آخر 10 مشاركات
وابتسم القدر(وعندما اقتربت النهاية...ابتسم القدر) *مميزة ومكتملة* (الكاتـب : فاتن عبدالعظيم - )           »          غمد السحاب *مكتملة* (الكاتـب : Aurora - )           »          1011 - ها قد اتت المتاعب - ديبى ماكومبر - د.نـــ (عدد جديد) (الكاتـب : Dalyia - )           »          [تحميل] نار الغيرة تحرق رجل واطيها،للكاتبة/ black widow (جميع الصيغ) (الكاتـب : فيتامين سي - )           »          110 قل..متى ستحبني - اليكس ستيفال ع.ج (كتابة /كاملة )** (الكاتـب : Just Faith - )           »          حَــربْ معَ الــرّاء ! (1) *مميزة و مكتملة*.. سلسلة حـــ"ر"ــــب (الكاتـب : moshtaqa - )           »          لك بكل الحب (5) "رواية شرقية" بقلم: athenadelta *مميزة* ((كاملة)) (الكاتـب : athenadelta - )           »          مرحبا ايها الحب -عدد ممتاز- بوليت أوبري - روايات عبيرجديدة [حصرياً فقط على روايتي] (الكاتـب : Just Faith - )           »          `][جرحتني كلمتهاا][` (الكاتـب : بحر الندى - )           »          نار الغيرة تحرق رجل واطيها ....للكاتبة....black widow (الكاتـب : اسيرة الماضى - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree24Likes
إضافة رد
 
LinkBack أدوات الموضوع انواع عرض الموضوع
قديم 25-08-19, 02:06 AM   #11

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




‎//// البارت التـاسـع ////
‎عجـاف_القلـوب ..
‎الكاتبـة_شمـس ..

‎كثيرة هي أشياء بداخلي ..
‎لاأعرف أهي حقيقة أم خيال ..
‎أسئل نفسي نفس السؤال ولا أدري أين الجواب !!
‎أهو واقع أعيشه أم رواية كل يوم أنسج خيوط أحداثها..
‎تائهة هي أنا ولاأعرف إلى أين سوف أصل أم ماهي وجهتي ..
‎كل ما أعرفـه أنني في طريق إخترته دون ارادتـي ..
‎طريـق أسير فيه والصمت رفيقي
‎أسير ولاأعرف إلى أين أسير؟
‎فالدرب يطول، وبوصلتي ضائعة !!

‎الليل بدأ يكشف عن ضلمته وطلع النهار واواولادي بحضنـي ..
‎نهار لحياة جديدة مااعرف راح تاخذني وشنو المضموم بيها ..
‎مرت كل ذيج السننين گبالي ..
‎وجنها حلم اسود خانگني ..
‎دموعي ماوگفت لحظة ..

‎فزيت على صوت ابو احمد ..
‎خوية اني راح انزلكم واخذلج تكسي ..
‎وانتي انطيه العنوان ..
‎مااگدر اوصلج بنفسي خاف يحلفوني حتى مااجذب واحلف مااعرف مكانكم ..

‎ياقوت .. ينطيك الله خوية ماقصرت فضلك هذا ماانساه طول عمري انت وام احمد ..
‎ابو احمد.. انتي خيتي ام امير وودي اخليج عندي وببيتي بس هم ماتخلصين منهم ..

‎دار وجهة على امير .. وانت عمو امير اريدك تصير سبع وتدير بالك على امك واخواتك ..
‎امير .. ماتوصيني عمي اشيلهم على ضهري ..
‎ابو احمد .. عفية وليدي ..

‎نزل ابو احمد واجر سيارة ..
‎صعد غراضنا بيها وانطة كروة للرجال وگاله وين مايردون وصلهم ..

‎صعدت بالسيارة واموري يم السايق ..
‎وكل شويه يتلفت علينا ويشوفنا وجن يگلي بعيونة يمة لاتخافين اني يمج واحميج ..

‎السايق .. خوية وين توصلون ..
‎ياقوت .. هذا العنوان خوية بالورقه ..
‎قراها ورجعه ..
‎-سهله ان شاء الله.. انتو مو منا مو ؟؟
‎امير .. اي
‎السايق .. المن جايين من الصبح عدكم گرايب هنا ..
‎امير .. اوووف عمي طبعا عندنا گرايب قابل شعدنا جايين ..
‎السايق يسأل هواي وامير ضاج .. مبين بعيونه الخوف ..
‎هاي اول مرة نجي وحدنا ومانندل ..

‎بقى يفتر بينا المناطق ويسأل .. خوية وين بالضبط
‎-مااعرف شأجاوبة واني اصلا مااعرفهم ولاشايفتهم ..
‎عاينت بالورقه وگتله ..
‎والله خوية مااندل بس أسأل واحد بلكي يعرفونهم ..

‎السايق .. انتي البيت منو جايه هنا ..
‎ياقوت .. الشيخ مجبل ابو مرزا...
‎السايق .. اووووه خو گولي من البدايه هيج ..
‎ياقوت .. تعرفهم ..
‎السايق .. شلون مااعرفهم نسابتي يمهم خوش شيخ وسمعتة بالديوانية قوية ..
‎شيصير منج ..
‎امير .. عمي وصلنا مو تعبنا ..

‎ضحك السايق .. ولك انت جنك ماخذ هذا اللسان والغضب الي بعيونك من الشيخ ..
‎هسا اوصلك وتتدلل ..

‎مرينا من يم ابن الكاظم عليه السلام ..
‎نزلن دموعي وگتله ياربي بجاه هاي الگبه عندك ومنزلة اهل البيت يمك ..
‎تخلي خطوتي هاي خطوة خير وفرح ولاتهضمني العمر كله ..

‎نزلنا يم باب وبين حيل جبير ..
‎بحياتي ماشايفه هيج بيت .. مبين بيت عز ودلال ..
‎امير .. يمة خاف مو هو البيت ذولة مبينين اغنياء ..
‎درة .. ماما خاف يطردونا لان احنه فقرة ..
‎حيدر .. همزين خلصنا مناك شوف هنا حلو الشارع ونضيف ..

‎جهالي فرحانين ويسولفون .. واني عيني بعين امير
‎ويمكن يفكر مثل مااني افكر ..
‎منو يگول يعرفونا لو يستقبلونا .
‎اخاف خالي يطلع مثل عمي واعيش العشتة واكثر او منو يگول يتحمل مسؤوليتي اني وجهالي ..
‎الف سؤال وسؤال خطر على بالي ..

‎اخذت نفس ودگيت الباب والجرس ..
‎وماكو احد بالشارع بس احنه .. يمكن الساعه قبل السبعه ..
‎بس ابو الحليب يفتر يبيع بطاله حليب ..
‎سمعت منووو ..
‎غمضت عيني واقرأ ايات واحس گلبي راح ينفجر ..
‎من كثر مادگ ..

‎فتح الباب ولد يمكن بگد امير او اكبر ووراه واگفه مرة متوسطة وحلوة ..

‎الولد .. تفضلي خاله تآمرين بشي ..
‎ياقوت .. الشيخ مجبل موجود ..
‎المرة .. اي منو انتي وشتردين منه ..
‎ياقوت .. اني ياقوت بنت اخته ..
‎طبگت حواجبها وجنها مستغربه ..
‎-بنت اخته .. من وين ؟؟
‎الولد جان فطن وگال ..
‎خاله اذا تردين ادخلي هنا الجهال بردانة ويرجفون ..
‎واني اصيح ابوي واجي ..
‎المرة ارتبكت وتعذرت ..
‎-اعذريني عيني بس استغربت ..
‎ادخلي بين مااصيحلج ابو يوسف واجي ..

‎دخلتنا جوة ..
‎الحديقة والطارمة كلها تبهر العيون ..
‎جهالي واحد يندس بالثاني ويگله شوف عندهم مرجوحة حلوة ..

‎شوية وطلع رجال متوسط ..
‎-تفضلي خوية امري ..
‎-الشيخ مجبل موجود لو لا ..
‎-الشيخ نايم .. اتفضلي واني اگعدة الج ..

‎دخلت وراهم ومستحيه ..
‎حالتي حالة ..
‎درة .. ماما نزعيني الحذاء ماينزع ..
‎اجيت ادنگ ..
‎يوسف .. ادخلي خاله اني اساعدهاا ..
‎امير .. لا مشكور امي راح انزعها ..

‎گعدنا ..
‎المرة حجت .. گالت اني ام يوسف وجنه الشيخ وهذا ابو يوسف ابنه للشيخ ..
‎ياقوت .. يعني انت مرزا ..
‎ابو يوسف .. اي اني .. حجتلي ام يوسف بس مافهمت
‎منين تعرفين الشيخ ..
‎ياقوت .. حقكم تستغربون خوية اذا اني هسا يله عرفت عندي خال ..
‎ابو يوسف .. اوگفي اوگفي انتي بنت عمتي زمردة من......
‎ياقوت .. اي هي تعرفني ؟؟
‎ابو يوسف .. مااتذكرج بس ادري من زمان عند ابوي اخت وطالب بيها وماانطوها ..
‎يعني هي انتي ؟؟
‎ياقوت .. اي اني ..
‎ابو يوسف .. وشلون عرفتي عنا وشلون وصلتي وليش بعد كل هاي السنين ..
‎ياقوت .. سالفتي طويله خوية .. تسمعها اذا گعد الشيخ وشفته ..
‎ابو يوسف .. هو دقايق ويگعد متعود ورى صلاة الفجر ينام ويگعد بالسبعه نومة خفيف ..
‎واحنه عدنا اشغال نگعد من الصبح ..

‎التفت وگال .. ام يوسف حضري الريوگ الجهال جوعانين تلگيهم واجو من طريق ..
‎ام يوسف .. من عيونـي ..

‎يوسف .. خالة من رخصتج راح اخذهم يغسلون ويرتاحون بالغرفه ..
‎امير .. لاشكرا مو تعبانين ..
‎اشر الاخوته ترحون ..
‎ماقبلوا ..
‎وبقوا گاعدين ..

‎ماانكر جنت خايفه بس من شفت اسلوبهم وثقافتهم واستقبالهم رغم همة ماشايفيني ولايعرفوني ..
‎احس روحي ردت ..

‎شوية وانفتحت باب غرفة گبالنا ..
‎طلعت منها حجية بس قوية وطويله ..
‎شافتنا وگالت ..
‎هلا بالجاينة اليوم ..
‎گمت سلمت عليها ..
‎وباست الجهال وهي ماتعرفنا ..

‎ابو يوسف .. يمة الشيخ گعد ..
‎ام مرزا.. اي گعد جاي يلبس ..

‎دگ الباب ابو يوسف ودخل ..
‎شوية وشفت رجال هيبة صدگ ..
‎طلع من الغرفه ويصيح ..
‎يابوية يابوية ولكم هاي بنت الغاليه ..
‎ولج بويه هم صدگت يجي يوم واشوفج وابري ذمتي وياج ..
‎حسيت ذيج الهيبه راحت وصار بمكانه انسان يتوسل ويطلب السماح والعفو ..

‎نزلن دموعي ومااتحملت وخاصة من فتحلي ايدة ..
‎اول مرة بحياتي احد يگلي تعاي خلي احضننج يريحة الغالية ..
‎حسيت روحي من زمان اعرفنه ..
‎ذبيت روحي على صدرة وابجي ..
‎كل قهر ذيج السنين شمرته بصدرة ..
‎شگد جان عندي حجي وعتب لان ماسأل عليه كل هاي السنين ..
‎بس كلهن راحن بحضنته ..
‎طبطب على ضهري وگال ..
‎ذولة فريخاتج ..
‎هزيت براسي وماگدرت احجي ..
‎اخذهم واحد واحد وحضنهم ..

‎العجوز تبجي ويانا .. ياعيني ولكم هاي بنت زمرد الله يرحمها .. واني اگول الشكل مو غريب عليه وهاي العيون شايفتها قبل ..

‎ابو يوسف .. يمة يعني هيج عمتي حلوة ..
‎ام مرزا .. ولك اذا مضيع عمتك تشوفها ببنتها نسخة سبحان الخالق ..
‎شيخ مجبل .. ولكم من شفتها جن زمرد گبالي ..
‎البيت انخبص بينا ..
‎ابد ماوگفن عيوني من البجي ..
‎احس روحي مامصدگة اكو واحد يحن عليه بهاي الدنيا ..
‎جهالي انرسمت بوجوههم الفرحة ومامصدگين ..

‎ام مرزا .. كافي يمة كافي لاتبجين كتلتي روحج ولو مبين ضايگة مرار الدنيا كلها ..

‎اخذت نفس وگتله ..
‎شيخ اني واگعة برگبتك ..

‎الشيخ مجبل .. اشششش .. لاتحجين شي .. اليوم ارتاحي وتريگي ونامي وبعدين السوالف نلحگ عليها
‎واي شغله جايه بيها محلوله ..
‎وهذا بيتج بعد مايحتاج تستحين لو تخافين ..

‎ياقوت .. رحم الله والديك شيخ ..
‎الشيخ .. ولج غير اني خالج يبعد ابوي بعد هاي حلمة شيخ شني ..
‎گولي بوية اني هم بحسبة ابوج ..
‎اااااه الف رحمة على روحة جان خوش انسان وادمي
‎ومااعرف شلون طلع منهم... .
‎خليني ساكت يبعد ابوي وارتاحي ماازيدن همج فوگ هم

‎ياقوت .. يحجي وياي ويقرأ بعيوني وجن عرف البيه قبل مااحجيه ..
‎صبوا الريوگ ..
‎للنسوان وحد والزلم وحد ..
‎استغربت ..
‎خلوا كل هاي الخيرات وهم قليلين ..
‎شو بس الشيخ وابو يوسف المن اخذوا الباقي ..

‎شوية واندگت الباب ..
‎واجة رجال ووياه ولد ..
‎ومرة جبيرة بس مو كلش زينة ..
‎ووياهة اثنين بنات وجهال ..
‎وازلام اثنين سلموا بسرعة ودخلوا للبراني ..
‎بقيت صافنه ذولة منين وشعدهم من الصبح ..

‎المرة الجبيرة گعدت يم الحجية ام مرزا وسلمت عليها وگالتلها ..
‎شلونج دية ..
‎ام مرزا .. هلا دية الحمد لله .. هذا الدهن الي انطتينياه فادني زين الله ينطيج العافية ..

‎البنات اجن سلمن عليه وگالتلهن ام مرزا هاي بنت عمتجن زمرد ..

‎الحجية الثانية .. هاي ياقوت بنت زمرد يا يمة تعاي احبنج بعد .. ولج اني ماشايفه امج بس الشيخ دوووم يسولف بيها ..

‎ياقوت .. انتي شتصيرين من امي ..
‎الحجية .. اني مرت الشيخ ام حمزة ..

‎بقيت صافنه بوجهن ..
‎ضحكت ام مرزا .. اي يمة هاي مرت الشيخ الثانية بيتهم بصف بيتنا ..
‎بس الشيخ متعود ننجمع كل احنه ع السفرة بس النوم يرحون البيتهم ..
‎لان هذا هم بيتهم موش بيت غريب ..

‎بقيت صافنة ومستغربة على العلاقه بينهن ..
‎لو بنات ام حمزة ..
‎يصيرن اخوات ابو يوسف من ابوه بس شافنه گامن باسن اديه ..

‎ام حمزة .. ذني بناتي نضال واقبال .. مسيرات من البارحة ماخذات ولد اخوي اثنين والبارحة باتوا عدنا ..
‎رحبن بيه وودن جهالهن يسلمون عليه ..
‎انعجبن بدرة وگالن
‎جمالها غريب عيون زرگ وحنطاويه تخبل ..
‎وسحبنها يمهن وهي اندمجت وتسولفلهن على المدرسة ودرجاتها ..
‎اجت ام يوسف گعدت ..
‎وتريگنا كلنا سويه وكملنا ردت اگوم اساعدهن ماقبلن وگالن اليوم انتي خطار ورى الثلاث ايام دور احنه نگلج گومي ..

‎الله يحفظهم شلون عائله متصافيه واحنه حاكم وقاسم خلصوا عمرهم كله يتعاركون ومايوم تصافوا ..
‎اخذت حسرة ..

‎شوية واجة ابو يوسف ..
‎گال خوية ام .. شسم ابنج .
‎امير .. امير اسمي ..
‎ابو يوسف .. ههههه والنعم وليدي ..
‎-خوية ام امير انتي مو غريبه ومن عدنا ..
‎وذوله رجولة اخواتي وولد خالي ..
‎سلمت عليهم واني مدنگة ..
‎وامير هم جان وياهم يتريگ ..
‎ومدحوا بي وگالوا رجال من يحجي ..

‎اجة حمزة ابن الشيخ من مرته الثانية ..
‎هم سلم وگال ام عبودي ماهي عند اهلها اليوم ..
‎بس ان شاء الله اجيبها العصر وتتعرفين عليها ..
‎دز ابنه وگال روح سلم على عمة ..

‎رغم القلق الي حسيت بي من اجيت وطول الطريق ..
‎بس تعاملهم وكلامهم زاح كل خوف مني ..

‎ام مرزا .. يمة ام يوسف افرشي لخيتج بالغرفه هي والجهال خلي يرتاحون عيونها مورمات جن مانايمة الليل كله ..
‎استحيت اعوفهم واگوم ماقبلت بس الشيخ اجة واصر علية ..
‎-گومي بوية نامي وارتاحي ..
‎واني هسا عندي شغل من اجي ونگعد اني وياج ونسولف سوالف هاي السنين كلها ..
‎ادري عيونج تعتب عليه يبعد ابوي ..
‎بس حگج عليه ..
‎ومن تعرفين اسبابي ادري راح تعذريني ..

‎ياقوت .. ينطيك العافيه ش...
‎الشيخ .. ها شگلنا ..
‎ياقوت .. الله وياك خالي ان شاء الله من ترجع نسولف
‎كلها طلعت للشغل وبقت بس النسوان تركب وتنضف ..

‎ام مرزا .. حرامات مالحگتي على منال بتي البارحة راحت لعيالها بالسنية ..
‎ياقوت .. يعني انتي بس منال وابو يوسف عندج ..
‎ام مرزا .. اي اني ماصار عندي جهال ..
‎وزوجت الشيخ الام حمزا بنت خالي تصير ..
‎تالي حبلنا سوية ..
‎هي جابت أقبال واني جبت مرزا ..
‎ودور اني جبت منال وهي جابت حمزة وبعد ماصار عندي وبالتالي جابتلنه نضال ..
‎والحمد لله والشكر ..

‎ياقوت .. سبحان الله .. يعني جدي ماصار عندة بس امي وخالي مجبل ..
‎وخالي هم نفس الشي ..
‎ام حمزة .. وجد امج هم نفس الشي كل واحد يصير عندة ولد واحد وبس ..
‎وهسا مرزا وحمزة هم عندهم ولد واحد ..
‎يوسف وعبودي ..

‎ام يوسف .. اني هم عندي بنيه وولد واحد..
‎ياقوت .. ياعيني ووينها بنيتج ..
‎ام يوسف .. نايمة مامصدگة اليوم جمعه ..
‎ياقوت .. الله يخليها ..
‎ام يوسف .. ويخلي وليداتج ..
‎ام مرزا .. ولج يمة گومي جهالج وروحوا ارتاحوا ..

‎اخذت جهالي وحنا للغرفه فارشلينا ومخلين بطاطين ..
‎صدگ احس روحي تعبانه واريد فراش انام بي مال كل السنين المرت والماشفت نوم بيها ..

‎امير .. يمة اخاف من يسمعون راح نبقى يتغيرون ومايردونا ..
‎ياقوت .. لامبينين طيبين والشيخ مايسويها ويطردنا ..
‎امير .. تحجين صدگ يمة اذا هو ابوي وعمي طردونا بليلة ضلمة تردين ناس مانعرفهم يلفونا ..
‎ووين يخلونا ..

‎ياقوت .. نام يمة وخليني شويه مرتاحة ليش تضيع فرحتي ..
‎درة .. اني حبيت هذا المكان اريد ابقى هنا وعندهم بنات العب وياهن ومرجوحة ..

‎حضنتها وبستها ..
‎نيمتهم ونمت وماحسيت بروحي الا وحدة تگعد بية ..
‎فزيت وصفنت بوجهة ..
‎هاي منو واني وين ..
‎عبالك جنت بحلم وصحيت ..
‎تذكرت بيت الشيخ وهاي ام يوسف ..
‎-شبيج دادة اسم الله فززتج ..
‎-لا خية بس بحياتي مانايمة هيج وذبيت روحي ماادري ..
‎-مبين عليج التعب .. كلما ادخل الگيكم ذابين نفسكم وماتدرون بالدنيا الله يساعدكم ..
‎بس بيت الشيخ عافية وان شاء الله ترتاحين بي ..

‎تشكرت منها ..
‎ام يوسف .. يله دادة گعدي الجهال صار العصر واكيد جاعوا ماگعدتكم لان شفتكم. تعبانين ..

‎ياقوت .. اجة خالي ؟؟
‎ام يوسف .. لا مااجة عندة شغله خارج المحافظة شويه ويجي وفرغي حمولج عليه ..

‎ياقوت .. اي متعجبه عليه .. ابد مابيهم واحد سألني شرايدة وشعندج وليش جايه ..
‎هاي لو عدنا هناك .. جان التمت الناس علينا وكل واحد يسأل من كتر ..

‎گعدت جهالي وطلعنا ..
‎راحوا غسلوا .. والبنات صبن الصينيه وجابنها ..
‎مسويات خيرات الله كلها ..
‎اعاين على جهالي ياكلون من خاطرهم وعبالك سنين ماماكلين ..
‎وامير يخزر بيهم ويگلهم عيب مو هيج ..
‎وحيدر يگله .. هذا بيت جدنا الشيخ شبيك تخزر ..
‎حيدر مشيطن وياخذ بسرعه ع الناس مايستغرب ..

‎شفت ام يوسف طلعت تخبز ..
‎گمت يمها ماقبلت ..
‎گلتلها خلي اضوگكم خبزي ..
‎واخذتة بالگوة منها ..
‎وخبزتلهم تعجبن بخبزي ..
‎ام يوسف اخذت الخبز وركضت للحجية ام مرزا ..
‎يمة شوفي خبزها ..
‎اجت ام مرزا وام حمزة خلن كرسيهن يمنا وگعدن ..
‎تذكرت عمتي الحجية ..
‎سودة عليه عمة هسا شلونه حالج بعدنا ..
‎جانت تحب الخبز من ايدي ..
‎سألت ام يوسف ..
‎خية عندكم لحم مثروم ..
‎ام يوسف .. اي خية شتسوين بي ..
‎ياقوت .. اسوي خبز باللحم .
‎جابته بعد ماثرمت بصل وكرفس وياه من الحديقه ..
‎وخبزتلهم ..
‎دخل الشيخ يضحك ..
‎ولجن شنهي هاي الريحة الدخلت خشومنا اول مانزلنا من السيارة ..
‎ام يوسف .. بوية هاي ياقوت سوتلك خبز باللحم وغمزتلي ..
‎الشيخ .. عاشت ايدج بويه مبين من شكله وريحته .
‎حسيتة اختنگ .حتى بهاي تشبهيها .. ماندم السماج ياقوت ..
‎نضال .. طبعا شگد استغربت من اسمائجن بس حلوة
‎عمتي زمرة وانتي ياقوت وبنتج درة ..
‎شنو هذا اللغز بالاسماء لو لأن عيونجن عبالك شذر
‎ياقوت .. درة اني سميتها ردتها تشبه اسمي اني وامي
‎ام مرزا .. والله وگلوبجن مبينة مثل اساميجن ..
‎شگد جان الشيخ يسولفلي عليها ..
‎اني شايفتها بس مو هواي الله يرحمها لأن عيالها صعبين ومايخلوها تجي ..
‎بس من شفتج تذكرتة وهو يوصفها الزمرد ..
‎الشيخ .. الله يرحمها يله خلونا ندخل جوة ..

‎تعشينا وكملنا ..
‎وصاحني الشيخ وحدي ..
‎بس امير ماراد يعوفني وگال ادخل وياج ..
‎اهلة زرعوا بگلبه الشك والخوف وبعد مايثق باحد ..

‎الشيخ ماخلاني اسولف يم احد ..
‎وگعدنا وحدنا ..
‎الشيخ .. يله بوية گليلي شني سالفتج وليش اجيتي هاجة من فجر الله ..
‎شني السوه الج ..
‎بالعباس اگاومهم ومااخلي جبير بيهم ..

‎ياقوت .. انت گتلي گولي بوية ..
‎واني اريد اگلك بوية صح ماعرفتك الا البارحة لان عمتي مااتحملت الظلم عليه ورادت تنقذني منهم ..
‎وعتبت وضجت ..
‎بس اذا صدگ تعز امي وتعزني اريد تنطيني وعد ..
‎الشيخ .. شنو الوعد يبوي ابشري اني اذا اوعد مااخلف والديوانية كلها تعرفني ..
‎ياقوت .. اوعدني لاتروح ولاتحجي وي احد ولاتخلي واحد يعرف مكاني ..
‎اني اجيت دخيله عندك لااريدهم يعرفون مكاني ولااهل بيتك يعرفون وين اهلي وعمام جهالي ..

‎الشيخ مجبل .. تدرين اني شيخ عشاير واذا ضميتكم عن اهلكم وعن عمام جهالج .. راح اتگاوم ..
‎بس انتي غير شكل .. انتي بنت الغاليه الحرموني منها سنين ..
‎ومن اول مادخلت رجليج هالبيت بعد صرتي منه ومحد يدوسلج على طرف من ثوبج ..
‎احجي بوية اني اسمعج ..

‎سولفتله كلشي وامير گاعد ..
‎ماخليت شي من كبرت عندهم لليوم ..
‎تسودن من سمع بقاسم وعملته وضل يسب بي
‎وسولفلي شلون طالب بية وماانطونـي ..
‎وكم راح وطردوه وبيوم قابل عمتي الحجية ومنطيها عنوانه ..
‎بس يگول لبالي مثل رجلهـا وگلت اكيد شگت الورقه وماگالولج عليه ..
‎ياقوت .. اصلا هي بس عمتي الحجيه زينة وياي ومن شافت ماتگدر تحميني انطتني الورقه ..
‎لأن جانت حالفه يمين العمي وكسرت حلفها ..

‎جر حسرة طويله وگال .. هذا عمج كم مرة داعَ بحقوق امج بحجة الج ..
‎وگتله ماعندها حقوق وابوي متنازلي عن كلشي لأن ابنه الوحيد ومااقتنع لمن انطيته فلوس وگتله ذني ضمان ياقوت مو تصرفهن ..
‎ووصيته عليج ..

‎ياقوت .. كلشي ماحصلت منهم هو حصة ابوي ماشفتها واخذوا بيته مني ..
‎الشيخ .. حقج محفوظ بنيتي ..
‎ياقوت .. شتقصد بوية ..
‎الشيخ .. امج الها حصة بگيعانه وبالبيت الجبير مال ابوي الي بالمزرعة ابوي سجلهن بأسمي بس خاف عليهن من طمع عمامج واهلج ..ووصية ابوي جانت ماينابعن ونعيش بخيرهن والحمد لله عايشين بخيرهن ..
‎واني مو ضالم يبوي واخذ حق امج وحقج ..
‎بس من شفت عمامج خفت احجي وگلت لو دروا عند امج حصه ياخذوها ويضيع تعب ابوي ..
‎وصيت الحجيه وانتضرت تكبرين وتجيني بس مااجيتي ..
..
‎وحتى مرزا موصيه اذا الله امانتة يدور عليج وينطيج حقج ..
‎يابوي لجن اني ماادري بيج هيج حالج ..
‎ومااعرف ماتدرين بيه اني خالج ..
‎الشيخ يحجي واني ابجي ..
‎معقوله الله فرجها علية واخيرا وانفتحت عليه

‎الشيخ .. واعتبري بيتي هو بيتج .. تردين تگعدين ويانا لو اخليج بالمشتمل مال بيت حمزة بينته الحمزة بس امة ماقبلت من طلعن اخواتة وگالتله ارجع اگعد وياي لأن وحدها وتستوحش واني مو دوووم يمهم ..

‎ماعرفت شحجي وشأرد اذا اني عندي هيج خال .. ليش الله خلاني اربى عند ناس ماتخاف الله ..
‎صح هم اهلي بس جنت عدوة بالنسبه الهم گلوبهم حجر ومارفت عليه ..

‎الشيخ .. ها ياقوت شگلتي ..
‎امير .. من رخصتك شيخ .. صح مو من حقي احجي بس اني مااريد نگعد هنا نريد وحدنا واذا تريد اشتغل اي شي وادفعلك ايجار ..

‎ياقوت .. امير شني هالحجي عيب يمة
‎امير .. يمة الشيخ مو غريب وعرف سالفتنا .. اني عمي اخو ابوي ومتربين عندة وحط عينه على امي .. بعد شلون ترديني اامن عليج من غيرهم ..

‎الشيخ .. لا عاب حلگك وليدي .. انت مبين نشمي وعندك غيرة وهذا ابنج ماطالع على عمامة الشكر لله ..
‎ومثل ماگال امير ..
‎اليوم باتوا يمنا وباجر انطيج مفتاح المشتمل ونضفيه واگعدي بي ..
‎هو مأثث وماناقصه شي ..
‎بس غرفة النوم شالوها من گعد حمزة يم امة ..

‎ياقوت .. لا يبوي اني افرش بأي مكان واگعد المهم مستورة ..واصلا اني عندي غراض بيتي وغرفتي بس مااگدر اجيبهن هسا لايحسون ..
‎الشيخ .. هاي هي بنيتي خلي يولن وعيونج الترديه يجيه بس آمري ..

‎گمت بست راسة واديه ماقبل وحضني وگال يريحة الغاليه مادام راسي يشم الهوا انتي بحمايتي ومالي هو مالج وحلالي الج ..
‎ولج اني هسا احجي وياج وجن زمرد گبالي ..

‎طلعنا من الغرفه لگينا العشا مصبوب ومرت حمزة جايه سلمت عليه وتعرفت عليها وعندها اثنين بنات توأم بعد عبودي .. اني وجهالي اكلنا متأخرين مااكلنا واستحيت اگلهم ماأشتهي گعدت اكل شويه وياهن عيب ..
‎سألتني مرت حمزة عن قصتي سولفتلها شويه ..
‎كلهن تخبلن وتعجبن ويگللي شلون تحملتي هيج ظلم ..
‎بس ماحجيت وين جنت وماگلتلهن شردت منهم ..
‎بس گلتلهن تطلگت وماعندي مكان اروحله ..

‎ورى العشا .. اجة الشيخ گال الام حمزة ..
‎حجية باجر من الصبح تنطين مفتاح المشتمل مال حمزة الياقوت وجهالها يگعدون بي ..
‎طفرت مرت حمزة وگالت .. ليش ؟؟
‎خزرتها الحجة ام مرزا وام حمزة اشرتلها تسكت ..
‎هي ضاجت وگامت ..
‎عاين عليه الشيخ وگال ..
‎هسا اخليكم على راحتكم وباجر نسولف بشغله الجهال ومدارسهم شلون عندج واحد تعتمدين عليه يگضي هالشغله ..
‎هزيت براسي ..
‎عدل عگاله وگال يصير خير ان شاء الله ..

‎ثاني يوم جابت ام حمزة المفتاح وانطته للشيخ ..
‎وهو صاح الام يوسف گالها اخذي ياقوت وروحي للمشتمل عدلنا ونضفنا ..

‎دخلت اني وام يوسف جان كلش مرتب واثاثة حلو وراقي ..
‎جهالي يلعبون وفرحانين بي ..
‎دخلت مرت حمزة وراي ووجهة مايتفسر ..
‎گالت عيني ياقوت ..
‎هذا الاثاث اخذتة قطعه قطعه من بغداد واختاريتة بنفسي عفية مو يتكسر ..
‎حسيت ام يوسف استحت وخزرتها بس هي مااهتمت ..
‎ماادري ليش گلبي نغزني واختنگت ..
‎ياقوت .. لا خية اني اصلا عندي اثاث بس استقر اجيبه
‎مرت حمزة .. ها يعني تشوفين مكان غير هذا وترحين موووو؟؟
‎صفنت بوجهة وماعرفت شأحجي ؟؟

‎أذب خطوه أعله خطوه أبخــوف
‎أحس الكَاع ملتفه عله خطواتـي حبل وأتحنط أبسكته
‎أريد أنهـض ..
‎جدم ممشاي .. تتمزلكَ خطوتي هناك واعثر بالدرب نكتـه
‎وأرد أردود ..
‎أذبن عالدرب خطوه .. وتنز خطوه
‎السجج تاخذني سفرة ريـــح ..
‎خرسه أمدوهنه الخطــوه
‎وأسمع صوت حيل أيصيح ..
‎يتلاكَه أويه صوت الريح
‎رد ماظل درب !
‎يحضن بعد خطواتـك الرخـوه
‎رد لا تزرع بكاع الحلم دمعــــه
‎رد لا تعلكَ أباب الحلم شمعـه
‎رد جابيش أرد ..
‎والجدم شيـــرده؟
‎رد جابيش أرد .. والدرب شيكَطعه ؟
‎وأصفن صفنة التابوت
‎أغني غنوة الوحشه ...... غناوي الميت بنعشـه
‎وألملم كل نبض بيــه ..... كبل ما تطلع الغبشـه
‎وتغني الجروح تكَوم بيه أهناك
‎الروح أشراع بي تحدي صواري الدم
‎الروح الكَاع .. مظفور بشعرها الهم
‎واحدي بالخيال أغيــــــــوم
‎احدي أبخطوتي أبلا روح
‎خايف لا تذبني الريح .. ويموت الجدم عالكَاع
‎وكبل ..
‎ما يعثر الجناز بيه ويذبـح أحلامـي
‎وكبل ما تزحف الرعشه أويه دمي وتهدم اعظامي
‎رحت .. هميت
‎أشتل فوكَ كاع المستحـه أجدامـي



‎بقلمـي_الكاتبة_شمس
‎يتبع.....







لامارا غير متواجد حالياً   رد مع اقتباس
قديم 25-08-19, 02:08 AM   #12

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

//// البارت العاشر ////
عجـاف_القلـوب ..
الكاتبـة_شمـس ..

بعض الأحيان تتوهم أنك وصلت إلى طريق مسدود ,,
لا تعد أدراجك !
دق الباب بيدك ,,
لعل الذي خلف الباب أصم لا يسمع ,,
دق الباب مره أخرى !
لعل حامل المفتاح ذهب إلى السوق ولم يعد بعد ,,
دق الباب مره ثالثه ومره عاشره !
ثم حاول أن تدفعه برفق ,,
كل باب مغلق لابد أن ينفتح (اصبر ولا تيأس)

عندما تشعر أنك أوشكت على الضياع إبحث عن نفسك !
سوف تكتشف أنك موجود ,,
وأنه من المستحيل أن تضيع وفي قلبك إيــمانٌ بالله ,،
وفي رأسك عقل يحاول أن يجعل من الفشل نجاحاً ومن الهزيمة نصراً ,,

ياقوت .. لا خية اني اصلا عندي اثاث بس استقر اجيبه
مرت حمزة .. ها يعني تشوفين مكان غير هذا وترحين موووو؟؟
صفنت بوجهة وماعرفت شأحجي ؟؟

ام يوسف .. شتحجين انتي فاطمة .. ياقوت اذا متشيلها الگاع انشيلها ع راسنا ..
واشرتلها واخذتها ..

درة .. ماما هذي خاله تگلي اذا وسختوا اموتكم ..
ياقوت ميخالف ماما ..
حيدر .. يمة احنه معدان .. شو عبودي يگول علينا معدان ووسخين راح توسخون بيتنا ..
امير .. لاتضوج ولك ولاتبجي انت رجال .. الي يگلك هيج جنك ماسمعت وغلس ..
لاتصير مثل النسوان تنقهر ..

ضحكت وگعدتهم داير مدايري ..
شوفوا ماما .. هاي منطقه جديدة علينا وناسها ماتعرفنا خليكم دوووم نضيفين وحلوين ومؤدبين حتى ميگولون عليكم معدان ..
لاتتعاركون عيب وخاصه انت حيدر ..
اريدكم تدرسون وتنجحون وطلعون اشطر الجهال ..

علي .. بس احنه وين راح ندرس ماعدنا مدرسة ..
ياقوت .. اووووف خلونا نستقر واني احجي وي الشيخ .
دخلت ام يوسف ..
-لاتشيلين هم عمي الشيخ گال الابو يوسف ..
يشوفلهم مدرسة الجهال هي مختلطة ولد وبنات بس كلش زينة بالعروبة ..
منطقه راقيه وحلوة ..
بس بقت تشوفين معارفج هناك حتى يكملون اوراقهم
ويدزوهن ..
انتي عندج مستمسكاتهم مووو .
-اي عندي بالجنط ..

عاينت على جهالي وگالت. ياقوت لاتاخذين على خاطرج من فاطمة هي هيج طبعها ..
ولاتوصلين للحجية لو عمي ..
ياقوت .. لا خية مااوصل هي هم حقها بيتها واثاثها واحنه اجينه وگعدنا بي ..

ام يوسف .. عيني ام امير كلنا گاعدين بحلال الشيخ مو حلال واحد ..
وانت بنت اخته وحلاله حلالج ..
لاتصيرين ضعيفه ترى الناس تستغل الضعيف ..

ياقوت .. جا خية قابل اتكاون اني هنا اريد اعيش واعيش جهالي ..
حتى گلت اشوف الشيخ يشوفلي شغله خو مااگعد هيج بلا شغل ..

ام يوسف .. شنو هذا الحجي ام امير اذا سمع الحجي يتخبل ..
ماعدنا مرة تشتغل هنا ..
رجالنا مسؤوله علينا ..
وانتي بعد منا وبينا ..
ويله خلينا نكمل شغلنا بسرعه الايام هواي ونسولف ..

نضفنا وكملنا وولدي وياي ويوسف هم يساعدنا ..
وسدن ودرة يلعبن يمنا ..
درة ارتاحت وي سدن بنت مرزا . هي صحيح اكبر منها بس حبتها ..
لان درة تتمنى عندها اخت تلعب وياها ومن شافت التوأم خافت تگول مقسومات بنص ..
ضحكتنا اني وام يوسف ..
سدن .. لا درة هذني توأم يتشابهن ..
درة .. وهم اسمهن يتشابه ..
سدن .. لا وحدة اسمها حوراء ووحدة زينب ..
درة .. جا شلون اعرف منو حوراء ومنو زينب ..
سدن .. وحدة عندها شامة بخدها ووحدة ماعندها ..
درة .. هااااا خلي اروح اشوفهن زين ..
سدن .. يله تعاي هههههه ..

يوسف .. ماما واخيرا سدن اندمجت وي احد ..
ام يوسف .. اي عندي سدن مو اجتماعية مثل يوسف
ياقوت .. خطية خاف لان وحدها وماعندكم بنات بعمرها
ام يوسف .. لا حوراء وزينب مو ذاك الفرق بينهم يمكن بگد درة لو اصغر ..
بالاول ابتدائي ..
وسدن بالرابع .. يعني فرق ثلاث سنوات بس شويه فاطمة صعبة بتربيتها ماتخليهم يلعبون او يوسخون او يختلطون محافظة حيل ..
ياقوت .. ياخية اذا مالطفل يلعب ويشوف بصغرة واذا وسخ المن نريد الادين ..
المهم اشوفهم يلعبون ومرتاحين ..
ام يوسف .. بعد كل شخص وتفكيرة ..

يله خلينا نروح البيتنا الشيخ والولد على جية خلي نحظر الغدا ..
دخلت البيت ..
ام مرزا .. هايمة البيت عجبج ..
ياقوت .. اي حجية عجبني ..
ام حمزا .. ولج يمة احنه هم مثل امهاتج گولي يمة لو خاله بكيفج بس مو حجية كبرتينا بساع بساع ..

ام مرزا .. ههههههه الله ينطيج الصحة دية شوكت تگولين كبرت ..
ام حمزة .. يادية بعدنا صغار جيف الجهال كبرت وتزوجت وكبرونا وياهم ..
ام مرزا .. اي غير لمن خشوا بالعمرين يله زوجناهم لو متزوجين من وكت جان هسا ولدهم بطولهم ..

صافنه على سوالفهن وضحكهن شلون متصافيات الله يخليهن ..
دخل الشيخ والولد گالوا السلام عليكم ..

طفرت من مكاني ..
الشيخ .. بوية لاتستحين اني هم ابوج وذوله اخوتج ..
نزع عباته وعگاله وگال ..
هاج بنيتي اخذيهن علگيهن بالغرفه البنات ملتهيات بالمطبخ ..
اخذتهن منه .. ورحت وديتهن اعاين على كنتورة منظم وغراضة مصفطه والعگل انواع والعبي الوان ..
اخذتلي صفنه عليهن اول مرة اشوف هيج رجال مرتب
حتى السبح معلگات ..

فزيت من صوت امير ..
يمة شعندج هنا ..
-جدك انطاني ملابسة اضمهن ..
-هاااا جان انطيتيهن الام يوسف ..
-شبيك يمة ماتشوفهن ملتهيات يله اطلعنا ..

امير .. جنت اسوي بايسكل يوسف بالطارمة لأن اني اعرف اصلح كلشي من اشتغلت وي ابو احمد ..
ودخلت وسمعت مرت خالي حمزة تحجي على امي ..
تگلها يجي بالخلاف يركب ع الجتاف ..
شوفيها شلون لوگيه اخذت ملابس عمي تدخلهن للغرفه

ام يوسف .. ولج حرام عليج ترى المرة فقيرة ..
ام حمزة .. خوفج من الفقيرة .. اول ماسمعت عن خالها وشيخ اجت تركض بيها ريحة فلوس ..
ام يوسف .. اشش ابنها اجة ..
مرت حمزة .. دضلي هيج لمن تاخذ رجلج . فوگاها حمرة بيضه وعيون زرگ ..
گلبي لاعب منها ..

امير .. ضجت من سمعتهن يحجن على اني واذا گلتلها تضوج ومااريد شي ينكد عليها فرحتها وراحتها ..
احسها ارتاحت من اجت لهنا ..
بس لازم اخلي عيني عليها مااعرف شني يسوولها واني مو يمها ..

ياقوت .. الشيخ فاتحني بموضوع الدوام مال جهالي ..
وانطيته رقم ابو احمد وخابرة واتفق وياه وگاله على الاثاث يدزة ..
ماقبل الشيخ وگاله مانريدة عدها بيت مأثث ..
بس اني ماقبلت ..
وگتله خلي يدزة الي بي ريحة امي وابوي ..
فالشيخ اتفق وياه يدزله سيارة حمل ينقل بيهن الغراض
بس ابو احمد گاله اذا من الفجر او بالليل احسن
لأن قاسم يحوم بالمنطقه وكم مرة جاي ومتعارك وياهم يريد يعرف مكانة ..
بس ابو احمد گاله هي ودعتنا وراحت بس ماندري وين ماقبلت تگول ..

حجيت وي ام احمد وسألتها على عمتي ..
گالت ماشافتها من يوم الرحتوا ..
بالي يمها ومااعرف اخبارها ..

مرت الايام والشيخ نقل جهالي وتكفل بكلشي ..
واجة الاثاث مالتي وگال راح نوديه بالمزرعه لأن هنا ماكو مكان ..
وماقبل اخليه بالمشتمل ..
گال تبقين گاعدة بي ومايتغير ..

جهالي فرحانين بالمدرسة ..
ودرة مكيفه لان وي سدن ..
ويوسف وامير متوسطتهم قريبة عليهم والله يسلمة مراعيهم ومايخلي شي يأذيهم ..
نفس جدة وابوه بطيبتهم وشخصيتهم ..

بيوم جان الشيخ عندة عزيمة ..
وصارت بسرعه وحايرين منو يطبخ ..
تحزمت وگتله بوية خطارك خطاري اني ..
الشيخ .. تدبريها
ياقوت .. افة عليك بوية جربني وشوف ..
طبخت اربع طليان ..
جان حمزة يذبحهن ويصلخهن واني اگطع واطبخ ..
وبديت اطبخ التمن ..
والبنات جوة يسون المرگ والزلاطات ..
اجت مرت حمزة وشافتنا اني وحمزة نشيل بالتمن ونبزل بي ..
تسودنت ..
-حمزة ماكو غيرك يساعدها شو من الصبح يمها لسا .
حمزة .. منا وادم صوتج مااهيسة يله جوة ..
نتر عليها ودخلها ..
وجان امير ويوسف يمنا ..
بس هي ضاجت ..
گتله هاهي خوية مااحتاج شي بعد انت روح اسبح وبدل
حمزة .. يوسف وامير ابقوا يمها لايگب البريمز عليها
راح وشويه واجت فاطمة ..

-باعي ياقوت اني ساكته الخاطر الشيخ والله اذا شفتج تصيحين رجلي يساعدج العب بيج لعب ..
اعرف عينج بالعالي وشفتي الفلوس بس الا رجلي فاهمة ..

تأشر بأديها عليه واني مستغربه منها ..
راح يوسف صاح امة ..
بس امير مااتحمل ..
-شوفي خاله عن كلشي اسكت بس عن اهانة امي مااسكت ..
لاعبالج ميتين ع الفلوس ..
ترى اگدر اشتغل وين ماجان واعيش امي واخوتي ..
امي مو من هاي السوالف لو تريد تتزوج اتزوجت ماناقصها شي بس هي تفكر بينا واني كبرت واگدر احميها واسندها ..
واذا ع المال فهي ماطالبه من واحد وسمعتي الشيخ گال الها حق عندة من امها يعني مامادة ايدها الواحد

هي سكتت ومافكت حلگها خافت الشيخ يسمع وام يوسف سحبتها ودخلتها ..
واني بقيت عيني على ابني ..
فدوة الگلبك يمة .. كبرت وتدافعلي ..

ياقوت .. يمة مو هيج عيب .. اعذرها ماتعرفني بعدهي
امير .. يمة رحمة الاهلج شلون ترضين تتهمج وتحجي عليج انتي مو مجدية عندهم ..
واذا جاي تشتغلين فمساعدة منج ..
ترى مو عبالج ماملاحظ شلون ذابين كلشي عليج من خبز وطبخ ..
بس لأن ادري بيج ماترتاحين اذا ماتشتغلين هالساكت

ياقوت .. كافي عيب لايسمعك واحد ..
امير .. ساكت يمة لأن مابيدي شي وعافني وراح جن زعل لو ضاج ..

امير .. مايهون عليه اشوف امي تتعب ومحد يقد تعبها
بمرور الايام شفت بيت الشيخ مايفرغ من المضايف والعزايم ..
وبكل عزيمة صاحوا ياقوت ..
ومحد يساعدها ..
اشوفها شلون تلزم ضهرها ..
الشيخ مالت الله مايقبل ويلعب جوله اذا شافها وحدها
بس امي مو من النوع التشكي وتگول تعبت .
وام يوسف ومرت خالي حمزة مو مال طبخ ثگيل جانوا قبل يجيبون طباخ يطبخلهم ..

رحت وفاتحت الشيخ بموضوع الشغل ..
وطلبت يشوفلي شغله ..
-ليش وليدي اكو شي ناقصكم ..
محتاجين شي الي يهمني تدرس انت ويوسف وترفعون راسنا ..
امير .. لاتخاف علية جدي اني اگدر ادرس واشتغل بس اني اريد اصرف على امي مني ..
الشيخ .. ليش مو اني انطيكم مصرف .
امير .. وماتقصر .. بس مااعرف احجي وجهين واجذب ..
اني من اشوف امي تتعب انقهر .
امي هواي تعبت بحياتها واريدها ترتاح

الشيخ . وشنو المتعبها هسا .
امير .. امي واعرفها يجدي .. هي اتعب روحها بروحها
ماتريد تبقى مديونة ..
انت تنطيها مصرفنا وتصرف علينا .. وهي تريد ترد جميلك بطبخها وشغلها بالعزايم ..
لاتزعل يجدي اني اعتبرك شيخي وجبيري بس هاي امي وجنتي ومايهون عليه اشوفها هيج ..
وهي فقيرة وماتحجي ولاتگول لا ..

صفن بيه الشيخ ووجهة مايتفسر ..
حسيته ضاج من حجي وجرئتي ..
اضن نسيت روحي وتماديت ..
صاح بصوت ..
مرزااااااا حمزةةةةة
اجوا للبراني .. ها شيخ خيرك ..

الشيخ .. ولكم اني طلعت مااشوف والشيخة ماتلوگلي
مرزا .. حاشاك بويه خير ..
الشيخ .. شايفين هذا الزلمة ..
عاينوا عليه واني صافن ..
اي هذا شبيكم ..
جنت امنيتي يصير عندي ولد هيج حسجة وحجاي ..
وحتى انتو مو مثلة ..
اعتمدتوا عليه ووحتى بقراراتكم وراي ماشيين ..
بس هذا الولد عجبني ..
حسسني الاول مرة بحياتي اني ظالم وماعرفت اتصرف
ولكم اني غلطت بحق ياقوت وماداري بروحي لمن نبهني هالولد ..
عاين عليه وگال ..
منا ورايح انت ويوسف اريدكم وياي بالدواوين
مرزا .. ودوامهم بويه
الشيخ .. بيوم الجمع من نجتمع يرحون ويانا اريد زلم اعتمد عليها توگف وياي ..

اتبسمت وماصدگت الشيخ ماضاج مني وفوگاها جازاني وراح يدخلني وياه مضايف ودواوين ..
بحياتي ماشايفهن ولاطالع بمضيف وجمعة زلم ..
بس الوكت والدنيا علمتني اشكال ..

امي من سمعت فرحت وگالت اول مرة احس برفعة راس ..
حيدر وعلي يردون يرحون وضاجوا ..
وگلتلهم من تكبرون اخذكم وياي ..

كل جمعه جنا نروح وي الشيخ ونلبس دشاديش ..
الى ان كملنا مدارس ونجحنا ..
وصرنا العطله كلها نطلع ونمشي وي الشيخ بكل مكان حتى خارج المحافظات ..
وامي منعها تطبخ وگالهم ياقوت حالها من حالجن هنا
لا تعاملنها جنها تشتغل عندجن تراجن عايشات بنص خيرها ..

هذا الحجي خلى قيمة الامي ..
الي حبتها الناس كلها واولهم الحجية ام مرزا الي استغنت عن الكل وماتشور بس امي ..
صحيح ماخلت حياتها من المشاكل ومن مرت خالي حمزة الي جانت تتهمها وتغار على رجلها منها ..
رغم خوالي اثنينهم يحسبوها بحسبة اختهم ومايگلولها الا خوية ..
وهذا الشي ضوجها اكثر ..
بس الحمد لله اكو من جان يردها ومايخلي امي تتأذى لو تسمع حجي ..
لجن امي اعرفها شلون تكبت بگلبها وماتطلع حرگتها الاحد ..

مرت السنين وكبرنا بسرعة ماجنت متصور يجي هاليوم واشوف نفسي شخص گدر يوگف على حيله ويشتغل ومايحتاز الاحد ..
مايحتاج لا ابو ولا عم المافكروا حتى يعرفون اذا جنا عايشين لو ميتين ..
بس بيبتي امي مرات تخابر خالة ام احمد وتسأل عليها وگالتلها الحجيه عمتج صحتها بالنازل ..
وكم مرة رحت شفتها وطاردتها مرت عمي وبعد ماراحت

الشيخ جان مثالي الاعلى ..
رباني وعلمنـى سوالف الدواوين والفنجان والدله ..
وصرت بكل مكان يروح اني وياه ..
وماقصرت لابدراستي ولا بشغلي..
لأن الشيخ من بعد مارفصت اخذ فلوس منه مصرف النا .. من حصة امي سوالي ورشة تصليح سيارات
وبيع قطع الغيار وجنت اشتغل وجانوا يصيحولي المهندس ..
لأن محد يوگع على علة السيارة غيري ..
وافصخها تفصيخ وارجعها اجدد من قبل ..
جان طموحي يصير عندي شركة لو ورشة كبيرة ومعرض للسيارات ..
وحتى اخواني علمتهم ع الشغله ..
بس مااثگل عليهم لأن يدرسون ..
اني ويوسف صرنا اكثر من الاخوة ..
جان الشيخ يعتمد علينا بكلشي ..
ويگول انتو واحد يمنتي وواحد يسرتي ..
وماتفارگنا ابد ..
الا بالجامعه ..
اني رحت هندسة ..
وهو جان طموحة قانون ..
لسـا اتذكر من نجحنا من السادس ..
شلون سوالنا الشيخ حفله سد الشارع سد بيها وجاب مطرب وذبح ذبايح ..
ويگلهم هاي فرحـة احفادي الكبار ..
مافرقني بيوم عن يوسف وعبودي .. بس عبودي علاقتي بي موشي ..
ومايختلط ويانا ..
وعندة نوع من الغيرة ..
ومرات يگول المعدان صارت بروسنا وكبرت ..
جان اگدر اوگفه عند حدة ..
بس الخاطر الشيخ وخوالي اسكت لأن زنين وياي ويحترمونـي ..

درة .. يمة وين امير مااجة ..
ياقوت .. لا مااجة بالورشة شتردين منه ..
درة .. مو وعدني ياخذني للسوگ نشتري ملابس جدد سدن اشترت وحوراء وزينب اشتروا بس اني ..

ياقوت .. اي يمة على بالة .. جا ماطلعتي وي سدن وخالتج ام يوسف واشتريتوا ..
درة .. مااطلع الا وي اموري حتى انزل وهو يدفع وعدني وگال من تصيرين بالاعداية ..
انتي اخذي الي ترديه واني ادفع ..

علي .. يابه واني عليه القرطاسية كلها مالتج بعد شتردين ..
درة .. يمة فدوة العلاوي .. وگرصت خدودة ..
علي .. بطلي ولج كبرنا وانتي بعدة عقلج صغير ..
درة .. اذا مااتدلل عليكم عليمن اتدلل ..
ضحك حيدر وگال .. حقج يابة تدللي كم اميرة عدنا هي وحدة ..

امي ضحكت وگالت الله يحفظكم ويخليكم دوم گلب على گلب ..
للعصر .. اجة اموري من الشغل ..
شافني متخوصرة بالباب ..
ضحك وگال ..
مانسي بعلي واصلا اني اريد اشتري ملابس هاي اخر سنة ولازم ارتب خلصت الجامعه واني مامحصل وحدة
درة .. اممممم عساس ماادري گلبك منو بي ..
خزرني وضحك .. اسكتي لاتفضحينا كافي ..

طلع حيدر من الغرفه يمشط ..
هلا بأموري الغالي .. مشتاقلك اخوي ..
امير .. هههههه لازم عندك شغله ..
حيدر .. حالي من حال درة هم اخيك اني وشاب واريد مصرف ..
امير .. انت لمن تدخل الجامعه يله يحقلك تتطلب .
هو علي بالجامعه مايطلب بگدك ..
اطلع اشتغل وياي وانطيك يوميتك ..
حيدر .. زين امشي وياكم اشيل العلاليگ واشتريلي كم قميص وياك ..
امير .. ههههه اي اذا اتحملت فرت درة بالسوگ وشلتلها العلاليگ الي تريدة اخذة وعلى حسابي ..

ياقوت .. هههههههه ولكم جا انتو والليل اذا تطلعون وي درة ماتدرون بيها اختيارها صعب وتفر السوگ كله يله ..
حيدر .. ادري والله بس شنسوي نتحمل ست درة حتى نحصل على غايتنا هههههه ..
درة .. ها هيج صارت موووو جا اذا راح حيدر اني مااروح
طفر من مكانه وحضني ويبوس بيه ويگلي اتشاقه وياج ليش كم جوهرة عدنا اقصد درة ويضحك ..

الحمد لله الي عوضني بهيج اخوة ..
من اني صغيرة لحد ماكبرت .. مايخلون الهوا يطخ شعرة مني ..
مدلليني دلال ..
جانت امي تنطيهم مصرف يرحون يشترولي بي ويجون من المدرسه كل واحد مشتريلي شغله ..
اما امير فهذا ابوي مو اخوي ..
حتى تعامله وياي مثل الاصدقاء ..
كلشي يصير اسولفله ومتعودين احنه ع الصراحة من صغرنا ..

للعصر طلعنا گال اشوف يوسف ياخذنا بسيارة خالي مرزا ..
من سمعت اسم يوسف ماعرفت شأحجي ..
صحيح احنه تربينا سويه بس من صغري استحي منه وماعندي اختلاط بي ..
رغم هو دوووم عدنا ويسهر وي الولد ..
بس امير مايقبل اگعد يمهم ..
ويگلي روحي للغرفه لو تاخذني امي ونروح البيت الشيخ يم سدن ..
علاقتي بيها اكثر من اخت ..
ابد ماتحسسني بشي ..
بعكس بنات خالو حمزة ..
دايما ينتقضن مني ..
بسبب مرت خالو حمزة ..
جانت دوووم تتعارك وي امي وتغار على خالوا منها ..
بس بيبياتي مايسكتن ويردنها ..
اما خاله ام يوسف فتخبل وتموت عليه ..

طلعنا العصر للسوگ ..
صعدت السيارة ويانا سدن اجت لأن اريد اخذ رئيها بالاختيار ..
گلت السلام عليكم ..
باوع عليه بالمراية وگال ..
شلونج درة .. كبرانة وصرتي بالاعدادية ..
اخجل احجي وياه ..
ابتسمت ابتسامة خفيفه ..
واختفت من شفت امير ..
سدن حاسة عليه وتگرص بيه ..
ماادري الشخص الوحيد من اشوفه احس حرارة تصعد بجسمي ..
خجل واعجاب ..
او يمكن لأن يذكرني بأمير ..
حبي الامير خلاني احب يوسف واحترمة ..
مشاعر عندي مخربطة ومو واضحة ..
بس جنت اعتبرة مثل اخوية ومرات اگله خوية ..
بس هو يضحك ويگلي ..
ترى اني مااكل شبيج تخافين مني ..
جان خالو حمزة دايما يگول يوسف الحوراء مو يگولون اخطب البنتك ولا تخطب الابنك ..
فيگول امير ويوسف البناتي ..
بس خاله فاطمة تضوج وماتريد امير ..
رغم اعرف مشاعر امير وين متجهة ..

بس سدن ثولة وماتحس بي هههههه ..
من وصلنا للسوگ خبلناهم ع گد ماافترينا ..
وامير حبيبي ماخلاني بعازة شي ..
ويوسف يگله انت شورطتني وجبتني وياك ويضحكون علينا ..
تالي گال امشوا نروح نشتري لفات نگعد بالكورنيش ..
قليل مانطلع جنا فرحنا وماصدگنا ..
وحيدر خبلنا شيطان كل الي يشوفها يگول هاي الي ..
جانت عينة زايغه ..

گاعد نتمشى اني وسدن يم الشط والولد ورانا ..
اجو اثنين ولد ..
مروا من يمنا ..
اكو واحد ذب حجايه عليه وگال عيون لو خرز زرگ .
محد سمع بس يوسف ..
اجة يمي وعيونه تجدح نار ..
-شگالج هذا ..
-ماسمعت ..
-احجي شگال ..
سكتت وخفت احجي ..
ركض وراه وسحله وبيومها تعاركوا وكبرت السالفه ..
واجت النجدة واخذتهم كلهم ..
اني وسدن تخبلنا ..
يوسف وامير گالوا الابو النجدة ..
ويانا بنات ع الاقل خلي واحد من عدنا يوصلهن ..
بس هذا عاند ..
ويوسف وامير اتخبلوا ..
حيدر گاله اني الضربتهم مو همة ويوسف يگله لا اني وامير يگله اني مو همة ..
تالي صاح بيهم ابو النجدة وگال اليوسف اخذهن انت وامشي وعود جيب واحد من اهلك للمركز يلمهم مناك ..
ماقبل يوسف يعوف اخواني ..
بس امير غمزلة وگال اخذ البنات وروح منا بسرعه ..
اخذنا يوسف وطول الطريق متخبل ويضرب ع الستيرن ..

بقيت الوم بروحي لان نزلتهم للسوگ والحيت عليهم
هسا شأگول الامي واذا سمع الشيخ شيگول ..

وصلنا ونزل يوسف گال ادخلن للبيت گدامي واني رايح للشيخ ..
دخلنا خايفين ومانعرف شنحجي ..
ياقوت .. ها يمة اجيتن ششتريتن شو اديجن فارغات ..
ام مرزا ..
ولجن شمالجن تخورستن احجن الولد وين صايرلهم شي
ياقوت .. يمة ولدي ولج وين اخوتج احجي ..
سدن .. اخذتهم النجدة !!
ام مرزا .. ليش ..
سولفت سدن كلشي .. وامي تخبلت وتبجي ..
فاطمة .. عليمن تبجين كلة من ورى بنتج .. بنيه عيونها زرگ وماخذة الولد وتفتر بيها شتردين محد يباوعلها وشمدريهم ذوله اخوتها ..
ام يوسف .. شبيج فاطمة غير سدن وياها قابل وحدها راحت واخوتهن يمهن شبيها اذا طلعوا .
فاطمة .. لابيها شي .. الصوج بأمها مخليتها بكيفها ومدللتها هسا اني بناتي مااخليهن يطلعن للباب انتي مدري شلون مأمنة البنتج وياها ..
بس هي هاي التربية بلا ابو ..
بقت تحجي وتهين وامي فقيرة ماتحجي ولاتدافع تستحي ..
مااتحملت .. وگلتلها كافي خاله اني صح ماعندي ابو بس عندي ام واخوان ربوني احسن تربية ..
نزلن دموعي وبجيت ..
عفتهن وگمت صاحت امي وراي گلتلها رايحة البيتنا ..
طلعت من البيت والدنيا غروب ..
انفتحت الباب وانضربت بشخص ..
واني مدنگة ..
لزمني .. شبيج منو وياج ..
رفعت راسي هذا يوسف .. ارتبكت مسحت دموعي ..
-ماكو شي ..
-شو باعي عليه ارفعي راسج يحجي بعصبيه ..
وداعتج مايبقون ساعه وحدة ..
اجيبهم وارجعهم الج لاتبجين ..
دخل حاجة امي واخذ جناسيهم وراح ..
من ساعتها واني احس گلبي بدأ يدگ الة ..
بس كانت مشاعر خفية ..
مايعرف بيها بس گلبي حتى عقلي خافية عنه هالمشاعر خفت يتضارب وي عقلي ويرفضه ..
جنت متأكدة انه يوسف حلم بالنسبة الي ..
هو ابن شيوخ ..
واني بنت حاكم الشمرنا اني واخواني وامي ومن غير مايسأل علينا ..
اسمنا هربانين ومانعرف مصيرنا شنو اذا بيوم عمامي وابوي لگونا ..

گاعدة بالبيت وحدي ضايجة على اخواني وابجي ..
دخلت امي تركض ..
گومي بسرعه حضري غراضنا ..
درة .. شكو يمة ..
ياقوت .. الشيخ گال نروح للمزرعه ..
درة .. ليش ؟؟
ياقوت .. ماادري گال لمي غراضج واخذي الولد ورحوا لهناك ..
اجو اخواني حضنتهم وابجي هاي اول مرة يبتعدون عني مااتحملت اتخيل بعدهم عني ..
امير گال مااروح الاي مكان رجعي الهدوم ..
دخل الشيخ ووراه خوالي ويوسف ..
-امير يبعد ابوي .. انت وليدي وادريك زلمة وماتخاف من تهديد شويه مزعطة وعربنجيه ..
بس اني الي اخاف عليك وگلبي ياذيني اذا صابكم شي ..
وهذا يوسف هم راح يمشي وياكم ..
يله تزهبوا بسرعه واطلعوا بسواد الليل ..
وبين ماتهدأ الامور اجيبكم..
وبعد ماامي توسلت وبسوته يله وافق لأن امير مايحب يرضخ الواحد ..
اخذنا ملابسنا وطلعنا للمزرعه ..
وجانت عيوني على يوسف ماادري ليش فرحت لأن راح ويانا ..
رغم كل الي صار وبعدنا عن بيت الشيخ والدوامات قربت بس مدام احبابي وياي جان الامر هين بالنسبه الي ..
رغم صعوبته على امير ويوسف الي اخذوا الطريق كله متعصبين ويتوعدون ..
في هذه المرحلة ابتدأت مشاعري بالضهور رغم رفض عقلي لهـا .. الا ان هناك مشاعر لايمكن رفضها وإخفائها مهما حاولنا جاهدين ..




بقلمـي_الكاتبـة_شمس
يتبع……..


لامارا غير متواجد حالياً   رد مع اقتباس
قديم 25-08-19, 04:24 PM   #13

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

//// البارت الحادي عشر ////
عجـاف_القلـوب ..
الكاتبـة_شمـس ..

عندما تشعر أنك أوشكت على الضياع إبحث عن نفسك ..
مـدخـــل ..
لا تنظر إلى الأوراق التي تغير لونها
وبهتت حروفها وتاهت سطورها بين الألم والوحشه
سوف تكتشف أن هذه السطور ليست أجمل ما كتبت
وأن هذه الأوراق ليست آخر ما سطرت ..
فهناك شيئ جميل مخبئ بين كل هذه الحروف ..
سيأتـي يوما ويبدأ بالضهـور !!

وصلنا للمزرعـة جانت ضلمـة ..
نزلنا والولد گاموا ينزلون الغراض وتسوگوا من الطريق مسواگ للبيت..

نزلت واتمشى قريب عليهم ..
اباوع على البيت والمزرعة ..
مرة عن مرة تصير احلى واحلى ..
اتذكر من نجي واحنه صغار وجنة كلنا نلعب سويه هنا ..
اني واخوانـي ويوسف وسدن وعبودي والتوأم ..
وحتى بنات خالتي منال ونضال واقبال ..
جنة مانفكر بس باللعب ..
وامهاتنا يخبزن ويطبخن وخوالي يشوون سمج ..
حياتنا كلش حلوة ..
بس هسـا كبرنا وتغيرت اهواي اشياء ..
فزيت من صفنتي على حضنت امير الي وگال شبيها الحلوة صافنه ..

ابتسمت اله وگتله ..
اموري تتذكر من جنة صغار ونجي نلعب هنا شگد حلوة ..
اسمع صوت يوسف ورانا ..
اي وشگد جنتي تشبعين وگعات وكل شويه متعورة ومهبطتنا عليج ..

حيدر .. يابوي شلون مخليتنا بأنذار وكل ساعه وگال امير ديروا بالكم على درة ..
لاتوگع درة ..

يوسف .. هههههه وكبرت درة وماخلصنا ..
باوعتله بحزن حسيتة اتراجع وگال اتشاقه ترى ..
ضجت وگلتلهم داخله ..
اكيد يلوم بيه لأن هسا همة هنا بسببي ..
دخلت صاحت امي ..
درة يمة تعاي ساعدني نسوي عشة ..

دخلت مرت ابو محمد الفلاح ..
هي ورجله وولدها بانين بنص المزرعه .. حتى يحميها من احنه ماهمة ..
الشيخ سامحلهم .. حتى يخلون بالهم ع المزرعه ويداروها ..

ام محمد .. شلونج خية ام امير ..
ياقوت .. هلا خية انتي شلونج ..
ام محمد .. والله ماصدگت من شفت السيارة واگفه بالباب صار فترة طويله مااجيتوا ..
ياقوت .. اي والله الولد ضايجين وگلنا نجي كم يوم هنا قبل مايبدي الدوام ..
ام محمد .. توها المزرعه نورت .. اي شي تحتاجيه دزي عليه اساعدج ..
والبيت اني كل يوم انضفه وامسحه مابي شي ..
تردين اطبخلج العشة ..
ياقوت .. ينطيج العافية خية .. اني ودرة هسا نسويه
ام محمد .. شلونج خاله درة كبرانة وصايرة مرة وحليانة اكثر صلوات على النبي ..

ابتسمت ..
شكرا خاله ..

ام محمد .. يله اني اروح ومثل ماگتلج اي شي تحتاجيه گولي ..
وها صدگ العصر خبزت خبز حار هسا ادزلكم وادري بي مو مثل خبزتج الطيبه ..
ياقوت .. يا على بختج خية كله نعمة الله وخبزج مايتخير عن خبزي هم اطيب بعد ..

دخلوا الولد يضحكون من برى وشكلهم ماضايجين ومشلعين من المزرعة شوية مخضر وفاكهة…
جا شمالي اني ضايجة والوم بروحي ..

امير .. هاج درة اغسليهن للعشا وعود الصبح نشلع اكثر هسا مانشوف زين ..

دخلوا لجوة واني وامي گعدنا نسوي العشا ..
كملنا وصحت حيدر ..
هاك السفرة افرشها الكم جوة ..

راح ورجع .. گال امير يگول كل احنه ناكل سويه مثل مامتعودين ويوسف مو غريب عنا ..

ضجت اني مامتعودة اكل يم احد ..
گلتلها يمة يصير اكل لفه هنا وحدي .

ياقوت .. ولج يمة تدرين بأخوج يحب اللمة ومايقبل كلمن ياكل بوحدة الا اذا جنة ببيت الشيخ ..

گعدنا نتعشة..
وصار يوسف گبالي ..
مالة الله هو ابد مارفع عينة وجان ياكل ويسولف وي الولد عادي ..
بس مااعرف ليش اني استحي واخجل منة الهاي الدرجة
بينما من جنة صغار حتى نتعارك ونلعب سويه ..
مااعرف ليش هيج تغيرت من كبرنا ..

ياقوت .. شبيج يمة ماتاكلين بيج شي شو احسج مالج خلگ ..

امير .. درة شبيج حبيبتي شي يوجعج ..
حيدر .. شبيها الاميرة بس اكيد حاسة بتأنيب الضمير ههههه ..
علي .. مو كلشي ضحك حيدر ولاتضوجها بحجيك هذا ..
امير .. حبيبتي اذا صدگ مثل ماگال حيدر مااريدج تضوجين انتي مالج ذنب اذا همة عار وماعندهم غيرة
والي يرشن بمي نرشة بتيزاب بعلـي ..

يوسف .. يابة عليمن تضوج اصلا تونسنا ولعبنا اكشجن صارلنا ماصارفين هيج طاقة يمكن من جنة صغار ..

وبداو يسولفون شلون شبعوهم كتل وشلون بالمركز يهددون لأن الضابط طلعهم ..
وگلبوا السالفه الضحك وخلوني اضحك وياهم ..

اباوعلهم واضحك ربي مايحرمنـي منهم ومن لمتهم ..
من اني صغيرة وهمة هيج اذا شافوني ضايجة يحلولون بكل الطرق يضحكوني ..
دللوني بس بحكمة. وعقل ..
جانوا ينصحوني ويرشدوني اذا خطأت بس بطريقه الخوف والحرص ..
مو التنبيه والتقليل من شأني ..

ياقوت .. الله يحفظكم يمة. ويستر عليكم ونبقون عيج گلب على گلب ..
امير .. امين يمة امين ..

كملنا عشة وشلت الماعين اغسلهن ..
والولد كلمن شال شغله وكملنا بسرعه ..

همة طلعوا الدومنه يلعبون ..
واني وامي دخلنا للغرفه نرتب ملابسنا ..

كملنا وگعدنا ع الجرباية ..
احسها اخذت حسرة واستغفرت الله ..
وجانت مخليه سبحتها وتسبح ..

درة .. يمة شبيج شو اشوفج ضايجة ..
ياقوت .. مابيه يمة بس بالي يم بيبيتج .. خالتج ام احمد تگول حالتها موشي زينة وخايفه عليها ..
ولج يمة صار شگد ماشيفتها وگلبي يطفطف عليها..
واخاف تروح واني بعيدة عنها .
من طلعنا من الولاية جانت توصي وتگلي لاتنسيني خليني اشوفج قبل لااموت ..
واني الله شاهد عليه اذا ناسيتها ..
بالي وفكري يمها دووم ..

درة .. يمة احنه ليش طلعنا من الولاية وعفنا بيبيتي وابوي واهلنا هناك ..
اني اتذكر اشياء .. واعرف ابوي وعمي ومرته جانوا مايحبونه بس مااعرف سبب طلعتنا شني ..

ياقوت .. اووووف يمة شلج بهالسؤال ..
خلي الدفاتر القديمة مسدودة لاتفتحيها وتهيجين جروحي ..
درة .. يمة اني مو صغيرة وكبرت ومن حقي اعرف عمامي شسوو حتى شردتينا منهم بسواد الليل ..

ياقوت .. بعدج طريه يمة وماتتحملين السوالف ..
يجي يوم اسولفلج كلشي اي جا غير انتي بنتي ووحدتي بس هسا ييمة بعدج طريه وهستوج شبيتي ..
مااريد اعكر خلگج بهاي السوالف ..

امير .. منو الي مگر خلگة وشبيها درة اليوم ماعاجبتني
درة .. لا حبيبي مابيه بس امي مشتاقه البيبيتي خطيه مريضه ..
وجبناها سوالف على قبل وماقبلت تسولفلي تخاف على خلگي يتعكر ليش اني مو كبرت وصرت افتهم ليش تعاملوني وجني صغيرة بعدني ..

امير .. ومنو گال صغيرة بس حبيبتي انسي الماضي ..
حتى ماتفكرين وتضوجين ..
واني مثل امي هم مااريد درتنا تتعكر ..
گرصني من خدودي ..

درة .. لاامير مو كبرت ..
امير .. ولج لو تصيرين 100 سنة عمرج بنضري تبقين المدللة مالتنا والدلوعة ..

باوع الامي واخذ حسرة وگالها لاتضوجين يم امير خلي تخلص هالشدة واني بيدي اخذج تشوفينها ..
كبرنا بعد ومانخاف من شي ..
والمفروض هم الي يخافون مو احنه ..
لأن عدنا حق عندهم ولارم ناخذة ..

ياقوت .. لايمة انت لاتروح اني امشي الوحدي اخاف عليك ..
امير .. افه عليج ياام امير .. لسة ماعرفتي ابنج شني ..
اذا همة جانوا ثعالب وبمكرهم شردونا ..
فآني هسـا ذيـب واعلم ع الناس مايعلمون عليـة ..
ياقوت .. الله يحرسك وليدي ويحفظك الي ..

درة .. امي وامير يسولفون وجان امير ذكي ومايحجي بالصريح كلامة كله الغاز اعرفة مايريدني اعرف شي لااضوج وانقهر ..
بس شوكت يفهمون اني كبرت من حقي اعرف ابوي وعمامي شسوو ..
ادري بأبوي ظالم وجان يضرب امي وطردنا وجاب مرة للبيت ..
بس هواي اشياء ذاكرتي نستها وصارت هوامش ..
اريد اعرف حتى ماافكر بأبوي ..
من اشوف خالوا مرزا وخالوا حمزة من يعاملون سدن والتوأم مااضوج ..
ولاانقهر لأن اني بعيدة عن ابوي ..
ادري بيهم ماقصروا عني ويعاملوني مثل بناتهم وامير هو ابوي مو اخوي واخواني والنعم منهم ..
بس ليس للاب وحنانه ..
اعرف محد يفهمني بس من حقي اعرف ليش انهزمنا وليش محد يعرف مكانه ..
يمكن ابوي لو يعرف مكانه جان حن گلبه علينا واجة شافنا ..
كل هذي التساؤلات مرن عليه بلحظة ..

گعدت الصبح على اصوات اخواني ..
گمت رتبت فراشي ورحت للمطبخ ..
-صباح الخير يمة
-هلا يمة هسا احنه الظهر
-صدگ جا ليش ماگعدتيني ..
-ماعندي شي بنيتي سويت ريوگ للولد ..
وهالتشوفيهم طلعوا من الصبح للگاع وفرحانين ..

درة .. اي سمعتهم همة اذا اجو لهنا ينسون ارواحتهم ..
دخل امير ..
ياهلا بأميرتنا واخيرا گعدتي ..
-ههههههه هلا بيك اموري لو ماصوتكم هم مااگعد ..
امير .. هنا جنه من صدگ .. تدرين يمة شأريد ..
ياقوت .. شنو يمة
امير ..
اريد ابني بيت بحصتنا مال گاع شتگولين ونگعد هنا ..
ياقوت .. جا اني امنيتي يمة بس انتو ومدارسكم شلون ومحلك شلون ..
امير .. عود منا الذاك الوكت اشتري سيارة وهاي الديوانية مو بعيدة ..
شنريد نروح ..
درة .. وشلون اني اتعودت هناك وسدن شلون افارگهة ..
اتقرب مني وهمسلي ..
اذا على سدن عود اجيبنها الج هنا بعد شنو حجتج ..
ياقوت .. شتسوي تجيبها يمة ..
درة .. هاااا يمة مو ابنج الظاهر مخلي عينة ع سدن ويريد يجيلها جنه الج ..
ياقوت .. يايمة ومنو يگول ينطوها لاتفاشلني وي بيت الشيخ ..
امير .. وشناقصني يمة وافشلج اني .. شهادتي والسنة اخذها وعندي ورشة وان شاء الله اطور شغلي وحتى معرض افتح والشيخ يحبني هو وخالي مرزا ويردون خاطري بعد ليش ماينطون ..
ياقوت .. يمة البنيه صغيرة وانت ناسي خالك حمزة جان يصيح سدن العبودي وابن عمها اولى بيها ..
امير .. يمة بربج صغيرتيش .. السنة الجاي تدخل جامعه
وانتي تقارنين عبودي بيه ..
عبدالله درساته ماممكملها ومخلصها رسوب .. وحتى مستقبل ماعندة ..
ياقوت .. والله يمة ماادري دسد السالفه هسا وخلونا بالمصيبه هاي المانعرف شوكت تخلص ..
امير .. مصيبتيش يمة. همة اللازم يخافون تعدوا على عرضنا خاف عبالج احنه والشيخ خايفين منهم ونهزمنا لا والله موش احنه الي نخاف ..
بس الشيخ عندة غاية وبعدنا عن الديوانية يريد يستوهم على نار هادية ..

دخل حيدر .. يمة اجة عبودي يريدج ..
امير .. ابن حلال هسا امي ذكرته ههههه .. بس شعندة اجة خير ..

دخل وراه عبودي وعلي ويوسف ..
امير .. ها عبد الله صاير شي هناك ..
عبد الله .. لا بس الشيخ دزاني .. يگول جارتج ام احمد خابرت وتگول الحجية موزينة وتريد تشوفج ..

اباوع على امي وجهها اصفر وانگلبت احوالها ..
امير .. يمة شبيج اتهدي .
تعاي اگعدي .. درة جيبي ماي الامي ..
-يمة گالج مريضه مابيهة شي ..
گومي بدلي واخذج تشوفيها ونرجع قبل الليل ..

حيدر .. تحجي صدگ امير وين تاخذها ..
علي .. كل هاي السنين ماعرفوا شبينا مابينا وهسا تاخذ امي وتروح برجليك ..
امير .. هاي شبيكم اني مو زعطوط وتعلموني ..
وبعدين لويش خايفين منهم صرنا زلم وفن واحد يحجي ويانا ..
بيبتي جانت طيبه ويانا وواجب علينا نروح ونشوفها ..
درة .. اني اروح وي امي ..
امير .. لا ابقي هنا يم اخوانج .. بس اني وامي نروح واذا صار شي نخبركم ..

يوسف .. جا اروح اني وياكم كلشي يصير .. مااعوفك وحدك ..
اميرر.. كفو يخوي بس اخواني هنا امانتك عينك عليهم ماامن عليهم عند غيرك ..
يوسف .. هاهي روح ومودع بالله وامانتك بالحفظ والصون ..
عبد الله .. واني هم راح ابقى هنا ..
امير .. روح انت خاف الشبخ يحتازك ..

يله يمة گومي بدلي وحضري نفسج على ماابدل ..
درة .. طلعت ثوب حلو الامي وشحاطة جديدة ولبستها ولفيت الحجاب الها ..
اريد يشوفوها بأحلى صورة ..
وهي ماتقبل تگلي ولج اني وين وانتي تعدلين بيه ..
بالي يم عمتي لايصير بيها شي وماالحگ عليها ..

كملت وطلعنا من الغرفه وصارت عيني على امير طالع يخبل ..
لابس بنطرون جينز وقميص وسترة ..
ملابسه الجدد الي اشتراهن للجامعه باقيات بالسيارة وجن گلبه حاس راح يمشي بيهن العمامي ..

ام من شافته توصي بي يمة معليك بيهم شمايحجون ويسون احنه نشوف بيبيتك ونطلع ..
امير .. هاهي يمة لاتشيلين هم ..

امير اخذ امي وراح .. واحس گلبي انقبض .. مامتعودة ع فراگهم ..
وبالي يمهم اخاف عمامي يأذون امي لو امير لأن انهزمنا من الولاية ..

ودعناهم ودخلنا ..
عبد الله .. جوعان شنو غداكم درة ..
درة .. امي طابخة الغدا ماادري .. تردون اصبلكم غدا هسا ..
حيدر .. اي صبي وهسا اجي وياج اساعدج ..

دخلت حميت الاكل وحضرت المواعين واحس نفس وراي فزيت ..
واشوف عبد الله ..
-شبيج فزيتي هيج اني اخوف ..
-لا عليمن اخاف ..
-درة اذا كملنا غدا اريد احجي وياج ..
-شنو تحجي احجي هسا قابل هو سر ..
-لا مو سر يس موضوع خاص ..

يوسف .. وشنو هذا الموضوع الخاص .. خلينا نسمع ..
عبد الله .. مو يمك السالفه لاتدخل روحك ..
يوسف .. شوف ولك كلشي يخص درة يهمني فالاحسن تبطل سوالفك هاي وتتغدا وتروح للديوانية لاالشيخ يحتاجك ..

طلع عبد الله من المطبخ واني بين فرحانه وبين مصدومة من كلام يوسف من گاله تهمني ..
باوع عليه وگال ..
هذا لاتنطيه وجه .. وترى اني حجيت بمكانج لأن انتي امانة امير عندي ومثل اختي ..

هو گال هيج واحس ضربة قوية ع راسي ..
ضجت ودرت وجهي للگدر اصب التمن .
صحت حيدر تعال شي الماعين ..
يوسف .. مو اني يمج ماتگليلي شيل ..
درة .. لا شكرا هسا يجون اخواني يشيلون ..
ضحك وطلع ..

احسة يتصرف وياي ببرود .. معقوله شايفني مثل اختة لو لأن اصغر منه بهواي ..
اي اكيد يشوفني زعطوطة.. اذا الكلية مليانة بنات بعد منو درة ويباوعلها ..

اوووه هاي شبيه اني ليش هيج تفكيري بيوسف تغيير ..
شلون افكر هيج وانزل راس اخواني الربوني وتعبوا عليه امي جانت تگول ..
البنية لازم تحب رجلها وبس ..
حرام تحب اي شخص وتسلمة گلبها ..
لأن الحب الشريف والطاهر حب المرة الرجلها ..

جان عقلي يسمع كلام امي وخوفها عليه.. وگلبي يرفرف من يشوف يوسف وماادري ليش ..

گعدوا تغدوا واني اكلت وحدي ..
لأن اضوج من نضرات عبودي ..
وامي ماهي عيب اگعد وياهم ..

امير .. اخذت سيارة خالي مرزا وطلعنا لولايتنا وهاي اول مرة راح ادخلها ..
اشوف اني مامرتاحة وجانت تقرأ ايات وخايفه ..
خوفها هذا ماگدرت افسرة ..
ان جان على جدتي .. لو على موقف ابوي وعمامي ..
اخذتلها لفة من الطريق وگلتلها اكليلج لگمة لاتوگعين وجهج اصفر ..
ياقوت . لا مااشتهي جيبلي بس ماي ..
امير .. اي هذا ماي بس بداعة امير عندج اكلي ..
ياقوت .. بعد حلفتني بالغالي .. اكل بس مو هسا

صعدت وحركت السيارة وخليتها على راحتها ماضغطت عليها ..
هي شويه وفتحت العلاگة وطلعت لفه انطتها الي وگالت مااكل اذا ماتاكل ..
وگامت تاكل بلفتها ..
اعرفها ماتگدر تخلف اذا حلفتها بيه ..
صحيح امي تحب اخواني وخاصه درة ..
بس اني اختلف عندها ..
تگلي انت ابوي واخوي وصديقي مو ابني ..
ومايوم خلفتلي كلمة اگولها ..
وهذا الي خلى عندي ثقة بكلشي اسويه بس مايوم عصيتها لو طلعت عن طورها ..

دخلنا الولاية واجة ببالي ذاك اليوم ..
الي طلعنا منه الفجر ..
ذاك اليوم الي انكسر بي خاطرنا وطلعنا تايهين ومانعرف مصيرنا ..
ماادري العن ذاك اليوم او احمد الله واشكرة بي ..
لأن لو ماطالعين جان بقينا نفس حالنا او يمكن اسوء ..
وماگدرت اوگف على رجلي واصير المهندس امير ..
اي اني ابن ياقوتة الخبازة ..
هذا اللقب الي اسمعه من جماعتي بالمدرسة وبالشارع ..
ابن الخبازة ..
باوعت الامي ..
هذي الخبازة نفسها الي ربتنا احسن تربية وسوتنا رجال الناس تحلف بأسمنا ..
الخبازة الي علمتنا الحلال وماتقبل الحرام يدخل بيتنا وببطنا ..
ضحت بسعادتها وبنفسها الاجلنا ..
اي اني ابن الخبازة وافتخر ..

وصلنا الشارعنا القديم ..
صحيح البيوت متغيرة بس الشارع نفسة والناس هي هي ماتغيرت ..
جن ذولة الجهال نفسهم احنة من جنا نلعب سويه بالباب
وجن هذا المحل نفسة الي نشتري منة ..
وجن ذاك انـي اشتغل بعمر الورد حتى اعيش اني واخواني ..
حسيت بخنگة عصرة گلبي ..
وسمعت شهگت امي الزرفت رويحتي وهي عينها من الشباك على ديرتها وناسها ..
وجن تحجي وي شوارعها وتگول ..

تفارگنه رغم ماردنه الفراگ ..
وتهجرنه وتركنه بيوت اهلنه ..
وصار الليل كلش مو حلو الليل ..
شحلاته الليل لو يرجع يلمنه ..
شنسى وذكريات هواي وياج ياديرة أهلنا ..

گالت اخذنا البيت خالتك ام احمد بالاول اريد اشوفهم ..
لفت السيارة ..
واحس الناس كلها عينها علينا ..
حقهم مايعرفونا ..
والسيارة تجيب العين .. جنت راكب مارسدس بداك الوكت ..
وبولايتنا ماكو هيج سيارات يعني مبين اني غريب عنهم ومو منهم ..

ياديرة اهلنا مالج علينا لـــوم ..
لومـي ع الي سعى بفرگانــا ..

وصلنا البيت ابو احمد ..
اول مانزلت امي وصارت عينها على بيتنا القديم بيت ابوها وامها الصفى الغيرها ..
نزلن دموعها ..
قفلت باب السيارة واجيت يمها ..
حضنتها الصدري وگلتلها ..
كافي ياام امير ربج مايضيعها ..
خليهم يشبعون بي بس صدگي مايتهنون ..
وداعتج الا ابنيلج احلى منه واخليج ملكة بي ..

مسحت دموعها وگالت ..
ولك يمة صار سنين شو ماشفت شي وهالمتهنين وگاعدين بي وياقوت الي اتعذبت ..
امير .. مو انتي العلمتينا انه الله يمهل ومايهمل ..
اني تعلمت الصبر منج يمة ..
ياقوت .. اعذرني وليدي بس ماهان عليه اطب بعد كل هاي السنين وتصير عيني على بيت ابوي وماتحترگ روحي ..

دگينا الباب ..
طلع احمد .. كبران بس نفس شكله .. ماعرفني بس عرف اني بسرعه ..
-خاله ام امير .. ياهلا ومرحبا .. صح كبرانة بس ذاك شكلج وعيونج نفسهن ..
امير .. ولك ماتستحي واگف گبالي وتتغزل بأمي ..
احمد .. منو انت بس لاامير .. خرررب ولك هاي شصاير ولاعرفتك ..
تحاضنا اثنينا ..
احمد .. ايباه والله الدنيا تركض ذاك اليوم طلعتوا منا ..
ياقوت .. كل من اعمارنا هذا يمة .. امك وينها وشلونها ..
احمد .. ادخلوا ادخلوا البيت بيتكم ..

دخل گدامنا ويصيح .. يمة يمة تعاي شوفي منو اجانه ..
طلعت ام احمد ..
بس شافت امي نزلت دموعها ..
-ياخية ولج والله گلبي نغزني من صاح احمد لبالك يعلم انتي الجايتنا ..
تحاضنن ويبجن ووحدة تشكي للثانية اشتياگهن ووحشتهن جانت فعلا نعم الجارة والاخت الامي ..

شافتني گالتلها هذا الاسمير امير مو ..
ضحكت گلتلها اي خاله شلونج ..
-يبعد خالتك تعال الحضني عود كبرت وتستحي اشبگك ولك انت وليدي وحالك من حال احمد ..
دخلنا لجوة واصرت تسوي غدا ..
ياقوت .. لاخية مشكورة اكلنا بالطريق اني اجيت اشوف عمتي وامشي بس ماانطاني گلبي ماامر عليج ..

گعد ابو احمد جان نايم ..
رحب بينا وحضني واحس دمعته رادت تنزل ..
الدمعه الماشفتها يوم بعين ابوي ..
سولفتله عن شكلي وكله بفضله لأن هو العلمني الصنعه ابو احمد .. لا وليدي لاتگول بفضلك هذا من فضل الله وذكائك ..
انت جنت ذكي وتتعلم بسرعه حتى اسأل خالتك شگلتلها
گلت هذا الولد اله مستقبل جبير لأن عندة اصرار وعزيمة ماشايفها عند واحد ..
والحمد لله هسا راح تكمل وتصير مهندس وماضيعت تعبك وتعب امك ..
احمد .. اذا فتحت ورشة ومعرض مو تنسا اخوك ..
اخيك طلعني من هاي الولاية الابوي حابسنا بيها ويضحك
امير .. ان شاء الله اصلا افرح نشتغل سوة انت هم تعرف بالصنعه وع الاقل شخص مني وبية واثق بي ..
ابو احمد .. خلي الله يفتحها وتحقق حلمك وساعتها نحجي بالسالفه ان شاء الله..
ام احمد .. وشمدريكم ما كلنا نشيل لهناك ونرتاح ..
ياقوت .. يوم المنى وتصيرين يمي وترجع ايامنا سوة ..
ام احمد .. والله الكاسر ظهري البنات هنا يبقن وحدهن
ياقوت .. غير متزوجات وببيوتهن ..
ام احمد .. يبقى بالي يمهن وخاصه بتول عيالها شالعين گلبها واخاف عليها تبقى وحدها ..

امير .. امي وام احمد بدت سوالفهن ووحدة تشكي للثانية واني وابو احمد واحمد نسولف وحدنا ..
تالي انتبهت ع الوكت وگلنلها يله يمة ورانا طريق ..

احس امي مترددة تروح البيت جدي وباقية تسولف وي ام احمد حتى تنسى لو تشغلني ..
ياقوت .. ها اي يمة گايمة ..
ابو احمد .. خلونا نروح وياكم .
امير .. اذا خايف علينا عمي لاتشيل هم اني مو ذاك الصغير الي انهزم من ولايتة قبل كم سنة لأن ماگدر يدافع عن امة واخوانه ..
ابو احمد .. والنعم منك وليدي ..
ام احمد .. جا اني اروح وياكم لأن گلبي يطفطف ع الحجية اريد اطمن عليها ..

سلمت عليهم وطلعنا ..
وصلنا يم باب البيت نزلتنا ..
انفتحت الباب وطلع المضمد وقيصر ..
كبران وصاير ضخم ..
بقت عينة ع السيارة وعلينا ..
شاف امي عرفها وگال ..
-انتي مووووو ..
امي ماحجت وياه وگبل دخلت ..
حسيتها مو ذيج الامي الضعيفه وتخاف ..
دخلت وراها ام احمد ..
گال انت امير مو ..
-اي امير ..
-وين رحتوا وشعندكم اجيتوا هسا ..
-اجينة نشوف بيبتي ورايحين .. سويلي طريق وياك ..

قيصر .. اوگف هسا اجي ..
سمعت صوت عياط وامي تگلها ماجاية علمودج اجيت اشوف عمتي ..
دفعت قيصر بسرعة ودخلت ..
ومن غير مااحسب حساب حرمة بيت لو العيب ..
من سمعت صوت امي تسودنت ..
وقيصر يصيح هاااا وين ..
شفت امي بباب المطبخ .. وسهيله لازمة الباب وتگلها مو انگلعتي شجابج ..
لو شميتي بيها ريحة موت واجيتي ع الورث ..

امير .. اوگفي يمة لاتحجين ..
رفعت راسي على سهيله .. اسمعي احنه جايين نشوف بيبتي ونطلع مانريد لاهوسة ولامشاكل ..
سهيله ..وانت منو ..
امير .. اني امير ماعرفتيني ..
سهيله .. والله صايرين احوال .. وشي ثاني هستوكم ذكرتوها من اخذتكم امكم والله العالم وين راحت ..
ماسألتوا ولاحجيتوا وابوك وعمك دوروا عليكم لمن ملوا ..
امير .. لاتخلينا نفتح الدفاتر القديمة انتي تعرفين كلش زين ليش اخذتنا امي وشردت لو عبالج مااتذكر ترى كلشي صار بأمي وسويتوه مطبوع بذاكرتي ..
قيصر .. وانت اي تهددنا لو شنو ..

درت وجهي عليه .. لاجاي اهدد ولااتفگ خلي امي تشوف بيبتي ونروح بهدوء ..
قيصر .. يمة خليهم يفوتون ..
وخرت سهيله ودخلت امي وام احمد وراها ..
گتله سويلي طريق ..
قيصر .. فوت ماكو احد ..
دخلت وراهن ..
الغرفة جدي ..
البيت نفسة ماتغير حتى الحياطين نفسهن وكبرن مثل ماكبرنا ..
بس صاير بارد واظلم ..

ياقوت .. من دخلت وشفت عمتي نايمة وصايرة جلد وعظم تسودنت ودموعي ينزلن وحدهن ..
فززنها شهگاتي ..
عاينت عليه وبالگوة تاخذ نفس وتحجي ..
ولج ياقوت هاي انتي ..
ريحتج شميتها قبل ماافتح عيني ..
يمة خفت اموت ومااشوفج ..
-عمة اروحلج فدوة اسم اللخ عليج لاتگولين هيج ..
-ولج كبرتي وبعدهي دموعج مانشفن ماتگليلي شوكت ينشفن ..
-اذا عليج مايبجن عساهن لابجن بعد ..

امير .. اتقربت عليها وبست راسها واديها.
الحجية .. يمة امير انت مووو .. يابعد اهلي وطوايفي ولك فدوة الاسمك صاير رجال وهيبه ..
امير .. شلونج بيبي ماتستاهلين المرض .. عندج العافيه ان شاء الله..

جانت عينها منا ومنا ..
-ولج ياقوت وينها درة واولادج الثانين وينهم ..
ياقوت .. بقوا هناك ماجبتهم ..
الحجية .. ليش مو. اريد اشوفهم قبل لاالله ياخذ امانتة ..
ياقوت .. اسم الله عليج عمة لاتحجين هيج ..
الحجية .. يمة طلابة هو العمر كم دوب .. موشفتج هاهي خليني اموت وابري ذمتي ..

جانت تحجي وبالگوة تاخذ نفس ..
گالت يمة .. خاف اموت الكم حصة بهذا البيت حصة ابوج لان هذا بيت جدج مو بين عمج ..
وحصة بالگاع الجبيرة ..
امير .. بيبي لاتحجين مو وكت هالحجي ارتاحي ..
سهيله .. شترتاح هو انتو جايين ع الورث عرفتها والله ..
وانتي عمة رجليج ع الگبر وبالج يم ياقوت وولدها ..

ياقوت .. سهيله ولي من وجهي ولج بيش مفاوله الها كبرتي بس سمج نفسة باقي ماتغير ..
سهيله .. والله وطلع السانج يياقوت وين ذيج الخوينسة بس اي مستقويه بابنج هذا وسيارتة الباب الله العالم شيشتغل ..
ياقوت .. كافي سهيله رحمة لأهلج ماجاية اتعارك وعمتي مريضه ماتشوفيها ..
الحجية .. عوفيها يمة عوفيها ماتشوفيني ادعي ارتاح واخلص بس كون تفكني من السانها ودرمتها ..
امير .. عماتي وين ليش مايجن يراعنها ..
نور .. عماتي يجن بالليل يراعنها يباتن يمها لان بيبتي ماتگدر تگوم ..

امير .. انتبهت عليها يمكن هاي نور وحدة من بنات عمي قاسم ..
گالت .. شلونك امير صاير كبير وحليان ماعرفتك ..
امير .. هلا خيتي الحمد لله ..
قيصر .. روحي للمطبخ وخزرها ..

الحجية .. ياقوت اريدج يمي بأخر ايامي لاتعوفيني ..
ياقوت .. امنيتي عمة اخدمج بعيوني بس مناك جهالي وتدرين بالوضع ..
الحجية .. جيبيهم وتعاي لاتحرميني منهم هاي طلبتي منج ..
امير .. باوعت اني الي وماعرفت شأحجي وياها لو ارد ..
وجنها تريد تبقى وخايفه من ردي ..
جان بودي اگلها ابقي يمة .. بس اخاف عليها من سم عماتي وسهيله والحرب الي يشننها عليها ..

امير .. بيبي ترحين ويانا واحنه هناك نباريج وامي يمج وماتعوفج ..
بعدني ماكملت ..
وسمعت صوت وراي ..
منهو انت ووين تريد تاخذها ..
درت وجهي وشفت عمي قاسم ..
ماانتبهت شحجى ..
بس صارت عينـي عليه وعلى شيباته الاكلن سواد شعرة
وملامح وجهة الي تغيرن وبانت خطوط الكبر ..
شكلة وحالة متغيير ..
للحظة حن گلبي ونسيت كلشي ..
بس نسيت ابو طبع مايغير طبعه ..

حاكم .. اوگف يقاسم ..
لزم عمي قاسم ..
-انت ياهو منهم امير مو ..
-اي اني يابة .
-اني مو ابوك ولااعرفك وماعندي ولد ..
انتو ميتين بالنسبة الي ..
شعندك هنا وشجابك ..
ابتسمت وگتله .. مااتغيرت ولااتغير طبعك گلبك وقساوته نفسهن ..
گلتلها يلة يمة امشينا…
قاسم .. ياقوت وياك ياقوت هنا ..
دفعني ودخل للغرفـة ..
وابوي وراه دخل ..
اول ماشاف امي وراد يهجم عليها ..
ولج منتضر هذا اليوم من زمان .. وي منو شردتي واخذتي ولدي وياج ..
منو الي لعب بعقلج وسودتي وجوهنا وياه ..

لزمت ودفعته على عمي قاسم ..
هوووب مااسمحلك .. اذا جان مالها احد قبل وتلطشون بيها .. هسا اني موجود واكسر ذراعة اليگرب عليها ..
وانت منو وتحجي بشرف امي وعرضها ..
لاتخلينا نفتح الماضي ..
لأن اذا انفتحن اوراق الماضي تطلعون انتو الخسرانين وذيج الساعة اخذ حقوقنا الراحت منكم ..
احترموا وضع بيبيتي هسا ..
بس ها لاتضنون اسكت عن حقي وانساه ..
يجي يوم ونگعد ونتحاسب !!

حاكم.. شتقصد ولك ؟؟
امير .. اسأل عمي وهو يجاوبك ؟؟
حاكم .. شكو يقاسم شيقصد هذا .. ماتحجي شبيك تلعثمت ؟؟
بقلمـي_الكاتبة_شمس



يتبع………


لامارا غير متواجد حالياً   رد مع اقتباس
قديم 25-08-19, 04:27 PM   #14

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

//// البارت الثانـي عشر ////
عجـاف_القلـوب ..
الكاتبـة_شمـس ..

امير .. هوووب مااسمحلك .. اذا جان مالها احد قبل وتلطشون بيها .. هسا اني موجود واكسر ذراعة اليگرب عليها ..
وانت منو وتحجي بشرف امي وعرضها ..
لاتخلينا نفتح الماضي ..
لأن اذا انفتحن اوراق الماضي تطلعون انتو الخسرانين وذيج الساعة اخذ حقوقنا الراحت منكم ..
احترموا وضع بيبيتي هسا ..
بس ها لاتضنون اسكت عن حقي وانساه ..
يجي يوم ونگعد ونتحاسب !!

حاكم.. شتقصد ولك ؟؟
امير .. اسأل عمي وهو يجاوبك ؟؟
حاكم .. شكو يقاسم شيقصد هذا .. ماتحجي شبيك تلعثمت ؟؟
قاسم .. وانت تصدگ بي هو جان طفل شمعرفـة هاي تلگي امة شو شگايلتله وغاسله عقله ماتشوف الحقد بعينة…
المفروض هي الي تگللنا وين شردت ووي منو ..

-قبضت على ايدي حيل وتمنيت انطيه بوكس بوجهة بس سيطرت على اعصابي بالگوة واخذت نفس ..
گتلة .. جنت طفل موووو تعال للبراني واني اسولفلك شجنت تسوي واذكرك وگول ساعتها طفل ..

طلعت من الغرفه عاطت امي ..
رجعت واشوف بيبيتي بالگوة تجر النفس واختنگت ..
انخبصنا بيها ..
امير .. وخري يمة خلي اشيلها بسرعه للسيارة ..
سهيله .. خلي البس عباتي واجي. .
امير .. انتي ابقي . يمة گومي بسرعه ..
سهيله .. يجي بالخلاف يركب ع الجتاف ..
امير .. يله يمة بسرعه .. صحت بصوت ..
لفيت بيبيتي بالجرجف وشمرت السويج على قيصر گتله افتح الباب بسرعه ..
شلتها وطلعت ..
قاسم .. وين ماخذها احنه ناخذها ..
امير .. مو صارلها ساعه گبالك مختنگة ماعرفت تشيلها ..
دفعته ومشيت ..
صعدتها بالسيارة وامي يمها ..
وركبت السيارة انفتحت باب الصدر وصعد ابوي ..
من غير مااحجي حركت ومشيت ..
ووراي سيارة قاسم ..

نزلت بسرعه وشلتها للطوارئ ..
فحصوها گالوا ضغطها مرتفع كلش ..
يدورون على وريد الها ماكو ضعيف ..
الدكتور گال حالتها خطرة والضغط ماينزل اذا بقت هيج تصيبها جلطة ..
وهي اصلا قبل بساع جلطتين صايرات بيها ..
درت وجهي الابوي ..
هو سوة نفسه مامنتبه ..
امي تبجي وگعدت على حيلها ..
-سودة عليه يمة جلطتين واني بعيدة عنج .. الله لاينطي البعدني عنج .. وحرمني منج ..

حاكم .. لاتدعين على العالم .. شوفي روحج ليش شردتي واخذتي جهالي مني وحرمتيني منهم ..

اتقربت منه وهمست بأذنة ..
المرة الثانية اذا حجيت وي امي بهيج طريقه اندمك بعلـي مااگول رجال جبير لو ابوي بالاسم ..
انسى كل هذا واتصرف غير تصرف ..

حاكم .. اذا كبرت وشخت بهاي السيارة واللبس الماعرف منين جبتهن . فماتشيخ عليه افتهمت ..
امير .. عبالك الناس كلها مثلك تعيش بيتها وعيالها بالحرام ..
الي تشوفه عندي هذا من تعبي وكدي .
ولو حقك تسأل لأن ماتدري وين وشلون عشنا طول ذيج الفترة ..
انت اخر من يحاسب امي اسال روحك وحاسبها قبل
ماتحاسبها .. حاسب روحك من اخذت بيتها وشمرتنا بالشارع وماتعرف شلون عشنا ووين ..
منا وادم وفشله لاتضغط علية زايد ..
لان الي مثلي غضبه صعب وجبير ..

اشرت الامي واخذتها على جهة ..
-يمة اي شي يحجون مالج دخل بيهم ..
خلي تگوم بيبيتي بالسلامة ونرجع لان حتى اخطائهم مايستحقون واحد يسويلهم اعتبار ويحاسبهم عليها ..

ياقوت .. يمة عوفهم ولاتنطخ وياهم ماتشوف الشر بعينهم .. انت وحدك هنا واخاف عليك منهم ..
امير .. افه عليج يمة .. والله فن واحد يحجي بيهم وشوف شلون الوي ذراعه ..
انتي ربيتي زلمة يمة مو مرة واخاف واسكت ..

طبطبت على ضهري واتنهدت ..
اجة قاسم وقيصر وسهيله ..

راحت امي يم بيبيتي جانت فاقدة ..
وماتدري بالدنيا ..
اليوم كله ماگعدت ..
ضلمت الدنيا وصار الليل ..
واحنه مارجعنا ..
وامي ماقبلت ترجع اذا ماتطمأن عليها ..
رحت سألت الدكتور گال حالتها متأخرة ولو جايبيها قبل جان اكو امل بس هسا مااعتقد وخاصه الضغط مانزل لسا ..

اخذت امي على جهة وگلتلها يمة بيبيتي ماتطمن وحالتها موزينه كلش لان الظاهر الجماعه مايكلفون نفسهم وياخذوها طبيب مستعجلين على موتها ..

ياقوت وهي تبجي .. يمة خابر الشيخ وطمنه لايضل بالة علينا .. وسولفله على بيبيتك ..
وخلي يوسف يجيب اختك واخوانك يشوفون بيبيتهم قبل لاتروح امنيتها جانت تشوفهم ..
امير .. يمة بسسسس ..
ياقوت .. يمة مو وكت البس .. هاي امنية بيبيتك لاتحرمها من شوفتهم ..
واحنه اصلا ماباقين يمهم نروح يم بيت خالتك ام احمد ..
امير .. رايح البيت ابو احمد ترحين وياي وارجعج الصبح ..
ياقوت .. لا مااروح المكان اني هنا يمها ابقى ..
امير .. زين جا اني مااطول اروح اخابر واجيبلج عشة واجي .. اي شي يحجوه طنشي ومعليج بيهم ..
ياقوت .. لاتشيل هم وليدي بس لاتتأخر ..
امير .. ان شاء الله

طلعت من الردهة وجانوا كلهم مسطرين بالممر ..
ودور اجو احسان وعدنان وعماتي ..
اني سويت نفسي ماشفتهم طلعت ..
وصلت للسيارة ورجعت من تذكرت عمتي بلقيس وكحة ويمكن تأذي امي ..

رجعت وماخاب ضني ..
سمعتها تگلها مرة كلشي مابيها من اجيتي يالفگر تخربطت شسويتي الها وخلتيها تتخربط ..
ام الزلم وين جنتي كل هاي السنين ورجعتي هسا على موتها ..

فتحت الباب والردهة جان بيها ناس مو بس احنه والكل يسمع صوتها ..

اتقربت وگلتلها .. اششششش بالاول صوتج ..
التفتت عليه بأستغراب ..
-انت منو؟؟
-حقج ماتعرفيني .. اني ابن ياقوت والي يمسها يمسني وطبعي مااسكت لليمسني ..
افتهمتي عمة !!

بلقيس .. لا واضح ابن ياقوت لو ابن حاكم جان ماحجيت وي عمتك هيج ..
امير .. اني ماعندي عمة .. المايحترم امي لااعرفه ولايعرفني ..
سندس .. انت امير مو .. ياعمة كبران وصاير رجال ولاعرفتك شلونك واخوانك شلونهم ..

هدأت من سمعت كلام عمتي سندس . لأن جانت شويه احسن منهم ..
-هلا عمة بخير كلنا الحمد لله ..
باوعت الامي .. يمة اني رايح مااتأخر ..

طلعت وكلهم يباوعولي ..
اتقرب احسان وعدنان ..
-ها عمي امير شلونك ماعرفناك وين كل هاي السنين
سلمت عليهم ..
-بهاي الدنيا عمي الماعندة اهل الله يعوضه بناس توگفله وتسندة ..
اترخص اني ..

رحت وبالي يم امي ..
مشيت البيت ابو احمد ..
لگيت ام احمد تريد تلبس وتجي هي وابو احمد للمستشفى ..
وجانت خايفه علينا ..
طمنتها وگلتلها ..
-وداعتج خاله مايگدرون يسون شي ذوله بس اللسان ويستقون على ضعيف . واني مو ضعيف واسكت الهم ..
ابو احمد .. والنعم منك وليدي بس لاتخلي غضبك يسيرك تحكم بأعصابك ..
امير .. لو مامتحكم بأعصابي جان طلعت قهر امي وضلمهم الها اول مادخلت البيت ..
وثاني شي يعمي اسأل خاله ام احمد وشوف شلون عاملونا اول ماشافونا . يابة ذوله مايتغيرون يبقون بنفس طبعهم ونذالتهم ..
بس الي تغير ياقوت جانت وحيدة وهسا عندها ولد ..
والي يمسها اكسرها الايدة بعلـي ..

ام احمد .. وشلون عفتها وحدها هناك ..
امير .. اجيت اخابر وارجع ..
احمد .. تعال للبراني وخابر براحتك ..
دگيت على بيت الشيخ طلعتلي خاله ام يوسف ..
-شلونج خاله اني امير ..
-هلا ماما شلونكم بالنا يمكم امك شلونها وبيبيتك ..
-ماكو شي لاتخافون .. بس بيبيتي وضعها مو زين وتريد تشوف اخواني بلكي تدزون عبودي او اي احد للمزرعه وتخبرون يوسف يجيبهم ..
ام يوسف ..
اوگف امير هذا الشيخ اجة ويريدك ..
-شلونك وليدي وين انت هسا ..
-هلا بوية اني هناك بولايتنا بعدني مارجعت ..
-الوضع شلونه .. يحتاج اجيكم ؟؟
-لا بوية لاتجي هي يومين نشوف وضع بيبيتي ونرجع مانبقى ..
-خلي بالك على امك واي شي يصير تلفون واحد تلگينا يمك هناك ..
-عساك سالم بويه ماتقصر .. بس خلي يوسف يجيب اخواني حتى يشوفون بيبيتي ونرجع سويه ..
-ان شاء الله ادزلهم عبد الله يگلهم .
-في امان الله ..
-امير يبعد ابوي بعد مااوصيك .
-لاتوصي حريص بويه ..
-اعرفك ذيب وماينخاف عليك وليدي يله مودع بالله وسلملي على امك ..

سديته من الشيخ واستأذنت من بيت ابو احمد وطلعت ..
واخذت كيلو كباب ورحت ..
وصلت للمستشفى ..
انطيت العشا الامي وحجيت من غير ماارفع راسي ..
هذا عشة جبت خير من الله مدن ايدجن ..
عمتي بلقيس طلعت ماعجبها ..
بس عمتي سندس ونرجس بقن ..

اشرت الامي اني بالباب طالع اذا احتاجت شي ..
بقيت واگف بباب الردهة وعيونهم علية تريد تاكلني
ويتهامسون ..
وجنهم يخططون مو يسولفون ..
سويت نفسي ماشايفهم اصلا ولامهتم ..

طلعت امي بيدها لفه .. هاك يمة انت على لحم بطنك من الضهر ..
-يمة مااشتهي ..
-بداعتي عندك ..
ابتسمت الها.. بعد حلفتيني بأغلي شي عندي ..
اخذتها وهي رجعت للغرفه ..
شويه وطلعت عمتي نرجس مسويه لفات الهم اخذوها وياكلون ولاسألوا منين ومنو الجاب اكل ..
من زمان وهمة مصلحتهم فوگ كرامتهم ..

اجة الدكتور كام يحجي لان الغرفه مزدحمة ..
وطلع الكل منها ..
گال هي نايمة اصلا من تگعد نخبركم لاتدخلون الردهة بعد ..
اشو كل واحد اخذ مرته وراح وبقت بس عمتي سندس وقيصر ..
امي عاندت الا تبقى يمها ..
حجيت وي الدكتور گال بس هي مااريد واحد زيادة ..
خليتها يم بيبيتي ..
ورحت للسيارة گعدت بيها ..
واخذتنـي الغفة .. وماصحيت الا ع دگة الشباك علية ..
فتحت عيني وعبالك اني بحلم ..
هذولة يوسف ودرة وحيدر وعلي ..
الضحكة تارسة وجوههم ..
حسيت الدنيا ردت الي بشوفتهم ..
احسهم ولدي مو اخوتي ..
يوم واحد ابتعدنا عن بعض زاد اشتياقي الهم ..
فتحت الباب ونزلتلهم ..
-ها ولكم شنو غباشين من الصبح ..

درة… .
من راحوا امي وامير لولايتنا احس الدنيا ضاگت عليه ..
مامتعودة على فراگهم ..
رغم اخواني يمي ويوسف بس فراگ امي وامير شي ثاني ..
بعد ماتغدينا ..
غسلت الماعين لبست حجابي وطلعت اتمشى بالمزرعة
الجو حلو والطبيعه والخضار خلوني ارتاح شويه واصبر من نفسي ..
حسيت حركة وراي فزيت من مكاني ..
التفتت ..
يوسف .. ها اسم الله شبيج شفتي بعبع ..
درة .. لا بس عبالي عبد الله ..
يوسف .. وليش هو بالذات الي حزرتي يكون وراج ..
درة .. لأن هاي سوالفة يتخنس ويجي ورانا وجنا صغار يختل وبعدين يطلع ويخرعنا ..
يوسف .. هاااا عبالي ؟؟
درة .. شعبالك ..
يوسف .. لا هيج وحك راسة .. شبيج ضايجة ..
درة .. بالي يم امي وامير خايفه عليهم ..
يوسف .. ليش تخافين ..
درة .. ماادري احساسي هيج يمكن لأن شردنا واخذتنا امي من عمامي خفت يأذوهم ..
يوسف .. صدگ دوووم يخطر على بالي اسأل واستحي من امير .. انتو ليش شردتوا من ولايتكم ..
درة .. اااااه لو اعرف جان ارتاحيت .. بس الي اعرفه ابوي وعمامي جانوا ضالمين امي هواي ويأذوها .. وسبب حقد امير عليهم كافي يخليني اصدگ انه همة السبب بشردتنا ..
يوسف .. امير گلبه طيب مايحقد على احد بدون سبب هذا الشي متأكد منه ..
بس تدرين همزين شردتوا وأجيتوا وألا ..
درة .. وألا شنو ..
يوسف .. لا بس قصدي لو ما شاردين جان ما عرفت امير ولاصار عندي صديق واخو مثله ..
درة .. هااا الله يحفظكم واني هم لو ماجاية لهنا يمكن ماعرفت سدن ولا صارت عندي اخت مثلها ..
يوسف .. عمي هنيال ست سدن ..
درة .. ليش تغار جا انت وامير اسراركم وطلعاتكم. وسوالفكم كلها سويه هم نغار احنه ..
يوسف .. هههههه ها حطيتي عينج الزرگ علينا ..
درة .. اني مااحسد ..
يوسف .. ههههههه بيبياتي يگولن اكثر عين تحسد هي العيون الملونة ..
درة .. يعني قصدگ اني احسد ..
يوسف .. ماادري اذا تعاركنا اني وامير بيوم يمكن اصدگ بهيج مقوله ..
درة .. عادي براحتك صدگ اني اگوم اشوف اخواني احسن…
گمت منه ضايجة .. گام وراي وسحب ايدي حيل اتقربت عليه ..
-بس لاضجتي حبيت اشاقة وياج ترى ..
-عيني صارت بعينة هو يحجي واني احوالي تخربطت مااعرف شبيه ..
يوسف .. ليش هي اكو احلى من هيج عيون وعمي راضي حتى لو صدگ تحسد ..
درة .. هاااا رجعنا ..
يوسف .. هههههه احبج من تضوجين ..
هو گال هيج واني هديت ايدي منه وركضت للبيت ..
مااعرف كلامة هذا اعجاب لو يتشاقه وحاسبني حال من حال سدن من يتشاقه وياها ..
بس من لزم ايدي ويسولف اتخربطت مشاعري فرحت وضجت بنفس الوقت ..
دخلت للغرفه واني افكر ..
اعرف گلبي يدگ وينبض حيل من يشوفه ..
وبنفس الوقت اخاف تكون مشاعر من طرف واحد وانصدم واضلم نفسي واهلي بهيج مشاعر مامعروف نهايتها شنو ..
مااريد اعيش بوهم مااعرف اذا جان يتحقق لو لا ..
وكلام امي الامير خلاني اصحى من تگله منو يگول ينطوك مرة ..
فعلا كلامها صحيح ..
وخاصه يوسف جان حالوا حمزة يگله انت الحوراء من جنا صغار ..
أكيد بنت عمة اولى بي !!

لفيت نفسي بالجرجف ونمت ..
ماصحيت الا لليل ع صوت حيدر ..
درة درة ..
گمت .. ها حيدر اجت امي ..
حيدر .. لا ماأجت وبالي يمهم .. انتي شبيج مو عوايدج تنامين الهيج وكت بس لامريضه ..
تثآئبت .. لا حبيبي لاتخاف مابيه شي بس اشتاقيت الماما وگلت انام بين ماتجي ..
حيدر .. تردين الصدگ خاف عمامج وابوج دگوا الناقصه وشو شسوو .. غلط من عدنا خليناهم يرحون وحدهم ..
درة .. ليش تخفوني يعني شيسون مثلا ..
حيدر .. وداعتج كلشي يخطر على بالج ..
علي .. وليش هالتشائم گولوا يله وگوموا صلوا المغرب اذن وادعولهم يرجعون بالسلامة ..
حيدر .. حاضر سيدنا .. المفروض انت يخلوك امام جامع مو مدرس هههههه ..
درة .. شتحبون اسويلكم عشا ..
علي .. كلشي من ايدج راضين ..
درة .. فديت اخواني الحلوين ..
حيدر .. هههههه خوش صبغ حتى خاف الاكل مو طيب نسكت ونبلع ..
درة .. هو صوجي لو مااسويلكم عشا جان اكلتوا كلشي الجان وسكتوا ..
اندگت الباب واجت ام احمد جايبه صينيه شكبرها ..
-وينج درة يمة تعاي ..
-ها خاله شنو هالزحمة ..
-لا خاله زحمتيش .. امكم ماهي اني بمكانها ..
حيدر .. خررب حتى بهاي محضوضة درة .. تلگيها تفكر شتسوي عشا وضايجة واجاها العشا جاهز هيج حظ ماشايف ..
درة .. هههههه الله يحبني غير ..
يوسف .. واحنة كفار مثلا ههههه ..
ضحكوا كلهم وبقوا يصنفون عليه ..
تعشينا وكملنا جاي اغسل الماعين أجة عبد الله ..
شفتة نزل من السيارة ..
حجيت بهمس .. يبوووو هذا شجابه ..
يوسف .. منوووو قصدج .. اخذها ع نفسه وضاج ..
درة .. عبودي اجة .. بس لا جايب خبر من ماما وامير
ركضت فتحت الباب ..
عبد الله .. لو ادري هيج تتلگيني جان اجيت من زمان
درة .. هههههه ضحكتني .. عندك خبر عن امي وامير
عبد الله .. خليني ادخل لو نبقى واكفين بالباب ..
يوسف .. خير عبد الله ماتحجي شبيك ..
عبد الله .. شبيكم دخلي ادخل ..
اجة حيدر وعلي هم سألوه عن امي وامير ..
عبد الله .. لا الضاهر ماتدخلوني اذا مااحجي ..
عمي كلشي مابيهم بخير بس بيبيتكم تعالج وامير يگول خلي اخذكم لولايتكم تشوفوها ..
يوسف .. گالك انت تجيبهم ..
عبد الله .. اني وانت ماكو فرق ليش ..
يوسف .. لا اني اخذهم اكيد أمير محتاجني هناك ..
وانت ابقى هنا نوصلك بطريقنا واخذ السيارة وامشي ..
عبد الله .. السيارة نحتاجها انت ناسي ذيج السيارة عند امير ..
اني اوصلكم للگراج وارجع ..
يوسف .. هاهي الصبح نطلع ان شاء الله ..

درة.. من گاللنة مااتحملت الليل كله گاعدة متتضرة الصبح يطلع اريد اشوف امي ..
ماتوقعت غياب يوم واحد يأثر عليه هيج ..
خلطت كيكة بسرعة للطريق خاف نجوع ..
وهم حتى التهي شويه ..
واني اصلا شبعانه نوم ..
ماصدگت اذن الفجر گعدتهم بسرعة .وخليتهم يصلون ويبدلون وطلعنا ..
يوسف .. عمي ع الاقل ريگينا يله ..
درة .. سويتلكم لفات وكيك وهذا ترمز جاي بس خلونا نمشي ..
عبد الله .. عمي لو هيج النسوان لو ماكو ..
خزرة يوسف هو سكت ..
حيدر وعلي اجو وراي اخذوا الغراض وخبرنا بيت ابو محمد احنه رايحين ..
وطلعنا ..
نزلنا عبد الله للگراج واجرنا تكسي مناك ومشينا ..
يوسف .. نروح للمستشفى مو… لو وين ..
علي .. اي خلينا نروح بالاول لهناك نشوف امير وامي وين ..
طول الطريق نايمة لأن مانمت بالليل ..
وصلنا للمستشفى گعدوني ابو التكسي نزلنا گبالها ..
شفنا سيارة خالوا مرزا ..
مشينا الها ..
لگينا اموري مجتف ونايم بيها ..
درة .. حبيبي شلون نايم ..
حيدر دگ الجام عليه ..
فز هو خطيه شافنا ووجهة ضحك النا ..
اروح فدوة الهيج ضحكة من يضحك وجن الدنيا كلها تضحكلنا ..

امير .. يعني درة جرجرتكم وجايبتكم من الفجر ..
بله ثلاث زلم بنية تمشيكم ويضحك ..
درة .. ها شنو اموري گلبت عليه ..
حضني ويضحك وباس گصتي ..
يوسف .. عمي اذا سندها قوي نگدر ننطخ بيها ..

امير .. اخوي الغالي ماقصرت ..
يوسف .. ازعل ترى مو گلت اخوي ليش خربتها بماقصرت .. مثل ماهمة اخوانك اخواني هم ..
عمتي وين ؟؟
امير .. جوة يم بيبيتي . تعالوا خلي نشوفها ..

ياقوت .. گاعدة وعيني على عمتي واقرأ قرآن بلكي تصحى وتگوم واخذها يمي للديوانية ومااخليها هنا ..
انفتحت الباب ودخلوا ارويحاتي ..
شهگت .. يمة شجابكم من الصبح ..
جفتت عليه درة وحضنتني واجوا حيدر وعلي وراها باسوا راسي وايدي ..
درة .. يمة بعد لاتعوفينا يوم واحد متنا عليج ..
علي .. اي والله يمة لاتسويها بعد لو كلنا وياج لو ماتطلعين ..
حيدر .. كفوا ووفوا بعد مااحجي اني هههه ..

امير .. كافي فضحتونا زعاطيط انتو ..
گعدت عمتي سندس ..
وعينها عليهم ..
سندس .. ياقوت ذوله ولدج وهاي درة ؟؟
ياقوت .. اي هذا حيدر وهذا علي ..
سندس .. اني عمتكم سندس ماعرفتوني ..
بقوا صافنين عليها ..
سندس .. تعالوا عمة ابوسكم. .
امي اشرت الهم ..
سلموا وگاموا ..
-تعاي درة عمة ..
اتقربت منها باستني وحضنتني بس ماحسيت بلهفة او شي اتجاههة ..
بينما من شفت حالة بيبيتي نزلن دموعي وبجيت ..
جنت اتذكرها وملامحها ماغابت عني ..
-يمة هاي شصاير بيها بيبي ليش هيج ضعفانه حيل ..
اتقرب علي وحيدر وياي باسوها براسها ..
بستها ودموعي طاحن عليها ..
حسيتها رمشت وجن گلبها حس احنه يمها ..
درة .. بيبي هاي اني درة كبرت واجيت اشوفج ..
وهذا حيدر وعلي وياي ..
احجوا خلي تسمع صوتكم ..
گمنا نححي وياه وصوتنا تسمعه اني احس بيها لأن ملامحها تغيرت ..
بس مافتحت عينها ابد ..
امي تباوع علينا وتبجي ..
الممرضة گامت تحجي وطلعنا ..
بقينا بالممر ..
امير .. علي اخذهم وروح البيت ام احمد ارتاحوا واني شويه اجيب امي واجي حتى نرجع ..
درة .. غير ننتضر بيبي بلكي تصحى ونشوفها ..
رفعت راسي اشوف ولد اتقرب منه شكله ضخم واسمر ..
قيصر .. السلام عليكم .. اني قيصر ابن عمكم .. مااعرف منو بيكم علي ومنو حيدر ..

-حيدر ضحك بأستهزاء وطلع برة ..
وعلي سلم عادي وببرود ..
قيصر .. انتي درة موووو عرفتج من عيونج والجرح الي بگصتج ..
امير .. ها سالمين ماعرفتك والله ..
يوسف .. شنو عيونج شنو الجرح الي براسج ماتحجي عدل ..
قيصر .. وانت منوووو بنت عمي وسلمت عليها ..
يوسف .. ههههههه بنت عمك ومن يمتى بالله ..
امير غمز اليوسف ..
امير .. يوسف اخذ درة واخواني وروحوا ..
وانت مو سلمت يله روح ..

درة .. تذكرت قيصر ابن عمي اي هو نفسة ونفس شكله وضخامته حان موؤذي حيل وگصتي بيها اثر بسببه ..
حقدت عليه اكثر وفوگاه مفتخر لأن عرفني من جرحي .

بس فرحت من شفت غيرة يوسف عليه وخوفه ..
گال يله امشي گدامي ..
شلون بهالعيون الجايبات النا الاثر والعين ..
درة .. شنو
يوسف ماكو شي ماكو امشي ويضحك ..
عفتة ومشيت ..
سمعت صوت امي صرخت ..
التفتت مرعوبة ..
شفت امير وقيصر ركضوا للردهة ..
اتخبلت ..
گمت تبجي واعيط لااراديا ..
صحت حيدر وعلي وركضنا للغرفه ..
شفت امي حاضنه بيبيتي وتبجي وتگلها يمة ماشبعت منج لاتروحين ..
لاتحرميني منج وعمتي سندس هم تبجي وتخرمش بخدودها ..
اول مرة اشوف هيج منضر تخبلت وابجي واحس جسمي كله يرجف من الخوف ..
الاطباء گاموا يصيحون وطلعونا ..
رادوا يسوولها ضربات كهربائية ..
اخر محاوله ..

علي وحيدر طلعوا امي بالگوة وامير بقى جوة ..
المنضر جان يرهب ..
من الخوف ركنت نفسي بالزاويه وابجي وعيني عليها ..
سحبني يوسف وغطى وجهي بصدرة ..
طلعنا برة واني ارجف من الخوف ..

قيصر شافنا واجة ..
-وخر عنها منو انت وهيج حاضنة تالي عمرنا نصير مگرنين وعرضنا بيد الغربة ..

اجة حيدر ودفعة ..
سحبني من يوسف وحضني ..
حيدر .. انت لاتتدخل . احنه وين وانت تفكر بالعرض والخوف ولك ائمنها عند يوسف وماأئمنها عندك ..
روح منا حباب ..

اني ارجف من الخوف والجي وهمة تفكيرهم وين .
حيدر گعدني ويحجي وياي ..
درة حبيبتي شبيج لاتخافين كلنا على هذا الطريق ..
شو درة لاتخوفيني شبيج ترجفين ..
يوسف .. درة تسمعيني درة اهدي شبيج ..
اجت امي تركض ..
-يمة بنتي شبيها ولج درة ..
علي .. امير امير تعال بسرعه ..
همة يحجون واني اخذتني الرجفه وبعد مااشوف شي احس عيوني غوشت ووگعت ..

امير .. جنت ملتهي وي الاطباء حاولوا وياها بس مافاد اصلا گلبها تعبان ومايتسقبل اي محاوله ..
وجنها تريد تخلص من الدنيا بسرعه ..
الطبيب .. البقية بحياتكم حجة وي الممرضه .. سجلوا الوقت وسبب الوفاة جلطة ..
غطوا راسها وطلعوا ..
ودعتها وگلتلها عمرنا ماراح ننساج وراح اذكرج دوم بصلاتي وبالقرآن ..
عمتي گاعدة يمها وتبجي وسمعت صوت علي يصيح ..
ركضت وشفتة شايل درة مغمى عليها ..
تخبلت ..
اخذتها منه ودخلت الوحدة من الردهات وگمت اصيح جيبثا طبيب ممرضه شبيكم ..

اجة الدكتور فحصها وكتبلها مغذي وابرأ مهدء ..
گال صاير عندها صدمة لأن الموقف صار گبال عينها وبعدها صغيرة مااتحملت ..
وعندها هبوط كتبنالها مغذي ..

بقينا گاعدين يمها وامي ماادري تبجي عليها لو على بيبيتي ..
امير .. يمة اهدي لاتسوين بروحج هيج .. لاتوگعين ..
ياقوت .. ولك يمة الي راحت مني امي مو عمتي ..
لو بنتي بعدهي صغيرة ومدري شصار بيها من شافت موت بيبيتها گبال عينها ..
كله الصوج بيه ..
اني الجبتها لهنا ..
ردت عمتي تشوفهم وترتاح قبل لاتموت ..
امير .. وهي ماراحت لمن سمعت صوتهم وحست بوجودهم ..
ماشفتيها شلون رموشها تتحرك ورادت تفتحن بس ماگدرت والموت جان اسرع منها ..

حيدر وعلي خليكم يم درة وامي اني اروح اشوف اذا سوو الاجرآئات لو لا ..
يوسف .. واني جاي وراك ..

درة گعدت .. شفت امي يمي وعلي وحيدر ..
حيدر .. يمة گعدت الاميرة النائمة ..
علي .. ههههه خوفتينا عليج ..
درة .. يمة ..
ياقوت .. ها يبعد امج شلونج هسا ..
درة .. زينة بس اخذيني منا مااريد ابقى هنا ..
حيدر .. هسا اشوف امير وين ونجي نطلعج ..

امير .. رحت شفت الدنيا مگلوبه وكلها جايه وعمامي كلهم. وابوي ..
بس ماشفت دمعه نازله منهم ..
سلمت عادي وكملنا كلشي وگالوا يله ناخذها نغسلها ونزورها ونطلع للنجف ..

رحت اصيح امي لأن بقت يم درة ..
شفت درة گاعدة ..
امير .. ها حبيبتي شلون صرتي ..
درة .. زينة بس طلعوني منا ..
امير .. ابقي شويه ونطلعج هسا هوسة .. واشرت الامي ..
ماگدرت احجي يم درة واگول يطلعون التابوت لأن ادري بيها تخاف ..
گلتلها يمة .. ترحين وي النسوان للنجف كلهن راح يرحن
ياقوت .. اي والله يمة اريد اودع عمتي اخر مرة .. بس اخاف مايقبلون ..
امير .. شحدة اليحجي .. تصعدين وياي بالسيارة ..
حاجيت حيدر ياخذ درة من نمشي البيت ابو احمد هناك احسن الها وگلتله يخابر الشيخ ويگله بيبيتي توفت ويمكن نتأخر حتى لايضل باله ..
اخذت امي وعلي ويوسف هم اصر يروح ويانا ..
ومشينا ..
عماتي وسهيله اعترضن امي تروح وگالن شعندها رايحة
ردت اعيط بيهن لو ما الناس وهوسة ..
بس عمتي سندس نقذت الموقف ..
-وصية امي ياقوت تغسلها ..
بلقيس .. واذا وصت امي ماتروح ..
سندس .. كافي ولج منا عالم امي ماترتاح روحها اذا ماغسلتلها ياقوت ..
ع الاقل خلوها تندفن مرتاحة ..
قاسم .. هاهي لاتطولنها منا عالم مو انفضحنا ..
صعدنا كلمن بسيارتة ..
وامي طول الطريق مانشفت دمعها ..
بس الكل جان هادئ وماكو اي مشاكل او حجي ..
ع الاقل احترموا بيبيتي بوفاتها ولو عماتي اعرفهن مايسكتن ..
وصيت امي مالها دخل بيهن تغسلها وتطلع بسرعه ..
ياقوت .. يمة توصي ياقوت انت .. اكثر من الشفته منهم وسكتت مااضن بعد اشوف ..

دخلنا الديوانية...
على طريق النجف ..
واشوف بالعشر سيارات منتضراتنا ..
واولهم سيارة الشيخ !!
استغربت وحجيت وي يوسف ..
هاي مو سيارة الشيخ ..
يوسف .. اي والله هي .. مو بعيدة على جدي مستعد ياخذ موكب علمود يرفع راسك گبال عمامك ..
امير .. اني راسي مرفوع بي وحدة .. يكفي هو بنفسة جاي متصدر السيارات ..
صدگ ساعتها حسيت راسي مرفوع واني اشوف نضرات ابوي وعمامي وتسائولاتهم ويردون يعرفون منو ذوله ..



بقلمي_الكاتبة_شمس
يتبع .… .


لامارا غير متواجد حالياً   رد مع اقتباس
قديم 25-08-19, 04:34 PM   #15

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

//// البارت الثالـث عشر ////
عجـاف_القلـوب ..
الكاتبـة_شمـس ..



هنـاك اشخاص تفتخر بوجودوهم في حياتك .. وهناك من تخجل ان تعترف انك عرفتهم يوماْ ...

دخلنا الديوانية...
على طريق النجف ..
واشوف بالعشر سيارات منتضراتنا ..
واولهم سيارة الشيخ !!
استغربت وحجيت وي يوسف ..
هاي مو سيارة الشيخ ..
يوسف .. اي والله هي .. مو بعيدة على جدي مستعد ياخذ موكب علمود يرفع راسك گبال عمامك ..
امير .. اني راسي مرفوع بي وحدة .. يكفي هو بنفسة جاي متصدر السيارات ..

وصلت يم سياراتة ..
فتح الباب ونزل ..
اتقربت وبست راسة ..
الشيخ .. البقية بحياتك وليدي
امير .. وحياتك الباقية بوية شجابك ..
الشيخ .. مصابك مصابنا وليدي شلون مااجي ..
راح الامي واخذ من خاطرها بالسيارة هو وخوالي ..
وگـال ..
يله اصعدوا خلي نلحگ ع الجنازة ..
ركبت سيارتي وحركنا ..
صدگ ساعتها حسيت راسي مرفوع واني اشوف نضرات ابوي وعمامي وتساؤلاتهم ويردون يعرفون منو ذوله ..

سيارتي تمشي ورى سيارة الشيخ ..
لحد ماوصلنا النجف ..
نزلنا هناك ..
اجو عمام ابوي وكباريتة عشيرتة ..
عرفوا الشيخ سلمو عليه وتشكروه الجيته وياهم ..
دخلوا بيبتي للمغيسل وامي راحت وياهم ..
واني واگف يم الشيخ ويوسف وعلي يمنا ..
اتقرب ابوي وقاسم ..
السلام عليكم ..
الشيخ .. وعليكم السلام ..
قاسم .. انت الشيخ مجبل موووو !!
سامع بيك بس ماشايفك !!
حاكم .. منين تعرف ولدي وشعندك وياهم ..
الشيخ .. منوووو ولدك ..
اذا تقصد على امير لو علي لو البقية فذولة ولدي وتربوا عندي بعد مااعرف اذا قصدك على غيرهم ..
حاكم .. يعني طول هاي الفترة انت ماخذهم وضامهم علينا .. وهاي عيبه بحق شيخ عشيرة ومعروف اذا سمعت العشاير ماترضاه ..
الشيخ .. شوف يبوي الوكت مو وكت عزا والميت اله حرمة .. بس ردي على حجيك ..
اني الشيخ مجبل وماارد واحد دخيل عندي .. لجن الي يجيني مهزوم من اهلة وناسه الطردوه وحاربوه ويردون يغصبوه على شي مايريدة مااطردة احميه واخليه بجناحي واذا انت محافظ عليهم وماطاردهم من بيتها الاخذته منها ماجانت عرفتني ولااجتني ..
حاكم .. انتتتتت… سحبة قاسم وگاله مو وكت هالحجي خلي تخلص الفاتحة ونتفاهم ..
امير .. بوية العن الشيطان وامشي ياحق تحجي بي ومنو ولدك الاخذوهم منك .. اذا تريد الصدگ اني ابوي وشيخي هو هالزلمة الواگف گبالك ..
رباني وعلمني وكبرني وسوة الماسويتة انت بصغرنا ..
الشيخ .. امير يبعد ابوي مو وكت هالحجي ..
الناس تعاين علينا والجنازة راح تطلع مو حلوة الناس تسمع حجينا ..

قاسم اخذ حاكم ومشوا ..
مرزا .. بوية لاتسكتلهم فوگ شينهم گوة عينهم ..
التفت علينا اني وعلي وگال ..
اعذروني خالي بس مااتحملت ..
امير .. لا خالي حقك .. فوگ هاي السنين كلها الماسألوا علينا ولاعرفوا طريقنا رغم هم السبب بطلعتنا ..
جايين يحاسبون هسـا ..

طلعت الجنازة ومشينا دفناها وامي كتلت روحها عليها ..
بالگوة سحبتها من ترابها ..
جانت عيون ابوي وقاسم تريد تاكلنا ..
وخاصة لمن الشيخ سحب امي وباسها من راسها وصعدها للسيارة ..
تسودنو ..
صعدنا سياراتنا ومشينا ..
الشيخ گال اروح وياكم للفاتحة ..
بس اني ماقبلت ..
لأن اعرف ابوي وعمامي مايسكتون واخاف يجرحون الشيخ واني ماارضاله الاهانه ولااسكت عليها ..

گالت امي بالي يم اختكم خلونا نمشي قبلهم لهناك ..
طلعنا كلنا الشيخ والي وياه رجعوا للديوانية ..
واحنه مشينا لولايتنا يوسف ماقبل يعوفنا ..
بالطريق اخذنا لفات امي بسرعه يهبط ضغطها وماتتحمل الجوع ..

ياقوت .. خو اهلك ماحجوا شي وي الشيخ وضوجوه ..
امير .. يمة هذا الشيخ مجبل ماتعرفيه يضيگ خلگ ماينضاگ هلگة هههههه ..
ضحكنا كلنا ..
وصلنا البيت ابو احمد گبل ..
دخلنا للبراني .. احمد حضر الحمام دخلنا سبحنا وارتاحينا خالي مرزا جايبلنا جنطة ملابس محضرتهن خالتي ام يوسف ..
بدلنا وسولنا غدا اكلنا شويه لأن ماكلين بالطريق ..
اجت امي گالت يمة اخذنا وياك البيت جدك قبل لاتروح للفاتحة ..
ام احمد .. احسبوا حسابكم لليل تجون تباتون هنا عدنا ..
امير .. الله كريم نشوف ..

اخذت امي ودرة وخالتي ام احمد وديتهن البيت جدي ..
ووصيت امي ماتهتم ولاتدير بال للحجي ..
ومناك رحت للجامع يوسف وعلي وحيدر وابو احمد ماخذهم احمد بسيارتهم ..

درة ..
دخلنا البيت جدي .. اخر مرة دخلتله واني صغيرة اتذكر تفاصيل قليله بي ..
شفت بنات بالمطبخ اكو سلمن واكو وجهن ثگيل ..
حتى ناسيتهن ومااتذكرهن ..
بس الكل جان نفس السؤال ..
-انتي درة .. انتي درة ..
-ماشاء الله تخبل صايرة ..
-كبرانة ..
-هاي شوكت رجعوا ؟؟
-ووين جانت هي وولدها ؟؟
-وشوكت رجعوا ؟؟
احس راسي نصرع من كثر ماسمعت اسألتهم ..
انقبض گلبي ..
وهمست الامي الي جانت تنوح وتبجي اكثر من عماتي نفسهن ..
يمة اني ضجت ..
ياقوت .. فشله اسكتي ..
بس جانت وحدة گبالنة تخزر بينه يمها اثنين اطفال ..
عينها مانزلتها من علينا ..
سألت خالتي ام احمد گالت هاي مرت ابوج احلام وذوله ولدها ..
بقت عيني عليهم يعني ذوله اخوتي ..
بقيت اقارن بينها وبين امي ..
شنو شاف بيها وفضلها على امي ..
اشو امي رغم الكبر اكل من عمرها وشكلها ..
بس هي لسا حلوة والدليل النسوان كلهن يسولفن بجمالها ..
واذا ع الولد اخوتي ثلاثة واني الرابعه بعد شنو الي خلاه يعوف امي ويعوفنا علمودها ..
وهي حتى مامرتبة بس الفرق هاي تارسة روحها ذهب عبالك جايه الحفله مو فاتحة .. وولدها مو نضيفين وملابسهم وسخة اول مرة احقد على بشر هيج ..
صار المغرب وگامت كلها تصلي الوحشة البيبتي ..گمنا احنه الغرفه بيبتي ..
صلينا وكملنا وبقينا گاعدين واني تسولفلي على مكانها وبوفيتها المليانه ماعين وشلون جانت محافضة عليهن ..
دخلت احلام وجهالها ..
گعدتهم يمها وتصلي ..

كتلني الجوع طلعت نستله واكل ..
جانت عيونهم تراقبني ..
طلعت نستلتين من الجنطة ..
اموري مشتريلي حلويات يدري بيه احبهن ..
انطيتهم هي بسرعه اگطعي صلاتج وشمريهن بوجهي
احلام .. هاج وديري بالج تتقربين الهم ولاتنطيهم شي ..
كبرتكم وجابتكم حتى تاخذون ثارها ..
ادري بيجن مو خاليات ..
ديري بالج توصلين الجهالي ..
استغربت من ردة فعلها وضجت ..
معقوله تتوقع انه ممكن آذيهم واخذ ثاري منهم ..
ذولي اطفال شمفهم ..
ام احمد .. خية على كيفج .. هي نستله ومسدودة قايل راشتها سم .
ترى اذا انتي هجولتي اطفال وطردتيهم لاعبالج كلها مثلج احلام .. اني شعليه ابوهم الي طردهم لو ماشافهم مجرمين ويأذون ماطردهم ..
ام احمد .. الله يهديج خية ولو بعد كل هاي السنين مااصن تنهدين ..
هي اخذي جهالج وگومي مااتحملت وجانت ترجف وهي تحجي وخايفه ..
صدگ مااتحملت وضحكت ..
خزرتني امي واستمرت تقرأ قرآن البيبيتي ..
اتعجب على صبر وهدوء امي اتجاه هيج بشر شلون گدرت تتحمل وتعيش وياهم ..

بقينا گاعدين بغرفة بيبيتي ..
واحس العيون كلها تريد تاكلنا .
عبالك گاعدين بجحر ذيابة على ساعة يهجمن علينا ..
ضحكت ام احمد وگالت ..
الولاية كلها هنا لاتخافين مايسون شي يطلعهن غلطانات گدام العالم ..
بس خوفج من هاي السكته خاف وراها بلاوي ..
بدوا يصبون العشا ..
گمت من مكاني بحجة اساعدهن ..
لأن رجلي موتتني من الگعدة ..
دخلت المطبخ ..
بدت نور تعرفني على اخواتها كلهن متزوجات وبنات عماتي الي اصلا ماسلمن ولاكلفن نفسهن يباعن عليه ..
-تردون اساعدكم ..
نور .. لاماعدنا شي هي الماعين يجيبوها مصبوبة من برة بس نصفطها بالهول ..
حجت بنية .. اگلجن هي هاي بنت عمجن حاكم ..
هدى بنت عمتي .. اي هي اخذتهم امهم وشردت مانعرف وين ..
نور .. هدى عيب ..
درة .. امي ماشردت بينا امي نقذتنا ..
ضحكت وحدة من بنات عمي قاسم ..
هههههه منين نقذتكم من حرب البسوس ..

اخذت نفس ردت احجي دخل قيصر وبيدة الماعين ..
-هاجن بسرعه واحسبن كم مرة جوة ..
شافني ابتسم ..
بقيت صافنه بوجهة .. گبر هذا شبي يتبسم ..
تركت المطبخ ورجعت يم امي. .
اول ماشافتني گالت ..
-وين رحتي لاتگومين من يمي ..
-حركت رجلي شويه احسهن ماتن من الگعدة ..

صبوا العشا ..
اجت نور گالت امير يريدج ..
گمت للمطبخ لأن هو واگف بالطارمة ..
واشوف البنات هوسة ع الشباك يباوعن ..
طلعت..
شفت يوسف وامير واگفين ..
هسا عرفت ليش متداحسات ع الشباك ..
وهمة يخبلون طالعين ..
غرت عليهم اثنينهم مااعرف ليش وبنفس الوقت فرحت لأن ذولة الاثنين يخصوني ..
ياااا عزة بله واحد اخوية ومن حقي اغار عليه بس يوسف ليش ضجت وغرت عليه وحسيته ملكي ..

حضنت امير وبسته ..
-ها درة وين امي يله خلينا نروح ..
-جوة صبوا العشا ..
-عشاهم الهم مانريدة احنة العلينا نأدي الواجب وخلص ..
صيحي امي يله وخلينا نروح ..
-اي هسة اشوفها ..

دخلت للمطبخ وهنة بعدهن مكومات يم الشباك ..
ونور تگلي امير محتاج شي ..
حسيتها تتقرب مني علمودة ..
دخلت صحت امي ..
گالت عيب من الناس نگوم وي صبة العشا ..
شوية ونطلع ..
رجعت اخبر امير مالگيتة بس يوسف موجود ..
-وين امير ..
-دخل يصيح علي وحيدر ..
-هاااا جا امي تگول شوية ونطلع عيب وي صبة العشا نگوم الناس تضل تحجي ..
-انتي شلونج هبطتينا عليج الصبح ..
-لا زينة بس لأن موقف اول مرة امر بي خفت ..
-بعدج طرية وناعمة ماتتحملين ..
-شتقصد ؟؟ ضجت من كلامة وعبالك اني صغيرة بنضرة

درت وجهي ردت ادخل.
صار بوجهي قيصر..
-شبيج درة اكو شي مضوجج وهذا شلون هيج واكفه وياه بالطارمة ..
-ههههه وانت شنو اعرفك تعرفني ..
-اني ابن عمج ..
-من شوكت هزيت ايدي ودخلت سمعت صوت يوسف التفتت ..
يوسف .. بابا روح العب بعيد بنتك عمك شنو ..
اذا انت ابن عمها بالاسم فأحنة متربين سوة وعلاقتي بيها اكثر منك ..
طلع امير فرحت گلت حينقذ الموقف ..
توقعت راح يتعاركون ..
امير .. شكو قيصر
قيصرر.. شلون تخلي اختك توگف وي هذا احنه ماعدنا بنية تحجي وي الغربة ..
امير .. منو الغريب .. يوسف اخوي ومتربين سوة واطمأن عليها يمة اكثر منك ..
قيصر .. ها هيج الحجي صار ..
هز ايدة يوسف ..
اتركة اتركة امير لاتدوخ نفسك وياه ..
قيصر .. شتقصد ولك ..
امير .. كافي قيصر احترم احنه ببيتك كلها يومين ورايحين لو ماتعرف اليطب بيتك تخليه على راسك حتى لو جان عدوك ..
قيصر .. هههههه مخلي تربات المضايف والشيوخ الك
امير .. والنعم .. افتخر الي رباني شيخ وابن شيوخ لجن ماحصلنا من تربات اهلنا غير الآآآه ..

حاكم .. هيج صارت يأمير .. لجن تربات الشيوخ احسن من عدنا ..

درة حسيت الشغله راح تكبر .. ركضت صحت اني وگلتلها خلينا نمشي راح يتعاركون ..
اجت امي وام احمد ..
وبنات عمي ماقصرن فضحنا فضيحة يم النسوان ..
وخبصن الجو ..
راح يتعاركون وراح يتعاركون ..
سهيله .. يمة ابني .. تسلطوا عليه ولد ياقوت ..
جايبتلنا سعالوا هاعرض جتافهم وتتباهى بيهم على اهلهم وعمامهم ..
ماخلت حجايه ماگالتها ..
اني من صغري اكرهها لأن جانت تگرص بيه من جنت صغيرة ..
ياقوت .. استهدي بالله يسهيله ولاتشعلين النار الي جابني عمتي .. بس تخلص فاتحتها مااعتب الولاية طول عمري ..
سهيلة .. اي شعندج تجين بعد اذا عايشة خدامة للشيوخ وتاكلين بخيرهم ..

درة .. امي بعمرها ماعاشت خدامة عند واحد .. عاشت بفلوسها وكرامتها وبشغل وكد امير وتعبه ..
سهيله .. والله وحجيتي يياقوت الصغيرة .. امج جانت خرسة انتي السانج شطوله ..
درة .. ورثتة اللسان من عمامي واهلي يله يمة امشينا ماابقى هنا بعد. .

ياقوت .. ولج شلون تطلعين السانج هيج شيگولون ماعرفت اربي ..
درة .. يمة شبيج همة منو يگولون . اشو همة كلهم نفس الطينه .. ماتشوفيهن شلون دارن عليج ..

ياقوت .. امشي گدامي يله ..
درة .. طلعنا وشفت اخواني واكفين منتضرين ..
امير .. يله يمة بسرعه ..

جاي امشي وسمعت صوت صاحني ..
درة ..
التفتت وبقيت اتمعن بملامحة ..
منو هذا ..
بس داخلي رجف ومشاعري هاجت ..
هذا ابوي اي بس شصاير بي متغير حيل الكبر ماكل منه هواي وشعرة شايب ..
بقيت اباوع عليه ..
وهو مبتسم وفتح ذراعة الي ..
تعاي بوية .. كبرانة وصايرة مرة بس ذاك هو شكلج الي باقي ببالي ..
كلامة حرك شي بداخلي وردت ابجي ..
مو لأن مشتاقتله او اريدة بس لأن كل الي صار بينا من ايدة ..
خلانة نتيه بهاي الدنيا وحدنا ..
وهسا جاي يريدني احضني وابوسه وابادله نفس كلامة واشتاق اله ..
صارت عيني بعين اني اشرتلي اروح اله ..
اتقرب خطوة وارجع اثنين مااعرف ليش رجلي ماتحملني ولاتساعدني اخطي ..
وصلت يمة لزم وجهي بإيدة الخشنة ..
جانت خشنة وسودة مثل الجير ..
حاكم .. شلونج بوية مااشتاقيتي لأبوج ماسألتي عليه. .
نزلن دموعي ..
شلون اسأل عليك واني مااعرفك .. مااتذكر حنانك لو حبك ..
حاكم .. حجرت گلبج امج وخلتج تكرهيني مثل ماخلت اخوتج اعداء الي ..
درة .. امي بحياتها ماقبلت تسولفلي عنك لو ليش اخذتنا وطلعت ..
شگد سألت ومالگيت جواب ..
بس اني من اريد اتذكر مااتذكر بس المشاكل والضرب وشلون طردتنا وجبت مرة على امي ونسيتنا ..
هاي الي حجرت گلوبنا مو امي ..
حاكم .. الانسان مامعصوم عن الغلط .. وصح غلطت بس حتى لو ردت اصلح غلطي فأمكم اخذتكم عني وماانطتني فرصه ..
امكم الي حرمتني منكم ..

امير .. درة يله امشي . لايقشمرج بهذا حجية ..
حاكم .. لاتخلين واحد يغسل دماغج ويبعدج عن ابوج وعمامج واهلج ..
وهذا اخوج من الصغر جاحد وماعرفت اربيه ..
امير .. هههههه ليش هو انت جنت فارغ تربينا .. الي ربتنا هاي المرة الي گدامك ..
وكت ماانت حاير بمرتك ونزواتك .. هي ضيعت شبابها علينا وربتنا ..
هدت حيلها وتخبز للعالم حتى تعيشنا ..
جنت طفل والمثلي يلعب ويدرس اني افلفل سيارات واصلح وبالشمس والرايح والراد يتأمر عليه ..
لاتطلع نفسك نزيه كدامها ترى كبرت وصارت تعرف تميز بين اليصدگ واليجذب ..
يله يمة يلة درة اطلعن گدامي ..

طلع امير فاير من الغضب ..
جانت الكل واگفه ..
عمامي كلهم واولادهم ..
الكل يلوم بأمي لأن اخذتنا ..
بس ماحجت ولابررت ..
وماقبلت تخلي امير يحجي ..
وهذا الشي ضوجني ..
جانت تگدر تحجي وتگول السبب وتبرأ روحها ليش اختارت السكوت ماادري ..

وصلنا البيت ابو احمد. .
گال امير هسا نرجع مانبقى.
بيبيتي وراحت بعد شعدنا باقين ..
امي ماحجت ولانطقت من ساعة الرجعنا من بيت جدي ..
بس ابو احمد گال هسا دنيا الليل وانتو تعبانين ..
للصبح واطلعوا ..
امير .. لا الفجر نطلع ..

درة .. ساعدت ام احمد بالعشا واني اتذكر كلام ابوي شگد جنت اتمنى عندي ابو مثل سدن وحوراء وزينب وشلون يعاملوهن ويددلن عليهم ..
ولو اخوتي واني ماقصروا وياي ..
وخاصه امير جان اب واخ وصديق الي ..
بس من شفت ابوي ضجت ..
اتمنيت الزمن يرجع والوضع مختلف ..
واحنه عايشين بوسط امنا وابونا ..
وحياتنا حلوة مثل الناس ..

تعشينا ونمنا ..
گعدتني امي الفجر ..
صيلنا وطلعنا للمزرعة گبل ..
وامي وصت ام احمد تخابر بيت الشيخ وتخبرهم برجوعنا للمزرعه ..
يوسف جان يسوق ..
واني وامير بالصدر لان متكفي السيارة ..
وعلي وامي وحيدر بالورة ..
امير جان حاضني بيدة والجو بي برودة غطاني بسترتة
اخذت غفة ع كتفه ..
يمة احس بالأمان .. حسيت بقهر لأن حنيت الابوي الي ماسأل عني ..
ونسيت حنية هذا الملاك اليمي ..
وصلنا للمزرعة ..
گعدني امير ..
ها يحلوة شبعتي نوم خوش مخدة مو ويضحك.
درة .. ياحبيبي اكيد ايدك تعبت.
يوسف .. دگولي شلتيها الايدة المگرود مايحس بيهن بعد ..
امير .. ولك جوز منها هاي اميرتي اذا ادللها اني منو يدللها ..

امي نزلت من السيارة من غير ماتحجي ودخلت جوة ..
امير .. حسيت بأمي ضايجة لأن طبعها من تضوج تسكت وماتحجي بعد ..
والقهرني اكثر درة ونضراتها الابوي ..
خفت تجي تحاسبني بيوم وتصدگة ..
وتگللنا ليش حرمتوني منه ..
اخاف بيوم تگول اريدة .
بس اعرفها ماتسويها هاي تربات ايدي وگلبها على گلبي وماتنكر تعبي ..

گلت للولد يدخلون الغراض ورحت ورى امي ..
هايمة شبيج .. شنو الي مضوجج ياام امير ..
ياقوت ..
تدري يمة من طلعنا الفجر .. رجعت ذيج الايام كلها گبالي وانعاد الزمن عليه ..
مثل مااخذتهم وشردت بذيج الظلمة .
اليوم هم ردت اخذكم واشرد ..
خايفه من اهلك مايسكتون ..
وخاصة بعد ماعرفوا احنه وين مكانه وعرفوا الشيخ هو الي جان حامينا ..
اكبر غلط سويتة اخذتهم للولاية من جديد ..

امير .. يمة لو جنة صغار حقج تخافين .. بس احنه كبرنا ونگدر نوگف بوجههم وفن واحد يفتح حلگة ويانا ..
ياقوت .. ولك يمة اني خايفه على درة ..
درة حساسة وبسرعه تصدگ .. وخايفه ابوك يلعب بعقلها وياخذها مني ..
امير .. اني وياج ..بس درة ترباتي واعرفها عقلها اكبر من عمرها ..
وماراح تصدگة ..

-وشنو الخايفين اصدگة ليش ماتحجولي كلشي وتريحوني ....
درة .. شفت امير راح ورى امي للغرفه . اخذتني رجلي الهم وبلا قصد سمعت كلامهم ..
ضجت من سمعت توقع امي بيه ..
انه ممكن اعوفهم وافضل ابوي وعمامي عليهم ..
تجرأت ودخلت سألتهم ..

امير .. ماكو شي نخاف منه .. بس احنه ماردنا نشيلج هم ونضوجج ..
درة .. طول عمرك تتعامل وياي وكأني جبيرة بالعمر ومثل الاصدقاء انت اقرب شخص الي وانت الي زرعت الثقه بيه ..
ليش بهاي الشغله تعتبرني صغيرة ومااتحمل ..
ياقوت .. شتردين اگلج ..
اگلج عمج طمع بيه وجبر ابوج يطلگني حتى يتزوجني ..
ومن طردتة ورفضته هددني بيكم اذا ماقبلت ياخذكم مني عرفتي هسا ليش اخذتكم وهجيت بذيج الليلة ..
ردت احافظ عليكم وعلى اخر شي بقى عندي كرامتي وشرفي وسمعتي الي راد عمج يشوهها بنص الولاية الي اكلت وجهي بس لأن جان يجي كل يوم ..
بس الله يرحم عمتي الي نقذتني وشجعتني اخذكم واشرد بيكم ..

درة .. اسمع وابجي مامصدگة اكو هيج انسانة بالنذالة والسفاله تخليه يحط عينه على مرت اخوه ويطلگها من رجلها وياخذها ..

-شلون يصير هيج غير حرام .. ابوي عايش شلون يصير يتزوجح هذا مايخاف الله ..

امير .. لا حبيبتي مو حرام ..
هذيج زوجة الاب تحرم ..
اما زوجة الاخ فمحلل الزواج بيها سواء كان الاخ متوفي او لا ..

بس بمجتمعنا مكروه ومامرغوب .. اذا كان الاخ عايش وزوجته تتزوج اخوه ..
لو كان ميت هالشي عادي ..

درة .. بس شلون يجبرها وشنو من بشر هذا وابوي ماحجة من سمع ووافق على هذا الشي ..

ياقوت .. ابوج شمرنا من حياته اول ماتزوج واخذ بيت اهلي مني ..
وهددني اذا طلبت حقوقي ياخذكم مني ..
يعني عبالج هيج انسان راح يصدگني اذا گتله اخوك يريد يتزوجني لو يهتم اصلا ..
لو عبالج عمج راح يخاف ويستكن وينسى السالفه ..
اذا هي عمتي ماگدرت عليه تردين حاكم الي تقشمر بكم فلس وطلگني مايقشمرة بكم فلس ويخليه يتزوجني ..
يمكن بيدة يجيب السيد ويعقدلنا ..

درة .. كافي كافي يمة اسكتي شنو ذوله .. ادري بيهم ضالمين وضلموج وضلمونا بس ماتوقعت هيج انذال ..
حضنت امي وبست راسها وايديها وطلبت تسامحني. .
درة .. يمة اعذريني اذا جنت اضغط عليج بهذا الموضوع وازيد همج ..
الله يحبني انطاني ام مثلج .. وهمزين طلعتي بينا مناك
لو باقية وراضخة الهم جان ماسامحناج ..
ياقوت .. الي عندها ولد مثلكم شتريد من الدنيا بعد ..
صحيح انضلمت وتعبت اني وياكم بس الله عطاياه جبيرة فتحها علينا وخلى الشيخ بطريقنا ..

امير .. والنعم بالله .. يله ست درة عوفي امي ترتاح شويه وگومي خلي نسوي ريوگ ترى جعنا ..

سوينا ريوگ وتريگنا ..
والولد طلعوا للمزرعة ..
بديت اني وامي بالغدا ..
للظهر يله رجعوا ..
صبينا الغدا ..
سمعنا الباب اندگت ..
والشيخ كح ..
طفرنا من مكانا ..
امير .. هلا بوية نورت المزرعة ..
الشيخ .. منورة بيكم يبعد ابوي ..
ياقوت .. هلا بوية تعال تفضل هسا صبينا الغدا ..
الشيخ .. اي والله عشتي .. تعال يوسف يابة اخذ عباتي مني اني برة وشميت ريحة التمن والسبيناغ ..
دخل خالي مرزا وراه ..
سلم وگعد ويانا ..
باوع عليه وگال .. سدن خبصتني تريد تجي وياي علمودج وگلتلها احنه راح نجيبهم عليمن بعد تجين ..
درة .. اي خالو اشتاقيتلها حيل ..
امير .. وين نرجع ليش السالفه فضت ..
الشيخ .. يبوي هاي الناس همها الفلوس ..
من گاومتهم وماسكتت عنهم تراجعوا واستكنوا ..
وگلتلهم ولدكم داسوا على عرضنا والمفروض احنه اصحاب الحق موش انتو ..
والا همة طلبوا فلوس يله يتراجعون ..
وخليتهم يكتبون تعهد مايتعرضون الكم ..
يوسف .. وسكتوا ..
الشيخ .. وشحدة اليحجي .. والله الي يمسكم جن امة ماولدتة .. ولاعبالكم من دزيتكم لهنا خايف منهم ..
لا يبوي ..
دزيتكم لأن ادري ينخاف منكم مو منهم ..
لجن اذا اتجمعتوا تكتلون العشيرة كلها ..
من شفت وجه الولد مسويه خرايط گلت اذا بقيتهم ينهون عليه بعد هههههه ..
مرزا .. ههههههه سباع والله وماينخاف عليهم ..
امير .. يعني راح نرجع ..
يوسف .. اي يابة الدوام اجة بعد ماينفع نبقى هنا ولو الجو هنا حلو ويفتح النفس ..
درة ..من حجة يوسف ولمح استحيت . گدام اخوتي والشيخ وهو يحجي ويباوع عليه ..
مااعرف غايتة شني ..
الشيخ .. يله كافي حجي النعمة مصبرة ..

تغدينا وكملنا ولمينا الماعين اني وامي وكملنا وطلعنا سيارتين للديوانية ..
ولاعبالك كم يوم بقينا بالمزرعة عبالك سنين ..
اشتاقيت السدن حيل ..
والداوم مابقاله شي لازم نتحظر ..
سدن السنة سادس خطية وبكلوريا وراح تلتهي عني .

وصلنا تلگتنا خاله ام يوسف والحجيات اثنين ..
عزن امي واخذن من خاطرها ..
والحلو بيهن لابسات اسود وي امي حزنانات ..
امي ماقبلت وگالت الخاله ام يوسف ع الاقل انتي نزعي بس هي اصرت تبقى لابسه للأربعين ..
وگالتلها اني حبيت عمتج على سوالفج وانقهرت لان ماتت وصلتيلها الوحشة ..
بيومها الشيخ طالب يسوُن عشا الروح بيبتي ..
امي مااتحملت وبجت وگامت باست الشيخ ..
لأن هي هناك بالمزرعة وگالت الامير بس نوصل جيب مسواگ اسوي ثواب البيبتك ..

گعدت سدن من شافتني ماصدگت وحضنتني ..
عبالك سنين متفارگين ..
اجت مرت خالي حمزة لابسة الوان ومخليه مكياج طوخ من غير عادتها ..
وكأنه تريد تغيض امي ..
امي صح ماحجت بس مبين عليها ضاجت لأن حتى ماگالتلها البقية بحياتج ..

ام مرزا .. ولج فاطمة شو اليوم خاطة وجهج وين تردين
فاطمة .. هنا عمة وين اريد حرام ارتب نفسي الزوجي
ام حمزة .. رتبي روحج بغرفتج مو هنا والله الشيخ اذا شافج شيخلصج شو زايحة الاحترام انتي ..
فاطمة .. شبيج عمة ترزليني گدام الناس كبرنا وبناتنا بطولنا وانتو ماتحترمونا ..
ام حمزة .. منهي الناس ولج شو ماتعرفين تحجين .
ومو هاي مرت مرزا وياج شو ماتجيب الحجي الروحها
اذا تعرفين كبرتي وبناتج بطولج احترمي الواجب وقدريه
لاعزتيها بعزاها ولاسلمتي عليها .
فاطمة .. اي عزاها هي اني شني وبعدين حمزة ميحب الاسود يتكأب ماادري شلون مرزا قابل على مرته تلبس مو حتى مايصلح ..
ياقوت .. خية ماگايله الاحد يلبس العزا عزاي ونعم الله ع الي يشاركني بي ..
اترخص اني عمة اروح البيتي اسبح واغير هدومي واجي اساعد ام يوسف ..

لليل اجن بنات خالي كلهن ورجولتهن عازمهن الشيخ وبناتهن ..
صبينا سفرة للنسوان وسفرة للزلم ..
واحنه البنات بلشنا بالماعين والمطبخ تنضيف بعد العشا خالاتي كل وحدة جابن دشداشة سودة الي والامي ..
واني اصلا ماعندي جابولي من بتول بالفاتحة ..
وامي گالت ماتلبسين للاربعين وتنزعين عندج دوام وبعدج صغيرة مايصلح على اخوانج ..

امير .. كملت شغل ورجعت للبيت تعبان شفت اخواني امي جاي يحضرون بالسفرة ..
بعدنا مامتغدين ..
اجة يوسف ..
گال امير الشيخ يريدك بسرعه بالديوان ..
ذبيت خاشوگتي وگمت ..
رادوا يجون اخوتي وياي گلتلهم لا انتو ابقوا تغدوا اشوف الشيخ شيريد وارجع ..
رحت شفت الشيخ يمة خوالي وزلم معگلة ..
سلمت وگعدت ..
الشيخ جان مبين عليه ضايج بس مايضهر هذا الشي ..
لكن اني اعرفه من يضوج ..
التفتت عليه وگالي ..
امير يبعد ابوي هاي الزلم والاجاويد من طرفكم ..
جايين وجيبين طارش وياهم من شيخكم وعمامك واهلك
امير .. خير وشنو هالطارش ..
الشيخ .. يردون ننجمع ويگاومونا لان جنة ضاميكم عنهم كل هاي السنين ..
ومخلين طرف ثالث بينا يحكم من عشيرة…..
امير .. اني ماعندي عمام وشيوخ .. انت شيخي وجبيري والي تآمر بي اني حاظر ..
امشي واني واخوتي بظهرك ماعدنا شي نخاف مته ونهابة ..
ابتسم الشيخ وخوالي ..
الشيخ .. هاهي حددوا المكان والزمان ودزولنه طارش .


بقلمي_الكاتبة_شمس
يتبع .…


لامارا غير متواجد حالياً   رد مع اقتباس
قديم 25-08-19, 04:36 PM   #16

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

//// البارت الرابع عشر ////
عجـاف_القلـوب ..
الكاتبـة_شمـس ..

طلعوا الزلم ..
صحيح مرتاح وسدي امين لأن الشيخ واگف وياي ..
بس الي قهرني ابوي وعمامي ..
بأي حق يجون ويطالبون بگعدة ويگاومون وهمة الي باعونة وشمورنا ..
استحيت من الشيخ لأن صار بموقف گدام الناس والعشاير ..

ردنا نطلع گتله بويه ..
التفتت ..
ها وليدي گول
يمكن احنه ورطناك ويانا ..
الشيخ .. مو حلوة هاي منك وليدي واني اگول امير يفهمني قبل مااحجي ..
ها الشغله ماتمسني ولاتلطخ جبيبني ..
اني جبيبني ابيض امام الله ومادام الي سويتة مقتنع بي مااخاف من تاليه .
هسا احنه هينة. من يمنة ..
بس امك اذا درت شوف شراح تسوي ..

ضحكنا وطلعنا ..
وصدگ حجي الشيخ اول ماحجيت وي امي ..
لطمت على وجهها ..
يمة ياامير يبني .. وهسا شنسوي ..
عرفتها ماتعدي ..
بس اني الصوج بيه ..
اني الاخذتكم ..
ودور شافوا الشيخ بالجنازة وعرفوه ..
الشيخ .. ولج ياقوت قابل اني خايف ومااجي .. اني اجيت الاج والولدي وخلي يعرفون مكاني ..
الى متى تبقى الدفاتر مسددة ..
لازم يجي يوم وتنفتح وكل واحد يتحاسب اعله اخطائة ..

يوسف اشرلي وطلعنا ..
يوسف-شبيك يخوي ضايج.. جنت من زمان تريد هيج فرصة تجيك وتاخذ حقك منهم ..
امير -يوسف اني ماضايج عليه .. بس ابوي وعمامي مايخطون خطوة اذا مابيها فايدة الهم ..
وهاي سالفتهم لازم وراها شي ..
يوسف .. خلي نشوف غايتهم شني وذيج الساعه نتصرف امير .. خايف على درة منهم .. بعدهي صغيرة وحساسة وتتأثر بسرعه ..
واذا طالب بيها ورادت تروح شلون ؟؟
يوسف .. هههههه معقوله امير انت هيج تحجي ولك هاي درة الي ماتشوف واحد غيرك بدنيتها وتعتبرك المثل الاعلى مستحيل تتأثر بواحد غيرك ..
وهي متعلقه بعمتي وماتعوفها ..
وبعدين هي بكيفهم ياخذوها .. والله لو تصير دم مايمسون شعرة منها ..

التفت علي امير بأستغراب ..
يوسف .. درة عندي مثل سدن والماارضاه لأختي ماارضاه الدرة ..
ضحك وضرب على كتفي ..
-كفوا منك يااخوي ..

يوسف .. احساسي اتجاه درة مختلف .. دخلت للجامعه وشفت بنات بس من اشوفها تتغير نضرتي وتبقى بس هي ببالي ..
احسها نقيه وصافية وبريئة ..
ماعندها خبث وحيل البنات ..
بس دوووم احسها تتجنبني او ماعندها احساس اتجاهي
ويمكن لفارق السن بينا ويمكن تشوفني اكبر منها او امير بالنسبة الها ..
لهذا مااريد اتقرب الها والوث برائتها واخليها تفكر وتفتح عينها على الحب بهذا العمر وتالي ياخذها غيري مني ..
مخليها تكبر وتتفتح مثل الوردة گدامي ..
يله اخطي خطوة اتجاهها ..
ومن جهة ثانية امير .. اخوي وصديقي واعرف طبعة صعب وثقته بالناس محدودة ..
ماردت علاقتنا تخرب ويتصور اني حاط عينه على اخته الصغيرة واتلاعب بمشاعرها ..
وهالشي حسيته من تعصبت وگتله اسويها دم اذا مسو شعرة منها ..
استغرب ونضرلي نضرة ماتتفسر. .
لكن الله ستر وگدرت اغير الموضوع وگتله مثل اختي ولو هالكلمة صعبه حيل علية وتزرف گلبي من انطقها ..
ادري طريقي طويل بس لازم اصبر واتحمل الى ان تكبر وتصير من نصيبي ..

ياقوت .. من يوم الي گالولي حاكم واهله يگاومون الشيخ واني مابطلت تفكير ..
اخاف على ولدي منهم وماعرف شني نيتهم وشيردون ..

گاعدة يم الحجيات اني والبنات كلهن جاي نلگط تمن للعزيمة ..
لان الشيخ عزم الاجاويد كلها من العشاير وغداهم عدنا حتى مايروح فارغ من يواجه حاكم وعمامي ..
وسودة عليه ذابح طليان ومكلف روحة ..
رغم حملي اني وجهالي بس هو مامل ولاشال ايدة من عدنا ..
شگد امير حجة وراد يدفع المصاريف العزيمة وللطليان هو بس الشيخ رفض وزمخ بي ..
الشيخ .. ولك امير لاتخليني اغير نضرتي بيك .. ليش احنه بينا فرق ..
عمري كله شغلنا ومالنا وحلالنا كبرناه بفلوسي وفلوس امك من امها ..
شو امك ماگالت هاي فلوس وخيراتي من الگيعان وانطوني حقوقي ..
ولاداعت بشي ..
وهسا تريدني على كم طلي وكم جيس تمن اداعيك واخليك تدفع فلوسهن ..
يبوي هذا خيركم مثل ماهو خيري ..
امير .. استغفر الله بوية .. لاتگول هيج .. وگفتك ويانا وترباتك الي والاخواني والورشة ودراستنا كلها بزودك ومن نمشي ويگولون منين انت اگلهم انة جدي الشيخ مجبل يعني مو الفلوس والجاه عزوتي انت عزوتي بالدنيا انت صرت الي ابو بوكت ماابونا ذلنا وشمرنا ..
وصرت الي عشيرة وعمام بوكت ماعمامي نكرونا ..

اتذكر كلام ابني وابجي .. ليش ابني من دون الجهال كبر قبل اوانه ..
الجهال الي بعمرة جانت تلعب وماهمها الدنيا وهو شال الهم من صغرة ..
حتى شاب شعرة من الصغر ..
الحجية ام مرزا .. خيرج ياقوتة يمة ليش مهمومة والدمع مغرگ عيونج ..
ياقوت .. لاعمة مابيه بس رجع فكري القبل ورجعت همومي وياه ..
ام حمزة .. خايبة كم مرة اگلج انسي .. واذا خايفه من جيتهم فمعناها بعدج ماعرفتي الشيخ وشيسوي اذا واحد اذة احبابه واهله ..
ياقوت .. لا حشاه بس بالي يم اولادي وخاصه درة
شيكون موقفهم وابوهم وعمامهم راح يوكفون ضدهم ..

درة .. يمة يعني همة جايين يرجعونه لو شنو ..
ياقوت .. وانتي ليش اجة ببالج هيج سؤال لازم حنيتي على ابوج وتردين ترجعين ..
درة .. بس يمة اني ماگلت شي ليش ضجتي ..
ياقوت .. لاتراددين وگومي للبيت اخوانج عندهم هدوم وسخة اغسليهن ..
درة .. اي گايمة ..
سدن .. اوگفي اني جايه ويج ..
فاطمة .. وانتي وين شردتي وراها لو تردين تخلصين من التمن ..
اگعدي كملي مانلحگ .. غيرنا يعزم واحنه نبتلي .
ام حمزة .. ولج فطيم ماجنتي هيج شطول السانج ..
وصايرة ماتنگحمين مو ولدج بطولج صاروا وانتي بعدج بهذا تفكيرج ..
فاطمة .. انتي تعرفين عمة ليش صرت هيج .. واذا مااصير هيج ينوكل حقي مثل ماردتوا تاكلوه قبل ..

ياقوت .. عمة ماله داعي هالحجي ..
اني رايحة البيتي هناك ..
وادز واحد من الولد يجيب گونية الگطها هناك واجيبها بالليل ..

مشيت البيتي وشفت امير ويوسف دخلوا .
امير .. هايمة شبيج ..
ياقوت .. مابية شي بعد امك . بس تعتبت من الگعدة اروح امدد شويه وانت ادخل جيب گونية تمن البيتنا حتى اكمل تلگيط ..

امير .. انتي روحي نامي واني واخواني الگطها ..
ياقوت .. يمة انتو شعرفكم بي دنان وحصو ابيض ماتعرفوه وتالي نتفاشل وي الوادم من ياكلوه ..

امير .. دخلت اجيب التمن من بيت الشيخ ..
وسمعت صوت مرت خالي حمزة ..
فاطمة .. انتو تعرفون كلش زين ليش اكرهها ومااطيقها وماادري ليش مخليها لسا بالمشتمل يمنا گاعدة مو كبروا جهالها وابنها ماشاء الله يشتغل ويلعب بالفلوس لعب وعندها حصتها يم الشيخ ..
ليش مايشترون بيت ويطلعون عنا ..
ام مرزا .. اي مو هو بيت الخلفج وتطردين ..
ام حمزة .. ولج فاطمة سالفه راحت بوكتها والمرة ماقبلت وگالت حاسبتهم اخواني ليش تبحوشين بالسالفه وتطلعيها ..
لاتخليني احجي الحمزة وهو يتصرف وياج .

يوسف راد يدخل يسكتهن سحبته من ايدة ..
-اوگف لاتدخل اريد اعرف شنو الضاميه علينا .
يوسف .. يخوي سوالف نسوان ليش ندخل روحنا ..
امير .. مو عوايدي اسمع سوالف النسوان والسالفه لو ماتخصنا ماوگفت وسمعتها ..

فاطمة .. شفتوا من احجي اني كلجن تگبن عليه .. بس مافكرتن بيه من ردتن تزوجن حمزة الياقوت وعندها اربع جهال وتجيبنها على گلبي ..
ماگلتن فاطمة شيصير بيها من يتزوج رجلها عليها ..
ام يوسف .. خية استهدي بالله منا البنات يسمعنج وبعدين سالفه راحت وانتهت وياقوت ماقبلت وبيومها گالت للشيخ اذا جبرتوني اعوفكم وامشي ..
والشيخ ماقبل ولعب جوله بعماتي لان فكرن بهيج شغله ..
فاطمة .. عگبيش . لمن زرعتن الفكرة براس حمزة وفتحتن عينه عليها وشمدريني مالسا بباله ويتمناها ..
ام حمزة .. ولج خايبه ماتنجبين منا العالم فضحتينا النرة كبرت وجهالها بطولها بعد ياعرس هذا ..
فاطمة .. لو يصير عمرها ستين هم ماانسى وعود خلي هي تجي تلگط تمنها العزيمة مو عزيمتي وابتلي بيها ..

طلعت وشافتنا بوجهها .. ارتبكت وماعرفت شتحجي ..
صاحت حوراء زينب تعالن وراي للبيت يله ..

ماحجيت وياها شي ..
بس عيوني كافيات انه يفهمنها غلطها وحجيها على امي ..
گتله يوسف اني رايح للبيت ..
يوسف .. امير السالفه قديمة لاتفتحها وانساها ..
امير .. بس اكيد اذت امي هسا .. ماشفتها شلون طلعت ودمعتها بعيينها ..
يوسف .. امير ولو مايصير اتدخل بخصوصياتكم .. بس امك كبرت وانت كبرت .. لاتتصرف كانه انت ابوها مو امها .. خليها هي الي تاخذ حقها وماتكست عنه ..
امير .. خوية امي فقيرة ومو مال مشاكل وهي جانت هيج تعلمنا ..
بس لو مالقهر والظلم الي شفناه قوانا وخلانا نعتمد على نفسنا جان هسا حالنا مثل حالها ..
يوسف .. بعد انت اعرف ..
امير .. اروح اشوفها وعود جيب گونية التمن انت ههههه
يوسف .. يعني طاحت براسي يله عمي تمون ..
امير .. غالي بعـلي ..

رحت للبيت شفت درة تشر بالملابس وضايجة ..
گرصتها من خدها ..
شبيهن اميرات گلبي ضايجات اليوم ..
منو الي مضوجهن اگلب الدنيا عليه بعـلي ..

ابتسمت درة .. ماكو شي حبيبي لاتشيل هم ..
دخلت الامي لگيتها تثرم ..
امير .. هاياام امير مو گلتي تعبانه واريد اتمدد
ياقوت .. الراحة مو الي يمة اذا انام معناها اقضي على روحي بالتفكير يله اگدر انام ..
امير .. ماعاش الي يخليج تفكرين واني عايش .. شنو الي مضوجج يمة بس اشري وگولي ..
ياقوت .. ااااه عساك طيب يمة من اشوفك انت واخوانك بخير انسى كلشي ..
امير .. يمة اني فكرت بشي واريد اخذ رايج ..
ياقوت .. گول يمة ..
امير .. يمة گبرنا وهذا المشتمل بعد مايوسعنا هالتشوفين اني واخواني كلنا بالهول ننام .. وانتي ودرة بالغرفه ..
ياقوت .. جا وين نروح يمة ..
امير .. اني فكرت اشتري قطعه وابنيها ..
ياقوت .. بس يمة منين تجيب .. واستحي اروح للشيخ واگله انطيني حصتي بالگيعان ..
اقسم گاعة التعب عليها واجازيه بالنكران ..
امير .. واني هم مااسويها وهو مامقصر ويانا كل شهر ينطينا حصتنا من المحصول ومن غير ماندفع لافلاحة ولابذور ولامصاريف ..
واني من ذاك الوكت الهسا مجمعهن وفوگاهن كم فلس من شغلي يجيبن عرصة ونبني الاساس والباقي اخذ xxxxي عليه ونكمله ..
ياقوت .. والله مااعرف شأگلك يمة بس لازم تگل للشيخ وتاخذ رأية يله ..
امير .. الشيخ عليه اني اقنعه لاتشيلين همة ..
المهم عندي انتي ترتاحين وماكو واحد يغثج ..
ياقوت .. محد غاثني هنا ..
امير .. يمة لاعبالج ماادري الي يصير لو مرت خالي حمزة وشنو سبب كرهة .
ياقوت .. منهو الگالك يمة لاعبالك اني… ..
امير .. لاتكملين يمة .. اني اعرف كلشي وانتي مالج ذنب بس مااضن ام عبدالله تنسى وراح تغثج بالطالعه والنازله ..
الاحسن نطلع وحدنا واصلا الوكت صار حتى يصير النا بيت ملك ونستقر بي ..
ياقوت .. بس حجيك صدگ انتو كبرتوا وباجر عگبه اريد اشوفكم عرسان ومكان ماكو ..
هيج امنيتي بيت جبير وكل واحد منكم اله غرفه وحديقه حلوة وكلها ازرعها بيدي ..
گمت بستها براسها .. ان شاء الله يصير الي ترديه وبعون الله مااقصر عنج ..
امير .. ادريك يمة گدها وماتقصر لاعني ولاعن اخوتك ..
درة .. ترى غرت اني صار ساعه تسولفون وتخططون وبالجذب ماصحتوني ..
امير .. تعاي لهنا تعاي .. شعدنا غير اميرتنا الصغيرة ..
طفرت بنصهم وحضنتهم ..
وامي تضحك علينا ..
اجة حيدر الغوار وراد يضوجني اجه بنصنا اني واني ويدفعني واني ادفعة ونضحك ..
وامير يضرب ويگله لاتضوجها ولك ..
ياقوت .. الله يحفطكم يمة ويخليكم گلب على گلب اريدكم هيج دوووم حتى بعد عيني ماتغمض ..
امير .. اوووه يمة اسم الله عليج العمر الطويل ان شاء الله
درة .. يمة لاتحجين هيج اضوج ..
حيدر .. مو جنه نضحك ليش گلبتوها كآبة ..
اندگت الباب اجة يوسف جاب الگونية ..
وگعدنا كل احنه خلينا صواني ..
وكل واحد تنطيه اني مقدار ويلگطة ..
واني خربانة ضحك عليهم ..
وامير كل شوية ويگول شنو هاي اذبها لو لا ..
اي شي غريب يذبة ..
وتالي امي ماثقت بيهم رجعت عليه مرة ثانية تلگط بي
بس سهرنا وتونسنا بيومها ..

للصبح گعدنا كل احنه من الفجر ..
الشيخ جاب طباخ ..
احنه علينا بس الخضرة والحشوة مال التمن والحلاوة نسويها ..
ونرتب الطرشي والروبة بالطوس ..
عازم هواي ناس ..
والولد لابسين دشاديش ورافعيها الخصرهم ويركضون من مكان المكان ..
تعيوا حيل ..
للغدا صبوا صواني كبار مفطح ..
تمن وعلية حشو وربع طلي ومرگة داير مدايرة ..
الشيخ نصب جادر بالشارع لان البراني ماتكفي ويگول مااريد صوت نسوان يطلع ..
طبعه من يجي خطار مايريد صوت نبقى نحجي بالحركات ونتهامس ..
لو اخذ البنات ونروح للمشتمل مالتنا ..
بيومها مرت خالي حمزة ماشفناها ابد ..
استغربت ..
ردت اسأل وسبقتني امي ..
ياقوت .. جا ام عبد الله ماكو ..
ام يوسف .. ها راحت الاهلها مالها خلگ وهنا هوسة ..

جانن بناتها ضايجات ويباوعن الامي بحقد ..
سألت سدن ..
اشرتلي نصعد فوگ الغرفه يوسف ..
صعدنا وهاي اول مرة اصعد الها ..
لأن طبعه مايحب احد يدخل غرفته ..
واني من اجيهم ابقى جوة .. مانصعد فوگ .
بقيت اباوع للغرفه جان كلشي بيها مرتب وحلو ..
نسيت شأحجي وي سدن وبقت عيوني تترقب كلشي بالغرفه ..
سدن .. درة درة .. شبيج وين بالج صار ساعه احجي وياج ..
درة .. ها ماكو شي .. اي ماگلتي شكو غمزتيلي نصعد
سدن .. وج مو يوسف البارحة بعد ماطلعت امج وامير سمع الحجي . ضاج وتعارك وي مرت عمو حمزة وبيبياتي وصلن السالفه العمو حمزة وهو ضاج وتعارك وياه وهي لمت ملابسها وطلعت من البيت زعلانه ..
درة .. اوگفي اوگفي مافهمت شنو الي صار وراي وشبيها امي وامير شنو دخله ..
سدن .. اوووف يعني متدرين واني لصتها ..
درة .. شنو الي ماادري بي احجي سدن خوفتيني معقوله تضمين عليه ..
سدن .. لا والله مااضم بس عبالي امير گاللكم ..
اني ماادري بالسالفه الا لمن البارحة مرت عمي حمزة سولفتلها والي فهمته ..
من جنتوا صغار اول مااجيتوا بيبياتي رادن يزوجن ياقوت العمي حمزة ..
لأن هن عدهن عادي الرجال يتزوج اثنين وثلاثة مو مثل تفكيرنا ..
بس امج رافضه والشيخ هم رافض ومتعارك وياهم وگايل محد يتدخل بياقوت وياخذ قرار عنها ..
وهذا الي مضوح مرت عمي من امج لأن عمي حمزة من فاتحوا بالموضوع جان مقتنع وراضي لوما امج ترفض .
واتذكر من جنا صغار هي اخذت عبودي وحوراء وزينب وطلعوا من البيت فترة ورجعوا بس مانعرف شنو السبب
درة .. معقوله كل هذا واني ماادري وامير شسوة من عرف ..
سدن.. امير ماحجة شي وطلع بسرعه من البيت بس يوسف ضاج وتعارك وياها ..
درة .. مااتحملت ونزلن دموعي معقوله امي وين ماتروح الضيم وراها ..
يعني هي شردت بينا حتى ماتنجبر تتزوج واجت لهنا وهاي السالفه لحگتها ..
شوكت امي ترتاح ياالهي ..
من هيج امير قرر يطلعنا بيت وحدنا ..
سدن .. شنو يعني تشيلون وين وليش .. تعودنا عليكم لاعفية ..
درة .. اني هم تعودت بس هيج احسن لأن اذا بقت امي هنا ماترتاح ..
وتدرين بيها فقيرة ..
ولاتخافين بعد وكت يله نشيل .. لأن امير يريد ياخذ قطعه ويبنيها ع مزاجة ..
سدن .. اكيد راح يطلع حلو اذا ذوق امير ..
درة .. احم احم عيونج فاضحتج ست سدن ..
سدن .. ولي لاتحجين هيج لايسمعج احد .. اي قابل اني درة تضوج اذا يوسف زعلها لو گالها انتي مثل اختي ..
درة .. واني ليش اضوج هو فعلا مثلا اخويه ..

بأثناء حديثنا ..
دخل يوسف ..
گمزت من مكاني ..
صفن علينا وگال .. اخواتي من رخصتجن اريد ابدل راح نروح ..
يله سدن حضري دشداشتي بين مااسبح ..
وانتي خوية امير يريدج حتى يبدل ..

درة .. طلعت بسرعه من الغرفه وگلبي يرجف هذا بس لاسمع كلامنا ..
لأن لزگ بكلمة خوية ..
نزلت ركض واشوف الماعين والصواني ماليه البيت ..
ياقوت .. يله يمة روحي الاخوج وتعاي بسرعه حتى نتغدا ونلم الماعين ونغسلهن ..

رحت للمشتمل عن طريق الباب الي بين بيت الشيخ وبيت ام حمزة ..
لگيت حيدر وعلي وامير خابصين الجو ..
يتعاركون ع الحمام ..
درة .. هاي شكو هنا لازمين سرة ..
امير .. ماتعرفين بحيدر اذا نام بالحمام شلون ..
علي .. ولك حيدر بسرعه الوادم راح تمشي واحنه بعدنا
حيدر .. هاي طلعت يله دخلوا اثنينكم ويضحك عليهم ..

درو حبيبتي قميصي مكوي لو لا ..
درة .. امممم اي مو اگول هذا الدلع غريب عليك الا اذا عندك مصلحة ..
حيدر .. ولج انتي روحي شنو القميص من عساه مامكوي هم ادلعج ..
درة .. امممم همزين طمنتني لأن صدگ القميص مالحگت اكويه وهاي مولدة وراح تلبسه بلا كوي ..
حيدر .. لا عليج الله وليش ماكوتيه ..
درة .. اي غير امشي بالسرة .. كويت دشداشة اموري وملابس علي .. وصلت الملابس انطفت هذا حظك مالي علاقه ..
حيدر .. خرررب وين اروح هسا .. الاوتي مايشتغل على المولدة ..
درة .. مااعتقد لأن مشغلين مبردات بالجادر واخاف تنگطع بس تكوي ..

يله عادي جيبيه احمي الاوتي ع النار واكوي جا شسوي ..
خوش فكرة اجيب الاوتي واجي ..
جبت ملابسه مكويات وبالتعلاگة شافهن تخبل وضحك .
ولج انتي تنصبين عليه ..
درة .. اي جا بس صارلك ساعه ناصب ع المگاريد ولازگ بالحمام ههههه ..
علي وامير تشمتوا بي ..
بدلوا وكملوا وطلعوا يخبلون ..
لو امير لابس دشداشة وطالع يخبل ..
هيبة وشخصيه ..
هو ويوسف خيطوهن سوة بالنجف ..
لأن همة يحبون يلبسون سويه ..
رحنا البيت الشيخ ونزل يوسف بدشداشته وهيبتة الي ماتقل عن هيبة اموري ..
عبالك توأم مو بس اصدقاء ..
بكلشي متراهمين ..
بقت عيوني عليه وصافنة ..
نزل وابتسامة. تارسة وجهة ..
امير .. ها اخوي كملت ..
يوسف .. اي طالع تخبل ضلعي ..
امير .. مو احلى منك اخوي يله خلي نشوف الشيخ وخوالي ..
قبل ليطلعون اتقرب مني يوسف وهمس شبيها اختي صافنة ..
ضجت حيل من كلامة وسحبت نفسي يم امي .. الي مابطلت تقرأ ايات وتدعي الهم ..
دخل الشيخ وخوالي وعبودي ..
-ها بوية كملتوا ..
-اي كملنا ..
-بعد مااوصيكم ييعد ابوي .. شيصير حجي لاتنفعلون وتتهورون .. مااريد تجيبون حجاية الي والأمكم ويگولون تربات مرة وماعرفت تربي ..
اريد يشوفون تربات ياقوت والشيخ شنهي بحجيكم بالمضايف ..
امير .. لاتشيل هم بويه ماعدنا حجاية بعدك ..
الشيخ .. يله نتوكل في امان الله ..
كلنا ردينا .. مع السلامة مودعين بالله ..

طلعوا واحنه بين مااتغدينا وكملنا تنضيف والماعين بس بقى بالنا يمهم وشراح يصير هناك ..

امير .. دخلنا المضيف واحد من الشيوخ الي مخليه وسيط بينهم ..
وجانوا جايبين كم شيخ من الولايات .. وعمامي وابوي وقاسم هم گاعد وقيصر. .

اول ما وگفت سياراتنا تلگونا ربع الشيخ الوسيط ..
وهم منبهرين بالسيارات والاجاويد الي نزلت منها. .
مشى الشيخ واحنه وراه ..
خوالي بيمنته واني ويوسف بيسرتة ..
والولد ورانا ..
وويانا شيوخ وزلام معگله هواي ..
دخلت الشيوخ گدامنا والاجاويد واحنه والشيخ دخلنا سوة ..
لسا ماتفارگني نضرات ابوي وعمامي ..
وجنهم يردون ياكلوني ..
ابوي خلص الگعدة كلها يستغفر وينفخ ..
اني جن ماشايفهم ..
المضيف جبير ..
واتعمدت گعدت بصف الشيخ ..

بالاول حجة شيخهم ..
وصلى ع النبي وقرأ ايات ..
ودخل بالموضوع ..
-شيخ مجبل احنه ردنا الگعدة صغيرة حتى تنفض السالفه وكلمن عندة حگ ياخذة ..
مو انتقاص بالاجاويد الجايه ..
لابلعكس وكلهم على راسنا . بس لأن الشغله عائليه وماتستجوب ..
طفر حاكم .. لا خلهم شيخ مكيف جايب الناس كلها حتى يفشل روحة ويصغرها جدامهم ..

شيخهم .. اگعد يحاكم ولاتگمز خلي الشيوخ تحجي بالاول وبعدين احجي العندك انت ..

شيخ مجبل .. لاخله شيخ خله يحجي ..
بس خلي يححي الي اله والعليه . ومايسكت لاعن حگ ولاعن باطل ..
لأن احنه مانسكت ..
وجيتنا هنا حتى الناس تعرف ليش اني ضامهم عن اهلهم مل هاي السنين مثل مايگولون اهلهم ..

شيخهم .. احجي يحاكم ..
حاكم .. شيخنا اني بيوم وليلة مالگيت مرتي ولاجهالي الاربعة ..
فص ملح وذابو من الولاية . خميت كل مكان ومالگيتهم اني واخوتي وولد عني نبشنا الولاية نبش ..
حتى ايسنا وگلنا ماتوا لو تزوجت وضحك عليها واحد ..
وتالي يطلع هالشيخ الي الناس تقدرة وتحترمة ضاحك عليها وضامها عندهم وغاسل دماغ جهالي وكبروا يكرهوني ومايردون اهلهم ..
مو جان المفروض من اجو اله ينطي علم الابوهم والاهلهم حتى لايضل بالهم هاي اذا جانت نيته سليمة مثل مايگول ..
قاسم .. اريد الشيوخ كلها تحكم عليه وتشوف طينته وناخذ حقنا منة وهو خاطف جهالنا وضامهم عنا ..

الشيخ الوسيط .. شنو ردك يشيخ مجبل على هالحجي ..
الشيخ مجبل .. اذا خلصت سالفتهم بعدها من احجي مايگاطعوني ويخلوني احجي براحتي مثل مااني سكتت عن حجيهم الماسخ وماگاطعتهم ..
حاكم .. شنو حجينا الماسخ ماتستحي ..
الشيخ الوسيط .. حاكم اتأدب ولاتقاطع وتغلط ع الاكبر منك بالعمر والمكانه ..
الشيخ مجبل .. يااهل الخير احنه اثنين ولد الابوي الشيخ مدلول وكلكم تعرفوه ..

الشيوخ .. الله يرحمة للشيخ مدلول والنعم منه ومن اصله ..
الشيخ مجبل .. اني واخت وحدة اختي اجتها قسمة بناحية…… وابوي ماجان يهمة المضهر والجاه .. انطاها بعد ماسأل عن الولد واهله زينين ..
اختي صارت عندها بنية وحدة وبعدها بس مالحگوا يكبروها والاجل اخذهم من وكت ..
الله شاهد ماعرفنا بأختي ميته الا لمن اندفنت ..
وابوي جان على فراش المرض ..
ومات بسبب حرگته عليها لأن ماتت قبله وماشافها ..
بعدها تگاومنا اني وياهم وطالبت ببنت اختي وماانطوها النا مرة ومرتين وبالاخير هددونا واشتكوا علينا ..
وماجان عندي حل غير بس امهم الحجيه ام قاسم الله يرحمها ..
انطيتها ورقه بيها اسمي وعنواني اذا بيوم ملوا من الطفله وزاد حملها عليهم يزون عليه لو يجبوها الي ..
بس ماسمعت بعد خبر ..
مرت سنين طويله وهمة مانعينا ومااعرف بنتي اختي عايشة لو ميته مرتاحة مامرتاحة كل هذا مااعرفه ..
بس جانت على بالي والله شاهد ومايوم نسيتها ونسيت حقها ..
الى ان بيوم اندگت الباب واجتني مرة صغيرة وشابه بس القهر والضيم ماكل عمر منها ..
ووياه ثلاث ازلام وبنيه ..
اي مو اطفال الي اجوني ازلام والدنيا مطلعتلهم گلوبهم لدرجة كارهين الناس وماعدهم ثقه بأحد ..
گالتلي يشيخ اني دخيله عندك .
واني وجهالي بشاربك ..
لاتگول الاحد على مكاني ..
واذا گلت مثل ماهجيت مناك اهج منك ..
گلتلها احجيلي قصتج يبعد ابوي وخليني افهم ..
حجيتلي وياريتها ماحجت زرفت گلبي من الشافته واتمنيت بيومها اروح واهد الولايه على راسهم لو ماهي محلفتني يمين مااحجي ..
الي صار هذا طليگها الي يحجي ويسولف بالرجوله ..
اخذ بيت ابوها منها وطردها هي وجهالها وتزوج عليها ..
وماعرف شأكلوا وشنو شربوا ووين ناموا ..
وهذا الثاني ابن عمها الي طردها من اجت واحتمت بي وساومها ..
لو تتطلگين وتتزوجيني لو مااخليج تدخلين بيتي ..
حاكم .. شنو هالجذب عيب تجذب وعگالك على راسك ..
هي الي انطتني البيت ماجبرتها واني وديتها الاهلي ماطردتها بالشارع بس هي عرمة وراحت تتخوتر بالشوارع وااحترمت سمعت اهلها ورجلها ولهذا السبب طلگتها ..
الشيخ مجبل .. احترم نفسك ولاتجيب طاريها بالعاطل ..
هاي جوهرة وماعرفت تصونها ..
وهذا اخوك يمك واسأله ليش شردت هي وجهالها ..
تدري منو الي انطاها عنواني وگالها اشردي ..
امكم ..
حاكم . امي مستحيل .. هي بجت دم عليهم من مالگينهم ودوم تون عليهم ..
امير .. شيخي اذا تسمحلي اكمل قصتنا اني وامي واهلنا الي ضلمونا ..
الشيخ مجبل .. اي يبعد ابوك احجي اضن ماكو واحد يجذبك وانت الجنت شاهد شيصير. .
وگدام هاي الاجاويد اني بعد مالي حجي وهذا يمكم ابنه الي مع الاسف يشيل اسم هيج واحد ..
الي تشوفوه گدامكم مو شاب بعمر الورد لا هذا زلمة وگف على حيله بتعبة وشغله وماراد عونتي وعونت الناس اله ..
اسمعوه واحكموا بينا ..
الشيخ الوسيط .. احجي وليدي ..
حاكم .. هههههه هذا جان طفل شمفهمة واكيد ربوه ع الحقد ..
امير .. مشيت بنص الديوان واحجي .. عمري بوكتها 13 سنه وافتهم كلشي يعني موصغير ..
الي تشوفوه هذا ابوي .. بس الي عمرة ماگاللنا بويه ..
جانت حجاياتة الحلوة هي عصته الي يضربنا بيها احنه وامي ..
خلى امي خدامة ومذلوله عند بيت جدي واذا اشتكت يضربها واحنه نشوف ونسكت لأن مابيدنا شي نسوي ..
اني من قهرها گالتله خلينا نطلع ببيت ابوي ونرتاح جهالي كبروا وعيب انضرب گدامهم ..
رد عليها وگال .. شتگول الناس علينا گاعد ببيت مرة ..
هزته هاي الحجايه بس ماهزته من يضحك على مرة وياخذ بيتها وحلالها ..
مو صوج امي فقيرة وانسانه من اهل الله ..
صوج الي يمكر ويغدر بيها ويجب مرة عليها ويطردها من بيت ابوها حتى يرضي الجديدة ..

حاكم .. گول انت شسويت واني طردتكم ..
امير .. ضربتها اي وماانكر ضربتها لأن ردت اخلص امي منها ومن شهرها ..
بس الضربه قوتها وزادت جبروت وخلتة يطردنا ..
رحنا العمامي وامي تجر بينا وبحظها العاثر ودمعاتها المانشفن من جفونها ..
ومن وصلت طلع عمي قاسم ..
الجبير والهيبه وبدل مايستر على عرضة وبنت عمة يطردها ويساومها ويخلي عينها عليها ..
صدگوني صعبه عليه هالحجايات واني احجيها وجن خنجر يزرف بگلبي ..
وجن اليوم رجع كلشي وصار گدامي ..
اتمنيت اني هيج عمري بذاك الوكت والوي ذراع كل واحد اذة امي ..
بقينا بالشوارع ماكو بيت الي يلمنا لجئنا للامام وگعدنا ثلاث تيام واجت جارتنا انسانه طيبه هي ورجلها اخذونا وراعونا وشافولنا بيت وگعدونا ..
اشتغلت وياه بالمحل وارجع اخذ الخبز الي اني تخبزة للناس بالحر والظهر للناس ..
امي الي مااتذكر مدت ايديها حتى توكلنا ولانزلت سمعتها بالگاع ..
ومرت الايام واندلوا طريقنا ورجع عمي النا بعد طلاگ امي بساعات ..
وبدأ يتردد وجنت حاس وراه شي الى ان هددها وجبرها اذا ماتتزوجة ياخذنا منها ..
وعمي طاغي وكلشي يسوي ..
وماجان حل عند بيبيتي غير تنطينا عنوان الشيخ وتخلينا نشرد بذيج الفجرية ..
شايفين واحد يشرد من اهله بسواد الليل حتى يحتمي بالغربة منهم ..
جنت اضن ذوله اهلي من قبل مااشوف الشيخ واهله ..
بس هسا عرفت اني جنت عايش بوسط اغراب وذيابة وهذا الزلمة هو ابوي وشيخي وتاج راسي ..
مشيت وبست راسة ..
وگلتلهم ..
مو يگولون وبالوالدين احسانا .. ولاتقل لهما اف ولاتنهرهما ..
بس الله ماقصدة على هيج ابو طاغي ومايعرف الرحمة الله قصد هيح انسان ربانا وتعب علينا وسوانا زلم ينحلف بأسمهم ..
اني مهندس واخوي محلل والثالث بالسادس وبوكت جنا عند ابوي راد يبطلنا ويگعدنا ..
عليكم الله وكتابة اريدكم تحكمون ..
حقنا من عفنا هيج بشر وعشنا عد الشيخ وكبرنا بسدة لو لا ..
حاكم .. ماتحجي قاسم هذا الحجي صدگ ..
قاسم .. واذا صدگ شتسوي مو انت طلگتها وماتريدها ..
الشيخ .. كافي ولكم وين گاعدين وتتناگرون ..
وهسا يحاكم شنو ردك على هذا الحجي ..
حاكم .. جاي تشوف شلون حاقدين علي وغاسلين دماغهم .. لو جايين وگايليلي بالي صار بيهم جان حميتهم بس امهم تصرفت واخذتهم وكرهتهم بيه وهسا اني مااريد بس بنتي ..
امير .. يابنتك ..
حاكم .. درة بنتي واريدها مني حقي اشوفها وتجي تگعد ببيت ابوها ولاتنسى شيخنا بنتي كبرت وشابه ومااريدها تگعد ببيت غريب ..

حيدر .. ياغريب هو انت يمته عرفتنا . والله اذا جابت طاري درة ادفنك ..
امير .. حيدرررررر اطلع برة . علي اخذة واطلعوا ..
خزرته وطلعوا ..
امير .. تحلم انطيها الك ودرة موصغيرة كبرت وتعرف وين تريد تعيش ..
الشيخ . خلص تروح وياهم وهناك تخيرون البنيه وتشوفها وين تريد بس ها مو بالاكراه برضاتها وقناعتها ..
امير .. راضي بحكمك ياشيخ بس بعدها نريد حقنا من الظلم الي شفناه وحق امنا الي اخذوه ..




بقلمي_الكاتبة_شمس
يتبع .....


لامارا غير متواجد حالياً   رد مع اقتباس
قديم 25-08-19, 04:38 PM   #17

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


//// البارت الخامس عشر ////
عجـاف_القلـوب ..
الكاتبـة_شمـس ..

رجعنا البيت الشيخ وويانا حاكم وقاسم وقيصر..
دخلهم يوسف للبراني واني رحت البيتنا ..
تلگتني امي ..
ها يمة بشر شصار ..
امير .. وين درة ..
ياقوت .. نايمة تعبت من الشغل هستوها نامت شتريد منها ..اني يمك
بس ماگلتلي شسويتوا وشگال ابوك وعمك ..
امير .. گعديها يمة اريدها بشغله ..
ياقوت .. شتريد منها احجي وجهك مايتفسر بس لا راح تنطي اختك الهم ..
ولك اموت ولااخلي بنتي تروحلهم .. ماتحجي شبيك ..
امير .. يمة شلون انطيها درة الهوا الي اتنفسة ..
بس لازم ناخذ رأيها ..
ياقوت .. ولك تحجي صدگ شتاخذ رأيها تگلها تردين ترحين لو لا ..
دخلوا علي وحيدر ..
-امير من كل عقلك تحجي بله درة وافقت تروح وابوك قنعها وقشمرها واخذها ..
امير .. اذا صار وگدر يقنعها معناها ماعرفت اربي ولاعرفت اختي كل هاي السنين ..
معناها تعبي راح بالخالي بلاش ..
ياقوت .. وشيفيد الندم اذا مشت بنتي وراحت وياهم اني هسا اگعدها واحجي وياها مااخليها تمشي ..
امير .. يمة بداعتي عندج ماتحجين وياها مااريد احد يضغط عليها گعديها تغسل وتلبس حجابها وتجي البيت الشيخ منتضريها ..
وانتو امشوا گدامي ..
يمة بعد مااحجي كلمة وحدة ماتحجين وياها ..
بس جيبيها وتعاي ..

درة .. نايمة وگعدتني امي. ..
امممم ها يمة والله تعبانه ..
ياقوت .. گومي خلي نروح البيت الشيخ اخوانج اجو خلي نشوف شسوو..
درة .. هسا يجون ونعرف ليش خايفه وضايجة
ياقوت .. گومي يمة ولاتشلعين گلبي ..
درة .. اي راح اگوم بس اغسل وجهي واجي وراج ..
ياقوت .. لا اني منتضرتج بسرعه ..
درة .. ترى يمة خوفتيني صاير شي اخواني بس لاتعاركوا وي ابوي وعمي شصار احجي ..
ياقوت .. درة شبيج موگتلح امشينا نفهم السالفه اني هم مثلج ماادري ..

گمت بسرعه غسلت ولبست حجابي ومشينا ..
دخلنا من باب المطبخ شفت البنات يصبن جاي ويوسف يمهن ياخذ الصينيه ..
صارت عيني بعينه اخذ صفنه طويله وجر حسرة ..
دخل للبراني ..
وبعدها طلع امير ..
ها درة يله تعاي ..
درة .. وين اجي غير خطار جوة ..
ياقوت .. اجي وياكم ..
امير .. لايمة انتي ابقي مااريدج تنغثين من شوفتهم ..
درة .. منو همة ؟؟
دخلت وشفت ابوي وعمي وقيصر والشيخ وخوالي ..
گام ابوي وفتح ذراعة ..

تعاي حبيبتي مشتاقلج واخذني بحضنة ..
حيدر .. شگد حيال خوش يمثل ..
امير .. اسكت لاتحجي ..
الشيخ .. اگعدي بويه هنا يمي واسمعيني ..
گعدت يم الشيخ وعيني على اخواني الي نضراتهم مافارگتني ومدري ليش احسهم مغثوثين ..
الشيخ .. ابوج وعمامج يردون ياخذوج يمهم واحنه گلنالهم مانتصرف اذا مانسألج ..
وانتي كبرتي وتگدرين تاخذين قرارج ومحد بينا يأثر عليج هاااا شگلتي بويه ..

بسرعه صارت عيني بعين امير .. دنگ وقبض اثنين اديه
بقيت اترقبهم واحد واحد بس محد خلى عينه بعيني ..
الا يوسف الي تجرأ وهز براسه معناها لا ..

درة .. يعني ابوي يريدني يمة نهائي لو زيارة ..
حاكم .. لا يمي وببيتي واعيشج ملكة هنا ببيت ابوج ومدللة ..
درة .. ومرتك تقبل ؟؟
حاكم .. هااا اي طبعا تقبل وبعدين هذا بيت ابوج مو بيت واحد ..
درة .. خوش اني موافقة اعيش وياك والعمر كله بس بشرط ..
رفع راسة امير وفتح عيونه مو الصدمة واخواني نفس الشي ..

امير .. ماصدگت اذني من سمعت درة گالت موافقه وحسيت گلبي وجعني واتمنيت تطعني بخنجر ولاتوافق ..
رغم جنت متأكد هي ماراح تعوفني وتعوف امي واخواني وتروح وياه ..

حاكم .. اي بوية گولي شتردين اني حاظر ..
درة .. ترجع البيت بأسم امي وتطلگ مرتك وتشمرها هي وولدها بالشارع ..
تقبل بهذا الشرط لو لا ..
حاكم .. بوية درة شلون تقبليها اخوانج صغار واشمرهم بالشارع انتي گلبج طيب وبريئة لاتخليهم يضغطون عليج ويقشمروج ويزرعون الحقد بگلبج ..
درة .. جا من طردتنا اني وامي واخواني واخذن بيتها ماگلت خطيه وصغار ووين يرحون ..
اني محد سولفلي ولاواحد خلاني احقد عليك بالعكس كلما اسألهم مايجاوبون ..
بس اني اتذكر كلش زين شلون طردتنا ومارحمتنا وحتى هذا الي اسمة عمي طمع بأمي وطردنا. .
شلون تريد اخون امي واخواني الي ربوني وتعبوا عليه واجي وياك ..
شنو الشفته منك واروح وياك ..
بحياتي مااتذكرت حنانك ولاخوفك عليه .. ولاكلمة بوية
جنت احجيها بيني وبين روحي حتى اسمعها ..
اني صح ماعندي ابوبس عندي اخوان رباني وخاصه امير صارلي اخو وابو بنفس الوكت.. من اوگع واگول اااخ الگيهم داير مدايري محاوطيني وحد يمسح دموعي وواحد يمسح ثيابي وواحد يطيب جرحي ..
وامي الي سهرت عليه وربتني وهملت روحها ولبستني ..
الي عندة هيج نعمة يعوفها ويروح وي الي تركوه من صغرة ..

اتقربت من اخواني الي عيونهم ترستها الدموع ..
وصرت بوسطهم وحضنتهم ..
روح بوية مودع بالله .. اذا بيوم احتاجيتني تلگيني لأن مااگدر اكرهك بس بنفس الوقت مااگدر انسى ضلمك واروح وياك ..

الشيخ .. اضن سمعتوا قرارها .. ومن كلامها عرفتوا هي مو صغيرة وتتأثر بالحجي .. ولو ماواعية وفاهمة ماحجت هيج حجايات اكبر من عمرها ..

حاكم .. اني ماراح اسكت واعوفج وراح ابقى وراج لحد ماتجين الي برضاتج ..
امير .. اعتقد سمعتوا شگالت وهسا بلا مطرود ومااريد اشوفكم بعد هنا ببيت الشيخ ..
ومثل ماگلت هسا اجة الدور ناخذ حقنا منكم ..
قيصر .. انت لو عندك غيرة مامخلي اختك بنص الغربة
امير .. روح بابا منا لااعلمك الغيرة شلون تصير .. ذولة الغربة اهلي وناسي وانتو الغربة بالتسبة النا ..

حيدر .. احمد ربك انت ببيت الشيخ لو بغير مكان جان علمتك الغيرة شلون تصير واخذ حگي وحگ اني واخوتي منكم مربع يله اطلع اطلللللع ..

اتقرب امير مني وباس راسي .. حبيبتي ودرتي هاي شوكت كبرتي وهيج تحجين اسمع ومامصدگ هاي انتي الي تحجين ..
درة .. شنو قصدك اني صغيرة وبعدين اني زعلانه منك معقوله تتصور اني اعوفكم وامشي وياهم ..
شلون هيج تفكرون بية ..
واگول امي ضايجة ومقهورة ..
ابد مااتوقعت هذا ظنكم بية ..
امير .. مستحيل افكر بيج غلط انتي تربات ايدي .. بس ردتج انتي تاخذين القرار بنفسج من غير ضغط ..
وتگدرين تگولين هذا اختبار ونجحتي بي معناها انتي كبرتي وبعد مااخاف عليج ..

حضني وطلعنا الأمي الي عيونها حمر من البجي ..
شافتني فتحت اديها وحضنتني ..
وتبوس بية وتشمني من كل جهة بوجهي عبالك جنت غايبه عنها سنين ..

ام مرزا .. ولج فلك طرج يياقوت خبصتينا وتبجين وهاي البنية بحضنج مو گلنالج اولادج ترباتج ومايروح رباج بلاش ياقوت .. مو بيدي عمة .. من اسمع بطاريهم اتسودن نسيتي شگد عانيت منهم ..
امير .. هاهي كافي بعد هاي الرزاله مااضن يجون ويوصلون ..
وعرفوا محد ينطيهم الحگ بعد سواد وجوههم ..
واذا رجعوا اعرف شلون اتصرف وياهم ..

دخل الشيخ ..
ها يبعد ابوي شبيج مكدرة وتبجين ولج انتي عندج ذهب صافي من الويلاد للبت. .
بعد ليش خايفه وتبجين ..
مادام انتو هنا محد يدوسلكم على طرف .. لجن اني اگدر اخليلهم حد ..
بس مهما يكون ذوله اهل ولدج وماردت تطلع العيبه مني رادوا يفاشلونة گدام العشاير ..
تالي طلعوا همة بسواد وجوههم ..

ام حمزة .. اي والله حجي هاي نفس حجاية امير هم هيج گال .. شحصلوا هسا همة غير الفضيحة وسواد الوجه ..
امير .. ابوي وقاسم مايخطون خطوة اذا مابيها مصلحة الهم .. ولاتصدگون يطلعون خسرانين بسهوله ..
بس حساباتهم تغيرت ومامشت على مرامهم ..

ياقوت .. خليهم بعيدين عنا وكلشي مااريد منهم ..
امير .. مو ضعيف يمة ومااگدر اخذ حگي واتنازل الهم بس مو هسا وداعتج البيت اخذ اضعافه منهم ..

الشيخ .. هاهي يبوي سدوا السالفه وخلونا مرتاحين كلشي بوكته حلو ..
بوية مرزا وين حمزة اريد اوديه الشيخ…. يگله بالي صار حتى يخليلهم حد ..
مرزا .. اذا تريد اني اروح بويه حمزة ماهو عندة شغل ..
الشيخ .. خير شني هذا الشغل الي ماصدگ تطلع الوادم واختفى علمودة ..
مرزا .. عندة خطار بالبيت ومشغول وياهم ..
الشيخ .. ولك دوهنتني خطار شني شغل شني ماتحجي شنو هيج كبرت وبعد مااعرف شيصير ببيتي ..
ومرته وين ماسفتها اليوم ؟؟

مرزا .. اخوت مرتة يمة يسولفون ..
ام حمزة .. لاتدوخ روحك حجي هاي مرتة من فلك طرها السانها متبري منها ..
وحمزة مااتحمل ووداها الاهلها ..

الشيخ .. وشلون ماتگلولي .. وليش مزعلها .. معقوله مايتحمل مرة .. شني من زلمة هو اذا يطرد مرته من خلاف صغير ..
ام مرزا .. حجي الخلاف مايخصهم .. مو وكت هالحجي منا الجهال ..

ياقوت .. يله يمة خلونا نروح ..
الشيخ .. وين رايحة انتي من البيت مو غريبه .
امير .. لا بوية احنه اليوم تعبنا وانتو هم لازم ترتاحون ..
نروح نرتاح وننام من وكت باجر دوامات عدنا ..
الشيخ .. ها بدأ الدوام بيها الخير عليكم يبعد ابوي .. هيج واشوف تخرجكم واسويلكم احلى حفله ..
امير .. دايم يبوي ماتقصر ..
يله يمة ..
مع السلامة ..
في امان الله يبعد ابوي ..

طلعنا واسمع الشيخ يگول .. وهسا فهموني ليش مرت حمزة زعلت وليش ياقوت وجهة انغث من جبنا هالطاري ..

اخذت امي واخوتي لأن ماردت واحد يعرف ..
وماردت احرج بيت الشيخ ..
صدگ اجة الوكت الي لازم نبني ونطلع ..
سوت امي عشا وجاي نتعشا ..
وگلتلها يمة وين تردين العرصة نشتريها
ياقوت .. بكيفك يمة بس كون موبعيدة عن بيت الشيخ
حيدر .. هذا حجي جديد شو ماادري ؟؟
درة… هههههه جا اني ادري قبلك ..
علي .. وهل يخفى القمر عليج . انتي الكل بالكل هنا
درة .. احم احم .. اصلا من تتزوجون اني اصير العمة مو امي واحكمكم حكم هههههه
امير .. تمونين يالغاليه ليش كم درة عدنا ..
حيدر .. بس مرتي خطيه على كيغج وياها بالشغل ..
علي .. واني هم مروتج مالي خلگ كل يوم مشكله وتتكافشن من الروس ..
ياقوت .. هههههه والله عندكم سوالف هسا دخلصوا جامعاتكم وازوجكم كلكم سوة ..
حيدر .. لا زوجي امير وعلي سوة اني بعدني ماشفت شي بحياتي حرام تسجنيني من وكت .
امير .. هههههه اني اصلا ماازوجك اذا ماتعقل

جاي نسولف وندگت الباب ..
فتح حيدر ..
دخل الشيخ ..
هايابة شلونكم ..
امير .. هلا بوية تفضل تعشا ويانا ..
الشيخ .. دايمة وليدي اتعشيت الحمد لله ..
اجيت اخذ من خاطر امك اذا احد غاثها بحجايه اريدها تمسحها بيه ..
ياقوت .. دايم بوية عساك سالم شلون انغث منكم وانتو اهلي ..
الشيخ .. اعرف الي صار من وراي .. بس سبق وان گتلج وهسا اگلج ..
انتي ماگاعدة ببيت واحد .. انتي گاعدة ببيت خالج ..
وتاكلين من خيرج وكد ابنج ..
ماكو واحد الة فضل عليج ..
امير .. بوية ماانريدك غير طيب وتبقى خيمة علينا ..
بس اني قررت اشوف عرصه قريبه منا وابنيها ونشيل ..
الشيخ .. اذا انت تگدر تعوفنا اني مااگدر اعوفكم ..
ليش تشلع گلبي يبعد ابوي ..
شلون انام وارتاح وانتو مو يمي وگبال عيني ..
امير .. على عيونا بعلي بس احنه كبرنا والبيت هذا صغير علينا .. واني راح اشوف مكان قريب عليكم حتى مانبعد وراح نبقى يمكم وشوكت ماتريدنا تلگانا ..
الشيخ .. اذا هيج الموضوع .. هذا حگكم وانتو كبرتوا بس خليني اني اساعدكم واشوفلكم عرصة زينة من معارفي ..
امير .. تشوفلنا عرصه اي بس فلوسها احنه ندفعها ..
الشيخ .. لاتخليني اگوم اطيح حظك ولك ليش هو اكو فرق بين الابو وابنة ولاتنسا اني مادافع شي من جيبي هاي فلوس امك مال محصول والگيعان الي لامهن الكم اجة الوكت تستلموهن وتبنون وتستقرون بيهن ..

بقينا كلنا صافنين بوجهة ..
-شبيكم صافنين .. اني اتعمدت ماطلعتهن ولاانطيتهن الامكم لأن جنتوا صغار وهسا كبرتوا وتعرفون تتصرفون ..
اشتري عرصه وابنيها .. لو تريد تاخذ xxxxي واساعدك والفلوس افتح بيهن المشروع الي ببالك ..

الشيخ يحجي واني مامصدگ واخيرا راح تنفتح بوجهنا واسوي كل الي جنت احلم بي ..
رحمتك ربي ..

الشيخ .. يله اني اعوفكم براحتكم وانت امير شوف باجر نروح تشوف العرصات ..
حتى اسحب الفلوس من المصرف وتتصرف بيهن ..
حتى ارتاح وينزاح الحمل عني ..
سنين واني خايف اموت وماموفي حقكم ..

كلنا حجينا .. اسم الله عليك ..
گمت بست راسة واني دموعة تجري من الفرحة ..
من اجينا لسا ماعرفنا شگد عدنا عند الشيخ ولاطالبنا بشي ..
بس من شفت المبلغ ماصدگت وحسيت روحي بحلم لدرجة حسيت انه الشيخ ضايف من عندة عليهن حتى يبرئ ذمته ..

ثاني يوم وصلت البنات للدوام ..
يدامون بأعدادية العروبة ..
درة جانت مامصدگة صارت بالاعدادية وكبرت ..
بس عيوني جانت تراقب سدن ..
ثگلها يعجبني ورزانتها ..
وهذا الي مخليني مطمأن على درة وياها ..
وبعدها رحت وي الشيخ نشوف العرصات ..
عجبتني وحدة 350 متر قاسمها عرصتين يريد يبيعهن بس اني اخذتها كلها وموقعها حلو .. بس مو نفس منطقه الشيخ لكن قريبة عليها ماتبعد هواي عنها ..
كل الي شفناهن صغار ومساحتهن 200 ونازل ..
واني تفكيري للمستقبل ..
اريد اني واخواتي وجهالنا كلنا ببيت واحد وامي بنصنا اريد اعوضهم عن العائله الي جانو يتمنوها ..
من صغري امنيتي نعيش سويه مثل بيت الشيخ. .
امي فرحت من سمعت ..
ثاني يوم تكاتبنا ودفعت الفلوس ..
اخذت امي واخواني الها تعجبوا من شافوها وبدوا يخططون ..
كل واحد يريد غرفته هيج شكل ..
جنت فرحان واني اسمعهم وبأذن الله مااقصر عنهم ..
..الفلوس الي مجمعهن راح ابني الاساس واخذ xxxxي ..
واذا عزت اخذ من الفلوس الي بقن من حصة اني وحلمي احققة اول وتالي بس تخلص هاي السنة ..
من فرحتي ولهفتي ماگدرت انتضر شفت مهندس شاطر ورسم خريطة حلوة ونفس حلم اخواني ..
غرفتين جوة الامي ودرة ..
والطابق الفوگ نفس الجوة بس ثلاث غرف مو اثنين ..
واهم شي الحديقه امي مشتهيتها من زمان ..

اني دوام وجامعتي بالكوفه اضطريت امشي ..
بس سلمت كلشي بيد يوسف والشيخ هم الي يشرفون ع البناء ..
اخوتي هم وصيتهم ..
اني ماجنت ابات بالاقسام اخلص الكلية وارجع ..
سيارة الشيخ عندي ..

مرت اشهر والبنيان شبه اكتمل بفضل الشيخ الي سهل معامله الxxxx ..
بس النواعم البقت هواي لبخ وصبغ والارضيه والكهربائيات هاي كلها وبعد هواي نواقص ..
وعدت امي للصيف تگعد بي ولازم اوفي بوعدي ..
بس الاوضاع بالعراق ماتطمن ..
وموزينة حيل ..
والي خايفين منه صار ..
بيوم من الايام ومن الفجر واحنه نايمين وسمعنا الغارة تطافرنا كلنا ..
الشيخ نبه محد يطلع ..
فتحنا الاخبار ..
شفنا اعلان الحرب ..
تأثرنا حيل وضجنا ..
الشيخ .. يبعد ابوي اسمعوني .. الوضع تخربط مدارس وكليات ماكو هالتشوفون الوضع ..
وهالمرة حاسها غير كل مرة ..
الي اريدة منكم ..
تلمون غراضكم على كيفكم ..
وباجر من الفجر نطلع للمزرعه ..
تاخذون النسوان والبنات هنا امن ..
ام مرزا .. وانت حجي ماتروح ..
الشيخ .. اني ومرزا وحمزة نبقى هنا ..
امير .. اذا بقيت بوية كل احنه وياك مانعوفك ..
الشيخ .. شگلت اني يبعد ابوي مو گلت لاتعاندون اني مااريد الناس تگول الشيخ مجيل شرد من اول غارة ..
راح ابقى هنا واساند محافطتي ..
واذا الوضع تخربط كلش اني اجي وراكم مااعوفكم ..
ام يوسف .. جا اني ابقى يمكم منو يطبخ هنا ..
الشيخ .. لا انتي روحي وي امهاتج وياقوت ..
حمزة يروح يجيب مرتة يمنا ..
حمزة .. بس بوية ..
الشيخ .. صار كم شهر معاقبها والوضع هسا يختلف روح جيب مرتك وام جهالك وخليها يمك ..
هاي دنيا مانعرف نموت لو نعدل ..

مرزا .. جا اروح وياهم باجر اوصلهم واجيب كم صندوگ من المحاصيل واجي تفيدنا هنا منو يگول اكو سوگ هنا ..
درة .. بدينا نلم غراضنا ضجت حيل لأن راح نعوف بيتنا ومدرستي ..
بس الي مريح گلبي اخواني وامي ويوسف يمي هناك ..
طلعنا من الفجر والغارات ماسكتت ..
وكل شوية مرعوبين ..
خالو مرزا الطريق كلة يوصي بالولد مايطلعون عن المزرعة ..
وصلنا للمزرعة ونزلنا الغراض ..
ورتبناهن ..
الغرف مو هواي ..
فكل مجموعة بغرفه والولد بالمضيف الخارجي گعدوا ..
للعصر كلها تجمعت اجن خالاتي كلهن منال ونضال واقبال وجهالهن ..
رغم لمة حلوة وانجمعنا بس بالنا يم الشيخ وهذا الي مضوج الولد ..
امير ويوسف لازمين الوضع كله ..
والبقية يفترون حراسات ..
البيت خنگة صار من الجهال والهوسة ..
طلعت وجان المغرب اتمشى شوية ..
وشفت خيال وراي طفرت ..
وگمت اصيح بسرعه سد حلگي شبيج فضحتينا ..
من سمعت صوته هدات ..
سحب ايدة . شعندج طالعه مو كلنا لاتطلعن ..
درة .. اختنگت بربك ادخل جوة وشوف الهوسة ..
يوسف .. ميخالف لازم نتحمل شدة وتگضي ..
درة .. صح هنا حلوة ومجموعين كلنا بس اشتاقيت للديوانية وبيتنا ..
يوسف .. بالعكس اني عندي هنا احلى قبل ماجنت اشوفج هواي ..هسا كل يوم وكل لحظة گبالي ..
درة .. ماافتهمت ..
يوسف .. درة اني احبج ..
درة .. شنو هالحجي اني رايحة ..
سحبني من ايدي .. درة لاتصيرين زعطوطة .. انتي كبرتي واني مو نيتي العب عليج اريدج مرتي وحلالي بس صارحتج هسا لأن مااتحمل بعد اريدح تعرفين نيتي اتجاهج ..
من يوم الي اجة ابوج وراد ياخذ خفت ترحين وياه واخسرج ..
لهذا هزيتلج براسي وطلبت منج ماترحين ..
درة .. بس اني بقبت علمود اخواني وامي ..
يوسف .. المهم بقيتي .. درة لاتفهميني غلط اني متردد افاتحج لان انتي اخت امير ومااريد اخون ثقتة ..
وهالحجي اريدة يبقى بينا الى ان تخلص هالشدة ولمن تتأكدين من مشاعرج ..
وصدگي اذا گلتي مااريدك انسحب من حياتج ومااضوجج .
هو يحجي واني احس وجهي صار جمر . مااعرف شصارلي ادية جمدن من الخجل .
حسيت واحد شافنا ومشا ..
خفت عفتة ورجعت للبيت اركض. .
ارتطمت بعبد الله ..
-على كيفج شبيج جن شايفه جني . اكو شي صاير ..
درة .. ماكو شي وخر خليني اعبر ..
عفتة ودخلت للغرفه وگلبي يدگ حيل ومامصدگة الي سمعته ..
معقوله يوسف يحبني .. اني اكيد بحلم .
يوسف الي يعتبرني مثل اخته وماحسسني بيوم بشي زين ليش هسا گالي وشمعنى اختار هيج وكت ..
حسبة تاخذني وحسبة تجيبني ..
دخلت سدن ..
ارتاحيت من شفتها جنت محتاجة احد احجيله ..



بقلمي_الكاتبة_شمس
يتبع .…



لامارا غير متواجد حالياً   رد مع اقتباس
قديم 25-08-19, 04:40 PM   #18

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



//// البارت السادس عشر ////
عجـاف_القلـوب ..
الكاتبـة_شمـس ..




كن عاشقاً .. ولا تتنازل عن أحلامك ..
حتى في اصعب الظروف لا تفقد ثقتك بالعشق ..
السعادة في أن تعشق ..

فـعندما يفاجئكَ شخص تتمناه في داخلـك ..
ويقوك لك : أحبك
تذهل لبرهة... ثم تبرد يداك.. ويشل تفكيرك... و يتردد لسانك..
يتملكك شعور غريب..
مزيج من السعادة .. والخجل .. والامتنان ... والثقة بالنفس...
ورغبة بالهروب.. رغبة مضحكة للهروب
ولن تملك جوابا إلا الحيرة
تشعر بأفق جديد في سمائك لم تنتبه له من قبل
وسيل من نور ينهمر من ذلك الأفق الساطع على صحراء قلبك ..
فلا تفوت هذه المشاعر واستغلها لتعيش اجمل ايام حياتك ..

بقيت متفاجئة ومصدومة من اعتراف يوسف ..
ماعرفت شنو ارد او احجي ..
جنت احس اكو جبل جبير بيني وبينه ..
وهالجبل بلحظة انهد وبانت مشاعرة ..
دخلت سدن ..
شبيج درة شفتج دخلتي مروعبة صاير شي ..
عبد الله جان واگف يحجي وياج ..
شگالج وهيج شكلج ..
درة .. ها
سدن .. شبيج درة شنو ها جاي اگلج عبد الله شسوالج ..
درة .. عبد الله ماحجة شي واصلا مافهمت شنو حجة ..
بس ..
سدن .. احجي ولج شكو ..
درة .. يوسف ..
سدن .. يوسف ؟؟ شبي
درة .. سدن يوسف گالي احبج معقوله يحجي صدگ لو يضحك عليه ..
سدن .. اي ادري ..
درة .. شنو تدرين شو ماگلتي ؟؟
سدن .. الصراحة مااتوقعت اخوي جريئ هيج ويصارحج بسرعه .. بس عفيه عليه والله .
درة.. من شوكت ..
سدن .. ههههه هاي سالفه طويله .. من جنة صغار جان يبوگ قراصات مني ويضمهن ومن امي تلگاهن بجنطته تحجي عليه وهو يگلها اريدهن الدرة ..
وامي تضحك عليه وتگله شنو تريد تنيشنها من هسا روح نشينها من مصرفك ..
وهذا من صدگ يشتري ويضم بالمجر لو يگلي روحي انطيها الدرة وگليلها هاي من يوسف ..
واني جنت اجي وانطيهن الج واگلج اشتريتلج قراصات من مصرفي ههههه ..
درة .. ههههههه تحجين صدگ معناها كل هداياج من يوسف ..
سدن .. لا ولج بس من جنه صغار .. بس مشاعرة بدت من كبرتي وهو كبر وبدأ يفتهم .
ابد مايوم گلي وصارحني .. خاف اگلج بس من نضراته اعرفة ..
ومن يوصلنا للمدرسة عينة عليج طول الطريق وانتي ثوله نايمة بالكتاب تراجعين ..
بس الي خايفه منه مشاعرج اتجاهة ..

درة .. شنو تقصدين ..
سدن .. درة انتي بعدج صغيرة صحيح


اني اكبر منج بسنتين ..
بس خلصت من هاي المرحله واعرف شنو اريد .. انتي شتحسين نفسج تحبين يوسف او لا ..
درة .. ماادري اذا احبه لو لا .. بس من اشوفه ارتاح وبيوم الي مااشوفه اضوج ..
ومن حوراء تتشاقى وياه اغار .. سدن اني عيوني انفتحت على يوسف ومااشوف احد غيرة گبالي ..
سدن .. وهاي مشاعرج متأكدة راح تبقى وياج للكبر ..
لاتفهميني غلط ..
بس انتي صغيرة خاف تكبرين وتدخلين جامعه وتتغير مشاعرج ..
مااريدج تتعذبين وتحسين بندم او تستمرين وياه حتى ماتخسريه وانتي ماراغبته مثل ماهو اخوية انتي اختي واخاف عليج ..

درة .. وانتي سدن مشاعرج اتجاه امير حقيقيه لو لا ..
سدن .. اميرررر .. شبي مافهمت ..
درة .. اني كبرت قبل عمري سدن .. لاتشوفين اخواني يعاملوني كـ مدللة عندهم ويخافون عليه ..

بس داخلي انسانه ناضجة وحساسة .. اعرف انتي عندج مشاعر اتجاه امير ..
وامير هم مشاعرة مو خاليه بس هو مو جريئ مثل يوسف او يمكن ينتضر الوكت المناسب حتى يكون جاهز ويخطبج ..

سدن .. درة تحجين صدگ .. يعني امير رايدني .. بس
درة .. شنو بس
سدن .. مااعرف خايفه .. لان تعرفين عمو حمزة من صغرنا وهو يگول زينب الامير وسدن العبودي ..
وطبعا اني مستحيل اخذ عبودي التافه ..
درة .. هههههه وگال حوراء اليوسف .. بس هذا حجي مو جنة اطفال مستحيل يگدرون يجبرون واحد بالزواج ..
وجدو مجبل حقاني ومايضلم احد ..
سدن .. اوووووف شوف وين جنت اني احقق وياج وانصحج وهسا گلبتيها عليه وخربطتي احوالي ..
درة .. هههههه شعبالج غير اني اخت امير ..
سدن .. هههههه بهاي صدگتي .. من اشوف امير احس جدو مجبل گبالي ..
ويمكن الهذا السبب حبيته يشبه شخصيته ويفرض راي ع المقابل من غير تعب ..
درة .. ويوسف هم لاتنسين همة تربوا سويه ..
سدن .. هاي شنو عيني من هسا تدافع الاستاذ يوسف. درة .. اسكتي شلون راح اباوع بوجهة بعد استحي ..
سدن .. ليش شبيها ..
درة .. يبووووو هو بلا كلشي وجنت استحي منه هسا شلون ماادرري ..

-منو هو… دخلت حوراء ..
سدن .. شنو جنتي تتصنتين ..
حوراء .. عدجن اسرار قابل .. وخايفات نسمع. .
درة .. لا شعدنا قابل ..
حوراء .. اي زين .. دگومن يله العشا جاهز وصبينا وانتن هنا ..

طلعنا اني وسدن .. جانوا فارشين السفرة على طولها بالهول ..
والولد كلهم گاعدين ..
صارت عيني بعين يوسف هو ابتسم ودنگ .. واني رحت للمطبخ بسرعه ..
وسدن خربانة ضحك عليه ..

ياقوت .. هاج الخبز درة وديه للسفرة ..
اخذتة ومشيت ..
وجنت مترددة ..
صار گبالي عبد الله سحبة من ايدي ولامسهن بسرعه وخرت ايدي منه ..
وابتسامة منه گال .. انطيني اني اوزعة ع السفرة ..

عفتة ورجعت للمطبخ ..
جانت سدن تجيب خواشيگ للزلاطة ..
صاحت خاله ام يوسف ..
يله بنات تعالن الاكل برد ..
راحت كلها واني مااعرف شلون راح اگعد وياه على سفرة وحدة ..

ردنا نطلع اني وسدن صار گبالنا يوسف ..
اشرلي ارجع للمطبخ.
باوعت السدن .. گالت روحي اني راح اوگف بالباب ..
سويت نفسي امسح بالميز ..
وهو يغسل بالمغسله..
-هذا شعندة وياج وليش لمس ايدج ..
-منو ..
-عبد الله .. حركاته ماتعجبني ..
-ماادري بس هو سحب الخبز مني ولامسهن بالغلط ..
سد الحنفية واجة بأتجاهي ..
جانت سدن تباوع ع الممر ..
اتقرب وهمس ..
-درة من اللحظة الي صارحتج بيها صرتي الي وملكي رغم لسا ماعرفت مشاعرج بس اخذت الجواب من عيونج
فالخاطري لاتخلين واحد يستغلج ..
وخليني گبالج بكل لحظة ..

صدگ ضجت من كلامة وحسيته ماواثق مني ..
-واني مو اي وحدة وياهو اليجي يستغلها ..
ومشاعري مو لعبه اني اخت امير وتعرف امير شنو ..
واذا عبد الله عندة شي فروح احجي وياه مو تحجي وياي ..
يله سدن امشينا ..
عفته ورحت گعدت يم امي ..
انتبه امير ..
ها درة حبيبتي شبيج ضايجة ..
ماكو شي بس راسي يأذيني ..
سلامتج حبيبتي هسا نخلص عشة ونشوف بلكي اكو صيدلية نجيب منها علاج ..
ام مرزا .. يا بيبي وين بهذا الوضع تطلعون .. اني عندي دوة مال وجع راس انطيها وتنام وترتاح ..
مااريدكم تطلعون ويصير شي ترى انتو امانة الشيخ عندي ..

كلها تتعشا وتاكل الا اني ..
جنت شبه انقش وغير كم خاشوگة زلاطة مااكلت ..
كلما ارفع راسي اشوف عيون يوسف وهنة يجدحن غضب ومافارگت نضراتة العبد الله ..

مااعرف ليش عبدالله احسة يتعمد يباوع ويضحك وخايفه لايكون هو الي سمعنا ويتعمد يغثنا ..

يوسف .. جنت محتاج اطلع مشاعري الدرة .. حتى مااخسرها واخلي ببالها ومن صغرها انه هي الي ..
وصدگ حسيت براحة من اعترفت بحبي الها ..
لأن وبهذا الوضع ماضامنين اذا نعيش لو نموت ..
وردت اخر شي تعرفه درة انه اني احبها ..
بس عبد الله نزع علاقتي من اول يوم وبسببة انفعلت عليها وضوجتها ..
حركاته ونضراته الها ماتطمن ..
وعبد الله واعرفه من صغرة اذا راد شي وخاصه اذا شافها عندي يبجي ويعاند ويعذب اهلة الى ان يجي ابوي ويگلي ..
-بوية هذا ابنك عمك وصغير واخيك انطيه هاي اللعبة واني اجيبلك احلى واحسن منها ..
واضطر انطيها ..
بس درة غير شكل ..
درة مستحيل اخلي واحد ياخذها من ايدي ..
تربت گدام عيني والي رباها امير ..
وصعب الگي وحدة بمواصفاتها ..

-كملنا عشا ورحت للمطبخ بسرعه گلتلهن صفن الماعين واني اغسلهن ..
وگفت سدن يمي وگالت ..
شگد حلو الجنه والحماية يغسلن سوة وتضحك ..
درة .. قصدج انتي الجنة واني الحماية ..
سدن .. ههههه الاثنين نفس الشي.
دضحكي شبيج گلبتي وجهج .. غير يحبج ويغار عليج ..
درة .. بس مو هيج يعاملني مثل الطفله ..
يعني بربج ماصارله ساعتين من گال احبج وحتى مارديت عليه شبسرعه لحگ يتحكم بيه ويحجي هيج وياي ..
سدن .. دسكتي هسا مو وكتها بعدين نسولف ..
شوفي العيون والاذان كلها يمنا .

غسلنا ماعين ونضفنا المطبخ والبيت ..
ودخلنا للغرفه ..
كلمن فرشت فراشها وتمددنا سوالف وضحك النص الليل
بس بيبياتي خطيه بالهن يم جدي ..
ووحدة تگل للثانية ..
هسا اكل
اخذ دواه
منو يصفط هدومة
منو يغطيه
منو ينطيه ماي .. ومنو ومنو ..
واحنه خربانين ضحك عليه .. ومانعرف شنو سر هيج حبهن اثنينهن اله وبنفس المستوى ..
مانحس وحدة تحبة اقل من الثانية ..
سدن .. والله زين هاي لو اني شريجتي تحجي هيج على رجلي جا كفشتها ..
ونضحك من غير وعي ..

مر كم يوم والاوضاع تزداد سوء ..
والاخبار ماتطمن ..
وزاد خوفنا على الشيخ وخوالي ..

اما يوسف فكنت اتجنبه ومااباوع حتى بوجهة من جهة اخجل واستحي ومن جهة ماخذة على خاطري منه ..

كملنا غدا والكل دخل يرتاح وياخذ قيلوله ..
دخلت سبحت وطلعت ..
لگيت سدن بالباب واگفتلي ..
-درة تعاي وياي ..
-وين
-تعاي اراويج شغله بالمزرعه تعجبت من شفتها ..
-شكو غير افتهم ..
-دتعاي ..
سحبتني من ايدي والمنشف على راسي وشعري ينگط مي ..
اخذتني ورى بيتنا ..
وانصدمت من شفت يوسف ..
لابس دشداشة ورافعها حول خصرة ..
مخلي جراوية لافها ع راسة ..
شكله حيل حلو ..

درة .. وج سدن وين جايبتني منا اخواني لايجون ..
سدن .. محد يجي كلهم نايمين بالبراني واني راح اوگف اراقب شوفيه شيريد بسرعه وتعاي اكل گلبي اكل ..
درة .. لا حبابة سدن لاتعوفيني ..
سدن .. ولج شبيج قابل راح ياكلج .. اذا تعزيني شوفي شيريد لان يبقى يلح على گلبي ..

اتقدمت بخطواتي وهو هم اجة بأتجاهي ..
وصل يمي ..
-ليش تشردين مني .. هالگد ضايجة مني ..
سكتت ومارديت وجنت افركـ بأصابعي من التوتر. .
-باوعي بعيوني خليني اشوف عيونج ..
-يوسف عفية لااخواني يحسون ..
-درة مااتحمل بعد ..
رفعت عيوني اله .. جان مو ذاك يوسف الي ينهى ويأمر احسة انسان ثاني ..
-درة هاي الدرر الي بعيونج تذوبني .. ومااتحمل اشوفهن ذبلانات وضايجات ..
-اني ماضايجة بس المفروض ماتحجي هيج وياي حسستني اني طفله ومااعرف اتصرف ..
-ولج .. اي اريد اگلج ولج .. ولج انتي طفلتي بس مو استصغار بيج بس اريد اكبرج على حبي وطبعي ..
واموتن اذا شفت عيون غير عيوني تباوع عليج ..
درة اني احبج بگد رحمة الله ..

هو يحجي واني مدنگة مااعرف شأحجي وشأجاوب ..
-احجي لاتسكتين .. اريد اعرف اني شنو بالنسبة الج
يوسف اله مكانة بگلبج لو لا ..
اتقرب اكثر مني ابتعدت عنه ..
-خايفه مني .. لاتضنين يوم المس شعرة منج اذا ماتصيرين حلالي ..
ماانكر هسا ودي امسح قطرات الماي الي ينزلن على خدودج لأن غرت منهن ..
بس مااريد ايدي تلمس هالوجه البريئ ..

جان هو يحجي واني احس روحي ماعت ورجلي مايوگفن بعد ..
-اني راح اروح لايجي احد ..
-بس طمنيني وريحي ببالي انتي تحبيني ..
ماگدرت اگله او احجي احس اللساني ثگل ..
-انطيني امل يبنت الناس وريحي گلبي .
عندي امل بحبج الي .. يجي يوم وتصيرين درة يوسف وحلالة ..

صاحت سدن .. درة يله بسرعه مدري منو طلع ..
ردت امشي گال حتى لو تهزيلي راسج ..
ابتسمت بوجهة وهزيت راسي بمعنى اي ..
ومشيت عنه هو ضحك وفركـ وجهة ..
سحبتني سدن ومشينا رجلي ماتمشي بعد مدري شبيهن ..
دخلنا للبيت صار بوجهي امير ..
ارتبكت واتغيرت ملامحي ..

امير .. وين جنتن ..
سدن .. ها نتمشا الشمس حلوة ..
امير .. درة هيج طالعه ..
درة .. ارتبكت .. هاااا
امير .. شلون من الحمام وتطلعين وبالمنشفه مو تتمرضين وشعرج ينگط ماي ..
حتى مستشفى ماكو بعيدة ..

ارتاحيت شويه . عبالي كشفنا ..
-يله ادخلن جوة ..
دخلنا بسرعه ..
وگلبي بين فرحان الكلام يوسف وبين ضجت لأن احس روحي غلطانه بحق امير ..
شلون اخون ثقته هيج ..

مشطت وكملت ..
سدن .. شوكت اخوج يحس ويتعلم من اخوي ههههه واني حتى الهندسة اتمنيتها بسببه ..
درة .. هههههه هو راح يتخرج بعد ماتلحگين عليه. .
سدن ؟؟
اني ضايجة ..
سدن .. درة ليش ؟؟ بعدج ضايجة من يوسف معقوله ماراضاج ..
درة .. لا مو من يوسف . بالعكس فرحانه من سمعت كلامة وتأكدت من حبه .
بس ضجت شافنه امير وجذبت عليه ..
بحياتي مامتعودة اجذب عليه واضم عليه ..
سدن .. درة ليش مكبرة الموضوع .. هذي مشاعر خاصه بيج انتي مامسويه شي غلط ..
الحب مو حرام اذا جان طاهر ..
بس اذا تعدى الحدود ذيج الساعة نگول حرام وعيب ..
درة .. اي صحيح


بس امي گالت الحب بس للرجل والمرأة لازم تضم حبها الرجلها ..
سدن .. ويوسف وعدج .. وتدرين بوعدة انتي مايخلفه
من گالج نيتي زواج يعني هاهي ياخذج وغصب ع الكل ..
مو لأن اخوي وادافع اله ..
بس ذولة تربات جدي وتعرفين حدي شلون يربي. .
درة .. سدن صحيح


ماعندي اخت بس الله يحبني الرزقني بيج ودور تصيرين مرت اخوي .. هذا اسعد شي بحياتي ..
سدن .. هههههه خاف نضل نتعارك كل يوم وتكرهيني ..
درة .. لا مستحيل اتعارك وياج بس نتفق من هسا انتي داري اي وباريها واني اداري امج واباريها ..
سدن .. هههههه خوش اتفاق . ولو اخاف امهاتنا هن الي يبارنا من نتزوج ..

حوراء .. هالايام هواي تتختلن الله يستر من لمتجن ..
سدن .. يعني ماتعرفين تدگين الباب دوم تفتحيها بسرعه حوراء .. اولا هذا مو بيتج وغرفتج ولازم ندگ الباب تدرين كلنا گاعدين سويه ..
وثانيا .. گلبي لاعب منجن واحس وراجن مصيبه لهذا عيني عليجن ..
سدن .. شبيج حوراء ليش هيج تتعاملين ويانا ولاعبالك بنات عم واخوات ..
حوراء .. حاجي نفسج من يوم الي فضلتي الغريبة علينا
دخلن بنات خالاتي منال ونضال واقبال ..
هن اصغر من عدنا بس حبابات حيل ..
وگعدنا كلنا سوية سوالف وضحك ..
جانت هذي حياتنا بالمزرعه.
مرت ايامنا بين طبخ وتنضيف ونوم ماكو شي نسويه ..
والولد يطلعون للمزرعه يشتغلون وي ابو محمد وابنه
لأن يملون ويضوجون ..
ويرجعون تعبانين ..
ويبدأون يتعاركون ع الحمام ..

مرة نزعوا ملابسهم بعد ماغسلوا ..
بالعادة كل وحدة بينا تغسل ملابس اخوانها ..
بس جانت سدن مشغوله ..
گلتلها انطيني دشداشة يوسف اغسلها وي ملابس اخواني عادي ..

جنت بالحمام والباب مفتوحة وجاي اغسل بيهن ..
مااعرف شنو الي خلاني الزم دشداشته واقربها الخشمي عطرة جان مميز ومختلف ..
ردت اطبع ريحته بذاكرتي ..
اول مرة احس بهيج شعور .. وكأنه عطرة بداخلي من زمان ..
فزيت على صوت عبد الله وهو يدگ بالباب ..
شافني او لا مااعرف ..
بسرعه شمرت دشداشة يوسف على جهة ..
وعدلت گعدتي ..
جنت لافة الحجاب على راسي مثل العصابة ..
ورگبتي مبينه واني رگبتي طويله وبيضه ..
ماحسيت على نفسي الا لمن شفت نضراته ..
بسرعه سحبت الحجاب ونزلته على رگبتي ..

درة .. ها عبد الله شرايد ..
عبدالله .. عندي ملابس تغسليهن الي ..
درة .. واخواتك وين ..
عبد الله .. نايمات خطيه اگعدهن وشفتج لامة ملابس البيت كلهن وتغسليهن گلت اكيد مايأثرن ملابسي عليج ..

درة .. وين ملابس البيت هي بس ملابس اخواني ..
عبد الله .. هااااا يعني يوسف من ضمن اخوانج موووو ريحتيني .. جنت ماخذ غير فكرة ..
درة .. شقصدك ؟؟
عبد الله .. بالوقت المناسب تعرفين ..

سمعت صوت امير وراه .. شنو الوقت المناسب اكو شي تريد تگوله ..
جانت نضراته بعصبيه ..
عبد الله .. لا ماكو شي .. بس طلبت تغسل ملابسي وي ملابسكم بس ماردت اتعبها كافي يوسف ماعندة احساس وانطاها ملابسه ..

امير عكف وجهة وگاله .. واذا غسلت ملابسها مثل ماانت اخوها هي هم اخته ..
ويله وگفتك يم الحمام مو حلوة ..
عبد الله .. اي صح كلنا اخوانها .. ضحك وراح ..

باوعلي امير ..
گتله .. والله ماگتلة هو وحدة يحجي وهاي سدن طلبت مني… .
قاطعني… . لاتبررين حبيبتي اعرفج شنو انتي ..

احس كلامة يأذيني ..
عقلي وضميري يأنبني لأن ثقتة بيه عمية واني ماصنتها
وگلبي يعاندني ويگلي انتي مامسويه شي خطأ .. يوسف يحبج ويخاف عليج من الهوا لدرجة يخاف يلمس خدودج لاتتأذين ..
بقيت بصراع بين ضميري وگلبي والتناقض الي عايشتة

يوسف .. سبحنا وفرشنا بالبراني وگاعدين نسولف اني والولد وانتبهت على عبد الله ماهو ..
نغزني گلبي ..
گلتله امير ماتخلينا نروح نشوف بيبياتي ماشفتهن اليوم
هو يستحي يدخل للبيت ..
گتله گوم يمعود هو انت غريب والبنات كلهن اخواتك ..
دخلنا ..
وشفت عبد الله بباب الحمام منتجي ودرة گاعدة تغسل ملابس ..
ردت بساعتها اروح اخليله حد لأن تخبلت ..
بس امير وياي ماگدرت احجي ..
بس گتله ..
هذا عبد الله شعندة هناك واگف ..
هم هو ماقصر طلع اضبط مني بالغيرة عليها..
من سمعت شلون يحجي وي امير ..
اتأكدت هو الي شافنا بالليل ..
والي يسويه ردة فعل طبيعية مثل كل مرة ..
كل مرة مااضوج من يخلي راسة براسي على اي شغله
بس هسا جاي يعاند ويساومني بدرة ..
بأغلى شي عندي ..
لازم احجي وياه لأن اذا سكتت راح يستغل الوضع ..

انتضرت لليل واخذتة برة البيت وحذرتة بطريقه هادئة
يوسف .. عبد الله مااريدك بعد تدخل للبيت مناك بنات عماتي وبناتنا ويتقيدن من عدنا ماتشوفنا احنه بالبراني انت شعندك كل شوية داخل ..
عبد الله .. اي صح انت ماتدخل بس تسحب جماعتك برة وتاخذ راحتك ..
يوسف بغضب .. شتقصد ولك ..
عبد الله .. سد الموضوع احسن يوسف لأن الي تطلع متضرر وخاصه اذا سمع امير ..
خوتكم هاي الي متباهي بيها بدقايق اگدر انهيها ..
وتدري بمعزة درة عند امير واخوته والله يگطوعك وصل وينتهي كلشي ..
يوسف .. شنو تهددني انت .. لاعبالك خفت وامير مو عقله مثل عقلك ويحسب الامور غلط ..
عبد الله .. تريد اجرب حظي واشوف .. وبعدين احسن الك ابتعد عنها ترى الفرق بينكم جبير وهي طفله اذا قشمرتها اليوم وباجر ..
فمن تكبر يمكن تشوف غيرك وتعوفك ..
او يمكن اكو غيرك يستحقها اكثر ..
مو كلشي تريدة يصير الك..
يوسف .. هههههه مو جديدة عليك الخسة والنذاله .. اذا انت متعود تاخذ شي مو الك ..
فأني هالمرة اوگف بوجهك ومااسمحلك توصل الغايتك ..

بقى عبد الله يحجني ويستفزني الى ان دفعته حيل ردتة يسكت بس هو تجاوز وراد يمد ايدة ..
ضربته ..
رد الضربة ..
اجة امير والولد صاروا بينا ..
وگاموا يحجون علينا ..
رجولة عماتي هم حجوا .. وگالوا الوضع مو زين واحنه حايرين بالجاي شلون ..
جدكم وابهاتكم هناك وحدهم ..
وانتو تتعاركون ..
عبد الله تعصب وصاح محد اله دخل عليه ومحد يتحكم بيه غير ابوي وجدي ..
انتو منو وتعلون صوتكم عليه ..
رجولة عماتي ضاجوا ..
وعماتي گامن يحجن ..
هو اخذ السيارة وجان السويج بيها وحرك وراح ..
ركضنا وراه مالحگنا ..
وجانت هاي السيارة الوحيدة الي عدنا بالبيت ..
مشينا البيت الفلاح ابو محمد ..

امير .. عمي محتاح التيوتة مالتك بسرعه ..
ابو محمد .. خير بوية صاير شي ..
امير .. لا هيج شغله صغيرة ..
اخذها امير وطلع بيها ..
صعد وياه رجل عمتي منال ..
وماقبل يروح واحد بعد ..
امير .. ارجعوا انتوا للبيت يم النسوان لاتعوفوهن وحدهن
احنه نشوفه وين راح ونرجع ..
يوسف .. امير دير بالك .. هذا اثول متهور ..
امير .. اعرفه متهور ولهذا لاحگة بس جان المفروض انت تتحكم بأعصابك يخوي مو وكت مشاكل احنه .
يوسف .. افة عليك امير تعرفني كلش زين اني مال مشاكل بس هوو.
رجل عمتي .. مو وكت هذا الحجي امير امشينا ..

مشوا وبقى بالي يمهم ..
الوضع مو زين والحد العصر سمعنا الديوانية راح تسقط اذا مو اليوم باجر ..
والخوف زاد ..

صارت عيني بعين درة .. درت وجهي ومشيت مااتخيل نفسي صرت بهيج موقف واي شي يصير على عبد الله راح اني الي انلام ..
لأن مهما يكون اني اكبر منه ..
ولازم اتحكم بنفسي ..
وضجت اكثر لان امير ورجل عمتي راحوا وراه .
امير اخوي ومااتخيل يصيبة مكروه بسببي ..

دور اجت ام محمد وخبلت بيبياتي والنسوان وگالتلهن الديوانية سقطت بيد الامريكان ..
خلتهن يتسودنن ..

مااتحملت اسمع لومهن وحجيهن ..
طلعت ورى البيت ..
رفعت راسي للسما واتأمل النجوم ..
سمعت صوت وراي ..
التفتت هاي درة ..
بيدها گلاص جاي ..

ضحكت الها ..
تدرين اجة بوكته ..
درة .. اعرفك تحب الحاي وخاصه اذا ضجت ..
يوسف .. وهسا عرفتي ليش حبيتج ..
درة .. ههههه لان سويتلك جاي ..
يوسف .. ههههه هاي قويه ..
درة .. بسببي تعاركتوا مووو
يوسف .. لا معليج انتي بس هو تمادى واستغل غياب جدي وابوي وعمي فتهيلگ ..
درة .. خايفه على امير .. ودور هاي ام محمد خوفتنا اكثر ..
يوسف .. ادعي يرجعون بالسلامة اني راح اتخبل اكثر منج ..
لاتخليني هسا امشي مشي الهم ..
درة .. لا يوسف .. كافي بالي يم امير وخايفه عليه ..
مااريد افكر بيكم اثنينكم ..
يوسف . . تخافين عليه ..
درة .. جا شلون مااخاف ..
يوسف .. تدرين مرات اغار من اشوفج تحبين امير وهو يغازلج ويگلج حبيبتي ..
احس هاي الكلمة لازم اني اگولها الج ..
درة .. اوووه يعني راح تخلص عمرك كله تغار .. لأن امير هو فعلا حبيبي وماكو واحد ياخذ مكانة ..
يوسف .. خررررب .. لاتخبليني .. مو گلت اغار يابة اغار افهمني ميت من الغيرة ومشتعلين اهلي وانتي تگولين امير حبيبي ..
درة .. ههههههه ..
يوسف .. اشتعلت عشيرتج .. دگومي يبنت الناس لااتهور بهالليل ..
درة .. اني اصلا گايمة اشوف امي راح تموت من القلق
وانت گوم يم الولد لاتبقى وحدك هنا ..
يوسف .. شوية وجاي ..

رجعت للبيت مگلوب ..
وامي تدعي وتقرأ ايات ..
البيت كله متوتر ..
وخايفين ..
بقينا للفجر وماكو خبر .
يوسف گال راح اطلع للشارع العام اشوف سيارة وامشي اشوفهم وين ..
رجولة خالاتي ماقبلوا ..
گالوا خلي يطر الفجر ويطلع النهار اذا مارجعوا نمشي ندورهم ..
لاتخلونا نتشتت ..

طلع النهار لبسوا وطلعوا يدورون على امير والبقية ..
حسيت نفسي ضاگ وضجت شگد حاولت اصبر على نفسي واهدي بأمي بس من شفت الصبح مااتحملت ..
وگمت ابجي واتخبلت ..
لا ياالهي كلشي ولاامير اخذ من عمري وانطيه بس لايصير بي شي ..
امي تخربطت وحرت بيها ..
البيت نخبص كله ..
شوية وسمعنا اصوات سيارات ..
تراكضنا للباب ..
شفنا الشيخ مجبل وخالي حمزة ومرتة وعبدالله
وسيارتين البقية الخالي مرزا وامير ورجل خالتي منال ..
حسينا الدنيا ردت النا من شفناهم ..
رغم الشيخ جان مغثوث وضايج ..
وگال الديوانية خلص انتهت وسقطت ..
الشيخ مجبل يحب بلدة حيل ..
وجان يگول اخذ سلاحي واحارب ولااخلي امريكي يدوس گاعنا ..
بس شائت الاقدار والامور راحت عن السيطرة بسرعه البرق ..




بقلمي_الكاتبة_شمس
يتبع .…


لامارا غير متواجد حالياً   رد مع اقتباس
قديم 25-08-19, 04:42 PM   #19

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


//// البارت السابع عشر ////
عجـاف_القلـوب ..
الكاتبـة_شمـس ..

تنويه / الاحداث الي راح تجي من سنة 2003 وسقوط بغداد الى الان ..

بعد مااجو وطمئنينا عليهم. .
دخل الشيخ وعيونة ذبلانة .. وجن ساهر الليل كلة ..
سلم علينا وخالاتي وكلنا بسنا واديه وراسة ..
ام مرزا .. يله يمة زهبن الاكل وسون ريوگ ابوجن تلگنه جوعان وتعبان ..
الشيخ .. لا اعذروني هالمرة تعبان واريد انام ..
دخل ينام وجانت هاي اول مرة يعوف العايله من غير مايجمعنا على سفرة وحدة ..
جان حزنة على اوضاع العراق جبير وهاد حيله ..
وطنيته مختلفه عن الجميع ..
وانسان عادل رغم كان عندة اتصال بالحزب والكل يحترمة ويناقشة بشؤون المحافظة ..
بس عمرة ماغدر احد او اذى احد ..

ام حمزة .. ولج فاطمة شفتي شلون ابنج المصخم شلشنا بالليل واخذ السيارة ووله وخلى الولد تتخبل وامير سودة عليه لحگة وبهذا الوضع ..

فاطمة .. عمة ابني شعليه شوفي منو الي استغل ابوه وامة ماموجودين وتهجم عليه لو دايما تفرقون بين ولدي وولد غيري ..
ام حمزة .. ولج منو الضاربه غير هو الي تعارك وي يوسف وهو اخوه واكبر منه ولازم يحترمة ..
بس گولي هذا ترباتج ودلالج ماصنعوا منه رجال ..
فاطمة .. مخليه الزلم الجن .. من هاي خاتلين بالمزرعة ..
ام مرزا .. اسكتي خيه اسكتي .. هاي ماكفنها كم شهر الي رادت تتطلگ بيهن عبالنه عقلته بس جنها تسودنت اكثر ..
ام حمزة .. ولح فطيم ماجنتي هيج .. بس الظاهر الشيخ غلط من گال الحمزة جيب مرتك ..

ماعجبها الحجي اشرت البناتها ودخلت ..
امي اشرتلي ورحنا للمطبخ حضرنا الريوگ ..
واني بالي يم هدوء الشيخ ..
اخاف ياخذ عليه نضرة موحلوة ويطلعني السبب بعركة الولد واذا وصلت السالفه الامير شلون راح اخلي عيني بعينة ..
حسبة تاخذني وحسبه تجيبني ..
صارت عيني بعين سدن اشرتلي شبيج ..
هزيت براسي معناها مابيه شي ..
اجت سمر بنت خالتي منال ..
گالت جنت يم ابوي وامير گال صيحيلي درة ..

اني سمعت حجيها الخوف اخذني ..
لفيت حجابي ومشيت ..
شفت الولد كلهم جاي يتريگون وخوالي وياهم ..
شافني خالو مرزا ..
هلا درة بوية تعاي ليش واگفة بالباب ..
امير .. اني صحتها وگام ..
اجة بأتجاهي بسرعه عيوني صارن على يوسف الي مدنگ ومبين عليه ضايج ..
زاد خوفي اكثر ..
وصل امير يمي ..
واني ارجف من الخوف .. مااريد اصغر بعينه وهو يثق بيه ..
سحبني من ايدي وعصرهن بأثنين اديه ..
ضمهن بين جفوفه .. شبيج حبيبتي ليش ترجفين بردانة ..
درة .. ها اي يمكن ..
امير .. خاف مريضه
درة .. لا مابيه شي بس لأن جنت اغسل ماعين ..
امير .. جا ادخلي لاتبردين اكثر ..
درة.. شردت مني ؟؟
امير .. ملابسي وصخات ولو انتي تعبانه وراح اتعبج وياي .. بس هسا سبحت وبقن بالحمام فشله من البنات حتى اذا تضميهن وشوكت ماتفرغين اغسليهن ..

هو يحجي واني مامصدگة الي اسمعه .. حسيت بالراحة شوية ..
امير .. شبيج درة متأكدة مابيج شي ..
درة .. لاحبيبي مابيه روح كمل ريوگك ..
بسرعه دخلت للبيت اخذت نفس وحسيت براحة ..
ركضت بسرعه للحمام واخذت الملابس خليتهن بالطشت وغسلتهن ..
اجت سدن .. وينج درة امج تگول خلي تجي تتريگ .
درة .. هسا بس اشطف الملابس واخليهن بالمجفف واجي ..
سدن .. ذولي الامير مووو؟؟
درة .. ههههههه اي ليش
سدن .. ولي شبيج تضحكين
درة .. لامابيه بس ماشفتي شكلج من شفتي ملابسه جا لو تشوفيه شتسوين ..
سدن .. ليش هو اني اگدر احط عيني بعينه .. والمشكله اخوج جامد احسه اصلا مو يمي ولارايدني ..
درة.. هو هذا امير مشاعرة مكتومة مايطلعها بس هو يريدج اني اگلج ويتمناج ..
بس انتي شدي حيلج وكملي السادس ..
سدن .. وين اكمله يحظي وهاي الضروف على عيني صار الحرب وسقطت الديوانية والله اليستر من الجاي ..

درة .. دتعاي وياي خلي نشر الملابس برة ..
طلعنا اني وسدن نشر ملابس ورى البيت مخلين حبال ..
كملنا شر شفت يوسف اجة ..
گال درة ..
درة .. يوسف مااگدر بعد الي صار ولاتحرجني .. خلينا سدن ندخل ..
يوسف .. ولج شبيج همة كلمتين ..
درة .. شنو تگلي ولج ..
يوسف .. من حبي الج اگلج ولج ..
درة .. ياااا
سدن .. ههههه نحن هنا ..
يوسف .. انتي طلعي منها وروحي اوگفي راقبي ..
درة .. اذا تعزني خليني اروح هبطة البارحة لسا بيه والله العالم الشيخ شياخذ عليه نضرة ..
يوسف .. الشيخ اصلا ماسأل شكو ..
درة .. هاهي جا اني رايحة وبعد مااحب سالفه التختل تريدني انتضرني اكمل واخطبني من اخوي بعد لاتجبرني اوگف وياك وحدنا ..
يله سدن امشينا ..
يوسف .. ههههههه مخبله وحق الله ..

ضجت حيل منه .. الي يشوفه يگول مراهق .. ولاعبالك راح يتخرج من الجامعه ويصير محامي ..
جا شأگول على حيدر اذا يوسف هيج يتصرف ..

سدن .. مو جنج زودتيها درة خطيه كسرتي بخاطرة ..
درة .. صدگ تحجين سدن .. اني الي يهمني خاطر امير وبس ..
صح ماانكر اني اهوى يوسف واريدة ..
بس مااريد يطلع حجي عليه وتتشوه سمعتي گدام اخواني ..
انتي تعرفين هنا مو كلها تحبنا وناس تتصنت على ناس ..
المزرعه مليانه ومو بس احنه بيها ويحجي براحته ..
المفروض هو يخاف عليه اكثر من نفسه مو يخليني بهيج موقف ..
يعني ذيج المرة لزمنا عبد الله وشفتي شصار وتعاركوا وهمزين ماوصلت للشيخ المرة الثانية منو بعد يشوفنا وننفضح ..

سدن .. اي بهاي حقج بسسس ..
درة .. سدي الموضوع سدن حبابة ..

التهينا بالتنضيف كلنا البنات نشتغل وباقي الوكت نبقى گاعدين لو نسولف ..
وامهاتنا بالمطبخ ..
ماانكر وجود مرت خالي حمزة زيد المشاكل والحجي وامي كل هذا وساكتة وهاملتها ..
لأن بيبياتي مايقصرن ويردن عليها ويسكتنها ..

سمعنا كحة الشيخ كلنا تطافرنا ..
راحن بيبياتي يمة وگعدنا بالهول ..
گال ..
يله يبوي سوو الغدا متت من الجوع ..
فرشنا السفرة وكلنا گعدنا سويه ..
سرة للنسوان وسرة للزلم ..
وبدأ يوصينا ويحذرنا من الجاي ..
واريدكم گلب على گلب بناتي وولدي ..
حتى رجولة بناتي همة ولدي ..
مااريد لو شمايصير تختلفون ..
احنه راح نبقى هنا وماندري شوكت تخلص هالحرب ونرجع لبيوتنا فأريدكم ناس تسند ناس ..
وخاصه النسوان مااريد گالات وسوالف وتشحنن الزلم ..
فاهمات وعينه على مرت خالي حمزة ..
هي حست وضاجت ودنگت ..

تغدينا وكملنا .. گال ابقوا بويه على گعدتكم واشربوا جايكم ..
ويوسف وعبد الله تكملون تجون وراي للبراني ..
بس انتم مااريد احد يجي بعد ..

اني سمعت كلامة احس مغص قوي ببطني صار وگلبي يدگ حيل ..
اريد اتنفس مااگدر ..

شعندة الشيخ صاحهم واخاف عبد الله يسولفله كلشي ..
شلت عيني صارت بعين فاطمة مرت خالي ..
تخزر بيه ..
ياا هاي شبيها معقوله تدري وهيج تخزر بيه ..
گمت والمغص لازمني ..
رحت للحمام غسلت بماي بارد بلكي اهدأ ..
واشوفها وراي ..
-شوفي يبنت ياقوت لاتحلمين انطيج ابني .. لو يبقى اخر يوم بعمرج مااخليج جنه الي ..
شني ضاعت النسوان واخليه يتزوج بنت ياقوت المالج اصل واهلكم متبرأين منكم ..
مو تفرين راس ابني عليه وتقشمريه بعيونج الزرگ ..
ترى اطيح حظج وافضحج ..

انصدمت من حجت هيح هاي شتمخرط هو منو بحال ابنها المدلل ..
اخذت نفس واتقربت منها ..
شوفي خاله اني احترمج الخاطر خوالي وترباتي ماتسمحلي اتجاوز .. والا الي سوتيه بأمي ماينسكت عليه ..
واني الي اگلج ابنج لو يبقى اخر رجال بعمري مااخذة افضل ابقى عانس ولااتزوجة ..
دفعتها وطلعت وهي بقت تدردم ..

صارت امي بوجهي .. هاي شبيها وياج ..
درة .. ماكو شي يمة ماتعرفيها على اقل شي تحجي وتعلق ..
ياقوت .. يمة اتجنبيها ولاترديها تراهة جايه وناوية الشر من عيونها ..
درة .. لايمة شعندي وياها قابل بس ادعي يخلص كل هذا ونرجع البيتنا ونرتاح ..
ياقوت .. الله يفكها ان شاء الله

يوسف .. من صاحنا جدي اني وعبد الله .. شفت عيون درة شلون ذبلن وخافت ..
قررت مااهتم واحجي الجدي كلشي وخلي يكون عندة علم ..
درة احسها ماتثق بيه ودومها خايفه ومادامني احبها واريدها بالحلال ..
اول شي اخليها تطمأن وترتاح وماتخاف ..
دخلنا للبراني وراه ..
الشيخ .. سرقوا الباب وتعالوا گبالي ..
قفلت الباب وگعدنا گباله ..
الشيخ .. احجولي شنو الي بينكم .. وشنو هذا الي خلاكم تتكاتلون عليه وتسودون وجهي گدام العالم ..
وانت ييوسف يالجبير واملي بيك .. بمكان ماتحمل المسؤولية بعدنا اني وابوك والعايله برگبتك ..
تتعارك انت وابن عمك وتضربة ..
شني الي خلاكم توصلون الهيج ..
احجي عبد الله .. شلون تتعاك وي ابن عمك الجبير واخوك وتتطاول عليه ..

عبد الله .. جدي اني اسولفلك وشوف منو الغلطان .. يوسف بمكان مايحمي بناتنا واهلنا . يتختل وي اخت امير الزعطوطة ويضحك عليها ..
واني من شفته مااتحملت ورحت حجيت وياه وگتله لاتضحك عليها ..
هو غلط عليه وضربني ..

يوسف .. اسمع كلامة واضحك .. گوة يطلعني ناقص وماعندي غيرة ويريد يشوه سمعتي گدام جدي ..

الشيخ .. هالحجي صحيح يوسف ..
يوسف .. تتوقعها مني يشيخ .. اي مااگلك جدي .. اريد احجي وياك بصفتك شيخ وتحكم بين الناس بعدل ..
تتوقع مني اخون اخوي وصديقي الي ربيت وياه وعندي بعز روحي ..
هاي اخت امير يشيخ والله ياخذني قبل مااتلاعب بعرضه ..
الشيخ .. جا وحجي عبدالله شني ..
يوسف .. اني احبها واريدها حلالي ..
عبد الله .. هههههه مو عساس حاجزيله حوراء ..
الشيخ .. اسكت انت يعبد الله وحسابك بعدين .. هسا گوم وعوفنا اني ويوسف وحدنا ..
عبد الله .. جدي اني اريد……
الشيخ .. عبد الله گتلك عوفنا وحدنا وهاااا اياك وبالك واحد يعرف الي بينك وبين يوسف ماتگول البشر وتعرفني اذا حذرت بعد ..
عبد الله .. هاهي جدي ..

طلع وسد الباب وراه .. التفت عليه جدي وگال ..
-يوسف انت جبير وعاقل .. واني اشد ظهري بيك وبأمير ومااريدكم تتخاربون بيوم ..
امير واخواتة غالين عليه مثلكم واكثر .. اني شاري زلم وماابيعهم على حسابك وحساب غيرك ..
يوسف .. ليش هالحجي ياجدي اني البنية مالاعب عليها عيني عليها من صغرها واريدها تكبر على ايدي وتصير حلالي ..
جدي .. وبنت عمك شلون ..
يوسف .. بنت عمي ماواگف بقسمتها واذا انتو حاجزيها اني شنو ذنبي احنه جنا صغار ومانتفهم انتو شلون تقررون عنا ..
كبرت وشفت الي تناسبني والي اريد اكمل حياتي وياها ..
بعدين انت احكم بينهم تجيب درة الحوراء .. درة تربات امير وتعرف امير شلون يربي ..
وهذا مو انتقاص ببنت عمي وتربيتها بس ولد عمي تربوا بيد امهم ومسيرين بيها عمي ماله حكم عليهم بگد مامرتة متحكمة واني ماتعجبني هيج نسوان ..
اعذرني يجدي بس اني الي حق اختار شريكة حياتي وام جهالي ..
اتنهد وگال ..
شوف يوسف هسا الموضوع سدة منا لمن تكبر البنية يصير خير ..
ومنا الذاك الوكت مااريد تتختل بالبنية وتحرجها وتحرجنا جدام اخوتها ..
يوسف .. جدي ماحبيت الكلمة منك شنو اتختل بيها ششايفني ماعندي غيرة ..
الشيخ .. يبوي لو مااعرف شنو جان طيحت حظك اول ماسمعت بس اعرفك نشمي وصاحب غيرة ..
بس الي يشوفكم مايرحم ويسيئ الضن ويطلع حجي ..
اهدأ واستكن وخلي تعدي هالفترة ونشوف مصيرنا وذبج الساعه اني اخطبها الك ..
بس لاتنسى شغله البنية عندها اهل وعمام يعني مو گلت الي وصارت الك ..
يوسف .. هاهي جدي الي تريدة يصير ..

طلعنا من البراني والعيون كلها علينا والف سؤال وسؤال بعيونهم ..
بس درة ماشفتها بعد ذاك اليوم ..
واذا شافتني بمكان تشرد منه ..
طگ صبري وفاض وايام واني متنمي اشوف عيونها الشذر ..
يوم عن يوم واني يزيد حبي وشغفي الها واتنمى اغمض وافتح واشوفها ام بيتي ..

الليل طويل ومن الفراغ حسيت بملل ..
طلبت من محمد ورقة وقلم وگعدت اكتب مشاعري كلها ..
وجانت هاي اول مرة اكتب بيها رساله الدرة ..
كملت وبقيت افتر اريد احصل سدن شلون ؟؟
دخلت للبيت ورحت للمطبخ بحجة جوعان ..
ادور شي بالطباخ ..
دخلت عمتي منال ..
-ها عمة شو گاعد لسا ..
-اي عمة جعت ..
-اسويلك شي ..
-لا عمة مشكور بس سدن گاعدة ..
-اي گاعدات يصرعن راسنا بالسوالف النص الليل يلة ينامن ..
-ها جا تگدرين تصيحيها اريدها تگليلي بتيتة ..
-اي هسا اصيحها ..

راحت وشوية واجت سدن .
-ها يوسف عمتي گالت جوعان ..
-اي هاي حجة حتى تجين .. تعاي هاج هاي ..
-شنو هاي ..
-انطيها الدرة بس لاتخلين وحدة تشوفج .. وگليلها اريد الجواب ..
يله روحي ..
-بله عماتي شكن
-عليمن يشكن . صيحيها لهنا بحجة تگلن بتيتة وتسون جاي واني طالع ..
-والبتية منو ياكلها ههههه ..
-وداعتج المجاعه الي بالبراني بس يشوفون الصينية تصحى كلها ..
-هههههه يله روح .. اريد اشوف شمحصله اني منك ..
-ههههههه موزين اجيبلج مرت اخو على مرامج وتحبج وتحبيها ..
-ههههههه اي بهاي صدگ غير درة مااريد مرت اخو ..عمري كله واني افكر شلون راح نتراهم اني وحوراء اذا جبرك جدي تاخذها ..
يوسف .. حوراء شنو .. ليش اخوج غشيم ومايفرق بين الدرة والفالصو هههه ..
يلة روحي وللصبح اريد الجواب منج ..

درة .. گعدين كلنا نسولف واشوف سدن دخلت وتغامزلي ..
استغربت هاي شبيها. .
اخر شي گالت ..
-درة ماتجين وياي تساعديني .. الولد جاعوا يردون بتيتة وجاي ..
اني هم گمت بسرعه ومن غير ماافتهم السالفه شني.
وصلنا للمطبخ ..
دفعتني بسرعه وسدت الباب ..
طلعت ورقه مصفطة وگالت هاج هاي من يوسف ويريد الجواب بسرعه ..
درة .. يااا تردين تبليني شلون اقراها بله شافني واحد
سدن .. لاتصيرين خوافة روحي للحمام وسدي الباب واقريها على مااگشر البتيتة ..

اجن البنات كلهن للمطبخ ..
طلعنا البتيتة وسدن تأشرلي روحي ..
شفتهن ملتهيات سحبت نفسي ورحت للحمام ..
دخلت وقفلت الباب وايدي وجسمي كله يرجف ..
فتحتها ..
وگلبي ينبض حيل ..
ام بيتي وحلالي ..
وعدتج تصيرين الي وراح اوفي بوعدي لويبقى اخر يوم بحياتي ..
وهسا جدي يعرف اني اريدج وگلتله ووعدني خير ..
بس تنتهي هذي الضروف وهذا الوضع اني اخطبج من امير ..
الي اريدة منج تثقين بية وماتتخافين وتتخلين عني ..
اني اقوى بحبج الي ..
رغم ماصرحتي عنه بس اعرفج تحبني وترديني ..
لاتخافين من اي شي مادام اني احبج يروحي ..
(يوسف )

كان كاتب رساله طويله واشعار ..
بس من دهشتي وفرحتي بكلامة ماعرفت اقراها ..
وعبالك اني بحلم ..

رحت للغرفه بسرعه طلعت دفتر وقلم وصعدت بالبيتونة مال السطح ..
ماگدرت اكتب مشاعري كلها ..
بس الي گدرت اكتبة ( يوسف مشاعري ماتختلف عن مشاعرك وماتنقص ويمكن ازيد ..
لاتتوقع يوم اعوفك اذا بقيت وفي الي .. ثقتي بيك جبيرة وراح انتضرك الاخر يوم بعمري بس اتمنى تقدر ضروفي وماتضغط عليه حتى تشوفني )

لفيتها بسرعه ونزلت ..
صارت بوجهي حوراء .. شتسوين فوگ
درة .. شريت ملابسي الداخليه ..
حوراء .. هاااا الله اليستر ..
عفتها ورحت للمطبخ .. اشرت السدن ..
گالت تعاي وياي شيلي الخبز ..
وهي اخذت الصينية وبيها الگلاصات والجاي وبلم بتيتة ..

صاحت يوسف يوسف من الباب ..
اجة يركض وعبالك منتضرها ..
شافني ضحك ..
اخذ الصينيه من سدن واشرلها تدخل ..
خليت الخبز ع الصينيه وگتله هاي الك ..
جان شايل الصينية ..
گال خليها بسرعه بجيب القميص ..
مااتوقعت هيج يطلب بس اضطريت خليتها بجيبه وايدي جانت ترجف ..
وهاي اول مرة المسة بيها بس جنت خايفه لايجي واحد من اخواني ..
ضحك وهمسلي احبج ..
دخلت بسرعه وبوجهي للفراش مامصدگة الي يصير بيه بأيام انقلبت حياتي والي اتمناه اتحقق ..
وماكو اي عائق يجمعنا ..

ثاني يوم وع الريوگ جمعتنا بس النضرات والابتسامة الخفية ..
وفعلا بعدها ماضغط عليه انه يشوفني ..
وكانت سدن المرسال بينا ..
كلما واحد يشتاق للثاني ندز بيها رسائل ..
وكانت هاي افضل وسيله خلتنا نتقرب من بعضنا ..
يمكن لو نتقابل ماگدرت ولاگدر هو يعبر عن مشاعرة ..
حبة جان نقي حتى غزله بأدب ومايتعدى حدودة وياي ..
مر فوگ شهر واني حسيت حبنا صارلة سنين طويله ..
الاوضاع زادت سوء والعراق كله سقط بيد الامريكان ..
لكن بعدها الحرب انتهت والناس رجعت لبيوتها ..
الشيخ گال بعد ماكو فايدة لگعدتنا هنا ..
خلونا نرجع ..
لمينا غراضنا وثاني يوم الصبح كل عائله رجعت البيتها ..
ماصدگت راح نرجع ويستمر دوامنا رغم هواي فاتنا ..
امير بعد رجوعنا اصر يكمل البيت بسرعة ..
حتى بعد التخرج نشيل ونستقر بي ..

هو يداوم بالكوفة كل يوم فمايگدر يتابع العمال ويشرف عليهم لهذا كلف يوسف واخوتي ومرات الشيخ لو خوالي يرحون ..
امي جانت فرحانة ومنتضرة يوم يوم حتى نستقر ببيتنا ..
اني هم فرحانة واخيرا راح يصير عندي غرفة وحدي مثل ماوعدني امير بس يعز عليه افارگ يوسف ..
صح مانسولف ولانلتقي بس من اشوفة ترد روحي ..
وخاصه من يوصلنا للاعدادية ..
عينة ماينزلها من المراية .. ولو جنا حذرين من حوراء وزينب لأن يگعدون يمي ..
بس يكفي نفسة قريب من نفسي ..
نضراتة وگلوبنا هي الي جانت تحجي بدل عنا ..
احنه بالدوام كثرت التحاظير علينا لأن مابقى شي للامتحانات ..
ومتأخرين حيل ..
ونرجع اني وامي نروح للبيت تنضيف وغسل ولو اخواني ويانا مايعوفونا نشتغل وحدنا ..
رغم بعد الحديقه والطارمة ماكاملات ..
والطابق الفوگ مامصبوغ لان يكلف وامير ماعندة بعد ..
بس الطابق الجوة كمله وصبغة ..
وصار حلو ..
امي گالت الامير نجيب الاثاث الي بالمزرعه مالتنا القديم وامير ماقبل يريد جديد ..
بس من شاف امي مصرة وتريدة لأن من ريحة اهلها ..
دز سيارة وجابة ورتبة وصبغه والقنفات دوشمهن من جديد ..
طلعن حلوات ..
بقت بس غرفنا مابيهن اثاث ..
گلناله نفرش وونام بالگاع بين مالله يرزقك وتشتريله خطيه مايقصر هو لو عندة ..
ووخاصه راح يتخرج ويريد يبلش بالمعرض ويحقق حلمة ..
امي گالت لاتضغطون عليه يصير عندة ويجيبلكم ..
وخاصه المزرعة بعد السقوط شغله مو مثل قبل والمحصول بدأ يقل ..

انتقلنا البيتنا الجديد قريب الامتحانات ..
والشيخ فاجئنة بكاونتر وغساله ومجمدة ..
وبيت خالوا مرزا جابو معرض وتلفزيون ..
وبيت خالوا حمزة جابوا زوالي من غير خالاتي والهدايا الي ترست البيت ..
خلن دموع امي تنزل من الفرح ..
امير سوة غدا جبير وعزم كل كرايبنا ومعارفنا ..
والشيخ وعدهم بحفله وكل واحد سيارة اذا تخرجوا ..

لكن الامور انقلبت رأسا على عقب وفرحتنا ضاعت بسبب الوضع الي صار بالمحافظة وكل الي عندة ثار گام ياخذة بيدة ..
لأن لا خوف ولاحكم ولاحماية بالبلد ..
بيوم واحنة گاعدين ببيت الشيخ ومجموعين سمعنا طلقتين بالهوا وانرگع الشباك بطابوگة ..
الولد تطافروا وكلمن اخذ سلاح ..
الشيخ صاح بيهم ..
ماتطلعون للباب خاف هذا كمين وتنغدرون ..
قرر يطلع بنفسة رغم الكل عارض ..
بس ماراد يضحي بأحد ..
فتح باب المطبخ وشاف طابوگة ملفوف بيها ورقة ..
فتحها ..
مكتوب .. دمكم مهدور .. عدنا ثار ولازم ناخذة ..


بقلمي_الكاتبة_شمس
يتبع


لامارا غير متواجد حالياً   رد مع اقتباس
قديم 25-08-19, 04:46 PM   #20

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

//// البارت الثامن عشر ////
عجـاف_القلـوب ..
الكاتبـة_شمـس ..

الشيخ .. اگعدوا ولاواحد يطلع بيكم اخاف هذا كمين وتنغدرون ..
قرر يطلع بنفسة رغم الكل عارض ..
بس ماراد يضحي بأحد ..
فتح باب المطبخ وشاف طابوگة ملفوف بيها ورقة ..
فتحها ..
مكتوب .. دمكم مهدور .. عدنا ثار ولازم ناخذة ..
مرزا .. بوية شنو هذا ومنو الي يتجرأ ويدز هيج ..
الشيخ .. شتحجي انت بوية البلد سابت وياهو العندة حساب ولو صغير راح ياخذة لأن يعرف ماكو عقاب ولاحكم ..
حمزة ..وهسا شنسوي ..
الشيخ .. مايصير الا الي الله كاتبة وكلمن حد يومة ..
اهم شي تفرغون البيت من النسوان مااريد وحدة هنا وتتأذة ..
امير .. الصبح اخذهن البيتنا كلهن وانت هم وياهم روح بوية ..
الشيخ .. تريدهم يگولون الشيخ خاف وشردت ..
مرزا .. بوية مو وكتها احنه بينا حيل واذا صار شي نشرد ماينخاف علينا ..
الشيخ .. لاتحاول ادري بروحي كبرت بس مو عاجز انه ادافع عن بيتي وعايلتي ..
اسمعوا اگلكم ..
كلكم ترحون البيت ياقوت باجر وبس اني ومرزا وحمزة نبقى هنا ..
امير .. اني مااعوفك لو للموت ..
يوسف ..ولااني ..
الشيخ .. بوية لاتعاندون اريدكم هناك يم امهاتكم واخواتكم ..
امير .. هناك علي وحيدر وعبودي يبقون ..
مرت حمزة .. حمزة اني اخذني وجهالي الاهلي مابايعه روحي ..
حمزة .. فاطمة وينة وين اهلج هسا .. عود روحي باجر البيت ياقوت وبعدين نشوف صرفه واوديج مااگدر هسا اخذكم ..

الشيخ .. يله بوية روحوا ناموا وانت امير لاتطلعون هسا باتوا هنا الشارع ليل ومو امان ..
امير .. يمة ادخلي انتي ودرة ناموا جوة واني ويوسف راح نصعد للسطح ..
الشيخ .. اخذوا بطانيات وسلاح وياكم ..
وانتن لاتوصلن يم الشبابيك لاتجيجن تايهة ..

امير .. اخذت يوسف وصعدنا .
بقينا نراقب من السطح لايجي احد ..
شوية وشفنا طيارة امريكيه فوگانا تفتر ع البيوت ..
بسرعة تغطينا وضمينا الاسلحة لانبين ..

درة .. بقى بالي يم يوسف وامير فوگ وخايفه عليهم ..
حاجيت سدن .. گالت امشي نسويلهم جاي بالترمز ونصعدة ..
ردنا نصعد صاح بينا الشيخ ..
وين موليات .. مو گلت لاتطلعن ..
سدن .. جدو سوينا جاي الامير ويوسف خطيه ..
الشيخ .. عوفيه هنا هسا اصيح عبد الله ياخذة ..

صاح عبدالله اخذة وصعد واحنه رجعنا للغرفه والكل جان گاعد ومايجينا نوم ..
ام يوسف .. سدن يمة لمي ملابسج وكتبج بالجنط مو هناك وتگولين نسيت حاجة محد فارغ ..

گعدنا اني وسدن نلم بملابسها وكتبها ..
امير اني ويوسف كلمن ماخذ طرف وگاعدين نراقب ..
وعيونة تترقب الشارع بخنسة ..
ومانشوف الا صوت ورانا….. صاح بببع احنة جنا صافنين فزينا على صوتة ..
عبدالله .. هههههههه والله يربي فوگاها مسوين ارواحتهم سبع البرمبة وهم من صوتي فزوا وخافوا ..
يوسف .. انجب ولك عمت عينة الي يخاف .. لو بيك حظ جان اجيت ويانا مو خاتل جوة يم النسوان ..
عبد الله .. مخلي الرجوله الك ..
امير .. انت ماخفت على روحك لو رامين عليك ..
عبدالله .. دعرفوا الزموا السلاح يلة ترمون ..
يوسف .. انزل ولك لا هسا اروايك شلون نرمي ..
هز ايدة ونزل ..
اني ويوسف واحد باوع للثاني وضحكنا على روحنا ..
امير .. ولك هذا عليمن طالع ماتگلي شمايكبر عقله يصغر ..
صعدوا حيدر وعلي بقوا شوية ونزلتهم ماخليتهم ..

للفجر .. ولمحت سيارة وگفت شوية يم بابنا ..
واحد بالصدر مد راسة ويياوع منا ومنا ..
شمر شي ع البيت وشخطت سيارتهم ..

صحت يوسف ضم راسك .. رميت وراهم مالحتهم ..
نزلنا راسنا بسرعة وركضنا للبيت ..
حسينا البيت انهز بينا ..

الشيخ .. منهو عرفتوهم ..
امير .. جن شايفه بس مااعرف وبسرعه شخطوا ومشوا لو زلم صدگ جان واجهوا ..
النسوان يتصارخن ..
ومرت خالي حمزة وگعت والتهوا بيها ..
شفت سدن ودرة يتباجن ..
مااتحملت ..
سحبتهن اثنينهن الصدري جانت درة على صدري وسدن وراها ماهان عليه الزمها بس گمت امسد ع راسها واهدي بيهن ..
اششششش لاتخافن كافي ماكو شي ..
صحت حيدر گتله خليك يم البنات ..
وفتحنا الباب وطلعنا ..
باب الشارع اعوج من الضربة ..
الشيخ .. رمانة صوتية هاهي .. ذولة غايتهم مو كلنا لو يردون جان ضربوا رمانة بنص بيتنا بس عندهم غاية ..

التمت الناس الصبح وكلها تتحمد النا بالسلامة ..
والعشيرة كلها انگلبت علينا ..
قرروا يبعدون الشيخ من المنطقه لان خاف هو المقصود وجندوا من العشيرة زلام تدافع ويانا ..
بوكتها كلمن يحمي بيته واهلة بذراعة ماكو واحد يدافعلة ولااكو شرطة تحميه ..
الشيخ ماقبل بس بعد ماشاف كلها مصرة وافق على عيونة ..
ويمشي ويوصي بينا ..
اخذنا النسوان كلهن البيتنا ..
وامي تبجي وتوصي بيه ..
واحنه الولد مسويها وجبات ناس تنام وناس تلزم حراسات ..
يومين وماكو شي هدوء ..
واحنة ملازمين الحراسة واسلحتنا على متونا بس بداخل البيت وبالسطح مانخلي واحد يحس بينا ..

يوسف .. رغم الي احنه بي وضرفنا .. كتلني الشوگ وحن گلبي ..
گتله امير اني رايح البيتكم اشوف امي وبيبياتي واجي مااتأخر ..
امير .. روح اخوي البيت بيتك وسلملي على امي وياك ووصي اخواني لايطلعون خليهم من الدوام للبيت گبل والبنات من تبدي امتحاناتهم احنه ناخذهن ونجيبهن ..

يوسف .. صار خوية ..
مشيت وجن الطريق صار شطوله ..
دگيت الباب ماكو احد فتح .. ماردت ادگ الجرس اخاف يگعدون ..
سمعت سدن تصيح منووو ..
يوسف .. هذا اني افتحي ..
فتحت الباب ..
يوسف .. ليش الولد وين ..
سدن .. خطية نايمين لأن بالليل يسهرون والصبح علي يروح للدوام وحيدر يقرأ وعبدالله نايم هم ..
ودرة وين ..
سدن .. احم احم اي گول هيج من البداية ..
جاي علمودها .. جاي تقرا انت ناسي بعد يومين امتحاناتها تبدي ..
يوسف .. زين سويلي اي شي جوعان وبطريقج صيحيها ..
درة .. گاعدة اقرأ وبالي يم امير ويوسف .. صار يومين ماشايفيهم ..
واجت سدن تأشرلي ..
جانن حوراء وزينب وامهن نايمات ..
گمت ع كيفي وطلعت من الغرفه ..
دخلت المطبخ وشفت يوسف .. شهگت احس روحي ردت مو كم يوم ماشفتة جن سنين ..
ابتسم مثل عادتة بوجهي ..
دنگت والابتسامة تارسة وجهي ..
گتله .. امير شلونة ليش مايجي ..
يوسف .. يعني اشتاقتيله ..
درة .. ياااا شلون مااشتاقله هذا روحي ..
يوسف .. هنيال امير عمي .. ترى بديت اغار هاااا
درة .. الاحسن ماتغار منه لأن راح تتعب ..
يوسف.. هههههه اويلي يابة .. هو اني حاس راح اتعب بس الخاطرج يهون كل تعبي المهم بالاخير اثنينة بيت واحد وتجمعنا غرفة وحدة ..
هو يحجي واني ارتبكت مااعرف شأرد ..
سمعت صوت خاله فاطمة توترت ردت اطلع شفتها اجت سدن قبلها ووراها هي وسدن تخزر بيه ..
باعوتلي وباوعت اليوسف ..
-هذا يوسف هنا .. وعينها عليه ..
-اي عمة شلونج
-زينة بس شعجب جاي هسا بالضهرية .. وليش گاعد هنا -هذا وكت فراغي عمة ..
-هااااا وانتي مو عندج دراسة وامتحاناتجن عگب باجر ماترحين تقرين ..
سدن .. هو جنت اقرأ الضهرية بس لو مگعدة حوراء وزينب لأن فاتهن وكت هواي ..
ماعجبها حجي دارت وجهها وراحت ..
ويوسف طاگ من الضحك هو وسدن ..
يوسف .. اموت عليج ..
انصدمت وفتحت عيوني .. اشو هذا ماخذ راحته يم سدن
سدن .. اگلك سوفي ترى اني موجودة وياكم وبعدني بنية وشابه واستحي واخجل وعندي مشاعير واحاسيس ..
ضحكنا عليها… ..
يوسف .. ام مشاعير روحي من وجهي واخذي دورج بالمراقبة اريد غداي من ايد حبيبتي ..
درة .. لا عفية خليها يني توگف عيب لايجي احد وخاصة عبودي يبوووو اذا شافنة ..
يوسف طبگ حواجبه ..
بعد يتعرضلج ..
درة .. ها لا مالي علاقه بي ..
سدن .. اي… . قاطعتها يله خلينا نصب الغدا ..
اشرتلها تسكت لأن مااريدهم يتعاركون بسببي ..
عبودي عندة غاية بس اني اعرف شلون اردة وماانطيه مجال وهو لازم عليه سالفتنا اني ويوسف ويهدد بيها عباله اخاف ..
مايدري اذا طخت براسي اروح بنفسي اگول الامير ولااخليه يهددني ..
كملنا الغدا .. گال خلنة الي بصفر طاس اخذة مناك خاف واحد جوعان ..
خليناه اله ..
اشرلي اوصله للباب ..
بقت سدن بالمطبخ وطلعت وياه ..
يوسف .. درة اي شي تحتاجيه گولي لاتستحين مني امير صح مايقصر بس اريدج تخليلي مكانه عندج وتطلبين مني كلشي تحسسني انه انتي الي واني الج ..
درة .. مادامك بخير مااحتاج شي .. يكفيني حبك الي بعد شأطلب ..
يوسف .. وديري بالج على دراستج لاتخلين واحد يشغلج واني هم فترة الامتحانات راح ابتعد عنج حتى ماالهيج ..
درة .. يعني مااشوفك ابد ..
يوسف .. لا تشوفيني لان راح اوصلجن للمدرسة بيدي اريد اكون اخر شخص تشوفيه من توصلين ..
ابتسمت اله ..
يوسف .. يله اني اروح بعد مااوصي ..
درة .. سلملي على اموري ..
يوسف .. يوصل ..
مدري ليش اتمنيت يبقى اكثر احس گلبي نغزني ..
ردت اشبع منه ..
يوم عن يوم احس روحي تعلقت بي .. صرت مااشوف غيرة بعيني ..
دخلت صار گبالي عبودي ..
-هاااا وين جنتي ..
مااهتميت وردت ادخل المطبخ ..
-ودعتي .. يعني ماتبتي من الي قبلها ..
-عبد الله انت شتريد ..
-مااريدح تعيشين بأمل يوسف .. ترى يوسف مو الج ومستحيل ياخذج ..
-وانت شمدريك تعلم بالغيب .. يكفي انه حجة وي الشيخ بية ..
-لاتنسين حوراء محجوزة الة والكل راح يعارض زواجكم ..
-هاي سوالف ضحك ومال اطفال .. وبعدين انت هم گالوا سدن الك شو مايوم ذكرتها وردتها ..
-لا يابة هاي تفرق .. سدن تكبرني بأشهر ومغرورة مااريدها اني تعجبني الطويرات الصغار ..
-احترم نفسك لاوالله اروح للشيخ واگله بنفسي ..
ضحك بأستهزاء ودخل ..
دخلت ضايجة منه ..
سدن .. هذا شبي شيريد ..
درة .. تمادى هواي هذا شأسوي ..
سدن .. عوفيها وراي اني راح احجي وياه . هو يسوي هيج لأن جدي ماهو .. مو ردت اگول اليوسف بس انتي سكتيني ..
درة .. لا يمعودة وهم يتعاركون وتطلع بسببي ..
خلي تخلص الامتحانات وهاي الهوسة على خير واخلي يوسف يحجي وي امير حتى نرتاح ومايضل كل شوية مهددني ..

يوسف .. بعد ماشفت حبيبتي روحي ردت الي.. اخذت الاكل ورحت للبيت ..
شفت سيارتين مرن يم الباب فترن وبعدين شخطن ..
وواحد بيهم اشرلي بطريقة استفزازية ..
ركضت ردت اعرف رقم السيارة مالحگت ..
دخلت للبيت سولفت للولد. .
امير گال .. ماشفت شكلهم ..
يوسف .. شكلهم مو غريب عليه شايفهم بس وين ؟؟
امير .. اني هم احس روحي شايفهم ..
مقداد .. معقوله خاف من اهلك امير ..
امير .. لا يابة ذولاك جبنة مو مال هيج .. بس ماادري كلشي يصير ..
المهم خلونا حذرين والليلة لازم وراهم شي هالاجوا هسا احتمال يجسون نبض ..

اكلنا لگمة وكملنا ..
يوسف .. امير صدگ دزولك سلام ..
ضحك .. درتي موووو شلونها مشتاقلها ..
يوسف .. جاي تقرا عگب باجر امتحانها ..
امير .. وامي شلونها والولد ..
يوسف .. ماشفت احد كلهت نايمة بس سدن ودرة گاعدات ..
امير .. هاااا يعني زينات اثنينهن مووو ..
يوسف .. لا زينات الحمد لله ..

امير .. من جاب طاري سدن رف گلبي .. صح مااحجي ولاابين مشاعري بس من اشوفها ترد روحي ..
جنت اسرق نضراتي الها من بعيد واحفظ كل حركة بيها وحتى طريقه حجيها مرسومة ببالي ..
ومن تضحك تخلي ايدها على حلگها ومن تتوتر لو تضوج تبقى تفرك بأصابعها ويصيرن حمر ..
كلشي بيها حافطة حتى دگات گلبها ونبضاته ..
يوسف .. اميررررر وين صافن لازم عاشگ ..
امير .. هنيال الي يعشگ ويحب ليش هو اكو احلى من هيج نعمة ..
يوسف .. اي بالقرآن .. وخاصة اذا حب طاهر وتدري بي يصير حلالك ..
امير .. اي بعلي وخاصه اذا مترباية گبال عينك وتعرف اطباعها كلها ..
يوسف .. امير ماادري ليش احسك تلمح الشي ..
امير .. لا ولك شلمح غير انت تحجي واني اسايرك ..
يوسف .. للحظة حسيتة يقصدني بكلامة او يريد يجرجرني بالحجي ..
ردت احجي وسكتت ..
امير .. ها يوسف شبيك شو مو على بعضك ..
يوسف .. لا ماكو شي .. خلينا ننام ساعة نرتاح بالليل ورانا سهر ..

نمنا وگعدنا بالليل لگينا الولد شاعلين المنقله ويشوون ..
امير .. هاي شني اليوم فحم وشوي ..
خالي مرزا .. الولد اشتهوا دجاج ع الفحم ..
صارلنا كم يوم بقلق وتوتر خلونا نغير جو شوية ..
يوسف .. اي بس لازم اثنين يبقون فوگ يراقبون مايصير هيج الضهر شفتهم ..
اووووووه تذكرت ..
امير .. شكو ..
يوسف .. تذكرت وين شفتهم ومنو ..
حمزة .. منوووو احجي ..
يوسف .. الي تحارشوا بالبنات بالكورنيش وضربناهم واشتكوا علينا والشيخ فضها ..
امير .. اي بعلي همة خاصه هذا ابو كفشة واني اگول وين شايفه ..
يوسف .. انذااال يراويني وجهة عود يهدد وماخايف لو زلمة جان اخذ ثارة بذاك الوكت مو هسة لمن الوضع ساب ..
مرزا .. انتو ابقوا هنا وخلو بالكم ..
بوية مقداد انت والولد اصعدوا فوگ ..
وامير ويوسف والبقية ابقوا هنا بالحديقه ..
وحمزة خلي بالك ع الولد مو تعوفهم ..
اني اروح للشيخ مااتأخر بس لازم انطيه علم حتى يدز طارش العشيرتة ويعرفون احنه كشفناهم وي شي يصر همة المسؤولين ..

راح خالي مرزا واحنة التهينا بالعشا تعشينا وكملنا گلتلهم يله يولد اتطشروا كلمن المكانة ولاتعوفوه مدام هذولة هددوا معناها جايين الليلة ..
حمزة .. امير هسا بعد وكت اذا يردون يسووها النص الليل حتى الكل نايم ..
امير .. خالي ذولة هتلية ويغدرون سووها كم مرة بتوالي الليل وقصدهم يوهمونا .
يوسف .. اي صحيح لو صدگ يخافون ماطلعوا بوجهي الظهر ..
حمزة .. لاتكبروها يمعودين اخذوا حجايتي .. انتو خليكم بمكانكم واني اروح للبيتكم شوية واجي بس اشوف امي والبنات اشتاقيتلهم.

راح خالي حمزة ..
والولد فوگ ..
واني ويوسف والبقية نفتر بالحديقة ..
سمعنا شخطة سيارات ..
مقداد من فوگ صاح ..
امير اهجم ..
سحبنا اقسام بعدنا ماضغطنا ع الزناد .. واجانه الرمي من كل جهة صار الرمي مالة والي ..
مانعرف ياجهة ترمي ..
گلت للولد اتراجعوا لورة ..
واني صعدت لفوگ ..
مقداد يصيح ويگلي نزل راسك ..
واني اضرب بلا وعي ..
الحيطان زرفوها تزرف ..
گمت اوجه سلاحي على سياراتهم ..
واصيح على يوسف والولد يدخلون ..
لو ذولاك بايعين روحهم ..
بس يوسف عاند وبقى ..
كلنا نصيح يوسف وماكو ..
من صوت الرمي واحد مايسمع صوت الثاني ..
لمحت ابو كفشة ..
صعد ع الحايط واني ضربتة وحدة مااعرف وين طاحت بس رجع يزحف للسيارة
يمكن صارت برجلة ..
لأن اول ماخلة رجله ع الحايط راد يصعد ضربتة. .
العتاد راح يخلص عدنا والانذال حاسبين حسابهم ..
المشكله لا اكو ناس تطلع ولا جار ولا شرطة ..
تايهة ودليلها الله ..
صار صياح بينهم ويمكن عندهم مصاويب لأن احنة مسيطرين من فوگ نرمي ..
ركبوا سياراتهم .. ومشوا ..
اخذنا نفس وگعدنا على حيلنا بالسطح ..
تذكرت يوسف ..
گلتلهم يوسف ماصعد وينة ..
طفرت وركض نزلت للبيت سويت الطريق خطوتين ..
واصيح يوسف يوسف ..
اباوع للجام كلة مكسر مال المطبخ والاستقبال والحيطان مزرفه ..
وصوت يوسف يحجي بثگل ورى المطبخ ..
ركضت اله واشوفه سابح بدمة وگوة يحجي وياخذ نفس ..
گمت اصيح والطم على راسي ..
يابوية ولكم شوفولنا سيارة بسرعه ..
يوسف خوية اتحمل .. اروحلك فدوة تحمل .. ولك ليش بقيت مو گتلك ادخل ادخل ..
ريتني اني بمكانك سابح بدمي ولادمك ..
نزعت الغترة الي لافها على راسي ..
واريد اوگف النزيف مااعرف وين ومنين ..
بهاي الاثناء اجت الشرطة ..
وبدت الناس تطلع وتشوف شكو ..
خليته على ظهري ومقداد ساندة ..
واخذنا واني اصيح افتحولي سيارة بسرعه افتحوا ..
اجة جارنا جاب سيارتة خليناه بيها ..
والشرطة تحجي ويانا وتگول لازم نعرف الي صار انتضروا ..
صحت بوجهة ..
توخر لو افلش وجهك .. ولك بالساعه يرمون علينا وهجموا البيت على راسنا وين جنتوا ..
هسا جاي تستفسر واخوي يموت وخر عن وجهي دفعته وصعدت واني دموعي تجري ..
ولكم هذا اخوي .. وعضيدي الماجابتة امي ..
وبينا سوية ع الحلوة والمرة ..
اطباعة اعرفة ويعرف اطباعي يفهمني من النضرة ..
شلون اعيش اذا صار عليه شي ..
يربي احفظة وانطيه من عمري على عمرة ..

بقلمي_الكاتبة_شمس
يتبع ..



التعديل الأخير تم بواسطة لامارا ; 25-08-19 الساعة 05:07 PM
لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:14 PM



Powered by vBulletin®
Copyright ©2000 - 2024, vBulletin Solutions, Inc.