21-08-19, 05:31 PM
| #62 | |||||
|  اقتباس:
كااتبنا الغالية متى البارت الجاي ؟ موفق بإذن الله ... لك مني أجمل تحية . | |||||
|  |
|
22-08-19, 08:06 AM
| #63 | |||||
| اقتباس:
احتمال يكون الليلة او غدًا الساعة 3 الفجر بتوقيت السعودية او يوم السبت بحول الله وقوته ، لكن احتمال كبير يكون غدًا | |||||
|
| |
|
24-08-19, 10:31 AM
| #66 | ||||
| صباح الخير للكل اليوم موعدنا مع البارت الحَادي عشر بإذن الله تعالى ترقبوني باي وقت راح انزله مافي وقت مُحدد وان شاء الله يرضيكم ، وهالبارت صراحه عُمر نوعًا ما يكسر الخَاطر بأحد ذكرياته المُؤلمه ، وراح تظهر شخصيه جديده هل هي كويسه ولا شريره ولا مُستفزه ولا كريهه !؟ هذا ما سنعرفه لاحقًا | ||||
|
| |
|
24-08-19, 03:38 PM
| #67 | ||||
| بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته كيفكم يا غَالين اخباركم وحشتوني عموما اشكركم من كل اعماق قلبي على تفاعلكم الحُلو واعتذر على تأخري لكن عوضتكم ببارت طويل وبإذن الله يرضيكم .. ، كل الشُكر والتقدير لعزيزة قلبي دائما (غَدير) ولا تنسوها من طيب دعواتكم هذا البارت إهداء خَاص للجَميله : أمل الثنيان لتوقعها الصحيح في عُمر ليش نادى شُموخ وللحُلوه مُتابعتي خلف الكواليس بيلسان مُحمد ولجميع مُتابعيني الغَالين و دايم معي "البـارت الحَادي عَشرْ" رواية غرامك يالخفوق ذبحني هآت حضنك يحتويني/بقلمي . ، وما بين حبّ وحبٍّ .. أحبكِ أنتِ .. وما بين واحدةٍ ودعتني .. وواحدةٍ سوف تأتي .. أفتشُ عنكِ هنا .. وهناكْ .. آأنَّ الزمانَ الوحيدَ زمانكِ أنتِ .. آأنَّ جميعَ الوعود تصبُّ بعينيكِ أنتِ .. فكيفَ أفسّرُ هذا الشعورَ الذي يعتريني صباحَ مساءْ .. وآيف تمرينَ بالبالِ ، مثلَ الحمامةِ .. حينَ أكونُ بحضرة أحلى النساءْ ؟ *نزار قبّاني. ، مسكت مبقض الباب بتطلع .. لكن وقفها صوته ارعبها عُمر بصوت عَالي : شُموووخ التفت عليه بخوف : بسم الله وش فيك؟؟ عُمر يمشي لناحيتها : ليش ماتنفذين الأمر اللي قلّته لك قبل ماتطلعين من الغرفة ؟! تناظر فيه بإستغراب : طال عمرك اي أمر تقصد على ما اعتقد ، كل اوامر قبلت فيها ونفذّتها .. عُمر رافع حاجبه بإعجاب : لا والله على ما تعتقدين بعد ! شُموخ شافته قريب منها ،حست انه ناوي شر... خافت منه وتراجعت خطوتين للخلف الين الصقت بالباب ... ماقدرت تناظر بعيونه صدت وجهها عنه.. قرّب عندها اكثر حاصرها بين يدينه مالها مفر منه .. شُموخ بنبرة خوف : ايه هذا اللي اعتقده سَيْد عُمر واسفه ان نسيت شي ما نفذًته ... عُمر رفع يده عليها .... شُموخ خافت يضربها وغطت وجهها بيدنها لأجل تحميه ... عُمر ضرب بقبضة يده الباب بقوة لدرجة ارعبتها ... خافت وشهقت : تكفى لااااااا .. والله ماهو قصصصدي .. غمّضت عيونها ماتبي تشوفه خير شر .. عُمر نزل يدينها من وجهها .... رفع راسها لوجهه يناظر بعيونها ... فسر نظرتها خوف، توتر، قلق، رُعب.. تكلم بنبرة هاديه يطمّنها قال : تطمّني انا رجل مُستحيل يمد يده عالحريم حتى وان كانت الحرمه متمردة .. اقدر اعاقبها لكن الا الضرب والعُنْف ، فأنا ضِدْ هالشي يا ستْ شُموخ وحطيه براسك مفهوم ؟ شُموخ ترتجف من داخلها قلبها يدق طبول .. عُمر يسمعها ويحس بخوفها... قالت بنفسها " اذا ماتضرب فإلسانك وقوانينك لحالها تكفي عن الف ضربه يا سَيْد عُمر " سكتت ماردت عليه ...نزلت عيونها قالت : لو سمحتْ ممكن تقول لي وش امرك اللي ما نفّذته ؟ عُمر ناظر فيها منزله عيونها: ماراح اقول لين تناظريني شُموخ اخذت نفس "يالله صبر ايوب " رفعت عينها " تبيني اناظر سواد عيونك بعد ابشر " بنظره تعمّدتها هي نظرة حُب ، عشق، ترجي ،خوف ! عّجز يفسرها عُمر ، ارتكب واخفى إرتباكه مارمشت عينها للحظه تعلقت عيونها بعيون عُمر متعمّدتها .. كأنها قدرت تأثر عليه فرحت من قلبها اخيرًا قدرت تحرك ذرّه وحده منه .. ،تنتظره يتكلم ، لكن كان الصمتْ سَيد الموقف .. عُمر بعد عنها خطوة... شدّ على قبضة يده طلّع من جيبه شريطة حُبوب منع حمل سحب يد شُموخ بهدوء حطها وقفل عليها قال : هذي آخر مرّه انبّهك يا سِتْ شُموخ حبوب منع الحمل لازم تلتزمين فيها ... قال بتهديد : إن فكرتي بس تتركينها عشان تحملين صدقيني يا شُموخ بسويّ شي ماراح يرضيك وانا حذّرتك عيال ما ابي منك عيال لا انتِ ولا من غيرك .. شُموخ واقفه ماسكه اعصابها تكرهه هالطاري .. كان من ضمن خطتها لكن صدمها عُمر بقانون حبوب منع الحملْ اخذتها ثم سبحتْ يدها منه قالت : إن شاء الله سَيْد عُمر اللي تآمر فيه راح يصير .. عُمر برفعة حَاجب : نتمنى ذلك سِتْ شموخ تقدرين تروحين لغرفتك شُموخ هزت راسها بالإيجاب " ولفت وراها بتطلع مع الباب الرئيسي ... لكن سحبها لعنده شُموخ توسعت عيونها رفعتْ راسها تناظره بإستغراب: بسم الله وش فيك عُمر سحبها : تعالي وراي .. شُموخ : وين موديني الباب من هنا سَيْد عُمر! عُمر طنّشها فتح الباب ببصمّه ثم دخل غُرفة الإجتماعات مصغره شُموخ توسعتْ عيونها بخوف : ووش بتسوي فيني لايكون تخليني انام هنا .. صاحي انتْ ؟ عُمر كتم ضحكته : مجنون اخليّك تنامين هنا ..! شُموخ سكتت " اي والله مجنون ومريض نفسي بعد " وصل لمكتبة الكُتب .... دور من بين الكتب ... الباسوورد فتحه ثم تحرّكت المكتبه ... شُموخ كانت تتأمل المكان واضح انه مُهم وفيه اوراق وملفات مهمة بدولاب كبير إلكتروني كل باب له باسوورد مُعين ... "واضحه هالغرفه مهمه من حرصه حتى الدولايب بدون المفتاح صارت بباسوورد مو هيّن هالسيد شكثر حريص" سمعت صوت شي يتحرك ... والتفتت توسعت عيونها شافت المكتبه تتحرك لناحيتهم وكأنها بتطيح .... شُموخ بحركه سريعه دفت عُمر وصرخت : عممممر انتبببه عُمر ارتعب من صراخها ...! وماحس على نفسه الا صفق بالجدار وشُموخ طاحت عليه ... عُمر تعوّر من الطيحه قال باستغرااب : وش فييك صاااااير شي؟ مغمّضه عيونها ومخبيه نفسها بصدره تنتظر صوت طحية المكتبه وبخوف: المكتبه والله بتطييح انتببهه عُمر نَاظر الباب إنفتح.. ابتسم بخبث قال : ليش خايفه على السَيْد عُمر يموت ؟!! قالت : اييييه خايييفه علييه .. شُموخ سكتت للحظه ثم قالتْ بتصريفه: ماطاحتْ صحْ اطلق ضكحه ساخره : هههههههههههه رفعت راسها تناظره مصدومه منه : لييش تضحك؟ اقوولك المكتبه طااااحت ..! قال : مجنوونه انتِ هذي إلكترونيه ماراح تطيح ، انا مصممها تصميم خَاص محد يعرفه غيري انا... شُموخ لفت راسها تناظر المكتبه حمدتْ ربها وتنفستْ براحه : الحمد لله خفتْ انها بتطيح ...ليش وش وراها ؟ عُمر ناظر فيها يبيها تقوم عنه : شلون بوريك وانتِ تعيقين الحركه علي يا سِتْ شُموه ؟ شُموخ انتهبت لنفسها بعدت عنه وقامت بسرعه حستُ بإحراااااج... عُمر ينتظرها تمد يدها تساعده بالنهوض وبخبث قال: ساعديني اقوم مدت شُموخ يدها تساعده يقوم ... لكن هو سحبها مره ثانيه لحضنه ، شُموخ عصبتْ : خييير سَيْد عُمر ؟ عُمر رافع حاجبه : الخير بوجهك يا سِتْ شُموخ المفروض تقوميني من دون لا اطلب منك صح ولا انا غلطان...! شُموخ زفرت بغضب " ياربي رحمتك صبّرني على هالشايب" قامت من جديد ومدت يدها له : انت صح وانا غلطانه سَيْد عُمر واعتذر عن هالتصرف .. عُمر اقام من نفسه كسحها .... وتجاهل مساعدة شُموخ ويدها ممدوده بالهواء.. شُموخ حقدت عليه ،تناظر يدها مدتها للهواء " حقير والله استفزازي غثيييث " طالعت فيه من فوق لتحت ثم صدتْ عنه وبهمس قالت :شايب مغرور... سمع كلمتها .. تجاهلها عارف انها مقهورة منه ،وماهي طايقته كان قدامها معطيها ظهره.. قال : تعالي هنا.. توسعتْ عيونها...فتحت فمها قالت بدهشه : هذي غُرفتي ..! عُمر ناظر فيها بنص عين ... ثُم تقدم وتجاهلها ....كان المدخل من غُرفة الملابس الخَاصة بعُمر ... شُموخ بدهشه : وش هالباب السرّي الخَطير.. عُمر وقف التفت لنحايتها وقال بحذر : هالباب محد يدري فيه غيري انا ،وانتِ وياليت هالشي يكون بيننا لو طلع برى بتشوفين منّي شي ماراح يرضيك ..! شُموخ اول مره تسمعه بنبرة غير ...حَستْ من كلامه إنه اعطاها سر وبنفس الوقت الثقه لتحافظ عليه مُتجاهله تهديده الأخير .. ابتسمتْ بحُب: إن شاء الله سَيْد عُمر عُمر طلع من الغرفه وقفل الباب ورجعهْ لمكانه ولا كأنه صَار شيء... شُموخ التفتْ على آخر ثانيه ولمحته كان معطيها ظهره ... اختفى ورجع المكان مثل ماكان اطلقت تنهيده : اخيرًا افتكيت منه.. وين الفراش بس عيوني ما تشوف الدرب .. نزلت الروب ورمته عالكنبه ، راحت للثلاجة واخذت علبة مويه وحبة من اللي اعطاها عُمر ... راحت للتسريحه سرحت شعرها وتركته مفتوح وارتمت على السرير ... هاربه من الواقع تدعي لعل النوم يجيها وتنام بكرا وراها يوم طويل وغير سفرة عُمر المُفاجأة ..! شُموخ بتفكير : معقوله بيسفرني لشهر العَسلْ ،بس ماظنتي يسفرني ...! عقب قوانينه السخيفه ، عند عُمر حاس بالضيق .... فتح ازارير بلوزته .. مسح على وجهه بتعب .. هذي أول مره يفتح الباب السرّي بعد مرور 9 سَنوات من وفاة زُوجته الأولىٰ سارهـ ... غمّض عيونه يحَاول يشتت أفكارهـ .. حس بحُزنْ عميق اجتاحه وكأنه طيفها مر يعاتبه يحس بُوجودها قربه ... صارت الفتره الأخيره تجي كثير بباله وبأحلامه وكأنها تلمحْ له بشي عجز يفهمها :والله يا سَارهـ عجزت أفهمك ليتني اعرف وش تلمحين له لأجل ارتاااح من الوهم اللي اعيش فيه.. قطعْ حبلْ افكاره صوتْ المؤذن ينادي للصلاة وقَام من مكانه وتعوذ من الشيطان وترحم عليها راح للمسجدْ صلى الفجر ... ثم جلس الين شُروق الشمسْ وطلع رجعْ لمكتبه فتح احد الدروج اخذ مفتاح سيارتها ... شد عليه بقوة بيده ،يتذكرها مشتاق لها حيل كل مايتذكر اخر حدث دار بينهم يحس بندم كبير ليت الزمنْ يرجع ويعيد كل شي من البدايه لكن قضاء وقدر ... راضي فيه .. شايل بقلبه كل ما يطري عليه ناصر المتسبب بالحادث يكرهه اشد الكره .. قال بحقد : حسبي الله عليك يا ناصر حسبي الله عليك .. شرارة الإنتقام كل مالها وتكبر ... صبرْ طُول هالسنين ثم نفّذ الإنتقام اللي خطط له بحذافيره وصارت مثل مايبي بالضبطْ ...اخذ شُموخ منه انبسط على اللي سواه لكن...! الى الآن شايل على قلبهْ حَاقد على نَاصر ..اكثر قال بنبرة غاضبّه وإنتقاميه: تحسبني بطلّق بنتك مثل حريمي تخسي وتعقبْ يا ناصر... بنتك تحلم ترجع لك ... طلاق ماراح اطلّق بتكون على ذمتي لين اموت .. ضرب بيده الطاوله بقوة يبرد حرقة قلبه ،زفر بغضب قفل الدرج بقوة .. طلع ركب سيارته واتجهه للمقبرة يزورها ويسلّم عليها مشتاقه روحه لها الى الآن سَارهـ حيّه بقلبه... دخل المقبره مشى بخطوات ثقيله الين ...وصل قبرها وسلّم عليها ودعى لها ... خذ حفنه من ترابها بقبضة يده شدّ عليها بقوة ... غمَض عينه نزلتْ اول دمعه ماقدر يتحملْ اكثر ، طول هالسنين حابس دمعته آخر نزول لها كانت بعزاء سَارهـ توقفت من يوم ما وصل خبر مؤكد ان ناصر سبب هالحادث ..! * قبل 9 سنوات * بعد العزاء كان عُمر جالس بمكتبه مخيّم عليه الحزن ويعيش بحالة صدمه ... الى الآن ماهو مستوعب اللي صار ماهو متقبل فكرة رحيلها عن حياته ...! فقد وجودها قُربه دايم.. وشد على شعره بقوة ...يتمناه حلم ويصحىٰ منه يتمنى هالشي ماصار... قال بنبرة حُزن وإنكسار : يارب موتك حلم واصحى منه ...يارب حلم واصحى منه .. عُمر اللي طول عمره معروف بهيبته وقوته عند الناس لكن ..! بعد وفاتها حاس بإنكسار كبيير ... حتى المُقربين له مستغربين منه معقوله عُمر يوصل لهالحاله بسبب سَارهـ ..! صحيح اللي صار قضاء وقدر وكلن له يومه .. لكن عُمر الى الآن مصدوم مافكر بيوم من الايام انه راح يفقدها .! بعد رحيلها ....صارت حياته بلا طعم وجودها كان بالنسبة له حياة .. الآن يحس نفسه جسد بلا رُوح ...! اعتزل عن العَالم ....تقوقع على نفسه برغم ان امه الأميره نجد تطق الباب تترجاه يفتح... يطنّشها متجاهل... الكل راح لغُرفته مع الباب السرّي ... صممّه خصيصًا لسَارهـ ابتسم بحزن مكسور يتذكرها لما تجي عنده بعزّ شغله وضيق وقته ... جيّتها له كانت مثل البلسم تخفف العبء ... يتذكر صوت ضحكتها ، براءتها، ريحة عطرها غمّض عينه ...نزلت منها دمعه أليمه مسحها على طول ...يكرهه الضعف اللي هو فيه.. لهالدرجة فراقها صعب ! قاسي اصعب من فراق أبوه .. جلس على الكرسي سمع رنة رسالة نصيه ، اخذ جواله بيطفيه : مالي خلق احد.. ضغط رز القفل ، لكن طاحت عينه على الرساله شال اصبعه على طول ، كانت من حارسه الشخصي توسعتْ عيونه بصدمه من اللي يقراه ...! نَاظر بالصور اللي وصلت له ..بدهشه ثم وصلت له رسالة فيها مقطع فيديو ومكتوب فيها (طويل العمر هذي كاميرا مراقبه لمحل جديد ماهو مفتوح و مصوره جُزء من الحادث اللي صار للمرحومه ) فتحه على طول كان حادث سَارهـ ثم وصلت له صورة ناصر وسيارته... عُمر توسعتْ عيونه قرّب صورة وجهه اكثر يدقق فيه انصدمْ : ناصر هذا ماغيره ! ناصر كان عميل سابق لرجل الأعمال عبد العزيز..ابو عُمر ناصر قدم استقاله بعد ما كون نفسه وصار له شغل خاص فيه عُمركان قليل يصادفه بحكم انشغاله بدراسته ... يحاول يستوعب اللي يشوفه ....وقف بذهول قال : معقوووووله طلعا انت يا ناصر السبب بوفاة زوجتي ...! شلوووووون طاوعك قلبك تهرب ...وتتركها تموت! وتنحاش تسافر...برا على اللي سويته ما تخاف من ربك يالحقيييييير يالمجرررم !! شدّ عالجوال بقوة شوي ويتكسر... مقهور من اللي يشوفه ثم نزل تحت شاف صور سفرته كانت في دبي مع زوجته وبنته شُموخ وقتها كانت صغيره بعمر 17 سنة كجَالسين يتغدون بمطعم ... عُمر قرّب الزوم اكثر على شُموخ تفحصها زين وقال بنبرة حاقده : اضحك واستانس يا نَاصر لكن هيّن ما اكون انا عُمر ان ماقطعت قلبك على بنتك مثل ما قطعت قلبي على زووجتي يالحقييييير رمى الجوااال على الأرض وتكسر الى اشلاء.. تناثر بكل مكان على الأرض ... صرخ صرخة غضبْ ، حقد ، كره إنتقااام ، قهر ، وعيد ..! قال: والله لا اوورييييك يا ناااااص والسنين بيننا ، الحين بتركك تعيش حياتك لكن حسابي معك عسيييير يا الخبييييث.. جنّ جنون عُمر انقلب من حالة الحزن والإكتئاب اللي يمر فيها الى حالة الغضب والإنتقام .. ومن بعدها ترك نَاصر يعيش حياته سالم وهانئ... وعُمر يخطط من وراه لأجل ينتقم منه لكن بطريقه غير ما تخطرْ عالبَال .. لدرجة طلب اغلاق ملف القضية تبع سَارهـ.. بعدها ...ظهر شخص ثاني غييير عن عُمر اللي قبل ..! حط كل حرّته بشغله واجتهد اكثر وحقق انجازات وثروات كبيره لا يُعلى عليها حتى اصبحوا منافسيه من الخارج اكثر من الداخل .. والبعض من اقربائه حاسدينه على ماله وحلاله ودايم يرددون كلمة " ماهو حلاله هذا كله من حلال ابوه " رغم ان عُمر أسس اعمال وشركات اخرى هو مالكها بنفسه وحققت ارباح اكثر من والده .. يتجاهلهم عُمر ويطبق مقولة " القافلة تسير والكلاب تنبح " بعد ثلاث سنوات من وفاة زوجته.. صار يتزوج الحريم لفتره محدده بينهم تكون الزوجه على درايه انها راح تنفصل عنه لكن مع كامل النفقه والسكنْ لها.. واغلبية اللي يوافقون عليه عشان فلوسه فقط لا اكثر.. وفيه منهم مطلقات وارامل ..ومايجيب طاري زوجته الاولى نهائيًا عند زوجاته وقليل جدًا اللي يعرف عنها .. *الآن * مر شريط الذكريات قدامه عوّره قلبه اكثر نزلت دمعته مسحها على طول ... يكره حالة الضعف اللي هو فيها يكره يشوف نفسه ضعيف ومكسور، قام يلملم شتات نفسه من جديد ، لايمكن ان يسمح بتكرار هذي الحالة مرة اخرى استغفر ربه وتعوذ من الشيطان .. ودعها وطلع من المقبره، ركب سيارته وصلته رساله قراها وتغيرت ملامح وجهه للعبوس ، زفّر بضيق وحرّك سيارته ... ، الظهر الساعة 11ونص الأميره نجد واقفه بكامل زينتها لابسه فستان اسود طويل بأكمام طويله من الدانتيل بطانه لحمي ومطرز تطريز بارز لون اسود من تصميم المُصمم الشَهير زُهير مُراد شعرها قصير لحد رقبتها .... وولابسه حلق الماس وميك اب خفيف ساعة روكلس فل الماس .. تطق باب الغرفة بضجر : وجع لهالحين نايمه نومة اهل الكهف ان شاء الله .. قووومي يا بنت شُموخ صحت على صوتْ طق الباب بكسل... الغرفة ظلام والمكيف بارد تحاول تصحصح: ياربي الساعة كمم ..؟ مدت يدها لساعة الكومدينه تنهدت براحه : الحمد لله تونا اول النهار عبالي ليل .. ناظرت الشباك الخارجي مقفل ... زفرت بضيق : ليش مقفلينه ماحب اشوفه مقفل ابي اصحى واشوف الدنيا نهار .. قامت فتحت الشباك الخارجي ... دخل ضوء الشمس الغرفه وزاد انشراحه للمكان ... راحت عالسريع لغرفة الملابس واخذت روب الانجري ابيض حرير.. ورسمت ابتسامه على وجهها قالت : لازم البسه عشان اقهر امه طويلة العمر .. طلعت من الغرفة فتحت الباب ومثلت بخجل وتعمّدت تطلع جز من لبسها عشان تحرّ امه ،بنبرة حياء قال: هلا خخا... هلا بطويلة العمر الاميرة نجد تناظر فيها من فوق لتحت.. صدت عيونها باستغراب " لايكون لعبت بعقل ولدي بنت ناصر الخبيث" ثم قالت بدون نفس : جهزي نفسك لحفل استقبالك بعد شوي... شُموخ تنحت" خير ماقالي شي عُمر وهذي وش فيها مستعجله .. لايكون عشان سفرتنا المساء !" قالت بتصنا: تآمرين امر يا طويلة العمر بغيتي شي ثاني طال عمرك ؟ الأميره نجد بنبرة تحذير بصوت هامس تحسب عُمر داخل الأميره نجد: اخلصي بسرعه .. ثم تجاهلتها وطلعت من المكان ، رايحه تتفقد التجهيزات والضيافة بصالة الإستقبال كبييره المُضيفات "الصبابات" مطقمين مع بعض بفستان سُكري حرير بأكمام طويل وتسريحة شعرهم ظفيره ملمومه وحزام ذهبي عالخَصر ، والضيافه لبس رسمي بنطلون اسود وبلوزه لونْ سُكري ... يبخرون المكان ويجهزون طاولات الخدمة القهوة والشاي الاميره نجد مكشره " والله ما تستاهلين يا بنت ناصر لكن سمعتي من سمعة ولدي لازم اقوم بالواجب " ثم زفرت بضيق : الله يرحمك يالغَالية وحسبي الله على من كان السبب.. ، شُموخ بعد ما اخذت شاور وجففت شعرها راحت لغرفة الملابس جلست عالتسريحه حطت ميك اب ناعم عالسريع كونسيلر وفاونديشن وآي شادو لون تُرابي واكتفت بآيلاينر بطرف العين وماسكارا ورتبت حواجها ، لمست بلاشر لون مشمشي على خدودها وإضاءة خفيف واختمت انقاطتها روج مات لون احمر هادي .. ابتسمت برضىٰ على شكلها .. قامت فتحت دولاب الفساتين اغلبهم قصار ، مالها غير الأسود اللي لبسته بحفلة الأميره هنوف ومو عاجبها دورت مره ثانيه حصلت فستان من قالفان ميدي لتحت الركبه قماش بوليستر بربقة مفتوحه عند الصدر شكل رقم 7 ماسك عالخصر ثم وسيع من تحت لون سكري على ذهبي ، كان معطيها شكل جذاب... زفرت بضيق : ياربي مايصلح بهالمناسبة كوني عروس مالي الا بنت العم تفزع لي... اخذت جوالها واتصلت على غِيْد : الو حبيبتي غييد الحقيني... غِيْد : هلا بعروستنا ..كيفك قاطعتها : اوووه بعدين بعديين اقولك الحين مستعجله ماعندي وقت .. غِيْد : آمري عسى ماسر شُموخ : ابيك ضروري الحييين تجيبين لي فستان طويل ماعندي غير فساتين قصيره وذاك الأسود ، ومو حلوه البس قصير وانا توي عروس... غيد : ابشري بجيب لك احلى فستان بعد .. شُموخ : الله يسعدك مشكورة حبيبتي مع السلامه غِيْد : يسعدك حبيبتي ..مع السلامة.. قفلت جوالها وحستْ براحهطط قامتْ من مكانها رايحه لغُرفة الملابس الخَاصة بعُمر عند قسم الثياب تختار له ثوب .. وبحيره : والله كلهم نفس الشي خل اختار اي واحد .. اخذت واحد منهم وغتره بيضاء جهزتهم و بخرت الثوب وعطرته.. سمعت صوت باب الغرفة انفحت .. عضّت على شفتها السفليه " يووه الحين بعد يهاوشني على ملابسه ويطلع لي مشكلة من تحت الأرض" بسرعه طلعت من غرفة الملابس تدوره ماهو موجود شُموخ تنفستْ براحه لما راح ياخذ شاور...وقفت عند المرايه تشيك على طلّتها كانت فتنه بغايه الجَمال وقرأت اذكارها وحصنّت نفسها .. سمعت صوت باب الحمام انفتح توترت اكثر ، كانت معطيته ظهرها ... حستْ بقربه لناحيتها كان لاف نفسه بالفوطه وشعره مبلول .. شُموخ تفرك اصابعها بتوتر .. عُمر مسك اكتافها ولف جسمها كله لجهته .. التقت عيونه بعيون شُموخ تأمل فيها للحظه ..حس بإرتباكها .. شُموخ بنبرة حياء : صصباح الخير سَيْد عُمر عُمر يتفحص وجهها ومسك ذقنها وحط اصبعه الإبهام على شفتها وضغط عليه بقوة قال : امسحي هالروج لا اشوفك تحطينه .. شُموخ بنظرة استغراب : ليش ! عُمر : من دون ليش امسحيه وغيري لبسك والبسي الفتسان المعلق هناك .. شُموخ التفتت وناظرت محل ما يأشر عليه... شافت الفستان كانت جلابيه وسيعه لون ابيض ناعمه بتطريز خفيف لون أسود وبأكمام طويله .. ثم ناظرت فيه : هذا تسميه فستاان وش هالجلابيه ذي ؟ عُمر رفع حاجبه بتعجب :لاتسألين مالك شغل باللي أأمرك عليه والبسي اللي قلت لك عليه الحين وقدامي بعد .. شُموخ بلعت ريقها وحستْ بإحراج كبير من طلبه " ليتني ماسألته وجع ويبيني البس قدامه خيير ان شاء اللهً استغفر الله هو زوجي صحيح بس استحي والله " شُموخ : اللي تآمر عليه بس ممكن البس بالغرفه طال عمرك ؟ عُمر بعناد : لا غير ممكن ..البسي هنا وانتِ ساكته.. شُموخ : ططيب لا تناظر عُمر : لا والله بعد تتشرطين علي ...لا تنسين انك زوجتي وحلالي والآن قومي بدلي ملابسك يا سِتْ شُموخ بلا دلع ..!؟ شُموخ انقهرت منه " اوريك تحرجني حتى انا احرجك " اعطته ظهرها بحركه سريعه .. كانت تاركه شعرها ماسرّحته قالت ببحه خجل : سَيْد عُمر ممكن تفك لي السحاب..؟ عُمر دوخته ريحة عطرها ، أخفى ارتباكه .. رفع شعرها ولمه كله على جنب.. مسك السحاب ونزله بهدوء ، لكن نصه وقف نشبت فيه غصلة من شعر شموخ سحبه بقوة ..! صرخت بقوة : آاااي عورتني عُمر قمز من صرختها ، وبسرعه تدارك الوضع وبنبره حاده : خلاااص اهجدي بس خصله ناشبه لا تصيحين...فجرتي اذوني شُموخ حابسه دمعتها : والله يعور انت ما حسيت فيني ..بلييز انتبه شُموخ مسكت يد عُمر بقوة وبترجي: بليييز لا تعورني فكه بشويييش.. عُمر بعد يدها : شيلي يدك طيب عشان اشوف شغلي... شُموخ رجعت يدها ومسكت يده وقالت ، بدلع طفولي : لا والله ما اشيلها اخاف تعورني ... عُمر بخبث : يعني لهالدرجة مو واثقه فيني ! شُموخ : مو قصدي ماني واثقه فيك،.. لكن يهون كل شي الا شعري لا مستحيل مقدر والله مقدر ... عُمر شال يدها بقوة : تشيلينها بالغصب مب تمشين على كيفك يا سِتْ شُموخ .. شُموخ زعلت ...وبعدت عنه قالت: خلاص لا تفكه انا اسويه عُمر سحبها وثبتها قدامه : تعالي ما اسمح لك تعصين كلام ... يا شُموخ خليك عاقله عشان اشوف شغلي ،عارف انك زعلانه ماهو شي جديد.. شُموخ انقهرت منه ، وسكتت ،عُمر فك العقده ثم نزل السحاب للأخير : خلاص خلصت شغلي ببساطه من دون لا تعيقين شغلي ... روحي للغرفة بدلي لبسك شُموخ طرطعت اكثر " حقييير والله حقيير كان قلت لي من اول مب كذا تحرجني " اخذت الفستان ثم مشت بعصبيه للغرفة عُمر كاتم ضحكته : مافيه كلمة شُكر للسَيْد عُمر .! قفلت الباب بقوة ..وتجاهلت كلامه ضحك على حالتها وعصبيتها : هههه احسن حركات الإغراء هذي ماتمشي علي يا سِتْ شُموخ مثل مالبتسيه اكيد تعرفين تنزلينه... راح لغرفة الملابس الخاصة فيه ..لقى ثوبه جاهز وغتره ومبخر ومعطر .. شاف طاولة البخو ر لِسه المبخره فيها جمر رفع حاجبه بإستغراب: هذي انتِ ،يصير خير يا شُموخ.. راح بدل ملابسه ولبس ثوب غير عن اللي مهجزته له ، شُموخ داخله معصبه من تصرفات عُمر مسكتْ الجلابيه ورمتها عالأرض ، اخذت جوالها وارسلت لغِيْد " حبيبتي خلاص لا تجيبين الفستان حبيبي عُمر جايب لي فستان ،واسفه تعبتك معي " وحطت الجوال عالتسريحه ، تعوذت من الشيطان اخذت نفس عميق : اصبري يا شُموخ هو يحب يستفزك فانتِ امسكي نفسك ولا تنفعلين بزياده .. ناظرت نفسها بالمرايه ابتسمت للحظه عشان تهدا اعصابهاا شوي... ثم لبست الجلابيه اللي جابها عُمر وطلعت من الغُرفه ما شيكت على نفسها وصادفت عُمر طالع من غرفته .. عُمر طاحت عينه عليها صارت اجمل بكثير في الجلابيه عُمر " زين تسترتي " عُمر قرّب عندها شُموخ منزله راسها واضح الزعل بعيونها ماناظرت فيه ، عُمر رفع راسها تأمل بعيونها قال بأمر: ملابسيما اسمح لك تتدخلين فيهم سِتْ شُموخ مفهوم ولا اعيد كلامي شُموخ انقهرت : على اساسا انت ما تتدخل بملابس السفر يا سَيْد عُمر ! عُمر رفع حاجبه بخبث : ملابس السفر غير وملابسي غير ولاتحسبيني ساكت عنك بخصوص منسقة الملابس اللي رفضتيها ، هذي مشيتها لك لكن ملابس السفره لا والف لا شُموخ " بعيييير مايسنى مايضيع عنه شي كريه " طنّشته وصدت عنه .. عُمر مسح على شعرها ثم قال بنبرة تحذير:شعرك ما ابيك تسرحينه كذا ، يلا لميه من قدامي اشوف .. توسعت عيونها بدهشه "خيير ان شاء الله وش دخلك بشعري بعد !! " شموخ بعناد : ماني لامته.. عُمر رفع حاجبه بإعجاب : بدينا حركات العناد يا شُموخ ! اقول عطيني شعرك ، المه لك انا ،دامك ماراح تلمينه شُموخ انقهرت قالت بنفسها" تخسي تلمس شعري" ناظرت فيه بحقد ثم صدتْ عنه ...ولمت شعرها كلّه عُمر ابتسم بخبث : ايه كذا حلوين ..يلا انزلي ولا تنسين اللي اتفقنا عليه البارح .. شُموخ تجاهلته وفتحت الباب عُمر وراها شاف المشرفة حصه ، قرّب عند شُموخ ..مسك خصرها شُموخ جت بتسحب يده ، لكن عُمر سحبها وثبته ابتسم للمشرفة حصه ..ثم دخل للمصعد شُموخ شالت يده بقرف .. وصدت وجهها عنه عُمر كان مبسوط للآخر ، ثم فتح باب المصعد للدور الأرضي ، شُموخ شافت الأميرة نجد وتذكرت حركتها قبل شوي ، راحت مسكت خصر عُمر وراسمه على وجهها ابتسامه مُصطنعه اللي استغرب من حركتها ، لكن انشغل عنها بأتصال جاه : الو هلا .. من سمح له يدخل !! عُمر ناظر بأمه رص على اسنانه : اوكي يصير خير .. شُموخ حست ان عُمر متضايق ومعصب ... لكن ماحبت تسأله سمعتْ صوت الأميره نجد عند المدخل الرئيسي تهلّي وتزغرط : هلا والله بأخوووي الغالي هلا بسندي هلا فييك نورت الرياااض يا حبيبي وش هالمفاجأة الحلوه كان قلت لي اجهز لك استقبال افخم من كذا ضمّها بحرارة : هلا فيك يالغالية منورة باهلها ، ليش الكلافه يا اوخيتي الغالية ،وا انا جاي اسلم وابارك لولدك عُمر على عروسته الجديده اللي سبقني عليها ... عُمر إنقهر من كلمته الأخيرة حقد عليه اكثر " طول عمرك نذل ما راح تتغير" ، إلى هنا نتوقف "نهاية البارت" قِراءة مُمتعة للجميع التعديل الأخير تم بواسطة فيتامين سي ; 28-10-19 الساعة 11:12 AM | ||||
|
| |
|
24-08-19, 06:11 PM
| #68 | ||||
| تسلمين بارت رائع عمر يحزن والله واضح يحب زوجته الاولى كثيييير وناصر كرهته اكثر واكثر خاله وربي يقههر المفروض مايقول هالشي قدام شموخ بس واضح نيته شينه شـكــ وبارك الله فيك ـــرا لك ... لك مني أجمل تحية . | ||||
|
| |
 |
| أدوات الموضوع | |
| انواع عرض الموضوع | |
|
|
125Likes
العرض العادي
