عجاف القلوب / للكاتبة شمس السعدي ، عراقية مكتملة

[لامارا]

//// البارت التاسع عشر ////
عجـاف_القلـوب ..
الكاتبـة_شمـس ..

وصلنا المستشفى واني مااعرف شسوي بس اصيح واريد واحد يساعدني ..
فقدت وماعرفت شحجي ..
-ولكم ولد…. نشف دمة ساعدوني بعلي افلش المستشفى على روسكم اذا صارله شي ..

اجوا ممرضين وياي شالوه ودخلوه للطوارئ .. واحد منهم گام يحجي ويگلي احترم نفسك شنو تغلط ..
امير .. بالاول احترم المهنة الي انت بيها يله تعلمني الاحترام ولك لو اخوك وگدام عينك ينزف وتشوف المستشفى تايهة لارقيب ولاحسيب شتسوي تسكت ..
بس هو عراق وسقط بيد الانذال بقت عليكم ..
بيومها فقدت واي واحد گدامي يمكن اضربه لو يحجي .
هذا اخوي مدد ع السدية وينزف ويون ..
وبس اني وجيرانة وياه ..

گالوا راح ندخلة عمليات طلقة بجتفة وطلقة برجله ..
اخذوه واني گعدت على حيلي ..
شفت الشيخ وخوالي من بعيد وجن روحي صارت يمهم ..
گمزت وتلگيته بوية… .
الشيخ .. ها يبعد ابوك اخيك وينة ..
امير .. اخذوه للعمليات .. بس وعلي لو الزمهم اروايهم الامهات شتجيب دم يوسف دين برگبتي والا اخذة منهم ..
الشيخ .. اهدأ بوية دمكم كلكم غالي عليه بس خلي نطمن عليه ويصير خير ..
وانتو حسابكم بعدين ..
حمزة .. بوية… .
الشيخ .. اشششش امنت الولد عندكم تالي تعوفوهم وتمشون ولكم شلون تغمض عيني وانتو مسؤولية ماتحملوها بعدي ..
لو ماامير هناك شصار بحال يوسف يموت وانتو ماتدرون مرزا .. بوية الي جوة ابني رحمة لاهلك لاتزودها عليه .. اني امنتهم عند حمزة شمدريني هيج يصير ..
امير .. اللوم ماينفع بعد الي صار صار بس ثار يوسف مايروح بوية .. لو عشاير الدنيا كلها يجيبوها ماتتنازل

شوية والمستشفى كلها انگلبت ..
مااتحملت طلعت برة ..
ملابسي كلها دم وحافي ناسي روحي اصلا ..
گعدت ادعي ربي الي ينجيه ويگومة بسلامة ..
اكو ممرضين يمي واگفين يسولفون ويشربون جگاير
طلبت منهم وحدة ..
وهاي اول مرة اشرب يمكن جنت محتاج شي يطفي النار البگلبي ..
ورثها وانطاها الي ..
اخذت نفس احس گلبي اختنگ وگمت اكح ..
الممرض .. لازم اول مرة تشربها .. انت من اصحاب هذا الولد الي جابوه ..
هزيت براسي اي…
الثاني گال .. ياهو منهم مو همة اثنين واحد شعرة طويل وكفشة والثاني الي دخلوه حلو وصغير بعدة ..

صفنت عليهم .. گتله الي شعرة طويل شوكت جابوه ..
الممرض .. قبل الولد الثاني .. يمكن هم عصابات هسا وكت الثارات كل الي عندة ثار ياخذة ماتنعرف بعد. .
امير .. ووين الگاهم ..
الممرض .. هم موجود بالعمليات لان مضروب طلقتين برجلة وبركبتة متهشمة ..

تذكرت اي هو نفسة لأن مد رجلة راد يصعد ع الحايط وضربتة ..
ذبيت الجگارة ورجعت اركض لجوة ..
گلتلهم ماشفتوهم ..
الشيخ .. منووو .. الانذال هنا ابو كفشه ابنهم صوبتة وجايبه لهنا ..
الشيخ .. اهدأ يبعد ابوك لاتتهور ..
بعدنا ماكملنا حجي واجو ثلاثة زلام وگفوا يمنا بس مانعرفهم جن هم يعرفون بينا هنا لهذا مادزوا واحد نعرفه ..
جانت عيونهم تترقبنا ويتسمعون النا ..
الشيخ اشر مااريد كلمة ..
بقينا ساكتين والنار تسعر بينا ..
انتضرنا هواي بباب العمليات وماكو خبر ..
الى ان طلع الممرض الهم وگال طلعوا الطلقات وخلوله بلاتين لأن ركبتة متهشمة ..
همة ضاجو بس ماحجوا ولابينوا شي ..
الشيخ سأل على يوسف ..
گال لاشغلته بسيطة والطلقات طلعناهن بس منتضريه يفيق وجاي يديروله دم لأن نزف هواي ..
كلنا ارتاحينا وحمدنا الله وشكرناه ..
واحد همس للثاني وگاله خلينا ننتضر بالغرفه فوگ احسن همة يصعدوه ..

بقيت اراقبهم الى ان صعدوا ..
سحبت نفسي ورحت وراهم ..
بقيت منتضر بالممر مال ردهات وجنت اجذب الانضار بملابسي وحافي ..
الى ان صعدوه اول ماشفته عرفته ..
دفرت الباب عليهم وگلتلهم ..
ادور عليكم والله جابكم ..
احمدوا ربكم بعدة عايش .. بس لو يصير على اخوي شي مايكفيني دمكم كلكم ..
خلوها ترجية بأذنكم كل قطرة من دم اخوي ناخذها مربع منكم ..
وهذا النايم الله رحمة لأن متصوب ومايگدر والا علمته شلون يتعدى ع العالم ..
بس اني طبعي اعارك زلم مو نسوان تتختل وتغدر ..
طبگت الباب حيل ..
صار بوجهي الشيخ والولد ..
-عرفتك ماتگعد وماتهدأ ..
امير .. بوية اني ماقصدي اكسرلك كلمة… .
الشيخ .. كون عرفتهم ويامن اندگوا يبعد ابوك…
ضحكت وگتله .. اني ترباتك ..
طبطب على جتفي وگال .. اخوك طلعوه تعال شوفة ..
ركضت للغرفه .. واسمه يهذي ويحجي بالبنج ..
امير .. امير وين ..
مانزل اسمي على السانة…
اتقربت منه وبست راسة ..
اني يمك يبعد اخوك…
اجت الشرطة .. گالوا احنه جنة مقدرين وضعكم وماضغطنا عليكم بس هسا لازم ناخذ اقوالكم ..
الشيخ .. الي تعدوا على بيتي وصوبوا ابني بالردهة الاخيرة بالممر ..
هو هم متصاوب بس هذا حقنا وهو تعدى علينا ..
الشرطي .. منو شاهد الحادث اريد بالتفصيل ..
اشرلي الشيخ ورحت سولفتلهم السالفه كلها .. من اول عركة لهسا ..
خلوا شرطي بباب ذاك النذل ..
وعود همة شاطرين وهم اشتكوا علينا ..
بس نعرف شكوتهم ماتاكل لأن همة الي متعدين علينا وعلى بيتنا ..

الشيخ گال ارجع للبيت واخذ واحد من الولد وياك حتى تطمنهم ومااريد واحد يطلع من البيت ..
رجعت للبيت اول مادخلت واشوف الدنيا مگلوبة ..
الكل يبجي وينعى وخالتي ام يوسف متخربطة ..
والكل يسألني على يوسف ..
صارت عيني على سدن الي عيونها مافاركت عيني وهي تگلي طمني عليه ..
امير .. الحمد لله يوسف بخير وطلعوا للردهة هسا وبدأ يفيق من البنج ..
ام يوسف .. خلوني اشوفة اريد اشوفه ..
امير .. المستشفى مگلوبة گلاب بالوادم والشيخ محذر واحد يطلع ..
درة جانت راكنه نفسها ع الدرج يم سدن ويبجن ..
تقربت منها ومسحت دموعها وجان بودي امسح دموع سدن وياها بس ااااه ..
-لاتبجين يبعد اخوج هاي اني بخير ويوسف زين ومابي شي لاتبجن كافي دموعجن تگطع گلبي ..
اثنينجن غاليات عليه ..
صفنت سدن بوجهي وجن مامصدگة تسمع هالحجي مني ..
التفتت على درة وگلتلها .. يله حبيبتي گومي حظريلي ملابسي خلي اسبح ..

درة .. احنه گاعدين بالليل والباب ندگت اجة خالوا حمزة يشوف اهله ..
وكلنا مجموعين.. وگال عرفناهم منو نفسهم الي تعدوا ع البنات ..
فاطمة .. ااااخ والله گلبي حاس همة نفسهم هي البلاوي منين تجي من البنات ..
ام يوسف .. على بختج خية وانتي هم عندج بنات ولو طالعات وي اخوتهن وصار وياهن هيج هم راح يدافعون عنهن قابل يشوفون الغريب يتحرش بيهن ويسكت ..
فاطمة .. واني شعندي مطلعة بناتي اخليهن گبال عيني احسن ..

ام يوسف اشرت الامي ماتهتم بيبياتي جانن نايمات لو گاعدات جانن هنة ردن عليها ..

بقينا گاعدين وكلها تسولف وتضحك حسيت بخنگة وضيگ نفس اشرت السدن وگمنا للمطبخ ..
گلتلها خلي نسوي حلاوة شو شنو نلهي روحنا بي
سدن .. كملتي المادة مالتج ..
درة .. اي بس اراجع ..
احنة بالمطبخ نسوي حلاوة ..
وسمعنا الباب تكسر خفنا ورجعنا نركض للهول ..
طلع خالوا حمزة والولد ..
رجع عبد الله يركض وبوسط البيت يصيح .. هجموا ع الولد وتصوب يوسف ..
اني سمعت احس رجلي ماتشيلني بعد ووگعت من طولي ..
صحيت وامي يمي وتبجي وكلها تبحي وخاله ام يوسف متخربطة وتگول وحيدي يمة وحيدي يربي نجيه الي ماعندي غيرة ..
اني حسيت بالي صارلي وخفت يحسون گلتلها يمة امير وامير شبي ..
ياقوت .. مابي شي ماما وان شاء الله يوسف هم يگوم بالسلامة ويرجعولنا بخير ..
بقيت كاتمة حزني وقهري بگلبي ..
جيتة الظهر مو خاليه جن حاس راح يصير شي ..
ياالهي احفظة واحميه .. اذا مو الي فالامة الي ماعندها غيرة ..
احميه الشبابة الي ماشاف شي منه ..
الكل جان يبجي حتى خاله فاطمة الي جنت اگول گلبها حجر ..
بيبياتي مايقبلن نبجي وتگول مايصلح ولاتفاولن ع الولد
گمت يم سدن گعدنا ع الدرج وحدة تواسي الثانية ونبجي مرن ساعات وماكو خبر ..
والولد يفترون وكل شوية يردون يرحون وامي مانعتهم تخاف عليهم ..
الى ان اجة امير وطمنا من شفته ارتاحيت احس روحي ردت الي ..
اااخ ياخوي من اروح فدوة الطولك الحلو ..
گال حضريلي ملابسي ..
دخل سبح وطلع ..
واني دخلت لزمت ملابسة واتلمسهن هذا دمة ..
دم يوسف يبعد روحي شگالت روحك من تصاوبت ودخلت الطلقه بجسمك ..
ياابو ضحكة الحلوة ابو الغيرة والشهامة ..
ماتستاهل يبعد عمري ..
هسا حسيت مشاعري مو مشاعر مراهقه ولانزوة ..
هسا عرفت روحي احبه ومااگدر بلياه ..
ولو يبقى اخر يوم بحياتي مااصير الغيرك فخر الي بيوم اصير مرتة وام بيته وهو ابو بيتي ..
لو رايح مني لاسامح الله شلون راح اعيش وي سوالفه وذكرياتة ..

اجة امير للحمام ..
شاف دموعي بعيني ..
امير .. ليش بعدج تبجين اضوج من اشوفج هيج ..
درة .. الي صار موشوية وهذا دمة الي تارس هدومك ..
امير .. اعرفج ماتتحملين لاتغسليهن عوفيهن خليهن بعلاگة وذبيهن بالزبل مااريدهن بعد ..

ماهان عليه اذبهن ودم يوسف بيهن .. بس ماردت امير يشك لو يحس خليتهن بعلاگة وذبيتهن بالسطلة مال زبل
لگيت امي مسوية ترمز جاي وريوگ ..
انطتهن الامير لان راح يرجع للمستشفى..
وامي توصي بي وهو يوصي بأخواني مايطلعون ..

امير .. رجعت لگيت يوسف صاحي شافتي ابتسم ..
شمرت الغراض من ايدي ..
ورحتله .. بست راسة..
-خوفتني عليك ليش هيج .. مو گلتلك ارجع ليش عاندت
-ادري بروحي مااموت لأن عندي اخو مثلك .. سولفولي شمسوي بالمستشفى وبيهم ..
امير .. هههههه افة عليك انت اخوي والي يرشك بماي ارشة بدم ..
ضحكوا كلهم ..
الشيخ .. والله انتو الاثنين املي بيكم جبير واذا رحت من الدنيا اروح مرتاح لأن عندي هيج زلم ..
كلنا .. اسم الله عليك بوية عمرك طويل ان شاء الله
الشيخ .. يله خلونا نروح مو كلنا نبقى هنا ..
خلونا مجموعات مجموعات ..
امير .. رحوا انتو اني هنا يمة ..
الشيخ .. لا مو وحدك خلي يمك كم واحد كلشي يصير وذوله مالهم امان ..
اني هم ارتاح واجي لأن فشله من العالم رايحة ورادة لهنا ..

بقينا فترة بالمستشفى..
رحت يوم اخذت اجازة الي واليوسف من جامعاتنا ..
والصبح واصل البنات للاعدادية وارجع للمستشفى وهيج مرت الايام الى ان اتحسنت حالة يوسف وقررنا نطلعه ..
اما ذولاك فكل يوم دازيلنا زلم يردون نتفاوض بس الشيخ يطردهم ويگلهم مو وكت الحجي هسا ..
وابنهم بعدة محجوز بالمستشفى..

طلعنا يوسف للبيت وجان الشيخ بهاي الفترة مرمم البيت لأن جانت الحيطان كلها مزرفه من الطلق ..
وصابغ الجدار ..
جنت متكي يوسف على متني لأن رجله الا عكازة يله يگدر يمشي وكتفية الايسر متصوب ..
ذبحوا خروف جوة رجله وكلها جانت ملتمة وهوسة الباب من الوادم ..
دخلناه لجوة وتلگنة النسوان وامهاتنا بالهلاهل والجكليت ..

يوسف .. وصلت البيت اهلي واني متلهف اشوفها واشوف عيونها الشذر ..
امير گال الكل يبجي عليك حتى درة مابطلت بجي عمي هنيالك طلعت عزيز وكلها تحبك ريتني بمكانك واشوف معزتي عندهم شگد ..
هو حجاها بالضحك بس مايدري بكلامة ردلي روحي ..
وفرحت من سمعت درة تبجي عليه وخايفه. .
امي وخالتي ياقوت وبيبياتي يطشن جكليت زرفن راسي تزرف ..
اريد اشوف درتي مااشوفها من الهوسة ..
دخلوني الغرفة ابوي ..
ولمحتها واگفة وتباوعلي من بعيد ..
عيونها ذبلانة وجانت عدها امتحانات وسهر ..

الشيخ .. خلو الولد يرتاح لاتتكومن عليه ..
ويله زهبن الغدا الوادم تارسة البراني ..

درة .. من شفته بخير وعافية ردتلي روحي التهينا بالمطبخ نحظر الغدا خطار تارس البراني ..
اجت سدن همستلي ..
تعاي وياي ..
سحبتني بسكتة واخذتني بحجة اخذ المي والخبز وهي شايله صينيه بيها غدا اليوسف ..
دخلنا هو جان متمدد.
شافني ابتسم ..
درة .. حمدا لله على سلامتك خوفتنا عليك ..
يوسف .. الله يسلمج .. شلونج بالامتحانات ..
درة .. ع الله ليش شلوني وانت بهيج حاله ..
سدن .. احم احم ترى اني واگفه بينكم ..
يوسف .. هوينا انتي عوفي الصينيه هنا وروحي يم الباب اوگفي ولاتتصنتين علينا افتهمتي ..
سدن .. حاضر نسيت اني البواب مالتكم ههههه ..

يوسف .. اتقربي يمي هنا ..
گعدت على طرق الجرباية .. شلونك هسا
يوسف .. من شفتج صرت زين .. درة اني مااتحمل شفت الموت بعيني وخفت لااروح من هاي الدنيا وانتي مو مرتي ..
اني راح احجي وي امير بس يهدأ الوضع ..
حتى اذا اخطبج ومن تخلصين سادس نتزوج وبعدها كملي الجامعه على راحتج ولو ادري بروحي اغار ومااتحمل ..
درة .. اني قررت احول معهد معلمات بعد السادس ..
يوسف .. لا درة مااريدج تاخذين قرار ماترديه .
درة .. بالعكس اني احب ادرس اطفال وامنيتي اصير معلمة بس تدري معدلي ماقبل معهد من الثالث لهذا راح اروح من السادس ..
يوسف .. بكيفج بس اريدج تعرفين اني وياج بأي قرار تاخذيه ..
درة .. اعرف ..
سدن .. يمعودين فضونا بقت بس تحددون تاريخ الزواج ..
يوسف .. هههههه خوش گتلج لاتتصنتين ..
سدن .. هو شخليتوا بيها بعد عوزكم تسمعون البيت كله
وانتي ست درة مو كيفتي گومي لايجينا اخوج القناص يطين عيشتنا ههههه
درة .. اممممم هسا صار اخوي مايعجب .. يله گايمة وانت اكل ونام وارتاح ..
يوسف .. بطريقجن صيحن واحد من الولد يسندني ولو التشريب برد ..
سدن .. من ايدك نسيت روحك من شفت حبيبة الگلب ..

گرصتها من ايدها وطلعتها .. وج سدن شلون تحرجيني هيج گدامة ..
سدن .. وانتي شلون تلمحين على امير شيگول هسا ..
درة .. وشبيها ؟؟ ولاتخافين اصلا مايسمع شتحجين لأن باله يمي ههههه
سدن .. هاااا هيج صارت .. عليج الله ماتنطيني الوصفه مالتج بلكي اخوج شوية يحس ويحسسني بحبه ..
درة .. نسيتي شگال ع الدرج من گاعدين .. دموعجن غاليه عليه وهذا وحدة اعتراف ..
سدن .. هو اني وين جنت بيا حال ..

جاي نضحك ونسولف انتبهنا اكو عيون من بعيد تترقبنا ..
سكتنا وسوينا نفسنا نشتغل ..
شوية اجة امير والولد ودخلوا للغرفه يم يوسف ومانسمع بس ضحكهم وسوالفهم ..

تغدينا وكملنا ونضفنا ..
واجو خطار ..
مر اكثر من اسبوع واحنه الخطاطير ماهدأت ..
من غير الشيوخ والناس التجي من طرفهم حتى يفضون السالفه ..
لأن ابنهم محجوز لسا ..
بس الشيخ جان بباله شي وهو يأدبهم لهذا كل يوم مأجلها وماانطاهم مجال ..
امير بدأت امتحاناته وجان يروح ويرجع بس يوسف اجلهن خطيه حتى حفله تخرج ماحظروا بسبب الوضع ..

وجود امي ببيت الشيخ يسعدني لأن اكون قريبة منه ..
وخاصه الكل دوامات وسدن امتحانات فكانت خالتي ام يوسف تودي الاكل بيدي اليوسف ..
ويمكن جانت حاسة لأن تبتسم النا من تشوفني اساعدة بالاكل لو افلسله الدجاج ع التمن ..

وهذا الشي يضوج خاله فاطمة وگامت تطلع حجي وتگول بنات تايهة مايستحن ..
وتلمح .. امي حست بتلميحاتها ومنعتني اوصل يم يوسف بعد ..
صرت بس اراقبه من بعيد ..
تحدد موعد المشية ..
ونصبوا جادر برة لان البيت مايكفي ..
وجان الجو حار فخلوا مبردات الولد كلها ملتهية وتركض من مكان المكان ..
وبعد الحجي والعرك وكل شويه نسمع هوسة ..
اتفقوا انه يفصلون عشرين مليون وهذا المبلغ كان كبير بوكتها ..
وانة يكتبون تعهد بأن مايتعدون المنطقه ومايتقربون الاي شخص منا لو على بعد خمسين متر واي شي يصير ع الولد همة المسؤولين ..
وتم التنازل لكن بقى الحق العام ..
الشيخ ماقبل يتنازل لو لا تدخل الشيوخ ..
وشغله العشاير مختلفه عنا ..

درة .. امي بعد كلام فاطمة منعتني عن بيت الشيخ ومن جانت تروح ماتاخذني وحتى سدن مااشوفها ..
امير شك ويسأل وامي تگله مالي خلگ مشاكل فاطمة وبناتها ..
اشتاقيت اليوسف حيل وماشفته من زمان ..

بيوم من الايام يوسف فاجئني بجيتة البيتنا جايبة خالوا مرزا ..
بحجة ضايج ..
وخالوا مرزا گالة اروح بشغل وارجع اخذك ..
دخلوا هو وامير للبراني ..
بقوا فترة طويله وطلع امير ..
گال درة تعاي وراي ..

دخلت للغرفه وجسمي كله يرجف ..

يوسف .. مااتحملت بعدها عني ومر اكثر من اسبوعين ماشايفها ..
وامها تجي وحدها ماتجيبها سدن ملتهية بأمتحانتها ومااشوفها ومن ادز عليها واسألها تگول امها تتعذر وتگول بالبيت مشغوله ..
ضجت وقررت احجي وي امير اول مرة وبعدها اخذ اهلي وامشي اخطبها رسمي ..
حتى الكل يعرف هي الي ومحد يحجي من يشوفها يمي
اني اعرف منو السبب ببعدها عني لهذا لازم اسد حلگ كلمن يحجي علينا

طلبت من امير نگعد وحدنا رايدة بشغله مهمة ..
امير .. خيرك يوسف قلقتني ..
يوسف .. ان شاء الله خير .. امير تدري انت اكثر من اخو الي .. الله مارزقني بأخو بس عوضني بيك ويمكن لو عندي اخو ماحبيته بگدك ..
امير .. وانت هم هيج بالنسبة الي الله شاهد بس ادخل بالموضوع ولاتستحي گول ..
يوسف .. امير اني رايد اختك مرة الي ..
امير .. درة !! بس ..
يوسف .. لاترفض بسرعه .. اني اجيت احجي وياك قبل لااحجي وي اهلي لأن يهمني رأيك قبل الكل ..
امير .. دوگف يخوي مو شغله رفض بس انت ليش مستعجل درة بعدهي صغيرة ..
تدري اني لسا اشوفها ذيج الطفله الي تركض وراي ..
يوسف .. الي صارلي خلاني استعجل .. من زمان عيني عليها ولاتاخذها بغير شي ولأن انت تعرفني هيج احجي وياك ..
مااريد ابقى اباوع عليها من بعيد وانتضر شوكت تكبر وتصير الي اني اريدها تكبر على ايدي والي خلاني متمسك بيها لأنها ترباتك .
امير .. مااعرف شأگلك يخوي بس فاجئتني .. المهم رأيها هي ..
والاهم رأي الشيخ.. الي اعرفه حاجزيلك وحدة من بنات عمك ..
يوسف .. الشيخ يعرف واني گتله .. وبنت عمي مااختاريتها اني همة الي قرروا بكيفهم ..
امير .. افضل تفاتح اهلك بالموضوع وتاخذ رأيهم واني اشوف البنية ويصير خير ..
بودي اگلك گبع واخذ بس تدري بمعزة درة عندي هاهي وحيدتي ومااگدر اجبرها ولو اعرف محد يصونها ويخاف عليها بگدي غيرك ..
يوسف .. شهادة اعتز بيها ولأنك تعرفني ماكو حاجة اگلك انه درة بعيني ومثل ماانت تخاف عليها اني اخاف عليها اكثر بعد ..

امير .. البيت بيتك بعد اروح اجيب شي نشربة واجي ..
طلعت من البراني واني متفاجئ ماانكر فرحتي بأن درة راح تصير عند يوسف الي اثق بي اكثر من روحي ..

گلت الاخواني يگعدون يم يوسف عيب وحدة ..
وصحت درة للغرفه ..
مااعرف ليش حسيتها مرتبكة وخايفه ..
امير .. درة اني مااعتبرتج فد يوم اختي وبس انتي صديقتي .. ودوم اني وياج نتناقش ومااجبرج على شي انتي ماترديه ..
درة .. خوفتني شكو ..
امير .. يوسف اجة هسا وخطبج مني واني ماگدرت ارجع خبر اذا مااسمع منج ..
درة .. امير انت مو بس اخوي انت ابوي الماحسيت بحنانة بگد حنانك انت كلشي بحياتي ..
قبل مااگلك اي لو لا ..
اريدك تعرف اني من زمان حاسة بمشاعرة اتجاهي ومشاعري مو خاليه اتجاهة ..
مااريد اخدعك وكأنه اني اول مرة ادري بمشاعرة ..
بس صدگني مايوم خنت ثقتك بيه ..
ولا هو خان ثقتك ..
بس لان اعرف يوسف شنو واعرفة يعزك ويحبك ومستحيل يأذني بيوم لهذا ثقيت بمشاعري اتجاهة وكلما جنت اريد اصارحك استحي واخجل ..
ويمكن لو عندي اخو غيرك بحياتي ماتجرأت وحجيت اني الحيدر وعلاوي مااحجي هيج شي بس لانك تختلف بالنسبة الي ومكانتك غير ..
امير .. اعرفج لاانتي ولا هو تسوون الغلط واعرف وحاس بمشاعركم لاعبالج اني مااعرف الدودة اذا مشت وين تروح ..
كلشي اعرف .. وحتى اعرف الثولة الاحبها تجيبلج حجي وتودي حجي ..
درة .. قصدك سدن .
امير اعتذر وربي اني… .
امير .. اششش لاتبررين لو مااثق بيكم ماسكتت وماخليتة يعتب باب بيتي بس جيتها هاي عندي اكبر من كلشي ..
بس هالشي خليه بينا لاتگليله امير جان حاس مااريدة يخجل ويستحي هو هسا وبالگوة يحجي ..
المهم عندي سعادتج والاهم اسلمج الشخص يحبج ويهتم بيج بگدي واكثر ..

هسا خليني اروح اگول الامي ..
هايمة شو نايمة خيرج ..
ياقوت .. يمة راسي هالايام مدري شبي ..
امير .. سلامتج يالغاليه خلينا نمشي للطبيب العصر ..
ياقوت .. لا عليمن اخذت حباية وجع راس وهسا اصير زينة ..
امير .. اگلج يمة هنا يوسف واجة فاتحني بموضوع قبل لا يحجي وي اهله ..
ياقوت .. خير يمة وشعندة بهالضهرية ورجله شلونها ..
امير .. لا زينة بس هو جاي على درة وخطبها مني شتگولين انتي ..
ياقوت .. درة ؟؟ بس مو صغيرة عليه ..
امير .. يمة صغيرتيش ماتشوفيها بطول الباب وبعدين انتي مو الفرق بينج وبين ابوي جبير بعد شني ..
ياقوت .. الهيج مااريدها تتعذب مثلي .. صغيرة وازوجها يمة هاي وحيدتي اريد اشوفها تتخرج وتتوضف يله ..
امير .. يمة اني ماانطيها هسا اذا ماتخلص سادس بس هي خطوبة وهاهي وهسا هي راح تروح للخامس يعني منا السنتين الها الف حلال ..
وبعدين انتي تقارنين ابوي بيوسف .. هذا يوسف يمة اخوي هذا واعرفه اكثر من روحي ..
ياقوت .. يمة اني هم احبه اليوسف ومعزتة عندي مثلكم بس خايفه عليها من الحجي وتدري انت فاطمة تريد بنتها اليوسف عبالك راح تسكت اذا سمعت والشيخ يقبل ..
اني مااريد ارخص بنتي ..
امير .. الشيخ يدري وموافق ومادام صارت يمة هو يحلها ياقوت .. والله مااعرف شأگلك يمة خلي يفاتح اهله ونشوف ودرة شني رأيها هم گلتلها ..
امير .. اني اعرف رأيها لاتشيلين هم ..

رجعت للبراني والولد كلها گاعدة وسوالف وضحك اجة خالي مرزا ياخذ يوسف ..
بالباب گال يوسف ..
-ها يخوي شنو ردك ..
-فاتح الاهل وهلا بيك بأي وقت .. ضحك وضرب على جتفي ومشى ..

درة .. بيوم النتائج وقلق وتوتر اخذني امير للمدرسه استلمتها ناحجة رجعت فرحانه وبشرت امي فرحت خطية وگبلتني وتبجي .. ولج يمة درة شبسرعه كبرتي ماشبعت منج ..
عرفت شتقصد .. حضنتها وگلتلها يمة ماعاش اليعوفج شعندي غيرج وداعتج اجيبه واخليه اگعدي يمج ..
وامير خربان ضحك عليه ..
ضربتني على كيف وگالت .. دگومي جبيلي حبايه راسي مدري شبي ..
امير .. يمة شبي راسج مو گتلج خلي نروح للطبيب
ياقوت .. مابي شي يمة بس هذا الدوار موتني ومن اخذ حبايه ارتاح لاتشيل هم ..

لليل كلنا مجموعين وسويت كيكة.ومحتفلين بيناتنا بمناسبة نجاحي ..
وحيدر يگول دخلي ينطوني النتيجة وانجح من السادس الا ادگ طبول مو تقشمروني بكيكة وشربت ..

اندگت الباب راح علي فتحها ..
تفاجأنا بجية الشيخ والحجيات وخالوا مرزا وخاله ام يوسف وسدن وياهم ..
دخلوا للبراني وسدن تغامزلي وتهلهل ع كيف ..
درة .. بس لاااا
سدن .. اي عيني راح تخنطبين قبلي واني اكبر منج بس لااخوج راح يعنسني يله ياخذني شماله ماطلع مثل اخوي مستعجل ..

درة .. هههههه لا عيني شرطي الا يتزوج امير يله حتى لو ابقى مخطوبة العمر كله ..

سويت من الكيك والشربت مال النجاح ورحت قدمته ووياي سدن ..
وجنت مستحية ومرتبكة والشيخ گال هذا الشربت والكيك مانشرب وناكلهن الا لما ناخذ الموافقة ..
فتح الموضوع وي امي وامير ..
امي ساكته وبس امير يحجي ..
گاله بوية البنية بنتكم تريدها اليوم باجر گبع واخذ ..
هلهلت خاله ام يوسف ..
وصاحوني سلمت عليهم وبست ايد الشيخ ..
وباس راسي ..
دور رحنا للهول ..
خاله ام يوسف خلتني يمها وتگلها ولج ياقوت من هي صغيرة تمنيتها جنه الي ..
وبيبياتي يخططن للخطوبه وشتردون وشنجيب ..
واني ميته خجل ..
اجة امير نقذنا وگال ..
يمة الشيخ يريدجن بكلمة ..
راحوا وسمعنا هوسة ..
امير .. ماعدها اهل ولاابو اني اهلها وابوها ..
الشيخ .. اي يابة نعرف .. بس من الاصول نبلغ ابوها خو مايصير گدام الناس بنته تتزوج وناخذها من غير شور ابوها هم باجر عگبه ننعاب بين العشاير ويطلع الشيخ مجبل اخذ بنية قاصر من غير شور اهلها وابوها ..
امير .. البنية قاصر مووو كلها سنتين وتصير 18 تبقى مخطوبه ووكتها عود تتزوج ..
الشيخ .. هسا مو وكت هالحجي بعدين نسولف بي اني وانت ..
لاتضيعون فرحتنا بهاليوم ..
اگلكم صدگ جا يوسف وينة ..
مرزا .. بقى بالسيارة يستحي يدخل گال من تتفقون وتكملون دزولي خبر هههههه ..
امير .. خرررب وهاي المدة كلها هو منتضر ..
الشيخ .. خليه يتگله جا قابل ننطيه بتنا بسهوله ..
حيدر .. عليكم العباس خلوني اني اروح اگله صارت عركة وامير بطل ينطيك مرة ..
علي .. ولك خطيه هسا تلگيه بقلق ..
حيدر .. لا والله الا اسويها ..
راح يركضون للباب ورى شويه رجعوا وهو وياهم وطاگين من الضحك ..
جنت اني وسدن نباوع من باب المطبخ والفرحة ماسايعتني واخيرا صرت من نصيبي ..
هو خلى اخوتي يدخلون غمزلي ودخل ..
اول مرة مااحس بخجل من حركاته يمكن لان صار كلشي بعلم الكل ومابقى شي واصير على اسمة وبذمته ..


بقلمي_الكاتبة_شمس
يتبع .…

[لامارا]

/// البـارت عــشرون ////
عجـاف_القلـوب ..
الكاتبـة_شمـس ..

ضـاق فضـاء قلبـي بمـا حواه ..
من عشـق قد احتـواه ..
واننـي خائف من شعور ..
غريب قد اعتراه ..
شعور غريب يجبرنـي
على الاعتراف بكـل
ماقد فاض بالاعتراف لمن يهواه
لصغيرتـي التـي تلاعب فراشاتها
كأنها تقفز بين نبضات قلبـي ..
حبيبتـي ليس لها مثيل بين البشر ..
حبيبتـي طفلة تسحر الشعـور ..
حبيبتـي انثى تسلب الالـباب ..
حبيبتـي حكيمة كأنها عاصرت اجيال واجيال ..
حبيبتي تجمع كل هذه الصفات ..
حبيبتي هاقد تعاهدنا على محراب العشق بالوفاء
ناذرا دمـي قربانا لهذا العهد ..
الى انقطاع انفاس هذا النابض ..
الذي يردد انكِ ملكته كلـه..
فيـا كـلي وبضعـة حشاشتـي ..
سأبقى حارسـا لذلك العشق منتضرا ..
لـتلك الاميرة صاحبة الدرتين الزرقاوين ..
لأعطيـها امانتها واسترد امانتـي منها ..
--------------------------- اهداء من احدى المتابعـات

يوسف .. كان احلى شعور من دخلت البيت امير وشفت الكل فرحان وامير يضحك ويگلي راح تصير نسيبي بعد
بس ها اذا ضوجة اختي مااگول اخوي وصديقي لا نتخارب ..
يوسف .. لاعمي كلشي ولاهاي .. ان شاء الله خوتنا تزود بهاي ماتنقص ..
امير . والنعم منك اخوي متأكد راح تصونها وتحافظ عليها
الشيخ صاح .. وين بنيتنا شو ماشفناها ..
صاحوا درة وهي خجلانة وبالگوة جابتها سدن .

درة .. متت خجل من دخلت والشيخ اشرلي اجي يمة اگعد ..
گعدني بينه وبين يوسف ..
وگال ..
انتي من هاي اللحظة صرتي بنتي ولو انتي بنتي من زمان بس الوضع هسا اختلف ..
وادري بيوسف راح يخاف عليج ويحبج ..
بس هاي گدام امج واخوانج ..
انتي امانتي بعد الي بنفسج والي ترديه يصير ..
ومثل ماهو ابني انتي بنتي ..
تردون هسا نعقدلكم مومن وتتزوجون تردون تنتضرون لمن تخلصين سادس ..

اني مستحيه واحس نار تطلع من وجهي والشيخ يحجي ويريد رأي ..
يوسف .. جدي رحمة. لله ماتشوفها راح توگع وترجف .
الشيخ .. ههههه شوف الملعون من هسا خايف عليها ..
ع الاقل استحي منا اخوتها وامها شو ماخذ راحتك انت
يوسف .. شو گلبت عليه جدي هاي جبتك تجمعنا لو تهيج الدنيا عليه ههههههه
امير ... ههههههه ها يوسف شو من هسا معت وذبت شبيك اثگل ..
يوسف .. محظورة هسا اني الك بعدين ..

جان يوم مميز الي رغم التوتر الي عشتة بس الفرحة الي شفتها بعيون الكل ماتنوصف ..
خلتني الليل كلها ماعرفت انام من الفرح ..

مر اسبوع وامي اجت گالتلي .. يمة درة خالتج ام يوسف تگول نروح من هسا نشتري الذهب والحلقات ..
درة .. ها ماادري يمة بكيفكم امير يدري ..
ياقوت .. اي يدري لأن هو گالي قبل لايطلع للكوفه ..
يمكن يوسف مبلغه ..
درة .. زين جا بس اغسل ماعين الريوگ وابدل ..
ياقوت .. عوفيهن وروحي بدلي وعدلي .. عسا الله يفتحها بوجهج يمة ويفرحج ويخلي حظج احلى من حظي

حضنتها ودموعها تنزل ..
درة .. هاي شنو ام اموري ليش تبجين غير فرحانه الي
ياقوت .. والله يمة يعز عليه تعوفيني وترحين ماشبعت منكم .. بس الي مهون عليه هو قسمتج وبيت الشيخ ادري مايقصرون وياج ..
درة .. جا بعد ليش تبجين .. وهمة موبعيدين كل يوم اني يمج ..
ياقوت .. لايمة مااريدج تستغلين عيالج .. البنية من تتزوج يصيرون عيالها اهلها .. والعيال مايحبون المرة العايفه بيتها وساكنه اهلها كل يوم ..
اريدج يگولون صدگ ربت ياقوت وماراح تعبها ..
تخليهم بعيونج وتخلين بالج من زوجج وبيتج ..
درة .. يمة راح تخليني اتراجع .. شنو هاي شو اشتاقيتلكم من هسا ..
ياقوت .. ههههه دروحي بدلي لانتأخر فشله من يوسف راح يجي ياخذنا ..

بدلت واتأنقت ولبست حجابي اندگت الباب واسمع امي اتگله ادخل يمة البيت بيتك ليش واگف برة ..
احس گلبي طار من سمعت صوتة ..

طلعت ابتسم ..
يوسف .. صباح الخير
درة .. صباح النور ..

ياقوت اروح اجيب عباتي واجي .. يلة يمة اطلعوا انتو گدامي بين مااقفل البيت ..

طلعنا سويه وگفنا بالطارمة ..
-درتي مابقى شي ..
-الشنو
-ونعقد واسميج مرتي .
-ترى اذا عقدت مو عبالك ترتاح هههههه اخواني يشنون عليك حرب ويلزمون سيطرات ..
-ههههههه اي بالقرآن .. وخاصه علي وحيدر المسودن
-لاتگول عليه مسودن
-احم اعتذر ههههه بس بعدين اذكرج بهاي الكلمة ..
-اجت امي كافي ..

همس .. اوووف شيصبرني سنتين ..
صعدنا بالسيارة ورحنا البيت الشيخ ..
تلگتنا خالتي ام يوسف وبوستني والحجيات هم ..
سدن هم مبدلة ومنتضرة گالت راح اروح اشتري فستان للعقد ..
درة .. ليش هو شوكت .
سدن .. مااعرف بس الشيخ گال خلونا مانطولها ونعقد بسرعه ..
درة .. شوفي ايدي من هسا ارجف اذا صدگ صارت شلون ..

گاعدين ودخلت خاله فاطمة ..
شافتني عبست وجهة ..
بس ماحجت وحتى ماباركت ..
حجت وي بيبي ام حمزة وگالتلها اني راح اخذ البنات وامشي الاهلي كم يوم نغير جو وحمزة راح يجي ياخذنا ام حمزة .. يمة لو مأجلتها لان الشيخ گال هاي الايام نعقد الدرة ويوسف ..
فاطمة .. وشعليه بيهم مايعقدون . اصلا ياقوت واسراء طابخاتها من زمان بعد ماياثر وجودي وعدم وجودي ..
دارت وجهة وراحت ..
اني گاعدة بس ماحجت شي ..

خاله ام يوسف گالت يله ماما گومن ..
گمنا وهي طفت الطباخ وگالت للحجيات .. اني كملت طبخ وان شاء الله قبل الغدا احنه هنا ..

ام مرزا .. الله وياجن يمة ومااوصيج بنيتي مثل ماالشيخ گال ..
اخذنا يوسف ومشينا ..
واصرت خالتي ام يوسف اگعد بالصدر يمة ..
استحيت من امي بس هي گالت اگعدي يمة بعد كم يوم ويصير رجلج ..
گعدت يمة وافرك بإيدي من التوتر ..
وهو حاس عليه ..
شال عينه ع المراية .. وشاف امي وخالتي يسولفن ..
بسرعه لزم ايدي وعصرها ..
همس كافي مو راح تگطميهن وضحك ..
لزمته الي دخلت شعوري بداخلي حلو واول مرة احسة
اتمنيت العمر كله يبقى لازم ايدي هيج ..
سدن حست علينا ضلت تكحكح وتضحك علينا ..
ويوسف يخزر بيها ..

اشترينا الحلقات والذهب وجان ذهب حلو وغالي ماقصروا ابد رغم الماديات اخر همي ..
وامي ماتشرطت ابد ..
وكلما تسألها خاله ام يوسف ..
امي تگلها بكيفج هي بنتكم بعد ..
كملنا ورحنا اشترينا فساتين اني وسدن ..
اخذتة لون بصلي فاتح للعقد ..
بس يوسف اصر اخذ السمائي يگول هذا بلون عيونج ويطلع احلى ..
طبعا هو دز هالكلام بلسان سدن لان امي واگفه ويستحي يحجي ..
اخذت السمائي حسب رغبته وهو ابتسم وغمزلي ..
غمزاتة تذوبني وتسحرني بي اكثر واكثر ..

كملنا ورجعنا للبيت ..
الشيخ ماقبل نطلع وگال غداكم عدنا ..
وامير حبيبي راح يستلم نتيجة واجة بشرنا ناجح وبتقدير جيد جدا ..
الفرحة صارت فرحتين ..
يوسف مأجل امتحاناته ..
فالشيخ گال الحفله مالتكم بعدني ع الوعد واسويها من يتخرج يوسف هم ..
وان شاء الله افرح بعرسكم سويه ..

تجمعنا وتغدينا وضحك وسوالف ..
ماحسينا بالوكت ..
الشيخ فتح موضوع الخطبة وگاله بوية امير ..
اني من رأي تنطي خبر الابوك لان مهما يكون هذا ابوها
انت رفضت نمشي عليهم وگلت اني هنا المسؤول عنها
بس الناس ماتعرف هالحجي ..
وبعد يومين يگولون الشيخ مجبل اخذ بنية الابنة من غير ماياخذ رأي اهلها وابوها ..
انت تعرف شي واني اعرف شي ..
امير .. خلص مثل ماتريد بوية .. اني راح اخابر بيت ابو احمد يبلغون ابوي ويگلوله درة انخطبت وهاهي ..
حتى يعرف انه احنه مابحال رأيهم والراي النا مو اله ..

رجعت للبيت فرحانه بالفستان والحلقه اكثر شي وكل شويه البسها بإيدي وممصدگة ..
واتخيل يوم خطوبتنا وشلون راح يدخل يوسف وشلون يلبسني جانت الفرحة ماسايعتني ..
صاحني امير طلعت ..
امير .. تعاي حبيبتي هنا ..
گعدت يمة ..
شوفي درة .. انتي بنتي مو اختي. فأي شي ترديه گولي الي بنفسج وتتمنيه اطلبيه واني اجيبه لاتخلين اي شي يقصر سعادتج ..
درة .. اني سعادتي بوجودك انت واني واخواني . شنو الي اطلبه بعد وانت قبل مااطلب تجيب الاريدة انت تعرفني من عيوني شنو اريد.
امير .. اني من اشوف هاي السعادة الي بعيونج ارتاح اعرف يوسف خوش ولد ويحبج بس بالمقابل هو هم اخوي واريدج تخلين بالج منه ..
استغلوا حياتكم وعيشوها بسعادة لاتضيعوها بزعل واشياء تافهة ..
اريد الكل يگول هاي اخت امير ..
حضنته وگتله والنعم منك حبيبي ..
گال .. خليت فلوس يم امي الج اي شي تحتاجيه اخذي واشتري ..
درة .. تسلم حبيبي بس انت شوكت نفرح بيك .. هاي انت تخرجت ..
وسدن راح تتخرج من السادس بعد شنو الي مأخرك فرح امي خطيه من هسا ضايجة على فراگي ..
امير .. مو وكتها اني مقرر احجي الشيخ بيني وبينه بس ماتصير رسمي الا لمن اوگف على رجلي واكبر الورشة واسوي المعرض ..
ياقوت .. يمة هو العمر كم دوب .. امنيتي اشوفكم متزوجين وجهالكم تارسة البيت ..
درة .. اي غير تتخرج ست سدن يله ..
ياقوت .. يعني يمة بعدك هاويها وتريدها ..
امير .. ومنو گالج يمة اگدر اهوى غيرها . اني جنت منتضر اتخرج يله افتح الموضوع وهسا اجة وكته ..

امير .. جنت مقرر قبل لااتخرج احجي وي الشيخ بسدن ومن تكمل سادس اخطبها ..
بس يوسف سبقني وحجة بدرة وماگدرت افتح موضوع سدن لايعتبروها بدل فسكتت واجلت السالفه

درة ..حددوا الخطبة ..
واني بديت بالتجهيزات وجانت سدن تجي تساعدني وسولفتلها على امير وهي فرحت خطيه ..
گاالت واخيرا نطق ابو الهول هههههههه
ولو هو مااخذ رأي بله جايز ارفض ومااريدة ..

-يعني صدگ ترفضيني اذا خطبتج ..
سمعنا صوت امير ..
طفرت سدن من مكانها ووجهها اصفر ..
هاااا
امير .. شهاااا اذا گتلج احبج واريدج ترفضيني يعني ..
شبيج ساكته مو صار ساعه تحجين اشو صوتج اختفى هههههههه ..

درة .. اني اروح يم امي انتو ابقوا هنا .. ردت اطلع لزمتني ..
سدن .. وين رايحة
درة .. مو خابصتني اخوج جامد وساكت ومايحجي . هاي الله استجاب الكلامج وفتح العقدة ..
يله اني اترخص .. بس اموري ع كيفك وي سدون ترى جنها راح توگع ..
هو ابتسم وراح يمها ..
گالها اگعدي ع الجرباية ..
وسحب كرسي وگعد گبالها ..
سديت الباب وطلعت ..

امير .. شبيج خايفه .. لاعبالج اني جامد لو مااحس بعيونج الي تراقبني وين مااروح ..
لو من احجي واضحك وي الولد ماانتبه الج وانت مراقبتني ..
سدن .. اني لااااا
امير .. تعرفيني افهم الواحد من نضرته شيريد يگول ..
لان اني مثلج ..
كلشي بيج اعرفه تصرفاتج كلامج ضحكتج بكلشي حافظج بس تدرين مااحب احجي ..
جنت مااريد احجي اذا مااتأكد من مشاعرج ..
ولحد هسا ماردت احجي ..
بس من سمعت كلامج وي درة ..
فگلت من حقج تعرفين مشاعري ..
اي يبنت الناس اني احبج واريدج مرة الي بس مااگدر اگلج اخطبج هسا لأن تعرفين عندي شغلي وحلمي اريد احققهن ..
فأذا تنتضريني سنه سنتين لو شوكت مااكمل الي ببالي ويمكن اقل من هيج ..
فأني راح اخليج اسعد انسانه ومااقصر عنج بشي ..
اني اريد مرة اخلي راسي ع المخدة واني مطمأن منها ومن حبها الي ..
اريد مرة تخاف على امي وتحبها مثل حبي الها .
لأن عندي امي اغلى نساء الكون عندي ..
وانتي احب نساء كون الگلبي بس بس مو تخلين درة تسمع ترى تغار هههههه ..

سدن .. اسمع وفرحانه .. اول مرة اعرف امير رومانسي جنت اتوقعة جامد ومرات اتخيل حبي من طرف واحد ..
بس اليوم عرفت اني ماغلطت من اختاريت هيج شخص وحبيته ..

امير .. ها شو ساكته ..
سدن .. شأحجي بعد كل هذا الحجي ..
امير .. اريد ردج ..
سدن .. تعرف ردي شنو .. بس شغله وحدة اريدك تعرفها مستعدة انتضر لو العمر كله ..
هو ضحك وهز راسة ..
تركته وگمت ..
اروح اشوف درة ..

لگيتها واگفه بالباب ..
سدن .. اني اعلمج شلون تعوفيني بله لو جايه عمة ياقوت وشايفتني .. شتگول ..
درة ..ماتگول وداعتج تدري وتتمناج اصلا ..
سدن .. وج يعني صدگ راح اصير مرت ا
خوج وانت حماتي ..
درة .. هههههه والعكس صحيح ..

طلع امير يضحك علينا.. وگال اني طالع محتاجين شي
شو سدن سبقتني وگالتله ..
سلامتك ..
درة . احم احم وين جنه ووين صرنا ..
سدن .. ولج اصلا اني احجي وممصدگة ..

درة .. ديلة مابقى بس يومين للعقد وانتي تلعبين.
سدن .. دگومي خلي نكمل الكرزات حتى نسوي الطاوله نزينها ..
وراح اسويلكم كيكة تخبل واكتب اسمائكم عليها ..

رتبنا الطاوله وكملنا كلشي وسوينا صينيه زيناها نخلي بيها الذهب ..
اجت خاله ام يوسف اخذتني للصالون رتبت حواجبي ووجهي ..
واتفقت وياها ع التسريحة والمكياج ورجعنا ..
بالرجعة اجة يوسف اخذنا ..
والطريق كله يتغزل يم امة .. واني مستحيه وامة تگله ولك شو طالعه عينك استحي مني بس هو ابد ولايسمع

وصلنا شفنا امير بالباب ..
ضحك وگال اليوسف .. ولك هيج النسوان تغيير مع الاسف ع الخوة ..
يوسف .. ههههههه مايغيرني عنك حتى الموت انت الظلع مالتي ونسيبي الغالي ..
بقوا يصنفون ويضحكون دخلنا اني وخالتي ام يوسف البيتنا ومن شافتني امي گامت تصلي ع النبي وتبجي

-ولج يمة شبسرعه كبرتي وصرتي عروس ..
ام يوسف.. اني هم مثلج من اشوف سدن تكبر افكر شلون اذا تتزوح وتروح مني ..
ع الاقل انتي طمأنيتي عليها .. بس اني شلون بيه ..
ياقوت .. خية مااعرف شأگلج وهالشي يريح گلبج لا ماادري ..
بس امير هاوي سدن ويريدها ووليدي متردد ومستحي يخطبها ..

بقت خاله ام يوسف صافنه وامي ماشاء الله تسرعت وحجت بالموضوع ومن غير ماامير يعرف وهو اصلا مقرر يحجي وي الشيخ بالاول ..
اني اخزر واشر الامي بس امي ع نياتها وفطيرة والي بگلبها على السانها ..

ام يوسف .. ياخية ليش وين الگي احسن من امير فدوة الطوله رجال ومعدل والف وحدة تتمناه ..
بس هاي الشغله يم الشيخ وابوها ..
ووكت مايحس روحة مستعد لايستحي هو هم وليدنا ومتربي على ايد الشيخ ..

من طلعت خالتي ام يوسف .. گمت الوم بأمي ونسولف دخل امير سمعنا وضاج لأن امي تسرعت ..
بس ماحجة ولاكسر خاطرها ..

بيوم العقد الصبح ..
دز الشيخ على امير من الصبح وحتى بعدة ماطالع للشغل ..
واني الفرحة ماسايعتني ..
اليوم خطوبتي واگلب بالفستان ..
جنت منتظرة تجي خاله وسدن نروح للصالون ..
اتخيل الاجواء ببيت الشيخ .
خالاتي متجمعات كلهن ولمة ويرگصون ..
الشيخ گال خلو الخطوبة بيناتنا وبالزواج نعزم ناس ونسوي حفله جبيرة ..
بس يمنا ماكو احد ..
خالة منال گالت راح تجي هي وبناتها يساعدن امي بس لسا مابينن ..

صارت الـ 11 وماكو احد اجانه وامي حايرة شمسويه وشطابخة خطية گاعدة من الصبح ..
اووف ودور خاله منال والبنات اتأخرن گالن نزين الاستقبال ونخلي نفاخ ونشرات ..

انفتحت الباب دخل حيدر ضايج ويغلط ويسب ..
ياقوت .. شبيك شكو شصاير ..
حيدر .. همة ذوله اهل .. بله هذا ابو .. شلون انتي تزوجتي وعشتي وياه ..
شلون خلتينا نشيل اسم واحد حرام اخلي بصف اسمي بالجنسيه ..

ياقوت .. غير تفهمني ..
دخل علي يصيح على حيدر ..
-انت شلون تتهور وتحجي مو الشيخ جاي يتفاهم وياه وسياسهم انت خربت كلشي بتهورك ..
حيدر .. والله انعل والديهم بكيفهم . هم مسوي روحة ابو وجاي يتحكم بينا ..
وهذا قيصر مدري نعال نافش ريشاته ويحجي ..

ياقوت .. ولكم فهموني ابوكم شبي وشسوة ..
حيدر .. يعني شسوة جايب اخوه التحفه وابنه وخربوا الخطبه كلها ..

درة .. اني سمعت هيج ماادري شصار بيه .. واني اصلا مامتريگة وتوتر من الصبح وگلبي مقبوض .
مااتحملت ووگعت ..
مااسمع بس امي تبجي وتندب بحظي ..
وتحجي ببينها وبين نفسها ..
والله عرفت ماتعدي حاسة شي يخربها ليش يربي تخلي حظها مثل حظي ليش ..
من هي صغيرة واني اگول لاتخلي حظها على حظي.

دخل امير وخاله ام يوسف ..
امير .. درة حبيبتي شبيج تسمعيني .. لاتخافين محد يخرب فرحتج اليوم العقد يعني اليوم هاهي ..
ام يوسف .. سودة عليه ماما حتى بأسعد يوم الها مااتهنت ..

امير .. دز عليه الشيخ ورحت شفت حاكم وقاسم وقيصر
من شفتهم عرفت ناوين ع الشر ..
وتندمت سمعت كلام الشيخ وخابرت البارحة الابو احمد وبلغته يبلغ ابوي ..

الشيخ .. تعال بوية اگعد ..
اول مادخلت تهجم حاكم عليه ..
حاكم .. انت منو ولك وتقرر لاتشوف سكتت وخليت درة عندكم بس ماردت اكسر بيها ..
ودور تزوجوها وماتگولون ..
تدزلي خبر مثل الناس الغربه ..
امير .. انت طلعت من حياتنا من زمان ولو مالشيخ يگلي فلا ابلغك اني ولي امرها مو انت والي الحق انطيها ..

حاكم .. والله كثر خير الشيخ من ذكرنا هسا وگال عندها اهل ..
اصلا المحكمة ماتعقدلكم اذا مو اني موجود ناسين انتو هي قاصر ..
الشيخ .. بوية هو انت شوكت ذكرتهم البنية تربت عدنا واخوها الرباها ..
واحنه مانقصر عنها بشي وندللها دلال ..
قاسم .. ايباه وانت منو وتقرر .. ماعدها عمام وننطيها الك ..
اصلا البنية محجوزة من الصغر الابن عمها ..
امير .. شنو ماسمعت . منو ابن عمها بله ..
قيصر .. ليش اني مو بعينك ..
امير .. لا لان ماشفتك .. وانتو منو وتقررون ..
الشيخ.. بوية اهدوا وخلونا نحجي بهداوة ..
البنية اليوم عقدها لاتخربون فرحة البنية ..
حيدر .. صدگ تحجون شنو تاخذون وتنطون وياهم بالحجي اطردوهم وخلي يولون ..

حاكم .. والنعم من تربات الشيك .. هيج تعلمهم يطردون ابوهم هي هاي تربات الشيوخ. .

الشيخ .. حيدر گوم اطلع روح للبيت يله ..
حيدر .. شيخنا ..
الشيخ .. بلا حجي يله اطلع ..

طلع حيدر وگام وراه علي بقينا بس احنه .. الحمد لله يوسف ماهو جان عند الحلاق ..

بس ماطولت فرحتي ودخل هو وخالي مرزا ..
شافهم استغرب ..
گال السلام عليكم وگعد ..

الشيخ .. هسا شتردون فهموني .. البنية وراضيه وامها واخوتها راضين ..
قيصر .. بس عمامها واهلها ماراضين وانت لو شيخ صدگ وتعرف بالاصول جان ماتسوي هالسواية ..
يوسف .. ماتتأدب وتگعد الكبار تحجي انت شكو .. وبعدين انت شعليك ومنو انت وتحجي اصلا.
قيصر .. اني ابن عمها انت منو وتحجي ..
يوسف .. درة خطيبتي واليوم عقدنا حجاية ثانية امدك بالگاع ..
قيصر .. درة الي وماتصير الغيري وهي محجوزة الي من صغرها وانت رجال وتگرب عليها ..
يوسف .. دولي واطلع منا ذاك اليوم اجة ويريد يحجز بكيفه ..
قيصر .. بنت عمي الي وراح اعلن للدنيا كلها نهوتي عليها واريد اشوف منو ياخذها لاانت ولاغيرك يوگف بوجهي ..
يوسف مااتحمل وگام شبعه ضرب .. اني هم فقدت من سمعت كلامه طردتهم كلهم وضربت قيصر لان گام يتطاول بالحجي ..
ومن گد ماعصبت ابوي گام يغلط ويسب بيه وبالشيخ
دفعته من ظهرة وطردته ..
وگلتله انتو زلم وتعالوا عتبوا الباب بعد وشوف شسوي
حاكم .. تدفع ابوك وتطردة ياناقص يامامأدب ..
امير .. يمكن يذكرك هذا الموقف من لزمتنا وطردتنا احنه وامنا من بيتها ..
بحياتي ماردت اسوي مثلك بس انت الي جبرتنا والدينا دوارة وكما تدين تدان ..

طلعوا وهمة يهددون ويتوعدون ..
رحت البيت اهلي وضايج حيل .
اجت وراي خاله ام يوسف گالت خليني امشي اشوف درة خاف سمعت خطيه ..
اخذتها ورحت وشفت درة بعالم ثاني ..
گمت الوم بحيدر لأن تهور ولأن اجة وگاللها واني ادري بيها حساسة وماتتحمل ..
طول اليوم هي نايمة وضايجة ..
العقد اتأجل بين ماتفض السالفه ..
ردت اسويها عناد واخليهم يعقدون بس الشيخ گال تريثوا لأن ابوي مشتكي ع الشيخ ومتهمة جابر بنته القاصر ع الزواج من غير علمة ..
الليل كله بقيت اروح وارجع ع الغرفه اريدها تگعد واحجي وياها بس اتخذت النوم وسيله حتى ماتفكر ولاتسأل شصار ..
اما يوسف فهذا بحث اخر .. ضاج وانقهر وطلع من البيت ومانعرف وين راح ..
دورنا بكل مكان ماكو حتى للمزرعة رحت ماهو ..
والشيخ ضاج لأن خوالي والكل يلوم بي ويگلوله لو ماموصل خبر الهم احسن جان عقدوا ومحد يدري وذيج الساعه هي مرتة ومحد يگدر يحجي ..

درة .. نمت من الصبح لليل .. ردت النوم ينسيني الي صار اريد اصحى ويگلولي يله گومي اجة يوسف وراح تعقدون ..
جنت معلگة فستان العقد على باب الكنتور كلما افتح عيوني واشوفه اضوج وانقهر وارجع انام ..

گعدت للصحيات بالليل واسمع اخواني وامي يسولفون وامي جانت ضايجة وتندب حظها وحظنا ..
ياقوت .. يمة بس لايصير للولد شي بسببهم .. اوووف شوكت نرتاح من ابوك وعمامك ومشاكلهم ..
امير .. يوسف مو من طبعه يختفي هيج خايف لاصارله شي وخاصه الوضع موزين وماينحزر ..
اني سمعت هيح تخبلت .
گلتلهم شبي يوسف وين راح ..
امير .. ها حبيبتي شلونج هسا ..
درة .. اني مابيه شي بس يوسف شبي ..
حيدر .. ماندري بي وين طلع ومارجع ..
خزرة امير..
لاتخافين تلگيه ضايج يرتاح ويرجع ..
اني هم ماحجيت شي .. ماردت اوضح مشاعري اكثر گدام اخواني ولو الي صار بين الهم شگد احبه واريدة ..
رجعت للغرفه وطگيت بجي ..
مابجيت من الصبح لسا بس من سمعت مختفي بجيت .
يربي راضيه ماانجمع بي ويبقى هيج گبال عيني بس لايصير شي المهم مايتأذى ..
اقبل بكلشي بس لاتحرمني من شوفته ..



بقلمي_الكاتبة_شمس
يتبع

[لامارا]

//// البـارت الحادي والعــشرون ////
عجـاف_القلـوب ..
الكاتبـة_شمـس ..

انتضرتك طويلا علـى طرقات الحياة ..
وما أن اوشكت على شم عطر نحرك ..
اختنق حلمـي ونزف الدماء ..
وابتعد بعد الارض عن السماء ..
من يعطف على قلبـي الاحمق ..
الذي قبل لحظات ثملة فرحـا ..
لم يعلم انه كان على بعد خطوات من الفراق ..
تبـاً لكل عُرفٌ ظالم !!
فيه تسـاق الحبيبة كـالاضحية ..
الى سجانها الظالم ..
وانا مقيد ..
ويجب ان اصمت ..
وان لاانوح ولاابكي فقدي ..
لأن الرجال لاتبكي !!
بل تقف كـالرجال الشوامخ ..
ولكن كيف وروحي تشعل وتنطفأ ..
وقد سحبت مني رويدا رويدا ..
فمتى ينتهي البشر من هذا الظلام ..
ومتى يتركون العشاق لتجتمـع ؟؟
--------------------------- شكرا لصاحبة هذه الخاطرة

يوسف .. من سمعت بقرار جدي وهو يلغي العقد ..
ومن تنمرت وحجيت جان ردة الي ..
الشيخ .. يوسف اعرف بحرگة روحك يبوي .. بس اذا عاندت وخاصه بعد مااشتكوا عليه ..
الشيوخ والعشاير تاكل وجهي ..
انتضر يبعد ابوي بين مااشوف تاليها وياهم والبنيه ماطايرة هاليمك ومحد يتگرب عليها ويخطبها غيرك ..

يوسف .. يعني تعرف بعد نهوة السگط ابن عمها محد يتگربلها .. جنت اتوقع كلها تخاف الا انت معقوله خفت منهم ..
مرزا .. اتأدب يوسف ولاتتجاوز وتقلل احترامك الجدك ..
حمزة .. علمود مرة هيج تسوي وتحجي وي جدك .. ليش وين موليه النسوان الف من يتمناك انت ..
يوسف .. ههههههه بس اني مااتمنى غيرها ولااريد غيرها لو ابقى عمري كله منتضر .. وخلوها ترجيه بأذنكم لو نبقى اثنينة بلا زواج العمر كله بس مااخليها تصير الغيري فاهمين .
وانت يعمي الي تعلمني .. مو كتلت روحك على عمتي واخذتها .
عفتهم وطلعت واحس روحي كاره الدنيا كلها ..
اليوم جان المفروض اعقد على حبيبتي ..
اليوم اخلي الحلقه بيدها ..
اليوم اشوف الفستان الازرگ عليها . واشوف عيونها الحلوة وهي فرحانه ..
معقوله كلشي خرب بلحظة ..
ماردت ابقى بالديوانية ..
احس روحي كارهة حيل ..
اجرت وطلعت الكربله ..
محتاج ازور وارتاح ..
اريد شي يهديني ..
رحت وتركت كلشي وراي حتى حبيبتي الي مااعرف شصارلهة من سمعت هم ضاجت مثلي ..
هم گلبها انكسر مثل كسرت گلبي ..
معقوله درتي حلم وانتهى ..
لامستحيل اخليه مجرد حلم ..
مااسكت لازم اشوف حل ..

بقيت الليل كله مگابل شباك الحسين والعباس وانخاهم
وادعي الـ الله واحلفه بيهم ..
غفيت بوسط الامام وماادري بروحي ..
فزيت على صوت الاذان يأذن ..
صليت وگمت ..
اني ليش معتمد عليهم ومستسلم .
لازم اروح واحجي اني وي ابوها ..

رجعت للديوانية من الصبح وكلي امل الگي صورة حل وتفاهم بيني وبين ابوها ..

اول ماوصلت الديوانية اجرت سيارة لولايتهم ومشيت ..
دگيت الباب من الصبح ..
طلعت مرت ابوها الدرة ..
گالت من ورى الباب ..
تفضل منو انت وشرايد ..
يوسف .. اني من الديوانية وعندي شغله يم ابو امير ياليت تصيحي الي ..
احلام .. قصدك ابو محمد لأن هو متبري من ولدة والمنطقه كلها تصيحله باسم محمد ..
يوسف .. ماكو فرق بس صيحي اذا امكن ..

راحت وبسرعه انفتح الباب وطلع ابوها ..
صفن بوجهي واول كلمة گالها ..
-انت شجابك وشرايد ..
-اريد احجي وياك واتمنى تسمعني ..
-ماكو حجي بينا والمحاكم بيناتنا والعشاير .. انتو تماديتوا مو كافي اخذتوا ولدي وهسا تزوجون بنتي ومن غير علمي ..
يوسف .. العن الشيطان البنية موافقه ليش تظلمها
حاكم .. الله العالم شلون فريت عقلها ادري بيها ثوله مثل امها وتتقشمر ..
يوسف .. مااتحملت كلامه وتكبرة عليه .. وشگد ردت اهدأ ماانطاني فرصه ..
گتله .. قصدك من ضحكت عليها واخذت بيتها ..
بس الحمد لله الله عوضها بولد بنو الها بيت اكبر واحلى من هذا ..
واذا على درة فثق اذا ماصارت الي ماتصير لأبن اخوك العار ..
حاكم .. امشي ولي جاي البيتي وتهددني ..
يوسف .. اجيتك بالحسنى ومارضيت شسويلك .
عفته ومشيت ..
مااتحملت امشي من غير مااشوف قيصر وافرغ الي بگلبي ..
رحت البيتهم ..
طلعلي هو والله جابه .. شافني استغرب ..
اول كلمة گالها ..
-شعندك ولك هنا ..
-لاتگول ولك واحترم نفسك .. اجيت اگلك اذا بقيت تحوم علينا اني ودرة وحق الله ماارحمك .. ولاتضن اخليك تاخذها لو يبقى اخر يوم بعمري ..
قيصر .. هههههه ماتعرفني من اعاند ..
يوسف .. جا ماتعرفني انت وشسوي اذا واحد حط عينه على شي الي ..
البنيه ماتطيق تباوع بخلقتك فلا تضن يوم توافق عليك
قيصر .. لو اعرف تعجز وتعنس وتبقى بالبيت هم مااعوفها واخليك تتهنى بيها ..
مااتحملت ضربت على وجهة بوكس وگتله هاي مجرد تحذير المرة الثانية حسابي يكون غيرر..

عفته ومشيت .. رجعت للديوانية والبيتنا ..
شفت الدنيا مگلوبه وكلها تسأل عليه ..
من شافوني انصدموا والكل يسأل من حهة وين جنت ووين رحت وليش تخلينا بقلق ..
بدون اي صوت رحت للغرفه وذبيت روحي ع الجربايه ونمت ..
دگت الباب امي ..
يوسف .. يمة بيها مجال تعوفيني وحدي اريد انام ..
ام يوسف .. يمة ليش هيج تسوي وتكسر گلبي عليك تدري شصار بيه الليل كله واني افكر خاف صار بيك شي لو ذيج المسكينه الي فوگ قهرها قهرك وغيابك المفاجئ
واني مغمض حجيت ..
هي شلونها ؟؟
-شلونها يعني حالتها حالها حتى ماحجت وي واحد وبس نايمة ..
الله لاينطي الضيع فرحتكم ..
يوسف .. خليني يمة وحدي .. واذا اجة جدي گليله نايم مااريد احجي وي واحد ..

تمنيت اكو شي يريح بالي الي مابطل تفكير ..
فوگاها عندي امتحانات هذا الاسبوع وفرحان لأن راح اعقد قبلها وصارلي واهس اتخرج بسرعه ..
هسا طار واهسي من الدنيا كلها ..

اندگت الباب ..
صحت اريد انام لحد يجي ..
سمعت صوت امير ..
مو قبل ماتگلي وين جنت وشغلت بالنا هيح ..
فزيت على صوته ..
امير !!
امير .. اي شبيك اخترعت ماتريد تشوفني لازم
يوسف .. لا موهيج بس مالي خلگ .
امير .. شوف يوسف احته تربينا سويه ومايوم خلينا شي يهزنا وجنة كل الي نريدة ناخذة ومانستسلم ..
شبيك تخربطت احوالك ..
ولك وداعتك درة الغيرك ماتصير بعد شتريد
خليهم ينبحون بكيفهم ويملون من يشوفون ماكو نتيجة ..
يوسف .. جنت عندهم اليوم وابوك طردني وهددني بعد
وذاك العار يحجي بزودة ومااعرف بيمن ساند ظهرة بس مااتحملت وضربتة ..

امير .. ليش رحتلهم يوسف ليش ..
مااتوقعت هالشي منهم .. هسا يتصورون خايفين ويستقون ..
يوسف .. شسوي عبالي ابوك يتفاهم وگلت احجي وياه بهداوة ..
امير .. ولك الي باع اولادة ومرتة وشمرهم بالشارع تتوقعه هذا يصير ادمي ويتفاهم ..
ابوي همة مصلحته وبس ..
يوسف .. لاتلومني امير الخاطر الله .. اني هسا مثل الغرگان ومتعلگ بقشة ..
امير .. عمي ماادري هيج متلوع ..
يوسف .. لاتضحكني مالي خلگ .. من تشوف انسانه اختاريتها واتمنيتها مرة الك تخلص عمرك وياها وتگول هي هاي الي اختارها گلبي ..
وتالي بيوم خطوبتك يخرب كلشي وتصير حلم بالنسبة الك بعد ماجانت حقيقه شتسوي بيهيج حاله ..
اعذرني لأن الي جاي احجي عليها هي اختك بس ماعندي احد احجي وياه غيرك ..
امير .. جريت حسرة وابتسمت ..
يوسف .. شو بيها حسرة معقوله ضام عليه شي ..
امير .. وليش گلت صارت حلم .. درة لو يموت قيصر ماينول اضفرها مادام اني عايش ..
يوسف .. ولو غيرت الموضوع بس عساس انت ماتعرف جدي .. اذا الشغله صارت بيها عشاير وحكم يتصرف بعدل ..
امير .. اني اشوفك متشائم بالخالي بلاش .. وداعتك سنة سنتين ويمل من يشوف محد انطاه وهو جبير مو صغير وامة تبقى تلح عليه وتزوجه وينسى درة ..
واحنه اصلا مقررين درة. تخلص سادس يله تتزوجون وهسا هي بأعتبار محجوزة الك بعد لويش مقهور ..
يوسف .. كلامك ريحني بس الي ضوجني فرحتنا الي ضاعت ..
امير .. وعد يعمي الا اسويلك حفله ماصايرة ساعتها وازفك بيدي لأختي اها بعد شتريد وين اكو اخو مثلي ..
يوسف .. ههههههه موگتلك انت وحدك الي تفهمني ..
امير .. انتو الاثنين غالين عليه ومايهون عليه اشوف فرحتكم ضايعه .. بس بيبيتي جانت تگول كل تأخيرة وبيها خيرة ..
شد حيلك وراك امتحانات حتى تتخرج وتصير محامي ..
يوسف .. ان شاء الله..

اندگت الباب ..
دخلت سدن .. يوسف اجة جدي يريدك بسرعه ..
يوسف .. استلم اكيد وصل الة الخبر ..

اول مانزلت تلگاني جدي ..
انت شلون تروح لهناك .. زيدت الطين بله .. الشيخ فلان خابرني ويعتب وذولاك يتمسكنون ..
وعساس انت هاد عليهم بسلاحك ومهددهم اذا ماتراجعوا عن النهوة وضارب قيصر بوجهة وعينة مورمة ..

يوسف .. جدي يحجي واني صافن شنو من بشر ذوله وتندمت لأن رحت وكبرت راسهم ..

جدي .. هسا مشتكين عليك انت هم فهمني شلون نحلها
بدل مانحلها كبرتها انت وبعد كل حگ ماعدنا يمهم ..

يوسف .. جدي انت تصدگهم اني رحت اتفاهم ..
جدي .. ولو امير واگف .. بس انت تعرفهم شنو همة ومو مال تفاهم بعد تروحلهم ليش. .
مرزا .. وهسا شنسوي بويه ..
حمزة .. مو خاف احجي ويزعل يوسف مني .. يوسف صاير متهور كلش ومايعرف يتصرف ولايشور واحد تعلم يتصرف من راسه ..
يوسف .. عمي تحجي صدگ .. لو انت بمكاني شتسوي وبعدين اني تعلمت من جدي حگي اخذة لو عند ابوي ..
الشيخ .. بس مو هيج وليدي .. بدل ماجانت الامور ماشية زين واني دزيت ناس وحجوا وي شيخهم وفهمهم هسا رجعلي خبر وهو الزعلان ويريد حگة ..
امير .. بوية من البدايه جان مادزينا خبر الهم واني گتلك ولو اللوم مايفيد بعد ..
الشيخ .. بوية مايصير شبيكم انتم .. ولو ساكتين وعاقدين ثقوا بالله بعد مايدرون تزيد اكثر ويمكن يطلگوها منه ..
يوسف .. ليش احنه وين عايشين هذا الحجي قبل .. المفروض هسا الناس تحررت والوضع تغيير ..
الشيخ .. بالعكس يبوي الوضع زاد وهسا كلمن يحجي بكيفه ويحكم وينهى وراح تجي ايام يصير بعد اسوء من هيج ..
لاعبالك العراق راح يتحسن وضعة ..
راح ناس تاكل ناس .. وناس تحكم ناس .. ابو الحگ يضيع حگة .. والغلطان يحجي بوكاحة عين وهو ابو الراهي ..
لاتشوفون اني احكم بعقلي واخاف ربي ..
اكو شيوخ تهمها مصالحها وناسها ..
يعني حتى واحد من عشيرته غلطان يطلعه نزيه وماكو منه ..
مثل ماهسا شيخ عشيرة امير يسوي ..
تدرون شيگلي من حجيت وياه وگتله هو اصلا مايدري عنهم ومن صغرهم عافهم وربوا عندي ..
يگلي ..
لو ماانت تخفيهم عنه وماخبرتهم عن مكانهم جان هسا همة بحضن ابوهم ..
اني ماردت اكسر بيك اول مرة واجيت على حاكم وكسرته بس هسا اشوف العايل انت ..
انت تعتبر رجال غريب بالنسبة الهم ..
والمفروض تاخذ مشية وتروحلهم وتخطبها من ابوها وعمامها ..
مو تاخذها بسكته وتعقدلها على ابن ابنك ومجرد تدز تبليغ بيد رجال غريب الابوها ..

يعني گدام العشاير كلها اني الغلطان وهمة اصحاب الحق ..
امير .. بوية اني مستعد اروح واحجي وياهم واگلهم اني الي گتلك لاتگول ..
همة مالهم حق يحجون لأن ماعاشوا الي عشناه من ابونا وعمنا ..
الشيخ .. لايوليدي ماكو داعي هاي الناس ماتفهم بالحجي ..
سدوا هذا الموضوع وگلي اختك شلون صارت ..
البارحة ام يوسف گالتلي تخربطت ..
امير .. اي صحيح بس هسا احسن ودزيتلها خبر برجعت يوسف لأن كلنا قلقنا عليه ..

درة .. الليل مانمتة واني ادعي يرجع بالسلامة ومابي شي .. الف شغله اجت ببالي ..
ساعة اگول خاف راح القيصر وقيصر كتله لو شو سواله
ماصدگت الصبح حيدر گال يوسف رجع ..
فرحت وشكرت ربي ..
بس ماعرفنا وين راح ووين بات لأن هاي اول مرة يسويها. .
حتى للمزرعه راحوا الولد ومالگوه ..

بقيت بمكاني متمددة .. اجت امي ..
-يمة گومي اكلي لگمة ..
-مااشتهي ..
-ولج يمة بعدج صغيرة .. ابوج وابن عمج سوها عناد ونهو عليج صدگي بس يجزع منج ويدري ماترديه يمل ويعرس صدگتي سهيله تاخذج الابنها هي اصلا ماتحبني ولاتحب خلفتي ..
درة .. كافي يمة الى متى نبقى عايشين بظلم بسبب ابوي وعمامي .. كرهتهم وكرهت ابوي الي اجة هنا يمثل عليه وخلاني اصدگ هو تغيير ..
بس صدگ لو گالوا ابو طبع مايغير طبعه ..
راح يبقون عمرهم كله ورانا ومايتمنون الخير ..
ياقوت .. درة مااريدج هيج تحجين .. عوفيهم ورى الله وهو ياخذ حقج .. بس لاتحقدين ..
اريد گلبج هذا نضيف دووم ومايصير اسود ..
درة .. يمة ماشفت انضف من گلبج بله ماتگليلي شحصلتي شو الناس كلها مارحمتج ..
ياقوت .. ليش تگولين هيج .. ولج كافي انتو عندي والله عوضني بيكم وبخالي الي وگف وياي مثل ابوي واكثر ..
صح عمامي وابن عمي ماشفت خير منهم ..
بس دوووم الله ناصرني وموگف ولد الحلال بطريقي ..
دگومي هسا غسلي .. واكلي لگمة راح اصب الغدا واخوانج على جية هسا مااريد يشوفوج هيج عيب شيگولون كاتله روحها ع العرس ..
وبعدين حتى اذا نهى عليج هذا… فأنتي راح تبقين محجوزة اليوسف وشوكت ماتبلغين بعد محد يتدخل ويحجي ..

گمت اني وامي وطلعنا من الغرفه ..
سمعت صوت امير اجة ويصيح ..
يمة وينج ..
الغدا جاهز عندي خطار ..
ياقوت .. اي يمة جاهز بس منو خطارك ..
يوسف .. اني عمة تستضيفوني لو لا .
ياقوت .. يا يمة هلا بيك هذا بيتك ماتحتاج عزيمة ..

درة .. صارت عيني بعينة .. حسيت العبرة خنگتني ..
وهو جان يباوعلي بحسرة ..
دنگت ومشيت اطلع الماعين من الكاونتر ..
مااعرف ليش سكتت وماحجيت ..
لأن ماكو شي يعبر عن الي بداخلي ..
الي استغربتة هو هم سكت وماحجة دخل گبل للبراني وي امير ..
غسلت وجهي بمي بارد .. اريد شي يطفي حرارة جسمي وگلبي ..
دخلوا اخواني يشيلون ماعين والكل كان ساكت ..
الصمت هو سيد الموقف بذاك اليوم ..

كملنا ..
گال امير تعالوا يله اگعدوا واشرلي يمة ..
درة .. مااشتهي اكلوا بالعافيه ..
امير .. الخاطري ..
اجيت وگعدت يمة ..
وجان يوسف مدنگ ويگلب السوب بالخاشوگة ..
امير .. يله اتهنوا ..
الكل جان ياكل وساكت ..
لااني گدرت ارفع عيني واخليها بعينة ولاهو ..
احس روحنا رجعنا النقطه البدايه ..

كملنا غدا صبيتلهم جاي ..
اجة غسل وكمل وراح ..
ماحجة ولاخلى عينة بعيني ..
هذا الشي ضوجني حيل ..
دخلت للغرفه ابجي بصوت مكتوم ..

ومن ذيج اللحظة ماجمعنا بس الكلام ..
وكأنه النهوة حرمتنا على بعض وانقطع الامل بينا ..

من شفت تصرفات يوسف وياي وعيت على حالي ..
وصحيت الوضعي ..
اني ليش هيج هامله نفسي .. وحابسة روحي بالغرفه ومااطلع .. مر شهر واني الباب ماشايفته ..
رغم الامور زادت سوء بين ابوي والشيخ وخاصه بعد الشكوى عليه صحيح تم التنازل بعدين .. لكن امر النهوة ماتنازلوا عنه والعشاير صارت كلها تعرف بنهوة قيصر عليه ..

بعدها اجة ابوي البيتنا ..
وماكنت بيوم راح يجي ويعرف بيتنا ..
طلعت بالصدفه وعبالي واحد من اخواني ..
لكن من شفت ابوي تفاجات بقيت صافنه لاگدرت اعاتبة ولاگدرت اگله شعندك جاي ..

حاكم .. هاي بوية درة راح تبقين موكفه ابوج ع الباب ..
درة .. ليش انت ابوي ؟؟
حاكم .. الي سويته المصلحتج .. بعدج صغيرة وراح تتندمين اذا اخذتي ابن شيوخ باجر عگبه يگوم ويگعد يعيرج ..
درة .. بيمن يعيرني بأبوي العافنة وشمرنا بالشارع ..
حاكم .. بيوية جنتي صغيرة وغسلوا دماغج .. اني طردت امير لان من هو صغير مجرم وكتل احلام وجان ماتت لو ماالله ستر ..
بس امج عاندت واخذتكم وطلعت هي السبب خلتكم مشردين ..
اني اريدج ترحين وياي ابن عمج يحبج وشاريج ومستعد يخليلج بيت وحدج ..
امير .. انت شتسوي هنا وشعندك جاي ..
حاكم .. ماجاي علمودك جاي اخذ بنتي وامشي .
امير .. غلطان بالعنوان ماعندك بنيه هنا .
حاكم .. شفتي بويه هذا هو من صغرة مايحترم ولايعرف ابو ..
امير .. انت لو صدگ ابو ماجان كسرت فرحة بنتك وفضحتها بين العشاير.
حاكم .. درة امشي وياي گتلج بيتج وحدج وابن عمج يدللج ..
امير .. مادامني عايش مااخلي قدر امي ونصيبها يتكرر بأختي .. ويابيت الي يخليلهيا .. قصدك حصة امي من بيت جدي ..
حاكم .. امك مالها حصه عدنا ..
امير .. بعلي الا اخليكم تفرون اذاناتكم .. گلت كلشي مااريد منكم بس بعد سوايتكم هاي الا اخذ نصيب امي منكم فلس فلس وگولوا امير گال ..
وهسا يله اطلع ..

درة .. امير تعصب وگام يدفع بأبوي للباب ويصيح .. صح ابوي غلط هواي بحقنا وعذبنا بس ماحبيت اشوفه ينطرد بهيج طريقه ..
لزمت ايد امير وگتله لا مو هيج امير لاتدفعه ..
طلع حيدر شافه تعصب اكثر واجة يصيح عليه ويطرد بي
وابوي يرجع لورة وجن خايف منهم ..
احس المشهد هذا تكرر ..
تذكرت من طردنا وامي تتوسل بي وماعدنا لا حول ولاقوة ..
صدگ لو گالوا الدنيا دوارة .
صحت وفقدت كافي كافي ..
وانت بويه اترجاك روح خلينا بحالنا ولاتجينا ..
هيج احنة عايشين ومرتاحين بلياك اترجاك عوفنا ..
واذا ع الزواج خلص مااريد اتزوج لاقيصر ولا غيرة خليها ببالك هاي ..

طلع وسدوا الباب وراه ..
رجعت للبيت مقهورة وضايجة صارت عيني بعين امي الي جانت واگفه وتراقب من شباك المطبخ ..
ماحجيت شي وياه ودخلت لجوة ..

صاحني امير رجعت ..
-درة ليش تعصبتي وضجتي عليه .. نسيتي الي سواه بينا حيدر .. معقوله حنيتي عليه وصدگتيه ..
درة .. لا طبعا بس مهما يكون هذا ابونا سواء ردنا او لا اسمة ابونا .. اعتبروه مخبل ومو صاحي وانطوه ع گد عقله .. لاتعاملوه مثل ماعاملنا ..
اعرف انت امير تأذيت اكثر واحد منه .. بس اعتبروه رجال غريب وجبير وشيباته براسة مايصير هيج تدفعوه وتطلعوه ..
علي .. صحيح اني من رأي درة .. لو حاجين وياه وطارديه من غير متدفعوه مهما يكون هو رجال جبير .
امير .. هايمة وانتي ماتحجين هم گولوا انت غلطان لان طردته ودفعته ..
گولوا انت مااحترمت شيباته ..
جان ناقصكم تگولون سامحة ودخله البيتك واحضنه ..
ولكم ياابو تحجون عليه .. ليش هو مااشفق على طفولتنا ورحمنا ..
ليش ماهو رف گلبه وماطردنا ..
انتو كلكم صغار ماوعيتوا علينا شلون عشنا ..
اني الي تأذيت منه اكثر اني الي جنت اكل ضرب بالحزام اذا تعصب لو ضاج ..
اني الي طلعت افكك سيارات واشتغل والعب وعيني على جماعتي من يلعبون دعبل ..
اني الي اشوف مرتة وهي تضرب امي وتطردها من بيتها وامي تسكت وتبجي ..
ولكم انتو تنامون واني ابقى صاحي حتى خاف يأذي امي لو يضربها ..
لو اگلكم. شصار بيه من اشوف عمي يجي البيتنا وعندة غايه وسخة ومااگدر امنعه لو ادافع عن امي ..
لو لو لو .. شمااحجي ماتفهموني لأن ماعشتوا الي عشتة اني ..
اني كبرت قبل عمري وصرت الكم ابو واخو وتالي تهزكم شيباته ..
لو مستحي من شيباته وجاي معتذر وگايل خلونا ننسى الفات واني ندمان جان يمكن رف گلبي وسامحته ..
بس هذا جاي وعندة غايه ويريد يفككنا وبحياته ماراح يحبنا ويحن علينا ..
مااريد اعير واحد ولااريد اذكركم ..
بس اني تعبت وانتو كبرتوا بعد ..
ماابقى عمري كله خايف لاترحون وياه وتعوفونا ..
وتضيعون تعبي ..

عافنة وصعد الغرفته ..
بدل وطلع للشغل ..
خلانة بندمنا وحيرتنا ..
صح ضجت بس المفروض ماالومة ولاافتح جروحة ..
امي بقت تلوم بينا ..
وتگول لو ماهو جان احنه بيت ماعدنا ..
ولو ماهو جان موصلتوا ودرستوا ..
زادتنا ندم وخلتنا ننقهر ..
لليل كلش وامير مارجع ..
حتى ع العشا مااجة ..
امي قلقت عليه وخلتنا بحيرة وقلق ..
گالت العلي .. يمة ماتروح تشوف اخوك ببيت الشيخ
راح علي ورجع ..
گال ماهو ويوسف هم ماهو خاف سوة طالعين
ياقوت .. يايمة بهذا الوضع وين راحوا وبهالليل ..

شوية ورجع ..
گال السلام عليكم وصعد ..
ياقوت .. يمة اسويلك عشا
امير وهو يصعد الدرج .. لايمة مااشتهي ..

بقينا اني وحيدر وعلي واحد يباوع للثاني ..
اشرتلهم ورحنا للمطبخ ..
حميت الاكل وحضرنا الصينيه ..
شالها حيدر وصعدنا للغرفه ..
دگيت الباب ..
امير .. منو اريد انام ..
مديت راسي.. معقوله ماتريد درتك حبيبتك .
باوعلي صفح ..
دخلوا اخواني بالصينية يضحكون ..
حيدر .. يابة متنا جوع من وراك مدام ياقوت حرمتنا من العشا لأن زعلناك ..
درة .. معقوله اموري يزعل منا .. مستحيل هذا زعل حبايب ..
ابتسم وجان يحاول يخفي ابتسامته ..
حيدر .. بروح اهلك لاتخجل طلعها للضحكة ..
علي .. خوية لاتبيع ثگل ترى وكت البطون تعمى العيون متنا جوع تاكل لو لا ..
امير .. تعالوا حوواوين هو اني اگدر ازعل منكم ..
درة .. عفوا شنو معنى حوواوين هههههه ..

گعدنا ناكل وسوالف وضحك ونسينا كلشي ..
وصعدنا امي يمنا والحلو سهرنا كلنا بغرفه امير ..
ونزل اشترنا نميات وحب لأن يدري بيه احبه ..
بس اني نامت من وكت ..
ونصبنا على علي بيومها لأن عرفنا يحب وحدة ..
وحيدر يگله حلوة وعندها اخت وبيا قسم حتى من اداوم بالجامعه اشوفها ..
بس هو من النوع الكتوم ابد ماصرح بشي ..

الشيخ بعد ماالكل نجح سدن وعبد الله وحيدر هم نجحوا
سوة غدا وعزم الكل ..
ماگدر يسويلهم حفله مثل ماوعدهم بسبب الاوضاع ..
بس وفى بوعدة واشترالهم سيارة ..
بيوم الغدا ..
جان هذا اول يوم اروح بي البيت الشيخ بعد الي صار ..
الكل رحب بيه وبيباتي يواسني ويگللي الله يباوعلكم ويعوضكم ومايضيع صبركم ..
جنت مااحب اجي من نضرات الناس وشفقتها عليه.
التهيت بالمطبخ وي البنات ..
واكيد كانت نضرات الشماته بعين حوراء وامها ..
بس حاولت مااهتم ..
دخل عبد الله شافني ..
ضحك .. هاي شنو نور البيت .. صار وكت ماشايفيج حتى ماباراكتيلي على نجاحي ..
سدن .. اي غير بالدفعات يله طلعت ..
عفتهم ودخلت لجوة ..
تغدينا وكملنا رحت اغسل جوة الدرج المغسله ..
تفاجأت بعبد الله وراي ..
درة .. شرايد
عبد الله .. مو گتلج يوسف مو الج ..
درة .. وانت تتشمت بينا ..
عبدالله .. لا ابد بس حبيت انصحج انسيه احسن الج ..
لأن جدي مستحيل راح يخليه ينتضر العمر كله ولاتنسين هو اول حفيد اله وراح يزوجة من وكت حتى يشوف احفادة ويكثر نسله ..

صدگ هضمني من حجة هيج ..
دفعته ورحت للمطبخ تفاجأت بيوسف بالمطبخ ..
وحوراء تسولف وتضحك وياه ..
صارت عيني بعينه اختفت الابتسامة ..
اخذ صفنه طويله وگال يله بسرعه صبن الجاي الوادم گاعدة ..
اخذ الصينية مال الجاي وطلع وبقيت اني بحسرتي عليه وعلى كلمة منه ترضيني ..
مااعرف سبب بعدة ولاعرفت سبب جفاه وياي ..


بقلمي_الكاتبة_شمس
يتبع .…

[لامارا]

//// البـارت الثانـي والعــشرون ////
عجـاف_القلـوب ..
الكاتبـة_شمـس ..

لمـا القدر يتلاعب بي وبحياتي وبمشاعري .. أهو اختبار أم ماذا؟
الا يكفيني اختبارات .. فقد ثمل قلبي بالوجع والآلام اللامنتهية ...
إلى متى سأبقى أنتظر الجميل ...
الانتظار صعب جدآ .. تنتهي حياتنا والانتظار لاينتهي..
ولم أنا ‏‎???‎
لم اختارني القدر ليمارس طقوسه علي .. أهو حقآ يراني مستعدة لألاعيبه؟؟
ربي امتحاناتك كثرت وقلبي توجع كثيرآ ...
أقسم برب يرحم .. ضاقت ،، ضاقت جدآ ولم تفرج بعد .
كل ماأريده حياة سعيدة لاأكثر .. أهو طلب مستحيل ؟؟ فوالله مللت الدموع وكذلك هي ملت مني "

جنت دائما اسمع امي وهي تگول ريت حظج احسن من حظي ..
بس الظاهر حظي مايختلف عنها ودموعي ماراح تنشف مثل دموعها الي ترست وجناتنا واحنه نايمين ..

مااتحملت واني اشوف يوسف يبتعد عني اكثر واكثر ..
مااتحمل اشوف غيري تضحك. وتسولف وياه واني مايباوع حتى بوجهي ..

رحت گعدت ع الدرج ماردت ابقى واشوف حوراء وهي تغيظ بيه ..
كافي اسمع حجيها وشماتتها بيه واسكت ..
والاكثر امها من تگول هو هذا الي يعلي عينه لفوگ يجي يوم ويوگع على وجهة ..

اجت سدن شافتني بحيرتي وصفنتي ..
-شبيج درة اكو شي صاير ..
هزيت براسي بمعنى لا وگلبي يريد يصرخ وينتفض ..
صح الساني انعگد بس بداخلي اصوات تتعالى ..

سحبتني من ايدي .. تعاي اصعدي وياي ..
اخذتني وصعدنا ..
صارت عيني على غرفته ..
گالت تعاي ندخل ..
گلتلها لا ماادخل هنا خلينا گاعدين بالصاله ..
سدن .. احجي شبيج ..
درة .. تعرفين الي بيه .. شفتي اخوج شلون يعاملني .. هيج بسرعه نسى كلشي واستسلم ..
لو حلت بعينة بنت عمة وهواها ..
سدن .. من كل عقلج تحجين ولج يوسف متأذي اكثر منج بس هو يكابر ..
درة .. اذا هو هيج ليش مايحط عينه بعيني ليش بكل مكان يشوفني يطلع ..
حتى الاهلي بعد مايجي حتى ماشوفني ..
فهميني ليش ..
سدن .. لازم عندة سبب لاتصدگين يوسف بيوم ينساج ليش ماشفتيه شسوة من خربت الخطبه مالتكم ..
درة .. وهذا الي مخبلني .. فوگ شماتت الناس بينا هيج يسوي بيه ..
حتى ماطيب خاطري بكلمة .. ماانكر الي صار من ابوي وعمامي يجرح بس جان المفروض ماينهز ولايستسلم اذا يحب صدگ ..

يوسف .. ماعاش الي ينهز ويخاف .. معقوله ماعرفتي يوسف الي حبج وعشگج واختارج عن البنات كلهن هيج ظنج بيه ..
فزيت من صوته واستغربت واگف يم الدرج ويحجي ويمكن سمع حجينا كله ..

بقت عيوني الي تعاتبة وتبجي ..
اشر السدن گامت وگفت يم الدرج ..
اتقرب وگعد يمي ..
خلة ايدة ع رجليه ودنگ راسه ..
لاتبجين كافي مااتحمل ..
ولو الدموع اهون ع الاقل تطلعين قهرج بيهن ..
الا الي يكابر ولازم مايبجي ويتحمل شيصير بي ..
حسبالج اني ماضايج ومرتاح ..
درة .. جا ليش ؟؟
رفع عينة بعيني ..
-ولج شنو اليش .. ليش هي سهله لمن يگرب عقدنا وبعد ساعات ويخرب كلشي ..
شلون ترديني اخلي عيني بعينج واني ماوفيت وياج ..
جان المفروض اكسر التقاليد كلها ومااهتم ..
انعل ابو هيج عشاير واحكام ..
ولج اذا ابن عمج هذا استمر بنهوتة راح يحرمنا من بعض العمر كله ..
درة .. يعني انت خايف من الانتضار لو…… ..
يوسف .. اششششش لاتكملين اياج .. مااسمح تشككين بحبي .. اذا ع الانتضار مستعد انتضر عمري كله بس اني مااريد اباوع عليج واتحسر اريدج حلالي وام بيتي وام جهالي ..
من گال امير سنتين واتزوجوا .. استثگلتهن وگلت حيييييل شيخلصهن وهن سنتين ويمكن مخطوبين ..
جا شحال هسا مانعرف شيصير مايصير ..
درة .. اني احجي وي ابوي اذا كلش ..
يوسف .. احجي وماتزعلين .. لو ماابوج ماصار هذا حالنا من جان امير يسولفلي ويتعصب اححي واگله ميخالف هذا ابوك ..
بس هسا اگول ماينلام والله يساعد عمتي شلون عاشت وي هيج انسان ..
درة .. دنگت واستحيت من كلامة .. وماينلام ابوي حطم امي واجة الدور يحطمني وياها ..
مالي عين احجي واطلب منه ينتظر لو يستمر ..
گمت وگتله ..
اني انزل لا امي تسأل عليه ..
صاح وراي ..
درة ؟؟
التفتت ..
اني باقي ع العهد وراح انتظر لو العمر كله ..
ماعرفت ارد لو احجي شي ..
نزلت بسرعة وگلبي يدگ حيل من القهر والاااااااه ..

رحت غسلت وجهي وگعدت يم امي ..
والكل جان يسأل ع النهوة ومصير يوسف شنو ..
عماته وگرايبه كلهن يگولن خطيه ولد اتخرج ولازم يتزوج ويكون عائله وخاصه الشيخ جان من زمان يريد يزوجة حتى يشوف ولدة ..
هسا شراح يصير خو مايبقى ينتظر والعمر يركض ..
گلتلها يله يمة تگومين ..
ياقوت .. هسا خلي نشوف اخوتج ..
صاحت على اخواني ومشينا ..

دخلت الغرفه فتحت الكنتور وعيني ع الفستان جنت اتخيل روحي بيه ..
وشيسوي يوسف اذا شافني ..
جنت كل يوم اباوعلة واواسي روحي بي ..
حتى علبة الذهب والحلقات ..
اخذ الحلقه والبسها بإيدي وانزعها ..
جانت امنيتي اتسمى خطيبة يوسف ..

مرت الايام واحنه ع حالنا ..
يوسف تعيين بسرعة بسبب الشيخ ومعارفه ..
ووعدة يفتحله مكتب .
تحقق حلمة الي جان يحلم بي ..
اني بديت الدوام وجنت احاول انسى واذب نفسي ع الدراسة ..
اريد انسى ..
سدن انقبلت تربية وحيدر هم ..
بس عبدالله معدله جان قليل انقبل معهد تقني وامة ماقبلت وگالتله تسوي تحسين معدل ..
وجانت تگول اولاد ياقوت يدخلون جامعات ويوصلون وانت تروح معهد ..
اني دوام وسدن جامعه ترجع متأخرة فما جنا نلتقي هواي بس بالعطل ..
مرت ايامي مثل سنين النبي يعقوب وانتضارة اليوسف ..
رجعت بيوم من الدوام تعبانه واشوف امي ادور بكنتوري مو عوايدها تسوي هيج ..
درة .. ها يمة شتدورين ..
ياقوت .. يمة وين علبه الذهب ..
درة .. هاي جوة الملابس ليش ؟؟
ياقوت .. يمة اني مدري شلون نسيت .. الخطبه وماكو بعد . فشله مخليها عدنا .. هسا شيگولون طمعوا بيها واخذوها ..

جانت هذي العلبه مثل خيط امل بالنسبة الي واذا رجعتها امي ينگطع هذا الامل .
جنت اواسي روحي بيها واگول يجي يوم والبسها ..

ماگدرت احجي وي امي ..
بس هي حست عليه ..
سحبتني وگعدتني يمها ..
-يمة درة مااريدج تضوجين .. انتي الف واحد يتمناج والي كسر قسمتج اريد الله يكسر حظة وبخته ..
بس ان شاء الله يجي اليوم الي يجيبلج مهر وذهب احلى من هذا ..
بس هسا فشله لازم نرجعة واگلها الام يوسف وكت ماتصير قسمة ذيج الساعه ناخذهن .
درة .. لاتحجين شي يمة .. ادري يوسف بعد مو الي ..
تتوقعين الشيخ راح يخليه يبقى ينتظر ومايتزوج .
ياقوت .. هاي قسمة واذا صدگ وتزوج معناها مايستاهلج ولاهو قسمتج ..
اني اعرف ابوج وعمج سوها عناد لأن يوسف من طرف الشيخ وهمة مايحبوه ..
وصدگي قيصر بس يكبر يتزوج امة ماتخلي بلا زواج وعو هسا اكبر من يوسف وامير قابل تنتظر العمر كله وابنها بلا عرس وهو وحيدها ..
يله اني اروح العصر اوديهن ..
گومي تغدي هسا اخوانج بالجامعه يتأخرون وامير عندة شغل مايرجع ..

طلعت وبقيت اتأمل نفسي ..
كافي درة لاتسوين بروحج هيج ..
يمكن مثل ماگالت امي يوسف مامقسوملي ..
بس هو السبب ..
هو الي فتح عيني ع الحب وخلاني اتعلق بي.
مو سنة عبالك سنين نحب بعض ..
شلون راح اگدر انساه واني بكل مرة اشوفه اتعذب اكثر واتحسر عليه ..

راح امي العصر رجعت الذهب واجت ..
جابها امير ..
سلمت عليه ورحت اسوي عشا ..
يمكن مارادوا يحجون يمي ..
من گمت گالها خو ماحجوا شي ..
ياقوت .. لا بالعكس عماتي ضايجات وماقبلن جيف رجعت الذهب ..
وام يوسف گالت .. خية الله شاهد تمنيتها تصير بنتي مو جنتي لأن احسها سدن واتعلقت بيها ..
حتى الابو يوسف گتله الله عوضني ببنية ثانيه .. بس الله لاينطي الكان السبب ..
وراح تبقى نفسي بيها ومااريد جنه غيرها الابني ..

بين ضايجة وبين فرحانه بكلام خاله ام يوسف ..
سويت نفسي مامهتمة صار اشهر واخواني والبيت كله ضايج علمودي حتى الضحكة انگطعت بسببي ..
تذكرت حجي بيبي ام مرزا ..
ولج بيبي بعدج صغيرة .. كلهن سنتين والله يهديه النفوس وتصيرين من نصيبه يمكن تتأخر شويه بس ماتنتهي ان شاء الله..

كملت عشا ..
ياقوت .. يمة استعجلي اخوتج مايصلح ينامون لليل ..
درة .. خطية رجعوا تعبانين ..
امير .. لاگعديهم هم اني تعبان بس مااحب نوم المغرب ..
خلي يتعشون ويرجعون ينامون ..
گعدتهم بالگوة حيدر فرحان ويسولف ع الجامعه والبنات وطالعه عينه ..
بس علي مال منها ويگول هي سنة بقت شيخلصها واتخرج ..
امير .. تالي تتخرج وتضوج وتدور تعيين ماكو ..
علي .. عود اشتغل وياك بين مااتعيين ..
حيدر .. ليش لازم حبيبة الگلب مامالية عليك الجامعه ..
علي .. ومنو گالك هي من الجامعه ..
ياقوت .. ياعليوي يمة حاط عينك على بنية وماتگلي
علي .. يمة هيج واصلا هي ماتدري بيه اريدها ..
امير .. دأشر وشوف شلون اخطبها الك وغصب عنها توافق ليش وين تلگي احسن منك ..
ياقوت .. دگول الروحك تخرجت بعد شمتاني .. يمة امنيتي اشوف جهالكم تارسة البيت وتلعب ..
امير .. الله كريم يمة مو وكتها وحسيته اشر الامي ..

عرفت امير مايريد يضوجني ويجرحني ..
درة .. وليش تنتظر الي تريدها خلصت سادس وهسا جامعه ماكو شي يعيق بيناتكم. .
حيدر .. هلا هلا واني اخر من يعلم ..
علي .. اني جنت حاس بس ماردت اتدخل .. والله خوش مااختاريت ..
حيدر .. لاعمي اني اعترض هي درة وحدة وماگادريلها دور اثنين ..
امير .. ههههههه غصب عنك .. بس اني مقرر اذا ماازوج اخواني كلهم مااتزوج ..
ياقوت .. شلك بهل حجي يمة .. اخوانك يدرسون بعدهم وانت تخرجت والله منعم عليك وماناقصك شي ..
اذا تريد اني احجي وي الشيخ ..

امير .. لايمة ديري بالج .. مو وكتها هسا .. وبعدين بيا وجه احجي بعد عمله ابوي والعار قيصر ..
درة .. مااعتقد الشيخ راح يفكر هيج .. وهو يحبك ويعزك ومايرفضلك طلب .. اعتبرها قسمة وماصارت لويش تأخرون حياتكم وقسمتكم على هالشي. .
علي .. اني هم من رأي درة ..
حيدر .. والاحسن خلي يتخرج علي السنة الي تجي وسوو عرس ثنائي ..
علي .. لا اني بعدني مامستعد ..
حيدر .. مامستعد لو خايفه ترفضك العروس المجهولة
ياقوت .. صدگ يمة ماگلت ياهي ..
علي .. هااا خلصتوا من امير رجعتوا عليه ههههههه

حيدر بقى يصنف ويضحك على علي ونصب عليه وعلي جدي كلش ومايجادل ومايگدر ياخذ منه كلمة وحدة ..
فرحت من شفت بيتنا رجعت الضحكة اله ..
واحس نفسيتي تغيرت شوية ..

وصار اهتمامي بالدوام اكثر ..
حتى بالمدرسه مااحب التقي بزينب وحوراء لأن اعرف راح انغث بكلمة منهن ..
فكنت انعزاليه ..
جانت سدن وياي وهسا وحدي ..
صحيح اكو بنات هواي ونسولف ونضحك سوة بس مو مثل سدن تفهمني ..
اشتاقيتلها حيل ..
جا انزل من الدرج واحس صارت هوسة بنات والتوت رجلي ووگعت ..
التمن عليه كلهن واني ابجي واون من الالم ..
اجت حوراء وزينب شالني للأدارة ..
المديرة گالت خابروا واحد من اهلها يجي ياخذها ..
زينب خابرت على بيت الشيخ ..
وبعدين گالت .. هسا راح يجون ياخذوها ..
الالم موتني وعندي امتحان بيومها ..
المديرة گامت تحجي وتگول ماتعرفن تمشن عدل ..
شكبرجن تصيرن اشو هاي بدل ماتهديني هدت عليه بالحجي وحوراء حاصرتها الضحكة وزينب تگرص بيها تسكت ..
اخر شي عاطت بيهن وگالتلهن انتن ماعندجن درس وامتحان ماتولن ..
عافني ومشن ..

شوية واندگت الباب دخل امير ..
شافني تخبل ..
گال السلام عليكم واتقرب گعد گبالي ..
-شبيج حبيبتي شلون وگعتي .. المديرة من شافت اهتمامة وخوفة وهو كلمة حبيبتي مانزلت من السانة ..
گالت .. العفو انت شتصير منها ..
امير .. اخوها ..
المدير .. ممكن هويتك او جنسية ..
طلع جنسيته . قرأت الاسم ..ورجعتها
-اني اعتذر بس هاي شغله روتينية لأن الوكت يخوف ..
وانت اكيد انسان واعي وتعرف هالشي ..

اني ميتة الم وهاي تسولف وتتفلسف وي امير وامير لبق بالكلام جذبها وهاي بگد امي وتزحف عليه ..

گتله امير راح اموت من الوجع. .
امير .. اي حبيبتي يله گومي تگدرين لو اشيلج ..
گومني ماگدرت اوگف عليها صرخت ..
هو بسرعة شالني من الگاع ..
تشكر من المديرة وگالها اذا بيها شي اخذلها اجازة ..
المديرة .. اي عادي وخاصه اذا عندها تقرير من الطبيب ..
طلعنا من المدرسه ..
تفاجأت بسيارة يوسف هاهي ..
فتح الباب وخلاني بالورة…
گتله .. نسيت جنطتي ..
امير .. هسا اجيبها واجي ..

جنت اون من الالم بس كتمت صوتي من حسيت بنفسة ..
باوع بالمراية وگال ..
سلامتج خو ماتأذيج كلش ..
-لا شوية .. وبگلبي اتگطع من الالم احسها تصل بيه والجو بارد اذتني ..
يوسف .. اني جنت بالبيت من خابرت زينب بس ماحبيت اجي وحدي لهذا مريت على امير گلت خاف مايقبلون
درة .. اي صحيح ..
بقى يباوعلي ماشال عينه ..
اخذ نفس قوي وتحسر ..
اني دنگت مااعرف ليش احس رجعنا النقطة البدايه ..
وحتى الكلام مابينا .. جنا من نجتمع مايبطل حجي وغزل وهسا كلمة شلونج يحجيها بغصة ..

اجة امير ورحنا للمستشفى.. اخذولي اشعه ..
گالوا اكو فطر بالقدم وكسر بالساق ..
لازم نبنيها هسا وبعد اسبوع هم نفتحها ونبنيها من جديد
امير .. يعني فترة شفائها تطول ..
الدكتور .. اي طبعا تطول بالقليل 21 يوم ..
درة .. زين ودوامي عندي مدرسه وامتحانات ..
امير .. اخذلج اجازة وعود بيوم الامتحان روحي امتحني وتعاي والبنات يجيبن الج الدروس ..

كملنا وطلعنا ضربوني ابرة مهدئ .. احس روحي احسن بس نعست مااعرف تأثير الابرة ..
رجعنا للبيت امي تلگتنا تبجي ..
ودور شافت رجلي كلها مبنيه گامت تخرمش بخدودها ..
دخلي للغرفه امير نمت بسرعه ..
للعصر كلها موجودة بالبيت وحتى الشيخ اجة تحمدلي بالسلامة ..
وسدن مافارگتني ..
كل يوم تجينا من الدوام وتساعد امي بالبيت وتساعدني وتغسل ملابس وتنضف ..
حتى اني صرت من مسؤولياتها ..
وبالليل يجي يوسف ياخذها ..
مرة اجة يوسف ياخذها ..
گلتلها عفيه ابقي خلينا نسهر سويه شو اني انحبست بالجربايه لااگوم ولااگعد ..
سدن .. ماادري عليه اني اكيف وباجر جمعه .. بس اشوف اهلي ..
طلعت حجت وي يوسف وگالتله درة تريدني ابات يمها راح اخابر امي واشوفها ..
يوسف .. يله شوفيها واني هنا يم الولد گاعد ..
خابرت امها من يمنا لأن امير سحب النا خط ارضي وكان بمثابة انقاذ الي كلما اريد احجي وي سدن احجي ..
رغم هي ماتفاركني هاي الفترة ..

سدن .. خابرت على ماما ..
الو ماما درة جلبت بية تريدني يمها ابات شتگولين ..
ام يوسف .. يمة اني عليه ماعندي مانع واعرف ياقوت وترباتها بس الناس شتگول وانتي تباتين ببيت بي شباب
سدن .. ماما هي بس الليله وبعدين الناس شمدريها ويوسف هنا سهران يمنا وبعدها ننام والصبح ارجع ..
ام يوسف .. ماادري خلي اشوف ابوج واجي. .
راحت ورجعت ..
-اي باتي بس باجر من الصبح ترجعين قبل لاتجي فاطمة وتاكلني بالحجي مالي خلگ ..
سدن .. ان شاء الله..

فرحت من بقت سدن يمي ..
گالت راح اسوي حلاوة وابلغ يوسف اني راح ابات

سدن .. يوسف ماما قبلت ابات هنا انت روح اذا تريد
يوسف .. يله خوش والصبح اجي اخذج ..
امير .. اني مدنگ جنا نلعب اتاري ع التلفزيون وسمعت سدن تگله اريد ابات ..
ارتبكت وماعرفت العب لمن خسرت ..
من غبائي جلبت بيوسف ..
يوسف ابقى اسهر يمنا .. لاتروح شعندك هناك وحدك
سدن .. واني راح اسوي حلاوة ..
ياقوت .. البيت بيتكم يمة .. اني اسم الله عليكم راسي موتني اروح انام ..
تصبحون على خير ..
ردينا كلحنه .. وانتي من اهل الخير ..

درة .. امي راحت نامت .. وسدن تسوي حلاوة شعرية والولد بالبراني يلعبون اتاري ..
ضجت حيل ..
وخاصه من اسمع ضحكة يوسف من يفوز ..
غمضت واتخيله شلون يضحك واسمع صوتها بأذني ..
سدن .. احم احم وين سارحة ..
درة .. فززتيني شبيج ..
سدن .. اني شبية لو انتي ..
درة.. قابل شأسوي اذا كلها عايفتني وحدي هنا ..
سدن .. هسا اصيح الولد ..
درة .. لا مااريد اروح هناك ..
سدن .. كافي زودتوها ترى .. گلوبگم ملهوفه وعيونكم فاضحتكم وانتو تكابرون ..

اجة علي شالني ويگلي سمنانه . لو من الگعدة والاكل لو هاي الطابوگة الي مخليتها ع رجلج مسمنتج ..
ودور يگول يمة انگطع نفسي گدام يوسف ..
استحيت ..
امير .. ولك لاتخجل اختي كل هذي الرشاقه وتگول عليها سمينة ..

جابت سدن الحلاوة وگعدنا ناكل .. جنت كلما اشيل عيوني الگيه يباوع وبسرعه يدنگ من احس عليه ..

رجلي موتتني تحكني جنت مخليه صيخ يمي مال لحم وادخله بالجبيرة واحكها ..
بس هسا كلها گاعدة وخاصه يوسف وشلون بيه اتضايقت حيل ..
گام يوسف يغسل واني مخليتها ع الطبلة ..
صحت حيدر .. حباب حدوري هاك الصيخ وحكها الي من يم الاصابع بسرعه موتتني ..
حيدر مايگعد راح يگرگش برجلي يتعمد ويضوجني ..
وامير يضحك علينا ..
دخل يوسف بحركة فجائية سحبت رجلي لأن استحيت من سحبتها اذتني صرخت ..
امير گام يحجي على حيدر عباله اذاني ..
ويوسف بسرعه گال .. الله الله وشالها ع الطبله جانت حركته اسرع من اخواني ..
حتى اني تفاجأت ..
هو ارتبك وگال .. يله اني امشي ..
الولد گالولة بعد وكت بس هو اصر يروح وخاله ام يوسف كل شوية تخابر تخاف عليه لان ليل ووضع مو زين ..
من طلع ودوني للغرفه ورواحوا ناموا ..

اخذتلي غفة صحيت باوعت لفراش سدن ماكو ..
عرفتها وين !!
ع الاقل همة ينسعدون خطيه ..

امير .. من سمعت بسدن تبات تخربط احوالي .. ودور جلبت بيوسف يبقى مااعرف ليش احس وجودها يمي يخربط احوالي ..
وخاصه من صارت بالجامعه خفت عليها لايجي واحد وياخذها مني ..

خليت الكل نايم ..
ونزلت دگيت الباب سمعت صوتها جاي تنقل محاضرات ودرة نايمة..
اشرتلها وطلعت ..
رحت للبراني ..
اجت وراي ..
سدن .. امير رايد شي ..
امير .. محتاج احجي وياج يصير لو لا ..
سدن .. بس عيب من عمتي خاف تگعد ..
امير .. احنه مامسوين شي غلط .. وامي تدري بيه اريدج ..
سدن .. فرحت من گال اريدج ..
بقيت گاعدة ع القنفه الي يم الباب وهو گاعد بالقنفه الوسطانية ..
امير .. شلونج بالجامعه ..
سدن .. زينة
امير… خو محد يضايقج ..
سدن .. لا
امير .. ادري بيج واعية بس اكو شباب طايشه واي وحدة يشوفوها يلزگون ..
سدن .. لاتخاف اني اعرف ارد هيج نماذج وبعدين مااعتقد اكو واحد يگدر يملى عيني ..
امير بأستغراب .. ليش ماكو واحد يملى عينج ..
سدن .. لأن مليانة بيك .. فأذا اكو رجال يحبني ويريدني شلي بأشباه الرجال ..

ضحك .. ااااوف خايف ..
سدن .. ليش ..
امير .. خايف من نفسي مااتحمل اكثر .
سدن . . وليش خايف
امير .. خايف لا ماتصيرين نصيبي ..
سدن .. جدي يحبك ومااعتقد يرفضلك طلب ..
امير .. بس مو هذا المخوفني .. ترى يوسف ودرة مابقالهم بس ساعات وينجمعون .. وشفتي الي صار وحكم العشاير الباطلة ..
سدن .. لا اسم الله الله لايگولها .. وبعدين الحمد لله اهلي ماعندهم هيج تقاليد متخلفه ..
امير .. ان شاء الله يفرحنا ويجمعنا ..
تدرين سدن من اشوفج تفترين بالبيت وتشتغلين وتساعدين امي وتصبيلنا العشا ..
للحظة اتخيلتج مرتي وام بيتي .. شعور حلو من تشوف الي تحبها تحب اهلك وقايمة بواجبهم ..
سدن .. نفس احساسي والله ..

انفتحت باب البراني وصارت عمتي بوجهي متت مستحة صح احنه مامتقاربين وبس نسولف وبعيدين عن بعض بس خجلت ..
هي بسرعه مشت هم وماحجت شي ..
اني رحت للغرفه غطيت راسي ونمت ..

امير .. امي استغربت وجودنا سويه وهيج وقت ..
وشفت سدن شلون ضاجت وصارت طماطة من الخجل ..

طلعت صاحتني امي ..
رحت الغرفتها ..
امير هذا انت العاقل هيج تسوي ..
يمة شمسوي جنت اسولف وياها سوالف عادية وشفتينا شلون گاعدين هي بالشمال واني بالشرق ..

ياقوت .. يمة اني اعرفك انت شنو وهي هم اعرفها حبابه وماتغلط بس لو اخوانك نزلوا شيكون موقفك وشيفسروها ..
وبعدين البنية امانة عدنا واهلها واثقين منا ..
امير .. يمة شبيح لاتكبريها ..
ياقوت .. شكبرها يمة اني من صغري تربيت ع العيب والصح والغلط وربيتكم عليه ..
تريدها من باجر روح واخطبها من جدها وفضها ..
امير .. نامي يمة انتي مالج خلگ وراسج يوجعج واعتبري الي صار مايتكرر ..

درة .. فزيت على فتحت الباب دخلت سدن مرتبكة ووجهها احمر ..
گلتلها .. شبيج سدن
سدن .. عزااا امج شافتني شگد عيب ..
درة .. وشجنتوا تسوون ..
سدن .. يا انعم الله عليج شنسوي قابل واحد بالشمال گاعد وواحد بالشرق ..
درة .. ههههههه يله عادي امي ماتحجي وتعرفج زين بعد ليش مستحية ..
سدن .. لافشله مااريدها تاخذ نضرة علية ..
درة .. دتعاي حكيلي بالصيخ شويه شوكت يفتحوها وارتاح راح اموت والله ..
سدن .. ههههههه تضحكيني من تحكين بالصيخ ..

بقيت كم يوم وفتحولي الجبس وسدن بطلت تجي من ذاك اليوم تستحي من امي رغم امي مابينت الها ابد ..
گمت امشي على رجلي بس اعرج مااگدر لأن فترة طويله مامشية عليها وحيدر يضحك عليه ويگلي ..
عرجة وسبيت الناس ياگوادلبي ..
يخليني اتنرفز ..

رجعت الدوامي وامتحنت كل الامتحانات الفاتتني ..
وكملت الخامس ونجحت للسادس ..
وبدأت مرحلة التعب ..
امير قرر يسجلي بمعهد لدورات التقوية ..
بيوم گاعدين ..
واجة امير ضايج وطالعه روحة ..
ياقوت .. يمة شبيك ..
امير .. شبية يمة .. اجو خطابة السدن ..
ياقوت .. يايمة شمدريك منو گالك شو ماسمعت اني ..
امير .. شفت نسوان دخلن الهم .. ومن سألت يوسف گال ماادري بس امي گالت ذني نسوان جايات على سدن ..
مااتحملت وعفت الولد واجيت ..
درة .. مستحيل سدن توافق ..
امير .. بس اذا اهلها وافقوا هي ماتعارض
درة .. بس الشيخ مايجبر احد .. ان شاء الله تصير من نصيبك ..
ياقوت .. يمة انت وني وبطئ البنية گدام عينك . صار سنة من تخرجت .. وشگد گالك اخطبها وانت تأجل وماتقبل ..
امير .. البسي عباتج وروحي . شوفي شصار
ياقوت .. ياتحجي صدگ بله اروح شأگلهم ..
امير .. ماادري ماادري ويفرك بوجهة ..

تخيلت نفسي بمكانة وشلون گلبي تلوع ساعتها .. الله لايراويك لوعة الفگدان يخوي ويسعدك ويخليها من نصيبك بجاه النبي ..

مرت ساعة وماكو خبر ..
وامير ضاج وطلع ..
لليل رجع تلگته امي .. وين جنت وديت حيدر الك للورشة ماكو هاي عادة عندك جديدة من تضوج تختفي ..
امير .. هاي اجيت يمة لاتخافين مابيه شي ..
ياقوت .. الشيخ دز عليك يريدك ..
امير .. يريدني .. شكو ..
ياقوت .. ماادري خابر وسأل عليك گتله ماهو گال من يجي خلي يجيني ..
امير .. وذيج الشغله ماكو خبر عنها ..
ياقوت .. لا والله ماحجوا ولاجابوا طاري .
درة .. اني حجيت وي سدن .. گالت طالب وياهم كم مرة محاجيها وهي رافضته بس هو داز اهلة وخطبها رسمي ..
امير .. اي هاهي بالخير .. وماعرفت تحجي من جان يضايقها حتى نخليله حد ..
طلع وطبگ الباب حيل وهو ضايج ..
ياقوت .. روحوا ورى اخوكم لاتعوفوه وحدة بهالليل ..
اووووف يحاكم شلون تاليها ..
وعافتني وگامت ..



بقلمـي_الكاتبة_شمس
يتبع……

[لامارا]

//// البـارت الثالث والعــشرون ////
عجـاف_القلـوب ..
الكاتبـة_شمـس ..

رحت البيت الشيخ ..
گال .. ها يبوي وين جنت مو من زمان گلت الامك خلي يجيني عندي شغله وياه ..
امير .. العفو بوية جنت طالعه وهسا اجيت ..
الشيخ .. وشبيك موجر نار وخلگك ضايج .. اكو شي مضوجك واني ماادري ..
امير .. لا يبوية ماكو شي .. شغله بالشغل ..
الشيخ .. هااااا بالشغل .. اي محلولة ان شاء الله محلولة دتعال يبعد ابوك وراي للبراني خلي اسولف وياك .. اني هم عندي شغيله مضيجة خلگي ..
امير .. خير بوية ..
دخلت وراه .. گال سد الباب وتعال ..
سديتة صارت بوجهي سدن .. دنگت وجن ماشفتها ..

گعدت يم الشيخ ..
جان لازم سبحته ويسبح بيها ..
شال راسة وگال ..
اليوم اجو ناس على سدن .. الولد وياها بالجامعه بس اكبر منها واهله ناس اوادم ومعروفين ..
امير .. هو يحجي واني عشيرتي محترگة ..
-اي بيها الخير . بس مافهمت ليش تگلي ..
الشيخ .. هاي عاداتنا من قبل .. من تنخطب البنية نشوف من ولد عمامها وولد خوالها وگرايبها يريدها ..
ولو اني ضد هاي السالفه ..
وكرهتها بعد الصار وي يوسف ودرة ..
لجن اني مااجبر وراي البنية عندي اهم ..
امير .. وليش اني ..
الشيخ .. ولك اموري لاتسوي سوالفك عليه .. جنت اگدر اسأل عبيد عليها بس عرفت انت رايد البنية وامك حاجية وي امها ..
والظاهر متفقات واحنه اخر من يعلم هههههه ..

جنت اباوع للشيخ ومامصدگ .. تذكرت امي من فتحت الموضوع وي خاله ام يوسف بس مااتوقعت هاي الشغله راح تفيدني الهذا الوكت ..
وشگد لمتها وماقبلت ..

الشيخ .. اني امير الي اعرفه اذا يريد حاجة ياخذها من حلگ السبع .. ليش مااجيتني وگلت بوية اني اريدها ..
امير .. هاااا گلت بعد وكت ..
الشيخ .. گلت بعد وكت لو خفت .. خفت افشلك وماانطيك مرة بعد سواية ابوك بيوسف مو ..
امير .. مو هيج صح هن التمن كلهن سوة .. هواي امور صارت خلتني اتريث وخاصه البنيه بعدهي تدرس ..
الشيخ .. ها مو حجة .. بعد مااجتني خالتك ام يوسف وگالت ياقوت خاطبتها الامير .. فرحت لأن ماالگي احسن منك البنتي ..
بس گلت خلي اسألك بالاول خاف هذا حجي نسوان وبكيفهن يقررن ..
بس من شفتك هسا شلون مدوهن .. ومو امير الي يسكت ومايناقش ويرد عرفت انت مستحي مني وخجلان تطلبها ..
امير .. بوية تدري شگد اعزك واحبك وشرف الي اناسبك واخذ منك مرة .. وماالگي احسن من سدن الامي وبيتي واطمأن يمها ..
الشيخ .. يعني هسا خطبت مني مرة موووو ..
امير .. ضحكت وماعرفت ارد ..
الشيخ .. لجن بقى راي البنية عود اسألها واردلك خبر ..
امير .. براحتكم ..
الشيخ .. گوم ولك گوم .. اشاقه وياك اعتبرها الك وشوكت ماتجهز حط الحلقه بأيدها ..
گمت بست ايدة وراسة وحضنته ..

الشيخ .. بس اكو شغله بقت ..
امير .. گول بوية ..
الشيخ .. انت تدري عمك حمزة من الصغر حجزكم البناته انت ويوسف ..
بس كبرتوا وتغيير كلشي .. يوسف راد اختك وماصارت القسمة ..
وانت اختاريت سدن ومااگدر اجبر على زينب وانت هاوي بنت عمها ..
بس مااريد اكسر ببنات حمزة ..
ولو الي احجيه هسا مايصير .. بس انتو ولدي وذني بناتي ويهمني سعادتكم كلكم ..
امير .. مافهمت بوية شتقصد ..
الشيخ .. اريد زينب العلي شگلت ..
امير .. الصراحة مااعرف شأكلك فاجئتني .. بس مااگدر اقرر هذا شي يخص علي ومااگدر احجي وياه بهيج موضوع ..
الشيخ .. جان اگدر ادزة واحجي وياه .. بس هيج راح ينجبر ..
اريد بينك وبينه تحجي وتشوف راية ..
علي رزن ومؤدب واني اختاريتلة زينب لأن احسن من اختها وهو يعلمها على طبعه ويربيها على ايدة ..
امير .. خليني اشوفه وارجعلك خبر ..
الشيخ .. خوش حجي وهسا اروح واحجي وي الاهل .
طلع الشيخ واني بقيت بالبراني ..
فرحان لأن سدن صارت الي .. بس الي غث فرحتي قرار الشيخ بخصوص علي .
مااگدر اجبر اخوي وانسعد على حساب تعاسته .. وخاصه هو يريد وحدة ومعجب بيها شلون راح احجي وياه ماادري ..

اجة يوسف .. ها ولك امير .. يعني اني ماصرت نسيبك هسا راح تصير انت نسيبي .. الظاهر مقسومة نتناسب اني وياك .
حظني وباركلي .
بعدها دخل خالي مرزا هم اعتذرت منه وطلبتها من عندة والي فرحني كلهم فرحانين الفرحي ..
مرزا .. امير انت ابننا وربيت يمنا .. وكل ابو يتمناك البنته ..
امير… رحم الله والديك خالي واي شي تردوه اني حاظر
ام يوسف .. ماما احنه اشترينا ابن النا ماتهمنا لافلوس ولامهر .. مادام متأكدة انت راح تسعد بنتي وتحافظ عليها ..
امير .. اني استأذن اروح ابشر امي خطية گلبها نار ..
يوسف .. اوووه دخلي اروح اصيح ذوله خطيه واگفين بالحديقه ..
امير .. منو ؟؟
يوسف .. علي وحيدر خطيه اجو وراك بس استحوا يدخلون لأن الشيخ رايدك وحدك گالوا نبقى بالحديقه بين مايخلص الشيخ حجي وياه ..
امير .. ولسا مادروا ..
يوسف .. هو اني الي ادري لوما ادخل بالصدفه واسمع حجي الشيخ وي اهلي هم اصير اخر من يعلم ..
اي غير اني اخوها ولازم تخطبها مني ..
امير .. هههههه بهاي عندك حق .. بس اذا اني تفاجأت شلون صارت بهيج سرعه ..بعد وين الحگ احجي الشيخ فاجئني ومااتوقعت الصراحة ..
يوسف .. اييييي هي هاي الدنيا مليانة مفاجئات.
دووووم تصدمنا بشي مانتوقعه ..
امير .. مااعرف شأگلك…
يوسف .. لاتگول شي .. موبيدك ولابيدي .. ديله فرح ذولة الصافنين علينا ..
امير .. صارت عيني بعين علي وهو يگلي هابشر ..
ضاعت فرحتي شلون اگدر افرح واساوم اخوي على وحدة هو مارايدها لمجرد اخذ الاحبها ..
معقوله هيج اني اناني ..

اخواني سلموا عليه وباركولي .. واني بالي مو يمهم
رجعنا للبيت ..
بشروا امي وامي خطيه تهلل وفرحانه ..
ودرة فرحت اكثر من فرحتي ..
درة .. واخيرا سدن راح تجي يمي .. اصلا اني مافرحانه الك ههههه بس عمود اني وسدون مانتفارگ بعد ..
يله استعجلوا خلوها تجي هنا ..
امير .. لا وين مو وكتها هسا المهم صار عندهم علم اريدها خلي تخلص السنة ع العطلة الجاية يله ..
ياقوت .. وشمنتظر يمة .. شو انت مكمل وشغلك رحمة بعد شكو ..
والبنية بالجامعه كم سنة وتتخرج .. واذا ع البيت بالدوام مااحملها اي شي بس انت ودراستها ..
امير .. لايمة مو هيج بس اني مامستعد بعدني واريد درة تكمل سادس يله ..
درة .. معليكم بيه .. معقوله تنتضرون سنة كاملة ..
حيدر .. خاف منتظر علي يتخرج السنة وتتزوجون سوية عن الخساير مثلا هههههه ..
امير .. اي ماكو غير امير يهتم للخساير ..
هسا سدوا الموضوع مو وكته ..

رحت للغرفه تعبان ..
ردت انام مااگدر .. خلصتها اتگلب .. اذا شغله تشغل بالي مااعرف انام
نزلت الامي ..
شفتها تصلي ..
بقيت متمدد يمها بين ماتخلص ..
كملت ..
ها يمة شبيك ليش گاعد لسا ..
گمت وگعدت يمها ..
يمة اريد احجي وياج ..
-خير
-اوووف مااعرف شأگلج ..
-بس لاابوك سوالة سالفه جديدة ..
-لايمة شجاب ابوي هسا ..
بس الشيخ طلب شي وماعرفت شأگله ..
-شنو هو ..
-راد زينب العلي ..
-يااا يازينب قصدك بنت حمزة ..
-اي هي ..
-يايمة فكني هو هيج ماخالصه من فاطمة ..
-اني مااريد احكم ع البنية ومو شرط تطلع مثل امها .
بس الي يهمني علي ..
اريدج تحجين وياه وتاخذين راية بصورة غير مباشرة اذا گالج مااريدها وعندي وحدة ببالي سدي الموضوع نهائي وعود اني احجي وي الشيخ بطريقتي ..
ياقوت .. والله مااعرف شأگلك يمة بس اني ماارتاح الگربة فاطمة مني..
اشوفه واگلك ..
امير .. بس مثل ماگتلج لاتبينين شي ..
ياقوت .. لاتشيل هم يمة .. حير بسعادتك انت وفكر زين مااريد تحجي بالبنية وتسكت لو تسويها صدگ وتخطبها وتخلي الحلقه بيدها لو لاتخليني بموقف محرج ..
مااريد باجر يطلع حجي ..
امير .. ان شاء الله يمة يله تصبحين على خير بست راسها وگمت ..

درة .. ثاني يوم گاعدين اني وامي بالمطبخ هي تطبخ واني منتضرة امير يجي ياخذني للمعهد ..
نزل علي من فوگ ..
ها درو لسا مارحتي .. اذا تردين اني اوصلج ماعندي شي ..
درة .. مو اخاف يجي امير خطيه ..
علي .. خوش جا بالرجعه گليله اني اجيبك .. يمة وين الشخاطة اريد احمي الجاي ..
ياقوت .. ليش بس جاي تشرب دگعد اسويلك ريوگ ..
علي .. لايمة مااشتهي ..
ياقوت .. هسا لو تتزوجون انت وامير سويه وافرح بيكم واشوف نسوانكم مگابلاتكم وكتها يله تشتهي تتريگ ..
علي .. هاااا ام امير شو هاي لهجة جديدة .. شنو شايفتلي مرة وماادري ..
ياقوت .. والله اذا عليه من باجر اشوفلك بس انتم حيل هالوكت تختارون بكيفكم ..
ذيج المرة شفت زينب بنت حمزة كبرانة وحليوة وگلت اشوفها لعليوي بس گلت خاف بباله وحدة ويريد يتزوج على كيفة ..
درة .. لايمة فدوة كافي علينا حوراء وامها دور زينب ..
حيدر .. هلا هلا شني هذا الخبر الجديد ..
ياقوت .. جا انت نايم وماتگعد وكت السوالف اجيت ..
حيدر .. لازم اكو شي خاص ..
ياقوت .. لايمة ياخاص هيج بس حجي ..
حيدر .. لاصدگ يمة اتخيل انتي ترحين وتخطبين زينب ومرت خالي حمزة تشيط والله الا تحرگ البيت علينا ..
علي .. ليش تحرگ شبينا قابل اشو الف وحدة تتمنانة
حيدر .. اي والله صدگ بهاي حقك شباب ونخبل وشاغولين وجامعيين بعد شيردون ..
بس التوم مااهضمهن ماادري ليش .
علي .. حيدر اثگل موكلشي ضحك وبعدين شنو التوم ماعدهن اسم .. ادري حوراء مثل طبع امها بس زينب مومثلها اشوفها ثگيله مو يمة ..
درة .. اگول عليوي شو انت مفلس البنية تفلس مو عساس عندك وحدة ببالك ..
بسسسسس لا هي نفسها ..
حيدر… خرررررب
علي .. شبيكم ليش محسسني ماخذ وحدة… .استغفر الله شو صايرين ماتحترمون الجبير ..
لو لأن مااحجي واسكت واتغاضى ..
ياقوت .. كافي ولكم اسكتوا وانت يمة ليش ماحجيت ..
اني گلت السالفه عن طريق الصدفه لو مااحجي يمكن مادرينا ..
علي .. شأحجي يمة واني اعرف انتي وامها ماتتراهمن وبعدين اني اذا اريد اخذها شعليه بأمها قابل متزوجها لو متزوج امها ..
ياقوت .. يمة هاهي اذا رايدها احجي وي الشيخ عليها ..اني شيهمني غير سعادتكم وراحتكم ..

درة .. استغربت من اختيار علي .. طبعه جاد وعاقل مااتوقعت يختار وحدة بعمري ..
صحيح زينب مو مثل اختها وامها بس هم شوية عندها عادات تشبهن ..
ماحبيت احجي او اتدخل ..
مبين هاويها ورايدها والاهم عندي اخوي وسعادتة ..

اجة امير اخذني للمعهد بين ماكملت ورجعت لگيت امي مسولفة الامير ..
لأن اول مارجعنا امير اخذ علي ودخلوا البراني ..

امير .. علاوي ماراح اخفي عليك .. الشيخ من فتح وياي موضوع سدن ..
حجة بزينب وگال امنيتي بناتي يصير عندكم لأن تعرفه يعزنا ويوثق بينا ..
بس اني ماردت افاتحك واخليك امام الامر الواقع اذا تحس نفسك تحت ضغط اني مااقبل لأن هذا عمر مو يوم ويومين ..
علي .. اصلا الشيخ سهل عليه امر محيرني جنت خايف احجي لايرفضون وخاصه امها .. بس هسا اطمأنيت ..
امير .. اذا مقتنع فهاهي بالخير ..
گمت حضنته وگلتله ..
راح ارجع خبر للشيخ وحتى اذا نسوي بس خطوبة وشوكت ماتخلص البنية واخذها ..
علي .. اني مقرر تخلص سادس وي درة واخذها اريدها تدخل للجامعه وهي متزوجة ..

رجعت خبر للشيخ .. فرح وگال هسا راح بالي يرتاح ..
بس امها عارضت وماقبلت وگالت لو اموت ماانطي الولد ياقوت ..
ومااستحت من عدنا واگفين ..
صار صياح والشيخ رزلها وخالي حمزة طردها وگالها روحي للبيت وبعدين نتفاهم ..
ماحبيت الي صار اخذت علي وطلعنا ..

گتله لاتجيب خبر الامي لاتضوج ..
علي .. هسا ردت اگلك .. جان گلبي حاس ماتعدي بسهوله ..
امير .. اني اخلي درة تشوف رأي البنيه واذا هي موافقه بعد امها مالها علاقة ..
علي .. بس خاف تأثر عليها امها ..
امير .. اذا گدرت امها تأثر عليها وترفضك فهي الخسرانة وماتستاهلك ..
علي .. يصير خير ان شاء الله..

رجعنا وامي متلهفة وبقت تلوم بينا لأن ماراحت ويانا ..
امير .. يمة هي موخطبه رسميه .. بعد لسا ماماخذين راي البنية خلي ياخذون رأيها وبعدين نروح كلنا وناخذ النيشان ..
ياقوت .. صدگ يمة خاف فاطمة تطلب هواي وانت الي عندك كله خليته ع الورشة والمعرض ..
امير .. يحلها الف حلال .. اني ببالي شغله بس متردد
ياقوت .. شني هي ..
امير .. اريد اكلف يوسف يطالبلي بحقج عند عمي وابوي ياقوت .. يايمة لاتفتح علينا باب ..
امير .. يمة اني ماجنت بحاجة حصتهم ولااريدها بس بعد سوايتهم الاخيرة الا اندمهم ..
ياقوت .. يمة عوفها اني احجي وي الشيخ يشتري حصتنا من المزرعه ..
امير .. لا يمة لا المزرعه مااريد اخلي الشيخ بموقف وخاصه هو وضعه مو مثل قبل وخاف نحرجة ..
علي .. بس اخاف يتحسسون من يوسف ويعتبروها عناد
امير .. خلي شيسموها يسموها ..مايهمني المهم اخذ حقي منهم ..

درة .. اني بين المعهد والدراسة جنت مشغوله حيل ..
بيوم امي گالت يمة درة شو لسا لاحس ولاخبر من بيت الشيخ ..
ماتخلينا نمشي نسير عليهم ..
درة .. يمة باجر عندي امتحان بالدورة مااگدر ..
ياقوت .. يمة مو هيج راح تموتين روحج ..
درة .. لايمة مو الهاي الدرجة اصلا اني طموحي التدريس مااريد اخذ طبية لو صيدله ..
ياقوت .. ليش يمة منو احسن منج تاخذ طبية ..
درة .. ههههه يمة اني اصلا ادبي مو علمي للضحك گتلج هيج ..
ياقوت .. وجا الادبي مايودي طبية ..
درة .. لا يمة مايودي ..
ياقوت .. وليش مارحتي ذيج الثانية .. واني مكيفه واگول بلكي الله يخليها دكتورة ..
درة .. حضنتها وبستها يروحي اعتذر بس اني احب ادرس واصلا مو كلش بالعلميات يعني حتى اذا رحت علمي ماراح اطلع معدل ..
ياقوت .. دگومي بدلي خلينا نروح ضيعتي فرحتي ..
حسيتها ضاجت وانقهرت ..

وصلنا البيت الشيخ ..
دگينا الباب فتحها يوسف جان يريد يطلع ..
ياقوت .. هلا يمة امهاتك گاعدات ..
يوسف .. اي عمة جوة شلون كليجة مسويات ..
ياقوت .. عافيات ..

امي دخلت گدامي ردت ادخل ..
گال شلونج درة ..
درة .. زينة انت شلونك ..
يوسف .. مشــــــتاق ..
رفعت راسي وباوعت بأستغراب مااتوقعت هيج رد
يوسف .. شبيج استغربتي .. اي مشتاق الهاي النضرة وهاي العيون ..
درة .. بس مبين مرتاح وبعدي مامأثر عليك ..
يوسف .. جا ماتعرفيني .. اذا مااجي لو مااسأل مو معناها نسيت لو تخليت ..

انفتحت الباب ودخلن فاطمة وبناتها ..
بسرعه دخلت جوة ..
حوراء .. يوسف باجر بابا مافارغ ياخذنا للمعهد تاخذنا انت ..
عرفتها متقصدة تعلي صوتها ..
دخلت لجوة سلمت ورحت يم سدن ..
دخلت فاطمة ماسلمت على امي ..
ودايرة وجهها ..
امي عرفت السبب بس سكتت ..
تالي اشرت الخاله ام يوسف وراحن للغرفه يسولفن ..
شوية وطلعن ..
گالتلها عيني فاطمة .. ام امير تگول شنو طلباتهم حتى نحجي وي الشيخ ونحدد يوم للخطبة ..
فاطمة .. والله على عيوني بس شسوي… .
ام حمزة .. فاطمة شگال الشيخ ليش ماتلعنين الشيطان وتسكتين ..
ياقوت .. لاعمة عليمن . هذا زواج مو جبر .. وابني مايتعيب شو شهادة وادب واخلاق الف وحدة تتمناه ..
فاطمة .. وبنتي بنت شيوخ وحسب ونسب .. يعني اذا اهلي سألوا شأكلهم خطبها واحد ابوهم وعمامهم متبرين منهم.
ام مرزا .. انلصمي ولج شو ماتستحين وزايحتها فدنوب ..
ياقوت .. هاهي عمة احنه ماعدنا اصل وفصل ..
بس الحمد لله لو ماولدي كلها تتمناهم جان ماالشيخ بنفسه خطبلهم وانطاهم ..
ام يوسف .. كافي فاطمة عيب ترى كبرتي على هاي السوالف .. المفروض ترتاحين لأن هيج ولد راح ياخذون بناتنا ويسعدوهن ..
فاطمة .. قصدج بنتج الي تنسعد طبعا تدافعين اذا انتي اخذتي الجبير وصاحب المال والشور وانطيتي البنتي الثاني الي مايحل رجل الدجاجة ..
ياقوت .. لهنا وكافي مااتحمل ولدي ينهانون .. اني لو ماابني هاوي فلا اتورط هيج ورطة ..
وينج درة يله يمة تعاي امشينا ..

درة .. جانت زينب يمنا بالغرفه هي وحوراء ويسمعن الحجي وسدن تگلها ..
-زينب انتي موافقه على علي لو لا .. احجي وفضيها مو مخلصتها ماادري وماادري ومخليه الناس تتكاتل ..
-حوراء .. هي لو مامنطيته عين جان تجرأ وخطب بس الصوج كله منها .. خلت اني ملطشة لليسوة والمايسوة
سدن .. كافي ولج لاتتدخلين واذا زينب قابله انتي شكو
زينب .. صح موافقه بس مومعناها امي تنهان وينغلط عليها واسكت ..
درة .. ترى حبيبتي امج هي الي تهين وتغلط محد غالط عليها ..
زينب .. حقج ماتدرين ابوي وجدي شسوو بيها ..
حتى خلوني اتندم وافقت ..
سدن .. ترى عمتي زودتها بالحجي وكل هذا ومابطلت بعدها ..
درة .. اگوم اخذ امي ونمشي احسن مااتحمل اشوفها بهيج موقف ..
حوراء .. واخيرا حسيتن شگد تلزگن الخاطر الله .
درة .. شكرا هاي من اخلاقج ..
حوراء .. ههههه شوف ام الاخلاق .. مخطوبة الابن عمها وبعدها لازگة اليوسف ..
درة .. مااسمحلج تحجين هيج اولا اني مامخطوبة ولاعندي ابن عم اصلا ..
وثاني شي اني مالازگة الاحد .. والي صار مايغير انه هو جان رايدني وانخطبنا ..
حوراء .. كان فعل ماضي وناقص هم .. يعني انتهى اصحي وحسي وخليه يشوف حياته ..
درة .. مع الاسف .. سدن اني رايحة وبعد مااجي لهنا اعذريني تردين لو تخابريني لو تحين البيتنا ..

طلعت بعد ماامي خبصتني يله ويله ..
طلعن مهضومة ودمعتي بعيني من حجي حوراء ..
وامي تستغفر ومهمومة اكثر مني ..
مرينا ع ابو الفضل نزلت دمعتي ..
وصلنا للبيت دخلت بسرعه مااتحملت ..
صاحت امي .. درة مااريد اخوتج يدرون بالحجي اسكتي وخليها للزمن ..
والله ماادري شراح يصير بينا من ورى هاي الخطبه ..
هي تدندن وتحجي وحدها واني دخلت ..
بقيت اشخبط واكتب ردت اشتت عقلي ..
تالي نمت .. امي ماتحب واحد ينام المغرب .
بقت تحجي عليه ..
واني مااهتميت ..
لسا نضرات يوسف ببالي وكلمة اشتـــــاقيت الي حجاها وهو يجر بيها ..
وبعدها حوراء وكلامها ..

اوووف انفتحت الباب سمعت صوت امير .. درة درة گومي حبيبتي بيج شي ..
فتحت الجرجف ..
مابيه بس راسي مأذيني ..
امير .. گومي يله ..
درة .. وين ..
امير .. للعروبة نفتر وناكل موطات وشتردين گولي
درة .. مو اليوم مالي خلگ ..
امير .. تگومين لو اصيح الفريق مالتي ..
درة .. ههههه لادخيلك كلشي ولاحيدر ..
حيدر .. سمعت اسمي شكو ..
درة .. بسم الله . كلما نگول حيدر نلگيه فوگ راسنا
حيدر .. ابن حلال غير .
امير .. يله گومي بسرعه وهاي انتي مبدله بس البسي حجابج ..
حيدر .. هلا هلا ووياك لفات گص ..
امير .. والله الامر عند درة اذا گامت شتردون اخذلكم
حيدر .. درتي حبيبتي يله گومي .. خرررب بله زلم وعلينا العتب وتالي نحرمص الزعطوطة
درة .. اني مو زعطوطة شني هاي امييير شوفه شيحجي امير .. جبتك تكحلها عميتها ..
علي .. ولك ليش ماتعوف اميرتنا بحالها ..
اصلا هي مايهون عليها تشوف ثلاث شباب حلوين منتضريها وماتگوم ..
درة .. احم احم اي هذا الحجي اگوم الخاطر عيون امير وعلاوي ..
حيدر .. عمي هنيالج ..
ياقوت .. يمة وين طالعين وهذا العشا السويته
امير .. ماعليه خليه بالثلاجة .. خلينا نغيير جو من زمان ماطالعين ..
طلعنا تونسنا واخذنا للكورنيش وجابلنا لفات ..
امي فرحت لأن مو هواي تطلع جانت اذا تضوج تروح البيت الشيخ ..
گدروا اخوتي ينسوني همي ..
وبعدها بدأ المدارس وسادس ودروس مكثفه ..
طبعا حوراء ماتحجي وياي وزينب بس سلام وتمشي تخاف من حوراء الي فهمته امها زعلانة عند اهلها ..
مرت الاشهر وامتحنة نصف السنة والحمد لله جنت زينة بالامتحانات ..
وتفاجئنا بالشيخ دز على امير وگاله مادامها عطله خلونا نعقدلكم ونفضها ..
طبعا اخواني طاروا من الفرح ..
رغم امي جانت مامرتاحة وضايجة بس مابينت وماضيعت فرحتهم ومن حجيت وياها ..
گالتلي يمة اخوانج فرحانين مااريد اضيع فرحتهم ولااريد اظلمها للبنية اني هم جنت جنه وشفت الويل ..
واكيد اذا شافت دلالي الها راح تغير نضرة امها وماتاخذ حجيها ..
مااريدج ابد تحجين بيوم الاخوانج شي ..
درة .. بس انتي ناسية مرت خالي حمزة زعلانة صارلها شگد .. شلون راح يعقدون وامها ماهي خطيه ..
ياقوت .. لا اني حجيت وي الشيخ .
وقررنا نروح اني وبيبياتج وخالج مرزا وناخذ من خاطرها ونجيبها للبيت ..
درة .. بس يمة… .
ياقوت .. معليج انتي كله اسويه الخاطر ولدي مااريد تروح فرحتهم ..
خلي ابادر اني واكسر عينها ..

وصدگ راحت امي وبيبياتي وخالي حمزة .. والحمد لله ماحاجيه شي ومقتنعه بعد ماشافت ماكو نتيجة من زعلها والشيخ مصر ومابقى بس ايام ع العقد ..

ثاني يوم طلعنا كلنا للسوگ احنه النسوان ..
اخذنا امير وسيارة يوسف ..
سدن اختارت تخم نازك وحلقه سادة ..
بس خالة فاطمة جانت تختار كلة من الغالي تريد تحرج اني حتى ماانطت فرصه الزينب تختار ..
بس امير اشر الامي وگالها لاتهتم ..
خاله ام يوسف انحرجت من كل شويه ماخذة ومرجعه بالذهب كلشي مايعحبها ..
تدور وين الغالي عبالها سعادة بنتها بغلاء مهرها ..

كملنا الذهب بعد ماواخيرا ثبتت على تخم ..
طلعنا حجزنا فساتين للعروسات ..
واحنهة اخذنا فساتين مستورة ومال محجبات ..
بسرعه تذكرت اليوم الي اختاريت بي الفستان مال عقدي ..
ورجعت بذاكرتي الذاك اليوم ..
لو مخطوبين يمكن هسا جاي نحظر الزواجنا ..
التفتت شفت يوسف واگف بباب المحل هو وامير منتضرين وعيونة علية ..
معقوله جاي تفكر بنفس تفكيري .. هم تتذكر ذاك اليوم لو نسيت ..

قطعت افكاري سدن ..
اگلج درة . شنو اخذتي .
درة .. هذا الفستان ..
سدن .. امممم اشو احسة غامق مو مال حفلات ..
اخذي هذا عحبني شتگولين ..
درة .. عادي مايفرق اي شي .
سدن .. درو لاتوضجين مايهون عليه افرح وانتو فرحتكم ضايعة بس الله لابد يفرجها وتنجمعون ..
هالتشوفين شگد صارت مشاكل وتوقعت بعد ماكو خطبه وفجأة حددو اليوم وراح نعقد ..

درة .. الله يسعدكم .. فرحتي من فرحتكم .. لاعبالج انقهر بالعكس اصلا جنت شايله هم شلون افارگ اخوتي وامي ..
وبعدني صغيرة على الزواج والمسؤوليه .. جانت ماخذتني الهدة وفرحانة بالبدلة والخطبه ..
سدن .. درة صح نبرة صوتج حزينة بس احسج كبرانة وعقلانة ..
درة .. هههههه ليش جنت خبله ..
ياقوت .. تحجن صدگ الولد بالباب وانتن تسولفن فضنة يله ..
گطعنا حجينا ومشينا ..
التهينا بالتحضيرات .. وامي حارت شسوت .. اخذت كليجة وكيك .
جانت الاوضاع مو زينة بذاك اليوم ومنع تجول سووها من الخمسة العصر ..
بحيث ماعرفنا شلون رحنا للصالون ورجعنا ركض بركض
جابنا يوسف ..
سدن گاعدة بالصدر واني وراه ويمي زينب ..
عيونة مافاركت المراية طول ماهو يسوق. .
رغم اني لابسه عباتي الاسلامية وحجاب ع راسي ومامسوية فد تغيير جبير بس تسريحة بسيطة واستأذنت من امي اخلي كحلة وحمرة خفيفه ..
حتى باودر ماخليت بس الكحلة كبرت عيني والفص الازرق برز اكثر ..
وصلنا ونزلن البنات ساعدتهن بالنزله لأن بدلاتهن نفخ
سديت الباب ..
ودخلنا ..
گال شطالعه اليوم متعمدة هيج تسوين بيه ..
طلعت كلها لبرة استقبلن العروسات ..
وامي جاية هم يم بيت الشيخ ..
دخلت اني ..
ماگدرت ابقى يمة رغم مشتاقتله حييل ..
يوسف .. جا اني رايح يم الولد اخذن راحتجن ..
ياقوت .. استعجلهم يمة لأن تدري ممنوع التجول حتى نرجع من وكت .
دخلنا فاتحين مسجل واغاني ..
گمنا نرگص وكلها مجتمعه ..
وخالاتي جايات ..
حتى بيت ابو محمد الفلاح ..
وشوية اجت ام احمد جارتنا وبتول .
امي فرحت بجيتهم حيل رغم هي تجينا بين فترة وفترة
اني جنت لابسة فستان قصير للركبة مخصر ردن طويله ومفتوح الصدر ..
هاي اول مرة البس هيج ..
طلعت سدن موبايل سامسونج .. جان اول نزلتهن
اني ماجان عندي ..
بس هي لأن جامعه اهلها اشترولها ..
واخواني هم عدهم ..
بس اني لا ..
اخذنا صور بي ..
بعدها اجو الولد وعقدوا وكملوا ..
دخلوا لبسوهم الذهب ..
انطاني امير موبايله اصور بيهم وعلي هم انطاني موبايله اصور ..
كملنا الحفله ..
اجة الشيخ باركلهم وانطاهم فلوس للعروسات ..
وامي خطيه الفرحة ماسايعتها ..
دخل يوسف وعبد الله هم سلمو عليهم ..
احنه لبسنا حجابات وعبايات اسلامية ..
الكل جان فرحان ..
الا خاله فاطمة الي گالبه وجهها وعبالك عندها عزة ..
دخلت للمطبخ اشرب مي ..
اجة وراي يوسف ..
تعاي وراي ..
طلع للممر ..
اخذتني رجلي وراه ..
وگفت واتقرب حيل ..
ابتعدت ..
-الفستان لايگ عليج طالعه تخبلين ..
-يافستان ووين شفته ..
-شفتج طالعة تخبلين ..
اختاريتة وعرفت راح يلوگلج ..
-اختيارك ؟؟
اووووف سدن اوووف

ليش هيج صايرة باردة وياي ..
-وشلون تريدني اكون ..
-درة اني بعدني احبج .. شايفه هاي الهوسة والفرحة عوزها احنة اثنينة ..
-الله ماكاتبلنا ..
-لاتخليني اجيب الدنيا كلها هنا .. تعبت افهميني تعبت
-جا اني شأگول .. انت ولد تطلع وتمشي وتنسى ..

لااراديا العبايه مفتوحة من الصدر صارت عينة علية ..
بسرعه غطيتها ..
غمض واستغفر الله ..
روحي درة روحي .. لأن بعد مااتحمل ..

رحت للصاله ولوني مخطوف واحس كلها شافتنا ..
بس الحمد لله كلها ملتهية بالعرسان ..
الا عين وحدة جانت خازرتني والظاهر مراقبتنا ..

بقلمي_الكاتبة_شمس
يتبع ....

[لامارا]

//// البـارت الرابع والعــشرون ////
عجـاف_القلـوب ..
الكاتبـة_شمـس ..

عندما أرى العشاق في أي مكان !!
يتهامسون..يتبادلون الإبتسامة ..يمارسون الحب والرومانسيه..
أشعر بالغيرة،مثل عاقرٍ ترى أمّاً تلاعب أطفالها
سيبقى الحب حراماً علي مادمت انك لسـت نصيبـي!!

من شفت نضراتها الي وكأنه ماخذة شي منها وملكها
مااهتميت ودخلت ..
گالتلي ..
ماتجوزين منه مووو لمن يجي يوم يصدمج وتتندمين
ماردت كلامها يأثر عليه ..
عفتها ورحت يم اخواني ..
الي مالية الفرحة عيونهم ..
وخاصه امير وسدن ..
عصافير الحب اسميهم .. لايگين البعض ..
صاحني امير تعاي حبيبتي خلي ناخذ صورة ..
خلوني بنصهم ومن جهة علي وزينب ومن جهة الثانية امير وسدن ..
دور صاحوا امي واخذنا كلنا جماعية ..
دموع امي مابطلن ينزلن ..
وهاي الدموع تنزل بالفرح والحزن ..

احس الكعب وجع رجلي نزعته وتربعت بالگاع يم امي
هي وام احمد يسولفن ملتهيات ..
ام احمد .. خية هاي وين لگيتيها شو عاكفه وجهها هي وامها ..
ياقوت .. خية هي قسمة مو بيدي وعلي هاويها ورايدها ام احمد .. دشوفي مرت امير وجهها يضحك للهوا ..
ياقوت .. سدونة هاي تخيلني بدرة كلشي بيها يشبهها وحبابه .
ام احمد .. اي مثل امها اصيله وبنت عز ..

بقن يسولفن واني راسي يوجعني ..
امير .. هذا جان اسعد يوم الي .. حبيبتي يمي وصارت مرتي ..
لزمت ايدها مثلجات ..
شبيج سدون حبيبتي ..
سدن .. امير لاتحجي هيج گدام الناس استحي ..
امير .. ولج مااتحمل تدرين شگد عندي حجي بگلبي ضامة بس الله يدري بي ..
سدن .. امممم ورانا ايام هواي وسمعني ..
امير .. ياايام من الليله .. هاج سجلي رقمج بموبايلي واخابرج بالليل ..

درة .. جان امير منطلق وناسي الدنيا .. اما علاوي خجول وخلصها يمسح بوجهة رغم باردة بس هو عرگان
تالي امي گالتلهم يله يمة راح يبدي منع التجوال خلونا نروح ..
گاموا يم الزلم ..
واني بوست سدن وزينب وطلعنا ..
راحوا ويانا بيت خاله ام احمد رغم الشيخ ماقبل يطلعون ورادهم يباتون عندة .
بس ماقبلوا وهاي فرصه امي وخاله ام احمد يفرغن اشتياقهن ..
لبست حجابي عدل وطلعنا ..
جان يوسف واخواني بالطارمة منتضرين ..
طلع احمد من البراني سلم على امي ..
وبعدين گال شلونح درة .. كبرانة ماعرفتج ..
سلمت عليه عادي ..
درت وجهي واشوف يوسف يخزر ويأشر ..
-عزة هذا شبي .. فوگاها منا اخوتي وهو يخزر ..
دنگت بسرعه لان عيونة تثير الانتباه ..

امير .. يله اصعدن للسيارة هسا جاي ..
رحنا صعدنا وهمة بقوا يسولفون ويضحكون ..
مانسمع شي بس حركاتهم واضحة ..
بس يوسف كان ضايج ويضحك مجامله ..

رجعنا للبيت سوينا عشا وساعدتني بتول ..
الولد مجموعين بالبراني ووياهم يوسف ..
والغريبه بقى عدنا ومارجع البيتهم ..
بقينا الليل كله سهرانين ..
الصبح گعدت شفت ماما وام احمد بالمطبخ يحضرن ريوگ
گلت صباح الخير ..
نزل علي وشكله فرحان ..
ياقوت .. هايمة شو من وكت اليوم ..
علي .. اي مو وعدت زينب اني اخذها للدورة ..
التفت علية وانتي درة ماترحين ..
درة .. لا اليوم راح ابقى بالبيت مااروح ..
افتهم الوضع ..
نزع الحلقه خلاها ع السنگ وغسل وكمل .. اخذها لبسها ويباوعلها فرحان بيها ..
بدل واتأنق وطلع ..
الولد للعشرة وماگعدوا ..
راحت امي گعدتهم ..
جنت احوس اريد اشوف يوسف ..
شعجب ماعندة دوام ..
طلع امير گال جيبي خاولي الاحمد ..
حمل الفراشات وجابهن للهول اخذتهن ونضدتهن بس ردت اشوف يوسف ماكو ..
صاحتني امي .. درة تعاي سوي ريوگ الامير واحمد
-ويوسف اسويله وياهم لو نايم
-لايمة يوسف طلع من الصبح ..
-هاااا
طلع وماشفته .. حضرت الصينية ودزيتهتا الهم ..
دگ موبايل امير ..
باوعت هاي سدن ..
اجة امير ..
گتله هاي حبيبة روحي تتصل ..
ضحك . . هههههه ها تغارين ..
-لا من سدون مااغار وادري اني حبك الاولي ..
گرصت خدي ورد عليها ..
اشو انطاني الموبايل ..
هاج درة سدن تريدج ..
استغربت ..
اخذت ورحت الغرفة امي لان بتول نايمة بالغرفه الثانية
الو سدن ولج اول صباح الخطيبج تگليله انطيني درة
سدن .. ولج شمسويه اليوسف ..
درة .. شمسويه هو وين شفته اني
سدن… ماادري اجة متعصب وضايج ..
درة .. يمكن ضاج من احمد .. لان شفته البارحة ضاج من گالي كبرانة ماعرفتج ..
سدن .. اي حقه ..
درة .. ولج شنو حقه الولد خاطب بنت خالته وراح يتزوح عليمن بعد يغار ..
ديلة روحي خلصن السنتات مالاتج ..
سدن .. لا البارحة اموري جابلي عشر دولارات مايخلصن درة .. هااااا يعني هاي فلوس اخوي اي هية كملي كملي خلي نسولف ..
سدن .. هههههه خبيثة ..
درة .. ههههههه يله روحي عود اخابرج ع الارضي من يطلعون بيت ام احمد ..
سدن .. خوش بيباي ..

بعد الريوگ راحوا بيت ام احمد ..
وسمعت احمد يحجي وي امير ويوصيه على بيت مناسب بالديوانية يمكن اخيرا قنع عمو ابو احمد يشيلون لهنا ..

ودعناهم وراحوا .. نضفت البيت ورحت نمت لان سهرانين البارحة ..
گعدت بالثنتين .. تغديت وگعدت ارتب بكنتوري وكتبي
اجت امي ..
درة هاي سدن تريدج ع الارضي ..
درة .. ماتخابر خطيبها بگد ماتخابرني ..
ياقوت .. يمة ادري علاقتج قويه بسدن بس اريدج تتقربين من زينب وتصادقيها .. لاتفرقين بينهن وخاصه من يجن لهنا ..
درة .. ان شاء الله.. يمة ولو اعرف طبعهن مايحبن يختلطن ..
خلي اروح اشوف البنيه صارلها ساعه منتضرة
سدن .. ولج وين صرتي ..
درة .. شبيج ههههه هم موبايل وتخافين على رصيدج
سدن .. بله اني عايفه خطيبي وحايرة بيج وبيوسف
درة .. شكو خير ..
سدن .. انتي هم حاجيه وي حوراء ..
درة .. لا ليش ..
سدن .. ماادري يوسف گال خابربها وهيج گليلها
درة .. اي غير افهم لو لأن صار محامي يحجي بالالغاز وغامض ..
يوسف .. لاعمي لاعندي الغاز ولاغموض ..
استغربت هذا شابه خررب يومج سدن غير تلمح تحجي
يوسف .. درة بعد لاتنطخين بحوراء وتحجين وياها
درة .. يوسف شبيك هو اني شحاجيه غير تفهمني
يوسف .. ماكو شي مااريد الشغله تكبر .. اعرفج ماتغلطين بشي بس الناس تفهمج خطأ وتفسر على مزاجها ..
درة.. شنو تفهم شنو تفسر .. مايهمني احد ومادام انت تگول اعرفج ماتخطأين ليش مارديتها ودافعت عني
يوسف .. ومنو گالج مادافعت ولاحجيت .. بس احنه وضعنا يختلف والعيون علينا ..
ماتشوفيني مبتعد عنج رغم… ..
درة .. هاهي يوسف تريد تبتعد تريد تنسى بكيفك هو اصلا طريقنا مسدود وهسا بالقيل والقال راح ينسد نهائي ..
يوسف .. كافي درة لاتحجين هيح ..
درة .. ليش احنه شنو هسا ..
هاااا شو سكتت .. شفت ماكو احنه خلص ..
يوسف .. درة شلون ماكو واني من شفت جيرانكم يحاجيج البارحة احترگت حرگ ..
درة .. اممممم من هيج بتت عدنا ..
يوسف .. اي وانتي مابالج اصلا ..
درة .. يوسف اني تعبانه منو الي گال اني مرتاحة . بس مااگدر افكر بشي غير اكمل السادس وارتاح ..
يوسف .. الله يوفقج ديري بالج على روحج ..
درة .. تسلم ..
طبگت التلفون وغمضت .. اريد اتخيل صوته وهو عصبي وهو يضحك ..
مااعرف ليش اصدة واكابر رغم كل يوم اكبر بي يكبر حبي الة ..

بعد هالمكالمة قللت من روحاتي او اختلاطي بحوراء حتى بالدوام ..
بس جانت تغيضني وتسولف للبنات عن يوسف وشخصيته وووووو.. ماتبطل حجي عليه ..
الحمد لله ماسولفت قصتي وياه وفضحتني ..
بدأت احسن علاقتي بزينب ونسولف سويه وتسألني عن علي .
يعني شوية شوية تعودت عليه رغم هو خجول ويستحي
بشهر الرابع عطلنا للامتحانات ..
واخواني بدأوا يجهزون للزواج ..
ويوسف كان يجي يساعدهم صبغوا الغرف وحجزوا غرف عند النجار ..
بيوم گاعدة العصريات اقرأ بالحديقه ..
والباب اندگت حيل علينا ..
ماكو احد بس اني وامي بالبيت ..
گلت منو ..
اني حاكم افتحي ..
هذا ابوي حجيت وي اني وهي بباب المطبخ .
گالت لاتفتحين عوفيه .. حسيتها خايفه وجنها تعرف شعندة جاي ..
درة .. يمة ماتشوفيه كسر الباب ..
سمعت صوت قيصر وياه جاي ..
افتحوا مخانيث ..
گلتلها يمة راح اخابر سدن تخابر امير يجي ..
رحت خابرت سدن ..
الو سدن بسرعه خابري امير يجي هنا ابوي وقيصر اجو كسروا الباب ..
سديتة منها ..
شويه وسمعت صوت يوسف ..
خير شرايدين ..
قيصر .. وانت شكو جايين البيتك ..
درة .. يايمة عزا هذا يوسف بس لايتعاركون اطلعي واحجي وي ابوي انتي .
لبست عبايتها وفتحت الباب وهم يتطالبون ..
حاكم .. هايياقوت استقويتي بولدج وتطالبين بحصتج وفوگاها دازتلي هذا الزعطوط الي مسوي روحة محامي ويداعي تگول ملك الخلفه ..
يوسف . . عمي انت مثل ابوي بس مااسمحلك تتجاوز
قيصر .. ايباااه وانت منو وتسمح لو لا . يله بوية روح البيتكم لاتدور عليك امك احنه ماجايين الك لاتدور بطولات گدامها ..

يوسف مااتحمل .. لزمة من ياخته ودفعة للبيت ..
اني من شفته دفعه ودخله للبيت وضربة ع گفاه ..
طفرت ورى امي ..
ابوي دخل وراهم بسرعه ..
ياقوت .. يمة يوسف عوفه منا عالم انفضحنا ..
يوسف .. ماتشوفيني دخلته للبيت اريد اعلمة بيت منو جاي ويهدد ماردت امطله بالشارع وافضح روحي ..
قيصر .. لو شماتسوي ماتخليك تلوح اضفرها ..
درة سواء قبلت بيه او لا مااخليها تصير الك ..
والله اخليها تعنس يم امها وماتتزوجها انت ..
باعي ولج يعني ماعندج بس اني تقبلين غصب عنج ..
يوسف .. هاي ويامن تحجي ولك ..
تضاربوا وابوي يفاكك بيهم وامي تحجي عليه وتگله
-خلصت عمرك تأذي بينا وين تروح من الله ..
حاكم .. انلصمي انتي كله من وراج خليتي ولدي يستقون علية ..
بهاي الاثناء دخل امير وعلي وحيدر ..
شافوا يوسف وقيصر يتضاربون ..
ركض حيدر وامير عليهم عبالي راح يفاككوهم تالي ساندوا يوسف بالضرب وعلي يفاكك بيهم ..

گام امير وسحبه وهو خشمة يجري دم ويمكن كسروه
اسمع ولك اذا شفتك معتب الباب اطلعك منا للنجف گبل
قيصر .. اني اعلمكم والله الا اخليكم تبوسون رجليه واخليك بيدك تزف اختك الي ..
امير .. لاتجيب طاري اختي لاافلش سنونك اطلع يله ..
دفعة وطردة ..
حاكم .. مربية شقاوة ياقوت .. ماخليتيهم يضربون ابوهم بعد ..
امير .. اللهم العنك ياشيطان .. اسمع انت اذا بقيت كل يوم ناط النا موبعيدة افقد صبري واسويها ..
حاكم… اسمع انت حگ ماعندكم عدنا .. هذا بيت ابوي وحتى حصتي منها اسجلها بأسمي ولدي ومااخليكم تحصلون فلس منها ..
امير .. ههههههه بالعافيه عليهم اصلا كلشي منك مانريد والحصه الي طالبنا بيها هي حصة امي من بيت جدها وورث ابوها .. خاف انتو وجدي بگتوها بس بيبيتي قبل ماتموت حجت كلشي ..
وهااا خاف عبالك امي بعازتهن ..
لا الحمد لله مستورة وامي عندها گاع وعشنا منها
بس تريد اراويك شلون اخذت بيت امي وحلالها وشمرتها بالشارع ..
وبعدين انت عندك بيت لويش كاتل روحك . بالعكس هيج راح تگدر تاخذ حصتك ..
لو عمي وزك لان يدري بروحة اذا نباع البيت راح يتضرر اكثر واحد ..
قيصر .. يله عمي بسرعة
امير .. سمعته يله اتفضل اطلع ..
حاكم .. شفتي بويه همة ذوله اخوتج الفضلتيهم عليه
حيدر .. ماسمعت اطلع برة يله ..
ياقوت .. حيدر اسكت انت ..
طلع ابوي ودخلنا للبيت الكل ضايج ومتعصب ..
اني بقيت بالمطبخ ..
ياقوت .. مااضن راح يسكتون
امير .. شيسون يسون اذا بيهم حظ مايعتبون الباب بعد
ماشفتيه شلون يساوم على درة الكلب
ياقوت .. يمة مو هيج جان طردتوهم من غير ضرب وفضايح .. هسا يگول ياقوت ماعرفت تربي ..
امير .. تحجين صدگ يمة يعني تردين حاكم يقيم تربيتنا لو نصير ملائكة هم راح يگول علينا شياطين ..
ياقوت .. ماادري يمة شو مارتاحة مااضن راح يسكتون
يوسف .. شيسوون خلي يسوون .ماخايفين
ياقوت .. يمة يوسف مااريد اتفاشل وي اهلك يعني لو كاتلك لو مسويلك شي شلون اخلي عيني بعين امك.
يوسف .. خاله خلي يولي هذا بوخة مايسوي شي .ماشفتيه شلون يحجي ويهددني بدرة ..
ياقوت .. خاله درة عدها اخوان يدافعون عنها . صح جانت بينكم قسمة وماصارت هاهي الله ماكاتب .. يعني انت تعاند وهو يعاند وبنتي الضحية ..
اعذرني خاله بس اني ام مااريد اشوف بنتي تذبل العمر كله گدامي واسكت ..
انتو زلم وماعليكم شي شماتكبرون تگدرون تتزوجون وتعيشون حياتكم بس هاي بنية ووحيدتي ..
امير .. يمة كافي ..
يوسف .. لا امير حقها .. الي حجيتي صح بس اني هم مالي ذنب الي صار برگبة الي گطعوا فرحتنا وفرقونا
اني اترخص .. سلم وطلع ..
مااتحملت الي صار دخلت للغرفه ..
اجت امي وراي .. يمكن ماعجبكم الحجي بس لو تفكرين بيها تلگيه كله صح ..
عناد ابوج وقيصر على يوسف وكم مرة احجي هالحجي اعتبريها قسمة وماصارت انسوها شبيكم ..
درة .. يمة انتي امي والمفروض مااحجي وياح هيج بس علمتيني ع الصراحة ..
انتي من فتحتي عينج على ابوي گدرتي تنسيه رغم اشكال سوة بيج بس حبتيه والدليل جبتي من اربع جهال
شلون ترديني بعد ماخطبني انسان واتعلقت بي اتركه وانساه ..
ياقوت .. تنسيه وتجيج قسمة احسن والله يدخل المحبه بگلبج بعدج صغيرة .. بس خلي اخلص من قيصر ونهوتة وكلشي مااريد ..

اجة امير .. يمة انتي شلرن هيج تحجين وياه يعني فوگ مااجة ووگف ويانا تحاجيه هيج ..
ياقوت .. الله شاهد اني احبه واعزة مثلكم بس بنتي اهم ومااقبل تبقى العمر كله بين قيصر ويوسف لمن تذبل وتموت يله يعوفها ..

ثاني يوم اجانه تبليغ من الصبح ..
ورة شويه خابر يوسف الامير وگاله الشيخ يردكم تعالو
امي تخربطت من شافت التبليغ على امير وحيدر ومناك تبليغ على يوسف. .
الشيخ تعصب وگام يحجي لأن تصرفوا من كيفهم ..
يوسف .. جدي نقيم عليهم دعوة احنه هم وتصير وحدة بوحدة ..
الشيخ .. امشونا وخلي نشوف السالفه شني ..
امير .. رحنا للمركز ..
الضابط الموجود گال انتو متهجمين ع المدعو قيصر قاسم وكاسرين خشمة وهسا هو بالمستشفى تحت المراقبة
الشيخ من سمع هيج ضاج اكثر ..
وگاله .. سيدي هو الي تهجم عليهم وببيتهم اجة للبيت وهددهم والي صار دفاع عن النفس ..
واصلا همة راح يقيمون دعوة عليه ..
الضابط .. حجي يادعوة عنده شاهد وشهد بكلشي انتو الي دزيتوا عليهم للتفاوض علمود حصه مااعرف شنو وبعدين معتدين عليه ببيتكم ..
امير .. ههههه هذا الحجي جذب ..
يوسف .. اگدر اعرف منو الشاهد اصلا محد موجود ويانا بلحظتها ..
الضابط .. الي شهد عليكم هو والد امير وحيد حاكم .. مو ابوكم هو او لا . اعتقد ماكو شك بهيج حاله ..
امير .. شنوووو ابوي الي شهد ضدنا ؟؟

بقلمي_الكاتبة_شمس
يتبع ..

[لامارا]

//// البـارت الخامـس والعــشرون ////
عجـاف_القلـوب ..
الكاتبـة_شمـس ..

بقيت مصدوم .. ياعالم ياناس وين صرنا ابو يشهد على ولدة ..
ادري بي مايحبنا ولابعمرة صار النا اب .. بس مااتوقعت يتمنى ننسجن ..
الي اتذكرة جان عمرة مايحب عمي ويغار منه حتى حركتهم ع الفلوس واشتكى عليه وسجنه .
شنو الي خلاه هسا يدافه عنة وعن ابنه ويصير ضدنا ..

الشيخ جان يحجي والضابط .. ويوسف يطلب تقديم دعوة واني الغضب ماكلني اكل ..

الشيخ .. ها امير شگلت ..
اميرر.. هاهي كل واحد بينا يقدم دعوة عليه .. ونقدم اوراق الدعوة مالة الحصه الي طالبنا بيها ..
وهمة الي اجو اعتدوا علينا وعلى يوسف لأن المحامي مالتنا ..
تمت الدعوة .. وطلبوا توقيفنا كلنا ..
حتى قيصر دزولة تبيليغ ..

الشيخ ضاج وحاول بكل الطرق يطلعنا ونتحاكم بلاسجن بس الضابط ماقبل وگام يتفلسف بروسنا ..

دخلنا للسجن ..
جان بركان بگلبي لو طلع يحرگ الامة كلها ..
يوسف .. هالحيوان بس لايستغل وضعنا هنا ويرجع للبيت ..
امير .. لا مايسويها بعد الي صار واصلا هناك علي يمهن .. واذا تجرأ جن امة ماجابته بعلـي ..
حيدر .. اتعحب عليكم لويش ضايجين هو السجن للگدعان ههههه ..
امير .. انجب ولك شنو ضايجين .. بس مو احنه الي ننسجن علمود واحد مامحسوب ع الزلم ..
حيدر .. ايباااه تخيلوا هسا ويجيبون قيصر يمنا هنا .. الله اغديه واعشيه كتله ..
وهاي الضخامة والطول مالتة اخليهن دوشگ گطن الي

ضحكنا ونسانا همنا ..
بس بالي ماغاب عن امي ودرة خايف عليهن ..
ثاني يوم حولوا اوراقنا للقاضي ..
اطلع عليهن واستفسر من عدنا .. قيصر الاثول مااجة اكيد شرد من شاف التبليغ ..
يوسف عندة لباقه بالكلام بحكم شغله وقدم هويتة وگال
سيدي اني معروف هنا بسمعتي واخلاقي ومستحيل اضيع مهنتي بسبب انسان تافه .. لكن اني محامي امير وامة وهم وكلوني بقضيه طلبها الميراثها من عمامها الي هم اهل زوجها ..
والدعوة ماشيهرلحد الان ..
لكن تفاجأنا وهو يدخل علينا ومتهجم بالالفاظ والضرب وماكان منا الا انه ندافع عن نفسنا ..
والمشكله كانت وياي فقط لان اني محاميهم ودافعت عنهم .. بس هو افترى على امير وحيدر بدافع الغيظ والكره او الضغط عليهم حتى يتنازلون عن دعوة الميراث
القاضي .. بس اكو شهادة من والدهم .. والي تگول بأنكم طلبتم التفاوض وعندما وصلنا اخذونا على غفله وقاموا بضرب ابن اخي ضربا قاسيا ..
امير .. تسمحلي سيدي
القاضي .. تفضل
امير .. سيدي الوالد تركنا واحنه صغار كان عند امي بيت من اهلها ..
فهو احتال عليها واخذة منها وهي انسانه طيبة ومن اهل الله ..
بعد مااخذ البيت .. تزوج وجاب زوجته وطردنا احنه وامنا من البيت بقين بالشارع ومحد ساعدنا حتى عمامي ..
رحنا گعدنا بأمام لفترة وبعدها ناس طيبين ساعدونا وانتهى بينا المطاف انه تنهزم بينا امنا من ولايتنا لهنا عند بيت خالها الشيخ مجبل ..
وكبرنا وصرنا زلم وهو ماسأل ولاعرف عنا شي ..
ولما شافنا بعد هاي السنين كأنه شاف اولاد ماينتمون اله بصله وعاملنا بأسوء معاملة وماتغيرت قسوته النا ابدا ..
يعني تعتقد بعد كل هذا .. راح يحن علينا ويشهد ويانا .. الابو الي شمر جهاله ومرته بالشارع هذا يتسمى ابو ..
القاضي .. لاحول ولاقوة الا بالله .. الصراحة اني هم استغربت ..
اكتب ابني ..
يتم الافراج عن كل من امير حاكم وحيدر حاكم ويوسف مرزا بكفاله قدرها…… لكل شخص ..
وتؤجل القضيه ليوم 4/28 من نهاية الشهر الحالي ..

طلعنا ولگينا الشيخ وخالي مرزا وخالي حمزة منتضرين
فرحوا من شافونا ..
الشيخ .. ها يبوية بشروا ..
يوسف .. طلعنا بكفاله ..بس القضيه مستمرة الى ان هذا الجبان يجي ويسلم روحة ..
الشيخ .. فدوتكم الفلوس كلها المهم تطلعون ..
خلونا نكمل اوراقكم .. واطلعكم اغديكم برة ..
حيدر .. مدللين احنه ..
الشيخ .. مو مدللين بس مااريد اهينكم جدام النسوان بالبيت ..
امير .. بوية خليها ورى الغدا لان ميتين جوع نشبع وبعدهر بكيفك فصل واحنه نلبس ..
يوسف .. صدگ لو گالوا ماكو عزومة من غير ثمن هههه
الشيخ .. ههههه هتلية يله امشوا گدامي ..

كملنا الاجراءت وطلعنا ..
اخذنا الشيخ تغدينا .. طلب النا باجة وقوزي ع التمن صدگ اكلنا بيومها ..
شربنا الجاي ..
گال الشيخ .. اني الي اشد ظهري بيكم هيج تسوون.. گولوا حيدر بعدة شاب وبأول عمرة وماخذتة الهوبزة ..
انتو شمالكم واحد مهندس واللخ محامي ..
كل عركة تشوفوها تطبون بيها ..
لو اي واحد يستفزكم تضربوه .. جا وين كبرتكم وعقلكم
اني من امشي اتباهة بيكم واگول عندي ولد واصلين وفاهمين تالي المكم من السجن والمحاكم ..
امير .. انت بعد تعرفهم شنو همة ومن اجينا وشفنا ذاك العجل يتعارك وي يوسف مااتحملنا ..
الشيخ .. اي واجتكم الفرصه تطلعون ضيمكم بي ..
انت گلتها عجل وماعندة عقل .. اني شفتة حتى حجي مايعرف يحجي .. شلون تشيلون هم الواحد مثل هذا .
هذا حسافة واحد يضيع سمعته ومكانته وياه ..
لو طارديهم ومتجاهليهم جان بقوا يفرون بأذاناتهم ..
بس هسا انتو كبرتوا راسهم ..
يوسف .. هو كله مني .. من حجة على درة وساومني بيها مااتحملت ..
الشيخ .. وانت يبوي .. شوكت تفهم البنية موقسمتك لو الله رايدها الك جان صارت من اول هيله ..
عوف البنية بحالها والزمن كفيل اما تصير من قسمتك او قسمة غيرك ..
يوسف .. مو وكت هذا الحجي جدي ..
الشيخ .. بوية امير لاتعتبر اني ضد اختك لو مااريدها جنه الي الله شاهد شگد احبها واعزها مثل بناتي ..
بس مااريد يكبرون وياخذهم العمر وهمة مو قسمتهم يصيرون سوة ..
امير .. افهم قصدك شيخ .. يله نگوم مناك امي تلگون بالها يمنا ..
الشيخ .. لو كلمة الشيخ بحلكگ ماعجبتني بس يله امشونا ..

مشينا للبيت وتلگتنا امي .. تبجي وتحضن وتبوس بينا وعبالك صار سنين ماشيفتنا ..
ولگيناها حايرة شطابخة وشمسوية ..
ماردنا نكسر بيها .. گعدنا ننقش اني وحيدر واكلنا حلاوة وگلتلها يمة .. من التعب مانگدر ناكل .. انام واگعد واريد صينية مليانة من هذا الاكل الطيب ..
ياقوت .. يايمة جنك على اكل .. روحوا نامو وارتاحوا والاكل ماطاير بالگدور .. بس گولوا احميه الكم واصبلكم
باوعت الدرة ساكتة..
-ها درو شو ساكتة ..
-شأحجي فرحتي بجيتكم كافي ..
-شوكت امتحاناتج ..
-الشهر الجاي ..
-مابقى شي .. شدي حيلج ..

صعدت انام خابرت سدن ..
شلته..
-هلو حبيبتي شلونج ..
-حبيبتي؟؟
-اي ليش انتي مو حبيبتي ومرتي ..
-اي وضحكت .
-اويلي .. تدرين هسا صعدت للغرفه تعبان ونعسان بس من سمعت صوتج ارتاحيت ..
-يعني صدگ امير هيج تحبني ..
-اموت عليج بعلي ليش ماتثقين بحبي الج
-بالعكس كلي ثقة بيك بس احب اسمع كلمة احبج منك
-اووووه منا وجاي اغرگج بكلمة احبج .. بس حبيبتي كلمة احبج ماتعبر عن حبي الج ..
ياما ناس مغرگين نسوانهم بكلام الحب وهمة من وراهن اشكال يسوون ..
اني حبي الج مختلف .. حب فطري ازلي احسة مولود وياي ..
ويمكن نزرع بگلبي من اول مرة فتت البيتكم وشفتج ..
اتذكر گعدتي بيها الظهر وكفشتج نازلة على متونج
بقيت واكفه ع الدرج وتباوعين علينا ومستغربه ..
تالي ركضتي صعدتي ..
مشطتي وبدلتي وغسلتي وجهج ونزلتي سلمتي هههههه
سدن .. لاصدگ امير هيح منتبه الي اني مااتذكر شسويت بذاك اليوم وانت تتذكر ..
امير .. هههههه موگتلج حبي ازلي ومن الصغر .
سدن .. احبك
امير .. بعد ردديها الى ان انام اريد اغفى على صوتج

درة .. خابرت السدن من الارضي ع الموبايل مالتها حتى ناخذ راحتنا بالحجي ..
بس جان مشغول عرفتها جاي تحجي وي امير ..
شوية ورجعت هي خابرت مت الارضي مالتهم .
الو…
-هلو سدون وين جنتي ..
-نومت ابني واجيت ههههه
-خرررب يومج .. خطيه تعبانين اصلا حيدر ماصعد خلى مخدة بالبراني وهسا يشوخر ..
-اي مبين عليه التعب بس التعب يخليه يحجي غزل . مثل واحد بالبنج ويطلع الاكو والماكو ..
اخوج هيج .. تعبان وشبعني دلال .. لو مايكسر خاطري ادعي كون كل يوم يتعب وينعس حتى يتغزل بيه
-هههههه خطيه .. يوسف شلونه ..
-هههههه واني اگول شعجب ماسألت عليه .. زين ولامبين عليه التعب جاي يشتغل .. اوكفي هسا اخليج تحجين وياه ..
درة .. لاسدن لا . مااريد عيب ولج شيگولون ..
يوسف .. منو الي يگول .. لازم ماتردين تگولين الحمد لله على سلامتك ..
درة .. لا موهيح .. الحمد لله ع سلامتك
يوسف .. شلونج انتي ..
درة .. زينة ملتهية بالمراجعه ..
يوسف .. ان شاء الله ضابطتها .. اذا محتاجة مساعدة بمادة گولي ..
درة .. لا شكرا فاهمتهم من الدورات ..
يوسف .. درة انتي ليش هيج مبتعدة عني ..
درة .. يعني شلون ..
يوسف .. ماادري احسج بس تردين تنهين المكالمة وتخلصين ..
درة .. لا موهيج بس انت عندك شغل وتعبان مااحب اشغلك اكثر ..
يوسف .. ومن يمتة صوتج وكلامج يتعبوني لو يشغلوني
درة.. من وكت ماالضروف صارت كلها ضدنا ..
يوسف .. وانتي يأستي بسرعه واستسلمتي موووو
درة .. ليش اني شنو بيدي .. عبالك اني هينة عليه من اليوم عقدي وفرحانة ويخرب كلشي بلحظة .
يوسف .. درة سامحيني.
درة .. اثنينة مابيدنا شي .. احنة تحملنا ذنب مو ذنبنا
يوسف .. كافي درة مااتحمل روحي .. انعل ابو العشاير لاابو التقاليد الي حرمتنا من بعض ..

سديت التلفون ودخلت للغرفه ابجي .. ابجي بحرگة وقهر ..
طلعت كلشي بداخلي .
اتهسرت واشهگ بصوت ..

دخلت امي ..
درة يمة شبيج منو مضوجج ..
مسحت دموعي مابيه شي يمة ..
ياقوت .. حقج يمة دراسة ومحبوسة بالبيت يمكن ضجتي موو..
درة .. اي يمكن من الدراسة ..
ياقوت .. ترحين اني وياج البيت الشيخ نسيير وهم نشوف البنات علمود اودي الفلوس هم يله يلحگن يشترن جهاز الهن ..
درة .. لايمة اني مالي خلگ ..
ياقوت .. بس انتي اختهم الوحيدة لازم ترحين ..
درة .. منا للعصر الله كريم ..

للعصر گعدوا اخوتي ويمكن امي مسولفتلهم ..
دخل امير اول مرة ..
شلونها اميرتنا شو ماتنشافين ..
درة .. جا وين اروح واني ماتخليني اسوي شي .. كلما اساعدها تگلي امشي اقري صرت اكره هاي الكلمة گد مادرست ..
امير .. دگومي بدلي وروحي وي امي البيت الشيخ ..
ومناك اطلعج افررج واوكلج موطة من الركن الذهبي
دخلوا حيدر وعلي ..
هاي العزومة شاملة لو سبشل ..
امير .. بس الاميرتنا الا اذا هي طلبت اعزمكم ماعندي مانع ..
درة .. ههههه اي خطيه خلينا هالمرة نرأف بحالهم وناخذهم ويانا ..
حيدر .. لا والله كثر خيرج .. اذا تحبين ننتضر بالبيت وجيبيلنا وياج ..
درة .. امممم خوش فكرة..
حيدر.. دتعاي ملعونة كبرتي وصرتي بطولنا عود وعبالج مانگدرلج هههههه ..
وبدا يكفش شعري لو يلوي ايدي هذا شقاه المعتاد
ودائما جان ينتهي بصياح امير عليه لأن يزعجني ويأذيني بشقاه ..

رحنا اني وامي البيت الشيخ ..
اخذنا الفلوس ..
انطت كل وحدة 750 وبس ملابس .. گالتلهم الفرشات والبدلات والصالون كلهن علينا ..
بس خاله فاطمة اعترضت وگامت تحجي انتو مناسبين الشيخ ومن هذا الحجي اني لو مليون لو مااقبل البنتي هواي احتياجاتها ..
ام مرزا .. ولج يمة شني احتياجاتها شو ملابس تارسات الكناتير عندهن ..
و750 كلشي تشترين بيهن بعد شتردين والمرة گالتلج البدلات والصالون عليهم والفرشات وجهاز الغرفه هم جا بعد شني ..
ام حمزة .. ياقوت يمة هاهي كفيتو ووفيتو وماقصرتو لابذهب ولابجهاز ولابأخشاب سولفلنا يوسف عنهن يگول تزگام وضخمات ..
المهم سعادتهم هاي السوالف كلها تروح ..
فاطمة .. والله من حجيكم هذا رخصتوا بنتي ..
ام يوسف .. دادة ليش رخصناهن مو هاي بنتي وياج والولد خوش ولد ومقصرين ..
واذا ع الربع اخذيهن من فلوس سدن .. سدن مجهزتلها كلشي وماحتاجة ..
فاطمة .. لاعمي خليهن الجن بنتي هم مامحتاجة ابوها عايش ويجهزها احسن جهاز ويكسر عينهم بيهن ..
ياقوت .. عليمن هالحجي الزايد خيه الجان زينب او سدن ذني صارن بناتي ومسؤولات مني ومحد يدفع الهن غيري اذا ع الربع باجر اني ادز خمسمية بيد الولد حتى اساويهن اثنينهن ويصير مليون ..
ام مرزا .. لايمة معليج بيها الولد بعد عندهم مصاريف هواي وعرس هاي بطرانة ..
ياقوت .. لاعمة ماتسوه الزعل على كم فلس ..
ام مرزا .. اذا جبتيهن يياقوت بعد معليج ببدلات هن يتكفلن بروحهن ..
فاطمة .. جا ماسوينا شي ..
ام حمزة .. انلصمي لااصيح الشيخ وحمزة يكسرون راسج موگلنا كبرت وبعد مانريد نهينها گدام بناتها ..
هذا اخر حجي ..

طلعت امي ضايجة من بيت الشيخ ..
اجة امير بهذي الاثناء ..
-ها شنو راجعات للبيت موگلت انتضرني ببيت الشيخ ..
ياقوت .. لايمة اني مالي خلگ خلني ارجع ..
امير .. شكو ام امير مو على بعضج احد غاثج بكلمة .
ياقوت .. لايمة ماكو شي ..
امير .. درة شكو ..
درة .. ماكو شي حبيبي .
امير .. لو مااقتنعت بس يله امشيها ..

اخذنا نفتر واشترينا لفات وموطات ورجعنا ..
فتح حيدر الباب ..
ها خونة دگيتوا الناقصه وعفتونا ..
بله علي مخلي موبايله ويسولف وي الحب الا اني الفقير ويامن اسولف وي الحياطين ..
امير .. ههههههه شد حيلك وجيب الامي جنه ثالثة
حيدر .. لا عمي خليني هيج مرتاح بعدني بعز شبابي اتونس واشبع يله افكر بالزواج ..

ياقوت .. جا يمة شتريد تعنس يله ..
حيدر .. هههههه ام امير شأعنس قابل اني مرة واذا اتأخرت بالزواج انعس ..
خزرة امير ..
سكت بسرعه فهمت مايردون يغثوني كل ضنهم اضوج لو جابوا سالفه العرس والعنوسة گدامي ..
حضرت صينية بيها لفات وجاي .اكلنا وبعد جبنا الموطة من المجمدة ..
وجاي ناكل ..
گال علي ..
يمة شني خاله فاطمة ماراضيه ع الفلوس ..
ياقوت .. منو گالك لا موهيج
علي .. بس زينب گال اختلفتن انتي وياها ع الفلوس وعساس قليلات ومايكفن ..
امير .. مو گتلج من الغاثج ليش ماگلتي ..
ياقوت .. سوالف نسوان يمة مو يمك ..
امير .. يمة اني مااحجي الخاطر علي .. بس اذا بقت فاذمة تحجي وتتدخل مااسكت ..
وانت علي من هسا ضب مرتك ولاتخلي امها تتدخل بحياتنا وتخربها ..
علي .. شبيك امير البنية ماگالت شي وهي اصلا ضايجة واعتذرت نيابة عن امها ..
امير .. اني ماقصدت زينب .. اقصد امها .. ترى اذا بقت هيج حتى حياتك انت ومرتك تخربها . اني اگلك من هسا وگول امير گال ..

علي سكت ومارد على امير بس حسيتة ضاج وانقهر ..
اخواني اذا حجة امير مايناقشوه ولايثنون حجايتة حتى اني او امي نفسها اذا حجة امير تسمع كلامة ..

امير .. باجر ادبرلج فلوس وانطيهم مااريد تسمينا فگر لو موگد المقام ..
علي .. امير مامجبور تدفع عوفها خلي تححي وتسكت
امير .. لا علي . لاعبالك اني احجي وضايح ع الفلوس حشا نعمة الله مااهتم الهن وتدري بيه من اصرف الفلوس ..
ترى اني الي اجيبهن مو هنة .. خلصت عمري اكد واتعب واخلق الفلوس واجيبها ..
الحمد لله مامحتاجين ولامدينا ايدنا .
بس مااحب احد يتدخل بحياتنا ويقرر عنا ..
علي .. شسوي قسمتي وخلتني احبها موذنبها اذا امها هيج وهي هسا تحجي لان بنتها عندها بس دخلي تجي يمي واريد اشوف شلون تتدخل بحياتنا ..
حيدر .. الحمد لله مامتورط . بس يمة لاتخافين من اريد اتزوج اجيبلج وحدة يتيمة لاام ولاابو عندها ههههه

گدر حيدر يضحكنا ويطلعنا من اجواء الحزن والغضب ..
صارت الجلسة مال الولد ومحاكمتهم وحكموا عليهم بالافراج بعد مااتنازل الطرفين لان قيصر عرف نفسه خسران بهذي القضيه بس بقت قضية الورث والقاضي گالهم اذا ماتصافيتوا بينكم ..
اخلي البيت بالمزاد وهيج كلكم تطلعون خسرانين لان يباع بأقل من سعرة الحقيقي..
الافضل تتصافون بيناتكم وتنطون حصة ياقوت من ورث ابوها ..

بعد ماانتهت قضيتهم وخلصنا من شر قيصر .. بدات امتحاناتي والتهيت بيها ..
وبهذي الفترة اخواني ملتهين بالتجهيزات لان قرروا اول مانخلص امتحانات يتزوجون ..
لأن هي وياي تمتحن ..
اصلا امير كان مامستعجل وگال على كيفنا بس علي بعد مااتخرج گال اني اريد استقر ماابقى منتضر ..
وقرر امير يشغله وياه بين مايتعيين ..

بعد ماكملنا امتحانات ..
طلعت للسوگ اني وامي واشترينا ملابس ..
امير رتب البيت وجابوا الغرف يخبلن وضخمات ..
اجت سدن وزينب ووياهم حوراء رتبنا الغرف ع ذوقهن وجابن ملابسهن رتبنهن بالكنتور ..
خاله فاطمة ابد مااجت ولاشافت الغرف ..

بعد ماكملنا نزلنا جوة ..
گلت للبنات امي مسويه كيك وراح اخبط شربت وناكل ..
حوراء اني اجي اساعدج خطيه العروسات تعبانات ..
استغربت من ردة فعلها ..
امي وام يوسف جانن طالعات للسوگ يجهزن للحنه اخذهن علي بسيارة امير ..

حضرت الگلاصات ..
وقطعت الكيك..
حوراء .. اگلج درة انتي هم بعدج تلتقين بيوسف ..
درة .. لا ليش سألتي.
حوراء .. لا هيج بس ردت اتأكد من شغله ..
درة .. اطمأني ماكو شي من الي ببالج .
حوراء .. شبيج ضجتي ماقصدي . وبعدين احنه صرنا اقرب من قبل الاحسن نتصافى ..
درة .. اني ماعندي شي وياج بقت يمج ..
حوراء .. واني هم ماعندي شي بعد وياج هيج تصافينا مو؟؟
درة .. شتقصدين بكلمة بعد.
حوراء .. يووووه صايرة تدققين بكل كلمة ..
يله خلي اخذ الشربت وانتي جيبي الكيك وراي .

گعدنا ناكل وسوالف وضحك بين مااجن امي وخاله ام يوسف ..
حايرات شجايبات ..
سوينا الكرزات والجكليت مثل الملبس ..
ورتبناهن ..
بعدين اجة امير جايب عشا وماقبل يطلعون ..
فبقن ع العشا ..
والتمينا كلنا وسوالف وضحك ونخطط للزواج ..
من زمان مافرحت وتونست هيج ..
حسيت حياتنا بدات تتغير وتتحسن ..
امير وصلهم وخبر الشيخ باجر ياخذون البنات يعقدون محكمة ويوسف گالهم اني وياكم حتى اسهل الوضع الكم.
من رجعوا كلهم من المحكمة بعد ماعقدوا ..
امي تلگتهم وطشت جكليت عليهم ومسويه غدا الهم .
بقوا البنات ويوسف وياهم هم ..
حضرنا الغدا اني وماما ..
والبنات ويانا ..
بعدها الكل گعد ع السفرة بين مااسوي الجاي واجي
اجة يوسف يغسل. .
جان مدنگ ع المغسله حتى مايلفت الانتباه ويحجي ..
تدرين المفروض احنة هسا جاي نحضر الزواجنا مثلهم ..
جنت اگول حييييل شيصبرني سنتين خطوبة يله اتزوج
وهاي السنتين خلصن بسرعة واحنة نراوح بمكانة ..
التفت وصوتة مخنوگ وغصة بگلبه وحسرة طلعت وي الحجي ويوسف اصلا عندة بحة بصوتة مميزة ..
گال .. شوكت تصيرن حلالي واشبع من هاي العيون شوكت ..
ماردت اثير الانتباه او ماردت تنزل دموعي گباله ..
طلعت للطارمة بسرعه ..
ردت اخذ هوا احسة انگطع عني ..
گمت اتنفس قوي ..
سمعت صوت سدن وراي ..
شبيج درة ..
-مابية ..
-لابيج من شفت يوسف وتعابير وجهة حسيت اكو شي بينكم ..
-ليش هو شنو الي بينا اشو بس ذكريات وحزن وحسرة والم ..
سدن .. گولي يله وعسا ان تفرج ..
درة .. الله كريم ..
خلينا ندخل عيب ..
گعدت اكل بس جنت كلما ارفع عيني واباوع اله اشوفة مدنگ وضايج ومسوي نفسه ياكل ..
بقيت احفظ بملامحة وبلحيتة الي بدت تطول ..
هو مو من النوع الي يطول لحية بس من سمعني مرة گلت احب الرجال الي عندة لحية بدأ يطولها ويرتبها ..
جان رافع ردن القميص وساعتة لابسها ومحبس بإيدة كلشي حفظت بي ..

فزيت على صوت امي وهي تگلي ماتاكلين يمة ليش صافنة. وتخزرني ..
يمكن حست عليه ..
استحيت من نفسي واخواني لو شايفني واحد منهم شيگول عليه ..
ولو هالشي مو بيدنا وهالمشاعر مانگدر نخفيها مادامها تحفر بگلوبنا ..

بيوم الحنه ..
رحنا الصالون وي البنات طلعن يخبلن وهنة صابغات قبل ايام بس تسريحة ومكياج ..
اتعجبت من حوراء هم راحت ويانا ..
طلبت من ام الصالون ترتب حواجبها وتحف وجهها ..
سدن .. امج تدري ..
حوراء .. اي تدري وهي گالتلي بعد كبرنا راح نصير بالجامعه تردين ادخللها ووجهي كله شعر وحواجبي مكناسة ..
اعرفها تقصدني بس مااهتميت لان اني اصلا وجهي مابي شعر وحواجبي مو ثخينات ومرتبات من وحدهن

اني بس سويت تسريحة بسيطة ولأن حفله بنات خليت شي بسيط ومامبين بس مجرد تغيير. .
وبرضى امي طبعا ..

رجعنا يوسف للبيت ..
لان اخواني كلهم مشغولين بالبيت عندهم حنة ولد بالليل
سدن وزينب متغشايات ..
بس اني وحوراء .. بس عينة ابد ماباوعت الغيري رغم حوراء طالعه حلوة بعد ماحفت وخلت مكياج ..
حوراء .. يوسف عفية شغل وجه التبريد علية وجهي عرگ رادت تزيح عينة عني بس هو من انتبه الشكلها گالها ..

يوسف .. انتي شلاعبة بوجهج .. امج تدري ابوج
حوراء .. اي امي تدري ..
يوسف .. وماعرفتي تغشين وجهج شتفرقين عن سدن وزينب هسا بله ..
حوراء .. هاي شبيك يوسف اشو ظهر من يشوفنا واحنة رايحين للبيت ..
يوسف .. بسيطة خلي نوصل واشوف جدي يرضى بهذا الوضع ..
ضاج ورفع الراديو .. طلعت اغنية ..
كاظم الساهر ..
شطالعة الجميله اليوم ..
شطالعه شطالعه ..
غيب انت ياگمر هي بمكانك طالعة ..
لبست اللون الاحبة .. والله وشلايگ عليها ..

وجان يباوع ويضحك بالمراية ..
وصلنا للبيت ..
ساعدنا البنات بالنزول لان بدلاتهن نفخ ..
دخلناهن البيت الشيخ ..
اني لابسة عباية اسلامية ولافه حجابي واصلا مابدلت گلت بالبيت ابدل لان الفستان طويل ومفتوح ..

بالطارمة گالت حوراء .. شفتيه شلون يغار عليه
درة .. منوووو بأستغراب
حوراء .. تغشمين نفسج يوسف قصدي ..
درة .. متشوفيه تعصب ياغيرة ..
حوراء .. هو من يغار يتعصب واضوج لو الاغنية الي فتحها ويتغزل بيه ..
درة .. اولا مو هو الفتحها جانت موجودة بالراديو ..
وثانيا اني ماشفت غيرة بالموضوع بس رازلة .
حوراء .. هههههه وشبيج ضجتي مو گلتي ماكو شي بينا واعتقد املج ضعيف بعد لاتتأملين ع الفاضي ..
عفتها ودخلت مالي خلگ كلامها يسم البدن .

لگيت امي جايبة فستاني .. بسرعة رتبتة ..
وخالاتي جانن هنا كلهن وبناتهن ..
شغلنا ديجي ..
ورگص ودگ وتعجبوا ع نزاكتي ..
وخاله ام احمد هم اجت وجايبة وياها خطيبة احمد ناعمة وحلوة ..
رگصنا وتونسنا وحتى خطبتني وحدة من گرايب الشيخ ..
وبقت تتوسل الامي وتگلها هالواحد عندي وادللها دلال ..
امي تستحي وتگلها لابعدهي بنتي وصغيرة وماانطيها رادت تتهرب بكل الطرق ..
فاطمة .. عيني درة ناهي عليها ابن عمها قبلج يوسف خطبها وخربت السالفه لاتتعبين نفسج ..

حسيت بأمي ضاجت من كلامها ..
لأن گامت ياهي التسأل تجاوبها نفس الجواب ..
السالفه الي جانت مخفيه الكل عرفها ..
وامي ضاجات واشرتلي نگوم ..
رحت بدلت بسرعه ..
ام يوسف .. ياخية بعد وكت وين رايحة ..
ياقوت .. لاخية مناك الولد وحدهم وعندهم حنة ولازم نسوي عشا وام احمد وبنتها وجنتها يمنا ..
ومنال ونضال واقبال راح يرحن ويانا ..
ام يوسف .. بس لاضجتي من فاطمة معليج بيها هي هاي لسانها ماتعرفيها. .
ياقوت .. لاخية كلشي اتحمل منها بس مال تگطع قسمة بنتي مااقبل ..
درة .. يمة تحجين صدگ ومنو گالج اريد اتزوج ..
ياقوت .. جا تردين تبقين العمر كله منتضرة شي مايصير
امي تعصبت وماتعرف شتحجي وخالتي ام يوسف ضاجت فهمت قصدها ..
بس هي ابد ماتزعل منها لان تعرف گلبها ابيض وماتقصد ..
التهينا اليوم كلة بالحنه والولد سهرانين ودگ ورگص ..
سووها بالحديقه ..
احنه صعدنا الغرفه الولد فوگ مطفين الضوه ونباوع من الشباك ..
جانت عيني ماتفارگ يوسف وهو يرگص وي امير رغم زواج اختة وعدنا عيب الي يرگص بعرس اخته بس هو شارك اخوه وصديقه بفرحته ..

اسمع بنات خالاتي وهنة يتغزلن بيه .. ولو هن ماثابتات ساعه عينهن على حيدر وساعه على امير ويگولن هنيال سدن عليه ..
بس من وصلن اليوسف ..
عطت بيهن وگلتلهن يله انزلن كافي عيب لايشوفونا ..
ماقبلن ينزلن ..
دور.. تطافرن .. امير دز حيدر يمكن شافنا ..
درة .. طبعا يشوفجن اذا مشغلات كامرات وتصورن بيهم صعد حيدر .. وعاط بينا كلنا تطافرنا لجوة ..
كان يوم متعب وحلو ..
تونسنا بي ..
ثاني يوم التهينا بالزفه والهوسة ..
واني صرت مكينة كل شويه واحد يصيحني ..
رحنا البيت الشيخ زفيناهم وطلعوا الكربلاء ..
امير طلب يتزوجون بكربلاء بعيد عن الهوسة وجانت عندة غاية بهالشي.
امي طلعت وراهم تطش جكليت وتبجي واحنه كلنا بحجاباتنا ..
واكفين ..
يوسف .. عمة تعاي اصعدي بسيارتي اخذكم نوصلهم ونرجع ..
ياقوت .. صدگ عمة..بس الشيخ مايقبل مرة تطلع وي الزفه ..
يوسف .. معليج عمة جدي بسيارة العرسان روحي انتي ودرة يم سيارتي وهسا اجي وراجن ..

حيدر وجماعته مأجرين سيارة .. ودگ ورگص ..
شافنا تفاجأ گالتله اني احنه وي يوسف نروح ..
هز براسة وصعد وي جماعته ..
امي گعدت بالصدر واني ورى ..
طول الطريق والزفه وهو عينة عليه بالمراية ..
اخر شي همسلي .. يوم النا ..
ابتسمت ودنگت .. كلما اسمع هيج كلام منه يتجدد الامل عندي ..

بقلمي_الكاتبة_شمس
يتبع ..

[لامارا]

//// البـارت السادس والعــشرون ////
عجـاف_القلـوب ..
الكاتبـة_شمـس ..

حبيبتي تعاي هنا…
-اي بس انزع البرگع ..
-تعاي اني اشيله الج ..

اتقربت يمة ع الجرباية ..
جان نازع السترة بس وفاتح الرباط بس مانازعة ..
بدأ يفتح الماشات ويحجي ..
-سدن .. انتي من هاي اللحظة صرتـي نصي الثاني .. مو بس نصي صرتي اني ..
يعني اريدج تعرفين طبعي من هسا حتى نرتاح اثنينة ..
اني من صغري صرت اب الاهلي وتحملت كلشي عنهم ..
ومازلت ومااتغيير ..
ومن اختاريتج عرفت انتي الانسانه الي راح تقدر وضعي ووضع اهلي وتساندني بالحلوة والمرة ..
مااگلج همة اهم منج ومن هذا الحجي .
لا بالعكس انتي مرتي وحبيبتي وتاج راسي ..
بس اوصيج بامي ودرة خاصه ..
اخواني ولد وكلمن شايل روحة واني وراهم مااعوفهم
بس امي ودرة كاسرات ظهري ..
مااتخبل اذا شفت دمعه من عيونهن تنزل ..
سدن .. امير من غير ماتحجي ولاتوصي من هاي اللحظة اهلك اهلي وعمتي الله شاهد شگد احبها .. اما سدن فماكو داعي توصيني عليها هاي اختي الماجابتها امي

باسني من راسي وگال ..
عرفت ضني مايخيب ..
وهسا شلون ..
-شكو؟؟
-جعت .
-اي ماما مخلية تمتوعة بهذي الكارتونة.
وجدو گال راح اودي بيد مقداد كباب من المطعم ..
امير .. ههههههه اني جوعان عليج .. هذا الكيك گبالي وتگليلي اكل وتمتوعة ..
دتعاي خلي اشبع گلبي وبعدين معدتي ..

-اتقرب مني وجان كله حنية ورقه ابد ماحسسني بخوف واحس روحي ذابت بين ايده ووووو💑 .
باسني بگصتي وگال مبروك حبيبتي ..
يبووووو متت خجل ..
غطيت وجهي بإيدي وگتله ..
امير اريد اروح للحمام دير وجهك ..
امير .. هههههه قبل شويه ذايبه بحضني وهسا تستحين يله درت وجهي بس مو تتأخرين لان هذا مقداد يخابر خاف جاي جوة ..

مقداد واهله من عمام الشيخ وعايشين بكربلاء لهذا الشيخ وخالي مرزا راحوا عندهم يباتون ..
طلعت درة .. بسرعه سبحت ونزلت المقداد ..
شافني ضحك ..
ولك عمي مو صرت شجرة هنا وانتو نايمين بالعسل ..
امير .. هههههه انجازيك بعرسك واصيرلك نخله بعد شتريد ..
مقداد .. هههههه ع راسي والله .. بوسني وباركلي ..
هذا العشا .. علاگة الك وعلاگة العلي .
واكو بارد وعصاير جوة هم ..
امير .. ماقصرت اخوي سلملي ع الشيخ وياك .. لو بغير ضرف جان گتلك لاتروح بس هسا اعذرني ..
مقداد .. لاعمي معذور عايف الوجه الحلو ومگابل خلقتي حقك والله ..
يله في امان الله ..

طلعت للغرفة .. خابرت على علي يطلعلي مايرد ..
اضطريت دگيت الباب ..
طلع علي ضايج .. ها شبيك صار ساعه اخابر ..
علي .. ماكو شي ..
امير .. صاير شي گول .. اصيح سدن تشوف زينب. .
علي .. ماادري شأگلك بس ياريت .. هاي امها مامعلمتها مدري شبيها بس تبجي وخايفه ..
امير .. دهاك هاي علاگة عشاكم ..
واصيح سدن واجي .. خررررب يومكم فضحتونا ..

رحت السدن لگيتها تجفف بشعرها بالشسوار
لابسة سيت ابيض يخبل عليها ..
باوعتلي وابتسمت ..
اجيت من وراها وبستها براسها ..
حبيبتي .. ماتگومين تلبسين عباتج وترحين الزينب تشوفيها ..
سدن .. زينب شبيها
امير .. روحي وافتهمي منها وسولفي وياها وهديها
سدن .. اي بس خلي ابدل ..
طلعت ملابس .. دير وجهك ..
امير .. هههههه لاتخليني هسا ابدلج بيدي .. مااريدج تستحين مني ..
اتقرب مني .. لزمني من جتفي .. اني هسا سترج وغطاج .. مااريد اشوف الخجل بعينج من اتقرب منج .. استحي من الدنيا كلها الا اني ..
اني امانج وسندج .. وحضنتها. .
سدن .. انطيني كم يوم ع الاقل .. بعدني مامتعودة ..
يله اني گاعد ع الجربايه وداير وجهي ..
بدلت وكملت ..
يله امير .. لبست العبايه ..
ومشينا.. خابرت علي گتله افتح الباب اجت سدن وانت تعال يمي بالغرفه عوفهن وحدهن ..

دخلت سدن وهو طلع بسرعه وعرگان من الخجل گدام سدن ..
واصلا علي بطبعه خجول مو جريئ هذا لو حيدر جان بثواني قشمرها وقنعها وكمل شغلته هههههه..

سدن .. دخلت لگيتها لافه روحها وگاعدة ع الجربايه..
وج زينب تحجين صدگ ..
زينب .. شأحجي .. اني ماحجتلي شي ومحد فهمني هيج يصير ..
سدن .. انتي مو طفله زينب عمرج راح يصير 19 دارسة وفاهمة واكيد سامعه عن هيج شي ..
زينب .. اي اعرف بس مااتوقعت هيج .. ولج فجأة تلگين شخص غريب بمنضر .. استغفر الله ما ما مااگدر ..
سدن .. هههههه بله هاي شلون افهمها ..
ولج حوراء شعجب ماسولفتلج هي اجرأ منج وتعرف اكيد زينب .. منين تعرف .. لاتشوفيها بس اللسان هم مطفية مثلي .. صح تعرف اشياء بس مو هيج ..
ولج من شفت المنضر احس معدتي گلبت ..
سدن .. لأن ماتنضريله بنضرة حب .. انتي لو تحبيه وتحسين بمشاعرة ولمساته وحضنه راح تنسين كلشي وتندمجين وياه ..
تدرين اني وامير كملنا ..
زينب .. عليج الله .. شبسرعة وشلون تحملتي ..
سدن .. اني هم مثلج خايفه واستحي .. بس لمن اتقربلي غمضت عيني ومشيت وياه وين ميريد .. نسيت نفسي وماحسيت بشي ..
زينب .. هي هاي المشكلة مااحس بشي بس الخوف ..
سدن .. هسا گومي اسبحي وبدلي وتعشوا وخلصوا الليل كله سوالف وضحك وشويه شويه من يتقربلج اندمجي وياه غمضي وروحي اتخيلي اشياء حلوة ..
صيري رومانسية شويه لاتصيرين جامدة..
من يشوفج مندمجة وياه راح يحسسج بحبه وحنانه ووحدج تسلمين نفسج ..
زينب .. اي بس وصيه يخليني ع راحتي .. عسا ما للفجر
سدن .. هسا راح اخلي امير يححي وياه ولو ماادري شلون راح يتحمل ..
وبعدين اگلج ترى اليوم عرسنا هم خو مانبقى رايحين راجعين الكم… صيري قوية وحبابه لاتتصرفين بطفولية
فهمتي ..
هزت راسها .. خلي اروح اسبح ..
سدن .. اي عفيه . من تسبحين راح ترتاحين لان طريق وتعب هم هذا يأثر ..

خابرت امير ووصيته يحجي وي علي يكون رقيق وياه ويحاول يطول باله عليها ..

امير .. هاي سدن تگول فهمتها وهدأت وهسا راح تسبح وترتاح وانت لاتضغط عليها تعشوا وارتاحو وسولفوا وضحكوا حتى لو تنامون وترتاحون وعود اتقربلها على كيفك وبحب ورومانسيه شويه ..
يعمي الليل كله عشا عليمن مستعجل انت . يله يبطل روح الغرفتك خلي تجي مرتي ترى الليله عرسي وكلشي ماشفت من وراكم…
علي .. هههههه عمي اعذرونا . همزين اجينا للفندق لو بالبيت جان فضحتنا ..
امير .. يله تصير هم حقها صغيرة وماتعرف انت احجي وياها وعلمها وقربها الك .. ترى ماكو حاجة اعلمك يابه طلع الحب الي بداخلك الها وشوف شلون راح تمشي مثل الساعه وياك ..

اندگت الباب اجت سدن ..
دخلت وراح علي الغرفته ..
سحبتها من ايدها وحصرتها يم الباب .. سحبت العبايه وشمرتها جانت لابسه تراك وبي سحابه ..
سحبتها وطلعت اشتياقي بيها ..
هي شويه راحت الغرفه علي اشتاقيتلها ..
شلتها للجرباية ..
وبقيت اتمعن بيها وبعيونها وهي مغمضه ..
ابتسمت ..
گلتلها .. ها حبيبي شو ضحكتي ..
وهي مغمضه تحجي ..
-تدري امير هو موصج زينب يمكن اخوك مو مثلك .. اني هم جنت خايفه ومترددة بس حركاتك ورومانسيتك تجبرني استسلم الحضنك وبدون خجل ..
امير .. اويلي يابة .. تدرين حبيبتي ..
فتحت عيونها الناعسة والذايبه ..
هاي اول ليله احس نفسي عايش .. اول ليله مرتاح بيها من غير ماافكر شنو وشراح يصير ..
انتي غيرتي حياتي وخليتي بيها لون بعد ماجانت ظلمة ..
شكرا حبيبتي الي خليتي مني انسان عاشق ويعرف يحب وينحب .. بعد ماجان گلبي مابي بس الحقد والالم ..

خلت اصبعها الحلو واضافرها الطويله تلامس شفتي ..
اشششش حبيبي مادام اني يمك مااريد اشوفك ضايج وحزنان .. ان شاء الله ايامنا كلها حب وفرح ..

امير .. بستها براسها وگلتلها .. خلي نتعشا لا يبرد الكباب ..
تعشينا وكملنا ..
شفت حبيبتي تتثائب .. طفيت الضوة وخليت مجرد ضوة خافت ..
وسحبتها الحضني .. نامت ع ايدي وخجلانه ..
سحبتها الصدري وگلتلها ..
من اليوم هذا مكانج .. اريد راسج دووم فوگ صدري ..
ومهما زعلنا او اختلفنا لاسامح الله ..
مااريد بيوم تديرين وجهج عني ..
بالليل تجين وتنامين على صدري ..
ولو مااريد ابد الزعل يدخل بينا ويخرب راحتنا ..
سدن .. مستحيل ازعلك مني او ازعل عليك ..
امير.. الله يحفظج الي يروحي ..

نمنا من التعب .. سمعت الاذان اذن ..
همست بأذنها ..
حبيبتي .. تگومين نروح للامام الحسين هسا نزور ونصلي ..
ابتسمت .. ياليت ..
سبحنا وبدلنا ولبست عباتها ونزلنا ..
خليت ايدي بإيدها ..
جان الفندق مقابيل الامام العباس ..
گلت .. ربي بحق العباس اخو زينب عندك ..
طالب منك راحة البال والحياة السعيدة اني ومرتي وتحفظها الي وتخلينا گلب على گلب ..

رحنا زرنا وصلينا ..
ورجعنا للفندق ..
امير .. حبيبتي بعد وكت بدلي وتعاي نكمل نومتنا ..
لبست ثوب قصير واجت يمي وهي تتماوع بمشيتها ومستحية ..
اني شفتها تسودنت ..
سحبتها من ايدها وخليتها فوگ صدري ..
وگلتلها .. جنت على نفسها براقش ..
ضحكت وغمضت عيونها ووووو💑..
نمنا وماگعدنا الا على صوت الموبايل يدگ ..
فزيت .. ساعة ثمانية ..
سدن .. منووو
امير .. هذا الشيخ يخابر ..
الو ها بويه صباح الخير
الشيخ .. صباح الخير وليدي .. ها بشر حنطة لو شعير
امير .. هههههههه افه عليك اني ترباتك ..
الشيخ .. عفية وليدي .. ع الخير والبركة وان شاء الله تشوف على گصتها الخير والسعادة ..
منك المال ومنها العيال يارب ..
امير… رحم الله والديك بوية ..
الشيخ .. يله يبوي جهزوا ارواحتكم بين مانجي ورانا طريق وناس منتضرتنا فشله نتأخر ..
خابر علاوي وگله هم وياك ..
امير .. صار بويه ..

سديتة وگلتلها . يلة حبيبتي حضري غراضنا راح يجون
بين مااخابر علي ..
خابرت علي بالگوة شاله نايم..
-صح النوم يعريس لازم سهران طول الليل ..
-شسوي اذا للفجر يله ..
-ههههههه بيها الخير .. بس يله هموا ارواحتكم اجة الشيخ حتى نرجع مناك وادم وغدا فشله ..
علي .. اي بس نسبح ونبدل ..

امير .. خابرت على حيدر ..
حيدر .. هلا بالعريس شلونة العرس حلو ..
امير .. عمرك خسارة اذا ماعرست ..
حيدر .. خرررررب شهيتني ..
امير .. هههههه سرسري ..
حيدر .. بله منين اجيب مرة .. هي مابقت بس حوراء الوكحة هاي نخلصها دفرات بليلة العرس اني وياها وامها فاطمة مااريدها ههههههه
امير .. خررررب يومك ولاتگعد راحة .. بشر خابرت الطباخ اجة ..
حيدر .. اي اجة وبلش بالطبخ ..
امير .. حدوري بعد اخوك اعتمد عليك كمل كلشي كون مانتفشل ..
حيدر .. برگبتي انت تونس وانسى كلشي ولو ليوم واحد كافي تفكر يابه عيش حياتك ..
امير .. هههههه كفو والله ..

سديتة من حيدر لگيت سدن مكمله ومصفطة ملابسنا بالجنط ..
طلعت فستان وكوستم ..
گالت امير شألبس هذا لو هذا ..
امير .. البسي الفستان هم لونة بيجي حلو مال عرايس وانتي طويله يلوگلج ..
سدن .. مو اخاف يطلع من جوة العبايه ..
امير ..حبيبتي هو احنة سيارة منا الوسط البيت ..

بدلت وخليت حمرة خفيفه گلت هناك ارتب نفسي اعرف امير وجدي هم مايحبون وحدة تخلي مكياج صارخ وتطلع
لفيت حجابي ..
گال امير طلعتي تخبلين حبيبتي ..
سدن .. عيونك الحلوات حبيبي ..
كملنا ونزلنا ..
تلگانا الشيخ وبابا باسني وباركلي ..
وباركوا العلي وزينب ..
رغم زينب تبتسم بالگوة مااعرف ليش ضايجة ..
اشرتلها .. گالت ماكو شي .بس نعسانه ..

طلعنا وجانوا مقداد والولد وعمامهم بكربلاء كلها راحت ويانا ..
والطريق كله خلصوه دگ ورگص ..
الى ان وصلنا الديوانية ..
تلگونا هم جماعة امير وعلي ..
ونزلوهم بالطريق ورگص يم الكورنيش ..
الى ان وصلنا البيت ..
هناك صار الرمي كارثة..
بحيث لزمت بأمير وختلت وراه ..
وهو يصيح كافي رمي منا ناس ..
وجدو هم ماقبل ..
دخلوا سيارتنا للبيت نزلنا اني وامير ..
وتلگتنا عمة ياقوت بالجكليت والهلال..
وبعدها دخلت سيارة علي وزينب وهم نفس الحاله هلال وجكليت ..
دخلنا للصاله لگيت ماما وبيبياتي وعماتي كلهن ..
سلمنا عليهن وبوستهن ..
وماما حضنتها حيل اشتاقيتلها..
ودرو حبيبتي فرحانة حيل ..
گلتلها .. مو شفتج انتي وعمتي بسيارة يوسف رحتوا ويانا شو بعدها اختفيتوا ..
درة .. اي للحلة وامي گالتله كافي نرجع لان عدنا خطار والبيت فارغ ..
انتي گليلي شلونج واموري شلونه وياج ..

باوعتله بحب وگالت .. اموري وردة الله يحفظة النا ..
اجة امير گال شو اميرتي ماباركتلي ..
رحت حضنته وبوسته ..
جانت الفرحة مالية عيونة وامي مگابلتهم ومامصدگة تزوجوا ..
تگول هم صدگت يكبرون ويتزوجون واشوف عرسهم ..
صعدوا هو. وعلي بدلوا دشاديش ونزلوا يم الزلم ..
زينب جانت ضايجة او تعبانه ..
گالتلهن امي ..
اصعدن ماما بدلن وارتاحن تعبانات من الطريق وهسا راح يصير غدا وهوسة ..
راحن صعدن ..
صاحتني سدن .. درة تعاي وياي ..
وزينب صاحت امها وحوراء وصعدن ..

سولفتلي سدن كلشي وفرحتها ماسايعتها ..
للحظة تخيلت نفسي اني ويوسف الي جاب الطريق كله البارحة يتحسر ..
سدن .. درة وين صفنتي.. اعتذر حبيبتي نسيت نفسي واسولف بسعادتي ونسيتج ..
درة .. لابلعكس سدن لاتسوين هيج .. انتي اختي وامير اخوي وتهمني سعادتكم اكثر من سعادتي ..
سدن اموري تعب بحياته ويستاهل الفرحة والسعادة الي شفتهن بعيونة ..
اذا تعزيني ابقي هيج حبي واسعديه ..
سدن .. ولج كافي راح ابجي .. ليش شعندي غيرة هو سعادتي بهالدنيا ..

اگلج درة اني راح البس گلبيه وانزل جوة .. يم بيبياتي فشله وامير اصلا بعد الغدا يله يدخل شعندي بعد گاعدة وحدي ..
درة.. نامي ماتعبانه ..
سدن .. تعبانه والله بس اريد اني وامير نتغدا وننام سوة درة .. اممممم يمة الحب يمة..
سدن .. هههههه ديله تعاي فتحي سحاب الثوب خلي ابدل ..
لبست گلبيه .. ورتبت مكياجها طلعت تخبل وهي ماقاصرة ..
نزلنا جوة .. كلها تعجبت ..
امي .. ليش نزلتي ماارتاحيتي يمة ..
سدن .. لا عمة فد مرة من يجي امير الظهر ..
ام مرزا .. الله يكملج بعقلج بنيتي هي هاي المرة الزينة جنت اني عروس مااكل ولاانام اذا مايجي الشيخ. .
وجان يتأخر للعصر مرات يله يجي لأن هو من صغرة لزم الشيخة ..
وجنت اصبر روحي واتحمل حتى نگعد وناكل سوه ..
ولحد هسا اذا مايجي الشيخ مااكل ..
ام حمزة .. واني هم تعودت بيومي مااكل الا اشوفه ومرات اجي يم ام مرزا ونتگابل ثلاثتنا ناكل سوة ..
وهو ابد مافرق بينا يفلس الي والها ..
هي تحجي واني اضحك .. رغم طيبتهن ومتصافيات بس مااتخيل بحياتي واحد يشاركني بزوجي اموت غير ..
سدن .. واني هم .. مااعرف شلون هن متحملات ..
درة .. دسكتي لانحسدهن ..

كملوا غدا وتغدينا وبدينا ننضف ..
دخلوا الولد ..
ياقوت .. يمة يله الغرفكم نسوانكم خطيه كتلهن الجوع ..
وهسا اسويلكم صينيتين واصعدهث الكم ..

بهذي الاثناء نزلت فاطمة من فوگ هي وحوراء ..
حيييل شهگنا كلنا ذني لسا فوگ شيسون ..
امير خلى ايدة بإيد سدن وصعدوا ..
وعلي صعد قبلهم الغرفته ..
ام مرزا.. جا انتن شعندجن فوگ لسا ماخليتن البنيه ترتاح ..
فاطمة .. عمة بنتي تعبانه ومالها خلگ قابل اعوفها ..
ام حمزة… جا تگابليها هاي بعد تزوجت وصارت ببيت زوجها معليج بيها ..
فاطمة .. تحجن صدگ بعدهي صغيرة والليله كله شايفه الويل وبجي وتردني اعوفها ..

ياقوت .. عيني ام عبد الله مو وكت هالحجي منا وادم فشله ..
عوجت حلگها اي طبعا تخافين على سمعة ابنج ..
ام يوسف .. كافي اسكتي فضحتينا ..

ام ضاجت وهي ماتعرف السالفه شني ..
وخاله فاطمة مخليه السبب بعلاوي ..

للعصر الكل راح حتى بيت ام احمد لأن ملتهين يحملون بغراضهم امير شافلهم بيت بحي العسكري ..
واخيرا راح يشيلون للديوانية ..

بعد ماطلعت كلها .. نضفت وتعبت .. رحت نمت ساعة
للعصر ..
حسيت شي يدخل بخشمي واني افرك بي ..
تالي سمعت ضحكة ..
فزيت .. ولگيت سدن بالخيط تخليه بخشمي ..
درة .. هههههه هاي انتي مو عروس شعندج گاعدة
سدن .. اجو جماعة امير ونزل يمهم واني بقيت وحدي بدلت ونزلت ..
شفت عمتي تسوي بالعشا ردت اساعدها بس ماقبلت گالت مايصلح تدخلين المغرب للمطبخ وانتي عروس ..
درة .. هسا اگوم اساعدها .. ليش خالاتي راحن ..
سدن .. اي بيبي ام مرزا تخربطت وراحن يمها ..
درة .. خطيه شبيها ..
سدن .. ضغطها ارتفع .. بس هسا خابرت ماما گالت احسن ..
درة .. الحمد لله .. جا وين زينب ..
سدن .. لسا مانزلت فوگ ..
درة .. وعلي يمها ..
سدن .. لا علي نزل .. عود هسا اريد اصعد اگعدها فشله نايمة لسا واصلا مايصلح صار المغرب ..

راحت سدن صعدت الزينب ..
واني رحت اساعد امي بالعشا ..
كملنا بسرعه لأن خاف يجي خطار وجماعة امير وعلي كل شويه جاية مجموعه ..

خليت السفرة وبديت ارتب الزلاطة ..
نزلن البنات ..
درة .. ياهلا والله تدرن مامصدگة واخيرا صارن بنات وياي وبنفس البيت ..
سدن .. تعودي علينا لمن تملينا ..
زينب .. احس جسمي متكسر ..
سدن .. شينيمكم الليل اليوم هههههه شبعتوا نوم .
درة .. شعندهم نايمين غير عرسان هو السهر الهم ..
زينب .. زين تعرفين طلعت بس اني الفقيرة ..
درة .. شأعرف ولج هو منو المايعرف العرسان يسهرون ويسولفون ويتعرفون على بعضهم ..
زينب .. هااااا .. جا علي وين ..
درة .. بالبراني ..

اجت امي ..
يمة نور البيت .. شگد جنت اتمنى عندي بنات هواي والله انطاني هسا صارن ثلاثة بعد شأريد ..
درة .. يمة گعدي انتي احنه نجيب الماعين ..
گمنا انس والبنات بسرعه رتبناهن بالسفرة بين مااجو الولد ..
اشرلي امير .. گال البسي حجاب اجة يوسف هنا ..
من گال يوسف خليت الخضرة بسرعه ورحت للغرفه گلبي يدگ ..
اجت سدن وزينب ..
شبيج ولج .. لا بس امير گال البسي حجاب منا يوسف ..
زينب .. انتي بعدج تحبيه ..
درة .. هاااا ليش سألتي ..
زينب .. مو اگول سمعتي بطاريه تخربطت احوالج ..
سدن .. دكافي يله الولد گاعدة بسرعه اطلعن ..
لبست وطلعنا ..
امير .. مرتي تعاي يمي هنا ..
يوسف ضحك .. ولك ع الاقل احترمني اني گاعد ..
اجت سدن باست يوسف وباركلها ..
گعدنا كلنا ع السفرة ..
ياقوت .. يمة زينب تعاي يم رجلج ليش گاعدة غاد ..
اجت زينب يم علي .. وعلي يباوعلها وفرحان ..
حيدر .. يوسف طلعنا بس احنه مساكين ..
ابتسم يوسف ودنگ ..
تعشينا وهمة سوالف وضحك ..
امير .. هسا لو مالوضع مخربط ببغداد جان رحنا كم يوم نتونس ..
يوسف .. يمعود الا البايع روحة يمشي البغداد الكتل صاير ع الهوية هناك ..
ياقوت .. يمة الله اليستر لا وين ترحون خليكم هنا گبال عيني ..
درة يمة جا وين الفواكه ..
درة .. يمة هاي گبالج ..
ياقوت .. يوووو والله ماضل فكر عندي ..
امير .. تعبتي اليوم انتي كملي وروحي ارتاحي ..
ياقوت .. لا اريد اروح اشوف عمتي واجي ..
يوسف .. اني من اروح اخذج وياي ..
ياقوت .. اي عمة ينطيك الله ..

كملنا عشا وامي راحت وي يوسف وحيدر وياهم ..
والولد كلمن صعد الغرفته ..
واجتني وحشة الليل ..
ماكو شي اسويه . طلعت دفتر وبديت اكتب هيج شخابيط وخواطر ومشاعري المكبوتة ..
الى ان اخذتني ايدي وگمت اكتب كلشي بداخلي ..
وشنو احس اتجاه يوسغ وحياتنا ..

سمعت الباب تندگ طفرت ..
ضميت الدفتر ورحت للمطبخ .
منو ..
اني حيدر افتحي ..
فتحت الباب الهم .. شفت عيون امي وارمة ..
درة .. يايمة شبيج ..
ياقوت .. لايمة مابيه بس ضجت على ام مرزا من شفتها تذكرت عمتي الحجية من تمرضت .. والله اشتاقيت الها اريد اروح ازورها مقصرة عنها اني ..
درة .. الله كريم يمة .. دخلي ارتاحي ونامي تعبتي ..

قفلت البيبان ونمنا ..
مرت الايام وسوينا سبعة للبنات وعزمنا الكل وتونسنا رغم تصرفات خاله فاطمة ومايعجبها كلشي وتحجي للنسوان بنتي صغيرة وماردت انطيها شو حتى ضعفانه وماعندها عافية من تزوجت لسا ..
بس محد اهتم الكلامها ولااحنه ماخلينا شي ينغص حياتنا وسعادتنا ..
كبرت عائلتنا ولمتنا الحلوة .. امي فرحانة بالبنات وخاصه سدن شايلتها شيل ماتخليها تجيس الورد واني وياها هم ..
وزينب هم مالها اذيه ..
بس عيبها ماتنزل طول النهار الغرفتها منا لمن يجي العصر علي ..
تسويله غدا وتصعد وياه ولليل يلة نشوفها ..
امي ماتقبل واحد يحجي لأن سدن رادت تحجي وياها وتعلمها ..
ياقوت .. لايمة عوفيها مادام شايلة رجلها ومراعيته شأريد منها واني وياجن مامقصرين وبيتنا دووم نضيف وماعدنا فد شي ثگيل .. واذا تحسين روحج تعبانة گولي اني اشيل عنج الشغل ..
سدن .. لاعمة لاتگولين هيج . موقصة تعبانه انتي امي وهذا بيتي واشيلكم على راسي بس هي اصول ع الاقل تگعد يمنا مو معلگة فوگ ..

درة ..اشرت السدن تسكت لأن اعرف امي ماتقبل هدوء وراحة بيتها تخرب لأسباب تافهة ..
ياقوت .. اعرفج بنت اصل ولو هيج جان مااختارج امير بس يمة خلي البيت هادي ..
خاف تحجين وتفهمج غلط وتصير مشاكل ..

طلعت نتائجنا ..
جابهن حيدر ..
درة درة اريد بشارتي ..
درة .. دگول مو راح اموت شبيك ..
حيدر .. ولج شنو من عقل انتي بله لو رايحة علمي مو احسن ..
درة .. دگول ناجحة لو لا ..
حيدر .. ناحجة ومطلعة 98 ..
صحت صوت عالي واگمز وحضنته وحضنت سدن وامي وطايرة من الفرح ممصدگة ..
نزل علي وزينب .. وزينب جبت نتيجتها ..
حيدر .. هاااا اي ..
علي .. اي بشر ..
حيدر .. زينب اكمال وحوراء راسبة..
زينب بسرعه شهگت وگامت تبجي ..
امي خزرتني اسكت وماافرح ..
كتمت فرحتي بنجاحي بيومها وكل الي يجي يباركلي يبارك بسكتة ..
علي .. كافي حبيبتي عندج دور ثاني وتعوضين ..
وامي وكلنا نواسيها ..
درة .. باعي زنوبة هنة درسين اني ادرسج وتنجحين ان شاء الله ليش متشائمة ..

شوية واجت سدن للغرفه تركض ..
درة هاج بسرعه واني واگفه بالباب لايجي احد ..
شمرت عليه الموبايل ..
گلت الوووو..
-مبروك يوووووم الي يتحقق الي ببالنا ..
ابتسمت .. شكرا ..
-اني اول ماسمعت ردت اجي واباركلج بس استحيت من اهلج ..
-مخابرتك هاي تكفي ..
-جنت متوقع منج هيج نجاح .وتقدير . لاتضيعيه بالتربيه روحي قانون واني اساعدج ..
-ماادري يوسف بعدني حاليا مامفكرة بس اني احب التدريس ..
-بكيفج حبـ….. وقطعها . سكت وگال اكو شغله اشتريتها الج اول ماسمعت بيج ناحجة راح ادزها وي سدن وگولي هدية سدن هاي حتى محد يحس ..
بس مااريدج تنزعيها لو اريد اشوفج لابستها ..
-ضحكت وگتله ان شاء الله..
انطيت الموبايل السدن واني طايرة من الفرح بس جنت مضطرة اسكت وماافرح علمود زينب الي خلصت اليوم كله ضايجة وتبجي الى ان اخذها هلي الاهلها حتى ترتاح ويجيبها بالليل ..

عاد گدرنا نحتفل وسويت كيكة امي جانت ماهي العصر راح البيت ابو احمد تباركلهم لأن شالوا وتساعدهم ..
واصلا اخواني ماتركوهم من شالوا وياهم من اول يوم ..

بقينا بس اني وسدن بالبيت ..
گالت عندي مفاجأة الج ..
اني جنت لابسة گلبيه مخصرة وفاتحة شعري ومشسورته وهو اصلا ناعم ..
ومسويه كيكة وشربت عود محتفله بنجاحي ..
اندگت الباب ركصت سدن فتحتها ..
واني اگلها يله سدن وين صرتي ..
رفعت راسي واشوف يوسف گبالي ..
ويبتسم ..
طفرت گبل للغرفه ..
اخذت حجاب ولفيت شعري ومستحيه شلون اطلع ..
دگ الباب ..
تطلعين لو ادخل ..
درة .. لا جاية ..
طلعت ..
گال جا اني مالي گلاص شربت ..
سدن .. اگعدوا انتو واني راح اجيب گلاص واجي ..
گعدنا واني من الخجل بس افرك بأصابعي ..
طلع علبه وگال ..
جنت منتضر سدن تجي وانطيهيا بس من خابرت وگالت وحدنا بالبيت اجت اسويها الج مفاجأة ..
فتحها بيها گلادة نازكة .. سلسلة رفيعه حيل وبالوسط عين وبوسطها شذرة زرگة صغيرة نازكة..
درة .. هذا ذهب ..
يوسف . ههههه قابل اجيب الهاي العيون الجنهن شذر شبة ..
درة .. لا مااگدر شأگول الاهلي ..
سدن .. معليج اني اگلهم جبتها عجبتني واشتريتها الدرة
درة .. بسسسس
يوسف .. بلا بس .. وتعاي خلي البسها الج ..
درة .. لا خلي سدن تلبسها الي ..
يوسف .. عمي من فوگ الحجاب مااطخج لاتخافين .
درة . گام ولبسها الي سداها وهمسلي بالمناسبه شفته الشعرج يخبل من فالته قبل شويه ..
فتحت عيوني وخزرت سدن من المستحة ..
عبالك اول مرة اشوفه واتعرف عليه ..
گال اني امشي لايجون الولد عيب منهم ..
سدن .. غير اني اختك وجاي الي مايحجون ..
يوسف .. لا عندي شغل بس اجيت علمود درة ردت تباركلها وجها لوجه والبسها بيدي حتى ماتنزعها للابد
مووووو ويضحك ..
هزيت براسي .. ابد ماانزعها ..
طلع والفرحة ماسايعتني ..
كنت فاقدة الامل ومرتاحة .. ليش هسا زرعة بيه من جديد ..
بقيت ليلي كله افكر واحسب ايام حتى يجمعني القدر بي طبعا سدن راحت الاهلها ورجعت وبعدها گلتلهم سدن جابتها الي ..
رغم جنت بالگوة خافيتها ومخليه حجاب ع رگبتي طول هاليومين ..
مر اقل الشهر ع زواج الولد .
بس سدن تخربطت وگامت تسخن ..
وامي تسويلها حرمل وبخور تگول هاي عين ماصلت.
امير .. يمة ماتشوفيها شحالها تعاي درة ساعديني خلي نلبسها وناخذها اني وامي ..
لبسناها وگومها امير يمشيها على كيف ..
اخذوها هو وامي الشارع الاطباء ..
واحنه بقينا منتضرين ..
العصر كلش يله رجعوا .. واحنه گلبنا نار ..
دخلت امي قبلهم وفرحانة وتهلهل ..

بقلمي_الكاتبة_شمس
يتبع .…

[لامارا]

//// البـارت السابع والعــشرون ////
عجـاف_القلـوب ..
الكاتبـة_شمـس ..

العصر كلش يله رجعوا .. واحنه گلبنا نار ..
دخلت امي قبلهم وفرحانة وتهلهل ..
درة .. ها يمة شبيها سدن ..
امي .. ولج يمة سدونة حامل راح اصير بيبية .. الف الحمد لله والشكر ماقصر دعيت يحبلهن من اول ليلة واشوف ولدهم ..
امي من فرحتها ماانتبهت الزينب ..
زينب ضاجت ..
وامي تواسي بيها وگطعت فرحتها ..
-يايمة سودة عليه .. الله يترس بطنج ويفرحني بولد علاوي هم ..
زينب .. لاعمة عليمن اني اصلا مااريد جهال بعدني شنو شفت بحياتي وعندي دوام ..
ياقوت .. لاتگولين هيج يمة .. هذا رزق الله .. انتن جيبن وذبن على گلبي .. عندي مثل العسل من اربيهم ..

امي خابرت البيت الشيخ وبشرتهم ..
لليل اجو يباركون ..
ووياهم حبيبي .. اي حبيبي الي عيوني ماتشوف غيرة
بكل مرة يمر من يمي احس حتى الهوا اليمر وياه ينعش وبارد ..

خالة فاطمة مااجت بس حوراء وخالو حمزة ..
بارك السدن وامير ..
بس حوراء ضايجة وتذب حجي ..
ع الاقل راعوا مشاعر زينب عوزكم بس تحتفلون ..
هاي اني وياها بالمطبخ نسوي جاي .
درة .. حوراء ليش تگولين هيج اسم الله قابل همة صارلهم سنين اشو حتى شهر ماكملوا ..
حوراء .. هم صدگ ماصارلهم شهر وحبلت شبسرعه ..
درة .. شقصدج ..
حوراء .. لا هيج ..
درة .. ترى عيب هالحجي هاي بنت عمج ..
دخل اموري ..
درو حبيبتي لاتسوين جاي دزيت على بيبسي .. جان طاير من الفرح والدنيا ماسايعته ..

بعد ماطلعت كلها قفلت واجيت اشوف امي خاف محتاجة شي قبل لاانام ..
لگيت علي يمها ..
وسمعته يگلها .. يمة ماتحجزين الزينب عند الدكتورة حسيتها ضاجت الليله ..
ياقوت .. يمة هاي انت المثقف هيج تحجي .. بعدهي البنيه صغيرة وماصار شهر من عرستوا لويش مستعجلين العمر كله گدامكم ..
علي .. لا والله يمة ماعندي هيج بس لأن ضاجت خطيه
ياقوت .. يمة هاي قسمة ربك اكو نسوان تحبل من ليلتها واكو نسوان تتأخر…
من سمعت كلامهم سحبت نفسي وگمت ..
رحت اكمل شخابيط وكتابه ..
ماادري ليش حسيت بنفسي محتاجة اكتب رساله اليوسف ..
اگله بيها واعبر عن مشاعري ..
وفعلا طلعت ورقه وبديت اكتب ..
كلشي بداخلي اله .. جنت طفله وكت ماگالي احبج وماعرفت الحب وطعمة الا بعد ماافترگنا ..
گلتله انت الشخص الي اتمنى اكمل حياتي وياه ..
والشخص الي فتح عيني ع الحب وخلاني اصدگة ..
واني اكتب حسيت براحة وطمأنينة وكانه هم بداخلي ونزاح ..

من كملت بديت اقراها .. حسيت بجرأتها .. استحيت انطيها ..
صفطتها وخليتها بوسط الكتاب وضميته بالكنتور ..
ورحت نمت ..

للصبح گعدت على صوت امي وسدن يتعاركن ..
گمزت مخترعة ..
شكو يمة .. سدن شصاير ..
سدن .. ماكو شي .. عمتي ماتخليني اسوي شي واخذت الماعين مني تغسلهن ..
ياقوت .. اي يمة اول شهر يصير خطر خلي يعدي على خير وعود گومي ..
سدن .. تحجين صدگ عمة واني اگعد بلاشغل ولاعمل شهر واشوفج تشتغلين .. لا مااگدر مااحب الگعدة ..
ياقوت .. اصعدي نامي لو لاتصعدين موزين روحي بغرفتي لو يم درة ونامي ..

ضحكت عليهن .. بله تحجن صدگ اني نايمة وفزيت على صوتجن ولبالي تعاركتن ..
وتالي تتطالبن ع الشغل ..
والاحسن ..
اگعدن اثنينجن واني اشتغل وهيج انحلت المشكله ..
هنة من سمعن كلامي حسن على روحهن وطگن ضحك
تالي گعدنا تريگنا سويه وكملنا ..
گمت نضفت وغسلت الماعين اني وامي طبخت ..
لـ 11 نزلت زينب مبدله ..
-عمة اني رايحة الاهلي راح يجيني عبودي ياخذني ..
-ورجلج يدري يمة ..
-اي يدري هو گلي روحي عندي شغل اني وماما العصر وهو مافارغ يوديني ..
-مادام رجلج گايلتله روحي يمة وسلميلي على اهلج ..

للعصر كلش جابها علي .. ماتگدر تمشي وشحالها ..
تلگته امي ..
-يايمة شبيها زينب ليش هيج وجهة اصفر وشحالها مريضه شني ..
-لايمة امها ماخذتها للدكتور وكاويتلها مدري شني ومتخربطة ..
ياقوت .. تححين صدگ يمة ليش تلعبين بروحج وامج شمالها ماتعرف ..
قابل شبيج انتي وتكويلج ..
علي .. يله يمة بعد صارت شنسوي خلي اصعدها ترتاح ..
سدن .. اني ودرة نصعدها ..
تعاي درة ساعديني ..
صعدناها لفوگ ..
نامت وغطيناها ..
سدن .. زينب شبيج انتي بعدكم صغار ليش تخلين الدكتورات يلعبن بكيفهن مو زين عليج هيج ..
زينب .. طبعا لو انتي بمكاني ماححيتي هيج .. اصلا انتي السبب يمكن انتي دستيني وهل ماصار عندي ..
سدن .. شنو دستج واني شعليه ..
زينب .. اني ادري امي تگول اكو عروس تدوس عروس وتجبسها وبعد ماتخلف ..
سدن .. لا ترى زودتيها .. ودماغج مغسول غسل ..
زينب .. اني مو طفله .. بس حقي من اشوف الاهتمام كله الج ورجلج يباوع الحلگج ..
سدن .. ولج اني بنت عمج شمالج هيج عينج عليه ..
وبعدين رجلج شمقصر وياج شو مدللج دلال وانتي تتماوعين عليه ..
زينب .. صح مدللني بس ماعندة شخصيه وامير فارض نفسه عليه وع البيت كله ..
درة .. احترمي نفسج شنو ماعندة شخصيه . ترى ساكته الخاطر علي اني .. بس من تتجاوزين على اخوي مااسمحلج ..
هو الصوح بي .. لان مدللج ويخاف عليج ويحبج هيج تسوين .. اشو من تزوجتي لسا خاتله بغرفتج ولاتگعدين ولاتسولفين ويانا وباعدة نفسج عنا .
وياحجت ماما وياگالت ماما ..
سدن .. كافي درة خلينا ننزل ..
وانتي زينب .. نصيحة من اخت الاختها بطلي تمشين بحجي امج اهتمي بزوجج وبس ترى محد يفيدج ..
بعدج بأول حياتج وسعادتج لاتخلين واحد يخربها..

نزلنا اني وسدن ..
علي .. ها نامت ..
سدن .. اي نامت ..
علي .. اروح اجيبلها جبدة واجي وجهها اصفر ..
بهذي اللحظة دخل امير .
الله بالخير ..
علي .. هلا ابو كرار شلونك ..
امير .. منين طلعتلي هالاسم بعدنا مانسمي هسا ..
علي .. جا سموا بسرعه حتى نلقبك بأسمة بعد عيب نصيحلك بأسمك ههههه ..
امير .. مقررين اني وسدن لمن ينعرف ولد لو بنية يله نسمي ..
علي .. الله يسهل ان شاء الله يله اني طالع ..
امير .. خير وين راح يصير الليل ..
علي .. بسرعه منا مااتأخر اشوف مطعم اجيب جبدث واجي زينب مريضه ..
امير .. سلامتها .. دتعال عبالك گلبي حاس .. جبتلكم معلاگ شوي ..
تعاي سدن طلعي الجبدة منها بماعون الج ولزينب ..
علي .. لا خاف مايكفن ..
امير .. يمعود هذا خير من الله شني مايكفن .. عود مو تزوجت وكبرت وتستحي ..
منا لمن تتعين اني الي اصرف ع البيت والي تحصلهن خليهن الك والمرتك فاهم ..
حضنة علي وگالة .. الله لايحرمنا منك ..

اجة حيدر وحضرنا العشا اني وسدن ..
وگعدنا ناكل ..
امي اشرت نسوي صينيه الزينب وگالت العلي روح انت ومرتك واكلها بغرفتكم ..
علي .. لا اني اتعشا وياكم وهي نايمة من تگعد اودي الها ..
ياقوت .. يمة البنية بعدهي عروس خليها تتعود عليك ودللها ..

سويت صينة الهم واخذها وصعد ..
گعدت گال امير ..
-اي درة هسا شقررتي وين ترحين .. التقديم بدأ ولازم تجيبين استمارة من المدرسه ..
درة .. ماادري بس اني احب التدريس ..
حيدر .. حرامات اني عندي هيج معدل واروح تربية ..
ياقوت .. يايمة جا شتروح مو گلتلها اريدج طبيبه تالي راحت الهذا المايجيب طبيه ..
درة ... هههههه علمي يمة .. بس اني اصلا مو علمية ومااحب العلميات هي الانگليزي والرياضيات لو مادورات ومعهد من العطله ويفهموني جا مانجحت ..
امير .. روحي قانون ..

من گال قانون صفنت .. تذكرت يوسف من گال روحي قانون ..
حيدر .. بس قانون وبالديوانية فاشله ..
امير .. ليش فاشله.. اكو خريجات قانون يداومن بالدوائر يعني مو شي غريب ..
القرار الج حبيبتي بس اني اگول حرامات هيج معدل يروح للتربية ..
درة .. ماادري اقدم واني وحظي بعد ..
ياقوت .. صح تعبت ودرست بس اني اشوف تصير معلمة لو مدرسه احسن ع الاقل اكو عطل ودوامهم للـ12 وتطلع .. مو تعب مثل الدوائر ..

امير .. يمة جا انتي فكرتي للمستقبل دخلي تتخرج وتتعين والله كريم ..
ياقوت .. اي يمة جا شنهي السنين تركض ركض وباجر عگبه تتزوج وينشلع گلبها بين البيت والجهال والدوام ..

حيدر .. ههههههه گمت اتخيل درة وهي من للدوام للبيت والجهال تركض وراها يبووووو جنها مخبله بالعباس
درة .. ها بدينا استاذ حيدر ..
امير .. حيددددر عوفها لو تغار منها ع الاقل طلعت معدل من اول سنه الا الي طلع بالدفعات شنگول عليه
حيدر .. هههههه بدا القصف خلي افلت احسن الي ..

لليل اندگت الباب ودخل علي ..
درة فارغة ..
-اي علاوي تعال ..
گعد يمي ووجهة مايتفسر ..
گال درة تدرين بينا شگد نحبج ونعز .. انتي اختنا ووحيدتنا تربيتي على ادينا وماكو شي بهالكون اغلى منج
-اعرف هذا الشي حبيبي گول صاير شي ..
-زينب !!
-شبيها ؟؟
-سولفتلي على كلامج وياها انتي وسدن ..
-شوف علي اني ..
-اعرف .. اعرف اختي مستحيل تغلط ولاتفهميني غلط ..
بس هي صح بعمرج بس مو مثل تصرفاتج امهن دللتهن ويسمعن كلامها ..
اريدج انتي او سدن تحجين وياها مالجن علاقه بيها ..
اني صح احبها بس ماارضى بالغلط .. اريد اعلمها على طبعي شويه شويه ونبهت عليها تحترمجن وتگوم حالها حالجن وتشتغل بالبيت وملاحظ ماتنزل هواي يمجن ..
بس مثل ماگتلج تتعلم شويه شويه ..
الخاطري تحمليها ولاتوصلين الامي تنقهر ..
درة .. شلون اگلها مستحيل .. بس انت هيج تحبها ..
علي .. الحب مو بيدنا هذا قدر مكتوب علينا .. واعرفها طيبه وراح تحبني اكثر مما احبها بس امها شويه ..

ماگدرت احجي وياه لأن اعرف الي يحب يصير اعمى ومايشوف اخطاء الي يحبه ويحاول ينزهة بكل الطرق ..
درة .. علاوي انت طيب .. بس طيبتك هاي ماتفيد وي خاله فاطمة .. ضحك هو ..
والله صدگ احجي .. اذا بقت فاطمة تتدخل بحياتكم ترى مستحيل تگدر تعلمها على طبعك وتخليها تسمع كلامك
هاي سوالف النسوان ماتعرفها .
وهي ابد ماحبت امي بيوم .. ولاراح تحبها لهذا تسوي هيج وياكم ..
علي .. الله كريم حتى لو لزم الامر احجي وي الشيخ واخلي ينبهها ..
يله نامي انتي دوختج بسوالفي ..
درة .. لا حبيبي بالعكس فرحت لمن اجيت وحجيت وياي ومابقيت شي بداخلك ..
وبأي لحظة تريد تحجي اني اسمعك ..
باسني براسي وطلع ..

ثاني يوم جبنا الاستمارة ..
وامير خابر يوسف وگعدوا بالبراني يملوها ..
عود صاحوني يمهم تختار الكليات الي اريدها .. اصلا بكيفهم يكتبون ويخلون وسطروا القانون اول شي ..
ويوسف اصلا ماصدگ شكو قانون بالمحافظات القريبة كتبها ..
لان الوضع ماجان يسمح نكتب المحافظات الشماليه لو بغداد لان جانت خطرة ..

سدن جابت الجاي واجت .. عيني درة اشو مخليج مثل الفزاعة وهمة الي يرتبون بالاستمارة ..
يوسف .. انتي اطلعي منها ههههه

جان مدنگ ويقرأ باللدليل .. لابس دشداشة ورافع ردنها
وشعرة طولان ورافعة لفوگ ..
كلما يكبر يحلو اكثر واكثر ..

فزيت على صوت امي .. درة يمة گومي جيبلي حب وجع راس وماي شو دايخة ..
وتخزر بيه اگوم اكيد انتبهت عليه .
متت مستحة ..
اجت وراي ..
انطيتها الماي والحباية ..
بلعتها وگالت ..
تعاي اگعدي گبالي .. ارد احجي وياج ..
من گالت هيج .. حسيت معدتي اذتني وگلبي ينبض سريع ..
اني من اتوتر هيج يصير بيه ..
-هايمة
-يمة انتي بنيتي ووحيدتي .. اتمنى اشوفج اسعد وحدة واحسن ..
بس يمة مااريدج تضيعين بأمل مايصير .. بعدج وردة مفتحة والعمر گدامج ..
راح تدخلين جامعه وتشوفين مستقبلج ..
ومناك لمن تخلصين الف واحد يتمناج ويريدج ..
-شكو يمة ليش هيج تحجين ..
-جا عبالج ماحاسه بيج وبعيونج الي تحوم وراه ..
-استغربت حجيها ..
-اي يمة اعرف بس لان اعرف ترباتي شني مرات اسكت
بس مادام عندج امل بي ..
لا هو يصير الج ولاانتي ..
ابوج وقيصر وعمج قبلهم مستحيل يخلوج تتهنين وتاخذيه
وخاصه عمج .. تلگيه هو الي يوز بيهم لأن كسرت كلمته وطلعت بيكم وماصار الي يريدة ..
يريد يشلع گلبي بيج وياخذج مني ..
بس هذا اخر يوم بحياته ..
درة .. يمة مو بيدي شگد حاولت انسى مااگدر ..
شأنسى وبدلت العقد الموجودة گدامي ليل نهار تذكرني بذاك اليوم ..
مابقت بس ساعات وخرب كلشي ..
-يمة تگدرين بس لاتفكرين بي .. والثوب وخريه من كنتورج وذبيه خلي يولي .. اني امج واحجي المصلحتج لاتضنين الشيخ يخلي اول حفيد اله بلا زواج .. شگد ماينتضر مصيرة يتزوج ويكون عائله لأن همهم يكثرون نسلهم وتعرفين الشيخة عندهم وراثة ..

حجي امي حطم امالي وكسر گلبي ..
طلعت من غرفتها مختنگة .. شافتتي سدن من بعيد اشرتلي گلتلها ماكو شي ..
رحت للغرفه .. فتحت الكنتور وعيني بعين الفستان .. جنت لافته بنايلون حتى مايترب ..
عندي امل يجي يوم والبسة ..

بعد ماطلع يوسف .. اجت سدن ..
-شبيج درة ..
-مابيه بس نعست راح انام ..
سدن .. اني صاعدة امير جاي يصيحلي اذا ردتي شي تعاي لاتترددين ..
هزيت براسي الها ومشت ..

مرت ايام وطلعت القبولات .. ومااعرف شلون اجت مول مارادو ..
اجة امير طاير ويگلي درة قانون بعلي عرفت راح يطلعلج قانون ..

مااعرف ليش مافرحت .. يمكن لأن جانت رغبة يوسف او لأن جنت راغبه التربيه اكثر ..
ابتسمت بس مااحس اكو فرحة بداخلي ..
سدن .. اي طبعا يطلع قانون غير انت ويوسف مليتوها بدقة وتركيز ههههه..
حيدر .. عمي حظوظ هاي لو اني جا شمرني بالموصل
علي .. عينك باردة .. ولك انت ماتگلي شني ..
حيدر .. ها عمي علي شو عرست منا طلعت عينك منا على كيفك ويانا ..
ياقوت .. ها دور درت على اخوك .. جا من لازمك ماتعرس ..
حيدر .. لا عمي برد شركم بيش طالبيني .. هاي امير وعلي بعدهم كلشي ماشافوا وگابلوا شارع الاطباء ..
امير .. يجيك يوم لاتخاف ..
ياقوت .. يمة جا وين مرتك ..
علي .. ها وديتها الاهلها ..
ياقوت .. شوكت شو ماگلت ..
علي .. انتو نايمين وهي صارت زينة لأن تدرين من رحنا للطبيب لسا ماراحت الاهلها ..
ياقوت .. وانتي يمة سدن شو ماترحين لأهلج امج خطيه تشتاقلج ..
سدن .. لا مو نروح بالليل مرات اني وامير ..
ياقوت .. شني هالساعه الترحيها شيشوفون منج ..
روحي باجر وابقي النهار كله يمهم ..
سدن .. وامير شلون اعوفه ..
ياقوت .. يايمة قابل هو صغير وماتعوفيه .. اني ودرة هنا يمة ..
اميرر.. هههههه روحي حبيبتي واني اكمل شغل واجي يمج وهم مشتاق للشيخ صار كم يوم ماشفته هو ويوسف سدن .. اذا هيج اروح ..
حيدر .. احم احم نحن هنا ..
امير .. گوم ولك گوم .. ماعندك شغل عمل مگابلنا وگاعد ..

امير .. درو حبيبتي .. نزلي انتي وامي لو سدن وجهزي للجامعه ..
ياقوت .. لايمة سدن حامل وينها ووين الفرة ..
اني من تصعد الدرج الزم گلبي .. مو دور تفر السوگ
سدن .. هههههه عمة شنو السالفه قابل هو مشكل حيله ماكو شي لاتخافين ..
ياقوت .. شسوي گلبي ماينطيني عود وصيت ام احمد على حفيظة الج ومارحتلهم لسا ..
امير .. الحافظ الله يمة ..
ياقوت .. والنعم بالله بس هاي سوالف امهاتنا قبل انت ماتعرفها ..

قدمت ع الجامعه وجنت فرحانة خلصت من السادس وهوستة .. والاهم من هيج الفرحة واني اشتري ملابس
اني اصلا البس عبايه اسلاميه .. واكو صايات هم اخذت ..
اخذت شالات متنوعة وجانت مودتهن هستوهن نزلن ..
واحذية وجنط ..
واكسسوارت ..
ماخليت شي ..
متفقين نلتقي بعد السوگ يم الدكتورة ..
لان امير نزلنا بالسوگ واخذ درة وخاله ام يوسف الشارع الاطباء ..
جنت محمله علاليگ ومااگدر امشي ..
تلگانه امير اخذهن گال روحوا انتو السدن بالسونار هسا راحت هي وامها ..
الدكتورة طلبت سونار ..
وهو اخذ العلاليگ للسيارة بالگراج ..
دخلنا السونار مالگينا احد يمكن داخلات للدكتورة ..
شويه وطلعت سدن تبجي خوفتنا ..
ياقوت .. يايمة شبيج الطفل بي شي ..
جان امير واگف بالباب ولونة مخطوف..
امير .. شكو شبيج .. خطيه نسى نفسة ودخل بوسط النسوان ..
اباوع الخاله ام يوسف تضحك وسدن مابطلت بجي ..
لزمها من وجهها ..
-شبيج حبيبي گولي ..
سدن .. طلعوا توأم ..
هي گالت هيج . وامير اخذ نفس وحضنها .. خوفتيني ..
وامي تدعي وتبجي .. رحمتك ربي ماقصرت .. جنت قانعه وراضيه بواحد الحمد الك على عطاياك ..
ام يوسف .. مبروك يمة امير يتربون بعزك ان شاء الله
امير .. رحم الله والديج خاله ..
شو باوعيلي ليش هيج خوفتيني ..
سدن .. مامصدگة امير شايف من گالت ذوله اثنين مو واحد .. ماعرفت شصار بيه ..
سدن .. مبروك حبايب ربي يحفظهم الكم بس شنو جنسهم لو مو هسا ..
ام يوسف .. لا مو. هسا اربع اشهر يله ..
بس گالت ارجعوا للدكتورة احتمال تحتاج ربط ..

اختفت ابتسامة امير بلحظة وگال ..
خير شنو ربط وليش ..
ام يوسف .. هاي سوالف ماتعرفها الظاهر بنتي طالعه عليه اني هيج الا ربط يله ..
رجعنا للدكتورة وانطتها علاج ومثبتات وحددتلها موعد للربط ورجعنا ..
بالطريق اخذنا لفات ..
گال امير .. خلونا نمشي نبشر الشيخ ..
رحنا لهناك وبشرناه فرح ..
واصر نتعشا عدهم خابرنا الولد وعلي وزينب اجو وجمعنا كلنا ..
جانت نضرات فاطمة ماتطمن .. وضايجة حيل ..
بس ساكته .. الظاهر علي محاجي الشيخ والشيخ حاجي عليها لأن ابد مافتحت حلگها وحجت ..
وحتى زينب باركت عادي وتسولف وتضحك ..
احسها تغيرت شويه ..
ياقوت .. هاي گدام اهلج اذا گمتي وتحركتي ازعل ..
ام حمزة .. يمة قابل الشغل يموت .. بس هي لاتصعد وتنزل الدرج ..
ياقوت .. لا دور بس بالليل تصعد والصبح تنزل جوة بغرفة درة ودرة يمي تنام ..
درة .. هو وين انام راح يجي الدوام وبعد ماتشوفوني .
حمزة… وانتي بابا زينب تقرين ..
زينب .. اي عگب باجر امتحاناتي ..
حمزة .. الله كريم شدي حيلج ..

درة .. جنت گاعدة گبال المطبخ وحوراء تشتغل وجان يوسف يمها ..
بقيت اباوع الهم ..
هي ابد ماباوعت الي ولاهو جانت مندمجة يمكن تصب جاي وهو شايل الصينية ..
بس جانت حيل قريبة منه ..
تالي اخذ الصينيه وطلع ..
استغربت مع انه كلنا گاعدين وين اخذها ..
رجع مدري شگالها هي ضحكت بصوت ..
دخل اخذ شي وطلع ..
كل هذا واراقبهم مااعرف ليش غرت مع انه ادري بيوسف مامهتم الها واعرفها تسوي هيج حتى تغيضني ..
اجت للصاله اني درت وجهي بسرعه سويت نفسي ماشفتهم ..

گلتلها يله يمة نمشي ..
گالت امي . يله يمة ترحون ..
امير .. خلي علي يوصلكم اني راح ابقى هنا جماعتنا بالباب گاعدين ..
شويه واجي ..
حيدر .. واني هم راح ابقى يمهم ..
ياقوت .. اي يمة بس مو تتأخرون ..
امير .. ان شاء الله

طلعنا هو گام .. گال منا ولد بسرعه اصعدن للسيارة ..
صعدنا راد يسد الباب جانت عباتي طالعه من الباب ..
رفعها بإيدة بسرعه يريد يسد الباب ..
اديه لامست رجلي ..
احس جسمي كلة رجف من لمسته ..
هو بقت عيونة بعيني ومصدوم مثلي ..
سد الباب بسرعة من غير حجي بس عيونة ونضراتنا هي الحجت ..
وتريدني اني انساه اذا من لمسة عابرة هز كياني كله
..
رجعنا للبيت ..
سدن وزينب صعدن الغرفتهن ..
وامي گالت يمة مو تنامين انتضري اخوانج واقفلي الباب يله ..
درة . اي يمة ..
سدن صاحتني من فوگ ..
صعدت يمها ..
شفتها مبدله ومسويه شعرها ..
تريد تحظر مفاجأة للامير ..
گالت شتگولين اخلي طاوله وعليها اكل وشموع ..
درة .. اوكفي هسا اجيج ..
رحت عندي غراض .. لامتهن من زمان شيعجبني اشتري ..
وعندي شمعدان اثنينهن لونهن فضي ..
طلعتهن ..
وصعدت ..
سدن .. واو حلو هذا الشمعدان .. بس شموع منين
درة .. حاسبه حسابي ..
سحبت الكومدي صغير بالغرفه ..
خلينا عليه جرجف تور مرتب ..
والشمعدان والشموع ..
وخلينا ماعون فواكه وحلويات وگلاصين وعصير
طلعت مرتبة ..
فرحت سدن وبوستني ..

درة .. سدن راح اصيح زينب تشوف الترتيب وانتي گليلها سوي هيج لان هي ماتتحسس منج ..
علمود علاوي خطيه ..
سدن .. اي خوش فكرة ..
رحت الغرفة فاطمة اسمعها تحجي مااعرف ويامن ..
وتگلها .. ياي شگد فرحت .. واخيرااا راح يصير الترديه
دگيت الباب رغم تفكيري بكلامها زادني حيرة ..
شافتني سكتت وطبگت التلفون ..
زينب .. ها درة رايدة شي ..
درة .. لا بس سدن تريد تاخذ رأيج بشغله بغرفتها ..
زينب .. اي هسا جايه ..
رجعت السدن وسولفتلها الي سمعته ..
گالت .. شعليج بيها تلگيها تسولف وي صديقتها لو اي وحدة ..
اجت زينب .. هاي شمسويات ..
سدن .. حلوووو
زينب .. اي حلو بس منيلجن طاوله وهذا الشمعدان ..
سدن .. من درة وهذا الكومدي غطيناه بالجرجف .. ماتسوين هيج العلاوي وتفاجأيه ..
زينب .. ماادري بس ماعندي حلويات خلصن عود وصيت علي راح يجيبلي ..
درة .. اني ارتبلج الوضع ..
رحت الغرفتها ورتبتها مثل غرفه سدن وخليت نفس الكومدي وعليه جرجف ونزلت جبت من حلوياتي اخواني دايما يشترولي ..
وخلتيلها شموع ..
وگلتلها بعد الباقي عليج بدلي واتحضري ..

نزلت وعفتهن يجهزن روحهن ..
اجو اخواني ..
بيدهم علاليگ .. وكالعادة مانسوني . انطوني حصتي حضنتهم وگلتلهم الله ليحرمني منكم ..
صعدوا الغرفهم ومتشوقه اعرف ردة فعلهم ..
اكيد علاوي هسا يفرح لأن منتضر هيج اهتمام وحب من زينب ..
قفلت البيبان ودخلت ..
سمعت صوت اني تسولف ..
دگيت الباب ودخلت ..
يمة گاعدة عبالي نمتي ..
-لايمة جنت اسولف وي عمتي الحجية..
استغربت منها ..
-يايمة ياعمتج ..
ياقوت .. ردتي شي ..
لايمة بس…
شبيج صفنتي بوجهي ..
درة .. اي موگلتي عمتي الحجيه ..
ياقوت .. اي والله يمة اشتاقيتلها ارد اروح ازورها من انساها تجيني بالحلم تذكرني ..
درة .. الله يرحمها .. انام يمج خاف تردين شي ..
ياقوت .. لايمة روحي نامي انتي ..
رحت الغرفتي ونمت ..
للفجر وسمعت صوت وركضة ع الدرج ..
طلعت بسرعه ومخترعة ..
لگيت امير يگعد بأمي ..
يمة تعاي شوفي سدن مدري شبيها تنزف ..
ياقوت ..يايمة اسم الله ولك شسويتلها ..
امير .. يمة شبيج كلشي ماسويت ..
ياقوت .. خاف متقربلها ..
امير .. يمة منا درة شبيج شنو هذا الحجي دتعاي شوفيها وبعدين احجي ..
صعدنا ركض الها..
لگيناها عاصرة بطنها وتبجي . ودم يوگع عليها ..
ياقوت .. يمة شلون هيج صار خير تاخذين احتياطج..
سدن .. والله ماسوينه شي عمة نايمة وفجأة وجعتني بطني موتتني ..
ياقوت .. وبس دم يوگع ..
سدن .. لا ومثل الجبدة حمرة وگعت ..
لطمت امي على وجهها .. عزااا العزاج ياقوت راحوا الفروخ ..
امير من سمع هيج تخبل مايعرف شيسوي بعد ..
صاح بسرعه لبسنها ورايح اشغل السيارة ..
طلعوا زينب وعلي مصدومين ..
وزينب بثوب النوم ..
اشرتلها .. انتبهت النفسها دخلت لبست واجت ..
صعد امير .. شالها واخذها .. وامي وياه ..
واني التهيت انضف بغرفتهم وابجي وادعي كون ماوگعوا الاطفال وتروح فرحة اموري ..
وزينب مااعرف شعجب مارجعت نامت وبقت للصبح وياي رتبنا غرفة امير وتواسي بيه ..

بقلمي_الكاتبة_شمس
يتبع .……………

[لامارا]

//// البـارت الثامـن والعــشرون ////
عجـاف_القلـوب ..
الكاتبـة_شمـس ..

بقينا منتضرين وعايشين بخوف وتوتر ..
طلع النهار .. وماكو احد ..
حيدر راح وراهم وهم مااجة ..
علي تريگ وگال اني اروح للمحل امير ماهو ..
وراح اخابرهم وارجعلجن خبر انتن قفلن واگعدن ..

راح علي .. زينب گالت اني نعست راح اصعد انام عود من يخابرني علي اطمنج ..
راحت وبقيت وحدي حتى مالي خلگ كلشي ..
الييت هدوء وموحش ..
لااراديا گمت ابجي احس نفسي ضاگ واختنگت ..

شويه اندگت الباب ركضت ..
فتحتها ..
حيدر .. ها وين علي راح ..
درة .. اي راح بشر سدن شلونها غير تخابرونة وتطمنونة حيدر .. جا كو خابر علي وگلناله طمن البنات ..
درة .. ها خاف گال الزينب وهي فوگ موويمي ..
حيدر .. سدن هسا احسن بس خطيه وگع واحد وبقى واحد ببطنها .
گالتلها الدكتورة لازم تبقين بالمستشفى تحت المراقبه لان حالتها بعدهي ..
درة .. دموعي مانشفن .. سودة علية راحت فرحتهم وهمة اجو طايرين من الفرح من سمعوا توام ..
حيدر .. اي والله خطيه كسر گلبي امير يركض من مكان المكان ووجهة اصفر .. بس الحمد لله الثاني بعدة بس كون الله يقسمة الهم ..
درة .. ان شاء الله
حيدر .. شوفي نسيت .. بسرعه حضري هدوم الدرة ودشداشة .
شو اوگفي نسيت بعد امي شوصتني خلي اخابر امير ..
حيدر .. الو امير هاي درة وياك انطيها امي خلي تگلها شيردون ..
درة .. هلو حبيبي الله يجبر خاطرك بالثاني لاتنقهر ..
امير .. لا حبيبتي تسلمين .. الحمد لله على كلشي ..المهم عندي سدن بخير وكلشي مااريد ..
درة .. وهسا هي شلونها ..
امير .. النزيف وگف وزينة بس خلوها بالمستشفى الى ان يستقر وضعها وگالت لازم ماتتحرك منا لمن يصير وكت الربط..
درة .. الله كريم .. خلي تطلع والله مانخليها تجيس الورد امير .. ماتقصرين حبيبتي هاي وياج امي ..
ياقوت .. الو انتي منو ..
درة .. يايمة اني درة شبيح ..
ياقوت ... هايمة والله ماضل عقل بيه من الخوف والقهر
درة .. الله يساعدج والله اني متت قهر جا شحال انتي هناك يمها ..
ياقوت .. سودة عليه ضاعت فرحتهم ..
اگلج يمة .. حطي هدوم الاخيتج ..وموبايلها بالغرفه ..
وشيلتي الزينة بالكنتور وجواريبي فشله اجيت هيج ركض بركض ..
درة .. بس هاي اسويلكم ريوگ ..
ياقوت .. لا جابلنا اخوج وهاي خالتج ام يوسف ويوسف هنا هم ..
من سمعت اسم يوسف تخربطت احوالي وصفنت ..
حيدر .. الووووو خلص الرصيد ست درة ..
درة .. هااا اي هاك .. شمدريني نسيت
حيدر .. والله صار ساعه صافن اريد اشوف شوكت تكملن عبالك وحدة گاعدة گبال الثاني ويسولفن ..
درة .. هههههه ضحكتني واني ضايجة ..
حيدر .. اويلي ع الي يضوج .. گولي يالله .. ربي يعوضهم بالثاني ان شاء الله
درة .. ان شاء الله..
يله خلي اجيبلك الغراض بسرعه .
لميت الغراض الگالولي عليها وانطيتها الحيدر ..
سويت غدا وطفيت الگدر ورحت للغرفه ..
تمددت ع الجرباية واخذتني الغفه ..

حلمت حلم موزين فزيت ..
باوعت للساعه حيييل ب 2 هاي شگد نايمة ..
طلعت لگيت زينب متغدية هي وعلي وعايفه صينيتهم ع الكاونترر..
گمت غسلتهن وصبيت تمن ومرگ شوية واكلت ..

نزل علي ..
هلو .. گعدتي ..
جا ليش من گعدتج زينب مااجيتي تغديتي ويانا ..
درة.. زينب هااا ماادري يمكن لان نعسانه ماادري بروحي ..
علي .. يله عادي اني العصر اروح للمستشفى ترحين وياي تشوفين سدن ..
درة .. اي ياليت ..
علي .. خوش حضري روحج من وكت نطلع ..
درة .. ماعندي شي هسا اكمل واگوم ..

بدلت وكملت نزلوا علي وزينب ..
علي .. ها كملتي يله خلينا نمشي .. وين المفتاح .
درة .. ع الثلاجة ..
علي .. اطلعن بين مااقفل ..

طلعنا گالت زينب .. علي اني اخذني البيت جدي مااحب المستشفيات ..
علي .. بس حييبتي عيب من امير وسدن غير تاخذين من خاطرهم ..
زينب .. سدن بنت عمي مو غريبه اني اخابرها واسلم عليها ..
علي .. راح اگلهم مالها خلگ وتسلم عليكم ..
زينب .. بكيفك ..

وصلت للمستشفى اني وعلاوي ..
لمحت من بعيد واحد رف گلبي عليه ..
بس الي استغربته يشرب جگاير وهاي مو عادته ..
اتقربنا منه ..
علي .. ها يوسف ليش هنا ..
هو بسرعه شمر الجگارة وداس عليها برجليه ..
بقت عينه علية ومامتوقع ..
يوسف .. ها طلعت اشم هوا . شلونج درة ..
درة .. الحمد لله ..
علي .. يله جا خلونا ندخل ..
يوسف .. روحوا انتو شويه واجي ..
بقيت صافنه عليه ردت بس تتلاگة عيونة مثل عادتة وتسولف ..
بس هو مامهتم او يحاول يخفي نضراته عني ..
دخلنا للطوارئ مخليها ..
شفت امي وخاله ام يوسف ..
سلمت عليهن سدن جانت نايمة ..
بوستها گعدت .. هلو حبيبتي الحمد لله ع سلامتج ..
سدن .. درة شفتي مااتهنيت بيهم شگد جنت متمنيه يصيرون توام عندي ..
درة .. مامقسوم حبي الله يعوضج بالثاني ويحفظة الج ..
ياقوت .. يمة لاتقهرين روحج .. هاي عين ماصلت ع النبي وكلشي بيد الله ..
وامي تحجي خالو حمزة ومرتة وراها ..
هي سمعت الحجي لأن ثگلت وجهها ..

سلموا على سدن واخذوا من خاطرها ..
خالو حمزة .. وين الولد
ام يوسف .. طلعوا برة تلگاهم…
حمزة .. جا اني رايحلهم ..
من راح خالو حمزة ..
انفجرت فاطمة .
عيني ياقوت على منو قصدج بالحجي قبل شويه ..
ياقوت .. ياحجي خية ..
فاطمة .. لاتغشمين روحج سمعتج وانتي تگولين هاي عين ماصلت ع النبي قصدج اني وبناتي مووووو
ياقوت .. ياخية وليش اخذتيها على روحج العيون مو شرط عينج لو عين غيرج .. ماسامعه الي يگول مايحسد المال الا اصحابه ..
جايز عيونة كلنا ..
فاطمة .. اي عبالي لو لأن بنتي اتأخرت بالحمل شويه گمتي تذبين حجي ..
ام يوسف.. فاطمة كافي مو بدينا احنه بيا حال وبعدين بنتج دخلت بالعمرين شو هسا يله دخلت ب19 ..
وانتي مو قبل ماتتزوج گلتي مااخليها تحبل بعدهي صغيرة خلي تكبر يله ..
هاي سدن گبالج .. صح عمرها بالعشرين بس رحمها مااتحمل وذبت واحد منهم ..
لاتلعبين ببنتج واستري علينا .. شوكت ماالله كاتب تحبل
فاطمة .. يله خاله سدن عندج العافيه .. اني اروح البيت مناك فارغ وخافي عمي لو عماتي يحتاجون شي ..
عافتنا وطلعت ..
درة .. اسم الله عبالك اجت تذب سمها وتطلع ماجايه تاخذ من خاطرنا ولا شي ..
ياقوت .. درة انتي لاتتدخلين مالي خلگ مشاكل ..
ام يوسف .. ههههههه والله درة صدگ حجيها ..

اجة امير ويوسف وعلي دخلوا ..
رحت حضنته وبوسته واخذت من خاطرة .
امير .. شكرا حبيبتي شو علي ماگال اجيتي ..
درة .. اي قبل شويه اجينا ..

اتقرب امير السدن ويمسد على راسه .. شلون صرتي حبيبتي .. ويحاول يضحكها ..
خطفت انظاري اليوسف وتخيلت احنه بمكانهم ..
شوكت يجي هيج يوم ونفرح ..
جان يوسف مشغول بالموبايل ومو يمي اصلا ..

صدگ ضجت من تصرفه .. گتله علاوي يله نمشي ..
امير .. ها وين .. انتضروا حتى امشي وياكم وانتي يمة هم امشي وارتاحي هنا عمتي راح تبقى ..
ام يوسف .. اي روحي خية تعبتي اليوم اني يمها هنا
ياقوت .. لا شلون اعوفها ..
امير .. شنو شلون يمة .. هنا ماترتاحين عود الصبح وارجعي ..
بالگوة گدرنا نقنعها ..
رجعنا للبيت بين ماراح امير جاب عشا الهم ورجع ..
بس يوسف بقى يمهن گال شوية واروح ..
رجعنا للبيت وعلي گال اروح اجيب زينب واجي ..
امي من التعب گالت اروح اسبح احس ريحة المستشفى بيه ..
درة .. واني راح اسوي عشا ..
سويت عشا وتعشينا من وكت وبعدها الكل نامت من التعب ..

الا اني بقيت گاعدة مايجيني نوم ..
گعدت ع التلفزيون اگلب بالقنوات طلعت فلم اجنبي ..
واني اباوع ..
اتذكرت يوسف وشغلت بالي تصرفاتة ..
صار عيني ع التلفون ..
اتقربت يمة بس مترددة اخابرة ع الموبايل لو لا ..
كلما اتقرب ايدي ترجف واخاف واحد من اخواني ينزل لو امي تطلع ..

تالي اخذت نفس مع العلم گلبي يدگ حيل واحس يريد يطلع من مكانه ..
دگيت الرقم ماحصلت .. الاتصال من الارضي للموبايل بالگوة يتحصل ..
كم مرة دگ ماصدگت وگلبي مستمر بدگاته وعيني منا ومنا ..
فتح خط بصوت مبحوح ومتردد . الو منو
هاي اني ..
درة ؟؟ واهلج وين .. شعحب خابرتي
درة .. ليش ماتريدني اخابر ..
يوسف .. لا بس ادري بيج ماتگدرين تخابرين من اهلج
درة .. انت ليش متغير وتتهرب مني صاير شي
يوسف .. ها بالعكس بس لان اخوانج عيب قابل احط عيني بعينج وهمة موجودين ..
درة .. شو قبل ماجنت تگول هيج .. نسيت المزرعه وشلون تخلق فرص بيها حتى تشوفني وحتى من رجعنا
شنو مليت من الانتضار وقررت تبعد ..
لو خلص حبك بسرعة ..
يوسف .. شنو هذا الحجي لاتخليني اضوج .. شكي بكلشي الا حبي الج ..
لاحبيت ولا راح احب غيرج ..
درة .. جا ليش ..
يوسف .. اااااااه درة ااااااه تعبان ومحتاجج بس الضروف عوجة ويانا ..
جان يحجي وصوتة مليان حزن وتعبان ..
حسيت بحركة فوگ ..
گتله يوسف راح اسد الخط يمكن احد گعد ..
سديتة ومسحت الرقم من الكاشف ..
ورحت للغرفه ..
الليل كلة اتگلب من التفكير .. وصوتة يرن بأذني وهو يگول اااااااه درة تعبان ..

مر يومين وطلعوا سدن للبيت ..
امي گالت حضري غرفتج الاخوج ومرته بعد مايصعدون ..
خليت حيدر يجيب جرباية امي يصفطها وي جربايتي وفرشت جرجف ابو نفرين ورتبتها ..
صعدت نزلت ملابسها واحتياجاتها ..
رتبتهن بكنتوري ..
واني خليت غراضي كلهن بالخانة الثانية وقفلتها ..
لأن بيها دفتري ورسائل يوسف ضامتهن لايشوفهن امير ولو هو مو من عادتة يفتح كنتوري ..

من اجو گالتلهم امي ..
شوفي يمة نزلنا ملابسج وغراضج الغرفه اختج .. ناموا بيها وعود امير يريد يبدل يصعد الغرفته يبدل وينزل ..
بعد ماتصعدها لفوگ استر علينا منا لمن تربط ..
امير .. اها سمعتي اجت الاوامر من فوگ مالي دخل مو تبجين وتگولين خلينا نصعد الغرفتنا واشتاقيتلك ..
سدن .. اميييير شنو هاي وتضحك ..
حيدر… ههههههه شويه راعوا العزاب خطيه مو عدنا جفاف ..
امير .. روح منا ولك انت ماعندك شغل عمل گاعد على گلبنا ..
حيدر .. ارتاحو مني راح يجي الدوام وماتشوفوني بعد ..
سدن .. صدگ والدوام مالتي شلون ..
ام يوسف .. يمة دصيري زينة والله كريم حتى اذا امير ياخذج وكت المحاضرة ويرجعج ..

امير والولد طلعوا للشغل وخاله ام يوسف رجعت للبيت
بقينا بس احنة ..صاحتني سدن يمها بالغرفه ..
گالت ضايجة ومتت من النوم .. فوگ مامحتلين غرفتج تعالي نامي يمي من ماهو امير ..
درة .. ههههه يعني اذا هنا امير انطرد ..
سدن .. هههههه شي اكيد ذاك حبيب الگلب ..
درة .. احم احم الله يسعدكم .. البارحة خابرت يوسف ..
ماعجبني احسة متغير ..
سدن .. ليش سامعه شي ..
درة .. لا شأسمع بس واحنه بالمستشفى ماكلف نفسة وباوعلي .. واحسة يبتعد يوم عن يوم ..
سدن .. باعي درة لو شمايصير يوسف ماراح يحب غيرج حتى لو انجبر يبتعد هم گلبه راح يبقى الج ..
درة .. وشنو الي يجبرة ..
دخلت زينب قطعت حديثنا ..
هلو سدونة ماادري بيج من اجيتي ..
سدن .. اي غير نايمة للظهر شمدريج ..
زينب .. هاي شنو تبسمرين عليه ..
بوستها وتحمدت السلامتها…
اعذريني لأن مااجيت للمستشفى بس مااحب ريحتها
سدن .. لا عادي ..
زينب .. عادي اگعد يمجن لو اكو اسرار وتضحك ..
درة .. لا شعدنا .. بالعكس احنه نفرح من تگعدين وتندمجين ويانا ..
زينب .. اي مو اني مامتعودة وجنت احسه وضع غريب عليه ومكان غريب ..
سدن .. وشنو بين ليلة ويوم تعودتي ..
زينب .. هاي شنو سدونة شبيج اليوم بس تبسمرين ..
درة .. لا سدن ماقصدها .. بس انتن بنات عم واخوات اكيد تعرفين طبعها ..
زينب .. طبعا اعرف طبعها وماازعل وخاصه منا وهيج راح نتقرب اكثر ..
درة .. يعني شنو.
سدن .. شنتقرب هو احنه بنات عم بعد شنصير مثلا ..
اگلج درو جعت متسويلي لفه ولو راح اتعبج ..
درة .. اصبلج فد مرة غدا حتى تاكلين وتنامين ..
سدن .. بكيفج ..
سويت غدا وجبت الصينية… طلعت زينب من الغرفه وتتبسم الي ..
استغربت ..
دخلت السدن .. اگلج هاي شبيها اليوم ..
سدن .. معليج بيها .. اخاف علي حاجي عليها هالمغيرة طبعها ..
درة .. ياالله ياليت ع الاقل خلي عدنا حوراء وحدة مو اثنين ..

لليل گاعدين .. وسأل علي ..
صدگ زينب شصار للخطابة الاجو الحوراء ..
بقيت صافنه .. ليش جايين خطابة الحوراء من شوكت ..
زينب .. اي من اسبوع يمكن بس جدي رفض ماقبل گال بناتنا مايرحن للغريب ..
امير .. صدگ علي السيارة الاجتنا البارحة كملتوها ..
علي .. اي واجة صاحبها واخذها اليوم ..
درة .. اني اروح اشوف سدن خاف مشتهية شي ..
رحت السدن ..
تعاي شو ماگلتيلي جايين خطابة الحوراء ..
سدن .. منو گلج ..
درة .. هسا سمعت .. يعني انتي تدرين وماگلتيلي
سدن .. لا مو هيج بس صارت هواي شغلات ونسيت
درة .. بس ضجت عليها ليش هيج الشيخ گطع قسمتها خطية .. عبالي الشيخ يختلف تفكيرة عن باقي الشيوخ الصراحة صدمني ..
يعني شنو ماتاخذ غريب .. اذا قسمة زينة والولد حباب شبيها .. وهي اصلا راسبة ومالها واهس بالدراسة
سدن .. وانتي ليش شاغله بالج بيها .. وهي قسمة لو تريد تصير جان صارت ..
درة… لا بس تذكرت نفسي والي صارلي من ورى هيج عادات متخلفه ..
دخل امير .. هاي الحلوة اليوم منورتنا ..
سدن .. هههههه قصدك احنه منوريها ومستغلين غرفتها ..
امير .. هههههه اي بعلي صدگ
درة .. لاتگولون هيج ازعل .. الاهم عندي ابن اخوية مو انتو لاتخافون اريدة يجي ويگلي عمة ..
امير .. هاااا ترى اغار يعني من هسا اخذ معزتي بس الا مااخليه يگلج عمة .. واگله صيحلها درة ..
درة .. مثل العسل عندي بس خلي يشرف ..وياليت لو بنوتة ..
امير .. كلشي الجان المهم الخلقه التامة ..
درة .. ان شاء الله يله اني اعوفكم تصبحون على خير ..

مرت ايام واحس اكو شي موطبيعي ..
زينب عند اهلها صارلها كم يوم ..
واهلي يتهامسون من اجي يسكتون ..
واحس دلال مو طبيعي وكلشي اگوله يتنفذ ..
بس يمكن عجبني هالدلال لهذا ماسألت شنو السبب ..
بيوم گاعدين ..
خابر الشيخ الامير ..
وامير گاله هسا اني اشوفه وين واخابرك ..
سد الموبايل ..
سمعته يگول السدن ..
يوسف مختفي ماهو يدورون عليه ..
اتخبلت ..
خليته يطلع ..
واجيت السدن .. يوسف شبي گوليلي ..
سدن .. هاااا مابي شي بس طالع بشغل ومتأخر والشيخ قلق عليه ..
درة .. خوفتيني .. زين ماخابرتوه ..
سدن .. مايرد على احد .. زاد قلقي اكثر ..
احس سدن مو قلقه بس ضايجة ..
گالت درة اريد اخابر امي من رخصتج ..
گمت عنها وسديت الباب ..
سمعتها تفرفح وي امها وتگلها كله بسببكم .. مااگدر حتى احط عيني بعينها ..
واذا صار على يوسف شي انتو السبب ..
عبالي تخنلفون بس طلعتوا ماتفرقون شي عن ابو وعمام اميرر..
طبگت التلفون وامي اجت تركض ع الصوت ..
شبيها سدن ليش تصيح ..
درة .. يمة. ماادري خابرت امها وتصيح عليها .. يمة شصاير فهموني ترى اني مو غبية حاسة اكو شي ..
ياقوت .. اني گلتلهم گولوها بس اخوانج وسدن ماقبلوا ..
يمة لازم تعرفين حتى تگطعين الامل .. گتلج ماكو بينكم قسمة ماصدگتي ..
وگتلج هو رجال ومايبقى بلا عرس وحتى لو راد الشيخ مايخليه يبقى ..
درة .. شتحجين يمة فهميني ..
ياقوت .. اليوم خطبة يوسف وحوراء .. من اجو خطابة الحوراء الشيخ ماقبل وگال اليوسف اخذها انا بنت عمك اولى بيك ..
امي تحجي واني اضحك .
لا مامعقولة .. واني شنو ..
ياقوت .. هاي السنة الثالثة وهو مامتزوج قابل يبقى بلا زواج ..
درة .. لا مستحيل .. هو مايحبها يحبني الي . گال انتضرج وماتحب غيرج ..
ياقوت .. ولج يمة كافي انسيه هو موقسمتج ليش تحرگين روحج ..
درة .. احرگ روحي .. ههههه تحجين صدگ ..
گمت اصيح وافرفح .. وهذا الثوب الي مخليته گبال عيني شنو .. كل يوم انفضة من التراب واباوعلة واگول شوكت البسه ..
المن البسه بعد ..
ليش هيج يصير بيه يمة ليش .. ليش الفرح مامكتوبلي ليش ..
حتى الانسان الحبيتة طلع مايستاهل حبي اله ليش ياربي ليش ..
طلعت سدن .. اهدي درة والله موبيدة مجبور جدي گاله اتبرأ. منك اذا مااخذت بنت عمك ..
ماتشوفيه هج ومانعرف وين مااتحمل وطلع من البيت
درة .. انتي اختي شلون تضمين عليه .. جانت زينب تلمح الي بوكاحة عين وانتي ساكته وماتحجين .
كلكم ضميتوا علية وتباوعون بوجهي عينك عينك من غير مااكسر گلبكم ..
ياقوت . . كافي ولج احترميني واگفه گبالج وهيج تحجين درة .. هم صدگ .. لهنا وكافي .. لازم اشلع گلبي واتخلص من كل ذكرياتي .. هيج شخص مايستاهلني ..
رحت للغرفه طلعت الثوب ..
وطلعت لبرة واني وسدن يركضن وراي ..
ياقوت .. تخبلني شتسوين ..
درة .. مااريدة اريد احرگة .. وانتي سدن گليله لايتعب نفسة خلي يتزوح هو اول وتالي ماينتضر بعد ليش يشرد جبت النفط وامي تدفع بيه ..
ولح لاتنجوين عوفيه ..
سدن تبجي وخابرت امير گالتله بسرعه تعال درة عرفت وتهسترت ..
فعلا بذاك اليوم تخبلت اني .. وحسيت نهاية 🔚 الدنيا بالنسبة الي ..
خليت النفط عليه بلا وعي وابجي ..
جبت الشخاطة ..
وامي تدفع وتصيح يمة بنتي راح تروح مني .. الله لاينطيك يحاكم انت واهلك .
شخطت العود وشمرته وكل هذا واني بلا وعي ..
بسرعه لهبت النار ..
وماع الفستان .. واني گابلته وابجي والطم ..
احس ريحتي كلها نفط ..
لدرجة تمنيت هالنار تحرگني وي الثوب الي جان املي بيوم البسه الحبيبي ..

دخل امير بسرعه ويصيح .. درة شبيح تخبلتي ..
وحيدر ركض طفى النار ..
اني صافنه بقيت ومصدومة اريد استوعب الي صار ..
كل شويه واگول اني بحلم مو ..
يوسف مايتزوج اي مايعوفني ..
امي تلطم وتگول بنتي تخبلت يمة ..
امير يهز بيه ويگلي اصحي شبيج كافي .
خلي يروح الف واحد يتمناج شبيج مخبله ..
بقيت صافنه عليه ووگفت دموعي ..
بس حسيت نفسي انگطع اريد اخذ نفس ماكو ..
وگلبي زادت نبضاته ..
گمت بالگوة اتنفس ..
اريد هوا .. مااگدر اتنفس ..
هوا ..
احس صار غواش بعيني وبعد مااشوف بگد مااحاول اتنفس ..
ماحسيت على روحي الا واني بالمستشفى ..

امير .. من شفت درة هيج تخبلت .. شلتها اني وحيدر واني واخذناها للمستشفى..
گالوا صاير عندها خفقان وانهيار عصبي ..
انطوها علاج وخلوها بالطوارئ ..
بهذي اللحظة ..
رفعت راسي .. شفت يوسف واگف ..
امير .. يوسف !! شعندك هنا ..
يوسف .. سدن دزتلي رساله ومااتحملت
امير .. خوية لهنا وكافي مااگدر الومك هذا حقك بس عندي الاهم اختي مااتحمل اخسرها لو يصيرلها شي
ياقوت .. يمة روح البيتك وانساها .. المفروض هسا انت جاي تعقد على بنت عمك . لاتفشل جدك وتصغرة ..
يمكن هيج احسن الك والبنتي .
خلها تنسى وتفكر بمستقبلها ..
يوسف .. بس اني رايدها ..
امير .. بس هسا اني الي اگلك انساها . شوف حياتك خوية الى متى تبقى تنتضر ..
خلي علاقتنا اخوية ولاتخربها ..
حيدر .. شوف يوسف .. صح انت اخونا بس اختنا اهم اذا تقربت منها بعد لو انطيتها امل نخرب هالمرة صدگ
علي .. المفروض انت هسا خاطب عيب بحق نفسك وحق بنت عمك .. روح خوية روح ..

يوسف .. حسيت كلشي انتهى وضاگت الدنيا بعيني . البنية الاحبها راحت مني .. وگلبي يوجعني واني اشوفها ممددة مثل الميتة بسببي ..
شسويت اني بيها وبروحي ..
جان المفروض ارفض وانتفض وحتى لو يتبرأ جدي مني
رجعت للبيت شايط والنار تطلع من گلبي ..
دخلت .. شفت ابوي ..
وين ندور عليك مو تدري اليوم تعقدون ..
الشيخ .. المهم اجة لاتضغطون عليه ..
يوسف .. اي طبعا لاتضغطون لأن تدري الي تقرر عليه يصير .. ليش ليش هيج حرمتني منها .. تدري هي وين هسا بالمستشفى مااتحملت وتخربطت ..
الشيخ .. بس هي من الاول مو الك .. انت تغشم روحك بويه .. هاي نهوة يعني لاانت ولاغيرك يگدر ياخذها اذا ماابن عمها گال مااريدها ..
يوسف .. جان اهون عليه انتضر العمر كله ولااكسر بيها
الشيخ .. تعال وراي للبراني ..
دخلت وسديت الباب .. شتريد تگول .. تخدرني بالحجي . وتگلي احنه ماعدنا نسل ولازم نكثر نسلنا وانت كبرت واريد اشوف جهالك ..
مو هذا حجيك ..
لو تريد تتبرأ مني ..
الشيخ .. اسكت واسمعني ..
انت مو تريدها ..
يوسف .. اي
الشيخ .. وهي ماتصير الا الك ..
يوسف .. شلون وانت تريد تزوجني حوراء ..
الشيخ .. صدگ بس تتزوج بنت عمك .. قيصر مدري شسمة راح يعوفها لان اعرف غايتة انت ..
وذيج الساعه اخطبها واسويلك اكبر زفه ..
يوسف .. وحوراء ..
الشيخ .. تبقى مرتك وبنت عمك وتعدل بينهن مثل مااني مسوي وي بيبياتك ..
الشرع حلل اربعه يبوي .
يوسف .. وتتوقع راح يقبلون .. ماسمعت اخوانها شگالوا وشلون حجو وياي ..
الشيخ .. بعدهم مصدومين وخايفين على اختهم .. عوف كلشي وراي وگتلك درة الك وماتصير الغيرك ..

حجة جدي وياي وگدر يقنعني مااعرف شلون بس الغرگان يتعلگ بقشة ..
طلعنا من البراني ..
الشيخ .. يله بوية ام يوسف حضري قاط يوسف بين مايسبح المومن راح يوصل خلنا نمشي ..
سبحت وبدلت بس مازينت ولارتبت ..
حتى ماشفت الفرحة بعيون امي لو اختي المفروض يمي بهيج يوم بس گالت ماتجي ولااحضر ..
مادام كسرت خاطر درة معناها كسرت خاطري هم ..
وحتى عرس لاتنتضر مني احضر واباركلك ..
رحت مكدر وجن ماخذيني لجنازتي مو الخطوبتي ..
دخلت البيت جدي الثاني ..
وگدامي جدي ..
اشوف البيت مليان نسوان وجن عازمات الدنيا كلها ..
تلگاني عبدالله يضحك ..
وعبالك جاي يتشمت بية ..
شلونك ابو نسب ..
يوسف .. عبد الله ولي من وجهي مالي خلگك..
تذكرت يوم خطوبتنا اني ودرة .. جنت طاير والفرحة ماسايعتني ..
اجة المومن وعقدلنا ..
هو يحجي واني گبالي درة وشلون نايمة وفاقدة ..
اووووف يروحي شسويت بيج من غبائي ..
فزيت على صوت جدي وهو يحجي وياي ..
-بوية الشيخ يسألك جاوب ..
ردت بلا وعي ..
گال بالخير ..
هسا دور البنية ..
راح يعقد الحوراء ..
واني بالي مو يمهم ابوي وعمي وحتى عبدالله وازواج عماتي كلها تسلم بس يعرفون اني ماراغب ولارايد هالخطبة ..

سمعت الهلال بالبيت عرفت كملوا ..
وصارت حوراء مرتي ..
واني الجنت اگول الدرة انتي مرتي وام جهالي ..

صاح جدي تعال ادخل لبس مرتك الذهب ..
صفنت ياذهب .. هو اني اصلا ماادري اشتروا او لا
تذكرت من مشينا واختارينا ذهب درة شلون جنت فرحان واخذنا كلشي بذوقنا ..
حتى ذهبها والحلقات لسا ضامهن ..
دخلت سلمت وگعدت حتى من غير مااباوع الها واشوفها
اجت زينب جايبه الذهب گالت لبسها ..
شالت الحلقه انطتها الي ..
اخذتها لبستها بس مالمست ايدها .
دور جابت الحلقه رادت تلبسني .. همزين طلعت صغيرة عليه ..
حوراء .. لا حرامات فوگاها حفرت اسامينا عليها ..
سكتت ماردت اجرحها مهما يكون هي هم مالها ذنب ويمكن انجبرت مثلي ..
زينب .. لبسها باقي الذهب ..
يوسف .. لا انتي لبسيها مااعرف البس ..
حوراء .. ع الاقل بس هيج علمود الصور ..حباب لاتفشلني منا بنات خالتي ..
استغفرت ربي ولبستها السوار بس ..
شوية وگلتلها من رخصتكم خابروا عليه علمود قضية مستعجله ..
اخذن راحتج ..
طلعت من المطبخ لحگتني امي ..
يمة اوگف شبيك طاير ..
رحمة لأهلج يمة انتو كافي مو زين سمعت منكم وصبرت لهسا .. گوة وعلى عيوني اتحملت ترى ..
عفتهم وطلعت ..
ماعرفت وين اروح ..
حتى الي گلبي عندهم مايردوني ..
خابرت سدن سألت عليها ..
گالت هسا خابرني امير گال صحت وگامت تبجي ورجعت نامت انطوها مهدء ..
سديتة واني متعصب ماعرفت شسوي ..
دخلت البيتنا رگعت باب المطبخ وهو بي جام ضربته حيل بإيدي تكسر فتحت باب المطبخ وايدي تنزف ومااحس بيها من گد الوجع الي بگلبي ..

درة .. فتحت عيوني اني بالمستشفى.. شفت الشمس برتقالي تريد تغيب ..
گلتلها ماما عقد مو اي مايبقون لسا .. طلعت اني الخسرانة الوحيدة مووووو شلون راح اعيش بعد هاليوم شلون راح اگدر اشوفه وي غيري وصايرة مرتة وام بيتة شلون .. مااتحملت ورجعت ابجي واختنگ من جديد..
اجو اخوتي يركضون ..
يردون يهدأون بيه .. نسيت اهلي واخوتي واگفين واحجي من غير مستحة لأن جنت احس يوسف ملكي الي وبس ومحد يشاركني بي ..
صاح امير الممرضة گالها انطيها ابرة خلي تهدأ وتنام
الممرضة .. خلي الدكتور توقع يله مااضرب بكيفي
راح وقعها واجة ..
ضربتني واني بعدني اون وابجي ..
والخنگة مافارگتني احس نفسي ينگطع ويصير عنذي خفقان ..
بلاوعي گمت اهذي بأسمة واگله معقوله الله زرع حبك بگلبي وتالي طلعت مامقسوملي ..

بقلمي_الكاتبة_شمس
يتبع.…