقايق بالضبط كانت نزلت همس بشنتطها من الفندق وسلمت مفتاح الاوضه وخدت تاكسى وطلعت بيه على المطار .
كل ده وهى مش عارفه ان فى عربيه ماشيه وراها وبتراقبها من ساعه ما خرجت من الفندق .. لحد ما وصلت اودام باب المطار ونزلت همس وحاسبت التاكسى ودخلت على جوا .

وخلصت كل الاجراءات وراحت على الطيارة اللى راحه للقاهرة .
وبعد حوالى ساعتين كانت وصلت الطيارة اللى فيها همس لمطار القاهرة .
_______________________________

وفى القصر كان عز امر الرجاله انهم يخدوا بلال على المخزن عقبال ما يشوف ايه بالضبط فى دماغ عمه فهد وناوى على ايه بالتحديد بالنسبه لبلال .

عز لعمه ... خير يا عمى .. ايه اللى فى دماغك بالضبط ونويت عليه .

فهد بغموض ... عندى حته خطه فى دماغى ولازم ننفذها يا عز .. علشان نقدر نجيب همس برجلها لحد هنا وتكون بين ايدينا .

عز بفضول .. وايه هى الخطه دى يا عمى اللى عاوزنا ننفذها .

فهد ... احنا هانخلى بلال اودام عنينا ونراقبه كويس اوى بعد ما نبعته لهمس لحد شغلها ويبلغها ان فى شىء خطير اكتشفه عن موتى ولازم نقعد فى اى مكان ونتكلم انا وانتى ضرورى .. وانا جيت بنفسى لحد هنا فى المطار علشان انا عرفت انك اتجوزتى من فترة ومش عاوز اسبب ليكى اى مشكله بينك وبين فارس .

فهمس غصب عنها هاتتفاجأ بوجود بلال اودام عنيها وهاتستغرب ايه هو الشىء المهم اللى بلال عاوز يبلغها بيه .. فاهتوافق على طول وتخرج معاه بره المطار ويركبوا تاكسى .
والتاكسى ده هايكون تبعنا وواحد سايقه من رجالتنا ويجبها لينا هنا تحت رجلينا .

فهد .. ايه رايك يا عز فى الخطه دى .

عز فكر شويه فى كلام فهد وخد نفس كبيييير من السيجار بتاعه وقاال .. خطه كويسه اوى يا عمى وهاتقصر علينا المسافه اوى بس لازم ننفذها فى اسرع وقت اول لما ترجع من روما على طول وقبل ما ترجع على بيتها .
وقبل ما يكمل كلامه مع فهد رن الموبيل بتاعه
فامسكه ورد وقال ... الوووووو .

الطرف التانى ... ايوا يا عز باشا .. همس نزلت من الفندق وخدت شنتطها وركبت تاكسى وراحت على المطار .. ولما دخلت وراها وعقبال لما عرفت اجمع معلومات عنها .. عرفت انها ركبت طيارة القاهرة من شويه والطيارة رجعت على مصر .

عز باستغراب .. ازاى ترجع على مصر ولسه ميعاد طيارتها كان بكرة .

الطرف التانى .. هو ده اللى حصل يا باشا وقولت ابلغ حضرتك اول بأول .

عز .. ماشى يالا سلام انت دلوقتى وقفل الموبيل .
وعيونه جت فى عيون عمه وبلغه بكل اللى عرفه دلوقتى عن همس وعن وصولها للقاهرة وسرح شويه كده وبعد تفكير سريع قال ...
احنا لازم باسرع ما يمكن .. نخلى بلال ينفذالخطه ويروح دلوقتى على المطار ويجيب همس لحد هنا زى ما اتفقنا يا عمى .. قبل ما ترجع على بيتها .. انا حاسس ان فى شىء حصل .. بس ايه هو انا مش عارف .. ولازم ننفذ دلوقتى حالاااااااا .

فهد ... وانا موافق روح للرجاله وبلغهم ينفذوا حالا .. وهدد بلال لو ما عملش زى ما احنا عاوزين .. هانجيب عياله ونموتهم اودام عنيه .

يا ترى بلال هايوافق ولا لا على خطه فهد وعز اللى وصلوا ليها .
ويا ترى ادارة المطار جابت همس ليه من روما فجاه قبل ميعادها الاصلى .

تواقعتكم ايه الحلقه القادمه .

#فارس_عشقى_2

#بقلم_سحر_فرج

دمتم متابعين .. ما تنسوش تدوسوا على النجمه وتعملوا متابعه لصفحه الوتباد بتاعتى .
وصفحتى على الفيس
روايات وقصص نوتيلا سحر فرج.
🌷🌷🌷🌷🌷🌷🌷🌷🌷🌷🌷🌷