آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-08-19, 02:15 PM
| #51 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  هدية مرفوضة للكاتبة ذكرى المندلاوي البارت الثامن والاربعين علي اخذت الولد وانه فاير دمي ٠٠٠ طلعت بسيارتي البيتنه وهناك بس لمحوني جاي طلعن البنات ركض على هذا الي وياي كمت اغار منه ماخذ المحبه كلهة اله وانه صرت صفر بلشمال محبه امي وابوي وخواتي اولهم الي اموته چبدي امه ٠٠٠لا ولاچني موجود ٠٠٠ماكالت اتفضل وساعه وانه مشتول ابابهم ٠٠تالي دزته بيد حرمه اخوهه انه الج يصير خير اذا ماخليتج تردين وراسج فوك ركبتج انه مو ابن ابوي٠٠ فاطمه وين الغده فاطمه اي هسه جاهز٠٠٠بس خلني اشبع من هذا علي ولكم كافييي متشوفونه يصرخ من ايديكم ٠٠وينه امي عنكم مها خويه ايغير هذا العزيز والمدلل ومحرومين منه صارلنه هواي واليوم مصدكنه شفناه فاطمه اي انت يوميه شايفه يعني شبعان من شوفته ٠٠خله النه اليوم صاحت نسرين وهيه تمد ذراعاتهة ترحيبا بحفيدهة ياهله ٠٠وميت هله٠٠٠٠٠٠برويحتي ياهله بگلیبي ياهله بلشيخ الصغير ورفعه راسي وهيبتي اسد ابن اسد طالع البوك اموححح ٠٠افيشش هسه برد گلبي علي اشوف ابني كمز عليهة ويستلم البوسات من هل الخد ومن هل الخد وهو يفر براسه ويضحك حميد ببببيييي يابعد بيبي واهله وناسه ولك مشتاكتلك غير ادكول ودوني البيبي؟؟ حسين اخ ٠٠هذا ياهو ؟؟حميد ٠٠تعال يبعد جده وطوايفه امواححح علي على كيفكم شني شو وهكتوا الولد ولا جن عنده صاحب نسرين شتريد ولك انت مالك دخل علي شلووون جا غير ابوو انه علي اشوفنهة اخذته للغرفه وهي تكلي بعدين ٠٠٠بعدين نتباحث بهل الموضوع فريت بيدي وانه اضحك صدك كمت اغار من ابني هذا مرض صابني اشوفن يمكن صعدت فوك الغرفتي٠٠٠٠ اسبح وابدل ولحك اخلي لكمه بحلكي قبل لاتجي الوادم اليوم امي وابوي ممخلين واحد معازمينه وانه الي وكعت بيهة جيب هذا اخذ هذا اوصي بهل الكيك والحلويات توصاه والشرابت اليوم مو جنه عيد ميلاده ٠٠٠مسوينه عرسه خطيه حتى من طهرته مكدرت احتفل لون اجداده جانوا حزنانين هم حقهم والواجب احترم حزنهم وانشاءالله اخر الاحزان هيه صحيح فرحتي مكامله بدونهة واحسهة ناقصه وادعي من الله يهديهة علييي وتبطل من عنادهة سبحت وبدلت نزلت ٠٠٠ليكتهم يجهزون بلزينه وامي وخواتي كالبين البيت شي نفاخ ٠٠وشي ورق ملون على شكل طوبات والقزموز حميد يطك بيهن وهنه يضحكن عليه ويشجعنه٠٠٠ امي تعال عليوي انفخ ويانه علي اشدعوه بويه هل النفاخ كله ٠٠ وبعدين خله انت لا تظل اطك بيهن متشوفهن يلهثن من النفخ تعبانات طب كمال السلام عليكم علي اييهه ابو النسب تعال جيت بوكتك ساعد مرتك وخيتك وانه رايح اتغده عصافير بطني تزقزق من الجوع كمال وهو يباوع الفاطمه الي هلكانه وصايره حمره وكل شو يه تعدل بشالهة ويوكع منهة كمال والله ونسه رديت٠٠وانه ابتسمله واغمز متونس على هل المنظر عيد واجالي ليشش لا اساعد واني بذيج الساعه علي عرفت شيقصد خليته براحته ٠٠خطيه الحد هسه ميكدر يختلي باختي فاطمه ٠٠ رغم ماصار زوجهة حكم ابوي اله تصير الزفه استخطيتهم ٠٠هو يحبهة واهي هم احسهة تبادل نفس الشعور هواي معوقات صارت بحياتهم ٠٠٠ عانوا الحد ماوافق ابوي يزوجهم حكم القوي ٠٠٠هههه امي هيه الي قنعته ؟؟؟؟ السبب٠٠كمال مجان ابن جدي جان ابن اخوه وهو مربي يعني ابن عمهة الامي هههه والله ابوي عليهة سوالف ٠٠متنحجي خل اسكت احسن بعد عقول ٠٠٠٠٠اشسوي كمال اشوفهة تعبانه وصدرهة يصعد ينزل وخدودهة صايرات دم كلت انتوا من كل عقلكم هذا النفاخ كله تردون مرتي تنفخه نسربن اشبيك عيني ؟ قابل هيه بس وحدهة مو كلنه وياهة كمال لا حته لو مااقبل تكربون ابمرتي مها صدك تحجي ؟؟جا احنه وين صرنه كمال هاا اشوفن صرتوا عليه نسرين لعد شلون مو انته الي بديت كمال خوش اني راح اجيب شي واجي مااريدن احد يطخ وحده التفت الحميد وانت بسك عاد اطك بيهن متشوف مرتي تعبت حميد برطم جاي يبجي حس بيهة رزاله نسرين لا تصرخ بوجه ابني علمود مرتك افتهمت علي سويتلي لكمه واسمع امي واخوهة يتعاركون بلشقه هاااا صدك تحجون احباب صارلكم عمر تالي هذا الزعطوك يخرب بينكم راح اخذه الحد ماتكملون خوششش كمال واني راح اجيب المنفاخ واجي فاطمه ابتسمت وانه فرحانه من كل گلبي باهتمامه بي كمال حبيته٠٠لانوا عطوف يحس بيه ورغم كل المصاعب الي واجهتنه بلبدايه لكن الحمدلله صرنه البعض وعن قريب زواجنه علي اخذت ابني وصعدته فوك حته ينامله شويه قبل ميجون المعازيم وانه هم ارتاح وامدد جسمي تعب اليوم خليت ايدي جوه راسه وسحبته عليي بسته من كصته تعال يبعد طوايفي٠٠٠٠ افيششش بيك ريحه الغاليه اباوعله الحميد٠٠٠٠ صحيح اهو يشبهني ٠٠٠لاجن عنده اطباع امه مثلا ٠٠٠انه مراقبه ٠٠٠كلما اسحبه عليه وابدي احضنه وابوسه من خدوده لو وجهة بقوه يغمض عيونه بقوه ويعقج وجهة كلهة اكيف ارجع اعيد الكره وهو يعيدهة الحد مايصرخ بوجهي ٠٠مدري شيحجي ابن الچلیب يمكن يغلط علييي عاد ارجع اهدي ومايسكت اله احجيله قصه ومو هللهله قصه لزمن تكون عن الحيوانات المفترسه الي تاكل وادم٠٠٠٠ معوده هههه اتذكرت ذيج المره نهتني امك مااحجيلك هيجي قصص تخاف عليك تريد تسويك كيكي خلهة تولي ٠٠٠شو٠٠اله احجيلك اليوم قصه عود ماوصيك روح فتنلهة علي اباوعله فاك عيونه مصدوم ابن الكلب جا لعد ياهو كلهة انه احجيلك مثل هيجي قصص هااا؟؟؟ ******* دعاء البيت صار وحشه من راح حميد رجعت الكأبه وانه رجعتلي الخنكه مدري شبيه هل الايام صرت مااتحملهة الروحي صحيح يمكن نبأ على حق لزمن اغير جو ليروح يصير بيه شي وابني يظل بلياي وهذا ابو اعرفه من عين باجر يتزوج والدور حميد يصير بيديه مجرد هل الشعور صابني بخوف ورعشه صابت جسمي تعشينه خفيف لون ور انه نوم من وكت وكعده من الفجر صعدت الغرفتي صارت وحشه عليي حميد رغم وكاحته مالي عليه حياتي٠٠ تمددت بعد ماوقت الساعه ولن اشوف حيه سوده وضخمه جايه عليه وانه شايله حميد اركض منا ومنا٠٠٠ ارد اخلص منهة اصيح٠٠٠ ماكو احد ظليت اصرخ من اشوفهة كربت كلششش علينه اشوفن من بعيد فارس على حصانه الاسود شبهت بيه واهي التفتت عليه وهو تكرب لن علي مد ايده تعالي وياي صعدي انه مجان عندي غير هل الخيار لجل انقذ ابني لكن هيه غافلتنه من مديت ايدي وكعت حميد مني ولن كربت تاخذه وانه صرخت حميددددد اوليديييي فزيت الكه نبأ ومرتضى على راسي وانه عركانه وجني راكضه والهث ٠٠ اجر النفس گوه نبأ اسم الله عليج هذا حلم لاتخافين سمي باسم الله ونعلي الشيطان تعشيتي ونمتي هو هذا السبب دعاء حلم ٠٠حلمت بكابوس انه خايفه على اوليدي مرتضى ماكو شي هو كابوس مثل ماكالت نبأ ٠٠تعشيتي والاكل ظل على گلبج يالله جهزوا رواحكم هم يالله صلاه الفجر وامي هم جهزوهة طلع مرتضى دعاء نبأ دكيلي على على فاطمه نبا صدك تحجين ٠٠٠٠ الوادم اكيد نايمه دعاء مااصبر ( گلبي يرجف) اذا مخابرتيهة اظل الطريق كله اوهوس وخايفه وممرتاحه نبا امري لله اخابرهة جيبي تليفونج نبأ دكيت٠٠ دعاء مايمي غير اتصل بيه هو ****** علي جان عيد ميلاد حميد ٠٠٠عرس ابوي حار شيسوي الذبايح والعشه اشكال والفواكه وبعدهة الكيك والحلويات الوادم تخمت ماخله بيت بلسلف ماعزمه والماكدر وده ليهم ولبيوتهم الله تالي وكت يجي هذا الزعطوط يغيره وبشبع منه دلال ٠٠ وانه الي شبعت ضيم وكفخات من ايده صحيح انه ناقصه فرحتي لاجن من شفت الضحكه بوجه ابني فرحت الفرحهم وانه اشوفه يكمز وهو يستلم الهدايه اشكال سيارات ٠٠طيارات الي حالته ميسوره ينطي فلوس ابن الكلب اخذهن كلهن مايرضى احد ياخذه منه والي يسترجي يصرخ بوجه ماتيييي بخيل عليمن ماادري ٠٠هههههه تعب وتعبنه كضت الحفله والبنات استلمن سبحنه ونيمنه وانه استلمت المخده حته ماعرفت شلون نمت بدشداشتي دك موبايلي مهتميت ٠٠تعبان اباوع بتك عين ٠٠والكه حميد بصفي نايم مثل امه ماخذ وضع الجنين ههههه الموبايل مابطل دك خفت لا يكعد ادور شيسكته اله امه شلته اباوع رقم مرتضى٠٠٠داك ٣ مرات اباوع على الساعه بل٤ لازم اهي الي وصته ٠٠٠ادري بيهة ماتتحمل بلياه هاي اول مره يبات بعيد عنهة شلت وانه بعدني بنومتي متمدد من صو تي امبين توني كاعد علي الووو دعاء بس سمعت صوته ٠٠مدري شصار بيه اتذكرت ايامي الحلوه وياه من جنه بلزياره حسيت بيه توه كاعد٠٠٠ بعده متمدد وهو يحاجيني سكتت علي محد رد كلت الوو مرتضى وينك ترى انه ابليسي كامز مو وكت شقه٠٠ دعاء من سمعته هيجي حجه استحيت ارد صدك انه ليش خابرته بهل الوكت ليش مخابرته الصبح هسه شيكول عليه تتحجج سكتت٠٠٠ وانه بعدني فاتحه الخط طبت نبا خابرتي ابوه علي سمعت مرت مرتضى انه استعدلت نومتي هاي اكيد اهي جانت كلتلهة احجي يابعد روحي اذا مشتاقه للوليد هاذ هو بصفي ٠٠فتحي كاميره وشوفي واذا البووو هم هنا وتحت امرج اجيج طاير دعاء هذا شيقصد بكلامه ٠٠ انه ميته عليهة وداتحججج بأبني كلت خل اسمعه شكم كلمه حته افوخ گلبي دعاء لو تبقى بس انت لو تموت مايرف نبض واحد من نبضات گلبي الك انت طلعت من زمان ومستحيل تدخله علي ضجت حيل من ردهة رديت وهسه شرايده مخابرتني تالي الليل دعاء هذا الفجر موش تالي الليل ولو انت صرت متميز الليل من النهار تظل٠٠الليل كله جاعد وبلنهار نايم علي صحيح ٠٠ وانتي شدراج لازم حاطه مخبرين يوصلولج اخباري اول باول دعاء اشحاسب روحك ؟؟؟ علي عبد من عباد الله دعاء خبلني وعصبني ٠٠نساني حته المن مخابرته سكتت دعاء شرايده دعاء هااا هيج اسأل ٠٠ علي على حميد اكيد دعاء اكيد جا عليمن ٠٠ ابوه طلع كتلك من گلبي من يوم الي خاني وباعني ٠٠ وياريت وحده تسوه٠٠٠ علي كوليلي الى متى ؟؟تعبت صارلي ٣ سنين اعاني ٠٠٠وانه ادفع سبب هل الغلطه ٠٠ متهجول انه وابني وممرتاح ٠٠ادري كفرت خوما كفرت انه الوحيد الي غلط اتتي تعرفين كلش زين انه مجان قصدي اعترف ٠٠٠ بدايه حياتي عذبتج وحسبتج هديه مرفوضه وانتي كلش زين تعرفين السبب دعاء٠٠انه ماعشت حياتي من وانه طفل مثل البقيه امي ابوي الي صار بينهم سببلي عقده عانيت منهة عمري كله حسيت العالم كلهة ضدي من وانه طفل يعيروني بأمي وشلون شردت وعافت ابوي الشيخ وين مالتفت الكاهم يتهامسون بينهم عليي كرهت امي وقررت اكره كل حرمه على وجه الارض ومن هدوج الي رفضتج عاندت ابوي معرفت هاي الهديه ٠٠هديه ربي الي ٠٠صرتي ناري ٠٠وجنتي لا اكدر اكرهج ٠٠ولا احبج بعدهة حبيتج وانتي اول واخر حب بحياتي مريم تعرفين شلون دخلت الحياتي والاسباب والثانيه ساره ٠٠ جنت خايف لا ربي يعاقبني بخواتي وانه بيدي اامن عليهة واصون عرضه الحد ماتكمل دراسه وتروح الحال سبيلهة مجنت اعرف زينيتي هاي اتصير نقمه على حياتي دعاء لاكن بعدهة على ذمتك علي ياهو الي كلج٠٠انه طلكتهة جدام خالهة وجدام الكل من اجو للبيت اهي وامهة وخالهة وطردتهم واخوج جان حاضر وشاهد ماكلج؟؟؟ دعاء انه شعلي ادكلي هذا الحجي ٠٠الي بينه خلص علي قاطعتهة لا ماخلص الي بينه حميد لاتخلين مصيره يصير مثل مصيري دعاء هو عنده ام ماتبخل عليه بلحنان علي هيجي صارت ٠٠بعد كول الي حجيته ؟؟ لجن انه منطيج مهله لون تعبت منج ٠٠٠ يومين تفكرين بيهن ٠٠٠ان مارديتي علييي اقسسم يمين الله يادعاء اتزوج ماظل اتوسل بيج واذا انتي صدك خايفه على حميد تسمعين كلامي وتردين البيتج والام الحنينه تفدي روحه الجل اوليدهة وانتي الجله ماتتنازلين الجل يرتاح من التشتت الي هو بي سمعي كلام وردي اهنا سمعت صوت نبأ يالله دعاء امشينه اجو اخوتج سديت بدون ماارد كملت اموري وعباتي راسي لن الكل بلسياره حته امي٠٠٠ سلمت جاوبوني وعليكم السلام صعدت٠٠ ٠٠وكعدت بصفهة والطريق كله افكر بكلامه وبحلمي يجوز هذا الحلم الحيه٠٠٠٠ اهي حرمته الي يتزوجهة ٠٠ وحميد ؟؟؟، شهكت اتذكرته اكيد تخلص منه حتى يحلاله الجوو يتبع ذكرى المندلاوي | ||||
|  |
|
01-08-19, 02:20 PM
| #52 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت التاسع والاربعون والاخيرررة دعاء طول الطريق وانه خايفه من حلمي٠٠٠ وكل شويه افسره شكل نبأ شبيج شو مو على بعضج تاخذج صفنه وتجيبج صفنه اذا على اوليدج٠٠٠ يم ابو واجدادهة وكلهم يحبونه وشايلنه من الكاع شيل وهل فاطمه خابرتني تكلي سوينالهة عيد ميلاد يخبل ماظل واحد بلسلف ماجانه ودزتلي صوررالحفله٠٠ بس نرجع للبيت يطلعن دعاء يمته خابرتج نبأ قبل شويه دعاء ليش ماخليتيهة تحاجيني ؟؟ مو هسوتني احاجيج وانتي صافنه ٠٠٠كلششش مو يمي كتلهة للبت فد شويه وتخابرج دعاء سكتت ٠٠ مدري شبيه حلمت حلم وخايفه منه ٠٠حجيتلهة الحلم نبأ هذا تحذير من ربج ٠٠يحذرج لا تعوفين زلمتج وابنج ٠ ٠٠اثنيهم بحاجتج خل عكلج براسج و ارجعي ٠٠هذا عنادج مايفيدج والزلمه هل الله هادي ماتزوج الهل الحين ٠٠٠ بعده شاريج ويحبج لا تخسرينه وتاليهة تندمين دعاء تعصبت انتي شلون تحجين ٠٠ الحد الهلساع ماتعرفين انه عليمن خايفه ؟؟ خايفه على اوليدي الي طلعت بي بهل الدنيه تكليلي زلمتج ويحبج ماتعرفين بنفسج تعصبيني من تكليلي هيجي تعبت بسكم عاددد تلومون بيه هو قهرني و ذلني وابني ضاع مني لو ماستر الله٠٠٠ لن عرفني مالي غيره عوفيني رحمه الموتاج تعبت خلني انام شويه الليل كله منايمته نبا فريت بيدي ٠٠٠٠هاي البت ابد مايصيرلهه چاره والله الي يستر ******** علي كعدت الصبح مفزوع على صوت صياح خواتي وامي وابوي يكللهم وين صار ٠٠جن الكاع بلعتهة ابو كرار شيخنه فص ملح وذاب محمد (كمال) مايروح خيتي لا تخافين لو بسابع كاع اجيبه ٠٠اجيبه فاطمه خوييييه علي خير شصاير وانه فاك عيوني عليمن ؟؟ومنوا هذا الي فص ملح وذاب رأسا اجا ابالي حميد لفيت براسي ٠٠٠٠يميني ويساري ٠٠مامش گلبي ظل يلعب فكيت عيوني على وسعهن وانه مصدوم المنطقه بيهة جوله وبساتين ٠٠وحيوانات واحنه عداواتنه منه وبينه ماظل بيه دم جيت اوكع نسرين يمه اوليدي محمد عليوي لا تخاف نلكاه وروح امي اله نگلبهه گلاب الیوم بس كولي بيمن تشك علي رأسا خطر ابالي كاظم اكيد ٠٠بس هم ميسويهة ٠٠ظليت افر براسي وانه مهدود حيلي شغله مجانت على بالي صحت واضرب بيدي على رجلي الاثنين ماادري ٠٠٠ماادري ٠٠مااكدر افكر هلساع بس وانه اباوع البوي الي جان وضعه انكس بعد من وضعي بسسس يمكن كويظم هو الوحيد الي يسترجي حسين كويظم موش هنا رايح البغداد من اسبوع محمد كلشي يصير مو اله هو الي خاطفه يجوز داز جماعه علي من كال خطف ٠٠روحي رادت تطلع من مجانهة طلعت بدون ماالبس حته تكرمون نعالي ابو كرار تلملي شكو شباب٠٠٠ كلهم الشيخ ينطي مكافئه جبيره للي يلكاله ابنه حميد الشيخ حسين وانه راح اخبر عمامك يخبرون ولدهم ٠٠يدورون بلسيطرات ومايخلون سياره مشبوهه تمر محمد اني راح اخبر الشرطه علي مااعرف شسوي كعدت مكابل التليفون مدري شبيه جسمي كله يرجف مجتف صرت لا ايد ولا رجل وين اروح وين اولي وجهي تذكرت امه هاي تتخبل بس تعرف صحت فاطمه فاطمه هااخويه تعالي خابريلي مرت مرتضى وشوفي اذا صارلهم علم فاطمه ماظن اخوي همه بعدهم بلطريق ماواصلين **** ابو مريم ولج عليمن جايبه الوليد وجايتني ؟؟؟؟ تردين تبليني بلوه ؟؟؟ ام مريم ولج رديي الهله متشوفينه مفرفح من البجي لا تفطنين الوادم علينه ٠٠ الله اتخبلت هاي البت من يوم الي مات اوليدهة الي ابطنهة هو كله عمره ٣ اشهر مريم شايلته وتفتر بي صاحت ولكككك اسكتتتت لا اضربك لا تبجي بعدددد مريم اله احرك گلبه مثل ماحرگ گلبي الي سواه بيه مو شويه؟؟؟ قهر سنين اله اطلعه بيك ياعليوي دمرتني ٠٠٠فضحتني ٠٠٠طردتني بليله كشره انه وهلي بعتني لجل وحده غريبه هديه٠٠ ماتسوه وانه الي ماخليت شي ماسويته٠٠ واتخليت عنه لاجلك سنين وانه انتضرك تصير اليه واحقق حلمي و مرادي حلمي انو اصير شيخه واخلص من الخدمه والذل الذل الي شفته من خالتي وبتهة الي يكتلني مسوي حفله عازم السلف كلهة الهل ابن الهديه وانه ابني مات ابطني قبل مايجي للدنيه ماظل واحد ماخبرته انه حامل خل يردني ماقبل لجلهة ٠٠لجل لاتزعل ٠٠ من القهر ٠٠والله مافوتهة الك حركت گلبي شمرتني شمرت الچلاب بلیله ظلمه الخاطر الخاتون ٠٠٠٠ خالتي واخذت بثاري منهة هيه وبناتهة صا رن مذلولات يخدمن ويرجعن ليوره ومحد يوصلهة وهل انه ردته بس٠٠٠ بقت جمره بگلبي ومايطفيهة اله انتقامي منك يالشيخ شفت بعيني اشلون فرحان ومسويله عيد ميلاد وانه ابني جوه التراب٠٠٠ احترك دمي قررت اخطفه مانمت ليلي وانه افكر بلطريقه الحد ماوصلت الفكره انه صارلي فتره اشتغل عدهم بدون مايدرون اروح ملثمه نفسي وجني مجديه٠٠٠ اعرف مرت الشيخ نسرين من عوايدهة اطببهم ليجوه قريب من المطبخ تصبلهم صواني اكل وبثواب امهة ليله جمعه ٠٠٠ واليوم خميس وهاي فرصتي لفلفلت روحي بلعباه واتبوشت وطلعت بدون ماكولن الهلي توسلت الحد مارضى ابو كرار٠٠يدخلني لان جيتهم من الصبح صاحتني فاطمه تعالي ٠٠تعالي انتي شسمج سويت روحي خرسه فاطمه ياا مسكينه انتي خرسه تعالي هنا هذا اكل صبيتلج بوست كصتي متشكرتلهة انتي من وين اشرتلهة بعيد مو منا فاطمه. هله بيج من وين ماتكونين اخذي راحتج انه رايحه اكضي شغلي كتلهة اريدن اشتغل حتى لو امسح اكنس اطبخ اي شي بس اجيب اللكمه الهلي فاطمه ياعيني يصير خير ٠٠٠وبشري انشاء الله بس تكعد خالتي ام علي انه اكللهة اشرتلهة وانه اتشكر و ابوس من بعيد ٠٠بعدهة راحت واجت وياهة نسرين بنفسهة وكالت اني اريدج جوه ايدي تساعديني بس٠٠٠ ايام الخميس والجمع كلت بر وحي٠٠هاي تاليتج تصيرن خدامه النسرين ٠٠بس يصير خير ٠٠خل اصبر الحد مااوصل للي اريده واحرك گلوبهم گلهم وهاي صارلي فتره اجي واروحن ليهم الحد البارحه شفت وسمعت شنو من حفله انمرد جبدي ٠٠٠ جيت مثل كل مره من الصبح سمعت بي يبجي مها جابته واجت تسويله ريوك اتعودوا عليه اكضي شغلتي واروحن الف كبه اعجن واخبز اسوي التمر وحلاوه الحته يوزوعوا ثواب بسسس هلمره تعذرت مااكدر بحجه سويت روحي مريضه لزمت بطني مها خيرج تعبانه بطني توجعني الليل كله مانايمه مها جا لا تشتغلين عوفي الشغل مريم وام علي؟؟؟ استحي منهة ٠٠معتمده عليي مها انه اكللهة تعبتي ورديتج للبيت مادكول لاااء احنه ماشاءالله خير ونعمه مريم اي والله ماانسالج هل الفضل عليمن ٠٠روحي مايظل ابالج (كلامي كله بأشار ات) مريم ماصدكت طلعت من يمهة وطلعت كبل للبستان الوراني واهي عبنهة رحت ٠٠وانه ظاله اراقب وبس ريكته لحميد مها بعد رويحتي اسبحك لازم ٠٠ الوادم الي مجت البارحه اليوم تجي تباركلك ولازم تصير نضيف ٠٠ابن الشيخ ورفعت راسنه يمااااه امح ٠٠مح بس انتضر هنا اجيبلك دشداشتك الجديده بليه ماتجي وياي ٠٠لا تكعد ابوك خله تعبان دقيقه واجيلك لا تتحرك خوشش صفن حميد هز راسه عفيه عليك حباب حتى اجيبلك سياراتك تلعب بي خوشش هز راسه اي مريم بس صعدت ركضت شلته وطلعت من وره البيت وانه اندل كل مكان بيه من نهد خالتي وابو ميعاد الحد ماوصلت البيتنه بدون مااحد يشوفني لو يشك لحظه انه الي خطفته ***** دعاء وصلنه طبينه انزور وانه اول مادخلت الحضره عيوني من كيفهن كامن يهلن ادموع ارد يوكفن مابطلن جسمي يرجف دخيلك يابو الحسنين جيتك متعنايه لا ترجعني خايبه حشاك ماترجعني ادري بيك اوليدي بامانتك ظل اريدن يرتاح بالي تعبت ٠٠التفكير وضغط اهلي كتلني الكل صار بصفه ويردون ارجعله وانسة الخاطر حميد وهو يحلف مايعيدهة بعد بس ارجع البيتي وانه حايره يابو الحسنين واليوم جيتك واريدهة منك ٠٠٠٠ انت تحلهة ان جان رجعتي البيتي بيهة خير الي والوليدي انطيني اشاره افتهم منهه اردن لو لا احسن بحميد تعبان بينه وهو هددني يتزوج واخافن من تاليهة ليصير تحت رحمه ام اب ماترحم وهل حلمي خلاني اخافن اكثر ومانام ليلي دعاء بجيت واشتكيت الحد ماجفن عيوني صليت ركعتين صلاه الزياره وبعدهة رحنه زرنه كبور الغوالي ٠٠كبور العزاز بجيت يم كبر ابوي قريتله الفاتحه وشويع من سوره ياسين وبعدهة يم كبر حميد كتله مبري الذمه الحد اخر نفس بيه اخوي حميد ادعيلي٠٠٠ اشوفن طريقي تعبت انه واوليدي شعلنه بخور ورشينه مي ورد وزعت امي چرگ وحلاوه تمن بثوابهم بعدهة كعدنه بحسينيه قريبه حمينه الاكل تغدينه وشربنه جاي والباقي سويناع امواعين وزوعوا اخوتي بثواب الموته لمينه نفسنه ورجعنه وبلطريق خابرت فاطمه ٠٠وصلنه لو بعد انع هنا شي نغزني ليش تسال ؟؟ ولمه كتلهة انطيني حميد احاجي تعذرت نايم يم ابو وتعبان البارحه تعب من الركص حلفتهة لون صاير شي ماحجت بس اسمع صوت بجي صحت اشصاير ماتحجين عاد كالتلي فاطمه واهي تبجي ولج احميد ماموجود من الصبح واحنه ماظل مكان مادورنه بيه انصدمت٠٠٠ وكع الموبايل مني انه الطم واصرخ جن ابوي واخوي مات ا بهل اليوم انعاد عليه الحلم وانه اتذكره اتاكدت هذا تحذير يخص اوليدي يمههه اوليدي حميد اخوتي ؟؟. امي ؟؟؟ نبأ ولج شصاير احجي. دعاء الساني انعكد مابيه احجي بس ادك والطم خابرت نبأ فاطمه ولن هيه هم تلطم وياي صرخ مرتضى ولكم شسصاير شفت امي صارت بيضه خفت اتهديت دعاء مرتضى اوليدي حميد يكلون مخطوف شنووو ياهو خطفه دعاء ماادري ٠٠ماادري مرتضى اشر للسايق كبل البيت الشيخ خل نفهم السالفه دعاء وصلنه السايق البابهم ولن صايره هوسه الزلم كلهة متحضره وسلاحه بيدهة انه صارلي ٣ سنين ماواصلتلهم ولاشايفه ليت الشيخ مرتضى لفلفن رواحجن وطببب انه ماخليته يكمل كبل دخلت ادور عليه اهوو السبب جان كاعد بلمضيف معرفت بنفسي شسويت ولا شحجيت اله لمه ضربني حيدر اخوي علي طبت تركض وهي تصرخ انت ٠٠انت السبب الله لا يوفقك كون تموت واخلص منك ٠٠هل الولد راح كله منك ٠٠ اكيد واحد يكرهك وجاي يصفي حقده ٠٠وكع بيه حميد شنوو ذنبنه ميكفي ٠٠من اكلك كافي مليت منك ومن سوالفك كرهتك ٠٠ماترضى وظليت تعاند الحد ماالولد ضاع مني الله ينتقم منك وهو ساكت مدنك مايحجي لن خدودي صارن جمر اخوي حيدر شو انتي صايره ماتستحين ولا تحشمين متشوفينه الزلمه بيا حال؟؟؟ ٠٠لتزودين عليه اهو يمكن مقهور اكثر منج السبب موشش منه وبس السبب منج بعد ظليت معانده الحد الحد ماوصلتوا الهل المرحله وابنكم اهو الي وكع بيهة دعاء اسمع ونه ٠٠٠ معقوله؟؟، علي الشيخ يبجي اخنزرلي حيدر اطلع طلعت وانه محروك گلبي عله حميد وعليهة والحاله الي وصلناهة ظليت يم البنات انتظر اخبار مااكدر ارجع للبيت امي رجعت ويه نبأ واخوتي بس حيدر وقاسم ظلوا ٠٠مرتضى رجع لون امي مريضه ماتتحمل ٠٠وكل شويه يخابر يسال عن الاخبار وناس جايع وناس رايحه وانه ظليت بغرفه ام علي يجبولي البنات اكل مي حته مااشرب بس ابجي ادعي بس خبر ابني عدل ابيع عمري لجل اشوفه سالم الحد ماصارت بل٣ بليل اسمع الشيخ حسين اوليدي روح شويه ارتاح انت هلكت اعصابك مايصير هيجي ترى هل الوادم كلهة جاعدهويانه من الصبح ادور والي تفتش بيت بيت ومكان مكان ماخلوا مجان مادوروا عليه وانشاء الله تسمع الصبح اخبار تريحك بس انت الي تسوي غلط عيب من الوادم واكفه ويانه وانت تغلط وتسب محمد عمي اعصابه تعبت هم حقه حسين.جاكلنه اعصابنه تعبانه مانسوي هيج انه الشاهد الله ميت بس كوه واكف على حيلي هيع هينه ابن ابني ينباك ومن وسط بيتي دعاء لن تليفون علي يدك صفن حسين ماتشيله شوفه منهوا علي ظليت مصدوم من قريت الاسم مريم ايويه هاابويه ماتشيله علي صحت هاا مريم ابني يمج كوليي مريم اذا تريده يعيش تعال هساع وبفلان مجان علي اشوفهة طلعت من غرفه امي ادري بيهة واحس باللوعه الي بيهة ولهذا ماحجيت وياهة من سمعتني الحجي ضجت من اخوهة لمن ضربهة جيت ارجعله الضربه بسس شفت روحي لا حول ولا قوه المفروض انه الامان الهم الهة والوليدي غصب عني بجيت ظليت اتعصب وانه اغلط واسب بولدوعمي وهمه مايحجون يعذروني . الي بيه مو شويه ابوي حجه علييي وظل يلوم بيه شلون هيج اتعصب واهم ممقصرين وياي ومن ابصبح وكافي هل الوكفه بس انه تعبت وطلعت قهري بيهم ولمن خابرت المسمومه مريم راسا وصلتلي الفكره هاي شلون نسيتهة اكيد هيه من وكع طفلهة وهيه تتحلفلي اله تنتقم والصوج مو مني٠٠٠ هيه عدهة مرض يسمونه (داء القطط) وهل وكع انه شنو ذنبي ؟؟ طلعت تصرخ علي اخذني وياك لا تعوفني ارد اوليدي مقبلت حلفتلي ترجع الي بس ارجع حميد انه مو بحالهة هسه بحال حميد ٠٠٠اخافن من مريم الحقد يخلي البشر كلشي يسوي دعاء شلت عباتي من على القنفه وخليتهة براسي وانه اركض وراه علي اخذت العنوان بدون ماكول الاحد اعرفهة حيه هددتني ماكول الاحد بس انه اروح بس شسويلهة ظلت تركض ورايه قاسم وين رايحه علي عوفه وياي حيدر وين رايحين سمعت خبر ؟؟ علي لا ماسامع مردت اكلهم اخاف يلحكوني وظلت اهي وراي دخلت بلسياره حركت واهي كعدت بصفي وكبل للمكان الي كلت عليه وصلت وكفت السياره ولن اسمع صوت حميد دعاء كمزت فتحت الباب وانه اصيح.حميدددد وينككك اوليدي لاتخاف جتك ماما علي حميدد انه جايك بويه لا تخاف مريم والله وجنت ناويه اخلص من واحد اثاري اليوم يومي وراح اضرب عصفورين بحجر واحد علي اشوفن ابني بحضنهة وتريد تذبه بلجول وامه تصرخ اهنا ايقنت صدك انهارت قوتي علي شتردين ؟؟ تنتقمين انتقمي مني موشش من هذا طفل صغيرون بريء مامسويلج شي مريم ابني هم بريء علي اعرف شمااكللهة مراح تصدك ويمكن تعاند وماعندي وكت اشرحلهة دعاء ظاله بس تتوسل وتبجي كضت من البجي مريم تردين اخلص ابنج دعاء. هزيت راسي وانه ابجي اييي مريم كظي السلاح الي بحزامه وجهي عليه دعاء اسمع مصدومه لااء مااسويهة لو اموت مريم جا ودعي ابنح وهاي اخر شوفه دعاء اباوع بعيونه جنه يودعني علي كلت هذا هو ٠٠٠٠لون اعرفه تنفذ تهديدهةاهي تخبلت من يوم الي فقدت الطفل وحقدت الحد ماكبر حقدهة كلت الدعاء ارميني٠٠٠٠ سحبي اسلاحي من حزامي وارميني دعاء. مجان عدنه غير هل الحل سويت الي كال عليه وانه كاضه السلاح وابجي دم عي تهل باوعت بعيونه اودعه وانه اشوفن كل الخب الي جنت ضامته اله بگلبي اعترفتله ويه طلعت الرصاصه دعاء علي انه احبك اعذرني ولو عاد بيه الزمن وخيروني ٠٠مستحيل راح اختار غيرك ضربته وجنت مختاره المجان بجتفه عرفت نفسي مااعرف انيشن لن صارت بصدره اسمع ضحكتهة واهي تشمر حميد مريم هذا هو عفيع عليج كتلتي ابو ابنج وانتي هساع انتهيتي اذا مو من الحكومه٠٠ من الشيخ وامه نسرين وابنج الي بعد مستحيل تشوفينه راح تنحرمين منه طول عمرج ههههههههه دعاء ظليت اصرخ واصيح بعلي يكعد وانه بيدي حميد اجو اهلهة واخوتي يركضون بس بعد مانزف هواي **** دعاء انت كافي تلح على الولد مايعرف يرمي كوه هيه علي. جا تردينه مايعرف ينيشن مثل امه دعاء انه مابيه حيل مجاتل٠٠ هل بطني واصله الحد خشمي استر علينه وعوف الولد بحاله علوي دعاء رجعت البيتي والرجلي وابني بعد ماشفت الخياه مالهة طعم بلياهم كل الي صارلي امتحان عرفت بيقيمه علي وبيتي انه جنت احبه وماحسيت احبه اله لماحسيت بي را٩ اضيعه رجعتله بس بعد البنات مايعوفونه هل الجهاز الي اسمه موبايل عام علينه يوميه طلب صداقه شكل ورسايل بنات دعاء هو الي عنده طبع يعوفه علي هو الي عنده مثلج يباوع على غيرهة اله مخبل اي اوكلني بسوالفك وظل فشمر علييي علي ههههه احبج ضحكت مابيه ازعل احبه محمد وفاطمه تزوحوا وفاطمه حبلت وياي نبا الحد اليوم مبين شي طيبه تزوجت من بعيد ومتجي اله كل شهر كطيعه مريضه دوم وبفراشهة وبناتهة يخدمنهة مريم دخلوهة مستشفه الامراض العقليه ايه تزوجت وهم ممرتاحه يوميه مشكله النهاية ولهنا تخلص وياكم قصتنا أرجو أن تكون قد نالت رضاكم وعرفتوا الغاية منها القصة بيها حقيقة ممزوجة بـ الخيال بعض الشخصيات خيالية وبعض الأماكن وإلي اللقاء مع قصة جديدة من قصص ذكرى المندلاوي | ||||
|
| |
|
22-09-20, 08:42 PM
| #56 | |||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اقتباس:
موجود بالصفحة الأولى ثاني مشاركة من فوق عموماً هذا مكان رابط التحميل https://www.rewity.com/forum/t452825.html#post14387954 شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | |||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
