آخر 10 مشاركات
328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أسيرة الثلاثمائة يوم *مكتملة * (الكاتـب : ملك علي - )           »          شيوخ لا تعترف بالغزل -ج3 من سلسلة أسياد الغرام- لفاتنة الرومانسية: عبير قائد *مكتملة* (الكاتـب : noor1984 - )           »          إحساس جديد *متميزة و مكتملة* (الكاتـب : سحابه نقيه 1 - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          أرملة أخيه-قلوب زائرة(ج1 سلسلة حكايات سريه) للكاتبة : عبير محمد قائد*كاملة&الروابط* (الكاتـب : قلوب أحلام - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree4Likes
إضافة رد
 
LinkBack أدوات الموضوع انواع عرض الموضوع
قديم 28-08-19, 09:38 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 أبي والغزلان / للكاتبة Reem ، عراقية ( مكتملة )





بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية

أبي والغزلان
للكاتبة Reem



قراءة ممتعة للجميع.....



ندى تدى likes this.


التعديل الأخير تم بواسطة فيتامين سي ; 14-12-19 الساعة 05:24 PM
لامارا غير متواجد حالياً   رد مع اقتباس
قديم 01-10-19, 06:35 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رابط لتحميل الرواية هنــــــــــــــــــا


بسم الله الرحمن الرحيم

السلام عليكم ورحمة الله وبركاته كيف حالكم إن شاء الله دائما بخير ؟




#أبي_والغزلان
بقلم ريم
ﺍﺏ ﺑﺴﻴﻂ ﻳﺘﺤﻤﻞ ﻣﺴﺆﻭﻟﻴﻪ ﺍﺭﺑﻊ ﺑﻨﺎﺕ ﻭﻳﺤﺎﺭﺏ ﻷﺑﻌﺎﺩ ﻣﻐﺮﻳﺎﺕ ﺍﻟﺤﻴﺎﻩ ﻋﻨﻬﻦ ﻭﻟﻜﻦ ؟


#مقدمه
ﻫﺎ ﺍﻧﺎ ﺍﺳﻴﺮ ﺑﺴﺮﻋﻪ ﺑﻄﺮﻗﺎﺕ ﺍﻟﻈﻼﻡ ﻛﻐﺰﺍﻝ ﺷﺎﺭﺩ ﻣﻦ ﻗﻄﻴﻊ ﻣﻔﺘﺮﺱ ﺣﺎﻣﻠﺔ ﻣﻌﻲ ﺟﺮﺍﺡ ﻣﻦ ﺿﺒﻊ ﻏﺎﺩﺭ ﺣﺎﻭﻝ ﻧﻬﺶ ﻟﺤﻤﻲ
ﺍﺳﺮﻉ ﻭﺩﻗﺎﺕ ﻗﻠﺒﻲ ﺗﺸﻴﺮ ﻟﻤﻦ ﺗﺮﻛﺘﻬﻢ ﺧﻠﻔﻲ
ﺃﺳﻤﻊ ﻣﻦ ﺑﻌﻴﺪ ﺻﺮﺍﺥ ﻭﺃﻧﻴﻦ
ﺍﺳﺘﺪﻳﺮ ﻷﺭﻯ ﻏﺰﻻﻥ ﺍﺑﻲ ﺑﺨﻄﺮ ﻭﻫﻦ ﻳﺤﺎﻭﻟﻦ ﺍﻟﻔﺮﺍﺭ ﻣﺜﻠﻲ ﺗﻮﻗﻔﺖ ﻷﺭﻯ ﺑﺘﺮﻗﺐ ﻣﺎﺫﺍ ﺳﻴﺤﺼﻞ ﻭﺍﺫﺍ ﺑﺄﺑﻲ ﻳﻘﻒ ﺑﻮﺟﻪ ﺍﻟﻘﻄﻴﻊ ﻟﻴﺤﺘﻀﻦ ﻏﺰﻻﻧﻪ ﻭﻳﻘﻮﻝ ﻟﻦ ﺍﺗﺮﻙ ﺍﺣﺪ ﻳﺄﺫﻳﻜﻢ
ﻭﻳﺘﻠﻘﻰ ﺍﻟﻬﺠﻮﻡ ﺑﺪﻝ ﻋﻨﻬﻦ ﻷﺭﺟﻊ ﺑﺴﺮﻋﻪ ﻟﺠﻮﺍﺭﻩ ﻟﻜﻲ ﺍﺣﻤﻴﻪ
ﻭﻟﻜﻦ ﻫﻞ ﺟﺮﺍﺣﻲ ﺳﺘﺴﻤﺢ ﻟﻲ ﺑﻠﻮﺻﻮﻝ ؟
ﺳﻨﺪﺱ : ﻛﻠﻪ ﻣﻦ ﻭﺭﺍﺝ ﻳﻤﻪ ﺯﻭﺟﺘﻴﻨﻲ ﻭﺍﺣﺪ ﻓﻜﺮ ﺍﺑﻦ ﻓﻜﺮ ﻭﻓﻮﻛﺎﻫﺎ ﺣﺎﻣﻞ ﺑﻬﺎﻱ ﺍﻟﺼﺨﻤﺎﻧﻪ
ﺍﻡ ﺳﻨﺪﺱ : ﻟﻴﺶ ﻳﻤﻪ ﺷﻮ ﺍﻟﺮﺟﺎﻝ ﻭﺭﺩﻩ ﻭﺣﺒﺎﺏ ﻭﺍﺧﻼﻗﻪ ﺍﻟﻤﻨﻄﻘﻪ ﻛﻠﻬﺎ ﺗﺤﻠﻒ ﺑﻴﻬﺎ
ﺳﻨﺪﺱ : ﻭﺷﺴﻮﻱ ﺑﺄﺧﻼﻗﻪ ﺗﻮﻛﻠﻨﻲ ﺗﺸﺮﺑﻨﻲ ﻣﻜﺎﻓﻲ ﻣﺘﺤﻤﻠﻪ ﺍﻟﻔﻜﺮ ﻭﺍﻟﻀﻴﻢ ﻭﺍﻧﻲ ﺍﺷﻮﻑ ﺣﻤﻮﻳﻨﻲ ﻭﻧﺴﻮﺍﻧﻬﻢ ﻳﻠﻌﺒﻮﻥ ﺑﻠﻔﻠﻮﺱ ﻟﻌﺐ ﺍﻧﻲ ﺍﺩﺭﻱ ﻫﻴﺞ ﺭﺍﺡ ﺍﻧﻀﺮﺏ ﺑﻮﺭﻱ ﻭﺍﺗﺰﻭﺟﻪ ﺍﻟﻜﺤﻒ ﻋﺒﺎﻟﻲ ﻣﺜﻞ ﺍﺧﻮﺗﻪ ﺑﺲ ﺍﺍﺍﺥ ﻟﻮ ﺑﺲ ﻳﺮﺟﻊ ﺍﻟﻮﻛﺖ ﻻ ﺍﺗﻔﻞ ﺑﻮﺟﻬﻪ ﻭﺍﻃﺮﺩﻩ
ﻟﻴﺶ ﻭﻟﺞ ﻣﻦ ﻃﻴﺢ ﺍﻟﻠﻪ ﺣﻈﺞ ﻫﻴﺞ ﺭﺟﺎﻝ ﻳﻨﺤﻂ ﻋﻠﻰ ﺍﻟﺮﺍﺱ ﻭﻫﻮ ﻣﻤﻘﺼﺮ ﺷﻮ ﻳﺠﻴﺐ ﻭﻳﺤﻂ ﺑﺤﻀﻨﺞ
ﺳﻨﺪﺱ : ﺑﻠﻪ ﻣﺘﺴﻜﺘﻴﻦ ﻳﻤﻪ ﻻ ﻭﺭﻭﺡ ﺍﺑﻮﻳﻪ ﺍﺣﺮﻙ ﺭﻭﺣﻲ ﺗﺮﻩ ﻛﻮﻩ ﻣﺘﺤﻤﻠﺔ ﻛﺎﻋﺪﻩ ﺑﺨﺮﺍﺑﻪ ﻭﻋﻴﺎﻟﻲ ﺑﺼﻔﻲ ﺑﻴﺘﻬﻢ ﺷﻜﺒﺮﻩ ﻭﻳﺨﺒﻞ ﻭﻻ ﻭﺍﺣﺪ ﻛﺎﻝ ﺧﻠﻲ ﻧﺴﺎﻋﺪ ﺍﺧﻮﻧﺎ ﺧﻠﻲ ﻧﻨﻄﻲ ﺑﺲ ﻳﻌﺮﻓﻮﻥ ﻳﺘﺮﺳﻮﻥ ﻧﺴﻮﺍﻧﻬﻢ ﺫﻫﺐ ﻭﻓﻠﻮﺱ ﻭﺍﻧﻲ ﺑﺎﻗﻴﻪ ﺍﺗﺤﺼﺮ ﻭﺷﻴﺠﻴﺐ ﻣﻦ ﻋﺮﺑﺎﻧﻪ ﺍﻟﻠﺒﻠﺒﻲ ﻣﺘﺴﻜﺘﻴﻦ ﺑﻠﻪ ﺑﺲ ﻣﺎﺍﺑﻘﻰ ﻫﻴﺞ ﻻﺯﻡ ﺍﻏﻴﺮ ﺣﻴﺎﺗﻲ
ﺍﻡ ﺳﻨﺪﺱ : ﺍﻧﺘﻲ ﺗﺨﺒﻠﺘﻲ ﻣﻦ ﺍﻟﺤﺒﺎﻟﻪ ﺍﻋﺮﻑ ﺳﻮﺍﻟﻔﺞ ﻭﺍﻟﺸﻴﻄﺎﻥ ﻳﻠﻌﺐ ﺑﺮﺍﺳﺞ ﻭﻣﻜﻌﺪ ﺗﺤﻤﺪﻳﻦ ﺭﺑﺞ
ﺳﻨﺪﺱ : ﺟﻢ ﻣﺮﻩ ﺭﺩﺕ ﺍﺳﻘﻄﻬﺎ ﻭﻣﺴﻘﻄﺖ ﺣﻈﻲ ﺍﻻﺳﻮﺩ ﺍﺩﺭﻱ ﺑﻴﻬﺎ ﻟﺰﻛﺖ ﺟﻠﺒﺖ
ﻭﺷﻤﺪﺭﻳﺞ ﺑﻨﻴﻪ
ﺳﻨﺪﺱ : ﺍﻋﺮﻑ ﻣﺜﻞ ﺧﻮﺍﺗﻬﺎ ﻧﻔﺲ ﺍﻟﻌﻼﻣﺎﺕ ﺍﻧﻲ ﻛﻠﺖ ﺑﻠﻜﺖ ﺍﺧﻠﻒ ﺍﺥ ﻟﺤﺴﺎﻡ ﻣﻜﺎﻓﻲ ﺳﻄﺮﺕ ﺗﻼﺛﻪ ﻭﻫﺎﺝ ﺍﻟﺮﺍﺑﻌﻪ ﺑﻠﻄﺮﻳﻖ ﻛﻮﻥ ﺗﻤﻮﺕ ﻭﺍﺧﻠﺺ
ﺍﻡ ﺳﻨﺪﺱ : ﻻ ﺍﻟﻪ ﺍﻻ ﺍﻟﻠﻪ ﺍﻧﺘﻲ ﻓﺪ ﻭﺣﺪﻩ ﻣﺘﺨﺎﻓﻴﻦ ﺍﻟﻠﻪ ﻭﻣﻤﻘﺪﺭﻩ ﺍﻟﻨﻌﻤﻪ ﺍﻟﺒﻴﺪﺝ
ﺳﻨﺪﺱ : ﺍﻫﻮﻭ ﺍﺭﻭﺡ ﺍﻭﻟﻲ ﻟﻠﻤﻬﺠﻮﻡ ﻗﺒﻞ ﻣﺘﺒﺪﻳﻦ ﺳﻮﺍﻟﻔﺞ ﻭﺩﻭﺧﻴﻨﻲ
بيج قصص عراقيه حقيقيه من واقعنا.روعه الطائي
ﻛﻌﺪ ﺍﻣﺸﻲ ﻭﻋﻤﻲ ﻻﺯﻡ ﺍﻳﺪﻱ ﻭﻳﻦ ﺭﺍﺡ ﻳﻮﺩﻳﻨﻲ ﻋﻤﺮﻱ ١٠ ﺳﻨﻮﺍﺕ ﻃﻔﻠﻪ ﻛﻞ ﻫﻤﻲ ﺷﻮﻥ ﺍﻟﻌﺐ ﻭﻣﺎ ﺍﻗﺮﺍ ﺍﻣﺘﺤﺎﻥ ﺑﺎﺟﺮ ﻭﺍﻛﻞ ﻛﺎﻛﺎﻭ ﺑﺪﻭﻥ ﻣﺘﻀﺮﺑﻨﻲ ﻣﺎﻣﺎ ﻭﺗﻌﺎﻗﺒﻨﻲ ﻻﻥ ﻭﺻﺨﺖ ﻣﻼﺑﺴﻲ ﺍﺑﺎﻭﻉ ﻟﻠﺪﻧﻴﺎ ﺑﻌﻴﻦ ﺍﻟﻄﻔﻮﻟﻪ ﻭﺍﻟﺒﺮﺍﺋﻪ ﻭﺍﻟﺤﻴﺎﻩ ﺍﻟﻮﺭﺩﻳﻪ ﻻﺯﻣﻪ ﺍﻳﺪﻩ ﻭﺍﻧﻲ ﻛﻠﻲ ﺛﻘﻪ ﻫﺬﺍ ﻣﺜﻞ ﺑﺎﺑﺎ ﻏﻴﺮ ﺍﺧﻮﻩ ﻳﺒﺎﻭﻉ ﻋﻠﻴﻪ ﻭﻳﺒﺘﺴﻢ ﻭﺑﺄﻳﺪﻱ ﺍﻟﺜﺎﻧﻴﻪ ﻧﺴﺘﻠﻪ ﻫﻮ ﺍﻧﻄﺎﻧﻴﺎﻫﺎ ﻭﻛﺎﻝ ﺗﻌﺎﻟﻲ ﻭﻳﺎﻳﻪ ﻃﺒﻴﻨﺎ ﻟﺒﻴﺘﻬﻢ ﺍﻟﺠﻨﺖ ﺩﻭﻡ ﺍﺑﺎﻭﻉ ﻋﻠﻴﻪ ﻭﺍﺑﻘﻰ ﺻﺎﻓﻨﻪ ﻣﻦ ﺟﻤﺎﻟﻪ ﻭﺍﻛﻮﻝ ﻫﻢ ﻳﺠﻲ ﻳﻮﻡ ﻭﻳﺼﻴﺮ ﻋﺪﻧﺎ ﺑﻴﺖ ﻣﺜﻠﻪ
ﺷﻨﻮ ﺍﻟﺼﺎﺭ ﺍﻧﻲ ﻭﻳﻦ
ﺑﺎﺑﺎ ﺗﻌﺎﻟﻲ ﺍﻧﻲ ﻏﺰﺍﻟﺘﻚ ﺳﻠﻴﻞ ﺑﻨﺘﻚ ﺣﺒﻴﺒﺘﻚ ﺍﻭﻝ ﻓﺮﺣﺘﻚ ﺗﻌﺎﻟﻲ ﺑﺎﺑﺎ
ﺍﺑﻮﻱ ـــــــــــ
ﺍﺑﻮﻱ ﺍﺷﻜﺪ ﺣﻨﻮﻥ ﺍﻳﻔﻴﺾ ﻭﺟﺪﺍﻥ ﻭﺍﺑﻮﻱ ﺍﺻﺤﺎﺑﻪ ﺗﺘﺒﺎﻫﺎ ﺍﺑﺼﻔﺎﺗــــﻪ
ﻛﺮﻳﻢ ﺍﻳﺠﻮﺩ ﺣﺘﻰ ﺍﺑﻠﮕﻤﺔ ﺍﻋﺸﺎﻩ ﻭﻗﻒ ﻟﻠﻨﺎﺱ ﻧﺎﺫﺭ ﻛﻞ ﺣﻴﺎﺗــــــــــﻪ
ﺍﺫﺍ ﻳﺴﻤﻊ ﻃﻔﻞ ﻓﺪ ﻳﻮﻡ ﺟﻮﻋﺎﻥ ﺗﻮﮔﻒ ﻟﮕﻤﺘﻪ ﺍﺑﻄﺎﺭﻑ ﻟﻬﺎﺗـــــــﻪ
ﻣﻦ ﻳﻮﮔﻒ ﻳﺼﻠﻲ ﺍﺗﻔﻴﻀﻪ ﺍﻟﺪﻣﻮﻉ ﺍﻭﺗﺼﻴﺮ ﺍﺩﻣﻮﻋﻪ ﺳﺠﺎﺩﺓ ﺻﻼﺗـﻪ
ﻳﺸﻤﺎﻏﻪ ﺑﺨﺖ ﻭﻋﮕﺎﻟﻪ ﺷﺎﺭﺍﺕ ﺻﺮ ﺍﻫﻤﻮﻡ ﺭﺑﻌﻪ ﺍﺑﺴﺪ ﻋﺒﺎﺗــــــﻪ
ﺷﺮﻳﻌﻪ ﺗﺸﻊ ﺍﻣﻞ ﻭﺷﺮﺍﻉ ﺑﺎﻟﺮﻳﺢ ﻟﺠﻞ ﺍﻟﻨﺎﺱ ﻧﺎﻛﺮ ﺩﻭﻡ ﺫﺍﺗـــــــــﻪ
ﻭﺍﺑﻮﻱ ﺍﻟﻐﻴﺮﻩ ﻋﻨﺪﻩ ﺍﺟﺮﻭﻑ ﻧﻬﺮﺍﻥ ﻣﻨﻬﺎ ﺍﺻﺤﺎﺑﻪ ﺗﻐﺮﻑ ﻭﺍﻟﺸﻤﺎﺗـــــﻪ
ﺳﻤﺢ ﻳﻠﮕﻪ ﺍﻟﻌﺬﺭ ﻟﻠﻴﺨﻄﻲ ﻭﻳﺎﻩ ﻋﻔﻪ ﺍﻭﺣﻠﻤﻪ ﭼﺮﭼﻮﺑﺔ ﺳﻤﺎﺗــــﻪ
ﻣﺎﺳﺪ ﺑﺎﺏ ﺟﻮﺩﻩ ﺍﺑﺸﺤﺔ ﺍﻟﺠﻮﺩ ﻋﻨﻮﺍﻥ ﺍﻟﻜﺮﻡ ﻛﻞ ﺫﻛﺮﻳﺎﺗــــــﻪ
ﻭﺍﺑﻮﻱ ﺍﻟﺨﻴﺮ ﺑﻴﺪﻩ
ﺍﺷﻴﻜﺮﻡ ﺍﻳﺰﻭﺩ ﻣﺜﻞ ﺣﺮﻱ ﺍﻟﻌﺮﺍﻕ ﺍﻭﻣﻲ ﻓﺮﺍﺗﻪ
ﻣﺴﺎﺀ ﺍﻟـ 🥀 ـﻮﺭﺩ ﻭﺍﻟﻬﻨﺎ ﻷﺣﻠﻰ ﺍﻟﻤﺘﺎﺑﻌﻴﻦ ﻭﺭﺟﻌﺖ ﻭﻳﺎﻛﻢ ﺑﻘﺼﻪ ﺟﺪﻳﺪﻩ ﺑﻌﻨﻮﺍﻥ ‏( ﺍﺑﻲ ﻭﺍﻟﻐﺰﻻﻥ ‏) ﻗﺼﻪ ﺫﺍﺕ ﻃﺎﺑﻊ ﺍﺟﺘﻤﺎﻋﻲ ﺭﻭﻣﺎﻧﺴﻲ ﻭﻳﻨﺎﻗﺶ ﺍﻟﻜﺜﻴﺮ ﻣﻦ ﺍﻟﻘﻀﺎﻳﺎ ﻗﺪ ﻳﻜﻮﻥ ﺍﻏﻠﺒﻬﺎ ﺟﺮﺉ ﻭﻟﻜﻦ ﺟﺪﺍً ﻣﻬﻢ ﺗﺴﻠﻴﻂ ﺍﻟﻀﻮﺀ ﻋﻠﻰ ﻫﻜﺬﺍ ﻗﻀﺎﻳﺎ ﻭﺍﻛﻴﺪ ﺭﺍﺡ ﺗﻌﻴﺸﻮﻥ ﻣﻌﻲ ﺍﺟﻮﺍﺀ ﻣﻨﻮﻋﻪ ﻭﻣﺸﺎﻋﺮ ﻣﺨﺘﻠﻔﻪ ﻭﻟﺘﻨﺴﻮﻥ ﺍﻟﻘﻔﻼﺕ ﺍﻟﺤﻠﻮﻩ 😁



التعديل الأخير تم بواسطة فيتامين سي ; 14-12-19 الساعة 05:25 PM
لامارا غير متواجد حالياً   رد مع اقتباس
قديم 01-10-19, 06:39 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

#بارت١
ﺍﺑﻲ ﻭﺍﻟﻐﺰﻻﻥ
ﻟﻠﻜﺎﺗﺒﻪ Reem
ﺍﻟﺒﺎﺭﺕ ﺍﻻﻭﻝ


ﺍﻧﻲ ﻣﺮﻗﺪ ﺣﺰﻥ ﻳﻄﻮﻓﻮﻧﻲ ﻣﺠﺮﻭﺣﻴﻦ
ﻋﻠﻰ ﺷﺒﺎﻙ ﺟﺮﺣﻲ ﻫﻮﺍﻱ ﻳﺒﺠﻮﻭﻥ
ﺍﻧﻲ ﻋﻨﺪﻱ ﺑﺨﺖ ﻳﻌﺜﺮﻟﻪ ﻣﺮﺟﻊ ﺩﻳﻦ
ﺍﻧﻲ ﺩﻓﺘﺮ ﻣﺤﻨﺔ ﺍﻟﻴﻘﺮﺓ ﺑﻴﻪ ﻳﺪﻭﺥ
ﺍﻧﻲ ﺷﺎﻳﻞ ﺣﻨﺎﻥ ﻳﻜﻔﻲ ﺩﻭﺭ ﺃﻳﺘﺎﻡ
ﺍﻧﻲ ﺷﺎﻳﻞ ﻛﻠﺐ ﻟﻠﻄﻌﻨﻪ ﻳﻔﺘﺢ ﺑﺎﺏ
ﺍﻧﻲ ﻣﺘﺎﻧﻲ ﺍﻟﻜﺒﺮ ﻳﺤﻀﻨﻲ ﺣﺘﻰ ﺍﺭﺗﺎﺡ
ﺍﻧﻲ ﻋﻨﺪﻱ ﻓﺮﺡ ﻣﺜﻞ ﺍﻟﻠﻪ ﻣﺎ ﻳﻨﺸﺎﻑ
ﺍﻧﻲ ﺑﻀﻬﺮﻱ ﺳﻬﻢ ﻳﺬﺑﺢ ﺟﺒﻞ ﺣﻤﺮﻳﻦ
ﺍﻧﻲ ﻭﻳﻪ ﺍﻟﺤﺰﻥ ﻋﺸﺮﺓ ﻣﻌﺎﻣﻴﻞ
ﺍﻧﻲ ﺷﺎﻳﻞ ﺧﻠﻚ ﺣﺘﻰ ﺍﻧﺘﻀﺮﺕ ﺍﻟﻤﺎﺕ
ﺍﻧﻲ ﺑﻜﻠﺒﻲ ﺳﻮﺍﻟﻒ ﺗﺬﺑﺢ ﺍﻟﺴﺠﻴﻦ
ﺍﻧﻲ ﺧﻴﻤﺖ ﺣﺰﻥ ﺑﻴﻪ ﺍﻟﺠﺮﻭﺡ ﺗﻨﺎﻡ
ﺍﻧﻲ ﺃﺣﻼﻣﻲ ﻣﺸﻦ ﻛﻠﻬﻦ ﺳﺒﺎﻳﻪ ﻭﻳﺎﻙ
ﻣﻦ ﻫﻞ ﺍﻟﻠﺤﻀﻪ ﺍﺻﻴﺤﻦ ﺑﻴﻚ ﺍﻟﻠﻪ ﻭﻳﺎﻙ
١٩٨١ ﻛﺎﻋﺪ ﻳﻢ ﺭﺍﺱ ﺍﺑﻮﻳﻪ ﻭﺍﻧﻲ ﺍﺷﻮﻓﻪ ﺷﻮﻥ ﻳﻌﺎﻟﺞ ﻭﻣﺎﺑﻴﺪﻱ ﺷﻰ ﺍﺳﻮﻱ ﺣﺮﺕ ﻭﻳﻦ ﺍﻭﺩﻱ ﻻﺑﻘﻴﺖ ﻣﺴﺘﺸﻔﻰ ﻻ ﻃﺒﻴﺐ ﺍﺧﺼﺎﺋﻲ ﻛﻠﻬﻢ ﻳﻜﻮﻟﻮﻥ ﻫﻮ ﻭﺭﺑﻪ ﺣﺎﻟﺘﻪ ﻣﻴﺄﻭﺱ ﻣﻨﻬﺎ ﮔﺎﺑﻠﺘﻪ ﻭﺍﺑﺠﻲ ﻣﺜﻞ ﺍﻟﻄﻔﻞ ﻭﻫﻮ ﻛﻮﻩ ﻳﺤﺮﻙ ﺍﻳﺪﻩ ﻭﻟﺴﺎﻧﻪ ﺛﻜﻴﻞ ﻭﻳﺮﺩﺩ ﻃﻪ ﻟﺘﺒﺠﻲ ﻭﺗﺄﺫﻳﻨﻲ
ﻳﺎﺑﻪ ﻫﻮ ﺑﻴﺪﻱ ﺍﺭﻭﺣﻠﻚ ﻓﺪﻭﻩ ﺑﺲ ﻋﻴﺶ ﻭﺍﻟﻠﻪ ﺑﻌﺪﻙ ﺍﻧﺘﻬﻲ
ﺑﻮﻳﻪ ﺍﻧﺖ ﺗﺤﺒﻨﻲ
ﻃﻪ : ﺷﻮﻥ ﻣﺎ ﺍﺣﺒﻚ ﻭﺍﻧﺖ ﺍﺑﻮﻳﻪ ﻭﺻﺪﻳﻘﻲ ﻭﻛﻮﻟﺸﻲ ﺍﻟﻴﻪ
ﺍﻧﻪ ﺍﺭﻳﺪﻥ ﺍﻓﺮﺡ ﺑﻴﻚ
ﻃﻪ : ﻛﻼﻣﻪ ﺛﻜﻴﻞ ﺑﺲ ﺍﻓﺘﻬﻤﻪ ﻳﺎﺑﻪ ﻳﺎﺯﻭﺍﺝ ﻭﺍﻧﺖ ﻫﺬﺍ ﺣﺎﻟﻚ
ﻓﺮﺣﻨﻲ ﺍﺭﻳﺪﻥ ﺍﺷﻮﻓﻦ ﺑﺰﺭﻙ
ﻃﻪ : ﺻﺎﺭ ﻳﺎﺑﻪ ﺑﺲ ﺻﻴﺮ ﺯﻳﻦ
ﺍﺟﺘﻲ ﻣﻨﺎﻙ ﺗﺒﺎﻭﻉ ﻭﻣﻌﺎﺟﺒﻬﺎ ﺍﻟﻮﺿﻊ ﺗﻌﻠﻤﺖ ﻋﻠﻴﻬﺎ ﺳﻨﻴﻦ ﻭﺍﻧﻲ ﻋﺒﺎﻟﻲ ﻫﻲ ﺍﻣﻲ ﺑﺲ ﺑﻮﻛﻌﺖ ﺍﺑﻮﻳﻪ ﺍﻻﺧﻴﺮﻩ ﻋﺮﻓﺖ ﻫﻲ ﻣﺮﺕ ﺍﺑﻮﻳﻪ
ﻣﻮ ﺍﻣﻲ
ﺍﻧﻲ ﻃﻪ ﻳﺎﺳﻴﻦ ﺍﺳﻤﻲ ﻣﺮﻛﺐ ﺍﺑﻮﻳﻪ ﻫﻴﺞ ﺳﻤﺎﻧﻲ ﻭﺟﻤﺎﻋﺘﻲ ﻧﺎﺱ ﺗﺼﻴﺤﻠﻲ ﻃﻪ ﻭﻧﺎﺱ ﻳﺎﺱ ﻟﻠﺴﻬﻮﻟﻪ ﻭﺭﻩ ﻣﺤﺠﻴﺖ ﺑﻴﺖ ﺍﻟﻠﻪ ﺻﺎﺭﻭ ﻳﺼﻴﺤﻮﻟﻲ ﺍﻟﺤﺠﻲ ﻃﻪ ﻳﻤﻜﻦ ﺍﺻﻐﺮ ﺣﺠﻲ ﺟﻨﺖ ﺑﺬﺍﻙ ﺍﻟﻮﻛﺖ ﻻﻥ ﺍﺑﻮﻳﻪ ﺗﻌﺒﺎﻥ ﻭﻣﺎﺑﻴﻪ ﺣﻴﻞ ﻣﻴﻜﺪﺭ ﻳﺮﻭﺡ ﻭﺣﺪﻩ ﻟﻠﺤﺞ ﻭﺍﺧﻮﺗﻲ ﻣﺤﺪ ﻗﺒﻞ ﻳﺮﻭﺡ ﺍﻧﻲ ﺍﻃﻮﻋﺖ ﺍﺻﻴﺮ ﻋﻜﺎﺯﺗﻪ ﻭﺟﺎﻥ ﻋﻤﺮﻱ ﺑﻮﻛﺘﻬﺎ ١٩ ﺳﻨﻪ ﺍﻧﻲ ﺗﻮﻟﻴﺪ ١٩٥٨ ﺑﻐﺪﺍﺩ ﺑﺲ ﺍﺑﻮﻳﻪ ﺣﺴﻴﻦ ﺍﺻﻠﻪ ﻣﻦ ﺍﻟﻜﻮﺕ ﻗﻀﺎﺀ ﺍﻟﺤﻲ ﻋﺎﺵ ﻭﺷﺪ ﻋﻮﺩﻩ ﻫﻨﺎﻙ ﻭﻋﻴﺸﺘﻪ ﺍﻟﻤﻔﺮﻭﺽ ﺗﺒﻘﻰ ﺑﻠﻜﻮﺕ ﻭﻳﺘﺰﻭﺝ ﺑﺖ ﻋﻤﻪ ﺭﺍﺯﻗﻴﻪ ﺑﺲ ﺣﺐ ﺑﻨﺖ ﺻﺎﺣﺐ ﺟﺪﻱ ﺍﺟﻮﻱ ﺯﻳﺎﺭﻩ ﺑﺬﺍﻙ ﺍﻟﻮﻛﺖ ﺟﺎﻧﻦ ﻧﺴﻮﺍﻧﻪ ﻛﻠﻬﻦ ﻣﺮﺑﻄﺎﺕ ﻭﺍﻟﺸﻴﻠﻪ ﻭﺍﻟﻔﻮﻃﻪ ﻣﺘﻨﺰﻝ ﻣﻦ ﺭﺍﺳﻬﻦ ﻭﻫﻲ ﻃﺒﺖ ﺑﺖ ﺣﻀﺮﻳﻪ ﺣﻠﻮﻩ ﻃﻮﻳﻠﻪ ﻭﺍﻟﺸﻌﺮ ﻣﻔﺘﻮﺡ ﻭﺍﻟﺘﻨﻮﺭﻩ ﻗﺼﻴﺮﻩ ﻭﺍﻟﻜﺤﻠﻪ ﺟﺎﺭﻩ ﻋﻴﻨﻬﺎ ﻭﻛﻒ ﻋﻘﻠﻪ ﻋﻠﻴﻬﺎ
ﺣﺴﻴﻦ : ﻛﺎﻋﺪ ﻭﺍﻏﻨﻲ ﺣﻀﻴﺮﻱ ﺍﺑﻮﻋﺰﻳﺰ ﻭﻣﻨﺪﻣﺞ ﻫﻠﻲ .. ﺃﻭﻱ ﻫﻠﻲ .. ﻳﺎ ﻇﻼﻡ ﻫﻠﻲ ﻣﺎ ﺟﺎﺑﻮ ﻭﻟﻔﻲ ﺇﻟﻲ ﻫﻠﻲ .. ﺧﻠﻲ ﻳﻮﻟﻮﻥ ﻫﻠﻲ ﻫﻠﻲ ﻳﺎ ﻇﻼﻡ ﻳﺎ ﻫﻠﻲ ﻳﺎ ﻇﺎﻟﻤﻴﻦ ﻳﺎ ﻫﻠﻲ ﻻ ﻳﺎﻫﻠﻲ ﺍﻟﻈﻼﻡ ﺭﺣﻢ ﻋﺪﻛﻢ ﺣﻨﻮﺍ ﻋﻠﻲ ﻋﺎﺩ ﻣﻮ ﺍﻧﻲ ﺍﺑﻨﻜﻢ /
ﻭﻓﺎﺭﺩ ﺟﺴﻤﻲ ﻋﻠﻰ ﺍﻟﺰﺭﻉ ﺷﻬﺮ ﺍﻟﺮﺍﺑﻊ ﻭﺍﻟﻬﻮﺍ ﻳﻠﻌﺐ ﻟﻌﺐ ﻭﺍﺷﻮﻓﻦ ﻣﻦ ﺑﻌﻴﺪ ﺑﻨﺎﺕ ﻋﻤﻮﻣﻲ ﻛﺎﻋﺪﺍﺕ ﻳﺤﺸﻦ ﺑﻠﺰﺭﻉ ﻛﺎﻋﻨﺎ ﻣﺎﻳﻄﺒﻠﻬﺎ ﻏﺮﻳﺐ
ﻭﺍﺣﻨﺎ ﻣﺤﺎﻭﻃﻴﻨﻬﻦ ﻭﻫﻨﻪ ﻣﺨﻤﺮﺍﺕ ﻣﺎﺗﺒﻴﻦ ﺑﺲ ﻋﻴﻮﻧﻬﻦ ﺑﺲ ﺍﻧﻪ ﺍﻣﻴﺰﻫﺎ ﺍﻋﺮﻓﻨﻬﺎ ﻋﻴﻨﻬﺎ ﻣﻨﻲ ﺑﺲ ﺍﻧﻪ ﮔﻠﺒﻲ ﻣﺎﻳﻬﻮﺍﻫﺎ ﻭﺍﺑﻮﻱ ﺭﺍﻛﺐ ﺭﺍﺳﻪ ﺍﻟﻪ ﻳﺰﻭﺟﻬﺎ ﺍﻟﻲ ﻋﺒﻦ ﺑﺖ ﻋﻤﻲ ﻭﺷﻴﺎﻟﻪ ﻫﻤﻲ ﺍﻧﻪ ﺳﺎﻛﺖ ﻭﺍﻛﻮﻟﻦ ﻳﺠﻲ ﻳﻮﻡ ﻭﺍﻋﺸﻚ ﻣﺜﻞ ﺍﻻﻧﻜﻠﻴﺰ ﻭﺑﺖ ﻋﻤﻲ ﺍﻟﻲ ﺍﺑﻮﻱ ﻣﺸﻪ ﻋﻠﻴﻬﺎ ﻭﻛﺎﻝ ﻫﺎﻱ ﻟﺤﺴﻴﻦ ﻣﺤﺠﻮﺯﻩ ﻭﺭﺑﻄﻨﻲ ﺑﻴﻬﻪ ﻫﻴﻪ ﻣﺎﺑﻴﻬﺎ ﮔﺼﻮﺭ ﺣﻠﻴﻮﻩ ﻭﻃﻮﻟﻬﺎ ﺷﻄﺐ ﺭﻳﺤﺎﻥ ﺑﺲ ﻋﻴﻮﻧﻬﺎ ﺑﻌﺸﺮ ﻧﺴﻮﺍﻥ ﺑﺲ ﺍﻧﻪ ﮔﻠﺒﻲ ﻣﺎﻳﻬﻮﺍﻫﺎ ﻭﺑﻌﺪﻧﻲ ﺍﺩﻧﺪﻥ ﻭﺍﺷﻮﻓﻬﺎ ﺟﺪﺍﻣﻲ ﻭﺟﺴﻤﻲ ﺭﺟﻒ ﻭﻋﻴﻮﻧﻲ ﻓﻜﻴﺘﻬﻦ ﻋﻠﻰ ﻭﺳﻴﻌﻬﺎ ﻫﺎﻱ ﻣﻨﻬﻲ ﺍﻟﺪﺧﻠﺖ ﻛﺎﻋﻨﺎ ﻭﻓﻮﻛﺎﻫﺎ ﻣﺎ ﻣﺴﺘﺮﻩ ﺭﻭﺣﻬﺎ ﺭﻛﻀﺖ ﻭﺍﻟﺪﺷﺪﺍﺷﻪ ﺑﺤﻠﻜﻲ ﻭﺣﺎﻓﻲ ﻭﺍﺻﻴﺢ ﺑﻌﺎﻟﻲ ﺻﻮﺗﻲ ﻫﻮﺵ ﻫﻮﺵ
ﺍﻧﻌﺎﻡ : ﺷﻨﻮ ﻫﻮﺵ ﻣﻮ ﻋﻴﺐ
ﺣﺴﻴﻦ : ﺍﻧﺘﻲ ﻳﺎﻫﻲ
بيج قصص عراقيه حقيقيه من واقعنا.روعه الطائي
ﺍﻧﻌﺎﻡ : ﻭﺍﻧﺖ ﺷﻌﻠﻴﻚ ﺍﻧﺖ ﺍﻟﻤﻨﻮ
ﺣﺴﻴﻦ : ﺍﻧﻪ ﺣﺴﻴﻦ ﺍﺑﻦ ﺍﻟﺸﻴﺦ ﺧﻤﻴﺲ ﺭﺍﻋﻲ ﺍﻟﻜﺎﻉ ﻫﺎﻱ
ﺍﻧﻌﺎﻡ : ﻫﺎ ﺍﻧﺖ ﺍﺑﻦ ﻋﻤﻲ ﺧﻤﻴﺲ ﻣﺪﻳﺖ ﺍﻳﺪﻱ ﺷﻮﻧﻚ
ﺣﺴﻴﻦ : ﺷﻨﻬﻲ ﺍﻧﻪ ﺍﺳﺘﺤﺮﻡ ﻣﺎﺍﺳﻠﻢ ﻋﻠﻰ ﺣﺮﻣﻪ
ﺍﻧﻌﺎﻡ : ﺻﻮﺟﻲ ﺳﻠﻤﺖ
ﻭﻋﺎﻓﺘﻲ ﻭﻣﺸﺖ ﻭﺭﺟﻌﺖ ﺍﻋﻴﻂ ﻭﻳﻦ ﻣﻮﻟﻴﻪ
ﺍﻧﻌﺎﻡ : ﺍﻧﻲ ﺟﺎﻳﻪ ﻭﻳﻪ ﺍﺑﻮﻳﻪ ﺍﺷﻮﻑ ﺍﻟﻤﻨﻄﻘﻪ ﻭﺍﻟﺰﺭﻉ ﻭﺍﻟﺤﻼﻝ ﻋﻨﺪﻙ ﺍﻋﺘﺮﺍﺽ
ﺣﺴﻴﻦ : ﭼﺎ ﺷﻨﻬﻲ ﻣﺎﻋﺪﻧﺎ ﺣﺮﻣﻪ ﺗﻔﺘﺮ ﻫﻴﺞ ﻣﺎﻋﻨﺪﺝ ﺣﻴﻪ ﺍﻧﺘﻲ ﺑﺖ ﻳﺎﻫﻮ
ﺍﻧﻌﺎﻡ : ﺍﻧﻲ ﺑﺖ ﺍﺑﻮﻛﺮﻳﻢ
ﺣﺴﻴﻦ : ﻋﻤﻲ ﺍﺑﻮﻛﺮﻳﻢ ﻋﻠﻰ ﺍﻟﺮﺍﺱ ﺍﺭﺟﻌﻲ ﻭﻻﺗﻔﺘﺮﻳﻦ ﺑﮕﻴﻔﺞ ﻫﻨﺎ ﺍﻟﻮﺍﺩﻡ ﺗﺼﺨﻢ ﻭﺟﻮﻫﻨﺎ ﻭﺍﻧﺘﻲ ﻣﺤﺴﻮﺑﻪ ﻋﻠﻴﻨﻪ
ﺟﺎﻥ ﺗﻌﻮﻓﻨﻲ ﻭﺗﺮﺟﻊ ﻭﺭﺟﻌﺖ ﺭﻛﺾ ﻭﺭﺍﻫﺎ ﻫﺎﻱ ﺍﺫﺍ ﺷﺎﻓﻮﻫﺎ ﺍﻟﺪﻳﺮﻩ ﻳﺎﻛﻠﻮﻫﺎ ﻋﺒﻦ ﻣﺎﻣﺴﺘﺮﻩ ﺭﻭﺣﻬﺎ ﺣﻀﺮﻳﻪ ﻭﻣﺎﺗﻌﺮﻑ ﺷﻰ ﻋﻨﻪ
ﺩﺧﻠﺖ ﻭﺭﺍﻫﺎ ﻭﺍﺳﻤﻌﻬﺎ ﺗﺸﻜﻴﻨﻲ ﻷﺑﻮﻱ ﻭﺍﺑﻮﻱ ﻳﻔﻬﻤﻬﺎ ﻭﻧﺸﺪ ﻋﻠﻴﻪ ﻭﺍﻣﺮﻧﻲ ﺍﻭﺭﻳﻬﺎ ﺍﻟﺴﻠﻒ ﮔﻠﻪ ﻭﺍﻧﻲ ﺗﺴﻮﺩﻧﺖ ﺍﻓﺘﺮ ﻭﻳﺎﻫﺎ ﻭﻛﺪﺍﻡ ﺍﻟﻮﺍﺩﻡ ﺗﺎﻛﻞ ﻭﺟﻬﻨﺎ ﻃﻠﺒﺖ ﻣﻦ ﺧﻴﺎﺗﻲ ﻳﺴﺘﺮﻧﻬﺎ ﻭﻫﻴﻪ ﺭﺿﺖ ﻭﺧﺬﻳﺘﻬﺎ ﻭﺛﻠﺚ ﺗﻴﺎﻡ ﺣﺎﻳﺮ ﺑﻴﻬﺎ ﻣﺎﺣﺴﻴﺖ ﺑﺮﻭﻳﺤﺘﻲ ﻏﻴﺮ ﻋﺎﺷﻜﻬﺎ ﻫﺎﻳﻢ ﺑﻴﻬﻪ ﻭﺑﺴﻮﺍﻟﻔﻬﻪ ﻫﺎﻱ ﺍﻟﺪﻭﺭﻥ ﻋﻠﻴﻬﻪ ﻋﻴﻮﻧﻲ ﻣﺎﺗﺸﻮﻑ ﻏﻴﺮﻫﺎ ﻟﻮ ﺗﺼﻴﺮ ﻣﺬﺍﺑﺢ ﺍﺧﺬﻫﺎ ﺍﺧﺬﻫﺎ
ﻃﻪ :
ﺩﻙ ﺭﺟﻞ ﺍﺑﻮﻳﻪ ﻟﻮ ﻫﻲ ﻟﻮ ﺍﻛﺘﻞ ﺭﻭﺣﻲ ﺟﺪﻱ ﻣﻘﺒﻞ ﻭﮔﻠﺐ ﺍﻟﺪﻧﻴﺎ ﺭﺍﺩ ﺑﺖ ﺍﺧﻮﻩ
ﻭﺗﻘﺎﻃﻊ ﺍﺑﻮﻳﻪ ﻭﻳﻪ ﺟﺪﻱ ﺳﻨﻪ ﻛﺎﻣﻠﻪ ﻭﺻﺎﺭﺕ ﻃﻼﺑﻪ ﺑﻮﻗﺘﻬﺎ ﻭﺍﺟﻪ ﺭﺍﺿﺎﻩ ﻭﮔﻠﻪ ﺍﺯﻭﺟﻬﺎ ﺍﻟﻚ ﺑﺲ ﻫﻢ ﺗﺘﺰﻭﺝ ﺑﺖ ﻋﻤﻚ ﻗﻨﻊ ﻭﺍﻟﺪﻱ ﺑﺲ ﺣﺘﻰ ﻳﺘﺰﻭﺟﻬﺎ
ﻭﺭﺍﺣﻮ ﻭﺧﻄﺒﻮﻫﺎ ‏( ﺍﻧﻌﺎﻡ ‏) ﺣﻄﻮ ﺟﻮﻩ ﺍﺳﻤﻬﺎ ﺍﻟﻒ ﺧﻂ
ﻭﺗﺰﻭﺝ ﺍﻧﻌﺎﻡ ﻭﺟﺎﺑﻬﺎ ﻟﻠﻜﻮﺕ ﻣﺎﻛﻮ ﺳﻨﺘﻴﻦ ﻭﺳﻮﺕ ﺍﻟﻒ ﻣﺸﻜﻠﻪ ﻭﺻﺎﺭﺕ ﻫﻲ ﺍﻻﻣﺮ ﺍﻟﻨﺎﻫﻲ ﺑﻠﺒﻴﺖ ﻭﺧﺎﺻﻪ ﻭﺭﻩ ﻭﻓﺎﺕ ﺟﺪﻱ
ﻣﺘﺤﻤﻠﻮ ﻋﻤﺎﻣﻲ ﻭﻃﻠﺒﻮ ﻣﻦ ﺍﺑﻮﻳﻪ ﻳﺘﻮﺯﻉ ﺍﻟﻮﺭﺙ ﻭﺗﻘﺴﻢ ﻭﻛﻠﻤﻦ ﺍﺧﺬ ﺣﺼﺘﻪ ﺑﻬﺎﻱ ﺍﻟﻔﺘﺮﻩ ﺍﻧﻌﺎﻡ ﻣﺤﺒﻠﺖ ﻭﺣﺎﺭﺕ ﺷﺴﻮﻱ ﺑﺲ ﺣﺘﻰ ﺗﺤﺒﻞ ﻭﺣﺘﻰ ﺗﺒﻌﺪ ﺍﺑﻮﻳﻪ ﻣﻦ ﺍﺧﻮﺗﻪ ﺳﻮﺗﻠﻬﺎ ﺯﻋﻠﻪ ﻭﺭﺍﺣﺖ ﻟﺒﻐﺪﺍﺩ ﻭﺷﺮﻃﺖ ﻳﺸﺘﺮﻱ ﺑﻴﺖ ﻭﻳﻌﻴﺸﻮﻥ ﻫﻨﺎﻙ ﻭﺍﺑﻮﻳﻪ ﮔﻠﺒﻪ ﺭﭼﻴﺞ ﻋﻠﻴﻬﺎ ﻭﻳﺤﺒﻬﺎ ﺭﺍﺡ ﻭﺭﺍﻫﺎ ﻭﻧﻔﺬ ﺷﺮﻃﻬﺎ
ﻭﻋﺎﺵ ﺑﻐﺪﺍﺩ ﺑﺲ ﺟﺎﻥ ﻛﻞ ﺷﻬﺮ ﺍﻭ ﺷﻬﺮﻳﻦ ﻳﺮﻭﺡ ﻳﻮﻣﻴﻦ ﻭﻳﺮﺟﻊ ﺑﺤﺠﻪ ﺍﺧﻮﺗﻪ ﻳﺸﻮﻓﻬﻢ
ﻭﻣﺮﻩ ﺗﺄﺧﺮ ﻣﺮﺍﺡ ﺣﻮﺍﻟﻲ ٤ ﺍﺷﻬﺮ ﻭﺑﻈﻬﺮﻳﻪ ﻭﺍﻟﺠﻮ ﺣﺎﺭ ﺍﻧﺪﻛﺖ ﺍﻟﺒﺎﺏ ﻓﺘﺤﺘﻪ ﺍﻧﻌﺎﻡ ﻭﺗﺸﻮﻑ ﻣﻘﺎﺑﻴﻠﻬﺎ ﺣﻤﺎﻫﺎ ﺍﻟﺼﻐﻴﺮ ﻭﻳﺎﻩ ﺑﻨﻴﻪ ﺩﺧﻠﺘﻬﻢ ﻭﺟﻬﻪ ﺑﻴﻪ ﺍﻟﻒ ﺳﺆﺍﻝ ﺷﺪﻳﺼﻴﺮ ﻭﻫﺎﻱ ﺍﻟﺒﻨﻴﻪ ﺷﺎﻳﻔﺘﻬﺎ ﺑﺲ ﻭﻳﻦ
ﺣﺠﻲ ﺣﺴﻴﻦ .. ﻫﻠﻪ ﺑﻮﻳﻪ ﺣﺴﻦ ﻫﻠﻪ ﺭﺍﺯﻗﻴﻪ ﺍﺗﻔﻀﻠﻮ
ﺍﻧﻌﺎﻡ ﻭﺟﻬﻪ ﺻﺎﺭ ﻧﺎﺭ ﺗﺮﻳﺪ ﺑﺲ ﺗﻔﻬﻢ ﻫﺎﻱ ﻣﻨﻮ ﻭﺍﺳﻢ ﺭﺍﺯﻗﻴﻪ ﺳﺎﻣﻌﺘﻪ
ﺣﺴﻦ .. ﺧﻮﻳﻪ ﻣﺎﻳﺼﻴﺮ ﻫﻴﺞ ٤ ﺍﺷﻬﺮ ﻋﺎﻳﻒ ﺍﻟﻤﻜﺮﻭﺩﻩ ﻻ ﺗﺴﺄﻝ
ﺍﻧﻌﺎﻡ .. ﻭﻟﻴﺶ ﻳﺴﺄﻝ
ﺣﺴﻦ .. ﺧﻮﻳﻪ ﺍﺑﻮ ﻋﻼﻭﻱ ﻣﺎﺧﺒﺮﺕ ﻣﺮﻳﺘﻚ ﺍﻧﺖ ﻣﻮ ﺍﺟﻴﺖ ﺍﺧﺮ ﻣﺮﻩ ﻭﮔﻠﺖ ﺭﺍﺡ ﺍﻧﻄﻴﻬﺎ ﻋﻠﻢ
ﺣﺠﻲ ﺣﺴﻴﻦ .. ﺍﻧﻪ
ﺍﻧﻌﺎﻡ .. ﻓﻬﻤﻮﻧﻲ ﺷﻨﻮ ﺍﻟﺼﺎﻳﺮ ﻭﻫﺎﻱ ﻣﻨﻮ
ﺍﺑﻮﻳﻪ ﺑﺬﻳﺞ ﺍﻟﻠﺤﻈﻪ ﺍﻧﺘﻬﻰ ﻻﻥ ﻣﺘﻮﻗﻊ ﺍﻟﻤﺴﺘﻮﺭ ﺭﺍﺡ ﻳﻨﻜﺸﻒ ﻭﺗﻌﺮﻑ ﺍﻧﻌﺎﻡ ﺑﺄﻥ ﺭﺍﺯﻗﻪ ﺑﻨﺖ ﻋﻤﻪ ﻣﺘﺰﻭﺟﻬﺎ
ﺟﺪﻱ ﺍﻟﻠﻪ ﻳﺮﺣﻤﻪ ﻗﺒﻞ ﻣﻴﻤﻮﺕ ﺯﻭﺟﻪ ﺍﻟﻬﺎ ﺑﺲ ﺍﺑﻮﻳﻪ ﺷﺮﻁ ﻣﺎﻳﺒﻠﻐﻮﻫﺎ ﺍﺑﺪ ﻭﻫﻮ ﻳﺨﺘﺎﺭ ﺍﻟﻮﻗﺖ ﺍﻟﻤﻨﺎﺳﺐ ﻭﻻﻥ ﺍﻟﻜﻞ ﻳﺤﺴﺐ ﺍﺣﺴﺎﺏ ﻷﺑﻮﻳﻪ ﻧﺴﻮﺍﻥ ﻭﺯﻟﻢ ﺗﻜﺘﻤﻮ ﻋﻠﻰ ﺍﻟﺨﺒﺮ ﻭﺟﺎﻥ ﻳﺮﻭﺡ ﻷﻣﻲ ﻣﺮﻩ ﻛﻞ ﺍﺳﺒﻮﻉ ﻭﻫﻲ ﻓﻘﻴﺮﻩ ﻭﺣﺒﺎﺑﻪ ﻭﺟﺎﻧﺖ ﺭﺍﺿﻴﻪ ﺑﻬﺬﺍ ﺍﻟﻴﻮﻡ ﺍﻟﻲ ﺑﺎﻻﺳﺒﻮﻉ
ﺑﺲ ﻣﻦ ﺭﺍﺡ ﻟﺒﻐﺪﺍﺩ ﻋﺎﻓﻬﺎ ﺑﻠﻜﻮﺕ ﻭﻳﺮﻭﺡ ﻳﻮﻣﻴﻦ ﺑﻠﺸﻬﺮ ﺍﻭ ﻛﻞ ﺷﻬﺮﻳﻦ ﻟﺤﺪ ﻣﻜﺎﻣﺖ ﺍﻃﻮﻝ ﺍﻟﻤﺪﻩ ﻭﻋﺪﻫﺎ ﻳﺠﻴﺒﻬﺎ ﻟﺒﻐﺪﺍﺩ ﻭﺍﺧﻮﺗﻬﺎ ﺍﻟﻲ ﻫﻤﻪ ﺧﻮﺍﻟﻲ ﮔﻠﺒﻮ ﺍﻟﺪﻧﻴﺎ ﻻﻥ ﻫﺎﻣﻠﻬﺎ ﻟﺤﺪ ﻣﺪﺯﻭﻫﺎ ﺑﻴﺪ ﻋﻤﻲ ﻟﺒﻐﺪﺍﺩ ﻻﻥ ﻏﺎﺳﻠﻴﻦ ﺍﻳﺪﻫﻢ ﻣﻦ ﺍﺑﻮﻳﻪ ﻳﻌﻨﻲ ﺣﻄﻮﻩ ﻛﺪﺍﻡ ﺍﻻﻣﺮ ﺍﻟﻮﺍﻗﻊ
بيج قصص عراقيه حقيقيه من واقعنا.روعه الطائي
ﮔﺒﺖ ﺍﻟﻌﻴﻄﻪ ﻭﺍﻟﻬﻮﺳﻪ ﻭﻃﻠﻌﺖ ﺍﻧﻌﺎﻡ ﻣﻦ ﺍﻟﺒﻴﺖ ﺯﻋﻼﻧﻪ ﺷﻮﻥ ﺗﺘﺰﻭﺝ ﻋﻠﻴﻪ ﺣﺎﻭﻝ ﻳﻔﻬﻤﻬﺎ ﺑﺄﻥ ﺍﻧﻐﺼﺐ ﻭﺟﺎﻥ ﺷﺮﻁ ﺍﺑﻮﻩ ﺍﻟﻤﺮﺣﻮﻡ ﺣﺘﻰ ﻳﺘﺰﻭﺟﻬﺎ ﻭﻫﻲ ﻗﺎﻓﻠﻪ ﻋﺎﻓﺖ ﺍﻟﺒﻴﺖ ﻭﺭﺍﺣﺖ ﻷﻫﻠﻬﺎ ﻭﺍﺑﻮﻳﻪ ﺑﻌﺪ ﻣﻴﻜﺪﺭ ﻳﻌﻮﻑ ﺑﺖ ﻋﻤﻪ ﻋﻴﺒﻪ ﺑﺤﻘﻪ ﻛﺎﻡ ﻭﺍﺷﺘﺮﻯ ﻣﺸﺘﻤﻞ ﺻﻐﻴﺮ ﺑﺼﻒ ﺑﻴﺘﻪ ﺣﺘﻰ ﺗﺒﻘﻰ ﻗﺮﻳﺒﻪ ﻣﻨﻪ ﻭﻋﻴﻨﻪ ﻋﻠﻴﻬﺎ ﺍﻣﻲ ﻣﺮﻩ ﺍﻣﻴﻪ ﻓﻘﻴﺮﻩ ﻻ ﺗﺤﻞ ﻭﻻ ﺗﺮﺑﻂ ﺟﺎﻥ ﻳﻜﻔﻴﻬﺎ ﺑﺲ ﻧﻀﺮﻩ ﺭﺿﺎ ﻣﻦ ﺍﺑﻮﻳﻪ ﻻﻥ ﺗﺤﺒﻪ
ﻭﺭﻩ ﻣﺪﻩ ﻭﺷﺎﺀ ﺍﻟﻘﺪﺭ ﻭﺗﻄﻠﻊ ﺍﻧﻌﺎﻡ ﺣﺎﻣﻞ ﻭﺣﻄﺖ ﺭﺟﻞ ﻋﻠﻰ ﺭﺟﻞ ﺗﺘﺸﺮﻁ ﻋﻠﻰ ﺍﺑﻮﻳﻪ ﻭﺍﻭﻝ ﺷﺮﻁ ﺣﻄﺘﻪ ﻳﻄﻠﻚ ﺭﺍﺯﻗﻴﻪ
ﺑﺲ ﺍﺑﻮﻫﺎ ﻷﻧﻌﺎﻡ ﺟﺎﻥ ﺭﺟﺎﻝ ﻳﺨﺎﻑ ﺍﻟﻠﻪ ﻭﺭﺟﺎﻝ ﻣﺤﺘﺮﻡ ﻣﻘﺒﻞ ﺍﻟﻬﺎ ﻭﺧﺎﺻﻪ ﻳﻌﺮﻑ ﺑﻮﺿﻊ ﺭﺍﺯﻗﻴﻪ ﻛﻮﻟﺸﻲ ﺣﺎﺟﻴﻠﻪ ﺟﺪﻱ ﻣﻦ ﺍﻟﺒﺪﺍﻳﻪ
ﻭﻣﻦ ﺷﺎﻓﺖ ﻣﺤﺪ ﺑﺠﺎﻧﺒﻬﺎ ﺑﺴﺎﻟﻔﻪ ﺍﻟﻄﻼﻙ ﺷﺮﻃﺖ ﺷﺮﻁ ﺛﺎﻧﻲ ﻟﻠﺮﺟﻮﻉ ﻭﻫﻮ ﺗﺴﺠﻴﻞ ﺍﻟﺒﻴﺖ ﺑﺄﺳﻤﻬﺎ ﻣﻌﻮﺩ ﺍﺑﻮﻳﻪ ﺗﻮﺍﻓﻖ ﺗﺮﺟﻊ ﻛﺎﻡ ﻭﺳﺠﻞ ﺍﻟﺒﻴﺖ ﺑﺄﺳﻢ ﺍﻧﻌﺎﻡ ﻭﺭﺟﻌﺖ ﻟﺒﻴﺘﻬﺎ ﻭﺷﺎﻳﻠﻬﺎ ﺑﻠﺼﻠﻮﺍﺕ ﻭﺍﻣﻲ ﺍﻟﻔﻘﻴﺮﻩ ﻛﺎﻋﺪﻩ ﻭﺳﺎﺩﻩ ﺑﺎﺑﻬﺎ ﻭﻛﺎﻡ ﻣﻴﻮﺻﻞ ﺍﻟﻬﺎ ﻳﺨﺎﻑ ﻣﻨﻬﺎ
ﻭﺷﻬﺮ ﺟﺮ ﺷﻬﺮ ﺑﺲ ﺍﻟﻤﺴﻮﺍﻙ ﻳﻮﺻﻞ ﻷﻣﻲ ﺣﺘﻰ ﺍﺑﻮﻳﻪ ﻛﺎﻣﺖ ﻣﺘﺸﻮﻓﻪ ﻣﻦ ﺍﻟﻘﻬﺮ ﺗﻤﺮﺿﺖ ﺑﺲ ﺑﻘﺖ ﺳﺎﻛﺘﻪ ﻣﺘﺤﺠﻲ ﻭﺑﺲ ﺗﺸﻮﻑ ﻭﺟﻬﻪ ﻏﻴﺮ ﺍﻻﺑﺘﺴﺎﻣﻪ ﺑﻮﺟﻬﻪ ﻣﺎﻛﻮ
ﻭﻟﺪﺕ ﺍﻧﻌﺎﻡ ﻭﺟﺎﺑﺖ ﻭﻟﻲ ﺍﻟﻌﻬﺪ ﺍﺧﻮﻳﻪ ﺍﻟﺠﺒﻴﺮ
ﻋﻠﻲ ﻭﺻﺎﺭ ﺣﺴﻴﻦ ﺍﺑﻮ ﻋﻠﻲ ﻭﻻﻥ ﺍﻧﻌﺎﻡ ﺗﻌﺒﺖ ﺑﻠﻮﻻﺩﻩ ﺍﺧﺬﻭﻫﺎ ﺍﻫﻠﻬﺎ ﺣﺘﻰ ﻳﺪﺍﺭﻭﻫﺎ ﻭﻫﺎﻱ ﺟﺎﻧﺖ ﻓﺮﺻﻪ ﺍﺑﻮﻳﻪ ﺣﺘﻰ ﻳﺮﻭﺡ ﻟﺮﺍﺯﻗﻴﻪ ﺟﺎﻧﺖ ﻛﻞ ﻣﺘﺴﺄﻟﻪ ﻭﻳﻦ ﺗﻨﺎﻡ ﻳﻜﻠﻬﺎ ﺑﻴﺘﻨﺎ ﺗﺮﻭﺡ ﻳﻤﻬﺎ ﻳﻜﻮﻝ ﺍﻟﻬﺎ ﻻ
ﻭﺭﺟﻌﺖ ﻟﺒﻴﺘﻬﺎ ﻭﺭﺟﻊ ﺍﺑﻮﻳﻪ ﻟﻌﺎﺩﺗﻪ ﺍﻟﻘﺪﻳﻤﻪ ﻣﻴﻮﺻﻞ ﻷﻣﻲ ﺑﺲ ﺍﻟﻲ ﺻﺎﺭ ﺣﺒﻠﺖ ﺍﻣﻲ ﻭﺳﻤﻌﺖ ﺍﻧﻌﺎﻡ ﻭﺗﺨﺒﻠﺖ ﺣﺎﻭﻟﺖ ﺑﻜﻞ ﺍﻟﻄﺮﻕ ﺣﺘﻰ ﻳﻌﻮﻑ ﺭﺍﺯﻗﻴﻪ ﺑﺲ ﺭﺏ ﺍﻟﻌﺎﻟﻤﻴﻦ ﺛﺒﺖ ﻭﺟﻮﺩﻫﺎ ﺑﺤﻤﻠﻬﺎ
ﺑﺲ ﺍﻟﻲ ﺻﺎﺭ ﺍﺑﻮﻳﻪ ﺯﺍﺩ ﺍﻫﻤﺎﻟﻪ ﺍﻟﻬﺎ ﺣﺘﻰ ﺑﺲ ﻳﺮﺿﻲ ﺍﻡ ﻋﻠﻲ ﻭﻻﻥ ﺍﻣﻲ ﻣﻦ ﺍﻟﻘﻬﺮ ﺗﻤﺮﺿﺖ ﺻﺎﺭ ﮔﻠﺒﻬﺎ ﺿﻌﻴﻒ ﻭﻣﻦ ﻓﻘﺎﺭﻳﺘﻬﺎ ﻣﺒﻠﻐﺘﻪ ﺑﻤﺮﺿﻬﺎ ﻭﺑﻴﻮﻡ ﺍﻟﻮﻻﺩﻩ ﻟﺰﻣﺖ ﺍﻳﺪﻩ ﻷﺑﻮﻳﻪ ﻭﻛﺎﻟﺖ ﺍﻟﻪ
ﺭﺍﺯﻗﻴﻪ : ﺣﺴﻴﻦ ﺍﻣﺎﻧﺘﻚ ﺍﺑﻨﻲ
ﺣﺴﻴﻦ : ﻛﻮﻟﻲ ﻳﺎﺍﻟﻠﻪ ﻫﻲ ﺟﻴﺒﻮﺑﻪ ﻭﺍﻧﺘﻲ ﺳﺒﺎﻋﻴﻪ ﻭﺭﺍﺡ ﺗﻜﻮﻣﻴﻦ ﺑﻠﺴﻼﻣﻪ
ﺭﺍﺯﻗﻴﻪ : ﺍﻧﻪ ﻳﺎﺍﺑﻦ ﻋﻤﻲ ﺣﺒﻴﺘﻚ ﺍﻛﺜﺮ ﻣﻦ ﺍﻟﻬﻮﺍ ﻭﻣﻦ ﺭﻭﻳﺤﺘﻲ ﻭﻣﺎﺭﺩﺗﻦ ﺷﻰ ﻣﻨﻚ ﺑﺲ ﺍﻟﺮﺿﺎ ﺭﺍﺿﻲ ﻋﻨﻲ
ﺣﺴﻴﻦ : ﺑﺎﺱ ﺭﺍﺳﻬﺎ ﻭﺍﻳﺪﻫﺎ ﻭﮔﻠﻬﺎ
ﺍﻧﻪ ﺍﻋﺮﻑ ﻣﻘﺼﺮ ﺑﺤﮕﺞ ﻭﻣﺎﺭﺍﻋﻴﺖ ﺍﻟﻠﻪ ﺑﻴﺞ ﺣﺎﻟﻠﻴﻨﻲ ﻭﺍﻫﺒﻴﻨﻲ
ﺭﺍﺯﻗﻴﻪ : ﻣﺤﺎﻟﻞ ﻭﻣﻮﻫﻮﺏ ﺍﺭﻳﺪﻥ ﻣﻨﻚ ﺗﺮﺍﻋﻲ ﺍﻟﻠﻪ ﺑﻮﻟﺪﻱ ﻫﺬﺍ ﻳﺘﻴﻢ ﻭﺣﻮﺑﺘﻪ ﺑﻠﻤﭽﺎﻥ ﻭﺍﻧﻪ ﺍﺧﺎﻓﻦ ﻋﻠﻴﻚ ﻳﺎﺑﻌﺪ ﻧﻈﺮﻱ ﻭﺭﻳﺘﻲ ﻻﺗﺒﻄﻲ ﻋﻠﻴﻪ ﻫﺬﺍ ﻭﻟﺪﻙ ﻛﻞ ﻣﺎﺗﺤﻄﻪ ﺟﻮﻩ ﺟﻨﺎﺣﻚ ﻛﻮﻝ ﺭﺍﺯﻗﻴﻪ ﺭﺍﺿﻴﻪ ﻋﻨﻲ
ﺣﺴﻴﻦ : ﻛﺎﻓﻲ ﻻﺗﻜﻮﻟﻴﻦ ﻫﻴﺞ ﺭﺍﺡ ﺗﻮﻟﺪﻳﻦ ﺑﺄﻟﻒ ﺳﻼﻣﻪ
ﺻﺎﺣﺖ ﺍﻟﺠﺪﻩ ﻳﻠﻪ ﺧﻮﻳﻪ ﺍﻟﺒﺖ ﻻﺯﻡ ﺍﻭﻟﺪﻫﺎ
ﻭﺳﺎﻋﻪ ﻭﻋﻴﺎﻁ ﺍﻣﻲ ﺗﺮﺱ ﺍﻟﺒﻴﺖ ﻭﺷﻮﻳﻪ ﻭﺍﺟﻪ ﺻﻮﺗﻲ ﺍﺟﻴﺖ ﻟﻠﺪﻧﻴﺎ ﺟﺎﻧﺖ ﻓﺮﺣﻪ ﺍﺑﻮﻳﻪ ﺟﺒﻴﺮﻩ ﻻﻥ ﺻﺎﺭ ﻋﻨﺪﻩ ﺍﺛﻨﻴﻦ ﻭﻟﺪ ﺑﺲ ﺍﻟﻤﺘﻮﻗﻌﻪ ﻣﻮﺗﺖ ﺍﻣﻲ
ﻛﻌﺪ ﺑﻠﻜﺎﻉ ﻭﺍﻟﻨﺪﻡ ﺗﺎﺭﺱ ﺭﻭﺣﻪ ﺑﺲ ﺑﻌﺪ ﻣﺎﻓﺎﺕ ﺍﻟﻮﮔﺖ ﻭﻣﺎﻛﻮ ﺷﻰ ﻳﺮﺟﻊ ﺍﻟﺮﺍﺡ
ﺍﻧﻌﺎﻡ ﺳﻤﻌﺖ ﺍﺟﺖ ﺗﺮﻛﺾ ﻭﺑﻌﺰ ﺍﻧﻬﻴﺎﺭ ﺍﺑﻮﻳﻪ ﺍﺧﺬﺗﻨﻲ ﻣﻦ ﺣﻀﻨﻪ ﻭﻛﺎﻟﺖ
ﺍﻧﻌﺎﻡ : ﺳﺠﻞ ﺍﻟﻮﻟﺪ ﺑﺄﺳﻤﻲ
ﺣﺴﻴﻦ : ﺷﻨﻬﻲ ﻫﺬﺍ ﺍﺑﻦ ﺭﺍﺯﻗﻴﻪ ﺷﻮﻥ ﺑﺄﺳﻤﺞ
ﺍﻧﻌﺎﻡ : ﺭﺍﺯﻗﻴﻪ ﻭﻣﺎﺗﺖ ﻣﻨﻮ ﺭﺍﺡ ﻳﺪﺍﺭﻳﻪ ﻟﻬﺬﺍ ﺍﻟﻴﺘﻴﻢ ﻏﻴﺮﻱ ﺍﺻﻴﺮ ﺍﻣﻪ ﺍﺣﺴﻦ ﻣﺎ ﻳﺒﻘﻰ ﻃﻮﻝ ﺍﻟﻌﻤﺮ ﻳﻌﺮﻑ ﺍﻧﻲ ﻣﺮﺕ ﺍﺑﻮﻩ ﻭﻫﻢ ﻛﺪﺍﻡ ﺍﻟﻌﺎﻟﻢ ﻟﻴﻜﻮﻟﻮﻥ ﺍﻛﻮ ﺗﻔﺮﻗﻪ ﺑﻴﻨﻪ ﻭﺑﻴﻦ ﺍﺧﻮﻩ
ﻭﻋﻤﺎﻣﻲ ﻭﺧﻮﺍﻟﻲ ﺷﮕﻞ ﺍﻟﻬﻢ
ﺍﻧﻌﺎﻡ : ﻣﻨﻮ ﻳﻌﺮﻑ ﻛﻮﻝ ﺍﻟﻬﻢ ﻣﺎﺗﺖ ﻭﺑﻄﻨﻬﺎ ﺍﻟﻄﻔﻞ ﻗﺎﺑﻞ ﻳﻜﺸﻔﻮﻫﺎ
ﻭﻫﺬﺍ ﺍﺑﻨﻚ ﻣﻨﻲ ﺷﻮ ﺑﻴﻨﻪ ﻭﺑﻴﻦ ﻋﻠﻲ ﺳﻨﻪ ﻳﻌﻨﻲ ﺍﻟﺤﻚ ﺍﺣﺒﻞ ﻭﺍﺧﻠﻒ ﻭﻳﺼﺪﻛﻮﻙ ﻭﺍﻧﻲ ﺻﺎﺭ ﺳﻨﻪ ﻣﻮﺍﺻﻠﻪ ﻭﻻ ﺷﺎﻳﻔﻴﻨﻲ ﻭﻻ ﺷﺎﻳﻔﺘﻬﻢ
بيج قصص عراقيه حقيقيه من واقعنا.روعه الطائي
ﻓﻜﺮ ﺑﻴﻬﺎ ﺍﺑﻮﻳﻪ ﺷﺎﻑ ﻛﻼﻣﻬﺎ ﻋﻴﻦ ﺍﻟﻌﻘﻞ ﺭﺍﺩ ﻳﻌﻴﺸﻨﻲ ﺑﺤﻴﺎﻩ ﻣﺴﺘﻘﺮﻩ ﻣﺎﺑﻴﻬﺎ ﻗﺎﻝ ﻭﻗﻠﺖ ﻭﻟﻴﺶ ﻫﻴﺞ ﺻﺎﺭ
ﺍﻧﻌﺎﻡ ﻣﻦ ﺳﻮﺕ ﻫﻴﺞ ﻣﻮ ﻣﺤﺒﻪ ﺑﻴﻪ ﺑﺲ ﺗﻮﻗﻌﺖ ﻣﺘﺤﺒﻞ ﺑﻌﺪ ﻻﻥ ﺑﺼﻌﻮﺑﻪ ﻳﻠﻪ ﺣﺒﻠﺖ ﺑﻌﻠﻲ ﻭﺧﺎﻓﺖ ﻻ ﺍﻫﻠﻪ ﺑﻠﻜﻮﺕ ﻳﺰﻭﺟﻮﻩ ﻻﻥ ﺑﺲ ﻭﺍﺣﺪ ﻋﻨﺪﻩ ﻭﺫﻭﻻﻙ ﻭﺍﺣﺪﻫﻢ ﺍﻗﻞ ﺷﻰ ﻋﻨﺪﻩ ﺧﻠﻒ ﺳﺒﻌﻪ ﻟﻮ ﺛﻤﺎﻧﻴﻪ ﺭﺍﺩﺕ ﺗﺴﻜﺖ ﻋﻤﺎﻣﻪ ﻭﺧﺎﻓﺖ ﻻﻳﺤﻄﻮﻥ ﺍﺧﺖ ﺭﺍﺯﻗﻴﻪ ﺑﺮﮔﺒﺘﻪ ﻭﻳﺰﻭﺟﻪ ﺑﺤﺠﻪ ﺍﺑﻦ ﺍﺧﺘﻬﺎ ﻭﻳﺘﻴﻢ
ﺑﻜﻮﻟﺸﻲ ﻓﻜﺮﺕ ﺑﺲ ﺣﺘﻰ ﺗﻀﻤﻦ ﺍﺑﻮﻳﻪ ﺍﻟﻬﺎ
ﻭﺻﺎﺭ ﺍﻟﻲ ﺭﺍﺩﺕ ﻭﺗﺴﺠﻠﺖ ﺑﺄﺳﻤﻬﺎ ﺑﺲ ﺣﻠﻒ ﻳﻤﻴﻦ ﻋﻠﻴﻬﺎ ﺍﺫﺍ ﻃﻠﻊ ﻫﺬﺍ ﺍﻟﺴﺮ ﺗﺤﺮﻡ ﻋﻠﻴﻪ ﻭﻳﻄﻠﻜﻪ ﺑﻠﺜﻼﺛﻪ
ﻭﺍﻟﻜﻞ ﻋﺮﻑ ﺍﻧﻲ ﺍﺑﻦ ﺍﻧﻌﺎﻡ ﺑﻌﺪﻫﺎ ﺑﻜﻢ ﺷﻬﺮ ﺣﺒﻠﺖ ﺍﻧﻔﻜﺖ ﺍﻟﺠﺒﺴﻪ ﻣﻨﻬﺎ ﻭﺳﻄﺮﺗﻬﻢ ﺑﻄﻦ ﻭﺭﻩ ﺑﻄﻦ ﻭﺻﺮﻧﺎ ﺍﺭﺑﻊ ﺍﺧﻮﻩ ﻭﺍﺛﻨﻴﻦ ﺧﻮﺍﺕ
ﻋﺸﺖ ﻃﻔﻮﻟﻪ ﺗﻌﺒﺎﻧﻪ ﺟﻨﺖ ﺍﺷﻮﻑ ﺍﻣﻲ ﺗﻌﺎﻣﻞ ﺍﺧﻮﺗﻲ ﺑﻜﻞ ﺣﻨﻴﻪ ﺗﻮﻛﻞ ﻭﺗﺸﺮﺏ ﻭﺗﻠﺒﺲ ﻭﻋﻠﻰ ﮔﻠﺒﻬﺎ ﺷﺎﻳﻠﺘﻬﻢ ﻭﺍﻧﻲ ﺷﺎﻣﺮﺗﻨﻲ ﺑﺲ ﻣﻦ ﺗﺸﻮﻑ ﺍﺑﻮﻳﻪ ﺍﺟﻪ ﺗﻬﺘﻢ ﺑﻴﻪ ﻣﺠﻨﺖ ﺍﻋﺮﻑ ﺍﻟﺴﺮ ﻭﺭﻩ ﺗﺼﺮﻓﺎﺗﻬﺎ ﻭﻣﺮﺕ ﺍﻟﺴﻨﻴﻦ ﻭﻛﺒﺮﺕ ﺩﺧﻠﺖ ﻣﺪﺭﺳﻪ ﺭﻏﻢ ﻫﻲ ﻋﺎﺭﺿﺖ ﺑﺲ ﺍﺑﻮﻳﻪ ﺟﺎﻥ ﺣﻨﻴﻦ ﻋﻠﻴﻪ ﻣﻦ ﺟﺎﻥ ﻳﻜﻌﺪﻧﻲ ﻳﻤﻪ ﺍﺷﻮﻑ ﺍﻟﺪﻣﻌﻪ ﺑﻌﻴﻮﻧﻪ ﺍﺣﺴﻪ ﻣﻦ ﻳﺸﻮﻓﻨﻲ ﻳﻨﻘﻬﺮ ﺣﺘﻰ ﻣﺠﺎﻥ ﻳﻤﺪ ﺍﻳﺪﻩ ﻋﻠﻴﻪ
ﺑﺲ ﺍﻧﻌﺎﻡ ﺍﺫﺍ ﺳﻮﻳﺖ ﺷﻰ ﺑﻠﻌﻮﺩﻩ ﺑﻠﺼﻮﻧﺪﻩ ﺍﻟﻲ ﻳﺠﻲ ﺑﻴﺪﻫﺎ ﻓﺮﻗﺘﻨﻲ ﻋﻦ ﺍﺧﻮﺗﻲ ﺑﻜﻮﻟﺸﻲ
ﻭﻛﻤﻠﺖ ﺍﻋﺪﺍﺩﻳﻪ ﻭﺻﺎﺭ ﻋﻤﺮﻱ ١٩ ﺳﻨﻪ ﺍﺑﻮﻳﻪ ﻓﺘﺢ ﻣﻄﻌﻢ ﺑﻠﺴﻌﺪﻭﻥ ﺍﻧﻲ ﻭﺍﺧﻮﺗﻲ ﻧﺸﺘﻐﻞ ﺑﻴﻪ ﻭﺍﻟﻴﻮﻣﻴﺎﺕ ﺍﻟﻲ ﻳﻨﻄﻴﻬﻢ ﺍﻟﻴﻪ ﺍﺿﻤﻬﻢ ﺍﺧﺎﻑ ﺍﺭﻭﺡ ﻟﻠﺠﻴﺶ ﻣﺎ ﺍﺭﻳﺪ ﺍﺣﺘﺎﺝ ﺍﺣﺪ ﻋﻠﻲ ﺩﻭﻣﻪ ﻳﺴﻮﻱ ﻧﻔﺴﻪ ﺻﺎﺣﺐ ﺍﻟﻤﻄﻌﻢ ﻭﺍﻧﻲ ﻻﺑﺴﻪ ﻣﺎ ﺍﺗﻌﺎﺭﻙ ﻭﻳﺎﻩ ﺭﻏﻢ ﻣﺮﺍﺕ ﻳﻌﺎﻣﻠﻨﻲ ﺣﺎﻟﻲ ﺣﺎﻝ ﺍﻟﻌﻤﺎﻝ ﺑﺲ ﻣﺎ ﺍﻫﺘﻢ ﻣﺎ ﺍﺭﻳﺪ ﻧﺘﻌﺎﺭﻙ ﻛﺪﺍﻡ ﺍﻟﻐﺮﺑﻪ ﻭﻳﻜﻮﻟﻮﻥ ﺍﺑﻮ ﻋﻠﻲ ﺣﺴﻴﻦ ﻣﻌﺮﻑ ﻳﺮﺑﻲ
ﺍﺑﻮﻳﻪ ﻭﻛﻊ ﻭﺻﺤﺘﻪ ﺍﺩﻫﻮﺭﺕ ﻭﻣﻦ ﺭﺍﺩ ﻳﺮﻭﺡ ﻟﻠﺤﺞ ﻋﻠﻲ ﻣﻘﺒﻞ ﻳﺮﻭﺡ ﻭﻳﺎﻩ ﺍﻧﻪ ﺗﺒﺮﻋﺖ ﺟﻨﺖ ﺍﺣﺐ ﺍﻃﻠﻊ ﻭﻳﺎﻩ ﻳﻤﺸﻲ ﻭﻳﺘﺒﺎﻫﻪ ﺑﻴﻪ ﺍﺣﺴﻪ ﺣﺘﻰ ﻳﺤﺒﻨﻲ ﺍﻛﺜﺮ ﺍﺧﻮﺗﻲ ﻭﺣﺠﻴﺖ ﻭﺻﺮﺕ ﺑﻮﻗﺘﻬﺎ ﺍﺻﻐﺮ ﺣﺠﻲ
ﺍﻟﺤﺠﻲ ﻃﻪ ﺗﻌﻠﻤﺖ ﻣﻨﻪ ﺍﻟﺤﻜﻤﻪ ﻭﺍﻟﻌﻘﻞ ﻭﺍﻟﺮﺯﺍﻧﻪ ﻭﺍﻟﺪﻳﻦ ﻭﺍﻟﺘﺰﻣﺖ ﺑﺼﻼﺗﻲ ﻭﺻﻮﻣﻲ ﻟﺤﺪ ﻣﺎﻭﻛﻊ ﺑﻠﻤﺮﺽ ﺍﻟﺨﺒﻴﺚ ﻭﺑﺬﺍﻙ ﺍﻟﻮﻛﺖ ﺑﻠﻤﺜﺎﻧﻴﻨﺎﺕ ﻣﺎﻛﻮ ﻋﻼﺝ ﻛﻌﺪ ﻭﺳﻮﻟﻔﻠﻲ ﻛﻮﻟﺸﻲ ﺍﻟﺼﺪﻣﻪ ﺟﺎﻧﺖ ﺟﺒﻴﺮﻩ ﻋﻠﻴﻪ ﻣﺎﺍﺩﺭﻱ ﺍﺣﻘﺪ ﻋﻠﻴﻪ ﻻﻥ ﻇﻠﻢ ﺍﻣﻲ ﻟﻮ ﺍﺑﻘﻰ ﺍﺭﺍﻋﻲ ﺍﻟﻠﻪ ﺑﻴﻪ ﻻﻥ ﻣﺎﻳﻮﻡ ﻗﺼﺮ ﻭﻳﺎﻳﻪ ﺣﺘﻰ ﺍﻧﻌﺎﻡ ﻛﻤﺖ ﻣﺎ ﺍﻋﺮﻑ ﺍﺗﺼﺮﻑ ﻭﻳﺎﻫﺎ ﻣﺜﻞ ﻗﺒﻞ ﺟﻨﺖ ﺍﺗﺤﻤﻞ ﻛﻮﻟﺸﻲ ﻣﻨﻬﺎ ﻭﺍﻛﻮﻝ ﺍﻣﻲ ﺣﺮﺍﻡ ﻋﻠﻴﻪ ﺑﺲ ﻣﻦ ﻋﺮﻓﺖ ﻣﺮﺕ ﺍﺑﻮﻳﻪ ﻋﺮﻓﺖ ﻟﻴﺶ ﻫﻴﺞ ﺗﻌﺎﻣﻠﻨﻲ
ﺑﺲ ﺍﺑﻮﻱ ﺣﻠﻔﻨﻲ ﻣﺎ ﺍﺗﻐﻴﺮ ﻭﻳﺎﻫﺎ ﻭﺣﻂ ﻳﻤﻴﻦ ﻳﻜﺴﺮ ﻇﻬﺮﻱ ﺷﻴﺼﻴﺮ ﺍﺑﻘﻰ ﺍﺑﻨﻬﺎ ﻭﺑﺎﺭ ﺑﻴﻬﺎ ﺣﺘﻰ ﻭﻫﻮ ﻳﻤﻮﺕ ﻳﻔﻜﺮ ﺑﻴﻬﺎ
ﻭﺷﺪ ﺍﻟﻤﺮﺽ ﻭﺣﺴﻴﺖ ﺭﻭﺣﻲ ﺭﺍﺡ ﺍﺗﻴﺘﻢ ﻃﻠﺐ ﺍﺑﻮﻳﻪ ﻣﻦ ﺍﻧﻌﺎﻡ ﺗﺨﻄﺒﻠﻲ ﻣﺮﻩ ﻭﺭﺍﺣﺖ ﻭﺭﻩ ﻳﻮﻣﻴﻦ ﻛﺎﻟﺖ ﻟﻜﻴﺘﻠﻚ ﻣﺮﻩ ﺍﻧﻪ ﺍﻋﺘﻤﺪﺕ ﻋﻠﻴﻬﺎ
ﺍﻧﻌﺎﻡ : ﺗﻌﺎﻝ ﻃﻪ ﻟﻜﻴﺘﻠﻚ ﻣﺮﻩ
ﺣﺠﻲ ﻃﻪ : ﺑﺖ ﻣﻨﻮ
ﺍﻧﻌﺎﻡ : ﺑﺖ ﺍﻡ ﺟﺎﺳﻢ ﺍﻟﺨﺒﺎﺯﻩ
ﺣﺴﻴﻦ : ﭼﺎ ﻣﺎﻟﻜﻴﺘﻲ ﻏﻴﺮ ﺑﺖ ﺍﻟﺨﺒﺎﺯﻩ ﻫﺎﻱ ﺍﻟﻨﺴﻮﺍﻥ ﺍﻟﻀﺎﻟﻪ
ﺍﻧﻌﺎﻡ : ﺷﻜﻮ ﺑﻴﻬﻪ ﺍﻧﺖ ﻣﻮ ﺗﻜﻮﻝ ﻛﻠﻨﺎ ﻋﺒﺎﺩ ﺍﻟﻠﻪ ﻭﻣﺎﻛﻮ ﻓﺮﻕ ﺑﻴﻦ ﻏﻨﻲ ﻭﻓﻘﻴﺮ ﻟﻮ ﻣﻦ ﻳﻢ ﺍﺑﻨﻚ ﺍﺧﺘﻠﻒ ﺍﻟﻮﺿﻊ
ﺣﺴﻴﻦ : ﻻ ﺍﻟﻪ ﺍﻻ ﺍﻟﻠﻪ ﺍﻧﻪ ﻣﻮ ﮔﺘﻠﺞ ﻻﺗﻜﻮﻟﻴﻦ ﺍﺑﻨﻚ
ﺍﻧﻌﺎﻡ : ﻫﻮ ﻣﻮ ﻋﺮﻑ ﻋﻠﻰ ﺷﻨﻮ ﺑﻌﺪ ﺗﺤﺎﺳﺒﻨﻲ
ﺣﺴﻴﻦ : ﺷﻮﻓﻴﻠﻪ ﻏﻴﺮﻫﺎ
ﺣﺠﻲ ﻃﻪ : ﻻ ﻳﺎﺑﻪ ﺍﻛﻴﺪ ﻫﺎﻱ ﻓﻘﻴﺮﻩ ﻭﺍﺩﻭﺭ ﺳﺘﺮ ﺍﻧﻪ ﻣﺎﺍﺭﻳﺪ ﻣﺮﻩ ﺗﺸﺮﻁ ﻭﺗﻄﻠﺐ ﻭﺗﻮﺟﻊ ﺭﺍﺳﻲ ﺍﺭﻳﺪﻫﺎ ﺗﻌﻴﺶ ﻋﻠﻰ ﻛﺪ ﻏﻄﺎﻱ
ﺣﺴﻴﻦ : ﺍﻧﺖ ﺍﺑﻦ ﺍﻟﺤﺠﻲ ﺣﺴﻴﻦ ﺧﻤﻴﺲ ﺷﻨﻮ ﺗﻌﻴﺶ ﻋﻠﻰ ﻛﺪ ﻏﻄﺎﻙ ﻭﻫﺬﺍ ﺍﻟﺨﻴﺮ ﻛﻠﻪ
ﺣﺠﻲ ﻃﻪ : ﺩﺍﻳﻢ ﺑﺤﺴﻚ ﻳﺎﺑﻪ ﺑﺲ ﺍﻧﻪ ﻣﺎﻋﻨﺪﻱ ﻭﺍﺭﻳﺪ ﺍﻋﻴﺶ ﺑﭽﺪﻱ ﻭﺗﻌﺒﻲ ﻭﻣﺎ ﺍﻣﺪ ﺍﻳﺪﻱ ﻷﺣﺪ
ﺣﺴﻴﻦ : ﺣﺘﻰ ﺍﺑﻮﻙ
ﺣﺠﻲ ﻃﻪ : ﻋﻠﻰ ﺭﺍﺳﻲ ﻳﺎﺑﻪ ﺑﺲ ﻋﻮﻓﻨﻲ ﺑﺮﺍﺣﺘﻲ ﻭﻫﺎﻱ ﺍﻟﺒﻨﻴﻪ ﺍﻛﻴﺪ ﺗﻨﺎﺳﺒﻨﻲ
ﺍﻧﻌﺎﻡ : ﻫﺬﺍ ﻫﻮ ﺍﻟﺨﻤﻴﺲ ﺍﻟﺨﻄﺒﻪ ﻭﻛﻄﻊ ﺍﻟﺤﻖ ﻭﺍﻻﺳﺒﻮﻉ ﺍﻟﻮﺭﺍﻩ ﺍﻟﺰﻭﺍﺝ ﺍﻟﻨﺎﺱ ﻣﺘﺮﻳﺪ ﻃﺒﻪ ﻭﻃﻠﻌﻪ
ﺣﺠﻲ ﻃﻪ : ﻭﺍﻧﻲ ﻫﻢ ﻣﻮ ﻣﺎﻝ ﻃﺒﻪ ﻭﻃﻠﻌﻪ
ﺑﺲ ﺍﺭﻳﺪ ﺍﺷﻮﻓﻪ
ﺍﻧﻌﺎﻡ : ﺑﻌﺪ ﻣﺘﻜﻄﻊ ﺣﻘﻬﺎ ﻫﻨﺎﻙ ﺑﻠﻤﺤﻜﻤﻪ ﺗﺸﻮﻓﻬﺎ
بيج قصص عراقيه حقيقيه من واقعنا.روعه الطائي
ﻳﻠﻪ ﺍﻣﺸﻲ ﻧﺮﺟﻊ ﻭﻣﻦ ﺑﺎﺟﺮ ﺍﺑﻠﺶ ﺑﻴﻪ
ﺳﻨﺪﺱ : ﻭﺍﻟﻐﺮﺍﺽ ﻣﻨﻮ ﻳﺸﺘﺮﻳﻬﻦ
ﺣﺠﻲ ﻃﻪ : ﻋﻮﺩ ﺍﻧﻪ ﺍﻧﻄﻴﺞ ﻓﻠﻮﺱ ﻭﺍﺷﺘﺮﻱ
ﺳﻨﺪﺱ : ﺍﺭﻳﺪ ﺍﺳﺄﻟﻚ ﺷﻰ ﺑﺲ ﻣﺴﺘﺤﻴﻪ
ﺣﺠﻲ ﻃﻪ : ﻛﻞ ﻫﺬﺍ ﻭﻣﺴﺘﺤﻴﻪ
ﺳﻨﺪﺱ : ﺷﻨﻮ
ﺣﺠﻲ ﻃﻪ : ﺍﺳﺄﻟﻲ
ﺳﻨﺪﺱ : ﺷﻮ ﺗﻜﻮﻝ ﺍﻧﻪ ﻣﻮ ﺍﻧﻲ ﻭﺍﻛﻮ ﻛﻠﻤﺎﺕ ﺑﻴﻬﺎ ﭼﺎ ﺷﻨﻮ ﺍﻧﺘﻢ ﺷﺮﻭﻙ
ﺣﺠﻲ ﻃﻪ : ﻭﺷﺒﻴﻬﻢ ﺍﻟﺸﺮﻭﻙ
ﺳﻨﺪﺱ : ﻻ ﻣﺒﻴﻬﻢ ﺑﺲ ﺣﺠﻴﻚ ﺑﻐﺪﺍﺩﻱ ﺑﺲ ﻛﻢ ﻛﻠﻤﻪ ﺑﻴﻬﺎ ﺷﺮﻭﻛﻲ ﻟﻬﺬﺍ ﺳﺄﻟﺖ
ﺣﺠﻲ ﻃﻪ : ﻣﺎﺧﺬ ﻛﻠﻤﺎﺕ ﻣﻦ ﺍﺑﻮﻳﻪ ﻭﻣﺘﻌﻠﻢ ﻋﻠﻴﻬﻦ ﻭﻫﻴﺞ ﺍﺣﺠﻲ ﻣﻌﺎﺟﺒﺞ
ﺳﻨﺪﺱ : ﻻ ﻋﻴﻨﻲ ﻋﺎﺟﺒﻨﻲ ﻋﻠﻰ ﻛﻴﻔﻚ ﺷﮕﻠﺖ ﻳﻠﻪ ﻧﺮﺟﻊ ﻫﺴﻪ ﺍﻣﻲ ﺗﺤﺠﻲ ﻋﻠﻴﻪ ﻋﺒﺎﻟﻬﺎ ﻧﺴﻮﻱ ﺷﻰ
ﺣﺠﻲ ﻃﻪ : ﺍﻣﺸﻲ ﻳﺎﺑﻪ ﺍﻣﺸﻲ
ﺭﺟﻌﺘﻬﺎ ﻭﺍﺧﺬﺕ ﺍﻫﻠﻬﺎ ﻭﺭﺟﻌﻨﺎ ﻟﻠﺒﻴﺖ ﺑﻴﻮﻣﻬﺎ ﺩﺧﺖ ﻣﻦ ﺳﻮﺍﻟﻔﻬﺎ ﻭﺗﺼﺮﻓﺎﺗﻬﺎ ﻣﺤﺴﻴﺘﻬﺎ ﺍﻟﻤﺮﻩ ﺍﻟﺘﻤﻨﺎﻫﺎ ﺑﺲ ﻳﻠﻪ ﻛﻮﻟﺸﻲ ﻗﺴﻤﻪ ﻭﺍﺭﺟﻊ ﻭﺍﻛﻮﻝ ﺻﻐﻴﺮﻩ ﻭﺍﻧﻪ ﺍﻋﻠﻤﻬﺎ ﺟﺎﻥ ﻋﻤﺮﻫﺎ ١٦ ﺳﻨﻪ ﻭﺍﻧﻲ ﻋﻤﺮﻱ ٢٤ ﺳﻨﻪ
ﺛﺎﻧﻲ ﻳﻮﻡ ﻃﻠﻌﺖ ﻟﻠﺒﻴﺖ ﺷﻐﻞ ﻭﺗﺮﺗﻴﺐ ﺍﻧﻬﺪ ﺣﻴﻠﻲ ﺭﺩﺕ ﺑﺲ ﺍﺣﺪ ﻳﻌﻴﻨﻲ ﻭﺟﺎﻥ ﺗﻨﺪﻙ ﺍﻟﺒﺎﺏ
ﻫﺎ ﺣﺠﻲ ﺷﻮ ﻭﺣﺪﻙ
ﻫﻼ ﺳﺎﻣﻲ ﺗﻌﺎﻝ ﺍﺩﺧﻞ
ﺳﺎﻣﻲ : ﺍﺟﻴﺖ ﺍﻧﻲ ﻭﻣﺮﺗﻀﻰ ﻭﺍﻟﺸﻠﻪ ﻧﺴﺎﻋﺪﻙ
ﻭﺟﺎﻥ ﻳﻄﺒﻮﻥ ٤ ﺍﺻﺪﻗﺎﺋﻲ ﻭﺍﺧﻮﻳﻪ ﺟﻌﻔﺮ ﺍﻻﺻﻐﺮ ﻣﻨﻲ ﻭﻳﺎﻫﻢ ﻭﺑﻠﻜﺮﺍﺝ ﺍﺩﺑﺞ ﻭﻫﻼﻫﻞ ﻭﻟﺰﻣﻮ ﺳﻄﻞ ﻣﺸﻤﻮﺭ ﺑﻠﻜﺮﺍﺝ ﻭﻳﺪﻛﻮﻥ ﻭﻳﻬﺰﻭﻥ ﺧﺮﺑﺖ ﺿﺤﻚ ﻋﻠﻴﻬﻢ ﻭﺍﺣﺪﻫﻢ ﻳﺎﺧﺬﻟﻪ ﻫﺰﻩ ﻭﻳﺴﺎﻋﺪ
ﺍﻟﻠﻪ ﺟﺎﺑﻜﻢ ﺍﻧﻜﺴﺮ ﻇﻬﺮﻱ ﻭﺑﻌﺪﻧﻲ ﻧﺺ ﺍﻟﺒﻴﺖ ﻣﻤﻨﻈﻔﻪ
ﺟﻌﻔﺮ : ﺻﺤﺘﻬﻢ ﻭﺍﺟﻴﺖ ﺍﺩﺭﻱ ﺑﻴﻚ ﻣﺪﺑﺮﻫﺎ ﻭﺣﺪﻙ
ﺣﻀﻨﺘﻪ ﻫﺬﺍ ﺍﻟﻮﺣﻴﺪ ﻣﻦ ﺍﺧﻮﺗﻲ ﺣﻨﻴﻦ ﻋﻠﻴﻪ ﻫﻮ ﻭﻧﻬﺮ ﺍﺧﺘﻲ
ﺗﺮﺗﻴﺐ ﺍﻫﻠﻲ ﺍﺧﻮﻳﻪ ﻋﻠﻲ ﺍﻟﺠﺒﻴﺮ ﻭﺍﻧﻲ ﺍﻟﺜﺎﻧﻲ ﻭﺟﻌﻔﺮ ﺍﻟﺜﺎﻟﺚ ﻭﺍﻟﺮﺍﺑﻌﻪ ﻧﻬﺮ ﺍﺧﺘﻲ ﻭﺍﻟﺨﺎﻣﺲ ﺳﻼﻡ ﻭﺍﺻﻐﺮ ﺧﻮﺍﺗﻲ ﺍﺷﺮﺍﻕ ﻧﺴﺨﻪ ﻣﻦ ﺍﻧﻌﺎﻡ ﺑﻜﻮﻟﺸﻲ ﺑﺲ ﻧﻬﺮ ﻣﺎﺧﺬﻩ ﻃﻴﺒﻪ ﺍﺑﻮﻳﻪ ﻭﺣﻨﻴﺘﻪ ﻫﻲ ﻭﺟﻌﻔﺮ ﺍﻟﺒﺎﻗﻴﻦ ﺑﻮﺟﻬﻲ ﻣﻴﺒﺎﻭﻋﻮﻥ ﻭﺩﻭﻡ ﺍﺫﺍ ﺻﺎﺭ ﺷﻰ ﺍﻭ ﺍﻧﻄﺎﻧﻲ ﺷﻰ ﺍﺑﻮﻳﻪ ﻋﺎﻃﻮ ﺷﻤﻌﻨﻪ ﻫﻮ ﺑﺲ ﺍﻧﻲ ﺍﺣﺒﻬﻢ ﻭﺍﻓﺪﻳﻬﻢ ﺑﺮﻭﺣﻲ
ﺟﻌﻔﺮ : ﻳﻤﻌﻮﺩ ﺍﺑﻮ ﺍﻟﺤﺐ ﺑﺸﻨﻮ ﺻﺎﻓﻦ
ﺣﺠﻲ ﻃﻪ : ﻳﺎﺣﺐ ﻫﻮ ﺍﻧﻪ ﻭﺟﻪ ﺣﺐ
ﺟﻌﻔﺮ : ﻟﻌﺪ ﺍﺫﺍ ﻣﻌﺎﺟﺒﺘﻚ ﺧﻄﻴﺒﺘﻚ ﻟﻴﺶ ﻗﺒﻠﺖ
ﺣﺠﻲ ﻃﻪ : ﺍﺳﻤﻬﺎ ﻣﺮﻩ ﻭﻫﻢ ﺍﺑﻮﻙ ﺧﻄﻴﻪ ﺭﺍﺩ ﻳﻔﺮﺡ ﺑﻴﻪ ﻫﻮ ﻣﺮﻳﺾ ﻭﻣﺮﺩﺕ ﺍﻛﺴﺮ ﮔﻠﻤﺘﻪ
ﺟﻌﻔﺮ : ﺑﺲ ﺗﺪﺭﻱ ﺟﻨﻬﻪ ﺍﺳﻴﺮ ﺍﻳﺮﺍﻧﻲ ﺷﺎﺑﻊ ﻛﺘﻞ ﻭﺻﺎﻟﺨﻲ ﺑﻠﺸﻤﺲ
ﺣﺠﻲ ﻃﻪ : ﻫﻬﻬﻬﻬﻪ ﻭﻟﻚ ﻟﺘﻨﺴﻰ ﻫﺎﻱ ﻣﺮﺕ ﺍﺧﻮﻙ
ﺟﻌﻔﺮ : ﻳﻤﻌﻮﺩ ﻗﺼﺪﻙ ﺍﺧﻮﻙ ﺍﻟﺮﺍﺑﻊ ﻟﻮ ﺗﺒﻘﻰ ﺍﺧﺮ ﺑﻨﻴﻪ ﻫﻢ ﺍﺑﺎﻭﻉ ﺑﻮﺟﻬﻪ ﻭﻟﻚ ﺯﺭﻛﻪ ﺭﮔﺒﺘﻲ ﺍﺑﻴﺾ ﻣﻨﻬﺎ
ﺣﺠﻲ ﻃﻪ : ﻟﺘﺨﻠﻴﻨﻲ ﺍﺯﻋﻞ ﻣﻨﻚ
ﺟﻌﻔﺮ : ﻻ ﻛﻠﻪ ﻭﻻ ﺯﻋﻠﻚ ﺑﻠﻌﺎﻓﻴﻪ ﻋﻠﻴﻚ ﺍﻟﺪﺑﺲ ﻣﺎﻝ ﻛﺮﺑﻼ ﻭﺭﻛﻀﺖ
ﺣﺠﻲ ﻃﻪ : ﻭﻟﻚ ﺍﻧﻲ ﺍﻟﻚ ﻭﺭﻛﻀﺖ ﻭﺭﺍﻩ ﻭﺷﻜﻮ ﺷﻰ ﻛﺪﺍﻣﻲ ﺍﺭﻛﻌﻪ ﺑﻴﻪ ﻭﻳﻀﺤﻚ ﻭﺫﻭﻟﻪ ﻋﻠﻰ ﻓﺪ ﺩﺑﺠﻪ ﻭﻳﻬﺰﻭﻥ ﻣﻜﻴﻔﻴﻦ ﺑﻌﺮﺳﻲ
ﺍﺭﺑﻌﻪ ﺍﻳﺎﻡ ﻛﻤﻞ ﺍﻟﺒﻴﺖ ﺻﺒﻎ ﻭﻛﻬﺮﺑﺎﺋﻴﺎﺕ ﻭﺍﻧﻄﻴﺖ ﻛﻢ ﻓﻠﺲ ﺍﻟﻲ ﻋﻨﺪﻱ ﺟﺎﻣﻌﻬﻦ ﺗﺸﺘﺮﻱ ﻏﺮﺍﺽ ﻣﻦ ﺍﻻﻭﺭﺯﺩﻱ
ﺳﻨﺪﺱ : ﺑﺲ ﺫﻧﻲ ﻣﻴﻜﻔﻦ
ﺣﺠﻲ ﻃﻪ : ﻳﺎﻋﻴﻨﻲ ﻫﻠﺘﻜﺪﺭﻳﻦ ﻋﻠﻴﻪ ﺍﺷﺘﺮﻱ
ﺳﻨﺪﺱ : ﻳﻌﻨﻲ ﻣﻦ ﻛﻞ ﻋﻘﻠﻚ ﺫﻧﻲ ﻫﻮﻝ ﻣﻴﻜﻔﻦ ﺍﺷﺘﺮﻱ ﻏﺮﺍﺿﻪ
ﺣﺠﻲ ﻃﻪ : ﺻﺒﺮﻙ ﻳﺎﺭﺑﻲ ﺍﺷﺘﺮﻱ ﻭﺍﻧﻲ ﺍﻛﻤﻞ ﺍﻟﺒﺎﻗﻲ ﺭﺍﻳﺢ
ﺳﻨﺪﺱ : ﻭﻳﻦ
ﺣﺠﻲ ﻃﻪ : ﻏﻴﺮ ﺍﻛﻤﻞ ﺍﻟﺒﻴﺖ
ﺳﻨﺪﺱ : ﻭﻓﻠﻮﺱ ﺍﻟﺒﺪﻟﻪ
ﺣﺠﻲ ﻃﻪ : ﺑﺎﺟﺮ ﺍﺩﺯﻫﻦ ﺍﻟﺞ
ﻃﻠﻌﺖ ﺍﺗﻤﺸﻰ ﺑﻴﺘﻬﻢ ﺑﻌﺪ ﻓﺮﻋﻴﻦ ﻋﻨﺎ ﺷﻮﻥ ﺑﻴﻬﺎ ﺍﺫﺍ ﺻﺎﺭ ﺍﺳﺒﻮﻉ ﻫﻴﺞ ﺳﻮﺕ ﺑﻴﻪ ﻣﻦ ﺍﺗﺰﻭﺟﻪ ﺷﻮﻥ
ﺷﺎﻓﻨﻲ ﺟﻌﻔﺮ ﻭﺳﺎﻣﻲ ﻛﺎﻋﺪﻳﻦ ﺑﻠﺮﻛﻦ ﻭﻳﻜﺮﺯﻭﻥ ﺣﺐ
ﺟﻌﻔﺮ : ﻫﺎﺍﺍ ﻋﺮﻳﺴﻨﺎ ﺑﻌﺪﻙ ﻣﻤﺘﺰﻭﺝ ﻭﺗﻤﺸﻲ ﺟﻨﻚ ﻣﻀﻴﻊ ﻣﻴﻪ ﻓﻠﺲ ﻟﻮ ﺗﺘﺰﻭﺝ ﺷﻮﻥ ﻳﻤﻜﻦ ﺗﺼﻴﺮ ﺩﻳﺞ ﻫﺮﺍﺗﻲ ﻣﻬﻠﺲ
ﺣﺠﻲ ﻃﻪ : ﻣﺎﻛﻮ ﺷﻰ
ﺳﺎﻣﻲ : ﻣﺤﺘﺎﺝ ﺷﻰ ﻧﺴﻮﻳﻠﻚ
ﺣﺠﻲ ﻃﻪ : ﻻ ﺍﺭﻭﺡ ﻟﻠﺒﻴﺖ
ﺟﻌﻔﺮ : ﺷﻌﻨﺪﻙ ﻗﺒﻞ ﺷﻮﻳﻪ ﺟﻨﺖ ﻫﻨﺎﻙ
ﺣﺠﻲ ﻃﻪ : ﺭﺍﻳﺢ ﻷﺑﻮﻳﻪ ﻭﻛﺖ ﻋﻼﺟﻪ ﻫﺴﻪ
بيج قصص عراقيه حقيقيه من واقعنا.روعه الطائي
ﻳﻠﻪ ﺍﻣﺸﻲ ﻧﺮﺟﻊ ﻭﻣﻦ ﺑﺎﺟﺮ ﺍﺑﻠﺶ ﺑﻴﻪ
ﺳﻨﺪﺱ : ﻭﺍﻟﻐﺮﺍﺽ ﻣﻨﻮ ﻳﺸﺘﺮﻳﻬﻦ
ﺣﺠﻲ ﻃﻪ : ﻋﻮﺩ ﺍﻧﻪ ﺍﻧﻄﻴﺞ ﻓﻠﻮﺱ ﻭﺍﺷﺘﺮﻱ
ﺳﻨﺪﺱ : ﺍﺭﻳﺪ ﺍﺳﺄﻟﻚ ﺷﻰ ﺑﺲ ﻣﺴﺘﺤﻴﻪ
ﺣﺠﻲ ﻃﻪ : ﻛﻞ ﻫﺬﺍ ﻭﻣﺴﺘﺤﻴﻪ
ﺳﻨﺪﺱ : ﺷﻨﻮ
ﺣﺠﻲ ﻃﻪ : ﺍﺳﺄﻟﻲ
ﺳﻨﺪﺱ : ﺷﻮ ﺗﻜﻮﻝ ﺍﻧﻪ ﻣﻮ ﺍﻧﻲ ﻭﺍﻛﻮ ﻛﻠﻤﺎﺕ ﺑﻴﻬﺎ ﭼﺎ ﺷﻨﻮ ﺍﻧﺘﻢ ﺷﺮﻭﻙ
ﺣﺠﻲ ﻃﻪ : ﻭﺷﺒﻴﻬﻢ ﺍﻟﺸﺮﻭﻙ
ﺳﻨﺪﺱ : ﻻ ﻣﺒﻴﻬﻢ ﺑﺲ ﺣﺠﻴﻚ ﺑﻐﺪﺍﺩﻱ ﺑﺲ ﻛﻢ ﻛﻠﻤﻪ ﺑﻴﻬﺎ ﺷﺮﻭﻛﻲ ﻟﻬﺬﺍ ﺳﺄﻟﺖ
ﺣﺠﻲ ﻃﻪ : ﻣﺎﺧﺬ ﻛﻠﻤﺎﺕ ﻣﻦ ﺍﺑﻮﻳﻪ ﻭﻣﺘﻌﻠﻢ ﻋﻠﻴﻬﻦ ﻭﻫﻴﺞ ﺍﺣﺠﻲ ﻣﻌﺎﺟﺒﺞ
ﺳﻨﺪﺱ : ﻻ ﻋﻴﻨﻲ ﻋﺎﺟﺒﻨﻲ ﻋﻠﻰ ﻛﻴﻔﻚ ﺷﮕﻠﺖ ﻳﻠﻪ ﻧﺮﺟﻊ ﻫﺴﻪ ﺍﻣﻲ ﺗﺤﺠﻲ ﻋﻠﻴﻪ ﻋﺒﺎﻟﻬﺎ ﻧﺴﻮﻱ ﺷﻰ
ﺣﺠﻲ ﻃﻪ : ﺍﻣﺸﻲ ﻳﺎﺑﻪ ﺍﻣﺸﻲ
ﺭﺟﻌﺘﻬﺎ ﻭﺍﺧﺬﺕ ﺍﻫﻠﻬﺎ ﻭﺭﺟﻌﻨﺎ ﻟﻠﺒﻴﺖ ﺑﻴﻮﻣﻬﺎ ﺩﺧﺖ ﻣﻦ ﺳﻮﺍﻟﻔﻬﺎ ﻭﺗﺼﺮﻓﺎﺗﻬﺎ ﻣﺤﺴﻴﺘﻬﺎ ﺍﻟﻤﺮﻩ ﺍﻟﺘﻤﻨﺎﻫﺎ ﺑﺲ ﻳﻠﻪ ﻛﻮﻟﺸﻲ ﻗﺴﻤﻪ ﻭﺍﺭﺟﻊ ﻭﺍﻛﻮﻝ ﺻﻐﻴﺮﻩ ﻭﺍﻧﻪ ﺍﻋﻠﻤﻬﺎ ﺟﺎﻥ ﻋﻤﺮﻫﺎ ١٦ ﺳﻨﻪ ﻭﺍﻧﻲ ﻋﻤﺮﻱ ٢٤ ﺳﻨﻪ
ﺛﺎﻧﻲ ﻳﻮﻡ ﻃﻠﻌﺖ ﻟﻠﺒﻴﺖ ﺷﻐﻞ ﻭﺗﺮﺗﻴﺐ ﺍﻧﻬﺪ ﺣﻴﻠﻲ ﺭﺩﺕ ﺑﺲ ﺍﺣﺪ ﻳﻌﻴﻨﻲ ﻭﺟﺎﻥ ﺗﻨﺪﻙ ﺍﻟﺒﺎﺏ
ﻫﺎ ﺣﺠﻲ ﺷﻮ ﻭﺣﺪﻙ
ﻫﻼ ﺳﺎﻣﻲ ﺗﻌﺎﻝ ﺍﺩﺧﻞ
ﺳﺎﻣﻲ : ﺍﺟﻴﺖ ﺍﻧﻲ ﻭﻣﺮﺗﻀﻰ ﻭﺍﻟﺸﻠﻪ ﻧﺴﺎﻋﺪﻙ
ﻭﺟﺎﻥ ﻳﻄﺒﻮﻥ ٤ ﺍﺻﺪﻗﺎﺋﻲ ﻭﺍﺧﻮﻳﻪ ﺟﻌﻔﺮ ﺍﻻﺻﻐﺮ ﻣﻨﻲ ﻭﻳﺎﻫﻢ ﻭﺑﻠﻜﺮﺍﺝ ﺍﺩﺑﺞ ﻭﻫﻼﻫﻞ ﻭﻟﺰﻣﻮ ﺳﻄﻞ ﻣﺸﻤﻮﺭ ﺑﻠﻜﺮﺍﺝ ﻭﻳﺪﻛﻮﻥ ﻭﻳﻬﺰﻭﻥ ﺧﺮﺑﺖ ﺿﺤﻚ ﻋﻠﻴﻬﻢ ﻭﺍﺣﺪﻫﻢ ﻳﺎﺧﺬﻟﻪ ﻫﺰﻩ ﻭﻳﺴﺎﻋﺪ
ﺍﻟﻠﻪ ﺟﺎﺑﻜﻢ ﺍﻧﻜﺴﺮ ﻇﻬﺮﻱ ﻭﺑﻌﺪﻧﻲ ﻧﺺ ﺍﻟﺒﻴﺖ ﻣﻤﻨﻈﻔﻪ
ﺟﻌﻔﺮ : ﺻﺤﺘﻬﻢ ﻭﺍﺟﻴﺖ ﺍﺩﺭﻱ ﺑﻴﻚ ﻣﺪﺑﺮﻫﺎ ﻭﺣﺪﻙ
ﺣﻀﻨﺘﻪ ﻫﺬﺍ ﺍﻟﻮﺣﻴﺪ ﻣﻦ ﺍﺧﻮﺗﻲ ﺣﻨﻴﻦ ﻋﻠﻴﻪ ﻫﻮ ﻭﻧﻬﺮ ﺍﺧﺘﻲ
ﺗﺮﺗﻴﺐ ﺍﻫﻠﻲ ﺍﺧﻮﻳﻪ ﻋﻠﻲ ﺍﻟﺠﺒﻴﺮ ﻭﺍﻧﻲ ﺍﻟﺜﺎﻧﻲ ﻭﺟﻌﻔﺮ ﺍﻟﺜﺎﻟﺚ ﻭﺍﻟﺮﺍﺑﻌﻪ ﻧﻬﺮ ﺍﺧﺘﻲ ﻭﺍﻟﺨﺎﻣﺲ ﺳﻼﻡ ﻭﺍﺻﻐﺮ ﺧﻮﺍﺗﻲ ﺍﺷﺮﺍﻕ ﻧﺴﺨﻪ ﻣﻦ ﺍﻧﻌﺎﻡ ﺑﻜﻮﻟﺸﻲ ﺑﺲ ﻧﻬﺮ ﻣﺎﺧﺬﻩ ﻃﻴﺒﻪ ﺍﺑﻮﻳﻪ ﻭﺣﻨﻴﺘﻪ ﻫﻲ ﻭﺟﻌﻔﺮ ﺍﻟﺒﺎﻗﻴﻦ ﺑﻮﺟﻬﻲ ﻣﻴﺒﺎﻭﻋﻮﻥ ﻭﺩﻭﻡ ﺍﺫﺍ ﺻﺎﺭ ﺷﻰ ﺍﻭ ﺍﻧﻄﺎﻧﻲ ﺷﻰ ﺍﺑﻮﻳﻪ ﻋﺎﻃﻮ ﺷﻤﻌﻨﻪ ﻫﻮ ﺑﺲ ﺍﻧﻲ ﺍﺣﺒﻬﻢ ﻭﺍﻓﺪﻳﻬﻢ ﺑﺮﻭﺣﻲ
ﺟﻌﻔﺮ : ﻳﻤﻌﻮﺩ ﺍﺑﻮ ﺍﻟﺤﺐ ﺑﺸﻨﻮ ﺻﺎﻓﻦ
ﺣﺠﻲ ﻃﻪ : ﻳﺎﺣﺐ ﻫﻮ ﺍﻧﻪ ﻭﺟﻪ ﺣﺐ
ﺟﻌﻔﺮ : ﻟﻌﺪ ﺍﺫﺍ ﻣﻌﺎﺟﺒﺘﻚ ﺧﻄﻴﺒﺘﻚ ﻟﻴﺶ ﻗﺒﻠﺖ
ﺣﺠﻲ ﻃﻪ : ﺍﺳﻤﻬﺎ ﻣﺮﻩ ﻭﻫﻢ ﺍﺑﻮﻙ ﺧﻄﻴﻪ ﺭﺍﺩ ﻳﻔﺮﺡ ﺑﻴﻪ ﻫﻮ ﻣﺮﻳﺾ ﻭﻣﺮﺩﺕ ﺍﻛﺴﺮ ﮔﻠﻤﺘﻪ
ﺟﻌﻔﺮ : ﺑﺲ ﺗﺪﺭﻱ ﺟﻨﻬﻪ ﺍﺳﻴﺮ ﺍﻳﺮﺍﻧﻲ ﺷﺎﺑﻊ ﻛﺘﻞ ﻭﺻﺎﻟﺨﻲ ﺑﻠﺸﻤﺲ
ﺣﺠﻲ ﻃﻪ : ﻫﻬﻬﻬﻬﻪ ﻭﻟﻚ ﻟﺘﻨﺴﻰ ﻫﺎﻱ ﻣﺮﺕ ﺍﺧﻮﻙ
ﺟﻌﻔﺮ : ﻳﻤﻌﻮﺩ ﻗﺼﺪﻙ ﺍﺧﻮﻙ ﺍﻟﺮﺍﺑﻊ ﻟﻮ ﺗﺒﻘﻰ ﺍﺧﺮ ﺑﻨﻴﻪ ﻫﻢ ﺍﺑﺎﻭﻉ ﺑﻮﺟﻬﻪ ﻭﻟﻚ ﺯﺭﻛﻪ ﺭﮔﺒﺘﻲ ﺍﺑﻴﺾ ﻣﻨﻬﺎ
ﺣﺠﻲ ﻃﻪ : ﻟﺘﺨﻠﻴﻨﻲ ﺍﺯﻋﻞ ﻣﻨﻚ
ﺟﻌﻔﺮ : ﻻ ﻛﻠﻪ ﻭﻻ ﺯﻋﻠﻚ ﺑﻠﻌﺎﻓﻴﻪ ﻋﻠﻴﻚ ﺍﻟﺪﺑﺲ ﻣﺎﻝ ﻛﺮﺑﻼ ﻭﺭﻛﻀﺖ
ﺣﺠﻲ ﻃﻪ : ﻭﻟﻚ ﺍﻧﻲ ﺍﻟﻚ ﻭﺭﻛﻀﺖ ﻭﺭﺍﻩ ﻭﺷﻜﻮ ﺷﻰ ﻛﺪﺍﻣﻲ ﺍﺭﻛﻌﻪ ﺑﻴﻪ ﻭﻳﻀﺤﻚ ﻭﺫﻭﻟﻪ ﻋﻠﻰ ﻓﺪ ﺩﺑﺠﻪ ﻭﻳﻬﺰﻭﻥ ﻣﻜﻴﻔﻴﻦ ﺑﻌﺮﺳﻲ
ﺍﺭﺑﻌﻪ ﺍﻳﺎﻡ ﻛﻤﻞ ﺍﻟﺒﻴﺖ ﺻﺒﻎ ﻭﻛﻬﺮﺑﺎﺋﻴﺎﺕ ﻭﺍﻧﻄﻴﺖ ﻛﻢ ﻓﻠﺲ ﺍﻟﻲ ﻋﻨﺪﻱ ﺟﺎﻣﻌﻬﻦ ﺗﺸﺘﺮﻱ ﻏﺮﺍﺽ ﻣﻦ ﺍﻻﻭﺭﺯﺩﻱ
ﺳﻨﺪﺱ : ﺑﺲ ﺫﻧﻲ ﻣﻴﻜﻔﻦ
ﺣﺠﻲ ﻃﻪ : ﻳﺎﻋﻴﻨﻲ ﻫﻠﺘﻜﺪﺭﻳﻦ ﻋﻠﻴﻪ ﺍﺷﺘﺮﻱ
ﺳﻨﺪﺱ : ﻳﻌﻨﻲ ﻣﻦ ﻛﻞ ﻋﻘﻠﻚ ﺫﻧﻲ ﻫﻮﻝ ﻣﻴﻜﻔﻦ ﺍﺷﺘﺮﻱ ﻏﺮﺍﺿﻪ
ﺣﺠﻲ ﻃﻪ : ﺻﺒﺮﻙ ﻳﺎﺭﺑﻲ ﺍﺷﺘﺮﻱ ﻭﺍﻧﻲ ﺍﻛﻤﻞ ﺍﻟﺒﺎﻗﻲ ﺭﺍﻳﺢ
ﺳﻨﺪﺱ : ﻭﻳﻦ
ﺣﺠﻲ ﻃﻪ : ﻏﻴﺮ ﺍﻛﻤﻞ ﺍﻟﺒﻴﺖ
ﺳﻨﺪﺱ : ﻭﻓﻠﻮﺱ ﺍﻟﺒﺪﻟﻪ
ﺣﺠﻲ ﻃﻪ : ﺑﺎﺟﺮ ﺍﺩﺯﻫﻦ ﺍﻟﺞ
ﻃﻠﻌﺖ ﺍﺗﻤﺸﻰ ﺑﻴﺘﻬﻢ ﺑﻌﺪ ﻓﺮﻋﻴﻦ ﻋﻨﺎ ﺷﻮﻥ ﺑﻴﻬﺎ ﺍﺫﺍ ﺻﺎﺭ ﺍﺳﺒﻮﻉ ﻫﻴﺞ ﺳﻮﺕ ﺑﻴﻪ ﻣﻦ ﺍﺗﺰﻭﺟﻪ ﺷﻮﻥ
ﺷﺎﻓﻨﻲ ﺟﻌﻔﺮ ﻭﺳﺎﻣﻲ ﻛﺎﻋﺪﻳﻦ ﺑﻠﺮﻛﻦ ﻭﻳﻜﺮﺯﻭﻥ ﺣﺐ
ﺟﻌﻔﺮ : ﻫﺎﺍﺍ ﻋﺮﻳﺴﻨﺎ ﺑﻌﺪﻙ ﻣﻤﺘﺰﻭﺝ ﻭﺗﻤﺸﻲ ﺟﻨﻚ ﻣﻀﻴﻊ ﻣﻴﻪ ﻓﻠﺲ ﻟﻮ ﺗﺘﺰﻭﺝ ﺷﻮﻥ ﻳﻤﻜﻦ ﺗﺼﻴﺮ ﺩﻳﺞ ﻫﺮﺍﺗﻲ ﻣﻬﻠﺲ
ﺣﺠﻲ ﻃﻪ : ﻣﺎﻛﻮ ﺷﻰ
ﺳﺎﻣﻲ : ﻣﺤﺘﺎﺝ ﺷﻰ ﻧﺴﻮﻳﻠﻚ
ﺣﺠﻲ ﻃﻪ : ﻻ ﺍﺭﻭﺡ ﻟﻠﺒﻴﺖ
ﺟﻌﻔﺮ : ﺷﻌﻨﺪﻙ ﻗﺒﻞ ﺷﻮﻳﻪ ﺟﻨﺖ ﻫﻨﺎﻙ
ﺣﺠﻲ ﻃﻪ : ﺭﺍﻳﺢ ﻷﺑﻮﻳﻪ ﻭﻛﺖ ﻋﻼﺟﻪ ﻫﺴﻪ
بيج قصص عراقيه حقيقيه من واقعنا.روعه الطائي
ﻋﻔﺘﻬﻢ ﻭﺍﺗﻤﺸﻰ ﻭﺣﺎﻳﺮ ﺑﺰﻣﺎﻧﻲ ﻻﺯﻡ ﺍﺷﻮﻓﻠﻲ ﺷﻐﻠﻪ ﺛﺎﻧﻴﻪ ﻣﻮ ﺑﺲ ﻻﺯﻡ ﻣﻄﻌﻢ ﺍﺑﻮﻳﻪ ﺑﻌﺪ ﺭﺍﺡ ﺍﺻﻴﺮ ﺻﺎﺣﺐ ﻋﺎﺋﻠﻪ
ﺭﺟﻌﺖ ﻟﻠﺒﻴﺖ ﻛﻌﺪﺕ ﻳﻢ ﺭﺍﺳﻪ ﻭﺑﺴﺘﻪ
ﺣﺴﻴﻦ : ﻳﻜﻮﻳﻚ ﺍﻟﻠﻪ ﺑﺸﺮﻧﻲ
ﺣﺠﻲ ﻃﻪ : ﻛﻠﻪ ﺯﻳﻦ ﻳﺎﺑﻪ ﻻﻳﻀﻞ ﺧﺎﻃﺮﻙ
ﺣﺴﻴﻦ : ﺍﺭﻳﺪﻥ ﺍﺷﻮﻑ ﺑﺰﺭﺗﻚ
ﺣﺠﻲ ﻃﻪ : ﺍﺩﻋﻴﻠﻲ ﻳﺎﺑﻪ
ﺣﺴﻴﻦ : ﻟﺴﺎﻧﻲ ﻣﺎﻳﺒﻄﻞ ﻳﺪﻋﻴﻠﻚ ﻫﺎﻙ
ﺣﺠﻲ ﻃﻪ : ﺷﻨﻮ ﻫﺎﻱ
ﺣﺴﻴﻦ : ﺍﺧﺬﻫﻢ ﺍﺩﺭﻱ ﺑﻴﻚ ﻣﺎﺗﻄﻠﺐ ﻣﻦ ﺍﺣﺪ ﻭﻧﻔﺴﻚ ﻋﺰﻳﺰﻩ ﺣﺘﻰ ﻣﻦ ﺍﺑﻮﻙ
ﺣﺠﻲ ﻃﻪ : ﻋﻨﺪﻱ ﻳﺎﺑﻪ ﻣﺴﺘﻮﺭﻩ ﻭﺍﻟﺤﻤﺪﻟﻠﻪ
ﺣﺴﻴﻦ : ﺍﺧﺬ ﻻﺗﺰﻋﻠﻨﻲ
ﺍﻧﻌﺎﻡ : ﻫﺎ ﺷﻨﻮ
ﺣﺴﻴﻦ : ﻭﺍﻧﺘﻲ ﺷﻌﻠﻴﺞ
ﺍﻧﻌﺎﻡ : ﺍﻧﺖ ﻣﻮ ﻋﻨﺪﻙ ﻓﻠﻮﺱ ﻳﻮﻣﻴﺎﺗﻚ ﺍﻟﺠﻨﺖ ﺗﺎﺧﺬﻫﻢ ﻣﻦ ﺍﺑﻮﻙ ﻭﻳﻨﻬﻦ
ﺣﺴﻴﻦ : ﻣﺎﻟﺞ ﺩﺧﻞ ﺍﻧﺘﻲ ﻭﻟﺪﻱ ﻭﺍﻧﻄﻲ ﻣﺎﻋﺴﻰ ﻳﻤﻠﻚ ﻣﺎﻝ ﺍﻟﻠﻪ ﻭﻋﺒﺎﺩﻩ ﺍﻧﻄﻲ ﻣﻦ ﺟﻴﺒﻲ
ﺍﻧﻌﺎﻡ : ﺗﺮﻩ ﻭﺭﺍﻧﺎ ﻣﺼﺎﺭﻳﻒ ﻛﻮﻣﻪ ﺫﺑﺎﻳﺢ ﻭﻋﺸﻰ ﺍﻧﻲ ﻛﺘﻠﻚ ﻧﺴﻮﻳﻬﻪ ﺑﻴﻨﺎ ﺍﻧﺖ ﺩﻛﻴﺖ ﺍﻟﻪ ﻋﻤﺎﻣﻚ ﻳﺤﻀﺮﻭﻥ
ﺣﺴﻴﻦ : ﺍﻭﻝ ﻓﺮﺣﺘﻲ ﻭﻣﺎﺗﺮﻳﺪﻳﻦ ﺍﺫﺑﺢ ﻭﺍﻋﺰﻡ ﺍﻧﻪ ﻟﻮ ﺑﮕﻮﺗﻲ ﺍﮔﻠﺐ ﺍﻟﺤﻲ ﺑﻠﻜﻮﺕ ﮔﻠﻪ ﻭﺍﻋﺰﻣﻬﻢ ﺑﺲ ﻣﺎﻟﻲ ﮔﻮﻩ ﺍﻟﺤﻴﻞ ﺍﻻﻭﻟﻲ ﺭﺍﺡ
ﺣﺠﻲ ﻃﻪ : ﻃﻮﻟﻪ ﺍﻟﻌﻤﺮ ﻭﺍﻟﻘﻮﻩ ﻳﺎﺑﻪ ﻭﺣﺠﻲ ﺍﻣﻲ ﺻﺤﻴﺢ ﻣﺎﻟﻪ ﺩﺍﻋﻲ ﻫﺬﺍ ﺍﻟﺼﺮﻑ ﮔﻠﻪ
ﺣﺴﻴﻦ : ﺍﺳﻜﺖ ﺍﻧﺖ ﻭﺣﻴﺮ ﺑﺤﺮﻣﺘﻚ ﻭﻋﺮﺳﻚ
ﺍﻧﻌﺎﻡ : ﻛﻤﻠﺖ ﺍﻟﺒﻴﺖ ﺍﺷﺘﺮﻳﺖ ﻛﻮﻟﺸﻲ
ﺣﺠﻲ ﻃﻪ : ﺑﻘﺖ ﻛﻢ ﺷﻐﻠﻪ
ﺍﻧﻌﺎﻡ : ﻋﻨﺪﻱ ﺷﻐﻼﺕ ﻣﺴﺘﺨﺪﻣﻪ ﺍﺧﺬﻫﻦ ﻣﺎ ﺍﺭﻳﺪﻫﻦ
ﺣﺴﻴﻦ : ﺧﻠﻴﻬﻦ ﺍﻟﺞ ﻫﺎﻙ ﺑﻮﻳﻪ ﺭﻭﺡ ﺍﺷﺘﺮﻱ ﻭﺍﻓﺮﺡ ﻭﻻﺗﻬﺘﻢ ﻟﻠﻔﻠﻮﺱ
ﺑﺴﺘﻪ ﻣﻦ ﺭﺍﺳﻪ ﻭﺍﺧﺬﺗﻬﻢ ﻻﻥ ﺟﻨﺖ ﺻﺪﻙ ﻣﺤﺘﺎﺟﻬﻢ
ﻭﺑﻌﺪﻫﺎ ﺑﺄﻳﺎﻡ ﺻﺎﺭ ﺍﻟﻌﺮﺱ ﺣﺎﻭﻟﺖ ﻣﻨﻄﻮﻝ ﺑﻴﻪ ﻫﻮﺍﻳﻪ ﻋﻴﺐ ﻣﻦ ﺍﻟﺠﻴﺮﺍﻥ ﺍﻟﻨﺎﺱ ﻛﻠﻬﺎ ﻣﻜﺪﺭﻩ
ﻭﺍﺧﺬﺕ ﺳﻨﺪﺱ ﻟﺒﻴﺘﻨﺎ ﺍﻭﻝ ﻣﻄﺒﺖ ﺑﺴﺘﻬﺎ ﻣﻦ ﺭﺍﺳﻬﺎ ﻣﻬﺘﻤﺖ ﻭﺑﻘﺖ ﺗﺒﺎﻭﻉ ﻋﻠﻰ ﺍﻟﺒﻴﺖ
ﺳﻨﺪﺱ : ﻳﻌﻨﻲ ﺻﺪﻙ ﻃﻪ ﻋﻮﺩ ﺍﻧﻲ ﻭﺻﻴﺘﻚ
ﺣﺠﻲ ﻃﻪ : ﺷﺒﻴﺞ ﻭﺍﻟﻠﻪ ﻓﺰﻳﺖ
ﺳﻨﺪﺱ : ﺍﻧﻲ ﻛﻠﺖ ﺭﺍﺡ ﺍﺟﻲ ﺍﻟﻜﻪ ﺍﻟﻤﺸﺘﻤﻞ ﻳﺨﺒﻞ ﻭﺍﺭﻗﻰ ﺍﺛﺎﺙ ﺑﻴﻪ ﺷﻨﻮ ﻫﺬﺍ ﺍﻟﻤﺸﺘﺮﻱ
ﺣﺠﻲ ﻃﻪ : ﻳﺎﻋﻴﻨﻲ ﻏﻴﺮ ﻋﻠﻰ ﻛﺪ ﻓﻠﻴﺴﺎﺗﻲ
ﺳﻨﺪﺱ : ﻭﺍﺑﻮﻙ ﻣﺴﺎﻋﺪﻙ
ﺣﺠﻲ ﻃﻪ : ﺍﻧﻄﺎﻧﻲ ﺑﺲ ﺧﻮﻣﺎ ﻛﻠﻬﻦ ﺍﺫﺑﻬﻦ ﺍﺛﺎﺙ ﻟﺘﻨﺴﻴﻦ ﺍﻳﺎﻡ ﺭﺍﺡ ﺍﺿﻞ ﺑﻼ ﺷﻐﻞ ﻣﻨﻴﻦ ﻧﺎﻛﻞ ﻣﻨﻴﻦ ﻧﺸﺮﺏ ﺍﻗﻠﻬﺎ ﻋﺪﻧﺎ ﻣﺼﺮﻑ
ﺳﻨﺪﺱ : ﻭﺍﻫﻠﻚ ﻭﻳﻦ ﺍﻣﻚ ﺍﻟﺨﺎﺗﻮﻧﻪ ﺑﺲ ﺗﻌﺮﻑ ﺗﺤﺎﺳﺐ ﻋﻠﻰ ﺍﻻﻛﻞ ﻭﺍﻟﺸﺮﺑﺖ
ﺣﺠﻲ ﻃﻪ : ﻣﻮ ﻭﻛﺖ ﻫﺬﺍ ﺍﻟﺤﺠﻲ ﻳﺎﻋﻴﻨﻲ ﺗﻌﺎﻟﻲ ﺧﻠﻲ ﺍﺭﺍﻭﻳﺞ ﺑﺎﻗﻲ ﺍﻟﺒﻴﺖ ﻭﺷﻮﻓﻲ ﻏﺮﻓﺘﺞ
ﺳﻨﺪﺱ : ﻃﺒﻴﺖ ﻟﻠﻐﺮﻓﻪ ﺯﻳﻦ ﺑﺲ ﺍﻻﺧﺸﺎﺏ ﺷﺎﻳﻠﻪ ﻧﻔﺴﻬﺎ
ﺣﺠﻲ ﻃﻪ : ﻭﻋﻴﻮﻧﺞ ﺑﺲ ﺍﻟﻠﻪ ﻳﺮﺯﻗﻨﻲ ﻣﺎﺍﻗﺼﺮ ﻭﻳﺎﺝ
ﺗﻌﺎﻟﻲ ﺑﻴﻮﻣﻬﺎ ﺍﺧﺬﺗﻬﺎ ﻭﺻﺎﺭﺕ ﺯﻭﺟﺘﻲ ﺟﺎﻧﺖ ﺍﺟﺮﺃ ﻣﻨﻲ ﺍﻧﻲ ﺑﻌﻤﺮﻱ ﻣﺘﻘﺮﺑﺖ ﻟﻠﻤﺤﺮﻣﺎﺕ ﻟﻌﺬﺍ ﻣﺎﻋﻨﺪﻱ ﺗﺠﺎﺭﺏ ﺑﺲ ﺣﺎﻭﻟﺖ ﻣﺎﺍﻓﺸﻞ ﻧﻔﺴﻲ ﻭﻛﺪﺭﺕ ﻭﺻﺎﺭﺕ ﺯﻭﺟﺘﻲ ﻳﻮﻣﻴﻦ ﻋﺎﻳﺸﻴﻦ ﺑﻬﺪﻭﺀ ﻣﺤﺪ ﺩﻙ ﺑﺎﺑﻨﺎ ﺑﺲ ﺍﻣﻬﺎ ﺑﻤﺼﺒﺎﺡ ﺍﻟﻌﺮﺱ ﺟﺎﺑﺖ ﺍﻟﺮﻳﻮﻙ ﻭﺍﺑﻮﻳﻪ ﺩﺯ ﺑﻴﺪ ﺟﻌﻔﺮ ﻫﺪﻳﻪ ﻣﻐﻠﻔﻪ ﻓﺘﺤﺘﻬﺎ ﻭﺍﺷﻮﻓﻬﻪ ﺍﻟﺴﺒﺤﻪ ﻣﺎﻟﺘﻪ ﺩﻣﻌﺖ ﻋﻴﻨﻲ ﺍﻋﺮﻓﻬﺎ ﻏﺎﻟﻴﻪ ﻋﻨﺪﻩ
ﺟﻌﻔﺮ : ﻭﻳﻦ ﻳﻤﻌﻮﺩﻋﺎﻳﻒ ﻣﺮﺗﻚ
ﺣﺠﻲ ﻃﻪ : ﺑﺲ ﺍﺑﻮﻙ ﺍﻳﺪ ﺍﺑﻮﻳﻪ ﻭﺍﺗﺸﻜﺮ ﻣﻨﻪ
ﺟﻌﻔﺮ : ﺗﻠﺤﻚ ﻳﻤﻌﻮﺩ ﺭﻭﺡ ﻟﻤﺮﺗﻚ ﺍﻧﺖ ﻋﺮﻳﺲ ﻣﻴﺼﻴﺮ ﺗﻄﻠﻊ
ﺣﺠﻲ ﻃﻪ : ﻳﺎﻋﺮﻳﺲ ﻭﻟﻚ ﻫﺬﺍ ﺍﺑﻮﻳﻪ ﺍﻓﺪﻱ ﺑﺮﻭﺣﻲ ﻣﻮ ﺑﺲ ﺍﻋﻮﻑ ﻣﺮﺗﻲ ﻭﺍﺭﻭﺡ ﺍﺳﻠﻢ ﻋﻠﻴﻪ ﺭﻛﻀﺖ ﻟﺒﻴﺖ ﺍﺑﻮﻳﻪ ﺑﺼﻔﻨﺎ ﺣﺎﻳﻂ ﻋﻠﻰ ﺣﺎﻳﻂ
ﺣﺴﻴﻦ : ﻫﺎ ﺑﻮﻳﻪ ﻃﻪ ﻣﺒﺎﺭﻙ ﻋﻠﻴﻚ
ﺣﺠﻲ ﻃﻪ : ﺗﺴﻠﻢ ﻳﺎﺑﻪ ﺍﻟﻠﻪ ﻳﻄﻮﻟﻨﺎ ﺑﻌﻤﺮﻙ
ﺣﺴﻴﻦ : ﻳﺎﺑﻪ ﻭﻟﻮ ﻣﻮ ﻭﻛﺘﻪ ﺑﺲ ﺍﻧﻪ ﺍﺣﻤﻠﻨﻚ ﺍﻣﺎﻧﻪ
ﺣﺠﻲ ﻃﻪ : ﻛﻮﻝ ﻳﺎﺑﻪ ﺗﺄﻣﺮﻧﻲ
ﺣﺴﻴﻦ : ﻋﻴﻨﻚ ﻋﻠﻰ ﺍﻣﻚ ﻭﺍﺧﻮﺗﻚ ﺫﻭﻟﻪ ﻣﺎﻳﻌﺮﻓﻮﻥ ﻳﺘﺼﺮﻓﻮﻥ
ﺣﺠﻲ ﻃﻪ : ﻛﻮﻝ ﻳﺎﺍﻟﻠﻪ ﺣﺠﻲ ﻋﻤﺮﻙ ﻃﻮﻳﻞ
ﺣﺴﻴﻦ : ﺍﻧﻪ ﺑﻴﻮﻡ ﻇﻠﻤﺖ ﺍﻣﻚ ﻭﻗﺼﺮﺕ ﺑﺤﮕﻬﺎ ﻭﺧﻔﺖ ﻻ ﺗﻄﻠﻊ ﺑﮕﺒﺮﺗﻲ ﻋﺒﻦ ﺍﻣﻚ ﺗﮕﻠﻲ ﮔﺒﻞ ﻣﺎ ﺗﻤﻮﺕ ﺍﻟﻒ ﺭﺣﻤﻪ ﻋﻠﻰ ﺭﻭﺣﻬﺎ ﻋﻴﻨﻚ ﻋﻠﻰ ﻭﻟﺪﻱ ﻛﻞ ﻣﺎﺗﺤﻄﻪ ﺟﻮﻩ ﺟﻨﺎﺣﻚ ﻛﻮﻝ ﺭﺍﺯﻗﻴﻪ ﺭﺍﺿﻴﻪ ﻋﻨﻲ
ﻭﺍﻣﻚ ﺭﺍﺿﻴﻪ ﻋﻨﻲ ﻋﺒﻦ ﺷﻠﺘﻨﻲ ﺑﻜﺒﺮﺗﻲ ﻭﺻﺮﺕ ﻋﮕﺎﺯﺗﻲ ﻭﻣﺎﻳﻮﻡ ﻛﺼﺮﺕ ﺑﺤﮕﻲ ﺍﻧﻪ ﺍﺭﻳﺪﻧﻚ ﺣﻮﻙ ﻭﺗﺤﺎﺑﻲ ﻋﻠﻰ ﺍﺧﻮﺗﻚ ﻭﺍﻣﻚ ﻻﺗﻨﺴﻰ ﻫﻲ ﺍﻟﺮﺑﺘﻚ
ﺗﺤﻤﻠﻬﺎ ﺍﻋﺮﻑ ﺗﻈﻠﻤﻚ ﺑﺲ ﺗﺤﻤﻠﻬﺎ
ﺣﺠﻲ ﻃﻪ : ﺻﺎﺭ ﻳﺎﺑﻪ ﺗﺄﻣﺮ
ﺑﺴﺘﻪ ﻭﺷﻜﺮﺕ ﻣﻨﻪ ﻋﻠﻰ ﺍﻟﻬﺪﻳﻪ
بيج قصص عراقيه حقيقيه من واقعنا.روعه الطائي
ﺭﺟﻌﺖ ﺍﺗﻤﺸﻰ ﻟﻠﺒﻴﺖ ﻟﻜﻴﺖ ﺍﻻﻧﻀﺒﺎﻃﻴﻪ ﺑﻠﺒﺎﺏ ﺗﻔﻀﻠﻮ
ﺍﻧﺖ ﻃﻪ ﻳﺎﺳﻴﻦ ﺣﺴﻴﻦ
ﺍﻱ ﻧﻌﻢ
ﻣﻄﻠﻮﺏ ﻟﻠﺨﺪﻣﻪ
ﺣﺠﻲ ﻃﻪ : ﺑﺲ ﺍﻧﻪ ﻋﺮﻳﺲ
ﻫﻮ ﺑﻴﺪﻧﺎ ﻛﻠﻬﺎ ﺑﻠﻐﻨﺎﻫﺎ ﻭﺍﺫﺍ ﻣﺎ ﺟﻴﺖ ﺑﻠﻤﻮﻋﺪ ﺗﻌﺘﺒﺮ ﺍﻓﺮﺍﺭ ﻭﺍﻧﺖ ﺑﻜﻴﻔﻚ ﺑﻌﺪ
ﺍﺟﺎﻧﻲ ﻳﺮﻛﺾ ﺟﻌﻔﺮ ﻫﺎﺍﺍ ﻃﻪ ﺷﻜﻮ
ﺣﺠﻲ ﻃﻪ : ﻃﺎﻟﺒﻴﻨﻲ ﻟﻠﺨﺪﻣﻪ
ﺟﻌﻔﺮ : ﻣﻮ ﻛﺘﻠﻚ ﺍﺩﺧﻞ ﻣﻌﻬﺪ ﻛﻠﻴﻪ ﺍﻱ ﺷﻰ ﺍﻟﻤﻬﻢ ﻣﺘﺪﺧﻞ ﺟﻴﺶ ﻫﺎﻙ ﺷﻔﺖ ﺍﻧﻲ ﻭﻋﻠﻲ ﻧﻜﻤﺰ ﻫﻨﺎ ﻭﻫﻨﺎ ﺣﺘﻰ ﻣﻨﺮﻭﺡ ﻟﻠﺤﺮﺏ
ﺣﺠﻲ ﻃﻪ : ﻫﻲ ﺑﺮﮔﺒﺘﻲ ﺑﺮﮔﺒﺘﻲ ﺑﺲ ﺍﻟﻜﺎﺳﺮ ﻇﻬﺮﻱ ﺍﺑﻮﻳﻪ ﺍﻟﺘﻌﺒﺎﻥ ﻭﺿﻌﻪ ﺍﻟﻴﻮﻡ ﻗﻠﻘﻨﻲ
ﺟﻌﻔﺮ : ﺍﻧﻲ ﻛﻠﺖ ﻫﺴﻪ ﺗﻜﻮﻝ ﻻﻥ ﻋﺮﻳﺲ ﺑﺲ ﻭﺍﻟﻠﻪ ﻓﺮﺻﻪ ﺍﺟﺘﻲ ﺍﺷﺮﺩ ﻣﻨﻬﺎ ﻫﻬﻬﻬﻬﻬﻪ
ﺣﺠﻲ ﻃﻪ : ﻭﻟﻚ ﻫﻮ ﺷﻔﺖ ﺣﺘﻰ ﺍﺷﺮﺩ ﺍﺳﻜﺖ ﺍﺣﺴﻦ ﻫﺎﻱ ﻫﻢ ﻣﺴﻜﻴﻨﻪ ﻋﺮﻭﺱ ﻭﺭﺍﺡ ﺍﻋﻮﻓﻬﺎ ﻭﺣﻴﺪﻫﺎ ﻭﺑﻌﺪﻫﺎ ﺍﻟﺴﺒﻌﻪ ﻣﺼﺎﻳﺮﻩ
ﺟﻌﻔﺮ : ﺧﻠﻲ ﻧﻜﻮﻝ ﻷﺑﻮﻳﻪ ﺑﻠﻜﺖ ﻳﺴﻮﻱ ﺷﻰ
ﺣﺠﻲ ﻃﻪ : ﭼﺎ ﻫﻮ ﻣﻦ ﻳﺠﻲ ﺍﻟﺒﻼﻍ ﺍﻛﻮ ﺳﺒﻊ ﻳﻜﻮﻝ ﻻ ﻣﺎﻳﻔﻴﺪ ﻣﺎﺍﺭﻳﺪﻥ ﺍﺑﻮﻱ ﻳﺘﻜﺪﺭ ﺍﻧﻪ ﺍﺳﻮﻟﻔﻠﻪ ﻭﺍﻗﻨﻌﻪ
ﺳﻨﺪﺱ : ﺻﺨﺎﻡ ﺑﻮﺟﻬﺞ ﺳﻨﺪﺱ ﺭﺍﺡ ﺗﺮﻭﺡ ﻭﺗﻌﻮﻓﻨﻲ ﻭﺍﻧﻲ ﻋﺮﻭﺱ
ﺣﺠﻲ ﻃﻪ : ﻫﻮ ﺑﻴﺪﻱ ﻳﺎﻋﻴﻨﻲ ﺣﻈﻲ ﻫﻴﺞ
ﺳﻨﺪﺱ : ﻻ ﻛﻮﻝ ﺣﻈﻲ ﺷﻔﺖ ﻫﺴﻪ ﺍﻧﻲ ﻭﻓﻮﻛﺎﻫﺎ ﻋﺎﻳﻔﻨﻲ ﻭﺭﺍﻳﺢ ﻭﺍﻟﻠﻪ ﺍﻋﻠﻢ ﺗﺮﺟﻊ ﻟﻮ ﻻ
ﺣﺠﻲ ﻃﻪ : ﺷﻜﻮ ﺗﻠﻄﻤﻴﻦ ﻭﺗﻔﺎﻭﻟﻴﻦ ﺑﻠﻤﻮﺯﻳﻦ ﺷﻨﻮ ﺟﺎﺑﻮﻧﻲ ﺷﻬﻴﺪ ﻭﻫﻴﺞ ﺍﺩﻛﻴﻦ
ﺳﻨﺪﺱ : ﻫﻲ ﺑﺲ ﻫﺎﻱ ﺍﻟﺒﻘﺖ ﺣﺘﻰ ﺗﻜﻤﻞ
ﺣﺠﻲ ﻃﻪ : ﺍﺭﻭﺡ ﺍﺑﻠﻎ ﺍﺑﻮﻳﻪ ﻭﺍﻫﻠﻲ ﻭﺣﻈﺮﻳﻠﻲ ﺟﻨﻄﺘﻲ ﺑﺎﺟﺮ ﻣﻦ ﺍﻟﺼﺒﺢ ﻻﺯﻡ ﻃﺎﻟﻊ
ﺳﻨﺪﺱ : ﺗﻜﻮﻝ ﺭﺍﻳﺢ ﻟﻠﺤﺒﺎﻧﻴﻪ ﺍﻧﺖ ﺭﺍﻳﺢ ﻟﻠﺤﺮﺏ ﻭﻻ ﺩﺍﻳﺮ ﺑﺎﻝ
ﺣﺠﻲ ﻃﻪ : ﺷﺴﻮﻱ ﺷﻨﻮ ﺍﻟﺒﻴﺪﻱ ﺣﺎﻟﻲ ﺣﺎﻝ ﺍﻟﻮﺍﺩﻡ ﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻭﺍﺩﻋﻴﻠﻲ ﺍﺭﺟﻊ ﺑﻠﺴﻼﻣﻪ ﺍﺣﺴﻦ ﻣﺎ ﺗﻠﻄﻤﻴﻦ ﻭﺗﺒﺠﻴﻦ
ﻋﻔﺘﻬﺎ ﻭﺭﺣﺖ ﻟﻠﺒﻴﺖ ﺍﻟﺠﺒﻴﺮ ﺩﺧﻠﺖ ﻟﻜﻴﺖ ﺍﻣﻲ ﺗﻮﻛﻠﻪ ﻛﻌﺪﺕ ﮔﺒﺎﻟﻪ
ﻫﺎ ﺑﻮﻳﻪ ﺷﻨﻬﻲ ﻋﺎﻳﻒ ﻣﺮﻳﺘﻚ ﻭﺍﻧﺖ ﻋﺮﻳﺲ ﻭﻣﮕﺎﺑﻠﻨﻲ ﻭﻛﺎﻋﺪ
ﺍﻧﻌﺎﻡ : ﺍﻟﻤﻦ ﺯﻭﺟﻨﺎﻙ ﺣﺘﻰ ﺗﮕﺎﺑﻠﻨﻪ ﻭﺗﻜﻌﺪ
ﺣﺠﻲ ﻃﻪ : ﻳﺎﺑﻪ ﺍﻧﻪ ﻃﻠﺒﻮﻧﻲ ﺑﻠﺘﺠﻨﻴﺪ
ﺣﺴﻴﻦ : ﺷﻨﻬﻲ ﻣﺎﺗﺮﻭﺡ
ﺣﺠﻲ ﻃﻪ : ﻻﺯﻡ ﻳﺎﺑﻪ ﺗﻌﺮﻑ ﻋﻘﻮﺑﻪ ﺍﻻﻓﺮﺍﺭ
ﺣﺴﻴﻦ : ﺍﺩﻓﻊ ﻓﻠﻮﺱ ﺍﻧﻄﻲ ﻛﻞ ﺣﻼﻟﻲ ﺑﺲ ﻣﺎﺗﺮﻭﺡ ﺍﻧﺖ
ﺍﻧﻌﺎﻡ : ﺷﻜﻮ ﻋﻠﻴﻪ ﻣﻮ ﺭﺟﺎﻝ
ﺣﺴﻴﻦ : ﺍﻧﺘﻲ ﺳﮕﺘﻲ ﺑﺎﺟﺮ ﻣﻦ ﺍﻟﺼﺒﺢ ﺍﺩﺯ ﻋﻠﻰ ﺟﻴﺮﺍﻧﻪ ﺿﺎﺑﻂ ﺑﻠﻜﺖ ﻳﺴﻮﻱ ﺣﻞ
ﺣﺠﻲ ﻃﻪ : ﻣﺎﻛﻮ ﺣﻞ ﻳﺎﺑﻪ ﺍﺩﻋﻴﻠﻲ ﺍﺭﺟﻊ ﺑﺨﻴﺮ ﺑﺴﺘﻪ ﻭﺍﺷﻮﻑ ﺍﻟﺪﻣﻮﻉ ﺑﻌﻴﻨﻪ ﻭﺍﻣﺴﺤﻬﻢ
ﺍﻧﻌﺎﻡ : ﺷﻨﻮ ﺣﺴﻴﻦ ﻗﺎﺑﻞ ﺭﺍﺡ ﻳﻤﻮﺕ
ﺣﺴﻴﻦ : ﻧﻌﻠﻪ ﺍﻟﻠﻪ ﻋﻠﻰ ﺑﻠﻴﺴﺞ ﻛﻮﻣﻲ ﻣﻨﻲ
ﺣﺠﻲ ﻃﻪ : ﻣﻮ ﻗﺼﺪﻫﺎ ﻳﺎﺑﻪ
ﺍﻧﻌﺎﻡ : ﻻﺗﻌﻴﻂ ﻋﻠﻴﻪ ﻓﻮﻛﺎﻫﺎ ﻭﺍﻧﺖ ﺭﻭﺡ ﻟﺒﻴﺘﻚ ﻟﺘﻌﺐ ﺍﺑﻮﻙ ﻣﻜﺎﻓﻲ ﻫﻮ ﺗﻌﺒﺎﻥ ﻭﺍﻧﺘﻲ ﻣﺪﻧﺪﻝ ﺭﺍﺳﻚ ﻭﺗﺸﻜﻲ ﻳﻤﻪ ﺭﻭﺡ ﻟﻤﺮﺗﻚ ﻭﻋﻮﻑ ﺍﻟﺮﺟﺎﻝ ﺑﺤﺎﻟﻪ
ﺣﺴﻴﻦ : ﺗﺴﻜﺘﻴﻦ ﻻﺍﺣﻂ ﺍﻟﺒﺮﺟﻠﻲ ﻋﻠﻰ ﺭﺍﺳﺞ
ﺍﻧﻌﺎﻡ : ﻫﻲ ﻫﺎﻱ ﺍﻟﺒﻘﺖ ﺍﻧﻀﺮﺏ ﻟﺨﺎﻃﺮ ﺍﺑﻦ ﺭﺍﺯﻗﻴﻪ
ﺣﺠﻲ ﻃﻪ : ﺍﻧﺪﺍﺭﻳﺖ ﻋﻠﻴﻬﺎ ﺟﺎﻧﺖ ﺍﻭﻝ ﻣﺮﻩ ﺗﻨﻄﻘﻬﺎ ﻣﺤﺠﻴﺖ ﺷﻰ ﻭﺩﻧﺠﺖ ﻭﺍﺑﻮﻱ ﺷﻤﺮ ﺍﻟﻌﻜﺎﺯ ﻣﺎﻟﺘﻪ ﻋﻠﻴﻬﺎ ﻣﺄﺟﺘﻲ ﺑﻴﻬﺎ ﺑﺴﺖ ﺭﺍﺳﻪ ﻭﻃﻠﻌﺖ
ﺛﺎﻧﻲ ﻣﻦ ﺍﻟﺼﺒﺢ ﺣﻈﺮﺕ ﺟﻨﻄﺘﻲ ﻣﻜﺪﺭﺕ ﺍﺭﻭﺡ ﺍﻭﺩﻋﻪ ﺧﻔﺖ ﻟﻴﻮﻛﻊ ﺍﻟﺘﺤﻘﺖ ﻭﮔﻠﺒﻲ ﻳﻤﻪ ﻭﻳﻢ ﻣﺮﺗﻲ ﺍﻟﻤﺎﻟﺤﻜﺖ ﺍﺷﻮﻑ ﺷﻰ ﻣﻨﻬﺎ
ﺍﻟﺘﺤﻘﺖ ﻭﺷﻤﺮﻭﻧﻲ ﻋﻠﻰ ﺍﻟﺤﺪﻭﺩ ﺗﻌﺮﻓﺖ ﻋﻠﻰ ﻭﺟﺒﻪ ﻣﻦ ﺍﻟﺸﺒﺎﺏ ﺍﻟﺨﻴﺮﻳﻦ ﺟﺎﻥ ﻭﺍﺣﺪ ﻣﻨﻬﻢ ﺻﺎﺭ ﺷﻬﺮ ﻭﻧﺺ ﻣﻨﺎﺯﻝ ﻭﺍﻧﻄﻮﻩ ﻧﺰﻭﻝ ﺍﻧﻄﻴﺘﻪ ﻋﻨﻮﺍﻥ ﺑﻴﺘﻨﺎ ﺑﺲ ﻳﺮﻭﺡ ﻳﻄﻤﻨﻲ ﺻﺎﺭﻟﻲ ﺍﺳﺒﻮﻉ ﻫﻨﺎ ﻭﮔﻠﺒﻲ ﻧﺎﻏﺰﻧﻲ ﻋﻠﻰ ﺍﺑﻮﻳﻪ
ﻋﺪﺕ ﺍﻻﻳﺎﻡ ﻟﺮﺟﻮﻋﻪ ﻭﺟﺎﺏ ﺭﺳﺎﻟﻪ ﺑﻴﺪﻩ ﻓﺘﺤﺘﻬﺎ ﻣﻦ ﺟﻌﻔﺮ ﻭﺑﻴﻬﺎ ﺧﺒﺮ ﻫﺪ ﺣﻴﻠﻲ ﺍﺑﻮﻳﻪ ﻣﻦ ﻛﺜﺮ ﻣﺘﻌﺐ ﻣﻦ ﻭﺭﻩ ﺭﻭﺣﺘﻲ ﺿﺮﺑﺘﻠﻪ ﺟﻠﻄﻪ
ﻛﻌﺪﺕ ﻋﻠﻰ ﺍﻟﺴﺎﺗﺮ ﺍﺑﺠﻲ ﻣﺜﻞ ﺍﻟﺠﻬﺎﻝ ﻣﻨﻮ ﺍﻟﻚ ﻳﺎﺑﻪ ﻣﻨﻮ ﻳﺪﺍﺭﻳﻚ ﻭﺍﺿﺮﺏ ﻋﻠﻰ ﺭﺍﺳﻲ
ﻛﻮﻝ ﻳﺎﺍﻟﻠﻪ ﺧﻮﻳﻪ ﻭﺍﺩﻋﻴﻠﻪ ﺑﻠﻌﺎﻓﻴﻪ ﻭﺍﻟﺸﻔﺎ
ﺍﺳﺘﺤﻴﺖ ﻣﻦ ﺍﻟﻮﻟﺪ ﺑﺲ ﻣﻴﻌﺮﻓﻮﻥ ﺷﻨﻮ ﻫﻮ ﺑﻠﻨﺴﺒﻪ ﺍﻟﻴﻪ
ﻋﻠﻲ : ﻫﺎ ﻳﻤﻪ ﺻﺤﺘﻴﻨﻲ
ﺍﻧﻌﺎﻡ : ﺳﺪ ﺍﻟﺒﺎﺏ ﻫﺎ ﺑﺸﺮ ﻛﻤﻠﺘﻬﻦ
ﻋﻠﻲ : ﺍﻱ ﻳﻤﻪ ﺑﺲ ﻭﺍﻟﻠﻪ ﺧﺎﻳﻒ
ﺍﻧﻌﺎﻡ : ﺍﻧﺠﺐ ﻭﺍﺳﻜﺖ ﻣﻮ ﺍﻧﻲ ﺍﻻﺧﻠﻲ ﺍﺑﻦ ﺭﺍﺯﻗﻴﻪ ﻳﻮﺭﺙ
ﻋﻠﻲ : ﺑﺲ ﻫﺬﺍ ﺗﺰﻭﻳﺮ
ﺍﻧﻌﺎﻡ : ﻻ ﻣﻮﺗﺰﻭﻳﺮ ﺣﻘﻲ ﻭﺣﻘﻜﻢ ﻣﻜﺎﻓﻲ ﺳﻨﻴﻦ ﻣﺘﺤﻤﻠﻪ ﺍﺑﻦ ﺿﺮﺗﻲ ﻭﻛﻞ ﻳﻮﻡ ﺍﺷﻮﻓﻪ ﻛﺪﺍﻡ ﻋﻴﻨﻲ ﺍﺗﺬﻛﺮ ﺷﻮﻥ ﺍﺑﻮﻙ ﺗﺰﻭﺟﻬﺎ ﻭﻛﻌﺪﺗﻬﺎ ﺑﺼﻔﻲ ﻭﺻﺎﺭﺕ ﺭﺍﺳﻬﺎ ﺑﺮﺍﺳﻲ
ﺟﻴﺐ ﺍﻟﻮﺭﻕ ﻻﺍﻃﻴﺢ ﺣﻈﻚ
ﻋﻠﻲ : ﻫﺎﺝ
ﺍﻧﻌﺎﻡ : ﻛﺎﻣﻼﺕ
ﻋﻠﻲ : ﺍﻱ ﻛﻞ ﺍﻻﻣﻼﻙ ﺑﺄﺳﻤﺞ ﺑﻴﻊ ﻭﺷﺮﻯ ﻣﻨﻪ ﺍﻟﺞ ﺗﻨﺎﺯﻝ ﻋﺎﻡ ﻳﺒﻘﻰ ﺑﺲ ﺧﺘﻢ ﺍﺑﻮﻳﻪ ﻭﺑﺼﻤﺘﻪ ﺷﻮﻥ ﻧﺤﺼﻠﻬﻦ
ﺍﻧﻌﺎﻡ : ﻫﺬﺍ ﺍﻟﺨﺘﻢ ﻛﺴﺮﺕ ﺍﻟﻜﻨﺘﻮﺭ ﻭﻃﻠﻌﺘﻪ
ﺗﻌﺎﻝ ﻋﺎﻭﻧﻲ
ﻋﻠﻲ : ﺷﺮﺍﺡ ﺗﺴﻮﻳﻦ
ﺍﻧﻌﺎﻡ : ﺍﺑﻮﻙ ﻻ ﺍﻳﺪ ﻭﻻ ﺭﺟﻞ ﻭﻫﻮ ﻭﺍﻟﻤﻴﺖ ﺳﻮﻩ ﺍﻟﺰﻣﻪ ﺧﻠﻲ ﺍﺑﺼﻤﻪ ﻫﻤﺰﻳﻦ ﻣﻮ ﺗﻮﻗﻴﻊ ﺑﺲ ﺑﺼﻤﻪ
ﻋﻠﻲ : ﻏﻴﺮ ﻣﻴﻌﺮﻑ ﻳﻘﺮﺍ ﻭﻳﻜﺘﺐ ﻭﻛﻞ ﻣﻌﺎﻣﻼﺗﻪ ﻳﺒﺼﻢ ﺑﺲ ﻭﺍﻟﻠﻪ ﻣﻴﺖ ﺧﻮﻑ
ﺍﻧﻌﺎﻡ : ﻭﺟﻊ ﺑﮕﻠﺒﻚ ﺍﻟﺰﻣﻪ ﻻ ﺍﻃﻴﺢ ﺣﻈﻚ
ﻋﻠﻲ : ﻟﺰﻣﻨﻪ ﺍﻳﺪﻩ ﻭﺣﻄﻴﻨﺎ ﺍﻟﺤﺒﺮ ﺑﺄﺻﺒﻌﻪ ﻓﺘﺢ ﻋﻴﻮﻧﻪ ﺍﻧﻲ ﺟﻔﻠﺖ



ﻳﺘﺒﻊ ...
ﻣﺴﺎﺀ ﺍﻟـ 🥀 ـﻮﺭﺩ ﻭﺍﻟﻬﻨﺎ ﻷﺣﻠﻰ ﻣﺘﺎﺑﻌﻴﻦ ﻣﻮﻋﺪ ﻧﺸﺮ ﺍﻟﻘﺼﻪ ﻳﻮﻣﻴﻦ ﻧﺸﺮ ﻭﻳﻮﻡ ﺍﺳﺘﺮﺍﺣﻪ ﻭﺍﻟﻮﻗﺖ ﺍﻟﺴﺎﻋﻪ ١١ ﻣﺴﺎﺀﺍً ﺍﺧﺎﻑ ﺍﺗﺄﺧﺮ ٥ ﺩﻗﺎﻳﻖ ﺍﻭ ١٠ ﻣﻮ ﺗﺴﺘﻠﻤﻮﻧﻲ 😊 ﻟﻴﺶ ﺗﺄﺧﺮﺗﻲ ﻋﻠﻰ ﻛﻴﻔﻜﻢ ﻭﻳﺎﻳﻪ ﺍﻟﻤﺘﺎﺑﻊ ﻗﺼﺼﻲ ﺍﻟﺴﺎﺑﻘﻪ ﻳﻌﺮﻑ ﺍﻟﺒﺎﺭﺕ ﺷﻜﺪ ﻃﻮﻳﻞ ﻭﺍﻋﻄﻴﻪ ﺣﻘﻪ ﺍﻻﺭﻳﺪﻩ ﻣﻨﻜﻢ ﺗﺴﺘﻤﺘﻌﻮﻥ ﺑﻠﻘﺼﻪ ﺑﺪﻭﻥ ﺗﻮﺗﺮ
ﻗﺮﺍﺀﺓ ﻣﻤﺘﻌﻪ ﻟًﻠًـّــ 💎 ــﺠٌٓﻤٍَُٓﻴِّﻊَْٓ


لامارا غير متواجد حالياً   رد مع اقتباس
قديم 01-10-19, 06:42 PM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

#ابي_والغزلان
للكاتبة Reem
#يارت٢


صفنتلها..
ولگيت بروحي چم فلاح
چم واحد نساني وراح
أنه الزارع عشرتي
بكل دروب الشوگ
چنت انشاف ما انلاح
انه الضويت چم ظلمة
و درب عاثور
وهسه بحسرة اتاني يمرني اي مصباح
العله متوني غفو
عافو بروحي الغيم
ما مرني بشر لا گلي هم و انزاح
يجيني محمل
وياخذ ضحكتي وياه
يبوگ السكته مني يعوف بس صياح
اثاريني محطة
الناس بيه تعيش
و موعد هجرتي لمن يحس مرتاح
علي : يمه هذا ابويه يباوع عليه
انعام : قابل راح ياكلك واذا باوع انطيني اصبعه
علي: حرك ايده وطفرت يمه تحرك
انعام : وجع بگلبك ولك تعال يلخبل خلي نفضها
علي : اخاف من ابويه شوفي شون يباوع
انعام : اوف الله خلفت مطي عقل مابراسه ولك ابوك لا ايد ولا رجل ميسويلك شى تعال
علي : يومه اني طالع والله قطره دم ماضلت بيه
انعام : من امداك وامده بطني الشالتك ولك لو جايبه جلب هم يفيد اكثر منك ولك تعال قبل مااحد من اخوتك يحس اخ منك
علي : يابه اعذرني حكم القوي
انعام : صخونه اي والله يله خلي الحبر زين
لتباوع هيج حسين هذا حك تعبي وحك ولدي مكافي انطيته ذاك البيت كولش كافي على ابن رازقيه
علي : يمه انتي مو تكولين لا ايد ولا رجل شو كعد تسولفين وياه
انعام : بس عيونه المعصبه افهمها عشره ٢٧ سنه شون مااعرفه ادري بيه واعي لگلشي يصير
بصمت كل الاوراق
علي : يمه ابويه تنزل دموعه
انعام : مسحتهن وبسته من راسه هذا الصح حسين كافي العشته طول هاي السنين واني اربي ابن ضرتي كل ما اشوفه اتخيلك شون تحضنها وتبوسها وتشمها كل ما اشوفه بحضنك شون شايله وتشمه وتغمض احسك تشم امه مو هو عشت سنين واني اشوف الحصره والقهر بعيونك من تشوفه وتحضنه حيل احسك تحضنها تتمناها ترجع حتى تعوضها عيشتني حركان الدم واني مامجبوره اعيشه
حتى حبيتة وفضلته على ولدك حصره اذا لزمته وعطت لتضربي تشتري الزين اله وبكولشي تكوله صار حتى من تطلع وتاخذ الولد الوحيد التلزمه من ايده واشوفك شون تخاف عليه من الشارع خليت حتى علي يكرهه لان حسسته هو الجبير مو علي
لا عبالك ممنتبه على تصرفاتك وكلت ميخالف اصبري ياانعام هسه يحس هسه يبطل وانته حاطته جوه جناحك
كافي سنين متنعم بخيرك الباقي لولدي فلس واحد ميشوف ابن رازقيه انطيته بيت ينجب ويكعد بيه غير شى حق تعبي وياك وحق ولدي
بيج قصص عراقيه حقيقيه من واقعنا.روعه الطائي
علي : يمه كافي ابويه جنه تعب
انعام : خليني ولك ٢٤ سنه واني كاتمه الضيم بقلبي من يوم ماعرفت برازقيه مرته
عشت بس ٣ سنوات متنعمه بحبه وتالي الكاه متزوج عليه وفوكاهه تعيش بصفي
علي : ميخالف بس هو هسه مريض والردتي صار خلي نطلع
انعام : انجب انت واطلع عوفني وياه
علي : يمه اخاف تأذي
انعام : من صخونه اي والله شون أذي ولك بس اريد اسولفله البگلبي وحركته انت رجال مثله ماتحس بلوعه المره امشي ولي
علي : طالع هو اني شمحصل غير الرزايل
انعام : تعال اخذ الاوراق يلثول وباجر هذا المحامي الجبته نص ردان خلي يكمل الاجرائات
علي : ليش نص ردان والله خوش محامي
انعام : امشي لك انت شفت شكله شون مهتلف
علي : مالج دخل بلشكل يمه المهم هو عبقري بهاي السوالف وراح يسويها واحنا هنا كاعدين
انعام : اذا راد فلوس بعد اركعه بلنعال العندي انطيته وخلي يكملهن بسرعه
علي : صار خلي اطلع اروحله حتى يلحك باجر يكمل المعامله
انعام : روح ولتتأخر
علي : صار
حجي طه : كاعد على الساتر وصوت المدافع يهزنا هز والطلقات مطر فوكانا وكل شويه وانطونا تعليمات بلتنقل لمكان لحد مستقرينا هنا ليل وكمريه واباوع للسما
واتذكر ابويه وضحكته طلعت السبحه من جيبي ريحتها عنبر ريحته الدوم يحط منها ومابطل بيوم يحط كون اشوفك يابه واشبع من ريحتك گلبي ناغزني عليه شون حاله دخيلك ياابا الحسن شافي وعافي بعده اتيتم واتأذه منو الي بعدني محتاجه حيل
انحطت ايد على جتفي مسحت الدمعات النزلت من عيوني واني ادعي
ها خويه شو وحدك
كمت وكفت نائب ضابط عمر
عمر : اكعد اخذ راحتك ورحمه لأهلك صيحلي عمر من نكون خارج الواجب
بيك شى ليش وضعك مو زين من الصبح منتبه عليك
حجي طه : گلبي طاك على ابويه صار شهر هنا ومااعرف شى عنه
عمر : مضل شى كلها اسبوع وتنزل
حجي طه : الله كريم تعشيت
عمر : الْحٍمَدٍ للـّ? وضميت حصتك
حجي طه : مجوعان نفسي مسدوده
عمر : كولشي بيد ربك ادعيله بلصحه والعافيه الاب عزيز وميحس بلوعته بس الفاقده
حجي طه : الله يرحم ابوك اعتذر خاف ذكرتك
عمر : ليش هو الاب وفركته ينسي يبقى يحفر بروحك وكل متكبر تحتاجه اكثر
حجي طه : خايف على ابويه حيل وضعه موزين من عفته
عمر : انت مو عندك اخوان لتخاف اكيد عينهم عليه
حجي طه : بس مو مثل ما اني موجود
سمعنا صوت انزلو انزلو
نزلنا نركض اني وعمر
ها خير
نائب ضابط رشيد : اجتنا تعليمات نتحرك مجموعه كامله ضاربيها واكو دبابتين لازم نروح نصلحهم عطلانات بمكان طايح حظه
حجي طه : اني مااعرف اصلح
رشيد : اعرف بيك بس اني وعمر لازم نروح نسيت احنا اصلنا بكتيبه الدبابات ولازم نروح نصلح
حجي طه : شسمها الدبابه
رشيد : تي 55
عمر : وهاي شعطلها
رشيد : حظنا امشو يله ماطول ليل والمكان مو بعيد لازم نكمل كولشي قبل ميطلع النهار
عمر : منو راح يجي ويانا
رشيد : احنا ٦ نروح ونرجع بسرعه بس الضابط كال اخذو طه وسام وياكم
عمر : طه اذا خايف ابقى
رشيد : اي مو احنا بستان الوالد على الشط نزكف سمج واذا معاجبه ليجي ياكل هاي شبيك عمر غير تعليمات
حجي طه : لا اجي هي الاعمار بيد الله واكيد منخالف التعليمات
عمر : شبيك جوله (يعني حاروكه ) قابل شگلت
رشيد : يمعود امشي مو وكت سوالف تأكد من العده بلسياره
حجي طه : مشينا والطريق متعرج تصعد وتنزل السياره بينا واحنا والسما الصافيه وحدنا لو نرجع لو لا اذا لمحتنا قوات العدو راح تصفينا بلحظتها
وصلنا للمكان نزلو جنود من الدبابه حدود ١٠ بيهم سلمنا عليهم من شافونا تكول شافو الجنه ممصدكين اباوع اكو قريه حدوديه اشوفها من بعيد
هاي شنو سيدي هناك ومنو كاعد
رشيد : ناس حالهم من حالنا
حجي طه : ميخافون
عمر: اكثر هاي البيوت عافوها اهلها من القصف ادمرو دمار ونزحو للمناطق البعيده من المواجهه يعني كل هاي البيوت فارغه لو تلكه احد بيها لو متلكه
رشيد : انطي الدرنفيس وتعال ساعدني ورانا شغل هوايه وانت طه اخذ وسام و٣ من الولد واكفو احمو ظهرنا اخاف يجي احد
حجي طه :اباوع ناس تركض يمنه وناس يسره بس يردون يكملون صار شى
عمر : انطونا تعليمات بالاستعجال لازم نكمل بسرعه كالو اكو مجموعه استطلاع ايرانيه قريبه من المنطقه لازم نكمل قبل ميصير ضوا اذا لكونا يحركونا حرك
حجي طه : بلعت ريك وخفت وتشاهدت الايام العشتها هنا خلتني انام واكعد اتشاهد لان على لحظه تموت صحت ولك وسام تعال واجوي ولد ويانه
اكولك وسام انت متزوج
وسام : لا والله حجي بس خاطب وعرسي على هاي النزله ادعيلي اتزوج متدري صار ٣ سنين احبها وكوه اهلها انطونياها وانتظر يوم يوم نتزوج
حجي طه : ترجع بلسلامه ونحضر عرسك هم
وسام :مايحلى العرس اله بيكم
اباوع على الجندي بصفي يهز براسه
ها خويه شبيك
اباوع على حظي على اساس نزلتي البارحه والضابط اجلها
حجي طه : لتضوج تهون
شتهون خويه واني اريد اشوف ابني مريتي ولدت وهذا اول ولد صار سنين انتظره
حجي طه : الله يحفظه الك وتشوفه عريس
رجعنا نراقب وكل شويه ادير وجهي
بيج قصص عراقيه حقيقيه من واقعنا.روعه الطائي
اباوع عليهم ماشاء الله السرعه العدهم كارثه بس هنا الدقيقه محسوبه من عمرنا بقينا مركزين الدنيا ظلمه بس شويه الكمريه عاكسه وكفنا نباوع لمحنا من بعيد حركه مو طبيعيه
نزلنا نركض
سيدي الحك قريبين من عدنا
رشيد : بسرعه جمع العده ونادي على تعزيزات
حجي طه : يعني منرجع
عمر : شون نرجع نعتبر متخاذلين والدبابتين تصير الهم
حجي طه : بدوا ينادون على تعزيزات قريب موصلو قطعو اي اتصال حتى ليحسون اكو احد
عمر : شنسوي رشيد التعزيزات تتأخر واذا بقينا هيج تالينا لو نتأسر لو ننگتل
رشيد : واذا رجعنا هسه هم احتمال يصيدونا وهم نعتبر تخاذلنا عن ايداء الواجب توزعو ياولد اذا صارت وحده من اثنين لازم نتواجه الموت ولا الاسر
تشاهدو
حجي طه : تشاهدنا ولزمت سبحه ابويه وبستها جانت لحظات مرعبه اشوف الموت لحظه لحظه يتقرب من عدنا
١٠ دقايق واشتغلت الاشتباكات صعدنا على التله سيطرنا عليها اقلها نرميهم من فوك اذا صعدو التل وسيطرو عليه نصير مكشوفين وكلش سهل كتلنا بقى عمر يصلح بلدبابه كال اقلها تفيدنا
جان عددنا ١٦ واحد والموت بينا وبينه شعره ذولاك فدائين يشمرون بروحهم ولا يهتمون اباوع واحد وره الثاني من جماعتي يتصوب ويموت استلمونا قنص همه مجهزين بناظور ليلي واحنا ممستعدين يشوفونه واحنا كوه نلمح منهم المسافه قريبه كولش صارت والرمانات تتشمر بكل مكان سونا طشار بهاي اللحظه عرفت عمري انته
ركض عمر حتى يساعدنا ملحك حتى يكمل تصليحها محسيت غير رمانه قريبه علينا ركضنا واطشر منو المات اباوع رشيد غركان بدمه واني الدم ينكط من راسي ركضت على رشيد احركه شفت رجله مكطومه والنفس مكطوع شسوي ياربي الخوف سيطر عليه اول مره اشوف الموت بعيني ذوله القبل شويه جنت اكل واشرب واسولف وياهم واحد واحد ينكتل كدامي جان يجرني عمر حيل مصدوم ماافهم بهاي الشغلات
عمر : ولك تحرك
حجي طه : كمت ابجي ماتو
عمر : مو وكتها
سحلني عمر من ياختي ونركض بأتجاه القريه بكل سرعتنا نريد بس نوصل بدون ميشوفونا
اركض واتشاهد صار رمي قوي يمكن لمحونا
سمعت طبه ورايه اندار الكه عمر متصوب
عمر : روح طه اركض
حجي طه : شون اعوفك
عمر : ولك روح راح يلزموك
حجي طه : لو نموت سوه لو نعيش سوه شو تعال وتجيته متصوب برجله وشمرنا نفسنا بيت عتيك
عمر : ولك عوفني وانهزم بيها مجال الفلته
حجي طه : لو ما انت تسحلني من التله جان هسه متصوب اسكت وخليني اشوف مكان نختل بيه
اباوع البيت مهجور وصغير وين نولي دخيلك ياعلي احضرنا اباوع هذا مدد وينزف واني حاير يمكن دقايق ونلكاهم فوك راسنا الوب بلبيت ادور على مكان انضم روحنا بيه
عمر : طه بداعت ابوك عوفني اني ميت ميت اذا مو من وراهم من النزف
حجي طه : سحبت البدله مالتي نزعتها ونزعت الفانيلا الداخلي ورجعت لبست البدله
عمر : شسوي
حجي طه : انطيني صبر
شديت رجله حيل
عمر : اااخ
حجي طه : صوتك ليسمعون بلكت النزف يقل
عفته ورجعت ادور على مكان نضم روحنا فتحت اكو باب من الجهه الثانيه للبيت فسحه جبيره باوعت تنور طين مديت ايدي مليان خشب صغار وكبار وسعف يابس
فرغته بلكاع ورجعت ركض اله
كوم
عمر : وين
حجي طه : لكيت مكان اضمك بيه
عمر : وانت
حجي طه : خلي بس أمن عليك واني ادور لنفسي كوم ساعدني
عكزته على جتافي ويمشي صوت سياراتهم واضحه بس مو قريبه اكيد حارو بلدبابه والولد الي ماتو اخاف بيهم عايش
شلته
عمر : ادخل هنا
حجي طه : واليرحم اهلك تحمل الموت گبالنا
عمر : ليش متختل انت لك لتعاند اني ميت
حجي طه : وداعت ابويه ما اعوفك كتلك اذا الله كاتبلنا الموت نموت سوه يله كول ياالله دخلته حشر روحه بلتنور وذبيت الحطب والسعف واسمعه يكول ااخ
تحمل اخويه تحمل راجعلك عمر وداعت ابويه ما اعوفك
ركضت ادور مكان اختل بيه اركض واتختل بين البيوت سمعت سياراتهم قربت شمرت نفسي مثل الساكيه مال مي بس خايسه كلها طحالب المجاري انطف منها الموت من يجي تسوي المستحيل حتى ميصيرلك شى اتجاهد حتى تعيش
بقيت متمدد على ظهري ولحظه اتنفس ولحظه لا حتى ليحسون اكو احد حتى النفس كمت اخاف اخذه ليشوفوني
الكاتبله عمر رب العالمين يعيش لو جيوش العالم كلها كدامه ما اعرف شكد بقيت على هذا الحال بس وقت مو طويل واسمع صار رمي ياالله ارحم بحالنا
وادعي وابجي اي ابجي الروح عزيزه وهم خايف على عمر ليلكوه تندمت عفته هناك لو شامره يمي بس اني متوقعت الكه هيج مكان واشتغلت الاشتباكات بحدود الساعه ونص اذا مو اكثر واخاف امد راسي ليطلع احد ايراني كدامي
سمعت صوت ناس تركع بلبيبان وكطعت النفس
وسمعت حجينا ولدنا يسولفون اروح فدوه لصوتكم سمعت واحد كال سيدي ماكو احد هنا
طفرت من مكاني واصيح اني هنا اني
اجوي يركضون وموجهين السلاح عليه
انطيتهم اسمي وبيا فرقه اداوم عرفت همه التعزيزات الي طلبناها قبل ساعتين
وروحي مفرفحه لزمت الضابط من ايده واكوله سيدي صديقي هنا
ركضو الجنود ويايه
وصلت للمكان ركضت مثل المخبل وخرت السعف لكيت عمر ولا نفس
اضرب بوجهه تهسترت ولك عمر اكعد اكعد اجونا فتح عيونه وسدها ياابا الحسن ياعلي عايش
اخذوه الجنود وشالوه واني اركض وياهم وگبل على الطبابه المتنقله بين منوصل
باوعت الكل مدد بشر على مد البصر
ليش ياربي شنو ذنبها هاي الناس كلها تموت جم ام هسه انكسرت بولدها وجم مره ترملت وجم طفل تيتم اذا من عدنا او منهم شكد عوائل تشردت لا اله الا الله
رجعت واني ساكت المريت بيه مو قليل الخوف والرجفه خلوني بحاله صدمه
رجعنا للمقر طبيت والدنيا صارت صبح اجوي جماعتي يركضون شافو حالي حتى مكدرت اسولف طلعنا ٦ رجعنا ٢ عدا العشره الماتو اباوع وسام البعده عريس
ومتزوج حبيبته لو هذا المشاف ابنه
امر الفوج دز عليه وانطاني نزول وامر يتسوى ارسال لعمر للمستشفى هو وكم واحد متصوب من غير مناطق
نزعت ملابسي المتعفنه وغسلت ولبست نظيف ونزلت حتى بدون ما اسلم احس المر عليه خلال الكم ساعه الفاتت الجبال ميحملها
رجعت وعيني صافنه على الطريق واتذكر كولشي صار اباوع جان هسه لافيني بعلم وراجع شهيد رحمتك يارب
نزلت بكراج العلاوي وركبت فورتات ونزلت براس الشارع وتمشيت لبيتنا وعيوني على كل حصوه بشارعنا
واشوف واحد يركض ويصيح لك طه باوعت جعفر حضني حيل وحضنته والدمعه بعيني
ابويه
جعفر : تعال شوفه هسه اكيد يفرح لان شافك
دخلت اله قبل حتى ما ادخل لبيتي جنت حيل محتاجه محتاج حضنه يرجعني طفل صغير ويخليني جوه عباته
دخلت لغرفته واشوفه مدد لا ايد ولا رجل منا اني اعصابي تعبانه ومنا شفت ابويه وضعه منتهي شمرت نفسي بحضنه وابجي مثل الجاهل
جعفر : شبيك طه خوفت ابويه شوف حتى كام يبجي
حجي طه : يابه اشتاقيتلك وابوس بيده ورجله يابه كوم محتاجك
جعفر : اذكر الله شجاك مو كتبتلك عن حالته بلرساله تقصدت ادزلك خبر حتى لتنصدم من ترجع تالي هذا حالك
حجي طه : عوفني وياه وحدنا محتاجه حيل
انعام : ها رجعت عبالي يجيبوك ملفوف بعلم
جعفر : ياستار يمه تصدكين تكذبين فوك متبوسي وتتحمدين بلسلامه على رجعته
انعام : شكو قابل حرر فلسطين
جعفر : يمه غير جان بلجبهه
حجي طه : عوفوني ويه ابويه
انعام : خوش والله تطردني من غرفتني
حجي طه : درت وجهي ومجاوبتها جان اسمع صوت ورايه تجي تركض وتبجي حضنتني نهر اختي
نهر : الحمدلله على سلامتك ياروح اختك
حجي طه : بستها من راسها الله يسلمج
انعام : اجت اللوكيه امشي ولي على شغلج
نهر : هسه يمه بس اشوف طه سوده بوجهي ليش هيج حالك ضعفان ومسود بيك شى
انعام : شبيه قابل مو كدامج
حجي طه : مابيه شى حبيبتي
باوعت الظاهر انعام متعوفني وحدي وياه واني حيل مابيه ومنايم صار يومين بست راس ابويه وكتله ارتاح واجيك عيونه تعبانه ومغوركه بلدموع
جعفر : وين
حجي طه : ارتاح وبليل اجي
عفتهم وطلعت بلباب شفت سلام راجع من المطعم سلم من وره خشمه واشواق اصلاً منزلت تسلم مدرت بال اريد اروح اسبح وانام اريد ارتاح
طبيت للبيت فتحته ملكيت احد بيه صحت سندس سندس ماكو
رجعت طلعت وصحت جعفر
اكولك ويه سندس
جعفر : تعاركت ويه امي وراحت لبيت اهلها
حجي طه : على شنو تعاركن
جعفر : نسوان ناقصات عقل وعلكت بينهن
حجي طه : غير افهم شكو غير اني عايف مرتي امانه عدكم بيتها ارجع ما الكها
جعفر : مرتك اجت اداعي بمصرف تكول ماعندي وامي استلمتها روحي لرجلج هو ينطيج
حجي طه : بس اني عايف فلوس الها يكفيها شهرين مو بس شهر وهي وحدها بلبيت
جعفر : والله ياخويه مااعرف تالي ضلت سندس تعيط وانتم اهله وغصب عنكم تصرفون عليه اني جنتكم
وامي طردتها وكالت من يجي رجلج هو يصرف عليج
حجي طه : استغفر الله وتالي
جعفر : رحت كسرت قاصتي واخذت فلوس منها وحطيتهن بيد مرتك وبيدي وديتها لأهلها كلت زحمه تروح وحدها وهم اذا تبقى هنا وحدها راح تعلك بلزايد
حجي طه : شوكت هذا الحجي
جعفر : قبل ١٠ ايام
حجي طه : خلي اطب اسبح وانام ومن اكعد اروح اجيبها
جعفر : تريد اني اروح اجيبها
حجي طه : لا مالي خلك هسه كالت امك وحجت وعادت روحي بخشمي
جعفر : ارتاح وهسه راح اجيبلك اكل
حجي طه : كولشي ما اريد بس انام
جعفر : خوفتني حيل
حجي طه : لتخاف من انام راح اصير زين
طبيت للبيت وسبحت وكل ما اغمض عيني اشوف شكل رشيد لو وسام الغركانين بدمهم وارجع ابجي اريد يبرد گلبي مكعد يبرد
طلعت نشفت شعري وتمددت ومن التعب كولشي محسيت نمت نومه مو طبيعيه مفتحت عيني غير ثاني يوم الفجر سمعت يأذن باوعت حيل هلكد نمت
اوو حتى لا مصلي مال البارحه اعوذ منك يلشيطان كمت توضيت وصليت الواجبه والقضا وكعد اسبح تذكرت ابويه هسه كاعد اعرف بيه يكعد على صلاة الصبح
طلعت لبيت ابويه فتحت الباب دخلت من المطبخ
اباوع مكان الصلاه مالته فارغ اتذكرت هو مريض واكيدهسه صلاته تغيرت ومااكدر ادخل لغرفته وهمه نايمين قبل من جنت اعرف امي انعام ادخل عادي بس من عرفت هي مرت ابويه كمت حتى استحي منها
نزلت نهر وتفرك بعيونها وتبتسم
نهر : عرفت جاي على ابويه محد يطب هيج وكت غيرك والله اشتاقيت لشكلك انت وياه من تصلون سوه
حجي طه : صباح الخير وبستها
نهر : صباح العافيه عليك تعال نتريك سوه
حجي طه : اي والله جوعان بس بالاول اكعد ابويه يصلي
نهر : لا لتكعده
حجي طه : ليش غير يصلي ادري بيه ميكدر يتحرك بس على الاقل يحرك بعيونه واني اساعده
نهر : والله ياطه مااعرف شكول الك
حجي طه : امشي بلمطبخ واحجيلي وجهج ميتفسر
نهر : تعال كعدنا وحضرت القوري حطيته على النار وطلعت البيض والجبن والخبز هم نشرته حتى يموع لان جامد
حجي طه : احجي شصاير
نهر : ابويه الحاجتين جواه
حجي طه : وكفت على حيلي شون شكعد تكولين
نهر : انت شفته مدد بس متدري هو منتهي حتى حاجته ميكدر يگضيها وميسيطر على نفسه لهذا بطل الصلاه
حجي طه : ومنو ينظفله منو يدير باله عليه
نهر : امي
حجي طه : اوف يابه كل هذا صاير بيك واني ما ادري
اني شفته ذبلان وحاله كولش تعبان
نهر : امي متوكله هوايه حتى ليوصخ هوايه
حجي طه : انتي صدك تحجين
نهر : ابوس ايدك لتكول الها تره اطيح حظي
حجي طه : اني اخذه يمه واداري اني نازل اسبوعين واحطه على راسي
نهر : لتسوي مشكله طه انت هم وراك مره وعريس ومنو يكول مرتك تقبل تره سندس وكحه انت مشفت معدنها زين كلها يومين والتحقت
حجي طه : گلي جعفر على المشكله
نهر : مو بس المشكله ياطابه ياطالعه بخت وليش متساعدون اخوكم وليش بيتكم هيج مرمرت گلبنا بس امي متعرف بسوالفها هي بس تحجي كدامي لان تعرف بيه ما اردها واتجنب المشاكل
حجي طه : اني اعرف شون اتصرف وياها وابويه اجيبه يمي ميعجبها تبقى بيت اهلها
نهر : لزمت ايده وكتله عوف ابويه بحاله لا انعام راح تقبل تاخذه ولا مرتك لا تقبل تستقبله اني هنا وكدام عيني روح لبيتك يبعد اختك وعيش هاي الاسبوعين بحضن مرتك ولتسوي مشاكل انت لو راجع وبعد متروح اكول هوس تعارك شسوي سوي
بس هنه اسبوعين ونرجع مثل قبل ويجوز اتعس ابويه صحته على كده ومو حمل المشاكل والطلايب وامي ومرتك حيلهن حيل اسد بس يتعاركن
حجي طه : واعوفه هيج
نهر : ماعليه شى ذيج الفتره كلها هو هنا وبدونك لتخربطله النظاه واني گتلك عيني عليه وعيونك مااقصر وانت يوميه روح وتعال عليه المهم لتسوي مشاكل من يوم وكعت ابويه وامي مراحمه احد اي واحد يعاندها اطيح حظه خلص اجازتك بسلامه بداعتي عندك
حجي طه : وجعتي گلبي وظهري كسرتي
نهر : اسم الله على ظهرك بس هذا حالنا والحمدلله على كل حال
يله خلي نتريك سوه
حجي طه : اطب اشوفه
نهر : شويه وتكعد امي وادخلك تشوفه بس اكل حتى تكدر تتحمل اللغوه الي تصير
حجي طه : ماشي كعدت اكل وافكر بكل كلمه كالتها نهر ونار بصدري عليه هاي تالي عمره يصير بيه هيج شيخلص العسكريه الكشره واكابله واكعد واريد اشوف منو يفتح حلكه ويحاجيني
شويه وطبت انعام
انعام : هاا شرفتنا مبين مرتك مقبلت ترجع وياك
حجي طه : صباح الخير يمه
انعام : هلا
حجي طه : ابويه كعد
انعام : اي روحله
حجي طه : رحت ركضت مثل الجاهل ينتظر ابوه دخلت ومن شافني عيونه دمعت حضنته حيل كافي يابه شبيك بس تشوفني تبجي هياتني يمك مابيه شى
يأشر براسه والنطق شبه كاطعه
حجي طه : ماافهم والله شتريد جوعان يإشر لا عطشان لا صحت يمه تعالي شوفي ابويه شيريد
انعام : هااا شيريد قابل شبيك حسين
حجي طه : دار وجهه منها استغربت اول تالي ابويه يسوي هيج
انعام : هسه اوكلك جيبي الريوك نهر
نهر : اي يمه اجيت
كعدت بصفه تحط اللكمه بحلكه ساد حلكه ميقبل ياكل
انعام : يمعود افتح حلكك تره مالي خلك تضل تتعزز اكل وفضني
حجي طه : على كيفج يمه انطيني اني اوكله
انعام : هاك وكله اوي اروح اتريك فوك ما اداري والله متعافي
اخذت الصينيه منها شوربه دجاج مخبوطه كولش زين وخفيفه قربت الخاشوكه منه فتح حلكه وعيونه بعدهم يلمعن احس الدمع يتسابق حتى ينزل اخذت خاولي صغير قريب من راسه واوكله وامسح حلكه
يباوع عليه وعيونه بيهم الف كلمه وموضوع بس ميكدريحجي
حاولت اسأله بديت اسولف وياه وهو بس يهز براسه وياكل بس قليل كولش
كتله يابه الولد مسويلك شى
حرك راسه لا
انعام وياك حرك عيونه اي
شبيهه مأذيتك جان تصير فوك راسي
ها ولك ابن رازقيه تحرك ابوك عليه
حجي طه : يمه عيب هذا الحجي ليسمعج احد
انعام : قابل كذبت
حجي طه : انتي امي وعشت سنين واصيحلج يمه ومصار كم سنه يله عرفت انتي مو امي يعني ما اكدر الغيج من حياتي واعتبرج مالج وجود
انعام : اذا هيج تحسبلي خاطر ليش تحرك ابوك عليه لو تريد تسوي شى موزين
حجي طه : شسوي ابويه وتعبان واريد افهم شبيه وكعد اسولف وياه
انعام : عوف ابوك وروح رجع الزركه مرتك كالت نهر مرايح بعدك الهه
حجي طه : يمه انتي شبيج متفهميني انه مضوجج بشى تره البيه كافيني ومالي خلك مشاكل وطلايب
انعام : كول لمرتك خلي تنجب وتكعد بيتها لا اسحلها بنص المنطقه مبقت عليه بس بت الخبازه
حجي طه : مو انتي اختاريتيها هو اني الجبتها وسويتيها بس هي وبس
انعام : غير الناس كالت حبابه وفقيره
حجي طه : واني مشفت شى منها موزين
انعام : غير كعدت يومين يمها وماشاء الله كصتها تخبل عليك ذبتك بلجبهه اذا بقت منا لشهر يجوز يجيبوك مكطم
حجي طه : كولشي قسمه والحمدلله على كل حال خلي اروح ارجعها
انداريت على ابويه وبست راسه وايده راجعلك يابه اسبوعين اني يمك
انعام : سد الباب وراك
هااا حسين تشكيني لبن رازقيه هاي تاليها اله احرمك شوفته يله توب وروح ابويه اذا حسسته بشى حتى هنا ما اخلي يدخل ولتنسى البيت بأسمي واطرده طردت الچلب صير عاقل حتى لا اطلع قهرك بأبنك العزيز
حجي طه : باوعت ساعه ٧ الصبح هسه بس اني اروح للناس من السبعه شيكولون عليه خلي ارجع للبيت ارتاح وعلى الساعه ١٠ اروح طبيت اباوع للبيت تراب وصخ هسه انتي طلعتي زعلانه اغطي الغراض حتى ليصير بيها تراب
نفضت التخم واكو ماعون قديم محطوط على الطبله شلته وحطيته بلسنك همزين ماكو مواعين بس البيت وصخ
سحبت جنطتي مال العسكريه وطلعت ملابسي وطلعت الجيس البيه البدله كله خيسه جبت المعجانه وكعدت اغسلها اخاف هاي تلعب روحها من ريحتها وكعدت التهي بيها واغسل وعقلي مو براسي ساعه افكر بلصار بيه هناك وساعه افكر بأبويه شنو قصده انعام مأذيته شمسويه محسيت بروحي غير غاسل ملابسي كلها علكتهن بلحمام حتى يذبن ميهن وسبحت وبدلت باوعت ساعه ٩ ونص خلي اتمشى الهم
وصلت لبيتهم دكيت الباب طلعت امها لابسه دشداشه الخبز وخطيه مبينه هلكانه
شونج عمه
هله يمه الْحٍمَدٍ للـّ? على سلامتك هلا من جاينا ولج سندس خايبه سندس الحكي منو اجه
اجتي تركض شافتني ركضت حضنتني
اني خجلت لان امها واكفه
بستها من راسها شونج
سندس : شوني حال الضيم حالي
ام سندس : يمه على كيفج ويه الوليد توه وصل تعال ادخل يمه الحمدلله من رجعت سالم غانم
حجي طه : لا عمه تعبان اجيت اخذ سندس وارجع للبيت
ام سندس:شون ترضاها ادوس عتبت بيتي وماتدخل راح اسويلك احلى ريوك وخبز حار من يدي
حجي طه : بيت العامر بأهله عمه بس والله تعبان وهم متريك غير وقت اجي اني وياها ونتغدا هم
سندس : ليش شوكت اجيت
حجي طه : من البارحه
سندس : لا بالله واكيد امك كالت لترجعها ومااجيتني اول موصلت
حجي طه : اجيت روحي مشايلها كفيلج الله وبس گضيتها نوم ومن كعدت استحيت اجيج من الصبح كلت يصير ساعخ ١٠ واجيج
ام سندس : كافي ولج وامشي حضري غريضاتج وروحي ويه رجلج
حجي طه : لتباوعين هيج وامشي لبيتج العايفته صار ١٠ ايام
سندس : هو اني عفته لو انطردت منه
حجي طه : محد طردج منه واذا امي طردتج من ذاك البيت
سندس : ليش هو مو البيت واحد
لا مو واحد ذاك بيت ابويه وهذا بيتج هاي كدام امج اخاف ارجع التحق ممنوع عليج توصلين لذاك البيت لو شميصير تلزمين بيتج وتكعدين
سندس : غير بيت عيالي واروح الهم وشحتاج اخذ منهم
حجي طه : اني ممخليج بقصور وعايفلج مصرف يكفي شهرين وانتي وحدج متكوليلي ليش رايحه اداعين بفلوس
سندس : هاي امك الحيه كالتلك مو
حجي طه : عطت بيها انجبي واياج تتجاوزين
جان امها تركعها على حلكها
اش اسگتي من صخم الله وجهج يمه امسحها بيه طفله وما تفتهم
حجي طه : اني افهمها امشي يله
سندس : ماارجع روح
ام سندس : انجبي وامشي ارجعي لرجلج
سندس : متشوفي شون من اول مطب يتأمر عليه
حجي طه : انه لا متأمر ولا طلبت شى كتلج بس ذاك البيت متوصلين اله ومالج دخل لا بأمي ولا بأي احد من ذاك البيت
عليج بيتج وبس
سندس : على اساس معيشني بقصر شعشوع
حجي طه : والله يابنت الناس هاي امكانيتي شبيدي لو عندي اجيبلج احد قصر
ام سندس : الله يرزقك وتجيبلهت أًاٌلاًحلى لاتهم يمه كله رزق من الله
حجي طه : ونعم بالله يله تعبت حيل
سندس : ماشي
ورجعنا للبيت واول مطبينا كتلها
نظفي البيت تره حيل وصخ
سندس : لو ادري تجي جان نظفته بس تعال كولي مشتاقيت اليه
حضنته وبديت ابوس بيه بهدوء
حجي طه : تعبان سندس كملي شغلج وبعدين النه كعده سوه
سندس : انت شبيك ولا جنك عريس عاف مرته ثالث يوم عرسها توقعت تجي مشتاق طاير عليه
حجي طه : حضنتها حبيبتي اعذريني وضعي مخربط يوم يومين واصيرلج احسن من قبل
سندس : براحتك اروح اكمل شغلي احسن ودفعته وخرت من حضنه
حجي طه : بقيت اليوم كله نايم شكد ماانام احس اتعب اكثر لحد ماحسيت بسندس تتقرب مني وتبوس بيه تكعدني
فتحت عيني
سندس : متتعشى مجعت
حجي طه : قربها مني وريحتها واني صار اكثر من شهر ممتقرب منها ثارني وجريتها وتقربت منها حسيت هلمره مو مثل قبل مندمجه ويايه وتحس بيه
سبحنا واكلنا جان بوكتها شهر التاسع ١٩٨٢ واحنا كاعدين ناكل جان تكولي
سندس : طه
حجي طه : هاعيني
سندس : اني حامل
حجي طه : ذبيت اللكمه من ايدي ممصدك الكالته صدك حامل يعني راح اصير اب
سندس : اي ان شاء الله
حضنتها حيل وبستها
سندس : متوقعتك هيج تفرح
حجي طه : شون ماافرح وهاي امنيه ابويه
سندس: كولشي وكلت ابويه والله موتتني
حجي طه : شوفي يابنت الناس اني ذيج المره جنتي عروس وكلت ما اكسر بنفسها وبعدها صغيره
سندس : وهسه شنو كبرت ٢٠ سنه
حجي طه : شوفي حتى طريقه كلامج مال وحده عمرها ٦٠ سنه مو مال وحده صغيره طفله كل كلمه اكولها ترديها بعشره لتنسين اني رجلج وعيب تحجين بهاي الطريقه متحمل وساكت واكول بعدها ممتعلمه عليه
سندس : هسه ليش صرت اعصاب
حجي طه : سامعه احذر الحليم اذا غضب شكد تشوفيني بارد بس اذا صرت عصبي مااشوف كدامي تحترمين وتجرين عدل اشيلج على راسي تعوجين اطيح حظج صيري عاقله كبرتي واتزوجتي وراح تصيرين ام
سندس : زين بعدك تتذكر حامل
حجي طه : يعني متكدرين تسكتين
سندس : وانت متكدر اله تلعب روحي عوفني احجي ميصير هيج اني هم مرتك والي حق عليك
حجي طه : واني بشنو مقصر
سندس : خلي نعيش هناك
حجي طه : هناك منعيش ذاك البيت تنسي
سندس : ليش مو بيت ابوك والك حصه بيه حقك ورثك
حجي طه : ولج ابويه عايش وتردين اورثه تخبلتي
سندس : مو ورث قصدي
حجي طه : اسكتي سندس لو ما حامل جان عرفت شسوي
سندس : شو كمت
حجي طه : لعبتي نفسي ما اريد اكلي وحدج
كامت تبجي اوف والله مالي خلك
سندس : انت ليش متحبني وتحب اهلك اكثر مني ليش حصره اجيب طاريهم تتعصب عليه
رجعت وحضنتها اسكتي كافي موزين انتي حامل
سندس : هو انت خايف على الطفل مو عليه
حجي طه : لا عليكم اثنينكم وكافي لتبجين
سندس : كله من وره امك غاسله راسك مني
حجي طه : تره هي الخطبتج اليه انه لا شايفج ولا اعرفج
سندس : شون وهي اجت كالت هو طلبج بالاسم
حجي طه : صفنت انه
سندس : هي من خطبتني كالت شافج وكال اريد سندس واني كيفت وافقت
حجي طه : سكتت لا اكدر اكذبها لأنعام لان سندس تدري امي ولا اكدر اكول صحيح بقيت ساكت وكتلها امشي شيلي المواعين وتعالي بحضني
وهي كيفت مرات احسها طفله متفتهم ومرات احسها مره كامله بعدني ممتعلم على تصرفاتها
بقيت يوميه اروح لأبويه الصبح وبليل مرتين بليوم ويوم بعد يوم اشوفه ذبلان بشرته بحمل سندس وابتسم ابتسامه خفيفه عرفته فرح كمت كل ما اكعد وياه انعام متعوفنا ابد مگابلتنا وكاعده
وبعدلي ٤ ايام والتحق وبدت نفسيتي تتعب هم ارجع للضيم
وبليل متمدد وسندس بحضني ونسولف هي سوالفها كال ذاك البيت وحجت امك واني اسمع الها بس كولشي ما احجي الظاهر ميفيد وياها واني من كثر ما روحي بخشمي ساكت اريد تخلص اجازتي بدون مشاكل
اندكت الباب حيل ركضت حافي ياستار شصار
واسمع عياط قوي فتحته
واشوف سلام گبالي ويصيح ابويه مات
يتبع ..
مساء الـ🥀ـورد لأحلى المتابعين ارجع واكرر موعد النشر يومين ويوم استراحه والوقت ساعه ١١ مساءاً
القصه تحمل الكثير من الاحداث المتوقعه والغير متوقعه لتستعجلون الحكم على اي بطل موجود بلقصه وان شاء الله بمرور الايام راح تحبوها
تحياتي لًلًـّــ💎ــجٌٓمٍَُٓيِّعَْٓ


لامارا غير متواجد حالياً   رد مع اقتباس
قديم 01-10-19, 06:49 PM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

#ابي__والغزلان
للكاتبه Reem
#البارت_الثالث

بارت جداً طويل لعيونكم 🌹
هاي الفتره كلش مشتهي الموت
واحس بروحي مامرتاح كلش
من شفت الزرع للصبخه مگيود
والفلاح مابي حيل يغبش
من شفت الوحل دك صدره للريح
والقداح خايف يستحي ايطش
مادام السعف يركص للـ غراب
بعد ما أمّن اكعد بالنخل عش
حجي طه : ولك شتكول
سلام : ابويه مات طه
بذيج اللحظة ركضت حافي مثل المخبل راح عزوتي وحزام ظهري راح الحنين ابويه رغم كل السواه بس جان حنين عليه وروحه بيه ومايوم قصر بحقي او كلي لا على اي شى اريده جنت احسه مو بس ابويه صديقي
طبيت وشفته مدد وصاير ثلج شمرت روحي بحضنه مثل الجاهل اعيط ذيج اللحظه فقدت كل حواسي وتركيزي بشى واحد خسرت اعز الناس خسرت سندي بلحياة وتيتمت
عياط وصياح النسوان جنت مااسمعه من كثر مفاقد شون شلت ابويه مااعرف شون انطاني گلبي اغسله وانزله بلحد هم مااعرف من كثر مامقهور حتى حچي مااحجي مقبلت احد يطب وياه غيري واخوتي من شافو وضعي سكتو غسلت اله وجفنته ونزلته كله بيدي ويه كولشي اسوي لحمي وصدري وروحي تتكطع عفت ابويه نايم وحده حاله حال اعزاز الناس تدفن وترجع وحدها اخ يلنجف شگد بيج اعزاز
نهر :
كاعده والطم على ابويه وابجي واحس الدنيا وكعت على راسنا اعرف بعد روحته راح نتأذه عامود البيت ابويه وانهد على راسنا
المله تنعي والناس تبجي الله يرحمة جبير اهله بلكوت والناس توجب ياهو الي اطب تلاچي والكل تلطم صارت صلاه الظهر الكل تصلي اليوم الثالث وحيل هوسه معارفنا هوايه
وبدو الزلم يحضرون لصب الاكل ويصيحون على البنات احسبو العدد حتى ندخل الاكل ودخل واباوع الي تتعارك على الماعون والي تكول لحمتي صغيره والثانيه تصيح ماكو خضره وهاي تكول فد خبيزة من يمجن طكت روحي وكمت اعرف بكل الفواتح هيج اتصير بس اني مااتحمل هيج شغلات گلبي يكوم يوجعني احنا نبجي دم على ميتنا وهنه حايرات بلكمه تكول مماكلات لحم بحياتهن
ادخل لغرفه ابويه وصلت قريب اله اجتي كرابتنا خلف الله عليهن شايلات الفاتحه شيل
ولج نهر تعالي الحكي
نهر: شصار
اشواق اختج ومرت اخوج اتعاركن بلمطبخ راح تعلك ونصير علچ بحلك النسوان
نهر : ركضت طبيت للمطبخ واشوف وحدتهن رافعه الدشداشه ومتحزمات وناس تهدد بناس عطت بيهن شكو
اشواق : تعالي شوفي سندس اتضم اللحم متستحي
نهر : وانتي شكعد تسوين بلمطبخ مو عيب عايفه العزه وحايره بالاكل ولج هذا ابوج المات متستحين
شفت اثنين من كرايبنا واكفات يتفرجن يموتن على هاي السوالف
من رخصتكم عمه اريد احجي وياهن
يا يمه قابل احنه غربه
نهر : ميخالف عمه من رخصتكم
اوف شكد يحبن هاي السوالف طلعن سديت باب المطبخ
بله انتن متستحن شتكول علينا الناس
سندس : كولي لأختج ابوها ميت مصار ٣ ايام وحايره تفتر اضم لحم
اشواق : هو اني لو انتي كل شويه راكضه ماخذه جدر اترسي لحم وادزي بيد جاهل لبيتج مرتين سويتيها عبالج مشفتج
ولج هاج شوفي هذا الجدر سلام جابه كال ضموه وهي نصه فرغته
نهر: من طيح الله حظجن اي والله يعني هيج عيونجن ضيكه
سندس : هاي جذابه هي كم لحمه صغار اخذتهن لأخوج اكيد مأكل وبليل ارجع تعبانه منو يسويله عشا احمي وياكل
اشواق : وطه ياكل جدريتين لحم
نهر : اشش كافي لا اركع راس براس
ولج اشواق ابوج مات قبل كم ساعه وحايره بطنج صدوك تحجين
اشواق : اني شعليه لتذبيها براسي هاي امي كالت شوفي بت الخبازه شسوي وحدها بلمطبخ والكل كاعد يتغدا بس هي بقت تفتر روحي شوفيها واجيت وشفتها تضم بلحم
نهر : اخ يمه اخ
سندس : وشبيها بنت الخبازه عيني مو مرت ابنها بله مستحت على شيباتها ورجلها مي كبره منشف وادز بيج حتى تراقبين هيج الموت ماله حرمه عدجن
اشواق : على اساس انتي شونج يمه الحرمه والخجل ينكط منج ولج شوفي حالج شون مهتلفه ومشايفه وتتختلين حتى تضمين اكل و لتحجين على امي تسوه راس امج وعشيرتج كلها انتي شنو شايفه نفسج علينا
سندس : تسوه راس امي مو شو تعالي
وجان تجرها من شعرها وانبطحن بلكاع وناس تضرب ناس وجان اجر الجفجير وعلى راسهن وخرن حقيرات فضحتنا من ضربي على الراس وحده هدت الثانيه
سندس : ولج نهر تضربيني واني حامل
نهر : واكسر راسج انتي واشواق لان اثنينجن متستحن
سندس : خلي يجي اخوج اذا ما اخلي يلعب بيجن طوبه ويربيجن
اشواق : امشي لج ام الكمل يربينا مبقى علينا بس طه والله ياالله
نهر : انجبي انتي الثانيه وامشي ولي اكعدي يم امي حتى حرمه ميت ماعدجن خلي يخلص العزا واني اعرف شون تفضحنا هيج
سندس : يابه دولي عودتهدد خلي واحد يلزم شعره مني اخلي العزا عزاوين
اشواق : اي بخبز امج والطحين مالتها ترشه على راسنا امشي لج فكر من جيتي جبتي المصايب وياج
سندس : اني الج اشواق هسه اعلمج شسوي هاي الفكر
اشواق : لا بالله شسوين سوي انتي وهذا الابسته برجلي
نهر : رجعت كفختهن وجريت اشواق لبره وباوعت لأمي بنظره ليش هيج يمه حتى حرمه لأبويه مخليتي وحايره بلحم ثالث يوم فاتحته الله اكبر شكد البني ادم كوي الموت كدامه وحاير بطنه ودنيته الفانيه
طلعت اشواق يم امي وانداريت على سندس انتي مو حامل ولي لبيتج
سندس : هلوو شنو اطرديني
نهر : تقربت عليها وكتلها
اول شى نصي صوتج كافي فضايح ومخازي كدام الناس راح اطيحون سمعتنا علمود كم لحمه الناس جايه وتحسب الف حساب النا من وره المزعطه انصير علچ بحلوكهم وثاني شى منريد شى منج روحي لبيتج
سندس : وانتي منو واطرديني على شنو شايفه نفسج بابا هذا البيت بيت رجلي ومن اليوم الي الكم بيه رجلي مثله بيه واطب واطلع على كيفي واريد اشوف ياابن امه وابوه يطلعني منه حتى احركه عليكم
نهر : لتحجين شى اكبر من راسج لو ما بحلكي تراب وابويه هسه مدفون جان راويتج منو ابن امه وابوه وشون اطلعج منه نصيحه اخذيها مني وهاي لخاطر اخويه طه لان احبه احترمي نفسج واطلعي بكرامتج احسن ماتصفالج انعام وتخليج تندمين عاى اليوم الفكرتي ادخلين بيه بهذا البيت
سندس : هلوو هلوو وانعام منو يمه وتطردني مثل ما الها بهذا البيت لرجلي هم
نهر : الله مطولج ياروح لتحجين شى اكبر منج لو ما انتي مرت طه وطة بعزيت روحي جان الي تصرف ثاني وياج
سندس : اسمعي نهر طه رجلي وكل هاي الاملاك اله حصه بيهن حاله من حالكم والي اله هو الي واني مااطلع من ملكي
منحس غير انعام فوك راسنا
انعام : ياملك ام الوصخ ولج مبقت عليه بس بنت الخبازه بت الحافي امشي اطلعي من بيتي لا انعل سلفه سلفاج
نهر : كمت الطم على وجهي يمه عيب منا الناس تخزينا فاتحة ابويه راح تنكسر عيب النسوان تباوع
انعام : اسكتي انتي الثانيه خلي اشوف هاي الوصخه واكفه وتشمرين ولسانج اطول منج ولج انتي منو وتحجين بلحصص والورث
نهر: يمه متفهم وراح تروح لبيتها ارجعي اكعدي يمه النسوان مو راح نتعزى ونتصخم مو وكتها
سندس : لو ما مره جبيره وشيباتج بكد عمري جان عرفت شون اجاوبج بس مااريد طة يزعل مني
انعام : امشي لج انتي وطة ونعالي امشي بره لا اسحل الطرمه كلها بيج واشوفج ياام الاملاك انعام شسوي
سندس : خلي يجي ويشوف امه شون تحجي عليه الخابصني بيهم اهلي واهلي ذوله اهلك ياسبع
انعام : يله بره وتأشر بيدها ولي دوختينا الله يشيلج
نهر : سحبتها من دشداشتها امشي كافي يمعوده صوتج الناس بدت تباوع شوفي الولد اجوي يركضون
سلام : شصاير حسكم للجادر واصل متستحون
سندس : كول لأمك هذا الحجي الي رجلها مصارله ساعات من مات وبحلكها عود تراب عشتوو عافت العزا وتفتر ورايه وفوكاها تطردني من البيت
سلام : روحي لبيتج سندس عندج رجال ونحجي وياه
سندس : وليش يمه ماعندي لسان واحجي
انعام : هاي متريد تطلع هيج تريد اسحلها من شعرها وامسح الفاتحه كلها بيها امشى زركه هم حاسبه روحج مره وتتشرطين وتحجين لو منج ابوس ايدي وجهه وكفه لان رضا بيج طه بس هو هم غمه وقبل بوحده مثلج لا خلقه ولا اخلاق
نهر : امشي يمعزايه وسحلتها وهي تأشر بيدها وصوتها سمع الي بلطرمه كلها
عبالج اعوفج تتهنين بيه بعيني اذا ماافلش هذا البيت على راسكم ما اتسمى سندس وشوفي الزركه شسوي
نهر : دفعتها بره ولزمتها من ايده وگبل لبيتها بصفنا حيل لزك والرياجيل مگلوبه بره الله ياخذجن فضحتنا فتحت الباب الخارجي ودفعتها داخل بيتها وعطت بيها بس كافي متعبتي نسيتي انتي حامل تهدي هداج الله
سندس : انجبي واطلعي كله من وراج
نهر : فوكاها صارت من ورايه كتلج اطلعي بكرامتج بس انتي اااخ منج تحبين الاهانات
فوك ما واكفه بعزه ابوجن هيج تسون بيه بس عندي رجال هو يعرف شون ياخذلي حقي
نهر : تقربت منها وكتلها شكد شايفه وكحات مثلج مشايفه يعني لسانج طويل وتتجاوزين على الاكبر منج وفوكاها تردين تسوين مشاكل بين الاخوه شراح تستفادين من هاي الهوسه كلها
سندس : والله اني مندكيت بأحد انتم تحارشتو بيه اجتي اشواق واستلمتني عياط وانتي وامج كملتوها
نهر : انتي مو صاحيه يعني هذا وقت تتعاركين بيه لو ابوج الميت راح تسوين هاي سوايتج ولو عندج احترام لرجلج جان سكتي هذا ابوه عمج وجان لازم متسوين مشاكل بس شون متكدرين الخباثه بدمج
سندس : نهر اطلع لا افرح امه لا اله الا الله عليج وحدتجن لسانها شطوله
نهر : خلينا اللسان الكصير الج وطبي لبيتج وبعد لتوصلين هناك
طلعت وركعت الباب الله يعينك على ما بلاك ياااخويه مو مره حيه وتمشي
دخلت للبيت صارت بوجهي اشواق سحبتها للغرفه مال سلام شو تعاي طبينا وسديت الباب
اشواق : ااخ عوفيني
نهر : سمعي لج اذا سويتي بعد مشاكل والله اطيح حظج
اشواق : مالج دخل بيه انتي مو وليه امري
ابويه ومات وهسه امي مسؤوله عني
نهر : طايحه حظ من يومج تموتين على الخباثه
اشواق : خليت الطيبه الج ام گلب الحنين
عافتني وطلعت كعدت على جربايه سلام كمت ابجي وين عفتنا يابه هاك بفاتحتك ويتعاركون بعد اشهر شون راح اشوف ايام سوده اعرف اني دومي عكس امي بكولشي وهاي اشواق ويه امي تكول حزب عدنا شراح يخلصها وياهم
مسحت دموعي وطلعت لان صاحو راح يسون الختمه اباوع على امي ادك وتلطم الي يشوفها هسه تكول راح تموت وره رجلها من القهر واللطم والدموع عشره عشرة
ميدرون قبل شويه جانت تتعارك على اللحمه وصوتها مسمع لسابع جار
بيج قصص عراقيه حقيقيه من واقعنا.روعه الطائي
ساعات مرت صعبه ومتعبه وتم كولشي فاتحته جانت بذاك الوكت من اكبر الفواتح بلمنطقه كلها عراضه وشيوخ من كل المحافظات حتى بلبيت جانو هواي محافظات يباتون يمنا تالي الليل لمو الجادر واني صعدت لغرفتي مااتحمل من التعب احس روحي شويه واخرب
سمعت صوت اخوتي دخلو للبيت نزلت كلت خاف تسوي مشكله امي من وره سندس وخطيه طة مكسور ومو حمل قال وقلت سألت عن طه كالو راح للبيت اوف الْحٍمَدٍ للـّ? بقيت كاعده بلمطبخ افكر بحالنا وخاصه ب طه
حجي طه : واكف بلفاتحه واباوع على الناس التجي وخاصه اهل امي شفت خوالي اثنين اخوت رازقيه وسلمت عادي مكدرت اخذهم بحضني واكولهم اني ابن اختكم اني ابن رازقيه مراح يصدكون الكل يعرف اني ابن انعام وماعندي دليل يثبت كلامي بس كلام ابويه وابويه راح لدار حقه
وشستفاد هسه اذا فتحت الموضوع بس راح اشوه صورته الله يرحمه ويجوز يكذبوني ومحد يصدكني مااعرف طبيعه نفسيتهم شنو
٣ ايام بلفاتحه وعيني ماغمضت النوم موتت ابويه كسرتني شكد جنت خايف من هذا اليوم احس روحي ضليت وحدي سندي بلدنيا راح
واكف ثالث يوم الفاتحه بلجادر والدنيا مگلوبه شيوخ واهل وجيران ولمحته من بعيد يدفع بيه واحد بلعربانه ركضت عليه
هاي شجابك سيدي
عمر : بعدك تكول سيدي مو احنا خارج الخدمه
بوسته الْحٍمَدٍ للـّ? على سلامتك
عمر : الله يسلمك البقيه بحياتك سألت عليك وكالو مجاز بس اليوم الظهر اجوني الولد جنود اثنين ورجعت سألت كالو ابوك توفى اخذت العنوان منهم واجيتك خفت لا خلصت الفاتحه
حجي طه : جيتك على راسي بس ليش كلفت نفسك وانت مريض
عمر : شون ماااجي للانسان الضحى بروحه حتى ينقذني اني عايش اليوم بسببك هذا اخويه عمران
حياك الله
تفضلو وبقو بحدود نص ساعه وراحو جيته جانت غاليه عندي هو خوش رجال ابن اصول
بعدني احجي ويه الناس اجه سالم گالب وجهه
حجي طه : شكو
سلام : مرتك شكد وكحه لخاطر النبي
حجي طه : اهوو شبيهه
سلام : يابيها گلبت الدنيا عركه هي وامي
حجي طه : وامي بيها حيل تتعارك وبهذا وضعها
سلام : اني شمدريني بس انت الزم مرتك شويه شنو هاي الجساره العدها
حجي طه : كافي منا الناس بعدين اعرف شصار
كملت الفاتحه وشالو الجادر واني حيلي مهدود كالو تعالو نتحاسب كتلهم باجر لان تعبان
دخلت للبيت هدوء وماكو احد صحت سندس وينج
سندس : ها عيني الله يساعدك
حجي طه : ويساعدج بس طلعيلي داخليات اريد اسبح
سندس : حاضرين وهسه احضرلك العشا
حجي طه : مجوعان
سندس : شون ياعيني متاكل
حجي طه : الزاد بحلكي زهر اريد اسبح وانام
مشيت خطوتين وانداريت صدوك تذكرت شغله
ليش متعاركه ويه امي اليوم
سندس : شبسرعه بلغنك بهاي السوالف استاديه بس اكيد مكالو شنو السبب
حجي طه : اني سألتج الج مو الهم شصار وتعاركتو
سندس : ليش محجولك شسون بيه وشون طردني من بيتك
وحطيت ايدي وابجي
حجي طه : هاا بيتي شمرت الخاولي على القنفه وكعدت بصفها فهميني شصار
سندس : امك بعز العزه ادز اشواق عليه اخاف ابوك شى او اخذ شى واني بس اخذت ماعون صغير بيه لحمه علمود كلت اخاف تجوع بليل وماعندي عشا اسويلك وهاي استلمتني حاصل فاصل وكملتها نهر وختمتها امك وطردني تقبلها هاي تاليها انطرد من بيتج
حجي طه : متأكده هذا الصار
سندس : قابل اكذب انت لو شايف شگالت امك عليك يبوو حجي ميلبس عليه ثوب حتى غلطت عليك
حجي طه : نفخت بضوجه استغفر الله يعني احنا بيا حال وانتم تسوون هيج موعيب منا الناس وخطار معرفتي تلزمين لسانج
سندس : شو انت ذبيتها براسي اكوله لعبن لعب بيه وحده ترفع وحده تكبس علمود لحمه
حجي طه : احد طلب منج اكل
سندس : هاي فوك زينيتي طلعت اني الموخوش وتعال كولي شو لا تعصبت ولا رحت كسرت البيت على راسهن اكوله طردوني وغلطو عليك وانت حايرلي بالزمي لسانج غير مرتك تجاوزو عليها وانت بارد ثلج
حجي طه : يعني ابويه قبل شويه شلنا الجادر مالته تردين اروح اتجاوز عليهن وهنه بهذا الحال ومنو يكول كلامج صحيح غير اسمع الموضوع من الطرفين لو هي بس هوسه
سندس : راح تخبلني انت اكولك طردوني طردوني اغنيها الك
حجي طه : اذا متجاوزه طبج مرض واذا ممتجاوزه اخذلج حقج بس بلعقل لتنسين هاي امي
سندس : واني مرتك والي كولشي تملكه
حجي طه : وكفت شملك
سندس : نسيت البيت وكل الاملاك الك حق بيهم وريث حالك من حالهم والك حصه بكولشي
حجي طه : يعني صدوك انتي ناقصه عقل ومتستحين ولج تراب ابويه بعده بهدومي وتحجين على الورث والحصص من هيج طردوج اكيد نفس هذا الحجي سمعتي الهم
لو منهم اطيح حظج مو بس اطردج
ولمزتها من ايدها حيل واجر بيها بقوة اسمعي لج هذا الموضوع متفتحي ابد واذا سمعتج مره ثانيه حاجيه بيه اكسر الحزام على ظهرج اني بعمري ما ماد ايدي على مره لتخليني اتعامل مثل مااتعامل ويه الحيوان جري عدل ولوما حامل واخاف علي بطنج جان عرفت شون اجاوبج
سندس : اااخ عوفني جتفي خلعته
حجي طه : ومره ثانيه اخلع راسج من جسمج انجبي واسكتي
دفعتها ومشيت
هاا نسيت اكولج شى البيت الكاتله روحج عليه بأسم امي من سنين
سندس : لطمت على خدودها صخام بوجهج سندس لا اكيد تريد تحرك دمي
حجي طه : وليش احرك دمج اني مااكذب وتكدرين تسألين من ٢٤ سنه ذاك البيت بأسم انعام لهذا لدوخين نفسج وياطابه وياطالعه وحجه البيت وليش منعيش بيه هذا بيتج وانجبي واكعدي بيه واحترمي نفسج
سندس : وانت ليش مكتلي ذاك البيت بأسمها قشمرت عليه مو عيب عليك
حجي طه : ليش انتي قبلتي بيه علمود البيت
سندس :متوقعتك حافي وماعندك شى عبالي براسك خير وكلك فلوس
حجي طه : حافي مو جان الزمها كطعت شعرها تكطع واضرب على راسها وتعيط
سندس : لك عوفني الله لا ينطيك
جريتها من شعرها للغرفه وفتحت الكنتور يله لج البسي اليوم متضلين هنا
سندس : اني ماابقى بهذا المهجوم عش دجاج ومان عليه بيه ودفعته
حجي طه : عفتها تبدل واني نار بيه اذا تحجي بعد حجايه يمكن ادفرها حتى الطفل اموته بطنها
سندس : اني اروح لا خلف الله عليك
حجي طه : اي مو بكيفج ساعه ١١ بليل موليه لأهلج حتى خوش تكذبين عليهم يله امشًي
اخذتها مشي بليل وهي تمشي ورايه وتبجي وصلنا لبيت اهلها دفرت الباب حيل وطبت وطلع اخوها وامها يركضون
ام سندس : دخيلك ربي شصاير ابني
حجي طه : هاي بتكم يمكم متصيرلي مره طول ما هذا لسانها وهاي اخلاقها
سندس : وشبيهه اخلاقي مو احسن من خواتك الحقيرات الشايفات نفسهن
ام سندس : ولج اسكتي يمصخمه
روح يمه لبيتك ومن تهدى النفوس ادزها لبابك
سندس : ماارجع لو يموت
حجي طه : لدزيها اني اصلاً ملتحق عكب باجر وشهر ونص يله اجي خليها يمج
سندس : هاي هيه هذا القبضته شمرتني يم امي حتى متصرف ولا فلس من يومك كحف وبخيل
جان تضربها امها على حلكها كامت تعيط وتبجي وطبت جوه واخوها الصغير وراها
سندس : يمه طة احسبها عليه هاي صغيره وطايشه ومتفتهم
حجي طه : ياصغيره هاي عمه توديج وتوديني للبحر وترجعنا عطشانين بتج ماراضيه بعيشتها رحمه لأهلج قنعيها وعقليها اذا تبقى بهذا الحال متصيرلي مره بعدنا بلبدايه وهيج تتعارك وتهد وتتجاوز
وره سنين شسوي اني تعبان وحيلي مهدود وظهر انكسر وهي مكان متراعي الله بيه تزيد همي
ام سندس : روح يمه لدوامك وترجع بلسلامه وعوفها يمه ومن ترجع النا حجي
حجي طه : هاج عمه
ام سندس : شنهي
حجي طه : مصرف الها اخاف تحتاج شى
ام سندس : مستوره ابني توكل لدربك وليضل بالك
حجي طه : لا هي مسؤوله مني خليهم يمج متعرف تتصرف اخذيهن عمه حتى ارتاح
ام سندس : صار وليدي بس تهدى وكول ياالله وارجع لبيتك وارتاح وراك تعب يعينك الله على ايامك
حجي طه : الله كريم اروح اني
ام سندس : مودع بالله وليدي
حجي طه : رجعت اتمشى ساعه حدود ١٢ بليل واباوع الجو طيب نهايه التاسع بعد يومين ندخل شهر العاشر ١٩٨٢ وحاير وافكر شون بلضيم الرايحله عكب باجر الالتحاق مالتي وخايف ليش انكر جسمي يرجف الشفته ذيج المره خوفني الموت قريب بكل وكت هناك بس شسوي مجبور
دخلت للبيت دورت على ملابسي زين مرتبات بلجنطه بس الجو هناك بليل بيه كرصه برد فتحت الكنتور ادور هدوم الشتوي ماكو صعدت للغرفه الفوك مسويها مخزن فتحته لكيت جنط الملابس الشتويه طلعت بلوزات خفاف اثنين بس بيهم تايت حتى لتاكلهم العثه
لازم ينغسلون بس والله ولا بيه حيل جتوفي تون عليه
خلي انزل لنهر بلكت تكدر تغسلهم
طبيت للبيت باوعت علي وسلام كاعدين بلحديقه يحسبون فضل الفاتحه عفتهم ودخلت
باوعت گلت اذا ماكو نهر ارجع اغسلهم اني لكيت نهر كاعده بلمطبخ وحاطه ايدها على خدها
شبيج يابه
طفرت من مكانها وحضنتني وتبجي
اذكري الله وترحميله
نهر : راح نضيع وراه
حجي طه : اي والله بس شنكول غير الْحٍمَدٍ للـّ? على كل حال اكعدي ارتاحي ليش منايمه
نهر : مجاني نوم وانت بيك شى سمعت صوت عياط توقعت سندس قريب الصوت من غرفتي
حجي طه : اعرفج متكذبين عليه احجيلي شصار
نهر : وبديت اسولف كولشي وداعتك وروح بابا هيج صار
حجي طه : لتحلفين ميحتاج اني مصدكج
نهر : الله يساعدك عليها شون جارعها
حجي طه : يمي متسوي هواي شغلات او على الاقل تضبط نفسها هي الظاهر راسمه على العالي واليوم كسرت اول امل الها
نهر : دير بالك فدوه انت مناقصك اذيه
حجي طه : والله لو ما حامل واخاف الله اخاف لا اكسر بختها باجر اطلكها بس والي بطنها شون
نهر : اريد اسألك شغله ضاله بالي بس اخاف تزعل
حجي طه : لا احجي ماازعل
نهر : هي تدري بأن ماما مو
حجي طه : مو امي هذا قصدج
نهر : عفيه لتزعل مني
حجي طه : ليش ازعل هذا واقع بس اني مكايل الها سندس مراهقه ومتفتهم وراح تلغي هنا وهنا ومناقصنا وجع راس
نهر : اي فدوه لعمرك لتكول ابد الها خلينا هيج مستورين
حجي طه : الله كريم اكولج نونه تكدرين تغسلين هذني البلوزين والله تعبان وجتوفي تون عليه
نهر : ياسوده عليه من عيوني
حجي طه : هاي وديتها لأهلها من انزل اجيبها
نهر : اي احسن لان اذا بقت هنا راح تسوي مشاكل عاشت ايدك
حجي طه : من ينشفون باجر ذكريني بيهم لان هناك بارده
نهر : تروح وترجع سالم غانم وبكل خطوه سلامة ياروح اختك
بست راسها وطلعت صارت بوجهي اشواق
هلو طه
حجي طه : هلو شوقه شونج
اشواق : الْحٍمَدٍ للـّ? شفت مرتك شسوت اليوم
حجي طه : انتي هم مقصرتي
اشواق : هاا يعني اني موزينه ومرتك الزينه
حجي طه : كافي لغوه وروحي نامي مو وكت هاي السوالف
اشواق : اي عيني اكيد ادافع عليها
حجي طه : اشواق شنو يحكج جسمج قبل شويه سحلت ذيج تحبين اسحلج مثلها
عافتني وطبت لغرفتها تركض
نهر هنا عمرها ١٨ سنه كملت اعداديه وانعام بطلتها مخلتها تدخل كليه بحجه منو يساعدني وتعبانه بطلت واستلمت البيت واشواق بعمر سندس ١٦ سنه
رجعت للبيت سبحت ونمت حتى مااكلت
وثاني يوم بقيت بلبيت معجبني اروح لأي مكان بس العصر اجوي ناس تعزي خلصت الفاتحه بس الناس منكطعت رجلها من البيت
خلصت اليوم خطار ومجاملات لحد مرجعت هلكان ومن الفجر طلعت ذيج المره ودعت ابويه هلمره منو اودع بس خطيه جعفر لكيته واكف هو ونهر بلباب ساعه ٥ الصبح وبيدها دولكه مي بستهم ودعتهم وذبتها ورايه واسمعها تدعيلي من كل گلبها المفروض مرتي هيج تسوي بس الْحٍمَدٍ للـّ? كولشي قسمه حتى الفرح والراحه قسمة واني ممقسوم اشوفهن
مشيت لراس الشارع ركبت فورتات ولكراج العلاوي اباوع هواي جنود مثلي ملتحقين منو راح يستشهد منهم ومنو يرجع لأهله واني رجعت هلمره امشي بطولي المره الثانيه شون ارجع ملفوف بعلم لو اصلاً ميلكولي جثه
كعدت منتظر السياره تقبط وتمشي بينا للموت اسبح بسبحة ابويه واستغفر
مشينا ساعات وصلنا للمقر
التحقت حالي حال الالاف الجنود مندري شنو مصيرنا
كاعد وصافن على الفراغ الكدامي صحراء على مد البصر وصوت الهاونات البعيد الي صارت عادي عدنا اصلاً متاخذ عيونا النوم اله نسمع صوت الهبد والركع والقاذفات
اجوي جماعه من غير فرقه انقلو علينا تعرفت عليهم خوش ولد نزار ومحسن وسلمان عدنا نزار يضحك للهوا وصوته يخبل دوم يغني بليل صوته ريفي حنين من اهل الناصريه كاعد واشرب جاي وبنص العاشر صارلي ١٥ يوم هنا كولشي مااعرف لا عن اهلي ولا عن مرتي
محسن : شوكت الله يخلصنا والله طكت روحي اذا اطل واحط طلقه براس الضابط احد يلومني
حجي طه : شبيك محسن صاير نار اكعد يمعود
سلمان : ولك على اساس عرسه اسبوع الجاي والامر مقبل ينزله وهو تخبل عدنا انذار
حجي طه : هو اصلاً العراق كله انذار هذا شبيه الضابط
نزار : تلكه مرته طارته لان مينزل واجه يذب حركته بينا
محسن : ولكم اذا متزوجت هذا الاسبوع ابوها الحقير يخرب كولشي
حجي طه : هي غير مرتك شيخرب
محسن : ابوها عمي اخو ابويه واخذ كلمه من عدنا نهايه هذا الشهر اذا مصار الزواج كل واحد يشوف دربه
سلمان : والله احسن الك شلك بلزواج هاك كدامك متزوجين جنا دبابه ضاربها هاون ومعطبه واحدنا اذا تاخذ راشدي منه يكولك رحمه الله والديك الثاني اقوى
النسوان مثل البك مال الاهوار من يوكفن على الواحد ميكعدن راحه اله تمص دمه وتخلي مثل المخبل يحك
نزار : احجي على نفسك اني اسد
سلمان : امشي لك لتخليني اقسملك هو انت اذا انضرب هاون قريب تطلع من الحمام حزام البنطرون متشده وتتعثر بلكاع
نزار : اهو هي مره صارت وجلبت بيها
محسن : ولكم عوفو الحزامات والهاونات اريد اتزوج زوجوني لا احرك روحي
حجي طه : ههههههه خلي اروح احجي ويه الضابط
نزار : هاك راح يحلها السيد طه دخيل جدك
حجي طه : تستهزأ مو هسه تشوف
نزار : اذا قبل ابقى اغنيلك للصبح
محسن : واني اشد وصله واصيرلك فيفي عبده بس اقنعه رحمه لأبوك
حجي طه : كولشي مااريد منكم بس جفوني شركم ولتتعاركون
كمت رحت للضابط اخذتله تحيه هو يعرفني من شغله عمر
استريح
حجي طه : سيدي جايك بخدمه وعلى الله وعليك
كول طه
حجي طه : سيدي جندي اول محسن عريس ويريد يتزوج اقبل بنزوله
اني مو كتله بعد اسبوعين تنزل
حجي طه : فهمته الوضع ضل صافن
سيدي ذيج المره من صارت الاشتباكات جان اكو جندي ويانا امنيته يشوف ابنه محروم سنين منه والامر مالته مأخر نزوله لو قابل جان يمكن هو عايش وشايف ابنه يعني حرمه من الحياه ومن ابنه ترضاها تتحمل خطيته احنا ورانا تنقلات ومنعرف حالنا خلال هاي المده واخاف يصير عليه شى وتتندم طول عمرك واني مستعد ابقى مكانه ماانزل شهرين او ٣ الي تريده بس نزله خلي يتزوج تكسب اجر بيه وهي اجازته يعني ممخالف القانون
خوش محامي عنده
حجي طه : والله مو محامي بس اتذكرت الشهيد واجيت ابلغك
صفن دقايق اخذ اسمه وانطه ورقه بنزوله تشكرت منه جانت شبه معجزه وافق يمكن هذا الولد اله خبزه بلدنيا
ويتزوج
رجعت اتمشى اجه يركض
محسن : بشر حمامه غراب
حجي طه : السيد طه ميحط ايده بشى اله يصير
جان يشيلني ويبوسني
واني اضحك على سوالفه
واجه نزار يغني
ويردح كافي اسكت يمعود مااريد اسمع اغاني تدري بيه حزين على والدي
محسن : الله يرحمه مشكور والله انت اخ والنعم منك
حجي طه : تدلل وشايف كل الخير
راحو الولد كعدو مسافه عني ويدندن بيهم نزار واني صافن اجت اذني يمه صوته حنين غصب عنك تسمعه والليل طويل وين تروح
واسمعه يغني ياحريمه
ياحريمه انباكت الجلمات من فوك الشفايف
ياحريمه ياحريمه
ياحريمه اسنِينَكّ العشرين مامرها العِشَك والعشك خايف
ياحريمه ياحريمه
لا ولك - - لا لا على بَختَك مانّي سالوفه صَرت بين الطوايف
ياحريمه ياحريمه
يازلف بتغاوي ويه الليل بطراف الكِصِيبه
هاك رُوحي الّما غُفت والطيف مامره حَبيبه
هاك جَرحي الّما تعَطَب وانتَ عطابه ولهيبه
هاك عُمري الظاك حَنضَل وانت بَرحي
ياحريمه ياحريمه
ادندن ويااه من ضيم قلبي تعبت وكل عمري ٢٤ من اوصل للخمسين يمكن ميت
مرت الايام واسبوع جر اسبوع صارلي ٣ اشهر هنا المن انزل انطب معركه نطلع من الثانيه لعبت روحنا الي مات والي تصوب شفت ايام سوده بس الموت مبين معاجبه اني مكعد يتقرب مني نزلت تعبت اشتاقيت لأهلي
بيج قصص عراقيه حقيقيه من واقعنا.روعه الطائي
طبيت للبيت واباوع عليه مهجور هاي اكيد سندس موصلت لهنا سبحت على السريع وطلعت على بيتنا دكيت الباب طلعت نهر بس شافتني عاطت وحضنتني وتبجي
ولج شبيج
نهر : عبالي صار بيك شى وجعفر مثل المخبل يدور عليك من فرقه لفرقه كل شويه داز جماعه يسألون عليك
حجي طه : لتخافون عايش مميت
نهر : اسم الله عليك يابعد روحي شونك صحتك شونها
حجي طه : بخير بستها من راسها لكيت انعام كاعده بلكاع بلمطبخ والجو بارد شهر الواحد ١٩٨٣ كعد تنظف خضره دنجت عليها بست راسها شونج يمه
انعام : هلا بيك الحمدلله على سلامتك
حجي طه : الله يسلمج كعدت على الكرسي واجتي اشواق هم سلمت وسلام بس علي وجعفر بلمطعم بلشغل
انعام : شونها صحتك
حجي طه : يم الله
انعام : ليش تأخرت منزلت
حجي طه : حتى ترتاحون مني
انعام : واحنا شكو غير عندك بيت ومره
حجي طه : هي وينها المره
انعام : غير انت سيبتها بيت اهلها ومرتك صغيره وكحه يرادلها كرصه كعدها بيتك واكرصها
حجي طه : الله كريم اليوم اجيبها
كعدت وياهم حيل مشتاق الهم جان الوضع طبيعي مصار اي شى كملت الغدا ورحت لبيت سندس دكيت الباب طلعلي اخوها الصغير سلم
اجتي تمشي من بعيد بطنها طالعه كبرانه ابتسمت من شفتها حضنتها وهي هم حسيت باشتياق الها رغم مشفت يوم عدل وياها
يله امشي نروح للبيت جانت هادئه كولش يمكن هاي ٣ اشهر اجت من صالحي
رجعنا للبيت ونظفته وساعدتها لان حيل وصخ ورتبنا كولشي
بقيت تقريباً ٤ ايام بلبيت يمها جانت هادئه هدوء عجيب ومطيعه بشكل تمنيت تبقى هيج والله اعيشها بخير بس ابو طبع ميغير طبعه غير الجفن
خامس يوم اجتي كعدت بصفي
اكولك حبيبي طه
حجي طه : كولي محتاجه شى
سندس : مو محتاجه بس انت متشوف وضعنا
حجي طه : شبيه
سندس : بس مو تعيط مثل ذيج المره اسمعني للاخير وافهمني
حجي طه : الله يستر احجي
سندس : هسه شبيك بعدني محاجيه ضجت
حجي طه : احجي وفضيني
سندس : متشوف اخوتك شون يلعبون بلفلوس لعب شفت علي اشترى سياره سوبر ٨٢ منيله هاي الفلوس كلها
حجي طه : ليش اشتره سياره
سندس : هاي شنو مشفتها بلباب
حجي طه : اي شفتها بس معبالي مالته
سندس : لا عيني مالته ولازم مطعم ابوك ومحلات باب الشيخ عدا ايجارات البيتين
حجي طه : انتي منين تعرفين هاي الشغلات
سندس : ماكو شى ينضم بله همه يلعبون بلفلوس لعب واحنا هذا حالنا هسه البيت وافتهمنا لأمك باقي الورث
حجي طه : تردين اداعي بورثي وابويه سنه مكمل
سندس : عمي لداعي اقلها شارك بلخير اطلع اشتغل مثل قبل بلمطعم انت هسه من اصحاب المال مو عامل عند ابوك مثل قبل يعني يصير خواتك مترسات ذهب واني حصره عليه
حجي طه : ليش مو اشتريتلج نيشان
سندس : قحط كم قطعه روح شوف اشواق ونهر يحيرن شيشترن من الذهب عدا امك الله اعلم شعدها
حجي طه : انتي ليش هلكد مركزه وياهن
اني الف مره كتلج مالج دخل بيهم عيشتهم غير عيشتنا
سندس : هسه لتعيط كعد نتفاهم عوف الورث وعوف الذهب مااريد بس اقلها مصرف شون حالنا راتب الجيش هم راتب ربع الشهر ميكفي والفلوس الجنت ضامهن والي انطاكياهن ابوك هم خلصن واني كلها كم شهر واجيب متكولي شون نعيش ناكل حصو واهلك عايشين بلعز حتى الله ميرضاها روح للمطعم اشتغل امن مستقبلنا ابوك والله يرحمه منو يساعدك اذا وكعت غير جيبك
حجي طه : صفنت على كلامها هم بيه نوع من الصح اني وضعي بدا يدهور والعيشه صعبه والفلوس العندي شبه خلصت خلي ارجع للمطعم من باجر اقلها هلسبوعين الكاعد بيهم الم كم فلس يفيدوني مصرف الي والها قبل ما التحق
سندس : ها ياعيني شو سكتت
حجي طه : يجوز ارجع باجر للشغل
سندس : اي واخيراً وباسته من خده من فدوه لرجلي
حجي طه : اوف منج
ثاني يوم كعدت من الصبح انتظر الولد تفاجأ علي بوكفتي
علي : ها صباح الخير شو هنا
حجي طه : منتظركم حتى اروح وياكم للشغل
علي : ليش
حجي طه : شنو ليش غير مطعم ابويه واشتغل بيه طلع جعفر وحضني جان كل ميشوفني لو يبوسني لو يحضني كيف لان راح اطلع وياهم عكس علي انگلب وجهه استغربت منه صعدنا بلسياره كتله
بلخير على السياره
علي : الخير الي يصيبك
رجعنا للشغل جانت تصرفات علي مزعجه يعيط على العمال ويغلط ويكفخ واذا واحد وكع ماعون القيامه قامت مرت ٣ ايام اروح واجي وياه واني ساكت على اعصابي رابع يوم متحملت من شفت عدنا عامل من زمن ابويه يشتغل عدنا رجال جبير والمرحوم يموت عليه ابوجمال محافظات من اهل البصره كل شهر ينزل ٣ ايام ويرجع عنده عائله برگبته وايتام وابويه استخطاه وشغله وصار ١٠ سنين ويانا ويبات بلمحل لان وكع ماعون الطماطه لو الدنيا نگلبت
علي : اعمه متشوف شكبرك تصير اصلاً زايده مني مبقيك هنا من باجر تولي لأهلك حتى نوم متنام بلمحل مناقصني عاهات يوميتك اجيب بيها اثنين عمال
حجي طه : على كيفك علي وياه هو ماعون طماطه شنو قيمته
علي : رجاءاً لتدخل اني صاحب المحل وبكيفي
اجه جعفر يركض ها يولد شبيكم
حجي طه : شنو صاحب المحل موعيب هذا الحجي المحل محل ابونا وگلنا بيه واني مكتلك شى بس كتلك على كيفك
ابو جمال : وليدي طه لتتعاركون انه اروح لهلي
حجي طه : وين تروح انت باقي هنا انت من ريحه الغالي
علي : خوش والله تكسر گلمتي
جعفر : كافي علي الناس تتفرج علينا وهذا باب رزقنا عدكم شى حلوهه بلبيت مو هنا
علي : انت اسكت لتدخل شوف طه هذا المحل محلي واني اطرد اليعجبني وابقي الي يعجبني حتى انت اذا اطخ بعقلي اطردك
حجي طه : مو بكيفك
جعفر : كافي علي بروح ابوك شوف العالم شون تباوع
علي : ماشي نرجع للبيت وشوف شراح اسوي
حجي طه : اركع راسك بلحايط وشسوي سوي ابو جمال ميطلع من المطعم وانت اذا معاجبك الوضع تكدر تروح واني وجعفر هنا
علي : ههههههه اسكت بابا اسكت عدنا بيت ونحجي بيه وانت ابو جمال اذا شفت وجهك بلسعدون كله احرك جد جدك
حجي طه : متحملت وجريت قميصه ولك احترم نفسك شنو هاي اخلاقك
وكفت العمال كلها بينا وابو جمال ريكه نشف خطيه ويصيح عمي رايح مولي من بغدادگلها
حجي طه : لا متروح عمي واريد اشوف يارجال يطردك
علي : رجال وغصب عنك وانت هم امشي اطلع بره
حجي طه : من شفته هيج متحملت وشلت المملحه بصفي وركعتها براسه عاط وجعفر يهدي بيه والعمال واكفين بنصنا تالي عمرنا ولد حجي حسين يتعاركون كدام الوادم
صرت عصبي نار مااشوف كدامي وذوله فوك ١٠ رياجيل بينا هو كوم واركب السياره واطلع
رجع الكل لشغله بس اني بقيت الوب احس مكتفيت منه
صعدت للطابق الثاني عدنا غرفه استراحه مال عمال نزعت ملابس الشغل ولبست ملابسي وطلعت وراه هذا شبيه متفرعن علينا
جعفر : وين يمعود
حجي طه : اريد اشوف شبيه اخوك متخبل وميستحي يطرد ابو جمال علمود ماعون طماطه
جعفر : لتروح خلي تبرد الشغله لتكبرها طه
حجي طه : هو يمشي ويصيح المحل محلي ليش هيج يكول
جعفر : صار ٣ اشهر يخربط ويحجي هيج واني منطي الاذن الطرشه شنسوي اخونا الجبير ولازم نتحمله
حجي طه : الجبير يحترم نفسه حتى نحترمه مو متفرعن علينا ويعيط على الناس تكول عبيد عنده ذوله بأجرتهم يشتغلون لا خلف الله عليه لو ما همه منين يطبله وارد وممقصرين والمطعم جبير والرجل هوايه عليه اكيد تصير غلطان مبقى واحد مرزله ٣ ايام بقيت وياه لعبها لروحي وساكت واكول ميخالف ماادخل بشغله بس مو توصل بيه يطرد ابو جمال
جعفر : خلي نكمل شغلنا ونرجع سوه
حجي طه : لا راجع هسه
طلعت وركض جعفر ورايه اخذنا نفرات ورجعنا وصلنا للبيت طبيت سمعت صوته يعيط
لو اني بلمطعم لو طه دفعت الباب وطبيت
انت شبيك تخبلت متستحي
جان يركض عليه وضربني على خشمي بكل قوته خلاني افقد توازني وعاطت نهر وركضت عليه وانعام واكفه ولا يمها
لزمه جعفر
علي : لك اني تمد ايدك عليه كدام العمال وتخليني مضحكه كدامهم
حجي طه : واكسر راسك هم لان متستحي ومتخاف الله وتتعدى على الفقره
علي : اطيح حظك وحظهم بكيفي واريد اشوف شون تكسر راسي
طبت سندس على العياط لان الصوت عالي وحايط على حايط
انعام : كافي صوتكم مااسمعه طه بعد متوصل للمطعم
حجي طه : على اي اساس المطعم مال ابويه واني الي حصه بيه
انعام : لا مالك اي حصه ولا الكم كولشي بأسمي كشايه مالكم عندي كلكم والي يعصاني ابيته بلشارع ولد لو بنيه
بقيت ممستوعب الحجي شون بإسمج البيت اي اعرف من زمان بس
انعام : كولشي بأسمي ابوك تنازلي بيع وشره عن املاكه اللهم بس البيت الي انت كاعد بيه بأسمك بس الباقي كله اليه
جعفر : يمه ابويه هيج يسوي مستحيل
انعام : انت انجب وحسك مااسمعه لا اخليك تبات بلشوارع واسمعوني كلكم اني بكيفي المن انطي والمن ماانطي واني خليت مطعم السعدون لعلي وهو يشغله وانت طه تحير بروحك مالك مكان هنا
سندس : على اي اساس انتي مو امه شنو من ام متخافين الله تحرمين ابنج من كولشي
انعام : مبين مرتك متدري اني مرت ابوك مو امك
سندس : لطمت على صدرها شنو مرت ابوك ولك طه احجي صدوك هاي مرت ابوك
انعام : هاي بعينج وامشي اخذي رجلج ومااريد ادخلون البيت
حجي طه : مااصدك ابويه ينطيج حصصنا ويسجل كولشي بأسمج
انعام : اعرفك مثل امك تحب تاخذ مال غيرك
راحت دخلت للغرفه جابت الاوراق هاك شوف همزين تعرف تقرا وتكتب وهاي بصمه ابوك وختمه
حجي طه : جبل وكع على راسي اني ميهمني الفلوس كد ميهمني كسرت النفس والروح الي كسرها ابويه بيه متوقعت يخلي رگبتي جوه رجلها ويدري كولش زين هي متحبلي الخير
انعام : شوف طه اني تربيه وربيتك وزين مني وتحملت كل هاي السنين وابوك ومات وانت مالك اي شى يمي والمطعم والمحلات متوصل الهن واذا وصلت اشتكي عليك
سندس : تعزيتي يسندس مسحتي ايدج بلحايط
حجي طه : عطت بيها انجبي وروحي للبيت
سندس : هو انت كدرتك عليه وفوكاها ميخليني احجي عليها وخابصني اهلي واهلي ذوله اهلك شفت اكلو حقك وخلوك ولا فلس بجيبك وذلوك
جعفر : يمه لتسوين هيج طه اخونا وانتي ربيتي
انعام : ربيت وكافي خلي يحير بروحه
حجي طه : اباوع على نهر تبجي منهاره واشواق وسلام فاكين عيونهم
علي : اخذ مرتك ولطب لهذا البيت وبس اشوفك قريب من المطعم بيدي اسحلك بلشارع
طلعت والدمعه بعيني اول مره احس روحي ذليل ومكسور ومن اقرب الناس اليه حتى مكدرت ارفع عيني واحجي بعد اذا كولشي بأسمها وهي طردتني لشنو بعد باقي
سحبت سندس من ايدها وهي تبجي وتلطم على صدرها تكول ميت عدها
دخلنا للبيت وعاطت
هاي هيه ي طه طلعت ايدك الحايط لا فلوس ولا ورث ولا املاك وفوكاها مو ابنها اخاف بعدين تطلع مو ابنهم ابن حرام
جان اندار عليها وضربتها انركع راسها بحافه الباب وشاغت روحها لازمتها وتعيط
هو انت صير رجال براسي تضرب وتحاسب لو بيك خير جان كدرت تاخذ حصتك واني الثوله مأمنه عندك ورث واتحمل الفكر
حجي طه : تسكتين لا وروح ابويه اكطع النعال على راسج
سندس : هذا الفالح بيه تضربني من تعرف هاي مو امك شون تعوف ابوك الها هاك تنازل الها عن كولشي وانت بقيت حالك حال المجدي بطرك البيت ومنو يكول بيتك
حجي طه : عطت عيطه هزيت البيت هز
لج كافي حيوانه اسكتي اريد افتهم الصار
سندس : شتفهم يعين امك الاملاك وبح وكلها بأسم انعام وانت طردتك واخوتك حايرين بروحهم يعني راح اضل طول عمري ويه واحد حصره عليه اللكمه
حجي طه : شو تعالي جريتها وطردتها وسديت الباب عفتها بره حتى مااوصلها اني مصدوم ومكسور وما اعرف شون اتصرف وهي مثل المخبله تهسترت
كل مااغمض اتذكر الاوراق الي طلعتهم وكولشي بإسمها روحي تفرفح واضل افتر مثل المخبل عبالك احجي وياه واعاتبه ليش يابه هاي تاليها خليتني مضحكه الها
كعدت بلكاع وايدي على راسي احس راح يطك يمكن ضغطي صعد بقيت حوالي الربع ساعه
اندكت الباب حتى مكدرت اكوم بس سمعت صوت ام سندس
فتحته وشفتها جايه وبيدها بتها
هاك يمه هاي مرتك انت حير بيها وبعيشتها
حجي طه : صافن عليها مفهمت شتريد
ام سندس : اجتني وكدامك اكول الها اني معودت ازوجها اني مره على كد حالي طلعت بلدنيا بيها وبأخوها وابوها مات وخلصتها سنين اخبز للناس واوكلها واوكل اخوها انكسر ظهري عليهم ومن زوجتها كلت انشال الحمل عليه مو هسه راجعتلي وفوكاها حبله اني مره مريضه مااكدر اعيش مرتك وابنك
سندس : يمه طردني وضربني شون تقبلين ارجع
ام سندس : الرجال يضرب ويغلط ساعه عصبيه تنجبين وتركدين بيتج وانت يمه طه اعرفك عاقل وشزيناتك شجاك تطردها وهي حبله وادزها وحدها
حجي طه : شوفي شسوت هي وخلتني اتخبل عليها
ام سندس : اكعدي واسكتي غير بيت رجلج ماعندج تجيني تشوفيني هله بيج غيرها ماعندي
باوعت عليها هاي المره المسكينه هم ابتلت بتها بست راسها وكتلها عمه ميكون خاطرج اله طيب
وانتي ادخلي لغرفتج مااريد اشوف وجهج
سندس : شفتي مو گتلج
ام سندس : شگلج ضربج طلقه راد ادخلين بغرفتج ادخلي ولي
بيج قصص عراقيه حقيقيه من واقعنا.روعه الطائي
طبت للغرفه تبجي تعرف مالها مكان تروح بيه بعد حچي امها
طلعت امها اني احس روحي بكابوس ومخنوك وما ادري وين انطي وجهي طلعت من البيت وصار بوجهي جعفر يتعذر
انت شعليك قابل العركه وياك
جعفر : بنص هدومي هسه والله حجيت وياها هلمره ياهو تلزمه اذا ميسمع كلامها تنومه بره
حجي طه : اني عندي بيت وساترني وعلى الشغل تدبر بس انت مالك مكان ابقى تحت جناحها تره علي راح ياكل الاول والتالي صير سبع واخذ حقك
جعفر : شون اخذ حقي وهمه حالي من حالك اكلوه كولشي بأسمها
حجي طه : العتب مو عليها على ابويه النطاها كولشي موتزعل مني
جعفر : شزعل لو بيدي هسه احركهم على سوايتهم وهاي نهر بس تبجي مسويتها مناحه
حجي طه : مااكدر اطب اطيب بخاطرها سكتها خطيه تتأذه باوعت على البيت رفعت راسي تالي عمري انطرد من بيتك يابه ترضاها استغفر الله واتوب اليه
جعفر : لتضوج ايام ويهدا كولشي وترجع مثل الاول
حجي طه : لا اول ولا ثاني امك مخططه لكولشي بس انتظرت الوكت المناسب مبين هسه صار الوكت الجانت تنتظره من سنين حتى تنتقم من رازقيه
جعفر : امك شعليها
حجي طه : محد يعرفها بكدي بس الي الله واذا ابويه سجل كولشي برضاته الها بلعافيه عليها بس اذا اكو شى او مغصوب لا محالل ولا موهوب والله موجود وحبله طويل يجي يوم ويطلع الحق
اني باجر التحق
جعفر : يمعود وين رايح بعدها اجازتك
حجي طه : اريد بس منك عينك على سندس هاي خبله ومتكعد راحه راح اخلي مصرف عدها عندي جم فلس بس انت كل كم يوم مر عليها اخاف تحتاج شى
جعفر : طه بروح ابويه ضل والله قلبي وجعني لتروح
حجي طه : لتخاف ماطول الدنيا مطيحه حظي مااموت
طلعت ثاني يوم للجبهه وعفت فلوس على الميز لسندس كل فلوسي بقيت بس مال كراوي حتى مشفت وجهه بعد
احس الجبهه صارت احن عليه من اهلي حتى لو ريحه الموت بكل مكان الجو ثلج نهايه شهر الثاني ١٩٨٣ وداير مداير الجوله كاعدين اني ومحسن والحصره تاكلنه على نزار الي استشهد وسلمان المفقود كمت احس روحي نحس وشؤوم حتى على اصدقائي ياهو القربه مني يصير بيه شى
كمت ماانزل كل جماعتي تنزل واني باقي تكول اشتري الموت شرايه صرت ضعيف مكسور مهزوز كل مااتذكر نظره مرتي اليه بأستصغار لو نظره علي وانعام الحاقده اكره روحي شسويت اني حتى كل هذا يصير بيه
اشتاقيت لنهر وضحكتها ولجعفر وسوالفه حتى اشواق وسلام رغم ميتقربون مني بس احبهم
نهايه شهر الرابع الضابط گلي انزل ارتاح حسيت نفسي وصحتي تعبت وعندي راتب مال ٣ اشهر بجيبي مصرفت منهم وين اصرف واحنا بنص الموت گلت انزل انطيها لسندس وارجع التحق
نزلت بس مو مثل كل مره اقدم رجل واخر الثانيه عبالك ولا اريد اروح وصلت للبيت حتى بيتي احسه غريب بس جذبني صوت هذا منين طالع فتحت الباب عياط طفل
دكيت باب الهول فتحه اخو سندس حضني وگلي هلو عمو الحمدلله على سلامتك بسته بس عيوني ادور صوت الطفل هذا منين اجتي عيوني واشوف ام سندس متربعه بلكاع والطشت يمها وتسبح بأبن نفاس بس مااعرف ولد لو بنيه
اندارت عليها وصاحت هله يمه هله بجيتك والله واجت وجابت الخير وياها وجابت ابوها من الجبهه بلخير يمه ماجاك وكعت من ايدي الجنطه واشوف ام سندس تلفهه بخاولي ابيض وتكوم وتحطها بحضني لحمه حمره والخدود دم
هاك يمه بنيتك
فتحت عيني وممصدك صرت اب حطيت وجهي وشميتها من رگبتها بنفس قوي لو بيدي احطها بنص صدري واحضنها حيل بس اخاف عليها حيل صغيره بجت دمعت عيوني واني اشوفها
هاي بنتي
ام سندس : اي وليدي مرتك ولدت قبل ٣ ايام واجت بت ومنعرفلك طريق وماسميناها اله تجي وتسميها
شسميها
سليل اسمج سليل
شرفت اول غزلان الحجي طة


يتبع ...
#روووعه


لامارا غير متواجد حالياً   رد مع اقتباس
قديم 09-10-19, 08:26 PM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

#ابي_والغزلان
للكاتبة Reem
#بارت ٤


ملاحظة بسيطه قبل البارت / انذكر القصه بيها حزن وقهر اعطوني بيت عراقي واحد بس واحد من سنه ١٩٨٠ الى ٢٠١٩ مشاف قهر ضيم دموع موت الم خذلان وووو القائمة تطول واني اكتبها الكم تدللون ماطول قصه عراقيه حقيقيه واقعيه مستحيل بل من سابع المستحيلات مابيها قهر وضيم العبره من هكذا قصص تسليط الضوء على اخطاء الغير والتجنب الوقوع فيها واخذ العبره والتعايش لمده بسيطه حياه ثانيه لنعرف مدى كميه النعم الي انعم الله علينا بها ومنقدر وجودها
القصه في بدايتها
اختصار للاحداث مااختصر يوم بارت طويل يوم قصير حسب الحدث المتوفر والتسلسل الزمني الي ماعنده خلك طويل ليقراها تكمل وينورني ويقراها والي متابع معي يوم بيوم ومتحمس شكراً من قلبي على تفاعلكم الرائع وتعليقاتكم كلها اقراها
قراءة ممتعه لًلًـّــ💎ــجٌٓمٍَُٓيِّعَْٓ
البارت الرابع
مـاا نكتب شعر وانـورّج الناس
قسـه ويانه الحـزن خلاّنه نكتب
كتبنـه وبالشعر ماردنه مبـلغ مال
رسالة وردنة توصل گـلب الانحب
مرّات ابدمع من نكتب و خـوف
ومـرات الفرح فوك الورق ينصب
تألمـنة الجـروح ونرســم اعياد
ونفرح الحبايب شــرط نتـعذّب
كتـبنه اعـله الفرح بعناد شمـّات
مـن چانت خنـاجر بالضهر تلعب
وزرعنة اعله الورق ضحكات أطفال
سگينـاهة بدمـع والصـبر مايتعب....
حجي طه : اباوع عليها هاي صدك الي بنتي
ام سندس : يمه شنهي سل ياستار مالكيت غير هذا الاسم
حجي طه : هههههه لا عمه اسمها سليل يعني صوت الغزال
ام سندس : وشلك بهاي الدوخه سميها غزاله شحلاته بعدشنهي نعوج حلكنا ونصيح سيل سل والله يمه صعب ماينهضم
حجي طه : لا عمه حلو وغريب اني مره جنت ويه صديق بلجبهه وكعد يسولف النه على الغزال وشون بيت جده عدهم جانو يربون وسمعت هذا الاسم ومن يومها يرن بأذني اريدبنتي غريبه بكولشي حتى بأسمها
ام سندس : والله ياوليدي براحتك انه اشوفنه صعب وهي بنيتك وانت تسميها
حجي طه : هذا هو انتي اسمج سليل وابوس بيها صوت الغزال انتي غزاله ابوج واول فرحته وحبيبته
ام سندس : انطيني البت اكمل لبسها
حجي طه : وسندس وينها
ام سندس : سبحتها ونومتها عبن البت نفاس وماتكدر توكف على طولها ونامت من التعب
طبيت على كيفي شفتها نايمه بستها من راسها محست عفتها وطلعت
ام سندس : تعال يمه ولو تعبان عندي شغيله وياك
حجي طه : امري عمه
ام سندس : لا يأمر عدو عليك وليدي انت بعد صرت اب
حجي طه : الْحٍمَدٍ للـّ?
ام سندس : نحمده ونشكره ياوليدي صارت بركبتك عائله لا كل شويه ماخذ جنطتك ورايح وماندري عنك وين ما وين انه اعرفن گلشي رستني سندس على كل شى انت عفت بت صغيره حبله ودرت وجهك ورحت مايصير يايمه
حجي طه : عمه انه لو باقي راح أذيها وأذي نفسي جفيت الشر ورحت
ام سندس : لو كل الزلم مثلك چا ولا واحد ضال يم مرتك
حجي طه : عمه الصار بيه ماينحمل الضيم والكسره فوكه فوكه ماندليت دربي
ام سندس : حگك يمه بس گلشي رزق وقسمه وانت هاي قسمتك من الدنيا ارضى بيها وماتعرف ربك شضام گلشي بوكته حلو
حجي طه : الله كريم
ام سندس : انه اكومن اصبلك اكيد جوعان
حجي طه : اي والله بس خلي اسبح بالاول
اباوع على بتي نايمه بلكاروك ملاك ونايم مااشبع شوف منها لو بيدي احطها بروحي ومااطلعها بس اخاف عليها صغيره حيل
كملت سبح وطلعت انشف شعري دخلت اخذ المشط حست عليه سندس فتحت عينها تقربت منها وبست راسها الحمدلله على سلامتج
سندس : الله يسلمك شوكت اجيت
حجي طه : قبل شويه شونها صحتج
سندس : الْحٍمَدٍ للـّ? شفتها
حجي طه : اي وسميتها هم
سندس : شنو اسمها
حجي طه : سليل
سندس : شنو هذا الاسم المعقد محلو
حجي طه : حلو ويخبل ومعناه بعد احلى صوت الغزال
سندس : هي مال اصوات جان سميتها اي اسم وخلص من ذني الموجودات
حجي طه : بنتي وعجبني اسميها بكيفي
سندس : هذا هو صحتك شونها
حجي طه : الْحٍمَدٍ للـّ? كمت ومديت ايدي بجيبي وطلعت الراتب
وقسمته بلنص وحطيته بيدها
سندس : هاي شنو
حجي طه : المفروض اجيبلج شى حلاوه سلامتج بس ماادري ولدتي گلت انطيج فلوس احسن اشتري شى يعجبج وعلى ذوقج
سندس : شكراً
حجي طه : حضنتها وبستها تكومين تاكلين ويايه
سندس : اي جوعانه
حجي طه : يله تعالي اكومج
بيومها جنت مرتاح راحه غريبه لان حسيت نورت حياتي بنتي العصر اندكت الباب وفتحه اخو سندس واني لازم الكاروك واحرك بيه ممصدك صرت اب واسمع صوت ورايه
جعفر : هيج بنتك الزرزور صارت اهم من اخوك
حجي طه : كمت حضنته هذا من ريحه ابويه حنين عليه
جعفر : هاي تاليها تنسى اخوك
حجي طه : ولك اكو واحد ينسى دمه وانت دمي
جعفر : من هيج اجيت الصبح وحتى ما مريت علينا
حجي طه : شنو نسيت الصار اخر شى
جعفر : لحظة عصبيه وراحت
حجي طه : بيت ابويه انطرد منه وتكول لحظة عصبيه انت تعرف كولش زين مالي مكان هناك بعد وتحرم ذاك البيت عليه
جعفر : واحنا شنو ذنبنا
حجي طه : مالكم ذنب الي يريدني هذا بيتي موجود يجيني اشيله على راسي بس هذاك البيت انتهى مات ويه موتت ابويه
جعفر : مااريد اضوجك اني اجيت اشوف الزرزور مالتنا
حجي طه : ولك شنو زرزور هاي غزال سميتها سليل
جعفر : اكولك خلي اشوف وجهه زين وخر هذا الغطا على راسها بس لا تطلع تشبه امها اذا تشبهه سميها عفسه ام الدهن
حجي طه : هههههههه شذكرك بيها
جعفر : هي تنسي تتذكرها من جنا صغار تفتر وبيدها جدريه دهن ومكوشه وتصيح نعله على ابهاتكم وين الاكل مالتي ونركض وراها
حجي طه : ضربته على راسه بخفه ايدي وانت شون تشبه بتي بعفسه شوفها شحلاتها العيد وهلاله
جعفر : هسه متبين بس تكبر اذا تشبه امها اطلعها ويايه بلسعدون اجدي بيها
حجي طه : ههههههه ولك شحدك وشبيها امها
جعفر : لهنا واسكت رحمه لأبويه ولك انت مظلوم وماتدري بروحك روح شوف النسوان التكطع بشارع النهر والشورجه تكول عارضات ازياء مو مرتك جنها ابو لهب منزلي جمعه وسبت يفتر ويرجعوه لجنهم وبس يكمز ممصدك
حجي طه : هههههههه ولك كافي چاي حامي
جعفر : الله عليك مو تشبهه شايفها من تمشي سريع لو من عصبيه جنهه حصان كفيلك الله هبشه
حجي طه : هسه تسمعك وتطلع عليك
جعفر : هو الحق ينزعل منه
حجي طه : باوعت عليه وسألته شخبار اخوتك خواتك امك
جعفر : قصدك اهلك
حجي طه : جريت حسره قويه وكتله جانو اهلي
جعفر : هاي شنو طه مامريوده منك هاي الحجايه اهلك ويبقون اهلك
حجي طه : شون اهلي ويطردوني من بيت ابويه تدري شون انكسرت نفسي تدري شون هاي الاشهر مرت عليه بس الله اليدري
اني من عرفت انعام مو امي مااكولك منقهرت بس مدرت بال گلت ماطول هي ربتني تبقى امي بس من وكفت بوجهي وطردتني ومدام مرتي وكدامكم گلكم شون بعد تريد اعتبرها امي ولك والله لهسه گلبي يوجعني من اتذكر وروح ابويه حتى اشتاق وگلبي مفرفح عليها انه ماعرفت ام غيرها جعفر
شگد اذتني بس ما عرفت غيرها ام اليه بس هي گلبها حجر فتحت عيني بحضنها وما يوم أذيتها بس هي تكرهني
جعفر : والله متكرهك
حجي طه : لتحلف جعفر كلنا ندري هذا الشى حتى من خطبتلي تقصدت تجيبلي وحده مثل سندس ولو هي خلقه الله حرام واحد يعيب بس جان تكدر تجيبلي زينه البنات بس متكدر رادت تأذيني وخلتني مااشوفها اله بيوم العقد وتدري بيه اخاف الله ومااكدر اكسر بختها والناس كلها تدري قريت فاتحتها بقيت عليها وفوكاها حبلت بعد كعدت وسكتت
جعفر : وتالي الگلوب مراح تتصافه
حجي طه : اني ماكو اصفى من گلبي بس گلوبهم متتوالم ويايه لان مو مثلي وشفتهم بعركتنا الاخيره حتى بيت ابويه حرمته عليه خليني هنا كاعد وساكت ومحترم نفسي اليجي هله بيه والميجي براحته
جعفر : براحتك شو انطيني هاي الزرزور عفسه الحلوه
حجي طه : ولك اذا مشيت عليها عفسه اكطعك
ها شنو جعفر شحطيت بكماطها
جعفر : شلك دخل اني وبت اخويه اطلع منها
حجي طه : لا مااقبل
جعفر : هو انت منو جاي يمك گتلك اني وبت اخويه بستها وانطيتها اله تتربى بعزك حبيبي
حجي طه : يوم الالك
جعفر : امي تريد تزوجني اني وعلي بليله وحده وادور على مره
حجي طه : بس ابويه بعدها السنه مطالعه مالته
جعفر : ااني هم كتلها ومقبلت تالي هي سكتت بطرانه هو اني بنطروني كوه البسه هلمره تعال حير بمره ودي علاكه وجيب علاكه
حجي طه : الله يرزقك بت الحلال
مشتاق لنهر
جعفر : هسه تجيك هاي تدري بيها روحها بيك
حجي طه : واني هم والله حتى اشواق رغم سوالفها مشتاق الها
جعفر : ان شاء الله تهدى الامور وكولشي يرجع مثل قبل
حجي طه : الراح ميرجع ياخويه يله الْحٍمَدٍ للـّ? على كولشي
نهر : يمه لازم اروح اشوفه غير اخويه
انعام : انجبي واكعدي
نهر : جابت مرته مخليتيني اروح وكلت صار بس مال يجي طه وصار اكثر من ٣ اشهر مشايفته مااكدر
انعام : ولج بيج دوده اسمها طه كتلج انجبي واكعدي ماكو روحه
نهر : غير اخويه والله هاي حلوه اني رايحه
جان تجرني من شعري
اااااخ يمه شجاج
انعام : ولج گلبه اگلج مترحين وتعاندين وترحين شنو من خلفه عاقين انتم
نهر : صرت عاقه لان اسأل عن اخويه ومشتاقه اله
انعام : باعي لج لدوخين راسي روحه هناك ماكو
نهر : شفتها قافله وامي مو مال اعاندها كعدت يم رجلها وابوس بيدها يمه رحمه لأبوج وابويه اقبلي والله ما اتأخر ربع ساعه واجي والله گلبي طاك عليه
انعام : بس لو افهم شمسوي الج وهيج ترجفين عليه
نهر : يوم هو اكو احن من طه فدوه لعمره هو الوحيد من خوتي اليتفقدني ودومه حنين عليه من اشوفه اشوف ابويه بيه فدوه ابوس ايدج والله ما اتأخر
انعام : من انعل شيب الخلفتج على هذا العناد الشايلته ولي روحيله راحت روحج انتي ويااه
طفرت بستها من خدها وصعدت فوك ركض فتحت الكنتور طلعت العلاكه وحطيتها بصدري حتى لتشوفها ونزلت اركض
انعام : هاا شنو هذا بيدج
نهر : فتحت ايدي كولشي مابيها وطلعت اركض عرفت راح تركز على ايدي امي واعرفها
دكيت الباب الخارجي لكيته مفتوح طبيت وصلت لباب الهول دكيته
فتحه جعفر
نهر : ايا خاين واني وكعت دخيل لأمي حتى اجي وانت هنا ليش مأخذتني وياك
جعفر : شكد تلغين تعالي طبي
فتت وركضت لحضني
حجي طه : ولج هله بلحنينه گلت مستحيل تدري بيه نازل ومتجي
نهر : هله يروح اختك هله بريحه ابويه
جعفر : اني اروح عندي شغل وامرلك غير وقت
حجي طه : مو كاعد بعد وكت
جعفر : غير وكت اجي انت التهي بهاي ام لسان
نهر : طلعت لساني وعيبت والله احلى من لسانك
جعفر : اخ لو ما اخوج كاعد اله اكصه الج
حجي طه : شحدك هاي الحنينه محد يطخ شعره منها
نهر : شمرت روحي بحضنه واغور بجعفر وذاك يكولي وين ترحين تاليتج الكفج وحدج وعود عيبي
نهر : شسوي سوي مااخاف
حجي طه : ههههههه بعدكم جنكم رويسيه
جعفر : يله من رخصتكم
حجي طه : غالي
انداريت عليها وبستها من راسها ولج حليانه
نهر : منيلي العب النفس عوفك مني شونك صحتك شونها گلبي نار عليك
حجي طه : سلامة گلبج الْحٍمَدٍ للـّ? يم الكريم جان تبجي سليل يمكن جوعانه
نهر : طفرت واشوف بت طه كزكزت عليها اوي هاي شنو شكدوتها تخبل
حجي طه : حلوه على عمتها
نهر : بس كون متطلع على امها وجان اطب وتكول شبيهه امها
باوعت عليها وكتلها محد حاجي وياج عيني
سندس : هسه اتذكرتي عندج بيت اخ وبنته صار ٣ ايام محد دك بابي
نهر : الْحٍمَدٍ للـّ? على سلامتج
سندس : بعد وكت خلي تصير اربعين يوم على وجهه
حجي طه : طبي جوه سندس انتي مو تعبانه
سندس : شعندي داخله بيتي وبكيفي لو هذا هم بيتهم ويتحكمون بيه
نهر : اني رايحه واجيك غير وكت
حجي طه : اكعدي وانتي كتلج طبي جوه ولتسويلج مشكله بهاي المغربيه وانتي تعبانه
سندس : يعني لشوكت انت تضل هيج ادافع الهم وتحاميلهم مكافي طردوك ذيج المره ومحد قدرك
جان تجي ام سندس تركض على عياط بتها
حجي طه : عمه اخذي بتج لا اجفص بطنها وازوعها دم
نهر : خلي اروح طه وبعدين ارجع
حجي طه : متتحركين من مكانج وانتي طبي جوه
ام سندس : ولج نفسه موزين عليج حركان الاعصاب
سندس : مشوفين كدامج شون يستقبل اخته وهمه طردوه من بيتهم واكلو ورثه
ام سندس : مالج دخل وامشي من صخام بوجهج
سندس : انطيني بنتي
حجي طه : ادخلين لو اكوم وانسى انتي جايبه واخليج تبجين دم تره وصلت لهنا واشر على خشمي
اخذتها امها ودخلتها
نهر : هاي شون جارعها
حجي طه : هو اني موجود يمها حتى اجرعها مو كدامج اجي چم يوم وراها التحق بالاشهر
شونها اشواق ليش مأجتي وياج
نهر : هااا نايمه
حجي طه : عادي اعرف بيها لاتجي تسلم ولا تحب توصل براحتها
نهر : لتضوج فدوه خلي اروح تأخرت
حجي طه : ولج هسه اجيتي
نهر : ماما حاسبه الوقت عليه لازم اروح
حجي طه : شونها هي
نهر : اوف يگلبك ياخويه ويلوموني ليش روحي بيك
حجي طه : شسوي مااعرف احقد متشوفين ماعندي حظ
نهر : لا عفيه لتكول هيج هاك حطيت العلاكه بيده
حجي طه : شنو هاي
نهر : عليك بروح ابويه الغالي وعليك الامير علي متفتحه الجيس اله وكت ميضيق بيك الحال وابد مترجعه احلفك بكل امام
حجي طه : اوكفي شبيج اگلتيني وشربتيني جنج عجوز شنو هذا
نهر : يجي يوم وتعرف بس لتفتحه هسه مثل مكتلك وضمه بمكان محد يعرفه غيرك وخاصه مرتك الحيه
حجي طه : هههههه ولج لسانج
نهر : شسوي هي تحجي الاخرس بسته من خده ونزلت بست بتها وكتلها حبيبة عمتج هديتج يم ابوج مااكدر احطها عندج تاخذها امج الشعنونه اوي صدقه لله تخبلين شكد ناعمه وترفه
يله اني رايحه
حجي طه : بستها من راسها وطلعت اجاني الفضول افتح الجيس بس گلت هاي حلفتني
صعدت للطابق الثاني ودحسته بين الغراض
ونزلت لكيت سندس ترضع بلبنيه
سندس : الفلوس الي بلكماط منو حطها
حجي طه : جعفر
سندس : لعد والمسعده اختك اجتي طبت وطلعت مكدرت تحط شى جوه راس الطفله
حجي طه : اني طالع اغير جو واشوف جماعتي محتاجه شى اجيب ويايه
سندس : اي انهزم لان الحجي مس اختك لو اني جان لسانك طلع شطوله عليه
حجي طه : عفتها ومجاوبتها ولا اليه خلك اجاوب
طلعت اتمشى وجان الجو زين باجر انطب شهر الخامس ١٩٨٣ وبعده الشارع بس يسولف على الحرب ومصايبه ويوميه نسمع زفه لشهيد
كعدت يم اصدقائي صار اشهر مشايفهم يسولفون على اشكال المواضيع الصارت واني ماكو بس اني صافن على وضعي شون ارتبه الراتب بعد ميكفي وهاي طفله ويرادلها مصرف واني الاجازه مااكدر اكضيها كاعد هم ما اتحمل لغوه سندس وهم لازم ادبر مصرف شون
سامي صديق طه : شبيك حجي شو صافن
حجي طه : والله انت اخويه مو غريب اريد ادور شغل بس على كد اجازتي الانزلها
سامي : وهاي منو يقبل يشغل عامل عنده كد ١٠ ايام كل شهر ونص او شهرين
حجي طه : متشوف دايخ
سامي : ليش مترجع لمطعم ابوك
حجي طه : صعب مااكدر بعد
سامي : حجالي كولشي جعفر حاول تصالح علي وتنهي هاي الشغله اقلها بمطعم ابوك معزز مكرم وماكو اي مشاكل ولا واحد يتعدى عليك
حجي طه : بلعكس هسه اذا ارجع راح يدوس راسي علي وادري بيه اخويه واعرفه اكثر منك
سامي : شون وانت برگبتك عائله
حجي طه : دايخ وحتى عيوني توجعني من التفكير
سامي : ليش متحاول تفتح محل الك
حجي طه : هاي شبيك سامي لو ما تعرف كولشي هو اني بطرك راتب الجيش الميكفي لنص الشهر وهذا البيت الساترني منين بعد اجيب فلوس محل هو لو عندي فلوس محل ادوخ هيج
سامي : تعال اشتغل ويه خالي عندي مطعم بلبتاوين
حجي طه : قريب على محل ابويه
سامي : شعليك بيهم هذا خالي حباب وخوش انسان المهم الاجازه مالتك اطلع جم فلس تسد بيها نفسك بين ما الله يفرجها
حجي طه : ضليت افكر ماعندي غير حل هذا هو بلغ خالك ومن باجر اطلع وياه
سامي : ارتاح كم يوم
حجي طه : يمعود مرتاح بس خلي اشتغل
رجعت للبيت استلمتني سندس
سندس : بعد وكت جان بتت بره هو انت اليوم اجيت متكول عندي مره طفله اكعد اشوفهم شيحتاجون
حجي طه : انتي تعبانه روحي نامي
سندس : محد راح يموتني بروده غيرك
حجي طه : وين غزالتي
سندس : هو هذا المحصلته منك اروح انخمد احسن
امج وين
سندس : رجعت لبيتها خلف الله عليها حارت بيه كل هاي المده خوما مثل اهلك الميخافون الله بابي ٤ اشهر محد دكه
حجي طه : ليش جعفر ليش مو كل مره ينطيج مصرف اني حجيتها على الله ممتأكد بس مستحيل عايفها هو مكلي بس اعرف ميعوفها
سندس : هاااا اي شينطي تفاليس
حجي طه : والمسواك الطاب كل اسبوع
سندس : اي عيني اكيد سوه منيه براسك وضل يعدد شجاب موو
حجي طه : ابتسمت عرفت اخويه ميعوفها
سحبت الكاروك بستها لغزالتي وباوعت على سندس اني من باجر طالع للشغل
سندس : ويه منو
حجي طه : جماعه اصدقاء اشتغل الكم يوم حتى ما اخليج بعازه اللكمه على كولتج
سندس : اي انت بس شاطر تحفظ كلامي واهلك يحجون ويتجاوزون وتمسحه بلحايط
تصبحين على خير عفتها وطبيت نمت
وكعدت على صلاة الفجر كمت توضيت وصليت باوعت عليهم نايمين
عفتهم وطلعت امشي والشمس بعدها تريد تطلع على بروده الهوا ادندن ياحريمه وتذكرت نزار الف رحمه على روحك شكد سامعها بس مو مثل مجانت بصوته
ركبت نفرات ونزلت بلبتاوين
استقبلني خال سامي خوش انسان وفهمني على الشغل وبديت اشتغل
جان محل مال كبه شغلهم اكثر شى من الصبح كمت اثرم بلزلاطه واحظر الطرشي والمواعين اباوع على حالي واكول الْحٍمَدٍ للـّ? احسن من غيري
بس هم اتعب من اتذكر شون بمطعم ابويه مهما كان بمطعم الغريب من تشتغل مو مثل ميكون مال ابوك اتذكر شون يفتر هو ودشداشته وسبحته ومن يشوفني شايل ثكيل ميقبل ويحجي على العمال ومن يكعدني على الدخل راحت ايامك وراح الخير وياها سهيت واني افكر وجرحت ايدي
استغفر هو هذا وكته
ركضت جبت وصله وسديت جرح اصبعي حيل باوعت عليه شون ينزف وانكطع شويه شويه ياريت گلبي مثل اصبعي من ينزف اسده بوصله ويوكف نزفه
ابوحيدر خال سامي : يله بويه طه تحرك ليش واكف
حجي طه : اي حجي واركض هنا وهنا جان الشغل هلاك لازم ما اتأخر على المشتريه ولساني حلو وياهم اني اعرف ذبه اهل المطاعم غير خلصت عمري وياهم
جر يوم وره يوم وصارلي اسبوع يوميني زينه واضمها اقلها اجمعها وانطيها مصرف اخاف التحق
اجاني ابو حيدر طه روح جيب صمون عمي
حجي طه : ليش مجابو
ابوحيدر : لا وتأخرنا الناس تصيح تريد صمون
حجي طه : ماشي وركضت لابس هدوم الشغل وكلهن طرشي وطماطه وعبرت السايد الثاني وشلت الصمون بسلال على راسي واني اعبر وكفت سياره بصفي باوعت شفته علي نزل الجامه ويباوع عليه بنظره شماته ويبتسم ابتسامه حقاره تعجبت شون يكدر الواحد يتشمت بأخوه جان يكولي
علي : ها لو جار عدل وممدخل خشمك بكولشي مجان هذا حالك زين هيج تشتغل عامل عند الغربه
حجي طه : باوعت عليه وكتله لو ابويه عايش جان كدرت هيج تحجي بس صدوك لو كالو الما يسوگه مرضعه.. سوگ العصا ما ينفعه وانت بعد مايفيد شى وياك غسلت ايدي منك روح لشغلك وراعي الله بيه
علي : هههههه شوف حالك عامل عندي ما اخليك وها خاف تجي يوم وتطلب فلوس تحلم تشوف فلس مني
حجي طه : اموت جوع واشتغل بلتراب وما امد ايدي الك روح بدربك وادعي ربك مايصير بيك شى ويفرك الزمن ويشمرك عليه وانت التطلب مو اني روح
عفته ومشيت بينت اني قوي بس الريشه مو مثلي لو بيدي اعيط ابجي هيج علمود الفلوس تتغير النفوس ولك اني اخوك هيج تتشمت بيه صرت نار بس مابيدي شى اسوي وجهي بوجه الكريم ماعندي غيره
رجعت اكمل شغلي بس اني دمي محترك ماادري شون بيومها خلصت الشغل
رجعت اتمشى وبيدي المسواك والقهره بگلبي
خلصت ايامي لو شغل لو صافن على وضعي وحتى سندس من شافتني هيج بقت ساكته يمكن حتى ملت من النك
خلصت اجازتي ودعت غزالتي واني اول مره اموت قهر لان رايح كل مره اني انهزم ما اريد ابقى رجعت للضيم والتحاق الجيش اجت ايام صعبه وصارت الحرب اشد والشهداء يوم بعد يوم يزيدون صارت شوارعنا ماكو شارع مابيه شهيد
مر شهرين على هذا الحال خلصته خوف لا اموت جنت اتمنى اموت واخلص بس من شرفت حبيبة ابوها كمت احب اعيش اريد اكبرها واسويها احلى البنات
نزلت وهم نفس الروتين ورجعت اشتغل ويه خال سامي حالي صعب بس ملزكها وهاي سندس متسكت ياامك يااختك شيبت گلبي ومالي غير السكوت
وبلنزله البعدها دخلت للبيت هنا عمر سليل صار ٧ اشهر نشنشت حبيبة ابوها جنهه تفاحه الخدود طاكه وبيضه على حنطيه مو بياض ناصع بس تخبل والشعر اسود والعين عسلي طلعت بيها شبه مني ومن عمتها نهر
من تشوفني تضحك رغم مو كل الوكت يمها بس احسها تعرفني طبيت لكيت سندس حاطه ايدها على خدها
السلام عليكم كامت وباستني الله يساعدك
ها شبيج شو الوجه مگلوب
سندس : انت هسه وصلت ارتاح ونسولف
حجي طه : شصار يمعوده وكعتي گلبي
سندس : اني حامل
حجي طه : هاا الْحٍمَدٍ للـّ? بيها الخير
سندس : ياخير على هذا الفكر
حجي طه : ليش فگر الْحٍمَدٍ للـّ? تاكلين وتشربين وممخليج بعازه احد وكولشي موفر الج
سندس : بس اني ما اريد هسه
حجي طه : وشبيدي اني صار بعد وكولي الْحٍمَدٍ للـّ? هو رزق من الله خلي نخاوي غزالتي
سندس : هو انت شعندك انت قابل الراح تحبل وتتنسى وتتعب
حجي طه : اكولج شو ذابتها براسي مكان مامتخبله وتذبين الصوج بيه مجان اخذتي احتياط اذا متردين طفل
سندس : صار بعد
حجي طه : ماطول صار المن هاي اللغوه الزايده كولي الْحٍمَدٍ للـّ? اهم شى تكومين بلسلامه والخلقه التامه
سندس : بس لا تجي بنيه
حجي طه : وشبيهم البنات هاج شوفي وشلت سليل باعيها تسوه الف ولد
سندس : مااحب خلفه البنات بس الهم والضيم
حجي طه : خو كولي مااريد بنيه اخاف تطلع مثلج
سندس : هلوو وشبيه يمه
حجي طه : الله يسلط تره شوفي حالج ويه امج تره يجي يوم وخلفتج تطلع مثلج
سندس : لعد تطلع عليك ابو گلب رهيف كعد وسكت وگابلني ومعرف يجيب حقه من اهله
حجي طه : هسه اجيت عسى لا اجيت بدينا ولج متملين
سندس : اوي خلي اروح اكمل غدا
حجي طه : وجعوي روحي
افتر بغزالتي واضحك وياها ولج ديري بالج اطلعين على امج خبله وهي تضحك متفهم شحجي وياها واني اضحك على ضحكتها
افيش ياريحتج
مرت الايام يوم صعب ويوم زين ماشي من يومها واني مداخل بيت ابويه من انزل تجي نهر وجعفر عليه بس مره وحده اجت اشواق ومبين نهر جابرتها اما سلام لو اشوفه بلشارع يسلم لو ما اشوفه
بس جعفر من انزل بليل يمي شگد عرض عليه يساعدني اني رفضت اني ما احب اخذ من احد وخاصه وبهذا وضعي ما اريد احد يستخطيني حتى لو اخويه
تموز ١٩٨٤ اجه ابني للدنيا حسام فرحتي جبيره لان جانت امنيه ابويه اشيل اسمه
سليل معزتها خاصه بگلبي بس هم حسام احتل گلبي من شلته سبحان الله الگلب يشيل اكثر من واحد من يكونون جهالك
صار عندي حسام وسليل بعدها بشهر اندكت الباب طلعت افتحها شفت جعفر واكف
هاا ولك تعال طب
جعفر : قبل ما اطب كول وروح ابويه التريده مني اسوي
حجي طه : غير افهم شتريد شون احلف وما اعرف شتريد
جعفر : اليوم اروح امشي على مره
حجي طه : واخيرا ولك راح تتزوج حضنته وجان يكولي
اني تعاركت وياهم وگلت مااتزوج اذا متحظر انت الخطبه
حجي طه : ليش تحطني بهيج مواقف مو اني اخوك ترضاها اليه انذل باس راسي وجان يكولي
جعفر :ما عاش الي يذلك اني جوه رجلك بس لتكول هيج
حجي طه : اذا تحبني اخطب بدوني مااكدر اشوفهم واعرف بيهم راح يأذوني بكلامهم
وهو مصار شهر على دورت السنه مال ابويه لشنو هذا الاستعجال
جعفر :
اكلو راسي بس والله كتلهم الي يمسك بكلمه بنفس اللحظه اكوم واخرب كولشي
بروح ابويه تعال ويايه والله من تجي عبالك ابويه جاي
حجي طه : استغفر الله لك بابا لتسوي هيج
جعفر : حلفتك بلعزيز لتكسر بخاطري
حجي طه : باوعت عليه يريد يبجي مكدرت اقهره يله صار اجي وياك بس لتنقهر حضني ويبوس بيه
وركض رجع للبيت
دخلت
سندس : خير شبيه جعفر شفته واكف بلباب
حجي طه : اليوم خطوبته وراح اروح وياه
سندس : اجي وياك
حجي طه : وين وانتي الاربعين مطالع مالتج تخبلتي
سندس : شكو قابل صار شهر من جبت وصحتي حديد موكدامك اشتغل واتحرك
حجي طه : والجهال وين تعوفيهم الجو حار وابنج ابن نفاس يعني هيج ماعندج حس مسؤوليه
سندس : اهووو راح يطببها بحصص ودروس مالك دخل ادز على امي تضل يمهم
حجي طه : اكعدي واسكتي ابنج على صدرج اذا جاع شون
سندس : شوف طه لو اعرف اليوم تصير دمايه اروح اروح
حجي طه : وليش بله
سندس : غير اشوف منو هاي الاخذوها وحلوه لا
حجي طه : وانتي شعليج خال ولد عم بنيه انت بس مرت اخوهم
سندس : مالك دخل بسوالف النسوان المهم اشوفهم
حجي طه : ماكو روحه وانجبي واكعدي
بدت تفتر ولوك لوك يمكن ساعتين حركت شيب اهلي اريدها تسكت ماكو اخر شى عطت وكتلها امشي يمعوده امشي
لو بيدي هسه اروح للجبهه واذب روحي للايرانين حتى يكتلوني واخلص منج
سندس : نروح للخطبه الاول وراها وين متريد ذب عادي الله وياك
حجي طه : بدلت وكملت واجتي عمتي خطيه هلمره ابتلت بلوه بيها طلعت الخاتون هاي شنو
سندس : شكو
حجي طه : منيلج هاي الملابس
سندس : من انوار جدد وكتلها اكشخ بيهم وارجعها الها
حجي طه : مو عيب متستحين مو عندج ملابس
سندس : والملابس الي تكول عليهم هم يسمون ملابس ذوله خرك وصل مسح شون البسهم لازم اطلع اخبل حتى اسكت مرت ابوك وخواتك
حجي طه : باوعت عليها كامت متصيح امك كله مرت ابوك ليش لهسه احس هاي الكلمة ثكيله على اذني
وهذا شنو شعرج واكف جنه ديج هراتي
سندس : موده يمه شوف شون الكذله واكفه
انت شمعرفك
حجي طه : والله نفس الديج الهراتي ومنتول هم وتارسه روحج مكياج
سندس : لتبقى تعيب امشي راح نتأخر
صدوك شون نروح بسياراتهم
حجي طه : ما اصعد وياهم
سندس : لعد شون يمه
حجي طه : من وره شگلج مال ديوجه مضطر أجر تكسي امشي خلي يفوت هذا اليوم على خير
انطاني العنوان جعفر واخذت تكسي من راس الشارع وبس وصلنا تفاجأت جعفر بلباب حتى ميقبل يطب اله اجي
باوعت شفت علي هم ضارب قاط ومزين تكول هم عريس وانعام لابسه اسود بس تارسه روحها ترس ذهب باوعت عليه من فوك ليجوه وعلى سندس وهزت ايدها وطبت
اجتي نهر طالعه تخبل ومثل كل متشوفني لازم تحضني حتى لو بنص الشارع
اشواق : خوش قرقوز جايبين اليوم ويانه
حجي طه : متعرفين تسلمين
اشواق : هاا شونك طه وباسته
سندس : اي والله عليج غير
اشواق : ايا باخ شوفيني اخبل جني سهير رمزي بلحسن والاناقه
سندس : قصدج اسماعيل ياسين
اشواق : منين جبتي هاي الملابس خاف بگتيهن
حجي طه : اشواق احترمي نفسج واسكتي
اشواق : متشوف مرتك شون تحجي
نهر : تره احنا باب الناس والله عيب
سندس : اركعها على حلكها شوفها شون تتجاوز عليه
حجي طه : طبن لا اركع راس براس
نهر : ذني يراد واحد يحطهن جوه لوري ويدوس راسهن بلكت يعقلن
طبينا وتفاجأت الخطوبه لعلي وجعفر اخوه اثنين لثنين خوات اباوع عمام ابويه ولد عمه دمعت عينه واني اشوف مكانه فارغ طول الكعده وعلي حتى بوجهي مباوع اصلاً مبين مخنوك مني مدرت بال جاي لخاطر جعفر
وقرو الفاتحه وعلت الهلاهل
نهر : اباوع سندس تلوب وتباوع يمنه ويسره شكد فضوليه شجابج اعرف امي مراح تفوتها على خير وبيت العرايس حلو ومنطقه راقيه وهي عيونها هنا وهنا
قبلت يجون لان جعفر حلف يمين اذا طه محظر هو ميخطب وابو البنيه شارط اثنينهن سوه وعلي مچلب بوحده بيهن وميقبل يخطب غيرها اضطرو يوافقون على شرط جعفر بس حتى علي ياخذ الي يريدها
اباوع امي حطت رجل على رجل والنسوان كاعدات سوالف وضحك وطبن العرايس جان شگلهن حلو ومرتبات خاصه مرت علي كولش حلوه ولو مرت جعفر هم مو قاصره يعني اثنينهن حلوات اباوع على سندس طك وجهه من العصبيه ورجلها تضرب وحده بلثانيه من شافتهن وهنه بيض وهاي زركه تكول نار وشبت بيها اني بس عيوني تتحرك واراقب
جان تكول امي
هلا بجنايني يمه من فدوه لطولجن الحلو هاي النسوان الحلوه
ام العروس : ما اوصيج ام علي بناتي ذني العزيزات بنات مدللات
انعام : ولا تحجيها بعيوني عين غطا وعين فراش بناتي بعد ذني
وتباوع على سندس الگابه للستار
عمه العروس : بلخير عليج داده
انعام : الخير اليصيبج عيني
عمه العروس : اول جناينج ذني
انعام : جان تباوع على سندس اي اولهن واحسنهن ان شاء الله ويصيرن حالهن حال بناتي
ام العروس : ليش اني سمعت عندج ولد مزوجته وعنده خلفه
انعام : لتذكريني حظه الفگر اتزوج وحده متسوه بت فگر ومااعتبرها جنتي اصلاً ولا اباوع بوجهه
نهر : هلوو راح تعلك بعلي عرفت ميكعدن بمكان اله يحركنه
جان تحجي من يمها سندس حقج عمه متعتبريني جنتج
عمه العروس : ليش انتي جنتهه والله ماادري اعذرينا حبيبة
سندس : لا خاله على شنو هي هم حقها متعتبرني جنتها غير رجلي ابن ضرتها
نهر : الكل صفن وبهت وامي انتهت تكول حلبه مصراعه ونهت الجوله سندس بلضربه القاضيه لان امي كولشي عدها يهون اله تعرف العالم متزوج رجلها عليها اصلاً خلت طه بأسمها حتى تتجنب هيج موقف وخاصه بعد ما مر اكثر من ٢٥ سنه على هاي الشغله الناس القدامه اكثرهم ماتو والي عايش جبير بلعمر وشبه تناسو واليوم سندس خلت النسوان كلها صافنه بوجه امي
ام العروس : ليش داده المرحوم جان متزوج عليج
سندس : اي خاله وزوجي يصير ابن رجلها ابن ضرتها مو عمه لو عندج غير حجي
انعام : كامت على حيلها تريد تضرب سندس صاحو الولد العرسان راح يطبون يمكن بذيج اللحظه لو ما دخول الرياجيل جان علكت وتخزينا ويمكن حتى الخطوبه تنلغي
امي رجعت لمكانها بس بارود مدفع هسه مو مثلها
كامت سندس وطلعت ركضت وراها اشواق واني وراهن
اشواق : تعاي وين موليه ولج متستحين تخجلين امي
سندس : متكولين لأمج هيج مستحت من كاعده وتحجي عليه واذا هيج معاجبتها المن اجت وخطبتني لاخوج من ساعه السوده الخطبه الكشره
اشواق : اي والله لان جابت النا وحده وصخه مثلج
نهر : وكفت بينهن اسمعن لجن الولد هنا واي حجايه زايده وحق الله اخليهم يسحلوجن بلشارع متملن بس عراك ضراير انتن
جان يطلع طه الله جابك فدوه اخذ مرتك وروح
حجي طه : شصار
نهر : اذا بقيتو راح تعلكها امي فدوه ارجعو
حجي طه : شسويتي ولج
سندس : مسويت شى بس اخذت حقي منها
حجي طه : لج احجي
اشواق : مرتك ممربايه وفضحت امي كدام النسوان وكالت انت ابن ضرتها
حجي طه : فتحت عيني صدك هذا الحجي
سندس : اي واذا تريد هسه ارجع واعيده كدام الدنيا كلها
لزمها من ايدها حيل اني مو كتلج لتفتحين هذا الموضوع
امشي حسابج بلبيت
اخذها وراحو رجعنا طبينا وشفت امي وجهه ازرك من الاعصاب الله يستر
اول موصلنا للبيت دفعتها وكعت بلكاع ولج اني مو كتلج لتحجين كدام احد
سندس : لعد تقبلها تكول عليه بت فكر ومتعتبرني جنه
حجي طه : تنجبين وتسكتين واني اخذلج حقج
سندس : شون تاخذه ادز رساله بلبريد لمرت ابوك وتكول الها بعد لتعيديها بله متسكت هو انت يايوم اخذتلي حقي هو حقك ضيعته شترجى منك
حجي طه : انتي شنو من يا مله متكوليلي شسوي الج ميمله عينج حتى شغل بنزلتي اشتغل حتى احطه بحلكج الجايف وكل ماحجيتي وضيعت حقك شسوي اكتلهم خلاص ادخل السجن بيهم ابويه ومسجل كولشي الها شبيدي بعد
سندس : اي ابوك طلي وتسوكه سوك وسجلت كولشي بإسمها
حجي طه : هي كالت هيج لو عيوني بلحق صارن اني شكد احاول ما اضربها بس من تجاوزت على ابويه محسيت روحي غير ساحب الحزام ودك على جسمها وين مايوجعها وعياطها گلب الدنيا طلعت امها تركض
ام سندس : يمه دخيلك عوفها
حجي طه : موتتني طيحت حظي من ساعه السوده الخذتج بيها مو مره سم ٢٤ ساعه بس تنك براسي خلتني اكره حتى اجازتي
ام سندس : ابوس ايدك يمه عوفها راح تموت جوه ايدك
حجي طه : متموت هاي وحده عار واضرب وتعيط
سندس : صاير رجال براسي روح تشطر عليهن
ام سندس : يمصخمه اسكتي
سندس : عوفني كطعتني الله لا يوفقك
حجي طه : واضرب من گل گلبي تكول كعد اطلع حركه السنتين العشت وياها بيهم
هو الله مموفقني لان انتي مرتي اريد افتهم شمسوي لله وبلاني بيج ولج للحرام مواصل ولا عمري طاخه ولا حاطه بحلكي وبار بأهلي ليش هيج غاضب عليه بيج وارجع اضرب
نهر : رجعنا والطريق كله امي تعد وتصف اليوم بت الخبازه اشعل اهلها اليوم اسحك راسها بقندرتي واشكال الغلط وجعفر يريد يسكتها ماكو اول موصلنا راحت ركض على بيت طه واني وجعفر وراها سمعنا عياطه وهي تصرخ وتبجي بس الحجي ممفهوم حيل مبين واكع دك الها
انعام : حل بعد ايدي خلي يربيها
نهر : يوم انتي هم حجيتي عليها وفشلتيها كدام النسوان جان تضربني على راسي حيل
انجبي انتي واسكتي تستاهل بت الفكر
نهر : والله خطيه هذا الولد برگبتج من زوجتي سندس وركضت وجان تنزع الحذاء وركعته همزين بلباب صار جان انحمس ظهري
صعدت ركض لغرفتي وعياطهم كله اسمعه انقهرت على طة شنو ذنبه يعيش ويه هيج وحده لا خلقه ولا اخلاق
حجي طه : انهد حيلي من الضرب وهي انتهت وبس تبجي وجسمها تفتح من وره ضربي تعبت ياناس تعبت لابيت مثل الاوادم ارتاح بيه ولا مره تراعي الله بيه ولا اهل يسندون ظهري وفوك كل هذا اواجه الموت يوميه
عفتها تون وامها تسكتها طلعتي من ثوبي اني الما أضرب خلتني مخبل وتسكت كل ما اضرب تزيد بلحجي الله يشيلها شكد صلفه هاي البنيه
جريت الجنطه لميت ملابسه من انعل لشته اليبقى هنا اولي للموت احسن عفت فلوس على الكومدي مال الجربايه وبست جهالي وطلعت اباوع عليهم انتم شنو ذنبكم تعيشون هاي العيشه استغفر الله
وطلعت شافتني امها
ام سندس : يمه صلي على محمد واكعد وين رايح
حجي طه : للموت بلكت استشهد وتخلصون مني
سندس : عساك
حجي طه : هاج شوفيها اكلت طن گتل الحمار ميتحمله وهي بعدها لسانها طويل
ام سندس : مالك دخل بيها اكعد وتعوذ من الشيطان هاي عين وصابتكم
سندس : اي على الفكر يصيبونا عين غير مشفتيهن شلابسات
حجي طه : سكتييها ولج متعبتي من الكتل الحزام تكطع وانتي لسانج مسكت باعي حالج وكفه متكدرين توكفين
ام سندس : وفوكاها نفسه يايمه شجاك
حجي طه : من لسانها الزفر تغلطين على ابويه تاج راسج حقيره
سندس : مو ردت تروح يله متروح وتفضنا
حجي طه : لا شو كاعد وما اروح اريد اشوف شسوين
سندس : كوميني يمه اروح لجهالي شفتهم ذوله كله من وراك راح يعيشون العمر كله بفكر وحسره عليهم اللكمه
حجي طه : يارب صبرني لتخليني اذبحها
ام سندس : ولج وبيج حيل تحجين وادعين باعي حالج اتكطعت الملابس عليج شراح تكولين للبنيه خربتي ملابسها
سندس : غصب عنه يشتريلها
حجي طه : لو تموتين حتى اتوبج اطلبين ملابس من غيرج ولج شوكت تعيشين عيشت اهلج وعيشتي شوكت
سندس : مااعيشها من خرب هيج عيشه سوده عبالي براسك حض وتعيشني بيت جبير وفلوس وذهب وسفرات طلعت حافي امر من حالنا ولو ادري هيج حالك لو تموت مااقبل بيك
حجي طه : ههههه والله قويه وهم الج عين وتحجين روحي شوفي شگلج بابا موزين راضي بيج
جنت اول مره اكولها اني حتى استحرم اعيب على بشر بس هي ادوس بطن الواحد تخلي ينگلب شيطان
سندس : هسه اراويك خلقتي شون تصير ااااخ جسمي الله لاينطيك جسمي تكطع
تحجي وتبجي
عفتها وكمت اذا ابقى ابتلي بيها طلعت بره افتر مخنوك كعدت على الصبه بعتبت الباب واباوع للسما واكول الصبر ياصاحب الصبر تره فاض بيه وتعبت اخ يابه تعال شوف ابنك شون حاله
بقيت على كعدتي للفجر بيدي السبحه واسبح ماعندي غير التسبيح تهدي نفسي
نهر : بعد كم يوم صار زواج جعفر وعلي جان علي حيل مستعجل وخطيه طه التحق وملحق يحضر العرس اباوع على سندس فوك السطح وتباوع مرات هم انقهر عليها بس هي لسانها متبري منها متكعد راحه
وامي الله يسلمها ميعجبها العجب واني باقيه ايدي على گلبي لتعلك بيوم بينهم
صارت حفله جبيره للولد بلشارع ركص وشرب واكل حفله رنانه احسن من حفله طه بميه مره لان الست انعام هي الصرفت وكالت اريد اسويلهم احلى عرس تحجي المنطقه كلها بيه
بس متدري وره ١٠ ايام بس من زواجهم صدوك صرنا حديث المنطقه
جان يوم اگشر يوم لعدوي ما اتمناه كعدنا على دكت الباب بقوه تريد تنخلع طلعنا كلنا نركض من غرفنا وجامدين من الخوف نزل علي وسلام وجعفر وبس فتح الباب علي منحس اله البيت اطوق
ومباشره سألو منو جعفر
جعفر : اني جعفر
اخذوه
شدو عينه وايده وسحلوه ياعيني عليه ماانسى منظره وهمه يضربوه على راسه ويفتشون البيت گلبوه گلاب واحنا نعيط ونبجي وامي حاضنتنا وزوجات اخوتي يصرخن من الخوف
وعلي يريد يفتهم ليش اخذوه محد يعرف سحلوه كدام عينا وبنصنا ومابيدنا شى نسوي بس البجي والتوسل بيهم نعوفه امي وكعت يم رجلهم تكلهم ابني عريس عوفوه فقير والله ماعنده شى
كولشي محجو دفعو امي وطلعو
من حلات روحنا طلعنا نركض وراه ونلطم وعلي ركض بدل حتى يروح لخال زوجته حزبي جبير بلدوله بذاك الوكت كعدنا بلكاع بحاله شبه جنون وبس نبجي ويومين منعرف جعفر وين وليش انأخذ لحد منزلت الصاعقه علينا وتحول البيت الي قبل كم يوم دك وركص الى دك ولطم



يتبع ..


لامارا غير متواجد حالياً   رد مع اقتباس
قديم 09-10-19, 08:57 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

#ابي__والغزلان
للكاتبة Reem
#البارت_الخامس



واكف عالدرب منتضرك #تعود
دفني تراب رجلين #اليمرون
صحتك لا تروح تخيل #شلون
مثل صيحت الميت #لليدفنون
انا حتاجيت جيتك حاجه #الصوت
للخرسان خايب من #يغركون
بدونك تدري عمري يخلص #شلون
مثل عمر الجكاره بحلك #مسجون
ام سندس : ولج تعاي يمعزايه كل شويه ياصاعده يانازله تخبلتي
سندس : دوكفي يمه خلي اسمع الجهال جوه صوتهم ميخليني اسمع زين بلمخزن الشباك حيل يطل عليهم والصوت واضح يمي
ام سندس : ولج ماتستحين الوادم متكدرة وحال الضيم حالهم واني مثل الشواذي ياصاعده يانازله تردين تسمعين گلمة غير وحدك تروح تاخذ بخاطرهم وتوكف وياهم
سندس : لا بالله كولي بعد احضني انعام وطبطبي عليها بله متسكتين يمه
ام سندس : الوادم تعزت وتصخمت ولدهم لا خبر عنه خذوه الامن وانتي حايره بأنعام
سندس : والله حيل وابو زايد عساها بكسرة اكبر من كسرتها بجعفر
ام سندس : من صخم الله وجهج تشمتين بلوادم وهمه عيالج
سندس : ياعيال ذوله اعداء ذوله الي كسرو نفسي ودمرو كولشي جنت احلم بيه كاعده ام الوصخ وحاطه رجل على رجل وتتفاخر بنسوان ولدها هاج تفاخري هسه جانو دوم يكولون اني وجه الطاطوه وجه الفكر شوفي جناينهم شون وجهه عليهن راح الولد من وراهن بس هاي حوبتي اني اعرف
ام سندس : شنهي حوبتج ماكلين ورث ابوج كاتلينه همه ولدهم هذا الحجي الماصخ شله غرض
سندس : ليش نسيتي شسوو بيه شون طردني لو بلخطبه شسوت هاي حوبتي وفوكاها هذا الفاهي رجلي اخذو حصته ورثه وخلوه عامل الناس تكفخ علية وهمه يلعبون بلفلوس لعب وهسه طلعت بيهم شون كسره انكسرو
ام سندس : ولج نسيتي هو حماج الراح نسيتي شون يتفكدج بليل والصبح ويحط المصرف يوميه بيدج من رجلج ملتحق ولج يمصخمه اشهر رجلج راح وهو قايم بگلشي حتى المسواك طاب طالع يحمل ويجيب بس انتي عينج فارغه وحتى تراب الكبور ماتمليها مكان متدعين يرجع تتشمتين
سندس : يمه اني متشمتت بجعفر الله يشهد متت قهر عليه جعفر طيب وان شاء الله يرجع بلسلامة
ام سندس : لا مبين
سندس : اسمعيني يايمه اني مقصدت على جعفر قصدت على انعام اكيد هسه منتهيه بس جعفر والله وداعت جهالي متت قهر بس لو ماخذين علي ااخ الله حته واهليه اطش
ام سندس : عوذه من خلفه كلها سم ولج عليمن طلعتي لا انه ولا ابوج هيج
سندس : شبيه قابل اني اعرف الحق ينزعل منه اني بس اطلعي منها ومالج دخل وخلي اصعد اشوف شصار كون ياانعام اشوفج مسحوله وتنوحين ومكسور ظهرج وتوكعين مالج كومه بعد بحق هو الحق
ام سندس : ولج ثلثين الدعا على الداعي يثوله
سندس : قابل اني شمسويه ماكله حق احد طاردة احد شايله خشمي على الناس
ام سندس : كافي لاعبه جولة بزلمتج وهو ياعيني متحمل ضيمج
سندس : ضيمي ليش متكولين اني متحمله فكرة وبروده وقله العيشه هاج شوفي حالي جني وحده مجديه حسره الفلس علية
ام سندس : ليش كل الخير عندج تاكلين وتشربين وجهالج قايم بواجبهم شنهي هاي العين الضيگة
سندس : غصب عنه وكل هذا هم مقصر مكافي ذاك اليوم خزاني كدام انوار وتملخت ملابسها تدرين شون صرت شكدوتني كدامها من رجعتهم ملخات من ايدها شالتهم كدامي وذبتهم بلزباله بس هي تحبني وكالت فدوة الج لو قابل يشتريلي مثلهم ومرجعته للبنيه مجان فشلت هيج
ام سندس : ولو لازمه لسانج ومتأدبه مجان تشككن ملابس اصلاً
سندس : اني ادري بروحي ماعندي حظ حتى وياج وانتي امي هاج تاگلني وتشربيني بس اسولف تكول حاطيج محامي
ام سندس : انه احجي الحگ بس انتي ما يعجبج العجب ولج توبي لا تضيعين الاول والتالي زلمتج ذهب صافي وخير وابن حمولة وصايم مصلي غير وحده تبوس ايدها وجهه وكفه
سندس : ها ابوسها على الفگر
ام سندس : عيشي عيشتنا ومدي رجليج على كد غطاج لابيوم حتى هذا الغطا الله يطيره منج
سندس : اهوووو خلي اولي اشوف شصار وانتي ابقى هنا دافعي على هذا وذاك وعوفي بتج يطيح حظها
ام سندس : ربي لو تعقلها لو تاخذها هاي راح تسوينا مصيبه لا الها اول ولا الها تالي
حجي طه : بلدوام وگلبي مقبوض صار اربع ايام ومخنوك اخاف جهالي بيهم شى عليهم شى شون اعرف شبيهم مصار ١٥ يوم من اجيت بعدهوايه يله نزولي اباوع على السما جان نهايه شهر التاسع ١٩٨٤ والجو بدا يكسر وهوا عذيبي بس الموت داير ميدورنا
حتى ميخلينا نرتاح اذا الصبح طلع عليك تحمد الله من بعد ما استشهد اكثر اصدقائي كمت مااتقرب واسوي علاقات لان ماكو كم شهر ويستشهد بقى بس السلام وياهم عدا محسن دوم ويايه ومرات هم اخاف عليه گلت كون مااخسره بيوم و اشوف النائب ضابط عمر هم علاقتي طيبه بيه وهو كولش يحبني
تعبت بس اتمدد احس النفس كوه اجره واكوم اتعوذ من الشيطان لو الزم سبحة ابويه اسبح بيها لو افتح قران اقرا لو دعاء لو الهي نفسي بكتاب النوم هجرني وما اعرف ليش لحد ماصار نزول محسن كيفت گلت لازم ادز بيده رساله اريد اشوف شصاير وانطيته العنوان وكتله اتسلمها بيد اخويه جعفر غيره لا واذا ما لكيته انطيته عنوان صديقي سامي ذوله اثق بيهم اخاف ادزه على سندس وهاي عدها شغلات عوجه تشك الرساله ومدزلي خبر وطمني
نزل واني يوم يوم احسب شوكت تخلص اجازته بس وره يومين اجة ولد اسلم علية بس ماعندي معرفة شخصية وياه بس علاقته طيبه بمحسن جايب الرد زين ليش محسن منتظر يداوم ويجيبها هو شصاير
شكراً خويه بس ليش منتظر محسن ليش گلف نفسه ودزك
والله ياخويه مااعرف اني يدري بيه التحق اليوم لان شفته قبلها بكم ساعه بلسوك تدري احنا بنفس المنطقه شو تالي الليل اندكت الباب واكد علية اجيب هذا المرسال الك وكال اول متوصل اطير اله واني هسه بس ذبيت جنطتي اجيتك
حجي طه : لزمني گلبي ياستار تشكرت منه وفتحتها
واقرا سلام بس مو من اهلي من سامي
كولشي مكاتب بس كاتبلي
اعرف وضعك صعب بس هم لازم تعرف حتى لتلومني اذا سمعت من الغريب
جعفر اخذوه الامن ومحد يعرف وينه وصار ٣ ايام مختفي والدنيا مگلوبه جنه فص ملح وذاب
كعدت بلكاع بنص التراب كله ولا جعفر هذا الحنين هذا راحتي بضيگه دنيتي
اعيد كل شويه الرساله عقلي طار اخويه شاب مسالم لا اله بلمشاكل ولا المكسرات يضحك للهوا والكل تحبه ركضت مثل المخبل بس وين اولي منو ينطيني نجدة
بس من لوعه روحي گلت لازم عمر عنده معارف اعرف اهله واصلين
خليت البديل بمكاني وترخصت من الامر وركض على عمر بلمقر القريب يمنا طبيت من دوخته أسأل وين عمر دلوني علية جنت خايف لا صارت اجازته والله واشوفه كدامي
دخيل الله جاي على الله وعليك
عمر : شبيك طة صار شى وجهك اصفر تعال اكعد
حجي طه : ياكعدة واني رجلي انشلت وظهري انكسر
عمر : احجي شبيك احد وياك
حجي طه : اخويه جعفر الاصغر مني السلم عليك بفاتحت ابوية تتذكره
عمر : شون ما اتذكره خطيه وصلنا لراس الشارع ومعافنا اله صعدنا بلسياره شبيه
حجي طه : اخذوة الامن وميعرفون ليش بعده عريس مصار ١٠ ايام وروح ابويه افقر منه ماكو رجل دجاجه ميحل يروح بدربه ويجي بدربه
عمر : والمطلوب مني شنو
حجي طه : تعرف اي احد لازم نعرف مكانه اقلها ابلغ اخوتي حتى يشوفون ليش شالوه
عمر : خال ابويه باالاستخبارات ومنصبه زين واكيد عن طريقه اكدر احصلي ولو معلومه صغيره
حجي طه : ابوس ايدك هذا من ريحة ابويه اتخبل اذا صار بيه شى
عمر : لتكول هيج غير انت اخويه ليش انسى فضلك نزلتي بعد ٥ ايام راح اروح للضابط بلكت عنده بريد شى واكله ينزلني اليوم
حجي طه : فدوة عمر استعجل اخويه راح يروح من ايدينا ماطول الامن وميعرفوله مكان يعني الوضع موزين
عمر : صار صار رايح هسه للضابط
وكدر يقنع الضابط لان عمر عنده معارفه والكل يحبه
نزل واني بس الوب شفت ولد اسمه جبار سلام بينا كاعد ويشرب جكاير اني طبعي ما اشرب ولا احبها بس من نار گلبي رحت اله وطلبت منه هو ضل فاك حلكه ممصدك انطاني خطيه نص الجگاير الي عنده لاف هوايه
اخذتهن وكعدت وحدي اول جگاره حطيتها كحيت كحه احس صدري تملخ ممتعلم عليها بس بقيت اشرب لحد ما اخذ النفس يتعلم عليها اباوع شون اجرها ويحترك التتن بس گلبي ديحترك اسرع
ساعات مرن علية واني اناشد ربي مايكسرني اكثر من كسرتي حيل مابيه لكسرة ثانيه وكلها بچفه وجعفر بچفه ثانيه
نهر : حالنا يبجي الكافر لا اكل ولا شرب وبس بجي امي كاعده بلكاع ساعه تلطم ساعه تنوح ساعه تعد وتغلط على الولد لان مرجعو اخوهم وعلي من مركز لمركز ومن مكان لمكان حتى الشعبه الخامسه ومقر الامن راح اخويه اختفى اباوع على صورة ابويه واحاجي ها يابه اخذته مو
جان عندي احساس مراح اشوفه بعد
عرفت خسرت صديقي قبل اخويه جان جعفر صديقي وهو سبب ضحكتي بحياتي ٢٤ ساعه بس نتعارك وناس تجر شعر ناس وبس نتعب نبقى نضحك واذا صاح اخ تصير بنص قلبي واذا تمرضت يركض بيه يخاف علية من الهوا
اااخ من اجيب اخو اذا راح والحنين شيعوضه ياربي
حجي طه : رجع عمر ودز علية واني رجلي بادت اريد اجر النفس هوا الله هذا كله راح يابو يوصلني اله دخيلك ياابا الحسن اريد امشي والرجل كوه اسحلها
وصلت دخلت لغرفته جان يمه اثنين ولد استأذنو وطلعو واني بس اباوع بعيونه اريد اشوف لمعه او بصيص امل اخويه مابي شى حتى لو مسجون خلي شكد يبقى خلي يبقى المهم عايش
اني من وحدنا اكله عمر بدون سيدي
ها عمر بشر
عمر : اكعد ليش واكف
حجي طه : ابوس ايدك احجي مو مال كعده اجه وكعدني وكعد گباله وجهه ميبشر بخير
عمر : شوف طة اني رحت لخال ابويه والله شاهد بنفسه دور صار ٣ ايام ومن اجانه للبيت بلضبط هيج گلي
الولد علية بلاغ على اساس عنده صديق منتمي لحزب ديني ضد الحكم مذكر ياحزب بس هذا من احزاب الخط الاحمر مجرد ميسمعون فلان اله ضلع بواحد من جماعته يشيلوه واقرا السلام علية
حجي طه : ماكو هيج حجي اخويه لا عمرة عرف صديق منتمي لهاي السوالف اصلاً هو اصدقائة معروفين سامي الي هو نفسه صديقي واثنين من المنطقه وذوله من خيرة الشباب ودوم نكعد سوه وعنده اصدقاء بلشغل على كد الشغل والسلام وانت تعرف نص السعدون وباب الشرجي شرابين عرك وناس سكارى والي ميشرب ميتقرب حتى للصلاه ناس عايشه لمزاجها وبس يعني ماعنده واحد متدين ومنتمي لحزب
عمر : قابل هو الينتمي لهيج شغلات راح يكول ويفضح روحه اكيد يغطي على نفسه
حجي طه : واخويه شعلية
عمر : الظاهر جايب طاري اسم اخوك وساحلي
حجي طه : والحل
عمر : مع الاسف ماكو اي حل وماطول ماله اسم بأي سجن او معتقل رسمي بلدوله يعني
حجي طه : يعني شنو راح اخويه
عمر : على كيفك يمعود
حجي طه : وكفت على حيلي واضرب على راسي عمر كلي بروح ابوك اخويه مات كتلوه احجي عيونك بعد بيها حجي
جان يدنج ويكول
الكم الله ماطول صار اسبوع مختفي معناها نفذو بيه هيج شغلات بنفس اليوم يصفوهم وحتى بدون محكمه
حجي طه : وكعت من طولي عرفت گلبي جان حاس كمت ادك على راسي مثل النسوان
يريد يلزمني فقدت واعيط محسيت غير افتح عيوني وجماعتي فوك راسي وكلها مقهورين ويخافون يحجون حتى من سألوهم شبيه كالو اخوه اندعم ومات جان هذا الموضوع حتى ويه نفسك ممنوع تحجي بس الامر مالتي عرف عن طريق عمر حتى يحصلي نزول اقلها ابلغ اهلي واول شى كال تتكتم على هذا الموضوع ومتذكره بلوحده كلها الي يسألك اندعم ومات
صحيت ورجعت لزمت عمر بلكت صار شى
هنا عاط بيه جنت ابجي مثل النسوان فاقد لزمني حيل ويعيط ويحجي وكال
عمر : اسمع طه انت اصلاً احمدربك مجروكم كلكم للتحقيق حتى النسوان والجهال ميرحموهم وتراب ابويه يزوعوكم حليب امكم الرضعتو متعرفهم زين اصلاً استغربت ما اخذوكم لهذا صير قوي وحافظ على نفسك وعرضك ياخويه تعرف شنو عرضك ذوله ميرحمون اخوك انتهى والله يرحمه اذا عنده شى وان ماعنده هذا امر ربك وماكو مفر منه غير ناس حتى نسوانهم اخذوهن وطيحو حظ الكل ومااكدر احجي بلقلم العريض خليني ساكت ممنوع هيج شغلات تنحجي
استر على حالك وبيتك وارجع وسدو الموضوع وكلمن يعيش حياته
حجي طه : بهاي السهوله لك هو بزون ومات لو ديج ومربي وذبحناه هذا اخويه ظهري وسندي
عمر : ماكلت تنساه بس الاحسن الك ولأهل بيتك واخوتك وكل عائلتك حتى تعيش تسكتون تره اذا طشت حتى لو بلمنطقه مراح تخلصون من الامن والحزبيه والسين والچيم وهم تره العين عليكم لا عبالكم خلصتو منهم اي واحد اله ضلع بهاي الشغلات حتى اهله يحطوهم تحت المراقبه
قوي نفسك حتى لتنفجع بواحد ثاني من اخوتك
حجي طه : كعدت متحملت اني بشر والي طاقه ومصيبتنا جبيره واخويه عريس متنهى حتى بعرسه زين وجثته انطونا جثته اقلها نزوره
عمر : اذا لكيتوها الله يحبكم هيج شغلات تصير بلجمله طه وبنفس المكان ومحد يدري وين اصلاً انزل لأهل بيتك وبلغهم حصلت الك اجازه والله يصبركم على ما بلاكم
طلعت من عنده ومحني الظهر والگلب ينكط دم على جعفر كل ماارمش اتذكر ضحكته سوالفه يعني هذا سكن الكبور وياكبور حتى گبر ما اله ربي امتحانك صعب واني عبد فقير جبتها واني جاي ضيم بضيم وهاي تاليها حتى الوحيد الحنين علية اخذته مني
اخذت جنطتي ونزلت وطول الطريق الناس تباوع علية واكو الي يجي يسأل محتاج شى اخويه مااجاوب لان بس دموعي تصب اريد اوصل شون صعدت وشون وصلت ماادري احس روحي بغير مكان ضايع غركان واريد واحد يسحبني
وصلت للمنطقه ردت اعيط واتذكرت شون يجي يركض علية ويشيل الجنطه مني اخ ياريحتك ياخويه انحرمت منها ولك منو بعد يستقبلني ويحسسني ابويه عايش شمرت جنطتي باب بيتي حتى مطبيت ودفعت باب بيته وباوعت على كل ركن بيه هذا البيت بيه ريحه اغلى اثنين ابويه واخويه صار اكثر من سنه مطاب واليوم طبيت واني محني الظهر
جان هوسه اباوع عمام ابويه اثنين وعلي وسلام واخو انعام وابنه وانعام كاعده بلكاع وظهرها على الحايط وتبجي وحال الضيم حالها شگد اذتني بس شفتها ركضت بحضنها ردت امي حتى لو هي مو امي بس بوكتها احتاجيت ابجي بحضنها هي ربتني وماعرفت غيرها ولا نطقت غير يومه لغيرها هي هم بلحضتها حضنتني حيل الكل وكف وعرفو سامع شى جان تكولي
انعام : ولك طه حبيبك راح ولك اخوك ضاع ولك الحنين ماتهنى بعرسه اخذوه من فرشته اخذوه بملابس النوم حتى مالحك يلبس عمت عيني ولك شدوة كدام عيوني والله بست ايدهم ورجلهم ولكم عوفوه اخذوني بمكانه بس عوفوه وين ماخذين ابني ومحد حاجاني اريد ابني طة هو دوم يگولي طة بيه ريحة ابويه اشوفه اشوف ابويه رجعه لحضني وشتريد اخذ بس رجعه
حجي طه : عطت وعياطي هز البيت هز ولج يمه جعفر مات راح ابنج ومااكدر اجيبه
جان تدفعني حيل وتضرب على راسها وصدرها
انعام : يمه ابني لا لا تكذب علية
اجه علي يركض وسلام وكلهم وعلي جرني حيل وشالني من الكاع
علي : احجي اخوك وين وشمدريك
حجي طه : حجت الهم بس احجي واشهك وگبت العيطه وانعام وكعت من طولها شگد تأذيت بموتت ابويه بس مثل كسرة جعفر ماوراها كسره
عياط البنات ومرته اخذ الدنيا انهز البيت لحد معاط عم ابويه بيهن حيل وهو اصلاً الكل تخاف منه وتحسب اله الف حساب
كال : اسكتو صوتكم نصو وشيلو امكم ودوها لغرفتها
علي : عمي هذا اخويه وگتلوه شون تريد اسكت
تسكت وكلكم تسكتون والي يسألكم مندري شى حتى فاتحه منسوي
حجي طه : صرت اعصاب شون حتى هاي ميصير
اسلم الكم وللكل هسه حملة اعتقالات جبيره كعد تصير وناس تصفي ناس اذا تردون تسلمون على نفسكم وعلى خواتكم حسكم منسمعه ويبقى جعفر مفقود اعتبروه شارك بلحرب وانفقد حاله حال الالاف
حجي طه : وعاد نفس كلام عمر واكثر وامر الكل يسكت يعني حتى ميصير نبجي علية ولا نسوي فاتحه والي يسأل مفقود وانتهى لحين ما الدوله تقرر بحالة
شلنا انعام وهي فاقده الوعي وكوه كعدوها واسمع عياطها بلغرفه والبنات يحاولون يسكتوها ويسدون حلكها ضليت مكابلهم وكاعد والكل يفكر شون يحمي نفسه من هاي المصيبه وميكون هو الضحيه الثانيه بعد جعفر الي راح بدون سبب
سندس : يمه يمه
ام سندس : ولج شنو هذا العياط بيت عيالج
سندس : هو جنت اشر هدوم وسمعت ونزلت اركض شون نعرف شصار الدنيا انگلبت هناك
ام سندس : اكعدي واسكتي اخاف ترحين ويكطعنج والله يذبن حركتهن بيج اكعدي واسكتي
سندس : ااخ لو بس طه هنا جان عرفنا
شويه وطب طه عيونه دم ومنزل راسه ويسحل بروحه سحل ركضت اسألة هاا طة الحمدلله على سلامتك شجابك وشنو هذا العياط بيت اهلك هسه ردت اروح واطمن
ام سندس : يمه بيك شى
حجي طه : اخويه راح جعفر مات
ام سندس : لطمت على وجهه وصدرها يمه الشاب ضاع الله يعين امك ويصبرك يمه
سندس : لا اله الا الله متأكد
حجي طه : عفتهم وطبيت مكدرت احجي شى
بيومها حتى سندس وامها يبجون اسمعهم
جعفر ماكو واحد ميحبه بس عافنه وراح
عرفت شلون احطها الروح بلتابوت
لتعلمني ماخذ ع نجف شمره
كعدت الفجر صليت وسبحت وبدلت وبوجهي على النجف حتى مبلغت احد ومالي خلك احجي ويه احد وصلت قريب مقبرتنا ودموعي صبت جني طفل عمره ٤ سنين وجاي يشكي لأبوة ويريد حقه
وصلت لكبره واباوع على ابويه ها يابه شفت ابنك شون عافني ليش هيج عفتوني وحدي متكولي من خلفتني ختمت على كصتي هذا بعمره ميشوف فرح حتى القطعه العفته منك راحت كعدت يم راسه واسولف وياه عبالك كاعد گبالي
زين هسه انت من اشتاقلك الك گبر واجيك هو من اشتاقله المن اولي حتى گبر ماله وانعى يم راسه حتى شمت ترابه انحرمت منها اخذني ليش مأخذتني انه لو اله تشويني اله كل فترة توجي گلبي انحرمت من كولشي وتعال يا طه صير رجال وصير قوي زين القوه مو يرادلها عزوه وناس وانتم عزوتي وناسي وعفتوني المن انطي وجهي
اخ يايابه شگد تعبان ومتأذي شگد انكسرت نفسي لو خانكني من جابتني رازقيه مو جان احسن من عيشتي شفت هسه اني متكولي
كاعد وابجي سمعت الاذان مال الظهر حيل هلكد صار بلمگبرة حتى الوكت منتبهت علية جبت مي وبخور ورشيت كبره وشغلتهم وكتله
دير بالك علية وگلة كطعت گلب اخوك وكسرته يجعفر هاي تالي الخوه هيج صارت عفتني وحدي بين الذيابه ماوفيت بحقي ماوفيت بست گبره وطلعت
رحت للمغسل توضيت وبوجهي للامام علي خلصت اليوم كله بالامام مكابل شباچه وكاعد واحجي واعتب على الخوه الما حصلتها وماشفت شى منها بس القهر
تالي ساعه ١٠ بليل رجعت بس روحي عفتها يمهم رجعت اسوحل برجلي واستغفر لان گلبي جمر وحتى الله عاتبته من حركت گلبي
رجعت للبيت واربع ايام حابس روحي بلغرفه على كد الحمام وارجع مااطيق اشوف بشر وهمزين سندس صارت تحس ومتحارشت ولاتقربت مني ذاك البيت هدوء محد يكدر يفتح حلكه والناس هم ماسألت يعرفون بس يخافون جان بذاك الوكت الحزبيه يشتغلون شغل حتى على الجهال يتجسسون حرب والدوله مهدده لهذا كل الناس سدت بابها وسكتت
كاعد واستغفر والسبحه نازله نصها واني صافن وافكر بلي ضحكته لهسه تراسه أذني
واشوف السبحه تنجر انتبهت سليل تجرها وتحطها بحلكها وتضحك بوجهي جنها تكول كافي تعال اشتاقيتلك
من يوم ما اجيت واني حتى متقربت منها هنا عمرها سنه وخمس اشهر تمشي وتلعب بس هادئه باوعت عليها جان تكول اليدها وتجر وتحط جزء منها بحلكها
(اريدها ) بابا شلتها وشميتها افيش حتى ريحتج تشبه ريحه اخويه جان يموت عليها
انطيتها السبحه وهي عيونها بس تضحك ياريت ارجع بعمرج وماشفت كل الشفته
اجتي سندس مناك جايبه الاكل من شافتني شايلها وابوس بيها ابتسمت
الْحٍمَدٍ للـّ? اليوم مو احسن
حجي طه : الْحٍمَدٍ للـّ? على كل حال
سندس : فدوة طه على كيفك ويه نفسك تره احنا محد النا والله
حجي طه : صفنت عليها اول مره احس سندس تحجي بهدوء ومحبه
سندس : عندك جهال وبعدهم صغار وهذا امر الله شنسوي ماكو شى بيدنا ترحمله وسويله ثواب عسى الله يطلع حوبته بلي اذاه
حجي طه : هو بس لو اعرف منو البلغ علية اله اكتله بيدي
سندس : ليش هيج شغلات تنعرف لهنا وصقطت ورقتة وهذا عمرة ادعي الله ميصير بينا مثله وانت وراك جيش وتعب ش
حجي طه : غير اخويه ياسندس
سندس : حقك والله بس مابيدنا شى غير ندعيله بلرحمه اكل فدوة وجهك صاير ليمونه ليصير بيك شى منو اليه
حجي طه : باوعت عليها وكتلها اول مره تكولين منو اليه دوم لسانج شطوله ومتحجين حجايه عدله
سندس : شسوي هذا لساني وهذا طبعي بس يشهد الله الك بقلبي محبه غير رجلي وابو جهالي
حجي طه : الله يكملج بعقلج وكون دوم تبقين هيج
سندس : انت هم تحملني اذا انت متتحمل منو يتحمل ياعيني
بيج قصص عراقيه حقيقيه من واقعنا.روعه الطائي
حجي طه : والله اتحملج واشيلج على راسي بس لتنكين يم راسي وهاج شفتي اخر النك لو فكر لو موت واني اثنينهم حصلتهم
سندس : احاول مااضوجك يله كوم وسمي وخلي ناكل الاكل برد
بيومها اكلنا سوه وسليل بحضني وحسام بحضن امه باوعت عليهم صدك ذوله اذا صار علية شى منو الهم ياربي لاتخليهم بعازه احد ولا تلجمني بيهم
مشت اجازتي وحتى موصلت لذاك البيت الي سد بيبانه ومفتحهم كدام احد لحد ميهدا الوضع واصلاً كلها ايام والناس التهت بشغله جديده هو العراق كله شهداء وجعفر لا اول ولا اخر واحد يصير بيه هيج
اليوم اخر يوم الي طلعت اشتري من الدكان شغلات للبيت وامشي ومدنج كل ما ارفع راسي الكه لجعفر ركن جان يضحك بيه مشيت واباوع سلام بوجهي صفنت علية دومه بعيد عني جان يحضني وبجه اول مره احس بقرب سلام مني حضني حيل واني عبالك واحد واجاه الفرج ورجعت ابجي بعدين انتبهنا احنا بلشارع تمشينا سوه جان يكول
سلام : ليش مجيت
حجي طه : المن اجي الغالي وراح
سلام : قابل بس هو اخوك
حجي طه : كلكم اخوتي بس هو اقربكم
سلام : شوكت تلتحق
حجي طه : اليوم الفجر
سلام : تروح وترجع بلسلامه
حجي طه : امك شونها
سلام : فاقده ساعه تبجي ساعه تلطم ومرات نايمه وبس لسانها يعيد ويزيد اريد جعفر رجعولي جعفر
حجي طه : ياريت يرجع انطي عمري كله وارجعه
وصلنا للبيت كتله عينك على خواتك انت هسه بمكانه تعرف اخوك علي حاير بروحه وشغله انت هسه ابو البيت
سلام : الله كريم
سلمت ودخلت وعيني علية اكول بلكت الله هداه علية بعد ماراح جعفر مني
كعدت من الفجر حضرت جنطتي وحطيت مصرف للجهال ولسندس كمت اخاف اكثر عليهم من قبل بله گبل مأمن اخويه موجود هسه راح حامي عرضي وبيتي حطيتهم امانه يم الله ويم ام سندس المره الفقيره الي لو لاها الله اعلم شصار دومها عينها على سندس والجهال ومن اني ماكو تجي يمهم تبات
طلعت وسديت الباب واشوفها واكفه وبيدها دولكه المي مثل كل مرة باوعت عليها وغوركت عيوني اااااه يابنت ابويه كسرتنا جبيره وجهه ضعفان ولابسه اسود وعيونها دم مبين باجيه
هاي الايام كلها ماشفتها
حضنتها وتشهك وتحجي
نهر : ارجعلي طه تره ضليت وحدي مابقى عندي غيرك تره اموت نفسي اذا صار بيك شى
حجي طه : وخرتها من حضني ومسحت دموعها كتلها اياج تعيدين هذا الحجي الكاتبه الله نشوفه ادعيلي ارجع وامانتج نفسج قبل الكل اريدج قويه مااريد اشوف نهر ضعيفه وعينج على جهالي
نهر : لتخاف بعيوني
حجي طه : منسيتي هاي عادتج تشمرين مي ورايه
نهر : العمر كله ماانساها لحد ما الله يفرجها وبعد متروح
بستها من راسها وكتلها يله طبي الجو صار بارد وفجر اخاف تتمرضين
نهر : اذب المي وراك يله اطب
حجي طه : باوعت جان جعفر يوكف بصفها ويضحك حسيتة واكف والله حسيته واكف ابتسمت لان حسيته بستها وتوكلت للموت
للجبهه والتحقت ورجعت احسب عدد الشهداء اليوميه انزفهم للجنه
نهر : مرت الايام وخيم السواد والحزن بلبيت صار شهرين على موت جعفر زوجته لزمت العده يمنا ومتطلع ابد حتى اني اودي واجيب بالاكل واختها ويانه ضاعت فرحتهن هم خطيه عرايس وحده ترملت والثانيه حتى الضحكه ممنوعه عليها
امي سكنت الغرفه وبس ساكته واشواق اداريها
لحد مايوم نزلت زوجة جعفر وبيدها جنطه ملابس
ها نور وين رايحه
نور : راجعه لبيت اهلي مااكدر ابقى بعد هنا ابويه بره ينتظرني
نهر : غير تحجين تبلغين ماخذه جنطتج وطالعه
نور : المن ابلغ شو كل واحد حاير بروحه اروح لأهلي احسن اني بقيت هنا گلت عيب من عدكم والناس وهسه صار شهرين كافي اخلص العده يم اهلي واستقر عدهم
نهر : بلغي اقلها امي
نور : انتي بلغيها مابيه حيل مشاكل واكيد مراح تقبل اطلع
نهر : روحي هسه واني ابلغها
طلعت وراها نزلت اختها تودعها مبين تدري بقرارها يمكن صحيح خطوتها وخاصه سلام شاب عايش عدنا والى متى تبقى
گلت لأمي كولشي محجت بس باوعت بوجهي ودارت وجهه عرفت مالها خلك حتى تتعارك امي حسيتها انكسرت بعد ابنها
گلت هاي هي راح تموت بعده
بس هاي انعام وما ادراك ما انعام حتى الموت تحاربه
كلها اسبوع واجانه خبر حيه گلوبنا طلعت نور حامل لو ما العيبه الا نهلهل
عرفت امي واحد وصحاها
انعام : اليوم ترجع للبيت ابن ابني ميتربى عند الغريب
نهر : يمه هسه عرفنا بلخبر على كيفج قابل هي جابته واخذتها بعدها بدايه حملها
انعام : اني اعرفهن ميكعدن راحه اخاف تسقط الطفل
نهر : على بختج يوم شتسقط وهي بنفسها دزت خبر حامل
انعام : انجبي انتي وروحي صيحيلي اختها
نزلت مرت علي تركض
ها عمه
انعام : اسمعي نوريه اختج ترجع للبيت لا وتراب ابني ارجعها سحل
نوريه : هسه المن هذا التهديد البنيه تعبانه وبدايه حملها عود من اتجيب الله كريم
انعام : اخاف عبالجن نسيت طلعتها بدون متنطي خبر بس اني حيل مابيه بس ضامته الها شون تطلع بكيفها مكافي گرطت ابني هلمره تطلع بكيفها والله اعلم شسوي بأبنه
نوريه : خاله ليش هذا الحجي هيه شعليها هذا امر الله وهي هم عروس وانكسرت فرحتها
انعام : انكسر راسها كون شوفي لج ترجع اختج ورجليها فوك راسها وتبقى هنا بغرفتها لحد متجيب تريد تبقى هذا بيت ابنها ورجلها تريد تولي تروح بطولها وبلغيها وبلغي اهلج غير هذا الحجي ماعندي واذا مسمعتو الكلام وترابه العب بيكم جوله حتى انتي اطلكج من علي
نوريه : هسه اني شعليه
انعام : الخير يخص عندي والشر يعم وحالج من حال اختج ترحين هسه لبيت اهلج وللعصر لو اثنينجن هنا لو ترجعن اصلاً
ابوج مو يمشي ويصيح اله اثنينهن اله اثنينهن بكولشي واكل راسنا واني على كلامه لو ترجعن اثنينجن لو احسبي حسابج نهايه الاسبوع ورقتج يمج
نهر : نوريه صعدت تبجي وتعرف امي كدها وتسويها وخاصه الاملاك كلها بأسمها ولازمه علي من خوانيكه وميكدر يتنفس باوعت عليها
انعام : وجع شكو تباعين هيج
نهر : لا ماكو شى
انعام : اسمعي نهر ذني ماينطن عين كويات واني الكوي ادوسه بقندرتي واذا رجعن هنا اياج تكعدين وياهن وسوالف ولغوه على كد السلام اريد اشوف نيتهن شنو وجه الفكر هجمن بيتي
مجاوبت وطلعت كلها عدها وجه الفكر من سندس وشيل ايدك
مرت الاشهر بسرعه ودخلنا سنه ١٩٨٥ الحرب مستمره والارواح هم مستمره تطلع لخالقها بدت الهجمات تقوى وتشمل حتى المدن قصف بين مده ومده
راجعين من مهمه وجانت صعبه واباوع من بعيد يوزعون الجنود الجدد على المقرات كل شاب الجنه تبجي علية اصفن بله ذوله شنو ذنبهم يعني نطلع من كل معركه بالالاف من شبابنا وبالالاف منهم شنو ذنبنا
واجه شاب اباوع علية وجه يرجف تذكرت شگلي اول مجيت نفس الخوفه والفزعه بس هذا اصغر مني بهوايه گال منو حجي طه
اشرت اله تعال اجاني كتله اني طه
اخذلي تحيه
عمي عوف التحيه شسمك ومنو دزك علية
اسمي يوسف
حجي طه : شكد عمرك يوسف
يوسف ١٩ سنه
حجي طه : صفنت علية خطيه صغير وبعده ميعرف شى
مكتلي منو دزك علية
نائب ضابط عمر
ابتسمت والله گلبي عرف هاي سوالف عمر اني كتله مااتحمل مسؤوليه واحد عوفني كاعد وحدي وكافي محسن من يلتحق يجيني دك رجل شون تبقى اكثر الاوقات خاصه بلحراسات وحدك
بله هذا شون اتحمل مسؤوليته
تعال ذب غراضك هنا وارتاح
كعد يسولفلي على اهله هو وخواته اثنين واخوه وابوه مريض وشون اجه التحاقه لان مدارس حاولت اغير مكانه بس همه ثبتوه يمي
كام يصيحلي عمو طة رغم فرق مو جبير بلعمر بس هو يحب هيج يصيحلي
بقى بحدود شهرين ويايه تعلمت علية جان شاب هادئ طيب ماعنده اذيه اذا شافني تعبان ميحجي وحتى مرات من يروح يجيب الاكل يجيبلي حصتي وياه كمت اتعلم على وجوده وبعد مجنت ساكت كل الوكت كمت اسولف وحتى اضحك لان من ضوجتنا وحاله الرعب الي بينا كمنا نضحك حتى على اتفه الاسباب بس نريد نقشمر نفسنا
واجانه نداء عاجل سيطره القوات الايرانيه على طريق بصره بغداد جان شهر الثالث الموقع شمال شرق الگرنه (القرنه)
هنا انطلقت صافرات الانذار القصوى شون الايرانيين يسيطرون على هذا الطريق المهم
وتحركت قواتنا والافواج التابعه الها ومن ضمنها احنا
وصلنا للموقع وحرب طاحنه صارت تكول يوم المعشر ناس تضرب ناس
استمرت المعركه ١٠ ايام جانت من المعارك الصعبه لان لازم نرجع كاعنه
صار هجوم مباغت من الايرانين باوعت على يوسف وهو خاتل بلسواتر وخايف جان اول معركه فعليه هو يشارك بيها ودمعته بعينه
بيج قصص عراقيه حقيقيه من واقعنا.روعه الطائي
عطت علية اختل ولتطلع
يوسف : شون مااطلع عمو
حجي طه : بقينا ناس تهجم على ناس اشوف شون الروس تتطاير منا ومنهم وكل واحد يستخدم كل العنده من معدات كل قاذفه دبابه تجي من عدها تشيل منها كومه واحنا نفس الشى كدرو يتوغلون بينا وخرقوا الخطوط الاماميه للفيلق الرابع واجه النداء بالانسحاب بسبب تكبد خسائر فضيعه
الي صار تدخل الحرس الجمهوري لان بدينا نفقد مراكزنا ولمده ١٠ ايام مره احنا نسيطر على موقع ومره همه لحد مابدت خطط عسكريه لصد مواقع الايرانين بلطائرات واستخدام المواد المحذوره وكذلك استخدام الانابيب واستغلال نهر دجله حتى تغرك مواقع العدو قبل اخر يوم من المعركه جان يوسف ورايه بظهري ابد معفته صارت روحي بيه
واشتغلونا مدافع وطيارات وبلحظه انشاليت وانشمرت
احس شى حار بدا ينزل على وجهي انعدمت الرؤيه وقت طويل بقيت بلا حركه لان احس ثكل علية من جهه رجلي اني گلت اكيد انبترت وبنفس الوقت خايف افتح عيوني والكه نفسي بنص الايرانين لحظات مرعبه تكرر ت لحظات الموت بس هلمره مكدرت انقذ صديقي مكدرت اشيله واحمي مثل محميت عمر حاولت ارفع نفسي واشوف راس على رجلي وارفعه نص لشه بلضبط الجزء الفوك من الجسم يوسف الشاب ابن ١٩ سنه باقي منه نص لشه ومتمدده فوكي من كثر مانهارت اعصابي كمت اعيط ولكم موتوني ولكم كافي الله يشيلكم دفعته واشيل واشمر على راسي تراب ولكم موتوني ما اريد اعيش كل شويه ودافن واحد فقدت اجوي جنود مااعرفهم من غير فرقه سحلوني سحل لان مردت اعوف يوسف ردت اخذ جثته يمكن بلحظتها تخيلت جعفر هيج مشمر بنص الصحراء ومحد يدفنه تهسترت اعصابي لحد ما حصروني وكوه صعدوني ورجعوني لمقراتنا المؤقته وهناك واشوف عمر ركضت ركضت ركض ودك ضرب على وجهه وبطنه وهو ولا رفع ايده حاولو الجنود يلزموني وهو يعيط عليهم عوفو عوفو
حجي طه : ولك مو كتلك ما اريد احد ويايه كتلك اني شوم ياهو الي يصاحبني يموت ولك اني الموت نفسه اليتقرب منه ميعيش ليش عمر شنو ذنبه ولك ما حميته ماكدرت احمي جان يحضني حيل
عمر : اعرفك صديق وفي وحزام ظهر لهذا دزيته الك شفته تايهه وصغير وكلت اذا اشمره بغير مكان يضيع وهذا حظه اجتي هاي المعركه لو باقين بموقعنا مجان صار علية شى
حجي طه : لك بقى نص لشه ماضل شى منه ليش شنو ذنبه وفوكاها خايف مات وجسمه يرجف من الخوف
عمر : ذنبه عايش بلعراق يجوز يجي يوم وكلنا نصير مثله لتستعجل
حجي طه : كله منك ما اريد اعرف احد عوفني مصخم وحدي ولك الموت صار صاحبي كافي ما اريد احد واذا دزيتلي بعد واحد وروح ابويه اكتلك واكتل نفسي جوز مني
عفته وطلعت ثاني يوم اعلنت القوات الايرانيه انسحابها من الاراضي العراقيه بس بعديش بعد ما راح اكثر من عشرة الالاف جندي من عدنا وبكدها من عدهم
رجعنا لمقراتنا بعد ما عفنا نص اصدقائنا تحت التراب دفناهم ورجعنا بقينا ايام واني رجعت وحدي ويوسف مكانه يأذيني لان حيل تعلمت علية الله يرحمة وبعدها صار موعد نزولي وصلت لبغداد ساعه سبعه الصبح واني امشي شفت بنيه طالبه مبينه تمشي وتعرج وتبجي واني روحي بخشمي هاي شبيهه
انقهرت عليها لان وحدها واكفه بلكراج والصبح حتى طلاب ماكو قليل حتى منتبهت على شكلها زين لان تشهك بلبجي تقربت منها گلت خاف بيها شى
كتلها شبيج اختي محتاجه شى
رفعت عيونها سبحان الخالق هاي العيون گبار وسيعات وسود سواد الليل بدون قصد مني صفنت عليها



يتبع ..


لامارا غير متواجد حالياً   رد مع اقتباس
قديم 11-10-19, 10:38 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

#ابي__والغزلان
للكاتبة Reem
#البارت_السادس



الحب مو كلام ويعجب اليقره
ولا شاعر يكول ويبدع بشعره
الحب من تحب محبوبك شما جان
مو حسبة قميص بكيفك تكصره
والحب من أحبك يعني كولشي البيك
حلو عندي وأقبله بحلوته ومره
الحب يعني اريدك ما اكولن لا
ولا اعاند كليبك ابد بالمره
والحب من اسمعك افهم الكلمات
واعرف غايتك من اول النظره
والحب يعني اعشكك وابقى اذوبن بيك
وأتحسر عليك واكتم الحسره
والحب يعني أبقى احتاجلك للموت
مو حسبة سنه وسنتين لو عشره
والحب يعني دين وشرع بي دستور
والماحفظ دينه الوادم تكفره...
حجي طه : رفعت عيونها سبحان الخالق هاي العيون گبار وسيعات وسود سواد الليل بدون قصد مني صفنت عليها
لا ممحتاجه
حجي طه : شون ممحتاجه واني تنشغين بلبجي احد تعرضلج صار شى نزلت وجهه ورجعت تبجي
لا اله الا الله بس جاوبيني شسمج انتي
ليش
حجي طه : اختي مو قصدي بس حتى افتهم واساعدج
اسمي صبا
واني اسمي طه بس فهميني شصار
صبا : طبيت للكراج بعدني امشي اجه واحد من ورايه وجر الجنطه حيل باكهه مني واني ركضت وراه وانكسر حذائي وهسه اني محتاره شون ارجع للبيت
حجي طه : وانتي شجابج من الصبح
صبا : غير دوام واليوم عندي امتحان وكلت اروح من وكت حتى اراجع هناك واجيت حتى الحك على الفورتات وصار كل هذا
حجي طه : كافي تبجين بله حذائج خلي اشوفه ذبيت الجنطه من ايدي
صبا : هاا لا عوفه
حجي طه : شبيج خايفه تره والله قصدي اساعدج
صبا : لا مو خوف بس عوفه
حجي طه : ياعيني جيبي بلكت نسويله حل
صبا : قابل شسوي
حجي طه : العسكريه ربتنا گلب خلتنا من الماكو نسوي اكو جيبي ياعيني خلي اشوفه
دنجت ونزعته اباوع كعب عالي صفنت على الثاني اذا اكسر الكعب الثاني مراح تتوازن لان كعب الوره اعلى
شوفي ابقي هنا بمكانج ابد لتتحركين بين ما اسوي الحذاء واجي
صبا : لا عفيه وين تروح
حجي طه : هسه انتي ليش خايفه قابل راح ابوكه هو مكسور
صبا : لا العفو بس شون تسوي
حجي طه : مالج دخل ربع ساعه واني يمج
اخذته وطلعت اكو بره الكراج صباغين احذيه رحت على واحد منهم اصبغ دوم يمه وشوفته الحذاء كال دك كم بسمار اقلها يلزمه كم ساعه
اخذه من ايده ودكه ورتبه بس هم يخوف على ساعه وينشلع بس احسن من ماكو
رجعت الها اباوع عليها من بعيد واكفه على صفحه مثل الطفل التايهه شكلها يجذب الرايح والجاي واني امشي واتفرب بديت اتمعن بيها طولها وكفتها وصلت الها شافتني وعيونها تلالي على ساعه وتنزل دمعتها
صبا : هاا صار
حجي طه : صار بس يخوف على لحظة ينشلع مو تكولين مكال الاحسن ترجعين للبيت تبدلي وبلكت تلحكين على الامتحان انتي بيا كليه
صبا : مرحله اولى تربيه رياضيات
حجي طه : ماشاء الله الله يوفقج
صفنت بوجهي تذكرت ماعدها فلوس مديت ايدي وطلعت منها وكتلها
سمعي اختي الله شاهد مابنيتي شى غير اساعدج واني عندي خوات بعمرج اعتبريني اخوك واقبلي هاي الفلوس مني
صبا : لا عفيه شون وترجف
حجي طه : بس اسمعيني انتي مشايله ولا فلس وهاي كروه رجعتج للبيت
صبا : لا مااريد
حجي طه : زين لتاخذيهن شراح تسوين هسه رجعت رفعت وجهه بوجهي ودمعت عينها
حجي طه : اخذيها واعتبريها دين
صبا : وشون ارجعهم
حجي طه : اني بعد ١٠ ايام التحق مثل هيج ساعه تلكيني واكف هنا وعود رجعيها
صبا : اذا هيج اخذهم
مدت ايدها واخذتهم تعالي ورايه خفت اعوفها ويصير شى وما ادري بيها وهي هم مثل الطفله تمشي ومنزله راسها وين بيتكم
بلمنصور
حجي طه : وين بلمنصور
صبا : حي دراغ
وصلتنا يم السيارات وصعدتها وبقيت واكف
فتحت الجامه وكالت
صبا : اخذ راحتك هسه شويه وتقبط السياره
حجي طه : ميخالف حتى اطمن اكثر
نزلت عيونها واحسها متوتره وخايفه بدت تقبط وكالت شكراً تعبتك ويايه
حجي طه : ماكو تعب الله وياج
راحت واني عيوني على السياره خطيه كسرت خاطري تخيلت نهر مثلها ورجعت للبيت ونزلت براس الشارع واتمشى كل ماانزل اتخيل جعفر جاي يركض علية ياخذ الجنطه مني
وصلت للباب باوعت سياره علي موجودة مبين بعده مطالع فتحت بيتي ودخلت ودكيت الباب الداخلي فتحته ام سندس
ام سندس : هله يمه شونك شون كيفك وعافيتك
حجي طه : بست ايدها الله يسلمج عمه
باوعت الكل نايم خطيه مردت اكعد احد دخلت سبحت وفتت على كيفي شفت سندس نايمه وحسام بحضنها وسليل بلجربايه مالتها نايمه على ظهرها وفاتحه ايدها تكول تشتغل عماله فدوة لنومتها
مكدرت كزكزت عليها بستها تحركت شويه رفعتها حضنتها رايحه مايعه من النعاس شميتها اوف فدوة لهاي الريحه الطيبه
جان تفتح عيونها سندس
سندس : ها الله يساعدك اجيت
حجي طه : الْحٍمَدٍ للـّ? هسه وصلت
سندس : الْحٍمَدٍ للـّ? على سلامتك اكوم اسويلك اكل
حجي طه : اذا مابيج حيل اني اسوي
سندس : لا هم ناكل سوه
طلعت وبقيت اكعد بحسام حيل مشتاق الهم وحطيت كل واحد بجهه على رجلي وابوس بيهم
كعدنا نتريك وخطيه ام سندس سلمت وراحت دوم هاي المره متعبيها ويانه بس شسوي منو الهم واني هناك
خلصت اليوم بين الجهال العب روحي بيهم ومشتاق كلش الهم جانت سندس هادئه حيل وتبتسم طبت سبحت وعدلت نفسها وبقت كاعده يمي ونلعب الجهال گلت ياالله بلكت الله هداها لان اخر مره هم جانت عاقله واي موضوع مفتحت ويايه
سندس : اكول حبيبي
حجي طه : كولي
سندس : سمعت بمرت جعفر
حجي طه : لزمني گلبي من ذكرته شبيهه
سندس : على كيفك رجفت
حجي طه : ولج مو عليها غير على اخويه من ينذكر اسمه يطك گلبي
سندس : هاااا اخوك
حجي طه : شبيهه مكلتي
سندس : طلعت حامل
حجي طه : ياالله والله فرحتيني يعني اخويه راح يبقى حسه بلدنيا
سندس : وشبيك هيج تريد تبجي من الفرحه شون اني من كتلك حامل مسويت سوايتك هسه
حجي طه : لج بابا شجاب هاي على هاي اكيد يختلف اخويه وراح اكيد اي شى من ريحته تحيينا
سندس : يجوز
حجي طه : شو تحركين بحلكج جنج مقانعه بكلامي
سندس : لا يابوي قانعه وابصم بلعشره
حجي طه : كملي وهسه هي وين
سندس : منو
حجي طه : هاي شبيج غير كعد نحجي على مرت جعفر
رجعت هنا مرت ابوك لزمتهم من ايدهم التوجعهم
حجي طه : شون يعني
سندس : يعني شرطت اله اثنينهن يرجعن او علي : يطلك نوريه وابوهم رضا شيسوي
حجي طه : يعني امي متوب
سندس : عشتوو امه هاي بعدك تتذكر
حجي طه : وتبقى امي وما اكدر اذكرها بغير شى ولج الام الي تربي مو التخلف
سندس : وخوش ربتك وشمرتك واخذت ورثك بله متسكت رحمة للعباس ابوفاضل
لا احرك روحي من وره سوالفك وفطاريتك
حجي طه : والله تسوين فضل الله وياج
سندس : على گلبك خلي اشوف شون تخلص مني
حجي طه : هسه اني گلت شى انتي تكولين احرك روحي وشجعتج
سندس : اوي اكوم اكمل شغلي احسلي انت راح تربيلي گلب بصف گلبي
حجي طه : سلوله باباتي شفتي امج المخبله دير بالج اطلعين عليها
سندس : خو انت كل متشوفها تكولها هيج شفتني مخبله
حجي طه : اني المخبل الكاعد يمج اصلاً اطب انخمد احسن
بست الجهال وطبيت نمت نومه مال ميت محسيت على روحي غير ويه صلاة الفجر ونايمه بصفي سندس والجهال بمكانهم
كمت توضيت وصليت ودخلت المطبخ اشوف شى اكله فتحت الثلاجه اكو اكل عروك وشويه بتيته سلك بماعون طلعتهم وطلعت خبز وكعدت اكل بلعسكريه صار عدنا عادي اكل الاكل بارد اصلاً اجت ايام ناكله يابس المهم يسد جوعنا
سويت لفه بلخبزة وطلعت كعدت بلكراج واباوع على الجو شون يفتح وخيوط الشمس تطلع والهوا طيب نهايه شهر الثالث ١٩٨٥ مدري شون تذكرت البنيه الي شفتها الصبح مركزت بمعانيها حيل بس عيونها بالي اكل واتخيل دموعها شون تنزل وتبجي مثل الطفل لاارادياً ابتسمت بعدين انتبهت على نفسي وتعوذت من الشيطان شجاني اني بعمري مصافن على وحده استحي واخاف الله نفضتها من خيالي وكملت اكلي بقيت افتر اباوع عندي ترك صغير اباوع ازرعه واخلي الجهال يلعبون بيه ليش محصورين بلهول كعدت الملم بيه وجبت كونيه والم شكو غراض سكراب وشغلات منريدهن اشتغل والوكت مشه لحد محسيت تنجر دشداشتي من وره انداريت سليل هلا هلا بلغاليه تريد اشيلها واني گلي تراب
سيلني بابا ( شيلني بابا )
هسه باباتي اكو بوري قريب غسلت ايدي وشلتها يمه فدوة لحبيبة ابوها
سندس : هاي يمك واني ادور عليها
حجي طه : صباح الخير
سندس : صباح النور يله تعالو خلي نتريك
حجي طه : عندج ريوك لو اجيب
سندس : لا عندي متسوكه
باوعت ساعه ١٠ حيل كل هاي الساعات اشتغل بيها
وره ساعتين اندكت الباب فتحتها واشوفها كدامي شمرت نفسها بحضني وتبجي
نهر : اشتاقيتلك كولش
حجي طه : مو بكدي والله تعالي طبي بست راسها وسحبتها بيدي وعيونها كله دمع
تعالي اكعدي
سندس : هو احنا منشوفج بس من يجي اخوج
نهر : شونج سندس
سندس : بخير خير رايده شى
حجي طه : طبي جوه واخذي الجهال وياج
سندس : شكو ليش عدكم اسرار
حجي طه : نفخت بنفاذ صبر وصوتي صار عالي ادخلي جوه لا اعرف شون ادخلج
سندس : هو انت بس تشوف اختك تتخبل علية
حجي طه : لا انتي مو حچي وكمت عليها
سندس : رايحه رايحه تعالو يمه ابوكم عنده اسرار ويه عمتك اسم الله
نهر : بس لو افتهم ليش تكرهني
حجي طه : مالج دخل بيها شونج حالج صحتج
نهر : متأذيه حيل وتعبانه منا سالفه جعفر وكسرتي وانت ماكو وخوفي عليك وامي الي يوميه مشاكلها وهي اگلت گلبنا
حجي طه : ليش شتريد
نهر : رجعت نور لبيتنا لان حامل وهسه تفكر تزوجها لسلام وسلام كال لو اموت مااتزوجها
جان تطلع سندس تعيط مبين تتصنط علينا
سندس : اي عيني وجايه تقنعين الفقير يتزوجها مو
حجي طه : ولج انتي متستحين تتسنطين علينا
سندس : لا ما استحي اني اعرف جيت اختك حتى تهدم بيتي من اكولك الله ميجرعهن ادافع الهن
نهر : كام من مكانه وجرها من شعرها واني ركضت علية فدوة طه عوفها
حجي طه : يعني انتي متوبين مو عيب عليج هذا الحجي اخ واخته وكاعدين نسولف شكو اجيتي بنصنا
سندس : ااخ عوفني هو انت بس كادر عليه
حجي طه : شون تخليني ادوس بطنها جم مره احلف ماا اضرب مرة وترجعين تشيطيني هيج تحبين الگتل
سندس : وليش تضربني لان كشفتها تريد يزوجوك هاي كراطه الزلم
نهر : والله اجيت اشوفه لا ازوجه ولا شى ورايحه للبيت وبعد ما اجي بس اسكتي
حجي طه : وروح ابويه واخويه اذا ما اجيتي بعد حتى سندس اطلكها
سندس : صخام اطلكني لان متجي هنا اي عمي لكيتلك خوش حجه حتى تتزوج ذيج بواكة الزلم مو نسوان عصابه كوه هي
نهر : اجي عفيه طه كافي عوفها
حجي طه : انت مكعد تسمعين لسانها ملخت شعرها وهي تزيد بلحجي دفعتها حيل انركعت بلبوفيه وكتلها اذا مدخلتي هسه للغرفه وسديتي بابج عليج اعتبري نفسج طالك
نهر : كامت وعيونها تنط شر ودخلت ورجعت الباب اباوع على ايده كله خصل من شعرها
نهر : شجاك ياعيني اول تالي تضرب
حجي طه : هاي تخلي ابليس يتوب ولج موتتني اخ لو ما الجهال ما اعرف وين اوديهم باجر اشمرها بلشارع بس ذولة مخليني متحملها ولج مصار ساعه من جانت هادئه وتحجي بهدوء شويه وگبت تكول شيطان وفر راسها
نهر : هي هاي مرتك من يوم متزوجتها
حجي طه : تعالي اكعدي خلي افتهم شبيهه امج
نهر : موتتنا منعرفها شتريد وشاده ويه البنات
حجي طه : وعلي شيكول
نهر : علي لو عندة فلوس جان فلت بس الفلوس كلها عد امي مو تدري
حجي طه : ونور زوجتة شتكول
نهر : حجي بيني وبينك تكول بس اولد ماابقى لحظة هنا وشيصير خلي يصير وبيتنا صاير حرب كل واحد يتعارك من جهه
حجي طه : الله يهدي النفوس وانتي
نهر : كاعدة وساكتة شسوي امري لله وين اروح
تعالي يمي
نهر : يمه الف انعام ولا سندس وحده اقلها ذيج امي غصب عني اتحملها هاي شون اتحملها انت الك قصر بلجنة لان متحملها
حجي طه : هذا هو شنسوي
نهر : اروح اني دير بالك على نفسك وقبل لا تلتحق اجيك
حجي طه : هلا بيج راحت وطلعت سندس تباوع بتك عين لتباعين هيج تره اشلعهن الج عافتني وطبت للمطبخ تكمل شغل
ايامي خلصتهن بين البيت وسامي وشغلي بمطعم خاله الي لولاه مااعرف شسوي اقلها الكم فلس يطلع من الشغل هم يفيدن
علاقتي بسندس عاديه مره ورجال اتقرب منها بس اداء واجب ومرات احسها مثلي اداء واجب تعلمت على سوالفها انطيها الاذن الطرشه من تلغي لان ماعدها بس كالت مرت ابوك وحجو اهلك وشوف فلانه شصار عدها وفلانه شلبست شكد حاولت افهمها يابه هاي مقدرتي هاي عيشتي ميفيد مبقى عندي غير اغلس عنها
مرت ١٠ ايام وكعدت اليوم الاخير احظر غراضي واكيد مثل كل مره سندس نايمه ونهر تودعني بستها من راسها وذبت المي ورايه كمت اتفائل بهاي العادة احسها اطمن روحي بأن راح ارجع عايش بس الي يأذيني دموعها بعد كل روحه
واني امشي وصعدت للسيارات حسيت ناسي شى ياربي شناسي شنو الي بالي وصلت للكراج وامشي بطئ بس اريد اتذكر جناسي بجيبي دفتر الخدمه عندي اكلي ملابسي شناسي واسمع صوت ناعم ينادي ورايه مثل الواحد يركض وره واحد ويريد يوكفه
طه طه انداريت اي اتذكرت هاي البنيه والله نسيت وصلت يمي اول مره اتمعن بوجهه وملامحها
صبا : شونك طه
حجي طه : شونج صبا مو
صبا : اي جنت انتظرك
حجي طه : ليش
صبا : شنو ليش نسيت اتفاقنا
حجي طه : اووو اعذريني والله عقل ما ضل كل ما التحق افصل من كولشي ليش تعبتي نفسج تره اني ما اريدهن بس بيومها ردتج بس تاخذيهم حتى ترجعين لبيتج وانتي مطنكره
صبا : هههه شكراً
حجي طه : ها اعتذر مو قصدي اني قصدي وكمت اتلعثم بلكلام
صبا : والله افهمت قصدك وشكراً لان ساعدتني وكفتك ويايه ما انساها
حجي طه : يابه قابل شكو اي واحد غيري يسوي اكثر
صبا : تفضل
حجي طه : والله مااخذهم مو عيب مرجعتهم هو شنو قيمتها
صبا : اترجاك اخذهم حتى ارتاح والله خفت لا اتأخر عليك وبعد ما اشوفك وتضل بذمتي
حجي طه : محالله وموهوبه ولا تهتمين
صبا : اخذهم عفيه والله اضوج اذا متاخذهم
حجي طه : لتضوجين جيبيهم
صبا : تفضل
حجي طه : وهاي شنو بعد
صبا : هاي ماما دزتهم معجنات كالت اشكري على وكفته وكالت ادعيله الله يحفظة لشبابه ويرجعه سالم لأهله
حجي طه : دعوتها تسوه الدنيا هاي كافيه ليش بعد تعبت نفسها
صبا : ماكو تعب بس ها اني هم تره سويت وياها مو بس هي
حجي طه : ابتسمت على برائتها وهدوئها من تحجي عاشت الايادي ماطول هيج اخذهم حتى اشوف تعرفين تسوين معجنات لو بس شاطره بلبجي
صبا : هههههه لا لتخاف راح يعجبوك
حجي طه : اروح اني انتي هسه وين رايحه
صبا : رايحه للدوام
حجي طه : الله يوفقج ويستر عليج ديري بالج على نفسج طلعت هاي كلمات من حلكي بطيب خاطر ليش مااعرف حجيتهم من كل گلبي ابتسمت على كلامي وكالت
الله يرجعك بالف سلامه
عفتها ومشيت واني لو بيدي ابقى واكف احجي وياها بس مبقى وقت
طول الطريق افكر بكلامها بهدوئها وارجع اتعوذ من الشيطان واتذكر اني رجال متزوج والبنيه بطيبه اخلاقها اجت ليش افكر بيها واكيد بعد ما اشوفها
وصلت للوحدة مالتي ورحت للموقع اباوع اهوو رجعنا للضيم بس الْحٍمَدٍ للـّ? هلمره التحق محسن ويايه شنو اغير جو وياه
كملت كولشي واستلمت السلاح وتبادلنا موعد الواجب مالتنا كعدنا على الساتر والجو يخبل نص الرابع ربيع والهوا يلعب بروح لعب وليل ونجوم والجو صافي كاعد وجان اشوف محسن جايب الجاي
حجي طه : اي والله وكته
محسن : شبيك صافن اشتاقيت مو
حجي طه : المن ولك
محسن : للمره والجهال
حجي طه : للجهال المره ارتاح من مصايبها
محسن : ههههه بعدك هيج
حجي طه : وجنها مكتوبه العمر كله حطيت الجاي بحلكي واتذكرت المعجنات العلاكه
هسه جايه الزم مكاني
محسن : وين
حجي طه : هسه اجي وتشوف ركضت وجبت العلاكه فتحتها لكيتها اثنين شلتها ورجعت گلت هناك اشوف شبيهه
محسن : هاي شنو صاير احوال
حجي طه : اسكت خلي اشوف شبيهه فتحتها وكفختني ريحه الگليجه الطيبه المعجونه بلدهن الحر والعلاكه الثانيه كيك مقطع بحافظة وبصفها شكرلمه
محسن : وتحجي على المره شوف شون معدله
حجي طه : هاي مو مره
محسن : خنتها
حجي طه : هي منو
محسن : مرتك
حجي طه : خبال يعني اذا اجيب اكل مو مرتي مسويته يعني خيانه
محسن : مو اذا هيج اصناف وهيج ريحه مال واحد من گلبه مسويها وميسويها غير الام والمره واثنينهم انت غاسل ايدك منهم اكيد وجهه جديد
حجي طه : خبره عمي من يومك خبرة وكعدت سولفت اله
محسن : حب من اول شلعه كعب
حجي طه : ها شبيك هو اني مال هيج سوالف
محسن : ليش شبيك شاب وحليو وابن اوادم وخير والف وحده تنعجب بيك
حجي طه : كبرنا بابا على هاي الشغلات
محسن : صحيح مو عمرك ٦٠ سنه هو كل عمرك ٢٧ سنه بالالاف مثلك ممتزوجين
حجي طه : بس الگلب شايب
محسن : انطيني خلي اضوك اخذ وحط وحده بحلكه بلع طبعاً اخ الله تخبل ولك اكل منها گلبك يرجع طفل
حجي طه : ضكتها والله عاشت ايدهم مبينين نفسهم طيبه
محسن : حلوة
حجي طه : ماادري
محسن : من خرب حظي البازه رجال شطولك شعرضك وتشوفها مرتين ومتتمعن بيها ولك حجي علية احجي غيرها
حجي طه : حرام بابا اباوع على عرض غيري واتحارش بيها
محسن : ااخ ماكو ايراني يگتلك ويخلصني منك اني كلت تحارش گلت تمعن حلوة زركة عوبه نائب ضابط جبار
حجي طه : هههههه لا مو لهاي الدرجه هي عيونها سود وساع وبياض عيونهانقي انقى من الحليب وحلوة كولش تجذب النظر حيل وثاني مره انتبهت شعرها اسود طويل بس شايلته ناعم نعومه الليل وحنطيه مو بيضه معانيها نازكه طويله وصاحبه جسم مرتب الي يشوفها ينجذب بجمالها جمالها شرقي يسر العين
محسن : هاي مباوعت على عرضها وهيج مفصلها لو تباوع شسوي تغتصبها
حجي طه : كوم لك انت مو ادمي واسولف الك صوجي وروح ابويه
محسن : هههههه ولك يحجي وكعت
حجي طه : شنو وكعت
محسن : ادوهنت وحبيت وكام يطك اصبعتين
حجي طه : اشش فضحتنا جنك من ذني الكيوليه اني زايده مني اسولف الك
محسن : شوف خويه انت ماطول فصلتها هيج تفصال معناها خشت عقلك واذا خشت العقل معناها راح تخش الگلب واذا خشت بهذا الاحمر الطايح حظ ويأشر على الگلب متطلع منه لو صدام نفسه يكولك طلعها
حجي طه : اني اعرف اليوم اعدامنا على ايدك
محسن : محد يسمع طنش هسه كولي تندل بيتها
حجي طه : تره انت طولتها وعرضتها البنيه ساعدتها وبس وماكو شى من البالك واصلاً بعد ما اشوفها ولتنسى اهم شى اني رجال متزوج
محسن : يابه دطير شوف وجهك اليوم شون مورد هنه گليجات گلبنك ورد وجهك يضحك لو تحبها يمكن تگلبك على البطانه
حجي طه : اكله متزوج وعندي جهال ياحب
محسن :شم شم شوف الكيك شون ريحتة طيبه واتخيلها شون تسوي بيدها الك
حجي طه : انت شيطان واذا ابقى يمك مو بعيد اكوم اشرب خلي اروح لغير جهه احرس احسن الي
محسن : روح خويه بس تذكر كلامي اذا ما جيت تنوح من حبها يمي ما اتسمى محسن
حجي طه : عفته وكمت وكلامه يرن بأذني ليش وصفتها بهذا الوصف الدقيق وليش تمعنت بتفاصيلها البنيه صح حلوة بس اني كل ما انزل اشوف اشكال البنات احلى منها مايوم شلت عيني على وحدة منهن
بقيت اكل واتذكر ابتسامتها هدوئها وفجأه تجي سندس بالي اطير ام الراحه واتذكر عياطها وسوالفها
بهاي الفتره شاركنا بمعارك هوايه من غالبيين ومره مغلوبين ومثل باقي السنين نزف الالاف الشهداء
رجعت من اجازتي واني بلكراج عيوني ادور عليها مستحيل اشوفها ضحكت على نفسي اكو واحد يتوقع يشوف وحده بعد شهر تلكه حتى اسمي نسته
الله يحميها واني راجع صعدت سياره ومنتظر تقبط وصافن على الرايح والجاي ودوم نزولنه الصبح والطلاب تروح وتجي لمحتها اي وروح ابوي هيه صفنت اي هي والله مثل المراهق نزلت اركض قبل متصعد لطريقها وبيدي الجنطه مالتي سويت الطريق دقيقه وقريب ما اوصل الها ثكلت المشي وانتبهت على نفسي اني شسوي مو عيب هاي اني عود الاخاف الله زين اسلم عليها قابل اني شمسوي وضميري يكول اكعد لتفشلك وتطلع ناسيتك اصلاً
مشفت نفسي غير انادي بأسمها شونج صبا
حسيتها اندارت متفاجأه وياها بنيه مبين عمرها
بس الي استغربت منها ابتسامتها من شافتني ومباشره كالت
صبا : هلو طة الْحٍمَدٍ للـّ? على سلامتك شنو هاي الصدفه الحلوه
حجي طه : اي والله احلى صدفه هااا اني شگلت غير اثكل شبيه
صبا : بيك شى ليش سكتت طمني شونها الجبهه
حجي طه : كلها موت شونها
صبا : الله يساعدكم ويحميكم
حجي طه : ويحميج اترخص
تحركت خطوه ورجعت كتلها عااشت ايدج وايد امج على المعجنات الطيبه
صبا : الف عافيه اكيد عجبتك لو تجامل
حجي طه : لا ما اجامل اني بقت تباوع علية واني هم عبالك اثنينا نريد نسولف بس منعرف عن شنو
طلعت مني وكتلها احسبي ١٠ ايام والتحق ويجوز الصدفه تتكرر ابتسمت ونزلت عينها وكالت ان شاء الله تتكرر
استأذنت وراحت واني گلبي يدك سريع بحياتي مشفت گلبي هيج يدك بقيت اباوع عليها من بعيد شون تصعد هي وصديقتها واندارت وشافتني بعدني على وكفتي واباوع عليها حسيت عبالك عيوني متقبل تغمض حتى تشبع منها
ابتسمت من شافتني واني روحي مثل الطير تفتر داير مدايرها شبيك ولك طه تخبلت هذا ضميري الدوم يذكرني بوضعي وحياتي
وصلت لبيتي واشوف حسام يمشي بلكراج وبصفه سليل تلعب وياه
هنا سليل عمرها سنتين وحسام ١٠ اشهر وصلت للبيت واستقبلتني سندس استقبالها البارد الخالي من كولشي حتى الابتسامه جنت دوم ما اهتم ولا افكر بس هلمره انتبهت تستقبلني وكأني جنت طالع قبل كم ساعه ورجعت مو مره صار شهر رجلها ماكو
اول مكعدنا سمعنا عياط طفرت سندس فوك
حجي طه : شكو ولج وين رايحه
سندس : اوكف خلي اشوف شكو
حجي طه : منين تشوفين
سندس : من شباك مال المخزن يشرف عليهم كولشي اسمع
حجي طه : واني اكول منين تعرف اخبار البيت ومحد طابلها ولج شنو هذا المرض من راقب الناس مات هماً
سندس : خلي اروح اسمع وانت ابقى هنا يم الجهال حتى متموت بلهم
بقيت اهز بيدي شويه ونزلت تركض
سندس : مرت جعفر تطلك
حجي طه : وكفت على حيلي حسيت جعفر يصيحني
وركضت وجان تلزمني وين رايح
حجي طه: اروح اساعدهم
شتساعد قابل انت الجدة وجيبها اكعد واسكت هستوك اجيت
حجي طه : ولج مو راح يجي للدنيا ابن الغالي
سندس : من تجيب روح
حجي طه : دولي عفتها وطلعت فتحت الباب صار بوجهي علي توقعت يسلم وخاصه صار ٩ اشهر مشايفه كل ما اجي منتصادف ونتشاوف دار وجهه مني انقهرت وانمرد گلبي بس گلت هذا هو خلي
صارت نهر بوجهي ممصدكه تشوفني وحضنتني وجان تصيح عليها انعام
انعام : فضيها هسه وكتها
حجي طه : تقرب منها ردت اسلم عليها شونج يمه دنجت ابوس ايدها بعدتها وكالت
هلا يله امشونا لا نتأخر ودارت وجهه مني
بيج قصص عراقيه حقيقيه من واقعنا.روعه الطائي
توقعت تتغير او يحن گلبها علية بس طلعت غلطان وهلمره قست اكثر
بقيت واكف والوب اريد اعرف شصار شويه ورجع علي ونهر يمكن ناسين غراض لان الجدة بيتها قريب
لزمتها ها بشري
نهر : بنيه تخبل اجت بته لجعفر
حجي طه : نزلت دمعتي ااخ ياخويه وحزام ظهري رجع نفسك بلدنيا وهاي بتك راح تصير بمكانك
نهر : فدوة للحنين كون تطلع حنينه عليك وعلى ابوها
حجي طه : ماطول ابوها جعفر تطلع
مر يومين واستحيت اروح اسلم وخاصه بعد الصار بلباب بس وضع سندس مو طبيعي
شبيج تلوبين
سندس : اسمع طة اخاف مرت ابوك السعلوة تجي وادك اليتيمه يمك واتزوج مرت جعفر والقران احرمك من جهالك اذا وافقت
حجي طه : اول شى اني ما امشي بلتهديد ثاني شى مو اني الاكدر اتزوج مرت اخويه وتدني نفسي عليها وثالث شى نصي صوتج لا بلنعال على حلكج تره موتيني هاي النزله الكشره عليك متعبتي ياصاعده يانازله حتى جهالج عايفتهم وحدهم
سندس : شكو عليهم يلعبون وانت يمهم غير افهم شصار
حجي طه : الله يهديج
خلصت باقي الايام بتعب بس الجان مصبرني باجر اشوفها بس دخل الشك بگلبي هي تعرف موعدي بس ياترى راح تجي
طلعت وحبيبتي نهر واكفه صفنت بوجهي وكالت
نهر : طه شبيك
حجي طه : شبيه
نهر : كل مره اشوفك مهموم من تريد تروح وتسحل بروحك سحل وضايج وحتى مرات ادمع هلمره احسك تريد اطير وتروح
حجي طه : هااا ماكو شى
نهر : اعرفك اكثر من نفسي بس يله اكيد اذا عندك شى يجي يوم وتكولي
حجي طه : الله كريم ودعتها وركض للكراج تكول سباق عندي
وبقيت انتظر والدقيقه اباوع عليها تاخذ روحي وياها وجان اشوفها مناك تجي والابتسامه راسمه خدودها رسم ويه كل دوسه بلكاع احس گلبي دكاته تصير ضعف
وصلت يمي وابتسمت صباح الخير
حجي طه : صباح العافيه
صبا : گلت بس لا تأخرت ورحت
حجي طه : لا منتظرج
صبا : منتظرني
حجي طه : حتى اسلم عليج
صبا : تفضل
حجي طه : هلمره ليش
صبا : هلمره اني وحدي سويتهم الك
حجي طه : اكيد طيبات صفنت بوجهه وكتلها
صبا : ليش صفنت
حسيتها استحت لان بس ساكت واباوع على وجهه
حجي طه : اريد اشبع شوف منه
صبا : ليش
حجي طه : لتسأليني اني نفسي ما ادري ليش
صبا : تدري ما اعرف ليش اليوم اجيت وشون جابتني رجلي لهنا تدري اني خلصت دوام وكملت امتحانات هاي السنه
حجي طه : دك گلبي ونبض بقوة من كلامها معناها اجتي علمودي
حجي طه : اريد من ارجع اشوفج اذا مابيها احراج الج
صبا : شوكت تنزل
حجي طه : احسبي شهر من اليوم
صبا : راح احسب يوم يوم
حجي طه : ديري بالج على نفسج
صبا : ترجع سالم يـِْ♡̨ـِْا رَبّ
بقت عيونا تتعارك حتى تشبع من الشوق كم مره شفتها بس بكل مره احس اكو شى بگلبي الها كولشي مااعرف عنها غير اسمها وبأي كلية اداوم بس احس هاي البنيه هي راح تگلب طه وتحي المات بيه
رجعت للجبهه بس هلمرة احس داخلي بيه شى واكيد اول واحد حس علية محسن
محسن : ماطول اكو ريحه كيك لعد شفت ام عيون وساع
حجي طه : اي ولك شفتها من نزلت ومن التحقت
محسن : هلا والله صاير تلعب من ورايه
حجي طه : شلعب ولك بس اني شون هيج طلبت منها
محسن : شطلبت تتزوجها
حجي طه : لا ولك اشوفها من انزل
محسن : عبالي يصادقها يطلع وياها بس يشوفها من ينزل ولك لشوكت تبقى فاهي النسوان متحب هيج صير قوي تأمر وكول الها يله اشوكت اشوفج تره اجازتي قليله وتعالي نكعد بمكان وحدنا
حجي طه : استغفر الله هو اني وجهه هيج شغلات ولك انت متستحي يول مو تزوجت ومرتك حامل شوكت تعقل وجان يكوم يغني ويطك اصبعتين
محسن : يام العيون السود ماجوزن انا
خدك القيمر انا اتريق منه
لابسه الفستان وقالت لي انا
حلوه مشيتها دتمشي برهدنه
لو تحب خادم خادمها انا
ولعوف الدوله واعوف السلطنه
واقفه بالباب تصرخ يالطيف
لاني مجنونه ولا عقلي خفيف
حجي طه : والله الفرقه كلها عرفت من وراك واذا حجيتلك بعد اضربني بسطالك
محسن : تجي وتسولف وبيدي الفلك الجگاره وتجر نفس وتكول كمت احبها لك ساعدني
حجي طه : على جنازتي ولي
طلعت وعفته واحس كلامه راح يصير زين شون احب اني ما مسموح اليه اني رجال متزوج بس شسوي حيل هاي البنيه دخلت عقلي كمت احسب الايام حتى بس اشوفها
ومرت الايام حروب صعبه والوضع يشتد والجانب الايراني مستقتل بحيث يدخلون بالالاف انتحارين حتى بس يسيطرون وكلهم شباب صغار مثلنا واصغر تعبت طول هاي المده واني احس الى متى اخلص عمري هيج وخاصه ماكو تسريح لان حرب يعني مااخلص الخدمة اله تخلص الحرب وعلى هذا الحال يخلص عمري ويجوز استشهد وممتسرح
اجاني محسن يلعب بعيونه اكولك ابو الحب
حجي طه : هاي منين سامعها
محسن : غير انت ابو الحب اكو غيرك اخاف تشوف ام العيون السود كول الها الگليجه زيدي التمر مالتها ذيج المره التمر قليل
حجي طه : بصفي حجاره جبيره شلتها وركعتها بيه اجتي بجتفه
محسن : ااخ هينه تجيني وبعيني وانطيك ظهري ومااسمع الك اله اخليك حتى القيافه تغسلها وتفرك ايدي الضربتها اذا ما اذلك بعيني
حجي طه : امشي لك ابو البنات كون اشوف المره واكول الها تعالي شون يفكر بلنسوان
محسن : متصدكك تعرفني فقير حمل وديع لا اهش ولا انش
حجي طه : والله انت تودي الواحد للبحر وترجعه عطشان اسألني اني
محسن : العليه كلته اريد گليجه ام التمر زايد
حجي طه : هههههه ولي من خلقتي
نزلنا واني رجلي تتراكض اريد اوصل الها
وشفتها واكفه اخ ياگلبي شكعد يصير بيه اجتي وابتسامتها هاي الذوبت روحي من يوم ما شفتها
صبا : الْحٍمَدٍ للـّ? على سلامتك تأخرت
حجي طه : اي بين مقبطتت السياره خفت لا ما اشوفج
مدنجه وتحجي شون متشوف واني انتظرها يوم يوم
حجي طه : صبا
صبا : ها عيني
حجي طه : اخ ربي اني عيونج هاي الحلوات من كثر ممشتاق الها تجرأت بلحجي وياها وكأني اعرفها من سنين صار ٣ اشهر اعرفها بس وكفاتنا معدوده وحديثنا بسيط هلمرة الشوق تغلب حتى على الهدوء العندي وهي هم حسيت بنبره كلامها ورجفته وخجلها مشتاقه اليه
صبا : صحتك شونها
حجي طه : هسه ردت صحتي
صبا : طه اني ما اعرف شديصير وشون تجرأت واجيت لهنا رغم ماعندي دوام وعطله
حجي طه : اني هم ما اعرف شيصير بس الاحسه روحي مفرفحه واريد بس اشوفج
صبا : يله روح تأخرت
حجي طه : تكدرين تتأخرين بعد نص ساعه مو هوايه نتمشى يم حديقة الزوراء
ابتسمت وهزت براسها بلقبول طلعنا وعبرنا وهي بصفي والجنطة بيدي نسيت حتى نفسي ونسيت لابس زي عسكري ردت بس اسولف وياها هاي الدقايق البسيطه تعذبني تخليني اريد اعرف كولشي عنها كراج العلاوي قريب على المتنزه بقينا نتمشى ونسولف
احجيلي عنج
صبا : شحجي
حجي طه : اي شى
صبا : تعرف اسمي وكليتي اني بابا مستشهد بلحرب بال٨١ وماعندي بس ماما واختي واخويه متكفل بمصاريفنا متزوج وعايش بيت وحده بس قريب علينا واختي اكبر مني بسنتين ماما مره ربه بيت وره وفاه بابا كسرت ظهرها علية ومازالت تشتغل خياطه حتى تلم الفلس وتصرف على تعليمنا
حجي طه : محبيتي قبل دنجت وحسيتها حيل خجلت اعتذر اذا معجبج سؤالي لتجاوبين
صبا : لا عادي لا محبيت ابد قبل
حجي طه : صبا
صبا : ها عيني
حجي طه : اني ليش حاس اريد اشبع شوف منج ومدا اشبع حتى صوتج اريد اسمعه اكثر بس مكعد ارتوي
صبا : طه عفيه
حجي طه : والله اني خجول يمكن حتى اكثر منج ويشهد الله علية لا حبيت من قبل ولا گلت هذا الكلام ولا حسيت هذا الاحساس وياج حتى الجبهه صارلها طعم افكر بيج وكل شويه اكول عيب ميصير حرام علية بس هم ارجع وكوه ادخلين عقلي
صبا : تأخرت لازم ارجع
حجي طه : شون اشوفج ولتكولين لحد ما التحق مااتحمل لازم اشوفج قبلها
صبا : كوه اليوم طلعت
حجي طه : اني ما اريد احرجج بس اتمنى تفهميني
صبا : فاهمتك والله
حجي طه : روح يابه مودعه بالله استحيت من الحاحي وسكتت باوعت علية وبقت ساكته وكالت
صبا : اليوم سبت خلينا نتشاوف الاربعاء اكدر اطلع
حجي طه : ميت وردت الروح بيه ابتسمت الها والفرحه واضحه بعيوني
انتظرج الاربعاء هم من الصبح
صبا : اي احسن حتى ارجع من وكت
حجي طه : راح احسب يوم يوم ياريت باجر اربعاء
صبا : مع السلامة
حجي طه : وين
صبا : غير ارجع للكراج واركب للبيت
حجي طه : وشون ترحين وحدج غير اني وياج يله حتى هم اطمن عليج وهم اكسبلي دقايق وياج بقينا نمشي ونضحك حسيت روحي رجعت مراهق صغير مشاعر حلوة بشكل موطبيعي نسيت نفسي حتى متزوج وعندي جهال نسيت حتى اسمي وصلتها ورجعت للبيت واني ممصدك الصار صدك هيج جنت قريب منها واشم ريحتها واسمع صوتها واملي عيني من شوفتها واني سارح بفكري وصلت للبيت وسمعت عيطت سندس على الجهال ااخ ربي رجعت للهم دخلت ولكيتها صايره تنور من الاعصاب ولازمه سليل تضرب بيها جريتها حيل من ايدها
انتي شون تضربيها
سندس : ضربت اخوها الحقيره اليوم اكسر ايدها تكسر
حجي طه : دفعتها حيل وحطيتها بحضني لسليل وعطت بسندس شبيج تخبلتي غير اخوه ويلعبون سوه
سندس : بله مو انت هستوك جاي وتريد تعلمني شون اربي جهالي
حجي طه : ولتنسين همه جهالي هم
سندس : بس مو يمهم
حجي طه : اي مو اني صگله (لعبه قديمه) وعايفكم لو ما بلحرب وهاي فوك متكولين الْحٍمَدٍ للـّ? على سلامتك الحمدللة رجعت النا
سندس : اني تعبانه ومالي خلك وانت يرادلك گلب شكبره
حجي طه : من العياط والخبالات تعبانه
سندس : طه
حجي طه : هااا
سندس : اني حامل
حجي طه : صفنت بوجهه اني احب الجهال لان اعرف ماعندي عزوه واهلي وضعهم تعبان وكارهيني عدا نهر بس حمل سندس هزني رغم حبي للجهال يمكن دخول صبا بحياتي خلاني افكر ما اريد جهال بعد من سندس سكتت ومعلقت على اي شى
سندس : شسوي صار بعد
حجي طه : انتي كل مره نفس الشى الْحٍمَدٍ للـّ? غيرنا يتمناه يله تكومين بلسلامة
دخلت واني الهم تارس روحي ومااعرف شسوي وهاي البنيه الربطتها بيه شنو ذنبها حتى ما كلت الها متزوج بله عرفت متكول كذبت علية شجاك انت هيج تفكر حتى الكذب دخل حياتك وتريد تلعب بكيفك وتحب يمكن هاي اشاره من رب العالمين حتى اعوفها البنيه صغيره واني تعلقت بيها ويمكن حبيتها ما اعرف ما اريد اشيل خطيتها
بيج قصص عراقيه حقيقيه من واقعنا.روعه الطائي
ثاني يوم گبت العيطه بذاك البيت خفت لا احد احترك ركضت فتحت الباب صارت نهر بوجهي الحك فدوة شكوو شصار جان تجي سندس هاا شكو عطت بيها عيطه دخلي جوه هي فزت ودخلت تركض
دخلت ركض لبيت ابويه لكيت نور مرت جعفر لازمه بتها وتريد تشمرها من الدرج ومتهستره اعصابها ولازمتها تك رجل
انعام : ولج والله اذا صار شى بلبنيه لا احركج واحرك اهلج بت الگلب تردين تگتليها
نور : عوفوني اروح لبيت اهلي مااتزوج سلام لو اموت
انعام : تتزوجين ورجلج فوك راسج
نور : انت مو تردين البنيه اخذيها مااريدها
انعام :ساقطه تردين اديحين وبكيفج تلعبين عبالج ما اعرف بيج
حجي طه : ام جنات رحمة لاهلج عوفي البنيه
انعام : وانت شكوو شجابك
حجي طه : باوعت عليها ومهتميت لان وضع نور بهستريا واكفه على حافه الدرج ولازمه الطفله بس تهدها اكيد تموت ينفصل راسها عن جسمها ومو مال التهي بانعام والبيت مابي بس نهر وانعام ونور الكل طالع
شنو التردي اني وياج
نور : وتبجي وتحجي مااريد شى بس تعوفوني بحالي تزوجت ابنكم وحضي المصخم اخذه اني شعليه كلت ارجع لأهلي وطلعت حامل جبرتني امك ارجع من وره اختي وابويه لو اثنينا سوه لو لا طيحو حظي وجبروني اعيش تحت رحمتها راوتني النجوم بعز الظهر حتى رحمه ماعدها ولا تكول عدها ميت توقعت تنهد تكعد ابد
انعام : بت الگلب تشمتين بيه ساقطه عبالج تموتيني وتاخذين بيتي
نور : ساعه السودة من دخلت هذا البيت كولشي ما اريد بس اهج منج وهلمره تريد تزوجني ابنها الفاسد ولكم اخوكم فاسد هذا سلام حتى للعرض ميسوي حساب
انعام : انجبي ابني اشرف منج ومن امج وابوج ساقطه انتي ادري بيج تردين تلعبين بكيفج امهات الولد كرطتي ابني وصرتي ارمله وتخوطين وتلعبين بكيفج لا صداد ولا رداد
حجي طه : يمه عيب هذا الحجي البنيه مستوره ومرت ابنج شجاج
انعام : انجب انت ولتدخل واصلاً اني محرمه البيت عليك انت هم وجهك وجه الفكر من يوم ما امك دخلت هذا البيت وكسحت كل الخير البي وخلتني العمر كله اتختل حتى ينسون حسين تزوج علية
حجي طه : هسه هذا الموضوع شجابه بلنص بت جعفر نطت بجي راح تموت من البجي
نور : اني اعرفك طيب وجعفر گلي هذا اعز اخوتي ومن اشوفه اشوف ابويه احلفك بيه طلعني منا واخذوها لجنات ما اريدها بس عوفوني اعيش امك اذا متموتني وره ابنها مترتاح ابوس رجلك بداعت جعفر عندك
حجي طه : صعدت على الدرج وكتلها انطيني جنات واني اطلعج منا
نور : وتقنع ابويه ميرجعني هنا
حجي طه : بعيني صار بس انطيني البنيه مو راح تموت
بديت اتحرك بأتجاها
انعام : ولك طه اذا طلعتها منا اطيح حظك هو بكيفك انت شكوو جاي اطلع من بيتي
حجي طه : عطت بيها بقوة واول مره اعلي صوتي عليها
اسكتي كافي وتطلع وخلي اشوف شسوين
من شافت هيج نور كامت تبجي وتشهك وعدلت بتها ولزمتها وحضنتها هااك اخذها
حجي طه : اول مره احطها بحضني افيش ياريحة اخويه بيج
حجي طه : يله جيبي ملابسج وامشي
انعام : والله اصيحلك علي : اخلي يگتلك خلاص
حجي طه : اذا ابنج رجال خلي يجي انتظره بيت اهلها
صعدت تركض وبيدها غراضها ولزمت جتفي اني استحرم بس عفتها خطيه حالها صعب وشبه فاقده نزلت درجه درجه وتباوع على انعام وتشهك من البجي والخوف
جان تجيت انعام تريد تضربها
ذبيت جنات على نور ولزمت ايدها يمه لتخليني اسوي شى اندم علية
انعام : لك عوف ايدي گلب هاي تاليها تمد ايدك علية
حجي طه : لازم ايدج مو مادها ولتخليني اتجاسر البنيه راح تطلع واذا عندج شى دزيلي الشفيه ابنج ودفعت ايدها وسحبت نور الخايفه وترجف ولازمه جنات حيل
طلعت وشفت سندس ماده راسها خزرتها طبت وسدت الباب اكيد سمعت كولشي واثناء طلعتنا وصل علي وزوجته هي شافتهم انعام وعيطي عيطه هزي المنطقه ولك علي الحك طة مد ايدة على امك


يتبع ..


لامارا غير متواجد حالياً   رد مع اقتباس
قديم 26-11-19, 09:12 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#ابي_والغزلان
#للكاتبة Reem
#البارت السابع



من بعيد اشتاكلك والشوك نار
وكلبي ورقة وخايف عليه يحترك
انت باب الفرح وعيونك العيد
وفركتك وحشة مثل يوم الطبك
ليش صعبة وياك يجمعني الزمان
وليش سلهة ابسرعه لمن نفترك
انه من كتلك احبك مو حرام
كلمة كل احروفهه غيره وصدك
هي لو بيدي القضيه من زمان
جان حطيتك اله اعله العشك

طلعت وشفت سندس ماده راسها خزرتها طبت وسدت الباب اكيد سمعت كولشي واثناء طلعتنا وصل علي وزوجته هي شافتهم انعام وعيطي عيطه هزي المنطقه ولك علي الحك طة مد ايدة على امك
انداريت عليها هاي من كل عقلها ومااحس غير علي يلزمني من دشداشتي حيل ودك ضرب على وجهي حتى بدون ميفهم شى اعرف بيه منتظرها وخوش حجه صارت عياط البنات اخذ الدنيا
كوه كدرت الزم ايده وضربته گله على خشمه ردت بس اسيطر لان حيل اذاني من ضربته بكل قوتي على خشمة اختل توازنه
اني هم بلعسكريه والحروب شفت اشكال يعني اني هم مو طه القديم وتلازمنه هو يضرب واني هم اضرب
علي : ولك ساقط گلب تضرب امي
حجي طه : ولك ماضربتها بس لزمت ايدها
علي : اليوم لو اني لو انت

نهر : املخ بروحي واني اشوف ولد ابويه يتمالخون كدامي وبنص الشارع وامي تعيط وهاي نور حاضنه بتها وتبجي ونوريه تعيط على الناس لازم احد يدخل صرنا فرجه تالي وكت وبين الاخوه حاولت اذب روحي بينهم وجان يدفرني علي حيل بخاصرتي شاغت روحي وشافني طه شون كعدت بلكاع من الالم رفعت راسي واشوفه لازمي علي دك بوجهه وبطنه وعلى صدرة ويعيط ويكول
حجي طه : ولك منحط حقير هاي اختك شون تضربها وامك ماضربتها
جان تطلع سندس وتعيط بنص الشارع
سندس : الحكونا ياناس راح يكتلون رجلي ناس متخاف الله فوك ماباكوه يريدون يكتلوه

نهر : التم الجيران علينا وصارو بين علي وطه وكلها مستغربه ويحاولون يهدون الوضع وعلي يعيط ضرب امي اليوم اذبحه اليوم انعل شرفه
وناس مصدومه لان يعرفون اخلاق طه وادبه بس هم الناس عليها الظاهر والي كعد تشوفه انعام تعيط وتصيح لك اضربه تعدى على امك وعلي يعيط لك كله ولا امي
لحظات مخزيه بحق سمعه ابويه وسمعتنا
لزمو جماعه لعلي والجماعه الثانيه طة
حجي طه : اسمع لك اني ما اخاف ولو ماد ايدي عليها اكلك بس هاي مو تربيتي ولا اخلاقي تبقى امي ولو من هاي اللحظه لا اريد بعد اشوفها ولا تشوفني بس انت دومك عربانه تحركك بيدها
علي : وهسه اشوفك العربانه شيسوي
سندس : عوفهم ذوله ناس حراميه ميخافون الله فوك ماباكو ورثك
حجي طه : طبي جوه (بصوت عالي)
سندس : شطب واني اشوف الساقطات حركن الاول والتالي وفوكاها يردن تنكتل
حجي طه : گتلج طبي جوه لا ابتلي بيج

انعام : ولج زركه ام الشوارع بت الفكر احنا ساقطات لو انتي المشايفه اليوم احرك ابيج وانعل شيب الخلفج
نهر : وجان تجيت امي عليها تكول معركه احد ناس تضرب بناس هلمره العالم حارت متعرف تلزم طه وعلي لو سندس وانعام
سندس : شو تعالي خلي اطلع ضيم گلبي بيج وجان تملخها من شعرها وانعام تضرب بلنعال على جسم سندس وركض طه والناس تفاكك بيهن

نهر : باوعت طفر علي ليجوه ثواني وطلع بيدة سجينه عطت عيطه گلت راح اخويه عرفت علي مراح يفوتها على خير مو الناس التهت تفاكك انعام وسندس عافو علي وهو لكاها حجه وادخل للبيت وجايب السجينه وركض على طة
طة انتبه العيطه مالتي خلته يندار بس سرعه علي وحقدة جان اقوى من عيطتي وجان يضربه لطه

لطمت على وجهي واني اشوف اخويه وكع من طوله متفاجأ يمكن كولشي نتوقع بس متوصل للكتل حتى انعام وسندس وحده هدت الثانيه من شافن طه واكع وايد علي كلها دم
انعام : صخام الصخمك ولك شسويت
سندس : يمه رجلي راح يبووووووو راح طه
نهر : ركض علي اخذ سيارته وفلت والناس عاطت وحارت بطه اني متحملت المنظر وكعت من طولي على وجهي هاي هيه مات جعفر ولحكة طه وبيد منو بيد اخوه وكله من وره انعام

حجي طه : اعرف علي من زمان حاقد علية من زمن ابويه بس متوصل يضربني بلسجينه جانت الضربه بطني اريد الزم سندس هي وانعام خزونا كدام الناس نسوان تتمالخ من الروس باب البيت مكافي اني وعلي هلمرة هنه سمعت صوت نهر ورايه انداريت ومااشوف غير شى يطب بطني نار وكطعتني كعدت بلكاع مكدرت اجر النفس بس واعي داير مدايري بس مااكدر اكوم
ثواني وانشاليت ويركضون وحطوني بسياره وللمستشفى كله هذا واني واعي رغم لازم بطني واكو ولد لازمين ويايه حتى يوكف النزف بس اني لهسه مشايل عقلي شون اخويه اله گلب يضربني هيج وشويه وبدت عيوني تغوش ومحسيت بكولشي وراها

نهر : حسيت احد يذب مي علية فتحت عيني شفت نوريه فواك راسي وتبجي هاي هم ابتلت المسكينه
نوريه : اكعدي فدوة اروحلج ولج اخوتج اطشرو واحد انهزم والثاني مضروب وامج ومرت اخوج بعدهن يتكافشن كومي ولج انفضحنا بلمنطقه
كوه جريت النفس وكومتني نوريه عيوني كوه افتحها باوعت سندس تعد وتصف وامي ذاك الفشار بلشارع والنسوان تفاكك بيهن واكو كم رجال واكفين على صفحه ميكدرون يدخلون لان عركة نسوان واجتي اشواق تركض والزمي سندس ونامي فوكاها ودك ضرب وحده لازمه شعر الثانيه وتملخ بيه دخيلك ياالله شسوي هسه ركضت اني ونوريه انفاكك بيهن ويه النسوان وانعام اتصيح اي ولج ربيها بت النعال تتعدى على تاج راسها
سندس : ماكو غيركم ولد نعال حرامية لو بيج خير مجان اخذتي ورث رجلي الله ينتقم منكم ولج ماتلج شاب وبعدج كويه الله يهدج
اشواق : لتحجين على امي بت الخبازه تاج راسج هي تموتين ومتعيشين بهذا البيت منلفي حيوانات بيه
نهر : دفعت اشواق حيل
اشواق : وخري اليوم اطلع القضى والمضى لج تمد ايدها على امج تعاي ويايه نصلخهت بشارع ونوديها مصلخة لأهلها
نهر : انجبي وطبي جوه وحيل ادفع بيها ونوريه ويايه نريد بس اندخلها وامي واكفه وبيدها عوده الماسحه تريد تضرب سندس بعد طبعاً اثنين نسوان عليها تكطعت لاضل شعر وجهه بس هي هم شرسه ملخت وجهه اشواق بأضافرها وامي كطعت شعرها
جوارينا اخذن سندس وطببنها للبيت واني ونوريه دخلنا اشواق وامي كوه ردت اسد الباب اتذكرت نور هاي وينها
باوعت خاتله وره الباب وحاضنه بتها وتبجي

تعالي نور ادخلي
نور : راح تموتني امج نهر شفتي شصار من ورايه
نهر : يمعوده ادخلي هسه مو وكتها وانتي شعليج كله البله من امي
نور : ابوس ايدج انطيني فلوس خلي اروح لأهلي ماعندي اصعد تكسي لو نفرات
نهر : تعالي ياعيني حتى اذا رحتي ابوج راح يرجعج
نور : ما اريد ارجع والله تموتني
نهر : اصعدي لغرفتج وقفلي الباب عليج واني بس اسكتهن اجيج لتخافين هسه امي ملتهيه عنج مو بحالج ونومي جنات مو حتى الطفله راح تموت من وراكم
نور : وطة شون
نهر : ادعيله اني گلبي نار علية ادعيله لخاطر هاي اليتيمه يرجع بتج تضيع بدونه تعالي
حجيت بهدوء وياها لان وضعها كولش يقهر بله شنو ذنبها هاي تخيلت نفسي بمكانها شجان صار
دخلتها وركض صعدتها بدون محد يشوفها لان امي واشواق ملتهيات يسبن ويغلطن ويردن يهدن بعد على سندس

تأكدت نور بغرفتها وقفلت الباب عليها نزلت اركض واعيط انتم متخافون الله حايرات بسندس وعايفات الولد دمه بطوله
انعام : شيصير قابل طبه مرض
نهر : كمت ابجي واحجي ليش يمه طبه مرض نسيتي هذا تربيتج نسيتي من اخذتي لحمه حمره وحطيتي على صدرج عوفج هو ابن ضرتج بس هو سنين يصيحلج يمه سنين مينام اله بحضنج يعني هذا كله ما هز گلبج من شفتي واكع والسجينه بطنه

انعام : كافي اسكتي وانجبي ولتدخلين
نهر : شون ما ادخل والكاتل والمكتول اخوتي وكله من وراج راح تضيعيهم اثنينهم واحد يسكن الكبور والثاني يعفن بلسجن شحصلتي هسه هااا شحصلتي
جان تضربني راشدي ودفعتني حيل
امشي ولي مني مبقت بس بزر بطني تعلمني شسوي
نهر : وضربتيني وبعدين ارتاحيتي يعني مصار اشهر من خسرنا اخويه وگلت هاي هيه راح ترجع حق اليتيم
انعام : ياحق ام حق
نهر : عبالج مااعرف شسويتي شفتج بعيني والله شفتج بعيني جان تلزمني من حلكي حيل وتفرك بيه أذتني حتى تسكتني لان نوريه واشواق واكفات جان تسحلني من كصيبتي شيغت روحي

انعام : شو تعالي
ودخلتني لغرفتها وسدت الباب
شفتي لج احجي
نهر : بيدها كصيبتي لافتها على ايدها ولازمتني منها على لحظةً تنشلع من راسي من قوه لزمتها
انعام : شفتي لج احجي
نهر : مشفت شى عوفيني عفيه جان تركعني على حلكي حيل حسيت شفتي انشكت وهي قبلها فركت حلكي كمت مااحس بيه من الالم
انعام : نصي حسج واحجيلي شفتي لا وروح ابويه ادفنج هنا اليوم واخليج العمر كله تتندمين

نهر : ماشفت ماشفت وبقت تضرب بيدها الثاني بوجهي راشديات تريد تعرف شفت واني اريد بس افك نفسي منها بس مااكدر لان كصيبتي بيدها
احجي
نهر : راح احجي والله بس عوفيني
انعام : احجي ادبسسز
نهر : ابجي واحجي والخوف مسيطر علية شفتج انتي وسكتت
انعام : وتالي اله احركچ يله تحجين
نهر : شفتج انتي وعلي تبصمون بابا على اوراق جنت اجيب الدوا اله اكعده حتى اشربه فتحت الباب على كيفي حتى خطيه ميفز لان ادري بيه نايم مديت راسي شفتكم مدنجين اثنينكم ركزت وشفت شون تبصمون اصبعه رجعت على كيف حتى لتشوفوني سمعتج تحجين ويه علي على المحامي وشون الاملاك كلها صارت بأسمج

صفنت بوجهي صفنه گلت هاي هيه راح تذبحني جان تكولي بصوت ناصي وكله قوة وتهديد
انعام : الي شفتي تنسي واذا سمعت بيوم طالع حرف تعرفين شنو حرف شفتي السجينه الطبت بطن اخوج اخلي علي يطببها بگلبج واكلهم چلبه وماتت والف عذر اطلع اياج اسمع حرف تنسي اصلاً افتهمتي
نهر : رجفت منها حسيت امي عدها گلب تسويها اذا طه كدامها مدمه مهتمت وهي ربته شون واني افضحها واطلعها حراميه حطيت ايدي على حلكي واشر براسي اي افتهمت

جان تدفعني انطخت بلكنتور وكالت
انعام : ترحين هسه لهاي العرمه سندس وتسكتيها خلي تلزم لسانها لااطيح حظها وابيتها بلشارع لا عبالها البيت بأسم رجلها والله حتى رجلها اشتكي علية واكولهم يحجي على صدام واخلي محد يشوف طوله بعد واسربتها هي وجهالها بلشارع خلي تحترم نفسها وتسد بابها عليها حسها لهسه واصل للبيت بعدني عاقله متدري اذا اريد ادمر واحد شسوي بيه
نهر : دموعي موكفت واباوع بعينها وأشر براسي اي صار
انعام : اطلعي ولتتأخرين
نهر : ركضت على سندس واشهك من البجي اول مره اخاف من امي هيج محسيتها ام حسيتها شيطان بهيئه مرة
دخلت لكيت الباب مفتوح مال بيت طة والنسوان طلعن منه وبس سندس بقت دخلت شفتها واكفه على المرايه مال المغسله وتشوف وجهه شون ملخ من الراشديات والضرب وتفشر وتسب

باوعت على الجهال كاعدين سليل تباوع بلوجوه وحسام لازم اللعبه مالته وحاطها بحلكه ولايدرون شكو انيالكم كون ارجع بعمركم ولا هذا الضيم الي داشوفه
باوعت علية سندس
سندس : امشي اطلعي بره لا اكطع شكو نعال على راسج وراس اهلج
نهر : وجع صوتج صوت الدلالات كافي واسمعيني
سندس : شسمع كولي شراح تسوين يسندس بينا اذا ما افضحكم بلمنطقه واخلي اليسوه والمايسوه يسولف بيكم بس خلي يرجع هذا المكرود المادري مات عاش
نهر : جريتها من ايدها حيل دفعتي كتلها تعالي اكعدي واسمعيني زين وكافي الفضايح الصارت
سندس : مااكعد وامشي اطلعي بره
نهر : عطت بيها فز حسام وكام يبجي
دنجت علية وبسته لتخاف حبيبي هااك وانطيته اللعبه يرجع يحطها بحلكه سكت ويباوع بلوجوه
وسندس واكفه ورايه وتحرك رجلها من التوتر
انداريت عليها وكتلها اكعدي واسمعي كلامي وراها اطلع ومتشوفين وجهي
سندس : اسمعج واني واكفه فضيني
نهر : اني اعرف بيج لسان وكحه واعرف اتزوجتي طة لخاطر تعيشين بذاك البيت وتغيرين حياتج وكولشي ردتي مصار وهسه كاعده بهذا البيت الصغير وعندج اثنين جهال والثالث بطنج
سندس : اذا تدرين حامل شون تخلين امج واختج يضربوني
نهر : انتي هم مقصرتي كلجن ادورن مصلحتجن ولا وحده انتبهت اله شون واكع بلكاع والدم ترسه ترس حايرات بلسان الزفر والغلط بنات الشارع مو مثلكم

سندس : متكولين لأمج واختج هذا الحجي واخوج الناقص الضرب اخوه وفلت اذا ما اخلي يجيف بلسجن
نهر : تعرفين امي دزتلج حجي وكالت وعدت نص الكلام بقت فاكه عينها
سندس : متكدر تسوي شى
نهر : لا تكدر وشفتي اخويه ياعيني علية راح وخسرناه والله واحد مقدم بلاغ بيه نفس هذا البلاغ يجي لطه واحنا عندنا سوابق مباشره يصدكون
سندس : جاي تهدديني
نهر : تعرفين كولش زين اكثر وحده بلدنيا تحب اخوها هو اني وروحي من الدنيا هو اصلاً البقالي من الدنيا بس طة اني غاسله ايدي من اخوتي والله يعلم شون گلبي نار علية وامي لو اعرفها مو كد گلمتها ولا اجي واكول الج استري على بيتج واكعدي واسكتي تره امي گويه وبلفلوس كولشي تكدر تسوي واخويه لا حول ولا قوه ولا فلوس عنده يعني اسهل شى عدها ادوسه برجلها

سندس : شسوي خلي تسوي مااخاف منها
نهر : كلامها مهزوز تصطنع القوه اعرف بيها باوعت عليها بنفاذ صبر
اففف يمعوده بدون عناد وفكري بكلامي زين احنا لهسه مندري طة شصار مني واللع اعلم الايام الجايه شراح يصير خلي عقلج براسج لا حتى هذا البيت تخسري تره الكعد تسوي كله ماله لازمه لا امي راح تنطي حق طة ولا تساعده ولا اصلاً تحن علية ولا انتي بسوالفج هاي راح تحصلين شى منها راح تبقين بس تصيحين وتسوين مشاكل على الخالي بلاش كلشي بأسمها سندس تعرفين شنو معنى كولشي بأسمها يعني امسحي ايدج بلحايط واستري على نفسج وبيتج

سكتت وتباوع بوجهي لتباوعين مراح يفيدج وجهي باعي على جهالج وبيتج ورجلج وانسي هاي العائله ذوله حتى اذا ماتت انعام لتتوقعين اخوتي ينطوه شى لتنسين ذوله ولد انعام ولازم يطلعون عليها وشفتي علي شسوه حتى مهزله رمش ضرب اخون وفلت
سندس : وانتي ليش هيج تحجين على اهلج وكارهتهم
نهر : مو كرهه يبقون اهلي وامي بس طة بعزيه روحي واعرف اذا بقيتو بهذا الحال وبقيتي يوميه مشكله راح اخسره وانتي هم راح تخسرين الاول والتالي وفوكاها ترجعين لأمج وبرگبتج ٣ جهال منين تعيشيهم هي امج بطولج وحدج وزوجتج حتى بس تخلص من المسؤوليه مو عاد انتي وجهالج

سندس : تعبت من الفگر نهر تعبت من القله تعبت من التفكير والحساب قبل ما اشتري شى تعبت اشوف الناس شتاكل وشتشرب وشتلبس وشون عايشين ببيوت تخبل واني حصره علية اللبسه الزينه
من اجه اخوج گلت راح اعيش واطلع من ضيم امي وضيگة الحال تالي رجعت لضيم اقوى
نهر : هاي قسمتج شسوين
سندس : وليش ما اغيرها ليش اعيش هيج بشنو امج واختج ومرت علي احسن مني يجوز شكلهن احلى بس اني هم الفگر تاعبني الخير يخير نهر لو عندي فلوس ارتب واصبخ واداري روحي والله يطلع شگلي احلى بس من وين مكان ما اخذ الفلوس اصبغ بيهن اجيب اكل الي وللجهال

نهر : هواي نسوان مثلج تره مو بس انتي بالالاف وبلعكس اكو اتعب منج وحتى شغل اشتغلن بس حتى يعيشن اهلهن وجهالهن عدا هسه الارامل شگد والايتام شگد وگلهن يركضن على العيشه واكو حتى بيوت وسگف ماعدهن ليش بس تباوعين على عدهم
سندس : وليش ما اباوع حتى النظر ممنوع الله اكبر
نهر : مو ممنوع بس يتعبج ويخليج طول عمرج تعيسه ارضي بلقاسمة ربج الج حتى تعيشين مرتاحه ولتنسين هسه برگبتج اثنين جهال والثالث بلطريق
سندس : چنچ امي من تحچي ماعدها بس ارضي ومد رجلج على گد غطاج لعبتوها لروحي
نهر : لان كلام العقل هذا تره اذا صار شى محد يخسر بس انتي انتبهي على ذوله طيور الذهب الي الله رزقج بيهم
سندس : وهسه المطلوب شنو
نهر : انتبهي على بيتج وعوفي انعام وعوفي ذاك البيت كله بكل الي بيه تره بس اتعبين نفسج على الخالي بلاش ومتحصلين منهم غير المصايب
سندس : وطة شون منو ياخذله حقه
نهر : خلي بس يكوم بلسلامه وهو يقرر الي يريده

سندس : وشون نعرف شصار هسه
نهر : مااعرف بلكت الله يرجع واحد من المنطقه ويطمنا خلي اكوم اروح بلكت يجي سلام وادزه على جيرانه ادعيله احسن ما باقيه تتكافشين ويه الرايح والجاي

طلعت من سندس ورجعت للبيت لكيت امي حاطه رجل على رجل وكاعده على الكرويته (القنفه) واشواق يمها تفرك برجلها فتت بدون مااحجي
انعام : هااا كتيلها
نهر : اي
انعام : وشگالت بت الفگر
نهر : مكالت بس مبين اقتنعت
انعام : واذا متقتنع اني اعرف شون اخليها تبوس الرجلين حتى بس ارضى عليها
نهر : هسه شون بأخويه منو يطمنا عنه
انعام : قصدج علي
نهر : علي شنو اصلاً هذا واحد ميخاف الله وميستحي ولو ابويه عايش جان حط طلقه براسه وذبه للجلاب على سوايته هايه
انعام : انجبي لج ترحيت انتي وطه فدوة اله قابل شسوه غير دافع عن امه انتي غاسله ايدي منج تربيه سز ميغزر بيج تعبي كد متصير شغله وطابكه ويه ذاك الاغم ولا تكول عدها اخوه غيره
نهر : يااخوه وهو هان علية وضربه والله اعلم يعيش يموت بس وروح ابويه اذا صار شى ب طة اني ابلغ عليها
جان ادنج وتركعني بشحاطتها بس ما اجت بيه وعاطت
انعام : امشي لغرفتج لا اجي ادوس على راسج فوكاها لسانها شطوله بعيني خلي تخلص هاي الشغله اذا ما اربيج من جديد مااتسمى انعام

نهر : عفتها وصعدت فوك لان ميفيد الحجي وياها بلعكس كعد تحقد بلزايد
دخلت ابجي والنار تاكل بيه وگلبي نار علية شون ياربي اخويه بين الحياه والموت وذني حايرات بروحهن وبلطلايب والعركات منو يوديني علية سمعت صوت باب غرفه سلام معقوله هو هنا مسحت عيوني وركضت فتحت الباب صار بوجهي يمسح بوجهه
نهر : هاي انت هنا
سلام : لا خيالي شكو تعيطين وصوتج عالي
نهر : انت تعرف قبل شويه الدنيا احتركت واخوتك تعاركو وعلي ضرب طة بسجين وانهزم يتثاوب ويحجي
سلام : اي وشكو
نهر : لك انت بعدك نايم ركز ويايه
سلام : افتهمت وجع لتعيطين وطبهم مرض اني شنو همه مخابيل ويتعاركون على سوالف تعبانه ادخل روحي ليش
نهر : لطمت على صدري انت صدك تحجي لك ذوله اخوتك واحد يمكن يموت والثاني ينسجن وانت ولا انهزيت شنو من بشر انت
سلام : سمعي نهر اني لحد يدخل بيه انسوني لا اتعارك علمود واحد ولايهمني احد طز بيكم گلكم اهم شى نفسي وجيبي والتردو سوه
نهر : مع الاسف عليك عبالي بيك خير ورجال طلعت المره احسن منك هاي سندس التحجون عليها اسبع منك جان يلزم ايدي ويلويها
اااخ ايدي عوفها حقير
سلام : اذا تجاوزتي بعد لسانج اكصه
نهر : عوفني صاير رجال براسي لو بيك حظ جان نزلت وفاككت اخوتك مو خاتل مثل الفار
سلام : طبهم مرض وكتلج مالي دخل بيكم يله ولي
دفعني ونزل

عرفت هذا هم مابيه خير ليش هيج هاي خلفتك يابه بس اثنين بيهم خير واحد سكن الكبور والثاني الله اعلم شصار بيه هسه دخلت ابجي بلغرفه ماعندي غيرهم وادعي يرجع بخير
وره ساعه سمعت صوت سياره علي طبكت يعني هذا من كل عقله جاي شون عين كويه
نزلت على بايات الدرج الاولى اسمع شيحجون
انعام : ها ولك يمعزه وين وليت
علي : افتر ومردت ارجع اله اعرف شصار
انعام : هي هاي سوايه بله لو ميت تخبلت
علي : مشفتي شسوه
انعام : بس مو تگتله خلاص بله مات
علي : طبه مرض
انعام : اي وانت تخلصها بلحبوس مو من امداك ولا بيك حظ حتى من ردتك تصير رجال راح تضيع نفسك
علي: غير مد ايده عليج شو سكتي مدها لو لا
انعام : هاا دفعني راد ياخذ نور وجنات ويروح لأهلها
علي : وانتي يمه تمشين وتصيحين ضربني واني اكول طة ميسويها بس كلت يجوز تخبل وغلط ومد ايده
انعام : هسه شون شنسوي يلثول
علي : مشيت وراهم وعرفت يامستشفى راحو وبقيت هناك لحد مشافني ابن ابوجواد جيرانه واجاني يركض عباله خايف على طه
وكال الجرح مو عميق بس لازم يبقى بلمستشفى يومين اخاف يلتهب او يصير شى
انعام : الْحٍمَدٍ للـّ? گلت بس لا يموت
علي : واذا بلغ علية شون
انعام : ميبلغ
علي : يمه هاي فرصته وفوكاها بشهاده المنطقه كلها يعني يسحلوني مثل الطلي للسجن
انعام : طبك مرض هسه مصرت سبع اله بلسجينه بس اني اعرفه مراح يشتكي وهسه تشوف بس كون هاي الكح.. سندس متاكل راسي وتغير رأيه اني اخذت احتياط دزيت تهديد الها اخاف تفكر تحط راسها براسنا
علي : نشوف وين نوريه
انعام : صيحلي نوريه ونور هاي نور اذا الزمها هسه اشرب من دمها كله من وراها
تعالن نوريه وينج
نزلت تركض هاا عمه

انعام : صيحي اختج
نزلت تركض وتبوس بيد انعام عمه اروحلج فدوة عوفيها لتروح تسوي شى بنفسها وبلطفله
انعام : حتى اطيح حظها هي بكيفها
نوريه : خليها تروح لبيت اهلي ترجع شو سلام ميريدها وهي هم
انعام : وجنات
نوريه : اني اربيها يمي فدوة علي احجي ويه امك والله اشيلها بعيوني الطفله واحنا لهسه ماعدنا
انعام : ونور وين تولي
نوريه : لبيت اهلي والطفله اعتبرها بنتي وحالها من حالنا
علي : يمه خليها تروح لتسوينا مشاكل مكافي الصار اخاف هلمره تشمر الطفله من السطح هاي شخطت ومبقى عقل براسها
انعام : ماشي بس صيحوها اليه اريدها تسمع هاي الكلمة

نزلت نور تفرك ايد بأيد من الخوف ولازمه ايد نوريه
وكفن على الدرج وانعام مقابيلهم
اسمعي لج راح تولين من بيتي ومطبين هنا تنسين هذا البيت وبتج راح تتربى يم نوريه اياج بيوم تكولين اريد بتي
نور : لا ما اكول بس رجعيني
انعام : وانتي نوريه الطفله يمج بس امها تحرم عليها حتى من ترحين لبيت اهلج تعوفيها هنا افتهمتي
نوريه : صار
وانتي امشي لمي ملابسج ومن اطلعين من هذا الباب اعتبري بتج ماتت
ركضت نور تلم بملابسها ماكو دقايق ونزلت تركض مثل الاسير وطلقو سراحه

نهر : باوعت على كولشي صار واكول لشوكت يستمر ظلمكم حتى الطفله ظلمتوها وحرمتوها من امها شراح تكولين لربج يوم
الْحٍمَدٍ للـّ? اطمنت على طة عايش بس منو يداري اخ ياخويه اخوتك اعدائك الك الله بهذا الوكت التعبان

حجي طه : فتحت عيني واني بلمستشفى وبطني توجعني وابن جيرانه يم راسي وسامي
سامي : ها حجي سلامات
حجي طه : ابلع ريك وتعبان واسولف الله يسلمك
سامي : جان متت لو ما رحمة ربك
حجي طه : وشصار هسه
سامي : مصار شى جرح وبمرور الايام يفوت بس اذا تريد تشتكي
حجي طه : لا مااريد بس طلعوني
سامي : لازم تنطي افادتك لان اعتداء
حجي طه : ماعندي شى احجي انضرب ومشفت الي ضربني
سامي : وهاي المنطقه الشافت كولشي
حجي طه : سد الموضوع ماطول عايش كولشي مااريد
سامي : شوكت تضل هيج لخاطر نبيك طيب ولك ذوله ذيابه
حجي طه : بس اني مو حيوان واعرف هذا اخويه طلعني منا سامي لازم اطلع
سامي : ميصير جرحك بعده
حجي طه : روح انطي خبر لبيتي
سامي : صار من ارجع ادز خبر
استسلمت للامر الواقع وبقيت مكدرت اشتكي كافي الفضايح بحق سمعه ابويه

ثاني يوم طلعت وسامي ويايه ولا عافني دمعت عيني لو جعفر هنا جان محتاجيت احد ويمكن مجان صار هذا الشى
دخلت للبيت استقبلتني سندس بلدموع
اول مره تسويها
سندس : الْحٍمَدٍ للـّ? على سلامتك بعدوينك كون
حجي طه : الله يسلمج ادخلي ولد بره
سندس : صار
بقو ولد المنطقه يمي ورادو يصالحوني اني وعلي لان اخوه اني رفضت وگلت كلمن بحالة بس توقعت علي يعتذر ينقهر طلع هو كايل اني مغلطان هو تعدى على امي وضربها هلمرة شوه صورتي كدام الناس بس گلت اني مضربتها كولشي مزيدت شگول وهمه اهلي والي يطلع اسرار بيته كدام الغربه ويفضح عرضه هذا مو رجال التزمت السكوت باوعت بوجه الناس اكو من صدكني لان يعرفني
اليوم ثلاثاء دزيت على سامي انطيته عنوان محسن لازم يجيني حتى ياخذ الاوراق الصحيه مالتي يقدمها بلكت يمددون الاجازه
بس اني هم بالي يمها باجر الاربعاء وموعدي وياها شون اني ردت اروح انهي كولشي شنو ذنبها تتعلق بواحد ما وراه امل

سندس : شبيك صافن
حجي طه : سلامتج
سندس : انت ليش مشتكيت وطيحت حظهم
حجي طه : خليهم الهم الله صعب احطهم بلسجن
سندس : اني توقعت هيج لان دومك تتنازل عن حقك مو اول مره تتهزم ومتواجه
حجي طه : اي اني جبان ارتاحيتي
سندس : لشوكت متكولي والله موتتني بقهري راح اموت من وراك
حجي طه : كومي شوفي الجهال اخاف يلعبون ويأذون نفسهم
شويه واندكت الباب وطب محسن

محسن : هاي شنو سلامتك
حجي طه : كعد بصفي وكتله الله يسلمك
محسن : ولك هذا كله من وره الكليچه وصار هيج بيك لو مسويتلك جدر دولمه وين الكاك بالانعاش
حجي طه : اشش فضحتنا الله يفضحك وياگليجه أبو بطن
محسن : يابه منريد ام التمر اذا هيج خلي تحط بيهن سمسم هم راضين
حجي طه : مو وكتك ولك
محسن : هذا بدايه الحب يخلي الواحد طاير وبعدين طب يوكع على راسه بس يمكن انت وكعت على بطنك مابيك حيل اطير

حجي طه : محسن اسمعني وعوف الشقه هاي الاوراق تقدمها للجنه الطبيه حتى يمددون الاجازه مالتي واريد منك تروح تشوف صبا
محسن : ياصبا
حجي طه : هو اني اعرف جم وحده
محسن : قصدك ام العيون السود
حجي طه : اني ادري اليوم راح ابات بلشارع لو يمك
محسن : اذا مو كد الحب المن تحب اذا مو گله مشاكل وتاكل جم دفره على جم جلاق على جم راشدي وتفلتين لتوضيح الرؤيه ميتسمى حب

حجي طه : يمعود روح الها وكول مااكدر اجي مريض واني من اشوفها مره ثانيه افهمها
محسن : زين اكول الها انضربت سجين
حجي طه : طفرت من مكاني اااخ خرب لك لا كول فلاونزا او صار عنده ظرف
محسن : تدري اذا عرفت بيك انضربت سجين احتمال اتجيبلك ورد وتصير فاتن حمامه وانت عمر الشريف وتمثلون احلى قصه حب وعلية اغاني الفلم
حجي طه :متسكت كوم لك وجيب الاوراق كلشي مااريد منك ولتروح باجر
محسن : لالا سكتت
حجي طه : هسه شون احجي شو ساكت
محسن : خـرب حظي البازه مو گتلي اسكت راح تجلطني وتنومني يمك
لك هاي منوو
حجي طه : تعالي بابا سليل تعالي سلمي على عمو
اجت تمشي مدبدبه وشعرها منا كصيبه ومنا الثانيه والسنون مطشرات والخدود تفاح تخبل
محسن : شالها ويبوس بيها ولك عندك هيج خلفه يلجكم
حجي طه : غير طالعه علية شوفها تخبل

محسن : هاي اخذها لأبني
حجي طه : اكبر من ابنك
محسن : عادي مابيها شى فرق بسيط حجزتها من هسه بقى يبوس بيها وهي تدفع بيه
حجي طه : عوفها اختنكت
محسن : اروح اني ورايه شغل وهم لازم استعد ورايه موعد غرامي
حجي طه : لك لتروح اكعد واسكت
محسن : هههههه والله وكت وشفت الحجي يغار جان يدنج على طه ويحجي على كيفه شنو رأيك هسه اكول لمرتك واطلعك بلدفرات اقلها اوفر عليك فلوس الكراوي وهم امشيك لان مابيك حيل
حجي طه : روح لا اني ادفرك
محسن : هم بيه بله حجي راضي شون مااشوف ام عيون السود تشبه ام غانم وتكملون مسلسل تحت موس الحلاق تسوون ثنائي يخبل
حجي طه : وانت عبوسي
محسن : اخبل موو
حجي طه : ههههه لك لتضحكني وامشي روح وارجعلي وره متحجي وياها
محسن : اذا مرجعت معناها عجبتني واتزوجتها
حجي طه : جان يشمر عليه كلاص المي وذاك طلع يضحك

حجي طه : كاعد على نار والوب هسه يجي هذا تأخر شويه واندكت الباب صحت على سندس فتحته وطبت
حجي طه : ها بشر
محسن : شبشر اسكت وخليها
حجي طه : شصار وكعت گلبي
محسن : غير اجتي بدون گليجه ورزلتها ماعدها اداب الضيافه
حجي طه : من صخم الله وجهك واني وكع گلبي عبالي صار شى ادا ب الضيافه بلشارع
محسن : اخوك هم ماسكت اول مشفتها كتلها انتي صبا
كالت اي وتبلعم باوعت ايدها فارغه كتلها متستحين مجايبه لا كيك ولا كليجه هسه على الاقل خفيفي بس عجين هم راضين خطيه دمعت وخافت وبقت متعرف شنو تحجي

حجي طه : هو صوجي اني المطي الي دزيتك الها
محسن : تالي كتلها اشاقه وياج اني اخوج محسن صديق طه وهو تعبان بس لو شوفها شون فزت وخافت عليك اويلي يلحب خلاني اتذكر ايام قبل مااتزوج وجنت على علاقه ويه المره
حجي طه : هسه عوفنا من هذا الحجي وشصار بعد
محسن : فهمتها ودزت سلام بيدك وكتلها اذا الله قسم الكم تتشاوفون بعد ١٠ ايام وانطيتها الموعد
حجي طه : وانت بكيفك وشمدريك التحق بعد ١٠ ايام يجوز اكثر
محسن : اكثر بدل وروح الها وشوفها المن بعد خابصنا اقلها هم تشوفها قبل الالتحاق وبيومها
حجي طه : اني اريد اشوفها حتى انهي كولشي
محسن : ليش ولك
حجي طه : البنيه صغيره ومالها ذنب ومتدري بيه متزوج
محسن :الشرع حلل اربعه
حجي طه : والي مثلي حتى الشرع حرم عليهم الزواج بس شسوي گلبي دك الها والشده الاني بيها مقصدت شى مو شريف بس اني هم بشر وتأثرت
محسن : الله يعينك بس الله تكدر تتزوجها وتخلي وحده فوك والثانيه جوه شكو بيها
حجي طه : حتى مرتي تشمر صبا من فوك بنفس اليوم
محسن : اذا تعرف مرتك هيج كويه وانت مابيك خير تحب المن ورطت البنيه
حجي طه : صوج هذا دك الها ويأشر على گلبه لك من اشوفها اريد اخرب اعرك واتلعثم بلكلام واريد بس اباوع بعيونها
محسن : حبيتها يحجي
حجي طه : حبيت يمحسن وطاح حظي ومابيدي شى قليل الحيله اني
محسن : اذا هيج ومابيك اي امل الشوفه الجايه انهي كولشى طه تره البنيه تحبك
حجي طه : شمدريك
محسن : من وجهه عرفت رادت تبجي لان عرفت بيك تعبان اني اعرف اقرا النسوان زين وهاي البنيه واكعه وكعه بلحب بس الله اليدري بيها
حجي طه : بس اشوفها افهمها كولشي
محسن : اروح اني لمرتي لتبيتني بلترك يم كواني الطحين صار يومين افتر وعايفها
حجي طه : روح الله وياك تسلم مقصرت

مرت الايام وسندس يوميه تكعد يمي وتحجي براسي تريد اشتكي كتلها ميفيد بعد سقط حقي بس ميفيد
نهر اجتني يوم واحد وبقت تبجي بحضني مطولت غير ١٠ دقايق وراحت اعرف ميقبلون تجي
بديت اتحرك وصحتي صارت احسن وكمت اتحرك واروح واجي ويطيب جرحي
بس القلق ماكلني شگول الها شون افاتحها
وخلصت العشر ايام واني كل ليله اسهر احظر كلام الها حتى متزعل مني
بدلت الصبح اباوع على حالي امشط واكشخ والعطر تكول عريس هو اني رايح انهي كولشي قبل ميبدي المن خابص روحي بعد
وصلت للمكان وجان ساعه ٧ ونص الصبح
انتظر وماكو شوي وشفتها تمشي ونبض گلبي قوي شبيك طة اثكل شجاك وتبتسم نفس ابتسامتها الكل مره اشوفها وگلبي يركص عليها وصلت قريب مني باوعت عليها شگد مشتاقلج لخاطر الله
صبا : صباح الخير والحمدلله على سلامتك
حجي طه : صباح العافيه الله يسلمج
صبا : تفضل
حجي طه : هاي شنو
صبا : علاكه الك والثانيه لصاحبك مردت يرزلني لان مجايبه شى ويايه
حجي طه : الله يطيح حظك يمحسن فشلتنا
صبا : هههههه لا بلعكس خوش ولد وحقه هو مكال شى بس كال من ادزين بعد دزي حصتي لان طه يضمه جوه راسه وميخليني اكل تكول حاط دعاء للحفظ والسلامه مو گليجه

حجي طه : والله جذاب كله هو ياكله
صبا : هههههه عادي مليون عافيه بلعكس فرحت لان حبيتوهاوهاي حصته وكله هم سويت خفيفي المهم ميحجي بعد علية
حجي طه : شحده اكص لساني بقينا واحد يباوع بوجهه الثاني ويبتسم نسيت كل الحجي تعالي نكعد
صبا : يله
حجي طه : تمشينا بأتجاه الزوراء وجان اكو مصاطب كعدنا عليها ونسولف جان اغلب كلامنا على سوالف محسن لو اهلها لو سوالف الجبهه نسيت الوكت وياها ونسيت حتى ليش ردت اشوفها ومكدرت اكول الها كولشي حضرته خلال ١٠ ايام الفاتت
صبا : تأخرت اني لازم اروح
حجي طه : وكفت كتلها اكعدي بس ثواني
صبا : كعدت
حجي طه : اكو شغله لازم تعرفيها
صبا : شنو
حجي طه : اريد تطلع اني متزوج مطلعت صفنت بوجهه وهي كل شويه تنزل عينها من الخجل وتنتظر احجي
مشفت نفسي غير اكول الها صبا اني احبج

سكتت وبس عيونه احس اكو فرحه بيهم
حجي طه : اني شون حبيتج وليش ما ادري خلصت عمري مامفتهم شى منه ومن اول يوم شفتج واكفه وتبجين حركتي گلبي يجوز استعجلت ومتعرفين كولشي عني بس اريد تفهمين شى بأن انتي اول حب بعمري
احجي ليش ساكته ضجتي مني
صبا : اروح اني
وكامت مفهمت شنو ردت فعلها بس بقت تمشي وامشي وراها اوكفي بس احجي وياج
صبا : اندارت وكالت اله شوكت تلتحق
حجي طه : باجر
صبا : نتشاوف باجر
حجي طه : مصدكت من كالت هيج احس الدنيا واخيرا. ضحكتلي نسيت حالي وضعي وكولشي رجعت الطريق كله اغني من الفرحه لحد مرجعت الواقع وهم تندمت لا منهيت كولشي هلمره عمقت العلاقه اكثر اني شبيه ماعندي كلمة وياها بس اشوفها اغير كل قراراتي
سندس : شوف صافن ومره تضحك ومره ادلغم شجاك الضربه أثرت
حجي طه : سندس
سندس : هااا
حجي طه : انتي تحبيني
سندس : شنو
حجي طه : جاوبيني تحبيني
سندس : قابل اكرهك
حجي طه : مو هذا قصدي يعني تحبيني حب حب
سندس : انت مبين فارغ وماعندك شغل وعمل واني تعبانه والجهال شالعين گلبي
حجي طه : تعالي وين رايحه هو شسألتج وهيج تخبلتي
سندس : احسن متفكر بلحب فكر شراح نتزقنب وانت هاي العطله كولشي مشتغلت منين تجيب مصرف
حجي طه : اداينت من سامي واني انطي بعدين اخذيهم من جيبي
سندس : همزين تذكرت

حجي طه : مجاوبتيني
سندس : غير ابوجهالي اكيد احبك
حجي طه : بعيد عن الجهال وهاي السوالف
سندس : اوي اكوم اكمل شغلي
حجي طه : عافتني وكامت زين ليش متحبني صح اني مو رجال رومانسي بس ممقصر وياها حتى متحمل لسانها الطويل وصياحها طول اليوم وتجاوزها كل هذا واكول يجي يوم وتنعدل
حضرت غراضي وصار الصبح بست الجهال وطلعت وشفتها واكفه مثل الورده بنص صحراء وردة جوريه ريحتها اتمنى اشمها وابعدها عن عيون الناس
تقربت منها وسلمنا
ديري بالج على نفسج
صبا : وانتم هم عفيه
حجي طه : اروح تأخرت
صبا : طة
حجي طه : عيوونه
صبا : اني احبك
حجي طه : وكعت الجنطه من ايدي ممصدك السمعته عيدي شگلتي
صبا : تروح وترجع بلسلامة
حجي طه : مااتحرك منا اله تعيديها
دنجت خجلانه وكالت احبك ردت اعيط بنص الكراج ممصدك تحبني
صبا : ارجعلي ولتتأخر
حجي طه : راجعلج ياعيون طه
اول مره التحق والضحكة شاكه حلكي من الفرحه لو بيدي حتى الامر ابوسه والفرقه كلها واول واحد استقبلني محسن ابو راس البله

هاك وتكول مكلت شى
محسن : هله بلمعدله والله وفادت الرزاله بيها ولك هاي علاكه شكبرها
حجي طه : غير انت داك اليتيمه يمها
محسن : هاي البنيه من كثر متسوي گليجه بعد بلعيد متسوي وتقدم صمون مال جيش لعبنه روحها بكل روحه لازم تسوي
شو ساكت طه حجي ولك حجي راضي
حجي طه : وجع كل شويه وكال حجي راضي
محسن :اكو واحد عمره ٢٧ سنه ويصيحوله حجي
حجي طه : اي اني
محسن : من تكبر اصيحلك بيبي للتغير ملينا
كولي ليش هيج ضاحك جنك جاهل جايبين اله ملابس العيد وحاطين الجواريب والحذاء جوه راسه يخاف ينباكن

حجي طه : اسكت مو مال شقه لو تعرف شصار
محسن : هسه تكولي لو اروح للامر اكول هذا جاسوس وعميل لأيران واخليهم يسوك تشريب اصفر للوحده كلها
حجي طه : اكعد اسولف الك
محسن : لعد خبصتنا واني متزوج وحرام علية واني حضرت السجاده والعرقجين من التقوى والايمان وبدي اعيط
حجي طه : مكدرت حبيتها
محسن : وتاليها
حجي طه : ما اعرف وخايف حيل لا اخسرها حطيت روحي بجبهه وروح ابويه اقوى من هاي الجبهه الحارب بيها
محسن : شوف وضعك وفكر ولتضيع كولشي الحب حلو بس تذكر اجاك بلوقت الضائع وكولشي يجي بعد وكته يفقد قيمته وخسائره اكبر من فوائدة

حجي طه : لتخوفني
محسن : اني احبك لهذا هيج احجي وياك انتبه قبل متفقدگلبك وعقلك وياها وانت ممرتب وضعك واهم شى كون هي تقبل بهذا الوضع
حجي طه : رجعت طفيتني
محسن : لصالحك ياخويه مبين اللعبه انگلبت وراح اطيح على راسك

بقيت طول الايام افكر ومرت الاشهر وكمت اشوف صبا خلال اجازتي اكثر من مرتين مكدرت اكول الها على وضعي كل ما اقرر عيونها وسوالفها وضعفي وحبي الها يخليني اتراجع وابطل وهي بدت الدوام مرحله ثانيه وشهر بعد شهر اتعلق بيها اكثر وروحي تموت بيها اكثر
ومر على علاقتنا اشهر بدون حتى مااطرق لموضوع زواجي واصلاً جان ممبين علية متزوج غلطت الشاطر بألف واني غلطتي بعمري كله لو كايل الها گلشي مجان صارت هاي الكارثه

شهر الواحد ١٩٨٦ نزلت وشفتها ومثل كل مره صار حجينا كله عن الحب بس منتجاوز قبل حتى الحب اله حدود نحب بس حب نظيف قررت بنفسي لازم اقنع صبا بوضعي واحاول اشوفلي شغل اي شى حتى اكدر اخطبها الي ريحني امها متقبل تتزوج اله تتخرج يعني اقل شى بعد سنتين گلت بلكت وضعي يتحسن بس على الاقل هي تدري بوضعي سندس متغير وضعها بس بدت تهمل بيتها بسبب حملها وامها تساعدها وشالت ايدها مني تماماً حتى ملابسي اني اغسلهم وكمت مااهتم عادي
بيوم نازل اجازه وجانت سندس تلوب وصايره نار يومين تريد تشرب من دم الجهال گلت يجوز لان مبقى شى واطب بشهرها واعصاب عفتها سمعتها تتبسبس ويه جوارينا انوار وصار كم مره اشوفهن خاتلات ويسولفن اكول نسوان وبينهن
بس من تروح انوار هاي تگب نار شبيهه خبلتني اسألها حتى بوجهي متباوع
جنت نايم الظهرطه بعد يومين التحق گلت شويه ارتاح وخليت سليل وحسام بحضني ونمت واندكت الباب قوي شكو طفرت من مكاني اباوع سندس ماكو صحت بلبيت هاي ماكو لبست ملابسي وفتحت الباب طلعت ام سندس تلهث
حجي طه : ها حجيه شصار شبيج گلبج يريد يوكف
ام سندس : يمه الحك مرتك راح تعزينا وتصخمنا ويه الوادم
حجي طه : شكو احجي
ام سندس : مرتك اجت اخذت فلوس مني وكالت اليوم اهجم بيت وحده ساقطه تفتر على رجلي اله اشهرها بلمنطقه
وحطت العبايه على راسها واريد الحك عليها مالحكت يمه اركض وراها
حجي طه : ياوحده ومنو هاي هسه كاعد من النوم ومهبوط مااخذ عقلي الحجي بالاول
جان تكول
ام سندس : وحده انت على اساس تشوفها كل متنزل وماادري منو مدليها بيت البنيه وراحت اطيح حظها
حجي طه : صبا راحت لصبا.....



يتبع ..



لامارا غير متواجد حالياً   رد مع اقتباس
قديم 26-11-19, 09:14 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#ابي_والغزلان
#للكاتبة Reem
#البارت الثامن

يمكـن انساك و بعـد متمرنـي طيـف
و يمكـن ابنسيـانك انهض من جديد.
يمكن انسه الصفنه والحسره وجفاك
يمكن انسه اشتاكلك!{بس مو أكيد} ..
لأن مـــا أدري الخلـل و العلـه ويـن
يـاهو راد الفركه؟ يـاهو المــا يريد ؟؟؟
أنـه مـا ردت العشـك لــو مـا ألـوح
وحته ماأدري العنب حامض؟ بعيــد ؟؟
انـه عفــت الحلــم مو قلــة طمــــوح
انمسحـت احلامـي كثـر ما بيهه اعيد

حجي طه : دخلت ركض جبت الجنسيه والفلوس ولبست طلقه وركض وراها جان گلبي يرجف واني اتخيل سندس شراح تسوي بصبا لو شنو حال صبا من تسمع بيه متزوج الطريق مو طويل بس من كثر ماهدني التفكير احس روحي رايح للبصرة همزين قبل مده مرة وصلت صبا للبيت بشارعهم ودلتني البيت واله شون جان وصلت زين سندس منين عرفت شوصلها اله
اخر شى اتوقعه سندس تعرف بصبا وفوكاها تروح لبيتها كل شويه اكول للسايق التكسي استعجل اخويه

وصلت البيت ويم الباب اسمع سندس شون تعد وتغلط دفعت الباب شفت صبا تبجي وتشهك وامها تريد تسكت بسندس ماكو جريتها من عبايتها انتي شجابج هنا اندارت علية
سندس : ها خوش واجه المزيون اجه العريس ها صاحبتك بله مستحيت على روحك من تصادق على مرتك
حجي طه : امشينا وجريتها من ايدها
جان تدفع ايدي حيل
وخر تريد اروح وياك قبل ماافضح هاي ام الشوارع ام الولد ام الدرابين مگضيتها هنا وهنا
حجي طه : لزمتها من شعرها ولج امشي خزيتينا ومااريد اضربج وانتي حامل
ام صبا : يمه اخذ مرتك وروح منا والله اخوها اذا اجه لصبا يذبحها
اباوع صبا تباوع علية بگلب مكسور وعيونها العشكتهم كلهم مو دموع لا والله دم احسهم ينزلون على خدها
امشي سندس عدنا بيت نتفاهم بيه
سندس : اليوم احركها واحرك اهلها وجان تجيت على صبا واسحليها من شعرها وصبا رغم طويله بس ضعيفه وناعمه مباشره وكعت بلكاع على وجهه اريد اوخر ايد سندس من شعر صبا ماكو ملخته كمت اضرب على راسها المشكله اكدر اكطعها لسندس بس هي حامل وبشهرها بس من شفت خبالها متحمل لزمت جتوفها ودك ضرب اريد بس تعوف شعرها موتتها كتل وامها واني كوه مسيطرين عليها مو مره تكول عشر زلم

وخرتها كوه ولزمت سندس ودك راشديات اريدها بس تسكت مو حتى الناس مدت راسها تعرف شكو صوتها جان مسمع المنطقه كلها
سندس : تضربني علمودها ولك لو بيك حظ جان صرت رجال على اهلك مو علية لو بيك خير جان حرت بعيشت جهالك موتفتر بلفرع ويه الكح.. وعايف بيتك وجهالك
حجي طه : ولج كافي الله يشيلج الله ياخذج ساعة السودة الزوجتج بيها انتي انتقام الله مني يحجي بصوت عالي وانهيار ويضرب على راسها يريدها بس تسكت
ولج طايحه الحظ لا احترام ولاخلقه واخلاق يعني الله بلاني بيج شمسوي وبلاني بمره مثلج انتي شجابج هنا بت الگلب
جان تلزم ايده صبا وتبجي
فدوة طة اخذها وروح راح يجي اخويه والله يذبحني
حجي طه : ولج عوفيني شفتي هاي مرتي حتى لتلوميني من مكتلج
صبا : اخذها وروح استر علية الله يستر عليك اخويه اذا اجه تكبر وتصير مصيبه
سندس : وهيج ادورين ستر ام الولد ساقطه
تركضين وره المتزوج خلصت الزلم مسويه نفسج فقيره وانتي يوميه دايحه ويه واحد
حجي طه : كومي لج وسحلتها وكوه تتحرك وتكول عوفني ولكراليوه افضحها واخلي الناس كلها تشوف هاي بت الشوارع شون تفتر عليك لزمت حلكها واسحل بيها جان تعيط سندس اجتها الطلوكه وخرت ايدي وكعت بلكاع وتعيط ولك الحكني راح اموت ااااخ يمه

ام صبا : شبيهه شصار
حجي طه : اثوليت من شفت تعيط ورجلها تنكط مي يمكن راح تجيب
صبا : امشي هنا اكو جده قريبه
ركضت جابت بطانيه ولفت سندس بيها وهاي عياطها ماخذ الدنيا وتطلك وتصيح الله لا يوفقك الله ياخذك كون يجيبوك ملفوف بعلم واخلص منك

محاجيتها لان بس احجي اگتلها واكتل حتى الي بطنها وركضنا للجدة بس المصيبه مشايل فلوس ولادة
طبن لبيت الجدة واباوع على حظي يوم ما احب يصير كل هذا بيه باوعت لله واحجي وياه هاي قسمتي اضل طول عمري مشلوع گلب ليش ماخذتني ويه امي المن بقيت حتى اضوك العذاب واكمله بعدها مكافي هيه ماتت بلحسره اجي اني اكمل وراها ااخ شمضموم الي وشراح يصير بحالي اني تعبت كافي جبتها واني جاي ساكت ومتحمل زين لشوكت تمشيت شويه اباوع اكو دكان براس الشارع اشتريت جگاير منه ودخنت واباوع على الجگاره كل ما اريد اعوفج ارجعلج

بقيت اشرب ومااحس بلوكت لحد مطلعت صبا وعيونها الف قصه وقصه
وكفت كبالي واحنا باب بيت الجده وماكو احد بلشارع وكالت على الخير اجتك بنيه الله يحفظها الك اني راجعه للبيت وامي باقيه ويه مرتك بس تكدر تكوم تكدر تاخذها وتروح
لزمتها وهاي اول مره الزم ايدها وگلبي يبجي دم عليها
صبا والله موقصدي أذيج
صبا : بعد ميفيد طه انت كسرتني ودمرت كولشي حلو بداخلي الك بس ليش كذبت علية مااستاهل منك هيج
حجي طه : والله مكذبت بس ضميت خفت اخسرج
صبا : وهسه شنو ربحتني
حجي طه : اجيت اكولج وروح ابويه توصل لحلكي واسكت
صبا : ميفيد بعد شفت مرتك شسوت الله رحمني حامل واله لو مو حامل يمكن تكتلني خلاص روح اخذ مرتك وجهالك وانساني

حجي طه : اني احبج وانتي اول حب بعمري
صبا : مو كولشي الحب شنو الفايده وانت برگبتك عائله
حجي طه : ردت بس الم نفسي واكولج واقنعج واتقدملج
صبا : تتوقع اقبل انزل على مره اتزوج رجال متزوج شنو مجبوريتي
حجي طه : حقج ما الومج بس
صبا : ما كو حجي اي شى تكوله مو من حقك وجان تنزل دموعها اني حبيتك حتى اكثر من روحي كولشي اتوقع بس مال تطلع متزوج ومخلف متوقعته توكف بوجهي وتضحك وتسولف وتتغزل وانت برگبتك مره مكلت اذا عرفت شون حالي شون راح اشوفك شون اصلاً كدرت تضم هاي الاشهر كلها شووووون
حجي طه : بس الله يعلم شجنت احس من اشوفج واعرف حظي تمنيت شايفج قبل مااتزوج بس القدر هيج كتب وافقي نتزوج والله مااقصر وياج واخليج بعيوني انتي حب عمري صبا حب المراهقه والشباب الحب الجنت احلم بيه واني نايم وحتى واني صاحي ارحمي حالي واعذري وضعي واوكفي بجانبي وصيري اليه
صبا : مترهم لتقشمر روحك احنا ما بيوم راح ننجمع لهنا وانتهى كولشي من اليوم لا اريد اعرفك ولا تعرفني وبوضعك هذا لو بعد ميه سنه مننجمع وابوس ايدك ابتعد عني وابعد زوجتك هم مناقصني مشاكل البيه هسه والقهر الاحسه كافي يخليني اكره حتى الساعه الشفتك بيها
حجي طه : اخطبج من اخوج
صبا : اني ارفض كتلك ابوس ايدك ابتعد اذا تحبني صدك عوفني وروح والك الله بزوجتك
مشت وكتلها تبقين احب الناس لگلبي ويبقى هذا بس الج ينبض
صبا : مع الاسف مو ملكي ملك غيري
ردت بس توكف ابد عافتني وراحت

رجعت اضرب بلحايط وعرفت نفسي خسرتها اني غلطت من ضميت عليها او يمكن الي مثلي ممنوع علية يحب لازم يبقى حاير بس بلضيم والقهر
تذكرت مابجيبي فلوس هوايه رجعت بلطريق شفت سامي وركض جابلي فلوس من عنده ورجعت وهم بعدهم دكيت الباب وسألت عنهم طلعت ام صبا سلمت حتى بوجهي مباوعت انطيتها الفلوس ورجعت طبت

بقيت ساعه ونص واكف والدمعه بعيني رجعت ايامك سودة ي طه وحتى الشى الحلو بعمرك خسرته طلعت ام صبا خلف الله عليها معافتها غير ناس يطيحون حظها ويشمرونا بلشارع بس همه اوادم رغم كل السوته بيهم والغلط والفضيحه معافتها لحد مطمنت وشايله الطفله هم
اخذت الطفله ولفلفتها زين وجنت قبلها بدقايق جبت تكسي وكفته باب البيت حتى اصعدها وارجعها للبيت تباوع سندس علية درت وجهي منها هسه اني حتى ما اعرف شفكر حيل مبقى بيه صعدتها وام صبا كالت
الله وياكم يمه دير بالك على بيتك ورحمة لأبوك جوز من بتي كافي الصار
حجي طه : دنجت خجلان منها والله خاله مجان قصدي موزين
ياابني زين موزين مترهم انت الها كافي كسرت گلبها عوفها بحالها الله يعلم شراح يصير بيها وره سوايتك
حجي طه : خالة رحمة للاهلج بس كوليلها والله نيتي شريفه وردتها بلحلال
ام صبا : بوضعك حتى الحلال الك مايرهم حياتك ممرتبه والي تعيش وياك هسه وبهذا وضعك وضع مرتك راح تنظلم واني بتي كسرت ظهري عليها وعلى دراستها وما مستعده اعيشها الضيم وخاصه هاي مرتك متسكت روح ابني وحير بجهالك وبتي الها الله يطيب گلبها

حجي طه : صعدت للسياره وسندس دارت وجهه اخذت البنيه بحضني فتحت شوي وجهه اريد اشوفه تذكرت سليل بعمرها بستها على كيفي وصلنا للبيت نزلتها بدون لا هي تحجي حرف ولا اني فتحت الباب اجت امها تركض هابطه المسكينه لان هواي تأخرنا ودخلتها للبيت ودخلت للغرفه وسدت الباب
ام سندس : شصار يمه وشون ولدت واني ماادري روحي فرفحت صارلك اكثر من ٤ ساعات
حجي طه : عمه بتج يمج واني باجر ملتحق ارجع اطلكها اني تعبت منها ما اكدر اعيش وياها
ام سندس : صخام ليش يمه شسوت
حجي طه : اشكال سوت وحتى الاني سويته واذيت غيري هم من وراها من ارجع اطلك خلي تفوت للاربعين ويصير خير
والبنيه سميتها رشا اخاف تسألج
ام سندس : روح التحق ومن ترجع الله كريم ربك موجود تنام نار تصبح رماد
طلعت بقيه الفلوس الي بجيبي قسمتهم وانطيتها لأم سندس وكتلها اكو بعد فلوس بلكنتور تندلهم هي اخاف تحتاج مصرف
واخذت غراضي وقبل اليوم طلعت للجبهه واني حاير بزماني صارت الجبهه سلوتي جبهه الموت هي راحتي اذا كل ماانزل تصيرلي مصيبه كمت حتى اضوج انزل

كاعد بلواجب واجه محسن يمي
محسن : انتبهت عليك من اجيت بس تشرب جگاير وحالك مگلوب ومردت اضوجك بس حالك طول واليوم ثالث يوم على هذا المنوال شبيك شصاير
حجي طه : شيصير بعد اكثر من الصار حب حياتي خسرتها
محسن : لا بربك بس لا انلكفت
حجي طه : مااعرف شون ومنين عرفت وكعدت اسولف كولشي لمحسن
محسن : شوف مصيبتك هاي كل الاطراف بيها صح
حجي طه : شون يعني
محسن : مرتك السوته اي مره بمكانها تسوي كولشي سوي بس لتحب وحده عليها وخاصه ام حسام ماشاء الله عليها عشر نسوان سوه هاي من كلامك يعني ماكو مره تسمع رجلها يحب وتسكت لازم تبدع بطرق الطيحان حظ وتنعل سلفه لرجلها والي يحبها
الطرف الثاني صبا حقها حبت واحد وعاشرته وصغيره وبدايه حياتها وبانيه امال علية ويطلع متزوج ومخلف زين منها وحجت وياك اصلاً وخاصه وره زفت مرتك والفضيحه السوتها
الطرف الثالث انت مشايف حب ولا اهتمام ورحت ادوره بره بيتك وردت تجرب تحب بس هملت اهم شى هو انت متزوج

حجي طه : تدري شون مشكلتي ويه مرتي مشايفتني رجال
محسن : شون
حجي طه : شايفتني واحد جبان ومابيه خير تنازل عن حقه ورثه هي همها الفلوس واني مكدرت اوفره الها وفوكاها سكتت عن اذيتهم
الطيب بهذا الوكت يتسمى جبان
محسن : اكو. طيبه واكو فهاوه
حجي طه : بروح اهلك لو انت بمكاني شسوي يعني اريد احد يفهمني ماكو واحد عاش كل حياته ويه اهله وطلعت امه هي مو امه ويموت ابوه ويحرموه من كولشي شنو البيدي اسوي اخذ السجينه واذبحها شراح احصل لو اشتكي عليها بلمحاكم وهي اوراقها مسويتهم قانونيه
واذا اني نفسي مسجل بأسمها وماعندي حتى ورقه تثبت هي مو امي والوحيد اليكدر يثبت مات لا عم ولا خال ولا اي واحد يعرف اني مو ابنها يعني كدام الناس اني اشتكيت على امي لخاطر الفلوس وياريت راح احصل شى بس المخازي والحجي الفارغ على شون اشتكة على امه وبالاخير حتى انزل من نظر الناس لان قانوناً كولشي بأسمها وماكو اثبات لكلامي ايدي والحايط
واذا اريد اخذ الحق بالايد لو اكتلها خلاص لو اكتل واحد من اخوتي وتاليتي ادخل سجن وهم محصلت شى

المشكله الكل عبالهم مداير بال وراضي بلي صار ميدرون انضرب بگلبي وبقيت كل هاي الفتره روحي تتكطع بس ماكو حل جبتها منا منا ردت حل ماكو لو قاتل لو مقتول علمود الفلوس تصير لسندس واني زين اني شگول لله كتلت وذبحت علمود چم فلس
مكدرت غير احط وجهي بوجه الكريم وهو ياخذلي حقي اني مغلوب على امري محسن كولشي مابيدي لا القانون بصفي واشتكي ولا اني واحد سرسري ويكدر يذبح ويصلخ علمود الفوس

حتى الخوف من الله الناس كامت تشوفه مو رجوله وماعنده شخصيه ومرتي لو شكد ما اسوي الها لو اشعل مو بس اصابيعي شموع حتى عيوني ميفيد هي تريد فلوس وبس اجيب الها فلوس اطلع خوش ادمي ماكو فلوس اني مو رجال
محسن : انت رجال والنعم منك والله ياخذلك حقك المهم حاول ترتاح شقررت
حجي طه : اطلكها كافي روحي لعبت من كولشي
محسن : وجهالك منو الهم يضيعون طه لتستعجل هسه انت گلبك محروك لتنسى صارو ٣ وذوله يرادلهم ركضه وزوجتك مالها معين واخاف تضيعهم
حجي طه : هسه اني طير مذبوح محسن اخوك انذبح بگلبه ومابيدي اداوي نفسي
محسن : ادري كله بجفه وصبا هسه بجفه ثانيه
حجي طه : البجي والقهره مالتها كسرتني ليش اذيتها والله مقصدت أذيها
محسن : الغلط من الاول جان المفروض تعتبرها وحده عابره وتعيش حياتك
حجي طه : تره اني مو الله ولا نبي ولا امام ومااغلط اني بشر وضعيف ومن اشوف وحده يرف گلبي عليها اني محروم من الضحكه محسن تعرف شنو واحد محروم حتى من الضحكه وهو داخل بيته خليني ساكت مو گلشي ينحجي ياخويه
محسن :تعوذ من الشيطان وكافي وجر الجگاره من ايد طه كوم اكل صار ٣ ايام منتبه على اكلك لو متاكل لو شى بسيط
حجي طه : مجوعان
محسن : بس اني جوعان ومااكل اله انت ويايه
حجي طه : عوفني بحالي وخليني كاعد هاي الكعده بلكت الله يرحم حالي لو يفرجها لو ياخذني
محسن : كوم لا مثل النسوان تونون تنحل متبقى هيج
حجي طه : اي صدك متبقى هيج تصير اتعس
محسن : هههههه كلشي توقع بس والله اشتاقيت للكليجه كطعت بينا اني گلت هلمره تجيبلك كونيه تالي لا حصلنا گليجه وفوكاها الگآبه فول عندك
حجي طه : رايح اتمشى اختنكت
ماشي بس لتروح بعيد

مشت الايام واجه موعد نزولي ومنزلت بس دزيت مصرف بيد محسن للبيت راتبي مااحتاجه همه اهم مني بعدني تعبان رغم صار ٣ اشهر بس عبالك البارحه
اشتياقي لصبا يوم بعد يوم يزداد وحتى حبها بگلبي يكبر وجهالي ادمع من اذكرهم
تالي متحملت وكلت مابيها مجال خلي انزل واشوفهم الى متى ابقى مهزوم هيج
رجعت واول مدخلت اشوف سليل واكفه تلعب بلمي وكبرانه دمعت عيني من شفتها ركضت حضنتها وبستها افيش ياروح ابوج
هنا سليل عمرها ٣ سنوات وحسام سنتين اله كم شهر يمشي ورشا الي لحد الان مشفتها عمرها ٣ اشهر طبيت واحس روحي غريب بيتي وغريب بيه جان اشوف سندس كاعده ترضع الصغيره شافتني تفاجأت بس كالت الْحٍمَدٍ للـّ? على سلامتك
حجي طه : الله يسلمج ودنجت على الصغيره حليوه تشبه سليل بس ماخذه معاني امها هوايه حطيتها على قلبي وبستها
ام سندس : هله يمه عاش من شافك
حجي طه : بست ايدها وراسها تسلمين عمتي انتي العايشه
سندس : شعجب اتذكرت عندك بيت وجهال جان بقيت بعد سنه سنتين

حجي طه : باوعت عليها وهم الج عين تحجين
سندس : اني الي عين لو انتي النهزمت وعفت مرتك وحدها وزعلت والله شنو جيف راحت تخرب سوالفك المكسره فوك ماعينك تستحي وتنكسر وتجي تعتذر تصير انت ابو الراهي علية
ام سندس : ولج اسكتي هسه اجه الرجال خلي ياخذ نفس
حجي طه : لا عمه عوفيها خليها تحجي يله كملي اسمع
سندس : شتسمع على ياصخام وجه واكف گبالي فوك مخايني ومصادق فوكايه تدخل بعيني وتسوي نفسك الزعلان
بيومها لو ما الطلوكه جان شريتها على الحبل وروح ابويه اخلي حتى اخوها يذبحها مستحيت من تنزل من اجازتك وتخلصه وياها ليش ماعندك مره ماعندك بيت همه اولى بيك منها شگلت روحك وتسوي سوالف مال مراهقين وفوكاها حاج بيت الله عشتو ويحجي بلعيب والحرام

حجي طه : خلصتي كلامج
سندس : هاا تريد بعد
حجي طه : كل الصار انتي السبب بيه من شفتج وشفتيني حجه الورث حجت امك حجت اختك اخوك هيج جاب اخوك الثاني هيج اشتره ليش ماعنده فلوس ليش عايشه بلفكر الى متى اضل هيج عرفتي بيوم نازل من جبهه من موت بس الله يعلم حالنا شنو تستقبليني بحضنه بأشتياق ولج يامره كل اصدقائي تنزل بلهفه اله اني لان اعرف راح ادخل البيت لو تخلصيها حجت امك واهلك لو تمشين وتأفأفين من العيشه كتلج يابت الناس هاي عيشتي الاكدر علية اسوي

سندس : طلعتني كولشي ماكو لا مداريتك ولا زينه وياك مكافي تعوفني بالاشهر وكاعده وساكته
حجي طه : ليش احد گلج اني عايفج ورايح للديسكو لو للسينما اني رايح للموت ليش هو الواحد يفرح من يروح للموت لج حتى ابسط شى حارمتني منه وهاي اختي تسوي بمكانج غير مره رجلها يروح لو يرجع لو لا الها عين تنام قبل متودعه صار اكثر من ٣ سنوات وياج بيوم فكرتي اطلعين ورايه وتودعيني هاي نهر تسوي هيج فكرتي بيوم من اجي تحسسيني طايره من الفرح بجيتي ابد مرات احس عبالك جنت يم ابو الدكان واجيت من برودج اني شاب مو جبير كل عمري هسه يله صرت ٢٨ سنه شفت وياج من حب من كلمة حلوة من استقبال واشتياق كولشي عندج بطنج ولبسج واني طز بيه

سندس : لو كل واحد مثلك هيج يفكر جان كلها خانت لان النسوان كلهن مثلي تركض على بيتها وجهالها
حجي طه : لا مو مثلج اكو مثلج هوايه بس مو الكل اكو عدها بيت وجهال وحاطه الرجال على راسها وممقصره وياه اني ما اكولج اني مغلطت بس انتي السبب سوالفج السخيفه وصلتني لهيج ولو افكر زين الكه غلطتي الوحيده بقيت من الاول وياج من شفتج ماديه وجشعه المفروض اعوفج بس هذا گلبي الطايح حظه ومخافه الله والله شون قرينا فاتحتها وانعرفت وعفتها وكسرت بختها رجعنا تزوجنا وكلت شون والجهال صوجي اني كل مره احط عذر وابرر الج لو من الاول عايفج مجان هذا حالي

سندس : جان هسه انت وزير مو طلعت اني الموخوش
حجي طه : عمي اني الموخوش اني الماافتهم اني الخاين اني الموخوش ادمي حتى ترتاحين وهاي كدام امج بعد مايجمعنا شى وراح اطلك ماريدج زوجتي بعد
سندس : حتى تتزوج ذيج ام الولد الدايحه مو اعرف هاي حجة
حجي طه : هاج شوفي لسانها من اركعها على حلكها احد يلومني اكو مره بت اوادم تتجاوز على رجلها ويسكت الها ومن اضرب تكول شون تضربها اذا هي حيوانه تحب الكتل شسوي اني ماعندي حل غير اطلك واخلص منج ولا عبالج انتي المانعتني عنها لو بس هي تقبل باجر اتزوجها وروح ابويه بس هي بعد متريدني


ام سندس : لا يمه صدك گذب هاي انت العاقل تفاجأت متوقعت ترجع وهذا حالك ومصر على الطلاك
حجي طه : مرمرت عيشتي تعب منها لا هي راح تنطيني الاريده ولا اني راح اوفر الي تريده بعد على شنو هذا التعب
ام سندس : والجهال هاك شوف ورود وكاعدين تعوفهم
حجي طه : لا تبقى بهذا البيت لخاطر جهالي واني اشوفلي مكان هو كل شهر لو شهرين ونص انزل ١٠ ايام اخلصها شون مجان

باجر حظري نفسج نروح للمحكمه نسوي المعامله بعد مااتحمل هاي العيشه
دخلت تركض للغرفه عفتها وبست الجهال واخذت جنطتي وطلعت حتى مكدرت ابقى
رحت لسامي عرف الوضع متخربط بس مسألني
متعلم على اهل سامي دخلت سبحت وبدلت ونمت مكعدت اله ثاني يوم من التعب شفتها ساعه ٦ الصبح صليت وبدلت وطلعت
اتمشى بلشارع والهوا طيب وافكر وين اروح والجهال ااخ ي طه رجعت تنطي اعذار
باوعت ساعه ٧ الاربع اخذت بطريقي كيمر وصمون ورحت فتحت الباب وطبيت كعدت استحيت اتريك بيت سامي اقلها ادبرها اليوم والله كريم لباجر
من الطكطكه حسيت سندس ورايه لزمتني حضنتني من وره وتبجي

سندس : لتعوفني ماعندي غيرك
حجي طه : كافي تعبت منج وانتي تعبتي مني يابنت الناس اني لابيوم راح احقق الي تردي ولا راح اكدر اعيشج احلامج
سندس : بعد ما احجي اسكت بس انسى الطلاك
حجي طه : كرهت عيشتي وياج واعرف طبعج ميتغير من يوم مااخذتج وهذا حالج جنتي بت ١٦ سنه وهسه عمرج ٢٠ ونفس الحال بلعكس من تكبرين تتخبلين بلزايد
سندس : اني هم من حقي ادافع عن بيتي ورجلي
حجي طه : حقج بس مو بهاي الطريقه
بس فهميني منين عرفتي بسالفه صبا ومنو گلج وشون اندليتي بيتها
سندس : جماعه شافوك تتمشى وياها واجوي بلغوني اني جنت حاسه وضعك مو طبيعي المره لو شكد ماتلتهي عن رجلها بحركه وحده تعرف عنده شى لو لا
حجي طه : وعنوانها منين جبتي
سندس : طلبت من نفس الجماعه يمشون وراها ويندلون مكانها
حجي طه : منو ذوله وانتي لا اطبين ولا اطلعين ماكو غير انوار هاي سوالفها واني الف مره گتلج قللي علاقتج بيها
سندس : لا مو انوار
حجي طه : لتجذبين ولوما العيبه اخاف تصير جبيره جان هسه رحت لبيتهم واروح لأبوها اخلي يطيح حظها
سندس : هي شعليها وهي مكذبت قابل تبلت عليك
حجي طه : شفتي يعني هي ممنوع بعد ترحين يمها
سندس : لا فدوة طة هي صديقتي الوحيده وماعندي غيرها
حجي طه : انتي وياها نفس الصنف واني ما اريد مشاكل وياريت مثل الاوادم صديقه بس ستاديه بهجم البيوت اني تعبت منج ومن كلشي تسوي
انتي الوصلتينا لهنا سندس شكد حاولت اتقرب منج وانتي كل همج الفلوس وذاك البيت والي بيه حجيت ردت مليت ولج مليييييت

سندس : انطيني فرصه اخيره ومااتعبك فدوة طه انت رجلي وابو بيتي وابو جهالي ما اكدر استغنى عنك وعدنا هسه ٣ بينا شون تريد تخرب كولشي
حجي طه : هاا طلعت اني الاريد اخرب والله خوش
جان تنزل تبجي وتبوس ايدي
سندس : العفو والله اعقل واتغير بس لطلكني
حجي طه : استغفر الله كافي يمعوده
سندس : التريده يصير بس لطلكني منو الي وبرگبتي ٣ اذا مو لخاطري لخاطر جهالك
حتى الصغيره ملحكت تتعلق بيها مثل سليل
باوعت عليها تبجي وتتوسل اوووف ياربي شمضموم الي
سندس : كل خير بس لطلك فدوة
حجي طه : ماشي كومي سوي ريوك جان تبوسني من خدي وكامت بداخلي تعب وقلة حيله وقهره متروح بس اذا اطلكها جهالي يتعبون وگلت حرام علية خلي انطيها فرصة اخيره بلكت تجر عدل

بقيت حاير بلعيشة والقهر والجبهه والشغل حسيت روحي كبرت ١٠ سنين صبا من يومها مشفتها جنت كل ماالتحق ابقى واكف بلكراج بلكت المح شكلها بس املي عيني منها خسرت جوهره اجتني بلوقت الضائع من عمري ردت بس اكول الها احبج وكل يوم يفوت احبج اكثر من القبله
سندس هاي الفتره كلها ساكته هدأت كامت متسوي مشاكل واني حاولت اوفر الاكدر علية بس هي الحياة صعبه واني على كد امكانيتي

صار عمر رشا ٩ اشهر وكالت الدنيا خلي ازيدها عليك تزحف انباوع عليها من ترضع تختنك ومرات هي نايمه تزرك هاي شبيهه
سندس : فدوة طه مدري شبيهه رشا بس تختنك موتتني
حجي طه : بله انطينياها صفنت عليها تختنك
سندس : يمه بتي هاي شبيهه
حجي طه : البسي وامشي نوديها للطبيب خلي انشوف شبيهه گلبي يدك سريع تعلقت بيها وبسوالفها جانت حركة مو مثل سليل هادئه بس تتحرك هنا وهنا وسوالفها تنحط بنص الروح سحبت الفلوس الجنت ضامهن اخاف يصير شى ورحنا للطبيب
اشوفه يفحصها ومعاجبه الوضع شكو دكتور رحمه لاهلك
نسوي تحاليل وتخطيط للقلب ونشوف
ويوم كامل من مكان لمكان حتى نكمل كولشي هلكنا وصدمنا الدكتور

بتكم بيها فتحه بلقلب ولاديه ولازم عملية
حجي طه : شون فتحة وشون هي بهذا العمر تدخل عمليات
حالتها تعبانه واي تأخير منكم يجيب نتيجه عكسيه والعمليه خطره كلش لازم تستعجلون
بلعت ريك ومسحت كصتي من العرك الخبر هد حيلي وكتله
وشكد تكلفتها للعمليه
٥٠٠٠ دينار (كانت العمله بلدينار والفلس )
حجي طه : شنو بس هذا المبلغ كولش جبير
الدكتور : والعمليه كولش خطره والي راح يسويها طبيب هولندي جاي هنا بلعراق وهذا تكلفه عمليته عالية
سندس : ماكو غير دكتور خلي يسويها واحد عراقي
الدكتور : بنتج عمرها صغير ومنكدر ننتظر حتى تكبر لان على لحظه يوكف گلبها وهيج عمليات مو اي دكتور يسويها اله بلخارج اصلاًمن حظكم هذا الدكتور هنا اذا مستعجلتو احتمال تخسروها انتم بعد بكيفكم حياتها بيدكم

حجي طه : طلعنا واثنينا نباوع بلوجوه المن نشكي والمن نحجي زين منين اجيب هيج مبلغ ضخم
رجعنا للبيت وخيم البجي بيه سندس وامها حاضنين الطفله وبس يبجون المن اروح والمن اشكي طلعت بليل امشي بلشارع ساعه وحده بليل اشرب جگاير واتمشى اصدقائي كلهم على كد حالهم والمبلغ لو اموت مااكدر اجمعه بلحظتها حسيت احتاجيت ابويه احتاجيت جعفر يوكفون ويايه بتي كعد تموت ومااكدر انقذها

مريومين وحالت رشا شبه مستقره بس من ترضع تختنك واني عين عليها وعين على قلة حيلتي شسوي حتى ادبر فلوس عمليتها اااخ ربي ساعدني عبدك هلكه القهر وقله الحيله بك استعين يارب العباد
اباوع سليل تلعب ويه اختها وكل شويه ادنج وتبوسها وتجي تركض علية بابا داده احبها وتبوسها وتبوسني وتضحك وترجع تنزع قراصاتها وتحطهم على راس اختها عود تمشط الها
اباوع عليها من هسه حنينه على اختج
صافن واسبح بلسبحه وسندس بلحمام تسبح واني كاعد يم الجهال بس ثواني درت وجهي عليهم ثواني عاطت سليل تجر بأخوها
انتبهت حسام يضرب بوجهه رشا حيل بلمخده طفرت مثل المخبل وشلت رشا اباوع الطفله تشهك من البجي بس زركة وكوه تجر النفس
دخيلك ياابا الحسن اضرب على ظهرها تزرك بلزايد
عطت ولج سندس اطلعي بكل قوتي اني شكد شفت بلحروب ناس تموت وتتكطم بس مو مثل ما اشوف بتي قطعه مني دتموت كمت ارجف وهي طلعت تركض بلبرنص مال الحمام وتعيط
سندس : شبيهه لا ياالله شصار طة
حجي طه : البسي بسرعه كامت تضرب سندس على وجهه وتصيح بتي ماتت ماتت
حجي طه : ولج امشي مو وكتها لبست بسرعه وحتى الجهال اخذتهم ويايه وين اعوفهم بلبيت وماالحك اروح لأمها لان رشا بدت تسكت ومتتنفس حاطتها بحضنها وتلطم بتي ماتت وراحت متحملت سحبتها من حضنها جيبيها يمعوده

كمت فتحت الكماط مالتها وفتحت صدر الدشداشه وافرك بصدرها واعيط على السايق رحمة لأهلك استعجل جسمها احمر ازرك وبس تباوع ومتجر النفس گلت مستحيل توصل عايشة
واول موصلنا اخذوها من ايدنا وهاي خبصت المستشفى بس تلطم حتى مكدرت اسكتها لان اني اريد ابجي من كثر مخايف عليها
نص ساعه نريد احد يرحمنا ويكول شصار ماكو لحد مطلع الطبيب وسألني شصار وفهمته وهم گتله على الطبيب الفحصها قبل يومين
مباشره كال تتحول لمدينه الطب لاجراء اللازم
حولناها ونفس الشى حسيت هاي هيه راح اخسرها انطوني ٤٨ ساعه لو تعيش لو تموت ركضت على الطبيب وكتله احجز الها وسوي العمليه
جان يكول احجز بس مطب للصاله الا الفلوس كامله توسلت ردت مفاد مرات حتى الطبيب تنعدم الانسانيه عنده

اجيت على سندس كاعده وحاطه الجهال بحضنها وتبجي هااا بشر دبرت الفلوس
حجي طه : من عنده كلها كحف مثلي
سندس : تلومني من احجي على الفگر تلومني وتضرب على رجلها
حجي طه : بقيت اباوع على جهالي الي حتى مكدرت اعالج اختهم وراح اخسرها لان ماعندي فلوس العمليه
هسه جاي
سندس : وين رايح يمعود
حجي طه : رايح ادبرهن عرفت منين اخذهن
ركبت تكسي وركض للبيت وصلت للباب جان صاير الصبح ومتأكد كاعدين دكيت الباب فتحته اشواق تفاجأت بيه من عركه علي مشفت احد منهم غير نهر بين فتره وفتره اشوفها
شونج
اشواق : هلو طه بيك شى شو وضعك مو طبيعي
حجي طه : امي هنا
اشواق : اي وين قابل تروح تعال ادخل
نهر : جنت كاعده اتريك اني وامي وسلام واشواق راحت تفتح الباب وطب طة وكفت شعجب جاي وهاي شبيهه شعره منكوش وعيونه حمر ومتبهذل وجعني گلبي شبيه

شونج يمه
انعام : شجابك وشدخلك بيتي مو كلت متفوت بعد
حجي طه : اريد احجي وياج وحدنا
انعام : ماعندي حجي وياك ولي واطلع بره
حجي طه : بروح ابويه وابوج بس كلمتين
باوعت علية وكالت امشي خلي اشوف شتريد
نهر : اخذته وراحت لغرفه ابويه اني متحملت لازم اعرف شبيه اول تالي طه يجي وهيج مكسور دخلت وراهم طردتني
انعام : اطلعي بره
نهر : مااطلع اله اعرف شبيه
انعام : كتلج اطلعي لا اطيح حظج
حجي طه : مو وكتها فدوة يوم محتاج فلوس
انعام : ههههههه انت من كل عقلك جاي تطلب فلوس مني شنو هاي العين الكويه
نهر : جمدت شجاه شون يطلب منها جان ينزل يم ايدها ويبجي
يمه بنتي دتموت الصغيره حالتها خطره لو تصبح باجر لو لا واذا ملحكو يسون العمليه تموت وتكلفتها عاليه ماعندي فلوس
انعام : وأحد كلك اني فاتحه بيت سبيل واوزع فلوس للمجادي

حجي طه : يمه انه ابنج وابن حسين ترضين ادفن بتي علمود جم فلس بلنسبه الج والي عندج ميساون شى
نهر : كمت ابجي على كسرت اخويه سوده علية هيج صاير بيه وماادري
انعام : باوعت علية وكالت انطيك الفلوس وفوكاها زياده بس تتنازل عن بيتك
حجي طه : وكفت ومسحت دموعي بيتي
انعام : اي وتكتب ورقه هسه تتنازل عنه وتجيب السند وتجيني وانطيك الفلوس وفوكاها كم الف شگلت

نهر : فتحت عيني هاي من گل عقلها تريد تاخذ بيته واضيعه هو وعائلته بلشارع يمه فدوة انطي الفلوس انطي حصتي من ورث ابويه انطي وعوفي بيته لاحكته على البيت
انعام : انجبي واطلعي بره لا اشعل شيب الخلفج امشي طلعي
حجي طه : باوعت شگد جنت اعرف بيها تكره امي بس متوقعت اطلع قهرها بيه مرات البشر يصير قاسي بس بلموت يخشع ينكسر اله هي قوت واستغلت مرض بتي
ماعندي كل خيار لازم اوافق ولو تريد اموت هم اموت بس تعيش رشا
ماشي هسه راح اجيبهم واجي والبيت الج بس انطيني الفلوس
انعام : روح وتجي تلكاهم حاضرات

طلع طه واني كمت اعيط
والله حرام السويتي بيه هو بس هذا البيت عنده ساتر علية وعلى جهاله والله لو ابويه عايش جان حرك البيت على روسنا هيج يمه گلبج اسود هاي بته وهيج تسوين بيه جان تضربني على راسي حيل وعاطت
انعام : انجبي واصعدي بغرفتج واذا فتحتي حلكج اشكه الج
نهر : طلعت ابجي وصعدت الدرج واني اتخيل شگل اخويه وحاله وشراح تلعب بيه من يصير البيت الها
واضرب على كصتي من القهر وابجي واتذكرت شى عزه العزاج نهر شون تنسين الجيس اكيد مستخدمه اكيد واله جان اجه وسالني
ونزلت حافيه اريد الحك علية قبل ميطب لأمي ويضيع كلشي وسمعت صوته باب المطبخ وركض وصلت يمه اريد اجر النفس هو صفن من شافني هيج نزلت مخروعه واكفه اشواق وامي بعدها بلغرفه جان اشاوره روح افتح الجيس اطلع بسرعه جان اسمع صوت امي تكول هاك الفلوس وين العقد


يتبع ..


لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:26 AM



Powered by vBulletin®
Copyright ©2000 - 2024, vBulletin Solutions, Inc.