24-05-23, 07:48 PM
| #1 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  شكوك سامة/ للكاتبة وفاء...، يمنية مكتملة  بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته نقدم لكم رواية شكوك ســـامـــة للكاتبة وفاء... قراءة ممتعة للجميع.... | ||||
|  |
|
24-05-23, 07:49 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــــــــــــــ ــــــــــــــــا البارت الاول فــــي "الــــيــــمــــن" في ضواحي العاصمه حيث البيوت السكنيه الفقيره والبسيطه كانت تتعاقب احداث لها من الالم والحزن ماقد يعجز عن تعبيره انامل اليد في المساءحيث يتخد المتألمون وساتادهم. مسكنا لالآمهم وشكواهم ومخبئا لدموعهم التي حاولوا جاهدين تخبئتها في نهارهم في بيت احمد ال... احمد: اح ياربي تعبت نفسي ارقد وانا مطمن على بناتي ماسوي اقوم اقتلهن واسكه. استغفر الله العظيم مابنقل.طيب ماسوي اخليهن ينزلين راسي. انا ضروري القىحل بكره في الصباح انتشر العاملون في ارجاء. العاصمه وبدت صنعاء. في ابهى جمالها وقمة نشاطها في شركة... ماجد: صباح الخير ياحج احمد ووووو حج وين انت احمد: هاه ماهو ماجد : عليم الله من اخذ حسك ماغير بنقل صباح الخير احمد: صباح النور يامدير كيف انت وكيف الوالد ان شاء. الله بخير ماجد : الحمدلله وابي بخير ويسلم عليك ادي لي شاي للمكتب بعد عشر دقائق الحج احمد دق الباب ودخل وحط القهوه ماجد: احمد مالك خير تشتي شي اوشي اتكلم مايردك الا لسانك مالك سرحان وضابح احمد: انا يامدير معي سبع بنات ماجد : ماشاء. الله الله يخليهن لك ويفرحك بهن احمد: خلاص يامدير. خليني اخرج ماجد : حج كمل اسمعك احمد: اشتي اطلب منك طلب بس ماجد : اطلب ياحج لو تشتي عيوني اديتهن لك الله المستعان احمد : تسلم اشتي ازوجك واحده من بناتي بس صدقني ماشتيش منك ولاريال شلها بس وخليها لو تشتي خدامه لك بس استر عليها ماجد : ماهو ياعم قصدي ياحج مابتقل انت صاحي وليش بترجم بنتك هكذا احمد : اصلا انا بنحس ان بناتي بيمشين في الغلط وخايف عليهن اموت ويفسدين اكثر وانت داري لامعاهن اخوه ولا اخوال ولا عموم اشتي اموت وانا مرتاح ماجد ساكت ولا كلمه جالس بس مطنن ومستغرب احمد: خلاص يامدير انسى الموضوع كله كاني ماكلمتك في بيت الحج احمد حيث هناك اجمل البنات واكثرهن رقهً وادباً وحياءًيسكن بيت تكاد ان تخلو مظاهر الحياه منه الا انهن يصطنعن الابتسامه من لاشي ايمان ورزان. وروان .واسماء وامل واحلام واصغرهن حياة. اكبرهن ايمان وعمرها 20 طبعا ماكان في بين البنت والثانيه غير سنة الوحام يعني بين كل واحده والثانيه سنه بس حياه كانت عمرها خمس سنين امل: يووووه الصدق انا ضبحت من هذه العيشه قد بنفكر انتحر واخلص ايمان: مالش انتي مابتقلي اخر مره اسمع هذا الكلام منش تمام روان : والله مالومها يعني عايشين في سجن لاخرجه ولادخله وحتى المدرسه ممنوعين منها رزان: وحتى التلفزيون منعنا منه قلش ايش لانفسد اسماء: لا وكله كوم وانه زد بيشك فينا هذا كوم ثاني وليش ماقد تزوجنا امانه كيف نتزوج واحنا محبوسين هانا من عيبسرنا الجن ايمان : اسماء هذا الكلام كبير عليش وبسكن انتقادات قومين نسوي الغداء حياه: ماما ايمان خلي روان تثوي لنا العداء روان: من عيوني ياحياة يتبع..... التعديل الأخير تم بواسطة فيتامين سي ; 05-06-23 الساعة 05:52 AM | ||||
|
| |
|
24-05-23, 07:50 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني في شركة.... احمد كمل عمله وقدهو عيروح وحاسس بضيق العالم فيه ماجد : عم احمد راعي اشتي اكلمك احمد: اتفضل يامدير ماجد : انا موافق اني اتزوج بنتك احمد: ماهو صدق ولا بتمزح ماجد: لا صدق انت تعرفني جدي ماحب المزح احمد: اذا خلاص جي نعقد وشلها معك ماجد : هكذا على طول احمد: ايوه خير البر عاجله ماجد: لكن راعي اسحب فلوس علشان مهر البنت احمد : لاتسحب ولا انا حلفت ماتدي ولا ريال ولك مني اجمل واحده من بناتي ماجد : لكن هذا حقها احمد : لاحقها ولا شي هيا يلا توكلنا على الله في بيت احمد ال.. ايمان: الله ياروان شم الاكل ملان البيت رزان : يوه ياروان لكن ماعنفعل لما تتزوجي من عيسوي لنا اكل هكذا روان : ذلحين خلي فارس الاحلام يجي وبعدين سهل احلام : ههههه الله يقلعش. امل : بنات بنات ابي جى ومعه رجال وسيم وطويل وعريض امانه لوتبسروا ابي عنده سع الصفر والواحد ايمان : امل اص لا يسمعش ابي اشتي ادرى ويحين عتعقلين روان: بس صدق مدري ليش شكله يخوف احلام: وزد معاهم رجال كبير كانه شيخ روان: الله يستر قلبي مقبوض الساعه اربع عصر خرج ماجد والشيخ من البيت احمد : روان اجهزي اليوم الليل بيجي زوجش يشلش روان : ماهو ياباه ماهو زوجي كيف ماتقلولي اوتاخذوا رايي احمد: اليوم كان العقد وبعدين من ويحين بياخذوا راي البنت احمدي الله انه عيستر عليش روان : لا انا مستحيل اسير معه مستحيل بتفهم احمد: هي كلمه ومش حالي اضربش اليوم. قومي من قدامي بسرعه عاد بتتشرط روان خرجت وبسرت قدامها خواتها على طول حضنت ايمان وجلست تبكي روان: ايمان لاتفليتيني قوى ماشتيش اتزوج ايمان قلي لابي قلي له قوى. لايزوجني وين امي قلو لامي ان ابي يشتي يبيعني قلو لامي ان ابي ظلمني ايمان اشتي امي. اه يارب ايمان: بصوت كله الم وخانقه لها الغصه بس ياروان اذكري الله وامي ادعي لها بالرحمه وبعدين هذا القدر والله ماعيقدر لش الا كل خير روان: إاااه بنحس قلبي بيوجعني تآعبه ياايمان تآعبه وارتمت روان في حضن ايمان وكل واحده تحاول تخفي دموعها عن الاخرى في الساعه الثامنه ليلا روان جهزت لها اداتها وشويه من ادات امها على اساس تلبسهن لانهي عروسه امل: خلاص ياروان هيذا جاء فارس احلامش بس بكاء قطعتي قلبي احلام: ايوه صح وبعدين تفتهني من ابي رزان ساكته لانهي داريه لواتكلمت عتبكي وروان مش ناقصه جاء احمد هيا يلا زوجش مراعي لش جنب الباب رزان حضنت روان وقالت وصوتها كله بحه رزان: مع السلامه يااختي الله يسعدش ياقلب رزان وجت ايمان حضنتها وقالت: انتبهي لانفسش. على مانصحتش تمام احلام واسماء. وامل حضننها بدون اي كلمه حياه ماسكه بروان لا تفليتيني روان يكفي ماما فلتتني قوى قلي لها ماما ايمان روان.مسكني ابي بقوه وشد مسكته وسحبني وخرجني وشوفت انسان امامي طويل وعريض بس ملامحه ماقدرت اميزها بسبب الدموع الي كانت مغطيه عيوني اتوقعت ان ابي يودعني اوحتى يوصيه فيني بس ماقال شي. طلعني فوق السياره وراح وهو طلع وبدأ يسوق وكان ساكت ماقال اي كلمه جلست المح البيت وكانها اخر لحظات اشوفه فيها تذكرت امي لما كانت تقل روان. ماعتتزوج الا مدير ونفعل لها احسن عرس تذكرت لما شرحت لي كل شي الفستان الابيض والمكياج والفرحه الي تكون في عيون العروسه وتلقائيا خانتني كلمة آه وطلعت ماجد. من اول ماطلعت حسيت اني تسرعت واني نادم غريبه حتى اسمها ماعرفه كم كنت مريع لهذا اليوم وفي الخير اتزوج واحده وفجأة. قطع تفكيري صوتها وهي بتقل كلمة آه حسيت قلبي وجعني اول ماسمعتها حسيتهاخارجه من قلب موجوع للغايه روان. دخلنا شارع كله بيوت راقيه او بالاصح فلل واضح انهم ناس مرتاحين بس ماكنت اشوف واضح لان عيوني كانت ثقيله من كثر مابكيت وصلنا عند اضخم البيوت. وقف السياره ومن غير اي كلمه نزل وانا تلقائيا نزلت وراه فتح البيت كنت خايفه اني اطيح لاني كنت اشوف كل شي خيال وكان البيت طافي مافي الا انوار خافته طلع الدرج وطلعت وراه كنت قد عتدرب من الدرج استوى وبسرني نظره ورجع واصل يالله كم اكره هذا الانسان واضح من سكوته انه متسلط مثل ابي دخل غرفه كبيره لما دخلتها حسيت اني دخلت بيت جديد مش بس غرفه .غرفه واسعه جداره لونه غريب ومنقوش بطريقه فضيعه بس يبين شكل الغرفه انه شخص جدي والسرير كبير وجميل حتى بالخيال ماتخيلته كل شي فيها تأسر وموجود حمام داخل الغرفه. لا ودولابه بس مثل الغرفه الي كنت انام فيها انا وخواتي. بعد ما تفحصت الغرفه استويت وانه قد خرج عريس الغفله احسن الله ياخذه ومايرده اتمددت في السرير وماحسيت بنفسي الا وقدنا في سابع نومه ماجد.دخلتها الغرفه وانا حاسس ان هموم الدنيا كلها فوقي وان انا مش طايق لها بالمره وقولتهم حاسس انهي غلطة العمر وخصوصا بعد مايدرى ابي وامي بس قلت اخرج من البيت واسير لاعند صاحبي يمكن يلقى لي حل للمصيبه الي انا فيها في بيت لوي ال... لوي: انت بتتكلم صدق اوبتمزح ماجد: انت داري اني مابمزح لوي : يعني تشتيني اصدق ان ماجد ال..يتزوج في يوم وليله مستحيييل. انت الذي كنت بتقل عرسك عتذيعه في الفضائيات. مستحيل ماجد: لوي انت داري الغلط مش عندك الغلط عندي انا الي جيت اشكي لك لوي: اسمع ياماجد انا اشتي اقلك كلمه واحده لاتظلم البنت هذا الذي عدقدر اقلك لان امك وابوك الله يسترمايفعلو بك وبها ماجد: الله يستر قد بنهم هم ماتتخيله لوي: خليها على الله وانت مره ثانيه لاتتسرع وفكر سع الخلق وحكم عقلك وبعدين قلقتني. هيا بتسمع قد بيأذن قوم نصلي. وقوم ارجع بيتكم في الصباح الساعه السادسه . روان:اه راسي مصدع قويه يوه ماقد صليت اقوم اصلي الله يغفر لي اخرت صلاتي كملت اصلي ولبست احسن روب من اروابي. وطرحه وقلت انزل استكشف البيت يعني بطبعي فضوليه نزلت حسيت اني في عالم مش عالمي البيت واسع وجميل اول ماشوفته طننت صدق جنه حديقه واسعه وفي وسطها مسبح والصاله رخام وفيها كنب راقي ووسطها. شاشه مسطحه كبير فجاه سمعت حد بيصيح .....: ياماما جو ابسروا سارقه في البيت ..ام ماجد.: ماهو من انتي وايش دخلتي تسوي بسرعه ريم اتصلي للشرطه روان: لا لا اسمعي انا مش سارقه ام ماجد: لا والله مش سارقه طيب ايش دخلتي تسوي تتفسحي مثلا من انتي بسرعه ولو كنتي شحاته فعيب اولا الناس يدقوا الباب بسرعه يلا اطلعي . روان حسيت لساني انقطع وماسترت ارد انا يقلوا عني هذا كله وفجأة. سمعت صوت جهوري من قفايا ماجد : اماه هذه مرتي..طبعا حسيتها ثقيله على لساني كلمة مرتي بس كان ضروري ادافع عنها حتى لو كنت مش طايق لها ام ماجد: ماهو مرتك ويحين من اي شارع اديتها هذه ليش ياماجد وانا مريعه بفارغ الصبر لعرسك ليش تحرمني افرح بك لا وبمن بهذه الذي عليم الله من اي شارع شليتها ماجد: اماه هذا قراري لو سمحتوا انتهينا من هذا الخبر ام ماجد: ماهو انتهينا انا الان مش فاضيه اسير العمل ونرجع نتفاهم تمام ماجد: ان شاء الله خير روان حسيت اني فعلا في كربه. لما تحس انك ضعيف ومكسور ويتوجه لك انواع النقد وماتقدر تدافع عن نفسك ومافي حد يدافع عنك تحس فعلا بمعنى الذل والاهانه اكتفيت بنظراتي الاليمه من غير ماارد على كلامهم الجارح وطلعت غرفتي وكملة نوبة البكاء الي شكلها عتكون مصاحبه لي بقية حياتي يتبع..... | ||||
|
| |
|
24-05-23, 07:51 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث ماجد.طلعت غرفتي بعد صياح امي حسيت ان راسي قد عينفجر دخلت الغرفه ومالقيتها بس سمعت شهقات من الحمام وواضح انهي بتحاول تخفيها بس ماقدرت استلقيت على السرير يمكن يخف وجع راسي بس عاد الوجع بيزيد اكثر. سمعت فتحة باب الحمام عرفت انهي خرجت كلمتها وانا مستوي لناحيه الثانيه ماجد: الساعة. ثمان الليل امي عتجتمع فينا البسي لبس حالي تمام روان.انسان مغرور. وبعدين على اساس اجتماع الامم المتحده يارب عينني على اهاناتهم ماجد : لما اتكلم معش كوني جاوبي روان بصوت هادئ: تمام ماجد : جيبي ملابسش ابسرهن روان قمت مكنته اداتي وانا ساكته مالي خلق حتى اجاوب جلس يقلبهن باطراف اصابعه وواضح من شكله ان ملابسي ماعجبنه ماجد: ذلحين هولا كل اداتش روان. حركت راسه بمعنى ايوه ماجد : اذا قومي البسي اخرج اشتري لش روان : مابش داعي وملابسي مالهن ماجد .عجبني عزت النفس الي فيها وثقتها باداتها ماجد: بسرعه انا مريع لش عند السيارة. ولا تتاخري مايعجبني الانتظار روان قمت لبست بسرعه لاني مش ناقصه مشاكل ماجد.نزلت لعند السيارة وماشاء الله عادنا بنشغلها الا وقدهي جنبي اول مره ابسر واحده بتلبس بسرعه بس كانت عبايتها قديمة. ولثمتها منتفه ومغطيه لعيونها ومش باين الا جزء من عيونها بس جمال عيونها بارز. شغلت السيارة ومشينا روان.جلست اتفرج الناس من الطاقه كنت حاسه انهم كلهم مخبين خلف ابتسامتهم وجع والم وبعد مده وقف السيارة. ونزل. ونزلت بعده وصلنا عند مجمع كبير كانه مدينه كامله والناس مزحومين مثل يوم القيامه اول مره اخرج سوق دائما ابي كان يشتري لنا حاسه اني عدضيع جلست اتبع خطواتها لحد ما وقفنا واحد شكله يعرف ماجد محمد: اهلا ماجد كيف انت وين انت وين اختفيت ماجد: انت داري العمل وتعبه الله يعين ايوه مابتفعل هانا محمد: جيت اشتري أشياء المدرسه حق العيال انا والمره وانت ومن جيت. ومن هذه ماجد: هاه جيت اشتري أشياء للخدامه قالت ناقصه حاجات محمد: المدير بكله خارج يشتري لخدامتهم ماجد: اصلاحتى انا ناقصني أشياء. قلت قدهي مره محمد: يلا خاطرك قد المره بتصيح ماجد: الله يعينك نلتقي على خير ماجد .استويت ابسرها ادورها هانا هانا مش موجوده يالله وينهي. هذه اكيد سمعتني والله ماكان قصدي ذلحين وين القاها في وسط هذه الزحمه روان حسيت كلماته دمرت بقية الامل الي فيني بحياه احسن حسيت اني خلاص مكتوب عليا القهر. جلست اجري خايفه يلقاني خلاص قررت ادور لي مكان ثاني يمكن القى عيشه اهون من عيشتي لقيت مكان مخبئ من الناس مخبئ من اشخاص مايعرفوا معنى لما تتدمر مشاعر الاخرين وتنكسر قلوبهم جلست ملمومه على نفسي احس جسمي مكسر وبارد مر الوقت وماحسيت به لحد ما بدا يختفي ضوء النهار الي كان في الاساس مختفي من عيوني من زمان حسيت بخوف بس الالم الي كان فيني طغى على خوفي ماجد تعبت قد اذن المغرب وماقد لقيتها لفيت السوق محل محل يارب وين ادورها هذه من الصبح للان خايف عليها الشارع هذا كله عيال وسخين الله يستر وين انتي تعبتيني معش روان جالسه منزله راسي فوق ركبي حسيت بالندم لاني فلته ذلحين ايش مصيري حسيت بحد حط يده فوق ظهري قشعر جسمي من لمسة يده استويت اشوف وان قدامي ثلاثه شباب واضح انهم مش صاحيين بعدت يده ورجعت شويه للخلف ...:مالش ياقمر من زعلش جي معانا واحنا ننسيش الدموع روان: قوم اخطى من قدام وجهي مش ناقصه لك ...: شكلها هذه ماعتمشيش بالادب روان حسيت بخوف من كلامه وزاد خوفي لما طلع مسدس واشر براسي وقال امشي قدامي ولا كلمه صحت باعلى صوتي وماخفت انه يرميني اهم شي عفتي وشرفي بس يئست لما كنت اشوف الناس بيتفرجوا وساكتين خايفين من سلاحه بدات اقاوم وهم بيمسكوني واصيح واداعي ماجد بكل قوتي بس من غير فايده لحدما طلعوني فوق السياره وانا لازلت اقاوم وين شهامة الرجال وين نخوتهم يتركوهم ياخذوني ايش فايدة الروح اذا كان مابش عزه وشجاعه بعد مايئست من هذا وهذا صحت بكل قواي وكل خليه من خلايا جسمي يارب... يتبع.... | ||||
|
| |
|
24-05-23, 07:53 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع ماجد جلست انا ولوي ندور عليها بعد ماتصلت له وكلمته بكل شي. كنت حاسس اني مضيع شي غالي وانهو لو صار فيها شي عمري معد اسامح روحي جلست على الرصيف وسندت راسي على الجدار. وحاسس اني اشتي اصيح فجاه سمعت صوتها تنادي بسمي جريت مثل المجنون وبكل قواي ولحقني لوي وصلت وقدهي فوق سياره واثنين بيحاولوا يطلعوها بالغصب وواحد قدهو جالس قدام انقضيت عليهم مثل الاسد وساعدني لوي ضربتهم ضرب هستيري ولولا لوي كنت انهيتهم من على وجه الارض. شلهم لوي وقال عياخذهم قسم الشرطه. خرجتها من السياره كنت اشتي اكمل طاقتي فيها واضربها بس دموعها ورجفتها الغير طبيعيه شفعت لها مسكت على يدها بقوه وقلت لها: انا مش قلت لش انش تلحقي بعدي وماتضيعيني روان حسيت اني خلاص انتهيت لحدما شوفت صورته اول مره افرح لاني شوفته حسيته المنقذ وعجبني لما ضربهم بكل شجاعه ومبالاش بالاسلحه الي معاهم حسيت اني مدينه له بحياتي يكفي انه انقذني من هولا. الوحوش بس وجعني بمسكته وزد له عين يشتيني الحقه بعد ماكسر قلبي بكلماته قصده ان الفقر يعدم الشعور مش عارف ان الفقراء اكثر الناس مشاعر واحاسيس بس رديت عليه بكل قوه روان: عفوا استاذ ماجد تلحقك خدامتك اما انا عمري مالحقت انسان يهينني ماجد : اسمعي والله ماكان قصدي بس كلمه وخرجت مني وانحرجت قدام صاحبي وبعدين عجبش .انتي صاحيه شويه كانوا عيخطفوش وعليم الله ايش عيسوو بش انتبهي مره ثانيه ولا طول من غير عقل يلا قدامي اشتري لش شوية ملابس قدهو شرق روان : شكرا ماشتيش وصلني السياره. اطمن مش محتاجه حاجه ماجد حسيت انهي معنده وشكلها اصلا مش قادره تمشي سوى من خوفها فقررت اخذها لسياره. واشتري انا لها روان حطني في السياره وجلس حوالي نص ساعه يدي تحذيرات لا تخرجي من السياره انتبهي تفتحي لاي شخص الباب وانتبهي تفتحي الطاقه ولاتتحركي خيرات اوتسرجي اللمبه ووووو لما زيد خوفي اهم شي اجلس صنم امتديت على الكرسي وبسرت من الطاقه اب ومعه عياله خارجين من المجمع وواضح انهم اشتروا حاجات المدرسه. وتذكرت انا وخواتي كيف كانت ايام المدرسه الي كنا ندرسها اكثر الايام مولمه تذكرت انهو على الرغم ان احنا كنا نحاول مانكلف على ابي ناخذ دفاتر قديمه حق الجيران وملابس المدرسه مقطعه. علشان بس مايزيد العبئ على ابي ويحرمنا من المدرسه وذكرت كيف كنا نتعذب خصوصا في الحصه الاخيره خايفين نتاخر وابي يقصد ان احنا سرنا مكان ثاني وغير هذا وهذا تذكرت اخس موقف لما كان اخر يوم ادرسه انا وخواتي لما كانت ايمان صف سادس وانا كنت رابع واسماء كانت اول. وبعدين الاستاذه خرجت صف اول بسرعه وخرجت اسماء من المدرسه ومانتظرت لنا ولما خرجنا جلسنا ندورها وتاخرنا على البيت وجى ابي للمدرسه ومالقينا. كنا قد روحنا وقتها البيت بس لما روح مانساش الضرب الي ضربنا انا وايمان ورزان بحكم ان احنا الكبار وكيف امي كانت تدافع عننا ومن يومها وابي منعنا من المدرسه تصدقوا افتهنا.احسن من العذاب الذي كان ابي يعذبنا كان يقومنا كل يوم يسالنا وين سرنا وان احنا سرنا مكان غير المدرسه كانت حياه كلها الم .استغربت ماله هذا اتاخر شكله ضاع اويمكن خطفوه يستاهل ان شاء. الله مايرجع.ماكملت ادعي الاوقدهو قبالي ومعه اكياس خيرات حطهن في الوراء. وطلع وشكله كان ضابح قد عيقرح استويت لعنده وقلت له مالك اتاخرت توقعت انك ضعت اوخطفوك ماجد كنت قدنا ضابح حسيت اني تاعب من الصبح وانا ادور لسيادتها خفت عليها قوي وفي الاخير جالسه وانا بنتسوق لها لحد ماقالت الي قالته حسيت فعلا ببراتها وطفولتها جلست اضحك رغم ضبحي وضيقي وكلما اتذكر كلامها ازيد اضحك لاحظت استغرابها من ضحكتي وزعلها بس مسترت اسيطر على نفسي لحد ما وصلنا البيت نزلت وهي ضابحه مني مالها هذه جايه تنزل والاكياس هذه كلها من عيحملها اوقلبتني خدام ابوها روان حسيت نفسي بتلعي من ضحكاته. وارجلي مع الخوف والجوع مابستر احملهن ماصدقت لما وقفت السياره انزل من جنبه نزلت بسرعه وقفني صوته من ورايا ماجد: ياي جي احملي الاكياس ولاقصدش انش الاميره اليزابيث روان: لا الابيزيث ولا شي ادي وانا اخذهن بس من الذوق ان الرجال الي يحمل مش المره ماجد : ريت والله وعاد نطقتيها سع الخلق علشان الفلسفه حقش تكون على مستوى روان حسيت باحراج قويه حسبته ماعيركز ياكثر لقافته بس فالح في اللقانه اخذت بعض الاكياس وطلعت البيت ماجد حسيتها تضايقت من لقافتي يلا تستاهل علشان مره ثانيه ماتتفلسف اخذت بقية الاكياس وطلعت الغرفه بعدها حطيت الاكياس وكانت هي في الحمام جهزت لها الاداه الي تلبسهن ودقيت لها باب الحمام وقلت لها تلبس الاداه الي جهزت لها فوق السرير وطلبت منها تحط لها روج علشان امي تشوفها حاليه يمكن تقتنع واسكه من هدرتها ونزلت اريع لها نازل عند امي امهد للكلام روان من الصبح وانا في السوق ولا صليت ولا صلاه لو كنت مت اوصار فيني شي وماقد صليت كيف كنت عد اقابل الله صليت الصلوات كلهن وجيت ابسر الي جهزهن سيادة المدير تدخل حتى بلبسي ياربي كيف البس هولا جهز لي بلوزه ربع كم. وضيقه لونها جمييل وبنطلون ضيق انا عمري مالبست مثل هذا اللبس حطيتهن وجلست ادور اداتي القديمه علشان البس منهن لانهن مسترات وانا مقدر البس هذا اللبس بس مدري وين رجمهن ورجم طرحاتي الله ياخذه لبست اللبس الي جابه ومشطت شعري ورفعته لفوق وعملت لي روج احمر مثل ماطلب مني تصدقوا ماعرفت نفسي في المرايه حسيت اني واحده ثانيه من غير الطرحه والروب. دورت شي اغطي به اكتافي ومالقيت الا الطرحه حقي الي خرجت بها السوق حطيتها حولي ونزلت وانا مستحيه من اللبس الي فوقي ماجد جلست اتكلم معى امي وحاول اقنعها وامي رافضه تتكلم لحد ما تجي مرتي. وريم جالسه جنبها بتلعب بالتلفون. كنا في الديون سمعتها وهي بتسأل الخدامه وين احنا ورتها الخدامه الديوان ودخلت استويت لعندها اول مره اشوف ملامحها بياض بشرتها وجمال خصرها كان نفسي اجلس اتامل فيها بس استحيت من امي. ركزت انه حتى امي وريم ماقدرين يبعدين عيونهن عليها اشرت لها تجي تجلس جنبي كان الحياء واضح في خدودها الي قدهن حمر وواضح من الطرحه الي غطت على جمال البلوزه. جلست جنبي بس بعيده شويه. اول ماقالت امي اولا ليش حاطه الطرحه فوق اكتافش روان: اصلا..قاطعها صوت ماجد ماجد: اصلا حاسه بالبرد ريم: حاسه بالبرد في وسط الحمى اول مره اسمع بها هذه ماجد: من اللقافه انتي ليش من ويحين انتي بتسمعي شي وانتي كودش فوق التلفون ام ماجد: ايوه ايش اسمها روان طبعا كان السوال موجه لماجد حسيته لما تلبك انهو مش عارف اسمي فقررت ارد بدله روان: اسمي روان ام ماجد: انا سألت ابني يعني هو يرد مش انتي تعلمي الذوقيات ماجد ها اسمها روان اسمها جميل كان نفسي ادافع عنها قدام امي بس مادريت ايش اقل روان حسيت باحراج من كلامها حبست البكاء. وحاولت اني اكون اقوى من هكذا لاني عادنا في بداية التحقيق بس فجأة. دخل واحد عريض وطويل يشبه ماجد صحت وتخبيت وراء ماجد حاولت اتغطى به ماجد: روان مالش روان: رجال قله يخرج ماجد مسكني من يدي وجلسني وقلي هذا ابي روان : وحتى واذا ابوك يعني عادي يبسرني ماجد: ايوه لانه يعتبر عمش دريتي ياذكيه ابو ماجد: من هذه الذي جنبك ياماجد ماجد: اباه اسمعني اجلس نتكلم ابو ماجد: في ايش نتكلم رد على سوالي اول منهي هذه ماجد: هذه روان مرتي ابو ماجد: ماهو مرتك انت مجنون وبنت منهي هذه بنت ال... ماجد: بنت احمدال... ابوماجد: ماهو احمد مالقيت الا تناسب احمد الحارس. ياماجد هكذا تنزل راسي وتتزوج واحده بنت حارس بسرعه طلقها الان بتسمع الان ياماجد ماجد: اباه لوسمحتوا هذا قراري وانا مانيش جاهل علشان تحددوا انتو من اتزوج ومن اطلق ام ماجد: شكلهم سحروه لما خلوه يجي يخطب من عندهم وبنت خالتك مانقلهم هاه نقل لقي ماجد واحده من بنات الشوارع نزلت راسنا هذا العاقل اما خالد مانلومه لو شل بنت الفراشه حق مكتبه تطلق هذه بنت الشوارع وتجر لك بنت خالتك على الاقل دارين اصلها من فصلها ومن مقامنا وفاهمه الذوق والاصول مش هذه روان طبعا هذا الكلام كله وانا بسمعهم ماراعوا وجودي اوكياني كانهم بيتكلموا عن صنم مصنوع من حجار ماتحس كنت اتالم داخليا كنت احس كثر الالم الي محتويني ان قلبي عيتوقف. ماعدقدرت اتحمل اكثر خلاص كان نفسي لو كانت اسماء مكاني كانت عرفت ترد عليهم وعلى اهاناتهم اوحتى كان نفسي تكون ايمان مكاني كانت عرفت تصبر على هذه العيشه وتتاقلم معاها اما انا فلا قدرت اتاقلم ولا قدرت ارد بس الم وبس اخذت نفسي وطلعت غرفتي اخذت الغطاء. وحضنته بقوه كاني حاضنه امي. وبدات كالعاده اشكي لها اماه جي شوفي بنتش روان امآااه روان بيهينوها ومافي من يدافع عنها اماه انتي علمتينا الا الكرامه ماتنداس وان الكرامه اذا انتهت من شخص انتهى كيانه اماه انا اسف انا انتهى كياني كان نفسي ادافع واتكلم بس ماقدرت حسيت نفسي ضعيفه ليش فلتيني صرت بعدش وحيده صرت مثل الطفل الضايع خلاص ياربي تعبت يارب صبرني يارب اسالك صبر يتقوى به قلبي خلاص تعبت صعب انك تنهان على شي تافه وماتقدر تدافع عن نفسك صعب انك تواجه ناس كلهم يكرهوك وضدك صعب انك تحس انك من مستوى تحت بمليون مره من مستواهم قمت اقرا قرآن اشتي ادرى ايش رساله الله لي فتحته وافتتح على ايه ( ولنبلونكم بشي من الخوف والجوع ونقص من الاموال والانفس والثمرات وبشر الصابرين. الذين اذا اصابتهم مصيبه قالوا انا لله وانا اليه راجعون)حسيت اني ارتحت بهذه الايتين ورقدت بعدها وانا حاضنه الغطاء ماجد: بعد جدال مع امي وابي واقنعتهم اني عدزوج بنت خالتي لاني اصلا قدنا خاطب لها قدلي سنتين وكودن رضيوا وطلبوا مني اقل لروان. قوانيين البيت واحذرها من مخالفتها طلعت وقد روان نايمه فوق السرير وحاضنه الغطاء. حق السرير مسكينه كسرت خاطري لكن ليش تنام في مكاني وانا عمري ماقدر انام الا في بقعتي ذلحين ماسوي يلا احاول انام فوق الكنب يمكن اقدر انام لاني لي يومين مانمت جهزت بقعتي وجلست اتقلب طول الليل. لما قد الساعه ثنتين انا الي غمضت عيني. وقد به حد بيهزني ماهو خلوني ارقد عادنا رقدت سمعت صوتها جنب اذني وهي تقلي قوم صلي اول مره حد يقومني اصلي دائما اصلي قبل مااروح الشركة. ماجد: خليني ارقد عادنا رقدت عدصلي لما اقوم العمل روان: انت صاحي مايجوز تخلي صلاتك لهذك الوقت عيمشي وقتها ماجد فتحت عيني شويه خايف يطير النوم روان قومي من قبالي خيرت الله عليش روان: ماعدرقدش قوم صلي ورجع انخمد الان هيا ماجد دريت انهي عنيده ومستحيل تخليني ارقد براحتي قررت اني اقوم اصلي علشان ارجع ارقد بسرعه قبل وقت الدوام قومت اتوضيت وجيت ابسر الساعه وان عادهي ثلاث ونص حسيت وقتها اشتي ادعسها حق ماقومتني هذه الغبيه بياذن فجر الساعه اربع ونص وعاد الساعه ثلاث ونص يعني باقي ساعه كامله للاذان ماجدمسكت على اسناني ودعيتها: رووووان روان: كنت بقرا قران هكذا امي عودتنا نقوم قبل الفجر نقرا قران ونصلي قيام وندعي بكل شي في نفسنا لما سمعت صوته بيداعيني استغربت قمت اشوف ماله روان: ماهو ماجد : انتي عارفه ان الساعه ثلاث ونص روان بتلقائيه: ايوه عارفه ماجد: وان الفجر بياذن اربع ونص روان : اكيد داريه ماجد: اذا مالش قومتيني هذا الساع روان: عادي اذا قومت تصلي ركعتين وتدعي يمكن الله يغفر لك ماجد: ليش مابسرتيني ماقد فعلت روان: ليش ماعمرك فعلت ذنب يعني ملاك من السماء ماجد بطلت اناقشها لاني عارف ان الجدال معاها مايكملش قومت صليت حسيت فعلا اني كنت محتاج اتكلم مع الله واشكي له خصوصا اني كنت بعيد جدا من الله وكنت بالكاد اصلي الفروض دعيت الله انه يفرج عني كربتي وهمي الي زاد هذا اليومين اهم شي مشي الوقت بسرعه وسمعت اذان الفجر لاول مره ولا دائما ياذن وانا نايم صليت وامتديت فوق السرير كملت تصلي وشافتني فوق السرير تلقائيا اخذت غطاء. وامتدت على الكنبه ونامت بس كانت عيونها مورمه واضح انهي بكيت اه اشتي ادرى ايش نهاية قصتي معش ياروان في الصبح ماجد قمت وشوفتها عادهي نايمه ماشاء الله محلى ملامحها خاصه وهي نايمه. قمت غيرت ملابسي ورحت العمل حقي رغم اني عريس على اساس روان قمت الصباح ومالقيته قدامي. عرفت انه سار عمله كنت متردده انزل اولا بس قررت انزل غيرت اداتي من الملابس الي جابهن صراحه ذوقه كان روعه عمري مالبست ملابس راقيه. لبست ونزلت كان البيت فاضي مافيه حد سمعت دوشه في المطبخ قررت اسير ابسر شوفت الخادمه مسكينه العمل كله فوق راسها اتجابرت انا وياها هي الوحيده الي انسجمت معاها في هذا البيت. عرفت بقصتها وماسيها وعرفت ان كل انسان وله ماسي حاولت اني اخفف عنها ومالقيت الي يخفف عني جى على بالي الطبخ كان اكثر شي يعجبني في عزوبيتي قلت للخدامه اني اليوم اصلح الغداء. رفضت بشده وقالت لي ان عمي وعمتي مستحيل يقبلوا اي تغيير في اكلهم واني هكذا عد اودف بها واحتمال يطردوها. قلت لها اني بتحمل كل المسؤولية. ووعدتها بهذا لما وافقت تذكرت الكتب حق الطبخ الي كنت اقراهن وماكنت اقدر اصلح شي بيتنا لان مافي امكانيات كملت اصلحه وقدنا ميته من الجوع لي يومين من غير اكل بنحس اني مابقدر اتوازن ومريعه لما يروحوا من العمل منتظره لانواع المدح. واصريت اني انا اقربه واتفننت وشكلته بطريقه جميله وطلعت اغير ملابسي كان ماجد قدهو طالع قلي. اني البس روب وفنيله وطرحه لان اخوه نازل وبعد مجادلات منه ورفض مني اقابل اخوه اصر ونزلت وانا خايفه بقوه نزلت ومنتظره تجي عمتي وعمي اكيد بيمدحو الاكل حقي.جلست انا وماجد وكنا اول اشخاص نجلس. بعدين جت اخته ريم وشويه جاء. اخوه جلست منزل راسي ياربي هذا رجال غريب كيف افتش له خالد جلست على الطاوله وكنت قدنا عارف بخبر زواجة ماجد شوفت مرته. سبحان الي خلقها كنت احاول انزل راسي ومااشوفها لانهي مرت اخي بس ماقدرت جمالها سحرني عمري ماشوفت واحده بجمال ملامحها نفسي ادرى منين لقيها ماجد كنت احاول انزل راسي وتلقائيا كانت عيوني ترتفع لها جت امي وابي وجلسوا وجت الخدامة وبدات تحط الاشياء. روان جت الخدامه وبدات تحط الغداء. وسارت عمتي بدات تصيح باسم الخدامه. جت الخدامه وسالتها عمتي من الي صلح الغداء. اتلبكت الخدامه وجاوبت انا بكل قوه اصلا ماسويت شي غلط انا سويته عمتي طنشتني ورجعت تكلم الخدامه انا مش قلت لك انك تمشي على نظام الاكل الي قلت لك او انتي ماتفهمي لكن شكلك ماتسمعي الكلام وضروري نغيرش ا روان اول ماسمعت كلمه نغيرش رديت بسرعه انا الي اصريت عليها عمتي استوت لعندي وقالت اصلا بنات الفقر متعودين على الفقر ايش عرفهم بالراحه وقتها جلست واحده معرفها وقالت عفوا ماما على التاخير بس ماكلمتها عمتي وكملت تكلمني هذا عمل الخدم مش عمل الناس الراقيين. ردت عليها ريم وقالت اصلا ايش تتوقعي من بنت حارس غير هكذا تصرفات استويت لعند ماجد منتظر يتكلم بس كان منزل راسه وساكت رد اخوه : ريم اسكتي ومادخلش من الفضول. حسيت الغصه خنقتني وماقدرت ارد ولا بكلمه حاولت احبس دموعي واظهر اني قويه بس نزلين بسرعه اول مازد قال عمي : اصلا مانلومها نلوم ابننا الي ماعرف من يختار الا هذه بنت الشوارع بس مصيره يطلقها نزلين دموعي خلاص ماقدرت استحمل اكثر من هكذا طلعت فوق. جلست على ارض الغرفه. وظليت الطم وجهي واشد بشعري ليش انا فقيره ليش ضروري انهان كل يوم انا عمري ماسويت غلط علشان يعاملوني هكذا مش ذنبي ان ابي باعني مش ذنبي اني فقيره يارب خذ روحي افتهن خلاص تعبت يارب تعبت خالد حسيت ان قلبي وجعني عليها صراحه ماجد مايستاهلها من يسخى يزعل هذا الوجه اعجبني شكل الاكل وتنظيمه وضبحت من الروتين اليومي الي امي وابي لازمينا فيه اكلت منه كان بمنتهى الاتقان واضح انهي طباخه ماهره لمياء: حرام يامه ليش هكذا تكسروا قلبها مش ذنبها انهي بنت حارس ام ماجد: انتي ماتدخلي او وكلوش محاميه عليها ماجد اتغلقت نفسي للاكل كلن نفسي ادافع عنها بس خفت تقل امي انهي غيرتني فقررت اسكت وبس وهي اصلا تستاهل علشان تبطل لقافهاكلت من الاكل وان طعمه فظييع وحتى شوفت امي وابي عجبهم بس بيكابروا وحتى ريم الي تجلس بس على الطاوله وماتاكل اكلت لااخر لقمه قمت ماقدرت استحمل وخرجت الساعه ثمان ليلا رجعت البيت مدري ليش احس اني هذه الايام مروح لهدف واحاول اخلص عملي بسرعه طلعت بس بسرت روان في الارض وعلى الارض دم حسيت الخوف شل حركتي حاولت احمل رجلي واقتربت منها كنت اداعيها بس ماكانت تجاوب هزيتها من غير فايده وبعد ما يئست نزلت بسرعه وداعيت بكل قوتي يماه الحقوني.... يتبع..... | ||||
|
| |
|
24-05-23, 07:54 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس خالد كنت جالس انا وامي وخواتي في الصاله فجأة. نسمع ماجد بيصيح جرينا بسرعه لافوق دخلت امي وخواتي كنت اشتي ادخل اطمن بس ذكرت ان مرت اخي داخل وماينفع ادخل عليها وقفت جنب الباب ومنتظر احد يطمني ماجد طلعت امي وخواتي كلمتها وانا بالكاد استر اخرج الكلمات ماجد: اماه روان مدري مالها جت امي لعند روان وكانت تحاول تصحيها بس مابش فايده قالت لي اني ادعي زينب بنت جيراننا لانهي دكتوره خرجت وشوفت خالد قدامي خليته يسير هو لاني ماقدرت احمل ارجلي سار بسرعه وثواني وجت زينب حملتها لافوق السرير وكانت خفيفه للغايه وهذا مازيد خوفي فحصتها وعملت لها مغذيات وقالت ان عندها هبوط حاد تسبب في فقدانها الوعي وان احنا ضروري ننتبه لاكلها وشربها لان بنيتها ضعيفه قوي تذكرت ان اصلا روان من وقت مادخلت البيت ماكلت شي الله يهديني كيف ماتلوهت لهذا الشي مشيت الدكتوره بعد ماكتبت لها بعض الادويه خالد حسيت اني قلق عليها بشكل غير طبيعي. ونتظر حد يخرج يطمني عنها لحد ما خرجت ريم وامي سالتهم عنها بس ماجاوبوني جواب كافي جلست منتظر لما تخرج لمياء. محد يجيب الجواب الشافي الاهي خالد: لمياء. جي اشتي اكلمش لمياء: خير ياخي في شي خالد: كيف زوجة ماجد وماحصل لها لمياء: ذلحين قدهي مالها شي الحمدلله اصلا شكلها لها كثير ماكلت وقع معاها هبوط حاد وشكلها ادربت على راسها وخرج دم خالد: لاحول ولاقوة الا بالله والله اني راحم لهذه البنت لمياء. لاتفلتيها تمام لمياء: تمام بس ليش مهتم فيها لهذا الحد خالد: عادي مظلومه وحبيت اوقف معاها حرام يعني لمياء: لا مش حرام يالله تمسي على خير خرجت لمياء. وجلست افكر في روان مدري ليش حاسس بشي تجاهها ليش مهتم فيها ليش تفاصيل وجهها ماختفت من عيني رغم اني ماشوفتها الا مره ضروري ابعدها من خيالي هذا زوجة. اخي يعني ضروري انساها ماجد بعد ماخرجت امي وخواتي جلست شويه ابسر في ملفات العمل لاحظت حركة يدها قمت لقيتها مفتحه عيونها. حمدت الله بداخلي انهي متعافيه وقربت منها وقلت لها عجبش الذي سويتيه تظن الدكتوره ان احنا معيشين لش في مجاعه ليش مابتاكلي روان قمت حسيت راسي بيوجعني والدنيا قولتهم بتدور كان قصدي اني خلاص مت بس للاسف جسمي عايش بس بقلب ميت استويت لعند ماجد وسمعت كلماته آه ياماجد يامقسى قلبك مقدرت ارد علىكلامه حسيت بعطش فظيع حاولت اقوم ادي لي ماء بس ماقدرت اضطريت. اني اكلمه روان: ماجد لو سمحت اشتي ماء عاطشه ماجد مااحلى اسمي من لسانها حسيت بضعفها قمت بسرعه جبت لها الماء مع اني ماحب حد يامرني او يقومني من فوق عملي. قومت واشتي امكنه الماء لاحظت صعوبة حركتها وماقدرت حتى تمسك الكاس حق الماء شكل اعصابها. مرتخيه نتيجة. الهبوط مسكتها من ظهرها وحاولت اسندها بيد واشربها باليد الثانيه شربتهاردت عليا بصوت واهي شكراً.رجعت مديتها على السرير وقلت لها اذا تشتي حاجه انا هانا داعيني تمام حركت براسها بمعنى ايوه تركتها وكملت عملي وجيت ارقد كانت الساعه تقريبا واحده ونص رقد فوق الكنبه وتوقعت بحكم مرضها ماتقوم قبل الفجر. بس الي متعود على شي مايمنعه اي ظرف قامت من مرضها وقومتني من اغير مااقاوم قومت وصليت ورجعت انام الساعه السادسة. صباحاً روان قمت الصبح حسيت نفسي احسن تذكرت خواتي يالله كم اشتقت لهن نفسي اسير لعندهن اليوم قررت اكلم ماجد ياخذني بيتنا ان شاء الله مايردني ماجد قمت الصبح وشوفت روان قد قامت قبلي قمت اتغسلت ولبست وانا بالبس سمعت صوتها الناعم روان: لوسمحت اشتقت لخواتي ماجدحبيت استغبي علشان امدد كلامي معاها: والمطلوب مني روان: اشتي اسير لعند خواتي ماجد: ابردي لش مره ثانيه روان: لو سمحت رجاءً نفسي اشوفهن ماجد : عاد انتي مريضه كيف عتسيري روان: لا الحمدلله افتهنت قدنا احسن ماجد: امممم خلاص دقيقتين وانتي نازل روان: ثواني وانا نازل حسيت بفرحه لاني باشوف خواتي قمت لبست العبايه الي اشتراها لي ماجد والطرحه والبرقع كان كل شي في قمة الاناقه واضح ان اسعارها غاليه جلست احاول اصغر الفتحه حق البرقع بس مارضيت كانت فتحتها واسعه لدرجه جزء. من حواجبي باين ماجد جلست منتظر لها عند السياره يالله مالها هذه اتاخرت مش متعود عليها يالله بالكاد شرفت بس اول ماجت حسيت دمي بيغلي عيونها زاد جمالهن وبياض وصفاء. بشرتها بيبرز من وراء. البرقع طول رموشها وتشكيلة حواجبها وكانها مرسومه رسم جى على بالي اردها بس سيطرت على نفسي ماجد: روان ليش اتاخرتي مرة ثانيه تتاخري وعزت الله لافلتش واسير اظن اني فهمتش اني ماحب الانتظار روان: عفوا بس ماجد: خلاص اص راسي مصدع ولاكلمه مدري ليش اتنرفزت فوقها وحسيت دمي بيغلي منها لدرجه اذا ادت اي كلمه احتمال امد يدي عليها روان ماله هذا بيتقارح فوقي يالله. اهم شي اشوف خواتي كنت اشتي ارد عليه بس خفت يحرمني من شوفة خواتي فقررت اسكت وبعدين ذكرت ان ابي بيغلق على خواتي البيت واحتمال نوصل وقد سار ابي العمل استويت لعنده وكلمته بكل ادب ماجد لوسمحت اتصل لابي قله لايغلق الباب. لان انحنا جايين طبعا كان ماجد ساكت ولارد ماله هذا كل هذا لاني اتاخرت يالله كيف طبعه صعب جلس شويه وخرج التلفون واتصل لابي وكلمه وبعد شويه وقف ونزل اشترى اشياء ومكني روان : ايش هذا ماجد: معش عيون ابسري روان يالله ماجلفك جيت اشوف وانه اشترى كراتين شكولاته وفواكه اشكال والوان سالته لمن هذا ماجد: لبيتكم هديتش روان : شكرا ماكان في داعي ماجد وصلنا لبيتهم وقبل ماتنزل كنت قد جهزت خمسين الف كمساعده لهم لان حالتهم فقيره وقبل ماتنزل داعيتها ماجد: روان امسكي هذه روان: ايش هذه لمن ماجد : امسكي مكني خواتش روان: وليش امكنهم ماجد: بسش تحقيق هكذا مني لهم روان حسيت انه جابها كانهي صدقه وانا ماحب اخذ اي صدقه صح فقيرين بس عزيزين نفس روان: شكرا. الحمدلله. اهلي مش محتاجيين ماجد: روان بطلي عناد وخذيهن اتاخرت على العمل روان قررت انزل واطنشه لانهم بيستنقصونا خلقه عاد لما يتصدقوا علينا نزلت سمعته وهي بيداعي بس كأني ماكنت اسمع لحد مادخلت البيت انا دخلت وابي خرج وماكلف نفسه حتى يسلم عليا اويسالني عن اخباري مرتاحه معه اولا على طول خرج حسيت بكربه بس طنشت ماشتيش اي شي يعكر مزاجي عرفت من هدوء. البيت انهن نايمات دخلت. الله ياخواتي ماحلى العيشه معاكن دقيت باب غرفتهن بقوي لما نكزين بسرني مثل الي مش مصدقات. قامين وحضنني وتلقائيا بكيت مسحت دموعي ايمان وقالت لي الله مايحرمنا منش البيت اظلم بدونش جلسنا نتجابر واحكي لهن عن معاناتي وكل واحده تقترح علي اقتراح عكس الثانيه تماما مشي الوقت بسرعه وماحسيت الا وقد اذن الظهر يوه ذلحين ماجد عيجي قد حذرني يجي وقد لبست جبت لهن الهديه الي جابها وفرحين بها قويه اول مره يفعل صح بحياته جاء ابي وقلي بكل جفاء احمد: روان زوجش مراعي خارج بسرعه مش حالي ينتظر ودعت خواتي وانا ماسكه البكاء مع السلامه ياحسن شي في حياتي في امان الله ياسعادتي وبسمتي يااجمل هديه جابها الله لي في دنيتي في منزل ماجد ال.. روان وصلت من عند خواتي وانا نفسي مغلقه من الاكل لكن ضروري اطلع اغير اداتي واتغدى معاهم لان هكذا قوانين البيت ان الجميع يجتمعوا على الغداء. لانهم اساسا مايجتمعوا بسبب انشغالهم حتى احس انهم بعيدين عن بعض وقلوبهم مش على بعض عكسي انا وخواتي اهم شي لبست روب وفنيله وطرحه ونزلت كان الكل مجتمعين يعني كنت قد اتاخرت جلست وبدات آكل يالله اكلهم غريب وصعب الواحد ياكله خالد جلست روان وانا عيوني ماقدرت تفارقها لحظه رقه وانوثه وجمال وفوق هذا وهذا الحياء كاسيها ماجد لاحظت ان روان ماقدرت تاكل لان احنا ناكل بالشوكه ويمكن هي ماتقدر تاكل بهذه الطريقه سالتها بصوت واطي ماجد: روان ليش مابتاكلي اومسترتي تاكلي روان انحرجت وحمرين خدودها روان: لا اقدر اكل بس ماعجبني مادري كيف بتاكلوا هذا الاكل لمياء كملنا الاكل وطلعت خفيه لعند روان علشان اكلمها بالحفله لمياء: السلام عليكم روان: وعليكم السلام هلا لمياء: اول شي مبروك موخرا روان: الله يبارك فيش عقبالش لمياء: طبعا اليوم معانا حفله في البيت لانه عيد ميلاد ريم وعيجوا بيت عمومي واخوالي وصحباتي يشتين يجين بس علشان يتعرفين عليش روان: لا ابردي لش يمكن امش اوريم يتضايقين خليني اجلس في غرفتي احسن لي لمياء: لا ضروري وانا عتجهزش بنفسي قوى لا ترديني اول مره اطلب منش روان: خلاص تمام موافقه لمياء طلبت من روان توريني ملابسها اختار لها الي مناسب تلبسه كان في فستان جميل لونه سكري ويناسب بشرتها وقصير لتحت الركبه وصدره مطرز تطريزه جميله والاكتاف كم حيران. اقترحت عليها تلبسه بس كانت رافضه بحكم انه قصير. اصريت عليها وكانت معنده. بس بعد عناء وافقت مكيجتها مكياج خفيف تبرز جمال ملامحها وطلبت منها تفرد شعرها ماشاء. الله اول مره اشوف شعر ها طويل لفوق ركبتها بشويه وحرير الي يشوفه يظنه مستشور ولونه جميل. ماشاء. الله وقعت تجنن خفت عليها من العين لمياء: روان ايش الجمال هذا سبحان الذي خلقش قريت الاذكار لايمرعوش على ماجد روان: بس مبالغه احرجتيني. ايوه قريتهن اطمني لمياء: اذا هيا يلا اتاخرنا ذلحين قد كلهم نازل روان: لمياء. خايفه لمياء: لاتخافي انا معش روان: تسلمي لي. الله يخليش ماجد امي عملت لنا تحذيرات ماتبسر لنا صوره انا وخالد لان النسوان عيجين ملان البيت خرجت وتذكرت ان في اورق المعامله نسيتها في البيت وضروري اخلصها اليوم. قررت ادخل من الباب الثاني حق البيت دخلت وكنت خايف اصادف في واحده من النسوان عتفعلي امي هدره ماخلص منها مشيت لما وصلت الدور الثاني حسيت قل نسبة الخطر بس كانت المفاجأة بسرت لمياء. وجنبها واحده كانهي تشبه روان لما قربت منهم اكثر عرفت انهي روان كان واضح الخجل فيها كانت لابسه فستان قصير وكانت تحاول تتغطى وراء. لمياء. حاولت القى عذر علشان على اساس اجي اكلم لمياء. ماجد: لمياء. شوفتي اوراق المعاملة حق الشركه لمياء: ماهو اول مره تسالني على عملك وانا ماراني قل تشتي تشوف روان وبس من غير مقدمات روان حسيت باحراج اول ماشوفته يالله يبسرني وانا هكذا لابسه حاولت اتغطى خلف لمياء. وزاد الاحراج لقافة لمياء وزد مسكت يدي وقدمتني وقالت: هاه شوفها تشتي الصدق عرفت تختار قمر ماشاء. الله ماجد: تقلي جلست اشوفها كل يوم تزداد ملامحها جمال ماكان نفسي تنزل لاني عارف انهم عيغثوها بكلامهم ونظراتهم وروان احاسيسها رقيقه وماتقدر تستحمل كلامهم نزلت روان بسرعه من الحياء وقد لمياء. عتنزل بعدها داعيتها ماجد: لمياء.انتبهي لروان لايزعلوها تمام لمياء: تمام ولايهمك اطمن انا معاها ماجد: تسلمي ياختي الله يكملش بعقلش كمل يكلمني ماجد وان قد خالد بيتصل لي ويحذرني افلت روان ويوصيني فيها مالهم كلهم مهتمين فيها. روان راعيت للمياء في الدرج استحيت من نظراته لعيوني. وخايفه انزل وحدي جت لمياء. ونزلت انا وياها طلبت مني اكون واثقه من حالي. كانت الصاله حقهم برغم كبرها مزحومه قويه وفيها بنات خيرات وفاتحين اغاني وموجود حلويات من كل شكل ولون كنت احسهم بياشروا لعندي اتعرفت على صاحبات لمياء. ماشاء. الله عسل مثلها كنت ملاحظها ان اكثر الموجودين بيشوفوني ويقلبوا صور طنشت نظراتهم ومجابراتهم الي كنت حاسه اني كنت مركز حديثهم بس فجأة. وانا جالسه مع لمياء. وصاحباتها جت لعندي واحده طويله وعريضه مش سمراء. ولا بيضاء. ملامحها جميله نوعا ما قالت لي بكل تقزاز مارينا: وهو انتي روان الي تزوجش ماجد مالقي غير بنت الحارس يتزوجها وتعمدت انهي ترفع صوتها على اساس الكل يسمع سمعت ضحكات من الجميع حسيت بغصه ليش الكل يعايرني بابي بس قررت اعمل بنصيحه اسماء ورديت عليها بكل وثوق روان: انتي عارفه كنت لايمه ماجد كيف يترك بنات خالاته وعمومه ويتزوج من خارج عائلته المفروض الاقربون اولى بالمعروف بس لما شوفت اشكالكن عذرته صراحة ً حسيتها انعجمت وماعرفت كيف ترد بس عمتي ردت بدالها ام ماجد: اعرفي كيف تتكلمي مع اسيادش يلاه اعتذري لها واحبي يد ها بسرعه. مدت العقربه يدها احبها والكل بيشوف كانه بيشوف فيلم خلاص حسيت ظلمت الدنيا بوجهي بس بسرعه مسكت يدها وبعدتها بقوه وقلت : عفوا ياعمه والله مانخلق الي يكون سيد عليا وماولدته امه الي بيخليني احب يده التكملة بكرة نفس الوقت✋ | ||||
|
| |
|
24-05-23, 07:54 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس روان بعد ماقلت الي قلته سمعت دوشه ملان الصاله كان فيني بكاء وحرقة بس اكابر واحاول اني مابين ضعفي لان الموقف الي كنت فيه ماكان بسيط لما تتهزئ وسط الجميع وتنهان كرامتك وتنداس بس الشي الجميل اني ماسكت على حقي. ودافعت عن نفسي طلعت بسرعه غرفتي خايفه تخونني دموعي وتنزل قدامهم. طلعت حسيت اني بالكاد قادره اخذ انفاسي دموعي خلاص ضبحت مني ضبحت من كثر البكاء. اه كيف الهم طغى على حياتي. وكيف اتغيرت تفاصيل حكايتي بثواني امتديت على السرير وتذكرت امي كيف فعلا واجهت انواع المآسي مع ابي واستحملت وصبرت علشاننا وكانت قويه مش بس قويه كانت تقوينا وتصبرنا وتكلمنا ان الحياة مع الصبر تكون احلى حتى لو المآسي تملاها وان الشعور بالالم يزيد من حدته لذلك علينا ننسى الالم ونتقبل واقعنا بما فيه لانهي اقدار مكتوبه والتذمر والسخط مايمنعش حدوثها. اه ياماه اشتقت لنصايحش كان نفسي تكوني معي تقلي لي ايش اسوي بامصايب الي انا فيها اه ياماه والف اه لمياء اعجبني رد روان لان امي صدق كانت قد كسرتها وخصوصا انه قدام الي يسوى والي مايسوى حسيت بزعل علشانها وكان نفسي الحقها بس عارفه عتكون نهايتي اذا دريت امي اني اكلمها كملت الحفله وطلعت غرفتي كان معي اختبار في الجامعه فجيت اذاكر فجأة. دق الباب لمياء: من ماجد: افتحي انا ماجد لمياء. قمت افتح اشوف قدامي ماجد وخالد قلت لهم : خير ماهو تشتوا شي اوشي خالد: من اللقافه ايش وقع في الحفله لمياء. استويت لعند ماجد وخالد وقلت لهم : طيب وايش المقابل ماجد مسك على اسنانه وقال: لمياء طبعا ماجد محد يمزح معه انسان جدي قويه بالكاد يضحك معانا بعكس خالد لذلك ماعد صديت ادلع وقلت خلاص تمام خالد: صدق ناس ماتمشي الا بالعين الحمراء ماجد: والله صدقك لمياء: ماعد ارد عليكم لاني معي اختبار ومش فاضيه لكم واشتيكم تخرجوا بسرعه لاغير اهم شي اولاً نزلنا انا وروان الصاله كان في همز ولمز من قبل بنات عمي وخلاتي وبناتهن كان واضح انهن معجبات بها بس بيكابرين قل جت مارينا لعند روان وقالت لها وهوانتي الي اتزوجش ماجد مادري غير بنت الحارس يشلها خالد: لمياء. ايوه وروان مافعلت وكملت احكي لهم كل الي حصل كان خالد كل شويه يقاطعني واضح انه متحمس ومقتهر على روان بعكس ماجد الي كان ساكت وبس اهم شي كودن خرجتهم من غرفتي علشان اذاكر ماجد حسيت اني زاعل على روان وفي نفس الوقت اعجبني ردها. وواثقه من جمالها الي يسمعها يقول اني شفتها قبل ماتزوجها لذلك فلت بنات خالاتي وعمومي طلعت شفتها بتمشط شعرها ماشاء. الله شعرها جميل ماعرفت بنفسي الا وقد قلت لها : ماشاء. الله شعرك طويل وجميل . انا كيف اتكلمت انا عمري مامدحت حد ليش مدحتها استوت لعندي وهي حاطه شعرها على كتفها اصلا ابي كان مانعنا نقصه نهائيا. وكملت بدلع طفولي تصدق نفسي اقصه رديت عليها: شوفي انا اخس من ابوش لو تقصي منه لاقص راسش فهمتي حركت راسها بمعنى لا واستوت تكمل تلف شعرها حسيت اشتي اقوم اضربها حق التمرد حقها بس شفع لها اتصال. كملت الاتصال وقد الهانم بتجهز بقعتها على سريري ماجد : ياي هذه بقعتي انزلي روان: عفوا ماسمعت ماجد مالها هذه : روان اكسري الشر وقومي روان: يعني ايش عتفعل ماجد: روان قومي من العناد ماسترش ارقد غير في بقعتي روان: عادي تعود ترقد فوق الكنبه وامتديت وقفت ماجد: اللهم طولك ياروح تمام ياروان ماجد شليت وسادتي وامتديت جنبها فوق. السرير نبعت من فوق السرير ونكزت وجلست ترجف ماتوقعت تكون ردة فعلها حاده لهذه الدرجه روان : سامج الله ياخذك ماجد حسيت بدات افقد اعصابي انا ماجد يقلو لي سامج طنشت وقلت اعدي هذه الليله على خير ورقدت اليوم الثاني الساعه ثمان الليل روان ماكان في ماء في الغرفه وحسيت اني عاطشه قويه ياربي اشتي ماء ضروري قررت اني انزل حتى لو كنت خايفه لبست الطرحه والروب والفنيله ونزلت كانت عمتي وخالد والبنات في الصاله خفت وبسرعه سرت المطبخ اشرب وانا خارجه سمعت صوتها ام ماجد: مابتفعل بنت الفقر في المطبخ ولا بتمسح الارضيه. اصلا هكذا عمل الخدم قصدش ان الموقف الذي فعلتيه امس عد اعديه يمين لاخليش تندمي على الساعه الي رجمت نفسش فوق ابني تمام يابنت الحارس اصلا الغلط مش فيش الغلط فينا الي لمينا ابوش من الشارع وشغلناه بس مانفعل هكذا جزاء. الي يفعل خير في هذه الايام والا ان انتي وخواتش بتشحتين وتاكلين القمايم ياقمامه خالد: كنت اشتي ارد وادافع عنها وانا عارف اني قادر على هذا الشي بس اشتي اعرف لاوين عيوصل صبرها واستحمالها لاهانة امي اشتيها تدافع عن نفسها وتكون قويه لان الضعيف ماله مكان في مجتمعنا كانت امي تزيد في اهانتها وهي ساكته ومافتحت فمها باي كلمه لا بالعكس جالسه تسمع اهانة امي لها وماتحركت من مكانها احتراما لامي ماتقفي في وجها لما شافت امي انهي ماردت عليها قامت قالت ام ماجد: انتي عارفه الغلط مش منش الغلط من امش الي ماعرفت تربيش اصلا بنت الشوارع ماتجيب غير بنت شوارع نفسها روان من اول ماسكه نفسي لانا الي قدرت ارد عليها لان امي علمتنا مانرد على الكبير خصوصا اذا كانت ام زوجي ولانا الي طنشتها وطلعت غرفتي لانه مايصلح اقفي وهي تكلمني استحملت انواع الاهانات لكن لما جابت سيرت امي هانا وبس علي صوتي فجأة. وخالطه رجفه روان: عفوا ياعمه لاهانا وبس ماسمح لكم تتكلموا عن امي امي مش بنت شوارع. احترموا نفسكم اهنتوني وسكت لكن تسبوا امي وهي في قبرها هذا ماسمح لكم فيه ماجد: رجعت من العمل ضابح اتصايحت انا وواحد من العملاء. والتغت صفقه كبيره قد لي شهر اجهز لها روحت اسمع صوت صياح للشارع دخل وان روان بتصيح فوق امي وامي ساكته لها هذه كيف تسمح لنفسها ترفع صوتها فوق امي مسكتها بقوه من يدها وسحبتهاوطلعتها للغرفه كنت اسمع خالد ولمياء بيداعوني بس طنشتهم طلعتها للغرفه واستجمعت قوتي ولطمتها لحد ماحسيت يدي بتوجعني اخذت نفسي وهي كانت مثل المصدومه قلت لها بسرعه الان تنزلي تعتذري من امي روان حسيت بدوخه من قوة لطمته استندت على السرير ونزلين دموعي من شدة. الالم طلب مني انزل اعتذر من امه. اعتذر بس ليش هي غلطت عليا هي اهانتني هي غلطت علىاغلى شي في حياتي غلطت على الشخص الوحيد الي صنع البسمه بحياتي مستحيل اذا كانت غلطت عليا كنت اعتذرت لها بس غلطت على امي مستحيل جاوبته بكل قوه بعكس الخوف الي بداخلي روان: مستحيل اعتذر فاهم مستحيل ماجد: مش برضاش غصب عنش فاهمه روان: لا مش فاهمه واعتذار معد اعتذر لو تقطعني هي غلطت على امي المفروض هي تعتذر مش انا ماجد: انتي من شايفه نفسش انتي حيا الله واحده لعبت بشرفها وابوها ابتلاني بها استرها انتي اللهم غلطه غلطتها ومنتظر الوقت المناسب علشان اصلحها قصدش اهتمامي بش من حبي لا ياحلوه انتي فاهمه غلط انتي ولا شي ولا شي خرجت من عندها ودمي بيفور فورانكنت بالكاد استر اخذ انفاسي خرجت من البيت وجلست الوي بالسياره مش عارف وين اسير حسيت بالندم بسبب الكلام الي قلت لها بس عنادها وطول لسانها خلاني اقول هكذا بعد ساعتين اتصل لي خالد وقلي يشتي يكلمني ضروري اروح البيت بسرعه. وطلب مني اطلع لغرفة لمياء. طلعت وكان خالد ولمياء جالسين منتظرين لما اجي دخلت وحكوا لي كل الذي صار وكيف ان روان احترمت امي واستحملت انواع الاهانات حسيت وقتها اني اشتي اكسر يدي الي انمدت عليها واقطع لساني على الي تكلمته طلعت لعندها اتوقعت تكون نامت بس لقيتها صاحيه واضح اني كسرت قلبها بكلامي روان عرفت الان ليش اتزوجني ليش ياباه ليش ترجمني هكذا. يارب انت داري بحالي عجزت حتى اعبر عن المي عجزت اوصف شعوري شعور واحده مكسورة. ذليله حقيره في عيون من حولها. من كثر الالم الي بقلبي ماعد باليت بالم ضربه لي خلاص لاهانا وبس مش انا الي تكون بلوه على حد ومش انا الي تنداس في شرفها عند الي يسوى والي مايسوى خلاص قررت قراري ومستحيل اتراجع عنه دخل الغرفه بسرعه مسحت دموعي وقمت البس العبايه والطرحه واللثمه لو سمحت قوم وديني ماجد: روان اسمعيني روان: مش مجبر تستحمل بنت من غير شرف ومش مكلف تتحمل بلوى ابي بلاك بها ومش طالبه منك تستر عليا ماجد: روان روان : خلاص تعبت تعبت ياماجد عمر العمل ماكان ذنب وعمر الفقر ماكان فضيحه ردني بيتنا وخذ لك بنت خالتك من مقامك لاتنزل مستواك ولا توطي راسك ماجد حسيت خلاص ان روان مكسوره نهائيا ومستحيل تسامحني وكانت معنده حاولت معاها بس اصلا ماكان لي عين بعد الي قلته نزلت ونزلت وركبنا السياره كان هدوء. قاتل بس. من شهقات روان وصلنا بيتهم نزلت ومشيت كان نفسي امسكها واردها كان نفسي. اعتذر لها بس ماعرفت ايش الي منعني كرامتي اوالقدر... يتبع.... | ||||
|
| |
|
24-05-23, 07:55 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع روان دقيت باب بيتنا كانت الساعة تقريباً واحده في الليل كنت عارفة. ان ابي عيضربني بس عادي جسمي تعود على الضرب اهم شي ماكون عبئ على احد. فتح ابي بسرني معي ملابسي وبسر دموعي وحسرتي بس مابالاش بكل هذا ماسالني عن سبب دموعي وايش الي خلى القهر يملى عيوني. الي همه بس ليش رجعت مسكني بقوه وقال لي ايش الي رجعش. كنت اشتي اشكي له اقله اهانوني وعذبوني. اشتي اقله عيروني فيك وماقبلت بس ماخلى لي فرصه اشكي احمد: روان جاوبيني ايش اداش هذا الساعه مش قلت لش ماازيد ابسر صورتش روان: اباه ضربني.واهانني توقعته بيزعل علي ويرد لي حقي منهم بس جوابه قتلني فعلا احمد: يضربش ويدعسش فاهمه لو يقطعش تقطيع مازيد ابسر صورتش قومي هيا ارجعي بيت زوجش روان صحت بكل قوتي خلاص كم عدجلس ساكته روان: لا. رجعها ماعدارجعش ااقلك اهانوني واهانوك انت ماتحس حرام عليك مايكفي انك اتهمتني في عفتي مايكفي انك رجمتني وماسالت عني مايكفي اني اتعذب في اليوم مرات مش بس مره صرت اتمنى الموت عارف يعني ايش تتمنى الموت. توقعته يتاثر بكلامي ودموعي الي ماوقفت وشهقاتي الي من صداها قومت كل خواتي كنت اشوفهن كلهن يبكين كنت احاول اسكت واخبي دموعي ماشتيش اعذبهن بس ماكنت اقدر. بس زاد حرقتي لما ضربني ابي بدل مايحضنني ويخفف عني بدل مايمسح دموعي ويعتذر مني ماكنت احس باي شي لاني خلاص كان قلبي الي يتالم مش جسمي. كان يصيح من الوجع والاه كنت اسمع خواتي يصيحين ويحاولين يمسكين ابي بس ماكان في فايده وانا كنت مثل الي مستسلمه ومتمنيه يقتلني واخلص بس فوق هذا كله قلي احمد: قومي يلاه الان اوديش بيت زوجش وقسم بالله لو تزيدي تدخلي هذا البيت لاكسر رجلش قومي هيا روان ماقدرت اتكلم بس مستحيل ارجع مستحيل يكمل يضربني قابله يقتلني بس لايرجعني روان: ماعد ارجعش افهم ياظالم افهم .ارحم لو في قلبك رحمه اقتلني صدقني عد اسامحك بس لاتردني. اخذني من يدي وقال لي احمد: شوفي لانتي بنتي ولا اتشرف بش اخرجي من بيتي شلني وكان يسحبني لشارع حاولت اتمسك بخواتي واصيح اباه ماشي اباه لاتفلتني حرام عليك ايمان رزان قولوا لابي مسكت يد ايمان كنت اسمع بكاءهن وشهقاتهن كنت اشوفهن مش قادرات يعملين اي شي ايمان انا بتعذب ايمان ايمان خرجني وغلق الباب كنت ادقه وابكي بس مابش فايده كانت الساعة ثنتين في الليل. جلست في الشارع وحدي حسيت بالبرد وحسيت بالوحده حسيت بالظلم الي حسيته كسر ظهري ياماه الحمل ثقيل علي ماقدرت استحمل ياماه الكل تركني خلاص ضعت ياماه ومالقيت الطريق التميت على نفسي كنت ابكي ماقدر اوصف الشعور الذي كان بداخلي خلاص كل الابواب اتغلق امامي كلهم تركوني من بقي لي تذكرت ان في باب ا عمره مايتغلق وان الله عمره ماتركنا دعيته بحرقه وبالم وحسره وقهر مادريت ايش ادعي وايش اقل اكتفيت وقلت حسبي الله ونعم الوكيل يارب انا مكسوره يارب انا ذليله يارب انا وحيده الابواب كلها اتغلقت في وجهي. يارب بس بابك مفتوح يارب ضاقت يارب ان لم يكن بك علي غضب فلا ابالي التميت على نفسي وجلست اناجي الله كنت اسمع اصوات الكلاب كنت خايفه ظليت منزله راسي خايفه ارفعه واشوف شي يخوفني ماجد تركتها وحسيت بشي غريب كاني فاقد جزء. من كياني ماقدرت اروح البيت كانه يذكرني فيهاجلست الوي في شوارع صنعاء. فجأة. شوفت رقم عمي احمد جاوبت اتوقعته يكون احمد بيصيح فوقي لاني ضربت بنته واهنتها بس كان صوت بنت تتكلم بصوت واهي كانهي خايفه حد يسمعها ايمان: ماجد الحق روان ابي طردها من البيت وهي في الشارع لايوقع بها شي اوشي هي في ذمتك ماجد على طول غلقت التلفون وسرت بسرعه جنونيه كنت خايف يوقع بها شي كنت عد اصطدم اكثر من مره بس الحمدلله الله ستر لحد ماوصلت عند بيتهم شوفتها وهي جالسه على الرصيف ومنزله راسها على ركبها وبترجف من البرد لان احنا كنا في عز البرد خلست الجاكيت حقي وقربت منها وحطيتها على ظهرها روان بعد مده حسيت البرد تغلغل في عروقي صرت ارجف بشكل غير طبيعي ارجف من الواقع الاليم الي اعيشه حسيت بحد حط شي على ظهري تمنيت يكون ابي ندم استويت بس ماكان ابي كان ماجد ماجد: هيا روان نروح قدهو شرق مشيت من غير ولا كلمه خلاص حسيت فوق الذل ذل وفوق الانكسار حسرة واهانه طلعت معه فوق السيارة وسندت راسي على الكرسي كانت دموعي تتساكب من غير شعور شوفت بيتنا ياكثر المآسي. الي عشتها فيك وياكثر الالم الي عانيته بداخلك خلاص مستحيل ارجع لك عداستحمل كلامهم الجارح عداستحمل انواع الاهانات الي بيوجهوها لي واظل ساكته عداحاول اكسب قلوبهم واحافظ على حياتي الحاليه ماجد حسيت من لما شوفتها دمي بيغلي كان نفسي اطلعها فوق السياره وارجع ادعس ابوها ايش هذا الاب الي يخرج بنته من البيت اخر الليل زعلت لانهم عايروها فيه وهو في الاخير يطردها قررت اطرده من العمل من قهري عليها بس ذكرت انه بيشقى على بنات فقررت اخليه بس علشان بناته. وصلنا البيت كانت روان ساكته ماتكلمت نهائيا طلعنا اول مادخلنا الغرفه دخلت الحمام وانا غيرت ملابسي وامتديت على السرير خرجت لما شوفتها تلقائيا وقفت اقتربت منها. كان وجها كله احمر وكان فيه دكمات لونها ازرق وخصوصا حول عينها ويدها كلها مجرحه جروح فظيعه كانه وحش مش ادمي مديت يدي لوجها اتلمسه وحسيت قلبي بيتقطع عليها. والله ياروان لاخذ حقش من هذا الظالم. بعدت عني بخطوات وكانت عيونها بتلمع الدموع فيها اخذت الغطاء. وجهزت بقعتها على الكنبه وتظاهرت انهي نايمه كنت عارف انهي مستحيل تقدر تنام لان عيون المظلوم ماتعرف النوم. حاولت انام بس ماكنت اقدر كلما حاولت عيوني تنام تذكرت وجهها وكيف الجروح مطبوعة. كان قدهو وقت صلاه قامت تصلي كنت اسمع شهقاتها وهي تدعي بحرقه خفت من كثر قهرها يخسف الله بي ويعاقبني على الي سويته فيها قمت صليت ودعيت ان الله يفرج عني وعنها في الصباح قمت وروان مش موجوده غريبه وينهي هذه مش موجوده حتى في الحمام دخلت وكان في يدها صحن طرحته فوق السرير. كانت حاطه فيه اكل شكله مشهي. ورائحته ملان الغرفه روان: هيا قوم افطر قبل ماتسير العمل ماجد انا عمري مااصطبح تعودت هكذا اني اسير العمل واصطبح الساعة. عشر اي شي خفيف بس ماحبيت اكسفها قربت وقلت لها: تسلمي عداصطبح معَ اني مش متعود بس لانه من يدش. الحمدلله خف الي في وجهها كنت خايف اي حد يشوفها وتشمت فيها. كملت اكل ماشاء. الله كان الاكل يجنن بس لاحظت انهي ماتاكل ماجد: روان ليش ماتاكلي سمعتي الدكتوره قالت بنيتش ضعيفه وضروري تهتمي بروحش كلي يلاه روان مدت يدها وبدات تاكل كانت عيونها توحي بالم وحزن قاتل صعب اني اشوف بعينها هذا الشي ومااقدر ارده لا والي قتلني اكثر اني انا سبب فيه مشي الوقت وماحسيت فيه لان عيونها الساحره تنسي الواحد عمره ماجد: يوه قد الوقت متاخر اتاخرت على العمل كملت البس وذكرت ان امي وريم اليوم عيسافروا. دبي سياحة. هدية من امي لريم لعيد ميلادها يوه عادنا اشتي اودعهم واوصلهم المطار. قدنا عداخرج التفت لعندها ماجد: روان تشتي شي اوشي عد اسير اوصل امي وريم المطار عيسافروا دبي وبعدين ارجع العمل روان يسافروا كم تمنيت اني اسافر حتى لو لعدن او الحديده الحمدلله اقدار. موزعه رديت عليه روان: لا شكراً خرجت وانا قلبي عليها آه ياروان عذابش عذابي ودموعش بياثرين فيني.حتى قبل مايوصلين خدودش روان حسيت مشاعره كلها رحمة وشفقة ماحب هذه النظرات. وماحب حد يرحمني اويشفق عليا احس وقتها بالضعف الي بداخلي الله عمتي وريم عيسافروا يمكن افتهن شويه الساعة. اربع عصر روان البيت هدوء. خورت انزل نازل وابسر المسبح واتمشى في الحديقه عمري ماتمشيت فيها كنت لابسه بنطلون ضيق وبلوزه طويله شويه وضيقه واكمامها كت جيت عد البس روب وفنيله وطرحه بس بطلت ليش البسهن اكيد مافي حد في البيت مافي داعي البسهن لفيت شعري ذيل حصان كان يعجبني قويه هذه التسريحة. لشعري نزلت وبدات الف في البيت دخلت المطبخ اتفرجه سوى كانت الخدامه مش موجوده وينهي اكيد بغرفتها يمكن تاعبه كان نفسي اتجابر معاها. فتحت الثلاجه اتفرج ايش فيها خالد كنت حاسس بمغص قوي بعد الغداء. ماقدرت اسير العمل امتديت في غرفتي كنت اشتي اشرب يالله مابش ماءداعيت الخدامه بس ماكانت تجاوب قمت اجيب لروحي ماء نزلت ودخلت المطبخ شفت روان كانت مقفيه شعرها قمة. في الروعه وخصرها مستحيل حد يقاومه والبلوزه ضيقه تبين جمال خصرها وبياض بشرتها روان حسيت. كأن حد. دخل المطبخ ظنيت انهي الخدامه استويت وان خالد قدامي شهقت شهقه خوف وكنت احاول اتغطى بس مالقيت اي شي اتغطى فيه. وزاد خوفي لما كنت اقله طريق وكأنه. مايسمع كان يقرب. اكثر واكثرواا احاول ابعد لحد مالصقت في الجدار وقتها حسيت نهايتي يتبع.... | ||||
|
| |
|
24-05-23, 07:56 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن خالد شوفتها ومدري ايش بالضبط الي حصلي كنت اقرب منها واشوفها بتبعد. استوعبت ان تصرفي غلط مش بس غلط حرام حبيت اصارحها بحبي خصوصا لما شوفت علامات الضرب في وجهها اكيد هذا ماجد الي ضربها كسروا يده. قفيت علشان ماشوفها لانهي مش متغطيه وكلمتها خالد: روان انا اسف بس صدقيني احبش ماجد مايستاهلش حاولت امنع نفسي اكثر من مره من شوفتش بس والله العظيم حبيتش من اول ماشوفتش انا عارف اني غلطان وان الكلام الي بقولها مايصلح بس تعبت ايش اسوي والله تعبت روان كنت احس قلبي عيتوقف كلما كان يقرب شكله مش صاحي بس شويه سع الذي استوعب انه غلطان وقفى بس صدمتني كلماته وحسيتها فعلا خارجه من قلبه بس على رغم انه كان مقفي بس كنت استحي من لبسي. روان: الله يهديك وقفت قلبي ابعد اشتي اطلع غرفتي لو ماجد يجي ذلحين عيفهمنا غلط لو سمحت افهمني خالد: افهميني انتي انا بتعذب بحبش. اطلقي من ماجد وصدقيني اعيشك عيشه ماكنتي تحلمي بها روان: خالد ايش الكلام الي بتقله عيب ياخالد انا مرت اخوك واعتبرك مثل اخي الي انحرمت منه احترمك واعزك وانت اكثر واحد دافعت عني وتسلم على وقفتك معي بس حتى كلامي معك الان وخلوتي بك مايجوز خالد:انا اسف روان صدقيني مازيد ازعجك وانسي الكلام الي قلته لش روان: لا عادي انا عاذر لك بس تصدق كلما اشوفك اتذكر اختي رزان احسكم مناسبين على بعض. ولا يهمك ياخالد لما تسبر الاوضاع هانا ازوجك بها طبعا هي دائما يقولوا نسختي بالضبط. يعني هي نفسي خلاص ياخالد خليني اطلع ابعد من الطريق خالد اعجبني اسلوب كلامها وعقلها ورزانتها حسيت فعلا. بغبائي وسخافتي اقنعتني بكلامها وبدات اتخيل رزان ومن اليوم عدادافع على روان لانهي مثل اختي وبس لاغير روان طلعت غرفتي وانا ارجف الله يهديك ياخالد كيف الشيطان يلعب بعقل الواحد ويخليه يرتكب الغلط . ماجد سرت العمل وانا بالي عند روان. وصلت جنبت السيارة. وشوفت احمد قبالي سلم بس مارديت عليه السلام لحق ورايا وقال احمد: خير يامدير في شي. سلمت ومارديت ماجد: لا مافي شي هكذا جى على بالي مارد على سلامك عندك مانع احمد: لا بس رد السلام واجب ماجد: والله. وتعرف ايش الواجب وايش الحرام كنت اظن انك جاهل بهذا الأشياء. احمد: ليش خير يامدير عملت شي يغثيك ماجد: اشتي افهم انت اب اوعدو انت الدم الي بيجري في عروقك شكله مغشوش انت كيف تخرج روان اخر الليل مجنون انت كيف تسخى عليها بدل ماتدافع عنها وتحميها. بدل ماتكون سند لها بس ياخساره ماتستاهل البنات الي معك انت داري كنت ناوي اطردك بس والله لولا بناتك ماخليتك دقيقة. واحدة. امشي من قبالي لابسر صورتك اليوم كامل. في الليل روان اتاخر ماجد قويه انتظرته علشان اجهز له عشاء بس ماروح قررت ارقد. وانا بجهز بقعتي سمعت كأن حد بيون ويتوجع. خرجت ابسر من اين مصدر الصوت. لحقته لحد ماوصلت لغرفة عمي يالله شكل عمي مريض اترددت ادخل او ماشي بس. لما زادت وناته اصريت اني ادخل دخلت وقربت منه كان احمر قويه حسيت حرارته وكانت مرتفعة بشكل غير طبيعي جبت ماء وفنيله قطن مثل ماعلمتني امي وبدات احطها على جبهته كان يون ويهذي من كثر الحمى وواضح كان حلقه بيوجعه لان كان صوته مبحوح جلست عنده والحمدلله كانت الحراره تنزل تدريجيا. قمت صليت سرت ابسر ماجد واقومه يصلي بس كان ماقد روح ماله هذا غريبه بالعاده مايتاخر رجعت ابسر عمي قومته يصلي وقام صلى ورجع امتد على السرير واضح فيه الارهاق والتعب تذكرت ان امي لما كانت ترتفع حرارة واحده من خواتي ويجيها برد كانت تعمل لنا مطيط وتحط فيه ليمون نزلت المطبخ وعملت له مطيط وينسون وطلعت غرفته حطيتها على السرير وجيت اسنده روان: قوم ياعم اشرب هذا وان شاء. الله تتعافى شربته ولما كمل يشربها. شليتها وقدنا عدنزل الصحون المطبخ سمعت صوت عمي بيداعيني ابو ماجد: تسلمي يابنتي تعبتش معايا طول الليل وانتي عندي بتبسريني مانيش داري كيف اشكرش روان: الله المستعان ياعم مافعلت شي هذا واجبي وانت بمقام الوالد واعظم ابو ماجد تعبت معي قويه من امس مانامت علشاني وانا الي اهنتها وجرحتها قابلت اساتي بإحسان. كان ضروري اعتذر لها على الي عملت معاها دعيتها ابو ماجد: روان سامحيني يابنتي غلطت معش روان: لا تعتذر ياعم عمر البنت ماتزعل من ابوها اوتحمل في قلبها منه ابو ماجد: وانتي صدقيني مثل بنتي واعز ومن الان اشتيش تعتبريني مثل ابوش تماما روان: تسلم ياعم الله يخليك ويحفظك واعز من ابي نزلت الصحون ورجعت اطمن على عمي كان قد غفت عينه حسيت حرارته الحمدلله نزلت تماما بس كان فيه سعال سبحان الله ملامحه نفس ملامح ماجد تذكرت ان ماجد ماقد روح زاد قلقي عليه الله يستر ماجد كان في معي عمل خيرات وماقدرت اروح البيت كان عندي اهم شي اشتي انجز كملت عملي تقريبا الساعة. ست الصبح روحت البيت ودخلت غرفتي ومالقيت روان في الغرفة. وينها هذه نزلت وقدهي مجهز صبوح نازل كان شمه ملان البيت لدرجة ان خالد وابي قدهم نازل روان ماجالي نوم من القلق قررت انزل اسوي صبوح علشان عمي وقلت قدهي مره يصطبح خالد معه بدل مابيسيروا العمل من غير صبوح خصوصا ان عمي مارضيش يمتد واجيب الصبوح لعنده وكان رغم مرضه مصر يسير عمله اهم شي قربت الاكل وجلس خالد وعمي شويه وجلس سيادة. المدير الله ياخذه ماكلف نفسه يتصل ويطمنا سرت جبت زنجبيل ومكنت عمي روان: امسك ياعم الزنجبيل حالي لسعال ويريح صدرك ابو ماجد: تسلمي يابنتي الله يحفظش تعبتي نفسش ماجد كنت مش مصدق هذا ابي بيتكلم هكذا معا روان مستحيل ووين كانت روان. دورتها ومالقيتها حتى دورتها بالمطبخ مالقيتها ماجد: روان وين كنتي مالقيتش في الغرفه ابو ماجد: كانت عندي طول الليل الله يخليها جالسه بتفعلي كمادات ماجد هذه البنت خطيره عرفت كيف تكسب قلب ابي اعجبني موقفها لانهي سهلت لي موضوعي معاهم بس حسيت بغيره فضيعه من اهتمامها الزايد لابي شويه تقرب منه الاكل وشويه تمكنه الماء. وشويه تقدم له زنجبيل وجالسه تتكلم معه وانا كاني مش موجود مطنشه لي تماما قام ابي وقامت تودعه وزاد جنوني لما حبها على راسها انا وهو انا ماقد حبيتها خرج ابي وهي بتوصيه ينتبه لنفسه عمرها ماقد فعلت معي هكذا تمام ياروان حاضر.كانت قدهي عتطلع غرفتها ولا معبره لوجودي مسكت على اسناني وداعيتها ماجد: روان روان:هاه خير في شي ماجد: اظن اني زوجش ممكن اعرف ليش مطنشه لي روان: والله عاد انت ذكرت اني زوجتك طول الليل وانت خارج ماكلفت نفسك تطمنا كأن. احنا مش موجودين ماجد: يعني بالله كيف اطمنش عبر اللاسلكي روان: هههه لا كلم اختك تطمني مشه عذر ماجد: هاه يعني افهم من كلامش ان انتي قلقت عليا صح روان: لا طبعا ليش اقلق عليك ماجد: اهم شي مره ثانيه مايعجبني تهتمي باي حد حتى لو كان ابي اهتمي بي وبس روان اعطيته نظره وقفيت وقلت له : يعني افهم انك بتغار عليا. واللي يحب يغار صح ماجد: لا مش صح وليش احبش بس اشيائي ماحب حد يلمسها حتى لو ماحبها وانتي من أشيائي لاغيرفهمتي صح روان انسان مغرور يحسبني بس لعبه من ممتلكاته ومايحب حد يلمسها خير ياماجد اهم شي اني قدرت اصلح علاقتي مع عمي طلعت الغرفه وهو طلع. كان واضح فيه الارهاق من العمل اقترحت عليه ينام بس كان رافض. قام يغير اداته علشان يخرج روان: ماجد ملل كلكم بتخرجوا وانا ضابحه مانيش داريه ايش اسوي ماجد وهو لاهي بيلبس الشربات: ليش ماتتفرجي التلفزيون في برامج حاليه ومفيده روان: هاه تمام استحيت اقله اني مش قادره اسرج التلفزيون بس ذكرت الملل واصريت اني اكلمه روان: ماجد ماجد: هاه خير ماعتشتي روان: سرجه لي ماقدر اسرجه ماجد: ماهو ليش من اي عالم انتي لو اخلي اصغر جاهل يقدر يسرجه كنت متوقع روان ترد بس كانت ساكته حسيت وقتها اني احرجتها بس ماكان قصدي. اصلا استغربت قمت سرجته وجيت اعلمها روان يعني عيب. الله ياخذك ايش افعل اذا كان ابي ماعمره جاب لنا تلفزيون في البيت كان يضحك وبدا يعلمني كيف اسرجه ماجد: هاه فهمتي روان : ايوه فهمت اصلا مش صعب ماجد: يلاه قومي سرجيه اختبرش روان: خلاص عرفت اول تشبك الكبس وبعدين امم اضغط على هذا الزر وبعدين اسرج هذا الحمر الي في الريمونت وبعدين اقلب القنوات مارايك شاطره ماجد: ايوه شاطره عشره على عشره يلاه عداقوم العمل تشتي شي اوشي روان: لا سلامتك روان قبل الغداء كنت جالسه اتفرج التلفزيون في الصاله فجأة. سمعت دقت الباب اتوقعت ان ماجد اوعمي اوخالد جاء بس للاسف جت خالة ماجد وبنتها الي اتصايحت معاها في الحفلة. فتحت الباب وكنت متضايقه كان نفسي اغلق الباب في وجهها بس مايصلح دخلتهن كان وضح من عيونهن يشتين ياكلني اكل جلستهم في الصاله وطلعت غرفتي. مالي خلق اجلس معاهن اتصل عمي لتلفون البيت قال انه معيروحش يتغداء وخالد نفس الشي روح ماجد وسلم على خالته والي قرح قلبي ان الهانم ماتتغطى من ماجد ماجد: حيا بخالتي كيف انتو ان شاء. الله بخير خالة ماجد: الحمدلله يابني الله يسلمك ماجد: وكيفك مارينا. وكيف الجامعة. معش مارينا بكل دلع: منيحه يالله ايش قلة الحياء هذه صدق ناس مايستحوا كنت احس دمي بيغلي منهم طلع سيادته يغير ملابسه شليت الغداء. وطلعت احط له بغرفته لاني متعوده النسوان ياكلين وحدهن لكن صدمني لما قال ماجد: ليش جايه تدي لي الاكل هانا عداتغداء مع خالتي روان شليت الاكل وانا في قمة قهري ونزلته وحطيته على الطاوله كانت الهانم مخرجه شويه من شعرها على حلاه كانه سلك مش شعر جلس ماجد على الطاوله وبدءوا ياكلوا وانا جالسه باكل روحي ماجد: ايوه مارينا كيف الجامعة. معش مارينا: اه ياماجد الحمدلله مالها شي بس ماجد: خير ايش في مارينا: اصلا في مجموعة. شباب جالسين بيضايقوني تعبت منهم مارضيوا يتركوني في حالي جالسه اقلهم ان ماجد خطيبي عيادبكم بس ماكانوا يسمعوا ماجد: ولا يهمش اربيهم لش علشان مره ثانيه يحرموا يقربوا منش مارينا: يوه تسلم مجودي الله مايحرمني منك خاله ماجد: ايوه ماجد اليوم وصل مارينا الجامعه بطريقك وقدهو علشان تبسر الي بيضايقوها روان حسيت خلاص اشتي ادعسه وادعسها فعلا ماعدبش ادب والمشكله على ايش يلحقوها فعلا عمي ماببسروا واغاضتني لما بتدلعه كان ضروري ارد عليها روان: والله اتستري سع الناس وماحد عيكلمش لكن تخرجي وفي وجهش نص كيلو دقيق وشعرش من خارج هذا المفروض انتي يادبوش مش هم لانهم ضحيه لاغير ماجد: روان عيب ايش هذا الكلام مره ثانيه اقص لسانش فاهمة روان هكذا يصيح فوقي وقدامهم ماقدرت استحمل لا وزد عيوصلها هو الجامعه شليت نفسي وطلعت طالع ماقدر حتى اشوفهم يتبع.... | ||||
|
| |
|
24-05-23, 07:57 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع ماجد حسيت ان روان زعلت بس مايصير تتكلم معاها هكذا وهي في بيتنا صح معاها حق بس لكل شي حدود طلعت غرفتها واضح انهي زاعله كملت اكلي وقمت اوصل مارينا الجامعة. واتاملت فيها حسيت فعلا بالفرق الي بينها وبين روان روان ثانيه جمالها وادبها وحياءها كانت مارينا تشتي تطلع قدام بس احرجتها وفتحت لها الباب الخلفي ماسكتت طول الطريق بس ماكنت عارفه ايش بتتكلم كان تفكيري كله عند روان روان حسيت بغصه لما صيح فوقي خصوصا لما شوفت نظرات التشمت من خالته وبنتها يعني الان هو خاطب لها وليش ماكلمني نهائيا اصلا انا ولا شي في حياته كم عدجلس اوهم روحي ان حياتي عتكون احسن امتديت على السرير وتذكرت اخس موقف يمكن يمر بحياتي اليوم الي انطفت فيه شمعة. الامل. اليوم الي تاهت فيه السعاده اليوم الي اتغلق فيه باب جنتي يوم ماتت امي كان قبل الفجر ابي كان مناوب بعمله وكنا متعودين امي تقومنا قبل الفجر بس يومها ماقومتنا قامت ايمان على صوت الموذن ايمان غريبه مالها امي ماقامت اليوم اسير اقومها دخلت غرفة. امي وكانت طافيه مافيها كهرباء. لان ابي هكذا يحبها قربت منها وبدات اهزها ايمان: اماه قوموا صلوا قد اذن قومتها تصلي بس ماكانت تجاوب كانت بارده قويه هزيتها اكثر. بدات اخاف بس ماجى على بالي انهي يمكن تموت مدري كأن امي ماينفع تموت هزيتها بقوي اماه قومي اماه ليش ماتجاوبيني اماه. انتي زاعله مني اماه لما يئست من جوابهاصحت بنات الحقوني امي مابتجاوبني روان سمعت صوت ايمان قمت انا وخواتي بسرعه شفتها بتبكي فوق امي وامي مابتتحرك. حسيت ان ارجلي اشتلين ماعد قدرت احركهن جلست واقفه بعيد منتظره امي تقوم وتهدئنا منتظره تقوم تمسح دموعنا بس كانت ماتتحرك كانت تهزها. وتهزها بس من غير فايده. سكبت فوقها ماء وماقامت بعدها قربت منها وبدات احاول ارفعها الان امي عدقوم امي وعدتني ماتفلتنا اماه جاوبيني قومي هيا قومي قالت اقسى كلمه سمعتها في حياتي صاحت ايمان وصوتها بيرجف روان امي ماتت افهمي ماتت امي فلتتنا ياروان امي فلتتنا. نحارب الحياه وحدنا ماصدقتها روان: اسكتي ياايمان انتي مجنونه امي ماعتفلتني مستحيل قوميها يايمان قلي لها روان مريضه او احلام مارضيت تتغدى. قلي لها ان ابي ضرب رزان او أسماء. ضابحه قلي لها اي شي خليها تقوم اماه قومي حرام عليش انتي الوحيده الي عايشه من اجلش. كانت رزان ساكته مصدومه مابكيت نهائيا وحتى ماتحركت من مكانها سمعوا الجيران اصواتنا كان ابي وقتها مايغلق علينا دخلوا لعندنا وبدأو يعزونا ماكنت مصدقه الذي بيحصل ماقدرت اصبر الا امي كان الصبر صعب كثروا النسوان في البيت وبداو يعزونا ويعزوا رزان بس فجأه. قامت رزان تصيح ايش بتفعلين هانا اخرجين امي ماماتت. روان قلي لهم مدري ايش بيقلين بيقلين. ان شمعتنا انطفت. ان بابنا اتغلق ان حياتنا انتهت. ان سعادتنا امتحت بدات رزان تطاردهن وتدهفهن لشارع امي ماماتت افهمين امي ماتركتنا في اصعب الظروف مستحيل تتركنا الان قامت ايمان لطمتها بس رزان اعقلي وقلي الحمدلله الموت علينا حق رزان: ماشي ايمان ماشي امي ماشي حضنتها واغمي عليها بعد ماغسلوا جنازه امي. دعونا نودعها كان اخر مره اشوفها اخر مره اتلمسها قربت منها وحطيت راسي على صدرها وحضنتها آه يامه عتسيري وتحرميني من هذا الحضن خلاص يامه عتفلتينا.قررت تتركينا في نص الطريق قالوا لي خلاص افلتها بس ماقدرت كانوا يسحبوني واتمسك بها اكثر لاتسيري ياماه لاتفلتيني فلتوا امي وين عتشلوها فلتوها اماه لاتسيري اماه لمن نشكي بعدش من يخفف الآلامنا من يمسح دموعنا شليني معش ماقدر اعيش ياماه من غيرش احس الهواء. الي اتنفسه بعدش حرام. لما اختفت امي من عيوني عرفت انه. الوداع ودعتش الله ياماه. في امان الله ياحياتي وسعادتي مع السلامه يادنيتي وجنتي قمت من التذكر ودموعي ماقدرت تنشف اه ياماه فعلا سعادتي انتهت بموتش الله يرحمش ويجعل الجنه دارش ومسكنش في الليل ماجد روحت البيت. وطلعت غرفتي شوفت روان عيونها مورمه معقوله كل هذا بسبب كلامي هذا البنت حساسه قويه ماجد: روان جاوع اعملي لي عشاء نزلت من غير ماتكلمني ولا كلمه يالله مالها هذه زاعله روان كنت احس بضيقه فضيعه ومالي خلق اكلم حد كلامها ماكان جارح قوي بس لما ذكرت امي وجعني قلبي حطيت له العشاء. فوق السرير وجايه اجهز بقعتي علشان اهرب من واقعي الي اتعبني ماجد استغربت عمرها ماكانت جافيه لهذه الدرجه. شكل في شي يمكن مااعرفه ماقدرت اخليها ترقد وهي زاعله قربت منها وجلست على طرف الكنبه ماجد: روان مالش في شي روان: لا خليني ارقد مافيني شي تاعبه وراسي بيوجعني ماجد: اكيد وليش عيونش مورمات روان بدات تبكي روان: اصلا بيوجعني قويه ماجد: قومي البسي اوديش المستشفى روان: لا خليني ارقد وانا عد افتهن روان كنت كارهه له ولكل الرجال. حسيتهم سبب في موت امي لان امي ماماتت الا من قهر ابي وهكذا كلهم مايراعوا مشاعرنا ومايحبوا غير نفوسهم تركني وجيت ارقد اليوم الثاني بعد الظهر لمياء: روان اليوم في معي عرس صاحبتي قوى جي معي روان: والله مالي نفس اسير وحتى زاعله من ماجد وماقدرت اكلمه لمياء: قوى اول مره اطلب منش لاترديني روان: والله مالي نفس تاعبه لمياء: خلاص ابردي لش ماعد اسيرش روان: خلاص تمام ولا تزعلي بس مكيجيني انتي تمام لمياء: عيوني كان ماجد راقد في الغرفه وقد حذرنا مانجلس ندخل ونخرج شليت ملابسي وسرنا غرفة لمياء لبست فستان طويل ضيق قمه في الرقه وفردت شعري على جنب وعملت لي مكياج لبناني ماشاء. الله مبدعه وروج احمر فاقع لمياء: ماشاء. الله قمر ايوه ذلحين من عيشلنا القاعه روان: كيف يعني انتي من كلمتي يشلنا لمياء: روان قلي لماجد الله يحفظش يشلنا روان: لمياء. انتي مجنونه اقلش زاعله منه مستحيل لمياء: قوى ماعيسخاش يردش اما انا عيردني انا داريه به اقول لش خلينا نقيس معزتش عنده ياهبلا انتي عارفه هذا يسموه اختبار المعزه يلاه نبسر عتنجحي اومع روان ضحكت عليا وصدقتها ومشيت عليا خطتها سرت الغرفه وانا برجف كيف اكلمه هذا دخلت الغرفه وكان قد قام يالله حسيت نفسي خفت اكثر الله ياخذش يالمياء انتي واختبار المعزه والي اخترعوه ماجد قمت البس قدنا متاخر على العمل يالله اتصل لي العميل قدهو مريع لي في الشركه لبست بسرعه فجأه دخلت عليا روان كانت في قمة. الجمال والاناقه نسيت العمل والعميل وجلست مركز فيها روان دخلت اشتي اكلمه بس احرجتني نظراته نسيت الكلام كله من الاحراج ماجد كملت البس على اساس اني مطنش لها ماجد: خير ليش لابسه ومستبكه روان:ماجدقالت لمياء. اليوم عرس صاحبتها وتشيك توصلنا ماجد: اوه والله معي عمل مانيش فاضي روان شكله عدارسب في الاختبار روان:ماجد لو سمحت اول مره اطلب منك لا تردني ماجد : بشرط روان: ماهو ماجد اشر لعند خده وقال: تحبيني وانا اشلكم يعني واحده بواحده روان: اذا خلاص انسى مش ضروري نسير خرجت من الغرفه هذا مجنون قلة حيا سرت غرفة. لمياء. كانت منتظره لي اول مادخلن قالت: هاه ماقال روان: مارضيش لمياء.: ماشي هذا عرس اعز واحده من صاحباتي وبدات كانهي قد عتبكي قوى روان زيدي حاولي روان كسرت خاطري لمياء.قررت ازيد احاول مع ماجد ماجد مالها هذه كأني قلت شي حرام ماكأني زوجها الله يصبرني معش كملت البس وقدنا خارجي من الغرفه شوفتها رجعت عملت نفسي مش شايف لها روان: ماجد ماجد: نعم ماقد به روان: حرام عليك عرس اعز صاحبه لختك ماجد: انا قلت الذي عندي وبعدين اساسا مش فاضي لخرجة النسوان معي عمل روان: هيا ماجد لو سمحت ماجد: شرطي وقلته بسرعه معي عمل واشر لعند خده روان الله ياخذك قربت منه وانا مستحيه ومنقرفه من نفسي قربت منه وحبيته في خده. ومثل الريح دخلت غرفتي ماجد حبتني وماحسيت حتى انهي انحطت في خدي ومستحيه الذي يسمعها يقل حبتني مش حبة الهواء يلاه في امل جيت اشتي ادخل الغرفه وانهي قد غلقت يالله والحياء. فيها دقيت لها ثواني وتنزلين مراعي نازل روان كملنا نلبس انا ولمياء يالله مستحيه كيف اخرج معه احس اني سويت شي كبير طلعت لمياء. السياره في الوراء. وانا قدنا عداطلع جنبها سمعت صوت ماجد ماجد: ياي ماقصدش انتي وياها سواق ابوكن جايات وراء. تجي واحده قدام دكمتني لمياء. على اساس اجي انانزلت. وركبت قدام كان مستانس سيادته لانه مشى قوله انا اوريك ياماجد فتح غنيه ماعرفها بالظبط بس على الحب والوله والمغني جالس يوصف عيون حبيبته وشكلهاوجلس يغنيها معه وشويه ويتلفت لعندي حسيت وقتها بقمة. الاحراج ومنتظره الوقت الي نوصل علشان نوصل وانزل من عنده في الليل كملنا العرس وجى ماجد يروحنا طبعا طلعت قدام ولمياء. في الوراء. بدات لمياء. هدرتها لمياء: لو تبسر ياماجد اليوم كم جين يخطبين مرتك وكل القاعه بتاشر لها كنت خايفه يمرعوها وجلست تهدر طول الطريق وماجد ساكت ولا كلمه في البيت ماجد: ممكن اعرف ليش كلهم بيخطبوش روان باستغراب: ماهو مالك انت صاحي ماجد: يعني مشهم دارين انش مزوجه روان: وكيف عيدروا يعني مكتوب على راسي مزوجه اذا كان حتى الدبله مش موجوده في يدي ماجد: ايوه اصلا عاجبش الكل يمدح في جمالش بس اصلا الناس بتحكم بالشكل الخارجي ولا لو يعرفوا داخلش كان محد قرب منش روان حسيت كلامه جرحني اصلا مستحيل ينسى الكلام الذي سمعه من ابي حسيت بضيقه بداخلي كان نفسي اخرج الكلام الي محبوس بقلبي كان نفسي افهمه ان ابي مريض وشكاك واني طاهره وعمر ماحد لمس عفتي ولاحد يمكن يلمسها كم عداجلس اسكت وارضى بالظلم تعبت كلهم انعدمت الرحمة في قلوبهم طريقي مظلمه وملانها اشواك وكلما ابعد بعض الاشواك من طريقي ينزرعين بدالهن الالاف. الاشواك خلاص حياتي هكذا مستحيل تتغير مستحيل القى الانسان الذي يحبني بصدق ويخاف على مشاعري اساسا كلهم الوهم والشك دمرت حياتهم يوهمونا ان شكهم خوف علينا مش عارفين ان شكوكهم سامة. تميتنا موت ببطء. تخلينا نتعذب ونتمنى الموت في اليوم مليون مره تركته واخذت الغطاء. والوساده الوساده الي دائما. تعودت على شكواي وعلى احزاني الوحيده الي اشكي لها وماتضجر مني الي احسها تحتوي احزاني وتلمني ماجد ياربي انا ليش هكذا ليش كلما احاول اصلح حياتي معاها اتذكر حقيقتها المره الي حكىلي ابوها ماقدرت اثق فيها على رغم ادبها وحياءها كلما احاول احبها واتعلق بها اتذكر ان في حد لمسها قبلي يجنن جناني تعبت ياروان والله تعبت تفكيري كله عندش عملي اهملته من عندما تزوجتك كان نفسي اتزوجك بطريقه عاديه اه ياروان اه. بدات اسمع شهقاتها ماقدرت استحمل شليت نفسي وخرجت كنت احس ان الهواء. انعدم في الغرفه سرت لعند لوي هو الوحيد الي يفهمني طلبت منه يخرج يلقاني للمطعم وخرج على رغم ان الوقت متاخر. حكيت له كل شي حسيت بالضعف رغم اني الكل يعرف شخصيتي قويه بس روان اضعفتني. غيرت تفاصيل حياتي لوي: انا كلمتك ياماجد لاتظلم البنت اذا انت مش قد زواجتك منها طلقها لكن تعذبها لا ياماجد ماجد: قصدك اني مافكرت اطلقها فكرت بس ابوها اقلك طردها من البيت يعني وين عتسير لما اطلقها انا لها الامل الوحيد وبعدين مدري ليش احس ماقدر افارقها تعبت يالوي القى لي حل الله يخليك القى لي حل لوي: انت قلت ان بسلوكها مستحيل تعمل غلط محافظها على صلاتها ومودبه والحياء. الي فيها ماشوفته في بنت قبلها يعني يمكن ابوها بيتبلى عليها ماجد: مافي اب يتبلى على بنته ويتهمها في شرفها ويمكن كل الي بتعمله تمثيل. مدري والله احس راسي مشوش وماقدر افكر. وبعدين من امس وهي زاعله وصورتها. متغيره مدري مالها لوي: مستحيل كل هذا تمثيل شوف الان روح راضيها واعرف مالها وخليها على الله ماجد: ان شاء الله. تسلم يالوي لولا وجودك ماكنت اعرف ايش اسوي لوي: الله المستعان مابش بيننا هذا الكلام يلاه قوم بيتكم واحمد الله ان معك مره تروح من العمل وهي قبالك مش مثلي مسكين وحيد ماجد: الله يزوجك يالوي ويحقق لك مناك يلاه استودعك الله لوي: امين مع السلامه ماجد روحت البيت ودخلت غرفتي شوفتها كانت قد رقدت ماحبيت اقومها. بس قامت لوحدها لان الساعه كانت ثلاث ماجد: روان انتظري اشتي اكلمش روان: هاه في كلام نسيت ماتقله امس اسمعك كمل ماجد: روان كلام امس ماكان قصدي بس كنت ضابح من العمل وضايق وماحسيت بنفسي الاوقد قلت الي قلته روان: لا عادي اصلا تعودت. ماعليك مني لا تضيق على روحك ماجد: روان خلاص اعتذرت لش وانا مش متعود اعتذرلاحد روان بكيت كان نفسي اكون اقوى من هكذا. بس ماقدرت ماجد شفت دموعها ماقدرت استحمل. حاولت اهرب من دموعها الي بتقتلني. بس ماقدرت روان: خلاص ياماجد من اليوم معد اروح اعراس وخلاص معد ازيد اكلم بنت خالتك بس اصلا مايجوز خرجتك معاها اتجوزها واخرج انت وياها براحتكم ماجد حسيت وقتها على رغم ضبحي بضحكه فضيعه يعني كل هذا غيره. الله يخليش ياروان روان: انا ماقلت كلام يضحك اهم شي وصلتها وشوفت الي. كانوا يضايقوها ادبتهم وبعدين. ليش ماتكلمني انك خاطبها كان تكلمني بدل مانا مثل الاطرش في الزفه ماجد: جلست اسمعها اعجبني عصبيتها وطريقة. كلامها ماحبيت اقاطعها نهائيا اشتيها تخرج كل الي بداخلها افهمها بدل ماتكون غامضة ماجد: يعني واذا قلت لك اني خاطبها ايش الذي عيتغير روان: ماعيتغير شي على الاقل اكون فاهمة ماجد: واذا كنتي فاهمة. ايش عيتغير روان: مدري هكذا وبس ماجد: يعني اهم شي تكني فاهمه وبس روان واضح ان اللقافه من طبعه مايقدر يغيرها اسير اصلي احسن لي بس حسيت براحه لاني خرجت الي بداخلي ماجد جلست اتفرجها وهي تصلي يالله ايش الجمال هذا اتعاملت مع نسوان كثير وشوفت كثير بس مثل روان مستحيل اشوف قمت اصلي ورجعت انام صدقيني ياروان حتى لو تزوجت مارينا. تفكيري وعقلي كله فيش.... يتبع.... | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
