30-08-19, 04:27 PM | #103 | ||||
| آخر جمعة في هذا العام الهجري 1440 اللهم اختم لنا هذا العام بمغفرة وأبدا لنا عامنا الجديد برحمة منك تستوجب جنتك.. اللهم اجعله عام خير ورزق وسعادة عام لا يضيق فيه لنا صدر ولا يخيب لنا فيه أمر ولا يرد فيه دعاء.. اللهم بشرنا بما نتمناه واجعل فاتحة خير لنا جميعاً مساء الخير للجميع .. بالنسبة لموعد البارت القَادم ، احتمال كبير راح يكون غدًا او بعده بإذن الله ، لكن بحاول اخليه الغد لعيون suhan اللي طلبت وكونوا بخير وبالقُربْ | ||||
30-08-19, 11:56 PM | #105 | ||||
| السلام عليكم ورحمة الله وبركاته بكون معك صريحه سجلت عشان اقرا البارت كنت اتابعك خلف الكواليس ^^ الروايه فكرتها جديده والحبكه ابدعتي فيها من تسلسل الاحداث وفك بعض الرموز (والصدمات القاتله ) السرد عجيب وسلسل التفاصيل حلوه اعجبتني وتعيشني جو والحلو ان الشخصيات قليله عشان اركز تذكرت الروايات الورقيه احب هالنوع صراحه وغير مشتت للقارى وهالشي خلاني اكمل لاخر بارت الاجزاء بالنسبة لي مفاجات وصدمه هههههههه وتوقعاتي كلها غلط متخيله >< لان انا من النوع اللي يقرا الروايه واعرف احداثها على طول مو كلها الغالب (عشان ما اظلم احد) لكن مثل روايه هذي ماقد قريت شخصية عمر بالبدايه قلت هذا نسونجي وبتزوجها ويتسلى فيها لكن صدمه لي طلع هالزواج تخطيطه وكله انتقام من ناصر هالشي عجبني صراحه ماشاء الله عليك مدري وش اقول غير ابدعتي بمعنى الكلمه ( فيه نوع من الحماس والاكشن ولعبتي باعصابي ) شموخ للأمانه مابلعتها بالبدايه حلو انها واثقه وخططت لكن طاحت برجل ناوي عليها شر ( تستاهل ><) حب شموخ لعمر خلاها تتحمل قوانين عمر السخيفه اللي اشك ان مو كل زوجاته مطبق عليهن غير شموخ عشان انتقامه جاني فضول اعرف عن زوجته الاولى شدني اكثر فيه غموض بهالنقطه ومتشوقه اعرفها الاميره نجد حبيبه بالبدايه لكن صدمتيني يوم بتزوج شموخ لاخوها بس مايستاهل (طلع احقر من ولدها) بندر انسان خبيث وطلع شايب مثل عمر (ههههههههههه الطيور على اشكالها تقع) اشك ان فيه شي كبير بينهم في الماضي بندر حقود والي استنتجته انه حاسد عمر الدليل لما عمر رفض التعاقد معه وزاد حقده (اعوذ بالله منه ومن اشكاله ) والحرمه اشك انها سهام لانها ماحضرت حفل استقبال شموخ نجي للي ماخذه قلبي غيد ياخي عجيبه واهنيك بصراحه لوصف شخصيتها مره مناسبه تكون صديقه لشموخ الطايشه وين راح علمك ودراستك (ليتك سنعتي نفسك) بس للامانه شموخ(مابي اظلمها لاني قابلت ناس مثلها ) شخصيتها واقعيه فيه ناس شاطرين بالدراسه بس الحياة الزوجيه فاشله فاشله من الاخير اقولها عاد متامله بشموخ تشغل عقلها وتخطف قلب عمر ( طلعي كيد النساء وتحركي يا بنت يمكن يخف عليك شوي رجلك وتطفين نار انتقامه) وبس روايه جميله جدا عاد مبطيه عن قراية الروايات بس هذي لفتني اسمها والابطال بعد والصدمات (ههههه ما نسيت شكلي وانا اقرا فاتحه فمي ) وسلمت يمناك ومشكورة على هالابداع الجديد المتجدد وكل الشكر والتقدير للذوق دايما وماتجيب الا الزين والمتميز (فيتامين سي) يختي اثق بخياراتك عاد سجلت ومانسيت اشكرك على النقل سامحيني طولت عليك واخذت راحتي بالكلام ( هههههههه تحمست شكواي لله وطفشوني بزاريني بعد الله يصلحهم) موفق بإذن الله ... لك مني أجمل تحية . التعديل الأخير تم بواسطة فيتامين سي ; 31-08-19 الساعة 06:11 AM | ||||
31-08-19, 01:55 AM | #107 | |||||||||
مراقبة عامة ومشرفة منتدى الروايات المنقولة
| اقتباس:
وعليكم السلام ورحمة الله وبركاته حيالله العبير اللي فاح علينا وعطر منتدى روايتي حياك الله من ممشاك لملفاك وإن شاء الله تفيدي وتستفيدي ومشكوره على المشاركه المميزه لا خلا ولا عدم منك يارب | |||||||||
31-08-19, 09:54 AM | #110 | |||||
| اقتباس:
وتستاهل الكاتبه بعد اسلوبها يشد الواحد ويلعب الاعصاب ( ايه مانسيت الصدمات هههههههه ) لكن اهنيها صراحه استمري فالقصه شي جديد ومتجدد ماشاء الله عليك ان شاء الله بحاول اشارك رغم المدراس جايه وبلتهي مع بزاريني لكن اثبت وجودي وشكر لفتامين سي ماهقيت ردي كذا يثير الاعجاب عاد مو الاخير ( الصراحه استانست ) وسلمت يدينك يالغلا موفق بإذن الله ... لك مني أجمل تحية . | |||||
أدوات الموضوع | |
انواع عرض الموضوع | |
|
|