آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-08-19, 02:20 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  مابين الفقر والطغيان،للكاتبه/ رونق "عراقيه" (مميزة) ( مكتملة )
التعديل الأخير تم بواسطة فيتامين سي ; 23-08-19 الساعة 12:39 AM | |||||||||||||||||
|  |
|
08-08-19, 02:22 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــا القصه تتحدث عن فتاة جميله تجبرها الحياة ان تترك دراستها وتعمل سكرتيره في شركه اهليه لكن الظروف تجبرها ان تتزوج بالسر من مديرها بسبب الفقر وحاجتها للمال لكن هل ياترى تنكشف الاسرار ام تبقى مخبأه ام هناك مفاجئات بالانتظار user19194545 البارت 1 مساء الخير ع اجمل متابعين طبعا مشتاقتلكم هواي ومشتاقه لتعليقاتكم الحلوه اتمنى متنسون التصويت حتى مضيعون تعبي هيج 🌹🦋 البارت 1 🦋🌹 🌹🦋 مابين الفقر والطغيان🦋🌹 🌹🦋 للكاتبه رونق 🦋🌹 اعلم ان الزمان لايثبت ع حال كما قال عز وجل ( وَتِلْكَ الْأَيَّامُ نُدَاوِلُهَا بَيْنَ النَّاسِ ) فتارة فقير وتارة غني وتارة عز وتارة ذل وتارة يفرح الموالي وتارة يشمت الاعادي والعاقل من لازم اصلا ع كل حال ان وجود الغني الفاحش بجانب الفقير المدقع في مجتمع واحد يؤدي الى الانفجار عاجلا او اجلا لاغنى ك العقل ولا فقر ك الجهل ولا ميراث ك الادب ليس الثراء والفقر هو مايجعلنا سعداء او تعساء بل اننا كثيرا مانلاحظ العكس الفقر لايسبب التعاسه في حد ذاته لكن المشاكل المترتبه عليه هي التي تجعل الانسان تعيسا ان الفقير ليس خطيئه وانما الخطيئه ان يكون المرء غنيا فيهين الاخرين يجب ان يعيش الاغنياء ببساطه اكثر حتى يستطيع الفقراء ان يعيشوا عندما يصرخ شخص ما في وجهك احتفظ بهدوئك فهذا سيزيد غضبه في البدايه ثم يشعر بالخجل ثم يشعر بالاذى اكثر مما شعرت انت بعض الناس كلما اشتريتهم باعوك وكلما تقربت منهم ابعدوك وكلما راعيت احساسهم جرحوك وكلما اعليت شانهم احتقروك هؤلاء الناس لن يعرفوا قيمتك الى اذا خسروك هكذا سيحدث مع بطلتنا زينب القصه لاتخلو من الحزن والذل والكراهيه والحقد لكن ياترى هل يتحول كل شيءالى حب ام تبقى الكراهيه سائده هذا ماسنعرفه في احداث قصتنا اتمنى ان تنال اعجابكم احب انوه قبل لاابدي القصه كمية الحزن كبيره والذل اكثر لحد يكلي شوكت يتحول الحزن لفرح خلوا القصه ع مهلها وتمشي مثل ماهيه والي ميحب يتابع قصص حزينه من هسه اكله ينسحب بهدوء تحياتي للجميع اتمنى لكم قراءه ممتعه البطله : اسمي زينب عمري 18 سنه مخلصه سادس اعدادي مواصفاتي بيضه وصاحبة عيون ملونه وشعر طويل وسرح وملون طولي حلو وجسمي رشيق نسخة ماما اني اعيش مع بابا مهندس وماما اصلها تركماني خريجة كلية القانون بس ممتعينه وعندي اخ واحد اسمه سيف كلية الصيدله مرحله ثانيه واخوات 3 رنا عمرها 16 ونرجس عمرها 14 ورقيه عمرها 10 طبعي هادئه بشكل وكتومه مااحب اسولف اسراري لاي شخص ومااحب المشاكل ولا احب العناد اكره الظلم ودائما احب اكون مظلومه ولا اكون ظالمه نقطة ضعفي اهلي البطل : اسمي حيدر عمري 33 سنه خريج كليه عسكريه حاليه اني ضابط تحقيق بمركز متزوج وعندي طفله وحده اسمها نور اعيش وي ابويه معلم والدتي مدرسه وعندي اخوان 3 واخوات 3 اخويه الجبير اسمه محمد دكتور متزوج واخ اصغر مني اسمه مروان مهندس متزوج ويملك شركه اهليه بغير محافظه واخوي الصغير اسمه امير طالب كلية الطب واخواتي وحده اسمها ساره دكتوره ومتزوجه دكتور والثانيه اسمها بنين صيدلانيه وزوجها كذلك واخر وحده فاطمه طالبة كليه طب اسنان اني الوحيد الي شاذ بعائلتي وطلعت ضابط لان احب هاي المهنه زينب : احجيلكم قصتي من جنت خامس اعدادي جنت عايشه عيشة الملوك وحالتنه توب يمكن اغلى ناس بمحافظتنه بابا جان ماخذ اجازه بدون راتب لان يملك شركات ومعرض سيارات وعدنه املاك هواي ماما الوحيده لاهلها جانوا عايشين بكركوك وهي اصلها تركماني وجانت حلوه بشكل شايفها بابا وهي بالمدرسه جانت رابع اعدادي وعاشقها عشق عامل المستحيل حتى تكون اله وفعلا متزوجين وهي بعدهي تدرس من ماتو بيبي وجدوا ماما ورثت كلشي جدوا هواي عنده املاك بابا علاقته منتهيه وي بيت جدوا ومااعرف السبب مااعرف لا عم ولا عمه ولا اي شخص من اقربائنه تقريبا احنه عايشين هنا ومقطوعين من الاقارب بابا هواي يخاف علينه مايخلينه نطلع من الباب بس للمدرسه ومخلينه سايق خاص النه ماما ميخليها تطلع ولا تتعين لان جمالها مو طبيعي ويخاف عليها جنت حيل شاطره ونجحت من الخامس للسادس بالعطله خلالي افضل مدرسين يجوني للبيت يدرسوني جان حلمه بابا اكون دكتوره طلب من سيف يعلمني للسياقه وفعلا اتعلمتها وضبطتها كلي اذا طلعتي معدل عالي هديتج ارقى سياره وجنه عايشين عيشه تخبل كلب ع كلب مانعرف الحقد ولا نعرف الانانيه بابا دفع فلوس المدرسين نقدا وبدت المدرسه وجنت انزك طالبه واحلى طالبه واشطر طالبه يصيحولي الكرديه بابا كال راح ادخل بمشروع ضخم وارباحه مضمونه بس لازم ابيع البيوت والعمارات الكل عارض ماما وسيف وحتى اني كناله مانحب المشاريع الضخمه لان اذا خسرت ادمر اصحابها بس هو اصر كال اني و3 ويايه ندخل شراكه فعلا دخولو وجان بالبدايه مربح بشكل وجنه فرحانين لان نجح المشروع باخر يوم الي نصف السنه امتحنت ورجعت وجنت فرحانه مجاوبه مثل كل مره دخلت لكيت ماما وجها مو طبيعي سلمت عليها وبستها ها ماما خيرج بيج شي لا ماما ماكو شي روحي بدلي وانزلي مسالتني ع الامتحان مو من عوايدها بدلت ونزلت لكيتها تحجي بالموبايل وتبجي ها وهسه شراح تسوي بوحدك بس يجن البنات اجيكم ها ماما شكو والله كلبي حاس اكو شي كامت تبجي ماما المشروع خسر ادري ماما مستحيل هيج تضوج ع المشروع لازم اكو غير شي ماما بابا وين هسه ابوج صارت بي جلطه خفيفه واتعداها الحمد لله دموعي جرت كلشي ولا بابا هسه وينه ماما الله عليج بي شي لاوالله ماما اتعده مرحلة الخطر وهسه زين شويه واروح ادزلهم اكل والعصر اندزه للدكتور ع حسابنه اتصلت بسيف واكدلي مابي شي كامت تحجي ماما خسرنه كلشي حتى البيت الكاعدين بي مرهون راح نصفه ع الحصيره شكد حجينه ويا وهو عاند شكد حجينه ويا وهو عاند الطمع يكتل ابن ادم ماما الفلوس مو مهمه تروح وتجي اهم شي صحة بابا لان متتعوض باملاك الدنيه اتصل بينه سيف واكد علينه منبين حزنه اله مو زين علي وع صحته ينسد الموضوع نهائي للعصر دزوا للدكتور طلب منه ابد منعرضه لصدمه لخ ميتحمل لازم نبعده عن التوتر رجع بالليل وجان حيل تعبان كمنه نحجي ويا وكناله الله راح يعوضنه ولكم شيعوضنه واني دمرت نفسي ودمرتكم بيدي تدرون مطلوب وحتى اذا بعت سيارتي وسيارة سيف والذهب مراح اوفي الدين انصدمنه كلنه بس ماحجينه شي بقه نايم بالفراش 3 ايام بعدها كام ع حيله صفه الاملاك وباع السيارات والذهب بقينه شي قليل من الذهب بس الخفايف تقريبا فك الدين كله بس بقه البيت مدة الرهان 6 اشهر ولازم لو ننتقل لغير مكان لو ندفع الفلوس سوينه نفسنه مضايجين ابد ونضحك ونسولف بده بابا يشتغل بالمعامله مالته حتى يرجع للوضيفه بده الدوام وبده مستوايه ينزل بس بابا كام يحجي عليه كلي اريدج ترفعين راسي مااقبل غير الطب مااقبل غير الطب والاساتذه دائما يشجعوني بس حالتي النفسيه متدهوره بده اخويه سيف يشكي من الم بكليته بدينه نبيع بالذهب قطعه وره قطعه مصرف النه ولاخويه للطبيب بقوا ينطوا علاج ومهدئات ماكدر يداوم ترك السنه لان حيل مريض اجتي الامتحانات وقررت اخلي هدف كدامي لازم احقق حلمي وحلم بابا حلمي اصير دكتوره بدت الامتحانات وجنت مشغوله ع اخويه هواي بده يضعف ومياكل ودائما يلزمه الم بهاي الفتره كاموا يدخلو مستشفى ويغسلون كلياته طلع عنده عجز كلوي خلصت الامتحانات بالقدره واكيد مخربطه لان جان بالي مشغول الذهب تقريبا خلص واخويه ينرادله علاجات ومصرف والبيت كذلك بابا همل حتى الوضيفه لان محتار بسيوفي داخل ويا دائما قررت لازم ادور ع شغل وصيت شكم صديقه اكو هواي متشمتات بيه جنت بالنسبه الهن مغروره وخشمي يابس بس الحقيقه لا جنت متواضعه حيل مااحب التفرقه ابد جنت وين اكو طالبه حالتها ضعيفه صديقتي ودائما اساعد المحتاجات بدون علمهن اخلي الفلوس بالجنطه اكو بنيه صديقتي كالت اكو شركه اهليه يمكن مالت مقاوله اخويه يشتغل بيها ومحتاجين شكم موضفه ياريت اشتغل مهما كان الشغل عادي فعلا اتصلت باخوها وثاني يوم طلبو مني المقابله فتحت الموضوع وي بابا واتخبل كال ع كص ركبتي اخليج تشتغلين بابا والله الشغل مو عيب بس العيب اذا مدينه ادينه للناس لج بابا اني رجال واني الي اشتغل اي عادي ماكو مشكله خل يطيب سيوفي وابطل هي اهليه وهو اصلا بالواسطه يله يقبلوني لج بابا اني تاليتي بنتي تشتغل بشركه بعد ماجنه احنه اصحاب الشركات كوه قنعناه اني وماما كتله بس ترجع للوضيفه اني ابطل فعلا ثاني يوم سوو المقابله ويايه وقبلوني وجان الراتب 500 حيل فرحت الدوام من 8 لل 3 باشرت واشتغلت وجنت ملتزمه بلبسي وبحجابي محد كدر يتعرضلي اني متاكده البنيه الشريفه والنزيها محد يتعرض الها ابد اكو نضرات الاعجاب داير مدايري بس اني ولاكانو احد كبالي بابا تقريبا سكن المستشفى صدفه يطلعون يوم يومين ويرجع بالنسبه الي المدير مشايفته ولا سامعه عنه شي اني اشتغل بغرفه اني وبنيه ولد مؤدب ومتزوج استلمت اول راتب وفرحت بي حسيت ملكت الدنيه وزعوا النتائج وجان معدلي 98 ونص 😢😢😢 حرامات الكل انصدم لان جانو متوقعيني مينزل معدلي عن 99 ونص جنت درجاتي كلها 100 اهلي جانو فرحانين خطيه ثاني يوم احتاجيت توقيع المدير ظروري رحت للمكتب لكيت السكرتيره مموجوده دكيت الباب ودخلت اني جنت متوقعته رجال جبير بالعمر اتفاجأت بي شاب انيق ووسيم هو ملتهي بالمخابره ويسولف ويضحك ممنتبه الي ابد ووقع وانطاني الاوراق شافني وجان يفتح عينه وحلكه 😲😲😲😲 شنو انت موضفه جديده اني مدنكه واحجي بلي استاذ شنو اسمج زينب عاشت الاسامي تحصيلج الدراسي شنو خريجة اعداديه حلووو لعد لويش ممكمله هستوني استلمت نتيجتي شكد طلعتي معدل 98 ونص حلوووو شعجب تشتغلين ظروف جبرتني اشتغل حسيت بي مو راحه ابد استاذنت وردت اطلع هاي وين يابه خلي نضيفج شي شكرا استاذ عندي شغل ردت بس انهزم من نضراته الي اكلتني اكل طلعت واخلصت ثاني يوم اتفاجأت بي دز عليه وكلي هذا مكانج راح يصير تساعدين السكرتيره هي تنظم الاجتماعات والمواعيد والمقابلات وانت عليج تقدمين العصائر والجاي منريد نتعبج لان طلعتي بنت المقاول زميلي ماارتاحيتله ابد بس مجبوره اوافق بده يضايقني كل شويه ويدز عليه بحجه مره حاول يلزم ايدي اني هنا انفجرت متحملت كتله لهنا والزم حدك اني جايه هنا حتى اشتغل مافارغه لهاي السوالف التعبانه اني من هاي اللحضه استقيل ردت اطلع كال يابه مبروك فزتي بالاختبار يااختيار هذا ردت اجرب واشوف حتى اامن بيج لو لا ونجحتي مااخليج تستقيلين ابقي ووعد مني بعد ماازعجج ابد الصراحه ممقتنعه بي ولا بحجيه بس مجبوره ابقى رجعت لشغلي وفعلا متعرضلي بعد بس من يشوفني يضحك بوجهي لو يسويلي هيج 😜 وره تقريبا اسبوعين رجعت للبيت لكيت الكل يبجي ومخبوص احس روحي راحت ورجليه بعد ميشيلني كوه وصلت ها ماما شكو لج ماما سيوفي راح يروح من ادينه دموعي كامن يصبن هاي شدتحجين ماما لج ماما كالو ايامه معدوده كال الدكتور اذا بقه هنا يموت لو نودي لاربيل افضل ونسويله زرع كله اي ماما ووين المشكله نودي لاربيل لج ماما بس الكله المتبرع يبيعها ب12 مليون غير تكاليف المستشفى والدكتور يعني اقل شي ينرادلنه 15 مليون واليوم حالته كلش مدهوره والحل ماما شلون نخلي هيج يموت ونبقى ساكتين لج ماما الله كاعد يختبرنه اختبار صعب حيل مو جنه نملك نص المحافظه ليش متمرض اخوج ليش هسه يله ماما باجر احجي وي مديري بلكي ينطيني سلفه واسددها من الراتب ياريت ياماما ولج اموت اذا صار شي بسيوفي رحت العصر وي ماما للمستشفى اتخبلت من شفته كلبي طك من البجي مخليله الاوكسجين وحيل تعبان رجعنه وقررت ثاني يوم احجي وي المدير فعلا رحت ثاني يوم وحجيت ويا استاذ محتاجه سلفه 15 مليون وتاخذ راتبي كل شهر وبابا اذا رجع الوضيفته هم ننطيك وياهن 500 يعني الشهر مليون خلال سنه و3 اشهر افكك حتى اذا تريد اوقعلك ع صك كام يضحك 😂😂😂😂😂 منو كلج انطي السلف وخاصه لموضفه جديده صارلها شهر ونص بس استاذ والله حاله انسانيه اخويه محتاج عمليه فوريه متتحمل التاجيل خلي افكر 🤔🤔🤔🤔 عندي حل الج اتكلف علاج اخوج من الالف للياء عند افضل وامهر الدكاتره باربيل مقابل تقضين ليله وحده وياي وبعدها ينتهي كلشي اني هنا فقدت انت اكيد مو بشر انت حيوان وهيج تفكر لج حقيره انتبهي لالفاضج لا اشايف بعد اذا انت نذل لا عبالك الناس كلها مثلك اطلعي بره لتخليني ارتكب جريمه بحقج اصلا اني الي ماابقى ولا دقيقه هنا ميشرفني اشتغل وي هيج نماذج تعبانه واصلا مع الاسف حسبتك انسان وحجيت وياك اطلعي بره لج ساقطه وجايه تستشرفين براسي طلعت وحسيت الدنيا افترت بيه مااعرف شاكول واحجي لماما خطيه رجعت للبيت من وكت وجنت حايره شاحجي واكول سالتني ماما طبعا كذبت عليها وهاي اول كذبه اليه من هنا تبدي حياتي كلها كذب بكذب كتلها ماما لكيته مسافر المدير مدة اسبوع ويرجع واخذت اجازه حتى اكعد ارتاح للعصر رحنه للمستشفى بابا خبرته كتله المدير مجاز كال قررت قرار ولو يمكن اصعب قرار راح اتخذه بس لخاطر سيوفي ماما كلتله مستحيل اخليك تذل نفسك لعد اخلي ابني يموت بين اديه كلشي ماافتهمت منهم سالتهم كالت ماما لتدخلين انت دخت شنو من قرار هل هو الي يتبرع بكليته اخر شي كال اخذي بنتج وروحي باجر من الصبح تعاي بمكاني رجعنه للبيت كتلها ماما فهميني شبي بابا وشنو القرار الصعب كالت ماما احنه محابين نسولف بهذا الموضوع ولا ردنه نكشف هذا السر الكم بس راح اسولفلج من جنت طالبه وابوج شافني وحبني وهذا الشي انت تعرفي اني جنت سنيه وابوج شيعي اني هم حبيته لابوج وكلي راح ادز اهلي يخطبوج بس راح وبعد مرجع مدة سنه كلت اكيد اتندم وميحبني بعدها اجه وجايب ويا ناس معروفين ويقدرهم ابويه الله يرحمه كله واهلك كله معارضين هذا الزواج باللحضه ابويه رفضه بعدين حجه كله اكدر اجيبلك ناس وهميين واكلك هذا ابوي وهذه امي واحنه بمحافظه بعيده اكيد مراح تتحقق بس اني نيتي صافيه وياكم اعاهدك امام الله اصونها واحميها لاخر يوم بعمري رفض ابويه وابوج مستسلم بسهوله كام يدز ناس اشكال واللوان اخر شي دخلت اني ع ابويه وكتله اني قابله بي اني اتزوجه اله مو لاهله واهم شي هو ابويه يحبني وميرفضلي طلب وافق بس بشروط تعجيزيه مهر غالي ومؤخر غالي وبقه يشتغل ليل نهار لمن لبه كل الطلبات واخيرا اتزوجنه وبعدها صرت شيعيه وصار ابوج ذراعه اليمين لجدج بس اهله اتبروا منه هواي حاول وياهم واتوسل بيهم بس همه طردوا ومعترفوا بي ابد وهسه بعد كل هالسنين راح يرجع يتوسل بيهم واكيد راح يطردونه مثل كل مره حيل ضجت ع بابا خطيه وراح هسه يذل نفسه الهم شكد كرهتهم لاهل بابا يعني واذا حب جريمه من اتزوج بالليل صعدت لغرفتي فتحت جهازي وجان تجيني رسائل فتحتهن الرقم غريب هلو زوبه شلونج بشريني اخوج شلونه الصراحه اني ضايج علي حيل خطيه بعده بعز شبابه حرامات هيج يموت ومن وره انانية اخته الي هي انت عرفته هذا الحقير مديري جاوبته والله لو تموت لو تعادلني بالذهب مااوافق ع طلبك انت الخسرانه لعد جهزوا من هسه للفاتحه حيل نرفزني ان شاء الله يومك قبل يومه انطيته حضر ثاني يوم اجه بابا سبح وطلع تقريبا ب 6 وجان يندك الباب طلع ابويه بس شفته بشوفه حيل منكسر حتى من خسر الاملاك مامنكسر هيج عرفت الجواب ابد ماسالته صبيتله غده مااكل ابد بدل وراح للمستشفى اجتي ماما ها ماما بشري شبشر منعته ولا فاد بي يضحكون علينه طاردينه مثل كل مره لعد شلون ماما يموت سيوفي كبالنه ماما فدوه اسكتي لتهيجين المواجع اني اتبرعله بالكله مالتي حتى لو اموت ميخالف اهم شي اخوج يعيش اسكتي ماما لتحجين هيج عمرج طويل ان شاء الله اني اتبرع ماعندي شي لليل بديت افكر ياربي اقبل بعرضه لهذا الساقط لا مستحيل اخلاقي متسمحلي اخر شي قررت كلت خل اطلب منه نعقد سيد مدة اسبوع ويطلكني ياربي ساعدني شلون راح اطلب منه هذا الشي اكيد راح يذلني ويجوز يرفض فتحت الحضر دزيتله مسج مرحبا استاذ مراحب يحلوه ان شاء الله وافقتي ها لابس حابه اتفق وياك اتفاق شنو هالاتفاق بله خلي نعقد سيد مدة اسبوع ايا بنت الفكر طلعتي مو هينه ابد لج اني مسودن وازوجج انت لا يابه اصحي ع نفسج انام وياج هيج اي بدون لغوه زايده اذا تردين مبلغ اكثر كولي بس عقد مستحيل بس اني مااكدر بالحرام وانزل راس اهلي وانت مراح تخسر شي اعقد واخذني بالحلال افضل ونخلي الموضوع سر بيني وبينك مراح تخسر شي روحي بابا روحي شوفيلج واحد غيري زوج واضحكي علي بعد مجاوبته ولا هو جاوبني احس البيبان كلها نسددت بوجهي للصبح ماكدرت انام صار الصبح وبابا اتصل بيه كلي فاقد الوعي وحالته حيل حرجه وكالو الكم مهله يومين لازم تسوله العمليه كمت ابجي ياربي شلون يعني اوافق بالحرام بس مااكدر اني صحيح اذا عقدت هم راح اكون خنت اهلي بس اهم شي ممسويه حرام اني الصراحه حاليا عقلي واكف من التفكر بالمستقبل ماافكر بعد العقد شراح يصير مثلا شراح يكون مستقبلي مو مهم اهم شي حياة اخويه قررت اروح للشركه واتوسل بي اخر مره صحيح ذليت نفسي هواي وخليت الكرامه ع جها بس لخاطر اخويه كلشي يهون سالتني ماما وين تردين كتلها للشركه يمكن جاي المدير طبعا زمنه هذا زمن مصلحه مابي لاصديق وفي ولا اخ اهم شي الجيب بابا من جانت حالتها زينه ميت صديق عنده بس وكع الكل اتخله عنه شكد حاول يداين منهم بس رفضوا ولا كانو يعرفونه رحت وجنت حيل متردده بس مجبوره دخلت ورحت كبل للاداره راحت السكرتيره طبعا مو راحه ابد واكيد عدها علاقه بالمدير كالت ادخلي سلمت رد السلام من وره خشمه ويباوعلي من فوك لجوه خيرج اكيد وافقتي الله يخليك استاذ انت وافق واي شي تريده اني حاضره بعد ماعدنه وقت والله راح يموت اخويه عقد مااعقد لو شيصير والله نبقى بالسر ومااريد كلشي منك ووعد مني راح ارجعهن الك الفلوس كلهن خل افكر ماكو وقت والله الحلال افضل الك من الحرام زين عندي شروط اعتبرهن منفذات كلهن بس لازم تسمعيني راح نبقى شهر متزوجين يوميه تروحين وياي للبيت وبيوم الي مترحين ويايه ينضاف فوك الشهر يوم واريدج متخطين خطوه وحده بدون علمي واريدج متخطين خطوه وحده بدون علمي مااطلعين من الباب ابد وشاطلب منج تنفذين بدون تردد واذا احد عرف بالموضوع احسبي نهايتج ع ايدي بس اني وانت وبس موافقه بس اهم شي ارجع لاهلي ع الوقت ب3 مااتاخر ابد لعد اتفقنه راح اطلعه لاخوج لاربيل العصر واتكلف بجميع علاجه وراح نعقد اليوم لا عفيه خليها ع باجر الصبح اوك وجيبي وياج المستمسكات موافقه هسه امشي وياي للمستشفى حتى اتفق وي ابوج رحنه للمستشفى وحجيتله بالطريق كتله راح اكول انطاني سلفه وكل شهر ياخذ راتبي كامل وصلنه ولكيت بابا بره حاير حيل فرح من سمع حجي المدير عبالهم سلفه خابر ماما وبشرها مايدرون بنتهم قدمت تضحيه جبيره مقابل هذا المبلغ للعصر سافروا بابا وسيف لاربيل ودز وياهم كادر طبي وشخص يتكلف بكل المصاريف االيل كله يراسلني رسائل خلني اكرها لنفسي ابد ميستحي والرسائل استحي حتى احجيهن الخوف اكلني اكل مااعرف مصيري شراح يكون باجر وماادري شراح يكون مستقبلي شفت الفرح بعيون ماما الصبح بدلت وقريت الفاتحه تسهيل امر وطلعت اتصل بيه كلي لدخلين بالشركه اوكفيلي بالفرع فعلا وكفت بالفرع كلبي يدك سريع وحيل خايفه اجه هو وصعدت ويا كعدت بالوره امتلكني الخوف وصارت بيه رجفه احس ممسيطره ع نفسي اصعب شعور مريت بي بعدين فكرت كلت شنو الضمان هسه راح يعقد عليه يجوز يجذب كتله انت متاكد راح نعقد بعدني ممكمله اكلي تبن وانجبي واني اعلمج ع هذا حجيج ابد مااركز احنه وين وصلنه يم بيت بناءه حديث وجبير دخل وفتح الباب ودخل السياره اترددت انزل بعدين كام يصيح نزلت واتصل بشخص كله يله منتظركم دخلنه لجوه كلي جايبه وياج ملابس هزيت راسي لا هيج منج ومن ربج اكو وحده بيوم عرسها تلبس نفس لبسج هذا اتصل بوحده وطلب منها تجيب ملابس لحضات واجتي البنيه كلتلي بدلي ذني وخل اسويلج وجهج عفيه مااريد خليني خليني هيج احسن طلعت مدري شحاجته بعد مرجعت اجه هو وكلي اجه السيد جهزي نفسج وكف وره البابا السيد وجان هدوء دموعي تجري انهار اخر شي سمعته يصيح بنتي موافقه لو لا اذا موافقه كولي نعم انت وكيلي كتله نعم انت وكيلي احس نفسي وقعت ع حكم اعدامي نص ساعه وطلعوا لكاني ع نفس ملابسي ياريت تكونين مطيعه ومتشلعين كلبي خمس دقايق والكيج مبدله افتهمتي لو لا هزيت راسي اي الفستان الي جايبته البنيه فضيحه ولون احمر مااعرف شلون راح البسه حيل خجلانه بعدين بدلت وسلمت امري لربي دخل هو وبقه فاك حلكه من شافني بده يتقدم عليه واني ارجع لحد مطخيت بالحايط وجان ....... التعديل الأخير تم بواسطة فيتامين سي ; 23-08-19 الساعة 12:50 AM | ||||||||
|
| |
|
08-08-19, 02:28 AM
| #3 | ||||||||
| مراقبة عامة ومشرفة منتدى الروايات المنقولة
| #بين_الفقر_والطغيان القصه تتحدث عن فتاة جميله تجبرها الحياة ان تترك دراستها وتعمل سكرتيره في شركه اهليه لكن الظروف تجبرها ان تتزوج بالسر من مديرها بسبب الفقر وحاجتها للمال لكن هل ياترى تنكشف الاسرار ام تبقى مخبأه ام هناك مفاجئات بالانتظار user19194545 #البارت 2 مساء الخير ع اجمل متابعين اتمنى لكم قراءه ممتعه 🌹🦋 البارت 2 🦋🌹 🌹🦋 بين الفقر والطغيان 🦋🌹 🌹🦋 للكاتبه رونق 🦋🌹 بده يتقدم عليه اني خفت ورجعت للخلف لمن وصلت للكنتور هجم عليه مثل متهجم المفترسات ع الفريسه اول شي سوا بده يضربني ويغلط عليه لج اعلمج من الحيوان لتصدكين وافقت ع طلبج حبا بيج لا متوهمه اكيد وافقت حتى اذلج واعلمج منو الحيوان الصراحه جسمي يرجف واحس كلبي راح ينشلع من مكانه كتله الله يخليك عوفني والله اسفه مجان قصدي شكك الملابس عليه اتحول لوحش اني حيل خجلت رحت للجربايه ولفيت نفسي بالغطه كام يصيح عليه كلي الج مهله دقيقه وحده الكيج كبالي الله يخليك لتسوي هيج بيه لج كلبه انت تجبريني اتزوجج ليش انتي منو انت كلج وحده ساقطه قبلتي تتزوجيني بالسر بدون علم اهلج ع مود شكم فلس شلون اامن بيج مراح تخونيني همين دموعي تجري حرت شاسوي والمشكله الفاس وكع بالراس مابيدي شي اسوي بعد كتله عفيه اتحملني هو شهر وكلمن يروح لحال سبيله والله للموت مااخون شلون اخون والله مجبوره ع مود اخويه خطيه اسمعيني لج باي وقت اريدج الكيج كبالي ايالج وابالج تلعبين بذيلج من الباب متمدين راسج بس للدوام وياويلج وسواد ليلج احد يعرف بالموضوع والله ادمر عائلتج كلها وهسه يله تعالي يمي بده يتقربلي اتمنيت بهاي اللحضه كون اختفي من الوجود اتمنى الله ياخذ امانته مني ولا يخليني امر بهيج ظروف اني حتى اسمه مااعرفه حيل كرهته وتصرفاته متنطاق اني اخذت احتياطي وبلعت حبايه مال منع حمل اخاف يصير شي اخذ عذريتي هو ارتاح واني تحولت حياتي لكابوس من هاي الساعه بس من تقربلي حسيته يعاملني مثل طفله وابد ماذاني اتصل بشخص ع ريوك دخل سبح وطلع دخلت سبحت ورا ورجعت ع ملابسي طلعت كام يباوعلي من فوك لجوه كلي ذني ملابسج ممنوع تلبسيهن وانت يمي كتله مو ماعندي غيرهن اني راح اجيبلج الملابس الي يعجبني كتله ع راحتك جابوا الريوك وطلب مني اكل ويا اني احساسي صعب اوصفه بهاي اللحضات خوف ع قلق ع انكسار ع ذل كتله مااشتهي خزرني خزره خلاني انكث من فوك لجوه اتقربت بديت اكل بس بالكوه ينبلع الاكل كملنه كتله يله توصلني للشركه هاي ياشركه بابا اليوم اول يوم زواجنه وتردين تروحين للشركه لعد شلون الله يخليك مااريد اتاخر ع اهلي منو كلج تتاخرين قبل الموعد اوصلج نام ويايه مره ثانيه بعدها نام اتصلت بماما واطمانيت ع بابا صارت ب 2 كعدته كعد عيونه تلزك نام ويايه طبعا نفسي لعبت والالم قوي كتله هاي اخر مره دتاذيني ضربني راجدي اسمعي لج انت ماالج دخل بيه ولاتمنعيني ولاالج حق تحجين ويايه افتهمتي سكتت سبحت وبدلت لكيته جاهز اخذني وصلني قريب ع فرعنا ونزلني رحت للبيت واحس بذنب جبير مااكدر اخلي عيني بعين ماما ابد رحت حتى مقبلت اتغده كبل صعدت بغرفتي ونمت واتمنى انام وبعد مااصحى ابد شبعت حركه وقهر كعدت وي الاذان احس بنفسي متكسره فتحت الموبايل لكيته محترك حرك عليه هواي متصل بيه وداز رسائل قفلت الباب واتصلت بي كام يغلط ويسب وين جنتي كتله والله جنت نايمه هستوني كعدت والموبايل خالته صامت افتحي كام خل اتاكد فتحت وشافني كلي اسمعيني ممنوع تخلي صامت ابد صار تدلل كتله اهلي يصيحوني بالليل نتخابر طبكه طبعا عشت برعب مينوصف نزلت لكيت ماما خطيه مسويه العشه كعدت وياهم بس ماالي واهس ابد كملنه وغسلت المواعين ونضفت البيت بعدها اتصلنه ابابا وخبرنه باجر يسوون التحاليل كال حالته مستقره شويه اريد بس اصعد حتى اراسله ليسويلي مشكله صعدت راسلته باللحضه جاوبني وين صرتي مو اهلي يمي والله اسمعيني اول شي تنطين علم لاهلج كليلهم راح اشتغل شغل اضافي ع مود من تستلمين ال500 مالت راتبج بدون محد يشك بيج وثاني شي مراح اداومين بالشركه لمن يرجع ابوج من السفر بس التاخير مااكدر ميقبلون اكيد لتصيرين حيوانه هو هذا صيف بمكان مطلعين ب3 كليلهم لل5 او ب6 لان مااكدر اكعد من الشركه ع مودج انداوم ع حسب الاصول وره الدوام نروح للبيت اوك راح احجي وي ماما باجر من تجهزين اتصلي بيه حتى اخذج اوك ان شاء الله بس ممكن طلب الله يخليك مااريد تشوه سمعتي ابد كدام الموظفين لتخلي احد يشك بيه انت صرتي زوجتي سمعتج اكيد تهمني هو اني الي مااريدج تشوهين سمعتي اني ماعليه بيك ابد هو شهر وكلمن يروح لحال سبيله اوك اتفقنه لعد طبكته منه حاولت انام بس مكدرت من التفكير من جها ومن جها ثانيه نمت هواي بقيت اكلب بالموبايل دخلت ع رقمه لكيت صفحته الي مسويها بهذا الرقم اسمه مروان بس مو نفس محافظتنه دخلت ع البروفايل مالته متزوج عمره 28 سنه مهندس اصدقاء هواي عنده بقيت اكلب لحد مانمت كعدت ع صوت المنبه جنت نعسانه حيل بس كعدت سبحت وبدلت واتصلت بي كلي من ارمشلج اطلعي نفس المكان نزلت لكيت ماما خطيه مسويتلي ريوك طبعا مااشتهي ابد بس ماكدرت اخجلها لماما اكلت لكمه وحده وبوستها كامت تحجي عليه كتلها اكو بنيه عازمتني وعيب منها مااكل وياها رمشلي طلعت رحت نفس المكان صعدت ويا واكعد وره اخاف احد يشوفني اخذني للبيت طبعا غامض بالنسبه الي كولشي مااعرف عنه ولا حابه اعرف عنه دخلنه للبيت طلب مني ابدل اشرلي ع الكنتور فتحته لكيت جايب ويا اشكال واللوان كلي اريد اطلع الفلوس الي انطيتهن الكم اريد تونسيني وتنسيني اسمي كلما تسبحين تلبسين شكل جايب انواع العطور همين بدلت ونمنه خلال 3 ايام الاولى جان زين وياي صحيح يصيح ويغلط بس مو مثل بعدين خلال هاي الفتره اتصل ابابا وكال طلعت التحاليل وكلها زينه وتحاليل المتبرع هم زينه وماكو اي اشكال خلال يومين تصير العمليه حيدر : طبعا اني الوحيد الي بعائلتي شاذ بعملي حبيت مهنة الظابط هواي لان احس هاي المهنه الوحيده الي اتوالم شخصيتي طبعا اني مواصفاتي ضخم طويل وجسمي رياضي وبشرتي بيضه وشخصيتي كلش حلوه صاحب عيونه ملونه بس اني طبعي صعب حيل مااقتنع بسهوله ولا اجامل بسهوله وعصبي مو طبيعي افقد من اعصب مااحب الكذب ولا احب الي يكذب وبقاموس حياتي ماعندي فرصه ثانيه ابد والي اشطب علي اشطبه للموت مااحب شخص يعاند ابد من النوع الي يحقد يعني الي يجرحني احقد علي ومااسامحه للموت اني مااحب ولا اعترف بالحب ابد اهم شي عندي النظافه والترتيب اتزوجت زواج تقليدي عن طريق اهلي ومعارفهم جنت رافض فكرة الزواج بس اهلي لحوا عليه اتزوجت واني عمري 27سنه زوجتي جانت خريجة تربيه شكلها مقبول يعني مو جمال جمال ولا مو حلوه حياتي عاديه وياها بس ماكو حب يجمعنه مجرد واجب وبس هي هم احسها بارده من ناحيتي ولا تحاول تتقرب عليه عفتها ع هواها راسا شكل حمل عدها عرفت بيها بنيه وجنت فرحان بحملها عدت الايام وجابت بنوته تخبل سميتها نور امها عارضت ع الاسم رادت تسميها جلنار بس اني رفضت اخويه محمد الي هو دكتور هادئ بشكل عكسي متزوج دكتوره ويا اسمها رسل ماعدهم اطفال بيت اهلي حيل جبير مساحته 1000م بمنطقه راقيه اخويه الدكتور باني 200 م وبابه للشارع واكو داخلي من الحديقه وعايشين بوحدهم اخويه الثاني مروان الي هو مهندس ملعب ويدور بنات يوميه لازملي لزمه علي زوجنا عبالنه نخلص منه بس مصار عنده جهال السبب جان من عنده الدكتور انطانه امل ضعيف يصير عنده طفل وبقه نفس سوالفه يكول مااحبها لزوجتي وموهي الي ابالي هو مجان هيج بس حب ابنيه وياهِ وفاتحنه. بالموضوع وكال اخطبوها الي بس من خطبناها ابن عمها رادها واتزوجها وكوه قنعناه ونساها بس بقه يدور بنات حجينه ويا ردنه منه مفاد بي يكول كلهن ساقطات ويذبن نفسهن عليه فتح شركه بغير محافضه يجينه الاربعاء العصرويبقه خميس وجمعه وسبت العصر يرجع ومرات الاحد الفجر يروح شغله نجح وجان مشروعه حلو شجعناه رغم بغير محافضه كال بمرور الايام افتح شركه هنا وابقى كاعد وي اهلي اخويه الصغير امير بعد طالب اني هم بنيت بيتي واستقريت بي هم 200 م صار تصميمه بيت اهلي من جها بيت اخويه ومن جها الثانيه بيتي وبالنص حديقه وبيت اهلي بالاخير اخواتي 2 متزوجات بس الصغيره بعدهي اني اكلي وشربي كله يم اهلي بس من انام اروح لبيتي بالنسبه لزوجتي اطباعها ابد متعجبني عكس الي اريده اتعاند هواي وشابعه كتل مني واذا لزمت الموبايل كوه اشلعها منه داخله بكروبات هواي ودائما مشاكل من ورا اتعلق للولد هواي واني يوميه مانعها وماسح الفيس منها وترجعه وتكول اخر مره صار عمر نور بنتي 3 سنوات وصار حمل مره لخ عدها بس بقت فتره وصار اسقاط بدت تمللني اريد اسافر اريد اتونس كتلها وين متردين تروحين وي اهلي روحي اني مااكدر اطلع واجي تعبان مرات اطلعها للمطعم وللمنتزهات وللمولات للزياره ههمين نطلع رغم كلشي حسيت بيها ادور زلات عليه وادور المشاكل من جوه الكاع اني مرات هم طفره ونص وياها اجي من الدوام تعبان تخلي نور تبجي فوك راسي ها طلعنه ها وديني للمول لازم يوميه تريد طلعه مرات اتعارك وياها ومرات اكول خطيه امي دائما تشكي منها تكول بالجذب متمر علينه متسالنه شبينه مابينه اهواي اتحملت عليها بس ساكت لخاطر بنتي نور والا من زمان جان طلكتها طبعا اني نومي بالليل عميق اذا نمت ماادري شكو ماكو لان حيل اتعب بالدوام هي تعرفني وتدري بيه لهذا السبب جانت مستغله نقطة ضعفي تبقى بالليل ع الفيس وبالكروبات بنات وولد واغلبهن مو راحه الكروبات اني مانعها من الاختلاط وي الشباب وهواي مرات كاسر جهازها من الكيها اتعلق لولد اكثر من تعليق لحد مااجه يوم كالت اريد ابات يم اهلي كتلها عادي باتي وباجر بالليل امر بيج كالت اوك باتت وثاني يوم رجعت من الدوام وجان البيت هدوء استغليت غيابها هي ونور نمت نومه عجيبه غريبه بقيت لل 9 بالليل يله كعدت بعدها كعدت رحت يم اهلي اتعشيت اتصلت بيها سالتها جاهزه كلتلي لا راح ابات ماقبلت اني كتلها لا ارجعي جهزي نفسج راح امر بيج اصرت تبقى وكامت تتوسل اني رفضت ومقبلت رحت لبيت اهلها وجبتها وجانت كالبه الخلقه مهتميت الها بوست نور ومريت بسوبر ماركت اشتريتلها حسيت بيها مو طبيعيه ومتوره شكيت اكو شي بس ممتوقع شنو ماكتلها جنت نايم كلت لازم اليوم اراقبها واشوفها رجعت للبيت وسويت المساله طبيعيه بس هي ممرتاحه احسها والخلقه مكلوبه اتقربت عليها وكتلها مشتاقلج هواي ولا كانو احجي وياها نامت نور حاولت احجي وياها بس هي ساكته نمت وياها بس احسها ع اعصابها دخلت اسبح وراها هي دخلت عفتها ورحت لفراشي من دخلت ردت افتح جهازها لكيت بي رمز سالتها علي كالت اصبر لمن اطلع من طلعت فتحته الي كتلها روحي سويلي عشه وجاي طبعا اني مااشتهي بس حبيت الهيها فعلا راحت للمطبخ دورت بالجهاز ماكو شي يثير الشك دخلت تسجيل مكالمات رجعته ع الميز رحت للمطبخ لكيتها بعدها كلشي ممسويه كتلها لتسوين مااريد راح اروح انام لو الدنيه تنكلب مااريد احد يكعدني لان حيل نعسان سويت نفسي نايم اخذتلها ساعه وكامت تهمس حبيبي حدوري حيدر ...... حدوري ....... استغربت بالبدايه معرفت شنو قصدها سويت نفسي ولا كانو بعد متاكدت نايم سمعتها طلعت وره شويه رجعت اسمعها تكتب وره شويه دك الجهاز سمعتها تكوله اصبر خل اطلع من الغرفه هم طلعت هالمره طلعت وراها لكيتها بالمطبخ تحجي والله حبيبي مكدرت ابقه حاولت ويا بس مقبل اني فرت بدمي صحت بيها وطفرت اخذت الجهاز منها وجها كام ينطي اللوان طلعت تسجيل مكالمه حسيتها انتهت سمعت حجيها كله حب وغرام اني تخبلت بديت اظرب بيها بس حاولت اتمالك اعصابي مااريد افقد وياها كتلها لمي غراضج بسرعه كامت تبجي وتتوسل سحلتها من شعرها كتلها لو اطلعج هيج لو تاخذين غراضج انت طالق طالق طالق هي تخبلت كامت تبجي وتتوسل كتلها بعد ميفيد البجي كالت وبنتي كتلها مستحيل انطيجياها واخليج تربيها بيدج كامت تتوسل وتبجي كتلها اكعد وي اهلج واتفاهم دزيت ع فطومه اختي بقت يم نور اخذتها يم اهلها وفهمتهم بلي صار كامو يوتوتون وميعرفون شيحجون كتلهم هاي بنتكم باجر ورقة طلاكها يمكم ابوها كام يحجي ماعندك دليل وع اي اساس سمعتها الحجي انلصم بعد محجه شي كال بس بنتك لازم تاخذها منتحملها كتله هو اني مستحيل اخليها تعيش وياكم عفتها وطلعت ثاني يوم من الدوام ورحت طلكتها واخلصت منها اهلي تخبلو كتلهم مااريد اي اعتراض فهمتهم بالسالفه كلها سكتو كلولي لازم تنطيها فرصه ع حساب نور بنتك اني رفضت وكلت مستحيل اوافق ارجعها طلكت من السيد وسلمتها الحاضر والغايب اكثر شي نرفزني ابد مسالت ع بنتها ولا كالت اريدها بالبدايه هواي عانينه بسبب نور وتبجي ع امها بعدين اايست ونستها هسه صار تقريبا سنه من طلكتها بقت تقريبا 6 اشهر وبعدها اتزوجت جانت صدمه النه من ذاك اليوم اني اتحولت لانسان ثاني بعد ماعندي ثقه باي وحده كائن من تكون صرت ادور بنات ليل وي جماعتي ولا اهتم مرات اشرب بس قله هواي كمت اسهر وي جماعتي جنت اضحك ع مروان اخوي هسه اني صرت مثله نور اتعلقت بعمتها فاطمه وبامي همين بدوا اهلي يظغطون عليه حتى اتزوج مره لخ بس اني رفضت رفض نهائي ارتبط باي وحده كمت احقد ع النسوان اشوفهن بعيني كلهن مو شريفات فضلت ابقى هيج يوميه وي وحده شكل افضل الي زينب : بعد مرور 3 ايام من زواجنه اتحول مروان لشخص ثاني كاني اول مره اشوفه دائما عصبي وكول شويه يضربني كام يجبرني ع اشياء اسويهن اله دائما ارفض بس ياذيني بالضرب بس اني مااريد اي اثر حتى محد يشك بيه مجبوره انفذله كلشي يريده كام يطلعلي افلام ويجبرني اسوي نفسهن كرهني بحياتي كولها يكولي اني مو لسواد عيونج دفعت 15 مليون اريد اطلع حقي منج ولا عبالج نسيت غلطج عليه بس مخليلج مفاجئ بوقتها راح تعرفين شنو حيل خفت منه كام ياخرني للعصر حيل الاكل كله جاهز يجيبه وهو يداوم ويرجع ب11 لو ب12 اني ع اساس مجازه ابقى بوحدي احير شاسوي حتى اخاف بوحدي مرات انام ومرات انظف بس البيت نظيف ومرتب حيل الهي نفسي بغسل ملابسنه ومن يداوم كل شويه يتصل بيه بعد مرور يومين اتصلنه ابابا وكال حاليا يجهزونه كاعد للعمليه بقينه بقلق اتصلت بمروان بس يخليني اليوم بالبيت لازم اكون جنب امي واخواتي بس رفض رفض نهائي رحت اله وجان يصادف يوم خميس وصلني للبيت وهو راح للدوام قفل الباب عليه كول شويه ويتصل بيه اني هاي الفتره كول شويه اخابرهم واطمأن عليهم صارت ب11 اجه مروان وجايب ويا اكل اكلنه وخلصنه بعدها رحنه للغرفه وجانت عقدتي من الدنيه دخلت الغرفه بس مابيدي شي نمنه سويه بعدها دك جهازه اشرلي اسكت طلعت وحده ويحجي وياها حبيبتي وعمري كللها صار عندي شغل مفاجئ بلكي بالليل اجي اشرلي اطلعي طلعت وره شويه طلع ورايه كلي سويلنه جاي رحت للمطبخ اجهز بالجاي وره شويه اجه ورايه هم دك جهازه طلع واحد هم كله نفس الحجي بالليل اجي وعندي شغل اني مسالته ولا احب اتعرف علي ابد طلبت الاذن منه اتصل ابابا كال لهسه بالعمليه كلبي نار واحس كلبي مقبوظ مااعرف شبيه حيل ضايجه لان اني مو بالبيت حتى اكون بجانبهم وراها اتصلت بامي وحاولت اهدئها بعدها صبيتله جاي كام يشرب اذن الاذان رحت صليت بعدها هم طلب ينام ويايه حيل كرهت نفسي وكرهته ويايه كملنه وسبحت مره لخ حيل كرهت نفسي وكرهته ويايه كملنه وسبحت مره لخ اتوسلت بي يخليني اروح من وكت كلي جهزي نفسج سبح وكمل ردنه نطلع وجان يدك جهازي ابويه حيل افرحت رفعت خط هلو بابا بشر نجحت العمليه جان يكول ....... للحكايه بقيه ..... توقعاتكم حبايب العمليه ناجحه لو لا | ||||||||
|
| |
|
08-08-19, 02:32 AM
| #4 | ||||||||
| مراقبة عامة ومشرفة منتدى الروايات المنقولة
| #بين_الفقر_والطغيان القصه تتحدث عن فتاة جميله تجبرها الحياة ان تترك دراستها وتعمل سكرتيره في شركه اهليه لكن الظروف تجبرها ان تتزوج بالسر من مديرها بسبب الفقر وحاجتها للمال لكن هل ياترى تنكشف الاسرار ام تبقى مخبأه ام هناك مفاجئات بالانتظار user19194545 مساء الخير ع اجمل متابعين اتمنى لكم قراءه ممتعه 🌹🦋 البارت 3 🦋🌹 🌹🦋 بين الفقر والطغيان 🦋🌹 🌹🦋 للكاتبه رونق 🦋🌹 حسيت بي يبجي اتوقعت هاي دموع الفرح ها بابا بشر نجحت العمليه مو جان يكول بابا البقيه بحياتج اتوفه سيوفي عبالي ديشاقه ويايه شنو بابا شدتكول اكيد دتتشاقه ويايه لا بابا اخوج انطاج عمره باثناء العمليه اتوفه ياريت تبلغين امج حاولي تمهديلها الطريق شويه شويه اني هنا حسيت بثكل براسي احس كانو جبل ووكع ع راسي عيوني غوشن لحضات بعد ماادري بنفسي انغمى عليه محسيت الى ع مي ينرش ع وجهي كعدت عبالي حلم سالني مروان كلي شكو كتله وين جهازي انطاني الجهاز اتصلت ابابا طلع بس يبجي عرفت اني مو بحلم طبكته منه معقوله تضحيتي راحت هيج معقوله كول الي سويته وقدمته لاجل اخويه راحت تضحيتي هيج كمت اصيح وابجي واشلع بشعري سالني مروان شكو كتله مات اخويه انت شدتحجين اكيد متوهمين اتصل بشخص اسمعه يكفر ويغلط ويكلهم ليش ماعندي علم حسابكم بعدين ويايه كتله الله يخليك دزني لبيتنه كلي يله كومي الطريق كوله بس ابجي وادك ع وجهي شلون اذا ماما درت يمكن تتخبل طبعا احنه عائله كلب ع كلب ومتربين احسن تربيه اخويه بعمره وحياته مرفع صوته ع ماما وبابا وجان حنين علينه ومن بابا خسر املاكه كلنه لتهتمون اني اخلص دراسه وافتح صيدليه ونرجع نوكف ع رجلينه من جديد جان اخويه كولشي بالنسبه لاهلي كام يحجي عليه مروان لازم تتمالكين اعصابج امج خطيه لازم تشوفج قويه اني سكتت محجيت شي ويا مقبل ينزلني بعيد عن اهلي نزلني اباب بيتنه وراح دخلت للبيت لكيت ماما منتظره عبالك كلبها يعلم ها ماما اخوج صار بي شي دموعي كامت تجري مكدرت اسيطر عليهن ركضت ذبيت نفسي عليها وكمت اشهك بدون مااحجي عرفت ماما لان اكيد كلبها يعلم كامت تصيح وتبجي وباللحضه انغمى عليها اجني اخواتي كلهن يركضن سالني شكو كتلهن بس جيبن مي بسرعه ذبينه عليها بس ابد مافاقت كتلهن جيبن عبايه او صايه لماما طبعا ماما متلبس عبايه اله قله لو زياره لو مستعجله لبسناها حجاب وصايه اتصلت بمروان لان بعده قريب اكيد كتله الله يخليك تعال بسرعه ماما انغمى عليها اخواتي كامن يبجن عرفن سيوفي اتوفه رجع مروان وشالها ويايه واخذناها للمستشفى بسرعه شكلولها كانويلا وضربوها ابر وانطوها مغذي الظاهر ضغطها هابط وره شويه فاقت بس كامت تصيح وتلطم ع راسها كوه كدرت الزمها اجه الدكتور وكام يحجي عليها ميصير هيج تسوين حرام عليج ضربوها ابره مره لخ اتصلت ابابا خطيه هم بوحده كلي مروان مو بوحده الكادر كامل ويا راح يرجعون اليوم كام يحجي عليه كلي مااريد اسمع صوتج يعلى ابد وانت بالمستشفى وهذا امر الله مانكدر نغيره ابد كمت ابجي كتله ماعدنه بالدنيه غيره وتدري التضحيه القدمتها لاجله شكبرها كلي اسكتي وهدئي امج خطيه اخواتج بوحدهن وره شويه كعدت ماما حضنتها كتله الله يخليج صيري قويه خطيه البنات بوحدهن بس يبجن خايفات عليج لازم نروح يمهن بس تبجي بدون صوت اجه الدكتور جيكها وكال طلعوها طلعناها بالطريق سالتني منو هذا كتلها المدير مالتي صدفه جابني للبيت وصلني بطريقه واتخربطتي وجبناج اتشكرت منه ماما كللها خاله اي شي تحتاجونه اني بالخدمه نزلنه لكينه الجوارين ملتمين لليل اجوي من اربيل بابا خطيه حيل منكسر وبس يبجي دخلو سيوفي للبيت التمينه علي اني والبنات وامي فقدنه كليتنه كوه طلعوا التابوت طبعا لبسنه اسود اخذوا للنجف الي سمعته من بابا مروان متكلف بكولشي سوينه الفاتحه وجانت حالتنه يرثى لها ابويه خطيه يكسر الخاطر وماما كول شويه وكعت علينه طبعا اهل بابا محد ذكرنه ابد حيل حقدت عليهم يعني يعوفونه بوحده بهيج ظروف يوميه بالليل يتصل بيه مروان ويطمأن عليه خلصت الفاتحه وطلب مني اداوم وكلي خبري اهلج بالساعات الاضافيه عفيه انطيني مهله خل ارتاح مو من صالحج كملي الشهر وارتاحي فكرت وكلت صدك احسن فعلا حجيت وي بابا كلي راح اطلع من باجر اروح اكمل معاملتي حتى ارجع لشغلي مااكدر ابقى هيج واذا حابه تبطلين بطلي كتله لا بابا مااكدر ابطل حتى اذا اشتغلت يادوب يكفي الراتب ولازم نسدد القرض مالت المدير احس بذنب جبير لان دا اكذب ع اهلي وخنت ثقتهم بيه بس مابيدي شي فقدت رغبتي بالحياة احس بنفسي مثل الجسد بلا روح كلي بابا ذني مليونين رجعيهن للمدير وياج شنو ذني بابا قبل لنروح لاربيل انطاني مليونين كلي خاف تحتاج شي اصرف منهن والتكاليف مالت المستشفى ع الولد اني ابد مصرفن منهن كلي اتكلف الفاتحه كلها خطيه مااعرف شلون راح نجازي هذا الشخص قله من امثاله الله يحفظه لاهله كتله بكلبي ماتدري مو لله هذا الديسوي هذا كله بسبب شرف بنتك اخذت ويايه الفلوس ورحت داومت اجوي الموضفين كلهم سلموا عليه وعزوني خلص الدوام وطلب مني مروان اتاخر شويه بعدها اروح للفرع الثاني فعلا رحت وصعدني ورحت للبيت جان ماالي خلك ابد ولا الي واهس بس مجبوره اخذ ويا غده جاهز دخلنه كلي جهزينه الغده كتله اني مااشتهي اكل بوحدك اشو هذا كام يصيح كلي اسمعيني زين حزنج تعوفي ابيت اهلج تجين هنا اريدج وحده ثانيه كمت ابجي كتله شلون يعني اخويه جوه التراب صارله 4 ايام وتريدني اضحك وانسى مو مشكلتي هو بقه شكم يوم وها احسبي حسابج ال3 ايام الي مااجيتي بيهن راح ينضافن فوك الشهر وهسه تجين تاكلين وتسكتين دموعي تجري اجيت يمه كعدت كلي اخر مره اشوف دموع بعينج وانت يمي حسيت بنفسي ذليله كدامه صدك اشتراني بفلوسه انعل ابو الفلوس الي تذل البشر اكلت ويا وخلصت كتله راح اسبح گلي زين تسوين بس مااريد ترجعين للاسود البسي اللوان لا الله يخليك فدوه اروحلك كولشي ولا هاي شتريد اسوي بس مااكدر انزع الاسود مو مشكلتي مااحب الاسود ابد لا عفيه والله اكو ملابس نوم اسود هواي ومنين اجيبلج هسه عود باجر اجيبلج كوه قنعته منزعته انطيته الفلوس بس رفض ياخذهن كال ذني لابوج لا والله ماقبل ابد ومانكدر ناخذهن لان ممحتاجين رجعيهن يعني رجعيهن والنبي ميقبل اعرفه كلشي زين ثاني يوم جاب ملابس نوم لون اسود الي عجبني بي بالدوام يعاملني معاملة الغريب يعني ابد مخله احد يشك بينه يتصرف طبيعي ويايه مشوه سمعتي ابد بقيت ع هذا الحال تقريبا شهر يعاملني اسوء معامله بالبيت مثل الحيوان ويضربني دائما بس كلت اتحمل هانت مبقه شي واخلص منه بابا رجع للدوام الحمد لله بس راتبه قليل لان خدمته قليله مكضيها كلها اجايز بدون راتب وجان عنده واسطه ماما بدت تتخربط دائما علينه وديناها لاكثر من دكتور كال حاله نفسيه بدينه نهدء بيها كوه تنام خطيه قررت ثاني يوم احجي وي مروان ع مود الطلاك فعلا داومت ومن خلص الدوام رحنه للبيت فتحت الموضوع ويا وجان يضحك عليه يگولي من كل عقلج اطلك تذكرين من كتلج ضاملج مفاجأه ع طولة لسانج هي هاي المفاجأه مستحيل اطلگج لمن تخلص السنتين يله بس هذا مو حجي احنه اتفقنه شهر واطلك وهسه اني اكولج طگي راسج بميت حايط مااطلك واذا عاندتي والله اشوه سمعتج واخلي كتلج ع فلس عادي ميهمني افضل الموت ولا ابقى هيج بس لتنسين عندج اخوات لازم تخافين ع سمعتهن واذا تردين بعد فلوس عادي انطيج الي تردي منو كلك اني اريد فلوس اروحلك فدوه طلكني ماعندك اخوات وتخاف عليهن فدوه خلي اختك بمكاني ترضاها لج ساقطه شجابج لاخواتي انت وين وهنه وين كمت ابجي بس بدون فائده شفته قافل سكتت گتله مااكول غير حسبي الله ونعم الوكيل بيك اجه يوم الاربعين مالت اخويه رحنه للنجف للقبر وشبعنه بجي احجي بكلبي واعاتبه لك سيوفي شسويت بيه دمرت حياتي لخاطر تبقى تتنفس الهوى وتالي تعوفني وتروح ردتك سند الي مهمتني حياتي ابد كل الهمني هو انت تبقى عايش تدري راح ادفع الثمن غالي بقينه للعصر ورجعنه بس ارتاحينه شويه من زرنه القبر كال بابا ادور كل اسبوع نروح نزوره ماما خطيه حيل فرحت اني بيومها مداومت بالليل اتصل بيه مروان وكلي باجر هم لااداومين انتظريني امرلج نروح للبيت صارت عندي عقده من وراه والله بس مابيدي شي رحت ثاني يوم ويا اتريگنا ونمنه سويه وبعدها سبحنه ورجعني نيمني بحضنه وغفه اني بقيت مااكدر انام احس بذنب وتانيب الضمير اذن كمت صليت ورحت للمطبخ ادور كلشي ماكو بالثلاجه عبالي اطبخ غده بس فواكه وحلويات بقيت ارتب بالمطبخ اريد الوقت يخلص صارت ب1ونص سمعت الجرس يدك استغربت منو الاجه گلبي كام يدك سريع اتوقعت بابا اجه حس بيه كمت ارجف رحت كعدته مروان مروان الباب يندك شنو منو الاجه مااعرف كوم شوف كلي ابقي هنا ابد مطلعين لو شيصير قفلتها عليه لبست ملابسي وحجابي رتبت الغرفه مخليت اي اثر وره لحضات سمعت صوت عالي مالت ولد كامو يسولفون ويضحكون وره شويه دك الباب فتحتها ودخل گلي هذا اخويه اجه ديري بالج تفلتين ولو بحرف والنبي نهايتج ع ايدي حتلو احجي عليج تسكتين راح انطي بيج كدامه اتحملي ااشرت براسي يعني موافقه گلي كومي خل اوديج للبيت احس جسمي كام يرجف وحيل خفت طلعت وره مروان لكيته كاعد بالصاله ابد مركزت بالشكل لان راسي بالكاع كوه طلعت مني مرحبا مرد السلام كام يهز بيده گله لك مروان متگولي منين تجيب هالشكولات ولك عايف مرتك وحلالك الي جنها كمر وجاي ع هالزبايل اني سكتت بس بداخلي افور جاوبه مروان گله لك والله هنه الي يذبن نفسهن كوه ع مود شكم فلس گله لك خاف جابرها لا يمعود شاجبر هاي كدامك واسالها هي الي اجت برجليها مو اني التفت عليه مروان ها جابرج اني دموعي بطرف خدي متحملت عفتهم وطلعت اجه ورايه يركض مروان لج كلبه حقيره شلون تعوفيني واطلعين ناويه تصعدين بتكسي بهالظهريه حتى ومحمد اكسر رجليج اثنينهن صعدت ودموعي كامت تجري انهار رحم الله والديك ع هالكلام الحلو لعد شتردين شاكله لاخويه اكله هاي زوجتي لج تعرفينه هذا شنو هذا ظابط والله اذا يدري انت زوجتي يخلي طلقه براسج وطلقه براسي مايرحمنه ابد بس حرام عليك هيج تشوه سمعتي كدامه احلفك باعز الناس عندك طلكني كام يكفر يكولي اخر مره اسمعها منج هاي الحجايه مااطلكج لو اموت وصلني ورجع رجعت للبيت كبل نمت حيل كرهت حياتي وكرهت مروان ويايه همزين باجر جمعه وراها سبت لان الشركه عطلتها جمعه وسبت هاليومين ارتاح بيهن من مروان اساعد امي والبنات بالبيت والطبخ بعدنه فتره ولازم نطلع من البيت التفكير ماكلني اكل وين نروح وين ننطي وجهنا الراتب كامل انطي لبابا وكتله الساعات الاضافيه ياخذهن للقصد لج بابا هذا الانسان نزيه وشريف شلون راح اوافي مااعرف حيدر : صار فتره معاجبني وضعه لمروان جان يجي كل اسبوع لو شيصير هسه لا يزاغل ومرات يجي بس يوم واحد ويرجع الاربعاء اتصلت بي وسالته تجي كلي لا مااكدر عندي شغل للجمعه يله اجي گلت لازم اسافرله فجأه واعرف شنو الي كاعد يعطله لان اخويه واعرفه كولش زين لازم ضامله شي زوجته هم اكلت كلبي شوفه شعنده لان الظاهر من يجي بس يخابر الخميس رحت من الصبح بس مخبرت احد رحت كبل للشركه لكيته ممداوم اليوم گلبي لعب الصراحه دكيت الباب علي اتاخر يله اجه الظاهر جان نايم بسابع نومه لان طلعلي يفرك بعيونه انصدم من شافني اتحاضنه ودخلني بس حسيت بي مرتبك شويه وممرتاح لوجودي عرفت اكو وحده من ذني الساقطات يمه سالته كلي اي اكو وحده راح ادزها لاهلها واجيب غده وارجع ضحكت كتله لا لك اخيك من زمان منايم وي وحده خلي انام وياها يله ادزها حسيت بي مثل الضاج ومعرفت السبب گلي لا ماتكدر هسه مستعجله عود بالليل نجيب بنات ونسهر لك يامستعجله اني لو ما جايكم يمكن بقيتو لليل لا والله تريد لاهلها دخل للغرفه وطلع بعد لحضات وجان تطلع ورا وحده سبحان الخالقها بنت اللذين ايه من الجمال مشايف مثل جمالها ابد بس الصراحه حيل ضجت منها يعني طفله بعمر الورد ليش هيج تسوي ع مود شنو ع مود شكم فلس تف ع هيج نفسيات مستحيل اكو اغلى واثمن من الشرف المشكله يگولي هي الي اجت برجليها هواي حجينه عليها بس العجيب منطقت ولا بحرف بس كلمة مرحبا ثار انتباهي لبسها الاسود مااعرف موديل او لا من حجينه عليها طلعت وراحت طلع وراها مروان بس الصراحه حسدته لمروان عليها اخذني الفضول لغرفته حبيت اعرف شجانت لابسه دخلت للغرفه لكيتها اي اثر لملابس ماكو طلعت بسرعه تمددت ع الطخم الي بالصاله شويه واجه مروان كتله لك متگلي منين تجيب ذني الصاكات واني اكول مروان شعنده ميجينه اثاري مكابل الكمر وينه وين يجينه اشو اني وين الزايعتها الكاع تصير گبالي كام يضحك گلي والله هنه الي يجني ع رجليهن كتله اني هاي البنيه حيل عجبتني لازم انام وياها حسيت وجها كام ينطي اللوان گلي لا راحت لاهلها اي عادي دز عليها مره لخ لا مستحيل ماتجي بعد اجيبلك غيرها سكتت لان حسيته ضايج اتغدينه ونمت لليل كعدت بدلنه وطلعنه اتعشينه بالمطعم وفرينا شويه اخذني لاصدقاءه وسهرنه سويه وجابوا بنات هواي اني بالي يم الي جانت وي مروان حيل اشتهيته بيومها رجعنه وجه الفجر كتله مروان اريد البنيه الي جانت يمك گلي شجلبت بيها يمعود متفيدك واليوم جمعه مستحيل اهلها يخلوها تطلع هي الي ساقطه معقوله اهلها ميخلوها تطلع هاي تختلف هههه شلون بالله تختلف فهمني اهلها ميدرون بيها معقوله اي والله وشنو الي جابرها لك الفلوس يذبحن نفسهن ع الفلوس سديتها بوجهي عمي بطلت اروح انام احسن نمنه وكعدنه ب12 بدلنه ورجعنه لاهلي طبعا اتصلت بيهم وخبرتهم ابات يمه وصلنه للبيت وجانت امي مجهزه الغده اتغدينه ورحت لبيتي شبعت نوم بقه يمنه جمعه وسبت كوه اتعطل رجع الاحد من الفجر كلما اشوفه الكي يراسل لو صافن بس مو ع بعضه هو دائما عنده علاقات بس ميصفن هيج ولا يراسل هالكد هواي حاولت اعرف شبي منطاني كلمه عفته ع راحته بقيت ملتهي بشغلي ووقت فراغي اطلع نور وفطومه اختي للملاعيب وللمولات بنتي مناقصها شي ابد موفرلها كولشي بس شايل هم الها بس تسجل بالمدرسه شلون بيها اذا مو امها تعتني بيها ادرسها مترهم اني خايف اتزوج لان ماعندي ثقه ابد بوحده وبنفس الوقت مااكدر اضمن الي اتزوجها راح تعتني ابنتي بقيت هيج وذبيتها وره ربي العالمين بقت صورة البنيه مطبوعه بذاكرتي دائما تجي ابالي جانت حلوه بشكل معبالك من العراق ابد الي يشوفها مستحيل مينعجب بيها بس اتعجب ع هيج ناس تبيع شرفها اني باعتقادي العتب مو عليهن العتب ع اهلهن الي معرفوا يربونهن زين اني هسه مراقب فاطمه ودائما افاجأها بالجامعه واحسسها اني مراقبها بكل مكان مو ماالي ثقه باختي لا بالعكس ثقتي عمياء بيها بس اخاف عليها من الشباب لازم الاهل يراقبون بناتهم ويشوفون تصرفاتهن ميصير نتيههن وهاي هي المفروض من وحده تجيب فلوس دور الاهل يحاسبوها منين جبتي وليش وشنو وميت سؤال يسالوها مو يفرحون بيهن اهم شي جابت فلوس ومو مهم المصدر بصفة عملي تجيني الاف القضايه يوميه شكل اني ضابط تحقيق تجيني هواي شكاوي قسم اعتداء وقسم حرشه وقسم بنات يلفقن جذب ع مود زواج او فلوس الاغلبيه بنات ساقطات يوگعن الشباب ويتهمنهم وع اساس حامل وتتكربس براسه اني اكول حيل وياهم المفروض يحسبون حساب لكلشي قبل لااتقرب ع وحده اشرط عليها هم ادورين هاي السوالف التعبانه مالت طفل ومدري شنو ع اساس تكربسيني بي يكولن لا منريد ابلعها الحبايه مالت المنع بيدي اامن يله اتقرب عليها لان مااكدر اشوه سمعتي واني ضابط معروف والي مكانتي بالمجتمع والكول يحسبلي حساب اني جنت اكره هاي السوالف بس من وره الخيانه الي خلتني هيج بالنسبه لمروان بقه هيج مينزل اله الخميس بالليل لو الجمعه الصبح ويرجع السبت بالليل لو الاحد الفجر هملته لموضوعه وكلت خلي ع راحته قابل طفل وميفتهم دائما اساله ع البنيه يكلي اهوووو لهسه ابالك عميت عليه وشالو لغير محافظه لا بربك حرامات تدري بقت بنفسي حسيت يضوج من احجي هيج صارله تقريبا شهرين ع هيج وضع اليوم صادف اربعاء وزوجته لمروان بقت تلح علي تعال تعال هو كال للخميس يله اجي بس هي اصرت كالت لو يجي لو يطلكني ادخلنه اني وامي وابويه خابرنا واصرينه علي لازم يجي هو مقبل وكال شنو مره تمشي كلمتها عليه خل تولي لاهلها مقبلنه كلنه اصرينه علي يجي بس عصب حيل كال اني اجي واعلمها اتصلت بي تقريبا ب5 كال راح اجي هستوني طلعت صارت تقريبا الساعه ب9 بالليل وبعده مجاي اتصل بي مقفول هواي بديت اتصل بي بس مقفول صارت الساعه ب10وماكو كلبي لعب وخفت الصراحه كلت انتظر بعد ساعه اذا ماكو اروح اسافرله صارت ب10 ونص جان يدك جهاز ابويه اني كاعد بصفه گله اي اني ابو جان يگوله ....... وللحكايه بقيه .... توقعاتكم حبايبي | ||||||||
|
| |
|
08-08-19, 02:42 AM
| #5 | ||||||||
| مراقبة عامة ومشرفة منتدى الروايات المنقولة
| #بين_الفقر_والطغيان بارت٤ ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ 🦋🌹 ﺍﻟﺒﺎﺭﺕ 4 🌹🦋 🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋 🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋 ﺳﻤﻌﺘﻪ ﻳﻜﻮﻝ ﺍﻱ ﺍﻱ ﺟﺎﻳﻴﻦ ﻫﺴﻪ ﺑﻴﺎ ﻣﺴﺘﺸﻔﻰ ؟؟؟؟ ﻣﺴﺎﻓﺔ ﺣﺎﻟﻄﺮﻳﻖ ﻳﻤﻜﻢ ﻫﺎ ﻳﺎﺑﻪ ﺧﻴﺮ ﻣﻨﻮ ﺍﻟﻲ ﺑﺎﻟﻤﺴﺘﺸﻔﻰ ﻛﻠﻲ ﺗﻌﺎﻝ ﺍﻃﻠﻊ ﻻ ﺗﺴﻤﻊ ﺍﻣﻚ ﺑﺎﻟﻄﺮﻳﻖ ﺍﺣﺠﻴﻠﻚ ﻃﻠﻌﺖ ﺑﺴﺮﻋﻪ ﺷﻐﻠﺖ ﺍﻟﺴﻴﺎﺭﻩ ﮔﻠﻲ ﺭﻭﺡ ﻟﻤﺤﻤﺪ ﺻﻴﺤﻪ ﺑﺴﺮﻋﻪ ﺍﻱ ﻳﺎﻳﺎﺑﻪ ﻏﻴﺮ ﺗﻔﻬﻤﻨﻪ ﺍﺧﻮﻙ ﺑﺎﻟﻤﺴﺘﺸﻔﻰ ﻣﺴﻮﻱ ﺣﺎﺩﺙ ﺑﺎﻟﻄﺮﻳﻖ ﺍﺗﺨﺒﻠﺖ ﺭﺣﺖ ﻟﻤﺤﻤﺪ ﺑﺴﺮﻋﻪ ﺻﺤﺘﻪ ﺭﺣﻨﻪ ﺑﺴﺮﻋﻪ ﺟﺎﻥ ﺑﻤﺴﺘﺸﻔﻰ ﻗﺮﻳﺒﻪ ﺑﻘﻀﺎﺀ ﺗﺎﺑﻊ ﻟﻤﺤﺎﻓﻈﺘﻨﻪ ﺭﺩﻧﻪ ﻧﺴﻮﻱ ﺣﺎﺩﺙ ﻣﻦ ﻭﺭﻩ ﺍﻟﺴﺮﻋﻪ ﺍﻟﻄﺮﻳﻖ ﻛﻠﻪ ﻧﺨﺎﺑﺮ ﻉ ﺭﻗﻤﻪ ﻭﻳﺠﺎﻭﺑﻮﻧﻪ ﻭﺻﻠﻨﻪ ﮔﻠﻮﻟﻨﻪ ﺩﺯﻳﻨﺎ ﻟﻠﻤﺮﻛﺰ ﻻﻥ ﻳﺤﺘﺎﺝ ﻋﻤﻠﻴﻪ ﻓﻮﺭﻳﻪ ﻭﺣﺎﻟﺘﻪ ﺣﻴﻞ ﺧﻄﺮﻩ ﺍﺗﺨﺒﻠﻨﻪ ﺳﺎﻟﻨﻪ ﻋﻦ ﺍﻟﺤﺎﺩﺙ ﮔﺎﻝ ﻛﺎﺳﺮﻩ ﻋﻠﻲ ﺗﺮﻳﻠﻪ ﺍﻟﻈﺎﻫﺮ ﺍﻟﺴﺎﻳﻖ ﻟﻮ ﻧﺎﻳﻢ ﻟﻮ ﻣﻜﺒﺴﻞ ﻭﻛﺎﻃﻢ ﺳﻴﺎﺭﺗﻪ ﻧﺼﻴﻦ ﺍﻟﺴﻴﺎﺭﻩ ﻋﺒﺎﺭﻩ ﻋﻦ ﻋﻠﺞ ﺻﺎﻳﺮﻩ ﺭﺟﻌﻨﻪ ﺑﺴﺮﻋﻪ ﻭﻭﺻﻠﻨﺎ ﻭﻟﻜﻴﻨﺎ ﻣﺪﺧﻠﻴﻨﻪ ﺑﻐﺮﻓﺔ ﺍﻟﻌﻤﻠﻴﺎﺕ ﺭﺍﺡ ﻣﺤﻤﺪ ﺑﺼﻔﺘﻪ ﺩﻛﺘﻮﺭ ﺩﺧﻞ ﻟﻐﺮﻓﺔ ﺍﻟﻌﻤﻠﻴﺎﺕ ﻭﻳﺎﻫﻢ ﻟﻜﻴﻨﻪ ﺍﻟﻤﺴﺘﺸﻔﻰ ﻛﻠﻬﺎ ﺷﺮﻃﻪ ﻭﺍﺟﻮﻱ ﻳﺘﺤﻘﻘﻮﻥ ﺭﺣﺖ ﻳﻤﻬﻢ ﻭﺍﺗﺤﻘﻘﺖ ﻣﻦ ﺍﻟﻤﻮﺿﻮﻉ ﻛﺎﻟﻮﺍ ﺍﻟﺴﺎﻳﻖ ﺟﺎﻱ ﻣﻦ ﻣﻜﺎﻥ ﺑﻌﻴﺪ ﻭﺍﻟﻈﺎﻫﺮ ﻣﺎﺧﺬﺗﻪ ﺍﻟﻨﻮﻣﻪ ﻟﺤﻀﻪ ﻭﺣﺪﻩ ﺍﻧﺴﺒﻴﻨﻪ ﺑﺎﻟﻤﺨﺎﺑﺮﺍﺕ ﺍﻣﻲ ﻭﺍﺧﻮﺍﺗﻲ ﻭﺍﻣﻴﺮ ﺣﺠﻴﻨﻪ ﺑﺲ ﻭﻱ ﺍﻣﻴﺮ ﻭﻛﻨﺎﻟﻪ ﻓﻬﻤﻬﻢ ﻛﻠﻠﻬﻢ ﻣﺘﺼﺎﺩﻣﻴﻦ ﻫﻮ ﻭﺍﺣﺪ ﻭﻣﺎﺑﻴﻬﻢ ﺷﻲ ﺑﺲ ﻳﺘﺤﻘﻘﻮﻥ ﻭﻳﺎ ﺑﻘﻴﻨﻪ ﻧﻨﺘﻈﺮ ﻭﻃﻮﻟﺖ ﺍﻟﻌﻤﻠﻴﻪ ﺻﺎﺭﺕ ﺍﻟﺴﺎﻋﻪ ﺏ 3 ﻃﻠﻌﻮﺍ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ﺭﻛﻀﻨﻪ ﻉ ﻣﺤﻤﺪ ﻟﻜﻴﻨﻪ ﺩﻣﻮﻋﻪ ﺗﺠﺮﻱ ﺍﻧﻲ ﺗﺨﺒﻠﺖ ﻫﺎ ﻟﻚ ﺣﻤﻮﺩﻱ ﺑﺸﺮ ﺷﺒﺸﺮ ﺣﺎﻟﺘﻪ ﻣﻴﺆﺱ ﻣﻨﻬﺎ ﺍﻟﻪ ﺑﺲ ﺍﻟﻠﻪ ﺳﻮﻭ ﺍﻻﻃﺒﺎﺀ ﺍﻟﻌﻠﻴﻬﻢ ﻭﺍﻟﺒﺎﻗﻲ ﻳﻢ ﺍﻟﻠﻪ ﺳﻠﻤﻮﻧﻪ ﺟﻬﺎﺯﻩ ﺍﻧﻲ ﻭﺭﺛﺖ ﻃﻠﻌﺖ ﺑﺮﻩ ﻣﺘﺤﻤﻠﺖ ﺍﺑﺪ ﺭﺣﺖ ﺑﺎﻟﺤﺪﻳﻘﻪ ﺑﺲ ﺍﺷﺮﺏ ﺟﻜﺎﻳﺮ بيج قصص عراقيه حقيقيه من واقعنا.روعه الطائي ﻟﻮﻳﻦ ﺩﺯﻳﻨﻪ ﻋﻠﻲ ﻟﻴﺶ ﺧﻠﻴﻨﺎ ﻳﺠﻲ ﺧﻄﻴﻪ ﻣﻴﺮﻳﺪ ﻳﺠﻲ ﺑﺲ ﺍﺣﻨﻪ ﺿﻐﻄﻨﻪ ﻋﻠﻲ ﺑﻬﺎﻻﺛﻨﺎﺀ ﺩﻙ ﺟﻬﺎﺯﻩ ﺭﻗﻢ ﻛﺎﺗﺐ ﻋﻠﻲ ﺳﻴﻮﻓﻲ ﺍﻧﻄﻴﺖ ﺭﻓﺾ ﺩﻙ ﻣﺮﻩ ﻟﺦ ﻣﺠﺎﻭﺑﺖ ﺑﻌﺪﻳﻦ ﺭﻓﻌﺖ ﺧﻂ ﻭﺟﻨﺖ ﺣﻴﻞ ﻣﺨﻨﻮﻙ ﻛﻠﺖ ﺍﻟﻮﻭﻭ ﻣﺎﻛﻮ ﺻﻮﺕ ﺍﻟﻮﻭﻭﻭ ﻫﻢ ﻣﺎﻛﻮ ﺻﻮﺕ ﻟﻮ ﺗﺤﺠﻮﻥ ﻟﻮ ﺍﻃﺒﻜﻪ ﺭﻭﺣﻲ ﻃﺎﻟﻌﻪ ﻣﺎﺍﻟﻲ ﺧﻠﻜﻢ ﻣﺎﻛﻮ ﺻﻮﺕ ﻃﺒﻜﺘﻪ ﻭﺭﻩ ﻓﺘﺮﻩ ﺩﻙ ﻣﺮﻩ ﻟﺦ ﻳﺎﺑﻪ ﻟﻮ ﺗﺤﺠﻮﻥ ﻟﻮ ﻟﺘﺰﻋﺠﻮﻧﻪ ﻭﺟﺎﻥ ﻳﺠﻴﻨﻲ ﺻﻮﺕ ﻧﺎﻋﻢ ﺍﺷﺒﻪ ﺑﺎﻟﻬﻤﺲ ﻣﺮﺣﺒﺎ ﻣﺮﺍﺣﺐ ﺑﺪﻭﻥ ﺯﺣﻤﻪ ﻋﻠﻴﻚ ﺑﺸﺮﻧﻲ ﺷﻠﻮﻥ ﺻﺎﺭ ﺍﺳﺘﺎﺫ ﻣﺮﻭﺍﻥ ﺍﻧﺖ ﻣﻨﻮ ﻭﺷﺘﺮﺩﻳﻦ ﻣﻦ ﻣﺮﻭﺍﻥ ﺍﻟﻠﻪ ﻳﺨﻠﻴﻚ ﺑﺲ ﺟﺎﻭﺑﻨﻲ ﺍﻧﺖ ﻣﻨﻮ ﻭﺍﺟﺎﻭﺑﺞ ﺍﻧﻲ ﻣﻮﺿﻔﻪ ﻭﻳﺎ ﺍﻟﻠﻪ ﻳﺨﻠﻴﻚ ﺑﺸﺮﻧﻲ ﺣﺎﻟﺘﻪ ﺣﻴﻞ ﺧﻄﺮﻩ ﻭﻫﺴﻪ ﺑﺎﻟﻌﻨﺎﻳﻪ ﺍﻟﻤﺮﻛﺰﻩ ﺍﺳﻤﻊ ﺻﻮﺕ ﺑﺠﻲ ﺑﺲ ﺑﻬﺪﻭﺀ ﻓﺪﻭﻩ ﺍﺭﻭﺣﻠﻚ ﺑﺲ ﺗﺤﺼﻞ ﺧﺒﺮ ﻃﻤﻨﻲ ﺍﻟﻠﻪ ﻳﺨﻠﻴﻚ ﺻﺎﺭ ﺗﺪﻟﻠﻴﻦ ﺑﺲ ﺍﻧﺖ ﺷﻤﺪﺭﻳﺞ ﻣﺴﻮﻱ ﺣﺎﺩﺙ ﻛﺎﻣﺖ ﺗﻤﺘﻤﺖ ﻫﺎ ﻣﻮ ﺟﻨﺖ ﺍﺣﺠﻲ ﻭﻳﺎ ﻉ ﻣﻮﺩ ﺷﻐﻞ ﻭﺍﻧﻲ ﺑﺼﻔﺘﻲ ﺍﺧﺮ ﺷﺨﺺ ﻣﺨﺎﺑﺮﺗﻪ ﺍﺗﺼﻠﻮ ﺑﻴﻪ ﻭﻛﻠﻮﻟﻲ ﻳﻌﻨﻲ ﻣﻌﻘﻮﻟﻪ ﻣﻮﺿﻔﻪ ﻭﺗﺘﺼﻠﻴﻦ ﺑﻤﺪﻳﺮﺝ ﺑﺎﻟﻠﻴﻞ ﻫﻴﺞ ﻛﺎﻟﺖ ﺟﺎﻥ ﻋﻨﺪﻱ ﺍﺳﺘﻔﺴﺎﺭ ﻣﻬﻢ ﻃﺒﻜﺘﻪ ﺑﺲ ﻣﻤﺮﺗﺎﺡ ﻟﻬﺬﺍ ﺍﻟﻤﻮﺿﻮﻉ ﺍﺑﺪ ﺑﺲ ﻣﻮ ﻭﻛﺘﻬﺎ ﻫﺎﻱ ﺻﻌﺪﺕ ﻟﻔﻮﻙ ﻟﻜﻴﺖ ﺍﺑﻮﻳﻪ ﻣﺘﺨﺮﺑﻂ ﺻﺎﻋﺪ ﺿﻐﻄﻪ ﻣﺸﻜﻠﻴﻠﻪ ﻛﺎﻧﻮﻻ ﻭﻣﺨﻠﻴﻠﻪ ﻣﻐﺬﻱ ﺑﻘﻴﻨﻪ ﻟﻠﺼﺒﺢ ﻣﻤﺮﺗﺎﺣﻴﻦ ﻭﻗﻠﻘﻴﻦ ﺻﺎﺭﺕ ﺏ 6 ﺍﻟﺼﺒﺢ ﻛﺎﻟﻮ ﻓﺎﻕ ﻭﻃﻠﺐ ﻳﺸﻮﻑ ﺣﻴﺪﺭ ﺍﺳﺘﻐﺮﺑﺖ ﺭﺣﺖ ﺍﺭﻛﺾ ﻃﻠﺒﻮ ﻣﻨﻲ ﻣﺎﺍﺣﺠﻲ ﻭﻳﺎ ﻫﻮﺍﻱ ﺍﺑﺪ ﻭﻻ ﺍﺧﻠﻲ ﻳﺤﺠﻲ ﻫﻮﺍﻱ ﻟﺒﺴﻮﻧﻲ ﺍﻟﻤﻼﺑﺲ ﺍﻟﺨﺎﺻﻪ ﺍﻟﻤﻌﻘﻤﻪ ﻭﺩﺧﻠﺖ ﻣﻦ ﺷﻔﺘﻪ ﺍﺧﺘﺮﻋﺖ ﻭﻻ ﻋﺒﺎﻟﻚ ﻧﻔﺴﻪ ﻣﺮﻭﺍﻥ ﻣﻠﻌﻮﺏ ﺑﻲ ﻃﻮﺑﻪ ﺍﺗﻘﺮﺑﺖ ﻋﻠﻲ ﻋﻴﻮﻧﻪ ﻋﻠﻴﻪ ﻟﺰﻡ ﺍﺩﻳﻪ ﮔﻮﻩ ﻳﺤﺠﻲ ﺑﺲ ﮔﻠﻲ ﺍﺑﻨﻲ ﻛﻮﻩ ﺍﻓﺘﻬﻤﺘﻪ بيج قصص عراقيه حقيقيه من واقعنا.روعه الطائي ﺍﺑﻨﻲ ﺍﻣﺎﻧﻪ ﺍﺑﻨﻲ ﺍﻣﺎﻧﻪ ﻣﻔﻬﻤﺖ ﺷﻲ ﺍﺑﺪ ﺑﻬﺎﻱ ﺍﻟﻠﺤﻀﺎﺕ ﺍﺳﻤﻊ ﺻﻮﺕ ﺍﻟﺠﻬﺎﺯ ﻛﺎﻡ ﻳﺪﻙ ﺭﺣﺖ ﺍﺭﻛﺾ ﺻﺤﺖ ﻣﺤﻤﺪ ﺍﺟﻮﻱ ﺍﻻﻃﺒﺎﺀ ﻳﺮﻛﻀﻮﻥ ﻃﻠﻌﻮﻧﻲ ﻣﻦ ﺍﻟﻐﺮﻓﻪ ﺍﺟﻪ ﻣﺤﻤﺪ ﻳﺮﻛﺾ ﺩﺧﻞ ﻭﻳﺎﻫﻢ ﻣﻄﻮﻟﻮ ﺍﻗﻞ ﻣﻦ ﺭﺑﻊ ﺳﺎﻋﻪ ﻭﻃﻠﻌﻮﺍ ﺟﺎﻧﻮ ﻣﺪﻧﻜﻴﻦ ﻃﻠﻊ ﻣﺤﻤﺪ ﻳﺒﺠﻲ ﻛﺎﻝ ﻣﺎﺕ ﻣﺮﻭﺍﻥ ﻓﻘﺪﻧﺎ ﺍﻧﻲ ﻭﻳﺎ ﻛﻤﻨﻪ ﻧﺼﻴﺢ ﻭﻧﺒﺠﻲ ﻣﺜﻞ ﺍﻟﻨﺴﻮﺍﻥ ﺟﺎﻧﺖ ﺻﺪﻣﻪ ﺍﻟﻨﻪ ﺍﺗﺨﺒﻠﻨﻪ ﺍﺑﻮﻳﻪ ﺧﻄﻴﻪ ﻭﻛﻊ ﻭﺗﺨﺮﺑﻂ ﺑﻬﺎﻻﺛﻨﺎﺀ ﻭﺟﺎﻥ ﺗﺠﻲ ﺍﻣﻲ ﺧﻄﻴﻪ ﺗﻜﻮﻝ ﻛﻠﺒﻲ ﻋﻠﻤﻨﻲ ﺍﺑﻨﻲ ﺷﻲ ﻣﻦ ﺷﺎﻓﺘﻨﻪ ﻫﻴﺞ ﻛﺎﻣﺖ ﺗﺼﻴﺢ ﻃﺒﻌﺎ ﺍﻧﻜﻠﺒﺖ ﺍﻟﻤﺴﺘﺸﻔﻰ ﻛﻼﺏ ﻻﻥ ﺍﻻﻏﻠﺒﻴﻪ ﻳﻌﺮﻓﻮﻥ ﻣﺤﻤﺪ ﺍﺟﻨﻲ ﺍﺧﻮﺍﺗﻲ ﻛﻠﻬﻦ ﻛﻤﻨﻪ ﻧﺤﺠﻲ ﻋﻠﻴﻬﻦ ﻭﺭﺟﻌﻨﺎﻫﻦ ﻭﺍﺟﻮﻱ ﻋﻤﺎﻣﻲ ﻭﺍﻧﺴﺒﺖ ﺍﻟﺪﻧﻴﻪ ﻃﺒﻌﺎ ﺍﻟﻤﻮﺑﺎﻳﻞ ﺍﺑﺪ ﻣﺴﻜﺖ ﺍﻟﻠﻴﻞ ﻛﻠﻪ ﻫﺬﺍ ﺍﻟﺮﻗﻢ ﻣﺎﻟﺖ ﺍﻟﺒﻨﻴﻪ ﻳﺪﻙ ﺳﺎﻋﻪ ﺍﺟﺎﻭﺑﻬﺎ ﻭﺳﺎﻋﻪ ﺍﺭﻓﺾ ﻣﺘﺤﺠﻲ ﻫﻮﺍﻱ ﻛﻠﻤﺘﻴﻦ ﻭﺍﻃﺒﻜﻪ ﻣﻦ ﺍﺗﻮﻓﻰ ﻭﺟﻨﻪ ﻣﻠﺘﻬﻴﻦ ﻭﻧﺎﺱ ﻳﻤﻨﻪ ﺑﻬﺎﻻﺛﻨﺎﺀ ﺟﺎﻥ ﻳﺪﻙ ﻣﻜﺪﺭﺕ ﺍﺣﺠﻲ ﺍﺑﺪ ﻫﻮﺍﻱ ﺩﻙ ﺍﺧﺮ ﺷﻲ ﺭﻓﻌﺖ ﺧﻂ ﻭﺻﺮﺧﺖ ﻟﺞ ﻣﺎﺕ ﻣﺎﺕ ﻣﺎﺕ ﻭﻃﺒﻜﺘﻪ ﺑﻮﺟﻬﺎ ﻭﻗﻔﻠﺘﻪ ﻟﻠﺠﻬﺎﺯ ﻛﻤﻠﻨﻪ ﺍﻻﻭﺭﺍﻕ ﻭﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﺍﺧﺬﻧﺎ ﻟﻠﺒﻴﺖ ﺣﺘﻰ ﻳﻮﺩﻋﻮﻧﻪ ﺑﻌﺪﻫﺎ ﺍﺧﺬﻧﺎ ﻟﻠﻨﺠﻒ ﻛﻤﻠﻨﺎﺍﻟﻤﺮﺍﺳﻢ ﻣﺎﻟﺖ ﺍﻟﺪﻓﻦ ﻭﺭﺟﻌﻨﻪ ﻣﻦ ﺍﻟﺪﻓﻦ ﺍﻛﺜﺮ ﺷﺨﺺ ﻣﺘﺎﺛﺮ ﺑﻲ ﺍﻧﻲ ﺟﺎﻥ ﺻﺪﻳﻘﻲ ﻭﺍﺧﻮﻳﻪ ﺑﺪﺕ ﺍﻟﻔﺎﺗﺤﻪ ﻭﺍﻟﺘﻬﻴﻨﻪ ﺑﻴﻬﺎ ﻃﺒﻌﺎ ﻧﺒﻊ ﺍﻟﺤﻨﺎﻥ ﻛﻞ ﺷﻮﻳﻪ ﻭﺗﺘﺨﺮﺑﻂ ﻭﺗﻮﻛﻊ ﺍﺗﻌﺎﺭﻛﺖ ﻭﻱ ﺯﻭﺟﺘﻪ ﺗﻜﻠﻬﺎ ﻣﻦ ﻭﺭﺍﺝ ﺍﻧﺖ ﻟﺤﻴﺘﻲ ﻋﻠﻲ ﻭﺍﺗﻌﺎﺭﻛﺖ ﻭﻳﺎﻳﻪ ﻭﻱ ﺍﺑﻮﻳﻪ ﻻﻥ ﺧﺎﺑﺮﻧﺎ ﻭﺿﻐﻄﻨﻪ ﻋﻠﻲ ﻃﺒﻌﺎ ﻛﻠﻨﻪ ﺣﺴﻴﻨﻪ ﺑﺘﺎﻧﻴﺐ ﺍﻟﻀﻤﻴﺮ ﻭﺑﻘﻴﻨﻪ ﻧﺎﻛﻞ ﺑﺎﺭﻭﺍﺣﻨﻪ ﺍﻧﻲ ﺍﻟﻲ ﺷﻜﻢ ﻳﻮﻡ ﻣﺎﺍﻛﺪﺭ ﺍﻧﺎﻡ ﻣﻦ ﻭﺭﺍ ﻣﺮﻭﺍﻥ ﺣﻴﻞ ﺍﺗﺎﺛﺮﺕ ﺑﻲ بيج قصص عراقيه حقيقيه من واقعنا.روعه الطائي ﺟﺎﻥ ﺍﻛﺜﺮ ﻭﺍﺣﺪ ﻣﻦ ﺍﺧﻮﺍﻧﻲ ﻣﺘﻌﻠﻖ ﺑﻲ ﻃﺒﻌﺎ ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﺍﻟﻲ ﺧﻼﻩ ﻳﺪﺯ ﻋﻠﻴﻪ ﻗﺒﻞ ﻟﻴﻤﻮﺕ ﻭﻛﻼﻣﻪ ﻣﺠﺎﻥ ﻣﻔﻬﻮﻡ ﺍﺑﺪ ﺯﻳﻨﺐ : ﻣﻦ ﺷﺎﻓﻨﻲ ﺍﺧﻮ ﻣﺮﻭﺍﻥ ﺍﻣﻮﺭﻱ ﺍﺗﺨﺮﺑﻄﺖ ﺣﺴﻴﺖ ﺑﻨﻔﺴﻲ ﻣﻦ ﺻﺪﻙ ﺑﻨﺖ ﻟﻴﻞ ﻭﺳﺎﻗﻄﻪ ﻭﺻﺪﻭﻙ ﻋﺮﻓﺖ ﻗﻴﻤﺘﻲ ﺑﺎﻟﻈﺒﻂ ﻋﻨﺪ ﻣﺮﻭﺍﻥ ﺍﺣﺲ ﺑﻤﺮﻭﺍﻥ ﺧﺎﻧﻜﻨﻲ ﺧﻨﻚ ﻣﻤﻨﻮﻉ ﺍﻃﻠﻌﻴﻦ ﻣﻤﻨﻮﻉ ﺍﺩﺧﻠﻴﻦ ﻣﻤﻨﻮﻉ ﺍﻟﻜﻲ ﻣﺸﻐﻮﻝ ﻣﻤﻨﻮﻉ ﻓﻴﺲ ﺩﺍﺋﻤﺎ ﻳﺮﺍﺳﻠﻨﻲ ﺑﺼﻔﺖ ﺍﺑﻨﻴﻪ ﺍﺑﺪ ﻣﻴﺨﻄﺄ ﺣﺴﻴﺖ ﺑﻲ ﻫﻮ ﺍﻛﺜﺮ ﻣﻨﻲ ﻣﻴﺮﻳﺪ ﻫﺬﺍ ﺍﻟﺰﻭﺍﺝ ﺍﺣﺪ ﻳﻌﺮﻑ ﺑﻲ ﻭﻻ ﺣﺐ ﻳﺸﻮﻩ ﺳﻤﻌﺘﻲ ﺍﺑﺪ ﻫﻮﺍﻱ ﺍﺗﻮﺳﻠﺖ ﺑﻲ ﻳﻄﻠﻜﻨﻲ ﺑﺲ ﻳﺮﻓﺾ ﻳﮕﻮﻟﻲ ﺍﺗﻌﻮﺩﺕ ﻋﻠﻴﺞ ﻛﺎﻡ ﺑﺎﺑﺎ ﻛﻞ ﻳﻮﻡ ﺟﻤﻌﻪ ﻳﺎﺧﺬﻧﻪ ﻟﻠﻤﻘﺒﺮﻩ ﻉ ﻣﻮﺩ ﺍﺧﻮﻳﻪ ﺍﻣﻲ ﺧﻄﻴﻪ ﺣﻴﻞ ﺍﺗﻤﺮﺿﺖ ﻣﻦ ﺑﻌﺪ ﻭﻓﺎﺗﻪ ﻻﺧﻮﻳﻪ ﺍﺑﺪ ﻣﺎﺍﻃﻠﻊ ﻟﻠﺴﻮﻙ ﻭﻻ ﻻﻱ ﻣﻜﺎﻥ ﺑﺲ ﻟﻠﺪﻭﺍﻡ ﻭﻟﻠﻨﺠﻒ ﺣﻴﺎﺗﻲ ﺻﺎﺭﺕ ﻋﺒﺎﺭﻩ ﻋﻦ ﺭﻭﺗﻴﻦ ﺍﻟﻲ ﻋﺮﻓﺘﻪ ﺟﺎﻥ ﻣﺮﻭﺍﻥ ﻛﻞ ﺧﻤﻴﺲ ﻣﻴﺪﺍﻭﻡ ﺑﺎﻟﺸﺮﻛﻪ ﻭﻳﺮﻭﺡ ﻻﻫﻠﻪ ﻫﺴﻪ ﻻ ﺑﺲ ﺟﻤﻌﻪ ﻭﺳﺒﺖ ﻭﺩﺍﺋﻤﺎ ﻳﺮﺍﺳﻠﻨﻲ ﻭﻳﺨﺎﺑﺮﻧﻲ ﻭﻫﻮ ﻋﻨﺪ ﺍﻫﻠﻪ ﻃﻠﺒﺖ ﻣﻨﻪ ﻣﺮﻩ ﻛﺘﻠﻪ ﺍﻋﻠﻦ ﺯﻭﺍﺟﻨﻪ ﻭﻛﻮﻟﺸﻲ ﻣﺎﺍﺭﻳﺪ ﻣﻨﻚ ﺑﺲ ﺍﺳﺘﺮ ﻋﻠﻴﻪ ﻛﺪﺍﻡ ﺍﻫﻠﻲ ﻛﺎﻡ ﻳﺼﻴﺢ ﻛﺎﻝ ﻟﺞ ﺍﻫﻠﻲ ﻣﻴﻘﺒﻠﻮﻥ ﻳﻜﻠﺒﻮﻥ ﺍﻟﺪﻧﻴﻪ ﻋﻠﻴﻪ ﺑﺲ ﻳﺪﺭﻭﻥ ﻣﺘﺰﻭﺝ ﺑﺎﻟﺴﺮ ﻛﺘﻠﻪ ﻟﺘﻜﻠﻠﻬﻢ ﺑﺎﻟﺴﺮ ﻛﻠﻬﻢ ﺍﺧﻄﺒﻮﻫﺎ ﺍﻟﻲ ﻛﻠﻲ ﻣﻮ ﻫﺴﻪ ﺍﺻﺒﺮﻳﻠﻲ ﺍﺭﺗﺐ ﺍﻣﻮﺭﻱ ﻭﻳﺼﻴﺮ ﺧﻴﺮ ﻃﺒﻌﺎ ﺍﻧﻲ ﺟﻨﺖ ﺣﻴﻞ ﺣﺬﺭﻩ ﻭﻣﻨﺘﻈﻤﻪ ﺑﺤﺐ ﺍﻟﻤﺎﻧﻊ ﺍﺧﺎﻑ ﻳﺼﻴﺮ ﻋﻨﺪﻱ ﺣﻤﻞ ﺑﺲ ﻳﻮﻡ ﺻﺎﺩﻑ ﺛﻼﺛﺎﺀ ﺧﺎﺑﺮﻧﻲ ﺑﺎﻟﻠﻴﻞ ﻛﻠﻲ ﺑﺎﺟﺮ ﻣﺮﺍﺡ ﺍﺟﻲ ﻟﻠﺸﺮﻛﻪ ﺍﺑﺪ ﺍﺭﻳﺪﺝ ﺗﺮﺟﻌﻴﻦ ﻭﻱ ﺍﻟﺨﻂ ﻣﻤﻨﻮﻉ ﺗﺼﻌﺪﻳﻦ ﺑﺘﻜﺴﻲ ﺑﻮﺣﺪﺝ ﺑﻴﻮﻣﻬﺎ ﻫﻢ ﻣﺎﺍﺧﺬﺕ ﺣﺐ ﻓﻌﻼ ﺩﺍﻭﻣﺖ ﻭﺭﺟﻌﺖ ﻭﻳﺎﻫﻢ ﺍﻧﻲ ﺟﻨﺖ ﺟﻤﻌﻪ ﻭﺳﺒﺖ ﻣﺎﺍﺧﺬ ﺣﺐ ﻻﻥ ﺑﺎﻋﺘﻘﺎﺩﻱ ﺑﻴﻮﻡ ﺍﻟﻲ ﻣﻴﺘﻘﺮﺑﻠﻲ ﻣﻼﺯﻡ ﺍﺧﺬ ﺣﺐ ﺑﺪﺕ ﺍﻃﺒﺎﻋﻪ ﻟﻤﺮﻭﺍﻥ ﺗﺘﻐﻴﺮ ﻭﻳﺎﻳﻪ ﻣﻮ ﻣﺜﻞ ﻗﺒﻞ ﻣﺎﻳﺠﺒﺮﻧﻲ ﻉ ﺷﻲ ﻣﺎﺍﺣﺒﻪ ﻭﻻ ﻳﺎﺫﻳﻨﻲ ﻣﻦ ﻳﺘﻘﺮﺏ ﻋﻠﻴﻪ ﺑﺲ ﺑﻌﺪﻩ ﻋﺼﺒﻲ ﻣﺮﺍﺕ ﺍﺣﺲ ﺑﻲ ﻣﺘﻌﻠﻖ ﺑﻴﻪ ﺣﻴﻞ بيج قصص عراقيه حقيقيه من واقعنا.روعه الطائي ﻭﻣﺮﺍﺕ ﺍﻛﻮﻝ ﻳﺤﺒﻨﻲ ﻻﻥ ﻭﺍﺿﺢ ﻋﻠﻲ ﺑﺲ ﺭﻏﻢ ﻛﻮﻟﺸﻲ ﺍﻧﻲ ﺑﻌﺪﻧﻲ ﺣﺎﻗﺪﻩ ﻋﻠﻲ ﻭﻣﺎﺍﺣﺐ ﻗﺮﺑﻪ ﺍﻟﻲ ﺍﺑﺪ ﺻﺎﺭﻟﻨﻪ ﺷﻬﺮﻳﻦ ﻣﻦ ﺗﺰﻭﺟﻨﻪ ﺍﻟﻴﻮﻡ ﺧﻤﻴﺲ ﺻﺎﺩﻑ ﺍﺗﺼﻞ ﺑﻴﻪ ﻣﻦ ﺍﻟﺼﺒﺢ ﮔﻠﻲ ﺭﺍﺡ ﺍﻧﺘﻈﺮﺝ ﺣﺘﻰ ﻧﺮﻭﺡ ﻟﻠﺒﻴﺖ ﻻﺍﺩﺍﻭﻣﻴﻦ ﻓﻌﻼ ﺭﺣﻨﻪ ﻟﻠﺒﻴﺖ ﮔﻠﻲ ﺍﻟﻴﻮﻡ ﺣﺎﺏ ﺍﺣﻘﻘﻠﺞ ﺍﻟﻲ ﺍﺑﺎﻟﺞ ﺍﻱ ﺷﻲ ﺗﺤﺒﻴﻦ ﺍﺷﺘﺮﻱ ﺍﻟﺞ ﺍﻭ ﺍﺑﺎﻟﺞ ﺷﻲ ﺍﺟﻴﺒﻪ ﺍﻟﺞ ﺍﻧﻲ ﺭﻓﻀﺖ ﻣﺎﺍﺣﺐ ﺍﻱ ﺷﻲ ﻳﺠﻴﺒﻠﻲ ﺍﺷﻮ ﺍﻟﻴﻮﻡ ﺍﺣﺴﻪ ﺷﺨﺺ ﺛﺎﻧﻲ ﻣﺎﻛﺎﻧﻮ ﻧﻔﺴﻪ ﻣﺮﻭﺍﻥ ﻫﺎﺩﺉ ﺑﺸﻜﻞ ﻭﺣﺴﻴﺘﻪ ﺑﺲ ﻳﺘﺼﻔﻦ ﻋﻠﻴﻪ ﻃﻠﻌﻠﻲ ﺯﻧﺠﻴﻞ ﺫﻫﺐ ﻭﺑﻲ ﻣﺪﺍﻟﻴﻪ ﻣﻜﺘﻮﺏ ﺑﻴﻬﺎ ﺯﻧﻮﺑﻪ ﻟﺒﺴﻨﻲ ﺍﻟﺰﻧﺠﻴﻞ ﻭﺑﺎﺳﻨﻲ ﺑﺮﺍﺳﻲ ﺍﻟﺼﺮﺍﺣﻪ ﺍﺳﺘﻐﺮﺑﺖ ﻣﻨﻪ ﻛﺘﻠﻪ ﺷﻜﺮﺍ ﻣﺎﻛﻮ ﺩﺍﻋﻲ ﻟﻠﺸﻜﺮ ﻫﺬﺍ ﺍﻗﻞ ﺷﻲ ﺍﻗﺪﻣﻪ ﺍﻟﺞ ﺑﺲ ﺍﺭﻳﺪ ﻭﻋﺪ ﻣﻨﺞ ﻟﻠﻤﻮﺕ ﻣﺘﻨﺰﻋﻲ ﺍﺑﺪ ﺷﺎﻛﻮﻝ ﻻﻫﻠﻲ ﻛﻠﻴﻠﻬﻢ ﻣﻮ ﺫﻫﺐ ﺿﺤﻜﺖ ﻛﺘﻠﻪ ﻣﺒﻴﻦ ﺫﻫﺐ ﻣﻮ ﻣﻬﻢ ﺍﻫﻢ ﺷﻲ ﻣﺘﻨﺰﻋﻲ ﺍﻥ ﺷﺎﺀ ﺍﻟﻠﻪ ﺍﻟﻴﻮﻡ ﺍﺟﻪ ﺍﺑﺎﻟﻲ ﻛﻨﺘﺎﻛﻲ ﻭﻓﻨﻜﺮ ﺣﻴﻞ ﻣﺸﺘﻬﻴﺘﻬﻦ ﺑﺲ ﺍﺳﺘﺤﻲ ﺍﻛﻮﻟﻪ ﺍﺧﺎﻑ ﻳﺎﺧﺬﻫﺎ ﺑﻐﻴﺮ ﺷﻲ ﺑﺲ ﻫﻮ ﺍﺻﺮ ﺍﻟﻴﻮﻡ ﺍﻟﺮﻳﻮﻙ ﻉ ﺫﻭﻗﺞ ﺷﺘﺤﺒﻴﻦ ﻧﻄﻠﺐ ﺍﻧﻲ ﻓﺮﺣﺖ ﺑﻜﻠﺒﻲ ﻛﺘﻠﻪ ﺍﺫﺍ ﺗﻜﺪﺭ ﺟﻴﺐ ﻛﻨﺘﺎﻛﻲ ﻛﻠﻲ ﻟﺞ ﺭﻳﻮﻙ ﻣﻮ ﻏﺪﻩ ﻛﺘﻠﻪ ﺍﺷﻮ ﺍﻧﻲ ﺍﺷﺘﻬﻴﺘﻪ ﻣﻌﻘﻮﻟﻪ ﻣﻨﺞ ﻣﻦ ﺍﻟﺸﻴﻄﺎﻥ ﺍﻃﻠﺒﻴﻦ ﺑﺲ ﺗﺪﺭﻳﻦ ﺍﺳﻌﺪ ﻳﻮﻡ ﺑﺤﻴﺎﺗﻲ ﺍﻟﻴﻮﻡ ﻻﻥ ﻃﻠﺒﺘﻲ ﻣﻨﻲ ﺷﻲ ﺍﻟﺼﺮﺍﺣﻪ ﺍﺗﻔﺎﺟﺄﺕ ﻣﻨﻪ ﻣﻌﻘﻮﻟﻪ ﻫﻴﺞ ﻳﺤﺠﻲ ﻭﻳﺎﻳﻪ ﻻ ﻣﻤﺼﺪﻛﻪ ﺍﻟﻲ ﺍﺳﻤﻌﻪ ﺍﻛﻴﺪ ﺍﻟﻴﻮﻡ ﻣﻮ ﺑﻮﻋﻴﻴﻪ ﺍﺗﺼﻞ ﺑﺸﺨﺺ ﻭﻃﻠﺐ ﻣﻨﻪ ﻳﺠﻴﺐ ﻛﻨﺘﺎﻛﻲ ﻭﺑﺒﺴﻲ ﻭﻛﻠﻪ ﺟﻴﺐ ﻭﻳﺎﻙ ﺣﻠﻮﻳﺎﺕ ﻭﻧﺴﺎﺗﻞ ﮔﻠﻲ ﺗﻌﺎﻟﻲ ﻧﺎﻣﻲ ﺑﺤﻀﻨﻲ ﻟﻤﻦ ﻳﺠﻮﻥ ﻋﺠﻴﺐ ﻏﺮﻳﺐ ﻫﺬﺍ ﻣﺮﻭﺍﻥ ﻓﻌﻼ ﺍﻧﺴﺎﻥ ﺛﺎﻧﻲ ﻭﺭﻩ ﺷﻮﻳﻪ ﺩﻙ ﺟﻬﺎﺯﻩ ﮔﻠﻪ ﻣﺎﺷﻲ بيج قصص عراقيه حقيقيه من واقعنا.روعه الطائي ﺑﺲ ﺍﺫﺍ ﺗﻜﺪﺭ ﺟﻴﺒﻠﻲ ﻫﺴﻪ ﺭﻳﻮﻙ ﺍﻱ ﺷﻲ ﻭﺧﻠﻲ ﺍﻟﻜﻨﺘﺎﻛﻲ ﻝ 1 ﺍﺭﻳﺪﻩ ﺣﺎﺭ ﻃﺒﻜﻪ ﻛﻠﻲ ﺏ 11 ﻳﻠﻪ ﻳﺠﻬﺰﻭﻥ ﻛﺘﻠﻪ ﻣﻮ ﻻﺯﻡ ﻟﺘﺠﻴﺐ ﻛﻠﻲ ﻻ ﺧﻠﻲ ﻧﺘﺮﻳﻚ ﺑﺎﻱ ﺷﻲ ﻭﺫﺍﻙ ﻏﺪﻩ ﺭﺟﻌﻨﻲ ﻧﻴﻤﻨﻲ ﺑﺤﻀﻨﻲ ﮔﻠﻲ ﺗﺪﺭﻳﻦ ﺍﺗﻤﻨﻰ ﺍﻋﻠﻦ ﻋﻦ ﺯﻭﺍﺟﻨﻪ ﻭﺍﺑﻘﻴﺞ ﻃﻮﻝ ﺍﻟﻌﻤﺮ ﻳﻤﻲ ﺭﺍﺡ ﺍﻋﺘﺮﻓﻠﺞ ﺑﺸﻲ ﺍﻟﺼﺮﺍﺣﻪ ﺍﻧﻲ ﺍﺣﺒﺞ ﻭﺍﻣﻮﺕ ﻋﻠﻴﺞ ﻭﺛﻘﻲ ﻭﺍﻋﺘﻘﺪﻱ ﺍﻟﻔﻠﻮﺱ ﻣﻦ ﺍﻧﻄﻴﺘﻬﻦ ﻣﻮ ﻗﺼﺪﻱ ﺍﺭﻳﺪ ﻣﻘﺎﺑﻞ ﺑﺲ ﺭﺩﺕ ﺍﺣﺼﻞ ﻋﻠﻴﺞ ﺑﺎﻱ ﻭﺳﻴﻠﻪ ﻳﺤﺠﻲ ﻭﺍﻧﻲ ﺻﺎﻓﻨﻪ ﻋﻠﻲ ﻣﻌﻘﻮﻟﻪ ﻳﺤﺒﻨﻲ ﻻ ﻣﺎﺍﺻﺪﻙ ﻛﻠﻲ ﺍﺗﻤﻨﻰ ﺗﺴﺎﻣﺤﻴﻨﻲ ﻉ ﺍﻟﺴﻮﻳﺘﻪ ﻭﻳﺎﺝ ﻭﺭﺍﺡ ﺍﻭﻋﺪﺝ ﻭﻋﺪ ﺷﺮﻑ ﺭﺍﺡ ﺍﺧﻄﺒﺞ ﻣﻦ ﺍﻫﻠﺞ ﻭﺍﺗﺰﻭﺟﺞ ﻋﻠﻨﻲ ﻛﺪﺍﻡ ﺍﻟﻨﺎﺱ ﺍﻧﻲ ﺣﻴﻞ ﻓﺮﺣﺖ ﺑﻬﺬﺍ ﺍﻟﺤﺠﻲ ﻣﺎﻟﺘﻪ ﺗﺪﺭﻳﻦ ﻟﻴﺶ ﺍﻋﺼﺐ ﻋﻠﻴﺞ ﻭﺍﺍﺫﻳﺞ ﻻﻥ ﺗﻌﻮﻓﻴﻨﻲ ﻭﺗﺮﺣﻴﻦ ﺍﺗﻤﻨﻰ ﺗﺒﻘﻴﻦ ﻭﻳﺎﻱ ﻣﺪﻯ ﺍﻟﻌﻤﺮ ﺣﻴﻞ ﺣﺒﻴﺘﺞ ﻣﻦ ﺍﻭﻝ ﻣﺮﻩ ﺷﻔﺘﺞ ﺑﻴﻬﺎ ﺑﺲ ﻣﺎﻛﺪﺭﺕ ﺍﺧﻄﺒﺞ ﺍﻣﻨﻴﺘﻲ ﺍﻧﺴﺘﺮ ﻭﻣﺎﺍﻧﻔﻀﺢ ﻳﺎﺭﻳﺖ ﻳﻌﻠﻦ ﺯﻭﺍﺟﻨﻪ ﺩﻙ ﺟﻬﺎﺯﻩ ﻣﺮﻩ ﻟﺦ ﻃﻠﻊ ﻟﺤﻀﺎﺕ ﻭﺍﺟﻪ ﺻﺎﺣﻨﻲ ﺟﺎﺏ ﺍﻟﺮﻳﻮﻙ ﻭﺟﺎﻥ ﺻﻤﻮﻥ ﻭﺟﺒﻦ ﻭﻗﺸﻄﻪ ﻛﻠﻲ ﺳﻮﻳﻠﻨﻪ ﺑﺲ ﺟﺎﻱ ﺭﺣﺖ ﺳﻮﻳﺖ ﺍﻟﺠﺎﻱ ﻭﻛﻤﻠﺖ ﺍﺗﺮﻳﮕﻨﻪ ﺑﺎﻟﻤﻄﺒﺦ ﻛﺎﻡ ﻳﻮﻛﻠﻨﻲ ﺑﺎﻳﺪﻩ ﺍﺳﺘﻐﺮﺑﺖ ﺣﻴﻞ ﺷﻮﻳﻪ ﻭﻟﻌﺒﺖ ﻧﻔﺴﻲ ﺣﻴﻞ ﺭﺣﺖ ﺍﺭﻛﺾ ﻟﻠﻤﻐﺴﻠﻪ ﺍﻟﻲ ﺑﺮﻩ ﺫﺑﻴﺖ ﻣﻦ ﺭﺍﺳﻲ ﻫﻮ ﻟﺤﮕﻨﻲ ﺍﺗﺨﺒﻞ ﻛﺘﻠﻪ ﻣﺒﻴﻪ ﺷﻲ ﺩﺧﻠﺖ ﻟﺠﻮﻩ ﺑﻌﺪﻧﻲ ﻣﻮﺻﻠﺖ ﻟﻠﻤﻄﺒﺦ ﺣﺴﻴﺖ ﺑﻨﻔﺴﻲ ﺩﺧﺖ ﻭﻣﻤﺘﻮﺍﺯﻧﻪ ﻟﺤﻀﺎﺕ ﻭﺍﻧﻐﻤﻰ ﻋﻠﻴﻪ ﻛﻌﺪﺕ ﻉ ﻋﻄﺮ ﻛﻮﻟﺶ ﻗﻮﻱ ﻓﺘﺤﺖ ﻋﻴﻮﻧﻲ ﻭﺟﺎﻥ ﺍﺷﻮﻓﻪ ﻓﻮﻙ ﺭﺍﺳﻲ ﻛﻠﻲ ﻛﻮﻣﻲ ﺍﺧﺬﺝ ﻟﻠﻤﺴﺘﺸﻔﻰ ﺭﻓﻀﺖ ﺍﺗﺼﻞ ﺑﻮﻟﺪ ﻛﻠﻪ ﻫﻴﺞ ﻭﻫﻴﺞ ﻣﺎﺍﻋﺮﻑ ﺷﻜﻠﻪ ﺍﺷﻮ ﻃﻠﻊ ﺑﺪﻭﻥ ﻛﻼﻡ ﻛﻠﻲ ﺷﻮﻳﻪ ﻭﺍﺭﺟﻊ ﺗﻤﺪﺩﺕ ﺑﺲ ﺍﻟﺪﻭﺧﻪ ﺑﻌﺪﻫﻲ ﺑﻴﻪ ﺷﻮﻳﻪ ﻭﺭﺟﻊ ﺟﺎﻳﺒﻠﻲ ﻋﺼﻴﺮ ﺷﺮﺑﻨﻲ ﺑﻴﺪﻩ ﻭﻃﻠﻊ ﺷﻲ ﻣﻦ ﺟﻴﺒﻪ ﺍﻧﻄﺎﻧﻴﺎ ﻛﺘﻠﻪ ﺷﻨﻮ ﻫﺬﺍ ﻛﻠﻲ ﺍﺧﺘﺒﺎﺭ ﺣﻤﻞ ﻛﺘﻠﻪ ﻻ ﻣﺘﺎﻛﺪﻩ ﻣﺎﻛﻮ ﺷﻲ ﻛﻠﻲ ﻛﻮﻣﻲ ﻭﻟﺘﻨﺎﻗﺸﻴﻨﻲ ﻓﻌﻼ ﺳﻮﻳﺖ ﺍﻟﺘﺤﻠﻴﻞ ﻭﺟﺎﻧﺖ ﺍﻟﺼﺪﻣﻪ ﺣﺎﻣﻞ ﺍﺗﺨﺒﻠﺖ ﺍﻟﻪ ﺷﻮﻳﻪ ﻫﻮ ﻣﺼﺪﻙ ﺍﻟﻨﺘﻴﺠﻪ ﺑﺎﻟﺒﺪﺍﻳﻪ ﺣﻴﻞ ﺍﺫﺍﻧﻲ ﺑﺎﻟﻀﺮﺏ ﻛﻠﻲ ﺍﺑﻦ ﻣﻨﻮ ﻫﺬﺍ ﺍﻧﻲ ﻋﻘﻴﻢ ﻣﻴﺼﻴﺮ ﻋﻨﺪﻱ ﺟﻬﺎﻝ ﺍﺑﺪ ﻫﺎﻱ ﺷﺒﻴﻚ ﻣﺮﻭﺍﻥ ﻭﺻﻠﺖ ﻭﻳﺎﻙ ﺗﺸﻚ ﺑﻴﻪ ﻟﻚ ﺷﺤﺎﻝ ﻟﻮ ﻣﺎ ﻣﻦ ﺍﻟﺼﺒﺢ ﻟﻠﻤﻐﺮﺏ ﺍﻧﻲ ﻭﻳﺎﻙ ﻭﺍﻟﻠﻴﻞ ﻛﻮﻟﻪ ﻧﺘﺨﺎﺑﺮ ﻭﻣﻦ ﺍﻟﺒﺎﺏ ﻣﺎﺍﻃﻠﻊ ﺣﻴﻞ ﺿﺠﺖ ﻣﻨﻪ ﻛﺎﻝ ﻟﺞ ﻭﺍﻟﻠﻪ ﺩﺧﺖ ﻭﺍﻟﻠﻪ ﺍﻧﻲ ﻫﻮﺍﻱ ﻣﺴﻮﻱ ﺗﺤﺎﻟﻴﻞ ﺍﻧﻄﻮﻧﻲ ﻧﺴﺒﻪ ﺿﺌﻴﻠﻪ ﻳﺼﻴﺮ ﺣﻤﻞ ﺣﺘﻰ ﻟﻠﺨﺎﺭﺝ ﻃﻠﻌﺖ ﻭﻧﻔﺲ ﺍﻟﻜﻼﻡ ﺑﺲ ﺍﻧﺖ ﻧﺴﻴﺖ ﺍﻟﻠﻪ ﻣﻮﺟﻮﺩ ﻭﻗﺎﺩﺭ ﻉ ﻛﻮﻟﺸﻲ ﻛﻮﻡ ﻭﺩﻳﻨﻲ ﻻﻫﻠﻲ ﻫﺬﺍ ﺍﻟﻄﻔﻞ ﻣﻮ ﻣﻨﻚ ﺑﺲ ﻃﻠﻜﻨﻲ ﺍﺑﺠﻲ ﻭﻛﻮﻩ ﺍﺣﺠﻲ ﺣﻴﻞ ﺟﺮﺣﻨﻲ ﻛﺎﻡ ﻳﺒﻮﺱ ﺑﻴﻪ ﺑﻜﻮﻝ ﻣﻜﺎﻥ ﻭﺍﻟﻠﻪ ﺍﺳﻒ ﺍﺳﻒ ﻓﺪﻭﻩ ﺍﻋﺬﺭﻳﻨﻲ ﻛﺎﻡ ﻳﺒﺠﻲ ﻭﻳﺒﻮﺱ ﺍﺑﻄﻨﻲ ﻭﺍﻟﻠﻪ ﻣﻮ ﺑﻮﻋﻴﻲ ﻣﻦ ﺷﻜﻴﺖ ﺑﻴﺞ ﺑﺲ ﻣﺼﺪﻭﻡ ﺍﻟﻠﻪ ﻳﺨﻠﻴﺞ ﺳﺎﻣﺤﻴﻨﻲ ﺑﺲ ﻣﺮﻭﺍﻥ ﺷﻠﻮﻥ ﻣﺎﺍﻛﺪﺭ ﺍﺑﻘﻲ ﺍﺑﻄﻨﻲ ﺍﺧﺎﻑ ﺍﻫﻠﻲ ﻳﺸﻜﻮﻥ ﻭﺫﺑﺤﻲ ﻳﺼﻴﺮ ﺍﺑﻼﺵ ﺷﺤﺪﻩ ﺍﻟﻲ ﻳﻠﻤﺴﺞ ﺍﻧﺖ ﺯﻭﺟﺘﻲ ﻉ ﺳﻨﺔ ﺍﻟﻠﻪ ﻭﺭﺳﻮﻟﻪ ﺑﺎﺟﺮ ﺍﺭﻭﺡ ﻻﻫﻠﻲ ﻭﺍﻟﺴﺒﺖ ﺍﺩﺯ ﺍﻫﻠﻲ ﻻﻫﻠﺞ ﻟﺞ ﺷﺤﺪﻩ ﺍﻟﻲ ﻳﻠﻤﺲ ﺷﻌﺮﻩ ﻣﻨﺞ ﻭﺍﻟﻠﻪ ﺍﺣﺮﻛﻪ ﻋﺪﻝ ﻛﺎﺋﻦ ﻣﻦ ﻳﻜﻮﻥ ﺭﺍﺡ ﺍﻋﻤﻞ ﺍﻟﻤﺴﺘﺤﻴﻞ ﺣﺘﻰ ﻧﺘﺰﻭﺝ ﺗﺪﺭﻱ ﺷﺎﺗﻤﻨﻰ ﻫﺴﻪ ﻛﻮﻟﻲ ﺷﻨﻮ ﺍﻟﻲ ﺗﺘﻤﻨﻲ ﻫﺴﻪ ﺍﺣﻘﻘﻪ ﺍﻟﺞ ﺍﻣﻨﻴﺘﻲ ﺍﻣﻮﺕ ﺑﻬﺎﻱ ﺍﻟﻠﺤﻀﻪ ﺑﻌﺪﻧﻲ ﻣﻤﻜﻤﻠﻪ ﺳﺪ ﺣﻠﻜﻲ ﺑﺎﺻﺒﻌﻪ ﻟﺞ ﻳﻮﻣﻲ ﻗﺒﻞ ﻳﻮﻣﺞ ﺍﻥ ﺷﺎﺀ ﺍﻟﻠﻪ ﻟﺘﺤﺠﻴﻦ ﻫﻴﺞ ﻭﺍﻟﻠﻪ ﺍﻣﻮﺕ ﺑﻌﺪﺝ ﻣﺴﺘﺤﻴﻞ ﺍﻋﻴﺶ ﺑﺪﻭﻧﺞ ﻳﺒﺠﻲ ﺍﻭﻝ ﻣﺮﻩ ﺍﺷﻮﻓﻪ ﺑﻬﻴﺞ ﺣﺎﻟﻪ ﻧﻴﻤﻨﻲ ﺑﺤﻀﻨﻪ ﮔﻠﻲ ﺍﻣﺎﻧﻪ ﻋﻠﻴﺞ ﺍﺫﺍ ﻣﺘﺖ ﺗﻌﺘﻨﻴﻦ ﺑﺎﺑﻨﻲ ﺍﻭ ﺑﻨﺘﻲ ﻟﺘﺨﻠﻴﻦ ﺳﻮﺀ ﻳﻤﺴﻜﻢ ﺍﻟﻠﻪ ﻟﻴﻜﻮﻟﻬﺎ ﻋﻤﺮﻙ ﻃﻮﻳﻞ ﺍﻥ ﺷﺎﺀ ﺍﻟﻠﻪ ﺣﺒﺎﺑﻪ ﻭﺍﻋﺪﻳﻨﻲ ﺍﺫﺍ ﻭﻟﺪ ﺗﺴﻤﻴﻨﻪ ﻣﻨﺘﻈﺮ ﻻﻥ ﺟﻨﺖ ﻫﻮﺍﻱ ﻣﻨﺘﻈﺮ ﻫﺬﺍ ﺍﻟﺨﺒﺮ ﺣﺘﻰ ﺍﺳﻤﻌﻪ ﻭﺍﺫﺍ ﺑﻨﻴﻪ ﺳﻤﻴﻬﺎ ﻧﺮﻣﻴﻦ ﻳﻌﺠﺒﻨﻲ ﻫﺬﺍ ﺍﻻﺳﻢ ﻛﺘﻠﻪ ﺍﻥ ﺷﺎﺀ ﺍﻟﻠﻪ ﻓﺘﺢ ﺍﻟﺠﻬﺎﺯ ﻭﻃﻠﻊ ﺍﻏﻨﻴﻪ 🌹 ﻭﺻﻴﺘﻲ ﻣﻦ ﺍﻣﻮﺕ ﺑﺤﻀﻨﻚ ﺍﺩﻓﻨﻲ 🌹👇 ﻭﺻﻴﺘﻲ ﻣﻦ ﺍﻣﻮﺕ ﺑﺤﻀﻨﻚ ﺍﺩﻓﻨﻲ ﺍﺗﺨﺒﻠﺖ ﻫﺬﺍ ﺷﺒﻲ ﺍﻟﻴﻮﻡ ﺑﺲ ﻃﺎﺭﻱ ﺍﻟﻤﻮﺕ ﺑﻠﺴﺎﻧﻪ ﻛﺘﻠﻪ ﻭﺍﻟﻠﻪ ﺍﺫﺍ ﻣﻐﻴﺮﺗﻬﺎ ﺍﻋﻮﻓﻚ ﻭﺍﺭﻭﺡ ﻭﻳﻦ ﺗﻌﻮﻓﻴﻨﻲ ﻭﺗﺮﻭﺣﻴﻦ ﻟﺞ ﺍﻣﻮﺕ ﺑﺪﻭﻧﺞ ﻭﺍﻟﻠﻪ ﺣﻴﺎﺗﻲ ﺑﺪﻭﻧﺞ ﻋﺪﻡ ﻣﻦ ﻳﻮﻡ ﺍﻟﻌﺮﻓﺘﺞ ﻟﻠﻴﻮﻡ ﺍﻧﻲ ﺣﻴﺎﺗﻲ ﺗﻐﻴﺮﺕ ﺻﺎﺭﺕ ﺑﻴﻬﺎ ﻣﻌﻨﻰ ﻭﻋﻨﺪﻱ ﺍﻣﻞ ﺑﺎﻟﺪﻧﻴﻪ ﺍﺫﻥ ﺍﻻﺫﺍﻥ ﻛﻤﺖ ﺻﻠﻴﺖ ﻛﺎﻡ ﺻﻠﻰ ﺍﻭﻝ ﻣﺮﻩ ﺍﺷﻮﻓﻪ ﻳﺼﻠﻲ ﻳﺴﺠﺪ ﻭﻳﺒﺠﻲ ﻭﻳﻄﻠﺐ ﺍﻟﺴﻤﺎﺡ ﻣﻦ ﺭﺏ ﺍﻟﻌﺎﻟﻤﻴﻦ ﺣﻴﻞ ﺍﻓﺮﺣﺖ ﻛﻠﺖ ﺑﻠﻜﻲ ﺍﻟﻠﻪ ﻳﻬﺪﻱ ﻭﻳﻌﻠﻦ ﺯﻭﺍﺟﻨﻪ ﻛﻠﻲ ﻫﻢ ﻳﺠﻲ ﻳﻮﻡ ﻭﺗﺴﺎﻣﺤﻴﻨﻲ ﻉ ﺍﻟﻲ ﺳﻮﻳﺘﻪ ﺑﻴﺞ ﻛﺘﻠﻪ ﻭﺍﻟﻠﻪ ﺑﺲ ﺗﺨﻄﺒﻨﻲ ﻣﻦ ﺍﻫﻠﻲ ﺍﻧﺴﻰ ﻛﻮﻟﺸﻲ ﺍﻥ ﺷﺎﺀ ﺍﻟﻠﻪ ﺑﺎﺟﺮ ﺑﺲ ﺍﺭﻭﺡ ﺍﻓﺎﺗﺢ ﺍﻫﻠﻲ ﺑﺎﻟﻤﻮﺿﻮﻉ ﺟﺎﺑﻮﻟﻨﻪ ﺍﻟﻐﺪﻩ ﺣﻴﻞ ﻓﺮﺣﺖ ﺍﻛﻠﺖ ﻫﻮﺍﻱ ﻭﻫﻮ ﻳﻀﺤﻚ ﻭﻳﺒﺎﻭﻋﻠﻲ ﺑﺲ ﻳﺼﻔﻦ ﻋﻠﻴﻪ ﻛﺘﻠﻪ ﺑﻴﻚ ﺷﻲ ﺍﻟﻴﻮﻡ ﻛﻠﻲ ﻭﺍﻟﻠﻪ ﻛﻠﺒﻲ ﻣﻘﺒﻮﺽ ﻣﺎﺍﻋﺮﻑ ﺷﺒﻴﻪ ﻛﺘﻠﻪ ﺍﻟﻠﻪ ﻳﺨﻠﻴﻚ ﻟﺘﺨﻮﻓﻨﻲ ﻣﻦ ﻫﺬﺍ ﺣﺠﻴﻚ ﻻ ﺣﺒﻴﺒﺘﻲ ﻟﺘﺨﺎﻓﻴﻦ ﻣﺎﻛﻮ ﺷﻲ ﺑﺲ ﺍﻟﻴﻮﻡ ﺭﺍﺡ ﺍﻋﻄﻠﺞ ﺷﻮﻳﻪ ﻓﺪﻭﻩ ﺍﺭﻳﺪ ﺍﺷﺒﻊ ﻣﻨﺞ ﺑﻘﻪ ﺑﺲ ﺣﺎﺿﻨﻲ ﺍﺑﺪ ﻣﺘﻘﺮﺏ ﻋﻠﻴﻪ ﻋﺎﻣﻠﻨﻲ ﺑﺤﻨﻴﻪ ﻭﺣﺐ ﻛﻞ ﺷﻮﻳﻪ ﻭﺑﺎﺱ ﺑﻄﻨﻲ ﻳﺤﺠﻲ ﻳﻜﻠﻪ ﺩﻳﺮ ﺑﺎﻟﻚ ﻉ ﻣﺎﻣﺎ ﺣﺒﻴﺒﻲ ﻟﺘﺨﻠﻴﻬﺎ ﺗﻄﻠﻊ ﻻﻥ ﺟﻤﺎﻟﻬﺎ ﺧﻄﻴﺮ ﺍﻟﻲ ﻳﺸﻮﻓﻬﺎ ﻳﻌﻤﻞ ﺍﻟﻤﺴﺘﺤﻴﻞ ﺣﺘﻰ ﻳﺤﺼﻞ ﻋﻠﻴﻬﺎ ﻟﺘﺨﻠﻲ ﺍﺣﺪ ﻳﺄﺫﻳﻬﺎ ﻭﻻ ﺍﺣﺪ ﻳﻀﺮﺑﻬﺎ ﺩﺍﻓﻊ ﻋﻨﻬﺎ ﺩﺍﺋﻤﺎ ﻛﺘﻠﻪ ﺷﻨﻮ ﻧﺎﻭﻱ ﺗﺘﺨﻠﻪ ﻋﻨﻲ ﻭﺗﺘﺮﻛﻨﻲ ﺑﻮﺣﺪﻱ بيج قصص عراقيه حقيقيه من واقعنا.روعه الطائي ﻟﺞ ﻉ ﺍﻋﺼﺎﺑﻲ ﺍﺭﻭﺡ ﻻﻫﻠﻲ ﻟﻮ ﻳﻄﻴﺢ ﺑﻴﺪﻱ ﻣﺎﺍﻓﺎﺭﻛﺞ ﻭﻻ ﺛﺎﻧﻴﻪ ﺑﻌﺪ ﻓﺘﺮﻩ ﺧﺎﺑﺮﻭﺍ ﻣﺎﺍﻋﺮﻑ ﻣﻨﻮ ﻭﺑﻘﻪ ﻳﺼﻴﺢ ﻭﻳﻐﻠﻂ ﺍﻟﻲ ﻋﺮﻓﺘﻪ ﺍﺣﺘﻤﺎﻝ ﺗﻜﻮﻥ ﺯﻭﺟﺘﻪ ﻻﻥ ﻳﻜﻮﻟﻬﺎ ﻣﺎﺍﺟﻲ ﻛﻠﻲ ﻫﺎﻱ ﺑﻨﺖ ﺍﻟﻜﻠﺐ ﺗﻠﺢ ﻋﻠﻴﻪ ﺍﻟﻰ ﺍﺟﻲ ﻫﺴﻪ ﺍﻱ ﻭﻳﻦ ﺍﻟﻤﺸﻜﻠﻪ ﺭﻭﺡ ﻟﺞ ﻫﺎﻱ ﺗﺮﻳﺪ ﺗﻤﺸﻲ ﺣﺠﻴﻬﺎ ﻋﻠﻴﻪ ﺧﻞ ﺗﻮﻟﻲ ﻣﺎﺍﺭﻭﺡ ﺍﻟﻪ ﺑﺎﺟﺮ ﺑﻌﺪﻳﻦ ﺑﺪﺕ ﺍﻟﻤﺨﺎﺑﺮﺍﺕ ﺍﺩﻙ ﻋﻠﻲ ﻛﻮﻝ ﺷﻮﻳﻪ ﺍﺣﺪ ﻳﺨﺎﺑﺮﻩ ﺑﻌﺪﻳﻦ ﻛﺎﻡ ﻳﺘﺎﻓﻒ ﻭﺿﺎﺝ ﺣﻴﻞ ﻛﺎﻡ ﻳﺼﻴﺢ ﺧﻞ ﺍﺟﻲ ﻭﺍﻧﻲ ﺍﻋﻠﻤﻬﺎ ﺑﻨﺖ ﺍﻟﻜﻠﺐ ﻛﺎﻝ ﻻﺯﻡ ﺍﺭﻭﺡ ﻻﻫﻠﻲ ﻣﻀﻄﺮ ﻛﺘﻠﻪ ﺍﻱ ﻋﺎﺩﻱ ﺷﻨﻮ ﺍﻟﻤﺎﻧﻊ ﻣﺘﺮﻭﺡ ﻣﻮ ﻣﺸﺎﺑﻊ ﻣﻨﺞ ﻭﺍﻟﻠﻪ ﻭﻣﺎﺑﻮﺩﻱ ﺍﻋﻮﻓﺞ ﻛﻠﺒﻲ ﺣﺎﺱ ﻣﺎﺍﺷﻮﻓﺞ ﺑﻌﺪ ﺣﺒﺎﺏ ﻟﺘﺤﺠﻲ ﻫﻴﺞ ﻧﺰﻟﺖ ﺩﻣﻮﻋﻲ ﻛﺘﻠﻪ ﻋﻔﻴﻪ ﻟﺘﺨﻠﻴﻨﻲ ﺑﺎﻣﺘﺤﺎﻥ ﺻﻌﺐ ﻟﺘﻌﻮﻓﻨﻲ ﻭﺗﺘﺮﻛﻨﻲ ﺍﺑﺪﺍﻳﺔ ﺍﻟﻄﺮﻳﻖ ﻭﻳﻦ ﺍﻧﻄﻲ ﻭﺟﻬﻲ ﺑﻌﺪﻙ ﺍﻧﻲ ﻣﺨﺎﻳﻔﻪ ﻉ ﺭﻭﺣﻲ ﺑﺲ ﺧﺎﻳﻔﻪ ﻉ ﺍﻟﻄﻔﻞ ﺑﺎﺳﻨﻲ ﺑﻜﺼﺘﻲ ﻭﻛﻠﻲ ﻣﺎﻛﻮ ﺷﻲ ﺍﻥ ﺷﺎﺀ ﺍﻟﻠﻪ ﻛﻠﻲ ﺭﻭﺣﻲ ﺟﻬﺰﻱ ﻧﻔﺴﺞ ﻭﺍﺧﺬﻱ ﻫﺎﻱ ﺍﻟﺤﻠﻮﻳﺎﺕ ﻭﻳﺎﺝ ﻓﻌﻼ ﺑﺪﻟﺖ ﻭﻗﺒﻞ ﻻ ﺍﻃﻠﻊ ﺑﺎﺳﻨﻲ ﺑﺤﻠﻜﻲ ﻛﻠﻲ ﻫﺎﻱ ﺍﻟﻮﺩﺍﻋﻴﻪ ﻭﻳﺎﺝ ﺍﻧﻲ ﺟﻨﺖ ﻣﻌﺘﻘﺪﻩ ﺭﺍﺡ ﻳﺘﺨﻠﻪ ﻋﻨﻲ ﻣﻦ ﺳﻤﻊ ﺣﺎﻣﻞ ﻛﻠﺖ ﺍﻛﻴﺪ ﻫﺎﻱ ﺍﻟﻤﻘﺪﻣﺎﺕ ﻣﺎﻟﺖ ﺍﻟﺤﺠﻲ ﺣﺘﻰ ﻳﻤﻬﺪﻟﻲ ﺍﻟﻄﺮﻳﻖ ﺍﺧﺬﻧﻲ ﻻﻫﻠﻲ ﻗﺒﻞ ﻻ ﺍﻧﺰﻝ ﻛﻠﻲ ﻣﺎﺍﻭﺻﻴﺞ ﻉ ﺍﺑﻨﻲ ﺍﻋﺘﻨﻲ ﺑﻲ ﻓﺘﺢ ﻣﺤﻔﻈﺘﻪ ﻭﺍﻧﻄﺎﻧﻲ 10 ﺍﻭﺭﺍﻕ ﻛﺎﻝ ﻫﺎﻱ ﺧﻠﻴﻬﻦ ﻳﻤﺞ ﺧﺎﻑ ﺗﺮﺣﻴﻦ ﻟﺪﻛﺘﻮﺭﻩ ﺍﻭ ﺗﺤﺘﺎﺟﻴﻬﻦ ﻻﻱ ﺷﻲ ﻛﺘﻠﻪ ﻣﻤﺤﺘﺎﺟﻪ ﺷﻲ ﻭﺍﻟﻠﻪ ﺍﻫﻢ ﺷﻲ ﺭﻭﺡ ﻭﺍﺭﺟﻊ ﺑﺴﻼﻣﻪ ﻟﺘﺰﻋﻠﻴﻨﻲ ﻣﻨﺞ ﻓﺪﻭﻩ ﺍﺧﺬﻳﻬﻦ ﺍﺧﺬﺗﻬﻦ ﻭﺧﻠﻴﺘﻬﻦ ﺑﺎﻟﺠﻨﻄﻪ ﻧﺰﻟﺖ ﻭﻫﻮ ﺭﺍﺡ ﻛﻮﻝ ﺷﻮﻳﻪ ﻭﻳﺘﺼﻞ ﺑﻴﻪ ﻛﻠﻲ ﻋﻨﺪﻱ ﻃﻠﺐ ﻣﻨﺞ ﺍﺩﺧﻠﻲ ﻟﻠﻐﺮﻓﻪ ﻭﻗﻔﻠﻴﻬﺎ ﻋﻠﻴﺞ ﺍﺭﻳﺪ ﺍﺑﻘﻰ ﻣﺘﺼﻞ ﺑﻴﺞ ﻟﻤﻦ ﺍﻭﺻﻞ ﻛﺘﻠﻪ ﻣﻮ ﺯﻳﻦ ﺗﺮﻓﻊ ﺍﻟﺠﻬﺎﺯ ﻭﺍﻧﺖ ﺗﺴﻮﻕ ﻛﻠﻲ ﻻ ﻣﺎﺍﺭﻓﻌﻪ ﺑﻴﺪﻱ بيج قصص عراقيه حقيقيه من واقعنا.روعه الطائي ﻣﺸﻜﻠﻪ ﺑﺎﻟﺴﻴﺎﺭﻩ ﺍﺳﻤﻌﻪ ﻳﺤﺠﻲ ﺑﺎﻋﻠﻰ ﺻﻮﺗﻪ ﺍﺣﺒﺞ ﺍﻣﻮﺕ ﻋﻠﻴﺞ ﺳﺎﻣﺤﻴﻨﻲ ﺯﻭﺑﻪ ﻓﺪﻭﻩ ﺍﺭﻭﺣﻠﺞ ﺳﺎﻣﺤﻴﻨﻲ ﺍﺿﺤﻚ ﻭﻳﺎ ﻛﺘﻠﻪ ﻣﺎﺍﺳﺎﻣﺤﻚ ﺍﻟﻪ ﻟﻤﻦ ﻳﺠﻮﻥ ﺍﻫﻠﻚ ﻟﺞ ﺭﺍﺡ ﺍﺩﺯ ﺍﻟﻌﺸﻴﺮﻩ ﻛﻠﻬﺎ ﻣﻮ ﺑﺲ ﻻﻫﻠﺞ ﻟﺞ ﺍﻧﺖ ﺍﻡ ﻧﻈﻮﺭﻱ ﻭﺣﻴﺎﺗﻲ ﻭﻋﻤﺮﻱ ﻛﻠﻪ ﻓﺠﺄﻩ ﺳﻤﻌﺖ ﺷﺨﻄﺔ ﺳﻴﺎﺭﻩ ﺣﻴﻞ ﻗﻮﻳﻪ ﺳﻤﻌﺘﻪ ﻳﺼﻴﺢ ﺩﺧﻴﻠﻚ ﻳﺎ ﻋﻠﻲ ﻳﺎﻋﻠﻲ ﻭﺍﻧﻘﻄﻊ ﺍﻟﺼﻮﺕ ﺩﻛﻴﺖ ﻳﻄﻠﻊ ﻣﻐﻠﻖ ﺍﺗﺨﺒﻠﺖ ﺍﺗﻬﺴﺘﺮﺕ ﻛﻠﺸﻲ ﻭﻻ ﻳﺼﻴﺮ ﺑﻲ ﺷﻲ ﺍﻧﺘﻬﻲ ﻭﺍﻟﻠﻪ ﻭﻳﻦ ﺍﻧﻄﻲ ﻭﺟﻬﻲ ﺻﺤﻴﺢ ﺍﻧﻲ ﻭﺍﻓﻘﺖ ﺷﻬﺮ ﻭﻧﻄﻠﻚ ﺑﺲ ﻫﺴﻪ ﺍﺧﺘﻠﻒ ﺍﻟﻤﻮﺿﻮﻉ ﺍﻛﻮ ﺭﻭﺡ ﺑﺮﻳﺌﻪ ﺑﺪﺍﺧﻠﻲ ﻣﺴﺘﺤﻴﻞ ﺍﻓﻜﺮ ﺍﻗﺘﻠﻬﺎ ﺑﻘﻴﺖ ﺍﻛﺜﺮ ﻣﻦ ﺳﺎﻋﻪ ﺍﺩﻙ ﻣﻐﻠﻖ ﺑﻌﺪﻳﻦ ﺩﻙ ﻋﻠﻴﻪ ﺣﻴﻞ ﻓﺮﺣﺖ ﻃﻠﻌﻠﻲ ﺷﺨﺺ ﻏﺮﻳﺐ ﻛﻠﺖ ﺍﻟﻮﻭﻭ ﻛﻠﻲ ﺍﻟﻮﻭﻭ ﺍﺧﻲ ﺻﺎﺣﺐ ﻫﺬﺍ ﺍﻟﺮﻗﻢ ﺍﺗﻌﺮﺽ ﻟﺤﺎﺩﺙ ﺧﻄﻴﺮ ﻳﺎﺭﻳﺖ ﺗﺠﻮﻥ ﺑﻤﺴﺘﺸﻔﻰ ﺍﻟﻔﻼﻧﻲ ﺍﺗﺨﺒﻠﺖ ﻭﻛﻊ ﺍﻟﺠﻬﺎﺯ ﻣﻦ ﺍﻳﺪﻱ ﻃﺒﻜﺘﻪ ﻣﻨﻪ ﻻﻥ ﻣﺎﺍﻋﺮﻑ ﺷﺎﻛﻮﻝ ﻛﻤﺖ ﺍﺑﺠﻲ ﺍﻛﻮﻝ ﻟﻴﺶ ﻫﻴﺞ ﺣﻀﻲ ﻟﻤﻦ ﺻﺎﺭ ﺯﻳﻦ ﻭﻳﺎﻳﻪ ﻭﺭﺍﺩ ﻳﻌﻠﻦ ﺯﻭﺍﺟﻨﻪ ﻫﻴﺞ ﻳﺼﻴﺮ ﺑﻴﻨﻪ ﺟﺴﻤﻲ ﻛﺎﻡ ﻳﺮﺟﻒ ﺍﺑﺎﻭﻉ ﺍﻟﺴﺎﻋﻪ ﺏ ﺏ 10 ﻭﻧﺺ ﺑﺎﻟﻠﻴﻞ ﺣﺮﺕ ﺷﺎﺳﻮﻱ ﺑﻄﻨﻲ ﻛﺎﻣﺖ ﺗﻮﺟﻌﻨﻲ ﻋﺒﺎﻟﻚ ﺍﻟﻄﻔﻞ ﻳﺤﺲ ﺍﻛﻮ ﺷﻲ ﺑﺎﺑﻮ ﺑﻘﻴﺖ ﺍﻓﺘﺮ ﻣﻨﺎ ﻭﺍﺭﺟﻊ ﻣﻨﺎ ﺑﺪﻳﺖ ﺍﺗﺼﻞ ﺑﺎﻟﺮﻗﻢ ﺑﺎﻟﺒﺪﺍﻳﻪ ﻣﻐﻠﻖ ﺑﻌﺪﻫﺎ ﻟﻮ ﻣﻴﺠﺎﻭﺏ ﺍﺣﺪ ﻟﻮ ﻳﻨﻄﻮﻧﻲ ﺭﻓﺾ ﺑﻘﻴﺖ ﺍﻟﺢ ﻋﻠﻴﻬﻢ ﻟﻤﻦ ﻧﺮﻓﻊ ﺧﻂ ﻭﺟﺎﻥ ﻳﺠﻴﻨﻲ ﺻﻮﺕ ﺧﺸﻦ ﺣﻴﻞ ﺧﻔﺖ ﻣﻦ ﻧﺒﺮﺗﻪ ﻣﻜﺪﺭﺕ ﺍﺣﺠﻲ ﺧﻔﺖ ﺣﻴﻞ ﻃﺒﻜﻪ ﺑﻌﺪﻳﻦ ﺑﻌﺪﻫﺎ ﺍﺗﺼﻠﺖ ﻛﻮﻩ ﺍﺗﻤﺎﻟﻜﺖ ﻧﻔﺴﻲ ﻭﺟﺎﻭﺑﺖ ﻛﻠﻲ ﺑﺎﻟﻌﻨﺎﻳﻪ ﻭﺳﺎﻟﻨﻲ ﺷﻤﺪﻳﺞ ﻭﻣﻨﻮ ﺍﻧﺖ ﺣﺮﺕ ﺷﺎﻛﻮﻟﻪ ﺑﻌﺪﻳﻦ ﻛﺘﻠﻪ ﻣﻮﺿﻔﻪ ﺍﺩﺭﻱ ﺑﻲ ﻣﻤﺼﺪﻛﻨﻲ ﺑﺲ ﻣﻮ ﻣﻬﻢ ﺑﻘﻴﺖ ﻟﻠﺼﺒﺢ ﺍﺩﻙ ﻭﺍﻃﻤﺎﻥ ﻋﻠﻲ ﻟﻤﻦ ﺍﺧﺮ ﺷﻲ ﺑﻌﺪ ﻣﺤﺪ ﻳﺠﺎﻭﺏ ﺣﻴﻞ ﻗﻠﻘﺖ ﻭﺑﻄﻨﻲ ﻛﺎﻡ ﺗﻮﺟﻌﻨﻲ ﻭﻛﻠﺒﻲ ﻧﻐﺰﻧﻲ ﻋﺮﻓﺖ ﺍﻛﻮ ﺷﻲ ﺍﺧﺮ ﺷﻲ ﺭﺩﻭﺍ ﻋﻠﻴﻪ ﻭﺟﺎﻥ ﻧﻔﺲ ﺍﻟﺼﻮﺕ ﻳﺠﻴﻨﻲ ﺑﺲ ﻫﺎﻟﻤﺮﻩ ﺑﺠﻲ ﻭﻳﺎ ﻭﺟﺎﻥ ﻳﻜﻮﻝ ﻣﺎﺕ ﻣﺮﻭﺍﻥ ﺍﺗﺨﺒﻠﺖ ﺧﺒﺎﻝ ﺩﻣﻮﻋﻲ ﺗﺠﺮﻱ ﺍﻧﻬﺎﺭ ﺣﻴﺮﻩ ﺷﺎﺳﻮﻱ ﻭﺍﻟﻤﺸﻜﻠﻪ ﻣﺎﻋﻨﺪﻱ ﺍﻱ ﺩﻟﻴﻞ ﻣﺮﻭﺍﻥ ﺯﻭﺟﻲ ﻳﺎﺭﺑﻲ ﺍﻧﻲ ﺷﺴﻮﻳﺖ ﺑﻨﻔﺴﻲ ﺧﺴﺮﺕ ﺍﺧﻮﻳﻪ ﻭﺧﺴﺮﺕ ﻧﻔﺴﻲ ﻭﻫﺴﻪ ﺧﺴﺮﺕ ﻣﺮﻭﺍﻥ ﺑﻘﻴﺖ ﺑﻔﺮﺍﺷﻲ ﻟﻠﺼﺒﺢ ﺍﻟﻴﻮﻡ ﺟﻤﻌﻪ ﻭﻻﺯﻡ ﻧﺮﻭﺡ ﻟﻠﻨﺠﻒ ﺍﺟﻨﻲ ﺍﻟﺒﻨﺎﺕ ﻛﺘﻠﻬﻦ ﻣﺎﺍﻛﺪﺭ ﺍﺭﻭﺡ ﻧﻌﺴﺎﻧﻪ ﻭﺗﻌﺒﺎﻧﻪ ﺍﺟﻮﻱ ﻣﺎﻣﺎ ﻭﺑﺎﺑﺎ ﻳﻄﻤﻨﻮﻥ ﻋﻠﻴﻪ ﻛﺘﻠﻬﻢ ﻣﺎﺑﻴﻪ ﺷﻲ ﺑﺲ ﻧﻌﺴﺎﻧﻪ ﻋﺎﻓﻮﻧﻲ ﻭﺭﺍﺣﻮ ﻟﻠﻨﺠﻒ ﺑﻘﻴﺖ ﻉ ﻛﻌﺪﺗﻲ ﻝ 12 ﺍﻟﻈﻬﺮ ﻣﺎﺑﻴﻪ ﺣﻴﻞ ﺍﻛﻮﻡ ﺑﺲ ﻣﺎﻧﺎﻳﻤﻪ ﺍﺑﺪ ﻋﻴﻮﻧﻲ ﻭﺭﻣﺖ ﻣﻦ ﺍﻟﺒﺠﻲ ﺷﺎﻳﻠﻪ ﻫﻢ ﺷﻠﻮﻥ ﺍﻃﻠﻊ ﻛﺪﺍﻡ ﺍﻫﻠﻲ ﻫﻴﺞ ﺍﺫﺍ ﺍﺟﻮﻱ ﻟﻠﻌﺼﺮ ﺍﺟﻮﻱ ﺍﻫﻠﻲ ﺍﺟﺘﻲ ﺍﺧﺘﻲ ﻛﻌﺪﺗﻨﻲ ﻋﺒﺎﻟﻬﺎ ﻧﺎﻳﻤﻪ ﻛﺘﻠﻬﺎ ﻫﺴﻪ ﺍﻧﺰﻝ ﺩﺧﻠﺖ ﻟﻠﺤﻤﺎﻡ ﻭﺑﻘﻴﺖ ﺟﻮﻩ ﺍﻟﺪﻭﺵ ﺍﻛﺜﺮ ﻣﻦ ﺳﺎﻋﻪ ﺑﺪﻭﻥ ﻣﺎﺍﺣﺮﻙ ﺷﻲ ﺑﻴﻪ ﺑﻌﺪﻳﻦ ﻛﻠﺖ ﻻﺯﻡ ﺍﺗﻤﺎﻟﻚ ﻛﺪﺍﻡ ﺍﻫﻠﻲ ﺑﺎﺑﺎ ﺻﺤﻴﺢ ﻫﺎﺩﺉ ﻭﻳﺤﺒﻨﻪ ﻭﻳﻤﻮﺕ ﻋﻠﻴﻨﻪ ﺑﺲ ﺍﻧﻲ ﻣﺘﺎﻛﺪﻩ ﺍﺫﺍ ﺣﺲ ﺑﻴﻪ ﻳﻜﺘﻠﻨﻲ ﻧﻬﺎﺋﻲ ﻻﻥ ﻛﻮﻟﺸﻲ ﻭﻻ ﺍﻟﺸﺮﻑ ﺩﺍﺋﻤﺎ ﺟﺎﻥ ﻳﺤﺠﻲ ﻭﻳﺎﻧﻪ ﺍﻧﻲ ﻭﺍﺧﻮﺍﺗﻲ ﻭﻳﻨﺼﺤﻨﻪ ﻛﻤﻠﺖ ﻭﻧﺰﻟﺖ ﺳﺎﻟﻮﻧﻲ ﻉ ﻋﻴﻮﻧﻲ ﺷﺒﻴﻬﻦ ﻛﺘﻠﻬﻢ ﺳﻤﻌﺖ ﺍﻟﻤﺪﻳﺮ ﻣﺎﻟﺘﻨﻪ ﻣﺘﻮﻓﻲ ﻭﺿﺠﺖ ﻋﻠﻲ ﻻﻥ ﺟﺎﻥ ﺍﻧﺴﺎﻥ ﺣﺒﺎﺏ ﻭﺳﺎﻋﺪﻧﻪ ﻛﺎﻝ ﺑﺎﺑﺎ ﺧﻄﻴﻪ ﻫﻢ ﺷﺎﺏ ﺍﻟﻠﻪ ﻳﺴﺎﻋﺪ ﺍﻫﻠﻪ ﻛﻠﻲ ﻻﺯﻡ ﺍﺭﻭﺡ ﻟﻠﻔﺎﺗﺤﻪ ﺍﺳﺎﻟﻲ ﻭﻳﻦ ﺑﻴﺎﺟﺎﻣﻊ ﻻﻥ ﻣﻮﻗﻔﻪ ﻣﺎﻧﻨﺴﺎﻩ ﺍﺑﺪ ﻛﺘﻠﻪ ﻣﻮ ﺑﻤﺤﺎﻓﻈﺘﻨﻪ ﺍﻫﻠﻪ ﺑﻐﻴﺮ ﻣﺤﺎﻓﻈﻪ ﻛﻠﻲ ﻟﻌﺪ ﺧﻠﻴﻬﺎ ﻣﺎﺍﻛﺪﺭ ﺍﺳﺎﻓﺮ ﮔﻠﻲ ﻭﺍﻟﻔﻠﻮﺱ ﺷﻠﻮﻥ ﺭﺍﺡ ﻧﻜﺪﺭ ﻧﺮﺟﻌﻬﻦ ﻛﺘﻠﻪ ﺍﻟﻠﻪ ﻛﺮﻳﻢ ﺧﻞ ﻧﺸﻮﻑ ﺑﻌﺪﻳﻦ ﻛﻌﺪﺕ ﺍﺟﺎﻣﻠﻬﻢ ﺑﺎﻻﻛﻞ ﺍﺧﺎﻑ ﻳﺸﻜﻮﻥ ﺍﺗﺬﻛﺮ ﺍﻟﺤﺠﻲ ﻣﺎﻟﺘﻪ ﺷﻠﻮﻥ ﻳﻌﻠﻢ ﺑﻨﻔﺴﻪ ﺭﺍﺡ ﻳﻤﻮﺕ ﺿﺠﺖ ﺣﻴﻞ ﻋﻠﻲ ﺧﻄﻴﻪ ﻣﻬﻤﺎ ﻳﻜﻮﻥ ﻳﻌﺘﺒﺮ ﺍﺑﻮ ﺍﺑﻨﻲ ﻭﻭﺍﻋﺪﻧﻲ ﺭﺍﺡ ﻳﻌﻠﻦ ﺯﻭﺍﺟﻨﻪ ﺑﺲ ﺷﺎﺀ ﺍﻟﻘﺪﺭ ﻭﻳﻤﻮﺕ ﻗﺒﻞ ﻻﺍﺣﺪ ﻳﻌﺮﻑ ﺍﻟﻤﻮﺿﻮﻉ ﺑﻘﻴﺖ ﺟﻤﻌﻪ ﻭﺳﺒﺖ ﺍﻣﻮﺭﻱ ﺣﻴﻞ ﻣﺘﺨﺮﺑﻄﻪ ﻭﻋﻨﺪﻱ ﺩﻭﺧﻪ ﻭﻣﺮﺍﺕ ﺍﺫﺏ ﻣﻦ ﺭﺍﺳﻲ ﻳﻮﻡ ﺍﻻﺣﺪ ﺩﺍﻭﻣﻨﻪ ﻭﺟﺎﻧﻮﺍ ﺍﻟﻤﻮﺿﻔﻴﻦ ﻛﻠﻬﻢ ﻣﺘﺎﺛﺮﻳﻦ ﺳﻤﻌﻨﻪ ﻛﺎﻟﻮ ﺍﺣﺘﻤﺎﻝ ﺍﻟﺸﺮﻛﻪ ﺗﻨﺒﺎﻉ ﺣﺎﻳﺮﻩ ﺷﺎﺳﻮﻱ ﻭﺷﺎﺗﺼﺮﻑ ﻭﺍﻟﻮﻗﺖ ﻛﺎﻋﺪ ﻳﻤﺮ ﺍﺧﺎﻑ ﻳﺒﻴﻦ ﺑﻴﻪ ﺍﻟﺤﻤﻞ ﺑﻌﺪ ﻣﺮﻭﺭ 10 ﺍﻳﺎﻡ ﻗﺮﺭﺕ ﺍﺟﺎﺯﻑ ﺑﺨﻄﻮﻩ ﻛﻠﺶ ﺻﻌﺒﻪ ﻭﺟﺮﻳﺌﻪ ﺑﻨﻔﺲ ﺍﻟﻮﻗﺖ ﻣﺴﺘﺤﻴﻞ ﺍﻧﺰﻟﻪ ﻟﻠﻄﻔﻞ ﻣﻬﻤﺎ ﻛﻠﻔﻨﻲ ﺍﻟﺜﻤﻦ ﻣﺎﻋﻨﺪﻱ ﻭﺳﻴﻠﻪ ﻏﻴﺮ ﺍﻟﺘﻮﺳﻞ ﺑﻤﻮﻻﺗﻲ ﻓﺎﻃﻤﺔ ﺍﻟﺰﻫﺮﺍﺀ ﻫﻲ ﺍﻟﻮﺣﻴﺪﻩ ﺍﻟﻲ ﺍﻃﻠﻌﻨﻲ ﻣﻦ ﻫﺎﻱ ﺍﻟﻤﺤﻨﻪ ﺑﺎﻻﺧﻴﺮ ﻗﺮﺭﺕ ﻗﺮﺍﺭ ﻫﻢ ﺭﺍﺡ ﻳﻜﻮﻥ ﺻﻌﺐ ﻋﻠﻴﻪ ﺑﺲ ﻣﺠﺒﻮﺭﻩ ........ ﺗﻮﻗﻌﺎﺗﻜﻢ ﺣﺒﺎﻳﺐ ﺷﻘﺮﺭﺕ ﺯﻳﻨﺐ ﻭﻫﻞ ﻳﺎﺗﺮﻯ ﺭﺍﺡ ﺗﻨﺤﻞ ﻣﺸﻜﻠﺘﻬﺎ ﻟﻮ ﻻ ﺭﺍﺡ ﺗﺼﻌﺐ ﺍﻻﻣﻮﺭ ﻭﺗﺘﻌﻘﺪ ﺍﻛﺜﺮ ﺣﺒﺎﻳﺒﻲ ﻟﺘﻨﺴﻮﻥ ﺍﻟﺘﺼﻮﻳﺖ ﺑﺎﻟﻨﻬﺎﻳﻪ ﻭﺑﺎﺟﺮ ﻣﺮﺍﺡ ﻳﻨﺰﻝ ﺍﻟﺒﺎﺭﺕ ﻉ ﺍﻟﻤﻮﻋﺪ ﺍﺣﺘﻤﺎﻝ ﺟﺒﻴﺮ ﺍﺭﻭﺡ ﻟﻠﻨﺠﻒ ﺍﻥ ﺷﺎﺀ ﺍﻟﻠﻪ ﺍﺯﻭﺭ ﻭﺍﺩﻋﻴﻠﻜﻢ ﺷﻮﻛﺖ ﻣﺎﺍﺭﺟﻊ ﺍﻧﺰﻟﻪ ﻟﻠﺒﺎﺭﺕ ﺣﺘﻠﻮﺍ ﺏ 12 ﺑﺎﻟﻠﻴﻞ ﺍﻛﻴﺪ ﺍﻧﺰﻝ ﺑﺲ ﺍﻟﻮﻗﺖ ﻣﻤﻌﻠﻮﻡ ﻟﺘﻜﻠﻮﻟﻲ ﻭﻳﻦ ﺍﻟﺒﺎﺭﺕ ﺍﺗﺎﺧﺮﺗﻲ ﺗﺤﻴﺎﺗﻲ ﻟﻠﺠﻤﻴﻊ ️❣️❣️❣😘😘 | ||||||||
|
| |
|
08-08-19, 02:44 AM
| #6 | ||||||||
| مراقبة عامة ومشرفة منتدى الروايات المنقولة
| #بين_الفقر_والطغيان القصه تتحدث عن فتاة جميله تجبرها الحياة ان تترك دراستها وتعمل سكرتيره في شركه اهليه لكن الظروف تجبرها ان تتزوج بالسر من مديرها بسبب الفقر وحاجتها للمال لكن هل ياترى تنكشف الاسرار ام تبقى مخبأه ام هناك مفاجئات بالانتظار user19194545 مساء الخير ع اجمل متابعين اتمنى لكم قراءه ممتعه 🌹🦋 البارت 5 🦋🌹 🌹🦋 بين الفقر والطغيان 🦋🌹 🌹🦋 للكاتبه رونق 🦋🌹 قررت لازم التجأ لاهله واحاول احجي وي احد اخوته لازم يساعدوني لاجل الطفل الي ابطني ادري هاي الخطوه راح تكون اصعب شي بحياتي بس لازم اجازف قررت اخابر ع نفس رقم مروان واي احد يطلعلي احجي ويا انتظرت لليل ودكيت لازم اضحي بعد بس هالمره لخاطر ابني الي ابطني اول تضحيه لخاطر اخويه ودفعت الثمن غالي وهسه التضحيه لخاطر ابني واكيد راح ادفع الثمن اغلى اني متاكده بس مو مهم حيدر : البيت اجوائه متنطاق ابد الكول حزنان ونشعر بذنب جبير لان لحينه علي وخلينا يجي زوجته راحت لاهلها لان ميصير تبقه ويانه لازم تلزم عده مثل مكالت امي ابويه الصغط علك ويا واخذنا للدكتور اما نبع الحنان هاي قصه بوحدها موتتنه موت تبجي ليل نهار ابد متسكت نسيت مسالت وصية مروان الله يرحمه ابني امانه كلت يجوز مايدري بنفسه قررنه الشركه نغلقها لان محد من عدنه يكدر يديرها لازم نبيعها ونصفيها بعد مرور 10 ايام او اكثر جنت ابيتي نايم بوحدي وجهازه لمروان بيدي اكلب بي بي هواي ارقام لبنات كلبت بصفحته وبالماسنجر جهازه بي برنامج الحسابين اونلاين فتحت الحساب الثاني مسوي حساب بنيه بس ممراسل بي ولاداخل كروبات الواضح علي مسوي حساب بنيه بس ع مود شخص معين ثار انتباهي اكو بس بنيه مقفوله المحادثه مالتهم يعني متنفتح اله برمز جربت هواي ارقام بس فشلت احس اكو غموض بمروان هواي بس معرفت شي عنه صارت الساعه ب12 ردت انام لان عندي دوام دك الجهاز وجان الرقم نفس البنيه الي كاتب عليها سيوفي ماادري ليش احساسي يكولي هاي البنيه مو خاليه لازم اكو سر بينها وبين مروان لان مستحيل موضفه وتذبح نفسها هيج رفعت خط كلت الوووو ...... ماكو صوت !!!!!!!!!! صحت الووووووو مره لخ ......... هم ماكو صوت !!!!!!!!! اذا مناويه تحجين لوين تتصلين بيه تره مالي خلك سوالفج التعبانه طبكته وره شويه دكت مره لخ رفعت خط الوووووو ...... هم ماكو صوت اللهم صبرج ياروح لو تحجين لو بعد لتتصلين بيه كلت اكيد تريد تنسق ويايه بس اني مالي خلك ابد ردت اطبكه وجان يجيني نفس الصوت الناعم كالت الووووو صلوات من حجيتي عبالي خرسه اني اسفه اتصلت بيك بهيج وقت لا عادي بعدني منايم اتفضلي اكو شي عندي موضوع وياك يخصني ويخص مروان كعدت ع حيلي احجي اسمعج اني قبل لااحجي اريدك تسمعني للاخير ومطبكه للخط مهما يصير اي احجي اسمعج وياريت تستعجلين اني زوجته لمروان شنوووووووووو لج شكاعد تحجين اكيد دتجذبين مو كتلك اسمعني للاخير صارنه شهرين متزوجين بس بالسر اهلي ميدرون ولا انتو تدرون شنو معنى هذا الحجي هسه جايه تحجين شنو التردي مني ان شاء الله تردين اتزوجج واسترج لا مو هيج قصدي لعد شنو قصدج اني حامل هستوني من اخوك لج اسمعي هاي السوالف التعبانه مارات عليه كلهن هاي كلجن ساقطات وتنامن وي شكم واحد وياهو الي يعجبجن وعنده فلوس تذبن بلاويجن بي خلي اطمنج بشغله مروان الله يرحمه مايصير عنده جهال وعندي الادله تحاليله ادري هم كلي بس هو كلي اكو احتمال وضعيف وهذا الاحتمال الضعيف خلاني حامل حيل عصبت وضجت لج انت شنو هم ساقطه وهم وكحه يعني شلون لان مات تردين تتبلين علي لاوالله ابد مااتبله علي واني زوجته ع سنة الله ورسوله وواعدني يفاتحكم بالموضوع بس بيومها انتو خابرتو واجاكم وصار الحادث زين انت تدرين بي متزوج اي ادري لعد شلون وافقتي تتزوجينه بالسر عندي ظروفي الخاصه اكو دليل عندج يثبت زواجج منه لا العقد عنده ضامه لج بابا شوفيلج زوج واضحكي علي اني ضابط تحقيق واعرف هاي الكلاوات كلهن والنبي مدا اكذب زين هم راح اجي وياج اكو دليل هذا الطفل الي ابطنج من مروان هاي ليش كاعد تقلل من قيمتي هاي الفقير عندكم رخيص لهالدرجه ماعندي اي دليل بس اقسملك قسم بالقران هذا ابنه لاخوك الي ابطني وتكدر تتاكد من اولده حللوا وشوفوا زين اهلج يدرون بيج لو لا هي هاي المشكله لو اهلي يدرون جان مخابرتك وذليت نفسي جان ولدته وربيته بوحدي لعد شكد شريفه انت سكتت محجت شي زين المطلوب شنو رايده منكم تسترون عليه شلون يعني اريد احد يخطبني بالجذب من اهلي وع اساس نتزوج خلوني يمكم ع مااجيب طفلي ارجع لاهلي واكول اطلكت لج شنو من تفكير تفكيرج انت تصلحين بالبرلمان لان عليج افكار جهنميه شنو يعني قشمرتي ع واحد مكفاج ناويه تقشمرين الثاني لو تموتين مانعترف بابنج ولا نعترف بيج ك زوجه لاخويه لان ماكو اي دليل يثبت انت زوجته لو الي ابطنج ابنه عندج نسخه من العقد لا ماعندي لعد روحي شوفيلج زوج وكمش غيرنه واضحكي علي طبكته بوجها ساقطه بنت الساقطين عبالها تعبرها علينه مستحيل يتزوج بالسر يكدر يتزوج علني محد يمنعه ابد ماكو سبب واحد يخلي يتزوج بالسر مااعرف شنو السبب الي يخليني مبقي جهازه المروان مفتوح كلت خلي اقفله للجهاز واكيد راح تمل وتشوفلها واحد غيرنه تلعب عليهم نمت وثاني يوم داومت طبعا وصيته لمروان نسيتها ولا اجت ابالي مشت الايام عادي مصار شي وره 3 ايام كلت خلي افتحه للجهاز مااعرف شنو الخلاني افتحه لكيت رسائل من نفس الرقم كاتبه الله يخليك استر عليه لا يحسون بيه اهلي ويكتلوني وانت راح تتحمل خطيتنه لان والقران وداعت الي ابطني اني زوجته لمروان ع سنة الله ورسوله وهذا ابنه ومن عرف بيه حامل راد يفاتحكم بالموضوع بس شاء القدر واتوفه بالطريق الله يخليكم شوفولي حل مو لخاطري اني لخاطر ابنكم مااكدر اضحي بي واسقطه للطفل حرام عليه ووصاني هواي بي حتى الاسم هو سماه قبل ليموت احسبوني خدامه لمن اجيب ومو اله لمن اجيب فد شهرين لو 3 اشهر وارجع لاهلي واكول زعلانه فدوه لخاطر هذا الطفل والله الايام كاعد تفوت واخاف اهلي يحسون بالحمل دخت بيها هاي السالفه حتى اذا صدك زوجته منو يكول الطفل منه لان هاي البنيه اكيد مو شريفه لو شريفه مجانت اتزوجت بالسر بدون علم اهلها ماادري دخت وره شويه دزتلي رساله والله مستعده اي شي انفذه الكم بس كون تسترون عليه الله عليك سويلي شي دزيتلها اسالج سؤال لمن اتزوجتي بالسر متوقعتي يعوفج يموت لو يرجع لاهله شلون وافقتي طبعا هاي لو كبالي اله اخلي طلقه براسها لهاي العار الظروف جبرتني هههه هاي الكلاوات متعبر عليه يابه اني الكدامج مو طفل وتضحكين علي اعرف كلاواتكم كلش زين سكتت يابه اجيبها الج من الاخير لو تموتين مانعترف بيج لا انت ولا ابنج الله موجود هو الي راح يطلعني من هاي المصيبه واني الظاهر هواي اتنازلت لخاطر الطفل بس لهنا وكافي خطيتي وخطيت ابني بركبتك من صدك نرفزتني بهذا حجيها دزيتلها دولي عار لو بيج خير مااتزوجتي بالسر مجاوبت بعد ردت انام مااكدر معقوله يطلع ابنه لمروان من صدك بعدين صدفه اجه ابالي من مروان يحتظر قبل ليموت من لزم ايدي وكلي ابني امانه لعد اني شكد غبي نسيت بس هم مو اكيد ابنه هي احتمال وهمته ع اساس ابنه اني لو ما رايح وسامع الدكتور شكال علي جان صدكت هذا ابنه بس هواي اطباء اكدوا ميصير عنده جهال لازم اناقش الموضوع وي اهلي واشوفلي حل ثاني يوم من رجعت من الدوام حجيت وي ابويه وامي وفهمتهم السالفه طبعا همه شكوا مثلي بالموضوع ومستحيل انصدك هذا ابنه بس ابويه كال لازم انفذ وصيت اخوك اذا جان ابنه او لا مدام وصاك لازم نستر ع البنيه ولتنسون بيها اجر وثواب ستر البنيه امي كالت ميصير تتزوج احد اله لمن تجيب جان زوجناك منها اني انفعلت حيل كتلها مستحيل اتزوجها لهاي الساقطه اذا اهلها الي ربوها خانتهم واتزوجت بدون علمهم لعد اني شراح تسوي بيه كالت امي احسن حل نجيبها للبنيه وع اساس زوجتك كدام اهلها ومن تجيب تروح تزعل عند اهلها وبعدها ع اساس اطلكها لان لازم تلزم عده لمن تجيب كللها ابويه شلون يعني يعني ممنوع رجال يشوفها او يحجي وياها ابد لمن تجيب مدام مراح اتزوجها عادي ماكو مشكله وعود خلي تجيب اذا ثبت ابنه لمروان ناخذه منها واذا لا نضربها جلاق هي وابنها بعدين كال ابويه شلون راح نقنع اهلها ونجيبها بدون عقد كدامهم كتله يابه هاي السالفه عوفها عليه كلت بالليل اتواصل وياها واشوف حل راح ادوخ بهذا الموضوع هواي مااعرف شلون راح نقنع اهلها لازم نجيبها النه بدون عقد لان ميجوز العقد راح يكون باطل فمااعرف شلون راح ارهمه للموضوع انتظرت لليل حتى اراسلها دزيتلها هلووووو منقرت الرساله وره نص ساعه انقرت بس ماكو جواب دزيتلها رساله بعدج عدله لو اهلج كتلوج وطمو عارج هم انقرت بس ماكو جواب مااعرف ليش مدتجاوبني دزيتلها جاوبي عندي موضوع وياج ظروري هم ماكو جواب استغربت شنو السالفه حيل ضجت شنو معناها هذا التجاهل دكيت عليها كلت اخر مره انطته رفض دزيتلها لازم لكيتي البديل وراح تضحكين علي واتذبين بلاويج علي باللحضه اجاني الرد ماكو داعي للسخريه ياريت تمسحه لرقمي وبعد ماتزعجني ابد وانسه اجيتك وطلبت منك مساعده اني عندي حل راح يريحني منك ومن امثالك الي تحكمون ع الشخص بدون دليل وشنو هذا الحل ممكن اعرفه هذا الشي خاص بيه ماالك علاقه بيه لا الي علاقه بيج منا لمن تولدين وراح نتاكد من الطفل هل هو ابن اخويه لو لا وهسه تسمعيني ومتقاطعيني ابد اني وافقت راح اجيبج اخليج يمنه بس بشروط اول شي لازم تلزمين عده يعني ممنوع اي رجل يشوفج لمن تجيبين يله تخلص العده وثانيه وبعد ممنوع اطلعين من باب الغرفه مالتج الي راح نخصصها الج وثالث شي ممنوع تحاولين تغرين شخص من عدنه وتقشمرينه مثل مقشمرتي اخويه واخيرا لازم تفكرين بحل لاهلج شلون راح نقنعهم ع اساس اتزوجج اني بس بدون هوسه ولا عقد يمكم لازم نكللهم عدنه بمحافضتنه وهسه كولي اكو اعتراض ع شي لا ماكو اعتراض وبالنسبه لاهلي بسيطه مروان الله يرحمه انطاني 15 مليون مقابل الزواج انطيتهن لاهلي وكتلهم سلفه انطانياها تف عليج وع هيج تربيه يعني بعتي شرفج ب15 مليون والعتب ع اهلج شلون ثقوا بيج وصدكوج ياريت متحكم عليه عندي ظروف جبرتني اسوي هيج مو مهم كملي راح يجون اهلك ويكولون بمكان الفلوس نتزوج بنتكم ولازم سكتاوي لان هستوه ميت ابنه واذا ماوافقوا اني راح اقنعهم لان ماعدنه نرجعلكم الفلوس والله يعمي احييج ع هذا تفكيرج الجهنمي انت المفروض يخلونج وي الدواعش لان تخطيطج جهنمي مجاوبت شي اني هم سكتت ثاني يوم دزتلي كالت اتفقت وي اهلي ووافقوا بيوم الي يجون اهلك اروح وياهم جاوبتها لعد شكد مستعجله واهلج اكيد ماعولوا يخلصون منج ومصدكو اجاهم ضابط مو مسالت مستعجله بس مو من صالحي التاخير اخاف يبين بيه الحمل لعد يوم الجمعه ادز امي وابويه بس دزيلي العنوان بقيت افكر معقوله ع مود شكم فلس باعت اهلها وقبلت تزوج بالسر طبعا رحت صفيت الشركه وصرفت رواتب وبعتها كلفنه محامي رحت للبيت مالته الله يرحمه كعدت اكلب بالبيت اريد دليل ع زواجهم دخلت للغرفه فتحت الكنتور لكيته كله ملابس نوم اكيد مقشمرته بهاي السوالف عنده قاصه حاولت افتحها ابد منفتحت لان ارقام سريه بيها جبت واحد حاول يفتحها بس مكدر بعدين اجه ابالي اخابر البنيه الي متزوجها اتصلت بيها بس تنطيني رفض دزتلي مااكدر احجي اكتب اهلي يمي اريد اسمج ومواليدج فكرت كلت بلكي مخلي الاحرف مالت اسمها او مواليدها دزتلي لويش شناوي تسوي ماالج علاقه دزيهن بسرعه فعلا دزتلي زينب ومواليدها 8/2/1996 حيل ضجت يعني بعدهي بعمر الورد وهيج مسويه لعد اذا كبرت شتسوي دخلت الاسم ماكو دخلت بس سنة ميلادها ماكو دخلت المواليد كامله هم ماكو دخلت الشهر واليوم والاسم سويه هم ماكو بيومها اتاخرت اظطريت ابات بالليل طلعت اتعشيت ورجعت بعدين راسلتها كلتلها انطيني تاريخ العقد دزته اليه فعلا اول مدخلته فتحت القاصه واخيرا فتحتها لكيت العقد مالتهم يعني صدك متزوجين مو جذب بس اكيد مراح احجي شي كدام اهلي لان فقره واكيد راح يصدكون الطفل منه واني بيدي اخذته ورحت لتركيا للدكتور كال نسبه ضئيله يصير عنده طفل زينب : اتصلت بي راسا رفع خط بس مكدرت احجي ماعندي الشجاعه الكافيه بعدها طبكه بوجهي لازم اتشجع واحجي ادري صعبه كلش عليه بس مجبوره شاسوي مره ثانيه خابرت كوه حجيت وخجلانه بس هو حيل جرحني بكلامه ومتصورني ساقطه وجاي اقشمر علي مايدري اني لو ما الطفل الي ابطني لو يموت مااتصل بي اخر شي طبكه بوجهي ماصدكني الدنيه ضاكت بوجهي حيل حرت شاسوي والايام كاعد تركض ركض مااعرف شضاملي الزمن بعد اهلي بدوا يشكون بتصرفاتي من يسالوني اكلهم ع الفلوس شلون اذا داعونه اهله بيهن بابا يكول الله كريم بنيتي بعدين راسلني بالبدايه مجاوبته ادري بي بس يريد يجرحني بعدين حيل اذاني من كلي لازم لكيتيلج واحد تتبلين علي جاوبته واتفق وياي راح يجون اهله بقت مشكلة اهلي لازم اقنعهم حجيت وي ماما كتلها الشركه انحلت ولازم ندبر الفلوس منين نجيبهن كالت غير متفقين كل شهر 500 ماما منين نجيب كل شهر 500 واحنه يادوب ملحكين ع العيشه كالت شنو الحل لعد كتلها ماما راح اتزوج اخو للمدير ماما اتخبلت كالت مستحيل اوافق لج راح يذلوج وراح ميحسبونج انسانه يحسبونج حالج حال الفصليه لا ماما احنه بيازمن قابل راح زمن الفصليه كالت ماما مااوافق لو شيصير كتلها ماما حالتهم زينه بلكي يخلوني اكمل دراسه وراح ارتاح وياهم واكيد بس يعرفون ظروفي راح يقدرون موقفي تعبتني حيل رافضه بعين اجه بابا وحجيتله السالفه بالبدايه رفض همين بعدين قنعته كتله بابا اني موافقه ناس مثقفين وناس واصلين راح ارتاح وياهم اكيد وبنفس الوقت راح نخلص من الدين بابا هم ع كلبنه الدين راح انستر واتزوج احسن ماابقه مدة سنتين اشتغل واعرض نفسي لليسوه والي ميسوه كوه اقتنع بابا وبعدين اقتنعت ماما بس مو برضاتها اكيد كتلها ماما لازم اروح وياهم سكتاوي لان اخويه هستوه متوفي وهمه ابنهم همين زين بابا شلون عرفتي راح يجون عليج همه اتصلو بيه وطلبوا الفلوس كتلهم ماعندي كلولي بالاقترح بابا كلي لا لازم العقد امامي كتله بابا الامامك والا لا قابل احنه راح يهمني الحاضر والغايب وعدهم ظروف اكيد الي تخليهم هيج يسوون طلبت من ماما اروح للسوك اشتري ملابس لان ممعقوله ابقه بذني ملابسي كدامهم لان لبسي كله قصير وتراكات وبرموده رحنه اني وماما صرفت الاوراق سالتني منيلج كتله انطانياهن مكافئه لان اداوم اضافي جبت ملابس ردن ماجبت تراكات ابد ولا جبت قصير وكلهن ملابس اسود ماما استغربت كلتلي لازم تشترين ملابس نوم رفضت كتلها ماما اني حزينه وهمه هم حزانه عود اذا جبروني ذاك الوقت اخليهم همه يشترولي ماما كلتلي كلبي حاسني اكو غلط بالموضوع حاولت ويايه تعرف الموضوع بس اني جنت ملتزمه الصمت زين ماما شلون كاعد يتواصلون وياج ومنين جابو رقمج كتلها مو بالوصولات مكتوب معلومات كامله عني والمبلغ الي ماخذته والرقم وواحد من اخوته هو الي اتواصل ويايه وانت ياماما شلون تقبلين تتواصلين وي الغربه ماما شجابرك ع المر غير الامر منه مجبوره اتواصل وياهم هاي الفتره الي راحت ابويه كاعد يدور ع بيت للايجار لان المده راح تنتهي يوم الخميس راسلني اخو مروان واتفق ويايه بيش الساعه يجون وانطيته العنوان كامل واقرب نقطه كلي جهازج لازم تخلي قريب عليج خاف يتصلون بيج اجت الجمعه وجهزنه غده اخاف يجون لان من غير محافضه اعترف جنت حيل خايفه وشعوري مينوصف مااعرف شضامتلي الايام مااعرف ذوله الناس راح يعاملوني زين لو راح يجرحوني وكانو بنت ليل يحسبوني التهيت بالغده وي ماما وارتب البيت اتذكرت جهازي فوك ناسيته رحت اركض لكيت الجو محترك 50 مكالمه فائته ورسائل هواي فتحتهن لج ثوله اني مو كتلج خلي قريب عليج اهلي صارلهم ساعه يفترون بالمنطقه عفت الرسائل واتصلت بي بعدني مااتصلت وجانت تجيني العاصفه كام يصيح ويغلط سكتت مجاوبته كلي خطيه اهلي يدورون وماكو ورادوا يرجعون شنو من بشر انت كتله والله التهيت بالغده ونسيت الجهاز بغرفتي فوك يصير خير يابنت الحلال طبكه بوجهي وره لحضات خابرني كلي راح يدخلون بالفرع مايعرفون بيت منو راح اخلي بابا يوكفلهم بالباب كليله سيارتهم جكساره عاليه راد يطبكه كتله الله يخليك كللهم لاهلك لا يفلتون باي حجيه كدام اهلي ومراح انسه جميلك للموت هههه خايفه والنبي انذبح لج لو عندج ذرة خوف لو ذرة خجل مجان سويتي الي سويتي سكتت ماعندي اي جواب يله لج طلعي لابوج دخلو بالفرع نزلت حجيت وي بابا فعلا طلع بالباب لحضات ودخل كال سوو طريق طبعا مااعرف منو الي جاي منهم وهذا اخو مروان الغثه جاي لو لا دخلهم للاستقبال وودالهم مي بارد وخلينالهم عصائر وكيك سويتلهم عصير طبيعي وقبل يوم جهزتلهم كيكه ماما دخلت وياهم وره شويه صاحتني كتلها منو وياهم كالت بس الام والاب كلبي كام يدوك سريع حيل خفت مااعرف لويش اخاف احد يزل لسانه وانتهي اذا صار هذا الشي دخلت بس رجليه مااحس بيهن واحسهن كوه اسحل بيهن سلمت وجنت مندكه كامت امه لمروان بوستني وكالت صلوات ع محمد فده شنو هالجمال بداخلي فرحت لان بدايتها زينه وابو المروان همين كال شلونج عمو كتله الحمد لله كعدت بس كلبي يدوك يمكن بالدقيقه الف دكه كامو يحجون بالتفاصيل كانو خطبه حقيقيه حجوا بالحاظر والغايب وطلعوا علبه بيهن ذهب وقدمته اليه بيها طقم كامل وبتوت 6كالو احنه هناك نجهزها جهاز كامل شفت الفرحه بوجه اهلي ماما وبابا گلولي جهزي نفسج حتى نروح وباجر نعقدلكم عقد سيد والاحد عقد المحكمه ابو لمروان كال اذا حابين تجون ويانه اهلا وسهلا كللهم بابا لا اني راح اسلمها الكم امانه وانتو بعد اهلها كالو احنه مراح نكدر نسوي حفله لان تعرفون ابنه بعده مطالع الاربعين كللهم بابا عادي ماعدنه مانع اترخصت منهم وطلعت جهزت الغده سوينه سمك شوي وتمن علي حشو ومرگ باميا وشويت دجاج اتغدوا وصبينه الجاي وجان يجي موعد الفراق مجنت هيج متصورته ابد دموعي كامت تجري انهار اخواتي كامن يبجن ماما كذلك اما بابا فهذا بوحده قصه حسيت بي يريد ينغمي علي يمسح بكصته كلبناها مناحه كال الرجال صلو ع محمد هاي شنو يابه هو كله الطريق 3 ساعات شوكت ميعجبها نجيبها الكم وانتو شوكت ميعجبكم تجون اهلا وسهلا ودعتهم وطلعنه اتحركت السياره وجان تشمر عليه علاكه خاله وكالت هاج بسرعه البسي فتحتها وجانت عبايه وبوشيه كالت لا عبالج فرحانين بيج سويناها لوجه الله انت ساقطه وتبقين ساقطه دموعي كامت تجري كام يحجي عليها عمو كللها يامره سمي بالرحمن خل نوصل واتفاهمي مو بالشارع كلتلي بسرعه البسي العبايه والبسي البوشيه وراح يصعد ويانه ابني ايالج وابالج اسمع نفس منج لو شيصير لازم من هاي اللحضه تلزمين العده لبستهن ودموعي تجري بعد كلشي مااشوف لحضات وكفت السياره طبعا مااشوف كلشي طبعا مااشوف كلشي بس سمعت الباب انفتحت اجتي خاله يمي يمكن اخو لمروان جان منتظرهم وجان يجيني الصوت مثل الرعد جان يكول ..... طبعا وفقني الله وزرت مولاي علي عليه السلام وزرت نيابه عن كل من قلدني الزياره والدعاء اسفه ع التاخير قبل شويه وصلت والله ورغم تعبي نزلت الكم البارت وتدللون عليه | ||||||||
|
| |
|
08-08-19, 02:47 AM
| #7 | ||||||||
| مراقبة عامة ومشرفة منتدى الروايات المنقولة
| ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ 🦋🌹 ﺍﻟﺒﺎﺭﺕ 6 🌹🦋 🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋 🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋 ﺟﺎﻥ ﻳﻜﻮﻝ ﺍﺳﻤﻌﻲ ﻟﺞ ﺍﻱ ﺻﻮﺕ ﻣﺎﻧﺴﻤﻊ ﻣﻨﺞ ﻣﻮ ﺣﺒﺎ ﺑﻴﺞ ﺟﺒﻨﺎﺝ ﻭﻻ ﺭﺍﺡ ﻧﻌﺘﺮﻑ ﺑﺎﺑﻨﺞ ﺑﺲ ﺍﺑﻮﻳﻪ ﻛﺎﻝ ﻧﺴﻮﻳﻬﺎ ﻟﻮﺟﻪ ﺍﻟﻠﻪ ﻭﺍﻻ ﻟﻮ ﺗﺒﻘﻰ ﻋﻠﻴﻨﺎ ﻟﻮ ﺗﻤﻮﺗﻴﻦ ﻣﺎﻧﺴﺘﺮ ﻋﻠﻴﺞ ﻻﻥ ﺍﻟﻤﺜﻠﺞ ﻋﺎﺭ ﺣﺮﺍﻡ ﻋﻠﻲ ﺍﻟﻮﺍﺣﺪ ﻳﺴﺘﺮ ﻋﻠﻴﺞ ﻛﺎﻡ ﻳﺤﺠﻲ ﻋﻠﻲ ﺍﺑﻮ ﻟﻚ ﺑﺎﺑﺎ ﻫﺎﻱ ﺷﺒﻴﻜﻢ ﻫﻢ ﺍﻧﺖ ﻭﻫﻢ ﺍﻣﻚ ﺑﻌﺪﻧﻪ ﺑﺎﺳﻢ ﺍﻟﻠﻪ ﺍﺗﺮﻛﻮﻫﺎ ﻟﻠﺒﻨﻴﻪ ﺟﺎﻥ ﺗﻜﻮﻝ ﺍﻣﻪ ﻭﺍﻟﻠﻪ ﺍﺫﺍ ﻃﻠﻊ ﻫﺬﺍ ﺍﻟﻮﻟﺪ ﻣﻮ ﺍﺑﻨﻪ ﻟﻤﺮﻭﺍﻥ ﻧﻔﻀﺤﺞ ﻓﻀﻴﺤﻪ ﻭﺧﻞ ﻳﻜﻮﻥ ﺑﻌﻠﻤﺞ ﻣﺮﺍﺡ ﻧﺴﺠﻠﻪ ﺑﺎﺳﻤﻨﻪ ﺑﻴﻮﻡ ﺍﻟﺘﺠﻴﺒﻴﻦ ﻧﺪﺯﺝ ﻻﻫﻠﺞ ﻻﻥ ﻧﻌﺮﻓﺞ ﻉ ﻣﻮﺩ ﺍﻟﻔﻠﻮﺱ ﺍﺗﺰﻭﺟﺘﻲ ﻟﻤﺮﻭﺍﻥ ﻭﺭﺣﺘﻲ ﻣﺪﺭﻱ ﻭﻱ ﻣﻨﻮ ﻧﻤﺘﻲ ﻭﺻﺎﺭ ﺍﻟﺤﻤﻞ ﻭﺫﺑﻴﺘﻬﺎ ﺑﺮﺍﺳﻪ ﻟﻤﺮﻭﺍﻥ ﺍﻟﺼﺮﺍﺣﻪ ﻣﺎﺍﺳﺘﻐﺮﺑﺖ ﻣﻮﻗﻔﻬﻢ ﻻﻥ ﻫﺬﺍ ﺍﻟﺤﺠﻲ ﻧﻔﺴﻪ ﺣﺠﺎﻩ ﺍﺧﻮ ﻟﻤﺮﻭﺍﻥ ﺍﻧﻲ ﻣﺆﻣﻨﻪ ﺑﺎﻟﻘﻀﺎﺀ ﻭﺍﻟﻘﺪﺭ ﺍﻧﻲ ﻣﺘﺎﻛﺪﻩ ﺍﻟﻠﻪ ﻛﺎﺗﺐ ﻋﻠﻴﻪ ﺷﻼﻉ ﺍﻟﻜﻠﺐ ﺑﺲ ﺭﺍﺡ ﺍﺗﺤﻤﻞ ﻟﻮ ﺷﻴﺴﻮﻭﻥ ﺑﻴﻪ ﺍﻛﻴﺪ ﻛﻠﺸﻲ ﻳﺴﻮﻱ ﺭﺏ ﺍﻟﻌﺎﻟﻤﻴﻦ ﻣﻜﺘﻮﺏ ﻋﻠﻴﻨﻪ ﻣﻨﻐﻴﺮﻩ ﻟﻠﻘﺪﺭ ﺍﻫﻢ ﺷﻲ ﺍﻫﻠﻲ ﻣﻴﺤﺴﻮﻥ ﺑﻴﻪ ﻭﺑﺲ ﺍﻟﻠﻪ ﻳﺴﻬﻠﻲ ﻭﺍﺟﻴﺒﻪ ﻟﻠﻄﻔﻞ ﺍﺭﺟﻊ ﻻﻫﻠﻲ ﻭﺭﺍﺡ ﺍﺭﺑﻲ ﺑﻮﺣﺪﻱ ﺍﺑﺪ ﻣﺘﻨﻔﺴﺖ ﻭﻻ ﺣﺠﻴﺖ ﺑﺲ ﺩﻣﻮﻋﻲ ﺗﺠﺮﻱ ﻭﻫﻮ ﺍﺻﻼ ﺍﺧﺘﻨﻜﺖ ﻣﻦ ﺍﻟﺒﻮﺷﻴﻪ ﻛﺎﻟﺖ ﺍﻣﻪ ﺍﻧﻄﻴﻨﻲ ﺍﻟﺬﻫﺐ ﻻ ﻋﺒﺎﻟﺞ ﻣﻴﺘﻴﻦ ﻋﻠﻴﺞ ﻭﻧﻨﻄﻴﺞ ﺍﻟﺬﻫﺐ ﺣﺴﻴﺖ ﺑﻨﻔﺴﻲ ﺭﺍﺡ ﺍﺧﺘﻨﻚ ﺣﻴﻞ ﺍﻧﻄﻴﺘﻬﺎ ﺍﻟﺬﻫﺐ ﻭﺳﻜﺘﺖ ﻫﻮﺍﻱ ﻣﺸﺖ ﺍﻟﺴﻴﺎﺭﻩ ﺑﺲ ﻛﻞ ﺷﻮﻳﻪ ﻭﺍﺗﺨﺮﺑﻂ ﻫﻮﺍﻱ ﺫﺑﻴﺖ ﻣﻦ ﺭﺍﺳﻲ ﻭﺻﻠﺖ ﺍﻟﻤﻮﺕ ﺑﺎﻟﻄﺮﻳﻖ ﻣﺼﺪﻛﺖ ﻧﻮﺻﻞ ﺣﺴﻴﺖ ﺑﻨﻔﺴﻲ ﺩﺧﺖ ﺣﻴﻞ ﻭﻧﻌﺴﺖ ﻧﻤﺖ ﻭﻣﺎﺍﻋﺮﻑ ﺷﻜﺪ ﻧﻤﺖ ﻟﻤﻦ ﻭﺻﻠﻨﻪ ﻛﻌﺪﺕ ﻉ ﺻﻮﺗﻪ ﻳﻠﻪ ﻫﺎﻧﻢ ﻭﺻﻠﻨﻪ ﺍﻧﺰﻟﻲ ﻭﺷﺮﻓﻴﻨﻪ ﻃﺒﻌﺎ ﻣﺎﺍﻋﺮﻑ ﺍﻻﻳﺎﻡ ﺷﻀﺎﻣﺘﻠﻲ بيج قصص عراقيه حقيقيه من واقعنا.روعه الطائي ﺩﺧﻠﻮﻧﻲ ﺟﻮﻩ ﻛﻠﺸﻲ ﻣﺎﺍﺷﻮﻑ ﺷﻲ ﻗﻠﻴﻞ ﻛﻠﺶ ﺩﺧﻠﻨﻪ ﻟﺠﻮﻩ ﺳﻤﻌﺖ ﺻﻮﺗﻬﺎ ﻟﻠﻤﺮﻳﻪ ﻛﺎﻟﺖ ﻟﺒﻨﻴﻪ ﻣﺎﻣﺎ ﻓﻄﻮﻣﻪ ﺍﺧﺬﻳﻬﺎ ﻟﻐﺮﻓﺘﻬﺎ ﻭﺻﻴﻬﺎ ﻋﻮﺩ ﻟﺘﺮﺍﻭﻳﻨﻪ ﻭﺟﻬﺎ ﺍﺑﺪ ﺍﺧﺬﺗﻨﻲ ﻟﻔﻮﻙ ﻭﺻﻠﺖ ﻟﻠﻐﺮﻓﻪ ﻧﺰﻋﺖ ﺍﻟﺒﻮﺷﻴﻪ ﺣﻴﻞ ﺿﺎﻳﻘﺘﻨﻲ ﺳﻠﻤﺖ ﻋﻠﻴﻪ ﺍﻟﺒﻨﻴﻪ ﺭﺩﻳﺖ ﺍﻟﺴﻼﻡ ﻛﺎﻟﺖ ﺍﻧﻲ ﻓﺎﻃﻤﻪ ﺍﺧﺖ ﻣﺮﻭﺍﻥ ﺍﻟﺼﻐﻴﺮﻩ ﻛﺘﻠﻬﺎ ﻭﺍﻧﻲ ﺯﻳﻨﺐ ﺍﻫﻼ ﻭﺳﻬﻼ ﺑﻴﺞ ﻛﻠﺘﻠﻲ ﻫﺎﻱ ﺍﻟﻐﺮﻓﻪ ﻣﺘﺰﻭﺩﻩ ﺑﻜﻮﻟﺸﻲ ﺑﻴﻬﺎ ﺣﻤﺎﻡ ﻭﺑﻴﻬﺎ ﺛﻼﺟﻪ ﻣﻤﻨﻮﻉ ﺍﻃﻠﻌﻴﻦ ﻣﻨﻬﺎ ﻻﻥ ﻳﻜﻮﻟﻮﻥ ﻣﻴﺼﻴﺮ ﻻﺯﻡ ﺗﺒﻘﻴﻦ ﻻﺯﻣﻪ ﻋﺪﻩ ﻟﻤﻦ ﺍﻟﻠﻪ ﻳﺴﻬﻠﺞ ﻭﺗﺠﻴﺒﻴﻦ ﻳﻌﻨﻲ ﺷﻠﻮﻥ ﻋﺪﻩ ﻳﻌﻨﻲ ﺍﻱ ﺭﺟﺎﻝ ﻏﺮﻳﺐ ﻣﻴﺼﻴﺮ ﻳﺸﻮﻓﺞ ﻭﻻ ﻳﺴﻤﻊ ﺻﻮﺗﺞ ﺍﻟﺒﻨﻴﻪ ﺣﻴﻞ ﺍﺭﺗﺎﺣﻴﺘﻠﻬﺎ ﺣﺒﺎﺑﻪ ﻋﺎﻓﺘﻨﻲ ﻭﻃﻠﻌﺖ ﺩﻣﻮﻋﻲ ﺗﺠﺮﻱ ﺭﺣﺖ ﺍﺗﺼﻠﺖ ﺑﺎﻫﻠﻲ ﻭﻃﻤﻨﺘﻬﻢ ﻋﻠﻴﻪ ﺑﻌﺪﻫﺎ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﺍﺭﺗﺎﺣﻴﺖ ﺑﻌﺪﻫﺎ ﻃﻠﻌﺖ ﻗﻔﻠﺖ ﺍﻟﺒﺎﺏ ﻋﻠﻴﻪ ﻭﻛﺒﻞ ﻧﻤﺖ ﻛﻌﺪﺕ ﻉ ﺻﻮﺕ ﺩﻙ ﺍﻟﺒﺎﺏ ﻓﺘﺤﺖ ﺍﻟﺒﺎﺏ ﺟﺎﻧﺖ ﺍﻟﺒﻨﻴﻪ ﻓﺎﻃﻤﻪ ﻧﻔﺴﻬﺎ ﺟﺎﻳﺒﺘﻠﻲ ﺻﻴﻨﻴﻪ ﺑﻴﻬﺎ ﺍﺷﻜﺎﻝ ﻭﺍﻟﻠﻮﺍﻥ ﻛﺘﻠﻬﺎ ﻣﺎﻛﻮ ﺩﺍﻋﻲ ﻣﺎﺍﺷﺘﻬﻲ ﻭﺍﻟﻠﻪ ﻛﺎﻟﺖ ﻣﻮ ﺯﻳﻦ ﻉ ﺍﻟﻄﻔﻞ ﺍﻟﻲ ﺍﺑﻄﻨﺞ ﻛﺎﻟﺖ ﺧﻠﻲ ﻧﺎﻛﻞ ﺍﻧﻲ ﻭﻳﺎﺝ ﻉ ﺍﻟﻮﺍﻫﺲ ﻓﻌﻼ ﺍﻛﻠﺖ ﻭﺧﻠﺼﺖ ﻛﺘﻠﻬﺎ ﻓﺪﻭﻩ ﺍﻧﻲ ﻣﻤﺘﻌﻮﺩﻩ ﺍﻛﻌﺪ ﻭ ﻭﺍﺣﺪ ﻳﺨﺪﻣﻨﻲ ﺷﻠﻮﻥ ﺍﻧﻄﻴﻨﻲ ﺣﻞ ﻛﺎﻟﺖ ﻣﻤﻨﻮﻉ ﻣﻨﻌﺎ ﺑﺎﺗﺎ ﺗﻨﺰﻟﻴﻦ ﻛﺎﻟﺖ ﺑﺲ ﺍﺣﺘﻤﺎﻝ ﺍﺧﻮﻳﻪ ﺍﻣﻴﺮ ﻳﺮﻭﺡ ﺍﺑﻴﺖ ﺣﻴﺪﺭ ﺍﺫﺍ ﺭﺍﺡ ﺭﺍﺡ ﺗﺎﺧﺬﻳﻦ ﺭﺍﺣﺘﺞ ﺳﻮﻟﻔﻨﻪ ﺷﻮﻳﻪ ﻭﻧﺰﻟﺖ ﺿﻠﻴﺖ ﺍﻛﻞ ﺑﻨﻔﺴﻲ ﻟﻮ ﻣﺎﺧﺬﻩ ﺍﻟﺮﻣﺰ ﻣﺎﻟﺘﻬﻢ ﺣﺘﻰ ﺍﺭﺍﺳﻞ ﺍﻫﻠﻲ ﺑﻘﻴﺖ ﺗﻘﺮﻳﺒﺎ ﺍﺳﺒﻮﻉ ﻉ ﻫﺬﺍ ﺍﻟﺤﺠﻲ ﻣﺎﺍﺷﻮﻑ ﺑﺲ ﻓﺎﻃﻤﻪ ﺩﺧﻠﺘﻠﻲ ﺍﻟﺮﻣﺰ ﻃﺒﻌﺎ ﺣﻤﻠﻲ ﺟﺎﻥ ﺻﻌﺐ ﺑﺲ ﺍﺫﺏ ﻣﻦ ﺭﺍﺳﻲ ﻭﻣﺎﺍﺷﺘﻬﻲ ﺍﻛﻞ ﺍﺑﺪ 24 ﺳﺎﻋﻪ ﻣﺘﺨﺮﺑﻄﻪ ﺑﻌﺪ 10 ﺍﻳﺎﻡ ﻣﻦ ﻭﺟﻮﺩﻱ ﻛﺎﻟﺖ ﻓﺎﻃﻤﻪ ﻣﻦ ﺑﺎﺟﺮ ﺍﻟﺼﺒﺢ ﺗﻜﺪﺭﻳﻦ ﺗﻨﺰﻟﻴﻦ ﺟﻮﻩ ﻣﺤﺪ ﺭﺍﺡ ﻳﺠﻲ ﻟﺒﻴﺘﻨﻪ بيج قصص عراقيه حقيقيه من واقعنا.روعه الطائي ﻭﻣﻦ ﺍﺣﺪ ﻳﺮﻳﺪ ﻳﺠﻲ ﺍﺻﻌﺪﻱ ﻛﺒﻞ ﻟﻌﺪ ﻭﻳﻦ ﺭﺍﺡ ﻳﺮﺣﻮﻥ ﺑﻴﺘﻨﺎ ﺟﺒﻴﺮ ﻭﻣﻘﺴﻤﻴﻨﻪ ﺍﺧﻮﻱ ﺍﻟﺠﺒﻴﺮ ﺑﺎﻧﻲ ﺑﻴﺖ ﺑﻮﺣﺪﻩ ﻭﺍﺧﻮﻳﻪ ﺣﻴﺪﺭ ﺍﻟﻈﺎﺑﻂ ﻫﻢ ﺑﻴﺘﻪ ﻭﺣﺪﻩ ﻭﺍﺣﻨﻪ ﻭﺣﺪ ﺭﺍﺡ ﻳﺮﻭﺡ ﺍﻣﻴﺮ ﻳﻜﻌﺪ ﻭﻱ ﺣﻴﺪﺭ ﻓﻌﻼ ﺛﺎﻧﻲ ﻳﻮﻡ ﻧﺰﻟﺖ ﻭﺟﺎﻥ ﺍﻟﺒﻴﺖ ﻓﺎﺭﻍ ﻭﻻ ﺍﺣﺪ ﺑﻲ ﺣﺴﻴﺖ ﺑﻨﻔﺴﻲ ﺣﻴﻞ ﻣﺨﻨﻮﻛﻪ ﻛﻌﺪﺕ ﺑﺎﻟﻤﻄﺒﺦ ﺷﻮﻳﻪ ﻭﻛﻤﺖ ﻧﻀﻔﺘﻪ ﻛﻠﻪ ﺑﺲ ﺷﻨﻮ ﻣﺎﺍﻛﺪﺭ ﺩﻭﺧﻪ ﻻﺯﻣﺘﻨﻲ ﺣﻴﻞ ﻗﻮﻳﻪ ﺍﻧﻀﻒ ﺷﻮﻳﻪ ﻭﺍﻛﻌﺪ ﺷﻮﻳﻪ ﺍﺭﺗﺎﺡ ﻣﺎﻛﻮ ﺍﻱ ﺷﻲ ﻃﺒﺦ ﻟﻌﺪ ﺫﻭﻟﻪ ﺷﻴﺎﻛﻠﻮﻥ ﺭﺩﺕ ﺍﻃﺒﺦ ﺑﺲ ﻣﺎﺍﻋﺮﻑ ﺷﻜﻢ ﺷﺨﺺ ﻫﻤﻪ ﺍﺗﺼﻠﺖ ﺑﻔﺎﻃﻤﻪ ﻭﺳﺎﻟﺘﻬﺎ ﻛﺎﻟﺖ ﻣﺎﻣﺎ ﻭﺑﺎﺑﺎ ﻭﺍﺧﻮﺍﻧﻲ 2 ﻭﺑﻨﺖ ﺍﺧﻮﻳﻪ ﺑﺎﻟﺮﻭﺿﻪ ﻭﺍﻧﻲ ﻛﺘﻠﻬﺎ ﺭﺍﺡ ﺍﻃﺒﺦ ﺍﻧﻲ ﻛﺎﻟﺖ ﺑﻜﻴﻔﺞ ﺍﺣﻨﻪ ﻣﺘﻌﻮﺩﻳﻦ ﻟﻤﻦ ﺗﺮﺟﻊ ﻣﺎﻣﺎ ﺗﻄﺒﺦ ﻻﻥ ﻏﺪﺍﻧﻪ ﺏ 3 ﻭﻧﺺ ﻃﺒﻜﺘﻪ ﺍﻟﻤﻮﺑﺎﻳﻞ ﻓﺘﺤﺖ ﺍﻟﺜﻼﺟﻪ ﻟﻜﻴﺖ ﺍﻛﻮ ﺑﻴﺬﻧﺠﺎﻥ ﻛﻠﺖ ﺧﻠﻲ ﺍﺳﻮﻱ ﺗﺒﺴﻲ ﺩﻭﺭﺕ ﺍﻟﺘﻤﻦ ﻭﻣﻨﺪﻟﻴﺘﻪ ﺧﺎﺑﺮﺕ ﻓﺎﻃﻤﻪ ﻛﺎﻟﺖ ﺗﻠﻜﻴﻨﻪ ﺑﻬﻴﺞ ﻣﻜﺎﻥ ﻓﻌﻼ ﻟﻜﻴﺘﻪ ﻧﻜﻌﺘﻪ ﺑﺎﻟﻤﻲ ﻭﺑﻠﺸﺖ ﺑﺎﻟﺘﺒﺴﻲ ﺧﻠﻴﺘﻠﻪ ﻟﻴﻤﻮﻥ ﻭﻓﻠﻔﻞ ﺣﺎﺭ ﺑﻌﺪﻳﻦ ﺍﺗﻨﺪﻣﺖ ﻛﻠﺖ ﺍﺧﺎﻑ ﻣﻴﺤﺒﻮﻥ ﺍﻟﺤﺎﺭ ﻭﺍﻟﺤﺎﻣﺾ ﻓﺘﺤﺖ ﺍﻟﻤﺠﻤﺪﻩ ﻛﻠﺖ ﺧﻠﻲ ﺍﺷﻮﻑ ﺷﺒﻴﻬﺎ ﻣﺒﻴﻬﺎ ﻟﻜﻴﺖ ﺑﻴﻬﺎ ﺍﻧﻮﺍﻉ ﺍﻟﻤﺮﮒ ﻫﺎﻱ ﻻﻥ ﻋﺪﻫﻢ ﺩﻭﺍﻡ ﻣﻴﻠﺤﻜﻮﻥ ﻳﻄﺒﺨﻮﻥ ﻃﻠﻌﺖ ﻭﺟﺒﺔ ﻟﺤﻢ ﻭﺳﻮﻳﺘﻠﻬﻢ ﺳﻮﺏ ﺍﺑﻴﺾ ﻛﻤﻠﺖ ﺍﻟﻄﺒﺦ ﻭﺻﻌﺪﺕ ﺳﺒﺤﺖ ﻻﻥ ﺣﺴﻴﺖ ﺑﻨﻔﺴﻲ ﺭﺍﺡ ﻳﻨﻐﻤﻲ ﻋﻠﻴﻪ ﻃﻠﻌﺖ ﻣﻦ ﺍﻟﺤﻤﺎﻡ ﺳﻤﻌﺖ ﺣﺮﻛﻪ ﺟﻮﻩ ﻧﺰﻟﺖ ﻟﻜﻴﺖ ﺧﺎﻟﻪ ﺟﺎﻳﻪ ﻫﻲ ﻭﻃﻔﻠﻪ ﻣﺪﻧﻔﺸﻪ ﺗﺨﺒﻞ ﺳﻠﻤﺖ ﻉ ﺧﺎﻟﻪ ﺭﺩﺕ ﺍﻟﺴﻼﻡ ﻣﻦ ﻭﺭﻩ ﺧﺸﻤﻬﺎ ﻛﺎﻟﺖ ﻣﻨﻮ ﻛﻠﺞ ﺍﻃﺒﺨﻴﻦ ﺧﺎﻟﻪ ﻭﺍﻟﻠﻪ ﻣﻤﺘﻌﻮﺩﻩ ﺍﻛﻌﺪ ﺍﺑﺪ ﺧﻠﻲ ﺍﻟﻄﺒﺦ ﻋﻠﻴﻪ ﺳﻜﺘﺖ ﻣﺤﺠﺖ ﻛﺎﻟﺖ ﺍﺗﻐﺪﻱ ﻭﺍﺻﻌﺪﻱ ﺣﺘﻰ ﻣﻦ ﻳﺠﻮﻥ ﺍﻟﻮﻟﺪ ﻫﻨﺎ ﻳﺘﻐﺪﻭﻥ ﻓﻌﻼ ﺍﺗﻐﺪﻳﺖ ﺑﺲ ﺷﻨﻮ ﻛﻮﻩ ﻣﺎﺍﺷﺘﻬﻲ بيج قصص عراقيه حقيقيه من واقعنا.روعه الطائي ﻛﺘﻠﻬﺎ ﻟﻠﺒﻨﻴﻪ ﺍﻟﺼﻐﻴﺮﻭﻧﻪ ﺗﺎﻛﻠﻴﻦ ﻭﻳﺎﻳﻪ ﺑﺎﻭﻋﺖ ﻉ ﺧﺎﻟﻪ ﻛﻠﺘﻠﻬﺎ ﺭﻭﺣﻲ ﺍﺗﻐﺪﻱ ﺑﻴﺒﻲ ﺑﺪﻟﺖ ﻭﺍﺟﺘﻲ ﻛﺘﻠﻬﺎ ﺷﻨﻮ ﺍﺳﻤﺞ ﻛﺎﻟﺖ ﻧﻮﺭ ﻋﺎﺷﺖ ﺍﻻﺳﺎﻣﻲ ﻧﻮﺍﺭﻩ ﻏﺪﻳﺘﻬﺎ ﻭﺧﻠﺼﻨﻪ ﻛﺘﻠﻬﺎ ﺗﺼﻌﺪﻳﻦ ﻭﻳﺎﻳﻪ ﺗﻨﺎﻣﻴﻦ ﻛﺎﻟﺖ ﻋﻨﺪﻱ ﻭﺍﺟﺐ ﺍﺭﻳﺪ ﺍﻛﺘﺒﻪ ﺍﻱ ﻋﺎﺩﻱ ﺟﻴﺒﻲ ﺟﻨﻄﺘﺞ ﻭﺍﻧﻲ ﺍﺩﺭﺳﺞ ﻓﺮﺣﺖ ﺣﻴﻞ ﻛﻠﺖ ﻟﺨﺎﻟﻪ ﻭﺻﻌﺪﻧﻪ ﻛﺘﺒﺘﻬﺎ ﺍﻟﻮﺍﺟﺐ ﻭﺣﻔﻀﺘﻬﺎ ﺧﻠﺼﺖ ﻛﺎﻟﺖ ﺧﻠﻲ ﺍﻧﺎﻡ ﺳﻮﻳﻪ ﻓﻌﻼ ﺣﻀﻨﺘﻬﺎ ﻭﺣﻀﻨﺘﻨﻲ ﻭﻧﻤﺖ ﻣﺎﺍﻋﺮﻑ ﺷﻨﻮ ﻗﺼﺘﻬﺎ ﻟﻬﺎﻱ ﺍﻟﺒﻨﻴﻪ ﺑﺲ ﺣﺴﻴﺘﻬﺎ ﻓﺎﻗﺪﻩ ﻟﺤﻨﺎﻥ ﺍﻻﻡ ﻛﻌﺪﺕ ﻟﻜﻴﺖ ﻧﻔﺴﻲ ﺟﻮﻋﺎﻧﻪ ﻓﺘﺤﺖ ﺍﻟﺜﻼﺟﻪ ﻃﻠﻌﺖ ﻓﻮﺍﻛﻪ ﻛﻌﺪﺕ ﺍﻟﻄﻔﻠﻪ ﻛﺎﻟﺖ ﺟﻮﻋﺎﻧﻪ ﻛﺘﻠﻬﺎ ﺗﻌﺎﻱ ﺍﻛﻠﻲ ﻭﻳﺎﻳﻪ ﻓﻮﺍﻛﻪ ﻻ ﺍﻧﻲ ﻣﺎﺍﺣﺐ ﺍﻟﻔﻮﺍﻛﻪ ﻟﻴﺶ ﺣﺒﻴﺒﺘﻲ ﻣﺘﺤﺒﻴﻬﻦ ﻣﻮ ﻃﻴﺒﺎﺕ ﻛﺘﻠﻬﺎ ﻟﻌﺪ ﺷﻠﻮﻥ ﺗﺼﻴﺮﻳﻦ ﻗﻮﻳﻪ ﻭﺫﻛﻴﻪ ﻛﺎﻟﺖ ﺍﻛﻞ ﺣﻠﻮﻳﺎﺕ ﻭﺟﺒﺲ ﻭﺍﻧﻲ ﺍﺻﻴﺮ ﻗﻮﻳﻪ ﻻ ﺣﺒﻴﺒﺘﻲ ﺫﻧﻲ ﻳﺪﻣﺮﻧﺞ ﺩﻣﺎﺭ ﺷﻠﻮﻥ ﻳﻌﻨﻲ ﻛﺘﻠﻬﺎ ﺍﺳﻨﺎﻧﺞ ﺗﺴﻮﺱ ﻭﺑﻌﺪﻳﻦ ﻳﻮﺟﻌﻨﺞ ﻭﺭﺍﺡ ﻧﻀﻄﺮ ﻧﺸﻠﻌﻬﻦ ﺍﻟﺞ ﺑﺲ ﺍﻟﻔﺎﻛﻬﺎ ﻻ ﺗﺨﻠﻴﺞ ﻗﻮﻳﻪ ﺟﺮﺑﻲ ﻭﺷﻮﻓﻲ ﺑﺪﻳﺖ ﺍﻭﻛﻠﻬﺎ ﺷﻮﻳﻪ ﻣﻮﺯﻩ ﻭﺑﺮﺗﻘﺎﻟﻪ ﻭﺗﻔﺎﺣﻪ ﺍﻛﻠﺖ ﺑﺲ ﻣﻮ ﻫﻮﺍﻱ ﻫﻢ ﻣﻴﺨﺎﻟﻒ ﺷﺠﻌﺘﻬﺎ ﻭﻛﺘﻠﻬﺎ ﻳﻮﻣﻴﻪ ﺍﺩﺭﺳﺞ ﻭﺍﺧﻠﻴﺞ ﺍﺷﻄﺮ ﻭﺣﺪﻩ ﺑﺲ ﻛﻮﻥ ﺗﺎﻛﻠﻴﻦ ﻓﻮﺍﻛﻪ ﻭﺭﻩ ﺷﻮﻳﻪ ﻧﺰﻟﺖ ﻛﺎﻟﺖ ﺍﺭﻭﺡ ﻟﺒﺎﺑﺎ ﻭﺍﺧﻠﻲ ﻳﺸﺘﺮﻳﻠﻲ ﺷﻮﻛﻼﺗﻪ ﻛﺘﻠﻬﺎ ﺷﻜﺘﻠﺞ ﺍﻧﻲ ﺿﺤﻜﺖ ﻛﺎﻟﺖ ﻧﺴﻴﺖ ﺭﺍﺣﺖ ﻟﺠﻮﻩ ﺗﺮﻛﺾ ﺍﺟﺘﻲ ﻓﺎﻃﻤﻪ ﻛﺎﻟﺖ ﻟﺞ ﺷﻨﻮ ﻫﺬﺍ ﻃﺒﺨﺞ ﺍﻟﻴﻮﻡ ﺍﻟﻪ ﺑﺸﺪﻩ ﻋﺒﺎﻟﻲ ﺩﺗﺠﺬﺏ ﻋﻠﻴﻪ ﻛﺘﻠﻬﺎ ﻋﻔﻴﻪ ﻟﺘﺴﺘﻬﺰﺋﻴﻦ ﻭﺍﻟﻠﻪ ﻣﺎﺍﻋﺮﻑ ﺷﺘﺤﺒﻮﻥ ﻟﺞ ﻭﺍﻟﻠﻪ ﺍﻟﻌﻀﻴﻢ ﺣﺘﻰ ﺍﻟﻜﺪﻭﺭﻩ ﻏﺴﻠﻨﺎﻫﻦ ﻭﺭﺍﻧﻪ ﻳﺨﺒﻞ ﻃﺒﺨﺞ ﺣﺘﻰ ﻗﺮﺭﻧﻪ ﻣﺤﺪ ﻳﺴﻮﻱ ﺍﻟﻐﺪﻩ ﻏﻴﺮﺝ ﻭﺍﻟﻠﻪ ﺍﻟﺼﺮﺍﺣﻪ ﺍﻧﻲ ﺍﺣﺐ ﺍﻟﻄﺒﺦ ﺣﻴﻞ ﺑﺲ ﻣﺎﺍﻋﺮﻑ ﺷﺘﺤﺒﻮﻥ ﺍﻧﺘﻮ بيج قصص عراقيه حقيقيه من واقعنا.روعه الطائي ﻭﻻ ﻳﻬﻤﺞ ﺍﻧﻲ ﺍﻧﻄﻴﺞ ﺍﻟﻘﺎﺋﻤﻪ ﻳﻮﻣﻴﻪ ﺷﻨﺤﺐ ﻧﺎﻛﻞ ﺑﺪﻳﺖ ﻣﺸﻮﺍﺭ ﺣﻴﺎﺗﻲ ﺑﻬﺬﺍ ﺍﻟﺒﻴﺖ ﺑﺲ ﻣﺨﻠﻴﺖ ﺍﺣﺪ ﻳﻠﻤﺢ ﻃﻮﻟﻲ ﺻﺎﺭ ﻳﻮﻡ ﺍﻻﺭﺑﻌﻴﻦ ﻣﺎﻟﺖ ﻣﺮﻭﺍﻥ ﻭﺍﻟﻨﺎﺱ ﻫﻮﺍﻱ ﺍﺟﺘﻬﻢ ﻭﺛﺎﻧﻲ ﻳﻮﻡ ﺭﺍﺣﻮ ﻟﻠﻨﺠﻒ ﺻﺤﻴﺢ ﻛﺎﻋﺪ ﺍﻋﺎﻧﻲ ﻣﻦ ﺍﻟﻜﻌﺪﻩ ﺑﺲ ﻣﻮ ﻣﻬﻢ ﻧﻮﺭ ﺟﺎﻧﺖ ﻣﺘﻌﻠﻘﻪ ﺑﺎﻻﻳﺒﺎﺩ ﺑﺪﻳﺖ ﻭﻳﺎﻫﺎ ﺷﻮﻳﻪ ﺷﻮﻳﻪ ﻟﻤﻦ ﻋﺎﻓﺘﻪ ﻧﻘﺮﻩ ﻗﺼﺺ ﺑﺎﻟﻠﻴﻞ ﻭﺍﻓﺘﺤﻠﻬﺎ ﺍﻟﺒﻼﺯﻣﺎ ﺣﻴﻞ ﻃﺒﻌﻬﺎ ﻣﻌﺠﺒﻨﻲ ﺑﺎﻟﺒﺪﺍﻳﻪ ﻭﺟﺎﻧﺖ ﺗﻌﺎﻧﺪ ﺑﺲ ﻫﺴﻪ ﻻ ﻣﻄﻴﻌﻪ ﻋﻠﻤﺘﻬﺎ ﻉ ﺍﺷﻴﺎﺀ ﻫﻮﺍﻱ ﺑﻌﺪ ﻓﺘﺮﻩ ﻛﻠﺘﻠﻲ ﺧﺎﻟﻪ ﺍﻣﺸﻲ ﺍﺧﺬﺝ ﻟﻠﺪﻛﺘﻮﺭﻩ ﻻﻥ ﺣﺴﺖ ﺑﻴﻪ ﺣﻴﻞ ﻣﺘﺎﺫﻳﻪ ﺭﺣﺖ ﻣﺒﻮﺷﻪ ﻭﻻﺑﺴﻪ ﻋﺒﺎﻳﻪ ﻣﺎﺍﻋﺮﻑ ﻣﻨﻮ ﺍﻟﻲ ﺍﺧﺬﻧﻪ ﺑﺲ ﺍﻋﺘﻘﺪ ﻧﻔﺴﻪ ﺍﺧﻮ ﻟﻤﺮﻭﺍﻥ ﻓﺤﺼﺘﻨﻲ ﻭﺍﺧﺬﺗﻠﻲ ﺳﻮﻧﺎﺭ ﻛﻠﺘﻠﻲ ﺍﻣﻮﺭﺝ ﺗﻮﺏ ﻭﺍﻧﺖ ﺣﺎﻟﻴﺎ ﻧﻬﺎﻳﺔ ﺷﻬﺮ ﺍﻟﺜﺎﻟﺚ ﻛﺘﻠﻬﺎ ﻉ ﺍﻟﺪﻭﺧﻪ ﻭﻉ ﻧﻔﺴﻲ ﺗﻠﻌﺐ ﺩﺍﺋﻤﺎ ﻛﺎﻟﺖ ﺭﻭﺣﻲ ﺣﻠﻠﻲ ﻫﺎﻱ ﺍﻟﺘﺤﺎﻟﻴﻞ ﺣﻠﻠﺖ ﻭﻛﻤﻠﺖ ﻛﺎﻟﺖ ﻋﻨﺪﺝ ﻓﻘﺮ ﺩﻡ ﺭﺍﺡ ﺍﻧﻄﻴﺞ ﻣﻘﻮﻳﺎﺕ ﺑﺲ ﻻﺯﻡ ﺗﺎﻛﻠﻴﻦ ﻛﺮﻓﺲ ﻭﻛﺒﺪ ﻭﺯﺑﻴﺐ ﻻﺯﻡ ﺗﺮﻓﻌﻴﻦ ﻧﺴﺒﺔ ﺩﻣﺞ ﻛﺎﻟﺖ ﺭﺍﺡ ﺍﻧﻄﻴﺞ ﻋﻼﺝ ﺣﺘﻰ ﻧﻔﺴﺞ ﻣﺘﻠﻌﺐ ﺑﻌﺪ ﺍﻧﻄﺘﻨﻲ ﻋﻼﺟﺎﺕ ﻭﺟﺒﻨﺎﻫﻦ ﻭﺭﺟﻌﻨﻪ ﺳﻤﻌﺖ ﺧﺎﻟﻪ ﺗﺴﻮﻟﻔﻠﻪ ﻛﺎﻝ ﺑﺴﻴﻄﻪ ﻧﺠﻴﺒﻠﻬﺎ ﺟﺒﺪﻩ ﻭﺧﻞ ﺗﺎﻛﻞ ﻭﻛﻒ ﻳﻢ ﻣﺤﻞ ﻭﺟﺎﺏ ﻋﻼﻛﻪ ﻭﺍﻧﻄﺎﻫﺎ ﻟﺨﺎﻟﻪ ﻛﻠﻠﻬﺎ ﻫﺬﺍ ﺯﺑﻴﺐ ﻭﻛﺮﺯﺍﺕ ﻭﻫﺬﺍ ﺣﻠﻴﺐ ﻳﻔﻴﺪ ﺍﻟﻄﻔﻞ ﺍﻧﻄﺘﻨﻴﺎﻫﻦ ﺧﺎﻟﻪ ﺭﺟﻌﺖ ﻟﻠﺒﻴﺖ ﻭﻓﻌﻼ ﺍﺧﺬﺕ ﺍﻟﻌﻼﺝ ﻭﺣﺴﻴﺖ ﺑﻨﻔﺴﻲ ﺷﻮﻳﻪ ﺍﺣﺴﻦ ﻧﻮﺭ ﺣﺴﻴﺘﻬﺎ ﺍﺗﻌﻠﻘﺖ ﺑﻴﻪ ﻭﺟﺎﻧﺖ ﺷﺎﻣﻨﻌﻬﺎ ﺍﻃﻴﻌﻨﻲ ﻭﺍﺗﻌﺮﻓﺖ ﻉ ﺍﺧﻮﺍﺕ ﻣﺮﻭﺍﻥ ﺍﻟﻤﺘﺰﻭﺟﺎﺕ ﻭﺣﺪﻩ ﻣﺘﺰﻭﺟﻪ ﻫﻨﺎ ﻭﺣﺪﻩ ﺑﻐﻴﺮ ﻣﺤﺎﻓﻈﻪ ﻫﻢ ﺣﺒﺎﺑﺎﺕ ﺣﻴﻞ ﺩﺧﻠﺖ ﺑﺎﻟﺮﺍﺑﻊ ﻭﺻﺮﺕ ﺍﺣﺴﻦ ﺍﻟﺤﻠﻴﺐ ﻳﻮﻣﻴﻪ ﺍﺷﺮﺏ ﻣﻨﻪ ﺍﻧﻲ ﻣﺎﺍﺣﺐ ﺍﻟﺤﻠﻴﺐ ﺑﺲ ﻣﺠﺒﻮﺭﻩ ﻉ ﻣﻮﺩ ﺍﻟﻄﻔﻞ بيج قصص عراقيه حقيقيه من واقعنا.روعه الطائي ﺑﺲ ﺍﺷﺘﺎﻗﻴﺖ ﻻﻫﻠﻲ ﺣﻴﻞ ﻛﻠﺖ ﺧﻞ ﺍﺷﻮﻑ ﺧﺎﻟﻪ ﺑﻠﻜﻲ ﺗﺨﻠﻴﻨﻲ ﺍﺭﻭﺡ ﻛﺘﻠﻬﺎ ﻛﺎﻟﺖ ﺭﻭﺣﻲ ﻭﺍﺑﻘﻲ ﺍﺳﺒﻮﻋﻴﻦ ﺍﻭ ﺍﻛﺜﺮ ﺑﺮﺍﺣﺘﺞ ﺑﺲ ﺍﻣﺎﻧﻪ ﻋﻠﻴﺞ ﻣﺎﺍﻃﻠﻌﻴﻦ ﻣﻦ ﺍﻟﺒﺎﺏ ﻣﻮ ﺯﻳﻦ ﻭﻻﺯﻡ ﺗﺮﻭﺣﻴﻦ ﺑﺎﻟﺒﻮﺷﻴﻪ ﻛﺘﻠﻬﺎ ﻣﻴﺨﺎﻟﻒ ﻛﺎﻟﺖ ﻭﺍﻫﻠﺞ ﻛﺘﻠﻬﺎ ﺍﻛﻮﻟﻬﻢ ﻟﺒﺴﻮﻧﻲ ﻳﺨﺎﻓﻮﻥ ﻋﻠﻴﻪ ﻛﺎﻟﺖ ﺭﻭﺣﻲ ﻣﺎﻋﺪﻧﻪ ﺍﺷﻜﺎﻝ ﻓﺮﺣﺖ ﺣﻴﻞ ﻻﻥ ﺭﺍﺡ ﺍﺷﻮﻓﻬﻢ ﻻﻫﻠﻲ ﻣﺎﺍﻋﺮﻑ ﻣﻨﻮ ﺍﻟﻲ ﺭﺍﺡ ﻳﺎﺧﺬﻧﻲ ﺳﺎﻟﺖ ﻓﺎﻃﻤﻪ ﻛﺎﻟﺖ ﺍﺧﻮﻳﻪ ﺣﻴﺪﺭ ﻧﻮﺭ ﻛﺎﻣﺖ ﺗﺒﺠﻲ ﻭﺭﺍﻳﻪ ﺧﻄﻴﻪ ﺣﻴﻞ ﺿﺠﺖ ﻋﻠﻴﻬﺎ ﺑﺲ ﺻﻮﺕ ﻣﻦ ﺍﺑﻮﻫﺎ ﺳﻜﺘﺖ ﻋﻨﺪﻱ ﻣﺸﻜﻠﻪ ﺍﻫﻠﻲ ﺷﺎﻳﻠﻴﻦ ﻭﻣﺎﺍﻧﺪﻝ ﻭﻳﻦ ﺑﺎﻟﻈﺒﻂ ﻭﺻﻔﻮﻟﻲ ﺑﺲ ﻫﻢ ﻣﺎﺍﻧﺪﻝ ﻛﻠﺖ ﻟﻔﺎﻃﻤﻪ ﺭﻭﺣﻲ ﺍﻧﺖ ﻭﻧﻮﺭ ﻭﻳﺎﻳﻪ ﻭﺍﺭﺟﻌﻮﺍ ﺍﺳﺘﺤﻲ ﺍﺻﻌﺪ ﺑﻮﺣﺪﻱ ﻭﻻﺯﻡ ﺍﻧﻄﻲ ﺟﻬﺎﺯﻱ ﺣﺘﻰ ﻳﺘﻮﺍﺻﻞ ﻭﻱ ﺍﺑﻮﻳﻪ ﻛﺎﻟﺖ ﻣﺮﺍﺡ ﻳﺎﺧﺬﺝ ﺣﻴﺪﺭ ﺑﺎﺑﺎ ﺭﺍﺡ ﻳﺎﺧﺬﺝ ﻓﺮﺣﺖ ﻫﻤﺰﻳﻦ ﻣﻮ ﺫﺍﻙ ﺍﻟﻐﺜﻪ ﺭﺣﺖ ﻻﻫﻠﻲ ﻭﻋﻤﻮ ﻛﺎﻡ ﻳﺘﺼﻞ ﺍﺑﺎﺑﺎ ﻭﻭﺻﻠﻨﻪ ﻭﺟﺎﻥ ﺍﻟﺒﻴﺖ ﺗﻌﺒﺎﻥ ﺣﻴﻞ ﺿﺠﺖ ﻋﻠﻴﻬﻢ ﻋﻤﻮ ﻧﺰﻝ ﺑﺲ ﺷﺮﺏ ﺟﺎﻱ ﻣﻘﺒﻞ ﻳﺘﺎﺧﺮ ﻛﻠﻲ ﺧﺎﺑﺮﻳﻨﻲ ﺍﻧﻲ ﺍﺟﻴﺞ ﻣﻦ ﺗﺮﺩﻳﻦ ﺗﺠﻴﻦ ﺑﺲ ﺣﺎﺿﻨﻪ ﻣﺎﻣﺎ ﻭﺍﺧﻮﺍﺗﻲ ﻭﺍﺑﻮﻳﻪ ﺧﻄﻴﻪ ﻳﻄﺐ ﻭﻳﻄﻠﻊ ﻳﺒﻮﺳﻨﻲ ﻣﻦ ﺭﺍﺳﻲ ﺧﺒﺮﺗﻬﻢ ﺣﺎﻣﻞ ﻭﺣﻴﻞ ﻓﺮﺣﻮﺍ ﺟﺎﻧﺖ ﺑﻄﻨﻲ ﻣﻤﺒﻴﻨﻪ ﻛﻠﺶ ﻣﺎﻣﺎ ﻛﺎﻣﺖ ﺗﺤﺠﻲ ﻋﻠﻴﻪ ﻟﻴﺶ ﻣﺬﺑﻴﺘﻲ ﺍﻻﺳﻮﺩ ﻛﺘﻠﻬﺎ ﻣﺎﺍﺫﺑﻪ ﻫﻮ ﻫﻢ ﻣﻴﻘﺒﻞ ﻟﺞ ﻣﺎﻣﺎ ﻣﻴﺠﻮﺯ ﻛﺘﻠﻬﺎ ﺳﺪﻱ ﻟﻬﺬﺍ ﺍﻟﻤﻮﺿﻮﻉ ﺍﺑﺎﻭﻉ ﻉ ﺍﻟﺒﻴﺖ ﺣﻴﻞ ﺗﻌﺒﺎﻥ ﺷﻠﻮﻥ ﻛﺪﺭﻭﺍ ﻳﻌﻴﺸﻮﻥ ﺑﻲ ﺍﻭﻭﻑ ﻳﺮﺑﻲ ﻭﻳﻦ ﺟﻨﻪ ﻭﻫﺴﻪ ﻭﻳﻦ ﺑﺲ ﺍﺭﺟﻊ ﻭﺍﻛﻮﻝ ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ﺳﺎﻟﻮﻧﻲ ﻉ ﺯﻭﺟﻲ ﻭﺍﻧﻲ ﻣﺎﺍﻋﺮﻑ ﺷﺎﺟﺎﻭﺏ ﺍﻟﻲ ﻋﺮﻓﺘﻪ ﻣﻦ ﻓﺎﻃﻤﻪ ﺍﺧﻮ ﻟﻤﺮﻭﺍﻥ ﺍﺳﻤﻪ ﺣﻴﺪﺭ ﻭﺿﺎﺑﻂ ﻭﻣﻄﻠﻚ ﺯﻭﺟﺘﻪ ﻣﻌﺮﻓﺖ ﺍﻟﺴﺒﺐ ﻛﺘﻠﻬﻢ ﺯﻳﻦ ﻭﻳﺎﻳﻪ ﻭﻣﺪﻟﻠﻨﻲ ﻛﻠﻮﻟﻲ ﻟﻮﻳﺶ ﻣﺒﻮﺷﻪ ﻭﻻﺑﺴﻪ ﻋﺒﺎﻳﻪ ﻛﺘﻠﻬﻢ ﺣﻴﻞ ﻳﺨﺎﻑ ﻋﻠﻴﻪ ﻭﻳﻐﺎﺭ ﻣﻘﺒﻞ ﺍﺣﺪ ﻳﺸﻮﻑ ﺷﻜﻠﻲ ﺑﺲ ﻣﺎﻣﺎ ﻣﻤﻘﺒﻮﻟﻪ ﻣﻨﻪ ﺷﻠﻮﻥ ﻗﺒﻠﺘﻲ ﺷﻨﻮ ﺍﺣﻨﻪ ﺑﻴﺎﺯﻣﻦ ﻭﻣﻨﻘﺒﻪ ﻣﺎﻣﺎ ﺍﻧﻲ ﺭﺍﺿﻴﻪ ﻛﻠﺘﻠﻲ ﻣﺎﻣﺎ ﻭﻟﻮﻳﺶ ﻣﻤﺴﻮﻳﻪ ﻭﺟﻬﺞ ﻛﺘﻠﻬﺎ ﻭﺭﻩ ﺩﻭﺭﺓ ﺍﻟﺴﻨﻪ ﻟﻤﻦ ﺍﺫﺏ ﺍﻻﺳﻮﺩ ﻳﻠﻪ ﺍﻧﻈﻔﻪ ﻟﻮﺟﻬﻲ ﻛﻠﺘﻠﻲ ﻣﺎﻣﺎ ﻟﻌﺪ ﻟﻴﺶ ﻣﺘﻐﻴﺮﻩ ﻭﺿﻌﻔﺎﻧﻪ ﻻﻥ ﺍﺑﺠﻲ ﻋﻠﻴﻜﻢ ﻭﻣﻤﺘﻌﻮﺩﻩ ﻉ ﻓﺮﺍﻛﻢ ﻭﺍﻛﻠﻲ ﻣﻮ ﺷﻲ ﻭﺣﻤﻠﻲ ﺍﺛﺮ ﻋﻠﻴﻪ ﺧﻄﻴﻪ ﺑﺎﺑﺎ ﻛﻠﻲ ﺷﻨﻮ ﻣﺸﺘﻬﻴﻪ ﺣﺘﻰ ﺍﺟﻴﺒﻪ ﺍﻟﺞ ﻛﺘﻠﻬﻢ ﻭﺍﻟﻠﻪ ﻛﻮﻟﺸﻲ ﻣﻤﺸﺘﻬﻴﻪ ﺣﻤﻠﻲ ﺣﻴﻞ ﻣﻀﻮﺟﻨﻲ ﻛﻠﺘﻠﻲ ﻣﺎﻣﺎ ﻫﺴﻪ ﺭﺍﺡ ﺗﺘﻐﻴﺮ ﻧﻔﺴﻴﺘﺞ ﻫﻨﺎ ﻭﺭﺍﺡ ﺗﺎﻛﻠﻴﻦ ﻣﺎﺍﻋﺮﻑ ﺑﻌﺪ ﻳﺠﻮﺯ ﺑﻘﻴﻨﻪ ﻧﺴﻮﻟﻒ ﻭﺻﺪﻭﻙ ﺗﻐﻴﺮﺕ ﻧﻔﺴﻴﺘﻲ ﻳﻮﻣﻴﻪ ﻧﺘﺨﺎﺑﺮ ﺍﻧﻲ ﻭﻓﺎﻃﻤﻪ ﻭﺗﻜﻮﻝ ﺧﻄﻴﻪ ﻧﻮﺭ ﺗﺮﻳﺪ ﺗﺤﺠﻲ ﻭﻳﺎﺝ ﺣﺠﻴﺖ ﻭﻳﺎﻫﺎ ﺗﻜﻮﻟﻲ ﻣﺸﺘﺎﻗﺘﻠﺞ ﻛﺘﻠﻬﺎ ﺣﺘﻰ ﺍﻧﻲ ﻛﺎﻟﺖ ﺷﻮﻛﺖ ﺗﺠﻴﻦ ﻛﺘﻠﻬﺎ ﺑﻌﺪ ﺍﺳﺒﻮﻉ ﻛﺎﻟﺖ ﻻ ﻋﻔﻴﻪ ﻫﻮﺍﻱ ﺗﻌﺎﻱ ﺑﺎﺟﺮ ﻛﺘﻠﻬﺎ ﻣﻮ ﻣﺮﻳﻀﻪ ﻣﺎﺍﻛﺪﺭ ﺍﺟﻲ ﺯﻋﻠﺖ ﻭﺍﻧﻄﺖ ﺍﻟﺠﻬﺎﺯ ﻟﻔﺎﻃﻤﻪ ﻛﻠﺘﻠﻲ ﺷﺴﻮﻳﺘﻴﻠﻬﺎ ﻟﻠﺒﻨﻴﻪ ﻭﺧﻠﻴﺘﻬﺎ ﺗﺘﻌﻠﻖ ﺑﻴﺞ ﻭﺍﻟﻠﻪ ﻣﺴﻮﻳﺘﻠﻬﺎ ﺷﻲ ﻫﻲ ﺑﻮﺣﺪﻫﺎ ﺍﺗﻌﻠﻘﺖ ﺑﻴﻪ ﺯﻳﻦ ﺷﻮﻛﺖ ﺗﺠﻴﻦ ﻻﻥ ﺍﻟﺼﺮﺍﺣﻪ ﺍﺷﺘﺎﻗﻴﻨﻪ ﺍﻟﺞ ﻭ ﻟﻄﺒﺨﺞً ﻛﺘﻠﻬﺎ ﻭﺍﻟﻠﻪ ﻣﺎﺍﺩﺭﻱ ﺷﻮﻓﻲ ﻋﻤﻮ ﺷﻮﻛﺖ ﻣﻴﻔﺮﻍ ﺧﻞ ﻳﻤﺮ ﺑﻴﻪ ﺣﻴﺪﺭ : ﻗﺮﺭﻧﻪ ﻣﻦ ﻳﺮﺣﻮﻥ ﺍﻫﻠﻲ ﺍﺑﺪ ﻣﻴﺠﻴﺒﻮﻥ ﻃﺎﺭﻱ ﻣﺮﻭﺍﻥ ﺍﺑﻮﻳﻪ ﺍﻗﺘﺮﺡ ﻛﺎﻝ ﻻﺯﻡ ﻛﺪﺍﻡ ﺍﻫﻠﻬﺎ ﻧﺎﺧﺬ ﺫﻫﺐ ﻣﻴﺼﻴﺮ ﻫﻴﺞ ﻧﺪﺧﻞ ﻋﻠﻴﻬﻢ ﻗﺒﻞ ﻳﻮﻡ ﺍﺗﻮﺍﺻﻠﺖ ﻭﻳﺎﻫﺎ ﻭﺍﺧﺬﺕ ﺍﻟﻌﻨﻮﺍﻥ ﻭﻛﺘﻠﻬﺎ ﺧﻠﻲ ﺟﻬﺎﺯﺝ ﻗﺮﻳﺐ ﻋﻠﻴﺞ ﺛﺎﻧﻲ ﻳﻮﻡ ﺭﺣﻨﻪ ﺍﻧﻲ ﻭﺍﺑﻮﻳﻪ ﻭﺍﻣﻲ ﺑﺲ ﻣﻦ ﻭﺻﻠﻨﻪ ﻗﺮﻳﺐ ﻋﻠﻴﻬﻢ ﺍﺩﻙ ﻋﻠﻴﻬﺎ ﻣﺘﺠﺎﻭﺏ ﺍﺭﺍﺳﻠﻬﺎ ﻫﻢ ﻣﺎﻛﻮ ﺟﻮﺍﺏ ﺯﻳﻦ ﻣﺎﺍﻋﺮﻑ ﺑﻴﺖ ﺍﺑﻮ ﻣﻨﻮ ﺑﻘﻴﻨﻪ ﻧﻔﺘﺮ ﺭﻭﺣﻲ ﻃﻔﺮﺕ ﻛﻤﺖ ﺍﻛﻔﺮ ﻭﺍﺻﻴﺢ ﻭﺍﻏﻠﻂ ﻗﺮﺭﺕ ﻧﺮﺟﻊ ﻭﻳﻄﺒﻬﺎ ﻣﺮﺽ ﺑﺲ ﺍﺑﻮﻳﻪ ﻣﻘﺒﻞ ﻛﺎﻝ ﺧﻞ ﻧﻨﺘﻈﺮﻫﺎ ﺍﺑﻴﺖ ﻣﺮﻭﺍﻥ ﺍﻟﻠﻪ ﻳﺮﺣﻤﻪ بيج قصص عراقيه حقيقيه من واقعنا.روعه الطائي ﺑﺲ ﺑﺎﺧﺮ ﻟﺤﻀﻪ ﺧﺎﺑﺮﺗﻨﻲ ﻃﻔﺮﺕ ﻭﻳﺎﻫﺎ ﺑﺲ ﺍﺑﺪ ﻣﺠﺎﻭﺑﺖ ﻭﺳﻜﺘﺖ ﻛﺘﻠﻬﻢ ﺭﺍﺡ ﺍﺗﺎﻧﻴﻜﻢ ﺍﺑﻴﺖ ﻣﺮﻭﺍﻥ ﻭﺻﻠﻮﻧﻲ ﻭﻣﻦ ﺗﻜﻤﻠﻮﻥ ﺍﻃﻠﻌﻠﻜﻢ ﻭﺻﻠﻮﻧﻲ ﻭﺭﺍﺣﻮﺍ ﻉ ﻧﻔﺲ ﺍﻟﻌﻨﻮﺍﻥ ﺍﻧﻲ ﺍﻓﻜﺮ ﺍﻛﻮﻝ ﻟﻴﺶ ﻫﻴﺞ ﺳﻮﺕ ﻣﺎﺍﻋﺮﻑ ﻳﻌﻨﻲ ﺑﻨﻴﻪ ﺑﻌﻤﺮ ﺍﻟﻮﺭﺩ ﺷﻨﻮ ﺍﻟﻴﺠﺒﺮﻫﺎ ﻫﻴﺞ ﺗﺴﻮﻱ ﺑﺲ ﻳﺠﻮﺯ ﻋﺪﻫﻢ ﻋﻼﻗﻪ ﻭﺍﺣﺪ ﻳﺤﺐ ﺍﻟﺜﺎﻧﻲ ﻭﻟﻮ ﺍﻛﻴﺪ ﻉ ﺍﻟﻔﻠﻮﺱ ﻻﻥ ﻫﻲ ﺍﻋﺘﺮﻓﺖ ﻭﻛﺎﻟﺖ ﺍﻧﻄﺎﻧﻲ 15 ﻣﻠﻴﻮﻥ ﻣﺎﺍﻋﺮﻑ ﺑﻌﺪ ﺭﺣﺖ ﺑﻘﻴﺖ ﺑﺎﻟﺒﻴﺖ ﺑﻌﺪﻳﻦ ﻃﻠﺒﺖ ﺍﻛﻞ ﻋﻦ ﻃﺮﻳﻖ ﺍﻟﻨﺖ ﺟﺎﺑﻮ ﻟﻠﺒﺎﺏ ﺍﺗﻐﺪﻳﺖ ﻭﻛﻤﻠﺖ ﻭﻧﻤﺖ ﺷﻮﻳﻪ ﺍﺗﺼﻞ ﺑﻴﻪ ﺍﺑﻮﻳﻪ ﻛﻠﻲ ﺭﺍﺡ ﻧﻤﺮ ﺑﻴﻚ ﻓﻌﻼ ﻣﺮﻭﺍ ﻋﻠﻴﻪ ﻭﺭﺣﻨﻪ ﻟﻠﺒﻴﺖ ﺟﺎﻧﺖ ﺍﻟﺒﻨﻴﻪ ﻻﺑﺴﻪ ﻋﺒﺎﻳﻪ ﻭﺑﻮﺷﻴﻪ ﻛﻮﻟﺸﻲ ﻣﻤﺒﻴﻦ ﻣﻨﻬﺎ ﻫﺎﻱ ﺳﻮﺍﻟﻒ ﺍﻣﻲ ﻻﻥ ﻛﺎﻟﺖ ﻻﺯﻡ ﺗﻠﺰﻡ ﻋﺪﻩ ﺷﻜﺪ ﺣﺠﻴﺖ ﻋﻠﻴﻬﺎ ﺑﺎﻟﺴﻴﺎﺭﻩ ﺑﺲ ﺍﺑﺪ ﻣﺠﺎﻭﺑﺘﻨﻲ ﺑﺲ ﺷﻠﻌﺖ ﻛﻠﺒﻲ ﻛﻞ ﺷﻮﻳﻪ ﻭﺍﻭﻛﻒ ﺍﻟﺴﻴﺎﺭﻩ ﺗﺬﺏ ﻣﻦ ﺭﺍﺳﻬﺎ ﺑﻌﺪﻫﺎ ﻭﺻﻠﻨﻪ ﻭﻫﻲ ﺑﺴﺎﺑﻊ ﻧﻮﻣﻪ ﻛﻌﺪﺗﻬﺎ ﻭﻧﺰﻟﺖ ﻭﺻﻌﺪﻭﻫﺎ ﺑﻐﺮﻓﺘﻬﺎ ﺑﻘﺖ ﻣﺤﺒﻮﺳﻪ ﺑﺎﻟﻐﺮﻓﻪ ﺑﻌﺪﻳﻦ ﻛﻠﺖ ﻻﻣﻲ ﺧﻠﻲ ﻳﺠﻲ ﺍﻣﻴﺮ ﻭﻳﺎﻳﻪ ﻭﺧﻠﻲ ﺗﺎﺧﺬ ﺭﺍﺣﺘﻬﺎ ﻭﺗﻨﺰﻝ ﻭﻗﺎﺑﻞ ﺗﺒﻖ ﺗﺨﺪﻣﻨﺰﺑﻴﻬﺎ ﻣﻦ ﻧﺮﻳﺪ ﻧﺠﻴﻜﻢ ﻧﺨﺒﺮﻛﻢ ﻭﺍﻧﺘﻮ ﺗﻜﻠﻮﻟﻬﺎ ﻓﻌﻼ ﺍﺟﻪ ﺍﻣﻮﺭﻱ ﺍﻭﻝ ﻳﻮﻡ ﺍﻟﻲ ﻧﺰﻟﺖ ﺑﻲ ﻃﺎﺑﺨﻪ ﻏﺪﻩ ﺑﻌﻤﺮﻱ ﻭﺣﻴﺎﺗﻲ ﻣﻀﺎﻳﻚ ﻣﺜﻠﻪ ﺍﺑﺪ ﺣﻴﻞ ﻃﻴﺐ ﻭﺍﻛﻠﻨﻪ ﻫﻮﺍﻱ ﺻﺤﻴﺢ ﺍﻟﺘﺒﺴﻲ ﺟﺎﻥ ﺑﻲ ﺣﺮﺍﺭﻩ ﻻﻥ ﺍﻟﻔﻠﻔﻞ ﺣﺎﺭ ﺑﺲ ﺣﻴﻞ ﻃﻴﺐ ﻭﺳﺎﻟﺖ ﺍﻣﻲ ﻉ ﻧﻮﺭ ﻛﺎﻟﺖ ﺍﻣﻲ ﻓﻮﻙ ﻭﻱ ﺍﻟﺒﻨﻴﻪ ﺍﺳﺘﻐﺮﺑﺖ ﺑﻌﺪﻳﻦ ﻧﺰﻟﺖ ﻓﺮﺣﺎﻧﻪ ﺑﺎﺑﺎ ﺍﻛﻠﺖ ﻓﻮﺍﻛﻪ ﺷﻨﻮ ﻓﻮﺍﻛﻪ ﺍﻛﻠﺘﻲ ﻣﻌﻘﻮﻟﻪ ﺍﻱ ﻭﺍﻟﻠﻪ ﺑﺎﺑﺎ ﺷﺎﻛﻠﺘﻲ ﺍﻛﻠﺖ ﺑﺮﺗﻘﺎﻟﻪ ﻭﻣﻮﺯﻩ ﻭﺗﻔﺎﺣﻪ ﻭﺍﺭﻳﺪ ﺗﺠﻴﺒﻠﻲ ﻓﺮﺍﻭﻟﻪ ﻓﺮﺣﺖ ﺣﻴﻞ ﻻﻥ ﻫﺎﻱ ﻳﻮﻣﻴﻪ ﺑﺲ ﻧﺴﺎﺗﻞ ﻭﻛﺎﻛﻮ ﻭﺟﺒﺲ بيج قصص عراقيه حقيقيه من واقعنا.روعه الطائي ﻛﺎﻟﺘﻠﻲ ﺑﻌﺪ ﻣﺎﺍﺭﻳﺪ ﺷﻜﻮﻻﺗﻪ ﺍﺑﻮﻳﻪ ﻭﺍﻣﻲ ﻓﺮﺣﻮﺍ ﻛﻠﻮﻟﻲ ﺧﻠﻴﻬﺎ ﻳﻢ ﺍﻟﺒﻨﻴﻪ ﻫﻢ ﺗﻌﻠﻤﻬﺎ ﻉ ﺍﻻﻃﺒﺎﻉ ﺍﻟﺰﻳﻨﻪ ﻭﻫﻢ ﻫﻲ ﺧﻄﻴﻪ ﺑﻮﺣﺪﻫﺎ ﺗﻀﻮﺝ ﺍﻧﻲ ﺳﻜﺘﺖ ﺍﻫﻢ ﺷﻲ ﺑﻨﺘﻲ ﺗﻌﻮﻑ ﺍﻻﻃﺒﺎﻉ ﺍﻟﺴﻴﺌﻪ ﺣﺴﻴﺖ ﺑﻨﻮﺭ ﻫﻮﺍﻱ ﺍﺗﻌﻠﻘﺖ ﺑﻴﻬﺎ ﺑﻌﺪ ﻣﺘﺤﺼﺮﻧﻲ ﺍﺷﺘﺮﻳﻠﻬﺎ ﻣﻦ ﺍﻟﻤﺤﻞ ﻛﻤﺖ ﺍﺷﺘﺮﻳﻠﻬﺎ ﺑﻮﺣﺪﻱ ﺑﺲ ﺗﺤﺠﻲ ﻋﻠﻴﻪ ﻣﺎﺍﺭﻳﺪ ﺗﺴﺒﺐ ﺍﻣﺮﺍﺽ ﻭﺗﺴﻮﺱ ﺍﺳﺎﻧﻲ ﺣﻴﻞ ﻓﺮﺣﺖ ﻛﺎﻣﺖ ﺗﺤﻀﺮ ﻭﺍﺟﺒﺎﺗﻬﺎ ﻫﻮﺍﻱ ﺍﺗﺤﺴﻦ ﻣﺴﺘﻮﺍﻫﺎ ﺑﻜﻠﺸﻲ ﺑﻌﺪﻳﻦ ﻛﺎﻣﺖ ﺗﻄﺒﺦ ﺍﻟﻐﺪﻩ ﻳﻮﻣﻴﻪ ﺗﺴﻮﻱ ﺷﻜﻞ ﺍﻣﻲ ﻣﻮ ﻫﺎﻛﺪ ﻃﺒﺨﻬﺎ ﻭﻓﺎﻃﻤﻪ ﻣﻴﻨﻮﻛﻞ ﺍﻛﻠﻬﺎ ﺍﺑﺪ ﺍﻣﻲ ﺍﺭﺗﺎﺣﺖ ﻻﻥ ﺟﺎﻧﺖ ﻳﻨﺸﻠﻊ ﻛﻠﺒﻬﺎ ﻣﻦ ﺍﻟﺪﻭﺍﻡ ﻭﺗﺠﻲ ﺗﻄﺒﺦ ﺑﻌﺪﻳﻦ ﻛﺎﻟﺖ ﺍﻣﻲ ﺧﻄﻴﻪ ﻭﺟﻬﺎ ﺍﺻﻔﺮ ﻭﻛﺎﻋﺪ ﺗﺘﺨﺮﺑﻂ ﺑﺲ ﺍﺑﺪ ﻣﺘﺤﺠﻲ ﻭﻻ ﺗﺸﻜﻲ ﻛﺘﻠﻬﺎ ﺧﻠﻲ ﻧﻌﺮﺿﻬﺎ ﻉ ﺩﻛﺘﻮﺭﻩ ﻛﺎﻟﺖ ﻧﺴﻮﻳﻬﺎ ﻻ ﺍﻟﻠﻪ ﻫﻢ ﺧﻄﻴﻪ ﻓﻌﻼ ﺩﺯﻳﻨﺎﻫﺎ ﻭﻛﺎﻟﺖ ﺍﻣﻲ ﻋﺪﻫﺎ ﻓﻘﺮ ﺩﻡ ﻭﺍﻛﻠﻬﺎ ﻣﻮ ﺷﻲ ﺍﺧﺬﺗﻠﻬﺎ ﺟﺒﺪﻩ ﻭﺯﺑﻴﺐ ﻛﺎﻝ ﺍﺑﻮﻳﻪ ﺧﻄﻴﻪ ﻟﺨﺎﻃﺮ ﻣﺮﻭﺍﻥ ﻋﺎﻣﻠﻮﻫﺎ ﺯﻳﻦ ﻭﻫﻲ ﺗﻌﺘﺒﺮ ﺑﻐﺮﺑﻪ ﻫﻨﺎ ﻭﺯﻳﻦ ﻣﻨﻬﺎ ﻋﻤﺮﻫﺎ 18 ﻭﻣﺘﺤﻤﻠﻪ ﻫﻴﺞ ﻭﻻﺯﻣﻪ ﻋﺪﻩ ﻭﻣﺘﻄﻠﻊ ﺍﺑﺪ ﺍﺣﺴﻦ ﻣﻦ ﺯﻭﺟﺘﻪ ﺍﻟﻲ ﺗﻔﺘﺮ ﺑﺎﻟﺴﻮﻙ ﻭﻻ ﺟﻨﻬﺎ ﺯﻭﺟﻬﺎ ﻣﻴﺖ ﻃﻠﺒﺖ ﻣﻦ ﻓﺎﻃﻤﻪ ﺗﺮﺍﻗﺒﻬﺎ ﺑﻮﻗﺖ ﻋﻼﺟﻬﺎ ﻭﺍﻛﻠﻬﺎ ﺑﻌﺪﻫﺎ ﻛﺎﻟﻮ ﺗﺮﻳﺪ ﻳﻢ ﺍﻫﻠﻬﺎ ﻛﺎﻟﺖ ﺍﻣﻲ ﺧﻠﻴﻬﺎ ﺗﺒﻘﻰ ﻳﻢ ﺍﻫﻠﻬﺎ ﺍﺳﺒﻮﻋﻴﻦ ﺍﻛﺜﺮ ﻃﻠﺒﻮﺍ ﻣﻨﻲ ﺍﻧﻲ ﺍﻭﺩﻳﻬﺎ ﺑﻌﺪﻳﻦ ﻛﺎﻣﺖ ﺗﺒﺠﻲ ﻭﺭﺍﻫﺎ ﻧﻮﺭ ﺣﻴﻞ ﺍﺗﻌﻠﻘﺖ ﺑﻴﻬﺎ ﻭﻫﺬﺍ ﺍﻟﺸﻲ ﺣﻴﻞ ﺧﻮﻓﻨﻲ ﻭﻗﻠﻘﻨﻲ ﻻﻥ ﺍﻟﺒﻨﻴﻪ ﺍﻭﻝ ﻭﺗﺎﻟﻲ ﻻﺯﻡ ﺗﺮﺟﻊ ﻻﻫﻠﻬﺎ ﺑﻌﺪ ﺍﻟﻮﻻﺩﻩ ﻗﺮﺭﺕ ﺍﺑﻘﻰ ﺍﻗﻨﻊ ﺑﻨﻮﺭﻩ ﺍﺑﻮﻳﻪ ﻛﺎﻝ ﺍﻧﻲ ﺍﺧﺬﻫﺎ ﻭﻫﻮﺍﻱ ﻭﺻﻴﻨﺎﻫﺎ ﻣﻤﻨﻮﻉ ﺗﻄﻠﻊ ﻣﻦ ﺍﻟﺒﺎﺏ ﺭﺍﺣﺖ ﻻﻫﻠﻬﺎ ﻧﻮﺭ ﺫﺑﺤﺘﻨﻪ ﺫﺑﺢ ﺍﺭﻳﺪ ﻣﺎﻣﺎ ﺍﺭﻳﺪ ﻣﺎﻣﺎ ﻋﺒﺎﻟﻲ ﺗﺮﻳﺪ ﺍﻣﻬﺎ ﺍﻟﺤﻘﻴﻘﻴﻪ ﺑﺲ ﻃﻠﻌﺖ ﺗﻘﺼﺪ ﺍﻟﺒﻨﻴﻪ ﻧﻔﺴﻬﺎ ﺑﻘﻴﺖ ﺍﺣﺠﻲ ﻉ ﺍﻣﻲ ﻛﺘﻠﻬﺎ ﺑﻌﺪ ﻣﻤﻨﻮﻉ ﺗﺨﻠﻨﻬﺎ ﺗﺼﻌﺪ ﻳﻤﻬﺎ بيج قصص عراقيه حقيقيه من واقعنا.روعه الطائي ﺷﻨﻮ ﻧﺎﻭﻳﻪ ﺗﺨﻠﻴﻬﺎ ﺗﺘﻌﻠﻖ ﺑﻴﻬﺎ ﺣﺘﻰ ﻋﻮﺩ ﻧﺒﻘﻴﻬﺎ ﻳﻤﻨﻪ ﻟﻼﺑﺪ ﻟﻮ ﺗﺮﻳﺪ ﺗﻠﺰﻣﻨﻲ ﻣﻦ ﺍﻻﻳﺪ ﺍﻟﺘﻮﺟﻌﻨﻲ ﻛﻠﺘﻠﻲ ﺍﻣﻲ ﻟﻚ ﻳﻮﻡ ﺍﻟﺒﻨﻴﻪ ﻣﻌﺘﻨﻴﻪ ﺍﺑﺘﻚ ﻫﻮﺍﻱ ﻭﻫﻲ ﻧﻮﺭ ﺑﻮﺣﺪﻫﺎ ﻛﻠﺘﻠﻬﺎ ﺗﻘﺒﻠﻴﻦ ﺍﺻﻴﺤﺞ ﻣﺎﻣﺎ ﻻﻥ ﻣﻔﺘﻘﺪﻩ ﻟﺤﻨﺎﻥ ﺍﻻﻡ ﻋﻮﻓﻬﺎ ﺧﻄﻴﻪ ﻣﺎﺷﻔﻨﻪ ﺍﻟﻤﻮﺯﻳﻦ ﻣﻨﻬﺎ ﺣﺘﻰ ﻧﻤﻨﻌﻬﺎ ﻛﻤﺖ ﺍﺻﻴﺢ ﻭﻓﻘﺪﺕ ﺑﺲ ﺍﻟﻜﻮﻝ ﺑﻘﻪ ﻳﺤﺠﻲ ﻋﻠﻴﻪ ﺣﺘﻰ ﺍﺧﻮﻳﻪ ﻣﺤﻤﺪ ﻣﻘﺒﻞ ﻋﻠﻴﻪ ﺳﻜﺘﺖ ﺑﻌﺪ ﻣﻜﺪﺭﺕ ﺍﺣﺠﻲ ﺑﺲ ﺑﺪﺍﺧﻠﻲ ﺍﻓﻮﺭ ﺍﻧﻲ ﻣﺘﺎﻛﺪ ﺗﺨﻄﻂ ﻟﺒﻌﻴﺪ ﺗﺮﻳﺪ ﺗﺨﻠﻲ ﻧﻮﺭ ﺗﺘﻌﻠﻖ ﺑﻴﻬﺎ ﺣﺘﻰ ﺗﺠﺒﺮﻧﻲ ﻭﺍﻫﻠﻲ ﻫﻢ ﻳﺠﺒﺮﻭﻧﻲ ﺍﺗﺰﻭﺟﻬﺎ ﺑﺲ ﻫﻴﻬﺎﺕ ﻟﻮ ﺗﻤﻮﺕ ﻣﺴﺘﺤﻴﻞ ﺍﺧﺬﻟﻲ ﻭﺣﺪﻩ ﻣﺘﺰﻭﺟﻪ ﺑﺎﻟﺴﺮ ﻳﻮﻣﻴﻪ ﻳﺘﺨﺎﺑﺮﻥ ﻫﻲ ﻭﻧﻮﺭ ﻭﻓﺎﻃﻤﻪ ﻓﺎﻃﻤﻪ ﻣﺘﻠﻬﻔﻪ ﺗﺮﻳﺪﻫﺎ ﺑﺲ ﺗﺠﻲ ﻣﺎﺍﻋﺮﻑ ﺷﺴﻮﺕ ﻭﺧﻠﺘﻬﻦ ﻳﺘﻌﻠﻘﻦ ﺑﻴﻬﺎ ﻃﺒﻌﺎ ﺍﺑﺪ ﻣﻠﻤﺤﻨﺎﻫﺎ ﻭﻻ ﺳﻤﻌﻨﻪ ﺻﻮﺗﻬﺎ ﺻﺎﺭ 10 ﺍﻳﺎﻡ ﻭﺍﺟﺖ ﻓﺎﻃﻤﻪ ﻛﺎﻟﺖ ﺑﺎﺑﺎ ﻋﻔﻴﻪ ﺭﻭﺡ ﺟﻴﺒﻬﺎ ﻟﺰﻳﻨﺐ ﺗﺮﻳﺪ ﺗﺠﻲ ﺿﺤﻜﺖ ﻛﻠﺖ ﻻﺯﻡ ﺍﺗﻌﻮﺩﺕ ﻉ ﺍﻟﺮﻓﺎﻫﻴﻪ ﻭﻳﻦ ﻻﻛﻴﺘﻬﺎ ﺍﻛﻞ ﻭﺷﺮﺏ ﻭﻧﻮﻡ ﻃﺒﻌﺎ ﻣﺎﺗﻌﻮﻝ ﺗﺠﻲ ﺣﺠﻪ ﻋﻠﻴﻪ ﺍﺑﻮﻳﻪ ﻛﺎﻝ ﻭﻟﻚ ﻫﺎﻱ ﺍﺧﺘﻚ ﺍﻡ ﻧﻔﺲ ﻫﻲ ﺍﻟﻲ ﻟﺤﺖ ﻋﻠﻴﻬﺎ ﺗﻜﻠﻬﺎ ﺍﺗﻌﻮﺩﻧﻪ ﻉ ﻃﺒﺨﺞ ﻛﻠﺘﻠﻲ ﻓﺎﻃﻤﻪ ﻭﺍﻟﻠﻪ ﺍﻧﻲ ﻭﻧﻮﺭ ﻟﺤﻴﻨﻪ ﻋﻠﻴﻬﺎ ﻭﻟﻴﺶ ﻋﻮﺩ ﺧﻠﻮﻫﺎ ﻫﻨﺎﻙ ﺧﻞ ﻧﺮﺗﺎﺡ ﻣﻨﻬﺎ ﻛﻮﻝ ﻭﺍﻟﻠﻪ ﻧﺮﺗﺎﺡ ﻣﻨﻬﺎ ﻟﻚ ﻣﻦ ﻳﻮﻡ ﺍﻻﺟﺖ ﻟﻠﻴﻮﻡ ﻛﻤﻨﻪ ﻧﺎﻛﻞ ﺍﻛﻞ ﻣﺜﻞ ﺍﻻﻭﺍﺩﻡ ﻟﻌﺪ ﻣﺘﻜﻠﻴﻦ ﻟﺮﻭﺣﺞ ﺯﻏﻴﻮﻧﻪ ﻭﻛﻠﺸﻲ ﻣﺘﻌﺮﻓﻴﻦ ﻫﺴﻪ ﺍﻧﺖ ﺷﻌﻠﻴﻚ ﺑﻴﻪ ﺩﺳﻜﺘﻲ ﻭﺍﻧﺠﺒﻴﺪ ﺭﺍﺡ ﺍﺑﻮﻳﻪ ﺟﺎﺑﻬﺎ ﻭﺭﺟﻌﻨﻪ ﻣﺜﻞ ﻗﺒﻞ ﻻﺯﻡ ﻧﻜﻮﻥ ﺣﺬﺭﻳﻦ ﻣﺎﻧﺪﺧﻞ ﺍﺑﺪ ﻟﻠﺒﻴﺖ ﺑﺲ ﺍﺫﺍ ﻓﻮﻙ ﻫﻲ ﻣﺎ ﻧﺪﺧﻞ ﻭﺩﺍﺋﻤﺎ ﺑﺲ ﻭﻗﺖ ﺍﻻﻛﻞ ﻧﺘﺠﻤﻊ ﻃﺒﻌﺎ ﻧﻮﺭ ﺻﺪﻓﻪ ﺍﺷﻮﻓﻬﺎ ﻣﺎﺍﻋﺮﻑ ﺷﻤﺴﻮﻳﻪ ﺍﻟﻬﺎ ﻣﺮﺍﺕ ﺍﺑﻘﻪ ﺍﺣﺠﻲ ﻉ ﺍﻣﻲ ﻭﻓﺎﻃﻤﻪ ﺑﺲ ﺍﻣﻲ ﺗﻜﻮﻟﻲ ﻋﻮﻓﻬﺎ ﻣﺘﺨﻠﺼﻴﻦ ﻣﻦ ﻭﻛﺎﺣﺘﻬﺎ بيج قصص عراقيه حقيقيه من واقعنا.روعه الطائي ﺻﺎﻳﺮﻩ ﺣﻴﻞ ﻫﺎﺩﺋﻪ ﺣﺘﻰ ﻣﻦ ﺍﺭﻳﺪ ﺍﻃﻠﻬﺎ ﻣﺘﻘﺒﻞ ﺗﻜﻮﻟﻲ ﺍﻧﺖ ﺟﺎﻱ ﺗﻌﺒﺎﻥ ﺧﻠﻴﻬﺎ ﺑﻮﻗﺖ ﺍﺟﺎﺯﺗﻚ ﺍﺑﻘﻰ ﺻﺎﻓﻦ ﻋﻠﻴﻬﺎ ﻭﻳﻦ ﺟﺎﻧﺖ ﻧﻮﺭ ﻭﻫﺴﻪ ﻭﻳﻦ ﺻﺎﺭﺕ ﺍﺗﻐﻴﺮﺕ 180 ﺩﺭﺟﻪ ﺍﻟﻜﻮﻝ ﻓﺮﺣﺎﻥ ﺑﻴﻬﺎ ﺑﻘﻴﺖ ﺍﻧﻲ ﻣﻠﺘﻬﻲ ﺑﺎﻟﺪﻭﺍﻡ ﻣﻦ ﺍﺭﺟﻊ ﻧﺘﻐﺪﻩ ﺳﻮﻳﻪ ﻭﻱ ﺍﻫﻠﻲ ﻳﻮﻣﻴﻪ ﺗﻄﺒﺦ ﺷﻜﻞ ﻃﺒﻌﺎ ﺣﻴﻞ ﻋﺠﺒﻨﻪ ﺍﻻﻛﻞ ﺍﻟﻲ ﺗﺴﻮﻱ ﺑﺎﻟﻨﺴﺒﻪ ﻟﻨﻮﺭ ﻃﻠﺒﺖ ﻣﻨﻲ ﺍﺟﻴﺒﻠﻬﺎ ﻗﺎﺻﻪ ﻭﺑﺪﺕ ﺗﺠﻤﻊ ﺑﻴﻬﺎ ﻛﺘﻠﻬﺎ ﺷﺮﺍﺡ ﺗﺴﻮﻳﻦ ﺑﻴﻬﺎ ﻛﺎﻟﺖ ﻟﻤﻦ ﻳﺼﻴﺮﻥ ﻫﻮﺍﻱ ﻓﻠﻮﺱ ﺍﺧﻠﻲ ﺑﻴﺒﻲ ﺗﺠﻴﺒﻠﻲ ﺑﺪﻟﻪ ﻭﺫﻫﺐ ﻛﻤﺖ ﺍﺿﺤﻚ ﻛﺘﻠﻬﺎ ﻣﻴﺨﺎﻟﻒ ﻛﺎﻟﺖ ﻣﺎﻣﺎ ﺷﺠﻌﻬﺎ ﺍﺣﺴﻦ ﻣﻦ ﺍﻟﻜﺎﻛﻮ ﺍﻟﻲ ﻳﺪﻣﺮﻫﺎ ﺩﻣﺎﺭ ﺑﺎﻟﻨﺴﺒﻪ ﻟﻼﻳﺒﺎﺩ ﺟﺎﻧﺖ ﻟﻴﻞ ﻧﻬﺎﺭ ﻋﺪﻫﺎ ﻫﺴﻪ ﺗﻘﺮﻳﺒﺎ ﻧﺴﺘﻪ ﻫﻮﺍﻱ ﻋﺠﺒﻨﻲ ﻃﺒﻌﻬﺎ ﻟﻨﻮﺭ ﺻﺎﺭﺕ ﺣﻴﻞ ﻫﺎﺩﺋﻪ ﺑﻴﻨﻤﺎ ﺟﺎﻧﺖ ﺍﻋﺼﺎﺭ ﺍﻣﻲ ﻛﺎﻟﺘﻠﻲ ﺧﻞ ﻧﺎﺧﺬﻫﺎ ﻟﻠﺒﻨﻴﻪ ﻟﻠﺪﻛﺘﻮﺭﻩ ﻧﺠﻴﻜﻬﺎ ﻣﻦ ﺟﺪﻳﺪ ﺍﺧﺬﻧﺎﻫﺎ ﺑﺲ ﻫﺎﻟﻤﺮﻩ ﺍﺳﺘﻮﺟﺒﺖ ﺩﺧﻮﻝ ﻣﺴﺘﺸﻔﻰ ﻻﻥ ﻻﺯﻡ ﻳﺪﻳﺮﻭﻟﻬﺎ ﺩﻡ ﻇﺮﻭﺭﻱ ﺩﺧﻼﻧﻬﺎ ﻭﻛﺎﻟﺖ ﺍﻣﻲ ﺍﻧﻲ ﺍﺩﺧﻞ ﻭﻳﺎﻫﺎ ﺑﺲ ﻻﺯﻡ ﻧﺪﺑﺮﻟﻬﺎ ﺩﻡ ﻧﻔﺲ ﺯﻣﺮﺗﻬﺎ ﺍﻧﻄﻮﻧﻲ ﻭﺭﻗﻪ ﺍﻟﺪﻡ ﻭﺟﺎﻧﺖ ﻓﺼﻴﻠﺘﻬﺎ ab+ ﻳﻌﻨﻲ ﺗﺴﺘﻘﺒﻞ ﻣﻦ ﺍﻱ ﻓﺼﻴﻠﻪ ﻭﺑﻨﻔﺲ ﺍﻟﻮﻗﺖ ﻣﺎﺗﻨﻄﻲ ﺍﻟﻪ ﻟﻨﻔﺲ ﺍﻟﻔﺼﻴﻠﻪ ﻭﻳﺴﻤﻮﻫﺎ ﺍﻟﻔﺼﻴﻠﻪ ﺍﻟﺒﺨﻴﻠﻪ ﻋﻜﺴﻲ ﺟﺎﻧﺖ ﻓﺼﻴﻠﺘﻲ o+ ﻳﻌﻨﻲ ﻓﺼﻴﻠﺘﻲ ﺗﻨﻄﻲ ﻟﺠﻤﻴﻊ ﺍﻟﻔﺼﺎﺋﻞ ﺑﺲ ﻣﺘﺴﺘﻘﺒﻞ ﺍﻟﻪ ﻣﻦ ﻧﻔﺲ ﺍﻟﻔﺼﻴﻠﻪ ﻭﻳﺴﻤﻮﻫﺎ ﺍﻟﻔﺼﻴﻠﻪ ﺍﻟﻜﺮﻳﻤﻪ ﻟﻬﺬﺍ ﺍﻟﺴﺒﺐ ﻗﺮﺭﺕ ﺍﻧﻄﻴﻬﺎ ﺩﻡ ﺍﻧﻲ ﻻﻥ ﺑﻴﻦ ﻓﺘﺮﻩ ﻭﻓﺘﺮﻩ ﺍﺗﺒﺮﻉ ﺑﺪﻡ ﻛﻠﺖ ﻫﻢ ﺍﺗﺒﺮﻉ ﺍﻟﻬﺎ ﻻﻥ ﻣﺎﻛﻮ ﻓﺮﻕ ﺑﻴﻨﻬﺎ ﻭﺑﻴﻦ ﻏﻴﺮﻫﺎ ﺭﺟﻌﺘﻬﻦ ﻟﻠﺒﻴﺖ ﺑﺪﻟﻦ ﻣﻼﺑﺴﻬﻦ ﻭﺍﺗﻌﺸﻦ ﻭﺩﺯﻳﺘﻬﻦ ﻟﻠﻤﺴﺘﺸﻔﻰ ﻃﺒﻌﺎ ﺍﺑﺪ ﻣﺘﺘﻨﻔﺲ ﻧﻔﺲ ﺣﺠﺰﻧﺎﻟﻬﺎ ﺧﺎﺹ ﺣﺘﻰ ﻳﺎﺧﺬﻥ ﺭﺍﺣﺘﻬﻦ ﻋﻔﺘﻬﻦ ﻭﺭﺟﻌﺖ ﻛﻞ ﺷﻮﻳﻪ ﻭﺍﺗﺼﻞ ﺑﺎﻣﻲ ﺍﺧﺎﻑ ﻣﺤﺘﺎﺟﻪ ﺷﻲ ﺑﻌﺪﻳﻦ ﻛﺎﻟﺖ ﺭﺍﺡ ﺍﻧﺎﻡ ﺍﻧﻲ ﻫﻢ ﻧﻤﺖ ﺛﺎﻧﻲ ﻳﻮﻡ ﺭﺣﻨﻪ ﺍﻧﻲ ﻭﺍﺑﻮﻳﻪ ﻭﺟﺎﻧﺖ ﺯﻭﺟﺔ ﻣﺤﻤﺪ ﻭﻳﺎﻧﻪ ﻻﻥ ﺩﻛﺘﻮﺭﻩ ﺑﻨﻔﺲ ﺍﻟﻤﺴﺘﺸﻔﻰ ﺳﻮﻳﻨﻪ ﺍﻟﻔﺤﻮﺻﺎﺕ ﺍﻟﻼﺯﻣﻪ ﻭﺍﺗﺒﺮﻋﺖ ﻭﻫﻲ ﻫﻢ ﺧﻠﻮﻟﻬﺎ ﺑﺲ ﻳﻜﻮﻟﻠﻮﻥ ﺑﻌﺪﻫﻢ ﻣﺨﻠﻮﻟﻬﺎ ﺍﻟﺪﻡ ﺍﺗﺤﺴﺴﺖ ﻭﺍﺗﺨﺮﺑﻄﺖ ﻭﺧﺮﻭﺍ ﻋﻨﻬﺎ ﺑﺎﻟﻠﺤﻀﻪ ﻛﺎﻟﺖ ﺍﻟﺪﻛﺘﻮﺭﻩ ﻣﻨﻜﺪﺭ ﻧﻨﻄﻴﻬﺎ ﻻﻥ ﺍﺗﺤﺴﺴﺖ ﻣﻦ ﺍﻟﺪﻡ ﻻﺯﻡ ﻧﻌﺎﻟﺞ ﺍﻟﻔﻘﺮ ﺑﺸﻜﻞ ﺟﺪﻱ ﻻﺯﻡ ﺗﻨﺠﺒﺮ ﻉ ﺍﻻﻛﻞ ﺍﻟﻲ ﻳﺤﺘﻮﻱ ﻉ ﺍﻟﺤﺪﻳﺪ ﺍﻟﻜﺒﺪ ﻭﺍﻟﺴﻤﻚ ﻭﺍﻟﺰﺑﻴﺐ ﻭﺍﻟﻜﺮﻓﺲ ﻗﺮﺭﻧﻪ ﻧﺠﺒﺮﻫﺎ ﻉ ﺍﻻﻛﻞ ﻻﺯﻡ ﺍﺧﺬﻭﻟﻬﺎ ﺳﻮﻧﺎﺭ ﻭﺍﺗﺤﺪﺩ ﻧﻮﻉ ﺍﻟﺠﻨﻴﻦ ﻭﺟﺎﻥ ﻭﻟﺪ ﻭﺻﺤﺘﻪ ﺗﻤﺎﻡ ﻭﺣﺎﻟﻴﺎ ﻫﻲ ﺑﺸﻬﺮ ﺍﻟﺴﺎﺑﻊ ﺑﻘﻮﻫﺎ ﺑﻌﺪ ﻳﻮﻡ ﻭﺛﺎﻧﻲ ﻳﻮﻡ ﺧﺮﺟﻮﻫﺎ ﺭﺟﻌﻬﻢ ﺍﺑﻮﻳﻪ ﻭﺍﺗﻔﻘﻨﻪ ﻻﺯﻡ ﺗﺎﻛﻞ ﺑﻌﺪﻳﻦ ﻛﺎﻝ ﺍﺑﻮﻳﻪ ﺧﻞ ﻧﺪﺯﻫﺎ ﻳﻢ ﺍﻫﻠﻬﺎ ﺍﺣﺴﻦ ﻓﻌﻼ ﺟﻬﺰﻭﺍ ﻧﻔﺴﻬﻢ ﻭﻫﺎﻱ ﻧﻮﺭ ﻫﻢ ﺳﻮﺗﻬﺎ ﻣﻨﺎﺣﻪ ﻭﺟﺎﻧﺖ ﻓﺘﺮﺓ ﻋﻄﻠﺔ ﻧﺼﻒ ﺍﻟﺴﻨﻪ ﻛﺎﻝ ﺍﺑﻮﻳﻪ ﺧﻠﻲ ﺗﺮﻭﺡ ﻭﻳﺎﻱ ﻫﻲ ﻭﻓﺎﻃﻤﻪ ﻭﺍﺭﺟﻌﻬﻦ ﻭﻳﺎﻱ ﻛﺘﻠﻪ ﻋﺎﺩﻱ ﺭﻭﺣﻮﺍ ﻓﺮﺣﻦ ﺣﻴﻞ ﺭﺍﺣﻮﺍ ﺗﻘﺮﻳﺒﺎ ﺏ 9 ﺍﻟﺼﺒﺢ ﻭﺑﻘﻮﺍ ﻟﻠﻐﺪﻩ ﺑﺲ ﻓﺠﺄﻩ ﺧﺎﺑﺮﻧﻲ ﺍﺑﻮﻳﻪ ﻭﺟﺎﻥ ﻳﻜﻮﻟﻲ ......... ﻭﻛﻊ ﻛﻠﺒﻲ ﺑﺎﻟﻜﺎﻉ ﺗﻮﻗﻌﺎﺗﻜﻢ ﺣﺒﺎﻳﺐ ﺷﻨﻮ ﺍﻟﻲ ﺻﺎﻳﺮ ﻟﺘﻨﺴﻮﻥ ﺍﻟﺘﺼﻮﻳﺖ ﻭﺍﻟﺘﻌﻠﻴﻖ ﺣﺘﻰ ﺗﻨﺠﺢ ﺍﻟﻘﺼﻪ ﺑﻔﻀﻠﻜﻢ ﻭﺗﻮﺻﻞ ﻟﻠﻤﺮﻛﺰ ﺍﻻﻭﻝ ﻭﺭﺍﺡ ﺍﻛﻮﻥ ﻣﻤﻨﻮﻧﻪ ﻣﻨﻜﻢ ﺗﺤﻴﺎﺗﻲ ﻟﻠﺠﻤﻴﻊ 😘😘 | ||||||||
|
| |
|
08-08-19, 02:49 AM
| #8 | ||||||||
| مراقبة عامة ومشرفة منتدى الروايات المنقولة
| ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ 🦋🌹 ﺍﻟﺒﺎﺭﺕ 7 🌹🦋 🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋 🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋 ﺍﺗﺼﻞ ﺑﻴﻪ ﺍﺑﻮﻳﻪ ﻭﺟﺎﻥ ﻳﻜﻠﻲ ﻋﻔﻨﻪ ﻧﻮﺭ ﻳﻢ ﺯﻳﻨﺐ ﺍﻧﻲ ﺍﺗﺨﺒﻠﺖ ﻛﺘﻠﻬﻢ ﻟﻴﺶ ﻋﻔﺘﻮﻫﺎ ﻛﻠﻲ ﺍﺑﻮﻳﻪ ﻛﺎﻣﺖ ﺗﺒﺠﻲ ﻭﺍﺻﺮﺕ ﺍﻟﻪ ﺗﺒﻘﻪ ﻛﺘﻠﻪ ﻣﺎﺍﻗﺒﻞ ﻫﺴﻪ ﺗﺮﺟﻊ ﻭﺗﺠﻴﺒﻬﺎ ﺍﻛﻴﺪ ﻣﺎﻳﻌﺮﻓﻮﻟﻬﺎ ﻭﻣﺎﻧﺪﺭﻱ ﺷﺮﺍﺡ ﻳﺴﻮﻭﻥ ﺑﻴﻬﺎ ﻭﻣﺎﻧﻌﺮﻑ ﺍﺫﺍ ﺭﺍﺡ ﻳﺸﺒﻌﻮﻫﺎ ﻟﻮ ﻳﺠﻮﻋﻮﻫﺎ ﻛﻠﻲ ﻳﺎﺑﻪ ﺧﻠﻴﻨﺎﻫﺎ ﺑﺎﻳﺎﺩﻱ ﺍﻣﻴﻨﻪ ﻭﺍﻛﻴﺪ ﺯﻳﻨﺐ ﺭﺍﺡ ﺗﺤﺎﻓﻆ ﻋﻠﻴﻬﺎ ﻭﺗﺨﺎﻑ ﻋﻠﻴﻬﺎ ﺍﻛﺜﺮ ﻣﻦ ﻋﺪﻧﻪ ﻭﻣﻦ ﺍﺭﺟﻊ ﻧﺘﻔﺎﻫﻢ ﻛﻤﺖ ﺍﻓﻮﺭ ﺩﻡ ﺍﺣﺴﻬﺎ ﻛﺎﻋﺪ ﺗﺴﺘﻐﻠﻨﺎ ﺑﺘﺼﺮﻓﺎﺗﻬﺎ ﺑﻘﻴﺖ ﻉ ﻧﺎﺭ ﻟﻤﻦ ﺭﺟﻌﻮﺍ ﺍﺑﻮﻳﻪ ﻭﻓﺎﻃﻤﻪ ﻃﺒﻌﺎ ﺣﻴﻞ ﻋﺼﺒﺖ ﻭﻳﺎﻫﻢ ﻛﺘﻠﻬﻢ ﺷﻨﻮ ﺍﻟﺪﻟﻴﻞ ﺍﻟﻲ ﻋﺪﻧﻪ ﺍﺫﺍ ﺍﺧﺬﺕ ﺑﻨﺘﻲ ﻭﺍﻧﻬﺰﻣﺖ ﺷﻨﻌﺮﻑ ﻋﻨﻬﺎ ﻭﻋﻦ ﺍﻫﻠﻬﺎ ﺍﺷﻮ ﺍﻫﻠﻬﺎ ﺍﻧﻄﻮﻧﻴﺎﻫﺎ ﺑﺪﻭﻥ ﻻ ﻣﺸﻴﻪ ﻭﻻﻋﻘﺪ ﺍﻣﺎﻣﻬﻢ ﻳﻌﻨﻲ ﻛﻠﺸﻲ ﻣﻨﻌﺮﻑ ﻋﻨﻬﻢ ﻻﻋﻤﺎﻣﻬﻢ ﻭﻻ ﻋﺸﻴﺮﺗﻬﻢ ﻛﻠﻲ ﺍﺑﻮﻳﻪ ﻭﺷﻨﻮ ﻣﺼﻠﺤﺘﻬﺎ ﻫﻴﺞ ﺗﺴﻮﻱ ﺍﻟﺒﻨﻴﻪ ﺣﺒﺎﺑﻪ ﻭﺍﻫﻠﻬﺎ ﺧﻮﺵ ﻧﺎﺱ ﻣﺒﻴﻦ ﻋﻠﻴﻬﻢ ﻫﻬﻬﻬﻬﻪ ﻣﺒﻴﻦ ﻣﻦ ﺯﻭﺍﺟﻬﺎ ﺍﻟﻲ ﺑﺎﻟﺴﺮ ﻣﻨﺤﻜﻢ ﻉ ﺍﻟﺒﺸﺮ ﻣﻦ ﻣﻮﻗﻒ ﻭﺍﺣﺪ ﻳﺎﺣﻴﺪﺭ ﺍﻟﺒﻨﻴﻪ ﺻﺎﺭﻟﻬﺎ ﺍﻛﺜﺮ ﻣﻦ 5 ﺍﺷﻬﺮ ﻣﺎﺷﻔﻨﻪ ﺍﻟﻤﻮ ﺯﻳﻨﻪ ﻣﻨﻬﺎ ﺍﺑﺪ ﺑﺲ ﺗﻀﻮﺝ ﻧﻮﺭ ﺭﺍﺡ ﺗﺘﺼﻞ ﺑﻴﻪ ﻭﺍﺭﺡ ﺍﺟﻴﺒﻬﺎ ﺧﻄﻴﻪ ﻋﺪﻫﺎ ﻋﻄﻠﻪ ﻭﺗﻀﻮﺝ ﻫﻨﺎﺩ ﺧﻠﻴﻬﺎ ﻫﻨﺎﻙ ﺗﻐﻴﺮ ﺟﻮ ﺳﻜﺘﺖ ﺑﺲ ﻛﻠﺒﻲ ﻣﻤﺮﺗﺎﺡ ﺍﺑﺪ ﻭﺍﻧﻲ ﻣﺘﺎﻛﺪ ﺭﺍﺡ ﺗﺨﺎﺑﺮﻧﻪ ﺑﺎﺟﺮ ﻭﺗﻜﻮﻝ ﺗﻌﺎﻟﻮ ﺍﺧﺬﻭﻫﺎ ﻛﻮﻩ ﻛﺪﺭﺕ ﺍﻧﺎﻡ ﺛﺎﻧﻲ ﻳﻮﻡ ﻃﻠﺒﺖ ﻣﻦ ﻓﺎﻃﻤﻪ ﺗﺨﺎﺑﺮﻫﺎ ﻭﺗﺴﺎﻝ ﻋﻦ ﻧﻮﺭ ﻛﺎﻟﺘﻠﻲ ﻓﺮﺣﺎﻧﻪ ﺣﻴﻞ ﻭﺗﻜﻮﻝ ﻣﺎﺍﺟﻲ ﺍﺑﻘﻪ ﻳﻢ ﻣﺎﻣﺎ ﻛﻠﺘﻠﻲ ﺍﻣﻲ ﺧﻠﻴﻬﺎ ﺧﻄﻴﻪ ﻣﺪﺍﻣﻬﺎ ﻓﺮﺣﺎﻧﻪ ﺩﺍﻭﻣﺖ ﻭﻣﻦ ﺭﺟﻌﺖ ﺑﻘﻴﺖ ﺑﻘﻠﻖ ﺍﺑﺪ ﻣﻤﺮﺗﺎﺡ ﺍﻭﻝ ﻣﺮﻩ ﺗﻐﻴﺐ ﻋﻨﻲ ﺑﻨﺘﻲ ﻧﻤﺖ ﻭﻛﻌﺪﺕ ﺑﺎﻟﻠﻴﻞ ﺩﺯﻳﺖ ﺭﺳﺎﻟﻪ ﻣﻦ ﺭﻗﻤﻲ ﺍﻭﻝ ﻣﺮﻩ ﺍﺭﺍﺳﻠﻬﺎ ﻣﻦ ﺭﻗﻤﻲ ﺩﺯﻳﺖ ﻣﺮﺣﺒﺎ ﺍﺑﺪ ﻣﺎﻛﻮ ﺟﻮﺍﺏ ﻛﻌﺪﺕ ﻭﺑﺎﻭﻋﺖ ﺍﺑﺪ ﻣﺎﻛﻮ ﺟﻮﺍﺏ ﺭﻏﻢ ﻣﺎﻗﺎﺭﻳﺘﻬﺎ ﻟﻠﺮﺳﺎﻟﻪ بيج قصص عراقيه حقيقيه من واقعنا.روعه الطائي ﺗﻌﺸﻴﺖ ﻭﺧﻠﺼﺖ ﺩﻛﻴﺖ ﻋﻠﻴﻬﺎ ﻣﺮﻓﻌﺖ ﺧﻂ ﺩﻛﻴﺖ ﻣﺮﻩ ﺛﺎﻧﻴﻪ ﻭﺟﺎﻥ ﻳﻄﻠﻌﻠﻲ ﺻﻮﺕ ﺭﺟﺎﻝ ﺍﻋﺘﻘﺪ ﺍﺑﻮﻫﺎ ﻳﻤﻜﻦ ﻻﻥ ﺭﻗﻢ ﻏﺮﻳﺐ ﻣﺎﺍﺩﺭﻱ ﺗﻌﺮﻑ ﺭﻗﻤﻲ ﻭﺗﺮﻳﺪ ﺗﺜﺒﺘﻠﻲ ﻫﻲ ﻣﺘﻌﺮﻓﻊ ﺧﻂ ﺍﺫﺍ ﺭﻗﻢ ﻏﺮﻳﺐ ﻣﺎﺍﺻﺪﻙ ﻣﺘﺠﺎﻭﺏ ﻻﻥ ﺭﻗﻢ ﻏﺮﻳﺐ ﻣﺎﻛﺪﺭﺕ ﺍﺣﺠﻲ ﻋﻴﺐ ﻣﻦ ﺍﻟﺮﺟﺎﻝ ﻃﺒﻜﺘﻪ ﻟﻠﺨﻂ ﺑﻘﻴﺖ ﻣﻨﺘﻈﺮ ﻓﺘﺮﻩ ﻭﺩﺯﻳﺘﻠﻬﺎ ﻛﺘﻠﻬﺎ ﺍﻧﻲ ﺍﺑﻮ ﻧﻮﺭ ﺣﺎﺏ ﺍﺣﺠﻲ ﻭﻳﺎﻫﺎ ﺍﺫﺍ ﻣﻤﻜﻦ ﻟﺤﻀﺎﺕ ﻭﺩﻙ ﺟﻬﺎﺯﻱ ﺭﻓﻌﺖ ﺧﻂ ﺗﻮﻗﻌﺖ ﻫﻲ ﺍﻟﻲ ﺟﺎﻭﺑﺘﻨﻲ ﺑﺲ ﺍﺗﻔﺎﺟﺎﺕ ﺑﻨﻮﺭ ﺍﻟﻲ ﺗﺤﺠﻲ ﻫﻠﻮ ﺑﺎﺑﺎ ﺷﻠﻮﻧﻚ ﻣﺸﺘﺎﻗﺘﻠﻚ ﻛﺘﻠﻬﺎ ﻫﻠﻮ ﺣﺒﻴﺒﺘﻲ ﺷﻠﻮﻧﺞ ﺍﻧﺘﻲ ﻣﺮﺗﺎﺣﻪ ﻻ ﻛﺎﻟﺖ ﺣﻠﻮﻩ ﻫﻨﺎ ﺍﺗﻮﻧﺴﺖ ﻭﻟﻌﺒﺖ ﻭﻱ ﺍﻟﺒﻨﺎﺕ ﺧﺎﻟﻪ ﺭﻧﺎ ﻭﺧﺎﻟﻪ ﺗﺒﺎﺭﻙ ﻭﺧﺎﻟﻪ ﺭﻗﻴﻪ ﻭﺣﻴﻞ ﻓﺮﺣﺎﻧﻪ ﻭﻣﺎﻣﺎ ﺯﻳﻨﺐ ﻣﺎﺗﻘﺒﻞ ﺗﻠﻌﺐ ﻭﻳﺎﻳﻪ ﻻﻥ ﻣﺮﻳﻀﻪ ﻋﻮﻓﻴﻬﺎ ﺑﺎﺑﺎ ﺧﻠﻴﻬﺎ ﺗﺮﺗﺎﺡ ﻟﺘﻀﻐﻄﻴﻦ ﻋﻠﻴﻬﺎ ﺯﻳﻦ ﻛﺎﻋﺪ ﺗﺎﻛﻠﻴﻦ ﺯﻳﻦ ﻟﻮ ﻻ ﺍﻱ ﻣﺎﻣﺎ ﺯﻳﻨﺐ ﺑﻴﺪﻫﺎ ﺗﻮﻛﻠﻨﻲ ﻭﺑﻴﺒﻲ ﻫﻤﻴﻦ ﺗﻮﻛﻠﻨﻲ ﻭﺗﻨﻴﻤﻨﻲ ﻳﻤﻬﺎ ﺗﺤﺒﻨﻲ ﻣﻨﻴﻠﺞ ﻣﻼﺑﺲ ﻟﻌﺪ ﺑﻴﺒﻲ ﻭﺟﺪﻭﺍ ﺍﺧﺬﻭﻧﻲ ﻟﻠﺴﻮﻙ ﻭﺍﺷﺘﺮﻭﻟﻲ ﻣﻼﺑﺲ ﻟﺞ ﻣﺎﻣﺸﺘﺎﻗﺘﻠﻲ ﻻ ﻣﺸﺘﺎﻗﺘﻠﻚ ﺑﺲ ﻣﺎﺍﺟﻴﻜﻢ ﺍﺑﻘﻪ ﻳﻢ ﻣﺎﻣﺎ ﺯﻳﻨﺐ ﺍﺭﻳﺪ ﻣﻨﺞ ﺗﺨﺎﺑﺮﻳﻨﻲ ﺩﺍﺋﻤﺎ ﺣﺘﻰ ﺍﺳﻤﻊ ﺻﻮﺗﺞ ﺗﺪﻟﻞ ﺑﺎﺑﺎ ﺑﺎﺟﺮ ﻳﺎﺧﺬﻧﻲ ﺟﺪﻭﺍ ﺍﻧﻲ ﻭﺭﻗﻴﻪ ﻟﻼﻟﻌﺎﺏ ﻭﻛﺎﻝ ﺭﺍﺡ ﻳﺼﻌﺪﻧﻲ ﺑﺎﻟﺴﻴﺎﺭﺍﺕ ﺍﻟﻴﺪﺍﻋﻤﻦ ﻭﺍﺻﻌﺪ ﺑﺎﻟﺴﻔﻴﻨﻪ ﺍﻧﺘﺒﻬﻲ ﺯﻳﻦ ﻣﻮ ﺗﺘﺎﺫﻳﻦ ﻻ ﺑﺎﺑﺎ ﻟﺘﺨﺎﻑ ﻋﻠﻴﻪ ﻭﻳﻠﻪ ﺭﻭﺡ ﺍﺭﻳﺪ ﺍﻛﻤﻞ ﻟﻌﺒﺘﻲ ﻃﺒﻜﺘﻪ ﺑﻮﺟﻬﻲ ﺍﻳﺎ ﺣﻘﻴﺮﻩ ﺍﻟﻈﺎﻫﺮ ﺣﻴﻞ ﻓﺮﺣﺎﻧﻪ ﻫﻨﺎﻙ ﻣﺎﺷﻔﺘﻬﺎ ﻫﻴﺞ ﻓﺮﺣﺎﻧﻪ ﺍﺑﺪ ﺩﺯﻳﺖ ﺭﺳﺎﻟﻪ ﻳﺎﺭﻳﺖ ﺗﻨﺘﺒﻬﻮﻟﻬﺎ ﺯﻳﻦ ﺧﺎﻑ ﺗﻮﻛﻊ ﺑﺎﻻﻟﻌﺎﺏ ﺩﺯﺗﻠﻲ ﻟﺘﺨﺎﻑ ﻋﻠﻴﻬﺎ ﺑﺎﻳﺎﺩﻱ ﺍﻣﻴﻨﻪ ﺍﻥ ﺷﺎﺀ ﺍﻟﻠﻪ ﻛﺎﻣﺖ ﺗﺘﺼﻞ ﺑﻴﻪ 3 ﻣﺮﺍﺕ ﻟﻮ 4 ﻣﺮﺍﺕ ﺑﺎﻟﻴﻮﻡ ﻭﺣﺴﻴﺘﻬﺎ ﺑﻐﻴﺮ ﻋﺎﻟﻢ ﺗﻜﻮﻝ ﻛﻤﺖ ﺍﻟﻌﺐ ﺭﻳﺎﺿﻪ ﻭﻱ ﺍﻟﺒﻨﺎﺕ ﺧﻠﺼﺖ ﺍﻟﻌﻄﻠﻪ بيج قصص عراقيه حقيقيه من واقعنا.روعه الطائي ﻭﻃﻠﺒﺖ ﻣﻦ ﺍﺑﻮﻳﻪ ﻳﺮﻭﺡ ﻳﺠﻴﺒﻬﻦ ﻭﻓﻌﻼ ﺧﺎﺑﺮﻫﻢ ﺍﺑﻮﻳﻪ ﻭﺭﺍﺡ ﺟﺎﺑﻬﻢ ﻃﺒﻌﺎ ﺣﺴﻴﺖ ﺑﻨﺘﻲ ﻧﻮﺭ ﻭﺣﺪﻩ ﺛﺎﻧﻴﻪ ﻓﺮﺣﺎﻧﻪ ﺣﻴﻞ ﻭﺑﻨﻔﺲ ﺍﻟﻮﻗﺖ ﺿﻌﻔﺎﻧﻪ ﻧﻮﺭ ﺟﺎﻧﺖ ﺳﻤﻴﻨﻪ ﺑﺴﺒﺐ ﺍﻛﻠﻬﺎ ﺍﻟﻲ ﻣﻤﻨﺘﻈﻢ ﺗﺎﻛﻞ ﻧﻮﺗﻴﻼ ﻫﻮﺍﻱ ﻭﻋﺼﺎﺋﺮ ﻭﺑﺒﺴﻲ ﻭﺟﺒﺲ ﻳﻌﻨﻲ ﺍﻛﻠﻬﺎ ﻣﻮ ﺻﺤﻲ ﺍﺑﺪ ﺍﻧﻲ ﻣﺘﺎﻛﺪ ﻣﻦ ﺍﻟﺮﻳﺎﺿﻪ ﻭﺍﻻﻛﻞ ﺍﻟﺼﺤﻲ ﻫﻴﺞ ﺻﺎﻳﺮﻩ ﺑﺲ ﻣﺮﺍﺡ ﺍﺣﺠﻲ ﻛﺪﺍﻡ ﺍﻫﻠﻲ ﺣﺘﻰ ﻣﺮﻩ ﺛﺎﻧﻴﻪ ﻣﺘﺮﻭﺡ ﻭﺗﺒﻘﻪ ﻭﻳﺎﻫﺎ ﻛﻤﺖ ﺍﺣﺠﻲ ﻣﻦ ﺷﻔﺘﻬﺎ ﻛﺘﻠﻬﻢ ﺍﻛﻴﺪ ﻛﺎﺗﻠﻬﺎ ﺍﻟﺠﻮﻉ ﺫﻭﻟﻪ ﻧﺎﺱ ﻓﻜﺮ ﺣﺴﺮﻩ ﻋﻠﻴﻬﻢ ﺍﻟﺮﺑﻊ ﺑﻌﺪ ﻣﺴﺘﺤﻴﻞ ﺍﺧﻠﻴﻬﺎ ﺗﺮﻭﺡ ﻛﺎﻣﺖ ﺗﺒﺠﻲ ﺗﻜﻮﻝ ﻭﺍﻟﻠﻪ ﺑﺎﺑﺎ ﺍﻛﻞ ﻫﻮﺍﻱ ﺑﺲ ﻧﻠﻌﺐ ﺭﻳﺎﺿﻪ ﻭﺍﻛﻞ ﻓﻮﺍﻛﻪ ﺍﻫﻠﻲ ﻛﺎﻣﻮ ﻳﺤﺠﻮﻥ ﻋﻠﻴﻪ ﻛﺎﻟﻮ ﻋﻴﺐ ﻣﻦ ﺍﻟﺒﻨﻴﻪ ﻫﺎﻱ ﻓﻮﻙ ﻣﺎ ﻣﺸﺘﺮﻳﻠﻬﺎ ﻣﻼﺑﺲ ﻭﻣﻌﺘﻨﻴﻦ ﺑﻴﻬﺎ ﻣﻴﺠﻮﺯ ﻫﻴﺞ ﺗﺤﺠﻲ ﻣﻤﻨﻮﻉ ﺗﺮﻭﺡ ﻣﺮﻩ ﺛﺎﻧﻴﻪ ﻟﻮ ﺷﻴﺼﻴﺮ ﺳﻜﺘﻮﺍ ﻣﺤﺠﻮﺍ ﺷﻲ ﺍﺟﻪ ﻣﺤﻤﺪ ﻭﺑﻘﻪ ﺻﺎﻓﻦ ﻉ ﻧﻮﺭ ﻫﺎﻱ ﺍﻟﻠﻌﺎﺑﻪ ﺍﻟﻴﻮﻡ ﻣﻨﻴﻦ ﻭﻫﻲ ﺗﻀﺤﻚ ﻭﺗﺸﺎﻗﻪ ﻫﺎﻱ ﺍﻧﻲ ﻧﻮﺭ ﺷﺒﻴﻚ ﻋﻤﻮ ﻣﻌﺮﻓﺘﻨﻲ ﻻﻟﺞ ﻟﺘﺠﺬﺑﻴﻦ ﺍﻧﺖ ﻣﻮ ﻧﻮﺭ ﺍﻧﺖ ﻟﻌﺎﺑﻪ ﻭﻧﻮﺭ ﺟﺎﻧﺖ ﺩﺑﺪﻭﺏ ﻛﺎﻣﺖ ﺗﺒﺠﻲ 😭😭😭😭😭 ﻭﺍﻟﻠﻪ ﺍﻧﻲ ﻧﻮﺭ ﺟﺮﻫﺎ ﻟﺤﻀﻨﻪ ﻭﺑﻮﺳﻬﺎ ﻟﺞ ﺻﺎﻳﺮﻩ ﺗﺨﺒﻠﻴﻦ ﻣﻦ ﺻﺪﻙ ﺻﺎﺭﺕ ﻧﻮﺭ ﻭﺣﺪﻩ ﺟﺪﻳﺪﻩ ﻣﻌﺒﺎﻟﻚ ﻧﻔﺴﻬﺎ ﺍﺑﺪ ﺣﺘﻰ ﺍﻟﺸﻜﻞ ﺗﻐﻴﺮ ﺑﺎﻟﻨﺴﺒﻪ ﻟﺰﻭﺟﺔ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﺩﺧﻠﺖ ﺑﺸﻬﺮ ﺍﻟﺜﺎﻣﻦ ﻭﻣﻨﻌﺘﻬﺎ ﻣﺎﻣﺎ ﺗﻨﺰﻝ ﺍﺑﺪ ﻻﻥ ﺗﻌﺒﺎﻧﻪ ﺣﻴﻞ ﺗﻜﻮﻝ ﻣﺎﻣﺎ ﺣﺴﻴﺖ ﺑﺎﻣﻲ ﺍﺗﻌﻠﻘﺖ ﺑﻴﻬﺎ ﺍﺗﺠﻤﻌﻮﺍ ﺍﻟﻌﺎﺋﻠﻪ ﻛﻠﻬﺎ ﻭﺍﺧﻮﻳﻪ ﻣﺤﻤﺪ ﻃﻠﺒﻮ ﻣﻨﻲ ﺑﺲ ﺗﻮﻟﺪ ﻻﺯﻡ ﺍﻋﻘﺪ ﻋﻠﻴﻬﺎ ﻫﻢ ﺗﻌﺘﻨﻲ ﺑﻨﻮﺭ ﻭﻫﻢ ﺍﺑﻦ ﻣﺮﻭﺍﻥ ﻣﻴﺒﺘﻌﺪ ﻋﻨﻬﻢ ﻃﺒﻌﺎ ﺭﻓﻀﺖ ﺭﻓﺾ ﻧﻬﺎﺋﻲ ﺍﺧﺮ ﺷﻲ ﺍﻓﻜﺮ ﺍﺗﺰﻭﺟﻬﺎ ﻛﻠﺖ ﻟﻤﺤﻤﺪ ﺗﺮﻳﺪ ﺍﻧﺖ ﺗﺰﻭﺟﻬﺎ ﻣﻮ ﻣﺸﻜﻠﻪ ﻛﻠﻲ ﻟﻚ ﻭﺍﻟﻠﻪ ﻟﻮ ﻳﻄﻴﺢ ﺑﻴﺪﻱ ﻣﻦ ﺯﻣﺎﻥ ﺍﺗﺰﻭﺟﺖ ﺑﺲ ﺍﻟﺤﻜﻮﻣﻪ ﺗﺬﺑﺤﻨﻲ ﺍﺷﻮ ﺍﻧﺖ ﺧﺎﻟﻲ ﻣﺨﺘﻠﻲ ﻻ ﺣﻜﻮﻣﻪ ﻭﻻ ﺣﺴﺎﺏ ﻭﻻ ﻛﺘﺎﺏ بيج قصص عراقيه حقيقيه من واقعنا.روعه الطائي ﺍﻧﻲ ﻣﺴﺘﺤﻴﻞ ﺍﻓﻜﺮ ﺑﺎﻱ ﺯﻭﺍﺝ ﻣﻮ ﺍﺩﻭﺭ ﻫﺎﻱ ﺍﻟﺴﺎﻗﻄﻪ ﺍﻟﻲ ﻣﺘﺰﻭﺟﻪ ﺑﺪﻭﻥ ﻋﻠﻢ ﺍﻫﻠﻬﺎ ﻋﻔﺘﻬﻢ ﻭﻃﻠﻌﺖ ﺯﻳﻨﺐ : ﺣﺎﻟﺘﻲ ﻛﻠﻤﺎ ﺍﺗﻘﺪﻡ ﺑﺤﻤﻠﻲ ﺍﻋﺎﻧﻲ ﻫﻮﺍﻱ ﺩﻭﺧﻪ ﻗﻮﻳﻪ ﻛﻠﺶ ﻋﻨﺪﻱ ﻣﻦ ﺭﺟﻌﺖ ﻣﻦ ﺍﻫﻠﻲ ﺭﺟﻌﺖ ﻣﺜﻞ ﻗﺒﻞ ﻣﺎﺍﺷﺘﻬﻲ ﺍﻛﻞ ﻣﺎﺍﻋﺮﻑ ﻣﺎﺍﻟﻲ ﻭﺍﻫﺲ ﻟﻮ ﺍﻧﻲ ﺍﺧﺠﻞ ﺑﺲ ﻧﻮﺭ ﺍﻟﻮﺣﻴﺪﻩ ﺍﻟﺤﻠﻮﻩ ﺑﻬﺬﺍ ﺍﻟﺒﻴﺖ ﺣﻴﻞ ﺣﺒﻴﺘﻬﺎ ﻭﺍﺗﻌﻠﻘﺖ ﺑﻴﻬﺎ ﻭﻛﻤﺖ ﺍﻟﻬﻲ ﻧﻔﺴﻲ ﻭﻳﺎﻫﺎ ﺣﻴﻞ ﺗﻌﺒﺘﻨﻲ ﻻﻥ ﺗﺼﺮﻓﺎﺗﻬﺎ ﻏﻠﻂ ﺑﻐﻠﻂ ﺍﻛﻠﻬﺎ ﻣﻮ ﻧﻀﺎﻣﻲ ﻭﻟﻌﺒﻬﺎ ﻛﺬﻟﻚ ﺑﺪﻳﺖ ﻭﻳﺎﻫﺎ ﻣﻦ ﺍﻟﺼﻔﺮ ﻋﻠﻤﺘﻬﺎ ﺍﻟﺼﺢ ﻣﻦ ﺍﻟﻐﻠﻂ ﺍﺗﺠﺎﻭﺑﺖ ﻭﻳﺎﻳﻪ ﺑﺲ ﺣﻴﻞ ﺗﻌﺒﺘﻨﻲ ﺑﺪﻳﺖ ﺍﻋﺎﻧﻲ ﻣﻦ ﺍﻟﻄﺒﺦ ﺑﺲ ﻳﻮﻡ ﺍﻟﺠﻤﻌﻪ ﻭﺍﻟﺴﺒﺖ ﻣﺮﺗﺎﺣﻪ ﺣﻴﻞ ﺛﻜﻞ ﺟﺴﻤﻲ ﺩﺧﻠﺖ ﺑﺎﻟﺴﺎﺑﻊ ﺍﺧﺬﺗﻨﻲ ﺧﺎﻟﻪ ﻟﻠﺪﻛﺘﻮﺭﻩ ﻫﻢ ﻃﻠﻊ ﻓﻘﺮ ﺩﻡ ﺑﺲ ﻫﺎﻟﻤﺮﻩ ﻻﺯﻡ ﻳﺪﻳﺮﻭﻟﻲ ﺩﻡ ﻃﻠﻊ ﺑﻴﻪ ﻭﻟﺪ ﺣﻴﻞ ﻓﺮﺣﺖ ﺟﺎﻥ ﺷﻌﻮﺭﻱ ﻣﻴﻨﻮﺻﻒ ﻗﺮﺭﺕ ﺍﺳﻤﻲ ﻣﻨﺘﻈﺮ ﻣﺜﻞ ﻣﺮﺍﺩﻩ ﻣﺮﻭﺍﻥ ﺩﺧﻠﺖ ﻟﻠﻤﺴﺘﺸﻔﻰ ﻭﺧﻠﻮﻟﻲ ﺑﻄﻞ ﺍﻟﺪﻡ ﺑﺲ ﻣﺎﻭﺍﻟﻤﻨﻲ ﻣﺎﺍﻋﺮﻑ ﻟﻴﺶ ﺻﺎﺭﺕ ﻋﻨﺪﻱ ﺣﺴﺎﺳﻴﻪ ﻗﻮﻳﻪ ﺑﺎﻟﻠﺤﻀﻪ ﻗﻄﻌﻮﺍ ﻣﻨﻲ ﻃﻠﺒﻮﺍ ﻣﻨﻲ ﺍﻛﻞ ﺍﻧﻲ ﻧﻔﺴﻲ ﻣﻄﻴﻖ ﺍﻟﻜﺒﺪﻩ ﻣﺎﺍﺣﺒﻬﺎ ﺍﻣﻮﺕ ﻣﻨﻬﺎ ﺟﺎﺑﻮﻟﻲ ﺯﺑﻴﺐ ﻛﻤﺖ ﺍﻛﻞ ﻣﻨﻪ ﺑﻌﺪﻳﻦ ﻛﺎﻟﺖ ﺧﺎﻟﻪ ﺭﻭﺣﻲ ﻻﻫﻠﺞ ﺑﻠﻜﻲ ﺗﺎﻛﻠﻴﻦ ﻉ ﻭﺍﻫﺲ ﺍﻫﻠﺞ ﻓﻌﻼ ﺍﺧﺬﻧﻪ ﻋﻤﻮ ﺍﻧﻲ ﻭﻧﻮﺭ ﻭﻓﺎﻃﻤﻪ ﻗﺒﻞ ﻟﻨﻄﻠﻊ ﻣﻦ ﺍﻟﺒﻴﺖ ﺍﻧﻄﺎﻧﻲ ﻋﻤﻮ ﻣﺒﻠﻎ ﻣﻦ ﺍﻟﻤﺎﻝ ﺭﻓﻀﺖ ﺍﺧﺬﻩ ﺑﺲ ﺍﺻﺮ ﻋﻠﻴﻪ ﺍﻟﻪ ﺍﺧﺬﻩ ﻭﺻﻠﻨﻪ ﻭﺟﺎﻧﺖ ﻓﺎﻃﻤﻪ ﻓﺮﺣﺎﻧﻪ ﻭﻱ ﺍﻟﺒﻨﺎﺕ ﻣﻦ ﺭﺍﺩﺍ ﻳﻄﻠﻌﻮﻥ ﻛﺎﻣﺖ ﺗﺒﺠﻲ ﻧﻮﺭ ﻭﺭﺍﻳﻪ ﺣﻴﻞ ﺍﺗﺎﺫﺕ ﻛﻠﺖ ﻟﻔﺎﻃﻤﻪ ﺧﻠﻮﻫﺎ ﺍﺷﻮ ﻋﻄﻠﻪ ﻋﺪﻫﺎ ﺧﻠﻮﻫﺎ ﻭﺟﺎﻧﺖ ﻓﺮﺣﺎﻧﻪ ﺣﻴﻞ ﻟﻌﺒﺖ ﻫﻲ ﻭﺭﻗﺎﻭﻱ ﺣﻴﻞ ﺣﺒﺘﻬﺎ ﺍﺧﺬﻭﻫﺎ ﺍﻫﻠﻲ ﺟﺎﺑﻮﻟﻬﺎ ﻣﻼﺑﺲ ﺍﻧﻄﻴﺘﻬﻢ ﻣﻦ ﺍﻟﻔﻠﻮﺱ ﺍﻟﻲ ﻋﻨﺪﻱ ﺧﻄﻴﻪ ﺑﺎﺑﺎ ﻣﻘﺒﻞ ﻛﺎﻝ ﻋﻨﺪﻱ ﻓﻠﻮﺱ ﻛﺘﻠﻪ ﺫﻧﻲ ﻣﻮ ﻓﻠﻮﺳﻲ ﻓﻠﻮﺳﻬﻢ ﻻﻫﻠﻬﺎ ﻟﻨﻮﺭ ﻛﻮﻩ ﻗﺒﻞ ﻳﺎﺧﺬ ﻣﻨﻲ ﻛﻮﻝ ﺷﻮﻳﻪ ﻭﺟﺎﻳﺒﻠﻲ ﻟﻔﻪ ﺑﻴﺪﻩ ﺳﺎﻋﻪ ﻟﻔﺔ ﻛﺒﺎﺏ ﻭﺳﺎﻋﻪ ﻟﻔﺔ ﻛﺺ ﻭﺳﺎﻋﻪ ﻫﻤﺒﺮﻛﺮ ﻭﺳﺎﻋﻪ ﻛﺒﺪﻩ ﺍﻧﻲ ﻣﺎﺍﻗﺒﻞ ﺍﻛﻮﻝ ﺧﻄﻴﻪ ﻣﺎﻋﻨﺪﻩ ﺑﺲ ﻫﻮ ﻭﻻ ﻳﻬﺘﻢ ﺍﺗﺤﺴﻨﺖ ﺣﺎﻟﺘﻲ ﻻﻥ ﺑﺪﻳﺖ ﺍﻛﻞ ﻭﻱ ﺍﺧﻮﺍﺗﻲ ﻭﻣﺎﻣﺎ ﻭﺑﺎﺑﺎ ﻃﺒﻌﺎ ﻣﺤﺪ ﺷﻚ ﺑﺤﻤﻠﻲ ﻗﺒﻞ ﻫﺬﺍ ﺍﻟﻮﻗﺖ ﻻﻥ ﻣﺎﻛﺒﺮﺕ ﺑﻄﻨﻲ ﻫﻮﺍﻱ ﻻﻥ ﺍﻭﻝ ﻃﻔﻞ ﻭﺍﻛﻠﻲ ﻣﻮ ﺷﻲ ﻧﻮﺭ ﺣﻴﻞ ﻓﺮﺣﺎﻧﻪ ﻭﻱ ﺍﻟﺒﻨﺎﺕ ﻭﻗﺮﺭ ﺑﺎﺑﺎ ﻳﺎﺧﺬﻫﻦ ﻟﻤﺪﻳﻨﺔ ﺍﻻﻟﻌﺎﺏ ﻫﻲ ﻭﺍﻟﺒﻨﺎﺕ ﺟﺎﻧﻦ ﻓﺮﺣﺎﻧﺎﺕ ﺍﺟﺘﻨﻲ ﺭﺳﺎﻟﻪ ﻣﻦ ﺭﻗﻢ ﻏﺮﻳﺐ ﻣﺠﺎﻭﺑﺖ ﻻﻥ ﻣﺎﺍﻋﺮﻓﻪ ﺍﻟﺮﻗﻢ ﺑﻌﺪﻳﻦ ﺩﻙ ﻋﻠﻴﻪ ﺍﻭﻝ ﻣﺮﻩ ﻣﺠﺎﻭﺑﺖ ﻣﺮﻩ ﺛﺎﻧﻴﻪ ﺩﻙ ﺍﻧﻄﻴﺘﻪ ﻟﺒﺎﺑﺎ ﺑﺲ ﻣﺎﻛﻮ ﺟﻮﺍﺏ ﺑﻌﺪﻳﻦ ﺭﺍﺳﻠﻨﻲ ﻃﻠﻊ ﺍﺑﻮﻫﺎ ﻟﻨﻮﺭ ﻣﺎﺍﻛﺪﺭ ﺍﺟﺎﻭﺑﻪ ﺍﺑﺪ ﻻﻥ ﻋﺮﻓﺖ ﻣﻦ ﺧﺎﻟﻪ ﻣﻴﺠﻮﺯ ﺍﺣﺪ ﻳﺸﻮﻓﻨﻲ ﻭﻻ ﻳﺴﻤﻊ ﺻﻮﺗﻲ ﻻﻥ ﺯﻭﺟﻲ ﻣﺘﻮﻓﻲ ﺧﻠﻴﺖ ﻧﻮﺭ ﺗﺤﺠﻲ ﻭﻳﺎ ﺑﻌﺪﻳﻦ ﺩﺯﻟﻲ ﺭﺳﺎﻟﻪ ﻳﻮﺻﻴﻨﻲ ﻋﻠﻴﻬﺎ ﻭﺟﺎﻭﺑﺘﻪ ﻉ ﻛﺪ ﺍﻟﺴﺆﺍﻝ ﺣﺎﻭﻟﻮ ﻳﻄﻠﻌﻮﻧﻲ ﻭﻳﺎﻫﻢ ﺍﺑﺪ ﻣﻘﺒﻠﺖ ﻣﺎﺍﻛﺪﺭ ﺍﻛﻠﻬﻢ ﻣﻴﺠﻮﺯ ﻛﺘﻠﻬﻢ ﻣﺎﺍﻛﺪﺭ ﻇﻬﺮﻱ ﻳﻮﺟﻌﻨﻲ ﻋﺎﻓﻮﻧﻲ ﻳﻢ ﺍﻫﻠﻲ ﻫﻮﺍﻱ ﺍﺭﺗﺎﺡ ﻭﺍﺣﺲ ﺑﺎﻣﺎﻥ ﻫﻨﺎﻙ ﺍﻧﻲ ﻋﺎﻳﺸﻪ ﺑﻐﺮﺑﻪ ﻭﺍﺧﺠﻞ ﻣﻨﻬﻢ ﻭﺍﺷﻮﻑ ﻋﻼﻣﺔ ﺍﻻﺳﺘﻐﺮﺍﺏ ﻣﻨﻬﻢ ﺑﻌﺪﻫﺎ ﺍﺟﻪ ﻋﻤﻮ ﻭﺭﺟﻌﻨﻲ ﺭﺟﻌﺖ ﻭﻟﻜﻴﺖ ﺍﻟﻜﻮﻝ ﻣﻮﺟﻮﺩ ﺍﻧﻲ ﻛﺒﻞ ﺑﺪﻭﻥ ﺻﻮﺕ ﺻﻌﺪﺕ ﻟﻔﻮﻙ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﺑﻌﺪﻫﺎ ﻧﻤﺖ ﻻﻥ ﺳﻔﺮ ﻭﻃﺮﻳﻖ ﺑﻌﻴﺪ ﻭﺍﻧﻲ ﺣﺎﻣﻞ ﺳﻤﻌﺘﻪ ﻻﺑﻮ ﻧﻮﺭ ﻳﺼﻴﺢ ﻭﻳﻬﻴﻦ ﺑﻴﻪ ﻋﺒﺎﻟﻪ ﺿﻌﻔﺎﻧﻪ ﻻﻥ ﻣﻨﻮﻛﻠﻬﺎ ﻣﺎﺍﻟﻲ ﺣﻖ ﺍﺣﺠﻲ ﻭﻻ ﺍﺩﺍﻓﻊ ﻓﺎﻻﻓﻀﻞ ﺍﺳﻜﺖ ﻫﺴﻪ ﺗﻘﺮﻳﺒﺎ ﺑﻌﺪﻟﻲ ﺍﺳﺒﻮﻉ ﻭﺍﺩﺧﻞ ﺑﺎﻟﺜﺎﻣﻦ ﻣﻦ ﻫﺴﻪ ﺷﺎﻳﻠﻪ ﻫﻢ ﺍﺫﺍ ﺟﺒﺖ ﺷﻠﻮﻥ ﺑﻴﻪ ﺭﺍﺡ ﻳﺠﻲ ﺍﺑﻨﻲ ﻟﻠﺪﻧﻴﻪ ﻳﻠﻜﻲ ﺍﺑﻮﻩ ﻣﻴﺖ ﺯﻳﻦ ﺷﻠﻮﻥ ﺭﺍﺡ ﻧﺴﻮﻳﻠﻪ ﺟﻨﺴﻴﻪ ﺍﺫﺍ ﺑﺎﺳﻢ ﻣﺮﻭﺍﻥ ﺷﺎﺣﺠﻲ ﻭﺷﺎﻛﻮﻝ ﻛﺪﺍﻡ ﺍﻫﻠﻲ بيج قصص عراقيه حقيقيه من واقعنا.روعه الطائي ﻭﺍﺫﺍ ﺑﻐﻴﺮ ﺍﺳﻢ ﻣﺘﺮﻫﻢ ﻣﺎﺍﻛﺪﺭ ﺍﺣﺠﻲ ﻭﻱ ﺍﻱ ﺷﺨﺺ ﺑﻬﺬﺍ ﺍﻟﻤﻮﺿﻮﻉ ﺑﺲ ﺍﻧﻲ ﻗﻠﻘﻲ ﻣﻴﻨﻮﺻﻒ ﺍﺑﺪ ﻛﻞ ﻳﻮﻡ ﻳﻤﺮ ﻋﻠﻴﻪ ﻋﺒﺎﻟﻚ ﺳﻨﻪ ﺗﻤﺮ ﻋﻠﻴﻪ ﺍﻧﻲ ﻋﺒﺎﻟﻲ ﺣﻠﻴﺖ ﺍﻟﻤﺸﻜﻠﻪ ﻣﻦ ﺍﺟﻴﺖ ﻟﻬﻨﺎ ﻭﻋﺸﺖ ﻭﻳﺎﻫﻢ ﻃﻠﻌﺖ ﻣﺘﻮﻫﻤﻪ ﻭﻋﻘﺪﺗﻬﺎ ﺍﻛﺜﺮ ﻟﻮ ﻣﺼﺎﺭﺣﻪ ﺍﻫﻠﻲ ﺑﻜﻠﺸﻲ ﺍﺣﺴﻦ ﺍﻟﻲ ﺑﻬﻮﺍﻱ ﻳﺠﻮﺯ ﻳﻔﻬﻤﻮﻧﻲ ﻭﻳﺴﺎﻣﺤﻮﻧﻲ ﻭﻳﺠﻮﺯ ﻳﻘﺘﻠﻮﻧﻲ ﻣﻮ ﻣﻬﻢ ﺍﻫﻢ ﺷﻲ ﺍﺭﻳﺢ ﺿﻤﻴﺮﻱ ﺍﻧﻲ ﺟﻨﺖ ﺍﻛﺒﺮ ﻏﺒﻴﻪ ﻣﻦ ﻓﻜﺮﺕ ﺍﺣﻞ ﺍﻟﻤﺸﻜﻠﻪ ﺑﻤﺸﻜﻠﻪ ﺍﻛﺒﺮ ﺛﻜﻠﺖ ﺣﻴﻞ ﻣﻮ ﻣﺜﻞ ﻗﺒﻞ ﻣﺎﺍﺭﺗﺎﺡ ﺑﻨﻮﻣﺘﻲ ﺍﺑﺪ ﺍﺣﺲ ﺑﻨﻔﺴﻲ ﻣﺨﺘﻨﻜﻪ ﺍﻟﺪﺭﺝ ﻛﻤﺖ ﺍﻋﺎﻧﻲ ﻣﻨﻪ ﻣﺎﺍﻛﺪﺭ ﺍﺻﻌﺪ ﻭﺍﻧﺰﻝ ﺣﺘﻰ ﺍﻟﻄﺒﺦ ﺑﺪﻳﺖ ﺍﻋﺎﻧﻲ ﻣﻨﻪ ﺑﺲ ﺧﺎﻟﻪ ﺍﻛﺜﺮ ﺍﻟﻤﺮﺍﺕ ﺍﻟﻜﻴﻬﺎ ﻃﺎﺑﺨﻪ ﻣﻨﻌﺘﻨﻲ ﺧﺎﻟﻪ ﺍﻧﺰﻝ ﻟﺠﻮﻩ ﺍﺑﺪ ﺑﻌﺪﻟﻲ ﺍﻳﺎﻡ ﻭﺍﺩﺧﻞ ﺑﺸﻬﺮ ﺍﻟﺘﺎﺳﻊ ﺣﺠﻴﺖ ﻭﻱ ﺧﺎﻟﻪ ﻛﺘﻠﻬﺎ ﺧﺎﻟﻪ ﺍﻃﻠﺐ ﻣﻨﻜﻢ ﺑﺲ ﻃﻠﺐ ﺍﺭﻳﺪ ﺍﺟﻴﺐ ﻃﻔﻠﻲ ﻳﻤﻜﻢ ﻻﻥ ﻣﺎﺍﻛﺪﺭ ﻳﻢ ﺍﻫﻠﻲ ﺍﺧﺎﻑ ﻳﻌﺮﻓﻮﻧﻲ ﻣﻜﻤﻠﻪ ﺍﻻﺷﻬﺮ ﺑﺲ ﺍﺫﺍ ﺟﺒﺖ ﻫﻨﺎ ﺍﻛﻠﻬﻢ ﺟﺒﺖ ﺑﺎﻟﺴﺎﺑﻊ ﺍﻱ ﻋﺎﺩﻱ ﻣﺎﻛﻮ ﻣﺸﻜﻠﻪ ﺍﺣﻨﻪ ﻫﻢ ﻧﺮﻳﺪﺝ ﻳﻤﻨﻪ ﺯﻳﻦ ﺧﺎﻟﻪ ﻭﺍﻟﻄﻔﻞ ﺷﻠﻮﻥ ﺭﺍﺡ ﻧﺴﻮﻳﻠﻪ ﺍﻧﻲ ﻭﻣﺮﻭﺍﻥ ﺍﻟﻠﻪ ﻳﺮﺣﻤﻪ ﻣﺎﺟﻨﻪ ﻋﺎﻗﺪﻳﻦ ﻣﺤﻜﻤﻪ ﻭﺣﺘﻰ ﺍﺫﺍ ﻋﺎﻗﺪﻳﻦ ﻣﺎﺍﻛﺪﺭ ﺍﺳﺠﻠﻪ ﺑﺎﺳﻤﻪ ﺷﻠﻮﻥ ﺑﻴﻪ ﺑﻬﺎﻱ ﺍﻟﺤﺎﻟﻪ ﻛﻠﺘﻠﻲ ﻣﺎﻋﻠﻴﺞ ﺑﻬﺎﻱ ﺍﻟﺸﻐﻠﻪ ﻣﻦ ﺗﺠﻴﺒﻴﻦ ﺑﺴﻼﻣﻪ ﺭﺍﺡ ﻧﺴﺠﻠﻪ ﺑﺎﺳﻤﺞ ﻭﺍﺳﻢ ﺣﻴﺪﺭ ﻋﻤﻪ ﺷﻠﻮﻥ ﻳﺼﻴﺮ ﺧﺎﻟﻪ ﺭﺍﺡ ﻧﺮﻫﻤﻬﺎ ﺑﻠﻜﻲ ﺑﻮﺍﺳﻄﻪ ﻭﺯﻭﺟﺔ ﻣﺤﻤﺪ ﺭﺍﺡ ﺗﺴﺎﻋﺪﻧﻪ ﺑﺲ ﺍﻟﺒﻴﺎﻥ ﻧﻄﻠﻌﻪ ﻭﺑﻌﺪﻳﻦ ﻧﺸﻮﻑ ﺷﻠﻮﻥ ﻧﺮﻫﻤﻬﺎ ﻧﻮﺭ ﺻﺎﺭﺕ ﺷﺨﺺ ﺛﺎﻧﻲ ﻣﻮ ﻣﺜﻞ ﺍﻻﻭﻝ ﻫﺎﺩﺋﻪ ﻭﺗﺴﻤﻊ ﺍﻟﻜﻠﻤﻪ ﻭﺍﺗﻌﻠﻘﺖ ﺑﻴﻬﺎ ﻭﻫﻲ ﻛﺬﻟﻚ ﺩﺧﻠﺖ ﺑﺸﻬﺮﻱ ﻭﻗﺮﺭﺕ ﺧﺎﻟﻪ ﺗﺎﺧﺬﻧﻲ ﻟﻠﺪﻛﺘﻮﺭﻩ ﺗﺠﻴﻚ ﻭﺿﻌﻲ ﺭﺣﻨﻪ ﻫﺎﻟﻤﺮﻩ ﺍﺧﺬﻧﻪ ﺷﺨﺺ ﺍﻭﻝ ﻣﺮﻩ ﺍﺳﻤﻊ ﺻﻮﺗﻪ ﺳﻤﻌﺖ ﺧﺎﻟﻪ ﺗﻜﻮﻟﻪ ﺍﻣﻮﺭﻱ ﺍﻋﺘﻘﺪ ﺍﺧﻮ ﻣﺮﻭﺍﻥ ﺍﻟﺼﻐﻴﺮ ﺩﺧﻠﻨﻪ ﻟﻠﺪﻛﺘﻮﺭﻩ ﻭﺟﻴﻜﺘﻨﻲ ﻛﻠﺘﻠﻲ ﺍﻣﻮﺭﺝ ﺗﻮﺏ ﻭﺍﻟﻄﻔﻞ ﺻﺤﺘﻪ ﺯﻳﻨﻪ ﻭﻣﺎﻋﻨﺪﺝ ﺍﻱ ﻣﺸﻜﻠﻪ بيج قصص عراقيه حقيقيه من واقعنا.روعه الطائي ﻭﺭﺍﺡ ﺗﺠﻴﺒﻴﻦ ﻃﺒﻴﻌﻲ ﺑﺎﺫﻥ ﺍﻟﻠﻪ ﺑﺲ ﻻﺯﻡ ﺗﺘﻤﺸﻴﻦ ﻳﻮﻣﻴﻪ ﻃﻠﻌﻨﻪ ﻣﻦ ﺍﻟﺪﻛﺘﻮﺭﻩ ﺭﺟﻌﻨﻪ ﻟﻠﺒﻴﺖ ﻃﺒﻌﺎ ﺧﺎﻟﻪ ﺟﻬﺰﺗﻨﻲ ﺑﻜﻮﻟﺸﻲ ﻭﺣﻀﺮﺕ ﺍﻟﺠﻨﻄﻪ ﺧﺎﻑ ﺗﺼﻴﺮ ﻋﻨﺪﻱ ﻭﻻﺩﻩ ﻣﺒﻜﺮﻩ ﺟﻨﺖ ﻛﺎﻋﺪﻩ ﺑﺎﻟﻐﺮﻓﻪ ﻭﺭﻭﺣﻲ ﻃﺎﻟﻌﻪ ﻣﻦ ﺍﻟﺪﻧﻴﻪ ﺍﺟﺘﻲ ﺧﺎﻟﻪ ﻳﻤﻲ ﻛﺎﻟﺖ ﺧﺎﻟﻪ ﻻﺯﻡ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ﻛﻮﻟﻲ ﺧﺎﻟﻪ ﺑﺲ ﺗﺠﻴﺒﻴﻦ ﺑﺴﻼﻣﻪ ﻭﺭﻩ ﺍﻻﺭﺑﻌﻴﻦ ﻻﺯﻡ ﻧﻌﻘﺪﻟﻜﻢ ﺍﻧﺖ ﻭﺣﻴﺪﺭ ﻟﻤﺼﻠﺤﺔ ﺍﻟﻄﻔﻞ ﺧﻄﻴﻪ ﻉ ﻣﻮﺩ ﺗﺴﺠﻴﻠﻪ ﻭﻉ ﻣﻮﺩ ﻧﺴﻜﺖ ﺍﻟﻨﺎﺱ ﻛﺘﻠﻪ ﺧﺎﻟﻪ ﺍﺳﻤﻌﻴﻨﻲ ﻭﺩﺍﻋﺖ ﺍﺑﻨﻲ ﺍﻟﻲ ﺍﺑﻄﻨﻲ ﻭﺩﺍﻋﺖ ﺷﺪﺗﻲ ﻫﺬﺍ ﺍﻟﻄﻔﻞ ﺍﻟﻲ ﺍﺑﻄﻨﻲ ﻫﻮ ﺍﺑﻨﻲ ﻭﺍﺑﻦ ﻣﺮﻭﺍﻥ ﺧﺎﻑ ﺷﺎﻛﻴﻦ ﺑﻴﻪ ﻭﻋﺒﺎﻟﻜﻢ ﻣﻮ ﺍﺑﻨﻪ ﺍﻟﻠﻪ ﺷﺎﻫﺪ ﻣﺎﻭﺍﺣﺪ ﻻﻣﺴﻨﻲ ﺑﺲ ﻫﻮ ﺍﻟﻠﻪ ﻳﺮﺣﻤﻪ ﺍﺩﺭﻱ ﻭﺍﻟﻠﻪ ﻭﻣﺼﺪﻛﺘﺞ ﻗﺒﻞ ﻓﺘﺮﻩ ﺍﺟﺎﻧﻲ ﺑﺎﻟﺤﻠﻢ ﻭﺯﻋﻼﻥ ﻋﻠﻴﻪ ﻛﺘﻠﻪ ﺷﺒﻴﻚ ﻣﺮﻭﺍﻥ ﻛﻠﻲ ﻟﻴﺶ ﺗﺎﺫﻭﻧﻲ ﻛﺘﻠﻪ ﺷﻤﺴﻮﻳﻠﻚ ﻛﺎﻝ ﻟﻴﺶ ﺗﺎﺫﻭﻥ ﺍﺑﻨﻲ ﻭﺍﻣﻪ ﻣﻨﻮ ﻣﺎﺫﻳﻬﻢ ﻳﺎﻣﺎﻣﺎ ﺍﻧﺘﻮ ﻛﻠﻜﻢ ﻣﺘﺤﺒﻮﻧﻲ ﻻﻥ ﻟﻮ ﺗﺤﺒﻮﻧﻲ ﺟﺎﻥ ﺣﺒﻴﺘﻮﺍ ﺍﺑﻨﻲ ﺍﺑﻨﻲ ﻭﺯﻭﺟﺘﻲ ﺍﻣﺎﻧﻪ ﺑﺮﻛﺒﺘﻜﻢ ﺍﻟﻲ ﻳﺎﺫﻳﻬﻢ ﻳﺎﺫﻳﻨﻲ ﺍﻟﻲ ﺍﻛﻴﺪ ﻭﻛﻌﺪﺕ ﺗﺤﺠﻲ ﻭﺗﺒﺠﻲ ﺍﻧﻲ ﻫﻢ ﺍﺑﺠﻲ ﺍﻛﻮﻝ ﺧﻄﻴﻪ ﻣﺮﻭﺍﻥ ﺣﺘﻰ ﺑﻌﺪ ﻣﻮﺗﻪ ﻳﻔﻜﺮ ﺑﻴﻨﻪ ﺧﺎﻟﻪ ﺍﻟﻠﻪ ﺷﺎﻫﺪ ﻋﻠﻴﻪ ﺍﻧﻲ ﻣﺎﺍﺩﻭﺭ ﻭﻳﺎﻛﻢ ﻓﻠﻮﺱ ﻭﻻ ﺍﺭﻳﺪ ﻭﺭﺙ ﻛﻞ ﺍﻟﻲ ﺍﺭﻳﺪﻩ ﻣﻨﻜﻢ ﺍﻟﺴﺘﺮ ﺑﺲ ﻭﺍﺭﻳﺪ ﺍﺑﻨﻲ ﻳﺤﺼﻞ ﻉ ﺟﻨﺴﻴﻪ ﻣﺴﺘﻌﺪﻩ ﺍﺻﻴﺮ ﺧﺪﺍﻣﻪ ﺍﻟﻜﻢ ﻣﺎﺍﺣﺠﻲ ﻭﺍﻟﻠﻪ ﺍﻟﻠﻪ ﻛﺮﻳﻢ ﺧﺎﻟﻪ ﺑﺲ ﺧﻠﻲ ﺍﻟﻠﻪ ﻳﺴﻬﻠﺞ ﻭﻛﻠﺸﻲ ﻳﻬﻮﻥ ﺧﻠﺼﺖ 15 ﻳﻮﻡ ﺑﺸﻬﺮ ﺍﻟﺘﺎﺳﻊ ﻭﺍﻧﻲ ﺑﻌﺪﻧﻲ ﻣﺎﺍﻛﺪﺭ ﺍﻣﺸﻲ ﻻﻥ ﻭﻳﻦ ﺍﻣﺸﻲ ﺑﻌﺪ ﻣﺮﻭﺭ 22 ﻳﻮﻡ ﺑﺸﻬﺮﻱ ﺍﻟﻴﻮﻡ ﺻﺎﺩﻑ ﺧﻤﻴﺲ ﻭﺧﺎﻟﻪ ﻭﻋﻤﻮ ﺭﺍﺣﻮ ﻟﻜﺮﺑﻼﺀ ﻳﺰﻭﺭﻭﻥ ﺳﻮﻳﺖ ﻏﺪﻩ ﺑﺲ ﺍﺣﺲ ﺑﺎﻻﻡ ﺗﺠﻲ ﻭﺗﺮﻭﺡ ﻃﺒﻌﺎ ﻣﺎﺍﻋﺮﻑ ﺷﻨﻮ ﻳﻌﻨﻲ ﻋﻼﻣﺎﺕ ﺍﻟﻮﻻﺩﻩ ﻛﻤﻠﺖ ﺍﻟﻐﺪﻩ ﻭﺭﺣﺖ ﺑﻐﺮﻓﺘﻲ بيج قصص عراقيه حقيقيه من واقعنا.روعه الطائي ﺑﺲ ﺍﻻﻟﻢ ﺯﺍﺩ ﻭﺧﺎﻟﻪ ﻣﺎﻫﻴﻪ ﺟﺎﻥ ﻛﺘﻠﻬﺎ ﻣﺎﺍﻛﺪﺭ ﺍﻛﻌﺪ ﺑﻌﺪ ﻭﻻﺍﻛﺪﺭ ﺍﻛﻮﻡ ﺣﻴﻞ ﺍﺗﺎﺫﻳﺖ ﻭﻣﺎﺍﻋﺮﻑ ﺷﺎﺳﻮﻱ ﺑﺪﻩ ﻳﻮﻛﻊ ﻋﻠﻴﻪ ﻣﻲ ﺧﺎﺑﺮﺕ ﻓﺎﻃﻤﻪ ﻛﺘﻠﻬﺎ ﻳﻤﻜﻦ ﻋﻨﺪﻱ ﻭﻻﺩﻩ ﻣﺎﺍﻋﺮﻑ ﺷﺎﺳﻮﻱ ﻛﺎﻟﺖ ﺧﻞ ﺍﺧﺎﺑﺮ ﻣﺎﻣﺎ ﺑﺴﺮﻋﻪ ﻭﺭﻩ ﺷﻮﻳﻪ ﺍﺟﺘﻨﻲ ﺯﻭﺟﺔ ﻣﺤﻤﺪ ﺍﻟﻲ ﻋﺮﻓﺘﻪ ﺍﺳﻤﻬﺎ ﺭﺳﻞ ﺟﺎﻧﺖ ﺣﺒﺎﺑﻪ ﺣﻴﻞ ﻫﻲ ﻭﻓﺎﻃﻤﻪ ﻛﺎﻟﻦ ﺟﻴﺒﻲ ﺍﻟﺠﻨﻄﻪ ﻭﺗﻌﺎﻟﻲ ﻣﺎﺍﻋﺮﻑ ﻣﻨﻮ ﺍﻻﺧﺬﻧﻪ ﺟﺎﻥ ﺍﻟﻤﻲ ﻗﻮﻱ ﻣﺎﺍﻛﺪﺭ ﺍﻭﺻﻔﻪ ﺑﺲ ﺍﻟﺘﺰﻣﺖ ﺍﻟﺼﻤﺖ ﻣﺎﺍﻛﺪﺭ ﺍﻃﻠﻊ ﺻﻮﺗﻲ ﺳﻤﻌﺖ ﻓﺎﻃﻤﻪ ﺗﻜﻮﻝ ﻟﻚ ﺣﻴﺪﺭ ﻓﺪﻭﻩ ﺍﺳﺘﻌﺠﻞ ﻻﻥ ﺍﻳﺪﻱ ﺭﺍﺡ ﻣﻮﺗﺘﻨﻲ ﻣﻦ ﻛﺜﺮ ﺍﻟﺠﺮ ﺑﻴﻬﺎ ﻭﺍﻟﻈﻐﻂ ﻋﻠﻴﻬﺎ ﺍﻧﺘﺒﻬﺖ ﻉ ﻧﻔﺴﻲ ﻇﺎﻏﻄﻪ ﻉ ﺍﻳﺪﻫﺎ ﻗﻮﻱ ﺧﻄﻴﻪ ﺳﻤﻌﺘﻪ ﻫﻮ ﻳﺼﻴﺢ ﻭﻳﻜﻮﻝ ﻳﻌﻨﻲ ﻭﻛﺘﻬﺎ ﺍﻟﺰﻳﺎﺭﻩ ﻣﺎﻳﺪﺭﻭﻥ ﺑﻴﻬﺎ ﻗﺮﺏ ﻣﻮﻋﺪ ﺍﻟﻮﻻﺩﻩ ﻭﺻﻠﻨﻪ ﻟﻠﻤﺴﺘﺸﻔﻰ ﻭﺟﻨﺖ ﺣﻴﻞ ﺧﺎﻳﻔﻪ ﻭﺩﻣﻮﻋﻲ ﺗﺠﺮﻱ ﻣﺎﺍﻋﺮﻑ ﻣﻦ ﺍﻻﻟﻢ ﻟﻮ ﺍﻟﺨﻮﻑ ﺑﻬﺬﻳﺞ ﺍﻟﻠﺤﻀﻪ ﻣﺎﺍﺟﻪ ﻉ ﺑﺎﻟﻲ ﺑﺲ ﻣﺎﻣﺎ ﺍﺗﻤﻨﻴﺘﻬﺎ ﻳﻤﻲ ﺩﺧﻠﻮﻧﻲ ﻟﻠﺼﺎﻟﻪ ﻭﺟﺎﻧﺖ ﺯﻭﺟﺔ ﻣﺤﻤﺪ ﻭﻳﺎﻳﻪ ﻭﺣﻴﻞ ﺍﻋﺘﻨﻮ ﺑﻴﻪ ﻛﺎﻟﻦ ﻋﺪﻫﺎ ﻭﻻﺩﻩ ﺳﻮﻭﺍ ﺍﻟﺘﺤﺎﻟﻴﻞ ﺍﻟﻼﺯﻣﻪ ﻭﺷﺪﻭﻟﻲ ﻛﺎﻧﻮﻻ ﻫﻮﺍﻱ ﻃﻮﻟﺖ ﻭﻟﺤﺪ ﺍﻻﻥ ﺑﻌﺪﻧﻲ ﺍﻃﻠﻚ ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﻣﻦ ﺍﻝ 3 ﻭﻟﻬﺴﻪ ﺻﺎﺭ ﺍﻟﻠﻴﻞ ﻭﺍﻧﻲ ﺑﻌﺪﻧﻲ ﺍﻧﺘﻬﻴﺖ ﺑﻌﺪ ﺣﺘﻰ ﻃﺎﻗﻪ ﻣﺎﻋﻨﺪﻱ ﺍﺟﺘﻲ ﺧﺎﻟﻪ ﻭﺩﺧﻠﻮﻫﺎ ﺍﻟﻴﻪ ﻛﺘﻠﻬﺎ ﻓﺪﻭﻩ ﺧﺎﻟﻪ ﺧﺎﻑ ﺍﻣﻮﺕ ﺍﺑﻨﻲ ﺍﻣﺎﻧﻪ ﻳﻤﻜﻢ ﺍﺳﻜﺘﻲ ﺧﺎﻟﻪ ﻟﺘﺤﺠﻴﻦ ﻫﻴﺞ ﻫﺴﻪ ﺗﺠﻴﺒﻴﻦ ﺑﺴﻼﻣﻪ ﻭﺗﺮﺑﻲ ﺑﻌﺰﺝ ﺍﻥ ﺷﺎﺀ ﺍﻟﻠﻪ ﺧﺎﻟﻪ ﺍﺣﺲ ﺑﻨﻔﺴﻲ ﺭﺍﺡ ﺍﻣﻮﺕ ﺑﻌﺪ ﻣﺎﺍﺗﺤﻤﻞ ﺍﺑﻨﻲ ﺳﻤﻮﺍ ﻣﻨﺘﻈﺮ ﻻﻥ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﻭﺻﺎﻧﻲ ﺑﺎﺳﻤﻪ ﻗﺒﻞ ﻟﻴﻤﻮﺕ ﺧﺎﻟﻪ ﻛﻮﻟﻲ ﻳﺎﺍﻟﻠﻪ ﺻﻴﺮﻱ ﻗﻮﻳﻪ ﺯﻳﻦ ﺧﻠﻲ ﻳﺴﻮﻭﻟﻲ ﻋﻤﻠﻴﻪ ﻛﺎﻟﻮ ﻣﻨﺎ ﻟﺴﺎﻋﻪ ﺍﺫﺍ ﻣﺠﺒﺘﻲ ﻳﺤﻮﻟﻮﻧﺞ ﻋﻤﻠﻴﻪ ﻣﻮ ﻋﺒﺎﻟﺞ ﺍﻟﻌﻤﻠﻴﻪ ﻫﻴﻨﻪ ﻳﺸﻜﻮﻥ ﺑﻄﻨﺞ ﻭﺗﺒﻘﻴﻦ ﺗﺘﺎﺫﻳﻦ ﺑﺲ ﺍﻟﻄﺒﻴﻌﻲ ﺑﺲ ﺍﻟﻢ ﺍﻟﻄﻠﻮﻙ ﻭﺍﺩﻭﺭ ﻳﻨﺘﻬﻲ ﻛﻠﺸﻲ بيج قصص عراقيه حقيقيه من واقعنا.روعه الطائي ﻛﺎﻣﺖ ﺗﻘﺮﻩ ﻉ ﺭﺍﺳﻲ ﺍﻳﺎﺕ ﺍﺟﺖ ﺑﻨﻴﻪ ﻣﻤﺮﺿﻪ ﺣﻄﺘﻠﻲ ﻳﻤﻜﻦ ﺩﻋﺎﺀ ﻣﺎﺍﻋﺮﻑ ﺷﻨﻮ ﺷﺪﺗﻪ ﺑﺮﺟﻠﻲ ﻭﺿﺮﺑﻨﻲ ﺍﺑﺮ ﺻﺪﻙ ﺫﺍﻙ ﺍﻟﻮﻗﺖ ﺣﺴﻴﺖ ﺑﺎﻟﻤﻮﺕ ﺍﻟﺤﻘﻴﻘﻲ ﺍﺟﻮﻱ ﺍﻫﻠﻲ ﻛﺒﺎﻟﻲ ﺳﺎﻣﺤﻮﻧﻲ ﻻﻥ ﺧﻨﺖ ﺛﻘﺘﻜﻢ ﺑﻴﻪ ﺑﺲ ﻭﺍﻟﻠﻪ ﻣﺠﻨﺖ ﺍﻋﺮﻑ ﻫﻴﺞ ﺭﺍﺡ ﻳﺼﻴﺮ ﺑﻴﻪ ﻭﺭﻩ ﻟﺤﻀﺎﺕ ﻭﺟﺎﻥ ﺍﺳﻤﻊ ﺻﻮﺕ ﺍﻟﻄﻔﻞ ﻭﺍﺧﻴﺮﺍ ....... ﺩﻣﻮﻋﻲ ﺗﺠﺮﻱ ﻛﺎﻣﺖ ﺍﺗﻤﻨﻴﺖ ﻣﺎﻣﺎ ﻭﻳﺎﻳﻪ ﺑﻬﺎﻱ ﺍﻟﻠﺤﻀﻪ ﻣﻜﺪﺭﺕ ﺍﺭﻭﺡ ﻳﻤﻬﻢ ﻻﻥ ﺍﻛﻴﺪ ﺭﺍﺡ ﻳﻌﺮﻓﻮﻧﻲ ﻭﻟﺪﺕ ﺑﺸﻬﺮﻱ ﻭﺍﻧﻲ ﻣﺎﺍﻛﺪﺭ ﺍﻛﻮﻝ ﺭﺍﺡ ﺍﻛﻮﻝ ﻭﻻﺩﻩ ﻣﺒﻜﺮﻩ ﺻﺎﺭﺕ ﻋﻨﺪﻱ ﻛﻤﻠﻨﻪ ﺍﺟﺮﺍﺀﺍﺕ ﺍﻟﻤﺴﺘﺸﻔﻰ ﻭﻃﻠﻌﻨﻪ ﻭﺟﺎﻧﺖ ﺍﻟﺴﺎﻋﻪ ﺏ 3 ﻣﻨﺘﺼﻒ ﺍﻟﻠﻴﻞ ﺻﻌﺪﻭﻧﻲ ﻟﻐﺮﻓﺘﻲ ﻛﺘﻠﻬﺎ ﺧﺎﻟﻪ ﻭﺍﻻﺳﻢ ﻛﺎﻟﺖ ﺧﺎﻟﻪ ﺳﻤﻴﻨﺎ ﻣﻨﺘﻈﺮ ﺑﺲ ﺍﻻﺑﻮ ﺳﻤﻴﻨﺎ ﺣﻴﺪﺭ ﻳﻌﻨﻲ ﺑﺎﺳﻢ ﻋﻤﻪ ﻭﺻﻴﺮﻱ ﺯﻳﻨﻪ ﻭﻧﺘﻔﺎﻫﻢ ﻃﺒﻌﺎ ﺍﻟﻜﻮﻝ ﻓﺮﺣﺎﻥ ﺑﺎﻟﻄﻔﻞ ﺍﺟﻪ ﻋﻤﻮ ﺍﻟﻴﻪ ﺑﺎﺳﻨﻲ ﺑﺮﺍﺳﻲ ﻭﺑﺎﺱ ﺍﻟﻄﻔﻞ ﻛﺒﺮ ﻭﺍﺫﻥ ﺑﺎﺫﺍﻧﻪ ﻋﻤﻮ ﺧﻠﻪ ﺟﻮﻩ ﺭﺍﺳﻪ ﻭﺭﻗﻪ ﻭﺧﺎﻟﻪ ﺛﺎﻧﻲ ﻳﻮﻡ ﺳﻮﺗﻠﻪ ﺗﻤﺎﻳﻢ ﺫﻫﺐ ﺍﺛﻨﻴﻦ ﻳﺨﺒﻠﻦ ﺣﺴﻴﺖ ﺑﺨﺎﻟﻪ ﻭﻋﻤﻮ ﻳﺮﺩﻭﻥ ﻳﻄﻴﺮﻭﻥ ﻣﻦ ﺍﻟﻔﺮﺡ ﻭﺭﻩ 3 ﺍﻳﺎﻡ ﻛﺎﻟﺖ ﻋﻤﺎﻣﻪ ﻳﺮﺩﻭﻥ ﻳﺴﻠﻤﻮﻥ ﻋﻠﻴﺞ ﻭﻳﺒﻮﺳﻮﻥ ﺍﻟﻄﻔﻞ ﻛﺘﻠﻬﺎ ﺧﺎﻟﻪ ﺷﻠﻮﻥ ﺍﻟﺒﺲ ﺑﻮﺷﻴﻪ ﻻ ﻛﺎﻟﺖ ﻭﺍﻟﻠﻪ ﻣﺎﺍﻋﺮﻑ ﺧﻠﻲ ﻧﺴﺎﻟﺞ ﺑﺲ ﻫﺴﻪ ﺍﻟﺒﺴﻲ ﺍﻓﻀﻞ ﻟﺒﺴﺖ ﻋﺒﺎﻳﻪ ﻭﺑﻮﺷﻴﻪ ﻭﺩﺧﻠﻮ ﻳﻤﻜﻦ 2 ﺳﻠﻤﻮﺍ ﻋﻠﻴﻪ ﻭﺍﺗﺤﻤﺪﻭﻟﻲ ﻉ ﺍﻟﺴﻼﻣﻪ ﻭﺑﻮﺳﻮﺍ ﺍﻟﻄﻔﻞ ﺍﻧﻲ ﻳﺎﺩﻭﺏ ﻳﻨﺴﻤﻊ ﺻﻮﺗﻲ ﺧﻠﻮﻟﻪ ﺟﻮﻩ ﺍﻟﻤﺨﺪﻩ ﻣﺎﺍﻋﺮﻑ ﺷﻜﺪ ﺍﻟﻲ ﻋﺮﻓﺘﻪ ﻭﺍﺣﺪ ﺍﻟﺪﻛﺘﻮﺭ ﺍﻟﻲ ﺍﺳﻤﻪ ﻣﺤﻤﺪ ﻭﺍﻟﺜﺎﻧﻲ ﺍﻟﺼﻐﻴﺮ ﺍﻟﻲ ﺍﺳﻤﻪ ﺍﻣﻴﺮ ﻭﺍﻟﻤﻐﺮﻭﺭ ﻣﺎﺍﺟﻪ ﻫﻤﺰﻳﻦ ﻻﻥ ﺍﻧﺮﻋﺐ ﻣﻨﻪ ﻣﺎﺍﻋﺮﻑ ﻟﻮﻳﺶ ﺑﻌﺪﻫﺎ ﻃﻠﻌﻮ ﺧﺎﻟﻪ ﺳﺎﻟﺖ ﻉ ﺍﻟﻌﺪﻩ ﺧﺎﺑﺮﺕ ﻣﻜﺘﺐ ﺍﻟﺴﻴﺪ ﻛﻠﻮﻟﻬﺎ ﻫﺎﻱ ﻫﻲ ﺧﻠﺼﺖ ﺍﻟﻌﺪﻩ ﻭﺍﺧﻴﺮﺍ ﺍﺗﺤﺮﺭﺕ ﻃﺒﻌﺎ ﺍﻻﺳﻮﺩ ﺍﺑﺪ ﻣﻘﺒﻠﺖ ﺍﻧﺰﻋﻪ ﺧﺎﻟﻪ ﻛﺎﻟﺖ ﻣﻴﺼﻴﺮ ﺗﺒﻘﻴﻦ ﺑﻲ بيج قصص عراقيه حقيقيه من واقعنا.روعه الطائي ﺍﻧﻲ ﺭﻓﻀﺖ ﻻﻥ ﻣﻦ ﺟﻬﺎ ﺍﺧﻮﻳﻪ ﻭﻣﻦ ﺟﻬﺎ ﺛﺎﻧﻴﻪ ﻣﺮﻭﺍﻥ ﺑﺲ ﺑﻘﺖ ﻣﺸﻜﻠﺔ ﺍﻟﻄﻔﻞ ﺷﻠﻮﻥ ﺭﺍﺡ ﻳﺴﺠﻠﻮﻧﻪ ﻛﺎﻟﺖ ﺧﺎﻟﻪ ﻧﻌﻘﺪﻟﻜﻢ ﺍﻧﺖ ﻭﺣﻴﺪﺭ ﻭﺑﻌﺪﻫﺎ ﻧﺴﺠﻠﻪ ﻟﻠﻄﻔﻞ ﻛﺘﻠﻬﺎ ﺧﺎﻟﻪ ﺍﻧﻲ ﻣﻮﺍﻓﻘﻪ ﻉ ﺍﻱ ﺷﻲ ﺗﻜﻮﻟﻮﻧﻪ ﺍﻫﻢ ﺷﻲ ﺍﺑﻨﻲ ﺗﺼﻴﺮﻟﻪ ﺟﻨﺴﻴﻪ ﺑﻌﺪﻳﻦ ﺍﺟﺘﻲ ﻧﻮﺭ ﻛﺎﻟﺖ ﺟﺪﻭ ﻭﺑﻴﺒﻲ ﺍﺗﻌﺎﺭﻛﻮ ﻭﻱ ﺑﺎﺑﺎ ﻭﺟﺪﻭ ﻛﺎﻡ ﻳﺼﻴﺢ ﻋﻠﻲ ﻭﺣﺘﻰ ﻋﻤﻮ ﻣﺤﻤﺪ ﻻﻥ ﻣﻴﻘﺒﻞ ﻳﺘﺰﻭﺝ ﻳﻜﻮﻝ ﻫﺎﻱ ﺍﻟﺴﺎﻗﻄﻪ ﻣﺎﺍﺗﺰﻭﺟﻬﺎ ﻟﻮ ﺍﻣﻮﺕ ﺣﻴﻞ ﺿﺠﺖ ﻭﺍﺳﺘﺤﻘﺮﺕ ﻧﻔﺴﻲ ﻻﻥ ﻣﻦ ﺻﺪﻙ ﻫﺎﻱ ﺛﺎﻟﺚ ﻣﺮﻩ ﺍﺫﻝ ﻧﻔﺴﻲ ﻛﺪﺍﻡ ﺭﺟﺎﻝ ﺍﻭﻝ ﻣﺮﻩ ﻛﺪﺍﻡ ﻣﺮﻭﺍﻥ ﻣﻦ ﺍﺣﺘﺎﺟﻴﺖ ﺍﻟﻔﻠﻮﺱ ﻭﺍﻟﺜﺎﻧﻴﻪ ﻻﺑﻮﻫﺎ ﻟﻨﻮﺭ ﻣﻦ ﻃﻠﺒﺖ ﻣﻨﻪ ﻳﺴﺘﺮﻭﻧﻲ ﻭﻳﺨﻠﻮﻧﻲ ﺍﻋﻴﺶ ﻭﻳﺎﻫﻢ ﻭﻫﺎﻱ ﺍﻟﺜﺎﻟﺜﻪ ﻫﺴﻪ ﻟﻮ ﻳﺼﻴﺮ ﺟﻨﺴﻴﻪ ﻫﻴﺞ ﺟﺎﻥ ﺍﺧﺬﺗﻪ ﻻﺑﻨﻲ ﻭﺍﺧﺘﻔﻴﺖ ﺣﻴﺪﺭ : ﺍﻫﻠﻲ ﺑﻘﻮﺍ ﻳﻠﺤﻮﻥ ﻋﻠﻴﻪ ﺣﺘﻰ ﺍﻋﻘﺪ ﻋﻠﻴﻬﺎ ﺑﺲ ﺍﻧﻲ ﻣﺼﻤﻢ ﺍﺑﺪ ﻣﺎﺍﻭﺍﻓﻖ ﻻﻥ ﺍﻧﻲ ﺍﻋﺘﻘﺪ ﺍﻟﻤﺮﺃﻩ ﺍﻟﻲ ﻣﺘﺼﻮﻥ ﺍﻫﻠﻬﺎ ﻣﺴﺘﺤﻴﻞ ﺍﺗﺼﻮﻥ ﺯﻭﺟﻬﺎ ﺑﻴﻮﻡ ﻭﺍﻧﻲ ﻣﺎﺍﻛﺪﺭ ﺍﺟﺎﺯﻑ ﻭﺍﻭﺍﻓﻖ ﻋﻠﻴﻬﺎ ﻻﻥ ﺿﺎﻳﻚ ﺍﻟﺨﻴﺎﻧﻪ ﺷﻨﻮ ﻫﺎﻟﻤﺮﻩ ﻣﺎﺍﺗﺤﻤﻞ ﻻﻥ ﺍﻛﻴﺪ ﺍﻗﺘﻞ ﻭﺍﻧﻘﺘﻞ ﻭﺍﻧﻲ ﺷﻠﻲ ﺑﻬﺎﻟﺪﻭﺧﻪ ﺍﺷﻮ ﻣﺮﺗﺎﺡ ﻫﺴﻪ ﺑﺪﻭﻥ ﺯﻭﺍﺝ ﺯﻭﺟﺘﻪ ﻟﻤﺮﻭﺍﻥ ﻟﺤﺪ ﻫﺎﻱ ﺍﻟﻠﺤﻀﻪ ﻻ ﺷﻔﻨﺎﻫﺎ ﻭﻻ ﺳﻤﻌﻨﻪ ﺻﻮﺗﻬﺎ ﻟﻤﻦ ﺩﺧﻠﺖ ﺑﺸﻬﺮﻫﺎ ﺍﺧﺬﻭﻫﺎ ﻟﻠﺪﻛﺘﻮﺭ ﻃﻠﺒﺖ ﻣﻦ ﻣﺎﻣﺎ ﻧﻮﺩﻳﻬﺎ ﻻﻫﻠﻬﺎ ﻛﺎﻟﺖ ﻣﺎﻣﺎ ﺍﺫﺍ ﻭﺩﻳﻨﺎﻫﺎ ﺍﻛﻴﺪ ﺍﻫﻠﻬﺎ ﻳﺸﻜﻮﻥ ﺑﻴﻬﺎ ﻭﺍﺣﺘﻤﺎﻝ ﻳﻘﺘﻠﻮﻫﺎ ﺧﻄﻴﻪ ﺣﺮﺍﻡ ﻋﻠﻴﻨﺎ ﻭﻟﺘﻨﺴﻪ ﻫﺬﺍ ﺍﻟﻲ ﺍﺑﻄﻨﻬﺎ ﺍﺑﻨﻪ ﻻﺧﻮﻙ ﺍﻟﻠﻪ ﻳﺮﺣﻤﻪ ﻭﺷﻨﻮ ﺍﻟﻲ ﻳﺜﺒﺖ ﺍﻟﻄﻔﻞ ﺍﺑﻨﻪ ﻟﻤﺮﻭﺍﻥ ﻭﺍﻟﻠﻪ ﻳﺎﻣﺎﻣﺎ ﺍﺟﺎﻧﻲ ﺑﺎﻟﺤﻠﻢ ﻭﻭﺻﺎﻧﻲ ﺷﻜﻢ ﻣﺮﻩ ﻛﺘﻠﻚ ﻭﺍﻧﺖ ﻣﺘﺼﺪﻙ ﻓﻌﻼ ﻫﻮﺍﻱ ﻛﻠﺘﻠﻲ ﺑﺲ ﺍﻧﻲ ﺍﺑﺪ ﻣﺎﺍﺻﺪﻙ ﻻﻥ ﺍﻧﻲ ﻣﺘﺎﻛﺪ ﺍﻛﺜﺮ ﻣﻦ ﺍﻟﻨﺺ ﺍﻟﻨﺴﺎﺀ ﺧﻮﻧﻪ ﻭﻣﺎﺍﺻﺪﻙ ﺑﻴﻬﻦ ﺍﺑﺪ ﺻﺤﻴﺢ ﺯﻭﺟﺘﻪ ﻭﻟﻜﻴﺖ ﺍﻟﻌﻘﺪ ﺑﺲ ﺍﻟﻄﻔﻞ ﻣﺎﻛﻮ ﺩﻟﻴﻞ ﺍﺑﻨﻪ ﻻﻥ ﺍﺳﺎﺳﺎ ﻣﻴﺼﻴﺮ ﻋﻨﺪﻩ ﺍﻃﻔﺎﻝ ﻭﺍﻟﺴﺒﺐ ﻣﻨﻪ ﺭﺟﻌﺖ ﻣﺎﻣﺎ ﺗﻄﺒﺦ ﻣﺜﻞ ﻗﺒﻞ ﻻﻥ ﺗﻜﻮﻝ ﺧﻄﻴﻪ ﻣﺎﺍﺗﻜﺪﺭ ﺑﺲ ﺍﺷﻮ ﻫﺎﻱ ﻣﻄﻮﻟﻪ ﻣﻨﺎﻭﻳﻪ ﺗﺠﻴﺐ ﻭﺗﻔﻀﻬﺎ بيج قصص عراقيه حقيقيه من واقعنا.روعه الطائي ﻃﺒﻌﺎ ﺩﺍﻳﺦ ﺑﻤﺴﺎﻟﺔ ﺍﻟﺠﻨﺴﻴﻪ ﻣﺎﻟﺖ ﺍﻟﻄﻔﻞ ﻧﻜﺪﺭ ﻧﻮﺩﻱ ﺍﻟﻌﻘﺪ ﻣﺎﻟﺖ ﺍﻟﺴﻴﺪ ﻟﻠﻤﺤﻜﻤﻪ ﻭﻳﺘﺼﺪﻕ ﻭﺍﻟﻄﻔﻞ ﻳﺘﺴﺠﻞ ﺑﺎﺳﻢ ﻣﺮﻭﺍﻥ ﺑﺲ ﺍﻟﻤﺸﻜﻠﻪ ﺍﻫﻠﻬﺎ ﺷﻠﻮﻥ ﺑﻴﻬﻢ ﺍﺣﺘﻤﺎﻝ ﺻﺤﻴﺢ ﺑﺲ ﻳﻌﺮﻓﻮﻥ ﺑﻴﻬﺎ ﺭﺍﺡ ﻳﻘﺘﻠﻮﻫﺎ ﺩﺍﻳﺦ ﺣﻴﻞ ﺑﺲ ﺗﺮﻛﺘﻬﺎ ﻟﻮﻗﺘﻬﺎ ﺭﺍﺣﻮﺍ ﺍﻫﻠﻲ ﻟﻜﺮﺑﻼﺀ ﻳﺰﻭﺭﻭﻥ ﻭﺟﻨﺖ ﺑﺎﻟﺪﻭﺍﻡ ﻗﺮﻳﺐ ﻣﺎﻳﺮﻳﺪ ﻳﻨﺘﻬﻲ ﺍﻟﺪﻭﺍﻡ ﺧﺎﺑﺮﺗﻨﻲ ﻓﺎﻃﻤﻪ ﻛﺎﻟﺖ ﺯﻳﻨﺐ ﺍﺣﺘﻤﺎﻝ ﻋﺪﻫﺎ ﻭﻻﺩﻩ ﻭﻣﺤﻤﺪ ﺍﺑﻐﺪﺍﺩ ﻭﺍﻣﻴﺮ ﻭﻱ ﺍﻫﻠﻲ ﺻﺎﺩﻑ ﺭﺟﻌﺖ ﻉ ﺍﻟﺴﺮﻳﻊ ﻟﻜﻴﺘﻬﻦ ﻣﺘﻬﻴﺄﺍﺕ ﻭﺣﺘﻰ ﺭﺳﻞ ﺯﻭﺟﺔ ﻣﺤﻤﺪ ﻭﻳﺎﻫﻦ ﺍﺧﺬﺗﻬﻦ ﺑﺴﺮﻋﻪ ﻭﻃﺒﻌﺎ ﺗﺘﺎﻟﻢ ﻣﺒﻴﻦ ﻋﻠﻴﻬﺎ ﺑﺲ ﻣﺴﻤﻌﺖ ﻧﻔﺴﻬﺎ ﺍﺑﺎﻭﻉ ﻋﻠﻴﻬﺎ ﺑﺎﻟﻤﺮﺍﻳﻪ ﺿﺎﻏﻄﻪ ﻉ ﺍﻳﺪ ﻓﺎﻃﻤﻪ ﻛﻤﺖ ﺍﺻﻴﺢ ﻭﺍﺣﺠﻲ ﻉ ﻣﺎﻣﺎ ﻻﻥ ﻣﻴﺠﻮﺯ ﺗﺮﻭﺡ ﻭﺗﻌﺮﻓﻬﺎ ﺑﻔﺘﺮﻩ ﺣﺮﺟﻪ ﺑﺎﻱ ﻭﻗﺖ ﻳﺼﻴﺮ ﻋﺪﻫﺎ ﻭﻻﺩﻩ ﻭﺻﻠﻨﻪ ﻭﺳﻮﻳﺖ ﺍﻟﻄﺒﻠﻪ ﺍﻟﻬﺎ ﺧﻠﻴﺘﻬﻦ ﺑﺼﺎﻟﺔ ﺍﻟﻮﻻﺩﻩ ﻭﺭﺣﺖ ﺍﺗﻐﺪﻳﺖ ﻳﻢ ﺍﻟﻤﺴﺘﺸﻔﻰ ﻣﻄﻌﻢ ﻗﺮﻳﺐ ﻻﻥ ﺟﻨﺖ ﺣﻴﻞ ﺟﻮﻋﺎﻥ ﺑﻘﻴﺖ ﺍﺗﺼﻞ ﻭﻱ ﻓﺎﻃﻤﻪ ﻃﻮﻟﺖ ﺣﻴﻞ ﻭﻣﺎﻛﻮ ﺻﺎﺭ ﺍﻟﻤﻐﺮﺏ ﻭﻫﺎﻱ ﻣﺎﻛﻮ ﺍﺟﻮﻱ ﺍﻫﻠﻲ ﻣﺎﻣﺎ ﺍﺗﺨﺒﻠﺖ ﻣﻦ ﻛﺘﻠﻬﺎ ﻟﻬﺴﻪ ﺑﻌﺪﻫﻲ ﻛﺎﻟﺖ ﺧﻄﻴﻪ ﻣﻦ ﺯﻣﺎﻥ ﺗﻄﻠﻚ ﺭﺍﺣﺖ ﻟﺮﺳﻞ ﻭﺳﺎﻟﺘﻬﺎ ﻛﺎﻟﺘﻠﻬﺎ ﻛﺎﻋﺪ ﺗﻄﻠﻚ ﻣﺎﻧﺮﻳﺪ ﻧﺴﻮﻳﻠﻬﺎ ﻋﻤﻠﻴﻪ ﻛﺎﻟﺘﻬﺎ ﺧﺎﻑ ﺗﺘﻌﺐ ﻣﻮ ﻣﻬﻢ ﺍﻫﻢ ﺷﻲ ﺻﺤﺔ ﺍﻟﻄﻔﻞ ﻣﻮ ﺯﻳﻨﻪ ﺍﻟﻌﻤﻠﻴﻪ ﻟﻤﻦ ﻧﺄﻳﺲ ﻣﻨﻬﺎ ﻳﻠﻪ ﻧﺤﻮﻟﻬﺎ ﺻﺎﺭ ﺍﻟﻠﻴﻞ ﻭﻣﺎﻛﻮ ﺩﺧﻠﻮ ﻣﺎﻣﺎ ﺍﻟﻬﺎ ﻃﻠﻌﺖ ﺗﺒﺠﻲ ﻋﺒﺎﻟﻨﻪ ﺑﻴﻬﺎ ﺷﻲ ﻛﺎﻟﺖ ﻻ ﻣﺒﻴﻬﺎ ﺷﻲ ﺑﺲ ﺣﻴﻞ ﺣﻴﻞ ﺗﻌﺒﺖ ﺧﻄﻴﻪ ﻭﻭﺻﺘﻨﻲ ﻉ ﺍﺑﻨﻬﺎ ﺧﺎﻑ ﻳﺼﻴﺮ ﺑﻴﻬﺎ ﺷﻲ ﻭﺍﺳﻤﻌﻨﻲ ﺣﻴﺪﺭ ﺍﻟﻄﻔﻞ ﺗﺴﻤﻲ ﻣﻨﺘﻈﺮ ﺷﻨﻮ ﻫﺎﻻﺳﻢ ﻣﻮ ﺣﻠﻮ ﻭﻫﻲ ﻣﺎﺍﻟﻬﺎ ﺣﻖ ﺗﺴﻤﻲ ﻟﻠﻄﻔﻞ ﺍﻧﻲ ﺍﺭﻳﺪ ﺍﺳﻤﻲ ﻛﻴﺎﻥ ﻟﻚ ﻣﺎﻣﺎ ﻫﺎﻱ ﻭﺻﻴﺔ ﺍﺧﻮﻙ ﻣﺮﻭﺍﻥ ﺍﻟﻠﻪ ﻳﺮﺣﻤﻪ بيج قصص عراقيه حقيقيه من واقعنا.روعه الطائي ﻫﻮ ﻛﻠﻠﻬﺎ ﺳﻤﻲ ﺍﺳﻢ ﻣﻨﺘﻈﺮ ﻻﻥ ﺟﺎﻥ ﻣﻨﺘﻈﺮ ﻫﺬﺍ ﺍﻟﺨﺒﺮ ﻉ ﻧﺎﺭ ﻣﻜﺪﺭﺕ ﺍﺣﺠﻲ ﺑﻌﺪ ﻣﺪﺍﻡ ﻭﺻﻴﺘﻪ ﻻﺧﻮﻳﻪ ﻫﺎﻱ ﻫﻲ ﻛﺎﻟﺖ ﻫﺎﻱ ﺍﺧﺮ ﻣﺤﺎﻭﻟﻪ ﺍﺫﺍ ﻣﺠﺎﺑﺖ ﻃﺒﻴﻌﻲ ﻧﺴﻮﻳﻠﻬﺎ ﻋﻤﻠﻴﻪ ﺑﻘﻴﻨﻪ ﻓﻮﻙ ﺍﻟﻮﺣﺪﻩ ﻭﻫﺎﻱ ﺑﻌﺪﻫﻲ ﻉ ﻓﺠﺎﻩ ﺍﺟﺘﻲ ﺭﺳﻞ ﺗﻀﺤﻚ ﻛﺎﻟﺖ ﺧﻄﻴﻪ ﺟﺎﺑﺖ ﺑﺲ ﺣﻴﻞ ﺗﻌﺒﺖ ﺍﻟﺤﻤﺪ ﻟﻠﻪ ﻣﺎﺍﻋﺮﻑ ﻟﻴﺶ ﺑﺪﺍﺧﻠﻲ ﺟﻨﺖ ﺣﻴﻞ ﻓﺮﺣﺎﻥ ﺑﻌﺪﻳﻦ ﻛﻤﻠﻨﻪ ﺍﻻﺟﺮﺍﺀﺍﺕ ﻭﻃﻠﻌﻨﻪ ﺻﻌﺪﺕ ﻟﻔﻮﻙ ﻛﺎﻟﺖ ﻣﺎﻣﺎ ﺧﻠﻴﻬﺎ ﺗﺮﺗﺎﺡ ﺧﻄﻴﻪ ﺳﻮﺗﻠﻲ ﻓﺎﻃﻤﻪ ﻋﺸﻪ ﻛﻤﻠﺖ ﻭﺭﺣﺖ ﻟﺒﻴﺘﻲ ﻧﻤﺖ ﺛﺎﻟﺚ ﻳﻮﻡ ﻃﻠﺒﻮﺍ ﻣﻦ ﻋﺪﻧﻪ ﻧﺼﻌﺪ ﻧﺴﻠﻢ ﻋﻠﻴﻬﺎ ﻭﻧﺒﻮﺳﻪ ﻟﻠﻄﻔﻞ ﺍﻧﻲ ﺭﻓﻀﺖ ﻭﻣﺎﺍﻋﺮﻑ ﻟﻴﺶ ﺻﻌﺪﻭﺍ ﻣﺤﻤﺪ ﻭﺍﻣﻴﺮ ﺍﺟﻮﻱ ﻓﺮﺣﺎﻧﻴﻦ ﻛﺎﻟﻮ ﺑﻲ ﺭﻳﺤﺔ ﻣﺮﻭﺍﻥ ﺍﻧﻲ ﺑﺪﺍﺧﻠﻲ ﻣﻤﻘﺘﻨﻊ ﻫﺬﺍ ﺍﺑﻦ ﻣﺮﻭﺍﻥ ﻛﺘﻠﻬﻢ ﻫﺎﻱ ﺷﺒﻴﻜﻢ ﺿﺤﻜﺖ ﻋﻠﻴﻜﻢ ﻧﺴﻴﺘﻮﺍ ﻣﺮﻭﺍﻥ ﻣﻴﺼﻴﺮ ﻋﻨﺪﻩ ﺍﻃﻔﺎﻝ ﻛﺎﻟﻮ ﺑﺲ ﺍﻟﻠﻪ ﺍﺫﺍ ﺭﺍﺩ ﻳﺨﻠﻲ ﻳﺼﻴﺮ ﻋﻨﺪﻩ ﻭﻫﺴﻪ ﻫﺬﺍ ﺍﻛﺒﺮ ﺩﻟﻴﻞ ﻛﺘﻠﻬﻢ ﻫﺴﻪ ﺗﺸﻮﻓﻮﻥ ﺍﻻﻳﺎﻡ ﺭﺍﺡ ﺗﺜﺒﺘﻠﻜﻢ ﺍﻧﻲ ﻉ ﺣﻖ ﺑﺲ ﻫﺎﻱ ﻛﺎﺗﻠﻬﺎ ﺍﻟﻔﻠﻮﺱ ﻭﺷﺎﻓﺘﻨﻪ ﺣﺎﻟﺘﻨﻪ ﺯﻳﻨﻪ ﻭﺍﻟﺤﻤﺪ ﻟﻠﻪ ﻛﺎﻟﺖ ﺍﻃﻠﻌﻠﻲ ﺑﺸﻜﻢ ﻓﻠﺲ ﻣﻨﻬﻢ ﻭﺍﺑﻨﻲ ﻳﺤﺼﻞ ﻭﺭﺙ ﻛﺎﻡ ﻳﺤﺠﻲ ﻋﻠﻴﻪ ﻣﺤﻤﺪ ﻛﺎﻝ ﻭﻟﻚ ﻫﺎﻱ ﺍﻟﺒﻨﻴﻪ ﻟﻮ ﻣﻨﺎ ﻣﻨﺎ ﻣﺘﺰﻭﺟﻬﺎ ﻣﺮﻭﺍﻥ ﻭﺍﻧﺖ ﺍﻛﺜﺮ ﻭﺍﺣﺪ ﺗﻌﺮﻓﻪ ﻻﺧﻮﻙ ﻣﻴﻌﺠﺒﻪ ﺍﻟﻌﺠﺐ ﻭﻣﻴﺎﻣﻦ ﺑﺎﻱ ﻭﺣﺪﻩ ﻭﺛﺎﻧﻴﻪ ﻭﺑﻌﺪ ﺻﺎﺭﻟﻬﺎ ﺷﻜﻢ ﺷﻬﺮ ﻣﺤﺪ ﻟﻤﺢ ﻃﻮﻟﻬﺎ ﻭﻻ ﺳﻤﻌﻨﻪ ﺻﻮﺗﻬﺎ ﺍﺳﺎﻝ ﺍﻣﻴﺮ ﺩﺧﻠﻨﻪ ﻫﺴﻪ ﻭﺷﻜﺪ ﺣﺠﻴﺘﻪ ﻏﻴﺮ ﺍﻟﺴﻼﻡ ﻣﺴﻤﻌﻨﻪ ﺻﻮﺗﻬﺎ ﺍﺑﺪ ﻭﻛﻮﻩ ﺳﻤﻌﺘﻪ ﺍﻟﺴﻼﻡ ﻭﺍﻟﻠﻪ ﺑﻌﺪﻳﻦ ﻏﻴﺮ ﺍﻟﻤﻮﺿﻮﻉ ﻛﺎﻝ ﻭﻟﻜﻢ ﺍﻧﻲ ﻣﺘﻠﻬﻒ ﺍﺷﻮﻓﻬﺎ ﺍﻛﻴﺪ ﻫﺴﻪ ﻛﻤﻠﺖ ﺍﻟﻌﺪﻩ ﻭﺭﺍﺡ ﻧﺸﻮﻓﻬﺎ ﻣﻦ ﻫﺴﻪ ﺍﻛﻠﻜﻢ ﺍﺫﺍ ﺻﺎﻛﻪ ﺍﻧﻲ ﺍﺗﺰﻭﺟﻬﺎ ﺑﺲ ﻫﻢ ﺑﺎﻟﺴﺮ ﻻﻥ ﺭﺳﻞ ﺗﺬﺑﺤﻨﻲ ﺑﻠﻴﻠﻪ ﺿﻠﻤﻪ ﻭﻳﻀﺤﻚ ﺍﻣﻴﺮ ﻛﺎﻝ ﻻ ﺑﺎﻟﻨﺴﺒﻪ ﺍﻟﻲ ﺍﻧﻲ ﻣﻤﺘﺰﻭﺝ ﻭﻻ ﻣﺮﻩ ﺍﻛﻴﺪ ﺍﺭﻳﺪﻫﺎ ﺯﻭﺟﺘﻲ ﺍﻟﻤﺴﺘﻘﺒﻠﻴﻪ ﺻﺮ ﻣﻬﺮ ﻣﺤﺪ ﺷﺎﻳﻒ ﻃﻮﻟﻬﺎ ﻳﻌﻨﻲ ﻣﺴﺘﺤﻴﻞ ﺍﻭﺍﻓﻖ ﻋﻠﻴﻬﺎ ﺣﺘﻠﻮ ﻣﻬﻤﺎ ﻳﻜﻮﻥ ﻛﺎﻝ ﻣﺤﻤﺪ ﺑﺲ ﺍﺫﺍ ﻃﻠﻌﺖ ﺟﻨﻬﺎ ﺟﺒﺎﺭ ﺍﻟﻔﻴﺘﺮﺟﻲ ﻣﺎﻛﻮ ﻏﻴﺮ ﺣﻴﺪﺭ ﻳﺘﺰﻭﺟﻬﺎ ﻛﻤﺖ ﺍﺿﺤﻚ ﻭﺍﻛﻠﻬﻢ ﻭﺍﻟﻠﻪ ﻟﻮ ﻣﻠﻜﺔ ﺟﻤﺎﻝ ﺍﻟﻌﺎﻟﻢ ﻫﻢ ﻣﺎﺍﻓﻜﺮ ﺍﺗﺰﻭﺟﻬﺎ ﻟﻮ ﺗﻤﻮﺕ ﻟﻮ ﺗﺒﻘﻪ ﺑﺲ ﻫﻲ ﺑﺎﻟﺪﻧﻴﻪ ﻣﻤﻜﻦ ﺍﻋﺮﻑ ﺍﻟﺴﺒﺐ ﻟﻚ ﻣﺤﻤﺪ ﻫﻲ ﺍﻟﻲ ﺗﺨﻮﻥ ﺍﻫﻠﻬﺎ ﻭﺗﺘﺰﻭﺝ ﺑﺎﻟﺴﺮ ﺷﻠﻮﻥ ﺭﺍﺡ ﺗﺼﻮﻥ ﺯﻭﺟﻬﺎ ﻟﻚ ﻭﺍﻟﻠﻪ ﺍﻟﺒﻨﻴﻪ ﺣﺒﺎﺑﻪ ﻭﻣﺆﺩﺑﻪ ﺑﺲ ﺍﻟﺼﺮﺍﺣﻪ ﻣﺎﻧﻌﺮﻑ ﺷﻜﻠﻬﺎ ﺟﻨﻬﺎ ﺟﺒﺎﺭ ﻟﻮﺟﻨﻬﺎ ﺣﻤﺪﻳﻪ ﺑﻬﺎﻱ ﺍﻻﺛﻨﺎﺀ ﺩﺧﻞ ﺍﺑﻮﻳﻪ ﺳﻜﺘﻨﻪ ﺟﺎﻥ ﻳﻜﻮﻝ ﺣﻴﺪﺭ ﺍﺑﻨﻲ ﺍﺳﻤﻌﻨﻲ ﺯﻳﻦ ﺭﺍﺡ ﺍﺣﺠﻲ ﺑﺲ ﺍﻋﺘﺒﺮ ﺍﻟﺤﺠﻲ ﻣﺎﻟﺘﻲ ﺍﻣﺮ ﻻﺯﻡ ﻳﺘﻨﻔﺬ ﻣﻬﻤﺎ ﻳﺼﻴﺮ ﻭﺍﺫﺍ ﺭﻓﻀﺖ ﺍﻛﻴﺪ ﻻ ﺍﻧﺖ ﺍﺑﻨﻲ ﻭﻻ ﺍﻧﻲ ﺍﺑﻮﻙ ﻭﻻﺍﻋﺮﻓﻚ ﻭﻻ ﺗﻌﺮﻓﻨﻲ ﻟﻠﻤﻮﺕ ﺑﻬﺎﻱ ﺍﻻﺛﻨﺎﺀ ﺩﺧﻠﺖ ﺍﻣﻲ ﻫﻢ ﻛﺎﻟﺖ ﺍﻧﻲ ﻫﻤﻴﻦ ﺗﻌﺘﺒﺮﻧﻲ ﻏﺎﺿﺒﻪ ﻋﻠﻴﻚ ﻟﻴﻮﻡ ﺍﻟﺪﻳﻦ ﺍﺫﺍ ﺭﻓﻀﺖ ﺍﻟﺤﻘﻴﻘﻪ ﺍﺗﻮﻗﻌﺖ ﺍﻟﻲ ﻳﺮﺩﻭﻥ ﻳﺤﺠﻮﺍ ﻭﺍﻛﻴﺪ ﺭﺍﺡ ﻳﻜﻮﻥ ﺟﻮﺍﺑﻲ ....... ﺗﻮﻗﻌﺎﺗﻢ ﺣﺒﺎﻳﺐ ﺭﺍﺡ ﻳﻮﺍﻓﻖ ﻟﻮ ﻳﺮﻓﺾ ﻟﺘﻨﺴﻮﻥ ﺍﻟﺘﺼﻮﻳﺖ ﺣﺒﺎﻳﺒﻲ ﻛﻠﺒﻲ 😘 | ||||||||
|
| |
|
08-08-19, 02:52 AM
| #9 | ||||||||
| مراقبة عامة ومشرفة منتدى الروايات المنقولة
| ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ 🦋🌹 ﺍﻟﺒﺎﺭﺕ 8 🌹🦋 🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋 🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋 ﺍﻛﻴﺪ ﺟﻮﺍﺑﻲ ﺭﺍﺡ ﻳﻜﻮﻥ ﺍﻟﺮﻓﺾ ﻛﺘﻠﻬﻢ ﺍﺳﻤﻌﻮﻧﻲ ﻣﻦ ﺍﻻﺧﻴﺮ ﻭﻗﺒﻞ ﻟﺘﺤﺠﻮﻥ ﻭﺍﻃﻠﺒﻮﻥ ﻣﻨﻲ ﺷﻲ ﺍﻧﻲ ﺍﻛﻠﻜﻢ ﻣﺎﺍﺗﺰﻭﺟﻬﺎ ﻟﻬﺎﻱ ﺍﻟﺴﺎﻗﻄﻪ ﻟﻮ ﻉ ﻛﺺ ﺭﻛﺒﺘﻲ ﺣﻴﺪﺭ ﺍﺣﺘﺮﻡ ﻧﻔﺴﻚ ﻭﻟﺘﺘﺠﺎﻭﺯ ﻉ ﺍﻟﺒﻨﻴﻪ ﻳﻠﻪ ﻳﺎﺑﻪ ﺷﺮﻳﻔﻪ ﺑﻨﺖ ﺷﺮﻓﺎﺀ ﺑﺲ ﺍﻧﻲ ﻣﻴﻌﺠﺒﻨﻲ ﺍﺗﺰﻭﺝ ﻫﻴﺞ ﻭﺣﺪﻩ ﺍﻛﻮ ﺍﻋﺘﺮﺍﺽ ﻏﺼﺒﺎ ﻣﺎﻋﻠﻴﻚ ﺗﻮﺍﻓﻖ ﺷﻨﻮ ﻫﻲ ﺑﺎﻟﻜﻮﻩ ﻭﻏﺼﺒﺎ ﻋﻠﻴﻪ ﻫﺬﺍ ﻣﺤﻤﺪ ﻳﻤﻜﻢ ﻭﺍﻣﻴﺮ ﻭﺯﻭﺟﻬﻢ ﺍﻟﻬﻢ ﺍﻧﻲ ﺷﻜﻮ ﺟﻠﺒﺘﻮﺍ ﺑﻴﻪ ﺷﻨﻮ ﻣﺎﻛﻮ ﻏﻴﺮﻱ ﺍﺗﺮﻛﻮﻧﻲ ﻟﺨﺎﻃﺮ ﺍﻟﻠﻪ ﻻﻭﺍﻟﻘﺮﺍﻥ ﺍﻋﻮﻑ ﺍﻟﺒﻴﺖ ﻭﺍﻃﻠﻊ ﺍﻧﺖ ﻻﻥ ﻣﻄﻠﻚ ﺯﻭﺟﺘﻚ ﻭﻫﺎﻱ ﺑﻨﺘﻚ ﻣﺤﺘﺎﺟﻪ ﻻﻡ ﺗﺼﻮﻧﻬﺎ ﻭﺗﺤﺎﻓﻆ ﻋﻠﻴﻬﺎ ﺍﻧﻲ ﻫﻨﺎ ﻓﻘﺪﺕ ﺍﻋﺼﺎﺑﻲ ﺍﻱ ﺻﺤﻴﺢ ﻣﺤﺘﺎﺟﻪ ﺍﻡ ﺍﺗﻌﻠﻤﻬﺎ ﺗﺘﺰﻭﺝ ﺑﺎﻟﺴﺮ ﻭﺗﺸﺠﻌﻬﺎ ﻣﺤﺘﺎﺟﻪ ﺍﻡ ﺗﺮﺑﻴﻬﺎ ﺗﺮﺑﻴﻪ ﻏﻠﻂ ﺍﻡ ﺍﺩﺭﺑﻬﺎ ﻣﻦ ﻫﺴﻪ ﺷﻠﻮﻥ ﺗﺠﻠﺐ ﺑﺎﻟﻮﻟﺪ ﻭﺧﺎﺻﻪ ﺍﻟﻲ ﻋﺪﻫﻢ ﻭﺭﺙ ﺯﻳﻦ ﺣﻴﺪﺭ ﻟﻬﻨﺎ ﻭﻛﺎﻓﻲ ﺍﺣﻨﻪ ﻣﻜﺎﺗﻠﻨﻪ ﺍﻧﺖ ﻭﻣﺼﻠﺤﺘﻚ ﻛﻞ ﺍﻟﻲ ﻫﻤﻨﻪ ﺍﺑﻦ ﻣﺮﻭﺍﻥ ﺧﻄﻴﻪ ﻳﺒﻘﻰ ﺑﺪﻭﻥ ﺟﻨﺴﻴﻪ ﻟﻮ ﺍﻫﻠﻬﺎ ﺍﻟﺒﻨﻴﻪ ﻳﻘﺘﻠﻮﻫﺎ ﺣﺘﻰ ﻳﺒﻘﻰ ﺍﻟﻄﻔﻞ ﻻ ﺍﺏ ﻭﻻ ﺍﻡ ﺍﻱ ﺍﺣﺠﻮﻫﺎ ﻣﻦ ﺍﻟﺒﺪﺍﻳﻪ ﻟﻴﺶ ﺑﻌﺪ ﺗﻜﻮﻟﻮﻥ ﺑﻨﺘﻚ ﻭﻣﺎﺍﻋﺮﻑ ﺷﻨﻮ ﺍﻋﻘﺪ ﻋﻠﻴﻬﺎ ﺑﺲ ﺍﻫﻢ ﺷﻲ ﺍﻟﻄﻔﻞ ﻳﺤﺼﻞ ﻉ ﺍﻟﺠﻨﺴﻴﻪ ﻭﺑﻌﺪﻫﺎ ﺑﺎﻱ ﻭﻗﺖ ﻳﻌﺠﺒﻚ ﻃﻠﻜﻬﺎ ﻭﺍﻟﻠﻪ ﻫﺎﻱ ﺣﻴﻪ ﻣﻦ ﺍﻟﺒﺪﺍﻳﻪ ﺍﻟﺘﺎﻓﺖ ﻉ ﻣﺮﻭﺍﻥ ﻭﻛﺮﺑﺴﺘﻪ ﻭﺑﻌﺪﻫﺎ ﺍﻟﺘﻔﺘﺖ ﻋﻠﻴﻪ ﻭﺗﺮﻳﺪ ﺗﻮﻛﻌﻨﻲ ﻫﻲ ﻣﻮ ﻛﺎﻟﺖ ﺑﺲ ﺍﺟﻴﺐ ﺍﺧﺬ ﺍﺑﻨﻲ ﻭ ﺍﺭﻭﺡ ﻻﻫﻠﻲ ﺑﺲ ﺍﺳﺘﺮﻭﺍ ﻋﻠﻴﻪ ﺍﺷﻮ ﻟﺰﻛﺖ ﺍﻟﻈﺎﻫﺮﺣﻠﺖ ﺍﻟﻬﺎ ﺍﻟﻜﻌﺪﻩ ﻟﻚ ﺍﺑﻨﻲ ﺧﺎﻑ ﺍﻟﻠﻪ ﺍﻟﺒﻨﻴﻪ ﺷﻠﻮﻥ ﺗﺮﻭﺡ ﻻﻫﻠﻬﺎ ﻭﺍﻟﻄﻔﻞ ﻣﺎﻋﻨﺪﻩ ﺟﻨﺴﻴﻪ ﺧﻄﻴﻪ ﺷﻨﻮ ﺫﻧﺒﻪ ﻟﻬﺬﺍ ﺍﻟﻄﻔﻞ ﻳﺒﻘﻰ ﻣﺬﻣﻮﻡ ﺑﻴﻦ ﺍﻟﻨﺎﺱ ﻣﻮ ﻣﺸﻜﻠﺘﻲ ﺧﻠﻲ ﻳﻌﻘﺪ ﻋﻠﻴﻬﺎ ﻣﺤﻤﺪ ﺑﺲ ﻭﺭﻗﻪ ﻭﺑﻌﺪﻫﺎ ﻳﻄﻠﻜﻬﺎ بيج قصص عراقيه حقيقيه من واقعنا.روعه الطائي ﻋﻔﺘﻬﻢ ﻭﻃﻠﻌﺖ ﺻﺎﺣﺖ ﺍﻣﻲ ﻭﺭﺍﻳﻪ ﻭﺭﻭﺣﻪ ﻟﻤﺮﻭﺍﻥ ﻣﺎﺭﺍﺿﻴﻪ ﻋﻠﻴﻚ ﻟﻴﻮﻡ ﺍﻟﺪﻳﻦ ﺍﺫﺍ ﻣﻮﺍﻓﻘﺖ ﻭﻣﻦ ﻫﺎﻱ ﺍﻟﻠﺤﻀﻪ ﻣﺮﺍﺡ ﻳﺪﻭﺭ ﻟﺴﺎﻧﻲ ﻉ ﻟﺴﺎﻧﻚ ﺭﺟﻌﺖ ﻋﻠﻴﻬﺎ ﻛﺘﻠﻬﺎ ﻳﻮﻡ ﺍﺭﻭﺣﻠﺞ ﻓﺪﻭﻩ ﻟﺘﻌﺎﻗﺒﻮﻧﻲ ﻫﻴﺞ ﻣﺎﺍﺭﻳﺪ ﺍﺗﺰﻭﺝ ﺍﺑﺪ ﻭﻣﻨﻮ ﻛﻠﻚ ﺯﻭﺍﺝ ﺣﻘﻴﻘﻲ ﺍﻧﺖ ﺗﺒﻘﻰ ﺍﺑﻴﺘﻚ ﻭﺍﻟﺒﻨﻴﻪ ﺗﺒﻘﻰ ﺍﺑﻴﺘﻨﻪ ﺍﻫﻢ ﺷﻲ ﺍﻟﻄﻔﻞ ﻳﺘﺴﺠﻞ ﺑﺎﺳﻤﻚ ﻭﺍﺳﻤﻬﺎ ﺍﻧﻄﻮﻧﻲ ﻣﻬﻠﻪ ﺧﻞ ﺍﻓﻜﺮ ﺍﻟﻠﻪ ﻳﺮﺿﻪ ﻋﻠﻴﻚ ﺍﺑﻨﻲ ﻓﺪﻭﻩ ﻟﺨﺎﻃﺮﻱ ﻭﻟﺨﺎﻃﺮ ﺍﺧﻮﻙ ﺍﻟﻲ ﺟﻮﻩ ﺍﻟﺘﺮﺍﺏ ﻭﺍﻓﻖ ﻋﻔﺘﻬﻢ ﻭﻃﻠﻌﺖ ﺭﻭﺣﻲ ﻃﺎﻟﻌﻪ ﻣﻦ ﺍﻟﺪﻧﻴﻪ ﺷﻠﻮﻥ ﺍﺭﺑﻂ ﺍﺳﻤﻲ ﺑﺎﺳﻤﻬﺎ ﻟﻬﺎﻱ ﺍﻟﺴﺎﻗﻄﻪ ﻭﺣﺘﻰ ﺍﺫﺍ ﻃﻠﻜﺘﻬﺎ ﻳﺒﻘﻰ ﺍﻟﺮﺍﺑﻂ ﻗﻮﻱ ﺑﻴﻨﻲ ﻭﺑﻴﻨﻬﺎ ﺍﻟﻲ ﻫﻮ ﺍﻟﻄﻔﻞ ﻳﺒﻘﻰ ﺣﺎﻣﻞ ﺍﺳﻤﻲ ﻙ ﻭﺍﻟﺪ ﻭﺍﺳﻤﻬﺎ ﻙ ﻭﺍﻟﺪﻩ ﺧﺎﺑﺮﺕ ﻭﻟﺪ ﺻﺪﻳﻘﻲ ﻛﺘﻠﻪ ﺭﺗﺒﻠﻲ ﺳﻬﺮﻩ ﻣﺎﻟﺖ ﻭﺍﺣﺪ ﺭﻭﺣﻪ ﻃﺎﻓﺮﻩ ﻣﻦ ﺍﻟﺪﻧﻴﻪ ﻋﻨﺪﻩ ﺷﻘﻪ ﺩﺍﺋﻤﺎ ﻧﺴﻬﺮ ﺑﻴﻬﺎ ﻭﻋﻨﺪﻩ ﺷﻜﻢ ﻭﺣﺪﻩ ﻣﻦ ﺫﻧﻲ ﺑﻨﺎﺕ ﺍﻟﻠﻴﻞ ﻓﻌﻼ ﺭﺗﺒﻨﻪ ﺍﻟﺴﻬﺮﻩ ﻭﺭﺣﺖ ﻧﺴﻴﺖ ﻫﻤﻲ ﺷﺮﺑﺖ ﻟﺤﺪ ﻣﺎﺳﻜﺮﺕ ﻭﻧﻤﺖ ﻭﻱ ﻭﺣﺪﻩ ﺑﻘﻴﻨﻪ ﻟﻠﺼﺒﺢ ﻛﻌﺪﺕ ﻉ ﺻﻮﺕ ﺍﻟﻤﻨﺒﻪ ﺭﺟﻌﺖ ﻟﻠﺒﻴﺖ ﺳﺒﺤﺖ ﻭﺑﺪﻟﺖ ﻣﻼﺑﺴﻲ ﻭﺭﺣﺖ ﻟﻠﺪﻭﺍﻡ ﺑﻘﻴﺖ ﺑﻴﻮﻣﻬﺎ ﺍﺑﺪ ﻣﻤﺮﻛﺰ ﺑﺎﻟﺸﻐﻞ ﺑﺎﻟﻲ ﻳﻢ ﻣﺴﺎﻟﺔ ﺍﻟﻌﻘﺪ ﻣﺎﺍﻋﺮﻑ ﺍﻋﻘﺪ ﻋﻠﻴﻬﺎ ﻟﻮ ﻻ ﻫﻮ ﺍﻧﻲ ﺣﺘﻰ ﺷﻜﻠﻬﺎ ﻣﺸﺎﻳﻔﻪ ﻭﻻ ﻳﻬﻤﻨﻲ ﺷﻜﻠﻬﺎ ﺭﺟﻌﺖ ﻣﻦ ﺍﻟﺪﻭﺍﻡ ﺣﺘﻰ ﻏﺪﻩ ﻣﺘﻐﺪﻳﺖ ﻣﺎﺭﺣﺖ ﻳﻢ ﺍﻫﻠﻲ ﺍﺟﺘﻲ ﺍﻣﻲ ﺟﺎﻳﺒﺘﻠﻲ ﺍﻛﻞ ﻛﺘﻠﻬﺎ ﻣﺎﺍﺷﺘﻬﻲ ﺍﺭﻳﺪ ﺑﺲ ﺍﻧﺎﻡ ﻧﻤﺖ ﻭﻟﻠﻴﻞ ﻳﻠﻪ ﻛﻌﺪﺕ ﺣﻴﻞ ﺟﻮﻋﺎﻥ ﺑﺪﻟﺖ ﻭﺭﺣﺖ ﻟﻠﻤﻄﻌﻢ ﺍﻛﻠﺖ ﺧﺎﺑﺮﺗﻨﻲ ﺍﻣﻲ ﻛﺘﻠﻬﺎ ﺑﺮﻩ ﻭﺍﺗﻌﺸﻴﺖ ﺑﻌﺪﻫﺎ ﺭﺟﻌﺖ ﻭﻣﺸﻜﻠﻪ ﻣﺮﺍﺡ ﺍﻛﺪﺭ ﺍﻧﺎﻡ ﻻﻥ ﻫﻮﺍﻱ ﻧﻤﺖ بيج قصص عراقيه حقيقيه من واقعنا.روعه الطائي ﺑﻘﻴﺖ ﺍﻛﻠﺐ ﺑﺎﻟﻔﻴﺲ ﺷﻮﻳﻪ ﻭﺍﺟﺎﻧﻲ ﺍﺷﻌﺎﺭ ﻣﻦ ﺍﻟﻔﺎﻳﺒﺮ ﻓﺘﺤﺘﻪ ﻭﺟﺎﻧﺖ ﺯﻳﻨﺐ ﻛﺎﺗﺒﻪ ﺑﻴﻬﺎ ﻣﺮﺣﺒﺎ ﻣﺮﺩﻳﺖ ﻋﻠﻴﻬﺎ ﺩﺯﺕ ﻣﺮﻩ ﻟﺦ ﺍﺗﻤﻨﻰ ﺗﺴﻤﻌﻨﻲ ﺑﺲ ﻫﺎﻟﻤﺮﻩ ﺍﻧﻲ ﺣﺎﺑﻪ ﺍﺗﺮﺟﺎﻙ ﻭﺍﺗﻮﺳﻞ ﺑﻴﻚ ﺗﻌﻘﺪ ﻋﻠﻴﻪ ﺑﺲ ﻉ ﺍﻟﻮﺭﻕ ﻉ ﻣﻮﺩ ﺍﺑﻨﻲ ﻭﺭﺍﺡ ﺍﻛﻮﻥ ﻣﻤﻨﻮﻧﻪ ﺍﻟﻚ ﻃﻮﻝ ﻋﻤﺮﻱ ﻭﺭﺍﺡ ﺍﻋﻴﺶ ﺧﺪﺍﻣﻪ ﺍﻟﻚ ﻟﻤﻦ ﺍﻃﻠﻜﻨﻲ ﻭﻣﺎﺍﺭﻳﺪ ﺍﻱ ﺷﻲ ﻣﻨﻚ ﻭﺭﺍﺡ ﺍﻛﻮﻟﻚ ﻭﺩﺍﻋﺖ ﺍﺑﻨﻲ ﺭﺍﺡ ﺍﻋﺘﻨﻲ ﺍﺑﻨﺘﻚ ﻛﺎﻧﻬﺎ ﺑﻨﺘﻲ ﻭﺭﺍﺡ ﺍﺣﺎﻓﻆ ﻋﻠﻴﻬﺎ ﻣﺠﺮﺩ ﻋﻘﺪ ﻣﻴﺎﺛﺮ ﻋﻠﻴﻚ ﻭﻟﻮ ﺷﻬﺮ ﻭﻃﻠﻜﻨﻲ ﻭﻣﻦ ﻫﺴﻪ ﺍﻛﻠﻚ ﺍﻛﺘﺐ ﺗﻌﻬﺪ ﺑﺎﻟﻤﺤﻜﻤﻪ ﻛﻠﺸﻲ ﻣﻨﺮﻳﺪ ﻣﻨﻚ ﻻ ﺍﻧﻲ ﻭﻻ ﺍﺑﻨﻲ ﺍﻫﻢ ﺷﻲ ﺍﺑﻨﻲ ﻳﺤﺼﻞ ﻉ ﺟﻨﺴﻴﻪ ﻭﺑﺲ ﺩﺯﻳﺘﻠﻬﺎ ﻫﺎﻱ ﺍﻧﺖ ﻣﺘﻌﻮﺩﻩ ﺗﺘﻮﺳﻠﻴﻦ ﺣﺘﻰ ﺗﺘﺰﻭﺟﻴﻦ ﻫﻴﺞ ﺗﻤﻮﺗﻴﻦ ﺑﺪﻭﻥ ﺯﻭﺍﺝ ﻟﺞ ﺍﺛﻜﻠﻲ ﻋﻴﺐ ﻋﻠﻴﺞ ﺗﺘﻮﺳﻠﻴﻦ ﻭﻉ ﺷﻨﻮ ﻉ ﺷﻬﻮﺗﺞ ﺗﻒ ﻋﻠﻴﺞ ﻭﻉ ﺗﺮﺑﻴﺘﺞ ﺣﻴﻞ ﺿﻮﺟﺘﻨﻲ ﻣﻦ ﺩﺯﺗﻠﻲ ﻫﻲ ﺣﻴﻞ ﻛﺮﻫﺘﻬﺎ ﺩﺯﺗﻠﻲ ﻣﻊ ﺍﻻﺳﻒ ﺗﻔﻜﻴﺮﻙ ﻭﺳﺦ ﺑﺲ ﻣﺎﺍﻋﺘﺐ ﻋﻠﻴﻚ ﺍﻟﻌﺘﺐ ﻉ ﺍﻟﺰﻣﻦ ﺍﻟﻲ ﺧﻼﻧﻲ ﺍﺫﻝ ﻧﻔﺴﻲ ﺍﻟﻚ ﺍﻧﺴﻪ ﺍﻟﻤﻮﺿﻮﻉ ﻧﻬﺎﺋﻲ ﺣﺘﻰ ﺟﻨﺴﻴﻪ ﻻﺑﻨﻲ ﻣﺎﺍﺭﻳﺪ ﻫﻬﻬﻬﻪ ﻗﺼﺪﺝ ﺭﺻﻴﺪ ﻻﺑﻨﺞ ﻣﻮ ﺟﻨﺴﻴﻪ ﺑﺲ ﺍﺳﻤﻌﻴﻨﻲ ﺯﻳﻦ ﻭﺍﻟﻠﻪ ﻭﺭﻭﺣﻪ ﻟﻤﺮﻭﺍﻥ ﻟﻮ ﺗﺒﻘﻴﻦ ﺍﺧﺮ ﻭﺣﺪﻩ ﺑﺎﻟﺪﻧﻴﻪ ﻣﺎﺍﺗﺰﻭﺟﺞ ﻭﻻ ﺍﻋﺘﺮﻑ ﺑﻴﺞ ﺩﺯﺗﻠﻲ ﻫﺎﻱ ﻫﻲ ﻉ ﺭﺍﺣﺘﻚ ﺑﺲ ﺍﺣﺐ ﺍﻛﻮﻟﻚ ﺭﺣﻢ ﺍﻟﻠﻪ ﻭﺍﻟﺪﻳﻚ ﻉ ﻛﻮﻝ ﻛﻠﻤﻪ ﺿﺪﻱ ﻭﻭﺍﻟﺪﻳﺞ ﺑﺎﻟﺮﺣﻤﻪ ﺑﻌﺪ ﻣﺠﺎﻭﺑﺘﻬﺎ ﺑﻘﻴﺖ ﺍﻓﻜﺮ ﺷﻠﻮﻥ ﺍﻭﺍﻓﻖ ﻟﻮ ﻻ ﺑﻌﺪﻳﻦ ﻛﻠﺖ ﺧﻞ ﺍﺷﺮﻁ ﺷﺮﻭﻁ ﺑﻠﻜﻲ ﻣﺘﻮﺍﻓﻖ ﻫﻲ ﺛﺎﻧﻲ ﻳﻮﻡ ﻫﻢ ﺩﺍﻭﻣﺖ ﻭﺭﺟﻌﺖ ﺍﺗﻐﺪﻳﺖ ﺑﺎﻟﺒﻴﺖ ﻃﺒﺨﻬﺎ ﻣﻤﻴﺰ ﻭﻳﻔﺘﺢ ﺍﻟﻨﻔﺲ بيج قصص عراقيه حقيقيه من واقعنا.روعه الطائي ﺑﺎﻟﻠﻴﻞ ﺩﺯﻳﺘﻠﻬﺎ ﻫﻠﻮﻭﻭ ﻣﺠﺎﻭﺑﺖ ﺟﺎﻭﺑﻲ ﻭﺑﻄﻠﻲ ﻫﺎﻱ ﺍﻟﺴﻮﺍﻟﻒ ﺍﻟﺘﻌﺒﺎﻧﻪ ﻋﻮﺩ ﻣﻤﻬﺘﻤﻪ ﻫﻢ ﻣﺎﻛﻮ ﺟﻮﺍﺏ ﺍﺣﺘﻤﺎﻝ ﻟﺨﺎﻃﺮ ﺍﻟﻄﻔﻞ ﺍﻭﺍﻓﻖ ﺍﻋﻘﺪ ﻋﻠﻴﺞ ﺑﺲ ﺑﺸﺮﻭﻁ ﺍﺫﺍ ﻭﺍﻓﻘﺘﻲ ﺍﺣﺘﻤﺎﻝ ﺍﻋﻘﺪ ﻋﻠﻴﺞ ﻭﺍﺫﺍ ﻣﻮﺍﻓﺘﻲ ﻣﺮﺍﺡ ﻧﻌﻘﺪ ﻗﺮﺗﻬﻦ ﺑﺲ ﻣﺎﻛﻮ ﺟﻮﺍﺏ ﻣﻨﺎﻭﻳﻪ ﺗﺴﻤﻌﻴﻦ ﺍﻟﺸﺮﻭﻁ ﺑﻄﻠﺘﻲ ﻣﺘﺮﺩﻳﻦ ﺗﺘﺰﻭﺟﻴﻦ ﺩﺯﺗﻠﻲ ﻣﻮﺍﻓﻘﻪ ﻉ ﺍﻱ ﺷﺮﻁ ﻗﺒﻞ ﻟﺘﻜﻮﻟﻬﻦ ﻟﺨﺎﻃﺮ ﺍﺑﻨﻲ ﻭﺍﻟﻠﻪ ﻣﺴﺘﻌﺪﻩ ﺍﻱ ﺷﻲ ﺍﺳﻮﻱ ﺣﻠﻮ ﻟﻌﺪ ﺍﺳﻤﻌﻴﻨﻲ ﺍﻟﺸﺮﻁ ﺍﻻﻭﻝ ﺍﻟﺒﻮﺷﻴﻪ ﻭﺍﻟﻌﺒﺎﻳﻪ ﻣﺘﻨﺰﻋﻴﻬﻦ ﺍﺑﺪ ﺗﺒﻘﻴﻦ ﺑﻴﻬﻦ ﺍﻟﺸﺮﻁ ﺍﻟﺜﺎﻧﻲ ﻣﻦ ﺍﻟﺒﺎﺏ ﻣﻄﻠﻌﻴﻦ ﺍﺑﺪ ﻟﻮ ﺍﻻﻣﻪ ﺗﻨﮕﻠﺐ ﮔﻼﺏ ﺍﻟﺸﺮﻁ ﺍﻟﺜﺎﻟﺚ ﻣﻤﻨﻮﻉ ﺗﻨﺰﻋﻴﻦ ﺍﻟﺤﺠﺎﺏ ﻛﺪﺍﻡ ﺍﻱ ﺍﻱ ﺷﺨﺺ ﻣﻦ ﻋﺪﻧﻪ ﺣﺘﻰ ﻛﺪﺍﻣﻲ ﻭﻻﺯﻡ ﺗﻠﺒﺴﻴﻦ ﻣﺴﺘﻮﺭ ﻭﺭﺩﻥ ﻃﻮﻳﻠﻪ ﻭﻣﻜﻴﺎﺝ ﻣﺎﻛﻮ ﺍﺑﺪ ﺍﻟﺸﺮﻁ ﺍﻟﺮﺍﺑﻊ ﻣﻤﻨﻮﻉ ﺗﺨﻄﻴﻦ ﺧﻄﻮﻩ ﻭﺣﺪﻩ ﺑﺪﻭﻥ ﻋﻠﻤﻲ ﺍﻟﺸﺮﻁ ﺍﻟﺨﺎﻣﺲ ﺷﻐﻠﺞ ﺍﻟﻮﺣﻴﺪ ﺍﻟﺨﺪﻣﻪ ﻭﺑﺲ ﻳﻌﻨﻲ ﺍﺫﺍ ﺩﺧﻠﺖ ﻭﻟﻜﻴﺖ ﺍﻣﻲ ﺑﺎﻟﻐﻠﻂ ﻭﺍﻛﻔﻪ ﻉ ﺍﻟﻄﺒﺎﺥ ﻭﻟﻮ ﺗﺸﺘﻐﻞ ﺍﺣﺮﻛﺞ ﻋﺪﻟﻪ ﻻﺯﻡ ﺗﺸﺘﻐﻠﻴﻦ ﺣﺎﻟﺞ ﺣﺎﻝ ﺍﻟﺨﺪﺍﻣﻪ ﻭﻣﻦ ﺍﻧﻲ ﻣﻤﻮﺟﻮﺩ ﺍﻟﺼﺒﺢ ﺍﺩﺧﻠﻴﻦ ﻟﺒﻴﺘﻲ ﺗﻨﻈﻔﻴﻨﻪ ﻭﺗﺮﺗﺒﻴﻨﻪ ﻭﺗﻐﺴﻠﻴﻦ ﻣﻼﺑﺴﻲ ﻭﺗﻜﻮﻳﻬﻦ ﻭﺍﻱ ﻏﻠﻂ ﺗﺘﻌﺎﻗﺒﻴﻦ ﻭﺍﻳﺎﻟﺞ ﻭﺍﺑﺎﻟﺞ ﺍﺷﻮﻓﺞ ﻛﺒﺎﻟﻲ ﻟﻮ ﺗﺤﺎﻭﻟﻴﻦ ﺗﻐﺮﻳﻨﻲ ﺑﺎﺳﻠﻮﺑﺞ ﻟﻮ ﺑﻠﺒﺴﺞ ﻭﺍﻟﺸﺮﻁ ﺍﻻﺧﻴﺮ ﻗﺮﺍﺭ ﺍﻟﻄﻼﻙ ﺑﻴﺪﻱ ﺷﻮﻛﺖ ﻣﻴﻌﺠﺒﻨﻲ ﺍﻃﻠﻜﺞ ﻭﺍﺫﺍ ﻋﺠﺒﺘﻨﻲ ﺧﺪﻣﺘﺞ ﻳﺠﻮﺯ ﻣﺎﺍﻃﻠﻜﺞ ﻫﺎ ﻭﻧﺴﻴﺖ ﺍﻛﻠﺞ ﺷﻲ ﺍﻛﺘﺐ ﺑﻮﺻﻴﺘﻲ ﺍﺑﻨﺞ ﻣﺎﺍﻟﻪ ﺣﻖ ﺑﻤﻴﺮﺍﺛﻲ ﺍﺑﺪ ﻭﻣﺎﺍﻟﻲ ﻋﻼﻗﻪ ﺑﻴﻜﻢ ﻫﺴﻪ ﻻ ﺑﻤﺼﺮﻓﻜﻢ ﻭﻻ ﺑﻜﻠﺸﻲ ﻳﺨﺼﻜﻢ ﻭﻫﺴﻪ ﺣﺎﺏ ﺍﺳﻤﻊ ﺟﻮﺍﺑﺞ ﺯﻳﻨﺐ : ﺍﺣﻘﺮ ﻭﺍﺳﻮﺀ ﺷﻌﻮﺭ ﻋﻨﺪﻱ ﻟﻤﻦ ﺍﺗﻨﺎﺯﻝ ﻟﺸﺨﺺ ﻭﺍﻧﻲ ﻣﺠﺒﻮﺭﻩ ﻭﺍﻟﻤﺸﻜﻠﻪ ﺍﻧﺮﻓﺾ ﻛﺮﻫﺖ ﻧﻔﺴﻲ ﻭﺍﻟﻠﻪ ﻭﻛﺮﻫﺖ ﺍﻟﺴﺎﻋﻪ ﺍﻟﻲ ﻧﻮﻟﺪﺕ ﺑﻴﻬﺎ ﻭﻛﺮﻫﺖ ﺍﻟﺴﺎﻋﻪ ﺍﻟﻲ ﻓﻘﺪﻧﻪ ﺍﻣﻼﻛﻨﻪ بيج قصص عراقيه حقيقيه من واقعنا.روعه الطائي ﻭﻛﺮﻫﺖ ﺍﻟﺴﺎﻋﻪ ﺍﻟﻲ ﺷﻔﺖ ﺑﻴﻬﺎ ﻣﺮﻭﺍﻥ ﻭﻣﻮ ﺑﺲ ﻫﻴﺞ ﻛﺮﻫﺖ ﺍﻟﻔﻘﺮ ﺍﻟﻲ ﺩﻣﺮ ﺣﻴﺎﺗﻲ ﻟﻮ ﻣﺎ ﺟﻨﻪ ﻓﻘﺮﻩ ﺟﺎﻥ ﻛﺪﺭﻧﻪ ﻧﺴﻮﻱ ﻻﺧﻮﻳﻪ ﻋﻤﻠﻴﻪ ﻣﻦ ﻃﻠﺒﺖ ﻣﻨﻪ ﻻﺑﻮ ﻧﻮﺭ ﻳﻮﺍﻓﻖ ﻳﻌﻘﺪ ﻋﻠﻴﻪ ﻣﺠﺎﻥ ﺍﺑﺎﻟﻲ ﻧﻔﺴﻲ ﺍﺑﺪ ﺍﻫﻢ ﺷﻲ ﻋﻨﺪﻱ ﺍﺑﻨﻲ ﺳﻤﻌﻨﻲ ﻛﻼﻡ ﻳﺴﻤﻢ ﺑﺲ ﻣﺎﺍﻛﺪﺭ ﺍﺟﺎﻭﺑﻪ ﻣﻮ ﺿﻌﻒ ﻣﻨﻲ ﻻﺍﺑﺪ ﺑﺲ ﻣﻮ ﺣﻠﻮﻩ ﺑﺤﻘﻲ ﺍﻭﻛﻒ ﺑﻮﺟﻬﺎ ﻭﺍﻧﻲ ﺟﺎﻥ ﻣﻮﻗﻔﻲ ﺿﻌﻴﻒ ﻭﺍﻧﻲ ﻣﻮﻗﻔﻲ ﻛﻮﻟﺶ ﺻﻌﺐ ﻭﻣﺎﺍﻋﺮﻑ ﻳﺠﻮﺯ ﻳﺮﻭﺡ ﻻﻫﻠﻲ ﻭﻳﺤﺠﻴﻠﻬﻢ ﺍﻟﺤﻘﻴﻘﻪ ﺑﺲ ﺿﺠﺖ ﺑﻌﺪﻫﺎ ﺍﺗﻔﺎﺟﺎﺕ ﻣﻦ ﺭﺍﺳﻠﻨﻲ ﻭﻛﻠﻲ ﺍﻭﺍﻓﻖ ﻭﺑﺸﺮﻭﻁ ﺍﻛﻴﺪ ﺍﻭﺍﻓﻖ ﻉ ﻛﻮﻟﺸﻲ ﺍﻫﻢ ﺷﻲ ﻳﺴﺠﻞ ﺍﺑﻨﻲ ﺩﺯﻳﺘﻠﻪ ﻣﻮﺍﻓﻘﻪ ﻉ ﻛﻮﻟﺸﻲ ﻭﺍﺫﺍ ﺧﻠﻔﺘﻲ ﺑﻴﻮﻡ ﻻﻭﺍﻟﻠﻪ ﺍﻱ ﺷﻲ ﺗﺮﻳﺪﻩ ﺍﻧﻔﺬﻩ ﻭﻣﺎﺍﻃﻠﻊ ﻣﻦ ﺍﻟﺒﺎﺏ ﺑﺲ ﻻﻫﻠﻲ ﺍﺭﻭﺡ ﺣﺘﻰ ﺍﺫﺍ ﺭﺣﺘﻲ ﻻﻫﻠﺞ ﺛﻘﻲ ﺑﺮﺑﺞ ﺍﺫﺍ ﻟﻤﺤﺘﺞ ﺑﻴﻮﻡ ﻃﺎﻟﻌﻪ ﻭﻱ ﺍﻫﻠﺞ ﺍﺫﺑﺤﺞ ﻉ ﺍﻟﻘﺒﻠﻪ ﺍﻭﻙ ﻣﻮﺍﻓﻘﻪ ﻣﺘﺎﻛﺪﻩ ﺍﻱ ﻣﺘﺎﻛﺪﻩ ﺣﻴﻞ ﻓﺮﺣﺖ ﺣﻠﻢ ﺍﺧﻠﺺ ﻣﻦ ﻫﺬﺍ ﺍﻟﻜﺎﺑﻮﺱ ﺍﺗﻤﻨﻰ ﺍﻏﻤﺾ ﻋﻴﻨﻲ ﻭﺍﻓﺘﺤﻬﺎ ﺍﻟﻜﻲ ﺍﺑﻨﻲ ﻋﻨﺪﻩ ﺟﻨﺴﻴﻪ ﻭﺭﺍﺟﻌﻪ ﻻﻫﻠﻲ ﺍﻋﻴﺶ ﻭﻳﺎﻫﻢ ﺑﺲ ﺣﻠﻢ ﻣﺴﺘﺤﻴﻞ ﻳﺘﺤﻘﻖ ﺑﺲ ﺍﺗﻘﺮﺭ ﺍﻟﻌﻘﺪ ﺑﻌﺪ ﻣﺎﺍﻃﻠﻊ ﺍﻻﺭﺑﻌﻴﻦ ﺑﻘﻴﺖ ﻫﺎﻱ ﺍﻟﻔﺘﺮﻩ ﺍﺑﺪ ﻣﺎﻧﺰﻟﺖ ﻭﺍﺟﺘﻲ ﺍﻟﻌﻄﻠﻪ ﺍﻟﺠﺒﻴﺮﻩ ﻃﺒﻌﺎ ﺣﺒﻴﺒﻲ ﻧﻈﻮﺭﻱ ﻃﻠﻊ ﻧﺴﺨﺔ ﺍﺑﻮ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﺑﺲ ﻋﻴﻮﻧﻪ ﻣﻠﻮﻧﻪ ﻋﻠﻴﻪ ﻫﻢ ﻣﻘﺴﻮﻣﻴﻦ ﻗﺴﻢ ﻋﻴﻮﻧﻬﻢ ﻣﻠﻮﻧﻪ ﻭﻗﺴﻢ ﻻ ﻧﻮﺭ ﺍﺗﻌﻠﻘﺖ ﺑﻴﻪ ﺍﻧﻴﻤﻬﻢ ﺍﺛﻨﻴﻨﻬﻢ ﻳﻤﻲ ﻧﺴﻴﺖ ﻫﻤﻲ ﻛﻮﻟﻪ ﻣﻦ ﺍﺟﻪ ﺍﺑﻨﻲ ﻟﻠﺪﻧﻴﺎ ﻃﺒﻌﺎ ﺍﻫﻠﻲ ﺧﺒﺮﺗﻬﻢ ﻭﻛﺘﻠﻬﻢ ﻭﻟﺪﺕ ﻣﻦ ﻭﻗﺖ ﺑﺲ ﺣﺎﻟﺘﻪ ﺯﻳﻨﻪ ﻭﻋﺒﺮ ﻣﺮﺣﻠﺔ ﺍﻟﺨﻄﺮ بيج قصص عراقيه حقيقيه من واقعنا.روعه الطائي ﻣﺎﻛﺪﺭﻭﺍ ﻳﺠﻮﻥ ﻫﻤﺰﻳﻦ ﻣﺎﺍﺭﻳﺪﻫﻢ ﻳﺠﻮﻧﻲ ﻟﻬﻨﺎ ﻣﺎﺍﻋﺮﻑ ﻣﻦ ﺭﺍﺡ ﻳﺸﻮﻓﻨﻲ ﺍﺑﻮ ﻧﻮﺭ ﺷﺮﺍﺡ ﻳﺴﻮﻱ ﺍﻛﻴﺪ ﺭﺍﺡ ﻳﺘﺬﻛﺮﻧﻲ ﺍﺑﺪ ﻣﺎﺍﻧﺰﻝ ﻣﻦ ﻣﻮﺟﻮﺩﻳﻦ ﺍﻟﻮﻟﺪ ﻟﺤﺪ ﺍﻻﻥ ﻣﺤﺪ ﺷﺎﻓﻨﻲ ﺍﻟﺼﺒﺢ ﺍﻧﺰﻝ ﺍﻧﻈﻒ ﻭﺍﻃﺒﺦ ﻭﺍﺻﻌﺪ ﺍﺑﻘﻪ ﺑﻐﺮﻓﺘﻲ ﻃﻠﻌﺖ ﺍﻻﺭﺑﻌﻴﻦ ﻭﻗﺮﺭﻧﺎ ﺛﺎﻧﻲ ﻳﻮﻡ ﻧﺮﻭﺡ ﻟﻠﻤﺤﻜﻤﻪ ﻭﻓﻌﻼ ﺭﺣﺖ ﻭﺧﻠﻴﺖ ﺍﺑﻨﻲ ﻳﻢ ﺧﺎﻟﺘﻲ ﻭﺟﻨﺖ ﻻﺑﺴﻪ ﺍﻟﺒﻮﺷﻴﻪ ﻭﺟﺎﻥ ﻋﻨﺪﻩ ﻋﺮﻑ ﻛﺎﻝ ﺍﻛﻤﻞ ﺑﺴﺮﻋﻪ ﻭﻧﺮﺟﻊ ﻛﻠﻲ ﺍﺣﺬﺭﺝ ﺍﺳﻤﻊ ﻧﻔﺲ ﻣﻨﺞ ﻓﻌﻼ ﺍﻟﺘﺰﻣﺖ ﺍﻟﺼﻤﺖ ﻋﻘﺪﻧﻪ ﺍﻟﻘﺎﺿﻲ ﻭﻭﺍﻓﻘﺖ ﻭﺟﺎﻥ ﺍﻟﺤﺎﺿﺮ ﻭﺍﻟﻐﺎﻳﺐ ﻋﺸﺮﻩ ﺑﻌﺸﺮﻩ ﺍﺗﻔﺎﺟﺄﺕ ﻛﺘﻠﻪ ﻣﺎﻛﻮ ﺩﺍﻋﻲ ﻟﻬﺬﺍ ﺍﻟﻤﺒﻠﻎ ﺍﻧﻲ ﻣﻮ ﻛﺘﻠﺞ ﻣﺎﺍﺭﻳﺪ ﺍﺳﻤﻊ ﺻﻮﺗﺞ ﺍﺳﻜﺘﻲ ﻭﺍﻧﺠﺒﻲ ﻭﻟﺘﺨﺎﻓﻴﻦ ﻟﻮ ﺗﻤﻮﺗﻴﻦ ﻣﺎﺍﻧﻄﻴﺞ ﻓﻠﺲ ﻣﻨﻬﻦ ﺑﻌﺪﻫﺎ ﺭﺟﻌﻨﻪ ﻟﻠﺒﻴﺖ ﻟﻠﻴﻞ ﺩﺯﻭﺍ ﻉ ﺍﻟﺴﻴﺪ ﻭﻋﻘﺪﻧﻪ ﻭﺍﻧﺘﻬﻰ ﻛﻮﻟﺸﻲ ﺻﻌﺪﺕ ﺑﻐﺮﻓﺘﻲ ﺍﻣﻨﻴﺘﻲ ﻣﺎﺍﺗﻮﺍﺟﻪ ﻭﻳﺎﻩ ﻣﺎﺍﻋﺮﻑ ﻟﻮﻳﺶ ﺣﻴﻞ ﺧﺎﻳﻔﻪ ﻣﻨﻪ ﺩﺯﻟﻲ ﺭﺳﺎﻟﻪ ﺩﻳﺮﻱ ﺑﺎﻟﺞ ﺗﻨﺴﻴﻦ ﺍﻟﺸﺮﻭﻁ ﻭﺍﻟﻠﻪ ﺍﺫﺍ ﺧﻠﻔﺘﻲ ﺑﺸﺮﻁ ﻣﺎﺗﻠﻮﻣﻴﻦ ﺍﻟﻪ ﻧﻔﺴﺞ ﻭﺩﻳﺮﻱ ﺑﺎﻟﺞ ﺍﻟﻤﺤﺞ ﻭﺍﻧﻲ ﻣﻮﺟﻮﺩ ﺧﺎﻟﻪ ﻛﻠﺘﻠﻲ ﻻﺗﺘﻘﺮﺑﻴﻦ ﻋﻠﻲ ﺍﺑﺪ ﺣﺎﻭﻟﻲ ﻻ ﺗﺘﻮﺍﺟﻬﻴﻦ ﻭﻳﺎ ﻟﻤﻦ ﻳﻬﺪﺉ ﻓﻌﻼ ﻣﺎﺍﻧﺰﻝ ﺑﺲ ﺍﻟﺼﺒﺢ ﻭﺍﺻﻌﺪ ﺏ 2 ﻗﺒﻞ ﻟﻴﺠﻮﻥ ﻭﻳﻮﻣﻴﻪ ﺍﺭﻭﺡ ﻟﺒﻴﺘﻪ ﻻﺑﻮ ﻧﻮﺭ ﺍﺗﻔﺎﺟﺄﺕ ﺑﻲ ﺟﺎﻥ ﻛﻠﺶ ﺣﻠﻮ ﻣﺮﺗﺐ ﻭﻧﻈﻴﻒ ﻏﺮﻓﺘﻪ ﺗﺮﻛﻲ ﻛﻮﻟﺶ ﻧﺎﺯﻛﻪ ﺑﺪﻳﺖ ﺍﻏﻴﺮ ﺑﺎﻟﻔﺮﺷﺎﺕ ﻭﺍﻟﺒﺮﺩﺍﺕ ﺍﻏﺴﻞ ﺍﻟﻤﻼﺑﺲ ﻭﺍﻧﻈﻔﻪ ﻟﻠﺒﻴﺖ ﻭﺍﺭﺟﻊ ﻭﺑﻌﺪ ﻣﺎﺍﻧﺰﻝ ﺍﺑﺪ ﺑﻘﻴﺖ ﻉ ﻫﺬﺍ ﺍﻟﻤﻨﻮﺍﻝ ﺷﻬﺮﻳﻦ ﻭﺭﻩ ﺍﻟﻌﻘﺪ ﺻﺎﺭ ﻋﻤﺮﻩ ﻟﻨﻀﻮﺭﻱ 3 ﺍﺷﻬﺮ ﻭﻧﺺ بيج قصص عراقيه حقيقيه من واقعنا.روعه الطائي ﺩﺍﺋﻤﺎ ﺗﺎﺧﺬﻩ ﻓﺎﻃﻤﻪ ﻭﺍﺩﺯﻩ ﻟﻌﻤﺎﻣﻪ ﻛﻞ ﻣﺎﺍﺳﺎﻝ ﺧﺎﻟﻪ ﻉ ﺍﻟﺠﻨﺴﻴﻪ ﺗﻜﻮﻟﻲ ﺧﻠﻲ ﻳﻜﺒﺮ ﺷﻮﻳﻪ ﻧﻀﻮﺭﻱ ﻭﺭﻩ ﺍﻟﺬﻛﺮﻯ ﺍﻟﺴﻨﻮﻳﻪ ﻣﺎﻟﺖ ﻣﺮﻭﺍﻥ ﻳﻠﻪ ﻓﻌﻼ ﺻﺎﺭﺕ ﺍﻟﺬﻛﺮﻯ ﺍﻟﺴﻨﻮﻳﻪ ﻣﺎﻟﺖ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﻃﺒﻌﺎ ﺳﻮﻭ ﻗﺮﺍﻳﻪ ﻭﻋﺸﻪ ﻭﺭﺍﺣﻮﺍ ﻟﻠﻨﺠﻒ ﺍﻧﻲ ﺭﺣﺖ ﻻﻫﻠﻲ ﺩﺯﻭﻧﻲ ﺑﻘﻴﺖ ﺍﺳﺒﻮﻉ ﺍﺧﺬﺕ ﻭﻳﺎﻳﻪ ﻧﻮﺭ ﻻﻥ ﻛﺎﻣﺖ ﺗﺒﺠﻲ ﻭﺭﺍﻳﻪ ﺍﻫﻠﻲ ﺑﻘﻮﺍ ﻳﺤﺠﻮﻥ ﻋﻠﻴﻪ ﻟﻮﻳﺶ ﻣﺨﺒﺮﺗﻴﻨﻪ ﻣﻦ ﺻﺎﺭﺕ ﻋﻨﺪﺝ ﻭﻻﺩﻩ ﻛﺘﻠﻬﻢ ﻣﺎﻛﻮ ﺩﺍﻋﻲ ﻻﻥ ﺧﺎﻟﻪ ﻭﻛﻔﺘﻠﻲ ﻭﻛﻔﻪ ﻣﺜﻠﺞ ﻳﺎﻣﺎﻣﺎ ﻭﻣﺨﻠﻮﻧﻲ ﺣﺎﺳﻪ ﺑﺸﻲ ﻭﻋﺘﺒﻮﺍ ﻋﻠﻴﻪ ﻻﻥ ﻣﺎﺍﺟﻴﺖ ﺑﺎﻟﺬﻛﺮﻯ ﺍﻟﺴﻨﻮﻳﻪ ﻟﺤﺒﻴﺒﻲ ﺳﻴﻮﻓﻲ ﻛﺘﻠﻬﻢ ﻣﻮ ﻣﺎﺍﻛﺪﺭ ﺍﺟﻴﺐ ﺍﺑﻨﻲ ﺻﻐﻴﺮﻭﻧﻲ ﻛﺎﻟﻮﺍ ﻫﻢ ﺻﺪﻙ ﻃﺒﻌﺎ ﺍﻟﻜﻮﻝ ﻓﺮﺣﺎﻥ ﺑﻨﻈﻮﺭﻱ ﺍﺧﻮﺍﺗﻲ ﻭﺑﺎﺑﺎ ﺧﻄﻴﻪ ﻛﻮﻝ ﺷﻮﻳﻪ ﻭﻣﺎﺧﺬﻩ ﻻﺑﻨﻲ ﻫﻮ ﻭﻧﻮﺭ ﻳﻄﻠﻌﻬﻢ ﺑﺮﻩ ﻭﻳﺸﺘﺮﻱ ﻟﻨﻮﺭ ﻭﺧﻄﻴﻪ ﺣﻴﻞ ﻓﺮﺣﺎﻥ ﺑﻲ ﻏﻴﺮﺕ ﺟﻮ ﻳﻢ ﺍﻫﻠﻲ ﻭﻓﺮﺣﺖ ﻫﻮﺍﻱ ﺣﺎﻭﻟﻮﺍ ﻳﻄﻠﻌﻮﻧﻲ ﻭﻳﺎﻫﻢ ﺑﺲ ﺭﻓﻀﺖ ﻛﺘﻠﻬﻢ ﻫﻨﺎﻙ ﻣﻠﻴﺖ ﻣﻦ ﺍﻟﻄﻠﻌﻪ ﻳﻮﻣﻴﻪ ﻣﻄﻠﻌﻴﻨﻲ ﺳﺎﻟﻮﻧﻲ ﻉ ﺯﻭﺟﻲ ﻟﻮﻳﺶ ﻣﺎﻳﺠﻲ ﻭﻳﺎﺝ ﻃﺒﻌﺎ ﻣﺎﺍﻋﺮﻑ ﺷﺎﺟﺎﻭﺑﻬﻢ ﻛﺘﻠﻬﻢ ﻋﻨﺪﻩ ﺷﻐﻞ ﻭﺍﺑﺪ ﻣﻴﻔﺮﻍ ﻧﻮﺭ ﻳﻮﻣﻴﻪ ﻳﺘﺼﻞ ﺑﻴﻬﺎ ﺍﺑﻮﻫﺎ ﻭﻳﺤﺠﻲ ﻭﻳﺎﻫﺎ ﻟﻤﻦ ﺧﻠﺼﺖ ﺍﻟﻬﻮﺳﻪ ﻳﻠﻪ ﺭﺟﻌﺖ ﻭﺭﻩ ﻳﻮﻣﻴﻦ ﺍﺟﺘﻲ ﻓﺎﻃﻤﻪ ﻛﺎﻟﺖ ﺟﻬﺰﻱ ﻧﻔﺴﺞ ﺑﺎﺟﺮ ﻻﺯﻡ ﺗﺮﻭﺣﻴﻦ ﻭﻱ ﺣﻴﺪﺭ ﺗﺴﻮﻭﻥ ﺍﻟﺒﻄﺎﻗﻪ ﺍﻟﺬﻛﻴﻪ ﺍﻟﺞ ﻭﻟﻨﻀﻮﺭﻱ ﻛﻠﺒﻲ ﻧﻐﺰﻧﻲ ﻛﻠﺘﻠﻲ ﻻﺯﻡ ﺗﺮﺗﺒﻴﻦ ﺷﺎﻟﺞ ﻭﻭﺟﻬﺞ ﻻﻥ ﺍﻟﺼﻮﺭﻩ ﻳﺎﺧﺬﻭﻫﺎ ﺍﻟﺞ ﻣﺒﺎﺷﺮﻩ ﻳﻌﻨﻲ ﺑﺎﺟﺮ ﺭﺍﺡ ﻳﺸﻮﻓﻨﻲ ﻳﺎﺍﻟﻠﻪ ﺍﺗﻤﻨﻰ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﻭﻻ ﺍﻣﺮ ﺑﻬﻴﺞ ﻣﻮﻗﻒ ﺑﺎﻟﻠﻴﻞ ﺩﺯﻟﻲ ﻣﺴﺞ ﺏ 9 ﺍﻟﺼﺒﺢ ﺍﻧﺖ ﺟﺎﻫﺰﻩ ﺩﻗﻴﻘﻪ ﻭﺣﺪﻩ ﺍﺫﺍ ﺍﺗﺎﺧﺮﺗﻲ ﺍﻋﻮﻓﻜﻢ ﻭﺍﺭﻭﺡ بيج قصص عراقيه حقيقيه من واقعنا.روعه الطائي ﺍﻟﻠﻴﻞ ﻛﻠﻪ ﺍﻧﻲ ﻗﻠﻘﻪ ﻣﺎﻛﺪﺭﺕ ﺍﻧﺎﻡ ﻣﻦ ﺍﻟﻘﻠﻖ ﺷﺮﺍﺡ ﻳﺼﻴﺮ ﺑﺎﺟﺮ ﻭﻣﻦ ﻳﺸﻮﻓﻨﻲ ﺷﺮﺍﺡ ﻳﻜﻮﻥ ﺭﺩﺩﺓ ﻓﻌﻠﻪ ﺻﺎﺭﺕ ﺏ 7 ﻭﻧﺺ ﻛﻌﺪ ﻧﻈﻮﺭﻱ ﻏﻴﺮﺗﻠﻪ ﺍﻟﺤﻔﻮﺿﻪ ﻭﺑﺪﻟﺘﻠﻪ ﻃﺒﻌﺎ ﺻﺎﻳﺮ ﻳﺨﺒﺶ ﻭﺍﺑﻴﺾ ﺣﻴﻞ ﻭﺩﻧﻔﻮﺵ ﻛﻤﺖ ﺍﺷﻴﻠﻪ ﻫﻴﺞ ﺍﺳﻴﻄﺮ ﻋﻠﻲ ﺻﺎﺭ ﻋﻤﺮﻩ ﻟﺤﺒﻴﺒﻲ ﺗﻘﺮﻳﺒﺎ 5 ﺍﺷﻬﺮ ﻣﺎﺍﻋﺮﻑ ﻳﺎﺗﺮﻯ ﺭﺍﺡ ﺍﺳﻴﻄﺮ ﺍﺷﻴﻠﻪ ﻭﺍﻧﻲ ﺑﺎﻟﻌﺒﺎﻳﻪ ﻭﺍﻟﺒﻮﺷﻴﻪ ﻟﻮ ﻻ ﻣﺤﺘﺎﺭﻩ ﺷﺎﻟﺒﺲ ﺍﺧﺎﻑ ﺍﻟﺒﺲ ﺑﻨﻄﻠﻮﻥ ﻭﻳﺘﻀﺎﻳﻖ ﺍﺑﻮ ﺯﻳﻨﺐ ﺩﺯﻳﺖ ﻣﺴﺞ ﻟﻔﺎﻃﻤﻪ ﺑﻠﻜﻲ ﺗﻄﻠﻊ ﻛﺎﻋﺪﻩ ﻣﻨﺎﻳﻤﻪ ﺧﻄﻴﻪ ﺍﺟﺘﻲ ﺑﺴﺮﻋﻪ ﻛﺘﻠﻬﺎ ﻓﺪﻭﻩ ﻛﻠﻴﻠﻲ ﺷﺎﻟﺒﺲ ﺍﺧﺎﻑ ﺍﺧﻮﺝ ﻳﻌﺼﺐ ﻣﺎﺍﻋﺮﻑ ﺷﻨﻮ ﺍﻟﻲ ﻳﺮﺿﻲ ﻣﻼﺑﺴﻲ ﻛﻠﻴﺘﻬﻦ ﺑﻨﺎﻃﻴﻞ ﻟﺞ ﻫﺎﻱ ﺷﺒﻴﺞ ﺍﻧﺖ ﺣﻠﻮﻩ ﺑﺪﻭﻥ ﺍﻱ ﺷﻲ ﺻﺪﻛﻲ ﺑﺲ ﺭﺍﺡ ﻳﺸﻮﻓﺞ ﺍﻛﻴﺪ ﺭﺍﺡ ﻳﻨﺠﻦ ﺍﻟﺒﺴﻲ ﺍﻱ ﺷﻲ ﻳﻌﺠﺒﺞ ﻫﺎﻱ ﻭﻳﻦ ﺭﺍﻳﺢ ﺑﺎﻟﺞ ﻟﺒﻌﻴﺪ ﻟﺞ ﻭﺍﻟﻠﻪ ﻣﻮ ﻗﺼﺪﻱ ﺍﺭﻳﺪﻩ ﻳﻨﻌﺠﺐ ﺑﻴﻪ ﻭﺍﻟﻠﻪ ﺍﻧﺮﻋﺐ ﻣﻨﻪ ﺣﻴﻞ ﻣﺎﺍﻋﺮﻑ ﻟﻮﻳﺶ ﻭﻫﺴﻪ ﻋﻨﺪﻱ ﻣﺸﻜﻠﻪ ﻭﺣﺎﻳﺮﻩ ﺑﻴﻬﺎ ﻣﺎﺍﻋﺮﻑ ﺍﺷﻴﻞ ﺍﺑﻨﻲ ﻭﺍﻧﻲ ﻻﺑﺴﻪ ﻋﺒﺎﻳﻪ ﻭﺑﻮﺷﻴﻪ ﻭﻣﻨﻮ ﻛﻠﺞ ﺍﻟﺒﺴﻴﻬﻦ ﺍﻧﺖ ﺧﻠﺼﺘﻲ ﺍﻟﻌﺪﻩ ﻣﺎﻟﺘﺞ ﻣﻮ ﻫﻲ ﻫﺎﻱ ﺍﻟﻤﺸﻜﻠﻪ ﺍﺧﻮﺝ ﺷﺮﻁ ﺷﺮﻁ ﻋﻠﻴﻪ ﺍﺑﺪ ﻣﺎﺍﻧﺰﻋﻬﻦ ﻫﺎﻱ ﺷﻨﻮ ﻟﺞ ﻫﺬﺍ ﺍﻛﻴﺪ ﻣﺨﺒﻞ ﻫﺬﺍ ﺍﺫﺍ ﻗﺒﻞ ﻟﻴﺸﻮﻑ ﺍﻟﺠﻤﺎﻝ ﻣﻘﺒﻞ ﺗﻨﺰﻋﻴﻦ ﺍﻟﺒﻮﺷﻴﻪ ﻟﻌﺪ ﺍﺫﺍ ﺷﺎﻓﺞ ﺷﺮﺍﺡ ﻳﺴﻮﻳﻠﺞ ﺍﻛﻴﺪ ﺭﺍﺡ ﻳﺤﺒﺴﺞ ﺑﺎﻟﻐﺮﻓﻪ ﻣﻴﺨﻠﻲ ﺣﺘﻰ ﺍﻟﻬﻮﻯ ﻳﻤﺮ ﻋﻠﻴﺞ ﻣﻮ ﻣﻬﻢ ﻫﺬﺍ ﺍﻟﺤﺠﻲ ﺣﺒﺎﺑﻪ ﺭﻭﺣﻲ ﻭﻳﺎﻧﻪ ﺣﺘﻰ ﺗﺸﻴﻠﻴﻦ ﻧﻈﻮﺭﻱ ﺧﻞ ﺍﺷﻮﻑ ﺍﻟﺤﻜﻮﻣﻪ ﺗﻮﺍﻓﻖ ﻟﻮ ﻻ ﺍﺑﻴﻨﺎﺗﻨﻪ ﺍﻟﺤﺠﻲ ﺍﻛﺜﺮ ﺷﺨﺺ ﻣﻌﻘﺪ ﺑﻬﺬﺍ ﺍﻟﺒﻴﺖ ﻫﻮ ﺯﻭﺟﺞ ﺍﻧﻲ ﻣﺎﺍﺻﻴﺤﻠﻪ ﻏﻴﺮ ﺍﻟﺤﻜﻮﻣﻪ ﻻﻥ ﻣﻦ ﺻﺪﻙ ﻳﺨﻮﻑ بيج قصص عراقيه حقيقيه من واقعنا.روعه الطائي ﺣﺒﺎﺑﻪ ﻟﺨﺎﻃﺮﻱ ﺭﻭﺣﻲ ﻭﺍﻟﻠﻪ ﺭﺍﺡ ﺍﺷﻮﻓﻪ ﺍﺫﺍ ﻗﺒﻞ ﺍﺑﺪﻝ ﻭﺍﺭﻭﺡ ﻣﺎﻋﻨﺪﻱ ﻣﺎﻧﻊ ﺻﺪﻙ ﺍﻛﻮﻟﺞ ﺷﻮﻛﺖ ﺗﻨﺰﻋﻴﻨﻪ ﺍﻻﺳﻮﺩ ﺍﻧﺖ ﻋﺮﻭﺳﻪ ﺟﺪﻳﺪﻩ ﻣﻴﺼﻴﺮ ﻳﻤﻌﻮﺩﻩ ﻳﺎﻋﺮﻭﺳﻪ ﺧﻠﻴﻬﺎ ﺳﻜﺘﻪ ﻳﻤﻌﻮﺩﻩ ﻣﺎﺍﻛﺪﺭ ﺍﻧﺰﻋﻪ ﻟﻼﺳﻮﺩ ﻫﺴﻪ ﻟﻴﺶ ﻋﻮﺩ ﻣﺎﺍﻛﺪﺭ ﺍﻧﺰﻋﻪ ﻭﻟﺘﻨﺴﻴﻦ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﻫﺴﺘﻮﻩ ﻃﻠﻌﺖ ﺍﻟﺴﻨﻪ ﻣﺎﻟﺘﻪ ﻟﺒﺴﺖ ﻗﻤﻴﺺ ﻭﺑﻨﻄﻠﻮﻥ ﺍﺳﻮﺩ ﻭﺣﻀﺮﺕ ﺣﺬﺍﺀ ﺳﺒﻮﺭﺕ ﻟﺒﺴﺖ ﺷﺎﻟﻲ ﻭﻋﺪﻟﺘﻪ ﺑﺲ ﺍﻛﻴﺪ ﻣﻦ ﺍﻟﺒﺲ ﺍﻟﺒﻮﺷﻴﻪ ﺭﺍﺡ ﻳﺘﺨﺮﺏ ﺷﻠﻮﻥ ﺑﻴﻪ ﺑﺎﻟﺒﻮﺷﻴﻪ ﻭﺍﻟﻠﻪ ﻣﺎﺍﻋﺮﻑ ﺍﻣﺸﻲ ﺑﻴﻬﺎ ﻭﻓﻮﻛﺎﻫﺎ ﺣﺎﺭﻩ ﺍﻟﺪﻧﻴﻪ ﻧﺺ ﺷﻬﺮ ﺍﻟﺘﺎﺳﻊ ﺻﺎﺭﺕ ﺏ 8 ﻭﻧﺺ ﻧﺰﻟﺖ ﻛﻠﺖ ﻣﺎﺍﻟﻲ ﺧﻠﻚ ﺍﻟﻤﻐﺮﻭﺭ ﺭﻳﻜﺘﻪ ﻟﻨﻈﻮﺭﻱ ﻉ ﺍﻟﺴﺮﻳﻊ ﻭﺟﺎﻥ ﻳﺠﻲ ﺍﺑﻮ ﻧﻮﺭ ﺑﺴﺮﻋﻪ ﻟﺒﺴﺖ ﻋﺒﺎﻳﺘﻲ ﻭﺍﻟﺒﻮﺷﻴﻪ ﺍﺣﺲ ﻛﻠﺒﻲ ﺭﺍﺡ ﻳﻮﻛﻒ ﺻﻮﺗﻪ ﻳﺨﻮﻑ ﻭﺍﻟﻨﺒﻲ ﺍﻧﺮﻋﺐ ﻣﻨﻪ ﻭﺟﺴﻤﻲ ﻳﺮﺟﻒ ﻣﻦ ﺍﺳﻤﻊ ﺻﻮﺗﻪ ﺍﻟﻠﻪ ﻳﺴﺎﻋﺪ ﺍﻟﻤﺠﺮﻡ ﺍﻟﻴﻮﻛﻊ ﺑﻴﺪﻩ ﻛﺎﻝ ﻓﻄﻮﻣﻪ ﺳﻮﻳﻠﻲ ﺭﻳﻮﻙ ﺳﻮﺗﻠﻪ ﻉ ﺍﻟﺴﺮﻳﻊ ﻛﺎﻟﺘﻠﻪ ﺭﺍﺡ ﺍﺭﻭﺡ ﻭﻳﺎﻛﻢ ﻛﺎﻡ ﻳﺼﻴﺢ ﻋﻠﻴﻬﺎ ﻭﺷﻜﻮ ﺭﺍﻳﺤﻪ ﺍﻧﺖ ﻣﻮ ﻉ ﻣﻮﺩ ﺍﺷﻴﻠﻪ ﻟﻨﻈﻮﺭﻱ ﻟﻴﺶ ﻭﺍﻣﻬﺎ ﺷﺒﻴﻬﺎ ﺛﻮﻟﻪ ﻣﺘﻌﺮﻑ ﺗﺸﻴﻠﻪ ﻻ ﺑﺲ ﺑﺎﻟﺒﻮﺷﻴﻪ ﻣﺎﺗﻌﺮﻑ ﺗﺸﻴﻠﻪ ﻟﺘﺨﺎﻓﻴﻦ ﻋﻠﻴﻬﺎ ﺗﻌﺮﻓﻠﻪ ﻫﻲ ﺍﻟﺪﺑﺮﺗﻬﺎ ﻭﺍﺗﺰﻭﺟﺖ ﺑﺎﻟﺴﺮ ﻣﺪﺑﺮ ﺗﺸﻴﻞ ﻃﻔﻞ ﺍﺑﻘﻲ ﻭﺍﺳﻜﺘﻲ ﻭﻳﻠﻪ ﺍﻧﺖ ﺍﻟﺜﺎﻧﻴﻪ ﻛﻮﻣﻲ ﻭﺍﺳﻜﺘﻲ ﺣﻴﻞ ﺍﻧﻬﻀﻤﺖ ﺑﺲ ﻣﺤﺠﻴﺖ ﺷﻲ ﻟﺒﺴﺖ ﺍﻟﺸﻮﺯ ﻣﺎﻟﺘﻲ ﻭﻃﻠﻌﺖ ﻭﻳﺎ ﺳﻴﺎﺭﺗﻪ ﻋﺎﻟﻴﻪ بيج قصص عراقيه حقيقيه من واقعنا.روعه الطائي ﺑﻌﺪﻧﻲ ﻣﻮﺍﺻﻠﻪ ﻟﻠﺴﻴﺎﺭﻩ ﻛﻠﻲ ﻣﻮ ﺗﺼﻌﺪﻳﻦ ﺑﺎﻟﺼﺪﺭ ﺍﺻﻌﺪﻱ ﻭﺭﻩ ﻻﻥ ﻣﻴﺸﺮﻓﻨﻲ ﺗﺼﻌﺪﻳﻦ ﺑﺼﻔﻲ ﺣﻴﻞ ﺿﺠﺖ ﻭﺍﻧﻬﻀﻤﺖ ﺑﺲ ﻣﺘﻨﻔﺴﺖ ﻭﻻ ﺣﺠﻴﺖ ﺻﻌﺪﺕ ﻭﺭﻩ ﺍﻟﻄﺮﻳﻖ ﻛﻠﻪ ﻳﺨﺎﺑﺮ ﻛﻠﻲ ﺍﻧﺘﺒﻬﻲ ﻭﺍﺳﻤﻌﻲ ﺯﻳﻦ ﻭﺍﻟﻠﻪ ﺍﺫﺍ ﺳﻤﻌﺖ ﻧﻔﺲ ﻣﻨﺞ ﻟﻮ ﺣﺮﻛﻪ ﻣﻮ ﺣﻠﻮﻩ ﺍﻟﻌﺐ ﺑﻴﺞ ﺟﻮﻟﻪ ﻛﻠﻴﺘﻬﻢ ﺍﻟﻀﺒﺎﻁ ﻋﺮﻑ ﻭﺍﻟﻠﻪ ﺍﺫﺍ ﺣﺎﻭﻟﺘﻲ ﺗﻔﺸﻠﻴﻨﻲ ﻻﻥ ﻫﺴﻪ ﺍﻧﺖ ﻣﻊ ﺍﻻﺳﻒ ﺯﻭﺟﺘﻲ ﻣﻮ ﺳﺎﻗﻄﻪ ﻣﺜﻞ ﻗﺒﻞ ﻟﻮ ﻳﻄﻴﺢ ﺑﻴﺪﻱ ﺍﺧﻠﻴﻠﻲ ﻃﻠﻘﻪ ﺑﺮﺍﺳﻪ ﻣﻐﺮﻭﺭ ﻭﺷﺎﻳﻒ ﻧﻔﺴﻪ ﺷﻮﻓﻪ ﻭﺻﻠﻨﻪ ﻭﺷﺎﻳﻠﻪ ﻫﻢ ﺍﻛﻴﺪ ﺭﺍﺡ ﺍﻭﻛﻊ ﻻﻥ ﻣﺎﺍﻋﺮﻑ ﺍﻣﺸﻲ ﻭﺍﺑﻨﻲ ﺑﻴﺪﻱ ﺍﺗﻔﺎﺟﺄﺕ ﻣﻦ ﻧﺰﻟﺖ ﺍﺧﺬﻩ ﻻﺑﻨﻲ ﻣﻨﻲ ﻣﺸﻪ ﻭﺍﻧﻲ ﺍﻣﺸﻲ ﻭﻳﺎ ﻻﺑﺲ ﻣﻼﺑﺴﻪ ﺍﻟﻌﺴﻜﺮﻳﻪ ﻭﻻﺑﺲ ﻧﻈﺎﺭﺍﺕ ﺷﻤﺴﻴﻪ ﻛﻮﻝ ﺷﻮﻳﻪ ﻭﺍﺳﻤﻊ ﺍﻟﺴﻼﻡ ﻭﺳﻴﺪﻱ ﺳﻴﺪﻱ ﺣﺴﻴﺖ ﻧﻔﺴﻲ ﺍﻣﺸﻲ ﻭﻱ ﺭﺋﻴﺲ ﺍﻟﺠﻤﻬﻮﺭﻳﻪ ﻛﻌﺪﻧﻲ ﻉ ﻛﺮﺳﻲ ﺑﺮﻩ ﻛﻠﻲ ﺍﻧﺘﻈﺮﻱ ﻫﻨﺎ ﺍﻧﻄﺎﻧﻲ ﻧﻈﻮﺭﻱ ﺩﺧﻞ ﻭﺭﻩ ﺷﻮﻳﻪ ﻛﻠﻲ ﻳﻠﻪ ﺗﻌﺎﻟﻲ ﻭﻳﺎﻱ ﺩﺧﻠﺖ ﻟﻠﻐﺮﻓﻪ ﺍﻭﻝ ﺷﻲ ﺳﻮﻩ ﺑﻄﺎﻗﺔ ﻧﻈﻮﺭﻱ ﻭﺧﻼﻩ ﺑﺤﻀﻨﻪ ﻭﺍﺧﺬﻭﻟﻪ ﺻﻮﺭﻩ ﻭﻛﻤﻠﺖ ﻣﻌﺎﻣﻠﺘﻪ ﺭﺟﻊ ﻋﻠﻴﻪ ﻛﻠﻲ ﻳﻠﻪ ﻛﻤﺖ ﺍﻭﺗﻮﺕ ﻛﺘﻠﻪ ﻭﺍﻟﺒﻮﺷﻴﻪ ﺷﻠﻮﻥ ﻛﻠﻲ ﺑﺲ ﻣﻦ ﻳﻄﻠﺐ ﺍﻟﺼﻮﺭﻩ ﺍﻧﺰﻋﻴﻬﺎ ﻭﻋﺒﺎﺗﺞ ﺧﻠﻴﻬﺎ ﻉ ﻣﺘﻨﺞ ﻣﺠﺮﺩ ﻳﺨﻠﺺ ﺗﺮﺟﻌﻴﻬﻦ ﻭﻋﺪﻟﻲ ﺣﺠﺎﺑﺞ ﺯﻳﻦ ﻫﺰﻳﺖ ﺑﺮﺍﺳﻲ ﺩﻳﺮﻱ ﺑﺎﻟﺞ ﺗﺰﻟﻴﻦ ﺯﻟﻪ ﺑﺪﻩ ﺍﻟﻘﻠﻖ ﺍﻟﺤﻘﻴﻘﻲ ﻛﻤﺖ ﺍﻗﺮﻩ ﺑﺪﺍﺧﻠﻲ ﺳﻮﺭﺓ ﺍﻟﻔﺎﺗﺤﻪ ﻭﺍﺭﺩﺩ ﻭﺟﻌﻠﻨﺎ ﺑﻴﻦ ﺍﻳﺪﻳﻬﻢ ﺳﺪﺍ ﻭﻣﻦ ﺧﻠﻔﻬﻢ ﺳﺪﺍ ﻓﺎﻏﺸﻴﻨﺎﻫﻢ ﻓﻬﻢ ﻻ ﻳﺒﺼﺮﻭﻥ ﺑﺲ ﻛﻮﻥ ﻣﻴﺸﻮﻓﻨﻲ بيج قصص عراقيه حقيقيه من واقعنا.روعه الطائي ﺑﺲ ﺍﻟﻈﺎﻫﺮ ﻛﻠﺸﻲ ﻣﻴﻔﻴﺪ ﻭﻳﺎ ﻃﻠﺒﻮﺍ ﻣﻨﻲ ﺍﺭﻓﻊ ﺍﻟﺒﻮﺷﻴﻪ ﺣﻴﺪﺭ : ﺑﻌﺪ ﻣﻀﻐﻄﻮﺍ ﻋﻠﻴﻪ ﺍﻫﻠﻲ ﻭﺍﻓﻘﺖ ﺍﺗﺰﻭﺟﻬﺎ ﺑﺲ ﺑﺸﺮﻭﻁ ﻫﻢ ﺍﻟﻬﺎ ﻭﻫﻢ ﺍﻟﻬﻢ ﻻﻫﻠﻲ ﻫﻲ ﻭﺍﻓﻘﺖ ﻉ ﺍﻟﺸﺮﻭﻁ ﻣﻘﺒﻠﺖ ﺗﻨﺰﻋﻬﺎ ﻟﻠﺒﻮﺷﻴﻪ ﺣﺘﻰ ﻣﺘﺤﺎﻭﻝ ﺗﺮﺟﻊ ﻣﺜﻞ ﻗﺒﻞ ﺍﻟﺰﻭﺍﺝ ﺗﺬﺏ ﻧﻔﺴﻬﺎ ﻛﻮﻩ ﻭﻣﺤﺒﻴﺖ ﺗﻄﻠﻊ ﻣﻦ ﺍﻟﺒﺎﺏ ﺍﺗﻔﺎﺟﺄﺕ ﻣﻦ ﻭﺍﻓﻘﺖ ﺍﻣﺎ ﺍﻫﻠﻲ ﺷﺮﻃﺖ ﻋﻠﻴﻬﻢ ﺭﺍﺡ ﻳﻜﻮﻥ ﺯﻭﺍﺟﻨﻪ ﻉ ﻭﺭﻕ ﺑﺲ ﻭﺍﻟﻲ ﻳﺤﺎﻭﻝ ﻟﻮ ﻳﻜﻠﻲ ﺍﺗﻘﺮﺑﻠﻬﺎ ﺍﺣﺮﻛﻬﺎ ﻫﻲ ﻭﺍﺑﻨﻬﺎ ﻭﻣﺎﺍﺭﻳﺪ ﺍﺷﻮﻓﻬﺎ ﺍﺑﺪ ﺍﺑﺪ ﺗﺴﻮﻱ ﺍﻟﻌﻠﻴﻬﺎ ﻭﺗﺨﺘﻔﻲ ﻭﻟﺤﺪ ﻳﻜﻠﻲ ﻫﺬﺍ ﺍﺑﻨﻚ ﻟﻮ ﺍﺑﻦ ﺍﺧﻮﻙ ﻣﺎﺍﻟﻲ ﻋﻼﻗﻪ ﺑﻲ ﺣﺘﻰ ﺍﻛﺘﺐ ﺑﻮﺻﻴﺘﻲ ﻣﺎﺍﻟﻪ ﺣﻖ ﺑﺎﻣﻼﻛﻲ ﺍﺑﺪ ﻭﻛﺘﻠﻬﻢ ﻛﻠﺸﻲ ﻣﺎﺍﻧﻄﻴﻬﺎ ﻣﻨﻲ ﻻ ﺍﻟﻬﺎ ﻭﻻ ﻻﺑﻨﻬﺎ ﻣﺎﻋﻠﻴﻪ ﺑﻴﻬﺎ ﻭﻻ ﺑﻤﺼﺮﻭﻓﻬﻢ ﺳﻜﺘﻮ ﻫﻢ ﻣﺤﺪ ﻛﺪﺭ ﻳﻌﺎﺭﺽ ﻋﻠﻴﻪ ﺍﻣﻲ ﻭﺍﺑﻮﻳﻪ ﻛﺎﻟﻮ ﻳﺎﺑﻪ ﻣﺼﺮﻭﻓﻬﻢ ﻋﻠﻴﻨﻪ ﺍﻧﺖ ﻣﺎﺍﻟﻚ ﺩﺧﻞ ﻃﺒﻌﺎ ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﺍﻟﻲ ﻳﺨﻠﻴﻨﻲ ﺍﺭﻓﺾ ﺷﻮﻓﺘﻬﺎ ﻛﻠﺒﻲ ﺣﺎﺱ ﺑﺲ ﺍﺷﻮﻓﻬﺎ ﺭﺍﺡ ﻳﺼﻴﺮ ﺷﻲ ﻣﺎﺍﻋﺮﻑ ﺑﺎﻟﻈﺒﻂ ﺷﻨﻮ ﻋﻘﺪﺕ ﻣﺤﻜﻤﻪ ﻭﺧﻠﻴﺖ ﺍﻟﺤﺎﺿﺮ ﻭﺍﻟﻐﺎﻳﺐ ﻋﺸﺮﻩ ﺑﻌﺸﺮﻩ ﺍﻧﻲ ﻣﺎﺭﺩﺕ ﺍﺧﻠﻲ ﺷﻲ ﺑﺲ ﺍﺑﻮﻳﻪ ﻛﻠﻲ ﻣﻴﺠﻮﺯ ﻭﺣﺮﺍﻡ ﻭﻋﻮﺩ ﻣﻦ ﺍﻃﻠﻜﻬﺎ ﺍﻧﻲ ﺍﻧﻄﻴﻬﻴﺎ ﻣﻦ ﻋﻨﺪﻱ ﺳﻜﺘﺖ ﺑﻌﺪ ﻣﺎﺍﻛﺪﺭ ﺍﻋﺎﺭﺿﻪ ﺍﺧﺬﺗﻬﺎ ﻋﻘﺪﻧﻪ ﻣﺤﻜﻤﻪ ﻃﺒﻌﺎ ﻫﻮﺍﻱ ﻭﺍﺳﻄﻪ ﻋﻨﺪﻱ ﻭﺧﻠﺼﺘﻪ ﺑﻨﻔﺲ ﺍﻟﻴﻮﻡ ﺭﺩﺕ ﻣﺎﺍﻋﻘﺪ ﺳﻴﺪ ﺑﺲ ﺍﻫﻠﻲ ﺭﻓﻀﻮﺍ ﻛﺎﻟﻮ ﺗﺒﻘﻰ ﻏﺮﻳﺒﻪ ﺍﺑﻴﻨﻜﻢ ﻭﻣﻴﺠﻮﺯ ﻫﻢ ﺗﺮﻳﺪ ﺗﺎﺧﺬ ﺭﺍﺣﺘﻪ ﺑﺎﻟﺒﻴﺖ ﻣﻴﺠﻮﺯ ﺗﺒﻘﻰ ﺗﺘﻬﺮﺏ ﻣﻨﻜﻢ ﺑﺎﻟﻠﻴﻞ ﺩﺯﻳﻨﻪ ﻉ ﺳﻴﺪ ﻭﻋﻘﺪﻧﻪ ﺟﺎﻥ ﻋﻤﺮﻫﺎ ﻳﺎﺩﻭﺏ 19 ﻛﻠﺖ ﺑﻜﻠﺒﻲ ﻫﺎﻱ ﺷﻼﻋﺒﻪ ﺑﺮﻭﺣﻬﺎ ﺟﻮﻟﻪ بيج قصص عراقيه حقيقيه من واقعنا.روعه الطائي ﺍﺫﺍ ﻃﻔﻠﻪ ﻭﻫﻴﺞ ﻣﺴﻮﻳﻪ ﻟﻌﺪ ﺍﺫﺍ ﻛﺒﺮﺕ ﺷﺮﺍﺡ ﺗﺴﻮﻱ ﺍﻛﺪﺕ ﻉ ﺍﻣﻲ ﻣﺎﺍﺭﻳﺪ ﺍﺷﻮﻓﻬﺎ ﺍﺑﺪ ﻛﻤﺖ ﺍﺧﻠﻲ ﻣﻼﺑﺴﻲ ﺍﻟﻮﺳﺨﺎﺕ ﻉ ﺍﻟﺠﺮﺑﺎﻳﻪ ﻭﻛﻤﺖ ﺍﺗﻌﻤﺪ ﺍﺧﻠﻲ ﻓﻠﻮﺱ ﺑﻜﻮﻝ ﻣﻜﺎﻥ ﺣﺒﻴﺖ ﺍﺷﻮﻑ ﺍﻛﻮ ﻧﻘﺺ ﻟﻮ ﻻ ﻛﻤﺖ ﺍﺩﺍﻭﻡ ﻭﻣﻦ ﺍﺭﺟﻊ ﺍﻟﻜﻲ ﺍﻟﺒﻴﺖ ﻳﺨﺒﻞ ﻣﻨﻈﻒ ﻛﻠﻪ ﻭﻣﻼﺑﺴﻲ ﻣﻐﺴﻮﻟﻪ ﻭﻣﻜﻮﻳﻪ ﻭﻣﻌﻠﻜﻪ ﺍﻟﺒﻴﺖ ﻣﺮﺷﻮﺵ ﻋﻄﺮ ﺟﻮ ﻳﺨﺒﻞ ﺍﻟﻔﺮﺷﻪ ﺗﺘﺒﺪﻝ ﺑﻴﻦ ﻳﻮﻡ ﻭﻳﻮﻡ ﻭﺍﻟﻜﻴﻬﺎ ﻣﺨﻠﻴﻪ ﺍﻟﺒﺮﺩﻩ ﻧﻔﺲ ﺍﻟﻠﻮﻥ ﻃﺒﻌﺎ ﻃﺒﻌﻲ ﺍﺣﺐ ﺍﻟﺘﻐﻴﺮ ﻭﺍﺣﺐ ﺍﻟﻨﻈﺎﻓﻪ ﻭﺍﺣﺐ ﺍﻟﻬﺪﻭﺀ ﺍﺗﻤﻨﻰ ﺍﺷﻮﻑ ﺷﻜﻠﻬﺎ ﻋﺠﺒﺘﻨﻲ ﻧﻈﺎﻓﺘﻬﺎ ﺑﺲ ﺍﻛﻮ ﺩﺍﻓﻊ ﻗﻮﻱ ﺑﺪﺍﺧﻠﻲ ﻳﻤﻨﻌﻨﻲ ﺑﻨﻔﺲ ﺍﻟﻮﻗﺖ ﺍﺗﻌﻮﺩﺕ ﻉ ﻫﺬﺍ ﺍﻟﻮﺿﻊ ﻭﺟﻨﺖ ﻣﺮﺗﺎﺡ ﺍﻻﻛﻞ ﻫﻲ ﺗﺴﻮﻱ ﺑﺲ ﺍﻟﻌﺸﻪ ﻻ ﻃﺒﻌﺎ ﻣﺴﻮﻳﺖ ﺍﻟﺠﻨﺴﻴﻪ ﻻﻥ ﺍﻟﺠﻮ ﺣﺎﺭ ﻭﻫﺬﺍ ﻃﻔﻞ ﻣﻴﺘﺤﻤﻞ ﻛﺎﻟﺖ ﺍﻣﻲ ﻭﺭﻩ ﺍﻟﺴﻨﻮﻳﻪ ﻣﺎﻟﺖ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﺳﻮﻳﻬﺎ ﻃﺒﻌﺎ ﺍﺧﻮﺗﻲ ﻭﺍﻣﻲ ﻭﺍﺑﻮﻳﻪ ﺍﺗﻌﻠﻘﻮﺍ ﺑﺎﻟﻄﻔﻞ ﺣﻴﻞ ﻭﺣﺒﻮﺍ ﻳﻜﻮﻟﻮﻥ ﻧﺴﺨﻪ ﻣﻦ ﺍﺑﻮ ﻫﻮﺍﻱ ﻳﺸﺒﻬﺎ ﺑﺲ ﺍﻧﻲ ﺍﺑﺪ ﻣﺤﺒﻴﺘﻪ ﻭﻻ ﺷﻠﺘﻪ ﻭﻻ ﺷﺎﻳﻔﻪ ﻣﻦ ﻳﺠﻴﺒﻮﺍ ﻳﻤﻨﻪ ﺍﻧﻲ ﺑﺴﺮﻋﻪ ﺍﻃﻔﺮ ﺍﻟﺤﻘﻴﻘﻪ ﺍﺑﺪ ﻣﻤﺮﻛﺰ ﺑﺸﻜﻠﻪ ﻗﺮﺏ ﻣﻮﻋﺪ ﺍﻟﺬﻛﺮﻯ ﺍﻟﺴﻨﻮﻳﻪ ﻟﻤﺮﻭﺍﻥ ﻃﻠﺒﺖ ﻣﻦ ﺍﺑﻮﻳﻪ ﻳﺪﺯﻫﺎ ﻻﻫﻠﻬﺎ ﻭﻳﺨﻠﻴﻬﺎ ﻟﻤﻦ ﺗﺨﻠﺺ ﺍﻟﻬﻮﺳﻪ ﻧﻮﺭ ﻛﻠﺒﺖ ﺍﻟﺪﻧﻴﻪ ﺍﻟﻪ ﺗﺮﻭﺡ ﺳﻤﺤﺘﻠﻬﺎ ﻭﺭﺍﺣﺖ ﻭﻳﺎﻫﺎ ﺍﻟﺘﻬﻴﻨﻪ ﺑﺎﻟﻌﺸﻪ ﻭﺭﺣﻨﻪ ﻟﻠﻨﺠﻒ ﺯﺭﻧﻪ ﻭﺭﺣﻨﻪ ﻟﻠﻤﻘﺒﺮﻩ ﺑﻘﻴﻨﻪ ﻟﻠﻌﺼﺮ ﻭﺭﺟﻌﻨﻪ ﺑﻌﺪ ﺍﻳﺎﻡ ﻣﻌﺪﻭﺩﻩ ﻭﺗﺒﺪﻱ ﺍﻟﻤﺪﺭﺳﻪ ﻧﻮﺭ ﺳﺠﻠﺘﻬﺎ ﺑﺎﻻﻭﻝ ﺍﻟﺴﻨﻪ ﻛﻠﺖ ﻫﻤﺰﻳﻦ ﻣﺘﻌﻠﻘﻪ ﺑﺰﻳﻨﺐ ﺍﻧﻲ ﺍﻋﺘﺮﻑ ﻣﻦ ﻳﻮﻡ ﺍﻟﻲ ﺩﺧﻠﺖ ﺑﻲ ﻟﺒﻴﺘﻨﺎ ﺗﻐﻴﺮﺕ ﻫﻮﺍﻱ ﺷﻐﻼﺕ بيج قصص عراقيه حقيقيه من واقعنا.روعه الطائي ﻣﺎﻣﺎ ﺍﺭﺗﺎﺣﺖ ﻫﻮﺍﻱ ﻭﻧﻮﺭ ﺍﺗﻐﻴﺮﺕ 180 ﺩﺭﺟﻪ ﻣﻌﺘﻨﻴﻪ ﺑﻴﻬﺎ ﺣﻴﻞ ﻭﺩﺍﺋﻤﺎ ﻧﻀﻴﻔﻪ ﻭﻣﺮﺗﺒﻪ ﺳﻠﻮﻛﻬﺎ ﺍﺗﻐﻴﺮ ﻭﻱ ﺍﻟﻜﻮﻝ ﺣﺴﻴﺘﻬﺎ ﺗﺼﻠﺢ ﺗﻜﻮﻥ ﺍﻡ ﻟﺒﻨﺘﻲ ﻭﻟﻮ ﺍﻋﺘﺮﻑ ﺍﻛﻮ ﺧﻮﻑ ﺑﺪﺍﺧﻠﻲ ﺑﻘﻴﺖ ﺍﺗﺼﻞ ﺑﻨﻮﺭ ﻳﻮﻣﻴﻪ ﻭﺍﺳﺎﻟﻬﺎ ﻭﻳﻦ ﻃﻠﻌﺘﻮ ﻭﻭﻳﻦ ﻣﺸﻴﺘﻮ ﺍﻧﻲ ﻗﺼﺪﻱ ﺑﺲ ﺍﻋﺮﻑ ﺭﺍﺡ ﺗﻄﻠﻊ ﺑﺪﻭﻥ ﺍﺫﻧﻲ ﻟﻮ ﻻ ﺗﻜﻮﻝ ﺑﺲ ﺍﻧﻲ ﻭﺟﺪﻭﺍ ﻭﻧﻈﻮﺭﻱ ﺣﻴﻞ ﺍﻓﺮﺡ ﻣﻦ ﺍﺩﺭﻱ ﺑﻴﻬﺎ ﻣﺘﻌﺎﻧﺪﻧﻲ ﻻﻥ ﺍﺿﻮﺝ ﻭﺍﺗﺨﺒﻞ ﻣﻦ ﺍﻟﻌﻨﺎﺩ ﻃﺒﻌﺎ ﺍﻧﻲ ﺍﺭﻓﺾ ﺍﺧﺬﻫﺎ ﻻﻫﻠﻬﺎ ﻭﻣﺎﺍﻋﺮﻑ ﺷﻨﻮ ﺍﻟﺴﺒﺐ ﺩﺍﺋﻤﺎ ﺍﺑﻮﻳﻪ ﻳﺎﺧﺬﻫﺎ ﻭﻳﺮﺟﻌﻬﺎ ﻃﺒﻌﺎ ﻣﺎﺍﻋﺮﻑ ﻟﻴﺶ ﺍﻧﻲ ﺍﻧﺎﻧﻲ ﻭﻳﺎﻫﺎ ﺍﺑﺪ ﻣﺎﺍﻧﻄﻴﻬﺎ ﻣﺼﺮﻑ ﻭﻻ ﺍﻋﺮﻑ ﻣﻨﻴﻦ ﺗﺠﻴﺐ ﻣﻼﺑﺲ ﺍﻟﻬﺎ ﻭﻻﺑﻨﻬﺎ ﻭﺍﻟﺤﻘﻴﻘﻪ ﺍﺗﻔﺎﺟﺄﺕ ﺑﻴﻬﺎ ﻟﺤﺪ ﺍﻻﻥ ﻣﺎﻃﻠﺒﺖ ﻣﻨﻲ ﺷﻲ ﺭﺍﺡ ﺍﺑﻮﻳﻪ ﻭﺍﺗﻔﻘﺖ ﻭﻳﺎ ﻳﻨﻘﻞ ﻧﻔﻮﺳﻬﺎ ﺍﻟﻨﻪ ﻭﺍﻧﻄﻴﺘﻪ ﻭﺭﻗﻪ ﻣﻦ ﻣﺪﻳﺮ ﺍﻟﺠﻨﺴﻴﻪ ﺣﺘﻰ ﻳﺴﻬﻠﻮﻟﻪ ﻓﻌﻼ ﻛﻤﻠﻬﺎ ﻭﺭﺟﻌﻮﺍ ﻭﺟﻨﺖ ﺣﻴﻞ ﻣﺸﺘﺎﻕ ﻟﺒﻨﺘﻲ ﺍﻧﻄﺘﻨﻲ ﺍﻟﺘﻔﺎﺻﻴﻞ ﺑﺎﻟﻈﺒﻂ ﻫﻴﺞ ﺭﺣﻨﻪ ﻭﻫﻴﺞ ﺍﺟﻴﻨﻪ ﻭﻫﻴﺞ ﺍﻛﻠﻨﻪ ﻃﺒﻌﺎ ﻣﺒﻴﻦ ﻋﻠﻴﻬﻢ ﻋﺎﺋﻠﻪ ﺑﺴﻴﻄﻪ ﺍﺧﻮﺍﺗﻬﺎ ﻋﺮﻓﺘﻬﻦ ﻛﻠﻬﻦ ﻣﻦ ﺧﻼﻝ ﻧﻮﺭ ﻛﻠﺖ ﻻﻣﻲ ﺧﻞ ﺗﺠﻬﺰ ﻧﻔﺴﻬﺎ ﺣﺘﻰ ﺍﺳﻮﻳﻠﻬﻢ ﺍﻟﺒﻄﺎﻗﻪ ﺍﻟﻮﻃﻨﻴﻪ ﻛﻤﻠﺖ ﻛﻞ ﺍﻻﺟﺮﺍﺀﺍﺕ ﺑﺎﻟﻠﻴﻞ ﺩﺯﻳﺘﻠﻬﺎ ﺭﺳﺎﻟﻪ ﻭﺧﺒﺮﺗﻬﺎ ﺑﺲ ﺗﺘﺎﺧﺮ ﺍﺑﻄﻞ ﻓﻌﻼ ﻗﺒﻞ ﺍﻟﻤﻮﻋﺪ ﺟﺎﻧﺖ ﺟﺎﻫﺰﻩ ﻭﺟﺎﻥ ﺍﺑﻨﻬﺎ ﺑﺤﻀﻨﻬﺎ ﻭﻻﺑﺴﻪ ﺍﻟﻌﺒﺎﻳﻪ ﻭﺍﻟﺒﻮﺷﻴﻪ ﻃﻠﺒﺖ ﻣﻨﻲ ﻓﺎﻃﻤﻪ ﺗﺮﻭﺡ ﻭﻳﺎﻧﻪ ﻭﺍﻧﻲ ﺭﻓﻀﺖ ﺍﻋﺮﻑ ﺑﻴﻬﺎ ﻣﻤﺘﻌﻮﺩﻩ ﻉ ﺍﻟﺒﻮﺷﻴﻪ ﻭﻫﺬﺍ ﻭﺍﺿﺢ ﻋﻠﻴﻬﺎ ﻛﻠﺖ ﺍﻧﻲ ﺍﺷﻴﻠﻪ ﻻﺑﻨﻬﺎ ﻃﻠﻌﻨﻪ ﻭﻃﻠﺒﺖ ﻣﻨﻬﺎ ﺗﺼﻌﺪ ﻭﺭﻩ ﻻﻥ ﺑﻮﻗﺘﻬﺎ ﺍﺳﺘﺤﻲ ﻣﺼﻌﺪﻫﺎ ﻣﺒﻮﺷﻪ ﺑﺼﻔﻲ ﻭﺍﺧﺎﻑ ﻣﻨﻬﺎ ﺗﺰﻝ ﺯﻟﻪ ﻛﺪﺍﻡ ﺍﺣﺪ ﻳﻤﻜﻦ ﺍﺩﻓﻨﻬﺎ ﻋﺪﻟﻪ ﻻﻥ ﻛﻞ ﺍﻟﻈﺒﺎﻁ ﻋﺮﻑ ﻭﺻﻴﺘﻬﺎ ﺑﺲ ﺍﻟﺤﻠﻮ ﺑﻴﻬﺎ ﻣﺴﻤﻌﺖ ﺻﻮﺗﻬﺎ ﺍﺑﺪ ﺷﻠﺘﻪ ﻟﻤﻨﺘﻈﺮ ﺑﻴﺪﻱ ﻭﺟﺎﻧﺖ ﻫﺎﻱ ﺍﻭﻝ ﻣﺮﻩ ﺍﺷﻮﻓﻪ ﻭﺍﺭﻛﺰ ﺑﻲ ﻣﻦ ﺻﺪﻙ ﻧﺴﺨﻪ ﻣﻦ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﻓﺮﻕ ﺍﻟﻌﻴﻮﻥ ﻭﻛﻠﺖ ﺍﺣﻨﻪ ﻋﺪﻧﻪ ﻭﺭﺍﺛﻪ ﺑﻠﻮﻥ ﺍﻟﻌﻴﻮﻥ ﺍﻧﻲ ﻭﺳﺎﺭﻩ ﻭﺍﻣﻴﺮ ﻋﻴﻮﻧﻪ ﻣﻠﻮﻧﻪ ﺣﺴﻴﺖ ﺑﺸﻌﻮﺭ ﻏﺮﻳﺐ ﻣﻦ ﺷﻠﺘﻪ ﻛﻠﺒﻲ ﻛﺎﻡ ﻳﺪﻙ ﻭﺣﺴﻴﺖ ﺑﻤﺮﻭﺍﻥ ﺣﻲ ﻣﻤﻴﺖ ﺍﻟﻄﻔﻞ ﻳﺠﺬﺏ ﺍﻟﻨﻈﺮ ﺟﺎﻥ ﺍﺑﻴﺾ ﺣﻴﻞ ﻭﺷﻌﺮﻩ ﺍﺷﮕﺮ ﻭﻋﻴﻮﻧﻪ ﻣﻠﻮﻧﺎﺕ ﻳﺸﺒﻪ ﺍﺑﻮ ﻫﻮﺍﻱ ﺑﺲ ﺍﻟﻔﺮﻕ ﻟﻮﻥ ﺍﻟﻌﻴﻮﻥ ﺩﺧﻠﻨﻪ ﺟﻮﻩ ﻛﻌﺪﺗﻬﺎ ﻫﻲ ﻭﺍﺑﻨﻬﺎ ﺩﺧﻠﺖ ﺭﺗﺒﺖ ﻛﻠﺸﻲ ﻭﻃﻠﺒﺖ ﻣﻨﻬﻢ ﺑﺲ ﺍﺣﻨﻪ ﻧﺪﺧﻞ ﻃﻠﻌﺖ ﻟﺒﺮﻩ ﻭﺻﺤﺘﻬﺎ ﺍﺧﺬﺕ ﻣﻨﻬﺎ ﻧﻈﻮﺭﻱ ﺣﻴﻞ ﺣﺒﻴﺘﻪ ﻭﻫﻮ ﺑﺲ ﻳﻀﺤﻚ ﺧﻠﻴﺘﻪ ﺑﺤﻀﻨﻲ ﻭﺍﺧﺬﻭﻟﻪ ﺻﻮﺭﻩ ﻭﺍﺧﺬﻭﺍ ﺑﺼﻤﺘﻲ ﺧﻠﺼﻨﻪ ﻣﻨﻪ ﻭﺑﻘﺖ ﺍﻻﻡ ﺣﺠﺖ ﻭﻳﺎﻱ ﺑﺲ ﺑﺼﻮﺕ ﻧﺎﻋﻢ ﻭﻫﻤﺲ ﻳﺎﺩﻭﺏ ﻳﻨﺴﻤﻊ ﺍﻟﺼﻮﺕ ﻛﻠﺘﻠﻲ ﻭﺍﻟﺒﻮﺷﻴﻪ ﺷﻠﻮﻥ ﻛﺘﻠﻬﺎ ﺍﻧﺰﻋﻴﻬﺎ ﻭﺧﻠﻲ ﺍﻟﻌﺒﺎﻳﻪ ﻉ ﻣﺘﻨﺞ ﻻﻥ ﻣﻴﺠﻮﺯ ﺑﺎﻟﺼﻮﺭﻩ ﻣﺒﻮﺷﻪ ﻟﻮ ﻋﺒﺎﻳﻪ ﻭﻫﺎﻱ ﺭﺍﺡ ﺗﺒﻘﻰ ﻭﻳﺎﻫﺎ ﻣﺪﻯ ﺍﻟﻌﻤﺮ ﻭﻫﻢ ﻛﻠﺖ ﻓﺮﺻﻪ ﺣﺘﻰ ﺍﺷﻮﻓﻪ ﻟﻮﺟﻬﺎ ﺣﻴﻞ ﻣﺘﻠﻬﻒ ﺍﺷﻮﻑ ﻭﺟﻬﺎ ﺍﺭﻳﺪ ﺍﺷﻮﻑ ﻫﺎﻱ ﺍﻟﻲ ﺍﺧﺬﺕ ﻋﻘﻠﻪ ﻟﻤﺮﻭﺍﻥ ﺍﻟﻠﻪ ﻳﺮﺣﻤﻪ ﺷﻨﻮ ﺷﻜﻠﻬﺎ ﺍﺧﺬﻭﺍ ﺍﻟﻤﻌﻠﻮﻣﺎﺕ ﻣﻨﻬﺎ ﻭﻃﻠﺐ ﺍﻃﻠﻊ ﻭﺟﻬﺎ ﻭﺧﺮﺕ ﺍﻟﺒﻮﺷﻴﻪ ﻭﺧﻠﺖ ﺍﻟﻌﺒﺎﻳﻪ ﻉ ﻣﺘﻨﻬﺎ ﻭﺟﺎﻥ ﺍﻧﺼﺪﻡ ﺻﺪﻣﺔ ﻋﻤﺮﻱ ﻣﻦ ﺷﻔﺘﻬﺎ ....... ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﺮﺍﺡ ﺗﻜﻮﻥ ﺭﺩﺓ ﻓﻌﻠﻪ ﺭﺍﺡ ﻳﻔﺮﺡ ﻣﻦ ﻳﺸﻮﻓﻬﺎ ﻟﻮ ﺭﺍﺡ ﺗﺘﻌﻘﺪ ﺍﻻﻣﻮﺭ ﺍﻛﺜﺮ ﻟﺘﻨﺴﻮﻥ ﺍﻟﺘﺼﻮﻳﺖ ﺣﺒﺎﻳﺒﻲ ﺍﺫﺍ ﻋﺠﺒﺘﻜﻢ ﺍﻟﻘﺼﻪ ﺍﻟﺼﺮﺍﺣﻪ ﻣﺘﺴﻮﻭﻥ ﻭﺍﻫﺲ ﻟﻠﻮﺍﺣﺪ ﻳﻌﻨﻲ ﺍﻟﻤﺸﺎﻫﺪﻩ ﺗﻌﺒﺮ ﺍﻝ 2000 ﻭﺍﻟﺘﺼﻮﻳﺖ ﻣﻴﻌﺒﺮ 400 ﻣﺎﺍﻋﺘﻘﺪ ﺍﺗﻌﺒﻜﻢ ﺿﻐﻄﺔ ﺍﻟﻨﺠﻤﻪ ﺍﺗﻤﻨﻰ ﺗﻘﺪﺭﻭﻥ ﺗﻌﺒﻲ ﻭﻳﺎﻛﻢ ﺗﺤﻴﺎﺗﻲ ﻟﻠﺠﻤﻴﻊ 😘 يتبع | ||||||||
|
| |
|
08-08-19, 02:53 AM
| #10 | ||||||||
| مراقبة عامة ومشرفة منتدى الروايات المنقولة
| #بااااااااارت_مفااااااجئ ﻫﻠﻮﻭﻭ ﺣﺒﺎﻳﺒﻲ ﺍﺟﻤﻞ ﺑﺎﺭﺕ ﻻﺟﻤﻞ ﻣﺘﺎﺑﻌﻴﻦ ﻭﺗﺪﻟﻠﻮﻥ ﻋﻠﻴﻪ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ 🦋🌹 ﺍﻟﺒﺎﺭﺕ 9 🌹🦋 🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋 🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋 ﺍﺗﻔﺎﺟﺎﺕ ﺑﻴﻬﺎ ﻭﺟﺎﻧﺖ ﻧﻔﺴﻬﺎ ﺍﻟﺒﻨﻴﻪ ﺍﻟﻲ ﻟﻜﻴﺘﻪ ﻭﻱ ﻣﺮﻭﺍﻥ ﺍﻟﻲ ﺍﺗﻤﻨﻴﺖ ﺍﻧﺎﻡ ﻭﻳﺎﻫﺎ ﻭﺣﻠﻤﺖ ﺑﻴﻬﺎ ﻫﻮﺍﻱ ﻟﻴﺎﻟﻲ ﻭﻫﺴﻪ ﻋﺮﻓﺖ ﻟﻴﺶ ﻣﺮﻭﺍﻥ ﺭﻓﺾ ﺍﻧﺎﻡ ﻭﻳﺎﻫﺎ ﻻﻥ ﺟﺎﻧﺖ ﺯﻭﺟﺘﻪ ﺟﻨﺖ ﺍﻣﻨﻴﺘﻲ ﺍﻧﺎﻡ ﻭﻳﺎﻫﺎ ﻭﺟﻨﺖ ﻣﺴﺘﻌﺪ ﻛﻠﺸﻲ ﺍﺳﻮﻱ ﻣﻘﺎﺑﻞ ﻟﻴﻠﻪ ﻭﺣﺪﻩ ﻭﻳﺎﻫﺎ ﺑﺲ ﻫﺴﻪ ﻭﺻﺎﺭﺕ ﺯﻭﺟﺘﻲ ﻭﺣﻼﻟﻲ ﻣﺴﺘﺤﻴﻞ ﺍﻗﺒﻞ ﺍﻟﻤﺴﻬﺎ ﺍﺑﺪ ﺑﺎﻟﻌﻜﺲ ﺣﻘﺪﻱ ﺯﺍﺩ ﻋﻠﻴﻬﺎ ﻻﻥ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﻛﺎﻟﻲ ﺑﻨﻔﺴﻪ ﻭﻛﺪﺍﻣﻬﺎ ﻫﻲ ﺍﻟﻲ ﺍﺟﺘﻨﻲ ﺑﺮﺟﻠﻬﺎ ﻭﺍﺗﻮﺳﻠﺖ ﺑﻴﻪ ﺍﻧﻲ ﻣﺠﺒﺮﺗﻬﺎ ﻭﺳﺎﻟﻬﺎ ﻫﻢ ﺟﺒﺮﺗﺞ ﻭﻫﻲ ﺳﻜﺘﺖ ﺛﺒﺘﻠﻲ ﺷﻜﻮﻛﻲ ﺑﻤﺤﻠﻬﺎ ﻫﺎﻱ ﻓﺪ ﻭﺣﺪﻩ ﺳﺎﻗﻄﻪ ﻭﻫﻲ ﺍﻟﻲ ﺗﺬﺏ ﻧﻔﺴﻬﺎ ﻛﻮﻩ ﺑﻮﻗﺘﻬﺎ ﻟﻌﻨﺖ ﺍﻟﺴﺎﻋﻪ ﺍﻟﻲ ﺍﺗﺰﻭﺟﺘﻬﺎ ﺑﻴﻬﺎ ﺍﻧﻲ ﺷﺴﻮﻳﺖ ﺑﻨﻔﺴﻲ ﺍﺗﺰﻭﺟﺘﻠﻲ ﻭﺣﺪﻩ ﺳﺎﻗﻄﻪ ﺣﺎﻟﻬﺎ ﺣﺎﻝ ﺑﻨﺎﺕ ﺍﻟﻠﻴﻞ ﺍﻛﻴﺪ ﻣﺮﻭﺍﻥ ﻏﺮﺗﻪ ﺑﺸﻜﻠﻬﺎ ﻭﻗﺸﻤﺮﺗﻪ ﻭﺧﻠﺘﻪ ﻳﺘﺰﻭﺟﻬﺎ ﺍﺧﺬﻭﻟﻬﺎ ﺍﻟﺼﻮﺭﻩ ﺑﻌﺪﻫﺎ ﻛﻤﻠﺖ ﻭﻟﺒﺴﺖ ﺍﻟﻌﺒﺎﻳﻪ ﻭﺍﻟﺒﻮﺷﻴﻪ ﺍﻧﻲ ﺭﻭﺣﻲ ﺻﺎﺭﺕ ﺑﺨﺸﻤﻲ ﻟﻌﺪ ﺍﻧﻲ ﺷﻜﺪ ﻏﺒﻲ ﺍﻟﻤﻔﺮﻭﺽ ﺍﺷﻮﻓﻬﺎ ﻗﺒﻞ ﻻ ﺍﻋﻘﺪ ﻋﻠﻴﻬﺎ ﺻﺎﺭﻟﻲ 4 ﺍﺷﻬﺮ ﻣﻦ ﻋﻘﺪﺕ ﻋﻠﻴﻬﺎ ﻭﺍﻧﻲ ﻣﺸﺎﻳﻔﻬﺎ ﺍﻛﺒﺮ ﻏﺒﻲ ﺍﻧﻲ ﺣﻴﻞ ﻭﻳﺎﻱ ﺷﻠﻮﻥ ﺍﻗﺒﻞ ﺍﻋﻘﺪ ﺑﺪﻭﻥ ﻣﺎﺍﺷﻮﻓﻬﺎ ﻣﺸﻴﻨﻪ ﻟﻠﺴﻴﺎﺭﻩ ﻭﺟﻨﺖ ﺍﻣﺸﻲ ﺳﺮﻳﻊ ﻻﻥ ﻓﻘﺪﺕ ﻭﺍﻟﻄﻔﻞ ﺑﻴﺪﻱ ﺑﺲ ﻫﺎﻱ ﺍﻟﺜﻮﻟﻪ ﻛﻞ ﺷﻮﻳﻪ ﻭﻋﺜﺮﺕ ﻭﻭﻛﻌﺖ ﺍﺧﺮ ﺷﻲ ﺻﻴﺤﺖ ﻋﻠﻴﻬﺎ ﻣﻬﻤﻮﻧﻲ ﺍﻟﻨﺎﺱ ﺍﻟﻜﻞ ﺻﺎﻓﻦ ﺑﻮﺟﻬﻲ ﻭﻭﺻﻠﻨﻪ ﻟﻠﺴﻴﺎﺭﻩ ﻭﺻﻌﺪﺕ ﻭﺍﻧﻄﻴﺘﻬﺎ ﺍﺑﻨﻬﺎ ﻣﺸﻴﺖ ﻉ ﺍﻟﺴﺮﻳﻊ ﻛﻤﺖ ﺍﺻﻴﺢ ﻋﻠﻴﻬﺎ ﺍﻧﺖ ﻣﺸﻲ ﻣﺘﻌﺮﻓﻴﻦ ﺗﻤﺸﻴﻦ ﻛﻞ ﺷﻮﻳﻪ ﻭﻋﺜﺮﺗﻲ ﺑﺲ ﺗﻌﺮﻓﻴﻦ ﺗﺬﺑﻴﻦ ﻧﻔﺴﺞ ﻉ ﺍﻟﺰﻟﻢ ﺣﺴﺎﺑﺞ ﻭﻳﺎﻱ ﺭﺍﺡ ﻳﻜﻮﻥ ﻋﺴﻴﺮ ﻭﺻﻠﻨﻪ ﻟﻠﺒﻴﺖ ﻫﻲ ﺻﻌﺪﺕ ﻛﺒﻞ ﺍﻧﻲ ﺭﺣﺖ ﻟﻠﻐﺮﻓﻪ ﻋﻘﻠﻲ ﻭﻛﻒ ﻣﻌﻘﻮﻟﻪ ﻫﺎﻱ ﺍﻟﺴﺎﻗﻄﻪ ﺗﺼﻴﺮ ﺯﻭﺟﺘﻲ بيج قصص عراقيه حقيقيه من واقعنا.روعه الطائي ﻻﺯﻡ ﺍﻃﻠﻜﻬﺎ ﻭﺍﺧﻠﺺ ﻣﻨﻬﺎ ﻭﻣﻨﺘﻈﺮ ﻻﺯﻡ ﻧﺎﺧﺬﻩ ﻣﻨﻬﺎ ﻻﻥ ﺍﻛﻴﺪ ﺍﺑﻨﻪ ﻟﻤﺮﻭﺍﻥ ﺑﺪﻭﻥ ﺷﻚ ﺛﺒﺘﻠﻲ ﻫﺬﺍ ﺍﻟﻄﻔﻞ ﺍﻛﻴﺪ ﺍﺑﻨﻪ ﻟﻤﺮﻭﺍﻥ ﻻﻥ ﻧﺴﺨﺘﻪ ﺍﻟﺜﺎﻧﻴﻪ ﺳﺒﺤﺖ ﻭﺭﺣﺖ ﺍﺗﻐﺪﻳﺖ ﺑﻌﺪﻫﺎ ﺭﺣﺖ ﻟﺒﻴﺘﻲ ﻭﻧﻤﺖ ﻟﻠﻌﺼﺮ ﻛﻌﺪﺕ ﺧﺎﺑﺮﺕ ﺟﻤﺎﻋﺘﻲ ﺍﺗﻮﺍﻋﺪﻧﻪ ﺑﻤﻄﻌﻢ ﺗﻌﺸﻴﻨﻪ ﻭﺧﻠﺼﻨﻪ ﻭﺭﺣﻨﻪ ﻟﻠﺸﻘﻪ ﺷﺮﺏ ﻭﻧﺴﻮﺍﻥ ﻭﻭﻧﺴﻪ ﻟﻠﺼﺒﺢ ﺍﺭﻳﺪ ﺑﺲ ﺍﻧﺴﻰ ﻃﺒﻌﺎ ﺑﺲ ﻣﻦ ﺍﺿﻮﺝ ﻣﻦ ﺷﻲ ﺍﺭﻭﺡ ﺍﺳﻬﺮ ﻭﺍﺳﻜﺮ ﺟﻤﺎﻋﺘﻲ ﻣﺘﻌﻮﺩﻳﻦ ﻳﻮﻣﻴﻪ ﻟﻮ ﺑﻴﻦ ﻳﻮﻡ ﻭﻳﻮﻡ ﺭﺟﻌﺖ ﺍﻟﺼﺒﺢ ﻭﺟﺎﻥ ﻳﻮﻡ ﺟﻤﻌﻪ ﻫﻤﺰﻳﻦ ﺑﻘﻴﺖ ﻧﺎﻳﻢ ﻟﻠﻈﻬﺮ ﺍﺟﺘﻲ ﺍﻣﻲ ﻛﻌﺪﺗﻨﻲ ﻛﺘﻠﻬﺎ ﻓﺪﻭﻩ ﺧﻠﻴﻨﻲ ﻧﺎﻳﻢ ﺣﺘﻰ ﻏﺪﻩ ﻣﺎﺍﺭﻳﺪ ﻣﻦ ﺍﺟﻮﻉ ﻋﻮﺩ ﺍﺟﻲ ﺍﻛﻞ ﺣﺎﻭﻟﺖ ﻭﻳﺎﻱ ﺑﺲ ﺍﻧﻲ ﺭﺟﻌﺖ ﻧﻤﺖ ﻛﻌﺪﺕ ﻟﻜﻴﺖ ﺍﻟﺴﺎﻋﻪ ﺏ 4 ﺣﻴﻞ ﺟﻮﻋﺎﻥ ﺭﺣﺖ ﻟﻠﻤﻄﺒﺦ ﻣﺘﻌﻮﺩ ﻓﺎﻃﻤﻪ ﺗﺠﻬﺰﻟﻲ ﺍﻛﻠﻲ ﺑﺲ ﺍﺷﻮ ﺳﻨﻄﻪ ﻭﻻ ﻧﻔﺲ ﺑﺎﻟﺒﻴﺖ ﻧﺰﻟﺖ ﻧﻮﺭ ﺍﺟﺘﻲ ﺑﺤﻀﻨﻲ ﺑﻮﺳﺘﻬﺎ ﻛﺘﻠﻬﺎ ﻭﻱ ﻋﻤﻪ ﻛﺎﻟﺖ ﺭﺍﺣﺖ ﻫﻲ ﻭﺟﺪﻭ ﻭﺑﻴﺒﻲ ﻟﻌﻤﻪ ﺑﻨﻴﻦ ﻣﺮﻳﻀﻪ ﻛﺘﻠﻬﺎ ﻳﻌﻨﻲ ﻣﺤﺪ ﺑﺎﻟﺒﻴﺖ ﻛﺎﻟﺖ ﺍﻱ ﺩﺯﻳﺖ ﻣﺴﺞ ﻟﺰﻳﻨﺐ ﻛﺘﻠﻬﺎ ﺍﻧﺰﻟﻲ ﺟﻬﺰﻳﻠﻲ ﺍﻟﻐﺪﻩ ﻣﻮ ﺑﺲ ﻳﻠﻪ ﺍﻛﻞ ﻭﻧﻮﻡ ﻭﻣﻜﻴﻔﻪ ﺍﻧﻘﺮﺕ ﻟﺤﻀﺎﺕ ﻭﻧﺰﻟﺖ ﻻﺑﺴﻪ ﺍﻟﻌﺒﺎﻳﻪ ﻭﺍﺟﺘﻲ ﻛﺘﻠﻬﺎ ﺧﻮ ﻟﺒﺴﻲ ﻓﺮﺩ ﻧﻮﺏ ﺍﻟﺒﻮﺷﻴﻪ ﺍﺣﺴﻦ ﻛﺎﻟﺖ ﻣﻮ ﺧﺎﻑ ﻳﺠﻲ ﺍﺣﺪ ﺍﻫﺎ ﻭﺍﻧﺖ ﻣﺴﺘﺤﻴﻪ ﻉ ﺍﺳﺎﺱ ﺷﺮﻳﻔﻪ ﻭﺗﺒﻴﻌﻴﻦ ﺛﻜﻞ ﺑﺮﺍﺳﻨﻪ ﺭﻭﺣﻲ ﺍﺿﺤﻜﻲ ﻉ ﻏﻴﺮﻱ ﺑﻬﺎﻱ ﺳﻮﺍﻟﻔﺞ ﺍﻟﺘﻌﺒﺎﻧﻪ ﻟﻌﺪ ﺷﻠﻮﻥ ﺟﻨﺘﻲ ﺳﺎﻓﺮﻩ ﻭﻟﺒﺴﺖ ﻓﺎﺿﺢ ﺑﺲ ﺍﻧﻲ ﻣﺎﺟﻨﺖ ﺍﻟﺒﺲ ﻓﺎﺿﺢ ﺍﺱ ﻭﻻ ﻧﻔﺲ ﻣﺎﺍﺣﺐ ﺍﻟﻤﺮﻩ ﺍﻟﻲ ﺗﺮﺍﺩﺩ ﺍﻓﺘﻬﻤﺘﻲ ﻭﻫﺴﻪ ﺍﻧﺰﻋﻲ ﺍﻟﻌﺒﺎﻳﻪ ﻭﺷﻮﻓﻲ ﺷﻐﻠﺞ ﺣﻤﺖ ﺍﻻﻛﻞ ﻭﻛﺎﻟﺖ ﻟﺤﻀﺎﺕ ﻭﺍﺟﻲ ﺻﻌﺪﺕ ﻭﻧﺰﻟﺖ ﺫﺍﺑﺘﻬﺎ ﻟﻠﻌﺒﺎﻳﻪ ﻃﺒﻌﺎ ﺑﻌﺪﻫﻲ ﻻﺑﺴﻪ ﺍﺳﻮﺩ ﻻﺑﺴﻪ ﺩﺷﺪﺍﺷﻪ ﺭﺩﻥ ﻃﻮﻳﻠﻪ ﻭﻋﺮﻳﻀﻪ ﻭﻻﻓﻪ ﺍﻟﺸﺎﻝ ﻃﺒﻌﺎ ﻣﻨﻀﺮﻫﺎ ﻳﺠﺬﺏ ﻭﺷﻜﻠﻬﺎ ﺑﻲ ﻣﻐﻨﺎﻃﻴﺲ ﻏﺼﺒﺎ ﻳﺠﺬﺏ ﺍﻟﻮﺍﺣﺪ ﺍﻟﻬﺎ ﻫﻮﺍﻱ ﺷﺎﻳﻒ ﺑﻨﺎﺕ ﺣﻠﻮﺍﺕ ﺑﺲ ﻣﺜﻞ ﻫﺎﻱ ﻣﺸﺎﻳﻔﻪ ﻋﻴﻨﻲ ﺍﺑﺪ بيج قصص عراقيه حقيقيه من واقعنا.روعه الطائي ﺟﻬﺰﺗﻠﻲ ﺍﻟﻐﺪﻩ ﻭﺻﺒﺘﻪ ﻛﺘﻠﻪ ﺍﺑﻘﻲ ﺍﻛﻤﻞ ﺍﻟﻐﺪﻩ ﻭﺍﺣﺠﻲ ﻭﻳﺎﺝ ﻛﺎﻟﺖ ﺍﺷﻮﻑ ﺍﺑﻨﻲ ﻭﺍﻧﺰﻝ ﻛﻤﻠﺖ ﺍﻟﻐﺪﻩ ﻭﻧﺰﻟﺖ ﺻﺒﺘﻠﻲ ﺟﺎﻱ ﻛﺘﻠﻬﺎ ﺍﺳﻤﻌﻴﻨﻲ ﺯﻳﻦ ﻭﻫﺬﺍ ﺍﻟﺤﺠﻲ ﻣﺎﺍﺣﺐ ﺍﻋﻴﺪﻩ ﻛﻞ ﺷﻮﻳﻪ ﻣﻨﺎ ﻭﺭﺍﻳﺢ ﺗﻨﺰﻟﻴﻦ ﻟﺠﻮﻩ ﻣﺘﺒﻘﻴﻦ ﻣﺘﺨﺒﻴﻪ ﻣﺜﻞ ﺍﻟﺤﺮﺍﻣﻲ ﻭﺍﻛﻴﺪ ﻋﺎﺟﺒﺞ ﻟﻠﻮﺿﻊ ﻭﻳﻦ ﻻﻛﻴﺘﻬﺎ ﻋﻨﺪ ﺍﻫﻠﺞ ﺍﻟﻔﻜﺮ ﺗﺎﻛﻠﻴﻦ ﻭﺗﻨﺎﻣﻴﻦ ﻣﻨﻄﻘﺖ ﻭﻻ ﺑﺤﺮﻑ ﻫﺬﺍ ﻟﺒﺴﺞ ﺍﺑﺪ ﻣﻴﺘﻐﻴﺮ ﻛﺪﺍﻡ ﺍﻫﻠﻲ ﻭﺍﺧﻮﺍﻧﻲ ﻭﺍﻳﺎﻟﺞ ﻭﺍﺑﺎﻟﺞ ﺍﻟﻜﻴﺞ ﻭﻱ ﻭﺍﺣﺪ ﻣﻨﻬﻢ ﺗﺴﻮﻟﻔﻴﻦ ﻻﻥ ﺍﺩﺭﻱ ﺑﺴﻮﺍﻟﻔﺞ ﺍﻟﺘﻌﺒﺎﻧﻪ ﻭﺑﺎﻟﻨﺴﺒﻪ ﻟﻠﻄﻠﻌﻪ ﺗﻨﺴﻴﻨﻬﺎ ﻭﻫﺴﻪ ﺩﺯﻱ ﻧﻮﺭ ﺧﻠﻲ ﺗﺠﻴﺒﻠﻲ ﺟﻬﺎﺯﺝ ﺭﺩﺕ ﺍﺷﻮﻓﻪ ﺑﻲ ﺷﻲ ﻟﻮ ﻻ ﺭﺍﺣﺖ ﻧﻮﺭ ﻭﺟﺎﺑﺘﻪ ﺑﺲ ﺍﻟﻌﺠﻴﺐ ﺣﺘﻰ ﺭﻣﺰ ﻣﻤﺨﻠﻴﻪ ﺑﻲ ﻛﻠﺒﺖ ﺑﻲ ﺍﻭﻝ ﺷﻲ ﺷﻔﺖ ﺍﻟﺒﺮﺍﻣﺞ ﺍﻟﻲ ﻋﺪﻫﺎ ﻓﻴﺲ ﻭﻓﺎﻳﺒﺮ ﻭ ﻭﺍﺗﺴﺎﺏ ﺩﺧﻠﺖ ﻉ ﺍﻟﻔﻴﺲ ﻟﻜﻴﺖ ﺻﻔﺤﺘﻬﺎ ﺑﺎﺳﻢ 🌹 ﻟﻴﺘﻨﻲ ﻟﻢ ﺍﻛﻦ 🌹 ﺻﻔﺤﺘﻬﺎ ﻫﺎﺩﺋﻪ ﻣﺎﺑﻴﻬﺎ ﺻﺪﺍﻗﺎﺕ ﺍﻟﻪ ﻣﻌﺪﻭﺩﻳﻦ ﻭﻻ ﺍﻱ ﻭﻟﺪ ﻣﺪﺍﺧﻠﻪ ﺑﻜﺮﻭﺑﺎﺕ ﺷﺒﺎﺏ ﺍﺑﺪ ﺑﺲ ﺷﻜﻢ ﻛﺮﻭﺏ ﻧﺴﺎﺋﻲ ﺩﺧﻠﺖ ﻉ ﺍﻟﻔﺎﻳﺒﺮ ﺑﺲ ﺍﺭﻗﺎﻡ ﻣﻌﺪﻭﺩﻩ ﺍﻣﻬﺎ ﻭﺍﺑﻮﻫﺎ ﻭﺍﺧﺘﻬﺎ ﻭﻓﺎﻃﻤﻪ ﻭﺍﺑﻮﻳﻪ ﻭﺍﻣﻲ ﻭﺯﻭﺟﺔ ﻣﺤﻤﺪ ﻭﺑﻨﻴﻦ ﻭﺳﺎﺭﻩ ﻭﺭﻗﻢ ﻣﺮﻭﺍﻥ ﻟﺤﺪ ﺍﻻﻥ ﻣﺨﺰﻧﺘﻪ ﻛﺎﺗﺒﺘﻪ ﺍﺑﻮ ﻣﻨﺘﻈﺮ ﻭﺭﻗﻤﻲ ﻣﻮﺟﻮﺩ ﻛﺎﺗﺒﻪ ﻋﻠﻲ ﺍﺑﻮ ﻧﻮﺭ ﺍﺭﻳﺪ ﺍﻟﺮﻣﺰ ﻣﺎﻟﺖ ﺍﻟﻔﻴﺲ ﺣﺘﻰ ﺍﻓﺘﺤﻬﺎ ﻳﻤﻲ ﻛﺎﻟﺖ ﺭﺍﺡ ﺍﺻﻌﺪ ﻳﻢ ﺍﺑﻨﻲ ﺧﺎﻑ ﻳﻜﻌﺪ ﻛﺘﻠﻬﺎ ﺭﻭﺣﻲ ﺑﺲ ﺍﻟﺠﻬﺎﺯ ﺧﻠﻲ ﺷﻮﻳﻪ ﻭﺍﺩﺯﻩ ﺻﻌﺪﺕ ﺭﺣﺖ ﻟﺒﻴﺘﻲ ﻃﻠﻌﺖ ﺟﻬﺎﺯ ﻋﻨﺪﻱ ﻗﺪﻳﻢ ﻣﻔﻄﻮﺭﻩ ﺍﻟﺸﺎﺷﻪ ﺑﺲ ﻳﺸﺘﻐﻞ ﻣﺎﺑﻲ ﺷﻲ ﺳﻮﻳﺖ ﺍﻟﻔﻴﺲ ﻭﺩﺧﻠﺖ ﺭﻗﻤﻬﺎ ﺍﺟﺘﻲ ﺭﺳﺎﻟﻪ ﺩﺧﻠﺖ ﺍﻟﺮﻣﺰ ﺍﺷﺘﻐﻠﺖ ﻣﺴﺤﺖ ﺍﻟﺮﺳﺎﻟﻪ ﺑﺴﺮﻋﻪ ﺭﺣﺖ ﺩﺯﻳﺘﻪ ﺍﻟﻬﺎ ﺑﻴﺪ ﻧﻮﺭ ﻟﻠﻴﻞ ﺍﺟﻮﻱ ﺍﻫﻠﻲ ﻛﺘﻠﻬﺎ ﺍﻧﺰﻟﻲ ﺳﻮﻱ ﺍﻟﻌﺸﻪ ﻧﺰﻟﺖ ﺍﺑﻨﻬﺎ ﻭﻳﺎﻫﺎ ﺍﻟﻜﻮﻝ ﺍﺗﻔﺎﺟﺊ بيج قصص عراقيه حقيقيه من واقعنا.روعه الطائي ﻛﺘﻠﻬﻢ ﻣﻨﺎ ﻭﺭﺍﻳﺢ ﺗﻨﺰﻝ ﻭﺗﺨﺪﻣﻜﻢ ﺍﻧﻲ ﻣﺘﺰﻭﺟﺘﻬﺎ ﺣﺘﻰ ﺗﺎﻛﻞ ﻭﺗﻨﺎﻡ ﺍﺑﻮﻳﻪ ﻛﺎﻡ ﻳﺤﺠﻲ ﻋﻠﻴﻪ ﻛﺘﻠﻬﻢ ﻟﺤﺪ ﻳﺪﺧﻞ ﻟﻮ ﺍﻃﻠﻜﻬﺎ ﻫﺴﻪ ﺍﻟﻜﻞ ﺳﻜﺖ ﺍﻧﻄﺖ ﺍﺑﻨﻬﺎ ﻻﻣﻲ ﻭﺭﺍﺣﺖ ﺟﻬﺰﺕ ﺍﻟﻌﺸﻪ ﺑﻬﺎﻻﺛﻨﺎﺀ ﺍﺟﻪ ﻣﺤﻤﺪ ﻭﺯﻭﺟﺘﻪ ﻃﺒﻌﺎ ﻣﺤﺪ ﺷﺎﻳﻔﻬﺎ ﻣﻦ ﺍﺧﻮﺗﻲ ﻻ ﻣﺤﻤﺪ ﻭﻻ ﺍﻣﻴﺮ ﺳﻠﻤﻮ ﻭﺍﺗﻔﺎﺟﺄﻭ ﺑﻴﻬﺎ ﻣﺤﻤﺪ ﻋﺮﻓﻬﺎ ﻉ ﻧﻔﺴﻪ ﻭﻛﻌﺪﻧﻪ ﻧﺘﻌﺸﻪ ﻫﻲ ﺭﻓﻀﺖ ﺗﺎﻛﻞ ﻛﺎﻟﺖ ﻣﺎﺍﺷﺘﻬﻲ ﻫﺴﻪ ﺍﺟﻪ ﺍﻣﻴﺮ ﻭﺟﺎﻥ ﻳﻨﺼﺪﻡ ﻫﻮ ﺍﻟﺜﺎﻧﻲ ﻣﺎﺍﻋﺮﻑ ﻣﺘﻔﺎﺟﺌﻴﻦ ﺑﺸﻜﻠﻬﺎ ﻟﻮ ﻻﻥ ﻧﺎﺯﻟﻪ ﺍﻟﻴﻮﻡ ﻣﻌﺮﻓﺖ ﺍﻟﺴﺒﺐ ﻫﻢ ﺍﻣﻴﺮ ﻋﺮﻓﻬﺎ ﺑﻨﻔﺴﻪ ﻭﻛﺎﻡ ﻳﻀﺤﻚ ﻭﻳﺴﻮﻟﻒ ﺍﻧﻲ ﺧﺰﺭﺗﻬﺎ ﺑﺴﺮﻋﻪ ﺍﺧﺬﺕ ﺍﺑﻨﻬﺎ ﻭﺻﻌﺪﺕ ﻛﺎﻣﻮﺍ ﻳﺤﺸﺸﻮﻥ ﻭﻳﺎﻳﻪ ﺍﺧﻮﺍﻧﻲ ﺍﻣﻴﺮ ﻛﻠﻲ ﻟﻚ ﺷﻨﻮ ﻫﺎﻱ ﻃﻠﻌﺖ ﻫﻢ ﺣﻠﻮﻩ ﻭﻫﻢ ﺯﻏﻴﺮﻩ ﻣﺤﻤﺪ ﻛﺎﻝ ﻟﻚ ﻟﻮ ﺍﺩﺭﻱ ﺑﻴﻬﺎ ﻫﻴﺞ ﺻﺎﻛﻪ ﺟﺎﻥ ﺍﻧﻲ ﺍﺗﺰﻭﺟﺘﻬﺎ ﻭﻻ ﺧﻠﻴﺘﻚ ﺍﻧﺖ ﺗﺘﺰﻭﺟﻬﺎ ﻭﺗﺸﻤﺮﻫﺎ ﻓﻮﻙ ﺣﻴﻞ ﻋﺼﺒﺖ ﻋﻠﻴﻬﻢ ﺍﺩﺭﻱ ﺑﻴﻬﻢ ﺣﺠﻮﺍ ﻫﻴﺞ ﺣﺘﻰ ﻳﻐﻴﻀﻮﻧﻲ ﻛﺘﻠﻬﻢ ﻣﻮ ﻣﻬﻢ ﺣﻠﻮﻩ ﻟﻮ ﻻ ﺍﻫﻢ ﺷﻲ ﺍﻻﺧﻼﻕ ﻭﻫﺎﻱ ﺍﺧﻼﻗﻬﺎ ﺍﺳﺘﻐﻔﺮ ﺍﻟﻠﻪ ﺧﻠﻮﻧﻲ ﺳﺎﻛﺖ ﻳﻤﻌﻮﺩﻳﻦ ﻟﻚ ﺷﺒﻴﻬﺎ ﻭﺍﻟﻠﻪ ﺍﻟﺒﻨﻴﻪ ﺛﻜﻴﻠﻪ ﻭﻫﺬﺍ ﻭﺍﺿﺢ ﻋﻠﻴﻬﺎ ﺍﻱ ﻃﺒﻌﺎ ﺗﺒﻴﻊ ﺛﻜﻞ ﻋﻠﻴﻨﻪ ﺣﺘﻰ ﺗﻜﺴﺒﻨﺎ ﻋﻠﻤﻮﻧﻲ ﺍﻧﻲ ﺑﻴﻬﺎ ﺭﺣﺖ ﻣﺮﻩ ﻟﻤﺮﻭﺍﻥ ﺍﻟﻠﻪ ﻳﺮﺣﻤﻪ ﻭﻟﻜﻴﺘﻬﺎ ﺍﺑﻴﺘﻪ ﻭﺍﻟﻠﻪ ﺣﺠﻪ ﻋﻠﻴﻬﺎ ﻛﺪﺍﻣﻲ ﻭﻛﺎﻝ ﻭﺍﻟﻠﻪ ﺍﺟﺘﻨﻲ ﺑﻨﻔﺴﻬﺎ ﻭﺍﺗﻮﺳﻠﺖ ﺑﻴﻪ ﺍﻛﻴﺪ ﻫﺎﻱ ﺍﻟﺴﺎﻟﻔﻪ ﺗﺎﻟﻴﻔﻚ ﻭﺩﺍﻋﺖ ﻧﻮﺭ ﻣﺠﺬﺑﺖ ﺳﻜﺘﻮ ﻛﻠﻬﻢ ﺳﺎﻟﺖ ﺍﻣﻲ ﻉ ﺑﻨﻴﻦ ﻛﺎﻟﺖ ﺯﻳﻨﻪ ﺻﺎﻳﺮﻩ ﻻﻥ ﻣﺘﺴﻤﻤﻪ ﻭﻣﺘﺨﺮﺑﻄﻪ ﺑﻌﺪ ﻳﻮﻣﻴﻦ ﻟﻠﺪﻭﺍﻡ ﺟﻬﺰﺕ ﻧﻮﺭ ﻟﻠﻤﺪﺭﺳﻪ ﻣﻦ ﻛﻠﺸﻲ ﺑﺪﻩ ﺍﻟﺪﻭﺍﻡ ﻭﺍﻧﻲ ﺍﺧﺬﺗﻬﺎ ﺑﻴﺪﻱ ﺩﺧﻠﺘﻬﺎ ﻟﻠﻤﺪﺭﺳﻪ ﻭﻭﺻﻴﺖ ﻋﻠﻴﻬﺎ ﺍﻟﻤﻌﻠﻤﺎﺕ ﻭﺍﻟﺮﺟﻌﻪ ﻫﻢ ﺍﺟﻴﺘﻬﺎ ﺷﻔﺘﻠﻬﺎ ﺧﻂ ﻳﺎﺧﺬﻫﺎ ﻭﻳﺠﻴﺒﻬﺎ ﺍﺣﺴﻦ ﺑﺪﺕ ﺍﻟﻤﺪﺭﺳﻪ ﻭﺟﺎﻧﺖ ﺯﻳﻨﺐ ﺣﻴﻞ ﻣﻌﺘﻨﻴﻪ ﺑﻴﻬﺎ بيج قصص عراقيه حقيقيه من واقعنا.روعه الطائي ﻫﺬﺍ ﺍﻟﺴﺒﺐ ﺍﻟﻲ ﺧﻼﻧﻲ ﻣﺎﺍﻃﻠﻜﻬﺎ ﻭﻫﻢ ﻧﻈﻮﺭﻱ ﺑﺪﻳﺖ ﺍﺣﺒﻪ ﻭﺍﺗﻌﻠﻖ ﺑﻲ ﻛﺎﻣﺖ ﺗﻨﺰﻝ ﺩﺍﺋﻤﺎ ﻭﺗﺠﻬﺰ ﻛﻮﻟﺸﻲ ﻣﺮﺍﺕ ﻧﺮﻭﺡ ﻟﻠﻤﻄﻌﻢ ﻛﻠﻨﻪ ﻫﻲ ﻣﺎﺍﺧﻠﻴﻬﺎ ﺗﺮﻭﺡ ﻻﻥ ﻣﺎﺍﻟﻲ ﺛﻘﻪ ﺑﻴﻬﺎ ﺍﻟﻤﺎﺳﻨﺠﺮ ﺍﺑﺪ ﻣﺘﺴﺘﻌﻤﻠﻪ ﻭﻻ ﺍﺟﺘﻲ ﺭﺳﺎﻟﻪ ﻣﻨﻪ ﺍﺑﺪ ﻣﺎﺍﺩﺭﻱ ﻫﻞ ﻳﺎﺗﺮﻯ ﺩﺭﺕ ﺑﻴﻪ ﻟﻮ ﻻ ﻣﺎﺍﻋﺮﻑ ﻳﺠﻮﺯ ﻟﻮﺗﻴﻪ ﻭﻣﻠﻌﺒﻪ ﻭﺣﺴﺖ ﺑﻴﻪ ﻓﺘﺤﺖ ﺻﻔﺤﺘﻬﺎ ﻋﻨﺪﻱ ﻧﻈﻮﺭﻱ ﻣﺨﺒﻠﻨﻪ ﻛﻠﻨﻪ ﺑﺴﻮﺍﻟﻔﻪ ﻭﺑﺪﻳﺖ ﺣﻴﻞ ﺍﺗﻌﻠﻘﺖ ﺑﻲ ﻭﻳﺼﻴﺤﻠﻲ ﺑﺎﺑﺎ ﺍﻧﻲ ﺍﺗﻮﻗﻌﺘﻬﺎ ﻫﻲ ﺍﻟﻲ ﺗﻌﻠﻤﻪ ﺑﺲ ﻃﻠﻊ ﺣﺘﻰ ﻟﻤﺤﻤﺪ ﻭﺍﻣﻴﺮ ﻳﺼﻴﺢ ﺑﺎﺑﺎ ﻛﺎﻡ ﻳﺰﺣﻒ ﺑﺲ ﻳﺸﻮﻓﻨﻲ ﻣﻦ ﺑﻌﻴﺪ ﻳﺠﻲ ﻳﺬﺏ ﻧﻔﺴﻪ ﻋﻠﻴﻪ ﻛﻤﺖ ﺍﺟﻴﺒﻠﻬﻢ ﺣﻠﻮﻳﺎﺕ ﺍﻟﻪ ﻭﻟﻨﻮﺭ ﻳﻮﻣﻴﻪ ﻃﺒﻌﺎ ﻣﻮ ﺩﺍﺋﻤﺎ ﺍﺷﻮﻓﻬﺎ ﻟﺰﻳﻨﺐ ﺑﺲ ﻣﻦ ﺍﺷﻮﻓﻬﺎ ﺣﻴﻞ ﺍﺣﻘﺪ ﻋﻠﻴﻬﺎ ﻭﺍﻛﺮﻫﺎ ﺍﺑﺪ ﻣﺘﻌﺠﺒﻨﻲ ﺍﻟﺒﻨﻴﻪ ﺍﻟﻲ ﻫﻴﺞ ﺗﺴﻮﻱ ﺗﺘﺰﻭﺝ ﺑﺎﻟﺴﺮ ﻭﺍﻛﻴﺪ ﻋﺪﻫﺎ ﻋﻼﻗﻪ ﻗﺒﻞ ﺑﺴﺎﻉ ﻻﻥ ﺍﻋﺮﻑ ﺑﻤﺮﻭﺍﻥ ﻭﺳﻮﺍﻟﻔﻪ ﺑﺲ ﺍﻟﻲ ﻣﺪﻭﺧﻨﻲ ﺷﻠﻮﻥ ﻗﺸﻤﺮﺗﻪ ﻟﻤﺮﻭﺍﻥ ﻭﻗﺒﻞ ﻳﺘﺰﻭﺟﻬﺎ ﻭﺧﺎﺻﺘﺎ ﺑﺎﻟﺴﺮ ﻻﻥ ﻟﻮ ﻛﺎﻳﻠﻨﻪ ﻣﺎﻋﺪﻧﻪ ﻣﺎﻧﻊ ﻭﻻ ﺍﻧﻌﺎﺭﺿﻪ ﺑﺲ ﺍﻛﻴﺪ ﻳﻌﺮﻑ ﺍﺧﻼﻗﻬﺎ ﺍﻟﺴﺴﺰ ﻭﺧﺎﻑ ﻧﻌﺎﺭﺿﻪ ﻧﻮﺭ ﻣﻮ ﻫﺎﻟﮕﺪ ﺍﺷﻮﻓﻬﺎ ﺩﺍﺋﻤﺎ ﺗﻘﺮﻱ ﺑﻴﻬﺎ ﺯﻳﻨﺐ ﺭﺣﺖ ﻟﻠﻤﺪﺭﺳﻪ ﻭﺳﺎﻟﺖ ﻋﻠﻴﻬﺎ ﻣﻌﻠﻤﺘﻬﺎ ﺍﺟﺘﻨﻲ ﮔﺎﻟﺖ ﺍﺷﻄﺮ ﻭﺣﺪﻩ ﻭﺍﻧﻈﻒ ﻭﺍﺭﺗﺐ ﻭﺣﺪﻩ ﻫﻲ ﺣﻴﻞ ﻓﺮﺣﺖ ﻭﺍﻛﻴﺪ ﻳﺮﺟﻊ ﺍﻟﻔﻀﻞ ﻟﺰﻳﻨﺐ ﺭﺟﻌﺖ ﺑﻴﻮﻣﻬﺎ ﺣﻴﻞ ﻓﺮﺣﺎﻥ ﺍﻧﻲ ﺟﻨﺖ ﺷﺎﻳﻞ ﻫﻢ ﺟﺒﻴﺮ ﻟﻨﻮﺭ ﻻﻥ ﺑﺪﻭﻥ ﺍﻡ ﻭﻣﺴﺘﺤﻴﻞ ﺍﻛﻮ ﺷﻲ ﻳﻌﻮﺽ ﺍﻻﻡ ﻭﺣﻨﺎﻧﻪ ﺻﺤﻴﺢ ﺍﻣﻲ ﻭﻓﺎﻃﻤﻪ ﻣﻤﻘﺼﺮﺍﺕ ﺑﺲ ﻣﻮ ﻣﺜﻞ ﻫﺴﻪ ﻭﺍﻟﻔﺮﺣﻨﻲ ﺣﻴﻞ ﻣﺘﻌﻠﻘﻪ ﺑﻴﻬﺎ ﻭﺗﺼﻴﺤﻠﻬﺎ ﻣﺎﻣﺎ ﻟﻮ ﻣﺎ ﻫﺬﺍ ﺍﻟﺸﻲ ﺟﺎﻥ ﻃﻠﻜﺘﻬﺎ ﻭﺧﻠﺼﺖ ﻣﻨﻬﺎ ﺭﺟﻌﺖ ﻭﻟﻜﻴﺖ ﺍﺧﻮﺍﺗﻲ ﺑﻨﻴﻦ ﻭﺳﺎﺭﻩ ﻛﻠﻤﻦ ﻫﻲ ﻭﺯﻭﺟﻬﺎ ﻭﺍﻃﻔﺎﻟﻬﺎ ﺩﺧﻠﺖ ﻳﻤﻬﻢ ﻭﺳﻠﻤﺖ ﺑﻌﺪﻫﺎ ﺭﺣﺖ ﻟﻠﺒﻴﺖ ﻭﺳﺒﺤﺖ ﻭﺑﺪﻟﺖ ﺍﺟﻴﺖ ﺩﺧﻠﺖ ﻟﻠﻤﻄﺒﺦ ﻃﺒﻌﺎ ﺍﻟﻜﻞ ﻋﺮﻓﻨﻲ ﻣﺘﺰﻭﺝ ﺑﺲ ﺑﺪﻭﻥ ﻫﻮﺳﻪ ﻻﻥ ﺯﻭﺍﺟﻲ ﺍﻟﺜﺎﻧﻲ ﻃﻠﺒﻨﺎ ﻣﻦ ﺍﻟﻜﻮﻝ ﺍﻟﺴﺮﻳﻪ ﺍﻟﺘﺎﻣﻪ ﻣﺤﺪ ﻳﻌﺮﻑ ﺑﺎﻟﻤﻮﺿﻮﻉ ﺑﺲ ﺍﺧﻮﺍﺗﻲ ﻭﺍﺣﻨﻪ ﻭﺯﻭﺟﺔ ﻣﺤﻤﺪ ﺭﺳﻞ ﻻﻥ ﺍﻟﺒﻨﻴﻪ ﺣﺒﺎﺑﻪ ﻭﻣﺜﻘﻔﻪ بيج قصص عراقيه حقيقيه من واقعنا.روعه الطائي ﺍﻛﺪﻧﻪ ﻉ ﺍﺧﻮﺍﺗﻲ ﻣﺤﺪ ﺗﺤﺠﻲ ﺑﺎﻟﻤﻮﺿﻮﻉ ﺍﺑﺪ ﺩﺧﻠﺖ ﻟﻠﻤﻄﺒﺦ ﻭﻟﻜﻴﺘﻬﺎ ﺯﻳﻨﺐ ﺗﺠﻬﺰ ﺑﺎﻻﻛﻞ ﻭﺍﻟﺒﻨﺎﺕ ﻭﻳﺎﻫﺎ ﻛﺘﻠﻬﻢ ﺍﺟﻴﺒﻠﻜﻢ ﺷﻲ ﻣﻦ ﺑﺮﻩ ﺧﺎﻑ ﻣﻴﻜﻔﻲ ﻛﺎﻟﻦ ﻣﺎﻛﻮ ﺩﺍﻋﻲ ﺯﻳﻨﺐ ﻣﺠﻬﺰﻩ ﻛﻠﺸﻲ ﺑﺪﻥ ﻳﺼﺒﻦ ﺑﺎﻻﻛﻞ ﻛﺘﻠﻬﺎ ﻟﺰﻳﻨﺐ ﺍﻳﺎﻟﺞ ﻭﺍﺑﺎﻟﺞ ﺍﺣﺪ ﻳﻠﻤﺢ ﻃﻮﻟﺞ ﺍﺩﻓﻨﺞ ﻋﺪﻟﻪ ﻭﺍﻟﻠﻪ ﺗﺨﻠﺼﻴﻦ ﺷﻐﻠﺞ ﻭﺗﺎﺧﺬﻳﻦ ﺍﺑﻨﺞ ﻭﺗﺼﻌﺪﻳﻦ ﻫﺰﺕ ﺭﺍﺳﻬﺎ ﺑﻤﻌﻨﻰ ﺍﻱ ﻓﻌﻼ ﻉ ﻣﺎ ﻛﻤﻠﻨﻪ ﺍﻟﻐﺪﻩ ﻟﻜﻴﻨﺎﻫﺎ ﻣﺠﻬﺰﻩ ﺍﻟﺠﺎﻱ ﻭﺻﺎﻋﺪﻩ ﻃﺒﻌﺎ ﻃﺒﺨﻬﺎ ﻣﻮﻃﺒﻴﻌﻲ ﺣﻴﻞ ﻃﻴﺐ ﻭﺍﻟﻜﻮﻝ ﻣﺪﺡ ﺑﻴﻬﺎ ﺗﻌﺠﺒﻨﻲ ﺍﻟﻤﺮﻩ ﺍﻟﻤﻄﻴﻌﻪ ﻫﻴﺞ ﺟﺎﻧﺖ ﺯﻭﺟﺘﻲ ﺍﻟﺴﺎﺑﻘﻪ ﺗﻌﺎﻧﺪ ﻋﻨﺎﺩ ﻣﻮ ﻃﺒﻴﻌﻲ ﻭﺍﻱ ﺷﻲ ﺍﻃﻠﺒﻪ ﻣﻨﻬﺎ ﺗﺴﻮﻱ ﺍﻟﻌﻜﺲ ﺷﺮﺑﻨﻪ ﺍﻟﺠﺎﻱ ﻭﺍﺗﺮﺧﺼﻮﺍ ﻣﻦ ﻋﺪﻧﻪ ﺍﻟﻮﻟﺪ ﻭﺭﺍﺣﻮ ﺑﺲ ﺍﻟﺒﻨﺎﺕ ﺭﺍﺡ ﻳﺒﻘﻦ ﻳﺒﺎﺗﻦ ﻻﻥ ﺑﺎﺟﺮ ﺟﻤﻌﻪ ﺩﺯﻳﺘﻠﻬﺎ ﻣﺴﺞ ﺍﻧﺰﻟﻲ ﺍﻏﺴﻠﻲ ﺍﻟﻤﻮﺍﻋﻴﻦ ﻧﺰﻟﺖ ﻭﺑﻴﺪﻫﺎ ﻧﻈﻮﺭﻱ ﺍﺟﻪ ﻳﺮﻛﺾ ﻋﻠﻴﻪ ﻭﻳﺼﻴﺤﻠﻲ ﺑﺎﺑﺎ ﺑﺎﺑﺎ ﺭﺍﺣﺖ ﻫﻲ ﻟﻠﻤﻄﺒﺦ ﻭﺑﻘﻪ ﻳﻤﻨﻪ ﻭﺍﻟﺒﻨﺎﺕ ﻳﺒﻮﺳﻦ ﺑﻲ ﻃﺒﻌﺎ ﺳﺎﺭﻩ ﻣﺘﺰﻭﺟﻪ ﺑﻐﻴﺮ ﻣﺤﺎﻓﻈﻪ ﺑﺲ ﺑﻨﻴﻦ ﻫﻨﺎ ﺳﺎﺭﻩ ﺟﺎﻳﺒﻪ ﻫﺪﺍﻳﺎ ﻟﻠﻜﻞ ﻻﻥ ﺟﺎﻧﺖ ﻣﺴﺎﻓﺮﻩ ﺟﺎﻳﺒﻪ ﻣﻼﺑﺲ ﺍﻛﺜﺮ ﺷﻲ ﻟﻨﻈﻮﺭﻱ ﻭﻫﺎﻱ ﻧﻮﺭ ﺗﺒﺠﻲ ﺷﻨﻮ ﺍﻧﻲ ﻣﺠﺎﻳﺒﺘﻠﻲ ﻫﻮﺍﻱ ﻛﺎﻟﺘﻠﻬﺎ ﺍﻟﻌﺼﺮ ﺍﺧﺬﺝ ﻟﻠﻤﻮﻻﺕ ﺷﻨﻮ ﺍﻟﺘﺮﺩﻱ ﺍﺟﻴﺒﻪ ﺍﻟﺞ ﻃﺒﻌﺎ ﻛﻞ ﺍﺧﻮﺍﺗﻲ ﺫﺑﻨﻪ ﻟﻼﺳﻮﺩ ﺑﺲ ﻣﺎﻣﺎ ﺑﻘﺖ ﻻﺑﺴﺘﻪ ﻭﺍﻟﺜﺎﺭ ﺍﻧﺘﺒﺎﻫﻲ ﺯﻳﻨﺐ ﻫﻤﻴﻦ ﻻﺑﺴﺘﻪ ﻣﺎﻧﺰﻋﺘﻪ ﻋﺠﻴﺐ ﺍﻣﺮﻫﺎ ﻣﻌﻘﻮﻟﻪ ﺗﺤﺒﻪ ﻟﻤﺮﻭﺍﻥ ﻟﻬﺎﻱ ﺍﻟﺪﺭﺟﻪ ﺑﻌﺪﻳﻦ ﺍﺗﺬﻛﺮﺕ ﻣﻦ ﺷﻔﺘﻬﺎ ﻭﻱ ﻣﺮﻭﺍﻥ ﺍﺑﻴﺘﻪ ﻫﻢ ﺟﺎﻧﺖ ﻻﺑﺴﻪ ﺍﺳﻮﺩ ﻣﺎﺍﻋﺮﻑ ﺍﻧﻲ ﻣﺘﻮﻫﻢ ﻟﻮ ﻻ ﻛﻠﺖ ﺍﺭﻳﺪ ﺍﻃﻠﺐ ﻣﻨﻬﺎ ﺗﺬﺑﻪ ﻟﻼﺳﻮﺩ ﺧﻞ ﺍﺷﻮﻓﻬﺎ ﺗﻌﺎﺭﺿﻨﻲ ﻟﻮ ﻻ ﻛﻤﻠﺖ ﺷﻐﻠﻬﺎ ﻭﺍﺟﺘﻲ ﺭﺍﺩﺕ ﺗﺎﺧﺬ ﻧﻈﻮﺭﻱ ﻛﺎﻟﺖ ﻧﻌﺴﺎﻥ ﺧﻠﻲ ﺍﻧﻴﻤﻪ ﺍﻟﻜﻞ ﻛﺎﻋﺪ ﺍﻣﻴﺮ ﻭﻣﺤﻤﺪ ﻭﺍﺑﻮﻳﻪ ﻭﻣﺎﻣﺎ ﻭﺍﺧﻮﺍﺗﻲ ﻛﺘﻠﻬﺎ ﻣﻨﺎ ﻟﻠﻴﻞ ﻻﺯﻡ ﺗﺬﺑﻴﻨﻪ ﻟﻼﺳﻮﺩ ﻣﻤﻨﻮﻉ ﺗﺒﻘﻴﻦ ﺑﻲ ﺳﻜﺘﺖ ﻣﺤﺠﺖ ﺷﻲ ﻃﺒﻌﺎ ﻟﺤﺪ ﺍﻻﻥ ﻣﻤﺨﻠﻴﻪ ﻋﻴﻨﻬﺎ ﺑﻌﻴﻨﻲ ﺍﺑﺪ ﻭﺣﺘﻰ ﻛﻼﻣﻬﺎ ﺣﻴﻞ ﺣﻴﻞ ﻗﻠﻴﻞ ﻛﻠﺘﻠﻲ ﺍﻣﻲ ﺧﻠﻲ ﺗﺮﻭﺡ ﻭﻱ ﺍﻟﺒﻨﺎﺕ ﻟﻠﻤﻮﻝ بيج قصص عراقيه حقيقيه من واقعنا.روعه الطائي ﺣﺘﻰ ﺗﺸﺘﺮﻱ ﻣﻼﺑﺲ ﺍﻟﻮﺍﻥ ﻻﻥ ﻣﺎﻋﺪﻫﺎ ﺍﻱ ﺷﻲ ﺍﻟﻮﺍﻥ ﻛﻠﻬﻦ ﺍﺳﻮﺩ ﻣﻦ ﺍﺟﺖ ﻣﻦ ﺍﻫﻠﻬﺎ ﻣﻼﺑﺴﻬﺎ ﻛﻠﻬﻦ ﺳﻮﺩ ﻛﺘﻠﻬﻦ ﻣﺎﻛﻮ ﻃﻠﻌﻪ ﻋﻮﻓﻨﻬﺎ ﻭﺍﻧﺘﻦ ﺟﻴﺒﻠﻬﺎ ﻭﻳﺎﺟﻦ ﻛﺎﻣﺖ ﺗﺤﺠﻲ ﻋﻠﻴﻪ ﺳﺎﺭﻩ ﻛﺎﻟﺖ ﻫﺎﻱ ﺍﻧﺖ ﺑﻴﺎ ﺯﻣﻦ ﻋﺎﻳﺶ ﻫﻢ ﻣﻠﺒﺴﻬﺎ ﻋﺒﺎﻳﻪ ﻭﻫﻢ ﺑﻮﺷﻴﻪ ﻭﻫﻢ ﻣﺘﺨﻠﻴﻬﺎ ﺗﻄﻠﻊ ﻫﺎﻱ ﺍﻧﺖ ﺷﻨﻮ ﻭﺍﻟﻠﻪ ﻟﻮ ﺍﻧﻲ ﻣﻨﻬﺎ ﻟﺤﻀﻪ ﻭﺣﺪﻩ ﻣﺎﺍﺑﻘﻪ ﻭﻳﺎﻙ ﻛﺘﻠﻬﺎ ﺳﺎﺭﻩ ﺣﻴﺮﻱ ﺑﻨﻔﺴﺞ ﻭﺍﺳﻜﺘﻲ ﻣﺎﺍﺧﻠﻴﻬﺎ ﺗﻄﻠﻊ ﻭﺧﻼﺹ ﻛﺎﻝ ﻣﺤﻤﺪ ﻟﺘﺼﻴﺮ ﻣﻌﻘﺪ ﺧﻄﻴﻪ ﺍﻟﺒﻨﻴﻪ ﻣﻦ ﻳﻮﻡ ﺍﻟﻲ ﺍﺟﺘﻲ ﻟﺒﻴﺘﻨﻪ ﻟﻠﻴﻮﻡ ﻣﺎﻃﻠﻌﺖ ﻣﻦ ﺍﻟﺒﺎﺏ ﻳﻌﻨﻲ ﺷﻨﻮ ﻭﺍﺫﺍ ﺗﺰﻭﺟﺖ ﺑﺎﻟﺴﺮ ﻣﻌﻨﺎﻫﺎ ﺗﻨﺤﺒﺲ ﺑﺎﻟﺒﻴﺖ ﻭﻧﺤﺎﺭﺑﻬﺎ ﻣﻴﺼﻴﺮ ﻫﻴﺞ ﻛﺘﻠﻬﻢ ﺭﺟﺎﺀﺁ ﻟﺤﺪ ﻳﺪﺧﻞ ﺑﻴﻨﻪ ﻫﻲ ﺯﻭﺟﺘﻲ ﻭﺍﻧﻲ ﺣﺮ ﺷﺎﺳﻮﻱ ﺍﺳﻮﻱ ﻭﻟﺘﻨﺴﻮﻥ ﺍﻻﺗﻔﺎﻕ ﺍﻟﻲ ﺍﺗﻔﻘﻨﺎ ﻗﺒﻞ ﻻ ﺍﺗﺰﻭﺟﻬﺎ ﻛﺎﻝ ﺍﺑﻮﻳﻪ ﻭﻳﻨﻬﺎ ﺯﻭﺟﺘﻚ ﺍﺷﻮ ﺑﺲ ﺑﺎﻟﻮﺭﻗﻪ ﺍﺷﻮ ﺍﻧﺖ ﺑﺼﻔﺤﻪ ﻭﻫﻲ ﺑﺼﻔﺤﻪ ﻣﻮ ﻣﻬﻢ ﺍﻫﻢ ﺷﻲ ﺣﺎﻣﻠﻪ ﺍﺳﻤﻲ ﻭﻫﺬﺍ ﻳﻜﻔﻲ ﻛﺎﻟﺖ ﺑﻨﻴﻦ ﻓﺪﻭﻩ ﺣﺪﻭﺭﻱ ﻟﺨﺎﻃﺮﻧﻪ ﺧﻠﻴﻨﻪ ﻧﺎﺧﺬﻫﺎ ﻭﻳﺎﻧﻪ ﺧﻄﻴﻪ ﻫﻢ ﻣﻦ ﺣﻘﻬﺎ ﺗﺨﺘﺎﺭ ﺷﻲ ﻟﻨﻔﺴﻬﺎ ﻭﺭﺍﺡ ﻧﺘﻌﺸﻪ ﺑﺎﻟﻤﻄﻌﻢ ﺧﻄﻴﻪ ﺗﺒﻘﻰ ﺑﻮﺣﺪﻫﺎ ﻛﻠﺖ ﻻ ﻳﻌﻨﻲ ﻻ ﻋﻔﺘﻬﻢ ﻭﺭﺣﺖ ﻟﺒﻴﺘﻲ ﺑﺲ ﻣﺴﻤﻌﺖ ﻣﻨﻬﺎ ﻭﻻ ﻧﻔﺲ ﻭﺍﺣﺪ ﻣﺨﻠﻴﻪ ﺍﺑﻨﻬﺎ ﺑﺤﻀﻨﻬﺎ ﻭﺳﺎﻛﺘﻪ ﺧﻠﻴﺘﻬﻢ ﻳﺤﺠﻮﻥ ﻋﻠﻴﻪ ﺑﺲ ﻣﻬﺘﻤﻴﺖ ﻧﻤﺖ ﻭﻛﻌﺪﺕ ﺭﺣﺖ ﻻﻫﻠﻲ ﻟﻜﻴﺖ ﺍﻟﻜﻮﻝ ﻣﺎﻛﻮ ﺍﻟﻈﺎﻫﺮ ﺭﺍﻳﺤﻴﻦ ﺍﺗﻤﺪﺩﺕ ﻉ ﺍﻟﻄﺨﻢ ﺑﺎﻟﺼﺎﻟﻪ ﻭﺍﺗﺼﻔﺢ ﺑﺎﻟﻔﻴﺲ ﺍﻟﺒﻴﺖ ﻫﺪﻭﺀ ﻣﻮ ﻃﺒﻴﻌﻲ ﻣﻌﻘﻮﻟﻪ ﻣﺎﺧﺬﻳﻬﺎ ﻭﻳﺎﻫﻢ ﻗﺴﻤﺎ ﺑﺎﻟﻠﻪ ﺍﻟﻌﻀﻴﻢ ﺍﺫﺍ ﺭﺍﻳﺤﻪ ﺭﺍﺡ ﺗﻜﻮﻥ ﻧﻬﺎﻳﺘﻬﺎ ﻉ ﺍﻳﺪﻱ ﺩﺯﻳﺘﻠﻬﺎ ﻣﺴﺞ ﻭﻳﻦ ﺍﻧﺘﻲ ﺩﺯﺗﻠﻲ ﺑﺎﻟﻐﺮﻓﻪ ﻛﺎﻋﺪ ﺍﺻﻠﻲ ﺭﺍﻳﺪ ﺷﻲ ﻣﺎﺍﻋﺮﻑ ﺷﺎﻛﻮﻟﻬﺎ ﻛﺘﻠﻬﺎ ﺟﻮﻋﺎﻥ ﻛﻤﻠﻲ ﺻﻼﺗﺞ ﻭﺍﻧﺰﻟﻲ ﺳﻮﻳﻠﻲ ﻋﺸﻪ ﻓﻌﻼ ﻭﺭﻩ ﺩﻗﺎﻳﻖ ﻧﺰﻟﺖ ﺑﺲ ﻣﺤﺘﺸﻤﻪ ﺣﻴﻞ ﺍﻛﻴﺪ ﻻﻥ ﺍﻧﻲ ﻛﺘﻠﻬﺎ ﻭﺷﺮﻃﺖ ﻋﻠﻴﻬﺎ ﺷﺮﻭﻁ ﻣﺴﺘﺤﻴﻞ ﺗﺨﻠﻒ ﺑﺸﺮﻃﻬﺎ ﻛﻠﺘﻠﻲ ﺷﺘﺤﺐ ﺍﺳﻮﻳﻠﺞ ﺍﻱ ﺷﻲ ﻣﻮ ﻣﻬﻢ بيج قصص عراقيه حقيقيه من واقعنا.روعه الطائي ﻟﻌﺪ ﻧﻈﻮﺭﻱ ﻭﻳﻦ ﻧﺎﻳﻢ ﻓﻮﻙ ﺭﺍﺡ ﺍﺻﻌﺪ ﻳﻤﻪ ﻣﻦ ﺗﻜﻤﻠﻴﻦ ﺩﺯﻳﻠﻲ ﻣﺴﺞ ﺣﺒﻴﺖ ﺍﺷﻮﻑ ﻏﺮﻓﺘﻬﺎ ﺍﻟﻔﻀﻮﻝ ﺩﻓﻌﻨﻲ ﺍﺻﻌﺪ ﻓﻮﻙ ﺩﺧﻠﺖ ﻭﻟﻜﻴﺘﻬﺎ ﺍﻟﻐﺮﻓﻪ ﺗﺨﺒﻞ ﻧﻈﻴﻔﻪ ﻭﻣﺮﺗﺒﻪ ﺍﻫﻠﻲ ﻓﺎﺗﺤﻴﻦ ﻓﺘﺤﻪ ﺑﻴﻦ ﻏﺮﻓﺘﻬﺎ ﻭﻏﺮﻓﺔ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﺍﻟﻘﺪﻳﻤﻪ ﻣﺮﺗﺒﺘﻬﻦ ﺍﺛﻨﻴﻨﻬﻦ ﻭﺣﺪﻩ ﻏﺮﻓﻪ ﺗﺮﻛﻴﻪ ﺍﻟﻬﺎ ﻭﺍﻟﺜﺎﻧﻴﻪ ﺑﻴﻬﺎ ﺳﺮﻳﺮﻳﻦ ﻭﺍﺣﺪ ﺑﻨﺎﺗﻲ ﻟﻨﻮﺭ ﻭﺍﻟﺜﺎﻧﻲ ﻭﻻﺩﻱ ﻟﻨﻀﻮﺭﻱ ﻭﺑﻲ ﻛﺮﻳﻜﻮﺕ ﻣﻨﻴﻤﺘﻪ ﺑﻲ ﻭﺑﻴﻬﺎ ﺍﻟﻐﺮﻓﻪ ﻛﻨﺘﻮﺭﻳﻦ ﻫﻢ ﺑﻨﺎﺗﻲ ﻭ ﻭﻻﺩﻱ ﻓﺘﺤﺖ ﺍﻟﻜﻨﺎﺗﻴﺮ ﻭﺟﺎﻥ ﺍﻧﺼﺪﻡ ﺑﺎﻟﺘﺮﺗﻴﺐ ﻭﺍﻟﻨﺰﺍﻛﻪ ﻟﺤﺪ ﻫﺎﻱ ﺍﻟﻠﺤﻀﻪ ﻣﺸﻔﺖ ﻛﻨﺘﻮﺭ ﻧﻮﺭ ﻫﻴﺞ ﻣﺮﺗﺐ ﺟﺎﻥ ﺩﺍﺋﻤﺎ ﻓﻮﺿﻰ ﻭﺍﻧﻲ ﺍﺗﺨﺒﻞ ﻭﺍﺣﺠﻲ ﻉ ﺍﻟﻜﻞ ﻳﺘﺮﺗﺐ ﻳﻮﻡ ﻳﻮﻣﻴﻦ ﻭﺑﻌﺪﻫﺎ ﻳﺮﺟﻊ ﻧﻔﺲ ﺍﻻﻭﻝ ﻧﻈﻮﺭﻱ ﻧﺎﻳﻢ ﺟﻨﻪ ﻣﻼﻙ ﻃﺎﻟﻊ ﻳﺨﺒﺶ ﻭﺣﻴﻞ ﺣﺒﻴﻨﺎ ﻛﻠﻨﻪ ﻭﺍﺗﻌﻠﻘﻨﻪ ﺑﻲ ﻟﺤﻀﺎﺕ ﻭﻛﻌﺪ ﺑﺎﻭﻋﻠﻲ ﻭﻛﺎﻡ ﻳﻀﺤﻚ ﺷﻠﺘﻪ ﻭﺧﻠﻴﺘﻪ ﻉ ﺍﻟﻔﺮﺍﺵ ﻣﺎﻟﺖ ﻧﻮﺭﻩ ﻳﻀﺤﻚ ﺣﺴﻴﺖ ﺑﻲ ﻓﺮﺣﺎﻥ ﻛﻠﺖ ﺷﻨﻮ ﺫﻧﺒﻪ ﺧﻄﻴﻪ ﻫﺬﺍ ﺍﻟﻄﻔﻞ ﻣﻦ ﻭﺭﻩ ﻧﺰﻭﺓ ﺍﻻﻡ ﻭﺷﻬﻮﺍﺗﻬﺎ ﻳﺪﻓﻊ ﺍﻟﺜﻤﻦ ﻏﺎﻟﻲ ﻃﺒﻌﺎ ﻫﻮﺍﻱ ﺗﺠﻴﻨﻪ ﺣﺎﻻﺕ ﺩﻣﺎﺭ ﺍﻻﻡ ﺗﺠﻴﺐ ﺍﻟﻄﻔﻞ ﻭﺗﺬﺑﻪ ﺑﺎﻟﺰﺑﻞ ﺍﻱ ﻟﻮﻳﺶ ﻫﺎﻻﻧﺎﻧﻴﻪ ﻟﻮ ﻣﻦ ﺍﻟﺒﺪﺍﻳﻪ ﺗﺠﻬﻀﻲ ﻟﻠﻄﻔﻞ ﺍﺣﺴﻦ ﺍﻟﺞ ﺑﻬﻮﺍﻱ ﻛﺎﻋﺪ ﺍﻓﻜﺮ ﻭﺍﻧﺪﻛﺖ ﺍﻟﺒﺎﺏ ﺍﺗﻔﺎﺟﺎﺕ ﻣﻨﻮ ﻭﻫﻮ ﺍﺻﻼ ﻣﺎﻛﻮ ﺍﺣﺪ ﺷﻠﺘﻪ ﻟﻨﻈﻮﺭﻱ ﻭﻓﺘﺤﺖ ﺍﻟﺒﺎﺏ ﺟﺎﻥ ﺗﻄﻠﻊ ﻫﻲ ﻛﺎﻟﺖ ﻳﻠﻪ ﺟﻬﺰ ﺍﻻﻛﻞ ﻛﺘﻠﻪ ﻭﻟﻮﻳﺶ ﻣﺪﺯﻳﺘﻲ ﺭﺳﺎﻟﻪ ﻣﻮ ﺟﻬﺎﺯﻱ ﻫﻨﺎ ﻋﺠﻴﺐ ﺍﻣﺮﻫﺎ ﻣﺪﺧﻠﺖ ﻛﺒﻞ ﺍﻧﺘﻈﺮﺗﻨﻲ ﻟﻤﻦ ﻓﺘﺤﺖ ﺍﻟﺒﺎﺏ ﻧﺰﻟﺖ ﻭﺑﻴﺪﻱ ﻧﻈﻮﺭﻱ ﻟﻜﻴﺘﻬﺎ ﻣﺴﻮﻳﻪ ﻛﺒﺎﺏ ﻭﻓﻨﻜﺮ ﻭﺯﻻﻃﻪ ﺍﻧﻲ ﺍﺣﺐ ﺍﻟﻜﺒﺎﺏ ﻭﻳﺎ ﻃﻤﺎﻃﺎ ﻭﺑﻴﻬﺎ ﺩﻫﻦ ﻫﻮﺍﻱ ﻛﺘﻠﻪ ﺳﻮﻳﻠﻲ ﻃﻤﺎﻃﺎ ﻭﻛﺜﺮﻱ ﺩﻫﻦ ﺧﻠﻲ ﺯﻳﺖ ﺍﻟﺰﻳﺘﻮﻥ ﻓﻌﻼ ﺳﻮﺗﻠﻲ ﻭﺧﻠﺘﻪ ﻛﺪﺍﻣﻲ ﺭﺍﺩﺕ ﺗﺎﺧﺬ ﻧﻈﻮﺭﻱ ﻛﺘﻠﻬﺎ ﻋﻮﻓﻲ ﺍﻭﻛﻠﻪ ﻭﻳﺎﻳﻪ ﻛﺎﻟﺖ ﻻ ﻣﻮ ﺯﻳﻦ ﻋﻠﻲ بيج قصص عراقيه حقيقيه من واقعنا.روعه الطائي ﻣﺴﻮﻳﺘﻠﻪ ﺷﻮﺭﺑﻪ ﺍﻧﻄﻴﺘﻬﻴﺎ ﻛﻌﺪﺕ ﻉ ﺻﻔﺤﻪ ﺑﺎﻟﻤﻄﺒﺦ ﺑﺎﻟﻜﺎﻉ ﻭﺑﺪﺕ ﺗﻮﻛﻞ ﺑﻲ ﺯﻳﻨﺐ : ﺍﺻﻌﺐ ﻣﻮﻗﻒ ﻳﻤﺮ ﺑﻴﻪ ﻣﻦ ﺷﺎﻑ ﻭﺟﻬﻲ ﻋﺮﻓﻨﻲ ﺍﻛﻴﺪ ﻭﺣﻘﻪ ﻳﺎﺧﺬ ﻧﻀﺮﻩ ﻣﻮ ﺣﻠﻮﻩ ﻋﻠﻴﻪ ﻣﻦ ﻭﺭﻩ ﻣﺮﻭﺍﻥ ﺍﻟﻠﻪ ﻳﺴﺎﻣﺤﻪ ﻟﻌﺐ ﺟﻮﻟﻪ ﺑﻴﻪ ﻛﺪﺍﻣﻪ ﻋﺼﺐ ﻭﺣﺠﻪ ﺍﻧﻲ ﺳﻜﺘﺖ ﺑﺲ ﺑﻌﺪ ﻣﺎﺍﻋﺮﻑ ﺣﺘﻰ ﺍﻣﺸﻲ ﻛﻤﺖ ﺍﻣﺸﻲ ﻭﺍﺗﻌﺜﺮ ﻛﻮﻩ ﻭﺻﻠﻨﻪ ﻟﻠﺒﻴﺖ ﻭﺟﻨﺖ ﺣﻴﻞ ﺧﺎﻳﻔﻪ ﻣﻦ ﺭﺩﺓ ﻓﻌﻠﻪ ﺑﻌﺪﻫﺎ ﻃﻠﺐ ﻣﻨﻲ ﺍﻧﺰﻝ ﻭﺟﻨﺖ ﺣﻴﻞ ﺧﺎﻳﻔﻪ ﻟﺒﺴﺖ ﻋﺒﺎﺗﻲ ﺍﺧﺎﻑ ﻳﻌﺼﺐ ﻋﻠﻴﻪ ﻛﺎﻡ ﻳﺤﺠﻲ ﻭﻳﻜﻮﻟﻲ ﺍﻧﺰﻋﻴﻬﺎ ﻭﻣﻨﺎ ﻭﺭﺍﻳﺢ ﺗﻨﺰﻟﻴﻦ ﻣﺘﺒﻘﻴﻦ ﻓﻮﻙ ﺑﺲ ﺗﺎﻛﻠﻴﻦ ﻭﺗﻨﺎﻣﻴﻦ ﺟﻨﺖ ﺣﻴﻞ ﻣﺘﻮﺗﺮﻩ ﻭﺧﺎﻳﻔﻪ ﻻﻥ ﻣﻤﺘﻌﻮﺩﻩ ﻉ ﻫﻴﺞ ﺍﺟﻮﺍﺀ ﺷﻠﻮﻥ ﺭﺍﺡ ﺍﺗﻜﻴﻒ ﻭﻳﺎﻫﻢ ﻣﺎﺍﻋﺮﻑ ﺍﺗﻌﺮﻓﺖ ﻉ ﺣﻤﺎﻳﻪ ﺍﻟﺠﺒﻴﺮ ﻭﺟﺎﻥ ﺩﻛﺘﻮﺭ ﻭﻣﺜﻘﻒ ﻭﺣﺒﺎﺏ ﺑﺸﻜﻞ ﻭﺑﻌﺪﻫﺎ ﺍﻟﺼﻐﻴﺮ ﺍﻣﻴﺮ ﻭﻫﻢ ﺩﻛﺘﻮﺭ ﺑﺲ ﺑﻌﺪﻩ ﻃﺎﻟﺐ ﻣﻘﺒﻠﺖ ﺍﻛﻞ ﻭﻳﺎﻫﻢ ﻻﻥ ﺍﺳﺘﺤﻲ ﻣﻨﻬﻢ ﻫﻮ ﺍﺻﻼ ﺍﻧﻲ ﺭﻏﻢ ﻣﺎﺍﺭﺿﻊ ﺑﺲ ﺍﻛﻠﻲ ﻛﻠﺶ ﻗﻠﻴﻞ ﻋﻤﻮ ﺧﻄﻴﻪ ﻫﻮ ﻭﺧﺎﻟﻪ ﺑﻴﻮﻡ ﺍﻟﻲ ﻳﺴﺘﻠﻤﻮﻥ ﺭﺍﺗﺒﻬﻢ ﻳﺠﻮﻧﻲ ﻟﻠﻐﺮﻓﻪ ﻭﻳﻨﻄﻮﻧﻲ ﻣﺼﺮﻑ ﺍﻧﻲ ﺍﺭﻓﺾ ﺑﺲ ﻫﻢ ﻳﺼﻤﻤﻮﻥ ﻣﻴﻘﺒﻠﻮﻥ ﺍﺑﺪ ﻋﻤﻮ ﻛﻠﻲ ﺍﻧﺖ ﺣﺮﻩ ﺑﻴﻬﻦ ﻭﻳﻦ ﻣﺘﻮﺩﻳﻬﻦ ﻭﺩﻳﻬﻦ ﻣﺎﻋﻠﻴﻨﻪ ﺑﻴﺞ ﻋﺮﻓﺖ ﻗﺼﺪﻩ ﺑﻤﻌﻨﻰ ﺩﺯﻳﻬﻦ ﻻﻫﻠﺞ ﺑﺲ ﺍﻧﻲ ﻣﺎﺍﻛﺪﺭ ﺍﺩﺯﻫﻦ ﻻﻫﻠﻲ ﺍﺧﺎﻑ ﺑﻌﺪ ﺷﻜﻢ ﻳﻮﻡ ﻳﻄﻠﻌﻮﻥ ﺍﻫﻠﻲ ﻋﺎﻳﺸﻴﻦ ﻋﻠﻴﻬﻢ ﻛﺎﻣﻮ ﻳﺪﺯﻭﻥ ﺣﻠﻮﻳﺎﺕ ﻟﻨﻮﺭ ﻭﻟﻨﻈﻮﺭﻱ ﻳﺠﻴﺒﻮﻥ ﻛﻤﻴﻪ ﺟﺒﻴﺮﻩ ﺍﻧﻲ ﺍﺿﻤﻬﻦ ﻣﺎﺍﻧﻄﻴﻬﻢ ﻫﻮﺍﻱ ﺍﺧﺎﻑ ﻋﻠﻴﻬﻢ ﻃﺒﻌﺎ ﻧﻮﺭ ﺣﺒﻴﺘﻬﺎ ﻛﺎﻧﻬﺎ ﺑﻨﺘﻲ ﺍﻟﺤﻘﻴﻘﻴﻪ ﻭﻫﻲ ﻫﻢ ﺗﺤﺒﻨﻲ ﻭﺗﺤﺐ ﻧﻈﻮﺭﻱ ﻫﻮﺍﻱ ﺗﻌﺒﺖ ﻋﻠﻴﻬﺎ ﺑﺎﻟﻤﺪﺭﺳﻪ ﻭﺧﻠﻴﺖ ﺧﻄﻬﺎ ﻳﺨﺒﻞ ﺻﺎﺭ ﻭﺍﺷﻄﺮ ﻭﺣﺪﻩ ﻫﻲ ﻭﺟﻨﺖ ﺣﻴﻞ ﻓﺮﺣﺎﻧﻪ ﺍﻧﻲ ﻧﻮﺭ ﺣﺒﻴﺘﻬﺎ ﻭﻋﻮﺿﺘﻬﺎ ﻋﻦ ﺣﻨﺎﻥ ﺍﻻﻡ ﺍﻟﻲ ﻣﻔﺘﻘﺪﺗﺎ ﻣﻮ ﻗﺼﺪﻱ ﺍﺗﻘﺮﺏ ﻉ ﺍﺣﺪ ﻻ ﺑﺲ ﺍﻧﻲ ﺣﺒﻴﺘﻬﺎ ﻉ ﺍﻟﻔﻄﺮﻩ ﻭﺍﻟﻠﻪ ﻳﺸﻬﺪ ﺍﺗﻌﻮﺩﺕ ﻋﻠﻴﻬﻢ ﻛﻤﺖ ﺍﻧﺰﻝ ﺑﺎﻱ ﻭﻗﺖ ﺍﻧﻈﻒ ﻭﺍﻃﺒﺦ ﻃﺒﻌﺎ ﻓﺎﻃﻤﻪ ﻫﻮﺍﻱ ﺗﺴﺎﻋﺪﻧﻲ ﻭﺣﺘﻰ ﺧﺎﻟﻪ ﻭﺍﻧﻲ ﻣﻦ ﺍﻟﻨﻮﻉ ﺍﻟﻲ ﺍﺣﺐ ﺍﻟﻨﻈﺎﻓﻪ ﻭﺍﻟﺘﺮﺗﻴﺐ ﺍﺑﺪ ﻣﺎﺍﻋﺎﻧﻲ ﻣﻦ ﻫﺎﻱ ﺍﻟﺴﺎﻟﻔﻪ بيج قصص عراقيه حقيقيه من واقعنا.روعه الطائي ﻗﻠﻪ ﺍﻟﺘﻘﻲ ﺑﺎﺑﻮ ﻧﻮﺭ ﻭﻳﺎﺩﻭﺏ ﺍﺣﺠﻴﻠﻲ ﻛﻠﻤﻪ ﻻﻥ ﺣﻴﻞ ﺍﻧﺮﻋﺐ ﻣﻨﻪ ﻭﺍﻧﻲ ﻣﺘﺎﻛﺪﻩ ﻣﻴﻘﻞ ﻇﻠﻢ ﻋﻦ ﺍﺧﻮ ﺍﻟﻠﻪ ﻳﺮﺣﻤﻪ ﺩﺍﺋﻤﺎ ﺍﺗﺠﻨﺒﻪ ﻭﺍﻱ ﺷﻲ ﻳﻄﻠﺒﻪ ﻣﻨﻲ ﺍﻧﻔﺬﻩ ﺑﺪﻭﻥ ﻧﻘﺎﺵ ﻋﻨﺪﻱ ﺍﻣﻨﻴﻪ ﻭﺣﺪﻩ ﺑﺤﻴﺎﺗﻲ ﺍﺩﺍﻭﻡ ﺟﺎﻣﻌﻪ ﻭﺍﻛﻤﻞ ﺑﺲ ﻣﺴﺘﺤﻴﻞ ﻫﺬﺍ ﺍﻟﺸﻲ ﻳﺼﻴﺮ ﺍﻟﺴﻨﻪ ﺍﺧﺘﻲ ﺭﻧﺎ ﺳﺎﺩﺱ ﻭﺩﺍﺋﻤﺎ ﺍﺗﺼﻞ ﺑﻴﻬﺎ ﻭﺍﻛﻮﻟﻬﺎ ﻃﻠﻌﻲ ﻣﻌﺪﻝ ﻋﺎﻟﻲ ﻟﺨﺎﻃﺮ ﻣﺎﻣﺎ ﻭﺑﺎﺑﺎ ﺧﻄﻴﻪ ﻧﻌﻮﺿﻬﻢ ﻋﻦ ﺍﻟﺘﻌﺐ ﺍﻟﻲ ﺗﻌﺒﻮﺍ ﻃﺒﻌﺎ ﺍﻫﻠﻲ ﺣﺎﻟﺘﻬﻢ ﺑﻌﺪﻫﻲ ﻣﻮﺷﻲ ﻻﻥ ﺑﺎﺑﺎ ﻳﻨﻄﻮﺍ 500 ﺑﺎﻟﺸﻬﺮ ﺍﻭ ﺍﻛﺜﺮ ﺑﻘﻠﻴﻞ ﻣﺎﺍﻋﺮﻑ ﻻﻥ ﻣﻌﻨﺪﻩ ﺧﺪﻣﻪ ﻳﻨﻄﻲ 150 ﺍﻳﺠﺎﺭ ﺍﻟﺒﻴﺖ ﺣﻴﻞ ﺗﻌﺒﺎﻥ ﻻﻥ ﻣﺎﻳﻜﺪﺭ ﻳﺎﺟﺮ ﺏ 250 ﻭﺍﻟﺒﺎﻗﻲ ﻳﺎﺩﻭﺏ ﻳﻜﻔﻲ ﻣﺼﺮﻑ ﺍﺗﻤﻨﻰ ﺍﺳﺎﻋﺪﻫﻢ ﺑﺲ ﻣﺎﺑﻴﺪﻱ ﺷﻲ ﻭﻫﻮ ﺍﺻﻼ ﺍﻫﻠﻲ ﻣﻴﻌﺮﻓﻮﻥ ﻗﺼﺘﻲ ﻣﺮﺍﺕ ﺍﻟﺤﻠﻮﻳﺎﺕ ﺍﻟﻲ ﺗﺒﻘﻰ ﻣﻦ ﺍﻟﺠﻬﺎﻝ ﺍﺩﺯﻫﻦ ﻟﻠﺒﻨﺎﺕ ﻭﻓﺎﻃﻤﻪ ﺗﻨﻄﻴﻨﻲ ﻣﻦ ﻣﻼﺑﺴﻬﺎ ﻟﻠﺒﻨﺎﺕ ﺍﺑﺪ ﻣﻴﻘﺒﻠﻦ ﻭﻳﻜﻮﻟﻦ ﻣﻘﺘﻌﻴﻦ ﺑﺤﺎﻟﺘﻨﻪ ﻭﻧﻔﺘﺨﺮ ﺍﺣﻨﻪ ﻓﻘﺮﻩ ﺑﺲ ﻣﻨﺪﻭﺭ ﺣﺮﺍﻡ ﺑﻌﺪ ﻣﺎﺍﺧﺬ ﻣﻨﻬﺎ ﻣﻼﺑﺲ ﻭﺭﺟﻌﺘﻬﻦ ﻭﺣﺘﻰ ﺯﻋﻠﺖ ﻛﺘﻠﻬﺎ ﻣﺼﺎﺭﻥ ﻋﻠﻴﻬﻦ ﺍﺑﺪ ﻓﺪ ﻳﻮﻡ ﺍﺟﺎﻧﻲ ﻋﻤﻮ ﻭﻛﻠﻲ ﺍﺳﻤﻌﻴﻨﻲ ﺑﺎﺑﺎ ﻫﺎﻱ ﺍﻟﻔﻠﻮﺱ ﺍﻟﻲ ﻧﻨﻄﻴﺠﻴﺎﻫﻦ ﻣﻦ ﺣﻘﺞ ﺍﻧﺖ ﻛﺎﻋﺪ ﺗﻨﻈﻔﻴﻦ ﻭﺍﺗﻌﺒﻴﻦ ﻭﺍﻃﺒﺨﻴﻦ ﻭﻫﺬﺍ ﺷﻲ ﺑﺴﻴﻂ ﺍﻟﻲ ﻧﻨﻄﻴﺠﻴﺎ ﻓﻴﺎﺭﻳﺖ ﺗﺤﺴﺒﻴﻬﻦ ﻓﻠﻮﺳﺞ ﻭﺳﺎﻋﺪﻱ ﺍﻫﻠﺞ ﺧﻄﻴﻪ ﺑﺲ ﻣﻤﺤﺘﺎﺟﻴﻦ ﺷﻲ ﺍﻫﻠﻲ ﻣﻴﺨﺎﻟﻒ ﺧﻠﻴﻬﻦ ﻳﻤﻬﻢ ﻳﻔﻴﺪﻧﻬﻢ ﺍﻟﻲ ﺍﻧﻄﻴﺠﻴﺎﻫﻦ ﺍﻧﻄﻴﻬﻦ ﺍﻟﻬﻢ ﻭﺍﻟﻲ ﺗﻨﻄﻴﺠﻴﺎﻫﻦ ﺧﺎﻟﺘﺞ ﺿﻤﻴﻬﻦ ﻭﻛﻠﻲ ﺛﻘﻲ ﻭﺭﻭﺡ ﻣﺮﻭﺍﻥ ﻣﺤﺪ ﻳﻌﺮﻑ ﺑﻴﻬﻦ ﻟﻠﻤﻮﺕ ﺑﺲ ﺍﻧﻲ ﻭﺍﻧﺖ ﻓﻌﻼ ﻫﻴﺞ ﻛﻤﺖ ﺍﺳﻮﻱ ﺍﺟﻤﻬﻦ ﻭﺍﺩﺯﻫﻦ ﺍﻟﻬﻢ ﻣﻦ ﺍﺭﻭﺡ ﺑﺎﺑﺎ ﻳﺮﻓﺾ ﻭﻣﻴﻘﺒﻞ ﻛﺘﻠﻪ ﻭﺍﻟﻠﻪ ﻣﻮ ﻣﻦ ﺯﻭﺟﻲ ﺫﻧﻲ ﻣﻼﺗﻲ ﻋﻤﻮ ﻭﺧﺎﻟﻪ ﻳﻨﻄﻮﻧﻲ ﻭﺍﺟﻤﻌﻬﻦ ﺍﻧﻲ ﻟﻬﺴﻪ ﻣﺎﺫﺑﻴﺘﻪ ﺍﻻﺳﻮﺩ ﻻﻥ ﺍﺧﻮﻳﻪ ﻟﻬﺴﻪ ﻓﺮﺍﻛﻪ ﻣﺎﺫﻳﻨﻲ ﻃﺒﻌﺎ ﻫﻮﺍﻱ ﻣﺸﺘﺎﻗﻪ ﺍﻟﻪ ﻭﻣﻦ ﺯﻣﺎﻥ ﻣﺮﺍﻳﺤﻪ ﻟﻠﻘﺒﺮ ﻳﻤﻜﻦ ﺍﻛﺜﺮ ﻣﻦ ﺳﻨﻪ ﺑﺲ ﻛﻠﺖ ﻻﻫﻠﻲ ﺍﺭﻭﺡ ﻭﻳﺎﻫﻢ ﻟﻤﻦ ﻳﺮﺣﻮﻥ ﻟﻤﺮﻭﺍﻥ ﻃﺒﻌﺎ ﺍﻟﺒﻨﺎﺕ ﺣﻴﻞ ﺣﺒﺎﺑﺎﺕ ﻭﻳﺤﺒﻨﻲ ﻣﺤﺪ ﻣﻌﻘﺪﻧﻲ ﺑﻬﺬﺍ ﺍﻟﺒﻴﺖ ﻏﻴﺮ ﺑﺲ ﺍﻟﻌﻘﺪﻩ ﺍﺑﻮ ﻧﻮﺭ ﺍﻟﻴﻮﻡ ﺍﺟﻨﻲ ﻭﺣﻴﻞ ﺍﻓﺮﺡ ﻣﻦ ﻳﺠﻦ ﻻﻥ ﻧﺘﺠﻤﻊ ﺑﻐﺮﻓﺘﻲ ﻧﺴﻮﻟﻒ ﻭﻧﻀﺤﻚ ﻧﺒﻘﻰ ﻟﻠﺼﺒﺢ بيج قصص عراقيه حقيقيه من واقعنا.روعه الطائي ﻳﻨﺎﻣﻦ ﻳﻤﻲ ﺣﺘﻰ ﻓﺎﻃﻤﻪ ﻻﻥ ﻏﺮﻓﺘﻲ ﺣﻴﻞ ﺟﺒﻴﺮﻩ ﻋﺒﺎﺭﻩ ﻋﻦ ﻏﺮﻓﺘﻴﻦ ﺑﺲ ﻣﻔﺘﻮﺣﺎﺕ ﺍﺑﻴﻨﺎﺗﻬﻦ ﺗﻜﻔﻲ ﻟﻠﻜﻞ ﺍﻧﻲ ﺍﻧﺎﻡ ﺑﻐﺮﻓﺖ ﺍﻟﺠﻬﺎﻝ ﺑﺎﻟﻠﻴﻞ ﻧﻮﺭ ﺑﻔﺮﺍﺷﻬﺎ ﻭﺍﻧﻲ ﺍﻧﺎﻡ ﺑﺠﺮﺑﺎﻳﺔ ﻧﻈﻮﺭﻱ ﺟﻬﺰﺕ ﺍﻟﻐﺪﻩ ﺍﻟﻬﻢ ﻭﺳﻮﻳﺖ ﺍﺷﻜﺎﻝ ﺟﺎﺑﻠﻲ ﻋﻤﻮ ﺳﻤﻚ ﻭﺩﺟﺎﺝ ﻃﻠﺐ ﻣﻨﻲ ﻣﺎﺍﻟﺘﻘﻲ ﺑﺎﺣﺪ ﻭﻫﻮ ﺍﻧﻲ ﺍﺻﻼ ﻣﺎﺍﺣﺐ ﺍﻟﺘﻘﻲ ﺑﺎﺣﺪ ﺻﻌﺪﺕ ﻟﻔﻮﻙ ﻭﻧﻴﻤﺖ ﺍﺑﻨﻲ ﺑﻌﺪﻫﺎ ﺩﺯﻟﻲ ﺍﻧﺰﻟﻲ ﻧﺰﻟﺖ ﻭﻛﻤﻠﺖ ﺍﻟﻤﻮﺍﻋﻴﻦ ﻭﺟﺎﻥ ﻳﻔﺎﺟﺌﻨﻲ ﻣﻦ ﻛﻠﻲ ﺑﺎﻟﻠﻴﻞ ﻻﺯﻡ ﺗﻨﺰﻋﻲ ﻟﻼﺳﻮﺩ ﻣﺎﺍﻛﺪﺭ ﺍﻋﺘﺮﺽ ﺍﺑﺪ ﺑﺲ ﺑﻨﻔﺲ ﺍﻟﻮﻗﺖ ﻣﺎﻋﻨﺪﻱ ﺍﻱ ﻣﻼﺑﺲ ﺍﻟﻮﺍﻥ ﻛﻌﺪﺕ ﻉ ﺻﻔﺤﻪ ﻭﺍﺑﻨﻲ ﺑﺤﻀﻨﻲ ﺻﺎﺭ ﻧﻘﺎﺵ ﻗﻮﻱ ﺍﻟﻜﻮﻝ ﺭﺍﺩﻧﻲ ﺍﺭﻭﺡ ﻭﻳﺎﻫﻢ ﺑﺲ ﻫﻮ ﺭﻓﺾ ﻭﺭﻓﺾ ﻧﻬﺎﺋﻲ ﺍﺷﻮ ﻫﻮ ﺍﻧﻲ ﻣﺒﻮﺷﻪ ﻻ ﺍﺷﻮﻑ ﻭﻻ ﺍﺳﻤﻪ ﻣﺎﺍﻋﺮﻑ ﻟﻮﻳﺶ ﻣﻌﺎﺭﺽ ﻭﻫﻮ ﺍﺻﻼ ﻣﺎﺍﻋﺮﻑ ﺍﻣﺸﻲ ﺑﺎﻟﺒﻮﺷﻴﻪ ﻭﺍﻟﻌﺒﺎﻳﻪ ﻟﻮ ﻣﻮﺍﻓﻖ ﻫﻮ ﺍﻛﻴﺪ ﺍﻧﻲ ﺭﺍﺡ ﺍﺭﻓﺾ ﺍﻋﺘﺬﺭﻥ ﺍﻟﺒﻨﺎﺕ ﻣﻨﻲ ﻛﺘﻠﻬﻦ ﻣﻮ ﻣﺸﻜﻠﻪ ﻭﺍﻟﻠﻪ ﺍﻧﻲ ﻣﺎﺍﺭﻭﺡ ﺣﺘﻠﻮ ﻭﺍﻓﻖ ﻻﻥ ﻣﻤﺘﻌﻮﺩﻩ ﺍﻧﻲ ﻻ ﻉ ﺍﻟﻌﺒﺎﻳﻪ ﻭﻻ ﺍﻟﺒﻮﺷﻴﻪ ﺳﺎﻟﻨﻲ ﺷﺘﺤﺘﺎﺟﻴﻦ ﻛﺘﻠﻬﻦ ﺑﻜﻴﻔﺠﻦ ﺷﺘﺠﻴﺒﻦ ﺟﻴﺒﻦ ﻉ ﺫﻭﻗﺠﻦ ﺑﺲ ﺍﺭﻳﺪ ﺷﻲ ﻭﺍﺣﺪ ﻣﺎﻟﺖ ﻃﻠﻌﻪ ﺧﺎﻑ ﺍﺭﻭﺡ ﻻﻫﻠﻲ ﺍﻧﻄﻴﺘﻬﻦ ﻓﻠﻮﺱ ﺑﺲ ﺧﺎﻟﻪ ﻣﻘﺒﻠﺖ ﺍﺑﺪ ﻛﺎﻟﺖ ﻫﺎﻱ ﻫﺪﻳﺘﺞ ﻻﻥ ﺭﺍﺡ ﺗﺬﺑﻴﻨﻪ ﻟﻼﺳﻮﺩ ﺭﺍﺣﻮﺍ ﻛﻠﻬﻢ ﺍﻟﻌﺼﺮ ﺑﻘﻴﺖ ﺍﻧﻲ ﺑﺎﻟﻐﺮﻓﻪ ﻧﻴﻤﺖ ﻧﻈﻮﺭﻱ ﻭﺭﺍﺳﻠﺖ ﺍﻫﻠﻲ ﻭﺍﺧﻮﺍﺗﻲ ﻃﺒﻌﺎ ﺍﻟﻔﻴﺲ ﺑﺲ ﺍﻛﻠﺐ ﺑﻲ ﺍﺑﺪ ﻣﺎﺍﺷﺎﺭﻙ ﻭﻻ ﺍﻋﻠﻖ ﻻﻥ ﻣﺎﻋﻨﺪﻱ ﻭﺍﻫﺲ ﺑﻲ ﻛﻤﺖ ﺍﺗﻮﺿﻴﺖ ﻭﺻﻠﻴﺖ ﻓﺠﺄﻩ ﺩﺯﻟﻲ ﻣﺴﺞ ﺍﺑﻮ ﻧﻮﺭ ﺳﺎﻟﻨﻲ ﻭﻳﻦ ﺍﻧﺖ ﻛﺘﻠﻪ ﺍﺻﻠﻲ ﻃﻠﺐ ﻣﻨﻲ ﺍﺳﻮﻳﻠﻪ ﻋﺸﻪ ﺳﺎﻟﺘﻪ ﺷﺎﺳﻮﻳﻠﻚ ﻛﻠﻲ ﺑﻜﻴﻔﺞ ﻣﺎﺍﻋﺮﻑ ﺷﻨﻮ ﺍﻟﻲ ﻳﺤﺒﻪ ﺳﻮﻳﺘﻠﻪ ﻫﻴﺞ ﻻ ﻉ ﺍﻟﺘﻌﻴﻦ ﺑﺲ ﺍﻟﺤﻤﺪ ﻟﻠﻪ ﺍﻛﻠﻪ ﻭﻣﺎﺍﻋﺘﺮﺽ ﺑﺲ ﻃﻠﺐ ﺍﺳﻮﻳﻠﻪ ﻃﻤﺎﻃﺎ ﺑﺎﻟﻄﺎﻭﻩ ﺳﻮﻳﺘﻠﻪ ﻭﺍﻛﻠﻬﺎ ﻛﻠﻬﺎ ﺳﻮﻳﺖ ﺷﻮﺭﺑﻪ ﻻﺑﻨﻲ ﻭﺑﺪﻳﺖ ﺍﻭﻛﻠﻪ ﺧﻠﺺ ﻫﻮ ﻭﻛﻤﺖ ﺭﺩﺕ ﺍﺻﺒﻠﻪ ﺍﻟﺠﺎﻱ ﻣﻘﺒﻞ ﻛﻠﻲ ﺍﺑﻘﻲ ﻛﻤﻠﻲ ﻭﻛﻠﻲ ﻟﻨﻈﻮﺭﻱ ﺭﺍﺡ ﺻﺐ ﺟﺎﻱ ﺑﻮﺣﺪﻩ ﻛﻤﻠﺖ ﻭﻏﺴﻠﺘﻠﻪ ﻟﺤﺒﻴﺒﻲ ﻭﺧﻠﻴﺘﻪ ﺑﺎﻟﺤﺠﻠﻪ ﻣﺎﻟﺘﻪ ﺳﺪﻳﺖ ﺑﺎﺏ ﺍﻟﻤﻄﺒﺦ ﺍﻟﺪﺍﺧﻞ ﻭﺍﻟﺨﺎﺭﺟﻲ ﺣﺘﻰ ﻣﻴﻄﻠﻊ ﺣﺴﻴﺖ ﺑﺎﺑﻮ ﻧﻮﺭ ﺍﻧﺼﺪﻡ ﻣﺎﺍﻋﺮﻑ ﻟﻮﻳﺶ ﺑﺪﻳﺖ ﺍﻏﺴﻞ ﺍﻟﻤﻮﺍﻋﻴﻦ ﻭﺍﺻﻔﻴﻬﻦ ﻭﺟﺎﻥ ﺍﺣﺲ ﺑﺸﻲ ﺧﻠﻔﻲ ﻣﺒﺎﺷﺮﺗﺎ ﺣﺴﻴﺖ ﺑﺘﻮﺗﺮ ﻋﺮﻓﺘﻪ ﺍﺑﻮ ﻧﻮﺭ ﻭﺟﺎﻥ ﻳﻬﻤﺲ ﺑﺎﺫﻧﻲ ...... ﺣﺒﺎﻳﺒﻲ ﻭﺍﻟﻠﻪ ﺍﺑﺪ ﻣﺘﺸﺠﻌﻮﻧﻲ ﺍﻧﺰﻟﻠﻜﻢ ﺑﺎﺭﺕ ﻣﻔﺎﺟﺊ ﻟﻴﺶ ﻣﺎﻛﻮ ﺗﺼﻮﻳﺖ ﻛﺎﻋﺪ ﺍﺷﻮﻑ ﺍﻟﻤﺸﺎﻫﺪﻩ ﻫﻮﺍﻱ ﺍﻧﻲ ﺍﻛﻴﺪ ﺍﻓﺴﺮﻫﺎ ﻭﺍﻛﻮﻝ ﺍﻟﻘﺼﻪ ﻣﺎﺗﻌﺠﺒﻜﻢ ﻻﻥ ﻟﻮ ﺗﻌﺠﺒﻜﻢ ﺟﺎﻥ ﺻﻮﺗﻮﺍ ﻭﻋﻮﺿﺘﻮﺍ ﺗﻌﺒﻲ | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
