17-09-19, 11:36 PM
| #306 | ||||
|  بسم الله الرحمن الرحيم ، "رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي" ، السلام عليكم ورحمة الله وبركاته اشكركم على تفاعلكم الحلو ونقاشات الحلوات suhanو امل الثنيان و قوتشي يا حلوكم... ، كل الشُكر والتقدير لعزيزات قلبي دائما (غَدير ، ابتسام) ولا تنسوهم من طيب دعواتكم ، البارت إهداء للحُلوه The69 ويا عسى ربي يسعدك مثل ما اسعدتيني "البـارت السَابعْ عَشرْ" رواية غرامك يالخفوق ذبحني هآت حضنك يحتويني/بقلمي . ، أفسدتك جدًا بوفائي المفرط بحنيني اللعين، بإنتظاري الاحمق، بفيض عطاءاتي، وبعشقي الإستثنائي ، حتى تمردت على عرف الهوى وقتلتني. * نجلاء حسن. ، الاميره الجازي : الا متى انت ناوي تخطب ؟ مشعل ابتسم : اذا ودك اليوم .. الأميره الجازي طارتْ من الوناسه وقربت عند ولدها وقالت : صدق يمه ومين سعيدة الحظ اللي تبي اخطبها لك مشعل إبتسم وحط يده على يد امه وقال بثقه: اللي تبينها يمه انا راضي فيها .. الأميره الجازي زغردت : كللللللووووييييش الف الف مبروووك واخيرا طاح الحطب من راسك .. ابشرك العروس جاهزه يا ولدي امه جات بتبوس راسه لكن سبقها وباس راسها مشعل ابتسم بحياء : الله لايخليني منك يا يمه سوي اللي تبينه لو اليوم نروح نخطبها ماعندي مشكله الأميره الجاَزي باست جبين ولدها وقالت : ولا منك يا رضيّ امه ، هههههه يا حليلك مستعجل لا وين هالحين الوقت متأخر بكرا ان شاء الله نروح لهم.. مشعل بحماس وغمز لأمه : مين هي سعيدة الحظ فيني ؟ الأميره الجازي ضحكت : هههههه لا تستعجل بكرا تعرف ويصير خير ان شاء الله مشعل شاف رِساله وصلت له قراها وتغيرت ملامح وجهه لكن بسرعه اخفى ردة فعله عن امه مشعل وقف وباس راس امه : ان شاء الله يمه يلا يالغاليه استأذن عندي شغل ... الأميره الجَازي : اذنك معك يا يمه والله حافظك مشعل استأذن منها وطلع ، من القصر سيارته تنتظره برا ، ركب والقى السلام : السلام عليكم كيفك حالك ابراهيم باشا ابراهيم بابتسامه : وعليكم السلام بخير دامك بخير اشوفك مبسوط وش عندك مشعل ربط حزام الامان وغمز له : بكرا تعرف لا تستعجل ابراهيم رفع يدينه يدعي : يا عساه عرسك مشعل ضحك : هههههه آميين وعقبالك انت الثانيه ابراهيم ضربه على خفيف : اعوذ بالله من شرك عشان حرمتي تطردني لا والله كذا مرتاح ويالله متحمل مشعل : ههههههه قول انك جبان ابراهيم حرّك السياره وقال : لا والله ماني جبان ، لكن مالي قدره اعدل بين ثنتين وتكفيني وحده عن الحريم كلهم مشعل ابتسم على وفاء ابراهيم لزوجته : يا بختها فيك والله .. صدقت يا ابراهيم.. هالحين كل ما اركب معك وش سالفتك تجيب طاري الزواج ابراهيم حك راسه وضحك : هههههههه شايل همك تشيّب ومحدن يبيك مشعل ضحك : هههههههه الا كلن يبني مير انا مزاجي صعب مو اي وحده ترضيني ابراهيم يناظره بنص عين : لا والله مصدق نفسك ههههههه والله عاد الحق ينقال كلن يتمناك اسم الله عليك خلق وخلقه ودين ..عسى الله يرزقك ببنت الحلال مشعل ابتسم وقال : آميين .. اسمع ابراهيم كلم الرجال يجون لهالموقع قبلنا اوك ؟ ابراهيم شاف الموقع واستغرب ثم التفت على مشعل وقال : هالمكان مو شركة الناصر ؟ مشعل : الا هو بس الحمار مايتوب عن حركاته هالخبيث اللي الناس ماتت الا هو مثل ابليس مستقعد لعُمر .. الله ياخذه وياخذ هالأشكال ابراهيم تتهد وقال : المشكله ولد اخته ولا احترم القرابه بينهم... مشعل عض على شفت السفليه : هذا ليته يعرف الإحترام كان احترم اخته المخدوعه فيه وواقفه بصفه ابراهيم : الله يعين عُمر ويجبر بقلبه ماغير هو اللي متاذي منه مدري كيف صابر عليه طول هالسنين مشعل : اي والله مشكلة عُمر محترمه عشان القرابه ولا بلّغ عن بلاويه الكلب ، وافتك منه ومن شرّه وتعرف نجد اي شي يصير لأخوها تحطه براس ولدها عقب مايلّغ عليه قبل اذا تذكر قبل 10 سَنين ابراهيم تنهد : والله الرجل عاش حياة صعبه لا من قريب ولا من غريب .. عسى الله يعينه مشعل : آميين بعد مرور ربع سَاعه وصلوا لشَركة الناصر لكن وقفوا خلف الشركه ، وبنفس الوقتْ موقفين تسجيل الكاميرات وطلع لهمْ واحدحاطه عُمر جَاسوس له وهالجَاسوس يشتغل عند ناصر وناصر يثق فيه جدًا .. وجاء واحد ثاني من طرف الأمير بندر وبيده الفلاش ميموري حطه بيد مشعل : تفضل طال عُمرك هذا هو .. مشعل اخذه واعطاه واحد من رجاله يشغله ويشوف وش فيه ، واعطاه الجهاز واشر لهم مشعل يطلعون من الجمس وشغله ،وشاف الفيديو كان حَادث زوجة سَاره وملامح ناصر كانت واضحه بالحيّل رصص على اسنانه وقال : والله انك حقيير وخبيث يا بندر وعُمر عارف الاعيبك زين اللي سواه فيك.. قفل الجهاز .. وطلع الفلاش وتأكد ان مافيه نسخه بالجهاز .. او برامج تجسس نزل من السياره وراح للرجالين يشكرهم : مشكورين ماتقصرون المهم الفيديو ماينتشر ، واذا عن عرض بندر بكرا .. دخلوا صيانة لتعديل نظام المُراقبه والشاشات على اساس ان فيه حراميه دخلوا وبكذا بيصدق بندر ان الحراميه خرّبوا عليه .. اوك هزوا روسهم بالإيجاب وقال واحد منهم : ان شاء الله طال عمرك اوامر ثانيه .. مشعل : سلامتكم ومشكورين والحين كل واحد على شغله راح مشعل وبجيبه الفلاش وركب سيارته ابراهيم مانزل كان ينتظره بالسياره ركب مشعل ، وسأله السواق ابراهيم : هاه بشر عسى حليتوا المشكله ..؟ مشعل تنهد : ايه الحمد لله، توقعت هالشي من الخسيس بندر يسويها وصدق كلام عُمر يوم قَالي .. ابراهيم حرّك السياره : والله اتوقع منه اي شي الله يهديه .. مشعل حس راسه صدع : حرّك للبيت ابراهيم تذكرْ حاجه مهمه وقال : ايه صح نسيت لا اعلمك عن نويصير تراه بالمقبره مشعل التفتت له وباستغراب: وش موديه هناك ؟ ابراهيم : الظاهر يوم درى ان اللي دعمها تصير زوجة نسيبه وهو يصحى ضميره عل اللي سواه مشعل بتفكير وهو يمسح على طرف لحيته وقال : لا شكله خايف من نسيبه لا يسوي شي ببنته عاد اذا خايف ما الومه صراحه ، لكن هو مايدري ان عُمر يدري عنه طول هالسنين وساكت ابراهيم : والله لو يدري بتجيه جلطه مايصحى منها مشعل بتنهيده طويله : والله مدري وش اقول متى تنتهي هالحرب ومتى يرجع لنا عُمر القديم ، ويروح عُمر الجديد ابراهيم: ماظنتي بيرجع صدقني اذا بيسويها ببنت ناصر ماراح يرجع .. مشعل : ليتها تطلع كيدها فيه لعل يهجد ويشيل الفِكره من راسه .. ابراهيم : امين عسى الله يهديه ويصلح باله مشعل : آمين ويصلح حَال الجميع.. ، وصل الامير بندر للمكان المطلوب وراسم على وجهة ابتسامة خبث وشرّ فتح له السايق الباب ونزل من سيارته مرسيدس مايباخ موقفه قِدام مدخل الشقق ووراه سيارة جمس اسود فيها رجاله يتأمل المكان عباره عن شقق مفروشه بحي جديد وشبه مهجور من السكان .. التفتت لأحد رجاله : وين الكلبه حنان ؟ احد رجاله قال : طال عمرك فوق بالدور الأول ابتسم الامير بندر : حلو جهزتوا المكان مثل ما طلبت ؟ قال : ايه طال عمرك مثل ما طلبت تقدم الامير بندر ومكتف يدينه على ورى رفع راسه يناظر فوق شاف وحده من الغرف شغالة وضوء خافتْ ، ابتسم : وااو برافو الوضع رومانسي والله هيّن يا حَنانوه لا اخليك تندمين على خيانتك لي وخلي فلوس سهام تنفعك .. دخل المبنى واتجهه للمصعد ضغط الدور الأول وطلع متجهه للشقه رقم 3 فتح الباب بهدوء .. الشقه ظلام دامس ما عدا اخر غرفة فيها ضوء راح لإتجاهه الغرفه وفتح الباب شاف السرير مجهز ومنثور عليه ورد جوري أحمر وإضاءة خافته .. وبالكرسي جالسه حنان مربطه وملزقين فمها وضاربينها ابرة منوم .. اشر الامير بندر لرجاله يقفلون الباب .. والشبابيك من برا ، شمّر يدينه ونزل شماغه ورماه على الأرض فك ازارير ثوبه العلويه تقدم للكرسي اللي جالسه عليه حنان مسك ذقنها ورفعه ، يتأمل ملامح وجهها طفوليه جدًا بشرتها بيضاء انفها صغير شفايفها صغيره ومليانه .. في ذقنها غمّازه .. عمرها 33 سَنه .. جسمها نحيل .. بعد خصلات شعرها المتناثره على وجهها واعطاها كف جَامد خلاها تصحى مفجوعه ، تناظر اللي حولينها تستوعب اللي تشوفه ، رمشت عينها على اللي تشوفه مكان فاضي وارضيه منثور فيها ورد جوري ولمحته واقف قدامها وريحة عطره المُركزه منتشره بالمكان ، ناظرت بوجهه توسعتْ عيونها لما شافته حاولتْ تتكلم ، لكن ماقدرت بسبب اللزقه حاولت تفك الرباط من يدينها الأمير بندر سحبها من شعرها بقوة وقال : لا تحاولين تفكين الرباط مالك طلعه هنا وشال اللزقه من فمها بقوة لدرجة آلامتها وصرخت ثم قالت بصوت عَالي : فكني يا حقيير فكنني يا مرييييض يا مجرم الأمير بندر قرب من وجهها : ماراح افكك بتكونين تحت يدي يالخاااينه الين تقولين وش كان فيه ظرف الكلبه سهام سكت فمك بكم قرش ورحتي تطعنيني من ظهري يالخاااينه ... حنان تبكي وتحلف : والله ماعرف وش كان فييه جاتني وحده عطتني الظرف اوصله لشموخ ولا هذي ما شفتها .. ولا اعرفها سهام الأمير بندر عصّب وشدها بقوة : تكذبييين عيني عينك ثم فتح جواله على مقطع فيديو لمقابلتها لسِهام وقال : هذا وش تسمينه حنان انصدمت وترتجف اسنانها من الخوف : امانه سااامحني سسامحني هي اللي اجبرتني ضربها كف جامد : يا حليلك تبيني اسامحك تخسيين وتحممملي نتيجة افعالك يا حنان وخلي الفلوس تتفعك يا عَبدة الماال .. تفوو على هالوجه .... من قوة الضربه رجت دماغها رج ، لثواني تشوف كل شي ملخبط ثم رجعت لوعيها سحبها من شعرها مره ثانيه : احسن لك اعترفي يا حنان اعترفي عشان يكون عقابك اخف .. تبكي وتترجاه : والله ما اعرف لو اعرف كان قلت لك تكفى فكني والله ماراخ اقول عن اللي صار تكففى تكففى الأمير بندر خنقها من رقبتها بقوة وقال : اقووولك اعترفي الا تدرين واكيد انك فاتحته حنان بصوت متقطع : والله ما شفته والله العظيم الأمير بندر : براحتك لكن حلم ابليس بالجنة ماراح افكك ، لإن موتك على يدي يالكلبه وماراح تطلعين من هالمكان عااايشه .. حنان ضاق نفسها من كثر مايشد يده ويزيد خنقها اكثر .. حستْ روحها تطلع ماهي قادره تنطق ولا تطلب النجدة من احد تناظر بعيونه تحاول تستعطفه لعل وعسى يفك يده .. الأمير بندر ناظر بعيونها وشلون بهالجرئه تناظره .. حاول يشتت نظره عن عيونها الغرقانه دموع ووجها اللي صار احمر وبدا يقلب ازرق حس بثقل جسمها ، وسحب يده على طول حنان طاحت على الأرض تلقط انفاسها .. حمدت ربها تركها عايشه الأمير بندر سحب الكرسي اللي كانت جالسه عليه حنان ..وجلس عليه ينتظرها ترجع نفسها بعد خمس دقايق .. حنان تشاهق وتبكي ولفت وجهها عليه : والله ما اعرف شي عن الظرف .. الأمير بندر سحب الكرسي وقرب لعندها لين صارت عند رجوله .. مكستها تترجاه وتبوس رجوله : تكفى اسوي اي شي بس فكني اعتقني خلني اروح اشوف اخواني الصغار اكيد هم منتظريني اجيب لهم العشاء تكفففى تكفففى الأمير بندر : لو يعرفون حقيقتك ماراح يتشرفون بأخت مثلك واطيه ونذله ... حنان : تكففى ادري اني واطيه ونذله بس خواني صغاار مالهم احد غيييري تكففى اتركني اعيشهم وارجع تكفى الأمير بندر رفع حاجبه : يا حليلك تعشينهم وترجعين !! خليهم يموتون احسن ولا يعرفون حقيقة اختهم حنان تبوس رجوله : ابوس رجلينك تكفى الأمير بندر سحب رجله: باسك الشر انقعلي من وجههي رفسها برجله مع بطنها بقوة طيرها بعيد عنه وصفقت بالسرير ... حنان من قوة الرفسه تكورت على نفسها وكأنها طعنه اخترقت بطنها .. تتعصر من قوة الألم .. قامت بثقل وطاحت بسبب عدم توازنها قام الأمير بندر تقدم لين عندها وشالها من شعرها حنان تبكي : ااااااه الا شعري تكفى لا والله يعورني الأمير بندر : هذا احلى شي ابيك تتعذبين قدامي ثم رماها بقوة على السرير ... حنان توسعت عيونها مصدومه وبرجفه قالت : وش بتسوي انت ؟!! حاولت تهرب لكن سحبها من يدها وسدحها غصب حنان تحاول تقاومه : بعععد عني يالحقييير بععععد الله ياخذك اللي ما تخاف من رربي بعد عنني الأمير بندر قدر يسيطر عليها .. حنان تبكي مقهور : فكنني فكنني ثم اتفلت بوجهه : تفوو عليك يالوسخ فكككني الله ياخذك فكككني الأمير بندر مسح وجهه من اثار التفله ومد يده وضربها كفف خلاها يغمى عليها تشوف الدنيا تدور ..ثم اغمى عليها الأمير بندر : تستاهلين هذي جزاتك والبادي اظللم.. ، رمشتْ بعينها مصدومه تحاول تستوعب وتدور بعيونها هالساره اللي حرقت قلبها تجمعتْ الدموع بعيونها وقالت بنبرة مقهوره وبصوت متقطع : هالحقيير جايبني هنا عشان يقهررني باللي ما تتسمى حسبي الله والنعم الوكيل .. شُموخ حستْ نفسها يضيق شدتْ على قبضة يدها مقهوره ضغطها ارتفع اكثر .. تشوف الدنيا بدت تظلم قدامها ماصارت تشوف الا ظلام دامس داخت وطاحت على العربيه اللي فيها حلويات والعاب مغمي عليها ....ولا حياة لمن تُنادي.. تمتم باسمه الين انقطعت عن العَالم عُمر التهى مع الحضور ويلاعب الاطفال ويسلم على الشيبان والشباب اهل القريه صغيرهم وكبيرهم يعرف عمر او بالأصح الشيخ عُمر مُعلم القرآن .. كانت امينه تضيف الحضور وضيفت عُمر وبلهفه قالت : اين هي المُفاجأة ثم قاطعها صوت احد الاطفال ينط ويقول بصوت عالي عشان عُمر يسمعه : اين الهدايا بابا عُمر عُمر ابتسم وجلسْ مسح على راس الطفل : سَأحضرها لك في الحَال تعالَ معي يا بني.. الطفل طار من الوناسه ونادى اصحابه يجون معه وماكسين يدين عُمر اللي يضحك معهم ومبسوط على شوفتهم .. ومبسوطين على جيته لمح العربيه طايحه استغرب .. تلفت يمين يسار يدور على شُموخ استغرب مالقاها ! وقال بنبرة غَاضبه : هالعلّه وين طستْ ! اخفى غضبه عن الاطفال ، مايبهم يحسون بشي .. راح ركض عُمر للعربيه توسعتْ عيونه يوم شاف شُموخ طايحه على الأرض كانت ورى العربيه صاده عن الناس محد شافها ، العربيه حجمها كبير مصنوعه من الخشب .. عُمر بخوف جلس بقربها وشالها من خصرها يصحيها ويطبطب على خدها : شموووخ شموووخ اصحي فيك شي اصحي ؟؟ عُمر شاف دموعها ، عرف انها باكيه وتذكر يوم رجع من محمد ،وتخيلها سارهـ عض على شفته السفليه ماقدر يسيطر على مشاعره وقتها وبنفس الوقت ابتسم بخبث وقال بهمس: احسن تستاهلين اللي صار لك الحين .. قام شالها من على الارض بيديه واشر لمحمد يوزع الالعاب والحلويات للاطفال شافته امينه تناظر باستغراب : من هذه المرأة التي يحملها هل تكون زوجته ؟ مشت بخطوات سريعه لجهة عُمر اللي دخل المستشفى واستأذن من الحضور والزوار.. سدحها على السرير ونقلها للطورائ جاته امينه تتنفس بسرعه : من هذه المرأة ؟ عُمر إبتسم : سأخبرك عنها بعد ان تستعيد وعيها امينه تحاول تلمحها لكن دخلوها الغرفه امينه ماسكه يدينها بتوتر قالت : اسأل الله ان تكون بخير عُمر قال بالعربي : ماراح تموت دام ابوها حيّ.. ثم كمل وقال : آميين ، اذهبي الى عملك سأقوم بمُرافقتها امينه هزتْ راسها بالإيجاب : حسنًا شيخ عُمر..مع السلامه عُمر : رافقتكِ السلامه .. طلعتْ امينه تشوف شغلها ، وعُمر برا الغرفه ينتظر الدكتور .. ، يُتبع | ||||
|  |
|
18-09-19, 12:42 AM
| #309 | ||||
| عند المقبرة السَاعة 11:00 الليل ترجى الحَارس يخليه يدخل ، رغم الوقت متأخر لكن الحَارس اشفق على حَالة نَاصر كان يبكي ويترجاه : تكفى اللي يرحم والديك بشوفها الحارس تنهد وسمح له بالدخول : تفضل لك ربع ساعه وتطلع ناصر تنفس براحه : الله يجزاك خير الله يجزاك خير دخل ناصر المقبره وتردد يسأل الحَارس ماهو عَارف مكان قبرهاوإضطر يرجع ويسأله : لو سمحت وين قبر المرحومه ساره ال... الحَارس راح يجيب الكشف ، وبإستغراب : مين اللي سألت عنها ؟ ناصر توترت وقعد يفرك بيدينه : سساره ال... الحارس رفع حاجبه باستغراب : غريبه اول مره احد يزورها ! غير زوجها .. مين انت وش تكون لها ؟ ناصر نزل عيونه للأرض احتار" وش اقول اقول انا اللي متسبب بوفاتها ومجرم هارب وخاف على سمعته وخاف من الناس ولا خاف من رب الناس !! وتركتها تموت ولا رحمت حالها وهربت آااه ليتني ساعدتها ليتني انقذت حياتها "حاس بالندم والقهر على نفسه نزل راسه للارض بحسره .. تنهد وقال : صصديق ابو زوجها .. الحارس : اها تقصد أبو عُمر المرحوم عبد العزيز ال... ناصر من سمع اسمه تجمعتْ الدموع من عيونه وقال بنبرة مكسوره : ايه عسى الله يرحمه ويغفر له الحَارس : شفت القماش الأبيض المربوط ايمن شي هناك ناصر يناظر محل ما يأشر : ايه شفته هذاك قبر المرحومه الحارس هز راسه بالإيجاب : ايه طَال عمرك تفضل ولا تنسى لك ربع ساعه بس .. ناصر مشى منزل راسه : ان شاء الله طَال عمرك من سنة الرسول صلى الله عليه وسلم .. ناصر وقف ونزل حذاءه وحطه على جنب .. وصل قبر ساره زوجة عُمر الأولى والقى السلام عليها وعلى الأموات: السلام عليكم دار قومٍ مؤنين انتم السابقون ونحن بكم ان شاء الله اللاحقون.. جلس ونزلت دمعته بألم وندم كبير وقال : سامحيني يا ساره سامحيني تكفيين انا ندام على اللي سويته فيك ظنيت احد بيساعدك غيري لكن ما توقعت انك تموتيين آااه سامحيني والله ضمييري معذبني مدري وش اسوي وهالحين بنتي اخذها زوجك ماكنت ادري انه زوجك ولا والله ثم والله مايتزوجها لو على جثتي لكن هو مايدري عنّي لو يدري كان ذبحني من زمان عشانك ... ساره تكفيين سامحيني والله شوفتك بالمنام عذبتني مدري وش تبين عجزتْ افهم والله عجزت حفرت لك ابيار صدقةٍ عنك لعل وعسى تسامحيني يا ساره .. وترحميني بالمنام .. ماقدر يكمل وشهق من البكاء ، مسح دموعه بطرف ثوبه.. حاس باشد الندم حاس بالثقل والهم الكبير اللي يشيله جاه الحارس : يلا يا عم مرت ربع ساعة قام ناصر بصعبوبه بغى يطيح ، لكن مسكه الحارس وقال :بسم الله وش فيك ياعم عسى ماشر ؟ تحتاج مساعده ناصر : الشر مايجيك الله يجزاك خير مافيني الا العافيه .. مشكورما تقصر وقف من نفسه وتماسك من جديد الحارس : والله يالمرحومه ساره محدن يجيها غير زوجها ولد الاميره نجد .. ناصر تنهد وقال : عسى الله يرحمها ، ويجبر بقلب زوجها الحارس : آميين .. ناصر : مشكور ماتقصر واعتذر على الازعاج لكن كنت محتاج ازورها وانت جزاك الله خير يسرت لي عسى الله ييسر امورك يارب ابتسم الحارس : اميين ياعم ولو هذا واجبنا ناصر استأذن منه وطلع .. متجهه لسيارته فتحها وركب .. حاس بالضيق ماهو قادر يسوق وبنفس الوقت بتأنيب الضمير على فعلته مسح على راسه : لا حول ولا قوة الا بالله هالحرمه ماهي راضيه تروح عن بالي .. انا وش اسوي شو اسوي تعبت من هالعذاب النفسي ضرب راسه على الديركسون يعتاب نفسه وبلحظه جاء بياله حل واحد مافيه غير هالحل عشان يرتاح ويريح نفسه .. نزل من سيارته وقفلها .. وراح للطريق يأشر على السيارات توقف له ووقفت له سياره وكان راعيها شايب : سم ياخوي وين تبي ناصر عجز ينطق الكلمه يحسها صعبه على السانه يحس بالغصه .. لكن اهم شي يروح عنه تأنيب الضمير والهم الي عايشه طول هالسنين وظهر اقوى يوم درى ان الحرمه زوجة عُمر .. قال بتردد : ووودي لمركز الشرطة الشايب : عسى ماشر فيه شي ؟ ناصر بتصريفه : وواحد متصل علي هناك ولازم ارووح له هالحين .. الشايب : حياك تفضل اي مركز تبي بس ؟ ناصر : اقرب واحد على طريقك الشايب : ابشر ..بسم الله توكلنا ، بغرفة المُستشفى بعد ماطلعت من قسم الطوارئ وتم فصحها جتها ضربة شمس وزياده بالضغط وكانت سليمه وتحتاج الى بعض الراحه جالس عندها عُمر يتأمل تفاصيل وجهها ويتخيلها ساره ، مبتسم بإنكسار كان سرحان بخيالها الى الآن ماقدر ينساها على كثر الحريم اللي تزوجهم الا ان ولا حده فيهم جت مثل سَاره غير شُموخ شبهها بالعيون تنهد ومن دون لا يحس نزلتْ من عينه دمعه ووقتها صحت شُموخ فتحت عينها لقت بوجهها عُمر واضح عليه انه سرحانحاط يده على خده ويتأمل فيها شُموخ استغربت من دمعته اول مره تشوفه يبكي مدتْ يدها تمسحها له عُمر صحى من سرحانه وسحب يد شُموخ من وجهه : بسم الله وش فيك انهبلتي ؟ شُموخ سحبت يدها منه بهدوء وقالت : انت اللي انهبلت ليش تبكي مو معقول تبكي على شاني ! ! عُمر ابتسم : اولا الحمد لله على سلامتك وقال بجديه : ثانيا مالك شغل فيني ولا تتدخلين بخصوصياتي... شُموخ ناظرتْ فيه ، ثم اعطته ظهرها حابسه دمعتها لا تنزل .. عُمر رفع حَاجبه بإستغراب : الظاهر عجبك التمرد على القانون مو اتفقنا لما تتكلمين معي تناظرين فيني مو تعطيني ظهرك يا سِتْ شُموخ ! شُموخ بتنهيده : الظاهر انك تحسبني ناسيه هالساره حبيبتك اللي مسوي لها افتتاحات عظيمه ثم التفتت عليه : ولا بعد عازمني عليها صدق انك انسان وقح .. ماعندك احترام لزوجتك ثم ضحكت بسخريه : ههههه هذا اذا تشوفين زوجة مالت عليك بس كشت بوجهه وغطت نفسها بالبطانيه عُمر قام وجلس بقربها وقال : زعلانه من هالساره ؟ لو تعرفينها زين صدقيني بتندمين على كلامك اللي قلتيه عنها شُموخ : ماهمنتي هالساره وبالطقاق اللي يطق راسها وماني ندامه ابشرك عُمر اخذ له نفس ،يحاول يمسكْ اعصابه : اوكِ عشان ماتغلطين عليها اكثر بقولك من ساره و وش تعني لي بس ماينفع كذا صاده وجهك عنّي شُموخ بنبرة عصبيه : من زين وجهك عشان اطالع فيه ماراح اطالع ولو بتسوي عقاب بعد سو مافرقت معي عُمر كتم ضحكته على عصبيتها ثم قال بجديه : شُموخ اسمعيني ولا تقاطعيني تمام ؟ شُموخ ساكته تنتظره يكمّل وقلبها يدق طبول عُمر قرّب اكثر عندها وقال : شوفي للأمانه انا حريص جدًا على موضوع ساره وما اسمح لأي زوجه انها تتدخل فيها او تجيب طاريها ، ولا وحده من زوجاتي تعدت الخط الأحمر الا انتِ يا شُموخ وجاء الوقتْ اللي اقول لك من تكون ساره عشان تبطلبن تنبشين عنها سواء انتِ ولا بنت عمّك غِيْد .. شُموخ تستوعب كلامه وقامت عدلت جلستها لقتْ عُمر قريب من وجهها وبعدت عنه للوراء ثم قالت مصدومه : ساره هذي تطلع زوجتك الأوولى ؟!!!!! الميييته ؟؟؟؟ يعني الحمد لله ماهي حييه جابت العيد بأخر كلامها ... ماحستْ على نفسها يوم قالتها، الا ان شعورها الداخلي ارتااح يوم درت انها غير موجوده بحياته هالساره اللي علّت قلبها كثير ورفعتْ ضغطها عُمر شد على قبضة يده وقال بنبرة حاده : قلت لك احترمي نفسسسك يا شُموووخ ولا والله لا اخليك تندميين اكثر شُموخ استوعبت الكلام اللي قالته وخافت من نبرته، ثم قالت : الله يرحممها والله ماكان قصصدي اقوولها بسس ... سكتها بيده : اووش ولا كلمه اسمعها منك شُموخ ناظرت بعيونه حمراء ، ارتبكت ونزلت عيونها .. عُمر تراجع لمكانه وقال : ساره هذي زوجتي الأولى وتوفقت الله يرحمها بحادث بسبب .... عُمر مسك نفسه ثم كمّل وقال : مابقى لها شي من هالدنيا غير اعمالها الخيريه.. بكينيا وقاربنا على تنفيذ كل مشاريعها ومثل شوفة عينك اليوم الافتتاحين هم لزوجتي المرحومه ساره .. ارتحتِ شُموخ : الله يرحمها .. كان قلت لي قبل مو كذا كني الأطرش بالزفه معرف عن حرمتك شي!! عُمر تنهد وقال : والله هذي لقافتك ماترضيني ، واللي صار عِقاب لك عشان ماتتلقفين مره ثانيه .. صَح ولا انا غلطان يا سِتْ شُموخ... شُموخ تفرك يدها وقالت : انا اسفه بس... عُمر وقف ،قاطعها وقال : قومي تجهزي فيه ناس ينتظرونك شُموخ رفعتْ راسها وجاء ببالها انه هاللي ينتظرها ابوها وامها : اكييد جاييني عشاني ثم قامت والإبتسامه شاقه وجهها وقالت : اكيد يكون بابا وماما جاييين عشاني يا حبايبي والله .. نطت من الوناسه وجات بتضم عُمر لكنْ شكله ارعبها ... عُمر ثارت نيران الغضب يوم جابت طاري ابوها ناصر ، توّه من شوي مسك نفسه لايقول اسم ناصر قدام شُموخ ..هالمره ما استحملها شد على قبضة يده وضربها بالجدار :لا تجيبين طاري ابوك عندب لاتجييبين طاري هالخسيس شُموخ مصدومه من ردة فعله تراجعت للخلف يوم سبّ ابوها قالت بنبرة حَاده: اييش قاعد تقول انت مستوعب اللي تقوله عن بابا ...!!!! ، يُتبع | ||||
|
| |
 |
| أدوات الموضوع | |
| انواع عرض الموضوع | |
|
|
125Likes
العرض العادي
