|
//// البـارت التاسـع والـثلاثـون //// عجـاف_القلـوب .. الكاتبـة_شمـس .. اجة حيدر . مهيمن يريدج ليش مافتحتي الباب .. امي .. صاير شي بينكم شني متعاركين .. البارحة عقدتو شمالكم .. شني عين وصابتكم .. درة .. شغله بيني وبينه .. حيدر .. اي ادخلي وتفاهموا مايصير هيج .. بطلي سوالف المزعطة مهما يكون رجلج افتهمي منه ولاتخلون مشاكلكم تكبر .. باوعتله ومااعرف شلون احجي وافسرلة .. وهو مصر ادخل واتفاهم وياه .. دخلت مضطرة بس لازم اخلي حد الهذي التفاهة .. ولازم انهي كلشي اليوم .. اول مشافني گام على حيلة .. تحواله مخربطة ووجهة اصفر .. سديت الباب وراي ماردت احد يسمع .. وخاصه زينب اذا سمعت معناها الامة كلها عرفت .. درة .. هم الك عين وتجي شتريد ؟؟ مهيمن .. وحق الله غلطة غلطة مراهقة مو بيدي .. جنت ضايع وهي گدرت تقشمرني وانجرفت وياها .. بس والله ندمان ندمان وحاس بغلطي .. ومن شفتج تغيرت حياتي وصرت مااحب اي احد بس انتي حتى اهلي مااحب بگد حبي الج .. درة .. عذر اقبح من فعل .. انت شنو !! شلون تگدر تنام ع المخدة وانت خاين اخوك .. الي سمعته وشفته خلاني اشمئز منك .. واكرهك لدرجة استفرغ من اشوفك .. راد يتقرب .. اشرت بإيدي .. اياك .. خطوة وحدة بعد اصيح وافضحك والله .. مهيمن.. هسا انتي مرتي مو بكيفج تهدين كلشي اسوي المستحيل واخليج هيج معلگة ومااعوفج .. -وفوگاها تهدد.. اطلع مهيمن اطلع ومااريد اشوفك بحياتي واذا ع العقد اكو محكمة وقانون تحكم بينا .. واذا خايف ع المهر لاتخاف .. كلشي مااريد منك والذهب يرجع .. ماحسيتة الا اتقرب مني ويتوسل .. فلوس الدنيا كلها فدوة الج بس لاتعوفيني .. مستعد اسجل ييت بأسمج وكلشي ترديه انفذة .. حتى لو تكرهيني وتذليني هم قابل بس لاتعوفيني حبابه درة لاتعوفيني .. جان لازمني ويتوسل .. واني بين خوفي منه واشمئزازي .. فقدت وماسيطرت على نفسي .. گمت اصيح بلا وعي وابعدة عني .. دخل حيدر وامي يتراكضون .. حيدر .. شكو شبيج .. درة .. اطلع اطلع مااريد اشوف وجهك اطلع احجي بحرگة وعياط .. دخل امير بهذي اللحظة .. امير .. كلب ناقص شعندك هنا .. تطلع بأحترامك لو اجررك للشارع .. مهيمن .. امير خلي نتفاهم .. والله ماضي والله وندمان امير .. روح بلا فضايح واخذ وسخك وماضيك وياك .. روحي درة جيبي ذهبة وكلشي يخصه وتعاي .. ياقوت .. يمة استهدوا مو هيج . امير هاي انت العاقل امير .. يمة. رحمة الاهلج اسكتي ماتعرفين شي .. حيدر .. غير تفهمونا شسوة وهيج منفعلين منه انت ودرة گول حتى اعرف شسوة الاختي وهيج كارهتة .. امير .. معليك انت .. حيدر .. شلون معلية .. دخلت بعلاگة الذهب والغراض .. لزمني حيدر من ايدي .. احجي شسوالج ببغداد هذا .. اتقرب منج لو شسوة احجي .. امير .. حيدررررر اسكت .. احس نفسي ضاگ ومابيه حيل لااوگف ولااحجي .. بس دموعي تجري .. حيدر انفعل وافتهم السالفه غلط .. هجم عليه وضربة بوجهة .. وذاك ماسكت رجعله الضربة .. وامير بنصهم يفاككهم .. وامي تعيط .. اجن زينب وسدن يتراكضن .. احس الدنيا ضلمة بعيني .. وكلشي صار بسببي . اني الي دخلتة عليهم وعرفتهم عليه .. انسان غريب وثقت بي بسرعه حتى انسى الماضي وابدي حياة جديدة .. تالي طلعت من تجربة فاشله ودخلت بتجربة افشل منها احس جسمي بعد مايتحمل ووگعت .. صحيت على صوت امي تبجي وتندب حظي .. والكل يمي بالبراني واني نايمة ع التخم .. طفرت .. اخواني وين .. امير .. هنا حبيبتي يمج .. لاتخافين ولى هالنذل .. وبعد مايعتب لهنا .. ياقوت .. شني من حظ حظج يمة .. گلت خلص اطمنت عليج وراح ارتاح .. والولد يحبج وشاريج .. طلع متزوج ومايگولون .. سودة عليه يمة .. بقيت صافنه شتحجي امي .. باوعت الامير .. اشرلي بعيونة .. معناها مفهمهم انه مهيمن طلع متزوج .. زينب .. واذا متزوج جايز مجبور .. ماتشوفوه شلون يبجي عليها ويريدها يعني يحبها .. جان شرطتوا عليه يطلگ ذيج .. ويخليلج بيت هنا وحدج وبأسمج .. سدن .. انتي اسكتي .. لو علي اكتشفتي متزوج غيرج تبقين وياه عايشه .. امير .. كافي سدو الموضوع ومااريدة ينفتح بعد .. هي قسمة وماصارت .. حيدر .. اخ الكلب لو مخليني ابسطة وادبة .. امير .. انت حسابك بعدين .ليش اني مااعرف ابسطة بس غير ببيتي واگف .. والا قسما بالله مااخليه عايش لو شايفه بغير مكان .. درة .. اني رايحة الغرفتي .. گمت واحت سدن سندتني .. دخلنا الغرفه .. طگيت بجي .. وج سدن شفتي حظي .. سدن .. الحمد لله الله كشفه الج هسا .. بس شلون دريتي متزوج .. درة .. وج يامتزوح ؟؟ سدن .. جا شنو درة .. هاي امير گال هيج حتى ماتكبر السالفه لو تطلع . مهيمن طلع عندة علاقه بمرت اخوه هاي الي اجت بالعقد وشايله طفل مريض .. سدن .. اي تذكرتها .. بس فهميني شنو علاقه .. درة .. عبالي امير مسولفلج .. سدن .. لا وين صعد ضايج ومالحيت عليه وهو هم مافتح الموضوع .. درة .. شوفي مو رحنا البيتهم نتغدا .. واهله مسوين حفله بسيطة وجامعين عمامهم واهلهم .. فجأة اختفى مهيمن وامة گالت شوفيه فوگ .. ماردت اصعد بس رجلي اخذتني وياليت ماصعدت ولاسمعت .. احس راسي يريد ينفجر والكلام الي سمعته لسا يرن بأذني .. سدن .. شسمعتي . وج اني وجسمي اقشعر شكو .. درة .. طلع عندة علاقه وياها وهي تهددة لا تركها وتتوسل بي يرجعلها حتى لو تزوج ميخالف بس المهم مايعوفها .. سدن .. يمة شنو هاي الوساخة .. زين بينهم علاقه حب لو شنو .. درة .. هههههه وج عايشين دورهم حالهم حال المتزوجين والاضرب تگله اتخيلك من انام وي اخوك .. شايفه وساخة اكثر من هيج .. ضربت سدن ع وجهة .. يمة سترك يربي شنو هالدنيا شصار بيها .. اخو يخون اخوه وزوجة تخون زوجها وي حماها .. زين ماالله يگلبها بينا .. امداهم مسوين روحهم مثقفين وببغداد وهمة الوساخة والقرف تارسهم ترس .. درة .. اهله مايدرون .. والعجيبه محد كاشفهم لسا . لان امة حجتها بعفويه وگالتلي اصعدي شوفيه .. والمشكله محمد يحبها. . وبالغدا يجيب وينطيها ومبين مدللها .. بعد شتريد .. سدن .. لا عيني مامعقوله محد كاشفهم ببيت واحد وتروحلها وبينهم علاقه .. ومحد يدري .. بس گولي يسترون .. البنية بنت عمهم وخاف ينفضحون بس گولي محمد المسكين نايم على وجهة ويثق بمرتة وبأخوه .. واني اگول ليش هاي گالبه وجهها وعبالك مجبورة جاية لهنا .. درة .. ااااخ سدن احس روحي بكابوس .. سدن .. بس شلون سمعتي كل هذا واتحملتي بقيتي هناك الى ان اجاج امير .. درة .. ومنو گالج اتحملت . اصلا لعبت نفسي واستفرغت من سمعتهم .. وبسرعه اخذت جنطتي وطلعت مااعرف وين گمت افوت بالفروع حتى انهزم منهم خفت يلزموني لو شو شيسون الي .. سدن .. يمة الله يساعدج وحضنتني .. الله يعلم شصار بيج بلحظتها .. درة .. اي وربي متت لو ماامير يخابر يوسف ويجيني جان تخبلت .. سدن .. يعني يوسف يدري ؟؟ دخلت زينب .. علامات استفهام بوجهة .. يوسف ؟؟ ليش وين شفتوا يوسف .. سدن .. هااا شبيج .. اكيد امير خابرة وگاله وهو هناك ببغداد .. زينب .. اي بس هو شعليه ليش گلتوله .. درة .. اووووف اني راسي يوجعني مااتحمل اريد انام شويه .. زينب .. هو انتي من تردين تشردين من سالفه تگولين اريد انام لو تسوين روحج واگعة وتخبصينا .. بس اعرف غايتج شني .. واجتج من الله حتى تعوفين مهيمن .. درة .. زينب حبابه روحي منا .. خليني مراعية وضعج وبعدج نفسة روحي البنتج والجحرج الخاتله بي .. والي ببالج مايصير لاتخافين .. زينب .. يسيطة درة اعلمج شلون تحجين وياي بهيج طريقه .. طلعت وطبگت الباب حيل وراها .. سدن .. معليج بيها ارتاحي انتي وبعدين نسولف .. درة .. استحي احجي وي امير .. ماتشوفيه شلون اگدر اخلص واتطلگ .. سدن .. خلي يهدأ واحجي وياه .. بس هسا راح اخابر يوسف واستفسر منه .. درة .. اي وگليلي شيگلج .. سدن .. طلعت من غرفه درة .. شفت عمتي وامير يسولفون بالغرفه وحيدر يمهم .. صعدت الغرفتي .. واتصلت على يوسف .. دگ وماكو رد .. گلت اكيد عندة شغل .. رحت شفت كروري نايم بوسته وغطيته .. ورتبت الغرفه .. دگ موبايلي .. شفته .. يوسف يتصل .. الو . الو سدن متصله عليه .. اي بس من مارديت عرفت عندك شغل .. اي والله .. شلونه الوضع يمكم .. امير شلونه .. مو زينين .. البت قبل شويه انگلب .. يوسف .. شكو درة بيها شي .. سدن .. اوووف هاي البنيه ولاعندها حظ .. اجة مهيمن وصارت هوسه .. يوسف .. مهيمن ؟؟ شعندة هالعار الگ… واله عين ويجي .. وامير سكتله .. سدن .. لا ماسكت وطردة وحيدر ضربه .. يوسف .. عاشت ايدة ااااخ لو اني هناك الا اكسر رجله حتى بعد مايتعب الديوانيه ويجي .. سدن .. هسا احنه كلشي مانريد بس نخلص منه شلون يوسف .. شنو شلون .. يطلگ غصب عنه واذا ماقبل نقيم عليه دعوه وانعل شيب اهلة .. سدن .. زين خابر امير واتفاهم وياه وحلوها بهدوء مانريد فضايح .. يوسف .. لاتخافين هم فكرت بيها نقيم عليه دعوة ببغداد هنا .. وغصب عنه يجي ويطلگ .. وهسا درة شلونها .. سدن .. شلونها يعني قبل شويه مااتحملت واغمى عليها خطيه عبالي ترتاح وتستقر .. يوسف .. اعرفها سوالفج انتي الي شجعتيها وخلتيها توافق عليه مووو .. وهي الغبيه صدگت بي ووافقت بسرعه.. سدن .. يوسف لاتخليني انسى انت اخوي الجبير واحجي حجي مايعجبك .. درة مو بس ضحيه المهيمن ولااول واحد تثق بي ويغدر بيها .. لاتنسى الي سويته بيها .. يوسف .. كافي اسكتي اعرفج راح تدوريها عليه .. سدن .. تدري بيه صريحة ومااسكت عن الحق .. انت السبب بوضع درة وتعاستها .. وبعد الي صار ييها مستحيل راح تثق بأحد بعد .. يوسف .. يله راح اسدة عندي شغل .. سلميلي دخل امير .. ماگعد كروري .. سدن .. لا نايم . جنت احجي وي يوسف .. امير .. اي سمعتج .. سدن .. ليش ماگتلي الي صار .. امير .. صح انتي حبيبتي ومرتي .. بس هذا الموضوع يخص درة وهي الوحيدة الي تقرر المنو تحجي .. وبعدين ادري بيها ماتضم عليج .. سدن .. اوووف اسكت لسا مامصدگة الي سمعته .. جا شنو من بشر ذوله .. امير .. الله ستر وكشفهم النا من هسا .. ذكرتيني اريد اخابر يوسف .. واوكله محامي الدرة .. سدن .. الدعوة ترفعوها هناك ببغداد موو امير .. اي هناك .. وعلمود يوسف عندة معارف . اخذكم كم يوم هناك بحجة نتونس ونكملها ونجي .. سدن .. الله كريم .. خابر امير يوسف وتفاهموا على كلشي . نزلت اريد اطبخ الغدا .. ونزلت كروري يمنا .. لگيت عمتي تطبخ ودموعها تجري .. امير .. ها يمة شگلنا .. ياقوت .. مو بيدي من اشوفها گلبي ينمرد .. هالبنت ورثت حظي .. ليش يربي واني ادعي من صغرها واگله الهي لاتخلي حظها مثل حظي .. سدن .. گولي ياالله عمة . الحمد لله الله كشفه الها من هسا ولابعدين .. ياقوت .. الحمد لله شنسوي هذا حظها من الدنيا .. امير .. سدو الموضوع ولاتضوجوها .. خلوها تنسى وترتاح .. وخاصه زينب .. مااقبل تشمر عليها حجي .. قبل شويه سمعت حجيها وغلست .. بس درة خط احمر عندي والي يحجي وياها مااسكتله سدن .. معليك منها ياعيني هاي زعطوطة واصلا درة تعرفها شنو وماتنقهر منها . وتعرف شلون تردها .. ياقوت .. گول يله يمة هن اخوات وبينهم لاتتدخل .. امير .. وهسا اني متدخل بس تنبيه . يله اني راجع للشغل تحتاجون شي.. سدن وياقوت .. سلامتك .. درة .. بقيت حابسه نفسي بالغرفه .. انتبهت للحلقه .. هاي شعندها بيدي لسا .. نزعتها بسرعه وشمرتها بالجرار .. المفروض اخليها وي الذهب .. طلعت اسأل امي اذا اخذ الذهب او لا .. شفت سدن تنشر ملابس .. وزينب تغسل بالممة مال بنتها .. گلتلها وين امي.. زينب .. ماادري بالغرفه يمكن .. رحت للغرفه .. شفتها مخليه سجادتها وتسبح .. تريد تصلي .. گعدت يمها .. يوووم ادعيلي انسى .. مو والله تعبت .. سحبتني الحضنها وگالت .. والله الساني مابطل دعاء الج .. بس شسوي اذا حظج عاثر مثل حظي.. لاتضوجين يمة الله يعوضج بالاحسن ان شاء الله. درة .. مستحيل .. جربت حظي مرتين وخلص .. افضل ابقى هيج ولااتزوج وانظلم .. شمدريني الي اتزوج مايطلع غير شكل بعد الزواج . كرهت كل رجال ومااثق بأحد بعد .. خلوني عايشه بينكم انتي واخواني ومرتاحة .. انتو الوحيدين الي حبكم الي صادق وماتغدروني .. مسحت دموعي بأديها وگالت .. وهذا الي مطمني عليج .. عندج اخوان سند وعزوة وادري بيهم راح يخافون عليج ومايخلون الهوى يمسج .. درة .. يله كملي صلاتج واني اروح اصب غدا وي سدن بين ماتكملين .. ها يمة صدگ الذهب رجعتوه اله .. ياقوت . اي اخوج شمرة عليه وگاله كلشي مانريد منك بس طلگ .. درة .. ها زين بس الحلقه بقت شلون ارجعها .. ياقوت .. من يطلگ اشمريها عليه وخلي يولي .. هزيت براسي وطلعت .. صبينا غدا اني وسدن .. اجو الولد .. علي ضايج وعاتبني لان ماحجيت .. ويگول دايما اني اخر من يعلم .. حجة هواي ويلوم بيه .. بس بعدها حظني واخذ من خاطري وگال لاتنقهرين مايستاهلج .. علي .. جا زينب وين .. درة .. فوگ .. علي .. جا خلي اصيحها وابدل وننزل .. واشوف جنتي اشتاقتيلها .. گعدنا ع السفرة واجت امي گعدت .. نزلوا علي وزينب وشايل جنه ويبوس بيها .. اكل امير وذب الاكل .. شنو هاي منو طابخ .. ياقوت .. اني ليش شبي .. امير .. المرگة لو التمن حلوات .. ضگنا الفاصوليا عسل ماتنجرع .. ياقوت .. خليت ملح والله شمالي مااعرف الشكر .. بقت تحلف النا .. امير .. هاهي يمة ماصار شي .. گوم حيدر جيب روبة ناكل وي التمن .. ياقوت .. اوگف ولك .. باعوا صح دورات انسى وماادري بروحي بس مو معناها انسى الملح من الشكر .. ليش التمن مابي شي والمرگة حلوة .. ترى بعدني عقلي براسي .. ومو طفله لو تضحكون على عقلي وتسايروني .. عافت الاكل وگامت .. مااتحملت نضراتهم من ضاگوا المرگة .. سدن .. حجيها صدگ . لو ناسيه جان خلت للتمن هم .. زينب .. شتقصدين يعني قابل احنه مخليله .. سدن .. وليش اخذتي على روحج .. زينب .. كلامج واضح ونضراتج الي واصلا اني اليوم كله بغرفتي ومانزلت ابد وحتى المطبخ مادخلته .. ماعدا من صارت الهوسة الصبح .. وعمتي ماجانت طابخة بعدهي .. امير .. هاهي كافي مااريد حجي زايد بعد .. الي صار صار . سدن دور انتي تلزمين الغدا بس هاا ماتخلين امي تحس يعني اذا گالتلج اني اطبخ لاتمانعين حتى ماتضوج .. خلي اگوم اشوفها .. وانت حيدر هاك هاي فلوس جيبلنا دجاجتين شوي وروبة وتعال .. درة .. تذكرت من دخلت للمطبخ اشوف امي وسدن جانت تنشر ملابس وبس زينب بالمطبخ تغسل ممة بنتها .. جا ليش نكرت وحلفت مادخلت للمطبخ من الصبح .. وشنو غايتها بالي سوتة .. معقوله تريد تخبل امي او تخلي اخواني يحجون عليها .. بقيت افور بدمي ومااتحملت . هي سوت روحها زعلانة واخذت بنتها وصعدت .. وعلي صاحها ترجع ماقبلت .. بقى يأفأف ويستغفر .. گمت من غير مااثير الانتباه وصعدت وراها .. شافتني استغربت .. ها شعندج جايه شكو هم ذبي حجي عليه مثل سدن .. درة .. اني مااذب حجي اني متأكدة انه انتي الي سوتيها اصفر وجهة .. مااسمحلج !! -الي سمحتي او لا كذبتج هي الي كشفتج .. گلتي مادخلت للمطبخ مووو جا من اجيت وسألت على امي وانتي تغسلين الممة شنو هاي .. مو جان الظهر وي الاذان بعد شلون مادخلتيه من الصبح زينب .. هااا ماادري نسيت .. وشنو يعني قابل شفتيني بعينج خليت .. درة .. باعي زينب امي خط احمر .. لاتشوفين اسكت واتغاضى عن افعالج وكلامج وياي .. بس حتى مااضوج اخواني واخرب سعادتهم .. بس من توصل الشغله الامي .. لا مستحيل اسكت. . مااسمحلج تقللين من شأنها بينا .. مهما نست او فقدت ذاكرتها .. ماتقللين احترامج الها والا راح تلگيني بوجهج واخذ حقها منج بإيدي فاهمة .. دخل علي شافني استغرب .. علي .. شكووو درة .. اسأل مرتك .. هاي اذا عندها الجرأة تگلك .. عفتهم وطلعت .. واحس دمي يغلي .. لگيت امير مراضيها ومطلعها للهول .. سدن .. عمة احسبيها عليه .. والله من دوختي وضگتها بيها مو كلشي مالحة خلتيلها ملح .. خاف ماادري وخليت شكر شمدريني .. ياقوت .. يله يمة ماصار شي .. بس مااحب اشوف اولادي يشفقون عليه .. اموت ولااشوف هيج نضرات بعيونهم .. اني احس براحة من اشوف ثقتهم بيه بعدهي مثل اول مرة .. امير .. بعد معليجن بالطبخ مالح ماسخ لاتتقربن عليه فاهمات .. هزت سدن راسها .. وعرفت هاي خطة بينهم حتى مايقهرون امي .. اضطرت سدن تگول اني حتى ماتحمل امي ذنب .. اجة حيدر .. جاب الاكل .. گمنا اني وسدن رتبناه .. گلتلها هاي زينب سوتها .. سدن .. اعرف سوالفها بس ماردت عمتي تنقهر وتصير مشاكل گلت اني .. درة .. مااعرف شأگلج بس بنت عمج ليش ماطلعت مثلج وبطيبتج .. سدن .. خليها تولي زعطوطة ليش اكو عاقله هيج تسوي اكيد هذا تعلوم امها .. امير .. يله يابة جعنا وينجن .. سدن .. اي عيني اجيت .. خلينا الاكل وتغدينا وعلي نزل بس ضايج .. ياقوت .. يمة وين مرتك ماتصيحها تتغدا .. علي .. جاي تنوم جنه .. ياقوت .. اي اخذلها غدا مايصير تبقى بلا اكل وهي نفسه وترضع .. گومي يمة جيبي صيتيه واعزلي المرت اخوج .. علي .. لا هسا اكمل واصعدلها اگعدي درة .. تغدينا وكملنا .. گلت السدن تصعد يم رجلها خطيه وهي تتعب .. واني نضفت المطبخ وغسلت ماعين .. ورحت للغرفه .. فتحت موبايلي .. لگيت مكالمات ورسائل هواي .. من مهيمن وامة وهلي هم .. داز رسائل شگد يتوسل بيهن نرجع ويبرر .. وامة هم دازة .. ابني يريد يموت بسببج بنت الاصول ماتشرد من بين رجلها من غير علمة .. ومن غير سبب .. اذا مترددة وماترديه شكو وافقتي من البدايه .. اذا صار شي بي انتي السبب .. ورساله ثانية دازة .. ليش غالقه جهازج .. لازم مالج عين تردين .. لو هاي لعبة حتى يطلگج وتاخذين الحاظر والغايب .. بس هو الصوج بي الي ورطنا هيج ورطة ليش وين موليه البنات ببغداد .. اقرأ برسائلها واضحك مدري ابجي على حظي الي ذبني عليهم .. دزيت الها رساله .. خاله ابنج خاين وغدرني ومستحيل ابقى وياه ولاتخافين بس خلي يطلگ وكلشي مااريد منكم .. لافلوس ولاذهب . واصلا اني رجعته وبقت بس الحلقه هم ارجعها .. بعدها حظرت ارقامهم كلها وغلقت الجهاز .. حتى هلي ماخابرتها مالي خلگ .. مر كم يوم واجة يوسف مر علينا .. بقوا هو وامير يسولفون .. وزينب كتلها الفضول .. شعندة وليش جاي .. عبالك مشتغله حرس عليه .. صاحني امير للبراني .. تعاي درة .. لازم تسوين وكاله اليوسف حتى يشتغل بالدعوة ووكت مايحتاجنا نروح ليش نبقى رايحين راجعين كل يوم .. درة .. بكيفكم. . يوسف .. شلونج انتي .. درة .. الحمد لله .. امير .. هسا هاي باجر ان شاء الله امر عليك ونروح سوة يوسف .. ان شاء الله.. يله اني اروح للبيت ارتاح اليوم اجيت .. امير .. على راحتك اخوي .. اجت سدن وامي ماقبلت يطلع الا يتعشى .. واضطر يبقى .. بس تلفونة ماسكت من الاتصالات .. اجت زينب .. يوسف مرتك تخابرك ليش مترد .. يوسف .. مو دزيت رساله وگلتلها لاتنتضروني ع العشا زينب .. بس حقها ترى صارلها اسبوع ماشايفيك وانت تتعشا برة البيت .. علي .. زينب شنو هالحجي .. يوسف .. منا رجلج مااگدر احجي .. بس هذا الشي خاص بيني وبين مرتي مااسمحلج تتدخلين .. مااعرف ليش وجعني گلبي من گال مرتي .. مع العلم اني بقيت بالمطبخ وماگعدت يمهم .. وليش ضجت .. لا درة لا .. انتي غبية اذا بعدج تغارين وتحنين .. گمت اسوي جاي .. واجو علي وزينب يتعاركون يمي وهي تگله شتريدني اسكت واني اشوف رجلها يطير من ايدها .. علي .. شو ماتعرفين تحجين شنو يطير هو زعطوط .. انتي صايرة فد مرة زينب .. اصحي الروحج ترى مليت منج ومليت من گد مااغطي على اخطائج .. عافها ومشى .. هي بقت تخوزر بيه وتدردم .. مااهتميت الها .. طلع يوسف واني رحت للغرفه شفت هلي متصله .. اتصلت عليها .. الو .. الو درة وين صار كم يوم اتصل عليج ماكو .. شصاير .. قلقت وخابرت ع مهيمن اسأل .. يگلي متعاركين .. شبيكم بعدكم بأولها .. درة .. اني ومهيمن انفصلنا .. هلي .. شنوووو ليش شصار حتى هو من سالته ماگال شي شكو .. درة .. اووووف هلي مالي خلگ احجي تعبت حيل .. مهيمن واحد خاين وانخدعت بي .. هلي .. معقولة !! درة .. الحمد لله كشفه الي ببدايتها .. هلي .. مااضغط عليج ولااگلج شلون وي منو .. بس من صوتج وحالتج مبين خيانته كبيرة وماتنغفر .. خرررب وج شلون ولامبين عليه .. معقوله ديمثل الحب . درة .. گولي عليه اناني ويحب يمتلك كلشي .. لهذا لسا متمسك ومعاند مايقبل يطلگ .. هلي .. يعني ماكو فرصه بينكم .. درة .. ابد .. مستحيل اسامحة .. ماتعرفين شسوة بيه خلاني اكره شكو رجال ومااثق بأحد بعد .. هلي .. حقج والله لو اني بمكانج مااعرف شسوي بس يمكن اتدمر .. يله حبي مااعطلج بس لاتگطعين بيه وتخليني اقلق .. درة .. ان شاء الله بس عندي رجاء يمج .. اذا تعزيني اقطعي تواصلج وياه ولاتردين عليه .. هلي .. لا ابد اصلا راح احظرة اني جنت علمودج احجي وياه بس بعد الي سواه خلص .. سديتة من هلي وتنهدت .. ربي ارحمني ماعندي غيرك .. اجت امي دخلت .. صفنت بوجهي .. ماشفتي حاكم والجهال صار ساعه ادورهم ماكو .. بقيت ساكته ومااعرف شأرد .. انتي منو ؟؟ اني !! انتي اخت سهيله موووو اگلج عمتي ماهي بحجرتها هم شني السالفه .. بقيت لااخذ ولاانطي بس دموعي تجري .. اشوف حالة امي واتعذب ومابيدي شي .. اخذت موبايلي وخابرت امير بسرعه .. امير انزل بسرعه .. نزل امير يركض ووراه سدن .. خليت ايدي على حلگي واشرتله على امي .. هو افتهم .. التفتت شافته .. ها حاكم وين ولدك صار ساعه ادور عليكم .. اخذها من ايدها وگعدها ع الجربايه .. همسلي جيبي علاجها .. طلعت من الغرفه وابجي مااتحملت .. ااااخ ياصبر منين اجيبك .. كلشي يهون عليه .. بس امي لا لا .. ادور العلاج وابجي دخلت سدن .. يله بسرعه هاي جبت مي .. اخذته ومشيت انطيته السدن مااتحملت ادخل واشوفها بهيج حاله .. وهي مابطلت سؤال علينا .. وعبالها امير ابوي .. حاكم درة صغيرة كم مرة گتلك مااقبل تبات برة البيت .. امير .. راحت وي بيت عمها والبنات شبيج هسا يجون .. ياقوت .. بعد ماتوديهم بدون ماادري .. امير .. هاهي الي ترديه يصير بس اخذي هاي الحبايه وارتاحي .. اخذتها منه وگالت شني هاي .. امير .. دواج الدكتور كتبه للضغط مالج .. ياقوت .. عمتي هم بيها ضغط وتاخذ مثله مووو امير .. اي صحيح ✔.. اخذت العلاج وهدأت شويه .. وبعدها غمضت عينها واستسلمت للنوم . بقيت كاتمة صوتي وابجي .. طلع امير عيونة حمر دم .. واني اعرفه اذا انقهر لو ضاج مايبجي بس ملامحة تتغير وعيونة يصيرن حمر .. اخذني الحضنة مااتحملت شهگت وزادت بجيي ونوحي .. اموري شفتها شفت شلون ماعرفتنا شلون بينا شلون .. امير .. اشششش لايسمع احد .. هذا شي متوقع نسيتي الدكتور شگال .. بالتدريج تنسى كلشي .. بس ادري بگلبها راح يكون ويانا وماراح ينسانا .. درة .. شلون اتحمل وهي ماعرفتني شلون .. امير .. درو اريدج قويه .. حالة وعدت بس تلگيها ضاجت عليج وانقهرت الهيج انتكست .. باعوا بعد سيرة مهيمن مااريدها بالبيت .. وانتي هم درة حاولي گدامها تضحكين وتسولفين حتى ماتنقهر عليج .. درة .. خلص والله بعد مااضوجها ولاابجي ولاانقهر بس كون ماتتركنا بسرعه .. امير .. يله روحي يمها لاتعوفيها لاتگعد .. دخلت يمها .. شفتها شلون نايمة .. مثل الطفل .. امي وجهة ملائكي وبريئ رغم كبر سنها بس مافقدت برائتها ابد .. حضنتها ونمت بصفها .. گعدت الصبح على لمساتها بوجهي وبوستها بوجنتي .. ياقوت .. الله يسعدج يمة وماتشوف عيونج الدموع ابد .. ابتسمت الها واني مغمضة .. مادامج انتي يمي ونايمة هيج بحضنج كلشي مااريد .. ياقوت .. ههههه ولاتكبرين ابد .. تبقين بعيني ذيج الطفله الصغيرة .. درة .. ومنو گلج اريد اكبر خليني هيج مدللة .. ياقوت .. خلي اگوم اسوي ريوگ الاخوانج لايگعدون .. انتي ابقي نايمة .. مر كم يوم واحس روحي تعلقت بأمي اكثر واكثر مابودي اتركها ولادقيقه .. گمت اخلص وكتي كله وياها سوالف وضحك .. وطلعنا للسوگ اشتريت غراض واحتياجات للدوام .. ماخليتها تحس اني ضايجة لو مقهورة .. اجة امير الظهر وگال .. خابرني يوسف .. باجر الدعوة مالتج ولازم ترحين .. درة .. يعني الا احضر .. اي لازم لاتخافين اني وياج وسدن وامي هم اخذها .. خطيه اريدها تزور ونغير جو .. ياقوت .. وين تردون .. امير .. العطله خلصت واحنه ماطالعين .. گلت اخذكم البغداد نزور الامام الكاظم ونتونس ونرجع .. ياقوت .. اي يمة علواه مشتاقه ازور ابو الجوادين .. امير .. خوش جا حظروا ارواحكم باجر من الصبح نمشي .. ثاني يوم بدلنا وطلعنا من الفجر .. زينب ضاجت من سمعت رايحين البغداد وبقت تسأل شعندكم وهم تلتقون بيوسف .. سدن .. واذا التقينا غير اخوي لو هم حرام بعدين الي يشوفج يگول يوسف زوجج مو زوج حوراء .. زينب.. شنو هالحجي هذا .. عافتنا ومشت .. وصلنا بغداد وتذكرت اخر جيه الي شلون وشنو الي صار انقبض گلبي واختنگت .. سدن .. شبيج !! درة .. مابيه بس تذكرت ذاك اليوم همستلها .. امير .. يمة انتي وسدن راح نوصلجن للامام واني ودرة عدنا شغله نخلصها ونجي .. ياقوت .. وين رايحين !" امير .. اليوم محكمة درة يمة ادعيلها تنتهي بسرعه وبدون مشاكل .. ياقوت .. واني اگول شعندة جابنا لهنا .. اروح وياكم .. امير .. يمة وين ترحين ينشلع گلبج .. يوسف هناك ومكمل كلشي مانتأخر ابقي بالامام وادعيلها .. ياقوت .. الله يسهل عليكم ان شاء الله.. مو تتأخرون وتخلون بالي يمكم !! وصلنا امي وسدن للامام وطلعنا للمحكمة يوسف منتضرنا كل شويه يتصل .. لگيناه منتضرنا بالباب ومخلي جگارتة بيدة .. شافنا ذبها بالگاع وداس عليها برجله .. اتقرب من السيارة والابتسامة على وجهة .. نزل امير تحاضنوا وعينة ماشالها مني .. نزلت سلمت .. شلونج .. الحمد لله .. القاضي عندة قضية تخلص واحنه وراها .. تعالوا نگعد بين مااجيبلكم شي تشربوه .. امير .. مو عطشانين هسا شربنا ماي .. يوسف .. احيب عصير واجي ماتشوف وجها اصفر .. جان القلق والتوتر مبين عليه .. بس هو حس عليه .. جاب عصير واجة .. هاج اشربي لاتوگعين .. باوعت الامير گال اخذي .. وبقوا هو وياه يسولفون ويتناقشون .. اجة يمي يوسف .. باعي خاف يسألج القاضي ليش تردين تتطلگين .. گليله اكتشفنا عندهم مرض وراثي وجذبوا علينا .. لان اذا گلتيله يخوني ومن هذا الحجي ماياخذون بي ويگلج انطيه فرصه وبعدكم ممتزوجين .. درة .. بس شلون اگول هيج بعمري مافكرت انه اترك شخص بسبب مرض .. يوسف فرك وجهة وگال .. يابة شبيج انتي وضع عن وضع يختلف .. قابل تگليله يزني وي مرت اخوه ليش تخليني احجي .. امير .. اسمعي الكلام درة وگولي الي گاله يوسف .. هزيت راسي وسكتت .. شويه وشفت يوسف وابوه واخوه جايين .. هو بقت عينة عليه ومانزلها .. كلما ارفع راسي اشوفه يباوع .. ومن اشوفه اشمئز اكثر واكثر منه .. لو اخوه المسكين الي واگف ومساندة وهو ميستاهل شافه يوسف .. اجة وگف مقابيلي حتى مايباوعلي وجان يخزر بي .. شويه واجة ابو مهيمن .. السلام عليكم .. ردوا عليه .. وعليكم السلام .. ابو مهيمن .. بوية ليش نحطم حياتهم وبعدهم بأول الطريق .. لاتخلونا نشترك بذنبهم .. اذا ع المرض فهذا بيد الله ومو شرط يورثة هو .. محمد ورثة ابنه لان ماخذ بنت عمة .. امير .. ابو مهيمن انت ماتعرف شي .. بحياتنا مافكرنا بالمرض بس ابنك عندة بنات ويخون اختي .. وهي سمعته بأذنها .. ابو مهيمن .. معقوله . مهيمن يحبها ولو تشوفوه شسوة حتى يحصل عليها حتى الوالدكم راح وطردة كم مرة بس مايأس ولامل .. يوسف .. يابة قابله نفتري عليه . هذا هو وصيحة .. صاحة ابوه واجة .. ابو مهيمن .. صدگ هالحجي .. هو اصفر وجهة .. ها شنو ابوه .. انت خاينها وعندك علاقات .. مهيمن .. بس هذا ماضي ومن عرفتها كلشي انتهى .. ماكو بگلبي بس هي .. يوسف .. اسكت عار لاتجذب .. احمد ربك اخوك وابوك واگفين جان فضحتك فضيحة .. اسمع ولك تطلگ بهدوء وبدون تأجيل .. واحنه راح نتنازل عن كلشي .. امير .. ها صدگ هذا موبايلك والحلقه بقن عدنا .. اخذ العلاگة مني وانطاها الهم .. صاحوا اسمنا .. گمت واحس رجلي ثگلت من التوتر .. عبالك ماخذيني للاعدام .. اول مرة اجيت هنا حتى اعقد وابدي حياة جديدة وانسى الماضي .. وهسا اجيت حتى اخلص من المستنقع الي دخلت نفسي بي .. دخلنا والقاضي اخذ اسمائنا ويحجي ويسأل .. ويگول ماصارلكم هواي من عاقدين وليش وشنو .. يوسف جان واگف يمي لهذا حسيت بالامان شويه .. گال القاضي ليش تردين تتطلگين .. ماگدرت اگله بسبب المرض حسيت نفسي ظالمة اصير وهو البريئ .. ماادري شلون طلعت مني وگتله .. خاين خاني وي اقرب الناس ومتزوجها بالسر .. القاضي ذب القلم وگال شنو .. ويوسف ومهيمن مندهشين .. مااعرف شلون طلعت مني وگدرت الف قصه مقنعه بس جنت احجي ومنفعله وابجي .. القاضي تعاطف وياي . وحس بحرگة روحي .. رغم ماذكرت مرت اخوه او اي شي من الموضوع بس جان بمخيلتي واتخيل كلشي واني احجي .. القاضي .. لك ناقص عندك هيج درة وهي درة فعلا . شناقصها بله .. وانت تخونها وبعدكم ع البر .. جا اذا تزوجتوا شتسوي تجيبها بفراشها .. شگد حاضرج وغايبج .. درة .. مااريد كلشي متنازله . بس خلي يطلگ .. وانت شتگول .. مهيمن .. سوي الي تريدة هذا هو موافق ع الطلاگ .. طلگنا القاضي وجنت ممصدگة خلصت هيج بسهوله .. توقعت يماطل لو يعاند بس احتمال لان اخوه وابوه برة ماگدر يسوي شي .. يوسف .. بقت تطلگها مومن .. مهيمن .. صار .. جنت اباوع الوجه يوسف وعلامات الفرح بوجهة ومهيمن ينطق كلمة طالق طالق طالق .. ماانكر فرحة .. وبادلته الابتسامة مو لان متأمله شي منه او بعدني احبه بس احس روحي وحياتي رجعتلي من جديد.. طلعت وامير منتضرنا برة .. ابتسمت اله وگتله خلص انتهى كلشي .. حضنته بلاوعي .. امير .. مبروك حبيبتي الله خلصج منه .. جانت امنيتي اشوفج تنزفين مو تتطلگين بس هاي ارادة الله .. يوسف .. ها وهسا وين ترحون .. امير .. امي بالامام هي وسدن اروح اخذهن وارجع .. يوسف .. وين ترحون اني ماعندي شي اليوم وصاحبي نازل الاهلة ماهو وياي بالشقه .. ابقوا اليوم هنا .. اونسكم ونفتر وباتوا يمي ومن الصبح اطلعوا للديوانية باوعلي امير .. ها شگلتي .. درة .. بكيفك .. امير .. زين خلي اخابر سدن وامي ابشرهن .. طلع موبايله .. يخابر .. اتقرب يوسف .. مبروك .. درة .. ع شنو ع حظي العاثر مثلا .. يوسف .. شنو ضايجة لان عفتيه .. درة .. لا ضايحة لان كل رجال يدخل الحياتي يطلع خاين ويطعني بظهري .. يوسف .. تبسمرين عليه مووو . بس مااقبل تقارنيني بهيج واحد عار .. درة .. ماقارنت بس بالخيانة الي مو بشي ثاني .. وعفته ومشيت .. طلعنا وهو عاف سيارتة بالگراج وراح ويانه .. الطريق كله ضايج وگالب وجهة .. ادري ضوجتة بالكلام بس حتى يگطع الامل كااافي .. امير .. انتو ابقوا بالسيارة اروح اجيبهم واجي .. نزل امير . هو ماصدگ .. دار وجهة .. اسمعي درة .. كافي تعاندين شفتي لوين وصلنا عنادج ماانكر للحظة ضعفت ومشيت ورى جدي .. بس لسا اتعذب وندمان وماطايق الدنيا كلها . ولو مااية جان اني تاركهة الحوراء .. افهميني اني احبج واريدج ومستعد من باجر ابدي من جديد وارجع للديوانيه ونستقر ببيت وحدنا .. بس وافقي وگولي اي .. باوعتله بعتب ولوم .. قررت وحلفت اذا الله خلصني من مهيمن بعد مااتزوج ولاافكر بالزواج .. الي بينا حلم حلو وصحينا منة .. كافي تفكر بي كافي .. حياتي وراحتي منا وجاي كلها الامي عيش حياتك يوسف ولاتبني امالك عليه .. بنتك ومرتك اولى بيك .. يوسف .. لاتخليني احرگ الدنيا هسا ادري بيج بعدج تحبيني عيونج فاضحتج كافي .. درة .. يوسف .. خلة ايدي ع شفافي .. اششششش لاتحجين فكري زين ومستعد انتضر عمري كله علمودج .. المهم بالاخير ننجمع… اني مالي غيرج بحياتي درة لاتحرميني منج !! شفنا امي وسدن وامير اجو .. درت وجهي عنه .. وهو نزل وراح الهم .. بقلمي_الكاتبة_شمس يتبع .. |
/// البـارت الأربعـون //// عجـاف_القلـوب .. الكاتبـة_شمـس .. شفت امي وسدن وامير اجو .. درت وجهي عنه .. وهو نزل وراح الهم .. سلم عليهن .. نزلت وراه .. ياقوت .. بالمبارك يمة واخيرا خلصتي .. درة .. الحمد لله يمة هذا بفضل دعواتج .. ياقوت .. هسا وين نروح للبيت .. سدن .. لا بعدنا شنو شفنا .. امير .. مو تتدلل سدونتي .. الا افررج بغداد كلها .. سدن .. ههههه فديتك ابو جهالي .. يوسف .. دبطلوا مغازل گدامنا وخلونا نروح .. اغديكم وبعدها نروح للشقه ترتاحون والعصر اخذكم للزوراء نتونس .. سدن .. اي من زمان مالاعبة .. يوسف .. وبطنج هاي وين توديها .. استري علينا واگعدي .. سدن .. شبيها زينة مو مثل كروري شلع گلبي احسها بنيه يمكن لان حبابه على امها.. امير .. هاااا واني الوكح موووو.. ياقوت.. بسكم مناگر يله امشونا رجلي موتتني من التعب .. امير .. يله يمة اصعدي . صعدنا واخذنا يوسف للمطعم على حسابة غدانة هناك وبعدها طلعنا الشقته .. دخلنا للشقه مبينة شقه ولد وحدهم صح نازكة وحلوة بس ممرتبة .. يوسف .. اعذرونا من الشغل مانلحگ نرتبها يادوب نجي ننام ونطلع ثاني يوم للدوام .. ياقوت .. لايمة شبيها حلوة .. هسا البنات يگومن ينضفنها الك تطلع مثل الورد .. درة .. باوعت النفسي ماعندي ملابس بس الي لابستهن ماحاسبين حساب نبات .. طلعت امي علاگة من جوة عباتها .. هاج يمة .. درة .. شنو هاي .. ياقوت .. مو انتو اتأخرتوا .. رحنا اني وسدن افترينا بالسوگ وشفت دشاديش حلوة ومناسبه جبتلجن كل وحدة وحدة .. شوفي ياهي التصير عليج البسيها احسن مماتبقين مگمطة بهدومج .. امير .. ام امير الج حل الكلشي انتي .. ياقوت .. والله اجن بالصدفه ههههه سدن .. جا اني هم اگوم البس مالتي احس الثوب ضايقني .. بدلنا وطلعنا امير ويوسف بالهول گاعدين .. رحنا نضفنا الغرف ومسحناهن.. بعدها طردناهم للغرفه .. ونضفنا الهول والمطبخ والصحيات .. وعطرناه طلع يخبل .. امير .. ويگلك البيت الي مابي مرة نعمة .. يابة يانعمة اذا هن الي ينورنة ويخلنة جنه .. سدن .. يمة فديت رجلي اليوم يغرد بالغزل .. درة .. لاتفرحين اكيد يقصدني الي مووو اموري .. امير .. هههههه انت الثلاثة اجمل نساء الكون عندي .. وبدأ يغنيلنا ويتغزل بينا .. واحنه ميتين ضحك . يوسف .. عمي هنيالك صدگ عايش بجنه اي قابل مثل حظي .. ياقوت .. يمة انت ليش ماتجيب مرتك وبنتك يمك ع الاقل تداريك ترجع تلگي لگمتك حاظرة مو احسن مماعايفهن هناك وانت هنا .. بنتك ومرتك الهن حق عليك .. يوسف .. ماكو فايدة من جيتهن اني طول النهار شغل وارجع تعبان راح اتعبهن وياي .. وايه صغيرة بعدها اريدها تربى يم امي وبيبياتي .. حسيتة ضاج بسؤال امي .. دگ موبايله رفضه .. مرة مرتين مارد .. بالاول عبالي حوراء .. بس انتبهت عليه بس رقم .. اخر شي اخذة وراح للغرفه .. ياقوت .. يله يمة گومن نرتاح .. رحنا للغرفه نمنا ويوسف وامير بالغرفه الثانية .. للعصر بدلنا وطلعنا .. افترينا ورحنا للزوراء تونسنا وتعشينا .. سدن كتلت نفسها تريد تصعد بالالعاب بس امير ماقبل ويخافون ع الطفل .. بس اني واموري مسايرني ويخاف عليه اصعد وحدي .. امير .. اها بسبب ست درة رجعنا صغار ونلعب .. ياقوت .. يمة بعدك شباب ليش مكبر روحك .. طلعنا من الزوراء افترينا واشترينا ورجعنا للشقه .. الكل تعبان جان . يوسف .. امير اخذ مرتك وابنك وروحوا للغرفه .. وعمتي ودرة بهاي الغرفه واني راح انام هنا بالصاله .. ياقوت .. لايمة مايصير القنفة تكسر ظهرك .. يوسف .. ماعليه شي عمة متعود .. ياقوت .. گومي يمة جيبي فراش الاخوج افرشيه هنا .. بقينا صافنين واحد ع الثاني مدري ليش كلمة امي خلتنا نستغرب .. جبت فراش ومخدة وبطانيه .. يوسف .. رحم الله والديج .. دخلنا للغرفه .. تعبانة حيل .. خليت راسي ع المخدة غفيت ماادري بروحي .. گعدت بنص الليل .. اريد اروح للصحيات ومستحيه شلون اطلع .. الشقه صغيرة والصحيات بوسط الهول .. حاولت اكابر واتحمل بس ماگدرت .. اضطريت گمت .. فتحت الباب ع كيفي .. شفت يوسف ماكو بفراشه .. گلت خاف بالصحيات .. بقيت منتضرة يرجع لفراشه ماكو .. طلعت .. باب الصحيات مفتوح .. اتقربت ماكو احد .. دخلت بسرعه وقفلت الباب .. طلعت هم ماكو بفراشه .. ماادري ليش كتلني الفضول .. ورحت للمطبخ ماكو فارغ شفت الستارة مال بلكونة مفتوح .. عرفته هناك .. اتقربت شفته واگف بالبلكونة ويخابر .. ومندمج وي المكالمة .. وي منو يخابر ؟؟ معقوله هذي حوراء !! لا بس مو بهيج وقت يخابرها .. يصير عندة وحدة ثانية ؟؟ ضجت حيل .. حاولت اسمع شي ماگدرت .. رجعت للغرفه .. دخل هو .. سمعت صوت .. بسسسس . جمدت بمكاني درت وجهي .. شفته يسد بباب البلكونة بهدوء ويبتسم .. اشرلي اوگف .. اشرتله .. شرايد ؟؟ اجة اتقرب وهمس تعاي للمطبخ .. طبگت حواجبي عليه ورفضت .. همس كلمتين بس .. ترددت امشي بس رجلي اخذتني وراه .. انت شتريد متشوف امي واخوي منا بله طلعوا هسا شلون نبرر وگفتنا هنا .. يوسف .. لو ماتردين وماهوايتني مااجيتي وسمعتي كلامي .. درة .. ههههه هم صدگ الصوج مني .. ردت اطلع صار گدامي .. يوسف .. هوب هوب اتشاقه والله .. شبيج صايرة بسرعة تنفعلين وين ذيج الترفة والهادية .. درة .. موتوها انتو .. يوسف .. منووو احنه درة .. الرجال الي مالهم امان .. يوسف .. لاتقارنيني بأحد كم مرة گتلج .. درة . هاااا والدليل وگفتك بالبلكونة واتصالاتك المجهوله يوسف .. هاي شنو غرتي عليه .. درة .. لا طبعا اصلا ماتعنيلي شي .. بس رجال متزوج وعندك بنيه وانت تراهق وتخابر .. يوسف .. ترى ان بعض الضن اثم .. درة .. ماحاجيه وراك گدامك .. وهسا وخر خليني اعبر يوسف .. بالقرآن بعدج تحبيني وانفعالج هذا هو الدليل بس لاتصدگين تحلالي مرة غيرج .. مااتحملت كلامة وجرأته واعرف نفسي اضعف واتقشمر بكلامة .. دفعته وعبرت للغرفه ركض .. احس گلبي يريد يوگف .. وماالتفتت وراي .. شمالج درة ليش هيج تنجرفين ورى عواطفج بسرعه .. كااافي اصحي كااافي .. بقيت الوم نفسي الليل كلة .. حتى النوم طار من عيني .. للفجر يلة غفيت شويه .. گعدت ع صوت امي .. يله يمة گومي ورانا طريق .. گمت راسي مصدع .. طلعت شفت يوسف وامير بالهول .. وسدن دتسوي ريوگ .. گلت صباح الخير .. ردوا عليه ويوسف يبتسم .. مااهتميت ورحت للمطبخ .. سدن .. صباحو درو درة .. صباح الانوار .. اساعدج .. سدن .. لا كملت بس حضري الاكواب مال الجاي .. درة .. امممم هاي طماطة وبيض اشتهيت .. سدن .. اي يوسف مشتهي .. درة .. هو ماعندة دوام شو مارايح .. سدن .. لا اخذ زمنيه ورى مانطلع يروح .. غسلت وحضرت الريوگ وياها .. گعدنا نتريگ بس ماشلت راسي واعتبرتة مموجود اصلا حسيت بتأنيب الضمير من نفسي ليش ماادري .. كملنا ورتبنا البيت ودخلت ابدل .. طلعت شفت يوسف مبدل ومكمل وجنطته بيدة .. جان لابس قاط جوزي وقميص بيج وربطة عنق .. عبالك عريس .. وهو بي شگار طالع يخبل عليه .. والعطر تارس الشقه مالته .. معقوله هذي الاناقه والجمال كله وماتلزگله وحدة منا منا .. اكيد المحكمة بيها محاميات وموضفات .. اوووف درة رجعتي لسوالفج . وانتي شكو بي . معقوله بدأ گلبي يميل ويغار لا مستحيل .. مستحيل اخلي عواطفي تغلب عقلي .. امير .. يله خلونا نطلع .. وانت سيارتك بالگراج مال محكمة شلون تروح .. يوسف .. عادي امشي بتكسي .. امير .. نوصلك ويانا .. يوسف .. لا يمعود شيوديكم لهناك .. توكلوا وراكم طريق ومن توصل خابرني .. امير .. ان شاء الله.. سلم علينا كلنا وصعدنا بالسيارة .. حركت السيارة رفع ايدة النا وگال دير بالك من الطريق . كروري مدري شبي يبجي الطريق كله وشلع گلب امة .. يمكن لان گعدتة من النوم ونعسان .. حبيب عمته الا يشبع نوم يله يگعد يتنوحس اذا يگعد معوز نوم .. بقيت اباوع البغداد ومعالمها وشوارعها الحلوة رغم الصبات الي مخليها واثار الحرب عليها .. لكن تبقى حلوة والها نكهة خاصه بالعراق .. من جنت صغيرة .. واشوف بغداد بالتلفزيون .. اتمنى اشوفها واعيش بيها .. احسها جنه ومانگدر نوصلها .. لان ماجنا نطلع ونمشي واحنه صغار مثل هسا .. وصلنا الديوانيتنا .. هي بيتنا الي مهما تركناه ورحنا وافترينا راحتنا وسعادتنا بي .. وصلنا للبيت فتحت زينب الباب ضايجة وماخذة ع خاطرها منا .. امي انطتها الصوغات الجايبتهن الها والبنتها والعلي .. اخذتهن ومشت من غير متگول شكرا .. صعدت الغرفتها واليوم كله مانزلت .. بدأ دواماتنا .. ورجعت للدوام وحايرة شلون راح اجاوب تساؤلات البنات او القسم اذا عرفوا فسخنا .. والاهم شلون راح اباوع بوجهة واني ماطايقته .. وصلت للقسم سلمت ع صديقاتي وعيني تدور هلي .. ماصدگت لگيتها حضنتها وبوستها .. هلي .. وج شصايرة حليانة وضعفانه شنو هالجسم ماتنطيني شويه احس روحي طگيت بالعطله اكل ونوم درة .. الله ليراويج هذا الضعف من القهر .. هلي .. قميصج يخبل منين ماخذتة .. درة .. من بغداد بس السترة مضيعه النقشه البي .. هلي .. امممم تونستوا ببغداد .. درة .. ونستيش رحنا للمحكمة ورجعنا .. بس يوسف اصر نبات وبتنا وثاني يوم اجينا .. هلي .. امممم يوسف !! درة .. ولي اعرف نيتج .. هلي .. لا هالفترة اشوفه مانزل من السانج .. معقوله المي حترجع المجاريها .. درة .. لا ماراح ترجع المجاري مسدودة ههههه هلي .. صايرة تحششين ست درة .. درة .. اي ليش مااحششش شبيها الدنيا اشو خلصتها قهر بقهر .. منا وجاي ماافكر بس بنفسي .. نفسي ثم نفسي ثم نفسي .. هلي .. والله زينة تسوين محد يستاهل .. درة .. وهو كذلك .. هلي .. باعي من وراج .. درة .. منو ؟؟ التفتت شفت مهيمن واگف وي جماعته وعينة علينا .. درة .. اوووف شلون راح اطيق اشوفه كل يوم .. هلي .. مبين بعدة يحبج عيونة ماشالهن منج . درة .. حبتة حيه هذا واحد مريض مو مال حب .. لاتجيبين طاريه بعد مااريد اذكر شي عنه .. بس هو اجانا .. منو.. اتقرب .. شلونج درة .. شلونج هلي .. هلي .. الحمد لله انت شلونك مهيمن .. اسألي صديقتج هي تگلج شلوني بعد ماتركتني وماانطتتي فرصه .. درة .. امشي هلي مافارغه اسمع اسطوانات فارغه ..وانت الاحسن ماتتقرب مني ابد لان مو بصالحك فاهم انت غلطة بحياتي ولسا ندمانة عليها والحمد لله الي خلصت منها .. الاحسن ماتجي يمي ابد والا اشتكي عند امن الجامعه عليك فاهم .. عفته ومشيت . يله هلي .. فورلي دمي هالحقير من الصبح .. هلي .. وج شفتي حاله خطيه مبين ندمان كسر گلبي . درة .. عوفي گلبج الحنين هسا هذا ماتعرفيه مثل العقرب يلدغ حتى نفسه .. هلي .. صايرة قاسيه .. درة .. الدنيا علمتني القساوة والوجوه الي وراها الف وجه همة الي خلوني مااثق بأحد ولااصدگ بكل كلمة يگولوها .. عفتها ودخلت للقاعه .. حقها تدافع عنه وتشوفه مسكين وندمان .. لان ماتعرف حقيقته وعملته السودة .. بقى كل يوم يلاحگنا بنضراتة وين مانروح بس مايتجرأ يحجي وياي .. وحيدر اشتغل حراسة الي .. وبحجتك ياماي اترس وابدي .. بحجة يجي ياخذني ويجي يخلصها سوالف وي هلي .. عرفت بدأو يميلون البعض .. وحتى نضراتهم مختلفه .. حيدر رغم شقاوتة لكن طيب ورومانسي الاخ .. بحيث ياخذنا ريگنا لو يغدينا ع حسابه كل يوم .. لان اكيد عندة مصرف مثل امير شلون مايستغله .. مرة من المرات گتله .. حيدر مايعجبني الي تسويه .. حيدر .. ليش شمسوي .. درة .. تصرفاتك وي هلي زادت عن حدها .. شنو غايتك وياها .. هلي طيبه وتتقشمر بسرعه مااريدك تستغلها .. حيدر .. الله يطيح حظج .. فتحت عيوني من غلط عليه .. حيدر .. يعني هذا ظنج بأخوج .. هيج اني ملعب والعب بعرض العالم .. صح اخابر واسولف بس بحدود الزماله ولليوم ماگلت الوحدة احبج لو اقشمرها .. درة .. وهلي شنو موقعها من الاعراب .. حيدر .. هلي عاجبتني .. احسها مثلج نقيه ماعندها سوالف بنات هذا الوكت .. وكم مرة مراقبها اذا انتي مو يمها مالها علاقه ولاتباوع منا ومنا .. الصراحة عجبتني .. بس مااعرف شلون افاتحها بالموضوع .. درة .. يمة طلعت داهية وماادري .. مراقبها ولاعب لعب وتگول مااعرف شلون افاتحها .. اوگف هسا اجيك .. جبت موبايلي واجيت .. حيدر .. شتسوين خبله .. درة .. اوگف .. اتصلت ع هلي وفتحت سبيكر .. الووو هلو درو شلونج .. الحمد لله انتي شلونج شتسوين .. هلي .. شسوي غير عشا للغرفه مالتنا اليوم عليه .. وفوگاها عندنا امتحان باجر .. درة .. الله يساعدج .. اني حيدران ضوجني .. هلي .. ليش شبي .. درة .. ماتعرفين سوالفه وشقاه الماصخ شردت منه لهنا وگلت اسولف وياج .. هلي .. شبيج ولج وياه جنكم توم وجيري .. درة .. يختي مزعج ماينطاق الله يساعد التاخذة .. اني احجي وهو يگرص بيدي لان احجي عليه .. هلي .. لا بالعكس اشو اني مااشوفه هيج .. درة .. اي عيني بله شلون تشوفيه .. هلي .. حباب ودمة خفيف ولبق وشخصيه .. درة .. هلا هلا دنتي وقعتك سودة .. هلي .. هااا ليش شبيج .. درة .. والله انتو شغلتكم مو خاليه .. بس لاتحبين اخويه ولج وماادري .. هلي .. هههههه ليش احسج حماتي وتحاسبيني .. درة .. شفايتلج اني حماتج ادللج اصلا .. هلي .. يمة فديت حماتي الحلوة خلي اتلوگ الج جا شسوي .. درة .. ههههههه سخيفه .. لاصدگ شتحسين من تشوفيه هلي .. هااا ماادري وج كافي خجلتيني .. درة .. لا هاهي اخذت اجابتي .. دروحي كملي العشا لايحترگ .. هلي .. هههههه يله باي نلتقي باجر .. سديتة منها وهو الضحكة تارسة وجهة .. درة .. ها استاذ شگلت مبين الاعجاب متبادل .. اصلا وصفتك وعبالك دتوصف ملاك .. حيدر.. شنو قصدج ولج .. احجي مااعصب عليج المهم ساعدتيني وخلتيني اتأكد من مشاعرها اتجاهي .. تعاي احضنج يااحلى اخت .. حضني .. ضحكت .. راح اسجلها بالتاريج بهيج يوم تحاضنا وعقدنا الهدنة مال توم وجيري .. حيدر… هههههه دگومي مو وجه نعمة .. دخلت امي .. يمة صلوات ع محمد اول مرة اشوفك هيج تضحكون وتسولفون من غير مناگر .. درة .. اي يمة عقدنا الهدنة .. ياقوت .. شني هدنة .. درة .. ابشرج يمة راح تجيج جنه ثالثة بالطريق .. ياقوت .. ياجنه ولك حدير وگعت يمة واخيرا .. حيدر .. حتى انتي يمة نعم الله عليج درة ماقصرتي .. درة .. اي مو صارلك سنين تدگ بطولات براسنا واني واني ومااوگع ومااتزوج .. حيدر .. ومنو گلج راح اتزوج هو شنو شفت بحياتي .. درة .. شنو جا شتريد تلعب عليها وتخلصها حبيات .. اذا هيج من هاللحظة واگطع .. ابد ماتوصل الها .. لاتخربني وي صدقتي .. اهلها عشاير ومايسكتون مو عبالك اي وحدة هاي .. وحق الله اذا شفتك متقرب الها الا اگول الامير هو يتصرف .. حيدر .. هههههههه خرررب يكلمة ردي المكانج .. اتشاقه والله اتشاقه ردت اغيضج .. عمي والله مااضحك عليها . بس طبعا مااخطبها هسا هو اني شعندي .. اتخرج واشتغل وي امير يله اخطو هيج خطوة .. ياقوت .. صارلكم ساعه تسولفون هي مني .. درة .. هلي صديقتي ياقوت .. ياهلي هاي گرايبنا شني. . درة .. يووم هلي الي اجت النا للبيت صديقتي .. ياقوت .. يوووه واني منين اعرف هلي مدري شسمها خلي اروح اصلي .. اشرلي حيدر اسكت .. معقوله نستها .. حيدر .. ماتتذكرها معناها بدأت ذاكرتها تمحي الاحداث الجديدة من حياتها .. درة .. الله يساعدنا ويساعدها شلون راح نتحمل .. حيدر .. الله كريم .. هو وحدة الي يگدر يساعدها لاتحجين شي الامير هو تعبان ويضوج خطيه .. درة .. لا مااحجي .. مرت الايام بشكل عادي ونفس الروتين .. والدوام اوشك على الانتهاء .. وبدات للامتحانات .. حيدر سوة حفله التخرج .. ورحنا اني وهلي حضرناها وسدن ويانا هم هناك .. وبطنها شكبرها .. بنفس اليوم حيدر صارح هلي وهي صارت طماطة من الخجل .. ووعدها مايتركها ونيته جادة وبس يستقر ويكون نفسه يتقدم الها .. جانت الفرحة والحب مالية عيونهم .. اخوية وصديقتي الوحيدة .. الله يحبني لان جاي يعوضني بيهن .. سدن وهلي .. سدن فرحانة بهلي وتگول . واخيرا راح يكبر حزبنا ههههه تتمازح .. وحيدر يگلها غير ذيج المرة تنط وتموت .. هي انتي ودرة وحاسدتجن دور تصيرن الثلاثي المرح لاهاهي .. احنه نحجي ونضحك وهلي خطيه مثل الاطرش بالزفه الخجل كاتلها وتمسح بوجها من العرگ والمستحه . ضاع السانها وانبلع .. حتى صوتها ماطلع .. خليناهم گاعدين سويه .. ورحنا اني وسدن گعدنا وحدنا .. شويه واجو يتمشون بأتجاهنا .. والابتسامة تارسة وجهم .. حيدر .. يله نروح . لان هلي اخوها راح يجي ياخذها من القسم بعد شويه الاهلها .. درة .. يله ماعدنا شي . عود انسيني ولاتخابرين وياخذج هالمحتال مني . هلي .. ههههه انتي الاصل درو .. حيدر .. هاااا هاي من اولها .. ترى غيرتي گشرة اني هلي صفنت .. سدن .. ههههه خوفتها للبنيه .. تعودي خيه تعودي هذا ماتعرفين ضحكة من بجيه كل شويه بحاله ههههه حيدر .. سويتني خبل نعم الله عليجن .. يله خلونا نمشي وصلنا هلي للقسم ورجعنا للبيت .. وطول الطريق يغني وفرحان .. جنت اتأمل الفرحة بعينه وادعي الله يكملها عليه .. اخواني تعبوا حيل بحياتهم ويستاهلون السعادة والفرحة بس الاخ اخذها مني الصديقتي الوحيدة .. لو يخابرها بوقت الريست لو هو جاينا وماخذها مني .. بدات الامتحانات النهائية وانشغلنا بيها والحمد لله كملنا ونجحت بتقدير جيد جدا .. وحدوري نجح وتخرج .. واجة دورة يشتغل وي امير ويضوگ ثمرة التعب .. جان يرجع تعبان بس مايشكي ولايحجي لان عندة هدف وغايه .. يوم عن يوم زاد حبه الها وگدرت تغيرة وتخلق منه انسان ثاني يحس بالمسؤوليه والتعب .. بعد ماجان طايش وماخذ الدنيا ضحك وونسة .. حتى امير حاس عليه وع تغيرة وكل يوم يدعي الهلي الي جانت السبب بهذا التغيير .. امير .. والله انت خوش ولد وشاغول بس لو تبطل التلفون بأذانك . مو جزعتني .. حيدر .. ياخوي شبيك گاطع رزقي هسا من تحجي وي مرتك وتدخل الغرفتك وتقفلها هم احجي اگول .. امير .. هههههه هي بقت اخذ اذنك من ادخل وي مرتي للغرفه . اني اعلمك على هالحجي .. العطله كلها ماشفت طعم الراحة .. سدن قربت ولادتها .. وزينب طلعت حامل وحابسة نفسها بالغرفه .. وامي حالتها زادت سوء .. وكثرت نوبات فقدانها النفسها .. وفوگ كل هذا بيبي ام مرزا مريضه والاطباء عجزوا ومايعرفون مرضها شنو .. والكل مشغول بيها وضايج عليها .. ماتستاهل هالمرض .. المشكله گطعت الاكل والشرب ومايعرفون شنو السبب ناس تگول علاجها يم السادة مو مال طبيب .. بس خالو مرزا مايؤمن بهيج شغلات .. حتى خاله ام يوسف من گالتلها كشفت الها وطلع عمل مسوى للبيت كله بس مأثر عليها هي بس .. گالها .. بطلي هالخرافات منو عدنا ويسويلنا والمرة الثانية اذا سمعتج رايحة الكشافات مااحجي وياج طول عمري .. ماطولت كم شهر وخابرت خاله ام يوسف المغرب بليلة جمعه جان .. گالت عمتي توفت .. زادتنا حزن فوگ حزن الشيخ الي لسا محد نساه .. او يمكن مااتحملت غيابه كل هذا الوكت لان جانت تحبه حيل .. بيبي ام حمزة تأثرت ع فراگها حيل وگالت بعد البيت مااطبة دونها .. جنت اجي علمودها اگعد ونسولف سوه ووحدة تواسي الثانيه هسا بعد شعندي جاية ومنو يواسيني بفراگها .. خالو مرزا حضنها وگالها انتي امي الثانيه وهذا بيتج مثل مااحب اشوف امي گبالي .. احب اشوفج .. لاتحرميني من دعواتج وبركتج بالبيت .. وحضنها ويبجي .. فترة الفاتحة كلها احنه هناك مانرجع بس بالليل .. وابد ماسلمت من تجريحات وكلام حوراء .. ساعه تگلي العانس كل الي تاخذة ينهزم منها .. وگامت تدور متزوجين . وساعه خطافه الزلم ومدري شنو .. شسامعه ماادري بس احس حقدها زايد لدرجة انه اجتني وگالت بوجهي اذا مفكرة فسختي من خطيبج وترجعين اليوسف فلا تحلمين زايد .. اني علاقتي بيوسف تحسنت ويحبنا اني وبنته ومايشوف غيرنا فالاحسن شوفيلج واحد قبل لايفوتج القطار وتعنسين .. درة .. هههههه مسكينه انتي .. ماادري شنو الي مخوفج مني .. مع انه اني الي رافضه يوسف والا هو يتمنى كلمة مني .. لكن اني مستحيل ابني سعادتي ع سعادة غيري ولاهذي اخلاقي .. فأطمني وحافظي ع زوجج وبيتح بدل هالحجي .. عفتها ومشيت .. ادري استفزيتها بكلامي بس تعبت من اللوم والحجي وكانه اني الي اخذته منها وتزوجته رغم ادري مايحبني ويحب غيري .. وفوگ كل هذا تحاربني .. هالفترة وللاربعين مال ام مرزا خلصناها حزن بحزن .. واكبر حزن على امي الي انتكست بسبب موت بيبي ام مرزا وكل شويه تذكر بيبي ام قاسم وتگول .. عمتي الحجية وين ليش لسا مااجت .. وساعة تبجي وتگول ماتت عمتي الحجيه وعافتني وحدي اني وجهالي صغار .. كنا نتصرف عادي ونسايرها من تحجي .. الا زينب كانت تعاملها بجفاف وتخوفها اكثر من تجيها النوبة وتبقى تصيح عليها .. بيوم بالليل طلگت سدن وامير گال امي نايمة روحي انتي ويانا .. وخلينا كروري يم زينب ومشينا .. ولادتها طولت .. واحنه منتضرين للفجر خابر امير الخاله ام يوسف وبلغها .. اجت هي ويوسف جان عندهم. واجانا الولد الثاني .. وسماه مرتضى .. فرحة امير وفرحتنا ماتنوصف .. خابرنا علي وبشرناه .. بس بيومها انگلب البيت عزا .. بسبب زينب الظاهر بيها بنية وضامة علينا .. ومن سمعت سدن جابت ولد تخبلت .. خابرتني تعيط .. مو گاعدة هناك وذابة عليه الجهال وامج المسودنة .. اني من سمعت هيج تخبلت .. حاجيت امير گتله امي مدري شبيها اريد اروح .. گال الحيدر ياخذني ويوسف گال اني هم ارجع وياكم . رجعنا گتله انتو وصلوني ورحوا .. حيدر .. شبيج مو ع بعضج صاير شي .. درة ..امي جايتها النوبة يمكن خابرتني زينب .. نزلوا وياي للبيت .. فتحت الباب وسمعت امي تعيط وتبجي وزينب تعيط عليها تخبلت .. شكو شبيها امي .. جريت الشيله بسرعه وغطيت راسها .. شافتني وعبالك مثل الطفل الي شاف امة حضنتني وتبجي .. لاتعوفوني يم سهيله تصيح عليه .. تخبلت .. وج شسوتيلها احجي .. زينب .. شسويتلها .. تريد تطلع وتگول اروح البيت عمي واني ماقبلت هي گامت تبجي .. لزمتها من ايدها حيل .. باعي لاعبالج افوتلج الحجايه الي گلتيها بالتلفون .. بس محظورة هسا .. اتقرب يوسف منها . عمة شبيج .. ماحجت .. اخذني الحجرتي .. گومتها ودخلتها .. انطيتها علاجها .. گالت .. اني محصورة وسهيله ماخلتني اروح للتواليت ودمرت روحي وتبجي .. تخبلت من سمعت كلامها .. حضنتها وحابسة دموعي .. رغم تنسى بس الطهارة عندها اهم شي .. ياقوت .. اريد ابدل واغسل .. درة .. اي هسا احضرلج ملابس .. حضرت ملابسها واخذتها للحمام غسلتلها وبدلتلها .. ورجعتها لفراشها نومتها .. ونضفت غرفتها وعطرتها وطلعت .. يوسف وحيدر بالبراني .. اسمع حيدر يحجي وي علي ويفرفح ويوسف يهدأ بي .. تالي خابر يوسف ابوه وگاله اريدج تجي البيت عمتي ياقوت .. غسلت ملابس امي وخليتهن بالمجفف .. رحت الكروري يبجي .. انطيته اللهو .. وصعدت الزينب .. فتحت الباب .. شفتها تخابر بامها وتبجي وتشكي .. شافتني .. گالت ها شكو .. درة .. سدي الموبايل بالاول .. سدتة .. اسمعي وج .. اتغاضيت عن سوالفج واخطائج كلها بس الحد امي لا مااسكت .. سبق وان گتلج امي خط احمر فاهمة .. وحق ربي ادمرج اذا عاملتيها هالشكل مرة ثانيه ..واذا گلتي عليها مسودنة افركة الحلگج .. زينب .. لا والله بعد تعاي اضربيني .. درة .. لا تختبرين صبري الي يأذي امي مو بعيدة اتعامل وياه بأبشع الطرق فخافي مني وامشي عدل .. احتراما الاخوي ساكته .. بس المرة الثانية .. بنتنا عدنا وانتي مااخليج هنا .. زينب .. هههههه منو انتي وتطرديني منا .. درة .. اني بنت ياقوت . ياقوت الي الناس كلها تهابها وتحترمها وهذا بيتها وباسمها .. يعني غصب عنج تحترميها وتقدريها .. والا… . زينب .. والا شنو… . دخل علي .. شكو شصاير .. زينب .. اختك تهددني وتطردني وتاخذ بنتي .. باوعلي علي .. گتله .. لاتباوع .. مرتك اهانت امي لدرجة حبستها ومنعتها تروح للتواليت وخلتها تسويها ع نفسها .. اثبتلي انت ابن ياقوت مو ابن حاكم .. علي .. شتقصدين .. درة .. ابن ياقوت ماينكر تعب وعذاب امة ولايخلي واحد يهين امة .. زينب .. شسوي اذا امك اجتها النوبه وتخبلت علية وتريد تشرد .. علي .. زينننننب لمي هدومج والاهلج صوتج مااسمعه . لهنا وكافي يابنت الناس تعبت تعبت .. تركتهم ونزلت ودمي يغلي .. تفاجأت بيوسف گبالي واگف .. مااتحملت نزلت دموعي .. منضر امي وشكلها مايروح من بالي .. عفته ومشيت للمطبخ واني اغلي بداخلي ومااگدر اخابر امير واضيع فرحته بأبنه .. يوسف .. درة دموعج يزرفن گلبي .. شوكت ينتهي عذابج .. درة .. مسحت دموعي وابتسمت . لاتخاف عذاب ماينتهي لان الظاهر حظ امي ملاحگني .. يوسف .. اسمحيلي اوگف وياج اشكيلي احجي وطلعي الي بداخلج اعتبريني صديق ع الاقل .. درة .. صعب .. كلشي صار صعب بينا حتى الكلام .. اكو الله هو الي اشكيله وهو الوحيد الي يگدر ينجيني من عذابي .. سمعنا صوت علي وزينب .. ركضت للهول .. منزلها وجنطتها بيدة .. وگاله .. هاك يوسف اخذها الاهلها مااريدها وورقة طلاگها تجيها .. بهذي اللحظة اندگت الباب واجة خالو مرزا .. شكو شمسويه ولج يحجي وعينة ع زينب .. علي .. اسألها وشوف شمسويه بأمي ساعة وحدة ماگدرت تراعي امي بيها .. شحال لو كبرت شتسوي بيه .. اخذها خالي وورقه طلاگها تجي وراها .. مرزا .. اهدأ ابني مو هيج الحجي .. علي .. ماكو حجي بينا خلص تعبت من حبي الها اغطي واسكت عن اخطائها بس لهنا وكافي .. خلي تسولفلكم شسوت بأمي وانتو احكموا .. مرزا .. امك وين .. درة .. بالغرفه .. زينب .. والله ماسويت شي كله من درة هي حالته عليه تريد تخرب بيتي وبيت اختي ادري بيها تطلبنا ثار .. يوسف .. صوتج لاتعليه شجاب اختج بالوسط .. مرزا .. انتي حيري ببيتج ومعليج بأختج .. مو هاي سدن وياج شمالج انتي .. شوف بويه علي .. راح اخذها وبس تهدأ نحجي .. علي .. ماكو حجي بينا خالي ورقة طلاگها تجيها .. تركتهم ودخلت الامي .. شفتها نايمة .. اتقربت منها وحضنتها ونمت يمها واشم بيها .. ااااخ يوم انتي الوحيدة الي تكسرين گلبي وتخليني اهدم كلشي علمودج .. لاتعوفينا من وكت .. قاومي قاومي ولاتخلين المرض يسيطر عليج .. احس روحي كبرت بهالفترة .. وصرت اني المسؤوله عن امي واخوتي والبيت .. ويمكن اني اول وحدة بهيج عمر تتحمل هيج مسؤوليه كبيرة .. وصرت اني ام للكل حتى الامي .. الكل يريد مني والكل معتمد عليه .. لدرجة نسيت نفسي وحياتي وبدأت حياة جديدة بالنسبة الي .. بقلمي_الكاتبة_شمس يتبع .…………… |
//// البـارت الحادي والأربعـون //// عجـاف_القلـوب .. الكاتبـة_شمـس .. بدأت الدوامات وحايرة بأمي منو يبقى يمها .. ساعات اگول اترك واجلها للسنة علمودها .. بس امير ماقبل .. وگال من ترحون للدوام انتي وسدن اودي الجهال الخالة ام يوسف .. واني او حيدر نبقى يمها الصبح بين ماترجعن .. لان علي طلع تعينة والتزام ومايگدر يترك دوامة .. گاعدين ع العشا .. ياقوت .. يمة مرتك وين .. علي .. عند اهلها .. ياقوت .. هاااا مو اگول مانزلت ع العشا .. بقينا واحد صافن بوجه الثاني .. زينب صارلها شهرين من وداها علي الاهلها بعد الي سوتة .. وراد يطلگها لو حامل .. بس الطلاق يصير باطل .. لهذا هجرها .. اشتاقيت الجنه .. هو جان يروح يشوفها عند بيت خالو مرزا .. والي حاول يصلح بينهم شگد وماقبل علي .. ساعات احس بتأنيب الضمير واني اشوفه مهموم وضايع ويجي من الدوام يخلصها نوم ومايطلع .. كملنا عشا سدن مرتضى يبجي راحتله .. بقيت اجمع الماعين وحدي .. امير تعاي درة اگعدي .. گعدت .. ماتحجين وي اخوج .. مو كاافي ندري غلطت وغلطها ماينغفر .. بس الخاطر بنتك وبنتك الثانية الي بالطريق .. حرام هيج .. علي .. لاتتدخلون بحياتي اخذت قرار .. حتى لو بيوم رجعت اريدها تتأدب يله ترجع .. درة .. ياعيني شهرين هواي .. اكيد عرفت خطأها وماتكررة واحنه بعد مانعوفها الماما .. اني عليه من الدوام الثاني يوم مستحيل اتركها بعد .. لان هي بالساعات ونست .. مو مثل قبل تبقى ايام واسابيع يله .. امير .. ااااخ يمة والله كاسرة گلبي وهادة حيلي .. من اشوفها اتدمر .. اتذكر شلون جانت واگفه ع حيلها وحاميتنا وهسا شلون . درة .. اتذكر شلون جانت بالدقايق تبدلي وتعتني بيه من غير ملل او تعب .. علي… كلنا تعبت ويانا وتالي راحت منا من وكت .. ترى امي الي بگدها عايشات حياتهن ويطلعن ويلبسن وحتى خلفه يخلفن .. بس امي الي كبرت وتعبت من وكت .. درة .. هذا الي مأذيني والله عدنا استاذة بگدها واللبس ع اخر موديل .. اگول لو امي عايشه حياتها مثل هاي وغيرها جان صار الي صار بيها .. امير .. الحمد لله والشكر كااافي گلبي مايتحمل بعد ولاتسمعكم .. درة .. صدگ حبيبي حضرت قائمة بالاحتياجات والمسواگ من ترجع جيبهم .. وعلاج امي هم راح يخلص .. امير .. صار من اطلع انطنياها .. درة .. ان شاء الله.. گمت نضفت المطبخ ورحت الامي للغرفه .. مخليه سجادتها وتصلي .. حتى بأصعب ضروفها مانست صلاتها .. كملت اجيت حضنتها .. شلونة الحلو .. ياقوت .. ههههه زينة شبيج يمة اليوم .. درة .. لا مابيه بس اشتاقيت الحضنج .. ياقوت .. ولج صايرة زعطوطة ولاتگولين راح تعرسين .. درة .. مااعرس اني .. ياقوت .. هذا حجي وين اكو رجال يصبر منتضر .. تزوجوا وكملي دراستج بعدين .. عرفت ذاكرتها خبطت بين الماضي والحاظر .. احسها تكابر وتقاوم وي عقلها بس هو اقوى منها .. درة .. بس بعدني ماشبعت منكم ومن حضنج .. ياقوت .. يمة هاي سنة الحياة كلنا تزوجنا وعفنا اهلنا وتعودنا .. درة .. زوجوا حيدر بالاول .. ياقوت .. يوم المنى بس كون يگول .. درة .. هو بباله وحدة رايدها ويستحي يگول لان ماصارله اشهر يشتغل وي امير .. ياقوت .. عليمن يستحي اخوه مايقصر وياه .. درة .. يله يوم گومي ارتاحي واني اگوم ادرس شويه وهذا علاجج مااخذتيه .. ياقوت .. والله لعبت روحي من الدوا .. درة .. الخاطري !! ياقوت .. دجيبيه يله .. اخذتة ونامت .. طلعت لگيت حيدر واگفلي بالباب .. -ها شكو -بشري حاجيتي امي ع الموضوع .. -شدعوة مستعجل هيج .. بعد النا هاي السنة والسنة الثانيه شيخلصهن .. -حيدر .. ع الاقل خطوبه شبيج .. وهي دوامها هنا شنو اليمنع تتزوج وتروح وترجع وياج . درة .. انتضر افاتح امير بالموضوع اني وامي ونشوف حيدر .. اي درو هو مايرفضلج طلب . درة .. الي يسمعك يگول رافضلك طلب .. ليش هو اكو مثل اموري !! خليني اگوم اكمل شغلي .. نزل علي .. درة ملابسي وسخات . درة .. تتدلل حبيبي نزلهم واغسلهم واكويهم الك .. غسلت ملابس وكويت قمصان حيدر وعلي وامير .. لان سدن متلحگ وي اولادها عبالك توأم .. رحت نمت ع الجربايه شويه .. العب بموبايلي .. اجتني رساله .. يالعانس كافي حسي ع روحج .. رجال متزوج شعندج كل شويه متصله عليه ماتستحين .. الرقم مو غريب عليه .. خمنت هاي حوراء بس ردت اتأكد .. اكيد خبله .. ليش منو الي مخابر ع زوجها .. تركت الموبايل ونمت شويه .. گعدت ع صوت الموبابل .. نفس الرقم .. الو .. انتي صدگ ماتستحين .. قلة زلم يعني وتركضين ورى يوسف .. مااخليج تخربين بيتي مثل ماخربتي بيت زينب درة .. هوب اوگفي .. مااسمحلج تحجين هيج .. روحي شوفي زوجج المن يخابر وتعاي احجي وياي .. وبعدين هالسؤال اسألي النفسج . قلة زلم ووافقتي ع يوسف .. حوراء .. گولي هيج تطلبين ثار يعني !" درة .. لو اطلب ثار من صدگ جان اني هسا ضرتج وگاعدة وياج بنفس البيت . بس سبق وان گتلج مو درة الي تجي ع ضرة .. ويله حبيبتي روحي ارمي بلاج ع غيري وكافي متصله لو دازة رسائل كل شويه .. رجال ووحدة ببغداد شتتوقعين مثلا .. وطبگت الجهاز بوجهة .. احس دمي يغلي .. منها او منه ماادري .. اتذكرت من رحنا البغداد وجان يخابر بنص الليل .. كنت اتوقع هذي حوراء .. معقوله يوسف عندة وحدة ثانيه .. بس بنفس اليوم اعترفلي بحبه . شلون هيج !! وليش مستغربة .. يعني هو ماناقصه شي وببغداد وحدة ومايقبل يرجع للديوانيه اكيد عندة شي .. بس شلون مافكر بأهلة ومرتة او بنته .. مااعرف ليش ضجت وغرت وعبالك اني زوجته مو حوراء او خايني الي .. رغم كلشي منتهي بينا .. بقيت اليوم كله افكر وضايجة .. نزلت سدن .. اووووف ظهري انكسر .. وج مو جهال عبالك قرود انوم واحد يگعد الثاني .. درة .. فديتهم حبايبي .. سدن .. شبيج صاير شي عمتي بيها شي .. درة .. لا مابيها ذيج گاعدة ع التلفزيون خليها تلتهي شويه .. وخابرت خاله ام احمد تجيها وماتگطع عنها لان اكيد هي الوحيدة الي ماتنساها ابد .. سدن .. خوش سويتي .. بس احس اكو شي .. درة تعلميني بيج .. انتي خلال ذني الاشهر الفاتن بقيتي صامدة والضحكة مافارگت وجهج .. جنتي ام واخت للكل .. شبيج احجي .. درة .. اعرف انتي الوحيدة الي تفهميني .. بس سؤال يوسف عندة وحدة ؟؟ سدن .. يوسف !! لا .. او ماادري ليش سألتي .. درة .. مااعرف . بس من رحنا البغداد شفت موبايله هواي يدگ وبالليل يخابر بالبلكونة .. وقبل شويه حوراء دزت رساله وخابرت تهددني اذا خابرتة مرة ثانيه .. معناها شنو؟؟ سدن .. وهاي شلون تخابرج ماتستحي اني اعلمها .. درة .. اتركيها اني هم ماسكتت عنها . وحقها ترى . تشوف زوجها يخابر وموبايله مايسكت . طبعا اول وحدة تشك بيه اني .. سدن .. وهسا انتي ضايجة عليها لو ع نفسج .. درة .. مافهمت !! سدن .. اعترفي غرتي عليه .. درة .. لا ابدا . او ماادري الصراحة .. سدن .. انتي بعدج تحبيه .. لهذا غرتي وماتوقعتي يتركج ويروح الغيرج .. حتى لو كان متزوج بس ماگدرت رغم محاولاتها انه تخليه ينساج .. فلا تعتقدين وحدة غيرها تجي وتاخذ مكانج .. يمكن نزوة او صداقه .. بس مو حب . اخوي واعرفه كلش زين .. درة .. مااريد اصير انانية .. بالعكس مالي حق اغار ولا اضوج .. لان الوكت فات بينا ومااعتقد شي يرجع .. وخاصه بعد وضع امي .. خليت عهد ع نفسي مااتزوج ولااعوفها ابد .. والصراحة مااتخيل نفسي قادرة انه احب بعد او اختار شخص اعيش وياه .. مشاعري حاليا متجهة الامي وبس .. اما بخصوص يوسف .. فراح يضيع نفسه ومرتة وبنته بنزواته ولو مااعتقد يوسف يخطي هيج خطوة اذا ماكانت جدية .. سدن .. اني اجرجرة بالحجي واعرف منه .. درة .. لا اياج .. يتوقع اني الي دازتج .. لاتتدخلين بحياته هو واعي وكبير مو جاهل تخافين عليه . اگوم اسوي عشا من وكت لايجون بيت ام احمد .. گلتلها عشاكم عدنا .. سدن .. مدام الجهال نايمين خلي اساعدج حتى نخلص من وكت .. للمغرب اجة امير جايب المسواگ .. صفيتة كله بالثلاجة .. والبقوليات بالكاونتر .. درة .. امير ماخابرت اخواني راح يجون العالم فشله .. امير .. اي خابرتهم اجو .. حضرت العشا واجو بيت ام احمد .. النسوان وحدنا والزلم وحدهم .. امي فرحت من شافتها .. وسوالف وضحك .. وبقن يتذكرن ايام زمان .. وامي ذكرت طفولتها كلها ماناسيتها ابد .. جانت تسولف .. وتحجيلنا عن طفولتها وشلون جانت ام احمد صديقتها واني جنت اسجل بالموبايل كلامها .. مااعرف ليش سويت هيج .. بس يمكن حبيت يبقى عندي ذكرى من حياتها .. حسيتها ارتاحت بجية ام احمد .. وطلبت منها اذا مو يوميه ع الاقل بين يوم ويوم تجين يمها .. لان اعرف ماراح تنساها .. ام احمد .. يمة عندي اقتراح الجن .. ليش ماتجيبوها يمي من ترحون للدوام . وهيج تونسني وادير بالي عليها اذا صار شي لاسامح الله .. درة .. امي واعرفها ماتقبل تطلع من بيتها .. وخاصه هالفترة ملازمة البيت حتى البيت الشيخ همة يجون يشوفوها . ام احمد .. جا اني اجي يمها .. درة .. صدگ خاله ؟؟ ام احمد .. اي خاله .. امج مو جارتي ولاصديقتي .. هاي اختي . ومن اشوفها هيج يتگطع گلبي . اني الحمد لله والشكر . عندي جنتي بالبيت وبنيه حبابة وادميه .. ومطمأنه ع بيتي يمها .. احجي وي ابو احمد ومن يطلع للشغل يذبني يمكم ويروح ومن يرجع ياخذني .. درة .. والله مااعرف شأگلج خاله .. ام احمد .. لاتگولين شي . اني مو غريبه .. بعد ماطلعوا .. حجيت وي اخواني .. مااعترضوا بس گالوا خاف زحمة تجي وتعب نفسها .. درة .. ماعندها شي بس تگعد يم امي .. اني من الصبح راح احظر الريوگ واطبخ الغدا . والبيت انضفه . سدن .. وجهالي عند امي . يعني مجرد تگعد ينها وتونسها .. امير .. الله كريم نشوف . احنه نسولف وحيدر يأشرلي .. فهمت شيريد .. علي .. يله اني اروح انام تعبان حيل .. تصبحون على خير .. ردينا كلنا .. وانت من اهل الخير . درة .. علاوي ملابسك كلها كويتها وعلگتهن ونضفت الغرفه .. علي .. تسلمين حبيبتي .. امير ماتجي يم امي شويه نگعد حتى لاتحس بالوحدة . امير .. اي جاي .. گمنا الغرفه امي .. شافتنا ابتسمت .. واني اگول عافوني وحدي هنا . ياقوت .. جا انتو جبتولي تلفزيون الحجرتي اگعد اباوع وحدي .. امير .. لا يمة مو وحدج بس حتى من تضوجين وانتي نايمة بفراشج تباوعين احسن من گعدت الهول . درة .. امير مدام امي گاعدة اريد افتح وياك موضوع . امير .. خير ان شاء الله. درة .. حيدر خابصني .. معجب ببنيه ويريد يخطبها ويستحي يگلك .. ياقوت .. اي يمة خلنا نزوجة واشوف ولده هم قبل… وسكتت .. امير .. ومنو هاي .. درة .. هلي صديقتي تعرفها انت . امير .. هاااا گولي هيج . من هيج مخليج واسطة . واحد اخوج والثانيه صديقتج ليش لا ههههه درة .. هههههه لا والله بس لان ادري يحبها صدگ ورايدها تدخلت . وبعدين البنيه هواي جاي يخطبوها وهو خايف تروح منه .. والا تدري بي انت جان شايل فكرة الزواج من باله . امير .. اي مو اني اگول . حيدر خلص عمرة مااتزوج ومااتزوج شخلاه هيج . والله عاشت ايدها الگدرت توگعه بحبها .. بس مو هي هاي صديقتج السمينه شعجبه بيها ههههه درة .. هههههه خلي يسمعك . اصلا هسا ضعفت علمودة وصايرة تخبل .. امير .. انتي شتگولين يمة .. ياقوت .. اگول نتوكل واخذ خالتك ام يوسف وبيبتك ام حمزة وام احمد ونمشي نخطبها .. امير .. خوش حجي . جيبلنا عنوانها المضبوط واني اخدجن واذا اتفقنا احجي وي خالي مرزا ونودي مشيه . طلعت من الغرفه .. لگيته منتضر يم الدرج . اشرلي بإيدة .. هااا بشري . اجيت معبسه وجهي .. ماقبل يگول وينا ووين العرس هسا مايشوف وضع امي .. ضاج وانقهر بس ماگدر يحجي وعبالك الفرحة وگفت غصة بگلبه .. مااتحملت ضحكت .. صفن بوجهي .. درة .. اشاقة وياك راح يودون مشية نسوان الاهلها . حيدر .. خررررب هبطتي گلبي .. يعني وافق .. درة .. اي وافق دروح بوس راسة وراس امي .. دخل للغرفه باس راس امي وراس امير وامير ناصب عليه وهذا ممصدگ فرحان .. نزلت سدن .. شكووو . درة .. الخبل مالتنا حيخطب .. سدن .. اي واخيراا امير .. طلعت بس اني اخر من يعلم ههههه . سدن .. لا حبيبي انت الكل بالكل بس هذا سر ماله علاقه بينا .. امير .. بس هاااا ماكو عرس هسا بس خطبه وحجز لان تدري بيت الشيخ حزانة على بيبي ام مرزا .. وفشله شتگول العالم علينا .. حيدر .. عمي كلشي مااريد بس نلبس الحلقات وهاهي . يله رايح ابشر الحب .. اميرر.. هههههه سرسري ولايعقل لو يصير عندة درزن جهال . خابرت هلي مشغول عود ردت اباركلها .. دزيت الها رساله ورحت نمت يم امي .. ثاني يوم .. گعدت من الصبح .. طبخت ونضفت وحضرت الريوگ .. وسدن هم خطيه ايد وياي وايد الجهالها .. اجت ام احمد .. فرحت امي من شافتها .. خلتيلهن الصينيه بالمطبخ مال ريوگ والقوري . وانطيتها علاج اني خاف تنتكس .. واخذنا امير .. ودينا الجهال البيت الشيخ . ومناك كل وحدة الجامعتها .. شفت هلي .. ولو زعلانة البارحة اتصل ومشغول هيج حيديران اخذج مني .. هلي .. ههههه يمة فدوة للي يغار . محد ياخذج مني وباستني بخدي .. درة .. عود مبروك .. هلي . هههههه الله يبارك بيج . من البارحة لليوم مانمت من الفرحة والقلق بنفس الوكت . درة .. عليمن هالقلق . هلي .. اخاف احد يعارض من عمامي انتي ماتعرفيهم . ليش كم واحد اجة الاختي الجبيرة وشلعوا گلبنا وتالي ابوي انطاها الهم يله ارتاح .. درة .. بس انني گلتي تختلفين . ابوج ماانطاها الهم الا لمن سألها وهي گالت اي ومقتنعه جانت .. وانتي اصلا ماتحبيهم ولاترديهم فمااعتقد يجبرج .. هلي .. اي صح بس ماادري ليش خايفه .. درة .. عوفينا من هالحجي .. باعي دور حصير حماتج يعني تحضري للعذاب .. هلي .. اي عاد كلش . لو بيج حظ جان گدرتي الزينب . ادري بگلبج الطيوب راح يحبني مثل ميحب سدون .. درة .. هااا بدت الغيرة . ذبج مناك وانتي منا . هلي .. هههههه لا اشاقه كلنا اخوات ان شاء الله درة .. ان شاء الله. بس وضع اني الكاسر گلبي والا كلشي تمام وحياتنا حلوة .. هلي .. زين متتحسن ع العلاج . درة .. العلاج مو يعالج وانما كلها مضادات ومهدئات حتى تهدء وتنام من تجيها النوبه .. خاف تنتكس . هلي .. الله يساعدها ويساعدكم . صح ماعرفتها هواي وماشفتها بس مرة . بس دخلت گلبي من سوالفج عنها .. هواي تعبت وحاربت حتى تكبركم وماشاء الله كلكم خريجين وواصلين بفضلها .. درة .. فعلا .. تعبت هواي هي وامير هم اتحمل المسؤوليه من صغرة .. واحس اجة دوري هسا ولازم اتحمل المسؤوليه عنهم اثنينهم .. هلي .. اذا الله كتب الي اجي يمكم راح نتعاون كلنا ونشيل المسؤوليه سويه .. درة .. حياتي ادري بيج ماتقصرين . وحضنتها .. بعد كم يوم اتفقن امي والنسوان يرحن يخطبن هلي . واني وخليت نفسي وياهن بعد مااتعذرت بيبي ام حمزة بسبب ضغطها .. رحنا البيتهم .. امها وخالاتها رحبن بينا . بس عماتها اثنين معبسات . اني انطيت خبر الهلي بجيتنا .. شويه واجت هلي تسلم لابسة فستان وفاتحة شعرها . طالعه حلوة .. سلمت علينا وگعدت يمي . ايدها جانن ثلج من التوتر . حجت امي .. وجانت عيني عليها . رغم خوفي . لكن كلامها ورزانتها هي نفسها .. مااتغيرن .. كملت خاله ام يوسف عنها ماردناها تتعب .. وگالت .. عيني البنيه صديقة بنتنا وتعرفها وتعرف اخلاقها لهذا اجينا وخطبناها . واذا تردون اسألوا علينا بيت الشيخ مجبل بالديوانيه .. واهل الولد وعشيرتة بـ….. . ام هلي .. والله دادة اني اجيت وي هلي بخطبة درة وشفتكم وشفت ضيافتكم ناس ونعم الناس . والولد اني هم شفته وصلنا للگراج من رجعنا . ولد حباب ومؤدب وصاحب السان حلو واخلاق . بس تدرون احنة هنا عشاير والقرار بيد اهلها وعمامها . احجي وي الحجي ونرجعلكم خبر ان شاء الله. عمتها .. اي بس ماگلتوا الولد شنو يشتغل شمخلص شعندة ماعنده .. درة .. اخوي خريج ويشتغل وي اخوي الكبير عندهم معرض سيارات وورشة وحالتنا زينة والحمد لله .. عمتها .. انتي اخته !! درة .. اي . حسيتها ضاجت لان حجيت اني .. بس مااتحملت نضراتها النا من فوگ لجوة وكأنه هي احسن منه .. طلعنا منهم .. صار ابوهم بوجهنا .. سلم ودخل جان رجال معگل ووقر .. ووياه اثنين ولد جانوا واگفين يم امير وجايبيلة مي وعصير لان بقى بالسيارة خطيه .. امير .. ها نمشي .. امي .. اي يمة . سلم عليهم ورحنا .. امير .. ها بشروا .. ام احمد .. والله الام حبابه وخالاتها بس عماتها ماادري شبيهم . خلصنها اسأله علينا وماعجبهن العجب . امي .. شعلينا بيهن خيه اني عجبتني البنيه كلش . واگول وين شايفتها طلعت جايتنا .. اگلك يمة ماتاخذنا نزور بسرعة مادامنا وصلنا . امير .. مو تتدلل ام امير .. زرنا ورجعنا للديوانيه بالليل .. وصلنا الكل البيتهم واحنه اجينا للبيت .. لگينا حيدر جايب عشا من برة وبيبسيات وخابص الجو . امير .. ها خير اليوم حيدر فاتح جيسه شعجب . سدن .. ههههه هاي حجي نسوان جابلنا عشا اذا خطبه وعقد شيسوي .. حيدر .. طبعا انتو مو وجه نعمة .. فتحت الجيس علمودكم واني رجال متضرر وراي عرس ومصاريف وتالي تقلدون .. ياقوت .. لايمة ينطيك العافيه والله يفرحك ويتمملك على خير بجاه النبي .. اجة يركض وحضن امي .. ليش هو اكو ام مثلج . انتي وجه السعد علينا ياقوتة .. ياقوت .. شو ماتستحي ولك صاير .. الله ذكرتني بعمتي من تصيحلي ياقوتة .. وحتى حاكم جان كله يگلي ياقوتة .. وگعدت تحجيلنا قصه حبها الابوي وشلون فتحت عينها عليه وماشافت غيرة .. ذكرياتها الماضيه طغن على عقلها وجاي يحذفن الحاظر منها .. وكأنه الماضي مسيطر عليها كليا . حتى اكثر كلامها صار عن الماضي وحياتها السابقه .. تعشينا وانطيتها علاجها ونامت .. درة .. بعد ممنوع تذكرون الماضي يمها . جاي تنتكس من تتذكر ماضيها.. حيدر .. واني شحجيت .. درة .. اعرف حبيبي ماقصدك بس شفت كلمة وحدة اثرت عليها وقلبت الامور .. بعد يومين خابرتني هلي تبجي .. شبيج ليش تبجين .. وج درة عمامي عارضوا وتعاركوا وي ابوي ويگلوله متيه بنتك بالديوانيه وجابتلنا واحد مناك واجت .. درة .. وهمة شعليهم عندج ابو هو الي يقرر . هلي .. ابوي رجال جبير وماله خلگ مشاكل . بس همة يتعمدون يسون هيج شلون رفضت ابن عمتي بحجة الدراسة .. درة .. ياعمتج هاي الي حجت من اجينا .. هلي .. اي هي . درة .. اگول ليش هيج حاميه علينا . هلي .. اي هي من طلعتوا گامت تحجي وتگلي اكيد عندج علاقه بي وهو اخو صديقتج والله العالم يمكن حتى البيتهم رايحة .. درة .. گبر هاي شلون هيج تطعن ببنت اخوها .. ولو مو غريبه هالوكت الاخو ضد اخوه الله يستر من الجايات. هلي .. فهميني هسا شأسوي .. ومااگدر احجي وي حيدر شأگله مااتحمل .. درة .. اسكتي هسا لاتضيعين فرحته .. وهو مادامج هناك عند اهلج مايتصل يخاف عليج .. بين ماتهدأ الامور والله كريم .. هلي .. ادعيلي درو راح اموت . لااگدر احجي ولااگدر ابجي يمهم هسا يگولون كلام عمتي صدگ . درة .. صيري قويه ولاتضعفين وداعتج اذا حيدر قسمتج لو الدنيا كلها توگف بوجهكم محد يگدر يفرقكم.. هلي .. ان شاء الله. يله راح اسدة خاف يجي احد. . ماگدرت احجي وياه واني اشوفه فرحان ويخطط شيلبس بالمشيه وشيلبس بالعقد ومنو يعزم ومنو ياخذ .. سكتت بس السكته طولت .. وهلي لا موبايل يدگ ولاتجي للدوام .. خفت لا اهلها عرفوا شي ومنعوها من للدوام .. واخذوا موبايلها .. حيدر متخبل وكل يوم يجيني للجامعه عباله مداومة وماكو .. اضطريت وسولفتله كلشي .. تخبل ويلوم بيه لان سكتت وگام يحجي عليه .. اخذني ورجعنا للبيت گبل . يمة يمة وينج .. ياقوت .. شكو .. ام احمد .. ياخاله شبيكم شصاير .. حيدر .. خابري ام هلي هسا وشوفي جوابهم شنو . واطمأني عليها .. ياقوت .. شصاير غير تگلي .. درة .. هلي صارلها كم يوم ماتدوام وموبايلها مغلق . طلعت امي موبايلها وگلت .. تعاي درة طلعيلي رقمهم مااعرفه .. طلعتة واتصلت . سلمت امي وحجت وياها .. بس وجهة مايتفسر .. سدتة .. حيدر .. هاااا شگالوا .. ياقوت .. المرة مبين مستحيه . وتگول البنيه عمامها رادوها وماقبلوا ينطوها .. واعذرونا ماكو قسمة .. حيدر .. انعل اهلهم والله .. هي منين الها ولد عم ماكو غير ابن عمتها الكيكي هذا .. درة .. اي صدگ هي ولد عمها كلهم متزوجين واخرهم ماخذ اختها .. حيدر .. هسا شسوي فهموني . اروح اگلب محافظتهم عليهم شسوي . درة .. اهدأ شبيك .. اني الي يهمني هلي . ليش جهازها مغلق وماتداوم .. لازم اكو شي . حيدر .. گومن روحللهم مرة ثانيه . ياقوت .. يمة هي هينة نروح . شنگول وهي ختمتها من الاخير . هم يفشلونا ونطلع .. حيدر تعصب وفرفح وطلع مو البيت .. خابرت امير .. الو امير شوف حيدر وين طلع عصبي لا يتهور . امير .. ليش شكو ؟؟ سولفتله الي صار .. گال هينة عوفيه وراي .. امي مااتحملت وگامت تبجي وتگول ليش حظ ولدي هيج لازم يتعذبون يله ياخذون الي يريدوهم.. ام احمد .. كلشي بالقسمة خيه . ياقوت .. جا قسمة هاي البنيه وين . اخاف يصير عليه شي وتبقى هيج .. درة .. يوم شبيه اني كافي وجودي يمج ويم اخوتي . وعندي دراستي ومستقبلي وشهادتي اخذها هاي كلش كافي .. گمت من يمهن مااتحملت . حسيت معاناة حيدر وهلي نفسها معاناتنا اني ويوسف . اخاف يصير بيهم مثلنا . اني مرت سنين ولسا الجرح يوجع گلبي .. شلون راح يگدر حيدر يتحمل هالوجع .. دگ الموبايل .. رقم هلي .. رديت بسرعه .. درة ..هلي شلونج قلقتيني عليج شبيج .. هلي .. سمعت من امي مرجعيلكم خبر وردت اسأل عن حيدر شلونه .. درة .. يعني شلونة تعصب وگلب البيت وطلع حالته ماتسر لا عدو ولا صديق .. هلي .. سودة عليه . درة .. دور انتي غالقه جهازج وماتداومين خاف عليج اكثر هلي .. جنت مريضه من تعاركوا عمامي وي ابوي وحلفوا ماينطوني تخربطت وگطعت الاكل مدري شبيه حتى امي گالتلي لازم هاويته الهيج صار بيج . واخذت جهازي مني وغلقته خافت من ابوي وعمامي . بس هسا توسلت بيها يله انطتة الي .. درة اني مااگدر اخابر حيدر . طمنيه انتي عليه .. وگليله لايتصل ابد . لان العيون كلها عليه .. درة .. هاهي حبيبتي المهم انتي بخير . بس لاتگطعين عني اتصلي والمحاظرات استنسختهن الج كلهن . هلي .. شكرا يروحي . اني هم احجي وي امي واداوم بلكي من اشوفه ارتاح .. درة .. ان شاء الله. الله يهدي النفوس ويجمعكم .. غلقته وخابرت حيدر بسرعه وطمنته عليها .. حيدر .. تحجين صدگ . وشگالت واهلها خو مامسويلها شي .. درة .. لا بس جانت مريضه .. وهي اصلا راح تداوم الاسبوع الجاي وافهم منها .. حيدر .. الحمد لله . الله يريح بالج مثل ماريحتي بالي .. درة .. امين يروحي .. لليل اجة هو وامير .. جان هادي ومرتاح امي حجت وياه وهدأته هم .. اقتنع شويه .. وخاصه بعد ماداومت هلي وشافها .. جانوا مثل عصافير الحب .. جنت ادعي حتى بصلاتي ينجمعون ومايفترقون .. مشت الايام عادي .. كل واحد ملتهي بدنياه .. امي نفس وضعها ساعه زينة وعشر ساعات بعالم ثاني . والاهم من كل هذا . زاد تعلقها بيه .. بحيث من تنتكس تبقى لازمتني وماتعوفني .. حتى دوامي هملته وبس وقت الدوام اروح .. علي على وضعه يجي من الدوام يخلصها بغرفته . اعرفه متدهور بعدها ويحبها بس يكابر .. صعدت اله .. ها حبيبي الى متى تبقى هيج .. علي .. ماادري . گلبي يحن بس عقلي يكرها ويحقد عليها بعد الي سوتة .. درة .. صارلكم اشهر يعني اكيد عرفت غلطها كافي تكابر الخاطر جنه .. لو بنتك الي مابقى شي وتجي ع الدنيا علي .. خايف اسامح وارجعها والگاها ع نفس سوالفها وتعذبني وياها .. درة .. الخاطر بناتك .. واحنه مانريد شي منها . وحتى امي رتح تجي العطلة واني يمها مااخلي احد يتقربلها .. علي .. عوفيني هسا درة خلي كلشي بوكته .. درة .. براحتك حبيبي الي يريحك سويه .. نزلت اخذت كتبي لان عندي امتحانات وگعدت يم امي اقرأ .. اجت سدن ووجهة مخطوف .. درة .. شكو .. اشرتلي اطلع من غرفه امي .. طلعت الها .. جانت عيونها مليانات دموع .. درة .. شبيج . خوفتيني . سحبتني للبراني .. وج يوسف .. من گالت يوسف . احس رجلي جمدن .. درة .. ش شبي. سدن .. يوسف عساس ينزل مثل كل مرة الخميس غير . وهاي اليوم سبت وماله حس ولاخبر . درة .. خاف بقى هناك عندة شغل .. سدن .. موبايله مغلق وخابر ابوي الجماعته ببغداد گالوا نزل من الخميس . امي خابرت وراح تتخبل . الكل هناك مجموعين ببيت اهلي . وامير هسا خابرني گال جاي اخذج .. هي تحجي واني احس طنين بأذني وغواش بعيني مااتحملت .. المصايب ملتفه عليه من كل جهة .. وزادتها مصيبة يوسف .. وگعت من طولي .. صحيت وسدن تارستني مي وتضرب بخدي .. مااتحملت بجيت .. درة .. وج اني مصبرة نفسي على فراگه لان اسمع اخبارة ومرات اشوفه .. متحمله ودايسه على گلبي بس لان راسه يشم الهوا . لاتگليلي بي شي . اموت وربي اموت مااتحمل .. سدن .. وج عيني ادعيله ادعي يرجع ومابي شي . اخر مرة خابرني گال مشتاق الايه وخاصه هسا متعلقه بي وتصيح بابا .. درة .. كافي لاتفاولين كافي . مابي شي . اي اني حاسة مابي شي گلبي يگلي هو بخير لو صاير شي جان حسيت اي حسيت .. يوسف مايعوفني ادري بي مايخليني بحسرة شوفته ويروح . صح القدر فرقنا بس ادري بي مايتحمل يعوفني .. احجي وابجي بحرگة .. اندگت الباب . ركضت الغرفتي . ماردت امير يشوفني بهيج حاله . قفلت بابي وفتحت كنتوري . وطلعت صندوگ صغير محتفظة بي بذكرياتي . بقيت اشم بيهن وابوس واتحسر على كل يوم ضيعته دونة وبعيدة عنه .. أرجع الي فإن الأرض واقفة .. كـأنما الأرض فرت من ثوانيهـا .. أرجع كـما انت صحواً كنت أم مطراً .. فما حياتي انا إن لم تكن فيهـا !! بقلمي_الكاتبة_شمس يتبع .….. |
//// البـارت الثانـي والأربعـون //// عجـاف_القلـوب .. الكاتبـة_شمـس .. كان هناك ﺷـئ جعلنا نصمت عندما افترقت ايدينا وهذا كان كبريائي .. عندما اقول لك اذهب وعندما اقول انسانـي !! كان هناك ﺷـئ يؤلمني وهو روحي قلت لك الا تتصل ولكني انتظرت اتصالك كذبت عليك عندما قلت لااحبك قول لي كيف لااحبك؟ وانت روحي .. وقلبي الذي ينبض .. كل يوم انا من اجلك… بكيت وكل يوم تمتلئ وسادتي بدموعي عليك .. كنت احاول ان اقنع نفسي بفراقك .. لكن حـبي يفوق قناعتي وارادتـي .. احببتك رغم علمي بانك لن تكون لي .. احلم فيك بمناماتي وغفواتي... قلبي لازال يتألم ويطلب قربك .. فلا تتركنـي وتترك قلبي وحيدا غريبا ومحطما .. گعدت بين ذكرياتي وياه .. والي بيهن مشگگات وراجعة لازگتهن .. ساعة الغضب اشگگ .. وسرعان مااندم وارجع الزگهن .. اندگت الباب .. امير .. درو .. درو .. ماگدرت اگوم واني بهيج حاله .. مااريد اخوي يشوفني واني ابجي ومتحطمة ع شخص لاهو زوجي ولاهو خطيبي .. لكن هو حبيبي وهذا اكبر من اثنينهن .. حبيبي الي حبيته من الصغر واخذتة الايام مني والسنين ترعرت وكبرت على حبـه وماگدر واحد ياخذ مكانة .. سمعت صوت سدن وهي تگله .. عوفها امير هي عندها علم راح نطلع .. عافوني وراحوا .. هناك الكل راح واحد يواسي الثاني .. بس اني منو يواسيني بفقدان گلبي وروحي .. وينك حبيبي .. شلونة حالك هسا .. هم تذكرني .. هم تگول شراح تسوي بغيابي .. جنت اجذب على روحي من اگول نسيتك .. اني مستحيل انسى كل شي صار بينا .. حياتنا وذكرياتنا وايام المزرعة ويوم خطبتنا .. كلها محفورة هنا .. هنا .. واضرب ع صدري .. اجتني رساله من امير .. مسحت عيوني وفتحتها .. ( درو لاتخلين امي تدري گليلها راحوا معزومين ) . طلعت من الرسائل واخذتني ايدي ع جهات الاتصال .. گمت ابحث ع رقمة وادور .. كاتبة عليه .. الماضي .. بس جنت اضحك ع روحي بهذا الاسم .. هذا الماضي والحاظر مالتي .. حذفت الاسم وخليته بس رقم .. هاي الارقام الي حافضتهن صم ع گلبي . مثل حروف اسمي .. سمعت حركة بالبيت .. لميت كلشي وگمت .. مسحت وجهي وطلعت .. شفتي امي .. -ها يمة شو البيت فارغ .. درة .. اي ماكو احد سدن راحت الاهلها هي وامير معزومين .. وحيدر بالشغل وعلي نايم فوگ .. ياقوت .. علي شبي شو دوم ضايج .. صاير شي بينه وبين مرتة .. درة .. لا ماكو شي بس يمكن اشتاقلهم .. ياقوت .. جا همة وين عنه .. درة .. مو الدكتورة گالتلها لازم ترتاحين وهي راحت الاهلها هناك وتدرين بعلي يستحي يروح لهناك .. ياقوت .. جا هي شبيها .. درة .. حامل . ياقوت .. يا صدگ الحمد لله ربي . واخيرا راح يجيه طفل ويفرحني .. مدري ابجي على امي ومدري ابجي ع يوسف الي ماكو خبر عنه .. سويت جاي وكعك الامي وخليته يمها ورحت خابرت سدن يدگ يدگ وماترد .. واني گلبي نار .. نزل علي .. سلم على امي .. صاح درة .. سويلي جاي .. سويتله جاي وكعك وگعد يم امي ياكلون .. ياقوت .. مريتك حامل يمة بالخير ربي يتممها عليكم ان شاء الله وباسته .. هو صافن بس افتهم الوضع .. اشرتله من يكمل يجي للمطبخ .. گوة واگفه ومصبرة ع نفسي .. كمل واجة .. ها خير اشوفج مامرتاحة صاير شي .. درة .. مااعرف شأگلك .. بس يوسف مختفي علي .. شنووو يوسف وين مختفي غير هو ببغداد درة .. المفروض ينزل الخميس مثل كل مرة واليوم سبت وماكو خبر عنه .. وجهازة مغلق .. وجماعته ببغداد يگولون نزل ومحد يعرف وينه .. علي .. لا ان شاء الله مابي شي .. اني ابدل واروح اشوف بلكي اكو خبر .. بدل ونزل بسرعه سلم وطلع .. حتى استحيت اگله طمني .. گمت ادور شغل حتى التهي وماافكر .. طلعت كتبي اريد اقرأ مااركز .. خابرت الهلي وابجي .. هلي .. شبيج درو صاير شي حيدر بي شي .. درة .. لا اسم الله .. بس يوسف .. هلي .. شبي ؟؟ سولفتلها عليه .. هلي .. بعدج تحبيه مووو . درة .. مااعرف بس فقدانة صعب عليه . جنت مااهتم وحابسه بگلبي لان هو بخير وموجود . بس هسا احس بندم كبير .. شگد حاول وياي ورادنا ننجمع فكرت بكبرياء وعاندت وقبلت بغيرة حتى انساه بس الله ماوفقني .. هلي .. لاتگولين هيج .. انتي شنو ذنبج . هو الي باعج بالاول .. او يمكن احنه هيج ماعدنا حظ بالحب .. ساعات اباوع النفسي واگول بس لانصير مثلكم انتي ويوسف وارجع ادعي وابجي .. درو لاتخافين صلي وادعيله وان شاء يرجع .. درة .. ان شاء الله.. هلي .. يله حبي مااعطلج خاف يخابروج خليج قويه وادعيله .. رجعت دگيت ع سدن .. ردت .. الو ها سدن ليش متردين قلقتيني .. سدن .. جنت انوم بالجهال شلعوا گلبي .. درة .. ماكو خبر .. سدن .. درو ادعيله انتي اكثر وحدة تحبيه ادري . بلكي دعائج مستجاب ويرجعلنا .. وج حتى سيارتة مختفيه مالها اثر .. هسا لو اسم الله حادث جان عرفنا من زمان .. درة.. ان شاء الله يرجع ومابي شي .. سمعت صوت يمها وحدة تصيح وتحجي .. شعندها مخابرة ماتستحي تسأل على واحد متزوج قابل هي مرتة .. سدن .. كافي ولج استحي . رجلج مانعرف وين وانتي تعاركين . حوراء .. انتي گلتيها رجلج يعني مو رجلها . بعد لويش تخابر وتسأل عليه .. درة .. يله سدن روحي مالي خلگ اسمع صوتها . واذا سمعتي خبر گليلي .. بقينا كم يوم واحنه مانعرف خبر عنه .. خالي ماخله مكان ماراحله حتى البغداد راح وماكو .. الكل يأس .. الي گال بعد مايرجع .. والي گال انقتل .. كل شويه يحجون شكل .. لان فعلا جانت بغداد خطرة بذاك الوكت واكو ناس تخطف وتنقتل ع الطريق وتصفيات مامعروفه .. الكل گطع الامل الا انـي .. لان احسة عايش ويشم الهوا .. اروح للامتحان امتحن واني مثل الجثة حتى وجهي تعبان من البجي وسهر الليل والتفكير .. جانت هلي تواسيني بس اني بعالم ثاني .. ارجع البيت فارغ بس اني وامي واخواني ليل ونهار لو بالشغل لو ببيت الشيخ .. واني ابقى ناطرة خبر وماكو .. امي ساعة تذكرهم وتگول وين .. وساعة بعالم بعيد عنا وتسولفلي ع ماضيها الي حفظتة وحفظت آلامها ومعاناتها كلها .. مر اسبوع وماكو خبر .. كملت شغلي ورحت تمددت ع الجربايه .. والموبايل بيدي .. عسا وان واحد يخابرني ويطمني . جان النت هستوة متفعل بالديوانيه .. وجنت دوم اراسل سدن .. وتجاوبني بجمله وحدة .. لسا ماكو خبر .. هاي الجمله ع گد ماقرأتها كرهتها .. واتمنيت تگلي .. لگيناه لو رجع .. جاي اكتب مثل كل ساعه ادز بيها رساله .. ودگ عليه رقم غريب .. تفاجأت .. واني اصلا ماارد على ارقام غريبة .. بس گلبي رجف الهاي المكالمة .. رديت وسكتت اريد اعرف منو الي متصل .. سمعت صوتة شهگت .. يوسف هذا انت .. اي حبيبتي اني .. ماحافظ اي رقم بس رقمج الهيج خابرت .. يروحي انت وينك الكل يدور عليك .. متنا من القلق وينك انت .. لاتخافين يعمري اني زين بس اخذوا كلشي مني . لا سيارة ولا جنطة ولا موبايل ولافلوس كلشي ماعندي . دزيلي رقم امير او ابوي خلي اخابرهم .. درة .. اي صار يعمري صار الحمد لله والشكر يارب .. سديتة بسرعه ودزيتله رقم امير .. جانت ايدي وجسمي كله يرجفن مااعرف من الفرحة لو من التوتر .. دموعي تنزل وماوگفن .. رجعت خابرت ع امير .. لگيته مشغول .. بسرعه اتصلت ع سدن .. جنت بلا وعي واصيح .. سدن خابرني يوسف خابرني هو بخير وانطيته رقم امير لايشغل موبايله خاف يخابرة .. سدن .. عليج الله وين هو هسا وشلونه .. درة ..ماادري ماادري راح يخابر امير المهم بخير هو .. گمنا نبجي اني وياها ونحمد الله ونشكرة .. سدن .. من سمعت مخابر درة .. گمت اگمز بالبيت كله واصيح .. يوسف عايش يمة يوسف بخير .. الكل اجة للهول .. ابوي .. شمدريج خابرج .. ووين هسا سدن .. لا مخابر الدرة ورايد رقم امير .. امير لاتشغل جهازك واح يخابر .. دگ موبايل امير .. رد بسرعه .. الو ها اخوي .. ولك كسرت ظهري بعلي وين انت هسا .. بقى يسولف وياه تالي عصب وگال .. ماعرفتهم منو والله ننعل اهلهم .. ابوي .. انطينيا خلي افهم منه .. الو ها يبعد ابوك . ولك ليش هيج هديت حيلي .. وين انت .. ابقى بمكانك واحنه جاييك .. سدت الموبايل .. يله بويه حظروا سياراتكم خلونا نروح .. ام يوسف .. ابني وين مرزا .. وشبيه مرزا .. خاطفيه جماعه ومعذبيه وشامريه بس كلشي ماخذين منه والناس ماخذتة للمستشفى .. هسا راح اخابر جماعته يرحوله بين مانوصل .. راح ابوي وولد عمامة وامير وعلي بسيارتهم .. وبقينا احنه ننتظر الاخبار .. اجت حوراء شايطة .. اخوج شلون يخابر هالـ…… . ليش ماخابرنا النا .. لو الا يطمن حبيبة الگلب . سدن .. اعقلي حوراء مو وكت هالحجي .. المهم سلامتة ورجوعة النا .. وجايز ماحافظ ارقامنا .. حوراء .. عساه لا رجع .. سدن .. يمة اسم الله . عساج انتي ليش هو .. ام حمزة .. الله لاينطيج على هاي الدعوة .. حوراء .. يستاهل هاي حوبتي بي . عبن ماحبني بگد ماحبها . وهسا يخابرها قبل مايخابرنا لو ميت ولامخابرها .. ام يوسف .. لاتختبرين صبري حوراء .. المثلي ام . تگطعج لان تدعين على ابنها .. بس فرحتي برجعة ابني ماتخليني احط عقلي وياج . بس مو معناها اسكت لا . خلي تهدأ الامور وحسابج بعدين .. حوراء .. قابل تخوفوني .. شتسون سو ابنكم يحب ويتمعشگ وتجون عليه .. سدن .. ترى محد جبرج تاخذيه اشو كتلتي روحج عليه وتدرين بي يحبها ويريدها .. وسويت المستحيل وبعدتيهم عن بعض .. ليش ماتگولين حوبتهم الي ماخلتج ترتاحين وياه .. ماتشوفيه هج وراح البغداد . اذا اني كم يوم مااتحملت وجودي وياج .. الله يساعدة هو .. سكتتني امي .. وبيبيتها حجت عليها . همزين امها ماهي جان صفطت وياها وسون مشكله شكبرها .. عماتي كلهن اجن من سمعن الخبر .. والبيت انترس ناس والكل اجة يباوك ويهنئ برجوعه .. درة .. ماصدگت من خابرني .. صح صوته تعبان ومبين بي شي بس المهم سالم ورجعلي بخير .. تذكرت من يگلي اي حبيبتي اني .. اروح فدوة الاسمك .. ماناسي رقمي .. وحافظة بس هو .. احمد الله واشكر الي خلاني مااغيرة . جنت مقررة اغيرة بعد طلاگي من مهيمن .. جانت الفرحة ماسايعتني .. ودموعي مابطلن . مدري شبيهن . يمكن من فرحتهن مايقبلن يوگفن . كل شويه اخابر سدن اشوف وصلوا لو لا .. وتگلي بعدهم .. مااگدر ابقى گعدة بمكاني .. گمت اسوي حلويات وكيك اريد الهي نفسي .. واخذني الواهس .. وترست الكاونتر حلويات .. شكرلمة وكيك وبسبوسة . حجيت وي سدن اذا عادي اجي يمهم .. گالت البيت بيتج جيبي عمتي وتعاي .. خابرت حيدر يجي ياخذنا .. واخذت الحلويات ورحت .. قبلها ان انطيت علم الامي حتى ماتكون امام الامر الواقع وصلنا ودخلت امي تهلهل رغم انقهرت حيل من سمعت . وخالة ام يوسف گابلتها تبجي .. انطيت الحلويات لسدن .. گالت راح اقطعن ونقدمهن بماعين لان كلها هنا جايه تبارك .. ساعدتها بالمطبخ .. وسويناهن كل ماعون قطعه كيك وسمبوسه وشكرلمة وزينا على عصير جاب حيدر كارتونين .. خالاتي وگرايبهم ياكلن ويسألن منو مسوي هذا طيب . شبسرعه سويتن ووين لحگتن .. سدن .. هاي درة سوتهن وجابتهن السلامة يوسف .. ابتسمتلها .. گاللي عاشت ايدج كلش طيب .. نزلت حوراء جانت فوگ وسمعت الحجي وشافت الحلويات امها جانت گاعدة وتخوزر علية . وگامت يمكن هي الي گالتلها .. حوراء .. ماتستحين انتي . عينك عينك مسويه حلويات وتوزعيهن الحبيبيج القديم .. سدن .. حوراء . احترمي نفسج واسكتي احنة وين وانتي وين .. حوراء .. لا مااسكت . بوكاحة عين وجايه لهنا ع عنادي . ادري بيها العانس محد يگلبها ورجعت تتمعشگ وتسولف بنص الليلي الرجلي وتقشمرة وتاخذة .. والدليل اول مااتصل بيها مو بينا.. مااتحملت وفاض صبري .. اسمعي وج عاذرتج واگول حقها بس مال تتجاوزين مااسمحلج .. جان احترمتي النسوان الگاعدة .. ولو اريد الكل يعرف يوسف كم مرة خطبني واني رفضت جان اخذتة ولااحجي وياه بالتختل .. الحمد لله كلها تعرفني وتعرف تربيتي .. واذا ع المخابرة .. فلا تنسين احنه جنا مخطوبين ونسولف سويه ونتخابر واكيد حافظ رقمي لسا .. ولان ماحافظ ارقامكم خابرني .. ولو تحبيه صدگ .. جان فرحتي الرجوعه لو دعيتي اله يجي بالسلامة بدل هالحجي .. سدن .. لا هي فالحة تدعي عليه ماتدعيله .. درة .. يله ماما خلي نروح . ام يوسف .. ياخاله سودة بوجهي احسبيها عليه .. معليج بيها .. فاطمة .. بعد اتوسلي بيها فوگ مابنتي صاحبة حق ترحين تعتذرين هي منو جنتج هاي لو هاي . ام يوسف .. كافي فاطمة شنو من بشر انتن ضيعتن فرحتي بأبني .. فاطمة .. لا عيني ليش نضيع فرحتج . اصلا الصوج بيه مخليه بنتي عند واحد مايتساهلها .. يله يمة لمي غراضج وتعاي . بيت ابوج مفتوح شنو هالذله .. وبنتة يحلم يشوفها بعد .. ولو هو اصلا ماحاس عندة مرة وبنت . خلي يتأدب يلة ترجعله .. سدن .. وعساها لاترجع شو مانات علينا فوگ شينها گوات عينها .. ام يوسف .. كافي فضحتنا منا نسوان .. الي يريد يروح يروح مالازمتة عندي رجوع ابني بالسلامة يكفيني عن الدنيا كلها .. حوراء زعلت واخذت ملابسها وبنتها وراحت الاهلها .. مااتحملت اشوف الكل يباوعلي وكأنه اني السبب فعلا معقوله اني الي غلطانه . لان مانسيت حبيبي الي اخذوه مني وحرمونا من بعض غلطانه لان فرحت برجوعة حالي حالهم .. غلطانة لان ماگدر ينساني وخابرني اول وحدة .. شنو الذنب الي اذنبتة غير حبي اله .. رجعنا اني واني للبيت بعد ماحاولت سدن وخاله ام يوسف ويانا .. مااتحملت اشوف نضرات الكل الي بعد ماحوراء تمسكنت وبجت وكسبت تعاطف الكل .. وطلعت اني المخربة بينهم .. امي هم تعبت وماتتحمل .. سوينا عشا وتعشينا بس اني وياها .. انطيتها علاجها ونامت .. وبقيت اني اترقب الموبايل .. شوكت تخابرني سدن وتگلي رجع .. للعشرة باليل اجت رساله صورة .. من سدن .. مصورتة الي وگاتبة .. هستوهم دخلوا للبيت يروحي هاي شمسوين بيك .. كسر اديهم ان شاء الله.. وجهة ازرگ ومورم .. ومتكي ع امير وواگف .. جانت بوجهة ابتسامة خفيفه . بقيت اتمعن بالصورة وممصدگة .. گمت توضيت وصليت صلاة الشكر .. انتضرت شويه وخابرت سدن .. الو سدن شنو هاي شمسوين بي .. سودة عليه سدن .. الحمد لله المهم رجع . سمعت صوت يمها .. اذا خايفه عليه هيج ليش ماانتضرتيني هنا .. جمدت بمكاني .. سدن گالتله .. اجت وسوت حلويات السلامتك . بس… .. قاطعت كلامها .. وگلتلها . سدن مو وكته هالحجي . سكتت .. يوسف .. صاير شي شنو . سدن .. لا عمتي تعبت واخذتها وراحت .. يوسف .. هاااا سلامتها . بس مطلوبة زيارة مريض واجب لازم تجين .. مااتحملت اسمع صوته واني بعيدة عنه . لو هسا متزوجين ماكنت يمة واداريه بيدي واعتني بي . درة .. يله سدن بعدين اخابرج .. سديته منها .. وذكرت هلي .. نسيت اخابرها .. اتصلت عليها.. لو هلي يوسف رجع .. هلي .. اي حيدر گالي حمد لله ع سلامته حبي . درة .. اي عيني ليش لا عندج من يجيبلج اخابر .. ههههههه الله يسلمج حب . اشاقه وياج ربي يجمعكم ومايفرقكم .. هلي .. امين يارب . ادعيلي مثل مادعيتي اليوسف ورجع درة .. والله ادعيلكم .. هلي .. وين جنا وين صرنا .. هسا الضحكة متفارگ صوتج .. درة .. اوووف هلي شسوي اصبر روحي ادري بي حلم مستحيل يتحقق بس المهم هو بخير كلشي مااريد .. هلي .. يعني شنو .. درة .. يعني اليوم صار شي خلا فرحتي تختفي .. حسيت اني عايشة بحلم والواقع يختلف .. هلي .. وشنو الواقع بله . تعوفيه بعد الي صار بيج من عرفتي مختفي . اني گلت ماتفرطين بي بعد .. درة .. الواقع انه هي مرتة وام بنته واني مجرد حبيبة راح تدخل بينهم وتخرب علاقتهم .. حتى لو كانت علاقتهم ع الهامش راح اطلع اني الي فرقت بينهم .. الناس راح تلومني الي مو الها الي ماعرفت تصونة وتحافظ عليه .. هلي .. انتي احق بي . هو يحبج وانتي تحبيه . حوراء ماتحبه . وانما حبت تمتلكة . ذني عندهن انانية وحب الامتلاك والسيطرة . والدليل زينب .. رغم حب علي الها الا هي مافكرت تحبه وتحافظ عليه رادت تسيطر عليه وتمتلكة .. صح اني مااعرفهن ولاشايفتهن بس عرفت شخصيتهن من خلال كلامج . درة .. ماادري هلي ماادري . احس روحي رجعت اعيش بدوامة . ولاتنسين اكو شغله غابت عن بالي . منو يگول يوسف ماعندة وحدة . والا المن يخابر ومرتة عبالها الي . اني ماقبلت بي وهو بس حوراء عندة ترديني اقبل بأثنين هلي .. خليج بهاي افكارج ورجعي النقطة البداية . بس فكري شصار بيج وشلون بقيتي تلومين نفسج وتندمتي عليه .. درة .. يله روحي نامي لايجون اهلج ويحجون عليج . هلي .. اوووف امي محاصرتني محاصر . وكل شويه تگلي المن تخابرين . تخاف من عماتي . لان تدري بيهن اذا وگع واحد بلسانهن يفضحنه . وخاصه بعد ماگلت العمتي لو يبقى بس ابنج رجال بالدنيا مااتزوجة .. تخبلت .. درة .. هاي شنو اخبار جديدة شو ماادري ؟؟ هلي .. اي ماگتلج لان جنتي بيا حال انتي . حتى الحيدر ماگلتله خاف ينقهر .. غير اجت عمتي تخطب مرة ثانية . وهالمرة بوكاحة عين جايبه المهر وجايه عود تخلينا امام الامر الواقع .. وامي ساكته ماتحجي مااتحملت وگلتلها بوجها هالحجي . هي تخبلت وخابرت بابا وگالتله بنتك طالعه عينها وربيها اجة بابا حجة عليه لان عليت صوتي عليها .. بس بعدها گال .. اني مستحيل اجبرج تاخذين شخص ماترديه بس لاتتصرفين من كيفج ويگولون مايعرف يربي وتشمتيهم بيه .. درة .. كلامة حلو .. اهمليهن يمعودة والله عندي احساس تصيرون البعض . بس يمكن بعدهي قسمتكم .. هلي .. قابله انتضر بس كون تفرج بالاخير .. درة .. ان شاء الله. سدن .. اول مادخل يوسف وجان ساندة اموري . طشينا جكليت عليه وهلاهل .. ابوي گال خلوه بغرفتنا شيصعدة .. دخلناه للغرفه .. والكل طلع حتى يخلوه يرتاح .. يوسف .. سدن انطيني بطانيه .. جبتلة بطانية وجاي اغطيه دگ موبايلي .. گتله هاي درة .. يوسف .. ردي وافتحي مايك اريد اسمع صوتها .. رديت .. وهي تححي بلهفة وتسأل عليه . ومن گالت سودة علية .. غمض عيونة وابتسم وعبالك يتخيلها گدامة .. حالتهم تكسر الگلب .. بعدها بسمر الها وگالها ليش مااجيتي .. وگتله اجت وجابت حلويات بس .. قاطعتني هي وگالت مو وقت هالحجي .. وهي ماتدري المايك مفتوح .. گال شكو .. اشرتله يسكت . وگلتله عمتي تعبت فهو سايرني .. من سديت الموبايل .. گال .. تعاي احجيلي شكو شصار .. سولفتله كلشي سوتة حوراء وشلون تهمتها تخابرك وگدام الكل .. يوسف .. هاي ابد ماتعقل .. هي وين ؟؟ سدن .. زعلت وراحت الاهلها .. يوسف .. واية وين . سدن .. وياها .. يوسف .. حاجي ابوي يجيبها . تريد تولي خلي تولي بس بنتي ماتاخذها تبقى هنا .. سدن .. شلون بعدهي صغيرة . وتحتاج امها . يوسف .. عساس هي الي مربيتها همزين طايحة براس امي حتى تنام يم اهلي بعد شنو تحتاجها .. اني اعلمها بالجذب ماراعت وضعي وسكتت .. سدن .. هسا هي مو يمي .. بس حقها . يعني اي مرة من تشوف رجلها يخابر وبالليل راح تتخبل . واول ماشكت بدرة .. يوسف .. يعني كل الي يخابرني بنية . اني لازم قضايا بالعشرات وكل قضيه شطولها والتلفون مايسكت . يعني شتريد من اجي يمها اسوي صامت .. سدن .. يعني ماعندك شي .. يوسف .. يعني حتى انتي تشكين بيه . شنو ماتعرفين اخوج هو اني مال هيج سوالف .. فورتن دمي .. روحي خلي ارتاح ودزي امي الي .. اريد اعرف حوراء شلون تلوي ذراعي بأية .. سدن .. سايرها هي عقلها ع گدها. . يوسف .. شنو اسايرها طفله هي .. وج تدعي عليه وتاخذ بنتي وتطلع من غير علمي وتگليلي سايرها .. بس لااااا .. هاي شافت امها مسيطرة على عمي .. تريد تسيطر بسيطة خلي اوگف على رجلي واعلمها . روحي صيحي امي وابوي الي .. طلعت من الغرفه وحجيت وي امي. گالت معليج اني اهدي .. روحي انتي اخذي رجلج واولادج وامشي البيتكم فشله من الولد صارلج اسبوع هنا .. ومناك عمتج مريضه ودرة وحدها خطيه .. لميت غراضي واخذت ولدي ومشيت اني حتى الامتحانات اجلتها وهاي اخر سنة الي .. رجعت للبيت صعدتهم نيمتهم ونزلت .. امير .. وين ؟؟ سدن .. اشوف درة واجي . امير .. هي شلونها زينه . ماردت اسألها واحرجها ذيج الفترة .. سدن .. لاتخاف عليها درة قوية .. امير .. ماكاسر ظهري الا هي . عقلها يمشيها بجهة وگلبها بجهة واعرفها جاي تتعب بس تكابر .. سدن .. الله يباوعلها ان شاء الله. نزلت فتحت باب الغرفه فزت من مكانها . جانت مخليه صورة يوسف ووجهة وارم وتباوع بيها.. شافت الباب انفتح غلقت الموبايل بسرعه .. ضحكت عليها .. -ههههههه لتخافين هاي اني .. -شوكت رجعتوا ؟؟ -هسا فتحنا الباب ودخلنا وانتي سارحة. بهالصورة هم ياريت حلو وجهة مخرب .. -شلونه هو زين .. -الحمد لله .. -ماعرفتوا من الي خطفوه .. -اوووه سالفه طويله بس راح يقدم شكوى ضدهم .. جان لازم قضية مرة عندها املاك وفلوس .. زوجها متوفي .. واهلة يردون املاكها وعساس هي مطلگة ومايحقلها . بس طلعت بعدهي متزوجة . ويوسف ثبت هالشي .. ومرافعتها الاحد عساس .. وهمة مهدديه اذا مااتنازل يقتلوه .. وبطريقه لهنا خاطفيه وضاربيه وماخذين جنطته واوراقه وسيارتة وكلشي يخصة وشامريه .. گولي همزين اوراق القضايا المهمة عايفهن بمكتبه مو وياه جان استخدموهن ضدة .. درة .. يمة اسم الله .. وهسا شراح يسوي .. سدن .. ماادري ابوي يگله اترك قضيتها واتنازل وارجع لهنا . ويوسف عمودي تدرين بي وماندري وين تصفى .. درة .. شنو بايع نفسه .. خلي يرجع هي بغداد بيها امان الله ستر وماقتلوه .. ليش ماتسمعين القتل صاير ع فلس .. سدن .. اي والله كلها تگول انكتبله عمر جديد.. المهم رجعلنا خلي يطيب وابوي يحجي وياه .. يله اني اگوم اشتاقيت الرجلي صار اسبوع مانايمة بحضنه هههههه.. درة .. راعي ضروفنا خيه مو تدرين عدنا جفاف عاطفي . سدن .. ههههههه اسفه اسفه .. بس خلي اروح لااخوج يجيني لهنا .. اتنهدت واخذت نفس وارتاحيت .. المهم هو بخير وسالم كلشي مااريد من الدنيا بعد . اجتني رساله .. من موبايل خاله ام يوسف .. استغربت .. مكتوب بيها .. گاعدة لو نايمة .. دزيت .. گاعدة خاله محتاجة شي .. رجعتلي رساله .. اني يوسف اريد احجي وياج .. طفرت من مكاني وايدي ترجف مااعرف شسوي .. طلعت للهول ماكو احد .. كلها نايمة .. رجعت للغرفه سديت الباب واحس روحي مراهقه وحبيبها يخابرها .. شفته يتصل .. غمضت واخذت نفس وفتحت خط بس بقيت ساكتة .. -الو ليش ساكتة .. -شلون صرت .. -من سمعت صوتج صحيت .. سكتت .. -رجعتي سكتي .. اكثر شي جنت محتاجة هو اسمع صوتج .. حسيت بيني وبين الموت خطوة وحدة وانتي ببالي واتمنيت اشوفج واموت مايهمني .. درة .. اسم الله عليك . يوسف .. اويلي يابة .. لو ادري مخليهم خاطفيني من زمان حتى اعرف قدر حبح الي .. ادري بيج تحبيني وتكابرين جنتي .. ليش هيج درة .. ليش حرمتينا من بعض كل هذي السنين . درة .. لاتفتح الدفاتر القديمة لان انت الي تطلع خسران واذا خوفي عليك وقلقي فأكيد للعشرة الي بينا والسنين المضت .. يوسف .. بس ؟؟ درة .. بس . يوسف .. ههههههه اشو من خابرت . شبعتيني حبيبي وحبيبي ويعمري وسودة عليه .. وهسا تبيعين ثگل عليه .. سكتت مااعرف احجي بس صدگ فقدت ساعتها من سمعت صوته .. يوسف .. لاتكابرين خلي السانج وگلبج ينطقون بالمخفي درة اني محتاجج . ومحتاج حبج الي لاتحرميني منج .. درة .. ماانكر حبك ولاانكر تعذبت من سمعت بفقدانك بس هذا مايعني الامور تغيرت . احنه بينا عوائق وجبال صعب تنهد .. مااگدر ابني سعادتي ع سعادة غيري .. يوسف .. ولج ياسعادة . ماتشوفيها شلون شالعه گلبي حتى اليومين الي اجي بيهن مااحصل بس النكد والمشاكل . حتى ايه هاملتها وماتدير بال الها .. درة .. كافي يوسف مهما يكون هاي خصوصياتكم لاتحجيها الي . يوسف .. درة احبج .. درة .. مااگدر اثق مثل الاول وخاصه هسا صرت ببغداد واكيد عندك بنات .. يوسف .. هاي حوراء خلتها ببالج ؟؟ درة . لا مو بس حوراء اني هم شفتك من بتنا بشقتك . يوسف .. تتوقعين اسوي هيج شي . بالله جانت هاي الشغله شاغلتني . وماانكر حجيت وي موكلتي بس بحدود العمل . وخلي اگلج ع شغله .. عرضت عليه الزواج حتى احميها منهم وبقت تلح وتتواصل وياي وگالت كلشي مااريد منك لامهر ولاشي بس تكون سند الي .. واني رفضت . مع انه هي انسانه جميله رغم كبر سنها وصاحبة املاك وفلوس . بس يومها صديتها وگلتلها اذا خابرتيني بنص الليل وفتحتي هالموضوع اتنازل عن القضية واعوفها . شنو الي يمنعني اتزوح واعيش حياتي هناك .. رغم اني اكثر اوقاتي ببغداد وتدري بيه متزوج . الي منعني مبادئي وتربيتي والاكثر من هذا .. حبي الج .. مستحيل ابدلج بأغنى واحلى وحدة .. ولج انتي حبي الاولي . انتي طفلتي الي علمتها الحب ع ايدي شلون ابدلح وانساج شلون .. جان يحجي ويبرر الي ويخاف ع زعلي . وماانكر حسيت براحة وطمأنينه بكلامة .. يوسف .. تدرين هالحجي محد يدري بي بس انتي . لان مااگدر اشوفج تغارين وماخذة موقف مني وماابررلج .. درة .. ومنو گلك غيرة .. يوسف .. گولي والله ماغرت .. درة .. يله روح نام انت تعبان . يوسف .. اي اشردي اشردي .. بس اريد اگلج شغله لو تنكرين وتحلفين وتشردين هم اعرفج تغارين ومابگلبج بس يوسف .. درة .. ههههههه يله حسدة . يوسف .. عندي طلب . درة ..وهو . يوسف .. لاتحرميني من صوتج . حتى اذا تسكتين بس واني احجي المهم اسمع انفاسج . درة اني رجعت من الموت علمودج لاتحرميني منج .. سديتة منه واني فرحانة .. احس روحي طير بقفص وفتحوا سجنه .. خليت الموبايل ع گلبي واضحك من كل گلبي .. اجتني رساله منه .. حنيت الج وحنيت الذيج ايامنا !! بقلمي_الكاتبة_شمس يتبع .... |
//// البـارت الثالـث والأربعـون //// عجـاف_القلـوب .. الكاتبـة_شمـس .. حنيت الك صوت وشكل و دمعه وقصيده وسالفه حنيت الك بواهس طفل ،، والدمعه حد شفايفه مرني ولك ،، شوف شحصل ؟ تلگاني كلشش مختلف وعيوني ذبلهه السهر واصبحت كلششش ناشفه !! گعدت الصبح بكل نشاط وسعادة .. سويت ريوگ .. وحضرت الجاي .. نزل امير وسدن .. امير .. ياالله شنو هالنشاط .. درة .. مو زين يعني .. امير .. لا يابة زين .. اني مستعجل وعندي شغل بس علمودج راح اتريگ .. جنت بكل حيوية ونشاط اشتغل .. والضحكة مافارگت وجهي .. الكل جان مستغرب حالتي .. حتى امي تگلي .. احس وجهج مورد .. ماتدري .. الگلب اذا نبض بالحب ورجعتله الحياة الجسم كله يتنشط والوجه يورد ويحلى .. الحب حلو ومر .. قادر بلحظة يطيرنا للسما ويعيشنا بجنه وبلحظة ينزلنا للگاع ويعيشنا بجحيم . واني ضگت حلاوتة ومرتة .. رغم خايفه ومترددة من رجوعي اليوسف .. لكن من احجي وياه ونسولف انسى كل خوفي .. بالليل وبعيد عن اعين الكل .. جنت اكمل شغلي بسرعه واتأكد امي نامت .. اروح الغرفتي وانتضر مراسلته .. يتأكد اذا گاعدة او ماكو احد يمي وبعدها يتصل .. -الو .. -الو .. -شلونج يالگلب .. -شلونك انت .. شلون صرت .. -وج اغلطي وسمعيني كلام حلو .. -هههههه . -هو. شمحصل اني غير بس الضحكة الحلوة هاي .. -يوسسسسف .. -عيونة . وج والله گمت احلم بالكلام الي گلتيه من خابرتج وشلون لهفتج عليه .. اغلطي وسويها مرة ثانيه .. درة .. يوسف احنه شنو وضعنا .. يوسف .. ليش تگولين هيج .. مو كل اتصال اتوسل بيج احجي وي امير وانتي ماتقبلين .. درة .. مااگدر اخاف .. تدري اذا تجرأنا راح ينفتح علينا باب ماينسد .. يوسف .. وانتي شعليج بيهم انعل والديه اليحجي . هاي حياتنا والكل يدري من البدايه احنه واحد يحب الثاني وهمة الي حرمونا من بعض .. درة .. بس حوراء هم خطيه .. يوسف .. شبيها خطيه .. شو اجة ابوها وتعارك وي ابوي وطلعت ملفقتله حجي صدگ جذب .. ولاعبالك هو ابوها الي شمرها عليه بالگوة .. درة .. شتقصد ؟؟ يوسف .. اووووف درة تعبت من الوجوه والاقنعه . تدرين بعمي يتحرك بأمر من مرتة .. بذاك الوكت ومن جان عايش وحتى تظمن حياة بنتها والاملاك ماتروح للغريبة . خلت عمي يحجي وي جدي وقنعه انه يخليني اخذ حوراء وانه انتي وراج نهوة وماتخلصين منها . وبنت عمة اولى بي .. جدي جان مريض وفكر من منضورهم للامور. وحسبها صح بانه اذا بقيت منتظر راح اخلص عمري كله بلا زواج . الهيج جبرني اخذها .. درة .. وهي شلون قبلتها على روحها تاخذ شخص مايحبها .. يوسف .. شتحجين انتي الي يمهن المادة مو اني . لو تفكر بيه صدگ وتريدني جا سوت المستحيل حتى تخليني اهواها او اعاملها مثل اي زوجة . درة .. بس مهما يكون تبقى بنت عمك وام بنتك . مااريد ابني حياتي على سعادتها .. يوسف .. شسويلها بعد اذا گلت خلي ترجع البنتها ومالها علاقه بيه . تمردت وتريد الا اخذها البغداد وياي ونعيش هناك .. درة .. ليش انت راح ترجع البغداد .. يوسف .. عندي قضايا لازم اخلصها يله ارجع لهنا خو مااعوفهن واجي .. واصلا اني مفكر بشغله .. درة .. شنو ؟؟ يوسف .. بعدين اگلج بيها . لان الصراحة المحاماة تعبتني حيل فرة وقضايا وتعب .. درة .. يعني شنو راح تبطل .. يوسف .. لا طبعا بس ببالي شي وبس تصير انتي اول وحدة تعرف بي .. درة .. اذا بي صالح الك ان شاء الله يصير .. يوسف .. باعي اجت ايو .. درة .. فدوة .. دزلي صورها . تدري طالعه تشبهك يوسف .. لا تشبه جدي حتى تطلع ضخمة هسا .. درة .. اروح فدوة لخدودها . امنيتي احظنها واشيلها بس مااگدر .. يوسف .. الله وكيلج يصير هجوم عليح . اخذتي الابو وبنته .. درة .. هههههه من هيج خايفه يوسف . مااريد اظلم احد يوسف .. ماتنظلمين . اصلا حوراء ماتريد ترجع واني مخليها براحتها .. ولو ماابوي يگول بنت عمك وفشله والناس تحجي . جان طلگتها هيج مرة ماتناسبني .. درة .. فكر بأية . اذا كبرت واهلها منفصلين شيكون موقفها واكيد راح تكرهني اذا تخلت افكار براسها عني . يوسف .. ايه تربات امي .. اكيد راح تطلع على گلب ابوها .. واني مقرر اعلمها على طبعنا مو طبع امها وبيبيتها .. درة .. مو گتلك كلشي صعب گدامنا . ويوم عن يوم تكبر العثرات گبالنا .. يوسف .. انتي بس گولي اي وطاوعيني ومعليج بالباقي درة .. ماادري خلينا ننتظر شويه تهدأ النفوس يله وانت هم تستقر هنا .. يوسف .. موتيني بكلمة ماادري .. ليش خايفه الي اعرفه انتي قويه . واجهتي الصعاب كلها ع الاخير وضعفتي .. درة .. لان الامور اختلفت وقواي بادت .. جبت عمري كله صامدة بس بداخلي مكسورة .. ويمكن خوفي الاكبر .. امي !! يوسف .. شبيها عمتي .. اولادها ماشاء حولها ليش خايفه .. درة .. انت ماتعرف حالتها وماشايفها من تجيها النوبة تصير روحها يمي وعبالك اني امها مو هي .. واخواني تعرفهم مو دايما بالبيت . يوسف .. ناخذها يمنا .. نأجر بيت يم اهلج .. ومن يطلعون نجيبها يمنا . وشوكت ماتردين روحيلها .. درة .. الكلشي الك حل !! يوسف .. الاهم راحتج عندي وادري ماراح ترتاحين لو تزوجنا واحنه وي اهلي .. درة .. يوسف بداعتي اصبر . مااريد استعحل . يوسف .. وج شأستعجل مو الشيب ترس راسي .. درة .. ههههههه . يوسف .. اشتعلوا اهلج على هالضحكة .. درة .. لاتغلط ع اهلي .. يوسف .. اقصد قاسم وقيصر شبيج هههههه . درة .. حييييل شذكرك بيهم .. يوسف .. الحظ غير . شگد كاره طاريهم ورحت ذكرتهم . صدگ شخبارهم .. درة .. ماادري حتى ابوي مقطوعة اخبارة مايخابر ولايسأل من توفى محمد لسا .. يوسف .. وشعجب ماسألتوا عليه انتو .. درة .. ببالي والله . وكلما اريد اتصل انسى . او احس شي يمنعني .. يوسف .. هو يدري بأمج ووضعها .. درة .. لا مايدري .. بقينا للفجر نسولف .. وهاي يومية هيج .. والصبح اگعد بالگوة من النوم .. سدن حاسة عليه بس ماحجت .. ولااني حجيت الها . وهاي اول مرة اضم عنها شي . بس ماادري ليش اخاف احجي او استحي .. مر شهر على وضعنا .. احس الدنيا فاتحتلي ابوابها والسعادة ماسايعتني . ومن جهة گلبي مقبوض ومااعرف شبيه مامرتاحة .. بيوم خابرني يوسف من بغداد .. كمل شغلة كله وراح يرتب اوراقه حتى يرجع للديوانيه . گالي .. درة بعد مااتحمل فراگج انام واحلم بيج نايمة بحظني . تعبت من الفراگ وراح اول ماانزل احجي وي ابوي وافض السالفه .. ماحجيت ولاگلت لا .. كانت الفرحة ماسايعتني .. واخيرا راح ننجمع .. للحظة نسيت حوراء وبنته والناس وشنو راح يگولون . جان همي انجمع بحبيبي الي فرقتني الدنيا عنه .. حبيبي الي ماگدرت لو شماحاولت ابعد عنه .. سديتة وركضت السدن .. ردت احد اشاركة فرحتي .. دخلت الها جاي تنوم باولادها .. اشرتلي بأصبعها ع حلگها . معناها اششش لايگعدون . اشرتلها تجيني لجوة .. شويه واجت .. ها درو شبيج الفرحة تطلع من عيونج اكو شي .. درة .. كم مرة احاول اگلج بس استحي . سدن .. شنو . وجانت تضحك وكأنه حاسه بينا .. درة .. تدرين موووو سدن .. ههههه لا والله بس حالتج مفضوحة مبين تحبين لان وجهج مورد والابتسامة متفارگة .. اي منو سعيد الحظ هذا .. درة .. هو واحد دخل حياتي ماكو غيرة .. سدن .. عليج الله رجعتوا يعني .. درة .. جا انتي شمفكرة احب واحد ثاني . سدن .. وربي جنت خايفه تگليلي حبيت شخص ثاني . اييييه واخيرا . درة .. حاولت ومافاد . الظاهر گلبي ملك الاخوج وبس . سدن .. وهو هم مانساج ابد .. الله يجمعكم ان شاء الله والله من رجع ونام بغرفه اهلي . ماجاب بس سيرتج . ويفكر بيج . درة .. خابرني هسا راح يفاتح خالو بموضوعنا .. للحظة اختفت ابتسامة سدن .. درة .. شبيج سدن .. لا هيج . مااريد اضيع فرحتكم . درة .. اعرف ورانا طريق صعب . بس مو بيدي ولابيدة شگد حاولت ابعد وانسى وماگدرت .. سدن .. لاتضوجين الي مكتوب يصير . واحنه اصلا بعائلتنا وعشيرتنا الكل ياخذ اثنين وثلاث نسوان يعني مو جديدة عليهم .. كلام سدن خوفني اكثر ماريحني .. شفت التردد والخوف بعينها وكأنه تگلي لاتفرحين وراج طريق طويل اطول من الي قبله .. اليوم كله انتضرت مكالمة من يوسف ماكو .. بقت عيني ع الساعه اكيد هسا وصل .. ردت اتصل وترددت . لأن هسا هو عند اهله وخاف واحد يشوف اتصالي .. لليل وماكو… انشغلت وي امي اجتها نوبة وتعبت خطيه .. بقيت نايمة يمها وعيني ع الموبايل وماكو .. الى ان غفيت .. للصبح گعدت مثل المفزوعة .. على صوت امي وهي تگعد بيه .. سندس .. سندس .. فريت .. هايمة شبيج .. سندس ماشفتي حاكم .. لا ماشفته .. هم سألت بلقيس عليه ماتدري بي . ماتگللي وين صار . هالرجال وين يختفي ماادري . باوعت السدن واگفه يمها .. اشرتلي .. گمت .. شبيها امي .. سدن .. ماادري گعدت من النوم .. اني جنت بالمطبخ وامير هسا طلع . دخلت هي .. گلتلها صباح الخير عمة اسويلج ريوگ .. گالت لا مااشتهي خلي يجي حاكم وناكل سوة .. ودور گالتلي بلقيس ماشفتيه شو ماهو بالحجرة . درة .. مو عوايدها تگعد من النوم وهي ناسيه .. سدن .. اي هم گلت . نخابر امير .. درة .. لا خطيه ما نخوفه هسا اني اشوفها .. رحت يمها .. يمة راح اسويلج ريوگ ونتريگ سوة حتى تاخذين علاجج . ياقوت .. لا مااريد . هسا تگعد عمتي وعمي حتى اسويلهم ريوگ .. ياااا لسا ماعجنت ولاخبزت وعمتي تحب الخبز الحار .. بقيت مستغربه وحايرة شلون اتصرف وياها .. جبت علاجها ردت انطيها دفعت ايدي .. ياقوت .. شني هذا .. درة .. دوة . ياقوت .. مابيه شي مااريد .. طول اليوم وهي تهذي وتحجي بأسمهم حرت شسوي . باوعت السدن وگلتلها .. خابري امير خلي يجي .. اجة امير شافته .. وعينها ع الباب . مااجة حاكم .. ادري بي راحلها . هاي سهيله حلفت وگالت الا ازوجة اختي واجيبها عليج .. خاف راحلها .. امير .. اهدي ولاتخافين ماراحلها بس عندة شغل . تعاي نتريگ وننتضرة بالمطبخ شتگولين .. گدر يقنعها تاكل .. بقيت الف الها لفات صغار وهي تاكل وتبتسم الي .. اخواني سمعوا واجوا يتراكضون .. حاوطوها كلهم .. بقت صافنه وخايفه .. اخذها امير الغرفتها ونيمها .. گال لاتعوفيها خليج يمها .. خابر دكتورها .. حجة وياه وكمل .. جان ضايج وملامحة ماتبشر بخير .. طلعت اريد افهم شنو گاله .. امير .. الدكتور يگول هذي حالة طبيعية المرض دخل بمرحلة متقدمة .. راح تبدي تنسى بالتدريج .. اذا جانت تنسى وترجع تتذكر فهسـا الوضع اختلف . ولازم تكونون حذرين اكثر من قبل الاي مضاعفات .. مااتحملت الي سمعته .. يعني شنو . بعد ماتتذكرني . ماتگعدني تصبح وتگلي گومي تريگي . لو من اقرأ امتحان تجيبلي فواكه وتداريني .. جنت اواسي روحي من تجيها النوبة .. واگول هسا تنام وتگعد وتوجع الوضعها الطبيعي . بقيت يمها وماتركتها طول النهار .. وهي جانت تگعد اخذها للحمام لو اوكلها بيدي تاكل بس هادية ماتحجي .. جنت كل شويه عيني ع الموبايل . بلكي يوسف يخابر .. وينك انت مو محتاجتك . ليش اختفيت بأصعب ضرف محتاجتك بي .. سدن گالت ابقي يم عمتي واني اسوي عشـا .. صاحتني ع العشا .. گلتلها مااشتهي مااريد .. اخواني متشتتين كل واحد گاعد بجهة وصافن .. ماشبعنا والله منها بعدنا .. محتاجيها ترشدنا وتوجهنا .. وتوسينا وتطبطب علينا . سدن تعصبت وگالت .. مايصير هيج ترى هاي مو وضعيه اذا كلكم صعفتوا واستسلمتوا منو الها . هي تعبت وربت وكبرت .. وهسا اجة دوركم انتو .. تراعوها وتصيرون مثلها قويه وماضعفت ولا استسلمت .. گدرت تقنعهم يتعشون الا اني احس شي گاطع شهيتي بالي يم امي ويم يوسف الي مااعرف وينة .. دزيت رساله .. حبيبي وينك محتاجتك . قلقت عليك خابرني .. دز رساله .. اسف حبيبتي اجيت تعبان ونمت وهسا صارت عندي شغله وانشغلت . بس افرغ اخابرج .. شنو الي يخليه مايفرغ .. وهو لو بأصعب قضيه عندة بس اتصل يرد .. بقيت نايمة يم امي الليل كله خاف تگعد .. اجت سدن گالت . قفلت وراح اصعد وخليتلج عشا بالفرن .. گمت اباوع بالبيت وافتر بي مثل الروح بلا جسد . احسة باهت ومابي طعم بلا حسها وحركتها بالبيت . جانت ماتنام اذا ماتطمأن علينا واحد واحد .. رحت للمطبخ . فتحت الفرن . حاولت اجبر نفسي واكل ماگدرت .. شلت الاكل وضميته بالثلاجة . ورجعت للغرفه .. مااتحملت بعد واتصلت اريد اشوف يوسف شبي . رن الموبايل وبعدها انفصل .. ماالحيت بعد .. خليته ع راحته شوكت ميخابر يخابر .. گعدت اگلب باليوتيوب . وخليت السماعات بأذني واسمع اغاني .. اجتني رساله من يوسف وبنص الليل . بسرعه فتحتها وبلهفة .. بقيت مصدومة منها .. ماگدرت احجي وامي نايمة .. كتمت صوتي ورحت الغرفتي بسرعه .. اباوع بالصور وممصدگة .. معقوله يخون ثقتي بي مرة ثانية .. مو هو نفسة الي انطاني وعد .. هو نفسه الي گال مااريدها ومالامسها من حملت بأية لسا ومالي نفس بيها .. مو عساس زعلانة وعند اهلها ومايرجعها بعد .. اعرف هي زوجته وهذا حقها .. بس ليش جذب عليه ليش .. ليش يگلي مااشوف اي وحدة بالدنيا غيرج . ومستحيل المس مرة غيرج .. شلون يوعدني ويجذب عليه .. رجعت اباوع بالصور شلون نايم ومخلي ايده ع عيونة ومالابس شي وهي نايمة بحظنة . ومامبين بس شعرها وشويه من وجها .. اعرف هاي هي دزتها حتى تغيضني .. حتى تگلي مهما يروح ويفتر مرجعه الي . ومن جهازة . شلون تتجرأ هيج تسوي لو ماشايفه وجه منه . ومنين تعرف الرمز مالته لو ما متعودة تفتح جهازة وتتصفح بي .. الف سؤال وسؤال ببالي واحس راسي يريد يطگ من الالم .. اجت رساله ثانية من موبايله . ياليت بعد تحسين وتبتعدين عنه .. لو مهما يصير بينا مرجعه الي لان اني بنت عمة وام بنته ومرته ومستحيل يعوفني .. فلا تتأملين زايد . الي ماخذج من البدايه ياخدج هسا . روحي دوري على غيرة ياعااااااانس .. جانت كاتبتها بهيج طريقه .. ماانكر استفزتني بكلامها . بس اني استاهل . لان خليت نفسي بهيج موقف .. شنو جنت اتوقع . يعوف بنت عمة ويطلگها علمودي . لو يترك اهلة ويعاندهم وياخذني .. ااااه يادرة شگد غبيه . كل مرة تنجرحين وماتوبين .. گمت ادگ ع گلبي حيل وابجي .. اريد اطلع هالگلب من مكانة .. ليش القط يحب خناگة .. وليش ورثت حب امي الابوي . رغم شگد عانت منه بس بقت تحبه . ولحد هسا ماتذكر بس هو .. مااعرف شلون گدرت اصبر على روحي واهدأ وانام . بعد ماشبعت بجي .. للصبح گعدت .. شفت سدن بالمطبخ .. محتاجة اشكيلها واحجي .. شافتني ابتسمت .. احس راسي يفتر وغواش بعيوني اريد اسيطر على نفسي مااگدر .. صحت سدددن . ووگعت .. جنت اسمع صوت امير وهو يصيح بأسمي .. وسدن تغسل وجهي بالمي .. اتمنيت يطلع كابوس وصحيت منه .. فتحت عيني .. شالني امير للغرفه .. نومني ع السرير ويحاول يفهم شبيه .. سدن .. خاف هبوط . هي البارحة كله مااكلت وانقهرت على عمتي .. امير .. جيبي جهاز الضغط مال امي .. قاسوا ضغطي طلع هابط كلش .. امير .. گومي سويلها ريوگ واني رايح اجيبلها لبن واجي .. جان يححي وياي واني صافنه بس .. مااگدر احجي احس الساني ثگل .. طلع هو طگيت بجي .. سدن .. شبيج درة . گولي يله .. درة .. سدن تعبانه . اخوج للمرة الثانية يطعني . سدن .. شبي شسوالج .. فتحت موبايلي وگلتلها .. شوفي . مو هاي الي مايريدها . مو هاي الي گالي مالامسها . وهاجرها . مو هاي الي زعلانة وماتقبل ترجع . شتسوي بحضنه وبهيج وضع لو مايحبها ويريدها . سدن مستغربه .. هاي شوكت رجعت . بس اكيد هي مصورة تشوفيه نايم هو .. درة .. ومنين اجتها الجرأة هيج تسوي لو مامنطيها مجال . لو اقري الحجي حسيت روحي صدگ عشيقه اله وداخله بينهم واريد اخرب .. اااخ يگلبي وادگ عليه . شلون تقشمرت ورجعت تدگ مرة ثانيه بحبه .. شلون .. وج سدن يوسف مرتين خذلني مرتين .. اندگت الباب ودخل امير سكتت . امير .. شبيج حبيبتي .. درة .. مابيه بس تعبانه . ومسحت دموعي .. امير .. گولي من الي ضوجج وحق الله احسب جن امة ماولدتة .. درة .. لا بس مقهورة على امي .. حضني ويواسي بيه .. اريدج تصيرين قويه . هذا اختبار النا ولازم كلنا ننجح بي اريد اشوف صبر وعزم وقوة ياقوت بيج .. فاااهمة .. شو باعيلي . هزيت براسي . اشر السدن وطلعوا .. بقيت اگلب بالموبايل .. اتصل يوسف رفضته مالي خلگ احجي وياه واعيط واعاتب . ولو بعد ميفيد العتاب . جنت عايشة بحلم وصحيت منه .. اخدتني اصابعي الرقم ابوي وخابرتة .. مااعرف ليش بس حسيت محتاجة ابو بهيج وضع .. رد .. الو . ياهو اني درة .. ها درة هلا بويه ماعرفت رقمج ماحافظة .. ابتسمت على حظي .. ابوي وماحافظ رقمي . واني شگد خابرت وسألت عليه من توفى محمد وهو ماحافظ رقمي .. حاكم .. گولي بويه محتاجة شي .. تزوجتي لا . وشلونه رجلج وعيالج زينن وياج سمعت همة من بغداد وخوش وادم ومرتاحين .. درة .. مااتزوجت فسخت .. حاكم .. انا ابوك يمحمد .. ليش .. حتى بهيج وضع ماذكر امير او اي واحد منه وذكر محمد درة ..ماصارت القسمة . عبالي تدري .. حاكم .. شمدريني . ولا واحد بيكم يسأل واعرف اخباركم درة .. وليش انت ماتسأل .. احنه مو ولدك والنا حق عليك .. حاكم .. لاتعتبين عليه بويه اني بعد ماطلعت تقاعد وبعد اخوج ماراح الدنيا گامت تلطش بيه . والديون كثرت عليه . حتى البيت بعته واخذت بيت صغير على گدنا .. يمكن دعوات امج عليه ماعدت .. درة .. امي ؟؟ مااتذكر بيوم دعت عليك رغم كل الي سويته بيها .. وحتى بحالتها هاي وهي ذاكرتك . حاكم .. ليش شبيها امج ؟؟ درة .. امي بيها زهايمر وناسيتنا كلنا .. حاكم .. ليش ومنين اجاها بعدهي صغيرة . درة .. ليش الي شافته امي شويه . بس الي قاهرني مانستك وتذكرك دوم وتسأال عليك .. سكت هو .. درة .. بويه اذا تگدر بيوم تعال شوفها بلكي تتذكر وترتاح .. حاكم .. هااا ماادري اشوف بس خاف اخوتج مايقبلون . درة .. اخوتهم همهم امي وبس . واكيد اذا عرفوا تريد تشوفها مايعارضون .. حاكم .. الله كريم .. سديتة منه واني گاطعه الامل يجي .. واعرف مرتة ماراح تخليه يجي . بس هيج ردت اتأمل ع الفاضي .. ااااه ياالهي منين الگاها ومنين . من امي وحالتها . لو من يوسف وقهرة لو من ابوي وجفاه علينا .. اجة امير . اني طالع درو محتاجة شي .. درة . سلامتك .. امير .. الخاطري گومي من اشوفج هيج اتعذب محد يسوه تقهرين روحج عليه .. استغربت كلامة . من طلع گلتلها امير يعرف شي .. سدن .. هااا . اي سولفتله .. درة .. لا سدن لا . سدن .. شتدرين بيه اسولف بس هو سمع كلامنا مساع وبقى يلح عليه سولفتله هيج مقتطفات .. درة .. لميت شعري وگمت. خلي اشوف امي . اتصل يوسف رفضته . اجت رساله .. حبيبتي ليش متردين صاير شي . غلقت الجهاز وعفته بالغرفه وطلعت .. بقيت طول النهار مشغوله بأمي .. شفتها ملت من غرفتها . طلعنا اني وياها برة تتشمس ورجعنا .. اجة امير .. صبينا غدا . تغدينا وكملنا . گلتلها اصعدي اني اغسل الماعين .. سدن .. جا كروري عفته نايم بغرفتج خلي بالج عليه . درة .. عوفيه يمي . هسا بس اكمل واروح يمة .. كملت ماعين وسمعته يبجي .. گاعد فاز ويبجي على امة . صعدته الهم. ونزلت .. رحت اشوف امي . ماهي بغرفتها .. استغربت .. وين راحت يربي . دورت البيت كله حتى الصحيات وماكو .. صحت امير امير .. نزل يركض .. شكو .. امي ماهي دورت البيت كله وماكو .. صعد لبس قميصه وطلع للشارع يدور .. الف فكرة اجت ببالي . بس لايصير بيها شي .. نزل علي . شكو درة .. امي ماهي بالبيت يمكن طالعه بالشارع .. طلع ركض للباب .. الخوف اخذني والوم بروحي شلون ماقفلت البيبان شلون عفتها .. سدن تهدأ بيه .. وج عيني كافي مو دمرتيها الروحج . قابل شمدريج يصير هيج غير نايمة هي .. رجعوا من برة سانديها ويمشون .. جانت بس بالدشداشة والشيله مالابسه عبايه .. ياقوت .. اريد اروح البيت عمتي هنا قريب مو بعيد .. دخلها امير نومها .. وعيونة مليانات غضب .. طلع وگال .. اسمعن وانتبهن فهاوة مااريد . امي هاي وهذا وضعها توقعن كلشي تسوي وتطلع وتمشي وحدها . اخذن احتياطجن وماتعوفنها وحدها ابد .. والبيبان تتقفل . يعني هالمرة الله ستر . المرة الثانية شلون .. حان يصيح ويفرفح .. احس الدنيا تضغط عليه من كل جانب .. دخلت الغرفتي وذبيت حملي كله بدموعي .. دخل وراي وحضني .. اعتذر . بس مااتحملت اشوف امي بهيج وضع . خفت يصير بيها شي لو تندعم .. درة .. اسم الله .. امير .. درة ماعدنا غيرح بعد امي . اتحملينا .. حضنته وبجيت .. امير.. خلونا نقوى ببعضنا وواحد يسند الثاني . مانضعف حتى هي ماتحس بضعفنا .. علي دمعت عيونة واجة يمنا تحاضنا .. دگ موبايله .. رد علي وبعدها طفر .. امير .. شكو .. علي .. خابرني خالي مرزا . زينب راح تجيب وولادتها متعسرة .. رايح الهم .. امير .. اني رايح وياك . اقفلن الباب .. سدن .. طمنونا عليها .. بقينا منتضرين مكالمة منهم ..راح يصير المغرب وماكو خبر .. گعدت امي .. اخذتها للمطبخ يمنا .. گعدتها ع الكرسي وفتحت باب المطبخ .. امي تحب هيج گعدة بالمطبخ والباب مفتوح والهوا يدخل من الطارمة .. رشيت الطارمة وبردتها علمودها .. لگيت سدن مقطعتلها فواكه .. اخذتهن واكلتها .. بقت صافنه على سدن وگالتلها .. احلام .. ميخالف اخذي حاكم مااحجي بس لاتطرديني اني وجهالي من بيت ابوي . ماعندي مكان اروحله .. سدن مااتحملت ودمعت عينها وحضنتها .. وگالتلها .. هذا بيتج محد يطردج منه . لاتخافين . ابتسمت هي ورجعت النفس گعدتها وثقتها بنفسها ووقارها .. اخذت التفاح من ايدي وتاكل .. انفتحت الباب .. دخلت خالة ام يوسف شايله طفل بحضنها .. وعلي ساند زينب وراها يمشون .. بقينا صافنين اني وسدن .. دخل امير شايل جنه نايمة بحضنه وراهم .. اشرلها نسكت مانحجي .. دخلوا للمطبخ .. شالت خاله ام يوسف الطفله وخلتها بحضن امي .. امي ابتسمت وحضنتها وباستها .. گالت .. هاي درة مو .. باركت العلي وبوسته .. اتقربت زينب حضنتني وباستني . وراحت باست راح امي .. ماحجيت شي . من شفت الندم بعينها .. وفرحة علي بجيتهم خلتنا ننسى كلشي .. الدنيا مابيها شي واول وتالي فانية . ليش نخلصها بالحقد والكره .. علي .. درة راح اخذها الغرفتج ماتگدر تمشي .. درة .. اي عادي خليها تبقى هنا اني اصلا انام يم امي . راح نزل كاروك جنه . گال بين مااشتري واحد جديد .. درة .. شقررتوا تسموها .. علي .. راح اسميها هدى .. لان هي سبب هداياتنا ورجوعنا البعض .. ابتسمت زينب .. طلعت وتركتهم . خاله ام يوسف وسدن فوگ .. اخذت امي للغرفه گالت اريد اصلي . مدري تتذكر الصلاة شلون لا ماادري . المهم گعدت ع السجادة وعبالك كلشي مابيها .. اجة امير شافها .. گال عوفيها وحدها بلكي الله يسمعها ويساعدها .. درة .. شلون علي رجعها واهلها شلون قبلوا .. امير .. تعاي للبراني .. رحنا گعدنا .. حن گلبه من شاف حالتها وولادتها تعسرت . وخالي مرزا گام يحجي ع الطرفين .. بس امها ماقبلت وگالتلها اذا رحتي وياه .. لانجي نشوفج ولاالنا علاقه بيج .. درة .. اوووف امها هي سبب البلاوي كلها .. امير .. بس زينب مبين اخذت درس لان تمسكت برجلها وبناتها وگالتله ارجع وياك رغم ضغوطات امها .. درة .. اي جا هينه صارلها خمس اشهر زعلانة مو شويه يله الحمد لله من التم شملهم .. نزلت سدن وامها . شافنا بالبراني اجن يمنا .. ام يوسف .. خاله ماتوصلني للبيت . امير .. لا اتعشي يله مايصير . ام يوسف .. لا والله يمة جا اريد اجربكم . بس مناك خالك مايكل الا اجي . وهاي حوراء ماتعرف طبعه .. من جابت اسم حوراء احس غصة بگلبي وگفت !! اخذها امير وراحوا .. اجت سدن يمي .. ابوي مرجعها الحوراء مو يوسف .. درة .. مالي علاقه بيهم سدن .. شبيج درة عمي حمزة مسوي مشكله شكبرها وگايله اذا طلگها يوسف . يتقسم حلالنا كله وابيع البيت واشيل منا . وتعرفين ابوي مثل جدي ملتزم بالوصايا . ووصية جدي مايتفارگون .. فشرط على يوسف يرجعها وشيريد يسوي يسوي . مايمنعه .. درة .. مثل كل مرة . يوسف ينجبر واصير اني الضحية صدگتي خالو حمزة راح يخليه يتزوجني بعد . كافي سدن . ادري راح تگولين انانيه . بس تعبت تعبت من الوعود الكاذبة . واتأمل ع الفاضي تعبت .. احنه من البدايه طريقنا مسدود . وحتى اذا تزوجت راح يبقى يوسف يطلع نفس الاعذار وحوراء ماتوگف خططها واصير اني الخسرانة الوحيدة سدن .. احجي وياه وافهمي منه ليش تستعجلين .. راح اتصل بي واحجي وياه .. درة .. لا سدن لا .. اتصلت .. الو يوسف .. سدن شبيها درة ليش اخابر ماترد .. سدن .. شلون ترد وانت مرجع حوراء وماگيللها . يوسف .. اني من البارحة مقهور وحتى نمت من وكت لان ابوي رجعها غصب عني . سدن .. جا مرتك المصون مصورة نفسها وياك وانتو نايمين ودازتهت الدرة .. يوسف .. شنو وين اني اصلا نمت من وكت وماادري بيها انطيني درة احجي وياها ودزيلي الصور اشوفهن .. سدن . هاج . درة .. ماكو شي احجي وياه بي . انتهى كلشي يوسف .. لاتخليني اسب الدنيا كلها احجي وياي اگلج . سحبتة منها .. تخوفني بصياحك . كافي تعبت منك كل وعودك وكلامك جذب . بكل مرة تگول انجبرت وغصب عني شوكت تاخذ قراراتك وحدك شوكت .. يوسف .. والله مااريدها والله . اوكفي هسا جايكم للبيت درة .. اياك الي بينا مكفينا مالي خلگ مشاكل بعد .. ذبيت ع سدن وعفتها .. سدن .. يوسف لاتجي امير بلا كلشي معصب منك . يوسف .. هو وينة . سدن .. ماادري اخذ امي الكم . يوسف .. خوش سدي الموبايل .. يوسف .. سديته وشفت حوراء گبالي بالغرفه وتتصنت . شجاي تسوين . حوراء .. وي منو تخابر . سحبتها وشمرتها بالغرفه . شويه ودزتلي سدن الصور . شفتهن تخبلت . شنو ذني شنو . هي صفنت بوجهي . حوراء .. احسن حتى تتأدب وماتركض ورى رجال متزوج بايرة وتشمر بنفسها عليك بعد ماشبع خطيبها منها وشمرها وانت مصدگ بيها لسا .. ضربتها بلا وعي .. اياج تجيبين اسمها وطاريها على السانج .. گامت بصلافه وتضحك .. وحق الله تحلم بيوم تاخذها لو على جثتي . ومااطلع حوراء اذا ماادولبكم انت وياها .. يوسف .. ايدج وماتنطي .. بس خليها ترجيه بأذنج لاتصدگين يوم احبج لو احترمج راح تبقين بنضري ام ايه وبس لاتتأملين اكثر من هيج .. وحتى لو ردت الين وياج . بعد سوايتج هاي انتي والماكو سوة . وتحليمن تجمعنا غرفه وحدة بعد . انتي مرتي ع الورق وبس .. گامت تصيح وتكسر وتغلط .. عفتها وطلعت .. دخلت امي .. شكو شبيها . يوسف .. حاجي ابوي يعقلها لا بعلي اعوفلكم البيت كله واطلع .. وين امير .. ام يوسف .. ذبني وراح . ركضت مالحگت بي .. ركبت سيارتي ورحت وراه . خابرتة گتله اني جايك انتضرني .. امير .. اني هم عندي حجي وياك تعال .. درة .. ليش سدن ليش . دزتيهن . هسا صدگ اطلع اني اريد اخرب . سدن .. احسن حتى يبين الصدگ من الجذب .. گاعد نسولف .. ودخل امير ووياه يوسف .. انصدمت من شفته . گد حبي اله وشوگي . حسيت بحاجز بيني وبينة وصعب ينهدم .. عفتهم ودخلت الغرفة امي .. باوعتلها ورحت يمها .. كل مرة اگول راح اكرس حياتي الج واخلف بوعدي .. بس هالمرة خلص ماكو شي ياخذني منج حتى لو حبي وگلبي وگفوا بطريقي ادوس عليهن واعبر واجيج .. بقلمي_الكاتبة_شمس يتبع .... |
//// البـارت الرابع والأربعـون //// عجـاف_القلـوب .. الكاتبـة_شمـس .. بقيت گاعدة يم امي بغرفتها اتمعن بيها واحجي وياها . لو هسا انتي صاحيه وتفهميني مثل قبل .. ماجان نصحتيني وخلتيني اختار طريقي صح .. يمة اشتاقيت النصايحج وتوجيهاتج الي .. محتاجتج يوم اگعدي الخاطري .. دخلت سدت مسحت دموعي .. امير يريدج .. ويوسف هنا .. لا راح ! مسحت دموعي ومشيت للبراني لگيته متكي راسه ع رجله .. شافني رفع راسة .. اشرلي اجي يمة .. تعاي يمي .. گعدت .. يوسف حاجاني .. ماانطيته مجال وحجيت عليه لان رجع عشمج وخذلج .. بس الولد حلف شاريج ورايدج .. حتى عيونه دمعن گد ماتوسل تنطيه فرصه .. درة .. امير تعبت امير .. واني مااجبرج . بس ادري بيج ماراح تحبين غيرة . اي لاتخجلين اني اخوج وصديقج واحنه متعودين ع الصراحة .. يوسف نافسج وانتي نافسته . وواحد يريد الثاني . لاهو يرتاح بدونج ولاانتي ترتاحين وي غيرة .. درة .. هاي انت تگول هيج ؟؟ زين مافكرت بالناس وحوراء واهلة شلون .. امير .. يوسف مستعد يفتحلج بيت وحدج يمنا . وبعيد عن اهلة بعد شتردين .. سدن .. وافقي درو .. لاتهتمين الحوراء صدگي اول وتالي ماراح تتركج بحالج . هي بالحالتين تحجي عليج .. واصلا هاي وصية جدج الامير .. درة .. اي وصية ؟؟ سدن .. جدي وصى ابوي وامير بس تنفك النهوة يخطبوج اليوسف .. اعرف عمي ماراح يقبل ويعارض ويسوي مشاكل .. بس مادام بنته ع ذمة يوسف ماراح يحجي .. درة .. ماادري . خايفه . گلبي مامرتاح .. وعدت امي مااعوفها مااگدر .. امير .. واحنه شنو هنا .. قابل راح نعوفها .. البنات اثنينهن يمها . وسدن هنا . بس بقت عندها امتحانات الي مأجلتهن تمتحنهن وهاهي بعد تعتبر متخرجة . وامي ماتأذي .. واذا كلش تعاي يمها شوكت ماتردين .. درة .. مااگدر افكر هسا انطوني مجال .. امير .. اني هم مااجبرج . هو اول وتالي مايخطون اي خطوة الا بعد سنة ام مرزا . وانتي فكري .. گام امير .. اجت سدن گعدت يمي .. فكري درة . هذا حب حياتج شفتي شصار بيج من انخطف انتي ماتگدرين بلياه .. درة .. وحوراء واية .. سدن .. انتي شعليج بحوراء .. ابوي يگلهم هذي وصية جدي وكم مرة گتلج غايتها تكيدج مو حبا بي .. وبعدين اية عند امي وماتعترف بحوراء .. واذا تعودت عليج وحبتج مستحيل تكرهج من تكبر .. درة .. امي كاسرة ظهري وعدتها مااعوفها شلون اخلف وعدي الها .. سدن .. لاااااا ترى شلتيني انتي .. اجيبج منا ترحين منا بطلي هالتردد اخذي قرار وصممي عليه . عمتي بعيوني ولاتخافين عليها واصلا امير گال ننزل غرفتنا لجوة وتصير يمنا .. وهي ماتعب زينة .. بعد ماكو حجة عندج .. فكري بشغله وحدة يوسف حقج ومن نصيبج ويمكن هسا عندكم طفلين او اكثر لو ماعمي وحوراء وامها .. يعني صيري انتي بمكانها ولو ماخذها حبيبها او خطيبها راح تسكتلج .. طبعا لا . واصلا عائلتنا معروفه ياخذون اثنين نسوان علمود النسل .. يعني محد يحجي عليج لاتخافين .. وصدگي ابوي بودة يزوجة ويشوف اولادة اي قابل يبقى ع اية ويگعد ويسكت .. صرعت راسي سدن .. كل يوم نفس الحجي والقوانين .. تشوف زينب تسكت . تروح زينب تستمر تحجي وتحاول تقنعني .. ومن كثر زنها عليه .. خلتني اطگ واعيط .. كافي افتهمت خلص موافقه موافقة .. هلهلت ع كيفها وگامت ترگص وتهز بدون موسيقى . وساعة تگفل وتگول . اختنا خوش اخت تستاهل الهوسة .. خربتني ضحك .. درة .. الي يشوفج مايگول بيبيتج ميته ههههه . سدن .. الله يرحمها البيبي والله جان فرحت الكم . ليش هو اكو اكبر من هاي الفرحة .. يله اني رايحة .. درة .. وين سدن .. امشي اخذ بشارتي من استاذ يوسف .. درة .. هههههه خرررب اگول تزنين عليه علمود البشارة جنت فرحانة بس خايفه . احس فرحتي ناقصه وعبالك بايگين بوگة .. كلشي تم بسريه تامة .. جنت احجي وي امي واگلها راح اتزوج .. گالت واخيرا عدنان خوش ولد .. تقصد على عمتي .. ادري بيها ماتعرف شنو احجي بس المهم گلبها وياي من جنت انام بحضنها واحضنها ماتمانع وتاخذني الحضنها وعبالك تعرفني .. اني جنت حاظرة يوسف من الموبايل حتى مايأثر ع قراري عود .. تالي طلعت اخته اضرب .. اول مافتحت الحظر .. اجاني اتصال منه .. شنو مراقبني .. الو .. الو يبعد روحي . الحجي الي گالته سدن صدگ لو جذب . اممممم شتگول انت .. مدام فتحتي الحظر وحجيتي وياي معناها صدگ . احبج درو احبج بعلي .. جان طاير من الفرح .. گال راح احجي وي ابوي ونجيكم نتفق .. للظهر اجة امير گال خابرني خالي مرزا راح يجون .. باوعلي ابتسمت .. گال .. الله يتمم على خير حبيبتي .. علي .. ها خير شكو .. امير .. يوسف خطب درة .. واليوم يجون يحجون بيها بالليل .. حيدر .. العب راح تتزوجين قبل اخوج .. امير .. وداعتك مااخلي السنة خالصه الا وهلي ع ذمتك بعد شتريد .. حيدر .. هلا هلا اي هذا الحجي .. والله اشيل المعرض والورشه شيل ع جتافي بس اقنع ابوها .. امير .. معليك عوفها وراي .. علي .. اني مامقتنع بزواج درة ماادري ليش .. امير .. كلشي بالقسمة ليش كم مرة انفصلوا وكم مرة رفضته . مادام قسمتها مااگدر اعارض .. علي .. لاعبالج اني ضدج بس خايف عليج . لاتصدگين يرحموج وينطون ببنتهم علمودج . دووم راح تميل الكفه الها .. درة .. ليش تخوفني .. علي .. بالعكس بس المصلحتج .. امير .. شرطي الاول والاخير بيت وحدها اني مستحيل اخليها وي حوراء وفاطمة .. علي .. كافي سدو الموضوع لاتسمع زينب .. امير .. قابل بايگين بوگة .. حسيت علي مامقتنع ورافض زواجنه بس مايگدر يعارض امير او يكسر خاطري .. غمزلي امير وضحك .. سدن ضايجت من كلام علي بس مابينت .. لليل بدلت وجهزت حلويات .. دخلت الامي للغرفه .. بدلتلها ثوب حلو وشال حلو . وطلعنا گعدتها بالبراني .. ياقوت .. وي نروح .. درة .. راح يجي خطار .. ياقوت .. منووو درة .. خالو مرزا . يجون يخطبوني .. ياقوت .. مرزا منوو درة .. ابن جدو مجبل .. ياقوت .. يااا خالي مجبل منين تعرفيه عمتي گالتلي عندج خال بس مااعرفه .. بوستها وگمت ماردت اضغط عليها .. اندگت الباب واجو .. رحت للمطبخ وهمة دخلوا للاستقبال .. اني لابسة ثوب مخصر ولافه الشال .. اجت سدن يردوج .. دخلت مستحيه .. خالو مرزا .. تعاي بويه تعاي اگعدي يم اخوج وامج . صح ماتعرف حجينا بس اكيد گلبها يعلمها .. انتي ويوسف انشلع گلبكم . ووصيت ابوي اجمعكم وسبق واجيت ورفضتي وردتيني .. هالمرة مااريد ترديني مرة ثانيه .. شگلتي يبوي .. وهذا يوسف گبالج . اي حجايه لو شرط گوليه .. امير .. احجي درو .. درة .. سلامتك خالو الي تريدة يصير . امير .. بس اني عندة شرط . درة ماتگعد وي حوراء . لان انتو تعرفون حوراء شنو .. يوسف .. اني حجيت وي ابوي . وقبل .. مرزا .. قبلت اي .. بس مااقبل تبعد عني . جنت تعاقبنا ورحت البغداد وشفت الي صار .. وانت وحيدي ومااقبل تبعد عني بعد .. يوسف .. بس حجينا بهذا الموضوع بويه .. مرزا .. اي دصبر وافهم الحجي . حوراء راح نعزلها بالمشتمل الصغير الي طالع من بيت حمزة .. الي جنتوا گاعدين بي .. وانت تجيب مرتك وتگعد ويانا .. هاشگلت .. واذا تريد العكس ماعندي مانع . تخلي درة بالمشتمل بكيفك .. صفن يوسف بوجهي .. دنگت ماعرفت ارد .. امير .. وين ماجان بس مااريد اختي تتأذى .. مرزا .. وانت هم اعذرني يبوي . هذا ابني ووحيدي وذيج بنت اخوي ومااريد اخسره .. وهاي هم بنت اختي .. وجاي احاول ارضي جميع الاطراف .. اني مناي اشوف ولد يوسف يترسون البيت .. بس شبيدنا الي صار كله غصب عنه وهذا قدر ومكتوب . امير .. ها درو شگلتي .. درة .. بكيفكم .. مرزا .. جا نگول مبروك . هسا نعقدلهم وبس تطلع سنة امي نزوجهم . ها شگلتوا .. گمزت سدن بوستني .. وسلمت ع خاله ام يوسف .. وخالي مرزا .. وبست راس امي واديها وهي جانت تبتسملي وجنها فرحانه الفرحي .. مرزا .. يله يبوي جيبولنا شي بارد نبرد گلوبنا بي .. گمت للمطبخ .. شفت زينب گاعدة بالمطبخ ومخليه اديها ع وجها .. انصدمت من شفتها .. وماعرفت شأحجي .. زينب .. لاتخافين مااحجي شي . ولااعارض لو الوم مثل قبل .. بس ماادري اذا راح ترتاحين بهذا قرارج او لا .. ع العموم مبروك الله يسعدج .. عافتني ومشت .. واني جامدة بمكاني .. هاي زينب لو غيرها .. وينها الي جانت بس تسمع بأسم يوسف تگلب الدنيا معقوله تغيرت فعلا .. وشنو قصدها ماارتاح .. اوووف .. سدن .. وينج يله جيبي العصاير وتعاي .. اخذتهن ورحنا .. وخالة ام يوسف طلعت الذهب .. نفسه مالتي من قبل كم سنه . حتى الحلقات نفسهن .. ام يوسف .. هذا ذهبج جان يوسف ضامة عندة وگال يجي يوم والبسها الذهب والحلقات .. صارت عيني بعينه غمزلي .. اخذتة منها .. مرزا .. جا احنه باجر العصر نجيب مومن ونعقدلكم ونفضها بسرعه .. ها شگلتوا .. سدن .. بس مامحضرين شي . ام يوسف .. شتحضرين ياامي هو بس احنه وعماتج ماكو غريب .. واذا درة محتاجة شي . خابريني واخذها الصبح ونشتري كل احتياجاتها .. درة .. لا خاله كلشي عندي ممحتاجة شي .. جانت الفرحة ماسايعتني واحس الدنيا فتحتلي ابوابها . صح حوراء مانزلت من بالي وكلام زينب خوفني . بس من اتذكر راح اصير مرتة باجر انسى كلشي .. ثاني يوم گعدنا من الصبح .. رتبت البيت وسويت كيك وزينته .. كلشي حضرنا .. الا البس حايرة شنو البس .. سدن .. البسي دشداشة شبيها .. درة . لا صدگ . بعد سنين انتظار ترديني البس دشداشة .. تذكرت الفستان الي اختارة يوسف وحرگته اني .. سدن .. درو عندي شغل يم ماما هيج ساعه وارجع عادي اعوف كروري ونضوري يمج .. درة .. يا راح ترحين وتعوفيني حايرة .. زينب .. روحي وبقيهم يمي .. لسا مستغربه تصرفات زينب وممصدگ . وخايفه ليكون هذا الهدوء ماقبل العاصفه .. ساعتين هيج ورجعت سدن تعبانه وبيدها علاليگ .. هاج وشمرت عليه علاگة .. درة .. شنو سدن .. اتورطت صرت حماتج . اول بلوة كلفني بيها رجلج المستقبلي ادور ثوب يشبه الحرگتيه . بله وين الگي مثله .. گتله اخذلها نفس اللون وغير موديل . وبالگوة يله اقتنع .. ابتسمت .. اخذت العلاگة وطلعتة . درة .. وااااو وج يخبل هذا ذوقه .. سدن .. ذوقيش خبصني اريد نفس لون عيونها . تالي گتله اخذ هذا وخلصنا . حلو مووو ماشفته زين بالمحل .. درة .. ياااي يخبل اصلا .. لبسته ورحت الامي .. ها ماما حلو .. هزت براسها وابتسمت .. مااعترضت على كلمة ماما وكأنه تعودت عليه .. حتى غدا بيومها ماتغديت . سبحت وبدلت وسوتلي شغري ومكياجي سدن . گلتلها اريد شي بسبط لاتخلين مكياج اوڤر . وهي مرتبة حواجبي ووجهي .. طلعت حلوة كلش .. اجن خالاتي متعحبات بيه .. وسدن تگلهن اني سوتيلها شعرها .. واني رتبت وجهها . اني السويتها حلوة . خربتنا ضحك .. گاعدة البس بحذائي .. دخلت زينب .. ادخل .. اي تعاي .. طالعه حلوة شكرا ماتزعلين اذا ماحضرت العقد .. لان تعرفين مو هينة عليه .. درة .. لا ابد براحتج .. صدگي ماعندي نيه سيئة بس تدرين احنه شلون نحب بعض وشلون فرقونا .. جربت انسى وجربت ابعد الخاطر بنته وحوراء .. وشفتي شصار بيه لمن اختاريت شخص من غير مااعرفه زين بس حتى ابعد وانسى .. زينب .. عاذرتج وعاذرة اختي هم .. لهذا اريد تحجين وي علي مايجبرني انزل . لان يگلي الا تنزلين جوة .. درة .. لاتشيلين هم اني احجي وياه .. زينب .. مبروك مقدما . اروح اشوف بناتي .. درة .. براحتج . دخلت وراها سدن .. سدن .. شرادت زينب .. درة .. ماتريد تحظر العقد .. وحقها ترى .. سدن .. بكيفها بعد .. يله گومي للهول كل خالاتي گاعدات . خلي اخذلج صور .. اخذتلي صور وتدز اليوسف .. ويوسف حرگ الموبايل عليه .. صدرج ضمي احترگوا اهلج هذا بس الي .. درة .. هههههه غير انت الي اختاريت الثوب مفتوح كلش يوسف .. شمدريني ماانتبهت . بس يخبل عليج . مايصير نعقد واخذج للبيت .. درة .. يووووسف .. يوسف .. ااووووف منج شيصبرني مناالكم شهر .. يله راح نجي .. سديتة منه .. وخايفه لايصير شي يخرب العقد مثل اول مرة .. مدري ليش گلبي مقبوض .. اجو وعقدلنا الشيخ .. ودخل يوسف لبسني الحلقه والذهب واني ممصدگة هو گبالي ولابس قاط سمائي بلون فستاني .. واخذنا صور وهو ميگعد راحة ويسوي حركات ويبوس خبلني .. حتى امه گالتله .. طالعه عينك ولك .. شويه وگال خلي شال ع راسج وغطي جتفج وتعاي سلمي على ابوي وعمامي .. استحيت بالاول .. يوسف .. شبيج تعاي عندي مفاجئة الج .. لبست عبايه اسلاميه .. وخليت شال ع راسي ودخلت .. گلت السلام عليكم . ماصدگت الي شفته .. ابوي گاعد گبالي .. گام وگال . بالخير بنتي اتمنى تكونين سعيدة وياه وماتشوفين الحزن .. ضحكت ورحت حضنته.. ماادري ليش فرحت رغم اعرفه مودايما راح يكون لجانبي . بس المهم اجة وحظر اجمل يوم بحياتي .. سلمت ع خالوا مرزا وازواج خالاتي واخواني .. گال امكم وين اريد اشوفها قبل لاامشي .. اخذتة ومشيت الغرفتها .. جانت سدن مدخلتها لان تعبت من الهوسه .. مخليه سبحتها وتسبح .. شافت ابوي .. صفنت .. وگالتله .. شلون تعوفني وتروح الاحلام .. ليش هيج تطردني من بيتي .. هو دمعت عيونة .. واتقرب منها .. يعني تعرفيني منو .. درة .. لا بويه لاتحجي وياها هيج .. ياقوت .. اي اعرفك حاكم .. اخذت احلام وعفتني . حاكم .. انتي شلونج .. ياقوت .. زينة رين عمتي هم تشوفها .. صفن ابوي بوجهي .. اشرتله يسايرها .. حاكم .. زينة وتسلم عليح .. ياقوت .. اخذني الها مشتاقتلها .. حاكم.. غير مرة ان شاء الله هسا مستعجل .. ياقوت .. انا هم مو تعوفني ابقى هنا يمنا . جهالك يردوك خطيه .. حاكم .. ان شاء الله.. گام مااتحمل يشوفها بهيج منظر .. درة .. شفت نتائج القهر والظيم الي عاشته امي .. حاكم .. ماصدگتج من گلتي . وين ذيج ياقوت العاقله والرزنة .. درة .. اسأال نفسك بويه .. انت وعمي الي اخذتو امنا منا وحرمتونا منها .. صدگ لو بعقلها وواعيه جانت رفضت تشوفك طول حياتها بس للاسف هسا ماتتذكر بس ماضيك وذكرياتها وياك .. ماحجة ولاكلمة .. اترخص وطلع .. راح ينهزم من اللوم والعتب .. شگد مافرحت بجيته بس ضجت من شفت امي شلون تباوعله وتحجي وياه . وكأنه تتوسل بي مايعوفها ويطردها هي اولادها . مثل ماجانت تتوسل بي واحنه صغار .. اااااخ يازمن .. الكل طلع وبقى بس يوسف يمنا .. امير گاله تعشا يمنا .. اني بدلت گلبيه ورحت وي سدن اساعدها .. دفعتني من المطبخ وگالت خلص بعد انتي خطار روحي يم رجلج گاعد وحدة .. لان حيدر وامير راحوا يجيبون عشا .. سدن .. واني ماعندي شي بس اسوي حلاوة ومقبلات .. يوسف .. اي عفيه بأخيتي صارلها ساعه تتهرب مني .. ابتسمت وگلت .. الاخ واخته اتفقوا عليه . الله يعيني .. ضحك هو .. تعاي يمي . اجيت گعدت يمة .. طالعه تخبلين اليوم .. جانت عيني ع الحلقه .. يوسف .. واخيرا صرتي مرتي حلالي . بعد اشوف يوم ونعقد محكمة .. درة .. لويش مستعجل .. يوسف .. جا شعندي .. ماگلتي هسا وين نگعد بالمشتمل لو بالبيت .. درة .. تريد الصدگ اثنينهن خايفه منهن .. المشتمل بوسط بيت عمك .. والبيت همة ليل ونهار عندكم . يوسف .. اني افضل ببيتنا . اريدج انتي تصيرين ام البيت واني وابوي يحبوج راح يرتاحون وياج . وهم اني مااعوفهم اذا انتي بالبيت .. درة .. وحوراء شگالت .. يوسف .. شتگول .. ابوي خبر عمي حمزة وگاله فهم بنتك وهاي وصيه ابوي .. هو ابوها يفهمها .. درة .. يعني ماتدري ؟؟ بعدني ماكملت سؤالي . سمعت عياط بالباب . طفرت . يوسف .. هذا صوت حوراء . بله هسا لو ذاكرتلج فد شي بي حظ مو احسن .. دخلت تعيط وتغلط .. خطافه الزلم دگيتي ونحتي واخذتي مني .. اني رحت للمطبخ يم سدن .. ويوسف طلع من البراني لزمها .. يوسف .. هوووب وين رايحة .. حوراء .. هاي انت هنا . لا ومبدل ولابس قاط اگول دزوني الاهلي حتى يخططون بكيفهم .. بس وحق ربح مااخليج تتهنين .. ولاتفرحين اذا معشتي بتعاسة مااتسمى حوراء .. وانت الا اخليج تجيني مثل… مرد حلگها يوسف .. اياج تكملين اندمج والله .. منو الجابج يرجعج يله .. نزلت زينب وعلي ع الصوت .. زينب .. حوراء شجابج .. حوراء .. من طاحظج وحظ خوتج . وج رجل اختج يعقد على هاي وماتگليلي .. لو خفتي يشمرج علي مثل ماشمرج قبل . خلي يفيدوج . لا تعرفيني ولااعرفج .. يوسف .. كافي ولج فضحتينا امشي گدامي .. منو الجابج .. حوراء .. اجيت بتكسي ليش عندك مانع .. يوسف .. امشي گدامي واني اعلمج شلون تحجين وياي هيج .. بقت تغلط وتسب بالگوة اخذها يوسف وراح .. واني جامدة بمكاني مااعرف شسوي .. ساعه انطيها الحق وساعه اگول واني وين حقي . يوسف حبيبي وروحي مااگدر اعيش بدونة مو بيدي موبيدي .. علي .. والله اختج عرمة هاي الله يساعد يوسف عليها خايف عليج منها يدرة .. زينب بجت وراحت الغرفتها .. اني ضجت ورحت يم امي اشكي الها وابحي وهي تواسيني من غير ماتعرفني منو اني .. شگد فرحانه جنت .. بدقايق ضاعت فرحتي كلها !! بقلمي_الكاتبة_شمس يتبع .… |
//// البـارت الخامـس والأربعـون //// عجـاف_القلـوب .. الكاتبـة_شمـس .. امي .. شبيج منو وياج !! درة .. الدنيا .. امي .. يادنيا .. درة .. الحياة كلهـا ضدي .. ماادري ليش يستخسرون عليه لحظة فرح وحدة .. امي .. روحي صلي ترتاحين .. ابتسمت بوجها .. باصعب حالتها وتنطيني حلول . بستها براسها وگمت .. سدن .. درة معليج بيها لاتضوجين .. درة .. حقها كلشي تسوي حقها مااحجي . سدن .. تحجين صدگ انتي .. ولج هاي طيبتج ماتفيد وياهن وربي يدمرنج اذا يشوفنج هيج ضعيفه .. درة .. لا مو ضعف بس حاسه بالي هي بي . لو هي ماخذة زوجي جان مااعرف شسويتلها .. سدن .. ليش هي مااخذته منج .. يوسف يحبج الج لاتخليها تقشمرج بسوالفها .. وج هي وصيه مال جدي مأمنها عند بيبتي باگنها هي وامها وشگنها .. حتى يحمن مصالحهن .. ذني ماعدهن حب الي يهمهن مصلحتهن وبس .. وانتي راح تشاركيها بالملك والشيخة وكلشي يحصل عليه يوسف .. هاي هيج تغكيرها . دخل امير وحيدر .. شكوووو شصاير يوسف وين ؟؟ اتنهدت ورحت غسلت وتوضيت .. طلعت شفت امير ضايج .. وسدن يمة .. رحت صليت وبجيت ودعيت .. احلى يوم بحياتي خرب .. امير .. يله تعالوا نتعشا .. صبينا العشا وگعدنا كلنا .. جبت امي يمنا .. واسويلها لفات وهي تاكل .. كلنا ساكتين بس كروري يصيح يريد ياكل .. ياقوت .. حاكم ماتاخذنا للزيارة كل احنه صارلي سنين مازايرة .. ذب اللگمة امير من ايدة .. ولزم اديها .. تتدللين يالغاليه .. ابتسمت هي وتباوعلنا بفخر .. امير .. منو يروح .. علي .. احنه مانروح خليها من يطلع اربعين زينب اخذها ونمشي سويه .. امير .. جا خوش سدن حضري الجهال وانتي درة هم ونغبش من الصبح .. للفجر گعدنا صلينا وبدلنا .. ورحنا للنجف .. زرنا وذبيت حملي كله هناك . وتريگنا ورجعنا من وكت علمود امي خاف تتعب .. مامنتبهة الموبايلي لگيت يوسف شگد متصل وهلي متصله هم . بالاول خابرت هلي .. الو . ها بذات وج اني اخر من يعلم .. درة .. اكيد حيدر گالج .. والله صارت بسرعه بسرعه هلي .. وربي فرحتلج من گالي حيدر .. بس راح تتحملين الشرج .. ترى الضرة مرة . ع گولت بيبي .. درة .. ااااه هلي اسكتي .. ماادري ليش احس فرحتي ناقصه ومامكتمله .. هلي .. لاتضوجين المهم الي تحبيه صار من نصيبج واذا وحدج ومعزوله عنها بعد شكو .. درة .. الله كريم .. انتي شخبارج .. هلي .. شلونج يعني نفس الهوسة .. بس البارحة ابوي ريحني .. طردها العمتي وگاللها ماعندي مرة الج .. اذا بعدنا ع البر هيج تسوين بينا وبيها . اذا صارت عندج شتسوين .. وراح اشتكى العمي الجبير عليها .. وعمي رزلها وماقبل على تصرفاتها .. درة .. ياالله بلكي الله تنحل .. والله دوووم ادعيلكم .. هلي .. بعد گلبي درو .. والله اني ساعات احس الله راح يمل مني گد ماادعي يجمعني بحيدر .. درة .. استغفري الله . شنو يمل .. بالعكس . امي الله ينطيها العافيه . جانت تگلي .. الله يحب من عبدة يلح عليه بالدعاء .. لهذا اقرأي دعاء الألحاح او دعاء التوسل واطلبي حاجتج لان الله يحب يسمع عبدة وهو يدعي ويدعي ودايما يطلب منه وماييأس من رحمته .. هلي .. الله درو كلامج يريح .. درة .. هذا كلام امي وحكمها .. الي مفتقدتهن هسا . تدرين لو هي تفهمني وتسمعني جان اني مرتاحة وماافكر واتعب .. هلي .. الله كريم ربي يشفيها وترجع مثل الاول ان شاء الله.. درة .. يارب بس مااضن هالشي يصير هذا المرض ماله علاج ولارجوع .. اووووف .. هلي يوسف ديتصل ومسويته انتظار .. هلي .. ع راحتج حبي .. رديت ع يوسف .. الوو.. صار شگد اتصل المن تخابرين .. درة .. وي هلي .. يوسف .. رحتوا للزيارة .. درة .. اي واندعيتلك .. يوسف .. اعتذر ع الي صار البارحة . درة .. لا مو ذنبك ولاذنبي ولاذنبها .. ذنب الوكت والدنيا الي لعبت بينا .. يوسف .. ليش احسج ندمانة .. درة .. تعباااانه . يوسف .. سلامتج من التعب يعمري . اجيج هسا . درة .. لا وين اخوتي كلهم هناك .. يوسف .. بس اشتاقيتلج والبارحة ماشبعت منج الليل كله اباوع الصورج واتخيلج نايمة يمي .. درة .. احم احم ترى اني اخجل .. يوسف .. ههههه اروح فدوة لليخجل . عود تعاي يمي وگليلي اخجل .. درة .. امممم منا الذاك الوكت الله كريم .. يوسف .. لا قدمتها .. حسبتها وي الدوامات .. واني اريد بالعطله حتى نسافر .. درة .. وين نسافر .. يوسف .. مفاجئة .. درة .. امممم اتحمست .. يوسف .. احبج ولج .. درة .. احبج فهمناها بس ولج شنو . يوسف .. هاي للتأكيد هههههه . مااحب اشوف الزعل على عيونج اتعذب والله من اسمع صوتج حزين .. درة .. حوراء شلون اقتنعت .. يوسف .. اووووه رجعنا السيرتها .. ماادري اني شمرتها ببيت اهلي وهددتها اذا ماتنعدل اطلگها .. بس شويه ورجعت تعتذر .. ابوي يگول اني قنعتها .. وراح يأثثلها المشتمل الظاهر مقتنعه .. درة .. ماادري مااتوقعت بالسهوله تقبل وترضخ شلون گدر يقنعها ... يوسف .. ماادري المهم اقتنعت .. عوفينا منها حبي .. راح تجيكم اني العصر تجيب المهر . حتى تلحگين تتسوگين .. منا اقل الشهر كون متزوجين .. درة .. شبسرعه ليش مستعجل .. يوسف .. الي مثلنا ضيع سنين من عمرة مايتسمى مستعجل .. حتى نطلع نشوف الغرف . وراح اصبغ الغرفه وارتبها .. درة .. خلينا بغرفه سدن القديمة .. يوسف .. هاهي الي ترديه يصير .. بقينا نسولف بالتجهيزات وشنو اشتري وشنو يسوي .. للعصر اجت خاله ام يوسف .. انطتني الفلوس وگالت بأي وقت تردين خابريني واطلع وياج او خلن الجهال عندي وروحن تسوگن انتن .. عقدنا محكمة وبعدها بديت بالتحضيرات .. وجنت اخلي ام احمد يم امي وزينب لان زينب ماتگدر وحدها .. وجهال امير نوديهم البيت خاله ام يوسف .. مرات حيدر ياخذنا ومرات يوسف .. بس من ناخذ يوسف يتدخل بكلشي .. اختاري هذا واشتري هذا .. وترس العلاليگ ملابس نوم عبالك مشايف .. وسدن خربانة ضحك علينا .. رحنا شفنا الغرف واختارينا .. يوسف گاله كون اقل الشهر اريدها كامله .. الرجال گاله . اسبوعين وتعال اخذها .. هو يعرفه موضف وياه بالمحكمة .. كملنا كلشي واقترب موعد زواجنا .. حاولت انسى كلشي وافكر بهذا اليوم .. اليوم الي انتضرتة سنين طويله وحلمت بي .. بس جان بالي يم امي وشلون راح افارگها .. اتمنيتها وياي بهيج يوم .. تشوفني من البس البدله وتفرح الي .. اصروا عليه البنات اسوي حنه بس ماقبلت .. گلتلهن بيوم الزفه نسوي حنه .. اجن خالاتي من الصبح وبناتهن كل وحدة خلصت شغله .. سدن ماتگدر تعوف البيت والخطار .. راحت وياي خاله اقبال .. سويت تسرحة وتمكيجت ورجعت للبيت يله لبست البدلة .. اجت سدن ساعدتني ورتبت البرگع .. بقيت صافنه على نفسي بالمراية .. احس روحي مثل الاميرات .. شگد جانت امنيتي اشوف روحي هيج وبالبدله بس ليش احس اكو شي مايخليني افرح .. مو هو هذا اليوم الي انتضرتة من سنين .. هذا اليوم الي احلم بي .. شبيج درة .. افرحي ولو للحظة .. رحت الامي للغرفه شافتني شهگت .. وكأنه عرفتتي .. صلت ع النبي وگالت .. راح تتزوجين وتعوفينا .. هسا عمتي تضوج .. اعرفها تتوقعني عمتي .. بس المهم شفت فرحتها من شافتني .. حضنتها وشميتها وبست اديها .. گلتلها ادعيلي .. ابتسمت وگالت الله يسعدج .. طلعت للبراني .. سدن حظرت جنطتي لان راح نروح الكربلاء بالفندق نتزوج اخذتلي صور هواي سدن . ودزتهم اليوسف كالعادة .. وهذا كل شويه مخابر ويگلي شطالعه .. راح ادمرج اليوم بعلي .. ضحكني من كل گلبي .. فرحانه اللهفتة وشغفه الي .. يارب افتحها بوجهي .. خالاتي گاللي اقرأي سورة الفتح .. گعدت اقرأ بيها .. ماسوينا لادگ ولارگص .. احتراما الحزنهم .. لثلاثة اجت الزفه .. مااعرف ليش متوترة .. حياة جديدة راح ابديها .. ويمكن اختبار اذا اگدر ابني حياة صحيحة مع الكل مو بس يوسف .. اعرف اني داخله حرب .. بس احاول اقلبها حب وتفاهم ونعيش كلنا بسعادة .. ابد ماعندي غاية ابعد يوسف عن ايه وحوراء واظلمهم بالعكس مثل مااحب الخير النفسي احبه الهم .. تقرب حبيبي مني والكل يصلي ع النبي . جانت الابتسامة تارسة وجهة .. رفع الغشاوة عن وجهي .. صلى ع النبي . وگال .. واخيرا يادرتـي صرتي الي .. ابتسمت اله وگتله .. واخيرا صرنا البعض حبيبي .. جان متلهف نطلع منا بأسرع وقت .. گتله بس لحظة .. اتقربت من امي بستها وشميتها وهمست بأذنها تدعيلي بگلبها .. وطلعنا .. اخواني جانوا بباب البراني واگفين .. اتقربت على اموري .. بست ايدة .. سحبني الحظني .. عيشي حياتج وانسعدي ولاتشيلين هم الاي شي . وشوكت ماتحتاجيني راح تلگيني يمج .. دمعت عيني .. مسحها بأصبعه .. مااريد هاي الدموع تنزل ابد .. وانت يوسف .. انطيتك قطعه من گلبي حافظ عليها وخليها بين عيونك .. يوسف .. بگلبي اخليها مو بس بعيوني .. سلمت على علاوي وحدوري وودعتهم .. هسا يله حسيت بصعوبه افراگي عنهم .. شلون راح اگدر بلاهم .. صعدني يوسف السيارة وطلعنا .. جان خالوا مرزا يسوق .. وخالة ام يوسف بالصدر .. اخذونا للاستوديو اخذنا صور قبل لنروح للفندق .. وبعدها ودعونا وراحوا .. دخلنا الغرفه .. سحب الجنط للغرفه وقفل الباب .. اتقرب مني لزم ايدي .. يوسف .. شنو ماخذج للاعدام شبيج ترجفين وايدج باردة . درة .. ههههه ماادري .. يوسف .. ترى اشاقه وياج من گلتلج ادمرج .. صح مشتاقلج بگد رحمة الله بس مااريدح تخافين لو ترتبكين اريد احس بكل لحظة اعيشها وياج .. وهسا ادخلي اسبحي وارتاحي ونتعشا وع كيفنا الليل طويل .. جان يحجي ويتلمس رگبتي وشفافي احس روحي ذابت بين اديه .. گدر يقشمرني ويهدأني .. يوسف .. راح افتحلج السحاب مال بدله .. نزعت البرگع .. سحبني الا وصار ورى ظهري بحيث لزگ جسمي بجسمة گعد يهمس بأذني ويفتح السحاب ع كيفه .. تدرين شگد جنت احلم بهاي اللحطة وانتظر اليوم الي اشمج بي والمسج .. هذا جسمج الترف جنت احسه مثل الممنوع المرغوب ممنوعه عليه وراغبج بكل حواسي ومشاعري .. بدت ايدة تتلمس ظهري كله .. واني خدرانة بمكاني .. نزع البدلة لحد الخصر .. وهو بعدة واگف وراي .. باس ظهري كله بالتوالي .. جان يسوي شغلات يقشعر البدن الها وبنفس الوقت تخدر وكأنه منطيني ابرة مخدرة جسمي كله ومخليته مسيطر عليه .. كل هذا واني مغمضة وماانكر استمتاعي بلي يسويه . حضني بأيدة الي جانت تلامس كل شبير بجسمي .. همسلي .. حبيبتي بعد هالجمال والجسم هذا اعذريني مااگدر اقاوم .. شالني بين ايدة ع السرير بعد ماسحب البدله كلها .. سحب الحذاء من رجلي .. واجة يمي .. درو .. سحبني الحظنة .. جاوبته بثگل .. ضحك .. ههههه خرررب انتي گاضية اصلا .. وجاهزة للطبخ .. ابتسمتله .. يوووورسف .. وج يوسف واهله وعشيرتة كلها تروحلج فدوة .. مااحس الا فوگاي وكان مثل المفترس الي يتلذذ بفريسته وخاصه اذا كانت فريسه مثلي هاديه وماتقاوم هههههه .. غفيت بحضنه وماردت شي يصحيني . اول ليلة انام بيها من غير تفكير وهم .. صحيت ع صوته وهو يبوس بيه .. يله يحلو صارت الـ 12 .. ماجعتي .. فتحت عيني لگيته سابحة وشعرة مبلل ورافعة لفوگ . درة .. حيل هاي شگد صارلي نايمة .. يوسف .. النشوة ريحتنا وخلتنا نغفة .. اوووف يحظنج غير يموت .. درة .. يوووسف صاير جريئ .. يوسف .. هو اني لو انتي الي ذبتي بحضني ولازمتني ماتخليني اعوفج مستانسه وفرحانه .. درة. . اااااني يوسف .. اي انتي .. نجرب مرة ثانيه واخليج تشوفين شلون تگليلي يوسف لاتعوفني ابقى ابقى .. دفعته من صدرة وشمرت المخدة عليه .. جذااب مااسوي هيج اني .. بس بسيطة الا اخليك تتحسر .. يوسف .. ههههههه لامورتج لاتحرميني من هالنعمة هاي .. درة .. هههههه وخر اريد اگوم اسبح .. يوسف .. اي گومي شنو تستحين .. درة .. لا بله دور وجهك .. يوسف .. ههههههه تحجيت صدگ وج هسا جنتي گدامي ربي ماخلقني وهسا تستحين .. غمضت وجهي عنه .. جنت مو بوعي وخررر لا وربي ابقى نايمة هيج للصبح .. يوسف .. ههههههه لا درت وجهي گومي يله .. خلاني اگوم ورجع يباوع . ركضت للحمام وسديت الباب .. باوعت النفسي بالمرايه .. صاير وجهي خريطة .. سبحت وكملت .. خليت المنشف على راسي . گلتله يوسف جيبلي ملابس من الجنطة . جابلي سيت قصير ومشلتح درة .. لا مو هذا .. يوسف .. ماكو بس هذا وبعد واحد اگصر منه ترديه درة .. اووف من سدن گلتلها لتخلين قصير يوسف .. اروحلها فدوة على گلب اخوها .. طلعت حافية وشعري ينقط مي .. والفستان وردي شفاف .. من شافني صوفر وگام يغني .. حلو طولك من تمشي وانا اراك .. خربني ضحك .. درة .. ههههه الي يشوفك يگول مراهق .. يوسف .. هو اني مراهق بحبج ومراح انضج ولااكبر ابد يله حبيبي جففي شعرج وخلينا نروح نتعشا ونزور .. بدلت واخذت ملف مال صلاة وياي .. درة .. من وراك فاتتني صلاة المغرب والعشا .. يوسف .. الله رحيم غفور .. واكيد يعذرنا بعد سنين انجمعنا .. درة .. اي ادري جمعنا بعد سنين غير نصلي ونشكرة خو ما نجازيه بالعصيان .. يوسف .. هههههه محسستني متزوج معمم .. حضني ورجع يشم .. يوسف .. افييييش يمة ولاودي اعوف هالنعمة واطلع .. ماتخلينا ندز واحد من العمال يجيب عشا ونرجع ننام . درة .. لا اني اريد ازور .. درة… اوگف مارتبت الفراش .. وتذكرت الشسمة .. يايوسف دمرنا السرير شگد عيب .. يوسف .. هههههه لاتخافين ماتدمر حسبت حسابي وخليت فانيلتي جواج .. درة .. ليش هيج سويت .. يوسف .. هو المفروض تجيبين شي وياج بس الظاهر سدن وامي ماگاللج .. استحيت منه .. صدگ محد گالي اخذي شي وياج ومحد علمني .. ااااه يوم لو انتي بوعيج وعقلج ماجان نصحتيني ورشدتيني .. حسيت روحي يتيمة فعلا بذيج اللحظة .. درة .. جا جيبها اغسلها .. يوسف .. لا ضميتها عندي.. درة .. ليش شتسوي بيها خلي نذبها .. يوسف .. معليج بيها عندي غايه . يله خلي ننزل . نزلنا زرنا جان يوم خميس والناس كلها صاحيه وسهرانه والجو حلو .. رحنا تعشينا وكملنا وبعدها دخلنا للامام .. لبسن الملف وجان وجهي صافي وكلشي مخليت .. يوسف .. طالعه تخبلين بهذا شكلج .. بريئه ونقيه .. خليج هيج دوووم وعليج هذا العباس ابو فاضل لاتبطلين تحبني بيوم .. خلي حبنا يتجدد وشما نمر بضروف لاتخليها تأثر علينا لزمت ايدة وابتسمت .. اوعدك ابقى حبيبتك وزوجتك طول العمر .. بقى يدعي الله يخلينا گلب ع گلب دوووم ويسعدنا . بعدها دخلت من الجهة المخصص للنساء وهو راح من الجهة الثانية .. دخلت للامام .. لزمت الشباك وزرت ودعيت الله يحفظلي يوسف وامي واخواني .. ويشفي امي ويساعدها .. نزلت دموعي وتذكرت يوسف من تزوج وعافني شلون تخبلت ودعيت انساه .. بس مانسيته وبقى حبي اله وهسا احنه متزوجين .. الحمد الك يارب والشكر .. صليت صلاة الزيارة وطلعت .. رحنا للامام الحسين هم زرنا .. وبعدها رجعنا للفندق .. جانت الغرفه باردة .. نزع ملابسه وراح للجربايه .. اني بدلت وفتحت شعري واجيت يمة .. فتح ايدة ونمت بحضنه .. طلع موبايله فتحة رسائل تهاني من جماعته .. رجع غلقه .. وعصرني حيل بحضنه .. باسني براسي وگال لسا مامصدگ انتي بحظني .. گرصته فز من مكانه .. خرررب هههههه غير اريدك تصدگ .. يوسف .. هيج يعني .. جا انتي الجنيتي ع نفسج .. صار فوگاي واني ادفع بي واقاوم وهو لزم ايديه بأثنين اديه الى ان استسلمت اله .. كمل وگال .. ادور اسوي ضريبة على كل شغله تسويها .. درة .. همزين گلتلي حتى احسب حساب الكلشي .. طفينا الضوة ونمنا بهدوء .. وجانت الابتسامة مرسومة على وجهي والفرحة ماسايعتني .. ثاني يوم صحينا باوع للساعه .. اوووه ثمانيه هسا تلگين ابوي بالباب .. خلينا نگوم .. گمت رتبت الغرفه وملابسنا بالجنط . انتبهت ع يوسف سحب علاگة سودة وخلى بيها الفانيلا وضمها بجنطتة .. درة .. ماگلتلي شتسوي بيها .. يوسف .. احتفظ بيها ويضحك .. درة .. والله عندك سوالف .. خليني اخابر سدن اسأل على ماما بين مايجي خالو.. خابرتها بسرعه ردت .. هلا بعروستنا شلونها ليلتكم .. درة .. تخبل .. سدن .. يارب يسعدكم هسا اني عند اهلي والبيت هوسة كلها منتضرتكم .. درة .. وامي وين مشتاقتلها .. سدن .. امير يمها لاتخافين .. والبارحة جانت هادية زينه بس كل شويه وگالت وين راحت وينها .. يمكن تقصدج .. درة .. سودة عليه گلبها يحس .. دمعت عيني مااتحملت . سحب الموبايل يوسف مني ورد عليها .. كافي روحي يله بجيتيها المرتي .. بقى يتشاقه وي سدن وسدة .. مسح دموعي وگال .. لاتسوين هيج بروحج . اول مانوصل اخذج تشوفيها لو اجيبها الج .. درة .. الله كريم .. اتصل خالو .. نزلنا الغراض ونزلنا .. سلمنا المفاتيح وطلعنا .. باركلنا خالو وباسني .. صعدنا بالسيارة .. راد يوسف يصعد بالصدر .. ماقبل خالو گاله لا ارجع يم مرتك .. رغم فرحانة ومتونسه .. بس من دخلت الديوانيه احس ردتلي روحي اعشق كلشي بيها .. هي الي خلتني اعرف يوسف واحبه .. هي الي فتحت احظانها النا بعد ماشردنا من ابوي .. الها فضل جبير علية .. وصلنا كلها تلگتنا وباركتلنا .. دخلت لجوة بسرعه لان عمامة موجودين .. خالو مرزا مسوي غدا بسيط الوجه الله .. طشوا جكليت علينا .. جان يوسف لازم ايدي وعاصرها حيل .. وعبالك راح اضيع منه . سلمنا على بيبي ام حمزة .. باركت وگالت منك المال ومنها العيال .. جدك وبيبيتك لو هنا جانوا فرحولك .. گعدت يمها وهو راح يم عمامة .. جانت عيوني تترقبها ماهي .. لزمت ايدي بيبي ام حمزة وگالت .. يمة اني وبيبتج ام مرزا الي يشوفنا مايگول شرايج . جنا مثل الاخوات .. وانتي ربيتي عدنا وشفتي .. اني حجيت وي حوراء هم .. اريدجن مثلنا گلب على گلب وتربن جهالجن سوه . لاتشلعن گلب الولد بالمشاكل والگالات .. هزيت راسي وسكتت .. مااعرف شأگلها ولاارد عليها .. حتى لو بادرت وياها بالصلح راح ترحمني وتعوفني اعيش لو تسوي الي گالته وتدمرني .. احس اكو شي مامريحني بس شنو ماادري .. اجت سدن .. گعدنا نسولف وسألتني ع النيشان . سولفتلها ع الي سواه يوسف ومستغربه .. گالت احسن حتى ذني الحيايه يسكتن .. درة .. ليش شبيهن .. سدن .. خلي يولن لاتضيگين خلگج بيهن . عوفيهن ورى يوسف ومعليج .. كملوا هوسة الغدا .. اجة يوسف گال يله وانطاني اديه لزمتها .. وصعدنا الغرفتنا .. فتحها بالمفتاح بجيبه جان . استغربت .. دخلنا الغرفه باردة .. گال اروح اجيب جنطنا من السيارة .. جابهن واجة .. بدلت وكملت ونمنا ماگعدنا للعصر .. اجت سدن گالت اجة امير والولد وعمتي .. بدلت ونزلت ركض .. شفت امي گاعدة وتسولف وي بيبي ام حمزة عبالها عمتها .. حضنتها وابوس بيها وهي تضحك .. شوكت اجيتي ..گالتلي . وعبالك حاسة بغيابي .. بوست اخواني وسلمت عليهم .. جان كل واحد بيهم جايبلي هدية .. سدن وامير گلادة .. وعلاوي جايبلي محبس .. بس حدوري جايب ثلاجة صغيرة وگال اعذروني من التقصير .. امير .. اكو غراض تركتهن برة هسا نصعدهن الج درة .. شنو سدن .. من عمتي .. وصتنا اني وامير اذا تزوجتي وهي بهذا وضعها ننطيج الفرشات والماعين والغراض ذني مشتريتهن الج وضامتهن .. درة .. اي اتذكر جانت تشتري وتضم بس ماعبالي الي .. باوعتلها ونزلت دموعي اروحلج فدوة حتى وانتي بهذا وضعج ماناسيتني .. طلعوا اخواني بعد ماساعدوا يوسف وصعدوا الغراض . بقيت جوة اساعد بخاله ام يوسف وهي ماتقبل ادخل للمطبخ .. يوسف يم الزلم .. خطار هواي رايح راجع .. واني وحدي بالهول .. حسيت بفراغ .. دخل عبودي تفاجأت خليت الحجاب ع راسي .. من زمان ماشايفته لان يدرس بالخارج ومااتوقعت اشوفه عبودي .. ها شبيج مستغربه وجودي شنو . درة .. ماادري بيك جاي شلونك .. عبودي .. اووووه من زمان احنه بس انتو الي ماتسألون درة .. زينب ماگالت . عبودي .. لا جذب صارله فترة قليله وماابقى هواي لان عطلتنا قليله .. بس حلال عليج .. متي عليه وبالتالي اخذتيه .. درة .. شتقصد . عبودي .. اخبارج توصلني اول بأول .. الظاهر حب يوسف اله طعم ثاني هالعفتي خطيبج علمودة . درة .. شنو هالحجي .. اني رايحة الغرفتي .. عبودي .. ديري بالج لاتعثرين .. التفتت . شنو .. -لا ماكو شي اقصد الدنيا هواي بيها عثرات فتحي عينج زين .. مافهمت كلامة كله الغاز.. ردت اصعد صار گبالي يوسف طلع من البراني .. ها حبيبتي شبيج .. درة .. ماكو شي .. يوسف .. عبود شتسوي هنا .. عبودي .. سلامتك حرام ادخل بيت جدي لو شنو .. ها صدگ ايه تبجي عليك عود مر شوفها .. حوراء تگول يوسف .. مااگدر امر جيبها لهنا عبودي .. امها ماتقبل .. يله مع السلامة .. يوسف عصب من كلام عبودي .. شحجة وياج هذا .. خو ماغثج درة .. لا اصلا عفته وگمت .. يوسف .. اصعدي الغرفتج شويه وجاي وراج .. صعد للغرفه فتحت تلفزيون اگلب بالقنوات . خابرت هلي باركتلي .. بعدها خابرت سدن سألتها على امي .. ويوسف ماكو .. نزلت لگيت خاله ام يوسف تصلي .. ها يمة جعتي .. الاكل مجهز بالمطبخ . سوي عشا الج والرجلج وصعديه اكلوا وحدكم .. درة .. هو وين يوسف .. ام يوسف .. الخطار طلعوا بس خاف راح الاية تبجي عليه رحت للمطبخ حظرت الصينية وبقيت منتظرة هسا يجي هسا يجي ماكو .. معقوله كل هذا هناك .. حوراء ماقبلت تدز ايه حتى بجي يوسف .. اعرفها تريد تغثني بس مستحيل اضعف .. اجة يوسف .. ها حبيبتي اتأخرت عليج اسف . بس اخذت ايه اشتريتلها بالسيارة ورجعتها الامها بس تبجي وتريد ننة على امي .. درة .. خطيه ماجبتها لهنا .. يوسف .. عاندت حوراء وماردت اسوي مشاكل بهيج يوم اعرفها راح تطلع الحجة بيج .. تنهدت .. زين يعرف مخططاتها .. گتله شتگول نتعشا وي خالو وخاله وحدهم خطيه . يوسف .. بكيفج حبي ماعندي مانع .. فرشت السفرة بالهول وتعشينا كلنا سوة .. اندگت الباب واجو بيت خاله ام احمد .. هم خاله ام يوسف رحبت بيها .. وجايبتلي هدايا .. بقينا للعشرة خطار ورى خطار .. صعدنا الغرفتي قبله .. لبست نوب قصير ومفتوح من الظهر ع طوله .. ولبست حجل . ومكيجت وجهي وبرزت عيوني والفص الازرگ .. وجبت شعري كله لگدام حتى يبين ظهري .. صعد شافني ابتسم .. مو اگلج تجنين على روحج .. واني اگول خطيه وتعبانه .. بس الظاهر انتي تسويلي اغراء حتى اتقربلج .. ابتسمت بأغراء وخليته يتخبل .. طفى الضوة واخذني الحضنه وخلصنا ليل كله حب وغزل وشقى وضحك .. مر كم يوم واني عايشه بشهر عسل فعلا .. حظرنا جوازاتنا وگال حجزت التركيا عشر ايام .. فرحت واخيرا راح اشوف تركيا .. جنت احلم بيها من مسلسل فاطمة ونور .. بعد يومين ع سفرنا .. والحمد لله حياتنا هاديه مااعرف ليش جنت خايفه من قبل حتى حوراء ماشفتها من زواجنا لسا . بس ايه مرات يجيبها يوسف لان متعلقه بخالة ام يوسف .. سافرنا وجانت سفرة من العمر .. تونسنا حيل ويوسف ابد ماقيدني بلبس او جبرني . لبست الي يعجبني وبحريتي لكن بحدود والتزام اكيد بحياتي ماعشت هيج اجواء واماكن .. حتى البحر دخلنا بالماطور وكنت گاعدة وراه .. تمنيت اعيش عمري كله هناك .. رجعنا بعد العشر ايام وجبنا هدايا للكل .. حتى الحوراء .. مافرقنا احد عن احد .. اول ماوصلت رحت الامي مشتاقتلها شافتني تبجي وتأشر عليه .. تحس بيه بس ماتتذكرني .. شبعت بجي وطلعت .. احس اني ظالمة وانانية امي بهيج وضع ومحتاجتني واني اطلع واتونس .. رغم فعلا نسيت كلشي بحياتي بهذي الايام الي سافرت بيها .. رجعنا للبيت تعبانين .. دخلت الغرفتي ارتب الملابس والغراض .. ويوسف تمدد ع الجرباية يرتاح .. يوسف .. درة .. اني سبق وان گتلج ببالي شغله .. درة .. اي صح شنو يوسف .. المحاماة تعبتني وركض ليل ونهار قررت احول الى قاضي .. وهالشي تعرفين مايصير الا اختبار وكون انجح بي .. وخابروني لازم من باجر ابدي .. فراح اگطع اجازتي واروح .. درة .. عادي حبيبي الايام هواي گدامنا .. واحنه تونسنا وطلعنا لاتهمل شغلك .. واني اصلا راح يبدي دوامي والتهي .. يوسف .. اخر سنه هاي مووو.. درة .. اي .. يوسف .. خير ان شاء الله.. حتى بس تتخرجين اشوفلج تعيين وياي .. درة .. يعني وراك وراك ماتخلص مني .. يوسف .. على گلبي مثل العسل وسحبني الحظنة صرت فوگاه .. گام يسوي حركات ويحاول يخدرني .. دفعته وگمت .. بطل سوالفك .. عدنا الليل النا .. هسا اروح اساعد خاله وانطيهم الهدايا مالتهم ومال بيت خالو حمزة .. يوسف .. وين العاب ايه وملابسها . خليهن لاتاخذيهن خلي اجيبها لهنا وانطيهيا بيدج .. درة .. اوك .. اخذت العلاليگ ونزلت .. رحت للغرفه ماشفت خاله .. رحت للمطبخ .. استغربت .. حوراء موجودة وايه تلعب يمها .. التفتت باوعت من فوگ لجوة .. حوراء .. شلونه شهر العسل حلو مووو .. اشبعي لان ماراح تشوفين بس البصل بحياتج .. ضحكت بمكر .. واخذت ايه ودخلت .. يله حبيبتي تعالي نشوف بابا .. هسا جايبلنا هدايا .. دفعتني وصعدت الدرج .. بقيت صافنه ع صلافتها شلون هيج تدفعني وتصعد الغرفتي .. تقبل اني ادخل بيتها بلا اذنها . تذكرت يوسف من يگول ماتهتم بآية وامي مربيتها .. هسا ماتفارگها ابد حتى تضغط ع يوسف بيها .. بقلمي_الكاتبة_شمس يتبع .... |
//// البـارت السادس والأربعـون //// عجـاف_القلـوب .. الكاتبـة_شمـس .. صعدت وراها .. اوگفي وين تردين .. هذي غرفتي مااسمحلج تدخلين .. تقبلين ادخل بيتج من غير اذنج .. حوراء .. وخري عن وجهي حبابة .. لاتنسين هذا بيت جدي واي مكان اريدة ادخله لاانتي ولاعشرة مثلج يمنعوني .. طلع يوسف .. شكو .. حوراء !! شتسوين هنا .. حوراء .. ايوو تبجي عليك وخبصتني اصعدها الك .. جان انطتيها الدرة هي تجيبها .. اخذها منها .. روحي البيتج يله .. اني اجيبها بعدين .. حوراء .. بسسس . يوسف .. روحي گتلج .. نزلت وهي تخوزر بيه .. يوسف .. يله حبيبي تعاي ادخلي شبيج .. شسوتلج .. درة .. لا مابيه .. يوسف .. اهمليها .. صدگي علاج الجاهل التجاهل . هاي ماتعرف شتسوي .. واذا ردتي عليها راح تفرح وتعتبرة نصر الها .. اتركيني اني اخذ حقج .. اعرف راح تعتبر ايه ورقه رابحة الها .. بس اني مو غشيم كاشف اوراقها كلها .. درة .. لا حبيبي ماعليك متها . مااريد تصير مشاكل واطلع اني السبب .. يوسف .. دعوفينا .. شوفي هذا العسل يخبل .. اية تضحك وتلعب بلحيته .. وترجع تضحك .. يوسف .. وين العابها جيبهن الها .. فتحت العلاگة وانطيتها اللعابه .. ضحكت .. دور طلعتلها القطار كبير ووياه سكة .. رتبناهن الها والقطار يمشي وهي تصفگ .. يوسف .. هاي خاله جابتهن الج گومي بوسيها .. حضنتني وباستني .. ودور تاخذ من الحمرة بحلگي وتخلي بحلگها .. خرب يوسف عليها من الضحك .. يوسف .. هاي المن شايفه . اشو حتى امها ماشفتها تخلي مكياج بوجهها .. شافت صبغ اضافر وتخبلت تريدة .. انطتهيا .. تونسنا وياها حيل . يوسف .. يله خلينا ننزل .. حتى اوديها ونگعد يم اهلي شويه .. ام يوسف .. يمة شنو انتو صايمين . شو مااكلتوا .. يوسف .. هاي الملعونة لهتنا نسينا ارواحتنا وياها .. ام يوسف .. امها كل شويه جايه تريدها .. يوسف .. اوديج الماما .. گامت تبجي ماقبلت وشمرت نفسها على ام يوسف .. وماتقبل تمشي .. ام يوسف .. عوفها يمي هنا .. اني احجي وي امها . دخلت حوراء .. انتبهت عليها تدخل وتطلع بكيفها .. وبالليل منين تفوت .. يوسف .. ايه تبات يم امي اليوم .. حوراء .. لا مااريد اعودها كبرت .. ام يوسف .. بعد هي متعودة من صغرها يمي شنو ماترديها تتعود .. حوراء .. اي جنه بيت واحد مو هسا .. يوسف اشر الامة تنطيهيا .. ماتت ايه من البجي هي سحبتها بالگوة واخذتها .. يوسف .. يله حبيبتي گومي سويلنا شي ناكله .. رحت للمطبخ .. شفتها دخلت من الحايط . شنو هاي معقوله لو احلم .. طلعت للطارمة .. شفت باب صغير بين الحديقه والمشتمل .. استغربت هذا شوكت سووه .. معقوله واحنه بتركيا .. اجة يوسف .. هاا حبي شبيج .. درة .. هذا الباب شوكت سويتوه ماشايفته من تزوجنا . يوسف .. اي هذا ابوي فتحة علمود ايه خاف تبجي علينا شيطلعها بالليل .. يله عمري ميت جوع .. رحت سويت عشا النا حميته وخليته بالصينية .. گعدنا بالهول يم خاله وخالو .. نسولف ونضحك ويوسف يوريهم صورنا بتركيا .. دخل خالو حمزة .. گال السلام عليكم .. من رخصتك مرزا اريد احجي وياك بشغله .. گمت سلمت عليه .. سلم بثگل عليه .. وعافنا ودخل للبراني .. غمزلي يوسف مااهتم .. بقينا گاعدين ناكل .. وهو يتشاقه ويصنف ع اكلي شلون اكل .. وخالة تضحك علينا .. طلعوا من البراني .. خالو حمزة گال مع السلامة وطلع .. وخالو مرزا جان ضايج مااعرف شبي .. مرزا .. يوسف استعجل يابه خابروني جماعه راح يجون عندهم طلابه .. ووياك خابر على امير يجي يمنا هنا .. كمل يوسف وگام صعد بدل دشداشته ونزل .. اني جاي اغسل ماعين .. حظني وباسني برگبتي .. اندگت باب المطبخ فز من مكانه .. فتح الباب امير .. من شفته احس روحي ردت .. بوسته وحضني .. امير .. والله البيت صاير بارد بلياج .. يوسف .. تعود يابه بعد تحلم تشوفها .. امير .. ولك هاي بنيتي ربيتها على ايدي شلون اتعود .. الله شاهد عبالك بنتي الي تزوجت مو اختي .. خلاني ادمع .. طلع خالو من الغرفه مبدل ولابس عگاله .. ووراه خاله ضايجة... حسيت اكو شي بس شنو ماادري .. يوسف هز ايدة الامة بمعنى شكو . اشرتله مااكو شي .. اجو الخطار ودخلوا كلهم للبراني .. اني بقيت بالمطبخ سويت جاي وگهوة .. وبقيت گاعدة خاف يحتاجون شي .. انفتحت الباب دخلت بيبي ام حمزة .. سلمت عليها واخذت ايدها ودخلتها .. ام حمزة .. بيبي دخليني الغرفه الحجي .. دخلتها لجوة .. نزعت عباتها وگعدت ع الجربايه .. اجت خاله ام يوسف شافتها .. ها يمة خير شبيج .. ام حمزة .. كافي بعد مااتحمل .. خلوني گاعدة هنا بحجرة الحجي والحجيه .. هو الاخذ عمرهم مااخذني وياهم .. ام يوسف .. اسم الله يمة ليش هيج تحجين .. ام حمزة .. خايبه بزعت روحي .. مليت من درمة فاطمة براسي وعركها .. خليتلها البيت واجيت .. ام يوسف .. شسوت بعد ام حمزة .. النهار كله تقرأ براس ه الاثول وهو وياها مايگلها لا .. مدري شمسويتله عاميته عمي . والله اتذكر ماجان ابني هيج .. شسوتله ماادري .. عفتهن وطلعت لان سوالفهن خاصه .. وماردت ادخل نفسي .. بس الله يساعدها ع فاطمة هو احنه شويه مانتحملها هي شلون عايشه وياها .. طلع يوسف .. حبيبتي سوي جاي بعد .. ولو تعبتي درة .. لا حبيبي تعبك راحة .. بس بيبي ام حمزة هنا يوسف .. خير خلي اشوفها .. راح الها ودور اجه اخذ الجاي ودخل يم الزلم .. طلعوا للعشرة .. ودعني امير وراح واني بقيت اغسل استكانات والفناجين كملت المطبخ .. رحت اريد اشوف يوسف اذا يصعد او لا .. سمعته يعيط وعصبي .. ويگول الابوه .. مو بدت رحمة الله وعود يلوي ذراعي . من زمان يعرف بحياتنا شلون جانت ومااعترض ليش هسا اعترض .. تراجعت وصعدت الغرفتي .. بدلت وتمكيجت جاي اخلي مرطب الرجلي وايدي .. دخل للغرفه .. ابتسم من شافني .. يابة لو اكبر هم عندي . من اجي واشوف الغرفه مرتبه وباردة وانتي مبدله ومتجهزة الي انسى الدنيا كلها .. حظني وضم راسة برگبتي ويشم بيها .. ااااه كون ابقى هيج مااطلع ابد ولااشوف واحد . درة .. ليش منو الي ضوجك . يوسف .. محد .. وحتى لو ضجت شوفت عيونج تنسيني الهم كله . درة .. سمعتك تصيح شكو .. فرك وجهة وعدل گعدتة .. عمي جاي يحرض ابوي عليه .. ادري هاي بنته ومرته يدزنه .. درة .. ليش شيردن .. يوسف .. خلي يولن يحجن وينجبن .. لاتفكرين بيهن .. وهسا تعاي ترى اشتاقيتلج .. مثل كل ليله لازم ياخذ الي يريدة وياخذني وياه وينسيني الدنيا يله يرتاح .. وبالنهايه يحضني وننام .. فزيت من الصبح .. سبحت وحضرت ملابسه وطلعت القاط علگته ع الكنتور .. ونزلت سويت جاي وريوگ وحضرته .. احب ارتب الريوگ بطريقه تشهي .. لان مو الكل يحب يتريگ .. والمقابل اذا شاف التزيين والترتيب راح يشتهي وينجبر يتريگ .. خلطت بيض وسويت اومليت .. وحضرت الزيتون وقطعت طماطة وخيار . وقشطة ومربى .. رحت للحديقه واخذت ورة خليتها ع الطاوله .. طبعا جنت متأثرة بالافلام هواي .. وامنيتي جنت اسوي هالشي من اتزوج واتحقق الحمد لله صعدت بوسته وگعدته .. عصرني بحضنه حيل .. .. درة .. گوم حتتأخر مو عندك دورة مااعرف اختبار . يوسف .. اوووه صدگ شلون نسيت .. خليته يسبح ونزلت .. بدل ونزل وجان عطرة سابقه .. طلعت من المطبخ .. ترى بديت اغار . اذا اني مرتك سحرني عطرك جا الموضفات بالمحكمة شلون .. ابتسم .. وباسني بحنكي وج هو اكو احد يحلالي غيرج .. شگد شفت ببغداد بنات وعرفت بس مادخلت وحدة بگلبي غيرج .. درة .. عرفت ؟؟ اممممم شلون يعني عرفت . يوسف… هههههه لايروح بالج بعيد اقصد موكلات وقضايا لاغير .. درة .. امممم مثل هاي الي عرضت نفسها عليك حتى تتزوجها .. يوسف .. هااااي وحدها بلوة هههههه . درة .. ضربته ع صدرة .. وانت مكيف طبعا البنات يركضون وراك .. هو يضحك عليه .. وسحبني الحضنه .. اتنهدت بصدرة ورفعت راسي وهو حاضني .. اموتك اذا تباوع الغيري .. يوسف .. مستحييييل .. طلع خالو .. احم احم ويكح .. يابة گولوا هنا رجال جبير ومعوز حنان .. گدامنا ومن الصبح .. يوسف .. وين امي عنك خلي تسمعك ههههه.. رحت للمطبخ ركض .. دخلوا شافوا الترتيب .. يوسف .. اويلي هاي النسوان بعلي .. عود متأخر بس مستحيل افوت هيج ريوگ يفتح النفس .. درة .. يله خالو غسل بين مااصبلك جاي وياه .. مرزا .. مااگول لا .. صبيتلهم جاي وتريگوا گعدت خاله .. ياعيني اليوم تتريگ بلاي شيخ مرزا .. مرزا .. شسوي اذا جنتي مسويتلي ريوگ يفتح النفس شلون مااتريگ .. ام يوسف .. يمة فدوة الجنتي النادرة .. بقوا يسولفون ويمدحون .. اجت بيبي ام حمزة صبحت علينا .. عبالي رايحة ماادري بيها باتت عدنا .. توقعت اجه خالو حمزة وراضاها .. طلع يوسف مستعجل وصلته للباب .. فتحت حوراء الباب مالتها وعبالك تتصنت علينا .. يوسف ايوووو هذي سمعت صوتك وگعدت .. باوعت للطفله تغفي بالگوة تفتح عينها وهي شايلتها .. تقرب باس ايه من راسها .. وگالها اتأخرت .. دخليها تكمل نومتها ليش مگعدتها .. حوراء .. هي گعدت وحدها .. گال مع السلامة وطلع .. سديت الباب ودخلت بقت تحجي وراي مااهتميت .. سوينا ريوگ اني وبيبي وخاله وگعدنا نتريگ .. كملت نضفت وبدينا نحظر للغدا .. بعد ماكملنا الغدا باوعت الساعه عشرة .. استأذنت وصعدت الغرفتي .. خابرت سدن ملتهية بأمتحاناتها .. سألتها گالت كملت وزينة .. سألتها ع امي . گالت ريگتها وانطيتها علاجها ونامت .. منتضرتها تگعد حتى اسبحها .. بس هي متقبل ذيج المرة طردتني من الحمام .. درة .. اتركيها بلكي باجر اجي وانتي تعاي لهنا خاله مشتاقتلج .. اعرف ماتجين بسبب امي ماتگدرين تعوفيها. . سدن .. لا يروحي هي هم امي .. درة .. الله يوفقج .. سدن .. شلونة الوضع يمج .. درة .. ماشي الحال .. سدن .. الله يسعدج يارب .. سديتها منها .. طلعت الملابس الوسخة .. وخليتهن بالغساله .. غسلتهن وجففتهن وشريتهن بالسطح .. دخلت وجاي اقفل الباب .. تفاجأت حوراء فوگ .. -شتسوين هنا .. صارت عيني گبل ع غرفتي .. حوراء .. شبيج خفتي لتخافين مادخلنا العرشج ولابگنا . عمتي صارلها ساعه تصيح وانتي فوگ بالسطح مدري شتسوين .. درة .. يعني شسوي انشر ملابس .. حوراء .. ليش مو اكو حبل جوة بالممر لو الا فوگ .. نزلت واني وراها .. اووووف شلون وياج تاليها .. ها خاله صحتيني .. ام يوسف .. لا يمة شئريد منج ماعدنا شي .. باوعتلها . گالت ماادري عبالي تصيحج سمعت صوتها .. طلعتلها عذر مدري منين .. تالي طردتها بيبي ام حمزة وراحت البيتها .. ام حمزة .. هاي البت شو جانت ليل ونهار عدنا هناك مگابله امها .. هسا صار هالبيت عزيز ومگابلته .. ام يوسف .. اي هم گلت دور مرزا سوالها باب علمود ايه وهي خري مري .. ام حمزة .. يله بلكي الله يهدي سرهن ويصبرن حبايب .. مرت الايام ويوسف يطلع الصبح يجي الظهر تعبان وينام وبالليل نسهر .. خلصنا العطله سهر .. وبدأت الدوامات .. طلعت امي وياه اشترينا ملابس للدوام .. وجهزنا .. گتلة خلينا نروح البيت اهلي اشوف امي .. رحت الامي .. ماشفتها من يوم الي رحت سبحتها .. ماتقبل الا اني اسبحها گلبها يحس بيه .. لگيتها نايمة .. امير اصر نتعشا عندهم .. خابر اهلها وبلغهم .. وبقينا عند اهلي .. لحد ماگعدت امي وشفتها واطمأنيت عليها ورجعنا للبيت .. يوسف .. خرررب يومج شنو هالريحة بالبيت .. ام حمزة .. هاي حويرة عود تريد تسويلنا عشا النادرة . حرگت وصلت الطباخ همزين مااحترگنا .. يوسف .. يمعودين انتو متشبعين بالريحة ماتشتمون هاي جيفه مو مال حرگ وصله .. ام يوسف .. يايمة شنو جيفه عود هي رشت معطر وشعلت بخور عن ريحة الحرگ .. بقينا گاعدين يمهم ودور صعدت رتبت ملابسي .. وجهزتهن .. صعد يوسف بدل وتمدد ع الجربايه .. اشرلي اجي يمة .. تمددت يمة لزم بطني .. شنو ماااكو شي بالطريق .. درة .. ههههههه لويش مستعجل بعد وكت خليني اكمل السنه ع الاقل .. يوسف .. حيل شيصبرني سنة .. اريد ولد حلو مثل امة وخاصه العيون .. درة .. ليش وابوه شناقصه .. داومت والقسم كله باركلي .. وهلي جابتلي هديه لان ماگدرن تجي .. گالت حيدر گال راح ندز مشيه مرة ثانيه صدگ درة .. هسا سمعت منج .. هلي .. البارحة گالي .. درة .. هااا سمعت يوسف وامير يسولفون . وگال امير ناخذ خالي ونمشي .. هلي .. يعني يگدرن يضغطون على ابوي .. درة .. انتي مو تگولين قطع علاقته بأختة وتعارك وياه بعد ماكو حجة .. ملتهين نسولف . وشفت مهيمن گبالي تعجبت هذا شجابه مو تخرج .. تقرب گال مبروك سمعت مخطوبه .. درة .. يله هلي گومي .. مهيمن .. ع الاقل ردي مو باركتلج .. درة .. والله الك عين وتجي تحجي وياي .. مشيت وعفته .. دخلت للمحاظرة .. بعدها طلعنا ماشفته .. مدري ليش گلبي وگف وتذكرت كلشي من شفته .. يوسف گال اني اجي اخذح .. بقيت منتضرتة مااجة .. شفت عبودي گبالي .. شلونج درة .. هلو شجابك .. يوسف يتأخر عندة شغل اجيت اخذج .. اتعجبت مو طبع يوسف يدز عبودي وخاصه هو يضوج منه ومن تصرفاته .. درة .. لحظة اخابرة .. عبودي .. يمعودة شبيج ماكو ثقه هاي بدل ماعايف دراستي وجاي اوصلج .. استحيت من هلي والطلاب تباوع صعدت وياه بالورة .. باوعلي بالمرايا .. ماگعدتي لگدام ليش ورى .. درة .. لا هيج مرتاحة .. وصلت اتصل يوسف .. الو وينج منتضر برة صار ساعه .. درة .. اجيت وي عبودي .. يوسف .. عبودي شنو .. واني شنو هنا طرطور شلون ترحين وياه من غير متگليلي .. درة .. لاتصيح شبيك غير انت دازة .. يوسف .. اني ادز هالمخنث . وين انتو هسا . درة .. وصلنا للبيت .. يوسف .. ادخلي وهسا جاي .. استغربت من ردة فعله وعياطة . ادري بي يغار بس مو هيج .. عبودي انت مو گلت يوسف طلب منك توصلني .. عبودي .. لا ماگلت هيج .. گتلج يتأخر خلي اوصلج اني واصلا عندي شغل يمكم فگلت اسوي اخذج بطريقي .. درة .. وماگلت هيج من البدايه ليش خليتني مااخابر يوسف وابلغه .. عبودي .. هو هم صوجي .. صدگ لو گالوا خيرا تعمل شرا تلقى .. تركني وراح البيتهم .. وبقيت اني مثل الاطرش بالزفه .. اووووف يادرة وغبائج شلون ثقيتي بي واجيتي وياه شلون .. دخلت سلمت وصعدت .. بدلت ونزلت . صار يوسف گبالي .. اصعدي گدامي .. يوسف شبيك ترى اني مو زعطوطة هيج تعاملني .. يوسف .. لو عندج عقل جان فكرتي وگلتي رجلي مايحبه ومايثق بي شلون يقبل يوصلني للبيت .. درة .. شمدريني هو گال يوسف يتأخر ومايجي عبالي انت الي گايله مضطر .. يوسف .. وعبرت عليج حيلته .. وج هذا محيل يعرف شلون يطلع نفسه صاحب حق والمقابل غلطان .. خلصت منه وسافر تالي رجع .. شوكت تخلص عطلته ماادري .. وهسا بس اگله منو سمحلك توصلها .. يگلي ماجبرتها اجت وياي برضاتها .. بقيت گاعدة اسمع عياطة عليه .. درة .. كملت فرغت داخلك عليه .. گمت ردت اطلع .. سحبني من ايدي ولزم وجهي بأثنين اديه .. اسف قسيت عليج بس مااتحملت اغار عليج مو بيدي . بودي ادوام وياج ومااخلي اي احد يمسج بطارف عينه . درة .. شوكت تعرف اني مااشوف غيرك بالدنيا .. ومااحب غيرك ولاواحد يگدر ياخذ مكانك بگلبي .. يوسف اني لو مااحبك ماقبلت اتزوجك عن شرج .. وتعرف كلش زين مااحب احد يشاركك بيه . حضني واعتذر .. درة .. اروح اسوي غدا .. تركته ونزلت .. شفت حوراء . گاعدة يم بيبي ام حمزة .. وايه تلعب بالمكعبات .. باوعتله وضحكت بشماته يمكن سمعت صوت يوسف وهو يعيط .. مااهتميت الها .. اجت وراي .. بعدج ماشفتي شي .. صبيت وكملت .. صحت يوسف يله حبيبي الغدا جاهز .. صاح من فوگ .. جاي حبيبتي .. اخذتة للهول وگعدنا يم بيبي .. نزل هو شاف ايه .. گال منو حبيب بابا .. اشرتله ع روحها .. وحضنته .. شافن الاكل .. گالت عم .. گعدها بوسطنا ويأكلها .. تسويلنا حركات وتضحك .. ماقصدي اغيضها بشي بس هي الي تستفزني وتحاول تضوجني .. اجت گعدت يمنا .. انطينياها حبيبي اني اكلها اكل انت .. بقى يوسف صافن عليها .. باوعلي دنگت سويت نفسي ماسمعت شي .. كملنا غسلت الماعين وصعدنا نمنا .. نزلت العصر لگيتها بعدهي موجودة .. هاي شنو مو عدها بيت شو لازگة هنا .. رحت الخاله سألتها ع العشا .. جاي اثرم كباب .. مرت من يمي .. يله ايووو. حبيبي خلي نروح نجهز نفسنا بابا راح يجي يبات يمنا اليوم .. باوعتلها ضحكت ومشت .. معقوله يوسف يروحلها شو ماگالي .. كملت العشا صعدت گعدتة وهو نايم .. يله يوسف صار المغرب مايصلح گوم .. يوسف .. بعدة الحلو زعلان مني .. درة .. لا مزعلانه .. بس سؤال . انت علاقتك طبيعية بحوراء .. يوسف .. ليش سألتي .. درة .. لاتاخذها من باب الانانية او الغيرة . بس انت گلتلي ماتربطك بيها اي علاقه والي اشوفه ماخذة راحتها وياك وي البيت وفوگ كل هذا تگول تبات يمها بالليل .. يوسف .. ااااه شلون بيها هاي ماتنعدل. . مو هيج الحجي .. خالي حمزة محاجي ابوي وگايله شنو هاجر بنتي وحدها بالمشتمل .. لو يعدل بينهن لو يطلگها وساعتها ابهذله بالمحاكم .. ويهدد بايه .. درة .. وانت راح ترضخ الهم .. يوسف .. شبيج حبيبتي .. بين فترة وفترة اروح يمهم واشوف شمحتاجين وهاهي .. ثقي مالي نفس بيها ولااريدها . وعلواه تقبل اطلگها بهدوء ومن غير مشاكل وفضايح . بس تعرفين عمي وامها شنو .. وابوي يخاف من المشاكل والفضايح .. درة .. مااعرف گلبي مامرتاح .. يوسف .. صدگي مااسوي شي يزعلج وايدي مستحيل تلمس وحدة غيرج .. نزلنا تعشينا واني افكر بكلامها .. وكلامة .. حوراء طلعت مو هينه عرفت شلون تكسب الكل وتاخذة الجانبها . وتضغط عليهم بآيه .. كملنا عشا .. گال راح اخذ ايه افررها بالسيارة واشتريلها واجي محتاجة شي .. درة .. لا سلامتك .. يوسف .. ترحين ويانا . درة .. هااا لا عندي محاظرات اكتبها .. يوسف .. براحتج .. كملت شغلي وصعدت اكتب وبالي يمة اوووف لو رايخة وياه . لا درة لاتصيرين مثلها انتي عندج ثقه بيوسف .. ومثلج انسانه واصله ومثقفة ماتنزل الهيج مستوى .. خابرت سدن حتى اشغل روحي .. مااتحملت وسولفتلها .. سدن .. وج عيني هاي حيه ماتعرفيها لاتصيرين طيبه وحق الله ماترحمج .. حافظي ع بيتج وزوجج .. سبق وگتلج مابحال ايه هي .. اصلا هي بالليل تروح تبات عند اهلها حتى امها تسهر وي ايه وتگعدلها لان هي مابيها حيل .. ملتهيه بالموبايل .. درة .. اوووف فوگاها يوسف اتأخر .. سدن .. روحي بدلي وتشيكي ولاتشيلين هم مرجعة الج وين يروح .. گمت بدلت ورتبت نفسي .. سويه وانفتحت الباب .. من شفته احس روحي رجعتلي .. رحت حضنتها .. وين اتأخرت . يوسف .. هاي شنو اشتاقيتيلي .. بعلي صرتي مثل ايه .. هم هيج تسوي من تشوفني . درة .. وين رحتوا .. يوسف .. نفتر واشترينا .. وبعدها شفت جماعتي وامير بقيت شويه يمهم بالكوفي واجيت .. درة .. هااااا وايه وين .. يوسف .. جوة يم امي .. درة .. ارتاحيت شويه .. يوسف .. مو مشتاقتلي تعاي بحضني اني هم اشتاقيت .. اخذني الصدرة ونمت .. عطرة جان قوي احس روحي تلعب منه .. درة .. يوسف شدعوة ترش هيج عطر .. يوسف .. ههههه ذاك اليوم تتغزلين بي وهسا مايعجبج درة .. لا مو ميعجبني بس احس روحي تلعب مغثوثة يمكن من العشا .. يوسف .. جبت صودا بالعلاگة اشربي ترتاحين .. شربت صودا وجايب جبس ليز وكرزات .. گال اكلي .. درة .. لا مااشتهي خلينا ننام ورانا دوام .. مر كم يوم واني نفس الحاله .. اجي من الدوام تعبانه والصبح استفرغ واحس بنحول وغالبني النوم .. اگوم منا وانام منا .. سويت العشا وصعدت نمت .. اجة يوسف .. درو درو نايمة شنو .. وخرت الغطا وفتحت عيوني بصعوبه .. يوسف .. شبيج حبيبتي سألت امي گالت مالها خلگ . درة .. ماادري شبية احس جسمي مكسر .. گومي اخذج للمستشفى .. درة .. مابيه شي بس تعب .. يوسف .. گومي يلة جابلي ملابس من الكنتور وبدلي .. لبست شالي شلون ماكان وگمت .. نزلنا .. گاعدين كلهم بالهول .. خالو .. ها بويه وين .. يوسف .. راح اخذها للمستشفى مالها خلگ .. ام يوسف .. اوگف يمة اجي وياكم .. يوسف .. لا يمة منا بيبيتي وحدها وابوي خاف يجيه خطار منو اله .. ام يوسف .. هسا اصيح حوراء تبقى يمهم .. رحت صعدت بالسيارة وخاله دگت الباب ع حوراء ماموجودة عند اهلها .. خابرتها وگالتلها تروح يم بيبي وخالو .. بيبي شگد حاول خالو حمزة يرجعها ماقبلت زعلانة .. وهي عدنا مرتاحة وماتأذي .. وصلنا المستشفى .. سولف يوسف للطبيب . گالة خاف حمل .. ام يوسف .. اي صدگ شلون فاتتني اني هيج بيوسف نفس الاعراض .. يوسف ضحك .. وهسا شلون. نتأكد .. سألني الدكتور .. شگد فايته الج .. درة .. متت مستحه من سألني .. هااا ماادري اعتقد اسبوع .. الدكتور .. احنه ماعدنا تحليل حمل هنا . اذا تحبون اخذوا تحليل منزلي من الصيديله او انتضروا الباجر وحللولها دم يبين اكثر .. بس لاتنطوها اي علاج الا لمن تتأكدون .. طلعنا ويوسف طاير من الفرح ويغني .. گال مااصبر الباجر .. نزل جاب تحليل منزلي واجة .. وخاله تضحك عليه .. رجعنا للبيت .. تلگته بيبي .. ها بشرو شبيها البنيه .. ام يوسف .. شاكين حمل .. ام حمزة . يا صلوات واني ردت اسألها وگلت خاف تضوج خطيه .. يوسف .. يله ادخلي للحمام بسرعه .. خالو جان عندة خطار فحجينا كله همس .. دخلت للحمام . وبقبت منتضرة قرأت التعليمات اذا خطين معناها حامل بس طلع خط واضح وخط خفيف .. مافهمت شنو .. طلعت راويته الخالة گالت ان شاء الله حامل صح الخط الثاني خفيف بي واضح ذاك هو .. يوسف طار من الفرخ ويحضني .. حوراء .. الي يشوفك يگول اول طفل هذا شدعوة .. يوسف .. يعني ماترتاحين الا تضيعين فرحتي .. رحت اغسل .. گامت وراي .. اجة يوسف .. اروح اجيب بقلاوة واجي هي گاعدة بالمطبخ وتتفرج .. -لاتفرحين اخاف عليج تنصدمين .. درة . شتقصدين . حوراء .. سلامتج .. تركتها ورحت يم بيبي وخاله . طلع خالو بشرته خاله فرح وگال الله يجعله الولد الصالح ان شاء الله. اجة يوسف جاب بقلاوة وحلويات وعصاير واحتفل .. راد يخابر امير وسدن گلتله لا انتضر خلي نتأكد باجر يله وصدگ اول ماتأكدنا خابرهم وفرحوا .. عزمهم ع العشا . واجو كلهم وماما وياهم حتى زينب اجت وعلي .. فرحت بجمعتنا كلنا واتمنيت الله مايضيع فرحتنا .. سدن وزينب بلشوا بالماعين يغسلون .. گالت زينب اروح اشوف اهلي واجي .. علي گالها روحي .. خطيه راحت ورجعت ضايجة .. علي .. شبيج .. زينب .. مابيه .. يله خلينا نروح . علي . هسا شويه عيب منهم كلها گاعدة .. دخلت الغرفه بيبي .. رحت وراها .. ممكن اگعد يمج .. هزت براسها وجانت ترضع ببنتها .. دنگت بست هداوي .. اكو شي مضوجج .. زينب .. لا ماكو بس تعبت والبنات هادين حيلي ونعسوا درة .. زينب صح علاقتنا جانت مو هالگد بس الله شاهد احبج واعزج مثل مااعز علاوي .. زينب ابتسمت وگالت . يعني مو بمعزة سدن .. درة .. ههههه اثنينكم اخواتي بس تعرفين علاقتي بسدن من صغرنا انتي وحوراء جنتوا مبتعدين عنا .. زينب .. مو ذنبنا هيج تربينا . درة .. اعرف وعاذرتج .. زينب .. درة اني بين نارين . امي وحوراء زعلانات عليه وبين رجلي الي يحبني ومخلي شروط اذا تكررت بعد يطلگني زين اذا تطلگت مايفكرن منو البناتي لو ياخذهن مني اموت والله .. اني مااريد اخسر بيتي .. تصوري هسا رحت الاهلي تلگتني حوراء سمعتني حجي وامي ساكته بس ابوي ماقبل . درة .. مااعرف شأگلج هي اختج وانتي اعرف بيها خاف احجي وتگولين لان شريتج ماتحبيها .. زينب .. لا اعرفها شنو ماكو داعي تحجين . اصلا اني اگلج خافي على نفسج منها .. درة .. شتريد تسوي يعني مادام الله موجود هو الحامي ماتگدر تأذيني .. زينب .. ان شاء الله .. تدرين ارتاحيت من حجيت وياج درة .. وبأي وقت تحتاجين خابريني وندردش .. زينب .. ان شاء الله. صاح امير .. يله يابة خلونا نگوم .. رحت بوست امي وودعتها .. مدري ليش احسها ضعفانه .. طول ماگاعدين ع العشا اسويلها لفات وتاكل والبنات يگولن ماتاكل هناك .. يمكن تخاف وماتاكل .. حجيت وي امير گال اي تخاف عبالها سدن احلام وزينب بلقيس وتگول مايحبني . ماتشوفين اني اوكلها بيدي وتاكل .. درة .. اي عفيه لاتعوفها بالي يمها ليل ونهار .. امير .. لاتشيلين هم اصلا هي من تجي ام احمد ماتعرفيها بس ضحك وسوالف وتحسيها طبيعيه وكلشي تتذكر وياها وياكلن ويشربن سوة .. درة .. الله كريم .. حسيت بمغص ببطني صعدت تمددت .. يوسف .. شبي ابني تعبج .. درة .. لا بس لان طولت الگعدة .. ارتاحي .. بين مااجيبلج علاجج . درة .. شمدريك مااخذت .. يوسف .. الشيت ماماخذة منه .. درة .. اي انسى يوسف . ميخالف اني اذكرج يوميه .. درة .. شلون اذا داومت وصرت قاضي منو الي .. يوسف .. سيارة خاصه توديج وتجيبج اني اعوف حبيبتي وام ابني .. واذا تردين اخذج بيدي واوديج .. درة .. لا انت هم شغلك ودوامك مااعطلك .. مر كم شهر ع حملي وفرحانه صح تعب ودوام بس تفكري بي واعد الايام شوكت يجي واشوفه تنسيني الدنيا ومابيها .. رحت اخذت سونار .. عرفنه جنسه ولد .. يوسف طار من الفرح ومامصدگ .. خابر اهله وبشرهم .. الدكتور وصتني ارتاح لان عندي تقلصات قويه .. وطلبت اخفف من صعدت الدرج .. يوسف .. ميخالف نامي بغرفه جدي .. بيبي ام حمزة ورجعت البيتها بعد شعندج حجة . وعود بالليل نصعد الغرفتنا بس .. وصدگ احس روحي مسجونة من الدوام للبيت يخاف عليه وايه كل شويه تجي وتتلمس بطني وتگول عنون .. وتضحك .. تعلقت بيها حيل وحتى مرات تنام يمنا .. بس حوراء ماتخليها وكم مرة تدخل للغرفه من غير استأذان تسحبها من يمي وتمشي .. زاد عدائها الي وخاصه بعد ماعرفت بيه ولد .. بيوم تعشيت عادي ونمت .. لليل واحس مغص ببطني .. بقيت اتگلب بمكاني ومااعرف شبيه .. الالم زاد واحس رحمي يتمزگ .. مااتحملت وگمت اعيط .. طفر يوسف .. شبيج شتحسين . ماادري الم الم قوي راح امووووت .. الحگنييي ابني مدري شبي ابني وابجي .. خلة العبايه ع جسمي ولف الشال بسرعه لبس دشداشته وشالني ونزل .. واني ابجي واعيط لا يربي ارحمني . كلشي ولاابني ابنييي ابجي ويوسف يهدأ بيه ويواسيني لاتخافين حبيبتي مابي شي ان شاء الله. طلعوا خالو وخاله ع صوتي .. ام يوسف . يمة اسم الله شبيها الطفل شبي .. يوسف .. ماادري ماادري راح اخذها للمستشفى ام يوسف .. انتضر البس عباتي واجي .. يوسف .. بسرعه يله .. مرزا .. روح انت واني وامك نقفل ونجي وراكم .. طول الطريق ابجي وادعي ابني مابي شي .. اخر شي حسيت مدري شنو وگع عليه .. زاد اعياطي وخوفي .. يوسسسف بسررررعة .. بقلمي_الكاتبة_شمس يتبع .... |
//// البـارت السابـع والأربعـون //// عجـاف_القلـوب .. الكاتبـة_شمـس .. طول الطريق ابجي وادعي ابني مابي شي .. اخر شي حسيت مدري شنو وگع عليه .. زاد اعياطي وخوفي .. يوسسسف بسررررعة .. يوسف .. اهدي حبيبتي والله مااشوف بعد گدامي .. درة .. لا يربي كلشي ولاابني لاااا .. وصلنا يم المستشفى شمر السيارة بالباب واجة ينزلني . اجة الشرطي الي بالباب .. مايصير خويه اسحب سيارتك منا .. يوسف .. وين اسحبها ماتشوف حالتها كلشي .. الشرطي .. هاي اوامر مالي علاقه .. يوسف .. ع الاقل خلي ادخلها واجي .. الشرطي .. صيحلك عامله تاخذها بالعربانه .. يوسف .. انت مطي متمدد بعقلك جاي اگلك حالتها كلش وابني راح يموت .. دفعه وراد يدخلني .. الشرطي عاند ويوسف گام يصيح .. همزين اجة خالو مرزا بالوقت المناسب .. نزل بسرعه .. شبيك وياه متشوف مرته حالتها صعبه . الشرطي . سيارتة يسحبها منا لو من البدايه مامعاند .. مرزا .. اتركة يروح اني اسحبها .. اولا هو قاضي بالمحكمة ويعرف القوانين لو ما مرتة بحالة صعبه .. الشرطي .. اسف سيدي تفضل .. يوسف .. هسا راجعلك .. اني اصيح من الالم وهذا معاند .. اجت العامله جابتلي كرسي وخاله وياي .. يوسف .. روحن گدامي هسا اجي .. رجعت شفت ابوي دخل السيارة لجوة . الشرطي شافني يمتمت .. يوسف .. شفتني بدشداشه وحالتي حاله بسبب مرتي گمت تمسلت وتغلط .. ولك شوكت تبطلون سالفه المحسوبيه والعرف . يعني لو جايك وياي حمايتي جان رحبت وفتحتلي الابواب خلو عندكم انسانية شويه .. الي جاي هنا ماجاي يتونس لو عندة مريض لو گلبه محروگ على احد .. مرزا .. يله يابه امشي المرتك ماصار شي .. رجعت الدرة وبالي يمها وعصبي وهذا فور دمي اكثر .. درة .. حولتني الدكتور الصاله الولادة .. رحت وابجي من الخوف .. لزمت بإيد خاله وابجي .. الممرضات ماقبلن يدخلنها .. شالتلهن كل وحدة خمسة دخلنها وياي .. شافت الدكتورة النبض .. گالت ماكو نبض . خبلتني وگمت ابجي .. الدكتورة .. احتمال منفصله المشيمة وبهذي الحاله مايعيش الطفل .. خالة .. شلون وليش هيج صار هي ماصارلها اسبوع مراجعه للدكتورة ومابيها شي .. فجأة صارت . الدكتورة .. احتمال ضغط او علاج مأثر عليها .. درة .. والله مااخذ اي شي غير الي تكتبه الدكتورة .. الالم موتني وبعد مااتحمل واني مخليني تحت المراقبه وبلكي يعدي ويبين نبض .. احس روحي تطلع من الالم .. للفجر بعد كلش مااتحملت . واحس راح يغمى عليه .. وگمت انزف .. خالة گامت تصيح ولكم البنيه ماتت وتخرمش بخدودها . احس جسمي كله عرگ رغم بردت وارجف .. بعد ماشفت بعيني شي .. صحيت مخليني بالطوارئ .. وخليلي مغذي ودم .. احس حلگي ناشف .. گلت مي . جاب يوسف المي ويشربني .. باوعتله .. ابني شلونة. وجهة تغير وعيونه صارن دم .. المهم انتي بخير حبيبتي الله يعوضنا .. تخبلت .. لا لتگول هيج ابني مابي شي والله ليش راح مني ليش .. خاله .. استغفري ربج حبيبتي هذا قدر الله .. الي اخذة منج يعوضج .. احس كرهت الدنيا كلها من فقدتة .. جنت كل يوم اسولف وياه واحس نفسي ملكت الدنيا بي ليش ياماما عفتني ليش .. ليش ياالهي .. هيج الامومة مالايگة عليه واخذتة ليش .. دخلوا امير وسدن .. شفت امير طگيت بجي .. اتقرب وقرفص يمي حضني ويمسح بدموعي .. امير .. لاتبجين يروحي .. الله يعوضج ان شاء الله. نسيتي احنه هم سدن سقطت طفل والله عوضنا .. بعدج صغيرة والعمر گدامج .. سدن .. يعمري لاتنقهرين .. كلشي بأرادة الله .. درة .. لا يمكن الله عاقبني جنت اگول مااريد هسا لمن اكمل .. بس والله من حسيت بي بداخلي وكبرت بطني وگام ينبض بداخلي .. تعلقت بي وانتضر يوم يوم يجي .. هدأني امير .. ويوسف مايحجي متكي ع الحايط وضايج ادري بي مقهور بس مايگدر يبين شي الي .. امير .. ليش مخليلها دم وشگالت الدكتورة .. خاله .. نزفت هواي ماگدروا يسيطرون عليها الله ستر زين ماصار بيها شي . سدن .. يمة اسم الله ماگالو السبب .. خاله .. شمدريني .. شو وحدة تگول ضغط مرتفع ووحدة تگول من العلاجات ومانعرف شني السالفه .. يوسف .. خلي تصير زينه مااخليها هنا اخذها البغداد واسويلها تحاليل وكل الغحوصات .. للعصر وقعنا ع مسؤوليتنا وطلعنا مااتحمل المستشفى وريحتها .. طول الطريق واني اسأل نفسي ليش هيج ليش فقدتة واني محافظة عليه بروحي .. اجيت وهو بداخلي وطلعت بطني فارغه .. سالت يوسف .. وين وديتوه .. يوسف .. اخذناه اني وامير دفناه واجينا لان جبير وكامل تنهدت ودموعي تنزل وحدها . ماصورته الي .. يوسف .. شصورة حبيبتي انسي كافي گتلج الله يعوضنا لاتسوين بنفسج هيج وتأذيني .. خاله .. كافي يمة راح تموتين روحج .. جا اني شأگول اجيبهم بشهر التاسع وكاملين وشكبرهم ويموتون وبلا سبب .. درة .. وشلون گدرتي تتحملين .. لو اني اموت خاله .. لا يمة اسم الله . الله لايراويج الي شفته . ماخليت سادة ولادكاترة .. بس ورى يوسف اثنين راحوا يله اجتني سدن . وخالج گال كافي بعد .. وقبل يوسف هم اثنين .. ناس تگول تابعه لو فطينه وماتنعرف .. وصلنا للبيت .. نزلت .. امير وسدن رجعوا لان الجهال وامي وحدهم يم زينب ماتگدر وحدها .. دخلت لجوة .. لگيت حوراء وايه گدامي .. يوسف .. وين ابوي .. حوراء .. طلع عندة مشيه .. جانت تباوع وتبتسم بشماته .. تذكرت من گالتلي لاتفرحين زايد .. مااتحملت وعطت بيها .. انتي مووو.. انتي السبب .. غيرت ملامحها .. شكو شبيج .. يوسف .. شكو درة .. درة .. من حملت هددتني وگالت لاتفرحين زايد .. هي اكيد هي شو سوتلي .. حوراء .. ياااا دووور شسويتلج اني شو اجي شويه واطلع وعلمود ايه .. هسا طلعت اني الوگعته .. ادري راح تطيحيها براسي حتى تخلصين مني .. اذا ماتردون اجي مااجي لااني ولابنتي بعد . وخلي البيت الها .. رادت تمشي . صاحها يوسف ..تعاي مو اخذتينا باللسانج . اذا سمعت او دريت انتي ورى هالشي .. بعلي ادمرج فاهمة .. گامت تبجي وتعيط ومشت .. ام يوسف .. استهدوا بالله يمة . شتسوي يعني . هذا قدر الله .. يوسف .. تعاي نامي هنا جوة لاتصعدين فوگ .. درة .. غرفتي بس لامفتوحة . يوسف .. اي يمكن هو اني شفت دربي بالليل .. درة .. اصعد شوفها وجيبلي ملابس وياك .. صعد واجة .. جابلي گلبيه گال گومي اساعدج .. درة.. يوسف خايفه .. يوسف .. مدام اني وياج لاتخافين .. درة .. يمكن تسرعت وحكمت عليها بس راح اتخبل طفلي كلشي مابي والدكتورة طمنتني .. يوسف .. اشششش گومي غسلي وبدلي وارتاحي .. لاتفكرين . واذا على هاي معليج بيها بس السان ماتگدر تسوي شي .. لليل سمعت اصوات وعرك .. فزيت .. خالو حمزة يتعارك وي يوسف .. خالو. حمزة .. قبلت تتزوج على بنتي بس مو معناها درة تمشيك وتحرضك عليها .. يوسف .. شنو تحرضني زعطوط اني .. حمزة .. انت قاضي والمغروض تحكم بالعدل .. اعدل بيناتهن .. مثل ماتحب الهاي حب للثانيه ولاتفرق .. يوسف .. ولان اني اعرف العدل سبق وگتلك لاتحمليني خظيتها لان ماراح اعدل بينهن .. هاي المرة حبيبة عمري وبنتك انجبرت عليها .. عمي خلي اطلگها وتاخذ حقوقها وبعدهي صغيرة وتشوف الي يستاهلها وتستقر وتنسعد .. وامها هددتني وگالت ابن اخوي ميت عليها وگلتلها بالعافيه خلي تتطلگ وياخذها .. بس انت ماقبلت .. وحوراء هم نفسها .. من درت بخطوبتي گلتلها نتطلگ ومااحرمج من ايه وحقوقج تاخذيها .. شگالت هي .. مااتطلگ واخليك ترتاح وياها الا ابقى على گلبكم مثل العظم بالزردوم .. بعد كلامها هذا حقنا نشك بيها لو مو حقنا .. بقيت اسمع حجيهم واحس بثگل بداخلي .. اووووف يمة وينج محتاجتج ليش تركتيني بأمس الحاجة الج .. هدأ الوضع .. طلعت لگيت يوسف بالهول وضايج .. وخاله يمة تهدي .. اتقربت منه .. كافي حبيبي لاتضوج نفسك .. هذا امر واقع ولازم نتقبله .. رفع راسه .. شلون صرتي .. جبتلج كبد مشوي . تعشي واخذي علاجج .. خاله .. گايمة اسوي عشا ابوك اليوم معزوم مايجي . گام يوسف وياها جاب الصينية وگعدنا ناكل .. بالگوة اتقبلت اكل الكبد مااحبه بس ماردت اكسر بخاطرة حوراء بعد هذا اليوم انقطعت رجلها عن البيت .. وقافله باب المشتمل وگاعدة عند اهلها .. نسمع بجي ايه وتريد بابا وماما .. على خاله ام يوسف تصيحلها ماما .. وحوراء مانعتها من عدنا .. يوسف بالدوام يطلع الصبح يجي بالظهر ويداوم بناحية مو بمركز يجي تعبان خطيه .. اني هم رجعت للدوام هواي فاتتني محاظرات بس هلي ناسختهم كلهم الي .. بعد ماراح امير وخالو مرزا ويوسف وبعد شيوخ من العشيرة .. گدر يقنع ابوها ويوافق .. وكاموا مقررين مشيه الزلم والخطبه بيوم واحد راس الشهر . لان اخوها الكبير ملتحق والا يجي راس الشهر .. تعجبت من شفتها مداومة .. درة .. وج اني گلت ملتهيه بالتحضيرات .. هلي .. هو الاسبوع الجاي شعندي .. ماگدرت اخذ اجازة من غير مااشوفج .. درة .. شكو بعد راح تجين يمنا .. هلي .. مامصدگة لسا تدرين .. وج اني بالهول واسمعهم يحجون يوسف وامير خلوا ابوي مايعرف شيحجي وخالج حتى عمامي قنعهم .. درة .. يمة فدوة الاموري ورجلي .. هلي .. صدگ يلوگله قاضي .. درة .. لاتشوفيه رومانسي وكذا .. بالدوام ماتعرفيه يتغير 180 درجة والكل تخاف منه .. هلي .. اووووف .. درة .. شبيج خير تأفأفين .. هلي .. اخوج يمكن غار من رجلج .. يريد يروح كليه ضباط درة .. حيدر !" الي اعرفه جانت رغبته من زمان بس ماصارت .. هلي .. هسا جماعته مسويله واهس وهو يگول لاتعين ولاشي اروح كليه ضباط احسن ع الاقل اتعين ويصير عندي راتب وتقاعد .. درة .. ليش وشناقصه وي امير اشو ممقصر عليهم .. هلي .. لا هو هم مانكر هالشي. بس يگول الى متى . ساعات اگول حقه وساعات اخاف عليه .. درة . اوووه يمعودة هذا حيدر كل يوم قرار اله .. جان يگول مااتزوج ابد ولااتورط .. وشفتي شسوة علمود يحصلج .. هسا بس يضوگ العسل بعد ينسى كلشي .. هلي .. هههههه خررب ولاتستحين . درة .. اذكرج بهالحجي بعدين . ماگلتي شتلبسين بالعقد اني من هسا حظرت . هلي .. ماادري من ارجع اروح اني وامي للسوگ ونشوف .. درة .. سمعت خالتي گالت نجيكم الجمعه حتى نتفق وي امج انتضري لاتنزلين .. هلي .. ياعزااا وين الحگ غير تگليلي . درة .. وج هو احنه ماشايفيج .. نجي نجيب الذهب والفلوس ونرجع .. رحت الاهلي بالليل .. شفت اخواني شلون يستشيروني شنسوي وشناخذ . حسيت عبالك امهم مو اختهم .. وحيدر يگلي شألبس يالون حلو وگاعدين نختار .. گتله البس قاط بني او بيج .. حيدر .. ليش درة .. لان مقررة باجر اروح للسوگ اخذلها فستان هيج لون للعقد . حتى تلبسون سويه نفس اللون .. حيدر .. وربي انت درة واسم على مسمى . هاي الاخوات الزينه .. سدن .. ياناكر الجميل .. صارلك شهر صارع راسي وهسا من اجت اختك بعتني .. حيدر .. ام كروري شعندي غيرج انتي الخير والبركة . امير .. اي اصبغ اصبغ .. زينب .. ههههههه والله متنلام بيك .. خابصنا خبص وهيا باعنا . خلي تجي مرتك وناخذ حقنا منها .. حيدر .. لا خطيه فقيرة هاي اخذوا حقكم مني قابل بكلشي .. تركتهم يسولفون ويضحكون ورحت الامي .. دخلت للغرفه مخليه سجادتها وتصلي .. وشيخطر على بالها من ايات تقرأهن .. گعدت يمها .. باوعتلي .. ها اجيتي .. عمتي لعبت جوله وين رحتي .. حضنتها وبستها واشم بيها .. مشتاقتلج .. اني هم بس انتي ماتجينا . كم مرة وديت الجهال عليج ماكو .. درة .. اسفه بعد مااطول عليج .. ضحكت وكملت صلاتها .. ااااه يمة من اشوفج هيج احس روحي تطلع .. شلون اگدر اجي كل يوم واشوف حالتج هاي .. گمت جبت مشط ومي واجيت .. تمشطين .. گالت اي . گعدت مشطتلها وضفرت شعرها . وين ذاك الشعر الطويل الي جنتي تعتنين بي اكثر من نفسج .. شو هسا خصل خصل يوگع بيدي .. كملتها ابتسمت .. ردت اگوم ماقبلت لزمت بيه .. كسرت گلبي .. شافها يوسف گال ابقي يمها .. واني اخلي السايق ياخذج منا .. درة .. بس شلون كتبي وسجلاتي بالبيت .. يوسف .. ادزهن وياه .. راح يوسف وكانت هاي اول مرة نتفارگ بيها من بعد ماتزوجنا .. فرشت يمها ونمت .. وجانت مرتاحة وهادية .. مثل الطفل الي يطمأن وينام بوجود امة يمة .. ثاني يوم بعد الدوام رحنا اني وحيدر وامير وسدن .. للسوگ .. حيدر اخذ قاط واني اخذت فستان طويل بيج وكله شغل وخرز حلو وموديله جان .. بعدها رحنا للصايغ اخذنا تخم ذهب والحلقه قستها ع ايدي اعرف قياسها .. واخذنالها قرآن وعبايه من الزينة لأن هي تلبس عبايه .. رجعنا للبيت اخذوا اولادهم من يم خالتي .. وراحوا .. للجمعه بدلت وكملت .. خابرت خاله ام احمد نمر عليها .. وخالاتي هم .. نزلت جان يوسف طالع معزوم .. دخل شافني گام يصفر بحلگة .. شنو هالجمال .. ترى غرت .. وصلت اخر درجة هو واگف حضني من خصري ونزلني .. بوسته بخدة .. يوسف .. خرررب بس لاطبعتي حمرتج بخدي .. درة .. لا ماكو لتخاف هذي الحمرة متطبع .. وين خاله .. يوسف .. منو يوصلكم .. درة .. امير اجر استاركس تاخذنا .. يوسف .. ديري بالج ع روحج .. امي وياكم تروح موو درة .. اي ويانا .. بس انت جاي من وكت مو گلت اتأخر .. يوسف .. الولد بقوا بس راسي يوجعني اتعذرت واجيت درة .. خير شبيك .. يوسف .. ماادري والله .. درة .. جا خلي احضرلك الغدا ادري بيك متاكل من تطلع .. يوسف .. صاعد ابدل وانزل لاتصبين مااشتهي .. طلعت خاله مبدلة وكامله .. گالت . سدن تروح ؟؟ درة .. لا علمود الجهال وامي ماقبلت تروح .. نزل يوسف .. ها راح ترحون .. درة .. اي خابرنا امير معناها وصلوا .. بوسته ووعدته ورحت .. اخذنا خالاتي ومرينا ع خالة منال بالسينيه اخذناها .. وطلعنا .. وصلنا رحبوا بينا خالاتها وبس عمة وحدة من عماتها موجودة . حاروا شجابوا وشقدموا النا .. اجت هلي دخلت .. مستحيه گعدت بصفي .. طلعنا الذهب شافوا تعجبوا بي .. وانطيتها الفستان گلتلها هذا ذوق حيدر البسيه بالعقد فرحت خطيه .. عمتها .. جا ام الولد وين ؟؟ ام احمد .. امه مريضه والجماعه يعرفون وضعها .. ام هلي .. اي خطيه الله يشافيها . شحلاتها من اجت ذيج المرة معقوله الانسان بسنه وحدة يتغير هيج .. عمتها .. ليش هي شبيها .. ام هلي .. شبيها السكر والضغط وهاي السوالف .. ماگالتلها مرضها الحقيقي يمكن تعرفهن مايسكتن .. اتعجب ع الناس الي تعتقد الزهايمر نوع من انواع الجنون بالعكس اني اشوف اصحاب الزهايمر ينضرولنا بگلبهم مو بعقلهم .. اكو ناس بها زهايمر بگلبها وماتحب غيرها .. بس امي رغم نسيانها النا بس تتعامل ويانا بداخلها مايوم عبست بوجهي من تشوفني .. ولا خافت منه .. دايما احسها تعرفنا وتحس بينا .. ام يوسف .. يله عيني احنه نترخص راح يصير المغرب وورانا طريق .. استأذنا وگمنا وابو هلي ماقبل الا نتعشا .. وگال ماتطلعون واحنه نوصلكم . بس ماقبلنا .. رجعنا ومن الطريق اخذنا عشا اني وخاله ورجعنا للبيت بعد ماوصلنا كل وحدة البيتها .. دخلت تفاجأت بوجود حوراء بالبيت .. صارلها فترة ماتجي من يوم الي سقطت .. جانت مبخرة البيت ومسويه حرمل .. ام يوسف .. هاي شمسويه تدرين بعمج مايحب هالشغلات من عاتب عليج .. حوراء .. البيت كله مگلوب عليه من يوم الي اجت گلت اسوي حرمل وابخرة من عيون الزرگ الحاسدة . ضحكت على عقلها ودخلت .. صعدت الغرفتي مقفوله .. دگيت الباب ماكو .. خابرت يوسف .. گال اني يم اهلج رحت شفت سدن والجهال .. جاي هسا .. ارتاحيت .. نزلت لگيتها مسويه عشا .. درة .. ليش تعبتي نفسج احنه جبنا ويانا .. حوراء .. عمي مايحب اكل المطاعم .. ولو گلبي مكسور منهم بس اول وتالي ذوله اهلي ومرجعي الهم .. ايووو يم خاله .. وهي فرشت السفرة وحظرت الاكل عبالك بيتها .. تعجبت على جرأتها .. مااهتميت عفتها ورحت يم خاله تصلي .. جاي نلعب اني وايه سحبتها مني .. دخل يوسف .. اخذتها وركضت گدامي .. خلتها بحضنه . هذا بابا .. تبجي عليك .. طلعت من الغرفه .. هلو حبيبتي شلونه مشيتكم .. درة .. تمام . وين المفتاح . طلعة من جيبه اخذته وصعدت .. جاي ابدل صعد .. شبيها الحلوة ضايجة .. التفتت . يوسف .. گول انانيه گول اي شي بس حوراء احسها تتعمد تسوي هيج .. المن خليتولها مشتمل خو خلي تعيش ويانا ببيت واحد . اشوفها ماخذة راحتها بالبيت اكثر مني . يوسف .. تدرين هي ربت هنا ومتعودة .. درة .. جا ماخليتني اني بالمشتمل وهي هنا . ع الاقل اكسب راحتي .. يوسف .. المشتمل بوسط بيت اهلها وعشتوا بي وشفتوا ماراح تسلمين من امها . واني خليتج هنا لان اريدج تصيرين انتي ام بيت اهلي مو هي .. درة .. افهم شتقصد بس اني بشر والي طاقه وهيج جاي نفتح حرب بينا . ليش مانبعد عن الشر . والمثل يگول . الباب الي تجيك منه ريح سدة واستريح يوسف .. يعني شترديني اطردها . حتى لو سويت هيج ثاني يوم تجي اعرفها ماعدها كرامة .. درة .. لا طبعا .. بس خلينا احنا نأجر ونطلع منا .. يوسف .. واعوف ابوي وحدة شلون تقبليها .. شيخ ورجال جبير والعيون عليه واعوفه وحدة . درة .. ليش مو عفته ورحت ببغداد .. يوسف .. وحد .. جان عبدالله هنا وعمي زين وياه ومايفارگه وبيبتي يمهم ومساندته .. هسا بقى وحيد .. عمي حجايه تاخذة وحجايه تجيبه ومحد اله غيري. . والصراحة اني مطمأن عليج هنا يم اهلي . وحدج مااگدر اعوفج وتدرين بالوضع شنو .. اتنهدت وگعدت ع الجربايه .. اعرف الي يحجي صح . بس اني اريد اعيش حياة هاديه مابيها مشاكل ونكد وخوف .. فتح الكنتور طلع دشداشة الي . وگومني نزعني ولبسني الدشداشه .. باسني بحنكي .. وگال يله خلينا ننزل .. نزلت .. رحت طلعت الكباب وسويته بماعين ورتبت الطماطة الشوي .. وجبتهم بصينيه .. هي مسويه دجاج شوي وطماطة گلي وكبه .. يوسف .. شعندكم اليوم وليمة .. حوراء .. ماادري بيهن يجيبن واتأخرن گلت اسويلكم عشا انت وعمي .. خالي . عاشت ايدج بنيتي .. گعدنا ناكل .. اني اكلت بس كباب مااكلت من اكلها ماادري ليش خفت .. اباوعلها تاكل كباب شوي وكبه . مااتقربت من الدجاجة والطماطة .. وخالي ويوسف دايسين بيهن .. يوسف يحب الطماطة الگلي .. درة .. شو متاكلين دجاج .. حوراء .. هااا انغث اذا اكله بالليل .. وحتى بنتها انطتها بس كباب شوي تاكل . ماادري ليش خفت منها .. ومااگدر احجي وي يوسف واگله لاتاكل .. كملنا ورحت اغسل الماعين .. طلعت هي وايه يردن يرحن للاهلها . مخليه عباتها ع راسها .. وهمست .. شما تسوين راح ابقى متربعه ع گلبج .. التفتت عليها .. سؤال واحد . انتي تحبين يوسف .. حوراء .. لا مااحبه وازيدج علم اكرهة . وخاصه من يوم الي حبج وفضلج عليه واحنه من الصغر مكتوبين البعضنا بس من كبرتي وحليتي بعينه باعني عمودج .. درة .. بس هو ماوعدج .. وليش باقيه وي شخص ماتحبه ولايحبج .. حوراء .. عناد .. اني بنت امي مستحيل ارضى بالهزيمة درة .. شگد حاقدة اذا .. كل هذا حتى تخربين حياتي وحياته ليش .. حوراء .. ليش شمسويتلج وتگليلي حاقدة .. اشو متحمله وصابرة عمود بنتي . وحتى مااعترضت ولاطالبت بليله الي واتساوى وياج .. عبست وجهها وضاجت واخذت بنتها وطلعت .. تعحبت هاي شبيها .. التفتت يوسف واگف بباب المطبخ .. افتهمت ليش گلبت الحجي واتمسكنت .. يوسف .. شكو ؟؟ درة .. ماكو شي .. اتقرب .. درة اني تعبان مااريد مشاكل خلينا بحياتنا وهي بحياتها اتركيها لاتحجين وياها .. درة .. ترى ماسويتلها شي هي الي بدت .. وتگول اخذته عناد حتى افرقكم .. يوسف .. اعرف كلشي اعرف بس المشكله العضة بالجلال .. ومحسوبة علينا .. من اول زواجنا وگتلج التجاهل هو العلاج الوحيد الهيج نماذج .. كملي واصعدي وذكريني اسولفلج سالفه .. كملت وصعدت يمة .. بدلت ثوب قصير واتكيت يمة .. هو مخلي حاسبته ويكتب .. شافني سدها .. درة .. اي شنو السالفه تشوقت اسمعها .. يوسف .. اسمعي اني بالمحكمة واشكال اشوف واسمع ومن صرت قاضي گمت التمس الوقائع عن قرب .. كل واحد يشوف نفسه محق بالي يسويه .. اكو واحد اجة بيوم ورفع دعوة قضاء على بنت خاله .. وطلع متزوج عندة مرة ثانيه .. مافهمت شي منهم بس العرك .. عطت بيهم وطلبت كل واحد على جهة .. المرة بنت خاله .. ماسمعت منها بس البجي واني مظلومة واني مظلومة واتزوج عليه وشمر جهالي . اخذتني حاصل فاصل .. دخلته هو .. جان يحجي بهدوء وبسلاسة وحبكـ القصة الي حبكـ ممتاز بحيث انطيته الحق .. ليش لان هو مااخذنا بصياحة وهوسته مثلها .. مرات الرعونيه والعصبيه تضيع الحق وصاحب الحق يضيع حقه بهوسته .. ولو مااطلب دلائل وشهود جان اني حاكم اله ضدها .. ليش لان هو قنعني وهي لا .. جانت رعنه وماتعرف تتصرف .. درة .. اي وهسا منو الارعن اني مووو . يوسف .. ههههه لايعمري حشاج اعرف عقلج يوزن بلد ولو ماهيج مارحتي قانون واكيد راح تتخرجين وتصيرين محاميه وبيوم تنافسيني وتصيرين قاضيه .. وساعتها تعرفين شأقصد .. حوراء ذكيه وتعرف تتصرف بخبث . وهذا الشي التمسته من زمان . لاتنسين صار ثلاث سنوات متزوجها .. فأهمليها ابرد راس الج .. والنا كلنا .. حاولت الطف الجو . اتقربت منه وبديت اسويله حركات وشغلات وخليته يتفاعل وياي .. بعدها گال حبيبتي تعاي نامي بحضني باجر عندي خفارة وتعبان .. درة .. لا حبيبي اريد ادرس شويه عندي امتحان . يوسف .. براحتج .. بقيت مستغربه ع تصرفه .. من يوم الي سقطت لسا مااتقربلي وحتى اذا اتقربلي عبالك مهمة ويريد يكملها .. ماحسيت بحبه وشغفه بالبدايه .. جان مايشبع ولايمل والرومانسيه الي عندة تاخذني الغير عالم .. هسا شبي وشنو غيرة . اخاف صدگ التعب والشغل مأثرين عليه .. اخذت كتبي وطفيت الاضويه ونزلت جوة… گعدت بالبراني.. اجت خالتي شافتني .. شبيج يمة ليش گاعدة هنا .. درة .. يوسف تعبان ونام وحتى ماأثر عليه اجيت هنا .. خاله .. الله يسعدكم بنيتي .. ادري مامرتاحة من الوضع بس اصبري هاي اني صبرت سنين الخاطر بيتي وجهالي درة .. ماكو شي خاله لاتشغلين بالج .. بقيت ساعات وافكر معقوله جاي اضغط عليه بشغله حوراء .. اووووف درة . صدگ صايرة زعطوطه .. اذا الگمر وياج شلج بالنجوم .. ليش تشيليلها هم .. خلص بعد مااحتكـ بيها ومالي علاقه شتسوي تسوي معقوله اخلي عقلي وياها .. نسيت كلشي وصعدت حضنت حبيبي ونمت . مرت الايام واحنه نفس الوضع .. بغرفتي مايتقربلي ولايطيقني .. بس بغير مكان يشتاقلي ويبوس ويحضن .. ومن نمشي الاهلي .. يركض وراي وين مااروح ويبوسني بلهفة ويگلي مشتاقلج بالليل اكلج اكل .. نوصل للبيت ينعس وينام ويتركني .. اتخبلت من تصرفاته .. بس ماحجيت ولافرضت نفسي . استحي اگله ليش ماتتقربلي صعبه مستحيل احجي واعاتبه .. التهينا بخطوبه حيدر .. رحنا هناك وسوينا حفله اله . وماما ويانا صح ماتدري وبعالم ثاني بس جانت تبتسم وتصفگ وفرحانة .. حددوا الزواج العطله اخر السنة . لان هسا دوام .. حيدر رادها بنصف السنة .. بس ابوها گال لا تكمل واخذوها .. ثاني يوم راح جابها وعقدوا محكمة خاف اهلها يغيرون رايهم .. مااعرف شنو تفكيرة .. ساعدهم يوسف بالعقد .. اجو اخوها وامها وياها .. اموري سوى غدا وعزم اهلنا وناسنا كلهم وهلي وامها واخوها هم بقوا .. تونسنا حيل وهلي فرحانه . ووجهة مورد . حيدر عايف الزلم ومگابلنا .. امي صفنت عليها وگالتلها انتي منووو .. هلي .. اني خطيبه حيدر عمة.. ياقوت .. يايمة حيدر كبر وراح يتزوج تعاي احبج يمة تعاي وبوستها وفرحانه .. احس امي مرات تتجاوب ويانا واحسن من قبل .. مرت الاشهر واني مشغوله بالامتحانات .. ويوسف دوام .. قله مااشوفه .. واذا شفته يكتفي شلونج وشسويتي اليوم وهاهي . معقوله حبه اختفى ماصارلنا اشهر من تزوجنا .. وين ذاك الحب الكبير .. شگد احاول ابدل والفت انتباهة .. بس هو لو طالع لو جوة يلعب وي ايه وگاعد يم اهلة ومن يصعد يگلي تعبان وينام .. حتى حوراء . گام يعاملها احسن مني ويضحك ويسولف وياها .. احس مابقى عقل براسي وتخبلت .. انتضرت يصعد . درة .. يوسف اريد احجي وياك .. يوسف .. خير صاير شي .. درة .. انت ليش متغير شنو بطلت تحبني . يوسف .. ليش تحجين هيج شسويت اني .. درة .. تصرفاتك متغيرة . لهفتك عليه مو مثل قبل احسك بطلت تحبني . يوسف .. ههههه تحجين صدگ مو تدرين بيه اتعب المفروض اكثر وحدة تعذرني انتي . درة .. شأعذر اخر مرة تقربتلي شوكت . تتذكر احجي تتذكر طبعا لا . صارلنا اشهر عايشين مثل الاخوة .. احجي اذا عندك غيري گول .. اذا حنيت الحوراء هم گول بس لاتتجاهلني هيج .. مامانعتك عنها اني بس لاتعتبرني ماموجودة بحياتك .. يوسف .. يووووه الظاهر ماعندج شغل وتردين تتعاركين درة .. لا مستحيل .. مستحيل تكون يوسف . يوسف جان يدخل ويطلع يبوسني ماينام الا بحضني هسا ذني كلهن ماتسويهن البوسه لو اني ابوسك واودعك لو ماكو . يوسف .. درة اني مختنگ كاره حياتي والبيت وكلشي . درة .. ليش احجي فضفض بيك شي .. يوسف .. مابيه .. روحي نامي والعني الشيطان .. طلع حاسوبه وگعد .. اخذت كتبي ونزلت جوة .. عندي امتحانات ومااعرف اركز لو اقرأ من التفكير .. خابرت سدن .. هلو حبي اذا امير يمج گومي .. سدن .. گمت احجي شبيج خوفتيني .. درة .. سدن اني تعبانه .. سدن .. شبيج متعاركة وي يوسف لو حوراء سوتلج شي درة .. ياليت وحدة من ذولي تصير .. بس ماكو اخوج مااعرف شبي متجاهلني .. صار اشهر واني ساكته ومااحجي اگول خصوصيات وعيب اطلعها بس فاض صبري ومابيه اسكت ولااريد امير يدري وينقهر لو تصير مشكله بسببي .. سدن .. احجي وج مو متت . لاتخافين وربي مااحجي الامير .. سولفتلها كلشي .. اهماله وتجاهله الي واخر شي كلامي وياه قبل شويه الي ماگدرت اخذ لاحق ولاباطل منه .. سدن .. عززززا بس لامسوالكم ولج .. درة .. هم شكيت بس گلت هو مايؤمن بهيج سوالف فمايأثر بي .. سدن .. ياعوبه اكو سحر مايأثر هي الي لطشت عمي وخلته محبس بيدها ماتگدر تسويلكم .. درة .. لا تخوفيني وهسا شنو الحل .. سدن .. باعي انتي مو تگولين بغير مكان يشتاقلج ويتقربلج . بس بالبيت يتغير .. حاولي تاخذيه البغداد سياحة لو بحجة تزورون الكربلاء .. وباتوا هناك بالفندق وتونسوا واحجي وياه بهداوة .. وداعتج اذا زرتي كلشي ينتهي ويروح .. وخليها الحيخ تسوي وماتحصل شي .. شبيج الله فوگاج اكبر منها ومن سحرها .. سدن .. هو هم هيج بس اكمل امتحانات واعطل احجي وياه ونروح البغداد كم يوم نتونس ونزور وبلكي الله يهديه .. سدن .. لاتيأسين وتستسلمين هذا رجلج وحب عمرج فاهمة .. درة .. لا مستحيل افرط بي واتركة بهيج حاله .. بقلمي_الكاتبة_شمس يتبع .… |
//// البـارت الثامن والأربعـون //// عجـاف_القلـوب .. الكاتبـة_شمـس .. سديت الموبايل من سدن .. وصعدت للغرفه .. جان نايم ومخلي ايده ع عيونة .. هاي نومتة المفضلة .. بقيت اتمعن بـي .. اشتاقيتلك حبيبي .. الله لاينطي الي يحاول يفرقنا !! بستة من شفايفه ونمت .. الليل يمر علية بصعوبه وصوته يرن باذني من يگلي اختنگ مااعرف شبيه .. وين حبيبي الي يتمنالي الرضا ارضى .. سنه ماصارلنا وهيج صار بينا .. جان حتى من ابدل هو الي يبدلي ملابسي مايخليني اتعب .. من يشوفني ارتب الغرفه يساعدني .. من يشوفني اسوي عشا . يسوي وياي ويحمل الماعين للسفرة .. كلشي بينا حلو .. ليش بكم شهر تغيرنا .. بين الف سؤال سؤال يدورن براسي غفيت .. گعدت الصبح لگيته ماهو .. گمت حضرت ملابسه .. ونزلت سمعت صوت بالحمام .. رحت سويت ريوگ وحضرتة .. صعدت صار گبالي مبدل وكامل .. درة .. الريوگ جاهز بالمطبخ. . يوسف .. مااشتهي راح اطلع اتأخرت .. كملي بين مايجيج السايق .. درة .. يوسف ؟؟ التفتت .. مشتاقتلك .. ابتسم ورجع باسني .. درة .. شنو رأيك نروح البغداد كم يوم نتونس . يوسف .. اشوف ورى شغلي .. درة .. مو هسا بعد الامتحانات حاول تصفي شغلك وتاخذ اجازة .. يوسف .. الله كريم .. راح واني دخلت بدلت وقفلت الغرفه وطلعت .. شفتة الريوگ ماكل منه شويه .. فرحت .. سويتلي لفه صغيرة اكلتها بين مااجة السايق. . كنت مجرد جسد تروح وترجع للدوام . بس امتحن وارجع .. كانت روحي تحوم وياه وهو ماحاسس بيه .. خالتي حست عليه .. شبيج ماما اشوفج مهمومة ويوسف هم صاير بينكم شي درة .. لا خاله سلامتج .. بس يمكن لان امتحانات وهو دوام فمانلتقي مثل قبل .. خالة .. اي ماما انطوا فرصة النفسكم شويه .. بعدكم عرسان اطلعوا تونسوا .. درة .. هو هيج مفكرين بس اكمل امتحانات .. سدن كل يوم تخابرني وتسأل ع الوضع .. گالت خلينا نگول الماما .. ماقبلت ماردت الشغله تكبر .. كملت الامتحانات بصعوبه .. رجعت فرحانة اخر يوم .. بديت احضر للسفرة شنو اخذ وشنو البس .. كلشي جهزت ومنتضرة يرجع واسأله شوكت نروح . دخل شافني .. هاي شنو وين تردين .. درة .. مو اتفقنا نروح البغداد بعد مااكمل .. يوسف .. اي بس ماگلنا مباشرة .. درة .. يعني شنو منروح . يوسف .. لا مو هيج بس انتضري كم يوم ارتب اموري يله .. درة .. اوك براحتك .. اتنهدت وسحبت الجنطة ضميتها بالكنتور .. اسويلك غدا .. يوسف .. لا اتغديت وي حوراء .. اية جلبت بيه .. درة .. حوراء ؟؟ وشوكت اجيت ولحگت تروح تتغدا هناك . يوسف .. ليش شو استغربتي .. دخلت شفتها تلعب بالحديقه وامها تگلها تعاي تغدي ماتقبل . طلبت مني اتغدا وياها بلكي تاكل .. فدخلت اتغديت وي ايه . مو حوراء خاف يروح بالج لبعيد درة .. لا ع شنو يروح بالي .. بس استغربت مو عوايدك يوسف .. تعودي .. بنتي كبرت ولازم احتويها وهي تشوفيها متعلقه بيه . يعني لازم اكضي وكت وياها . ماحجيت شي .. حقه فعلا . وهو اصلا مو مال وضع يتناقش بي .. اعرف خطة حوراء .. قطعت رجلها منا وسحبتة الها .. بقينا كم يوم بين مااخذ اجازة .. وطلعنا البغداد .. طول الطريق ساكتين . عبالك رايحين جنازة .. طلعت موبايلي وربطتة بالسيارة .. وطلعت اغاني . رومانسيه .. بقيت مستمتعه بالجو والطريق .. يوسف .. راسي يوجعني طفيه .. طفيته من غير نقاش .. وصلنا حجزنا بفندق .. گال نرتاح ونروح نزور .. طلعنا للامام . اول مادخلت نزلن دموعي وابجي مااتحملت احس صبري فاض وبحضرتة ذبيت حملي كله . الهي بحق الامام الكاظم عندك رجعلي يوسف مثل ماجان ولاتحرمني منه .. تعبت يله انجمعنا . ارحمني الهي ولايضيع مني .. مو هسا يله ارتاحيت وعشت حياتي .. طلعت من الامام شفته منتضرني .. يوسف .. خلينا نرجع للفندق دخت احس روحي راح استفرغ .. درة .. ليش شبيك خاف من الجوع .. يوسف .. ماادري ارجعينا .. بعدة ماطلعنا .. ركض الاقرب حاويه واستفرغ .. وجهة صار اصفر مثل الليمون .. وياخذ النفس بالگوة .. تخبلت من شفته .. نزعت ملف الصلاة بسرعه . وركضت اخذتله مي من المحل .. غسلت وجهة وشرب مي .. درة .. گوم خلينا ندخل الاي مطعم وناكل اكيد هذا من الجوع .. گاعد ع الرصيف ويحجي .. لا خليني هيج مرتاح مااگدر اگوم .. بقيت گاعدة يمة وع الرصيف .. واني اشوف حالتها ومااگدر اسويله شي .. گام . يله خلينا نروح .. درة .. تگدر تمشي. . يوسف .. اي زين . رجعنا للفندق .. يوسف .. اذا جوعانة اطلبج اكل .. درة .. لا مو جوعانه انت شلون صرت. . يوسف .. خليني اسبح وانام شويه بلكي ارتاح .. سبح وراح نام بملابسه الداخليه .. كان التكييف مفتوح باردة .. فتحت الكنتور وطلعت بطانيه .. غطيته بيها .. نزعت ملابسي لبست برمودة وفتحت شعري ونمت يمة جنت اباوع الوجهة الى ان غفيت .. صحيت وهو متقرب الي ويتلمس بوجهي ويبوسني بوجهي وشفافي مثل واحد عطشان .. بالاول عبالي بحلم . ماردت اصحى وبقيت مغمضة ومتجاوبه وياه .. الى ان سمعت انفاسة وهمساته بأذني .. اووووف درتي مشتاقلج لگد رحمة الله .. فتحت عيني واحس دمعتي نزلت .. يوسف .. ليش هالدموع شبيج .. درة .. اشتاقيتلك .. يوسف .. واني هم . احس سنين صارلي مالامسج .. مشتاق الهاي الشفايف والهاي الرگبه والهذا الصدر وكان يمشي بإيدة ع جسمي كله .. رجع مثل قبل .. حبيبي رجعلي . جانت حركاته ولهفته وشغفه مثل اول يوم تزوجنا .. الى ان كملنا واني ماادري بروحي .. اخذني الحضنه وتغطينا .. خلى راسة برگبتي ويشم بيها .. درو اريد طفل .. درة .. ياليت . يارب توأم . دراسة وكملت بعد ماكو شي يمنعنا .. يوسف .. شنو رأيج نطلع منا الاربيل . درة .. اربيل ؟؟ يوسف .. اي شركات هواي هنا تطلع . خلينا نطلع درة . والسيارة .. يوسف .. اخليها عند واحد صديقي .. بلا حجي خلينا نخلص اليوم هنا والعصر اخابر على شركة اعرفها ونحجز درة . . اممممم مااگول لا .. خلصنا اليوم كله بالغرفه حتى اكل طلبنا للغرفه .. عبالك عرسان جدد . وكل شويه ويجي يتقرب وتبدي سوالفه . مايمل ابد . رجعت حيويتة مثل قبل .. واني من الفرحة مااعرف شسوي .. نسيت الي فات كله .. حتى ماصار عندي فرصه اخابر سدن وافرحها .. گد ماحابسني بالغرفه .. لليل سبحنا وبدلنا وگال ميت جوع واكل الفندق مو كلش طيب خلينا نروح المطعم .. طلعنا المطعم تعشينا وافترينا ورجعنا نمنا .. ثاني يوم طلعنا الاربيل .. مااعرف شبسرعه حجز وشلون بس هو عندة معارف هواي ببغداد بحكم شغله قبل .. كانت اربيل جنه .. اول مرة اشوفها . كنت مبهورة بتركيا . بس طلعت عدنا تركيا ثانية بالعراق ومشايفيها .. فعلا احس احنه اهل الجنوب مضلومين ماعدنا اماكن هيج حلوة وسياحة .. لكن الله عوضنا بالمزارات والاماكن المقدسة .. الي كنا من نضوج وننقهر نروح نفرغ همومنا يمهم وندعي ربنا عدهم .. قضينا خمس ايام بأربيل وكانت من اجمل الايام ..بحياتي ورومانسية يوسف الي لاتعد ولاتحصى .. لدرجة گام يحسب اشواط عليه ههههه . رجعنا البغداد صديقة اصر نتغدا عندهم .. وعزمنا ببيتهم لان جان مأمن السيارة عدهم .. رحبت زوجتة بيه ودخلت يمها .. واولادها جانوا ومگابليني وبنتها صغيرة بس السانها عسل . تگلي شكلج مثل اللعابات . هذي عيونج لو عدسات .. موتتنا ضحك .. جانت ام صديق يوسف گاعدة .. مرة جبيرة بالعمر بس مقعدة .. مبين عليها الوقار والعز .. طول ماهي تسولف وتضحك اني اتخيل امي بيها .. اااااه ياامي . للحظة وعيت ع نفسي وتذكرتها .. اني فرحانة ومتونسة وهي هسا وحدها .. اكيد گاعدة بغرفتها وذكرياتها .. من طلعنا من بيت صديقه العصر .. گتله يوسف خلينا نروح الاهلي اشتاقيت الامي .. يوسف .. صار واني هم اشتاقيت الامير وسدن وجهالهم درة .. بس مااشترينا شي الهم .. يوسف .. اي والله شلون نسينا . وايه هم تفضحنا اذا ماجبنالها حاجة .. نزلنا يم. محل العاب .. اخذنالهم العاب .. واخذنا كنافة . كيلو الاهلي وكيلوا الاهلة .. ورجعنا للديوانية .. اول مادخلتها حسيت براحة لكن بخوف بنفس الوقت . تذكرت شلون راح ارجع البيت خالو مرزا وشلون راح تكون حياتي هناك .. ويوسف بعد ماصار زين ورجع الطبيعته راح يتغير او لا اسئله كثيرة ببالي .. بس نسيتها كلها لما شفت وجه امي .. حضنتها وابوس بيها .. وهي تضحك وتتلمس بوجهي .. تگلي .. انتي انتي . تحاول تتذكر اسمي ماتگدر . گلتلها اني درة .. بنتج درة .. ضحكت وحضنتني واحسها تشم بيها .. حتى لو تذكرني الثواني قليله المهم تتذكرني وماتنساني بيومها امير ماقبل نطلع الا نتعشا .. بقينا ع العشا . وگعدت اسولف السدن وهي فرحانه .. سدن .. من ترجعين للبيت اخذي مي العقد مالتج .. درة .. ماعندي يمكن ذبيناه .. سدن .. شلون تذبيه هذا يهدي النفوس ويطرد العين والسحر .. درة .. منين تعرفين هالسوالف .. سدن .. هههههه قليله عشت بين اثنين عجايز كلشي علمني الله وكيلج .. اخذي من المي مالتي ورشي بغرفتج وبالبيت . وشغلي سورة البقرة . لاتسكتين بعد .. درة .. ان شاء الله.. اجت زينب سكتنا البنيه زينه بس اكيد راح تضوج لو سمعت حديثنا واي واحد ماراح يقبل امه او اخته تتهم بهيج اتهام .. كملنا العشا .. وبقوا الولد يلعبون بلي وعبالك اطفال مو كبار والا يوسف ولاعبالك قاضي يلعب وي كروري وكروري يتعارك وياه ويگله موت . ويوسف عود يموت وهذا يضحك. نسينا الوقت وماحسينا الا ساعة 12 صارت .. سدن . ابقوا باتو هنا .. يوسف .. لا تعبان خلينا نمشي .. امير .. دگعد يخوي هو انت باجر مجاز . خلونا گاعدين وهم نسجل قائمة بأحتياجات العرس والمعازيم ونتفق على زواج الهيبه مابقاله شي .. حيدر .. شو الهيبه ماعاجبكم شنو .. يوسف .. لا عمي عاجبنا والله صارلنا شگد مافرحانين خلونا نفرح .. والا حنتك تسويها بقاعه وع حسابي بعد .. امير .. كفو والله ماتقصر .. بقينا يمهم وطلعوا سجل ويسجلون المعازيم وكم طلي يجيبون وشنو الاحتياجات .. ودور خابرنا هلي وگعدنا نتفق ع الزواج . وسدن گالتلها نجي قبل كم يوم نجيب فلوس البدلات والصالون .. هلي .. اني كملت نيشاني تقريبا كله وزادت فلوس عادي لاتجيبون .. درة .. لا حبي هذا حقج ذولاك فلوس نيشانج . والبدلات والصالون فلوسهم وحد .. فرشتلنا بالبراني سدن .. ونمنا .. ثاني يوم الولد كلها ماطالعه للشغل وعلي عطله انجمعنا ع الريوگ حتى امي ويانا خطيه وفرحانه الفرحنا ومن نضحك تضحك .. يوسف .. ها يحلو نمشي . ساعة عشرة . هسا ابوي بس يدري جايين من البارحة يزعل . وايه تخبصنا خبص .. سدن .. فدوة عماتي عود جيبها فد يوم وتعال لهنا مشتاقتلها .. يوسف .. ان شاء الله. همست السدن .. هي غير امها تعوفها ويجيبها اذا هي لازگة بيها حتى البنيه تبجي وماتريدها وهي ماتقبل في سبيل يوسف يروحلها .. سدن .. معليج بيها والله مايدوم الظلم ولابد يوم الله يحاسبهن على كلشي .. سلمنا وطلعنا .. اني وصلت البيت احس گلبي انقبض . دخلت ماكو احد بس خاله بالمطبخ بوسناها .. يوسف .. وين ابوي .. ام يوسف .. بالنجف معزوم ع مشيه .. درة .. اني صاعدة ابدل .. صعدت ابدل .. الغرفه مقبطة فتحت الشبابيك للتهوية . ونضفتها ومسحت الارضيه .. وعطرتها .. فتحت سورة البقرة بجهازي وخليته ع الكومدي ودخلت اسبح .. بدلت ونزلت .. لگيت خاله تقرأ قرٱن .. رحت غسلت الخضرة وسويت زلاطة .. دورت ع يوسف ماهو .. -خاله وين يوسف .. -راح ينطي العاب ايه ويجي .. -شگد صارلة .. -هو من صعدتي انتي .. يعني صارله هواي .. حضرت الغدا وصبيته .. وصعدت اخذت الموبايل خابرتة الو حبيبي الغدا جاهز تعال .. -اي حبيبي جاي ايوو تبجي متقبل تعوفني . -جيبها وياك . -هو هم هيج .. رجعت الموبايل ونزلت .. دخل يوسف شايل ايه وحوراء وراه تتبسم .. بقيت صافنه .. حوراء .. هلو شلونج سفرة سعيدة ان شاء الله ارتاحيتي .. سحبت ماعونين وصبت تمن ومرگ الها .. استغفرت الله .. واتقربت منها . اعرف شنو تسوين . بس اعمالج الشيطانيه لاشئ بالنسبة القوة وعظمة الله .. حوراء .. ههههههه حجي يفيدج .. اخذت الماعين وراحت للسفرة گعدت .. شنو من بشر هاي عرفت اني دريت ولاخافت والاهم تشك بقدرة الله وتستهزء .. صدگ نكسه وماعليها عتب . گعدت بصف يوسف والعب وي ايه . دور خلاها بحضنه واني اوكلها بيدي .. وبعدها راوينا الصور الخاله .. وهي تريد تاكلنا اكل بعيونها .. عافت الاكل وگامت .. يله ايه نعست .. اخذتها من يوسف ومشت .. كملت الماعين وصعدت .. لگيت الموبايل متوقف وسدن متصله .. دزيتلها رساله بعدين اخابرج .. ورجعت سورة البقرة عدتها .. صعد يوسف .. هاي شنو سديه .. درة .. ليش هو قرٱن .. يوسف .. اي دايخ واريد انام مو هسا تشغليه .. حسيته ضاج .. طفيته ورحنا نمنا .. هو هم بسرعه نام .. نزلت العصر .. لگيته طالع .. سألت خاله گالت نزل مبدل واجاه حمايته وطلعوا .. بقيت صافنه وين راح وليش ماخبرني .. التهيت انضف بالبيت وغسلت الطارمة .. خاله گالت راح ادخل اسبح .. استغليت الفرصه وصعدت .. جبت البطل الي انطتنياه سدن مال بطله .. ورشيت الفوگ وغرفتي ونزلت رشيت البيت كله .. والطارمة وعتبة الباب .. -ها شتسوين .. شنو هذا الي بالبطل .. فزيت من مكاني .. -معليج انتي .. حوراء .. بس لاسحر يامضروبه تردين تمشيهم على مرامج وتخليهم يكرهوني موووو . تحجي بعياط .. درة .. لا وانتي الصادقه . قصدج هاي افعالج ونيتج اتجاهي وهاي مي مقري ايات عليه ارشة يبطل عملج وسمج .. حوراء .. بسيطة .. دخلت تعيط . عمة وينج عمة .. دخل خالو .. شكو شبيج ولجن صوتجن للشارع . والله فضحتني تالي عمرنا بيت الشيخ مجبل صوت نسوانه طالع للشارع .. حوراء .. عمي شوف بعينك . طلعت لگيتها ترش بهذا البطل مدري شنو .. الله اليعلم شبي هالمي .. رشت الحديقه وعتبة الباب . واكيد البيت هم مرشوش. درة .. هذا مي مقري عليه ايات مابي شي . خالوا .. وليش ترشين البيت .. درة .. خالو هذا مي عن الحسد وشكو شر يطردة قابل شكو .. خالو .. اشربي منه .. درة .. شنو؟ اشرب معقوله هيج ماعندك ثقه بيه وماتعرفني . تخوني الي .. خالو .. اذا مابي شي اشربيه واقطعي الشك باليقين .. اجت خاله ..شكو شبيكم .. فتحت البطل وشربت منه ورشيت ع جسمي كله .. درة .. يله هاي شربته وذبيت ع جسمي .. ارتاحيتو . بس هي من كل يوم حارگة بالبيت وتبخر متسؤلوها شنو . تعرفون ليش .. لا مغسولين غسل بسحرهن هي وامها . كلكم تعرفون اعمالهن وساكتين .. حسبي الله ونعم الوكيل .. خالو .. هاي عليمن تتحسبين .. اوگفي . عفتهم ودخلت وخاله تحاول تفهم السالفه .. خابرت سدن ابجي .. اوگفي فهميني شكو منو وياج .. درة .. تعبت وج الكل واگف بصفها محد ينطي بيها مو قبل جانوا يشكون منها شغيرهم فهميني .. انفتحت الباب .. دخل يوسف ووجهة مايتفسر . يوسف .. شكو . شحاجية على ابوي .. درة .. ههههههه هاي بدل ماتگول شسوولج .. وشحجوا وياج .. يوسف .. ابوي خابرني وگال تعال للبيت بسرعه .. وگال انتي متجاوزة عليه ومدري شترشين بالبيت . عاط بصوت عالي .. درة .. لاتصيح .. لاتصيح ..شفت حتى انت من تدخل البيت والغرفه ماتطيقني .. نسيت شلون تعاملني ببغداد وبأربيل ليش من رجعنا تغيرت ليش .. مافكرت .. كل هاي اعمالها الوسخة تريد تفرقنا .. يوسف .. مالي شغل بسوالف النسوان ومافرغلجن الي يهمني ابوي شلون تتحسبين عليه .. درة .. تحسبت ع الي تحاول تفرقنا وتخلي الكل ضدي . يوسف… شوكت تنسيها شوكت تطلعيها من حياتنا افعالج هاي الي تدمرنا مو هي . هي تجي ساعه باليوم . والباقي اليوم كله يمج اني شتردين بعد .. درة .. هههههه مفضل عليه والله .. يوسف راجع نفسك شوف روحك شلون تغيرت واعرف السبب .. يوسف .. تدرين بيه مااؤمن بهاي السوالف وانتي يالمثقفة والخريجة والمحاميه ترحين تدورين سوالف بطله وسحر .. درة .. تعرفني كلش زين مو مال هاي السوالف .. والمي مقري عليه وانطته الي سدن . وروح اسالها . والثقافه مالها علاقه بهيج اشياء .. الجاهلة الي تسوي سحر وتفرق . مو الي تحاول تحمي بيتها وزوجها .. اجت خاله .. شكو يمة شبيكم اجيتوا شحلاتكم شغيركم .هيج .. درة .. هو هذا سؤالي احنه شحلاتنا برة البيت ليش من نجي لهنا هيح يصير بينا .. يوسف .. لا اني اطله احسن اختنگت اختنگت . عقليها يمة ترى وصلت حدها بعد .. گعدت بمكاني وابجي .. اتقربت خالتي .. گومي ماما الدنيا مغرب مايصلح تبجين گومي توضي وصلي وادعي الله يطيب النفوس .. درة .. خاله تصدگين بيه موووو . ام يوسف .. استغفر الله مااظلم واحد بس الله لاينطي كل وحدة تسوي سحر وتخرب بيوت .. واذا على حوراء . اني احجي وياها ماتجي بعد لهنا ابد عندها بيتها تگعد بي وتسكت .. وهسا انزلي بوسي راس خالج واعتذري منه .. درة .. ليش اني شسويت .. مو هو الي جرحني واتهمني وخلى حوراء تضحك عليه .. خاله .. ماما انتي العاقله لاتقيسين نفسج وبيئتج وتربيتج بيها .. نزلت ولعنت الشيطان .. لگيته گاعد بالبراني ع التلفزيون .. تقربت بست راسة واعتذرت .. دار وجهة عني .. ام يوسف .. درة عرفت غلطها وساعه شيطان وصارت وانت تعرفها عاقله وماتغلط .. مرزا .. هو لان عاقله المفروض تتصرف بعقل .. حاطة عقلها من عقل حوراء .. مثل ماهي مرت ابني .. ذيج هم مرت ابن وبنت اخوي .. وماانطي بيها .. والله الي اشوفة ذيج اعقل منها وتعرف شلون تسايس الوضع .. درة .. لا مااتعلمت ع الحيله والخداع .. اني انصرف ع نيتي مو مثلها بخبث .. مرزا .. وهاي وحدة منهن . شوفي احجي وياج تردين عليه بعشرة .. شفت الحجي ضايع وياه وشمااحجي مايفيد .. حسيته متغير مثل يوسف واكثر .. الي اعرفه هو طبعه مثل جدو مجبل مايظلم احد شنو الي غيرة هيج .. رحت غسلت وتوضيت .. واسمعه يگول الخاله .. لاتنطيها وجه .. هاي شافت نفسها تخرجت وصارت محاميه تريد تسيطر . اذا بقت هيج تسحب يوسف وتاخذة من بيته وتطلع بي .. ضحكت ع حظي الي ماگعد وي اقرب الناس .. صرت محاميه واريد اسيطر .. اااااه ربي ارحمني .. صعدت صليت ودعيت ربي ينجيني من الي اني بي . مااريد اتعذب بحياتي مثل امي .. كل الي ردته حياة طبيعيه وسعيدة وي الشخص الي احبه كملت صلاة .. ونزلت لگيت خاله تسوي عشا .. ساعدتها . دگ موبايل خاله .. باوعت سدن .. گلتلها هذي سدن .. اخذتة ودخلت لجوة .. بقن بالساعه يسولفن .. كملت العشا .. وخليته بالصينية واخذتة يم خالو .. مرزا .. وين خالتج صيحيها .. صحت خاله وصعدت . گالت .. جا ماتتعشين. درة .. لا انتضر يوسف لمن يجي ونتعشا سوة .. خاله .. ها براحتكم .. بقيت منتضرة يجي وماكو .. عيني ع الساعه والهي نفسي باليوتيوب .. للعشرة يله اجة .. دخل ماسلم .. نزع وبدل .. درة .. اسويلك عشا ؟؟ يوسف .. متعشي بس اريد انام وراي دوام باجر .. راح نام .. اتقربت منه .. يوسف لاتسوي هيج بيه .. يوسف .. درة تعبان گلتلج .. درة .. خلينا نروح السادة الاي احد بس كون تطيب وترجعلي .. عاط بيه .. شگالولج مخبل وتاخذيني السادة .. ترى انتي الي محتاجة تتعالجين الوهواس راح يدمرج ويدمر حياتنا بطلي الخزعبلات مالتج هاي واصحي فاهمة .. دار وجهة ونام .. اختنگت احس الدنيا تفتر بيه .. طلعت مااتحملت .. بقيت واگفه فوگ لااگدر انزل واشوفهم .. ولااگدر ادخل الغرفه واشوفه واشوف عيونة الي كارهتني .. فتحت باب السطح وگعدت فوگ .. رفعت راسي للسما وابجي .. ربي ارحمني . الهي ماعندي غيرك .. نجيني اني ويوسف من هذا العذاب الهي .. بقيت ساعه ابجي واشكي اريد ارتاح .. گعد للصحيات شافني .. شتسوين هنا .. مسحت عيوني .. اشم هوا .. گومي ادخلي جوة يله . سحبني .. وخرت ايدي منه .. شاف عيوني .. -شبيج تبجين .. اووووف درة افهميني . خلي حياتنا حلوة ليش تخلين البجي والنكد بوسطنا .. درة .. ماارتاح اذا مانروح السادة لو الاي مكان .. يوسف انت مشبع ماتحس بنفسك .. يوسف .. لاااا انتي تخبلتي رسمي .. گومي ادخلي كافي فضايح .. سحبني ودخلني للغرفه .. راح للصحيات ورجع نام ولاعبالك اني مرتة ومقهورة . اتوقعت راح يحس على غلطة ويعتذر .. بقينا هيج ايام واسابيع .. اني الي اكل بنفسي ومتعذبة وهو عادي عندة وكلما افتح وياه الموضوع يتخبل .. من نجحت اخذني تعشينا برة ورجعنا وهاي كانت اول واخر طلعة بعد رجوعنا من اربيل ... حتى القرآن من افتحة بالغرفه مايقبل .. ورجع البرودة اتجاهي .. شمااحاول اسوي والبس واغريه مايتقبلني او يتقرب ومايكمل .. ساعات يضوج ويگوم يحس بنفسة عاجز بس مايعترف بهالشي .. يحس اكو شي ديمنعه عني بس مايگدر يحجي .. حتى سدن زعلت وقطعت علاقتها بأهلها بسببي . لان دافعت عني وابوها مرزلها .. بعد المن اشكي واحجي . ماعندي غير الله هو الي ينجيني من هذا الوضع .. بيوم جاي انضف الغرفه الظهر .. وفاتحة الشبابيك .. شفتة اجة من الدوام .. بسرعه كملت .. وبدلت ملابسي ونزلت .. دورت عليه ماكو .. ممعقوله صارله ربع ساعه من اجة .. حميت الغدا وطلعت للطارمة .. اكيد راح يشوف ايه لو جايبلها فد شي .. انتبهت انفتحت باب المشتمل .. بقيت صافنه هسا يطلع ماكو .. تمشيت بالطارمة .. شفت ايه تلعب بالعابها بالهول .. شافتني اجت تركض .. حضنتها .. وين بابا .. .. اشرتلي جوة .. احس نفسي ضاق .. وعيوني غوشت .. معقوله كل هاي الايام يضحك عليه وبحجة ايه وهو يروح الحوراء .. اي جان گال ليش بالبوگات يروحلها . اخذتني رجلي بلا وعي ولاتفكير .. ودخلت المشتمل .. شگد جنت احبه وبي ذكريات طفولتي كلها .. ع گد ماكرهته بهذا اليوم .. احس نفسي منومة مغناطيسيا ومااعرف منو الي يسيرني .خايفه وادعي كون ماموجود يمها .. فتحت الباب .. وشفت منضر صدمني شهگت حيل .. انتبهوا عليه .. حوراء نضراتها لسا ببالي وابتسامتها الماكرة .. سوت نفسها تغطي بروحها جانت نايمة فوگاه وهو خدران وياها .. جانت تسويله حركات وفاتحة قميصه وهو عبالك مجمد الها .. حوراء.. شلون تدخلين البيتي هيج والغرفتي ماتستحين هو گعد مصدوم مثلي وصافن .. گلتله .. مع الاسف .. وتركته وطلعت .. اعرف زوجته حالها من حالي. بس مو بهيج طريقه .. اني الي مايتقربلي ويبتعد عني .. وطلع يجي هنا يفرغ رغبته واحتياجاته .. صعدت ابجي ومصدومة .. دخل وراي .. درة .. اشششش اذا اكو واحد جذاب هو انت . الكلشي الك تبرير تعرف شلون تخادع .. اذا حلت بعينك وردتها . جان گتلي . جان حجيت مو تروح مثل البايگ بوگة وبحجة بنتك .. غير انت رايدها . خلص منا وجاي روح يمها اشبع بيها .. اني اعرفك انت مو انت . مو يوسف الي احبه ويحبني .. انت لعبة صرت بيدها هي الي تمشيك مثلما تريد مثل ماامها سوت بأبوها .. يوسف .. اووووه كافي ورفع ايدة .. درة .. اضرب اي اضرب ليش تراجعت . تريد تكرهني بيك مووو . نجحت . صفگت بيدي . حوراء . الفازت بالعافيه عليها . يوسف . كافي ولج كافي مو لعبة بيدجن اني فاهمة بكيفي وين انام وين اكل والمن اتقرب كل هذا بكيفي يعجبج مايعجبج مثل ماانتي مرتي هي مرتي هم .. درة .. خلص طلگني وروحلها .. اني مو حوراء . اذا هي ماعندها كبرياء وكرامة وگدرت تاخذك بالحيله والمكر .. اني درة الي تربيت حرة وعشت طول عمري مدللة وحرة صح حبيتك وصدگت بس هسا ندمت على غبائي .. حتى لو جان عقلك مغسول بعملها جان گلبك حسك وقربك الي . بس انتو الزلم كلكم هيج .. من كل ممنوع مرغوب عندكم . جنت شبه مستحيله الك .. وحاولت تحصلني ومن حصلتني استسلمت بسهوله وبعتني .. گمت اضرب ع راسي والوم بغبائي وندمي .. يوسف .. كافي تعيرني طلاگ مااطلگ فاهمة .. درة .. لاتطلگ والا .. اتقرب الي ولزمني من رگبتي . والا شنو هااا احجي والا شنو .. انگلبن عيونة حمر واحسة وحش مو انسان .. اكرهج فاهمة اكرهج . احسج قرد گبالي مااعرف شلون بيوم حبيتج .. جنت احاول اخلص روحي منه .. تمنيت الموت بساعتها ع الكلام الي گاله الي .. وهو يعيط ويگلي اكرهج .. بس اكو شي يخليني اقاوم واريد حياتي .. دخلت خاله ع صوته وعياطة .. شافته يخنگ بيه .. دفعتة وتضرب بي .. احس عيوني غوشن اريد اخذ نفس ماكو .. گمت اتنفس بالگوة .. واجر الهوا جر .. خاله تعيط عليه وهو صافن عليه ومصدوم .. اتقربت مني .. شو يمة شلونج .. درة .. اطلع مااريد اشوفه طلعيه .. طلعيه منا .. خاله .. اطلع خليها ترتاح .. شجاكم اسم الله . شطب بينكم . بقت تحجي وتحاول تهديني واني بالي يم كلامة .. اكرهج .. ماادري شلون بيوم حبيتج . اشوفج قرد .. خاله .. گومي نامي وارتاحي .. واني اروح اشوفه .. نزلت .. طلعت موبايلي خابرت امير .. صار لابد احجي .. هالمرة سكتت باجر عگبه اموت ومحد يدري .. الو درو شلونج .. بجيت .. شبيج شكو .. امير محتاجتك .. تعال .. درة .. تعبت امير تعبت ماعاد اتحمل .. امير .. منو وياج احجي .. درة .. يوسف .. يوسف اتغير صار انسان ثاني .. امير .. اوگفي اني جايج .. شويه وسمعت صوته جوة .. يوسف .. امير روح لاتتدخل .. امير .. شلون مااتدخل وخابرتني تبجي . درة مو من اقل موقف تشتكي اني اعرفها . لو ما الامور زايدة عن حدها ماتخابر .. يوسف .. مادام هيج عقلها خليها تحترمني .. نزلت واني ابجي . شاف حالي تخبل .. تقربت واني احجي كلشي بداخلي وشصار من اول يوم لهسا .. امير قابض على ايدة وصافن .. گتله وهاي اخر شي . باوع الرگبتي خنگني وجان متت لو ماخالتي تجي تدفعه عني .. باوع الرگبتي ماحسيت الا هاجم على يوسف وضربه بوكس على وجها .. راد يقاوم يوسف ماانطاه مجال .. امير .. تعرف كلش زين درة بالنسبه الي شنو .. حياتي والهوا الي اتنفسه سلمتك اغلى ماعندي وانت ماحافظت عليه .. بعد تحلم تحصله مرة ثانيه .. وهذا البوكس الثاني حتى تصحى وتشوف منو الي جاي يلعب بيك ومخليك هيج .. روحي لمي غراضج .. يوسف .. اذا طلعت منا اطلگها .. امير .. ايدك وماتنطي .. مادام خسرتها بعد مستحيل ارجعها الك .. ام يوسف .. يمة استهدي بالله .. اني هم مثلك متعجبه تعرف يوسف اخيك ومو هاي اطباعه .. الشيطان شاطر يمة .. امير .. هذا درس اله .. حتى يقوي ايمانه ويتغلب ع الشيطان .. كلنا عدنا نسوان بس ماعاملناهن هيج ولامسينا شعرة منهم .. الزلم مو بالحجي بالافعال .. بدلت ولميت غراضي .. مااخذت بس الدشاديش وذهبي ومستمسكاتي .. نزلت وهو يهدد ويعيط .. جانت عيوني تدمع واني اباوعله .. ردت نضرة وحدة منه .. لو كلمة تخليني اتراجع . بس ماشفت بس العصبيه والكره والتهديد .. يوسف .. بالمحكمة ابهذلج. والله .. امير .. تف عليك اذا عندك غيرة وهيج تسوي بمرتك . طلگها بالحسنى احسن الك . لا اني الي اشتكي عليك وهاي اثار الضرب مالتك اكبر دليل حتى تنسجن وتخسر مستقبلك .. بس مخلي خاطر للعشرة .. سحبني من ايدي وبآيدة الثانيه لازم الجنطة مالتي وطلعنا .. خاله تركض وراي وتتوسل ارجع .. بالطارمة واگفه حوراء ولازمة بنتها .. مااتحملت اشوف نضرات الانتصار بعينها .. گتله اوگف الامير .. تقربت منها وضربتها راشدي هي انصدمت مااتوقعت اسوي هيج .. درة .. يجي يومج ان شاء الله.. وتدفعين اعمالج الوسخة كلها .. اذا مستقويه بأعمالج فأكو الاقوى منج .. عفتها وطلعت .. حط امير الجنطة بالسيارة .. واني جنت اراقب البيت . الي جنت احلم بي من زمان احلم ادخله عروس واصير جنت هالبيت .. جنت انتضر شوكت اصير مرت يوسف .. وتالي ماحصلت من هذا اللقب بس الالم والآه .. طلعت منه مكسورة ومحطمة وماعندي ثقه بشي اسمة حب ويمكن كرهت الحب ويوم حبيت وصدگت اكو بالدنيا حب .. يمكن اتأثرت بسدن وامير .. وبحب علي الزينب الي خلاها تتغير وتصير احسن .. بس نسيت الناس مو سواسيه .. ومو كل اصابعنا سوة .. ماتوقفت عن البجي ابد الى ان اختنگت واغمى عليه بالسيارة .. صحيت واني بالمستشفى مخليلي مغذي گال عندج هبوط ويمي علي وحيدر يتوعدون ويهددون .. وامير بالگوة لازمهم .. وسدن كل شويه تخابر .. وبالها يمنا .. واني بعالم ثاني وماافكر غير بحرگة گلبي ولوعته وبس اجت الدكتورة .. گالت تگدرون تطلعوها اذا كمل المغذي .. انتي متزوجة .. امير .. اي .. الدكتورة .. حامل .. صفنت عليها .. هااا لا .. الدكتورة .. مو اكو علاج كتبته الج من برة اذا شاكة بنفسج حامل لتاخذيه . والحمد لله ع سلامتج .. بقلمي_الكاتبة_شمس يتبع .... |
| الساعة الآن 05:48 AM |
Powered by vBulletin®
Copyright ©2000 - 2024, vBulletin Solutions, Inc.