آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
31-07-19, 01:36 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  هدية مرفوضة لذكرى المندلاوي البارت 8 شنووو اني مااقبل علي مو هو بكيفج لعد بكيفك ؟؟؟ دعاء شو هذا كام على حيله وانكلب طنطل اتقرب عليه وعيونه حمر 😈 كال ولج انتي شحاسبه روحج انتي خلك هديه وهديه مرفوضه حزت بكلبي چلمته ادري بنفسي كلش زين اني هديه ميحتاج يعيرني كلما يشوفني انه شبيدي انه هم مجبوره وحته اهلي نجبروا الله يسلمك حميد على هل الطركاعه الي ذبيتة علي هو حس على كلامه تأفأف واستغفر ربه دنك للكاع شويه ورد رفع راسه باوعلي بس هلمره اختلفت نظرات عيونه صارت مثل الي الجمر من ينرش عليه مي باوع والصفنه صفنه ماجذب عليكم انه هم صفنت بعيونه جنه كلش قريبين من بعض عيونه صارت تلمع لهناك هز راسه خرعني فزيت هذا شبي صدك خبل عكد حواجبه ورجع يحجي ويايه بنتر ومد ايده بجيب الدشداشه اليمنى طلع محفظته تريد اطك شالهة بيده ورد مد طلع من جيب الدشداشه اليسرى ضبه مال فلوس كالي هاج لزمي ذني كلتله شنوو ذني فلوسس شبيج فزيتي ؟؟؟ هااا طبعا اكيد هو انتي بعمرج كاظه هيج مبلغ دعاء اكلك شو انت أشايفني مچدیه منك قبل الحمد لله مستورين وشبعانين وبعدين تعال ليه غصب عنك مو اتزوجتني تصرف علي علي رفع راسه بأرجاء الغرفه ويضرب بيديه على رجليه من اكول هاي السانهة متبري منهة محد يصدك والله لرجع اربيج من جده وجديد وهذا السانج شبر ونص اكصه الج واسويه انج واحد الج اشةف شلون تراددين بعد دعاء اي مو هو بكيفك ماعندي اهل علي هم رجعت كالت اهلي ولج لو همه صدك اهلج يحترموج يخافون على احساسج مااتخلوا عنج بهل الطريقه دعاء انه طلعت روحي كل شويه ويهيني متحملت صحت بي كافييي انت شحاسب روحك والله لو ماابوي جا مارضيت بيك لو مو ابن الشيخ لو ابن ٠٠٠ هم ماارضه كافي تهيني كل شويه وتذكرني بلمصيبه السوده الي وكعت عليه مااشوف غير ايده وره ظهري وعظامي تريد تتكسر وهو تدنه من ركبتي شاورني اشششش حجايه وحده مااسمع وهذا السانج اكصه وحقج بعدج متعرفيني والله لو ما ابيت اهلج والرجال على كولتج مريض جان كلبت البيت عليكم انتي واخوتج ولج انتي تكوفين بوجهي وادكليلي كافي لو والله ثم والله اذا ماندمتج وخليتج تمشين وتفرين براسج مااكون ابن ابوي دعاء هو يحجي ويصك سنونه وانه ايديه احس بيهة اتكسرت ارد اصرخ اخاف يحسون اهلي وهمه بيا حال وابوي توه طالع مصدكنه رجع لينه كتمت وجعي وانه اهز براسي ودموعي منكعه خدودي حسيت بي رخه ايده ارد افك منه انهزم دفعته من صدره بيدي هو دفعني للكاع وكع شالي وانه صرت كلني بلكاع الا راسي تلاحكت النفسي الله ينتقم منه شكد حقيرررر وكعت القراصه ولن كل شعري الي( نبأ) سرحتليهة عود حاسبته مثل البقيه عنده عيون لو احساس ويشوف انه صوجي عليمن خليتهة حضرتني چني عروس بيوم زفتهة متدري بيه متزوجه صنم رفعت راسي ردت ارد عليه لن هذا الصنم صافن عليه ولكم تعالوا ليه هذا لو خبل لو خبل مابيهة مجال عزه العزاج دعاء بس لا صدك وين اولي والمن انطي وجهي وانه شعري غطه وجهي كله بقيت على كعدتي وشلت القراصه الم شعري ووارجع اباوعله وهذا الغثيث بعده يباوعلي ادور تتنقل عيونه من شعري الركبتي صدك استحيت نظراته حسستني بلخجل بسرعه اخذت الشال من الكاع ولفيته براسي وكفت على حيلي صرت كباله علي انه رايح ورقم تليفوني يمج خابريني بس تحتاجين شي دعاء ويه نفسي كلت هذا مو طبيعي اكيد وراه قصه ولازم اعرفهة طبك الباب وطلع بليه ميسلم لوو بس اعرف شنو وراك جان ارتاحيت كمزت علي نبأ هااا ولج لزمت ثوبي من يم صدري هااي طبيعه عندي من يفززني احد تف تف خرعتيني طايحت الحظ هو هيجي اليحجي كبل نبأ هههه وانتي جدعوه عليج فزيتي لووو ابن الشيخ صطرج صطر وخلاج متشوفين دربج ايي عيني الفضل يعود ليه اكيد كوليلي اسوالج بسرعه ياالله لو تظمين علي تراه ازعل دعاء ولج هوب هوب شمالج خبصتيني هو هذا هم يطلع منه الي ابالج نبأ بصدمه فكت حلكهة هااا صدك تحجين چذب مااصدك كل هذا الحسن وماسوه شي اله هذا وراه قصه دعاء شتقصدين نبأ يمكن عاشك وحده وانغصب عليج دعاء ويه روحي يصير يعني هو هم مثلي انغصب بس هو زلمه مستحيل ينجبر بس لا يعتبرني هديه ويرد يتزوج عليه الي يحبهة ايغير اكلبهة عليهة انه مو اي وحده ماارضه تجي عليه ضره حتى لو ماهاويته نبأ ولج مو احاجيج وين راح فكرج شكلج وطير عقلج ولو اكلج حقج هيبته كافي تسطر سطر ادور عطره باقي بلغرفه بعد ماراح شنو من عطر خال هذا الشيخ اشتعلوا اهله دعاء ولج انتي صدك ماتستحين چدام عیني وتمدحين برجلي مكفاج مرتضى مو انتي بيج مرض اله متزوج يالله تردينه نبأ انه اخوج كرهته هااا ولج ليش هيجي وبسرعه متولين من يمي ولج اشصاير نبأ من طبيتي انتي يم ابن الشيخ انه رحت للمطبخ اساعدهم لن اشولج منظرصدمني دعاء ولج كولي نبأ شفت اخوج يضحك ويه ايه وهل كاظ ايدهة ويجرهة عليه وهيه تنهزم منه ورد يشاورهة وهو ولا حاس بيه واكفه كبالهم وهيه مايعه مكالوا عيب العالم راده رايحه دعاء ولج هذا شي اكيد ليش تستغربين حرمه وزلمتهة طبيعي هو هذا مرتضى رومانسي زايد مثل ابوي الله يحفظهم نبأ وانه دعاء شنو انتي انه مو كتلج ايه متعوفه الج هيه مخبلته للزلمه وهل تشوفين اخوي متخبل بسوالفهة نبا ولج نسيتي لو اذكرج مرتضى جان اليه وهيه جت اخذته مني دعاء ولج هو ديج واخذته زلمه طول وعرض اكيد حسسته بحبهة وهيه الي فازت وانتي وين جنتي عنه ؟؟، طول هل الفترة ؟؟، اسكتي انه اكلج جنتي ملتهيه بس تزعلي منج كلما يخابرج تكليله وين جنت وشسويت وليش هو محتاج الكلمه الحلوه والصدر الحنين وره مراح حسيتي بعد مالج حق تزوج وصار عنده عائله وهيه هم حامل نبأ بصدمه حامللل ؟؟؟ اي خيتي حامل لجن شعبالج اتظل تنتضرج تاخذين زلمتهة وتتفرج عليج هل سدت كل البيبان عليج وطردتج من حياة رجلهة هيه هاي النسوان موشش انتي مخطوبه سنتين وحب اربع سنين وتالي جفصتي جفصه احنه كلنه انصدمه بيج نبأ ولج انه شاكه جنت مسحوره دعاء هههه هدور سحر ياهو يسويلكم انه لو امي جا احنه كلنه نحبج وجنه نتمناج جنه ومنتضرين اليوم الي تصيرين مرت اخونه نبأ هو من جان يجي انه اتخبل جنت اشوفه خنزير كبالي وجهة يتغير موش مرتضى الي احبه دعاء هسه يالله جايه تحجين نبأ ايي خيه هسه بعد ماطار مني بس رد كلبي يدك مثل قبل من اشوفه احبه مو بيدي مااتحمله ويه غيري دعاء الله يصبرج وينسيج عوفي مايفيدج بعد شوفي حياتج لتخسرين كلشي من ايديج حتى مستقبلج نبا حقج لو انتي بمجاني جا حسيتي بلي احسه وجا كلتي الله يكون بعونج انه اموتن بليوم ميت موته وانه اشوفه عايش ويه غيري يكللهة الكلام الي جان يكله اليه يحضنه يباوعةبعيونه بحب دعاء اويليي هو هذا كله سوالف اخوي اي واكثر غير انه مااحجي دعاء ههههه وهو من شافج اشكال بلمطبخ نبأ بيأس شيكول ظل عيونه علي وجر حسره وطلع وهيه تضحك ولا جنه من اكلج ماتستحي تكلين مرته جا تتحارش بيه والوادم تارسه البيت ماكو حيه دعاء. هههه ظلي انتي خجلي الحد ما طفشتي الاول وانشاءالله وراه الثاني والثالث لما اتبورين نبأ افه تنه ابور مو نبأ بت جواهر الي تبور ان ما سطرتهم عرسان بلباب واخلي اخوج يدفع بيهم واحد واحد ماكون بت ابوي دعاء. هذا الحجي يوميه اسمعهة نبأ هلمره كولي كالت وهذا شعري موشش علي ان ما سويتهة دعاء ههههه سكينه. ولج دعاء وين صرررتي دعاء رحت المي اركض وسوالف نبا نستني سوالف الغثيث انقهرت هلمره عليهة حيل مسكينه هيه الي ضيعته وسلمته الغير وحده وتالي تندمت وتريد ترده وبهذا الاسبوع ظليت اجهز بروحي وانه طاكه روحي نبأ معافتني ونسوان اخوتي هماتين وياي ماقصرن ورحت للسوك وكل شويه ايه ونبأ يتناكرن مثل الشرايج صدك ذني لو يصيرن شرايج يدمرن البيت وياهم اخوي مرتضى الله يعينه على مابلاه اكيد هو بعده يخبهة بس يكابر اشتريت الي على ذوقهم ابد مجبت شي على ذوقي العطوره جابهن اخوي من تركيا ملابس اشكال الوان سيتات نوم اييهه اتخزي اختارتهن نبأ وانه مااكدر احجي تاركه كلشي بيديهم انه ادري كلش زين مراح البسهن المن الهذا الغثيث الله يعيني واجه اليوم الي مااتمنيته يجي حارن بنات عمي ونبأ وياهم اشسون برواحهن بس الحق يقال نبأ طلعت كلش حلوه وهيه ناويه نيه المرتضى الله يستر خصوصا من سمعنه جايهة ابن عمي خطابه وهيه خلوني افكر يومين وارد الجواب اما اني فمصيبتي مصيبه استلمتني ام الصالون حف ومساجات ومقبلت اغير لون شعري احبه عاجبني ولايكلي لبست الثوب الابيض وانه بجيت من سمعت امي تهلهل وتكمز وادكول هوسات ادري بيهة اتريدني افرح بس انه ماكو شي اليوم يفرحني لان اعرف بروحي وين والمن رايحه دخلت زهراء باستني وشاورت تمنيتج لخوي واهلهلج واهوسلج ذيج الهوسه بس عمت عيني على اخوي ماعنده حظ وهل مريض واكع بلفراش ولن اشوف وحده واكفه وراهة من طرف اهل الشيخ بعدهة عرفت بت خالت الشيخ اسمهة مريم خنزرت بيه صاحوا اجه الشيخ يتبع..... ذكرى المندلاوي | ||||
|  |
|
31-07-19, 01:39 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة لذكرى المندلاوي البارت 9 صاحوا اجه العريس وانه گلبی كام يرجف والحراره صعدت عندي صخنت اباوع بعیون امي والدموع تجري وهيه نفس الشي اخوتي حيدر ومرتضى وقاسم الله يحفظهم يباوعولي والحزن باين بعيونهم بس حميد دورت عليه ماكو بينهم يمكن حس بلي سواه ولو انه سامحته مينطيني گلبي ازعل عليه اجه الغثيث وكعد بصفي وبدت تردد الهوسات والهلاهل مبارك عرس الشيخ اليوم نلعب چوله مبار ك عرس الشيخ وانه الدنيا ادور بيه معقوله الي ديصير خلص مالي مجان بعد وياهم عبالك هموم الدنيا كلها وكعت على راسي واني اباوع بعيون اهلي واحد واحد الحد ماطب ابوي انه بعد انتهيت شهكت بصوت وكوه لازمه نفسي علي لزمني من ايدي بقوه وكف على حيله وكومني ابوي نظراته مردت افادي مرد لاول مره احس بي مكسور شبيدي عليك بويه ولو انه مسويت الي يذله حشاه الذله الله يسامحك حميد فتح ايديه يحضني وعيونه حمر باين عليه باچي حضنته واشهك وابجي طبطب على جتفي ومسح براسي والتفت العلي وكال انطيتك شمعه بيتي مجبور وغصب لجل سمعه الشيخ ومكانته انه انجبرت ارضه انطيك بنتي وهيه هديه عمري ماتنثمن دير بالك تستهين بيهة داريهة وحطهة بعيونك لجن هاي عيوني الي اشوف بيهن لاتجيني يوم متندم وادكلي ماسمعتك هل الحجي لون تصير هاي النهايه وياك دعاء بت رضى مرفوعه راس ودوم تبقى الله عطاك هديه عمرك لا تستهان بيهة علي ولو الحجي معجبه بس هو شيخ يتحاسب على كل تصرف ينبدر منه بعيوني وعلى راسي واتشكر منك وهديتك مصونه وبعيوني مجانهة دعاء وانه اسمع كلام ابوي الي بيهة رفع راسي خل يعرف هل الغثيث ويسمع اهلي مشامريني عليه ولا اتنازلوا عني بسهوله حته يخلصون مني مثل مايكول وهو يهين بيه كلما يشوفني همه انجبروا وغصب عنهم الي صار اخذ ايدي عبالك اخذ روحي صار بجي بنات عمي وخالاتي وصديقاتي اخوتي سوده عليه احسهم مكسورين امي الكل ولهناك اجه حميد عيونه مورمه وحمر مد ايديه الاثنين كبال الزفه وكفهم اوكف شيخنه علي مستغرب عكد حاجبه بغضب وصاح ابعد حميد حميد مو قبل مااكلك چلمتین واگفه بزردومي علي خير حميد ليش توكف زفه الشيخ هذا تصرفك تعرف شنو معناه؟؟؟ تصرفك هذا تتحاسب عليهة ياحميد حميد شيخنه انه ندمان اتريد هاي رگبتي اخذهة اذبحني اختي ماانطيهة متندم وشتريد انطيك روحي ابمچانهة دعاء عزيزه عليه لجن الشيطان وزني وسويت هيج انا ندمان علي بغضب همس صك اسنانه ابعد حميد اختك صارت على ذمتي وعيب الي تسوي الشيخ ماتوكف زفته تعرف شنو عقاب هل العمله ولككك وين جنت وجاي هسه تعترض زفه الشيخ و تسمعني هل الحجي هاي وكتهة عيب عليك بعد لا تصير مو خوش وياك خلي گلبي راضي عليك وعلى اهلك وتطلع زفه الشيخ بأصول هناك الوادم منتضرتنه انت بهيج تأذي اختك وخر عني مالي حجي وياك وحسابك وياي بس خل تفض اليوم خل تفض الهوسه الي حساب ثاني وياك على هل التصرف دعاء انه لزمت ايده وضغطت عليه بقوه مدري شلون جتني جرئه يمكن بعد ماسمعت كلام ابوي واخوي حميد رفعت معنوياتي صحيح انه هديه بس عزيزه عد اهلي ومتنازلوا عني بسهوله كلامهم انطاني طاقه وقوة التفت الي مستغرب ويباوعلي من خلال البركع يريد يعرف شنو سبب حركتي هاي اتقرب مني وهمس هااا ولج ليكون مستعجله على الزفه اصبري خل اشوف تاليتهة ويه حميد دعاء مكدرت احجي صدك انه ليش سويت هيج اكيد راح يروح باله بعيد بس والله على كلامه هذا مراح اعديهة اله همست على كيفك ويه اخوي يالشيخ حقه متندم وخطأ وجاي يصلح خطئه لوو انت مصدكت وجلبت راد يحجي اجه ابوي صاح بي حميد ابعددد حميد والدمعه متروسه عينه بويهه انه اريد اردهة انه انطيتهة وندمان ارد اردهة رضى حميددد انت جاي تسبب بفضيحه الخيتك وتقلل من شأن رجلهة لا تعترض طريقهم وخر عنهم الي صار صار والشيخ وعدني يحطهة بعيونه ومشكور منه فهمنه وهو صار منه وبينه وانشاء الله واحد من ولدي حميد بسس بويه رضى غمض عينه وهو يباوع الابنه الي كان باين عليه الندم لكن بعد ايشش دعاء حمدت الله الكل جانوا بره والي صار بينهة ومحد دره بلي صار بس القريبين بس الغثيث صار ينفخ وينفذ دخان مثل الثور الهايج جرني من ايدي بقوه عبالك سحلني سحل شمرني بلسيارة ليوره وكعد بصفي وصاح وهو يأمر السايق اتوكل بينه ابو عامر ابو عامر صار شيخنه وراهة مشت السيارات وهي ادك فرحانه والرمي اشتغل فوك راسي اخترعت مديت ايديه وغطيت راسي وانه اردد ايات لتجي وحده براسي همه ذوله خايفين عليه مو بعيده تجي وحده تايهة شو مثل المطر يهل هل التفت علیه اوو كلت عفيه گوله خل يسد الچام وانه ارجف شو هذا صاح بلسايق ابو عامر معليك بيهة افتح الچامات گلهه التفتله مستغربه من كلامه ابتسم ابتسامه خبيثه الي وهمس انه اريدج هيجي دوم منظرج مهدي وجع راسي انه شفته هيج وخرت ايديه وابتسمتله ابتسامه خبيثه انه الك ياالشيخ خف شويه الرمي من مشينه شوي اليغاد من بيتنة باوعت من الجام واشوف السيارات المرافگه الزفه بلگي الگه اهلي وياهم ولن اشوف كوستر متروس بنات عمي وخالي وهنه يهلهلن ويصفگن ونبأ كاعده يم الچام تغني وتهلهل صارت عيني بعينهة غمزتلي ضحكت نسيت روحي من شفتهم صوت ضحكتي چانت مسموعه الغثيث رأسا بدون انذار ضغط على ايدي بقوه وهمس حته ضحكتج مو راحه استغفرالله ربي شبلاني بهل البلوه ضجت حيل وبنفس نبره حسه همست بعد ما اتقربت منه اشجابرك عليهة مو قبل شوي اخوي راد ياخذ البلوه ويردهة شمالك چلبت لو انت متعلم همس وهو يصك بسنونه ويضغط اكثر على ايدي وجعتني ارد اصرخ بعلو صوتي وادفعه بس عيب من السايق غريب علي انه من يوم يومي اشوف بلاوي ل چن فنهة للبلوة توكف بوجهي ادمرهة وارجعه منين مااچت هیه واهلهة مغرور وغثيث هيه ياهيه تشمر روحهة عليك اكيد داعين عليهة وصلنه ولن يوكل لبو عامر دخل السياره للكراج دعاء بيت الشيخ كلش جبير وحلو و مرتب من بره بس الكراج والحديقه اكبر بهواي من بيتنه حقه يتعيقل ابو خشم وينفخ روحه علينه اشجابنه عليهم بس مهما يكون احنه لمتنه بساعه العصريه بحديقتنه الصغيره ابويه زارعهة اشكال والوان انه واخوتي وامي تصب الچاي ومواعين الكليچه ترد الروح علي امشي بيش صافنه لوو حقج وين شايفه هيچ قصر سگتت ماارید اسويلي مشكله مو وگتهة تلكني نسوان مشايفتهن وحده چت باستني انه مرت الشيخ هله بيج يامرت الشيخ ابيتج عتبه خير علينه وعليج ادور الثانيه. يمه اتخبل شيخنه مريتك شحلاتهة عيوني عليهة بارده اتفضلي برجلج اليمنى واوكفي الذبيحه جاهزه انه مرت الشيخ الثالثه جتي تركض عريف شلتاغ هيه وكرشهة مترتين ليكدام جنه ماكله توم جهال كل واحد بيهم سبع كيلوات صدكت بروحي اتخيلت التوم الي بطنهة وهيه ماكلتهم غمضت عيني استخطيهم شمر ابو عامر الذبيحه وكال بسم الله والله اكبر كلت هذا راح يفجرنه لو جاي يذبح طلي عريف شلتاغ اوكف عليوي خل يذبح الذبيحه وفوت برجلك اليمنه منظر الدم فززني غمضت عيني سمعت صوت اتقدم شيخ حسين بلمبارك ياابني بلمبارك بنيتي ادنه عليه علي وحضنه وطبطب على اجتافه وهمس هيج اريدك ترفع راسي دوم علي مرفوع راسك دوم بويه عفيه عليك وهسه اريدك تاخذ مريتك المچانهة الصحيح امتعض علي وتردد لكن استقبال الشيخ حسين وكلامه خلاهة يفكر قبل ميخطي اي خطوه التفت الشيخ حسين الام طيبه وكال اخذن مرت الشيخ دلنهة غرفتهة ام طيبه صار شيخنه يالله وانتن كل وحده ترد الشغلهة اليوم ماكو وكفه عرس الشيخ علي كل وحده بيچن تبين محبتهة بهل اليوم ترفع راسه دعاء كلت بروحي وانتي شبيج متتحركين لو بس ضاله تفرين بعز٠٠٠٠ وتأمرين عليهن هنه مو نسوانه لو بس انتي حقج ماتكدرين وكرشج هذا شكبره چت وحده شفتهة قبل عرفت اسمهة بعدين من البنات مريم اتقربت عليه وهيه تدليني غرفتي وصلتني وفتحت الباب مريم والسم ينفذ من حلكهة لا تفرحين هواي اخاف جايج الضيم باوعتلهة هاي شبيهة كلامهة نفس كلام عريف شلتاغ ضحكت طيبه هههه تستاهل هيه چت برچلیهة مريم طبي برجلج اليمنى يالعروس دعاء اتخيلتهم ريا وسكينه بفلم مصري من يحركون عيونهم يتغمزون بيناتهن بأشاره وحده للوخ حته يقتلون بدم بارد الضحيه ولن صوت جاني من الجنه تمنيت اسمعه شكد جنت اكرهة قبل هسه حبيته نبأ ها ولج شمالج واكفه متصلين على نبينه وادخلين الغرفتج لو اله يجي الشيخ بنفسه طيبه سمعي كلامهة ترى الشيخ يتاخر نبأ انتي حبيبه شتكربينه للشيخ طيبه انه اخته من ابو التفتت المريم وانتي حبيبه مريم بت خالته للشيخ وبحكم خطيبته بس هديتكم اخرت خطبتي فكيت حلكي هايه شتحجي نبأ خيه هذا الحجي مو وكتهة وانتي تعرضين الباب على العروس وزلمتهة على جيه ولزمن تحضر روحه مريم عوجت حلكهة التفتت الطيبه يالله خيه امشينه خلهم يضحكون على ارواحهم مرت الشيخ هههه مصدكات نبأ هزت ايديهة جن بنات عمي طبن مرت مرتضى وياهم كالت هاا ولج بعدج اتحضري الشيخ اجه طبي للحمام غسلي نبأ وهذا ثوبج انزعي ولبسي سيت ابيض ايه نترت ولج لا لتنزعين هو لازم ينزعج نبأ صدك نسيت سألي اهل الخبره ايه جا غير هيجي لازم مرتضى اخوج ظل ربع ساعه يدور على خيط البدله ومشتعل شعل وانه اضحك بروحي اباوع على نبأ صارت حمره دم اتريد اطك اتخيلتهة تكمز عليهة وتملخ شعرهة بس متحملت كالت اكلج انتي ام خيوط وخري عنهة لن زلمتهة چاي ويريد يدخل الغرفته ايه ميدخل هو احنه كاضينه يالله حبيبات خل نطلع واخليهم بوحيدهم هاي ليله من العمر منريد نخربهة عليهم اسألوني اني يمهاه احله ليله ياريت يوميه تنعاد نبأ بغضب تنعاد حبيبه تنعاد بس على حرمته الجديده انشاء الله ايه اسم الله علينه انشاء الله تعنس الي حاطه عينه على زلمتي وتنفكس عينهة نبأ ولج انتي المن تقصدين ايه وانتي ليش تاخذين على روحج نبأ من طلعت روحج بت عمي ايمان ولكم هاي وكتهةه والله لكول الخاله سكينه فشلتنه ابيت الشيخ مناك الوادم تسمع شدكول علينه ايه خلهم يعرفون بواكه الزلم نبأ انه لو انتي بسحورتج اخذتي كوه مني خبلتي الزلمه والله اله ارجعه واندمج يمسمومه دعاء شفت الحاله وصلت حدهة صحت ولج انتي وياهة طلعن لا اخابر اخوي مرتضى عليچن وهو دواكم طلعن اثنينهن بس ياريت مطلعتهن دخلت ادور العريف شلتاغ هلمره بيديهة كصبتهة وانع بس شفتهة هيجي والله يهل الناس كوه تضحكني من تشمر حاجبهة وعيونهة صفح عود جاي تأمر وتهز بكصبتهة تضرب على ايديهة ام طيبه شوفي انتي شسمج الله يلعنك يالشيطان متحملت ضحكت منظرهة صدك يضحك كرشهة وحركتهة ادور لابسه بجامه جوه طويله وطالعه من الدشداشه وكرشه مترتين هاي مرت الشيخ ؟؟؟ والله حرام الشیخ حلو رغم كبره بس باقي بجماله وجاذبيته همزين ابنه علي طالع عليه ميشبه امه بس عيونه ورموشه غير شكل مدري عليمن بيهن جابيه غريبه يالله هسه انه امدح بلغثيث شمالي فززتني صوتهة نسيتهة تصدكون ام طيبه هسه افتهمتي لو ارد افهمج هزيت راسي وانه كلشي مفاهمه بالي راح يم الغثيث وشلون راح اتعدي الليله طلعت وركعت الباب ركع اريد اعرف ليش ضايجه هلكد مني باوعت على نفسي بلمرايه هاي انه مااصدك كلش حلوه حرامات انه الهذا العتوي كلشي بيه حلو عيوني كبار وساع رموشي طوال حته ام الصالون كالت جمالج رباني ميحتاج رموش صناعيه ولا عدسات تكبر عيونج لون عيوني عسلي كل شويه بلون بيضه وشفايفي زوج كرز برطمت شفايفي كدام المرايه عبالك متهيأه اطك صوره الغثيث حته صوره مااخذلي كله جر وعت بيدي ولا خلاني افرح شويه مثل ما العروس تفرح انفتح الباب ولن هوووه انه جنت بعدني امبرطمه كدام المرايه هو بس شافني عكد حاجبه وايده تسد الباب تصدكون شكالي بأحلى ليله تتمناهة ابنيه بيوم عرسه وتظل تتذكر كلام زوجهة الي كله عسل حته يبدون حياة سعيده علي عرفتج خبله هو هذا تصرف بالله ؟؟، واكفه مكابله المرايه وشاده براطمج جنج شاذي حضريلي دشداشه بيضه بسرعه اريدهة حاضره بس اطلع من الحمام الوادم منتضرتني انه صفنت بحلكه معقوله هذا صدك يحجي انه شمسويتله وهذا تصرف٧ وياي باول ليله صرخ بسررعه شمنتضره صدك خفت من صرخ بوجهي خلاني افتر داير مداير نفسي وانه ادور على الكنتور صاح هلمره بقوه وهو يأشرلي على جهة الكنتور اهناا وين رايحه هوويي ركضت على المكان الي اشرلي عليه فتحت اول باب لن بيهن عبي معلكه ورحت بسرعه فتحت الثاني كلهن دشاديش بس مو بيض الوان اسود وازرك وكحلي وصحراوي فتحت الثالث ولن اشوف الابيض تنهدت طلعت دشداشه وخليتهة على الجربايه وهو يراقبني وهم بعده ضايج عبالك كاتله ابو لو فصليه عنده كالي بنبره تهديد وهو يمد اصبعه شوفيني وسمعيني زين ذني الابيدج مااريد اسمع صوتهن من اوغاد افتهمتي صوتهنننن ينررررفني سمعتيييي اباوع على ايدي يقصد السوارات ثبتلي هساع عقله مو تمام حته السوارات ميحب يسمع صوتهن زين شعليه اني غير عروس وعشتوا ولازم تتزين بذهبهة بيوم عرسهة بس ارجع واكول ميهم انزعهن اشوف ليون توصل الليله ويه ابن الشيخ مااريد اسوي شي اتندم عليه امي وابوي وصوني اصير مطيعه واسمع كل كلامه مو هذا زلمتي وماخلي الناس ادكول بت رضى مو خووش وممتربايه من اول ليله احاول الزم نفسي وماانطي الأي واحد فرصه يجيب طاري اهلي نزعت السوارات وخليتهن على الميز تواليت ورفعت عيني ولن هو يباوعلي وصافن كلت نعم بعد اوامر الوخ اتقرب عليه وكال غصب عنج هاي مو اوامر هاي وظيفتج تسمعين وتنفذين الكلام شغلتج من اوغاد تخدميني وشكول عليه ينفذ وبسرعه اي تاخير عميتي على روحج ولتحسبين روحج اميره انه هنا ماعندي هل الشي تنزلين من باجر تخدمين حالج حال نسوانه لا واكثر واي غلط منج احسبي عميتي على روحج صدكي وانه مااحب احلف لو احد اجه واشتكى عليج وكال حرمتك كذا وكذا سوت عسى مايكون جاهل صغيرون اخليج تتندمين ماارحم انه ماعندي لا رحمه و لا دلال صار مفهوم دعاء مدنكه مدري شنو الي خلاني اسكت يمكن طاعه لكلام ابوي وامي لو خوفي لان صرت بعرين الاسد رديت وانه افرك بيديه صار مفهوم دخل للحمام وبعدهة لبس دشداشته وطلع وسمعت صوت هلاهل ورمي قوي يالله سترك شنو هذا المكان الي انه بي ادكول ثكنه عسكريه مو قصر شيخ كل انواع الاسلحه اليوم استخدموا تحولت معارك التحرير يمكن القصر الشيخ يتبع..... لدكولون البارت قليل عيوني كامت توجعني ارحموا من في الارض يرحمكم من في السماء ذكرى المندلاوي | ||||
|
| |
|
31-07-19, 01:45 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة لذكرى المندلاوي البارت 10 دعاء بعد ماخفت الهلاهل وصوت الرمي طبن بنات وحده وره اللوخ بدون ميدكون الباب كلهن تقريبا نفس الكصه كول وحده شايله شي وياهة الي شايله صراحيه لبن وكلاصات وخواشيك واللي جايبه وياهة خضره وزلاطات واللي جايبه فواكهة وحلويات مالذ وطاب واخيرا دخلن ثنين شايلات صينيه متروسه تمن عليه لحم اشكال فخذ ومعلاك مثروم والحبشكلات كشمش ولوز يماهه المنظر صدك يشهي حسيت روحي بمسلسل حريم السلطان ولو الغثيث بعيد كل البعد عن السلطان اني وثوب العرس بعدني منازعته كاعده على الجربايه مربعه وعيوني تباوعلهن وتراقبهن بكل فضول المنظر عجبني للحظات نسيت روحي والمهمه الجايه بيهة اباوعلهن وهنه يرتبن السفره يضحكن ويتهامسن بيناتهن وحده تشاور اللوخ وحده امبين عليهة جبيرتهن ندهت بصوت ناصي اششش اسكتن لا اكل للشيخ عليجن استحن على ارواحجن وفضنه بسرعه الشيخ راح يجي هنه عاد بسرعه سمعن الكلام رتبن كل شي ابمكانه وطلعن ركض وحده تسابق اللوخ جوعانه والمنظر شهاني وجوعني كلش بعد مااكدر اصبر وهذا الغثيث مجه يالله عساه مجه نزلت للكاع ولميت ثوبي وتربعت وكفيت الردن هههه اللي يشوفني يخرب ضحك عليه شسوي بعد جوعانه والجوع ظالم كظيت اللحمه الجبيره وتوليتهة عظ اووو خطيه عبالك طلعت حركتي بيهة من وره سوالف الغثيث اتذكرت وجهة وعيونه الي تخوزر من يكلي انزعيهن ذني البيدج يدوخني خلي يولي هذا اكيد مريض يالله هو حظي يمته كعد حته يكعد بلقسمه اكيد سوده مصخمه واني واكعه دك على الصينيه وايدي بيديه اللحمه جريت بطل اللبن اشربه بسرعه اوو اسوي مجال للاكل لا اغص وماادري بروحي لوصت روحي الدهن مالي نص وجهي والتمن مطشر منا ومنا الله لا يراويكم تمنيت الموت ولا هل الشوفه مااحجيلكم اشصار لا خل احجيلكم لان من الخجل جيت اطب بهدومي دخل الغثيث واني بهل المنظر الله يكتلني ولا هل الشوفه يبووو خجلت صرت حمره هو وكف صافن بوجهي وانه اللكمه تارسه حلكي مسويه خدودي نفاخات وجهي مدمر لازمه بتك ايد اللحمه وبتك بطل اللبن وعيوني مفتوحه من الصدمه هوو دار وجهة متحمل ابتسم اني بسرعه ذبيت اللي بيدي ومسحت حلكي بظهر ايدي نزلن خصلات من شعري لميتهن ابعدهن اتقرب مني وهو بعده يبتسم الله هذا شنو حوله هيجي لو يبقى دوم مبتسم والله لايكتله الابتسامه وجهي تحول لا شعوريا وهو يتقرب اكثر واكثر الي مد ايده على شعري ولمه وره اذني وطلع جفيه من جيبه مسح حلكي وخو كاتم ضحكته اني متحملت الخجل اخذ مني مأخذ وهو نظراته الجريئه مراضي يبعدهة عني حجيت ولو محاجيه احسنلي دنكت راسي مستحيه شيكول عليه مفجوعه اكيد راح يكول هيجي هسه يسممني ويكولي بعمر اهلج مشايفه هيج سفره يمكن اهووو انه اسويت بروحي صدك نفسي دنيه دنت بهيجي يوم وذبتني بهيج موقف ويه هذا الغثيث اكيد راح يحجي عليه ويه روحه جيت احجي صوتي كوه طلع مبحوح وانه أشر بعيوني على الصينيه دعاء تعاللل اتعشششه شو تربع كبالي لم دشداشته وكف اردانه وكال يالله بسم الله مد ايده اخذ صمه وحطهة بحلكه انه اباوع عليه شلون ياكل أشلي بعيونه على الصينيه اكلي انه بعد المشهد الي صارلي مستحيل ارجع اكل المره نفسي لعبت وردت اذبه كل من راسي كمت على حيلي وكلت الحمد لله شبعت رايحه اغسل هو براحتج رجع كمل طبيت للحمام جانت اكو مرايه جبيره لازكه اباب الحمام باوعت الروحي واتذكرت الموقف يبوو ياكاع انشكي وطميني غميت روحي اتمنيت جان حلم بس ماكو دقايق معدن وخلاني انسه كل اللي صار سمعت صوته يصيح نجمه تعالن شيلن السفره ردت اطلع بقيت ابمجاني حته يكملون و اطلع صاح وانتيي مناويه اطلعين لو الليله تباتين بلحمام يبوو هذا اشكد ميستحي طلعت بسرعه البنات يباعنلي ويضحكن ويدنكن هو يالله فضني بسرعه طلعن طب وراي للحمام غسل وطلع راح للكنتور فتحه طلع دشداشه كحليه وانه اباوعله مااعرف شسوي عبالك تمثيليه كاعده اتفرج مو اني البطله بيهة لا غير ناس وهذا اللي ديصير ميخصني ولا اني طرف بلموضوع ولا الي علاقه الا لمه نزع كدامي شكد ميستحي يبووو بقه بطرك الفانيله والشورت درت وجهي عنه هو ولا جنه لبس بسرعه وكف كبال الميز مشط شعره و شال عطر ورشه سبح بيه يمكن اجه وكف كبالي وانه متت خجل أشر بعيونه مفتهمت قصده بس عيونه عجبتني وهيه كلش قريبه صفنت عليه لزم جتفي بيدهة واني كلت خلص هذا ناوي عليه الليله حركته حركت شي غريب بداخلي مااعرف شي جديد دنكت يمكن لو ذابحني جان انفجر وجهة دم من كثر الدم الي اتجمع بوجهي صخنت وكلبي كام يرجف حته جسمي كله انعده كمت ارجف كلي هو بعدني شويه من مكاني ودنك وراي فتح جرار الكومدي الي جان وره ظهري طلع ساعه ومحبس يلبسهن يبوو متت خجل شراح ياخذ عليه نظره بس والله متقصد الغثيث متقصد يخجلني جان كلي بعدي بس لا ليش اله يفشلني الليله ليله الفشل العالمي بلنسبه الي هو اني طالع يم الجماعه لا تنتضريني اخذي راحتج هو ياهو الي ينتضرك درووح شكد ثكيل على المعده طلع وسد الباب واني باوعت على روحي ارد انام وهذا الفستان دمرني قيدني شلت جنطتي الي جابنهة بناتنه وياهن اهلي هم مقصروا كومني غراض حته لا يكلون بنت فكر ويعيرون بيه بس شما يسوون يظل هذا الغثيث يحجي وينزل من قدرهم لون انه هديه وعلى كولته مرفوضه فتحت الجنط ادور على شي مستور البسه اخخ منج ينبأ دومج مفشلتني انه صوجي خليت كلشي بكيفهن هيه وايه شو كله ممستر الي ربع ردن والي كصيف ويبوو شنو هذا هو هذا ينلبس انه الجن مااشوفجن ؟؟ اله اطلع كل الي قضه ومضه بيجن اذا تحبن تلبسن هيجي وتحلمن الاخوي وتشترن براسي انه شنو ذنبي اخوي يستاهل الدلع بس هذا الغثيث مايستاهل اله اشوفه المر وره نص ساعه ادور اخيرا لكيت شي مستور دشداشه ورديه مخصر من الصدر بس اكصير يالله احسن من ذني المشلتحات حرامات الفلوس الي راحن بيهن قفلت الباب اووو نزعت الثوب الي جان مكرهني بروحي ارتاحيت عبالك جنت مقيده طبيت للحمام وفتحت الوش افيششش مي دافي يهدئ الاعصاب وريحه الصابون ريحتني نشفت ولبست هدومي وطلعت مشطت ونشفت شعري على النص مابيه حيل بعد بودي بس اكظ الفراش استسلمت شمرت روحي غفيت وطبيت بسابع نومه بعد ماكعدت اله وانه مفزوعه على صوت باب ينركع اباوع انه وين وشداسوي هنا وشكد الساعه صبح ظهر عصر اسمع صوته يصرخ بت ال٠٠٠٠٠ فتحي الباب لا اكسره على راسج وظل يغلط ويسب كمزت من فراشي للباب طفره وحده ورجلي تعورت يمكن انلوت فتحت الباب ارد افتحه كله بقه على النص وانه متوجعه وكاشه وجهي من الالم دفر الباب بقوه وصاح اليوم ابوج احركهة انه ينسد الباب بوجهي وبليله عرسي ولج بت ال٠٠٠ ضحكتي عليه البيت كله انه الشيخ تجي وحده مثلج تسوي هيج وياي اله اعلمج اليوم اذبح واصلخ انه بعدني متوجعه من رجلي الي نلوت عفته يهدد ومااهتميت لان الي بيه من الالم كان كافيني ميحتاج ازيد عليهة كمزت تكمز للفراش اردن بس اكعد بلكت يهدأ الوجع كلبي يدك حيل يمكن الفزه سوت شي بكلبي احسن يريد يطلع من مجانه دخت وجهي صوفر يمكن لان حسيت ماكو دم بيه بعد هو شافني هيج وانه لازمه رجلي حس ابن عريف شلتاغ سكت استغفر ربه وفرك وجهة وظل صافن عليه علي اشبيج ؟؟؟لا تكلليلي منك رفع ايده الاثنين وكال بعدني مامديت ايدي عليج دنك على رجلي اشبيهة رجلج رفعت راسي وهنه نزلن دائما يفضحوني بنات الكلب عيوني صارن دم وخشمي احسه منجوي نار كبره حته راسي كلت وصوتي ماكو كوه يطلع ماادري يمكن انلوت هو خل اشوف وخري ايدج عنهة وخرت ايدي وهو حط ايده يتلمس مكان الوجع انه مابين اخجل من ايده وهو يتلمس مكان الالم ومابين تحمل الالم نفسه تجربه جديده ولاول مره عمري حته اخوتي ملازمين ايدي شراره كهربائيه ومشت بجسمي ولهناك وانه وهل الشعور الي بيه وعطره وعطر انفاسهة كلبت الموقف گلاب علي ولهناك مااحس غير هيه طكه وهيه صرخه اخخخخخ هو اششششش بت الكلب فضحتينه لازم حلكي ويحجي والشفايف قريبه من بعض هذا حته بهيج موقف يسب من نعله عله ابيك اتسب ابوي عليششش بس انه شنو هااا دخت وانه اشوفه عيونه كابات نار ومتعصب هذا الشيخ حته من يعصب ينجرع مثل حبه البراسيتول مره لكن تشفي ********* مرتضى ولج ميت مره كتلج مالي شغل بيهة ايه شلون مالك شغل وهيه كل شويه جايتنه وشلون عيون كويه اتهدد اله اخذه منج مرتضى والفرحه تارسه كلبه وطاكه وجهة بس ميريد يبين عليه طول عمره من هو صغير يحبه النبأ زواجه منهة جانت امنيه حياته انتضرهة سنين كملت دراسه للسادس وبطلت كالت مااريد اكمل حته اكعد بلبيت وتجي تخطبني وانه مصدكت شراح تسوي الدراسه هل الانه مكمل كليه التربيه قسم انكليزي وهل الكاعد اساعد ابوي بلكاع وهل قاسمه الله مستوره والحمد لله ويوم الي جانت فرحه حياتي خطبتهة وانه كلت خلص من اليوم وكل احلامي تتحقق بدت شويه شويه احسهة تنفر مني ادور وياي زلات اتقرب منهة تتهزم ابتعد عنهة تزعل شهر شهرين اصالحهة تتعزز وتسد بوجهي التليفون حرت لشلون اوصلللهة واتواصل وياهة الحد مايوم جتني امي زعلانه من تصرفتهة مخجله امي كدام بنات عماتي لامه كلشي جبناه الهة من ملابس وعطور ومكياج حته الذهب نبأ خاله هاي انطيهة المرتضى وكليله خلص كلشي بينه لن انه وياه منتوالم بعد خلي يشوف حياتهة بوحده تهني انه ماافيده ام مرتضى ليش ولج مو انتي عيونه الي يشوف بيهة ينام ويكعد اسمج على طرف السانه ويتمنى اليوم الي تصيرين ابيته حرمته وام جهاله من صغره واحنه انكول نبأ المرتضى ومرتضى نبأ شبدر منه كليلي حته انبهة يصلحهة حرام لتسوين شي تتندمين عليهة فكري زين نبأ لا عمه انه فكرت وفكرت كلش زين احنه منصير البعض واذا صار راح يتعذب لون كلبي ميريده مرتضى انه بعد عبالك واحد ضربني على راسي دخت ولزمت يده القنفه بقوه لا واكع انه نبأ انه مرتضى الي طول عمري احبج ليششش شنو ذنبي چي حبيتج وامنت كلبي يمج چي خليت ثقتي بيج اتصيرين كد الحب والمسؤليه الي سلمته الج سلمتج مو بس كلبي سلمتج روحي وعمري وذكرياتي انتي حلم حياتي ام جهالي تصيرين اخخخ منج خليتني علج بحلك اليسوه والي ميسوه دمرتيني اتخبلت بديت اشمر الغراض الي جايبتهن واركعهن بلحايط الهل الدرجه انه هيج بنظرج خليتني مااسوه فلس احمر بنظري ثقتي بروحي انعدمت وبديت اسأل روحي ليششش انه شبيه شناقصني وتعاملني هل المعامله بحيث مااسوى تجين وادكولين هل الكلام بوجهي ماتسوى لحظاتنه الحلوه سويه تجين واتكلين كل هذا بوجهي ولج انتي بهيج تصرف خليتيني لا شئ انه مو زلمه لا انه زلمه وغصب عنج والله اله اندمج واخليج انتي بنفسج تجيني راكعه ان ماسويتج علج بحلك العشيره مااكون مرتضى ابن حجي رضى اخخخ بويه نبأاأأأ انه الج واليوم جايه ايه الي تزوجتهة قبل شهرين تعاتب لون هيه اخيرا حست على روحهة وتريد ترجع لعبتهة انه الهة وتتراهن على رجعتي والله لو تتطلعلج كرون يبت عمي ******* يتبع قصه لذكرى المندلاوي | ||||
|
| |
|
01-08-19, 07:03 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هذية مرفوضة ذكرى المندلاوي البارت الحادي عشر ايه اني بعد مااتحمل سويلي چاره حنين صدكيني لو تموت متكدر ترجعه انتي ليش متصدكيني العمل الي سويته يفرق بينهم طول العمر انه خليت العمل يجري بمي جاري حته يجدد صدكيني ايه شو شما اشوف العمل هذا خرب تلكي وكف يم طابوكه وراح العمل وصار بكد المصيبه الي راح تجي على كلبي تعاليلي اليوم العصر نروحلهة الام جاسم وخل تسويلي غيره سمعت العمل الي بلكبور ثابت حنين بس يحتاج فلوس يولي شبيج ولا يهمج اكوله رايحه للدكتوره وطلبت مني سونر ٠٠تحاليل ٠٠ادويه وهذا يصدك بسرعه يورق لا تخافين تدبر بس خل اخلص انه مصدكت صار الي وهل طاير من الفرح من كتله حامل حنين اخاف تنكشف چذبتج يولي وادور ينكلب علينه مراد منج ورقه مال تحليل حمل ايه هو انه خايفه ليخرب شغلنع ويظل يدور وراي حنين اجيج اليوم بس اهم شي لتجيبين امه وياج ايه شبيه تخبلت حنين خوششش راح اجيج اليوم العصر حضري فلوسج ايه فزت غلقت الموبايل بسرعه ردت بارتباك بس لا سمعت مكالمتهة ويه حنين ايه ع ع عمه ام مرتضى بهمس اكلج مرتضى مكلج وين رايح اليوم ايه لا عمه ليش تسألين اكو شي ؟؟ ام مرتضى معجبتني احواله من البارحه واليوم الصبح ع الريوك يجر صفنات وجكارته مشمرهة من ايده حته الريوك كلي ماأشتهي انه طالع اليوم اظنن ماعنده شغل مو هيج؟؟؟ ايه اي عمه ماعنده شغل سألته بليل كلي ماعندي شغل جا وين راح الوليد ؟؟ عمه اشوفج هاي اول مره خايفه هيج هو مرتضى عادي يطلع ليش هلمره اشوفج خايفه وتسألين وراه سامعه شي ام مرتضى هااا لا ماكو لا يظل بالج نزلت ام مرتضى وهيه دايخه مو من عوايدهة تسأل عليه اكيد اكو شي صاير لو سامعه شي يالله يمكن شغله بينهم انه شعلي المهم بس يجي اخذ فلوس واطلع كبل لام جاسم لازم اسوي محبس بيدي وارجعه احسن من الاول انه ايه بنت كافي بت عمته المرتضى من انه بعمر ١٣ سنه يعجبني وامنيتي يباوعلي ويهتم بيه مثل ما يهتم بنبأ بت عمي اشوفهم سويه يلعبون حيه ودرج ٠٠٠دعبل شطرنج ويضحكون ويحجون نكت حزورات ومن انه اكله اجي ارد العب نبأ ماترضى تكله لو انه لو أهيه انه اضوجن لون ممسويتلهة شي ليش ماترضى ؟؟؟؟ يمكن جانت تحس بيه احبه وتخاف لا اخذه منهة ياما وياما صارت مشاكل وصلت للمكافش بينه واهلنه كوه يفكونه بعد مايصالحونه بلصلوات تطورت عندي وكبرت براسي الشغله صارت شغله عناد عاندت اله اخذه منهة بس تطورت للكبر وياي الشغله وزاد تمسكي بي مجنت اعرف ليش انه متمسكه بي وماعندي كرامه الهل الدرجه يطردوني وانه مجلبه وكامت نبأ تبعدني عنهم ويوم عن يوم يبتعد هو اكثر كام مايجي البيتنه جنت اروح بس مااشوفه ومن اسأل تكلي دعاء طالع البيت عمي يم نبأ دعاء جانت تعرف حبي المرتضى انه مفضوحه مااعرف اضم شي طول عمري اله شغله السحر مجبورة لا تقسون علي مجبورة احبن واعشكن طوله انام واكعد على صورته اجت امي بيوم كالت مرتضى خطب نبأ وانه تخربطت لو ميته ولا سامعه هل الخبر مستحيل تاخذه مني هو الي وحلفت من يومه افرق بينهم لمن سمعت قصتي بت خالي حنين دلتني على ام جاسم وبديت اشتغل عدهة وفعلا سوتلي عمل كدرت افرق بينهم كمت اروحن يمهم واحاول ارجعه وانه مسويه محبه اذبنه بلكاستر الي يحبه ياكل هو والبيت كله الحد مااا حققت امنتيتي اجه خطبني من ابوي واليوم انه زوجته بس خايفه ممرتاحه اخافن ليرد ليهة لون الايام احواله معاجبتني وهيه رايحه راده تسمعه حجي تريد ترده متندمه جي عافته وهو هم كلبه رد يرف عليهة ودايخ تاخذه وتجيبه الصفنات جنه جان نايم وصحى شكيت بلعمل يرادله تجديد اجدد لويش مااجدد هو انه ورايه غيره ******* دعاء اليوم السابع مر على زواجنه والغثيث نفس سوالفه يطب للغرفه بس يسبح ويبدل ويطلع ولا جن اكو بشر كدامه بلبدايه جان يحاول يضوجني شمر فراشي بلكاع بحجه ماارتاح اله انامن وحدي يالله عود انه ميته على شوكلاته هو انه من الله رادهة عبد الله (معولت) مصدكت كلي وانه كبل ركضت فرشت فراشي بلكاع المشكله ملابس ماعندي مسترات الحد مأجت نبأ اليوم وسألتهة تكلي انه متقصده هدومج كلهة بجنطه يمي انه كلت اوديهن الج بلسبعه لون انتي عروس ماطلعين من غرفتج لي ماتكضي السبعه كافي عليج كلبياتج تطلعين بيهة لليجوج يباركنلج هاج كظي هاي دشاديشج جبتهن لو تحتاجييهن من اوغاد جيت اكتلهة لو ماالوادم ضامه عليه دشاديشي حته اظطر البس مالات النوم الي كلهن مشلحات وانه الحد اليوم مجلبتلي بثنين اغسلهن والبسهن الله ينتقم منج انه الج نبأ هاي فوك ماتشكريني تغلطين علي انه استاهل من كل عقلهة اشكرهة الله يساعد مرتضى عليهة وعلى سوالفهة تجنن الواحد وتخلي يطلع من طوره خلصت السبعه وانه قبلهة انزل اساعدهم للبنات كلهن حبابات ماعدا عريف شلتاغ وبته طيبه وذيج المتسمه مريم هاي اهلهة ميسألون عليهة مايكلون عيب اشعندج يوميه رايحه وراده ابيت الشيخ اتسممني بحجياتهة متعرف انه اتمنى اخلص منه اليوم قبل باجر مميته عليه الغثيث هو هذا هم يتعاشر شكيت بي مريض عقله مو تمام اكيد كملت شغلي بعد ماا تغدوا وشربوا جاي ونظفنه المكان كلت خل اصعد اسبح وابدل ملابس متعوده هناك يم اهلي من اكمل شغلي اسبح يصيحولي اهلي بشه من كثر مااسبح وهنا عبالهم غير شي يتهامسون بينهم لمه يشوفني سابحه ويضحكن والمسمومه من يمهة تنكز وتسمعني حجي وتشاركهة بت عريف شلتاغ انتي ماتستحين تنزلين كل شويه وشعرج مبلل متنشفينه لو تردين تشوفينه هااا شوفن انه هيج وهيج يااا هاي شبيهة انه هيج من الاول مااتحمل جسمي يظل يحككني حساسيه من الحر عندي متصدك خل تولي ايقابل علمودهة انه ابدل طبعي فكيت الجنطه لون جايتلي نبأ بل١٥ دشداشه حرت شختار وحده احله من اللوخ والوانهن يخبلن انه وياهة فرد جسم على قياسهة مفصلتهن اختاريت وحده بصليه وفصالهة رياضي عجبتني طبيت للحمام سبحت ونشفت لبستهة وطلعت وكفت كبال المرايه انشف شعري المره مااريد اسمع حجي مسموم مثل وجهن بديت اسرح شعري واسمع صوت الباب انفتح بسرعه التفتت هووه الغثيث صارت عيني بعينه سلمت الله يساعدك جاوبني اممم مفتهمت هيه هاي اممم شنو معناهة كلما اسلم يردهة علي ذب دشداشته على الجربايه طب للحمام وسمعت فتح الدوش عفت الي بيدي ورحت حضرتله ملابسه هاي يوميه هل الشغله بس يدخل يطب للحمام احضر ملابسه يطلع لاف روحه بلمنشفه اطلع اني انزل احضر غده ويه البنات ينزل هو بغير غرفه ويه الزلم يتغدون واحنه النسوان نتغده وحد نخلص نلم السفره وكل وحده علبه شغله انه احمي قوري جتي جبير وهنه يصبن ودورات اساعدهم بغسل المواعين وترتيب مكان السفره روتيني اليومي اخلص شغلي اصعد ارتاح لو اتفرج على مسلسل يعجبني لو انام اليوم جان وكت عشه كملنه وكلمن راح الغرفته بس هو دائما يتأخر بليل يظل يسولف بلمضيف الحد العشره شيخ وطلايب العالم متخلص الشي الحلو اهنا معليهم النسوان اذا اجه احد للمضيف هاي مهمه شباب ٢ مخصصيلهم الهل الشي چاي كهوه ومن تصير وليمه چبیره عاد اهنا العريف شلتاغ منهه بستلمون الاوامر والبنات بساعدن الزلم بدون ماواحد يشوف وحده منهن اهنا ممنوع وحده تراوي نفسهه بنات الشيخ محد يشوفهن بس نسوانهم الكبار ظليت اتابع فلم عجبني بطل القصه كلش حلو وجان عاجبته روحه ذكرني بلغثيث الي عندي خطيه دولبهة للبطله تحبه وظلت تتوسل وتذل روحه تتأسف هو مايقبل اسفهة بجت انه بجيت وياهة وظلن دموعي يجرن زحفت جسمي للكلينس اخذه على الكومدي اليم الجربايه اريد اسحب وحده متنسحب كوه انه صرت اعجوزيه كلش تعبانه وماريد اكوم على حيلي مااشوف اله انفتح الباب ظليت صافنه بوجهة هو عيونه بغير مكان اباوع لمكان مخلي عيونه اباوع انصدمت متت بدمي ناسيه نفسي الدشداشه صاعده من وره الحد ٠٠٠٠٠ وصايره احوال كمزت اعدل بروحي وانزل الدشداشه شو لطمتهة الدور صارت الحاشيه جوه رجلي والكدام كله انرفع اممم دائما ثوله ومن اخجل انثول بلزايد المهم جيت الوصهة وانجبح على وجهي الله ستر جنت على الجربايه مو بلكاع جان اتزحلكت وكعت على خشمي وفلشت روحي حجيت وياريت محجيت جيت اكحلهة عميتهة دعاء انت غير ادك الباب ادكول شي شياتين علي عكد حاجبه وفر بيده هيه بس هاي العايزه اترخص وانه خاش الغرفه نومي دعاء خجلت حقه وين اكو واحد يترخص بطبته الغرفته بس هم مااريد اخجل روحي واخلي يحس بنشوه الانتصار مادري بروحي مصختهه المره هذا قبل بس من هل اليوم لازم تحمحم تسوي شي تنطي اشاره حته اعرف انته جاي علي هههههه اتقدم عليه المره وماأشوف غير شايلني وشامرني بلكاع علي شوفي اخر مره احذرج ممنوع تنامين على فراشي هذا مكان الشيخ وأشر على الكاع وهذا مكانج فهمتي لو ارجع افهمج انه لزمت خلفيتي الي وجعتني وافرك بيهة ووجهي انعوج من الوجع واله شويه ابجي بس هيهات اخلي ينتصر علي الليله لو انه لووو اهو دعاء شنو هو سرير السلطان مطلي بذهب والماس هو خلك حديد اشبع بي انه حجيت هيجي لو جتني من الله هلمره نفخ روحه كلش وكلت راح يطك شالني الباب الغرفه فتح الباب ومأحس اله واني طايره شمرني بره الغرفه وسد الباب بدون كلمه المره الضربه جانت كلش قويه صدك بجتني احس عظامي تكسرت الوجع صار اقوى ضربتين بنفس المكان وبنفس الوقت ردت اصرخ لزمت روحي كوه وانه احاول اتحمل الوجع عيب شيكلون عليه فشله منظري محلو كدامهم لميت روحي وضميت راسي وانه خانكه عبرتي وصرختي ودموعي من كيفهة تنزل الله يسامحك حميد كلما اريد ادعي علي جان السبب بدخلتي الهل البيت اكول اخوي واخافن عليه هو مهما يكون اخوي اتذكرت امي ابوي اتمنى انه هسه ابيتنه وعلى فراشي متمدده وكاظه تليفوني ومأادري بلعالم شكو ماكو الليله هموم الدنيا صارت بيه وانه اريد الحنان بعدني صغيره ومشبعانه من حنان امي وابوي واخوتي ظليت ابجي الحد ما غفيت ونمت وماكعدت اله ويه فتحت الباب اسمع صلاه الفجر علي دخل الغرفه وهو يسب ويغلط على الساعه السوده الي جت بي الغرفته مو جان مرتاح مظالم احد وميستغفر من يوم الجت دعاء للبيت وهو يظلم ويستغفر هو كلما يشوفهة يتذكر ماضي اليم ميحب يتذكره طفه الضوه وطب بفراشه اشتم ريحه غريبه بلفراش ريحه كلش طيبه اخذ المخده وظل يشمشم صار مثل الخدران حضنهة للمخده وغفه ونامممم وهاي اول مره يرتاح بدون متجي طيف امه ويظل يتململ وراهة بنص ساعه ياالله ينام لكن الليله العطر خلاهة يستسلم بسرعه الحد مانبه المنبه صاح الله اكبر اذان الفجر كعد شغل الكلوب كف ردان الدشداشه يتوضه اتذكر الي سواه البارحه استغفر ربه وراد ينزل يصيحهة اكيد نايمه بلهول والجو بارد بليل فتح الباب لن يشوفهة علي استغفر الله ربي طبي الغرفتج كملي نومتج دعاء اهااا هذا منو يستغفر عادي تعلمت على خبالاته مريض نفسي هزيت راسي وخر من طريقي وخر يسويلي مجال ارد اكوم ولن مكان الوكعه توجعني لزمت المكان وهمست اخخخ الله لا ينطيك هو سمعني تقرب مني رد بهمس اطبين لا اشعل اهلج بت ال٠٠٠ عليمن هاي الدعاوي طبي لا اشعل شيب الخلفوج اهلج ممربيج ممعلميج شلون تحجين ويه زلمتج بت ال٠٠٠٠ انه اعلمج انه اربيج لون اهلج شافوا بيج خير جااا ماشمروج علي دعاء ويه روحي كلت يبووو انه شحجاني مجان لزمت حلكي دخل انطمر انام فكيت حلكه شراح يخلصني بعد مجاوبته طبيت للغرفه وشمرت روحي بفراشي الي بلكاع غطيت روحي بلبطانيه هو شافني مجاوبته طب للحمام وشويه لهناك صاح الله اكبر يصلي محسيت كمشت الفراش بسرعه نمت تعلمت هاي صارلي اليوم الثامن وهو هو نفسه ماتغير وانه مثل كل مره انزل الصبح واعاونهم بس اتريك بشغل البيت الى ان فد يوم اجو خطار كالوا هاي اخت العريف شلتاغ انخبصن البنات باوسنهة وحده وحده وراحن كل وحده الي تسوي جاي وتجيب الكليجه والي تجيب سفن البقيه يحضرن الغده اشكال وانواع للضيفه وبتهة المسمومه الي يوميه جايه طيبه هله بخالتي شلونج ام طيبه انه زعلانه منج لون كلت ذاك اليوم تجي وماجيتي ام مريم يعز عليه زعلج بس ماردت اجي وانتي تعرفين كلش زين لويش ام طيبه حقج يختي معذوره بس والله لاانولج الي ابالج بس صبري علي شويه ام مريم طولت الشغله انتي مووشش كلتي الشيخ وعدني تجون تخطبوهة مني بس تخلص شغله هل الهديه كم يوم واصبريلي خيه الشيخ مشغول اليومين ام مريم شصبر الوادم اكلت وجهنه ياهو اليجي اكلن الشيخ رايدهة كطعتي قسمت البت يول طيبه خاله لا تخافين انشاء الله متصير الا هيه مرت الشيخ اوعدج التفتت الامهة مووشش يمه ام طيبه هزت راسهة داكللهة وهيه مراضيه ماخذتنه حاصل فاصل ام مريم شلون اوو الاخبار متبشر بخير وهل مريم ادكلي هيه وياه يوميه تسبح كدامي وتحرك بدمي فهيمه مرت الشيخ الثانيه والله ماادري شكلج البت حلوه وحقه الشيح لون غيرت احواله هو كام يعوف المضيف يطب من وكت الغرفته وماشاءالله عليهم العين عليهم بارده اوو انشاءالله ماكو كلهة كم شهر ويشرف حفيد الشيخ ام مريم وجهة اتبدلت احواله التفتت الام طيبه تتسائل صدك هل الحجي الي اسمعه ام طيبه شلج بهل الحجي الشيخ كلي كلام وتعرفون كلامه واحد مريم للشيخ علي ماتصير الغيره دعاء وانه اسمع هل الحجي صعدت اركض ماادري ليش نار وشبت بيه علي من يوم الي شميت مخدتهة وانه مااكدر انام اله على ريحتهة البارحه كعدت للصبح الوب منايم لون امبدلين الشراشف والظاهر هيه مكامت تنام عليه تخاف مني دنامي انه قابل نامييي شفتهة طلعت دورت على العطوره اشم بيهن بلكي وحده منهن ماكوو طبت شافتني ادور رايد شي انه لااااء هااا ايي المحبس مالي ماكو شلونه هاااا بديت اجذب انه الشيخ شكبرني اجذب صرت بنص هدومي شذره زركه كامت ادور وياي وانه كلما تتقرب مني اشم عطرهة ادوخن حست انه وراهة التفتت كالت يمكن مضيعه بغير مكان علي اي يمكن روحي شوفي شغلج يمكن يردوج جوه وراهة بشويه وانه مصدكت غفيت نركع الباب بقوه رفعت راسي الجهة الباب اشوفهة موخصرتلي دعاء شوف اليوم توديني البيت اهلي انه مليت بكلشي رضيت بس مال تجي علي ضره لا كله ولا شعوزني هزت ايدهة وكالت صدك لو كالوا رضيت بلبين والبين مارضه بيه دعاء مااشوف اله والدنيا صارت ظلمه مأشوف كبالي ****** ايه طلعت ويه حنين من ام جاسم بعد مااخذت الي اتفقت وياه على الي تريده وكفت سياره كبالهم ايه ولج حنين هذااا هووو يتبع....... ذكرى المندلاوي | ||||
|
| |
|
01-08-19, 07:45 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة ذكرى المندلاوي البارت الثاني عشر مرتضى مستغرب شعندج هنا ايه تمتمت هاا موو احجيييي شعندج انتي مو كلتيلي رايحه للدكتوره حنين دغتهة همست شبيج رجفتي فضحتينه جاوبت عنهة اي رحنه بس انه كتلهة نمر على صديقتي صارلي مده مشايفتهة مرتضى بشك غمض عينه وفتحهن يالله امشي كدامي وهو يخنزر همس قريب منهة الي حساب وياج بلبيت والطريق كله يخزر من المرايه عليهة ايه وجهة ظل يكلب الوان وتفرك بيديهة شاورتهة حنين قريب منهة كافي تفركين بيديج وجهج مكلوب گلاب وترجفين مو راح تفضحينهه الروحج الزلمه صدك وخلص هزت ايه راسهة بالايجاب حنين انه وصلني البيتنه وروح انت الله وياك وصل مرتضى حنين وطلعوا كبل للبيت ومن وصلوا مرتضى بنبره تهديد وهو يرفع حواجبه بعصبيه بسرعه الغرفتج ايه عرفته ناويلهة على نيه وهو مصدك چذبتهة عيونهة تتوسل مرتضى اننننههه اشششش مااسمعلج صوت هناك اهلي يسمعون طفرت الدرج ركض طبت للغرفه وهيه تفتر داير مداير روحهة وتفرك بيديهة يارب استرررر طب مرتضى وسد الباب وعيونه تجدح اشرالهة وهو يحاول يهدي روحهة ويقرب اذنه بمعنى الاستماع لجوابهة تعالي شو بالله هنا ايه شتريد انه لو انتي انه ماريدن شي لا بويه تردين انتي تردين تموتيني اسم الله عليك بتقززز وجهة اششششش بليه هاي السوالف الي شبعت منهة كليلي وبسرعه تعرفيني مااحب الچذب شكلك رجعنه علت نبرته بلكلام وهو يحاول يصبر روحه يابت الناس وين جنتي للمره الاخيره اسئلج ايه يم الدكتوره متحمل جابهة براچدي لزمت خدهة وهي تبتعد عرفت مابيهة مجال السيف صار على ركبتهة وهو شك ولزمن يتأكد لو يعرف يموتهة اليوم مجنتي يم الدكتوره بدليل اليوم عطلتهة متفتح عيادتهة السبت واليوم سبت كامت تمتمت هاااا ايي صحيح بسس حنين كالت نروح الصديقتهة وطلعنه مو شفتنه منهيه صديقتهة وشسمهة هاااا ام جاسم هنا طلعن عيونه ليبره وشكله صار يخوف ولجججج ام جاسم ولجج تعرفيهة منهي هاي هزت راسهة بلاااء صاح ايههههه ولج وحق الله الا اموتج اليوم وخلي يطلعلج ابن گلب يكلي ليششش ايه انه مااعرفهة مو صديقتي هيه صديقه حنين انعل ابو حنين يابو الجابهة اليوم اروح لاهلهة واسمط جد جدهة وانتي بعد مالج كلمه وياهة اييي بعد مااطلع ولا احجي وياهة ولج بت الگلب تقشمريني تردين ولج انه النغل اعرف منو ابو تچین انتي تردين تقنعيني ماعندج شي وياهة اليوم اسمط چدچدچاذا مسولفتيلي السابفه من اولهة انه صارلي اسبوع اراقبج سمعتج امي وانتي تحجين تحجين ويه الزباله حنين واليوم كشفتج وتأكدت من كلامهة احجييي لا تسكتين من يمته هاي سوالفج ولج احجييي لا تسكتين لا ارجعج لاهلج مكسره ام مرتضى سكينه سمعت صراخ ابنهة وجت تحاول تهدي مرتضى وليدي اتهده بلرحمن وخل نفهم السالفه شنهي يجوز البت مقشمريهة مرتضى رحمه ال الله عوفيني هيه هاي مال تتقشمر ايه بسرعه ايي عمه اتقشمرت كالتلي حته يصير عندج جاهل بسرعه وتحبلين ركع النفاضه بلحايط وهو يصيح سمعتي سمعتي يابويهه هاي سوالف مال شريفات صاينات بيوتهن اجه عليه يريد يضربهة وهو كاب نار ايه جلبت بعمتهة فدوه عمه لحكيلي صاح ابو مرتضى (رضى) شكووو شصايرررر دخل حميد وحيدر هويه شكووو مدكلي عوفوني رحمه البوي انه بعد مااتحملهة هاي موتتهه على ايديي حيدر استهدي بلرحمن همس الامه نزليهة چوه لا متنزلللل اليوم اله اموتهة حميد لزم اخوه وسكينه دفعت ايه نزلي جوه بسرعه ليموتج من كون الله يكطعچن على سوالفچن متخافن وانتن من تسون السالفه من گون فلگ طرچن مرتضى لحكهة وهيه تحاول تنهزم من الغرفه عوفوني النعل شيب اهلهة انه حظي ليشش هيج انه اسويت يم ربي هو مايدري العمل الي سوته حته تفرق بينه وبين نبأ اخوته حاولوا يهدوه بس هو ظل يتحلف ويهدد صاح اليوم تلم روحهة ولبيت اهلهة اطلع مااشوفهة ابو مرتضى ولك مرتضى تهدي بلرحمن مرتضى متهدي انه بويه الهل الساع متهدي بس والله لو چیت وشفتهه بلبیت ايمكن انام على خوانيكهة ام مرتضى اي يمه هاي هيه التفتت ال ايه يمه روحي جم يوم حته يهده وانه ارجعج ايه هزت راسهة وهيه ميته خوف منه طلع من البيت وطبك الباب حيل وراه ****** ***** طيبه من اكلج هيه مو هينه متصدكيني هل فرت راسه لخوي وحته للمضيف مايكعد هيه لو ساعه لو ساعتين وكله بلغرفه ولج الخايبه سويلج شي چاره لو يطير الزلمه منج تاي ماتفيدج لا ام جبار ولا امج مريم لا تخافين المره ناويه نيه كشره الهل العروس تحلم اتشوف غرفتهة ولا حته البيت كله طيبه اهااا صدج شناويه كليله عفيه كليلي مريم موشش هسه تجيج الاخبار لون مريم موش هينه اله اجيبه الرتس الشيخ عفيه عليج اريدج هيچي انريد نفتك منهة ذوبهة بروسنه كوه مراضيه تنكلع هينه مو كتلج هينه ***** علي حته تعرفين من اوغاد شلون توزنين كلامج دعاء حطيت ايدي على مكان الضربه خدي صار جمر يشتعل نزلت دمعه غصب عني جنت احاول واكابر متنزل وكفت كباله وعيوني تسأل ليش كاعد تظلمني ؟؟، انه ممسويتلك شي انه هم مظلومه انظلمت بحكم اخوي الي معرف يتصرف لا تجي انت وتحط السيف على ركبتي وتذبحني خاف الله بيه كلتله وانه لازمه خدي والدموع بعيوني الي تريده شنو وانه اسوي الك بس تجيب علي شريجه لا والف لا متريدني عوفني اعتقني لوجه الله ليش من الاول قبلت تجيبني الهل البيت ليش وافقت وكملت الزواجه لون من الاول كول متناسبني وخلص ليش تعتبرني الك وتحاول تأذيني كولي عندك ثار وياي ياابن الناس علي بتكبر ليش وافقتي على الهل زواجه جان كدامج ترفضين ؟؟ لو هذا ابن الشيخ باجر بستلم مجان ابو واصير انه الشيخه گلبهه يدك بغضب انه ؟؟ اتريدني انه الي ارفض وانه حرمه مااي گلمه چا انت الشیخ اسم الله علیك و چلمتك تسمعهة الوادم كلهة وتمشي عليهه ما مارفضت ؟؟؟؟؟ انتي شلون تحاجيني هيجي نسيتي روحج لا ماناسيه انه بنت العبد الغقير وانت ابن السلطان لكن سلطان جائر مايحكم بلحق وميخاف الله بلرعيه هذا الموجود والي عندي اتزوج بكيفي والي تعجبني ومو حرمه تجي تمنعني ولتنسين انتي ماجيتي برضاي لا چبر جيتي هديه وهديه مرفوضه بعد اهلج شمروج علي وانه شيخ عيب عليه ارفض لون تعود علي والوادم تاكل وچهي دعاء كلامه موتني دمرني كرهته وكرهت حياتي وياه ومابي اصبر٠٠٠٠ واصبر روحي على هل العيشه كلشي بهل البيت كرهته من اول ماطبيت خوشش يالشيخ انه هم اكلك الهديه جتك بنفسه تكلك انه هم مااريدن الي ميريدني لون العيشه مو غصب مثل ما ادكول ومن هل الساع اعتبر الهديه موصلتلك واتصرف بكيفك يشيخنه وهاي الغرفه ماعتب بابهة بعد وعساك تنسعد ويه الي تريدهة گلبك انت هم حقك لون چتك الهديه موشش بوكتهة كمل خطبتك الي جنت ناويهة وتوكل على الله وانشاء الله تنسعد ويه الي حبهة گلبك بس عندي چلمه اخیره ویاك وبعدهة اوعدك ماتسمع حس اليه هو ظل صافن على كلامهه كلبه ميرضى الي يكوله السانه هو مراضي على كل تصرفاته كل الي صار بي من عقد من وره امه وهو كل ليله ينتظر جيتهة ويحن الشوفتهة وهيه تحضنه وتمسد براسه كأي طفل يشتاق الحنان امه جان عمره بوكتهة ٧ سنين وبكل مره ينتضر بلدرب يمكن تجي هاا مو اليوم على باجر يمكن الطريق مسدود يمكن خوالي مخلوهة ورفضوا٠٠٠ تقنعهم وباجر تجي هيه كالتلي وعدتني بأخر مره تجيني متعوفني ومر الوقت ومرت ايام واشهر وسنين وامه مجت ولا سألت ولد عمامه يضحكون عليه وهمه يستهزئون ادور كاموا يلقبوا ابن فلانه تعال ابن فلانه وروح ابن فلانه يعاركهم يلتمون عليه يكتلوا يروح لابو ياخذ كتله من ابوا الشيخ صير زلمه باجر تصير شيخ ابمجان ابوك ماتعرف تتصرف وياهم اچتلهم دميهم ماریدك تنچتل افتهمت والله اذا جيتني المره ازينك صفر واضحكهم الوادم كلهه عليك تربه على ايد اب قاسي وام غايبه فقد الحنان والي فاقد الشئ لا يعطيه فكيف انتي دعاء ترديه يحنن ويطبطب عليج انتي امرأه وهو كره جميع النساء يشوف امه القاسيه بعيون اي مرأه امه الي عافته وفضلت زوجهة عليه خانت ابنهة اتعمد يجرحهة حته نفسيته ترتاح وهو يحس انتقم من امه من خلالهة يتخيل صورتهة بيهة لكن اليوم وامام عيونهة البريئه گلبه دك ولاول مره السبب ؟؟؟، هو ميعرف السبب علي شوفي يابت الناس كم مره حذرتج من تحجين وياي تحجين باحترام انه الي كلهة تهابني وتحسبلي الف حساب تعرفين شنو تهابني مو انه الي ينشرط علي افتهمتي هاي اول واخر مره تحجين هيج وياي دعاء بسس انه ماارضى وحقيي اريده دعاء محسيت برحي الحد ماتتردد صدى كلامي بروحي انه شخربطت هسه اكيد يتصور غير شي جاهة الرد بسرعه قبل ماتعتذر وتوضح كلامهة اششش حقج بشنو ؟؟؟ اذا تقصدين بحقج الشرعي انه مستعد ومن اليوم وهل الساعه لكن يابت الناس انه شفتج مجبوره ابوج انتم انجبرتوا واخوج خلاكم ابموقف لا تنحسدون عليه وانه ماارضه على روحي اخذ وحده مجبوره علي رجولتي ومكانتي ماتسمح اصير حيوان يابت الناس انه وابوي هم صرنه بين نارين اذا طلعنه ورفضنه هل الزواجه الكلام راح يعود عليكم وعليج بالاخص اكثر ما يعود على الشيخ وهم ماارضاهة اخوج اتصرف بأنانيه ومحسب احساب اخته واهله اتفقت انه وابوي نعوفج تعيشين وياي فتره وتردين الابوج والاهلج ماانكر انه رافض الزواجه من الاول وجنت مقرر اخليج جوه يم خواتي حالج حالهن الهذا انه قررت اعوفج براحتج تظلين ترحين بكيفج فهذا مو شرطج انه جنت مقرر من الاول فالخيار متروك الج دعاء مااعرف شكوله خلاني بصدمه طردني من غرفتي وراح يسوي الي اباله ويتزوج عليه بحجه هديه وهو رافضه من البدايه بعد ماجنت انه ام الحق صار هو ابو الحق صدمني كلامه واحرجني لابيه اكله انزل والكلام جوه مثل السيف يذبح ذبح واكيد الحجي راح يصير اقوى هل المره على ابو طردهة من غرفتهة وهيه عروس بعدهة ولا بيه ابقى وياه بغرفه وحده بعد ماسمعت رفضه ونفوره مني شنو ماعندي عزت نفس ماعندي كرامه صحيح اخوي ذلني وانطاني بطريقه مهانه ومحسب حساب هذا اليوم الي توكع اخته بحلك عيالهة وتنذل تنهدت وكلت وانه مدنكه مااريدن عيوني تصير بعينه وانه احجي الموقف قمه الاذلال من غير شي هو عيونه ونظرته الي بتقزز يالله انه شنو ذنبي انحط بهيج موقف جاوبته بعد صمت طويل راح ابقى بغرفتي الحد ماانت تقرر تتزوج شيخنه ماتحمل نظرات اهلك الي وكلامهم بس لا تعتبرهة شرط شيخنه( تاكد على الخاء) اعتبرهة رجاء يوم الي تقرر تتزوج رجعني الهلي لون مااتحمل انه هذا طبعي وكل حرمه وطبعهه مااتحمل تجيني شريجه علي واشوف نظرات واسمع همساتهم وهمه يكلولن خطيه البت تزوج عليه شوف شناقصهة وشبيهة من عيب علي وانه مااكدر اسوي الي تكلين عليه دعاء بعد هذا الكلام اي نعم مااكدر ليششش مدكلي ليششش لو انه عدوه هم جان رأفت بحالي على هل المذله الي احس بيهة مردت منك غير تعتقني الوجه وسوي بيه ثواب علي بنظرات خبيثه يابت الناس مايصير ررر ظلت تلح ليش مايصير كلي هااا فهمني صعبه عليك وانت الشيخ تطردني من بيتك ادكلي روحي الهلج دعاء رد عليه وياريته مارد اتلعثمت ومعرفت شگله اتخردلت علي ميصير وانتي بعدج مو حرمتي نسيتي احنه صارلنه ١٠ ايام متزوجين والكل ميدري الي بينه ؟؟؟موهمينهم احنه متزوجين والعكس هو الصحيح وانه ان رديتج البيت هلج وانتي بعدج بت هاي صعبه بحقي وحقج ان جنتي ناويه على الرده لزمن اخذج حرمه الي الاول افتهمتي؟؟ لو اعيدن انه جنت ناوي اعوفج بين خواتي تعيشين الحد ما اردج بس شفتهة صعبه وانتي بغرفتي وصارلنه كم ليله شدكول عليه الوادم دعاء كمت افرك بيديه واهز بجتفي وراسي مثل المخبله وانه اسمع كلامه هو طويل وضخم وانه اوصله الحد بطنه ارفع راسي اباوعلهة وهو يحجي بهمس ميريد الي بلبيت يسمع خجلت من كلاماته اللاخيره ه كلششش ودنكت علي وانه عد عيناج الي ترديه حاضر ان جان ردج تردين الهلج وله تبقين الحد مايحلهة الحلال والجواب ظل يمج الكلام هذا مايطلع خارج هل الغرفه يبقى بينه محد يدري حته ويه روحج ماتكلي والله ثم والله ان دره بيه احد ماحود نهايتج على ايدي تكون ومايرفلي جفن لا دكولين ماحذرتج دعاء هزيت راسي بالايجاب علي وهسه كليلي شترديني انه حاضر دعاء كلامه نرفزني شنو اشايفني ميته عليه انه وبعدين الهل درجه شايفني رخيصه وارخص روحي وانطي نفسي مثل بنات الساقط٠٠٠٠٠ استغفرالله خنزرت وانه اباوع بوجهة رديت بقوه لا اظلن بهل الغرفه وامري ال الله لجن بس تقررتتزوج كلي حته انزل بغرفه البنات انامن واترك المجان العروستك الجديده ابتسم بخبث ****** طيبه كليلي يمه يمته نروح نخطب مريم للشيخ اليوم احاجي ابوج الشيخ نروحلهة يوم الجمعه الجايه كافي صبرنه هواي عليهم انه واختي الوادم اكلت وجهنه الجاي والرايح بسأل شمال الشيخ ليش مايجي يخطب دعاء سمعت الحجي الي يوميه كمت اسمعه لكن قررت بعد الكلام الي صار بينه اسمع واغلس حته تمشي الايام الله يسامحك حميد شكالتلك روحك على خيتك اباوعله من ينزل بكل هيبه وقار سبحته بيده يفرك بيهة ومحابسه الخام والي تبين ناعمات يم ايديه الخشنه عطره الي ترس المكان ودل على وجوده علي وين ابوي الشيخ ام طيبه بلمضيف چوله عشیره البو۰۰۰ ولد عمك يمه وكاظم مدري شبلا صوته اليهنا واصل علي عرف ليش جايين خابروا البارحه يشتكون على كاظم ابن عمه الي هو وياه عداوه من الصغر يضربه وينضرب وذاك يعيره بأمه وهذا يشيط وكبرت العداوه للكبر واليوم كاظم خاطب علياء وهيه من غير عشيره ابن عمهة خاطبهة قبله وهاد عليهم كوه مروه لزمن ياخذهة غصبا عن عشيرتهة وابن عمهة وشيخهم والي اليوم جت تشتكي سوالفه يم الشيخ حسين علي خله تاليتهة مايصير الي اباله هو دومه هيج مفشل روحه يحب روحه تنذل دعاء يضحك من كل گلبه اشگد يحب يتشفه بلوادم هذا شلون صار شيخ ماادري شلون يحكم بلعدل ويه الوادم الله يساعدهم عليه دخل للمضيف وعيوني تراقبه وهو نافخ ريشه وماكو ربع ساعه وسمعنه صوت كاظم وهو يهدد الشيخ علي وچدام الكل كاظم انت ماترتاح اله موتك تصير على ايدي علي هههههه روح يكويظم من جدامي لون كاظ روحي كوه منك الشيخ حسين ابو كاظم اطلع كويظم مااطلع واشوف هذا الي كبروا بروسنه شراح يسوي منسمع غير صوت طلقه وبعدهة طلع كاظم شال سلاحه ورمه عشوائي انه طلعت اصرخ من الخوف لون الضرب قريب مني كمت اصرخ من خوفي بكل قوتي واكمز ابمجاني المنظر رعبني مااحس بروحي الحد ماراح يركض علي وراه احس بحركه برجلي اليمنه وشي حار ينزل منه اوخر الدشداشه وانه شفت الدم وانه صرخت منظر الدم رعبني الكل جان ملتهي بلي يصير لكن صرختي لمتهم وچابتهم الحدي ولد عمه صاحوا عوفه شيخنه الحك الحرمتك اتصوبت علي ياحرمه منهيي اخر كلمه سمعتهة وكعت بعد مادارت الدنيه بيه ****** ام مريم ولج فرحي خابرتني خالتج ام طيبه تكلي حضري بنيتج احنه چایین الچمعه مريم اييهههه والله وراح اصير مرت الشيخ بس تعالي كليلي شلون كدرتي تقنعيهة الخالتي بچلمتین چانت رایده بت خالتي الي بغداد اشلون درتيهة علي ام مريم اششش لا تحجين هاي اسرار بينه مريم علي يمه اسرارج انه راح اصير الكل بلكل ولزمن اعرف اسراهم ويصيرون كلهم عبيد تحت امرتي يخافوني ويطيعون اواامري ولزمن كل وحده اخذ عليهة لزمه حته تخاف وتخنع الي ام مريم چنچ انه بسوالفچ داهيه على امج بس هاي ام طيبه وحدهة قصه مريم شلون يعني عندي سر عليه لون بس يطلع للشمس ماتجي عليهه الليل اله وهيه ياميته يا بلشارع مريم بفضول اكثر شني الي يخلي ام طيبه مرت الشيخ وايده اليمنه وام بناته والي الكل بلبيت يسمعلهة ومايكدر يرفضلهة امر حته الشيخ حسين تنطرد بلشارع ؟؟؟لا ويمكن تموت ام مريم الي يموته لو يطردهة ما الشيخ حسين هااا ياهو لجن الي موتتهة تصير على ايده هو الشيخ علي لون السالفه تخص امه الي الكل حسباله عايشه ومتزوجه وهيه بلخارج هيه واهلهة شلووون شلووون وانه فرحانه لازمه لزمه الهاي الهديه طلعتي انتي بير اسرارهم وماادري يتبع..... ذكرى المندلاوي | ||||
|
| |
|
01-08-19, 07:50 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبه ذكرى المندلاوي البارت 13 علي محمد حضر سيارتي وطببهة للكراج بسرررعه اي شيخنه فهيمه اوليدي هاي بس لا ماتت خنزر بيهة ودمارات وجهة تريد اطك وهو يشد غترتهة على رجليهة يحاول يوقف الدم الي يجري وجه دعاء صار اصفر ونبضهة بده يضعف طيبه بهمس الامهة عفيه عليه كويظم فكنه منهة بليه منجيسهه ام طيبه هسسس اسكتي ليسمعج متشوفينه شلون صاير جمره محمد شيخنه السياره جاهزه ولد عمه يالله احنه وراك علي رفع راسه شافهن ملتمات كلهن صافنات عليهة ولا وحده انكسر كلبهة عليهة ايقن انوا جان اله حق اتخاف منهم زئر بوجهم شبيجن صافنات ضربكم العباس انشاءالله ولا وحده بيكم فكرت اجيب عبايه تلفهة بيهة مصدكتوا انتم هم عدكم رحمه ركضن وهنه انرعبن من صراخهة وحده اطخ باللوخ فاطمه بنت فهيمه هاي عباتي اخذهة لفهة بلعبايه داير مدايرهة شالهة وركض السيارته خلاهة ليوره وراسهة على رجله صاح بسرعه محمد بينه المستشفة ال٠٠٠٠ اي شيخنه حاضر الطريق كله يصيح علي بسرررعه البت مالهة نبض وصلوا للمستشفة صاح محمد خبر الاستعلامات عندي حاله طارئه جابوا السديه مرضه شالهة بنفسه الغرفه الطوارئ وهناك الدكتور اشبيهة علي اتصوبت طلقه برجلهة الدكتور هاي لازم تقرير من الشرطه علي هو منا روحه طالعه هجم عليه كمشه من ركبته متشوف حالتهة انت شنو حيوان البت بين الحياه والموت شعره وانت مترهي انقذهة وسوي شغلك الي قسمت عليه كدكتور بعدهة سوي الاجرائات الي تلزمك الدكتور باوع بعيون علي الي جانت حمر دم عضلات وجهة بارزات اتريد اطك من العصبيه اتردد وصاح وينههن الممرضات بسرعه للعمليات علي بعد ماسلم دعاء ودخلهة للعمليات طلع ينتضر بره على كرسي الانتضار مال نص جسمه باوع الايديه صفن بيه وهيه ملطخه بدمهة وعه على صوت محمد شيخنه رفع راسه انطاه منديل حته يمسحهة اخذه منه وهم رجع يصفن وهو يمسح ايديهة شعور غريب راوده بهل اللحظه ليش يحس بحزن تجاهة هو مو يكرهة ليش انخبص بيهة خصوصا من غابت عن الوعي وصارت بيديه رفع راسه المحمد كظيتوا الهل الخسيس الساقط محمد دزيت جماعه وراهة وين يروح لزمن نلزمه علي هذا مايجوز الا اقتله محمد خلك لا توصخ ايديك بي ابوك الشيخ حسين نبهنه بس انكظه انجيبه هو يحاسبه تعصب وشمر الچفيه من ايديه وصاح بوجه محمد هم ابوي لا شو هل المره محد يحاسبه غيري اشعل ابهاتكم هيه الحرمه حرمتي شلون يتجاسر ويرميهة محمد والشيخ حسين شنكله معليكم بي انه ويا نتحاسب الا انطي درس ماينساه طول عمره هل الكلب محد انطاه عين غير ابوي كل مره يتجاسر ويكلي ابن عمك واسكت احتراما العمي بس بعد الي صار محد اله حق يحجي هاي المسكينه ياهو ياخذ حقهة تريد تضحك علي الوادم تكل الشيخ خاف ونخع مااخذ حق حرمته محمد شاف اله حق بكل الي يكوله علي انت مالك علاقه بس توصلك اخبار عن مجانه خبرني وانه اسوي الازم تخاف من ابوي ذبهة علي مالك علاقه لون اعرفك تخاف من الشيخ صار شيخنه بكيفك انفتح الباب طلعت ممرضه علي بشري المريضه تأخرتوا عنه ليمن جبتوهة ونزفت دم هواي علي يعني شنوو امافتهمت حالتهة خطره ( يحجي بقلق) الممرضه محتاجين دم منوا منكم صنف دمه+ o علي انه تعال وياي بساع علي التفت المحمد انت ابقى اهنه خافن يحتاجون شي بعد ماتبرع محمد شيخنه هذا عصير برتقال وليمون اشربه دياخذه منه طلعوهة الدعاء عاف كلشي وعيونه عليهة مشه وياهم الممرضه العلي بعد مادخلوهة للغرفه هذا المغذي المعلك بس يخلص دوس هاي الزركه فرهة علي خوش بس شوكت تصحه شويه وتصحى لتخاف عليهة ابتسم زوجتك هز راسه تدري صنف دمكم من النوع الكريم يعني ثنينكم كريمين والدلاله دمكم نفس الشي لازم تحبهة مو لازم اكيد هز راسه يرد يخلص من اسئلتهة مد ايده وطلع ٢٥ حمره اخذتهة واتشكرت منه ودعتلهة تشفه بسرعه بس هاا ترة هسه محتاجه مريتك حنان لا تبخل عليهة حته دكوملك بسرعه ابتسم هز براسهة فرغت الغرفه عليهة وعليه اتقرب منهه انتاب الفضول يتحسس وجهة تقرب ولمس خدودهة الترفات مرراصابعه على شفتهة اتذكر الي صار بينهم البا رحه الكلام الي دار بينهم وعيونه الي كلها شموخ رغم كلامه السم الي تقصد بيه يغثهة هو هذا طبعه ميبدله تنهد سمع صوتهة وهيه تتأوه لم شعرهة خلف اذنهة طويل واسود غطاهة زين بلشال ممنوع احد يشوفهة غيره شعور ينتابه لاول مره اكو انسانه صارت بحاجه اله الحمايته ومسؤؤله منه وهو زلمتهة ولزمن يخاف عليه ويحميهة تخيل عيونه البريئه تتوسل بيه يعتقهةالوجه الله هيه مو ذنبهة بكل الي صار دك الباب اتفضل محمد واكف بلباب ميصير يدخل كال بهمس شيخنه انه اسف بس چبتلگم عشه وانت حته مامتریك علي مااريدن اي شي بس اريد اغسل اي شيخنه انه هم فكرت بيك عل الدشداشه ادمرت طب غسل وهاي جبتلك من محل قريب منا دشداشه كون على قياسك علي يضحك .انه ليش احبك لون ماتخليني افكر اب حاجه الا وفكرت بيهة قبلي محمد العشره والصحبه خلتني افهمك وافهم الي يدور براسك ضحك علي وهسه تعرف شيدور براسي ضحك محمد خليهة سكته وهو يباوعله ويبتسم ويتحاشه النظر الجهة دعاء النايمه ومتدري شكو ماكو بلدنيه محمد شيخنه الشيخ حسين خابر كلي ليش عليوي مايشيل التليفون كله مغلق صاير شي ضامي علي علي صحيح انه نسيت تليفوني غالقه من طبت عمليات ممنوع خوش شيخنه دك عليه حته يطمأن عليكم صار انه باقي هنا اخاف تريد شغله لا ميحتاج روح اهناك مريتك وجهالك بحاجتك وانه بس اغسل انام **** سكينه يمه بنيتي ياهو الكلك مرتضى هساع خابروني لا تخلين ابوي يدري اردن اروح البنيتي جا شلون ظاله وحيدهة ياهو الهة لا ام لا اخت مرتضى لبسي عباتج اخذج ليهة انه رايح حيدر بخوف اشصاير خيركم شبيهة امي تلطم مرتضى صارت طلابه بين الشيخ وابن عمه وتصوبت اختك حيدر اليوم احرك عشيرتهم جاهيه مالهة احد يصوبهة بكيفه مرتضى تعال انت افهم السالفه خيتك زلمتهة يمهة ظال بايت بلمستشفة وابن عمه مهزوم منه وهل يدورون وراه بس يكظونه يتحاسب على فعلته الوادم شله غرض نهد عليهم مرتضى انه رايح حيدر جا ياهو اليظل بلبيت يم ابوك سكينه الحيدر خابر على مريتك تجي حيدر جا مرتك وينه مرتضى مرتضى ولت لهلهة حيدر هيه هاي وكتهة ******** طيبه ماهو خبر منهم يگلچ بس اخویه الشیخ ظال يمهة وابوي هل ظال يخابره مامش جواب مريم شماله ظال يمهة خله تموت ونفتك كون جايه الطلقه اب راسهة وهيج ونخلص جان بست ايدك يكويظم طيبه اسكتي ليسمعنج بنات فهيمه ولج هيه انرمت وانه شفتج الشيخ اول مره هيجي انخبص عليهة وخبصنه ويااا هو ابويه من يتمرض ودورات يتخربط مايسوي هيج شالهة وركض بيهة والبيت كله يركض وراهة مريم هيه هم حضوض يول اخافن حبهة طيبه هو شنو حبهة اشاف منهة مريم هينه كم يوم واخليه ينساهة وينسه عمره طيبه اعرفنج كدهة ام طيبه شمالجن بس تبسبسن كومن الشغل واصل الرووسنه وانتن لا جنكم وانتي مريم شعندج ظاله مريم يا خاله غير اعرف شلون صارت المكموعه ام طيبه تجيج الاخبار ان ماتت وان عاشت بس لا تخافين ماتموت لون هيج خبر يجي اسرع من البرق مريم من حلكج الباب السمه بس شفتي والله وصارت حرمه الشيخ و هاي الوادم كلهة جايه تسال عليهة صارلهة مقام بت الفلاح تالي عمرنه نخدم بلوادم الي تجيهة ام طيبه اسكتي يمعزايه وروحي الامج خابرت عليج اشعدهة مااريدن اروح ظاله يمكم لجن روحي ساعديهن صبي چاي خوشش رايحه طيبه شمالج مسكتين متشوفين بنات فهيمه يراقبنج اسمعي هل جت فاطمه شفتي اخوي الشيخ شلون يخاف على حرمته ظل يفر بس بروحه تخردل عليه من غمت على روحهة طيبه دغتهة اسمعي الحجي الي يمرد الگلب مريم خوشش انه الهن خل بس اصير مرته ان ماهجولتهم هنه وياهة بليله كشره طيبه عزه العزاج شناويه ؟؟؟بس لا ناوه تشردینه احنه هماتین مریم ویه روحه انتن بس اصبرني اله اهجولجن كلجن خصوصا انتي وامج الي مشغلتني خدامه اخخ يمه انا لو بيدي وهيج سر اضمه الهة لا والله لا اطردهة واخذ مجانهة بس الصبر يامريم الصبر طيبه وين رحتي شو مجاوبتيني مريم هاج كظي الجاي واخذي وروحي من جدامي انتي وسوالفج ال تخلص الگلب ******* دعاء فتحت عيوني واشوفن روحي بغرفه كلهة بيضه يصير انه متتت بس لهناك ورجلي اليمنه وجعتني اباعن اخوتي حيدر ومرتضى وحميد فوك راسي وامي تبجي وتنعي مرتضى هل فتحت عيونه عليش تنعين وتفاولين على البت صحت اخخ يمه الحكيلي رجلي شبيهة توجعني بس لا كصوهة وانشليت امي اسم الله عليج انشاءالله عدوينج مرتضى مابيهة شي خيتي بس جرح بسيط وانشاءالله باجر الصبح راده البيتج حيدر والله لا اخذ حقج منه اطلعه وين مااجان لابد يضرب اختنه واحنه ٤ اخوه ومانكدر ناخذ حقج حميد ان ماكسرته تكسر ورجعته الهله منا واسمع صوته وراهم كاعد حجه ومستغربه معقوله علي محد ياخذ حق حرمتي غيري انه وكويظم لو جان بطن امه اطلعه واعلمه شلون يتعدى عليهة ولو انه اعرف كلش زين مجان قاصدهة هو جان ناوي يرميني انه دعاء كلش فرحت من سمعت هل الكلام يعني سوالي مقام واحترمني رغم الي صار بينه كلش گبر بنظري باوعلي شلونج هسه انشاءالله زينه خجلت دنكت مااكدر اباوع بعيونه ماادري ليش بعدهة سلم عليهم وكلي انه رايح للبيت لون الديره كلهة جت تسال على الي صار وماطول اطمنت عليج اروح امج واخوج حميد يمج واي شي تردينه خابريني التليفون يمج خليته جوه راسج هزيت راسي سلم على امي واخوتي وطلع للصبح منايمه الوجع دمرني صخنت جت ممرضه ضربتني ابره وهو ظال يخابر وياخذ من حميد الاخبار دره بيه مصخنه كل شوي يخابر انه كلتله خله دنيه ليل كله صرت زينه حبيت اهتمامه بيه ثاني يوم اجه من الصبح طلعني على مسؤوليته الدكتور كله عدهة ابر وعلاج لازم تاخذه علي يبتسم ويباوعلي ويحجي كله بسيطه هاي مكدوره عليهة عكدت حاجبي شنو ناوي يضربني الابره لو يكشف عليه لا والله ايغير اصرخ والم البيت كله طلعنه البيت الشيخ طبت السياره للكراج سبقني فتح الباب ظلي لا تنزلين اجه شالني جدام الكل انه من المستحه صرت بهدومي غطيت راسي بصدره انعل ابوك على هل العطر الحاطه دوخني ابن الشيخ وانه بالاصل جنت دايخه اسمعهم يحجون وياه ويحمدون هلى سلامتي وانه سويت روحي مسمعت هو اسمعه يهمس وماادري شي متمت بينه وبين نفسه صعدني للدرج رفعت راسي حطيته على ركبته اهنا اسمع دكات كلبه يمكن فحط لو الله اعلم اباوع عيون مريم تريد تاكلني ابتسمتلهة وانه متقصده غير شي نزلني للغرفه على جربايتي انه كتله لا شيخنه نزلني انامن بلكاع لو نسيت مقامك ان جان نسيت انه ماناسيه هو رحمه الهلج انه تعبان ماالي خلكج راح للكنتور يطلع ملابسه نزع دشداشته وانه غمضت شو هذا استغله وحته جاي ينزع جدامي بليه حيه صفنت عليه وانه افكر مدري وين راح فكري يمكن انحرف شويه لا مو شويه هوايه التفت عليه ابتسم يبووو شافني ابن ال٠٠٠٠ متحملت الموقف صرت حمره ابتسملي وهز بيده وطب للحمام انه من الخجل غطيت راسي سلمت روحي ونمت ******* سكينه سمعت شكالت هاي حرمه الشيخ المسمومه طول عمري ممرتاحتلهة والدور بتي صارت يمهة مرتضى هم كالت مرت الشيخ انتي شعليج بيهة مشفتي زلمتهة شلون خايف عليهة واتحلف اله ياخذ حقهة سكينه كلبي يوجعني على بنتي ممرتاحه اكو شي احسن گلب ام انه شمالگم متصدگون بیه مايهدالي بال اله اطمن عليهة حيدر يعني شيسوون افلش دورهم عليهم حميد جا احنه وين صرنه حيدر اتقرب منه راد يكتله كله منك لو ماانت وسالفتك الخ٠٠٠ه هو احنه ياهو الطيح حضنه غيرك وعندك عين توكف مثل الزلم وتحجي حميد سكينه اشششش خايب اسكت ليسمع ابوك الدور يروح الزلمه مني انه عوضي بهذا عوفه خله يولي حميد يوميه يسمع هل الموجز عافهم وصعد الغرفته مرتضى هز بيده وحيدر تفل عليه مرتضى جا قويسم جبيرج وينه سكينه نايم يم مريته جا هو عند اهل اب ام اخت يسأل عليهة معول زوجهة وذبهة بركبت الشيخ عودن حط راسه ونام مرتضى بسيطه من يصير الحجي لا تكلين بس قويسم وبس حيدر اي والله صحيح سكينه بسكم عاد انت ليش ظال مترد البيتك حيدر هاا ادور علي لفتي مرتضى مااكلك هسع تبدل علينه وتطردنه ماعدهة صاحب صديق ابو دعاء سكينه ياسكينه سكينه جيتك رضى جاوينج من الصبح هل انده عليج انت ماصدكتي اتمرضت وكمتي اديحين يم جاراتج سكينه هااا حيدر ومرتضى هههههه حيدر روحي الزلمتج فاكدج عوضي على غيابج سكينه استحوا ولد رضا كلكم على ابوكم ماتستحون حيدر انه رايح ههههه مرتضى الله وياك التفت الامه وهو يصعد الدرج الغرفته هاي ولت الاهلهة امه بحسره اي راحت بس لا تكلي روحي جيبيهة مالي دخل مرتضى مالج دخل ولا تخابرج وتنطيهة الاخبار اول باول خله الحد ما تتربه خوششش اشوفن ياهو الي يربي الاخ دك الباب سكينه هذا ياهو فتحت الباب هله بزهره زهره شلونكم خاله صحيح الي سمعناه سكينه هزت راسهة والدمعه نزلت حضنتهة زهره كالت خو مامتأذايه اي والله تتوجع بس جرحه بسيط ماواصل للعظم الحمد لله امي رادت تجي بس تعرفيه مريضه وكتلهة ظلي انه اروحن واسال حقهة هيه زعلانه مني بس والله مو بيدي بعد قسمتهة شلونه اخيج رد الشغله اي خاله رد بس بعده تعبان وامي اعذريهة مقهوره عليه هزت راسهة تعالي جوه لا بس كلت اخابرهة اطمن عليهة عندج رقمهة خل يكعد مرتضى ويكتبه بوريقه وادزه الج بيد واحد من ولد حيدر خوشش بس من وكت لون راده البيتي خوشش من عيني وسلميلي على امج يوصل ****** دعاء كعدت على الم قوي برجلي وهو كاعد بصفي وجاي يداوي الجرح ارد ابعد رجلي منه مااكدر محوط بيديه بكل قوه صحت مااريدن وخر عني ولا جن يسمعني كمل وشد الجرح كام على حيله جاب صينيه بيهة شوربه قربهة مني وراد يوكلني اباوع السوب ( الشوربه ) حشه نعمه الله لعبان نفس دعاء لو اموتن ماشربه علي غصب عنج تشربي هيه شني وغصب عني ماتشوفه جن تلعب بيه سلابيح باوع بلصحن صاح ياهي هنا منجن جت فاطمه خويه رايد شي اي تعالي ياهو الي طبخ السوب طيبه انه كتلهة خلي انه اطبخه مارضت دروخي جيبه غيره شعدكم عشه سوينه تشريب وتمن ابيض خضره وسمج التفت الدعاء اجيبلج معلاك دعاء. لا انه اريدن تشريب احمر احبه جيبي فاطمه ابتسمت للشيخ انت هم اجيبلك العشه هنا ابتسم علي هو هم يحب التشريب الاحمر اتذكر ليله الزفه اي جيبي اهنا نتعشه سوه دعاء كعدنه نتعشه وهو كل شويه يحط كدامي اللحمه الزينه يكلي حته تتقوين يضحك ويكلي عرفتج انتي مو مال سوب خجلت شلون يحجي اكيد قصده على ليله العرس بس حبيت اهتمامه بيه عجبني هل الشعور والاحساس شعور اكو من يهتم بيج انه محاسته غير بس يم ابوي رغم عندي ٤اخوه بس ولا واحد حسسني باهتمامه بيه حبيت حته مرضي واتمنيته يدوم حته اشبع دلال خلصنه صاح فاطمه تعالي شيلي الاكل دخلت فاطمه بلعافيه الله يعافيج فاطمه ابوي دز يجبولكم معلاك شيخنه وانه اشوي ليكم لون اثنينكم صرفتوا دم دعاء درت عليه ليش هو اشبي چا غير اتبرعلج بدمه لو ماهو جان اناي بخبر كانه خجلت كلشش منه اليوم يمكن يوم الخجل العالمي يعني هسه الدم الي يجري بشرياني منه اكولن هل يبتسم وانه صايره اطيقنه اثاري دمه يلعب بيه لعب دك تليفونه علي كول محمد صدك تحجي خوشش انت ظل ابمجانك انه جاي ركض للمجر وطلع سلاحه ونزل يركض **** ايه دريت بدعاء متصوبه كلت هاي فرصه اخابره وبحجه اسال عنهة ارد للبيت مرتضى جنت هستوني غافي دك موبايلي قريت لن المصيبه ماجاوبت دكت الحد ماملت وره شويه رساله قريته لن المصيبه رقم ٢ اذا متجاوب انه اروحن بنفسي البيت الشيخ واسال عليهة اثاري داكه وانه ابالي ذيج شلت التليفون وانه متحلفلهة شالته وصحت قسما بالله لون رحتي اكسرهة الرجلج كسر وانعل جد جدج انه اتهدد بسيطه نبأ بسيطه يتبع..... ذكرى المندلاوي | ||||
|
| |
|
01-08-19, 07:53 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبه ذكرى المندلاوي البارت 14 دعاء اخذ سلاحهة وطلع واني مااكدر اطلع وراه رجلي المتصوبه تعيقني اكيد راح على كاظم وهاي المكالمه من محمد اكيد عرف بمكانه ياالله سترك نزلت على كيفي من فراشي وبديت ازحف للباب وانه اصرخ دعاء الحكووو للشيخ علي جتي فاطمه تركض شكوو اصاير انه كاعده كعود مااكدر اكومن لزمتهة من طرف ثوبهة مستنجده بيهة فدوه فاطمه خبري ابوج الشيخ يلحك الشيخ دره ابمجان كاظم واخذ سلاحه وراح عليه وهو صاير نار لطمت على صدره ونزلت تركض سمعت هوسه جوه والشيخ حسين يصيح بلولد يلحكوا اسمعه يكول بلتليفون ولك محمد انه الك شلون أدلي على مچانه ال?ویظم وذاك مدري شيرد والشيخ صاحح بويه انه شلون بهل الولد وانه ظاله ابمكاني مابيه حيل اتحرك و انزل جوه ماادري اشجرالي ليش هيج خايفه عليه ليش شعوري تغيير تجاهة بهل السرعه يجوز لان دمي اختلط ويه دمه جسمي كله كام يرجف من خوفي عليه مو طبيعي بديت اكل بأصابعي خايفه ليجيني خبر مووخوش لا سامح الله عنه بديت تاخذني افكاري لون امصوبي لو رامينه طلقه وميت وهسه يجيبوا والصراخ يصير بليه والي متحملت انه افكر واكل بأصابعي كرظمتهن بعد شويه سمعت صوته تنهدت الحمد لله شمرت ظهري على الباب بقوه سمعت الشيخ يگله ولك انت ليش تتصرف بكيفك احنه كلنه ماهو بعينك انه وعمامك نحجي وياك من البارحه لليوم وتاليهة سويت الي ابالك انت تالي وياك لو چاتله لو هو چاتلك انت ناوي تموتني وانه مالي غيرك علي بكل بروده اعصاب انه حلفت اخذ حق حرمتي منه وهل صوبته وخله ينامله شهر بحضن امه هل الخنيثه لو بي خير مايصوب حرمه انه مو جنت چدامه ما صوبني مو كتلك ابن اخوك مابي خير بس السان شفته شلون يتوسل مثل الحرمه وانه موجه سلاحي عليه حسين بويه فكك منه الخاطر عمك ماهو بعينك شفته شلون يتوسل مثل الطير المذبوح على ابنه بويه اسمع مني وبسك عاد من كويظم خله اعتبره ماموجود انه اتفقت ميجي للديره ولا يشوفنه وجهة علي هههه اعتبره ماموجود؟؟، وهو كل شويه ناط چدامي مثل القرد يحاسبني على الزله واكفلي سجينه خاصر حسين بغضب خللللله بوووويه خلللله انه احاسبه علي شاف ابوه تعصب سكت هو هذا حقه واخذه كسره ضربه برجله اليمنه نفس مكان ضربتهه الدعاء علي هذا هوووو بعد مالي شغل بي بس هو يحترم نفسه والله ان رد لسوالفه المثل وجه ادفنه بعلي هز حسين ايده وهو يستغفر متعلم على كاظم وعلي عداواتهم من الصغر ماقلت زادت دعاء سمعت صوت يصعد الدرج ارد اكومن مابيه شلت روحي رجلي وجعتني رديت كعدت صحت اخخخ بويه لن اشوفه فوك راسي دنك عليه وكال انتي شكومج من فراشج ؟،، تاليهة وياج يابت الناس ليش ماتسمعين الكلام جيبت احجي اكله من وراك كعد كعود كبالي حط ايد وره ظهري وايد جو رجلي شالني يايمه اشكد اخجل من هل الحركه احس وجهي غده دم وصخنت وين اولي وجهي منه عينه بعيني من صار كبالي وهو يباوعلي وانه الوفن يمنه يسرى من الخجل دعاء انه اكدر اكومن ماكو داعي تشيلني حجيت قريب من الهمس مجاوبني رجعني لفراشي وبدون اي سابق انذار رفع الدشداشه يشوف الجرح وانه دفعت ايديه شيخنه واخنزر بيه هو صاح بوجهي ليروح فكرج بعيد اردن اشوفن الجرح كتله وانه خجلانه وايدي ترجف اغطي بروحي مابي شي الجرح خنزرلي وكمل شوفني الشاش كله دم كال يمكن ضاغطه على الجرح وانتي تتحركين ليش بويه اشكلنه احنه لا تتحركين الحد مايلتئم جرحج انه ميته من الخجل اعدل بثوبي ارجعه يحجي وهو يجيب الدوه والشاش لا تخافين امني انه بس اردن اشوفن جرحج واعقمه اذا التهب تراهم يكصونه الج صحت وجان صوتي عالي وانه محاسه على روحي لاااء كله ولا يلتهب ويكصونه ضحك وهو يشوف الجرح حسيته يقشمرني وانه مثل الطفله صدكت بسرعه داوه الجرح ورد شده ابتسملي لو ذبت ثاري هذا الشيخ ماهو هين عنده اسلوب يخلي الحديد يلين جدام عيونه ضحكته تخبل من تطلع سنيناته اليلو يصير احلى وله شواربه ولحيته المسوياتله هيبه يااا انه صدك مااستحي بديت اتغزل بلزلمه وانه چني مدخلته سونار وافحص بي من راسه الجدامه حته اصابعه وهو يشتغل ذوبتني وهيه تلامس جسمي انه صدك صرت مااستحي ويمكن هذا الشيخ طلع عيني بحركاته وعيت على روحي وهو يباوعلي اثاري يحجي وياي وانه بالي موشش يمه دعاء هاااا ضحك هههه بويه وين رحتي نوبات اشوفنه غير ذاك المتعصب والمعقد خجلت دنكت مااعرف اجاوبه لان معرفت شكلي هههه ساعات اشك بيج خبله رجعت ضجت من كلامه كلت بروحي موشش انه انت الخبل اكيد انعديت من دمك الي اخذته وهاي علامات كاعده تظهرلي واخافن لا انعدي منك واتعقد هز بيده اوو طب للحمام غسل واجه تمدد بصفي التفتت عليه وباوعتله صفح شنوو انت ناوي تنام هنا علي عكد حاجبه چا وین انامن ترديني بلچول؟؟، دعاء موو موو علي شني شو كمتي تموووين مثل البزازين دعاء شكله مااعرف وهو يباوعلي بعيونه منتضر اجاوبه شمرت الحجايه بدون ماافكر احنه ما اتفقنه على هيجي شيخنه ابتسم هااا جا عليش اتفقنه عكدت حاجبي وهو ضحك ههههه رد حجه وهو صافن بعيوني خجلت دنكت مااكدر اباوع بوجهة شوفي يابت الناس من اول يوم وانه اكلج هذا مچان الشیخ وفراشه ومااعرف ابدله وانه ان جان خليتج ابمچاني اكو سبب والسبب صوابج وكم يوم اطيبين وترجعين المچانج لكن الحقيقه طبعا غير الشيخ رادهة من الله وصارت حجه بحجتين حب ينام على عطرهة الليله علي نامي نامي يالله لا تظلين تباعين بوجهي جنج تردين ترسميني هه مغرور درت ظهري وغطيت روحي كلش ونمت جنت تعبانه كلش ********* مرتضى كعد الصبح على صياح يعرف صاحبه الصوت كلش زين ايه وامهة جايات من الصبح نزل جوه وهو يسمع صياحهة وهيه تحاجي امه سكينه انتي كله منج عفتي زلمتج وبيتج وتالي چايه ادكين وتلطمين ايه والله لا اندمهة الهاي نبأ بت اختج امهة تسكت بيهة وهيه ظاله تصرخ ايي نبأ ال?٠٠٠٠٠ انه رحتلهة للبيت وخبرت ابوهة واخوتهة وكضبوهة وكسروهة بس انه ماارتاح ولا يهدالي بال اله اخزيهة بلعشاير كلهة الماتستحي بواكه الزلم سكينه دكت على صدرهة شلوون شلوون ليش ولج حرام عليج البت شلهة غرض بعركتج انتي ورجلج لا شنوو مالهة غرض هيه امجلبتله وتريد ترجعه بسحورته هيه وامهة امهات السحوره والله اله اندمهة صاح مرتضى ولجججج ايه ولج طركاعه الي وكعت على راسي شكلتي انتي عيدي اتقرب منهة وهيه صابتهة رجفه انت مرايح للشغل ؟،؟؟ خنزر بيهة وجرهة من زندهة وهزهة هز وهو يصرخ عيدي كلامج الي فبل شويه كلتي ام ايه تحاول تسحبهة منه يااا ياا يااا انت شو صاير ماتحشم مرتضى مو لما بتج تحسب الزلمتهة وتقدرهة شلوون تروح البيت خالتي وتحجي هيج وياهم هاي اعراض ناس ماخافت اللله تتهم البت بعرضهة ايه والله انه مجبت الحجي من الهوة هيه اعترفت بلسانهة مرتضى شكالت احجييي باوعت الامهة وردت جم مره هيه ادكلي اله اخذه منج مثل مااخذتي بسحورتج ارده بسحورتي مرتضى التفت الامه وكال جا جذب انه مو كضيتج أبيت ام جبار وحلفت عليج اليمين لون عدتيه نزلت راسهة هااا هاي صديقه حنين وهيه ودتني ليهة مجنت اعرف اشششش ماتعرف هه صدكتج التفت الامهة كللهة تاخذين بنتج وترحين لو احلف اكسرهة الج واردهة اليكم يااايااا انت شمالك تموتهة شلون وهيه حامل بوليدك ههههه اخذيهة وروحي انعل الوليد يابو الي خلفوا بعد طالبيني طلابه عمي مااريدهة لو بيهة توم انه هاي الحرمه طلعت من عيني من يوم يومه ماطيقهة كلت بلكي تعدل ادور سوالفه المكسره شمالي مارايد روحي على يوم تجلطني اخذيهة خل تولي ايه هيج صارت والله لا افضحكم انت وذيج الكح٠٠٠٠ الساق٠٠٠٠٠٠ هل الام الزلم الدايحه مرتضى مااتحمل اتولاهة كفخات وراچديات وهيه تصيح وتسب وذاك يتخبل الحد ماا سمع ابوه واجه حيدر فكهة وامهة تسب وتغلط وتتحلف ماعدهة اهل ماعدهة اخوه والله لا يكسروك اتكسر حيدر انتي بدل ماتهديهم تزيدين فوك النار حطب ام ايه خله يولي انطيته مره تسوى راسه وهيج يعاملهة مرتضى هههه والله ضحكتيني هيه هاي هم حاسبتهة مره هاي مرمره على گلبي هاي حجارة اخذيهة من كدامي لا اخلصهة الج. وايه تصرخ وتسب حيدر سحبه المرتضى ودهله الغرفه امه كوه وذاك ظال يرافس برجله يريد يضربهة ايه انه الك انت وياهة اله اندمك سكينه يبووو اخذيه انتي ياامهة وخل نرتاح من صباحيات الله بوجه من صبحنه ليوكع زلمتي بي من عوضي انه ماتشوفين حاله تقصد ابو مرتضى حيدر كللهة امشن وياي انه اوصلجن خله يهده التفت الابو بويه ارتاح انت روح الغرفتك ايه ظلت تسب وتغلط وكوه طلعت من البيت ****** جعفر انه موكتلك لا تجي مو وكتهة احمد اشبيك ضجت كلت اتونسلي شويه بهل الطبيعه احلى من جو بغداد يخنك جعفر ياطبيعه انت لو شافك الشيخ حسين لو اي واحد من حراسه او ابنه علي تخرب كل مخططاتنه اتريدني اغامر واخليك كبالهم يابه وين اني عمري وكتهه ٧سنه والحادث صارلهة ١٨ سنه اكيد مايعرفوني هويتك المزيفه جبتهة اي بجيبي خوششش خله يمك اذا سالك حميد كله انت ابن عمي خوشش افتهمت منا ليمن يسويلك واسطه يم الشيخ علي تشتغل يمه حارس افضالي عليه هواي ومااعتقد يرفض هاي سهله بس الشيخ علي شلون جعفر هذا هم بسيطه شغلته شلوون حميد يقنعه انت خوشش زلمه وكفوا للمهمه ومن هذا الحجي ليمن يقبل بيك تشتغل عنده والباقي يجي بكل سهوله انت بس استر عليه ولا تحجي وتوطنه لا تكله انه من بغداد ومثل مافهمتك اسمك كمال ابن عمي جاسم الي مات قبل شهر وخواتك وامك وكعوا بركبتك ومالهم معيل غيرك افتهمت احمد خوشش عدتهة علي ميت مره واللهي افتهمت الدرس كلش زين جعفر انت لا تستهزء بكلامي افتح مخك زين لا تلوصهة علينه اخخ انه شجاني وجبتك انت لهل المهمه طول عمري اكول عليك مخبل احمد اشبيك شلون تحجي على اخوك هيج ادري انت اكبر مني بس هذا مينطيك الحق تغلط جعفر كرصه من اذنه وهو يهدد لككك تمشي عدل لا تصير موخوشش احمد هذا هوو افتهمت بس فكني دفعه جعفر بقوه وكله يالله روح نام لا تطلع بعد الحد مااكولك ***** دعاء كعدت الصبح على وجع رجلي عبالك طابوكه فوكاهة اباوع ولن شعري مفتوح ورجليه محوطه رجلي وايده اليسرة جوه خصري واليمنه فوك بطني يعني صايره بحضنه وهو عبالك طفل ونايم بحضن امه يبووو ارد افك روحي مااكدر محوطني بيديه وبرجليه حطيت ايديه على صدره وانه ادفع بي حس بيه فتح تك عين يباوعلي وهو بعده معرت دعاء وانه احاول املص روحي منه واحجي شيخنه الظاهر انت نسيت روحك ونسيت اتفاقك وخلي يصير ابالك السرير هو بس ملكك بس الي عليهة حرت روحه مستحيل تصير جاريه الشيخ ***** يتبع..... ذكرى المندلاوي | ||||
|
| |
|
01-08-19, 07:56 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت 15 دعاء تعبت من اسلوبه شفت روحي زينه كلت خل اروح اساعدهم وهم اخلص بقه هو نايم وانه حركت روحي على كيفي اوو نزلت جوه والكي الهوسه نفسهة مثل كل يوم طبعا لازم كل وحده تشارك بلريوك يعني التسوي البيض واشكال ابو عيون ومخلمه وبيض وطماطه وياهن كيمر واجبان ودبس عسل كعك كلشي تحبه عيونج تشوفي على الصينيه والصينيه شكبرهة احنه النسوان كل وحده وجهالهة وياهة والزلم وحدهم بس انحضرلهم قوري جبير للچاي لان يحبونه وانه جانت مهمتي احضره استلم مهامي اخذت القوري الچبير غسلته وترسته مي وخليته على الطباخ جت فاطمه كالت ياا عود ليش نزلتي وبعده جرحج مطيبان؟؟ دعاء يمعوده ماتحمل الفراش تعبت واخوج هذا مينحمل شبي اخوي دوه للگلب التعبان هو يكسر ويچبر هههه اي صحيح هذا طبعه من يومه الله يساعده من الظيم الي شافه مو حقه دعاء كلمتهة خلتني التفتلهة وانه متفاجئه ضيم ؟؟؟؟ وهو وحيده للشيخ ومدلل وكلشي بيده فاطمه لا هو قصته قصه لو تسمعينهة يمكن بعدهة تعذري على كل سوالفه وياج دعاء ويه روحي مااعتقد بس انتابني الفضول اسأل شنو الضيم الي شافه وخلاه يتحول هيچي وياي خصوصا النسوان چیت اسالهه شاورتني وهيه حاطه ايديهة على حلكهة وكالت دعاء هذا اخوي شمسوي بكويظم ابن عمي على مودج الكل تعجب هاي اول مره يضربه هيچي دائما يتعاركون بس متوصل للطلق حتى هو كويظم مجان قاصد يرميج اچت هيج غصب عنه دعاء يعني همه من زمان يتعاركون انه شدخلني بعد ولج الكل خصوصا هاي مريم بت خالتهة الطيبه چن جنانهة فار المي ذبيت الجاي ونصيت الطباخ وكملت وهي تطرك البيض هاي مترتاح اله تتزوج من الشيخ وتاخذ الشيخه الهة انتي لا تنطيهة مجال صيري شاطره وخلي الشيخ علي بصفج دعاء هه وانه اكدر ؟؟؟ فاطمه اي انه اشوفن انتي كدهة اخوي علي عمره وزمانه ماحب وحده هو يشوف دم سنونه ولا يعاشر مره ويتصبح بوجهة هذا كلامه الي جان يردده كلما ابوي الشيخ يكله ازوجك يگلب البیت ویطلع ليش اكلچ كلنه تفاجئنه من ضرب كويظم كلتلهة وانه بودي اسأل من زمان هذا السؤال ليش الشيخ متعقد من النسوان اذا ماحب طول عمره هاي سالفه طويله بعدين اكعد واحجيلج خل نفض سالفه الريوك بس انتي مثل نبهتج زلمتج خله ميشوف غيرج تراه مريم مو هينه مستقتله وانتي عندج كامل المواصفات الي تأهلج تفوزين بگلب الشیخ ضحكت بسري هيه مسابقه صارت يا انه يااهي واستعدي ياحواء والله لو اموتن مانزل روحي الهل مستوى اليحبني هو يجيني موش انه انقص من كرامتي وهيج حب مااريده لو بطبق من ذهب انه سعد بس حاجه ابوي واخوتي فضحنه چدام الناس الچایه بلخطبه طلعته من گلبي ودست عليه طفيت الجاي وحضرت الاستكاين بلصينيه اسمع صوتهة الي چنه صوت الغراب من صباحيه ربنه شعدهة هاي صدك لو گالوا هيه قطره من تنزل بعد ميهمهة مريم هله بهل الصباح ابن خالتي شلونك انت زين ؟جاوبهة وهو نازل يلم دشداشتهة من اطرافهة ويعدل بكعدته همه فا رشين بلمطبخ لون جبير كلش هله بت خالي شلونج يبتسم زينه بعد بت خالتك علي بدون ميباوعلي لو يطلب مني واعرف ليش ولو هذا طبعه بس العركه الي صارت قبل شويه خلته يگلب علي بعد دلال مدام ٤ ايام فاطمه اخيتي صبيلي هنا اتريك دعاء اكيد من عركته البارحه ميريد ابو الشيخ يرجع يفتح الموضوع وياه ويتعصب خصوصا من سمع عمه ابو كاظم جاي وهو يم ابوه حسين مريم فطيم انتي اخذي راحتج انه ازهبله الريوك فاطمه لا حبيبه انتي اخذي راحتج خلص كمل مايحتاج شو هاي اچت ?عدت بصفه وهيه تتغزل بي مريم يابعد روحي يروحلك فدوه كويظم وجماعته كلهم ماكدروا لابن خالتي من فدوه اروحلك سبع وتخاف الزلم منه اباوع الفاطمه وفاطمه تباوع عليه وتخنزر يعني احجيلج شكم كلمه شحجي واهي ماكلته حاصل فاصل وماتستحي هو حته مخاطبهة وهيج تغازله اكيد بيناتهم صاير شي وهل هو يبتسملهة طكت رويحتي وانه اشوفهم بهل المنظر مااعرف اشجرالي طكت فيوزاتي بعد دعاء باوعت بعيونه وهو يباوعلي ويبتسم بخبث اي طبعا هيه الحرمه منه منوا سندهة بعد ماتتزوج اكيد ابو بيتهة وهو الشيخ رفع راسي من رده الكويظم واخذ حقي وبعد جرحي اخضر اباوع بعيونه واحجي تبدلت ابتسامته واتغيرت ملامح وجهة صار بريق غريب بعيونه وظل صافن بوجهي مريم لا هو ابن خالتي هو وكويظم عداوه من زمان موش الهل السبب اظن مو هيج ؟؟ يابن خالتي طبعا تتقصد تردد هاي الكلمه (ابن خالتي) مارد عليهة وهذا الشي الي خلاني افرح علي فاطمه ريوك لو باچه فاطمه اي شيخنه بعيوني بسرعه سواه لكمتين وشرب الجاي وطلع وهاي الحيه ظلت تحوم علينه بلمطبخ الدور اجت طيبه وجنه ناقصينهة يالله خفن ايديجن الزلم ملت مصار ريوك فاطمه متجين تسلعدينه لو حاضره بس للتامر صاحت انتي شلون تحاجيني هيج انتي ليش ماتحترمين خيتج جدام الغرب فاطمه اولا احترمي خيتج حته تحترمج والغريب ماهو بينه بس مرت الشيخ وهيه صارت منه وبينه طيبه تبقى غريبه بينه الحد ما نشوف جهاله للشيخ وذاك الوقت نكللهة منه وبينه مريم وهذا ميصير طبعا لان ناوي يتزوجني عن قريب وانشاء الله انه الاجيبله الولد وساعته ميعتب باب غرفتهة وصدك تصير غريبه طيبه تضحكلهة وفاطمه تخنزر بصلافتهة وجرئتهة وانه مااچذب احترك دمي جيت املخهة بس تراجعت شفتهة تحجي بزود اكيد هو منطيهة هل الزود انه منوا على گولته هديه ومرفوضه من اول يوم ومجبور علي سكتت والدمعه بعيوني واتمنيت اروح الاهلي واحضن امي واشكيلهة صاحت بت فهيمه الثانيه مها الصغيره دعاء تليفون يدك بلغرفه اجيبه الج دعاء اي جيبي مااكدر اصعد بعد فاطمه تريد تغيضهن وين الشيخ يصعدج مثل كل مره ههه مريم وطيبه ظلن يخوزرن بيهة اخذت التليفون زهراء شلونج دعاء انشاء الله زينه والله انقهرت عليج خته سعد اتخبل راد يجيج هو وامي للمستشفه بس مرتضى ماخلاهم كال هناك الشيخ وخاف يتكاونون دعاء شحجي وياهة والكل عيونه واذنهة يمي وتخنزر بس اهز براسي اكولن اي صحيح انتي شلونج زينه شلونج ويه رجلج زهراء والله انه ابيت اهلي زعلانه يا لويش خله يولي بعد هاذ هو مانتراهم انه وياه اخوي سعد كلي اطلكج منه. صدك تحجين وهذا الحب سنين وين راح ياحب طلع غير ذاك الي اعرفه ثاريه طامع بقطعه الكاع الي عندي الله ينتقم منه خذاه وباعه وصرفه على النسوان والقمار وتالي الليل يجيني شارب السم ويجبرني عليهة كرهته وكرهت عبشتي وياه الله يساعدج زهراء شكيتلج ودوختج بهمي وانتي مناقصه دعاء جيت احجي اباوعلهن بعدهن يتصنطن كلت المها تعالي كوديني اصعد الغرفتي فاطمه ماتتريكين لا مااشتهي فاطمه صعدي وانه اودن بيد مها الج شكرا الج تعبتج حبيبه فاطمه يمعوده احنه اهل وخوات مابينه تعب كملت مكالمتي ويه زهراء بعد ماصعدت الغرفتي وسديته واتمددت طبت مها جايبه الريوك اكلت شويه ورجعت اخذت دوايه ونمت المسكن الي كاتبه الدكتور ينومني بسرعه كعدت على صوت ام طيبه بلباب وهيه تحاجي والله هيه خلهة بس اتخابر والصواني تصعدلهة الغرفتهة شنو چا انت وين كلامك ويه الشيخ اذبهة ويه البنات خدامه مصار شهر وگلبتك علينه گلاب البارحه ترمي كويظم يعالم بعد كم يوم شنراح نشوف من وراهة هل بت الفلاح تالي عمرنه الي تحت چدامنه يصير فوك روسنه لا ويكمز تكمز جاوبهة هسه شرايده ارميهة حته ترتاحين ؟؟كتلج كم يوم وترد لهلهة ام طيبه اذا تردهة الهلهة بعد كم يوم چا المن ظاله بغرفتهة ؟؟، نعلف بيهة نذبحهة على العيد خلهة تساعد البنيات بنياتنه موشش خداديم الحضرت جنابهة علي خلهة اطيب وانه اخليهة تنزل وهذا الموضوع ينسد مااريد بعد اسمعه مو ابوي وادور انتي تزنين كل شوي على راسي ام طيبه هيج صارت شو ماتحترمني ابن نسرين اتقرب منهة وعيونه جمر وهو يصك اسنونه مد اصبعه يهدد شوفي هاي اخر مره اسمعج اتجيبين هل الاسم على السانج ترة اتصير مو خوش وياج ام طيبه خافت عافته ونزلت دعاء سمعت انفتح الباب بسرعه غطيت راسي وسويت روحي نايمه وانه مصدومه ياترى مني هاي نسرين مو على اساس هو ابنهة ليش تعيره بأمه اتذكرت كلام فاطمه وحقده على النسوان والله وطلع وراك سر يالشيخ ولازم اعرفه اسمعه يفتح الكنتور طلع ملابس وراح للحمام وهو ينفخ ******** مرتضى اجه عمي اولده يتصايحون من الباب ابوي خابر قاسم وحيدر وانه مقبلت مسأله تخصني وانه احلهة وياهم عمي صاير نار ودمارات وجهة باينه شوف انه تالي عمري انفضح ومن من من ابن اخوي الي عرضي عرضه مرتضى واللهي عمي الحجي الي اجاك كله تلفيق وغرضه يخربون بينه لا كثر ولا اقل وبت عمي تبقى شرفي والي يمسهة بچلمه شينه امسه بنار جهنم توج ماتخمد اليوم الدين عمي انه بتك رايدهة على سنه الله ورسوله وهل چدام ال?ل اگولهه اباوع العمي باوع الابوي كانما يريده يحجي ابوي التفتلي وكال حجايتك ابني جانت على طرف الساني رجع التفت العمي انه اتشرف اخذ بتك الابني حميد هنا انه مدري اشصار بيه صرت نار بودي افلش كلشي كدامي ابوي ليش هيجي؟؟ يعرفني انه احبهة شنو سبب تصرفه هذا كلت بويه بت عمي رايدهة الي موش الخوي عمي باوعلي وغمض عيونه ورد فتحهن يصير خير اشر الولده كاموا بدون ميردلي جواب لا انه ولا البوي الي بدل كل احلامي نبأ انه رايدهة ومحد ياخذهة كلتله بصياح اشلون تنطيهة الحميد وانت تعرف ببنك هاويهة وجاتت خطيبتي وكاطع مهرهة يعني زوجتي كمت الزم اي شي جان يمي وكسرته اتكسر تهسترت قاسم وحيدر لازميني كوه امي اجت تركض علي وتسال ابوي مستغربه مثلنه كلنه ليش هيج سوه ابوي مارد طب الغرفته وسد الباب ******* جعفر حميد اطلب منك طلب حميد كول وانه بذيج الساعه الاخوي جعفر يطلب مني طلب كولل عد عيناك جعفر اريدك تحاجي الشيخ علي حميد اتفاجىء شيخ علي؟؟ جعفر اريدك ادكله يشغلي كمال ابن جاسم عمي حميد انت عندك ابن عم واسمه كمال جا شو ماشايفه جعفر اي طبعا ماشايفه لا ن هو موش من هنا هااا اي والله خطيه ميكين مات ابو الي هو عمي وخله كومه بركبته ويريد شغيله ختة لو حارس يم الشيخ حميد شمعنه ماكو غيرهة جعفر ميعرف ايده مماخذه على الشغل كلت احسن شي هو حارس بس يوكف چدام الباب وهاي احسنله تكسب بي أجر حميد والله مااعرف شكلك بس هم ميخالف اگله ويصير خير هو ماظن يرفضلي طلب ******** كاظم والله لا تخذ حقي منه والطلقه الي برجلي اله اخليه براسه ابن الگریدیه صایر شیخ علینه ابو ولك اهمد مبسك يوميه طلايب هاي طلايبك راح توديك جو التراب امه انشاء الله عدوينه الهل ابن ال گریدیه ولج بسج من الوز براسه محد خربه غير زنج هذا من هو زغير انتي تعلمي على ابن عمه حرام عليج مو راح اتموتي تاليهة خله تفيدج سوالفج التعبانه ام كاظم كافي تفاول على الوليد ابيش طالبه متروح على ابن اخوك واخذ حق ابنك منه لو بس مكدورك علينه ابو كاظم ياالهي انه منين اسدهة من الوليد من امه انه رجال مسالم مااحبن المشاكل وانتي وابنج تشترونه شرايه بسكم عااااد مو وصلت حدهة وياكم ******* دعاء مر اسبوع وانه طبت وبديت انزل اشتغل وياهم مردت تصير مشاكل للشيخ بسببي بعد ماالي سمعته من ام طيبه بس ظلت سالفتهم بأذني اردن اسألهة الفاطمه وميصير مجال صبينه عشه وخلصنه شغل وكلمن صعدت الغرفته طبيت سبحت نشفت شعري وظفرته صفح افرشت فراشي الي صارلي يومين افرشه جوة بلكاع تمددت وارد انامن طب هو باوعلي وعيونه بيهة حجي ضايج الظاهر صاير حجي بينه وبين ابو حسين لان سمعت صوتهم عالي وام طيبه رايحع راده اباب المضيف تتسمع تركته وغمضت عيني اسمع باب الكنتور وهو يطكطك اكيد طلع ملابسه ظل يدردم وبدت فقره كل ليله شكاوي المواطنين علي انه هم حاسب روحي متزوج لو جايبلي خدامه هم احسن لو ظال بليه حرمه هم احسن بميت مره حته خواتي عافني لون صار عندي حرمه شمدريهم انه صرت اخدم نفسي بنفسي اجي الغرفتي الكاهة نايمه ولا جن عدهة زلمه اله حقوق عليهة دعاء ضجت من كلامهة بعد الي شفته منه ومن مريم ضحك وسوالف ولا دايرلي بال لو حجيه ويه ام طيبه شمرت الغطه وكمت من حركت كلبي حجيت انا هم ماحاسبه عندي زلمه الي هم الي حقوق عليه تاركني مركونه وهو حلكه بحلك بت خالته ولا جن موجوده ولا عدهة مشاعر زلمه وغصب عن الي خلفج لا تجيب طاري ابوي على السانك اتقرب مني وهو يكول بت رضى الفلاح شو السانج طولان على اسيادج احترك دمي كتله وياريت ماكلت دعاء ابن نسرين لتجيب طاري ابوي اشرف منك يتبع..... ذكرى المندلاوي هذا بارت العيون المتابعين وعذروني على السحك مستعجله وعيوني وجعتني احبكم | ||||
|
| |
|
01-08-19, 08:04 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبه ذكرى المندلاوي البارت 16 علي زلمه وغصب عن الي خلفج دعاء كتله لا تجيب طاري ابوي على السانك بت رررررضى الفلاححح شو السانج طولان على اسيادجججج احترك دمي كتله وياريت ماكلت دعاء ابن نسرين لتجيب طاري ابوي اشرف منك دعاء ماأشوف غير الدنيا ظلمت ضربه جتني بعيوني وخدي اريد الزم روحي وكعت من طولي وبعدهة كعدت على صوت الهوسه الي اسمعهة يوميه بنات الشيخ وهنه يشتغلن وجهالهن يلعبون اباوع الروحي على الجربايه ومتغطايه اكيد هو منو غيره ليش ضربني من جبت طاري نسرين انكلب وحش وعيونه صارت حمره گلت الروحي جاك الموت ياتارك الصلاه مني هاي نسرين انه الاعرفه ام طيبه هيه امه بس من سمعت الكلام الي دار بينهم ذيج الليله اتاكدت هيه مو امه نسرين اكيد مسويتلهة مكسوره يانهابيهة يا الله اعلم هل خلاه يجن كلما يجي طاريهة وهسه عرفت سبب عقدته من النسوان اموت واعرف قصتها وراح اعرف من فاطمه اليوم قبل باجر بس هو وين راح اباوع للساعه بال٨ الصبح هاي هيج ضربته قويه وهل خلتني انامن وماادري بروحي زين انه نمت على الجربايه هو ين نام مكانه مو مال واحد نايم عليه طبه طب وين مانام انشاء الله بلكبور شمرت البطانيه الي علي وكمت اشوف مكان الضربه بلمرايه انصدمت ٠٠ عيني اليسرى مزوركه خرب امك على هل الدكه شلون راح انزل چوه اتذكرت مريم وهيه تشوفني وتتشمت بيه بديت العن بي انعل امك فوك ابوك الشيخ كلت بكلبي وكت ادردم ويه روحي مااشوف غير الباب انفتح وهو يباوعلي اكيد شاف عيني ابن ال٠٠٠٠ لا التوبه ليروح يزوركلي اللوخ هذا خبل حته ويه روحي ماسترجي اعيدهة وجهة يخوف وهو يخوزر بيه علي بتهديد سمعي بت رضى هاي المره جان تحذير لونج ماتعرفيني زين بس وحق علي اندمج واندم عشيرتج انه الحرمه مامدن ايدي عليهة لچن الحرمه عدهة اهل ينردون عليهم وساعتهة اخليج تبجين بدل الدموع دم دعاء طبعا انه مدنكه مالي خلك اجاوبه واخلي عيني بعينه من وصلت السالفه يهدد اهلي انه هنا الحراره اشتعلت عندي دعاء شنوو اهلي شعليهم انه وياك شدخل ابوي واخوتي علي اشششش انتي منين جيتيني مو جنت كافي خيري شري السانج كتلج لا اطولينه وحلكج لا تفكينه لا تشوفين ادمرج والله افتهمتييي لو مااهلج ذبوج علي انه مجبور اخذج ؟؟،لا والله دعاء رجع يهيني بلهديه الي كصت الساني وصمت حلكي بس كلبي ظل يوجعني عفته وطبيت للحمام سديت الباب وفتحت الدوش اوو كعدت بلكاع وانه لا زمه حلكي اشهك وابجي مااريد صوتي ينسمع ويتشمت بيه ******* مرتضى الليل كله مانايم اشلون ؟؟؟؟ مو ابوي يعرف كلش زين انه احبهة واهي مريتي جانت اشجاب حميد بلنص ويطلبهة من عمي بيت افكر اخاف حميد هو الي طالبهة ويمكن رجعت نبأ تلعب علي وادور على حميد وهل طالبهة من ابوي وابوي فاتح عمي بويهههه ايغير احركهة حرك جا انه لعبه بيديهة اليوم اسمطهم سمط وانعل عمي يابو بته شني اشافتني خنيثه وينلعب علي وشمالي انه ركيك الهل الدرجه واركض وره عواطفي ماالزم روحي شويه هاي غير سالفه انعل ابو النسوان يابو ال چابهن كلهن خوانات وحيالات اخخخ بويه نبأ ان جان الي فكرت بي صدك لا انعل والد والديج واحركهم حرك وانتي وياهم اندكت الباب منو امي انه اوليدي افتح هل المهجوم اردن احاجيك مرتضى نسيت الباب مسدود من البارحه منازل مااريد اشوف احد بس امي تنقهر مابيه ازيد عليهة رحت فتحته امي هايمه مرتضى ماتجي تتريك اشمالك حابس روحك من البارحه لليوم ترى ماتسوه وانت زلمه وميت حرمه تتمناك وهاي مريتك خل تولي من باجر اعرسلك اغاتهة مرتضى ضحكت على تفكيرهة المحدود ومابيه حيل افتح موضوع من جديد وافهمهة بست راسهة ونزلت وياهة حيدر هله بلعريس وينك معرت بلغرفه مرتضى اباوع البوي ولا چنه يخوط ببأستكان الچاي يشرب امي جابت ماعون بيض ابو عيون تعرفني احبه وهو حار خلته كبالي طبطبت على جتفي وخزت راسهة اتريك يحلهة الحلال انشاء الله بس لا تقهر روحك تحجي وتباوع لبوي وعيونهة تعاتبه الظاهر زعلانه منه من وره سوايته وهذا ابوي مايكدر ولا يوم بدونهة عفيه عليج يمه (كلت بروحي ) انتي بس دواه فرحت صارت بصفي حميد اجيت اتريك صبحت كعدت اباوع المرتضى يخوزرلي شكو اشصاير ؟؟؟ امي مصاير شي كمل ريوگگ حته تروح الشغلج هااا شنو هاي طرده حيدر ههههه امي من البارحه مكلوبه على البيت يأشر بعيونه على ابوي كلت بروحي اكيد متعاركين عصافير الحب كملت ريوكي وكلت اروح البيت الشيخ اكله على ابن عمه الجعفر وصاني وعيب مرتضى حميد تعال اريدك بسالفه رحت وياه وعيون ابوي تراقبنه هو وامي مرتضى لازم اسأله حتى يرتاح گلبي حميد وهاي كعده خير ؟؟؟ ليش احس البيت اموره مو تمام يعني صاير شي وانه ماأدري هم كولوا حميد بلسالفه ترة انه بطلت وحلفت بلعباس مالي دخل بأي صغيره وجبيره بهل البيت مرتضى يهز براسه اكعد طول عمرك وانت اجيب المشاكل تجي اليوم تبطل هاي سالفه تفيدك حميد خير خويه خو ماكو شي اريدك تحلف براس امي ادكلي الصحيح حميد خويه خيرك لوعت گلبي مرتضى احلف وجاوبني احلف مرتضى نبأ بت عمي عندك شي وياهة حميد هه نبأ نبأ ماهو غيرهة مرتضى ولك احجي لا اكسر سنونك بحلكك حميد شفت عيونه مو مال شقه كتله لا ماعندي يعني مثل شنو قصدك مرتضى وهو يسد قبضه ايده ويغمض عينه هيه هم فد يوم خابرتك حجت وياك على شنو ضربني على راسي لك احجي تعرف انه شقصد ان جان قصدك على نبأ بت عمي ماهو غيرهة هيه عيونه طب وتطلع بس عليك ومناكر ويه مريتك ماتفض اله بعركه هذا الي اشوفه منهة مافد يوم شافت واحد بينه ونبأ تحبك الك اخوي ولا يروح فكرك بعيد حرام البت منتضره اليوم الي ترجعهة وندمانه مرنضى راح اتخبل جا ابوك ليش خطبهة الك حميد كمزت من مجاني شني خطبهة الي؟؟ ليش بويه انه ماعندي رأي انه حرمه ويزوجني بكيفه اسمع صوت ابوي غصب عنك تتزوج بنت عمك حميد ومرتضى😣 حميد بويه شني السالفه ؟؟؟ بت عمي جانت وتظل مريت اخوي عمري مافكرت ولا افكر اتصيرلي حرمه ابوي صدمني جا بس تعرف تغصب اختك على زواجه ماتريدهة وانه عايش واشمممم الهوى ماخذت رأي ورحتتتت تصرفتتت بكيفكككك وخليتني بنص هدومي ويه الوادم ماعرف شني السالفه التفت المرتضى وانت ترجع مريتك وتسكت افتهمت ؟؟؟ بنات الناس شرفهم ماهو لعبه تخابرهة توالي الليل مرتضى انه جن٠٠٠٠٠٠ ابوي اسكت انت وياه وقراري تنفذونه لا احلف بعد طول عمري الساني مايطخ السانكم ومن اموت محد يشيل جنازتي مرتضى رجعت فلشت شكو غرض جدامي فقدت حميد اخوي طلع من البيت وهو يكل البوي انه من اليوم ماطبن هل البيت وعمي انه رايح اكله ******** جعفر خويه احمد اريدك تراقبلي البيت كلش زين احمد فهمت جعفر لا ادكلي فهمت وبس احمد يعني شتريدني اكولك وانت تعيد عليه السالفه بل١٦ مره جعفر هذا كلامك البغدادي مااريده احمد مااكدر الساني ماخذ جعفر لجن ظل لا تحجي بس جلمتين لاتزيد عليهن خوشش؟؟؟، خوشش جعفر البارحه ابوي خابرني كلي الاوراق كلها طلعت احمد هاي هيه والمحامي يجي اليوم اي جاي هو يريد دليل قوي ضدهم وهذا الدليل منكدر ناخذه لون الكل كاتم على السالفه ويخافون مايحجون بيهة وانه شاك بلشيخ حسين يدري بمريته كلش زين احمد والله لا اخليهم يتختون بلحبوس واحد واحد جعفر انه الحبس مايفيدني اريد اخذ بثار اختي بيدي هل السنين الي راحت وانه ساكن الديره سكون اراقب بلكي اشوف زله منهم بلكي اعرف اختي وين راحت جثتهة راح اجن وين صارت جثتهة وين قبرهة ماارتاح ولا يهدالي بال ولا يغمضلي جفن اله اريح امي بكبرهة ماتت وهيه تتمنى تندل گبر نسرین عمت عیونهه من البچي وهيه تتمنى شوفته يحجي بحركه احمد دنك وهو يسمع كلام اخو جعفر ويتذكر ذيج الليله الي اجه ابوه وهو يصيح بعد مادورنه على اختي نسرين من كالوا شردت من الشيخ واجت البغداد وتركت ابنهه علي يمه وهيه ماجت رحنه سألنه عند الشيخ بلكت رجعت جان الجواب من الشيخ حسين صادم بتك شردت ويه صاحبهة بتك ماهي على ذمتي انه طلكتهة روح دور عليهة وشوف بيا ديره ابوي تعارك وياهم وطلع شيسوي وهمه عشيره التمت عليه خاف علينه اخذنه ورجع وطول هل السنين دورنه الحد ماملينه ابويه مايكدر عليهم متقويين بعشيرتهم والشيخ حسين ظالم وغدار شكينه بيه كاتلهة وطلع شكنه ابمحله ام طيبه مجرمه واهي معروفه ياهي ماتمشي على مرامهة تنمحي من الوجود وعدهة ايادي خفيه بشتغلون الصالحه واختي جانت مفضله عند الشيخ وجابتله الولد الي طول عمره ينتضره الحد هسه اتذكرهه كلش حلوه جانت بيضه هلى حمار قربهة اله دللهة وفضلهة على نسوانه وكلشي تريده تحت امرهة اشتغلتلهة بلسحر والشعوذه جننت اختي وبدت المشاكل بينهم كام يشوفهة خنزيره بعينه وهيه نفس الشي الحد ما فد يوم اشتد ت المشاكل وصلت حدهة بينهم وطلعت واختفى الهة اي اثر &&&&&&& ابوي ظل يدور وماخله مكان مادور بي عليهة واجه فد يوم يصيح ويدك على راسه ابو احمد ولج ليلى بتج انكتلت والي كتلهة واحد من بيت الشيخ امي تخربطت بعدهة كالوا الدكاتره صدمه عيونهه عمت من الصدمه والبجي وبعد ٢سنتين ماتت وهيه تتمنى شوفتهة وحلفنه اله ناخاذ بثارنه ونندل مكانهة حته امي ترتاح بكبرهة وابوي الي جته الجلطه من القهر يشوف كبرهة قبل ميموت ******* دعاء صاح علي الشيخ انزل جوه ولا اظل بغرفتي نزلت جوه والكل عيونهم علي اكيد على عيوني المزوركه هذا هوه شسوي الله بسامحك حميد على هل السالفه انه وين وبيت الشيخ وين جت فاطمه هاا ولج اشبيهة عينج دمعت عيني فاطمه ياالله تنذكر ماتنعاد اخوي صحيح يوج بسرعه بس گلبه طيب وتشوفين شلون هو يجيج ويعتذر صدكي من تسمعين قصته ينكسر گلبچ عليه دعاء رغم الي سواه بيه وكرهت سيرته بس اتمنيت اعرف قصته كالت اكعدي خل اصب الجاي واجيج صبت استكانين وجابت خبز عروك وخلته يمي اكلي خيه محد يفيدج غير روحيتج خلهم يضحكون بس تاليه الضحك المن صيري شاطره ولتخلين مريم الحيه تاخذ زلمتج أهي وامهة المسمومه اتذكرت مريم ونفسي انقبضت رجعت اعاند مدري غيره وصابتني انه نفسي مصدومه بروحي اغاررر؟؟؟ ومنهة؟؟؟ والبارحه الكتله چاتت بسبب هل الحيه نصدمت من كالتلي على قصته ويه امه والي صار بي دمعت عيني وكلبي كام يوجعني عليه وانه اسمعلهة تخيلته وهو طفل زغيرون ويبجي تالي الليل على امه ويصيح وابوه يشمره بغرفه ظلمه وحده و يسد الباب ويعوفه بليه اكل ولا شرب ومحذر اي واحد يوصل يمه الله يساعده انه امي صارلي اسبوع وكلبي يرف عليهة وانه جبيره سألت زين هيه ليش ماتجي فاطمه وين تجي هيه تزوجت وسافرت البره الديره كلهة صدك ولا جت ابد تشوفه ابد ماجت الهذا السبب يعيرونه بأمه اي الهذا السبب وهو يجن جنانه بس واحد يجيب طاريهة دعاء لزمت خدي وانه اتذكر حجم المصيبه الي سويتهة حقه الام عزيزة شما تسوي اكلت نص كرصه وكمت هلى حيلي بعد ماجت ام طيبه تصيح علينه جنه جواري كومن خفن ايديجن اليوم يجينه خطار التفتت الفاطمه وانه انكت ايدي من النعمه خير انشاء الله ياهو الجاي وهيج خابصتنه خبص فاطمه ماتعرفين ؟؟، فاطمه جا غير اليوم خطبه مريم والشيخ والوادم تروح البيت عمي بعد صلاه المغرب شنوو شنووو على جثتي يتبع..... لذكرى المندلاوي | ||||
|
| |
|
01-08-19, 08:10 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة ذكرى المندلاوي البارت السابع عشر دعاء فار دمي متحملت كلتلهة هسه تصيحيلي اخوج فاطمه فدوه سترينه هناك عمامي اولدهم جايين على شنو جايين على هجمان البيوت هسه ترحين تصيحي لا احلف وداعت ابوي وامي هسه اگلب البیت گلاب ام طيبه هاييي شكو شنو هذا الصياح عليمن انتييي نصي حسج٠٠٠٠٠ هنا خطار من يجيج حسج مايطلع لو اهلج مربوج على هل الشي ؟؟، طيبه انتي ليش تعذبين روحيتج امبينه كلش زين ممتربايه من ذبوهة اهلهة على الشيخ وابتلینه بيهة بلوه هل الفگر بت الفگر دعاء فار دمي منهة متحملت ولج ياهي الفگر يالعانس طيبه منهي العانس تعالي اليوم احرك اهلج كلهم دعاء كربت تضربني ولن علي فوك راسنه ويسمع شكوو شصاير وصوتجن واصل للمضيف ماستحيتن ماكلتن عيب هناك الزلم متحشمن انتن يحجي ويباوع علي چنه يتقصدني انه بس وانه اخنزر بيه طيبه والله ياخوي الظاهر هل البت مامتربايه يم اهلهة وچاي امي ترد تربيتهة ماشوف غير انگلب وجهة گلاب التفت الطيبه هو ينتر بيهة ياهي الممتربايه شو انتي صايره ماتستحين وماتعرفين توازنین گلامچ فاطمه الچدامچ حرمت الشيخ واحترامهة من احترامه علي خنزر الفاطمه تسكت طيبه امهة غمزتلهة وهيه عود حست بغلطهة ال الحيه اخوي انه قاطعهة اششش وياالله كلمن تروح تشوف شغله لا تلتمن هيج وتكركرن من الصبح ماورا چن بس المصايب كطيعه على النسوان اچگد تحب تتناگر الله يگطعچن ام طيبه سكتت بتهة ومدري شاورتهة اكيد كلتلهة مو وگتهة خله تكمل الخطبه ونكسر خشمهة وذاك الوگت النه حساب طويل وياهة كلها مشت من يمه الا انه بعدني اخنزر بيه وروحي طالعه ليتصور خفت منه ٠٠٠٠ من ضربني بعيني والله لو اعرف اليوم موتتي على ايده انه تجي علي ضره شمالي عميه عوره بس المصيبه انه من اصيرن اعصاب انسه نفسي ويكوم يطلع من حلكي حچي المكتوم بگلبي حته انه نفسي استغرب واخجل منه بس هذا مرض موبيدي علي انتي صعدي الغرفتج وگافي تراج مصختیهه وهاي نضرتج وياي بطليهة لا المره الجايه افكسهة العيونج واخليه بيديج افتهمتييي اتقربت منه وانه كوه لازمه روحي منه دمي فاير اغلط على حميد وسوايته السوده الچابتني يمه بكلبي همست مااصعد الا لما اعرف اليوم خطبتك على هل المسمومه صحيح لو چذبن علي ذني شو هذا صافن على حلكي شويه وباوعلي بخبث وهو يتقرب مني ورد كال الشرع حلل اربعه وانه شيخ ومتمكن خير من الله وابوي الشيخ حقه يريد چهالي يملون البيت عليه عندچ مانع وابتسم هو ابوي ويوميه معرس چا ظلت علي دعاء مدري شلون كلامه نرفزني يستهزء هو الي يحلل الاربعه غير يمشي على الشرع بالاول وينصف وینطي كل وحده منهن حقهه كلته وخله خله يعرف انه بعد مااهتم ابتسم وهو شنو الي تريدنه انصفه وياج باوعتله وهزيت بيدي هو انت گادر علی وحده ادور اتچیب الثانیه ؟؟، خله يفهمهة مثل مايفهمهة بعد هذا هو كلشي ولا يجيب عليه شريجه شنو الي ناقصني متحملت هانت علي روحي والدمعه تكابر تنزل انهزمت منه وركضت طبيت الغرفتي سديت الباب بقوه وانه اتذكر شراح يصير اليوم اليوم خطبته راح اموت كلما اتذكر انه اول تالي يصير بيه هيج كلما جنت احلم برجلي الي وحدي يحبني يخاف علي وعلى مشاعري مابينه غير الاحترام اترس البیت چهال ونگبر ونشیخ سوه واحدنه مایستغنه عن الاخر مايصحيلي الا ام فلان ومأصيحله الا ابو فلان انه وبس مابينه ثالث وعزول اليوم صحيت على كابوس اسمه الهديه المرفوضه كابوس مسح كل احلامي صرت اعصاب جريت الشال بكل قوتي من راسي اردن انتقم ياناس بس منمن من روحي كمشت الموبايل وجيت اخابر على اهلي خلهم يشوفولي حل بلمصيبه الي ذبوني بيهه بلجحيم الي شمروني بي كعدت كعود مددت رجلي وابجي وكوه اتنفس الهوى باوعت للسكف وانه اشهك ليش يا ربي ليششش انه اسويت واتعاقب بعدني صغيره ماشفت شي بعدني بحياتي كبل شفت الضيم والاول مره دعیت علی الي جان السبب بهلاكي حسبي الله ياحمید بس گون اتضوك اللوعه الي ضكتهة ماگول غيرهه ايدي ترجف واور على الرقم طلعت رقم امي هيه اقرب وحده الي مااگدر اخابر على اخوتي لو ابوي دك دكتين الثالث جاوبت هاايمه دعاوي شلونج سمعت صوتهة وانه اشهك بچيت متحملت ریتچ ویایه واشمر روحي بحضنج وانسه كل مايصير صوت امي ولچ شبیچ حبیبه احد حچه ویاچ لو رچلچ گلیلي اچیچ انه؟؟، شگوللهه بس تسمع اگید تگل لبوي وهو ينقهر واخاف عليه ليوگع مو زین علیه القهر مسحت دموعي ورديت مابيه شي بس حنيت الكم الچ لبوي لخوتي للبيت كله حته حيطانه امي عمت عيني عليج بتچر اچي اخذچ تبقين يمي گم يوم خل اكل الخوچ حمید يمكن كال امر على الشيخ هزيت راسي وكلت اي يمه عفيه بعد مااتحمل تعالي اخذيني انه احجي واسمع صوت الباب انفتح وجان الباب بظهري سديته منهة التفتت لون هوه باوع بعيوني دنك وراح للكنتور طلع دشداشه نزع وعلك اللابسه على التعلاكه بارد ولا چنه گتلني ابروده عبالك انه الي كلت الامه تنهزم وتعوفه ابن نسرين طلع عقده وضيمه گله بیه اجه تمدد على الچربایه حط ايديه اليمنه على عينه وانه اراقبه كون هسه اگمز علیه واملخ وچهه على شنو شايف روحه مااگدر احچي وياه عود هو لابسني ومطيز الوضع وانه ممروده مرد وين راح كبريائي انه صعبتهة على روحي صعبه انذل كرامتي متسمحلي المرأه مهما يكون عد اهلها واخوتهة شي وابيتهة شي اخر عد زوجهة لازم تكونلهة كلمه وهيه اميره هذا الي جنت اتصوره وانه حته ابيت رجلي ماعندي كلمه كل حقوقي ضاعت هنااا ويه الشيخ والسبب انه هديه ومايصير اعارضه حته لو تزوج وحده واثنين ثلاثه مالي كل حق كل حق ضاع ويه هل الكلمه بس لازم اسويلي حل ومابقه هیچ لازم اگون انه الگل بلگل بهل البیت انگسرت صح انظلمت صح شفت الضيم والانانيه بعيون الكل الكل يريد مصلحتهة ويدور عليهة حته اخوي باعني ومارچع سئل علي اشلون عايشه انه هم لازم ادور على مصلحتي وين اكيد يم هذا الي متمدد كبالي متمدد ولا همه بس نفسه ماهمه يكسرني بوحده واثنين المهم منظره كشيخ جدام عشيرته المهم سمعته ماتنهز چدام الناس بس هینه انه لك كلتله هااا شو چیت تنام التفتلي عگد حاچبه وگال عندچ مانع ؟؟؟ دعاء بأستهزاء هااا نسيت جاي ترتاح للمسه عندك خطبه اذا تعرفين ليش تسألين وانه انتي شنو مو خلص واتفقنه من اول يوم جيتي الهل بيت لو ناويه تكسرين الاتفاق ؟؟،، عيونه تباوع بواكحه ترى انه جاهز كمت من مكاني وانه اتهرب من نظراته خجلانه بس لازم امشي بلي نويت عليه كتله وانه كوه لازمه روحي انه ارد اغير الاتفاق كام واتربع على الجربايه لملم الدشداشه وعيونه تسأل مستغرب مني دعاء انه كلتلك ياشيخ راح اظل اهنا بلغرفه الحد ماتتزوج ولمن تتزوج اردن الهلي هز راسه بالايجاب يعني اي اتذكر دعاء وانت ماقبلت اردن اله وانه زوجتك لون مايصير هيبتك ومكانتك ماترضاهة على روحك احجي وافرك بيدي خجلانه احجيي شرايده انه قابله بشرطك الثاني بس تكون عد كلمتك وتردني الهلي صار فتره صمت بيني وبينه وهو ظل يباوعلي وانه مدنكه والنتر الي بيه الله عالم بيه المذله الي حسيت ببهة چن چبل وصار على چتافي بس يهون كلشي يهون اذا قربه مني ثمن خروجي من الحجيم راضيه ولا ابقى طول عمري عايشه واتلوع كل دفيقه وياه باوعلي بنظره غريبه ماعرفت شيقصد بيه بعدهة گال يعني تشترين ثمن حريتج بليله ويه الشيخ ؟؟، حچاهه وچان ناوي يستفزني وفعلا گدر معتي گلبت متحملت گلامه انه زوجته يحاچیني ويعاملني مثل الخليله السلطان علي يكلي تشترين حريتج بليله وياي كرهته وكرهت روحي وكرهت الدنيا كلهة جنت اتمنى طلقت كاظم چت بگلبي قبل مااكون بهيچي موقف لكن هينه ياشيخ ان ماخايتك تركع الگلبي وتتمنة نظره مني مأاكون مرة حره انه حره واظل حره اووو انت اتظل حابس روحك بعقدك الماتنتهي علي هااأ شو مارديتي دعاء ثمن حريتي غالي وانه اسوي المستحيل لجله بقه يباوع علي تنهد رجع تمدد وكال لجن خوش انه راح اتمدد شويه كعديني على الغده دعاء يعني شنوو مجاوبتني رجع حط ايده على راسه وكال يصير خير لا تستعجلين كلامه المستفز نرفزني نترت بي والحيه المنتظرتك شنووو ناوي كون ناوي تچیبهه للبيت وانه على ذمتك لا عيوني هيه اطب انه اطلع مفهوم شو هذا كام من حيله وشال المخده الي جوه راسه وشمره عليه بكل قوه اجت بوجهي وصاح اتوخرين من يمي لا والله ادوس ابطنج وارجعج لهلج وانتي متكسره تكسير خفت منه رجعت شلت المخده وشمرته قريب منه بكل هدوء خليته نايم ونزلت جوه ولنع ادعي مااشوف المسمومات وعريف شلتاغ گدامي ****** مرتضى كلام ابوي وشرطه دمرني وهاي المصيبه كل شويه تخابرني تريد ارجعهة امي ادكلي خطيه حامل الجل ابنك ليروح يصير بي شي هسه لو قابله نبأ من الاول ولا صايره كل هل العراقيل چدامنه حته موبايل كسروا منهة وممنوع تخابر وانه ا ريد اعرف من سمعت بشرط ابوي اشكالت وشنو ردهة قررت اروح بنفسي البيت عمي انه احاجي نبأ الي ومحد ياخذهة وصعب ياناس حرمتي تروح الخوي وين صايره هذا ابوي شلون دبرهة خابرت حميد وكتله اليوم تجيني لا اسمط چد چدك ابو المصايب كل مصيبه بهل البيت تچي من وراك يالسكط انه شنو ذنبي نبأ انه را يدهة لو اعرف افلش بيت عمك اليوم تفليش حميد اسمع اخوي المحترك گلبه علی عشگ عمره كلتله انه چاي وياك وين متروح بت عمي انه ما رايدهة وابوي گال هذا كلامه الحته يعاقبنه بسبب تصرفاتنه الاخيره اووو جاي يعاقبنه بس مو يعني عمي ينفذ هل الكلام ويذبحنه بيده هذا الزواج ماهو لعب سديته منه وانه اتنهد خجلان حقه يكلي انه ابو المصايب لون كل الي ديصير بسببي حبي الزهره عماني عن اختي الوحيده واهلي وشما اسوي مراح اكدر اصلح هل الغلطه الجبيره شمرت اختي ومجنت مفكر بيهة كبشر همي الوحيد انتقم ومنتقمت اله من اعز انسانه الي هيه اختي ومنهة ضيعت اهلي ونفسي اليوم دك علي رقم غربب بس الصوت كلش زين اعرفه هيه ليش راجعه بعد ايش راجعه بعد ماحرگتيني وحركتي كلشي حلو بحياتي صرت حقير واناني ويه اغلى ناسي بسببج جانت تجي للبيت ونظراتنه مفضوحه تنراسل بلموبايل گلمات غزل وشوگ الحد ماخلتني مااشوف غيرهة بهل الدنیا سنتین انه ویاهه مفد يوم حسستني تلعب علي بديت افكر الم روحي حته اجمع فلوس عرسي منهة جنت اتمنى يوم يوم انتضرهة احلم الحد مافد يوم انصدمت من جت دعاء تكلي زهره جوهة خطابه وقبلت كلت يجوز انجبرت اهلهة جبر وهة خابرتهة كتلهة اليوم احنه جاييكم نخطبج حضري روحج انصدمت لا وادمرت من ردهة جان صاعقه على انه وياك مانتراهم وحبنه الحب يموت چدام الفلوس انت صا رلك سنتين تجمع مكلتلي اشدبرت ؟؟؟ يعني بعتي نفسج يازهره ليش مدكول اشتريت روحي اشتريت حياتي الفلوس اهم شي بهل الحياة هيج صارت زهره انتي خسرتيني روحي عساج ماتتهنين بعمرج ركعت الموبايل وانه ارجف واحلف اله انتقم حميد خابرني جعفر على الشغله ماته كلتله على وعدي بس عندي شغله مهمه كلش بس اخلصهة اروح واذا كلش اخليهة على باجر سديته منه دك مره ثانيه عرفته هم هيه نفسه متجوز ادز انه متندمه وانه هسه عرفت قيمتك رجلي اطلكت منه والله ان مافضحتج بلعشيره مااكون ابن ابوي انه لعبه بيدج والله لا اخليج تعضين اصابعج ندم اشيلكم بليله كشره انتي واخوج سعيد الا اوطي راسه ****** يتبع.... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
