آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-08-19, 08:13 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  هدية مرفوضة لذكرى المندلاوي البارت 18 نزلت جوه لكيتهم مخبوصات البنات بلمطبخ طبيت عيون الكل ظاله اتابع خطواتي ويتهامسن الي تنقهر علي والي ادكول خل تولي حيل بيهة يتهامسن بينهن مدري ليش هل الحقد انه مسويتلهن شي مصارلي هواي كلها شهر مكملت وياهم بس لون هديه وغريبه ومو من مستواهم ولا منهم لا من قريب ولا من بعيد فالكل يكرهني وبتت مرفوضه من قبلهم كملن الغده ساعدتهم وانه الممنونه والشيخ امر يذبحون ويحضرون للعشه جماعه الشيخ هواي وهم طبخ ورانه العالم الي كامت تجي من هسه واحنه منلحك وانه الوجع الي بكلبي جبير مجبوره اشتغل واسكت مو من حقي اعترض على زواجه زوجي ظلم ماله نهايه ماكو شي اسمه حق الاعتراض همه اهلي اول الناس الي ظلموني انتضر من الغرب ينطوني حقي لا حق ولا حقوق بس هينه هينه يابيت الشيخ كملت شغلي رغم ماانه مجروحه كارهة الكل بس هم ميخالف خلهم ٠٠٠٠أصبرولي بيت الشيخخخ وطريقي طويل تعب وجهد وشويه لواكه اووو ولازم ماايئس من اول يوم وشوشه شويه عليه يبيت الشيخ اول خطوه بديت بعريف شلتاغ بديت اجرلهة ناعم وانه مطايقتهة دعاء دااصعد اكعده العلي صاحت ام طيبه ويين رايحه هيه هاي وكتهة متشوفينه شلون مخبوصين دعاء جيبت اكفخه بوجهة بس كوه لزمت روحي وان الزم المحجر بقوه حته اتحملهة الشيخ نبهني اكعده من يحضرون الغده ام طيبه خل وحده من البنات تصعدله انتي نزلي كملي شغلج دعاء اخخخ يالضيم الي بيه كلبي وجعني وانه اغصبه يتحمل هل الشكول جاوبت اي عمه بس كلي تجين تحضريلي ملابسي للعصر وانه نسيت ام طيبه وهيه تنفخ بوجهة وتأفاف يالله عاد روحي لطولين عدنه الشغل مكوم التفتت للبنات انه اليهسه ممتغدايه صبنلي صينيه وحدي دعاء صار من عيني وانه اكولن بكلبي سم وزقوم انشاء الله فتحت باب الغرفه ضربني هواهة وريحته الي منتشره بلغرفه نايم لام رجله وايديه شلون الجنين ابطن امه شامر الغطه البعيد اسمعه يحجي ويه روحه يمكن ديحلم علي يمه وينج تعالي يمي مأاشوفج وينج تقربت منه وانه اسمعه الوهله انقهرت عليه قربت اغطيه الي يشوف وجهة يستخطيهة واكيد يحبه وجهة بريئ للي ميعرفه قربت على شعره اتلمسه فز من نومته شنو هاي شلون نومه مستغربه علي هااا شبيج ليش واكفه على راسي شدسوين هاااا موو مو كام وتربع استغفر الله ربي رجعنه دعاء انت مو كلتلي اكعدك على الغده ايي حضروا الغده هزيت راسي علي حضرتي ملابسي وهو كايم للحمام دعاء غير دشداشتك اكو غيرهة علي وكف يباوعلي احنه شكلنه ؟؟ لو نسيتي انه ماناسي دعاء بكلبي يعني ناوي على الزواجه الكشره اتقرب عليه وفاجئني وهو يتلمس وجهي ويمرر اصابعه بكل هدوء وحنيه على خدودي غمضت عيني ماأنكر اتفاعلت والصدمه الثانيه دنك راسه يبوس خدي صرت كلي أرجف بيده استسلمت وهو مسيطر على كل عضو بجسمي رحت الغير عالم همس حضريلي روحج الليله باقي على وعدي وانتي هم بعد ماتوعديني تجين وياي اليوم اابيت عمي وانه اخطب سمعت ضحكته وهو يعوفني ويمشي مصدومه من نفسي شلون ذبت بيده وهو شلون كدر يسيطر علي بهل السهوله لازم متستسلمين بهل السهوله خلي يحبج ولا العكس خلي يموت عليج ولا تنطيه نفسج بهل السهوله صيري قويه كمت اصبر روحي واقويهة لجل يصير الي اريده مستحيل احبه مستحيل كمت للكنتور حضرتله ملابسه وهو بدل ونزل وانه جنت نازله قبله اتغدينه ورجعنه نظفنه وركبنه للعشه وانه جاوبولي خضره نظفتهة وحضرت الزلاطه شغلات بسيطه بعدني مو قويه بالاكل بس نساعدهم بلي اكدر عليه كملنه وكلمن راحت تحضر روحه انه طبيت الغرفتي طلعت النفنوف الي جهزته من الصبح ماروني طوخ طويل والصدر اسود بي حفره جبيره الردن بوري فتحت شعري شعري اسود طويل بي خصل حنه حمره رفيعه مسوي بي چابيه كلش حلوه انه بيضه على حمار وانه امررالكحل ابطن عيني برزت لونهن العسلي طوخت شكد مابيه حته ابرزهن اكثر رموشي طوال ميحتاج من الله مسحت خدود ترابيه وحمره بنفس لون نفنوفي بس خفيف لونه مز كلش طوخ الطوخ راح اخلي الوكته شلت شالي الاسود الشفاف شمرته على شعري اما الذهب وهو المهم ماانساه جبت الصندوق الي جاوبوه الي بيوم العقد والي عندي من بيت ابوي وياه ونسقت البتوت ٦ لبستهن والكلاده قران جبير والزنجيل طويل الحد خصري اهم شي الملاوي لبستهن تراجي لبست طوال محابس يعني ترست روحي ذهب اليوم لازم المع لمع واخلي عيونهم تنعمي من يشوفوني طلعت حجل عندي جابتهة امي الي بذيج السنه لبسته اخر شي العطر خبطت عطرين اوو ٣ سوه لبست شحاطتي السوده العاليه ونزلت الي يشوفني يكول صدك تلوك للشيخ وحته الي ميعرف يعرفن انه دعاء مرت الشيخ علي ومثل ماتوقعت الكل عيونهم علي والتبسبس ترس اذاني انه امشي واثق الخطوه يمشي ملكا الكرابه كامت تسأل مني يجي الجواب مرت الشيخ علي غصبا عنكم انه مرته محد يكدر ينكر تحبون الهيبه والفخفخه وانه جيت على دربكم لقبي السابق لزمن ينمحي بعد ماكو هديه اسمي شيخه الشيخه دعاء كالوا يالله امشن البيت عمي ابو مريم اجه ابن رجاء اخت الشيخ ولد صغير كال وينه مرت خالي علي انداريت عليه تعال شتريد خالي الشيخ يكلج لا تتحركين من مچانچ ليه ميتحركون كلهم هذا شيريد بالله معقوله يغار عليه لا مستحيل هو هذا طبعه يمكن يحب يتسلط ويغث البشر انتضرته شويه واجه يباوع بلوجوه يدور علي وهو يسلم على جدادته شافني فك عيونه ههه ضحكت ويه روحي چا شعبالك اىوح وياك مصخمه لو معزايه والله اله احرك دمك مثل مامحروك دمي اتقربت منه وهمست وهو بعده مصدوم يباوعلي وياهو الي يجي يسلم وهو يرد بدون ميباوعلهم عيونه كلهة علي دعاء هااا انروح مجاوبني دنك على سبحته يلعب بيهة ويصفن عبالك ياخذ خيره رديت سألته وانه متقصده وانعم بصوتي واهمس شيخنه هم يالله همس وهو يصعد عيونه ليفوك ويشم بلهوه عباله مااسمعه خرب عشيرتج على هل الريحه سطرتني ونستني دربي سمعنه صوت ٣ عجايز وحده بصف اللوخ خوات الشيخ حسين يعني عمات علي بس هو يصيحلهن جده مشيت من يمه وانه متقصده اطخ بي وحته ياخذ حريته بلشم اكثر خله يدخل مو بس خشمه وعقله وكلبه دنكت اسلم على العجايز وحده وحده وبوستهن وهنه متفاجئات فاكت الحلك جبيرتهن هاي ياهي فاطمه جده هاي دعاء مرت الشيخ علي هااا صدك چا هذا المدهور كلما اگله ارد اشوف مريتك مايجاوبني لون يخاف عليهة من العيون سبحانك ربي چنه گیمر السده ابتسمت كتلهة وانه اكعد بكل ثقه هاي عيونج الحلوات جده رفعت راسهة العلي چا شمالگ عرفت قصدهة علي كللهة تعرفين اوامر ابوي وامره واجب ياجده الجده الجده فلك صابك وصاب ابوك مالكيت غير بت الحربايه دعاء مفتهمت شنو قصده بوست الثانيه وهمست باذنهة هو العتوي دومه يحبهة للحربايه لون تكرص بي الجده ههههه والله وحته السانهة عسل بعد شتريد يعليوي چتك كامله مكمله علي خنزر بيه ويأشر امشي كدامي طلعت وراه كلي هسه ترحين تمسحين وجهج وتلبسين فوك هاي الابسته عبايه وتجيني كتله صار تأمر امر شيخنه غصب عنج ياا انه شكلت اتصنفين حضرتج انه لا والله بنتر يالله امشي اتأخرنه على عمامي رحت مسحت شويه من المكياج لا كله ولبست عبايه وجيت ا كض وهو يباوعلي وعيونه مخوزرهن بس ابزه يفترسني انه الك بعد وبعد حسابك طويل كعدت بلسياره ليكدام والبقيه ورانه الطريق كله كل شويه يباوعلي ينفخ ويستغفر وصلنه البيت الحيه مريم بيت عادي مثل بيوتهم تقريبا متشابهه كلهة كلي تنزلين وانتي مدنكه وجهج ماترفعينه افتهمتي وكبل للبيت سويت مثل ماكال واشوفهن كلهن اجن وراي وجهالهن وياهن اشكد هوسه من هسه دخت كالوا طبن الهاي الغرفه ام مريم وبنات بكصت مريم و٢ عجايز استقبلنه بيا هله وبلي اجانه ومن هل اللواكات التعبانه طبيت ولن حاطين قنفات وكراسي يمكن عرفوا ميكفي شفت العيون علي رغم البقيه مقاصرات بس انه اشهد الروحي اليوم كسرتهن كلهن صاحوا جت مريم وامهة وانه بطني وجعتني بودي اكوملهة وانتف شعرهة شعرايه شعرايه لابسه نفنوف فستقي وخابطه وجهة خبط جانت لابسه عبايه عود نزعتهة اول مطبت وهيه ريحه الصنان ترست خشومنه صحت مها شاورته وانه كاظه خشمي لحكولنه ابمعطر جو اختنكنه راحن چابن وبدوا يبخن وهیه ولا يمهة الحجي الضحكه شاكه الحلك بس مطولت بس شافتني اتغيرت ملامح وجهة متوقعتني اجي عبست بس رجعت تبتسم بخبث يعني راح اخذه اخذه منج واليوم خطبتي شدسوين سوي مابيدج شي انه الصدك كمت افرك بيدي واعصرهة عصر معدتي گلبت لعبت نفسي مدري من الريحه مدري من الموقف الي ذبيت روحي بي اسمعهن يتهامسن واتزيد حالتي خطيه شنو ذنبهة واهلهة ذبوهة على الشيخ والشيخ مارايدهة وهل مكمل شهر راح يتزوج عليهة هيه مقاصره لو يمكن بيهة عيب اكيد بيهة عيب لون الحلو ميكمل اله بيه لوله وصلت الكلام يطعنن ابشرفي جيت اجاوبهم تراجعت من شفت ام طيبه وهيه تتقرب مني وتخوزر ادكلي الشيخ علي يريدج هذا شرايد اليوم اسمط جد جده كله من وراه الناس بدت تتطعن بيه بدون ماابس عباتي رحت وانه متروسه منه شفته واكف بكل ثقه ورافع راسه على شنوو مااعرف تقربت منه شتريد هو ابتسامته الصفره هيه هاي ملكه هو انت قابل وين جنت بمعركه بدر هههه حلوه هاي مال معركه بدر عكدت حاجبي ونصيت شتريد سلامنج فكيت حلكي شبي صدك يحجي صاحني حته يكلي هل الجلمتين علي يالله امشينه للبيت حته اوصلج دعاء انصدمت شبي هذا هيه وحده من الاثنين يامخبل ياااا مخبل كتله والخطبه مو على اساس اليوم لو انه متوهمه علي ههه انتي اول وحده اشوفهة فرحانه الخطبه زلمتهة هاااي انه ؟؟؟ ضحك ههههه انه سمعت هل الصوت رفعت راسي اشوفه ذبت بطوله شلون تتغير ملامح وجهة من يضحك طفولي ورجولي بنفس الوقت برائه بهيبه مخلوط عجيب بلنهايه هو شخص مستحيل ينكره وهذا الشي الي يعرقل مهمتي علي امشينه بويه امشينه مجاوبني ارد اگله والعالم عيب منهم محد وكفه وحاسبه وكله ليش وين رايح وعايف الخطبه وانه سكتت هو هم احسن ارد اشوف وجه مريم وهيه تسمع الخبر بس لا تنجلط المسكينه وهذا الشيخ يمكن اثر عليه التغيرات الاخيره ******* جعفر اليوم خطبه علي احمد صدك تحجي هو مصارله شهر من تزوج جعفر تعرفه امره مو بيده احمد هذا حسين لو بيده يكسر شرع الله ويتزوج ١٠ خسيس ميشبع تذكر اسوه ابأختي ويوميه زعلانه وجايتنه وهو يرجعهة وتظطر ترجع الاجل ابنهة جعفر انت تتذكر وجان عمرك صغير انه شلون مااتذكر من جتنه مضروبه مزوركهة ابويه كل بعد مستحيل ترجعلك وكتهة جانت حامل حقير حامل وضا ربهة ابويه يسأل ليش شنو السبب بتي اذا هيه عايله انه اعاقبهة بكل برود يكله انه زلمه والله شرعلي ٤ وانه شيخ واريدلي ولد يشيل اسمي ابويه كله شمدريك مو هذا ولد ابطنهة يكله لا انه عرفت مووش ولد شلون بالله نسوانه تعرف بحكم خبرتهن نسرين حامل ابت ابويه هز ايده وكله انت شتحجي خاف الله انه شورطني ورطت بنتي بهل الزواجه من انهجم بيتي ولا زوجتهة جاوب وهو صاير عصبي هو انه مفصر وياهة شو معيشهة ملكه سلطانه زمانهة .احمد جاهل اشتحجي وياه وهل خله ابنه يمشي اليوم على خطاه جعفر باجر حميد يروحلهم اايوم مخبوصين بلخطبه ******* حميد شتردين بت الكلب كل شويه مخابرتني ولج لو مو ابن ناس ومحترم الجوره جان عرفت اشلون احرك عشرتج واولهم اهلج اخوج سعد المطي الما داري واخته شتلعب وشتسوي من وراه زهره انت ليش متصدك انه احبك حميد شنو هاي تمثيليه جديده ست زهره زهره تريد ابيش احلفلك انه احبك حميد شنو شلون عرفتي نفسج تحبيني يعني كعدتي الصبح واكتشفتي نفسج مريضه بهذا المرض للو شنو؟؟؟ الله يساعدج والله انقهرت عليج متستاهلين شوفي لججج انه العبج جقه ابشبر واضيعج والله عوفي هاي السالفه وقغليهة وخليني محترمج وبعد لا تخابرين ورقمي مسحي وله اكولج عليش هو انه راح اسويلج حضر زهره لا الله عليك اصبر ررر لا تظلمني حميد احلفك بكل لحظه حب عشناهة سد الموبايل وشمره كسره وهو يبجي ولج من وراج بعت اختي بعت اهلي بت الكلب جايه اليوم تكليلي احبك هاي الكلمه يامه اتمنيتهة منج اخخخ بويه كون هسه يمي ********** ام مريم شوفي شلون عاف الوادم كلهة وطلع بليه مايكونه اله عذر انتي مو كلتي هذا هو اليوم تكمل جا الي سواه شنو معناه مدكليلي ام طيبه اصبريلي خيه العافيه بلتداريج مو بيوم وليله اليوم كلي الشيخ حسين حجينه بلخطبه وعلى اسبوع الجاي نكطع مهر هم عبب من الوادم شنو البارحه تزوج اليوم خطب هم يطكونه عين ام مريم جا البارحه ياهو الي كلي اليوم يعقد ام طيبه هو الشيخ جان ناوي بسسس هااا شني كولي لا تضمين علي ام طيبه اول ماكال الشيخ حسين على الخطبه ابو مريم كال هاي لتكم كبع واخذ الشيخ علي كلهم لا احنه هم نريد نجهزهة والعروس اله ترتيبات حغله ولوازمهة يرادلهة وقت وانه هم هل مسافر هذا الشهر من ارجع نعقد خله تاخذ راحته استأذن من عمي وعندي شغله ضروريه وطلع وخله الشيخ حسبن متورط بلنص ام مريم والله ثم والله ان مانفذتوا الي اريده اكشف اوراقي الي ضامتهة طول هل السنين ام طيبه شو انتي ماتعرفين تحجين انه موش انطيتج وعد عليمن هل التهديد. ام مربم لا خيتي يكون بعلمج حته مريم خبرتهة بلي صار لون بديت تخاف على روحي منج اعرغج الغدر يسري بدمج والقتل عندج مثل المي البارد على گلبج وانه اخافن منج لتحاولين اطمين هل السالفه وتموتيني كقل ماطميتيهة طول هل الغتره ام طيبه هيج صارت خيتي لجل خوششش بسيطه انه ما تنلوي ايدي حته لو اقرب الناس الي احسبهم حجاره وادفعهة بر جلي .لون زين نبهتيني يخيتي مريم صار تعرف بلسالفه انتي عود زين سويتي امنتي على روحيتج وخليتي بنيتج بوجه المدفع ********* دعاء طبينه للبيت وجان فارغ لان الكل هناك يم اخل مريم عرفت هاي السالفه مو خاليه علي اجه وراي سد الباب وهو يباوع بعيوني نزع العباه والغتره طانياهن وكلي صعديهن واصعدي يتبع...... ذكرى المندلاوي اليوم نشرت وباجر ماكو نشر وعلى الوعد باقيين لدكولون قليل البارت ٢١٠٤ كلمات شتردون بعد تعبت عيوني احبكم | ||||
|  |
|
01-08-19, 08:15 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبه ذكرى المندلاوي البارت 19 اسفه على التأخير صارت بس عوضتكم الليله ابارت طويل *********** دعاء اخذتهن منه وصعدت وانه افكر بحل للمصيبه الي ورطت نفسي بيهة مستحيل اخلي ينول الي أباله بهل السهوله ويشوفني لكمه سهله لا اله اخليه يغص بيه اله ادولبله زمانه انه بديت مشواري ولزمن اكمله للتالي موانه الي انرفض وكل مره انهان وارضخ بهل البساطه لا ياشيخ لا انت ولا اهلك بعد اليوم ماصير غير الي اريده انه خليت العباه والغتره وعلكتهن وكفت كبال المرايه اباوع الروحي صدك انسانه جديده مو ذيج دعاء البريئه الظلم غيرني من داخلي ويمكن اثر على مظهري من الخارج صافنه واشمر بلبتوت البيدي على الميز وحده وحده ولن الباب انفتح وريحته الي المميزة الي بس اتنفسهة تتبهذل احوالي لا دعاء اريدج قويه انتي مو بت ليل وتقبلين بهل الشرط لا زم افهمه وانه افكر بكلامي ماأشوف غير ايد حاوطتني من وره ضم وجهة بركبتي ونفسه قوه وبدت شفايفه تتلامس كل قطعه مني بدت بركبتي ونزلت على اجتافي اخذ خصله من شعري وشمه واخذ نفس قوي دكات گلبه تتراكض عبالك اثنين يتسابقون وبده يهمسلي بكلام افتهمت منه ووو عرفت وصلت الحد الي لازم اتوقف عنده هذا الي اريده وصلت الغرضي ولو متصورت بهل السهوله يمكن كلت راح يطول يالله يوصل الهل المرحله لكن الظاهر انه مأثره بي من زمان مو من هل الليله علي بعد مااتحمل اريدج انه هنا كلتله مااكدر شيخنه اعذرني حسيت بي انصدم مجان متوقع ايده تحولت لزنودي درت علي عليه وصرت كباله وجه بوجه اباوع لعيونهةحمره وذبلانه نفسه قوي والعرك يصب من كصته كلت بروحي وانه مبتسمه بداخلي لا يادعاء الرجال راح ينجلط بس حيل بي يستاهل هو الي جابهة الروحه ياهو الي كله يشرط علي وخله يضوك شويه من الكاس الي شربته ويضوك لوعته علي شنو سبب خلافج بلوعد انه على هل الوعد عفت الخطبه و الوادم الي جايه وجيتج يكون فاهمتني لعبه بيدج ؟؟؟؟ يحجي ويهز بيه انه كمت اتموع وافرك بيدي من خجلي وخوفي دعاء ههههه لوهله حسيت روحي مريم الحيه بمكايدي صحيح من عاشر قوما اربعين يوما ويمكن الله خلقنه هيجي كل حرمه منه وليهة كيد ٠٠٠٠كيد النسه وانه كيدي طلع ويه من انظلمت غصب عني انجبرت دعاء كمت ابجي واحجي احاول ائئثر بي لمن شفته متعصب فدمره يمكن يقتلني لو بيده انه معذوره شيخنه عذر نسائي تفهمهة شيخنه باوع بعيونه وهو يدور الصدق بيهن مسكين غصب عنه يصدك ماكو غير حل لكن نظراته چنه ممصدكك كيفه عاد هذا الموجود شسويله كال وهو يباوع بعيوني وهذا عذرج اشكم يوم دعاء حرجني ابن ال٠٠٠٠ هاااا اسبوع شيخنه فك عينه منصدم ههههه خطيه انقهرت يمكن عليه بعدهة تنفس بقوه ودفعني بهدوء وكال يالله شورانه المهم نخلص وترحين الهلج والله ومبين عليك طبيت ياشيخنه ايده ترجف من العصبیه وعيونه تتفحص كل مكان بجسمي طلع مو هين هل الشيخ اوووگح شیخنه ولازم اخاف منك واتحذر تمنيت احد يقويني ويصبرني وينج يزهره محتاجلج بهل الوكت اتعينيني ********** ام طيبه شفت ابنك فضحنه چدام الوادم حسين معليج انه احاجي ان فكيتي حلكج بكلمه متلومين غير نفسج ام طيبه انت دومك هيج وياي موش انه حسبه امه واربدله الزينه شفت الوادم شلون تحجي عليه شيخ وماشيخ ومكدر يوفي بوعده ويخطب البت ويكطع مهرهة هل شرد حسين اكص السانه اليحجي هذا ياهو كليلي ابن حسين زلمه وغصب عنهم والخطبه كملت وبعد اسبوع المهر جا بعد شرايدين حقه يريد حفله جبيره تليق ابمقامه جا هو گلیل ؟؟، هذا الشيخ علي ابن الشيخ حسين يعقد مثل بقيه الخلك تردينه وين صايره انه نفسي ماارضاهة اله اعزم كل الي بديره صغيرهة وجبير هه والكل تفرح وتاكل واسبوع كاما عرسه هذا االشيخ علي ابن الشيخ حسين موشش گليل بعدین هو گم واحد عندي موشش بس هل الوحيد ؟؟، هل الوحيد وماأفرحله ترديني ام طيبه ان جان هيجي عاد بكيفك بس خيتي وبته ظلن بخاطرهن ليش كام وعاف الوادم عیب منهه حسین هو معاف الوادم اترخص منهم لچن عنده شغله مهمه بعد مااتفقنه على اسبوع الجاي العقد سمعت خواتك اشكلن انتي هوفيج منهم ليش حاطه كورج من كورهم اجكد يصير عمرج بعد وتبطلين كن سوالفج يا اااا أنه شكلت اسكتي لا تحجين مناقص دوخت راس اول منوصل للبيت مأريد هذا الموضوع ينفتح لا انتي ولا بناتج افتهمتي ******* سكينه الله يساعدك رضى يساعد بختج سكينه شويه واصبلك الغده مااشتهي بس استكان جاي ليش الغده جاهز كتلج مأشتهي سكينه الى متى تبقى هيج انت مريض اهم شي صحتك وخلهم كل واحد يحل مشكلته همه مو صغار لا همه صغار ويبقون بعيني هيج الحد مأاموت اسم الله عليك ليش تفاول على روحك جا انه رجال عليل واعرف نفسي والموت علينه حق اووو ذوله ولدج الى متى يظلون يتصرفون مثل الجهال ليش تخليهم يفكرون بيك متحبهم خلهم يفكرون بس كون يصيرون زلم انت تعرفك ولدك زلم سكتت مرتضى رفع راسه وكال جا الي يسوونه شيسمونه لعب زلم ؟؟؟ سكينه مرتضى طول عمره يحبهة البت عمه رضى وبت عمه غدرت بي وعافته ولو نسيتي اذكرج رظ رجع ويريد يطلك مرته وام ابنه خل يعرف متفيده نبأ ويبقى على حرمته احسنله سكينه جا شلون تخطبهة الحميد شلون انطاك گلبك و اخوه گلبه هاویهه رضى انه اعرف كلشش زين حميد ميريدهة وراح يرفض جا ليش خطبتهة ناوي تخبلني يبت الناس معليج انتي الج الصافي شلون يعني يعني راسج الحلو هذا مااريده يفكر هواي ويتعب هيه تجيج صافيه انتي عليج اتكعدين يمي وشكول تكلين ابوكم وشيكول عليه صح ولزمن تنفذونه سكينه هههه والله سالفتك ادوخ وانه مو حمل الدوخه خلني مرتاحه منك ومن ولدك بس الي اريده منك لا تخلي گلوبهم تقسه عليك خلهة تقسى لون المصلحتهم انه راضي موششش هيجي٠٠٠ رضى خلهم المهم انتي عندي راضيه علي اكلج متجين تفركيلي ظهري ههههه عيب عليك گبرت ولدك بطولك ومتبطل سوالفك افه انه گبرت لا تشوفين شعري الابيض يحرمه البكدي يدورن على مره وتكدر لا مااكدر حبج مله كلبي ماشفت ولا اشوف غيرج بعيني حرمه تلوكليانتی وبس اتمنیتچ تگملین ویاي حياتي الله يطول عمرك حجيك حلو مأشبع منه حيدر هله هله نحن هنا على كيفك بويه بحرمتنه وانتي عيني ام حيدر شو نسيتي روحج ورحتي زايد صايره ماتخافين من ولدج وكاعده تتغزلين بأبوي رضى انجب حرمتي وانه حر اتغزل انعل والديك اذى تحجي حيدر هههههه شوفهة الحرمتك شردت للمطبخ رضى انعل عشيرتك بس تحجي وياهة هاي الروح والريه هله ياب تعالي عيني اسمعييي جا حرام علبنه حلال عليكم ياهو الي كاظك متروح المريتك حيدر يعني شنو تطردوني زعلان وجيتكم صدك تحجي ليشزعلت مريتك ماتتعلم من ابوك الحرمه تريد السانك دومه حلو حته وانت تعبان كلمه منك تريحهة وتكوم تيوي المستحيل حته ترضيك وحياتك تغيرهة ماكو نكد ماكو زعل كله بكلمه حلوه منك كلمه شخصران انت صارف من جيبك حيدر انه ياهو مالتي هيه زعلانه من وراكم احنه ؟؟، احنه شكو انت ناسي ايه مرت مرتضى اتصير اختهة جا اذا هيج انع اروح العشه احجي ويا ابوهة وارد ايه ومرتضى شلوون حالف ماتعتب عتبت الدار هو بكيفه البيت بيتي والمعاجبه هو يطلع ******* دعاء طول الليل وهو يتكلب بفراشه واخر شي گلي انتي ليش ماتجين تنامين هنا دعاء خلنه اليوم شيخنه هو بكيفج من اكول انه اعتبريني اامرج ولزمن تنفذي دعاء كلت بگلبي هذا كام يدور سوالف تعبانه اخذت مخدتي والبطانيه شلتهة وجيت نمت على الجربايه وظهري عليه علي جا المن انطيتيني ظهرج مستعره مني بت راضي دعاء استغفرك ربي وهاي هم درنه لس انه شنو مكحله وبارزه عيوني وحاطه العطر الي يدوخه وصارله فتره يدور عليه تدوار ويشمشم مثل العتوي بلغرفه باوع بعيوني بنظره كلت هذا الشيخ مناوي الليله تعدي ههههه المسكين وكع بشباكج يلت راضي ومحد سمه عليه بس هو يكابر مثل الجاهل عرفته وهذا جان من صالحي ظل هيجي بعدهة غززني انه غمضت من خوفي وجنت تعبانه نمت بسابع نومه دخلت وماكعدت اله على منظر صدمني حاضني وجهي بصدره وصايره جني كتكوته هذا صدك مو هين حاولت اسحب روحي منه كام يتململ ابمكانه وانطاني ظهره عفيه عليك هيجي ا ريدك اخذت ثوب وشال لبستهن ونزلت للكراب من الصبح شوكت اصير الكل بلكل وارتاح من الضيم ريوكي يوصلي والكل تخدمني شفت فاطمه صباح الخير صباح الخير حبيبه شلونه اخوي زين شماله شفتي البارحه العيون كلها عليج حرمت الشيخ حرمت الشيخ دعاء بس شنو الفايده راح وضحكهم علي ونزل من قيمتي وخطب هل الحيه انتوا شلون راح تتحملوهة والله ياخيه انه بلنسبه الي روحي جازه منهة شني هاي ام الخنين تتزوج اخوي واتصير شيخه بس شنسوي امى القوي على الضعيف كله من هاي العكربه ام طيبه دعاء طبعا اختهة وادور مصلحتهة جا انه شنو كيلوأبيش صدكتي خيتي بس انتي لا تنطيهة وجه من الاول راويهة العين الحمره حته ماتگربلج اشحدهة وگضي زلمتج خيه ولا تخلينه يغير فراشه بكل سهوله خله مايشوف حضن اطيب واحن من حضنج دعاء انشاءالله عفيه عليج دعاء كملنه الريوك وهو نزل تريك والشيخ حسين انطاه شكم كلمه على الريوك حرك گلبي وهو هم مقصر عاف الاكل وكام معرفته هيج عنودي وهو الوحيد الي يكسر حجايه ابوه ومينفذ اله الي يريده هوه وهذا جان الصالحي ابو گله لیش عفت الولدم زشردت وشني الشغله الاهم من خطبتك علي بويه شني القصه هل الموضوع انسد ابوكتهة وماحب افتحه حسين انطيتهم كلام الخطبه بعد اسبوع الجاي علي كام وهو متعصب ام طيبه شفته مااكلك مراضي خنزر بيهة حسين سكتت لهناك اجت فاطمه ادكلي يمكن اخوج حميد جاي يم الشيخ دعاء بس لا ابوي بي شي من لوعه گلبي عليه نسيت روحي رحت اركض للمضيف وطبيت بدون ماأستأذن دعاء خويه حميييي لن اشوف ٢ زلم ويه اخوي باعوا علي وانه حسيت بروحي عيني على اخوي والدور على علي الي رماني بخزره گلت الف رحمه علیچ اباوع الروحي بليه عبا ولا شال شداشتي المخصره اريدن اركض رجلي ماتشيلني دورات البشر ينسه الموقف الي هو بي من هول الموقف وعبالك هو بحلم موعلم وهذا الي صار بيه انه ****** يتبع | ||||
|
| |
|
01-08-19, 08:18 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة بقلم الكاتبه ذكرى المندلاوي البارت 20 خنزرلي وأشار بعيونه اطلعيي انه سويت رجلي طياره وكبل الغرفتي طبيت وسديت الباب وراي كعدت افرك بيدي ملختهن اتملخ الين ما صارن حمر الغريب هو مصعد وراي اكيد عنده شغله ويه حميد وجماعته وبس يفض يجيني بدت اعصابي تتعب من الانتظار والله مأدري ابجي بداخلي لو اضحك وانه كاعده انتظر عقابي ياترى شلون يكون اكيد يجيبني براچدي لو گبل مثل حمید دفرات هو محمل علي من سالفه البارحه يمشي وينفخ الحد ماحسيت راح يطك بوجهي اباوع على الساعه فاتت ربع ساعه وهو ماچه ياالله شيسوي خله يسوي هو انه هيج هيج ميته ميته هو اطباعه ماكدر احزرهة كل اطباعه جديده علي دأدرسه الهل الشيخ ********** علي اعتبره من اليوم اشتغل عندي ماطولك انت اتكفلته حميد اشكرك شيخنه جعفر اشكرك شيخنه مااعرف شلون اجازيك والله هو دره مال الله بس حظ ماكو ابو مات ومسؤوليه االبيت كلهة صارت براسه علي لدكل هيج هذا شي بسيط ممسوي شي انه ويصير خير انشاءالله وعائلته انه اتكفل بيهم كل اسبوع المسواك بيده هو يوصله وراتبه هم ماشي كل شهر جعفر انه مااعرف شلون اشكرك اعرف بيك نشمي وكدهة الهذا جيتك ماتردني كمال تعال بوس ايد الشيخ اي ابن عمي تقرب يبوس ايده رفض علي لا استغفر الله روح على شغلك كللهم الشيخ علي خلاني حارس وهسه انه اترخص حته تاخذون راحتكم علي لا والله مايصير ماترحون الاتتغدون حميد انه والله مااگدر عندي شغله مهمه لازم اروخلهة قبل الغده جعفر انه تعذرني شيخنه هم عندي شغله كلت ميصير تردون تزعلوني وبلمره خل ضيفك يشوف بساتين الشيخ وياخذ كم سله وياه البغداد حميد هذا هو نبقه بس لا يزعل علينه النسيب علي ههههه اتذكر طبته وهو گلبه مابین یرید یروح یادبهه شلون تدخل هیچ مفرعه اخخخ بویه لو بس اگضهة ولو هیه چانت متعرف چاییني خطار غیر اخوهه معذوره والله گمت ادورهله اعذار یاالشیخ های الهدیه غیرتگ چنهه وخربطت احوالگ حمید شگلت شیخنه هاااا حمید ههههه امبین انت موشش ویانه انه لا بس سالفه چت بفگري خیر انشاءالله خير خير دعاء سمعت بيهم راح يبقون على الغده يعني عقابي اتأخر نزلت جوه اساعدهم واعرف شكو ماكو كملنه الغده مطبك سمج انه احبه كلش وباميه ولبن وخضره اتغدينه وكمنه على المطبخ تنضيف ويه البنات ماشاءالله خير من الله وكل وحده تعرف شغلهة بس هاي العريف ماتقبل اله اتخليني اجلف متقصده اتعذبني بلشغل حته امل واتعارك بس انه كلشي ادكلي عليه اركض اسوي حته لا تلزم علي عذر يكول المثل اتمسكن الحد ماتتمكن اله انام بخوانيكك يشلتاغ ساعته ماحرمگ اشوف روحي تبللت كلش والثوب بده يطبع بجسمي كل شويه اعدل بيه كالوا صبوا چاي طيبه انتي روحي صبي الجاي ماتسمعين دعاء انه ايدي بلمجلافه اچلف گتلهه متشوفیني لو ابتليت على عمري شو هاي فكت حلكهة استغفرالله ربي عبالك وحده ٠٠٠٠٠٠ چت امهه تسأل وذيج من الله رادهة عبد الله هم ظلت تغلط انتي شحاسبه روحج انتي خلك هديه يعني خدامه شيكلولج عليه تسويه افتهمتي انه عاد فار دمي شمرت البيدي وصحت بيهة شوفي لج اسمعي انه مو خدامه ومثل ماانتي حرمه للشيخ حسين انه حرمه للشيخ علي وحالي حالج وعيب هل الالفاظ وبعدين انه ممقصره وياكم من الصبح ايدي بلشغل وانتي وبنتج نازلات تأمر وغلط شحاسبيني عبده يمكم انه هم الي اهل وعالي زلمه يردكم ولج تجاوبيني اليوم اسوي واشعل واحرك ومن هذا الغلط السوقي الي ماينلبس عليه ثوب فاطمه اذكري الله ام طيبه اسكتيي محد طلع عينهة وكواهة علينه غيرجن انتي وامج فهيمه فهيمه شبيهة امهة چي تحجي الحق وتخاف الله وماتحب تظلم احد هسه انه صرت ظالمه دعاء ام طيبه على صوتهة ومتقصده طبعا انه شفتهة هيج چیت اروح الغرفتي ابدل حسيت برجفه بجسمي اخذتني البرده وانه منگعه طلعت من باب المطبخ ومدنكه اركض عفتهة وهيه تغلط وصوته يلعلع ولن اطخ بطابوكه حايط والله ارفع راسي اشوفه هو ٠٠٠ الشيخ علي عيونه حمر يمه يمكن راح يچمل علیهن ویحاسبني على طبتي للمضيف باوعت بعيونه وانه لازمه راسي باوع عليه وبعدهه على ثوبي المبلل چتني الرجفه يمكن خوفي وال الموقف زيد عليه رچفتي اسناني گامت اتصگ وحده بلوخ گلتله وانه اصگ بسنونی وارچف شیخنه انههههه همس اشششش اصعدي الغرفتج بدلي وبعدهه الي حجي هواي وياج مصدكت رحت اسحل بروحي سحل للغرفه علي انه اعرف من زمان ام طيبه شنووو من حرمه تحب تسلط وتامر والكل يكلهة صار والي يخالف امرهة ينقري عليه الفاتحه وصارت عدوه الهة وهاي جديده بعدهة متفهم الوضع الي يمشي عليه البيت من زمان ام طيبه تحب تأمر على كل حره حته شريجاتهة وكلهن ساده حلوكهن مايكدرن يحجن ولا يتقربن من ابوي اله بامر منهة سحرهة ماشي سحاره ومشعوذه من ايام امي اشوفه كل ليله تكعد بالبستان تحرك ملابس امي وابوي مكطعتهن كطع زغار حلكهة يتحرك مدري شتقره جنت طفل اخاف منهل الموقف يامه صارت مشاكل ويه ابوي وامي واشوفهة تضحك بكل هدوء لان امي مجانت راضختلهة ومتتحمل اوامرهة هيه الوحيده الي جانت توكف بعينهة يمكن سحرهة ميمض بأمي الهذا خلقت عداوه وكرهت ابوي بيهة وشردتهة بس امي عافتني ومرجعت وتزوجت وتركتني عافتني الهل ظالمه جنت صغير اتعذب مرتين عذاب روحي وعذاب جسدي اظل الليل ادور ريحتهة بين ملابسهة وفد يوم شافتني حركت كل ملابسهة وغلطت عليهة وصاحت بيه وكلت البوي هو هم مقصر ضربني ظالمه ومتحب احد ومفد يوم حبت وهاي دعاء اشوفهة مثل امي تريد تنتفض بوجهة وتثور بس متكدر عليهة متعرفه زين هيهة شتكدر تسوي وليون توصل ايدهة ابوي نفسه بجبروته ميكدر عليهة هاي المخلوقه الضعيفه ومكسوره جناح انه بديت استخطيهة بس اخخ من عطرهة يحسسني انه طفل بعدني واحن الحضان امي بكل هدوء گلت اشسصایر صوتگم يلعلع للمضيف ماتستحن ام طيبه شوف هل الهديه شايفه روحهة علينه وتريد تامر علي انه تالي وگت وخرت عیني منهة باوعت الفاطمه ادري بيهة قريبه من دعاء سالتهة شصار كليلي فاطمه تباوع اله وجان تلتفتي وادكول والله اخوي احنه كلنه ممقصرات حته دعاء من الصبح نگرب گراب المطي مو چنه بنات وحرم الشیخ ولا عاچب احد اشوف ام طيبه معجبهة الحجي رجعت تغلط وتسب بامهة الي هيه هم حرمه حالهة من حالهة والفرق فهيمه فقيره وهاي جبارة ومتسلطه بكل هدوء كتلهة نصي حسج انتي هل المره الجبيره وهيجي لا عتب على البقيه لو مااعتبرج ابمقام امي وحرمه الشيخ الي هو ابوي جان عرفت ارد عليج ام فاطمه حرمت ابوي عيب تغلطين عليهة وبناتهة بطولهة هيه مثلج جا ماغلطت ولا طلعت الفاظ مثل الي تطلع منج عيب كبرتي ومابطلتي سوالفج هيه عاد تمادت غلط وسب عليهن چي كتلهة هيج عفتهة وصعدت اسمع صوت المي بالحمام اكيد تغسل دعاء انه عندي التهاب مفاصل بس اتبلل تكظني البرده اتعلمت بس احس بيهة اركض للمي الحار وافتحه علي واظل جواه الحد ماادفه انشف روحي واطلع ظليت الحد ماحسيت نفسي دفيت نشفت واخذت دشداشتي لبستهة وطلعت لن هو كاعد على الجربايه ومدنك بس طلعت رفع راسه يباوعلي نظرته غريبه جنه جان منتضرني اكملواطلع اكيد راح يفتح موضوع الصبح ويكمل عليه موضوع الزفه مالت عريف شلتاغ طبعا والله مالي خلكهم مصارلي كم يوم ادمرت منهم بس يفك حلكهة اكلهة هاك اخذ الي تريده وخلني اولي الهلي استسلمت من اول معركه مالي خلكهم تعبوني اولهم اهوو رحت امشط شعري وهو بس يراقب شنو فلم خو مافلم وخر عيونك حته معرفت اتحرك وهو يراقبني كمت مره اكمش العطر مره المشط المهم كوه كملت وكفت كباله وكلتله اي ياشيخنه المتهم مستعد للمحاكمه بس خل الله كدام عيونك انت راح تقضي ابريئه لا تستعجل ابقرارك وتظلمهة ترى الظلم حرام وانت اول العارفين بكتاب الله وكلام رسوله علي يواشش يواشش انه فكيت حلكي يلت الناس وسويتيني ظالم بلعجل اشفتي مني وحكمتي علي هسه ياهو ظلم انه لو انتي الميخاف الله عكدت حاجبي وباوعتله صفح وسألت روحي هذا شناوي عليه سالفته مو خاليه كلي اتقربي يمي هنا علي اريدهة تصير قريبه مني ريحت عطرهة ومنظرهة و وهيه طالعه من الحمام يجيب عقلي التايه اخخخ اسويتي بيه يالهديه والله وجبتي راس الشيخ الجان ماينوطي الاكبر حرمه ردتهة بس تكرب يمي مرايد شي اريد اضمهة الگلبي واطلع قهر السنين المحروم من الحنان بيهة انه علي ابن الشيخ حسين طفل بداخلي احب ٠٠٠ احب وانحب بس جنت ادور علي اسلمه گلبی وانه مرتاح و مغمض عيوني وهاي الهديه دولبتني لاليل ليل ولا نهاري نهار انام اتنفس ريحتهة واكعد افكر بعيونهة استلمت للقضاء والقدر والهديه باتت قضائي وقدري دعاء اباوع بعيونه بريق ماينوصف وابتسامه تسحر كعدت جني مسحوره بسحر عيونه علي حوط ايده على خصري وانه كاعده وقربني منه صار راسي على جتفه قرب راسه من ركبتي غمضت عيني وانه مستسلمه مدري شلون واشوكت صرت حرمه للشيخ ******** ام طيبه هاي لازم اربيهة اله اخليهة ترد الهلهة ماكون بت امي وايوي ان ماندمتهة انه توكف گبالي تالي ووگت بت الفلاح وتريد تصير علي مره تامر وتنهي بهل البيت انه النمله بهل البيت اعرف شناويه وشنو ابالهة اعرف كلس زين على شنو تخطط بت سكينه اله افلش كل مخططاتهة طيبه خل تولي خليهة علي اله اخليهة تشرد الهلهة بليله كشره واخوي الشيخ هو الي يشردهة طبت مريم شلونكم باوستهم وكعدت الوجوه مكلوبه شبيكم وجهكم مكلوب اليوم اشصاير طيبه غمزتلهة تعالي راحن الغرفتهة مريم خيررر خوفتيني اشصاير خالتي اشبيهة من وره الهديه الكشره عساهة لا دخلت بهذلت احوال الشيخ وصار الكل بصفه وكامن يثورن على امي مريم جا ماكلت هاي موش هينه جايه على طمع وتريد تشيخ عليكم طيبه اي والله كلتي لس ماكون بنت امي ان ما دمرتهة مريم خله بس يعقد علي ويتزوجني وانه اربيهة واخوج يطردهة هو بنفسه طيبه اسبوع الجاي يعقد مريم وانه جنت فرحانه يستعجل ابوج بلعقد طيبه يصير خير صبرنه واسبوع لاخ ميفرق مريم وينه دعاء اي المكموعه فوك يم الشيخ اشلوون خله اصعد اشوفه وشويه احرك دمهة ههعهه روحي ******* مرتضى بويه انه مرايدهة ليش ترحون تجيبوهة وانه اردهة الهلهة رضى ولك ليش تخليني اغلط عليك مو انت كبرت وعيب احترم روحك عاد مرتضى بويه انت حبيت غير امي هاي اشجابهة السالفتنه مرتضى يعني محبيت امي الحرمه الوحيده الي دخلت گلبگ ومستحيل تكدر تحب غيرهة لون الگلب میتحمل اثنین وانه ابنك طالع عليك اشماتسوي بيه نبأ احبهة وهيه الوحيده الي فازت بگلبي وايه لو تزرعلي كلبهة زرع ورد گلبي ماينبضلهة مو بيدي لا تجبرني ونظلمني وتظلمهة دنك رضى ورفع راسه بعد تفكير گال ***** یتبع بارت تعویض المفروض و والبارت بدون مراجعه يعني بيه اغلاط املائيه | ||||
|
| |
|
01-08-19, 10:04 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبه ذكرى المندلاوي البارت 21 دنك رضى وبعد ماصفنله شويه كال انه راضي بس عندي شرط لزمن تنفذه مرتضى قابل ٠٠٠٠ شما يكون شرطك المهم تروح البيت عمي تخطبلي نبأ منه رضى شوف اوليدي انه مرافض زواجك من نبأ لجن هيه هم بت اخوي بس مأريد ازعل اختي مني شنو ذنبهة امنت بينه وسلمتني بتهة ويوم الي سلمتهة كالت خويه ايه امانه عندك وانه ماعندي غيرهه وهيه المدلله عندي وعند ابوهة ويوم الي تغلط مأريدك تظلمهة لون السبب مني انه الي دللتهة اتحملوهة وخلهة تتربه على ايدك وهيه لو ماأعرفهة كلش زين تحبه الابنك وتموتن اذا ماخذاهة مانطيهة لان اعرف كلش زين ابنك گلبه المن واذا صار يوم ورجع ليهة لاتظلمهه وحكمك اعرفنه عادل واثنينهن بنات اخوتك مرتضى بويه شقصدك تريدني فوك بلاوبهة ارجعهة ؟؟ نسيت تصرفاتهة ابهل البيت ٠٠٠كمت من وراهة مالفي بلبيت تهزم منهه ووكاارجع اله تالي الليل وبس اطب الغرفتي تستلمني شكاوي هل امك هل ابوك هل اخوتك لا حجي حلو فاد وياهة لا ضرب فاد حرت بيهة وادوررر كذبت علي بموضوع حملهة والاكبر سحوره كله ولا السحوره يابه انت راضي بكل الي تسوي راضي ربيهة بويه على ايدك صغيره بعدهة وتحبك مرتضى بويه هيه ممتربايه ابيت اهلهة وعوزهة تربيه شلون أأمن تربيلي جهالي رضى لون هيجي ليش تزوجتهة جا من الاول وماخطبت ولا فشلتني ويه عمتك انه مااريدن اخسر اهلي من وراك تالي عمري انه رجال تعبان مريض مالي خلك معاتب ولوم بت عمتك ايه تروح ترجعهة وبعد كم يوم اروحن اخطبلك نبأ مرتضى ومنوا يكلك ايه ترضى ترضى معليك انه حاجيت امهة واهي فاتحتهة بلموضوع وقنعتهة بس اكلك من هلساع راح تفتح عليك باب جهنم لون ثنينهن من صغرهن وحدتهن ماتتحمل اللوخ انت عاد بكيفك مرتضى بأبتسامه اتحمل بس ترد الروح اليه رضى مااوصيك تخاف الله أبت عمتك لون كول الي سوته الجلك هيه هم تحبك صير عادل بينهن ولا تغضب ربك مرتضى هزيت راسي موافق واكولن بكلبي ابنك زلمه وكدهة واشوفهن باجر ياهو مرتضى ******** دعاء صافن وعيونه علي وهيه تلمع مبتسملي اتذكرت الي صار ضميت راسي بصدره واحسن روحي صخنت من الخجل وخدودي كبت بيه حروره مد ايده يتلمسهن رفع راسي علي شبيهن خدودج صارن جمره خوف لو خجل همست لاااء شيخنه بس اتذكرتتتت ضحك تتعودين اخذني الحضنه ومنسمع غير صوت الباب وهو ينفتح بس الظاهر الشيخ مسوي احتياطه وقافله وجان ناويلي النيه علي منووو مريم انه باابن خالتي الشيخ منتضرك تتعشه وياه ايي كليله جاي دعاء هو راح للحمام وانه ركض لفيت روحي بلشرشف وغطيت نص جسمي فتحت الباب خيرج شرايده اذا جايه على العشه مااشتهي باوعتلي تتفحصني والغيض باين بعيونهة زقنبوت وسم ياداسزز والله لا ارجعج وين ماجيتي واذكرج دعاء هه عود ذكريني لمن يجي ذاك اليوم ياهو الي ينكط بلشارع وهسه من رخصتج راح اكمل نومتي ورايه سهره للصبح خل اشبععع نوم يابت القندره يا?لبه یاسا۰۰۰۰ سديت الباب وهيه تحمس بروحه حمس ارد انام طيرت النومه بت الكلب الله يطيرهة من الدنيا كمت على مالابسه احضرهن طلعتله دشداشه كحليه فتحت الجرار طلعت ملابسه الداخليه وانه ميته خجل اول مره بس على كولته خل اتعود طلع وهو لاف الخاولي على على خصره وبخار المي الحار يطلع من شعره وصدره والعطر يمه على هل العطر دولبني ودولب زماني وبس لا يحرك كل مخططاتي هل الشبخ هذا واصير انه ضحيه حبه اباوعله مسحوره بل المنظر كمت اقارن بينه وبين سعد ذاك طوله متوسط وماعنده جتاف بي سماره حلو اما هذا الطركاعه السوده مابي لوله اتضحكون عليه من اتغزل بي والله لو تشوفنه تكلون حقج طول بعرض هيبه شعره محابس سود اخذ المنشفه الصغيره من التعلاكه ينشفهن وانه عيوني تراقبه يشبه الصور الي اتجيبهن زهره ممثلين السينما وهيه تكلي هم يجي يوم وحظ وحده بينه يكعد وتاخذلهة زلمه مثل الي بلصوره اي والله كعد حظج يادعيوي تعالي شوفي زهيره شخالق ربج صافنه فززني بضحكته لمعن سنيناته اكيد عاجبه الوضع وانه اراقب ايدي وهو يممرهن على شعره وينزل بيهن على صدره وگلبي يدك طبل جنه بزفت عرس الظاهر انه انسحرت بهل الشيخ مثل ماجانت زهره مسحوره بصورهم ابتسملي وغمزلي علي انه منتضرج ننزل سوه ولبسي شي مستر لا مثل الظهر طابع على جسمج ترااه هاي اول واخر مره احذرج مااريدن يلزمون عليج حجايه صار معلوم هزيت راسي يالله ياروح الشيخ استعجلي ابوي منتضرنه دعاء بسرعه طلعتلي هدوم مثل ماكال مستره بس مانسيت اختارهة تناسب هذا اليوم اليوم الي اعلن بي زواجي من الشيخ وبهذا صرت حرمته شرعا طلعت وانه ايدي بيديه وبكامل زينتي والعيون تراقبنه فاطمه اشوفنهة تضحك فرحانه وتباوع المريم وخابتهة وبتهة الي رادن بس يكظني وياكلني بسنونهن تقربنه من الشيخ حسن علي باس ايده وراسه انه رحتله دنكت على ايده ونفس الشي بست ايده الشيخ حسين بفرحه اليوم الي اشوف اوليدك وتفرح بي گلب ابوك مد طلع فلوس محسبتهن خلاهن بيدي غمزلي علي اخذهن منه اتشكرته وانه اخذهن الشيخ حسين يالله بويه صبن الغده بساع تراه الفرحه جوعتنه ****،*** ايه حنين تعالي ليه هم شكو زلمتج وقبل يردج مترحميني بعد ايه شرط رجعتي وزواجه من نبأ شلون بيه عوفيهة خلهة تتزوج واحنه نبده شغلنه ان ماشردناهة بليله سوده ايه انه مااكدر لون عرف بذيج المره واخاف يكشف المستور وادور هل الروحه روحه حنين معليج خليه علي انه الي اكملج الباقي واروحن اله بس انتي بحبحي اشويه ايه دخل ارجع للبيت بس هاج كظي هذا الي عندي هساع مدت ايده وطلعت سوار ذهب حنين بس هذا جا ماعندي منين اجيب متشوفيني محبوسه الحد ماأرجع البيتي حنين المره ديري بالج تحذري من تخابرين چا انتي تكليلي صارلي درس من ذيج المره حنين . وهاي المتسمه مرت عمج تحذري منهة لون الي صار كله من تحت ايديهة هيه الي خبرته جا هو منين عرف اكلج ذكرتيني هاي ام جبار ماعدهة دوه الهة عزه العزاج دوه ايش لا ماتوصل ابهل درجه نكتل الحرمه ايه شمالج فزيتي مو قصدي سم حنين هاا جا شنو قصدج عكده السان ماتخليهة تكرب صوبي جا كولي هيج بسيطه اعكد السانهة والسان الي يتفزعلهة ايه بضحكه ههههه عفيه عليج انتي بس تفهميني من دون هلي وناسي افه عليج انه قابل شسويت صدكي احبنج واساعدنج الوجه الله مو الغرض وهيه تباوع للسوار الي بجفه وتوزن بيه بگلبه تسأل شكد وزنه اذا باعته ******** جعفر خويه شلونك انه زين لا تخاف علي دير بالك يحسون بيك من اخابرك ابعد عن انظارهم صار جعفر شنو الاوضاع عاديه الكل نام انه ظال وحدي اراقب الوضع جعفر اريدك تراقبلي ام طيبه وين تروح ين تجي ياهو الي يجي عليهه اخوي انه م اقبهة بس اليوم طخت ابالي فكره لا تفكر دخيل الله شمااكلك عليه سويه وبس دسمعهة انت الاول ان ماعجبتك عود ذاك الوكت احجي كول اسمعك كالولي هاي ام طيبه عدهة بت هه وهاي يعني اكتشاف عظيم اكيد عدهة بت واسمه طيبه احمد وهي متزوجه لا شقصدك ؟؟؟ بس لا تقصدددد جعفر الي فهمته انه ناوي اجيب رجلهة اي وبعد٠٠٠٠ شبيك جعفر تدري اني لو خليتهة تحبني واتقدم الخطبتهة اولهن امهة ترفضني لون م ابمقامهم مستحيل ت ضى تزوج بته الواحد مثلي جعفر تدري هاي اول مره تفكر صح واشوفنك انسان مو مطي مقبوله منك اخويه جعفر رووح الله وياك بس دير بالك تراهم اذا حسوا بيك يقتلوك مناقص انه حته احركهم المره وخش بيهم سجن مؤبد لا تخاف على اخوك هاي شغلتي *********** زهره انه زهره اخت سعد صديقه دعاء من واحنه صغار الباب كبال الباب نلعب سوه من الصبح الحد مايصير الغروب دورات اروحن البيتهم اشوفن اخوهة حميد هو الوحيد الي ارتاحله من دون اخوتهة مدري ليش كبرت وكبر حبي اله الحد ما اعترفتله بعد ماشفت رقم تليفونه بموبايل دعاء هو بلبدايه مقبل عيب واحنه جيران وانت حسبت اختي دعاء رفضه خلاني اصر اله هوه كررت محاولاني الحد ما خليته يحبني وانه اتغزل بي راح تكلون صارت عكس الحرمه هيه الي تتغزل بلزلمه اكللكم اي اكو وهذا انه حبه عمالي عيوني مشفت غيره وبيوم كلي راح اجي اخطبج من اهلج فرحت من كل گلبی وكلت هذا هو استجاب دعائي وباب الفرج انفتح بوجهي وحميد الي جنت اتمناه طول عمري راح يصير ابو جهالي لكن الي ماعدهة حظ وحظهة معزي ومصخم مثلي مامكتوبتلهة تفرح حميد اجاني للمدرسه وراد ياخذ رأي بهل الموضوع وبشوف الفرحه بعيوني اثاري حمزه مراقبني حمزه الي هو طليقي كلي شفتج ويه حميد شعندج وياه كتله راد يسأل على اخته والي يسأل على اخته ترحين وياه المكان غير طريق المدرسه وتغيبين عن الدوام وانتي وياه الايد بالايد انه هنا رجف گلبي عرفت هو جان يراقبنه وهاي مو اول مره هددني يكل الاخوي ان ماعفته وقبلت بخطبته بيهة انتهت حياني وكان لازم اطوي صفحه حبي واقبل بلي مكتوب الي انجبرت ارضخله واطوي صفحه حبي وابدي صفحه معاناتي ويه هل السكير ابو النسوان واعاني كل ليله وانه اسمع واشوف واحس بل الذل عايشه وياه جسد بليه روح بس مخليته يكربلي هدد راد حاول مستحيل اموتن ولا يكربلي هددني يكل الخوي وانه طول فتره الي عشته وياه خلاني اشوف بلاوي سوده كبسله قمار وشرب اتحملت وانه بغرفتي اسمع ضحك نسوان زباله ليليه يجيبهن ويكلي ذني يسونج ويسوون راسج يالساقطه دعيت ربي يخلصني منه تمسكت بصلاتي الى ان استجاب الله اروح فدوه الاسمه كمشوا هو يبيع حبوب وانحكم عليه وانه طلبت الطلاك رفض بس المحكمه جانت الصالحي واخذت اخيرا حريتي ورجعت البتنه رجعت الحبي وانه ناويه ارجعه لو شمايصير ********** دعاء مرت ايام وانه وعلي انعيش عسل بعسل مايكلي غير روح الشيخ انتي روحي مدري وين جنتي مضمومتلي والحمد لله صرتي هديتي صدك انتي هديه من السمه وانه جنت افرح بهل الكلام يروح يجي وهو جايبلي هديه ذهب لو سوارات لو حجل كلاده كمت يوميه البس بيهن واكشخ ونفس الحيه وخالتهة عليه وانه اقره المعوذات صارت كلمتي تنفذ من قبل كل الي بلبيت وهذا الي جنت رايدته اروح الهلي وهو وياي مايعوفني ابد ميتركني اتعلق بيه مثل الابن من يتعلق بأمه مينام الليل الا وراسي على ايده وهو حاضني بقوه الشيخ حسين جان يلح عليه يكمل يروح يعقد وانه جنت اخاف من هل اليوم يجي اتوسل بي وهو يخاف علي كام يأجل لكن الى متى صار هذا اليوم كابوس الي وانه اتخيله اتخيل تجي حرمه غيري تنام بصفه ويحضنهة مثل مايحضنلي وينسد عليهم باب واحد وانه انركن على صفحه وفد يوم الصبح اندك الباب علي منوو فاطمه. شيخنه ابوي يكل ابو مريم وعمامك اجو خل يزهب روحه ويجي ****** يتبع ذكرى المندلاوي | ||||
|
| |
|
01-08-19, 10:07 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبه ذكرى المندلاوي البارت 22 دعاء شنوو وين رايح ؟؟متروح علي باس راسي وكلي عيب من ابوي وعمامي لزمن انزل كمت على حيلي ومديت اصبعي اهدد شوف تنزل بس تحاجيهم واذا كلولك على العقد تليكلهم اي عذر علي مايصير يابعد روحي انه جم دوب ااجل شيكلون عاي وانه شيخهم ترديني اصير علج بحلوكهم ترضيهة وانه شيخ وهاي تقاليدنه وعاداتنه انه من الاول ماجنت ناوي الزواج لجن ابويه الله يسلمه حجاهة ومجبور لزمن اكمل بس صدكي غير وحده متخش بگلبي الگلب یهواچ انتي ٠٠٠ انتي رويحتي وبس وحته لو تزوجت عشره انتي وحدچ بگلبي لا تخافين والي ملكت هذا يأشر على صدره مستحيل بعد تتطلع منه كام وراح للحمام يحضر روحه بس انه شنو كلما اتذكر مريم وامهة وخالته ادمرر شلون لااء مأتحمل لازم اقنعه يبطل منهة واذا مبطل احرك الاخضر واليابس بهل البيت اخاف عبالهم اسكتلهم وهمه ياخذون زلمتي مني وهنه يتشيخين علي لا والله انه مو ذيج دعاء الاول (الهديه) الا اراويهن انه شكدر اسوي طلع من الحمام التفت ماكو ملابسه محضرتهن طالعه روحي منه شلون يروحلهم وكف يباوعلي وهو مجتف ايديه شگلنه احنه هزیت چتفي مااگدر رچعت انام لفلفت روحي بلبطانيه اتأفأف وحضرهن هو بنفسه طلعت شويه من البطانيه اراقبه سويتلي فتحه بيهة وانه اكول الروحي يعني هاي الحيه تجي باجر تشوفه هيج كدامهة بهذا المنظر ومثل ما هو يمي نفس الشي يمهة والكلام الحلو الي اسمعهة تسمعه هيه يتغزل بيهة اكيد هو شهامه المهم يرضي عشيرته وابوه عادات وتقاليد ومثنى وثلاث ورباع والولد يجيبون الولد زين لون انع محبلت واهي حبلت وچابتله الولد راح تسيطر على البيت وتتشيخ علينه اكيد تصير الكل بلكل يعني تاخذ كلشي الي يصير الهة وملكهة لازم اتحرك بس كون فكره تخربط العقد والزواجه كلهة من كاعهة طلع وسد الباب وراه ولا چنه وانه دمي احترك اتخيلت وجهة من گالت اخذه اخذه منج ومتكدرين اتسوين شي واذبج بلشارع الي جيتي منه اخخخ بويه كله من ساس البله عريف شلتاغ وبته كون بمصيبه الهة اول مالهة تالي طارت النومه التفكير موتني ومعتي كامت توجعني جيت اوكف على حيلي دخت جيت اوكع رجعت كعدت الحد ماراحت الدوخه اكيد من وره القهر الي قهرته من الصبح طبيت للحمام سبحت وطلعتلي ملابسى جديده ماريدهم يقهروني اليوم ويحققون مرادهم نزلت وانه كوه ارسم الابتسامه على وجهي صبحت ردن الصباح الا طيبه وامهة الحيه الابتسامه شاكه حلكهن طيبه يمه ابوي وين راح ام طيبه ياا چا معرفتي طيبه ا نه سمعت بس ماصدكت صدك اليوم يعقدون للشيخ ومریومه ايي صدك حضري روحج لجن خالتج بوحيدهة وناويه على حفله وانتن حبيبات لمن نفسجن واكظن شغلجن بلعجل لان ناوين للخطبه تباوع علي وتحجي وانه بودي اهجم عليهة املخ وجهة بس هينه صبر سويت روحي مدايره بال كملت ريوكي وعفت كلشي وجاي اصعد طيبه هاي شنو شو كمتي والشغل الي عليج اخذت الاستكانه والماعون الي اكلت بي ورحت للسنك غسلته ونشفت ايدي ورجعت اريد اطلع طيبه شنو هاي شو بس ذني اشرت على الباقي الي بلسنك عفته وكملت للدرج اصعد ظلت تغلط بحجي اذني بعد متتحمله طبعا ام طيبه عرفت اسمهة من علي نبهني مااحجي هههه اسمه كلش يضحك(گطيعه) وااشيخ حسين يخجل يصحيهة باسمهة بس اكيد هيه ماترضه بس فهيمه لا ولا ذيج الثالثه المريضه جوريه مقعده بفراشهة وبناتهة يخدمهنه اكيد كله من شلتاغ ام السحوره بديت اشك تسوي سحوره بسيطه اله اظل وراج واجيب تاليتج ظلت اتصيح وتفشر وانه بنص الدرج صحت كطيعههههه اي والله كطيعههههه على امهات السحوره شو هاي المره الجبيره صارت جاموسه هايجه هيه وكرشهة مترتين ليكدام چنه حامل بلتاسع سوت الدرج بايتين والله بيهم حيل نسوان گبل لو اعرف اشجانوا ياكلون انه شفتهة هيج ركض للغرفه سديت الباب قفلته گبل وهيه وبته يدكن ويصرخن چان عندي مسجل من مالات قبل الشيخ يسمع بي دورات قران خليت وسجلت افشارهم الي ماينلبس عليه ثوب بسیطه انه الچن یبوو هاي شنو من الفاظ ولا چنه مرت شیخ وهله وهله عفتهن يفوخن گلبهن لمن ماملن فاطمه افتحي الباب دعاء انه فاطمه فتحتلهة وانه خربانه ضحك ولج صدك تحجي هاي هاي شنو من الفاظ فاطمه تضحكين يم البلاوي روحي شوفيهة گلبت البيت گلاب ال?ل من الخوف كام يشتغل تك ههههه هسه بس یچ ي ابوي تگله وتگلبه علیچ دیری بالچ دعاء لتخافين انه مسويه احتياطاتي ٠٠٠٠ اتذكرت الخطبه انگلب وچهي هاا شبيچ مو تگلین مسویه احتیاطاتي دعاء اتذكرت الخطبه اليوم فاطمه حقج انه لو ابمكانج اروح اكلهة بسنوني بسسس مجبورين حكم العادات وانتيي ايي كملي ليش سكتيي انه هديه يعني شمااسوي ابقى هديه فاطمه شوفي انتي اول ماجيتي شلون جان اخوي الشيخ يعاملج وشوفي اليوم شلونهه معاملته دومه يمج وبغرفتج وانه اشوف الحب بعيونه وهنه هم شافنه الهذا يستعجلن حته ياخذنه منج انتي لا تنطيهن مجال حبيبه دعاء شلون مانطيهن وهنه راح يخطبنله ويعقد اليوم شبيدي اسوي اذا على گولته هو نفسه مابیده شي انه شبيدي فاطمه خيه انتي كلشي بيدج شلون ظلي حبي وقربي اكثر منج ولتخليهن يلزمن عليج زله وشما يحجن انطيهن الاذن الطرشه الى متى مااتحمل تجي الحيه تشاركني بي اموتن والله ولج اصبري هنه بسحورتهن عمن الكل لابد يجي يوم وينكلب عليهن وكولي فاطمه كالت وانه انتظر يجوز بعد سنبن وهل كل البيت جوه ايدهة شو ماخذن حقهن وضالات خاضاعت الهة وساكتات الدور راح تجي اللوخ الحيه اتجملهن تنام على خوانيكي انه ربج يحب الي يصبر ويصير وياه وماعندج غير الصبر حبيبه دعاء ربي مايحب الجبان وانه موشش جبانه انه احب اخذ حقي بيدي كافي ظلم انظلمن اهواي ومن اقرب ناس الي بعد الهنا وبس اخوج ان كمل واخذهة انه اردن البيت هلي انه شرطت عليه شهكت فاطمه شني ٠٠٠ شني هاذا شرط ماشرط ههه هذا ماياكل عد اخوي دعاء بس عندي ياكل خيه لا تهجمين بيتج بيدج اكعدي وشوفي شلون تصير دعاء هذا حجيج مال عجوزيه والعفو منج انه ماحب اصير هيج وذني اله اربيهن وامشيهن على الخط المستقيم بكيفج عاد بس ديري بالج تراهم مو مثل ماتشوفيهن بعد اضرب (بهمس) دعاء ماادري ليش حسيت من كلامهة تعرف هواي اسرار عنهن ********* نبأ عرفت بعمي رايح على عمتي وراد ايه للبيت وانه ادمرت خابرته وظليت اشهك وابجي بكل حركه مرتضى تبجين مالج حق انتي الي ورطتيني بيهة لو ما سوايتج السوده جان انه لا واصللهة ولا تزوجتهة انه الي تورطت بهل الزواجه حسج مااريد اسمعه وكل شروطي تنفذينهة بعد ٣ ايام جايين العمي هيه خطبه وهو عقد واسبوع الاخ الزفه واذا نطقتي بحرف احرررركج واحررررك عشيرررتج سد الموبايل نبأ شحجي بعد امبين هو الي محترك اكثر مني خلهة ام السحوره اله خليهة تشرد بليله ظلمه انه الجججج ********* محمد قررت وفعلا بديت اشتغل على طيبه مثل مااتفقت ويه اخويه جعفر اني بحكم علاقتي الهواي بلنسوان صارت عندي خبره يعني هاي ماتاخذ بيدي نص ساعه شو كل المواصفات عندي اشكراني ابو غمازه والعضلات مال مصارع وكشخه وعطري ماركه ولساني عسل ينكط بعد شتريد بس اني الي هسه مشايفهة نسوانهن محد يشوفهن حته الكراج يطلع واحد من الشباب يغسله والتالي شلون اكيد تطلع خو ماتبقى مخلله بهل البيت انتظرت كم يوم ولن اسمع صياح ابيتهم صوت نسوان رحت لابو كرار الحارس الجبير كتله ابو كرار شوف بي لا صار شي الوحده من النسوان ابو كرار بكل برود لا بويه تليكيه هاي ام طيبه وبتهة ويه مرت الشيخ الجديده محمد بكلبي كلت هههه هاي غير عرمه شنو من السان وغلط يابويه اني الي اسمي رجال استحي من الي اسمعه اشتد الصراخ ولن تطلع شابه بره طويله رشيقه وسمره شنو من وجه سبحان الي خلق عدهة شامه بحنجهة واضحه كلشش العيون سبحان الخالق سود وكبار طيور بجناحات كبار تقربت يمي وهيه تستر بروحه يمكن متعرف اني حارسهم الجديد لان تقربت ورجعت غطت بوجهة بشالهة اخوي انت منو يايابه على هل البلبل اليغرد من الصبح فيروز مو هيج صوتهة محمد اني حارس الشيخ الجديد امري اختي رايده شي هاااا ابو كرار وينه ابو كرار شويه ماله خلك رجعته ينام بفراشه امريني اختي اني ابمكانه ابوي الشيخ مانبهكم تجيبون الذبايح اليوم محمد لا والله بس سمعته يكول البو كرار جا شلون الوادم راح تجي واحنه حته الذبايح ممجهزيهة ورانه عشه محمد يمكن نسه الرجال حقه مريض وجبير بلعمر مايتذكر انه هسه اروح واجهزهن شكرا خويه محمد ردت اسألهة عن اسمهة انتابني الفضول بس هيه طلعت شاطره وفهمتني من اول نظره محمد اختي انتي بنت الشيخ لو وحده من الي يساعدنهن كالت شباين علي كتلهة بابتسامه بنته مووو ابتسمت وراحت واني ظليت بحيره مني هاي منهن بس لا طيبه اذا صدك هيه ابوهة احركه مو بس هيه ********** علي رحت ويه ابوي البيت شيخ عشيره عازمنه على الغده وجبناهة على امور العشيره والدوله والسلاح بيد من وذوله الشباب الطايش والمتهور يستخدمه بليه بدون تفكير بلنتائج الشيخ كال اكو اخوه اثنين من العشيره متصوبين من وره هاي السالفه وقرر كلمن يشيل سلاح تحت عمر ١٨ ابو او اخوته الكبار يتحاسبون شنو ذنبهم هل الوادم تتكتل مناقصين احزان كافي البلد ومصايبه ادور نجي نچمله بهیچ سوالف تعبانه واحد صاح یعتبروا تحرر گتله هذا اسمه همجيه مو تحرر اكو سلاح غيره الي هو العقل ليش مانستخدمه نشوف الوادم اليوين وصلت واحنه ضالين بهل التفكير ياهو الي حجه وياه حجايه وكظ سلاحه ورمه الوادم يابوويه احنه بهيج نرد ليوره موشش ليكدام نب واحد كال واذا هو رماك توكف تباع عليه كتله اله مرجع يرد عليه جا احنه المن كاعدين نتشاور ونتباحث بينه لجل هل الشي مايصير ونلكي حل وكلمن يتعده ويطلع عن الطور يتحاسب اشد الحساب الكل كال اي والله والنعم منك ومن البطن الي جابتك التفتت على ابوي وانه اتذكرت امي وبعدهة مدري ليش جت ابالي دعاء هاي اللبنيه دخلت بگلبي وعقلي واليوم غثيتهة من طلعت مشيت والدموع بعيونه مدري المن اراضي ابوي لو مريتي بس لا تسويهة صدك وتعوفني وانه تعودت عليهة اتذكر اتفاقه وياهة يصير وتعوفني هيه هاي خبله تسويهة خل اتجرب وتشوف نجوم السما اگربلهه بعدهة تغدينه ورحنه البيت ابو مريم وهناك جان متحضر الشيخ جايبي وجايين كملنه العقد وامهة ممصدكه وام طيبه وبتهة لن جايات وياهن نساوان ابوي طشن الجكليت والهلاهل وانه گلبي مو يمهن يم رووحي الي اكيد مجت باقيه بلبيت ام طيبه ادخل يلشيخ على حرمتك ناطرتك جوه ابوي اشرلي روح انه بس طبيت انقبضت روحي هيه الابتسامه شاكه حلكهة ولابخه روحه لبخ لو باقيه على طبيعتهة هم اشوه لعبت روحي محجيت غير جلمه وحده مبروك عفتهن وطلعت ام طيبه يم ابوي تحجي باالله هاي صايره دايره عيب من اختي فشلتني شدكول عليهة الوادم ؟؟؟ خنزرته تسكت بس هيه شيسكتهة ادكول ماطور مال مي الساكيه من يشتغل ويعرت ابوي كللهة مو زين تمت الخطبه على خير شرايده بعد متكرمينه بسكوتج يالله لمي البنات كلهن وانه راح اجمع الزلم ورانه عشه زهبن نفسجن بسرعه مااريد اي عاوز عيب من الشيوخ الجايه طلعنه ويه الشيوخ والزلم ولد عمامي للبيت هناك شلون راح ادبرهة ويه الخبله العندي مأ أدري بس لا تجفص وانه ماأريد امد ايدي عليهة ولو هيه حقهة ****** دعاء الظهر كلهن تحضرن يرحن البيت الحيه لون الحفله هناك وبعدهة يجن الهنا يعشون الوادم مااتحمل بعد جكد صبرت روحي بس المره لا صعبه انه دم ولحم مو حديد حته الحديد يجي يوم روحه تتآكل ویصدي يموت انه خو ما اكعد وأنتضر موتي بعد من هذا اليوم ماخلي يكربلي وخله الحيه تفيده يصير خير يامريم الحرب صار بيني وبينج الدور ياانه ياانتي بهل البيت الشيخ علي مكتوب على جبينه حرمه وحده الي هيه انه انه دعاء هديه الشيخ يتبع........ ذكرى المندلاوي بارت مفاجئ شلووونييي بس انتوا لتنسوني | ||||
|
| |
|
01-08-19, 10:12 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت 23 ****** دعاء ماادري اليوم كلشي بيه يريد ينتفض حاصرتني البچيه بس دا?ابر ارید انتقم النفسي الكرامتي وحقوقي المسلوبه غصب لكن ماأعرف شلون وين مالتفت الكه قيود محاوطتني ايدي٠٠٠ رجلي احس مگلبچیهن ارید اصرخ بعلوا صوتي كافي ٠٠كافي مهانه كافي اذلال ليش الي دتسووا بيه احس صوتي هم مقيد ميصير اصرخ واطلع الااااه ه ه منه دخت والدنيا كامت تفتر بيه يالله ساعدني مو مال اتحمل كل هذا الظلم وبهل العمر الصغير واني قليله الخبره بلحياه كل الي ا?در اسوي هو ان اصرخ وهم ماأجرأ ماعندي اي حق تحت عذر الهديه بديت العن كلمن حطني بهل الموقف حقدت وكرهت حته نفسي لاني مخلوقه ضعيفه لكن بعز هذا الصراع الي بداخلي حسيت ابصيص امل نغز گلبي اني مو ضعيفه لااء اني الي استضعف روحي وشفت وسط هل الظلام نور ضعيف من فانوس املي الا وهو الحب حبي العلي وحته اوصل الهدفي لازم استخدم سلاحي الضعيف الحيله وهذا ابسط سلاح عندي بهذا الوقت **** دعاء سمعت الهلاهل والهوسات وانه اسد اذني أحاول اغلقهن بيدي واغمض عيني لااء يالله صارت صدك سواهة وراح يطبلي ولا چن صاير شي الله يلعنك ويلعن الساعه الي شفتك بيهه العن الساعه الي سلمتك بيها گلبي ونفسي اخخخ من هل المهانه والذله بيدي هسه افلش كلشي كدامي بسس لااء غصب عني اكتم شعوري غصب عني امحي كل احساس بيه جيت الم ملابسي قبل ميجون بس ليش۰۰؟؟ لااء مااعوفلهة غرفتي واستسلم واصير جاريه بس للمسح والتنضيف انه حالي من حالهة مثل ماهيه زوجته انه هم زوجته واله اعلمهن واعلمه واعلم كل الي بلبيت واكلب بيت الهل الشيخ گلاب سمعت اصواتهم وهمه یهنوا وهو یصعد واسمعه يكللهم فكوني رحمه الهلكم تعبان اريد ارتاح شكو بيهة انه اخليك ترتاح شلون راحه تذكرهة طول عمرك فتح باب االغرفه وانه الم بملابسي اباوعله وهو فاتح عيونه متفاجئ علي شنو هاييي دعاء الم ملابس غير ليششش دعاء بعد مالي مجان بيهة لون جت صاحبته تسده ابدالي وتحتم علي انه اروح خلصت مهمتي ولهنا انه وياك وخلصت ياشيخنه دعاء علي كام يحاول ياخذ الملابس ويرجعهن بلكنتور ويشمرهن شمر احس بي متعصب بدون مااباوع لعيونه ايديه ترجف رد شوفي هاي غرفتج ومن سابع المستحيلات اطلعين منهةالا وانتي جثه افتهمتي دعاء طبعا ناوي تحبسني بيهة الحد ماأموت وانت تاخذ راحتك وياهة ؟؟ اييهه شكو بيهة ابن الشيخ چا انه منو واهي منو انه خلك هديه لا راحت ولا جت ومرفوضه من الكل حته اعز الناس ٠٠٠ اعزهم (احجي واباوع بعينه بكل هيام وعيونه تدمع متقصده يشوفهن) الي باك گلبي وخلاني احبه وقسملي مافد يوم يخذلني ويبقه على حبه الي ويدللني كسر الوعد بكل سهوله ووو هدني الشمات تباوع بعيوني وو تشمت بيه وهمه يكلون وينه الي سندتي ضهرج بي ؟؟؟ واثلج صدورهم فرحتني كم يوم وراح تعذبني دهر شنو ذنبي هااا؟؟گلي سلمت روحي وانه مأمنه انطيتك ايدي وانه مغمضه وگلت مستحیل يهدني لو شماصار لكن هدني وشمرني للغير ينهش بلحمي (دعاء كمت اذرف دموع الجل تكمل التمثيليه ولو انه مجروحه بالاصل وحسيت بلموقف يبجيني غصب بدون تمثيل ) علي جرني عليه وخله راسي بصدره وحضني بقوه وكال مستحيل ٠٠٠ مستحيل اخذلج واعوفج ماعاش الي يتشمت بيج يابعد روح الشيخ وهله انتي ويه النبض صرتي آمريني ادللي طلباتج كلها مجابه بس لا تتركيني لتصورين اعوفج صدكي مايبعدني عنج غير الموت همست اسم الله عليك انشاء الله عدوينك علي ضحك وحضني بكل قوته حسيت عضامي طكطت جوه ايده لزم حنجي ورافع وجهي وهو يهمس احبجج يابعد روحي لا تعيديه افتهمتيي وهاي اعتبريهة خدامه لا اكثر ولا اقل لتخافين متاخذني منج الشيخ علي وحده خشت بكلبه وبس ولو اتضوجين من اگلهة يااحلى هديه بحياتي دعاء حجيت وياه بدلع وانه غاطه وجهي بصدره اخاف تبدلك علي خصوصا خالتهة وبتهة وياهة علي هو انه حاب خالتهة حته احبهة هم راح تنجبر تنام يمهة والشيخ يكلك أعدل بينهم وشرع الله وانا اموتن عقج وجهة كانما معجبه الحجي كال هسه انتي دتحجين بسالفه تلعب روحي اذكرهة واحاول انساهة وانتي تذكريني بيهة گوه خليه لتنغص حياتنه نسيني اريد انسه روحي وياج اريد انسه حته اسمي ومنوا انه واهلي وعشيرتي مثل ماچنه قبل اريدج من اطبلج للغرفه احس روحي بغير دنيا يوميه اريدج عروسس حسسيني وياج بكل لحظه انه عايش يابعد روحي انه تعذبت هواي ومن اقرب الناس الي وظليت سنين اعاني من ظلمهم ظلام سنين محيتي انتي بليله انتي كنز مستحيل اتنازل عنه اخذني وياه بكلامه العالم بس احنه وبس حسيت بروحي انثى بمعنى الكلمه حبه الي واصراره وتمسكه بيه اطاني القوه اواصل طريقي الغايتي الاوهو املك گلبه وفعلا بديت املكه والشی الثاني السلطه والكلمه الاولى والاخيره الي بهل البيت تكون الي الي انه وبس والي يريد شي يعوف شي ومن هنا بده مشواري وانه اتمسك بسلاحي الا وهو گلب الشیخ علي ******** مرتضى انتي شعندج هنا بغرفتي ايه اشبيك مرتضى ليش انت صرت هيج وياي ؟؟ تصرفاتج الغلط كله علمودك اخاف اخسرك بس خسرتيني لا مخسرتك لتكولن هيج اموتن والله انه احبك گله بسبب نبآ هیه ردت وبدلتگ علي هم فتحنه هل السالفه شوفي انه رجعتج لون ابوي لح علي ولو انه جنت ناوي الطلاك انه المره الي تچذب علي اكرهة وخصوصا اذا ذبت فلك وراحت من وراي تخش بيوت وتسوي سحوره ايه انههه قاطعهة وأشر بيده لاااء لا تبررين فعلتج ادري راح تگلين علمودگ وهذا عذر اقبح من ذنبچ مخفتي الله مكلتي اخاف يصير بي شي يتسمم يموت يتخبل ولج انتي كلچ هلگداتچ وبیچ گل البله انه الخاطر ابوي وابوج رديتج وبعد ٣ ايام ازوج ماريدن مشاكل وياهة ولا ترجعين المكسوراتج احلف قسما بالله اردج الهلج وبعدهة مابيهة رده لو يجي شيخ العشيره بنفسه افتهمتي ايه مدنكه وهيه وين يصرفلهة صار ابن عمتي يالله هسه روحي صبيلي اكل جوعان اليوم كله مطاب لكمه بحلكي من وره السم الي تسممت بي ويخنزرلهة ايه بابتسامه مصطنعه من عيوني هاي قبل هاي مو تدلل طلعت ركض مرتضى نسوان متجي اله بلعين الحمره ********** زهره بعد ماسد الموبايل بوجهي وحضرني كعدت ابچي دك موبايلي هاي خالتي خير الله يستر بس لا ابنهة طلع من الحبس لا هذا شيطلعه مكسورته چبیره الوو هاا خاله شلونچ خاله زهره شلوني بعد هل المصيبه الي انه بيهة ؟؟ سكتت عرفت راح تبلش مثل كل مره خاله زهره انتي ليش مناويه ترحيله للسجن يكول جويسم من رايحله عارف بلطلاك وگالب الدنیه هناگ وگاظينه وضاربينه ومتحلف اله ينهزم ويكتلج زهره خفت شوكت اخلص منه حته وهو بلسجن مخلصانه زهره خاله كل الي بينه انتهى على شنو اروحله خاله زهره ولج ناويلج مو خوش نيه متحلفلچ كايل الجويسم ان ماچت انهزم انه واچیهه وساعته الله میخلصه منی (استعفز الله) خاله خلي ياخذ روحي انه بعد معندي شي اخاف عليه ابنج تعبني انتي بنفسج شفتي معاملته الي خاله زهره متعرفينه اهو من هو زغير يحبج ولتفكرين يفك منج ياخه ابني مخبل اعرفه يسويهة وينهزم واخافن يكتلوا بس يكظونه عاد خليه بلحبس ومأمنه ولا مگتول زهره بعد الحاح خالتي رحتله المحامي سوالي مواجهة وياه بس كتله الجويسم انت تجي وياي انه اخافن منه هذا ايده والضرب ميخاف من اكبر واحد ابو شوارع وسلاحه بيده اربعه وعشرين ساعه وكلشي يصير اخافن ظاملي سلاح سجينه شفره مو بعيده وينتقم مني هو هددني بس اطلب الطلاق يعد اخوي رفض روحتي وامي هم بس انه اعرفه يسويهة وينهزم هذا ايده توصل حته محكوميته مطول اول ماطبيت وياي جويسم كلنه الشرطي انتضروا هنا هسه يجيبوه وانه گلبي يدك من الخوف واحس روحي صخنت سمعت الباب انفتح راد يغمى علي يمكن قطره دم مابقه بجسمي كله نشف وچان اسمع صوته الخشن المرعب ياهله ياهله بلغاليه طبعا بنبره استهزاء وهو صاك سنونه منتضر الشرطي يباوع عليه عين عليه وعين على الشرطي حته مسلم على اخوو وخرت من طريقه وانه مرعوبه وهو رمقني بخزره شفطت كل الدم الجان باقي بجسمي جيت اوكع بس عيني انتبهت الايده ورجله مكلبچیهن رد الدم الوچهی شویه اطمنت شويه ميكدر يوصلي لو يسويلي شي كعده الشرطي وهو نفس خزرته علي جوبسم شلونك خويه كال شلوني وياشر بعينه على القيود الي بيده والله ثم والله بس لو اعرف الي خبر علي الا اكله بيدي التفت الي وعيونه حمر مرعبه كال هاااا ولچ بزونتي اندار على جويسم كمل وكال هه البزونه الي ربيتهة كامت تخرمش والله بعد مخاف عليهة بت كلبي عفيه عليچ بس سمعت سالفه معجبتني منچ وانتي تعرفين الشي الي مايعجبني يعصبني بسرعه واذا تعصبت ياويلچ مني ابوي مااعرفه من اتعصب على صوته فزيت منه انهزمت صدك مثل البزونه صرت كمزت من م?اني رحت وره جويسم اتحامه بي عود جبته عشتوا هو نفسه يخاف منه گتله وصوتي وكلني ارجف انننتتت شششتتريدد منيي مو كافييي عادد ظلمم اخذتني غصب وعاملتني مثل الحيوانه اعتقني بعد الخاطر الله تعبت متشوفني اشلون اخاف منك مستحيل الحب ينولد بخوف مستحيل هو هنا صار اسد وكام يزئر صاح هيج طاح حظ الوكت الي خلاج تكابليني وتحجين انه هبج وياي ولج لتشوفين هاي الشويه الحديد مقيدتني ولج اجيبج لو ترحين السابع سمه لتتحامينننن بغيرررري بت الكلب وخري من يمه لا اسوي اليوم سوايه العباس جويسم خويه على كيفك هسه يجون ويأذوك ولك خلهم متشوفه شلون تحتكي بيك ولك منظرهة دمرني بت الكلببب زهره انه لابده وره جويسم وهو كلما يعله صوته انه ازيدن اكثر واتمسك بقميصه الجوبسم يتراوالي هسه يطك الحديد ويكظني هو ضخم يخوف منظره وهو يصرخ يرعبني اكثر ويخردنلي مااعرف اتصرف اجوو الشرطه جروه وه يهدد اله انهزم واجيج ويسب ويغلط ومرضه عليهم يجروه وميكرون عليه اربعه كل واحد كاظه من مكان تالي ضربوا بعصا تكهرب وكع بلكاع اباوعله شهكت رفع راسه وعيونه حمر يخنزر ويتوعدلي متت خوف ورعب معرفت شلون طلعت من المكان ظليت اليوم كله منظر عيونه وصوت صرخته باذني يالله شني هل المصيبه كلت اطلك واخلص تالي مخلصت حسيت روحي واكعه بنكره غميچه ٠٠ وغميچه گلشش ************ محمد كمت يوميه الصبح اصبح بعيونهه وهيه تجيب بيديه الريوك لبو كرار جي مريض ريتني انه المريض واكل عسل من هل العسل ابتسامتهة تسحر اشكد حاولت اعرف اسمهة مكدرت تالي كلت خل اسأل ابو كرار ولو عذا هم مدري شبي ويايه عبالك يخاف مني كلما اسأله سؤال يكولي ماادري ومأعرف كلت خل اسأله بغير شكل هلمره هو جان يحس احقق وياه ليروح يشك بيه اني مناقص يروح كل تعبنه ابلاش محمد اشلون صرت ابو كرار يمعود وحشه بدونك والله عرفوا معزتك عدهم بحيث بتهم هايي مدري شسمه هيه گانت تچیبلك الريوك ابو كرار اي خلفله عليهة هايي بت الشيخ فاطمه اصيله وتعرف بالاصول عرفت بيه مريض وحته ملابس خذتهن گالت انه اغسلهن ولتعب روحك شعندك كلي انع بحسبه بتك دعت عيني من كلامهة الله يستر عليهة ويحفظهة وينور طريقه ويهديلهة ابن الحلال الي يصونه ويحس ابقيمتهه محمد ايي واخيرا عرفت اسم الي اخذت كلبي فاطمه اهم شي مو طيبه حمدت الله وشكرته بس شلون راح اشوفه للطركاعه طيبه واخاف اخصرهة الفاطمه لو اسوي علاقه ويه اخته شلون مشكله هاي يابو حسين جنت بوحده صرت بثنين ******* دعاء كعدت وانا اتثاوب بحضنه وهو مثل الطفل المعرت ابامه يخاف ليهدهة وتشرد للسوك ههههه خوش تشبيه بس هذا الي حسيته عبالك راح انهزم واعوفه الليل كله يتوسل والي اريده منه يعتبر امر حاضر ويتنفذ المهم ابقى وياه مأانكر انه اشعر بحبي اله بس حبه الي يختلف احسه اكثر صافي ونقي رغم الي صار وتزوج علي اكيد مجبور لكن حبي انه بحيله احسه٠٠٠ فتح عينه وانه صافنه بمعانيه يمكن انا احبه اكثر ؟؟؟ يالله لااء شلون راح اعوفه الهة وهم تاخذ مكاني و تنام بحضنه هيج مثلي ارجع اكرهة مااتحمل٠٠٠ بس اكول حيلتي تغلبني وادكلي استمري وروحي بفالج لا يهمج لا هل الحيه ولا الي يتفزعلهة سمعنه صوت الشيخ حسين وهو يصرخ على علي انه علي ابوك شرايد نزل يركض اجه وعيونه حمر ولج انتي شكايله الام طيبه ؟؟؟ يتبع...... اليوم نشرت لان باجر ان شاء الله ماكدر انشر عندي زيارة | ||||
|
| |
|
01-08-19, 10:14 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت 24 دعاء اجاني عيونه حمر انتي شكلتي لأم طيبه فزيت٠٠٠ الطبه مالته ومنظره بهل الشكل فززني بلبدايه بسس بعدهة اتذكرت الي صار بينه انه وياهة اخذت نفس طويل كلت خل اسحب شكو خوف بيه مو مال اخاف انه قررت اكون قويه سحبت شكو نار بي بلبروده الي صارت بيه ردي جان ابدلع انثوي جريت الكلمه جره وحده وانه متقصده شبيكككك شيخنه على كيفك مو زين عليك انه اخافن ليصير بيك شي تاليته ياهو ينفعني كطيعه لو بتهه نزل ايده الي جان يهدد بي وهو يباوعلي نصه نغمه صوته انتي تعرفين ابوي اشكلي هسه عيرني بأمي هاي اول مره بعد سنين يعيرني بأمي ليش السبب انتي ٠٠٠٠انتي الي حذرتج كم مره اديرين بالج لون كل تصرف منج محسوب علي دعاء انه هنا صدك انقهرت عليه حقه ابوه يعيره بأمه چدام الكل وهو شيخ اشكبره كله من هل الحيه وبتهة خوشش لجن انه الهن دعاء كمت من فراشي حته اتقرب منه وانه احجي وياه حته اأثر عليه اكثر ويلين دخت وكعت من طولي وماأشوف الا نفسي بحضنه وهو يكعد بيه وباين من وجه خايف عليه فتحت عيوني ابتسملي وكلماته ترجف وهو يحاجيني ويطبط على خدودي يابعد روحي اشبيج مدكليلي انه منين الكيهة منج من ابوي من زماني لا تخوفيني عليج كعدت منتجيه على بطنه وراسي على صدرهةوهو كاعد وخال ايديه وره ظهري دعاء مابيه شي بس صارلي كم يوم من اكعد الصبح ادوخ يمكن صار عندي ضعف اي مو كله من وراج ليش متاكلين شو الاكل خير من الله مجنتي هيج اول يوم وضحك كلت بروحي وينك قبل شويه جيت تنام بخوانيكي سبحان مغير الاحوال عرفت انو بده يحبني وكدرت ادخل الگلبه الهل الشیخ وومهمتي صارت سهله علي هاا شلونج هسه همست الحمد لله جيت اكوم مخلاني ارتاحي بفراشج وهسه اخليهم يجيبولج الريوك ليفوك دعاء لا فدوه العمرك ماريدن تجيك احجايه من وراي علي بنبره حزن ميهمني خلهم يحجون دعاء لاااء شيخنه انه يهمني ابوك يكون راضي عليك ابوي الي سب ام ٠٠٠ استغفر الله كله من وراهة كرهت حته روحي عوفه يجوز الهة عذرهة متعرف انت جنت صغير بعدين هيه هاي كطيعه ياهو الي يعيش وياهة انه من اول مشفتهة مخلصت من مساميرهة الله يكون بعون امك شلون تحملتهة سنين وهيه شريجتهة وام الولد الوحيد الي مكدرت اتجيبه اهي اوو اخذت گلب ابوك اكيد بحسنهة وجمالهة وصارت الكل بلكل بهل البيت اكيد بسحورتهة كدرت تفرقهم انت كلش زين تعرف هل الشي علب بنبره حزن جا ليش عافتني ومشت وتزوجت ومكالت عدولي ولا رساله منهة ولا كلمه وصلتني تزوجت وعافتني وخلتني بحلوك الوادم وحته اقرب الناس الي هو ابوي واليوم لو سامعته جان عذرتيني دعاء شيخنه خل اجيبلك الدليل على برائتي كمت وهو يراقب حركاتي جبت المسجل ودست الدكمه وكتله اسمع وجان يطلع صوته يلعلع هيه وبتهة جنهن دلالات حاطات بسطيه ويبعين بلسوك وينهدهن بلرايح والجاي هو يسمع الغلط يغمض عيونه ويستغفر خلصن طلع القارئ يكمل الايه فتح عينه وكال چا بویه ملگیتي غير هل القرص تسجلين بيه صوتهن انه كلت استغفر الله وضحكت شيخنه جنت مستعجله وملكيت غير هل البكره چدامي صفن بعدهة اوو گال والله يكطيعه اشكد مأشوف الشيطان منج متعلم ادور اختي طيبه هاي الي تعلمت منهة راح اتصير بعد اضرب اكعدي لا اطلعين ارتاحي ورتح اخليهن هن يجبنلج الريوك وانه نازل سمعي كلامي بويه باس راسي معتذر وطلع بعد ماخذ الدليل اكيد رح البو الشيخ حسين والله الراويجن من اليوم بده حسابي وياجن كمت للحمام سبحت ولملمت الغرفه طلعت الملابس مالت البارحه ذبيتهة بلغساله وعفتهن ينغسلن ماكو ربع ساعه واسمع صوتهة كطيعه اي والله كطيعه على هل الصوت جت بته تركض فتحت الباب عبالك مداهمه ولج يالسا٠٠٠ يال٠٠٠٠ يال٠٠٠ اهووو حجي ماينلبس عليه ثوب جت تكمز علي فاطمه ومها جن يبعدنهة وهيه بعدهة تغلط وانه واكفه صنم من هول الموقف بعدت عنهة بدون ماردهة الرد بهل الوكت مو الصالحي انه اربدهة تغلط بعد وبعد عفيه عليج يابت الشيخ هيه هاي تربيتج اشخليتي البنات الشوارع ويعيروني هديه الهديه اشرف منجن ومااسمع غير صراخه وهيه تنضرب تجيهة الضربه بوجهة من كل مكان باعت علي وانه ابتسم بخباثه ولن هدت هده من نرفزتهة وجنت متقصده وهو اسحلهة سحل الدرج كله ومحد يكدر يهدي دفعهة الغرفته بلدفرات وامهة ماكو صوت مفتهمت وين صارت الا بعد مااجت فاطمه جايبه صينيه الاكل انه مأاشتهي ليش تعبتي روحج فاطمه يمعوده اكلي أخوي وصاني اله تكملين الصينيه كله تنزل فارغه اباوع للصينيه اشكال والوان عسل وكيمر واجبان وخبز حار وبيض شنوو هذا كله انه اكله مستحيل فاطمه والله عاد بكيفج انزل واكله وانتي وياه اتصافوا معليه انه خل اكومن اروحن دعاء لااء على بختج مالي خلكه وهوه حيل عصبي بديت اكل وانه اسئلهة على ام طيبه جرت نفس طويل ايههه هاي متجوز حيل الي يصير بيهة وعفيه عليج لون سويتي الي ماسواه غيرج من نسوان الشيخ الي اولهن امي المكروده تباوع على حلكهة يمته ترضه عليهة فكيت حلكي صدك تحجين اي والعباس انخاف منهة هيه حته البوي ماتكرب وتتعذر منه اذا حب يوصللهة هاي طبعا جان قبل بس صارلهة سنين كلش ماكو ولا يوصل حالهة حال المكروده اللوخ مرته الثانيه ام گمر چریت الصینیه صدك تحجين وليش عود فاطمه يخافن منهة مو الهل الدرجه والله عاد بعد ماادري اكيد ساحرتهن وهل لا ويوصل ولا يوصلنله جرت نفس الله ياخذ حقهن منهة ادور بتهة صارت اضرب منهة دعاء صحيح كليلي شمالهة هدت علي هيج هده جني كاتله امهة جا انتي الي سويتي قليله يمكن صحيح ساحره البيت كله الا انتي بعدج ماواصلتلج ديري بالج منهة اتحرصي وغرفتج تقفليهة من تنزلين خوفتيني خافي خيه خافي هل اتشوفين البيت كله مكلوب زومبي هههههه فاطمه والله اكلت ضربه من اخوي يستاهل عمرهة وامهة نزلت هيبتهة لمن نزل التسجيل وصوتهن يلعلع ابوي الشيخ صارت عيونه بكصته كللهة لاول مره من سنين ولججج كطيييعههه هاذ انتي وهو يأشر على المسجل سكتتت ماحجت ادور صرخ بعلو صوته رديييي لو هو حسج بس من اطلع يلعلع شيكلون علي الحراس اكيد ويه ارواحهم يضحكون ويستهزئون علي الشيخ حسين تلي مخوف الوادم كلهة مرته هذا صوته وهاي الفاظهة الي ماينلبس عليه ثوب ولج انتي والكحبه سوه صرتي بت الگلب ولمن چابه براجدي كلنه اتفاجئنه ومكتفه وكعهة بلكاع ومجابه بدفره على عز٠٠٠٠ وهيه تصبح اخخخ شيخنه السماحه بعد ماسويهة وطيبه شافت امهة وهيع بهل المنظر صعدت تسب وتغلط عليج وهم اخذت حصتهة من اخوي يعني اخذتي حقج ثاني ومثلث جا شتردين بعد بس هااا ديري بالج ذني مراح يفكنج ويتركنج المره حسابج قوي وتحضري وعل انه اخذرج منهن ليذبن سمهن كله بيج لون الضربه جانت قويه عليهن ومستحيل يرحمنج دعاء كلام فاطمه خوفني لون تحجي الصحيح ذني مو بعيده كلشي يسون ولزمن اتحذر منهن والمهم خليت الشيوخ اثنينهم بصفي وبعده الحبل على الجرار ياكطيعه انتي والحيايه الي وياج ******* احمد انتضرت تجي تجيب الريوك مثل كل يوم البو كرار شو مجت ومثل كل يوم اسمع وحده صوته يلعلع هاي شنووو؟؟؟ والشيخ بلبيت ؟؟؟ والله عائله هاي عود مشيخ على الوادم والكل مرعوب منه وهاي نسوانه بحضوره هذا صوتهن والفاظهن عفيه عليك يلنچر والله مال تصوير وينشر على الفيس واكتب عليه يوميات الشيخ حسين وحريمه يصير تصوير الاطحين وعلي بشده تركع الايكات ركع توصل بلمليون مشاهده من اول ساعه بس اخاف ليحسون بيه اني النشرتهم ليش يحسون لاء اكيد مابيهة مجال رأسا يتهموني اني الوحيد الجديد هنا والي كامش موبايل بيدي وارع وعشرين ساعه اصور بلبساتين والناس عبالك مو جاي شغل جاي سياحه وقابل جذب هيه هم هيج سياحه كم يوم بس اخخخ من عيون الوساع دمرتني ايغير تجي مو الرجال المسكين راح يموت من الجوع ممتريك كمال ولك عليه هذا ياهو الي راح يموت انت لو ابو كرار ضحكت واني احاجي روحي اشوكت تخلص هل المهمه الممله لو ماهيه جان طكت روحي وشويه واجت وحده امبين اصغر منهة لافه روحه بلعبايه وصاحت اخوي بليه زحمه عليك هذا ريوك البو كرار بلكت توصله ضاع اليوم انتظرهة وتالي مجت الله كريم شعندي انتضرج منو اليوم باجر وديت الاكل والحمد لله اليوم صار زين اخذ الصينيه مني وكال شكرا اوليدي خاط الاستكان وكعد يشرب اغتنمتهة فرصه اسأله كمال ابو كرار انت من زمان حارس الشيخ اي اوليدي من زمان كلش كمال اي مبين لان هواي يعزوك ويعتبروك واحد منهم احنه لو اتريكنه اولا محد يسأل ادور بنات الشيخ بنفسن يجنك يجيبولك الاكل ابتسم وهز راسه صحيح عرفت جبته للطريق ظل يتذكر ايامه من اول مااجه وشلون جان شاب طول بعرض وعضلات ومره من المرات جان الشيخ جاي بطريقه من بغداد البيته ولن حيوان يهجم على سيارة الشيخ وياه حرمته وابنهم الشيخ علي وانه جنت بسياره حمل مخضر البغداد شفتهم مرعوبين حرمته وابنهم جان اصغير بعمر ٤ سنين وجاي يطك من البجي والشيخ ساد الجام والذاك الحيوان معرت بلجامه الاماميه ميرضه يفك وعيونه جانت تخوف حمر دم جنه مو حيوان اعوذ بالله شيطان الصدمه الشيخ جانت عيونه بارده متتحرك جنه موصاحي انه كلت يجوز مصدوم وكفت سيارتي واخذت تفكتي ورميته ولن يوكع بلكاع الغريبه الحيوان بس انطه روحه عيونه بردن جن رادهة من الله يموت لون متعذب احسه جنه مسحور ههعع كمال ابو كرار هههع منين جبت هاي الحجايه لتخوفني هو انه ناقصني بهل المكان صاير كلش مرعب يوميه بليل اسمع اصوات حيوانات لو بشر تصيح بأذني استغفر ربي وطير النومه من عيوني كوه بوجه الصبح اناملي ساعه الله وكيلك ههه ابو كرار تتعود هااا يعني انت سامع الاصوات دنك ايي اوليدي سامع زين هاي شتفسرهة ارتبك وكال بساتين وچول صدى الاصوات تظل بليل شي اكيد اوليدي اباوع على عيونه مرتبك يعرف بروحه يكذب عليه هءا الرجال ليش احسه ضام شي ويخاف يحجي بديت افكر بطريقه اجر السانه واجيبه بلكلام شويه شويه بي مو هل اليوم لان حسيت بي كام يحاول يتهرب من اسألتي واني مأريد اشككه بيه كتله ايي ومن ذاك اليوم صرت صاحب الشيخ ويأمنك بيته هز راسه صحيح عفته وطلعت واني عيني على الباب الجبير الي يودي البيتهم عيني صارت على شباك المطبخ وجانوا مظللينه بجام بلنهار كلشي ميبين منه وبالليل يرجعون عليه البرده زين هاي شلون بديت اشتاقلهة عجبني اشوفه مره ثانيه وثالثه يمكن هذا حب من اول نظره هههه ********** حميد حضرتهة الزهره وانه كاره سيرتهة باعتني وتزوجت وخلتني اصير غير بشر هواي شغلات محبيتهة سويته من حقدي حته اختي الجانت عزيزه علي دمرتهة وابوي وامي مراضيين علي من وراهة كرهتهة وكرهت اي خبر منهة وادور تخابرني بس ليش احس مقهور عليه صوته وهيه تتوسل وشهكاتهة وهيه تبجي دمرني يمكن اكذب روحي بعدني احبهة يالله شسوي حته اطلعه من گلبي كلت يمكن من احب غيرهة انساهة بس چذب اقشمرهة الروحي الحب مو بكيفي هذا الشي من الله يجري بلشريان مو بيد البشر عرفت روحي مستحيل انساهة المره الي بعت هلي وناسي لجلهة مستحيل انساهة لون عشكهة بدمي الظهر طلعت وانه اباوع على بيتهم مدري ليش يجوز حنيت واشتاگیت لون صوتهة بعده يرن براسي اخخخ بويه اشصار لون انتي يمي وحرمتي جان انه مالكه الكون هلساع اتنهدت ودأكمل طريقي وكفت سياره نزل حماهة واهي وياه هذا شعدهة وياه ؟؟؟وين جانت ؟؟؟ اكيد طلعتله للحبس عيوني صارت بكصتي ذوله شنو ماعدهم غيره يخلوهة تروح للسجن وهناك اشكال الوان بعدين شنو شناويه ترجعلهة عشم ابليس بلجنه شفتهه دخلت فتحت الحضر ودزيت رساله اذا متفكين التليفون اجيج للبيت والعن سلفه سلفاج زهره جنت جايه من هذا الي ميسمه وطاكه روحي نشف دمي الله ينشف دمه ولن تجيني رساله فتحت الموبايل واشوف حميد فاتح الحضر وداز رساله سلمت على امي الي جان باين من عيونه خايفه علي طمنتهة الحمد لله سعد مو هنا بلشغل طبيت ار كض الغرفتي امي ويين تعالي تغدي مأشتهي جويشم انه جوعان ميت جوع امي. من عيوني اغنتمت الفرصه طبيت الغرفتي وسديت الباب فتحت الرساله قريتهة هااا هذا يهدد اكيد شافني من نزلت ويه جويسم وعرف وين جنت يالله هذا شكله هسه والله صرت بنارين دزيت شتريد انت مو عفتني شعليك بيه وين اروحح جان يدك يايمه وين انطي وجهي هذا خبل انه الي جبتهة الروحي اشعندي خابرته مو جنت مرتاحه جاوبت الوو وهو نزل سب وغلط على اخوي وعلى عشيرتي غلط ماينلبس عليه ثوب كتله كملت شو هذا كام يهدد اله يجي للبيت يكسر راسي وراس الي يتفزعلي زهره شتريد انت شتريد مني مدكلي مو كافي الضيم الانه بيه انت تظل طول عمرك وياي هيج مفاهمني سكت شويه وبعدهة هدت نبرته وكال يبت الناس انتي الي جايبته الروحج المسبه انتي موش اطلكتي منه؟؟ جا ليش رحتيله شعندج ؟؟تردين يردج مصدكتي بس حضرتج رجعتيله يعني حبج الي بواهس لمن يجيج الواهس ترديلي ولج بت الكلب انه احد كايلج لعبه بيدج مو اشعل ابوج ابكبره جري عدل وياي لون مابقه عكل براسي زهره تتذكرت ايامنه شكد جانت حلوه والي وصلناله بهمس حميد انت وحدك الي ملك گلبي بشهد علي ربي وان جان تزوجت فمن ضيمي حته انهزم من مصيبه وكعت ابمصيبه اكبر منهة حميد كليلي فهميني جا انه شحاسبتني موشش زلمه بنظرج متتكلين علي كليلي شنهي مصيبتج بلكت احلهة وياج مو تتهربين مني وتخونيني وطعنيني بظهري انتي فصلت الساقط وابو الحبوب الحرامي علي ليسششذ ماتكليلي انتي كرهتيني بلدنيا الي سويته وياش وجازيتيني بي شنو هااااا كولي ليش ساكته زهره سالفه طويله مو وكتهة بعدين احجيلك وهساع امي تشك بيه منتضريني وسعد اسمع صوته اجه واوعدك كلشي راح تعرف ******** طيبه والله مافوتهة الهاي الساق٠٠٠٠ اله اعلمهة مني طيبه ام طيبه اششش اسكتي ليسمعنج يمه شني خايفه منهة انه ٠٠ انه اخاف بس صيري مثل امج اخخ بويه ظهري طيبه شوفي شلون ظهرج تكسر راحت هيبتج جدامهن وهيه تضحك يمااااه لو مكاضني ابن نسرين جا هديت عليهة هده محد يفكهة مني اله وهيه مسلمتهة ام طيبه ولج يالخبله صيري مثل امج لا اطبعين حقدج ليبره عاي كله الي تسويه تمسكن خته تتمكن من البيت كله انه اعلم بهيج نسوان بس انه دواهة وبسج كافي لون ظهري يملخني وهذا الدهن مفاد اخخ بويه روحي جيبي تليفوني وطلعي سدي الباب وراج ولدخلين اي وحده كليلهن نايمه تعبانه انطيتهة حبايته ونامت طيبه فاكه حلكهة جا كل الي سوته وتنامين ؟؟؟لتخليني ارجع اهد عليه الهل٠٠٠٠ امهة بسججج كتلج جيبي تليفوني اولي من جدامي انه ضيمي كافيني معاوزه خبالج ادور عليه والله يالله كل هذا الحجي ومفمهتي وخري مني وروحي سوي الي كتلج عليه جابت الموبايل انطته انتضرت اتسد الباب دكت وهمست الووو ابو لميعه شلونك اي اريدك اليوم بليل بلوحده انه ناطرتك بنفس مكانه لااء الفلوس جبتهن ايي ههه عرفت مينضم عليك كلشي هيه مرته اريدك تشتغل عليهة اسمهة دعاء بت سكينه واهوه الشيخ علي اي امه نسرين ادري بيك ادلل من عيوني اريد كون تخبلهة ماتعرف ليلهة من نهارهة اي بعدين من اجيك ايي فراق طول العمر خليه يشوف دم سنونه ولا يشوفهة انت تعرفني كلشش زين الشغل هواي؟؟ جاا انه فلوسي هم هواي خلص بلش والفلوس اعتبرهة وصلتلك لا تخاف الحارس جديد ميعرفك ابو كرار مريض وهو كاظ الحراسه يعني ذبيت الشغل وهو شافك ابو لميعه لا ماشافني بس انه شفته خلص انه اكله يروح ينام من وكت بس انت على موعدنه الليله ابو لميعه راح ادز مرسال يطفرهة من غرفتهة ام طيبه مو بي غرفته من البيت كله اريدن خوشش كملت المكالمه وهيه تتحلف الدعاء انه الج ولج ويه من ؟؟؟وياي انه كطيعه بت خلف ان جان مادفنتج مثل مادفنت الي قبلج ماكون بت امي وابوي ****** دعاء ارتاحيت من اخذت حقي من هل الحيه نزلت جوه العصر بعد ماراح علي ويه ابوه البيت مزعل اخوه فاطمه كلتلي طيبه وامهة بغرفهن مايطلعن اليوم الشيخ حسين امنبه عليهن عقاب هههههه اول عقاب ياخذنه كتلهة انشاء مو الاخير ضحكت نزلت جوه اشتم هوى الله اختنكت بلغرفه لبست شالي وكعدت بحديقه الوره البيت ماكو حراس بس احنه نسوان الشيخ ناخذ راحتنه بعيد عن عيون الحراس والوادم الرايحه والجايه ولن احس احد وراي التفتت ماكو معقوله ادور سمعت احد يهمس بأذني شكيت هاي فاطمه تريد تلعب علي كتلهة فاطمه بسج عرفتج اطلعي ومأاشوف غير صارت هويه قويه وانه وكعت بلكاع يتبع ذكرى المندلاوي | ||||
|
| |
|
01-08-19, 10:18 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت 25 بالبداية احب اهنئكم بمناسبة حلول الشهر الفضيل شهر الخير والمحبة ورمضان كريم للجميع وانه هـ البارت راح يكون نهاية للجزء الاول للرواية وان شاء الله اكمله بعد شهر رمضان ********* دعاء كعدت بحديقه الوره البيت ماكو حراس بس احنه نسوان الشيخ ناخذ راحتنه بعيد عن عيون الحراس والوادم الرايحه والجايه ولن احس احد وراي التفتت ماكو معقوله ادور سمعت احد يهمس بأذني شكيت هاي فاطمه تريد تلعب علي كتلهة فاطمه بسج عرفتج اطلعي ومأاشوف غير صارت هويه قويه وانه وكعت بلكاع احس الميز يتحرك والاشجار تنهز بقوه عبالك صارت عاصفه يمه اسم الله شنو هذا الديصير معقوله صارت عاصفه جسمي كله ظل يرجف اباوع للجهة البعيده من الحديقه ولا شجره تتحرك يعني ماكو هيجي شي بديت اسمع اصوات غريبه عبالك مو من عالمنه قويه كلش عبالك فاتحين ديجي براسي اتذكرت قصص امي على الطنطل بديت اربط بسرعه كلام فاطمه وتحذيري من ام طيبه صدك بدت تسري قشعريره بجسمي سوتهة صدك كطيعه وتريد تخبلني كمت بسرعه وطلعت من مكاني وانه اقرأ ايه الكرسي حافظتهة من وانه صغيره تحفظني المعلمه ام الاسلاميه جانت تعلمنه على كل ايه بلقران هو امان للبشر اذا حفظه وايه الكرسي من ضمنهن وظليت اقراهة واعيدهة الحد ما جسمي هده والخوفه راحت بعد ماراح الصوت اكيد هيه ماكو غيرهة باجر اروح الامي تسويلي حجاب هاي امبين عليهة مو سهله واذا مكدرت اخابرهة ادزه بيد واحد من اخوتي اهم شي عگلي شعندي غيره وانه امشي سمعت صريخخخ بشر جاي من البستان اريد بس تاخذني رجلي تشيلني للبيت يالله شنو هذا المكان شكو بهل الحديقه الورانيه يارب سترك طبيت جوه وگلبي يدك الساعه جانت بلعشره بليل البنات طل وحده بغرفتهة شنو دجاج من هسه نايمات من هذا البيت چنه مس?ون دطلعوا بره التموا كلجن ماكو اي اجتماع عبالك متكوكات على النومه بهاي الساعه ركضت الغرفتي الخوف نشف جسمي من الدم لاااء باجر لازم اسويلي چاره واحمي نفسي من هل الحيه ردت اسويلي جو حته ما افكر وارجع اخاف علكت البلازمه وطلع مسلسل حلو عجبني اتابعه من زمان بس وين انه كلما تفكيري يروح للي صار بيه واىجع اهدي بنفسي انه لازم مااخاف واقوي روحي هاي سوالفهة متعبر عليه رجعت اكول الهذا السبب اشوف نسوان الشيخ وحده شردت واثنين شبه العايشات هنه وبناتهن عمي حقهن من هول الي يشوفوا انه اليوم اعترف هزني الي صار بس مو مثلهن ايأس وانلصم على حلكي وانه الج يساس البله طلعتي موش هينه وانه استهزئت بيج اذا الشيخ حسين بكبره مكادر عليج اكيد سحورتج قويه بس اكيد موش الوحدج اكو احد يساعدج يمكن اختهة ام الحيه مريم وانه افكر انفتحت باب الغرفه بقوه رأسا صحت من الخوف وغمضت عيوني وانه اصرخ لحكولييي واقره ايات مره صياح ومره ايه سمعت صوت موش غريب عليه علي ولج هذا انه علي اشبيججج دعاء لااء چذب مو علي انت الجني الي دزته كطيعه علي شافني كلي ارجف جرني علي بقوه وحضني يريد يطمني وهو يقره ايات على راسي وانه نفسي مصدكت الي داسوي صدك راح اتخبل علي فتحي عينج بله خل اشوفج ليس تخافين فتحت عيوني بعد ماطمنت منه ولن هو صحيح هذا انت ايي يابعد روحي انه ليشش خفتي سمعتي شي لو حسيتي ؟؟، يعني انت تدري علي بشنوا بلي يصير بهل البيت اشديصير يابعد گلیبي ماكو شي يمكن نفسيتج تعبت من عركه الصبح لااء انه متاكده اكو شي بهل البيت لتعوفني بعد وتروح بليل تراني اتخبل دعاء مرظت اكله علي صار ولا تحذير فاطمه ولا اي استنتاج اخير بخصوص ام طيبه اكيد مراخ يصدك ماعندي دليل لازم اجيب دليل وبالاول احمي نفسي منهة ومن مراسيلهة بسلاح قوي كلام الله ولازم يوميه اقره قران وسوره البقره خصوصا والغرفه لازم اقفلهة كلشي يصير بعد ماكوا امان اسويت بحياتي ارجع اكولن الله يسامحك حميد اخذني الحضنه بعد مابدل وانت الخوفه هدت حيلي حطيت راسي ونمت ****** ?مال ( الي هو احمد اخو جعفر لتنسون ) اتعشيت متأخر والعشه جان ثكيل على معدتي همه اكلهم حيل دسم مو مثل اكلنه اهل بغداد دائما شي خفيف مكدرت انام الاكل على معدتي كلت خل اتمشى شويه بهل البستان بس ليش مظلمينه بليل باجر انشاء الله اجيب جم گلوب واعلكهن ميصير هيجي ظلمه هندس وانه شلوني بس الصوت الي اسمعه كل ليله كافي اباوع على الساعه بل١ وخمس دقايق اهوووو هاي شلون راح اكعد الصبح غير حارس اني اكعد متأخر جيت ارجع واشوف مريه يمكن شايفهة قبل لابسه عبايه وطالع بس وجهة ضوه الگمرجان فاضحهة وهيه تحاول تتختل صرت وره شجره البرتقال همزين مشافتني والله ولكفتج وين رايحه اكيد هاي راح نوصلني للي اريده تمشي وتتلفت مثل البايكه بوكه جنهة برميل وكرشهة متره ليكدام عبالك بالعه جاهل عمره ٩ سنين خرب عرضج شتاكلين مد كليلي واني اتابعه وفجئتا وكفت يم مكان مهجور من الكصب طبت واني وراهة اشوف صار لي ضوه مال فانوس اريد اباوعلهة بمكان متشوفني منه اكو شكه صفيره بكد كف ايدي باوعت منه ولن هاي مووحدهة يمه اعوذ بالله سلام قولا من رب رحيم شنو هذا منو وياهة شو يخرع جنه محترك وجهة بس امبين كلش رجال سعته ادكوله عفيه عليك اليوم بردت گلبي بيهة شمرتله جيس قماش سمعته يخرخش اكيد ذهب هاك هاي هديه مني طلعت ضبه فلوس وانطته وهاي اتعابك على الباقيين هو حجه وصوته يخوف مثله جسمي كزبر منه كال دومج ام الكرم وافضالج هواي علي انه عبدج شتردين حاضر بس اامري وهاي اله اخليه مثل جماعتهة عميه وخرسه وطرشه ام طيبه عفيه عليك اريدنهة جثه بليه روح تدللين واكو شي ثاني امري زواج الشيخ بعد كم يوم اريد تحضرلي شي يشربه حته يكربلهة لان هو ناوي ميوصللهة ومتحلف عليهة مدري شلون يكرب للهديه اريدن يكون ابن الشبخ من مريم موشش هيه افتهمتني هز راسه حاضر يجرالج راح انطيج شي بس يشربه ميندل دربه بس هاا اربدن اديرين بالج محد يدري انتي والعروسه وانتي بنفسج اتسوي وتخليه بلكلاص واتشربيلياه قبل ليدخل عليهة هاي بسيطه بس ليش الا انه ابو لميعه لون يسوي هلوسه بلعگل اول مایشربه واخاف یحسون وتنبهین العروسه لتخاف وتچاریه بگلشي لان مو هو الي ديتصرف المرسال الب راح ابعثه اله ام طيبه اخافن تخاف منه وتخرب كلشي بعد هاي شغلتج وظلت انتي وشطارتج سرحت شويه يصير خير اشكوت تحضره قبل العرس بيوم تجيني على نغس الموعد تاخذي مني واعلمج عليه خوششن انت بعد روح ومثل كل مره من نفس الطريق ابو لميعه لاااء هذا الطريق بدلتهة ماريدن اجي منه لويشش المره صراخهة قوى اكثر واخاف تأذيني هه انت تخاف حقج مسامعه صريخهة انتي روحي لهناك واسمعي بأذنج لااء عيني جايزه من روحي كيفك وين تريد من ياطريق المهم محد يشوفك يالله انه راح اطفي الفانوس اطلع قبلي كمال بعد الي سمعته والي يشيب شعر راسي اكيد هاي المره وراهة مصيبه وماضيهة بلاوي سوده من هاي الي تسويلهة سحر والمن والعريس منوا زين المرع الي تصرخ ويخافون منهة منيه انهزمت قبل لنشوفني وطبيت لكيت ابو كرار يشخر انيالك متدري شكو ماكوا مطيز دنيتك اتذكرت كلتمه من كال شلون حمه الشيخ وابنه ومرته الي اكيد هاي اختي نسرين وبديت اربط المعلومات براسي واستنتج انوا كل الي ديصير من هاي المره واكيد هاي وحده من زوجاته بس منيه منهم باجر اربط واير ويه ام عيون وساع بلكت تنطيني جواب ولو اني مأيس وهذا ابو كرار ميه بلميه مينطي جواب الهاي اسألتي اخاف يشك هو عبد للشيخ حسين وهاي زوجته وعدهم اسرار الحرمه متنطي شلون معضله هاي خابر جعفر وكتيتهن كلهن يالله نمت جعفر جنت اعرف انوا هذا البيت بس سر من كلي كمال اسمع اصوات غريبه واليوم اتأكدت وحده من حرمات الشيخ حسين الهة يد بكل الي صار الاختي وبديت اجمع معلومات من جهتي وعسى ولعل اوصل الخيط يدليني مكان اختي بس قبلها لازم انقذ ابنهة من المصيبه الي راح يوكعن بي الله يكون بعونج اختي شلون اتحملتيهن حقج انهزمتي ذوله موبشر حيوانات على هيئه بشر ********* زهره اتغقت انه وحميد نلتقي ابمكان حته اشرحله كلشي صار بيه واللي جان السبب اعوفه واتزوج غيره وفعلا التقينه وجانت روحه طالعه مني حقه كل الي صار بي موش هين غدرته وطعنته بظهره زهره بعيون مدمعه اشلونك حميد اشلوني متشوفيني طايح حظي منين مأجيهة تعوج بعد مارحتي الحظ راح وياج زهره انشاء الله يرجع باوع بعيوني يدور الصدك بيهن حقه انه اكبر جذابه بنظره وحقه بعد يأمن زهره اكعد ارتاح طلعت مي بارد كتله اشرب رفض اتنهدت جريت نفس قوي حقك انت هسه ادكول ويه روحك انه شكو جاريتهة وجيت ليهة بعد الي سوايتهة وياي باوع بعيوني صفن شويه وكال ادور بعيونج ا ريد اصدكج مو بيدي مااكدر اصدك زهره حميد انت اسمع سالفتي من البدايه للنهايه وبعدهة بكيفك لون قبلهة باوع بعيوني وانع اكلك هل الچلمه رفع عینه بعیني وانه اكله وحق كل لحظه عشناهة انه وياك والي جانت كل عمري والباقي موت احمر انه احبك ******* نهاية الجزء الاول يتبع | ||||
|
| |
|
01-08-19, 10:21 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت السادس والعشرون حميد بعد الي سمعته من زهره انطيتهة عذر علي سوته بس هذا مخله گلبي يرجع مثل الاول لون مهما صار جان لازم اتگلي كتلهة وانه فاير من كلامهة ليش مجيتي وكلتيلي صخام ابن عمي يهددني جان عرفت اشلون اتصرف وياه ولج انتي معبرتيني ولو بحرف ٠٠٠برساله ادزيهة تكليلي علي صار ولج بت الكلب انه مو بعينج الهل درجه صغير بنظرج لجل خوشش يزهيره انه اليوم اگلچ طزززز بيج انه الي مرايدج لون الحرمه الي متعرف قدر للزلمه الي يحبهة والي جان مقرر يبني وياه حياتهة طزززز بيهة انعل ابوهة يابو الي جابهة هيج حرمه متصيرلي مره وحرام ارجع واحط گلبي بيدهة ولجج نسيتي لو اذكرج جنتي تشوفين افعالي ويه اهلي ومتحركين ساكن دعاء تشكيلج وادموعهة عشره عشره من ورااج وانتي ولا يمج زهره لاتحمل اغلاطك واتذبهة علي ٠٠٠انه ماكلتلك روح انطيهة هديه اخوي رادهة وانت تخبلت حميد هم عندج عين وتوكفين كبالي والسانج شطوله ولججج انتي شنووو بلااااء فكي عني بت الكلب انتي الحد هساع مراضيه تعترفين بسببج هديت اختي (بصراخ) ز هره كافييييي مو من وراي لتذب الصوج بيه تحاسبني ليش مجيت وكتلك ؟؟؟ اكلك على مصيبتي ويه حمزه حته اتشوفلي حل؟؟؟ هه وانت اختك تنازلت عنهة بليه وجع گلب حته تثأر مني شتريدني اكلك حمزه لكفني ؟،، شتسوي يعني بله كتلك هااا شراح تسوي حميد وعيونه حمر دم اقتله زهره شوووف تقتله٠٠٠ يعني توكع وتوكعني ابمصيبه اكبر منهة وتصير مشاكل مالهة لااول ولا تالي جا شترديني اروح ابوسه واكله بلعافيه عليك زهره زهره كافييي تعبت ارد اروح للبيت انت ميفيد وياك كلشي اسوي حميد هه شسويتي يعني جبتي السبع من ذيله زهره هو هذا الي كادر عليه تستهزء وبس ٠٠٠٠ بس انه اكلك صح جبته للذيب من ذيلهة وذبيته بلحبوس واطلكت منه وذاكوه يهدد ينهزم ويقتلني وروح الله وياك حگگ علي لجن گله مني يابن الناس لون انطيتك گلبي ومارحمتني زهره مشيت وعفته ملتفيت وراي ولا وهو نده علي لون خوشش خلص الهنا وبس انه سويت الي علي وبريت ذمتي من يمك وانت عاد بكيفك حميد حركت گلبي وتالي ادكلي انه المذنب وذبت الصوج بيه ما چذب گلبي رف ليهة بس انعله وانعل الساعه الي رف ليهة خلص يازهره من بعد اليوم انه بدرب وانتي بدرب والي صار اعتبره تجربه ومرت بحياتي وقفلت عليه لهنا وبس لجن گلبي الملعون معند اله يشوف عيونهه ابن الكلب يحن ليهة وال أيامنه الحلوه ردت انده عليه لجن كرامتي متسمحلي صعبه ٠٠٠ ******* دعاء خابرت امي وكتلهة على الي حسيته وسمعته سكينه يمه بنيتي صخام الي صخمج سكينه ناويين يخبلون البت دعاء يمه انه جيتج حته اطمنيني وتهديني موشش تهبطيني وتخربين معنوياتي هو انه من البارحه لليوم ماظل بيه دم من الخوف كلي ارجف وخابرتج اخذ القوه منج سكينه لا تخافيين امج طول عمرهة جانت حاميتج وحاميه اخوتج شتشوفيني مو كدهه والنعم لجل خوشش سمعي كلامي اسمع يمه انه طول عمرس سامعه الكلام لون اشجابني الهل بيت عفيه عليج ٠٠ وثاني شي لا تخافين لون كل الي يسووه حته يبثون الرعب بكلبج وتاليته تنهارين وكتهة يكدرون يسووج محبس بيديهن دعاء كلام امي صحيح اتذكرت نسوان الشيخ وبناته كلهن جنهن طليان مابيهن وحده اعترضت فد يوم كلهن تحت امرهة امي لتنسين المهم وهو كتاب الله لاتركينه من ايدج صلاتج دوم ولا تهملينه دعاء يمه هذا كله نويت عليه عفيه عليج ابنيتي دعيوي الشاطره متخاف بت ابزهة وامهة قويه دومج٠٠٠٠ واريدج اتظلين وانه اليوم رايحه للسيد يكتبلج حجاب ويحرك شكو مرسال يدزونه دعاء بعد الي كالته امي ارتاحيت كلامهة انطاني قوه ٠٠٠الام نعمه من الله حنيتهة تسوى الكون الله يحفظهة ليه لون ماعندي غيره وغير زهره اشيكلهة اتذكرت زهره صارلي هواي مسامعه صوته شو مخابرتني اكيد بيهة شي خل اخابرهة عيب منهة هيه دومه تسأل علي دكيت عليهة الووو زهيره ولج شلونج وينج كل هل المده زهره اووف شكلج وشكلج اخوج راح يربيلي عله هااا اخوي النوب انتي موشش متحبينه زهره نسيت انه مكايلتلهة على الي بينهة كتله هاي سالفه طويله متسولف بلتليفون من تجين الهلج عودن اكلج دعاء هيج صارت سالفتكم طويله وانه نايمه ماادري بكلشي زهره اييي انتي شلونج دعاء ههههه ولو حسيت بيج اتبدلينه للموضوع بس هينه يازهيره تاليتهة اعرفهة ال قصتج وين ترحين من دعيوي زهره هههههه عودن الله كريم ٠٠٠ مكلتيلي انتي شلونج انه موشش زينه ليشش اسم الله وين يوجعج مايوجعني شي واحد زهيره انه من يوم الي طبيت الهل البيت وانه كل يوم ابمفاجئه چني ابقصه الف ليله وليله زهره خوفتيني عليج دعاء لجن سمعي الخوف الي من صدك دعاء حجيت كل الي صار بيه ٠٠٠٠ شهكت وصاحت بيه دعاء ولج اشلون عايفه روحج هيج وكاعده وسطهن دعاء شسوي مابيدي شي الدور حبيته الابنهم زهره انعل هيجي حب ياروح مابعدج روح ذوله ناويين يخبلنج وصلتلج لو بعد ٠٠٠٠ ناطره بت سكينه الحد ماتشردين بليله ظلمه مثل مرت الشيخ دعاء انصدمت اشعرفهة بسالفه ام علي بعدين هيه مشارده اتزوجت كتلهة ياهو الي علمج بقصتهة زهره امي نص الديره تعرف بقصتهه والشيخ متعقد من الزواج والنسوان كلهة من وره امه بس المسكين مايدري دعاء بشنووو زهره هاااا لا ماكو شي انه شبجت بغير قصه دعاء مدري ليش حسيت بزهره تعرف سر وتخاف ادكوله حته لا توصل لعلي واكيد هو ميدري دعاء ليش احسنج ضامه علي سر عارفته من امج كولي انه صويحبتج هيجي صارت وياج زهره شوفي دعيوه امي مامتأكده اكول كلام نسوان منا ومنا سامعته يعني مو كله صدك دعاء ولج احجي كتلني الفضول وصار ميه حته لووو ماكو دخان بليه نار والحق لابد فد يوم وتطلع عليه الشمس لون هو ميحب الظلمه ويمكن الي ضامته يكون السبب بان الحق يشوف الضووه زهيره يمكن اسمعي لعد امي كالت ٠٠٠٠حرمه الشيخ الي هيه ام زلمتج شردت من وره حرمه الجبيره ام طيبه لون معروف عليهة سحاره گشره والكل يخاف منهة دعاء من سمعت ٠٠شهكت حسيت بلي صار البارحه وعركتنه قبلهة واليشخ حسين كلشي صار بعد العركه اكيد انتقام مابيهة مجال زهره شبيججج دعاء لزمت حلكي وانفاسي بدت تتسارع وگلبي يخفك بقوه وسرت الخوفه بجسمي من حسيت الخطر قريب مني طمنت زهيره ماكو شي كملي زهره الكل يكول هيه شردت الحرمه بسحورتهة دعاء بس الي فهمته هيه تزوجت وسافرت ابغير دوله وعافت ابنهة الام طيبه تربيه زهره ولج ياهي هاي الي ربته ؟؟ ام تكلي شاف الضيم والظلايم منهة جانت تضربه وتحبسه ساعات ويه الهوايش ودورات ابمخزن الحبوب من يجي الشيخ حسين من بغداد لون ظل يدور عليهة الشيخ ماتركهة الله شاهد وجان يموت على تراب رجليهة هو حبهة وبطلعان الروح خذهة وهيه مجانت راضيه بالاول عليه بس غراهة بفلوسه وعاندت اهلهة وتزوجته وهيه المدلله عد ابوهة ويكلج جانت تخبل حلوه حيل بيضه شكره وذيج زريكه وصارت روح الشيخ هيه وبس الحد مأشتغلت سحورتهه وفرقت بينهم الله يلعنهة ويكلج خبلت المره وطلعت بعد ماجت واكو ناس شايفيهة بس مدري صدك لوو جذب دعاء. احجي وين شايفيهة بلبستان الي وره بيت الشيخ بستان البرتقال دعاء شلون يعني شوفت عين ايي ولج يكلج اهدومهة مشككه وشعرهة عكشش وجهة مو ذاك الاول مخرمش كله والدم يجري منه وكلما تشوف لو تحس ابشر جايي متكرب ليهة اتظل تخرمش بروحهة دعاء ياساتر سترك ولويش ماكالوا للشيخ حسين زهره كالوله وهو راح مالكاهة جذبهم وكال مستحيل هاي وحده غيرههة لو انتوا جاي اتجذبون علي طماعيين الجل الفلوس هو حيل يسمع كلامهة الحرمته الاولى ام طيبه يكلج اسحورتهو حيل امأثره بيه جان يشوف بعينه ابنه الوحيد مخرمش وبي اثار ضرب وهو ميحجي ولا يسأل جا شلون تصير بعد السحوره ؟؟، دعاء بعد الي سمعته اخاف جنت متحرصه مره صرت ساكنه غرفتي سكون ماطلع منهه بس اكمل شغلي واصعد وانه اكلي بيدي شعندي كاعده وياهن وهنه يذبن سمهن علي علي ياكل ويه الشيخ حسين بلمضيف بعد شعندي وياهن امي جت وجابتلي الحرز بدون مايدرون لبسته بعد ماتنضفت بمي مقري عليه من قبل السيد ارتاحيت شويه بس ظل الخوف منهن العرس بعد يومين منين الكاهة ياربي تعبت وبديت استسلم اعوفلهن كلشي واروح البيت اهلي انه اشجابرني ابقه هنا يمهن واشرب المر صحيح انه اشجابرني ليششش كل هل الاصرار على ان ابقى اجه اكبالي وجهة يمكن صدك حبيته لا وعشكته بعد لون كل الي يصير وانه متحملته لجله هووه احب عيونه وهيه تباوعلي بنظره هيام اعشك كل تفاصيله هيبته وكلامه الموزون احب طلته علي من يفتح باب الغرفه علي ترد روحيتي وانسه كل ضيمي اي انه احبه واخلقله اعذار لجل ابقه بگربه اووف یگلبي ليوين راح توصلني مسحت دموعي ولبست دشداشتي وشيلتي ونزلت الكل مثل النحله العامله يشتغلن بدون كلام جني ابمدرسه كلهن يسمعن كلامهة وهيه جنهة العريف عصاتهة بيدهة وتفتر وكرشتهة ليكدام مدري اشاف منهة هل الشيخ صدك سحر هذا عمل الي خلت الشيخ حسين معمي على عيونه طبيت للمطبخ وانه لابسه الوضع والله ان فكتةحلكهة وياي لااكتهن كلهن لو ما امي تحلفني اسكت جان سويت بيهن الماصار بس بسيطه ان الجن طيبه هلت المسعده بس خلهة كم يوم تشوف نفسهة راح تجي الي تكفخهة على راسهة دعاء عفتهة ادردم وحدهة طلعت اجبان وحميت الچاي اصلا انه هل الايام كلشي مأشتهي لعبانه روحي من وره المصايب الي تهل عليه مو الله يساعدني كمت احط اللكمه منا وبعد شويه اذبه من راسي روحي طلعت مبقه بيه حيل منين اجيب الصبر وانه كل شويه اتخيلهم بلغرفه وتنسد عليهم باب وحده حسيت روحي مو بشر حيوانه وارضه بكل الي ديصير بيه انعل هيجي حب ذلني غرفته قبل اسبوع مجهزيهة وماكو شي مجابوا هيه بنفسه جت وفرشته على ذوقهة حسره عليه جيت الهل بيت حته غرفتي مااندلهة تضحك وتذبلي بسامير مريم غرفتي جابوهة منةبغداد مخصوص على ذوقي علي كلي بكيفج انتي اختاري غرفتج وشتحبين خلي بيهة براحتج ايي هاي جنتي انه وياج يابعد الروح انه سمعتهة وطكت روحي بعد ماتحمل انه الك ياجذاب ابو الوجهين علي جتي طيبه باست ايدي واعتذرت مني قبل يومين كتلهة ميهم انه هم نسيت الي صار بس لا تعيديهة انه مهما يكون اخوهم الوحيد لزمن يحسون بحنيتي عليهم شويه ضحكت وكالت لجن راح اسويلك چاي من ايدي هديه رضاتك علي ابتسمت بوجهة وهزيت راسي راحت وبعد اشويه جايبه ججاي وكليجه وكيك وانه جنت حيل جوعان بعدني ممتعشي وكعت دك عليهن الحد ماتخمت بس مدري ليش حسيت براسي ثكل حيل كلت يجوز تعبان ونعست طبيت الغرفتي اريد ارتاح ولن كابلتني دعاء جانت ضايجه يمكن مسمعيهة حجي وانه منا بعد مااعرف شلون جاوبتهة وشصار بينه دعاء شرفت عريسنه هم شكووو وانه لازم راسي دعاء انت لازم تشوفلي صرفه وياهن علي هم بدينه مو كافي عاد اريد ارتاح صوته ظل يدك براسي وباوعتلهة بس شفتهة تتحرك وهيه مسكتت دخت مشفت دربي كرهتهة وكرهت روحي ظلت تحجي مدري شدكول دعاء على جثتي لون اني لو هيه مستحيل اقبل علي هه هو انتي بكيفج لو جيت اخيرج انتي شنو واخذ رأيج مريم راح تصير زوجتي رضيتي وان مارضيتي دعاء كافيييي علي كافي كل الدسوي بيه مااتحملهة كلشي اتحمل بس تزوج لا ماارضاهة انت روحي تعرف شنو روحي اتريد تاخذهة مني تتزوج عليه مااتحمل مره تشاركني بيك علي انتي الي جنيتي على روحج من عاندتي وخلي عنادج يفيدج اترجاك علي لتخليني اتوسل بيك كافي مو ذليتني چی احبك وتعرف بيه كلش زين احبك اواموت عليك اسمعهة هاي الحجايه مكايلتهة اليوم اكولهة علي بعد ميفيد الحجي اني انطيت كلمه ومستحيل اتراجع علمودج هيجي صارت خوشش بس اكولك انت راح تندم هههههه اندم ؟؟؟ اي تندم وحق حبي الك اله اندمك على كل دقيقه عذبتني بيهة جنت خايفه قبل على ابوي بس بعد خلصصص مخايفه اني راح اتشوف الي عمرك مشايفه مني راح اتضوك المر.واشربك من نفس كاسك الي شربتنياه تهدديني بت رضى شبييي شبي رضى هااااكول شنو انتي نسيتي روحج هديه شمروج اهلج عليه نسيتي سوالفج القديمه لو اذكرج اييي اني هديه وروح شتسوي سوي بعد مالك طبه الغرفه دعاء مالك دخل بيهة خلاص ذاك الزمن وله يتبع ذكرى المندلاوي | ||||
|
| |
|
01-08-19, 10:30 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت 27 دعاء احسه مو طبيعي چنه س?ران یطوطح یمنه ویسره وعیونه حمر دم یغمضهن ویفتحهن وهو یحاچیني ولا جن انه كباله جنه غير واحد مو هو علي الاعرفه شمر روحه على الچربایه ونام گبل بهدومه لااء اكيد شارب شي هل الشيخ ممعقوله هزيته بيدي صار جثه يجوز يمثل حته يخلص مني بس بسيطه انه اله ٠٠٠٠اله اشوفه نجوم الظهر منمت للصبح معدتي تلويني وكل اشويه تلعب روحي خفت لا مسمميني كلشي يصير قررت بعد مااكل من اكلهم اكلي اسوي بيدي مو بعيد يذبولي بي شي على گوله امي ظليت ميجيني النوم فكره تجيلني وفكره توديني تعبت حيل وياهم وين جانتلي هاي خوف رعب تفكير بلقادم ياترى شراح يكون مستقبلي وياهم ظليت الحد مصاح الله اكبر اذان الفجر كمت صليت ودعيت الله يسهلي امري ويبعدهم عني نزلت جوه للمطبخ اسويلي لكمه شو شهيتي انفتحت على غفله فتحت الثلاجه طلعتلي گیمر ودبس خبز حميته واستكان جاي اكلت الحد ماشبعت غسلت المواعين متعجبه ذوله شنو ميكعدون للصلاه والله غريبه بيت شيخ وهلهله وهمه قدوه ولا واحد كاعد الفجر يصلي حته علي جنت اشوفه سجادته متفاركه شو اليوم مكعد ؟؟؟ اوووي شعلي بي بعد خله يولي بعدههة حجايته براسي جاي اطلع من المطبخ واسمع صوت من غرفه طيبه اكيد حست على روحه وراح ادكوم تتوجه للصلاه ماريدهة اتشوفني اكرهة خصوصا من تباوعلي بحقد بودي انام على خوانيكهة طبعا صديقته مريم الحيه يتوالمن وحده ويه اللوخ انه منوا الفقيره الي الله سمعت صوت وحده وياهة بلغرفه اتعجبت معقوله هاي كطيعه شو اليوم يمهة اشعجب عايفه الشيخ يجوز زعلانه تدلع عليه ( يلوك الام اشلوك ) عود تنطي درس من سالفه المسجل مد ايده عليهة وضربهة اكيد ولو هذا اشك يسويهة بس حجي ماكو فعل الفضول جرني اليم الباب وانه اسمع كطيعه شوفي تفهميهة المريم هذا بس ليله العرس بعدهة دهن ودبس يصيرون خوششش طيبه يمه بس مريم تخاف تكلي ماكو غير هل الطريقه ؟؟؟؟ خاف ينكلب عليه وادور وين اولي كطيعه فهميهة انه وابو لميعه مراقبين الوضع لا تخاف بس خلهة تجاري بكلشي يريده طيبه يمه انه من يمي خفت واطرافي كلهة ترجف كامت جا هيه شلون لتروح تتخبل البت وادور شيخلصنه من خالتي تشهرنه والله كطيعه ولج اششش لا تعلين صوتج ٠٠٠٠ انتي شو مستصغرتني ولج انه الشوارب الويهة بافعالي ولج انه لليوم محد كلي على عينج حاجب اذا مارديته انه كطيعه مرت الشيخ حسين الي كل الديره تهابهة طيبه العفو منج يمه بسسس لا تبسبسين بسججج عاد وفهميهة البت خالتج من ترحيلهة الي يريد شي يعوف شي وهي الي كتلت روحه عليه الا هو ه وخل تتحمل اريدج ترحيلهة باجر للبيت وتفهميهه انه مأكدر اروحن لون عندي غير مهمه اسويهة طيبه شني يمه معليج روحي نامي ومثل ماكلتلج طيبه يمه هذا اخوي علي بس لا يكعد الصبح ويحس بلي سويته اششش من خرب اهلج كصري حسج الحيطان الهة اذان ليسمعج احد طيبه ياهو الي يسمع شوكلهة نايمه من شربت الجاي ومايكعدون اله بلسبعه الصبح هههه كطيعه اي هيج احسن حته اعرف اروح واجي بكيفي جا لو ممسويه هيجي جا انه من زمان سالفتي مكشوفه طيبه والله انتي واحد ماكو منج ثاني بكل الديره دعاء لزمت حلكي حته لا اطلع صوت شهكتي جسمي كله يرجف ولكم هاي شنو من بليه انه وين جيت ٠٠٠بيا مستنقع وكعت سمعت طكت الباب جاي تتطلع وانه ركضت وختلت بلحمام الي بصف الغرفه بس لا تشوفني ايدي على گلبي وانه ادعي ويه روحي اتذكرت عيونه من تباوعلي تخلس هاي المره مو رحمانيه هاي اكيد شيطانه متلبسه ابشر ممعقوله كل افعالهة توحيلي بهل الشي اتأكدت طبت الغرفتهة فتحت باب الحمام وركض سويت الدرج بايتين من الخوف طبيت للغرفه وسديت الباب وانتجيت عليه اخاف عبالك واحد ليدفعه ويفتحه وراي گلبي يريد يطلع من مچانه الرعب الي احسه يشيب الطفل اباوع العلي نايم ولا يعرف شكو ماكو بلدنيا وانه اكول شبي الزلمه هد عليه اثاري مشرباتهة كطيعه من كون تنكطعين من هل الدنيا ونفتك منج ومن افعالج والله جسمي بعده يرجف من كلامهة زين هاي ناويتله مو خوش نيه بيوم الزفه وانه صرت بين نارين اكوله اخاف ميصدكني مااكوله زلمتي يروح بلرجلين اكولنننن من هد علي البارحه غسلت ايدي منه وجه وگفه لااء هاي السالفه ماينسكت عليهة بس يصبح الصبح اخابرهة الامي واكللهة علي صار ماكو غيرهه تلكيلي حل خاف صدك يخبلنه للزلمه وهو بليه هل البلاوي الزركه مينحمل ادور سحوره من كون الله يهدچن انتن شنو ماتخافن جسمي كش الله يستر خليت مخده بلكاع وفرشت وگوه غفيت ******* فاطمه اريد اطلع للكراج حته انظفه اوامر عليا الله يعيني باجر الزفه واخجل من هذا الحارس الجديد مدري شلون يباوعلي عبالك يريد ياكلني بعيونه واخافن احد من اهلي يشوفوا وادور مااخلص عبالهم عندي شي وياه وذني طيبه ومريم وله امهة يذبن تهايم كوه مروه على الرايح والجاي مو بعيده يذبنهة علي انه ناقصه ويلي اذا وصل الحجي البوي لو الاخوي غير يرموني بطلقه ومايرفلهم جفن والله بس يكربلي اهفي بلمكناسه على راسه اي انه مناقصه حته يتوب بعد لو يفكر مجرد تفكير ينظرلي هيج نظرات بسس هو حليو الولد اكيد موش من هنا جنه ذوله الي اشوفهم بلمسلسلات اشكر وعيون صفر ياعزه العزاج فطيم توج جنتي تحجين عليه ومتحلفتله هسه انه شعلي منه خله يولي اخذت ادوات التنضيف وطلعت گبل لل?راج وبديت انظف الصبح على برد الهوى ولهناك اجاني ابو كرار شلونج بنتي فاطمه الحمد لله حجي شلونك انت شلونهة صحتك زين انشاءالله الريوك دزيته الك بيد مها ابو كرار اي الحمد لله زين مانسه وكفتج وياي الله ينطيج بكد طيبه گلبچ بنیتي فاطمه الله يسلمك حجي لدكول هيج شتريد مناوغاد اعتبرني مثل بنيتك ادري بيك جنت مريض وملابسك صارلهن هواي محد غاسلهن ٠٠ بس انطياهن وره ماخلص الكراج اغسلهن واكويهن الك اشكرج متقصرين اخاف اتعبج فاطمه ماكو اي تعب واكلك انه الي اطبخه لك لون مابي دسومه موزين على صحتك لتاكل غير من ايدي خوشش موشش متاكل ادكول ماصخ لازم تتحمله الحد مااطيب ابو كرار ههههه الله يرضى عليج صار خجلتيني شكولن بعد كمال يهله بهل الصباح شلون بلبل يغرد من الصبح نيالك ابو كرار ريتني ابمكانك ابو كرار هههه اي اسمع ويه روحه(شكد حلويين ولايكين البعض) فاطمه بخجل ابو كرار من رخصتك ارد اكمل الكراج كمال ابو كرار خلهة انه اكمله ماريد هل الوجه الگیمر یلوحه الشمس فاطمه عزه العزاج فطيمه هذا كلشش مايستحي ولا يخاف رديت ابو كرار شكرا مامحتاجه غير بس يفكون عني انه اكمله وحدي كمال ابو كرار ترى احلف بروح العزيزه هل الكراج محد يجيسه ابو كرار ههههه عمي انطي الصونده والماسحه خله هو يكمل عنج انتي تعبتي فاطمه عكدت حواجبي ومسويه روحي متعصبه وانه الكاع مسايعتني من الفرحه اول مره يهتم بيه شخص وهيج حليو والله وامج داعيتلج يافطيمه شنو هذا محلبي وعليه فستق حلبي ادور يكل علي انه گيمر ههه چا اذا انه گیمرانت شنووو انطيته الصونده ولن كظ ايدي وانه سرت رعشه بجسمي بعدت منه وانه مبتسمه همس اويلييي وين جنتي عني ؟؟؟؟ فاطمه كلت بروحي انت وين جنت عني؟؟؟ ********** علي كعدت الصبح ولن انه بملابسي معقوله هيج ماادري بروحي نايم ابملابس الامس جيت اكوم ولن راسي ثكيل وافترت بيه الكاع كوه لزمت روحي لااوكع من طولي صحت وينججج دعاء سمعته يصيح بيه رديت شكووو هو هو هذا رد ترد بي حرمه زلمتهة ؟؟ دعاء شتريد اكلك صباح العسل نسيت البارحه اشسويت بيه علي انه؟؟؟ ماسويت شي ماذكر دعاء اتذكرت كلامهم اتأكدت انوا مشرباته للحظه انقهرت عليه دعاء العسل بعد ماتلكاه يمي روح تلكاه يم الحيه المسمومه نسيت لو اتحب اذكرك اشكلت البارحه ياالمعرس علي جر الغطه وشمره على صفحه وعقج وجه وصاح اهووو هم بدينه شلوون ترحين وترجعين على نفس السالفه دعاء حقك انت لوبيدك يوميه تعرس علي يابت الناس مو كلتلج السالفه طلعت من ايدي بعد مو بيدي اليوم الحنه وباجر الزفه وكلشي تحدد وهل الوادم المعزومه شدكول بت خالته ليش رفضهة وقبل العرس بكم يوم ؟؟، السالفه تخص شرف العشيره وعرضهة دعاء لااء لدكول مو بيدي وتحجج بغير سالفه كلشي يصير وراح يصير بيدك انت شيخ شكبرك وكل هل الناس تاخذ شورك وانت ماتكدر تختار شريكه حياتك شلون تصير الى متى تخليهم يدخلون بحياتك ؟؟؟؟ اهووو انتي الظاهر مايفيد وياج الحجي دخل اطلع احسنلي دعاء ايي اشرد بس والله اله تندم على كل الي تسوي عافني بعد ماخذ ملابسه من الكنتور حته مسبح بغرفته ايقنت انوا العمل ديمض بي شويه شويه وهو راح يروح مني ويصير تاليته مثل ابو العبد المأمور لام طيبه دكيت على امي شلونج يمه الحمد لله انتي شلونج انه مو زينه ليش يمه اسم الله هم شكو اشصاير كتلهة على كل الي صار والي سمعته من كطيعه وبتهة سكتت دعاء يمه وين صرتي امي والله يايمه مدري شكولج ٠٠٠ هاي المره شيطانه دعاء يمه انه خايفه امي لاتخافين انتي شايله حرز يحركهم ميكرون دعاء بس يمه علي اشلون؟؟؟ مااعرف انه جيت اكله بس خفت ميصدكني عباله اكرهم جي زوجوا وذب تهمه عليهم بلجذب سكينه هم صدك انتي اذا فضحتيهن مو بعيده يحولوهة عليج ويكلن انتي غيرانه من مرته الجديده وجاي تخربين عليهن دعاء زين كليلي يمه انه طكت روحي بعد مااتحمل دورات افكر انهزم واخلص بروحي لا يمه مو بت رضى الي تسوي هيج دعاء جا شنو الحل انهةحاسه نفسي بوسط ذيابه مااكدر اغمض عيني منهم لا يرحون يسويلي شي سكينه انتي سويلج عذر هل يومين وتعالي يمي لا تظلين هو حنه اليوم وباجر العرس عليمن ضاله تحركين بروحج اي والله يمه انه تعبت والتفكير هلكني الله يسامحك حميد وين جبتني مافكرت بخيتك من شمرتهة هل الشمره؟؟؟، سكينه على كيفج لا يصير بيج شي ومثل ماكتلج لا تبقين بلبيت اليوم تعالي غير كون يقبل اخاف يرفض سكينه انه ادزلهة حميد خوششش لجن انه راح اجهز نفسي ******* علي اليوم كلش مطايقهة الروحي مدري شبيه مو على طبعي جسمي منمل وخدران وياهو الي اكظه بودي املخه وهاي تزن براسي من البارحه تريد عركه كوه متدري بنفسي روحي مطايقهة عبالهة سهله عليه اتزوج مريم ابوي جبرني وانه اعرف اذا رفضت راح يأذيهة اكيد وذيج الي متسمه كطيعه راح توزه عليهة وابوي يرجعهة الهلهة وانه روحي صارت بيهة محبيت ولا راح احب وحده غيرهة وهيه مكاعده تفهمني ابد والله طكت روحي اليوم حنتي واعرف كلش زين جاي تتأذه بس شسوي موش بيدي انه الابن الوحيد البوي ولزمن احقق امنيته واجيبله الحفيد الحفيد الي منتظره مني انه ٠٠٠ انه وبس انه الي شايل اسمه وابني راح يحافظ على اسم العائله هاي ضريبتي بهل الحياه ان امشي على الاعراف والتقاليد بس هيه مكاعده تفتهمني وانه صرت بنارين اذا رفضت ابوي والعشيره كلها تظل تلومني وراح تبده الاشاعات اشكال والوان علي خصوصا ابن عمي كاظم يربد يثبت للكل انه مو كدهة للشيخه ذيج المره يصيح الايام تثبتلكم هو مو كد المسؤوليه وراح تشوفون يدورلي الزله٠٠٠٠ واكيد هذا الشي راح يكون الصالحه واذا وافقت راح تخرب حياتي وياهة وانه هيه كل حياتي ارحمني يارب وخليت الحل يمك انت حلهة ******** دعاء لميت ملابسي وانه ناويه اطلع من هل البيت وبعد ماارجع اي يروح مابعدج روح وخله هو وياهم يشبع بيهة الهاي الحيه هو اصلا جان قابل بهل الزواجه من الاول يعني بسحر او بدونه هو متزوج متزوج وموافق على هل الزواجه وباصم بلعشره بعد انه شكوو رافضه ومفشله روحي ومنزله من كرامتي اليوم بس يجي حميد اروح وياه حضرت روحي حته عباتي معلكتهة وجاهزه كاعده بلغرفه واسمع صوت الهلاهل هاي صوت طيبه وامهة كمت اميز صوتهن من بين الف وحده صوتهن الوحيد الي يلعلع اسمع وانه اكل باظافري من القهر يابويه كون اكدر اكظهن واملخهن تملخ بس ميصير هو هذا القاهرني وارجع اكولن خله يولي كله منه يستاهل كل الي يصير بي ***** علي جنت كاعد بلمضيف اجه احمد كلي حميد شيخنه يريدك كتله خله يجي جا احنه غربه اجه وهو وجهة معجبني سلم سلمت عليه وانه اعرف شبي كلش زين عفته هو يحجي حميد شيخنه اذا متصير زحمه اردن اخذ دعاء اختي البيتنه علي دعاء حرمتي مو بس خيتك وانه اقرب منهه عليك يعني ٠٠٠٠ حميد اكيد حرمتك بس امي شويه مالهة خلك تعبانه وتريدهة يمهة هل اليومين ومبروك عليك وانت حر بحياتك علي اذا هيجي اخذهة وياك بس يومين موشش اكثر حميد اخذهة من هل الشارب وكظ شاربه صحت عليهة ثاري هيه مجهزه روحه وجايبه هديماتهة بيديهه كلتلهة هاا يابعد الروح ماشيه وعايفتني وحدي شلون گلبج ينطيج دعاء مثل ماگلبك انطاك تتزوج علي ولج كم مره اكلج وافهمج مو مليت ومراح تفهميني دعاء انه هم مليت وتعبت وانت متفهمني لا انه فاهمج كلش زين لو بيدي اخذج واطيرن بيج الغير ديره محد بيهة بس انه وياج لكن مستحيل لون موش انه الي يغدر بهله ويخرب سمعتهم ويفضل روحه عليهم دعاء لجن خوش انت الي اختاريت ياشيخنه غمض عيونه بأسف تنهد وكال ولو هذا الشي يعز بگلبي بس مأكدر ارفض اعرف كلش زين اليومين راح اتعبين متتحملين الي يصير روحي يابعد الروح بس اوعديني ترجعين لا تكسرين گلبي مره لوخ معولت رجعت اعيش دعيوه انتي حييتي گلیبي بعد ماجان ميت لا تخذليني وتموتين شكو حلو باقي بيه دعاء مادري شكله اعرف كلش زين هوه شيقصد بس مو بيدي مااتحمل لهنا وطاقتي خلصت جيت اودعه بعيوني المفضوحه حميد يالله امشينه طلعت وانه ملتفت وراي اخافن لا يلين گلبي وارجع ******** يتبع ذكرى المندلاوي | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
