آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-11-19, 05:55 PM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 39 قريب مدنوصل المستشفى وحمودي نكلبن عيونه وكام يرفس من شفته هيج نجنيت وزيد كام كوه يسوق واني اصيح ززززززززيد حموووودي حمووودي مادري شبي رشا نفخي بوجهه طبي عل ضهره بسرررررعه انفخ بوجهه وادك عل ضهره حتى الكماط حليته بس بدون فايده صار ازرك مثل النيل وشفايفه بيضت كل عقل برأسي مضل يم بوابه المستشفى وزيد عاف السياره بنص الشارع ونزلنا لكفه من أيدي وركض واني وراه اركض وابجي وكماطه بيدي يسحل ورايه الشرطه لبلباب يصيحون عل زيد يمعووووود اخويه سياراتك العالم دتفوت ااااااااخويه ماسمعلهم ودخلنا الطوارئ اتلكانه الدكتور اخذه من زيد كلبه وهوه لاحس ولانفس شبي ماعرف دكتور أصبح طهرته والعصر رتفعت حرارته وهسه زادت وجبته نشمر؟ ماعرف رشا شصار من جنت اسوق جنت احجي وابجي كتله ماعرف كام يرفس وزرك خلاه عل سديه بس لزم نبض ايده وفتح عيونه وسده باوع علينه وكال البقيه بحياتهم كلمه صداهه ضل يرن باذني ثواني واستوعبت لو كلبت المستشفى غطه وجهه لو فقدت زيد يصيح لالاياالله لا دكتور كلبه فحصه انت ماشفته لخاطر ربك لاكوووووووول مات اخويه هوه من رافس بيدكم ميت هسه كدامي هوه منتهى الله يعوضكم شعور ماكدر اوصفه نهائي اني وزيد لمينه المستشفى واني مفرفحه اريد اوصل السديه الحاطيه عليهه بس محد يخليني نسوان ماعرف ممرضات لازماتني وزيد واكف ويلطخ برأسه بلحايط وبس جتافه تهز تهسترنه ثنينه وووووووخرووو والله ممات بس هدددوني هسه ارضعه وووويكعد مستحيل مات هوه كلشي مابي بس مصخن زززززززيد باوع عليه معليك بيهم كووووم خل ناخذه غير مستشفى ززززززيد شبيك تبجي باوع عليه بس خل يهدوني والله نايم حمودي مميت محد سمعلي وصوتي نبح وزيد اكو منتسبين يمكن يعرفو لازمي وهوه مندك يبجي يهزون بي زززيد لاتسوي هيج بلخوه البينه تره فطرت كلبنه الله يعوضك ياخويه قوي نفسك شوف اهلك شصار بيهم زيد ابد ميحجي ومفرفح الثاني طلع فونه وخابر عل جاسم يمكن همه أصدقاء من كد ما نصهرت قهر وكعت مغمه عليه وماحسيت غير امي وإبراهيم فوك راسي والكانونه بيدي فتحت عيوني امي مغطيه وجهه بلعبايه رجعت واعيتي وتذكرت حمودي كمزت من السرير وشلعت الكانونه وركضت طلعت من الغرفه اركض بلممر والدم ينكط من أيدي وامي ورايه تركض وتصيح يمممه بنتي ولج يممممه تعاي وإبراهيم هم اركض اركض والعالم كله تتفرج وزيد من بعيد اجه من شافني ركض بتجاهي قفلني بحضنه رشا لاتسوين هيج العالم دتفرج هاهيه هذا أمر الله امشي للبيت امشي مااااااااروح وين ارجع بدون اابني شنسوي ياعيني لابيدي ولابيدج ربج هيج يريد كمت اضرب عل صدره واصيح اااااااانت انت كله من وراك كتلك صغيررررر وميتحمل ززززززززيد وووووخر خل اجيبه وخر اباوع عليه دموعه عشره عشره والوجهه مطعون من القهر واني هم فصلت عن كلشي انجريت ومادري بروحي إبراهيم وامي وأبو علي كلهم ياله كدرولي زيد لازمه جاسم ومشى صعدوني بسياره واني مثل الطير المذبوح مادري شلون خلص الطريق ووصلت للبيت تلكوني خواتي رادو بس يلزموني ركضت لغرفت عمتي بيهه كاروكه الزغير ويمه الميز وعليه الترمز والحليب ودشداشه طهوره شفتهم يمكن اخر ذره بعقلي فقدته ايمان من قهرهه ومن شافتني هيج كامت تملخ بروحه وانسام تريد بس تسحب الدشداشه مني امي صاحت عووووووفنه لأحد تلزمه اذا مخليتنه تفرغ البكلبه تنصدم وتمووووت رررربي بنتي باوع عل حاله والله هذا هوواي عليهه كلام امي نافذه ونفتحتلي وخلت الكل يوخر مني لاخليت لاوجهه ولاثوب ولاشعر حتى الدم جره من وجهي عمتي ليغاد تصيح الزرع زرعه هوه انطاه وهوه اخذه هوه زرعه وهوه حواه ربي مسحه من يمك عل كلب وليدي وهاي المكروده يمممممممه حمودي وينك والله اخذتك حتى تصير زين موحته ارجع فارغه حمووودي الممه بردت يممممممه لوتجيبوه لو اموت نفسي هذا فراشه يمه شلون ينام اليوم اني شلون انام ميسسس حمودي يبجي جيبي اسرررررررا خابري جاسم هوه زيد يمه خل يجيبه ااااااايمان انتي مو امي الثانيه واني بنتج جيبيلي اااابني انسسسسسام عفيه حاجيهم انتي كلبج دوم عليه وهسه كلبي محررروك يمكن الناس بجت عل حالي اكثر من مابجت عل حمودي اسوه ليله مرت عليه زيد رجع ضهره منحني وضغطه معلك وحتى ميقبل يشرب العلاج الولد كلمن يجره من صفحه بس حتى يشربو حبايه ماعرف شنو وهوه يصيح وووووخروو عوفوني تالي ابو علي وجاسم حصروو عل حايط وشربوه كوه واني ايمان لافتني بلعبايه واني انود واصيح يمه حمودي وينك سحر وميس كابلن زيد وكعدن وهوه يدك عل راسه لوووووو ادري ممطهره لووووادري راح يموت جان سجدت ودعيت اموت بمكانه لووووووميت اني ولاهوه دخيلك يااااابو فاضل اني شاد ضهري بيك ليش كسرته ررررربي ليش زززززيد ليش كاعد ومكابيلني وووووين عفت حمووودي كوم جيبه كووووووووم تره اموت روحي والله لتفتلي وكام اجه يمي كعد كبالي حبيبتي لاتسوين هيج والله اني جاي اموت والله موهينه عليه بس لاعتراض عل حكم الله ااااااااريده اااااااااريده ماعليه اني ماشبعت منه ولاهوه شبع مني حتى راح جوعان وميقبل يرضع حررررررررام عليكمم حسووووو بيه ام علاوي فدوه اروحلج شوفيلي جاره سكتيهه هاي راح تموت والله زيد شبيدي والله من جبتوهه ليهسه عل هذا الحال مادري ام علاوي تصرفي تره اذا صار شي عل رشا اموت والله اموت حجاه وكام وايمان دكلي اذكري الله رجلج راح ينجلط من القهر هيه وانسام مادري شلون بدللي واني منتهيه وكمله ابويه من اجه حضني رشا بنتي كولي يالله هذا طير بلجنه والله هناك يتلكاج ابويه انتي لاتسوين هيج انتي موتصلين ومومنه لعد هوه هذا المومن مبتله يابه ااااابني والله ماكدر جمره ومشتعله بكلبي يابه مالحكت اشبع منه ولاتهنيت بي بابا انت ماشفته شلون زرك عفيه بابا وينه لادكلي نايم هسه جوه التراب واني كاعده عل فراش بابا اني مو رشا حبيبتك وبنتك جيبليه حتى لو ميت ميخالف بس اخذه بحضني اخر مره ابويه دموعه جرن وسحب راسي عل صدره وهوه يردد انا لله وانا اليه راجعون اجتي ايمان واخذ ابويه منها حبايه فتحوو حلكي وخلوهه وفوكه المي حسيته علكم عبالك بقيت عل صدر ابويه ماعرف شكد ونايمه ومادري كعدت البيت صنته والكل نايمه خواتي وامي داير مدايري كمت عل كيف امشي واتعثر طلعت الغرفه وصعدت الدرج وفتت غرفتي وشفت زيد نايم بين سريرنه وسرير حمودي عل كاع وارسه عل سريرحمودي صميت حلكي وكمت ابجي ابجي وماسيطرت عل نفسي شهكاتي نسمعن وزيد فز بسرعه اجه لمني بحضنه واني اشهك واكله ززيد وينه الله عليك هاي وقت كعدته هذا وقت رضاعته ليش تحرك كلبي عفيه والله بعد مااتحمل واني شبيدي عليج وعليه لو نايم اني جوه التراب ولاهوه اوووووويلي يابه والله نكسر ضهري وبرد حيلي ربي عطفك ورحمتك ياربي كل هذا الكلام ممقتنعه بي ولاحال زيد أثر بيه عل غفله كمت أدفع بي واضرب واخرمش بي وأصرخ عل صوتي صعدن خواتي وفتحن الباب وزيد يحاول يهديني بس من لاجاره رادن ينزلني كمت حتى بيهن اضرب صعدت ام نهله هيه ونهله الي مادري شوكت جايين كالت ال زيد اطلع يمه اطلع بعد خالتك خالتي شلون اعوفه هيج اطلع ابني ماعليك بعدين افهمك ماكدر والله ماكدر زيد خاله كوي كلبك واطلع لو تطلع لو نزله لالا طالع طالع بس ديرة بالكم عليه طلع وهيه طلعت وراه هذا الحجي يمكن اني نص الغرفه كسرته ورجعت ام نهله وجهه كله مي وتمسح بشيلته توجهت للمصحف لزمته وكالتهن اطلعن عوفنه ام نهله بنتي شلون اعوفه ام براهيم اني يمهه وهيه هم بنتي اطلعوو شويه الكل طلع وهيه سحبتني من أيدي كعدتني بلكاع وكعدت خلتني عل رجله وفتحت القرآن بعد ماكدرت اسوي اي شي عبالك شي وربطني بدت تقرأه سوره ياسين وصوته يبجي الصخر روحي هدت ودموعي تكت بدون صوت وهيه تقرأه وتمسح عل راسي لحد مصاح الله واكبر خلت راسي عل مخده وكامت فرشت السجاده وبدت تصلي كملت وباوعتلي كالت يمه رشا كومي صلي هسه الله يبرد كلبج كمت بدون كلام وهيه واريه دخلت الحمام كالت اخذي راحتج اني هنا واكفتلج ستخدمت الحمام وراه توضيت وطلعت وهيه واريه بديت اصلي ومابطلت ابجي كملت ورجعت عل رجليه وهيه رجعت تقره لحد ماغفيت وماكعدت ال عل صوت زيد خاله شلونه جوه رحمة الله هوه ارحم الراحمين يباوع عل حالك وعل حاله ونعم بالله شوكت نامت قبل شويه الله يعينه ويصبره رغم داست عل نفسه وصلت بس ادري بيه تكابر يمه وليدي انت هم توجهه الربك يبرد كلبك اي والله خاله ان شالله رحمه الله والديج ماقصرتي جنت خايف عليه والديك الرحمه يمه من تشوفه هيج لاتضل مكابله تره كلب والده وبهاي حالته اخاف تسمعك حجايه تجرحك تجنبهه ياوليدي وانت رجال وكلبك كوي مومثله كلبه رهيف خاله والله ردت اطهره حتى لايتعذب ويعذبنه اذا كبر وفتهم عل الألم والوجع وهيه محملتني الذنب ادري بيك وليدي ليش هوه موهم ابنك بس هسه هيه تره متدري بنفسه تحمله يمه تره مصيبته مصيبه وان شالله الله يعوضكم بلاحس جر حسره وكال الحمدالله عل كل حال كام زيد واني فتحت بس اريد اكوم ماكدر صدري محمل حليب ويدر كوه كعدت وعيوني مغوشه دموع ها خاله شلونج هسه ماكدرت احجي بس اباوع عل صدري ودشداشتي المبلله حليب من شافته كالت لاحولا ولاقوه الا بالله العلي العضيم ونفحرت ابجي كومتني سندتني ونزلتني الكل تلكاني البيت مليان نسوان كله تبوس بيه وتعزي بيه واني ماكدر انطق وإذا نطقت محد يسمعني صوتي مبحوح من كد ماصيحت وعيطت كعدت بصف امي وعمتي الي ميته بجي وتون بخنيك بدت الناس تجي وزيد سواله فاتحه واحد جبير بحيث البيت ميفرغ ناس طابه وناس طالعه واني بغير عالم نهله وانسام يسون كمادات الصدري وميفيد تخيطت وجع البيه خلاني ماكدر اتحرك من مكاني واون بمكاني تلاث أيام الفاتحه انام اني وكاعده وراسي عل جتف امي بعد ماايمان تنطي حبايه عرفته منوم براهيم سوده عليه يوميه بليل يكابلني ويصبر بيه واني بس صوت حمودي وبجيه واخر منضر اله بالي خلصت الفاتحه وحليبي ال ماشبع منه ابني نشف الكل راح وبس امي يمي ضلت زيد شي بداخلي برد منه خصوصا من أتذكر شكد توسلت بي لاتطهره رغم اشوفه متاذي وشماغه مانزل من ركبته ودوم إنتبه عليه يمسح بي دموعه جنت يوميه اتسحب من اشوف الكل نايم واصعد للغرفه اطشر هدوم حمودي وملاعيبه واكعد بنصهن ادك واللطم لحد ماتعب وينزلني زيد غصبن ماعليه واخر شي سمعته يتفق هوه وامي بان ميخلون أثر من اعراض حمودي بلحضته حرت شسويت ومحاجاني وماسمعلي وكال ال ميس تصعدين تلمين كلشي من الغرفه وفعلا من صعدت مالكيت شي اله صرت مثل المخبله افتر بلغرفه وادوره عل أثر بس للاسف حتى اذا الشي نحرمت منه أيام وأيام واني من سيه الى اسوه جنت اشوف نضرات الشفقه والعطف عليه بعيون الكل وأكثر شي بعيون زيد لان شسوي بي ميحاجيني ويهدي بيه واني انفر منه آخر شي ابويه كلهم اخذه يمي كم يوم بلكت تتحسن زيد معارض جان يدور اي شي بي راحتي ورحت وياه اهلي وهم نفس الشي طول الوكت كاعده بلغرفه وماطلع ولا اكل ال ان اوكع مغمى عليه واكعد عل رش المي عل وجهي وامي تحاول تخفف عليه يمه ليش هيج تسوين بنفسج مو وحتى الله ميقبل هاي اذيه لنفسج والنه يعني هسه انتي شكد تحبين حمودي الي ماحتويتي اكثر من شهرين لعد اني شكول الي ربيتج عمر وهسه هذا حالج واني ماكدر اسويلج شي رشا انتي صايمه مصليه كافي يابنتي لتفتي لربج وامني بقدره وطفلج ان شالله طير من طيور الجنه يتلكاج باخرتج ويصيح امي يابنتي قوي روحج وارضي بحكمت ربج واوعي عل نفسج وشوفي حال رجلج المسكين صاله يومين نايم بلفراش ميكدر يرفع رأسه وانتي حتى ماسلتي عنه وعمتج خطيه هم مريه جبيره والمرض من الهبطه دكه جبناج حتى ترتاحين مو حتى تكعدين وتحبسين نفسج ياامي جنت كاعده وراسي بين رجليه وبس الدموع تهل ومن كد مصار فتره ساكته احس روحي لساني ثكل مدري اني جافيت حتى الكلام لان ماعندي كلمه توصف حالتي جنت اسمع صوت جنات بنت براهيم تبجي أصم أذني واغمض عيوني واتخيله حمودي ومن تسكت املخ روحي كله ملت مني وعجزو وهومه يحجون وياي ويذكروتي بالله ايمان تجي وتحجي وابويه تعب ولسانه عجز وهوه ينصحني بلصبر ويوميه الفجر يخليني عل رجليه ويكعد يقره قران زيد يجي ومن اسمع صوته اقفل الباب عل نفسي ويوكف وراه يحجي كومه اسد حتى أذني شهر مر عليه دهر وماتت رشا القديمه ودفنته وياه حمودي واليوم زيد طفح بي الكيل ومن وراه الباب عصب وهوه يصيح افتحي الباب ررررشا بلعباس صبري بده ينفذ منج حرام عليج اني ابوه مثل ماانتي امه وكلبي مجمر مثلج وأكثر رشا كافي عاد مو اني دمرت بلياكم لاتقسين كلبج وتصرين انتي والدنيه عليه مجاوب بس اسمع رشا حبيبتي جمبذا ااااااااااخ الله راح اكسر حتى الباب ررررشا عيب من اهلج شنو وكفتي هاي بلباب صار كم مره وماترضين تشوفيني اني شعليه اني موته قابل ردت أفرح بي بي بس اني ممكتوبلي الفرح وهاي النتيجه رشا دسمعيني احجيلج كلمه بردي كلبي حجه حجه لحد ماتعب واني قافله وراح ومثل كل مره انهار وماعرف نفسي شريد لاراضيه احجي وياه ولا راضيه اشيل من راسي فكره هوه ماله دخل وهذا قضاء الله وقدره ليوم الأربعين واني مشايفته ومن الصبح كعدت ورحت دكيت باب غرفة امي خطيه من شافتني بوده تشيل حزني وديره بيهه وحاسه بلي بكلبه بس هسه كلشي ماريد غير ياخذوني عل حمودي كتله اليوم الأربعين انتو وعدتوني تاخذوني عليه يمه لادكليلي جنتي بس تصبريني يله كومي وديني صار والله اخذج من عيوني امشي بدلي وعيالج هم راح يرحون ززيد يروح شلون لعد يمه غير ابيه لعد منروح وياهم اخذيني انتي رشا كافي عاد تره زودتيه صارلج أربعين يوم ممباوعه بوجهه تره حتى الله ميرضه عليج خافي ربج هوه ضناه مثل ماهوه ضناج بس اني امه وكلبي محترك وتوسلته لايطهره ليش ماسمعلي الطهور شعلي هذا يومه رشا تعددت الأسباب والموت واحد واني وانتي اخيرااا ميتين حزنتي وكفيتي وفيتي والرجال ما ضغط عليج ويوميه جاي وكاعد وينتضرج بس تحاجي وانتي غركانه بحزنج وهوه عايف الأول والتالي من وراج تدرين انتي صار مرتين لتحق ويرجعووو متخربط امي حطي عينج بعين الله والله يبرد كلبج دنكت ورحت للغرفه وهيه دكلي ربع ساعه الكاج جاهزه دنروح كعدت عل سرير واديه عل وجهي تمسح دموعي الكامن يجرن بدون استذان نور فوك راسي لبستني جبتي وشالي وامي دخلت عليه لابسه عباتهه خلت ايدي بيده وطلعنه لبيت عيالي امشي بدون واعيه جسد ميت وامي تسحب بي دخلت البيت وناعد عليه نفس الموقف من رجعت بدون ابني عمتي تلكتني تبوس بيه وتشهك وميس وحتى سحر كلنه عل بجيه وحده دخلنا جوه وشفت زيد نايم بغرفت عمتي بس موزيد الاعرفه الوكت مأخذ منه كل الحيل اللحيه شعلوهه والعيون جواهن سواد واضح المنفاضه يم رأسه مليانه جكاير وأكثر من باكيت فارغ كعدنه اني وامي وهوه كبالنه نايم ويكح كحه تشك حتى الكلب جسمه كله يتفض وعمتي دك عل رجليه وتلوب وتااشر عل جكاير تصيح من وراه راح يموت عايش بس عليهن وعل مي عل صوته كعد من شافنه سلم وعينه صارت بعيني دنك وشال باكيته والجداحه وطلع ضليت مدنكه والعبر خانكتي من الدنيه ومن السوته بيه شويه وكالت ميس زيد بره يكول يله كمنه واني اباوع عل كل ركن بلبيت واتخيل شلون جنت حامل وافتر هنا وشلون جنت انزل الدرج ركض اجيب حاجه من حاجات حمودي ناسيته جوه وارجع اصعد اركض عل صوته وهوه يبجي وصلنا السياره واني بين هاي الأفكار صعدنه اني وميس وامي ليوره وعمتي ليكدام الطريق كله اني عل جتف امي ابجي وزيد عين عليه وعين عل طريق والجكاره منزلت من ايده والخنكه مفاركته المقبره موبعيده ببغداد مطولنه ومن وكفت السياره نزلت مفرفحه عبالك مراح اشوف تراب عبالك راح اشوفه نمشي نمشي وشفت قبره الزغير وياريتني ماشفته صار مويوم اربعينه صار يوم وفاته تبرغثت بلكاع تبرغث وهمه يكومون بيه واني اصيح بس شششششوفوووو القبر ابني ابيض وترف وشوفو التراب شلون حجار وخشن اشيل تراب واذب عل روحي ولو ينطوني مجال يمكن احفره بيدي واطلعه سويت سوايات عدال السويته من مات لليوم وبجيت لحد ماعيوني غوشت وتكابلوو عليه امي وميس خلوني بسياره لان ماخلي زيد يلزمني بس راد يكومني حتى تراب كمت اشمر عليه رجعنا ويم باب بيت عيالي وكفت السياره ونزلنا جلبت بيد امي حيل حتى مندخل يمهم وهيه حست عليه وترخصت منهم وعمتي تتوسل ندخل وزيد يكلي فوتي جوه تره مترحين واني ممهتمه وممعبرته واكثر من مره عاده عليه واني متجاهلته ال ان طلع من طوره وسحبني من معصم ايدي بنص الشارع وكدام ال كل ودفعني داخل البيت لو صدك تهسترت. . . ..القصيده من اكثر القصائد المتاثره بيه رشا وتسمعه بستمررار وحتى اني من سمعته بجيت الله يعينه ويصبره (محمد علي) اسمه الحقيقي ومغيرته حتى تترحموله وتوصله باسمه واعتذر اذا سببت بهذا البارت حزن الكم لان مكدرت اغيره وعيب رشا تابع الفيديو تصميم المبدعه وئام الشخليsnwn2231تحياتي اله . . احبكم اختكم رفل الكناني ❤❤❤ | ||||
|  |
|
08-11-19, 06:29 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 40 هد ايدي وووخر اذيتني جنت احجي وافرك بمعصم ايدي لان صدك شد عليه من سحبني ودخلنلي للبيت وكال ماكووو روحه لهلج بعد اكعدي واسكتي معليه ماكدر كلشي بلبيت يذكرني بحمودي زززيد عوفني اروح الله يخليك اني شحجيت ليش تلعبين بعصابي صار فوك الشهر مو كافي عاد دكيت رجليه بلكاع واني ابجي صحت ما ماعليه والله وصرت وراه امي الي هيه وعمتي صافنات علينه تقرب خزرني ودنك مسح وجهه يهدي نفسه كال الامي عمه من رخصتج سحبني من وراه الخوف تملكني بس عبالي شو شراح يسوي تعاي عيني بس احجي وياج أخذني من ايدي وامي تخزر بيه وتهز برأسه مراضيه عل تصرفاتي فتنه من باب المطبخ ميس وسحر يباوعن عبرناهن ودخلنه للهول كعدني وكعد كبالي رشا التردي شنوو ماريد أضل هنا البيت يخنكني وصوت حمودي يرن بذني هنا بس ميصير هيج هذا موصحيح يعني لو كل واحد يموتله ميت يعوف البيت جان الناس هجت اني عفتج بيت اهلج كل هاي الفتره وماضغطت عليج حتى بلفون مو بس بلشوف بس الى متى اني رجلج صار فوك الشهر ضايع ماندل راسي من رجليه انام بغرفت امي وميس شايله مسوليتي ليش ادري انتي مو مرتي ابنا راح امنت بالله وعده عل عيني وعل راسي بس موهيج لعد لو ما احبج وانتي تدرين الصار مو شويه لاعليج ولاعليه بس شنسوي شبيدنه والله العضيم اذا انتي دكين وتلطمين وتبجين وتفرغين البكلبج اني شكول اني رجال واكتم بكلبي وهاي النتيجة كدامج كوه داجر النفس تشوفيني امشي عبالج صاحي بلعباس هاي المصيبه كسرت ضهري وهدت حيلي لااكدر اداوم ولااكدر انسي اريد ايدج بيدي تواسيني واواسيج ورب الي اخذه من عينه يشيله من كلبنه ويعوضنه ياعيني زيد مختنكه واتخيله بكل مكان عفيه عوفني ارتاح يم اهلي بلكت انسى شويه واني مفكرتي بيه متشتاقيلي رشا تره طكت روحي دموعي يجرن ومدنكه امسح دمعه تنزل عشره اخذ نفس وكام كال اني كلت روحه ماكو يعني روحه ماكو وانتهت يله كومي ذبي جبتج وانسي اخليج تروحين حجاه وطلع امي وعمتي كاعدات بلمطبخ كال الامي عمه رشا متروح وانتي هم ضلي عل غده شريد منها يمه اني مااكيف ادري بيك شكد تحبه وامامنه من هيه يمك وبلنسبه للغده دايمة ان شالله مرت براهيم وحده بلبيت تمشت ليمي باستني وعصرت ايدي وكالتي هاهيه يمه هذا بيتج وهذا رجلج وهاي عمتج خطيه مريضه ومحتاجتج هيه ام امج واني امرلج ماعوفج والله يبرد كلبج طلعت امي وزيد سال سحر شنو سويتي غده مسويت شي امي مكالتلي من راحت شطبخ تمام هسه اني اجيب من بره كلشي لاتسوون هوه راح واني دخلت غرفه عمتي ذبيت جبتي جنت لابسه جوهه دشداشه سوده كعدت وايدي عل خدي واباوع ميس تشتغل وعمتي كاعده تسبح وسحر مداهر هيه وجهاله عل هذا الحال لحد مااجه زيد دخل الغرفه نزع تشيرته وبنطرونه وخله غراضه عل ميز واني راسي بين رجليه بس داحس بي من يتحرك صاح ميسس راح اسبح بين متصبون بس جيبي ملابسي حبيبه صار عيني راح للحمام رفعت راسي ملابسه بلكاع كمت شلتهن واكو تعلاكه وراه الباب علكتهن ورجعت كعدت عمتي دخلت للغرفه كعدت عل سريره وعينه عليه احس بنضرع الشفقه بعيونه سحر جابت السفره مدتهه رجعت ليوره جابت الاكل هيه وميس جان جايب تلاث سمجات شوي ومقبلات ولبن وخبز لتموو اجه كعد بصفي طبطب عل رجلي وكال تقربي تدنيت وبدينه ناكل وزيد يفلس ويخلي كدامي جنت كاعده عل اعصابي ولاعبالك هذا بيتي واني جنت اطبخ واكل احس روحي غريبه كمت اول وحده غسلت وكعدت بمكاني وهمه واحد وراه الثاني كملوو عمتي كالت كومي يمه شيلي وياه اخيتج قصده عل ميس ادري بيه تريد تلهيني وتشغلني لان دشوفني بس اصفن خجلت حيل لان المفروض اكوم بدون مدكلي بس مدري شبيه شي بداخلي مكسور وميت من لاجاره كمت اشيل واودي للمطبخ وزيد عينه عليه وكفت اغسل مواعين وعيني مغوركه موبيدي والله اني نفسي ماعرف شبيه كملت ورجعت للغرفه زيد ديشرب جاي تشربين حبيبتي لا زين نصعد لغرفته لا ليش حبيبتي والله مطابه من رحتي ليهسه ماريد واذا لخاطري سكتت خله الكوب عل صفحه واخذني من أيدي وصعدنه رجليه ترجف وماريد ادخل الغرفه كلشي بيهه يذكرني بحمودي بس دست عل نفسي ودخلت للغرفه باهته ومابيه روح مددنه عل جربايه وخلاني عل ايده واني وجهي عل صفحه الثانيه غطاني واني ممرتاحه بس احوص آخر شي كال كافي جمبذا هدي نفسج ونامي هاي غرفته نسيتي كلشي يعني ليش احسج ممرتاحه اريد انزل الغرفه مداتحمله رشا نامي ولاتعبيني تره صبري بدى ينفذ شفته يحجي بجديه سكتت ماردت مشكله لان شايله بكلبي عليه وهوه خلكه ضيك خليت راسي ونمت ماكعدت للمغرب من خلاني من ايده عل مخده كمزت شبيج حبيبتي مابيه يله كومي دنيه المغرب إي حضري ملابسي داطلع سكتت طلع واني نزلت من الجربايه توجهت للكنتور فتحته ايدي متاخذ ولااكدر اطلع حاجة واكفه لازمه الباب ودخل زيد هزيت راسي اوعي نفسي وشلت تعلاكه بدون مااباوع عليه ولاشنو بيهه شمرته عل جربايه زيد صارت عينه عليه كال شنوو وين رايح اشو مطلعتلي ستره؟ نتبهت صدك مطلعتله ستره كتله اسفه ماتبهت تقرب عليه جانت اكو كم شعره عل وجهي خلاه وراه اذاني كال عادي حبيبتي مو مشكله ارتاحي اني ابدل فشلت فشله شكبره هسه يفكر اني صار بعقلي شي مكدرت ابقى رحت للحمام توضيت واجيت صليت وهوه ديمشط كملت لكيته واكف منتضرني شنو طلعين وين اي مكان تغير جو لا مالي واهس ميخالف وياي لا جمبذا ليش صايره عنيده اني زيد ليش هيج دتعاملني ماعرف لعد كومي لميت المصلا وكمت وهوه وياي ورايه ورايه بدلت وعيونه اكلتني اكل كملنا ونزلنا أخذني حديقه عامه الجوو حلو والهوى بارد بس اني روحي بعدهه بيهه جمره ممطفيه توسل بيه يجيب شي ناكله او نشربه رفضت اكو جهال يلعبون طوبه ليغاد منه روحي صارت بيهم وعيوني عليهم من شافني هيج كومني وطلعنا من الحديقه ضلينه نفر بلسياره واني راسي عل جامه وبالي ولايم هاي الطلعه لحد ما زيد تاكد اني ممرتاحه ولاتغير بيه شي بهاي الطلعه رجعني للبيت ويه طبتنه جان رجل سحر هوهوياه ديطلعون كلت السلام عليكم وزيد ديقفل بسياره وهوه جاوبني هلوو ام محمد خويه البيقيه بحياتج ان شالله آخر الاحزان هاي خاف اريد انسى طلعلي رجل سحر صفح جاوبته أشكرك وحياتك الباقيه ودخلت بعد متحملت وخلصت التمثيله البديته من الضهر واني متماسكة نفسي ومباجيه صعدت للغرفه ركض وكعدت ابجي من دخل زيد محاجاني عرف عل شنو دابجي بدل وكمل وكعد يمي راح تضلين كل ماواحد يعزيج هيج تسوين حبيبتي قوي نفسج اني طلعتج حتى تتغير نفسيتج ليش دتاذيني والله من اشوفج هيج دانطحن مسحت دموعي وكمت غسلت ورجعت بدلت وطفيت الضوه وهوه ديتصفح بلفون شنو راح تنامين اي براحتج تصبحين عل خير وانت من اهله خليت راسي وماعرف شوكت نمت وومرت الايام متشابهه وكلشي بيهه مالي خله اذب روحي واشتغل واطلع شغل من جوه الكاع الهلي نفسي ومن اشوف ماكو أحد اكعد ابجي الى أن أتعب زيد مابيني وبينه غير سوال وجواب رغم هوه يحاول يرجعني طبيعيه بس موبيدي ابد متذمر مني ولامل حتى دوامة قطعه بجازه مرضيه مفتوحه حقه ماكدر انطيهيه ولا هوه داعه بي كميه الصبر العنده عل تصرفاتي لو عندي جان نفذت من زمان اهلي يجون يشوفوني بستمرار معافوني ونصائح امي مستمره حتى شدت وياي انزع الاسود يممممه مانزعه لوووو اموت ليش راح يرجع وشكد راح تضلين بي معليكم بيه اني حره موبكيفج تره سويتيه بلا ملح بس انتي مات ابنج هاي الأمهات دتدفن زلم مشوربه روحي شوفي النجف تبلع وترجع ليوره وانتي هل كدوته وشوف شسويتي باعي عل نفسج لاوجهه ولاحفافه ادري شمسويه برجال رشا احذرج تره حرام عليج هيج حتى الملائكه تنعلج اذا متنطي حقه اني وياه انتو لاتدخلون هوه شاكيلكم مشاكي بس يجي يوم طك روحه وشوف شيسوي وانتي ضلي نوحي يمه حرام عليكم ليش هيج تحاجوني تره المات ابني وقطعه من روحي حبلت بي ونتضرته يوم يوم وشفت الويل من جبته يمه انتي تحجين صدك لو دسوين هيج حتى تكسرين عليه ادري يمه ادري لعد اني شكايله بس شتسوين واذا سويتي شستفاديتي موانتي بنتي وكلبي ديحترك عليج وهذا رجلج الله يساعده غير هوه عاقل وراكز لوغيره واحد يوكفلج بلباب من خلصت الفاتحه ويكلج بس انتي مات ابنج رشا كافي ارحمي نفسج وارحمي من حولج عافتني وطلعت وهل مره امي نار ومولحاله هيج تحجي طلعت وراه لكيته هيه وعمتي يتبسبسن من شافني سكتن هنا وصلتلي الفكره وعرفت عمتي هيه شاكيتله لان احنا مبين علينا اني وزيد وعلاقته كدامهم واضحه واني منطويه كلش وهذا الشي الكل ملاحضه حيل ضجت لعد اني شكد مدمره نفسي ومدمره زيد بحيث الكل يدري بكلشي وصلت بيهم الدرجة يشكون مني نار وشتعلت بجسمي اريد أصرخ واصيح كافي رشا كافي تقبلي الصار وخافي الله برجلج هوه ماعليه وانسي ابنج بس ماكدر وكل مااحاول لازم يصير شي يخرب عليه الأول والتالي اني ومحترك كلبي وداهف حتى اصعد غرفتي وجان اتصادم وياه حسوني ابن سحر تلاطمنه وكع من ايده اسم محمد علي الي وزعناه بطهور دنكت شلته اباوع عليه وااتذكره وعيوني تجري وهوه يجر بدشداشتي عمه نطينياه هذا مالتي عمه جيبي شايلته بيدي وابجي وماشوف غير سحر انتي شبيج مخبله لا صدك تخبلتي عقلج وعقل الجاهل متستحين ادري ابنج مات تخبلتي خوما تخبلتي مصدومه بتصرفهه يعني هيه لحاله فسرت الشافته مكالت تذكرت ابنه كل تفكيره اني جرحت ابنه وبجه من ورايه ولو عاد سكتت مخبله سوت بينه كابه النهار كله تنوح الله يساعده الاخويه لومني ومنه دقيقه مابقيج أدري شكوو مكابلج يدلل ويوكل ويدرو رضاج لعد شبي حضنه لونشعل العشره شمع ميكلبونه سسسسسحر انتي شننننو من مله لخاطر الكعبه هذا سلوب هذا والله حتى استحي احجي عليج يااختي زيد ااااااا والله مقصدي بس شوف حسوني شلون يبجي من وراه مدري شسوتله شسوتله كصت رأسه مثلا مو اني صدفه دخلت وشفت بعيني كلشي وسمعت سحر جري عدل وشويه خليلي قدر وحترمي رشا إلى متى يبقى هذا عقلج عقلي لو عقل مرتك الي شخط من مات ابنه لو هاي متكدر تحجي عليه هيه الاميره واني بنت البطه السوده انتي الحجي وياج ضايع مااتعب نفسي لان ميفيد بيج كوووومي رشا كووومي جنت كاعده عل درج والاسم بيدي جره من أيدي حيل وشمره بوجهه حسوني وكله هذا التبجي عليه هاكياه سحبني وصعدنا دخلنا الغرفه وهوه عيونه بكصته ررااااح تضلين هيج ؟ رشا مممممو احجي وياج زيد عوفني شنووو عوفني اني تعبت لاكادره انسه ولامراعيه الله بيك عل شنو مجلب بيه كافي اسكتي ووووديني لهلي اااني شكلت همست زيد داتعب جمبذا واني وياج وماعوفج شترين وين تردين اخذج لو لااخر الدنيا بس شي اسمه فراك لاتجيبي عل لسانج قفلتي بحضنه واني اشهك زيد والله ماسويتله شي اني جنت بس داشوف الاسم وتذكرت مخلاني اكمل قاطعمي هاهيه حبيبتي اني سمعت كلشي عوفيهه هاي موصاحيه متشوفيهه نوب ونوب اني عندي الج مفاجه بس ماريد تعارضين بس كولي تم شنو تروحين وياي يومين لمكان وهااا لادكليلي وين شلون غير اعرف بس حضري ملابسنه وعوفي الباقي عليه شوكت اليوم بليل تمام وافقت لان بلحضته ردت اي شي الهزم منه حتى أحاول اتلاشه كلشي مريت بي وفعلا حضرت كلشي وطلعنه بعد مسلمنه عل عمتي وميس سحر مموجوده يمكن راحت وعمتي خطيه ليم الباب وهيه ورايه دكلي امسحيهه بوجهي واني ابوس بيه واكله عادي صعدنه لسياره واخذني اول شي الأهلي لكينه يمهم جاسم واسراء ومبدلين عبالي هستوهم جايين بس تفاجاه من طلعوو يروحون ويانه المشكله مادري وين واسراء اكيد تدري بس مدكول موصايه طلعنا سوه وإبراهيم ويانه دخت حيل شنو براهيم هم يروح واسل ومحد يجاوبني كله مغلسه إلى أن وصلنا المطار وبراهيم ودعنه ورجع طلع جاي حتى يرجع السياره كعدنه بلانتصار ونادوو بلسماعه الى المسافرين المتواجهين الى ايران الرجاء التوجهه لمكان الطائره زيد وجاسم واسرا كامو واني كاعده ال اسراء جرتني ووين دكومي متسمعين دينادون علينه زيد صار بصفي همس حبيبتي هاي المفاجاه ماخذج الايران ههههه لازيد اروح فدوه للضحكه لعد اني شريد هوه اريد ارجع هاي الضحكه الحلوه المشتاقله خله اديه بديه ونطلقنه صعدنه الطياره وطارت بينه مو هواي 3ساعات تقريبا لو اربعه ماركزت خلصناه جاسم وزيد مداهر وجاسم ناصب عل مضيفات واني راسي عل جتف زيد خطيه حتى بلشقه مداهرني يعرفني بعدني متكدره رغم جاسم داس بطنه حتى يغير علينه الود بس زيد يعرف شلون يسكته وصلنا وجانو مستجرين شقه طلعوو كلشي مضبطين واني مادري جانت عباره عن غرفتين وهول مفتوح عل مطبخ ارتاحينه ونمنه بعد متعشينه وثاني يوم جاسم واسراء طلعو وفتروو للعصر ال اجوي اني وزيد خلصناه زيد نايم واني افتر بلبيت والضوجه والملل موطبيعي بيومه تعللنه لوقت متأخر كلنا بلهول وبعدين رحنه نمنه ووووين كعدت عل لمسات زيد يبوس بيه بكل لهفه واني متخشبه لحضات وكام يتماده وشويه شويه تجاوبت وياه و بديت اهدى روحي وستسلمت. . . . . . . . أحبكم اختكم رفل الكناني ❤❤❤ | ||||
|
| |
|
08-11-19, 06:31 PM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 41 نايمه وحسيت بزيد لاطش بيه واديه تتجول عل جسمي وشفايفه تمشي عل كتفي مادري شحسيت شعور صار فتره مفتقدته روحي رخت بين اديه وذبت عطره خنكني واديه الدافيه من يوم يومهه هيه اماني صديت عليه سحبني حيل عليه نفسه يضرب عل وجهي واني دافنه راسي بصدره همس رشا ممم جمبذا مم اني مشتاقلج لاتصديني سكتت صار فوكايه واني مغمضه ماريد افتح اخاف ارجع رشا الحزينه جردني من كلشي وضل يتغزل بيه ويبوس كل قطعه بوجهي إلى أن فصلت عن كلشي وهوه هذا الي يريده تقربلي وحسيت اني شكد مقصره هاي الفتره بحقه جان فاقد وعبالك هاي اول مره رحنا اني وياه لغير عالم جنت ماافكر غير هذا زيد الي حبيته وحبني الي عارض الكل واخذني الي وكفلي بااصعب الضروف قبل وهسه خجلت من نفسي من شفت لهفته عليه زيد جبل ومانهز بكل الصارلي وكل هاي المشاعر الجياشه بداخله شلون تحمله وماضغط عليه هنا اني تااكدت زيد يحبني حب روحي مو بس حب جسدي او حب ال الغريزته لان ماكو رجال يتحمل إلي تحمله بقيت هادى ومستسلمه وهوه ريح نفسه وبتعد أخذني الحضنه وهوه ميت تعب وكلبه يلكف وكصته عركانه سحبت كلينس مسحت كل وجهه باس ايدي رشا اموت عليج متدرين شكد جنت مشتاقلج ليش هيج تعبت نفسك حقج متدرين شصايرلي منتبه شكد صالج عايفتني زيد اني ماعرف شكلك بس صدقا انت هواي صبرت عليه شلون تحملتني كل هاي الفتره مو يكولون اليحب يضحي؟ اي واني ضحيت بكلشي لأجل عينج احبك وممتندمه بيوم عل هاي الكلمه لعد شلون نطاج كلبج تجافيني موبيدي زيد متعرف شنو بداخلي كل ماجمع الصار بحمودي اربطه بموقفك من اصريت اطهره وماسمعتلي حقج واني مثلج اول ممات هيج فكرت ولمت نفسي وعيلته ولوتدرين حتى للدكتور الي كشف عليه رحت عليه العيادته وسألته وجان جوابه أول شي هذا يومه وساعته وثاني شي ابنكم نشمر وعل اثره مات يعني صخن حاله حال اي طفل بس الله شاء بان يموت بعد اني شنو بيدي صح انت مالك دخل هذا حكمت رب العالمين بس اني نطويت جنت احس بنفسي اني الي فكر وماعندي حض وصار بيه كل هذا زيد اني مرتاحيت بحياتي المريت بي مو شويه تمرضت بدمان وبحاله نفسيه وتعذبت بحبك ومتنه ال صرنه البعض وآخر شي واخر ماضملياه القدر زرع ورده بنص كلبي ورجع شلعه من الجذر وخله مكانه حفره بكلبي كل تفكيري جان محصور بأن اني الفرح ميدوملي ولا الراحه وانت بعيني اشوفك فرح واشوفك راحه بتعدت عنك واني روحي متعلكه بيك بس اخاف عليك من حضي اخاف اقرب واخسرك يمكن بساعته تصير هاي موتي الحقيقيه يعني مبتعدتي حاقده او كارهتني مستحيل زيد أنت ما تعرف انت شنو بلنسبه الي انت هذا الأوكسجين إلي يخلو للانسان من يدخل بعداد الموتى من تبتعد اختنك وبعد مالي حياه وليش متنطيتني مجال وفرغتني هذا البكلبج ليش ضليتي حابسته ماعرف زيد اني نفسي ماعرف من تجي وتريد تكعد وتحجي مادري شيصير وياي وأرفض ومن تروح الزم نفسي املخه واضربه واصرخ رشا اصحي هذا زيد لتحبي بس من تتواجد كل هذا يتلاشه وحزني كله يصير كبالي هذا الشيطان يريد يفرقنه ميدري اني انعل امه وابوه وطب بنص عيونه ولا اعوفج عصرني بحضنه حيل حتى عضامي طكطككن باس راسي وطول وهمس بصوت بمبحوح جمبذا لاتعوفني ولاتتغيرن عليه خلي كلشي بدنيه يروح الله هوه جبار الخواطر وهوه يعوضنا خليج وردتي المزينه حياتي ويوميه اسكيج بحبي وحبك الي هوه هوه مانقص من بتعدت مممممم يولي حلات الحب عذابه اصلا بلعكس زاد رجعتيني لذيج الايام الجنت اقنعج حتى تحبيني بس شغله وحده مصارت حرامات شنيه فونج مماخذته حتى اتحارش بيج مثل قبل واسراء متزوجه منوو اخلي واسطه ردت اخلي نهله بس كالت اخاف تبتلي بينه هسه دكول تزوجتو وماخلصت ههههههههههه اروح فدوه لهاي الضحكه لترد روحي جمبذا مم بلعباس احبنج هههههههه لوتدري شكد مشتاقه لهاي الكلمه واني راح اشبعج منهه اسمعي جمبذااااااااا كولي هااا هااا بلعباااااااس اااااااااااحبنج عزه زيد جاسم واسراء بصفنه خيولون شعليه بيهم اني اليوم الكمر يمي ورجعلي شعليه بلنجوم من حجيت احس جبل ونزاح من صدري من لحضته قررت مو انسى وإنما اضم حزني بكلبي بقاصه وشمر مفتاحه بحر لخاطر زيد ولخاطر كل الحولي بتعدت دانزل من الجربايه ميخليني حبيبي اريد اسبح كل عقلج ليش يعني ماكو سبح اليوم سهرتج وياي للصبح هههههه زين هدني داروح للحمام يله راح اسمحلج بس بدون غدر مو الكاج سابحه تره تدريني من اقفل واني اليوم قافل عل سهره الصبح يولي اليوم خميس حجاه وغمزلي ضحكت وكمت لبست وهوه متغطي ومد ايده سحب الباكيت دياخذ جكاره سحبته منه لج جيبي ابد ماكو وحده بداعتي بين متجين ولاوحده شايف نفسك شلون تتنفس لو قبل شويه شلون كلبك تعب ماتعب من الجكاير كلبي تعب من حبج اشو يوميه ديزيد متقشمرني راح اخذ الباكيت وياي بلعباس اكوملج زززززيد عيون زيد وكلبه كوليه بعد مشتاقله من حلكج هاي الكلمه هسه اروح واجي واشبعك منها كمز من الجربايه راد يلزمني فتحت الباب وطلعت أركض قريب عل حمام سمعت اسراء تتقيى وجاسم يمهه شبيج حبيبتي وشبيج رجعت للغرفه سحبت شال خليته عل راسي زيد نسيت جاسم طلعت بدون شال وينه خوما شافج لا يم اسره ماعرف شبيه خل اشوفه حجيته وطلعت تلاكينه بلهول واسره صايره فدنوب اخذته من ايد جاسم كعدته وأمسح بوجهه شبيج سراوي شجاج مابيه شي لاتخافين اني يوميه هيج ليش يعني شنو معدتج لو شنو شبيج غير حامل ضليت صافنه اختي حامل واني مادري اني شجنت مسويه بنفسي اسراء من شوكت حامل دخلت بشهر الثاني ولج فصعونه ليش مكلتي وانتي وينج عنه اشو قافله علينه فد مره مقتنعت بلكالته والي فتهمته همه من خلال الصار ضموو عليه اخاف أتحسس اصلا بلعكس اني فرحت بوسته وباركتله وآل جاسم هم واجه زيد كعد يمه كفخه عل رأسه لك شسويت للبنيه اعرفك متكعد راحه بويه شسويت جا هيه فركاس مينكاس اول ماصعدت النخله دفرتني وكبل للحمام لك ساقط نصي صوتك خاب شنوو مستحي الله وكيلك كلشي ممحصل صرت مثل القرد اصعد عل نخله بعدين اكمز من الجربايه وراه للحمام هيه تتقى واني اتفرج ههههههههه هسه اكعد راحه ال تعصد نخل وووسفه واني جويسم بلعباس ماعوف حقي ماسمع من يكولون نحن لن نستلم ننتصر او نموت هذا انا لو اصعد النخله لو اموت خرب عقلك نكلبت عمر المختار لك اثكل منا البنات يول شثكل هيه مال دروب العباس عليك تتحمل يوم ماتصعد نخل حجاه وزيد نومه عل تخم وخله رجله فوك خاصراته ووكع بي دك جموع عل ضهره وهوه خربان ضحك منضر ضحكت عليه من كل كلبي ضحكه صار كومه غايبه عن وجهي اسراء تباوعلي مبتسمه الازمه معدته متالمه بس متكدر تسكت رشا هاا عيني اكولج كلام جاسم صحيح زيوطي مرتاح والضحكه شاركه الحلك الله عليج جان صاعد فوك النخل سسسخيفه عل رجلج مالكم جاره ههههههه يابه غير جاسم يشرك حلكه هيج من ينزل من النخله بضبط مثل وجهه زيوطي هسه عزه بعينج وعين جاسم لج انتي وياه كارثه عل هذا لسان وزيد يمشي وياه بس همزين ميتلعم منه ديله عيني يله علساس زيوطي خير لج موسامعته وياه بلفون شلون يحجي بلقلم العريض اي بينهم بس رجلج علني انعل بليسه خل اكوم اسويلج شي يعدل معتج رحت للمطبخ لكيت عصير بثلاجه صبيتله واخذته شربته شويه رتاحت كومته للغرفه وجاسم يرد يكوم زيد ميخلي حابسه مدد رجليه فوكاه ومقفله وذاك يرفس يريد يوخر وزيد يكله اكعد قرد والله متكوم وهوه يصيح رشا الله يساعدج هذا مشعول الصفحه شثكله يبوووو هذا فالت لسانه فدنوب نومته وغطيته ورحت للحمام غسلت وجهي واليوم ال وكفت كدام المرايه بواهس دققتت ملامحي والله وجهي كارثه اني شلون هيج هامله نفسي ضجت واني اتندم عل كل لضحه بتعدت بيه عن زيد بهاي الفتره وخجلانه من وكفته وياي بكد الدنيا رغم هذا كله بتسمت من شفت بصماته وشلون مكان يم حنجرتي تلمسته واخذت نفس بحسره ماعرف صداها وين وصل ربي عيني واكتم حزني واضهر حبي لزوجي وأمسح عل كلبي طلعت الهول فارغ دخلت الغرفه لكيته يسوي بلبلازمه واكف كباله توجهت للكنتور طلعت جنطه باوعت ملابسي كله اسود اووووف شلون بيه هسه اني من هاي الحضه قررت اخلي زيد يلاحض تغيري يله باجر ان شالله ارجع كلشي مثل قبل وأحسن طبكت الكنتور وزيد بعده مكابل البلازما حبيبي شددعفس داربط الفون عليهه بس مدترهم شتريد تتفرج تره الوكت تأخر واني نعست هذا حجي يفيدج اليوم كتلج للصبح يعني للصبح عل كولت جويسم القرد للتبح هههههههه أخ منك واخ من جاسم كعدت عل جربايه شويه وشغل البلازمه طفه الضوه وجابني بحضنه وبدينه انباوع ومتوقعت يشغل حفله عرسنه صار شكد مشايفته من جنت حامل بلاشهر الاوله باوعنه عل بعض ورجعنه نتفرج وهوه ميكعد راحه كل منوصل لفد حدث يتوكح شويه يابه دخل نباوع شجاك اي غير بذاك الوقت شتهيت اسوي هيج وهاي هسه متذكر معليج بيه اليوم اني عريس وراح أعيد بيج ليله العرس خليج حبايه ولاتعيدين السويتي بيه بليلته لاوالله عل ساس انت قصرت لج هوه اني شسويت خلصته اتحرمص ممممم وسيتي الي دمرته ههههههههه بلعباس هذا الموقف كارثي كل ماتذكره أضحك انوب تسلني هذا شنوو اي غير ماعرف اموت عل جان مغمض واني طلعت عينه لعد اني ليش اعشكج بحفلت الخطوبه من دمرت نفسي وتخابريني تعاركيني شعنك سابح يا يابه تمنيت اختلي بيج واعرفج شسويتي بيه بوكته وليش سبحت هههههههههههه اضحكي اعلى لاعيب جاسم يسمع والله لنعل شيب ابو جاسم اليوم تعاي هههه زيد بعد مكملنه الحفله هوه اني راح أحتفل بيج هاهيه وصلنا للزفه اسكتي عاد خل اشوف دربي ضعت بين اديه وحراره اجسامنه تشرح شتياقنه خليته براحته البلازمه فصلت وطفت والصبح طلع وزيد ميقبل يهدني ولايقبل ينام الى ان فقلت وبين مراح للحمام ورجع اني رحت بسابع نومه داهرني دغدغني عضعضني بوسني ماحركت ساكن ضطر ينام هوه هم ووووين ونكت الباب جاسم كسره يمعووووودين يااهل الغيره ادري انتو جايين بس تنامون امشي نطلع نفتر نتونس جاسم روووحو انتو احنا بعدين نطلع خاب كوم ادري كارك بلغرفه لو ادري هيج ماجبتك لو باقي كارك بغرفتك مو احس يول راح اكوملك ولي عاد ايوووووون نام خويه نام شعليك تصعد نخل وترجع تنام خوما مثل حضي ماجاوبه زيد سحبني عليه حيل وغطه حتى راسنه زيد خل نكوم عيب حبيبتي نامي واحنا شنمنه عوفيهم معليج منهم حضنته ونمنه وهيه نومه للضهر تقريبا ب3 كعدت متكسره وزيد جاعصني كوه فلتت روحي طلعت البيت صنته ذوله وين يدوحون وهاي حامل بهل ضهريه يالله اخاف اختي بيهه شي واني نايمه كلشي مادري رحت خابرته كالت طالعين نتونس وصيته عل نفسه وطبكته رحت للغرفه طلعت ملابس ودخلت للحمام سبحت شويه وجه زيد وعركه اني وياه بلباب يريد يدخل واني اكله اخاف يجون جاسم واسراء واحنا سوه آخر شي حلفلي قفل الشقه وخله المفتاح بيه يعني حتى اذا اجوي جاسم ميكدر يفتح بمفتاحه آل قنعت وفتحت الباب سبحنه سوه وطلعنا بدل وكال راح اجيب اكل واجي واني مشطت شعري وجففته ورتبت الغرفه وغسلت ملابسنه كملت وياه جيته شريتهن عل مشره ورحت للمطبخ جان ديخلي المسواك حبيبي اشو جايب مسواك والله جمبذا اول شي مشتاق لصبخج وثاني شي اكلهم صار يومين احس معدتي تخربطت ابد ماخبيته ولا اني ادلل هسه اسويلك احلى غده لا اليوم اني اسويلج خل شوفج الشيف زيد شراح يسوي يعني تعرف اشو مشايفتك فديوم واكف عل طباخ يابه غير بجالج اني جنت مدلل بس بدوام ومن يطنكر جاسم وين انطي وجهي من يطكني الجوع اكيد اني اسوي ههههه لازم معتمد عل جاسم صدك تحجين الله عليج فديوم جايبلج جنطت ملابسي بيهه هدمه وصخه بس انتي مادري شبيج ترجعين تغسلين يولي ميحتاج جاسميه غاسلتهن ههههههههههههههههههههه ووجع صوتج جنت خربانه ضحك وهوه بيده الطماطه يسولف ويغسل بيهه وفجاه شمره تطشرت بسنك حتى ضحكتي ختفت ومشى بهمه حضني حيل شبيك زيد شصار ينكص لساني ويصيبني الوجع ولا يصيبج اني البارحه واليوم رجعتلي روحي واليوم اكلج وجع عرفتج لان كلي وجع من ضحكت بصوت عالي جاوبته اسم الله عليك الله لايحرمني منج ولا منك بتعدنا اني رتبت كلشي وهوه يسوي بلاكل بس صدك يعرف سوه تبسي خنفشاري والطعم بلطاوه غير شكل طيرناه واحنا نسولف كملنا وغسلت الموعين ونضفت الشقه وطلعنا الأقرب سوك اشتريت ملابس الألوان وفترينه هواي ورجعنا للبيت لكينه جاسم وسراء مبطوحين عل تخم دخلنا للغرفه وتذكر شغله اكلك حبيبي كولي جمبذا انت تدري اسراء حامل؟ اي جاسم كلي لعد ليش اني الوحيده مادري حبيبتي لاتشغلين بالج بهيج سوالف يجوز شافوج تعبانه والوقت ممناسب لهيج فرحه ومكلولج زيد أعتقد اني مذيتكم كلكم حتى أقرب الناس خواتي جنت مبتعده عنهم روحي انتي شده وراحت ان شالله تنذكر ومتنعاد ان شالله ياربي هوه طلع يم جاسم واني رتبت الملابس اسراء اجتي يمي سولفتلي وين جانوو وشوفته الملابس وشفت الراحه بعيونه وسببهه راحتي تفقنه اني وياه باجر نروح مركز تجميل وفعلا ثاني يوم رحنا وصلنا زيد سويت هواي تغيرات واسراء دكت حواجبه اني زيد خابرته ماقبل كلي حفي وكلشي سوي بس لاكيهن معاندته رجعنه واخذت ملابسي ورحت للحمام عفت اسراء تحضر العشه سبحت ولبست دشداشه ألوان وطلعت دامشط ودخل زيد شافني بتسم وكال ان شالله متشوفن ذاك الون وياربي يعوضنه بلاحسن ونعيش بكد ترابه طفرت دمعه من عيني مسحه وشم عطري حيل حبيبتي هاهيه شتفقنه مسحت وجهي ولميت شعري وبتسمتله وطلعت يم اسراء خطيه حضنتي وكالت ياربي دوم اشوفج هيج مورده وان شالله متعبر هاي السنه ال والله يملي حضنج تسلميلي وانتي هم ياربي دكومين بسلامه وتجيبيلنه احلى نونو وهااا اهم شي ميطلع عل جاسم ليش عيني ليش شبي جويسم احسن من زيوطي ابو دم الثكيل ههههههههه اي هسه انتي سروش ام لسان قبل شويه نكلبتي علويه هههههههه حرامت بكتي لساني سوينه العشه وتعشينه سوه وزيد يحوص يريد بس ندخل الغرفه يادوب خلصت التنضيف وياه اسراء ودخلت للغرفه وهجم عليه لج شطالعه لو ادري من زمان جايبج ال إيران رشا لاتتغيرين من نرجع بداعتي عليج خليج هيج انتي هسه رشا القديمه الحبيته ونشلع كلبي ال اخذته لج هسه ال تنفست من اشوفج مرتاحه اني ارتاح تعاي بحضني تعاي أخذني بين اديه وضعنا بعالمنه اذا اكول اني حنيت اله والنفسي القديمه يجوز ابالغ بس هذا الصحيح بتعدنه هل فتره كله يمكن حتى نتعلق بعض اكثر وأكثر بقينه الوقت متأخر واني ماقبل نبقى لصبح وحلفته نام من وكت حتى باجر نروح نزور لان لوتضل عليه هم يبقى سهره للصبح نمنه وثاني يوم جهزنا نفسنا وطلعنا للامام الرضاء عليه السلام يمكن احلى زياره بحياتي كله راحه عجيبه صليت ودعيت كومه ومانكر مابجيت لابجيت بس غير عن كل مره بحيث هواي رتاحيت تغدينه وخلصنا اليوم كله بلامام ومارجعنه للمغرب اليوم البعده فرينه هواي أماكن صدك غيرنه جووو وتونسنه اليومين صارن8 أيام عشنه بيهه براحه عجيبه ورجعنا منكهين من التعب براهيم اجانه للمطار تلكيته بوسني وباس راسي وهوه يكول ابو الزود خوش مسوي شغل رشاوي راجعه غير شكل ااااابراهيم ههههه قابل مجذب حتى هوه راجع شباب من الراحه جاسم كال واني خويه يبووووو انت ملطلط وتبقى ملطلط لو تروح اللمريخ مو ال إيران لايابه لا لعد ابقى بلمحموديه احسن اقله احصلي شي بلمريخ شحصل كلنا ضحكته عليه وصعدنه السياره ذبينهم يم بيتهم ورجعنا أول شي لبيت اهلي جنت حيل مشتاقه الامي وابويه ومتشوقه اشوفهم يشوفوني مرتاحه كعدت بينهم وهمه يحضنون بيه خطيه امي حتى دمعت جنات بنت براهيم صايره تجنن شلته عضعضته شويه وزيد يجر بيه حتى نروح للبيت سلمنه وطلعنا حتى عمتي وميس مشتاقتلهم تلكونه وكعدنه يمهم حتى ماصعدنه غرفته ليوين يالله صعدت قبل زيد نضفته ورتبت اغراضنه والجايبته العمتي وميس نزلته الهم وحتى سحر مانسيتها هيه وجهاله نمنه براحه واحنا بجنب بعض لثاني يوم كعدت أصبح نزلت سويت ريوك وكعدنه اني وعمتي وميس نتريك ودخلت سحر وجهاله سلمنه عل بعض وهيه كل عاده متكدر تسكت اكلج عيني لو ندري من زمان اخذناج الايران اشوفج مرتاحه اي وشكو بيه متكيفين لا مو ماكيف بس تره شلعتي كلب زيد عبالك هوه خنك حمودي وموته ليش هوه شكالج؟ ميحتاج يشكي مبين اشو حتى عليه خليتي يكب والله اني معليه شوفي تصرفاتج واحكمي عل نفسج وشوفي تستحقين السواه بيج لولا اووووي تعرف تحجي ال اهووو ماريد احجي خليني ساكته احسن لاليش احجي كولي المريضه نفسينا لو كلمتج الشهيره المدمنه بس ميهمني كلامج القاضي مالي راضي بعد ليش محروك دمج امشي امشي محروك دمي لان حضج كاعد كلشي صار وياج واخويه يباوع عل حلكج ويتمنى راضج وحاطج ويفرفر بيج من سفره ال سفره وحضرت جنابج معاجبج عمتي كالت سحر عيب هذا الحجي تره مصختيهه انتي شعليج بيهه تره اخوج فوك نايم لاتسويلنه سالفه عفته وكمت اغلي اغلي وميس دكله تره انتي ابد موطبيعيه ذاك اليوم حاطته وتشكين وتبجين وهيه تركض بيج بنص اليل اصفي عل راي تره ماعرفناج انتي بيج شي انجبي أنتي الخدامه مالته تركضين وراه واني من اصخرج تتبجبجين اي اني خدامته لان محترمتني ومحترمه نفسه ومشايفين منه شي موزين وهاي امي شاهده متحط اللكمه بحلكه اذا مانتطيه منها تغسل هدومهه وهدم زيد فوك واذا صدفت ودخلت حمامنه وشافت شي إلي لو الامي متستنكف تغسله هذا كله متريدن يوكف بعينه وإذا تمرضت وحزنت كم يوم قابل جرمت المات ابنه جابته وتعبت عليه واني شاهده شلون جانت تسهر عليه وحليبه يدر عليه 3ايام الفاتحه هذا شويه عليه انتي اذا صحنه بحسوني تكلبين الدنيه شلون اذا صار عليه شي وهسه مستخسره بيه هل كم يوم الاخذه بيهم زيد حطي الله بين عيونج موشفتي شلون جان حاله انتي شوكت كبرتي وصار عندج هذا اللسان الزفر لاوالله موزفر هاي الحقيقه وماجبت شي قاريته من كتاب حجيت الشفته كدامي والدار بيتنه طلعت ميس لكتني بلمطبخ كاعده وايدي عل خدي وسمعت كل الصار كالت رشا معليج بيه ادري بيج مارددتيه لان امي كاعده اعرفج وعرف اخلاقج وهم زيد متردي يعرف بس اني حجيت الي بكلبج حبيبتي عوفيه اني تعلمت عل سوالفه لاتوكفين بوجهه اختج وتشيل بكلبه عليج من ورايه اتركيهه بتسمت وكرصت خدي وكالت اخ ياكلبج وطيبته بتسمتلع وكمت عل بيت نضفت وطبخت الغدا ومشى اليوم عل هذا الحال والأيام البعده متشابهه زيد رجع لتحق واني رجعت الحياتي الطبيعه اني وزيد رجعنا عشاك مثل قبل يوميه نبقى نحجي بلفون للصبح ونام والخط مفتوح ومن موجود حتى من البيت قليل يطلع لو نروح اني وياه نتعلل يم اهلي لو يم بيت جاسم اسراء حمله مستمر وصايره بطه وكلنه شايلن همهه لازن زغيرتنه وجانت مدلله وهسه منتضريه تصير ام الايام والاشهر تركض وكله من عمرنه البنات كامن يزنن برأسي روحي دكتوره بلكت يصيرلج طفل يعوضج الشفتي ومن كلت الزيد معارض كال كلشي يريح سوي اخذتني امي والدكتوره جيكتني كالت اكعدي واسكتي لاتلعبين بنفسج كلشي مابيج فوضت أمري الربي وتوكلت عليه وخليته يمه قرب موعد خروج عمي من السجن وزيد يركض ماعرف عل شنو وشديسوي واشوفه يسحب فلوس دوم وتالي من سالته كال فتحت مشروع الابويه محل مواد إنشائية بلكت يعكد ويبطل سوالفه كتله ان شالله الله يهدي رغم كل السواه عمي بس يبقى ابوهم وكلهم متلهفين حتى يطلع وحتى زيد قرب الموعد عل هذا الاسبوع وحضر الذبيحه حيل يعجبني طبعه هذا حتى أولاده راح يسون مثل ماسوه الابوه الاسبوع خلص ركض ركض اليوم عمي يطلع البيت مخبوص ومن الصبح طبخنه الغدا وزيد راح يجيبه هواي خطار من كربيهم لساعه 12الضهر اجوي ستقبلوو ابوي وإبراهيم واخوه وخوال زيد بعد مالسلم عل كل دخل للمطبخ سالم علينه ميس خطيه جمدت بحضنه وسحر سلمت عليه عادي بوس عمتي من رأسه وثنى عل جهال سحر بوسهم وصلي السره وفاجني من أخذني بحضنه بوسني وهلا عمي وهلا بيج زيد خطيه يباوع علينه براحه وبعد هذا القاء الي ماعرفت اوصف بي شعوري لان عمي شكليا ونفسيا مبين متغير بعد مندري الله اليستر بس اني مرتاحه لراحة زيد خطيه شافني مخبوصه مصاح عليه صعد بدل ونزل بدشداشه جوزي اووويلي غير صايره اعشقه عدال قبل من شفته بلمطبخ بودي اعوف كلشي وكعد واكابله هههههه بس هسه موكته وهوه بالي مويمي حاير بلغدا بدينه نصب من وحده لوحده واني داخلي بللحم فوك الصياني ومدري شجاني روحي نحمست حمس بقت اخر صينه شلته وكمت ودياخذه زيد من أيدي واني مدري شصارلي كام يحجي وياي ماكدر اجاوبه جمبذا هاي الصينيه داريهه خلي بعد لحم عيب راح تصير كدام جماعه جايين من بعيد مجاوبته ادفع بصينه عليه اريده يلزمه وهوه يكلي رشا شبيج موداحجاجيج داري هاي الصينه متحملت دفعت الصينيه عليه وركضت. . . . . . . .احبكم اختكم رفل الكناني ❤❤❤ | ||||
|
| |
|
08-11-19, 06:34 PM
| #44 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 42 ركضت للحمام تقيت كلشي بطني معدتي تفور وروحي طلعت ال فرغت ال جريت النفس وزيد ورايه رشا شبيج شجاج مادري معدتي موتتني وهسه شويه رتاحت تعاي اكعدي اخاف تعبتي ماعرف والله غسلت وجهي وطلعنا كعدت عل درج وهوه رجع وياهم يوجهم عل غده مادري شبيه وليش هيج صار بقيت إلى أن ستقرت حالتي وراه كمت سويت الجاي وحضرت كلشي اريد بس اخلص ميوس خطيه عل أخيرا نجرحت بديه بعد متكدر تشتغل وسحر صبت الجهاله وكعدت هيه وياهم كملوو وبدو يجيبون الاكل واني صبيتلهم الجاي زيد حيل يدقق ويركز عل أبسط الأشياء وازني الشكر لاتخلين ستكان ناقص يحجي واني عل اعصابي واكفه لحد ماخذه وبعد ماله جيه للمطبخ بديت افرغ بلاكل لو نحمست حمست حتى كمت شلون مجان اشتغل نضفت المطبخ عل آخر وتوني غسلت ايدي واجوي نهله وامه وزوجه بعد ماستقبلناهم وكعدوو واجه زيد سلم عليهم وصاحلي للمطبخ كالي سوي غده عيب اووويلي غير صفرت معنوياتي اني ماعودت اكمل بس شسوي ماكدر احجي اشتغل وافكر اني اليوم شبيه اخاف حامل لالا اني شدافكر بحملي الأول مصار بيه بس داتخبل من ريحه الاكل واللحم يمكن لان نذبح كدامي نفسي جزت المهم قنعت نفسي بهذا الكلام وكملت الغدا وديته وعمتي تصيح يمه تعاي اكلي انتي متغديتي كتله لاتغديت بلمطبخ وووين الى راحوو الزلم دخلت الهول عمي نايم وزيد نايم جفي حتى رجل نهله هم عايفهم ورايح لميت الطبلات والمنفاضات صايره لخه بعدين كعدت زيد حبيبي مم كوم نام فوك ماكدر خليني هنا زين انزع الدشداشه عوفيهه اخاف يجي احد يله براحتك تغديتي اي الحمد الله رحت جبت جرجف غطيته ولتفتت عل عمي وهم جبتله جرجف اغطي واباوع عل ملامحه ياربي والله شكله فقير بس ليش ياذي نفسه وضيع كل هاي الفتره بسجن هوه الإنسان اليوم الواحد من يخلص محسوب من عمره شكد جان اول متزوجت وجهه قاسي وملامحه حاده بس هسه لا التجاعيد ماخذه هواي من وجهه والشيب تارس رأسه ولحيته ربي هدي ولاتشلع كلب زيد وياه طلعت وسديت الهول ورحت كعدت بغرفت عمتي مددات هيه وام نهله ياربي هاي المره اعشفهه وشوفته بلسم الكل عله سوالفه كله حكم وهدوهه يبعث الراحه للمقابل جانت تحجي عل سحر لان تتواجد هواي يم اهله وعايفه بيتهه ورجله وتنصح بيهه ونهله بصفي تهمسلي ودكول خطيه امي لحاله متعبه نفسه متدري عجزنه واحنا نحاجيه هسه دعوفيه بلكت الله لنها سامعه رشا حتى لو تسمع شخصيه مثل سحر تكون ماله حضور عل نفسه يعني تلكيه يوميه براي هيه هسه تكدر تكعد بيته وتداري رجله وتدلله اصلا عادي موفدشي صعب بس هوه ميفيد ويا عرف طبعه وتعلم عليه وهيه هم تعرف نفسه لهذا السبب تشوفيهه متحاول تغير حياته وصار عدهه روتين اجي من أصبح لليل بيت اهلي ورجلي مابيني وبينه غير اطفالنه وهوه ممقصر مني بلمصرف خلص انتهت هاي الحياه جهالي وفلوس وبس هاااا وقبل مانسه وعرك نهله انتي شلون متعمقه هيج بشخصيه سحر اعرفه وداعتج هواي شايفه هيج نماذج وازيدج من الشعر بيت اني وياه منتراهم بكل مناسبه وبكل لمه تصير بينه مشاحنه الله يهديه شنكول بعد عوفج منها انتي وزيد شلونكم شنو السالفه اشو طولتوو بشغلت الأطفال دتراجعين لو كاعده وساكته والله نهله راجعت وهسه كعدت وسكت يكلولي كلشي مابيج لاتلعبين بنفسج وزيد شكول والله خطيه حتى طاري هذا الموضوع مجايبه خطيه هوه يجي من الدوام متعوب فدنوب اكوم اشغله بهاي المواضيع هوه كلي من جنت أراجع لاتلعبين بنفسج خليهه عل الله بس اذا تردين تجيكين روحج مامنعج الله يحفضه الج زيد وين اكو منه يحبج بخبال ويحفض غواليج واني هم ماعندي غيره كلشي ماريد بس طفل افرحه بي تدرين شلون انطحن من اسمع واحد يكله ابو محمد مرات أفكر اكول جان هسه عمره هلكد لو جان هسه شكله هيج الله يعوضج رشاوي انتي طيبه وعل نيتج وان شالله يطلع ضاملج الاحسن حياتي انتي فدوه لكلبج اجه حسوني كال خالو يكول سوو جاي اجوي زلم ترخصت من نهله وكمت وهم عل وكفه وحده للمغرب الجوارين كله اجتي تسلم عل عمي بيومهه لليل ال فرغ البيت زيد فاشفته بلهول المي والجاي والضيافه انطهياه من الباب للعشره قفلت كلش كلت بعد مابيهه مجال اصعد دخلت عرفت عمتي عمه تردين شي راح اصعد سلامتج يمه اخذي راحتج بعد لاتنزلين تره الجاي والمي ميخلص اليوم راح يجلبون وانتي تعبتي كاعده من غبشه يله تصبحون عل خير واني من اهله طلعت واخر خطوه يم الباب كالت سحر رشا هااا انتي ليش من يجي عزيز مطلعين لاليش ماطلع موداسلم عليه اي بس احسجج تجبجبين منه وين المشكله غير اسحتي عمتي كالته يعني البنيه كالت تصبحون عل خير ودتصعد تنام شجاب هاي السالفه هسه لان اليوم شفته من يدخل للمطبخ تعوف كلشي بيده وتطلع كلت اسله اخاف شايفه منه شي ولو رجلي عينه مليانه ليش تشكين بأخلاق زوجج؟ رشا اني ماكلت هيج بس داسلج حبيتي سوالج مو منطقي اني اذا اشوف شي عل رجلج ماتهرب منه ولااجي اكلج عندي رجال وهوه يتصرف كل مابل موضوع اني استحي منه وهوه رجال غريب عل شنو اختلط بي حجيته وعفته وطلعت خبيثه متكدر لازم تسممني وتغثني رجلي عينه مليانه شنو قصده اني عيني فارغه طاح حضج وحضه بهضتني وصعدت ضايجه اخذت ملابسي ورحت سبحت وطلعت راسن نمت حتى زيد منتضرته لنص اليل حسيت بي يبوس بيه جمبذا ممم حبيبتي كعديلي شويه مشتاقلج اليوم التحق صديت عليه أخذني بحضنه ونهوس بعدين تقربلي ال دك الفون ال بتعد جماعته ديرحون سوه لفيت نفسي وصرت عل صفحه بدلت وهوه راح للحمام كمت حضرت جنطته لان البارحه من التعب عفته ونمت حضرت البدله خليته عل جربايه والبوت والجواريب جهزتهم ونزلت سويتله ريوك عمتي اجتي تتوضه صباح الخير هلو عمه صباح النور اليوم زيد يلتحق اي والله عمه داسويله ريوك عاشت ايدج ان شالله يروح ويرد بسلامه الله يسلمج اللهم امين خطيه تتوضه وتدعي باب المطبخ كبالي والجوو بعده مضلم نزل زيد شايل الجنطه ينكرب كلبي من يلتحق واضل بقلق لحد ميرجع داغسل بلكوب صار ورايه حضني باس جوه أذني همس ليش تسوين ريوك شلون لعد حبيبي ميحتاج اني تريكت فوك هههههه لاهذاك وحد وهذا وحد جمبذا عيونها بلعباس احبنج واني اموت عليك البارحه شلون تنامين وتعوفيني ماقاومت نعست والله ضل بالي يمج من تخربطت معدتج بس الوكت والخطار لهاني عنج لايضل بالك مابيه شي يله هدني حتى تتريك ماريد ريوك ا ريدج انتي واني يمج حبيبي اروح فدوه لحبيبج هاي الكلمه من حلكج اموت عليه ويامه ويامه حلمت بيهه ياااااالله هايمه زيد اشو محاضنك عل مغسله اديه الحاضني بيه هتزت هيه وكتوفه عرفته ديضحك عل سوالف عمتي بتعد مني واني رحت اصب الجاي وهوه توجهه عل عمتي صبح عليه وباس رأسه وكله حجيه جنتج مينشبع منها بكل مكان نفسي تدنه عليه يول موعندك غرفه وكفزه ال بلمطبخ وعيونج كافزه قبل متوكلين بس متنمل يمه متنمل هههههههه الله يسعدك وياه ياربي ويحفضج الي ولايحرمتي من هذا الصباح الاشوف وجهج حضنه حيل وهيه دكله ولك عضامي يوجعني لاتجعصني ماسمعله شاله وبعد رأسه وهيه تصيح ولك نزلني وهوه يكله خليني شايلج بلكت اردلج ربع ماشلتيني بزغري زيد بروح محمد نزلني ولك اخاف هههههه يله حلفتني برسول الله وله لوعليه اليوم مانزلج يبوووو ريت اديك الشالتني تلزم بيهه لتراب يصير ذهب فدوه لحلكج اروح اني وعشيرتي كله اسمع ومبتسمه وفرحانه ب كميه الحنينه الشايله زيد موبس عليه حتى عل اهله خليت الصينيه وزدته كوب جاي وكعد هوه وعمتي تريكوو وباس رأسه وطلع خليت الجنطه بسياره وسحبني عل جهه الحديقه حصرني عل حايط واديه تعصر بجسمي باس شفايفي لحد كطع النفس وبتعد احس حلكي خدر وطعم الجكاره الاخيره صرت اني شاربته موهوه رغم ممتريكه بس اعشقهه من حلكه واني من اشمه عد احد نفسي تكلب بس زيد يختلف فتح باب الشارع صرت وراه رجع السياره واني الوحله بيباي وهوه يبوسني بلهوه سديت اول باب وهوه شخط السياره وطلع خنكتني العبره مثل كل مره وتماسكت نفسي بوري الحديقه كبالي اخذت جف مي درته عل وجهي جمدت دموعي ودخلت وعمتي تدعيله واني اللملم بلمطبخ وهيه دكلي صعدي نامي كملت وصعدت اخذت ملابس ورحت سبحت ورجعت صليت وقريت قران إلى ان كشف الجو وطلع الصبح باوعت ساعه سبعه تصلت عليه بسرعه جاوب حبيبي وصلت جمبذتي وصلت الحمدالله لادكليلي مانمتي لا مانمت هسه راح انام ليش حبيبه نامي ورتاحي اني وصلت وكاعد بلواجب الحمد الله والشكر يله مع السلامه الله وياج حبيبتي سديته ومن طمنيت ال نمت ماكعدت للعشره نزلت وسحر من شافني كامت تغني يامسعده وبيتج عل شط وكبال بيتج يلعب البط ومنين ماملتي غرفتي تغني ودك عل كتاب جانت تقري حسوني السنه صف أول صدك ضكتني واني النومه بعيني هاي موبيده و الله متكدر عل نفسه عمتي تهز بديه مراضيه عليه وميس تستغفر مهتميتله عفته وكمت عل شغلي عمي ماكو يبين راح للمحل خلص اليوم كله واني نفسي ممروده حتى عمتي نتبهت كالت يمه رشيوه شبيج شبيه عمه اشو وجههج جنه نوميه صفره اخاف مريضه وماتحجين لاوالله عمه بس معدتي مدري شبيهه من البارحه اخاف شايله يمه لاوين اني اعرف نفسي اصلا بذاك حملي ولا حسيت ميخالف كلشي يصير بلكت الله اني اكول لو ترحين لمج تاخذج دكتوره لا عمه مو لهل درجه حتى الشهريه بعد موعدهه بالله عليج بلكت لن صدك وتفرحينه حرجتني وماعرفت شرد عليه كتله ان شالله وسكتت ومرت يومين حالتي زادت كام ميثبت بطني شي شاكل اتقيى تأكدت اني حملت حضنت مخدتي وبجيت كومه يارحمتك ياربي صدك راح ترجع تملي حضني ربي هل مره اجبر بخاطري ولاتكسره ماعندي غيرك قررت مااحجي ال أتأكد وخابرت زيد كتله اريد اروح الأهلي كلي خلي براهيم لو عمتي يجوج طبكته وخابرت امي خطيه ربع ساعه وهيه يمي دخلنا بيتهم وسولفت بس الامي أصرت هسه نروح يمه خليه باجر ابد ال اليوم حتى انام مرتاحه اني شايله همج ومصيبتج تاكل وتشرب وياي يمه لاتذكريني عفيه ماذكرج وان شالله حامل وتنسين من صدك نوور بنتيتي جيبي عباتي اي يالله حتى تكمل فرحتنه بيج وبسراء الله يسمع منك نور يله عيني يله خلفن حتى الخطابه تصير عل بنتي سره امي كاتله اسرا ورشا مايخاخذن منج جبيره جنات عل ولدهن خليج مخيله عل انسام وإيمان يمه برهومي يوم عيد من اناسبه هوه ونور ذهب والله فدوه رشاوي واني راح احبل حتى بس اناسبج يبووووو كومي كومي لاهفج بلكلاص ولج شتخلفين انتي هاي وشامرته عليه ويوميه تلفين براهيم وتنامين وعايفته هههههه غير هيه متعلقه بيكم وحتى احنا متريدنه يمه هاي حفيتي وبنيتي شعندي غيره جنات تكركر وامي تبوس بيهه بعدين ذبته وكامت لبست وطلعنه اخذتني للدكتوره جيكتني وبتسمت كالت اكو كيس حمل هسه نتاكد منا من خلال التحليل كتبتلي التحليل وطلعت سويته جنت كاعده عل نار لحد ماطلع صاحوو اسمي ورحت اخذه سالت صاحب المختبر كال الدكتوره تفهمج رجعت للدكتوره قرته كالت اكو حمل بس ضعيف شوكت موعد شهريتج بعد يومين تلاثه تقريبا خلص لعد مبروك حامل وصاير بنهايه الشهر بس أعراضه قويه لهذا السبب شكيتي المهم اريد راحه تامه وأهم شي ماكو درج ولا رجال امي كالته هوه اصلا ماكو رجال رجله عسكري ممممم لعدد ديري بالج منه من يجي إلى ان يثبت الحمل الدكتوره تحجي واني دموعي تجري تذكرت حمودي وحملي وكلشي مر بيه وهيه دكلي لاتقطعين الامل بالله متعرفين ليش اخذه وليش عوضج انتي مقاريه سوره الكهف من الأم والأب ماعدهم غير هل ولد والله اخذه ومن سالو الجواب جان من يكبر راح يذيهم خليج قويه وتمسكي بهذا الحمل عسى ولعل يكون دوه لكل المريتي بي مسحت دموعي وتشكرنهه منه وطلعنا وامي تباركلي رجعنا للبيت واني ماعرف شعوري ولااكدر اوصفى اتمنى زيد يمي واشوفه شراح يسوي تمددت بغرفتي وايدي عل بطني وعيوني بسكف كنما احاجي ربي فاصله عن كلشي حولي ربي اني صدك حامل وصدك انت عوضتني ربي تمم حملي وقر عيني بضنايه ولاتفجعني واجعل كلشي صار وياي بميزان حسناتي ربي لاتضيعلي بعد تعب لان كلبي ميتحمل صدمه ثانيه اني مو أعترض عل حكمك بس انت بكتابك دكول لايكلف الله نفسا الاوسعها واني طاقتي خلصت ويا ماخلص عمر ابني الاخذته فعوضني بلجاي وفرحني ياربي غمضت حيل وسألت دمعتي مسحته وقويت نفسي وشكلت السماعه بلفون وتصلت واتساب عل زيد فصل وماجاوب رجعت اتصلت واني اهز برجليه ومتوتره ومتشوقه اشوف ردت فعله جاوب والضاهر احد يمه الوووو حبيبي هلا يابه كولو يمك أحد اي شويه واخابركم اوك انتضرك سديته وانتضر وانتضر ونور طب وتطلع دكلي هاا كتيله واهز راسي لا نص ساعه وهوه اتصل هلووو جمبذا هلا حبيبي شلونك اذا انتي زينه اني زين مممم اني كلش كلش زينه ان شالله دوم ياربي وين جنت قبل شويه والله دنشد كامره عل برج وانتي خابرتي حبيبي اريد اكلك شي كولي جمبذا اني حامل كولي والله اي والله رشا لاتنصبين عليه هههههه لاوالله شبيك داحجي صدك القرآن عليج اي والله يااااااا رحمتك ياربي ألف الحمد الله جمبذا شمدريج جنت يم الدكتوره وسويت تحليل وسونر وتأكدت الله ميكطع لج اموت عليج هذا خبر دكولينه بلفون وين اتحمل غير كون هسه انتي كبالي واباركلج حبيبتي الف مبروك الله يبارك بيك بلعباس هذا الخبر بوكته جنت فوك البرج والتعب هد حيلي صدك هسه راح التعب كله حبيبي ليش تعب نفسك ياتعب داكلج كل التعب راح يعني من اكول انتي راحتي اني ممبالغ بلعباس الفرحه لغمرت كلبي هسه متتوقعيهه ان شالله تكمل وتخلي بحضنك اووووويلي والله هواي عليه هذا روحي سدي خل اسجد بعد ماتحمل هههههه ودعيلي وياك وبشر عمتي صار عود اخابرج يله الله وياك سديته ونور ساحبه السماعه من أذني واني محاسه صديت عليه عزززه انتي شنو جنتي تصنتين رشا لازعلين اني فرحت ال زيد أكثر منج هسه هههه ليش لج عيني شنو هذا كلامه غير يقهر انوب راح يسجد اوووي والله جسمي كزبر نور الصار بينه مو شويه وهيج فرحه كفيله بأن تحيينه من جديد ياربي بجاه حبيبك المصطفى يتمملج عل خير واشوف زيد صدك شايله بحضنه امين يارب بقيت ممده لهناك وسمعت صوت عمتي عرفته خابره وكله خطيه هيه وين تكدر تمشي واجتي كمت عليه لكيته واصله الحولي شافتني وفتحت اديه بسرعه رتميت بحضنه وهيه تسوي صبرنه والله عوضنه يافرحتك ياوليدي بوستني وكدتهه من اديه للهول كعدته ولج رشيوه هذا الدرب شطوله صار عليه شوفي كلبي شلون يلكف عمه عيني حبيبتي ليش تعبتي نفسج واجيتي شلون ماجي ماتدرين شصار بيه من سمعت ولج حتى هذا اليخابر تليفون مادري شيسموو ذبيته وزيد يخابر واجيت امي خطيه تضحك ونطته كلاص مي شريته كله وكالت والله العضيم يارشا ان سمعت احد دره بهل موضع لزعل انتي وزيد شكتلكم غير العين هذاك حار شسوه ذبح وعزم وسوه حفله ووكع بيه لوليد هل مره اني واكفتلكم ان سويتو شي لعوف البيت وهج شدكولين ام براهيم والله ام زيد العين حق وانتي كلامج عين العقل سمعي كلام عمتج يمه ان شالله كعدت شويه وراحت بيومه ابويه حجه نفس كلام عمتي عن الحسد والعين حلفت ماكول الأحد غريب ولااسوي كلشي بعد من اجيب نمت من وكت لان زيد يمكن لازم واجب وجهازه مغلق وين وحسيت بوسات عل خدي كمزت مخروعه لان ادري بروحي وحدي بلغرفه وسمعت اسم الله حبيبتي روحي طارت زيد بصفي حبيبي شجابك شوكت اجيت ماكدرت مااجي من خابرتني ألف حجه طلعت حتى أنزل شبكت ركبته بديه وهوه فوكايه وساند نفسه بديه يبوس بيه مبروك ياروحي ان شالله هل مره الله يفرحنه ان شالله ياربي خلاني عل ايده وبديت اسولفه شلون رحت وشكالت الدكتوره وهوه يكلي كلشي ميخالف بس الله رزقنه حبيبتي نروح لبيته بيش الساعه وحده وعشره زيد شلون اجيت والنبي أخاف عليك انت راح تخبلتي بهاي نزلاتك اكولج كوه نزلت هسه شنو نروح بات هنا لااستحي عادي والله انت ابد مبايت دمشي ياعيني بداعتي عليك خل نبات شوف بفراشي وين اكدرلج اني انوب هسه حامل الله ربج اموت عليك واني بلعباس احبنكم اشو جمعتنا موهسه صرتو ثنين ماعليه بس اني اذا تجمع أحد وياي ازعل هي هي هاي شنو لايابه كلشي ولازعلج تعي تعاي رويني شويه مشتاقلج ضل يحوص وتحرمص زيد تكعد لو شلون بلعباس ماكدر غير شتعلت شعل عزه وكلام الدكتوره هستوك دكول كلشي ميخالف والله بس كلام الله وكيلج يمج اني انتهى لازيد والنونو بلعباس ماذيج ولاحتى احسسج ما والله متقشمرني لخاطري زيدددددد جمبذا بغلاتي وبحبي الج سكتني وكام قفل الباب وسوه لبراسه بس صدك بحذر بتعد وكعد حك رأسه وعقج عيونه وكال اكلج جني جنيت عل نفسي والله كول الروحك اي بلعباس وين راح اسبح لاعادي كوم اسبح كل عقلج لو اموت شيكولون عليه راح انام وباحر اروح واسبح أخذني عل ايده ونمنه للصبح كعدت قبله طلعت امي عرفته موجود بوته بلباب سلتني كتله نايم حضرت ريوك واخذنه للغرفه كعدته كال سويلي طريق بس اغسل كمت وياه غسل وسلم عل امي ابويه وابرهيم موجودين ورجع تريكنه سوه وحضرت نفسي ورجعنه للبيت ميوس خطيه فرحانه باركتلي ودنصعد لغرفته عمتي صاحت وين صاعه رشا عمه دابدل يمه لاتضلين صاعده نازله لوتنزلين جوه لاتضلين فوك صار عمه عفيه حجيه اكربيهه وربطيه اذا تدرين والله يمه بس انت اربط نفسك منه كلشي ماعليه راح اسد الكاك من جوه حتى مايصعد مي لفوك وتضل كل شويه سابح هههههههههه علكيفج حجيه اني وليدج ليش هيج لعد اكعد راحه صار ادللي انتي وياه صعدنه نضحك وزيد يكول امي راح تشعل الحرب علينه سبحنه سوه وصدك مانزلنا بيومه لليل تعشينه ورجعنه وعل هل مرت الايام زيد من يلتحق انزل جوه ومن موجود مانزل ابد الاكل ميس خطيه تصعده واني اصلا مااكل وهل مره حملي حيل مختلف متعب ودوم اتقيى صدك حسيت بنفسي حامل زيد لزم نفسه مني كلش لحد مادخلت بشهر الثالت وصادفت ولاده اسراء يابه شصار بيه بيومه عبالك اني داجيب حيل بالي يمهه امي وياه وإبراهيم وايمان وحتى ابويه كلهم وياه واني اخابر كل شويه واحد منهم همزين جاسم موجود يمهه خطيه تعذبت وبلاخير جابت ولد عمليه سمته جود خابرته بس تعيط وتصيح طلعوو جاسم ماريد اشوفه عذرته هيه بدون كلشي شلونه انوب شكوو بطنه راح تخبله روحه ماكدرت اروح زيد بدوام واني اصلا من حبلت مطالعه حتى الأهلي قليل اروح همه يجوني وانسام وإيمان كل مايجن يمرن عليه بقيت سبوع وراه ولاده اسراء آل نزل زيد ورحنه هيه بيتهه وامي داريهه ستقبلنه جاسم وزيد يداهر بي اول ناكعدنه حي الله ابو جود الله محيك ابو الزود هلا بيك وينه هذا الدايح وينه خل نشوفه هذا هوه كبالك بالله عليك شوفه يشبهني مووو امشي لك يشبهك شنو اذا صدك يشبهك لاتجيبه ماريد اشوفه خاب بلعباس ال تشوفه هاك هاك انت بس شوفو شلون مزرزر عليك طالع غير انت هم قرد وهم مزرزر زيد والعباس اذا ماشلته فلا اناسبك ولك غير فحصته صاعود نخل مضبوط انجب ساقط شوكت تثكل لك مو صرت اب والله مو صوجك خاب زلم ماكو حجزه يفوتك ماريد ادعبل انت الخسران ااااااادعبل يله اني الك هسه الكاع محضوره لازم تخاف من الحكمومه والله بلوقت الحالي داخل إنذار لعد بس عليه تهوبز والله خويه كلشي ولالحكومه من تزعل يعني ماكو بعد لامحموديه ولانخل طاح حضك لعد اسكت كعدين وهمه ميسكتون خربونه ضحك جود فدوه يخبل مابودي اعوفه ولاينشبع منه ليونين لوقت متأخر تعللنه يمههم ورجعنه للبيت صعدنه غرفتنه وبعدنه دنبدل ومنسمع بس الصياح والبجي جوه . . . . . . احبكم اختكم رفل الكناني ❤❤❤ | ||||
|
| |
|
08-11-19, 06:37 PM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 43 سمعنه جوه صياح زيد نزل يركض واني كملت تبديل ونزلت وماشوف غير سحر الوجه مكلوب والدموع تجري مفرفحه منضر يستخطي أكبر واحد الوجهه ميبين من الكدمات وتعيط وتبجي ورجله يرادد بعد شويه ويتذابحون هوه وزيد سسسسحر شبيج احجي شصاير ومنو هيج مسوي بيج زيد اكو غير هذا النذل الحيوان لان كشفت سوالفه القذره احجي بدون تجاوز سسسسحر لاتطلعيني من طوري هااااا زيد حتى تشوف بعينك وعلمود لحد يلموني أختك فالت السانه واني تعبت منها وأي شي اسوي لحد يلومني يانذل ياخسيس تجيب كح...... للبيت مالي وتريدني ااااااسكت طلكني طططططططلكني ماريدك بعد احسن واني شايف منج عززززززززززيز سسسسحر كاااااافي شجاكم انتو جهال بلعباس راح ابتلي بيكم اني محد يبتلي بيه بنتكم عدكم وجهالي عندي وكلمن يروح بدربه هنا خلص صبر زيد عليه لان يحجي معللك وممهتم كمز عليه وتلازموو انت وووووواحد متستحي انعل ابوك لابو جهالك صار ساعه محترمك اكول رجال ومره بينهم ماادخل وهسه يسكت بس تراك طوخته نزل ايدك اني احترمك بس اختك هاي اني تعبت منها وبعد ماربده طبك مرض أخذ جهالك وووووولي للتخليني ابتلي بيك تره ليهسه ممحاسبك عل مسوي بيهه زززززيد هيج صارت هيج تعاملني وانت تعرف سحر شنو ليش زيد ليش لوتولي لو راح تكبر وراح ااااااندمك والله بسيطه سحر بسيطه اذا عترفت بيج بعد اطلع انكس من القندره هده زيد وكاد جهاله وطلع وزيد رجع عل سحر وعمتي ماسكتت وهيه البيت كلبته من راحو جهاله ااأااااانتي شنووو من بشر يمته تحسين عل نفسج شوفي شصارلج من وراه لسانج بلعباس عزيز يسوه رااااااسج بس شسوي من لاجاره سويت هيجي بي شيكول عليه ووووديتله اخته مدمايه ويدري بيه عايله وماحجه حرام عليج والله الي دتسوي بنفس وبجهالج لج اكووو مره شريفه تغلط عل رجله زيد ترضه يجيب نسوان للبيت من ورامن غير من وراج انتي منيلج بيت يابيت تحجين عنه وانتي كاركه يمنه الرجال شيريد غير لكمه نضيفه وهدمه ومرته وجهاله كدام عينه وانتي وين عن ذني كلهن هسه من وكع الفاس براس جايه تبجين وتونين يبووووووو عليه يبوووو حيل بيج ولومني ومنه اسوي اكثر يامه حجيت ونصحت وتوسلت يمه بيتج يمه رجلج يمه جهالج ماسمعتي وهاي النتيجه اخذ منج حتى الجهال يمممممممه كافي اااااريد جهالي ماعليه جيبوهم زيد تصرف كااااافي اسكتي وهم الج عين تحجين يعني صلفه علينه عل رجلج ليششش كدامنه وهيج تغلطين عليه لعد بلبيت شلون ماااااااريده خلصوني منه بس جيبووووو جهالي وهوه هيج راح يصير مو يكولون اكطع عرج وسيح دم اني راح هيج راح اسوي زيد يرجف من الأعصاب صعد فوك وهيه تلعلع وميس تصم بحلكه وعمتي تدك عل رجليه عمي مموجود صعدت وراه زيد لكيته ديبدل بس نار كبره كلمه مانطقت صد عليه كال ااابويه بله وين هسه هم يطلع بليه ماعرف ماشفته ااااااخ يالله هاي العائله راح تجلطني شال فونه وخابر عل عمي شويه وسده وماعرفت شكله ولاسلته لان الوضع مشحون بس فتهمت ماكو شي يمكن بايت يم صديقه علمود بضاعه ماعرف شنو زيد مدد ونتر طفي الضوه طفيته واجيت نمت بدون صوت حتى بعيد عنه ومنضر سحر بالي ومديروح ليش هيج سوت شستفادت وصلت نفسه لهل مرحه وهجولت جهاله وعاركت رجله وأهله سحر ددمر حياته بديه بسلوبه وبتصرفاته افكر أفكر وغفيت ومادري للصبح كعدت غسلت ونزلت ميس بلمطبخ صبحت عليه وهيه فتحت الموضوع ونبي مقهوره عل جهال واليل كله مانمت ادري شصار تره اني كلشي مفتهمت يمعوده لازمته يخابر وسوت هل هوسه وكتله لعد شنو دكول يجيب نسوان ماعرف شنو جذابه صدكني لعد ليش تخبل عليهه هيه اخر شي اعترفت من أخذ جهاله دكول اني ماردت هيج عبالي زيد يضبه وتهمته هيج مادري هيج راح يطلع منه ميس لاتزعلين تره سحر موصاحيه يعني اخوه ورجله ال شويه يتذابحون وبلتالي طلعت تلفق عليه لج رشا راح تخبلني ماعرف شتفكر او بلااحراء تتصرف بدون تفكير الله يهديه ويصلحهم خطيه الجهال متستاهل هيج تضيع بينهم هيه وينها والله اني ماحجيت ولادخلت لان اعرف لسانه كلت خاف تسمعيني كلمه ونتلاطش احسن عوفيهه اذا اني اخته مخلصانه من لسانه انتي تتخلصين شنسوي ميس نتحمله قابل نصير احنه والدنيه عليهه يابه عقله هيج احنه شبدينه اي والله خليه عل الله وهيه تصفه عفته وبلشت بلريوك تريكنه وكملنا ونضفنه واني وياه ميس عل خفيف سحر كعدت تنوح وتبجي عل جهاله وعمتي كل عاده تخرط عليه وتعيل بيهه مر اليوم كله والبيت مشحون وزيد بس واحد يبقى ينفجر مانزل جوه أعتقد يعرف بس ينزل بتعارك هوه وسحر عمي اجه وهل أيام جنه جر عدل كعد وفتهم سالفت سحر من عمتي ومارضه عل كل سوالفه وعمتي من قهره رجعت عليه وكامت تسويله وانت وين جنت اخاف هم ددجيبنه مصيبه حلفله جان يشتري غراض لمحله وصدكناه لان فعلا هوه مستعدل وصاير يمشي مثل الساعه من الصبح للضهر بلمحل ويجي يتغده وينام للعصر يرجع للمحل ميجي لليل يلف رأسه وينام بس همه ملدوغين منه هواي فيلضون خايفين رغم حتى سلوبه وطريقة تعامله وياه الكل ختلفت واشوفه هادئ صاير وأدعي دوم يضل هيج يومين صارن عل سحر سنتين بدون جهاله وزيد متجاهله يطلع ويطب وهيه دكول العمتي حاجي خل يحله وعمتي ترده اني وياه زيد ماتقارش واليوم اني كاعده بغرفتي داصفط بلكنتور ودخلت عليه سحر تفاجاه بس مابينتلها سديت الكنتور وبتسمتله وكتله هلووو تفضلي رشا اريد احجي وياج اي تعاي اكعدي واحجي براحتج كعدت عل جربايه واني كبلهه بجت وكالت رشا اريد جهالي كلبي راح يطك عليهم واني شبيدي عليك سحر عفيه حاجيلي زيد والقران راح اموت بس انتي شفتي حتى من عمتي ميسع بس منج يسمع رشا اني اعترف غلطانه بس متوقعت توصل الجهالي سحر عيني لعد شتدرين منو يوكع بيهه غير الجهال بالله عليج صدك هوه جايب نسوان لبيتج دنكت وكالت لا لعد شلون هيج تهمي اكو وحده تشوه سمعت رجله كدام اهلهه النسوان تطمطم سوالف ارجولته وانتي تشهرين بي ولو عاد صدك تلفقين عليه لان زهكت منه وطكت حتى روحي رشا اني تعبت اني شايفه وشمحصله منه من ايدج ياعيني كابلي شوفي شيريد اكعدو تفاهموو اخطي خطوه جديده لخاطر جهالج ضحي الاجلهم شسوي غيري نفسج غيري سلوبج غيري تصرفاتج دوسي عل نفسج ولزميهه ولزمي السانج المره متنهان صح بس الرجال ميتجاوز عليه كلمن وله مكانته والحل الحل تتمسكين برجلج وبجهالج وتسدين كل ثقره بحياتج شلون سحر اني خوما اعلمج انتي أكبر مني بس شويه قدمي تنازلات تره الحياه أخذ وعطه لارشا لا أكبر منج اني بلعمر بس بس بلعقل انتي أكبر والدليل يامه دست بمصارينج ومسوستي ربع السويته بيج عوفج مني وخليته بسالفتج تردين الصدك اني عرفتك بعد لاتبرين اي تصرف تصرفتي وياي ارجعي لبيتج ولرجلج ولجهالج ونتبهي لنفسج وقبل كلشي الزمي لسانج وازني تصرفاتج وتبعي قانو بحياتج هوه الي مترضي عل نفسج لاترضي عل غيرج بختصار كل كلمه تطلع منج وجهيه لنفسج وشوقي تقبلين بيهه كل تصرف وموقف خلي نفسج بي شوفي ترضين يصير وياج موغط الإنسان يعترف عل أخطائه بلعكس يجوز يتعلم منهم كل كلامج اخذته طابوو هسه بس اريد ارجع واريد جهالي وعزيز سكتت سحر خليهه هاي فترة نقهاهه بتعدي عن كلشي واكعدي وياه نفسج شوفيهه شتريد اسليه سوت هيج بعزيز تكرهه وحتى تبتعد منه لو تحبه ومتعرف شلون تقربله ومع هذا ادللي بس يجي زيد احجي وياه بموضوعج واوعديني تتغيرين للأحسن نزلت دمعته مسحته وشي بداخلي نفض بتسمت النونو دفرني لأول مره سحر ممم دخلتج عليه خير النونو تحرك الله يحفضه ويكومج بسلامه عل كلامج موبس النونو تحرك حتى عمته وعت عل نفسه اتمنى والله وياريت اشوف هذا الشي بفعل موبس كلام يومين وينسي كامت مسحت وجهه ودموعهه ووعدتني راح تتغير طلعت ودعيتله تنفذ الكالته لان شريد منها اني لمصلحته مددت عل جربايه واديه عل بطني أحاجي الروح لبداخلي الي من نبضت روحي نبضت ماماتي اليوم حنيتو عليه وتحركتوو ماعرف ولد لو بنيه بس وجودكم بداخلي راضيه بيه ومقنتعه وماريد بس شافتكم هههه اليوم بابا راح يفرح لتفشلوني من يخلي اديه تحركوا فرحوا مثل مفرحتوني نفتحت الباب ودخل زيد شافني مبتسمه كال يابه اليوم الابتسامه تارسه الغرفه تعال يمي موتدللين اذا اني مااجي لعد منوو يجي بس تعاي عل ايدي تمام نطيني جرعه قبل كلشي ههههه انت متشبع منج اي مستحيل وهسه هسه تعاي صار فوكايه بس صدره ميكدر كله لان يخاف عل بطني باس ركبتي أول شي موبوسه نتقام ونيت وغمضت عيوني وراد يغمى عليه وهوه اديه تمسد عل جسمي وصل البطني وندفر بتعد مبتسم هاي شنووو هههههه هذا سبب بتساممتي من دخلت لح اموت عليكم اووويلي تعاي تعاي خل احس بي مره ثانيه مسد عل بطني بوسهه خله اذانه يتصنت ماكو رشا من شوكت يتحرك قبل شويه وهسه يارحمتك ياربي متدرين شكد فرحت ان شالله دون ياربي هسه وخر خل احجي وياك بموضوع احجي شلون احجي هيج احجي وماعليج كل كلمه بوسه يجي ويبوس بيه زيد لاجديات صدك موضوع مهم جديات لو بيبات عل كولت جاسم هم جاسم وووخر لعد دحجي عاد الموضوع يخص سحر بتعد نهائي كعد لخيله و اني هم كعدت طلع جكاره ورثه واخذ نفس هوه وعاكد حواجبه ومفتح تك عين من الدخان زفر الدخان عل صفحه وصد عليه كال شبيهه زيد اشو ساكت وخليت عزيز ياخذ جهاله تره خطيه تستاهل لازيد مو لهل درجه انت اخيهه وماعدهه غيرك لاتكسر كلبه رشا عوفيه خل تتادب سولفلي سوالف عليهه عزيز حتى خجلت والله وين شفت عزيز موتعركتور ذاك اليوم عوفي هذا الموضع تضم عل حبك عل حمبذتك حبيبتك مو انتن النسوان متضمن سالفه هاي اني كلجن خوش لعد براحتك لاتحجي طلعت اني لاشي عندك يولي موهيج بس اني اريد اضب سحر تعبت منها زين احجيلي ويضل الحجي بينه وعيونك ميطلع شوفي هوه عزيز موخير وعنده سوالف طايح حضه بس نص سوالفه سببه اختي صحيح هيه اختي بس الحق ينكال وكحه ورايدله ضبه اني عزيز كسفت احوله وطيحت حضه بكم كلمه نطيتها بلعضم ووعدني يتغير بس مينصلح زين اذا موسحر جرت عدل وهسه سويت عليها خطه شنيه هسه تعرفين زيد دحجي عاد اصبري نزل واني وراه دخل غرفة عمتي وكف بلباب كال يمه هااا يمه هذا العار يريد يطلك عزه بعينج حليمه بس لا عزيز ليش اكوو غيره يبووووو سود الله وجهج سحر يمه عوفي هذا الحجي اسمعيني هوه نطاهه الحاضر والغايب بس الجهال يريدهم يكول اني راح أتزوج وأجيب إلي داريهم كمزت سحر مفجوعه وكفت كباله لازيد عليك القرآن اموت غير اني مالي حجي وياج علي سولفياه الرجال خلاني بنص همومي ماريد احجي بلقلم تعرفين شمسويه بي وشلون تعاملي حتى بعلاقتكم الخاصه لان والله سولفلي سوالف لو انتي عندي ال الزمج الباب بس هوه زوج ومتحملج زيد ليش هيج تعاملني اني اختك اشو دافع العزيز لان الرجال عل حق هسه الفات مات هوه راح يطلكج ويأخذ الجهال وبعد كلمن يشوف دربه حجاهه وطلع لو سحر كامت تنكز من نار كلبه لبست عباته وطلعت وعمتي أصيح وراه وين موليه ولج رشيوه خابري زيد هاي عرمه راحت تعارك الرجال وتفضحنه اشو خابرته ضحك وكال عوفيهه ماكو شي ان شالله كعدنه ننتضر لاسا عه ولاساعتين عل نار ومنعرف شصار وسحر وين المغرب اجه زيد اشو عنده عادي وعمتي تلوب وتلكته وينه وسويت كله حجيه عوفيهه عفته بيته تسوي عشه لازيد بروح محمد احجي الصدك اي والله شبيج اي غير تحجي يمه صالحتم وعيتهم نكرصو شويه هوه نشلع كلبه باجهال وهيه ستوت عل بطيه عل فراكهم وهسه كلمن عرف حاجة الثاني وصالحتهم وجيت يمه ريت من عمري يندار عل عمرك ويطول بي يا صاحب بيتي وشمعته ويطول عمرج حجيه شعندي غيركم كاعده بصفه وعمتي تدعيله همست بذنه ممممم صاير خلال المشاكل لعد شعبالج يابه بس لادكولين عل خطه حتى متتعلم وتعتمد عليه سحر وتعيد السوته و هسه كومي وياي تره شعلتي صفحتي صار شكد عايفح اليوم تحرك الطفل حني عليه عاد ماكوووو بح اموتج كومي عاد تره زوتيه يولي شتعلت ششعل اكول العمتي والله تهددني يولي تره امدج هنا كدام عمتج هههههه عزه تسويهه والله دكومي لعد راح اصعد تعاي ورايه كام واني أضحك عليه كمت وراه يم الدرج لزمتني عمتي وووووين لغرفتي غير اكعدي واسكتي استري عليه نطاج باص وصعد مووو ههههههههههههه عمه انتي شنوو برج مراقبه لا والله مو برج بس اعرف دكايكم هاي الطكعه وراه فاينه فا اكعدي اووويلي غير خجلت وزيد مد رأسه من فوك صاح رررشا صعدت بسرعه وهيه تصيح ززززيود اكعد راحه لاصعدلك وعلي ان صار شي فلا لفيك بلبيت يمصخم تجمع بدوام وتجي شايط ولك بس خل تجيب وراه العب شلم بللم والقران من الضحك بطني مغصتني وزيد معافني اخذ حقه وزايد بطلعان الروح بعدته صار فتره عايفني خطيه صدك عوض بلمضبوط بتعدنا وبعدنه متشابكين شلون النونو خوما اذيته لابس صار بيه كساح ولماذا انت شنو حامل ومخلصانه اني واوعدج بس تجيبين قبل الاربيعين اطكج بتوم لاوالله انت شهامك اني المتعذبه بلنساوه والحباله وشلعان الكلب حبيبتي لعد طلقاتي وين اوديهن خطيه ههههههههه منحرف تعلمت من جاسم سولفي كلشي عل سحر وكال سويت هيج حتى تحافض عل بيته وعل رجله بست عقله إلي يوم بعد يوم اكتشف بي شي جديد هوه الابن الحنون الابو وال امه والاخ والسند الخواته والزوج إلي مالكه لابحنيته ولابطيبت كلبه ومرت الايام وحملي يكبر بس تعبت بشكل ورمت وكمت آجر النفس كوه شكل عندي خفقان حتى صعدت الدرج صعبت عليه وكل هذا بجفه وزيد من نقل دوامه بجفه نكلبت حياتي 180 درجه كام يروح اصبح ب6 ويرجع ب 8 صدك تعب بس بنهايه اليوم اتوسد حضنه وأصبح أصبح بوجهه دخلت شهري والكل دخل إنذار وياي جهاز نهائي ماجهزت وعمتي حالفه تلف الطفل بدشداشه زيد وهذا نذر واني ماعرف شنو بيه مثل المره المضت محلفني ماشوفه يوميه كام يطلعني بليل يمشيني هاي تعليمات الدكتوره ويوميه جافتين أحد يوم انسام يوم اسراء يوم ايمان يوم عل اهلي يوم عل نهله وكله تصيح جيبي عاد تره كلنه حبلنه وياج وعل هذا الحال ال ان 20يوم بشهري بليل نايمه وصارت عندي طلوكه ولوليه فوك لوليه زيد بصفي نايم كمت ادق بي واصيح زززززززيد بطني. . . . احبكم اختكم رفل الكناني❤❤❤ | ||||
|
| |
|
08-11-19, 06:40 PM
| #46 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 44 والأخير زيد نايم بصفي كمت ادق بي واصيح ززززيد بطني كوم بسرعه فز حبيبتي شبيج مادري يمكن طلوكه فدوه لحكلي كعد لحيله لازم ايدي كال رشا كليلي شسوي واني اسوي انزل اصيح امي لو انزلج لو شلون مادري مادري بس كوم صار بس عل كيفج ستغفرالله هسه ليش البجي ياعيني طلع يصيح عمتي واني اتلوه وابجي عرفته ولاده مابيه مجال لان اني مجربته نعاد عليه نفس الموقف وكمت مدري ابجي الالم الطلوكه مدري أتذكر حمودي ثواني وصعد زيد وياه ميس وعمتي عل درج تصيح نزله داشوفه ميس خطيه تمسح بدموعي وزيد يفتح بلكنتور ويسد نشدهه ويكول الميس بدليله جابت جبتي لبستنياه وخلت الشال وزيد بدل سندوني ونزلوني عمي واكف عل درج يردد بسلامه بسلامه وعمتي كباله تصيح يالله ان شالله من اول صوت زززيد اريد امي اني امج واني كلشي بس خل اوصلج السياره واخابره لاهسه هسه واريد ايمان هسه اخابر عمتي لو ايمان ممممممادري بطني سحب فونه خابر براهيم لان الوكت متأخر مومال يدك عل امي ويهبطه الووووو هلا ابو جنات خويه اكلك رشا عدهه ولاده راح امر اخذ عمتي عفيه كله وستعجلي تره صايره فدنوب طبكه ويريد يصعدني السياره ماكدر صارت جوايه بحيره مال مي من شافه تخبل يمه شنو هاي اصعد مالك شغله بس وصله المستشفى هاي طك مي الرأس يمه خوما موزين تره راح اتخبل زززيد شجاك ماعرفتك هيج وانت الذيب شبيك صفريت كل مره هيج يصير بيه قوي كلبك وصعده دنخذه سياره زيد عاليه واني رجلي متكرمه من الألم ومثانيتي تريد تفجر عجزو شلون يساعدوني وبحركه وحده وبدون مادري شالني زيد حتى عمتي صاحت ولك يمعزه شلون هيج تشيله غير دكول يمه اصعدي الله عليج بسرعه شخط السياره وعمي يحاجي ممنتبهله يكله اجي وياك وزيد عينه ليوره وليكدام ديرجع بسياره سوه الفرع مالتنه طفره وحده وعبر حتى بيت اهلي زززيد ااااامي رشا بروح محمد اسكتي وعوفي عمتي حبيبتي انتي بس خل اوصلج للمستشفى وأرجع اجيبه صوت عمتي قشعر جسمي وهيه تصيح اللهم صلي عل محمد وال محمد ياربي سهل لازمه ايدي وتردد الفجر ديطلع والقران ديقره دخلنا المستشفى وايدي بيد زيد وعمتي تلكوني الممرضات اخذوني من اول فحص كالت الدكتوره فورا عمليه بروده الخوف سرت بجسمي كام ينفض منطوني مجال احجي ولا اشوف احد لاامي ولاحتى عمتي الدخلتني عفيه اريد بس أحاجي اهلي حبيبتي البسي الصدريه بسرعه حالتج متتحمل اشو انطيني اخذت الصدريه من أيدي لبستني واخذت ملابسي شمرتهم عل كرسي واخذتني للسديه دخلت الدكتوره سحبت مني دم وشكلوو كانونه وصدت عل ممرضه كالته رجله دزيته يفتح دخول ويجيب دم هاي المره البلباب نطيه هذا الدم خل يجيبون التحاليل وانتضري رجله يجيب الطبله وخلي يوقع احنه راح نشتغله لان حالته متتحمل هذا التأخير بس دكتوره تره هيه ولاده قبل وطبيعي اعرف بس عدهه خفقان واصلا طاك مي الرأس مومال طلوكه هسه الجاهل مختنك يله ستعجلوو يحجون فوك راسي واني بس الدموع وايدي مثلجه لازمته خلت القارصه ودنت راسي بيده وجابت البخاخ خلته ثواني ورحت بغير عالم وووين وكعدت اصيح زززززززيد جبت وين الطفل شنو جبت اني يمه رشاوي حبيبتي الحمدالله عل سلامه يمه شنو جبت عفيه وين الطفل بنيه يمه بنيه بلخير عليج بطني يمه بطني مشت بيه السديه وطلعت عل هوسه واني اصيح عل كيفكم عفيه بططططني رحمه لهلج عل كيفج وياه لا تذوهه اوووويلي هذا صوت زيد ودفو اديه لامس ايدي عمه وين شاله ليش هيج شعره طالع والله مادري يمه اني وصلت انتو مدخليهه ملابسه عد امك حوطني بلبطانيه واني اصيح شششششدسوي وووخر بطني اسم الله عليج يلغاليه الحمد الله عل سلامه كال اخر كلمه ونرفعت من سديه السديه عطت صوت يمكن الطابق الفوكايه سمع رحمه الله والديكم بس عل كيفكم جمبذا هاهيه حبيبتي بس حولناج ليششش هيج خليتهم ياذوني زززززيد ماريد اشوفك ههههه اني حبيبج جمبذا هيج تحاجيني اااااااخ يابه ااااااخ سلامتج من الاخ هسه يجيبون البنوته ويروح كل الالم صلاوات صلااوات كرت عينك يمه مبراوك ماجالك وعينج يمه هاي هم بنيتج الله يبارك بيج نحطت عل ايدي شميت ريحته روحي رخت وعمتي تبوس بيه وتتحمدلي بسلامه أغمض وافتح وسره بوريدي مي بارد دقايق وخف الالم صار اهون وفتحت كلش حسيت عل نفسي وتماسكته وقويته حتى أركز بلفرحه العندي الوجوه كله تضحك وزيد طاير وحاير بسمهه عمتي كالت صبا وامي رادت رزان وزيد نطق ميار ويباوع عليه يعني شنو رايج عجبني وهزيت راسي بتسم وكال هاهيه لعد حي الله ام ميار بتسمتله سحب راسي عل صده باسه يعافيتي انتي هسه كملت فرحتي من شفتج زينه هوه بصفي وميار بحضني والمفاحاه الأكبر عمتي وفت نذره وميار ملفوفه بدشداشه زيد ياالاهلي منضر يقشعر البدن وكفيل بن يخلي الفرحه غامرتني وتارسه روحي ونضرتي اله كله أمل نزرع بداخلي من لحضته لحياه حلوه مخلوقه نسخه مصغره من زيد حبيبي وسندي بهاي الحياه بدقيقه الوحده شكرت الله الف مره من عوضني ونطاني وماخلاني دموع امي تشرح كل المريت بي وتبشر بقدوم الفرح مكابلته وعيني مدتشبع من ملامحه الزغيره كوه اخذوه رضعوهه الممه ونوموهه واني هم غفيت من مفعول المسكن يوم كامل واني بلسمتشفى انسانه مولوده وياه ولادت بنتي عبالك الله مسح عل نفسيتي ونساني كل المريت بي خواتي اجني ولقانه بس دموع جان ودمع عن دمع يختلف هل مره دموع الفرح زيد فونه لحضه وحده ماسكت كله تباركله لان مراح للدوام وعرفو من جاسم اجته مولوده لثاني يوم دنطلع وصار جدال امي دكول وعمتي دكول يمنه وإيمان دكلهم وين مجان بس خل نطلع لتفت ال زيد كتله زيد اني اريد يم اهلي لا شنو لا اني هيج اريد واني كلت لا ليش هيج تسوي وتقهرني جمبذا امشي لبيته وكدام عيني والله العضيم ماكدر بلياج ماعليه اريد يم اهلي يعني مصره اي خلص براحتج حسيته ضاج بس ديتغاضه والصراحه اني ردت يم اهلي حتى اغير كلشي سويته بولادتي ذيج وهم ماردت أحد بدري بيت اهلي اكعد واسكت واوصيهم ميجبون طاري الأحد وفعلا وداني الأهلي حتى مانزل ولا خله عمتي تزل ميار عند امي ونور طلعت خطيه ساعدتني انزل هيه وايمان بس دخلت الطرمه عافني وطلع خلي هسه هوه متكدر من يفك أحاجي نمت بفراشي وبلغتهم ماريد أحد يعرف ولا يجيني بيومهه خلصته النهار كله نايمه اكعد ارضع ميار شويه وامي تأخذه تحير بيهه لليل كلش وزيد ماكو بعد ملتحملت خابرته جاوبني بصوت مبحوح عرفته نايم الوووو حبيبي هلووو شلونج تمام وانت الحمدالله وينك اليوم موجود اشو مجيتنه لاخابرت تعبان ونايم وهسه هسه شنو زيد شبيك اشو تقطر بلكلام نعسان خوش لعد روح نام وشبيج تنترين مابيه لعد احجي عدل سكتت وينج وياك شبيج لعد شبيه انت المادري شبيك يعني متدرين مووو علمود وجودي بيت اهلي يعني تدرين حبيبي والله العضيم المصلحتنه وقابل شكد حبقى هيه كم يوم وتبتعدين كم يوم عندج عادي تعال ونحجي مااجي بداعت ميار كتلج مااجي زين ولخاطري سكت هههههه فديت الي ميكدر يردلي طلب تعرفين نقطه ضعفي ودتشتغلين عليه منتضرتك يله جايج طبكته مبتسمه صارت شاشه الفون بوجهي باوعت الروحي وجهي تعبان صحت نور اجتي كومتني رحت غسلت ومشطت شعري شويه رد بيه الدم رجعت لفراشي ميار تنوص وجنات مكابلته متخبله عليهه ومكيفه بوجوده شويه واجه زيد دخل للغرفه اول شي راح عل سرير منار باسهه واجه باس راسي وكعد شلونج بشوفتك صرت زينه اي اني هم ادري ز زززيد والنبي صدك هسه ال رتحت من شفتك واني هسه شحجيت ادري بيك دتبسمر تره والله هسه اشيل ميار واجي وياك لاعادي بعد ابقوو هسه راح تبقى هيج قافل عليه رفع تك حاجب وهز رأسه يمنه يسره بتسمتله وبسته بلهوه كام كعد كبالي باسني خطف من شفتي وباوع بعيني كال يولي غير احبج وماكدر عل فراكج وانوب صرتو ثنين اني قبل اعشقج وهسه كمت اعشقكم ثنينكم بلجمت وكتله تره اغاار ماريدك تعشق أحد غيري واني اتجراء جمبذتي مممم بلعباس احبنج واني اموت عليك ابو ميار الغالي هههههههه حلوه من حلكج اروحلج فدوه انتي وميار جيبهه خل نشوفها سوه عوفيهه شسوي بيهه اني عندي انتي اهم شي نومني وصار بصفي وصدره فوكايه بوسني واني عيني عل باب اخاف تنفتح بعدته مابتعد انوب زاد نزل عل ركبتي وصدري وميار بجت ال بتعد جابه بحضنه يبوس بيهه بس منضره وهوه شايله يأخذني لآخر الدنيه من الفرح جلبت بي ال تبات ومن شافني بوزت قتنع بس تورط ميار علكته علينا بليل ومخلته ينام ومتقيد بيت اهلي يستحي كلش امي سمعت صوته واجتي كالته فرشتلك بلهول هاي متخليك تنام طلع واني وامي للفجر ال نامت ميار وامي هم عل نومته نامت سندت نفسي وكمت اشوف زيد لكيته نايم دنكت لمستوه لازمه بطني ومتوجيه عل كاع شميت عطره وستنشقته بس نفسه ووجوده قربي أكبر راحه بلنسبه الي حس عليه رورفع رأسه مفتح تك عين تمطى وفتحلي اديه ورغم كل الالم البيه اجيت بحضنه ساعدني ونيمي عل ايده والايد الثانيه تتلمس بطني وجهه بين اذاني وركبتي وشاربه ينغز أطراف وجهي همس صباح الخير والجمبذ صباح النور مانمتي اكيد اي مانمت هاي الفصعونه راح تشيبج ميخالف بس صوته بدنيه هذا كلش كافي مثل وجودج هسه بقربي هم كلش كافي عليه احبك كوليها بعد وبعد ااااحبك تره هذا تحرش من نوع آخر هههههه شلون ددكولين احبك همس ونايمه بحضني وممنوع منج شلون بيه اتحمل لعيونج كلشي اتحمل البيني وبينج مورغبه جسديه البيني وبينج عقده ومقوده الى ابد الابدين الله شنو هذا الكلام من الصبح لعد شعندي غيرج اني وفوك كل هذا جمبذا وخلفتلي جمبذا زغيره عقجت وجهي وبتعدت كتله زيد من هسه اكلك اذا سمعتك تصيح ميار جمبذا ازعل والنبي بلعباس ماعندي جمبذا غيرج اي عبالي هيه وينه اشو ماكو صوته نامت فدوه لكلبه تدري بابوهه مشتاق الأمه هسه تكعدلك تعاي رويني قبل متكعد هههههه من الصبح اني وياج ماعندي وقت يحجي ويمشي وجهه عل وجهي اخذ شفايفي وايدي تمسد عل شعره فصلنا وبتعد كلبه يدك سريع واني مغمضه حتى نعست حبيبتي نمتي مجاوبت نامي تسوين فضل لان اذا بقيتي كاعده راح اقتحمج واضرب النفاس والدنيه كله بتسمت وعيوني قفلن وفعلا نمت لحد ماسمعت صوت نور تكعد بيه وصوت سوالف بره رشا كومي اجه جاسم واسراء فزيت لان ملابسه شال وكمت للغرفه كعدت عل سرير وتذكرت زيد سألته كالت ماعرف يمكن رايح لان كعدنه هوه ماكو خابرته لكيته بلبيت وكلي هسه جاي ميار نايمه هاي تنام بلنهار وتسهر بليل دخلت اسراء وجود حتى عليه ماسلمت كبل عل ميار وابنه يغار ويجر بيهه بعد ماسلمنه عل بعض وكعدنه كملنها انسام وإيمان وصارت هوسه حتى ميار خليته بحضني اخاف عليها من الجهال ومن اجه زيد اخذته وكعدنه بلهول البنات لتهو بلغداء زيد ذبح بس هل مره بسكته الذبيحه صارت لعيالي وأهلي والغدا منه التموو الكل حتى أحمد ومحمد وكعدنه سفره وحده بس اني عل تخم واحلى شي العدايل بسره كعدو وكل واحد شخصيته تختلف عن الثاني جاسم الحشاش وزيد الثكيل بيهم أحمد الجبير ومحمد هادى الابعد حد ابويه يباوعليهم مرتاح وإبراهيم كل شويه وكل اني صرت عل صفحه الله ربك ونسابتك داير مدايرك وهمه يردو انت الأصل كملو الاكل والسفره نشالت وجود مينجرع نسخه من جاسم وبي هواي من خبال اسراء مكابل ميار وأني اكله حلوه يضحك ويهز رأسه زيد كال جاسم وخر ابنك من بنتي تره مسوي مرابطه يمهه متخلي شتريد منه باوع بويه باوع واذا تريد اسحله من كماطه للغرفه واني اسدلك لباب غير انعل والديك انت وياه ادري انت كطاع أرزاق متخلي موزين يباوع بوجه بنتك تره ابني كيكي وكل البنات تركض وراه ييوووو كام يحمى عاد يول زيود اليوم شفت عدايلك الباقين راح تكوم تفيك عليه دستقر عاد انوب حتى مناسب ميقبل يناسبني لك شناسبك غير ملطلط وابنك ميه بلميه طالع عليك بسيطه الكاعدين شاهدين اذا مجيت تتوسل حتى أخذه هههههههه لك شكد غبي هوه منو يخطب من منو غير انت التجي شنو صارت بلعكس ههههههههههه غلبتني واني النجر بس ماعليه عتب اليوم للصبح اني بلمحموديه ونعاس مثر عليه ليا صاقط بلعباس راح اكوملك كفخه زيد بلمخده وكله تضحك عليهم ميعرفون شنو قصده من سالفت لمحموديه والله فضحونه اني واسراء رجولتنه همزين ايمان وانسام رجولتنهن ماعدهم هيج سوالف عل هاي اللمه للعصر وكله راحت بعد مانطوو الواجب ال ميار وجاسم يصيح عمي والله العضيم متراجع من كلمتي هاي من هسه طاكه من اليوم اني عمهه بس نطوني لبكماطهه كله دكول ال زيد ديريالك تناسبه هذا من هسه سته وخمسين قفاص مضبوط زيد وراهم بشويه راح واجني عمتي وسحر بس مو سحر مكلوبه كلاب الكشخه فول والحواجب داكتهن صار فتره اني مشتايفته لان جياته علينه قلت شالت ميار وطكطك وياه صور حسيته وحده ثانيه وتمنيت تبقى هيج دوم الضاهر الدرس الاخذته جاب نتيجه أكثر شي قهرني عمتي مبتعده عن ميار مو مثل لهفته بحمودي الله يرحمه وامي دكلي خطيه هاي مره جبيره توهس وتفكر للبعيد دكول خاف اتعلق بيهه وانلجم لاسامح الله واني هم هيج توضحلي من خلال تصرفاتهه ميوس طايره بيهه وكل شويه وكالت شوكت تجين وشوكت صوته يملي علينه البيت بقيت عشر أيام بيت اهلي زيد اليوم كله بدوام بس بليل يجي يشوفنه كم ساعه يوم الدعش رجعت لعيالي بس ماصعدت غرفتي بقيت بغرفت عمتي بيومه عمي بليل اجه من المحل ودخل للغرفه سلم وباس راسي وباركلي واخذ ميار بحضنه وبجاني وهوه يبوس بيهه ويريد الحمدالله والشكر ماشفت اخيج الله يرحمه جان ماتحملت شيلتج الحمدالله الله رزقنا والله عوض وليدي وماكسر كلبه اباوع عليه الحمد الله من نصلح والله هدا ميار هارجه البيت بصوته بجيهه عباره عن صريخ والكل مكيف بيهه حتى عمتي بديت اوخر الحاجز الخالته لو اجيبه تفركله لو اخليهه يمه وبليل من تشوفني كاعده عليه تكعد وياي مرات اتعمد اغفي حتى تبقى بحضنه ومتنفر منه إلى أن نجت وصارت هيه وروحه زيد بهاي الفتره يتوسل بيه نصعد للغرفه واني أرفض ادري بي ميعوفني واني نفسه وتالي يمل ويصعد ينام خمس أيام صار من جيت من اهلي يعني صار 15يوم جايبه لهنا ومتحملت قررت اصعد انام فوك واسويله مفاجأه من العصر حضرت الغرفه عطرته ورتبته عل آخر وره العشه هوه مدد وميار بحض عمتي واني رحت اغسل مواعين صاحت عمتي تعاي رضعيه غسلت ايدي ورحت اخذته وهوه يباوعلي وينصي ويبتسملي براحه شويه وكال راح اطلع شال سويجه وطلع كلت بعد احسن حتى تكمل المفاجاه شبعت ميار وخليته بسريره وصيت عمتي وصعدت سبحت وبدلت وتمكيجت حتى شسوار شسورت وفوك الساعتين اني انتضره وهوه ماكو عاد عمتي صاحت ررررشا بنتج تبجي لبست ثوبي فوك السيت ونزلت شافتني فتحت حلكه يمعزايه هاي شمسويه هههههه شمسويه عمه انه امك يزيد ولج انتي مونفسه اليوم شراح يخلصج منه اني احجي عليه من اشوفه يحوص يمج طلعتي انتي هم مفلفله عمه شسوي لعد خطيه صار كومه عايفته وعايفه غرفتي ولج يمصخمه النسوان تبقى للاربعين عمه هاي قبل هسه الوكت اختلف يمكن لو ابقى للاربعين الكاه متزوج اجاني صوته من وراه اني ومدنكه وارضع ميار كال منوو هذا الغشيم اليتزوج يولي العنده هيج جمبذا هم يفكر يتزوج هلا هلا كملت السبحه زيود كوم اصعد فوك وهاي راح اربطه يمي دشوف شلون اليوم تبات فوك عل بختج حجيه وليدج اني يمه تره كطع الأعناق ولاقطع الأرزاق امشي امشي هذا حجي يفيدك ولك نفسه شتريد تحصل منه وعيونج كلشي احصل غير انتي الحجي دكه قديمه ومشايفه منه شي عزه بعينك ولك انت صاير فدنوب لسانك امشي امشي من كدامي هههههه ولايهمج راح اكعد وياه وأدخله دوره تعلم ترجعج شباب يبوووووو الله ينعل بليسك من يمتى تحجي هل شكل لعد كوميه لااحجي بلقلم العريض كومي كومي روحي وياه وخلي لبنيه يمي لاتعاين سوالفكم تتشيطن مدلي ايده واني خربانه ضحك عليهم كادني ويم الباب لتفت العمتي كله حجيه تره ميار تأخذ ممه مو شويه وتقصفينه برزاله بححت بجت تره اليوم عريس وماانزل للصبح دروح روح موصجك صوج جنتي المحمره ومكحله اني اعرفه شتريد ولك تريد تحبل عل أربعين واني حاضر تدلل امشي جمبذا صعدنه واني اكله زيد عيب والنبي خجلت انوب عفت حته ميار هسه شدكول عليه وووخر خل انزل اجيبه ماسمعلي أخذني بين اديه وطلع شوك ولهفه كل هاي الفتره انوب مجلب بيه ومديخليني انزل اشوف ميار من كل عقله يزعل اذا عفته عشتنه ليله مليانه حب وغزل دللني ودللته كلمه جمبذا مانزلت من حلكه وياه كل لمسه وبوسه اسمعه وذوب اكثر للصبح واني بين اديه من اكثر اليالي المرت بحياتي واني مرتاحه بوجود زوجي وابني وكل عائلتي حولي وهمه بخير وهذا أبسط الأشياء الي يتمنى الإنسان صدق رب العباد حين ماقال (وان تعدو نعمت الله لاتحصوه ) والعائلة من اجمل النعم موشرط الحياه تكون فلوس وسفر ومتعه اكو ناس تتواجد عدهم كل هاي الأشياء بس تفقد الحب وال امان والطمنينه.................بعد مرور 3سنوات بابا اريد بوبو (بوبجي ) لاحبيبتي عوفي الفون موزين عليج زيد هذا كله دلالك بكد الشبر هيه والتاب شنو شوف عيونه شلون نعوصن عوفيه هاي الكبد مالي المدلله مال ابوه ميور تعاي هذا جويسم ياااااااي بابا اتو علب بتياره (اكو عرب بطياره ) لابعد عمج وياج عمج جويسم من أفريقيا هههههههه لك هاااا كلب شدعيله لبو الذوق العلمك عل هاي الكلمه وعلم بنتك ميوور يله كليله لت هااااااااا تلب لج هاي عليمن عليه جايج جايج وجايب صكارج جود اليوم . هاي ميار وهذا لسانه وكله تعلوم زيد اذا كالت اهى البيت ينكلب ويتكهرب ويدخل إنذار متنام ال عل ايده وتلعب بصده ال تنام كلمت خبال قليله بحق حب زيد وتولعه بيهه شعرهه نكروو وبي شكار قليل ومغروره بي قراصه متحط بي والكذله نازله عل عيونه ومن ترفعه تباوع صفح عل الي يباوعله يموت زيد بهاي الحركات عنيده وعصبيه ومن تريد حاجه ال تأخذه ال تسكت سواله غرفه اليدخله يضل يسب بينه ويرجع ليوره ويكول شنو هذا التبذير وهاي الألعاب زيد كل جمعه يأخذه يونسه ويجيبه جايبه نص السوك من غير الهدايه التجي من جماعته يعرفوهه صارو من يلعب بوبجي وهيه كاعده عل بطنه تصيح اتو علب بتياره وهمه يجاوبه اي اسمي زيد يصيحلي جمبذا وهيه وياه عل خط مره ماما وعشره (جنددا) عود جمبذا وزيد من يداهرني يصيحلي بلسانه كم مره بلشقه صاحله جمبذا وزعلت لان هاي كنيتي وخاصه بيه ومن شافني هيج حلفلي ميعيده اني وميار ضراير وبنهايه اليوم ثنيه نام عل اديه خلكه وياه طويل تسهر لوقت متأخر تكضيه نزلوني يم بيبي ويم جدوه وصعدوني يمكم واحنا مسايريه عمي يموت عليه ومن يضوجه زيد مرات يخزره لو تحاجي يصد بصفحه تروح تبجي عل عمي تخلي يرزل زيد وهيه تضحك وتكعد بحضنه ويزيد يخلي ايده عل عيونه يسوي نفسه يبجي تبلجم وتجي تصالحه يلزمه يزوركه من العض وهيه مربره وتكركر ميار اجمل نعمه دخلت حياتي عل اخره ربي عوضني بيها عن كلشي صار وياي هسه حامل وكل عاده ماعرف شنو بيه بس متمنيه ولد يشيل اسم زيد ويفرح كلبه الشيب خط بشعره ومحتاج سند رغم هوه عنده ميار تسوه الف ولد وهوه وياه مكابليني ويكلولي ذبي النونو نطي الامج انطي لخواتج هوه يكول عندي ميار وهيه دكول اني عد بابا يحجي ويغمزلي حتى ميزعلها وهيه مكيفه وين متشوفني تشرلي روحي روحي بديهه عود روحي ذبي زيد وعشقي وهيامي بي ال الان وهوه بعد اكثر يمكن زاد مانقص مازلت اني بنضره الجمبذا الي كطعه وحصل عليها بصعوبه ولليوم يزكي بيهه حتى تبقى تزهي اني رشا وهاي قصتي جنتو وياي لحضه بلحضه اتمنى ماكرهتوني عل اي شي بدر مني او اي موقف لان الإنسان ميعرف القدر شضامله واني قدري هواي ضلمني وهواي ضملي أشياء وبلاخير ضملي زيد حتى يكون بلسم يمحي كلشي رسملياه كل من اذاني سامحته لان العمر خلصان والموت نهايه كل طريق لامحال خلي نواجه ربنا بدون اثام بعدني عايشه ويه عيالي الي اعتبرهم اهلي ولاتخلو حياتي من فكاه عمتي الحجيه ام زيد الي كلبه انقى واصفى كلب عمي الايام اثبتتله هوه كان عل خطاء وبدأ يصلح كلشي خربه وخصوصا ويا عائلته ميوس بعده ممتزوجه هواي يجوه وهيه ترفض وتنتضر التعيين اسراء صار عده رزان وانسام هيه ومحمد اخذو حصت اهله من البيت ومحمد عاف شغله وسافر لتركيه اجته فرصه عمل متتفوت وانسام معارضت بكل الأحوال تبقى المره وراه زوجه بس ممحستنه هيه بعيده طول النهار فاتحين كامره جماعيه ونحجي أبسط تفاصيل يومنه ايمان تبقى الام الثانيه الكل العائله راكضه بزغيره والجبيره وبكل المناسياب هيه ام البيت وبكلشي نلجه اله إبراهيم صار عدنه مومل ونور بعده الجنه الحنينه التتلكاه من الباب بلوجه اليضحك والهلا والمرحباء سحر عرفتني وعرفت اني شنو وشالت ايده مني ولتفتت لحياته كامت عمتي تتوسل بيه حتى تجي وتشوفه واذا جتي نص نهار وترجع تركض ابويه الكبر اخذ منه هواي وزيد يوميه راكض بي نص اليل دكاتره ومستشفيات هذا الشي الوحيد لشايله همه اما امي بعده هيه الحضن الدافي الي صرت ام وبعدني احن اله وشتاقله وبعده هيه هيه ام براهيم الانسانه الحكيمه الي ربت أربع بنات تربيه كل مشافوهه النسابه باسو راسه وتشكروهه يجوز قصتي بسيطه بس حبيت افرغلكم البكلبي وانفه عن نفسي وبعد كل هذا أشكر رفل من كل قلبي لان جسدت حياتي عل شكل شريط ومر كدامي اخذت منه الزين وشمرت الشين بحر ماله قرار (الكلام عن لسان رشا حرفيا ) هسه اجا دوري اني الكاتبه رفل الكناني اتمنى وصلت القصه مثل ماهيه ومابالغت ولاقصرت يجوز سهيت كم يوم عنكم ويشهد الله غصبن عليه مو برادتي ياريت اكون طرحت شي بسيط من كل شي يمر بكل بيت عراقي زيد ورشا جانو مثال للحب الصافي المابي دغش ولا وراه مصلحه ولا غايه حب اجه عن طريق تعويض من الله ال انسانه عانت من قسوت هذا الزمن وبنهايت الحديث اشكر كل من تابعني وشجعني بتصويت لو بتعليق وابقى اردد انتوو سبب نجاحي وجودي بهذا المجال تحياتي الكم ودمت في رعايه لله وحفضه التقيكم بقصه جديده واوعدكم القادم اجمل............ االمقطع آخر اهدا من زيد آل رشا قبل فتره قصيره تمت بحمد الله وفضله احبكم اختكم رفل الكناني ❤❤❤ | ||||
|
| |
|
14-06-20, 02:21 PM
| #48 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| جميلـة وراائعـة ونهاية سعيدة عاشت أنامل الكاتبة المبدعة والمتألقة تسلمين لامارا على النقل المميز .. | ||||
|
| |
|
17-06-20, 12:56 PM
| #49 | ||||
| الاخوة بالمنتدى السلام عليكم ورحمة الله وبركاته -- نشكر جهودكم لامتاع القراء بما هو جديد من القصص والروايات ونامل التركيز على القصص المعاصرة لانها تعالج المشاكل الانية التي يواجهها الشبان والشابات وشكرا | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
4Likes
العرض العادي
