آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-07-19, 08:07 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  هدية مرفوضة / للكاتبة ذكرى المندلاوي ، عراقية مكتملة
| |||||||||||||
|  |
|
29-07-19, 08:13 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــــــــــا بسم الله الرحمن الرحيم السلام عليكم ورحمة الله وبركاته كيف حالكم إن شاء الله دائما بخير ؟ عندما تشعر بأن الحياة أصبحت فارغة خالية من المشاعر وتكتفي بذاتك تشعر بـ العجز فتكره كل شيء جميل حولك عندما تشعر أن هذه الحياة لم تقدم لك سوى الحزن تشعر بـ الجحود لمن هم حولك وحتى القريبين منك فتصبح خالي من المشاعر فكيف تقدم الحب لغيرك ؟؟ وانت فارغ من أي أحاسيس وهنا يقدم لك هدية هديه ما وراها جزية للشيخ علي فهل سيتقبلها ؟؟ أم يكون الرفض جوابه ؟؟ رواية للكاتبة ذكرى المندلاوي بعنوان هدية مرفوضة  التعديل الأخير تم بواسطة فيتامين سي ; 01-08-19 الساعة 03:14 PM | ||||
|
| |
|
29-07-19, 08:20 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مساء الخير قصه بعنوان هدية مرفوضة للكاتبة ذكرى المندلاوي المشهد الأول ابو علي اوكف مو هيج تكض سلاحك حسين دخل اصابع ابنه علي السبابه والابهام وضغط عليهن بقوه بايديه هيجي تكضه خوشش حته لا ترجف ايدك لتصير رجيج على سلاحك كونك اقوى منه لا تهابه خلي الكدامك يهابه ويشوف الخوف بعيونك قبل مايشوفه بسلاحك علي رغم ماهو متألم من قوه قبضه ايد ابوه وخوفه لا يصرخ بوجهة ساكت متحمل لكن دمعه وكعت غصب عنه وهو يشوف امه وهيه تتقرب منه نسرين انت شبيك ويه الولد مدكولي الخاطر الله دهده متشوفه يخاف ميتحمل بعده صغير على هل السوالف حسين انه بعمره اصعد خيل واقوى فارس بين اخوتي هذا ابنج عليمن طالع كله منج انتي بدلالج خربتي شيكلون عليه باجر ابن شيخ وميعرف يكظ سلاح چا صرت مضحكه بين هلي قبل العشيره نسرين احمد الله واشكره صار عندك هل الولد متشوف نسوانك ال٣ كلهن خلفتهن بنات المفروض ادلله وتخاف عليه مو تعلمه شغلات تودي للدمار حسين شوفي انتي مالج اي علاقه ابني وانه حر بي اربيه بكيفي مو مثل تربيه اخوانج الكيكيه موش زلم الله يرحم زمان جنت تتمنى ارضى عليك ولو بنظره كتلت روحك عليه رايح جاي البغداد والكراده سويتهة بيتك الثاني حسين جنت معمي على عيوني ماندل دربي هيجي صارت لعد اني عايفتلك البيت كله وطالعه دروحي دفعه مردي والهوى شرجي علي يمه تعالي وين رايحه وين عايفتني نسرين لتخاف ابني اخذك وياي مااعوفك يمه حسين عوفيييي لا والله ابتلي بيج وخلي يطلعولي اخوتج استغفر الله نسرين هيجي صارت الا اندمك التفتت على ابنهة وكالت ميخالف انت ابقه يمه وبعد كم يوم اجي اخذك بقوه القانون حسين اتعصب من كلامهة هذا ياقانون اني الشيخ حسين خلقت القانون محد يكدر يوصل حدي وفنج اتكربين العلي الا تكون نهايتج ونهايه اهلج علي وهو يشوف نسرين تبتعد عنه يمه تعالي اريدج لا تعوفيني حسين ولك طايح الحظ طاخخ اخ بويه ليش انه شسويت حسين لك ميت مره كتلك لا تصير رجيج بس لا تطلع على خوالك ومثل المثل الي يكول ثلثين الولد على الخال ايغير ادفنك هنا واكولن ماعندي ولد علي من هذا اليوم وذاك يوم كل الي يكوله عليه ابوه ينفذه وصار قطعه طبق الاصل من ابوه اما امه نسرين فقدمت على الطلاق واطلكت وبعده بسنه تزوجت دكتور ونست علي وبعد مجتي عليه مما زاد حقده على امه وكل النساء وهذا الحقد زرعه بكلبه حسين ابوه من كثر حقده عليهن كان رجل ميحترم المرأه ويعتبرهة جاريه ماخذهة لتلبيه متطلباته الشخصيه وبس متجرأ ترفض وادكول لاااء على شي وحته لو كان ابسط حقوقهة كبر علي وكبر حقد بنات حواء بكلبه والي زادهة عقدته من قطعت امه عنه نهائي وسافرت وانكطع اي اتصال بينهم والولد الي وياه دائما يلقبوه بأبن الكريديه وامه تزوجت وعافته حبت وشردت وياه ونهبت امه ومن هاي اللالقاب والاشاعات الي مالهة لا اول ولا تالي ********** سكينه تعالي ابنيتي شوفي ياهو الي بلباب وغطي زين اخاف غريب اي يمه اتفضلي خاله ام سعد يمه هاي خالتي ام سعد سكينه ياهله وميت هله زارتنه البركه اتفضلي تونه نور دارنه ام سعد منور بيج ام جاسم سكينه تعالي دعاء جيبي جاي كليجه الخالتج اي يمه من عيوني ام سعد والله لا تسوين شاربه توني مااكدر بس كلاص مي اي خاله من عيوني تسلملي عيونج يبعد خالتج ام سعد نظراتهة قويه الدعاء هيه جتي مخصوص اليوم حته تخطب دعاء الابنه سعد شاب مكمل وتعبان على نفسه وهو مهندس ميكانيك شافهة بخطبه اخوه من صديقتهة زهراء الي وياهة بنفس المدرسه رابع اعدادي وحبهة وشكد حاول وياهة منطته وجه مما زاد تعلقه وتمسكه بيهة اكثر وحبه زاد يوم وره يوم حته دز امه خطابه اخاف يسبقه احد وياخذهة منه طبعا دعاء تحس بي وهيه هم حبته من بعيد بدون متبوح بحبهة واليوم من شافت امه هلت اساريرهة والدنيا متسيعهة اكيد جايه تخطبهة الابنهة اي ام دعاء انه جايه اليوم بطلب واتمنى مترديني الهلي خايبه اسم الله ماعاش الي يردج خايبه ام سعد اسم الله عليج طول عمرج بت اجاويد واصول الهذا حبيتج وحبيت تقوه علاقتنه وجورتنه اكثر بزواجه ابني سعد من بتكم دعاوي الحلوه المزيونه ضحكت سكينه غاليه انتي وعلى عيني وسعد منلكه مثله زلمه البتنه يصونهة ان جان عليه ماعندي كل مانع اكلج خيه كبعي واخذي بس تعرفين اللبنيه الهة اب وعمام وخوال لزمن اشورهم وهمه الي يردون الجواب ام سعد اكيد چا غير اهلهة وهو هذا الاصول وتسلملي عيونج بردي كلبي وكليلي الجواب بأسرع وقت انشاء الله تدلل ام سعيد شعندي غيرهة جاره سنين وعمر خوات صرنه وانشاء الله خير ****** بلديوان الكل كاعد بامر من ابو علي الشيخ حسين هو الي دز عليهم خير شيخنه الشيخ حسين اليوم جمعتكم حتى تشهدون تسليمي الشيخه الوليدي علي ومن هل اليوم كل امور العشيره بيده سمعوا صوت صياح من باب الديوان كاظم اخو اخلاص الزوجه الثانيه للشيخ حسين وبت عمه لااء ياشيخ حسين ممقبوله منك تسلم الشيخه وامور العشيره الابن الكريديه انتفظ علي ومد ايده على سلاحه حسين صاح علييي وغمض عيونه افتهم علي ابوه رجع وخله الكلام الابو حسين اول شي انت بديواني احترم الوادم الكاعده كلهم شيوخ وعشاير كاظم شيخ حسين قاطعه ابو علي الشيخ ابو علي كاظم ابنك امه من غير دم وكلكم تعرفون قصتهة شلون تسلمه الشيخه علي لااء انت مصخته يابه عوفني عليه هذا تمرد حسين عوفه بويه خله انه اعرف اتعامل وياه التفت الكاظم شرايد كاظم كول من الاخر تريد انت تستلم الشيخه اي انه اولى بيهة زين ولد عمامك شنو رأيهم قابلين حسين الكل كاعدين وهل تسمعوني قابلين بلي يكوله كظيم الكل لا والله احنه مراضين كاظم لويش تفضلون ابن الكريديه علي علي اتقرب منه وضربه بوجهة وكعه بلكاع لزم خشمه الي كام يخر دم علي كوم ردهه الابن الكريديه كام كاظم راد يضربه جر علي ايدهة ولزمه ورجع ضربه بقوه اكبر من الي قبلهة داخ انسطر وكع صرخ علي كوممم اليوم ارد اراويك منو انه راد حسين يكوم رجع وكع الضربه خلته يشوف الواحد ٤ الكل كام يضحك علي كلكم تسمعوني يا ووجوه الخير انه ان جان متعرفوني زين اليوم كلكم تعرفوني انه علي ابن الشيخ حسين ابا عن جد ابنه الوحيد والولد ماينقاس بامه الي ولدته لان هواي ملوك وامراء امهاتهم جواري ومن غير دول غريبه انه امي عراقيه وتعرفوهة كلش زين يعني اصلي معروف وانه الي رباني ابوي موشش امي تربيت على ريحه التفك وظهور الخيل ونمت بلدواوين كلكم تعرفوني سلاحي يهابه الكل الصديك قبل العدو القريب قبل البعيد والي عنده چلمه وياي خلي يكوله من هسه مادامنه متجمعين الكل نشهد انت كفو للشيخه زلمه من ظهر زلمه **** مشهد من القصة هدية مرفوضة | ||||
|
| |
|
29-07-19, 08:24 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الأول ذكرى المندلاوي هدية مرفوضة سعد هااا يمه بشري ام سعد ههههه شبيك مستعجل اصبر شويه عيب شيكلن عليك نسوان اخوتك سعد بعد مااتحمل تعرفيني كلش زين احبها وصارلي سنه وحبها يكبر بكلبي يوم وره يوم وانتضر يمته اجيبهة البيتي وانتي اول الناس التدرين بأبنج اخوتي الاصغر مني تزوجوا واني جنت رافض الزواج الحد ماعيونهة ذوبتني وخلتني ما اندل دربي ام سعد ههههه ان شاء الله خير بس يرادلهة صبر شنهي صبر لويش اوليدي كم يوم غير ياخذون شور ابوهة واخوته وشورهة لا اذا على شورهة فمن هسه اكلج قابله وباصمه بلعشره ام سعد نصت صوتهة ودنكت عليه وهيه حاطه ايدهة على حلكهة ولك اسكت ليسمعونك وتبطل الشغله ماتعرفهن ذني حيايه يغدرن بيك وبيهة اهوو الى متى ابقى انه هيجي جا لمن اجيبهة جا غير يوميه طلابه انه اشوف اخليهة ابيت وحدهة ام سعد هااا سعيد تعوفني اتريد وتروح جاانه المن ضاله اموتن احسنلي سعد باس راسهة يمه انتي الروح الي بيهة عايش وهيه عيوني الي اشوف بيهة اثنينكم مااستغنه عنكم اخذج وياي وهيه ماادكول لااء دعاء يمه طيبه وتحبج امه الله يخليهة من نصيبك اي والله يمه محتاج دعاءج وهمتج وياي يم كلب الطيب ****** سكينه تعالي دعاء جيبي الجاي اي يمه جايه رضى اي سكينه احجيلي شنهي السالفه الي ملوعه كلبج وجاي تلعب بلسانج سكينه هههه تعرفني كلش زين ماكدر اضم جلمه عليك حيدر بويه شلون عرفتهة الامي عدهة سالفه كلنه ماحسينه بيهة ههه رضى الاب يكلب خرزات السبحه هههه هاي امك عدهة سوله من تريد تحجي تضل تتكلب بع٠٠٠٠ زه يمنه يسرى (تحوس) الكل ههههههههه حيدر هو الابن الجبير الرضى والله مريتك وانت اعرف بيهة سكينه جا شلون غير عشرت عمر وانه هم اعرفه من يضم عليه سالفه حميد الابن الوسط الرضى وسكينه اخوت دعاء الوحيده لهلهة بعد ٤ اولاد مدكوليلي شنهي زلمتج مدوخني بلشغل لمن اكله مافهمتك يظل يسب علي او يكلي عبنلك زمال ماتفهمني ذوله اخوتك بليه ماحجي يفهموني حيدر هيه شنهي كلها زرعات وجيب البذر واخذ الشتلات واهنا خلي السماد واهنا لااء مارايدلهة روحه للقاضي حميد جا وانه سويت اليوم مووش ذبيت السماد وهو ظل يسب يالارعن يالخثيث والوادم تباوع طبيت نص هدومي سكينه جاغير ابوك مايخالف اتحمله هو تعبان ويريدك تتعلم واتصير احسن منه رضى لمعت عينه وهو يسمع كلامهة وهو مبتسم ماكلتيلي شنهي السالفه باوعت على دعاء وابتسمت خجلت وكامت من مكانهة الغرفتهة وهيه خجلانه شراح يكلوون عليهة اخوتهة دعاء ويه نفسهة يااا بعد ماطلع وانه اشوف نظراتهم زين اخاف مايرضون انه اخافن من حميد هذا وحيد اخوتي ماادري ليش عصبي ويكره سعد صار الخوف يلعب بيه لعب وكلبي يرجف لتصير مشكله بينه وبين اخوي حيدر هو يحبه وصديقه السعد كلش بس مرتضى اروحله فدوه ميمانع اكيد هو هم يحبه السعد حته قاسم هم يحبه بس هذا حميد نار كبره الكل مو مثله ومن يريد شي يخلي ابراسه وهو حاط سعد براسه مدري ليش يكرهة **** سكينه اليوم اجت ام سعد ورادت مني دعاء البنهة سعد رضى صفن سكينه اشكلت وهمه يردون انردلهم خبر باقرب وكت رضى شنهي هيه سلك بيض وبسرعه جاغير شارينه الوادم جوره وسنين وخوات وخوه حميد صار وجهة احمر دم من الغضب وراد يحجي حيدر كال بويه سعيد خوش زلمه ويستاهل قاسم انه عليه ماعارض خوش ولد تعبان على نفسه وهو من دون اخوته كون نفسه وعند بيت وشغله ماشاءالله كاع من ابو اخذهة من الورث و محل جبير يبيع بي المحصول بسوك ابغداد مرتضى اي بويه انه هم احبه خوش وليد حميد كام على حيله وصاح لو يموت مانطي اختي لو يركع راسه بهل الحايط خله يولي شنو هو وانطي مره راضي اتعصب من تصرف ابنه صاح لك انت شو ماتحترم لا اني لا امك لا اخوتك شحاسب روحك ؟؟؟ شو عنادا بيك انه راضي جلمتي وجلمه اخوتك مقابل جلمتك شو ياكفه اكثر ؟؟، وهذا دليل انك على خطأ حميد انه مو على خطأ اخوتي الي فروا راسك بجلامتهم همه على خطأ سعد محد يعرفه غيري رضى كلي انطيني سبب ارفض خل اشوفنك على صح وله باطل حميد نسيتوا من دزيت امي تخطب زهره اخته شكان جوابهم ؟؟؟ التف على امه وكال هاا يمه مادكولين ماتحجين ؟؟، سكينه اوليدي انت الصوج منك مو منهم خطبتهة وهيه مخطوبه الابن عمهة حيدر هاي شوكت شو ماادري بيهة رضى انه هم قاسم بس انه ادري وكتهة سعد اجاني للشغل وكلي انه خجلان منكم بس ابن عمي من زمان رايدهة وقاري فاتحتهة وانه هم مااكدر لا ازعله ولا ازعلكم كولي شنو الحل حميد خله يولي مادامه فضل حمزه ابن عمه احنه هم ماننطي وانكله مقري فاتحتهة رضى جا انت بكيفك تحجي ابمكاني وانه موجود شنهي حميد موتتني حميد اسم الله عليك بويه مكانك موجود وعلى راسي بسسس قاطعهة لاتبسبس مثل الكطاوي اشر بيده اسكت التفت الزوجته وكال صيحيلي دعاء خل اعرف رأيهة رأيهة اهم هيه الي راح تعيش وياه موشش انت حميد ثارت ثورته وكور بيده وهو يشوف دعاء ويسمعهة وهيه تبتسم وخجلانه باين عليهة القبول دعاء الي ادكول عليه يابه رضى يعني انتي قابله اهم شي رايج بنيتي الولد جوارينه وخوش وليد واخوتج يشهدوله حميد بس انه رافضه ومستحيل اقبل دعاء انكلب وجهة وهيه خايفه منه هو عصبي ومو بعيد بسويله مشكله حته يفرض رأيه رضى صرخ انجب واسكت اندار على بنته الي ظاهر كان عليهة الخوف من رجفت جسمهة وصفار وجهة انهزمت من كدامه بعد مارمقهة بنضرات تخلس كعدت بغرفته وهيه صافنه شراح يصير دخل عليهة وهو ينصي بصوته مهدد ومخوزر اشر باصبعه شوفي بالج واياج تقبلين بي لا راسج اكسره لدكولين ابوي واخوتي ترى اسويهة حنه عليكم دعاء بخوف صار خويه هذا هوو الي ادكول عليه انت بس لا تسوي مشكله الابوي ترى مايتحمل رجال جبير واخاف من كلبه موش كلك الدكتور حميد خوشش تعرفين كلش زين ابقي على رفضج وبالج تقبلين لا تشوفين مني الي ماشايفته طول عمرج ويهز بيهة وعيونه تذرف دموع ****** حسين تعال يرفعت راس ابوك اكعد بصفي اليوم يجون شيوخ البو٠٠٠٠ وعدهم مشكله ورايدين حل الهة وانت اليوم ابمجاني اسم الله عليك بويه هاي الدنيا هيج يوم النه ويوم الغيرنه وانه فرحان انت راح تصير ابمجاني اوليدي علي هاا بويه شوف كل الي صار ذبه وره ظهرك الي سواه كاظم وغيره طمع بلشيخه وحته يصير ابمجانك حا بوا وماكدروا لجن انت كدهة محد يكدر يكول غير هل الشي الكل وافق لان انت وحدك تستاهل ومايحتاج تعلوم بعد بس اكلك هل الجلمتين لتخلي كلبك يسيطر عليك خليك دومك جامد عيونك عيون الصكر تعرف الواحد من فراستك الي تعلمتهة خوشش بويه اليوم اريد ترفع راسي ولو انت دومك رافعهة بس اليوم غير اليوم اول امتحان الك منهم كام على حيلهة وباس راسه وايده اللابو الشيخ حسن وكال بويه اطمان عد عيناك انه كفو منك ونعم ******** بعد مامر اسبوع واهل دعاء ماردوا خبر سعد يمه شنهي الفضيه مامريتي البيتهم شو ماموش خبر منهم اي اليوم امر هيه هاي هيه صارلهم ٧ ايام سمعت سعوده مرت غازي اخو السعد خابرت اختهة ولج الحكي اليوم راح يرحون على دعاء يخطبوهة اختهة مريم جا انتي مو كلتي راح اخربهة من يمي واروح الام جبار حتى تنطيني شي اذبه على بابهم قبل لا يرحون سعوده اي رحت بس اخافن ليش شلون اذبه والكل بلباب يشوفوني تعاي ليه اي اي هسه جايتج اخريهة العمتج لحد مااجي وحضري حته ارشه انه وفعلا بعد دقايق جتي هدى ام سعد هله بيج هديوه امج شلونهة اخوتج خواتج الحمد لله زينين كلهم يسلمون غمزت السعوده تعالي سعودة وين الثوب الاحمر معزومه يم صديقتي الخطبتهة ومااعرف شلبس شو اهدومي ضيجات علي وانه استحي ام سعد رزحي سعوده انه هم رابحه لام حيدر بشغله ومااتأخر سعوده روحي عمه ابراحنج ام سعد سلميلي على اهلج صار عمه من عيوني بعد ما راحت سعوده هاج كظي بسرعه لا واحد يشوفج شمري ابابهم وتعالي بسرعه اخذت البطل وشمرته بلباب وجتي تركض سعوده هاا ولج بس لا كضوج عيب انه اختج مريومه سعوده خوشش روحي تعالي تعالي هدى هااا هههه شبيج ترجفين هاي اول مره سعوده كلشي مايفيد بكل مره شو يزيدن ماينقص كليلهة ام جبار انه كاعد انطيج فلوس موش نوه هدى صبرج جا اني الي اكولن هيجي لو انتي سعوده درووحي وانه اردلج الخبر من تجي عمتي خوشش في ماالله ***** علي يعني انت هسه ادكولي البت مو برضاتهة خطفهة خطف وهاي صارله يومين ابيته التفت على الولد صحيح الي كاله ابو البت الولد انه اخذتهة برضاتهة واللبنيه حرمتي صارت علي جا انت بكيفك تاخذ بت الوادم وتعقد عليهة اهنا حكم عشاير موش بكيفك جا وين احنه عايشين ابتركيا حته هناك هم ميسوون سوايتك الولد شيخنه همه هم جذبوا علي كالولي الك وماتصير الغيرك وخلوني اصرف الي عندي والي ماعندي وتاليهة طلع رايدهة ابن عمهه يصير هيج تقبلهة شيخنه وانت لسانك ينطق بلحق علي لا مايصير بس اكو مرجع ترجعله وتفهم منه السالفه جا جيت قدمت شكوى واخذ حقك منهم وماتطلع منا اذا مو انت راضي بس ماال تجرهة جر من ايديهة غصب عنهة ومن كدام باب مدرستهة هذا يعتبر خطف بويه انت جنيت عليهة وعليك شيخنه انه دخيلك انت مادامك جيت ونادم وصرت دخيل اكلك هذا هو محد يكربلك بس حق الوادم لازم ياخذوه انه هم ماارضى وانه حاضر للي رايدينه بس حرمتي تبقى على ذمتي التفت الابو اللبنيه وكال شكلت الاب شيخنه البت مراضيه ماريده هو خاطفهة الزوج تعصب شيخنه ذوله يردون يذبحوهة وهيه خايفه مايخافون الله علي بكلبه يكول هيه الحرمه الي متتأمن ذبت فلك بويه وخلت الوادم تتكاتل والحد هسه ٢ انكتلوا واحد مصوب من وره هل السالفه علي كرهه وحقده على بنات حواء وعقدته جبرته يصدر قرارات ظالمه ضد المرأه التفت على ابوهة وكال البت ترجع الاهلهة وابوهة يتعهدلنه مايمسهة زوجهة شيخنه ظلم حرمتي تريدني وانه مااكدر بدونهة لا تبعدونه عن بعض علي بويه انت ذنبك جبير حياتك مقابل بتهم ترجع الزوج راضي بأي حكم بس لا ترجعوهة شيخنه يكتلوهة اهلهة علي همل كلامه واكد على ابو الولد ينطون ديه فلوس مقابل الي انكتلوا ويطمون السالفه وبتهم ترجعلهم وبهذا طفه الفتنه ميدري هو كتل روحيين وبعدهم عن بعض وهذا غير اللبنيه وشلون راح يعاملوهة اهلهة بعد الي صار ***** حميد احنه ماعدنه بنات للزواج واختي مخطوبه الابن عمي سليم وقارين فاتحتهة من زمان ام سعد خاله حميد على كيفك ويانه جا هذا الحجي ماسمعناه قبل اسبوع من جينه لوو هيه وحده بوحده حميد بصراخ هذا هو الموجود اختي دعاء مستحيل اتصير السعد ابنج اتصير دموم ومانطيهة ياخاله على ويش الدموم اذكر الله وتهده شمالك الحجي تفاهم واحنه نسوان بينه وامك هسه ادكول ابوهة راضي واخوتهة جا انت هسه دوهرتني بصراخك ماافتهمت شي سكينه تملخ بوجناتهة ولك حميد عيب من الوادم لميتهة علينه شمالك خربت سمعت خيتك دعاء بغرفتهة ساده اذانهة بيديهة ودموعهة تجري وخايفه من الموضوع ليكبر من جهة وتخسر سعد من جهة لوخ ***** يتبع الكل يسألني على موعد للنشر اني نفسي مااعرف شوكت يعني دائما مشغوله ومو فارغه صدكوني والكتابه رايدلهة وقت فراغ طويل راح احاول مااتاخر بلنشر انتوا عزيزين عليه واحبكم وانشاء الله ربي يقدرني على الاستمرار وياكم ومااقطع ولدك طعون كاتبتكم ذكرى المندلاوي لتنسون تعليقاتكم الحلوه تحفزني 😗😗😗 | ||||
|
| |
|
29-07-19, 09:01 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني هديه مرفوضه للكاتبه / ذكرى المندلاوي دعاء مر اسبوع وحميد شد ويايه شده حته لا اوافق خال سعد كلش براسه معاند خصوصا الي يحرضه هو صديقه جعفر ابن فلاح همه اثنينهم يكرهو السعد وصارت براسي وانه اخاف اوصل الحجي لابوي صاحب عيه والدكتور موصينه منخلي شي يقهره اخافن ليتهور ويتعارك ويه سعدلو ويه اخوتي ومن وراي ابوي يوكع بيهة اسم الله عليه شمعه بيتنه اشعدنه غيره غير اموتن اخخخ بويه من حميد اعرفه كلش زين ماعنده مانع كلشي يسوي حته يمنع هل الزواجه وانه خليتهة يم الله والله كريم سكينه تعالي دعاء يمي شنهي قضيتج انتي شو مغندبه كلش لا يمه انه بس تعبانه من هذا الدرس صعب كلش ياهو الانكليزي انه اكل لابوج يشوفلج مدرسه انشاء الله سكينه صفنت تعالي ليه اخافن من سالفه الخطبه اشبيهة يمه اخافن اشوفج متردده هااا لا يمه انتي تعرفين بنتج كلش زين جا شبيج من يوم الي ردينالهم خبر وانتي احوالج معاجبتني انتي مو كلتي لابوج واخوتج انه مااريد اتزوج واردن اكمل دراسه اي يمه انه اردن اكمل دراسه وبعدين ويني وين الزواج سكينه جا شمالج دنكت راسي وانه اكول ابكلبي شكلج يمه ابنج حميد واكفلي مثل العظمه بلزردوم الله كريم الي كاتبه الله يصير بلكي يهديلي هل الحميد ويسكت عني اليوم اجت اخت سعد وكالتلي سعد يكول مستحيل اتخله عنهة اذا هيه باعت انه شراي وبلمهر الي اطلبهة وراح ارجع اخطب وماأيس اخت سعد هو متعجب ليش ر فضتي دعاء حميد اخوي اخت سعد والله عرفت هم كتله السعد يمكن هو وره رفضهة حميد هذا مايجوز اني رفضته مو سعد اخوي تعرفين كلش زين احبن ابن عمي وهو هم وناوي يخطبني ومن اجه حميد انه كلتلهة الامي وهيه ردتلكم خبر وسعد ابن عمي كله انه رايدهة ومتاني اكمل مهرهة جا سعد شعليه المكرود يوكع بيهة هو يحبج وانتي هم لا تنكرين دنكت بقهر وانه اكولن اي انه شبيدي اخ لو بس تعرفين الي بكلبي دعاء وراهة بكم يوم رجع سعد يخطبني وده امه وهو حميد نصب عارض هلمره بشده زمخ بيه وراد يضربني يكلي هاي اخته شعدهة جايه رايحه عليج اكيد جايبه مراسيل ساعته ابويه ضربه وهو كمشني من شعري ودك على جتفي وانه اختنكت ردت اتنفس كوه مكدرت غصيت وعيوني طلعت ليبره احسن الهوه مكطوع هاي اول مره انضرب اني الوحيده الهلي ومدلله عدهم هل اللبنيه اسمع امي تصرخ بنتي راحت مني صخام الصخمني قاسم كام الحميد كله انت شنو محد بعينك شلون تضربهه اسمع حميد يصرخ يكله اضربهة واموتهة ماعدنه ابنيه اتجيب العار الهلهة هاي اختك مامتربيه ابويه عاط بي وانه اسمع بحضن امي كوه اتنفس ابو دعاء ولك انت المامتربي ومد ايده يضربه وراهة وكع ابويه واخوتي ركضوا عليه وامي تصرخ ابوي وجه صار كركم اصفر ميحجي وانه نسيت وجعي ركضت على ابويه وشفته بهل الوضع ملخت شعري مرتضى خابر حيدر اخوي تعال ابوي ياتلحك ياماتلحك عليه قاسم خل ناخذه للمستشفى وانه لبست عباتي اردن اروحن وياهم واملخ بوجهي واباعن الامي غاديه نوميه من الخوف حقهة عزوتهة ودلالهة اسم الله عليه حميد صاح وين موليه ام الدموم والله بس ابوي يصير بي شي لا احركج واحرك ذاك ابن الكلب وياج قاسم انت ماتجوز عوفهة احنه بيا حال تعال شيله الابوي وياي ليوكع وابوي سوده عليه ميتحرك صكد كله من وراي لو مخاله سعد يجي لو كايله الاخته لاتخليه يجي بعد وكل واحد يروح الحاله ماكو نصيب يمي خل بشوفه عد غيري بلكت الله يعوضه انه ماستاهلهة يمكن وكلشي قسمه ونصيب بس اخ مني سكتت وخليته يجي وصار الي صار اذا لا سامح الله يصير بابوي شي ماسامح روحي ابد اخوا ابوي وللعصر ماكو خبر والجوارين طابين طالعين علينه وام سعد جت ويه سعوده ومريم الي بس تذب حجي مااعرف شتقصد واخت سعد ادكول والله لو مو النسوان كاعده جان علمتج شلون تحجين وعدله الحلكج هذا الاعوج وسعوده تكلهة شبيج حاطه كورج من كور اختي محجت غير الصدك كامت عليهة ام سعد كالت اتسكتن لو اعلمجن بطريقتي واني فكري مو يمهم ولا اعرف شنو قصدهم وليش يتبسبسون بيناتهم كل فكري يم ابوي الي مااعرف اخباره وروحي لايبه عليه ارد اروحن اله واحضنه واكوله انه راضيه بلي تردوه بس تبقى شمعه فوك روسنه وصارت صلاة المغرب وماكو خبر ولد عمي ٣ متزوجين همه ونسواهم اجو خطيه هنه كامن على البيت وجايات ومايات كل شويه واحد يجي يسأل سعد بلمستشفى ويه قاسم هذا الي سمعته من حجي اخته زهراء الامه ومريم كل شويه تقرب اذنه يم سعوده اختهة تبسبس ماادري ليش هاي اللبنيه ابد ماارتاحيتلهة وكل شويه تغيب وترجع ماادري شنو قصتهة اييهه بعد بيت وغابوا اهلهة وكلمن يلعب بكيفه للعشى جه قاسم وسعد وامي كوه شايلهة قاسم ركضت عليهة وهيه كعدت بلكاع ومنتهيه سوده عليه سعد يباوعلي وعيونه تدمع قاسم خيتي ديري بالج على امي ترى من الصبح مماكله شي وعلى هل البجيه خليهة تاكلللهة لكمه وخل تنام اباوعلهة واني كلبي يرجف مدري على ابوي مدري على امي مصيبه وطاحت علينه وكله من ايدي كلتله بصوت لتسمع امي وابوي شلونه قاسم الحمدالله زين اتعدى مرحله الخطر بس ويمكن انطلعه باجر الظهر انشاء الله بس انتي ديري بالج على امنه دعاء من عيوني احنه شعدنه غيرهة منوا بقه يم ابوي حميد وحيدر ومرتضى وانه بعد شويه اروحن بس اخذ كم شغله وفلوس دعاء تركته ورحت الامي لكيت مرت حيدر الله ينطيهة العافيه خوش ابنيه منهه الالله بساع موديتهة للحمام وتسبحهة بماي دافي طبيت كتلهة الله يرضى عليج روحي بس حمي الاكل اله اني اكمل شفته حاطه دشداشتهة والخاولي معلكته بلحمام نشفتهة ولبسته وامي كلش مابيه حيل تحرك ايدهة هاي هيجي اتحب ابويه؟؟؟ حقهة هو ابوي مو مثل اب حنين والكل يحبه ياهو اليجي يدعيله بلشفاء اخخخ بويه كون بيه ولا بيك طلعت امي من الحمام ولكيت مرت حيدر فارشتلهة وين الاكل تعالي يمه اهنا ارتاحي اجت وجابت الاكل وكوه تبلع اللكمه سوده عليه انطيتهة حبايه منوم انطانياه قاسم وشربتهو تمددت خلت ايديهة جوه راسهة ونامت غطيتهة طفيت الضوه وطلعت تلكتني مرت حيدر هاااا شلونهة زينه الي صار بيهة مو شويه ابو بيتهة وابويه مو مثل اي واحد الامي هيه شافت بي زلمتهة الي عوضهة عن ابوهه واخوتهة واهلهة الي فكدتهم مرت حيدر الله يكومه بسلامه الهة والنه عمي مايستاهل دعاء كله مني انتي شبيدج تسوي لا كل شويه تاكلين بروحج مسويتي شي ينزل راسهم لا سامح الله هيه خطبه وانرفضت وكل ابنيه يجون يخطبوهة انتي مو اول وحده ولا اخر وحده بس هذا حميد الله يهدي متعقد منهم دعاء اني صوجي مكلتلهم بعد لا تجون هو بس يسمعهم جايين ينكلب طنطل علي وعلى اهلي مرت حيدر هو هم ننطي عذر شفتي جكد جان يحبهة بنام ويكعد يلهج بأسمهة دعاء انه هم صوجي خليته هيجي ماكلتله هيه تحب غيرك بطل منهة بس والله خفت لا تصير مشكله ويروح يعارك ابن عمهة وتنفضح اللبنيه مرت حيدر هذا هو الي الله كتبه الهة صار وانتي الي عليج سويتي شبيدج بعد دعاء لابيدي كلشي بيدي شلون باجر ادز على زهراء واحاجيهة صخام شتكليلهة لا تخافين اعرف شكللهة ديري بالج ترى حميد خال جواسيس بلبيت وهاي مريم اخت سعوده ممرتاحتلهة تعالي صدك شبيهة انه هم اليوم كلش مرتاحيتلهة بس تبسبس هيه وهاي الي وياهة ادكولين ماخذه زلمتهة وشريجتهة وانتي الصادكه شنووو.اي هل سمعتي شنو قصدج ماافتهمت هدى اخت سعوده اتحبه السعد وطاشه بلسلف هو راح يخطبهة وانشاء الله قريب دعاء ششنوو يخطبهة هو شلون يخطبهة وكل شويه يدز امه علينه مرت حيدر مو جايج الحجي اي هدى تحبه بس هو ميحبهة وتتمنى هيه واخته وتحلم حتى تصير كل هل العز الهة والاخته ومتجي وحده غريبه تشاركهم هااا هو ياعز يمعوده كلهة محل ابغداد وبيت خل تشبع بي انه عندي ابوي يسوه الدنيا واملاكهة هذا هو انه من باجر قررت انسى وادوس على كلبي المهم ابوي ورفعت راسي واخوتي لا يتكاتلون من وراي لمتهم عندي بلدنيا واملاكهة الي تشوفي يكلبي الي تشوفي الله يوفقج ويعوضج على رزانتج و على عقلج وتفكيرج طول عمرج وانتي تفكرين بمصلحه اهلج قبل ماتفكرين بمصلحتج ******** حميد بلمستشفى ويه صديقه جعفر حميد اخخخ بويه هاي لو مو ابوي وكف بعيني جان اني كاتلهة كل الي صار من وراهة نزلت راسنه جعفر انه من الاول كتلك سعد مو خوش وانت لا ومالا انه شمدريني وبعدين جنت حاط عيني على اخته كلت اتقرب منه واصير صاحبه تالي يكلي والله مخطوبه الابن عمهة اخخ بويه انه ينكالي هذا الحجي انه انرفض ويفضل علي هذا المهتلف ابن عمه جعفر هسه معلينه ابوك والحمد لله عده الخطر وباجر يطلعوه شراح تسوي اذا جو باجر ومنا كلمه ومناك كلمه وابوك قبل بلخطبه على ابو وكفولي انت شفت اخوك قاسم شلون يمدح بي كدام الكل وهو سعد مثل الظل مرافكه حميد هه خل يجربون والله هلمره ارميهم وارميهة وياه جعفر لك انت الي شوكت تظل اغم اتريد العالم تحجي الموزين على اخته وتخرب سمعته على ابو شوف اشسوالهة ورماهم الدور المره ابوك يروح بيهة حميد تعصب ويعض بأصبعه اخخخ بويه هو شخالني ساكت غير ابوي وحجي الوادم جعفر بدهاء ومكر خليني افكرلك بفكره تخليهم يكطعون امل فكر خويه جعفر فكر انت عقلج يعجبني لون خوش يفكر اخخخ وهيجي اخلص منه اخخخ بويه تخلص واتصير سوالف اله اخليه يصير مضحكه اصبر علي ***** ام طيبه ابو علي انزهب الغده الشيخ حسين زوجته الاولى ام طيبه كلش يسمعلهة وياخذ شورهة تعالي ام طيبه خير ابو علي تعالي خير انشاء الله تعالي كعدي عندي يمج طلب أأمر لايأمر عليج ظالم اريد تشوفين مرة الابنج علي وانه اريدن الي حفيد اخاف اموتن ومااشوفه هل الحفيد ونسلنه واسم اجدادي الي بنيناه طول عمرنا يضيع والشيخه تروح منه وهذا شما احاجي اشوفنه كلش قافل مايرضى كوليلي شأسوي ماكو حجه مسويتهة ام طيبه والله شيخنه انه هم مخليت شي مسويته الحد البارحه جبت بت اخوي ليلوه تخبل جنه جمبده وهو حته بوجهة ماباوع خجلت من امهة ومنهة حسين وهسه شوريني اكو حل غير اغصبه هههه جا بنيه هو واتغصبه وهدور صار شيخ والعالم كلها تمشي بشوره وهو كل المواصفات الزينه بيه بس هاي الصفه ماادري الله يلعنك يالشيطان اتعقد الزلمه من النسوان صار يكره طاريهم وطاري الزواج فرد مره حسين راح اروح زياره الكربله واخذه وياي بلكد تنفك عقدته الهل الولد شلع جبدي ام طيبه انشاءالله وبخت اهل البيت دخل علي هااا بويه خيرك شو اليوم اهنا ماجيت للمضيف خاف مريض لا بويه انه بيه عله بس موشش بعضاي خير بويه خوفتني عليك ام طيبه زهبيلنه الغده اي رايحه ام طيبه ويه نفسه كون الله وتنفك جبسته ويرضى اخطبله بنت اخوي والشيخه تبقى لينه ماتروح الغريبه انه ماصدكت خلصت من امه نور بتهة يمه تحاجين روحج انجبي انتي وشوفي شغلج علي بويه انه هم اروحن وياك مااعوفك حسين بدهاء لا بويه خلك هنا انه اروحن وحدي ازور شلون تريدني اعوفك وانت بهل الحال مستحيل لا تفكر والشيخه وامور العشيره هيه كلها نهار انروح نزور ونرجع ميضر خوشش لون هيجي تعال حضر روحك باجر بلخمسه الصبح نروح انشاء الله حسين اجه الغده علي ايهه مسويه باجه والله قريتي فكري جنت مشتهيهة كف اردانه ومد ايده للماعون ام طيبه عمتك تحبك غص بلكمته اله شويه حسين شبيك بويه الاكل بي شي كمل علي لا بويه اخذ كلاص المي وشربه وكمل ام طيبه تباوع الحسين وهو هم رفع راسه وظل يتنهد ويدعي الابنه **** دعاء اليوم يطلع ابويه من المستشفى حضرنه غرفته الجوه وجربايته والاكل الي وصانه عليه الدكتور كعدت من الصبح اسويه اله حتى يجي يشوفه حاضر وللعصر اتأخروا يالله جو احنه خفنه بس قاسم كال اجراءات المستشفى واله يجي الدكتور ويوقع على الخروج ومن اجه الكل استقبله بلهلاهل احنه كلنه انحبه جناين وعمات وخالات حتى امي خطيه اتبهذلت هل اليومين ادري بيهة تموت عليه وهو وجه بعده تعبان بس مرضى للولد يمشوا مشى وحده ولو مشيته اتبين بي تعبان اروحلك فدوه من عمري على عمرك كله مني شسوي الروحي وتهده دوم اعاتب بروحي كله من ايدي الولد دخلوا الغرفته وطلبنه عليه نباوسه بسته من ايده وراسه وحضنته وانه بجيت حيدر دعاء ابويه تعبان مو وكته اي خويه صار مسحت دموعي وكمت على حيلي احمي الشوربه اله و يشرب دواه *** جعفر شوفه شوفه الابن ال٠٠٠ حسين وجاي بكل عين صلفه للبيت كله من قاسم هو سمحله اخخخ بويه التفت على جعفر وكال انت موكلت راح امخمخ بعقلي جا صارلك جكد مافكرت شو صاير مو مثل قبل اتكضهه وهيه طايره جعفر واللهي ابالي الليل كله اي وينك جعفر بدهاء انه فكرت بحل يرضي الكل حتى ابوك يسكت وسعت عيونه الحميد كولي عليه بسرعه بعد اخيك هيجي واخلص انه طول عمري اكولن عليك فطن جعفر ههه هذا ياهو الي قبل شويه جان يحجي خويه عديهة وكول شنهو الحل بعد اخوك شوف واسمع اي تعرفه الشيخ حسين اي اعرفه شيخنه شلون مااعرفه بس هذا شله علاقه اشجابه على سالفتنه جايك الحجي لا تركض اي اسمع كول عنده وليد وحيده اتزوج ٣ نسوان كلهن خلفتهن بنات وصارت الشيخه بس اله وهوالولد ينحلف بي وبأسمه بس بي عقده حميد كانما يسمع قصه وسعت عيونه شنهي جعفر يكره النسوان هههه اكو واحد يكره النسوان جا همه محليات الدنيا بس هم حقه اذا النسوان ملوعات الجبد حقه اكيد لاعبات بدنياه لعب ولهل السبب اتعقد الشيخ جعفر المهم ابو يريد يزوجه وامنيته بلدنيا واليوم وداه يزور بلكي تفك عقدته ايهه انه وسعد الخسيس شلنه بهل الموضوع مالك وقصتك الي ماتنتهي مو كتلك اصبر لا تستعجل افهم السالفه حتى تعرف شلون تتحرك عليهة يتبع ذكرى المندلاوي | ||||
|
| |
|
29-07-19, 09:04 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث الكاتبة لذكرى المندلاوي هدية مرفوضة حميد فهمني انه كلشي مفتهمت منك شتقصد جعفر شوف واسمع زين حته لا تخربط اعرفك كلشش زين اذا مااعيد السالفه عليك شكم مره يالله توصل وأشر على دماغه حميد عدل كعدته وجتف ايده وهو يوحي الجعفر بانو بكامل الاستعداد وكله اذان صاغيه ايي احجي سامعك جعفر باجر لا لان يطلعون الشيخ حسين ويه ابنه الشيخ علي للزياره وبليل يرجعون واكيد تعبانين ثاني يوم الي هو عكب باجر حميد اي انروح للشيخ بحجه خصومه بيني وبينك وجاينه هو يحلهة شلوووون جعفر شمالك نروح للشيخ وجنه متعاركين انه وياك على بيعت شكم سياره بعد ما اتفقنه نبيع ونشتري بيهن بس انه اخذت الارباح كلهن الي ونكرتهن عليك وانطيتك بس نص راس مالك وهمتك بانو احنه خسرانين البيعه وراح انسويه بلنص الخساره انه وياك بس انت اكتشفتني كذاب وكاعد احايل عليك و لازم علي شهود واطالبني بحقهن وجيت للشيخ علي ياخذ حقك سكت جعفر شويه ورد كله الحميد بعد ماتنهد الهنا افتهمت حميد زين والشهود منين اتجيبهم ؟؟؟؟ يعني واثق منهم انت معليك كله عليه خوشش لجن هيج انه شنو المطلوب مني بعد ؟؟ مو اخاف لتنكشف جذبتنه وبعدين شنو الي نحصله من كل هذا جعفر جاييك بلحجي انه من يشهدون علي راح اظطر ارجعلك فلوسك الي هيه ٥٠ مليون حميد بويههه منينلك كل هاي الفلوس من وراي جعفر 😤 حميد خوش خوش كمل جعفر بعدهه انت راح اتصير ممنون اله ولازم اتجازي على وعرفانه وكفته الك بهديه وهاي الهديه مو قليله لازم تلوك ابمقامه حميد كل هذا افتهمته بسس الفقره الاخيره مراضيه تخش ابمخي يعني رباط سالفتك المن تريد توصل لدكلي انطي كم فلس واخسرهن حته تتقوه علاقتي بيه واعزمه ويعزمني الحد مايكلي حميد خويه عندك اخت للزواج لون انه حبيتك وطبيت بلبه كلبي جعفر ولك جذب انت ماتصيرلك جا ره اتظل هيج اغم دخل اولي البيتي شمالي موجع راسي وكاعد اجيب واخذ وياك من كون سالفه بيهة نسوان تفهمهة وهيه تهزلك بعز٠٠٠٠ استغفرالله عمي خل اولي حميد هههه تعال شمالك تتعصب بسرعه اشاقه وياك جعفر تشاقه ؟؟ ولك فتيت جبدي حميد بروح ابوك لا تزعل تعرفني من زمان تفكيري على كدي شمالك تزعل بساع تعاللل وكل الي تريده يجرالك وعهد علي بس تخلص هاي السالفه واشوف القهر والفشله بعيون سعد لا اسويلك حفله للصبح واجيبلك كول الي تريده وكبع واخذ وللصبح بعد عايل ؟؟؟؟ بس خلصني من هذا اللزكه جعفر ههه خوش جا انه هم راح ازيد خلكي وياك ماطول بيه حفله وشبيك لبيك عبدك بين ايديك انت بس اسمع كلامي ونخلص انشالله نخلص حميد اسمع خويه اسمع هو اني وراي غير هاي السالفه المدوختني وامبهذله احوالي جعفر خوش لعد اسمعني للاخير ولتقاطعني والي اكوله كله الصالحك والصالح اهلك واولهم اختك ******* بعد يومين قاسم هااا بويه شلونك شلون صرت لااء لااء انشاء الله زين ماشاالله عيني عليك بارده راجع شباب ههه الاب ابتسم بويه انه زين لا تخبصون ارواحكم ابوكم گلبه حديد بس هم الدكاتره يحبون يكبروهة شويه دعاء بدموع الفرح بويه الحمد لله رجعك لينه سالم افيشش وهسه يالله البيت نور من كعدت بينه هاي نشتريهة بلدنيه الله يرضه عليج بنيتي التفت الام دعاء وانتي شمالج اتخربطي يكلون الدكاتره حاروا بينه المن يطيبون وانه اكلهم لتخافون كلبنه اثنينه حديد شباب بعدنه ههههه الولد مرتضى وقاسم ههههه ام دعاء اعدنه غيرك الله يخليك خيمه على روسنه قاسم هااابويه لهنا وبس احنه نترخص وانت وحرمتك اخذوا راحتكم مرتضى انتضرني انه هم رايح الاب وين ابقوا على العشه قاسم لابويه انه صارلي يومين مشايف جهالي حقكم بويه حقكم والنعم منكم روحوا وبوسولي الجهال مرتضى دعاء دواه الابوي لاتنسي وره العشه وعشاه ماصخ ومو دهين مثل ماعلمتج دعاء صار خويه من عيني دعاء وصلت اخوتي للباب وهمه حركوا سياراتهم وسمعت صوت زهراء من بعيد اوكفي لا تسدينه احنه جايين ليكم ظليت افكر بس لااء تقصد بامهة وسعد وصدك دقيقه وطبت زهراء وامهة باوستهم واني كلبي يرجف من الخوف وعيوني على الدرب ليجي حميد وجان اشوف سعد يوكف كبالي يريد يدخل زهراء دعاء سعد يريد يشوف ابوج هااا اي شكو بيهة واني وجهي انكلب الوان دخل وهو يضحك وعيونة تلمع سعد اشلونج دعاء انشاالله بخير الحمد لله اتتتتفضلوا ام سعد ههههه اشمالج يمه جنج انتي الي مريضه موش ابوج زهراء دغتني هههه متبطلين سوالفج طبي قبلنه وكولي الامج دعاء هااا ايي صار ام سعد يااا هاي شبيه البت صدك جنهة هيه التمرضت سعد موكتلج اخاف انفاجئهم على الاقل خل نعلمهم قبل مانجي يااا شبيك انت احنه طول عمرنه نچفت چفت هو اول مره متعلمین علینه ام دعاء تعالي خیه اهنا ام سعد هله خیه شلونچ گره عینچ بآبو ولدچ تسلمین خیه تعالي ?عدي اهنا يمي سعد السلام عليكم ام دعاء هااايمه سعد شلونك شلونج خاله باوس ابو دعاء كاعد ابمكانك اشلونك انشاء الله زين لااء ماشالله خير نعمه بارك الله بيك اتفضل چاي بويه چاي مااشرب شربت قبل شويه مشكور اشبيچ بويه دعاء اتحركي ايي بويه صار دعاء معرفت اشلون اتصرف الكل حس عليه كمت اصفن كل شويه واتذكر الي صار واخاف لا يجي حميد وهم يسويلنه مشكله صارت بية خوفة من ذيج المره وابوية مصدكنة طاب ورجع بينة زهراء جتي تركض للمطبخ اشبيج دعاء اليوم معاجبتني شو ملكاج ماادري شلونه لا كلتي تفضلوا دعاء مجاوبتهة اخذت القوري وغسلته من الچاي واني كاي يرجف كوه لازمه روحي اباوع على الباب من جام المطبخ اخاف يجي هادم اللذات ولو هو اخوي وعيب احجي علي بس صدك ميحب اذنين متصافين زهراء هااا ولج مجاوبتيني وشمالج كل اشويه عينج على الباب هااا ايي هيه شني هاا وماهاا اكلج ترى سعد وامي ناويين يفتحون موضوع الخطبه الليله وكعت الصينيه من ايدي واني كل جسمي يرجف لاعفية زهراء كليكهم ليفتحون لسالفة خاف من حميد يجي ويسوي نفس سواية ذاك ليوم ****** ابو دعاء اي شلونكم شلون وضعك سعد لحمدلله بخير ابو دعاء يي ولله ولنعم منكم كفيتو وفيتو ونعم منكم من جورة خيرة شماسوي ماجازيكم سعد لتكول هيجج لله شاهد انتة بمعزة ابوي احنة مو جورة بيوم ولبارحه صارلنة سنين وصرنا اهل لون الاهل ميتشاوفون صايرين كل شهر مره واحنة باب كبال باب نصبحح ونمسي ابو دعاء يي ولله صحيح ام سعد خيه زلمتج خير ونعمة ليوم لحمدلله ************ دعاء اني طبعي خوافة حيل ماتحمل مشاكل وصوت عالي اخاف من جنت صغيرة لمن اصير عركة بشارع بين لجهال اكعد ع صفحة واحط راسي بين رجلية واغطي اذاناتي بيدي حتة لاسمع واضل ارجف زهراء خية انتي مدري شبيج ليوم خايفة من حميد وشيسوي حميد متعرفينه من جانو لجهال يضربو بلحجار ويطب جوا ويسد لباب ع روحه وهسة نافخ ريشة ع وادم شنو كبر علينة لو ابوية ميكدر بس ع امي هسة حروح لامي اشاورهة واكوللها مو وكتها ولو خطية اخوية سعد تعب يومية يافاتح لموضوع ياسادة زهراء راحت شاورت امها وامها غمزت لسعد وتأشرلة بيدها سعد بكلبة اخخخ منج يدعاء شكد خوافة الى متى اضلين هيچ يلاا يومين وامرلهم وارد افتح لموضوع زهراء اووف ربي شكولج بعد ضلي انتي هيچ ضلي لحد مفديوم تتندمين دصبي لجاي صبي خل نشوف تاليتها بعد ماشربو جايهم اترخص سعد وامة وعيونه تعاتب دعاء دعاء وية نفسها اعرف يبعد عيني شنو بيدي اذا انتة قسمتي ومكتوبة الك اصير لومو حميد لو ١٠ مثلة بس اصبر والله كريم ************* بيت لشيخ حسين ام طيبة اكولك ابو علي كولي مو انتة وصيتني اشوفلك عروس لشيخ علي اي ولكيتي ام طيبة هية بنت اختي ماكو غيرها حلوة وام بيت تعرف شلون اصون بيت لشيخ شيخ حسين ولله مادري شكولج خل افاتحة ليوم ويصير خير ولو ادري بي راح يطلع خبالاتة علي صار صياح وسمعو صوت عالي ام طيبة ياساتر اصاير لشيخ حسين مدري جيبي دشداشة بسرعة ام طيبة بسرعة جابتهة اخذها منها مستعجل وهوة يلبس ايكول بس لاعلي متعارك بلمضيف ********** قبل يومين حميد شنو انتة مخبل حتة ابوي واخوتي يعلكوني من ركبتي صدك تحجي!!! جعفر ماعندك غير هلحل صدكني هسة انتة چيه تفاجأت كمت تهوس بس صدك ماعندك غير هل حل حميد لك شلون تريدني انطي اختي الي هية تصعد لاتنزل عند ابوي هدية حالهة حال وحدة قاطعة جعفر جعفر حالهة حال اي وحدة بت ناس حميد لك يابت ناس ابوي يموت بس يسمع جعفر شوف انتة بس اسمعني للاخير حميد ماسمع شتريد اسمع لك هذا لحجي مستحيل حتبو بل حلم لتحلم بي جعفر لشيخ علي معروف صيتة ميحتاج اعرفك بي وانتة راح تشتري رجال زلمة حوك تتباهة بي انتة واهلك وبك انتة لطول تناسبة شو سمعة واخلاق وغنة وعيشة ترف وانتة مرح تكسرها بلعكس رح تخليها شيخة لكل تهابهة وتحسبلها الف حساب يتبع..... للكاتبة " ذكرى المندلاوي" | ||||
|
| |
|
29-07-19, 09:29 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع هدية مرفوضة للكاتبة / ذكرى المندلاوي علي انت مالك حق بدرهم جعفر شيخنه بسسس لا تبسبس رجعله افليساته لا اطيح حظك ولكم انتوا ماتوبون من سوالفكم ؟؟،،صاحبكم وزاد وملح بيناتكم وعشره عمر تاليهة تغدر بي حرامي انت ؟؟؟ اله شويه جعفر يرجع بكلامه خوفا منه ومن تهديده طب الشيخ حسين خيرك يالشيخ اشصاير علي عيونه صايرات حمر ودماراته كلهه بارزه ويحجي بغضب ويأشر على جعفر خيريش اذا الدنيا متروسه من هل النماذج حسين التفت على جعفر ولك انت شمسوي جعفر ويه روحه انت شورطك مو جنت انسان محترم بس ميخالف كله يهون بس احصل مرادي حسين ولك مو احجي متجاوب جعفر شيخنه اعرف اني غلطان والسموحه وهذا راسك احبه اتقرب للشيخ حسين يبوس راسه الشيخ حسين هو انت طلابتك ويه من انه سالفتك يعرفهة الشيخ علي علي بويه سالفه متنحجي تشزف هذا الي كدامك حسين اي بويه هذا جان ياكل ويشرب من بيت هذا وأشر على حميد والي جان كاعد ومدنك وميت خوف ليروح جعفر ينكتل من علي ويتراجع بكلامه وهدور اثنينهم ينكتلون جان باين على الشيخ علي متعصب كلش وميتحاجه وهمه تورطوا وحجوا وياه لو حاجين للشيخ حسين احسنلهم حميد ويه روحه وهو يباوع على جعفر الي جان مدنك وخوفه اقوى منه وتريد اناسبه الهذا الشيخ الخبل والله راح اطببني بنكره مراح اكدر اطلع منهة شدعي عليك جعفر كمل علي القصه لابو الشيخ حسين كال الجعفر انت غلطت اوليدي بحقه مو صحيح الي سويته جعفر ركض باس ايده اني اريد منك السموحه حسين لاااء مو مني من صاحبك الي امنك ودخلك البيته وشاركك زاده جعفر يباوع الحميد اي صح كلامك واني كدامك راح ابوس راس واستسمحه علي صاح وتردله فلوسه وهنا كدامنه جعفر وحميد انصدموا مجانوا متوقعين يطلب هذا الطلب حميد خلص شيخنه اني راح اخذهن منه يجوز ماعده اليوم جعفر اي شيخنه على كم يوم المهن من السوك واجيبهن اله علي بعد كم يوم تجيني انت وياه وادكلي افلوسه وصلت واذا لا تعرف شلون اجيبك حسين بويه صافوا الكلوب كام جعفر حضن حميد وشاوره انعل يومك حميدكله مو هذا شورك اكلهة حميد للشيخ خلص شيخنه وانه اشكرك وهديتك عندي جبيره حسين هديته عد ربه علي صح السانك اني هديتي عد ربي مااحتاج بس تصفون ابكلوب بينكم وترجعون مثل قبل ولتخلون الخاين يدخل بينكم ويخرب صار شيخنه من طلعوا وهمه ممصدكين الشيخ حسين للشيخ علي بويه اتهده على الوادم مو هيج علي بويه يستاهل سمعته ؟؟،هو هذا مال رمي حرامي باك صاحبه تريدني اطبطب على جتفه واكله ميخالف الشيخ حسين بويه انه ماكايل اطبطب بس بلهداوه نوبات الحجي الحلو يلين الحديد علي انه ماعندي حجي حلو طول عمري هيج وهاي الوادم ماتجي اله بلعين الحمره ههههه تعال وياي ام طيبه مسويه تشريب لحم يستاهل حلكك *********** سكينه ام دعاء يمه شمالج ماعاجبتني اكلج قليل وجهج اصفر غادي كركم اخاف مريضه تشتكين من شي دعاء لايمه مابيه شي بس هبطت ابوي اخاف اثرت علي هم صحيح خل اوديج لام كاظم تقره عليج شويه حضري روحج اليوم العصر لا مابيه شي راح اكوم اخلص البيت واحضر الغده اخاف يجون اخوتي اكعدي مايجون واذا على غداهم عدهم نسوانهم يحضرونه ولا فد يوم وحده منهن كالت خل اجيب ماعون مسعدات نايمات للظهاري وانتي اطبخين وتودين شوفي روحج كافي بعد انه مادايمتلج وطول العمر لبوج هم مدايم وهل جتي قسمتج وام سعد كم مره جايه وتريد منه جواب وانتي تعرفيهم الوادم خوش وسعد ينحط على الجرح يطيب شكلتي بنيتي خل اشوف عروس وبيت زلمتج واطمن عليج قبل لا الله ياخذ امانته دعاء اسم عليج يمه من عمري على عمركم انتي وابوي انه بجالكم مسعده حضنت امهة وبجت بسسس دعاء امي بعد ماحجت وياي اني مدري اشصار بيه حضنتهة وشهكت وحجيت كلشي الهة خوفي من حميد واخاف يرجع يهد علينه وعليهم امي كالت شحده ذوله اخوتج وابوج الله يحفظه على راسهم ميعوفوج الحد مايسلموج الزلمتج وكولي يالله وتوكلي عليه ان جان بيهة خير تصير وتم لا حميد ولا غيره وان جان لا قسمتج موش يمه هم مو بكيفه الحميد يصير بيهة عارض وتتأجل وانتي معليج بي والج الصافي بس كولي قابله بسعيد لو لا حته ارد الخبر اني كتلهة واضحك وعيوني غركانات دموع بعد مابصيص الامل رجعلي هزيت راسي اي قابله ودنكت راسي امي ضحكت وكالت اي والله وراح اشوفج عروس يادعاوي البارحه جنتي بلكماط ولوليلج حضنتهة وتباوسنه واني الفرحه متسيعني اليوم لو يكلوي اكلي الصينيه كلها اكلهة والبيت فريته فره تنظيف وجلف المواعين وطبخت جدرين وخبزت يعني صرت بيب بيب بس معرفت الدنيا شكاتبتلي عبالك ادكلي اصبري لتفرحين جايتج المصايب كثرت عليه الفرحه المهم بعد اسبوع بعد ماامي ردت خبر الام سعد يجون اتفقوا يجون باجر العصر وياهم الزلم وحميد ساكت ومتعجبه شلون سكت يمكن الله هداه وابوي واخوتي حجوا وياه وسكت خاف لابوي يتمرض واليوم وانه وبنات عمي وخالاتي مخلينه شي بلبيت منظفنا وسوينه كيك وكليجه وشرابت وبصوت هل الضحك والونسه وناس تهلهل وناس تسولف طب حميد على ابوي مدري شكله وطلع طبوا وياه ناس هواي معكله وبيهم رجال جبير يجي يلستين واحد بصفه يشبهة تقريبا بس شاب عجبني لبسه وهيبته وكشخته اسمراني ضخم عبايته على جتفه ودشداشته البيضه التلمع من البياض ولحيته الخفيفه ويمشي ويه الشيخ لا باين هو هم شيخ كلت بروحي منين الاهل سعد هيج عرف شيوخ بس سعد مجان موجود بينهم يمكن يجي وراهم وهمه سبقوا ردت بت خالتي نبأ اكلج منوا هذا الحليو التمن كلهن على جتفي ردت اوكع وحده تدفع بلوخ خزنه يردن يشوفن منوا هذا الشيخ الي دخل هو جان واكف يحاجي الشيخ الجبير بلباب منتضرين مدري شنوا وكفتهم طولت بس شنوا البيت نمله هدور كل واحد بيهم شايل سلاح ادكول جايين داخلين حرب مو خطبه تبأ يابويهه شنو هذا شكر دعاء ولج خزيتينه صاحت بت عمي اموت واتكهرب عبالك هو سمع التفت علينه بعد ماجانت عيونه على البيت يفره فر عبالك يريد يفلشه ويرد يبني من جديد يبووو شافنه ارتاحيتي خرب حظي اله تلتمن كلجن يم الشباك هو خنزر عليه انهزمت وبقن البنات يباعن دعاء يبووو غير فشله هسه شيكول علينه مشايفات زلم انزول عليجن تعالن لهنا خزيتنه نبأ اي عيني انتي شيهمج بعد امنتيلج واحد والظور علينه احنه المسكينات لازم نشوف واندور دعاء شني هيه باله هههه دعاء لهناك دخلوا بس لا سعد ولا اهله دكيت على زهراء شو مجت لا هيه لا امهة ولا وحده منهم والفار كام يلعب بعبي يالله الخبر بفلوس بعد شويه يبين كلشي بس متوقعت ذوله الجايين بيت الشيخ حسين والي جاي اليوم يخطب الابنه علي الامر منه ممنتضرين اجابه لان اني اخوي هاديني اله هديه ******** قبل كم يوم من الخطبه حميد شيخنه اني اتشكرك علي سويته وشريكي رجعلي كل افلوسي وماادري شلون اجازيك الشيخ علي اني كتلك جزاءي عد ربي افرح من ارد حق مظلوم بس هو وينه شو ماكو مجاي مستحي منك شيخنه الشيخ حسين عليمن بعد رجع حقك اي والله شيخ والفضل يرجع الكم متصورت فلوسي راح ترد اليه الحمد لله حميد انه صحيح جبت ذبيحه بس خجلان منك فضلك جبير حسين شكلنه احنه الحمد لله بيت الشيخ مفتوح للكل ممحتاجين بس الدعاء حميد الله يكثر من امثالكم وينول الي ابالكم حسين هههه هو اي الي ابالنه حميد طخت عده وهيه هاي فرصته شيخنه حسين كول اني بهل المناسبه اريد اهدي الشيخ علي هديه بس ارجوك شيخنه التفت على الشيخ علي لا ترد الهديه الي الرسول للكريم رضى بيهة ولا تفشلني كدام الوادم ووجوه الخير هاذي والله لو مااعرفك مااسوي هيج والهديه عزيزه عليه وانت صرت ابمعزت اخوي واكثر الشيخ علي بسس الشيخ حسين غمض عينه وحط ايده على رجله العلي يعني اسمعه للاخير علي كول حميد بس بالاول تحلف ماترد هديتي لو شماتكون الشيخ علي عباله هديه بسيطه ويفشل منه ليردهة كال مااردهة لو شما تكون وانه كدام الوادم كلهة راضي بس الشيخ حسين بحكم خبرته الطويله افتهم وابتسم ودعه بلكت هل الزياره الي زارهة لاهل البيت جابت نتايجهة وابنه راح تنفك جبسته والدليل معرف مغزه كلام حميد حميد انه يااهل الخير كدامك اهدي اختي المصون لهل الشيخ الطيب شيخ علي لون شما اسوي مجازي ورايده اناسبه لون تلمست الطيبه البي والخير ماله يعم الصغير قبل الجبير الكل بارك الله بيك لكن الشيخ علي وكف مصدوم امام هاي المفاجئه الي خدرت شفايفه وخلته مينطق بولا كلمه حته الشكر طلعت من الشيخ حسين وهو يضحك بارك الله بيك واحنه قابلين بالهدية يتبع.... ذكرى المندلاوي | ||||
|
| |
|
31-07-19, 01:18 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة بقلم ذكرى المندلاوي البارت 5 علي بغضب بويه ليش هيج سويت حسين اسويت شلون تقبل بهديتهم انه مقابل وجبرتني اسكت غصب عني لان انت ابوي وعيب ارد كلمتك حسين بغضب وانت تكدر ترد كلمتي ؟؟،، علي بويه بس انت تعرف رأي شنو بهل الموضوع حسين اعرف كلش زين بس هل المره السالفه تختلف بيهة سمعتك وهيبتك كدام الناس و شيكلون الشيخ علي ابن الشيخ حسين وحيد ابو موششش زلمه علي بغضب اكسر ر راسه اليكول هيجي عنك وعني ايغير احسب الله مخلقه حسين ان ماحجوا جدامك يحجون وراك وباجر تلكه يدكولنه طبل ابكل بيت اولهم ابن عمك كاظم الي كاتل روحه حته ياخذ مكانك ويدور وراك الزله بويه الوادم الهة الظاهر وسماعت حجي ميصدكون يسمعون سالفه حته يسلفون بيهة ويكبروهة تدري الي مثلك هسه مثني وبيته متروس عيال وانت وحده ممدبر الوادم تحجي بويه اسمع كلام ابوك وجيبهة للبت وانه اروح واخذ عمامك وشيوخ الهلهة حته نرفع راسك وراس اهلهة الوادم احترمتنه وهدتنه حرمه موش من المفروض نقدرهم ونروح الحد بابهم ونتشكرهم علي وهو يكز على اسنانه وكوه لازم روحه ابو لزمه من ايده التوجعه حجي الناس ومكانته وهيبته لازم تكمل بوجود الحرمه وبأسمه وهو مطايق اي حرمه يكره جنس حواء كلهن خاينات وماعدهم رحمه جحوادات وحقودات وكذب ماعدهن اي حنيه هذا الكلام حته يلتفون بيه على الزلمه ويصير تحت جناحهن ويرضخ لاوامرهن لكن هيهات والمره الي تجيني غصب عني ماخليهة تنطوي تحت جناحي بحجه مرتي انه شمدريني بيهة عيب وذبهة اخوهة براسي لا اله اخليهة تصيح الاخ مني وتشرد من اول ليله بسيطه والله لنتقم من كل بنات حوة بيج واخذ بثار ابوي وثاري منكم خل اشوفج شلون تتحملين انه الج والله وجيتي ياحوه بنفسج وصرتي رهينه للشيخ علي ******** رضى ابو دعاء بعد مادخل علي حميد وشاوره بكلمتين بويه الشيخ حسين جايك هو وابنه الشيخ علي واترجاك بويه اسمعهم انت مو تريدهة تتزوج ؟؟؟ياهو احسن الهة سعد لو ابن الشيخ وانه سعد مانتصافه وراح تصير بينه مشاكل وعمر اختي ماترتاح بهل الزواجه والشيخ علي مالكه مثله الدعاء رضى فايير دمه ولكك انت تهددني؟،؟ ولك شلون تتصرف بكيفك وتخلهم يجون بدون مدكلي وادكل لاخوتك ولك تخليني هيج ارضى غصب عني ؟؟؟ اخخخ بويه خوشش انه الك يحميد طول عمري كلت هذا الاوليد ماارتاحله يجي يوم ويسويلي مصيبه بس معرفت هيج مصيبه لجن خوشش انه الك بسيطه خلهم يدخلون عيب توكفهم بلباب شيكلون علينه ميعرفون بالاصول بس يصير خير خل يرحون وانه اعرف اصرف وياك رضى كمش كلبه وعرق راد يوكع لزم يدت القنفه وكوه مسيطر على روحه اجه قاسم بويه شو جاي الشيخ حسين بنفسه للخطبه ليش مكلولنه ادور سعد ماكو مجاي شني القصه همه خبروك بهل الشي شو اخابره ميرد رضى بغيض اسكت يقاسم مو وكت هل حجي خل الوادم تروح وبعدهة نحجي وخبر خوتك ولا واحد يفك حلكه الحجي كله الي افتهمت قاسم بحيره شني السالفه صاير شي؟؟؟ رضى اسكتتتت كتلك قاسم شاف ابو لزم كلبه وفكره كام يودي ويجيب متسائل عن سبب غضبه مو جان راضي انوب شنو سبب جيت الشيخ وابنه بنفسهم يحضرون الخطبه وهو اصلا مجة قرر يسكت ويخبر اخوته هم حسب قرار الاب واصلا بعد شويه يدخلون ويفتهمون كلشي حميد اتفضل شيخنه ياهله ويامرحبه نور دارنه بيك وبهلك وبكل الشيوخ الي وياك دخل حسين هو وابنه علي وياه الشيوخ والاستقبال نمله والشباب ظلت واكفه نصهة ونص بره بلكراج واهل دعاء حاروا بيهم ممسوين احتياطاتهم للعدد الجبير رضى ياهله وميت هله تفضلوا هله بوجوه الخير نورتونه الشيخ حسين البيت منور بهله رضى حيدر ضيافتكم بويه انت واخوتك قاسم ومرتضى بسرعه اليوم الشيوخ ضيوفكم قاسم من عيني بويه وهاي الساعه المباركه حسين اشر القاسم اوكف اوليدي احنه اليوم جاييك حسب الاصول ونشكرك رضى انتوا اهل الاصول والنعم منكم الكل جان منتبه شراح يكول الشيخ حسين حته يعرف سبب جيته بس رضى جان يعرف وجماعة الشيخ نفسهم الشيخ حسين أشر الابنه علي يجماعه الخير كلكم تعرفون ابني الشيخ علي احد المدعويين اي والنعم منه شيخنه ورفعه راسنه واسد من ظهر اسد وكريم ومن بيت كريم انه اليوم جيت اخطب حسب الاصول بنت ابو حيدر الابني علي على سنه الله ورسوله ومااعتبرهة هديه لا والله مرت الشيخ بنت خيرت الناس واجاويدهة والناس تحلف بيهم والبت من بيت طيب وطاهر ومثل ماكلت انه جيت حته نكطع الحك مااعتبرهته هديه لا والله اعيدهة واظل اعيد حته ابكل يعرف مقامهة عدنه اليوم راح جينه واحنه ويه هل الوجوه الخيره حته نكطع الحك مقدم ومؤخره ابوهة واحنه شما يطلبون لجن شاريين ناس والنعم منهم ومن تربيتهم اهل دعاء اخوته والحاضرين منهم ظلوا صافنين الصدمه خلتهم يفرون براسهم شنوو هديه شنو خطبه التفت الكل على الاب رضى ماعداه هو حميد الي جان يتختل من عيون اخوته وابوه الي الصدمه انهت عليه جان منتهي وكوه كامش روحه كدام العالم الجايه الشيخ حسين شكلت ابو حيدر نتوكل وهذا الشيخ ابو محمد جبنا وهم حاضر يكطع مهرهم رضى بيأس وغصب عنه كلشي بلنسبه للشيخ حسين منتهي يعني اذا رفض ياويله وسواد ليله منوا يكدر يرفض ابن الشيخ الي الكل تهابه وتعرف جبروته وهو منوا حته يرفض يعرف كلش زين الشيخ حسين مراح يعديهة اله ولا الولده وراح يعاديهم وحته يسويلهم تهمه ويطردهم من بيتهم هذا اذا مأذه ولده وخرب كاعه الي عيشتهم علي المصيبه والامتحان الي بي متمنا العدوه دنك مخذول مثل الطير المذبوح وغصب عنا كال عداكم العيب انتوا والي وياكم من شيوخ والف هله وسهله اهل اصول والنعم منكم اجاويد ولد اجاويد ابا عن جد وانه الجيتكم شماتحدد ياشيخ انشاءالله مانعترض هيه البت صارت بتكم قاسم وحيدر ومرتضى واحد يباوع ظل على الاخ شنو ابوهم ليش هيجي سوه مو على اساس سعد يخطبهة واليوم خطبته شخله وشوازه ابوهم ينطي كلمه للشيخ حسين هم مكدروا يحجون بعد كلمه ابوهم وخاصه وصاهم الكل يسكت اكيد اكو سبب ولو هيه الخطبه احسن خطبه الاختهم بس سعد صديقهم وعشره عمر بسس بعد كلمه ابوهم ماكو كلمه ولا اعتراض عدهم الكبار من يحجون ويقررون البقيه تسكت وترضخ علي ويه كل هل الهوسه ساكت وكوه متحمل بس كل شويه يخزر لاخوتهة الي اول مره يشوفهم وهمه هم بس سامعين بي خوش شاب تعبان عله روحه وخير والعالم كلهة تحلف بي وباعمال الخير الي يسويهة وهو احسن من ابو بهواي يحب يسوي الخير دئما وميصدك واحد يحتاجه لكن اليوم شو جاي جنه متحلف وبس يخوزر بيهم جنه جاي غصب وو شنو سالفه الهديه معقوله ابوهم منطي اختهم هديه لااء ابوهم ميسويهة مرتضى ليش لااء يمكن توازه على شغله ويه الشيخ قاسم مستحيل موش ابوي مهما يكون يذب بته وخاصه دعاء حبيبه كلبه وهاي السوالف اتبطلت من زمان وهو اصلا يكرهة ودائما ينتقدهة السالفه مو خاليه قطع كلامهم الاب من صاح بويه قاسم روح خبر الجماعه يجهزون روحهم جان يحجيهة وهو كوه كامش روحه مو قليله الي ديمر بي يذبحون بنته كدامه وهو مقدمهة فداء ومنوا منطيهم السلاح اقرب الناس اله ابنه اخخ بويه هظيمه ياهل الناس والله هظيمه جان يتخيل وجه دعاء وهيه متفاجئه بعريسه الي لا عل البال ولا على الخاطر وبدون مقدمات تلكي نفسه هديه بس لا لازم اروح اني بنفسي اهون عليهة وافهمهة المصيبه الي وكعنه بيهة .هيه فاهمه وراح تعذرني وحته افهم الشيخ مكانه بنتي عندي والي صار غصب عني وكوه هظمته رضى اوكف بويه انه اروح سويلي مجال قاسم متفاجئ اكثر ومن وجه ابو عرف هول المصيبه والكارثه الي همه بيهة والله يستر على ابوهم ليوكع هل المره ويخسروه راح على زوجته يصيحهة تسوي مجال ****** دعاء بعد ما جنت فرحانه ومستبشره خير وشفت الضحكه بوجه حميد يعني راضي اي بلكت الله هداه بس السؤال وين اهل سعد لا امه لا اخته ولا حته جنتهم سعوده كلبي نغزني خاصه بعد ماطبت مره تقريبا بلخمسين مبين عليهة الترف متروسه ذهب وجهة معبس معاجبهة العجب وياه نسوان تقريبا بعمره وشابات كصتنه واكبر مشايفتهن قبل هم باين عليهن الترف بيهن الوجه يضحك وبيهن وجه الحايط جايات غصب كعدن بعد ماسلمنه عليهن وباوسناهن وهنه من وره خشمهن يباعن على البيت رغم هو جبير ونظيف يلمع لمع بس الاثاث والبناء قديم الظاهر مو على المرام بس همه ليشش جايين كلبي بده يرجف من الخوف ميت حسبه وحسبه تجيني بس مال الكارثه الي سمعتهة وراه شويه ومن من من احب وارق واحن انسان عندي ابوي متحملتهة ياهل الناس مصيبه يعني مال انت تتوقع شي ومجهز روحك وكلبك وحلمك ومستقبلك بشي وتنصدم بحلم غير الي حلمته كأنما ضربه قويه براسي افقدتني ذاكرتي للحظات لااء ويمكن ابقى فاقده الذاكره لسنين اووف يرووحي كون ميته ولا هل الخبر رضى بويه ابنيتي المصيبه الحنه بيهة جبيره وابوج صار مثل بلاع الموس وانتي الي وحدج بيدج تنقذينه من هل للكارثه الي حلت علينه انه مراح اجبرج حقج ترفضي هسه اطلع واكللهم رأيج وافهمهم السالفه كلها صارت غصب عنج ويخلص كلشي وكل واحد يروح الهله نزلت دمعه من عيني وركضن خواتهة وياهة انفكن مثل المطر ابوي لا تبجين من عساني ميت ولا شفت هذا اليوم اسم عليك بويه ركضت عليه بست ايديه وراسه بويه انه ماابجي على الزواجه الغصب لا بويه انه ابجي لون راح افاركم شمالي لا تخاف عليه بنتك راح تصير مرت الشيخ وترفع راسك وراس اخوته هو اني اطول اتزوج هل الزواجه كلتهة واني ابلع دموعي وامثل بلكت ابوي يقتنع انو اني ممجبوره عندي ابوي بلدنيا كلها رضى الله يرضى عليج ربيت والنعم من ربيت دومج رافعه راس ابوج دعاء بعد ماطلع ابوي وره شويه سمعت الهلاهل وجني البنات يباركني نبأ ها ولج تخافين لنحسدج وتسوين نفسج ماتعرفيه وتاليته يطلع هو الي عليه العين بوييهه والله ينخاف منج يابت رضى دعاء انه وين وانتي وين بعدين شنو قصدج تعرفي هو اني الحد هسه مشايفته ولا سامعه صوته وكلت ابوي عني نبأ بويهه من للجذابه ولج مو هذا للي جان من الساع واكف وي ابوو الشيخ حسين كولي مشايفته دعاء ويه نفسي كلت خوشش هو هذا الي نافخ ريشه ورافع حاجبه ومحد عاجبه على شنو جاي يخطب لون ضايج اذا اني حرمه وانغصبت هو هم مغصوب والله ياالله بعدهة كلولي لبسي شال ابيض جاي الشيخ يبارك غطيت راسي كله مااريده يشوفني ولا اشوفه لا ارى القرد ولا القرد يراني شو اول مادخل وسبقته وحده اسمهة ام طيبه الي ماادري ليش ماتنزلي من زور ولا هيه احسهة مطايقتني جابت كومه ذهب كلاده طويله مدري سلسله طويله كلش وثكيله اتقرب مني وهو هم متعب روحه مشال الغطه عن وجه ذب السلسله على ركبتي بس شميت عطره امبين عليه راقي ويعرف يختار العطور طبعا ابن شيخ بعده كال الام طيبه لبسيهة السوارات طلعت ايدي من الغطه اني لابسه محابس ابوي دائما يجيبلي هدايه محبس ذهب تراجي وجنت لابستهن نبت وحده منهن كالت شوف ايديه تلمع لمع جنهة جماره ام طيبه نكزت بيهة وهو كاللهة انتي كملي الباقي انه اروحن صوته الي لاول مره اسمع صوت زلمتي مجنت اصور ه هيج خشن مابي حنيه يرعد رعد عود هو همس لو زئر بلغرفه هذا شلون راح اعيش وياه كملت ام طيبه وجانوا جايبين هواي ذهب ومن النوع الثكيل حته يثبتون مكانه الشيخ اخخ يادعاء اشضامتلج بعد الدنيا غريبه صدمتني اليوم كلشش ياترى ضامتلي الفرح لو الحزن على هل الزواجه وجاني الرد سريع من ام طيبه لتفرحين بهاي الشويه الي يلمعن عليج تراه الي منتضرج مر علكم اشتري راحتج وارفضي من هسه تراه راحتج ميعادلهة كل ذهب الدنيا بعدين تكلين مرت الشيخ كالت وانه مسمعت نصيحتهة انصدمت ليشش هيجي ادكول واشتقصد وشنو غرضه معقوله تكره ابنهة لو تكرهني كتلهة هو الفاس وكع بلراس شبيدي بعد كالت اخلصي بروحج واشردي ماطولج بلبر اخوتج وابوج ادري غاصبيج وانه راح اساعدج ومناك سمعنا صوت صياح صوت سعد وحميد واخوتي وابوي وياهم قصه لذكرى المندلاوي يتبع..... | ||||
|
| |
|
31-07-19, 01:26 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هدية مرفوضة للكاتبة ذكرى المندلاوي البارت 6 سعد والدم يطافر من وجهة انتوا شلون تغدرون بيه ؟؟؟ قاسم اكلك محد يعرف السالفه صارت غفل انت شنو تريد تجذب علي شنو غفل وهاي الشيوخ كلها هنا ومدسترين الشغله اثاري من زمان ولك اسكت هو اني الي اسمي اخوهة مفاهم شي رد بغضب جا كول الزواجه هاي حرام لون مو برضات البت مرتضى اسكت لافلش وجهك لجيب طاري اختي حيدر على كيفك ويا هو هم حقه مرتضى ماتسمعه قاسم تعال سعد وياي انه افهمك سعد بعلو صوته انه مااطلع منا والزواجه هاذي كلها غلط بغلط دعاء خطيبتي انه الي رايدهة قبل لو جي هو ابن الشيخ علي سمع اخر كلماتهة وهو جاي يعرف شنو سبب هل الهوسه اتقدم على سعد وكمشه من ياخه الدشداشه وكال ولك هاي عليمن سعد وانت شنو الحجي مووياك انه حجايتي ويه اخوتهة مد ايده ويريد يفك روحه من ايد علي الي مجلبه بياخه الدشداشه علي بغضب همس ولي منى لا اكسر الخشمك وصوتك مااريد اسمعه الي كاعد تحجي بيهة وبعرضهة صارت اليوم ومن هل الساع عرضي يعني انت كاعد تطعن بشرف حرمتي والله وثم والله لو ما اكولن جاهل ومايعرف الاصول وانه مستواي مو من مستواك صحيح بس مو مثل ما اتصورته وال السالفه تمس شرفي وهنا الوادم كلهة جايه وتسمع جا عرفت شلون اتصرف وياك بس هينه ضامهة لك وانه الشيخ علي موبسهوله انسه والايام راح تثبتلك عاف ياخته ونتك دشداشته من يم ظهره بقوه كأنما ديطبطب عليه وكال وهو بعد يهمس وهسه تروح البيتكم ياشاطر وهذا البيت متعتب بابه لا السالفه تكبر وحسابك هم يكبر سعد خنزر بوجهة بس الخوف كان باين عليه من رجفه ايديه كال هين ياشيخ يصير خير بس راح اكلك جلمتين قبل لا اروح البت هاويتني الي وكلبهة وياي وانت ملكت جسد بلي روح متحمل علي ضربه بوجه وكان لابس محبس شذرته جبيره بسرعه نزف خشمه السعد وركضوا اخوه دعاء عليه يفكوا منه بس سعد رفض مساعدتهم خنزر بيهم وصاح بعلوا صوته وهو يطلع الزواجه باطل باطل باطل طلع بعد ماخله الشيخ سعد يشيط وهو اخذ فكره عن عروسته رفع راسه شاف وحده تخوزر بيه من الشباك وهيه مطلعه نص جسمهة واكفه بشموخ وعيونهه متروسه دموع اما هو ابتسم بخبث وعيونه دم احمر لزم شماغه الي راد يوكع من راسه ودنك وكمل طريقه وطلع وهاي كان اول لقاء بينهم ********* دعاء ركضت على الدرج وانه اصعد الغرفتي اشوف شنو سبب هل الصياح واني كلبي يدك ادري بي كلش زين صوت سعد من عرف بلي صار واجه شايط نار وين جان والعالم صارلهة ٣ ساعات كاعده وانه ادك محد يشيل التليفونات لا زهره لا سعوده وهذا ابن الشيخ الي صار زلمتي مدري شلون ياهل الناس مستهظمتهة كوه شفته جاي والدم يطافر من وجهة وكف بصفه السعد و يشاوره كمشه من ياخته ومدري شيحاجي وذاك صاير مثل الطير المهلس كباله ضربه بوجهة واني كلبي طفر من شفت خشمه ينزف تمنيت انه زلمه واخذ بثاره وافلش خشمه لكن من سمعته السعد وهو يصيح هاي الزواجه باطل ورددهه ٣ مرات بعلو صوته وشفت ابوي وهو يغمض عيونه ورد فتحهة مدمعه يابويه كون متت ولا شفت هل المنظر اخوتي وهمه مدنكين جن اختهم جابتلهم العار عرفت انه جنت غلطانه بسعد وحمدت الله مصار قسمتي لون طلع مو زلمه الي بيني وبينه جان اعجاب مدري حب من بعيد البعيد محاولت يوم اسوي الي يغضب ربي واهلي جنت اخاف من هذا اليوم جنت اخاف من لا اشوف الي شفته دمعت ابوي ونزله راس اخوتي موتت حبه بكلبي وردت اروح ابوس ايده لابن الشيخ لان ضربه رفع راسه وشافني خنزر علي واني كلي يرجف بس مردت يعرف بخوفي وبعدين انه ممسويه شي عليش خايفه منه ليش اثبت على روحي كلام سعد الي طلع نتيجه غضب منه انه دعاء بت رضى معروفه سمعتي ميحتاج اثبتله هل الشي وياريت يبطل وافتك منه لا هو ولا سعد اثنينهم ماارديهم وبطلت مااريد اتزوج على شنو نافخ روحه ومحد عاجبه ولا واحد داخل بعينه خل يولي صحيح هو حلو وبيه كل المواصفات الي جنت اتمناهة بزوج المستقبل هيبته وضخامته وطوله وسماره كافي بس نسيت احلامي او قررت انسه من شفت سعد وتصرفاته والحاحه علي خلتني انعجب بي بس مفد يوم حاجيته بس نظرات بينه وزهره جانت اتوصل مشاعره واني يزيد اعجابي بي من اشوفه متمسك بيه ويحبني ويريدني ام جهاله واسمع كلامهة وهيه تمدح باخوهة وشلون يحبني ومتمسك بيه وناوي يدللني بس اصير اله كل بنيه تنجذب بلشخص الي يهتم بيهة ويحبهة معرفت كل هذا راح يتغير والزمن كاتبلي غير قسمه عرفت غلطتي من سايرته الزهراء وسمعت كلامهة طلع وهو چنه متحلفلي الله ?ریم هیه بقت علیك الله يستر من الجايات اشجابج على بيت الشيخ يادعاء الدور هاي الي اسمه ام طيبه ام الشيخ مدري شبيهة شاده سنونه علي مدري شبيهة وكارهتني اكيد وراهه مصيبه الله يسامحك حميد ليش هيجي مو انه اختك لا والمصيبه نبأ والبقيه حاسداتني عيني عينك على شنو ****** دعاء نزلت تركض من سمعت صوت ابوهة وهو يصيح الله اكبر منك انه من هل الساعه متبري منك ما اريدك بهل البيت ولا توصل عتبته شوفلك غير مجان مستحيل ارضه واحد مثلك بعد ابيتي ام دعاء ابو حيدر خل يولي اطلع حميد ابوك عصبي هسه سكينه تغمض عيونه وتحجي رضى لا انه غاضب واليوم الدين منه مااريد اشوف جهرته كسرت عصاته الهل الولد هذا نطفه خايسه تخيس بيتي مااريده خل يطلع قاسم ابوي خل يولي راح بس اهده شوي موزين عليك الي تسوي نسيت حجي الدكتور حيدر ليش مخليتني اكسر راسه هذا ال٠٠٠٠٠ مرتضى والله فضحنه واحنه جانت الوادم تحلف براسنه الدور هذا الساقط الا خ سعد الي شوه سمعت اختنه الام قاسم كافي الخاطر الله متشوفون ابوي رضى اتغير لون وجهة وعرك وكمش كلبه بعدهه وكع صاحت سكينه الام يبوووو ابوكم راحححح ركضوا ولده عليه ******* حسين شنوووو ولك اتريد الناس تاكل وجهنه اتريد اتخليهة ابيت ابوهة ؟؟؟ ليش ازوجتهة انت الشيخ هيجي جا شبقيت للسلف جيبهة وخله يم خواتك حالهة حالهم بس مال تعوفهة ابيت اهلهة هذا من سابع المستحيلات كطنه وشيلهة من اذنك علي بغضب جا شنو شتريدني اشد كرون مسمعت بنفسك انه صرت مضحكه الكل الشيوخ اليوم سمعتهم شكالوا ؟؟؟ انه سمعتهم شكالوا صرخ الشيخ علي اتقشمر لبسوه حرمه الله يستر منهة ام طيبه شيخنه فكهة منه من هسه قبل لا تصير بركبته وبعدهة نعض اصابعنه ندم حسين اسكتييي انتي مالج دخل انه وابني اطلعييي ام طيبه جا انه اشكلت هو هم حقه البت مرايدهة هيه كوه اتريد اتلبسهة براسهة كليلات البنات حسين انعل ابوج يابو الحجاج بت محيسن الاغم اطلعين لا اكسر الراسج جن البنات يركضن على امهن حسين تاخذن امجن لا اسوي سوايه بهل اليوم متنحجي فهيمه مرت الشيخ الثانيه هيه امج بكل شي وحاطه خشمهة ادكول بس هيه مرت الشيخ طيبه انتن بس تردن زله الامي هيه غير مصلحته اشلون ترضوهة ياخذهة شفتوا المصيبه الي صارت جدامكم وجدام الكل فهيمه والله احنه منعرف شنوا السالفه حرام نتبله عليهة الناس الكل تحلف براسهم ام طيبه عوجت حلكهة ام ريمه زوجه الشيخ الثالثه محد يعرف غيري شني الغرض من كل الهوسه الي سوته امج ام طيبه وهيه تعوج حاجبهة بقرف شني الغرض ام ريمه تردين الشيخه البت اخيتج لو انه واهمه ام طيبه اكتفت تعوج بحلكهة وسكتت طيبه جا شني ترديهة البت سكينه الي فشلت ابوي واخوي طلع صاحبهة يهدد بينه وسواهم هلكدادهم جدام الوادم والشيوخ الجايه شبيهة بت خالتي ***** الدكتور اني مو كتلكم ممنوع عليه الانفعال قاسم دكتور مو بيدينه غصب عنه مرتضى دكتور نكدر نطبله الدكتور ممنوع خله يرتاح انطيناه مهدئ ونام مااظم عليكم ابوكم محتاج عمليه والتاخير مو بصالحه حيدر والعمليه نتيجتهة شكد بلميه الدكتور تردون الصراحه اذا سويتوهة هنا مااظمن نجاحه لكن اذا سافرتوا بي للهند او تركيا وهيه اقرب دولتين الكم وهناك الاجهزه والمعدات حديثه نجاحه يكون مضمون و٩٠ بلميه بس تكلفكم قاسم ناخذه لو نعرف نبيع حالنه ومالنه دكتور الدكتور خوشش راح انطيكم اسم الدكتور وعنوان المستشفة وهذا اسم المترجم ورقم تليفونه تكدرون تتصلون بي وهو يقوم ابكافت الاجراءات حتة اول ماترحون يستلمكم واني راح اكتب رساله للدكتور وافهمه الحاله وارفقلكم وياه التحاليل الي سويتوهة قاسم مشكور دكتور الله يحفظك الدكتور.العفوا هذا واجبنة حيدر وهسه شلون منين نجيب الفلوس قاسم اني راح ابيع سيارتي مرتضى واني عندي كاع مشتريهة بس فدوه البوي حيدر انه هم اروح اشوف الدفتر الي بلمصرف جكد بي واجيكم كله الجل عافيت ابوي يهون ******** ام دعاء ولك حميد تعال ليه ابوك راح يروح مني حميد وعيونه حمر من البجي دنك على امه وهو يبجي باين عليه الندم باس راسهة يمه ابوي مابي شي لا تخافين ابوي يرجع لتخافين حبيبه دعاء خويه ليش هيجي سويت بينه احنه مو اهلك حميد كافييي ادور انتي علي التفت الامه وكال اني رايح البوي بيا مستشفه اخذوا امه ماادري مااعرف محد اجه ورد خبر اكيد ابوك بي شي دعاء امش وديني لابوي خل نسأل عمي ناظم هو يعرف وين خذوا حميد وامي ياهو اليمهة هسه اخابر مرت حيدر والبقيه يجن يمهة ارد اروح كلبي يرجف علي ممرتاح دعاء خابرت مرت حيدر الوو هله بمرت الشيخ وميت هله دعاء كتلهة واني خلصان كلبي وهاي جاي تحشش ولج تعالي لامي وخابري مرت مرتضى وقاسم يجن وياج للبيت امي وحدهة وانتي وين رايحه شبساع طلعتي وياه على كيفج خيه ثكلي شويه ولج والله مو بحالج ابوي اخذوا للمستشفه وانه رايحه ويه حميد يمه عزه العزانه شبي عمي درووحي مالي خلكج تعالي بسرعه امي مريضه ديري بالج عليهة لا تقهروهة صار صار انه جايه لبست بسرعه جبه ولفيت روحي بشال على السريع وبلطريق حميد سأل عمي كال احنه كلنه هنا وانطاه عنوان المستشفه اخذنه تكسي وطلعنه بسرعه على العنوان والطريق كله ميته على شوفت ابوي وميت حسبه وحسبه تجيني واستغفر وادعي كون كلهن غلط وابوي مابي شي ويرجع للبيت وينوره اول ما وصلنه سألنه انطونه رقم الغرفه لن الكل اهناك حته الشيخ وابنه المغرور اول مشافنه فك عينه وظل مخوزر وانفخ روحه مدري على شنو ركضت حضنت قاسم وانه ابجي اخوي فدوه الكلبك ابوي بي شي شلونه انه سمعت حجايته وهو جايني يبجي وفاك ايديه يحضني ابوي مو زين ابوي موزين دعيوه ادعيله محتاج دعائنه اني سمعت هيجي الدنيه اظلمت ومبقه دم ابجسمي وكعت من طولي الدكتور صاح منو ابنه للمريض اجه هو يركض صرت نصي على ايديه الابو خشيم علي روح قاسم الدكتور يريدك اطمن هيه يمي هسه شوي وترجع لوعيهة دعاء اسمعه يحجي واني منتهيه حيل مابقه بيه من الصبح والاخبار الموزينه تتواله علينه من خبر خطبتي والعركه والمفاجئه والصدمات وحده وره اللوخ تتوالى علينه واحنه دم ولحم مو حديد متحملت تخربطت لن هذا كمش ايديه بكل قوه وجرني للحمامات وهو يهمس انتي شنو محد بعينج تجين ومفرعه جدام الزلم وتحضنين شوف هذا انه بيا حال وهو بيا حال رجع دنك علي ويهمس ويصك اسنونه رفعت راسي اباوعله حقج بويه حقج ياهو الي مربيج اذا بهل العمر جلطي الزلمه بسوالفج تحبين وتتمعشكين بكيفج وتخلين الزلم تتكاتل وراج عدلت روحي منه وكلتله احترم نفسك انه جيت اشوف ابوي مو مثل ماانت فاهم وهذا كلامك مو هسع ينرد عليه اله وكته شوكت هاا كليلي لو ناويه تخليني بالامر الواقع وغصب عني مثل ما اخوج غصبني وشمرج عليه بحجه هديه ههه انتوا عليمن تضحكون الله العالم شمسويه وشعندج من سوالف بعد بس لااء مو علي ابن الشيخ الي تجي وحده مثلج وتنشمر براسه اله اخليج انتي بنفسج تصيحين مااريد اريد بس المفكه منك كلامه صدمني انه زود مصيبتي مصيبه الوخ بس متحملت كلتله انت شنو جاي تسوي جميل لابوي واخوتي وتوكفلهم بشدتهم على اساس لو شمتان بيهم فك عيونه عليه خوفني اكثر منه وكال والله وطلع عندج السان ولو انه كلت اكيد عندج لسان وطويل بس مجنت اعتقد راح اطلعيهة بهل السرعه لجن خير سويتي بس اكلج جلمتين وخليه حافظتهة موش علي ابن الشيخ يشمت بلمريض انه معروف عني اوكف لهل ديرتي وللقريب والغريب مو انتي الي جايه تقيميني واتعلميني بواجبي وهسه يالله ولي جدامي وصوت منج مااسمع ابوج انه اجيبلج اخباره ومره ثانيه مطلعين دون شوري افتهمتي لو اعلمج بغير طريقه ****** يتبع..... ذكرى المندلاوي | ||||
|
| |
|
31-07-19, 01:30 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لذكرى المندلاوي هدية مرفوضة البارت 7 دعاء شو ماارووح عنادا بي شنو اشايف روحه هذا ابوي اذا مااشوفه اموتن والله يالله هذا من هسه هيجي بعدنه بلبر اذا معاجبه خلي يطلك كتله واني مسيطره واكفه كباله شو ابقه واله اشوفه الابوي وشتريد اتسوي سوي شو هذا انكلبت عيونه حمر دم وصك على سنانه وهو واتقرب مني ولزم جتفي وانه بسرعه صارت عيني على ايده وين حطهن ومرر اصابعه بقوه بلحم وكال وهو منصي يابت الناس لا تختبرين صبري لان بده ينفذ وانه مااكدر اضمنلج تصرفاتي فاالي اريده منج تروحين منا للبيت كبل هسه تصيحين على اخوج هو هذا نفسه الي جابج والي نفسه الي هداج الي وجان يوم اسود مصخم مثل وجهج نكت ايده وطبطب على جتفي ودفعني بخفه عود بس اني شنو انهزيت هز وردت اوكع من طولي منظره وهو يحجي بصراحه خوفتني هذا مو مال واحد ياخذ وينطي وياه بلحجي ومبين عليه عقده الدليل عيونه مابيهن اي حنيه معقوله اني دعاء الي السلف كلهة تحجي بجمالي مارف كلبه علي ولا شويه عيونه بعيني وايده تنغزر بجسمي كأنما يغزر مسمار بنعش ميت اوو مجرم بحقه اوووف ياروحي اشضامتلج الدنيه صفنت بوجهة بله هذا شكله باوعتله صفح وهو كال استغفرررر الله تمشين تصيحي ياخذج لو اخذج انه من اخذج الموت كون ههههه ضحكت اتصدكون رغم غلطه وتهديده ضحكت هو كانما مصدوم اشبيج انتي خبله ؟؟، بس لا خبله وشمروهة عليه يسويهة الحظ يابو حسين لجن هيجي طلعت السالفه البت خبله وشمروهة علي اليوم احرك ابهاتهم انه الشيخ علي ومحد يوم لعب علي يجون اولاد ال٠٠ يلعبون عليييي اليوم وظل يهدد اليوم هيجي اسوي وهيج اسوي بس بصوت ناصي يسمعني كتله هوب هوب على كيفك شنو خبله مااسمحلك كال نصي صوتج لا ابتلي بيج انتي واهلج والله لو ماابوي وحجي الوادم جا لعبت فلك بيكم انتوا تلعبون علييي دعاء هو ياهو الي لعب عليك احنه بعدنه بلبر وانت زلمه وشيخ ممجبور تستمر وياي انه بنت لا حول ولا قوه مااكدر ارفض وهل التشوف ابوي تمرض وكع من وراكم الصدمه جبيره عليه بنته الوحيده انطوهة هديه وصارت علج بحلك الوادم اولهم عريس الغفله نفسه ممصدك بت وبهذا الجمال والشرف ومناقصهة شي ليش اهلهة يتنازلون عنهة وبهاي السهوله الواحده مريض مثلك دعاء ماادري شلون ومنين ويمته جتني ضربه وانه احجي على وجهي صارت الدنيه ظلمه وعيت على صوت اعرفه كلش زين سعد اوكفف بصياح انت شلون تمد ايدك عليهة واسمع اصوات اخوتي قاسم مرتضى اخذهة منا ورد كال الحميد انت شكو جبتهة مو كتلك متتحمل تتخربط سعد انه شفته وهو يضربهة علي انت تولي منا لا ادمر وجهك مرتضى تاليهة وياك سعد انت متصيرلك جاره مو كل الي صابنه بسببك ابوي الهل تشوفه ميزي عاد كافييي روحح منا حميد انت شلون وياك اله امطلك هنا واتوبك دعاء فتحت عيوني لن اني بين اخوتي مرتضى وقاسم وهذا العتوي يباوعلي بنظرات متقزز مني عبالك خل يولي اني مااروح لو يطلع كرون وخله يهدد منا للصبح باوعت عليه وهو خنزر كأنما يكلي صبر ي اني الج ان ماراويتج نجوم الظهر لبسته والتفتت الاخوي قاسم ابوي شلونه اكدر اشوفه جاوبني مرتضى بنتره لا متشوفي وهو زين والحمد لله متشوفينه كلنه بره ميخلونه نشوفه مو زين عليه خله نايم مرتاح منا الحد مايهده گلبه تعبان يعني شنو ماشوفه اليوم فدوه الطولك بس من بعيد حته لووو قاسم مرتضى اخذهة تشوفه من الجام انه ادري مترتاح اله تشوفه وراح اتظل اتزن براسنه وتبجي واني مااتحمل مالي خلكهة مكافي مرض ابوي التمن علي كلهن والحمد لله كمت على حيلي واكت بروحي تراب ملابسي من وكعتي لمن ضربني الحقيير شلون يخنزر ولا جنه مسوي شي خليت عيني بعينه وفكيتهة على وسعهن حته ابينله انه مخايفه منه اتحامه بأخوتي الله يحفظهم الي اباوع السعد كاعد ليغاد هو هم يباوعله يريد يشرب من دمه شگد غثيث وثكيل على الگلب مادري شلون بنات عمي وخالي شافنه حلو انه اشوفه يلعب الروح الله يساعدني شلون راح اتحمل العيشه وياه الله يكون بعوني اباوعله اندار وراح لجماعته الجايين وياه وبعدهة تقرب لاخوي حيدر وكال ابو مهند سلامه ابوك الله يسلمك احنه نترخص وشتردون اني حاضر ولا تستحي صرنه اهل دعاء بكلبي هذا ياهووو؟؟، الغثيث هيجي يحجي مااصدك مصدومه لااء وليش مصدومه هو مبين خوششش ممثل بارع اخوي حيدر رد انشاء الله اهل واني اشكر منك لون ماقصرت والنعم منك ابن اجاويد رد كله اخوي خيتك لا تخليهة تظل لون الوالد مايحتاجهة طمنه عليه الدكتور حالته مستقره بعد عليمن اتريد انه اوصلهة حيدر هااا اي صح كلامك هسه بس اتشوف ابوي واخليهه ترد ويه حميد علي زين تسوي اباوعله بطرف عيني هو رجع باوعلي بنظره تهديد همست وسمع اخوي حيدر والله يالله انت شعليك كاتل روحك د رووح رد علي حيدر وهو سمعني حقه حرمته وباسمه بوسط االزلم وهذا سعد الي البارحه وياه اتصير مجاتل الا شوي ومترديه يكلج ردي للبيت والله لو ما اختي وعزيزه علي جا عرفت شلون اتصرف ويه حميد شكال الروحه من جابج هذا ميجوز من سوالفه شوف تصرفاته ليوين وصلتنه بس بسيطه انه اله خل يطيب ابوي دعاء عل كيفك اخوي تراه مو صوجه انه الي لحيت عليه لون گلبي ميرتاح اذا ماشوفه البوي حيدر دروحي بسرعه وردي للبيت انتي صرتي بذمته للزلمه وكل تصرف منج محسوب عليه هو انه شمسويه ابوي وارد اطمن عليه انتي شنو مو بعينج كلنه أشوفج تلحين وطالع السانج ياا هو انه شحجيت بكلبي كلت هو كله من هذا الغثيث هو الي حركهم علي ونبهم خل يصبرلي اله اشوفه ايام سوده مثل وجهة شفت ابوي من بعيد من الجام وانه نزلت علي دموع موكفت يابويه كوم الخاطري وترجع ضحكتك تملي علينه البيت لون اعرف ادفع عمري واشوفهة ******** الشيخ حسين انت شبيك مدكلي ادور الزله ويه البت هدور خبله علي بويه انت كوه تريد تذبهة بركبتي ولك هم نرجع النفس السالفه ولك عيب وخزي تردهة كتلك خلهة وسط خواتك وهل البيت الشيخ شكبره وشعرضه تلم الوادم كلها ماتحمل البت وهيه صارت حرمتك ولك خلهة لا تخليني اعصب عليك وبعدين تعال ليه انت متشوف نفسك زودتهة مو خليتني انه ابوك اشك بيك علي بغضب بويهه الا هاي تشكك برجولتي ابنك كادر يعرس واليوم مو وحده واثنين حسين لا بويه انت رحت بعيد مو هذا قصدي لا بويه افتهمت قصدك كلش زين وانه اترخص لون تعبان خله ومشه الشيخ حسين تعال وين رايح هذا شنو من ولد هدور هل الوحيد وكل العين عليه وانه شماتي هواي بس اله خلي يعرس وغصب عنه جا هيه الشغله بكيفه انه اريدلي حفيد يشيل اسمنه ماعولت يرضه يزوج هدور قوانه جديده البت خبله هو انت الخبل وابصم بلعشره ******** مرت كم يوم واخوتي باعوا العدهم الخاطر سفر ابوي واتفقوا يروح وياه قاسم ومرتضى والشيخ حسين اجه قبل يومين وكال احنه اهل وطلع ضبه فلوس وخلاه يم اخوتي بس حيدر اتشكر منه وكال من نحتاج انت اول واحد نجيه والشيخ كفه وفه والنعم منكم وهذا الغثيث بعد مشفته احسن فكه منه انه بياحال وهو نازل اوامر خله حته اخوتي يفطنون علي اليوم خابر قاسم وفرحنه فتح الكامره لون مفاجئه ابوي سلم علينه واحد واحد وطمنه عليه وكال انه زين والعمليه نجحت والحمد لله واحنه راح نرجع بعد يومين بعد يومين جانت الذبايح اخوتي محضريهة وهلهوله امي وعماتي وخالاتي وجارات امي صديقاتهة الا ام سعد زعلانه مجت ماخذه على خاطرهة هيه امي خطيه شعليهة بس هذا الصار احنه الفرحه جانت متسيعنه وكلها فرحانه وتضحك وابوي طب يمشي وباوسوه اخوتي ودمعه الفرح بعيونهم امي وهيه تهلهل الحمد لله على السلامه خيمه بيتي ابتسم ودنك عليهة يشاورهة انه تقربت منهم الفضول قره ١٠٠ عندي شراح يكون كلام العشاق بعد الغيبه الطويله وهاي اول مره لن ابوي كللهة جنت اتمنى اول وجه اشوفه وجهج شلونج سكنه يدلعهة سكنه هيه اسمهة سكينه وماادري شكللهة يمكن اشتغل الغزل بينهم كعدت بصفه ولزمهة من جتفهة حاضنهة عبالك عرسان والكل داير مدايرهم رجع شاورهة سمعت اخر كلمتين رجعت ابن العشرين وداعت سكنه ردت ضحكت وانه اضحك الله يدون هل النعمه عليه اخوتي وابوي وامي كلهم حواليه يارب ديمهة نعمه واحفظهة من الزوال يارب نبه حيدر اجه الشيخ وابنه اممم كلت اجه هادم اللذات ومفرق الجماعات النسوان كلمن راح الشغله الي تحضر الغده والي تسوي جاي وتحضر الماي وانه وياهم جتني نبأ تركض ولج انتي من كل عقلج زلمتج جاي وهاي ملابسج روحيي بدلي لبسي وتحضري دعاء اوووي متوخرين مني انتي شخبصتيني بزلمتج هو انه مطايقه اشوف ركعه وجهة ادور ابدل واكشخ غير اكو واهس نبأ ولج هاي الهيبه والجمال ماكو واهس لجن شوفي زلمه ايمان اختي جنه هستوه طالع من الگبر ب?فاله وهیه حایره شتحط وشتسوي دعاء هاي اختج مو انه صاح اخوي حيدر غداكم بسرعه وانه وياهم بلشنه وغدينه الكل وراهة صبينه جايات والبيت صار هدوء والرجل فكت علينه بدت تروح الا من اهلنه عمامي وخوالي وبيت الشيخ بعدهم ادور جت امي ولج المعزايه روحي بدلي شني هاي ملابسج نبأ والله خاله جزعت وانه احاجيهة خنزرت عليهة ردت امي اشبيج صافنه الشيخ يريد يحاجيج روحيي بسرعه دفعتني دفع التفتت على نبأ ولجن روحن وياهة هاي البت ماتسمع كلام راح تموتني نبأ اسم الله عليج عمه من عمري على عمرج اله اخليهة عروس اليوم وخلي يكول مااريد العشه بلعجل زفوني الكل كام يضحك حته اني اتخيلته يحجي هذا الحجي هو هذا الغثيث يطلع منه هيج كلام مستحيل يجي يوم ويضحك كله معبس مدري معقد بس على شنو اكيد وحده ضاربته بوري معدل ويستاهل اذا امه جنهة العريف شلتاغ مدري شلون اخذهة الشيخ حسين من هذا تزوج عليهة وهل متعقد من ابو خطيه عليمن خطيه؟؟ طبه مرض &وعقد على عقد وتسوي چغد على گلبه بكد سليمه المهم سبحت بسرعه وبدلت دشداشه مورونيه مورده بورد اسود ناعم مخصره علي ومبينه ملامح جسمي انه مرضيت بس شسوي انجبرت بتهديد من نبأ اتروح الامي وهيه تجي والله الي يستر من غضب امي كمشت خدي وانه اتذكر رد رفضي الاوامر نبأ وهيه ادكول بعد بس شويه هاي الكحله غير تفتح وتوسع عيونج وتخليهة يدوخ بيهن ورشت عطر جايبه اخوي من تركيا يماه يخبل عبالك عالم اخر بس اشتميته دخت وردت احضن المخده وانام فتحت شعري وكبل تسريح دعاء ولج كافي شنو معرسه اليوم خو ما معرسه بعدين كله الهذا الغثيث نبأ يسوه راسج انتي اطولين ضربتهة على رجلهة وهيه تشتغل صاحت اخخ وصاحت الامي عمههه تعالي ليه وكمشت حلكهة بيدي هسسس الله ينتقم منج اشتغلي شتردين بيه سوي انشاء الله اتوديني جهنم بس لا تصيحيهة امي ايدهة والنعال نبأ اي هيجي سمعي كلام انتي صرتي مرت الشيخ مو اي وحده دعاء عشتوا الشيخ حرام مثل هذا يصير شيخ والعالم تستشاره وتسمع كلامه هو نفسه ممصالح روحه نبأ جرت شعري وهيه تشتغل صحت اخخ اليوم راسج اكسره بس خلهم يرحون انه جنت اعرف هيه تميل الاخوي مرتضى وتسمعه حجي بلرايحه والجايه كتلهة والله لا اخلي مرت مرتضى تهج هجه كافره عليج واكللهة على سوالفج نبأ ههههع بعد احسن بلكت يحس عليه اخوج الصنم رجعت دغيته برجلهة بخفه ولج انتي صدك متستحين تردين تخطفي من مرته لو تشوفين حلمه اذنج هاي( ايه )والاجر على الله نبأ ههههاي واني نبأ وتشوفين ان ماخليته يجيكم يوم يكل لو نبأ لو مااريد والله تسويهة مو بعيده عليج لجن شلون انه مو كليله المهم كملتني انه نفسي معرفت روحي اخذت الشال اغطي شعري جرته من ايدي ودفعتني للباب الغرفه يالله بره تريد تلبس شال وهو زلمتهة دعاء والله مااطلع اله والشال على راسي نبأ اسكتي ولج خبلتيني الله يساعد الشيخ عليج ماينكدرلج طلعتي روحي لون اشلون راح يتحمل جهرتج السنين الجايه دعاء اسكتي لا اكسره الراسج هو انه الله يساعدني عليه هو هذا هم يتعاشر عثيث ومعقد نبأ هو هذا الينحب موشش الملطلط يكمز مناه ومناه جنه قرد اف الله يبعدنه دعاء هذا الي يفيدج الج يربيج خوش ويسويج معدله مو انه من كاعي معدله نبأ هاي عليمن اله اعلمج عمههه وعلى صوته جت امي هاا ولجن كملتن مو الشيخ راح يروح كيفت كتلهة خله خله يروح شكو موكفينه اخاف عنده شغل خنزرت امي بيه كتلهة وانه مدنكه خطيه يمه اخاف الشيخ عد شغل ليش مأاخرينه امي امشي امشي وعدلي الشال وسلمي اول مادخلين خله يكول زين ماربيتوا كلامج قللي وموش ربد صلي شلون هسه لسانج جنه مسدس ويرمي نبأ اي والله عمه هل انه انبهة دغيتهة لوكيه المهم اول مادخلت شفته كاعد ونافخ روحه محد موجود بس هو والله يالله ابو خشم عليمن تعالي كعدي هنا بروحي كتله بدت رحمه الله علي الحمد الله على سلامه الحجي نصيت الله يسلمك بس وانه مبينه ضايجه من موقفه وكلامه بذيج المره. بعدني مناسيته علي جيت اكلج على العرس اتفقنه بعد اسبوعين فكيت حلكي شنووووو **** يتبع..... قصة لذكرى المندلاوي | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
