آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-11-19, 12:04 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 9 اجتي ست نهله وبعد السلام والكلام كالت رشاء عندي وياج موضوع بس قبل لاتنطين رايج فكري تمام هزيت راسي اي شدكولين تشتغلين وياي بلمكتب ششتغل ؟ اي شي اني احتاج وحده تساعدني بس اني ماعرف بشغلج وشهاتي يادوب سادس اعدادي اعرف حبيبتي وشغلتج كلش سهله سكرتيره تضبطين المواعيد تردين عل تليفون تستقبلين ضيوفي ليش معقوله ما عندج سكرتيره عندي بس معاجبتني يوميه مطلعه عذر شكل وممداومه ست نهله اني اعرف امي هيه الي اتصلت عليج وطلبت منج المساعده لحالتي تره كلشي ادري بس ست اني مو بيدي اني تعبانه نفسين والمريت بي موقلين شلون ترردون مني ارجع اعيش حياتي وكنوو مصاير شي تدرين اني لحد الان أثر الإدمان يجكجج بجسمي تدرين اني لحد الان انام انام وافز مرعوبه أتخيل سامر فوكايه وديعنفني الله يخليكم حسوو بيه المريت بي ميطلعني منه لاشغل ولا غيره رشا حرام عليج يعني تدرين اهلج شديصير بيهم ودشوفين بعينج ادري ياامي لعد شلون ترجعين طبيعيه وانتي دافنه نفسج بهاي الأفكار ماكدر ماكدر مو بيدي لابيدج كومي اطلعي اضحكي سولفي شتغلي عيشي حياتج اذا حاصره نفسج بلغرفه شلون طيبين لاتصيرين ضعيفه تره دانصدم بيج رغم الكل يكولي رشا موهيج بس اني ممصدكه لن مداشوف منج غير الضعف وإذا تردين تثبتيلي غير هذا الحجي توافيقن تشتغلين وياي والموضفه شنو ذنبهه تبطل عل مودي اني مريضه نفسين العالم ليش دتضرر وياي رشا ندمرت حياته الباقين شعليهم إبراهيم ليش ميخطب واسراء ليش ابويه حرم عليه الزواج وانتي ليش بطلتي الموضفه تره اني تعبت واني افكر بكل هذا وإذا انتوو تحبوني صدك عيشوو حياتكم ومشووه لاتوكفووه يمي اترجاكم جنت احجي وابجي ومنهااره كالت ستووووب ل هنا وواوكفي تره كلش مكبرته ودتفكرين بلكل قبل مااحجي احب اكلج فكري بنفسج ومعليج بغيرج بالج يم براهيم واسراء والموضفه لعلمج الموضفه مهمله ويوميه مطلعه عذر شكل ومتاخره وإبراهيم من حقهم يرفضون لن ديشوفون حالتج متساعد ان تدخل فرحه لبيتهم واني ابصملج لو موافقين جان نفسج نتقديهم وكلتي اهلي هامليني ومشايلن همي ويخطبون ويزوجون واني هذا حالي اما اسراء فهذا مجرد كلام لن والدج بعد ملجوم منج لهذا هيج يكول هسه لاتتهربين من موضوعنه فكري بي واني حاضره شوكت متردين بعدين تعاي اكولج اشوو انتي صايره فدمره صار ساعه كاعده يمج بلجذب كلاص عصير ابلل ريكي النشفتي مشفت شنو سالفتج تره هاي طرده مسحت دموعي بيدي وابتسمت وكمت كتله ادللي اعرفه تسوي هيج عمده رحت للثلاجه دورت عصير مالكيت بس لكيت برتقال كلت اسوي طبيعي بعد احسن نزلت الخلاط وسويت العصير وامي تراقبني من بعيد طبعن اهلي صارت بيهم فوبيه ويتوقعون راح اسوي شي بنفسي فمن شافتني داسوي عصير طمنت وراحت كعدت يم ست نهله كملت العصير وديته ضيفته كالت ممممم هاي هيج نادره واني مادري عبالي راح تجيبيلي من المحلات طلعتلي معدله ومسويه عصير فريش شوفي إم براهيم رشا كلشي مبيه تره تدلل عليكم الله يسمع منج اصلن انتي كل دخله علينه خير مطبيتي بيتنه اذا مارجعتي الحياه لهل بنيه شربت العصير وبعده كامت وبوستني كالت خليج متواصله وياي عن طريق فون امج وفكري بلكتلج عليه ان شالله يله مع السلامه الله وياج طلعنه وراه ضربتي شمس المغربيه يبوووو صار شكد مطالعه وشايفه الحديقه والشارع هيه لتفت علينه وتمشت ليكدام وبعده سيارته بابنه كالت اني هنا بس اسلم عل خالتي ام زيد واجي جاوبته امي براحتج وسلمينه عليهه الله يسلمج ردت أدخل كالت امي عيب المره بعده مرايحه وسيارته بابنه خل تروح فدونوب وندخل بقيت واكفه وعيني عل شارع ومابالي غير ليلة اللهزمت والعركه وكل المواقف ال صارت بهلمكان هزيت راسي حيل اطردهاي الأفكار من راسي وست نهله هم ماتخرت دقايق ورجعت تضحك وصوت وراه ام كرار صدك تحجين هاي طلعه حتى ماكعتي والله مراهمه زيدوي والله أولادي بلبيت واني جيت عل بيت ابو إبراهيم مره ثانيه اجي جيه خاصه عليكم صارو كبالنه بسرعه صرت وره الباب وامي ضلت واكفه كله شلونج خالتي هلابيك يمه انت شلونك الحمدالله الله يسلمج ها ااا نهله قفلتي يعني مابيهه مجال ابو الزود قابل اريد اجربكم يا عيني زين خل اوصلج ههههه مو هاي سيارتي مادري مادري بس بلعباس مراهمه لاطلعتج ولا راهمه اخليج ترجعين وحدج واني موجود والله كفوو منك ابن خالتي ماعليك زود معدل يله مع السلامه جنت اباوع من زرف الباب جان مرتجي عل سياره من ناحيت الجامه ومدخل راسه يحجي وياه ومن حركت السياره بتعب عدل تشريته وكف تخوصر بيد والثانيه رجع بيه شعره ليوره بعدين نزله واشر لست نهله سلام وامي هم تلوحله بيده لحد مطلعت الفرع صد عل امي كله من رخصتج ام إبراهيم غالي وليدي الله وياك دخلت امي واني شفت الكرسي بلحديقه تمشيت وكعدت واني افكر هذا الشكل وين شايفه شاب طويل بس موكلش يعني مقبول وجسمى طبيعي لاسمين ولاضعيف شعره كثيف بس مرتب كالبه ليوره ولحيه ولشوارب نفس الحد محددات والعيون بيهن لون بس موكلش بين وبين اني هاي الخلقه والهيه شايفته هواي بس وين مادري خليت راسي بيديه ودنكت اعصر دماغي حيل احاول أتذكر بعيدين تأكدت اني شايفته وسامعه حتى صوته وهواي وهاي كلمة بلعباس بذات سامعته اكثر من مره اووووووو هسه اني وين هل سالفه وين اني بياحال كمت دخلت جوه الدنيه غوربت كولش وبردت هم رحت توضيت وصليت وبيليل فكرت هواي بموضوع ست نهله بس ماكدرت مو بيدي هيه كوه عاد تعبت جان انام ومرت الايام متشابهه وست نهله معافتني دوم تتصل وتسل عني تذكرني بعرضه الي واني اغلس كعدت وحجيت وياه امي عل موضوع براهيم وكتله ماله ذنب كالت وانتي كتله اني مابيه شي لاتوكفون حياتكم عل حسابي وإذا تردين حتى روحه اروح وياج من تخطبين كلشي ولا براهيم يامه ويامه توسلناه حتى يوافق بس يخطب وهسه من الله هدى انتو المتوافقون والسبب اني لعد انتو بهاي سوايتكم دتواصلوني للاسوء كالت الله كريم وحجت وياه ابويه شبهه اقتنع ودزت عل إيمان وارحو يشوفون البنيه طبعن تصير اخوت شريكه بلمحل ورجعت امي مكيفه معناه مقتنعه كالت حلوه وصغيره ومبينه سبورتيه وملكاه حلو بختصار عجبت امي وبعد الاتفاق بينهم وموفقت الكل راحو مره ثانيه حتى براهيم يشوفهه وأعتقد هوه شايفه كم مره من رايح عل اخوه بس هذا يسموو روتين وهم رجع موافق وتفقوو رأس الشهر يسون خطوبه رسمي ورغم حالتي ونفسيتي بس فرحت لبراهيم اخويه الوحيد وسندي وصدك سندني بمحنتي واخذ حقي مربع ويستاهل افرحله من كلبي الايام البعده اني داحس اكو تحسن بحالتي من تقربت الرب العالمين بديت اتاقلم عل وضعي ورجعت ست نهله ذكرتني باشغل مكدرت اكوله نفسيتي وهاي السوالف كتله ماعتقد ابويه يقبل وصدك جنت ممتاكده من هذا الموضوع لن ابويه كليه مخلانه ندخل يخليني اشتغل بس هيه مقتنعت كالت انتي بس وافقي وكل شي عوفي عليه اهلج ابوج اني اقنعهم ستسلمت وكلت اجرب لن فعلا اني محتاجه اغير روتين حياتي احسن حياتي بارده وباهته مثل رسمه رسمته وتعبت عليه وحطيت روحك بيه بس خاليه من الألوان ولو تلونه تطلع اجمل هاي حياتي بسب دمار سامر الي اهلي شكد تعبو عليه واني شكد تعبت عل نفسي بس حياتي بدون الألوان وتصلت عل امي وبلغته تبلغ اوبويه واجه بنفسه كعد وحجه وياي كلي اني احسن نفسي اني الي كسرتج واني سبب كلشي صار بيج بابا حبيبي ليش دكول هيج هذا نصيبي من الدنيه وهاي قسمتي واني راضيه بحكم رب العالمين ونعم بالله بس اريدج توافقين عل شغل وياه ست نهله وانت بابا اني شبيه ادري بيك شكد تخاف علينه وشكد حريص حتى كليات مدخلتنه وهسه ددوس عل نفس حتى تطلعني من الاني بي بنتي حبيبتي قبل شي وهسه شي اني هسه اريدج ترجعين رشا القديمه لن دادكطلع واني اشوفج هيج ارجع والله ارجع بس نطوني مهله شكد المهله هاي صار 6اشهر وانتي هذا حالج واحنا وياج ارحمينه يابنتي وارحمي نفسج وياج وإذا الي خاطر يمج لاتكسرين بست نهله وجربي شتغلي وياه وإذا معجبج الشغل لو ماتقلمتي اووعدج محد يضغط عليج بعد بابا هذا الشي برضاتك لو حتى ترضيني برضاتي والله شاهد عليه وبيدي اوديج واجيبج لحد متتعودين هذا هوه بابا الي تشوفه الله يرضه عليج ويريح كلبج يابنتي عافني وطلع ومادري هاي الخطوه التخذته صحيحه اول لا بس عل اكيد صحيحه شويه اغير من نفسي ومثل مكال بابا اذا معجبني او متقلمت ابطل وين المشكله قابل هذا هم جبر رجعت خبر الموافقه يوم الجمعه الصبح لست نهله وكلتلي من يوم الأحد تباشرين الساعه 4 العصر لن اني الصبح بلمحكمه والعصر بلمكتب وتجين واعلمج عل شغل إيمان جانت يمنه اصرت عليه احف لن شكلي فدمره رفضت بس بس اصرت ضحكتني من كالت حتى اليجي يريد يوكل ست نهله بقضيته ويشوف شكلج يلهزم من الباب وتكطعين رزق البنيه عاد لزمتني حفتلي وسوتلي بخار وتنضيم بشره صدك رتحت عبالك جبل ونشال من وجهي للعصر امي كالت ننزل للسوك اشتريلج ملابس لن اني ماجبت ولاشي من غراضي ولا ملابسي ولا ذهبي بختصار لهزمت بروحي وتنازلت من كلشي وهاي الفتره كله اني البس من اسراء فرحنه وإيمان ويانه شتريت كم لبسه للدوام وكله تنورات بينصل وقمصان عل تشيرتات وكم ستره مرتبه عل شال وجنطه رهمنه اني وإيمان بس حيل تعبت لن صار مده مداخله هيج اجوه وهوسه وسوك فكلش نسطرت ومن رجعت توسلو بيه البسهن بس مكدرت عفت كلشي ونمت لثاني يوم ال رتبتهن وشفتهن عليه بس حتى الملابس مكاعدتلي مثل قبل بسب نزول وزني بشكل موطبيعي بس حاولت ارتبهن وجهزت نفسي عل آخر واجه الوقت الاروح بي وصلني بابا المكتب تدخلت كبل لكيت فعلا ماكو سكرتيره بس دكيت الباب ودخلت ستقبلتي بلهفه وأول يوم جان شي اشبهه بلتعارف عرفتني بلتفصيل عن نفسه ست نهله انسانه متواضعه بمعنى الكلمه هيه متزوجه وام لولد وبنيه كرار واسيل توام رابع اعدادي وبعدين علمتي عل شغل او بلاحره ماكو شغل اصلن تااكدت هيه دساعدني فقط وهذا الشي هواي أثر بيه جانت التعليمات هيه اضبط مواعيد فقط واستقبل زواره بسلوبهه كدرت تخليني أقنع انهو هذا شغل وهذا دوام والتزام وبدت المسره الثانيه بحياتي كمت اداوم يوميه ابويه يوديني ويجيبني طلبت من ابرهيم فون لن حيل احتاجه اخابر ست نهله وهيه هواي تحتاجني ومرات تسلني عل أشياء بلمكتب وبنفس الوقت أخبار بابا يجي يأخذني فخطيه براهيم جابلي أحدث فون بمحله مخليلي شريحه والرمز واني دخلت كل البرامج الاحتاجه وشويه شويه أخذت عل شغل اول أيام جان ملل فضيع واحس وجودي ماله داعي بس شسوي داسايرهم واشوف وين اوصل صار أسبوع اداوم واليوم مدنكه عل مجر دادور قلم طلبته مني ست نهله ورفعت راسي عل صوت ربكني حيل ومن شفته وصرنه وجهه بوجه ضليت متبنجه. . . . . . . احبكم اختكم رفل الكناني❤❤❤ | ||||
|  |
|
08-11-19, 12:24 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 10 رفعت راسي وشفت زيد اقارب الست نهله كبالي من صرنه وجه بوجه تااكدت وين شايفته هذا نفسه الي تلاطمت وياه بذيج اليليه ونفسه الي تخربطت واخذوني بسيارته تبنجت بمكاني اني شلون مذكرته ذاك اليوم وعاني من هاي الأفكار صوته من كال السلام عليكم وعليكم السلام ست نهله موجوده اي نعم موجوده تفضل استريح بس انطيهه خبر براحتج توجهت دا فتح الباب بعدين لتفتله كتله العفوو منو اكوله بتسم ونصه ورجع رفع راسه كال كوليله زيد يريد يشوفج اوك دخلت بلغته كالت فورا دخلي رجعت كتله تفضل دخل واني رجعت كعدت بمكاني واكول اني شلون هيج راح من بالي واني شايفته قبل هم مو بس هاي المره شايفته مره عل صطح ومره من علوش جان ييجي بلشارع هوه فات بلسياره يعني اني شايفته بس الضروف المريت بيه نستني كولشي وخجلت لن هوه هم بادر بمساعدتي وهوه الي عرفنه عل ست نهله واني هسه تجاهلها هسه عباله اسوي نفسي ماعرفه شكد عيب من ست نهله اكيد هسه يكلله نفتحت الباب واني عل كعدتي وطلعوو هوه وست نهله بس حرجتي من كالت شنوو السالفه رشا اشو مضيفتي زيد شي رتبكت وجاوبت بتلعثم اسفه ست والله نسيت هسه اضيفكم لا حبيبتي ماكو داعي راح نطلع وإذا تحبين نوصلج لا اخذو راحتكم اني راح اخابر بابا يجيني وليش تعبي اصلن اني رايحه لبيت خالتي دازه عليه بشغله فنوصلج بطريقنه ماكدرت احجي كتله الي تشوفي قفلت المكتب وطلعنه وعبالي بسيارته بس كالت السياره عد السمكري اليوم نروح بسياره زيد رفضت كتله مستحيل منو يكول ابويه يقبل راح ارجع وانتضر بابا ندرت وهيه لزمت ايدي كالت رشا شنو ما عندج ثقه بيه مواني وياج بعدين زيد خلوق امني من ناحيته والله ونعم منج ومنه وانتي اختي الجبيره وكلي ثقه بيج بس ماكدر ارجوج تقدرين موقفي براحتج ومااضغط عليج بس تره كولش واكفه يعني احنا راح نوصل لحد بابكم معقوله هيج ميخالف اعذريني هذا الحجي كوله كدام باب العماره وزيد واكف يم السياره بس عينه علينه رجعت فتحت باب المكتب وخابرت عل بابا وبين مارتبت بعض النواقص اجه بابا ورجعنا للبيت جان زيد كاعد بسياره نتبهت من ابويه رفع ايده وسلم عليه واني دخلت ومشى اليوم عادي بس ثاني يوم ست نهله من كل عقله زعلت كالت حيل انقهرت اني وياج لازم اذا اخذج لآاخر الدنيه تروحين وانتي مطمنه مو عاد اوصلج لبيتكم تعذرت منه وكتله والله العضيم اني من وراه الناس المترحم مارحت اذا شافوني وياه ابن خالتج أشكال يصفطون عاد عذرتني من فهمت قصدي ومرت الايام بديت اتعود عل دوام وحيل مرتاحه وشفت أشكال والالوان المشاكل الله يساعد ست نهله شتشوف بعمله وبنفس الوقت شفت الي اصغر مني يجون يطلكون بسبب وبدون سبب وأدركت الي يشوف مصايب الناس تهون عليه مصيبته صرت اتعاطف وياه اي حاله تجي واقرب المواعيد البعيده لكل حاله اشوفه متحمل انتضار اعتنيت بست نهله بشكل وهواي غيرت عليه بنمط عمله غرفته جانت خنكه ومضلمه من ضغط العمل ومن دخلت بهذا المجال عرفت رايدله هداو وراحه واجوه تريح النفس كمت يوميه اسوي شويه تغير لحد ماكلبت المكتب بديت بتغير الستائر ال لون اوف وايت هذا لون مريح لنضر وميتعبهه اقترحت عليه تشتري رف اشبهه بلمكتبه نرتب عليه الأوراق والكتب التدرس بيهن وجابته وميزه فرغ من الهوسه حتى التخم جبتله مفارش فرو هم اوفوايت شكو مزهريه ولوحه داخل المكتب شلتهم خليت بس شهادته وصورته وزينت المكتب بنباتات طبيعيه هنا ست نهله روحه صارت بيهن وكامت تهتم بيهم اكثر متهتم بأاكبر قضيه دكلي انتي شسويتي بلمكتب والله حته صارلي واهس اكعد بي كمت يوميه قبل موعد وصوله ارتبه وابخره واعطره ويكون فنجان كوهته حاضر وهيه مرتاحه عل آخر تمشي وتسويلي يمدللني تقربنه عل بعض بشكل موطبيعي صارت كل أسراره يمي حتى الخاصه نكعد مرات من ماكو شغل نسولف ونتصفح حتى اصداقاء عل فيس صرنه ومن تنشر منشور وندخل سوه بي هاي حكايه ثانيه نضل نقشب لحد ماوحده دكول لثانيه اني مااخلص منج لاهنا ولا بلمكتب ونسده بهاي الفتره بديت موانسه مواجعي لا لاكن احاول اتناساهن حتى اكدر اعيش براحه وفعلن كدرت ونضرات اهلي شجعتني اكثر من اشوف الراحه بعيونهم وبدأ يرجع تدريحاء الهدوء للبيت وكل واحد منا يحاول يكون طبيعي عل قدر الإمكان شغلي هواي حبيته وتعلقت بي احسه هوه وست نهله الي نقذوني من محنتي واجه موعد خطبت إبراهيم جهزنه نفسه وامي جانت عازمه كل اقاربنه وحتى الجوارين صارت مشيه كلش ضخمه إيمان وانسام واسراء دخلو صالون كالن احنه خوات العريس لازم نكون مميزين عن الباقين بس اني رفضت اروح ورتبت نفسي بلبيت بفستان بسيط وتسريحه بسيطه ومكياج طبيعي جنت بس اني وماما بلبيت بعد البنات مجايات من الصالون فجنت اركض منا ومنا عل بيت وعل طلبات وامي توجهه بيه عل مي والعصائر ورغم اني اشتغل بس بالي يم الكل وحنت اسمع كلمه خطيه هاي بنتهم لمطلكه صدك جنت انقهر بس مهتميت هيه هاي الناس لازم تحجي واني جنت متوقعه راح اسمع هاي الكلمه حاولت شكد ماكدر اتجاوز هاي السوالف واكون قويه وماخرب فرحتي بهيج يوم لحد مجني البنات ولتمينه لبست صايه فوك الفستان وذبيت الشال وصعدنه السيارات اني وخواتي بسياره رجل إيمان وندكت الجامه من يمي إبراهيم نزلته كال وين الذهب عد منو منجن عد امي غير ستغفرالله هيه امي دكول يمجن لتفتت عل بنات كتلهن يمجن لا لعد انزلي جيبي نزلت والسيارت دتطلع بس السياره البيه براهيم واكفه بسرعه فتحلي باب البيت وركضت عل غرفة امي وعل كنتور كلبته ال لكيته طلعت وإبراهيم صطرني يله ويله ومن وصلت باب الشارع ولا سياره كله طالعه براهيم وينهم تعاي صعدي وياي طلعوو فتحلي باب السياره وندار يصعد من الصفحه الثانيه ومن صعدت لنه زيد وهاي سيارته ستغفرالله ماشفته لن مضلله وجانت اكثر من سياره سوده وعاليه واكفه تشبهه مال اقاربنه الدز عليهم بابا انوب مو هنا الطامه الطامه بس اني وياه وإبراهيم اليوم شسوي بيجن إيمان والباقيات ال اكطعجن لبدت وراه مباشرتن بحيث لااشوفه ولا يشوفني وهوه مندمج وياه براهيم وديدلي بطريق ال ان وصلنا نزل براهيم ودانزل همس اوكفي لا تنزلين رفعت راسي كتله بتعجب شنو لا تنزلين زلم خل يدخلون وانزلي كتله بكلبي لعد انت شنو ماهتميتله فتحت الباب ونزلت بدون ماباوع عليه غطيت وجهي وفتت من وره الزلم ودخلت واني مدنكه ومن وصلت يم النسوان وهنا ملتهيات دك بوس ومعارف شمرت العلاكه عل إيمان وكتله أكبر حقيرات شلون تعوفني وتروحن يمعوده السيارات ورانه وكله دك هورن وشفناج ويه العريس كلنه اكيد يجيبج دولن ولن جابني بس شلون جيبه ويه صديقه خلاني عل صامت الطريق كوله يله اهم شي اجيتي بوزت وندرت عل صفحه وامي دكلي شبيج كتله انتي اخر من يحجي عفتيني واجيتي وام زيد تباوع علينه وتضحك يعني سمعت وامي دكوله تره هاي لشوفين طوله تره هاي جاهله شوفي شلون مبوزه لن عفناه واجينه وجايه بس هيه واخوه كتله اي بعد افضحيني اكثر بقيت شويه مبوزه وبعدين فكيت ونسيت واندمجت وكمت سلمت عل عروس حلوه وحيل عجبتني وتلوك لبراهيم اسمهه نور وان شالله تطلع دخلتنه علينه نور مثل اسمه كعدنه نتتضر اتفاق الزلم حتى تم الخطبه وساعه كامله ال كالو تمت امي وإيمان علكنهه بلهلاهل وابويه جان جايب شيخ عقدلهم بعدين دخل إبراهيم كعد يهمه ولبسوو الحلقات جانت من اجمل الحضات وكلنا داير مدايره وفرحانين لن هذا وحيدنا بس هوه خطيه حيل خجلان لن كعد بنص كوم مال نسوان فبسرعه طلع واحنا هم وراه بشويه كالت امي يله سلمنه عليهم وطلعنا هل مره جلبت باامي جني جهاله وين مصعدت امي صعدت يمهه ورجعنه للبيت والبنات مقصرن عادن الحفله بلبيت وشويه شويه اقاربنه نسحبوو وضلينه بس احنا ابويه كال العرس خلي عل كيفنه لانستعجل واني ايدت هاي الفكره وحتى لبراهيم كتله احلى فتره هيه فتره الخطوبه تعرفو عل بعض كنمه دتختبرون بعض كتله هيج لن تذكرت نفسي شلون صار عرسي ركض ركض وهذا أكبر غلط رتكبته ومع هذا مكايله غير الحمدالله وبعد يوم متعب نمت وثاني يوم جان دوامي وكل عاده رحت قبل الست نهله وهيت المكان وحضرته ونتضرته وكاعده وماشوف غير سامر فوك راسي راسن كمت كتله انت شتسوي هنا قسم بالله اذا مطلعت هسه ا صيح واللم عليك الدنيه شبيج بس داتفاهم وياج عندي موضوع ماكو بيني وبينك مواضيع ولا تفاهم اطلع بره ااااطلع لتصيرين رعنه واسمعيني لاتغلط واحترم نفسك هميت ومشيت وكفت باب المكتب صرت بين المكتب والشارع وندرت عليه لو تطلع لو هسه اي واحد يفوت منه اصيحله وتصير غير سالفه بكل صلافه وعين وكحه كعد عل كرسي وخلا رجل عل رجل وكال والله اذا يطلع بيدج لاتقصرين لو تجين نتفاهم لو افهمج غصبن ماعليج من شفته هيج يحجي بثقه ومامهتم واني وحدي خفت اكثر ومن خوفي دموعي نزلن وطلعت من العماره كله عفت حتى جنتطي وفوني امشي وابجي وصلت الشارع وجان تطبك سياره ست نهله من شافتني هيج خطيه نزلت مرعوبه لزمتني من اكتافي شبيج رشا شصاير احجي سسسامر سامر فوك بلمكتب عيونه وكفن بلحق وكالت شعندن هذا الحقير المنحط والله لفضحه دخلت قبلي ورغم وجوده بس بعدني خايفه هذا نذل وكل شي يسوي شويه وطلعت أصواتهم خفت اكثر ورحت يمهم لكيته يتعنتك عليهه إنتي معليج مشكله عائليه بينه بس هيه مكبرته عائليه شنو منين اجيت انت من عائلته انت طليقها لو نسيت اي هنا رباط الفرس طليقها واريد ارجعها انتي لاتدخلين حسن الفاضك تره هسه اخابر الشرطه يطلعوك منا سحل فلافضل تروح من كيفك اكلج حبابه ليش متخليج بشغلج وتنتبهين عل نفسج احسن ميلوحج طشار ست نهله سمعت هيج لو تخبلت كلتله تهددني وبمكتبي اليوم متطلع سالم صارت مشاحنه قويه بينهم وهوه صلف وست نهله اعصاب آخر شي اتصلت عل شرطه واني انخرطت من الخوف كله بسببي ومن ورايه كل الديصير اني ليش هيج حضي وسامر النذل من سمع بشرطه هم يريد يطلع وست نهله واكفه بنص الباب متخلي واني فرفحت ابجي عفيه ست خلي يطلع الله عليج والله راح تصير كارثه واني سببه وووخري رشا انتي معليج لا كارثه ولا ابد هوه هسه يعتبر تهجم عل مكتبي وهددني بنصه هيه صاده تحجي وياي وهوه بحركه وحده دفعه وخره من الباب تلازمنه ثنينه لن دفعته قويه وست نهله ضخمه ال شويه ثنينه نوكع بلكاع كامت تصيح وراه جبان مخنث وإذا نهزمت مراح تلزم جانت تحجي بكل قوه وثقه واني ميته من الخوف كعدنه عل كراسي واني اشهك وصلوو الشرطه وست نهله بعده عل موقفه نطتهم عنوانه واسمه ومكلتهم زوجي وكذا كلتلهم ترافعت بقضيته وكسبته وهسه جاي يتهجم عليه وهددني سجلو كلشي وطلعو اني حيل مضل بيه صدت عليه كالت رشا شبيج شجاج عفيه والله خايفه وكله بسببي انتي ليش سلبيه وضعيفه لهل درجه قوي نفسج اني الف حاله شايفه من هاي ويامه ويامه مثل سامر وامثاله متهجمين عليه للمكتب ومسويه هيج واكثر بس هل مره تختلف اني لو ماموجوده هنا جان ماجه واتلاطشتي انتي وياه ليش دوم تحملين نفسج المسوليه خليج قويه من شنو خايفه انتي كاعده هنا وهوه المتهجم عليج بعد ليش هذا الخوف وكدامج اني حتى طاريج للشررطه مجبته اخاف دكولين من ورايه اعتبرت نفسي مترافعه بقضيته ومتهجم عليه ماهديت من كلامه ولا قنتعت ومحمله نفسي كل الذنب ومابطلت بجي ومن شافتني هيج كالت امشي اوصلج للبيت لن حالتج فد مره قفلنه وطلعنا والطريق كله اني عل نفس موقفي بس البجي والشهكه ملازمتي يجوز ست نهله تعتبرني مبالغه بس اني والله حقي يعني هسه الشرطه اكيد راحوا عليه وراح ياخذو ويصير جر وعر وترجع ريمه لسالفته القديمه وصلنا اهلي ونزلت وهيه ورايه ابويه جان مموجود ولا إبراهيم بس امي وبدت ست نهله تحجي كلشي وامي دك على رجليه وابويه دخل فجأه وسمع راسن خابر عل شيخهم وضلو ناس ترفع وناس تكبس واني بنصهم ادكطع ليش هيج حضي ليش يعني من بديت ارجع الحياتي الطبيعيه يطلعي مره ثانيه عود كلت وكفت عل رجليه وبديت انسى ليش دارجع لنقطة الصفر كاعده وراسي بين رجليه لالي عين احطه بوجهه اهلي الي من ورايه يوميه متشعوطين ولا الي عين احطهه بوجهه ست نهله الي راح عليه هذا اليوم وفرفحت هم بسببي بودي اختفي من كدامهم وميلكولي أثر عل الي ديجيهم مني مع العلم محد محملني ذنب بس يبقى اساس كل هذا الموضوع اني ندكت الباب وطلع ابويه ورجع كال سوو طريق اجه زيد ست نهله كالت اكيد شاف سيارتي يمكم واجه توجيت عل حايط وكمت كعدت عل درج بصف الهول وشويه وسمعته يكول شنووو يتهجم عليج بمكتبج اليوم ادفنه عدل بلعباس وانعل عشيرته اصبر ابني اني خابرت عل شيخهم وكلي شويه واخابرك حجي شيخهم شنو منيله شيخ هذا لسحاله يتهجم عل نسوان من انعل ايوه لابو حتى شيخهم كومي نهله للبيت واني اتصرف يابه ست نهله اعذرينه اخاف من وراه مشاكلنه لاحج شي ابو براهيم صدك تحجي رشا اختي ومن تهجم بمكان عملي معناه مومتهجم عليه حتى عليه طلعو وهمه يحجون واني نصطرت صطر ابويه كال والله عيب من ست نهله وعيب من زيد هم بنت خالته وميقبل عليه الزله بس شنسوي الهذا العار والله كل مره اكول عيب وعيب طلكنه وسجناه وصار كومه السالفه مسدوده ادري شجابه اليوم وامي دكه ومدكوكهه إبراهيم وإذا سمع شراح يصير كمت مافكر ولا اجمع ولا عندي قدره تحمل حتى أفكر بلجاي للمغرب واجوي احمد ومحمد وإبراهيم هم سامع وكام يشل بروحه ويلطخ وراحو عل بيتهم لكو واصللهم امر لقاء القبض ومعتقلين سامر خابرت عل ست نهله كلت زيد بنفسه كلبجه واخذه وبعده مااجه ولا اعرف شصار ضليت كاعده عل نار وبالي مشوش لليل ال اجوي الولد كالو انسجن بتهمة تهديد حياه المحاميه وهذا ابن خالته أكبر نجر كلب المركز ويكلهم هددهه بلقتل وشال وحط من عنده كومه كلام وبعد سامر ميطلع ال تتنال ست نهله يمكن أصعب ليليه مرت عليه واني اشوف هاي المشاكل فوك راسي وثاني يوم مرحت للشغل ومن خابرتني ست نهله كتله تعبانه وماكدر اجي والصيحيح اني قررت اترك الشغل لن ماعرف سامر بعد شضاملي وأكيد مراح يسكت ويوم يجر يوم واني مرايحه وتقريبا سبوع وسمعنه طلع سامر اكيد برشاوي والفلوس وست نهله بلغتني اداوم وكتله بطلت لو تخبلت كالت اني شكد شايفه ناس ضعيفه بس بضعفج مشايفه جاوبته حقج انتي متعرفين سامر شنو الرجال الي خله مرته تدمن وجان يعنفهه بابشع الطرق شتتوقعين يعوفني ولوو لازم تكونين قويه وتوكفين بوجهه اصلن هوه ديسوي هيج لن يعرفج شكد خوافه اثبتيله العكس وداومي وشتغلي وعيشي حياتج هاي اني بضهرج واهلج وياج ونسابتكم وانتي هيج لعد لو وحدج شلون روحي شوفي المصايب لتمر عليه يتيمات ومشردات وأشكال الضيم بيهن واكفات مثل الجيل المتهزه الريح رشا لو ترجعين داومين وتمشي كولشي لو تنسين شي اسمه نهله اني تعلمت عليج وهواي غيرتي بروتين حياتي واني هم معفتج لتخلين شخص مثل سامر يهزج الج مهله سبوع ويرجع كلشي طبيعي غيره ماعرفج بعد ولا تعرفيني كلامهه خلاني بدوامه واني مستحيل اكدر اخسره اصلن ست نهله صارت جزء من حياتي شلون افرط بيه وهيه الي خلتني ارجع اوكف عل رجلي من جديد جنت محتاجه فتره اختلي بيهه بنفسي بس هيه منطتني فرصه كطعت كل اتصالاته بيه ولا تجاوب عل تصالاتي بوكته صدك عرفت اني ماكدر بلياه وقبل ميخلص الاسبوع وبتشجيع من اهلي الي كالو حقهه وانتي شسوين متجازيهه رجعت والخوف جان متملكني من سامر اخاف يعيده لو يسوي الاكبر بس توكلت عل الله ورجعت حيل فرحت وكالت اثبتيلي اني من ختاريتج صديقه مخطات واتمنى دوم تبقين هيج واني بضهرج كل كلمه منهه ترفعني لسابع سمه وكل ذكره من سامر تلطخني الأسفل الأرض بس مع هذا اني راح اجازف والله كريم رجع روتيني القديم ورجع نشاطي وبهاي الفتره زيد هواي كام يتردد للمكتب جنت اكول عادي بنت خالته وين المشكله بس نضراته ابد متعجبني شكد اشوفه رزن وتكيل وميباوعلي نضره غلط بس بنفس الوقت مرات الكه منه نضرات مافسره تكررت هاي الحاله هواي وماجنت اهتم اكول مدام ممجاوز المحدد وياي مالي شغله بي عل كد السلام والضيافه ومرات يكون اكو ضيوف يم ست نهله يضطر يكعد بلستراحه ينتضر واني اشتغل بترتيب المواعيد واكضي وقتي تصفيط كم ورقه وكم ملف واليوم اجيت للمكتب وفتحته ومثل كل يوم وانتضرت ست نهله بس تأخرت خابرته االوووو هلو رشا هلو حبي شلونج الحمد الله حبيبتي انتي شلونج والله تمام اكلج اشو اليوم تاخرتي والله رشا اليوم مااجي صدك لعد ليش مكلتي جان ماجيت والله مادري هسه فجأه صارلي ضرف وداخابرج ابلغج وانتي دكيتي اوك براحتج اني راح اقغل وارجع للبيت عفيه عليج يله مع السلامه الله وياج سديته ودكيت عل بابا حتى يجيني وانتضرته وره دقايق دخل زيد جنت داضم بغراضي بلجنطه وعل طبكت الباب لتفتت قبل ميحجي كلمه اني نخمش كلبي من قفلت الباب السلام عليكم العفو قبل مااجاوبك عل سلام ليش سديت الباب عكد حواجبه وضيك عيونه وطلع جكاره ورثه وتقدم يمي بتجاهي حيل مضل بيه وعيوني جمرن. . . . . . . .احبكم اختكم رفل الكناني ❤❤❤ | ||||
|
| |
|
08-11-19, 12:28 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 11 حيل مضل بيه وعيوني جمرن من شفته سد الباب وتقدم يمشي بتجاهي صار بيني وبينه بس الميز شلونج سلتك ليش سديت الباب تره مراح اكلج عندي وياج كلام احجي وراوح اي بس افتح الباب ابويه عل جيه وست نهله ماكو خل احجي هسه عفيه افتح الباب حجيته والعبره خنكتني اخذ نفس من الجكاره وزفره وباوعلي بتركيز كال تخافين مني ؟ لا لويش اخاف بس وجودنه وحيدنه والباب مسدود غلط شايفه ليجيب طاريج بكلمه شسويله بلعباس ماخلي عايش ابويه عل جيه بس اسمعيني دنكت خلي عينج بعيني من احجي ضجت حيل من جرأته يحجي بثقه عبالك يعرفني واعرفه رفعت راسي خزرته طفه الجكاره وخله اديه ثنينهن عل ميز صرنه واحد كبال الثاني كولش همس رررشا اني احبج فتحت عيوني عل وسعهن وكعدت عل كرسي من الصدمه ورجعت كمت كتله انت شددكول اني اااااحبج اكوله بعد لو كافي لالا اكيد انت موصاحي وعيونج صاحي حسي بيه عاد تره كلبي خلص عفيه انت شددكول وشنو كلبك خلص اني شعليه ااااااافتح الباب واطلع بره راح اصرخ والله كمت ابجي من هول الموفق الخلاني بي انوب مشايفه هيج حقاره يحجي وممهتم هميت اليم الباب دافتحه بحركه وحده لزمني من معصم ايدي رجعني ليوره واني ابجي ابجي ومن عيني صارت عل لزمت ايده كمت ابجي اكثر من شافني هيج هد ايده ومشى خطوه ورجع سحب شعره ليوره سحب شفايفه بسنونه ودنك ورفع راسه واني اختض كال رشا اني اسف موقصدي اخوفج واسوي بيج هيج بس بالله العضيم صبرت هواي يمكن متدرين اني احبج قبل متزوجين ذاك النذل انوب خبلني اكثر شنو يحبني قبل مااتزوج هذا كاعد يصدمني وكل هاي السوالف عليه بيوم واحد اني ماكدر عليهن هستوني داجاوبه وانهد بي وندكت الباب خفت خوف موطبيعي اكيد هذا ابويه وشنو معنى وجود زيد والباب مسدود يبووووو طمي نفسج رشا كمت انكز بمكاني ابويه ابويه هذا ابويه الله يأخذني شراح اكول وشراح اسوي اشششش صوتج بس هدي كمت اضرب عل خدودي ابويه داكواك ابويه واني وياك والباب مسدود شراح يكول عليه لج فضحتينه بس اصبري لتفت عل مكان يمنى يسرى كال راح ادخل بغرفه نهله وانتي اطلعي شطلع لخاطر الله غير اقفل المكتب اي اي اقفلي معليج بيه روحي دخل للغرفه واني مسحت ادموعي وابويه مستمر يدك بلباب أخذت نفس عميق اسحب بي كل التوتر الجنت بي وتوجهت فتحت الباب وبيدي الجنطه وقفلت المكتب وطلعت شافني بابا كال شنو السالفه وين جنتي بابا بلحمامات وقفلت الباب لن ست نهله مجايه فقفلته بين متجي انت ديله امشي السايق ينتضر رجعنه بنفس السياره لجاي بيهه بابا واني عيني عل مكتب وبالي هذا الغضب شلون راح يطلع واني قفلت عليه فترت السياره ولمحت سيارته بلفرع الورانه طابكه همزين مو باب العماره جان نكشفت من ابويه مابيه مجال اباوع عل جسمي واديه يختضن مثل قبل وحلكي يبس اريد ابجي اريد اصرخ بس ماكدر وصلنا البيت وكبل للغرفه اخذت ملابسي ودخلت للحمام هنا بعد ستسلمت لنفسي وطلعت شكو صرخه مكتومه بداخلي هذا زيد شيحجي من كل عقله لو يموت لو يضل آخر واحد بدنيه مستحيل اتقبل رجال بحياتي اني سامر أخذت منه كل العبر لتخليني أكره كل رجال وزيد كرهته اليوم بشكل تصرفه ابد موصيح شنو يسد عليه الباب هذا موصاحي اني ويني وين الحب والخرابيط انعل حضي اني ردت اعوف الشغل واعوف كولشي ادري شرجعني بقيت بلحمام اكثر من ساعه لحد ماتعبت من كلشي من التفكير والبجي طلعت جسمي هلكان فدمره من الهبطه كعدت عل سريري والفون بجنطي يدك كمت عليه لكيته ست نهله سديت الباب وجاوبته وانفجرت ابجي لن اكيد عرفت مكتله غير تعالي اني محتاجتج خطيه كالت سدي اني جايه والله ربع ساعه واجتي كالت الأهلي محتاجته بشغل أوراق اريد ندققهن ودخلت غرفتي وقفلت الباب وجيت بحضنه ابجي عل كيفج ويه نفسج رشا موهيج تره مكبرته انتي ست شنو مكبرته انتي متدرين شصار ادري كولشي هوه خابر ني وهسه حجالي وهوه الحلفني اجي وافهمج كولشي ست نهله شتفهميني اجه يفضحني كدام ابويه و مومحسيته ال داخل عليه وساد الباب وبكل جراه يكلي احبج اي وين الغلط بلموضوع يحبج واجه ديعترفلج بس صحيح سدت الباب غلط وهوه هسه سولفلي كلي سديته لن جنت متوقع ابوه راح يجي يأخذه لعد لمن يدري ليش يجي اصلن ست نهله انتي ليش ددافعيله اخاف متفقه انتي وياه لا والقرآن لا وداعت أولادي لامتفقه وياه ولا ادري بجيته اصلن بس اني اكولج جنت حاسه من يتردد هواي عل مكتب لن هوه قبل ممسويهه اصلن جنت بلسنه حسنه اشوفه وهسه تأكدت من حساسي ست نهله ساعديني اني رشا ماعليج من زيد انسي هوه ابن خالتج خليج ويه رشا الماعده غيرج واني وياج منو كلج اني وياه ابن خالتي بس داوضحلج شكو شي يدور بالج لن اني كعدت وفتهمت منه كولشي ماريدج توضحيلي كولشي كل الي اريده منج دكوليه يبتعد مني اني مو مال هاي السوالف ولا هوه صدكيني اصلن من كلي فاجاني ويجوز لوما محصور بلمكتب فلا يكولي صدك شلون طلع خابرني بلبدايه هبطني من كلي تكدرين تجين للمكتب اريدج بشغله كتله اني اليوم ممداومه كلي ادري بس تعاي عاد اجيت ولكيت المكتب مقفول خابرته يابه انت وين موكتلي تعاي تره اجيت كلي هسه انتي وين كتله باب المكتب جان يكولي اي افتحي وفوتي يمعود زيد شبيك هذا الحجي اني فتحت الباب وماشوفه غير كدامي هاي شنو انت منو قفل عليك عاد سولفي وانتي تقبلين بهيج شي ؟ يابه مواخاف احجي ودكولين دافعين لاابن خالتج تدرين من حجالي من عيونه عرفت كميه الحب لحامله الج واني ماريد لا حب ولا غيره البيه كافيني ست نهله هاي انتي تعرفين المريت بي وهيج ددكليلي لعد الميعرفني شيكول زين والحل الحل تكوليله يعوفني بحالي وينسى كل الصار واني لخاطرج انتي راح انسى عفيه حسوو بيه اني تعبانه ومالي خلك هل سوالف اوكي براحتج هدي نفسج وزيد اني احجي وياه توعديني بعد الصار مينعاد والله ابن خالتي موشويه فما اضمنلجيه زيد نار وشرار اصلن ماضمنلج تصرفاته من راح أبلغه برفضج ميهمني اهم شي يعوفني بحالي اوك إن شالله خير سلمت ست نهله وراحت واني شبهه هديت وارتحت لن تكلمت لو ابقى ساكته واضل اسل واجاوب نفسي يمكن اطك واموت بيومه منايمه نومه واني ادكلب للصبح كل شويه اصد بصفحه ومحصور بالي بس شكل زيد من جنه بلمكتب وطلع الصبح واني كاعده سمعت صوت امي بلمطبخ طلعت صبحت عليه ورحت للحديقه كعدت الشمس بعده مطالعه والجو صافي بس صوت العصافير عيوني مره بسما ومره بلكاع اريد اشوف شديصير بيه ليش اني ممرتاحه يعني اني ذيج الفتره جان كل تفكيري وين وصلت حياتي من دمار سامر وكله بجفه وليلة البارحه بجفه منين طلعلي زيد صاحت امي عليه عل ريوك دخلت تريكت لن ردت اشرب مهدا هذا سجلوليه من جنت اتعالج بس وقت الحاجه واني هسه محتاجته لن البارحه منمت نهاي فشربت حبايه وكلت ال امي لادكعديني ونمت وهيه نومه ل3العصر كعدت عل صوت الفون يدك جاوبت ست نهله وسلتني عل جيتي وتفاجت دنيه العصر بسرعه كمت غسلت وبدلت وصلني بابا لكيته واصله وكاعده خطيه محجت سويت كهوته ورجعت كعدت وعيني دور عل مكان والصار بي البارحه مسحت وجهي وطردت الأفكار من راسي ومشيت اليوم عادي جان بالي اسل ست نهله شسويتي وبلغتي زيد بلكتله لو لا بس غلست حتى مينفتح الموضوع لن ابد ما اتحمله وهيه شي اكيد بلغته لن مباشرة من طلعت من بيتنه راحت البيتهم المهم من يومهه لاشفت زيد ولا شافني ولا نفتح هل موضوع ومرت أيام وأيام وأشهر والموقف مراح من بالي كل مااصفن أتذكره وكل ضني نسد وانسى بس طلع العكس من جتي ست نهله وكلتلي رشا مغيرتي رايج بشنو بموضوع زيد ههههههه تحجين صدك ليهسه متذكرته ليش هوه منو نسى زيد يوميه يسلني عنج وعن اخبارج ختفت ضحكتي وكتله اي وجنتي توصليله اخابري موتمام طبعن اذا يسلني غير اجاوبه نهله تره دتحسسيني زيد عنده علاقه بيه ومتعلق بيه انتي شنو سالفتج وهوه هذا الصيحيح انتي ليش تتهرببن اجه وكلج احبج وحتى كايلج احبج من قبل متزوجين ادري شكد بارده يعني حتى فضول ما عندج تعرفين من شوكت يحبج ررررشا كافي اصحي عل نفسج وانسي سامر الغضب تره دمره لحياتج ومنو كلج اني مانسيه اني اكولج لو ناسيته جان لتفتي لحياتج ولانسان يحبج مو حاصره ذاكرتج بواحد مريض والله شنو دمر حياتي وهاي هيه كل الزلم مثله وانتي شدعوه هيج محترك دمج اي محترك دمي لنج مريضه بشي اسمه سامر روحي تعالجي منه من كالت هاي الكلمه عبالك سجينه وحطتهه بنص كلبي شنو قصدج اروح اتعالج اي روحي تعالجي روحي طبيب نفسي كليله اني حياتي مداعشيه بسب رجل دمرني صار سنه من عفته واني ليهسه خطوه ليكدام مخطيت اني أشكرك عل هاي صراحتج وهمزين طلعتي لبكلبج جان صار بيج شي وعل شنو كل هذا لن رفضت ابن خالتج تدعين اني مريضه نفسين وترديني اتعالج واني عل ايدج وكدام عينيج وشاهده بكل المريت بي وهسه بكل سهوله تعاي حبي ابن خالتي لو تحبي لو ترحين تتعالجين بين قوسين انتي مخبله دكيت عل ميز بحركه وقهر وكتله اذا اااااااني مخبله شيصخم بيه ابن خالتج جان كتيله عوفهه هاي مخبله ومحتاجه طبيب نفسي او بلاحرا محتاجه مستشفى المجانين مصدددددومه اني بيج مصددددومه وعل هذا كلامج حتى وجهي بعد متشوفي شلت جنطي وطلعت حتى بدون مااخابر ابويه وهيه تصيح ورايه تعاي خل نتفاهم يمعوده ماسمعتله عفته ورجعت للبيت وقررت خلص بعد لا شغل ولا ست نهله شكد وكفت وياي وساندتني بس يبقى العضم لهله ومن وصلت السالفه لناس من طرفه بعد رشا شنو بتلت بيه خوما بتلت بيومه جنت فاصله عن اي تصرف ومادري السويته صح لو غلط بس اريد اخلص بلغت اهلي اني عفت الشغل والسبب ممرتاحه وضوجه مضغطو عليه أول يومين جانت ست نهله تتصل عليه مااجاوبه وحتى الفون غلقته وعفت كولشي ورحت لبيت ايمان سبوع اريد اتهرب من كلشي وحتى مااحس بلفراغ بس طلعت متوهمه وطلعت متعلقه بشغلي حيل واحس اليوم ميمشي بس مع هذا كرامتي وعزت نفسي أكبر ضليت صابره ومتحمله وشايله بكلبي من ست نهله لن كلامه جرحني بيت إيمان هم ممرتاحه استحي من احمد رغم ابن عمي بس اني مادري شبيه همه طايرين بيه وحارو شسوو بوجودي بس اني بالي مويمهم بالي يم الدافنته بكلبي بالي بسوالف ست نهله وسوالف زيد إيمان طول مااني يمهم يوميه مطلعتني سوك مول مجمعات واني اسايره رتبنه بيته وغيرنه كل الديكور وغرفته لن وحده متكدر وزوجه دوم بلشغل جنت الهي نفسي طول اليوم واذب روحي عل شغل لحد ماهلك حتى بليل بس انام واني الي قترحت عل إيمان هذا الشغل هيه ماقبلت كالت انتي جايه ترتاحين كتله اني من اشتغل ارتاح الفون مفاتحته واخابر اهلي من إيمان جنت اتمنى من اتصل عليهم يكلولي ست نهله تصلت عليج او سلت عليج بس ماكو ومن شفت هيج بليل فتحت الفون كلت اني ليش غالقته صدك اني خيالي واسع جنت متامله تتصل بيه وتحاجيني بس جنت متوهمه الضاهر جانت ست نهله أكبر من هذا الشي أكبر من ان تنزل نفسه إليه وتفكر ترجعني أو تبرلي الكلام الكالته فتحت الفون وضليت اتصفح ونشرت منشور عل صداقه جان عباره عن قصه قصيره بس بيه هواي معنى من نشرته قصدت ست نهله وهيه اول وحده علقت بجواب مختصر وتوالت التعليقات وصار نقاش بلمنشور بين كل الي مصادقتهم بلصفحه وجنت ارد عل تعليقات طبعن عده ست نهله مجاوبت عل تعليقه واخذني الواهس وضليت من تعليق لتعليق لحد مجاني اشعار عل مازنجر امسحي المنشور واطلعي من الفيس كوله باوعت الصوره صورت سلاح فقط دخلت من المازنجر عل صفحه عل بروفيل مكدرت اتصفح بي لن احنا مو اصدقاء قريت الاسم (كبريا رجل ) منو هذا وشنو هيج يكولي كتبتله منو معليج اطلعي من المنشور وكافي تلغين بي اول مكتب هيج بسرعه حضرته وراه دقايق طارت الصفحه مالتي كوله تهكرت دعفست ردت ماكو من ايست دك رقم عل فايبر مجاوبته ضل يدك هم مجاوبت بس عرفته زيد مخلي صورته ومنه عرفت هوه الدكلي عل مازنجر وهوه هكر الصفحه عباله من يسوي هيج راح اعبره بس لو يموت طفيت الواي فاي وكلت تولي الصفحه شسوي بيه ولفيت راسي ونمت ثاني يوم طلبت من إيمان ارجع للبيت توسلت بيه مقبلت والجهال مجلبين بيه كتلهم صارلي سبوع شتاقيت لهلي وعدتهم غير مره اجي خطيه احمد وصلني وبنفس اليوم انسام بليل جابت بنوته تجنن طرنه بيه لن بيتنه ما بي جهال وضلت انسام يمنه حتى ذبيحه سلامته رجله ذبحه يمنه وسوه غده وعزم كله بيتنه ايمان وامي لزمو الطبخ واني واسراء عل انسام وعل بيت وبده الخطار وره مفضينه العزيمه يجي يواجب انسام حتى نور خطيبة إبراهيم هم اجتي هيه وامه جنت كاعده وبحضني عسوله انسام سمته عسل وام نور كالت مبينه تحبين الجهال اي خاله غير اموت عليهم الله عليج شوفيه موتنكرط اي الله يحفضه بس انتي شعجب من بقيتي اربع أشهر يم رجلج مصار عندج طفل كلامهه خلاني باهته وماعرف شجاوب بس امي من قهرهه وهيه تتخبل من أحد يجيب طاري زواجي السابق جاوبته شتسوي بي اصلن الله يحبه ومخلفت منه هذا الحثاله شنو وتخلف منه ام براهيم خوما زعلتي من كلامي لا مازعلت بس مو صحيح سالفه صاره كومه شذكرج هسه بيه ودكليله ليش مصار عندج هوه رجله موادمي وخلصت منه انوب ترديه تخلف منه شتصخم بزره اذا هوه طايح حضه ضناه شيطلع امي جانت تحجي بحركه واني مدنكه بعدين كامت وكمت وراه لكيته حاطه شاله عل وجهه وتبجي يمه فدوه لعينج ليش هيج تسوين انقهر والله انقهر ناس متستحي ليش المطلكه محد يعوفهه بحاله ياهو الجاي وكال ليش طلكت ليش مخلفت ليش عافت رجله ادري المطلكه موبشر اكو وحده تجيب الحجايه النفسه ادري قابل تطلكت برادته غير غصبن ماعليه ليش الرجال يتزوج اربعه محد يذمه ويطلك ويروح يمشي وينطو ليش حلال عليه وحرام عل مره ليش مجتمعنه مينصف المره وحتى المره نفسهه منتصف المره يعني هاي مره مثلج وحطي نفسج بمكانه ليش تجرحيحه يمه حبيتي اعصابج انتي الضاهر مقهوره بس المره موقصده وكل إنسان يصير عنده فضول وهيه سالت سوال ماجرمت خلي كلبج واسع وجببر ولاتشيلين همي اني بعد ماهتم لكلام الناس مدام اني واثقه بنفسي ادري والله واعرفج بس جانت تكدر تبدل هاي الكلمه بكلمه حلوه مثل الله يرزقج من تزوجين بنوتة مثله ليش هذا التجريح مسحت دموعه وبوسته وهديته وهيه راحت غسلت ورجعت كعدت يم إم نور وال مره حست بغلطه وضلت خجلانه وامي مبوزه فشويه داهرته كل ساع اغمزله واركصلها بحواجبي حتى تفك لحد مترخصت ام نور وطلعت طبعن نور يم براهيم بغرفتي وسادين الباب وحبيت شويه اخبث كتلهم اني اصيح نور رحت للغرفه كسرت الباب فتح ابراهيم وكف كباله واني رافعه رجليه اريد اشوف نور واودي راسي منها ومنا دالمحه شبيج هااا سالمين وخر شكو واكف بلباب اريد اشوف نور شتريدين منها يابه امهه تريده راح تروح اي هسه بس شويه هوه شنو شويه نوررررر امج راح تروح عزه بعينج لج صوتج طلعت نور من وراه وهوه بتعد لزمته خليت ايدي عل جتفهه ومشيتها وشاورتهة واطين شجنتو تسوون هههههه والله كاعدين مممممم صدكتج والله شبيج ارفعي الشال خل القي نضره اجاني صوت براهيم من وراه من كال نور اموتج اذا شافت شي هههههههه فضحت نفسك لعد اليوم ال اشوف انجبي حيوانه منا امها لتسمع هسه شكو لاحكنه تعاي نور وياي سحبته للهول وامي وامهه ديطلعون دنكت بوست انسام وطلعنا ليم باب الشارع بوست الكل وصلت يمي بوستني وشالها كبالي رفعته شويه وشفت بصمات براهيم وهيه الفطيره تضحك واني اكمز بنص الطرمه واصيح شفت والله شفت وابرهيم يخزر بيه همزين امي ملتهيه وياه امهه طلعو ورجع إبراهيم كفشني من راسي واني مجلبه بي لو تهدني لو اكول ال امي شمسوي بلبنيه وحنا دنداهر ندكت الباب وشفت ست نهله هيه وام زيد داخلات علينه . . . . . .  . . وهاي صوره بيها من شبهه ابطالي رواد عليو نسخه من رشا اما زيد مالكيت صوره تناسب شكله وشخصيته غير معتصم النهار معليكم بلخزره هوه هيج مخنزر من كاعه😂 احبكم اختكم رفل الكناني ❤❤❤ | ||||
|
| |
|
08-11-19, 12:32 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 12 شفت ست نهله وام زيد دخلو بسرعه دخلت من باب المطبخ وقررت مااطلع ولا اسلم امي تخبلت ورادت بس تعرف شبيه منطيتها جواب أعتقد همه اجوي يادون الواجب وياه انسام تقريبا ساعه وطلعو وشكد اني مقهوره من هذا تصرفي تجاه ست نهله بس دست عل نفسي وبيومهه بليل هم دكلي زيد عل فايبر مجاوبته ورجع دك عل رصيد جاوبت حتى اخصمهه بنفسي ليش من وراه خسرت اعز صديقه عليه جنت كلش ضايجه الووو الووو نعم تفضل طبعن صار مرتين ولا مره سلمتي مثل الاوادم مجاوبت وينج موجوده لعد متحجين شحجي بعدين انت ليش هيج تحجي وياي تره مصخته ورب العزه رشا اسمعيني والقرآن احبج وداحجي وياج هيج لنج مالتي ونخذتي مني غصبن عليه ليش مدصدكيني شصدكك زيد الدتسوي غلط عوفني اني مانفعك ولا ارهم بسوالف الحب والخرابيط زين شغلج ليش عفتي وست نهله ليش زعلانه منها حتى اليوم عليهم مطالعه هذا شي يخصني رجاء ماسمحلك تدخل بي وبعد لتتصل عليه وتجبرني احضرك من رخصتك قبل ميجاوب باي كلمه سديته بوجهه وكعدت عاجزه عن اي شعور وماكدر اوصف نفسي بساعته زيد مشايفه بجراته ولا بكباحته يتكلم وياي وكنمه واحد حاكمني والحد الآن أكثر من مره عاد عليه اني احبج ومن زمان بس اني ماريد اعرف حتى من شوكت...... في وقت آخر وقبل سنه تقريبا الووو هاااا حجيه شلونج هلا يمه هلا بيك انت شلونك الحمدالله يمه فدوه اروحلج اني جاى بطريق خلي ميس تحضرلي حمام دافي لن متكسر صار وليدي هلا بيك يله مع السلامه الله وياك يا بعد عيني سديته وكملت طريقي للبيت ....... اني زيد كامل من مواليد1984 جبير مو معليكم بلعمر عليكم بلشكل لن اني ممبين عليه هذا عمري والسبب هواي مهتم بنفسي لا ألعب رياضه ولا ألعب حديد بس كشاخ ال درجه احب النضافه والترتيب وجسمي هوه مرتب بسبب عملي قبل كم سنه طلعت فتوى الجهاد الكفاىي من قبل المرجعية واني اول الناس مترددت وسجلت مع العلم اني عندي خير وممحتاج اشتغل بمعرض سيارات وبلبيع والشراء وعل هل حال بس من طلعت هاي الفتوه تلهفت اسوي شي البلدي بوكته تجندت ناس من كل الدول سوريه لبنان فشلون احنه ولد البلد منطوع ورغم معارض امي والسبب اني وحيده بس ماسمعتله وتطوعت اني جنت المعيل الوحيد اللهم والدي رجال جبير بس بعده بحيله ودوم اني وياه مو عل صلح لن ميكعد راحه يوميه طابله بسالفه شكل ومشروع فاشل وتعال يا زيد ادفع فلوس وطلعني لهذا السبب أني وياه مثل ميكولن الكاز ولكفاز صحيح هوه ابويه بس ياناس مرات يطلعني من طوري ومن أهدى اكول يبقى ابويه وتاج عل راسي عندي خوات 2 سحر متزوجه وعده 3 اطفال وميس طالبه هاي عائلته اخوه ماعندي بس عندي صديق هذا ويه روحي يمكن لو عندي اخ جاسم يطلع اعز منه خويي بمعنى الكلمه طبيعت دوامي بلبدايه جنت متطوع فقط بس هسه الوضع اختلف لن شافوني اذب نفسي وين ماجان وماهب الموت وميهمني ابقى بدوام أيام واسابيع رفعوني ال قائد بلحشد هذا الشي خلاني أنجز وانجز واشارك القوات الامنيه بكل العمليات امي جانت الشي الوحيد الممريحني بسب ضغطه عليه اتزوج وتزوجج واحنا ماعدنه أحد واحنا نريد ونس وسحر طابكه وياه طبعن سحر مقيمه بيتنه وبس بليل تروح لبيتهه اليبعد كم فرع عنه فإني قبل مااسجل بلحشد جنت عندي عادي اتزوج لن ماكو شاب ميفكر بلزواج بس من تطوعت لغيت هاي الفكره من راسي لن جنت كل يوم اشوف الموت بعيني بس مانكر عندي علاقات وبنات وهاي السوالف بفلون فقط ممتعمق ولا عمري لازم بنيه هذا الشي محرمه عل نفسي لن اني هم صاحب خوات بس هاي هيج نزوات يسموهن ومن الكه الي بالي الوضع يختلف ل هنا عرفتو زيد هسه نرجع لبدايت القصه وصلت البيت سبحت وجنت حيل تعبان حتى مااكلت رسن نمت لثاني يوم الضهر كعدت عل اتصال جاسم لك ها جويسم هلا ابو الزود شلونك لاهلا ولا مرحبا مكعدني حتى تكلي شلونك لوما البارحه عايف خلقتك الزفره لك انت ماخلص منك حتى واني مجاز ونايم اي عمي شعليك الله ربك نايم واني هنا طايح حضي هسه غير يفضه لعار ويكولي عل شنو مكعدني من النوم ومهيطني لك دزيتلك صور مال كم جربوع لزمناهم شوفهم بربك اي والله دسده لعد طبكته وكعدت لحيلي ادور اريد ماكو صوره اصلن نت ماكو صحت ميسسس هاء عيني اشو ماكو نت شنو خلصان الاشتراك لا والله مخلصان بس البارحه من صارت العاصفه انكطع خابرت ابو النت كال واصللكم من يمي شوفه من يمكم كمت كلبته من الراوتر كلشي تمام كلت لعد اصعد اشوف النانو صعدت وبيومه لجحت بنيه سطرتني ونستني عل شنو اني صاعد جانت تشر ملابس والله شاهد عليه اني بطبيعتي مااباوع عل جيران ولا عل عرض منطقني بلذات لن زحمه ونعتبر اهل بس هاي لبنيه مدري ليش جذبتني لحد مطبكت الباب ونزلت واني صورته بالي وانوب وين بيت ابو إبراهيم اني شلون مشايفه ولا منتبه عليه بس للامانه همه ميطلعن بناتهم ولا اني متواجد هواي حتى اشوفه سويت النانو ونزلت بس فاصل وكل فكري بهاي البنيه وبنفس اليوم جبت معلومات عليه بطريقتي الخاصه ردت عليه زله ماكو هيه وعدهه اخت تداوم مدرسه وتعمدت اشوفه حتى اميزه من أخته الشفته عل صطح ومرت الايام واني مجاز يوميه العصريات اكعد بلباب وهاي اني اول مره اسويه لن اغلب وقتي لو نايم من انزل مجاز لو بلكهوه فشفتهه اكثر من مره هيه وامهه لو هيه وبنيه مبينه اخته وياهم جهال يوميه يطلعون للسوك انوب تخبلت عليه كلت خلص زيد لكيت الي رايده كلبك وصابر عليه كل هاي السنين وفعلا جانت حلوه وأكثر ماجذبني اله عيونه شكد ممفتحه مبينه نعسانه وخدوده وردي هنه هيج مدري ملطخه مثل ميسون البنات أقرب تشبيهه اله اجه بالي الجمبذا نوع من انواع الورد هيج متفحه ونادره مثله صحيح الوقت قصير بس هل بنيه نطبعت بالي قررت ماطوله واكول الأمي تخطبه بس مضل الاجازتي شي كلت خليه عل نزله الثانيه ولتحقت بس هواي تأخرت جان عدنه انذار ومن رجعت لكيت لا امي بلبيت ولا ميس سبحت ورتاحيت ومن جوي كمت سلمت عل امي وهيه كعدت كبالي وطلعتي من جيبه جكليتين شمرتهن عليه هاك حلي حلكك هاي منين من العرس الجنه بي عرس منو جيرانه بيت ابو إبراهيم عرس بنتهم من كالت هيج كلبي نخمش جنت مدد وكعدت لحيلي كتله منو بنتهم شبيك يمه ليش انت تعرفهم تلاحكت نفسي وداركت الموضوع وكتله لا بس داسالج اي موبنتهم الطالبه اخته الثانيه وضلينه كاعدين عبالنه نشوف العريس تالي كالو ميجي واجينه يله هسه باجر نشوفه امي تحجي واني بالي مويمهه اني شلون راحت من ايدي اااااخ الله يعني بس لتحقت ورجعت الكه متزوجه معقوله لا اكيد قبله واني مادري وحطيت عيني عليها يمممه زيد داحاجيك وين بالك هااا يمه كولي راح اخلي ميس تحضرلك لكمه ماريد يمه ماريد راح انام لحد يكعدني زين اكل الجكليتات باوعت عليهن وجريت حصره وكمت شمرتهن عل ميس وصعدت لغرفتي مددت أخ يمه لو تدرين بابنج وسالفته جان مكتيله حلي حلك لن ذني لو ماكلهن يسممني خليت ايدي عل عيوني وحاولت انام مكدرت ضليت ادكلب ال ان تعبت ونمت لثاني يوم الضهر ال كعدت مخنوك ومادري شبيه سبحت وتغديت وامي وميس راحن للعرس واني الوب لحد مسمعت صوت الزفه كمزت ليبره وهوسه وناس واني واكف بلباب وكلبي ينزف ويصرخ هاي مالتي وين مااخذه هاي المفرض زفتي فاتو من يمي واني مواعي عل نفسي ال امي كالت يمه شويه دنفوت بتعدت ودخلن واني هم دخلت والزاد الطين بله ميس دكول الامي يمه طالعه حلوه اليوم احلى من البارحه يالله شكد نازكه اي والله حلوه بس هوه مسلبح شلون راح يتوالمون مادري جنه طير مهلس اوووويلي عل كلبي انوب طالعه حلوه واليوم النذل يستمتع بيه شراح يصبرني متحملت صعدت لميت جنطي وبدلت ملابسي بعسكري ونزلت امي تخبلت عل صار شهر منازل ويوم واحد وترجع كتله انذار ونادو بينه والصحيح اني اريد الهزم حتى مافكر بهاي اليله ولتحقت وجان عدنه كومه عمليات واني ذبيت نفسي ذب حتى انسى ومن يومهه قررت انسهى نهائي بعد صارت بذمة رجال حتى حرام عليه واجبرت نفسي عل هذا شي ويوم يجر يوم تقريبا نسيته لن شتامل من وحده متزوجه بس القدر ميرحم ولازم يذكرني وفديوم المغربيه دافوت من الفرع ومن بعيد لمحته بلباب ويه جهال زغير بس هيه ممنتبهه ال ان وصلت يمهه وبصراحه مكدرت امنع عيوني من شوفته نسيت كولشي وحتى وعدي لنفسي نسيته وضليت اباوع عليه ال هيه طبكت الباب ال وعيت عل نفسه بوكته دكيت عل ستيرن اكثر من مره من قهري ونفسي الدنيه شلون مكدرت تمنعني اباوعله كرهت حتى روحي اني احس نفسي خفيف صرت من وراه واني لينحلف برأسي رجعت للبيت وبليلته باكيتين جكاير اني شارب ومن اصفن عل روحي اكول اني مبالغ البنيه مابيني وبينه شي مجرد كم مره شفته ليش هيج اني داحترك بس يجوز رب العالمين ديعذبني بحب لايدري بيه ولا يحس ولا اني نفسي اعرف كميته بكلبي ومرت الايام مونسيته بس شلته من راسي خلاص حتى وان ردت افكر بيهه الهي نفسي بفد شغله والتهي وفديوم جان مطر وعواصف وطين موطبيعي وحتى ميساعد عل سياقه بحيث عفت سيارتي يم جاسم وكتله تعال باجر بيه ونزلت البيت جانت تقريبا الساعه 1بليل أخذت تكسي بس مكدر يدخل للفرع بسبب الطين كلته ذبني عل شارع واني اتمشى دخلت الفرع يصوصي والكهرباء مطفيه وبس صوت الرعيد واني امشي واضوي بفوني عل كاع وماحس غير انلطم بجسم من ضويت عليه بلعباس عبالي داتخيل رشا ياربي هاي رشا واكعه بين اديه بس شكله منهاره حاولت احجي وياه منطتني نشده ضلت تركض واني وراه لحد بيتهم واني وكفت يم يابنه وهيه ادك بلباب صبر مضل بيه بودي اخذه واضمه بضلوعي واعرف منها شبيه وره شويه طلعو اهله وصارت هوسه وفتهمت هيه ملهزمه من رجله والعار المخنث هوه سبب دموعهه وره جر وعر اجه يطوطح كتله الله جابك ردت بس حجه ابرد كلبي بي ومن غلط عليه صمطه بوكس بيدي لابس بيه محبس طعجت وجهه وحتى الزمرده مال المحبس طارت كل هذا وكلبي بعده موجر منه ال لفت عليه السالفه وخليت الشرطه تاخذه وهوه المشتكي ال شويه فكيت ومن وكته ماعفته خو من تخربط دين مضل برأسي جنت ارجف عليها ارجف وحتى لاافضح نفسي عفتهم بطوارى وكعدت بسياره جنت ادكطع واموت عل بطيى واني لعرفتهم عل نهله ومارتاحيت ال طلكته هذا جان عيدي نهله اني وياه خطوه بخطوه وضليت اجمع بكلبي عل سامر العار واجمع خصوصه من سولفتلي نهله شلون جان يكتله والطامه مخليهه تدمن اوووويلي عل حمزه غير مالي صلطه عليه وبنضر العالم اني جارهم يعني ماكدر ادخل جان كصبته بس هوه اجه برجليه للمكتب وتهجم عليهن كتله اجيت والله جابك وشسويت محد كلي عل عينك حاجب يعتبر متعدي عل عرضي وبنفس الوقت بنت خالتي بس اذا تجون لصدك هوه متعدي عل روحي لن نهله بهذا شغله أشكال تشوف ويامه ويامه صاير وياهه هيج مواقف بس هسه الوضع يختلف واني مناسي سامر كلبجته بديه للمركز وهم ماكدر ادخل واشارك بتريبته يبقى القانون قانون وكلمن اله شغله واني حشد مو عل دفاع ولا عل داخليه بس خومه اعوفه حتى فلوس دفعت وعيشته اسووو أسبوع بحياته حتى صعقات كهربايه وصيتهم يسولوله بحيث اني بنفسي كتلهم طلعوو وخليت نهله تتنازل بس بعديش بعد ماسامر صار سوسو مو سامر وهوه منا شلونه صوره وصوت صوره ال فاخ كلبي بعد مخلصت من سامر توجهت لموضوعي وياه رشا وخليت مده تفوت حتى اعترافله ماريد الصار قبل ينعاد جنت رايده بكل جوارحي وميهمني كل الصار وكل مره اشوفه بي اتاكد حب رشا بكلبي هوه هوه متغير بلعكس زاد وبديت أتردد عل مكتب اول ماانزل من الدوام بس ابدل وارتاح وكبل للمكتب بس هيه بارده كلش ومنطويه وحتى مجامله متعرف تجامل وهذا الشي خلاني أصر عليه اكثر أعشق المره الثكيله والي تخلي الرجال يتمنى نضره منهه بس خلص طفح الكيل وصلت حده وبعد مابيه صبر رحت صارحته ومانصدمت بردت فعله وجنت متوقع الأكثر لن الشافته رشا مو شويه وإذا صارلها سنه السواه بيهه العار سامر يمكن طول العمر متنساه خصوصه الإدمان بالله العضيم اعرف ناس زلم مشوربه عجزو حتى يطيبون من الإدمان وفشلون موزين بنيه مثل رشه كدرت تتجاوز هاي المرحله وتتعالج وكل هذا ميهمني لازواجه ولا مرضه اني راضي بيهه بكل حالاته بس تنطيني فرصه اوضحله لبكلبي كلشي ماريد من رفضتني ووصلني رفضه عن طريق نهله قررت اعوفه فتره لحد متهده وشويه شويه أجيبه لكلبي بس رشا صعبه وشكله نست الموضوع ومن ذكرته نهله زعلت وماعرف السبب الحقيقي الزعله لن نهله طبيعته كتومه وتعتبر رشا شي خاص بيههه وعزيزه عليهه بس اني متعبر عليه لازم اعرف السبب الي خله رشا تعوف حتى الشغل أخذت رقمه بطريقتي وعرفت فيسهه بطريقتي وشتعلت ونطفيت من شفت اله منشور وداخلين بي شكم مهيلك من ذوله الميصدكون بنيه تنشر منشور حتى يلتمون بلحضته طيرت صفحته كوله وكم مره دكيت عليه متجاوب طبعن اني مخلي صورتي اكيد تعرفني بس هيه عناديه واني ماايس وراح اضل وراه وراه ال ان اشوف شنو تاليتهه ........ رشا.......وره مطبكته من زيد نمت وثاني يوم كعدت روحي طالعه واعرف السبب بس مادري شبيه احس نفسي مثل هذا اليدري بروحه غلطان بس صعبه يعترف هاي اني ست نهله ماكدر بلياه يجوز جرحتني صحيح بس اني صايره ماتحمل الكلمه وأكبر خطه رتكبته البارحه مطلعت وسلمت عليه اني شكدد انانيه إيمان اجتي وشافتني مو عل بعضي واصرت تعرف شبيه واني جنت محتاجه أحد اشكيله فكعدت خرطت اله الأول والتالي بس عجبني جوابه من كالت إني معليه بموضوعج وياه زيد هذا شي خاص بيج انتي تقررين منريد نعيد تجربه سامر ونجبرج واكعد ازين زيد بعينج انتي جبيره واعيه واني تقررين مصيرج تعرفين الصح من الغلط بس ست نهله انتي عايله وياه وغلطانه من السما للكاع انسانه تحبج وتقدرج ووكفت وياج وانتي من اول غلطه اله ديرين ضهرج وتعوفيهه اشو هيه معافتج لاتصيرين انانيه وهيه موجهاله ولا بعمرج حتى هيج تتصرفين وياه عوفج من شغلج وياهه يولي ولاترجعين اذا متردين بس لاتنسين ربج بقرانه شيكول (ولاتنسو الفضل بينكم )وال مره صاحبت فضل عليج لاتمحين كل زينه مقابل موقف واحد كلام إيمان دوخني واني ماعرف شتصرف بس اخر شي قررت. . . . . الشعر لسان حال زيد اسمعو للاخير وانطوني رايكم ينطبق عليه لو لا اما التصميم هذا شغل الصديقه الراقيه المتالقه وئام الشخليsnwn2231 حبيبتي عاشت ايدج واتمنالج المزيد من الإبداع احبكم اختكم رفل الكناني ❤❤❤ | ||||
|
| |
|
08-11-19, 12:37 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 13 قررت مو اخابره بس اراسله لن اخاف اشوف منه صد بساعته يمكن انهار لن البيه كافيني نسحبت من يم إيمان لغرفتي راسلتها هلووو بسرعه طلع مرئي وجاويت هلو بذاته شلونج ضحكت يعني مزعلانه كتبتله تمام انتي شلونج خابري خابري مينفع هيج اوك فرحت لن صدك مشتاقتله راسن اتصلت الووو هلو ست نهله شلونج الحمد الله اسل عنج شخبارج والله الحمدالله بخير ان شالله دوم بخير بس عل كيفج ويانه اثاري زعلج ثكيل واني مادري ههههههههه تضحكين يا بذاته شلون نطاج كلبج تعوفيني لاوجماله اجي ليم بيتكم بجذب مطلعيلي وتسلمين عليه والله اني خجلانه من هذا تصرفي بس والقرآن حيل نغثيت من كلامج رشا انتي ليش تاخذين الأمور من جانب واحد ليش متاخذيهه بمحمل الجد وتباوعيله من كل النواحي يعني انتي بنضرج بس المخبل يزور الطبيب النفسي اذا هذا تفكيرج لعد هذا ميتسمى دكتور نفسي يتسمى دكتور المخابيل وشي اكيد محد يزوره وإذا هذا اسمه شتتوقعين يدرس ويدخل هذا المجال لعلمج هواي ناس دارسين واصلين ومثقفين يزورون الدكتور النفسي بين فتره واخره تعرفين ليش لن اكو شغلات لاقرب الناس الج متكدرين تحجيه وهذا الدكتور راح يهيلج كل الأجواء المناسبه حتى تطلعلين كل البكلبج اذا اكولج اني اكثر من مره زايره طبيب نفسي تصدكين موشرط تاخذين علاج اكو حالات متستوجب غير السمع والنصيحة واني بهذا مجال عملي ومن كد الضغط والتهديد الاتعرضه كم مره حتاجيت الطبيب وزرته بدون تردد وهاي النتيجه كدامج نهله بميه رجال اذا عندي حق يم احد ادخل بنص عيونه واخذه يجوز جرحتج صحيح المفروض انصحج بلدكتور بغير طريقه بس من ضغط زيد عليه نفجرت وهمزين هيج صار حتى منا وهيج اعرف حدودي وياج لادكولين هيج ست نهله انتي اختي واعز صديقه بحياتي ومابيني وبينج حدود بس اني أعصابي تعبانه والضاهر صحيح احتاج دكتور وبلنسبه الزيد اني اعرف اتجاوزه بطريقتي براحتج المهم اني وياج صافيه اي واني الي أعتذر منج لاتعتذرين مابينه هاي الرسميات احجيلي شوكت ترجعين للشغل ماعرف بعدني موهوهه اكلج مو بكيفج من باجر ترجعين وكافي دلال تره زودتيه هههههه ان شالله يله اخذي راحتج لاتنسين باجر انتضرج اوك مع السلامه الله وياج سديته واني مرتاحه وكعدت فكرت بكلامه ولكيته كله صحيح اني لازم اتعالج اريد ارجع رشا القديمه رشا الي بلا خوف ولا هموم رشا خاليه قررت باجر افاتح ست نهله بهل موضوع واشوف بلغت اهلي باجر اداوم امي عارضت كالت انتي شبيج يوميه براي كتله صار شكال بينه عل شغل وهسه تصالحنه كوه قبلت لليل حضرت نفسي لباجر لن أصبح اكعد متاخره واساعد اسراء بلبيت فمن اليل أحضر كولشي أفضل كملت ودانام دك زيد اخذت نفس وقررت اجاوبه لن اني من باجر اريد اصفي بالي واريد ابدي من جديد وخل اخلص من زيد هم جاوبته الووو شلونج الحمدالله سكتنه ثنينه بعدين كال ماكو شلونك زيد شتريد اريدج من شوكت اخذ نفس وكح وطول شويه بعدين سمعت صوت الجداحه كال من زمان يعني قبل مااتزوج اي وتالي الله العالي نزفيتي كدامي واني مكدرت اسوي شي وهسه هسه اريدج اكثر من قبل شتسوي بيه مطلكه وانت ممتزوج ميهمني وعيونج انتي بس كولي اي لجيب زيد وعشيرته كله مشايه ومن باجر مستحيل شيلني من تفكيرك نهائي ماافيدك ليش لهواي اسباب أوله اني لحد الان اعاني من تجربتي السابقه لا تجيبين طاريهه وتذكريني اصلن من أتذكر النذل المخنث لازمج متتخيلين شيصير بيه تره انت جريى كولش شنو لازمني ماسمحلك تحجي وياي هيج اي داجاوبج شيصير بيه من أتذكر العار ذاك اخذج مني ليش اني مالتك حتى أخذني منك ااااااخ لو تدرين من شوكت احبج جان ماشلعتي كلبي هيج سكتت وينج وياك من قبل متزوجين وجنت ناوي اجي اخطبج والعار سبقني رشا انطيني فرصه اعترفلج بمشاعري ماكدر الله يخليك لا تحرجني واذا متصدك اسل نهله عل مريت بي راح تعذرني اعرف وداعتج كلشي اعرف بس شغله وحده ماعرفه ليش عفتي شغلج وعفتي نهله لعد راح اكولك حتى تتأكد اني مافيدك نهله من رفضتك طلبت مني اتعالج عد دكتور نفسي واني نغثيت لهذا السبب صارت مشاده كلاميه بينه بس هسه تصالحنه ومن باجر راجعه يعني مو اني السبب هم انت لن هيه دتلح عليه انطيك مجال فدوه العينه ام كرار ورده وهسه راح اسده اووكفي قبل متسدي توعديني تنطيني فرصه لا ليش يا عيني ليش هيج قافله مجاوبت رشا راح التحق الفجر لا تشلعين كلبي انطي لنفسج فرصه يابه عتبرينه أصدقاء والله ماتجاوز الحدود وياج بس خليني اسمع صوتج ومن اخابرج جاوبوني ماكدر اني هاي السوالف ممتعوده عليه واهلي ماخون ثقتهم يابنت الناس رايدج والله رايدج بلحلال يابه بلعباس مارايدج غير مرتي يله راح اسده سدي وامري الله شسويلج مدتحنين عليه باي تصبحين عل خير وانت من اهله طبكته واني مااحس باي شي ولاكلامه هز شعره مني حتى ستغربت نفسي اني ليش بيه كميه هذا البرود اي وحده بمكاني يجوز عل كلام زيد وحلفانه يتحرك بيه شي اشو اني صمن بكمن دخت والله دخت خليت راسي ونمت لثاني يوم مر اليوم عادي ورحت للدوام وفاتحت ست نهله بموضوع الدكتور كالت هاا شكلنه خطيه كالت من باجر اوديج هوه ساعه وحده بلسبوع ومنكول الأحد وفعلا ثاني يوم اخذتني اول جلسه جنت خجلانه لن دكتور ومو كلشي اكدر احجيله بس بعدين لا تعودت وتكررت الجلسات وشكو شي استحي احجي اكتبه كتابه هاي ثالث جلسه اروح ومحد يدري غير امي وشجعتني وفعلن بديت ارتاح اي علاج مجان يسجلي غير بس احجي ويسمعلي جنت من اطلع من العياده صدري منشرح واحس ميبقى شي بكلبي وست نهله وياي دكلي اكو تحسن ملحوظ مبين عل شكلج صاير مورد وبلجلسه الرابعه واحنا راجعين للمكتب لكينه زيد كاعد ينتضرنه صار فوك الشهر من التحق ومابيني وبينه اي اتصال سلمنه ودخلنا بس اني جنت مدنكه ولا رفعت عيني بعينه سأل ست نهله وين كنتو جاوبته شغله خلصانه واجينه دخل وياه للغرفه واني كعدت عل مكتب وره دقايق طلع اجه كعد كبالي كال وين جنتي شنوو من كال هااا سمع وانت شعليك اعتقد أنت مو ولي امري دنك ويهز برجله ويدك بحذاء عل كاع بعدين كام وكف وايده بجيوبه زفر نفس وباوعلي كال راح اروح بليل من اخابرج جاوبيني صديت عل صفحه الثانيه وهوه طلع بس احسه ديغلي دخلت عل نهله سالته كالت راد يعرف وين جنه كتله مااكدر اكولك اعتقد حتى مني زعل نهله تره زيد مصخمه بكل الطرق رفضته ليش مديفهمني والله اني ماادخل اخاف ادخل ودكولين ابن خالتج ددافعيله بس عندي نصيحه وهيه بجلسه القادمه اقترح عليج تحجين للدكتور عل موضوعج وياه زيد وتاخذين رايه لن زيد رايدج مولعب وابن خالتي واعرفه مراح يفك منج شكد ماجنت مرتاحه بجيتي من الدكتور شكد ماهسه ضجت حرت شلون اصد زيد ومديعوفني والله مالي قدره اناقش حتى نفسي ليش اني كل ماارتاح تطلعلي سالفه شكل رجعت للبيت هاي الفتره بابا بس يرجعني كمت اني اروح وهاذي اول خطوات العلاج بن اتغلب عل خوف سوينه العشه وتعشينه واسراء هل فتره متحانات وسادس فتشيل كتبه وتكعد بلهول تدرس لصبح لن فارغ داصفط بملابسي وتصل زيد اخذت نفس اصبر نفسي وجاوبت الووو ماكو صوت بس نفس الووو وين جنتي اليوم تره اول شي يسلمون موهيج دوم دكلي رشا تعبان جاوبيني وين جنتي وبشنو يهمك يعني انتي متحسين من كتلج ألف مره احبج وهسه دكليلي بشنو يهمك واني الف مره كتلك أنسى هذا الموضوع ماانسى وراح ادز اهلي يخطبوج مراح تحصل شي لا اني اوافق ولا اهلي بس خطيتي بركبتج اذا صار عليه شي واني شعليه كولشي ميصير لا يصير تره اني نافسج وتطلكتي ونخيت ابو فاضل مايتهنى بيج من يوم الاخذج زيد اعتقني لو جهه لله اني مافيدك مطلكه ومريضه وحتى هسه داتعلج عد دكتور نفسي يعني اليوم جنتي يم الدكتور انتي ونهله موو سكتت جاوبي رشا اي دكتوره لو دكتور دكتور ستغفر الله ليش تخليني اشك هدومي يعني اني ابويه مسموط وانتي كاعده كدام الدكتور تره هذا موعدل بلعباس تره دكتور وين الغلط ادري صخام والله ادري بس مو رجال يابه اني دكتورج بس انطيني شويه مجال ورحميني زيد انت ارحمني ليش تخليني احضرك والله ماريد اسويه حتراما الك اوك اني كلب ابن كلب اضاهر رحت وياج زايد شايفه هذا كلبي ال ادوسه بلقندره واكفه منج والله ذليتلج نفسي اكثر من الالزم طوط طوط طوط سده بوجهي بس هل مره مدري شصارلي حسيت نفسي تماديت وكاعد اخذ وانطي وياه من اليوم بعد مااحجي وياه هاي اذا هوه حجه لن حسيت اخر كلمات من كلبه شمرت الفون وحاولت انام مكدرت ال شربت حبايه فاليوم ياله وهذا الشي غلط الدكتور نصحني بس اصير قويه وأترك المهدات واحاول أقرأ كتاب لو اتصفح لحد ماانعس بس اني مالي خلك وتوجهت ال أسرع حل وعل أثره نمت ومرت الايام وزيد نفذ كل كلمه كاله بتعد كل البعد عني ولا وصل للمكتب ولا اتصل واني مرتاحه لهل شي ومستمره بلجلسات حتى حجيتله للدكتور عل زيد كلي انتي هسه بديتي تتجاوزين ذيج الفتره وقادره بن تحددين مصيرج والشخص الترتبطين بي وهذا الشي صحيح لن اني مدافكر أب سامر هل فتره جنت كل ليله انام عل ذكره تعذيب شكل شفته منه الايام البعده بدينه نجهز لعرس إبراهيم إيمان تركض وياهم عل صالون والبدلات وامي خطيه جهزتله لغرفه من كلشي اسراء كملت دراسه ونجحت وصفطت وكعدت جانت ضايجه كلش والعرس اجاه من الله قبل سبوع مشغله الديجي وتركص ومخليه امي شاده راسه جهزنه كولشي وابويه كال نسويهه محفوفه حتى متصير شكالات لن كل عرس بي طلابه اقترح عل إبراهيم يسوي حنه بلحديقه أصدقاء فقط وبلعرس بس يجيبه ويجي وكله ولد عمك وخالك موجودين ويحنوك عليمين الهوسه هاي طبيعة ابويه رجال مسالم ال ابعد حد وبراهيم هم ايده وقبل امي عزمت كل الكرايب والجواريين ولبنات كله شترت ملابس ال اني يومين افتر حتى الكه لبالي وماكو انسام نشلع كلبه وياي وعايفه بنته يم اسراء وكل مارجعنه فارغين كبت عيطه اسراء عيني كوندليزه رايس مالكيتي فستان لا والله يمه والله تعبت باجر تاخذيني لغير سوك والله رجليه وكعن ومالكيت بسوكنه رشا انتي بطرانه اني بيا حال وانتي حايره بفستانج انجبي رشا مدام صار يومين ترحين وترجعين فارغه تنجبين وتلبسين اي شي اسراء الصمي يمه شكلتي ماعليه اخذي إيمان وروحي يمه اني مو دركض وياه جنتج انسام تروح لا والله بنتي ماتت عل ايد اسراء تلطلط بيهه وصار يومين افتر هيه بنتج ميعجبه العجب يعني كلكم اتبريتو والله حتى بلعرس مااطلع اسكتي اني باجر من الصبح اخذج اوووويلي نبع الحنان اموت عليج حنينه موبيدج اوووف منجن ام البنات همه للممات وصدك خطيه ثاني يوم اخذتني وضليت افر بيهه ال لكيت فستان تركوازي قصير والصدر كرستال ذهبي ناعم والحذا اخذته ذهبي كعب بسمار ال قتنعت بس من رجعت حطني وكتلني وين لكيتي وراح تطلعينه كسر واني اركص حواجبي وكلهن بعد صالون وتسريحه بختصار صار كتلي عمل شعبي واجه يوم الحنه كتلهن كلمن تلزم جهاله وتكعد اني اروح للصالون ويه نوره هااا هسه لن بيهه صالون انتي لتروحين مووو اي يا عيني إيمان انتي إم البيت بعد امي وين تعوفين الخطار وانسام بنتج خطيه واسراء يمممممه فديته زعطوطت البيت خليج بصف الديجي خليتهه تشيل بروحه وتلطخ😂😂 ورحت من الصبح اخذت فستاني هناك البسه وصلني براهيم واخذنه نور وصلنا وبلشت بيهه واني وراهه اختاريت تسريحه رفع كل شعري مطلعت منه شي سوته دفن حتى توالم الفستان وخليت مكياج هادئ وكتله تركز عل سحبت عيوني اكثر شي طلعت توب نور هم طالعه تجنن جنهه لاعابه ومن كملنا وصلناهه للبيت ورجعنا لبيتنه ويه طبتي ماشوف غير زيد بلباب واني نزلت لابسه الصايه بس الشال ملافته بس ذابته ذب عل مود التسريحه ومن شافني خزرني خزره كصني كص . . . . . . .احبكم اختكم رفل الكناني ❤❤❤ رررررجاء صوتو التعديل الأخير تم بواسطة لامارا ; 08-11-19 الساعة 01:08 PM | ||||
|
| |
|
08-11-19, 12:40 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 14 نزلت والباب جان هوسه بس كلهم كرايبنه بس زيد غريب بنصهم من صارت عيني بعينه خزرني خزره كصني كص فتت من وراهم ودخلت البيت يبووو الهوسه فول رحت كبل لغرفتي نزعت الصايه والشال وبعدين توجهت للهول اول وحده شافتني امي ولج مصكوعه هاي شطالعه حلووه تخبلين شدعوه هيج مسويه شخليتي ال نور لعد مممممم لاتخافين جنتج هم حلوه طلعت ندقيت من وره من جتفي لتفتت نهله هاي شنو عيني شطالعه عل كيفج ويانه هلو حبيبتي شلونج عيونج الحلوه وتشوفيني حلوه بوستهه وبعدين اشرتلي عل ام زيد بصفهه وبنيه شابه هم سلمت عليهم بعدين اخذت الكاعدين بسره كلهن خاللاتي وعماتي وبناتهن وجناينهم رجعت يم ست نهله داسله عل بنيه الي ويه إم زيد لن مشايفته لكيتهه تخابر نتضرته تكمل وياه مطبكته كتله اكولج هاي لبنيه منين اشو مشايفتهه هاي ميس بنتهه ال ام زيد عوفج منها راح اكولج شي بس معليه مو تبوزين شوفي هاي كدامج جنت اخابر هوه دك عليه منو عل شنو دتحجين زيد هسه ال جنت احجي وياه ديتصل عليج وين فونج محصلج وتصل عليه كلي بس كوليه اجاوب ستغفر الله اني شلون بهذا ابن خالتج اني مالي علاقه كتلج لن عيب اتصل عليه ضجت حيل جنت مرتاحه عبالي خلصت صار كومه مشايفته الهوسه ادك برأسي وناس طابه وناس طالعه رحت لغرفتي فوني بجزدان الفستان طلعته كومه مكالمات من زيد ياربي هذا شاخط يعني ميخاف أحد يمه الفون وهوه يدك سديت الباب ودكيت عليه ردت اعرف شيريد خبص الدنيا اول دكه جاوب الووو بعد وكت خلفله عل نهله يمكن لو ما هيه جان مجاوبتي زيد شلونك موزين هوه ليحبج شلون يصير حاله هااا رجعنا اي اي رجعنا عود صار كومه عايفج كلت كافي زيد هواي نزلت اله نفسك بس هسه من شفتج طلع كله جذب كمت ارجف عليج وشكو وين جنتي بصالون شتصخمين وهاي الامه العربيه كوله بيتكم اليوم وانتي حايره شملطخه يعني كله راح تشوفج زيد تره مصخته والله هسه هذا كلامك شنو معنى حبيبتي روحي والله العضيم داشتعل وانطفي بلعباس كل ما اباواع عل واحد من ذوله الولد كرايبكم اكول هذا راح يشوفه هذا راح يباوع عليه اي وشنو يعني غير ولد خالي ولد عمي تره دتلعبين بعصابي والله العضيم انتي شلون تاليه وياج سكتت و ينج هااا مشتاقلج راح اسده احبج يله باي هههههه روحي لهزمي بس امانه وحاط عليج العباس ابو فاضل اذا احد شاف شي منج سديته وكعدت عل سرير والفون بيدي لشتي كله ترجف ولا مره واحد حاجي وياي هيج ولا مره احد غيران عليه كل كلمه كاله صداهه بعده باذني وكنما بعده ديحجي واني مدري شبيه كلبي يدك سريع وبحت صوته باذني طلعت من الغرفه فاصله يم الدرج وصاحت امي عليه بس منتبهتله من الهوسه جانت كاعده بصف نهله ونهله بصفه ام زيد لحد ماوصلت يمهه كالت خلي صايتج وشالج بيدج الولد ديرتبون الكعده مال الحنه شوفي طابين طالعين اي يمه صار طلعت داجيب الصايه بس ماكدرت جانو ديصعدون ويابراهيم حتى يبدل رجعت وكفت وانتضر وحده من خواتي تجيبه بس وين كلمن حاير بنفسه إيمان خطيه عل ضيافه وانسام حايره بجهاله بس بيجون واسراء لوتموت متعوف الركص وشلت البنات وتصخرلي ضليت محصوره بلهول وبس واكفه لحد مكالو راح نروح نحنيهه ونزل براهيم مبدل وهوسوله شويه يم الدرج وكله لتمتت بس اني ماكدر اطلع ام زيد تباوعلي ونهله تضحك عليه ودكلي دكليهه هذا اليلبس قصير هيج يصير بحاله ال ان بدو يصعدون بسيارات ركضت جبت صايتي وخليت الشال والجزدان بيدي وطلعت واكفين وننتضر وين نصعد وطبكت سياره زيد صعد بيهه براهيم إيمان واكفه بصفي همستله هذا زيد بكل عزه لطام إبراهيم ملاكه غيره ياخذه بس لاباجر هم يزفه اسكتي غير هوه أحدث سياره بلمنطقه شوفيه شلون تجيب التايه الله يعمره اله بكلبي كتله هم صدك برادو سوده مضلعه ومضلله بنفس الوقت رجل إيمان طبك بصفنه وصعدنه احنا الخوات سوه بس امي مادري وين صعدت وابن انسام دقني بس يتنعوص انوب شمرته بحضني رجعت شمرته عليها ودوخه مصايره والرسايل حمس عل فوني فتحه لزكت جونس زيد رشا لفي الشال عليج القرآن لفي تره عطبت عززززه هذا عايش الدور والنبي عباله اسمع كلامه والله لو يموت طفيت الفون وانسام تحجي بالي مويهمهه رشا الله عليج خلي عبودي يمج يريد من يم الجامه مجاوبته اسراء كلتلي وطرش انتي شبيج باوعت عليه وسحبت عبودي كعد ته بحضني ويم الجامه ال سكت بس سمطني كل شويه ومد راسه والهوى ديضرب عل وجهي بختصار طيح حضي لحد ماوصلنا ونزلنا احنا اول شي وضلينه ننتضر البقين ال دخلنا نهله كلتلي ليش مصعدتي وياي تره بس اني وامج كتله دخليج برجعه وياج خواتي وجهالن دمرني احجي وانزع بلصايه والشال خليتهن بحضنهه وبدت الحفله وسوو كل المراسيم عل حسب الأصول نص ساعه وطلعنه وهل مره مابيهه مجال وياه نهله صعدت امي ليكدام واني كعدت وره اخذت راحتي عل آخر وكل ماتصير سياره زيد بصفنه اصد بصفحه بس مخبله لحالي لن هيه مضلله اني ماشوفه بس اكيد هوه يشوف رجعنا للبيت كالت امي هاهيه خلصت حفلتجن راح تبدي حفلت الولد وأكدت عليه اني بذات انزع كالت راح يضلون كل شويه رايدين حاجه وداخلين بدلي بشي مستور هاي اول مطبينه كالته دخلنه للهول إم زيد كاعده وامي راحت يمهه واسمعه دكوله ليش مجيتي والله مابيه رجليه عود باجر ان شالله يا والبنيه جان دزيتيهه وياه البنات ويه نهله والله كتله ومارضت تستحي يا عيني خطيه والله اني بسياره ال فكدتكم لو هنا فاكدتكم جان اخذته عل واهس البنات عفتهم ورحت بدلت بفستان مستور ومشى اليوم وصرت حنه حلوه اكيد ماشفنه شي بس نسمع الصوت لليل ال فضت وبقينه بس الكرايب واني واسراء كافي تسخت لن البيت انكلب نضفناه عل اخير وراه سبحت وفرشنه للخطار وبقت بس باجر وتخلص عل خير ان شالله حطيت راسي دانام والبيت نص نايم نص كاعد بس اني تعبانه من الصالون والهوسه اول ماغفيت والله عبالي حلم وفزيت عل صوت المراكض كمزت وحدي بلغرفه وكله واكفه بلطرمه وصوت ابويه يكلهم مو كلنا فضت الحنه ادري شكو كاعدين بلشارع الله وأكبر عليكم هذا الجنت خايف منه وماردت عرس وخبصه بس هم ماخلصت اريد أحد يكلي شكو ماكو خو امي وخواتي بعد شويه ويطلعن بشارع وايمان تلطم ولك براهيم عوفه وفوت انت عريس خل يولي عزه بعينه الفرحه مدومنه مشيت ليمهم وماشوف غير سامر لازمي الولد وإبراهيم وهوه يطوطح وك دفرات وجلاليق موتو من شفته كل حيل مضل بيه هذا شعنده وشجابه راح يخبلني والله يعني اني كل ماانسه يطلعي كمت ارجف وعيوني غرغرن النذل خرب فرحت اخويه زيد واكف عل صفحه يباوع لن ولدنه ماشالله متكومين فوكاه من شافني هز راسه يمنه يسره بحركه توعد وياشرلي بعيونه فوتي جوه ابويه يفاكك بيهم وبراهيم ندار علينه صاح طبن جووووووووووووه طبينه وبس امي بقت اني صرت بزاويه المنور نسندت عل حايط وكعدت وأيدي عل راسي ودموعي تجري والصوت باذني الكرايب وحده دكول لثانيه هذا رجل رشا القديم سكران سديت اذاني حيل ماريد اسمع هاي الجمله الي عبالي نسيتها بس طلعت متوهمه ابويه دخلهم ادفع وسد الباب وكله دخلت تسل وتستفسر وتريد تفاصيل واني عل نفس كعدتي ال اجه محمد رجل انسام كال يابه كومي عليمن كاعده هنا جلب اجه نبح نبح وراح محمد هذا ليش مديعوفني ليش من ورايه حترك كلب براهيم بحنته رشا مومن وراج هوه هذا هتلي بكل عرس تلكي شارب ومسوي هوسه ومكتول وهسه هم جنزناه وراح كمت ابجي وهوه يستغفر صاح عل انسام كومتني غسلتلي والبنات بياوعن عبالك مشايفات رشا هاي اول مره رحت للغرفه كعدت عل سرير وهنه فوكايه يااا وخطيه وشلون يسوي هيج ورشا خاف يحبج إيمان نهدت بيهن صلن عل نبي يبنات اشو كله تباوع عل رشا وإذا جان رجله هاي قبل موهسه وسمعتن الولد شكالو هوه وشلته بكل عرس سكاره ومكتولين يله من رخصتجن احنا فارشين وباجر ورانه عرس خل نام من وكت طلعتهن بس متكدر عل نسوان الكبار هم تستحي شدكلهن عماتي ثنين كابلني ويبجن يبووو عل حضج يا رشا ويبووو ونضربتي عين وكله اليوم تباوعلج والنسوان تتبسبس ولا عبالك مطلكه وكومنج وهل كاعده تبجين اسراء ام لسان متسكت صاحت كافي خل انام يمعودات كلبتن العرس عزه الزلم الجانو بلعركه سكتو وانتن ماسكتن ضربته عمتي بلمخده وكامت من طلعت طلعت راسه اسراء وتعيب عليه يبووو ويبووو عل ساس حابات رشا انت واول الناس عيونجن ليزر عفت كولشي وخليت المخده عل راسي وبجيت بحركه فعلا اليوم الفرحه مدامتلي وهاي اني كتيتهه دموع هسه ضليت مزوهره ساعات وكله نامت وصارت صنته والفون ماسكت صامت بس الضوه يشتعل وينطفي زيد يتصل وهذا الثاني ماعنده شغل وعمل اني مصايب الدنيه كله عل راسي وهوه تعاي حبيني والله بطران غلقت الفون ونمت لثاني يوم كعدت متكسره وحتى للصالون ويه نور رفضت اروح راحت انسام وخلت بنتهه يمي نومتهه واليوم انكس من البارحه عدنه طبخ وغده حتى العصر بس انجيبه وينتهي كولشي فضليت بين البيت وبين عسوله واني مالي خلك للجهال بس من غصبن عليه امنته يمي الفون بعده مغلق ونهله اجتي عل غده وكعدنه بغرفتي شويه سولفتله كولشي كالت خل يولي هذا عنده نفصام بلشخصيه وتعلم عل كتل خليج قويه ولاتنهزين خلي البارحه يروح ويه البارحه وعيشي اليوم صاحولنه عل غده وتغدينه وكملنه بس اني بعدني مهضوهه ذبيت حركتي بلمواعين كلت ال اسراء بس الزمي عسوله اني اغسلهن طلعهتهن للطرمه ولد عمتي ثنين وياي يمسحون المي ويطلعو للشارع بلماسحه واحد لازملي الصونده واني اغسل بعدين كال شنو السالفه لعد هاي النسوان كوله ولاوحده بيهه خير ليش وحدج تغسلين سليم ماريد أحد وداعتك بس كثره عل فاضي رش مي رش خل نخلص وصدك سوك سوك سليم لازم الصونه وبهاء يأخذ الوقف والوصخ للشارع لحد ما كملت ودخلت لكيت الكل يبدل ويتمكيج رحت سبحت ويمكن اني اخر وحده جهزت وطلعت إبراهيم طالع اليوم تحفه بلقاط النيلي وامي سوده عليه تهوس كدامه من كل كلبهه عجيب احنا العراقين نشوف مصايب بس نخلي كلشي لوكته ليشوف ابراهيم وامي ويشوفهم البارحه يكول حتى العرس راح يلغوو والحمدالله الله منطي للبشر نعمه النسيان وكدرو يتجاوزون البارحه ويعيشون فرحه اليوم حتى ابويه بدشداشه البيضه مثل كلبه وبتسامته التشرح الكلب الخلت امي تلزم ايده وايد براهيم وتهوس (يهل القوط نزعو القوط برهومي لبس قاطه ) وكله ترد وراه نستني حتى الصار البارحه وكلت ماعيش هذا اليوم المنتضري من سنين بهم واخلي براهيم ينغث لن دا شوف عيونه تدور علينه واحد واحد ندمحت واخفيت كل قهره بكلبي ورحت للزفه بس اليوم ام زيد معجبتني مدري شلون تباوعلي وستغربت عدم وجود زيد جان مموجود بلعرس ومن صفنت عل نفسي كلت شبيج رشا شعليج بي وإذا مموجود شجابه عل بالج عاد رحنه وجبنه نور واجينه كعدنها شويه بلهول وبعدين صعدنهه للغرفه وره شويه زفينه براهيم من المغرب لن ابويه شكله تعب حيل من البارحه هاي الهوسه وهوه رجال جبير وين يتحمل الناس بدت تنسحب واني واسراء بدلنا ورجعنه كولشي بمكانه وفرغ البيت حتى إيمان وانسام محضرات جنطهن بس يطلع براهيم يسلمن عليه ويرحن كعدنه بغرفتنه ودنتعشه وسمعنه هلهولت امي كمنا كولنا براهيم نازل والحلو نور هم نازله بوسته امي وشاورته هز راسه وطكتهه بهلوله ثانيه جفلته فتهمنه كولشي تمام خطيه كعدو يمنه بلغرفه امي كالت جيبو عشاهم إبراهيم كله هذا عشانه اشر النور وكعدت بصفه وصرنه ناكل سوه وبراهيم يلفلهه حتى محسسونه همه عرسان كملنا والبنات سلمن وراحن وبراهيم صعد لغرفته كربت اسراء بمواعين العشه كتله اليوم دللتج الضهر ومواعين العرس كله وكعدت برأسي حست كلامي صحيح راحت غسلتهن بدون كلام اجيت دانام فتحت الفون من البارحه طافي فتحته وتصفحت شويه وسديته ونمت نص اليل كعدت عل صوته والنومه بعيني ياالله هم زيد جاوبت واني منعسه الووو سمعت صوت اغنيه حسام مدري شبيه ياربي لمن فاركت حبي حسيت الشمس غابت حسيته وكف كلبي مدري شبيه فهموني بعد ماشوف بعيني حسيت الشمش غابت حسيته نشلع كلبي جان حسام يغني بكل حركه واني شبهه مصدومه وعاني من كال اي والله نشلع كلبي زيد بيش الساعه 2ونص ادري الوكت متأخر وهاي سواياتي غلط بغلط وحتى الكلمه لنطيتجياه ماوفيت بيه بس والله مو بيدي بلعباس داموت رشا ليش هيج دسوين مضل شي مسويته انطيني سبب مقنع الرفضج كليلي أكرهك والله العضيم بعد وجهي متشوفي وصوتي متسمعي بس ادري بيج أنتي متكرهيني بس متخوفه مني بسبب تجربتج السابقه وعيونج وكل حرف بكتاب الله اصبر عليج بس كليلي انطيني وقت لاتصديني وتخليني محترك وماعرف مصيري وياج اول متصديني اكول كافي عوفه ومن اختلي بنفسي ماكدر والله ماكدر رشا حبج سنه كامله دافنه بكلبي وهسه انتي خاليه لتفتي عليه وخل اثبتلج تره عذبتني اني هذا الكلب ابن الكلب البارحه يوصل لحد بيتكم وماكدر اكصبه واني اسمع كله اكول هذا رجل بنتهم هذا نسيبهم ومالي صلطه حتى الزمه واثرمه حتى الناس هيج راح تنتقدني كل مره حاطه وكاتله بدون صله تربطني بيكم رشا كولي اي الله هذا عليه من باجر خاطبج ومتوب سامر يطب حتى فرعكم مو عاد يوصل بيتكم سكتت انتي دتسمعيني اي فدوه اروحلج بردي كلبي زيد ماعرف شكولك بس كولشي كولي بس لاتصديني تره اني بدوام وكاتلني الضيم ونوم منايم لاتحركين كلبي زيد اني . . . . . . . احبكم اختكم رفل الكناني ❤❤❤ التعديل الأخير تم بواسطة لامارا ; 08-11-19 الساعة 01:09 PM | ||||
|
| |
|
08-11-19, 12:49 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 15 زيد اني شايفه الضيم انت ليش متقنع بن اني ماكدر اخطي هيج خطوه بحياتي تره عجزت وانت مدتعوفني رشششششششششا كلمه ورد غطاه اااااانتي تكرهيني ليش دصيح جاوبي عل كد السوال حتى أعرف اوادمي منا وووووهيج حرت شكوله اريد اكوله لا اخاف يبقى مصر وإذا كلت اي اني مااكرهه اصلن من ديحجي وياي مدري شديصير بيه خصمتهه وكتله لا مااكرهك اوك يعني ادز الاهل انت وين طفرت ستغفر الله لعد شنو يابنت الناس انطيني وقت افكر واذا متقبلت اتمنى ماتحرجني اكثر الج كل الوقت بس الي اطلبه منج خليج عل اتصال وياي ماريد اكثر وعيونج لا ليش حبيبتي شنو ليش عل شنو اتصل بيك لعد شلون تفكرين بيه جمبذا هاي شنو النوب هاي انتي جمبذا تعرفين معنهى لا معنهى ورده وانتي الورده مالتي هااا بدينه بلصبغ ههههههههههه هم تحاششين لا والله بس مااحب الصبغ الايام راح تثبتلج كلامي صبغ او لا وخلي يكون بعلمج اني زيد من اكول كلمه لشخص احبه مااخاوز بيهه انشوف الله كريم اي شلونه العرس حلوو بس صدك اشو انت ماكو لن لتحقت الفجر ها مو داكول لازم مفتقدتني موهيج بس من موجود دوم تصير كبالي واليوم مشفتك عرفتك مجاي الشله اليمكم راحو منو ذوله كرايبكم اي كول كرايبكم شله شنو بلعباس كلهم عفطيه وخفاف اصلن همزين مجيت للعرس جان سويتلي هوسه وياه واحد منهم عل كيفك سوبر مان مصدكين مو الضاهر بعدج متعرفين شنو زيد يله راح اسده اريد انام جمبذا مجاوبت وينج مم من اكولج جمبذا كولي هاا زيد كافي راح اسده يله روحي تصبحين عل خير وانت من اهله طبكته واني كلبي يلكف ويدك سريع واحوالي متخبرطه ولا عبالك دا حجي بل فون عبالك كاعد كبالي اني شلون كتله هيج وشنو افكر معقوله رشا تفكرين دخلين رجال بحياتج لالا اني وين رحت خل انام احسن ما انجلط من التفكير غطيت راسي ونمت وكلام زيد يرن بذني والصبح كعدت عل اشعار عل فون سحبته من جوه المخده واني مفتحه عين ومغمضه عين شفت رساله من زيد صباح الخير جمبذا قريته وبتسمت كلت بدينه ذبيت الفون وكمت غسلت ورجعت دانشف وجهي هم اجه اشعار حبيبتي تره صبحت عليج ردي لاتصيرين بخيله داشوفه مرئي تره كتبتله صباح النور وطفيت الواي فأي وطلعت تريكت ومشى اليوم عادي للعصر ومن رحت الدوام قررت استسر نهله وماضم عليهه شي سولفته عل زيد كالت رشا بغض النضر عن هوه أقاربي بس صدقا زيد يحبج ودليل عل كلامه ديكولج ادز اهلي وزيد موصغير ولا طايش حتى يتلاعب بمشاعرج وانتي حقج بكل تصرفاتج هاي وياه بس اني اشوف لو تنطي فرصه وتتعرفون عل بعض يجوز تحبي وتبادلي المشاعر بس نهله اني ماعندي سوالف الحب والفونات يعني البارحه من حجيت وياه حسيت اني داخون اهلي وثقتهم حبيبتي رشا احساسج خاطئ هذا الحساس تحسي اذا كنتي تحجين ويه شخص متعرفين نيته شنو ولاتعرفين اصله منين بس انتي دتحجين ويه زيد إنسان جبير واعي ونيته وياج زواج واني ابصملج بلعشره اذا هسه كتيله اني موافقه العصر يدز خالتي ام زيد وهسه راح اثبتلج شلون اصبري شالت الفون وبعدين فتحت سبيكر سمعت صوت دكه خليت ايدي حلكي كتله نهله شدسوين اشرتلي اصبري نفتح الخط وجاوب وسمعت صوت زيد هلا ام كرار هلو عيني شلونك الحمد الله الله يسلمج امريني لا ميامر عليك ضالم بس دا أسألك شسويت عل موضوعك وياه رشا والله ام كرار بعد تعبتني وبعده معنده وانت اني شنو صابر والله كريم تريد احجيلك وياه لا بنت خالتي كفو منج متقصرين بس رشا اني خلكي وياه طويل مو بيدي احبه وماريد علاقتي بيهه تأثر عليج واني ادري انتو شكد تعزون بعض لعد الله يهديه عليك ويعينك عليهه اي والله بس ادعيلي كلشي ماريد ههههههه واصل مرحله ابن خالتي والله ام كرار كلش شسوي كتلج احبهه عيني الله يسعدكم ويجمعكم بلحلال امين يسمع منج ان شالله خيتي الغاليه يله اخذ راحتك اني اترخص اخاف محتاجه شي الله عليج لا سلامتك والله بس علمود هل شي خابرتك اشكرج رحمه الله والديج والديك مع السلامه الله وياج طبكته واني الخجل دمرني اصلن ماكدر احط عيني بعينه وهيه دكولي شفتي الحب لو لا عفتهه ورجعت المكتبي كعدت و وجهي بين اديه وقررت من يومهه انطي فرصه الزيد هيه مره بلعمر الإنسان يقرر واني زواجي الأول جان قرار ابويه وهسه اريد اني اقرر واشوف نتيجت قراري بيومه رجعت للبيت وجنت منتضره منه يخابر كلت راح اعرف كلشي عنه واخلي يحجيلي عنه وشويه شويه اتعود عليه ولليل واني انتضر وماكو وثاني يوم هم نفس الشي والثالث والرابع طكيت وعل شنو مادري اني شبيه اشو بالي مشوش وفكري مشغول مو هذا الجنت اتمنى بن يبتعد اشو صار العكس وهسه اتمنى وجوده اني شريد بضبط والله مادري نمت مخنوكه فدنوب وكعدت عل رجت الجهاز رفعت راسي الغرفه ضلمه واسراء نايمه باوعت الرقم زيد جنت مخليتله بس@@@@@ خليت السماعات وفتحت خط الووو حبيبتي نايمه اي اني اسف بس مكدرت افتح الفون ومااسمع صوتج وينك كل هاي المده والله جنت طالع واجب عل حدود وماكو تغطيه وهسه رجعت واول شي سويته خابرتج الحمد الله عل سلامه يسلمج الله جمبذا ممم مطورين شلون صايره تفتقديني من اغيب سكتت حبيبتي مم مشتاقلج يالله شصار بيه انوب صوته بي بحه مدري اني اسمعه هيج واني مسامعه هيج كلام ضليت بس ساكته وماعرف شكول وشرد ال كال حبيبتي وينج موجوده لعد شنو اخاف نايمه لا كاعده اي شلونج زينه الحمدالله ماكو شلونك ههه صدك انت شلونك هسه صرت زين من سمعت صوتج انت وين والله بلبيت بعدني بملابسي قبل شويه دخلت لعد اخذ راحتك اي راح اسبح وابدل واخابرج لا الوقت متأخر نام موبالي مشغول بشغله واريدج تريحي شنو هيه كلبج مااحن عليه زيد عيونه بعدني ماعرف شي عنك شتردين تعرفين اني حاضر كولشي لعد راح اسولفلج بدا زيد يحجيلي كلشي من اول مره شافني الحد هاي الحضه الدنحجي بيهه حسيت كل كلمه كاله صحيحه ومن كلبه ومابيهه اي مبالغه ومن كمل كال ترديد تعرفين شي بعد لا هاهيه يعني اكدر اكول حب من اول راوتر غير لو ترهم لو لوزع راوترات بس كون تحنين تره كتلك خل افكر حبيبتي شتفكرين والله عايفج كل هاي المده عل اعصابي خليني افاتح امي بلموضوع واخطبج خليهه هسه اوك ماضغط عليج يله روح ارتاح انت جاي من تعب تصبح عل خير وانت من اهله خليت الفون بين اديه وصورته عل فايبر بيدي ركزت بيهه حيل الشكل يجذب بشكل لابس طقم اسود مطلعه شخصيه بشكل طلعت من التطبيق وذبيت السماعات وحاولت انام مكدرت لحد مااذن وكمت صليت ودعيت ربي انو يوفقني وإذا خطوتي التخذته بخصوص زيد صحيحه يوفقني بيهه وإذا راح اتعذب يبعده من كملت لميت السجاده وكمت نمت ومن يومهه زيد اخذ غير مسار بحياتي بديت احبه واتعلق بي وهوه بعد اكثر واتاكدت من حبي الي من يلتحق اضل ضايجه وقلقه مع العلم اني وياه عل اتصال وهوه وياي خطوه وبخطوه الدكتور بقت اخر جلسه حلفني مااروح واني بديت أحس نفسي مااحتاجه فعلا ويه نهايه كل مكالمه اكول اني ويني من زيد وين جنت دافنه نفسي وعايشه بقوقعت سامر الي بديت انسى تدريجيا وحتى انسى أفعاله كمت اعرف اطباع زيد عنيد وكلمته وحده وعصبي لا موعصبي كبريت عل اقل شي يزهك يعني اذا لكه انتضار او مشغول او مااجاوب هاي الله كتبها عليه ميجاوز ولا يسمعني شي يغث بس يطنكر وميفك ال عل مزاجه مرات اسايره ومرات ابقى مطنكره وياه 6اشهر كل يوم يكلي شوكت ادز اهلي واني ارفض مادري ليش خايفه من هاي الخطوه واليوم واحنا كاعدين بلحديقه العصريات اني واسراء ومرت إبراهيم طبعن مرت إبراهيم ورده مال الله حبابه بشكل وفطيره وتصرفاته طفوليه وتولمت هيه واسراء مناكر وشقه ومداهر واني اصيح صوتجن منا الشارع لن اليوم جمعه واني وست نهله ستراحه فكاعدين وندكت الباب بسكوت كمنه جوه وصحنه الاامي فتحت الباب ودخلن 3 نسوان اني شايفتهن من اقاربنه بس من بعيد واتذكرتهن اجني بعرس إبراهيم هم ستقبلتهم امي وضيفتهم وبعد ساعه تقريبا طلعن بس امي شكله ضايجه يمه شبيج وشجاب بيت ابو وائل علينه احنا ماعدنه علاقه بيهم دنكت وجرت حسره وكالت جايين خطابه عل اسراء اي وليش ضايجه شكو بيهه رشا اني كرهت شئ اسممه زواج وخطبه من وره الصار وياج وماعندي استعداد اضحي بسراء هم يمه صدك تحجين الزواج قسمه واني هيج الله كاتبلي اسراء شعليهه تحرميهه من الزواج مااحرمهه يمه ماحرمهه بس والله خايفه يابنتي ولجمتج بعده بكلبي ماطابت حبيبتي امي ليش تقهريني كولي يالله واخذي رأي ابويه والله يسهل ونعم بالله شكد انقهرت من شفت امي هيج يعني اهلي من ورايه صارتلهم عقده من الزواج الله يمسح عل كلبهم وكلبي ويقدم ما بي الخير سوينه العشه وتعشينه وكلمن كامت عل شغلتهه هاي احنه يوميه هيج ونور ويانه متتعاجز ابد ايده بدينه وعليهه نفسيه طيبه بشكل بحيث براهيم يجيب العلاكه متصعدهه بلغرفه تفتحهه كدامنه وتوزعهه كم مره نكلهه يمعوده والله منريد واخذيهه لغرفتج اخاف تشتهين شي وتستحين كبالنه تاخذيه متقبل تطشرهن وتكابلنه وتكعد ومرات تسهر ويانه وتعوف حتى براهيم امي كم مره رزلتهه وعلمتهه اول ميجي براهيم تصعد لغرفتهه وراه بس هيه متهتم وتكعد هيه وسراء يلعبن مره بلفون مره محيبس مره حزورات ال يصرخ بيهه براهيم عاد تصعد تركض واحنا نضحك عليه كل هذا وامي تريده تصير ام كل شهر وكالته عمه بشري ماكو شي وهيه دكله لا المهم بليل واحنا بلغرفه اني إرسال زيد واسراء ونور عل فون وماسمع بس صياح ابويه نضال تسكتين لو شلون اني شحاجي وياج عل هذا الموضوع صالح شبيك البنيه مثل الكنطره ياهو اليجي يعبر عليها وهمه شايفيهه بعرس إبراهيم وعاجبتهم واجوي واني هذا الحجي ميصرفلي وتنسي سمعتي لو لا صالح ماعنده بنات يزوجهن خليهن بيتي معززات مكرمات ومدللات ال متى تره هاي سنت الحياه ال ان اموت سمعتي عود ذاك الوكت زوجيهن حتى اكون ماموجود ومينعاد الصار ويه رشا لأن اذا نعاد هل مره وياه اسراء تره ليكدام اكولج اني احط راسي واااااموت وعود خل يفيدج الزواج وكومي زوجي وطلكي بكيفج ابويه عصب حيل وختنك وكمنه نهفيله وامي من شافته هيج سكتت واني نذبحت ذبح شنو ذنب اسراء ابويه هيج حكم عليهه صرت دم ودموعي كامن يهملن عل صدر ابويه واني افرك بي وهوه يصيح حسبي اااااالله ونعم ااااااااالوكيل عليك سامر دمرت حياتي وحياه بناتي تشوفوني امشي عبالكم صاحي وكل شي مبيه شلون ااااااانسى واحد دمر حياه بنتي وراد يموتهه ترودني ارجع انعمي وازوج بعد بنيه حتى يعذبهى مثل رشا شلون ذاك العار 4اشهر يعذب بيهه ويحبسه ومسويهه مدمنه واني مادري حراااام عليك اني كلبي ضعيف وكبرت مابيه حيل صدمه ثانيه ابجي ابجي فرفحت بابا حبيبي والله نسد الموضوع بس لاتعب نفسك موزين عليك ولجن بنياتي خليجن يممممي كابلني وطزز برجال هذا بيت ابوجن تاكلن تشربن تنامن محد يكلجن عل عينجن حاجب لحد مااموت بعد تضلن بامات الله رشا ذنبج بعده بركبتي لو ميته من الحبوب جان شكلت الروحي مو اني الزوجتج وهسه ترديني ازوج اسراء كام يلهث واحنا نكب عليه مي وامي من خوفهه لزمت الفون وكل احنا واكفين ودكت عليهم كلتهم ماكو قسمه شويه وابويه هدى ورحت سويتله عصير بارد وجبت علاجه شربه وامي مشته للغرفه وإبراهيم اخذ مرته وصعد لحضات مو اكثر وهيج نكلب البيت والوضع صار مكهرب اسراء اكثر وحده ضاجت أخذت فراشه وارحت نامت بلهول عرفته متريد تحجي وياي اخاف يصير نقاش وهسه مووكته كعدت عل سرير واديه تضغط عل فراش بكل ماعندي من قوه هيج اني دادوس عل نفسي حتى اصبرهه عل الي اجاهه من سامر وكابوسه الي ملاحكني الفون يلمض زيد يراسل ويدك اوووو شراح يخلصني جاوبت الووو هاي ووووينج موجوده لعد مجاووووبين شبيج ألف مره كايلج من دنتراسل لو نتخابر لتختفين فجأه زيد شبيك عليه اني روحي طالعه ليش تخربطين بل حجي تره اتخبل من هاي المفردات شنو طالعه روحج اني جاي من المهجوم من الدوام والموت شنو دكليلي طالعه روحي حتى للبيت بعدني مواصل هاهيه سكتت اي هوه هاي انتي شمحصل منج لو ساكته لو طالعه روحي زيد كافي اي هاهيه يله كافي راح اسده وين انت شعليج انتي ليش تخلي بالي كلي وين وصلت روحي هاهيه مو طالعه روحج بعدني بطريق يله سوق عل كيفك ودير بالك عل نفسك سده عرفته طنكر هوه ميدري البيه ليش يحكم عليه لتمن عليه كلهن بنفس الوقت منا ابويه واسراء وسالفته وهسه زيد كملت السبحه انوب ماكدر انام من ينزل من الدوام ال يوصل ضليت الوب الوب وهوه نكطع اتصال النت ورصيد ماعندي ضليت افتر بلبيت وأكثر من ساعه واني كاعده عل نار. . . . . . . . .احبكم اختكم رفل الكناني❤❤❤ التعديل الأخير تم بواسطة لامارا ; 08-11-19 الساعة 01:10 PM | ||||
|
| |
|
08-11-19, 12:52 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 16 ساعه كامله واني كاعده عل نار وكل شويه ادخل عل رقمه ماعنده اتصال آخر شي صار متصل ارتحت وعرفته وصل للبيت بقيت انتضره يخابر مخابر عرفته ضايج عفته ونمت ......... في وقت آخر بيت ابو زيد ...... زيد .....رجعت من الدوام ضايج حيل اتخبل من بعض التصرفات مثل التنعوص لو دكلي ضايجه مرات احس رشا مو وياي ومع ذالك مسايره لن بس تقبلتني هذا كلش كافي عليه بس اليوم عصبتني اني تعبان وكل جيتي عل موده لن بدوام مماخذ راحتي بل حجي وياه واجبات وجاسم صاحبي مرابط يمي اربعه وعشرين ساعه فمن انزل اكون مرتاح اصلن وجودنه بنفس المكان راحه بنسبه اليه اول مرجعت سبحت ونمت شكد جنت اتمنى تخابرني تراسلني بس رشا بارده ولامره مسويته لو اني اخابره لو متخابر بذيج الفتره كله كل مره اكلهه خل ادز الاهل خل نفضهه متقبل وماعرف يجوز بعدهه ممتعوده عليه لو دتشوفني وتحسم قرارهه مادري بس اني وين بيه صبر قررت باجر أحاجي امي وشيصير خل يصير والله نمت لثاني يوم كعدت الضهر سبحت وتغديت ودنشرب الجاي ويمنه اختي سحر كتله يمهه اريدج بسالفه اي وليدي كول يمه اريد اخطب يالله اللهم صلي على محمد وال محمد يمه يوم عيدي أشر واني امك هسه البس عباتي واخطبه فدوه اروحلج حجيه الله يطول عمرج وعمرك يمه بس ماكتلي مخلي وحده بالك لو اشوفلك عل ذوقي والله يمه عاجبتني رشا بنت ابو براهيم يا رشا لادكلي لمطلكه اي وشبيه وإذا مطلكه زيد يمه انتي تحجي صدك اي والله ليش شكو بيهه قابل شلون شكو بيهه بيهه وبيهه مطلكه ومريضه شعجبك منهه واني اريده زيد لتخبلنه مالكيت غير هاي المعقده لخاطر ربك سحر شبيج اصبري دا شوف امي شبيهه كلبته عليه يمه شنو سالفتج اشو بسرعه كلبتي وجهج زيد انسى هذا الموضوع لو تضل بس رشا مادخله بيتي عجيب ليش ياامي شنو ليش انت ولد ممزوج وعندك خير والف وحده تتمناك وسنين اتوسلك تتزوج متقبل وهسه من قررت مالكيت غير رشا مطلكه وشبعان بيهه رجله شتشوف بيهه مدكلي اووووووويلي عل حمزه يمه شنو هذا الحجي مو بنتاتج كاعدات لتخليني اللوص شنو شبعان بيه رجله اكولج زوجيليهه تذكريني بزواجهه هاا مو هذا الصدك اشو كبيت من جبنه طاري زواجهه اي لاتجيبون طاري زواجهه روحي خطبيهه وخلص واني ماروح يمه ليش تزهكيني سحر روحي وياه امي زيد كل عقلك نخطبلك رشا تره دتصدمني عجيب انتو شعليكم اني رايده والله لو اموت ماروح ولا اخطبه طبعن النسوان مينطن وجهه داناقشهن كبن بس نطيتهن شويه مجال من شفتهن هيج هطت بيهن سحر سكتت بس امي ضلت تنوح وحتى بجي كامت تبجي راسي راد ينفجر وحتى متصير مشكله عفتهن وكمت اخذت اثنين بندولات ونمت للمغرب كعدت روحي طاكه منا متلاغي وياه رشا ومنا سالفت الضهر دك برأسي انوب طلعت لكيتهن حاطت ابويه ويحشن برأسه وبس شافني شتغلني انت شنو انوب تريد تزوج احنا وين شايفك حتى تزوج علمود انكوم بعد منشوفك يعني شلون ماتزوج يعني لو نشحنت حجي اي هاي سوالفك احسن متزوجوج حيرن بينه ليش اني عايفكم اشو كل شهر انطيكم مصرف وادفع المولد والانترنيت ومن أنزل من الدوام طول إجازتي انكل مسواك وارجع ليوره لج سحر مو حتى انتي ممقصر منج منغير سوالفك يوميه طالعي صفح وتعال يا زيد ادفع انت شنو تعيرنه مااعيركم واصرف عليكم واني الممنون بس ليش تنكرون يمه اني كتلج اخطبيلي تره ماجرمت واني رشا ماخطبهه لو تبقى بس هيه لعد اسمعوني زين اني غير رشا بلعباس ماتزوج عفتهم وطلعت فتريت بسياره وحشيت جكاير لحد مانصطرت ورجعت امي وابويه ثنينهم زعلانين وسحر رايحه رشا ماعندي اتصال وياه هيج طبيعتي من اقفل منهه يومين تلاثه ال افك دخلت لغرفتي بس متحملت كمت بدلت عسكري ونزلت الجنطه بيدي لاكتني امي عل درج وين رايح راح التحق مو البارحه اجيت والله حجيه بهضتوني انتي كلبتيهه عزه مو خطبه وطلبتهه منج وابويه طلعني صفر وممسويلكم شي ولك يمه ستهدي برحمانك وشوفلك غير هاي الغضب والله من عين باجر اروح اخطبهه يمه ال اكولج أحبه هسه رتحتي احبهه يمه وليدج يحبهه ليش تكسرين بخاطري اني كتله هيج عبالي تلين تالي كامت دك وتلطم وحارت شغلطت عل رشا عفته وطلعت هم ماكدر اغضبهه طلعت بوجهي للدوام شافني جاسم تفاجاه كتله انزل انت راد بس يعرف شبيه مكتله لزمت واجب بمكانه وهوه نزل للصبح خلص واجبي رحت نمت للعشره بعد ماتحملت خابرت رشا وتصالحنه بس ماجبتله طاري لن بعدني عندي امل اقنع امي سديتهه منها مرتاح لن ماكدر عل زعلهه من شفت نفسي هيج مرتاح تذكرت امي اخاف البارحه ضل بخاطره مني لزمت وخابرته وبعد السلام كتله هاا حجيه ماحنيتي عليه وترحين اليوم وترجعين تفرحيني ماكو قافله وأكثر من البارحه وكل كلمه تردلياه من سحر الكاعده يمهه وتردله عاد سديتهه منها وكلت ارجع والله كريم مدام رشا متدري عل كيفي اقنع اهلي حطيت راسي ونمت .......... رشا.....اليوم الثاني ضليت لايبه ادري بي هنا بس اعرفه من يزعل ميعترف بيه بعد ال من يهدى ياللا خليته عل راحته احنا هيج كل مره اليوم كوله مدري شلون خلص امي هم روحه بخشمهه من وره موضوع اسراء بس ماتحجي كد ام ابويه تخلي يطلع وتكعد تفرغ لبكلبه اسراء كعدت وياه وحجيت كالت اني مابالي الزواج بس البارحه مقهوره عل وضع بابا وين وصلنا بسب سامر ومقهوره عليج اكثر لن داشوفج شلون دتحسين بتنيب الضمير وحاسه بيج هذا الشي ريحني جنت خايفه اخاف شايله عليه والله ثالث يوم أصبح كعدت عل رنت الفون زيد ديخابر جاوبته الووو هلو حبيتي شلونج الحمد الله تمام انت شلونك موزين يومين مسامع صوتج مممم كول النفسك جمبذا مم مومعلمج متحجين بلمشكله من يفوت وكتهه اوك هاهيه شلونك الحمد الله مشتاقلج واني اكثر جذابه ليش لو مشتاقتلي جان خابرتني حبيبي مو ادري بيك من تقفل بعد نتهت المهم شكو ماكو سلامتك انت وين بدوام لا وعيونج ليش زيد اول بارحه نزلت اي بس صارت ضروف ولتحقت من شوكت من البارحه بليل قهرتني تدري شلون رجعت بطريق وصلت واني مامنه ادري بيك هنا بس زعلان مني بعد صارت حجينه شويه وسدينه جان بالي اسولفه عل موضوع خطبه اسراء ورفض ابويه بس من دريت بي بدوام كلت راح يضل يفكر وحنه هستونه متصالحين ماريد اعكر مزاجه كمت غسلت وتريكت وجنت دامسح بلكاونتر مال المطبخ ودندكت الباب وطلعت امي فتحت البرده شويه ومااشوف غير ام زيد وياه بنيه مرتبه اول ماشفتهن تخيطت والرجفه سرت بجسمي معقوله جايات يخطبني لالا هسه جنت احجي وياه زيد البنيه عرفته اخته لن نسخه من زيد هواي بيهه ملامح منه مدري الدم هيج غسلت ايدي وضليت واكفه بس بعيدين باب الشارع تقريبا ماسمع شي بس الموضوع ماعجبني يحجن ويشمرن بديهن وامي هم احسه دتغلي وره شويه طبكت الباب وجتى بتجاهي كل حيل مضل بيه لن وجهه امي ميتفسر كالت وهيه ترجف من الأعصاب رررررشا شعندج ويا زيد شنو ماما ولمه لتلمج لا تجذبين عليه سالتج جاوووووبي يمه عل كيفج ررررررشا ليش هيج ليش اني ام زيد توكف بابي وتكلي كفي بنتج من ابني بنتج مطلكه مستحيل اخذه الاابني لو ميته ولا جاي هذا اليوم الي احد يجيب بي طاري بناني اني وكفت بعيونهه وكتله ام زيد انتي متوهمه بنتي متسويهه واحترامي نفسج رررررشا بردي كلبي الحجيته للمره بمكانه لو اني غلطانه وام زيد كلامهه صحيح دنكت سحبتني من كتفي وهزتي ررررررشا لتخليني احركهه الروحي حجي ام زيد صحيح دكلي يحبهه وتحبه يمه موهيج بس هوه معافني بحالي والله جنت رافضه بس جبرني والنبي اسألي إيمان تدري وست نهله من كلت هيج امي صفكتني راشدي اذاني صفرت و حسيت بحراره عل خدودي مكدرت ابقى دقيقه واكفه ركضت للغرفه وأول شي سويته دكيت عليه اول دكه جاوب الووو حبيبتي انفجرت ابجي لا حبيبتك ولا ابد اني ماااااااريد عووووفني شبيج شنوو هل خريط هذا مثل ما سمعت كافي الي صار لحد الان كااااافي بس هدي شبيج غير افتهم لاتفهمني ولا افهمك اني مااااااااريدك وخلص ليششششش دصيحين اااااخ الله لو يمج جان كسرت سنونج بحلكج بلعباس كافي عوفي البجي وفهميني الصار مجاوبت مووووياج جفلت من صوته وهم ماحجيت رششششا اني جايج اذا مطيحت حضج سده بوجهي واني فاقده من البجي وامي بره تحجي وماخلتلي أشكال الكلام الي بحياتي مسامعت لزمت نفسي ملخته وحتى الفون ضربته بلحايط فلشته ... زيد...... نايم بس ممرتاح بحيث اول مدك الفون جاوبت جانت رشا ومادري شبيهه من سمعتهه تبجي وتصيح دين مضل برأسي وقررت انزل القائد الي أعلى مني ما قبل لن اني انطيت إجازتي ال جاسم حاولت وياه مقبل آخر شي تلاطشنه حتى الجيش أدخل ونزلت بدون اجازه رجعت شايط وكل الي بالي سامر العار مسوي شي وهوه سبب صياح رشا أشكال اجتي السوالف برأسي جنت اسوق بدون وعي وجنت مقرر كائن من يكن سبب بدموع رشا اني حاركه . . ... . ... . . .احبكم اختكم رفل الكناني ❤❤❤ هذا لبارت لعيون السهرانين لحد يكول قصير هوه مفاجاه التعديل الأخير تم بواسطة لامارا ; 08-11-19 الساعة 01:20 PM | ||||
|
| |
|
08-11-19, 12:58 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 17 زيد ......رجعت الطريق كوله إتصل عل رشا يطلع مغلق نحمست حمس سياقه وتعب وازدحام اريد بس اوصل والأفكار أشكال ال أن وصلت أول شي اجتي عيني عليه بيتهم بس ماكو شي صنته والباب مسدود وكفت شويه بس عل أعصابي ال فون ماوكع من أيدي والابطلت إتصل لحد ماعجزت ودخلت للبيت هم هدو ضهريه لكيتهم نايمين بس ميس كاعده رادت تصبلي غده رفضت لن ماشتهي العسل كعدت بس ممرتاح ضليت اطلع بره واطب صار موعد روحته للمكتب وهم ماكو عاد كل صبر مضل بيه لزمت الفون وخابرت نهله الووو أم كرار شلونج هلو عيني زيد شلونك الحمد الله الله يسلمح أم كرار شنو اليوم رشا ممداومه والله زيد لحد الان مجتي وجهازه مغلق أم كرار خيتي ما عندي غيرج هيج خابرتني الضهر تبجي ومادري شبيهه حتى عفت الدوام ونزلت وداخابر مداحصله مروتج بلكت تشوفيلي جاره زيد خليت بالي ليش تبجي ماعرفت لا والله لعد متشوفين اجيت عل عمى عيوني هسه راح اخابر أم براهيم لو اسراء اي والله ياريت لن فدنوب بالي يمهه سدته نهله واني كاعد انتضر عل نار وره شويه خابرتني كالت راح اروح عليه يابه شكو شفتهمتي كالت اشوفه وبعدين اسولفلك كعدت بلسياره لحد مطبكت سياره نهله بابهم وأكثر من ساعه ونهله بيتهم اتصل عليه ترفضه كمت ما عرف شسوي دخلت للبيت أمي شافتني تفاجاه بس ماحجت وياي كلمه فكرته زعلانه مني كلت خليه هسه بس يصفى بالي اصالحه رجعت كعدت بسياره وطلعت نهله عبالك اجاني الفرج فرت سيارته وطبكت يمي دانزل اشرتلي اوكف صارت يم الجامه هاااا ام كرار بشري اكولك نكدر نطلع واحجيلك وين نروح تعاي نزلي نحجي بلبيت لا مو مال بيت شوفنه مكان ياله براحتج زين تعاي بسيارتي لا خلينه كلمن بسيارته أخاف ارجع إني مناك للمكتب اوك طبعن هذا الحجي عل عصابي مشيت ونهله ورايه والأقرب مكان نزلنا وكعدنه واني أعصابي كلك كتله كولي ام كرار شصاير وشبيهه رشا زيد أنت مفاتح خالتي بموضوع الخطوبه اي كتله ورفضت ليش من كلج زيد خالتي اليوم رايحه لبيت أبو ابراهيم وكايله ال ام براهيم كفي رشا من ابني ابني مياخذ مطلكه وووووووال آخره والمره متخبله ومتعاركه وياه رشا وهاي الثانيه مكسره فونهه وحابسه نفسهه بلغرفه ورحت لكيت حالته حاله نهله تحجي واني داغلي الباكيت مال الجكاير بيدي جاعصه ومادري شلون امي تسوي هيج كمت عقل ما عندي لزمتني نهله زيد الله عليك عل كيفك بل هدوى تنحل الأمور موهيج هدويش ام كرررررار امي فاضحه البنيه اليوم احرك البيت عليهم طلعت وعفت حتى نهله شخطت السياره وكبل للبيت أول ما دخلت امي عرفت من وجهي صحت يممممممه شمسويه مجاوبت التحفيه كدامي ضربته بجامه الكاونتر تفلشت رجعت كتله يممممممه كتلج شمسويه لازم وصلتك الأخبار لعد مثل ماسمعت ليش هيجي سويتي شلون ترحين تفضحين البنيه شلووووون طبه مرض خل تعرف بنته شنو شنوووووو بنته شنووووو بنته اشرف من الشرف سنه واني اركض وراه ومتت ال اقنعته بيه وهسه انتي هيج تسوين ليششش انتي شعليج كلتي مطلكه وكتلج اني راضي شلون ترحين من ورايه هيج تسوين يبوووووو كامل الحك تعال شوف ابنك وحيدي شلون يصيح عليه علمو مره اليوم مو اصيح اليوم البيت احركه فقدت آخر ذره بعقلي وشكو شي كدامي كسرته جنه واكفين بلمطبخ مسويته مطبخ شوهته دخلت نهله لزمتني والله جاب سحر كمزت عليه انتي اااااااااكبر حقيره كله من وراج اني امي واعرفه خطوه متخطتي اذا ماعندج علم بيهه وكله هذا تدبيرج ياطايحت الحض زززززيد تغلط عليه علمود رررشا اني اختك وهاي امك ليش هيجي مسوي بلبيت وراح اسوي الأكثر يا ماتستحن وإذا مطلكه مو مره مو بشر شحارك كلبجن لو لن كلت احبه ااااااااطلعي بره ماريد اشوف وجهج اااااااطلعي موووووبيتك بيت أبويه عود من أجي لبيتك اطردني زززززيد تطرد اختك واني عايشه علمود رشا المطلكه علموووود رشا المدمنه اخر كلمه من امي فقدتني وخلتني افصل فدمره كمت اشيل بروحي والطخ اريد الزم سحر رأس البله بس نهله لازمتني وماكدر اتقاوه عليه استحي طبكن امي وسحر ودك ولطم وأشكال الحجي المينحجي عل رشا وابويه كمله بدخلته وطبك وياهن كام يطفر بلكلام عل تأخذ فضاله وذاك شابع بيهه وسحر ترد عليه أي هيه كح........ وهيج ذابح نفسك عليها اكيد محصل منها هنا بعد طفح الكيل لزمته من رأسه ودفعتهه وطلعته للطرمه اريد اطرده لن كامت تخربط بلكلام وتجفص سويت هيج لو امي تخبلت وابويه عل حس الطبل كام يشعل وينعل ونهله بنصنه بس ميس بعيده وتبجي عل صفحه شفتهم هيج دخنوو عل سحر واني موبالهم كتلهم لعد اني طالع وخلي سحر تفيدكم شلت السويج والفون وصعدت الغرفه طلعت فلوسي من الكنتور وعفت البيت كوله وطلعت نهله ورايه مسمعتله احس نار وشابه بجسمي طلعت ومادري وين اروح هيه هاي تاليته وراه ماتعبت وقنعت رشا يطلعولي اهلي رحت عل شط كعدت بلكاع وحلكي يبس من الجكاير وكلبي كل شويه يعصرني ردت بس ارتاح واسمع صوت رشا ماكو رجعت لمنطقتنه وفتت من كدام بابهم وهم ماكو للبيت مستحيل أدخل والوقت تأخر خابرت جاسم كتله جايك فريت السياره ولبيت جاسم ستقبلني خطيه وكعدني بلصاله شاف حالي هيج يريد يسألني بس وضعي وشكلي مبين ميسمح شعري مخربط وبنطروني كله تراب لن عل شط جنت كاعد بلكاع خلالي المخاد وكال الله بلخير مكدرت اجاوبه مخنوك سحبت المخاد ومددت وخليت أيدي عل عيوني لحضه من لحضات حسيت اني خسرت رشا هيه نفسيته تعبانه ومن هذا الموقف الله ليعلم شصار بيهه وره ربع ساعه واني عل هذا وضعي سألني جاسم ابو الزود شبيك تره فطرت كلبي اني مشايفك هيج ابد جاسم اني تعبان ليش خويي كول واني اسمع اني موضلعك وسندك ماكدر حتى احجي احس مواسه وتجرح بلاعيمي والله جاسم الحكلي وين انطي وجهي وشيوي زيد عل بختك فهمني تره اني ماتحمل اشوفك هيج وعلي حبيت لو بلوه بتليت ههههههههه هاي اغنيه بعدك اخوك اني سامعه جاسم تره اكوم اروح بلعباس اني روحي طافره ومالي خلك سوالفك اعذرني اعذرني بس شو هيه اجتي عليك يالله هسه كلي المن حبيت يمعوده وحده حبيته لو طاح حضي أول محطيت عيني عليه اتزوجت وسنه كامله وره مطلكت اني دافن حبهه بكلبي وجيب ليل واخذ عتابه ال حبتني وهسه من ردت اخطبهه امي هيج وهيج سوت بعد اخوك عقول نسوان بعد هسه المهم اني اخوك وركبتي سداده تريد اخلي امي تروح تخطبهه الك كفو منك والله متقصر غير لو ترهم بعد بس الله يحله ضلت يمه دكوم اسبح وارتاح واكلك لكمه ويصير خير جاسم رحمه لاهلك كولشي ماريد غير تراك وطفيلي الضوه وتحملني بس هاي اليله وسفه عليك ابو الزود البيت بيتك والعتبه انه رحمه الله واليدك متقصر والله خطيه جاسم طيب حيل وأهله ناس طيبين هوه ممزوج وبعمري عنده 3 أخوه وثنين خوات وامه والده متوفي سوه مثل ماكتله فرشلي وحابلي تراك بدلت شكد جنت محتاج اسبح لن من الدوام للبيت لهاي الهوسه الصارت بيه جنت مدمر بس استحي رغم هوه توسل بيه بس رفضت وكتله بس عوفني النوم جافاني وكل عقلي كل شويه وادك عل رشا بس بدون فايده متزوهر وماكدر انام للفجر سمعته إذن كمت كعدت جاسم كتله سويلي طريق بس اتوضى عاد توضيت وصليت وبدلت وطلعت شكد جلب بيه جاسم كتله لا رايح البيت طلعت افتر بلشوارع لحد مواصل منطقته واكف بركن اصلن لحالي مدري شتاني بس الإنسان من يعجز عن التصرف بعد يمشي بدون تفكير بدا الضوه يطلع والشمس علت والموضفين هم بدون يطلعون بعد وكفتي متسوه اخذتلي زاويه بفرع مسدود ونزلت الكشن وقفلت السياره والجامات وبديت اغفي ال ان نمت ومادري ساعه تقريبا وفزيت عل فون يدك امي تتصل رفضه وشغلت السياره ورحت للمحكمه عل نهله هاي المره هم ابتلت بيه وبرشا انتضرته جانت عدهه مرافعه كعدت وراسي بين اديه وكل بالي يم رشا شلون مر عليه البارحه وشلون خلصت هاي اليله وكملتهه نهله من كعدت وحجتلي عل وضعهه البارحه كلتلي منهاره كل روحتي عل نهله جان املي منهه اسمع خبر منه أو اسمع صوته بس نهله مقبلت حتى طلبت مهنا رقم اسراء مقبلت كالت أخاف يصير شي وتطلع بوجهي حتى تكدرت منها يعني دشوف حالي مثل الغركان ويريد يجلب بكشايه وهيه عدهه رقم اسراء لو بس تنطينياه اني اتصرف واوصل الرشا بطريقتي بس محصلته ورجعت خالي ضليت من مكان المكان بيومهه لليل ال خابرتني نهله كالت باجر رشا اداوم تعالو للمكتب وتفاهموو صارن عندي شويه امل ولو قليل ونمت مرتاح طبعن اليوم استأجرت غرفه بفندق وردت بس انام حتى يجي باجر ونمت لثاني يوم الضهر كعدت سبحت وبدلت ودفعت الحساب وطلعت متواجهه للمكتب.... رشا.... وراه مسديته وياه زيد كعدت منهاره وماعرف شسوي كرهت روحي بسب وصولي لهاي المرحله اني حضي واعرفه شنو احب واتمعشك بسببي اهلي نهانو ونجرحت كرامت امي الي ربتنه عل صدق والطريق الصحيح واني مكذبت وعلاقتي يزيد واضحه وبعلم اختي الجبيره وزيد واعي ونيته وياي زواج مو شاب ومراهق وديضحك عليه هذا اليوم يمكن أكثر يوم ستزغرت نفسي بي واني اسمع امي تهين بيه رغم هيه ضربتي راشدي وهاي أول مره تسويها بس مااثر بيه بكد ماكلامهه اثر بيه وهيه دكول ربيتجن بدموع عيني وإيمان وانسام طلعن لبيت ارجالهن ومحد يعرف ام براهيم عدهه بنات حتى المدارس بيدنه ناخذجن وبيدنه نجيبجن تالي رشا تسوين علاقات وياه ابن الجوارين هاي تاليته امه توكفلي بلباب وتسمعني كلام انتي من وراه زواجج الأول شحصلتي حتى هسه تزوجين وهم الج نفس يعني كدامج حتى اختج وكف نصيبه وانتي محضره نصيبج كل كلمه دكولهه امي سجين وتضرب بنص كلبي تمنيت لو ميتهه ولاسامعه هذا الحجي موتت نفسي من البجي وحيلي باد للمغرب واني عل كعدت وحده وقافله الباب اسراء ونور يدكون وتوسلو بس افتحه واني رافضه ال سمعت صوت ست نهله ال فتحتت الباب من شافت حالي نصدمت وامي نهدت بيهه وحجتله كولشي قبل متسال ضلت باهته ومصدومه وبعد مااسراء طلعت امي لن اعصاب وبدت تجر بلكلام كامت نهله وقفلت الباب واخذتني بين اديهه تهدي بيه عاجزه اي كلام اوصف بي حالتي وهيه فتهمت عليه بدون مااشرح سولفتلي عل زيد وبان هوه مخابره وميدري عن كلشي مقتنعت لعد أهله شمدريهم جنت لاافكر ولا أحلل ومستسلمه للبجي فقط ونهله ما بيده شي عافتني وراحت بيومهه مانمت ولاعرفت طعم الراحه للصبح لمن اذن وسمعت غرفت امي نفتحت وطلعت تشاهد وتستغفر وراحت صلت نتضرتهه تكمل ورتميت بحضنه صدت بصفحه يمممممه فدوه اروحلج لاتعامليني هيج تره اموته لروحي والله خل افهمج الله عليج ادري صعبه عليج الصار البارحه بس والله يمه زيد مومن ذوله لبالج زيد رايدني وشاريني واني بنتج تعرفيني مو مال هاي السوالف والصار بيه موشويه لاتصيرن انتي والدنيه عليه يعني عاجبج الصار وعاجبج الكلام الكالته ام زيد علينا والله ماعجبني ولا اني راضيه بي ولا أدري بيهه راح تجي زيد يحبني وممجاوز وياي حدود المعقول لعد اذا يحبك ليش مااجه من الباب ليش وصلتينه لهاي المرحله والقرآن ولانزله عل محمد كل ميريد يجي اني أرفض لن بنتج ملجومه والصار وياه موقليل اني جنت رافضه زيد بس هوه اصر ومن كد مالح كلت انطي فرصه وانطي نفسي يمه لاتضلميني وتباوعيلي بلعين الزغيره اني تربيتج خلت اديه بلبجي وكامت تبجي انوب طحنتي حضنته وابوس بديهه وامسح بدموعه وهيه اخذتني بحضنه يمه والله مادري البارحه طلعت من طوري وكلام ام زيد اذاني زيد ونعم منه رجال وكبير واعرفه مو مال حب وخرابيط ويجوز صدك رايدج بس اهله ميقبلون بنضرهم انتي مطلكه والمطلكه موبشر ولامره ولامنحقهه تعيش الرجال المطلق ينطوو نسوان ويزوجو بنات بيوت بس المره لا هذا مجتمعنه فاشل ومحد يضلم المره غير المره نفسه وام زيد مره مثلج بس مانصفتج وضلمتج بكلامه وانتي بنتي ماقبل عليج احد يقلل من قيمتج ويستزغرج لعد اني وابوج ليش رفضه نكول انتي لحد هسه بنيه حتى الناس التجي تخطبج تخطبج لنج رشا بنت ابو براهيم وتقبل بيج بكل الحالات ان كنتي مطلكه او لا موياخذوج لن يدرون بيج عذا وحده من الناس ام زيد شفتيه شكد عاشرتنه ودخلت بيتنه واكلت من زادنه يمكن لو تدري بيج عذاراء جان مسوت سوايته جان جتي وخطبتج لهذا يابنتي ماريدج تضعفين وتباعين عل نفسج بلعين لتباوع بيهه الناس زيد يحبج يجي ويدخل بعين اهله لن ممسوي لاعيب ولاحرام لن لوكل الناس تفكر مثل تفكير امه كان ماضلت لا ارمه ولا مطلكه ابتعدي بنتي بتعدي ولشاريج غلي روحج عليه وخلي يركض حتى يرجع يشتريج والله يمه كلامج صحيح وزيد شاريني بس لاتضلميني وتباعيلي بغير نضره اموت والله اموت جنت احجي وابجي باستني ومسحت دموعي وكلتلي كومي نامي وربج يحله وإذا زيد يحبج يأخذ حقج من كل كلمه نكالت ومستج من اهله لن الي حجته امه باب بيتي ماانساه للموت كمت رجعت لفراشي واني ادكعطع قررت اعوف زيد بعد هاهيه اني طريقي واضح من أوله ليش اتعب نفسي نمت وبيومهه حتى واني كاعده جنت اتهرب واتضاهر النوم لليل امي بلغتني بان من باجر يرجع كلشي طبيعي وترجعين للدوام لاتخلين ام زيد وامثاله تاثر عليج وصدي بنفسج كلمن يتعرضلج بكلمه واني عندي ثقه بيج واعرف بنتي متغلط وهاي حبستج بلغرفه واليوم والبارحه مداومتني راح تحسسني انتي مسويه الغلط واني داعاقبج فانتي جبيره وإذا تأخذتي قرار تعرفين عواقبه كلامهه شجعني ونطاني ثقتي بنفسي ومن ثاني يوم داومت وراه دخولي المكتب بعشر دقائق دخل زيد وست نهله كالت تفاهمو اني شويه واجي جلبت بديهه وردت اطلع وياه بس زيد خزرني وجهه جان مبين عليه التعب دنكت وست نهله طلعت وردت الباب كال شكو مجلبه بنهله مجاوبت شلونج الحمد الله حجيتهه ودنكت تقرب حيل رفع وجهي بيده صارت عيني بعينه بسرعه عيوني دمعن وصديت بصفحه حبيبتي روحي وعيونج اسف امسحيهه بوجهي شسوت امي امسحي بوجهي نزلت دمعتي وهزيت راسي لا امك حقهه احنا الغلط خصوصا اني المفروض ابقى عل موقفي وما ارتبط بيك لادكولين هيج تره تحركين كلبي تدرين زيد روحه بيج معليج بكل الحجي اني راضي بيج ششلون معليه هاااا شلون تدري امك شحجت وامي شسوت زيد الخاطر الله لهنا وكافي عوفني تره كلبي خلصان اششش اششش لاتجيبن هيج كلمه عل لسانج تعرفين شنو مااعيش بلياج مااعيش بلياج وإذا انتي كلبج خلصان اني كلبي صار يومين مجمر الحجي ميفيد زيد خلي احجيلك من الأخير احنا منتراهم اني مطلكه وانت ممزوجج وامك من حقهه تفرح بيك ويه بنيه كامله المواصفات واني مابيه اليردو اهلك ومنغير هذا كوله يدرون بمرضي ليش دنغشم نفسنه هم يجي يوم يعيروني ررررررشا لاتخربطين بلحجي ليجيب سيرتج عل لسانه احركه بلعباس انتي متدرين سويت من سمعت ماريد اعرف زيد عوفني عيونه صارن بكصته خزرني وكال ليش دتحجين هيج موراح اخذج غصبن عن اهلي واهلج والدنيه كله تره لحد الان لازم نفسي بعدين ليش كاسره الفون مافكرتي بيه ماكلتي شصار بحاله رشا تره سكتت هواي راح انفجر واحرك الأول والتالي شنو دكليلي عوفني جاهل اني تحاجيني هيج وسهله اعوفج عندج عادي اي اي اني راح ادوس عل نفسي وانت هم ليش اهلنه من ورانه دنتمشكل وياهم اهلك من حقهم يزوجوك الاحسن مني وأهلي ممجبورين ينوكف بوجهم وينجاب طاري بنتهم واني لحد الان الي اجه الأهلي من ورايه كلش كافي انتي ليش هيج ضعيفه اني وياج وداكولج مراضي عل صار ولا أدري بي متدري؟لعد امك شمدريه اي كتله اخطبيه بس مادري هيج مسويه اي يعني كايلهه ورافضه ليش مكتلي ليش محجيت اذا اهلك مراضين احنا علاقتنه شنوو راح تخليني اهجم المكان اشوووو دشمرين عليه وعبالك اني راضي بلصار كافي عاد خل نتفاهم اهلي غلطو صحيح اني اصلح الغلط وراح اخطبج وانتي ساكته واني مموافقه شنوو مثل ماسمعت اني مموافقه ومستحيل اوافق ستغفراااااااالله بابا انتي شبيج احجيلي كلمه تريحني ليش دشعلين بيه كمت ابجي بقهر تقرب حيل ديلزمني شلت جنطي داطلع تره بعدني داحجي وووخر خل اطلع حبيبتي روحي انتي بس خل نتفاهم ووخر زيد وخر ما عندي حجي وياك خابريني مااخابر كتلك لهنا وانتهت رشا لاتعذبيني اريد التحق لاتسوين هيج ماحجيت بس ابجي عفته وطلعت من المكتب حتى نهله مكتله أخذت تكسي وكبل للبيت دخلت غرفتي وقفلته وبجيت بجي مصاير ومن يومهه كطعت علاقتي بزيد وماعرف اخباره صرت عايشه بس جسد بدون روح الروح ضلت يم زيد والسويته من غصبن عليه ايام وأيام مرت واني عايشه عل ذيج الأيام لبيني وبينه بليل اخلي راسي عل مخده وانام عل بحت صوته من يتغزل بيه خو من يكول جمبذا اطك واموت كم مره أخذت فون اسراء ودخلت رقمه بس حتى اشوف صورته لمخليهه خلفيه وانام واني اباوع عليه صحيح الصار اذاني بس بنفس الوقت وعاني وعرفت اني شكد متعلقه بزيد اداوم من لاجاره بس حتى اكضي يومي واخلصه اترقب كلمه من نهله الي مفتحت الموضوع ولاجابتلي طاري اتمنى اساله عليه واعرف اخباره بس ماكدر خليني هيج اتعود عل غيابه كل الي بلبيت لاحضو عليه القهر والتعب وأسرار عرفت كولشي وشكد حاولت تخفف عليه ماكدرت بديت اذبل يوم بعد يوم وهاي شهرين واني ماعرف شي عن زيد امي رجعت طبيعيه ومحد دره بسوايه ام زيد الذبحتني بيهه غير احنا البنات واليوم وبعد شهرين ضبط من هاي الأحداث نايمه وكعدتني اسراء وخلت الفون بيدي النومه بعيني سحبته وخليته عل اذاني عبالي وحده من خواتي بس سمعت صوت وروحي رجفت حبيبتي جمبذا غمضت عيوني حيل وكلت ربي اذا حلم لادكعدني منه بس طلع حقيقه ليش هيج عفتيني شلون كلبج نطانج شهرين والله موشهرين والله سنتين رشا سمعيني صوتج اني مريض بيج لو توكفين وياي واخذج لو اسويهه دمايه صار شهرين بدوام نزله منازل ارحميني عاد كمت ابجي وختنكت ااااااااخ الله لاتبجين لاتبجين تره راح انزل والله هسه بلعباس كلمه وحده منج هسه انزل واسويهه كربلا وشيصير خل يصير رشا تسمعيني ممممممم راح اجي لا كتلج راح اجي لاتنامين نتضريني طوط طوط طوط سده كعدت لحيلي اسراء كبالي مسحت دموعي شغلت الضوه كالت رشا خطيه تره زيد يحبج اني سمعت كولشي ولوتشوفين المراسله شلون يحلف بيه ويريد يحجي وياج منين جاب الرقم ماعرف يمكن من نهله هسه شلون هذا مخبل راح ينزل من الدوام بهليل رشا هيه مره بلعمر واحد يحب وزيد رجال بس ساندي والله ياخذج لو كله توكف بوجهه هسه شلون كليلي مادري والله بس شوفي نفسج شلون جنتي وهسه شلون صرتي من سمعتي صوته كعدت وماعرف شاسوي ومن يجي اطلعله لو لا من ساعه عشره خابرني وهسه وحده ونص وهوه ماكو صارت ال ربع واتصل كال اني بلباب بعد كل حيل مضل بيه. . . . . . https:// .الفيديو تصميم المبدعه وئام الشيخلي يتكم عن حال زيد ورشا وفعلا ينطبق عليهم اشكرج غاليتي snwn2231 ملاحظه ... شوفو حبايبي هواي تعليقات أقرأه رفل البارت ما بي أحداث هواي اجاوبكم القصه حقيقيه وكل حدث يصير بيهه موجود بكل بيت عراقي يعني من تصير مشكله غير اشرحهه بتفاصيله خوما هيه دراما واكعد اصفط حدث فوك حدث والله شنو حتى يصير اكشن ماكو هيج شي وإذا كان موجود فا رفل متكتب هيج المهم الفكره الحبيت أوصله انو القصه مطوله فخلي نستمتع ونعيش كل حدث بحدثه اوكي حبايبي ...... احبكم اختكم رفل الكناني ❤❤❤ التعديل الأخير تم بواسطة لامارا ; 08-11-19 الساعة 01:22 PM | ||||
|
| |
|
08-11-19, 01:00 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 18 زيد....... من رحت للمكتب عل رشا وشفت حاله وحجينه عبالك ايست من علاقتنا لن رشا منهاره وحقه ال سوته أمي موشويه بكل الطرق ردت ابررله واخفف عنه بس هيه قافله وكل كلمه والثانيه وكالت عوفني وهذا أكثر شي قهرني عافتني وراحت للبيت بدون منوصل الحل جانت مستسلمة بشكل ومن شفتهه هيج قررت اتوبهه من هيج تصرفات اني احبهه ومستقتل عليها إذا ثنينه منضحي شلون نوكف بوجهه كلمن يعارض زواجنه خليته تروح ودست عل نفسي ورجعت للبيت لميت جنطي وأمي ورايه تحجي يمه وين رايح وين جنت صارلك يومين وأني أعتذر منك قهرتك ووووووكومه كلام خصمته بكلمه وحده يمه تخطبين رشا كالت لا عفته وطلعت للدوام بس مدمر ويه موصلت هم تلاغيت ويه القائد لن اني نزلت بدون اجازه وأكثر من ساعه احنا متلاطشين عاد جاسم سحبني عل صفحه وهداني ومن يومهه شهرين وأني منازل جنت اتكرضم وداحس نفسي داموت بس دايس عليها رشا مستحيل اعوفه بس داعرف تحبني مثل ما اني احبهه جنت اتواصل وياه نهله واعرف كل اخباره منه ومحلفهه متحجي بيه ولا تجيب طاري أريد اشوفه تسل جانت متسل بس نهله دكلي نفسيتها صفر شهرين ولا مره نزلت حتى يوصل موعد إجازتي انطي الواحد من الولد أمي يوميه تاخبر عليه مااجاوبه بس اخابر ميس واعرف أخبارهم دكلي أمي تبجي ليل ونهار عليك وتريدك بس ترجع دكول كولشي اسوي بس يرجع وأني هذا الاريده وسويت كل هذا حتى امي توصل لهاي المرحله بأن تقبل بلي اكوله أكثر شي جان يذبحني اليل جنت محتفظ بكل محادثاتنه برنامج وبي قفل شهرين حتى حفض حفضتهن من كد ما اعيدهن ومن شفت نفسي هاهيه وصلت حده خابرت نهله واخذت رقم إسراء بس تعبتني دخلتله من كل البرامج وكل ماراسله تحضرني عجبتي بهذا تصرفهه آخر شي دزيتله رساله عل رقم وحلفتلهه اني زيد واريد احجي وياه رشا آل قبلت وسمعت شهكات حبيبتي اووويلي ميحتاج بعد تشرحلي شصاير بيهه بعدي بس خنكتهه كفيله تخليني ارجع بنص اليل سديته وكبل شغلت السياره ورجعت وقبل ماادخل حتى بيتنه ردت اشوفه راسلته اني وصلت واطلعي داشوفج....... رشا ......... من راسلني بعد حيل مضل بيه كمت افتر بلغرفه بدون وعي شبيج بابا خبله امشي اطلعي الولد متانيج لا اسراء مستحيل ماسويهه شلون اطلعله انتي مخبله شافنه أحد شيوكل لالا ابد ماسويهه لعد احجي وياه هاج ديراسلج انطيني دكيت عليه جاوب وينج هلو زيد اشلونك الحمدالله انتي شلونج الحمدالله وينج يله داشوفج زيد مااكدر ليشوفنه أحد ماكو أحد بس اشوفج من الباب وارجع لا أنسى ليش هيج دسوين يعني متحسين شصاير بيه حبيبي والله ادري بس ماريد اجازف وتصير سالفه اوووووووووويلي ربي هاهيه ماريد حتى اشوفج أروح فدوه لحلكج بس كلمة حبيبي كافيه عليه يعني بعدج انتي انتي رشا حبيبتي ليش شتصور اكدر اكرهك مثلا اصلن بهاي الفتره حسيت اني شكد أحبك ومتعلقه بيك واني هذا الي أريده وين جنت كل هاي الفتره وعيونج بدوام وشفت المر بعيني ليش هيج سويت هذا درس الج وال امي شلون يعني الج لأن كل حجايه والثانيه وكلتي عوفني ودرس الأمي حتى متعيد ال سوته وشطلب تنفذ مثل شنو يعني ادزه تخطبج بدون متحجي زيد رجعنا لنفس القوانه ليش احنا شوكت بتعدنه بلعباس عل عصابي تاركج مممممم متصدكين اسالي نهله وهيه وين تحجي اشو فدمره صايره حتى طاريك متجيبه اني محلفه يعني متفقين اكيد وهاي النتيجه كدامج حبيبتي داحجي وياهه ههههه وين اكدرلك انت ملعب جمبذا من كاله عبالك مي بارد وسره بكل جسمي وطفه بيه حركة كل ذيج الأيام وكسرت كل الوعود لماخذته ونسيت ذني الشهرين لشفت بيهن المر واتكدت اني كلبي ال زيد وميكدر بلياه وراح اوكف بجانبه ومااتخله عنه جاوبت بصوت هامس عيونه سالمات يابعد عيوني جمبذا مممم بلعباس احبنج ههههههه هاي شنو زيد عفتك شهرين اشو متعلم مادري شلون لهجه هههههه يولي هذا صاحبي جاسم شهرين خبلته كرهته حتى بروحه يغسل ملابسي يسويلي اكل وكل حجايه والثانيه وكال انت عاشك واني مبتلي يروح ويجي يكولي خاب كوم روحله كله والعباس احبنج هههههههه بس حلوه عجبتني تعال صدك انت شلون تبقى هلكد متنزل احسن حتى أعرف شسوي وره هذا الهدوء كل هاي الفتره زيد لاتخوفني عفيه احجيلي شتريد تسوي تخافين واني يمج لاتخافين انتي بضهر رجال ادري والله بس غير افتهم شتسوي اخطبج جمبذا اخطبج واليعارض اسويهه كربلاء بلعباس زيد لاتصرف شي واني مادري اقلها يكون عندي علم هسه شلون مااشوفج لا اوكي راح اخل للبيت اسبح وابدل وارتاح واخابرج مو تنامين تره مشتاقلج بكد رحمه الله اوك باي سديته ونسيت اسراء مكابلتني وعتني من كالت نحنوو هنا يمعوده تره ماشفتي هاي بس سمعتي صوته سلهمتي شحال لو شفتي اسكتي اسراء مدري صح السويته مدري غلط شتياقي اله والضيم الشفتهه بهل شهرين جبرني ارجعله واثبتلي اني ماكدر اعوفه يمممممه منج دشوفي الخدود شلون وردن ورد الدم بيهن ضحكت وهيه كالت راح انام طفت الضوه واني مددت ومنتضرته وره شويه دك جاوبت الووو هلو حبيبتي هلووو حبيبي مشتاقلج مو مثلي لا اني اكثر زين سوال كول يعني جبتيني بنص اليل من وره دموعج الحركني وصلت لهنا وماشفتج قشمرتيني ونسيتيني هسه اني شسويلج هههههه يعني ما ناسي لامناسي وهسه افتحي كامره داشوفج لا شكد قاسيه وبارده تدرين اني مجمر عليج وانتي برودج دمرني كارثه بلعباس كارثه إذا بقيتي هيج من تزوجته شسويلك مثلا لاتسوين شي هاهيه غيري الموضوع نفتحت كامرته وشفته بس طكيت قهر زيد هاي شصاير بيك ليش هيج لحيتك وشعرك شمسوي بنفسك كولي لروحج اني شعليه شنو شعليج ضالمت النفس شهرين لا شايفج ولا سامع صوتج شتتوقعين شلون حالي تدرين ولا مره مسويه وهامل نفسي هيج بس يله لعيونج كولشي يهون زين اني داحجي وياك وطفيت الجكاره ليش شغلت الثانيه ماكدر انتي متدرين شديصير بيه هسه وره منزوج احجيلج شيصير بيه من احجي وياج اوك مو تنسه بعدين لاعل بختج شنسه احجيلج واطبق هم شطبق عل شنو دتحجي مويمج عمري الحجي هيج هاي داسولف وياه جاسم هههههههههههه عجبني جاسم مبين كوميدي حيوووووانه طايحت الحض عجبني شنو مواجيج هسه بلعباس انعل حضج يمممممممه عل كيفك اني شكلت داشاقه وكفكافه ديربالج تجيبين هيج شقه عل لسانج اموت والله هاااااا طكن راح اسده قبل متعلك لا هاهيه سكتي بس لاتعيديه صار ادلل باجر اجيبلج فون خطيه محتلين فون اسراء لا اني باجر اوصي إبراهيم ويجبلي اوك باجر داومين اي ان شالله تمام اجي اشوفج اوك بقينه نحجي ل6الصبح وعيوني قفلن طلعنا شتياق وسوالف هاي الشهرين كوله آخر شي كتله زيد راح انام نامي حبيبتي وخلي الخط مفتوح اني هم راح انام لا حبي هاي الخبله اذا كعدت ولكته مابي شحن تكوم تبجي راح اسده واخلي عل شحن وانام يله امري ال الله كسرتي فونج وخليتني دايح محشوم حبيبي اليوم ان شالله اشتري يله انتضر شسوي تصبح عل خير كولي صباح الخير ديله عاد مو راح يطفه الفون والله صفر يله سدي اني لازمج اوكي باي اووووكفي ردت اشوفج طلعتي تسدي عادي اي لعد شسوي غير دانام عوفي شنووو عووووووفي ونامي داكولك مابي شحن خل يولي هوه يطفى نامي واني هم راح انام سكتت لن يحجي من كل عقله وفعلا ثنينه نمنه والخط مفتوح بس اني كعدت عل كفخات اسراء كوووومي كومي شتعلت صفحتج وصفحت زيد بنت الاوادم الفون طافي اليوم اموتج من وراه روميو مالج فوني مطفي اليوم امووووتج كفختني اكثر من مره بس ماكدر حتى ارفع رأسي من النعاس سحبت البطانيه وتغطيت شمرت عليه الكوشات البلغرفه كلهن واني ولا كنوه يمكن اكثر مره نايمه هيج بعمق ماكعدت للضهر سبحت وتغديت وفتحت الكنتور وحايره شالبس متلهفه اشوف زيد كولش طلعت تنوره سوده وبدي ابيض يصير فوكاه قميص مقفل اسود وأبيض رهمت وياه شال وحذا رياضي لن التنوره موديله هيج يلبس وياه يصير شويه فراغ بينها وبين الشوز كملت واجاني الخط الي بهاي الفتره خليته همزين رجال جببر جان عزاني وصخمني زيد وصلت المكتب وبديت روتيني مثل كل يوم وعيون نهله تراقبي بعدين كالت عمي اليوم النشاط فول والخدود مورده اشتم ريحت غوالي راح يجون اسكتي انتي اخر وحده تحجي علساس متدرين ماصدكج انتي كولشي تدرين انتي لو غيرج شهرين متواصلة ويه زيد ومغلسه ذابتهه عل صامت لا وفوكاه توصلين اخباري كوله اله والله تستاهلين انتي وخالتي مومال عيني واغاتي اجاجنن من كل الطرق ومعنفصات خوش شتلجن شهرين خالتي خلصتهن نوح و بجي وانتي عرفتي زيد شنو بلنسبه الج مممممم اي وبعد وبعد غردي بذاته لاكافي لن العاشك الولهان وصل لتفتت زيد ورايه يابه بودي اختفي ولاعبالك البارحه للصبح احجي وياه دنكت وهوه سلم عل نهله ورجع كال شلونج رشا رفعت راسي وعيني صارت بعينه الرجفه سرت بجسمي واريد اوكف ماكدر رديت السلام وكعدت وهوه كعد ونهله راحت لغرفتهه تقرب وصرنه واحد بصف الثاني أخذ أيدي بديه لو نتهيت اديه جبيره واديه بيهه ضاعت ودافيه عيوني بعيونه ودكات كلبي الف حبيبتي شلونج مشتاقلج بودي هسه احضنج وادخلج بضلوعي زيد لاتحجي هيج والله استحي ليش يعمري بعدين هاي شصاير بيج ليش هيج جمبذا ليش ذبلانه من فراكك غير عصر اديه بديه حيل وكال ماكو بعد فراك وعيونج ماعوفج ال اخليج بيتي وتنورين غرفتي هههههه حيل هاي وين رحت هد أيدي ليدخل أحد ماكدر خليني مصبر نفسي هيج لازيد لاتدخل نهله عيب بتعدنا وجنت اباوع عل شكله جان لابس بنطرون اسود تشيرت رصاصي ومزين واللحيه محدده كتله نعيما البارحه وين واليوم وين انعم الله حالج حبيبتي مدام انتي وياي اني بااحسن حال ان شالله دوم ياربي كمت جبتله مي واكفه كدامه صبيتله بلكلاص اخذه شربه كوله ومدلي لكلاص وبعدين سحبه عليه وباوعلي من فوك ليجوه وعكعد حواجبه وكال شنو هاي التنوره رشا شبيهه شنو شببهه هذا لبس شوفي الفراغ بين الحذا وبينهه حبيبي غير موديل انعل ابو الموديل رشا مااحب هيج لبس همزين اجيت وشفتج هاي من شوكت هيج تلبسين زيد لاتكبرهه هااااا راح نتعارك عل هاي السالفه ذب الكلاص حيل عل طبله واشرلي بعيونه تعاي اكعدي كعدت باعي عليه مم ماريد هذا البس هاهيه اي رشا هاهيه ماريد تنوره اصلن زززيد لعد شلبس البسي شي طويل ولاتطنكرين هذاهوه اي عفيه هيج اموت عليج هسه خلينه بلمهم حجيت وياه امي وهسه راح احجي وياه نهله باجر يجون يخطبوج هيه وامي وامك شلون قبلت هسه انتي شعليج من امي اني احبج وتحبيني خليج قويه ومتمسكه بيه واثبتي الأمي وآل كل واحد يكول رشا عافت زيد من وره شكم كلمه وضحيلهم اني وانتي اقوه من كلمن يريد يخرب حبنه رشا احنا شحجينه البارحه اني جاي اشوفج وتشوفيني وماريد افتح تقاش بهذا الموضوع خلي ل كل حادث حديث وباجر نحجي بي باجر تمام كعد شويه وراح جنت حيل مرتاحه وبنفس الوقت خايفه من باجر نهله من طلعنا كالت زيد كلي وباجر جاين عليكم بيومهه رجعت وبدى العد التنازلي اوضاعي تخربطت وألف حسبه بالي ابراهيم بليل جابلي الفون وخابرت إيمان كتله اريدج من الصبح تجين من صوتي عرفتي اني متوتره وقلقه هدتني وسديته منها وخابرت زيد حتى يعرف الفون وصل بليلتهه ماطولنا بلحجي لن اني ممرتاحه وردت بس يطلع الصبح حتى نومتي جانت قلقه وبس اتكلب لثاني يوم اجتي إيمان ومحجينه خلينها سكته تغدينه ونضفت البيت وكملت جهزت نفسي بشي بسيط حتى امي متحس وزيد خابرني كلي اريدج تطلعين وتسلمين عل امي ولاكنو صاير شي لخاطري اريد كون امي بسلوبج تغير كل نضره ماخذته باله عنج التزمت الصمت وقررت اسوي مثل مكلي حتى نجاوز هاي المحنه ودكت الساعه 4العصر ودخلو ام زيد ونهله وام نهله هيه أكبر من ام زيد ستقبلتم ايمان واني ختفيت ماريد اشوف نضرات امي الي مااحزرهه وره شويه اجتي إيمان ضيفتهم واني بلمطبخ واكفه عل نار دخلت نهله سلمت واخذتني من أيدي دخلتني امي احسهه تريد تنفجر وبس تخزر بيه مره وحده باوعتله بس اول مدخلت وبعد ماتجرت ارفع عيني عليه أول شي سلمت عل ام نهله وبعدين عل ام زيد وطلعت جانت طبيعيه بس اني مدري شجاني نور واسراء يدعود تفض عل خير واني رجليه صارن خيوط من الروحه والجيه من المطبخ لباب الصاله زيد يراسلني ماكدر اجاوبه وينج حبيبتي بشري شنو السالفه جاوبي ولاكلمه رديتله ربع ساعه وكبت العيطه وشتغل الصياح تلاطشن ام وام زيد بس امي الأكثر سولفت ال ام نهله كل سالفة ام زيد بس بحركه وصياح وام زيد تتعذر ونهله دكلهن صلو عل نبي وام نهله دكله حقج ام براهيم واختي غلطانه وسبحان الميغلط بس ماكو امي قافله وخصمتهه ماكو قسمه ومالكم مره يمنه والله يرزق ابنج بوحده احسن من بنتي بنتي مطلكه وابنج مياخذ فضالات غيره موهذا كلامج تفضلي بعد الله وياج اسمع واتكرضم اول مطلعوو انوب رجعت عليه لعبت بيه طوبه كلمه ماحجيت لأن امي حقهه واني جنت متوقعه هذا الشي رغم إيمان تجادل وتحاول تهدي الوضع بس امي فقدت عفتهه عل راحتهه كلت من تهدى احجي وياه زيد راسلتهه متخبل ومعصب كتله بليل نحجي هسه انت معصب سديته وغلقت الفون وكعدت وراسي بين رجليه مدري ابجي عل نفسي مدري عل حضي مدري عل زيد الي كل مايرقعهه تنفتك من مكان اجتي إيمان كعدت كبالي رشا ميخالف اتحملوو تره أمي حقها كلام أم زيد اذاهه وإذا اجتي واعتذرت تره السوته موشويه ادري والله ادري وعاذرتهه الا مي بس زيد شيقنعه هسه خابرني غادي نار كبره والله مادري شحجي هذا حضج لو حضه يختي لا ايمان هذا حضي اني اختج ما عندي حض الله كريم ساعه عل ساعه فرج اصبري وشوفي ربج شكاتبلج صاحت امي رررررشا ودخلت علينه كالت انتي تردين راح يجون مووو مجاوبت سمعيني رشا الزيد متصيرين لو تنطبك السما عل كاع عل الي كالته امه وإذا صرتي لا اني امج ولااعرفج حجتهه وهفت الباب وطلعت هنا صدك ختنكت بعبرتي وبجيت ايمان كالت لاتضوجين والله هسه معصبه من تفك اني احاجيهه ارتاحي هسه ..طلعت ايمان واني بقيت بلغرفه بيومهه مطلعت جنت مثل التائه وميعرف طريق الرجعه لا بيه اعوف زيد ولا أعرف شلون أقنع أهلي ستسلمت للبجي لحد مخابرني زيد بليل هااا حبيبتي شلونج من كال هيج شويه ارتحت وعرفته هادئ جاوبته هلو حبيبي انت شلونك شلوني وراه سوايت اليوم جنت كاعد عل نار شمدريني يجن متعاركات انوب زيد خل نكون واقعين تره أمي حقهه اكو مثل يكول الفشخه أطيب والكلام ميطيب وكلام امك جان قاسي واني لخاطرك تجاوزته لن احبك بس امي مستحيل تنسى اكولج رشا انتي وياي لو عليه وياك والله وياك بس داوضحلك امي ليش هيج سوت رشا لاتوضحيلي ولا ابد اصلن النسوان من تصير السالفة بديهن هاهيه اقري عليهه السلام عوفيهن اني راح أتصرف شلون شتسوي بعدين اكولج هسه ضايج سدي هذا الموضوع واني اكثر اصلن من العصر ليهسه حتى الغرفه مطلعت منها خوما حجت عليج امج اكيد لازم يلوحني طشار ميخالف حبيبتي اصبريلي هل يومين لاعوفهه خل تنسي هاي السالفه رشا لخاطر الله لادكليلي عوفهه واجلها تره اني روحي هل كدوتهه عوفيني اني أتصرف حبيبي ليش معصب هدي نفسك دكلي معصب غير راح انفجر زيد اني شبيدي قابل حالي من حالك والله ميته قهر سكت وره شويه غير الموضوع مادري شكو برأسه ولا شمقرر كل ماسله يكلي عوفيهه عليه وآخر شي وقبل ميسده كلي اسمعي هذا المقطع سديته واجاني المقطع من سمعته عبالك زيد وديحجي لبكلبه بعدين ضحكت واني أتخيل بعض الكلمات بي وراح بالي بعيد وشكد جنت ضايجه ومغثوثه بس هذا الشعر أخذني لغير عالم . . . . . . </B> . . احبكم اختكم رفل الكناني ❤❤❤ هاي حتى بيوم استراحتي معفتكم شلوني😂 التعديل الأخير تم بواسطة لامارا ; 08-11-19 الساعة 01:23 PM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
4Likes
العرض العادي
