31-08-19, 01:11 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أوتار الحزن / للكاتبة سارة المجيد ، عراقية
التعديل الأخير تم بواسطة لامارا ; 15-09-19 الساعة 09:07 AM | |||||||||||||
|  |
|
09-11-19, 03:18 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم السلام عليكم ورحمة الله وبركاته كيف حالكم إن شاء الله دائما بخير ؟ #أوتار_الحزن بقلم سارة المجيد القصه حقيفيه ١٠٠% لفتاة ذاقت مر فقدان اخواتها بسبب غرقهم.. القصه قصيره بواقع 7 أجزاء  | ||||
|
| |
|
09-11-19, 03:21 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #اوتار_الحزن #بارت1 #بقلمي_سارة_المجيد سلاما من الله عليكم احبتي ⚘⚘⚘ اليوم راح ابدي وياكم بقصتي الجديدة والحقيقية طبعا وبواقع 7 بارتات فقط .. اليوم نشوف حكاية قمر الي حبت اتشاركنا همومها ومئساتها الي جثيير اكو عانوا مثلها بحياتهم لكن هيه اتشجعت وقررت تنشر قصتها حتى اتكون عبرة للكل تعالوا وخلونه نقرا قصتها قمر ...مرحبا قصتي تتكلم بين الماضي والحاظر بين احزان وبين افراح لكن حزنها اكثر من فرحها .... المهم القصه راح ارويها على لساني لاني الحفيده اسمي قمر من محافظة (.......) مواليدي 1983 بيضه كطن يشبهوني بالممثله العراقية ايناس طالب .. راح ابدي القصه عن جدي ابو امي هي بداية قصتنه .. جدي ..السلام عليكم اني اسمي مصطفى اعيش بأحد القرى على ضفاف نهر الفرات قريه حلوه وبساتين وناسها بسطاء وعلى نياتهم متزوج وعندي ٣ اولاد حالتي الماديه حيل زينه والحمدلله لان عندي اراضي وزرع وغنم واصيد سمك وعندي نخل وابيع خاثر ولبن .. وزوجتي ويايه حيل زينه ومساعدتني صار على زواجي ١٠ سنوات عندي الكبير محمد والوسطاني قاسم والصغير اسمو سراب وهذا روحي من الدنيا سبع وشاغول رغم صغر سنه فديوم طلعت مكان بعيد ارعي الغنم وجان كلبي لاعب احس اكو شي ومخنوك حيل فماطولت رجعت الظهر ... البيت غرفه طين وعوادين سكف ومطبخ اصغير وصلت البيت والناس ملتمه زلم جثير ونسوان تصرخ اجاني سراب وكال يابه اخوي غرك هو والبلم والعده مال الصيد .. هنا من الصدمه مااعرف شنو احجي ضليت مظروب براسي والتموا عليه الناس واسمع ام محمد تصيح وتملخ بنفسها وفقدت لان ابني الجبير ومتحملت بجيت اصعب شي لمن الرجال يبجي ... ام محمد تصرخ وتلطم ع وجها بحرقة ..ابو محمد راح ابني ولك ابني راااااااح اريدو الله يخليك روح جيبو بعدو جوه بالمي جيبو بعد عمري يمه ولدي رااااااااح يممممممه ..... ابو محمد يحجي وحالتو مو احسن من حالتها صوتو بي عبرة مخنوكه كلها استغفري الله يامره هذا الله كاتبه مابيدنه شي على امره ...ضربت راسي وحجيت بكلبي اووف اصبرج لو اصبر روحي هذا جبيري وسندي راح مثل رمشت عين .... لينه ثلاث ايام الفاتحه بدون ماالكي وليدي محمد وراها اجوي الزلم شايلي على جتافهم من شفتهم فقدت ورجلي بعد ماتحملني ليش ياربي هيج تجازيني ... فدوة اروحلك ياربي ردته منك هذا سندي وحزم ظهري بكبرتي استعجل عليه الموت وخطفو مني بوية محمد تعال لحضن ابوك اشمك يااااااابعد بيتي حطوا كبالي وحضنته وبقيت شابكه وابجي متت من قهري صعبه ضناك تشوفه جدامك يكبر ويشب عوده وبلحظة تخسره ويروح من ايدك .. كوه شالوا مني الزلم وكالولي انت مؤمن ابو محمد هذا قدر الله ويومه لابنك لتجزع استغفر ربك استغفرت ربي وكمت كملنه غسل محمد ودفناه ورجعت لبيت وتلكاني ابني سراب ولدي الصغير ... سراب ..يابه قاسم ماكو من اول يوم الفاتحه اختفه ... ابو محمد ..شنو ولك احجي عدل لاتخبص .. سراب ..والله يابه ماكو اخوي قاسم .... ام محمد ..ابو محمد الحك قاسم ماهوه يمه عليكم ولدي راحوا من ايدي اصخام بوجهج فليحة يممممممه ليششششششش هيج وضلت ام محمد ادك وتلطم ع وجها وتملخ بنفسها ع هل فاجعه الي طاحت ع روسنه .. نشفت دموعها بفوطتها ورفعت راسها وهيه فاصله كالتله ابو محمد الحكني اجيب ولدي راحوا راح اروح ادور عليهم ... ابو محمد بصدمة ...وين يامره هسه اندز ارجال اتدور عليهم بكل مجان بس رجعي وين تردين تروحين لاتتسودنين شبيج .. ام محمد ...مابيه بعد ابقى راح ادور على ولدي تريد تجي تعال ماتريد ابقه بمجانك ابو محمد ..طلعت اني والزلم وندور ماخلينه مجان يعتب عليه مالكيناه تعبت وصار الليل ونهد حيلنه ورجعت مكسور الخاطر وينك يابه قاسم يابوية فقدت محمد وانوب انته بعدني ماخلصت من فجعت اخوك ااااااخ ربي شهل مصيبة ... سراب ..يابه لا تبجي مااريد اشوف دموعك اخوي يرجع ان شاءالله بس لا تبجي ... ابو محمد ..ولك وليدي شلون ماابجي اثنيهم فقدتهم جمرتهم بكلبي ماتنطفي للموت ..((وراها صفن وانتبه ام محمد ماكو دار وجها ع سراب وكال ))...امك وينها ماردت ... سراب ..هاا لا والله ماردت البيت مااعرف وينها ... ابو محمد دحك ع سراب وهوه مهدود حيلو وصرخ ..اووويلي عليك مصطفى وين جانتلك هل مصيبة طلعت اركض وسألت الناس كالوا شفناها حدرت على الشط وبعد مارجعت ... اني من سمعت تخبلت سودت الدنيا جدامي ورحت اركض واصيح بعلو صوتي والناس تراكض وياي وتالي شفت زلمه يسحبها من المي .. وهنا انصدمت صدمة عمري الي كسمت ظهري نصين ...كال الرجال يخوي شفتها ذبت نفسها بالشط تكول ولدي هنا اريد اطلعهم تالي مالحكت عليها وعلما وصلتلها غركت وكوه طلعتها بس جانت منتهيه ميته .... ابو محمد بعد مابي حيل يصرخ لو يلطم ع راسه البي اخذ كل حيله 3 صدمات كسرت ظهره حس كسرة بداخله لزم جتف الرجال واتجه علي وكال ...اويلي شنو اتحمل بعد ياربي هونها .. كمت ادك على راسي والناس تفكني واني فاقد خسرتهم مابقى الى شي والتموا الرجاجيل وسحبوني ورجعوني للبيت ويصبروني ع مصيبتي .. اخذنه ام محمد وكملت الدفنه ورجعت وراحت الناس وبقيت بس انه وولدي سراب بس هذا بقى الي .. مشت الايام وعايشين ويوم من الايام امشي ولني زلمه ملثم يصيح عليه وكتله منهو انته ...كال اني سمعت عنك فكدت ولد وما لكيته ... ابو محمد ..اي والله اختفه وماخليت مجان مادورته بي .... الزلمه ..شفته وي رعيان سوريين يمشي وسألتو كال اني ابن فلان وعمري ٧ سنوات راحوا وبعد ماشفتهم وين مشوا ... ابو محمد ..من سمعت انصدمت اكثر كتلو ..هاي هيه ياخوي بعد مالكي راح من ايدي ...الا اذا الي نصيب الله يردو الي واشوفو كبل لا اعوف الحياة مشت بينه الايام وكبر سراب وصار عمرو ١٠ سنوات واني الناس اكلت راسي تزوج شبيك وانته بوحدك وابنك خطيه مالو احد وشوفه شلون عايش متبهذل وهدومكم شلون وبيتكم ووووو صفنت على حجيهم وسراب وضعو تعبان وضعيف جسمه بس خفت اخاف زوجتي ماداري سراب لان فقير وطيب ويسمع الكلام وسبع بلشغل وراعي الغنم ماتعاجز عن شغله ... حرت وصفنت وكلت هاي هيه خلي اتزوج واشوف وحده تتحمل ابني وداريه لانه خطيه هو ما يتحارش وفقير طبعه ..... المهم دورت ع مره ولكيتها اهلها خوش ناس فقره وزينين المهم تزوجتها ورضيت بقسمتي ... لكن للاسف طلعت مره كويه وكدرت عليه اني الي اليه هيبه عفت وكبرت وبعد مابيه وابني سراب اشوفو تعذبو ومايرد ومن اسالو يكلي يابه ماكو شي .. هنا سراب راح يبدي وياكم بقصته .... اسمي سراب اكيد عرفتوا القصه اني اخر العنكود ظليت وي ابويه لان حالتنه زينه وماتركته ويايه تعلمت كولشي منه واحنه ماجنه نعرف نقره ونكتب على نياتنه ناس كاعدين بيتنه طين وسكوفه عوادين وكصب .. وعايشن على الصيد ورعي الاغنام ومنه انطلع لبن والزبد والخاثر والجبن ونبيعه بفلس ودراهم ومشين حياتنه طبعي فقير ونفسي طيبه وما اتحاشر وي احد لان ابوي هيج علمني ..... ابوي تزوج وزوجته تاذيني من يطلع ابوي تجوعني وتخليني اطلع ارعه بالغنم ومتنطيني اكل واظل طول النهار بدون اكل وارجع جاتلني الجوع ومااحجي لمن ابوي يشوفني ويسالني اكله اكلت وي الرعيان الي وياي ... شسوي مااريد مشاكل منها لان من اشكيلو راح اتشد وياي ..المهم كبرت وصار عمري ١٥ سنه وصار عندي خواني من مرة ابوي وشدت وياي وكامت تكرهني وتطردني من البيت وابوي هو يحطلي الاكل واخذه ويايه بدون علمها ... تركت البيت وعشت يم بيت جوارينه بالنهار ارعي الغنم وبالليل ارجع تعبان ابات يم الجيران خوش ناس وزينين ويحبوني وعشت عدهم الما صار عمري عشرين سنه ... ويوم من الايام تعبت ورجعت بوكت وطبيت لجيرانه لان اشوف كمر واكفه تخبز اصغير وحاطه حجاره واكفه عليها واخذت عكلي ونستني وجعي من شفتها وكفت ولا اتحركت ... الماسمعت صوت وجفلت ودنجت راسي وطبيت جوه بس اخذت كل تفكيري هل ملاك .... اجه الليل واني مااكدر اتحمل كلت الا اروح على ابوي يخطبها الي لو ماازوج ابد الى هيه دخلت بكلبي واخذت روحي مااعرف يمكن لان اني ماعندي وكت اشوفن نسوان او اشعر بوحده ...هيج صار ... رحت لابوي وكتلو وكيف كال من باجر اسال عليهم واخطبها اللك .... سمعت مرت ابوي وتخبلت كالت ماتزوج عدنه تروح تشوف غير بيت ابوي تخبل وكلها مالج دخل عندي ارضه راح ابني الو غرفه ومطبخ ويسكن بيها .. طبعا هي سكتت لان ابوي عندو جثير املاك وهي تريدو لولدها كله بس رادت تحجي وابوي سكتها ... المهم طلعت فرحان جثيير ورجعت على جوارينه ولدهم اصدقائي وسالتهم عليها كالوا هي بعد مامخطوبه واصغيره وبنت خالنه وهيه مثل اختنه واحنه انكيف اصير الك ..... من سمعت ارتاحيت ...وثاني يوم العصر ابوي خطبها ونطوني هنا جنت طاير من الفرح ونسيت كولشي حتى عذاب مرت ابوي ... مر يوم ابويه وجاب الشيخ وعقدنه ولبسوها اهلها عبايه ورحت جبتها طبعا ابويه جان باني الي الغرفه والمطبخ بس ماحجه لمرته لانه من تسمع تكب المشاكل وابوي كبر بعد مابي حيل على المشاكل ..... المهم هنا تبدي قصتي وي زوجتي وحبيبتي الى اسمها رباب سراب ..طبيت الغرفه وكتلها طبي يا بعد روحي ... رباب ..اسمي رباب عمري ١٤ سنه احنه عدنه بيت عمتي بلقريه ونروح انزورهم لانهم مكانهم جنه بساتين وزرع وهوى نقي كلش حلوه قريتهم عيوني عسليه بيضه يسموني بياض الكطن لان وجهي مدور ..وسط جسمي لا طويله ولاكصيره ...المهم عمتي صاحتني كالت روحي اخبزي .. رحت شفت التنور عالي عليه ومااكدر رحت جبت حجار وحطيتها وصعد عليها وكمت اخبز وفجأة طلع شاب اسمر وعيونه كبار بس باين عليه التعب ... صفن عليه واني احجي بروحي اكولن هذا شبي ماشايف زين منو مايخاف احد يجي ويشوفه ... بقى واكف الما سمع عمتي تصيح ونداريت لكيته ماهوه ....كملت الخبز ولميتو وطبيت وطول النهار شغل وحلب الغنم تعبت وفتت سبحت ونمت .. صار ثاني يوم ولاني ابوي يكلي انه نطيتج وارح العصر يجون يكطعون مهر وتروحين لبيت زوجج ..اني ساكته لان اوامرنه بيد ابونه مانحجي .. واجت امي بوستني وعلمتني على سوالف تحجي واني مااعرف شنو تحجي مجرد بس اسمع لاني ماافتهم شنو هذا الحجي بقيت صافنه عليها وفاتحه حلكي ... المهم اجه الشاب والشيخ وكطعنه مهر واخذني ورحنه لبيت طبعا البيت ماجان هيج اسمه يسموه دامه لانه من طين ... طببني الغرف ويحجي كلام حلو وبس صافن علي من رفعت االعبايه وصفنت عليه كتلو هاي انته جنت البارحه ادحك عليه ... ضحك وكال سراب ...اي ياحلوة اخذتي كلبي من اول نظره .... رباب ...خجلت ودنجت راسي لاني ماعرف شنو اجاوبه .... سراب ..ها ليش خجلتي انه حبيتج وسكنتي كلبي وللموت ماطلعج منو رباب ...بس انته غير البارحه شفتني شلون حبيتني بهل سرعه .... سراب ..هو هذا الكاتلني شلون من شفتج سكنتي روحي وعكلي .... رباب ..كافي عاد خليني احضر اكل تاكله ... سراب ..هههه شنو تعالي ع هذا الفراش وخلينه لانه اهلج ينتظرون رباب ...ليش اخافا تريد تردني وتحجي علي الناس .... سراب ..هاا لا بس شغله اريدها منج ..((اووويلي غير مطفية هاي)) كتلها ..تعالي وانه اكلج ...كمت نزعت هدومي وصحتلها هيه فكت عيونها ع وسعهن انصدمت رباب ..يااا عززززة شنو ليش ذبيت هدومك مو عيب وسدييت عيوني .... سراب ..طكيت ضحكت عليها يبووو ع حظي كتلها هاا لا موعيب انتي مرتي وعادي ... رباب ...بس انه استحي عفيه غطي جسمك شنو هاي سراب ..ماشي خليت جرجف ع جسمي وكتلها يله وانتي تعالي يمي ... رباب وهيه خايفه ..ها ماعليه ... سراب ..هاي شلون تاليها ولج بابه تعالي لتخافين مراح اكلج .... رباب ..عفيه شنو شتريد مني ... سراب ...ها مااريد شي شو تعالي سحبتها بقوة ونزعتها ملابسها وجان ووووووو .... رباب اتخبلت فووول كالتلو هاي شنو مااريدك وديني لاهلي شسويت بيه 😭... سراب .. رباب حبيبتي ...هذا يعني صرتي مرتي وهذا راح اودي لاهلج حتى يعرفون بنتهم شريفه وعفيفه ... رباب ..ها يعني هيج هذا هوه الزواج 😕... سراب ..اي ..اويلي هاي متعرف كولشي 😂... المهم طلعت لاهلي وباركوا الي ورجعت لرباب لكيتها سابحه وكاعده تتنظر ... كتلها ها رباب بيج شي ... رباب بخجل ..لا مابيه ياله خلي ناكل .. سراب ..رباب !! رباب ..نعم سراب ..هذا البيت النه وبي انخلف ونكبر اولادنه ونعيش بي الما انموت .... رباب ..اسم الله عليك عمرك طويل ان شاءالله ... سراب ..هههه كلنه انموت محد يظل .. رباب ..يعني هذا البيت النه ... سراب ..اي النه رباب ..انه نعست .. سراب ..ياله حياتي خلي انام لان انه اكعد من الفجر للغنم ... رباب ..اي راح احط الفرش ...فرشت واتمددت بصفو وجان ييسحبني وحضني ونام دحكت ع شكلو جان حلو السمار واللحية والشعر الكثيف امبينه ملامحو قست عليه الزمن كعدنه الفجر وطلع سراب لشغل واني نظفت وكملت ورحت نمت لان ماكو شي اسوي بعد ... مرت الايام وحبلت ونفس حياتنه عايشين وجبت اول ولد ..وسراب طاير من الفرح وسماه رعد ... سراب ..مرت الايام ونفس حياتنه وعشكتها لرباب بشكل كلامها وملكاتها الي تنسيني تعبي وحبلت وجابت ولد وطرت من الفرح وسميتو رعد .. جان اول فرحه الى والدي سمع واجه باركنه ومرت ابوي ماقبلت ولا سالت ولا طبت علينه ودائما رباب تسالني ليش ماتمر وتسال علينه وليش متقبل انروح ... مجنت ارد غير اكلها بيت ابويه اصغير وهوسة اخواني صاروا عندي خوان ٣ واخت وحده وكبروا وحنينين عليه ويحبوني عكس امهم جانوا ضد امهم ميسمعولها .. وابوي فرح لانهم يسالون عليه ويزوروني واني هم احبهم ومااكهرهم بالرغم مرت ابوي حرمتني من ورث ابوي وكلو سجلته باسم ولدها ... بس اني ماطالبت ولا داعيت كلت اني ابوي شوفتو تكفيني واخوتي زينين مااريد شي وهذا البيت زايد علينه .. مجنت اعرف ابوي مسجل كاع جبيره باسمي الما فد يوم تمرض حيل ودز عليه وكال اني مسجلك ٤٠٠ دونم باسمك للزمن ومحد يدري بس اخوانك واختك والدتك متدري وهاي اني كتلك .. مافرحت لان اشوف ابوي راح يودعني وانه من اشوفه اكول هو سندي وكلشي خفت من مرت ابوي لا تحرم اخوتي مني .... مات ابوي واخوتي ماتركوني بلعكس حنينين عليه جثيير واني اوكف وياهم واعلمهم ويسمعوني كولشي مني ويحترموني ورادوا يرجعون حصتي ماقبلت كتلهم الي نطانياه ابوي يكفي .. مشت الايام وصار عندي ولد ٢ وبنات ٢ وهمه كل حياتي مثل امهم اني يتيم والله نطاني مره لو شما اوصفها قليل بحقها ... رباب ...سراب صار كل حياتي حبيته وتعلقت بي صار كل هلي وناسي مداريته ومداريني وكل عيشتي وياه طول الخمس سنوات مامره قهرني او سوه مشكله ومن نكعد يكول امنيتي انموت سوى حتى محد ينقهر على الثاني واني اكله هم ادعي الله انموت بنفس الوقت .... سراب ..اكول رباب رباب ..ها حبيبي سراب ..تعالي شلون الجهال انتي شلونج ... رباب ..بخير يبعد كل هلي مادامك انته زين انه زينه ... سراب ...اااااخ ايباااه كلامج ينسيني تعب السنين وقهر مرت ابوي ... رباب ..انسى يابعد عمري وعيشها وخلنه منها الله يجازيها ..اممممم اكول سراب سراب ...عيون سراب رباب ..انه حامل 🙊 سراب ..هههه صدك والله رباب ...اي شبيك تضحك 😒 سراب ...انه اريد اشبع منج ولج وانتي كله حبلانه رباب ..يا يا منين غير منك قابل جايبتهم من الشارع ... سراب ...ههههههه انعل بليسج لا حبيبي واني راضي علواه درزن منج اخلف ... رباب ..انه احبك انت كل عمري والله نطانياك احلى هديه ..الله يقدرني واسعدك كل العمر .. سراب ..رباب تعالي يمي هذا كلامج خله الروح تهيج ... رباب 😨..هاا راح اكوم اشوف الجهال ... سراب كمز وسحبها ..ها تريدين تنهزمني ياحلوة عشم ابليس بالجنة تعالي جاي .. رباب وهيه تضحك بدلع ..انته ماتمل .. سراب ..اكو واحد يمل من روحه يابعدي كل عمري ... رباب ..طبعا كلما نكبر يزيد احترامنه وحبنه سوه صاروا عندي ٣ ولد و٣ بنات رعد و وعد وغيث ...االبنات ..زهراء وحوراء ورواء كلهم سبحان الخالق من عشق ابوهم الى طلعوا حلوين بس جانت رواء بنتي ابوها يحبها بشكل خاص يكلي هاي تؤامج يا رباب ..اكله ليش تغورني وتعشك غيري .. سراب ...ههههه شلون اعشك غيرج هاي بزرة عشكنه هاي تشبهج جنج انتي والها حب انزرع بلكلب مثل مازرعتج لمن شفتج .. رباب ..تدري رغم ما مرت السنين بس انته ولا تغيرت بقيت على حبك وكلماتك ولا يوم نسيت او ضايج وكدرت تنسى لا بلعكس حتى لو ضايج تبقى تسمعني ولا تجرحني نوبات احسد نفسي ع هيج عشك .. اولادي صافنين ويضحكون ... _اي يابه يمه مكافي مو احنه كاعدين ... سراب ..انجبوا لو اصيرون شياب ابقى اتغزل بامكم ... رعد -ياه والله شوقتنه نزوج وانصير مثلك .... سراب ..ماظن احد يوصل لعشك الي عشكته لامكم .. رباب ...هههه ولا اني اظن يلكون مثلي ويعشكون يا بو رعد .. سراب ..لا تكولين ابو رعد كولي سراب احلى من العسل عندي ... رعد ..يابه مو ترى شعلتنه انكوم واخذوا راحتكم تبينون تريدون شي واحنه مثكلين عليكم 😏... سراب ..كوم ياله تشوف انتوا تغارون ياله اطلعوا بره .. رعد ..ههههه يابه شو احنه على كلوبكم كاعدين ... رباب ..هههه فدوه يمه انتوا روحي البيت مليتوا علينه سراب ..الحمدلله والشكر واتمنى دوووم هل النعمه ماانحرم منها .. ومرت الايام وكبروا الاولاد وزهراء اتزوجت رعد ..يمه انتي وين ... رباب ..يمه انه وين غير بهل الغرف .... رعد ..يمه يمه انه اريد اتزوج ... رباب ..يمه يوم المنى كول وانه وابوك نمشيلك ... رعد ..يمه اليوم رحت على زهراء وشفت يمها بنيه وعجبتني .... رباب ..اي يمه اروح على اختك زهراء ومن يجي ابوك نسال اخيتك ونشوف .... سراب ها رباب .. كولي عندج حجي رباب ..اي ابو رعد ..ابنك رعد يريد يزوج وهو ماناقصه شي ... سراب ...يدلل يكول منو يريد وانه اخطبله هذني بنات عمامه اذا يريد مايقصرون .. رباب ..هاا ..بس هو شايف يم اخته وحده ويريدها . سراب ..امممم ماشي انروح انزور اخته ونسالها عنها .... رباب ..رحنه على زهراء وسالنه وكالت هذول عايله كاتلهم الفكر ويتامه وابنهم موظف وهو معيش خواته واخوته كتلها لزهراء يمه تندليهم حتى تاخذينه انشوف البنيه .. زهراء ..اي يمه ..هسه البس وانروح ... رباب ..رحنه انه وبتي ورعد وابوهم ..وشفناهم بيتهم بوسط بستان والشط بظهرهم وحلو مكانهم وشفت بنتهم وعجبتني وطلبتها ..بس اخوها رفض كال تاخذون الي اكبر منها عاد رعد قبل ماكال لا كال هم عائله فقيره وخوش ناس ... بس انه الصراح امها ماعجبتني كويه ولسانه متبري منها ..بس شسوي هذا ابني ورادها واني ظليت ساكته ... المهم مشينه وسراب جاب الشيخ وكطعنا الهم مهر ....واخذنه البنيه ومشينه وهي جانت سنة ١٩٦٨ تزوج رعد .. لكن طلعت زوجته مو كفو اذتنه وطلعت نفس امها واني تمرضت صار عمري توني بلاربعين وصار عندي مرض بمفاصلي .... سراب ...مرت السنين وكبرنه وكبروا ولدي وبناتي وعيشتهم احسن عيشه بلرغم اتعب حتى اوفر الهم بس مامديت ايدي لاحد ... بناتي يساعدوني ولدي يدرسون وعد راح للموصل يكمل دراسه ورعد وظفته بلبريد حتى يعيش زوجته .. وحوراء زوجتها لابن اخو رباب ...لان حوراء عاندتني واخذت الى يحبها وتحبو انه مربي بناتي واعرفهم ترباتهم ما يغلطون ... ومن حبت حوراء ماعاندتها بالعكس وكفت وياها لانه أني عشكت واعرف العشك شلون يلوع الگلب .. غيث راح يم حوراء يكمل دراسه لان زوجها ضابط وجان خفارات واخاف عل حوراء تبقى وحدها ... زهير الصغير بزر الكعدة وياي ورواء احبها حيل لانها تشبه امها بطيبتها وسبعه ومتمل من الشغل وطيبة نفس امها وفقيرة طبع ..وملامحها نفس امها بكلشي جنت اغلط بينها وبين امها من اصيحلها اكلها ياهو انتي وياهو امج ... رباب تضحك تكول تريد تضحكني حتى تنسيني مرضي وانته تعرف رواء بعدها اصغيره وشابه .... جنت اتعمد حتى روحتي الى اشوفها تتالم ومشيت بيها ع اطباء جثير وماعرفوا علتها .... رباب ...اعرف سراب يتالم على وجعي بس شنو بيدي وانه اشوف مرت رعد اتسوي سحور وطش بلبيت وي الملابس واتسكتني لان منها طحت بلمرض ومابيدي واخاف من المشاكل لان بيتنه مابي مشاكل من تزوجت لحد ماتزوج رعد بدت المشاكل ... وسراب مايدري واخاف احجي ويصير بي شي فضلت السكوت عسى ربي يساعدني ويكشفها لرعد ... سراب .. رباب شبيج شنو يوجعج شي اخذج ع طبيب ... رباب ..لا يسراب شوفتك تكفيني هذا الوجع احسن يرافكني وراح اموت بسببه ... سراب ..اششش لا تجيبين طاري الموت غير اموتن وياج .... رباب ...هههه اسم الله عليك عمرك اطول من عمري ع عمرك ان شاءالله ... سراب ..ماريد تدعيلي كولي موتتنه سوا ان شاءالله ... رعد ..يابه راح اخذ زوجتي تريد تشوف اهلها .... سراب ..اي يابه اخذها واخذ رواء تشوف اخيتها خطيه بس تشتغل خله تغير جو .. رباب ...اي رعد يمه اخذها وياك بس يابه دير بالك عليها رواء فقيره .... رعد ..اي يمه صار ..رواء رواء وينج ... رواء ..هاي يخوي رعد ..تعالي لبس عبايه وخل انروح ... رواء ..وين رايحين رعد ..انروح زياره لاخيتنه زهراء .. رواء ..اي خوش جايه بس البس عباتي ...انه رواء الثالثه من خواتي البنات عمري ١٤ سنه ابويه واخوتي بطلوني من المدرسه بس اعرف اكتب واقرا انه اشبه امي جثير وابوي يكول عني انتي توأم رباب واعشكج على عشكها ... وانتي نفس امج جنج حبايه ومفشوكه اطباعه فقرتها اسلوبها كولشي بيها يشبهج وانه الى ازوجج نصيب زين انتي الغاليه بنت الغاليه .... جنت اكيف وافرح من اشوف ابوي يحبني وياخذني وياه لشط وللبستان واشتغل وياه واساعد ومااتعب .... بيوم جنت املي مي وصاح عليه اخويه الجبير رعد وكال تحظري حتى انروح لبيت اخيتج ..انه فرحت لاني مااطلع على احد بس على عمامي وعمتي اخت ابوي الى عدها ولد اسمه مؤيد وجان يحبني وانه هم بس انه مااحجي لان استحي بس هو يحبني وطلبني من ابوي بس رفض ابويه كله امك كويه وماتكدر عليها رواء وانه اخاف عليها لبنتي .. وتخبل ابن عمتي وماكطع الامل ظل يوميه يجي وابوي يرفضه .. المهم عمامي يحبونه على محبت ابوي ويحترمونه ويخافون علينه وعلى ابوي حيل .. المهم تحظرت ولبست عبايه وطلعت وي اخويه واني اتفرج من جامة السياره ومكيف واشوف الشوارع والناس لان اول مره اطلع بعيد عن اهلي ... طببنه اخوي بقريه وبيوت وبساتين حيل حلوه وبظهرهم الشط يبوي من شفته بدني مااطلع منه .. وكف اخوي السياره وكله اوكف شوي واجيك ...نزلنه اني وزوجة اخوي وراحت دخلت لاهلها وانه ظليت واكفه انتظر اخويه ... وفجأة طلع شاب شعره اسود ومشطه مثل الى يسموهم بريكي هههه واسمر فاتح وعيونه كبار وهو يسولف وي اخوي ولوني دار وجها وشافني وصفن عليه ... وسال اخويه كالو مني وياك ..جاوب اخوي كالو اختي ... سكت هو وتسالم وي اخوي وانه ركبت السياره ورحنه على اختي ... بقينه يومين ورحنه اخذنه مرت اخويه وهم شفت الشاب ومانزل عينه مني واني صديت عنه وخفت من اخويه لا يشوفني رافعه راسي ... وصلنه البيت وامي حالتها تسوء وابويه كاعد مكابلها ومقهور وحتى كام يتاذه من كثر مايحزن عليها .. صار يختفي صوته وصار عندو التهاب بالحبال الصوتيه .. مر كم يوم واجوا اهل مرت اخوي وتفاجئنه بيهم .. واستقبلوهم اهلي وانه ماشفتهم ظليت احظر واكمل الشغل .. وره كم ساعه راحوا ... جيت حتى اشوف امي واسمع ابويه يكلها اجوا يخطبون رواء ... وامي تكول لو اكطعها ماانطيهم مراة ....ومرت اخوي غيداء سمعت وتخبلت غيداء ..وين تلكون مثل اخويه موظف وعنده بستان ومداري اهله واخلاقه زينه ... رواء ..وامي ماراضيه وابويه هم رافض ..بس جانت مرت اخويه اسوي سحور هي وامها وسمعت امي تكول لابويه عنهم ....ودز ابويه خبر كلهم رافضين بعدها اصغيره ... بس مرت اخويه كلبت الموازين واجه اخويه وعد من الموصل وراح على اختي ومناك جاييه وقبلان ... واجه معصب وكتلني وكسر نص من سني وابوي تخبل كالو هي شعليها اني ماانطيهم ... بس وعد اتعصب واتعارك ويه اهلي وكال والله العظيم اله انطيها.... يتبع....... | ||||
|
| |
|
09-11-19, 03:23 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #اوتار_الحزن #بارت2 #بقلمي_سارة_المجيد اسعد الله احبتي بكل خير ⚘⚘⚘⚘⚘⚘⚘⚘⚘⚘ بس وعد اتعصب واتعارك ويه اهلي وكال والله العظيم اله انطيها امي حست وكالت بدا مفعول سحورج يا ام راضي .. اخوي صار عندو بنات ٢ ولد اسمو راضي ..المهم بسحرها ..كلهم وافقوا ... واني تحت الامر مااكدر احجي وابن عمتي حتى بجي كام يبجي وتخبل عليه وتكاون وي الولد وي ابوي ... بس شنو بيدي هاي هيه ..رجعوا وجابوا نيشان ذهب قليل حلقة ومحبس وشوي ملابس ... وعقدولنه وره فتره صار العرس وزفونه ..مجنت ادري انو امو رافضتني ولا ادري بس هذا نصيب ماكتلكم اسم زوجي اسمو سند .. انه اسمي سند مواليدي ١٩٤٨ عندي ٤ خوات و٢ اخوان انه وخضر وعلوان ..البنات زوجتهم واخواني محد مزوج لان انه الجبير .... والدي توفى واني بمرحلة الثالث متوسط وكملت دراستي وتخرجت من الثالث ..بس حياتنه تعبانه وعندي اخواني وخواتي اصغار يريدون عيشه فجيرانه موظف بالمحكمه وظفني وياهم وراتب قليل بس شنو اسوي ...الصبح اداوم بالمحكمه وره الظهر ابني بيوت تعبت الما كبرت خواتي وزوجتهم وخليت اخوتي يكملون دراسه امي جانت تشتغل هم تربي دجاج وتبيع البيض وبط و وز وغنم شوي تساعد ... بيوم اني اسكي بالبستان والي اسمو رعد اجه جاب اختي وطلعت وراه لان ماقبل يظل واشوف بنت سبحان الله شنو هل وجه جنه غيمه بيضه وعيون كبار الجسم جنو لعابه دخلت بعقلي ... واني ماانكر عندي سوالف نسوان واشرب بس عندي طيبة نفس واخلاقي عاليه بديرتي يعني ماادحك على عرض وجوارينه او اقرباء بس هذا شغل المحكمه والي ماعدها تعرض نفسها واني شاب ماارفض ... بس من شفت اخت رعد انصدمت وين ظاميها ليش ماشايفها طول الاربع سنوات الى اختي مزوجه عدهم وماكالت عنها ... المهم مرت الايام وفاتحت امي بالموضوع ورفضت بس اني ظليت اقنعها الما وافقت ورحنه عليها وشفتها من بعيد وهيه مااجت ولا سلمت وطلعنه وهيه ماكو وطلبنه بنتهم .. وظليت انتظر وجوابهم وبوره اسبوع دزوا طارش يعتذرون ميزوجوها انه قفلت كلت اخذها لو شمايصير .. امي فرحت من رفضوا لان تريد الي من بنات خواتها وانه ما بالي ولا وحده منهن .. المهم ظليت ادز الهم وخليت اختي واسطه وي رواء وكمت اكتب رسائل الها الما وافقوا وراسا كطعت مهر كلت اخاف يبطلون واخذتها وره فتره ... بيوم العرس دخلت الغرفه وماجنت تعرف شنو ايصير تقربت عليها ورفضتني رواء ..شنو تريد سند ..حقي واريدو رواء ..شنو يعني سند ..عكدت حاجبي بتعصب كتلها ليش ماعلموج رواء ..لا ماحجولي كولشي .. سند ..ظليت اقنع بيها ماكو قافله كلما اكرب منها تتخبل وتكوم تدفع وتدفع بيه .. خير مابيها طلعت من الغرف ورحت جبت بزونه .. لان سمعت عدها هيه وهواسيه وتحب النظافه حيل وتخاف .. طبيت للغرفه هيه شافتها كمزت .. رواء ..دحكت ع ايدو بيها بزونه اتخبلت كمت اكمز كتلو ..شنو هاي الله يخليك طلعها عفيه طلعها والله راح ادمر الغرفه هاي نكسه غدي طلعها فدوه ... سند ..انه خربان عليها من الضحك كتلها اطلعها بس اصيرين هادئه وتسمعين كلامي ماشي .. رواء ..اي اي ماشي بس طلعها .. سند ..هههه صدك طلعتها وجيت رجعت عليها وحضنتها وهي كاشه وخايفه ..بعدين وووووووو ... رواء ..انصدمت من ليلة العرس كتلو هاي شنو اني الى اعرفو عبالي يزوجون بس المره تشتغل وتسوي اكل وغسل ملابس ... وتخلف من بطنها اطلعه الطفل ... سند ..انه سمعت وخربت من الضحك كتلها منو علمج هيج .. رواء ..هو اني اشوف امي هيج .. سند ..يله كومي اسبحي وانه هم حظرنه الملابس وسبحنه بس اويلي تخبل .. رواء ..صارت قسمتي وي سند وليلة العرس ماخليته يكرب لان مااعرف شنو يريد وراح جاب بزونه واني اكرها لان نكسه ومااحبها واضوج منها وانه نظيفه وهواسيه حيل انه شفتها كمت اكمز واكلو طلعها فدوه الخوف كتلني بس لا يذبها عليه واني ارجف وتوسلت بي الما طلعها واني استسلمت الو واخذني وصرت مرتو ... صبحنه الصبح طلعت وسلمت عليه وحسيت امو مارايدتني بس انه سكوتيه واتحمل كولشي ومااحجي ... اسمع لابوي ولامي لانهم هيج جانو حياتهم هادئه وحلوه وبيها عشك وحبهم يخبل ... فتمنيت اعيش مثلهم بس تجري االرياح بما لا تتشتهي السفن ... بلشت حياتي وياهم من اول اسبوع شغل وكراب وتعب جانت عندي بس حماتي وحده وياي واخوته ٢ خضر وعلوان .. خضر جان يحبني وحنين عليه ومن نكعد سوه يكلي انقهر عليج لان اشوفهم يعذبوج وانتي ساكته اكلو ميخالف انتو عيالي واتحملكم .. خضر ..اي بس كم دوب .. رواء ..مو مشكله هاي هيه ارضا بنصيبي ... خضر .. اني بعيد وكل شهر وانزل ومااكدر كولشي اسويلج غير ادعي الله يهديهم عليج ... رواء ..كلام خضر يريحني اكول اكو شخص يخاف عليه ..... سند ..انه احبها لرواء بس امي مااكدر اعصيها من ارجع من الدوام وضغط الدوام ارجع تعبان وامي تتلكاني هيج رواء وهيج رواء واني عصبي بسرعه افور والزمها اذبحها من الكتل ... بس من اهدء اتندم بس مااكدر احجي امي مااكدر اكسر كلمتها .... رواء ..مرت عيشتي كشره وي عمتي كمت اشوفها تسوي سحور وتخربط وضعنه ومشاكل كثرة والكره الى عماهها واني شايلتها ومامقصره وياها .. واشوف شلون تجرحني وتهيني وسند وياها يكتلني وحيل تاذيت وجبت اول ولد وسميتو عمر وعمتي تعلقت بي جثيير صار نفسها لعمتي تحبو وشايلتو واداري بس من اكرب عليه تتخبل ومن يجي سند تشكيلو علبو مرتك تريد عمر وتوخر عني ومتريد الزمه ويبو اشكال .. واني اسمع واسكت ودموعي عشره عشره ..اهلي مادخلهم لان والدتي مريضه والدي ميكدر يحجي اذا انقهر واحنه انخاف عليه جثيير .. رعد اخوي صار عده اربع جهال و وعد ازوج وحده من الموصل وسكن الانبار ويوسف بقى يدرس عند اختي وزهير وي ابويه وحوراء بقت اداري امي .. وانه مااشكيلهم لان اشوف وضعهم واسكت وين اروح .. سند ..رواء وينج رواء ..ها اي جايه تريد شي .. سند ..اي انه اخذت كطعة كاع هي بسد اهلي راح ابنيها لان اريد ازوج خضر وعدنه مكان الما يخلص البناه احنه طالعين ... رواء ..اي خوش يارب راح اطلع يوم عيد ... سند ..شنو قصدج .. رواء ..لا مقصدي شي بس تدري انته هس انه حامل وراح ايصير عدنه اطفال ولازم يكون عدنه بيت لوحدنه ... سند ..اي ادري اكمل بناء ونشيل ان شاءالله ... رواء ..ان شاء الله ...مرت الايام وجبت ابنيه وعمتي تخبلت وكامت تدعي وسند كره حتى طبت البيت من وراها بس كتل ومشاكل كولشي ماكو نوبات اصفن واكول صدك من كال ابويه محد يعشك مثلي ولا امك تلكونه مثلها ... كلام ابوي صدك بي وظل مخزن بذاكرتي ..مرت الايام وهم حبلت من وره عمتي ادك تريد جهال او تريد اخ لعمر لانه تحب عمر جثيير ...وهم جبت ابنيه وزاد كرها الي بحيث تخلي سند يطلعني بلشارع يكتلني ويسحلني ويجي ابن خالته يخلصني منو ... واكلها عمه ليش هيج ويايه ... ام سند .. لان انتي غريبه وردته منا ياخذ من بنات اختي بس سند ماادري اشاف بيكم .... رواء ..ليش عمه انه مقصره وياكم من الفجر اكعد اعجن واخبز وحدر على الشط اغسل ملابسكم ومواعينكم بالحر بوحدي ومحد يساعدني وارجع لبيت طبخ وتنظيف واسكي البستان وافتر على حيواناتج .. النهار كله كاضيته بس شغل وانتي موراضيه ... ام سند ..ول ترادديني خل يجي سند اذا مااخلي صريخج تسمعو العالم من الظرب ماسمه ام سند ... رواء ..ليش عمه مو الله فوكاج .. ام سند ..ولج تحاوريني بالله ..بسيطه انه الج .. سند ..والله اروح اكمل شغلي احسن ...رحت كملت طبخ الغده واجه سند ..واستقبلتو امو بذاك الحجي اشكال واجه عليه ... سند بصريخ ..روااااااااااء روااااااااء مو اصيحج .. رواء ..هاا جايه خير شبيك شصاير .. سند ..انه كم مره كتلج لا تردين على امي حتى لو تذبحج متكولين ااخ .. رواء ..هو انه شنو حجيت بس كتلها ليش تكرهيني .. سند ..تعالي جاي ..الا اكسر ظلوعج رواء ...وكتلني كتله كسرني تكسير ونزفت وماادري حامل وظليت هيج اشتغل وتعبت وعمتي شاده عليه وسند تغير كام يشرب ويدور نسوان رجع على طبعو كبل الزواج وانه ساكته ومتحمله لاجل بناتي وابني الى عمتي متعلقه بي .. واخاف اتطلك وتاخذهم مني لان سند يشتغل بالمحكمه وموظف وعندو قيامه معارف ويكدر كولشي يسوي واهلي مو خرج مشاكل كلهم ملتهين بامي وابويه صوتو كام يروح من كثر ميتالم على امي وظاله ساكته .. سند ..ارجع من الدوام تتلكاني امي تحجي على رواء وانه عصبي وتعبان من الشغل وقضايه المحكمه وهنه ملتهيات بمشاكلهم ارجع حتى ارتاح الكي المصايب بلبيت ... وامي مااكدر ارفضلها طلب واسمع الهه وظل تحشي بيه على رواء ..رواء هيج وهيج سوت ومتشتغل بس بغرفتها وابس انه واختك نركض ووو حجي ميخلص يوميه بنفس الموال ينعاد ورواء شايله كتل مني ومتحجي وادري انه اذيها بس شنو بيدي ادري بيها تتشتغل وتتعب بس انه خارج البيت ماادري شنو ايصير وهيه سكوتيه متحجي وتجي تشكيلي .... رواء ..مرت الايام وسند نفس ماهو شرب بالليل وسهر وي ربعو واني هم طبيت بشهري وهم جت ابنيه ... ام سند ..الله يكطعجن شبيج كمتي جيبين بنات ... رواء ..عمه قابل بيدي هذا رزق الله شعليه انه ... ام سند ..لا والله انتي مابيج خير والا اخلي سند يزوج عليج .. رواء ..عمه خله يروح يزوج بلكي تجي وتشوف العذاب الي انه متحملتو وتنهزم ... ام سند ..يا هيج احنه معذبيج شنو مسويلج ها احجي .. رواء ..لا عمه مامسويه انه موخوش .. ام سند ..اي هيج انتي موخوش وبعد لا تراددين لا ابتلي بيج .. رواء ..بيومها رجع خضر من الموصل اخو سند الوسط ..واجه باركلي وهو سمه اسم بنتي ...انه صار عندي ٣ بنات الجبيره اسمه رونق الى هي سبحان الله جمال وادب وابتهال هي سمره وعيونها كبار وسبعه واخذ اطباع جديتها لان لسان وكويه بس لسانها فدوه الها يخبل .وزبيدة الى سماها خضر وتعلق بيها لانه يكول احس هاي البنيه راح يصير الها شي من الشكل بس مادرت بال لحجيه لان شفته طاير بيها عبالك بنته مو بنت اخو .. ولد واحد هو عمر هذا الروح مال عمتي يعني نبض كلبها ... مرت الايام وسند كمل البيت بناء وكال حظري روحج راح ننتقل وحالتنه صارت حيل زينه وانتقلت وماخلصت من ظيم عمتي بس اهون من انه وياهم .... سند ..من مشاكلهم قررت اخلص البيت وارتاح وانه اشتغل بناء وره المحكمه واشتغل كولشي بلبناء وكملت البيت بنيت ٣ غرف وديوان جبير ومطبخ هم جبير وصاله وهول البيت حيل جبير وكلها تعجبت لان ديرتنه احوالهم كلها تعبانه وبيوتهم من طين وبس انه بيتي سويتو سكف مسلح من حديد وبناء جنه قصر بس طابق واحد لان زايد علينه .. وحظرنه غراضنه وانتقلنه ورواء معتنيه بالبيت واطفالي وملابسي وسبعه ومامقصره وياي بشي بلعكس مخليتني كله تتعجب بنظافتي وبيتي وحاسدتني الناس وجنت اخاف من بنت عمتي لانه عيونها متوكع من الكاع حسوده بشكل ونخاف كلنه من عينها .... رواء ..الحمدلله استقريت بيت بعد عذاب ١١ سنه وي عيالي بسبب من كثر الكتل والقهر طلعت عندي غده بين الصدر والركبه وكمت اتاذه حيل .. وراجعت دكاتره وحولوني لمستشفى بغداد ودز طارش لابوي والامي خاف عليه ايصير بيه شي وكال لازم اهلج يحظرون .. امي جانت مفاصلها بس مجانت حيل طريحه فراش بعدين ياله ...المهم حولوني الدكاتره لغرفة العمليات ومسويلي العمليه وظليت تحت المراقبه واجهزة ومااعرف شنو امي دارتني وانه اكعد وارجع انام لان وظعي جان خطر وحده من االممرضات كرديه باكت كل ذهبي لان امي لبستو الى كالت اخاف اضيعو .. وممرض شايفه امي ومن طالعه بايكته وتاركه المستشفى ومهزومه وسند سمع وماخله عليها فص ملح وذاب .. وانه ماادري وامي بس تبجي لان هم ذهبها راح وياها هي ماانقهرت على ذهبها عليه انه ذهبي كلو تعب وكسران ظهري على المكينه واخيط واجمع واشتري ... المهم ظلين ١٦ يوم وطلعونه واهلي راحوا ..المهم رجعت حياتي بس متخله من المشاكل ..رونق وابتهال وعمر دخلوا مدارس وزبيدة بعدها ياله عمرها سنه ..وراها طلعت حامل وسمعت عمتي ودعت لسند تكله يارب ولد واخ لعمر خطيه بوحده ... وصرة حامل بشهر الثالث ..ولانه طارش دازه اخويه يكول خلها تجي امها مو زينه وانه تخبلت وسند اجه وكتله امي مو زينه خلي اروح .. وداني لاهلي وشفتها تكسر الخاطر وكلنه ملتمين يمها اخواني وخواتي وابوي حالته حاله بس يبجي عليها ولا ذاك الرجال الهيبه صار ضعيف كدام اغلى مابكلبه ... طلع ابويه الفجر عندو مراجعه للدكتور ودخل على امي يكلها لا ترحلين وتعوفيني بلياج اموت وبوسها وبده مايروح وكلها انتظريني ارجع كم ساعه وراد الج يا بعد عمر ... امي جاوبته هههه راح انتظرك تجي يابعد النفس روح الله وياك وترجع سالم واكحل عيوني بشوفتك .... كلنه بجينه وابوي تخبل كال شبيكم رباب مابيه شي وانه بس اشوف الدكتور وراد .. رواء ..من بعد ماراح ابويه امي كامت تسحب النفس كوه واحنه كلنه على راسها وفجأة بعد مترد ولا تصد علينه انحرك بيها ماكو صارت مثل الخشبة انصدمنه كلنه والعياط صار بفلس والدك واللطم ماتت امي .. هنا احنه ملخنه انفسه وصياح والناس التمت واخوتي يندبون ويصرخون لان متعلقين بابوي وامي لان مااذونه وجانو نعم الاهل النه ... المهم اخوي وعد كال دزيت طارش يشوف ابوي من يرد تفوتون وتغيرون ملابسكم ومااريد ابوي يسمع والناس اتفقت وياهم يطلعون بظهر البيت ... المهم وصل ابويه واستقبلنا ونسال بيه شلونك وشكلك الطبيب وكال جيبولي كرسي لان انه احس وصله من كلبي طاحت احس رباب ماهيه ... رعد ..يابه اكعد ماكو شي ارتاح ... سراب ..لا يا بعد ابوك كلبي علمني صاير شي ع رباب .. رعد جان يحجي والغصة خانكتو كال ..شبيك بويه مابيها شي امي بس اكعد ارتاح اخذ نفس ... كعد ابوي على الكرسي وكال احجو رباب ماتت ...بعدنه ماجاوبناه وجان نشوف 😲.. وللكحاية بقية .. هل اخبرتك يومًا بَ انك المكمل لي ؟ فرح يومي ، و إكتمال مزاجي الجيد ، و انك جزء داخلي ، نصف قلبي ، نصف عقلي و نصف الحياة.. واني اشعر بك وما بداخلك ف كن بخير لاجلي 💔💔 يتبع..... | ||||
|
| |
|
09-11-19, 03:25 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #اوتار_الحزن #بارت 3 #بقلمي_سارة_المجيد مساءكم ورد جوري يا اغلى متابعين ❤❤❤❤❤❤❤❤❤ رواء ..بعدنه محاجيناه جان انشوف لان ابوي مال راسو وجمد بمكانو بلا حركة ركض اخوي رعد علي كام يصحي بي ماكو لايحط ايد ولا رجل جان ابوي مسلم الروح لملك الموت ماقبل يعوف امي تروح وحدها وجان حاسس امي ماتت واتحققت امنيتهم الي تمنوها انو يموتون بنفس اليوم ... وتوفى ابوي هنا فقدنه والولد حتى دشاديشهم ملخوها واحنه البنات كتلنه نفسنه وكطعنه شعرنه .. ومضت ايام الفاتحه ٧ ايام والناس جثير وعمامي يبجون على ابوي لانهم متعلقين بي هو جبيرهم وهو وكف وياهم بكلشي وخاصة عمي الاصغير جثير متعلق بابويه وبس اشوفو يبجي ويحضن بي .. يكلي انتي غالية واحبج على محبت ابوج لان انتي رباب الثانية من ازوجوا واحنه ماشفنه من امج ولا من ابوج شي ياذينه ... بس ابوج ماتحمل وجان حاس طول الطريق الرجعه ويسال بيه سراب ..يخوي مخنوك وكلبي ماادري شبي احس رباب راحت .. عبدالرحمن .. لا يبو رعد كول يالله ان شاءالله ماكو شي انت لان جثيير تفكر بيها ... سراب ..لا يخوي داكولك احس بهل شي وانه مخنوك وكلبي مقبوض واذا ماتت اموتن وراها ودير بالك على بناتي وولدي ورواء فقيره مثل امها لا تتركهم واسال بحين والاخر عليه هاي وصيتي الك يخوي ... عبدالرحمن ..جان ابوج يحجي وهوه واثق امج ماتت حتى وصاني بيكم اتعجب شنو من حب بينهم الي يحس بيها وتحس بي رواء ..هو يحجي عمي وانه ابجي وفاقد وياه وبعد سند اجه واخذني وياه وانه حالتي النفسيه تعبت ع اهلي فقدتهم اثنيهم بنفس اليوم منو الي المن اروح بعد .. سند ...اجيت من المحكمه وتلكتني رواء تبجي وتكول امي ماهي زينه وديني الهم .. انه اجرت سياره واخذتها ورجعت لان بحكم شغلي ماكو اجايز الا عند الضروره ..المهم ثاني يوم سمعت الخبر امها وابوها ماتوا صارت صدمه النه واخذت امي ويايه ورحنه وجانت قصة موتتهم يحجون بيه كل الديره فاجعه هيج عشك وهيج موت ماصاير وجان الموت مرعب يعني نادرا نسمع احد يموت .. المهم خلصت الفاتحه واخذت رواء ورجعنه لانها حامل وضعها تعب جثيير وهي جانت مسويه عمليه ورحت جبت اختها حتى اداريها وشوي تحسن وضعها ... رواء ..مرت ع موتت ابوي وامي ٧ اشهر وطبيت بشهري وبجيت لانهم اول ولاده ميحظرون .. وزاد وجعي وصار عندي ولاده وسند اجه ودز على عمتي تروح ويايه وجبت ولد وعمتي طارت من الفرح ماخلت شي ماوزعتو وسمتو عامر وجان وضعو ظعيف حيل وكامت تحجي عليه ام سند ..انتي حامل ومتاكلين وطلع الولد تعبان عبالك امج وابوج راح يردون لو هيج سويتي .. رواء ..والله عمه ماليه نفس اكل .. ام سند ..اي مالج نفس لانه ولد هيج سويتي .. رواء ..باله شنو ارد عليها عمتي متسلطه وكويه حيل وتحب تمتلك كولشي بيدها وجانت سبعه وشاغوله اتجيب النسوان وتبيع بيض وتخصف اشكال فجانت تلم ومعيشه نفسها وتجمع للزمن ... سند ..بيوم رجعت من الشغل ولكت رواء وجها اصفر وتتوجع وطلعت اركض صحت لامي تجي تشوفها وشافتها كالت عدها ولاده .. وجابت ولد واسمع امي تهلهل صفنت كلت شبيها امي مامن عوايدها كلما اتجيب رواء تطلع مغضبه شبيها امي طلعت وفرحانه وكالت جاك ولد انه عندي عادي ماادير باله بلعكس احب بناتي جثيير واخذهم نوبات وياي على المحكمه وكل الموظفين يحبون بناتي وحتى القاضي يكلي ياريت يوميه اجيبهم جنت اخذ الجبيره رونق وابتهال هذني روحي من الدنيا احبهم بشكل لانهم من اجوا جابوا كل الخير وياهم ترقية وصار عدي مطاعم وخير من الله ... بس زبيدة تكلي خيرك لغيرك انه نفسي طيبه وكل خيري للناس اشوف وضع ديرتنه تعب بحرب ايران صارلها سنه والناس كاتلهم الفكر حيل وضعهم تعبان وانه عندي وساعدهم .. ورواء تكول يجي زمن محد يدك بابك لو ذبك الدهر ظم فلسك عسى تحتاجه بس جنت انه ماادير بال الها ... رواء جبت ولد وخلصت من عمتي وارتاحيت من حجيها ومتصيحلي الا ام البنات ..بس جانت كلمتها مثل العسل لان عدي بنات الحمدلله سبعات ويشتغلن وزينات بلمدرسه وبيتي مرتاحه بيه بالرغم سند يشرب ويدور نسوان ... بس اكول ماعليه مادام بيتي ومرتاحه مااريد شي ...وكبر عمار صار ٣ اشهر وجان اطلع حامل هنا ضجت حيل لان تعبت وبعد مااكدر ٣ بنات ولد اثنين نعمه بس هذا رزق من الله ومرت الاشهر وجبت بنيه جنها كمر وسميناها قمر وابوها من دون خواتها طاير بيها من الفرح جانت مدنفشه وبيضه ثلج وهم خوالها تعلقوا بيها يكلولي هاي تشبهم وتشبه امي رباب الله يرحمها ... سند ..مرت الايام وانه بلنهار شغل وبالليل سهر بيت جيرانه نلتم احنه وشباب الديرة نشرب ومزه واشكال ونسوي مقالب .. نوبه جنه مجمعين بس بوكته ماشربنه ...عدنه ابن جيرانه ينام على السطح وهذا من ينام ميدري بالدنيا ..المهم اتفقت انه وربعي انشيلو انذبو بالبساتين هههه ... طبعا صعدنه وشلناه ونزلنه ومشينه تقريبا كيلو متر وهو لا كانو نايم غاط ...ذبيناه بالبستان ورجعنه واحنه خربانين من الضحك ...وثاني يوم الصبح اجه علينه صادف جمعه وماكو دوام ... جان يكول ..سند .كتلو ها يخوي ... مضفر ..والله انه نايم فوك السطح وبي فرشة شلون صبحت بلبستان شنو صار جناحين للفراش وطار بيه لو فراشي سحري ... سند ..جان يحجي هو ويسولف وانه خانكتني الضحكة ...كتلو لا انت يجوز حلمان وانت نايم ومشيت ... مضفر .. هنا ماادري ياله الله اليستر يجوز الكي نفسي بالمي نوبت الاخ ... سند ..راح واحنه بعد منسيطر ع روحنه من الضحك .ومواقف جثييرة انسويها بي خطيه المافد يوم هو مانايم واحنه عبالنه نايم وردنه انسوي بي مقلب وكشفنه وكال هايا ملعونين هيج انتوا ههههه احنه على نياتنه وطباعنه حلوة بديرتنه ومحد يزعل ... بوره فتره سمعنه امو تصرخ ورحنه نتراكض علي وجان يطلع ميت بفراشو هنا انه وربعي تخبلنه علي لانو هو جان نعم الاخ والصديق ... المهم مره انه بالدوام خفاره اني وصديقي وظلوا اصدقائي الباقين ..سكرانين ورايحين بايكين الطلي مالت امي ... رجعت الصبح من الدوام ولان امي كبتها صياح وي الجوارين وعالكه ..وانه ماادري جيت اسال امي تكلي ام سند ..اصدقائك السوء بايكين الطلي وذابحي وطابخي بالليل شنو هذل جلاب ماشايفين .. سند ..ادحك ع اصدقائي وهمه بلاحركه بس صافنين عليه يريدون يشوفون شنو اسوي ... كتلها يمه انه اجيبلج طلي وطبي عيب من الناس وكوه قنعتها وطبت وطلعت على ربعي وانه اضحك من وره مقلبهم كتلهم ماجيتو الا على امي .... مرت الايام وجابت رواء بنتنه الرابعه تخبل وطاير بيها تعلقت بيها جثيير وردت اسميها بس خضر ماقبل كال انه بنفسي اسميها اريد اسميها بي ..عاد قبلت وسماها قمر طلعو من القران الكريم .... رواء ..مرت الايام والشهور وصار عمر قمر سنه وخضر اخو سند كال اريد ازوج وعمتي اخذتلو بنت اختها ... بس جانت تكرهني بنت اختها حيل ومااعرف ليش شنو السالف وجان اذا مر خضر عليه تتخبل وسوي مشاكل ويا ... وخضر يكلها رواء اختي الى ماخلفتها امي وانه احبها لانها فقيره ومااذتنه ... بس مرتو جانت متقتنع ...خضر ضابط بالموصل ينزل بين اسبوع واسبوع وجان هم معلم بمدرسه هناك .. ومن ينزل من الواجب يمر عليه بدون علمهم ويجيب اشكال محمل للبنات احلا الملابس وجانوا الجوارين يسالوني منيلج مااجاوبهم اخاف تسمع مرتو وتكاونه ... بس هيه جثيير مشاكل ويا حتى من يجي عليه يشكيلي ..وصار عنده ٣ بنات ..ومره اجه عليه ومقهور وسالتو شبيك خضر ..انه راح اروح للخدمه وهاي تسوي مشاكل وهسه تريد بتوت ذهب وانه ماعندي ... رواء ..انقهرت عليه وكتلو بس ترجع اني انطيك جيبلها عود ..هو سمع وكال خضر ..رواء ليش هيج انه اشكيلج وانتي هيج تكولين ... رواء ..خضر انته مو تكول انه اختك ..لا تردني انطيك ياها الفلوس واشتيرلها واخلص من المشاكل واعتبرها دين وانته مامقصر علينه لو تريد البيت كله فدوه الك بعيني وما اقصر عنك ... خضر .. ماادري شلون اجازيج ربي يحفظج النه ..انه رايح وسلميلي ع البنات لانه ماشفتهم نايمات ... رواء ..الله يسلمك تروح وترجع سالم ان شاءالله .. خضر ..والله يارواء حاس بعد ماارجع ديري بالج على قمر وزبيدة هذول روحي .. رواء ..الله لا يكول ..ان شاءالله تروح وترجع سالم ويكبرون وتشبع منهم ....جانت هاي اخر شوفه لخضر راح للجبهة وكتها جانت حرب ايران والعراق واجته طلقه بركبته وماكدروا يعالجوا لانه الضرب من كل الجهات بينهم وبين ايران .. ومرت الايام وظل بالنه على خضر وسند فاقد ماخله مكان ماسال عليه بي وفجاة اجه خبر انو خضر مستشهد وانه تخبلت عليه هو الحنين الي يسال ويتفكدني راح .. وعمتي من الصدمه فصلت مابجت ولا صيحت كالت كوموا طلعوا بره شنو بكيفكم تكولون استشهد خضر طيب ومابي شي ... من شفت عمتي مت من القهر عليها الله يساعدها بعدو عمرو ٢٣ سنه شنو شاف ومرتو بعدها عمرها ١٨ سنة اطفاله حيل صغار .. راح سند وكل ربعو لبغداد وجابوا التابوت وكلها كشفته الي يكول هو والي يكول مو هو ... صاح عليه وكال انتي دائما يمج وانتي تعرفيه زين خواته كل التموا عليه ... رواء ..شلون اذا طلع هو عمتي راح ايزيد كرها الي باله شلون موقف حطوني بي ..ياله هي كارهتني كارهتني شسويلها ...فتت وكشفوا التابوت وكلها واكفه حتى الزلم على كلمتي حتى يعرفون هو لو مو هو .. دنج عليه وكشفوا وجها وانه من شفته دمعت عيني واختنكت لان هو وحضنته وبوسته من راسو وكتلو هو بعينه خضر ماغير .. كبت العياط والصراخ رجوا الدنيا وسند نكس راسه وبجه وكانو جبل صار على جتافه ... وعمتي ماتقبل تتقبل هذا الشي تركت الفاتحه وطلعت تنظف بالستان ومامصدكه وتكلي انتي تجذبين خضر طيب ومايموت ومااكدر ارد عليها لان اخاف من سند وبعد مابيه على الكتل .. سند ..مرت حياتنه عادي شرب ومشاكل متخلص ومقالب وحياتنه مشيناها وزوجت خضر لبنت خالتي وخلف منها ٣ بنات وبيوم رجعت تلكتني امي تكول خضر مارجع من الواجب اشو طول وانه خفت ولعب كلبي وبحكم معارفي ادز ناس تشوفلي وتردلي عنو خبر ... بس طولوا ورحت انه ادور عليه ولكيتو بستشفى الطب العدل ..بس الاسم نفسو والشوفته هو توههت بيها كلت مو هو بس اخذت الجنازه اني وياي خالي وربعي ومشينه وصلنه البيت وامي مصدومه من شافت التابوت وطلعت بره كالت مو هو يا سند اخوك طيب وعايش ومارديت لان الخنكه دمرتني .. وخواتي كشفوه وشافوا وجهو بيهن تعرفن عليه وبيهن كالن مو هو وخالتي وعمتي كلهن نفس حجيهن .. وحده من خواتي هاي عزيزه عليه واحبها وتحبنه كالت سند ..وين رواء ..كتلها ليش ...كالت هو دائما يمها حتى اخر زياره جان يمها ....ادحك على زوجتو بدها تشرب من دم رواء من سمعت هل حجي ... راحوا صاحوا رواء وجانت متردده شوي وبعد دنجت وكشفنه عن وجهو وهي حضنته وكامت تبجي وتكول هو خضر ماغيرو .. هنا اني صارت بيه رجفه روحي راحت ماادري شنو اسوي غير دموعي تجري واكف مثل نار وكبت بروحي .. فزيت على صراخ خواتي وكل النسوان وكبت العيطه واخذنه التابوت وكملنه الدفن ورجعنه كملنه الفاتحه وامي متقبل تحظر تكول مامتوفي هو عايش ... خلصنه الفاتحه كلمن راح ومحد بقى بس ظلت امي مصدومه وما متقبله وكرها لرواء زاد ومااعرف شنو اسوي ... رواء ..ها سند شلونها امك ... سند ..والله يارواء مثل ما هي ماتتقبل الموضوع وزوجة خضر ردت لاهلها بعد متقبل اظل هي وبناتها ... رواء ..ليش منو اكو بس هي وخالتها وعلوان ليش متظل ... سند ..متقبل تكول صعبه وانه اصغيره وانتوا حمويني اطبون وتطلعون والناس مترحم ... رواء ..بس شلون راح تربي بناتها ... سند .. كتلها ظلي وانه اتكفل بيهم وحتى انطيتها مسدس هديه كتلها تخلي للحاجه .. رواء ..وماادري بكيفها هيه عاد سند ..انه رايح لامي مااكدر اشوفها هيج ..محتاجه شي رواء ..لا اروح اشوف البنات وينهن ...بغرفتهن نايمات هم واخوهم ..وعمر تعرف بي يم جديته .. سند ..ماشي رايح وصلت للبيت وصحت يمه وينج ... ام سند ..ها سند يمه تعال انه هنا بشر اكو خبر عن خضر .. سند ..بله شنو اجاوبها لساتها مامصدكه ...ها يمه ان شاء الله يجي خبر عنو انه موصي عليه اصدقائو اعتقد اسير بايران .. ام سند ..يمه ميخالف بس طيب وعايش المهم يتنفس الهوه بعد روحي ... سند ..صفنت وجاوبتها اي يمه ان شاء الله مابي شي ..زين يمه وين مرت خضر ... ام سند ..يابه اجوا اخوانها واخذوها ومتقبل اظل والمسدس مالتك ننطتو لاخوها ... سند ..انه سمعت ناطيتو لو شعلت كلبي ..ليش يمه تنطيه انه نطيتو الها لان الوكت اكشر والدنيا مابيها امان وعدها بنات .. ام سند ..اني شمدريني يمه هاي مرت اخوك مابيدي شي عليها ... سند .. رجعت للبيت وانه مشتعل نار وصرت اعصاب وبس اصيح وكرهت مرت اخوي بشكل وحلفت مالي شغل بيها بعد هيه اختارت اهلها خلي يفدوها وانه شلت ايد عنهم هي وبناتها .... رواء ..شبيك سند ..اجيت اتصيح وتكاون ذبان وجهك .. سند ..كومي من يمي لا اكسرج ... رواء ..شبيك يمعود شنو حجيت .. سند ..شنو وضربتها وكسرتها وطلعت ضيمي بيها وهي بس تون متحجي ع مود البنات ... رواء ..من عرفت خضر هوه المستشهد من يومها ماشفت راح كلهم عادوني وكرهوني ومحد يسال عني ولا يطبونه وعادونه حتى سند بعد محد يريدو لا كرابتو ولا اي شخص يسال عنو .. الى فد يوم اني اخيط وسند بلدوام بس بلشمال لان طلبوه هناك و٢٠ يوم ياله يرجع وطلعت اشوف منو لان شرطه وسالت على سند وانه تفاجئت سند ماعندو شي ... كالوا والله سند بايك فلوس الخزنه مال المحكمه ..هنا انضربت براسي كتلهم بس سند بلشمال شلون باكها .. الشرطة ..والله يااختي احنه ندري مو هو الي باكها وياجماعته باكوها ونهزموا وسند هو المسؤول عن الخزنه وطاحت براسو بعد منكدر واحنه مأمورين ولازم انفذ ... رواء ..وره اسبوع رجع سند ... سند ..شلونكم ..رواء شلون الجهال رواء ..الحمدلله زنين .. سند ..رواء شبيج اشو ماادري احسج مو ع بعضج صاير شي .. رواء ..اي اجوي شرطه وكالوا فلوس الخزنه مبيوكه وتاهميك انته لانك مسؤول عنها ... سند ..شنو واذا مسؤول خوما اني اكلهن ولا بايك ولا شايل منهن درهم واحد والقاضي يعرفني امين عده ... رواء ..ماادري روح انته وشوف شنو الي صار ... سند ..طلعت بملابس العسكريه وتلكاني القاضي ويعتذر مني لان مابيدو شي هاي اوامر ولازم تتنفذ وانه ادري منو الى باك الخزينه بس انته وكعت براسك واحاول اخفف الحكم عنك ... سند ..بس حضرت القاضي انه ليش اتحمل سجن غيري شنو ذني دور عليهم والزموهم ... القاضي ..والله ياسند دورنه وطلعوا مهزومين للخارج وبعد مااكدر كولشي اسوي وفلوس الخزينه جثييرة لو كل املاكك تبيعهن والمطاعم وبيتك وما توفي وهسه انته رهن الاعتقال ... سند ..سلمت حالي شسوي ضاع كولشي مني بدون سبب وكولشي راح ... رواء ..مرت ايام بس الله يدري بيها ..محد لا وكف النه ولا سعى لسند ونحكم ٣ سنوات وظليت انه ولدي وبناتي اخيط ومعيشتهم واضم اكول الزمن كلشي بيه ..ومحد اجه وكال شنو محتاجين نسوا سند الي جان كل خيره عليهم ويامه حذرته بس ضاع كولشي ... سند ..انحكمت وتركت بيتي الى اعرف محد يسال عنهم وشلون عايشين ورواء تجي تزورني بس اتجيب عمر وعامر ومتجيب البنات وهيج يكول كلبي عليها وانه ماطبعي مااكاون وزين بلسجن مشت الايام واجه تخفيف محكوميتي وصار سنه ونص وقضيت السنه وطلعت .. بيوم هم طلبوني اشارك بالحرب ورفضت وجان بيوم اجه امر معاقبتي وهي اني و٧ وياي يذوبنه بوادي ميه اسود ريحتو تكتل وماكو لا مي ولا اكل حرمونه لمدة ٨ ايام واهلي ميعرفون عني شي عايش ميت .. رواء ظلينه نتامل سند يرجع او خبر ماكو وعمتي اظل تحجي عليه وانتي وجهج نحس من اجيتي شفنه الضيم منج ... كتلها انه من جيتكم اجه الخير وياه جنتو فكر ..بس مااكدر ارد عليه جثير اظل اسمع واسكت لاجل خاطر ولدي وبناتي ... وبيوم الظهريه سمعت دك الباب بقوه وطلعت اركض لانه سند وشلون صايرر ضعفان وسخ وهدومه جايفه وشكله يخوف .. وطب كبل للحمام ورحت صحت عمتي واجت ويايه وشافتو وحضنتو وكامت تبجي تكلو فقدنه الامل بيك وين جنت ... سند ..من حجزونه اتفقه ننهزم لان تاذينه حيل من الريحه وكتلنه الجوع والعطش نشرب من المي الجايف ..صار ضرب قوي وانهزمنه كلنه الي مات والى لحك على عمرو واني وصلت طريق وجان الكي سيارة وركبت وصلتني لبيتي الظهريه .. وشكل عندي وجع براسي ورجلي ..وطبيت الحمام جلفت نفسي جلف طلعت حتى الدم من الريحه الجايفه وطلعت شفت امي وحضنتها وحضنت اطفالي كلهم مشتاك الهم وامي بدت تسألني شنو الصار وليش هيج واني وجع راسي صار قوي بعد متحمل وكتلهم راسي وجابولي علاج ونمت ومن كعدت نفس الوجع واجوا ربعي واصدقائي يتحمدون سلامتي وخواتي وكلها التمت عليه واني الوجع ميفكني ... ثاني يوم اخذت رواء وطلعت لبغداد وشافني الدكتور كال وضعك صعب لازم دخول عمليه لان متاذي ..الجيوب الانفيه خايسه من الداخل والعظم متاذي ولازم عمليه ... جانت رواء ضامه فلوس واخذتهن كلهن منها وسويت العمليه ... رواء ..من رجع حالتو تعبانه ويصيح من وجع راسو ورجلو وثاني يوم متحمل رحنه لبغداد بعدما هدأت الاوضاع ...رحنه للدكتور وكال لازم دخول عمليه لان متاذي حيل طبعا من طلع ماعندو كولشي بس انه جامع فلوس الخياطه واخذتهن وياي وسوه بيها العمليه وجانت صعبه حيل بقينه ١٠ ايام وطلعونه وصار زين ... بس بين فتره وفتره يهيج عليه راسو وقدم طلب تقاعد من الوظيفه لان جزت نفسه منه ومن اتهموه وسجنوه وهو بريء ... سند ..من طلعت من العمليه الوجع حيل قوي ورواء اداريني وزينه وياي ماعافتني وظلينت فتره وطلعنه لبيت وتحسنت حالتي وقدمت ع التقاعد لان بريء وسجنوني بتهمه باطله وبعت كل املاكي وسيارتي وماخليت كولش .. وبقى بس البيت مابعته وحاير هذا تعب عمري شلون نطيت الفلوس للقاضي وتفقت وياه الباقي الما ابيع البيت ياله ... رواء ..سند باع كولشي ماظل عدنه غير البيت وانه روحي بيه ميهلي ابيعو وبناتي كبرن رونق صارت عمرها ١٧سنه وابتهال ١٣ سنه وزبيدة ١١ سنه وعامر ٨ سنوات وقمر ٧ سنوات وعمار ٣ سنوات وحاير بيهم وين اخليهم واتبهذل بيهم ... وفد يوم كاعده الصبح وريكت البنات وراحوا لمدارسهم وابوهم طلع يشتغل لان كام يبني ... وانه كملت الطبخ وتنظيف وكعدت حتى اخيط ولانه اندكت الباب وطلعت واشوف المعلم شايل بنتي زبيدة وفاقده ويكول وكعت ع راسه ومنعرف فقدت .. انه من شفتها فقدت وكعدت ابجي وبنتي حالها حاله وابوها اجه وشافها وكبل طلعنه لبغداد وكشف عليها الدكتور ونطاها علاج وكال سنه وترجعون ... سند ..بيوم طلعت للشغل عندي بناء بيت ورجعت للبيت واشوف رواء بس تبجي وتصيح وزبيدة فاقده مترد وراسا شلتها وطلعت لبغداد بيها وشافها الدكتور ونطانها علاج ورجعنه وظلت اشو وضع زبيدة يدهور وكامت تتخربط وعقلها بدا ميستوعب كولشي .. وبيوم ذكرونه الدكتور ابراهيم النوري اشهر دكتور بغداد ... طلعنه عليه وشافها كال الدكتور ..شكد صارلها ع هل حالة .. سند ..صار سنه على وكعتها ..وشوفتو علاج الي انطاها الدكتور ذاك ...صفن وكال الدكتور ..اخذوها للاسف بنتك بعد متفيد ... سند ورواء بصدمة 😨😨 وللحكاية بقية ... - اريد الصراخ بكُل ما أوتيت من وجع فــ لقد بلغت من العذاب ما يكفي سُكان الأرض جميعاً ويزيد اشعر كما لو أنني عالق بين الاحتراق والغرق دون أن اموت ولك ان تصف حجم ألمي 💔 يتبع... | ||||
|
| |
|
09-11-19, 03:26 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #سارة_المجيد #اوتار_الحزن #بارت4 🌸🌸🌸🌸🌸🌸🌸🌸🌸🌸🌸 سند ..طلعنه عليه وشافها وكال الدكتور ..شكد صارلها ع هل حالة سند ..صار سنه على وكعتها وشوفتو علاج الي نطاهيا الدكتور ذاك ...صفن وكال الدكتور ..اخذوها للاسف بنتك بعد متفيد ... سند ورواء بصدمة 😨 اني هنا شبت نار بكلبي كلتلو ليش شنو بيها .. الدكتور ..هذا العلاج غلط وصفه الدكتور ومسوي عدها تلف بالدماغ وشمره ..روح قدم طلب واشتكي عليه وخلي يفصلوه ... رواء ..حسيت نار شبت بضلوعي من اثر الصدمة شنو الصار بالدنيا ياربي شديصير بينه جسمي كام يرجف كتلو دكتور شنو نشتكي اذا هو سكط بنتي بعد شنو الفايده ... الدكتور ..امي حتى يغرموا وينفصل من وظيفته لان هذا الدكتور راح يدمر هواي مثل حالت بنتج رواء ..والله دكتور خليها ع الله وحسبي الله ونعم الوكيل بي ...ورجعنه انه وسند مصدومين بنتي بعد متفيد ورجعنه بوره فتر ذكروا النه هم طبيب ..وسند كتلو لاتروح على الشغل اجلها حتى نعرضها ع غير دكتور وسند ماكال لا ..بلعكس تحظرنه وطبخت للبنات وهنه يفتهم وكبار وصيتهم يكملون شغل البيت ويروحون يم جديتهم واذا هاي ابقوا لا تتطلعون قفلوا البوب وناموا ... طلعنه اني وسند وصلت بيت اختي نرتاح هي هم ارمله واستشهد رجلها هو ضابط جبير اسشهد بحرب ايران ... المهم سلمنه وكعدنه وصارة الخطوط الارضيه للتليفونات بعدنه تونه كاعدين ودك التليفون على اختي وردت وكلولها خبر هد الدنيا ع راسنه انصدمنه صدمة عمرنه اني وسند بقينه صافنين ع اختي وكبت اختي اتصيح واني مصدومه شنو ماادري عاد اختي حجت وسند كمز وطلعنه نركض اجرنه سياره وصلنه ومن بعيد من حلات روحه لسند وكع بلكاع وكام يبحث مثل الطفل ويشيل التراب وينفض بي على راسو واني اركض لبيتي ... وشفت المنظر كدامي خله حيلي ينهد وكعت من طولي بناتي رونق وابتهال امددات وجوهم منوره وهنا فقدت ملخت نفسي وشككت هدومي ولطمت ودكيت واصيح يمه كومن يا بعد بيتي كومن يزهرة البيت يمه شنو شصار ولكم بنياتي يولو كوموهن كلولي حلم هذا طشوا عليه مي ظربوني وكولوا هذا حلم ... يمممممه بنياتي ولكم شنو الصار ماصار ساعه ونص من تركتهم كلولي شصار ولك سند تعال شوفهم تعال شوف الورد يمه عليج الله تعالي وكابليني كومن يانظر عيني كومن البيت بلياكم ظلمه .. تعال يا رعد وشوف بنات اختك تعالى يخيي وكابلني هذول عزاتك راحن وينك وهنا فقدت وبعد ماادري شلون وايمته نزلوا وشنو الى صار ..هسه خلصت وراح بنتي قمر تذكرلكم الحدث وشنو الى صار بيومها ..... السلام عليكم اني قمر عمري بوكتها جان ٧ سنوات بشهر السابع سنه ١٩٨٩ جنه ملتمين كلنه ونساعد امي بلبيت واني افتر وي خواتي لان متعلقه بيهن واحبهن اكثر حتى من امي وابوي ... امي كالت راح انروح لدكتور انودي اختكم ونرجع العصر وصتنه على البيت وقفلوا الباب ولا تخلوا مفتوح .. المهم خلصنه شغل واختي رونق كالت خلي انروح يم جده وعود العصر احدر للشط ونكمل غسل الملابس والمواعين ... ورحنه يم جده الى هي ام ابويه ..تلكتنه ورزلتنه وطردتنه وخواتي انقهروا ورجعنه للبيت اخذوا الملابس والمواعين وحدرنه للشط .. كملوا شغلهم وظلت اختي ابتهال تمشي بلمي واختي رونق اصيح عليها تكلها لا تبعدين اخاف توكعين والدنيا الظهر وحاره محد يسمع من نصرخ ... بس اختي مادارت بال ومشت وهناك وجان توكع بالشط وطمست جوا واختي شافتها اتخبلت من حلات روحها ذبت نفسها عليها حتى اتطلعها بس ماكدرت وغركوا وانه نفس الحال ذبيت نفسي وياهم بس ظليت راسي فوك وجسمي بلمي وفاجأة لكيت نفسي على الترابه ... وكعدت ابحث واصرخ واصحيح الما سمعت مره وجتني تركض وسالتني شنو الي صار كتلها هاا اختييي اختييي وابجي ومتفتهم عليه بس كوه افتهمت وتالي فقدت بين ايديها ... وره ساعه ونصف وعيت ولكيت امي تصرخ وتملخ بنفسها وطلعت اركض بره اريد اشوف ابويه وشفته يندب على راسه ويشيل الترابه ويمرغل بي والناس تكومه وهو فاقد ولا جنه ذاك الزلمه الى تهابه واله الهيبه ورزانه وجنه شيخ لو لبس الدشادشة البيضة .. انه شفت ابويه هيج كمت ابجي وكعت من طولي ..وفقدت وبعد ماادري شنو صار الما سمعتهم يهلهلون من طلعوهم لانهم جانن مخطوبات ... وماكمت لان وظعي وجسمي يوجعني .ظليت اشوفهم من وره البرده وابجي وشوف ابوي مدنج على التوابيت ويبجي والزلم اسكت وصبر بي وكوه كوموا واخذهم كملوا الدفن وظلت الفاتحه ٧ ايام واني بس ابجي ومن اذكر افقد اظل ايام هيج الما خلصت الفاتحه وكمت اطلع العب وي البنات بس لعب هيج حتى انسى واروح ع جديتي بس اشوف ليش هيج تسوي ليش تكرهنه وبنات عمي الشهيد تحبب بيهم وتحضن طايره بيهم طير .. وماانكر انقهر اظل ساعات وهي ولا تشكلني وحتى بأيام الفاتحه شفتها توزع جكليت ... وانه ماكدرت اكول لامي لانه صار عدها ضغط وسكر وهي عمرها ٣٢ سنه وضعها يصعب على الكافر ولبست اسود وحلفت مااذبو وابويه تغير ويفكر .. وباع البيت الى انولدنه بيه كال هذا البيت بيت شؤوم اخذ احسن عزيزتين عندي تركنه البيت وبعنه غراضنه كلهن وبلشت رحلة العذاب كمنه ناجر بيوت كل شهر وشهرين ونشيل لان وضع ابويه تعب وحالتنه فكر حيل وامي كامت تطلع تروح على اهل الاقمشه واتفقت تخيطلهم وقبلوا وكامت اتفصل وانه تعلمني اخيط وياها .. وهم حبلت وجابت ولد وسمتو محمد ...وراها بسنتين هم جابت ولد وسمتو علي ... وصرت صف رابع ابتدائي اشتغل وي امي .. بعدها اختي زبيدة مثل التخبلت بعد متعرف احد تحجي اشكال وابويه جان ياذيها يضربها وجنت اخاف من ابويه وانقهر عليها يكول تفشلني من احد يجي وهي متعرف تروح تكعد يمهم وابويه يضربها وهي تكوم تختل بزاويه تبجي وانه اروح يمه واسكتها .. مرت الايام وبدينه انخيط ونشتغل للمحلات بلحصار والوضع العراق حيل تعبان ... ابويه بده يشتغل بلتجاره وكلما هاي ويخسر وامي ادبرله وتنطيه يوفي وعلمته عليها ... يعتمد عليها واني مجنت ارضه بس اشوف ومااحجي شي وامي صارت حامل وكثر علينه التعب وجابت بنيه وفرحت جثيير وانه ربيتها بيدي وانظفها واداريها وطاير بيها حيل ... ابويه اعتمد علينه نتعب هو ع الجاهز ..وصرت سادس ..وانقلنه لديرتنه بيت بسد المقبره الى بيها خواتي يوميه اروح اقره الفاتحه عليهم وظليت اعاني من منظر وفاتهم الى مااكدر انسى ابد ... حبيت العزله ومااختلط باحد فقط بس صديقه وحده هي من انولدنه سوى الما كبرنه ونفس الصف وياي ظلينه تخرجنه من السادس وهي بطلت من المدرسه وانه كملت واحنه نتنقل من بيت لبيت وحسره عليه اللبس جديد كله من الناس يلبسوني لان يادوب لكمت الخبز ماعدنه ... مرت الايام وصرت اول متوسط وبعدت عني المدرسه ودزت جديتي عليه اكمل مدرسه يمها وابويه قبل واخذت ملابس ورحت يمهم الصبح للظهر بلمدرسه وارجع انظف واجلف المواعين وانيم ظنه عمي لان مرت عمي اتخيط واطرز ..واني اساعدها بلبيت والجهال ومن احتاج من مساعده بلدراسه تساعدني .. بس جان عمي ميحبني ويكرهني ويكول لمرتو علميها على شغل البيت ولا تخليها تطلع ..واسمعها تكلو ممقصره دراستها والبيت وياي وي جهالك عوفها ... وانه اطلع بالبستان اشبع بجي واكول ليش حرمتنه ياربي من كل الخير الى جنه بيه ياريت اخت وحده اذب حملي عليها واشكيلها بلكي تعلمني وتوجهني بس ماكو لا مجيب ... كملت نصف السنه وعطله ورجعت يم اهلي وهم انتقلنه بديرتنه لكه بيت قريب على المدرسه بس ظليت عند بيت جديتي وامي هم حبلت وكالت الا اذبه بس ابويه كلها هذا رزق وحرام عليج وكلها صارلج خمس سنوات تاركه خلي رزقه وياه ... بس امي حلفت الا تعقد الرحم الدكتوره قبلت حتى متخلف بعد واني نهاية صف اول متوسط ولازم اقرا حتى امتحن واختي كبرت صارت عمرها خمس سنوات وسميناها رونق على اسم اختي الجبيره ... وكامت امي تتولد وماكدرت طبيعي ولدوها عمليه قيصريه وعقدت الها الدكتوره جابت ولد اخر العنكود اسمو يوسف ..واني انقهرت لان ردت اخت وياي ...لان زبيدة مريضه ورونق اجنن بعدها اصغيره ..بيوم اني راجعه من الامتحان ومريت على اهلي ولاني امي تبجي وتصيح وطبيت اركض اريد اشوف شبيها شصاير ... ولان اشوف الشوفه الى صارت صدمه تكمل صدمتي ....هي اختي محروكه وحركها ماثر ع القلب ومابيها امل غير ساعات وتموت .. هنا صار عدي حاله نفسيه بحيث بس صافنه واتفرج ماعندي حيل بعد انهض روحي اخذتها بين ايدي واعاتب امي شلون انحركت يمه وين جنتي عنها ... رواء ... ولج رحت اخبز وجايه يم الطباخ وكع عليه الجدر ومحروكه 😭.... قمر ..كمت ابجي ولج يمه شلون تتحمل الحرك ليش هيج يارب حتى الي تعلقت بيها انحرمت منها ليش يارب كل صدمه ول لاخ شنو ذنبنه حاضنتها وابجي بعدين استغفرت ربي ومسحت دموعي .. وصارت الساعه بل ٣ العصر وكمت اغسل ونطيتها لامي كتلها خليها بحضنج الما اغسل وارجع وبعدني وماوصلت وصرخت امي ومن الهبطه ماادري منين اطب رحت اركض ولانها ميته وامي تندب اني فقدت وطلعت بالشارع اركض رحت على الجيران اكلها خاله الحكينه فدو شوفي اختي ... طلعت ويايه وخطيه وجت شافتها واخذتها من امي ومددتها على الكاع وغطتها نوب كملتها عليه وكمت ابحث بلكاع وابجي واجه ابوي وشافها وماحجه لان تعلم على الصدمات ... وجابوا المغسله وطبيت وياها كتلها اني اصب مي وياج هاي روحي كالت بس متحجين ولا تبجين كتلها ميخالف واني اصب ودموعي وي المي وكملتها وجفنتها وشالوها وراحت روحي وياها ومتحملت شلت كتبي وملابسي ورحت يم جديتي الى تلكتني وتحجي على امي وماخلت وانه بيا حال جان هذا اخر امتحان بلمدرسه .. وثاني يوم مكدرت اترك امي رجعت وياهم بلفاتحه واني بغير عالم على الصامت لا احجي ولا لي دخل باحد .. عطلت وكمت اروح عد بيت خالي رعد هم يحبوني وانه هم وخالي طبعو حلو بشكل وعليه صوت من يكعد يعتب وعجزنه بيه سجل بلاذاعه بس ماقبل كال خلوني هيج كلما ظاكت اكعد اعتب وانسى .. اتونس حيل لمن اروح يمهم لان بنات جثيير مخلف وعندو ولد الكبير اسمو عبدالله جان ضابط بالشرطه ويشبه الفنان مصطفى قمر هو يحبني وانه ماجنت منتبها .. بيوم الكل نايم واجه كعدني انه عبالي يريد هدوم او اي شي المهم كمت وياه ... قمر ..ها عبدالله شنو تريد عبدالله ..رايدج انتي قمر بصدمه ..شنو انتي شنو قصدك يعني ماافتهمت منك ... عبدالله ..اني احبج واريدج اليه .. قمر ..بس اني ماعندي هذا الشي ومااحس شي بيك .. عبدالله ..بس انه من اشوفج اشتعل نار قمر ..اني اروح انام انته سوالفك تعبانه وانه مو فاضيه لهيج واني ملتهيه اسولف وجان بحركه سريعه يلف ايدو ع خصري وسحبني عليه وبدا يتماده ويحضن ويبوس وانه كاشه نفسي واريد اصيح بس خفت لا يتبله عليه ..كوه فلتت منو ..ليش هيج اسوي شبيك اتخبلت وخر ... عبدالله ...انه احبج وكتلج اريدج ومااكدر بدونج قمر ...بس اني بعدني اصغيره وماافكر بهيج شي .. عبدالله ...تعجبيني لان ثكيله واخلاقج حلوه وتصرفاتج هادئه حتى الحجي كوه طلعيه وعيونج ذني تدوخ اكبر راس . قمر ..عبدالله يكفي وخر اروح انام لاحد يكعد ويشوفنه وانه ابوي ناطيني ثقته ويخليني اجي عدكم وانتوا كومه ولد ومااريد انزل راس ابوي عبدالله ..انتي مو غريبه انتي بت عمتي وبت خالي هم وانتي عرضي .. قمر ..لو جنت عرضك متصرف هيج ويايه .. عبدالله ..مااكدر من اشوفج ادوخ ...مع العلم كلها هنا تريد اشاره مني ..... قمر ..ههههه شنو عجل روح وزع الاشاير عليهم ....تصبح على خير يا ابو الاشاير😏 رحت تمددت بفراشي بس مااخذت عيني من التفكر ادري بعبدالله واحد سرسري وابو بنات واني مااريد اتورط ويا ...كوه نمت وكعدت الصبح وهو ماخذ اجازه ومگابلني وين مارحت ويتعمد يصخرني ويطخني ويسوي حركات اضوج واتعمد اكعد يم خالي ويضل يغمز وياشر بس اني اغلس وهو يشتعل نار هههه واضحك بداخلي عليه ... بيومها اجت خالتي زياره وكالت ارجع العصر وانه كيفت كتلها اجي وياج ...طبعا سمع عبدالله وتخبل وكال هينه اخذ اجازه واجي لبيتكم وانه اعلمج اشو منو يخلصج مني ... رجعت لبيت اهلي وظليت افكر بي بس خفت منو اخاف يسوي بيه شي ... ومن اضوج اروح يم جديتي واظل عدهم ايام واشتغل وياها بلبستان وقت الفراغ اروح يم الشط واشبع بجي واتخايل خواتي بنفس المكان اظل كاعده والقي شعر لان هوايتي الرسم والشعر ((نضحك ونجامل الناس ونكول مسعد هذا يضحك مشينه بدوربنه ورسم الحلم رسمه صفنه والوكت داري بينه كبرنه وحمل الحزن شايلينه وع ظفتك يانهر رسمنه ... رسمنه الحلم رسمه جنه صغار والدنيا حلوه ولمتنه وضحكنه بدار اهلنه طشرنه الوكت طشار وزرعنه الورد بلدار وذبل ذاك الجنه نشتمه امشي ودمعي تجاري وبيت الجنه يلمنه صبح للغير يا يمه)) ساعات ابقى مكابله النهر واذكر وابجي احس روحي تتشعوط من القهر فقدت خواتي وكدام عيني غركن وماتن منظر يكزبر الجلد ...ابقه اتخايلهن كبالي والما اسمع جديتي تصيح ..واطلع الها وابلش وياها الم المحصول جان البستان شجر رمان وبرتقال ونخل ليمون وكت موسم النخل عمي هو يجزر النخل واحنه وياه .. نكعد من الصبح لليل واحنه انلم التمر الزين بوحد نعزله والمو زين انذبه للغنم وهيج انكظي ايامنا لما انخلص جنت سبعه وي جديتي وماابزع اظل وياها وهي هم تكيف تكلي انتي تشتغلين وبسكوت ... نوبات نسولف اني وياها ونوبات تاخذني الصفنات ...بالليل انخلص وعادي جديتي تصيحني لان يوميه تمدد وتحط راسها ع رجليه وتحب افركلها براسها وشعرها وجان شعر جديتي طويل حيل وابيض بشكل وسرح جنه ماي وتمشطه بمشط خشبي اسنانه عراض تكول هذا ميوكع الشعر مثل ذني الى انتو تمشطون بيهن ...نوبات اغافلها حتى امشط بي وادور عليه وماالكه ...ومن طلعه اكلها وين اضميه ... ام سند ..هذا الى مااخلي احد يدوسه .... قمر ..ماجانت اصيح باسمي نوبات ..تصيحني شعر العريش اسميني ....اكله ليش جده مو عندي اسم ... ام سند ..ادري لان انتي شعرج طويل وثخين بعدد اوراق العريش واضحك عليج لانج متكدرين تمشيطيه من ثخنه ... قمر ..والله صحيح اتعب واني بس اقسمه قسمين بس شسوي ...ياله كومي حتى انكمل المحصول ..جانت بذاك الوكت ايجيبون تنكات الدهن فارغه ونغسلها ونعبي المحصول التمر بيها ..انسمي كبس التمر .هسه هل الوكت يكبسوه بجياس نايلون .. المهم ياخذ عمي التمر يروح يبيعو جان خوش يحصلون فلوس ...وجديتي تشتيرلي ملابس المدرسه جنه تنوره وقميص ..بس هاا ترى مو جديدات .لا مال باله يعني مستخدمه لان محد يكدر ياخذ جديده ... ظليت يم جديتي وفتحت المدارس وصرت ثاني متوسط سنة ١٩٩٨ الصبح اروح مشي جانت بعيده يعني اقل النص ساعه مشي اروح وارجع ومالي دخل باي احد .. وجانوا اهل الديره يسموني المعقده ..لان مااختلط بس اني وصديقتي جيران بيت جدي .من اخلص دراسه وشغل البيت اروح لنهاية البستان مطلع على الشط واصيح ندى الى هي صديقتي .... ندى ..هاي وينج ... قمر ..هياتني موجوده يم شجرة الليمون .. ندى ..هياتي جيتج ... قمر ..دكمزي وتعالي شبيج ... ندى ..مو اخاف تنكسر رجلي انتي اداريني ... قمر ...دولي مخبله اداريج ... ندى ...هاا طاح حظج ارجع اشو ... قمر ..دولي راح تنكسر رجلك من حايط علاته متر ... ندى ....ههههه شنو متر الحايط انتي .. قمر ..ولج عاد تعالي هسه تسمع جديتي وتصيحني .. ندى ..ما الله يموتها وتخلصين كلما تشوفنه سوى تتخبل .. قمر ..شسويلها يريدون بس شغل والبيت وظنه عمي كله براسي واسكته من عمي النكس ...الله اخذ الزين وخل العار النحس . ندى ..شبي وياج هذا ليش حقود عليج ... قمر ..انه ادري يتخبل اذا طلعت من البيت هو انه وين اروح غير هنا اكعد مقابيل الشط اظل اذكر ايام الحزن وابجي الما اتعب واطلع ... ندى ...مكافي وانسي يمعوده صار سنين من ماتن خواتج مانسيتي ... قمر ..مديروحون من بالي ليش جثير اشياء ناسيتها الا هذا الموقف دمرني وخلاني اتسودن .. ندى ..عوفيني هسه تعلمت شغلة الحياكه وبس تعطلين اعلمج عليها .. قمر ..يولي صحيح مشيه عليج كافيه ام ابراهيم ... ندى ..اي سكتي ونطوني اهلي .. قمر ..بس هيه هاي شيعيش وياها كويه ولسانها متبري منها وحاسوده ...جان ابويه يكول متهجم بيت الا كافيه من حسدها وعيونها الي متوكع بلكاع .. ندى ..شسوي غير ابويه وتدرين هاي عادتهم هم الي ينطون واحنه نكون مامورين ... قمر ..بس انتي مالج راي .. ندى ..لا والله انتي تدرين انه منو اريد ... قمر ..هاي مصيبتهم ينطونه عبالك هم راح يتحملون التعب ... ندى ..شنسوي مابيدنه شي .. قمر ..دنسولف ولانه جديتي اصيح .. ندى ...ها جبنه سيرت القط جانه ينط .. قمر ..هههههههه وجع عليج سوالف .. ندى ..مسمعيها شنو تحجي تهددج باخوج عمر .. قمر ...غير لو يسترجي عمر يمد ايدو عليه حتى ابويه يهججو من البيت .. ندى ..صحيح لو تشاقين .. قمر ..اي والله مره بصف الثالث ظربني وابويه جان موجود وتخبل عليه وطردو وحرمو طبت البيت سنه وهو عند جديتي .. وجديتي مكيفه لانه عدها وما سالتو هههه تحسبو جاي هو لحالو وتدرين بي يداوم بلدفاع المدني .. ندى ...عوفيني ... بعدو ابن خالج عبدالله وياج .. قمر ..لا ذكريني هههه كلما يجي على اهلي يلكاني هنا يم جديتي وهو يتخبل من جديتي يكرهها كره ماصاير هههههه ندى ..بس هي هم جديته ام امو مو ؟.. قمر اي ...بس هي متحبهم مثل امي لان اخوه ماخذ بتها واخو امي يعني انتي افتهمي .. ندى ..هي منو تحب حتى تكره متكليلي .. قمر ..هاي عقلها هيج والمحبه بايد الله .. ندى ..يعني ميجي هنا عليج ولا شافج .. قمر ..لا احتمال من اروح بالعطله لان هم سمعتهم باعوا بيتهم مطلوبين ..امر من عدنه وهم ساكنين بلاجارات ... سمعت جديتي وي عمي تكلو هم تهجولوا مثل بيت سند وهم راح يفلاحون ع العالم .. ندى ..هسه اهلج وين كاعدين ... قمر ..عند ابن عمته لابويه ...هذا وكيل وزير النفط وعندو كياعين تعرفيهم ..ترى مو بوك هو مزوج وحده بلخارج وغنيه وماتت وستارثها وابنو تركو لان ميعرف باللهجة العراق لا تعلم انكليزي واخله على اهل امو ...لان تدرين هنا حكم صدام منو يسترجي يبوك غير ع المشنقه اشحدى الي يمد ايدو ... ندى ..اي ندري سولفوا اهلي وسمعتهم عندو بساتين وهو خوش انسان ... قمر ..اي بس اخوانو طماعين ومو خوش .. ندى ..شلون قمر ..من اجه ابويه يشوف جديتي ...اسمعو يكلها اخوانه مجلوبين عبالك يريدون ينهبوني انه مو هو ...يجون يسالوني على الزروع والمحاصيل وهو صاحب المزرع ميسال ههههه ندى ..شبيج اجتج الحاله ليش تضحكين ... قمر .. تذكرين اخو الوسط من لكوه يتحرش بمره وعظوا اذانه وكطعوها ندى ...هههههه ..اي والله هسه هو يطول بشعره ومغطيها بشعره حتى محد يشوفها قمر ..رحم الله والديه للي عظه هههههههه .. ندى ...ليش يولي خلي يولي مو مريح .. يتبع..... | ||||
|
| |
|
09-11-19, 03:28 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #اوتار_الحزن #بارت5 #بقلمي_سارة_المجيد اسعد الله مساءكم احبتي بكل خيير 🌹🌹🌹🌹🌹🌹🌹🌹🌹🌹🌹 طبعا التفاعل جدا ضعيف والله حتى سووا بينه احباط وكسل و واهسنه خرب من تفاعلكم يعني منشور يوصل 2500 مشاهدة والتفاعل بس 60 ليش عجل شكو منطين متابعه للبيج الغوا متابعتكم حتى الواحد مينقهر .....البيج بي 14555 الف متابع والتفاعل عبالك صفحة بيها بس 100 متابع وينكم ليش نايمين متكلولي .... هلكد مانحجي ع التفاعل طكت حوصلتنه لان ولاتقدرون تعبنه ليل ونهار ننشرلكم وانتوا بس اتابعون بصمت تتعاجوزن حتى ادوسون ع اللايك ....بس يخلصن ذني القصص بعد انعلق الصفحة ع جنب لان تعبنه ديروح بالشط 🙄🙄 والمتابعين المتفاعلين فدوة لايدكم ...انتوا حبايبي واعرفكم واحد واحد ولخاطركم دننشر هل قصص اما الاصنام ماحبكم 😒😒 ................................. ندى ..ولج جديتج شعلت ابوي شبيها هاي قابل وين تروحين وهيج اصيح والله لاكوم ارد .. قمر ..ولج صبري هسه اروح .. ندى بصوت عالي ..هلا جده احنه هنا الجده ..هااا يمه هلا بيج عبالي قمر طالعه يم الجيران .. ندى ..ياه هاي شبيها ليش انتي ايمته طلعتي ع احد .. قمر ..هههه ياله خلي انروح هسه تشد عليه واروح اكمل دارستي لان تدريني محد يدرسني ولا احد يدري بيه .. ندى ..انتي شاطره متحتاجين لاحد رغم موت اختج ذيج السنه بس انعفيتي بلاول متوسط بس اريد اسالج بعدج تعرفين الاسئلة كبل متجي .. قمر ..اي والله ندى هذا الشي الى الله نطانياه اعرف شنو راح يجي نوبات انصدم من هذا الشي بس مو بيدي من افتح الكتاب واحد يكلي هذا راح يجي .. ندى ..ادري بيج عجل لو ما انتي شلون نجحت ..بس على حلفانج محد يدري ولا سولفت .. قمر ..اي لا تكولين لاحد لان محد يصدك .. ندى ..زين وزبيدة بعدكم متحجون سرها ... قمر ..لا والله يكول ابويه تكوم الناس تجيها واني مااخلص .. ندى ..بس الكم اجر اني اسولف متقبلين تحجين والله مااحجي لاحد بس كولي شنو سر اختج .. قمر ..راح احجيلج بس بشرط مو تحجين .. ندى ..لا والله لتخافين بس كولي كتلني الفضول .. قمر ..شوفي ..اختي من وكعت على راسها والدكتور دمرها بعلاجو ...ذكرونه انوديها على مقام الامام علي ابن ابي طالب كرم الله وجهو بالنجف وكالوا تخلوها يمه ٣ ايام وترجع مثل ماجانت واحسن .. بس ابويه ماعندو امكانيه ومحد يقبل يداينه لان ماعندو يوفي ونقهرنه لان حتى ماعدنه شي انبيعه وذهب امي باكو .. ندى ..اي خطيه كله تلايمت عليكم .. قمر .. الحمد لله المهم ماكدرنه انوديها ...وذكرونه سيد من محافظه بعيده كالوا كل فتره يجي هنا ..المهم ودوها هو من شافها صلى وسال اهلي جثير وكلهم هاي داخل براسها شخص صالح وهاي تعرف امور محد يعرفها وهسه راح اسالها وجاوبكم وشوفوا ... كام يسال وتجاوب واهلي بس مصدومين ...ومن رجعوا حلفوا ميحجون لاحد ... ندى ..اي وشنو صار .. قمر ..يوم من الاحد تدرين ام احمد من انسجن ابنها .. ندى ..اي مرت فلان .. قمر ..اي مرت من يم بابنه وفاتت تسلم وهم عطشانه وتبجي على ابنها واجت يمها زبيدة وجان تكلها لزبيدة متعرفين ايمته يطلع ابني من السجن ... زبيدة رغم عقلها مو هلكد بس من احد يسال عن شي تجاوب راسا ... ندى ..اي كملي شوقتيني .. قمر ...جاوبتها وكلتلها بفلان يوم يطلع ...اشو من سمعت من زبيدة انصدمت وجان تكلها لامي تكولون مريضه تراهي مابيه شي ...امي سكتت .. المهم كلتلها اذا يطلع الج دشادشه هديه وعلوج اجيبه جثيير .. ندى .. اي قمر ...وجعي غير تخليني اكمل ..المهم امي حلفتها لا تسولفين ابوها مايرضى ...وراها بنفس اليوم مثل ماكالت اختي اله طلع ..بس شنو الى وعدته بي ماجابتو الها ... ندى ..سبحان الله الله ياخذ شي ويعوض باحسن .. قمر ..هاي هيه نحمد الله كومي خلي انروح لان تدرين هسه اشتعلت جديتي راح الكيها تفور .. ندى ..الصغار يموتون والكبار يظلون .. قمر ..استغفر الله ولج الا تحجيني كومي ولي ..رجعت كملت دروسي ورحت وي مرت عمي اساعدها وكمل العشه ورحت اكمل باقي الدروس ونمت .. ثاني يوم نفس الروتين ..الى فد يوم رحت حتى اصيح لصديقتي ندى واشوف رجال غريب ديمشي وهو شافني ويصفن بوجهي وانه ختلت وره الشجره الما راح ...وسمعت ندى تضحك عليه قمر ..وجع شبيج بس تضحكين ضحكيني وياج .. ندى ..مالت عليج شنو تتختلين جنت مسويه شي .. قمر ...لا اطلع اطلع ابوسه مو شمعرفني منو هذا وانتي تدرين اني بعيد عن جنس الرجال .. ندى ...اي ظلي مطفيه ومتعرفين كولشي .. قمر ..احسن خليني هيج ندى ..انتي ماعرفتي منو .. قمر ..غميتها وكتلها ثول اشدراني منو .. ندى ..ولج هذا سراج الى جان يحب اختج الجبيره وجان علاقتهم قويه هو واختج .. قمر بصدمة ..شنو انتي شدتحجين بس امي ما مره سولف وكالت جانت رونق الله يرحمها تحب .. ندى ..مااعرف بس امي سولفت تكول حيل متعلق بيها وهي هم وحتى لسه ماتزوج من ماتت ..وحت امي تكول انتي تنطين شبه حيل لاختج الجبيره وتكول يمكن يجي يوم ويشوف التشابه وينصدم .. قمر ..اخذتني صفنه وفكري راح طويل وماحسيت الا ع حركة ندى ....شبيج وين صفنتي ...كتلها ..مو اكول شبي هذا صافن بوجهي ومينزل عينو من عليه .. بس من اروح لاهلي اسال امي .. ندى ..هاي هيه يمسعد هذا من حط عينو عليج قفلها عليج بعد لو تنكلب الدنيا ياخذج ياخذج .. قمر .. شنوو ولج كل عقلج هذا جبير عليه فرق ٢٢ سنه لو ٢٠ سنه .. ندى .. واذا شنو يعني مو اخو خطبني وفرق ١٥ سنه .. قمر ..والله احنه حظنه مايل حيل والله راح يذبنه عد كافيه ام عيون الحسودة .. ندى ..اي والله ..اكلج ايمته تروحين لاهلج .. قمر ..باجر ان شاء الله لان خلصت وراح اخويه يجب النتيجه ابويه يريدني يكول امج مريضه ومابيها وانتي تدرين عمر خطب ومارحت حتى اشوف خطيبتو .. ندى ..ليش يولي .. قمر ..لان جديتي تكول سالوا ابوج اذا عندو بنيه وكلهم ماعندي .. ندى ..يا ليش هيج تبرا منج هههه .. قمر ..وزهر على كلبج ..اني اعرف ابويه زين واعرف ليش هيج كال يدري بيه بعدني اصغيره ومدللني ويحبني ومينطيني .. ندى ..اي ناطيج ع حريتج لان واثق بيج .. قمر ..طبعا الثقه من ينطوها للبنات لازم ترفع روسهم وتخاف على سمعتهم وانه من صرت مالي دخل باحد وانتي تدرين بس وياج وي بنت خالتي ماعندي سوالف زايده ناقصه سوالف الديره الي هنا .. ندى ..تدرين ياغفيانه شلون صارت سالفه جبيره وعريضه .. قمر ..ليش شنو صاير ... ندى ..مو بنت خالة رجلي تحب سراج .. قمر ..اي مابيها شي ابن عمتها مو عيب .. ندى .. اي بس امه تكرهم ومتريدهم ومن سمعت تخبلت ... قمر .. شلون سمعت .. ندى ...هي تحبو حيل بحيث تروح لغرفته وتكعد ساعات وانتي تدرين رجال مامزوج وكاتله الجفاف .. قمر ...وجع عوفيني من هيج سوالف ... ندى ...مطفيه مااعتب عليج اذا تكولين المره تحبل من بطنه ههههه .. قمر ..عجل منين يولي مو امي جابت اخوي وشكم بطن .. ندى ..اهم مداج يغمه يا ثوله .. قمر ..تسكتين لو اعوفج ... ندى ..لا يمعود باجر تودعيني وبعد طولين ياله .. قمر ..كملي سوالف بعيد عن التعبانه .. ندى ..هي معترفه تكوله احبك وانت اليه وخلي عمتي تجي تمشي عليه .. راحت امه وطلبت ايدها وام البنيه تخبلت تكلهم لو اكطعها ماانطيه لكافيه .. قمر ...ههههه ورده متلام .. ندى ..ولج خوفتيني بعد ماصرت عندها .. قمر ..ع اساس متعرفيها حتى اخوفج ..اي وبعد .. ندى ...اجه عليها ابن عمها وطلبها ..وابوها وامها وافقوا ..والمصيبه يدري بيها تحب ابن خالتها .بس هو يريدها .. قمر ...وهي قبلت .. ندى ..لا تخبلت وملخت نفسها وامها وابوها كتلوها كتله تسوا عمرها .. قمر ..زين وسراج شنو يكول .. ندى ...هو مشه عليها ماجذب وياهم وابوه كلو اصبر ٦ اشهر اطلكها من ابن اخويه وانطيها الك ومن سمع سراج كله اني مو الي الفضاله حتى هيج تكلي وراها طلع تعيينه خارج المحافظة وراح يروح حتى سكن يسكن هناك لان ينطوه بيت .. قمر ..خطيه هو ليش هيج يعوف اهله وهو الجبير وابوه اخرس وحالتهم تعبانه .. ندى ..بس الوظيفه والبيت اهم .. قمر ..والله ماادري ..الله كريم اروح اجهز ملابس لباجر وعود من ارجع كمليلي الاخبار ياله مع السلامه .. ندى ..لا طولين مع السلامه .. قمر ...ثاني يوم رحت لاهلي كاعدين عد كرابت ابويه فلاليح وعمي تعبانه وابويه رجع عليه وجع الراس وشكل عند عرك النسى هيج يسموه مااعرفه ... واني بديت وياهم شغل واصوم بلنهار وحاره ..نزرع ونحش للهوش والغنم ومربين ارانب .. وامي تحلب وتبيع للمحلات . وخويه يوسف صار عمره سنتين ومرة امي كالت ديري بالج عليه ... اني تركته بحوض مال مي نسيت غميج ورحت حتى اخلي الحشيش للهوش ..ولاني اخويه عمر يصرخ ويصيح وابويه اجه يركض .. اثار يوسف مخنوك وميتنفس والدي اجه مدده بلكاع وسواله تنفس اصطناعي وردت روحو وكام يتنفس واني من الخوف بس ادموعي اصب واخذني الرجيف واخويه عمر استلمني رزايل ... وطبيت بالغرفه بس ابجي وجه وراي كتلني بحيث خلني متكسره ضليت ٦ ايام واني بلفراش ونزلت عليه الدوره الشهريه اول مره ..وشفتها وتخبلت ومااكدر احجي لان مابيه حيل اتحرك وشكل عندي صداع نصفي .. وره كم يوم تحسنت وصرت زينه واني هوايتي ارسم اطلع الاقلام ودفتر الرسم منو يخطر ع بالي ارسمو ..واسمع تكول بيت خالج رعد اجوا هنا لكوا بيت وسكنوا .. اني سمعت يبووو شلون اخلصها وياه بعدني صافنه واسمع صوت عبدالله يسلم على امي ويبوس بيها واني مصدومه وين اروح منو ... اجه طب وشافني ارسم وشاف ماكو احد بس اني واستغل الوضع ... عبدالله ..هاي ياعيوني قمر ..لا هلا شنو تريد .. عبدالله ..على اساس متدرين .. قمر ..انته واحد سرسري وتفكريك منحرف عبدالله يتقرب منها ويلعب بشواربو ويكلها ..غير من اشوفج انحرف .. قمر .. دروح ابو الاشاير عوفني الله يخلك جذب لا تجذب عليه واني اعرف انته تحب وحده غيري وتحبك .. عبدالله ..ها جذب منيلج هذا الحجي والى وصله يريد يخرب بيناتنه .. قمر ...شنو لا بالله عيد شنو كلت ..ليش شنو بيناتنه احترم نفسك واطلع بره .. عبدالله ..شو تعاي .. قمر ..سحبني بحركة سريعه وحضني وحصرني بقبضة ايدو اتخبلت كتلو عوفني هس يجون ويشوفوك عفيه هدني بدا يحضن ويبوس بشراهه ويسوي حركات واني مااكدر عليه كوه افك نفسي منو .. عبدالله ..هاا شلوني .. قمر ..واحد ادبسسزز ومتستحي شنو انته متكول هاي بنت خالي وعمتي عيب عليك .. عبدالله ..اوف شنو هل الجمال ايباااااه .. قمر ..ولي اكوم اطلع شايف نفسك شوفه .. عبدالله ..ليش انه شبيه اشو جمال وعيوني ملونه واشكر وضابط لو بس اعرف ليش انتي متحبيني والله خبلتيني .. قمر ..عبد اني الى شفته بحياتي مو قليل وتفكيري مو بهيج سوالف اريد مستقبل اليه اريد اكمل دراسه وحقق حلمي .. عبدالله ..صدكي خالي مايخليج تكملين لاني سمعتو يكول بعد متدرس ... قمر ..لا باله الله عليك صحيح .. عبدالله ..اي والله وانتي تدري بابوج من يحجي كلمه بعد اكبر راس ميقنعو .. قمر ..من سمعت سودت الدنيا بعيني عجل ودراستي وتعبي وين راح .. عبدالله ..يكول مادام تعرف تكتب وتقرا هاي هيه .. قمر ..عبدالله عوفني لوحدي واطلع .. عبدالله ..بوسه واطلع من هل خدود الثلج .. قمر ..اطلع لو الم عليك اهلي .. عبدالله .لا يابه اطلع احسن .. قمر ..طلع عبدالله واني بيت ابجي ولوم بحالي لو ادري ظاله يم جديتي ضاعت احلامي كلها وين اروح هسه بس التعب والقهر والمصايب من اني اصغيره الما كبرت وياريت ميته وي خواتي جان مرتاحه مثلهن مو هنه مرتاحات هسه ... ظليت بالغرفه لما تعبت ونمت واحس احد يمي ويسوي حركات يلمس بجسمي وانه عبالي حلم .. بس صارت جريئه تماده اكثر فزيت واشوف عبدالله يمي وعيونه ماادري شلونها وصار فد مره هنا ادفع وميفيد بي وكمت ابجي وخر عفيه كوم هسه يجون اهلي ويشوفك .. عبدالله ...من اشوفج اضعف احسج ملكي اليه .. قمر ..جان يحضن بيه واني ادفع بي وابجي وكوه خلصت نفسي رحت للحمام قفلت الباب وهو لحكني وظل يضرب ع الباب عبدالله ..دفعتني وفلتت من ايدي وركضت طبت بالحمام اتخبلت ركضت وراها ظليت ادك بالباب كتلها بصوت ناصي قمر حبيبي افتحي الباب مااسوي شي بعد بس اشوفج والله بعد ماليه شغل بيج وبعد مااجبرج بس طلعي راح اروح للدوام بس اشوفج والله .. قمر ..جنت ارجف مثل السعفه من الخوف كتلو انته منحرف روح مااريد اشوفك ..وظل يتوسل بس اني قافله الما راح وطلعت وظليت فتره مااطلع للبستان .. واجت امي تكول عبدالله خطب ...من سمعت انقهرت كلت كل حبه جذب مجرد يريدني نزوه حسباله مثل بعض البنات الي ينطن مجال ويستسلمن راسا ...خلي اشيله من تفكيري والتهي اشتغل وانسى .. مرت الايام نفس الشي ..وبيوم مرت عمي الشهيد وكالت البنات يريدوج هناك يمي بالبيت ... اني كيفت وابويه قبل ورحت وياهم اول مره اروح يمهم من استشهد عمي ماطبينالهم .. وصلنه وطبيت البيت يخبل وحلو ع كدهم وبدينه اني والبنات انظف البيت ونطلع للسوك ونتونس ..واجت مرت عمي كالت معزومين يم اهلها ورحنه كلنا ومسوين كباب ومقبلات واشكال وحطوا واني نباتيه مااكل لا لحوم ولا اسماك بس انجبرت وكلت شوي وكمت ولاني الكه شاب اسمر عيونه كبار جنه المطرب مهند محسن اسمو فهد ... اني استحيت وطبيت اركض واشوف البنات يضحكن يكلولي هذا خالنه فهد الى كاعد ويانه ... كتلهم اني صار كم يوم عدكم ماشفته ...كالت مو تخرج والتهه بلحفله واصداقائه وما اجه لليوم ... المهم رجعنه من العزيمه واني تعلمت الحياكه وبديت احوك الهم كوشات ومخاد ..وفهد مااحتك بيه ابد وكم مره راد بس انظر لوجهو واحجي وياه وماكو .. مره اندك الباب وماكو احد بس اني ومرت عمي كالت روحي افتحي الباب ومن وره سالت منو محد يجاوب خير مابيه فتحته .. ولاني فهد بوجهي يضحك يكلي مو بزعتيني بس اريد نظره كلمه ماكو ... صرت طماطيه خدود اريد بس اتحرك ماكو ومرت عمي خربانه من الضحك وفتت اركض ..اسمعو يكلها متكليلي هاي شبيها متشوفني شبيه اني مو حلو .. قمر ..كمت اضحك واكول وينه وين عبدالله فرق جبير من السماء للكاع ...كمت من اشوفو ارتاح واسولف بس قليل وهو بس يصفن بوجهي وانه اخجل منو ...ظليت ١٥ يوم ورجعت لاهلي وظل هو بالي ... من رجعت كالت امي عبدالله اتزوج وجه هنا راح يسكن يمنه لان متوالمت مرتو ويا عيالها وراح يجيبها هنا .. قمر ..بس يمه هنا ماعدنه مكان وتدرين بيه اني مااحب احد يشاركني بشي .. امي ...ع كيفج هو بغرفتنه واني وابوج انام بلصاله وانتي واخوتج بلديوانيه .. قمر ..اهو هو اني مااخلص وين مااروح وياي وره ساعه اجه جايب مرتو وجنط وطب سلم وامي استقبلتو وهو شافني بس يدحك واني اعرف نظرتو مو لله .. عبدالله ..هاقموره شلونج اخبارج وين جنتي هل الغيبه .. قمر ..ياهلا ومرحبا كلت الا اغثه ..هازوجتك مبارك عيوني تتهنين بحياتج ..بيني وبين نفسي طاح حظك هاي هم وحد تحبها ...ههه ياله الطيور ع اشكالها تقع ... واني احجي وسمعني وتخبل كال بسيطه ... كتلو بسيطين تشوف شنو اسوي ... فاتوا بلغرفه واني رحت اتمشى بلبستان لان احس براحه واكعد تحت ظل الشجر واسمع صوت من وراي ... عبدالله ..اخاف عبالج ازوجت لو تموتين مااعوفج قمر ..شلون يعني انتحر واخلص منك حرام عليك هذيج مرتك وروح الها .. عبدالله ..بس مرتي تدري بيه اريدج .. قمر ..شنو شلون تكلها بس اني مااريدك كوه ... عبدالله ..هذا عنادج هو الي مخليني مااشوف غيرج .. قمر ..هههه عجل شلون شفت زوجتك وحبيتها واخذتها .. عبدالله ..هاي نزوه استمتع وياها مو حبا بيها .. قمر ..تعوفني وتروح لو اصيح وخلي العالم تجي عليك .. عبدالله ..هو انتي من تطبك خبالتج كلها تهنزم منج اروح احسن .. قمر ..خفتاً وراحه وبعد مامكمله وباسني من حلكي وضربته راشدي ...التفت عليه وضحك وراح . ورطه باله شيخلصها هاي الايام وياه اروح يم بيت جديتي احسن واخلص منو ... وصلت البيت ولانه اخويه عمر يصيحني ...قمر قمر ...ها عمر تريد شي عمر ..اي اريد تودين هاي الملابس لخطيبتي خله تشوفها .. قمر ..ليش متروح انته عمر ..ابوها ميقبل يمعوده قمر .بس ابويه هم ميقبل عمر ..ميدري روحي واذا سال اكلو بالبستان . قمر ..هسه بس ابدل واروح اخذ وياي اخوي عامر لان مااندلهم .. عمر ..اي عامر يعرفهم قمر ..بدلت ورحت دكيت الباب وطلعت وحده جنها مياده الحناوي وتعجبت بيها وكيفت هيج اخويه ماخذها ...سلمت عليها ..وكتلها هاي اخويه عمر يكول خلي تقيسهن ... ردت عليه وكالت بس مو اني الى خاطبها هاي اختي الجبيره ههههه كتلها ها اعتذر عبالي انتي ..سألتني ليش انتي منيه ...كتلها اني اخت عمر الوحيده ...اشو صفنت عليه وكالت ماشاء الله تخبلين كتلها انتي الاحلى ممكن اصيحين اختج ... لا طبي جوه هي تقيسها وتكلج ... قمر ..طبيت الغرفه وسلمت ع امها وخطيبة اخويه وشفتها وانصدمت وبعد مااعرف لا اسلم ولا احجي .... بيني وبين نفسي حجيت على اهلي وماخليت ليش عايفين الجمال وماخذيلي هاي جنه استغفر الله هاي خلقة الله ..بس ارجع ادردم بكلبي هيه هاي خلقه شنو قحط بنات ... المهم نطيتها الملابس وردت اكوم وحلفوا مااطلع ظلي الما تقيسها وتشوفها كتلها ماشي ..وامها تكلي بس سالنه امج يكول ماعدنه بنيه ... كتلها اي صحيح لان اني عايشه عد جديتي وحجيها صحيح ..ولاني طب ابو البنيه وهم بس يصفن عبالك ماشايفين وسال بته وعرف اني اخت عمر وظاج وطلع ... خلصت قياس وسلمت وطلعت ..واني امشي بدون وعي الما وصلت البيت وعمر طالع ..وكمت احجي وي امي وكتلها شنو عيونج وينهن ماشفتيها شكلها اكبر من عمرها ... امي ..يمه اني بيدي هذا ابوج ونجبرت وسكتت ... قمر .. هذا ابويه لو الله ياخذه احسن شنو حياتنه بس ضيم بهظم ... امي ..ولج ليروح يسمع يكسرج اسكتي وطبي .. قمر ..هو اني دووم ساكته اروح للبساتين احسن المدرسه وحرمنه منها ظل شنو بعد الله اليستر .. رحت شفت ابويه وطلبت ارجع لبيت جديتي رفض كال زياره روحي بس ع طول ماكو ... قبلت ورحت ع بيت جديتي جنت مخنوكه بس اريد احد احجيلو نزلت لبستان وكعدت يم الشط ظليت نصف ساعه صافنه الما تعبت وطلعت وشافتني صديقتي واجت تحضني وتواسي بيه ندى ..يولي يابذاته عفتيني اشهر وماتسالين ... قمر ..والله ياندى الضروف والتعب وحياتنه الى بيه اشكال .. ندى ..شلونج انتي .. قمر ..تراني لا تغير .. ندى ..انتظرج وره الظهر بمكانه المعروف .. قمر ..خوش اخلص واصوفرلج .. ندى ..ولج بطلي الصفير كلما يسمعوها يسبوج يحسبون ولد يصوفر قمر ...ههههه متكليلهم اني شسويلج ماكو غيري .. ندى ..ارمي حجار على الشباك واطلع .. قمر ..خوش عجل ياله باي رجعت كملت الغده وي مرت عمي وجلفت المواعين ونيمت الجهال وجديتي نامت ورحت بلبستان وسويت مثل ماكالت وطلعت .. ندى ..اي جيتج .. قمر ..ياله هسه اياذن وتكعد جديتي ... ندى ..مال حبايه منوم .. قمر ..انطيها الج بليلة عرسج تعالي وجع شعندي غيرها اذا ماتت وين اولي ندى ...ههههههه عوفينه منها شلونج انتي شخبارج قمر ..وي وضع اهلي شلوني جني غريبه بوسطهم .. ندى ..ليش ولج قمر ..كولشي تغير عوفج مني شنو صار ماصار صارلج ٣ سنوات من مخطبوه ايمته ياخذوج ندى ..هم كاتلهم الفكر منيلهم حتى يزوجون ابنهم خلي اسولفلج ...من رحتي سراج اجه وسال عليج يكول مني هاي .. قمر ..ليش شيريد مني حتى يسال عني .. ندى ..ماسولفتلج امج قمر ..بلي سولفت مختصر ..انو جان هو يحبها وهيه هم .. ومن ماتوا جاي ع امي وشايفني انطي شبه من رونق ويكلها هاي نصيبي من تكبر مااعوفها ومااخذ غيرها ... ندى ...اي هو من سالني وكتلو كال دورت عليهم من شالوا وكلمن مااسال عليهم يكللولي ماادري بيهم ... قمر ..وين قابل يدور متر انه ... ندى ...هو حط باله بعد هاي هيه .. قمر ..متكليلي هو انه شنو شفت انوب ازوج واحد عمره بل ٣٤ سنه اني راح اطب بل١٥ سنه فرك كبير ندى ..القسمه متعرف ..المهم والي جانت تريده ازوجت وهسه حامل وزعلانه عد اهلها .. قمر ..شبساع زعلت .. ندى ..مو مطلعين عليها حجي يكولون هذا الطفل مو من زوجج من سراج قمر ..عززززة ربي دخيلك هو الرجال صار اشهر مو طاب هنا من كبل ماازوجت منيلهم هيج حجي ..ميخافون من الله وعدهم بنات ندى ..اي والله لا طب من كبل ماازوجت بشهر سافر قمر ..اويلي وين مااروح غثه ... ندى ..اي وانتي بعد ابن خالج ... قمر ..ادعيلي يروح من عدنه لان تعبت منو من سوالفه واجيت هنا كم يوم وارجع لان مشاكل ابو ولد عمته من تدخلهم بشغله واحتمال راح انشيل خارج المحافظه ... ندى ..شنو وشلون نتشاوف بعد ... وللحكاية بقية يتبع ... | ||||
|
| |
|
09-11-19, 03:30 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #اوتار_الحزن #بارت6 #بقلمي_سارة_المجيد مساءكم هيل وزعفران حبايبي 🌼🌼🌼🌼🌼🌼🌼🌼🌼🌼🌼 قمر ...حتى اهل خطيبة اخويه من شافوني وهم شادين وابويه كتلني لان رايحه عليهم ويكول انتي طلعتيني جذاب وهسه يريدوني لابنهم واني رافضه مااقبل .. ندى ..هذا ابوج شبيه تخبل اكو اب ينكر عندو ابنيه ... قمر ..ياريت بس هاي جان ميمد ايدو عليه ومن احد يضربني يتخبل ..هسه متغير ويريد بس يجيني نصيب ويقبل .. ندى ..تعالي عيشي يم جديتي .. قمر ..وامي شلون مو تدرين مريضه وسكر وضغط وتعبانه واحنه بس نشتغل .. ندى ..الله يعينكم مصايبكم جثييره .. قمر ..الحمدلله ع كل حال ..اروح عود اشوفج بعدين ..رجعت وجديتي تلكتني رزايل وبعد تعوفين هاي ندى ومالج بيها شغل يبووو سطرتني سطر .. ومرت الايام واتحدد عرس اخوي وابوي عزم كل الناس ع عرس اخويه وصار العرس يخبل احلى عرس بالديره وابوي ذبح جثيير ذبايح وعزم كل ربعو .. يبوو يجي ٢٠٠ ازلمه بس ربع وكت الاكل يجون الا حتى ميسألون وين الدهر ذب ابويه .. المهم مشت الايام .. ابويه كال راح انشيل لغير قضاء ...رجعنه لمينه الغراض وعبدالله اخذ مرتو وراح اجر يم اهلو وخلصت منو ..وسكن بيت بعيد عن بساتين جديتي الطريق ساعه بالسياره ياله عدها نوصل .. مالكينه بيت وانجبرنه نكعد وي خالي فتره الما انشوف بيت .بس مرت خالي متحملت وكامت تزرع حقد بمرت اخويه علينه وعليه تريد تخلص مني لان سمعت خالتي تريدني لابنها وهي جانت تريدو لبنتها اسمع واغلس .، لما ابوي كال لكيت بيت وشلنه عليه وتعرفت امي ع الجوارين وكام يجونه ويرحون وصارت علاقتنه قويه امي والجيران وجانت عدهم ابنيه هم صارت صديقتي وحجت قصتها تحب واحد مزوج واهلها رافضيه واني هم وي اهلها كتلها صعب تاخذين رجال من مرتو .. بس هي قافله ...وره كم يوم امه اجت تتطلبني لابنها واني رفضت كتلها ماازوج هسه ... وسمعت مرت اخويه وتخبلت وسوت مشكله جبيره وعافت البيت وطلعت وبعد متقبل ترجع حتى ابنها عمرو شهر تركته وراحت ... لان تريدني واني ارفض ..المهم اجه اخويه وكال لامي اني مااكدر بدون مرتي وابني راح اطلع بيت وحدي ... هنا امي دكت ولطمت الما تعبت سند ..اسمع ولك اذا طلعت لا اعرفك ولا تعرفني ومرتك اياني وياك اطب البيت الما اموت مااريد اشوفها ... قمر ..للاسف اخويه سمع كلام مرتو وعافنه واحنه بامس الظروف واختار مرتو واتخلى عنه ... ومر من المرات اندك الباب وجان محد اكو بس اني طلعت لاني زلم على ابويه وهم شافني وسالني انتي منيه اني اجي واكل واشرب ومااشوفج ... كتلو اني بنت الى جاي عليه ... الرجل ..عنده هيج كمر وماادري .. قمر ..نترت بوجها كتلو ابوي مو هنا وطبكت الباب بوجهو ربي شهل مصايب الى يشوفني يشوف الجمال ميشوف الاخلاق ... صاحب البيت باعه وانجبرنه نطلع.. ابويه لكه حراسه بحقول مال دجاج والريحه تكتل ..اني وامي نظفنه المكان وعزلنه وسفطنه الغراض وطلعت دااغسل بلفرش وهم نفس الرجال الي نترت بوجهو اجه سلم الرجل ..وين ابوج قمر ..مو هنا دليتو وين وراح مااعرف شنو يريد ..المهم صاحت امي اكو ماطور حيل ثكيل وجبير ..دنشيلو وامي ماسيطرت وكع على رجلي وكفع اظفر رجلي الجبير وكمت اصيح واجه رجال جان يشتغل بالحقل يركض وشافني تخبل حار شنوي يسويلي بس يهدي بيه واني شايخه روحي وامي جابتلي تعقيم وشاش .. واني الوب من الوجع والنهار كله بس ابجي ورم واتذكرت جديتي تذبر الورم بابره رحت جبت ابره وجكيت الورم ولني دم اسود وارتاحيت ونمت من كثر مابجيت والصبح صبحت صوتي ومااكدر احجي ظليت يوم وتحسنت .. وبيومها طبكت سياره وبيها زلم جثير واني من شفتهم طبيت وابوي طببهم وماادري شنو ظلوا فوك الساعتين ... واشوف اخوي عامر اجه عليه يكلي ابويه يكول اجوج خطابه خلي تجي تشوفو وهو شافج ويريدج ... كتلو منو هذا وشنو عنده وايمته شافني .. عامر ..هو مزوج ومرته متخلف وغني وكال يسجل بيت باسمج و٧ ملايين وبيت لابويه وانتي ذهب وفلوس ويغركج .. قمر ..اي وبعد ابويه شنو كلو .. عامر ..كالو موافق وماعليك بنتي اخذ الجواب مني مو منها بس الرجال كالو اني مراح ازوجك انته اني اريد جواب البنيه بنفسها . قمر ...روح كلو البنيه رافضه ومتقبل .. عامر ..عفيه عليج اخيتي انتهى انتي لابن خالي مو لغيرو .. قمر ..تروح منا لا اسبك واسب حتى ابن خالك .. راح عامر ورجع الجواب واسمع الرجال يكلهم اني انرفض بسيطه اذا مو اجيب مره بيومين .. خايب دطير جاي تغرينه بفلوسك وراها تعيرني انه اشتريتج ... كاعده ولاني ابويه جاي عليه ورزلني وانتي كسرتي كلمتي وبس يجي شخص او اكبر منج ب٢٠ سنه انطيج وخلي اشوف ذاك الساع تفكين حلكج ... وعامر تخبل لان ابن خالي اخو عبدالله هم طلع يحبني ويريدني وكاتل نفسو وهو يشبه الفنات التركي الى مثل دور مهند نفس الشكل .. واجه عامر وكلي هو يريدج ..وهيانه هو وياي كتلو روح اطلع بره ...اني صفنت شلون اخذو وخو عبدالله يريديني وين صايره هاي ... وهو حلو مابي قصور بس شلون ...راح عامر وامي مشت ع جديتي وابويه طالع وماكو احد وكاعده اني واختي زبيدة ولاني اندكت الباب وفتحت والكي ابن خالي جاي ومن شاف ماكو احد حضني ويبوس بيه واني مصدومه ودفعتو كتلو شبيك مخبل .. سامر ..السلام عليكم اسمي سامر مواليد ١٩٧٨ اشكر وعيوني ملونه وشعري طويل وحلو واحب بنت عمتي قمر بس هي متدري بيه من جانت اصغيره حلوة وعناديه ونعزاليه ومن تضحك تاخذ روحي وبيوم اجه عامر اخوها واحنه صداقه حيل ويدري بيه اريد قمر وهو وياي وكلي اجت مشايه لقمر ورفضتو هنا اشتعلت نار واجيت اشوفها وكتلو روح انته وخليني احجي وياها بلكي اقنعها وتقبل ... سامر ..غير مخبل بيج .. قمر ..شنو تريد .. سامر ..اريدج انتي وياوليج اذا ابوج نطاج اكسر ظهرج اتكسر واجي واذبحكم بليله ظلمه قمر ..صافنه عليه اول مره اتمعن بيه وفزيت من حجه سامر ..ادري انه حلو لتصفنين 😏 قمر ..مغرور واني مااريد احد منكم واتمنى تعتقني لوجه الله ..غير لو وبعدنه دنحجي واسمع ابويه ..وراح سامر يسلم على ابويه ولاني امي وياها رجال اذكرو اني شايفتو بس وين وين 🤔 الما طبيت الغرفه وحتى اكمل الحياكه ولاني طب علي ويسلم واني وكفت شلون مااعرف لان جفلت ومامتعلمه اقابل احد غريب ... ومد ايدو يسلم واني تعذرت كتلو مااخذ ايد احد سراج ..ماعرفتيني قمر ..لا سراج ..اني سراج الي مره شفتيني وختلتي وره الشجر ههههه .. قمر ..هنا اني خجلت خلاني بموقف صعب وكال انتي مخطوبه ..جاوبه عامر كلو اي مخطوبه .... سراج ..ماسالتك انته سالتها هيه .. قمر .. لا ولا اريد انخطب .. سراج رفع تك حاجبو وكال .. اخذج اخذج قمر ..حجه هل حجاية وطلع وظليت بمكاني بدون حركه ...كلت هذا شلون جريء كدام امي هيج يحجي ... راح هو ..واجيت على امي سالتها ...يمه هذا وين لكيتي واجه وياج .... امي ..يمه انه جنت اريد ائجر تكسي واجي لان هو كال سالني انتي ام عمر كتلو اي هلا بيك انت مو سراج كال اي وتسالمنه وحلف عليه التكسي وجيت وياه ... قمر ..زين هو شعندو جاي هنا .. امي ..والله يمه هو مزوج صار شهرين ومامتوالمين هو ومرتو وجاي مقدم طلاق حتى يطلكها . قمر ..وانتي ماجبتيه الا هنا ... امي ..شسوي هو حلف الا للبيت ... قمر ..اي يمه هاي هيه وصلت والله اليستر ... رجعت واريد ايدي تاخذ شغل ماكو وخفت لا يسويها صحيح واني وين وهو وين لجان هسه بنته بكدي شلون ورطه وهذا ابوي حلف الا انطيج وين اروح حتى طلعه بعد ماكو ... اجه ابويه وكتلو اريد ازور بيت خالتي ..وقنعتو امي وكوه قبل وهو وصلني لباب البيت وخالتي وبناتها يكيفون من اروحلهم ... وجان يريدوني لاخووهم اسمو فهد ...اذكرت فهد اخو مرة عمي اذا تتذكروا خطية من رجعت منهم هو رايح لبغداد ومدعوم وميت هو واخته جانت صدمه اليه وظل بالي شلون جان يتمنى بس كلمه مني او نظره بس الحياة كصيره حيل الى نحبهم بساع يفاركونه ... اقضي حياة حلووة عند بيت خالتي وارتاح لان ولدهم مؤدبين وترباتهم زينه يصلون وماعدهم نظره مو خوش وخالتي ربتهم وتعبت عليهم لانهم ايتام والدهم استشهد بحرب ايران وتركهم صغار وخالتي ماازوجت ظلت عليهم الماكبرتهم ...عدها ٣ بنات الوسط ازوجت بقت بس الكبيره والصغير ... الكبير صار عدها مرض بالجلد وتحول جلد جسمها بقع وصار لونه ابيض واسمر يسمونه بهاق وماخلت خالتي بيها وماراح وانتشر بكل جسمها ..ورفضت كل رجال خافت يعايرها بمرضها او مطول وتطلك ..المهم وعدها البنت الصغير دلوعة اخوانها وامها مدلله بشكل وارقه اللبس والذهب وحالتهم زينه بيت خالتي .. اظل ايام يومهم وارجع لاهلي وترجع نفس المعاناه شغل وتعب وظيم وابوي وامي مشاكل حيل كامت اتصير واحنه انظوج ونطلع بره البيت ... واخوي عمر صار عندو بنيه والو سنتين مااجه وشافنه بس امي من تروح على جديتي يروح يشوفها بس ابوي حالف وميكدر يجي ... الصبح كعدنه واسمع امي تتوسل بابويه حتى عمر يجي وكلها خلي يجي بس مااشوفه ... وره الساعه اجي اخويه وسلم علينه بس اني مو هلكد وياه من بعيد سلمت لان مرتو عذبتني وشبعت كتل من اخويه بسببها حتى على فل الشعر تتخبل مني ... فما انسى ابد المعانا الى شفتها منه وهسه جاي بكل برود ولا كانو شي صاير اجه وجايب ابنه ويا ونطتنياه امي وطلب من امي اروح وياهم حتى اساعدهم ... ردت ارفض بس امي كالت روحي وديه يم جديتو .. سكتت ...وثاني يوم رحت وياه وصلنه البيت ودك الباب ومالكه مرته كال راح اخذ ابني واروح هي يم اهله .. وانتي ظلي هنا الما ارجع ....راح اخويه واني ظليت وحدي لما صار الظهر وهي ماجت ولا هو وصار العصر واني بره واكفه يمكن نساني لا غده ولا احد اجه ومر وسال عني ... وصار اليل واجه كال تعالي وياي على اهلها ...انجبرت اروح وعرفتها ماقبلت ترجع لان اني موجوده ومشيت وياه لاغده ولا عشه وطبيت عليهم واستقبلوني وامها خوش مره طبعها حلو وفقيرة ... بس مرت اخوي ولا طلعت ولا سلمت يمكن بلساعه ياله اجت بس من بعيد سلمت وكعدت واني خنكتني العبره ليش هيج لمتها لامي ع المذله الى شفتها من جيت لسه واني كاعده مذلوله ريتني متت ولا الى شفته اليوم .. فزيت عل صوت اخويه يكول ياله حتى نرجع ...وكمنه رجعنه وما تعشيت لان بعد مااشتهي الاكل ممروده ودموعي تصب ع المخده ياله بس يجي الصبح حتى اروح ع جديتي ... ماطلع الصبح اذا مو منتهيه وكعدت وكتله لاخويه وصلني كال العصر عندي شغل ...وهنا تخبلت بس اريد اروح .... رجع الظهر واني بره البيت ماطبيت لظهر الما رجع اخويه وصبم الغده واكلت شوي ..وراها رحت ع جديتي وسلمت عليها .. وشافت عيوني مورمه جدة ..شبيج قمر ..مابيه شي هاي فركت عيوني زايد وهيج صبحت ... مااكدر احجي لجديتي ع سوايت مرت عمر ..لان هي تحبهم وماتنطي بيهم عدها استعداد تنطي بابنها ولا بعمر طايره بيهم بشكل تحبهم ... صارت الساعه بل٣ واشتاكيت لصديقتي الى هيه الوحيد الي ارتاح من احجي وياها وسرها وسري محد يدري باسرارنه .. ضربت احجاره وسمعت وطلعت تركض تحضن بيه صار سنه ماتشاوفنه وكمنه نبجي .. ندى ..ليش هيج طولتي كل النهار اطلع واسال جديتج عنج تكول مااعرف وين هم ساكنين ولا ادري وين .. قمر ..وين ترانى هل الدنيا العوجه وين يعني ندى ...شبيج مخنوكه ومتعرفين تحجين صاير شي . قمر ..مصاير شي خليني هيج لو الله يحبني لجان اخذني وي خواتي .. ندى ..اسم الله وجع ليش هيج تحجين .. قمر ..عوفج مني سولفيلي اخبارج شنو صار ماصار .. ندى ..ماكو شي اني كطعت محكمه وسولي حفله بس العرس الله اعلم تزوجين انتي وتخلفين واني بعدني قمر ...ههههه تريدين تخلصين مني .. ندى ..لا والله ياريت بيت واحد اني وياج .. قمر ...اويلي تريدين ازوج من بيت كافيه هاي داهيه مااشوف ولا راح بكل عمري مثلها ندى ..شنسوي هذا حظنه الله راح يبلينه بيهم بلوه . قمر ..بس ليش من حجيج خليتيني وياج احس اكو شي تعرفيه ومتحجين ندى ..لا يولي ليش اني اظم شي عليج ..بس سراج ماخله واحد ماسالو عليكم ..وبزع خير مابيه ازوج وطلعت زوجتو وسخه واتظل عايفه البيت وتفتر عند الجيران وعادي تضحك وي الزلم وانتي تدرين بسراج يتخبل من مره توكف وي الزلم الغربه .. قمر ..اي وبعد يعني من هاي يريد يطلك ندى ...حسب ماسمعنه حتى فلوس تبوك منو ومكضيتها بس حلويات ومتكاونين كونه قويه وماجرله سياره ودازه لاهله .. قمر ..بس هو ماصار شهرين من مزوج .. ندى ..الرجال ميعيبه اذا اطلك بس المره والمجتمع ميرحم .. قمر ..زين ليش مارجعها وعلمها شنو الي يخليها راسا يطلكها .. ندى ..مااعرف هو من ليلة العرس تكول عمتي كتلها وضربها وكلها ليش ماكتيلي وعمتي تكول عبالي متخلي وكتلها ميصير يمه هذا الشرع وحتى اهلج ومااعرف شنو تحجي .. قمر ...ههه انتي متعرفين والله اني المطفيه الى هسه تحجي مااعرف شنو تقصدون بيها وشنو يسوي الرجال ... ندى ..خايبه دروحي قمر ..اي كملي وهسه ندى ...مقدم طلب طلاك .. قمر ..زين هو بعيد ٤ ساعات ياله يوصل لو خلك كل اسبوع جاي .. ندى ..اي ناوي يطلك ومااعرف بعد .. قمر ..رحت بصفنه وعرفت ليش لح عليه اثاري طلع من ٣ سنوات وحاطني باله شلون ورطه بذاك اليوم وطلعت ... ندى ..ها هاي وين رحتي .. قمر ..لا ماكو شي بس تعبانه والبارحه مانمت ...اروح ارتاح وباجر نتشاوف .. ندى ..ماشي ياله باي .. قمر ..رجعت وبعد الكل نايم واني كمت خدرت الجاي وحظرت وياه كيك واخذتو يم جديتي .. وكامت تصلت واجت وكعدوا الكل وشربوا جاي الجهال طلعوا يلعبون ومرت عمي راح تخيط واني كمت عزلت المطبخ ومسحت الاستقبار وعلكت التلفزيون ... وهذا الحجي سنة ٢٠٠١صار عمري ١٦ وقريبا اطب بل١٧ ...واجه وكت العشه كملنه وهم فرشنه ونمنه ونعاد نفس الموال وجاه اخويه ورجعت لاهلي ومشاكل جثير وحالتنه تعبانه يوم ناكل وعشره ماكو عايشين نوبات مي ابيض وخبز بي اهلي ياكلون اني مااكل اكلي قليل ونواشف وميهمني الاكل .. بس من اشوف وضع اهلي انقهر ومابيدي شي وابوي كاعد ماكو شغل وراتب الحراسه يادوب يدفع بي الدين .... مرت الايام ورجع هم زارنه سراج بس هل النوب جيته تخصني ...وجنت حاسه والخوف ماخذني والتفكير كتلني بلكي ياربي ابويه يرفضو ... بس صار العكس وخطبني وافق بس بشرط الما يطلك هذيج ياله ... واجه ابويه عليه وكال خطبج ووافقت بس يطلك ياخذج .... ظليت صافنه شنو اردله هاي حكم عليه عد ناس امه مترحم احد وهو يدري بيه ابوي مافكر شلون اعيش وياهم واني شارده بلي راح يصير وفززني صوت سراج .... سراج ..اعرفكم بنفسي اني سراج مواليد ١٩٦٤ ..حياتي كظيتها كله لهو بزمن مراهقتي خلصت اعداديه وطلع قبولي كلية العلوم بغداد قسم فيزياء .. فتحت محل رسم اني رسام ومحل ملابس وجانوا يجوني الفنانين ارسمهم واطلع مصاريف الكليه وملابسي ومااخذ من اهلي لان وضعهم تعبان وجانت بداية حرب امريكا والناس دايخه وجان اكو رجال من اهل الجنوب اتعرف عليه وشافني امين وسبع وعندي قوه وعصبي وعندي غيره ... شافني وعجبته ويوم من الايام جان دايخ وايام حرب وعنده بضاعه وماكدر يامنها عند اخوته لان يكول اخوتي يغدروني بيه امنها عند الغريب ولا عدهم واني جايك طالب طلب منك .. سراج ..تفضل عد عيناك اني .. الحجي ..اريد اامن عندك البظاعه مدة لما ارجع .. سراج ..بس حجي انته تدري حرب والناس حايرين اتظم نفسها وانته حاير ابظاعتك .. الحجي ..ادري بس انته متدري اذا راحت بظاعتي شكد اخسر .. سراج ..اني مو من بغداد تدري انته وعندي رجعه لاهلي شلون .. الحجي ..اجل الروحه وشنو تريد عد عيناك .. سراج ..تدلل حجي ..بس بشرط تحسب البظاعه كلها حتى لو رجعت ماناقصه .. الحجي ..فدوه الك .. سراج ..لعد مااستلمها .. الحجي ..ماشي وليدي ياله ... سراج ..حسبها وسلم وتركني وراح وتمر شهرين واكثر وهو ماكو والوضع بغداد يخوف واني ملتهي احرس بالبظاعه كلت يمكن مات هذا اشو لا اجه ولا اجوا احد من اقربائه سال وهاي بملايين شلون هو اني درهم ماعندي .. مرت ايام وهدأت بغداد وخلصت الحرب بس دمار ..وره فتره ولاني الحجي حظني وتسالمنه وانه كتله عمي عبالي ممت ... كام يضحك وكتله هاي امانتك ماناقصها لو دفتر الحجي ..وليدي لو انطيك روحي مااوفي حقك .. سراج ..وعزمني على بيته وماقصر ويايه وتفاركنه وبعد ماسمعت عنه خبر ..ومره هم اكو رجال بالسيديه واكع بمشكله جبيره ولازم ينهزم وجان بس هو ومرته وبنته وبليل طلعتهم من بغداد وصلتهم بيت اهلي واكرمناهم ومخليت اهلي يقصرون بحقحهم وظلوا فترة ١٥ يوم عدنه هو عنده شركات بغداد وحالته حيل زينه ... وسافر بس وين مااعرف وبعدها هم ماسمعت عنه شي ..كملت كليه وظليت سنه الما صفيت المحلات ورجعت سنة ١٩٩٥ لاهلي وامي قضيت حياتي بلصيد ومااجي لاهلي لا وكت الى اتعب وارجع ارتاح ومرت سنه هيج ... وجنت واكف اني وامي ومرت طالبه مدنكه راسها وتمشي ورفعته حتى اتسلم ع امي بس شافتني ونزلت وعبرت ..ومن شفتها اذكرت حبيبتي رونق تشبها حيل ... سالت امي كتلها هاي منو الطالبه ...كالت هاي قمر بنت سند محد عدهم بس هاي زينه زبيدة مريضه .... من كالت امي دخلت بكلبي بلرغم شكد شايف بس مثلها ماكو ..وسالتها بيا صف ..كالت اول متوسط ظليت ارجع يوميه اراقبها اذا عدها علاقه مثل بنات الديره ماشاء الله عليهم كل وحده مختاره واحد .. المهم ظليت سنه واراقبها وستغليت اخوها عامر يجي يشتغل وياي بحجة اسال عنه .. وعامر غشيم ...وكمت اسال ويجاوبني عن كولشي وهم ندى خطيبة اخويه صديقتها حيل .. واروح اسال عنها وتكلي هاي متعرف من الحياة كولشي بس دراستها وشغل البيت ماعدها لا هيج ولا هيج .. من عرفت كولشي عنها كلت هي هاي الى اريدها ..ومره كاعد بغرفتي وطبت عليه بنت خالي ولانه تحضني وتكلي اني اريدك واحبك وصار سنين حاطتك بالي ومن هل السوالف .. وحركاتها تغري الواحد وصار بيناته علاقه بس متعدت حدود مجرد علاقه كلام ومشاعر ... بس اني بكلبي وحده ومااكدر بس هاي بت خالي ومااريد اكسر بخاطرها ...اتقدمت لخطبتها واني ادري امها ماتنطيها ورفضتني ... وبداخلي كيفت لان بالى وحده ماغيرها ...وسمع ابن عمها وخطبها وهي رفضته بس جبروها ... واني قدمت على تعيني خارج القضاء وبعيد وطلع تعييني وكبل ماامشي اجه خالي كال راح ازوجها لابن عمها ومدة ٦ اشهر واطلكها واخذها انته ... اني هنا فقدت وكتله اني مامحتاج فضلات غيري ..وجاي تذلني انته عندي لا شي وهذا عكال الي لابسه لو تذبه جثير احسن وعلقت وعفته وسافرت وكطعت علاقتي وظليت اشتغل وبالي يمها كلما اروح ع اهلي اسال وين سكنوا ..وحتى عمها نكر يكول مااعرف وين ... ظليت سنتين واني اسال بسنة ٢٠٠١ جان عندي ايفاد ورحت واشوف صديق عمري وظليت وياه كم يوم وسالني اتزوجت كتله لا ..وهو من سمع هداني بنت اخته ... واني حرت شلون ورطه واني عقلي وكلبي لوحده وصار عمري بل٣٧ سنه ...وماكدرت ارفض خلال ايام كملنه العرس واخذتها بيتي وامي وعمة العروس ويانه تعشينه وامي تاشرلي يعني طب لعروستك .. دخلت للغرفة وشفتها متحظرة اتقربت عليها ووووووو وهنا جانت الصدمة يتبع..... | ||||
|
| |
|
09-11-19, 03:31 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #اوتار_الحزن #بارت7 والاخيررررر النهايةةةةةةةة #بقلمي_سارة_المجيد اسعد الله مساء احبتي بكل خييير 🌸🌼🌸🌼🌸🌼🌸🌼🌸🌼🌸🌼 سراج ..دخلت للغرفة وشفتها متحظرة اتقربت عليها ووووووو وهنا جانت الصدمة من اخذتها ماطلع منه شي وماكو عذريتها ..هنا فقدت كتلتها كتله تسوى حياتها وامي ادك ع الباب وعمتها ..وطبوا الغرفه وكالت شبيك وياها كتلها مابيه شي .. بس هي رافضتني ...ماكدرت احجي اذا سمعوا الناس يخلونه حجاي بحلوكهم ... وامي طبت عليه تكلها ليش تمنعيه وهذا صار رجلج ومن هل السوالف ..وثاني يوم راحت امي وعمتها مشوا ..وظلينه اني وياها الصراح كشت نفسي منها وكتلها شهرين واطلكج ... مرت الايام واترك فلوسي واجي الكيها ناقصه واسالها تكلي ماادري ليوم شافتني جيرانه وكالت هاي مرتك تصرف بليوم هلكد مبلغ ادري ماشايفه لو مجلوبه لو متشرده ومن الشارع ... عاد اني بوجهي للبيت وشبعتها كتل وتكاونت وياها واجرت سياره ودزيته لاهلها .. وراها اخذت اجازه حتى اقدم طلب طلاق للمحكمه ..ورحت ثاني يوم لصديقي ومسولفيله غير سوالف عني ولكيته زعلان ... عاد تلكاني وحجيتله الصحيح حتى عن ليلة زواجي وهي اعترفت انو ابن عمتها ماخذ عذريتها واني الى الحق بطلاكها ... طبعا هو تخبل وكف وياي ورحت للمحكمه وقدمت طلب ونطوني موعد لجلسه الثانيه .. ومرت الايام ورحت لاهلي اسلم وكلت مناك اطلع ..ورحت اشوف تكسي ولني ام عمر اشبه عليه صار اربع سنوات واني اسال عنهم ورحت عليها ماصدكت من كالت اني ام عمر وصعدتها وياي بالتكسي وطول الطريق كلت راح اشوفها ... وصلنه وسلمت وطبيت كبل نسيت نفسي ولاني اشوفها تحوك وسلمت وهي جفلت وكامت تعدل وهي محجبه وبيضه ... ومديت ايدي وما قبلت وكبرت بعيني ..وفكرت الا اخطبها قبل محد يجيها طلبتها من ابوها وقبل بس كال الما تكمل اوراق الطلاك ياله .. بس اطلب منك اشوفها لقمر واحجي وياها وهو طلع واني طبيت الغرفه بس هيه بعيد عني .. قمر ...الي جنت خايفه منو صار وهاي ام سراج داهيه وراح تخلق مشاكل بيني وبينه وهي تريد بنت حماتها لسراج زين ليش اجه على حظي هو اني وين مااروح الهم وياي مااخلص يارب هونها عليه ماشفت شي بحياتي .. من صدمت اختي النحركت صارت عندي خصله شيب براسي ..انوب شراح تصدمني ماخذني التفكير واسمع سراج يسلم عليه ورفعت راسي وعيوني بعينه ويضحك .. سراج ..هلو يا كمر شلونج قمر ...بخوف ع مستحه وعيوني بلكاع الحمدلله انته شلونك .. سراج ..صار ٤ سنوات واني ادور عليكم وندى تسالج عن بيتكم ماجاوبيها ليش قمر ..وليش تسال شنو تريد .. سراج ..غير حتى اشوفج واخطبج من يوم الى شفتج رايحه للمدرسه وانتي بالي ماتركتج بس الوكت اغبر لعب بيه فلك ..بس همزين لكيتج وخطبتج بس اريد اسالج سؤال قمر ..تفضل اسال اكو شي سراج ..انتي اكو بالج شخص تحبين احد مستعد اوكف وياج بوكلشي ولان اتمنى سعادج .. قمر ..صفنت كلت الله اليستر مادام امك موجوده ماظنتي اكو سعاده .. سراج ..وين صفنتي قمر ..لا بس على سؤالك انته تدري بكولشي عني لو عندي شخص لجان حجيت بس اني ماعندي هيج شي .. سراج ..بس سمعت ابن خالج يريدج قمر ...اني مااريده وثاني شي ابويه ميقبل بيهم لان تعرف انته همه اهل مشاكل وي الناس .. سراج ...الحمدلله ارتاحيت اني رايح تريدين شي .. قمر ..لا مااريد شي سلامتك ..راح سراج ..وظل التفكير وخوفي من باجر شنو ظاملي ومن اظوج اكعد يم اختي اسولف وياها هي تسمع بس غير جواب واحد تكولي انتي راح تروحييين بعيييييد ... جنت اصفن ع حجايتها ومااعرف شنو قصدها ..اليوم ياله افتهمت عليها قصدها اتزوج بعييييد .. اختي زبيدة جانت من يضيع النه شي تدلينه وين مكانه ومره والدي ضيع مفاتيح المزرعه وماخلينه كلنه اندور ونسينه زبيدة ... وره فتره رحت سالتها كالت بفلان مكان ورحت فعلا ولكيته بنفس المكان الله نطاها نعمه واخذ منها زينة العقل بس جانت تحب العلج شكد متنطيها تكيف وجانت تعرف الشخص من وجها وتكول انته هيج .. بس احنه منخليها تواجه احد لان راح تسمع الناس وتكوم تجي جثيير وظعنه جان تعبان بشكل يعني يمكن محد يصدك عايشين بحقول مال دجاج والريحه تكتل .. بس انجبرنه لان حيل ظروفنه تعبانه مرت الايام وجاه المسؤول على والدي وهو جان شايفني وطلبني لاخوه ..وابويه رفض كاله ماازوجها .... المسؤول تخبل وطردنه كال اطلعوا من هنا ..ابوي راح وين انروح لان منكدر اناجر بيت ماعدنه امكانيه وراتب التقاعد ٥٠٠ دينار يعني حتى عيشه منكدر انعيش بيها .. اني مساعده نفسي بالحياكه واخبز للشباب عزابيه متفقين وي امي والفلوس الي كمت اجهز بيها نفسي لشغلات احتاجها . واضطرينه انشيل وناجر بيت وجانت المنطقة حيل مو خوش بس احنه معزولين .. ظل سراج يتردد علينه ومن محد اكو يستغل الفرص من تحضن وتوبس واني بارده حيل وياه وهو يضوج مني ويكول شنو انتي خشبه ماعدج مشاعر ... يمكن الى عشته خلاني هيج ..ومره اني يم بيت خالتي رحت الصبح ورجعت العصر وهو جاي ومالاكيني وظال ينتظرني ومن طبيت سلمت عليه وهو وجهو دم من الغضب بس ماحجه لان ابويه كاعد وظل ساكت .. لما طلع واجه عليه وكام يرزل ويصيح وليش تطلعين بدون علمي ممنوع بعد تطلعين ..هنا اني مارديت لان مااعرف ليش سكتت ... وكال اني طلكتها ..الاسبوع الجاي اكطع سيد ومحكمه واخذج ..طلع ...اني صافنه عليه اكول شبي مخبل ليش هيج المفروض يجي يكعد يسولف يجيبلي هديه مثل بنت خالتي المخطوبه اني هيج وياه ميعرف كولشي هاي بدايتها هيج لمن اصير عندك شنو اتسوي ... المهم مرت الايام وصار يوم العرس ورفض ماكو كولشي حتى بدله ماكو بس اني مخنوكه شنو حلم كل بنيه وصار العصر واجر سياره ودعت اهلي وكمت ابجي ... وبنات خالتي دكوا ولطموا وتصايحن وي امهم كلولها كولو منج ضيعتيها انكلج اخطبيها لاخونه وانتي اتافهيتي لما راحت من ايدينه واني اسمع وابجي وطلعت ركبت بلسياره جني وحده فصليه لا عرس ولا زفه شدعي عليك يابويه .. حتى امو ماجت لا بمشيه ولا بعرس هو وينه العرس اصلا ..تكله لو بت عمتك لو مااحضر بعرسك وسراج معاندها وكلها هاي حياتي واني الي استقر بيها مو انتوا ... مشت السياره ٣ ساعات وماوصلنه وكفوا يم مطعم كال انتي ابقي بالسياره واني راح اجيب عشه كربنه نوصل البيت ... واشوف رجال يدحك عليه وكام يغني ويصوفر ويكلي عمي شنو هاي ويتغزل ...واني كتلني الخوف هسه يجي سراج ويشوفه واتصير مصيبه وهذا اعصاب ميتفاهم . شافوا اجه واختفوا وره السيارات واني ضحكت بسكوت وصلنه البيت وفتح الباب وجت مره حتى اتسلم عبالها اني مرته الاول لان علاقه وياهم وتفاجاة بيه وبس صافنه سلمت وباركت وكلها هاي زوجتي هذيج طلكتها .. عاد خطيه باركت وراحت لعيالها المهم راحت واحنه طبينه البيت وكلي طبي برجلج اليمنى وصلي ع محمد وال محمد ...فتت لاني البيت عباره عن لغم ومفجور بي هنا تخبلت كتلو هذا بيت لو عباره عن زبالة المدينه كلها عندك .. سراج ...مو اني عزابي انتي تدرين اطلع من ٥ الفجر ل٣ العصر ياله ارجع من الدوام واجي تعبان وانام واطلع اتعلل وي ربعي .. قمر ..شوفلك وحده تجي تنظفو .. سراج ..ماامن احد يطب البيت قمر ..لا الله عليك ليش هو شنو بي غير ثلاجة وطباخ من زمن جدي .. سراج ..هسه كتلنه الجوع خلي نتعشه وروحي غيري ملابسج .. قمر ..طبيت غيرت ملابسي ولبست سيت مال نوم لون بصلي عجبني مااعرف ليش .. وهو محظر العشه وينتظرني ...طبيت بس يدحك عليه كتلو عيونك كدامك اكل .. سراج ..شبيج خليني استمتع بهل الجمال .. قمر ..خلي اكل لكمه واكوم انظف .. سراج ..شنو اي دكلي وخلي انخلص والله كريم .. قمر ..كملنه اكل بس اني قليل اكل لان مااحب اللحوم ..وكام سراج وده الاكل وردت اكوم بس هو جرني وكام يحضن ويبوس وملخ ملابسي وهو هم واني مااعرف شنو يريد يسوي وهو يكلي لا تتحركين وفجاء صرخت وكمت ابجي وهو كمل وكام واني شفت الدم وتخبلت كتلو هاي شنو .. اجه وباس راسي وكلي مبروك صرتي مرتي ...وهاي ثبتت انتي طاهر ونقيه ....وماادري شنو يحجي ..المهم كوه كمت وصلت الحمام وسبحت بس احس وجع قوي ورجعت فرشت ونمت لان الوجع ذبحني وهو هم نام وجان ماخذ اجازه اسبوع من دوامه ... كعدت الصبح وكمت بس خف الالم شوي غسلت وصليت الصبح ولكيتو محظر الاكل كمل كولشي لان هو عزابي ومعتمد ع نفسو ... والصراحه اني مااعرف اطبخ يعني اسوي شي بسيط ..صباح الخير سراج ..صباح النور شون صرتي .. قمر ..بخجل زينه سراج ..تعالي اكلي قمر اي ..كعدنه وكملنه وبدينه انظف البيت ...بس اكو اشياء غريبه اوراق وعليها كتابات ماافهم شنو هاي مااعرف لان شلنه الغراض كلهن بره ونظفنا من جديد ولكيت ذني الاوراق الى شنو شغلتهن ... لميتهن بعلاگه وشوفتهن لسراج هنا هو انصدم كال منيلج هذني كتلو لكيتهن بغرفة النوم .. سراج ...يعني كلهن هذني بغرفة النوم .. قمر ..اي ليش زين هذني شنو هاي .. سراج ..ها ماكو شي روحي كملي شغلج .. قمر رايحه سراج ..اووف منج يمه انتي وام هاي الطلكتها قابل عدوج يمه هيج اسوين انوب سحور همزين قمر ع نياتها ومتعرف هاي شنو لجان يبوووو اوف هاي اولها هيج الله اليستر من الايام الجايه ... قمر ...ظلت بالي هاي الكتابات مال الاوراق شنو معناتها طول دراستنه ماشفتها هيج .. عندي راديو اصغير جابه اخويه من بغداد من بطلت من الدراسه ...اشغلو واديرو ع سماحة الشيخ الوائلي احب اسمع محاظراته عن أل البيت وفاطمة الزهراء حيل متولعه بي لان صدك شيخ مابالغ .مو مثل هسه كلمن يحجي ويفتي من جهه ... خلصت البيت تنظيف واني الراديو وياي ماافوت محاظره للشيخ ..وسراج تفاجأ كال اني هم استمع الو بس نادرا قليل .. قمر ...اني ماافوتله ابد واذا انسى انقهر حيل لان صدك شيخ ............. مرت الايام ونفس الروتين اكمل شغلي الصبح واطبخ تعلمت من سراج وخبز اخبز ع كدنه وعزلي مصرف الي وكمت اجمع بي واحب اشتري غراض لان البيت مابي شي فارغ مجرد ثلاجه وطباخ اصغير منظدي وفراشه ع كدنه ... ومر شهر على زواجنه حيل زين وياي بشكل مدللين ومامقصر عني بشي شكلو يسوي ... ومر الشهر الثاني نفس الوضع ...واجه يوم الشؤم الي بديت حياتي تتغير بيومها جنت لابسه ومتحظره بليل وجان سراج يمي ديتحارش بيه ونسمع دكت الباب وطلع واني خفت كمت بدلت ولبست دشداشه اسمع صوة مره ..طلعت ..واشوف ام سراج اجت عليه وبوستني وباركت وكامت تتعذر لان مااجت عليه واني مريضه ومن هل السوالف وفرشنالها ونامت .. وثاني يوم هم اهلي اجوا وجايبه جثيير غراض من بنات خالتي وخالتي واقربائي ..وكوم غراض ... المهم طببوا الغراض وحظرت الريوك ..وكعدوا كلهم واني كتلهم مااشتهي احس لاعبه نفسي ودايخه اروح اسفط بلغراض واشوف عمتي شلون تتصرف تسوي لفات وتنطيهم وامي وجها صار احمر خطيه واشوفها مقهوره ... احنه جنه بخير وعز وهيج الزمن يدور علينه ...كافيه جانت الها مصرف خاص من ابويه كل شهر من جنه بخيرنه ... هسه نست وكامت اتسوي لفات لاهلي عبالها اهلي جواعه ع اللكمه الي من ايدها ...هنا امي متحملت واخذت الولد ورجعت وهي هم جلبت وياهه وراهم ... واني متت من القهر مااكدر احجي حسبالها ماعدنه عزت نفس لو انشوف الخير بكل مكان متدنه نفسنه عليه ابد وشكد انطب بيوت بيها اشكال ماانمد ايدنه على شي .... لليل واني ماادري شبيه وبس اذب من راسي ...وشافني سراج كال باجر اوديج ... رحت للدكتوره وكالت حامل وباركتلي لانه مرت صديقه لسراج وعرفتنه وصرت مراجعتها كل شهر بشهره واسلوبها جثيير حلو وي المراجع ... من رجعت وكتله كيف وطار من الفراح ..ويوم وره يوم سراج اتغير كام يطلع يعوفني بوحدي بليل يتعلل وي ربعه ويرجع ينام وامو تخابر جثير على خط الارضي ويجي اعصاب وكام يظربني يكلي ليش هيج تحجين ... واني مصدومه منه ..كتلو شنو حاجيه هو اني طالعه ع احد عندي تليفون حتى اخابر وانته تخابرك ع الجيران وماادري شنو تكلك متكول هيه لا رايحه ولا شايفه احد وروح اسال الجيران اذا واصله باب الشارع ... هنا طلع واعصاب وماجاوب وصار عل حملي ٣ اشهر واحنه نفس الوضع بس صياح وهوسه ومااعرف شنو يريد واني ما ارد عليه ياخذني السكوت ويجي تعبان .. واظل يم رجله اظل افرك بيها الما ينام واني اغفي نوبات ماادري الكي نفسي يم رجله نايمه وبيومه اجوا اهلي حتى يشوفوني لان طولت مارحت .. وهنا صارت مشكله وطرد اهلي واني نزفت وتخربطت لان عندي ظيك نفس من انقهر مااكدر اسحب النفس وثاني يوم شالني ع المستشفى وكالت الدكتوره خلي ترتاح عدها بداية اسقاط وعدها ظيك بلتنفس ..رجعنه للبيت اظل ايام بوحدي ومادري وين يروح اكعد ابجي بوحدي دوووم جنت هيج حتى من زوجت صارت عندي كئابه وهو بعد ماارغبله رجعت بارده وياه وهو يتخبل مني ويكلي انتي بالج احد وهيج تسوين .. هو وين طالعه حرمتني حتى الكراج طلعته وين محبوسه بهل البيت حتى الجوارين يجون عليه يخافون بيه شي ومستغربين لان مااختلط .... طبيت بشهري وكال اوديج يم اهلج لان مااكدر هنا بس بوحدي ....رحت لاهلي وبقية ٢٥ ايوم واني ماعندي ولاده ... وخابر كال راح ارجعج لان مااكدر بدونج حتى البيت مااطبه بس وكت النوم .. المهم ابويه من سمع كال متروحين الما تولدين خلي يتحمل ... اجه سراج وسلم وكل لابويه اجيت اخذها ...ابويه رفض كالو متكدر هناك وحدها ومحد الها ...كال اوديها يم اهلي ... هنا ابويه كام يصيح ويكلو وين جانوا اهلك اذا لا مشيه ولا بعرس ولا بيته تفطنت امك بشهرين ياله اجتها يوم ورجعت وهسه تريدها يم اهلك ... منا حجايه ومنا حجايه وتكاونوا وطلع سراج وكل لاابويه اشتكي عليك واطلبها لبيت الطاعه .. وهو حتى فلوس ماخله الي واهلي فلس ماعدهم عايشين بلقدره ... المهم راح وره ساعة رجع وطب كبل صعد لسطح وصاحني واني حايره هنا ابويه زعلان وميحاجي واني شلون اروحله ... انجبرت ورحتلو وكال باجر نرجع للبيت واكو مره تروح وياج من تولدين .. اني ساكته شنو اكول ..والله لليل وصار عندي وجع ومانمت وكعدته كتلو الحكني بعد مااكدر ... وهو جفل ونزل لامي يكلها قمر يمكن عدها ولادة واخذوني لمستشفى من ٩ الصبح واني اطلك ...وابويه ماتحمل طب لصالة الولاده والنسوان تصرخ وتتوجع من الم الطلوكة وطلعت السستر اتطلع بي تكلو حجي مو عيب شلون اطب .. سند ..عمي اني اريد بنتي صارلها ٥ ساعات جوا شنو اذا ماتت اهجم المستشفى عليكم .. السستر ..حجي اطلع وهسه اسال عليها وارجعلك خبر ... قمر ..بقيت اتوجع من الم الطلوكة واتلوه حسيت روحي تطلع مني شفت الموت بعيني المهم ل ٥ العصر ياله جبت وطلعت بنية ..متاذية حيل ... وسراج قفل كال كم يوم ونرجع واحنه يم اهله ومرت فتره ورجعنه للبيت واجت ويايه امي لما رحت ع الدكتوره وسحبت الخيط .. ورجعت للبيت وامي راحت ..وظلت اني بنتي وبس تبجي ماادري شنو اسويلها النهار بس اني وبالليل سراج يسهر وياي عليها مرت الايام وكبرة بنتي صار عمرها ٧ اشهر ... جنه بفترة عيد وسراج عندو داوم وجت عمتي يمنه وحمايه وملتهيه اشتغل ونظفت وعمتي طبخت الغده ... واسمع باب البيت يندك وطلعت عمتي ولاني سراج ماادري شنو يحجي وي عمتي وماجر سياره ... وطبت عمتي صاحتني كالت حظري غراضج حت نروح لاهلج لان امج مريض ومو زين وضعها ... رحت اركض من سمعت لميت الملابس اليه ولبنتي طلعنه ٣ ساعات ياله وصلنه بيت اهلي .. واسمع الصياح والبجي والعالم ملتمه وطبيت اركض وجان انصدم .. زبيدة ميته هنا فقدت كطعت راسي وملخت نفسي وكمت انعي مثل الكبار والناس تفك بيه واسكتني وكتلهم شبيها شلون ماتت ... كالوا من فتره كام يوكع شعرها وجايبه امي الدكتوره للبيت وكايلتلها مرض سرطان بالرحم والها ايام وتموت لان منتشر بكل جسمها ... بس سبحان الله مامتغير جسمها ولا ظعفانه هي هي ....اني اعتزلت الفاتحه وظليت بوحدي وره البيت وعندي اخت ابويه هاي بس اظل اتقلد وتضحك سألت عني وكلولها متقبل احد يحجي وياها حتى بنتها تركتها عند اخوها ملتهي وياها يسكت بيها .... طلعت عليه عمتي اخت ابويه ...وتقلد وياي وتضحك وطلعتني من جو الكئابه .. واخذتني للبستان نمشي وتسولف تكلي ابوج ماادري وين عقلو من انطاج لكافيه هاي مو راحه وتسوي سحور ... هنا اذكرت الاوراق وسولفتلها وحتى كتلها اول شهرين حيل زين وتغير وكام يروح ع اهله ويسمع لامو الحية حتى اني من احجي يتخبل .... بس مااعرف هاي الاوراق هيه هجمان بيوت ... عمتي ..هاي هيه راح اتظل المشاكل وياج .. قمر ... كملت هو اني ناقصه انوب هاي عرفت حظي ... رجعت حتى اشوف بنتي الكي عمتي ام زوجي متكاونه هي واخوي وسامر ابن خالي وعالكه ولبست عبايتها وعايفة الفاتحه ... وره ساعه اجوا جيارانه كالوا يريدج زوجج خابر وينتظرج كتلها روحي كليله هس بس ابدل واجي اخابرو هو منين مخابر كالت من الدوام كتلها خلي يسدو واني اجي .... بدلت وطلعت على الجيران وخابرت عليه ورد عليه بعصاب ونتر وانتي شعندج وي ابن خالج وليش بس بوحدكم كاعدين وين معتزلين انتي وياه ومن ذاك الحجي الكثير واخير مابيه كال باجر توصلج ورقتج ... كتلو بعد احسن هو من اخذتك شنو شفت بس المشاكل وسديتو بوجهو ورجعت ابجي وشافني ابويه كال شبيج سولفتلو .. وكتلو والله ولا شايفته لسامر واصلا كظيتها وي اختك عمتي روح اسالها ... صاح ع اختو وسالها ...جاوبتو شنو هل حجي هيه وياي ماعفتها طول ايام الفاتحه حتى ماخليها تبجي وهي تتخربط ويظيك نفسها وانته تدري بوضعها ... وهاي كافيه حسبي الله عليها ماعدها بنات تتبلى عليها وتريد اسود سمعتها .... ابوي ..بعد رجعه مترجعين لو شيصير .... قمر ..خلصت الفاتحه واجت عمتي ام زوجي ..حتى امشي وياها لبيتي ...وابويه تكاون وياها ونكرت وكالت ماهيج حجيت هذا سراج لحاله وجان ابويه قافل ... بس من حجت وياه وقنعته قبل ...واستغربت عرفتها مو راحه ..واجرنه سياره وصلت البيت شفت سراج بس ماحجيت ويا وتركته مده ٧ ايام وعمتي دريانه اخذ حبوب مانع وخابرت تهوس وانتي وانتي ومن ذاك الحجي الى يسم البدن ... وسراج حلف بعد ماتاخذين ...وصرت حامل ومشاكل من وره امو جثيير وكتل واني متحمل وين اروح ..وجبت بنوته .. وكثر الحجي وانتي بس تخلفين بنات ويبووو شكد شفت وسمعت حجي واسكت .. وصارت حرب امريكا وسقوط بغداد والاوضاع مو زينه وتمر الايام وظيم وقهر والعالم ادمرت ودخلوا المنطقه الامريكا ... اما عمر اخوي دوام بالشرطه والجيش ايام اصير خفارات عدهم ...كبل جان يجي يم امي وهو انسان كلها تحبه لان ماعنده لا مشاكل ولا سوالف تعبانه احنه كلنه هيج ربونه اطباعنه واخلاقنه وتربيتنه بمخافة الله ... واخويه جان مصلي وصايم وماله شر ع احد واللكل تحبو بشكل يمكن شكد مااحجي قليل ...جان يجي يتعلل يم اامي وهو وامي علاقة مو ابن لا علاقة يمكن الصديق مو هيج اكثر بعد ... فجاي مكظيها التعليل كلها ضحك يعني لليل من ليل ...وطالع مسلم وراجع لبيتو ..وثاني يوم جاي على امي يكلها يمي اني اجيت اسلم عليج ورايح للدوام ...وطبعا هاي اول مره يجي يودع امي ... يعني من يروح للدوام يطلع من بيتو ....رايح لدوامو عند خفاره ول ٨ بليل مخابر على اخوتي ومسلم عليهم وع بنته فاطمه حاجي وياها لمدة نصف ساعه لان فاطمه هي غالية كلبو يحبه بشكل ... لساعه٢ بليل هو وربعو يتعللون لازمين خفاره ..وع غفلة كايلهم راسي لحكوني ...المستشفى قريبا عليهم كبل ناقليه عايفين الدائره كلهم لان هم صارلهم وياه ٢٧ سنه ويحبوا واذا سمعوا بي شي يتخبلون ربعه ... ناقليه وراسا ع الانعاش والدكاتره من شايفيهم شرطة وهوسه وجثيير جايين يتراكضون ومدخليه ويسعفون بيه طالع الضغط صاعد وابره وهاي منزلين ومستقره حالتو ... باقين وياه لساعه ٣ الفجر وهنا لازم يرجعون لدوامهم فمخابرين ع اخوتي ..ظالين يدكون لما مجاوب اخويه يوسف ومتعجب من يخابر بهيج وقت وكايليله عمر بلمستشفى اتخربط .. ومن سامع صايح ع اخويه عامر ومشغلين السياره والما واصلين السيطره ومامخليهم يطبون وهنا متكاونين وياهم وماخلوهم ... عاد مخابرين عمي وكايليله الحك عمر بلمستشفى ..عمي هو ويا ربه سوا لان جديتي ربته وي عمي فيخاف ع عمر عبالك ابنه الصغير ويحبو حيل ..فمن سامع فاقد وطالع يركض ومشغل السياره واصل المستشفى طاب شايفه .. وظل يمه الما اخويه كاعد والدكاتره مطمنين عمي واخوتي كالوا الصبح اطلعوه مابي شي ...وحاجي وي عمي يكله خلصت خبزتي سلملي على امي وديرو بالكم ع بناتي وهلله هلله بنتي بفاطمه .. عمي مرزله يكله كلمن يتخربط يموت يله شد حيلك حت اكومك راح اطلعك بره واخبر الولد يجون يطلعوك وياي صارت الساعه٤ الفجر والولد فتحولهم السيطره راح يجون .... كاعد عمر حتى يكوم كايل لعمي رجعني لفراشي وسلملي ع الاهل كلهم وكايله راح اموت ... طاك عندو نزيف صعود راسا بالضغط والسكر وجلطة موتته راسا ...وعمي كالب المستشفى عليهم وكايم يندب ويبجي وخواني مخابرين عمي كايليه احنه وصلنه خلي عمر يطلع حتى انطبب السياره داخل المسشفى هنا عمي يبجي كلهم مااااااات عمر يولو ماااااااات العزيز واخوي يوسف ظارب الجامه والكزاز طاب بايده ويدك ويبجي وظع لا يوصف 😭 وامي سامعه وطالعه الفجر ع بيت اخويه تحسبه جايبه ودك وطلم وصياح والناس طالعه تتراكض .. وزوجته اخويه تكول اسمع عمتي اصيح عبالي ولد حمايه بيهم شي ...تكول الما وصلوا واجه يوسف يحظن بعمتي واكلو شكو يكلي اخذي امي وروح للبيت ..تكلو غير تكول شنو صاير .. وبعصبيه كايله يولي اخذي امي ولج عمر راح راح ..وهي فاقده وملخه ملابسها وطالعين يتلكون عمي والتابوت اخ يابعد الروح من رحت ماظل حيل عدنه يا ابونه وسندنه يا ظلعي الى انكسر .. صارت الفاتحه عند بيت اهلي واني من سمعت تخربطت وظليت فاقده لثاني يوم الصبح حالتي حاله ... وكل هاي ..وجوارين اخويه طابين ع بيت اخويه عمر وبايكين كل ذخره فلوسه كلهن ٥ ملايين ونص ظامه حتى يكمل بناء بيته خطية ... والي باكوه عرفناهم بس لان عدهم معارفين بلشرطه ...ماكدروا اخوتي يطلعون حق اخوي وراحت وتحسبنه الله بيهم ....كملنه الفاتحه بس اني حالتي تعبت وصار عندي هبوط حاد بلسكر وامي عمت عينها اليسرى لان صابتها ذبحه وجلطه وضعف صار عدها بالقلب وكلما هاي تكعد تنعي وتبجي الماتتعب عيونها .. وبيوم يوسف دازو والدي لسوك وجان بوكتها مجاهدين يسموهم يحاربون ضد الامريكان وبوكتها طاك عليهم لغم وناس جثير ماخذين من ظمنهم اخوي يوسف ...والدي طالع يدورله لان متاخر ... والناس كايليله اخذوهم الامريكان واحنه بحكم ماعدنه معارف ماكدر والدي يلكي رجع والدي وكع طريح فراش لمدة ١٥ يوم واني هم حبلت وطبيت بشهري وابويه حالتو حاله وتمرض ع اخويه وجديتي بس تبجي واني جبت ولد ...والي ٤ ايام من جبته وخابروا عليه كالوا ابوج موزين .. وهم لميت ملابسنه وداني خلاني يم اهله وكال امي توديج وخلي البنات هنا راح سراج ... وظليت ازور ابويه ومااعرف شنو علته وعل العلاج تحسن وعمتي زوجت حماي لصديقتي ندى ....تحسن وظع ابويه ورجعت ثامن يوم من ولادتي لابني وهم خابروا كالوا ابوج رجع النوب تمرض .. وهم وداني وخلاني يم اهلو وكتلو خليني بيت اهلي امه ماقبلت وكالت اهلج بيتهم جن مال هوش بيتهم وموزين ع ابنج ...واني بس ابجي من حجت هيج ... واخر شوفه لابويه كلي اريد اشوف بناتج واني جنت ماخذتهم وشافهم وكال تعبت وخريهم عني واطلعو من الغرفه هياتهم اجوا وازدحام طلعوا وامي كامت تصلي ع محمد وال محمد واخوته كاموا يبجون بره .. والدكتور كال وضعو تعب لازم غسل كلياتو ...وعمتي رجعتني وشوفتني المر ..وخابرت ع سراج كتلو رجعني عندي غراض من البيت اجيبهن وارجع واجه اخذني وثاني يوم كعدت اريد اشتغل مااكدر ايدي متاخذ شغل ومخنوكه احس شي راح يصير والتليفون الارض يدكون وارد ومحد يكول شنو صار ... لما صار الظهر واني كاعده الوب من الخنكه وصدري ذبحني ... وخابرت على عمتي اخت ابويه ..وطلعتلي مره كالت مو هنا كتلها وين ...تكلي راحت لسوك اتجيب غراض ...كتلها بس الدنيا الظهر وماكو احد مفتح ... كامت تغيير الحجي ..كتلها اكلج كولي ابوج مات وهي هناك بالفاتحه عليش تغيرين الحجي ... كالت هاا موانتي نفسه وموزين انكلج ...وعندج خنكه واخاف تتخربطين ومحد يمج ..اني دموعي كامت اصب وسديت التليفون اتهسترت بس اصيح وابجي .. وطب سراج يسكت بيه واخذني بسياره وطلعنه والظرب بين الامريكا ومجاهدين والطريق يخوف وماوصلنه لليل .. الفاتحه بيت جديتي لانها بعدها عايشه ..ولكتهم مخلصين ودافنين ابويه وهنا تخبلت كتلهم لو بس شايفتو ...وامي زودتها كالت بس انتي طلب يشوفج ... وهنا كبت جديتي وتكاونت وي عمتي ام زوجي ..وكلتلها انتي جفجير البلد بس مال خراب كلو منج انتي خليتي قمر ترجع لبيتها وماشافت ابوها ومن وره مشاكلج وطلايبج ومنا كلمه ومنا كلمه وتصايحن وكوه سكتوهم واني شكل نزيف عندي .. وبلفاتحه اخذت ابني ودز اروح ارضعه وارجع لفاتحه وعمي تخبل يكلي ليش تطلعين كدام الزلم لو ظلي بلفاتحه لو بعد لا تجين ... وهنا طبيت البيت وتخربطت والتموا عليه وتكاونوا وي عمتي ورزلوها وقافله متقبل تخلي ابني يمي وسراج خابر يتكاون وياي وامو تجي تاخذ حجي وتوديله وزود وهو يسمع له وصارت عندي حاله نفسيه ظليت مدة شهرين ... وبعد تحسن وضعي ...بس اني بعد مااتحمل كولشي وصرت اعصاب وهم طلعت حامل وعمتي تخبلت ودعت عليه ومن ذاك الحجي ...وصار الى ٧ اشهر وصارت عندي ولاده ومااكدر اجيب وداني يم اهلي والدكتوره تركتني من الصبح لليل وانفجرت الجار وصرت نزيف وغبت عن الوعي وبعد ماادري .. للفجر ياله رجع نبض القلب بلانعاش ..والدكاتره ومدير المستشفى كلها ملتمه عليه وفاصلين الدكتورة وتقارير والطفل ميت واني ضعي حرج وظل يمي الدكتور متبرع اليه بدمه وياي ظال لما شايف النبض راجع وجاي يركض مبشر امي .. وامي لمت المستشفى صياح وبجي وصالة الولاده النسوان عايفات الى يتولدن ومكابلات امي وينعون ويبجون بلمستشفى وهاي كله واني بغيبوبه .. والدكتور خطيه رايح نايم ... ومطلعيني من الانعاش لغرفه وبل٦ الصبح وعيت وسالت امي شنو الى صار وهنا النسوان تكومن ع راسي ويبوسن بيه ويتحمدون سلامتي واني بس صافنه مااعرفهم ...وسولفتي امي شنو الى صار ... وره كم ساعه جتي ام زوجي وجايه وياها صدقيتي حضنتني وكامت تبجي ...وعمتي تكلها مو زين عليج انتي حامل وتكل لامي لاتسولفين كدامها هاي من تسمع تتخربط ...وهنا امي وجهه صار احمر من الغضب تريدها بس تتطلع ...والي ويايه بلصاله تخبلوا كالوا هي هم عجوز ..هاي شنو من بشر هاي جنتها ماتت والله ردها ..وهاي جنتها زينه ... الله يعينج ع هيج حيه مو عمه ...اني سكتت ..مااكدر اجاوبهم لان حالتي مو هل الكد ودم ٤ ابطاله حطولي ومغذيات وصار عندي وروم برجليه ..والدكاتره وياي وياي كاموا يخافون لان هاي سمعة المستشفى والدكاتره يتحاسبون ... مرة ١٠ ايام وطلعت وحلفت بعد مااخلف هذا الحجي ب٢٠٠٥...وصرت زينه ورجعت لبيتي بس انسانه ثانية ... قمر الفقيره ماتت بلانعاش وطلعت غيرها ..وبديت حياتي بقوه .. سراج .. الحمد ع السلامه منور البيت قمر ..الله يسلمك اسمع سراج اولا اريد حبوب مانع ..ثانيه اي كلام من امك او حجي زايد مااريد اذا عدها شي خلي تجي تواجهني ..وثالثا تخابرك الك ع عيني وراسي ومشكال انته وياه حلها مو تجي وطلع ظيمك بيه افتهمت اني تعبت كم دوب من صرت لا هسه مشاكل شنو انته متمل متكل حاطني بلطبه بلطالع والجاي اذا امك عدها شي من يمها خلي تجي وجه لوجه .. وتعال فهمني اني ساكنه وياها شعليها بيه ...واذا جانت تريد بنت حماتها ليش مااخذتها انته تكرهني خل تكرهني قابل عايشه من ايدها ... سراج ...ع كيفج اكلتيني شو عبالك مو انتي قمر الفقيره اشوف وحده ثانية واني ماردتها بنت عمتي جنها الشرطي ويمكن حتى بعض الشرطه احلى منها لا وجه ولا صخام واني موظف والناس تعيب .. قمر ..افتهم منك انته ماخذني لان حلوة .. سراج ..دنجبي اني حبيت روحج وعدم اختلاطج وي احد ومعتزله واامن عليج بيتي لانج انسانه صدك امينة بيه وماانكر هم الجمال الو دور .. قمر ...اني الى عندي حجيته ... مرت الايام عادي ومو كفت نفسها بس هم اسمع حجي واكول ميخالف يجي يوم ويتحسن سراج ويعرف قيمتي ومرت السنين وطك لغم ع حمايه شاب ٢٠٠٧ ومادزوا علينه الما خلصت الفاتحه ورحنه اول يوم وبالليل اسمعها تحجي علينه وتكلهم هي خطار باجر الصبح تروح ... وصدك من الصبح هيمت سراج حتى بدون ريوك وطلعنه .. واكول ولا مكسوره عينها ع هل الشباب الى راح لجان هسه ولا تفكين حلكج ... المهم مرت السنين وهم بسنة ٢٠٠٩ استشهد عمي ابو سراج ورحنه للفاتحه وجانت فايتتني الدوره وماامنتبها الا لمن صار نزيف لان تعبت بلفاتحه حيل ..ورحت ع الدكتور كالت الج ٣ اشهر حامل وهاي من التعب وفاتحه صاير نزيف وع العلاج اصيرين زينه ... رجعت للفاتحه ودروا حامل ماحجوا لاتاركه صار هواي وعمتي كيفت كالت بلكي ولد .... مرت الاشهر وهم ماكدرت اجيب طبيعي الا قيصريه وجبت الحمدلله ولد ..صارت حياتي زينه وي سراج .. وتعلق بيه حيل ويخاف عليه وكله من اروح يشوفون سوه وكاموا يسمونه عصافير الحب ... وصاروا هم عندي بنات اثنين وهم قفلت كمت اظرب ابر مانع وسراج ...كيف كال بعد منريد اخاف عليج من العمليات كلما اطبين عملية عبالك اني مو انتي .... جان نعم الزوج وياي بكلشي يساعدني بلطبخ واذا مريضه ينظف ويغسل الملابس والبنات والولد معتني بيهم ويدرسهم وميخليني ناقصه شي واني هم وياه بالكلمة الطيبه واتلكاه باحسن ملكله وصار دخول الدواعش وتركنه بيوتنه وسكنه قرب كربلاء المقدسه وناس خوش ناس وصارت علاقتنه قويه وياهم وهم ماحسسونه انو احنه سنه وشيعه من اروح الهم اسالهم شنو معنى هاي الكلمه سنه وشيعه ميجاوبن لان يكولون اكو ناس زرعت التفرقه واحنه ماعدنه هذا الشي بقينه سنتين يمهم الما وكت طريحت فراش وحالتي صعبت ونقلوني لمستشفى وخلوني عمليه طلعت عندي مراره ومتازم وضعي حيل ورحت يم اهلي ظلوا يداروني الما تحسنت وتحررت بعض المناطق ورجعنه لغير ديره وبيتي مدمريه وبايكيه وتكسير وبعد ميفيد وتركناه وودعنه جوارينه ومن طلعنه كاموا يبجون علينه لان جانوا زينين ويانه واحنه هم زينين وياهم وزوجي يدرس ولدهم وبناتهم ... ودعناهم وظلت علاقتناه بلمخابرات .. واخويه يوسف المفقود لكيناه ويدزنه رسايل وهو زين بس ماذيه من الكتل وكاسرين فك وجه ويعاني منو وطلع صار سنه وزوجناه بس الى يقهر يسجنون الابرياء والى مسوي شي بره يفتر ولا كانو .... طبعا من اختفه اخويه يوسف ومات ابويه سنة ٢٠٠٤ ...وماعدنه احد يسال لان عمي تركنه فدمره وكل اقربائنه ..لان فقره وماعندنه شي ... وظلت امي تربي اخوتي جانوا اصغار ...وبطلتهم من المدرسه يشتغلون عماله ..فماعدنه احد يسال عنو وامي فقدت الامل كالت محد يطلع سالم منهم .. ل سنة ٢٠١٢ داز رساله وي ام لسجين جان وياه وناطيها عنوان اهلي ...ام السجين ظاله شهر ما عارفه اهلي وين ساكنين ... فاخويه كاتب الها رقم التليفون مالتي ...وخابرتني جانت ايام رمضان وكبل الفطور بساعه ... دك التليفون الارضي ورديت ولانه مره تكول انتو بيت سند وعدكم سجين هيج وانتي اخته الوحيده واسمج قمر ...كتله بلي عدنه مفقود من ٢٠٠٤..وفقدنه الامل اعتقدنه مات ... كالت لا حبيبتي الحمدلله اخوج موجود بسجن بوكا الي بالبصره المهم اني عندي هبوط سكر ومن اسمع خبر انهبط راسا ..فهي اتسولف واني ماسيطرت بس دموعي تجري ...كالت عايش وهو زين ..بس يريد فلوس وملابس حتى ينقلوه لغير سجن ... هنا اني ماصدكت ...الا حلفت هو اسمه افلان ابن فلان ياله ...المهم راسا خابرت عمتي اخت والدي ..وكتلها تروح تنطي خبر لامي لان حالتها النفسيه تعبت بس تبجي ع اخويه وهنا امي مامصدكه الا رايحه لام السجين ياله ... ومن نقلو كدر يدبر موبايل وكمنه نتواصل وياه وهو بلافراج من سنة ٢٠٠٨ بس انتو اعرف يريدون فلوس ومجان الحال يسمح ... وبعد معاناه من ٢٠١٢..ل ٢٠١٧ ..جانت هاي السنه احزان النه لان اخويه عمر توفى بلدوام وبعده عمرو ٣٩ سنه ٤٠ هيج ...وسنة ٢٠١٨ طلع اخويه يوسف بس احنه بحالة حزن فما فرحنه .. نسيت اكلكم عبدالله ابن خالي قتلو الدواعش بلاسقه تموع الجسم فمالكينه منه غير فحم لان ضابط برتبه عاليه ومااعرف شنو رتبته ...وسامر اخوه هم كذلك انقتل اما جديتي رغم كوتها وذلها لامي لكن من كبرنه وشافت احفادها بعد كفت نفسها ونكسرت بابويه من مات وظلت اتصلي وتغيرت اطباعها وظلت تبجي ع فقد حفيدها وره سنتين من وفاة والدي وهي تتوضه لصلاة المغرب توفت ... ونصيحه لامهات السحوره لا صدكون الله سبحانه وتعالى غاض النظر عن عباده لا الا مايجي يوم وينكلب السحر على الساحر ويلجمه باغله ماعنده وذاك الوكت يلكه نفسه متاخر وبعد ميفيد الندم ...... وهسه اني ماجره بيت لان وظعي المادي ميسمح اشتري بيت وبيتي هذاك مدمريه ... وكبل مده طلعت عندي غده وهم سويت عمليه وحاليا دا احجي قصتي واني مريضه ادعولي وهاي كل قصتي حبي وتقديري للكاتبه ساره الى ابدعت بسرد القصه بكل بساطه و طولت بالها الله يسعدها وتتحقق ماتتمنا ويحفظلها اولادها و زوجها وينطيهم الصحه والعافيه دوووم هسه انطي القلم لست سارة تختم القصة اشكرج حبيبتي الى هنا احبتي تنتهي قصة حياة قمر الي شافت الحزن طول فترة حياتها وصبرت ع هل صعاب والحزن والالم والمرض انكولها الله ينطيج ع كد صبرج ويحفظلج اولادج ويهدي زوجج عليج وينطيج الصحه والعافيه وبالشفاء العاجل يارب الى هنا اختم قصتي انتظروني بقصة جديدة تكون بيها عبرة وحكمة ونعيش مع ابطالها بكل حذافيرها استودعكم بيد الذي لاتضيع عنده الودائع مع السلامة #سارة_المجيد🎀 | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
