آخر 10 مشاركات
سيدة القصر- سلسلة زواج لأجل الإرث -نوفيلا غربية زائرة-بقلم الجميلة روما-(مكتملة) (الكاتـب : ريهام ماجد جادالله - )           »          عشق من قلـب الصوارم * مميزة ومكتملة * (الكاتـب : عاشقةديرتها - )           »          ساحرتي (1) *مميزة , مكتملة* .. سلسلة عندما تعشق القلوب (الكاتـب : lossil - )           »          ندوب من الماضي ~زائرة~ || ج2 من وعاد من جديد || للكاتبة: shekinia *كاملة (الكاتـب : shekinia - )           »          1060 - زهرة الربيع - ناتالي فوكس - د ن (الكاتـب : hAmAsAaAt - )           »          حَــربْ معَ الــرّاء ! (1) *مميزة و مكتملة*.. سلسلة حـــ"ر"ــــب (الكاتـب : moshtaqa - )           »          سحر جزيرة القمر(96)لـ:مايا بانكس(الجزء الأول من سلسلة الحمل والشغف)كاملة إضافة الرابط (الكاتـب : فراشه وردى - )           »          16- انت وحدك - مارغريت ويل - كنوز احلام القديمة (الكاتـب : Just Faith - )           »          لا زلت صغيرة - كاثرين جورج (الكاتـب : ΜāŘāΜ ~ Ś - )           »          أسيرتي في قفص من ذهب (2) * مميزة ومكتملة* .. سلسلة حكايات النشامى (الكاتـب : lolla sweety - )


العودة   شبكة روايتي الثقافية > قسم الروايات > منتدى الروايات والقصص المنقولة

إضافة رد
 
LinkBack أدوات الموضوع انواع عرض الموضوع
قديم 28-10-19, 10:48 AM   #21

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 19

طلعت وجلست فالكراسي الي عند البوابة شافت رجال غريب دخل
رائد: السلام عليكم
رزان: وعليكم السلام تفضل
رائد: ممكن اقابل وسن
رزان الي استغربت منه والي زاد استغرابها سؤاله عن وسن وكثير أسئلة دارت فبالها من يكون وكيف يعرف وسن وشيبغي فيها
محمد الي لمح الشخص الي يتكلم مع رزان نزل من السيارة وتوجه ناحيتهم
محمد: السلام عليكم
رائد: وعليكم السلام
محمد: عفوا اخوي بغيت
رائد: بشوف وسن
محمد: نعم
وسن الس كانت طالعه مع سارة وسمعت الحوار الي بينهم ورزان الي كنت واقفه شوي بعيد بكم خطوة قربت منه وتجاهلت وجود محمد
وسن: انت تعرفني
رائد بعيون تلمع وكلها حب : شخبارك وسن كيف صحتك
وسن: انا الحمدلله بخير بس ما جاوبت على سؤالي انت من وين تعرفني
رائد: انا عرفت كل الي صارلكم انا اسف حسن الله عزاك ما كان فيه فرصه اني اجي واعزي لان كنت خارج فعمل ولما رجعت عرفت بإلي صار وجيت لعندك بعد ما عرفت انك رجعتي لاهلك
وسن ما همها كل الي يقوله الحين تبي تعرف من هالشخص الي طلع فجأة بحياتها والظاهر انه يعرفها زين ويعرف أهلها
وسن: من انت
رائد: انا رائد خطيبك
وسن والي حولها بانت الصدمة على وجوههم
محمد: أي خطيبها أي تخبيص شهالكلام الي تقوله وانتوا داخل يالله
البنات دخلوا وكل وحده مصدومه واكثرهم وسن
محمد: وانت تعال وراي
رائد كان ماسك نفسه لحد ما يعرف شو اخرتها مع هالموضوع
محمد دخله للمجلس ونادى جدته بعد ما حكى لها الي صار
دخلت مهرة ورائد وقف احتراما لها
رائد: السلام عليكم
مهرة: وعليكم السلام تفضل
محمد جالس وبداخله يفكر كيف بيكون موقف ناصر لما يعرف بهالموضوع الله يعينه
مهرة: ممكن اعرف من تكون وشو الي تبغيه من بنتنا وشو الي يثبت كلامك
رائد: انا كنت عايش مع ولدك عادل واشتغل معه كان يعتبرني مثل ولده تعرفت على عائلته الي صارت مثل عائلتي وكنا مع بعض بالشركة الي أسسها هناك وكانت باسم زوجته وبعد وفاتهم طبعا صارت باسم وسن وانا الي كان لي اسهم فيها واعتبر شريكهم بالفترة الاخيره قبل شهر من رجوعه عادل كلمني بموضوع وسن ولما كان راجع هنا وصارله الحادث كان جاي على أساس يكلمك بالموضوع ونملك انا ووسن
انا ووسن نعرف بعض زين وعشنا كثير تفاصيل تقريبا مع بعض وابوها وصاني عليها كثير وقبل ما يجي اتصل فيني لاني طنت مسافر بشغل وخبرني انه راجع وبعد ما رجعت عرفت بالي صار له ولوسن ورجعت على أساس اخذ وسن بعد ما نملك واعطيها حقها
مهرة ومحمد كانوا ساكتين ويسمعوا
مهرة: وانت شو الي يضمنلك انا بنوافق على كلامك ولا انا بنوثق فيك ونعطيك البنت كذا واحنا ما نعرفك أصلا
رائد: اسمعي هالتسجيل وبعدها لك القرار
شغل رائد الصوتيه الي احتفظ فيها بتلفونه الي كانت من عادل له قبل ما يرجع
مهرة اول ما سمعت صوت عادل ما قدرت تمسك نفسها ونزلوا دموعها
عادل: مساء الخير رائد لما تسمع هالرسالة راح أكون بالطيارة راجع لديرتي مدري شو الي خلاني اسجلها وأرسلها لك لكن انت خلها عندك يمكن تصير ذكري انا طول عمري كنت عايش عشان أعيش باستقلالية من لما طلعت من بلدي وانا كل يوم احن واشتاق لكل ذكرى لي فيها امي واخواني وكل احد من اهلي لكن معاملة امي القاسية وجبروتها واجبارها لنا انا نعيش بأسلوب الحياة الي هي تبي هو الي خلاني اصير كذا ولما تزوجت ادري انها كانت بتعصب ويمكن تتبرأ مني لاني خالفت قانون من قوانينها لكن الحين كل شي اختلف انا راجع عشان اواجهها راجع ومعي زوجتي وبنتي وسن الي اذا صارلي شي هي امانه عندك يمكن امي ما تتقبلها أخاف تضيع من بعدي وسن امانه عندك يا رائد اذا صارلي شي كمل حياتك مع وسن كل شي املكه لها هي كل الي طلعت فيه من هالدنيا ما ابيها تتيتم من بعدي وامي أتمنى انك تزورها وتقولها تسامحني ما كان قصدي اعصيها لكن معاملتها لي هي الي اجبرتني ووسن بنت طيبه يا ليت انهم يحبوها وما تجبرها تعيش الحياة الي عيشتها لنا لان وسن غير ومستحيل بيوم تتقبل انها تعيش تحت تحكم وجبروت أي شخص
مهرة الي حست ان قلبها ينعصر من الوجع بسبب ولدها الكبير الي هرب منها وهي الي طول عمرها كانت محتاجه لوجوده وتعتبره عصاها الي تستند عليه
فجأة دخلت وسن عليهم
وسن ببكا وانهيار من الي سمعته: الكلام الي سمعته صحيح يعني انا ما كانت عايشه هنا وانتوا ما تعرفوني ولا انا اعرفكم ليش كذبتوا عليي وعيشتوني فكذبه طول هالفترة سويتوا كل شي تبونه ودخلتوا فراسي أفكار مالها أساس من الصحه كل شيع يشتوني فيه كان كذب كل هالناس الي الحين اتعامل معاهم هم ناس ما يعرفوني ولا عمرهم قابلوني واجبرتوهم يكونوا معاكم تعاونتوا كلكم ضدي ليش كل هالشي ليش
رائد: اهدي يا وسن خليني افهم كل شي
وسن: اكيد بتفهمني كل شيم و انت يالغريب طلعت اقرب واحد لي منهم كلهم
رائد: عن اذنكم انا باخذ وسن معي
مهرة وقفت وتسندت على عصاها: تاخذها وين انت مال حق عليها ولا لك سلطه عليها
محمد: انت مجنون كيف تاخذها معك هي لا اختك ولا زوجتك ولا تحل لك عشان تاخذها معك
رائد: اظن انكم سمعتوا كل شي انقال والظاهر انكم كذبتوا على البنت ومدري شو سويتوا فيها بعد
وسن: انا بروح معه ومو من حق أي واحد فيكم انه يمنعني
طلعت وسن ورائد طلع وراها ركبت معاه بالسيارة
وسن: لا تظن اني جيت معك عناد فيهم انا ادري ان هالشي غلط ومو المفروض أكون فهالمكان بس انا مجبورة عشان افهم كل شي ومنك
رائد ما رد عليها وحرك لشقته الي مستأجرها هاليومين الي بيجلسهم قبل ما يرجع
وسن كانت خايفه ومتردده لكنها كانت مصره تعرف الحقيقه وما فيه غيره راح يقولها الحقيقه كامله غيره لانه الوحيد الظاهر الي يعرف القصه كامله
.................................................. ...........
عند سارة الي حست براحه انها ما داومت جلست فالصاله وهي تسمع الي يصير بالمكتب
رزان: الله يستر بس
سارة: ليش هالكثر تحاتوا ورابشين نفسكم بالنهايه كان هالشي راح يصير
رزان: الله يرضى عليك يا سارة تسكتي ولا تروحي غرفتك
سارة: ليش اروح غرفتي خليني هنا متابعه الاحداث ومتونسة
رزان: سوير مو وقت مزح وشماته الحين
سارة: ما قلت شي
بعد ما طلعت وسن مع رائد ركضت رزان لعند أمها لانها اكيد بتكون منهارة وسارة الي استغلت الوضع واتصلت فناصر الي كان بمكتبه يراجع أوراق مهمة
شاف اتصال سارة
ناصر: اووف مو وقتك سارة (وقفله)
رجعت تتصل فيه رد عليها وهو معصب
ناصر: سارة والله العظيم مو وقتك
سارة: ادري انك مشغول بس حبيت اقولك الحق على مرتك طلعت مع واحد ما يندرا من وين طلع ويقول انها كانت خطيبته وانه يعرفها عدل وما فيه احد قدر يمنعها طلعت غصبا عن الكل
ناصر والصدمه مبينه بملامحه قفل الخط وطلع بسرعه من مكتبه والغضب واصل حده كان يسوق بكل سرعته وهو ما يفكر غير بكلام سارة والي سوته وسن ما يدري كيف وصل بس الي يعرفه انه يبي يعرف الي صار ووين وسن دخل وعلى طول توجه للمكتب كانت مهرة جالسه وجنبها رزان ومحمد رفعت راسها اول ما دخل ناصر والي كان واضح بوجهه التعب والغضب وكل شي سيئ دليل انه عرف بالي صار
ناصر وهو يصرخ بعلو صوته: وينها
رزان: ناصر حبيبي هد نفسك وبفهمك
ناصر: شو تفهميني مرتي طلعت مع واحد غريب ولا حتى سوت احترام لاي واحد فيكم ولا حتى انا الي هو زوجها شو الي اهدا
محمد: تعال اجلس وبنفهمك على كل شي
ناصر: ما ابي ابغا افهم شي راح اجيبها ولو كانت بسابع ارض
مهرة بكل هدوء: اجلس وخل عنك التهور وانا ااكدلك عطها للمغرب وراح تكون بوسط هالبيت وانت سوي فيها الي تبي بعدها
ناصر: كيف تبوني اهدا واجلس واحط رجل على رجل وهي مع واحد غريب
مهرة: انت اسمع كلامي واصبر
ناصر الي شوي وينفجر من فرط الغضب طلع لشقته وصار يكسر كل شي يصادفه قدامه
ناصر: عشان هالوسخ ما رضيتي بحبي عشانه قررتي تبعدي وما تخليني اتقرب منك ليش يا وسن ليش وانا الي حبيتك بكل ما فيني
كانوا يسمعوا صوت التكسر
مهرة: خلوه اخرته بيهدا
منى: انا خلص ما بيبقى فيني عقل خلص مره بنتي ومره ولدي
رزان الي مو عارفه تهدي من ولا من
رزان: كل شيب ينحل ان شاءالله لا تحاتي
منى الي تبكي بصمت ولا قادرة تتصرف تحس نفسها مربطه
سلطان كان واقف جنبها وساندها
سلطان: لما يهدأ بصعد عنده وبكلمه تعالي الغرفه ارتاحي
منى طالعته وعيونها كلها عتاب مشت معه وحاسه ان كل قوتها تبخرت
.................................................. .......
صحى من النوم على صوت انينها قام وطالعها والظاهر انها تحلم فزت من نومها وهي حاطه ايدها على قلبها وتنفسها الي صار سريع من الخوف رفعت راسها وطالعت بالمكان الغريب الي هي فيه باستغراب صدت للجهة الثانيه وشافت سامي الي كان جنبها بالسرير فزت ونزلت من السرير
دانيه: انت شتسوي هنا ومن سمحلك تنام جنبي
سامي: شسوي هذي غرفتنا اكيد بكون موجود ومن سمحلي انام جنبك اكيد اني بسمح لنفسي لاني زوجك يا حلوة ولا نسيتي
دانيه: لا ما نسيت لكن انت الظاهر الي نسيت ان هالزواج مؤقت فترة وبتعدي وانت راح تكون شخص عابر بحياتي مثلك مثل غيرك وفهالفترة يا ليت لو انك تلتزم بالي راح نتفق عليه الحين
سامي يطالعها بابتسامه على شفايفه : والي هو
دانيه : خلال الكم شهر الي راح تمر علينا واحنا عايشين بمسمى زوجين راح نحترم بعض وقرار انه زواجنا على ورق وبس كل واحد له حياته وخصوصياته لا تدخل فحياتي ولا اتدخل فحياتك لك مني الاحترام ولي منك الاحترام
سامي: وبعد
دانيه طالعت بالأرض لانه حاط عينه بعينها وهالشي يوترها رغم بعد المسافه بينهم
دانيه: هذا الي عندي
سامي: طيب ممكن يا مدام دانيه تغيري ملابسك وننزل نفطر مع اهلي
دانيه الي حست نفسها توترت بتقابل ناس اول مره تقابلهم ولا عمرها كلمتهم
سامي: انا بسبقك
دانيه: لحظه ما قلتلي رأيك بكلامي
سامي طالعها وابتسم وطلع من عندها
دانيه الي انقهرت من أسلوبه معها ضربت برجلها بالأرض وتوجهت ناحيه شنطتها وطلعت فستان هادي يوصل لتحت الركبه ودخلت تأخذ دش
.................................................. ..............................
عند وسن ورائد
رائد: هذا كل شي اعرفه عنك وعن اهلك من لما عرفتكم
وسن الي دموعها مو راضيه توقف من الصور الي قدامها ومن الكلام الي قاله لها رائد
وسن: يعني كل حياتي الحين معاهم كذبه انا ما اعرفهم ولا هم حتى يعرفوني وجدتي ما كانت تبيني ليش كذبوا عليي وليش الكل يداري على الحقيقة
رائد: انتي لازم ترجعي معي ونتزوج مثل ما كان ابوك يريد
وسن نزلت راسها : ما اقدر ما اقدر
رائد: ليش
وسن طالعته والدموع بعيونها: لاني متزوجه
رائد الي انصدم من كلام وسن: متزوجه كيف ومتى ومن
وسن: الظاهر ان جدتي تبي تعلقني فالعايلة وما تبيني ارجع لمكان ما جيتي اذا رجعتلي الذاكره فزوجتني حفيدها غصبا عنه وعني واذا بعد ما كان متفق معها فهاللعبه
رائد حس بالإحباط والقهر وسن كانت حلم حياته وحبه الأول تعلق فيها من لما شافها وفرح لما قرر عادل يزوجهم
رائد: انتي تقدري تطلبي الطلاق وترجعي معي ونتزوج وترجعي لحياتك بأميركا ونعيش ونكون اسرتنا بعيد عن كل هالناس الي عيشوك فكذبه ووهم
وسن طالعته من غير ما ترد عليه ورجعت تطالع بالصور ضحكت على صورة شافتها
وسن: الظاهر ان علاقتنا كانت وايد قويه (ورته الصورة الي كانت تطالعها)
ضحك رائد: هالصورة كنا ففرنسا باجازة الصيف وانتي ما تحبي الايس الكريم وانا غصب اكلتك إياه فصرتي تضربيني من خاطر وكل الايس كريم الي بايدي وايدك صار على ملابسي ووجهي بسببك
وسن الي ضحكت على الموقف وتمنت انها ترجع تعيش هالايام والمواقف لانها بجد تحس انها مو عايشه وسط تحكم مهرة وقراراتها الي تجبر كل واحد ببيتها انه ينفذها هي تعودت عالحرية والاستقلاليه ومهرة عكست شخصيتها وشكلتها على حسب ما هي تبي
.................................................. ..............................
فارس كان جالس مع فرح
فرح: شفيك خوفتني من لما رجعت وانت مو طبيعي
فارس: فيه شي صار لازم تعرفيه
فرح: شو
فارس : انا قدرت اعرف مكان اهل ابوي لكن فيه مشكله كبيره
فرح: الي هي
فارس: مستحيل يتقبلوا وجودنا انا وانتي
فرح: ليش ومن هم ومن متى واحنا لنا اهل الي اعرفه ان ابوي ماله احد
فارس: ابوي كذب علينا انا حصلت رساله تاركها ابوي بخزنته بالمكتب وفيها كل شي عنه وهن اهله ووصاني فيها اني ادور عليهم وارجع انا و انتي نعيش عندهم
فرح بفرح: يعني احنا لنا اهل وعيله وعزوه
فارس: ايوا وعمي الي كنا مفكرين انه عمي ما يقربلنا هو الي ربانا صح لكنه مو عمنا
فرح: شهاللخبطه وهالمواضيع الي كلها داخله ببعض كيف كل هالشي صار
فارس: احس نفسي تعبان مو قادر افكر ولا استوعب كل شي يصير
فرح: طيب ليش ما نروح لهم
فارس: لانهم صعبين ومستحيل يتقبلونا بهالسهوله


توقعاتكم الجميلة



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 28-10-19, 10:50 AM   #22

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 20


رنا كانت منسدحه عالكرسي وحاسه بدوخه
خالد: انتي متى تبطلي هالعناد
رنا طالعته من غير ما تتكلم وقفت ودخلت الغرفه وانسدحت بالسرير وتغطت سمعت صوت الباب ينفتح
رمالها الكيس الي بايده
خالد: ادويتك الي حصلتها بالزباله
رنا غمضت عيونها بقهر انه حصلهم سمعت خطواته تقرب منها مسكها من ايدها وقومها
حط عينه بعينها : الظاهر انك ما تفهمي بالكلام صح
رنا: سو الي تسويه ما عاد يهمني
خالد: والله طيب دام إنك عطيتيني الضوء الأخضر اليوم بنسهر أحلى سهره
رنا : باحلامك تقرب مني
خالد: قبل شوي قلتي سوي الي تبيه وانا مستحيل ارفضلك طلب
طلع من عندها وهو متأكد انها مقهورة منه وإنها بتشرب دواها غصب خوفا من انه يقرب منها
.................................................. .....
عند سليمان الي صارله أسبوع مختفي عن البيت ويدوام بالشركه ويرجع شقته مستغل فترة انشغالهم بالمشاكل الي كل يوم تطلعلهم
هدى: حبيبي انت مو خايف ان أمك تحس عليك يعني صارلك أسبوع عندي
سليمان: الظاهر مليتي من وجودي
هدى قربت منه وجلست بحضنه وبدلع: انا امل منك يا حياتي انت انت بهالساعات الي تقضيها عندي أحس إني ملكة بين ايديك ما أشبع من وجودك معي انت كل شي بالنسبه لي
سليمان سكت وهو يطالعها: لهالدرجه تحبيني
هدى: وأكثر
سليمان: طيب مو كأنك تأخرتي على الدوام
هدى: اليوم اخذت إجازة يومي وكلي اليوم لك انت وبس
..............................................
عند دانية الي حاسه بتوتر فظيع مو عارفه كيف بتلتقي في الناس الي ساكنه بهالبيت وكيف بتكون ردة فعلهم وانطباعهم الاولي عنها نزلت الدرج بكل هدوء وهي تسمع أصواتهم سكتوا اول ما شافوها كانت ملامحها هاديه فيها ميكب هادي وناعم مثلها وفستانها الي راسم جسمها المتناسق وشعرها الي مسوتنه ويفي
سامر طالعها ولف عيونه عنها
فهد: حي الله بنيتي تعالي تفضلي
دانيه ابتسمت لفهد وجلست جنبه استغربت من نظرات عليا وفاطمه ودب الخوف بقلبها من نظراتهم الي ما تبشر بالخير
عليا: هذي الي فضلتها من بين كل بنات حواء
سامر: يمه ماله داعي هالكلام الحين ممكن ناكل بهدوء
علياء: تسكتني عشانه هذي بدايتها الله يستر بس من الي جاي
دانيه كانت ماسكه نفسها ودموعها ما تبي تبين ضعفها قدامهم ولا تبين انها هي رامية نفسها على ولدهم وعليهم لازم يفهموا انه هو الي اصر عليها
فاطمة: الله يستر كيف خلته يتزوجها اكيد ما بتكون احسن من بنت عمها
فهد: خلص قلنا ماله داعي هالكلام البنت غريبه ماله داعي تسمع هالكلام من اول يوم
علياء: تخاف على مشاعرها تطمن ما بتكون احسن من جدتها النسره
دانيه وقفت والعصبيه واصله حدها : انا سكت من البدايه احتراما لعمي لكن لهنا وبس الا اهلي ما اسمح لاي احد فيكم يجيب بسيرتهم سواء صغير او كبير وانا خط احمر ما اسمح لاي احد ينزل من مستوى أخلاقي
صعدت لغرفتها بعد ما سمعتهم هالكلمتين وقفلت الباب بكل قوتها
علياء: ما تستحي مو متربيه تراددني
فهد: انتي ما خليتي كلمه ما قلتيها عنها وعن أهلها ما تنلام البنت ما هجيتك كذا يا علياء
سامر وقف: ما كان له داعي كل الي صار يمه وأتمنى ان هالشي ما يتكرر ولا ما راح تشوفوني بالبيت لا انا ولا هي
تركهم وصعد ورا دانيه
علياء: حتى ولدي صار ضدي شفت وسمعت
فهد: هذا نتيجة كلامك وافعالك اكسبيها وعامليها بالزين عشان ولدك ما يقلب عليك
فاطمة: يبه انت كيف متقبل وجودها بعد كل الي سووه فينا
فهد: الي صار نتيجة افعالك وطيشك انتي ولا نسيتي
فاطمة سكتت ووقفت : انسدت نفسي بروح غرفتي
علياء: وانا بعد
فهد: الله يهديكم والله يعينا على الأيام الجايه الله يستر يا سامر بغيت اخمد النار الي قبل انت رجعت ولعتها
بالغرفه عند دانيه كانت تروح وتجي بالغرفه من القهر وكلامهم الي قهرها دخل سامر وشافها على حالها وقف وهو يطالعها
سامر: بس وقفي حولتيني
دانيه طالعته: انت شجايبك بعد هنا شتبي جاي تكمل على كلامهم لا تحاتي ما قصروا موفين ومكفين
سامر: قلت وقفي وسكتي خلص
دانيه: اسكت لا ما بسكت انت مو تقول زوجي ليش ما تدافع عني
سامر: ما شاءالله بالمشاكل والضرابه اصير زوجك اما بالمواضيع الثانيه لا
دانيه: ايه انت لازم تدافع عني ولا رجال بالاسم يعني
سامر قرب منها وحط ايده على فمها وبالايد الثانيه مسك ايدها ورجعها ورا ظهرها
دانيه بلعت ريقها من قربه منها وفتحت عيونها على وسعها
سامر: يعني انتي ما تسكتي الا بهالطريقه
دانيه حاولت تفك نفسها منه لكنه كان حاكم مسكته
سامر: خففي من هالكلام شوي صدعتيني وخففي من هالحلا بعد
دانيه شوي وتموت يتغزل فيها بشكل صريح
سامر فكها وبعد عنها
دانيه صدت عنه وهي شوي وتموت من التوتر سمعت صوت الباب ينقفل دليل انه طلع
تنفست براحه وجلست عالسرير تحاول تهدي نفسها
دانيه: لا ناوي عليي هذا بيذبحني انا لازم انتبه منه ومن أسلوبه
.................................................. .......................
سيف وسميه
سيف: انا بعرف ليش كل هالدموع الي يشوفك يقول مهاجر ترا هي كلها كم يوم مع الوالد يسوي فحوصاته المعتادة وراجعين ماله داعي كل هالدموع
سميه: طيب خذني معك
سيف: ما يصير انتي عارفه اغلب وقتنا بيكون بالمستشفى يعني بتحسي بملل وغسان بيتعبك هناك وعد مني اول ما ارجع برتب لسفره لي ولك ولهالصغنون رضيتي
سميه طالعته وبابتسامة: رضيت بس توعدني تتصل فيني كل يوم وكل ما تفضى
سيف: راح اتصل فيك كل ساعه من ساعات يومي
سميه: خلص اذا كذا رضيت يكفيني اني اتطمن عليك ويكون حسك حواليني
سيف باسها على جبينها وباس غسان الي كان نايم بحضنها : الله لا يحرمني منكم
سميه: ولا يحرمني منك
.................................................. .............................
فرح وفارس
فارس: يالله يا فرح بنتأخر على الدكتوره
فرح: هذاني جيت
فارس: اول مره اشوفك بهالحماس وانتي رايحه عندها
فرح: امم لاني تغيرت وان شاءالله بتشوف فرح جديده
فارس: أتمنى
فرح: مشينا
فارس: يالله
عند الدكتورة غادة الي كانت تنتظرهم وصلوا ودخلوا
الدكتورة: طمنيني عنك يا فرح
فرح: انا الحمدلله طيبه وفيه وااايد أشياء بحكيها لك
غادة: سمعيني
وكالعاده فارس كان يجلس بزاويه ويستمع لفرح حس براحه ان فرح فعلا بدت تتغير
فرح: احس ان علاقتي بوسن كل يوم تزيد تعرفي انها صدقتني وما عاملتني مثل بقيه البنات وما نفرت مني جلست معي وتكلمت معي حسيت انها اختي امي مدري كيف اوصفلك احساسي لما حضنتني حسيت بشعور غريب
كانت تحكي للدكتورة وهي فرحانه وكل هالمشاعر مبينه بملامحها
فرح: وبعد فيه سر جديد ظهر بحياتنا تعرفي انه طلع عندنا اهل يعني نحن مو مقطعين من شجره يعني بيكون لي عزوه واهل مع اخوي فارس الله يخليه لي محد راح يقدر يحط عينه بعيني بعد اليوم ويتهمني بشرفي ولا يقول أي كلمه تمسني
فارس كان يسمع لفرح وهو خايف انه كل هالفرحه تتحطم اذا صار نفس ما قال ابوه فالرساله ان أهلهم ما يتقبلوا وجودهم ولا يرضوا فيهم من الأساس
.................................................. ..................
رائد ووسن
وقف قدام البيت وطالعها
رائد: انا موجود لباكر وبعدها برجع اميركا بسمع قرارك اليوم عشان نسوي الإجراءات اللازمة
وسن : ان شاءالله
نزلت من السيارة ورائد حرك السيارة وقفت قدام الباب وتنفست الصعداء قبل ما تدخل لان تدري ان فيه معركة قايمه بالبيت بسببها دخلت وهي حاسه بخوف بداخلها لكن تظهر القوة بخارجها ما حصلت احد بالصاله صعدت لشقتها حصلت الباب مفتوح دخلت واستغربت من حاله المكان كان كل شي تقريبا مكسر والشقه حالتها حاله فزت بخوف من صوت ناصر الي كان خلفها
ناصر: أخيرا رجعتي
طالعته وكان مبين على وجهه التعب قربت منه وبلعت ريقها بخوف من شكله الهادئ الي كان مبين ان داخل ثوران ومو أي ثوران كان مثل البركان الي ممكن ينفجر بأي وقت
سحبها من ايدها ودخلها لغرفه النوم مسكها من ايديها الثنتين ودفها للجدار الى ما صار ظهرها ملاصق للجدار ووجهها مقابل وجهه وعينها بعينه
ناصر: ارتحتي بالي سويتيه
وسن كانت مو عارفه تتكلم من قربه الشديد منها ومن وجهه وملامحه الغاضبه
وسن : ممكن تتركني عشان نتكلم بهدوء
ناصر شد بقبضته لدرجة ان وسن تألمت وبان على ملامحها
ناصر: المتك صح هالالك الي تحسي فيه ولا شي من الألم الي زرعتيه بقلبي
وسن: ناصر انت الحين معصب خليني افهمك
ناصر بعد عنها : تفهميني شو انتي طلعتي مع واحد غريب والله يعلم وين كنتي معه كل هالساعات ولا بعد جايه بكل هدوء تقولي نتفاهم
وسن : انت مو من حقك تحاسبني على أي شي بالبدايه الي المفروض يتحاسب هو انت وجدتي وكل واحد بهالبيت الي كل واحد فيكم يمثل البراءه وانتوا كلكم مشتركين بجريمه محد راضي يعترف فيها
ناصر والي العصبيه تزيد تزيد عنده
ناصر: كل الي صار عشان يحمونك وانتي تلومينهم جدتي كانت خايفه عليك وسوت الي سوته عشانك وانتي تردي جميلها لك بهالشكل
وسن: انتوا كذبتوا عليي استغليتوا فقداني للذاكره وعيشتوني بكذبه وتحكمتوا بحياتي وحتى الزواج ربطوني فانسان ما اعرف عنه و لا شي وكل هالشي ليش عشان تجبروني أعيش نفس عيشتكم هذي الي الكل عايش فيها تحت ظل تحكم وسيطره هالانسانه
ناصر: هالانسانه الي تقولي عنها ما سوت هالشي كله سواء عك ولا مع غيرك الا عشان تحافظ عليكم وانتوا كل واحد يلومها ويعاتبها
وسن: بالمختصر انا هالعايله ما اعرفها ولا عمرها عشت معها وبينها وما يقدر أي واحد فيكم يجبرني اني اسوي شي ما ابيه
ناصر: والمطلوب
وسن سكتت وطالعته قبل ما تتكلم

شو تتوقعوا يصير ؟؟؟؟



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 30-10-19, 05:53 PM   #23

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 21


ناصر: والمطلوب
وسن سكتت وطالعته قبل ما تتكلم
وسن: انا ما احب أي شخص يتحكم فيني انا بعيش بحريتي ولا احد له دخل فيني ولا يتحكم بحياتي مهما كان اذا بظل هنا تعاملوني مثل ما انا ابي واذا ما تبون ارجع للمكان الي تربيت فيه
ناصر: تبين الحريه صح
وسن وقفت وطالعته وعينها بعينه : ايه
ناصر: طيب يا وسن لك الي تبينه
وطلع من عندها وهو مو شايف قدامه من العصبيه
اما عند وسن الي طاحت على ركبها وصارت تبكي وتشاهق
وسن: لا يا وسن لا مو انتي هذي لا هذي مو شخصيتي ولا كلامي انا مو انانية مو انانيه
.................................................. ...........
نزل لتحت وصادف ابوه وجدته جالسين
مهرة: هاه شو صار خبروني انها رجعت
ناصر: رجعت
مهرة: وان شاءالله حطت عقلها براسها
ناصر: ممكن اطلب منكم طلب انا ما ابي أي أحد يحتك فيها ولا حتى يكلمها بأي مواضيع سواء خاصه او غيره انا راح اتعامل معها فقط بشكل مباشر انا برجعلها عقلها لراسها البنت استخفت خلص ما عادت تفكر بعقلها
سلطان: طيب ما قلتلنا شو صار
مهرة: ماله داعي انا اعرف ان ناصر بيسوي الصح المهم بخبر ميري تصعد تنظف الي كسرته
طالعهم ناصر وهو مستحي من الي صار لكن مو بايده الي صار طلعه من طوره
مهرة: سلطان ترا وضع اخوك موعاجبني بتشوفه وين غاط كل هالايام ولا اتصرف انا
سلطان: لا ان شاءالله انا بتصرف انتي ارتاحي يكفي الي صار
.................................................. .................
باليل الكل كان متجمع مثل ما مهرة بلغتهم الا دانيه طبعا ووسن الي ما رضت تنزل
مهرة: انا جمعتكم الكل بدون استثناء لان فيه خبر بقوله لكم
الكل كان يستمع باهتمام لان هالتجمعات يعرفوا نتايجها زين
مهرة: زواج فيصل ورزان راح يكون نهاية الشهر وانا تكلمت مع ام خالد وأبو خالد واتفقنا على كل شي
رزان الي تصنمت لما سمعت الخبر عكس فيصل الي حس نفسه طاير من الفرح بداخله
مهرة: الحين استأذنكم بروح انام
رزان ركضت لغرفتها ودموعها تنزل بصمت الي مو عارفه سببها هل خوفها من المستقبل المجهول مع فيصل ولا شي ثاني
خواتها صعدوا وراها
جلسوا جنبها على السرير
زينب: حبيبتي رزان خلص ماله داعي كل هالدموع
سميه: وبعدين ليش الدموع المفروض تفرحي بتصيري عروسه
رنا: يا بنت قومي خلينا نعرف نتكلم معك
رزان رفعت راسها: ما ابي اتزوج ما ابيه
زينب: ليش ان شاءالله
رزان: مدري خايفه
سميه: ليش كل هالخوف مدري كلنا تزوجنا بنفس الطريقه وحاولنا نفهمهم بعد الزواج خل عنك هالوساوس وان شاءالله يكون طيب وحبوب
رزان: لكن الكل يقول عنه عصبي وما يتحكم بأعصابه أخاف ما اقدر
سميه: انتي خبله ليش تخافي انتي ما عرفتيه أصلا عشان تحكمي عليه
رزان: شو تفيد المعرفه بعد هالقرار
رنا: لا نكذب على بعض انتي من البدايه تدري انك لفيصل والمفروض تكوني مهيأه نفسك لهالخبر
رزان: حرام والله حرام
.................................................. .......................
عند دانيه الي كانت كاشخه وجاهزة ولبست عبايتها
دانيه: انا جاهزة
سامر: على وين ان شاءالله
دانيه: على بيت اهلي اليوم جمعتهم
سامر: اها طيب يالله
دانيه فرحت ومشت قدامه نزلت وما حصلت أحد حست براحه انها ما قابلتهم ولا كانوا بيعكرولها مزاجها طلعوا بالسيارة وكانت ملتهيه بتلفونها بعد فترة رفعت راسها وانتبهت للطريق
دانيه: انت وين موديني هذا مو طريق بيتنا
سامر: ومن قال انا رايحين بيتكم أصلا
دانية طالعته بعصبيه: انت يعني دوم مو قد كلامك انت بيبي عشان تكذب عليي ولا شايفني بيبي ينضحك عليي
سامي: لا انتي بيبي ولا انا بيبي بس كذا انا مالي خلق اشوف ناس بكون معك وبروحنا
دانيه: من انت عشان أكون معك بروحي انا ابي اروح لاهلي
سامر: انا زوجك ولا نسيتي
دانيه سكتت عنه بقهر وصدت للجانب الثاني وصلوا لمزرعه كبيره دخل ونزل
سامر: نزلي ولا تبيني انزلك بعد
نزلت وقفلت الباب بكل قوتها ومشت وسامر الي ضحك على نرفزتها وشكلها لما تكون معصبه
دخلت لداخل وكانت الصاله مزينه بشكل جميل ورود وبالونات وكيك وحركات كثير حلوة كانت تطالع المكان بانبهار قرب منها سامر وبهمس
سامر: كل عام وانتي بخير
دانيه طالعته والفرحه مبينه بوجهها
دانية من الفرحه مو عارفه تعبر
سامر: شيلي عباتك محد موجود غيرنا مشيت كل العمال
دانيه شالت عباتها و تركتها جنبها
سامر: تعالي
دانيه: وين
سامر: نتمشى بالمزرعه شوي
دانيه: هذي مزرعتكم
سامر: ايوا
.................................................. .....................................
جالسه فالحديقه تشرب كوفي والوقت صار الساعه 12
دخل وشافها جالسه صد عنها وكان بيدخل الا انها نادته
سارة: محمد
محمد استغرب انها نادته لأول مره تجي منها وتناديه
محمد توجه ناحيتها ووقف قدامها
محمد: نعم خير
سارة: شفيك منفس
محمد: ما فيني شي تعبان وبعدين الساعه 12 ولا مو شايفه ان الوقت صار متأخر وانه الحين وقت نوم
سارة: ايه شايفه لكن ما فيني نوم ومافيه احد جالس اجلس معي سولف
محمد شوي ويذبحها: انتي تتكلم جد ولا تمزحي انتي تبين جدتي تذبحنا لا شافتنا
سارة: ليش عادي ما فيها شي
محمد: لا فيها ووايد بعد انتي ما تحلي لي عشان اجلس معك واسولف وارفع الميانه
سارة: انت مثل اخوي عادي
محمد تقهره هالكلمة وخاصه منها : لا انا مو اخوك مو اخوك
سارة: طيب ليش هالعصبيه كلها
محمد: سارة ابعدي عني الله يخليك ولا تحاولي تحتكي فيني فاهمه
سارة : سبحان مغير الأحوال مو انت الي كنت ترمي نفسك علي وكل وقت بس تنطلي وبكل مكان
محمد: هذاك قبل الحين كل شي تغير
سارة: براحتك
محمد تركها وراه وهو قلبه يتمنى يرجع ويجلس معها ويتكلم ويسمعلها لكن صدها له وكرامته الي دوم تنهان بسببها خلص ما عاد يتحمل اكثر
سارة تركت الكوب وكانت بتدخل بس شافت ابوها دخل ويتكلم بالتلفون قربت منه عشان تسمع الي يقوله وهنا كانت الصدمه
سليمان: حبيبتي مو كنت عندك طول هالاسبوع خلص بلا دلع .....طيب اوعدك خلال هاليومين بمرك ....انتي بهالشكل بتخلي امي تشك اكثر خلينا عالبر لاحد يعرف بزواجنا وانتي تدري شوب يصير لو حد درا خلك عاقله يا هدى يالله باي
قفل التلفون ودخله بجيبه ودخل للبيت وساره الي كانت ملامح الصدمه مبينه بوجهها والدموع بدت تنساب بوجهها ما عرفت كيف تتصرف ولا وين تروح دخلت للبيت وهي كاتمه شهقاتها رجولها خذتها لغرفته ما تدري ليش ولا كيف دخلت وهو كان طالع من الحمام كان لابس شورت والتي شيرت بايده شافها جالسه بالكرسي ووجها ما يطمن شهقاتها ودموعها اول مره يشوف ساره بهالشكل استغرب من وجودها قبل شوي كانت معه وما كان فيها شي لبس تيشيرته بسرعه وتوجه ناحيتها جلس جنبها وهو بهالوقت ما يقدر يعاتبها على دخولها غرفته لان جدته لو درت بتذبحهم لا محاله
محمد: سارة شفيك
سارة مو قادرة تتكلم وشهقاتها الي تطلع من قلبها تزيد
محمد: سارة لا تخوفيني عليك قوليلي شفيك انا ضايقتك فيه احد ضايقك
سارة: ااابووي
محمد: شفيه
سارة طالعت بمحمد : ابوي متزوج تخيل يكلمها ويقولها كلام حب وغزل وانا الي عمري ما قالي كلمة حلوة وانا بنته مقضي الأيام والاسابيع عندها وانا بنته مو داري عني
محمد بصدمه: عمي سليمان متزوج
سارة: سمعت قبل شوي يكلمها والله سمعته بأذوني
محمد حضن سارة الي كانت شوي وتنهار
سارة: والله لاقول لجدتي
محمد: ما يصير يا سارة انتي تعرفي الاحداث الي صارت هاليومين احنا انهد حيلنا منها كيف جدتي خل الأوضاع تهدأ وتكلمي مع ابوك وبعدها يصير خير ما يصير نتسرع بنفس هالمواضيع لازم نحكم عقلنا وما نخلي عواطفنا تغلب علينا
سارة: مو قادرة يا محمد احس انه اناني كنت اكره جدتي لانها متسلطه ومتحكمه الحين اشوف جدتي اهون بكثير من ابوي صرت اكره اكثر واكثر
محمد: سارة ما يصير تقولي هالكلام عن ابوك مهما صار ومهما سوتا يظل ابوك
سارة: وينه هالابو الي ما عمري حسيت باحساس الابوة معه وينه
محمد: انتي اهدي الحين وروحي لغرفتك حاولي تنامي وباكر ان شاءالله لا هديتي يحلها الحلال
سارة بعدت عن محمد: انا اسفه ضايقتك عن اذنك
طلعت من غرفته وتصادفت بخلود الي كانت طالعه من غرفتها شهقت خلود وسحبت سارة من ايدها
خلود: انت يشو كنتي تسوي بغرفه محمد
سارة كانت عيونها مورمه من البكا وخشمها احمر ومو متحمله كلمه من احد
سارة: مالك دخل
خلود: سارة انتي تماديتي وايد ما يصير تسوي هالشي وبعدين سو الي صار بينكم وليش تبكين محمد سوالك شي
سارة فلتت ايدها من ايد خلود : محد له دخل فيني
دخلت غرفتها وتركت خلود بحيرتها وغضبها دخلت على محمد الغرفه
خلود: ممكن اعرف سوير شكانت تسوي هنا وشو الي صار بينكم عشان وجهها يصير بهالشكل والظاهر انها باكيه
محمد: خلود طلعي برا
خلود قربت منه: لا ما راح اطلع يا محمد انت اخوي وهي بنت عمي واخاف عليكم اثنينكم انتوا الي سويتوه شي غلط أخاف الموضوع يكبر ويوصل لجدتي وبعدها ما راح ترحمكم اذا تحبوا بعض قول لجدتي واكيد بتزوجكم لكن هالطريقه غلط وبتطيحكم بمشاكل انتوا في غنى عنها غلط الي قاعدين تسوونه غلط
محمد مسكها من كتوفها وطلع برا الغرفه وقفل الباب
خلود: يا ويلي يا ويلي ضحكت عليك سارة بخبثها وحركاتها بعد ما خلصت من ناصر صار دورك مدري وين عقله
.................................................. .....................
عند دانيه وسامر
دانية تحس انها اول مره تحس هالاجواء والفرحه مبينه بوجهها
دانيه: تصدق اول مره احتفل بعيدميلادي بهالشكل كانت جدتي ما ترضى انه نسوي حفلات وكذا كنا الدس نحتفل لكنها أجواء حلوة كانت
سامر كان يطالعها ويتأمل تفاصيلها
دانيه طالعته: شفيك تطالعني
سامر: تصدقي انك اجمل طفله صادفتها بحياتي
دانيه حست انه وجهها صار احمر هالمرة الثانيه يتغزل فيها بشكل صريح
دانيه غيرت الموضوع ووقفت: خلينا نقطع الكيك تحمست
سامر: يالله
دانيه قطعتها وخذت قطعه واكلت منها : اممم واايد وايد حلوة طعمها يجنن
سامر: عوافي
دانيه: انت ما راح تأكل
سامر: بآكل اذا وكلتيني بايدك
داينه: لاااه وانت ما تعرف تأكل بروحك اعتمد على نفسك
سامر مسك ايدها الي كانت ماسكه فيها قطعه كيك وبدا يأكل شوي شوي وهو يطالع بوجهها ودانية الي كانت ترجف وحاسه بتوتر وخجل كبير من حركته نزلت راسها تهرب من نظراته ما حست غير بشفايه الي صارت على ايدها سحبت ايدها بقوة ووقفت
سامر: شفتي كيف كان الموضوع سهل
دانيه هربت عنه ودخلت بوحده من الغرف الموجودة قدامها حاولت تهدي نفسها وتوترها سمعت صوت الباب الي انفتح فتحت عيونها على وسعها لما شافته دخل وقفل الباب وراه بالمفتاح ورفعه بالكبت بحكم انها قصيره وما راح تقدر توصله
قرب منها وسحبها من خصرها ووصار ما يفرق بينهم شي
سامر: عشان ما تهربي مني مره ثانيه
دانيه ما كان عندها رد من شدة التوتر والخوف وكل المشاعر الي تراكمت عندها بهالثواني
دانيه بترجي: سامر الله يخليك لا
سامر: شو هو الي لا
دانيه كانت تحاول تبعد ايدينه عن خصرها لكنه كان ماسكها باحكام
سامر قرب من اذونها وبهمس: انام بحضنك بس والله ما بسوي شي
دانيه بلعت ريقها : سامر الله يخليك احنا متفقين من البدايه ليش تسوي فيني كذا
سامر: اذا ما وافقتي راح اظل كذا وما بفكك مني


تفاعلكم الجميل



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 30-10-19, 05:55 PM   #24

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 22

دانيه بلعت ريقها : سامر الله يخليك احنا متفقين من البدايه ليش تسوي فيني كذا
سامر: اذا ما وافقتي راح اظل كذا وما بفكك مني
مرت ساعه ودانيه حاسه نفسها مخنوقه وجسمها يرجف من قربه الشديد منها وجسمه الي ملاصق جسمها
سامر : يا بنت ترا ما عرفت انام هالكثر ترجفين كأني وحش مو انسان
دانيه: خلينا نرجع البيت ما ابغا اجلس هنا
سامر: مو راجع للصبح تعبان بنام
دانيه: طيب فكني شوي بنام عالكرسي
سامر: اششش نامي تعبتيني
دانيه سكتت وحاولت تنام نامت رغم مقاومتها لانها تعبت وسامر بعد نام
.................................................. ................
عند ناصر ووسن
طلع ناصر وشافها جالسه وتتكلم بالتلفون ما عطاها اهتمام ودخل المطبخ شرب ماي وطلع ودخل الغرفه
وسن استغربت انه ما علق على سهرها لهالوقت وانها تتكلم بالتلفون بهالوقت المتأخر ومن غير كذا ما طلب منها تدخل تنام بالغرفه ولا اهتم أصلا
وسن: ايوا رائد شو قلت ما سمعتك
رائد: سألتك اذا كان هذا قرارك الأكيد والأخير
وسن: هذا قراري
رائد: طيب بمرك الصبح نروح المحكمة
وسن: طيب
قفلت من عند رائد ودخلت للغرفه انسدحت جنب ناصر الي كان معطيها ظهره نامت على الطرف الثاني وصارت تتأمله وبالها مشغول بكل شي صار وبيصير
.................................................. ................................
كان الكل مجتمع عالفطور
مهرة: وين سارة
سارة وهي نازلة من فوق
سارة: هذاني جيت
مهرة: وانتي دوم كذا ما تحترمين المواعيد
سارة: كلها ثواني
مهرة: هالثواني لها احترامها وهالناس الجالسه وتنتظر بعد لها احترامها
سارة: طيب ان شاءالله ما راح اتأخر بعد
شوي ودخل سليمان
سليمان : السلام عليكم
سارة اول ما سمعت صوته حاولت تمسك نفسها ودموعها لا تنزل عضت على شفايها ونزلت راسها
محمد كان يطالع ردة فعلها وقلبه يعوره عليها
مهرة: ماشاءالله انت موجود حمدالله عالسلامه
سليمان: انا من امس باليل موجود
مهرة: الحين وقت اكل بعد الفطور اتفاهم معك
سارة الي حست انها شوي وتنهار حتى ما فكر يسلم عليها ولا يسألها عن اخبارها ولا فكر باليل يدخل ويتطمن عليها
وقفت وكانت بتروح
مهرة: على وين
سارة: ما ابغي اكل عن اذنكم
صعدت غرفتها وارتمت بسريرها وصارت تبكي بقهر
سارة: اكرهك اكرهك
مهرة خلصت اكل ودخلت مكتبها
مهرة: الحقني عالمكتب
سليمان دخل ورا امه وقفل الباب
مهرة: اجلس
سليمان: آمريني
مهرة: انت ما تحس انك زودتها
سليمان: شسويت
مهرة: غيابك عن البيت واهمالك لشغلك انت عبالك انا ما اعرف عنك
سليمان: شغلي الي عليي اسويه وغيابي عن البيت اخلص اشغالي فيها
مهرة: عندك شغل ثاني غير الشركة ما اظن اسمعني انا ما تعمقت فالمواضيع ولا سألت لان اريدك انت تجي بنفسك وتقولي شو الي مخبيه عني لان اذا عرفت من نفسي تعرفي نهايتك
سليمان: ماعندي شي مخبيه
مهرة: أتمنى وبعدين انت ليش تعامل بنتك بهالطريقه وهاملها حتى ما تسأل عنها هذي بنتك الوحيده
سليمان سكت ولا رد عليها
مهرة: ليش ساكت
سليمان بعصبيه: انتي تعرفي السبب ولازم كل مره تضايقوني بهالموضوع انا مو قادر اتقبل وجودها انتي تعرفي شكثر كنت احب أمها ولما ولدتها ماتت كانت متعلقه فيها رغم معرفتها ان الحمل خطر ىعليها وممكن تموت وهذا الي صار جات على هالدنيا وصارت نسخه منها صرت اكره اطالعها ولا اسمع صوتها الي يصورلي أمها بكل شي فيها لا تجبروني على شي عشان لا يصير شي نندم عليه كلنا
مهرة: هذي بنت مالها ذنب بالي صار حط عقلك براسك وابعد هالتفكير بنتك محتاجه لوجود اب معها لا تهمل بنت وبعدين تندم
سليمان: هذي هي عندك ربيها خليتها لك
مهرة: انت تغير ت وايد يا سليمان مو انت ولدي الطيب الحنون
سليمان: هذا مات (أشر على قلبه) بموتها وما عاد يقدر يحب غيرها
سارة الي كانت نازله وشافته يدخل عند جتها وقفت عند الباب تتسمع للكلام فتحت الباب فجأة وشكلها الي كان مبين عليها انها شوي وتنها ودموعها الي تنزل بغزارة
سارة: تقول انه مات وماعاد يعرف يحب عيل من هذي هدى الي تزوجتها ولا هالقلب مات من ناحيتي تطمن انا ما ابيك ولا اتشرف فيك
سليمان الي فتح عيونه على وسعها على الكلام الي قاله وكيف انها عرفت
مهرة الي الصدمة مبينه على ملامحها هذا اخر شي توقعته انطعنت مره من عادل وهذي المرة الثانيه
سارة: ايه هذا السر الي مخبيه عنا كلنا وعن جدتي عبالك محد راح يعرف تمثل دور الزوج المخلص والحنون والي مستحيل ينسى زوجته ومستغفلنا كلنا عبالك محد راح يعرف
سليمان ما قدر يمسك نفسه وضرب سارة كف على خدها وطاحت سارة على الأرض من قوة الكف
مهرة رفعت العصا على صدر سليمان وبصوت عالي : لهنا وحدك يا سليمان تطلع الحين من بيتي ما ابغا اشوفك هنا من بعد اليوم
سليمان طلع وكان مبين على وجهه العصبيه
محمد دخل بعد ما طلع عمه وشاف سارة الي كانت طايحه بالأرض وتبكي
محمد: شصاير
مهرة: تروح الحين تجيب المملك بتملك على سارة
سارة: الي طالعت بجدتها وبمحمد وهي مصدومه من كلام جدتها وصارت تهز راسها بالنفي ودموعها الي زادت
محمد طالع بسارة الي كانت حالتها تكسر القلب
مهرة: ما سمعتني الله تحرك
محمد: ان شاءالله
مهرة: وانتي على غرفتك
سارة الي لسانها انشل وما عرفت شو تقول طلعت لغرفتها
.................................................. ...........................
عند فارس الي كان مار كوفي شوب ياخذله كوفي قبل لا يروح الدوام
كان ينتظر طلبه
سامر: هالكوفي مزحوم دوم كذا ابشرك بتنتظر وايد
فارس: من نص ساعه صارلي مزروع هنا لو ما لذه اكلهم ولا كان طالع من ساعه بس الطعم يشفعلهم
سامر بابتسامه مد ايده: معك سامر فهد
فارس: فارس محمد آل ........
سامر طالعه باستغراب: فارس محمد آل ......
فارس بمزح: فيه شي الظاهر إنك تعرفني من نظرتك
سامر والابتسامة على وجهه: كيف ما اعرفك الااعرفك وعز المعرفه بعد انت ولد عمي محمد انا ولد عمك فهد
فارس: ولد عمي
سامر: ايه ولد عمي تعال تعال خلينا نجلس
جلسوا بأحد الطاولات على الزاوية
فارس: بس الي اعرفه ان كل عمامي توفوا بالحريق
سامر: هذا الي الكل يعرفه لكن ابوي هو الي نجا من الحريق ما علمتني عن اخبارك وين ساكن ووين تشتغل وكيف امورك
فارس: انا عايش مع اختي من لما رجعنا
(وصار فارس يحكيله كل شي صار معهم وسامر نفس الشي )
فارس: يعني انت تعرف عمتي
سامر: ايه مو انا تزوجت بنت ولدها
فارس: كيف رضت تزوجك والي اعرفه انها تكره ابوك وابوي ومستحيل تتقبل وجودنا بحياتها
سامر: هذا الي صار مو مهم كيف المهم انه صار والمهم الحين انك تلتقي فيها لكن لقاءك فيها ما راح يكون بكونك ولد اخوها لازم تدخل حياتها كشخص غريب وتتقرب منها وبعدها تكشف عن شخصك
فارس: كيف
سامر: كيف هذي خلينا افكر فيها واخبرك كيف
فارس: الظاهر انها وايد صعبه
سامر: ما شفت شي بعدك
...................................
عند دانيه الي صارت تتقلب وتحس انها ما شبعت من النوم صحت وشافت انه سامر مو موجود بالغرفه
دانيه: هذا وين راح يالله احسن فكني منه شوي
قامت ودخلت للحمام غسلت وجهها وطلعت للحديقه بعد ما لبست عباتها وتغطت خوفا من وجود أي شخص غريب
جلست عالمرجيحه الي استانست عليها حست انها رجعت لايام طفولتها شوي وسمعت صوته
سامر: صباح الخير
دانيه لفت عليه: صباح الخير
سامر: تعالي نفطر جبتلك فطور معي
دانيه : اكل بروحك انا برجع البيت
سامر: وكيف بترجعي ان شاءالله
دانيه: عطني اللوكيشن برسله لسايقنا ويجي يردني
سامر: اذا تبي ترجعي البيت تعالي كلي وبنرجع سوا وغير هالكلام ما عندي
دخل سامر ودانيه الي انقهرت منه ومن كاسلوبه واوامره الي تتكرر كل مره ويجبرها تسوي الي تبيه دخلت وهي معصبه
دانيه: اسمعني انا ما اشتغل عندك عشان تعطيني اوامرك وانفذها انا مو مجبورة انفذلك ولا طلب من طلباتك
سامر الي كان ياكل ومطنشها
عصبت اكثر من تطنيشه وقربت منه وضربته على كتفه
دانيه: اكلمك انا
سامر سحبها من ايدها وطاحت بحضنه : كذا احسن قولي الي تبيه الحين
دانيه الي لعنت نفسها ميه مره انها قربت منه حاولت تقوم لكنها ما قدرت
سامر: على وين مالك غير هالحضن
دانيه دفته بقوة وبعدت عن حضنه: وخر عني
دخلت للغرفه وعصبية الكون متجمعه فيها سمعت صوته ينادي عليها
سامر: اذا ما كلتي بنجلس أسبوع وانا عند كلمتي وانتي تعرفيني فراجعي نفسك وهذا الاكل موجود بطلع نص ساعه وارجع واذا حصلت الاكل نفس ما هو عرفتي شو بيصير
عضت اصابعها قهر منه
.................................................. .................................................. ......
عند سارة ومحمد بعد ما مملكوا كانت بغرفتها تبكي من الصدمه ومن الموقف الي انجبرت عليه ومن ابوها الي اثبت اليوم انه اسوأ انسان بنظرها بعد ما تأكدت انه مستحيل يكون سندها بهالحياة
دخل محمد بعد ما دق الباب وما سمع الرد قرب من السرير وجلس جنبها وصار يمسح على شعرها بكل حنيه
محمد: اوعدك اني ما اخليك تحتاجي لاي انسان بوجودي ومستحيل اجبرك على أي شي ما تبيه ادري انك ما تبيني لكن الي صار اكبر مني ومنك
ساره رفعت راسها: انا ما استاهل أعيش بهالدنيا اذيت كل الي حولي والي حولي اذوني اقرب انسان لي ما يبيني
محمد: انتي الحين على ذمتي ومستحيل اسمح لاي انسان يأذيك او يقرب منك
سارة الي كانت حاسه ان مشاعرها ملخبطه مو قادره تفكر ولا تسوي أي شي
سارة: بنام ممكن
محمد: على راحتك
طلع محمد من غرفتها وتوجه لغرفته يغير ملابسه عشان بيروح الشركة


تفاعلكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 31-10-19, 11:07 AM   #25

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 23


رنا الي كانت ترتب الملابس الي اشترتهم فالكبت رن موبايلها كانت أمها متصله استغربت الاتصال وردت عليها
رنا: هلا يمه
مهرة: تعالي الحين بكلمك بموضوع
رنا: ان شاءالله
لبست عباتها وطلعت اول ما وصلت دخلت لغرفه أمها على طول
مهرة: جلسي
جلست وهي حاسه بارتباك من نظرات أمها
رنا: خير
مهرة: متى كنتي ناويه تعلميني
رنا: بشو
مهرة: تستهبلي يعني ولا تاخذيني على قد عقلي
رنا: والله مو فاهمه شو الموضوع
مهرة: سالفه حملك
رنا بلعت ريقها وبداخلها(كيف درت )
مهرة: اشوفك سكتي
رنا: انا ما علمت احد أصلا لاني ما ابيه ما ابغا أي شي يربطني فخالد لان فالنهايه بنترك بعض
مهرة: انتي غبيه ولا تستغبي ولا شو بالضبط
رنا: لا هذا ولا هذاك لكن انتي تعرفي رأيي من البدايه
مهرة: انا أقول من البدايه انك مو بوعيك وكنت ساكته ظنيتك بتعقلي وبتكبري عقلك وبتغيري من هالتفكير العقيم عندك لكن ما فيه فايده فيك بدل لا تردي جميل الانسان الي انقذك من الموت هذا جزاته وهو الي متحمل كل اهانتك له وكلامك وصدك وبعدك
رنا: انقذني من الموت
مهرة: ايه انقذك من الموت لانه يحبك لما كنتي بالحادث مع ابوك وكل جسمك تأثر رجع من سفره وترك دراسته رجع بس عشان يتبرعلك بكليته وما بلغ أي احد سواه الشي بكل سريه عشان محد يعرف من غير الدم الي تبرع فيه لك وانتي مستخسره فيه يعيش الأيام الحلوه الي كان يتمناها معك والحب الي كان يتمناه والطفل الي كان يبيه منك انتي بالذات مو من غيرك
رنا بصدمه ولأول مره تعرف هالشي صدمها سكتت ولا عرفت ترد
مهرة: اكملك ولا خلص اكتفيتي
رنا وعيونها لمعت بالدموع الي تلالأت بعيونها وقفت : انا استأذن
مهرة تركتها تروح وتعمدت تقولها هالشي عشان ترجع لعقلها شوي وتخلي التفكير العقيم الي ما راح يوصلها لنتيجه غير خراب بيتها وضياعها
وصلت لشقتها وسمحت لدموعها بالنزول جلست فالغرفه وهي مصدومه بدت تسترجع كل شي يصير بينها وبين خالد على مر هالسنوات الي بينهم
كان يزعلها وما يكمل يوم الا وهو مراضيها ولو بضرابه
كان يتأملها بكل فرصه تجيه كانت تلاحظ لكن عمرها ما اهتمت
يحاول يتقرب منها بطرق مختلفه وبأساليب مو واضحه
رغم قسوته لكن حنيته طاغيه
كيف كل هالاشياء ما كانت تشوفها كيف كانت انانيه معه لهالدرجه هو الي فداها بروحه وجزء منه فيها وبجسمها ودمه يمشي بجسمها كيف ما لاحظت كل هالحب الكبير الي يكنه لها حطت ايدها على بطنها وصارت تمسح على بطنها ودموعها تنزل بوجع من مر بذاكرتها كل كلمه وكل تصرف قاسي منها اتجاه خالد
.................................................. ......................
زينب الي كانت جالسه وحاسه بتعب وخمول بجسمها
يوسف: شفيك حبيبتي صارلك كم يوم مو على بعضك تعبانه فيك شي
زينب: مدري حاسه بتعب وخمول مو طبيعي يمكن بسخن
يوسف: خليني اوديك المستشفى
زينب: ماله داعي ان شاءالله بيخف بنام شوي
يوسف: طيب اذا صحيتي على نفس حالتك هذي بنروح المستشفى
زينب بابتسامة: طيب على امرك
يوسف باسها على خدها : بروح الشركة عندنا اجتماع مهم وبعدها برجع
زينب: الله معك
.........................................
عند ناصر الي كان يتجهز علشان يروح الشركة شافها تتجهز ولا سألها وين بتروح خلص واخذ اغراضه وطلع من غير ما يكلمها وسن الي حست انها تعبت من تطنيشه لها مع انه ما كمل يومين على هالحال لكن تضايقت ناصر الي كان مستحيل يزعلها او يضايقها وكان اول واحد يكون جنبها وقت زعلها
وسن: كله مني ومن تصرفاتي الغبيه لكن هم بعد ما قصروا واستغفلوني انا ليشح اسه بالندم هالكثر مو انا المفروض احس بهالشي هم المفروض يعرفوا ان الي صار نتيجة افعالهم معي اووف ليش هالكثر افكر وافكر خلص خلص
اتصل فيها رائد وبلغها انه واصل تحت نزلت وما حلصت أي احد وطلعت وركبت معاه وتوجهوا للمحكمه
بعد ما طلعوا
رائد: الحين اظن صار لازم اودعك
وسن: فضلك كبير عليي وان شاءالله ما بقطع تواصلي معك وانا أسفه على كل شي صار
رائد: الظاهر ان زوجك يحبك تمسك بعائلتك لان ما فيه مثل العائله بتكون لك سند كل شي يروح وينتهي الا علاقتك بأهلك يبقى ثابت تلقي منهم الحماية والأمان اذا تركتيهم تضيعي
وسن: مشكور على كل شي
نرجع لليله ورا
ناصر اتصل على رائد وقابله عند البحر
رائد كان واقف ويطالع بالبحر ناصر وصل ومشى لعنده وقف جنبه ودخل ايديه فجيوب بنطلونه
رائد: تشبه هالبحر بهدوئه وغضبه وثورانه وعنفوانه
ناصر: مثل السكون والامواج والصوت الهادر والجمال والغموض
رائد: اكتشفت كل هالصفات فكم شهر بس
ناصر: بروحها تخلي الواحد ينجذب ويحاول يفهمها
رائد: تصدق الحين تأكدت اني الشخص الخطأ بحياة وسن انت قدرت تفهم شخصيتها وتتعامل معها من غير ما تعرفها وبشهور قليله وانا الي عشت معها سنوات بكل تفاصيلها وايامها كانت اصعب شخصيه مرت عليي وكانت غامضة بالنسبه لي ما قدرت افهمها الا بعد مرور وقت طويل واشك اني قدرت اسوي هالشي
ناصر: انا متأكد انها بتختار الصح ومتأكد من خيارها
رائد: ومن كلامي معك تأكدت انك انت هالصح الي بتختاره
مد ايده بنيه السلام والوداع
رائد: سلمت الامانه لك وياليت تحفظها وتصونها
ناصر رد السلام: وأتمنى أكون قد هالامانه واحافظ عليها
رائد بمزح: اذا صار شي ترا بتشوفني اول واحد يوقف بوجهك هذي اختي الغاليه
ناصر: توصيني على روحي
رائد: نلتقي على خير ورقمي معك اذا صار أي شيب تحصلني موجود
.....................................
عند دانيه كانت بالغرفه تروح وتجي من العصبيه
دانيه: هدي يا دانيه هدي اكيد طلع اكل شي بسيط عشان افتك وارجع البيت هذا مجنون اذا جلست معاه بروحي ممكن يسوي فيني شي
طلعت بكل هدوء طلعت راسها من الباب تشوف اذا موجود او لا ما شافته ولا كان فيه صوت طلعت وجلست على طاولة الطعام وشربت شاي واكلت شي خفيف خلصت ولمت الاكل والي باقي ونظفت الطاولة بعدها دخلت للغرفه تنتظره
بعد نص ساعه وصل ودخل عندها
كانت جالسه على تلفونها تكلم خلود
دانيه: طيب حبي باي
قفلت ودخلته بشنطتها
سامر: حبي هاه عيل
دانيه طالعته بابتسامه على شفايفها: ايه حبي عندك مانع
سامر قرب منها وحاوطها: لا ماعندي مانع حبي
بعد عنها يالله خذي اغراضك بنمشي
دانيه: اووف وأخيرا ما بغيت
سامر: والله انا ودي نطول لكن بنروح عند جدتك اشتقتلها بنجلس كم يوم عندها
دانيه الي طارت من الوناسه: والله واااي اشتقتلهم اشتقتلهم خلينا نروح
سامر: شوي شوي لا تطيحي شوفي قدامك
دانيه طالعته وطلعت لسانها له بغيض وطلعت عنه
سامر: هالبنت اذا ما بطلت هالحركات بتروح فيها اكيد بين ايديني الله يصبرني عليها
.................................................. ................
عند رزان الي كانت حاسه بضيق الكون كله فيها من لما انفتح موضوع زواجها صحت من النوم ووقفت عند الدريشه تطالع الحديقه شافته واقف يتكلم التلفون كان يضحك ويسولف وهو متحمس كان هذا الظاهر من حركة ايده وجسمه قفل موبايله وكان بيمشي طالع لفوق وشافها واقفه على الدريشه ابتسم لها وهي اول ما شافته انتبه لها قفلت الستارة بسرعه وحطته ايدها على قلبها الي صار يدق بكل قوة دخلت لدورة المياة وصارت تغسل وجهها بتالماي البارد لعل يخف التوتر الي صابها من نظراته وابتسامته
.................................................. .............
دخلت وسن بعد ما رجعت من المحكمة وصعدت لشقتها وغيرت ملابسها نزلت وسمعت صوت البنات بالصاله توجهت ناحيتهم
وسن: السلام عليكم
خلود: هلا والله تعالي جلس معنا دام هالحلوة جت اليوم
وسن: شخبارك دانيه
دانيه: الحمدلله اموري طيبه انتي شخبارك وكيف الجامعه والله حاسه اني سحبت وايد عالجامعه أخاف يطردوني
وسن: الجامعه حلوة الأسبوع الجاي الاختبارات
دانيه بصدمه: حلفي يا ويلي وانا نايمة بالعسل ولا عندي خبرها
وسن: ماشاءالله نفسيتك وايد تعدلت عن اخر مرة شفتك فيها
خلود: كله من سامر يا عيني عالحب وسيرة الحب
دانيه: فعينك سامر قال لا ياعمري انا سر سعادتي نفسي لاني احب نفسي فأحي اسعد نفسي بأي طريقه انتوا خلكم كذا
وسن الي طالعت بتلفونها وكأنها تنتظر رسالة او اتصال منه مثل ما تعود وعودها
خلود: وانتي بعد تغيرتي ووايد بعد
وسن: الي يعيش بهالبيت مستحيل يظل على حاله
دانيه وخلود طالعوا فيها كانت تتكلم و ملامحها تدل على ان فيه شي بخاطرها فيه شي مكدرها
سمعوا صوت قمر تبكي التفتوا على الدرج كانت ندى نازله وبايدها قمر
ندى: خلود خذي قمر شوي بروح اسويلها حليبها
خلود: هاتيها فديت الصغيره انا يا حياتي
دانيه: عطيني شوي
مسكتها وصارت تلاعبها وتدغدها وقمر تبتسم لها
دانيه: يا عمري انا على هلابتسامه
خلود: متى نشوف ولدك ولا بنتك بين ايديك كذا
دانيه: بأحلامك
خلود: ليه بأحلامي شو ناقصك يعني
دانيه: كذا هالموضوع بعيد وبعيد بعد
وسن تركتهم وطلعت للحديقه اتجهت ناحية المسبح المغلق الي مخصص لهم جلست على طرفه ورفعت فستانها لفوق ركبتها ونزلت رجولها وصارت تلعب بالماي جاها مسج من فرح
فرحت عبالها ناصر لكن لما فتحتها كانت من فرح وطلبت منها تزورها عشان فيه كذا نقطة بالمحاضره مو فاهمتها بتراجع معها قبل الاختبارات
وسن ردت عليها واتفقت معها تجي عندها باليل
.................................................. ..........................
عند فرح وفارس
فارس: كيف ردت عليك
فرح: ايه اتفقت معها على اليوم باليل
فارس: طيب حلو انتي تجهزي وانا برجع المغرب وبوصلك
فرح باستغراب : طيب
فارس: بايي
فرح: باي
طلع فارس وفرح بمكانها مستغربه من فارس الي اول مره يطلب منها تروح تزور احد من صديقاتها حتى قبل الي صارلها وهو ما يخليها تروح خوفا عليها
فرح: سبحان مغير الأحوال
.................................................. ..........
عند مهرة و سامر
سامر: اظن وفيت بوعدي وجبتلك دانيه لعندك يومين مثل ما اتفقنا
مهرة: ما توقعتك توفي بالوعود وانت ولد فهد
سامر: ولد فهد ما يختلف عنه انتي الي مو راضيه تشوف الحقيقه ومعمية عيونك عنها ومو راضيه تقتنعي فيها لكن مو مهم انتي عندك اولادك ما شاءالله ةما بتحتاجي احد غيرهم
مهرة: مهما صارلي مستحيل الجأ لك ولا لابوك النذل والحقير يتم طول عمره كذا ما يتغير
سامر: كل انسان يخطئ محد معصوم عن الغلط لكن المشكله مو هنا المشكله اننا نكابر وما نعترف والمشكله الأكبر اننا نحذف كلمة تسامح من قاموسنا ونعتبرها ولا شي واذا كان رب العالمين يغفر ويسامح من نكون نحن علشان نتكبر ونطغى وما نسامح
مهرة تغير وجهها : انت من سمحلك تتعدى حدودك وتتكلم معي بهالطريقه بدل لا تعلمني انا الصح من الغلط روح لابوك وعطه محاضرتك هذي انا مو محتاجتها
وقف سامر والابتسامه على وجهه: ما قلتيلي وين جناحنا تعبان ظهري مكسر صراحه بنام
مهرة: والله لو انك مو زوج بنتي كان عرفت كيف اخليك تحترم البيت وأهله
سامر طالعها بنظره من غير ما يرد عليها
مهرة بصوت عالي : ميري ميري
ميري: نعم ماما
مهرة: روحي معه للملحق الي خارج
ميري: زين ماما
سامر : مشكورة عمتي (شدد على كلمة عمتي )
طلع مع ميري وقبل لا تخرج
سامر: ميري ممكن تنادي دانيه
ميري: زين
.................................................. .........
يوسف وزينب كانوا بالمستشفى لان زينب حست بالآلآم قويه واضطر ياخذها المستشفى
يوسف: دكتورة طمنيني عليها هاليومين كلها وانا ملاحظ عليها التعب والخمول واليوم هالالم
دكتورة : على حسب التقارير والفحوصات الي عندي تبين عندي ان المدام كانت حامل لكن للأسف الجنين ما فيه نبض وراح نضطر ننزله
يوسف طالع زينب الي طلعت شهقة قوية منها ونزلوا دموعها يوسف حضنها بكل قوته والدكتورة طلعت من عندهم حبت تخليهم على راحتهم
يوسف: خلص حبيبتي خلص هدي ماله داعي هالدموع
زينب تمسكت فيه بكل قوتها وهي تبكي بكل قوتها وقهرها وحسرتها
يوسف بعد عنهااومسك وجهها : ماله داعي هالدموع والحمدلله انه صار حمل حتى لو ما اكتمل هذي حكمة الله لكن ع الأقل صار فيه امل انه يجينا أطفال
زينب طالعته وهي بداخلها تتقطع الخبر الي كانت تتمنى طول عمرها تسمعه سمعته لكن عكس توقعاتها
يوسف: انتي اهدي الحين ولا تتعبي نفسك خيره بأذن الله والله بيعوضنا
زينب: ان شاءالله
.................................................. .........
رجع خالد وكان مهلك من التعب الاجتماعات كانت براسته كلها لان سلطان مسافر مو موجود دخل الشقه وشم ريحة عطر قويه داهمة انفه والشقه كانت مبخره ومرتبه بطريقه غير عن العادة والطاولة كانت فيها أصناف متنوعه من الاكل استغرب وعباله فيه احد بيزورهم نزل لابتوبه والأوراق على الكرسي واتجه ناحيه الغرفه فتح الباب وشاف الي صدمه وعمره ما توقعه تصنم مكانه وحس ان رجوله مو شايلته


تفاعلكم وتوقعاتكم لابطالنا



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 03-11-19, 11:03 AM   #26

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 24

رجع خالد وكان مهلك من التعب الاجتماعات كانت براسته كلها لان سلطان مسافر مو موجود دخل الشقه وشم ريحة عطر قويه داهمة انفه والشقه كانت مبخره ومرتبه بطريقه غير عن العادة والطاولة كانت فيها أصناف متنوعه من الاكل استغرب وعباله فيه احد بيزورهم نزل لابتوبه والأوراق على الكرسي واتجه ناحيه الغرفه فتح الباب وشاف الي صدمه وعمره ما توقعه تصنم مكانه وحس ان رجوله مو شايلته
طالعها بنظرات حب وشوق ولهفة ورنا الي كانت بكامل زينتها وانوثتها فستانها الأسود الي على جسمها وواصل لفوق الركبة مكياجها الي مبين حدة ملامحها الكحل الي بارز لون عيونها الروج الأحمر المغري كل شي فيها مغري هالليله ابتسامتها الي كانت مزينه وجهها اول مرة يلمح هالابتسامه منها وله خصوصا قربت منه لما شافته واقف ومنصدم سحبت معها وجلسته على الكرسي وجلست على رجله سحبت ايده وخلتها على بطنها
رنا: انا وولدك مشتاقين لك وحابين اليوم نسهر معك ونبدأ حياة جديده وننسى كل شي صار بالماضي
خالد الي كان مصدوم وبخاطره يقول معقوله هذي رنا
خالد: اكيد ممكن
حضنها وهو يمسح على شعرها ورقبتها وصار يشم ريحتها وهو يحس انه فاقد هالشعور من شوقه لها ما يدري شو ممكن يسوي فيها حاس ان مشاعره متلخبطه مو قادر يعبر
خالد: الله يخليك لي ويحفظك لي
رنا بعدت عنه: ويخليك لي يالله خلينا نأكل قبل ما يبرد الاكل
خالد سحبها وطاحت بحضنه مره ثانيه
رنا بضحكه ونبره صوت مغريه لخالد وأول مره يسمعها: خالد
خالد: لا ما اتحمل انا كل هالمشاعر وهالدلع وهالجمال
رنا رفعت ايدها لوجهه وهي تمررها على ملامحه وخالد الي غمض عيونه: خلينا بالاول نتعشى وبعدها لك الي تبيه
خالد: من عيوني
.................................................. ........................
دانيه دخلت الملحق وهي تغني ومروقه من بعد ما جلست مع أهلها وقفت قدام المرأية وهي تدندن وتشيل الحلق والاكسسوارات
سامر كان بالحمام طلع على صوتها
سامر: ان شاءالله دوم هالروقان
دانيه طنشته وكملت تشيل اكسسواراتها
سامر قرب منها وحط ذقنه على كتفها وحاوط خصرها بايدينه: كم مره نقول ما نبي هالتطنيش لما اكلمك تردي عليي
دانيه بعدته عنها: وكم مرة قلنا الزم حدودك
سامر: الزم حدودي مع مرتي ليش ان شاءالله عندي كل هالجمال والرقه والنعومه والزم حدودي أكون غبي اذا سويت هالشي
سحبها بسرعه لحضنه وضربت بصدره ودانيه صرخت من حركته المفاجئة
سامر: لسانك عسل مثلك
دانيه: سامر انا ما امزح فكني
سامر: طيب بفكك عشان تغيري ملابسك انتظرك
دانيه: انا بنام تعبانه وبعدين ميري بتجيبلك بطانيه تنام عليها
سامر: ليش السرير موجود وعليه بطانيه ماله داعي تجيب زياده
دانيه تخصرت : ومن قال بتنام عالسرير انا بنام عالسرير وانت بتنام ع الأرض
سامر: خير ان شاءالله
دانيه خذت لبس ودخلت لدورة المياة وخذتلها دش وغسلت شعرها وطلعت وهي تنشف شعرها بالفوطه شافته نايم عالسرير عصبت واتجهت ناحيته ونطت عالسرير وشالت البطانيه عنه وصارت تدفه
دانيه: انزل يالله هذا سريري انت مكانك بالأرض
سامر سحبها ومسكها بقوه بين ايديه بحضنه وتغطى بالبطانيه
سامر: هذا جزاة الي تضرب زوجها وتعانده
دانيه: وخر عني وخر
سامر: هدي يا بنت بتعوري نفسك
دانيه: وخر ايدينك عني تعورني
سامر: قلتلك لا تعانديني والحين بنام يالله نامي كذا
دانيه: ما ابي ما ابيك وخر انت ليش تعاند وما تلتزم بوعودك انا قلتلك لا تقرب مني ولا تتدخل بحياتي
سامر: لا قربت ولا تدخلت بس بنام كذا فيها شي
دانيه حست انها تعبت ودموعها بدت تنزل على خدها من قهرها وتعبها من هالحال
سامر: اذا ظلينا على هالحال ر اح تتعبي اكثر ودموعك هذي ما راح تنشف ارضي بالواقع وحاولي تتعايشي معاه مو يمكن كل شي صارلنا خيره
دانيه سكتت وموعها تنساب على خدها بصمت نام سامر وهي بين ايدينه ودانيه الي جفاها النوم من كلامه وقربه منها
.................................................. ................................
فرح ووسن كانوا بغرفه رزان لان ناصر كان بالشقه خافت ما يأخذ راحته وطبعا ما ترتاح لسارة وخلود كانت جالسه مع دانيه فما كان عندها غير عمتها رزان
وسن : هذا كل شي
فرح: ما شاءالله عليك أحسن من شرح المس والله انه طريقتها بالشرح معقده
وسن: اهم شي إنك فهمتي كل شي
فرح: الحمدلله
طالعت ساعتها: اووف الوقت تأخر بأتصل في فأخوي اشوفه وين
وسن: خلك بعد ما شبعنا منك
فرح: الوقت تأخر ما يصير مره ثانيه ان شاءالله
وسن: فرح ممكن اسألك سؤال
فرح كانت ترسل لاخوها خلصت وخلت تلفونها وطالعت بوسن
فرح: تفضلي
وسن: ممكن تعطيني عنوان الدكتورة الي تروحين لها
فرح: اكيد حبيبتي برسلك العنوان مع رقمها واللوكيشن
وسن: مشكوره حبيبتي
رن موبايلها وكان فارس
فرح: هلا فارس انت خارج
فارس: ايه بس السيارة مدري شو صار فيها
فرح: خير
فارس: مدري بجرب اشغلها مره ثانيه
فرح: طيب انا جاهزة متى ما بغيتني اتصل فيني
فارس: طيب
فرح: هو خارج لكن يقول السياره مو راضيه تشتغل
وسن: طيب بخبر زوجي يطلعله أخاف يحتاج مساعدة
فرح: مشكوره حبيبتي
وسن اتصلت فناصر وخبرته
طلع ناصر مع محمد وحمد وخالد
وحاولوا يصلحوها لكن ما رضت
ناصر: انت خذ سيارتي وباكر ان شاءالله يحلها الحلال
فارس: لا ما يصير بكلم تاكسي
محمد: شو تاكسي انت خذ السيارة ما فيها شي لا تستحي
خالد: تفضل معنا داخل غسل ايدينك ونتعشى مع بعض
فارس: لا يا جماعه خيركم واصل ما أقدر اتأخر واختي عندها جامعه بنتأخر
حمد: ما فيه تأخير ان شاءالله كلها ساعة تفضل
دخلوا لداخل وكانت مهرة بالحديقه وقف لما شافها جايه صوبهم طالعها وبعدين نزل راسه
فارس: السلام عليكم
مهرة: وعليكم السلام هلا ولدي عندكم ضيف ولا تقولوا
خالد: الحين تعرفنا عليه والله
مهرة: تفضل يا ولدي تفضل
فارس: مشكوره يا خاله
دخل المجلس معاهم وفرح نزلت مع وسن الصاله وكانت رزان جالسه بروحها تطالع التلفزيون
رزان: هاه خلصتوا
وسن: خلصنا وأخيرا
دخلت مهرة وجلست معاهم طبعا مهرة تعرفت عليها قبل انها صديقه وسن بالجامعه جلست معاهم وكانت تطالع بفرح
مهرة: ما شاءالله عليك يا بنيتي الله يحفظك لاهلك
فرح: تسلمي يا خاله
مهرة: انا استأذن عنكم خذي راحتك يا بنيتي البيت بيتك
فرح: الله يخليك
.................................................. ......................
عند سليمان الي صارله مختفي من لما صار الي صار
هدى كانت جالسه على اعصابها لا كلمها ولا اتصل فيها انفتح الباب وركضت ناحيته اول ما دخل ارتمت بحضنه
هدى: انت وينك خوفتني عليك لا ترد عليي ولا جيت الشركة شصاير
سليمان ابعدها عنه ودخل والتعب مبين عليه جلس على الكرسي وسند راسه بايدينه بعدها رفع راسه
سليمان: الي صاير يا ان امي عرفت كل شي عرفت عن زواجنا
هدى فرحت وبانت الابتسامة بوجهها جلست جنبه : وليش هالكثر مضايق المفروض تفرح ان كل شي انكشف وانه من اليوم نحن مو مجبورين نخبي زواجنا
سليمان: امي طردتني من البيت دامك انتي على ذمتي ما تبي تشوفني ولا تبيني ادخل البيت
هدى بلعت ريقها بخوف انه ممكن يطلقها بأي لحظه : زين وانت شو قلتلها
سليمان: ما رديت عليها لان عقلي مشوش
هدى: يعني بتطلقني بتتخلى عني
سليمان: وانا من متى وعدتك اننا بنكمل مع بعض مو قلتلك اذا امي عرفت راح يكون اخر يوم بينا ومدري من الي وصل الكلام لسارة
هدى قربت منه ومسكت ايدينه وبنبره رجاء: لا يا سليمان تشك فيني انا لو ابغى اخبر احد على زواجنا من زمان سويتها مو الحين وبعدين انا عمري ما طلعت عن شورك وكلامك كنت دوم اسمع منك كل الي تبيه وانفذه
سليمان سحب ايده : زخر عني بنام تعبان عقلي مسكر مو قادر افكر انا بدخل الغرفه انام ما ابي ازعاج فاهمه
هدى : ان شاءالله
دخل سليمان الغرفه وهدى الي جلست ودموعها بدت تنزل خوف من المستقبل المجهول مه هالانسان الي طول عمرها حاسه انه ماخذها تسليه وبس وهي الي كانت تقنع نفسها بالعكس ما تبي شي غير الأمان والاستقرار والي تدوره مع سليمان عديم الإحساس
.................................................. .....................
كانت جالسه بغرفتها فالشباك وتتأمل بالغيوم الي كانت بالسماء وسرحانه مرت فبالها كل الذكريات الي عاشتها بهالبيت تذكر كل المواقف الي كانت بينها وبين ناصر وابوها الي عمرها ما حست معه باحساس الابوه تذكر المدرسه كيف انها صارت عدوانيه ولسانها محد يقدر عليه وكل هالشي عشان تجذب الانتباه وتخلي ابوها يهتم ولو شوي فيها او ناصر يجي لها لكنها فشلت ابوها كل يوم يبعد اكثر واكثر وناصر الي تزوج وبعد عنها وما صارت نفس قبل
نقزت على صوت الباب
سارة بصوت هادي : تفضل
دخل محمد وطالعها جالسه بالزاويه عند الشباك قرب منها طالعته وصدت تطالع من الدريشه جلس جنبها ومسك ايدها
محمد: مضايقه
سارة: هالشعور تعودت عليه ما يعتبر شي غريب ولا جديد
محمد: مني
سارة: من نفسي قبل أي احد
محمد: ما تبيني
سارة: هذا مو اختياري ولا اختيارك ولا من حقي ولا من حقك انا نقول نعم او لا
محمد: تبيني اقنع جدتي نتطلق اذا مو مرتاحه
سارة طالعته بنظرات استغربها محمد شدت على ايده بكل قوتها لما ذكر الطلاق حست بهاللحظه ان محمد هو الوحيد الي باقي لها بهالدنيا ومن بين كل هالناس ما تركها وظل معها رغم معاملتها السيئة معه ومثل هالناس صعب تحصلهم بحياتك واذا تواجدوا فيها فتمسك فيهم ولا تفرط فيهم
محمد لاحظ الدموع الي انسابت من عيونها رفع ايده ومسح الدموع بطرف أصابعه
محمد: لا لا ما نبي هالدموع من اليوم هالدموع لا تنزل ما نبي نشوف غير ابتسامتك الحلوة
شدها له وحضنها بكل قوته بهالحضن يبي يحسسها ويثبتلها انه هو جنبها ومستحيل يتركها ومستحيل يفرط فيها وسارة الي بادلته الحضن وهي حاسه براحه نفسيه ما حست فيها من قبل
حس بثقلها وعرف انها نامت شالها بين ايديه وسدحها بالسرير عدل بيجامتها الي ارتفعت وغطاها طالع بوجهها الي التعب كان مبين عليه
محمد: يا ليت اقدر اشيل الحزن الي بقلبك الله يخليك لي ويحفظك لي والله يقدرني و اسعدك
.................................................. .....................
وسن كانت جالسه وتنتظر ناصر صارت الساعه 3 وللحين ما جا من بعد ما ارسلتلها فرح انه وصلهم صارله 3 ساعات كانت جالسه على اعصابها مو قادرة تنام قبل لا يجي وتطمن انه موجود سمعت الباب الي انفتح وقفت وهي تطالعه طالعها لثواني وبعدها مشى من غير ما يكلمها دخل الغرفه غير ملابسه وانسدح بالسرير
وسن الي تضايقت من تجاهله لها حست بغصه بداخلها من تغير ناصر المفاجئ دخلت الغرفه وجلست جنبه عالسرير
وسن: نمت
ناصر كان منسدح على ظهره ومغطي عيونه بايده: خير فيه شي
وسن: ممكن نتكلم
ناصر شال ايده عن عيونه وطالع فيها : شايفه ان الوقت مناسب للكلام الساعه 3 وانا تعبان
وسن شوي وتبكي من تعامل معها تحس انها مخنوقه ومو قادرة تتحمل طلعت من غير ما ترد عليه
ناصر لاحظ شكلها الي يبين انها مضايقه لكن هو حاب يخليها تحس شوي بالغلط الي سوته مو معه بس مع نفسها ومع الكل لازم تقرر كيف راح تعيش حياتها المستقبليه هل بتتمسك بالماضي الي هي مو قادرة تتذكر منه شي والي انكشفلي بعض منه خلال الأيام الي مضت ولا بتنسى وبتحاول تعيش حياة جديدة مع أهلها وزوجها
انسدحت بالكرسي بالصاله وحاولت تنام لكن النوم مجافيها مو قادرة تفكر حاسه انها مشتته
.................................................. .................................
الصباح كل واحد صحى وهو فقلبه وعقله أفكار ومواضيع مو راضيه تبعد عنهم كل واحد باله مشغول كانوا متجمعين على طاولة الطعام لكن كل واحد تفكيره وباله مشغول فشي محد لمس أي شي من الاكل كل واحد سرحان ويفكر
كل واحد بداخله أسئلة مو لاقي لها اجوبه ليلة امس كانت صعبه على البعض وحلوة للبعض
رنا بداخلها(هل الي صار والي وسويته كان صح )
قبل ساعات صحى خالد من النوم وهو بكامل نشاطه طاله بمكانها ما كانت موجوده سمع صوت الماي عرف انها تأخذ شور بعد ربع ساعه طلعت وكانت لافة المنشفه على جسمها وشعرها المبلول قرب منها ومسكها من خصرها وقربها له ورنا الي مستحيه ووجها قلب الوان من بعد الي صار وهي تستحي منه اكثر واكثر
خالد: راح اهون عن الشغل شكلي اليوم
رنا طالعت بعيونه: لا ما يصير بعدين محد موجود وانتي الي ماسك الشغل الحين
خالد: أي شغل واي خرابيط وانا عندي هالزين كله
رنا بدلع: خااالد خلص
خالد: يا ويل حالي انا
رنا بعدت ايدينه عن خصرها وفتحت الدولاب تأخذ ملابس
رنا: انا بجهزلك فطور الي ما تخلص
خالد حك راسه: مصره عليي اني اروح
رنا طالعته: اكيد
سارة بداخلها(معقولة محمد يكون غير عنهم هالحنان والطيبه الي شفتهم ولاحظتهم بتصرفاته راح تستمر ولا لا ما راح يخليني اندم اني وثقت فيه )
دانيه بداخلها( ليش يضغط عليي ويتصرف معي بهالشكل ماني عارفه افهمه ولا افسر سبب تصرفاته معي اني ما اكرهه ولا احبه لكن انا ما ابي اكمل حياتي مع واحد ابتدأ فيها بالكذب والغش واجبرني على هالزواج )
رزان بداخلها( مدري ليش هالخوف مالي قلبي مدري ليش انا متوتره هالكثر وخايفه منه معقوله كلها أوهام ويكون غير ولا بيكون قاسي وعصبي ويضربني يمه لا ما اتخيل )
وسن(الى متى يا ناصر راح تظل تعاملني بهالشكل انا غلطت وانت غلطت بس انتوا غلطكم وذنبكم اكبر من غلطي ليش ما تتنازل ليش تنتظرني انا اتنازل انت تحبني والي يحب مستحيل يقسى ويكره )
محمد بداخله (ليش يا سارة اشوف التردد والخوف بعيونك كل هالشي بسبب الخذلان الي صارلك بحياتك ولا لانك مو متقبله وجودي وكل مشاعرك ردة فعل لتصرفات ابوك وناصر معك )
ناصر بداخله ( انا اسف لكن لازم تعرفي حجم غلطك يا وسن الي صار والي قلتيه مو شوي )
مهرة بداخلها ( يا ترى شو الي شاغل بالكم يا عيالي هل كرهكم لي يزيد يوم عن يوم ولا اقتنعتوا اني بالي اسويه من خوفي وحبي لكم انا لازم اتطمن عليكم قبل موعد العمليه وزان سامحيني يا بنتي لكن لازم عرسك يصير خلال هالاسبوع )
نزلت ندى من الدرج ومعاها قمر الي بكاها صحى الكل وطالعوا كلهم عالدرج وقمر الي طالعتهم وبانت ضحكتها الي الكل انشرح صدره على ضحكتها ونسى كل همومه الي كان يفكر فيها
ندى: اسفه تأخرت عليكم كنت اغير لقمر
مهرة: الا وين راشد
ندى: يغير ملابسه وبينزل ان شاءالله
مهرة: خالد بتوصلني المستشفى اتطمن على زينب
خالد: ان شاءالله جدتي


تفاعلكم الجميل وتوقعاتكم الرائعه
واريد بعد رأيكم بالراويه لحد الآن




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-11-19, 12:21 AM   #27

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت 25


عند فارس وسامر بالكافيه
سامر: هذي اول خطوة وسويناها الحين ابيك تتصل على ناصر وتخبره إنك بتروح عشان تأخذ سيارتك وخلي اختك توثق علاقتها فوسن أكثر
فارس: لكن نحن شو مستفيدين من هالشي كله هي ما راح تتقبلنا مهما صار
سامر: ما فيه أي شي يظل على حاله ومصيرها بتتغير نحن بنسوي الي علينا وانا متأكد انه هاليوم بيجي وبتستقبلنا كلنا بحضنها قبل بيتها
فارس: أتمنى هالشي أتمنى نجتمع كلنا ونحس بجو العائلة الي فقدناه أتمنى اختي ترجع مثل قبل وتنسى الي صارلها بعد ما تحس بالسند وقوة العائلة
سامر ربت على كتفه: كل هالشي بيصير بأذن الله إذا حطيت ايدك بايدي
فارس: انا معك
................................................
كانت بغرفتها تذاكر مو قادرة تركز
وسن: ليش مو قادره أركز ولا أسوي أي شي ليشم و راضي يطلع من عقلي خلص يا وسن حاولي تركزي وانسي كل شي صار
مسكت اوراقها وحاولت تلهي نفسها فيهم
مرت الساعات وما حست على نفسها نامت
دخل الشقه وما كان لها حس دخل للمطبخ شرب ماي وطلع شاف باب الغرفه مفتوح دخل وشافها نايمه وسط السرير واوراقها منتثره حوالينها قرب منها وصار يطالعها
ناصر : حرمتيني لذة النوم ولذة وصالك وحبك حرمتيني أعيش اجمل مشاعر معك كسرتيني بتصرفاتك الي ما توقعتها شتبيني اسوي فيك
طلع الصاله وتمدد عالكرسي رن موبايله وكان فارس المتصل
ناصر: هلا فارس شخبارك
فارس: الحمدلله طيب عذرا عالازعاج
ناصر: لا فا عليك تفضل ما فيه ازعاج
فارس: كنت بجي اخذ سيارتي من عند البيت
ناصر: انا وديتها للتصليح اذا تبي بمر اخذك ونروح نشوفها ارسل اللوكيشن وبجيك
فارس: والله اني مستحي منكم ما كان له داعي كل هالشي تعبتكم معي
ناصر: ما فيه تعب يا ولد الناس انت ارسل الموقع وان شاءالله العصر انا عندك نروح ونشوف السيارة اا خلصت او لا
فارس: ما تقصر وجزاك الله خير مع السلامه
ناصر: بحفظ الله
فارس الي كان مع سامر بالكافيه
فارس: خلص العصر بنروح نشوف السيارة
سامر: زين يالله الحين انا استأذن بروح الشركه ابوي اتصل فيني يبيني عاد انت تواصل معي
فارس: ان شاءالله ولا يهمك
.................................................. .................
زينب بعد ما طلعت من المستشفى جلست بشقتها وحالتها النفسيه ما زالت تعبانه نفس ما هي باحساسها انها فقدت شي من زمان كانت تنتظره بفارغ الصبر منسدحه بسريرها والدموع ما فارقت عيونها وهي تفكر بكل شي صار معها دخل يوسف وشافها على حالها انسدح جنبها وضمها
يوسف: لمتى هالدموع راح تتعبي نفسك بهالشكل انتي مؤمنه وتدري ان الله بيعوضك بشي أجمل
زينب: كنت انتظر هالخبر من زمان ولما صار فقدته
يوسف: كل هالشي مقدر ومكتوب وبعدين يالله قومي معي انا جايب من الاكل الي تحبينه خلينا ناكل مع بعض
زينب: مو مشتهيه
يوسف: ما عندي شي اسمه مو مشتهيه يالله معي
قومها غصب عنها وطلعها معه وفتح الاكل وبدا يوكلها بايده اكلت شوي وبعدها وقفت
زينب: خلص يكفي هالقد
يوسف: لا ما بوقف الى ما تخلصي كل الي بالصحن
زينب: والله مو مشتهيه واكلت عشانك
يوسف: طيب عشاني هاللقمة بس
زينب: طيب
بعد ما خلصت اكل يوسف نظف الطاولة ورجع عندها
يوسف: شرأيك نطلع نغير جو نحجز ونسافر
زينب: انا للحين حاسه بتعب ما اقدر اطلع واسافر برتاح شوي
يوسف: الي يريحك حبيبتي
.................................................. .......................
محمد بعد ما خلص الشغل الي كلفه فيه ابوه رسل رسالة لسارة وطلع من الشركة
سارة كانت طالعه ماخذه شور وتنشف شعرها سمعت صوت موبايلها فتحته وكان فيه رساله من محمد يخبرها فيه انه بيمرها تتجهز من دون اعذار لان حتى لو مارضت بيطلعها غصب
تركت التلفون ونشفت شعرها غيرت ملابسها لبست لبس مريح ولبست عباتها وطرحتها ونزلت بعد ما خبرها انه ينتظرها بالسيارة
نزلت وحصلته خارج ركبت السيارة
سارة: السلام عليكم
محمد: عليكم السلام
حرك محمد وعم الصمت بالسيارة وسارة الي كانت سرحانه وتطالع الدرب بكل هدوء
محمد كان بيكسر الصمت الي عم بالسيارة مسك ايدها الي خلاها تتفاجأ من حركته وتطالعه شد على ايدها وباسها على كفها
محمد: مو متعود على سكوتك وهدوءك سارة الي اعرفها ما تسكت
سارة: سارة الي قبل ماتت الي تشوفها الحين سارة ثانيه
محمد: بس هذيك احلى بروحها وضحكها وكلامها ولسانها الي ينقط عسل
سارة الي ابتسمت لما حست فيه يتمصخر عليها ويقصد لسانها الطويل الي ما سلم منه احد
محمد:يا حلاة الابتسامه ان شاءالله دوم نشوفها
سارة بجديه: ما قلتلي على وين
محمد: مكان راح تحبيه واايد
سارة: بنشوف
نص ساعه ووصلوا للبر كان مكان بعيد عن الناس وصلوا وسارة تتلفت تطالع بالمكان ومستغربه اول ما وقف محمد نزل وبدا ينزل الأغراض الي جابها
نزلت سارة وهي تطالع يمين ويسار وفوق وتحت
سارة: انت من جدك جايبني البر وتقولي مكان راح تحبيه
محمد بابتسامة: وشو احلى من هالمكان وهالجو الجميل مع وجود الوجه الحسن
سارة: محمد مو منجدك خلنا نرجع أخاف فيه ثعابين ولا ذيابه هنا
محمد ضحك على تفكيرها: تطمني يا بنت الناس ما فيه شي
سارة تطالع المكان بخوف وموم طمنه قرب منها محمد وما صار يفصل بينهم أي شي وانفاسهم الي اختلطت ببعضها من قربه الشديد منها وسارة الي حست برجفه تسري بجسمها من قربه منها
محمد: ما راح اخلي أي احد ولا أي شي يقرب منك وانا موجود وانا اخترت هالمكان بالذات عشان محد يشاركني فيك ولا يشغلك أي شي عني بكون معك لحالنا انا وانتي والسماء والنجوم وصوت همسك هو موسيقاي
سارة الي زاد توترها من كلامه الي مو متعوده تسمعه من احد دفته وبعدت عنه
سارة بتوتر: محمد انا موم تعوده على هلالاماكن الله يخليك
محمد: يعني بتكسري فيني وبخاطري
سارة: بنجلس بس ما نطول
محمد: على امرك
جلست سارة وللحين خايفه وتتلفت
محمد: يا بنت الناس اهجدي شوي ما فيه شي
سارة: الله يستر منك ومن افكارك
محمد بابتسامه: بأمانه ما عجبتك الفكرة اعتبريها مغامرة اول مرة تجربي هالاجواء الخورافيه
سارة طالعته باستغراب : خورافيه هااه زين تمام
محمد الي بداخله كان متأكد ان سارة بتطلع عن صمتها لانها ما تتحمل تشوف شي ما يعجبها وتسكت فهالرحله كان قاصدها عشان يطلعها من مودها وضيقها وتفكيرها السلبي الي صارلها كم يوم منغلقه وتفكر بأفكار مالها داعي
محمد: صبيلنا شاي خلينا نستمتع بشرب الشاي على هالجو
سارة طالعته: لا محمد مو منجدك يعني انت مستانس على هالجو وهالمكان القاحل الي مخلينا فيه
محمد مسك الاستكانه وصبله شاي وصار يرتشف الشاي وهو مستمتع : افكر انا هنا حتى
سارة فتحت عيونها على وسعها ووقفت: والله ما جلست دقيقه معك هنا تبيني انام هنا لا انا مو بايعه نفسي يالله قومي ردني
محمد ضحك عليها: يا بنت الناس جلسي واستهدي ناكل ترا جوعان وبعدها نروح
سارة جلست: وعد
محمد: وعد يالله فتحي الاكل
سارة فتحت الاكل ورتبته وصاروا ياكلوا وهي حاسه بتوتر وخوف من المكان
..................................................
سلطان كان بالمستشفى يتطمن على اخر فحوصات سواها
الدكتور: الحمدلله للحين كل امورك طيبه وان شاءالله قريب بنحدد يوم للعمليه
سلطان: ان شاءالله بس دكتور حبيت اسأل هل العمليه فيها خطورة
الدكتور: ما اقدر اكذب عليك واقولك ان العمليه بسيطه العمليه معقدة لكن ان شاءالله الأمور تكون زينه وما بيصير أي مضاعفات انت تطمن
سلطان: ان شاءالله دكتور مشكور يالله انا استأذن
الدكتور: الله يعطيك الصحه والعافيه
طلع سلطان من عند الدكتور وما كان منتبه على سامر الي كان واقف بعيد ينتظره يطلع اول ما طلع دخل سامر عند الدكتور وعرف عن نفسه للدكتور
سامر: ممكن اتطمن على حالة عمي
الدكتور: الحمدلله صحته طيبه وبما انه متبع كل التعليمات الي اعطيها له ان شاءالله ما بيكون فيه أي ضرر عليه بس غريبه كيف انت تعرف عنه مع انه متكتم على الموضوع وموصيني ما أتكلم فيه عند أي احد
سامر: هو ما يخبي عني شي تطمن هالكلام ما بيطلع من بينا
الدكتور: ان شاءالله اهم شي تعدي العملية على خير وان شاءالله كل الأمور بتكون زينه
سامر وحول ما يبين انه متفاجئ بموضوع العمليه : ومتى تاريخ العملية
الدكتور: نهايه الشهر
سامر: مشكور دكتور ما قصرت
الدكتور: ولو واجبنا
طلع سامر من عند الدكتور وتوجه لبيت اهله
اول ما دخل استقبلته امه صدت عنه بزعل تقدم ناحيته وباس راسها
غاليه: وخر عني
سامر: افا يالغاليه كل هذا زعل
غاليه: ما صرت تحترمني ولا تقدرني من لما دخلت هالافعى بينا
سامر: يا يمه مالها داعي هالحساسيات وبعدين دانيه طيبه وحبوبه انتوا ما حاولتوا تتعرفوا عليه على طول اعلنتوا عليها حرب
فاطمة: هي الي غيرتك علينا ما صرت تسأل ولا تهتم مثل اول حتى انا تغيرت عليي
سامر سحبها لحضنه: تبقي انتي العزيزة واختي الوحيده مالنا غنى عن بعض
فاطمة: اضحك علي بهالكلمتين
سامر: كل هذا زعل طيب شو الي يراضيك
فاطمة: نطلع نفس قبل نروح سينما نروح البحر نتسوق وكذا يعني
سامر: من عيوني
فاطمة: بس عندي شرط
سامر: آمري
فاطمة: بروحنا محد معنا
سامر ابتسم وهو فاهم قصدها: طيب بروحنا ومحد معنا يالله تجهزي
فاطمه نطت فحضنه حضنته وباسته على خده: والله انك احلى اخو بالدنيا
وصعدت ركض لغرفتها تتجهز
غالية: انا مو فاطمة تضحك علىي بهالكلمتين وارضى انت بعتني وشريت رضى مهرة
سامر: يمه انتي تدري شكثر احبك وعمره هالمشاكل ما كانت بينا لا تخلي هالمشاكل تبعدنا وتدخل الفجوات فعلاقتنا انتي تدري سبب احساسك هذا والي صار بسبب مشكله جهل وغباء هالبنات وبعد ابوي وعمتي صارلهم فتره ما يتكلمون وانتي تحبي ابوي واذا تبي راحته وحبه لك يكبر حاولي تتقربي منها وحاولي تهدي النفوس بدل لا تشحنيها فالنهايه اذا ارتاح ابوي كلنا بنرتاح وانتي اولهم ومهرة مو بهالسوء الي انتي متصورتنه يمكن المواقف الي جمعتكم كانت سيئة ولكذا حكمتي عليها لكن هي طيبه حاولي تفكري فالموضوع بكل منطقية وجديه يالل الحين انا استأذن
غاليه الي جلست وكلام سامر الي اثر فيها بجد وبينها وبين نفسها تعرف ان كلامه صح لكن تصرفات مهرة مع بنتها ومع فهد قهرتها وخلتها تتصرف بهالشكل وتقول هالكلام
.................................................. .......................
رجع مرهق من خارج بعد ما سلم فارس سيارته جلس قدام التلفزيون شغله وحطه على قناة الأفلام
طلعت من الغرفه بعد ما سكعت صوت التلفزيون كانت لابسه شورت وبدي لونهم وردي ورافعه شعرها كله لفوق وفيه كم خصله منسابه على وجهها
وسن: ناصر
ناصر الي لف عليها وطالعها وعيونه صارت تتفحصها انوثتها الي كل يوم تزيد وتأثر فيه رقتها ونعومتها نبرتها الهامسه الهادية كل شي يأثر فيه
صد بوجهه عنها ما يبي يضعف قدامها وينهزم ما يبي مشاعره تنجرف لها
قربت منه وجلست جنبه وحطت ايدها على كتفه حس بنعومه كفها على كتفه غمض عيونه وهو ماسك نفسه عنها
وسن: ناصر كلمني طالعني والله تعبت
ناصر الي طالعها وبنره خوفتها: انتي شتبين بالضبط مو انتي قلتي ما تبي احد يتدخل فحياتك وتبي تكوني حره انا حققتلك الي تبينه ومنعت نفسي ومنعت كل واحد بهالبيت انه يتدخل بحياتك موه الشي يريحك ليش تسوي هالشي
وسن ودموعها الي بدت تنزل من اسلوب ناصر وناصر الي قلبه اوجعه عليها لكنه مجبور يتصرف بهالشكل معها
مسكها من كتوفها وصار يهزها بغضب مكبوت
ناصر بعصبيه واضحه بشكله وبصوته: انتي لوين تبي توصلي خبريني ليش تسوي كل هالشي وهالتناقض ما تدري لوين راح يوصلك
وسن الي انهارت وصارت تبكي بهستيريه حضنته بكل قوتها وصارت تبكي بحضنه
وسن: خلص يكفي يكفي ما عاد اتحمل
ناصر الي مو قادر يتصرف ولا يستوعب وقف وبعدها عن حضنه وطلع من الشقه بكبرها


تفاعلكم ومشاركاتكم الجميله



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-11-19, 11:38 AM   #28

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 26

وسن الي انهارت وصارت تبكي بهستيريه حضنته بكل قوتها وصارت تبكي بحضنه
وسن: خلص يكفي يكفي ما عاد اتحمل
ناصر الي مو قادر يتصرف ولا يستوعب وقف وبعدها عن حضنه وطلع من الشقه بكبرها
وسن الي حست ان الضيق اجتاحها وحست بكتمة بصدرها ومو قادرة تتنفس دخلت غرفتها وفتحت الشباك وهي تستنشق هوا لعل هالضيق يروح
ناصر بصده وكلامه ذبحها
.................................................. ...
عند محمد وسارة
سارة شدت على عباتها لما حست بالهواء البارد الي لفحها وصارت ترجف ومحمد الي كان منسدح ومغمض عيونه
قربت منه وضربته فكتفه : محمد يالله ترا زودتها والله بموت من البرد خلينا نروح وبعدين الوقت تأخر والمكان يخوف وجدتي اذا فقدتنا بتذبحنا
محمد بكل هدوء: محد بيذبحك تطمني وعلى البرد قلتلك تعالي جنبي بغطيك انتي ما رضيتي
سارة شوي وتصيح: محمد انت وعدتني قبل 11 نروح البيت والحين صارت الساعه 1 يالله خلينا نروح
محمد: يالله منك يا سارة ما تعرف تسكتي وتهدي شوي
سارة: ما بسكت الى ما تقوم وترجعني البيت واذا تبي تجلس هنا وعاجبك الجو ارجع وكمل سهرتك
محمد قام واعتدل بجلسته: يالله خلينا نروح ساعديني نلم الأغراض يالله خلصي
سارة: يالله
.................................................. ..............................
دانيه الي كانت نايمه وفأمان الله ما حست غير بصوت شي طاح بالأرض بقوة وتكسير فزت من النوم وهي خايفه فتحت النور شافت سامر بالأرض وجنبه زجاج
نزلت وجلست جنبه مسكت رجله الي كانت تنزف
دانيه: بسم الله شصار
سامر: دخلت كنت ما ابي اسويلك ازعاج ماشفت الطاولة والفازه الي عليهم ضربت فيهم وهذي النتيجه
كان ملامح وجهه تدل على الألم
دانيه: خلينا انظف الجرح وبعدين يمكن تحتاج مستشفى بكلم ناصر ولا حمد
سامر مسكها من ايدها: ما ابيهم كلهم انتي تكفيني انتي نظفي الجرح وخلص
دانيه الي توترت منه ومن كلامه وبداخلها(حتى وانت بهالحاله لسانك متبري منك)
وقفت وطلعت عدة الإسعافات الأولية من الدرج جلست جنبه وهي متقززه من شكل الدم لكنها تحاملت على نفسها بدت تنظف الجرح وتعقمه وسامر الي كان مستغل انشغالها وقربها منه صار يتأملها ويطالع كل تفاصيلها بكل هدوء ولأول مره تكون باراتها قريبه منه وهي بكامل وعيها
حطت الشاش وربطته
دانيه: وأخيرا خلصنا
سامر: تسلم ايدك يا زوجتي الغاليه
دانيه طالعته بنظره وبعدها وقفت وتوجهت للحمام غسلت ايديها وطلعت نظفت المكان من الزجاج والدم وبعدها غير ملابسها لان كان فيهم دم لما كانت تنظف الجرح
سامر: ممكن تساعديني اغير ملابسي
دانية: لاااه الي اشوف ان رجلك الي مجروحه ومتعوره من ايدك يعني تقدر تغير بروحك
سامر: الله الله يالدنيا انتي زوجتي يعني المفروض تساعديني ولا تستحي مني
دانيه: انت الي ما تستحي على وجهك
سامر: طيب على الأقل ساعديني ادخل للحمام وطلعيلي ملابس نظيفه
دانيه الي تنرفزت من أسلوبه الي يستخدم فيه الامر كل مره
طلعتله ملابس وسندته وساعدته يدخل للحمام وعطته ملابسه طلعت وانتظرته عند الباب وبعد ما خلص طلع وساعتدته يوصل للسرير انسدح وتغطى
دانيه: اليوم بس بسمحلك تنام بالسرير لانك مجروح وتعبان ولا تحلم تنام جنبي انت ما منك امان غدار ما تلتزم بوعودك
سامر طنشها وتغطى ونام
سامر: تصبحي على خير وطفي النور قبل لا تنامي ما أحب الاضاءه لما انام
.................................................. ..........................
كان يلف بالشوارع مو عارف وين يروح فالنهايه ما حس بنفسه غير عند البحر وقف السيارة ونزل
جلس مقابل للبحر وهو يشوف الأمواج الي تتضارب مع بعضها بكل قوتها وفالنهاية تستكن وتهدأ ثورانها الشديد الي يهدأ بعد ما يكسر الي قدامه يشبهها تثور وتكسر الي قدامها موب ايديها لا بكلامها وقسوة تصرفاتها وبعد هالشي كله تهدأ ويروح الثوران الي بداخلها
رجعتله كل المواقف الي دارت بينهم من لما تعرف عليها لليوم بدايه علاقتهم كانت جميله كان هدوءها يشبه النسيم الي يلفح على وجهه بهالوقت وهمسها يشبه صوت الأمواج وهي هادية وما تثور لمساتها تشبه نعومة الرمل الي جالس عليه كل هالشي انقلب فجأة وتحولت لشخص ثاني لكنها ما زالت محتفظه بالهدوء الي يميز شخصيتها مسك راسه الي داهمه الصداع فجأة من كثر التفكير وهو يحاول يتخذ قرار انسدح على الرمل وهو يطالع النجوم الي كانت تتلالأ بالسماء غمض عيونه بألم وهو يحاول يتناسى شوي عشان ما يرهق نفسه
.................................................. .......................
سميه الي كانت نايمة مع غسان دخل سيف بكل هدوء وهو يشوفها منسدحه وغسان جنبها ما حب انها يصحيها طلعله لبس وغير ملابسه وانسدح جنبهم وهو يطالعهم بشوق غاب عنهم كم يوم لكنه كان يحس انهم أطول أيام مروا عليه غمض عيونه وهو حاس بتعب ونام بسرعه من فرط تعبه
.................................................. .........
الصباح تجهزت عشان بتروح الجامعه ونزلت كانوا عيونها مورمين من البكا ومن قله النوم صادفت رزان فدربها وخلو
خلود: بسم الله حبيبتي وسن شفيك مريضه
وسن بابتسامه باهته: لا ماني مريضه بس يمكن تعب سهرت اذاكر ما نمت اليوم فيه اختبار شوي صعب
رزان: مو زين ترهقي نفسك حبيبتي وبعدين وين ناصر عنك مخليك سهران كذا
وسن ابتسمت من غير ما ترد
رزان: خلينا نروح قبل لا نتأخر وانتيب تروحي مع خالد كالعادة ولا
خلود: لا اليوم ما عطاني وجه وراح عني اونه صاحبه بيروح معه مالت عليهم من رجال غدارين
رزان بضحكه على كلامها: عشان ما وصلك واحد قلبت على كل الرجال وصاروا غدارين
خلود: هيه والله غدارين
رزان: امشوا لا تأخرونا
خلود: الا وين سارة ما اشوفها تداوم هالبنيه
رزان ضربت جبهتها بخفه: اووف نسيتها كنت مقومتنها تتجهز مدري شكلها سهرانة مو راضيه تصحى بطلوع الروح صحت أخاف نامت بالحمام بروح اشوفها
سارة وهي نازله : ماله داعي جايه جايه
رزان: والله عبالي نمتي بالحمام
سارة: يالله مشينا طفرتوني
خلود: بعد احنا الي طفرنابك مو كأن انتي الي زارعتنا هنا
سارة: يالله يالله
مشت عنهم ولا كأنه كانوا ينتظروها رزان وخلود طالعوا بعض بقهر منها ووسن الي كانت مو معاهم ولا مركزه بكل الي صار لما شافتهم طلعوا طلعت وراهم
.................................................. ...................
خالد او ل ما صحى من النوم شم ريحة اكل تشهي طلع من الغرفه وشاف رنا واقفه وترتب السفره حضنها من خلفها وباسها على خدها
رنا الي تفاجأت فيه وابتسمت اول ما باسها
خالد: احلى صباح لما نتصبح فيه بهالوجه الجميل
رنا: صباح الخير
خالد بعد عنها وجلس عالكرسي صباحك الخير والنور والورد وكل شي حلو (حط ايده على بطنها)شخبارنا بطلنا
رنا: شو دراك انه ولد
خالد: انا حاس انه بيكون ولد
رنا: ان شاءالله
خالد: المهم جهزي نفسك اليوم باليل بتحصلي بوكس فيه أغراض وملابس بالكبت البسيهم وتجزي وباليل بمرك
رنا: وين بنروح
خالد: بتعرفي باليل يالله الحين افطر عشان بروح الشركة
.................................................. ...................
دانيه الي صحت وهي بحضن سامر كالعادة شالت ايده الي كان حاضنها فيها وقامت بشويش خذتلها ملابس من الكبت وخذت دش وراحت للفله تشوف البنات اول ما وصلت ما حصلت احد اتصلت عليهم وخبروها انهم راحوا للجامعه
دانيه بصراخ: نسيت اليوم جامعه من بيوديني الحين ما فيه احد والسايق مو موجود طلع مع جدتي
رزان: مدري عنك كنا بسارة صرنا فيك مدري شهالنوم الي مسيطر عليكم
قفلت من عندها وهي تعض اصبعها حاسه بتوتر وخوف مو حابه ترسب وتخسر
دانيه: ما فيه غيره
دخلت الملحق و شالت الغطا عن سامر وضربته بكتفه تصحيه
دانيه: سامر يالله اصحى بسرعه بسرعه
سامر فز من نومه : خير شصاير
دانيه: قوم وصلني الجامعه بسرعه
سامر: خوفتيني عبالي فيه شي وبعدين مو شايفه رجلي متعوره كيف اوصلك
دانيه: اليسار متعوره اليمين ما فيها شي يعني تقدر تسوق يالله الله يخليك
سامر: الله يعينا بس يالله خلصي اجهزي
دانيه باسته على خده من الفرحه : ثواني وانا جاهزه
سامر حط ايده على خده مو مستوعب الي صار ابتسم على تصرفها العفوي وقام يغير ملابسه بعد
.................................................. ................
مهرة كانت بالمستشفى عند دكتورها
الدكتور: الحين خلصنا الاشعه والفحوصات الي محتاجينها والعمليه ان شاءالله نهايه الشهر
مهرة: ممكن نأجل العملية شوي
الدكتور: الورم اذا تركناه راح يكبر وممكن يأثر عليك خلينا نسرع ونشيله ولا نتهاون فيه أخاف يضغط على أعصاب العين وبعدها تقفدي النظر لا سمح الله
مهرة: ما راح يصير شي بأذن الله بعدين احنا ما راح نأجل كثير بدل ما تكون بعد شهر نمدد أسبوعين مع الشهر مو كثير
الدكتور: انا انصحك تتخلصي منه بسرعه
مهرة: خلص دكتور على ضمانتي واذا تبيني أوقع على أي شي اانا جاهزه
الدكتور: براحتك
مهرة: شكرا دكتور



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 07-11-19, 10:23 AM   #29

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت 27

صحى سيف على غسان الي كان طالع فبطنه ويضربه فوجهه
سيف بضحكه باسه على خدوده : صباح الخير يا عمري انت اشتقتلك اشتقتلك
دخلت سميه وبايدها صينية الفطور
سميه: صباح الخير حبيبي
سيف اعتدل بجلسته ومسك غسان لا يطيح : صباح النور يا عيونه
سميه: ما حبيت اصحيك خفت ازعجك
سيف: حبيبتي انتي روقان بالنسبه لي مو ازعاج
سمية قربت منه وخذت غسان عنه وباسته على خده: طيب ممكن نفطر قبل لا يبرد الاكل
سيف: اكيد
.................................................. ..........
بالجامعه
وسن الي كانت تحاول تركز وتنسى الي صار كل الي يهمها الحين الورقه الي قدامها تحاول تتذكر كل شي درسته عقلها مشتت مو قادرة تركز حاولت كثر ما تقدر انها تركز بالي قدامها وتحل الي تقدر عليه
عند فرح بنفس القاعه لأول مرة تكون بهالثقه وبهالراحه بالامتحان حلت بكل ثقه وخلصت وطلعت كانت تلاحظ التوتر بوسن استغربت ان وسن تكون متوترة بالامتحان وهي الي دوم تحل وتطلع اول وحده وعلاماتها دوم ممتازه
بعد نص ساعه طلعت وسن وصادفت فرح
فرح كانت بتتكلم لكن قطعت عليها وسن
وسن: فرح ممكن تروحي معي عند دكتورتك
فرح: دكتورة غادة
وسن: ايه
فرح: طيب
وسن: كلمي اخوك وخبريه انك بتجي معي وانا بتصل بالسايق يمرني ونروح وبخبرك عمتي رزان اني طلعت
فرح: طيب حبيبتي
فرح ما كانت حابه تضغط عليها ولا تسألها لان لو هي حابه تقول كانت بتقول لها فتركتها على راحتها
وسن وفرح كانوا ينتظروا السايق اول ما وصلوا ركبوا معاه ومشى وما لاحظوا الشخص الي كان يتابعهم ويمشي وراهم
اول ما وصلوا للعياده نزلت فرح ومعها وسن ودخلوا الدكتورة كان فيه عندها مريض جلسوا بالانتظار ينتظروا دورهم
استغرب المكان الي جاينه وهالعمارة اول ما ركبوا بالمصعد ركض يشوف الدور الي هم رايحينه لما وقف طلع من الدرج ركض وصل للدور الثالث وكان مكتوب عليه عيادة......
استغرب من جيتها هنا وليش
نزل للسيارة ينتظرهم يخلصوا وينزلوا
دخلت وسن عند الدكتورة وفرح كانت تنتظرها خارج
الدكتورة غادة: قوليلي سا وسن شو الي مكدر خاطرك ووجهك الحلو هذا
وسن حكت للدكتورة كل شي صارلها من لما صحت بالمستشفى ودخولها لبيت مهرة وزواجها من ناصر واخر الاحداث الي صارت
غادة كانت تستمعلها باهتمام وتتابع تفاعلها بالكلام وبملامح وجهها واحمرار وجهها الي يعلن عن نزول دموعها
غادة اقتربت منها وحضنتها وتركتها تبكي بحضنها وتفرغ كل التعب الي بداخلها
وسن: خلص تعبت من كل شي ما عاد فيني طاقه اتحمل اذا ما يبيني يقولي بروح لرائد اميركا وبعيش هناك
غادة عدلت بجلستها : خلينا نتكلم بصراحه اول شي مسحي هالدموع لانها ما تليق بهالوجه الحلو وخلينا نشوف ضحكتك الحلوة
ثانيا انتي وهو غلطانين ما اقدر أقول انه هو ما غلط لكن غلطك انتي اكبر يا وسن وانتي بداخلك عارفه هالشي لو كنتي متأكدة ولو واحد بالمية انك ما غلطتي كنتي ما راح تترددي انك تروحي لاميركا وتعيشي حياتك السابقه الي كنتي عايشتنها وبعد انتي المفروض تتماسكي وما تضعفي وتعرفي ان ردة فعل ناصر هذي جدا طبيعية ولا تنسي ان هو صرحلك بحبه وبمشاعره وهالشي نادر أي رجال يسويه الرجال بطبعهم يكتموا مشاعرهم وتصرفاتهم هي الي تعكس مقدار حبهم لكن ناصر قالها لك بصريح العبارة المفروض انتي تتمسكي فيه وتحاولي تتماسكي وترجعيه لك بأي طريقه وبالنسبه لعائلتك ولجدتك اشوف تصرفات جدتك الي الكل مستنكرها موس يطره وحب ذات جدتك فيه شي مخليها تعاملكم بهالشكل وتسوي الي تسويه الحين يمكن حابه تجمعكم وتكون عايلة سعيده متجمعه حوالينها ويمكن موحابه انكم تضيعوا وتتفرقوا اذا كل وحده فيكم طلعت من العيلة وتزوجت واحد من خارج العائلة يمكن ويمكن فيه أسباب كثير لكن تأكدي انها تحبكم وتحب مصلحتكم والدليل المواقف الي سوتها مع كل واحد فيكم
وسن كانت ساكته وتمعلها باهتمام وراحه
وقفت غاده وبابتسامه: والحين اقدر أقول انا اليوم خلصنا والحين تروحي البيت وترتبي المكان وتلبسي احلى لبس وتطبخي احلى اكل لزوجك ولما يرجع تكون بانتظاره وعاد انتي وقدراتك كإمراة ممكن ترجعيه (وغمزتلها)
ووسن الي نزلت راسه بحيا لما فهمت قصد الدكتورة
.................................................. ....................
بالفندق صحت رنا والمكان كان كله ورد بكل لون والفطور قدامها
خالد: صباح الابتسامة الحلوة
رنا: صباح الخير حبيبي
خالد قرب منها وحضنها : أتمنى اني اصبح كل يوم على هالوجه وانام عليه
رنا طالعته : مشكور حبيبي على كل شي تصدق اني كنت ناسيه انه امس كان يوم ميلادي لكن انت ما نسيته
خالد: مستحيل انساه
رنا تذكرت خالد الي فعلا مستحيل ينسى هاليوم وكان رغم كل الي كان بينهم تحصل هديتها بهاليوم موجوده
رنا حضنته: الله يخليك لي ولا يحرمني منك وانا اسفه على كل شي صار قبل
خالد مسك وجهها بين كفوفه: ما بينا اسف وهالكلام كل الي ابيه انك تنسي الماضي بألمه ومواقفه ونعيش أيامنا الجايه بفرح ويعادة وننتظر هالصغنون يشرف يكمل فرحتنا
رنا: ان شاءالله
.................................................. .................................
اول ما نزلوا من العيادة وحركوا طلع ناصر لعند الدكتورة وأول ما دخل عندها عرف عن نفسه
غادة: اهلا أستاذ ناصر تفضل
ناصر: مشكورة
غادة: ما شاءالله عندك زوجه جميله من كل النواحي شكلا ومضمونا
ناصر: شكرا
غادة: تفضل اسمعك
ناصر: ممكن اعرف وسن شفيها وليش جت عندك
غادة: تأكد ان هي ما فيها شي لكن احساسها بالوحده وان ما فيه أي احد يسمعها هو الي جابها عندي يمكن هي الي عزلت نفسها وسوت حدود مع كل شخص بالبيت ومبنت حوالينها سور حصين ما سمحت لاي احد انه يدخله ويخترقه ويكتشف شو وراه لكن كل الي ابيه منك واطلبه واتمناه عشان حالتها ما تسوء وما تحتاج لوجودي انك تحتويها وتتقرب منها ولا تنفر منها هي الحين مالها احد غيرك واذا انت بعدت يمكن هي تبعد ولا عاد ترجع ولا عاد تحلم تشوفها لان ردة فعلها راح تكون قويه
ناصر: دكتورة هي غلطت وكنت حاب احسسها بحجم غلطها
غادة: ادري غلطت وكلنا نغلط محد معصوم لكن بدل ما نأنب الغلطان ونحجم الأمور لا بالعكس نحاول نفهمه حجم غلطه ونعطيه فرصه انه يصحح الي صار ويتراجع عن تصرفه يمكن يكون ندمان لكن اسلوبك معه يخليه يكابر وما يرضى يعترف نصيحه لا تخسرها هي تحبك وانا متأكده من هالشي
ناصر الي انشرح صدره من كلمة تحبك ابتسم وشكر الدكتورة وطلع من عندها
.................................................. ............................
فارس كان جالس ينتظر اول ما طلع نزل وصعد لعند غادة اندق الباب وغادي الي كانت بتطلع تتجهز
غادة: تفضل
فارس دخل : ممكن ادخل
غادة: اكيد ممكن
فارس: ماشاءالله اشوف كل العائلة الكريمة صارت عندك
غادة بابتسامه: كل واحد فيهم مو عارف يتخذ قرار صح بحياته ما يدرون ان هالقرار ممكن انه يغير حياتهم كليا لو مجرد فكروا بطريقه صحيحه
فارس دخل ايدية بجيوب بنطلونه وبنبره جديه وهدوء: واذا فيه قرار انا اتخذته وانتظر قرار الطرف الثاني ويخص مستقبلي ومستقبله كيف ممكن اتصرف
غادة: اذا انت واثق من قرارك ومتأكد من الشخص الثاني توكل
فارس: انا واثق من قراري لكن الشخص الثاني مدري
غادة: واجهه واعترف له وشوف ردة فعله ورده على كلامك
فارس: واذا كان عكس المتوقع
غادة: يكون هالشي الي الله اختاره لك ولازم ترضى فيه
فارس: يعني رأيك اتوكل
غادة: توكل
فارس: طيب واذا كان الطرف الثاني هوانتي واذا قلتلك اني احبك من اول يوم شفتك فيه وان بتقدملك شو رأيك
غادة الي الصدمة مبينه بملامحها ووجهها قلب الوان من كلام فارس طاح القلم من ايدها وجلست على الكرسي من الصدمه
فارس بضحكه: شفيك
غادة لا رد
فارس: طيب انا بستأذن وبزورك بعد يومين بالضبط وبسمع ردك على كلامي مع السلامه
طلع من عندها وهي ما زالت مصدومه من الي قاله ما توقعت ابدا ولا واحد بالميه انه يقولها والشخص الي طول عمرها تنتظره وتنتظر هالكلام منه ما قالها حست نفسها مشتته مو قادرة تفكر ولا تستوعب الي صار
صحاها من تفكيرها العميق اتصال مازن
انشرح صدرها لما شافت مكالمته
غادة: هلا مازن
مازن: نزلي انتظرك
نزلت غادة وركبت بالسيارة
مازن: فيه ضيوف بيجوا اليوم عندنا وامي تبيك تقومي بالواجب لان هي طالعه مع صحباتها وبتتأخر واروى معها
غادة كالعادة: طيب
اول ما وصلت البيت بدلت ملابسها ونزلت للمطبخ وبدت تجهز الاكل
للتعريف (غادة من صغرها ساكنه ببيت عمها الي توفى بعد موت ابوها بسنتين زوجة عمها تعاملها بأسلوب زفت ولا تساوي بينها وبين بنتها ومازن الي تحبه غادة من صغرهم وهو لا داري عن هوى دارها وكل شغلتها بهالحياه العياده وشغل البيت فنانه بالطبخ والكل يحب اكلها واسلوبها بالطبخ ملامحها جميله وشعرها طوبل اسود وعيونها وسيعه بنيه وبيضاء)
غادي تحب الطبخ وشغلها اكثر شي بالحياة تعتبرهم تسليتها الي تتناسى بهالوقتين كل شي مر عليها مرت الساعات ولا حست فيهم دخلت مرت عمها وجود عليها المطبخ
وجود: ان شاءالله جهزتي كل شي
غادة بابتسامه: كل شي جاهز ورتبته والحين بروح اتسبح
وجود: ايه تسبحي ونامي ماله داعي تكوني موجوده
غادة حز بخاطرها لكن خلص تعودت انها ما تظهر بهالجمعات لان مرت عمها تتحاشى انها تظهرها قدام الناس لانها احلى من بنتها وتخاف انها تتزوج قبلها
صعدت غرفتها وقفلت الباب خذتلها شور وانسدحت بالسرير وتناولت كتابها وصارت تقرأ فيه وهي مستمتعه فيه
اما عند الحريم كانوا متجمعين وكانوا جايين مع بناتهم الي بسن اروى وكأن كل وحده تعرف بناتها على الثانيه
وجود: شرايكم بالاكل كل هالاكل ترا صنع بيت
1: ماشاءالله كثير حلو تسلم ايدين الي طبخه
وجود: بنتي اروى ما قصرت نص هالاطباق سوتهم
اروى طالعتها وكملت بالكذبه مع أمها : يمه استحي ماله داعي هالكلام
2: ما شاءالله عليك يا اروى كاملة والكامل الله يا حظ الي بتصير من نصيبه
اروى الي نزلت راسها بحيا
وجود: اكيد يا حظه دام اروى بتكون من نصيبه


تفاعلكم وارائكم وتوقعاتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-11-19, 11:29 AM   #30

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



صباح الخير السموحه بس عندي ظروف شوي تخليني اتأخر بالتنزيل
لكن ان شاءالله بكتبلكم كل ما حصلت فرصه ونزلت
وجودكم وتفاعلكم دافع لي

البارت 28

وسن كانت تتجهز بسرعه عشان تكون جاهزه لما يرجع ناصر من الدوام كانت خايفه وكل تفكيرها كيف بتكون ردة فعل ناصر وهل بيقبل اعتذارها وكيف بتعتذر وهي ما تعرف تصيغ الكلام والاعتذارات او بالاصح عمرها ما انحطت بنفس هالمواقف كل شي كان موترها طالعت نفسها بالمرآيه اخر مره قبل ما تطلع وغمقت الحمرة شوي وطلعت
رتبت الاكل الي طلبته لانه ما كان فيه وقت انها تطبخ واصلا ما تعرف تطبخ اكلات صعبه مثل الغداء لانه بالنسبه لها تحدي كبير رتبت السفره وبخرت المكان وجلست تنتظر على اعصابها وقلبها يدق بكل قوة ما تدري هو خوف ولا توتر ما عرفت تحدد مشاعرها بهالوقت مرت الربع والنص ساعة وناصر ما وصل بعد ساعة تقريبا سمعت صوت الباب الي انفتح حست بالتوتر وصل حده عندها وقفت وبلعت ريقها بترقب من ردة فعله تفاجأت لما شافته داخل وبايده باقه ورد حمرا كبيره حست بفرحه بداخلها وراحه لان هالشي دليل انه مسامحها ابتسمت لما بانت ابتسامة ناصر لما شافها فتح ايدينه لها وركضت وسن لحضنه الي فقدته بسبب طيشها وبسبب عنادهم ومكابرتهم نزلوا دموعها من الفرح
ناصر: ليش هالدموع الحين انتي كل وقتك دموع حزينه تبكي فرحانه تبكي قوليلي وقت واحد ما تبكين فيه
ضحكت وسن على كلامه
ناصر بعدها عن حضنه ومسكها من خصرها على جنب : شهالجمال طالعه وايد حلوه اليوم
وسن نزلت راسها بحيا من كلام ناصر
ناصر ما حب يحرجها اكثر: اشم ريحه حلوة (قرب من السفره )شكله مشهي هالاكل انتي طابخه كل هالاكل
وسن: تعرف اني ما اعرف تطبخ عني لازم الاحراج
ناصر: فديتك والله تعالي خلينا ناكل لان ورانا جلسه طويله بعد الاكل وورانا كلام يمكن يطول
وسن حست براحه انه ما عاتبها وبنفس الوقت حست بربكه من كلامه يعني اكيد بيفتح معاها مواضيع الأيام الي فاتت
وسن: طيب
.................................................. .............................
رزان كانت جالسه مع أمها تصبلها القهوة وتتقهوى معاها
مهرة: اليوم جهزي نفسك بتطلعي مع خواتك تاخذي اغراضك الي بتحتاجينها لعرسك
رزان بتوتر ورجفة وضحت بنبرة صوتها: بس يمه يمدي فيه وقت بعد لنهايه الشهر
مهرة طالعتها: لا انا غيرت رأيي العرس بيكون نهايه هالاسبوع
طاح الفنجان من ايدها وانكسر من الصدمه وقفت وهي شوي وتصصرخ من الكلام الي قالته أمها
رزان تحاول تتمالك نفسها: يمه ما ابي ما ابي خليه اخر الشهر
مهرة: من متى انا اشاوركم انا ابلغك وبس عطيت خواتك المفلوس وخبرتهم العصر تطلعوا وتخلصي الي ناقصك
رزان: يمه حرام والله حرام
تركت أمها وصعدت غرفتها طاحت عالسرير وهي تبكي بقهر وألم من المستقبل الي دوم امهم تقرره وترسمه مالهم أي حق يتكلموا ولا يقولوا رأيهم
.................................................. .
بعد ما طلعوا كل الحريم من البيت صعدت وجود لغرفه غادة فتحت الباب وشافتها نايمه قربت منها وصحتها
غادة بصوت تعبان: هلا خالتي آمريني
وجود: انا بنام الحين انزل المغرب احصل المبلغ الي خبرتك عنه جاهز
غادة: ان شاءالله
وجود: وعلى فكرة الشهر الجاي بزيد المبلغ شوي المصاريف زادت وراتب ابوك وعمك ما يكفينا
غادة: ان شاءالله
طلعت وجود من عند غادة وغادة الي قلبها يتحسر ويتقطع على معاملتهم لها رغم انها عمرها ما اذتهم وكل الي يبونه تعطيه لهم ومازن الي تحبه من صغرها عمره ما عبرها ولا قالها كلمه حلوه دوم يعاملها ببرود واروى الي المفروض تكون اختها بهالدنيا تعاملها كأنها غريبه ولا تختلط معها غمضت عيونها بألم وهي تحاول تتناسى كل الظروف الي تمر فيها وكل الناس الي يعاملونها بطريقه قاسيه بهاللحظ تذكرت فارس وطيبته وحنيتها ومعاملته وهو الي ما يعرف عنها أي شي يعاملها احسن معاملة وأهلها الي من لحمها ودمها يعاملوها بقسوة تذكرت طلبه وتحس نفسها مشتته مو قادرة تركز ولا تفكر نامت من التعب والتفكير
.................................................. ...............
بعد الغداء جلس مع وسن بالغرفه بعد ما غير ملابسه ووسن غيرت فستانها ولبست قميص نوم هادي وانوثي
ناصر الي كان مشتت وضايع بين جمالها ورقتها ونعومتها
حاول يمسك نفسه ويكمل وهي بين احضانه
ناصر: انتي تدري ان انتي غلطتي وانا غلطت وكل الي بهالبيت بعد غلطوا لكن غلطتك كانت اكبر انك تعديتي الحدود وطلعتي مع واحد ما تعرفيه وبروحك وما خبرتي احد وتصرفتي من نفسك ولا حطيتيلي اعتبار انا سامحتك على كل شي صار لكن أتمنى انه ما تتكرر هالاشياء ولا تنعاد ولا تحطي بينا حدود وتكون شفافه معي وتخبريني بكل شي يصير معك
وسن كانت تسمع وبكل هدوء: كنت بعرف انا مين وهو كان مفتاحي الوحيد وبعدين انا كنت مضايقه من طريقتكم الي تعاملتوا فيها مع الموضوع واعتبرتوني ولا شي ولا كأني انا الطرف الرئيس بهالموضوع
ناصر : الحين كل واحد طلع الي بخاطره وكل واحد عرف غلطته وكل واحد فينا ما راح يخبي على الثاني أي شي اتفقنا
وسن بابتسامة: اتفقنا
ناصر شدها لحضنه: الحين ممكن تصفي ذهنك و لا تفكري في أي شي غير لحظتنا هذي
وسن الي استوعبت انها بين أحضان ناصر وما لها مفر ومستحيل تبعده هالمرة بعد لانها عاهدت نفسها انها خلص تنسى الماضي وتكون له وبس حاولت تكبت الخوف والتوتر الي تحس فيه لكن غصب بانت ملامح الخجل فيها والرجفه ناصر الي كان حاسه بخوفها وخجلها لكن لازم يكسر هالحواجز بالي راح يسويه
.................................................. ..........................................
باليل طلعت رزان للسوق مع خواتها وكانت مالها خاطر تشتري أي شي كانوا خواتها يختاروا ويشتروا وهي بس تمشي معاهم لما خلصوا مروا على مطعم ودخلوا عشان يتعشوا
سمية: احلى شي لما نطلع بروحنا اشتقت لهاللمة من زمان انا نطلع بروحنا ونتسوق ونتعشى
رنا: تعبتوني من المشي راعوني حامل ترا
سمية: كان زين لو زينب معنا لكن مسكينه بروحها تعبانه
رنا: رزانوه شفيك كأنك بعزا من كأنها وحده عرسها بعد كم يوم
رزان: بنات والله مالي خلق يعني تتعاملوا مع الموضوع وكأنه شي عادي ولا كأن بتزوج واحد بيوم وليله ولا اعرف عنه شي ولااه كل الكلام الي اسمعه عنه ما شاءالله
سميه تضحك على كلامها: انتي خبله تصدقي كل شي ينقال بعدين الواحد لما يكون مع زوجته يكون انسان ثاني ما يعاملها نفس ما يكون مع الشباب وبعدين هالزواج كان بيصير لا محاله صار الحين ولا بعدين شو فرقت
رزان: لا تفرق وتفرق وايد بعد
رنا: انتي صفي ذهنك ولا تفكري بأي شي وحاولي خلال هاليومين تتقبلي الموضوع وتخرجي هالافكار السودا من راسكويالله خلونا نتعشى قبل لا يبرد الاكل
.................................................. .........................
مهرة كانت جالسه بالصاله وشافت ظرف بالصاله فتحته وكان فيه مجموعة أوراق تخص سيارات الشباب ومن بين الأوراق كان فيه ورقه اول ما قرت الاسم الي عليها انصدمت وفتحت عيونها على وسعها
مهرة: معقولة ولا انا اتوهم لا هو الاسم نفسه كيف ومن متى وهم هنا
رمت الأوراق وخذت الورقة الي عليها الاسم وصعدت لناصر شقته دقت الجرس وفتحت وسن
وسن: هلا جدتي تفضلي
مهرة: هلا فيك بنيتي ناديلي ناصر بسرعه
وسن: ان شاءالله
وسن دخلت الغرفه وكان ناصر على لابتوتبه يخلص اشغاله
ناصر: مين جا
وسن: جدتي تبيك
ناصر بنظرات استغراب: جدتي
ترك اللاب توب وطلع للصاله
وسن الي جلست بالغرفه لانها تدري ان بين ناصر ومهرة مواضيع ما يصير احد يسمعها ويعرفها او بمعنى اصح مهرة ما تحب انه احد يعرفها
باس راس جدته وجلس
مهرة: هالشخص الي مكتوب اسمه بهالورقة ابي اشوفه باكر
ناصر: خير فيه شي صار شي
مهرة: ما فيه شي بس بشوفه وبعدها تعرف كل شي
ناصر: ان شاءالله
رن موبايلها وردت عليها
سامر: هلا بالشيخه مهرة
مهرة من دون نفس: نعم
سامر: الله ينعم عليك بس حبيت ابلغك ان نحن طلعنا والحين ببيت ابوي
مهرة: و ليش ما تخبرني قبل ما تطلع ولا تخاف امنعك تأخذ دانيه معك
سامر: لا والله ابد بس ما خطرلي وبعدين ما اظن انه فيه احد يقدر يمنعني اخذ زوجتي حبيبتي معي المهم يالله مع السلامه اشوفك على خير يا احلى واطيب عمه
بعد ما قفل مهرة كانت متنرفزة من أسلوبه
مهره: ما ابلعه هالانسان
ناصر الي كان كاتم ضحكته: بالعكس طيب وينحب
مهرة طالعته بنظرة: بنظركم بس انا بروح انام تعبت
ناصر: تصبحي على خير
مهرة: تلاقي الخير
.................................................. .......................
دانيه كانت طالعه من الحمام وتنشف شعرها المبلول
وقفت قدام المرايه وطالعت بسامي الي كان سرحان طنشته وكملت تنشيف لشعرها وبعدها حطت من اللوشن على جسمها
دانيه: وخر بنام
سامر: نامي فيه احد ماسكك
دانيه: لاااه شو نسيت اتفاقنا
سامر: أي اتفاق انا ما اتفقت معك على شي
غطى نفسه كالعادة : طفي النور ولا تزعجينا يالمزعجه
دانيه الي تنرفزت من أسلوبه ومن تطنيشه لها دوم
دانيه: طفيه بروحك واشبع بالسرير مالك انا بنام بالكرسي
خذت بطانيه من الدولاب وتسدحت بالكرسي وحاولت تنام رغم انها ما كانت مرتاحه لكن عناد بسامر الي دوم يعاندها
سامر الي فتح الغطا وضحك على تصرفها قام وطفى النور
سامر: آآه شحلاة هالسرير راحه راحه
دانيه الي كانت تسمعه وعارفه انه بيغيضها ما ردت عليه وتغطت زين ونامت


تفاعلكم وتوقعاتكم



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:29 PM



Powered by vBulletin®
Copyright ©2000 - 2024, vBulletin Solutions, Inc.