آخر 10 مشاركات
462 - ظلال في الليل - آن ميثر ( عدد جديد ) (الكاتـب : ^RAYAHEEN^ - )           »          إنتقام حورية**مميزة ومكتمله** (الكاتـب : القاصة الصغيرة - )           »          عرض مغرى (148) للكاتبة Michelle Conder .. كاملة مع الروابط (الكاتـب : nagwa_ahmed5 - )           »          أساور النرجس ( 2 ) .. سلسة مرايا *مميزة ومكتملة * (الكاتـب : Asma- - )           »          جنون الحب و الانتقام " مميزة & مكتملة " (الكاتـب : زهرة نيسان 84 - )           »          توباز(140)للكاتبة:Lynne Graham (الجزء4من سلسلة الأخوات مارشال)كاملة+روابط (الكاتـب : Gege86 - )           »          494- اخر خيوط الحب - كارول مورتيمر -روايات احلام الجديدة(مكتوبة/كاملة)* (الكاتـب : *سهى* - )           »          461 - ذات مساء عاد الحب - كارول مورتيمر (عدد جديد )(تم تجديد الرابط ) (الكاتـب : ^RAYAHEEN^ - )           »          وشاح من دخان-قلوب شرقية(79)-حصرياً- للكاتبة:داليا الكومي{مميزة}-(مكتملة&الروابط) (الكاتـب : دالياالكومى - )           »          عشقكَِ عاصمةُ ضباب * مميزة ومكتملة * (الكاتـب : sandynor - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree2Likes

إضافة رد
 
LinkBack أدوات الموضوع انواع عرض الموضوع
قديم 24-08-19, 04:35 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 جمبذة آدم / للكاتبة رفل الكناني ، عراقية مكتملة








بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية

جمبذة آدم
للكاتبة رفل الكناني



قراءة ممتعة للجميع.....






التعديل الأخير تم بواسطة لامارا ; 08-11-19 الساعة 10:55 AM
لامارا غير متواجد حالياً   رد مع اقتباس
قديم 08-11-19, 10:59 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رابط لتحميل الرواية هنــــــــــــــــــا


مشهد


صفكتني امي راشدي اذاني صفرت بسرعه حسيت بحرارة دموعي عل خدودي مكدرت ابقى دقيقيه واكفه ركضت للغرفه واول شغله سويته طلعت رقمه ودكيت عليه بسرعه جاوب
الوووو حبيبتي
انفجرت ابجي
لاحبيبتك ولا ابد اني ماريدك عوفني
شبيج شنوووووو هل خريط
مثل ماسمعت كافي الي صار لحد الان كافي
بس هدي شبيج غير افتهم
لاتفتهم ولا افهمك هل مره اني ماريد مااااااريدك
ليشششششش دصيحن اااااااخ اللله لو يمي جان كسرت سنونج بحلج كاااااااااااافي عوفي البجي وفهميني شصار
مجاوبت
موووووووياج


جفلت من صوته بس ماحجيت
تحجين لو راح انزل من الدوام وإذا نزلت اكلبه عزززززه وصخام
محجيت
رررررشا
مجاوبت
اني اعلمج جايج اذا مطيحت حضج
طوط طوط طوط
سده.
.
.
.

.
.
.
...
هذي نبذه من روياتي القادمه شوكت ابدي انشر الله وأعلم احفضوهه بلمكتبه حتى يجيكم اشعار النشر القصه حقيقيه ولابطال يتابعون وأتمنى تعجبكم دمتم في حفض الرحمن
احبكم اختكم رفل الكناني❤❤❤



التعديل الأخير تم بواسطة فيتامين سي ; 09-11-19 الساعة 05:45 AM
لامارا غير متواجد حالياً   رد مع اقتباس
قديم 08-11-19, 11:01 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 1

يمه غلست الملابس خل تجي رشا تشرهن
يبوووو يا اسراء متسوين شغله ال تحطين اختج بنص خلصي شغلج واسكتي
والله ماعليه رشا رشا
شبيج شكو
شري الملابس
اكولج شنو هل لكافه يعني من واحد يشتغل شغله غير يكمله اني مو داطبخ هم اركب التمن واكولج تعاي سوي المركه 😕
والله هاي مشكلتج اني ويني وين الشغل
اووووف جيبي امري لله اشهرهن شسوي
يوميه عل هل رنه اني رشا وهاي اختي اسراء احنا عائله متكونه من اربع بنات وولد واحد إيمان وانسام متزوجات وعل حدهن اخويه إبراهيم واني واسراء إيمان وانسام ماخذيهن ولد عمي الأخوه وإبراهيم ممتزوج لحد الان مادري شبي قافل اني مخلصه سادس اعدادي واسراء هسه هم سادس احنا هذا حدناء بدراسه ابويه ميقيل نكمل وندخل كليه يكول الدنيه موامان واني اخاف عليجن واحنا مالنه كلمه من بعد كلمته الله يحفضه موضف وامي ربت بيت وإبراهيم عنده محل موبايلات هاي شغلته هم مكمل بس برادته محد جبره شكلي عادي ماوصفلكم ولاامدح نفسي بس بشهاده الكل حلوه مواليدي 93 حالتنه متوسطة بيتنه ملك جبير من بيوت كبل بوحده من مناطق بغداد الشعبيه طبيعتنه مسالمين وماعدنه ختلاط لا بجار وإلا باحد ل هنا عرفنو شلون عايشه هسه نرجع لبدايه القصه
شلت سلت الملابس ونصيت عل الاكل وصعدت السطح باوعت يمين يسار ماكو احد بديت اشر واقرص بل ملابس كملت دنكت شلت السله ورفعت راسي شفت ولد عل سطح العالي مال البيت اليغاد منه صاعد مادري شيدعفس بلنانو مال النت بسرعه دنكت وركضت سد يت باب السطح ونزلت ادردم ويه نفسي
ناس متستحي يعني تنحنح سوي صوت بله هذا من شوكت صاعد فوك بس لا من بديت اشر لالا اني باوعت ماكو احد بين هاي افكاري اثاري نازله جوه وشامره السله ومادري جفلتني اسراء من كالت
ها ااا سالمين اشو تحجين ويه نفسج
😍سلامتج شفت قرد فوك السطح وستغربت
كبر حتى كبر وين كاعدين بغابه حتى تشوفين قرد
ابد موصلت الإسراء ولا فتهمت عليه عفته ورجعت للمطبخ داكمل الطبخ هاي عود مقسمين الشغل الطبخ والخبز عليه بكل الأوقات والتنضيف والملابس عل اسراء بس هيه تزاغل وتضل تراوغ مرات اعاند ومرات اسايره واطبق المثل ليكول امشي شهر ولا تعبر نهر اخلص حتى شغله ولادوخني امي حقانيه ومترضى عليهه وهيه عباله تفرق وتحبني بس والله اني اشوفه كلنه بنضره نفس المعزه وشكد اسراء عنوديه وتداهرني بس بنهايه اليوم ومن انام واني اباوع عليهه اكول الله لايحرمني لامنج ولا من خواتي الباقيات اني وياه بغرفه وبراهيم بغرفه وامي غرفه وهول هذا بيتنه وخواتي من يجن اكيد بغرفته بس خطيه مو هواي يجن جهال ومسوليات وإذا جني يوم واحد والثاني يطفرن كلمن تصيح رجلي إيمان عده 2بنات ولد وانسام ولد واحد وحامل فونات ماعدنه بس فون امي نتصل بي عل خواتي عل بنات خالتي وبنات عمي وعل هل روتين
كملت كولشي واجه ابويه وإبراهيم وصبيت الغداء وتغدينه ونمنه الضهر شويه والعصر سويت جاي واخذته بلهول جانو كاعدين امي وابويه خليت الصينيه ابويه كال صيحي اختج وتعاي عندي موضوع وياكم رحت صحت اسراء وكعدنه كال
صديقي ابو سامر وياي بدوام تعرفو اكيد حاجيلكم عنه اني وياه عشرة عمر اليوم فاجني وهوه يطلب وحده منجن الأبنا وبصراحه مكدرت ارده لن رجال خير فكتلهم يتفضلون باي وقت شدكولين ام إبراهيم
والله ابو براهيم بكيفك اذا خوش ناس وعرف ليش لا
خلص لعد باجر العصر راح يجون انتي خلي رشا واسراء ثنينهن يطلعن حتى يا هيه تصير قسمتهه تتوكل
ان شالله ابو إبراهيم تدلل
اسمع وممتفاجه لن احنا دائمه يجونه خطابه والفتره الاخيره بابا كام يطلعنا سوه اني واسراء يكول حرام عليه اتحكم بقسمتجن بس جانت الخطابات لو منعجبهم لو ميعجبونه وعل هل حال من كملو كلام كمنه طلعنا اني واسراء واجتي امي ورانه وجان اسراء تطنكر وقفلت بن باجر متطلع وامي رزلته وحجت عليه وهيه قافله كالت امي باجر اني اعلمه والله لثاني يوم امي كالت جهزو نفسكم الناس عل جيه رغم إسراء معارضه بس ماما حكمته كلتله عيب ابوج منطيهم كلمه ضلت مبوزه وبدلنا وشويه كالو اجوي ستقبلتهم امي وره دقايق صاحت علينه دخلنا الضيافه جانن نسوان ثنين وحده كبيره كلش والثنيه بكد امي تقريباء كعدنا شويه وهنا بياوعن علينه وأكثر شي عليه مركزات واني الخجل ذبحني متحملت كمت واسراء اجتي ورايه
هااا عيني مبروك ليكدام
شكوو
هاي المشيه راح تصير وكولي كالت اسراء
وليش يابه
مبين النسوان ماتن عليج مشفتي شلون بياوعن
والله مادري
ديله بلكت تصير حتى نشبع ركص
هوب هوب هاي وين طفرتي منو كلج اني موافقه
حبيبتي وليش متوافقين اذا قسمه زينه مالج حجه حياتووو البابا الشور كله بيده
هم صدك اني مالي حجه مااوافق اذا خوش قسمه لن الحمدالله لاطالعه ولا طابه ولا عندي علاقه ولاحب ولا بطيخ راسي باررررد من هاي السوالف عاد اجتي امي كالت
يمه رشاء المره نعجبت بيج وعينك عينك كالت اني موافقه واريد رشا
بهل سرعه
اي والله حتى كتله حجيه روحي لبيتج وناقشي ابنج واخذ راحتكم وردونه الخبر كالت ابد اني موافقه وابني كلي اني عل مرامج وهاي المره الثانيه بيبيته هم نفس حجي امه
وتالي
والله كالت باجر اجيب ابني حتى يشوفه وتشوفه
بصراحه تفاجأت معقوله بهل سرعه هاي كلت اني ليش دايخه وإذا وافقت يجوز اني مااوافق انتضر لباجر والله كريم بليل امي سولفت الابويه وإبراهيم معارضو كالو يجي ويصير خير بيومه فكره تأخذني وفكره تجيبني صحيح هواي جاينيه خطابه بس مواصلة مرحلة اشوف الولد أو يشوفني يعني يجون نسوان وبس وراه تخرب اسراء سطرتني راح تتزوجين وراح نخلص وراح نركص وعل هل موال لثاني يوم اجوي لبست ازار الصلاه وطلعت لن الولد جاي هوه وأبوه وابويه موجود سلمت ودخلت مدنكه وكعدت بصف امي وكل شويه وكالو رفعي راسج خل يشوفج وتشوفي وابوه متوليني بنتي وبنتي لحد مرفعت راسي وشفته بس من لحضته ماعجبني طويل وضعيف كولش واسمر لا لحيه ولا شوارب ومحفحف والشعر كفشه رغم عرفت هوه مواليدي بس مبين ازغر مطير حواجبه يمكن لو احف مسويهن مثله بختصار كلش كلش معجبني ندست امي وهمست
يمه راح اكوم
هاهيه يمه كومي
طلعت شايطه عززه هذا لو اموت ما قبل بي اتخبل من الرجال المايع اسراء خبصتني
هااا شفتي حلو المن يشبه نور الزين محمد السلام نصرت البدر
اشششششش شبيج بابا تخبلتي الناس كاعده بعدهم كمتي تعددين
كبر شكد عقده غير داسلج
ميشبهه أحد اصلن لعبت نفسي منه
يااا ليش ولج
سمعنه نطبكت بابا الشارع وابويه وامي دخلو سكتنه واني رحت نزعت الازار دخلت امي
ها رشا يمه شنو رايج
سكتت


احجي بنيتي لا تخجلين
يمه تردين الصدك اشو ماعجبني
ليش بنيتي
يمه ماشفتي كفشته وشلون محفحف
هههههه نزول عليج رشا لعد شتردي غير همه شباب هل وكت هيج
ادري يمه بس موهيج كلش مصخهه يعني جالط نفسه جلط حتى أثر لحيه بوجهه ماكو
اكولج رشا خوما الافلام والمسلسلات ماثره عل عقلج ترريدن يجيج واحد مثلهم ضخم ومعضل وشخصية يمه تره هذا كوله تمثيل
ادري امي حبيبتي افهمج ولا هيج مواصفات بالي الله يشهد بس مادري ليش مستهضمته مودكولين شباب هل وكت كلهم هيج مواهذا براهيم كدامج اشو موهيج
بنيتي براهيم يختلف وكلمن وطبعه فكري زين وعل مهلج لا تستعجلين
طلعت امي واني حتى تفكير ماكدر افكر اني رافضته نهائي كلت يومين واردلهم الخبر مموافقه ونتهت حاله حال القبله بس وين صار العكس من رفضت ابويه تخبل كال
هذا مو حجي بنتي يعني ارفض واكلهم والله شنو شكل ابنكم ماعجب بنتي هاي وين لاكيتها
بابا حبيبي لعد عليمين شفته وشافني غير حتى نقتنع واني مقتنعت شسوي اجبر نفسي
بنتي الشكل مومهم هواي تشوفيهم شكلهم بس همه وبس بعدين يطلعون فارغين وانكس خلق الله واني سامر اعرفه واعرف ابو وهوه الوحيد الاهله وراح تعيشين بيتهم ملكه واهله ناس طيبين وخيرين لاتحرجيني وياه صديق عمري واني ابوج واعرف مصلحتج ولو موزين مستحل انطيج الاهم قابل متعاجز منج اذا تعزيني والي خاطر عندج توافقين وإذا عل شكل انتي تكدرين تغيري بسلوبج وبل كلمه الطيبه
بعد هذا الكلام اني شكدر احجي لتزمت الصمت ومانقشت وابويه رجعلهم خبر الموافقه وتمت الخطبه بشكل رسمي اول شي نطونه فلوس جهزنه احنا طبعن كله يجن امه وبيبيته فتهمت منهم الولد اسمه سامر ومواليدي ويشتغل حلاق عرفت ليش هيج شكله سويت حفله محفوفه وهمه جابو سيد عقدلنه شكد شكله بارد تصرفاته بعد ابرد ميحجي ولا يباوع بوجهي واني هم كذالك بلحفله عزمت امي كرايبنه وخواتي اجوي قبل يوم ورحت صالون حفيت لن الوالده متقبل أنحف قبل بس هسه الوضع اختلف لبست بدله جويتي ومكياج هادئ وهوه اجه لابس قميص كطمه ومصرصر والبنطرون لازك واحذا بدون جواريب عود هاي موده كعد بصفي سلم عليه برود ورديتله وبدت الرسميات لبسو الحلقات قطعو الكيك وهوه عيونه عل بنات أزيد ماعيونه عليه يفر برأسه يمنه يسره بعد مكملنا كل هل شكليات طلعو وخله بصفي كلاكه صغيره انطيته لسراء ضمتهه واني كاعده واسمع أشكال الكلام ناس دكول حلو وناس دكول مبين مريش طبعن حلاق هذا يكرف كرف وناس دكول مبينه أكبر منه والثنيه تجاوبه لا هيه حلووه بس هوه حلاق وحاير شمسوي بنفسه ولن ضعيف كولش مبين صغير اني سمعت همه نفس العمر
كل هذا واني اسمع خطيه الناس تفصل وتلبس بكيفه وكاعدين ويحللون ويقررون ومدوخين نفسهم واني من يمي راسي نصطر من الديجي واسراء ذبت لحم وتصيح يوم الالي واذبح طلي ضحكتني وشكد اني متنفرزه من سامر وشكله وتصرفاته بس هم ندمجت بلحفله وحتى كوموني ركصت لحد ماتعبت وخلصت الحفله وكله طشت حتى إيمان وانسام كالن انروح لن سمعنه العرس ميطول حتى يخلونه نجي قبل يوم فراحن واني هم سبحت وبدلت وفتحت العلاكه طلع فون حديت فتحته بي شريحه وبي رصيد وبي رقم واحد مكتوب سامر خليته عل شحن ورحت ساعدت اسراء ولمينه البيت شتغلنه صونده وماسحه وجلف جلف ورجعنا كولشي بمكانه ال رتحنه جان يوم متعب بشكل حطيت راسي ونمت والفون بيد اسراء دخلت الرمز ونبشته نبش ونزلت برامج كومه واني ستسلمت للنوم ما كعدت غير واسراء تهز بيه
ررررشا ررررشاء
كمزت
شكو شكو
هاج سامر يدك عليج
سامر منو
عزه بعيني ولج اصحي سامر ديدك عليج واتساب
الله يصكعج وتساب شنو شوكت نزلتي شوكت فعلتي هسه يكول ملكوفه
هسه غير اجاوب كوندليزه رايس الرجال دينتضر
جيبي جيبي الله ياخذج
اني منا نايمه وهذا الحجي كله وهوه يدك والنومه بعيني جاوبت
الووو
هلو رشا شلونج
هلو سامر الحمد الله تمام
خوما نايمه
اي والله بيش الساعه هسه
هسه وحده ونص اسف اخاف ازعجتج بس والله هذا وكت جيتي من الشغل
لالا عادي أشكرك عل فون
بلعافيه ماكو داعي تتشكرين اني صرت زوجج شرعن وباجر اصير قانون
ههههه شلون يعني
يعني حضري نفسج باجر نعقد محكمه
ليش مستعجل تره اليوم جان متعب خليه كم يوم ونعقد
والله هاي أوامر الوالد هسه اجيت لكيته منتضرني وكلي ابلغج
تمام ماكو أشكال
يله اني اترخص اريد أسبح واتعشى
براحتك الله وياك
سديته وكلت بكلبي هذا من جماعت الوالده كالت والوالد الله يعينج رشا سحبت اسراء الفون من ايدي وضربتني بلكوشه كالت كملي نومتج واني هم ماصدكت رجعت نمت للصبح كعدت غسلت وطلعت امي وابويه ديتريكون صبحت عليهم كلي ابويه
رشا تدرين موو اليوم تعقدون
اي بابا كلي سامر
خوش الله يتمم عل خير حضري نفسج لعد بنيتي
صار يابه
اكلت لكمه وشربت الجاي ورحت للغرفه بدلت اسراء نايمه اكيد البارحه سهرانه لن الفون مصفر شحن عاد لبست تنوره بينصل سوده وسترابلس ابيض ويه سترته وردي رهمت شال وحذاء وجنطه ورتبت وجهي وطلعت بابا مبدل شويه واجتي السياره بلباب طلعنا لكيت سامر وامه وأبو من شاف ابويه نزل سلم وكعد ليوره وابويه كعد بصدر واني كعدت بصف امه يعني صارت بنصنه وكبل للمحكمه اجرات وهوسه وجيب ودي و سامر ولايمه ولامهتم اصلن ممعبرني وعموو يركض منا ومنا ومشاها بلفلوس حتى معرفنا فصيلت دمنا مطابقه أو لا ركض ركض عقدنا وكملنا واصرو نتغده يمهم بابا عتذر بس عموو ما قبل وحلف انو مسوين غده ومنتضرينه فرحنا واول مدخلنا طشو الجكليت علينه والهلاهل شفت خواته 2 بعمري ذني منتبهت عليهن بلمهر من وره الهوسه بوسني ورحبن بيه وكعدنه بس سامر فص ملح وذاب اول مدخلنا وامه كالت راح للمحل خابرو عليه مقتنعت يعني دنيه الضهر وين اكو شغل وحتى لو كلامهه صحيح اني خطيبته واليوم مهرنا واحنا بيتهم شلون يعوفنا ويطلع وهوه حتى مبروك ماسمعت منا بصراحه ضجت ودخت بشخصيته معقوله مجبور عليه لالا ممبين هيج اخاف هوه بارد وهيج طبعه والله مادري خواته طارو بيه واخذوني شوفوني الغرفه كلش حلوه وفخمه ومرتبه هنا يسولفن بينهن عل عرس والتحضيرات واني مستحيه وخجلانه بس هنا كولش سبورت وحده اسمهه مها والثانيه انهار ويه وكت الغداء اجه سامر وكعدنا نتغداء طبعن كولشي ماكلت استحي وهمه بشيلون ويخلون كدامي سامر بلمح البصر اكل وكام غسل وكعد عل فون واني وابويه هم انسحبنه من السفره ال ان كملو وشربنه الجاي ورجعنا للبيت بس مادري شبيه ولاعبالك عاقده يجوز لن بعدني ماعرفه لو لن شفت منه البرود امي سلتني سولفتلها كالت عادي بعدكم مماخذين عل بعض بمرور الايام تتعودون مشيتها ويوم يومين سبوع لاخابر ولاسل اني مثل الخليته بالي كمت ادخل عل صفحته عل فيس شفتهه متنوعه اغاني اشعار زبائن محلقهم ومسوي بث مباشر وضحك وسوالف عادي يعني كل البرامج اشوف متصل بيهن بلنت لعد ليش ميخابر مادري امه معافتنه يوميه جايه ومجهزه حاجه وهيه وامي يتفقون عل كل الأمور ويحضرون خلال شهر واحد كملنه كولشي و حددو موعد العرس هذا الاسبوع وسامر مشايفه وجهه وكله تحضر ومخبوصه ال اني معندي اي مشاعر لافرح ولا كولشي اصلن إحساس اني عروس ماعندي حتى حماس اسراء وايمان وانسام اكثر مني ميشت شعري وحفيت وسويت جسمي بمساعدت إيمان خطيه قبل العرس بيومين اجتي يمي واليوم الحنه جانت البدله وردي والتسربحه نازكه ويه المكياج طلعت غير شكل رجعت للبيت وصارت حفله حلوه وكله منتضره العريس يجي ويحني العروس وماجه اجوي امه وخواته وكم مره من كرايبهم همه حنوني جنت اغلي اغلي ولحضه من اللحضات حسيت نفسي تورطت او تسرعت بهلزواجه بس فات الأوان خلصت الحنه عل اعصابي عبالك الدنيه دتركض بيه مدري وين تريد توصلني ومن الهوسه كمت لاافكر ولااجمع وستسلمت للنوم وعفت كولشي حتى خواتي الي كبلني يشاقن ويشرحلي عل ليلة باجر ومن كد ماخفت لفيت راسي ونمت لثاني يوم كعدت واني اباوع عل كل ركن بلبيت وشلون راح افاركهم امي ابويه إبراهيم اسراء عيوني تدور بينهم ومن صارت عل ابويه وشفته مدمع جيتت بحضنه وهوه يبوس برأسي ويدعلي ويكلي الله يسعدج بنيتي ارفعي راسي وخلي الكل تكول ابو براهيم ربه ونعم ماربه واني اهز برأسي وابوس بيده لحد مكالو كومي للصالون مضل وكت تريكت وطلعنا إيمان راحت وياي اليوم طلعت غير عن البارحه بهواي لن الأبيض لون مميز وكل مكياج يكعد وياه من كملت وفتحت عبالي غير وحده حتى كم وحده بصالون صلن عل نبي رجعت للبيت والساعات الاخيره احسهه تخنك ممتعوده افارك اهلي امي خطيه تباوعلي خطف وتروح ادري بيهه متتحمل تبجي ومتريد تبجيني للمغرب واجوي اخذوني سلمت عل إبراهيم وابويه وامي ختفت ولو شايفته جان جلبت بيهه وماطلعت لن سامر حتى ايدي ملازمهه حتى بطريق كلمه محاجاني مدري شبي متوتر ويمسح بكصته شكد جان بنفسي جلسه تصوير وعبالي راح يأخذني بس صار العكس أخذني للبيت كبل كعدو ني بلستقبال شويه وراهه امه كالت الإيمان اخذيه بغرفته راح يزفون سامر اول مكومتني كمت ارجف حتى من دخلت الغرفه التدفاء مشتغله واني ارجف و إيمان وانسام يهدون شبيج ولاتصيرين جبانه هيه شغله خمس دقايق كمت ارجف اكثر انوب بوسني وطلعن ودخل سامر
ونقفلت
الباب .
.
.
.
.
.
احبكم اختكم رفل الكناني ❤❤❤


لامارا غير متواجد حالياً   رد مع اقتباس
قديم 08-11-19, 11:05 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 2


دخل سامر ونقفلت الباب واني كاعده عل سرير ومدنكه سلم ورديت وعيني بلكاع وداشوف خطواته بلغرفه كال ورفعت راسي
شنوو متبدلين
هااا لا ابدل هسه
اخذي راحتج وبدلي
ياربي شلون ابدل وهوه موجود كمت تمشيت اليم الكنتور اخذت سيت المحضري صار الحمام كدامي لن بداخل الغرفه كلت احسن شي ابدل بلحمام دخلت وطبكت الباب همزين اكو مرايه كبيره باوعت عل مكان الخيط وسحبته بسرعه نفتحت اااااي جنت شايله هم بس الله سهله بدلت وكملت ولفيت الروب عليه وطلعت علكت البدله وسامر واكف يم الثلاجه مادري شفته اخذ حبايه شربهه واني وكفت كدام المرايه فليت التسريحة هوه كعد عل جربايه الواريه اباوعله موطبيعي يهز برجله ويباوعلي وينصي نتر
كملي عاد
خجلت شلون هيج صاح بيه كمت افل شلون مجان وكملت كام وكف اشرلي عل جربايه كعدت وهوه طفه الضوه هنا شتغل الخوف الحقيقي الغرفه صارت ضلمه تقدم كعد بصفي ونيمني ويبوس بيه جمدت ومحسيت بشي تجاه ابد نزعني ونزع واني ارجف تقربلي وحاول بس مديكدر رجع يبوس بيه واني ختنكت احسه عبالك ديعارك موديبوس بس ماكدر احجي وهم رجع حاول تقربلي وماكدر دفعني وبتعد لميت نفسي وهوه كام لبس وشغل الضوه يفرك بكصته وكال
رشا اني اسف يمكن شويه تعبان من العرس والهوسه
دنكت استحي شجاوبه عافني وراح للحمام واني بسرعه بدلت وعدلت الجربايه مابالي اي شي ولادافكر باي شي الخجل مسيطر عليه طلع سابح وكف يمشط كمل واجه صار كبالي كال
هسه شلون
شنوو
شراح نكلهم تره منتضرينه
مادري
شوفي اذا سلوج كوالي كولشي تمام ماشي
هزيت راسي اي وهوه طلع بسرعه دخلت إيمان وانسام وعمتي بوسوني وباركولي عمتي كالت راح اجهزلكم العشه وإيمان ستلمتني هيه وانسام
ها ااا بشري
عادي كلشي تمام
لعد وين النيشان
يااا شتسون بي
ههههههه لازم تستحين
أنسام اسكتي لاتخجليني
لا صدك وينه رشا
إيمان بسله المهملات ذبيته بلحمام
عززززه بعيج يلعوبه مينذب جان نطيتيناه اخذه ال امي
شنطيج كلينس بابا
مممممم ولج إيمان ذولي كلينس احنا راح وكتنه
هم صدك عل عموم يله احنا رايحين
بوسوني وطلعوو همزين عززه خلصت جان شكتلهم اوووف شلون بيه هاي اول جذبه كمت سبحت ورجعت نشفت شعري ولفيته ودخل سامر وعمتي دخلت العشه وكعدنه نتعشه بدون كلام وراه طلع الاكل وطفه الضوه واني كاعده وصد عل صفحه الثانيه ونام شنو هاي تصرفاته مداعرفه اني هم لفيت راسي ومن التعب وهوست اليوم بسرعه نمت لثاني يوم كعدت سامر ماكو غسلت ورتبت نفسي واريد اطلع بس استحي اخر شي توكلت عل الله وطلعت صبحت عليهم وهمه كلهم كاعدين يتريكون بلمطبخ اشرتلي عمتي كعدي بصف رجلج كعدت وكعدتهم حلوه صبتلي عمتي الجاي وقدمتلي الصمون صدك كعده تفتح النفس ووجوهم تضحك ال سامر مدلغم اكلت وكملت وردت اشيل وياهم ماقبلت عمتي وحلفت مامد ايدي مكسرت حلفانهه عفت كلشي ورحت وره سامر الي كعد بلهول ولاعبرني بكلمه اكثر من ساعتين كاعده يمه وهوه عينه عل فون مشغل طوبه يتفرج واني عيني عليهم البنات يتشغلن وعمتي تسوي بلباميه وعمي يتفرج أخبار نسحبت من بينهم ورحت للغرفه دورت فوني لكيته بل مجر خطيه البارحه انسام خلته طلعت رقم امي وخابرته سلمت عليه وسلتني عل وضعي كتله كولشي تمام اسراء يمهه حجت شويه وياي دكلي رشا البيت راح ياكلني الله عليج ارجعي والله اشتغل كلشي بمكانج قهرتني وامي تضحك عليه دكوله انتي مخبله تزوجت شترجع قابل راحت خطار حتى ترجع سديته منهم وبقيت كاعده بلغرفه شويه واجه سامر مدد وكال لاتكعدوني عل غده ماريد ونام غطيته وطفيت الضوه وطلعت يمهم احس روحي غريبه بينهم مع العلم همه طايرين بيه والبنات وحده تشوفني غرفته وحده تشوفي شغلاتهه وصوره بل فون إلى ان صار الغدا وصاحتنه عمتي خجلت اكعد وسامر ماكو غير هوه رجلي لازم يكون موجود حتى يبعد حاجز الخجل ويخليني اتعود عمتي حست عليه كالت
يمه لاتستحين احنا اهلج وسامر نام لن كعد من الصبح اليوم اكلي بنتي لاتضلين تجبجبين منه تره تموتين جوع حبيبه يله يله مدي ايدج
جاوبه عمي
ياله بابا اكلي تره ماكل
لاعموو والله راح اكل
كلامهم خجلني اكثر دنكت اكل بهدوء وهمه سوالفهم وضحكهم ملى المكان والبنات يحششن وعمو يضحك حيل مرحين وسبورتين عاد كملنا واصريت اساعد البنات لن ماعدي شي التهي بي وياهن وياهن لملمنا المطبخ وغسلت ودخلت لغرفتي صليت ونمت ماكعد للعصر باوعت سامر ماكو بصفي كمت رتبت نفسي وطلعت هم ماكو بلبيت شلون اسلهم عليه لو عيب لاخل اغلس بقيت كاعده يم البنات شويه عل تلفزيون وبعدين كعدنه بلحديقه لحد مااذن دخلت صليت ورجعت لكيتهم ديجهزون العشه وكفت وياهم وكملنه وصوبو العشه وسامر ماكو عاد وصلت حدها لابلغده كعد وياي ولا هسه متحملت سالت انهار
اكولج انهار شنو سامر ميجي عل عشه
والله رشا هوه يجي متاخر بس هسه غير عريس شعجب طالع للمحل
والله مادري
سكتنه
اصلن لو مساله احسن كعدنه نتعشه واني بدون نفس وعمو يكلي تره سامر هذا شغله بنيتي تحملي واني مدنكه لحد مكملنه وشلت ويه البنات ساعدتهم وبعده دخلت للغرفه وانتضر وانتضر وهسه يجي ول11ونص ال اجه جنت مدده ومن دخل كعدت سد الباب وكال
هااا شلونج
دنكت وجاوبته
هلو الحمدالله
نزع فانيلته شمره عل جربايه ودخل للحمام واني كمت شلتهه كله شعر حتى ايدي ادمرت ولاكدرت اذبهه انوب ادمر المكان بقيت شايلته واكفه وهوه طلع سابح بسرعه دخلت غسلته وغسلت ملابسه الباقيات وجففتهن وطلعت لكيته نايم رحت شريتهن ورجعت اجيت وكفت فوك راسه
سامر تريد عشه
لا ماريد بس طفي الضوه
سويت مثل مكال واجيت نمتت واني مستغربه تصرفاته حتى الحجي الي كالو انسام وايمان ماصر منه اي شي غفيت وماكعدت ال عل ثكله فوكايه فتحت الغرفه ضلمه هندس يمكن طافيه الكهرباء والدنيه ثلج رخيت نفسي عرفته شيريد ومثل البارحه حاول وحاول ومكدر بس ملخني وماكدر احجي استحي بقيت متحمله بس بدون نتيجه بتعد يتفف نطرح عل فراش واني سحبت البطانيه وهمزين واحد ميشوف الثانيه لن بلحضته عرفت سامر ماعنده رجوله فماريد ينحرج اكثر اذا صرنه وجه لوجه الهدوء سيد الموقف وحاولت اسوي نفسي نايمه بس تصرفاته ربكتني بس يدكلب بقيت عل وضعي لحد منايمه ومادري بنفسي للصبح كعدت هوه بعده نايم رحت سبحت ورتبت نفسي وطلعت صبحت عليهم لكيتهم متريكين ومكملين انهار كالت
راح اسويلج ريوك
لا حياتي اني اسوي
تره عادي وانتي بعدج عروس
فدوه لكلبج لاتعبين نفسج اني اسوي اشكرج
خطيه بقت واكفه يمي سويته وكملت وخذته للغرفه لكيت سامر طالع من الحمام ودينشف شعره
صباح الخير
صباح النور
كاله ودنك عرفته تذكر البارحه بسرعه كتله
تعال تريك
باوع عليه وطول النضره واجه ثنى كبالي
اني محرج منج وماعرف شكول بس مادري شبيه من اجي يمج كلشي بيه يموت وانتي شفتي البارحه وقبله شكد حاولت بس مداكدر اتمنى تتحمليني هل فتره لن اني مداعرف شبيه
يابه من كلامه بودي اختفي حيل خجلت بس لازم اجاوبه اخاف عباله اني ضايجه او غير شي كتله
لا عادي لايكون بالك موضروري ال بهل فتره خليه عل راحتك
بس ماريد أحد يدري اليصير بينه من تطلعين باب الغرفه كله تنسي


رفعت راسي بصدمه
طبعن سامر انت شتحجي اكيد محد يدري اني وياك خجلانه احجي بهيج موضوع انوب تريدني احجي خارج للغرفه مستحيل
عفيه عليج يله خل نتريك
حجاه وضحك خفيف عبالك مدري شصار بيه نسيت حتى الجنه نحجي بي لن مشايفه ضحكته تريكنه وكملنه وهوه طلع للمحل واني ماكدر ابقى بلغرفه ممتعلمه كمت يم البنات ومشى اليوم روتين عادي ومرت الايام سامر كل يوم يحاول وميكدر شبهه ايست منه لن داشوفه فعلن ميكدر مع العلم دياخذ حبوب وكدامي وهم ماكو نتيجه لحد السبعه واحنا عل هل حال أصبح بلشغل والضهر نايم وبليل يحاول كم مره وميكدر يتنرفز ويطلع ومرات ينام واني شكدر اسوي اجوي اهلي بلسبعه وعمتي مقصرت أخذتني صالون وسوتلي حفله وجنت احاول اكون طبيعيه ومابين شي امي خطيه مكامت من يمي عبالك كلبه يعلم وكل شويه دكلي
بنيتي شبيج اشو مصفره اخاف مريضه
يمه حبيبتي والله مابيه شي
اخاف تستحين ومتاكلين اشو احسج مريضه
والله اكل وممقصرين وياي اشكل يجيبون ويخلون كدامي بس اني استحي لايضل بالج وبعدين مشتاقتلكم وهيج صارير بيه عل فراكم
مقتنعت واني غلست واني صدك جنت موطبيعيه لن تعبانه نفسين وضايجه من تصرفات سامر يعني هوه المفروض من هيج ضرفه اقله يكون زين وياي بكلمه حلوه بنضره حب لو رضه موله يكون بينه شي الحياه الزوجيه مو فراش فقط واني غريبه بينهم يعني فعلا محتاجته بس للاسف مدالكه حتى حرت بتصرفاته يعني من كعد وحجه وياي كلت ماكو منه وهاي الفتره من ممعبرني بودي اكطعه متناقض بشكل موطبيعي كل هذا واكول اصبري رشا دا شوف وين نوصل خلصت الحفله وراحو اهلي بعد معزمونه باجر عل غده واني رحت سبحت وبدلت ومن يومه سامر نكلب اول شي سواه بيومه بليل جبرني عل اشياه تلعب النفس وال تسويها
لو اموت
غصبن ماعليج
سامر شجاك ليش هيج تسوي وليش بذات اليوم اشو ذيج الايام مسويت هيج
لن السبعه خلصت وعروس بعد ماكو بح واني صرفت كومه فلوس عليج وكلشي محصلت منج يله وهسه سوي كلشي اكولج عليه
ستغفر الله اني شعليه اني مانعه نفسي منك مو انت مت
بعدني ممكمله لزمني من شعري كال
اذا جبتي طاري كلمة متكدر عل لسانج اموتج والله وميرفلي جفن سامعه شنو افضحج افضحج واكول لكيتها مو بنيه
هد شعري انت شنو من بشر وخر راح ا صيح والله
اذا طلع صوتج كتلج اموتج صيري مطيعه وبلا لغوه
اي بس هد شعري والله تكطع
اول مهدني ركضت للحمام قفلته عليه وصرت وره وابجي فرفحت المرايه كدامي وشعري مكفوش ياربي اني رشا لو غير وحده شديصير بيه ومنين طلعلي سامر حتى هيج يسويلي تصنطت عل باب ماكو صوت يعني طلع همزين لالحكني ولا دك الباب الحقير مخايف عليه بس اكيد يخاف من الفضيحه بقيت بالحمام وارجف من البرد واخاف اطلع بس متت وحتى عضامي كامن يونن عليه مادري شكم ساعه كاعده تكسرت وتعبت كلت اطلع وشيصير خل يصير فتحت الباب عل كيف شفته نايم تمشيت عل أطراف أصابعي ومددت بلكاع لميت رجليه لجسمي اخاف اكوم اجيب بطانيه اخاف يكعد عين عليه وعين عل حالي وجان انام واني صاكه عل سنوني من البرد وين حست شي تخله عل جسمي ودفيت رفعت راسي سامر شامر عليه بطانيه باوعتله بخوف خزرني وطلع اريد ارجع انام ماكدر بقيت متلفله ادفي نفسي ومن دخل وبدل وطلع سويت روحي نايمه عرفته راح للمحل كمت باوعت الساعه 8ونص غسلت وطلعت عمتي حجت عليه كالت شعندج كاعده من الصبح ماعنده شي رجعي نامي كتله لا منعسانه ردت كالت سامر عل كصتج نفتح شغله شوفي مديكعد بلبيت جاوبته ان شالله متدري بي ديلهزم من البيت من وره عمايله البنات ماكو بدواماتهم واني عل ايد عمتي اساعده ونضفت البيت وغرفتي وجهزت نفسي داروح ل هلي وكل عاده سامر ماكو عاد دكيت عليه
الووو
هااا شكو
شنو متروح لهلي موعزمونه
شصخم باهلج ولي وحدج
سامر عيب شكلهم
مشكلتج يله ولي عندي شغل
طبكه بوجهي لو متت يالله شحجي وياه وشراح اكول لهلي يعني فوك شينه كوه عينه المفروض بوجهي ميكدر يباوع انوب هوه ابو الراهي شسوي شلون بيه ضليت اكل بنفسي ورتبت مكياجي ولبسي بلكوه قريب ماريد اكمل ودخل سامر باوع عليه من فوك ليجوه وكال
راح اروح وياج بس قسم بلقران رشاء اذا نطقتي بحرف عني يم اهلج امحيج سمعتي
هزيت راسي اي
نتر
طلعي ملابسي
جهزتهن وحتى الحذا وهوه بدل وشسور كفشته الي اتخبل منه لو بيدي ازينه صفر لن شكله مصفره عنده الرجوله من وراه كملنه وعمو وعمه هم جاهزين طلعنا لبيت اهلي هوه موبيعد بنفس المنطقه بس قطاعات ويفصلنا شارع عام وكم فرع بس رحنا بسياره عمو ومن وصلنا ستقبلنا ابويه وإبراهيم وامي وازواج خواتي احمد ومحمد يالله من كعد بنصهم سامر غير فشلت همه واحد هم شواربه ودشداشه وهوه جنه كتكوت انوب كعدو بينهم صارو العدايل كاعدين سره وابويه يسوي ال امي اليوم متتاحجين نسابتج يمج وهيه تضحك نسحبت من بينهم للمطبخ الي متجمعات خواتي بي وشتغل المحاضن وخاصة اسراء جمدت عليه ونجريت من حضنه لحضن امي وبس شتميت ريحته لمليانه حنان واني مفتقدته بسرعه دموعي نزلن بجيت بجي مال هذا الاسبوع كله وهنه اكلني وشربني وليش هيج تسوين وعليمن البجي وانتي هذا بيتج لعد احنا شنكول وامي تحلف بيه اخاف بيج شي ماسكتت ال دخلت عمتي باوعتلي بصدمه كالت
شبيج عمه خيرج
جاوبته امي
مابيه شي بس مشتاقيله وهيه هم هاي هيه ام البيت ومن تزوجت شالت البيت وطلعت
الله لا يحرمكم من بعض بس هيه بيتي هم هيه ام البيت مثل مهذا بيته ذاك هم بيته تاكل تشرب تنام كله بكيفه وهاي كدامكم اسلوله
مسحت دموعي وجاوبت
اي والله يمه يحبوني وشايلني بصلوات وممقصرين مني ومكدامهم اكول الله يشهد عليه
كالت امي
الله يسعدكم ان شالله وان شالله دوم هيج هيه الجنه شتريد غير تطلع من بيت أهله تلكه ناس مثل اهله وأحسن
ضلن يسولفن واني رحت رتبت وجهي لن من بجيت ندمر ورجعت للمطبخ إيمان جانت مبدعه وهيه محزمه ممخليه شي ممسويته حتى من فرشنه السفره ضلو صافنين لتمينه كولنا سوه واني كعدت بصف سامر شكد بيه هموم وبيه قهر من شفت ضحكت ابويه ويشل ويخلي كبالي وامي تباوع علينه كلنه وتصلي عل نبي نسيت كولشي واكلت من كل خاطري وسامر صار إبراهيم بصفه هم يدلل بي وكل شويه يدك عل ضهره ويكله لاتستحي البيت بيتك وذوله عدايلك اخوتك وانت صرت واحد منه اخذ راحتك وهوه يجاوبه رحمه الله والديك كلت ليشوفك يكول نياله اكلنا وكملنا وبس شربنه الجاي كالو يله اهلي جلبو بيهم مقبلو انسام وإيمان حجن عليه كالن مشفناج ولاكعدنه كتلهم غير مره رجعنا للبيت بدلت وكملت وهوه طلع بيومه مااجه لليل حتى اني مليت من كد منتضرته بس تأخر غفيت وعل طبكت الباب فزيت دخل لاسلام ولاكلام كال
كومي نزعي
شنو
شبيج طرشه كومي نزعي لو مكيفه عبالج راح أبقى ماكد طول الحياه
سكتت ونفذت طلع من جيبه الوره حبل رفيع ملفوف عل عوده ماعرف شنو من شفته نرعبت اشرلي بصبعه
ااششش
سامر هاي شنو
لاتحجين
شنو مااحجي شدسوي
راح اشدج حتى اصيطر عليج لن انتي من تدفعيني تخرب معنوياتي
لالا انت موصاحي شوكت دافعتك غير لمن اطلع روحي
اي واني اليوم اريد اطلع روحج وماريدج تحجين خليتج بعقلي انتي هل كدوتج شنو ماكدر اخذج قحطت اليوم اشوفج اني رجال لو مو رجال
والله رجال والنبي رجال واني انطيك نفسي بدون متشدني بس لاتسوي هيج تصرفات والله اخاف
مسمعلي ربط ايدي من الجهتين وثبت جسمي بديه وتقربلي كمت ارفس لن هم مديكدر وكل كلمه احجيه براشدي ردت ا صيح عموو الحكلي خنكني
وعيوني وكفن
بلحق
وحتى
الهوى ااااااانكطع.
.
.
.
.
.
.
.
احبكم اختكم رفل الكناني❤❤❤


لامارا غير متواجد حالياً   رد مع اقتباس
قديم 08-11-19, 11:07 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 3

اديه ماكدر احركهن وجسمي هوه معتلي كمت ارفس وحتى الهوى نكطع وهوه ولا عبالك تقربلي ومديكدر جسمي من الرفس والرعب باد وحيل مضل بيه واني اباوع عل شكله المكلوب وحش كمت ا صيح ويصم حلكي ومن حسيت خلص اني نتهيت وراح تطلع روحي ستسلمت وبلحضه جسمي همد وبس الدموع ضلت تجري من شافني هيج خاف عباله صار بيه شي بسرعه بتعد ويهز بيه
ررررشا ررررشا شبيج
مجاوبت وبس عيوني تهمل حل اديه وشمر الحبل ولبس ملابسه وورجع يهز بيه واني عبالك مصدومه غطاني وطلع باوعت بلغرفه يمن يسار اريد اعرف هذا الصار حقيقه لو حلم واني بعدني عايشه لو ميته تأكدت كل الصار حقيقه من دخلت عمتي وهوه وراه عيونه مقغله جانت نايمه ومن شافتني نفزعت حسيت عل نفسي من رادت تسحب الغطه مني وتذكرت اني كلشي ملابسه لزمته حيل وسحبته عليه اكثر وهيه تصيح
يمممممه البنيه شبيه الله لايوفقك سامر شمسويله
وهوه يفتر بلغرفه يوصل للباب ويرجع يم راسي ويمسح بوجهه ويتافف وعمتي معافتني
يمه فدوه العينج لاتهبطيني هذا ارعن الله وأكبر ولك البنيه مصدومه يمصخم شمسويله بنت العالم شيخلصك ررررشا عمه شو اكعدي
خلت ايده جوه راسي وكعدتني واني مجلبه بلغطه عل جسمي الدشداشه عل جربايه سحبته لبستنياه هنا نحلت عقدت لساني وصارت شهكاتي مسموعه ولزمتني البارده وهيه لفت البطانيه داير مدايره لزمت اديه حيل حضنتي نهاريت
اااااااااريد اهلي عفيه ودوني لهلي اااااااااريد امي
اني امج يابعد عيني اااااااطلع سامر ااااطلع من الغرفه انعل ابو لابو ابوك الزوجك لك تسوه راسك
يمممممممممه اسكتي
ولمه بكلبك اطلع لا صدك اوديه لهله حتى يكصبوك اااااااطلع
طلع وطبك الباب واني ارجف بحضنه واصيح اريد امي
بس اهدي والله الصبح اوديج فدوه لعينج لاتسوين هيج هاج اشربي مي ورتاحي وخل نحجي بهدوا اني يمج ماعوفج وهذا الارعن ماخلي يدخل للغرفه سولفيلي وعل كفيج اني هم امج
شربت المي وحاولت اهدي نفسي وبديت احجيله من البدايه لحد هاي اللحضه ماتت قهر ودموعه نزلن ورغم كلشي عذرته يبقى سامر ابنه الوحيد وأكيد هاي دموعه مو عليا عليه شي طبيعي جانت منتضره خبر حمل مني مو اصدمه بهيج موضوع ستمعتلي للاخير وبعدين كالت
رشا ابني عايل ولو مسوي هيج وياج بدون سبب جان من باجر بيدي اخذتج لهلج بس هسه ماكدر ابني هم واكع بشده اني مااصف وياه بس عبالج هينه عل رجال هاي السالفه أصعب شي هذا وانتي مثل بنتي الله يشهد من دخلتي بيتي صرتي حالج حال نها وانهار واليمسج يمسنه ماريدج ترحين لهلج ولايطلع هذا الموضع لن سامر رجلج كد ام الناس والناس اله الضهار شيكولون عليكم اذا هسه عفتي ومثل ما ماارضى الزله عل بناتي مارضه عليج ولااقبل أحد يجيب طاريج وانتي بنت حموله ومتربايه لو غيرج وحده جان فضحته وانتي حتى صوتج مطلع ولو ما هوه يجي يصيحلي جان مدريت وارجع واكولج سامر رجلج والحياه مساير مومن اول درجه ننزل ونستتسلم كملي مشوارج وادي واجبج امام الله واتحملي واني وياج لحد منلكاله حل تره سامر منهار نفسين صحيح اني ضده بكل تصرفاته بس البي ميخلي يكعد رغم يدري بنفسه ميكدر والله هذا عليه وكتبه وملاكته لو ادري ابني هيج مستحيل ازوجه واضلم بنات الناس وهوه ماحجه ولا عنده اخوه ليشكيله ديركض بي عمج زوجه من وره طلعات اليل ولن يتأخر كال اخاف يجيبلنه مصيبه وهوه جان رافض وحلفنه نتبره منه اثاري احنا الي حطمناه رشاء لاتعوفيه بنص الطريق اني هم ام وهسه بركان بداخلي ساعديني وساعدج والله يباوع عل حالنه
بوستني ومسحت ادموعي وكومتمي للحمام كالت اسبحج رفضت كتله اني اسبح دخلت وهيه ضلت بلباب سبحت واني اتلفت وحالتي حاله وكل شويه أتخيل سامر يرجع يربطني لو يدخل عليه للحمام مجرد فكره متخليني أغمض عيني واني جوه المي فبسرعه طلعت لكيته خطيه واكفتلي مشتني نومتي بفراشي وغطتني وكالت
نامي ورتاحي وإذا تردين اني راح اطلع كومي اقفلي الباب حتى تأمين أكثر
طلعت وسدت الباب واني تقريبا هديت وقويت نفسي وكلت كلامه صحيح ميصير اروح لهلي يبقى سامر رجلي اتحمله واسانده اذا كلت هسه الأحد راح اعتبر فاضحتى ويجوز يصير زين بساعته شحصل غير ينزل من عين اهلي خلص رشا تحملي وشوفي تاليته شنو من التعب والخوف والموقف الجنت بي غفيت للصبح كعدت عل لمسات عل راسي فزيت لنه سامر يمممه بسرعه جريت البطانيه ورجعت ليوره لزمني من معصم ايدي كال
رشا لاتخافين والله موقصدي اسوي هيج والقرآن موبوعي اني اسف والله اسف وإذا تردين حتى للغرفه بعد ما دخل
عفيه سامر عوفني الله يخليك والله اني اخاف منك لن مداعرفك يوميه وجهك شكل
والله العضيم وجهي واحد بس نفسيتي صفر اني قبل الزواج جنت شاك اني عاجز ورفضت أتزوج بس اهلي لحو اصلن خاطبيج واني مادري خلوني إمام الأمر الواقع ومن تزوجنه تأكدت اني عاجز وانتي حلوه واي لوله مابيج واني رجال يمج بس ماكدر امتلكج شيصير بحالي تدرين دالهزم بلساعت من البيت ومن ارجع ارجع اتحطم من تصيرين كبالي واني ادري بنفسي ماكدر بس من اكون قريب عليج اشتعل واريدج باي طريقه
ادري سامر بس البارحه انت جيت تموتني شنو اني حيوانه حتى تربطني
مادري أفكار شيطانيه برأسي اصلن مكمت افكر وسويت هيج توقعت راح اسيطر عليج اكثر اني موصاحي لو صاحي جان مربطتج
حجاه وخلاه ايده عل راسه ودنك مدري شصار بيه نقهرت لزمت ايده رفع راسه صرنه وجهه بوجه كتله
سامر خل ننسه البارحه واحنا ولد اليوم واني راح اسامحك بس توعدني متعيده واني ايدي بيده لحد متتشافه مستحيل اعوفك لن عاجز رشا أكبر من هذا الشي والأيام تثبتلك
شتشفى رشا صيدليه كامله شاربه من تزوجنه لحد الان حتى معدتي تسممت وماكو فائده
ميخالف نصبر احنا شورانه لاتحصر فكرك بس بهاي الشغله فكر اني زوجتك وهاي غرفتنه مملكتنه اكعد يمي كابلني حتى نلكه الحل سوه لاتتخذ الهروب من البيت وسيله اني مرتك خلص ماكو مهرب
المشكله اني داحس عبالك الناس كله تدري وكله دتباوعلي بشفقه حتى اني من اشوفج مرات تخدميني احس دتعطفين عليه
غلطان هاي لو ديتهياك لو الشيطان ديوزك محد يدري قسم بلقران وحتى اهلي ميدرون وعمتي البارحه لو ما انت تدكله مستحيل اكوله اني
اني حيل خجلان منك وماعرف شسوي
أخذني لحضنه وباس راسي حسيته هذا مو سامر واحد ثاني ياربي يبقى هيج ان شالله همس
كومي نتريك تره امي كلبه نار واكلت راسي من الصبح البنيه راح تهج وراح تلهزم وووووو كومه حجي
هههههه يله كوم
كمنه تمشيت للحمام كال
هاا وين
داغسل
هاا يله انتضرج


دخلت غسلت ولميت شعري وطلعت صدك منتضرني طلعنا سوه اول مشافتنه عمتي غطت وجهه بشيلته وكامت تبجي دنكنه المستواه
يمه شبيج عيني ليش البجي
عمه فدوه ليش هيج تسوين
رفعت راسه ومسحت دموعه كالت
والله يمه جنت خايفه وماردت هذا الصباح يطلع كلت اخاف تهج البنيه لهله غير اموت اني حبيتج واهلج ناس طيبين وين اودي وجهي منهم اذا عرفو لو رحتي زعلانه
يمه ختيارج بمكانه ورشا اصيله حلفتلي محد يدري ولا احد راح يدري وعدتني تساعدني
حضنتي واني كمت جبتله مي شربت وتكول الله يهديكم ويصلحكم ويخليكم كلب عل كلب سويت ريوك وتريكنه سوه وسامر راح للمحل وعمتي من يومه ما كعدت يوميه جايبه عنوان دكتور شكل وسامر هدا ومواصلي ومحد عرف غير عمتي واني لتزمت الصمت وقررت اوكف وياه أسبوع ورجعت ريمه لعادته القديمه رجع ينتر ويخزر وميت عركه ال يروح للدكتور ويرجع انكس من قبل وعمتي دكلي هي من أثر العلاج واني اتحمل وحتى العلاج بيدي انطيها وعل أوقات ومره يشربه ومره يشمره بوجهي اهلي منعني اروح عباله راح اسولفلهم وحتى الفون اخذه مني وإذا اريد اخابرهم فمن فونه سلوني عل فوني كتلهم عطل بكل الطرق سايرته وحياتي مد وجزر وياه وتدريجين بديت اتعب واليوم عمتي اجتنه بسالفه كالت مسويلكم عمل بلغرفه فميكدر ياخذج بيه اليوم نامو بغرفتي ونكول المكيف التدفئة عطلانه والغرفه بارده وفعلا سوينه مثل مكالت وماكو نتيجه بيومه ضرب ايده بتاج الجربايه أصبعه نفصخ واني كلمه ماحجيت بسرعه لبست ورجعت الغرفتي وهوه مااجه وثاني يوم سالتي عمتي كتله نفس الشي هاي المره المسكينه بدأ تنسل عل ابنه وحتى ضعفت من القهر وعيوينه تراقبنه بكل مكان يومين وراه هاي السالفه واجاني كلي امشي نروح للأمام الكاضم عليه السلام حيل فرحت محتاجه الزياره واني وياه مطالعه بدون تردد قبلت ورحت بدلت لبس عبايه من عمتي وهيه ماسلت عرفته تدري ويجوز هيه كايلته رحنا المغرب وجان يوم سبت وصلنا وزرنه يمكن مزايره هيج زياره بحياتي لن هواي بجيت بيه وهواي قريت قران وصليت وقريت الزياره وطلعت لكيته منتضرني رحنا تعشينه بمطعم وبعده حجزنه فندق تفاجاه
هاي شنو راح نبات
اي
ليش شعدنه تره بعد وكت نكدر نرجع
خلي نبات بلكت تنفض شغلتا هنا
سكتت عرفت المغزه من الزياره
الفندق جان حيل قريب عل امام من دخلت للغرفه وفتحت الشباك المنارات صارو كبالي تنفست بعمق ودعيت الله يعديهه عل خير لن كل منسوي هاي الشغله وراه سامر ينكلب هيت نفسي عل آخر وسامر جان متردد بس ثنينه تفالنا وتقربلي وحاول وأكثر من مره ماكو نتيجه اني تعلمت عل وضع كمت لااضوج ولااكدر نفسي بس سامر ينهار وبعده كام بسرعه بدل وطلع حتى ماسبح واني شبيدي كمت سبحت واجيت حطيت راسي وانتضره كومه وماجه لحد مسمعت الاذان كمت صليت واني عل سجاده نفتح الباب ودخل سامر كبل سبح وكال يله نرجع مناقشته بدلت وكملت ورجعنا ماكو احد بلبيت عمي بدوام والبنات هم وعمتي عرفتنه من وجهه سامر ماكو أخبار تبشر بخير دخلنا للغرفه بدلنا ونمنه وماكعدنا للعصر ومشى اليوم عادي واليوم البعده والبعده وكله متشابهه سامر نفسه نفسه متغير بلعكس صار للاسوه واني تاقلمت عليهم وخاصه البنات صارت روحنه بعض يوميه سهره لوقت متأخر نسوي بوشار لو حلاوة شعريه ونكعد نتعلل حجولي كل اسرارهم وازغر التفاصيل عن حياتهم ويومهم شلون يخلص جنت اسمعلهم واناقشهم وانصحهم بس ماحجيلهم اسراري ابد بقيت دافنتهم بكلبي حبوني وحبيتهم حيل وعمتي دتلاحض هل شي وعمي حكايه من نوع آخر يحبني مو شلون مجان بحيث محسيت بفراك ابويه من يجي من بره ويجبلي العصير لو الفه وينطيناه كنمه ابويه نفس سوالفه حيل تعلقت بي وماصيحله ال يابه وهوه هم ميصيح ال بنيتي رشا جنت من اشوف عيونه والحنيه البيهه اتمسك بسامر اكثر لن اخاف فديوم من وراه افقد هاي العائله عمتي تروح للسوك حتى القراصات تجيبلياهم الملابس الداخليه المكياج مع العلم اني عندي مال جهاز عرسي وكله جديد ممستاخدم البنات حتى الشي ليعجبهم ويردون يشترو ومحتاجي واني مااحتاجه يجوبو يصير تلاثنه عنده منه مشفت هيج حنيه وطيبة نفس غير عد هاي العائله حتى الطبخ عمتي تسلني بي عمه تحبي هاي الاكله اطبخه لو لا يابه والله حالي من حالكم شكد سامر يغثني ويبهضني بس تصرفات اهله تجبرني وتخجلني وتخليني اتغاضه واسكت واليوم عليه الشهريه ومن عرف سامر اتصور صارت فرصته عباله اني مافتهم وراح يقشمرني ركب رراسه وقفل عليه
سامر انت شتحجي والله ميصير
مو بكيفج يصير
هوه شنو يعني انت بلايام العاديه متكدر اليوم من طايح حضي تريد
اي وال اليوم وغصبن ماعليج
سامر تره اني تعبت ليش انت هيج اني متركتك ومساندك وصابره عليك ليش متقدر هذا الشي
انتي شنو تعيريني ليش تخليني اسوي شي ميعجبج
لخاطر الله عوفني تره حتى حاله نفسيه صارت بيه من وراك
طبج مرض يله تعاي
سحبني ديشمرني عل جربايه دفعته وطلعت اركض ركض ورايه دخلت بغرفة البنات وقفلت الباب جانت ضهريه وكاعدات يقرا بسرعه كامن عليه
شبيج رشا شكو
اني وراه الباب واالهث عبالك جنت اركض ولازمه كلبي وهوه يدك بالباب كتلهم
ماكو شي اني وسامر صار بيه شكال
زين بس وخري خل نفتح الباب هذا كسره
لا عفيه عوفوهه
عمي وعمتي سمعت صوتهم يم الباب يسبون بي ويحجون عليه مخلوله بتعد وعاف الباب وعمي كال افتحي بنتي اني عمج تعاي داحاجيج بتعدت ونهى فتحتها واني ابجي شلون موقف مخزي دخل عمي دنكت وانهار مشتني كعدتني عل جربايه اجه كعد بصفي وكال للبنات اطلعوا شويه وعمتي سدت الباب كال
اني مادري بكلشي عمتج هسه ال كلتلي ياسواد وجهي منج ومن ابوج ابوج موصديقي ابوج اخويه واني هنت عرضه وماصنت الامانه الخلاه يمي كومي روحي لهلج بين مارابي هذا الدوني
جنت ماكدر اباوع بوجهه ومن كال هيج رفعت راسي وبجيت مثل الطفله وكتله
عمووو عفيه والله احبكم ماريد اعوفكم
واحنا هم نحبج ومراح نعوفج وهواي اذيناج ونخاف من حوبتج واحنا أصحاب بنات بعمرج اخاف الله يعابينه بيهن روحي يم اهلج ارتاحي وغيري جو والله كريم إم سامر ساعديه تبدل داوصله
عافني وطلع والبنات دخلن ركض احسهن ال شويه يبجن عليه عمتي صاحت بيهن حضرن ملابسه راحن جابنهن اني مدخلت للغرفه لن سامر بيه كاعد بدلت وكملت وطلعت عموو منتضرني وعمتي حابسه الدمعه صعدت بسياره وجهه عمي كفيل بن يكولي لاتخجليني وياه اهلج وصلني للباب وقبل ماانزل كال بنيتي يومين واجيج موو هزيت راسي ونزلت وهوه هم نزل دك الباب طلع ابويه سلم عليه وعرفته ماله عين يطول حتى وياه بسلامه من الباب وراح اهلي ضلو باهتين من شكلي لعن مبينه باجيه وجهي ملبوك امي وسراء سلمت عليهم وامي تكمكش بيه ودور أقل تفسير لشكلي شاورته لن ابويه واكف كتله عليه الشهريه واجيت مريضه سكتت لن تعرف بيه من تجيني شيصير بيه بدلت ورحت للغرفه وبسريري بعد متحملت بجيت بجي مصاير هذا الشي خبل امي واسراء الواكفات فوك راسي وبذات امي
معافتني وكعدت كبالي
تحقق
وياي .
.
.
.
.
.
.
احبكم اختكم رفل الكناني ❤❤❤


لامارا غير متواجد حالياً   رد مع اقتباس
قديم 08-11-19, 11:27 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

صباحكم جمبذ حبايب كلبي 😜
اليوم راح اوضحلكم عنوان القصه لن هواي يسلون شنو معنى جمبذا
شوفو كليباتي
جمبذا معنى ورده الجمبذ نوع من انواع الورد تكون ورده جميله لونه اكثر شي وردي فاتح نازكه كولش اذا نتبهتو بغلاف القصه راح تشوفوه موجوده بس ركزو اما آدم اكيد تعرفو هوه الرجل يسمى أدام هسه توضح العنوان نرجع نسل ليش سميتي هذا العنوان الجواب بلجايات راح تعرفون لن اكيد عنواني بي رباط
بلنسبه لصوره الأبطال بلايام الجايه تنزل أن شالله


وهسه اريد اطلب منكم طلب وراه اطفر
اليوم ماكو بارت بس وعد باجر اعوضكم بارت طويل لحد ينتقد لو يجرحني بكلمه والله ازعل وحتى ابجي😢😢
وبلمناسبه اليوم عيد ميلادي يعني ليزعلني ابجي طين 😂😂😂
وبما انو ماكو بارت وراح تقصفوني فإني من رخصتكم افلت قبل القصف العشوائي
شششششششيله عبودددد💃💃💃💃💃💃
احبكم اختكم رفل الكناني ❤❤❤




البارت الرابع


وكفت امي فوك راسي وال تحجين
رشا انتي من تزووجتي لحد الان معاجبتني كليلي شبيج
ياامي والله مابيه شي كتلج مريضه واجيت
لاموهاي السالفه شوفي وجهج شوفي حالج بنتي واعرفج ابد مو رشا القديمه احجيلي عيالج زينين وياج رجلج زين
حبيبتي امي والقرآن عيالي ماكو منهم يموتون عليه ورجلي زين لاتشغلين بالج اني جان كتلج لوبيه شي
مدري ليش ممصدكتج وكلبي ممرتاح احسج بيج شي وشي جبير اني ام وكلب الام يعلم بس راح اعوفج وانتي من ترتاحين تحجين
عافتني وطلعت واني صديت عل صفحه الثانيه ماريد افضح نفسي اسراء تهز بيه
رشا رشا شبيج الله عليج
اسراء صدك تحجون لو ادري مجايه شسالفتكم تعرفوني كل شهر هيج يصير بيه وماتحمل نفسي واجيت ارتاح تلكيتوني انتي وامي هيج تره والله ارجع
يمممه يمممه نامي كلشي ماببج طلع لسانج
غطيت راسي الهزم للنوم من كلشي اني وعدت سامر مااحجي ووعدت عمي يومين وارجع وإذا حجيت ال امي اكيد راح تكبر وتوصل الابويه وبعد شيسده اسكت واصبر والله كريم نمت نومه عميقه مابيه خوف ولاقلق من سامر ولا من اي شي للمغرب امي كعدتني
رششا ررشا كومي يمه دنيه المغرب والنوم موزين
عوفيني يمه بطني توجعني
ادري وجبتلج مسكن كومي اشربي هسه ترتاحين
كعدت وجانت فعلن بطني مغص موطبيعي اخذ الحبايه وتلفلفت شويه لن بردت ربع ساعه وشتغل المسكن وخف اللالم كمت طلعت غسلت وجهي صارت الحديقه كدامي تمشيت فتحت الباب كفخني هوه ثلج والكاع رطوبه مبيه ماطره وتوه مبطله الأشجار كله قطرات مال مي وريحت الحياطين تسطر هاي الريحه اعشقهه من يصير عل حائط مي وهوه يابس تطلع ريحه ربانيه هاي عندي تسوه ألف عطر من اني وزغيره ارش الحايط حتى تطلع هل ريحه امشي بلحديقه واشم بلياس وبورق النارنج وندكت الباب وصوت جهال عرفتهم جهال إيمان ركضت فتحته وفعلا إيمان رجلهه حرك السياره بعد ملوحلي بيده وطلع وهيه بوسته ودخلت وبنين بنتهه حاضنته واحاجي علوش اليبجي وره ابوه
علوش فوت حبيبي هسه يجي راح يجيبلك عم
ماما اريد بابا
ولك طب رراح تموت برد والله راح اسد الباب عليك
سديهه اروح عل بابا
شفته معند وإيمان عباله همه يمي نزلت بنين ومديت راسي سحبته جلب بلباب ويكمز آخر شي شفت ماكو احد طلعت نص جسمي وشلته كام يكركر متوقع اشيله لن جبير وياه مادخلت وخطفت سياره من يمي وبيهه واحد وبكل عين صلفه يباوعلي من فوك ليجوه راسن طبكت الباب حيل وكفخت علوش عل كيف
ادري مكار هيج حاب ابوك ادري مشايفه خليت الرايح والجاي يباوعلنه
احجي وصلت للهول شمرته بحضن إيمان كتله
عيني مدام عفتي ابنج وطبيتي غير طببي😕
يا غير عبالي يمج
يايمي غير صعدت عنده الحنيه ويريد أبوه وسحلته وطببته
عزه بعينك علوش لعد موهناك دكول اريد اروح وياج
وهوه يصرخ اريد ابويه كتله عوفج منه أنسام ليش مجتي
والله رجلها اليوم انذار ويمكن عنده واجب لن دتاخبره دكله تريد تجي ومدتحصله عاد عفته واجيت أيجوز باجر من ينزل تجي
يله خليه براحته وانتي هلا بيج
وبيج يكلبي بشريني شلونج بيت عيالج رجلج شلونه
والله الحمدالله زينين
لعد ليش ما عندج فون
عندي بس وكف لحاله
ليش مو جديد بلخطوبه جابه سامر
اي بس مادري شبي
جان صلحتي جبتي غيره اي مواني وانسام بالنه يمج
لايضل بالجن والله زينه
الحمدالله
والله لتهينه بعلوشي لعلكهه عل ابوه نضحك ونصنف عليه ونداهره وبعدين كمنه عل عشه واجه ابويه ولتمينه واني وإيمان كعدنه بصفه وحده منا وحده منا لحد مااسراء مدت راسه من المطبخ وصاحت
يلمسعدات يلنادرات مدكومن لو مسويات نفسجن خطار اشو من شفتن ابويه لهزمتن وعفتن العشه عل نص
شتغلي ولج احنا مشتاقين لاابويه واني اختج الجبيره وجايه اليوم يمج واريد العشه من ايدج
إيمان عوفي هاي الدروب وكومي تره والله أبطل واجي اكابلكم
عززززه اسراء هاي بعدج عل نفس السوالف مو عل ساس رشا بس ارجعي اشتغل كلشي بمكانج
هذا حجي حبيبتي وكت الصدك ابويه ماعرفه
هههههههه ولج انتي شنو ام لسان ابوج متعرفي لعد اني منو
بابا عوفه هاي شاخطه راح اكوم وياه قبل متبجي
خله ايده عل جتفي وسحبني على صدره وصد عل إيمان كله كومي شوفي هاي الخبله اسراء ورد عليه باس راسي وكال
شلونج ابويه مرتاحه
غمرت راسي بصدره وعطره دخل ريتي عبالك حياني جاوبته
اي بابا الحمد الله
لعد ليش امج دكول رشا معاجبتي
والله بابا امي هيه توهس تعرفه وعيالي ورده وعمو مثل حنيتك تماما وعمه بعد اكثر
والله هوه يمدحلي بيج ويوميه بدوام ماتوكعين من حلكه رشاوى ورشاوي
اي خطيه الله يحفضه


ورجلج سامر شلونه ليش موهوه جابج
بابا عنده شغل وعمو راد يطلع وصلني
هلا بيج بنيتي هلا بيج
بتعدت منه ورحت للغرفه هاي اني رشا لو متوهمه شبيه ارقع وإداري وكل سوال محضره جوابه والى متى راح ابقى هيج ربي ساعدني لو تحله من يمك لو بعد مااجي تعبت واني اجذب صاحولي عل عشه مسحت وجهي اهدي نفسي وطلعت يمهم كعدنه نتعشى شويه واجه براهيم دنكوم عليه صاح بلقران ولاوحده دكوم الزاد ماعليه سلام قشمرنه واني وإيمان وحده بصف الثنيه كاعدات صار بينه اول وهوه وكاعد بوسنه حبيبي حيل مشاقتله مدنك وياكل ويكول
رشاوي كطعتي بيه خليتي عل ايد اسرا صخرته تشلع الكلب
😠😠😠😠اسراء صار وجهه هيج وكلتله
هاي اني مو بسيطه اشوف منو يداريك بعد
هوه انتي مداريتني لو مكمركتني انسه الخمسه والعشره بلبنطرون بعد الله وياهن رشا خطيه جانت تضمهن
اي عيني واني إسراء مو رشا قابل اشتغل بلاش
ااااااشششش اسكتي راح تنفتح ام صكبان بعد شيسكتهه
اااااااابراهيم اليوم شفت إيمان ورشا هيج تحاجيني يابه حاجي ام صكبان شنو مجلب بيه
كلنه ضحكنه وبابا كال كافي خل نتعشه تره هاي اذا بلشت تحجي بعد متسكت واسراء كل عقله بوزت ال خزره براهيم يعني راح الشقى واجه الصدك ال سكتت كملنه العشه وغسلت المواعين وإيمان كنست البيت وامي سوت الجاي واسرا كاعده تعيبنه
يله عيني عفيه بلنادرات حوفن البيت ولوفنه لو بس يم عيالجن تتسبعن كد ام العمه يله حبيبات اني عمتجن اليوم
تصرفاته وهيه تركص بحواجبه تموت ضحك واني مااجاوبه غير الله يساعد الياخذج وهيه تجاوبني يامنعول الصفحه الي امه داعيتله ويجي يأخذني والله لمشي عل صراط المستقيم وحكمته وكملنه كل البيت وكعدنه تعللنه لحد ماتعبنه وابويه نسحب وامي وراه وبعدين احنا رحنا للغرفه إيمان نومت جهاله واني مدثره لن بطبيعتي رجليه ابد ميدفن بشتا يبقن مثلجات فداغفي وكابلتي إيمان تعاي حجيلي شلون عايشه هناك وسامر شلونه وياج عرفت هاي امي كايلتها مابينتلها وخليت كلشي طبيعي سالتي اسله عل علاقتنه حتى اني ماعرفه وكمت احير شلون أجاوب وتحججت بلنعاس وتضاهرته وغطيت راسي ونمت لثاني يوم وعل هوست بنونه وعلوش كعدت ومشى اليوم عادي للعصر خابرت انسام من فون امي وكتله تجي اشوفه رفضت كالت محمد جان انذار وهسه اجه ماكدر اعوفه
شنو يعني قابل مشايفته تعالى داشفج قبل ماروح
حبيبتي انتي معايشه هاي المعانه رجلج حلاق موعسكري لو عسكري جان مبايته يم اهلي
اي وشنو يعني عوفي هوه يوم
والنبي ماكدر هوه إجازته يومين شوكت اشوفه شوكت اجيكم
دولي ولي اشبعي بحمندلي جلبي بي لايطير
ههههههههه يولي والله موهيج اشو انتي متزوجه بس بارده شلون بايته وعايفه سامر وهذا اليوم الثاني
اي واذا اني مثلج لعد
رشا زعلتي الله عليج لازعلين والله من يلتحق اجي
لامازعلت الله يسعدكم يعمري وابقي براحتج تعاي
سلمنه عل بعض وسديته صفنت ويه روحي كلت معقوله لو سامر يحبني وأحبه وعلاقته زينه اسوي مثل انسام وحتى لاهلي مااجي يالله شكد حلو هذا الشعور يعني اكو إنسان بحياتك تحبه ومتعلق بي اكثر من اهلك وهوه يبادلك نفس المشاعر إحساس رهيب الله يسعد كل ثنين وخواتي منهم إيمان هم اجه رجله اخذه بقينه بس اني واسرا الطالعه عينه ومسويه صفحه بفون امي وكعدنه نتصفح وبعدين طلعتلي برنامج مشايفته مال قصص والمصكوعه تقراء كليشه شطوله واني اباوع عليها
انتي كل عقلج لج الفون راح يطب بوجهج ارحمي عيونج
اسكتي رشا البطل مات راح اموت وعلي
لالكاج علي بهليل اشو خل اشوف عل شنو غرغرت عيونج
سحبت الفون منه واقرأ واقر وصدك عبالك واحد وكاعد يسولفي الموافق الدتصير لو اني كاعده وياهم واخذ ني الواهس وجان اعيد القصه من البدايه وللصبح طلع الضوه واني أقرأه شي حلو وشفت بلقصه مصايب هانت عليه مصيبتي يالله هذا شي حلو انك تطلع عل أحوال الناس جنت حاصره دماغي بمشكلتي ومن قريت القصه نسيت نفسي اسراء بسابع نومه ذبيت الفون كلت اخاف الكه بعد قصه احلى وياخذني الواهس خل انام نمت ولثاني يوم 3الضهر ال كعدت امي ستغربت ابد ممسويته ونايمه ل هيج وكت كابلته وكعدت اتغده وحجيتله القصه كوله وامي حطت ايده بلبجي وكعدت تبجي واخر شي هفت اسراء بلخاولي جان بصفه كلتله انتي منين طلعتي هاي القصه ومسهرهه اختج وهسه بجيتيني دنسولف وندكت الباب طلع عمي بسرعه كمت غسلت وطلعت سلمت عليه وهوه عيونه عليه وعل ابويه عباله حاجيه شي وتأكد كلشي تمام من تعامل ابويه وياه وهوه مجلب بي يكعد بس مقبل كلي جهزي نفسج رحت بدلت ولميت غراضي وسلمت عل كل وطلعت بطريق كلي عرفتج بنت اصل وماشكيت بهل شي اصلن هسه تأكدت انتي انسانه ابني ميستاهلج واني ضلمتج الله يسامحني كتله عمو لادكول هيج هاي قسمتي والله يهدي سامر عليه سكتنه وصلنا البيت وعمتي من الباب تلكتني تبوس بيه والبنات هم دخلت غرفتي سامر ماكو غيرت ملابسي ورتبت اغراضي وطلعت يمهم عمتي كلتلي حجينه وياه سامر وحتى دكتور اخذنه وان شالله خير بس انتي طولي بالج واليوم من يجي انسي كلشي صار وبدو من جديد كتله ان شالله لليل واكفين بلمطبخ واني داسوي زلاطه دخل سامر سلم عل كل ورديت حالي حالهم بس تفاجنت من نحضنت من وره وباس جتفي كال
شلونج حبيبتي
باوعت بصدمه هذا سامر لو غيره جاوبته
هلو سامر
عوفي كولشي وتعاي
بتعد وعمتي تباوع والبتسامه عل وجهه والبنات واكفت عل صفحه غير خجلت غسلت ايده ورحت للغرفه اول مادخلت فتحلي اديه واشرلي عل حضنه راد يغمى عليه اكيد سامر مفرمتي اجيت يمه حضني وبوسني لحضه حسيته صدك متغير بس اندكت الباب وصاحولنه عل عشه وكطعو علينه اللحضه طلعنا تعشينه وكملنه وسامر مطلع من البيت كاعد شويه ودخلنا الغرفه وسامر طبيعي بقينه شويه عل تلفزيون وبعده نمنه ويومين وسامر غير واحد مره اشوفه وجهه مورد ويضحك ومره اشوفه وجهه مطعون وروحه بخشمه بس وياي مثل الساعه لاغثني ولانتر بيه ويدخل للبيت من وكت واليوم نضفت وقررت احضر نفسي حسب تعليمات عمتي وعل علاج الجديد أخذت سيت النوم ودخلت الحمام سبحت وطلعت نشفت شعري ورطبت جسمي وخليت مكياج وتعطرت ونتضرت سامر واجه من شافني بتسم وسد الباب وطفه الضوه وتوجهه للكنتور فتحه وبجيب وحده من الستر طلع شريط واخذ حبايه واجه عليه داعبني واني بين اديه مثل العجينه هوه يتحكم بيه وتقربلي ونفس الشي اي نتيجه ماكو دقني دق وهوه يلح والنتيجه مبينه بتعد واني لميت نفسي توجهه للثلاجه بيه علاكه علاجه شاله شمرهه بلحايط خفت حيل رجعت ليوره وبقيت ساكته منطقت بحرف ندار عليه وهوه مخنزر كال
ليششش هيج ديصير ليشش
مجاوبت
تقدم عليه اني مدنكه لزمني من شعري رفع راسي صاح
اني موياج
ااااااي شعري سامر اني شعليه
شنو شعليج يعني انتي مستمتعه من تشوفيني داتعذب
واني شبيدي شكدر اسوي
لعد ليش هيج محضره نفسج انتي دتموتيني
سامر الله عليك بس هد شعري والله العضيم عمتي كلتلي سوي هيج
شمرني حيل عل جربايه بسرعه طفرت للصفحه الثانيه عافني وطلع ركضت قفلت الباب ورجعت كعدت بس دارجف ومدري شبيه حيلي يرجف وافرك باصابعي ساعه ساعتين ال هديت رحت سبحت وطلعت لكيته نايم بلهول رجعت ويم باب الغرفه دادخل صار صوت قوي مار رعد اضهار دتمطر يمه نرعب دخلت وطبكت الباب وصرت راه بعد ماسيطرت حيل مضل بيه كعدت بلكاع وره الباب ودموعي جرن بس من طلعن شبهه رتحت عبالك جنت محتصره ضليت اختض خوف وبرد وابجي لحد منايمه اني ومكنفذه ومادري لصبح ندكت الباب فزيت اتلفت بعدين الدكه قوت فتحت الباب سامر معبس صاح
شبيج نايمه لو ميته
ماكدر اجاوب لساني مربط
دك بصبعه عل راسي كال
انتي صاحبه لو نايمه شبيج مطفيه
ش ش شنو شتريد
امشي شوي سم بكلبج وطلعي سلابات
ختفيت من كدامه للمطبخ شغلت الطباخ وخليت الجاي وسويت ريوك مادري شلون وديته تريك وراه فتح الكنتور وهم شرب حبايه وشال غراضه وطلع تأكدت راح فد مره وضلت سالفت الحبوب تدك بالي البارحه من شربه عبالي علمود شغلتنه بس هسه ليش شربهه خليته بعقلي ورحت جبت فون عمتي ورجعت قفلت الباب وتوجهت للكنتور طلعت الستره لكيت حزمه اشرطه سحبت واحد قريته معرفته كله انكليزي دخلت عل كوكل كتبت الاسم كامل ونصدمت
اريد
اوكف
بعد
ماكدر
احبكم اختكم رفل الكناني❤❤❤


لامارا غير متواجد حالياً   رد مع اقتباس
قديم 08-11-19, 11:45 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 5

دخلت الاسم عل كوكل طلعن حبوب كبسله تخبلت وتبنجت بمكاني طلعت من الكوكل دخلت اليوتيوب بحثت أكثر واتكدت بلتفاصيل انوب متت متت لو يمي ال اكطعه انعل حضي المصخم انوب يكبسل اريد أفكر شراح اسوي مداكدر افضحه واكول الأهلي لا اكول الاهله هم لاذوله ناس كبار شنو ذنبهم همه البيهم كافيهم عمتي من القهر حتى انسولين تضرب وعمي بي اشكال الأمراض ستغفر الله شلون بيه شلتهم كلهم وكبل بلحمام فرغتهم وذبيت الاشرطه كلت شيصير خل يصير عسى ماطلك اليوم اني شنو حياتي ويه هيج واحد اليوم لو اني لو هوه بعد متخلصت منهم طلعت بس عمتي بلبيت عينه عليه وتريد جواب عن ليلة البارحه كتله ماكو جديد ضلت تسبح وتستغفر والله انقهر عليهه هاي الامايه ذهب صافي والاب بعد احسن ادري رجلي شيطان عليمن طالع خلص اليوم واني بغير عالم لاتغديدت ولا نمت الضهر حسبه تأخذني وحسبه تجيبني لليل ال اجه مكلوب كيانه اول مدخل كبل راح عل كنتور فتحه دور دور نبش الستره ملكا كولشي لتفتلي كال
لاعبه بملابسي
مجاوبت
نعاله موياج لاعبه بغراضي
شدور
انتي شعليج
انت مو دتسلني
يعني لاعبه
لا
تقدم عليه واني ارجع ليوره نحصرت عل حايط لزمني من فكي عصر وجهي حيل وعيونه حمر وذبلانه كال
رشا لاتحطين راسج برأسي ابوج اشعله اذا لاعبه بذيلج
وووخر مني شنو هاي الالفاض ليش تغلط اي لاعبه والدور عليهن ذبيتهن بلزبل صفكني راشدي ولطخ راسي مرتين بلحايط حتى دخت وركض لسله المهملات مخليها بلحمام كلبه بلباب داخل الحمام فتشهه برجله هستوني دالهزم اطلع بره كمز قبلي صار عل باب قفله وشمر المفتاح كل حيل مضل بيه راح عل كنتوري سحب شال وبحركه وحده صم حلكي كمت ارفس برجليه سحب حزامه من البنطرون وضربني بي ضرب للعدوه وخطيه وكل ضربه يكلي وين وديتهين واني حتى جواب ماكدر اجاوب شلون أجاوب وهوه ساد حلكي بس ارافس لحد ماتعب وبتعد يرجف مثل السعفه بعدين خابر عل ولد وكله اريد حبوب وهسه حيل محتاجهن راح اتهستر طبكه وكلي اني اعلمج بس خل اصاحلج الرعب مسيطر عليه وهذا مخبل كولشي يسوي اريد بس فرصه اللهزم لو ا صيح ماكو شويه وطلع كمت اكوم واوكع وصلت يم الباب جان يدخل بسرعه سحلني للحمام شمرني وقفل الباب من بره واني كمت افل بلشال ميت عكده عاكده روحي طلعت اول منحل بسرعه خليت راسي جوه المغسله وشكد المي ثلج محسيت بي من الألم حلكي صار عبالك جبل من كد مضابه ابجي وشعري مكفوش واكب مي عل وجهي اريد يبرد من النار البي انوب رجعت ادك بلباب دكتين وفتحه واشرلي بصبعه
اشششش ماسمع صوتج
عفيه سامر عوفني والله مالي شغله بيك تشرب تكبسل مالي دخل والله بس طلكني لو اكو لك هسه بس وديني لهلي
احجي وابجي وارجف ضحك بستهزاء وكال
كل عقلج انوب اطلكج وتتزوجين غيري ويلكاج بنيه واطلع مابيه خير وانفضح لو تموتين
والقرآن ماتزوج ولا افضحك بس عوفني
ااااابد انتي لسامر وللموت وبراتج راح اخليج تبوسين رجلي ودكليلي بس بقيني خدامه يمك
مستحيل ماسويه اني هواي تحملتك ل هنا وكلمن يروح بدربه
يله الله وياج بس قبل مترحين شوفي هذا الفيديو
ربط فونه عل بلازمه طلعت اني بمنضر لوميته ولاشايفته بي الفيديو الي اني وياه بعز علاقتنه بس هوه غواش عل وجهه وبس اني ضاهره وبوضوح من شفته وكعت من طولي للكاع وهوه يضحك بمكر
سامر انت شمسوي مصورني اني مرتك عرضك انت صاحي عل نفسك لو لا
والله اني اكبسل وحتى شرب هم اشرب وكلشي يخطر بالج اسوي وهذا التصوير اوديج بي وره الشمس وافضحج طلاك ماكو انسي
ولك حرام عليك اكو واحد يسوي بعرضه هيج لك موعندك خوات خاف ربك
ااااااكولج لتصيرين شيخه برأسي انتي غبيه لو تتغابين اني مكتلج انشرجج هسه صورتج حتى تشيلن فكرة الطلاك من راسج انتي لسامر وووووبس للموت وازيدج فد معلومه روحه لهلج بعد ماكو وطلعه من باب البيت هم ماكو هذا كبرج هوه غرفتج ومن باجر تخلين كلشي طبيعي حتى كد ام اهلي راح اكول اني اخذتج وبعد ماريد أحد يدخل بخصوصياتنه فتهمتي لو أعيد
انت واحد نذل وناااااااقص وووووحقير
ههههههههههههههههههه واكثر من ماتتصورين بعدج مشفتي شي
ززززين ليش اني شمسويتلك
حلووووه وجسمج ابن كلب واني عاجز اموت ومياخذج غير ويتمتع بلي متمتعت بي
انت مريض والله مريض روح دكتور نفسي تعالج
ااااااانجبي حيوانه هسه متفقين لو شنو
كمت اللطم عل وجهي واهلس بشعري فقدت
عل شنووووووو متفقين عل شنوووو الله لايوفقك ياضالم هاي جزاتي تحملتك كل هل مده لك وحده غيري من السبعه وتطفر
شووووووفي لعد اني ليش صور تج حتى تبقين تحت رحمتي شوفي صيري حبابه وانسي كلشي صار بينه وحتى لسويته هسه انسي ونبدي من جديد وصول ماوصلج بس شطلب تنفذين وأي مخالفه تره عندي اكثر من نسخه لهل تصوير
كمزت عليه خرمشته دفعني لطخت بثلاجه ومن القهر اريد اكوم بعد ماكدر هوه طلع واني ملخت نفسي وبيومهه لصبح مانمت افتر بلغرفه جني مخبله ساعه اكول اروح لهلي وساعه اكول اخاف يفضحني غير ابويه ينجلط بلحضته وإبراهيم يكتله خلاص ويدخل سجن وإذا كلت العمي والعمتي راح ياذيني نضربت بعقلي وقررت اسكت لحد ماسياريه واشوف طريقه اخذ منه التصوير وهذا جان أكبر غلط رتكبته بحياتي عماني الخوف والعيب من منضري الشفته بتصوير ودفعت ثمنه غالي صرت جاريه وخدامه ونسليت سل اختفت ضحكتي وروحي الحلوه ماتت صرت بس جسد يتحرك هوه كذب عل اهله وكلهم اخذته وعمتي الهلاهل تركع واني دميه متحركه كدامهم يضحك ويشاقه وياي ويحضن بيه وبلغرفه ينكلب وحش يجبرني اسوي اشياء توكف العقل ومن ارفض يذكرني بتصوير كرهته كره العمه كمت من اشوفه نفسي تكلب واني أتذكر سوالفه صارت بيه فوبيه من وراه بليل ماانام بصفه اضل كاعده واغفه اني وكاعده والصبح اصحى عل دفراته اجتي أيام مادري شجاني احس روحي مرات طايره وبس أضحك بسبب وبدون سبب واشاقه وحتى سامر احضن وابوس بي وراه كم ساعه انسى كولشي واوعى عل نفسي ماتذكر شي من الكالو البنات
رشا اني هل أيام شاخطه


ليش نهى
شمدريني اشو ساعه تضحكين وتشاقين ومرتاحه وساعه عبالك هموم الدنيه كوله فوك راسج
هاي اني
لا اني شبيج رشا والله انتي موطبيعيه
نهى انهار لاتخبلوني شلون عيني
عود صدك تحجين يعني مثلن الضهر جتني انتي وسامر دك سوالف وشقى وهسه كالبه خلقتج ومتباوعين بوجهه معقوله بين الضهر وهسه تعاركتور
صفنت حرام اذا فتهمت شديحجون اني هذا الحيوان اتخبل منه شلون أضحك وسولف وياه ضليت مغلسه وماعندي جواب الهم كلت يجوز يتهيلهم ومرت الايام فونه مكدرت احصله بصمه ورمز بي الغرفه كلبته على أثر لتصوير ملكيت حتى ايست ويوم عن يوم اني كمت احس روحي موطبيعيه جسمي يرجف دائمه وراسي يوجعني واكوم ماشوف دربي وره ساعات ارتاح بشكل شديصير ماعرف اهلي اخابرهم بس بليل وبوجوده كاعد بصفي ال يخليني اخابر من فونه وافتح كامره وبلنهار انقهر اكول ليش اني مداخابرهم واكوم واخابر من فون عمتي وافتح كامره وامي كل مره دكلي يمه شبيج اشو البارحه بليل من خابرناج متفحه واني ماتذكر مخابرتهم دددددددخت ددخت وعجزت من سامر ومن تصرفاتي وبديت امل لن مداعرف شبيه واليوم عمي وعمتي طلعو الايران زياره والبنات اخذو اجازه وراحو وياهم دكيت بديه ورجليه ردت اروح الأهلي ما قبل سامر و كدامهم صار الحجي مكدرت اعارض بقيت بلبيت وهوه راح وصلهم للمطار اول مطلعوو نبشت البيت عل وسيله اروح بيهه لهلي مالكيت لافون ولاباب قافل عليه حتى البوب كعدت عل نار وكلبي ناغزني لحد مااجه كتله
وديني لهلي
شصخمين اكعدي وانجبي
ماعليه وديني روحي طكت صار كومه مطالعه
مشكلتج اني اليوم اريد اشرب ماريد اشوفج كبالي تره ماضمنلج شسوي وانتي تعرفيني
من كال هيج خفت هوه منغير كلشي مخبل انوب يشرب بيومهه بليل شفته حضر الميز والشرب رحت للغرفه قفلته عليه وكعدت ابجي واني اسمعه بره هوه وصوت الفون والاغاني عشت ليله بيه أطنان من الرعب ومامنت بلغرفه لن كيلونه موهلكد رحت كعدت بلحمام بابه المنيوم قوي قفلته واني ارجف خوف عل برد بلحضته تندمت بكد شعر راسي لن ماكلت وضليت ساكته للصبح ال طلعت هوه نايم عل كاع بسرعه ركضت عل جبتي لبسته وكلت اليوم فرصتج رشا ان شالله ميت مو نايم بس يافرحت المادامت يم باب المطبخ ولزمني سحلني ودك راشديات
لج تلهزمين اليوم شيخلصج مني ربطني بدرج وبلحزام واني اعيط واصيح بس منو يسمعني وره ماكتفه وبرد كلبه واني نتهيت أخذني للغرفه شمرني وقفل الباب من بره جسمي جمر يجوي من الحزام وصوتي مبحوح من كد ماصيحت رتميت بلكاع ماكدر اتحرك مادري شكد مر وقت بس هواي ال صحيت وعنت نفسي وكمت من شفت وجهي بلمرايه اني خفت اريد اوصل الحمام ماكدر شكد ماحجي ماواصف الجنت بي بس اجزمت بن مابقه صحيح قراري متاخر بس خلص اني تاكدت بن ماكدر بعد ابقى لو موانفضح خلي اهلي شيسولولي يسوولي اموت عل ايد اهلي ولا عل ايد هذا الضالم قويت نفسي وكمت داويت جروح جسمي بلي اكدر عليه ماريد بس منفذ اطلع ماكو يومين واني مرابطه يم الباب ادك بيه وماكو جواب بس اسمع صوته موجود اي اكل مفات بمعدتي غير المي ومن الحمام اشرب هذا من غير جسمي ليوجعني بالم ماعرفه مثل كرصت الزنبور والرجيف المفاركني أعصر اديه حيل اريد اوكف الرجفه بس بدون فايده كمت تجي ساعات الطخ راسي بلحايط واتمرغل بلكاع وساعات انام وبعد اليومين بليل فتح عليه الباب وسحبني من شعري للهول جان سكران طينه وكوه واكف جان يكولي
اركصيلي
شنو
مثل ماسمعتي لو تركصيلي لو اخليج تسوين غير شي وانتي تعرفين اختاري
صفنت واجتي فكره بالي كلت لو بلهدف لو بنجف كتله
لا دخيلك اركص ولصبح هم بس انتضرني اغير ثوبي هذا واجي
عفيه هيج احبج من تطاوعيني
صار هسه دقائق ماتاخر
رحت للغرفه طلعت جبتي وشالي ودخلت للحمام بي نافذه وبيه فتحه تطل عل قطعه ارض فارغه ورانه شمرتهن وطلعت لكيته بوجهي كال
هااا وينج
ااي هسه جنت اغسل روح واني جايه وراك
نوووووو كدامي يله
صار
فتحت الكنتور وصرت وره الباب بدلت دشداشه قصيره ربع ردن سوده وبيه رقم ذهبي من شافني صفن وعيونه فهن واقتنع اني مبدله اله مشى كدامي واني وره للهول كعد وكام يشرب والكلاص والبطل عل طبله وياه كرزات ماعرف شنو مركزت بديت اتمايل كدامه ودفرت الطبله عمده نكلب كولشي بيه صاح
ووووووثول وووووعمه لعماج شبيج متشوفين
شبيك سامر هسه المه مصار شي
غمني وبصق بوجهي وصاح
بسررررعه لمي يله بسرررعه
ركضت دافتح باب المطبخ مقفول رجعت كدامه فتحت باب الهول مقفول صاح
ااااااانتي شدسوين
داجيب المكناسه والماسحه من بره
شمر عليه المفتاح كلت هاي فرصتي فتحت الباب وطلعت باوعت الدنيه مودتمطر لا دزخ زخ والرعيد قوي خفت بس كلت ماتراجع اني نويت هاي الأشهر كله تحملت وهسه طفح الكيل وسامر ماضمنه وبس اني وياه بلبيت اخاف يسويلي شي من جانو اهله خانس بس هسه نجلب بدون تردد فتحت باب الشارع وطكيته بركضه لوره البيت شلت جبتي واني اركض لبسته هيه واشال لكيته نكعه مال مي اركض اركض واتلفت والشارع يصفر واني اجفص بلمي طلعت فرعنه والوراه وعبرت الشارع فصلت عن كلشي ومافكر غير بس بسامر ديركض ورايه وهسه يلزمني ويذبحني وفجاه االطخ بشخص شبهه وكعدت
بحضنه


لاتنسون التصويت تره المشاهدات بآالاف والتصويت قليك
احبكم اختكم رفل الكناني❤❤❤


لامارا غير متواجد حالياً   رد مع اقتباس
قديم 08-11-19, 11:49 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 6

اركض اركض وفجاه واللطم بشخص شبهه وكعت بحضنه رفعني ثبتني بديه رفعت راسي والخوف ممتلكني كلت خلص هذا سامر ولزمني بس طلع ولد ماعرفه نترت ايدي حيل وهوه يكولي شبيج خيتي منو وياج محتاجه مساعده مجاوبته عفته وكملت اركض واتلفت وهوه يصيح يمعوده بس كليلي اني اساعدج تعاي يمشي ورايه سريع انوب خفت اكثر كمت شكد مابيه قوه اركض لحد ماوصلت فرعنه وهوه ماسكت لاتخافين والله اساعدج بس كولي وين تردين وليش دتركضين هنا بعد متحملت لن وصلت قريب عل اهلي وخف لااحد يشوفه او سامر يجي ونوب تصير سالفه ثانيه ندرت عليه والدموع تجري والرجيف مستمر كتله
عفيه الله يخليك ليش لاحكني
غير اريد اساعدج
ماريد اي مساعده وصلت اهلي بس روح عفيه لحد يشوفك ولاتحلكني
حجيته وكملت اركض ضلمه وطين ومطر حتى شكل الولد مداشوفه قبل بيت اهلي بيتين لتفتت شفته واكف بلباب ليغاد منا ستغفرالله غير يروح هسه اي واحد يشوف ثنين بهل وكت بلشارع أشكال يسفط بس مومهم المصيبه البيه اني أكبر كمت ادك باب اهلي وادك وماكو جواب اكيد نايمين والكهرباء منطفيه والباب ثكيل من المطر حتى صوته مينسمع بس مايست ادك وعيني عل راس الفرع اخاف سامر يجي والولد واكف بلباب ومن عجزت كمت ابجي كل قوتي وادك بثنين اديه واصيح بابا ااااابراهيم لحضات ودقايق مرن عليه عبالك دهر وانفتحت الباب واجاني الفرج وخلص كل حيلي جان اكعد بلكاع وعل مي منهاره إبراهيم تخبل لن هوه فتح الباب والفون بيده يضوي بي وجه الضوه عل وجهي وشاف حالتي نصدم ابويه وراه وامي كعدت اكبالي تهز بيه ررررشا شكو شبيج يمممه وابويه يصيح بنتي ششششبيج وإبراهيم يشيلني واوكع واااخيررر نطقت
سسسسامر لهزمت من سسامر
براهيم راسن كال
اليوم انعل والديه اليوم ادفنه وهوه عدل الخسيس شلون مطلعج ساعه بلوحده اليوم اشعل اهله
صاح طببوه جوه وهم يمشي بلفرع تخبلت يعني راح يروح عليه وتصيير مصيبه بهليل كل الحيل صار بيه وكمت اصيح براهيم تعال لاتروح وابويه يركض وراه وامي حافيه ومجلبين بي بشارع بس ميكدروله واني هم توجيت عل كاع وكمت عليه لازمته من ايده واتوسل وابوس بجتفه وهوه فقد ويعتت بروحه يريد نحله ومحسيت ال صوت غريب بنصنه وهوه يكول
براهيم شجاك ستهدي برحمن يااخي شوف اهلك شصار بيهم
وإبراهيم يرده
زززززيد وخررر اليوم لو اني لو هذا العار
بلعباس ماخليك خيولي بس تعال وياي امشي لبيتنه
وووووووخر مني
امي فرفحت واني فرفحت وابويه رجال جبير لاحولا ولاقوه بس الولد معافه جتفه ومشى لبيتنه وبراهيم داك رجله بلكاع لحد موصله لطرمتنه وهوه يهدي بي
وسفه عليك براهيم هيج تسوي باهلك شوف شصار بحالهم واني خويك لازمك مالي خاطر يمك افه عليك والعباس بس هدي وشتريد يجرالك
لك زيد شوف شمسوي بااختي مهججه نص اليل لكم هدوني بالله عليك لو احد مسوي باختك هيج تسكت
مااسكت ولاداكلك اسكت بس مو وكتتهه اصبر خل نتفاهم
كلنا واكفين والولد لازم براهيم واسراء واكفه باب المطبخ وتبجي وتضوي علينه صد ابويه عليه وسلني
شبي وياج هذا الدوني
نفجرت ابجي بقوه براهيم واكف عل شعره ومن شافني هيج كام يدفع بلولد والولد يدفع يريد يرجع يطلع وبدون شعور صحت
اااااااابراهيم عووووفه لاتروحله سكران وميدري بنفسه وانوب مصورني ليروح يفضحني
حجيته وكملت اضرب عل وجهي ابويه بسرعه وكع من طوله للكاع كلهه ركضت عليه يفركون بصدره ويشربو مي وامي دك ولطم وتصيح
سكراااان شنووو ولج من يمتى يشرب سسامر ومصورج شنو يبوووووو يرشا طاح حضج يمزايه
جاوبته
يسكرررررر ويكبسل وكل السوالف الطايح حضه عنده
من شوكت يامصكوعه
من تزوووزجته من تزوووووجته
كله صافنه عل وضعي وحتى الولد كبالي واني محاسه فاصله كومو ابويه هوه وإبراهيم للصاله وامي شفته زنجلت الباب اخاف براهيم يطلع واسراء كومتي للغرفه واني شبهه جثه نزعتني ملابسي كلهن لن مبللات مي ولبستني منهه أول مكملت ندكت الباب مودكه تكسرت نخمش كلبي وجنت متأكده سامر ركضنه وابويه وإبراهيم والولد الضاهر بعده يمنى ويطلع صدك سامر سكران ويطوطح ويصيح
بنتكم الهزمت روووحو دوروهه شوفوهه بحضنمن نايمه يااااااايله
كمز عليه براهيم ودك بوكسات والولد يريد يفاككهم ومن بعدهم وصار بنصهم سامر صاح اختك كح......مسقطه وحتى دليل عندي من كال هيج الولد جابه بوكس عل اثره وكع عل ضهره لزم وجهه ورجع كام صاح
انت منو وانت شعليك حتى انت اليوم اشتكي عليك
اااااانجب عار انت لو رجال متسوي باهلك هيج وعرضك امشي ناقص ولي من كدامي تره اسوياك عاهه بوجهك طول عمرك متنساهه
بثنى هذا الحجي اجتي الشرطه طلع الحقير مبلغ هوه طبكو كدامنه واني وامي واسراء وراه الباب بس البجي مفاركنه جنت متأكده راح يصير هيج وبعد اكثر لعد اني ليش سكتت كل ذيج الفتره هاي النتيجه فضيحه بلمنطقه وبنص اليل نزلو الشرطه
السلام عليكم
وعليكم السلام
بيت ابو إبراهيم
اي نعم تفضل اني ابو براهيم
حجي المدعو سامر يدعي هوه نسببك اي زوج بنتك تمام
اي صحيح
مشتكي عليكم ويكول بنتهم نهزمت قبل نص ساعه من بيتي صح
لاسيدي موهيج بس الضاهر صاير سوه تفاهم بينهم وهمه مره ورجال تعرف وبنتي عافته واجتي علينه لن موخوش ادمي وياه
تمام حجي هذا الحجي احجي بلمركز اتفضل انت وابنك ونسيبك وهناك نتفاهم
حجه الولد الاسمه زيد
من رخصتك حضرت الضابط وياك اخوك زيد من فصيلت الحشد الشعبي
ومدله الهويه قراه الضابط ومدله ايده صافحه وكله
أهلا بلمجاهد البطل اتشرف بيك
الي الشرف بس حبيت اوضحلك الأمور اني اصير جارهم وجنت نازل من الدوام قبل نص ساعه وشفت بنت الحجي ابو براهيم وهيه مرعوبه وجايه تطلب الغوث من اهله بسبب زوجه لواكف اماك اني ماعتب عليه لن مبين واحد ناقص وله شلون مطلع عرضه بهيج وقت وفوكاه مشتكي بس اعتب عليكم انتو الحكومه الدوله بكبره شلون تجون عل شكوت واحد سكير شوفوه قربه عليك اصلن ميندل راسه من رجليه المفروض هوه يعتقل هسه عل هذا الشكل المخل بلوضع الأخلاقي
كلامك صحيح اخ زيد بس يبقى مواطن وتجاه القانون ولو انتو مسوين نفسه ومشتكين هم جان اجينه
كفووو والله متقصرون انتو عيون الشعب المتنام وماكو شك بقدراتكم واتمنى تنصفون المضلوم حتى الضالم لايركبه وكل الي اطلبه هسه بن متجرجرون الرجال الجبير وابنه بهيج وقت وإذا اكو اي اجره روتيني هاي هويتي تبقى يمك واني باجر من الصبح جاي وياهم وأي شي تحتاجونه وأي أجراه تاخذونه اني حاضر
هذا الحجي كوله سامر خانس كلمه منطق صار مثل الجريذي الخاتل والشرطة سحبو اله ونكلبت عليه الشكوه لن شارب صعدوه بسياره وطلعو والمنطقه عبالك تلفزيون ومفتوح كله تتفرج ال صفك الولد بيده وصاح
والله وكفو منكم اهل حي ......... واكفين تتفرجون هاي بدال متلتمون وتوكفون بعيون الشرطة وتكولن عل جثتنه يطلع ابو براهيم من المنطقه واكفين تستمعون وتباوعون اخذوووو سيلفي فد مره
محد جاوب كلمن دخل وسد بابه دخلو وبطرمه واجتي الكهرباء اني واسرا دخلنه المطبخ وابويه تشكر من الولد
اشكرك ابني زيد والله هاي وكفتك ماانساه رحمه الله والديك
والديك خالي شنو السالفه قابل دكاطعت الدنيه اني يمكم شتحتاجون اني حاضر
والنعم منك ماقصرت انوب شلون اخذو هويتك
عادي ابو براهيم ولاتهتم باجر أصبح نروح هم نشوف الاجرات وهم اجيب هويتي


بس هيج راح نتعبك
لاتعب ولاشي اي واحد بمكاني يسوي السويته احنا اهل وجيران
تصافحو وطلع ودخلنا كلنا كعدنه واني بغير عالم والحجي أشكال كمت مااجمع وابويه وامي شتغلو وياي تحقيق وبديت احجي من اول مازوجت لحد هاي اللحضه بتفصيل احجي وهمه صافنين عليه ابويه علك الضغط وهوه يضرب عل رجليه ويصيح كله مني اني شلون زوجتج وشلون صاير هيج بيج واني مادري بنتي اربع أشهر مذبوحه ومضلومه واني كاعد هنا ومرتاح عبالي مرتاحه امي كل شويه ودقتني لو هزتني من جتفي وكالت ليش ضامه كل هذا ليش مندري شلون تحملتي براهيم مجمر والعيون دم ويكلي ليش هيج خويه ليش لعد اني بنضرج مو رجال ومحاسبه حسابي لو شاده بيه ضهرج جان ماسوه هيج بيج خصمهه ابويه من كال خلص سدو الموضوع رشا انسي شي اسمه سامر بعد كمو نامو والصباح رباح رادت امي تلحكني للغرفه مخلاه كله اعرفج راح تاكلين كلبه وهيه شوفي حاله خلصانه الجايات هواي واحجو براحتكم سندتني اسراء للغرفه مددتني عل سرير وغطتني عيوني بسكف وماشوف غير غواش الدموع جبته من اول يوم خطبني لسامر لحد هاي اللحضه عبالك مسلسل وجنت أتفرج عليه معقوله هاي حياتي وهذا كله صار بيه وشنو بعد راح يصير الله اعلم هذا الولد هم خلف الله عليه لو ماخذين ابويه وإبراهيم جان صار الاسواه لثاني يوم واني منايمه ومن الساعه بسبعه كمت من فراشي تمشيت للمطبخ لكيت امي كاعده والصوبه كباله من شافتني فتحت اديه إليه جيتت بحضنه وبس جتافنه تهز ثنينه نفس الحركه ونفس النار لحد ماتعبنه رفعت راسي بديهه وعيونه مليانه دموع وهمست
يعني بعدج بنيه
هزيت راسي اي
رجعت لمتني بحضنه وهيه تتحسب وتدعي عليه ال كعد ابويه سكتنه وبتعدت رحت غسلت وامي لهت نفسه بحجه الريوك لن ابويه شكله تعبان فدمره إبراهيم اجه كعد ونضراته مفسرته مره بعطف مره بخزره احسه كاعد عل نار وكومه اكو كلام بداخله بس ميكدر يحجي بوجود ابويه خلت امي الريوك بس شربو الجاي وطلعو الهدوء سيد الموقف ماعرفنه وين رايحين ال من طلعو كال ابويه رايحين للمركز وطلعو اسراء كعدت لملمت بدون صوت وامي تدعي تفض عل خير واني راسي بين رجليه ومتضره عل نار اريد اعرف مصيري وساعه ساعتين وتلاثه وماكو لاحس ولاخبر للضهر ال اجوي الوجوه متتفسر واني نخرطت من الخوف وفي مابعد افتهمت متنازل عن الدعوه بتهديد من الولد زيد وابويه مخابر عموو ومنطي مختصر عن المشكله وكايله راجعين بأول طياره للعصر احنه يمكم وإبراهيم متعارك هوه وسامر وكاتله بنص المركز ويكول بعده كلبي مابرد متوعدله بالاقوه شويه هديت لن جنت خايفه من سالفت شرطه ومركز ماريده تجر وتعر وتوصل للحكومه عيوني قفلن وصدك احتاجيت للنوم هم اتهرب من نضرات اهلي وهم اني تعبانه وجسمي حكايه ثانيه ماله تفسير لن مماره بهيج وجع من قبل رحت لفراشي وأول مخليت راسي نمت نومه ماله اخر عل صوت الهوسه فزيت طلعت من الغرفه شفت اسراء تتصنت يم الباب تمشيت يمها سالته
شكو
عيالج جوه
صدك منو
اي والله عمج وعمتج
الدرج بصفي كعدت عليه لن ماكدر اكوف اسراء نتبهتلي كالت
رشا شبيج ليش هيج جسمج يرعش وجوه عيونج اسود
مادري
حبيبتي تره مردتي كلبي شنو هل رجيف
ثنت كدامي ولزمت ايدي عصرتهن حيل واني اباوع عليهن سعفه وتختض بس مو بيدي ديرجفن خارج عن اراتي اسراء عباله اني خايفه ضلت تهدي بيه بس بدون فايده ل هناك وطلعو وصاحلي ابويه كعد ني وكعد الكل وكال
اني هسه خصمته كل حل ماكو غير الطلاك اني مارايد بنتي اربع أشهر متحمله شنو ذنبه مكطمه قابل سمعي رشا عمج وعمتج رايدج وتعذرو وحلفو وسحلو نفسهم بس اني مصمم عل طلاك انتي وياي بابا لو لا
هزيت راسي اي
كال
لعد اسمعي يجون يجيبون ناس يجيبون شيوخ الدنيه وعشيرتهم كله متتنازلين من هذا قرارج وطلعه نهائي مطلعين عليهم حتى لانضعفين بعد لو مينعدل لو يصير شيخ لو يصير سيد بعد مالج رجعه الغايب والحاضر والغرفه وكلشي يخص هذا الإنسان مريده ومتتنازلين عنه مريد لاذهب ولافلوس اريد اسلم بنتي وبس والسالفه البينكم تنسيهه ولاتشهرين بلولد هم حرام اليسل شنو سبب الطلاك ممتفتهمين ونتهت ماريد أحد يدري أنتي بعدج بنيه منريد تطلع فضيحته من بيتنه فوضي امرج لله والله راح يدزله من تفضحه وتشهره وتطلع حوبتج هذا هوه بنتي
هذا هوه بابا مثل ماكلت مالي كلمه بعد كلمتك
الله يرضى عليج ويريح كلبج وينطيج من صبر زينب عل شفتي ومريتي بي
يابه والتصوير شلون
هسه حجيت الاهله كولشي وكتلهم اي فضيحه تصير سامر ينهدر دمه وراح اسوي كعده بس علمود هاي السالفه
وفعلا بقى ابويه يتصل وبلغ عمامي وخوالي وعمتي ماملت يوميه تجي واتضل تبجي دكلهم بس خل اشوفهه واحجي وياه وابويه يرفض إيمان وانسام اجوي بجو ونحبو من سولفتلهم كولشي بعدين كالو يولي خلصتي منه يومين واني بغير عالم وأكثر شي قهرني عمي وعمتي من يجون ويرحون ادكطع ذوله الناس مااذوني ولاشفت منهم العيله ابنهم موادمي همه شنو ذنبهم صارت الكعده واجوي شيوخهم وشيوخنه وابويه حجه كلشي ونهوه بفصل بس ابويه رفض كلهم ماسويت الكعده علمود الفلوس سويته حتى اشهدكم عل عمايل ابن عشيرتكم تعهدو بن يتخذون الازم بحقه وشيخهم تعهد بأن ماكو تصوير وأي فضيحه تصير هوه المسول ومن طلعو اجتي عمتي والبنات وهنا اني قررت اطلع وابري ذمتي واحجيلهم شسوه بيه من سافرو حتى يكونن عل بينه اخاف مصديكين اني الهزمت بدون سبب وبعد متوسلت بأبويه ال قبل طلعت وأول مشافوني البنات ركضو عليه وتحاضنه نبجي وعمتي ويانه عل وكفه وحده ال امي سحبتني منهم وكعدتني وكعدن عمتي كدامي ولازمه ايدي وانهار منا ونهى منا عمتي كالت
عمممه ارجعلي والله لعبنه بي طوبه كولشي ولا الطلاك فدوه العينج والله تعلمنه عليج ومنكدر بلياج
عمه والله ماكد سامر اذاني انتي متدرون شجان يسوي بلغرفه لوتدرون جان بنفسكم جبتوني الأهلي
نذل ومهتلف وامده بطني الجابته ارجعي علمودي وعلمود عمج والله لنخلي يحفه وميلوحج ويتمنى رضاج ومينوله
مستحيل اني لهزمت بروحي العزيزه عمه تلاحكوله سامر راح يضيع من بين اديكم عوفوني وحيرو ببنكم سامر يكبسل ويشرب اصلن مدمن روحي شوفي الكنتور والاشرطه
رشاء انتي شتحجين
والقرآن عمه اصلن هوه شد وياي آخر فتره لن كشفته ومن سافرتو جاب الشرب للبيت عمه انتي تقبليه يصورني فري العالم كوله اكو رجال يصور مرته ويهدده يفضحه اذا تعوفه نهى انهار تقبلوهه عل نفسكم اذا تقبلوهه هسه ارجع وياكم وطبني مرض
انهار مفرفحه كالت والله منقبله انتي اختنه وماشفنه منج ال الخير والبيت ديخنكنه وانتي ماكو
عمتي دك عل رجليه وزلغت خدوده وتصيح إبني ضيع بنت الناس وضيع نفسه هسه انوب طلع عنده بلاوي لو الحك عليه لو ماالحك بعد حجي طويل رادو بكل الطرق يقنعوني واني مصممه عل اتفاقي ويه بابا طلعن ضهورهن منحنيه واني طكيت بجي لن اني صدك تعلقت بهاي العائله سامر بكل هاي الأحداث مااجه ولا وصل لابكعده ولابي مكان وابويه يركض بديه وبرجليه عل طلاك واني مصطوره مدري مصدومه ماعرف احس نفسي بدوامه ودتفر بيه ومادري وين راح تذبني تحدد موعد الطلاك بعد باجر واني مادري أفرح مدري احزن افرح لن راح اخلص من سامر لو احزن لن شنو ذنبي تزوجت أربع أشهر وتطلكت وصارت عليه 4سنين عبالك البيت مافرغ احمد ومحمد أزواج اخواتي معافونه رابطو بيتنه وبراهيم اكثر واحد يدور كتلت سامر بروح واليوم الله جابه برجليه ليم بابنه لام كم واحد من جماعته وهدو للبيت ويصيح اريد مرتي اني مااطلك لو تموتون طلعو إبراهيم وأحمد ومحمد وابويه بلبدايه يكوله روح إبني اني متفاهم وياه أهلك وماعندك مره يمنه وهوه يشمر بلكلام عرفته مكبسل شايفته شكله شلون يصير من يشرب وشويه شويه وعلكت وناس ذبحت ناس وحتى امي بنصهم تعيط وتفزع للعالم حتى يفاككوهم واني اكمز بمكاني اطلع وارجع اطب من اشوف الناس شلون تتفرج نكزت نكز بساعته واخر شي سمعنه صوت طلقه خنست كل شارع وصوت صاح
بلعباس اطشركم وانعل ابو اليطلعلكم اذا موهسه ختفيتو من الفرع كله
مد يت راسي زيد ولابس عسكري والمسدس موجهه عليهم وسامر والعفطيه الوياه صار المطافر بفلس عبالهم شرطه لن سيارته مضله راحوا ومن صارت هدوا نجمعو يم بابنه بعد ماعرفت اشصار لو شحجو لن دخلت جوه من الهبطه تبنجت شويه ودخلو بس ولدنه وابويه خابر شيخهم وسولفه صارن عليه مويومين دهر ردت بس اطلك واخلص البيت عبالك مكهرب وامي كل خوفه عل براهيم دكول وحيدي وسامر هتلي اخاف يسويله شي حرت افكر بمنو بحضي لوبطلاكي لو باهلي وبيوم الطلاك الصبح رحت اني وابويه وابراهيم ومحمد رجل انسام شعور ماكدر اوصفه نار نار وتسعر بيه الطلاك موشويه وموهين واني شفتهمت من زواجي حتى اطلك وصلنا المحكمه وشفت أشكال والوان ناس تبجي وتطلك وناس تهلهل وتطش جكليت دتعقد رغم الجو بارد شهر الواحد بس اني مجمره يمكن قهر ومعدتي تكلب مكدرت ال صرت عل صفحه وتقيات ال جريت النفس غسلت وجهي وابويه يصبلي مي من بطل بيده رفعت راسي شفت سامر وعمتي وعمي جايين بتجاهنا صديت عل صفحه الثانيه وابويه خله ايديه عل جتفي ومشينى وهمه ورانه دخلنا للمحكمه كالو اول شي تدخلون للباحثه الاجتماعيه وبعدين للقاضي ولازم بس اني وياه دخلنا كعدنا مقابيل بعض وبدت تسلنا سبب الانفصال كتله ممتفاهمين بعدني داكمل وسامر جاوب
مرتي واريده وأحبه وماريد انفصل بس هيه مصره
شنوو السبب ماما زوجج يكول اريده
ست واني ماريده واريد اطلك
اصبري اصبري موهيج تنحل الأمور لعد ليش دزوكم يمي
اي والله ست ياريت تفهميهه اني اريده ومستحيل اطلك
سسسسامر حرام عليك انت شوكت حبيتني تره اذيتني هواي كافي اعتقني عاد
غلطت واعترف خل نرجع واوعدج وكدام الباحثه احلفلج
ست عفيه اني ماعندي كلام وياه ياريت اذا تسمحيلي اطلع
ماما اكعدي تفاهمو الولد رايدج انتي ليش سلبيه ومستسلمه للطلاك
انتي متعرفين لمريت بي ومتدريرين هل شخص اشكد اذاني
هذا اخر كلام عندج
اي
وانت شدكول
اني هم ماعندي غير ماريد اطلك واريد مرتي
زين اعوفكم تتفاهمون
من كالت هيج هميت وكمت لزمت ايده كتله لحضه وحده وياه وحدنه ماقبه
باوعت عليه من فوك ليجوه وكالت
تمام راح ارفع اوراقكم للقاضي وهوه يتصرف
اكدر اطلع
اي تفضلي
طلعت وهوه بقى يمهه أخذني ابويه عل صفحه هديت اديه ورحت سلمت عل عمي وعمتي لن من جان سامر وياهم مسلمت جانو حيل خجلانين حتى سلامهم بارد ومرفعو عينهم بوجهي عاد رحت يم ابويه سولفتله إبراهيم سمع راد يهد عليه بس محمد مادري ششاوره وسكت طلع سامر ودخلنا للقاضي والباحثه ويانه ونعاد نفس الكلام والحوار والنذل طلع ممثل وكام يتمسكن وكل كلمه يرد القاضي بعشره حتى المدعي العام والباحثه مخنزرين عليه وكل ضنهم اني ماريده متبطره ومن اجا قرار القاضي مانصفني وكسر مجاذيفي
وطحني
طحن .
.
.
.
.
.
احبكم اختكم رفل الكناني❤❤❤


لامارا غير متواجد حالياً   رد مع اقتباس
قديم 08-11-19, 11:51 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 7


القضاء منصفني ومن كال القاضي توجل الجلسه للسبوع القادم لتفاهم بين الطرفين انطحنت طحن وسامر يباوعلي بستهزاء اجيت اصرخ واصيح هذا موعدل انصفوني بس بدون جدوه القاضي كام والباحثه طلعت واني تخيطت وسامر يكلي
لتخلين راسج برأسي تره يتكسر
جاهدت حتى دموعي متطلع كدامه وعفته وطلعت ابويه وإبراهيم من الباب تلكوني سولفتلهم وطلع سامر لزمه براهيم من ياخته هزه وكله
عاررررر ساقط تطلك وغصبن ماعليك لاانعل والديك
ووووخر ايدك يمعودين وين الامن وين الشرطه شوفو شلون يتهجم عليه بنصكم
ضربه سامر بوكس ومحمد هم جابه بثاني واجوي الامن وعموو تخربط وابويه يجر ببراهيم وفاككوهم وطلعنا وعيني عل عمتي تبجي وتكب مي عل وجهه عمي وسامر النذل يعدل بهدومه الشككوهن من الجر رجعت مذبوحه وكل امالي خايبه وكنو مسويت شي احساس حقير انك مربوط بشخص قذر ومتكدر تخلص منه الطريق كوله واحد يرفع واحد يكبس واني أطلقت سراح دموعي لحد ماوصلنا ورتميت بحضن امي مفرفحه وابجي وفجاه نجريت من جتفي وصار براهيم بوجهي وعيونه بكصته صرخ بيه
تبجين بعدددددددديش هاااااااا مو هذا لسترتيله وطمطمتيله وخليتي يستركبنه لو جايه وفاضحته جان مصار هيج كله من وراح انتي اااااااالسبب ممنوع تبحين وإذا وكع بيدي وذبحته انتي ااااالمسوله حيوااااااااانه
خليت ايدي عل راسي وكعدت بلكاع كمت ا صيح
كاااااااافي حرام عليكم اررررحموني تره اموته النفسي اني شمدريني هيج يطلع
كمت ارجف وحلكي يبس وعيوني غوشن وهوستهم دك برأسي وكلمن يحجي شكل لحضات وماعت روحي وبعد مادريت بشي غير شي بارد دخل وريدي وبديت اسمع اصوات يمي أعتقد ابويه والدكتور وصوت امي
عفيه دكتور شبيهه
اعتقد انهيار عصبي خل تصحه ونتاكد بس هيه ليش ترجف
والله ماعرف هيه دتمر بضروف بس الله يعلم بيه وتخربطت وجبناهه
تمام من تصحى صيحولي
بديت افتح واغمض واحس زنابير دكرصني صحت
يمممه
هاااأاا بنيتي
يمهههه جسمي يوجعني
صالح صيح الدكتور كوله كعدت
رشا يمه شدتحسين
اريد مي
صار
كعدتني وشربتني بس ماكدر ارفع راسي وركبتي متشنجه اجه الدكتور سلني
شحسيتي من وكعدتي
ماعرف ماتذكر
زين هسه شدتحسين
جسمي يوجعني وراسي مواتني
اوك ليش هيج ايدج ترجف انطيني ايدج
ماعرف
لزمه عصرهه حرك أصابعي رجع قاس الضغط كال
هيه تمر بحاله انهيار عصبي الأفضل تبقى اليوم هنا حتى متتكر هاي الحاله خلوهه عل مغذي نهائي لتبعدو يخلص ضيفو الثاني لحد متتحسن تماما
راح الدكتور واني عبالك صرت للاسوء للمغرب وروحي لابت كمت احس راسي وحف وديطلع منه نار واصيح طلعوني ماريد ابقى هنا
بنتي موزين عليج شوفي حالج
يابه والله روحي راح تطلع عفيه طلعني راح يغمى عليه والله
ستغفر الله ام براهيم حاجيهه
يمه عيني ستهدي برحمن دنيه المغرب ميصلح
ماسمعتلهم فصلت كعدت لحيلي جريت الكنونه حيل الدم طفر ابويه تخبل كام يصيح شجاج تخبلتي امي تخلي الكلينس ينترس دم ركض ابويه عل دكتور فورا اجه شافني كال
هاي شنووو ليش هيج مسويه
ااااااااريد اطلع طلعووووني
مو بكيفج
لتفت للممرضه كله
جيبي بلاستر
نترت ايده وهميت داكوم وكعت امي لازمتني والدكتور ابتعد مصدوم من الداسوي الشال واكع ومادري بروحي لتفت الابويه كله
تره بنتكم موطبيعيه هيه هيج لو بس هسه
لا والله دكتور اول مره اشوفهه هيج
اذا مصره هيج طلعوهه وأي شي يصير اكو طوارئ
رحمه والديك دكتور
همه يحجون وامي لازمتني واكفه تمسح بوجهي وتعدل بشالي واني كوه واكفه واختض وحتى احس لاعاب يطلع من حلكي وامي تمسح وتبجي ودكل الابويه
مو مال نطلعهه شوف حالها
يأمره تره راح تخبلوني شسويله متشوفيها فضحتنه ومتقبل اتضل اني شبيدي شوفي الردهه شلون نتفرج علينه امشي واسكتي
مشوني ورجعنا للبيت كبل نمت بفراشي مادري شكد وكعدت لازمه راسي والطخ بي بلحايط من الألم وجسمي يكرص بيه لتموو عليه كلهم ميعرفون شيسوولي شربوني بندول وخافض حراره واني اصرخ واملخ بروحي يلبسوني الجبه واجر بيه احسه جبل وعل جسمي يخلون الشال واشمره كوه ثبتوو اجه براهيم كال يله دناخذه ابويه كله وين اكو سياره بهليل
هذا زيد جيرانه ياخذنه
امي صاحت اسراء عباتي وابويه سندني وطلعنا واني بغير عالم لكينه الولد بلباب صعدنه وابويه كال لبراهيم ابقى يم اسراء وامي صعدت يمي ماسمع بس الصوت وامنيتي افتح بس عيوني جمر وبس اهز برأسي اوبويه يكوله للولد
اعذرنه يابه اخاف احرجناك
لا خالي شنو السالفه احنا أهل ماكو كل إحراج
والله يابني مصيبه وكعدت عل راسنه بنيه مثل الورد شلته ونطيتهه لرفيق عمري وتالي يطلع ابنه دوني ونذل وهيج سواه بينه
منين هذا اشو اني مشايفه بلمنطقه شكله منتف
شبيك شلون مشايفه حلاق بشارع ال........
والله حجي اني ماحلق هنا كله عفطيه ومزعطه بس هوه مبين شلون نطيتو
نعمينه ياابني والفاس وكع براس


وهسه
ميقبل يطلك واليوم جنه وياه محكمه وتاجلت الجلسه وصار خير يصيح مرتي واريده
موبكيفه بلعباس لوبمكانك حجي غير أجيبه من اذانه وادوسه بلقندره ويطلك وهوه الممنون
هسه بس خل اشوف علت بنتي والله كريم منا للسبوع الجاي
كل هذا الكلام أسمعه وبودي اكطعهم واكلهم بس اسكتو سطرتوني بس ماكدر اصلن حتى نطق بعد ماكدر أنطق وصلنا ونزلوني مغمضه نيموني وشدولي الكانونه وشويه ابجي من الألم وشويه اسكت ضربوني ابره بلعضله عل اثرهه هديت ويمكن غفيت شويه وبعده فتحت باوعت امي وابويه يم راسي سلوني شلون صرتي كتلهم زينه اجتي الممرضه شالت المغذي وكالت اصبح تعرضوهه عل استشاريه أفضل طلعوني يمكن الدنيه فجريه السما بيه ضوه قليل امي كالت
خطيه هذا الولد مدري وينه لو راجع واحنه ماخذين تكسي
والله كتله بس ما قبل
وصلنا كراج المستشفى ويم سيارته وابويه دك عليه الجامه يمكن جان نايم بسرعه نزل الجامات وكال
اصعدو اصعدو اسف اخذتني غفه
والله زيد احنا اسفين بهذلناك بهذا اليل خطيه شنو ذنبك هيج نايم
عمي صدك جذب لايضل بالك وداعتك متعلم هوه الدوام وين بي نوم تعلمنه عل سهر
الله يساعدكم ويعينكم
صعد الجامات وشغل تدفه خليت راسي عل جتف امي احس نفسي شويه احسن ابويه كله
هسه وين دداوم
والله اني يوميه بمكان وين مينادون بينه انزل اخر نزله من بيجي وهسه مجاز والالتحاق ان شالله للصقلاويه
بس موخطره والأوضاع هناك تعبانه
والله كله خطره وين متروح مدام بلدك محتل وبي مندسين اكيد خطر
الله يحفضكم وين متتوجهون ترجعون سالمين غانمين
امين يارب العالمين
يم بابنه وابويه تشكر منه نزلنا ودخلت البيت اجه بالي اسبح وامي عارضت كالت بارده غير تموتين نامي ورتاحي ومن تكعدين عود رفضت لن ميدرون شديصير بيه وبجسمي دخلت للحمام وسبحت بمي مكاسر وبي خيط بروده وهم داحسه نار كملت وطلعت اريد اصلي ماكدر خليت راسي ونمت وكعدت فلاونره واعطس وصايره فد مره وامي اكلت كلبي كتلج لاتسبحين وشوفي شلون تمرضتي كل هذا وبالي مويمهه اريد اعرف مصيري شنو وشلون راح تفض سالفتي لليل براهيم كال
سالت وكالو لازم تخلون محامي قبل الجلسه لن حتمال يطلبه لبيت الطاعه وبهل حاله تنجبرون توافقون
ابويه كله
منو كلك
والله جماعه يعرفون بهاي السالفه وزيد جيرانه جان واكف وسمع وكال اذا تردون بنت خالتي محاميه شاطره وكلوهه وخل تستلم القضيه قبل متنلاص
لعد شمنتضر كوم كوله موافقين واخذ رقمهه والعنوان ستعجل قبل ميخلي محامي ونفلس
راح براهيم واجه جاب الرقم وابويه خابره وتفق وياه باجر أصبح يأخذني ونروح وفعلا ثاني يوم رحت بس عل اعصابي من شدة المرض لاكن غصبن ماعليه لازم اروح واسعي حتى أخلص من سامر ستقبلتنه وكانت مره تلاثينه طبعن ابويه دقني دق من نبهني لاتجيبين طاري انتي بنيه منريد نفضحه بلمحاكم احجي كلشي ال هاي السالفه جان بودي افضحه عل الي دامر بي بس ماكدر اكسر كلمة ابويه كعدت كباله والمرض كاتلني وبديت احجي بلتفصيل وهيه مركزه وهواي اسله سلتني وأهم سوال
ليش هيج سوه بيج معقوله بدون سبب
باوعت عل ابويه وعليهه وكتله
اي بدون سبب هوه يكبسل ويشرب ويكوم ميدري بنفسه وعندي هواي ادله واوله جسمي اذا تردين شوفي
أخذتني وراه الحاجز لمخليته بلمكتب وشافت ضهري وآثار الحزام كالت
هذا راح اسحله سحل بلمحكمه لو اعرف ادفع نص عمري هذا شمسوي بيج الضالم زين انتي ليش هيج شكلج شنو مريضه
اي جنت داخله مستشفى صار عندي نهيار عصبي
زين وهسه اشو شكلج مو طبيعي
هسه هم مريضه فلاونزه
حسيتهه مقتنعت ومادري شنو براسهه كالت الابويه تروح للمستشفى وتجيب تقرير طبي بلنهيار الصار وتلتقي بيوم الجلسه وإذا احتاج اي معلومه اني إتصل بيكم من ادرس القضيه واطمنوو ان شالله خير بيومه صار عندي أمل حتى لو قيل بس اهون من الماكو وهاي المحاميه شكله قويه واثقه من نفسه والله يومين وبليل وكالو اجتي المحاميه للبيت جايبه زيد بطلب منهه كلنه تفاجاه واني جانت حالتي يرثى لها مدثره ومادري بدينه وين دخلوهه للغرفه وكعدنوني وكابلتني وبعد السلام كالت شنو بعدج فلاونزه
جاوبته بتعب
مادري اشو اني مدري شبيه
واني هيج حسيت واجيت اتاكد اكو كم سوال اريدج جاوبيني عليه السوال الاول
انتي شايفه لحبوب ليتعاطاهن سامر
اي موكتلج شلون كشفته وشنو سوالي
زين تكدرين تحجيلي شويه عن سامر يعني اكو تصرفات توحي بأن هوه يتعاطى
اي
متلن
يعني ساعه طبيعي وساعه معصب وعيونه دوم حمر ومرات يخربط بلحجي وساعات يرجف وس
ستوووب ل هنا واوكفي
ليش
يعني مثلج ؟
شلون يعني مثلي
انتي شوفي حالج دترجفين وتعركين وساعه تخربطين بل حجي اني داحس عليج وجوه عيونج اسود وعيونج حمر
ش ش شنو قصدج عفيه
لتفتت عل امي وابويه الواكفين يمنه وكالت
جنت شاكه من حجتلي من اجيتو وضليت افكر وافكر وهذا الجابني حتى اتاكد وهسه تأكدت للاسف سامر جان ينطي الرشاء حبوب بدون متعرف
من كالت هيج واحد وكفخني عل راسي صاعقه ووكعدت عل راسي كمت ا صيح
لالا لا لا لا مستحيل هوه نذل بس مو لهل درجه
لا لهل درجه واكثر وباجر نتاكد
كمت ابجي بهستريه وافرك بجسمي ابويه الدمعه طفرت من عينه وامي تتحسب وتبجي ونخبصنه وهيه صاحت بينه كالت
لاتشدهوني انتضرو أصبح نعرضهه دكتور اخصائي وإذا طلع كلامي صحيح سامر اودي بستين داهيه حتى سجن اسجنه
نهاريت واني اسمع معقوله اني اتعاطه آخر شي يخطر عل بالي ومتحملت الخبر وكعت وفقدت الوعي وصحيت بلمستشفى وهمه ديسحبون مني دم عجزت عن اي تصرف صارت بيه شبهه صدمه بحيث يجكجكون بيه ويسحبون دم واني ماحس المحاميه سن نهله معافتنه وركضت ركضت حتى تحصل تقرير يثبت سامر مخليني اتعاطى وحصلته بعد مطلع التحليل وأثبت اني صدك أخذه حبوب وجرعه لابس بيهه بس مموصلتني للادمان ورجعنا والتقرير بيده ابرهيم يشتعل وينطفي ويريد يروح يكصبه والمحاميه تنصح بن نكون هادين ومنخرب شغلهه واني بديت برحله ثانيه وهيه رحلت العلاج من الإدمان لحد ماجه موعد الجسله
ونطق
الحكم
احبكم اختكم رفل الكناني❤❤❤


لامارا غير متواجد حالياً   رد مع اقتباس
قديم 08-11-19, 12:02 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت 8


اجه موعد الجلسه والمحاميه رفضت احضر كالت غصبن ماعليه يطلكج غيابي راح اكول حالتج تمنع حضورج للمحكمه بسبب الإدمان وقدمت التقرير الطبي ونطق الحكم وتطلكت غيابي وصلتني ورقتي عن طريق ابويه والمحاميه ماعرف شنو احساسي او بلاحره ماعندي اي احساس بوقتهه لن صحتي بلنازل وبعد متخلصت من سامر بديت بمرحلة العلاج وهذا جان اصعب شي نمت بلمستشفى أسبوع كرهت بي حتى روحي جانو يحقنولي ابر بلكتف كل ابره اشيط للستار من اضربهه ورى مطلعت من المستشفى للبيت وبعدني اعاني من أثر العلاج وكف براهيم فوك راسي ال تشتكين عل سامر وهذا طبعن بطلب من المحاميه كالت صدك طلكج بس كلبي ميبرد اذا ماسجنه ابويه رفض وتلاطش هوه وإبراهيم وصارت للضالين كله خلص الله يجازي العشره متهون ال عل ابن الحرام واني وابوه عشره ماريد اسوي مثل متسوي الناس خلي الله يجازي رغم حجي ابويه بس ابراهيم قفل وكال لواسجنه وتشتكي رشا لو بعد ماعترف بيه اخت وضليت بين ابويه وبين إبراهيم بس أفر برأسي وإبراهيم نفذ البراسه وخابر ست نهله وطلب منها تكتبله شكوه بإسمي وايدته ومن ثاني يوم نسجن سامر وعمي وعمتي رابطو يم بيتنه أصبح والعصر يجون وابويه يتوسل إبراهيم يسقط الدعوه وهوه مصر ويوم يجر يوم وشهر كامل سامر مسجون واني حكمني ابراهيم ماطلع عل عمي وعمتي من يجون ومن ايسوو كامو يدزون ناس من المنطقه ومن الكرايب وصار مشكله شكبره بين ابويه وبراهيم ال سقط الدعوه يعني تقريبا انسجن سامر شهر وعشرين يوم كل هذا واني بغير دوامه حايره بمرضي وبعلاجي التعبت منه صرت جلد وعضم إيمان وانسام معافني يوميه وحده تبات يمي يضلن ينصحن بيه ويهدن نفسيتي الصفرت جنت ماسمع الأحد كل تفكيري محصور شلون هيج سامر سوه بيه وشلون جان يشربني الحبوب وشلون ستغفلني ومحسيت عليه وشلون وشلون جنت اتمنى اسله ليش هيج سويت وياي اني شنو سويتلك بشنو اذيتك معقوله اكو بشر مستعد يدمر حياة شخص بس علمود هوه مدمر زين وين مخافت الله وين الحلال والحرام ولو واحد مثل سامر وين يعرف الحلال والحرام أيام مرت عليه جانت لياليهه نار وتحرك بيه ونهارهه الهزم بي لنوم من كميه العلاج الاشربه اهلي من كد ميحجون وياي ملوو كامو يتجاهلوني بلكي احس واقوي نفسي واتغلب عل مرض بس صار العكس كمت اتخيل أنهم يكرهوني ومستعرين مني بسبب الحاله الوصلتلها وصلت بيه الدرجه اي واحد يحاجيني اكب بوجهه واكوم اعيط وابجي واملخ بروحي وأكثر واحد تأثر عليه ابويه المسكين كام يكعد يمي بلساعات يقرا قران ومن يكمل ويباوعلي يكلي اني السبب صرت انسانه ثانيه خاليه من كلشي بي طابع يوحي اني أنثى بسبب حالتي النفسيه وبسس قوى العلاج الشهريه تبقى عليه اسبابيع هذا الشي خبلني واني روحي ممتحملتهه اسراء تشاقيني تداهرني تدور بيه رشا القديمه بس للاسف متلاكاهه اعتزلت الكل ونطويت عل نفسي حتى من اباوع بلمرايه اكول اني مسحيل رشاء وأحاول أقوي نفسي بس ماكدر وره مده من هاي الأحداث اجتي الست نهله هيه وام زيد يشوفوني وهذا جان حالي رفضت اطلع بس امي كالت عيب هاي الانسانه وكفت بجانبج وساعدتج شلون توصل ال يمج وترفضين تشوفيها شدكول علينه سندتني وكومتني وصارت المرايه كبالي خجلت من شكلي المرعب بس طلعت من لاجاره سلمت وكعدت ام زيد اول مره اشوفهه مره خمسينيه مرتبه بشكل حته لابسه جبه ملابسه عبايه ولابسه ربطه محنكه وبعدهه قويه ست نهله بادرت بلكلام وكالت
شلونج حبيبتي رشا
جاوبت واني مدنكه
الحمد الله عل الله
ونعم بالله بس ليش هيج ذبلانه توقعتج اقوه من هيج
جاوبته امي
اي والله عفيه احجي وياه بلكتت تسمعلج تره عجزنه منها وكلبنه خلص من كد منحجي وياه
لالا ابد متصورتج هيج عل شنو هيج مسويه بنفسج حيوان ودستي برجلج واله ميستاهلج هيج تسوين بحالج ادري المريتي بي موشويه بس لازم تصيرن قويه وترجعين توكفين عل رجليج الحياه مومن اول صدمه ونوكف لاخل نتعلم منه درس وناخذ عبره والله سبحان وتعالى جوز خله هذه المريتي بي ختبار فكوني صبوره ولاتستسلمين وخطيه اهلج شوفي شصاير بيهم عليج هم موهين بنتهم كدامهم تتعذب رشا انتي مومنه والمومن مبتلى ارجعي لربج وشوفي شلون راح ترتاحين ماسامعه الا بذكر لله تطمن القلوب
اسمع وراسي بين رجليه والدموع تجري بخنيك وامي وام زيد وست نهله جابوهه من يوم زواجي لحد هذا اليوم واني ساكته لحد مترخصو وطلعو وست نهله دنكت عليه بوستني وكالت
اريدج مره الثانيه من اجي انتي تتلكيني وتضيفيني الله شاهد عليه حبيتج من كل كلبي واحسج قويه رغم هاي حالتج هسه بس متمله ترجعين مثل قبل وصدك اني مشايفتج قبل بس مادري ليش رسمتلج بالي احلى صوره
بتسمتله وهاي اول مره ابتسم من صارت هيج حالتي بس جاملته لن ست نهله انسانه راقيه بمعنى الكلمه سندتني وخلصتني من سامر ورغم ما خلص شغلهه وياي معافتني وهاي جيتهه احيتني ومن نصايحه أخذت بس رجوعي لربي اول مطلعوو طلبت من اسراء تسبحني لن ماكدر أعين نفسي وأخاف اوكع بلحمام سبحت وتشاهدت ورجعت للغرفه وبديت اصلي واصلي بدون ملل ومن كلبي لربي بكل ركعه وسجده احمد الله وأستغفر لحد مارتاحيت وطلعت وهاي اول مره اطلع من الغرفه من ذاتي بدون ميجبروني ويصيحون عليه طلعت برادتي توجهت للمطبخ كعدت كد ام الميز امي شافتني خطيه كيفت كالت ام زيد وست نهله دخلتهم خير علينه بدت تسوي العشه واني كاعده احاول اكون طبيعيه واتماثل بلقوه وكملت امي واسراء نقلت الأكل واني رحت للهول ولتمينه كولنه وكلهم يباوعولي متعجبين من تصرفاتي جنت ادوس عل نفسي حتى اطلع من الاني بي بس فشلت ومكدرت حتى اكل اخوط بلاكل ومن تعبت عفتهم وكمت صليت ونمت وبقيت أيام وأيام ملتزمه بصلاه والستغفار وتأكدت هوه أكبر علاج لحل كل مشكله من يومهه كمت اخذ العلاج بنفسي صحيح بعدني منطويه بس اهون من قبل كل اقاربنه من يجون يزورونه اشوف الاسله بعيونهم عليه ولو انطيهم مجال يمكن يكعدوني ويستفسرون عن كلشي واضح عليهم بس امي وراهم وراهم ومتخلي أحد يجيبلي طاري رغم اسمع همسهم باذني اليوم عيد ميلاده بنين بنت إيمان وسوته يمنه بدون شك علمودي حتى تطلعني من الجو الاني بي نزلت للسوك هيه وامي وجابو كل الاحتياجات وانسام واسراء سوو كوشه كلش حلوه والجهال يكمزون ومكيفين وبنونه بدلتها لمدنفشه طالعه تجنن ايمان تنفخ بنفاخ وتتمايل وتضحكلي ويه الاغنيه واني اجاملها ببتسامه ادري هواي اذيت اهلي وسلبت حتى راحت خواتي المتزوجات وحاولت كد ماكدر ادخل بجوهم بس هم ارجع لواقعي من اشوف ابويه يراقبني ويتمنى نضره راحه يترقبه من عيوني إبراهيم وأحمد ومحمد جانو اجمل شي بهاي الحفله ومن خلال تصرفاتهم عرفت اني شكد مهمه عد اهلي وشلون كلهه شايله همي حتى النسابه يضحكون ويشاقوني ويتعمدون يداهروني حتى انسى أجواء هداء ومليانه محنه بس اني شيقنعني واني بنص كلبي عاصفه سببهه سامر الدمرني وحول حياتي ال رماد وبعد مخلصت الحفله براهيم كال مدام كلكم مجموعين اني اريد اخطب وقررت اتزوج كله ضلت تتبلعم واحد يباوع عل ثاني بيومه شفت اهلي مصدومين وشكد تجربتي قاسيه عليهم لن لوبغير ضروف جان امي اول وحده طارت فرح لن دوم جنه نتوسله ويرفض وهسه الضاهر الله هداء وحسيت وجودي مربطهم فكمت للغرفه ماريد اسمع شي اسمه زواج كمت اخاف من هذا الطاري غسلت وصليت وشربت علاجي وعدلت فراشي وهستوني دامدد دخلن البنات مبوزات وبدلن ديروحن ماسلتهن شي عرفت اهلي رفضو طلب براهيم والسبب رشا الي خلتهم متخوفين من كلشي وتعبت نفسيتهم التزمت الصمت وهنه راحن واني لفيت راسي ونمت لثاني يوم والصبح كعدت من وكت وطلعت داتوضه وبلصدفه سمعت امي وابويه
انت شبيك يارجال ليش هيج البارحه فشلت براهيم كد ام خواته وازواجهم
نضال اني تعبت وبعدهه جمرت رشا بيه مشتعله عوفوني يصفى بالي شويه منين طلعلي ابنج بهاي السالفه


صالح شكو بيه خل نخطبله بلكي يتغير جو البيت
وبتنج مافكرتي بيهه
شبيه اشو دتتحسن الحمدالله
لا نضال غلطانه بنتج دتكبد بكلبه البنيه عل ساعه طك وتموت وانتي حايره تزوجين ابنج
صالح ليش تخوفني والله كلبي كام يوجعني
هذا الصحيح لاداخوفج ولاجايب حجي من جيبي بنتج متكابه تصرفي انتي وبنات وحيرن بيه اخذيهه دكتور اكعدن وياهه شوفيلج جاره تره من داشوفه هيج داموت عل بطيى عوفي براهيم هسه موكته
لعد راح اخابر عل ست نهله تحاجيه
وال مره شعليهه ابتلت لزمت قضيتهه الف قضيه تلزم بل يوم ترديهه تحير بنتنه
افهمني صالح ذيج المره من جتني وحاجتهه ثاني يوم كامت مثل الورد وبدتت تتحسن بس هيه جرحه غميج وموبسوهله تنسى وست نهله مدكول بلكت عل ايده تتحسن
مادري ماعرف سوي اي شي بي صالح ال رشا تره رشا اذا مصارت زينه ورجعت مثل قبل اموت وشايل ذنبهه بركبتي وعهد عليه بس تصير زينه شي اسمه زواج ما قبل بي بعد لبناتي حتى إسراء مازوجهه اني نلجمت بعد خليهن هنا يدارني ولا يذلوهن الدونيه الميخافون من الله
جنت اسمع وأيدي عل حايط قابضته ومن سكتوو وعيت عل نفسي ودموعي تجري هاي اني شمسويه باهلي وين موصلتهم وابويه ليش شايل ذنبي ويعتقد هوه السبب والله ولا لحضه عيلته جنت اكول قسمه وإبراهيم هم شنو ذنبه من ورايه حطوو موضوعه عل صفحه واسراء ليش يحرموهه من الزواج الله وأكبر اهلي ملسوعين ونارهم مثل ناري وبعد اكثر مصيبتي سوتلهم عبره ربي ساعدني وارشدني وصحيني عل زماني وصدك بيومهه اجتي ست نهله بس فااجتني وهيه تطلب مني طلب
لاعل بال ولا عل
خاطر .
.
.
.
.
.
.
احبكم اختكم رفل الكناني ❤❤❤


لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:05 PM



Powered by vBulletin® Version 3.8.9
Copyright ©2000 - 2020, vBulletin Solutions, Inc.