آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-12-19, 09:38 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل التاسع النوك الحمر بقلم مريم السعدي ﻫﺎ ﻭﻟﺞ ﻓﺰﺕ ﻭﺭﻛﻀﺖ ﺑﺤﻀﻨﻲ ﺗﺎﺷﺮﻟﻪ ﺑﺎﻟﻀﺮﺏ ﺧﺮﺑﺖ ﺿﺤﻚ ﺷﺒﻲ ﻭﻳﺎﺝ ﺍﻟﺴﻴﺪ ﻛﺎﻟﺖ ﻣﺎﻩ ﻭﺑﺮﻃﻤﺖ ﻭﺗﺎﺷﺮ ﺑﺎﻟﻀﺮﺏ ﺗﻠﻤﺴﺖ ﺷﻌﺮﻫﺎ ﻭﺟﺮﻳﺖ ﻧﻔﺲ ﺣﻀﻨﺘﻬﺎ ﻗﻮﻱ ﺑﺎﺑﺎ ﺣﺒﻴﺒﺘﻲ ﻭﻛﻔﺖ ﺗﻌﺪﻝ ﺑﺸﻌﺮﻫﺎ ﻭﻛﻊ ﺍﻟﺸﺮﻳﻂ ﻭﻃﻜﺘﻬﺎ ﺑﻌﻴﻄﻪ ﺗﺒﺠﻲ ﺻﻮﺗﻬﺎ ﻗﺮﺝ ﺍﺭﻳﺪ ﺍﺳﻮﻱ ﻣﺪﺍﺍﻋﺮﻑ ﻫﺴﻪ ﻫﺬﺍ ﺷﻤﻌﺮﻓﻨﻲ ﺷﻯﻮﻥ ﻳﺴﻮﻭ ﺑﺎﺑﺎ ﻣﻦ . ﺳﻮﺍﻩ ﺍﻟﺞ ﻛﺎﻟﺖ ﺑﻴﺴﻢ ﻋﻜﺪﺕ ﺣﺎﺟﺒﻲ ﺷﻨﻮﻭ ﻋﺒﺪ ﺍﻟﻠﻪ ﻭﻛﻒ ﻣﻨﺘﻔﺾ ﺟﺮﻩ ﺑﻬﺪﻭﺀ ﺷﺎﻟﻬﺎ ﻭﻫﺎﻱ ﺗﺮﻓﺲ ﻭﻛﻔﺖ ﻭﻳﺎﻩ ﺍﺑﺘﺴﻢ ﻛﺎﻝ ﺍﻭﺩﻳﻬﺎ ﻟﻠﺤﺠﻴﻪ ﻫﺎ ﻣﺎﺷﻲ ﺍﺧﺬﻫﺎ ﻭﻫﻲ ﺗﺒﺠﻲ ﻭﺗﺼﻴﺢ ﺑﺎﺑﺎ ﻟﺤﺪ ﻣﺎ ﻋﺒﺪ ﺍﻟﻠﻪ ﻧﺘﺮ ﺍﺷﺶ ﺳﻜﺘﺖ ﺧﻨﺴﺖ ﻭﺗﺒﺎﻭﻉ ﻋﻠﻴﻪ ﺷﺎﻳﻠﻬﺎ ﻭﺩﺍﻳﺮ ﻭﺟﻬﻪ ﺻﻔﺢ ﻣﺒﺘﺴﻤﻠﻬﺎ ﻃﻠﻊ ﻣﻦ ﺟﻴﺒﻪ ﺍﻟﺴﺒﺤﻪ . ﻧﻄﺎ ﻫﺎ ﺍﻟﻬﺎ ﺍﺑﺘﺴﻤﺖ ﻭﻟﻔﺖ ﺍﻳﺪﻫﺎ ﻋﻠﻰ ﺭﻛﺒﺘﻪ ﺑﻘﻪ ﻳﻤﺸﻲ ﺩﻳﻮﺻﻞ ﺑﺒﺎﺏ ﺑﻴﺘﻬﻢ ﺩﻙ ﺍﻟﺒﺎﺏ ﻗﻮﻱ ﺍﻟﺘﻔﺖ ﻋﻠﻴﻪ ﺑﻌﺪﻧﻲ ﻭﺍﻛﻒ ﺑﻤﻜﺎﻧﻲ ﺭﻓﻊ ﺗﻚ ﺣﺎﺟﺐ ﺑﻐﻀﺐ ﻧﺼﻴﺖ ﺭﺍﺳﻲ ﻭﺭﺟﻌﺖ ﺭﻓﻌﺘﻪ ﺷﻔﺖ ﻓﺮﺡ ﺧﻠﺖ ﺍﻟﺴﺒﺤﻪ ﺑﺠﻴﺐ ﺻﺪﺭ ﺩﺷﺪﺍﺷﺘﻪ ﻛﺎﻟﻠﻬﺎ ﻋﻔﻴﻪ ﺳﺒﺎﻋﻴﻪ ﻓﺮﺣﻪ ﺍﺑﺘﺴﻤﺖ ﺗﺼﻔﻚ ﻋﻆ ﺍﻳﺪﻫﺎ ﺑﻬﺪﻭﺀ ﺍﻳﺪﻫﺎ ﻣﻄﺒﻜﻪ ﻃﺒﻜﺎﺕ ﻣﻦ ﺍﻟﺴﻤﻦ ﺍﻧﻲ ﻣﻦ ﺗﺠﻲ ﺑﺤﻀﻨﻲ ﺍﻓﻘﺪ ﻭﺍﻋﻀﻬﺎ ﺑﻬﺪﻭﺀ . ﻛﺎﻣﺖ ﺗﻀﺮﺏ ﺑﺨﺪﻩ ﺑﺮﻫﺎﻭﻩ ﻭﺍﻧﻔﺘﺤﺖ ﺍﻟﺒﺎﺏ ﻛﺎﻝ ﻭﻳﺒﺎﻭﻋﻠﻲ ﻫﺎﻱ ﻓﻠﺖ ﻛﺼﻴﺒﺘﻬﺎ ﻭﺩﻛﺘﻬﺎ ﻧﺎﻋﻮﺭﻩ ﻃﺒﻴﺖ ﻟﻠﺪﻳﻮﺍﻧﻴﻪ ﻭﺗﻤﺪﺩﺕ ﺷﻮﻱ ﻭﺍﺟﻪ ﻋﺒﺪ ﺍﻟﻠﻪ ﺍﻟﻴﻮﻡ ﻣﺎﻛﻮ ﺳﻴﺪ ﺣﺴﻴﻦ ﺍﻟﺤﻴﻦ ﻳﺒﻴﻦ ﻻ ﻳﻀﻠﻚ ﻓﻜﺮ ﻫﺰﻳﺖ ﺭﺍﺳﻲ ﻣﺎﻟﻞ ﻃﻜﺖ ﺭﻭﺣﻲ ﺑﺎﻭﻋﺘﻠﻪ ﺍﺭﻳﺪ ﺍﻧﺰﻝ ﻟﻠﻮﻻﻳﻪ ﻳﻌﻨﻲ ﻟﻼﺣﻴﺎﺀ ﻟﻠﺴﻮﻙ ﻟﻠﻮﺳﻂ ﻣﺪﺭﻱ ﺷﺘﺴﻤﻮ ﺷﻌﺪﻙ ﻣﺤﺘﺎﺝ ﺷﻲ ﻋﻤﻲ ﻛﻮﻝ ﻻ ﻭﺍﻟﻠﻪ ﻣﻠﻴﺖ ﻛﻠﺘﻬﺎ ﺑﺒﺮﻭﺩ ﻫﻬﻬﻪ . ﺍﻟﺴﻴﺪ ﺧﺎﻑ ﻋﻠﻴﻚ ﻣﻦ ﺣﺮ ﺷﻤﺲ ﺍﻟﺒﺮ ﻭﺗﺮﺍﺑﻪ . ﻣﺎﺧﺬﺍﻙ ﺍﻟﻴﻮﻡ ﻋﻤﻲ ﻣﺎﺧﺎﻑ ﻋﻠﻴﻪ ﻣﻦ ﺍﻟﻤﻠﻞ ﺑﻌﺪ ﻟﻴﻌﻮﻓﻨﻲ ﭼﺎ ﺧﻮﺵ ﻣﻦ ﻳﺮﺩ ﺍﻓﻬﻤﻪ ﻋﺎﺷﺖ ﺍﻳﺪﻙ ﻋﻤﺎﻣﻚ ﻣﻮﺟﻮﺩﻳﻦ ﻛﻠﻬﻢ ﺗﻮﻓﻮﺍ ﺍﻧﻪ ﻋﺪﻱ٣ ﻭﺍﺣﺪ ﻋﺪﻩ ﺑﺰﺭ ﻣﻨﺘﻀﺮ ﻭﺻﺎﺣﺐ ﻭﺻﺎﻟﺢ ﻭﺍﻟﺜﺎﻧﻲ ﻋﺪﻩ ﻭﺳﻜﺖ ﻭﻧﺼﻪ ﺍﺑﺘﺴﻤﺖ ﺟﺎﻭﺑﺖ ﻧﺴﻮﺍﻧﻬﻢ ﻟﻮﻟﺪ ﻋﻤﻚ ﺍﻱ ﺑﻠﻲ ﺻﺎﺣﺐ ﻣﻴﺸﺒﻬﻬﻢ ﺻﺎﺣﺐ ﺍﺑﻦ ﻋﻤﻲ ﺳﺎﺟﺪ ﻣﻮ ﺍﺧﻮﻫﻢ ﺍﺑﻦ ﺍﺑﻮﻫﻢ . ﺍﺧﻮﻩ ﺑﺎﻻﻡ ﻋﻤﻲ ﻣﻦ ﺗﻮﻓﻰ ﺍﺧﺬ ﺍﺭﻣﻠﺘﻪ ﻋﻤﻲ ﺻﺎﺩﻕ ﻭﺻﺎﺭﻭ ﺧﻮﺍﻥ ﻭﻱ ﻭﻟﺪ ﻋﻤﻪ ﺧﻴﺮ ﺍﻧﺸﺎﺀ ﺍﻟﻠﻪ ﺗﻨﻬﺪﺕ ﺑﻤﻠﻞ ﺭﻭﺣﻲ ﻃﻜﺖ ﺷﻮﻱ ﻭﺍﺟﻪ ﺻﺎﻟﺢ ﻛﺎﻝ ﻋﺒﺪ ﺍﻧﺖ ﻫﻨﺎﻳﺎ ﺑﻠﻲ ﻋﻤﻲ ﺗﻌﺎﻝ ﻟﻴﺠﺎﻱ ﻭﻳﺎﻱ ﺍﻟﺒﻮﺭﻱ ﻣﺎﻝ ﺍﺑﻲ ﻃﺎﻙ ﻭﻣﺪ ﺭﺍﺳﻪ ﺷﺎﻓﻨﻲ ﺍﺑﺘﺴﻢ ﻛﺎﻝ ﺍﻟﻤﻌﺬﺭﻩ ﻣﺎﺩﺭﻳﻚ ﻫﻨﺎﻳﺎ ﺣﺴﺒﺘﻚ ﻭﻱ ﺍﻟﺴﻴﺪ ﻭﻛﻔﺖ ﻳﺎ ﺑﻮﺭﻱ ﻃﺎﻙ ﻋﺎﺩﻱ ﻳﺎﺑﻪ ﻟﺘﺘﻜﻠﻔﻮﻥ ﺗﺮﻩ ﺿﺎﻳﻘﺘﻮﻧﻲ ﻻ ﻋﻤﻲ ﻋﻠﻰ ﺭﺍﺳﻲ ﺍﻟﺒﻮﺭﻱ ﻣﺎﻝ ﺧﺎﺑﻂ ﻣﺎﻝ ﺍﻟﻤﺰﺭﻋﻪ ﻃﻠﻌﺖ ﻗﺒﻞ ﺳﻴﺪ ﻋﺒﺪ ﺍﻟﻠﻪ ﻛﻴﻔﺖ ﺣﺤﺮﻙ ﺍﻳﺪﻱ ﻭﻃﻠﻌﺖ ﻭﻳﺎﻫﻢ ﺟﺎﻳﺒﻴﻦ ﺍﺑﻮ ﺑﻮﺍﺭﻱ ﻛﻠﻠﻠﺸﻲ ﻣﻴﻌﺮﻑ ﻓﺤﺼﺖ ﻣﻜﺎﻥ ﺍﻟﻜﺴﺮ ﻭﺑﺪﻳﺖ ﺍﺣﻔﺮ ﻭﻫﻤﻪ ﻭﻳﺎﻱ ﺗﺸﻠﻬﻮ . ﻭﻳﺤﻔﺮﻭﻥ ﻭﺷﺎﻛﻮﻟﻠﻬﻢ ﻳﺴﻮﻭﻥ ﺷﻮﻱ ﻭﺻﺎﺡ ﺳﻴﺪ ﺣﺴﻴﻦ ﭼﺎ ﺻﺪﻙ ﺗﻜﻠﻮﻥ ﻣﺸﻐﻠﻴﻦ ﺍﻟﻮﺍﺩﻡ ﻭﻟﻜﻢ ﺧﺰﻳﺘﻮﻧﺎ ﻃﻠﻌﺖ ﻣﻦ ﺍﻟﺤﻔﺮﻩ ﻟﻴﺶ ﻫﻴﺞ ﺳﻴﺪ ﻣﻌﻮﺩ ﺭﻭﺣﻲ ﻃﻜﺖ ﺍﻧﻲ ﻣﺎﻋﺮﻑ ﺍﻛﻌﺪ ﻋﻤﻲ ﻋﻴﺐ ﻣﻦ ﻋﺪﻙ ﻋﻮﺩ ﺍﻧﻪ ﺧﻠﻴﺘﻚ ﺗﺮﺗﺎﺡ ﻳﺎﺑﻪ ﺍﻧﻲ ﺍﻟﻜﻌﺪﻩ ﺍﻟﻲ ﻣﺮﺽ ﺧﻠﻴﻨﻲ ﺑﺮﺍﺣﺘﻲ ﺗﺮﻩ ﺍﻫﺞ ﺍﺷﺮﺕ ﺑﻴﺪﻱ ﻣﻬﺪﺩ ﻣﺎﺷﺮ ﻣﺒﺘﺴﻢ ﻛﺎﻝ ﻋﻤﻲ ﺑﺴﺘﺎﻧﻚ ﻫﺎﺫ ﻭﺍﺧﺾ ﺭﺍﺣﺘﻚ ﺭﺟﻌﺖ ﻟﻠﺤﻔﺮﻩ ﻭﻫﻮ ﻳﺒﺎﻭﻋﻠﻲ ﺫﺏ ﻋﺒﺎﺗﻪ ﺍﻟﻠﻲ ﻋﻠﻰ ﻛﺘﻔﻪ ﻭﻧﺰﻝ ﻭﻳﺎﻳﻪ ﺑﻜﻤﺰﻩ ﻭﻛﺎﻣﺖ ﻳﺤﻔﺮ ﺑﻌﺪ ﻣﺎ ﺗﺸﻠﻪ ﻟﻜﻴﻨﻪ ﺍﻟﻜﺴﺮ ﻭﺑﺪﻟﺖ ﺍﻟﻤﻌﺎﻛﺲ ﻭﻏﻴﺮﻧﺎ ﺍﻟﺒﻮﺍﺭﻱ ﻭﻋﺪﻟﺖ ﺍﻟﺘﺎﺳﻴﺲ ﻭﺭﺟﻌﻨﺎ ﻃﻤﻴﻨﺎ ﺍﻟﻄﻴﻦ ﻭﺿﺨﻴﻨﺎ ﺍﻟﻤﻲ ﺑﻘﻮ ﺻﺎﻓﻨﻴﻦ ﻋﻠﻴﻪ ﻭﻋﺎﻟﺘﺎﺳﻴﺲ ﻛﺎﻟﻮ ﻋﻤﻲ ﺍﻧﺖ ﺣﺮﺍﻣﺎﺕ ﺑﻴﻚ ﺑﻐﺪﺍﺩ ﺍﻧﺖ ﺑﻜﺎﻧﻚ ﺑﻨﺺ ﺍﻟﺰﺭﻉ ﻭﻳﺎﻧﺎ ﻫﻬﻬﻬﻬﻪ ﻳﺎﺑﻪ ﺷﻐﻠﺘﻲ ﻫﺎﻱ ﻣﻦ ﺍﻧﻲ ﺻﻐﻴﺮ ﻗﺒﻞ ﻻ ﺍﺗﻮﺿﻒ ﺣﺘﻰ ﻣﺎﺷﺎﺀ ﺍﻟﻠﻪ ﻋﻠﻴﻚ ﺍﺑﻮ ﻃﻪ ﻣﺎ ﻟﺰﻣﺖ ﺷﻲ ﺍﻻ ﺍﺑﺪﻋﺖ ﺑﻲ ﺳﻴﺪ ﻟﺘﻀﺨﻤﻬﺎ ﻫﻲ ﻣﻀﺨﻪ ﻭﻋﺪﻧﺎ ﺗﺎﺳﻴﺲ ﺑﻮﺍﺭﻳﻬﺎ ﺍﺑﻮ ﻃﻪ ﺍﻧﻪ ﺳﺒﻊ ﺳﻨﻴﻦ ﺻﺎﻓﻦ ﺍﻟﻮﺵ ﺍﻟﻤﻲ ﺿﻌﻴﻒ ﻭﺍﻟﺰﺭﻉ ﻫﻨﺎﻳﺎ ﺧﺎﻳﺲ ﻫﺎﻟﺼﻔﺤﻪ ﻃﻠﻊ ﺍﻟﻜﺴﺮ ﺟﺎﺭﻱ ﻟﻴﺠﺎﻱ ﻭﺍﻟﻤﻲ ﺟﻮﻩ ﺍﻟﺸﺠﺮ ﻳﺠﺮﻱ ﺑﺼﻮﺭﻩ ﺩﺍﺋﻤﻴﻪ ﻣﺎﺫﻱ ﺍﻟﺠﺬﺭ ﻭﻳﺎﻫﻮ ﺍﻻﺟﻴﺒﻪ ﻳﻜﻮﻝ ﻃﻴﻨﺘﻬﺎ ﻫﺎﻟﺼﻔﺤﻪ ﻣﺰﻳﻨﻪ ﻋﻤﻲ ﻻ ﻃﻴﻨﻪ ﻭﻻ ﺍﺑﺪ ﻫﻮ ﺍﻟﻜﺴﺮ ﻣﻦ ﻭﺭﺍﻩ ﻭﺧﺎﺳﺖ ﺍﻣﺸﻴﻨﺎ ﻋﻤﻲ ﺗﺘﺴﺒﺢ ﻭﺗﺎﻛﻠﻚ ﻟﻜﻤﻪ ﺯﻳﻨﻪ ﻭﺗﺮﺗﺎﺡ ﻳﻠﻪ ﻃﺒﻴﺖ ﻟﻠﺪﻳﻮﺍﻧﻴﻪ ﺳﺒﺤﺖ ﻭﺑﺪﻟﺖ ﻭﺗﻤﺪﺩﺕ ﺟﺎﺑﻮ ﺍﻟﻐﺪﻩ ﺳﻴﺪ ﺣﺴﻴﻦ ﻛﺎﻝ ﻭﻣﻨﺼﻲ ﻋﺎﻻﻛﻞ ﻳﺎﻛﻞ ﺑﻴﺪﻩ ﻋﻤﺮﻱ ﻣﻠﻌﺒﺖ ﻧﻔﺴﻲ ﻣﻨﻬﻢ ﺍﻻ ﺻﺎﺣﺐ ﻫﻠﻜﺪ ﻣﻜﺮﻭﻩ ﻭﻻﻛﻠﻤﻪ ﺣﺎﺣﺎﻧﻲ ﺑﺲ ﻋﻴﻮﻧﻪ ﺗﻀﺢ ﺳﻢ . ﺳﻴﺪ ﺣﺴﻴﻦ ﺣﺠﻪ ﻭﻣﻨﺼﻲ ﺯﻳﻦ ﻋﺪﻧﺎ ﺍﻟﻤﻀﺤﻪ ﺍﻻﻭﻟﻴﻪ ﻫﻢ ﻋﻄﻼﻧﻪ ﺻﺎﺭﻟﻬﺎ ﺳﻨﺘﻴﻦ ﻭﻳﺮﺍﺩﻟﻬﺎ ﺗﺒﺪﻳﻞ ﻭﺍﻧﻪ ﻋﺎﻓﻲ ﻋﻨﻬﺎ ﻣﺒﺎﻟﻲ ﺍﺫﺍ ﻛﺪﺭﺕ ﺗﺼﻠﺤﻬﺎ ﺍﻗﻠﻬﺎ ﺍﻧﻄﻴﻠﻚ ﺍﺟﻮﺭ ﺣﺘﻰ ﻣﺎﻳﺒﻜﻪ ﺣﻚ ﻭﻣﺤﻜﻮﻙ ﺫﺑﻴﺖ ﺍﻟﺨﺎﺷﻮﻛﻪ ﻣﻦ ﺍﻳﺪﻱ ﻟﻴﺶ ﻫﻴﺞ ﺳﻴﺪ ﺗﺨﺠﻠﻨﻲ ﻟﻌﺪ ﺩﺍﻳﺲ ﺑﺴﺎﻃﻚ ﻭﺻﺎﺭﻟﻲ ﺍﺭﺑﻊ ﺍﻳﺎﻡ ﻋﺪﻙ ﺍﻛﻞ ﻭﺍﺷﺮﺏ ﺍﻧﻲ ﻭﺍﻫﻠﻲ ﺗﺎﻟﻲ ﺗﻜﻮﻟﻲ ﺍﺟﻮﺭ ﻋﻤﻲ ﻣﻀﻴﻒ ﺳﻴﺪ ﻋﻠﻲ ﻣﻔﺘﻮﺡ ﻟﻠﻜﻞ ﻣﻮ ﻓﺪ ﺍﻟﻚ ﻫﺬﺍ ﻭﺍﺟﺐ ﻋﻠﻴﻨﺎ ﻣﻦ ﺯﻣﺎﻥ ﺍﻭﻝ ﻣﻴﺨﺎﻟﻒ ﺍﺣﺐ ﺍﺷﺘﻐﻞ ﺧﻠﻴﻨﻲ ﺍﺣﺲ ﺭﻭﺣﻲ ﺧﻔﻴﻒ ﻃﻴﺐ ﺍﻟﺤﻴﻦ ﻧﻜﻤﻞ ﺍﻟﻐﺪﻩ ﻭﺗﻤﺪﺩ ﻭﻧﺮﻭﺡ ﻟﻴﻐﺎﺩﻱ ﻳﺎﺭﻳﺖ ﻛﻤﻠﺖ ﺍﻛﻞ ﺑﻨﺸﺎﻁ ﻭﻏﺴﻠﺖ ﺷﺮﺑﺖ ﺟﺎﻳﻴﻦ ﻭﺗﻤﺪﺩﺍﻟﺴﻴﺪ ﻛﺒﺎﻟﻲ ﺻﺎﻓﻦ ﻋﺎﻟﺴﻜﻒ ﻭﺍﻧﻲ ﺍﻧﺘﻀﺮ ﺷﻮﻛﺖ ﻳﻜﻮﻟﻲ ﻳﻠﻪ --- ﻧﺎﻡ ﺳﺎﻋﺘﻴﻦ ﻭﺍﻧﻲ ﺑﺲ ﺻﺎﻓﻦ ﻋﺎﻟﺴﻜﻒ ﻭﺣﺸﺘﻨﻲ ﻧﻨﻪ ﺣﻴﻞ ﻭﺍﻡ ﻋﻮﻑ ﻣﺸﻔﺘﻬﺎ ﺍﻟﺘﻬﻴﺖ ﺑﺎﻟﻤﻀﺨﻪ ﻭﻛﺴﺮ ﺍﻟﺒﻮﺭﻱ ﻃﻜﺖ ﺭﻭﺣﻲ ﻋﻠﻰ ﺷﻮﻓﺘﻬﺎ ﻳﺮﺑﻲ -- ١ ﺣﺲ ﺍﻟﺴﻴﺪ ﻭﻟﺒﺲ ﻋﻜﺎﻟﻪ ﻣﺒﺘﺴﻢ ﻣﻴﺮﻳﺪ ﻳﻜﻮﻟﻲ ﻳﻠﻪ ﺧﺠﻼﻥ ﻫﺎ ﻧﺮﻭﺡ ﺍﺑﺘﺴﻢ ﻋﻤﻲ ﻫﺪﺩﻱ ﻣﻜﻴﻨﻪ ﻣﺎﺗﺘﻌﺐ ﺳﻴﺪ ﺷﺘﻌﺐ ﺗﻌﺒﺖ ﻣﻦ ﺍﻟﻜﻌﺪﻩ ﻭﻛﻔﺖ ﻭﻟﺒﺴﺖ ﺷﺤﺎﻃﺘﻲ ﻭﺍﺟﻪ ﻭﺭﺍﻳﻪ ﻳﺤﺠﻲ ﻭﻳﻀﺤﻚ ﺯﻳﻨﻪ ﺑﻴﺎﺩﺭﻩ ﺟﺎﻱ ﺍﻗﻠﻬﺎ ﺍﻣﺸﻲ ﺳﻴﺪ ﻭﺍﻟﻠﻪ ﻃﻜﺖ ﺭﻭﺣﻲ ﻭﺍﺧﺬﻧﻲ ﻟﻠﻤﻀﺨﻪ ﺟﺎﻧﺖ ﻣﻨﻀﻮﻣﻪ ﺿﺨﻤﻪ ﺟﺒﻴﺮﻩ ﻓﺘﺮﻳﻨﺎ ﺩﺍﻳﺮ ﻣﻴﺪﻭﺭﻫﺎ ﺻﺎﻓﻦ ﻓﺘﺤﺖ ﺑﺮﺍﻏﻲ ﻭﺍﺗﺼﻔﻦ ﻭﻫﻮ ﻭﻳﺎﻳﻪ ﺑﺲ ﺣﺴﻪ ﻣﻄﻠﻊ ﺷﻮﻱ ﻭﻃﺐ ﺳﻴﺪ ﻋﺒﺪ ﺍﻟﻠﻪ ﻛﺎﻝ ﺟﺎﻳﺎﺕ ﺧﻮﻳﻬﻪ ﺧﻠﻴﻬﻦ ﺑﻌﺪ ﺍﺧﻮﻙ ﻭﺍﺯﻛﻴﻠﻲ ﺍﻟﻤﺮﺍﺡ . ﺣﻀﻴﺮﻩ ﺍﻻﺑﻞ ﻳﻘﺼﺪ ﻓﻜﻴﺘﻬﺎ ﻗﻄﻌﻪ ﻗﻄﻌﻪ ﻭﻟﺪ ﻋﻤﻪ ﺍﺟﻮ ﻣﻦ ﺍﺑﺎﻭﻉ ﺩﺍﻳﺮ ﻣﻴﺪﻭﺭﻱ ﻛﺎﻋﺪ ﺑﻮﺳﻂ ﺑﺮﺍﻏﻲ ﻛﻮﻣﻪ ﻭﻭﻟﺪ ﻋﻤﻪ ﻭﺍﻟﺴﻴﺪ ﻭﺭﺍﻳﻪ ﺻﺎﻓﻨﻴﻦ ﺍﻟﺘﻔﺘﺖ ﺣﺴﻴﺖ ﺭﻭﺣﻲ ﺩﺧﺖ ﻣﻠﻜﻴﺖ ﺍﻟﻌﻄﻞ ﻭﻳﻦ ﻟﺤﺪ ﺍﻻﻥ ﻛﻠﻬﺎ ﺷﻐﺎﻟﻪ ﻭﺗﻮﺻﻠﻠﻬﺎ ﻛﻬﺮﺑﺎﺀ ﻟﻴﺶ ﻣﺪﺗﺸﺘﻐﻞ ﺻﺎﺣﺐ ﻧﻂ ﭼﻨﻪ ﻣﺎﻋﺮﻓﻠﻬﺎ . ﻃﺸﺮﻫﺎ ﻭﺧﻼﻫﺎ ﻻ ﺍﺣﻨﺎ ﺍﻟﻌﺎﻳﻔﻴﻬﺎ ﻟﻠﻴﻌﺮﻑ ﺑﻴﻬﺎ ﻭﻻ ﺍﻫﻮ ﺍﻟﺸﻐﻠﻬﺎ ﺳﻴﺪ ﺣﺴﻴﻦ - ﺳﻴﺪ ﺻﻮﻳﺤﺐ ﺧﻠﻲ ﺑﺮﺍﺣﺘﻪ ﻫﺎ ﻋﻤﻲ ﺗﺮﺗﺎﺡ ﺑﺎﺟﺮ ﺍﺻﻔﻨﻠﻬﺎ ﻭﺍﺳﻮﻳﻬﺎ ﺑﺲ ﺧﻞ ﺍﺟﻤﻊ ﺍﻓﻜﺎﺭﻱ ﺍﻣﺸﻴﻨﺎ ﺍﺟﻞ ﻏﻮﺭﺑﺖ ﺍﻟﺪﻧﻴﺎ ﺭﺟﻌﻨﺎ ﻟﻠﻤﻀﻴﻒ ﻭﺍﻧﻲ ﺻﺎﻓﻦ ﻭﻳﻦ ﻣﻤﻜﻦ ﺍﻟﻐﻠﻂ ﻳﻜﻮﻥ ﺍﺣﺘﺎﺟﻴﺖ ﻭﺭﻗﻪ ﻭﻗﻠﻢ ﺍﺭﺳﻢ ﺍﻟﺨﺎﺭﻃﻪ ﻣﺎﻟﺘﻬﺎ ﺑﺎﻭﻋﺖ ﻟﺴﻴﺪ ﻋﺒﺪ ﺍﻟﻠﻪ ﺑﺼﻔﻲ ﺷﺎﻭﺭﺗﻪ ﺳﻴﺪ ﻭﺭﻗﻪ ﻭﻗﻠﻢ ﺍﻟﻜﻪ ﻋﺪﻛﻢ ﺑﻠﻲ ﻋﻤﻲ ﺗﺪﻟﻞ ﺷﻮﻱ ﻭﺟﺎﺑﻪ . ﻭﻛﻌﺪﺕ ﺍﺧﻄﻂ ﻭﺍﻟﻮﻟﺪ ﻳﺤﺠﻮﻥ ﺑﻴﻨﻬﻢ ﺳﻴﺪ ﺣﺴﻴﻦ ﻛﺎﻝ ﻋﻤﻲ ﻻﺗﺪﻭﺥ ﺭﻭﺣﻚ ﻣﺎﻳﻬﻢ ﺍﻫﻲ ﻋﻄﻼﻧﻪ ﺻﺎﺭﻟﻬﺎ ﺳﻨﻴﻦ ﺍﺑﻮﻱ ﻣﻦ ﺍﻭﻝ ﻛﺎﻝ ﻫﺎﺫﻱ ﺗﻌﺒﺖ ﺭﻓﻌﺖ ﺭﺍﺳﻲ ﺑﺎﻭﻋﺘﻠﻪ ﺻﺎﺭﻟﻬﺎ ﻛﻢ ﺳﻨﻪ ﺻﺎﺭﻟﻬﺎ ٣٠ ﺳﻨﻪ ﻣﻦ ﺍﻭﻝ ﻣﺎﺷﺘﺮﻩ ﺍﺑﻮﻱ ﺍﻟﺒﺴﺘﺎﻥ ﻟﻴﺶ ﻫﺬﺍ ﺍﻟﺒﺴﺘﺎﻥ ﻻﺑﻮﻙ ﺍﻱ ﻧﻌﻢ . ﻻﺑﻮﻱ ﻭﺍﻧﻪ ﻭﻭﻟﺪ ﻋﻤﻲ ﺷﻐﺎﻟﻴﻦ ﺑﻲ ﻭﺑﺎﻟﺒﺮ ﻣﺎﻛﺘﻠﻚ ﺍﻧﻪ ﺭﺟﻌﺖ . ﻧﺼﻴﺖ ﻋﺎﻟﺨﺎﺭﻃﻪ ﻣﻌﻨﺎﻫﺎ ﺗﺮﺗﻴﺒﻬﺎ ﻗﺪﻳﻢ . ﻣﻜﻴﻨﺘﻬﺎ ﺳﻴﻤﻨﺲ ﻋﺎﻟﻨﻀﺎﻡ ﺍﻟﻘﺪﻳﻢ ﻣﻌﻨﺎﻫﺎ ﺗﺸﻐﻴﻠﻬﺎ ﻳﺴﺮﻩ ﺭﻓﻌﺖ ﺣﺎﺟﺒﻲ ﺳﻴﺪ ﻋﺒﺪ ﺍﻟﻠﻪ ﻛﺎﻝ ﺟﻨﻚ ﻟﻜﻴﺖ ﺍﻟﻌﻄﻞ ﻳﻤﻜﻦ ﻭﺍﻟﻠﻪ ﻫﻬﻬﻪ ﺷﻴﻄﻠﻊ ﺍﻟﺼﺒﺢ ﻳﻄﻠﻊ ﻋﻤﻲ ﻳﻄﻠﻊ ﻛﻠﻬﺎ ﺟﻢ ﺳﺎﻋﻪ ﺑﺲ ﺍﺧﻀﻨﻲ ﻭﻳﺎﻙ ﻣﺎﺷﻲ ﺑﺎﻭﻋﺖ ﻟﻠﻮﺭﻗﻪ ﻣﺮﻩ ﻟﺦ ﻭﺗﻤﺪﺩﺕ ﻭﻛﻠﻬﻢ ﺗﻤﺪﺩﻭ ﻭﺭﺍﻳﻪ ﻃﻔﻮ ﺍﻟﻀﻮﻳﺎﺕ ﻣﺎﻝ ﻣﻀﻴﻒ ﻭﺭﻩ ﺳﺎﻋﻪ ﺻﺎﻟﺢ ﻭﻣﻨﺘﻀﺮ ﺗﺴﺤﺒﻮ ﺑﻘﻮ ﺍﻟﺴﺎﺩﻩ ﻭﺻﺎﺣﺐ ﻭﺍﻧﻲ ﻣﻜﺪﺭﺕ ﺍﻧﺎﻡ ﺍﺗﻜﻠﺐ ﺍﺗﻜﻠﺐ ﻣﻜﺪﺭﺕ ﻣﻮﺑﻴﺪﻱ ﻛﻤﺖ ﺑﺎﻭﻋﺖ ﻻﻳﺖ ﻣﺨﻠﻲ ﺑﺎﻟﻤﻀﻴﻒ ﺟﺒﻴﺮ ﺍﺧﺬﺗﻪ ﻭﻃﻠﻌﺖ ﻣﺸﻴﺖ ﻟﻠﻤﻀﺨﻪ ﻣﻮ ﺑﻌﻴﺪﻩ ﻫﻮﺍﻱ ﺗﻄﻠﻊ ﺑﺒﻌﺪ ﻓﺮﻋﻴﻦ ﻋﻨﻪ ﺑﺲ ﺻﻨﻨﻨﻄﻪ ﻭﻫﺬﺍ ﺍﻻﺭﻳﺪﻩ ﻟﺘﺮﻛﻴﺰﻱ ﺷﻐﻠﺖ ﺍﻟﺘﻮﺭﺝ ﺍﻭ ﺍﻟﺒﻠﻮﺟﻜﺘﺮ ﻭﺗﻘﺮﺑﺖ ﻋﺎﻟﻤﻜﻴﻨﻪ ﻭﺑﺪﻳﺖ ﺍﺷﺘﻐﻞ ﺍﺭﺗﺐ ﻋﺎﻟﺘﺮﺗﻴﺐ ﺍﻟﻴﺴﺮﻩ ﻋﺎﻟﻨﻀﺎﻡ ﺍﻟﻘﺪﻳﻢ ﻭﺍﺻﻔﻂ ﺷﻐﻠﻪ ﺷﻐﻠﻪ ﺑﺮﻏﻲ ﺑﺮﻏﻲ ﺍﺑﺎﻭﻉ ﺍﻟﻔﺠﺮ ﺑﺪﺕ ﺍﻭﻝ ﺧﻴﻮﻃﻪ ﻭﺍﻧﻲ ﻣﺒﺘﺴﻢ ﺭﺍﺿﻲ ﻛﻤﻠﺖ ﺑﻘﻪ ﺑﺲ ﺍﺷﻐﻞ ﻭﺍﺧﺎﻑ ﻣﻦ ﺻﻮﺗﻬﺎ ﻳﻜﻌﺪﻫﻢ ﺯﻳﺘﺘﻬﺎ ﺯﻳﻦ . ﺣﺘﻰ ﺗﻨﻜﻊ ﺑﺎﻟﺰﻳﺖ ﻣﻨﺎ ﻟﺴﺎﻋﻪ ﻭﺍﻧﻲ ﻣﺘﺎﻛﺪ ﻣﻦ ﻋﻤﻠﻬﺎ ﺗﺸﺘﻐﻞ ﻣﺎﺑﻴﻬﺎ ﻣﺠﺎﻝ ﻃﻠﻌﺖ ﺩﺍﺍﻣﺸﻲ ﻃﻔﻴﺖ ﺍﻟﺘﻮﺭﺝ ﻻﻥ ﺍﻟﻔﺠﺮ ﺑﺪﻩ ﻳﻠﻮﺡ ﺗﻘﺮﻳﺐ ﺍﻟﺴﺎﻋﻪ ٥ ﻛﻮﻩ ﺍﺷﻮﻑ ﻃﺮﻳﻘﻲ ﺑﺲ ﺍﺣﺴﻦ ﻣﻦ ﺍﻟﻠﻴﻞ ﺩﺍﺍﻣﺸﻲ ﻭﻟﻤﺤﺖ ﻣﺮﻩ ﺗﻤﺸﻲ ﺗﺠﺎﻩ ﺍﻟﺤﻀﻴﺮﻩ ﻣﺎﻝ ﺍﺑﻞ ﺍﺳﻮﺩ ﻣﻦ ﻓﻮﻙ ﻟﻴﺠﻮﻩ ﻧﺼﻴﺖ ﺭﺍﺳﻲ ﻭﺍﻟﻤﺢ ﺷﺤﺎﻃﻪ ﺍﻣﻲ ﺍﻟﺤﻮﺯﻳﻪ ﻣﺎﺍﻏﻠﻂ ﺑﻴﻬﺎ ﻫﻬﻬﻪ ﻫﺎﻱ ﻧﻨﻪ ﻣﺸﻴﺖ ﺗﺠﺎﻫﻪ ﺑﺰﺍﻭﻳﻪ ﻭﺍﺭﺩﺩ ﻧﻨﻪ ﻫﻬﻬﻪ ﻟﺞ ﻧﻨﻪ ﺍﻭﻛﻔﻲ ﺳﺮﻋﺖ ﻣﺸﻴﺘﻬﺎ ﺍﺳﺘﻐﺮﺑﺖ ﺿﻬﺮﻫﺎ ﻋﻠﻴﻪ ﺩﺗﻔﺘﺢ ﺍﻟﻠﺒﺎﺏ ﻣﺎﻝ ﺣﻀﻴﺮﻩ ﻟﺰﻣﺘﻬﺎ ﻣﻦ ﻋﺒﺎﺗﻬﺎ ﻣﺒﺘﺴﻢ ﺍﻟﺘﻔﺘﺖ ﻋﻠﻴﻪ ﻣﺘﻔﺎﺟﺎﻩ ﺍﻧﺼﺪﻣﺖ ﻫﺎﻱ ﻣﻮ ﺍﻣﻲ ﺭﺟﻌﺖ ﻟﻴﻮﺭﻩ ﺑﻘﺖ ﺻﺎﻓﻨﻪ ﺑﻮﺟﻬﻲ ﺩﻛﺎﺕ ﺑﺤﻨﻜﻬﺎ ﻭﻋﻴﻮﻧﻬﺎ ﻛﺒﺎﺭ ﺧﺪﻭﺩﻫﺎ ﺣﻤﺮ ﻭﺟﻬﻪ ﺑﻴﻀﻮﻱ ﻳﻀﻮﻱ ﻭﺷﻔﺎﻑ ﺑﺎﺭﺯﻩ ﺣﺎﺟﺐ ﻭﺭﻣﺶ ﺍﻛﺤﻞ ﺭﺟﻌﺖ ﻟﻴﻮﺭﻩ . ﺧﻄﻮﻩ ﻟﺦ ﻛﻤﺖ ﺍﺗﺒﻠﻌﻢ ﺧﻮﻑ ﻣﻦ ﺍﻫﻠﻬﺎ ﻭﻣﻨﻬﺎ ﺧﺎﻑ ﺗﻜﻮﻟﻬﻢ ﻫﺬﺍ ﻣﻮ ﺧﻮﺵ ﺍﺩﻣﻲ ﻋﻠﻰ ﻛﻮﻟﺘﻬﻢ ﺍﺍﻧﻲ ﺍﻋﺘﺬﺭ ﻭﺍﻟﻠﻪ ﻋﺒﺎﻟﻲ ﺍﻣﻲ ﺣﺘﻰ ﻧﻔﺲ ﻣﺪﺍﺳﻬﺎ ﺑﻘﺖ ﺻﺎﻓﻨﻪ ﺑﻮﺟﻬﻲ ﻓﺎﻛﻪ ﻋﻴﻮﻧﻬﺎ ﻭﻭﺟﻬﻪ ﺻﺎﺭ ﺍﺣﻤﺮ ﺍﺣﺲ ﺭﻭﺣﻲ ﻋﺮﻛﺖ ﺧﻮﻑ ﻭﻣﺴﺘﺤﻪ ﻣﻨﻬﻢ ﻧﺼﻴﺖ ﺭﺍﺳﻲ ﺳﻤﻌﺖ ﺻﻮﺕ ﻣﺮﻩ ﻟﺦ ﻧﺎﺻﻲ ﻛﻠﺶ ﺑﺪﺍﺧﻞ ﺍﻟﺤﻀﻴﺮﻩ ﻛﺎﻟﺖ ﻓﻀﻴﻴﻴﻪ ﻳﺒﺮﻳﺴﻤﻤﻢ ﺍﻟﺼﺒﺢ ﻻﻟﺖ ﻧﻮﺍﺣﻴﻪ ﺍﺑﺎﻭﻋﻠﻬﺎ ﻣﺮﺗﺒﻜﻪ ﻭ ﻃﺒﺖ ﻟﻠﺤﻀﻴﺮﻩ ﻭﺳﺪﺕ ﺍﻟﺒﺎﺏ ﻣﺸﻴﺖ ﺳﺮﻳﻊ ﺍﺗﻠﻔﺖ ﺧﺎﻑ ﺍﺣﺪ ﻳﺸﻮﻓﻨﻲ ﺷﻔﺘﻬﺎ ﻭﺍﻟﻠﻪ ﺭﺍﺳﻦ ﻳﺪﻛﻮ ﻟﻲ ﻃﺎﺑﻊ ﻃﺒﻴﺖ ﻟﻠﻤﻀﻴﻒ ﺷﻔﺖ ﺍﻟﺴﻴﺪ ﻳﺼﻠﻲ ﺗﻮﺿﻴﺖ ﻭﺻﻠﻴﺖ ﻭﺭﺍﻩ ﻭﺍﻟﺮﺟﻔﻪ ﺑﻴﻪ ﻭﻣﺪﺍﺍﻛﺪﺭ ﺍﻧﺴﻰ ﺗﻔﺼﻴﻞ ﻭﺍﺣﺪ ﻣﻨﻬﺎ ﺍﻧﻄﺒﻊ ﺷﻜﻠﻬﺎ ﺑﺮﺍﺳﻲ ﺩﻗﻴﻘﺘﻴﻦ ﺑﺮﻳﺴﻢ ﺷﻮﻥ ﺍﺳﻢ ﻫﺬﺍ ﻏﺮﻳﺐ ﻋﺠﻴﺐ ﺑﺲ ﺷﻮﻥ ﺣﻠﻴﻮﻩ ﺍﻟﻠﻪ ﻳﺴﺘﺮ ﻋﻠﻴﻬﺎ ﻳﻤﻜﻦ ﺩﻗﻴﻘﺘﻴﻦ ﺍﻱ ﺍﻱ ﺟﺎﻧﺖ ﺩﻗﻴﻘﺘﻴﻦ ﻳﻤﻜﻦ ﺻﺎﻓﻦ ﺑﻮﺟﻬﻪ ﻭﻫﻲ ﺻﺎﻓﻨﻪ ﻭﺗﺪﻳﺮ ﺑﻮﺟﻬﻪ ﺧﺠﻞ ﻭﺧﻮﻑ ﻭﺍﺳﺘﻐﺮﺍﺏ ﻣﺸﻔﺘﻪ ﺑﺒﻨﻴﻪ ﻗﺒﻞ ﻛﻤﻠﺖ ﺻﻼﻩ ﺍﻟﺘﻔﺖ ﻋﻠﻰ ﺍﻟﺴﻴﺪ ﻛﺎﻝ ﺍﺑﻮ ﻃﻪ ﻟﻮﻳﻦ ﺭﺣﺖ ﺍﺑﺘﺴﻤﺖ ﻟﻠﻤﻀﺨﻪ ﻛﻤﻠﺘﻬﺎ ﺳﻴﺪ ﺑﺲ ﺑﻘﻪ ﺍﺷﻐﻠﻬﺎ ﻭﺧﻔﺖ ﻻ ﺗﻜﻌﺪﻛﻢ ﺍﺟﻞ ﻛﻮﻡ ﻧﺸﻐﻠﻬﺎ ﺑﻮﻳﻪ ﻟﻴﺶ ﺗﺘﻌﺐ ﺭﻭﻳﺤﺘﻚ ﻣﺎﻃﺎﻳﺮﻩ ﺍﻟﺪﻧﻴﺎ ﻣﻜﺪﺭﺕ ﺍﻧﺎﻡ ﺳﻴﺪ ﻫﻬﻬﻬﻪ ﻧﻴﺎﻝ ﺑﻐﺪﺍﺩ ﻋﻠﻴﻚ ﻭﺍﻟﻠﻪ ﺍﻣﺸﻴﻨﺎ ﻋﻤﻲ ﺍﻣﺸﻴﻨﺎ ﺭﺣﻨﺎ ﻟﻠﻤﻀﺨﻪ ﻭﺷﻐﻠﻨﺎﻫﺎ ﻭﺿﺨﺖ ﺍﻟﻤﻲ ﺑﺼﻮﺭﻩ ﻣﺮﻋﺒﻪ ﺍﺑﺎﻭﻋﻠﻪ ﺩﻣﻌﺖ ﻋﻴﻨﻪ ﻭﺍﻟﺘﻔﺖ ﻛﺎﻝ ﺗﻌﺮﻑ ﻋﻤﻲ ﺍﺑﻮ ﻃﻪ ﻫﺎﻱ ﺗﺮﻭﺡ ﺳﺒﻊ ﺑﺴﺎﺗﻴﻦ ﻣﺎﻝ ﻧﺎﺱ ﻣﺎﻋﺪﻫﻢ ﺍﻟﻠﻴﻠﻪ ﻓﺮﺣﺖ ﻛﻠﻮﺏ ﻓﻘﺮﻩ ﻭﻣﺴﺎﺟﻴﻦ ﺭﺑﻲ ﻳﺨﻠﻴﻬﺎ ﺑﻤﻴﺰﺍﻧﻚ ﻛﻮﻥ ﺗﺴﻠﻢ ﺍﺑﺘﺴﻢ ﻃﻠﻌﺖ ﻭﺍﺗﻔﺮﺝ ﻋﺎﻟﻤﻲ ﺷﻮﻥ ﻳﺠﺮﻱ ﺑﺼﻮﺭﻩ ﻗﻮﻳﻪ ﺑﺎﻟﺴﺎﻛﻴﻪ ﺍﺭﺗﺎﺣﻴﻨﺎ ﻭﺍﻟﺴﻴﺪ ﻳﺒﺘﺴﻢ ﻛﺎﻝ ﻋﻤﻲ ﺷﺘﻮﻣﺮ ﺍﻛﻠﻚ ﺗﻢ ﺍﺭﻳﺪ ﻙ ﺳﺎﻟﻢ ﺳﻴﺪ ﺭﺣﻤﻪ ﺍﻟﻠﻪ ﻭﺍﻟﺪﻳﻚ ﻣﺎﺭﺍﺡ ﺍﻧﺴﺎﻟﻜﻴﺎﻫﺎ ﻭﺭﻭﺡ ﺍﺑﻮﻱ -------- ﺍﺑﺘﺴﻤﺖ ﻣﺮﺗﺎﺡ ﺭﺟﻌﻨﺎ ﺍﻟﺼﺒﺢ ﻭﺗﺮﻳﻜﻨﺎ ﻭﺍﻧﻲ ﺍﻟﻮﺏ ﻋﻠﻰ ﻓﺮﺡ ﻭﺍﻧﻲ ﺻﺎﺭ ﺧﻤﺲ ﺍﻳﺎﻡ ﺷﺎﻟﻮ ﺍﻟﻮﻟﺪ ﺍﻟﺴﻔﺮﻩ ﺑﻴﻮﻣﻬﺎ ﻣﻄﻠﻌﻮ ﻟﻠﺒﺮ ﻛﺎﻟﻮ . ﻣﻐﻴﻤﻪ ﻭﺑﻘﻴﻨﺎ ﺑﺎﻟﺒﺴﺘﺎﻥ ﻧﻔﺘﺮ ﻫﻲ ﻣﺰﺭﻋﻪ ﺑﺒﻄﻦ ﻣﺰﺭﻋﻪ ﺑﺒﻄﻦ ﺑﺴﺘﺎﻥ ﺟﺒﻴﺮ ﻓﺮﻧﻲ ﻋﺎﻟﺤﻀﻴﺮﻩ ﺍﻧﺴﻄﺮﺕ ﻣﻦ ﻛﺒﺮﻫﺎ ٦٠٠ ﻣﺘﺮ ﺣﻀﻴﺮﻩ ﻭﻣﻜﺎﻥ ﻟﻠﺘﺰﺍﻭﺝ ﻭﻣﻜﺎﻥ ﻟﻠﻮﻻﺩﻩ ﻭﻣﻜﺎﻥ ﻟﻠﺮﺿﺎﻋﻪ ﺑﺲ ﺍﻟﺮﻳﺤﻪ ﺗﺬﺑﺢ ﻭﻫﻨﺎ ﺑﺪﺕ ﺍﻻﻓﻜﺎﺭ ﺗﻮﺍﺭﺩ ﻛﺎﻝ ﺍﻟﺮﻳﺤﻪ ﺗﻀﻞ ﻋﺒﻦ ﻣﺎﺗﺘﻨﻀﻒ ﺍﻟﻜﺎﻉ ﺯﻳﻦ ﻓﺘﺒﻘﻰ ﺗﻀﺦ ﺭﻳﺤﻪ ﻫﺎﻱ ﺑﺎﻟﻴﻮﻡ ﺗﻨﺤﻠﺐ ٣ ﻣﺮﺍﺕ ﻻﻥ ﺭﻋﺎﻳﺘﻬﺎ ﻣﻜﺜﻔﻪ ﺗﻜﻮﻥ ﺑﺎﻭﻋﺖ ﻋﺎﻟﻜﺎﻉ ﺳﻴﺪ ﺷﻌﺠﺐ ﻣﺎﻣﻔﺮﻭﺷﻪ ﻛﺎﻉ ﺍﻟﺤﻀﻴﺮﻩ ﺍﻟﻤﺮﺍﺡ ﻣﺎﺗﻨﻔﺮﺵ ﺟﺎ ﺷﻮﻥ ﺍﻓﺮﺷﻬﺎ ﻛﻞ ﺷﻜﺪ ﺗﻨﻀﻔﻮﻫﺎ ﻳﻌﻨﻲ ﺗﻘﺮﻳﺐ ﺍﻻﺳﺒﻮﻋﻴﻦ ﻧﻮﺑﻪ ﻻﻥ ﺍﻟﺠﻤﻞ ﻣﺎﻳﺒﺮﺯ ﺟﺜﻴﺮ ﻛﻮﻧﻪ ﻣﺎﻳﺎﻛﻞ ﺟﺜﻴﺮ ﺑﺸﻜﻞ ﻳﻮﻣﻲ ﻓﺒﺮﺍﺯﻩ ﻗﻠﻴﻞ ﺍﻏﺼﺪ ﻓﻀﻼﺗﻪ ﺳﻴﺪ ﻟﻌﺪ ﻓﺮﺷﻮ ﻧﺎﻳﻠﻮﻥ ﻭﺷﻴﻠﻮ ﻭﺑﺪﻟﻮ ﻛﻞ ﺳﺒﻮﻋﻴﻦ ﺗﺨﻠﺺ ﻣﻦ ﺍﻟﺮﻳﺤﻪ ﺷﻮﻥ ﻳﻌﻨﻲ ﻣﺎﻓﻬﻤﺘﻚ ﻛﻤﺖ ﺍﺍﺷﺮ ﻭﺍﺣﺠﻲ ﻣﺸﻤﻊ ﻧﺎﻳﻠﻮﻥ ﻳﻨﻔﺮﺵ ﻭﻣﻦ ﻳﺼﻴﺮ ﺑﻲ ﻓﻀﻼﺕ ﻳﻨﺸﺎﻝ ﻃﻴﺐ ﻣﺎﻳﺼﻴﺮ ﻧﻨﻀﻔﻪ ﻭﻧﺮﺩ ﻧﺤﻄﻪ ﺍﻱ ﺍﺫﺍ ﺗﻀﺮﺑﻮ ﺑﻤﻲ ﻗﻮﻱ ﻛﻠﻪ ﻳﺮﻭﺡ ﻭﻧﺬﺑﻪ ﻋﺎﻟﻤﺰﺭﻭﻋﺎﺕ ﻫﻢ ﺳﻤﺎﺩ ﺍﻫﺎ ﺑﻌﺪ ﺷﻜﻮ ﻭﻻ ﺭﻳﺤﻪ ﻭﻻ ﻏﻴﺮﻫﺎ ﻭﻓﺮﺷﻮ ﺣﻮﺍﻩ ﺭﻣﻞ ﻫﺴﻪ ﻛﻞ ﺍﻟﺮﻳﺤﻪ ﺗﻨﺠﺮ ﻭﺍﺫﺍ ﺗﺮﻳﺪ ﻓﺤﻢ ﻣﻄﺤﻮﻥ ﻳﺴﺤﺐ ﺍﻟﺮﻳﺤﻪ ﻛﻠﻬﺎ ﺻﻔﻦ ﺿﻴﻖ ﻋﻴﻨﻪ ﻭﻳﻠﻌﺐ ﺑﺸﺎﺭﺑﻪ ﻭﻳﺒﺎﻭﻉ ﻛﺎﻝ ﻭﺍﻟﺠﻴﻔﻪ ﺗﺒﺮﺡ ﻣﺎ ﺗﻀﻞ ( ﺗﺨﺘﻔﻲ ) ﺓﺍﻱ ﺗﺮﻭﺡ ﺍﻟﺤﻴﻦ ﺍﺧﻠﻲ ﺍﻟﺴﺎﺩﻩ ﻳﺠﻴﺒﻮﻥ ﺷﻴﺴﻤﻮﻧﻪ ﻫﺎﺫ ﻣﺸﻤﻊ ﺳﻴﺪ ﻣﺸﻤﻊ ﺍﻣﺘﺎﺭ ﺑﻮﻳﻪ ﺍﻧﻪ ٦٠٠ ﻣﺘﺮ ﻣﺮﺍﺣﻲ ﺍﻱ ﻫﻮ ﺧﻠﻲ ٦٠٠ ﻣﺘﺮ ﻭﻳﻘﺴﻤﻮ ﻋﻠﻰ ١٠٠ ﻭﺍﻟﺤﻮﺍﻑ ﻳﺪﻛﻮﻫﺎ ﺧﺸﺒﻪ ﻣﺴﻄﺮﻩ ﻋﺮﻳﻀﻪ ﺣﺘﻰ ﻣﻦ ﺗﻨﻠﻒ ﺗﺘﺮﺗﺐ ﻣﺘﺘﻌﺒﻬﻢ ﻭﺍﻧﻪ ﻭﻳﻦ ﻏﺎﺑﺖ ﻋﻨﻨﻲ ﻫﺎﻟﻔﻜﺮﻩ ﺍﺻﻼ ﻣﺎﻻﻣﺢ ﻣﺸﻤﻊ ﻧﻔﺲ ﻣﺎﺗﻜﻮﻝ ﻻ ﺍﻧﻲ ﺷﺎﻳﻔﻪ ﻋﺪ ﺍﺑﻮ ﺍﻻﻧﺸﺎﺋﻴﻪ ﻭﺍﻟﻔﺤﻢ ﺍﻟﺤﻴﻦ ﻧﺤﺮﻙ ﺟﺬﻭﻉ ﻭﻏﺼﻮﻥ ﺍﻟﺸﺠﺮ ﻭﻧﺠﺮﺷﻪ ﺩﻙ ﻳﻠﻪ ﻫﺎﻱ ﺣﺘﻰ ﻋﻠﻴﻬﺎ ﻣﻮﺯﻳﻦ ﻣﺨﻨﻮﻙ ﺍﻟﻬﻮﻩ ﻻ ﺍﺑﻮ ﻃﻪ ﺍﻟﻤﺮﺍﺡ ﺑﻴﻬﺎ ﻓﺘﺤﺎﺕ ﺗﻬﻮﻳﻪ ﻣﻮ ﺑﻨﺎﺀ ﻫﺎﺫ ﻫﺎﺫ ﺧﻮﺹ ﻋﺎﻳﻦ ﻫﺎﺍﺍﻩ ﻣﻴﻬﻢ ﻫﺴﻪ ﺗﺸﻮﻑ ﺷﻮﻥ ﺗﻨﺴﺤﺐ ﺍﻟﺮﻳﺤﻪ ﻣﻨﻮﻳﺤﻠﺒﻬﻦ ﺳﺎﻟﺘﻪ ﻭﺍﺩﺭﻱ ﺍﻟﺠﻮﺍﺏ ﺍﻟﺒﺎﺭﺣﻪ ﺍﻟﻠﻲ ﺷﻔﺘﻬﺎ ﺍﻛﻴﺪ ﻏﻴﺮ ﺍﻟﻤﻮﺿﻮﻉ ﺩﺍﺭ ﻋﻨﻲ ﻭﺟﻬﻪ ﻛﺎﻝ ﺷﻴﺴﻤﻮﻧﻪ ﻛﻠﺖ ﻣﺸﻤﻊ ﺳﻴﺪﻧﺎ ﻣﺸﻤﻊ ﻃﻠﻌﻨﺎ ﻣﻦ ﺍﻟﻤﺮﺍﺡ ﻋﻠﻰ ﻛﻮﻟﺘﻬﻢ ﻭﻫﻮ ﻳﻌﺪﺩﻟﻲ ﺍﺳﻤﺎﺀ ﺍﻟﺠﻤﺎﻝ ﻛﻞ ﻭﺣﺪﻩ ﻋﺪﻫﺎ ﺍﺳﻢ ﻭﺍﺷﺮ ﻋﻠﻰ ﺳﺒﻌﻪ ﻣﻨﻬﺎ ﻛﺎﻝ ﺫﻧﻪ ﻋﻮﻳﻘﺮ ﻳﻌﻨﻲ ﻣﻴﺨﻠﻔﻦ ﻭﻛﺒﺎﺭ ﺟﺎﻫﺰﻩ ﻟﻠﺬﺑﺢ ﻭﻣﺤﺠﻮﺯﻩ ﺍﺳﺘﻐﺮﺑﺖ ﻣﻦ ﻛﺎﻝ ﻛﻞ ﻭﺣﺪﻩ ﻭﺯﻧﻬﺎ٥٠٠ ﻛﻴﻠﻮ ﻃﻠﻌﻨﺎ ﻭﻭﺻﻪ ﺍﻟﻮﻟﺪ ﻛﺎﻟﻮ ﻭﻳﻦ ﻳﺒﻴﻌﻮﻧﻪ ﻳﺎﺑﻪ ﺍﻱ ﺍﺑﻮ ﺍﻧﺸﺎﺋﻴﻪ ﻛﻮﻟﻪ ﻭﺍﺫﺍ ﻣﺎﻋﺪﻩ ﻭﺻﻲ ﻳﺠﻬﺰﻟﻚ ﭼﺎ ﺧﻮﺵ ﻃﻠﻌﻨﺎ ﻭﺗﺬﻛﺮﺕ ﻗﺒﻞ ﻳﻮﻡ ﻣﻦ ﺷﻔﺘﻬﺎ ﺑﻨﻔﺲ ﺍﻟﻤﻜﺎﻥ ﺳﺎﻟﺘﻪ ﺳﻴﺪ ﻫﺎﻱ ﺍﻟﻮﻟﺪ ﻳﺤﻠﺒﻮﻫﻢ ﺑﺎﻭﻋﻠﻲ ﺑﺸﻚ ﻛﺎﻝ ﺍﻫﻠﻨﺎ ﺍﻟﻔﺠﺮﻳﻪ ﻳﺠﻢ ﻭﻳﺤﻠﺒﻮﻫﻢ ﻭﺍﻟﻤﺮﺗﻴﻦ ﺍﻟﺒﻜﺖ ﺍﻡ ﻋﻮﻑ ﺍﻟﻠﻪ ﻳﺠﺎﺯﻳﻬﺎ ﺗﺘﻜﻔﻞ ﺑﻴﻬﻦ ﻫﺎﺍ ﻧﺼﻴﺖ ﺭﺍﺳﻲ ﻓﺸﻠﺖ ﺗﺎﻛﺪﺕ ﺭﺍﺟﻌﻪ ﺍﻟﺒﻨﻴﻪ ﺍﻟﻪ ﻣﻌﺮﻑ ﺷﺘﺼﻴﺮﻟﻪ ﺑﺲ ﻣﻦ ﺍﻫﻠﻪ ﻳﺠﻮﺯ ﺑﺖ ﻋﻤﻪ ﺭﺟﻌﻨﺎ ﻟﻠﺪﻳﻮﺍﻧﻴﻪ ﻭﻛﺖ ﻏﺪﻩ ﻟﻤﺤﺖ ﻓﺮﺡ ﺗﻠﻌﺐ ﻭﻱ ﺍﻟﺒﻨﺎﺕ ﺭﻛﻀﺖ ﻋﻠﻴﻪ ﻭﻭﻛﻌﺖ ﺷﻠﺘﻬﺎ ﺍﺿﺤﻚ ﻛﺎﻟﺖ ﺑﺎﺑﺎ ﺷﻮﻑ ﺍﺑﺎﻭﻉ ﺷﻌﺮﻫﺎ ﻳﺨﺒﻞ ﻛﻠﻪ ﻛﺼﺎﻳﺐ ﺑﺸﺮﺍﻳﻂ ﺳﻮﺩ ﺍﻟﻠﻪ ﺷﻮﻥ ﺣﻠﻮ ﻣﻨﻮ ﺳﻮﺍﻩ ﺑﻴﺒﻲ ﻻ ﺑﻴﺴﻢ ﺻﻔﻨﺖ ﻋﻠﻰ ﺣﻠﻜﻬﺎ ﻭﺗﺬﻣﺮﺕ ﺳﻴﺪ ﻋﺒﺪ ﺍﻟﻠﻪ ﻣﻦ ﻃﻔﺮ ﺍﺑﺘﺴﻤﺖ ﺗﻘﺼﺪ ﺑﺮﻳﺴﻢ ﻫﻤﺴﺖ ﺑﺬﻧﻬﺎ ﺍﺿﺤﻚ ﺑﺮﻳﺴﻢ ﻫﺰﺕ ﺭﺍﺳﻬﺎ ﺑﻠﻬﻔﻪ ﺍﻱ ﺿﺤﻜﺖ ﺣﻀﻨﺘﻬﺎ ﻗﻮﻱ ﺑﻴﺒﻴﺘﺞ ﻭﻳﻦ ﺑﺎﺑﺎ ﻫﻨﺎﻙ ﻧﺰﻟﺘﻬﺎ ﻭﻟﻤﺤﺖ ﺍﻡ ﻋﻮﻑ ﻳﻢ ﺍﻟﺘﻨﻮﺭ ﺍﻛﻴﺪ ﻫﻲ ﺑﺎﻭﻋﺖ ﻟﻠﺴﻴﺪ ﻛﺎﻝ . ﻣﻦ ﺑﻌﻴﺪ ﻋﻠﻰ ﺧﻴﺮ ﺑﺲ ﺍﺷﻮﻑ ﺍﻟﺤﺠﻴﻪ ﻃﺎﻙ ﻛﻠﺒﻲ ﻋﻠﻴﻬﺎ ﻫﺎ ﺍﺧﺾ ﺭﺍﺣﺘﻚ ﻭﺭﺩ ﺍﻟﻨﻮﺏ ﻟﻠﺪﻳﻮﺍﻧﻴﻪ ﻻﺗﺒﻄﻰ ﻻﻻ ﻣﺎﺍﺗﺎﺧﺮ ﻣﺸﻴﺖ ﺗﺠﺎﻩ ﺍﻟﺘﻨﻮﺭ ﺍﻡ ﻋﻮﻑ ﻣﻮ ﻓﺰﺕ ﻣﻨﺪﺍﺭﻩ ﻭﺧﺮﺕ ﻃﺮﻑ ﻓﻮﻃﺘﻬﺎ ﺧﻠﺘﻬﺎ ﻋﻠﻰ ﻧﺺ ﻭﺟﻬﻬﻜﺎﻟﺖ ﺗﻔﻀﻞ ﻓﺪﻭ ﺑﺲ ﺻﻴﺤﻴﻠﻲ ﺍﻡ ﻳﺲ ﻛﻮﻟﻴﻠﻬﺎ ﺍﺑﻨﺞ ﻫﺎﻱ ﺟﺘﻚ ﻭﺭﺍﻙ ﺍﻟﺘﻔﺘﺖ ﻭﺷﻔﺖ ﻧﻨﻪ ﺗﻤﺸﻲ ﺳﻮﻳﻊ ﺗﺤﺎﻫﻲ ﻭﺣﻀﻨﺘﻬﺎ ﻗﻮﻱ ﻳﻮﻡ ﻭﻳﻨﺞ ﻟﻚ ﻳﻤﻪ ﺭﻭﺣﻲ ﻓﺮﻓﺤﺖ ﻋﻠﻴﻚ ﻟﻌﺪ ﺗﻌﻮﻓﻨﻲ ﻭﺗﺮﻭﺡ ﺍﺫﺍ ﺍﻧﺤﺒﺴﺖ ﻻ ﺍﻛﺪﺭ ﺍﻛﻮﻟﻬﻢ ﺻﻴﺤﻮﻫﺎ ﻣﻴﺮﺿﻮﻥ ﻭﻻ ﺍﻧﻲ ﺍﻟﻄﺎﺏ ﺷﺎﻳﻔﺞ ﻟﻚ ﻳﻤﻪ ﺷﻮﻥ ﻋﻴﺸﻪ ﺍﻭﻭﻭﻭﻑ ﺷﻮﻥ ﻧﺎﺱ ﺷﻮﻥ ﻃﻴﺒﻪ ﻭﺷﻜﺪ ﻣﻀﻠﻮﻣﺎﺕ ﺑﻴﻬﻢ ﺩﻣﺸﻲ ﺍﻣﺸﻲ ﻳﻤﻌﻮﺩﻩ ﻟﻴﺴﻤﻌﻮﺝ ﻭﻳﻦ ﻧﺮﻭﺡ ﻫﻨﺎ ﺍﻣﻲ ﻟﺒﺴﻲ ﻋﺒﺎﺗﺞ ﺧﻞ ﻧﻔﺘﺮ ﻭﺍﺳﻮﻟﻔﻠﺞ ﺍﻣﺸﻲ ﻟﺒﺴﺖ ﻋﺒﺎﻳﺘﻬﺎ ﻭﻏﻄﺖ ﻧﺺ ﻭﺟﻬﻪ ﻣﺜﻠﻬﻢ ﻭﻣﺸﻴﺘﺎ ﺍﻟﺴﻴﺪ ﺷﺎﻓﻨﺎ ﻭﺩﻧﺞ ﺭﺍﺳﻪ ﺑﻘﻴﻨﺎ ﻧﻔﺘﺮ ﻭﺍﺳﻮﻟﻔﻠﻬﺎ ﻋﺎﻟﺒﺮ ﻭﺍﻟﻤﻜﺎﻳﻦ ﻭﺍﻟﻤﻨﻀﻮﻣﻪ ﻭﻫﻲ ﺗﺴﻤﻊ ﺳﺎﻛﺘﻪ ﺗﺒﺘﺴﻢ ﺑﺎﻭﻋﺘﻠﻬﺎ ﺍﻱ ﺍﻡ ﻳﺲ ﻭﺍﻧﺘﻲ ﺷﻮﻥ ﻛﻀﻴﺘﻲ ﺍﺳﺒﻮﻋﺞ ﻭﺍﻟﻠﻪ ﻣﻦ ﺍﻟﻌﻤﺮ ﻭﻧﺴﻪ ﻧﺴﻮﺍﻧﻬﻢ ﺗﺼﻨﻴﻒ ﻭﻋﺎﻳﺸﻴﻦ ﻭﻱ ﺿﺮﺍﻳﺮﻫﻢ ﻓﺪ ﺑﻴﺖ ﻭﺧﻮﺍﺕ ﻛﻮﻣﻪ ﺧﻮﺍﺕ ﺳﻴﺪ ﺣﺴﻴﻦ ﻳﻤﻪ ﺷﻤﻌﺮﻓﻨﻲ ﺧﻮﺍﺗﻤﻨﻮ ﻛﻮﻣﻪ ﺑﻨﺎﺕ ﺣﺪﻳﺜﺎﺕ ﻋﺪﻫﻢ ﺑﺲ ﻋﺪﻫﻢ ﻓﻜﺪ ﻛﻤﺮ ﺍﻭﻭﻑ ﺍﺧﺬﺕ ﻛﻠﺒﻲ ﻭﻓﺪ ﻫﺒﻪ ﺭﻳﺢ ﻭﺣﻨﻴﻨﻪ ﺑﺲ ﺧﻄﻴﻪ ﻣﻀﻠﻮﻣﻪ ﻣﻨﻮ ﻫﺎﻱ ﻋﻠﻮﻳﻪ ﺑﺮﻳﺴﻢ ﺍﺳﻤﻬﺎ ﺍﺑﺘﻬﺞ ﻛﻠﺒﻲ ﺍﺑﺘﺴﻤﺖ ﻭﺩﻙ ﻛﻠﺒﻲ ﺷﺒﻴﻚ ﻳﺴﻮﻧﻲ ﻋﻜﺪﺕ ﺣﺎﺟﺒﻬﺎ ﻣﺴﺘﻐﺮﺑﻪ ﺩﺭﺕ ﻭﺣﻬﻲ ﻟﺰﻣﺘﻨﻲ ﺍﻟﻀﺤﻜﻪ ﻛﺎﻟﺖ ﻳﻮﻝ ﻟﺘﺨﺰﻳﻨﻲ ﻻ ﻳﻤﻪ ﻭﺍﻟﻠﻪ ﺍﻟﺒﺎﺭﺣﻪ ﺧﻬﻬﻬﻪ ﺍﻟﺒﺎﺭﺣﻪ ﺟﺎﻧﺖ ﻃﺎﻟﻌﻪ ﺍﻟﻔﺠﺮ ﻭﻻﺑﺴﻪ ﺷﺤﺎﻃﺘﺞ ﻭﻋﺒﺎﻟﻲ ﺍﻧﺘﻲ ﺻﺤﺖ ﻳﻮﻡ ﻭﺍﻟﺘﻔﺘﺖ ﻋﺎﺩ ﺻﺎﺣﻮﻫﺎ ﺑﺮﻳﺴﻢ ﻋﺰﺟﺮﻓﺖ ﺍﻟﺘﻘﺼﺪﻳﻬﺎ ﺍﻧﺘﻲ ﻫﺴﻪ ﻳﺎﻓﺪﻭﻩ ﺷﻔﺘﻬﺎ ﺷﻮﻥ ﺟﻤﺎﻝ ﻭﺷﻮﻥ ﺣﺒﺘﻬﺎ ﻓﺮﺡ ﺍﻱ ﺍﻟﻠﻪ ﻳﺴﺘﺮﻋﻠﻴﻬﺎ ﺷﻨﻮ ﻣﻤﺘﺰﻭﺟﻪ ﻻ ﻧﺎﻫﻲ ﻋﻠﻴﻬﺎ ﺍﺑﻦ ﻋﻤﻬﺎ ﻭﺍﻟﻨﻮﺑﻪ ﻣﺘﺰﻭﺝ ﻭﻋﺪﻩ ﺟﻬﺎﻝ ﻭﻧﺎﻫﻲ ﻋﻠﻴﻬﺎ ﻋﻜﺪﺕ ﺣﺎﺣﺒﻲ ﺻﺎﻓﻦ ﻛﺎﻟﺖ ﺧﻄﻴﻪ ﺗﻤﻮﺕ ﻣﻨﻪ ﻋﺎﺩ ﻛﺎﻟﺖ ﻻﺧﻮﻫﺎ ﺗﺘﻮﺳﻞ ﺑﻲ ﻣﺘﺮﻳﺪﻩ ﻋﺎﺩ ﺍﺧﻮﻫﺎ ﻛﺎﻳﻠﻪ ﻟﻠﻮﻟﺪ ﺍﺻﺒﺮ ﺧﻞ ﺗﺎﺧﺬ ﻋﻠﻰ ﻛﻮﻧﻬﺎ ﻣﺨﻄﻮﺑﻪ ﺍﻟﻚ ﻋﻮﺩ ﺗﺰﻭﺟﻬﺎ ﺍﺧﺘﻤﻦ ﻫﺎﻱ ﻣﻨﻮ ﺍﺧﻮﻫﺎ ﺷﻤﻌﺮﻓﻨﻲ ﻳﻮﻡ ﺷﻮ ﻛﻠﻬﺎ ﺳﺎﺩﻩ ﻫﺎﻩ ﺻﻔﻨﺖ ﺑﺎﻭﻋﺖ ﻻﻣﻲ ﻛﺎﻟﺖ ﻳﻮﻝ ﻧﺸﺘﺎﻗﻴﺖ ﻟﻤﺮﺗﻚ ﻳﻤﻪ ﻣﺘﺴﻜﺘﻴﻦ ﻟﺨﺎﻃﺮ ﺍﻟﻠﻪ ﺩﺷﻮﻓﻴﻬﺎ ﺣﺘﻰ ﺑﺘﻬﺎ ﻣﻬﺘﻤﺖ ﺍﻟﻬﺎ ﻣﺎﻣﺎ ﺍﻧﺖ ﺿﺎﻟﻤﻬﺎ ﺗﺮﻩ ﺣﺒﻴﺒﻲ ﺗﺮﻩ ﺩﻋﺎﺀ ﺗﺤﺒﻚ ﻭﺗﺮﻳﺪﻙ ﺑﺲ ﺍﻟﻬﺎ ﻳﻤﻪ ﻣﻮ ﺟﺘﻲ ﺗﺤﺒﻴﻦ ﻋﻤﻲ ﻋﻠﻲ ﻣﺎﻣﺎ ﺍﻛﻮ ﻋﺎﻟﻢ ﺗﻜﺪﺭ ﺗﺘﺤﻤﻞ ﻭﺗﺴﻜﺖ ﻭﺍﻣﻮ ﻻ ﺍﻧﻲ ﺟﻨﺖ ﺍﻟﻮﺏ ﻣﻦ ﺍﺷﻮﻓﻪ ﻳﻤﺼﻮﻥ ﺑﺪﻣﻪ ﻭﺗﻌﺒﻪ ﻭﻣﻴﺒﻘﺎﻟﻲ ﺷﻲ ﺑﺲ ﻣﺎﺭﻳﺪ ﺍﻛﻮﻟﻪ ﻭﺍﻗﻬﺮﻩ ﺑﺲ ﺍﺣﺘﺮﻙ ﺣﺮﻙ ﺣﻘﻬﺎ ﻣﺮﺗﻚ ﻭﻣﻮ ﻣﻦ ﺍﻟﻨﻮﻉ ﺍﻟﺼﺮﺍﻓﻪ ﺷﻔﺘﻬﺎ ﻻﻣﻬﻪ ﺫﻫﺐ ﻫﺎﻱ ﺑﺎﺟﺮ ﺗﺴﻨﺪﻙ ﻣﺸﺎﻳﻒ ﻣﻨﻬﺎ ﻏﻴﺮ ﺟﻴﺐ ﺟﻴﺐ ﺷﺎﻳﻒ ﻣﻨﻬﺎ ﺣﺐ ﺍﻧﻲ ﻳﻤﻪ ﻟﻮ ﺷﺎﻳﻔﻪ ﻣﻨﻚ ﺣﺐ ﺗﻨﻄﻴﻚ ﺭﻭﺣﻬﺎ ﺳﻮﻳﻬﺎ ﻣﻠﻜﻪ ﺗﺴﻮﻳﻚ ﻣﻠﻚ ﺣﺒﻴﺒﻲ ﻫﺎﻱ ﺍﻟﺒﻌﺪ ﻓﺮﺻﻪ ﺗﺮﺍﺟﻊ ﺣﺴﺎﺑﺎﺗﻜﻢ ﻳﻮﻡ ﻳﻤﻪ ﺍﻧﻲ ﻣﻘﺼﺮ ﺑﺮﻭﺡ ﻋﻤﻲ ﻣﻘﺼﺮ ﺍﻱ ﻣﻘﺼﺮ ﻣﻦ ﺷﻜﻜﺖ ﺑﻴﻬﺎ ﻭﺻﺎﺭﺕ ﺑﻴﻬﺎ ﻋﻨﺎﺩ ﻧﻘﺼﺮ ﻣﺎﻣﺎ ﺧﺪ ﻭﻋﻴﻦ ﺗﻌﺎﻝ ﺷﻮﻑ ﻫﻨﺎ ﺷﻮﻥ ﻳﻌﺎﻣﻠﻮﻥ ﺯﻭﺟﺎﺗﻬﻢ ﻭﻟﻚ ٢ ﻭﺛﻼﻟﺜﻪ ﻭﻛﻞ ﻭﺣﺪﻩ ﻣﻨﻬﻢ ﻳﻜﺮﻟﻬﺎ ﺍﻧﺘﻲ ﺍﻻﻭﻟﻰ ﻭﺍﻻﺧﻴﺮﻩ ﻭﻣﺘﻌﺮﻑ ﻳﺎﻫﻮ ﺍﻟﺼﺪﻙ ﺑﻠﻚ ﻳﻤﻪ ﺍﻛﺴﺒﻬﺎ ﺧﻠﻴﻬﺎ ﺗﺴﻨﺪﻙ ﻣﻮ ﺗﻠﻌﻦ ﺍﻟﻴﻮﻡ ﺍﻟﻘﺒﻠﺖ ﺑﻲ ﻋﻠﻴﻚ ﺍﺳﺘﻐﻔﺮ ﺍﻟﻠﻪ ﻫﺴﻪ ﻃﻠﻊ ﺍﻟﻐﻠﻂ ﺑﻴﻪ ﺍﻱ ﻭﺍﻟﻠﻪ ﻳﻤﻪ ﺍﻧﺸﺎﺀ ﻧﺮﺟﻊ ﺑﺴﻼﻣﻪ ﻭﺍﺭﻳﺪﻙ ﺗﺒﺪﻱ ﺻﺢ ﻟﺨﺎﻃﺮ ﻓﺮﻭﺣﻪ ﺍﻧﺖ ﺷﺎﻳﻔﻬﺎ ﻣﻦ ﺗﺘﻌﺎﺭﻛﻮﻥ ﺷﻮﻥ ﺗﺼﻢ ﺍﺫﻧﻬﺎ ﻭﺗﺘﻜﺮﻓﺖ ﺑﺎﻟﺰﻭﻳﻪ ﺗﺮﺟﻒ ﻭﺗﺼﻴﺢ ﺻﻔﻨﺖ ﺟﺮﻳﺖ ﻧﻔﺲ ﻛﺮﻫﺖ ﻧﻔﺴﻲ ﺗﻨﺪﻣﺖ ﻋﻠﻰ ﺗﻘﺼﻴﺮﻱ ﻭﻳﺎﻫﺎ ﺗﻤﻨﻴﺖ ﺍﺭﺟﻊ ﻫﺎﻟﻠﺤﻀﻪ ﻭﺍﻋﻮﺿﻬﺎ ﺭﻏﻢ ﺍﻧﻲ ﻣﻦ ﺩﺍﺍﺣﺎﺳﺐ ﺭﻭﺣﻲ ﻣﺎﺷﻮﻑ ﺭﻭﺣﻲ ﺍﻟﻐﻠﻄﺎﻥ ﺍﺷﻮﻓﻬﺎ ﻫﻲ ﺍﻟﺒﺪﺕ ﺑﺲ ﻫﻢ ﻣﻴﺨﺎﻟﻒ ﻣﻦ ﺍﺭﺟﻊ ﺍﺻﺎﻟﺤﻬﺎ ﻭﺍﺧﻠﻴﻬﺎ ﻫﻲ ﺍﻡ ﺍﻟﺒﻴﺖ ﻧﻨﻪ ﻫﺎﻱ ﻣﺘﻨﻄﻲ ﻣﺠﺎﻝ ﻣﺎﻣﺎ ﺣﺒﻴﺒﻲ ﺍﻟﻤﺮﻩ ﺗﺤﺐ ﺑﻴﺘﻬﺎ ﻭﺭﺟﻠﻬﺎ ﺧﻠﻴﻬﺎ ﻫﻲ ﺍﻡ ﺍﻟﺒﻴﺖ ﻭﺷﻮﻑ ﺣﺮﺻﻬﺎ ﻭﺷﻮﻑ ﺷﻮﻥ ﺗﻌﺎﻣﻠﻚ ﺣﻠﻮ ﻭﺗﺪﻟﻠﻚ ﺻﺎﺭﻟﻜﻢ ﺍﺭﺑﻊ ﺳﻨﻴﻦ ﺑﺲ ﻣﻌﺎﺭﻙ ﻭﻋﻨﺎﺩ ﻭﻭﺍﺣﺪ ﻻﺯﻡ ﻟﺰﻣﻪ ﻋﺎﻟﻼﺥ ﻣﺎﺷﻲ ﻧﻨﻪ ﺟﺮﻳﺖ ﻧﻔﺲ ﻛﺎﻝ ﻫﻮ ﺍﻧﻲ ﺷﺮﻳﺪ ﻗﺎﺑﻞ ﺍﺭﻳﺪﻫﺎ ﻫﻲ ﺍﻡ ﺍﻟﻠﺒﻴﺖ ﻭﺍﻧﻲ ﻋﻠﻰ ﻟﻜﻤﺘﻲ ﻭﻫﺪﻣﺘﻲ ﻭﺍﻟﻠﻪ ﺑﻴﻮﻡ ﺗﻨﻄﻴﻬﺎ ﺯﺍﻳﺪ ﺗﺨﻠﻴﻨﻲ ﻋﻠﻰ ﺭﺍﺳﻬﺎ ﻻﻥ ﺗﻌﺮﻑ ﺑﻴﻪ ﺍﻧﻲ ﻣﺤﺎﺟﻴﺘﻚ ﻣﺎﻣﺎ ﻣﺮﺍﻳﺪﻩ ﺷﻲ ﻓﻮﻙ ﺣﻘﻬﺎ ﻟﺤﻚ ﻟﺤﻴﺎﺗﻚ ﺩﺗﺴﻮﻳﻠﻚ ﺍﺥ ﻟﻮ . ﺍﺧﺖ ﻟﻔﺮﻭﺣﻪ ﺧﻮﺵ ﻧﻨﻪ ﺻﺎﺭ ﺗﻨﻬﺪﺕ ﺍﺑﺎﻭﻉ ﻟﻠﻨﺨﻞ ﻣﺸﻜﻠﺘﻲ ﻣﻦ ﺍﻭﻝ ﻣﻤﻘﺘﻨﻊ ﺑﻴﻬﺎ ﺣﺠﻴﺘﻬﺎ ﻭﻱ ﺭﻭﺣﻲ ﻭﺻﺎﺭﺕ ﺻﻮﺭﻩ ﺑﺮﻳﺴﻢ ﺑﺎﻟﺴﻌﻒ ﺑﺨﻴﺎﻟﻲ ﺍﺑﺘﺴﻤﺖ ﺍﻟﻤﻌﻨﻰ ﺍﻟﻜﺎﻣﻦ ﺑﻜﻠﻤﻪ ﺗﻨﻜﺮﻁ ﻭﺗﺘﺨﻠﻰ ﺑﺎﻟﻜﻠﺐ ﺧﻮﻓﻬﺎ ﻭﺍﺳﺘﻐﺮﺍﺑﻬﺎ ﺍﺭﺗﺒﺎﻛﻬﺎ ﺍﻟﻤﻀﺤﻚ ﺍﻟﻠﻲ ﻧﻘﻠﺘﻪ ﺍﻟﻲ ﻭﺭﺟﻌﺖ ﺍﻧﻘﻬﺮﺕ ﻋﻠﻴﻪ ﺧﻄﻴﻪ ﺍﺑﻦ ﻋﻤﻬﺎ ﻧﺎﻫﻲ ﻋﻠﻴﻬﺎ ﺑﻨﺺ ﺩﻳﻮﺍﻥ ﺍﻟﻌﺮﺏ ﺍﻟﻠﻪ ﻳﺴﺎﻋﺪﻫﺎ ﻫﺎﻱ ﻋﻴﺸﺘﻬﻢ ﺑﻌﺪ . ﺭﺍﺣﺖ ﺍﻣﻲ ﻭﻃﺒﻴﺖ ﻟﻠﺪﻳﻮﺍﻧﻴﻪ ﻟﻜﻴﺖ ﺑﻴﺪ ﺳﻴﺪ ﻋﺒﺪ ﺍﻟﻠﻪ ﺍﻟﻪ ﺗﺼﻮﻳﺮ ﻫﺎ ﻫﻬﻪ ﻫﺎﻱ ﻣﻨﻴﻠﻚ ﻋﺪﻱ ﻫﺪﻳﻪ ﻧﺠﺎﺣﻲ ﺍﺧﻮﻱ ﻫﺎﺩﻳﻬﺎ ﺍﻟﻲ ﺗﺤﺐ ﺍﻟﺘﺼﻮﻳﺮ ﺍﻣﻮﺗﻦ ﺑﻴﻪ ﻳﺤﺠﻲ ﻭﻳﺒﺎﻭﻉ ﻟﻜﺎﻣﺮﺗﻪ ﻭﺍﻧﻲ ﻛﺎﻋﺪ ﻣﺎﺩ ﺗﻚ ﺭﺣﻞ ﺭﻛﺰ ﺑﺎﻟﻤﻜﺒﺮﻩ ﺍﻟﺪﺍﺧﻞ ﺍﻟﻜﺎﻣﺮﻩ ﻭﻃﻚ ﺻﻮﺭﻩ ﺍﻟﻲ ﻫﺎﻱ ﻟﻴﺶ ﻫﻬﻬﻪ ﻣﻌﻮﺩ ﺩﻧﻄﻴﻨﻲ ﺑﺎﺹ ﺧﻞ ﺍﺿﺤﻚ ﺍﻗﻠﻬﺎ ﺍﺣﻠﻰ ﺻﻮﺭﻩ ﺍﻟﻠﻲ ﺗﻜﻮﻥ ﻋﻔﻮﻳﻪ ﻋﻤﻲ ﺑﻼ ﺗﺼﻨﻊ ﺻﺢ ﻛﻼﻣﻚ ﺛﺎﻧﻲ ﻳﻮﻡ ﺍﻟﺼﺒﺢ ﺍﻋﻠﻦ ﺳﻘﻮﻁ ﺍﻟﺤﻜﻢ ﺟﺎﻧﺖ ﺻﺪﻣﻪ ﺟﺒﻴﺮﻩ ﻋﻤﻠﻲ ﻭﺷﻲ ﻣﺘﻌﻮﺩﻳﻦ ﻋﻠﻴﻪ ٣٠ ﺳﻨﻪ ﺷﻮﻥ ﺣﺘﻜﻮﻥ ﺣﻴﺎﺗﻨﺎ ﻣﻦ ﺍﻟﻴﺮﺍﺱ ﺩﺧﻮﻝ ﺍﻻﻣﺮﻳﻜﺎﻥ ﻛﻠﻬﺎ ﺑﺎﺳﺘﻐﺮﺍﺏ ﻭﺧﻮﻑ ﻣﻦ ﺍﻟﻤﺠﻬﻮﻝ ﻳﻮﻣﻴﻦ ﺛﻼﻟﺜﻪ ﻭﺍﺧﺬﺕ ﺍﻣﻲ ﻭﻓﺮﺡ ﻭﺭﺟﻌﺖ ﺗﻮﺳﻞ ﺑﻴﻪ ﺳﻴﺪ ﺣﺴﻴﻦ ﺍﺑﻘﻰ ﻣﻜﺪﺭﺕ ﺑﻌﺪ ﺗﺴﺎﻟﻤﺖ ﻭﻳﺎﻫﻢ ﻭﺗﻮﺍﺩﻋﻨﺎ ﻭﻃﻠﻌﺖ ﺭﻭﺣﻲ ﺿﻠﺖ ﺑﻴﻦ ﺍﻟﻨﺨﻞ ﻭﺍﻟﺴﻌﻒ ﻭﺑﻴﻦ ﺍﻟﻨﻮﻙ ﻋﺮﻓﺖ ﺍﺳﻢ ﺍﺳﻢ ﺑﻴﻬﻦ . ﺍﻟﺮﺍﺣﻠﻪ ﻭﺍﻟﻨﻬﻴﺮﻩ ﻭﺍﻟﺒﻜﺮ ﻭﺍﻟﺼﻐﻴﺮ ﻣﻨﻬﺎ ﺍﻟﺴﻠﻴﻞ ﻭﺻﻮﺗﻪ ﺭﻏﺎﺀ ﻣﻮﺻﻮﺕ ﻳﺴﻤﻮ ﺍﻟﺠﻤﻞ ﻳﺮﻏﻲ ﻭﺭﺟﻌﺖ ﻟﺒﻐﺪﺍﺩ ﻣﻨﻀﺮ ﻣﺎﺭﻳﺪ ﺍﺫﻛﺮﻩ ﺑﻘﺼﻪ ﺍﺑﺪ ﺍﻟﺤﺮﻙ ﺑﻜﻞ ﻣﻜﺎﻥ ﺍﻟﻠﺒﺲ ﺍﻟﻌﺴﻜﺮﻱ ﻣﺸﻤﺮ ﺑﻜﻞ ﻣﻜﺎﻥ ﺍﻻﺣﺬﻳﻪ ﺍﻟﻌﺴﻜﺮﻳﻪ ﻧﺎﺱ ﺷﺎﺭﺩﻩ ﺑﺮﻭﺣﻬﺎ ﺍﻟﺪﺑﺎﺑﺎﺕ ﺍﻟﻤﺤﺮﻭﻛﻪ . ﺭﻋﺐ ﻭﺻﻠﻨﺎ ﻟﺒﻴﺘﻨﺎ ﻭﻓﺘﺤﻨﺎ ﻋﺎﺩ ﺻﺎﺣﺖ ﻓﺮﺡ ﻭﻳﻦ ﻣﺎﻣﺎ ﺍﻟﻠﻬﻢ ﺻﻞ ﻋﺎﻟﻨﺒﻲ ﺗﺬﻛﺮﺗﻬﺎ ﺍﻟﺨﺎﺗﻮﻥ ﻟﻠﻴﻞ ﻛﻤﺎﻧﺎ ﺗﻨﻀﻴﻒ ﺍﻟﺒﻴﺖ ﻭﺗﺴﻮﻛﺖ ﻭﺍﻓﺘﺮﻳﺖ ﺑﺎﻟﻤﻨﻄﻘﻪ ﺍﺷﻮﻑ ﺷﻜﻮ ﻣﺎﻛﻮ ﻭﺭﺟﻌﺖ ﻭﺭﺍﻫﺎ ﺭﺣﺖ ﺑﻴﺖ ﻋﻤﻲ ﺟﺒﺖ ﻣﺮﺗﻲ ﻭﻓﻌﻼ ﻗﺮﺭﺕ ﺍﺑﺪﻱ ﺻﺢ ﻭﻳﺎﻫﺎ ﻭﻟﺤﺪ ﺍﻻﻥ ﻣﺼﺎﺭﻑ ﻣﻦ ﺍﻟﻔﻠﻮﺱ ﺍﻟﻀﺎﻣﻬﺎ ﻏﻴﺮ ﺑﺲ ﻓﻠﻮﺱ ﺍﻟﺮﻭﺣﻪ ﻭﺍﻟﺠﻴﻪ ﻣﺨﻠﻮﻧﻲ ﺍﺻﺮﻑ ﺷﻲ ﻫﻨﺎﻙ ﺑﺎﻟﺴﻤﺎﻭﻩ ﺷﻜﺪ ﺭﺩﺕ ﺍﻟﺘﻘﻲ ﻗﺎﺳﻢ ﻫﻨﺎﻙ ﻣﻠﻜﻴﺘﻪ ﻭﻳﻦ ﺍﺷﻮﻓﻪ ﻓﺮﻉ ﻓﺮﻋﻴﻦ ﻣﻨﻄﻘﻪ ﻣﻨﻄﻘﺘﻴﻦ . ﻭﺑﺪﺕ ﺣﻴﺎﺗﻲ ﺍﻟﺠﺪﻳﺪﻩ ﻭﺿﺎﻳﻒ ﻣﺘﻮﻗﻔﻪ ﻣﻨﻌﺮﻑ ﺷﻮﻛﺖ ﺍﻟﻠﻪ ﻳﻔﺮﺟﻬﺎ ﻭﻧﺮﺟﻊ ﻫﻤﺰﻳﻦ ﻻﻣﻠﻲ ﻛﻢ ﻓﻠﺲ ﻭﻛﻌﺪﺕ ﻭﻱ ﺩﻋﺎﺀ ﻭﻓﺘﺤﺖ ﺍﻟﻘﺎﺻﻪ ﻛﺪﺍﻣﻬﺎ ﻳﺎﺑﻪ ﻫﺎﻱ ﺍﻟﻔﻠﻮﺱ ﻻﺯﻡ ﻧﻠﺰﻡ ﺍﻳﺪﻧﺎ ﻫﺎﻱ ﺍﻧﺘﻲ ﺑﻌﺪ ﺍﻡ ﺍﻟﺒﻴﺖ ﺍﻣﻲ ﻣﺎﻟﻬﺎ ﺩﺧﻞ ﺍﻧﺘﻲ ﺗﻨﻄﻴﻨﻲ ﻣﻨﻬﺎ ﻣﺼﺮﻑ ﺍﻟﺒﻴﺖ ﻭﺍﻧﺘﻲ ﺗﻀﻤﻴﻦ ﻭﺍﺭﻳﺪﺝ ﺣﻮﻙ ﻭﺗﻠﺰﻣﺒﻦ ﺿﻬﺮﻱ ﺑﻘﺖ ﻓﺘﻜﻪ ﻋﻴﻨﻬﺎ ﻣﺘﻔﺎﺟﺎﻩ ﻛﺎﻟﺖ ﺷﻮﺭﺟﻌﺖ ﻭﺭﻩ ﺳﺒﻮﻋﻴﻦ . ﻏﻴﺮ ﺷﻲ ﺷﺘﺎﻗﻴﺘﻠﺞ ﻛﻠﺘﻬﺎ ﻭﺑﺎﻭﻋﺖ ﺑﻌﻴﻨﻪ ﺻﻔﻨﺖ ﻭﻧﺼﺖ ﺭﺍﺳﻬﺎ ﺗﻘﺮﺑﺖ ﺣﻀﻨﺘﻬﺎ ﻗﺮﺭﺕ ﺍﺑﺪﻱ ﺻﺢ ﺑﺲ ﺗﻔﺎﺟﺎﺕ ﺏ ﺑﺮﻭﺩﻫﺎ ﺍﻟﺸﺪﻳﺪ ﺩﻋﺎﺀ ﺷﺒﻴﺞ ﻫﺎ ﻣﺎﺑﻴﻪ ﺷﻲ ﺍﻭﻙ ﺍﺭﻳﺪ ﻧﺼﻴﺮ ﻛﻠﺐ ﻭﺍﺣﺪ ﺗﻌﺎﻭﻧﻴﻨﻲ ﺍﻱ ﺍﻟﻠﻪ ﻛﺮﻳﻢ ﺍﺭﻳﺪﺟﻤﺎﻝ ﻋﻴﻮﻧﺞ ﺍﻟﺰﺭﻙ ﻣﺘﺒﺎﻭﻉ ﺑﻌﻴﻨﻲ ﺍﻻ ﺗﻔﻬﻤﻨﻲ ﺗﻜﺪﺭﻳﻦ ﺑﻘﺖ ﺳﺎﻛﺘﻪ ﺻﺎﻓﻨﻪ ﺑﻮﺟﻬﻲ ﻛﺎﻟﺖ ﺟﻨﺖ ﻣﺘﻮﻗﻌﻪ ﻣﻦ ﺗﺮﺟﻊ ﻧﺘﻄﻠﻚ ﺗﺪﺭﻱ ﻋﻜﺪﺕ ﺣﺎﺣﺒﻲ ﺻﺎﻓﻦ ﺷﻨﻮﻭﻭ ﻟﻴﺶ ﻣﺎﺩﺭﻱ ﺣﺴﻴﺖ ﻣﻨﺘﻔﺎﻫﻤﻴﻦ ﺳﻮﻩ ﺳﻜﺘﺖ ﻭﺩﺧﻠﺖ ﺑﻠﻐﺰ ﺑﻮﺟﻬﻪ ﺍﻟﻤﻴﺘﻔﺴﺮ ﻭﻣﻌﺮﻓﺖ ﺍﻓﺴﺮﻩ ﺑﺤﻴﺎﺗﻲ ﻭﺭﺿﻴﺖ ﺍﻛﻮﻥ ﺑﺨﺎﻧﻪ ﺍﻟﻤﻘﺼﺮﻳﻦ ﻭﺍﻧﻲ ﺍﻋﺪﻝ ﺣﻴﺎﺗﻲ ﻣﺮﺕ ﺷﻬﺮﻳﻦ ﻭﺩﻋﺎﺀ ﻫﺎﺩﺋﻪ ﻭﺍﻥ ﺍﻧﻄﻴﻬﺎ ﻓﻠﻮﺱ ﺭﺍﺿﻴﻪ ﻭﺍﻥ ﻻ ﻣﻮ ﻣﻬﻢ ﻋﺪﻫﺎ ﺑﺪﻳﺖ ﺍﻫﺘﻢ ﺑﻴﻬﺎ ﻭﺑﺪﺕ ﺗﺘﻨﺘﺒﻪ ﻻﻫﺘﻤﺎﻣﻲ ﻭﻣﺘﺒﺘﻌﺪ ﺍﺣﺲ ﺧﺎﻳﻔﻪ ﻣﺎﻋﺮﻑ ﻟﻴﺶ ﻣﺪﺭﻱ ﺍﻧﻲ ﻣﺎﻓﺘﻬﻤﻬﺎ ﻭﺭﺟﻌﺖ ﻟﻠﻮﺿﻴﻔﻪ ﻣﺮﺕ ﺳﻨﺘﻴﻦ ﺩﻋﺎﺀ ﻧﻮﻋﺎ ﻣﺎ ﺟﺎﺭﻩ ﻋﺪﻝ ﻻﻥ ﺍﻟﺮﺍﺗﺐ ﺑﻴﺪﻫﺎ ﺑﺲ ﻃﻐﺖ ﻛﺎﻣﺖ ﺗﻘﺘﺼﺪ ﻛﻠﺶ ﻋﺎﻟﺒﻴﺖ ﻋﻠﻰ ﻓﺮﺡ ﺣﺘﻰ ﻋﻠﻴﻪ ﻭﺑﻴﻮﻡ ﺩﺧﻮﻝ ﻓﺮﺡ ﻟﻠﻤﺪﺭﺳﻪ ﻭﺩﻳﻨﺎﻫﺎ ﻭﺭﺟﻌﺖ ﻟﻠﺒﻴﺖ ﺭﺣﺖ ﺍﺗﺴﻮﻙ ﻭﻭﻛﻔﺖ ﺳﻴﺎﺭﺗﻲ ﺷﺒﻴﻬﺎ ﻣﺎﺩﺭﻱ ﻛﻠﺒﺘﻬﺎ ﺗﻜﻠﺐ ﻣﻔﻬﻤﺘﻬﺎ ﻭﺩﻳﺘﻬﺎ ﻣﺼﻠﺢ ﺑﻌﺪ ﻣﺎ ﺍﻳﺴﺖ ﻭﻓﺤﺼﻬﺎ ﻣﺎﻝ ﻣﺤﺮﻙ ﺗﻌﺒﺎﻥ ﻻﺯﻡ ﺗﺒﺪﻳﻞ ﺯﻳﻦ ﺍﻧﻲ ﺭﻭﺣﺘﻲ ﻭﺟﻴﺘﻲ ﺑﻴﻬﺎ ﺳﻮﻱ ﻋﻤﻲ ﺑﻴﻮﻣﻬﺎ ﻃﻠﺐ ﻣﻨﻲ٢٧٠ ﻭﻻﻥ ﺍﻧﻲ ﺍﻟﺮﺍﺗﺐ ﻛﻠﻪ ﺑﻴﺪ ﺩﻋﺎﺀ ﻭﻭﺍﺛﻖ ﺍﻧﻬﺎ ﺩﺗﻠﻢ ﻟﻠﻮﻛﻌﺎﺕ ﻻﺳﺎﻣﺢ ﺍﻟﻠﻪ ﺻﺤﺖ ﻋﻠﻴﻬﺎ ﺟﺎﻧﺖ ﻓﻮﻙ ﺩﻋﺎﺍﺀ ﺩﻋﺎﺍﺀ ﻫﺎ ﻋﻴﻨﻲ ﻳﺎﺑﻪ ﻧﺰﻟﻴﻠﻲ ٢٧٠ ﻣﻦ ﺍﻟﻘﺎﺻﻪ ﺷﻨﻮ ﻳﺎﻗﺎﺻﻪ ﻓﺎﺭﻏﻪ ﺍﻟﻘﺎﺻﻪ ﺷﻨﻮﻭ ﺷﻮﻥ ﻓﺎﺭﻏﻪ ﻭﻳﻦ ﺩﺗﺠﻤﻌﻴﻦ ﻟﻌﺪ ﺷﺪﺍﺟﻤﻊ ﻋﻴﻨﻲ ﻫﻮ ﻭﻳﻨﻪ ﺍﻟﻤﺼﺮﻑ ﻛﻠﻪ ﺍﻟﺮﺍﺗﺐ ﻃﺎﻳﺮ ﻋﻠﻴﻪ ﻓﻜﻴﺖ ﺣﻠﻜﻲ ﻃﻔﺮﻩ ﻃﻔﺮﺕ ﻓﻮﻙ ﻛﻠﺒﺖ ﺍﻟﻜﻨﺘﻮﺭ ﻫﻲ ﺻﺎﻓﻨﻪ ﻋﻠﻴﻪ ﺑﺎﺳﺘﻬﺰﺍﺀ ﺗﻔﺘﻔﺘﺖ ﺣﺴﻴﺖ ﺭﻭﺣﻲ ﺍﻛﺒﺮ ﺯﻭﺝ ﺻﺤﺖ ﺑﻤﻞ ﺣﻴﻠﻲ ﺍﻟﻔﻠﻮﻭﺱ ﻭﻳﻦ ﺗﻮﺩﻳﻬﻨﻨﻦ ﻳﺎﻓﻠﻮﻭﻭﺱ ﺍﻧﺖ ﺷﺒﻴﻚ ﺷﺎﺍ ﺭﺏ ﻏﻴﺮ ﻋﺎﻟﺒﻴﺖ ﻟﺞ ﺭﺍﺗﺒﻲ ﺍﺻﺮﻑ ﺟﻨﺖ ﻣﻨﻪ ﻧﺺ ﻭﻧﺺ ﺍﺿﻤﻪ ﻭﺑﺎﻟﻬﺒﻞ ﺍﺻﺮﻑ ﻭﻳﻦ ﺩﺗﻮﺩﻳﻬﺎﺍﺍ ﻟﺘﺨﺒﻠﻴﻨﻲ ﻣﺸﺘﺮﻳﻪ ﺫﻫﺐ ﻟﺞ ﻣﺎﻋﺪﻱ ﺍﺭﻳﺪ ﺍﺻﻠﺢ ﺍﻟﺴﻴﺎﺭﻩ ﻭﺍﻟﻠﻪ ﺍﺧﺬ ﻣﻦ ﺍﺧﺘﻚ ﻣﻮ ﺗﻨﻄﻴﻬﺎ ﺷﻬﺮﻳﻪ ﺍﻧﻲ ﻣﻨﻴﻠﻴﻮ ﺑﺘﻚ ﻫﺎﻱ ﻫﺪﻭﻣﻬﺎ ﻭﻛﺘﺒﻬﺎ ﺑﺎﺑﺎ ﺷﺒﻴﻚ ﺻﺎﺣﺖ ﻧﻨﻪ ﻋﻠﻴﻪ ﻧﺰﻟﺖ ﺷﻨﻮ ﺷﻮﻓﺘﻨﻲ ﺍﻟﻨﺒﻲ ﻋﺮﺑﻲ ﻛﻤﺖ ﺍﻗﺴﻢ ﻭﺍﺻﻴﺢ ﻭﻫﻲ ﻣﻮ ﻳﻤﻬﺎ ﺍﻣﻲ ﻃﺘﻨﻲ ﺍﻟﻔﻠﻮﺱ ﻭﻃﻠﻌﺖ ﺣﺎﺳﺒﺖ ﺍﻟﺴﺒﺎﺭﻩ ﻭﺭﺣﻌﺖ ﺍﺣﻘﻖ ﻭﻣﻴﻔﻴﺪ ﻣﺘﻤﺴﻜﻪ ﺑﺤﺠﺎﻳﻪ ﺍﻟﻤﺼﺮﻑ ﻳﺨﻠﺼﻪ ﻭﺍﻧﻲ ﺑﺎﻟﺸﻬﺮ ﻛﻠﻪ ﻟﻮ ٣ ﻟﻮ ﺍﺭﺑﻊ ﻣﺎﻛﻠﻴﻦ ﻟﺤﻢ ﻓﻘﺪﺕ ﺑﺲ ﺑﻠﻌﺘﻬﺎ ﻭﻗﺮﺭﺕ ﺍﻟﺮﺍﺗﺐ ﻣﻴﺒﻘﻪ ﺑﻴﺪﻫﺎ ﺑﻌﺪ ﻋﻠﻰ ﺟﺜﺘﻲ ﺑﻌﻴﻨﻲ ﺑﻌﻴﻴﻴﻨﻲ يتبع...... | ||||
|  |
|
27-12-19, 09:40 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل العاشر النوك الحمر بقلم مريم السعدي ﻓﺘﺮﻩ ﻋﺪﺕ ﻋﺎﻟﻤﻮﺿﻮﻉ ﻭﺍﺗﻲ ﺳﺎﻛﺖ ﺑﺲ ﺻﺪﻗﺎ ﺟﺰﺕ ﺭﻭﺣﻲ ﻣﻦ ﻳﻤﻬﺎ ﻋﻠﻰ ﻛﻮﻟﺖ ﺳﻴﺪ ﺣﺴﻴﻦ . ﻭﻫﻲ ﻃﺒﻴﻌﻴﻪ ﺣﺘﻰ ﺍﻣﻲ ﺍﻧﺘﺒﻬﺖ ﻋﻠﻴﻬﺎ ﻧﻀﺮﺍﺗﻬﺎ ﺍﻟﻬﺎ ﺑﺎﺳﺘﻐﺮﺍﺏ ﻭﻛﺎﻣﺖ ﻣﺘﺘﺪﺧﻞ ﺍﺑﺪ ﺍﻧﻤﺎ ﺍﻧﻲ ﻫﻬﻬﻬﻬﻬﻬﻬﻪ ﻭﺍﻟﻠﻪ ﻣﻦ ﺍﺗﺬﻛﺮ ﺍﻧﻲ ﺑﺎﺍﺍﺭﺩ ﻭﻫﺎﺩﻱ . ﻛﺎﻧﻤﺎ ﻛﻠﺸﻲ ﻣﺼﺎﺭ ﻣﻮﺿﻮﻉ ﺍﻟﻘﺎﺻﻪ ﻣﻨﻔﻚ ﺑﻌﺪ ﻓﺮﻭﺡ ﺗﺮﻭﺡ ﻭﺗﺠﻲ ﻟﻠﻤﺪﺭﺳﻪ ﻭﺍﻧﻲ ﻛﻤﺖ ﺍﺗﺴﻮﻙ ﻭﺍﺧﺬﺕ ﻓﻠﻮﺱ ﻣﻦ ﺍﻣﻲ ﺑﻴﻨﻤﺎ ﻳﻜﻤﻞ ﺍﻟﺸﻬﺮ ﻭﺍﺟﻪ ﺭﺍﺱ ﺍﻟﺸﻬﺮ ﻭﺍﻟﺤﻠﻮ ﺑﻬﺎﻟﺸﻬﺮ ﺣﺼﻠﺖ ﺗﺮﻗﻴﻪ ﺍﺗﺬﻛﺮ ﻭﻛﺘﻬﺎ ٢٠٠٦ ﺟﺎﻧﺖ ١٨ ﺑﺸﻬﺮ ﺣﺰﻳﺮﺍﻥ ﻳﻮﻡ ﻓﻼ ﺍﻧﺴﺎﻩ ﺭﺍﺗﺒﻲ ﺗﻀﺎﻋﻒ ﻭﺯﺍﺩ ﻋﻠﻴﻪ ﺣﻮﺍﻓﺰ ﺷﻨﻮ ﺭﺟﻌﺖ ﻃﺎﻳﺮ ﺷﻨﻮ ﻓﺮﺣﺎﻥ ﻃﺒﻴﺖ ﻟﻠﺒﻴﺖ ﺭﻛﺾ ﻟﻨﻨﻪ ﻟﻐﺮﻓﺘﻬﺎ ﺟﺎﻧﺖ ﻋﺎﻟﺴﺠﺎﺩﻩ ﺧﻠﻴﺖ ﺍﻟﺮﺍﺗﺐ ﻋﺎﻟﺴﺠﺎﺩﻩ ﻋﻜﺪﺕ ﺣﺎﺟﺒﻬﺎ ﺳﻠﻤﺖ ﺑﺎﻭﻋﺘﻠﻲ ﺗﺒﺘﺴﻢ ﻛﺎﻟﺖ ﺷﻨﻮ ﻫﺎﻱ ﺿﺤﻜﺖ ﻧﻨﻪ ﺷﻜﺪ ﺩﺗﻨﺪﻋﻴﻠﻲ ﺑﺮﻭﺣﻪ ﻟﻌﻤﻲ ﻳﻮﻭﻭ ﺑﺲ ﺍﻟﻠﻪ ﻳﺪﺭﻱ ﻳﻮﻡ ﺗﺮﻗﻴﺖ ﻭﺯﻳﺪﻭ ﺭﺍﺗﺒﻲ ﻟﻠﻀﻌﻒ ﻳﺎ ﻳﻤﻪ ﺻﻠﻮﺍﺕ ﻋﻠﻰ ﻣﺤﻤﺪ ﺣﻀﻨﺘﻨﻲ ﺑﺴﺘﻬﺎ ﻣﻦ ﺭﺍﺳﻬﺎ ﺟﺮﻳﺖ ﻧﻔﺲ ﻣﻦ ﺭﻳﺤﺘﻬﺎ ﺍﻭﻑ ﻳﺎﺭﻳﺤﻪ ﺍﻟﻌﻔﻪ ﻭﺍﻟﻄﻬﺮ ﻳﻤﻪ ﺑﺪﻟﻲ ﺍﺭﻳﺪ ﺍﺭﻭﺡ . ﻟﻌﻤﻲ ﻋﻠﻲ ﺑﺪﻟﻲ ﻓﺪﻭﻩ . ﻳﻠﻪ ﻳﻠﻪ ﺩﻗﺎﻳﻖ ﺩﺗﻐﺪﻩ ﺍﻗﻠﻬﺎ ﻻﻻ ﻫﻨﺎﻙ ﺗﻐﺪﻳﻨﺎ ﺩﺍﺍﺣﺠﻲ ﻭﻃﺒﺖ ﺩﻋﺎﺀ ﺧﻠﻴﺖ ﺍﻟﻔﻠﻮﺱ ﺑﺠﻴﺒﻲ ﻛﺪﺍﻣﻬﺎ ﺍﺑﺘﺴﻤﺖ ﻛﺎﻟﺖ ﺧﻮ ﻣﺎﻛﻮ ﺷﻲ ﺷﻮ ﺧﺎﻟﻪ ﺗﺒﺠﻲ ﻧﻨﻪ ﻛﺎﻟﺖ ﻳﻤﻪ ﺭﺟﻠﺞ ﺗﺮﻗﻪ ﺯﻳﺪﻭ ﺩﺭﺟﺘﻪ ﻛﺎﻟﺖ ﺍﻳﻴﻴﻲ ﺍﻟﺤﻤﺪ ﻟﻠﻪ ﻣﺒﺮﻭﻙ ﺣﻴﺎﺗﻲ ﺷﻜﺮﺍ ﺑﺎﻋﻲ ﺣﺮﻭﺡ ﻭﻱ ﺍﻣﻲ ﻟﻠﻨﺠﻒ ﺍﺯﻭﺭ ﺍﺑﻮﻳﻪ ﻭﻋﻤﻲ ﺗﺠﻴﻦ ﺍﺩﺭﻱ ﺍﻟﻮﺍﺣﺪ ﻳﺘﺮﻗﻰ ﻳﻌﺰﻣﻮ ﺑﻤﻄﻌﻢ ﺑﺴﻔﺮﻩ . ﻣﻮ ﻳﺮﻭﺡ ﻣﻜﺒﺮﻩ ﺗﺠﻴﻴﻴﻦ ﻟﻮ ﻻﺍ ﻧﺘﺮﺕ ﻻﻻ ﻭﺩﻳﻨﻲ ﻻﻫﻠﻲ ﻣﺎﺷﻲ ﺻﻌﺪﺕ ﻓﻮﻙ ﺿﻤﻴﺖ ﺍﻟﻔﻠﻮﺱ ﺑﺎﻟﻘﺎﺻﻪ ﺑﻬﺎﻟﻔﺘﺮﻩ ﻏﻴﺮﺕ ﻧﻀﺎﻣﻬﺎ ﻭﺍﻟﺮﻗﻢ ﺍﻟﺴﺮﻱ ﻫﺎﻟﻘﺎﺻﻪ ﻗﺎﺻﻪ ﻋﻤﻲ ﻋﻠﻲ ﻭﺍﺑﻨﻪ ﺍﻟﺸﻐﻠﻪ ﺍﻟﻮﺣﻴﺪﻩ ﺍﻟﻤﻀﻠﺖ ﺑﺒﺎﻟﻪ ﻭﺍﺧﺬﻫﺎ ﻫﻲ ﻫﺎﻟﻘﺎﺻﻪ . ﺧﻠﻴﺖ ﺑﻴﻬﺎ ﺍﻟﻔﻠﻮﺱ ﻭﻃﺒﻴﺖ ﻟﻠﺤﻤﺎﻡ ﻃﺒﺖ ﺩﻋﺎﺀ ﺗﺒﺪﻝ ﺗﺘﺤﻀﺮ ﺍﻭﺩﻳﻬﺎ ﻃﻠﻌﺖ ﺍﻧﺸﻒ ﻭﻓﺮﺡ ﺗﻜﻤﺰ ﺩﻋﺎﺀ ﻛﺎﻟﺖ ﺍﻛﻮﻟﻚ ﺷﻮ ﺍﻟﻘﺎﺻﻪ ﻣﺘﻔﺘﺢ ﺷﺘﺮﺩﻳﻦ ﺑﻴﻬﺎ ﻋﻜﺪﺕ ﺣﺎﺟﺒﻲ ﻣﺒﺘﺴﻢ ﺑﺒﺮﻭﺩ ﺩﺍﺩﺍﺍﺧﺬ ﻓﻠﻮﺱ ﺩﺍﺭﻭﺡ ﻻﻫﻠﻲ ﺧﺎﻑ ﺍﻃﻠﻊ ﺳﻮﻙ ﺷﻜﺪ ﺗﻜﻔﻴﺞ ﻫﺎﺍﻩ ﺷﻨﻮ ﻏﻴﺮﺕ ﺍﻟﺸﻔﺮﻩ ﺍﻱ ﻃﺒﻌﺎ ﺩﻋﺎﺀ ﻣﻦ ﺍﻻﺧﻴﺮ ٥٠ ﻛﺎﻓﻴﻪ ﻋﻠﻴﺞ ﺑﺎﻟﺸﻬﺮ ﻛﻠﺶ ﺍﻧﻲ ﻛﻠﺖ ﻫﻴﺞ . ﻭﻫﺎﻱ ﻋﻴﻄﻲ ﻋﻴﻄﻪ ﺷﻨﻮﻭﻭﻭﻭ ﻟﻴﺶ ﻳﻤﻪ ﺷﻮ ﺗﺘﺮﻗﻰ ﺗﻨﻔﻜﺮ ﺷﺒﻴﻚ ﺣﻀﻲ ﻣﻴﺖ ﻋﺎﻟﻔﻠﻮﺱ ﻛﺘﻠﺘﻨﻲ ﺑﺒﺨﻠﻚ ﺿﺤﻜﺖ ﻣﻦ ﻛﻠﺒﻲ ﻭﺍﻧﻲ ﺍﻧﺸﻒ ﺑﺸﻌﺮﻱ ﺗﺮﻛﺘﻬﺎ ﺿﻠﺖ ﺗﻬﻮﺑﺰ ﻭﺗﺼﻴﺢ ﻭﺗﻠﻢ ﺑﻬﺪﻭﻣﻬﺎ ﻭﺍﻧﻲ ﻣﻮ ﻳﻤﻲ ﻛﺎﻟﺖ ﻭﺩﻳﻨﻲ ﻻﻫﻠﻲ ﻭﻓﺮﺡ ﺣﺒﻴﺒﺘﻲ ﺻﺎﻓﻨﻪ ﺑﺎﻟﻮﺟﻮﻩ ﺧﺎﻳﻔﻪ ﻛﺘﻠﻬﺎ ﻓﺮﺡ ﺩﻭﺍﻣﻬﺎ ﺷﻮﻥ ﺻﺎﺣﺖ ﻭﻳﻄﻄﻄﺒﻬﺎ ﻣﺮﺽ ﺍﺫﺍ ﺍﺑﻮﻫﺎ ﻣﻤﻬﺘﻢ ﺑﻴﻬﺎ ﺷﻮﻥ ﺗﺮﻳﺪ ﺗﺪﺭﺱ ﻓﺮﺡ ﺑﺎﺑﺎ ﺗﺒﻘﻴﻦ ﻳﻢ ﺑﻴﺒﻲ ﻛﺎﻟﺖ ﻭﺗﺒﺤﻲ ﻣﺎﻣﺎ ﻣﺎﺷﻲ ﺍﻧﻲ ﺍﺟﻲ ﻋﻠﻴﺞ ﻳﻮﻣﻴﻪ ﺧﻞ ﻣﺎﻣﺎ ﺗﺮﺗﺎﺡ ﻛﻢ ﻳﻮﻡ ﺑﻴﺖ ﺟﺪﻭ ﻭﺩﻋﺎﺀ ﺗﺨﺒﻠﺖ ﺍﻫﻠﻲ ﻃﻮﻝ ﻋﻤﺮﻫﻢ ﺣﺎﻳﺮﻳﻦ ﺑﻴﻪ ﻭﺍﻧﺖ ﺑﺨﻴﻞ ﻋﺒﺎﻟﻚ ﺟﻨﺖ ﻣﻤﻮﺗﻬﺎ ﺟﻮﻉ . ﺑﻘﻴﺖ ﺳﺎﻛﺖ ﻭﺍﻟﺒﺲ ﺑﺎﺭﺩ ﻟﻼﺧﻴﺮ ﺍﻋﺼﺎﺑﻲ ﻣﻦ ﻧﺎﺣﻴﺘﻬﺎ ﻃﻔﺖ ﻭﻟﻮ ﻫﻲ ﺍﺑﺪ ﻣﻤﺸﺘﻐﻠﻪ ﻏﻴﺮ ﻛﻢ ﻣﺮﻩ ﻓﺮﻓﺤﺘﻨﻲ ﻭﺑﻌﺪ ﻋﻄﻠﺖ ﻫﺎﻫﻲ ﻛﺎﻣﺖ ﻣﺘﻬﻤﻨﻲ ﻛﻤﻠﺖ ﺗﺒﺪﻳﻞ ﻭﻧﺰﻟﺖ ﺷﻮﻱ ﻭﻧﺰﻟﺖ ﺍﻟﻨﻮﺑﻪ ﺗﺼﻴﺢ ﻋﻠﻰ ﻧﻨﻪ ﺍﺧﻮﺝ ﻭﺍﺣﺪ ﺑﺨﻴﻞ ﻧﻨﻪ ﻋﺎﻃﺖ ﺻﻔﻨﺘﻨﻲ ﻧﻨﻪ - ﻣﻌﻠﻠﻴﻪ ﺍﻧﻲ ﺍﻧﺘﻲ ﻭﻳﺎﺍﺍﻩ ﺍﻧﻲ ﻣﻌﻠﻠﻴﻪ ﺟﺎﻭﺑﺖ ﻃﺒﻌﺎﺍﺍ ﺗﻜﻴﻔﻴﻦ ﻋﻴﻨﻲ ﺗﻜﻴﻔﻴﻦ ﺍﻟﻔﻠﻮﺱ ﺗﺼﻴﺮ ﺍﻟﺞ . ﻟﻮ ﺗﺮﺩﻳﻦ ﺗﺰﻭﺟﻲ . ﺷﻤﺪﺭﻳﻨﻲ ﺷﻤﺨﻠﻴﻪ ﺑﺮﺍﺳﻪ ﻳﺲ - ﻣﺜﻞ ﻛﻠﻮﺏ ﻭﺍﺷﺘﻐﻞ ﻋﺪﻱ ﺍﻱ ﻭﻟﻴﺶ ﻻ ﺍﻧﻲ ﺷﺸﺎﻳﻒ ﻣﻦ ﺣﻴﺎﺗﻲ ﻭﻳﺎﻫﺎ ﺍﺭﻳﺪ ﺍﺣﺐ ﻭﺍﻋﻴﺶ ﻟﺘﺠﻨﻔﺴﻲ ﻭﺣﺪﻩ ﺗﺤﺒﻨﻲ ﺍﻧﻲ ﻣﻮ ﻋﻠﻤﻮﺩ ﺭﻭﺣﻬﺎ ﻭﻓﻠﻮﺳﻬﺎ ﺍﺷﺮﺕ ﻟﻨﻨﻪ ﺗﺴﻜﺖ ﺳﻜﺘﺖ ﻭﻫﺎﻱ ﺑﻌﺪﻫﺎ ﺗﺼﻴﺢ ﺻﻌﺪﺕ ﻟﻠﺴﻴﺎﺭﻩ ﻭﻫﻲ ﺗﺪﻋﻲ ﻣﺘﺨﺎﻑ ﺍﻟﻠﻪ ﺑﻴﻪ ﻣﺘﺨﺎﺍﻑ ﺍﻟﻠﻪ ﺑﺎﻫﻠﻲ ﻣﻨﻴﻠﻬﻢ ﻳﺼﺮﻓﻮﻥ ﻋﻠﻴﻪ ﻭﻋﻠﻰ ﺑﺘﻚ ﻫﺬﺍ ﻛﻠﻪ ﺗﺘﺤﺎﺳﺐ ﻋﻠﻴﻪ ﻣﻮ ﺍﻧﺖ ﺗﺼﻠﻲ ﻭﺗﺼﻮﻡ ﻛﻠﺸﻲ ﻣﺘﻌﺮﻑ ﻣﻦ ﺍﻟﺪﻳﻦ ﻧﻨﻪ ﻋﺎﻃﺖ ﻭﻟﺞ ﻣﻨﻮ ﺻﺎﺭﻑ ﻋﻠﻠﻴﺞ ﻏﻴﺮﻩ ﻟﺞ ﻛﻞ ﻣﺘﺮﻭﺣﻴﻦ ﻛﻮﻣﻪ ﻳﺘﺴﻮﻙ ﻻﻫﻠﺞ ﻫﺎﻩ ﻭﻋﻴﻨﺞ ﻋﺎﻟﻤﺴﻮﺍﻙ ﻏﻴﺮ ﺍﻧﻲ ﺩﺍﺑﺎﺕ ﻫﻨﺎﻙ ﻭﺑﺘﻪ ﺑﺲ ﺷﺘﺮﺟﻰ ﻣﻨﺞ ﻣﻮ ﺍﻧﺘﻲ ﺍﻟﺬﺑﻴﺘﻲ ﺍﺧﻮﺝ ﺑﺪﺍﺭ ﺍﻻﻳﺘﺎﻡ ﺣﺘﻰ ﻣﻴﻮﺭﺙ ﻭﻳﺎﺝ ﻫﻨﺎ ﺍﻧﻲ ﻣﺘﺤﻤﻠﺖ ﺑﻌﺪ ﺑﺒﺎﺏ ﺑﻴﺖ ﺍﻫﻠﻬﺎ ﻭﺍﺑﻮﻫﺎ ﻭﺍﻛﻒ ﻳﺼﻠﺢ ﺍﻟﺨﺮﺱ ﻧﺰﻟﺘﻬﺎ ﻛﺪﺍﻣﻪ ﻭﻛﺘﻠﻪ ﻛﻞ ﺍﻟﺤﺠﻲ ﺻﺎﺣﺖ ﻻ ﻳﺎﺑﻪ ﻭﺍﻟﻠﻪ ﻣﻜﻠﺖ ﺍﻧﺪﺍﺭﻳﺖ ﻋﻠﻰ ﻓﺮﺡ ﻓﺮﻭﺣﻪ ﺷﻜﻠﻠﺖ ﻣﺎﻣﺎ ﻓﺮﺡ ﺑﺠﺖ ﻛﺘﻠﻬﺎ ﻟﺘﺨﺎﻓﻴﻦ ﺷﻜﺎﻟﺖ ﻣﺎﻧﺎ ﺑﺎﻭﻋﻴﻠﻲ ﺍﻟﻲ ﻟﺘﺒﺎﻭﻋﻴﻠﻬﺎ ﻭﻓﺮﺡ ﻟﺴﺎﻥ ﺧﺮﻃﺖ ﺍﻻﻛﻮ ﻭﺍﻟﻤﺎﻛﻮ ﺍﺑﻮﻫﺎ ﺟﺮﻫﺎ ﻟﻠﻄﺮﻣﻪ ﻭﻛﻠﻲ ﺭﻭﺡ ﻋﻤﻲ ﺭﻭﺡ ﻭﺭﺍﻙ ﺯﻳﺎﺭﻩ ﻭﻃﺮﻳﻖ ﺟﺮﻳﺖ ﻓﺮﺡ ﺧﻔﺖ ﻋﻠﻴﻬﺎ ﺗﻀﺮﺑﻬﺎ ﻭﻧﻄﻴﺖ ﻓﻠﻮﺱ ﺑﻴﺪ ﺍﻣﻬﺎ ﺍﻟﻀﻠﺖ ﺻﺎﻓﻨﻪ ﻭﺗﻌﺾ ﺑﺎﺻﺒﻌﻬﺎ ﻭﺗﺒﺎﻭﻉ ﻟﺒﺘﻬﺎ ﻭﺑﺘﻬﺎ ﺗﺼﻴﺢ ﻋﺴﺎﻫﺎ ﺣﻮﺑﺘﻲ ﻣﺘﺘﻌﺪﺍﻙ ﻳﺎ ﻳﺲ ﻳﺒﻦ ﺍﻣﻴﺮﻩ ﻋﺴﺎﻙ ﺍﻧﺖ . ﻭﺍﺧﺘﻚ ﺑﻤﺮﺽ ﻣﺘﺸﻔﻮﻥ ﻣﻨﻪ ﻭﺗﻨﺬﻟﻮﻥ ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻭﺍﺳﻤﻊ ﺍﺑﻮﻫﺎ ﻳﺼﻴﺢ ﻭﻳﻀﺮﺏ ﺍﺻﻼ ﻭﻻ ﺭﻓﻠﻲ ﺟﻔﻦ ﺻﻌﺪﺕ ﺍﻟﺴﻴﺎﺭﻩ ﻭﻃﻠﻌﺖ ﻭﺍﻣﻲ ﺗﺮﺟﻒ ﺍﻋﺼﺎﺑﻬﺎ ﻫﻲ ﻭﻓﺮﺡ ﺍﻻ ﺍﻧﻲ ﺧﺮﺏ ﺑﺒﻠﻴﺲ ﻋﺒﺎﻟﻚ ﺑﺎﻟﻊ ﺍﺑﻮ ﺍﻟﺼﻔﻨﻪ ﺑﺎﺍﺍﺭﺩ ﻓﺮﻭﺣﻪ ﺑﺎﺑﺎ ﻫﺎ ﺗﺤﺠﻲ ﻭﺗﺸﻬﻚ ﺍﻭﺩﻳﺞ ﻣﻄﻌﻢ ﺣﺒﻴﺒﻲ ﺗﻐﺪﻳﺘﻲ ﻛﺎﻟﺖ ﻻ ﺟﻮﻋﺎﻧﻪ ﻳﻠﻪ ﻫﺴﻪ ﻧﺮﻭﺡ ﻟﻠﻤﻄﻌﻢ ﻭﻧﺎﻛﻞ ﺷﻨﻮ ﺗﺮﻳﺪﻳﻦ ﺍﺭﻳﺪ ﻛﺒﺎﺏ ﻣﺎﻝ ﺑﻴﺒﻲ ﺗﻘﺼﺪ ﻛﺒﺎﺏ ﻃﺎﻭﻩ ﺧﺮﺏ ﻳﻮﻣﺞ ﺍﻛﻮﻟﻬﺎ ﻣﻄﻌﻢ ﺗﻜﻮﻟﻲ ﻛﺒﺎﺏ ﻃﺎﻭﺭﻩ ﻧﻨﻪ - ﺍﻧﺰﻭﻝ ﻋﻠﻴﺞ . ﻭﻋﻠﻰ ﺑﺒﻴﺘﺞ ﻳﺲ - ﻧﺸﺘﺮﻱ ﻟﻌﺎﺑﻪ ﺍﻱ ﻻﺑﺴﻪ ﺑﺪﻟﻪ ﺑﻴﻀﻪ ﻭﺑﻴﻬﺎ ﻭﺭﺩﻩ ﺣﻤﺮﻩ ﻭﻫﺎﻱ ﻭﻳﻦ ﺭﺍﺡ ﺍﻟﻜﺎﻫﺎ ﺑﺨﻴﺎﻟﻲ ﻣﺪﺍﺍﻟﻜﻪ ﻫﻴﺞ ﺷﻲ ﻧﻨﻪ ﻛﺎﻟﺖ ﺍﺧﺬﻟﻬﺎ ﺍﻟﻠﻌﺎﺑﻪ ﻭﺍﻧﻲ ﺍﻓﺼﻠﻠﻬﺎ ﺑﺪﻟﻪ ﻟﻠﻌﺎﺑﺘﻬﺎ ﻭﺍﻟﻬﺎ ﻳﺲ - ﺍﻟﻠﻪ ﻻﻳﺤﺮﻣﻨﻲ ﻣﻨﺞ ﻧﻨﻪ ﺣﺒﻴﺒﺘﻲ ﺑﺎﻭﻋﺘﻠﻲ ﻭﺟﺮﺕ ﻧﻔﺲ ﻣﻬﻤﻮﻡ ﺑﺎﻭﻋﺘﻠﻬﺎ ﻳﻮﻡ ﺷﻨﻮ ﺭﺍﻳﺞ ﺍﺗﺰﻭﺝ ﺷﻨﻮﻭﻭ ﺍﺳﻜﺖ ﻋﻤﻲ ﺍﺳﻜﺖ ﻟﺞ ﻳﻮﻡ ﺷﺒﻴﺞ ﺭﺍﺗﺒﻲ ﺗﺤﺴﻦ ﻭﺍﻟﻠﻪ ﻣﻴﺘﺎﺕ ﺍﻟﻤﻮﺿﻔﺎﺕ ﺑﺲ ﺍﻓﺮﺟﻮﺕ ﻳﺼﻴﺤﻮﻥ ﺍﻟﻠﻲ ﺗﻌﺰﻡ ﻋﻠﻰ ﺭﻳﻮﻙ ﻭﺍﻟﻠﻲ ﺗﻜﻮﻟﻲ ﻗﻤﻴﺼﻚ ﺷﻜﺪ ﺣﻠﻮ ﻟﻮﻧﻪ ﺿﺎﺭﺏ ﻭﻱ ﻋﻴﻮﻧﻚ ﺿﺮﺑﻬﺎ ﻣﻐﺺ ﻛﻮﻭﻧﻎ ﻟﻚ ﺗﺴﻜﺖ ﻟﻮ ﺷﻮﻥ ﺑﺘﻚ ﻛﺎﻋﺪﻩ ﻓﺮﺡ - ﺑﺎﺑﺎ ﺍﻧﻲ ﻣﺎﺭﻳﺪ ﻏﻴﺮ ﻣﺎﻣﺎ ﺍﻡ ﻳﺲ - ﻫﻬﻬﻪ ﺍﺗﺸﺎﻗﻰ ﺑﺎﺑﺎ ﻭﺻﻠﻨﺎ ﺍﻟﻨﺠﻒ ﻭﻧﺰﻟﻨﺎ ﺍﻟﻤﻜﺒﺮﻩ ﻭﺯﺭﻧﺎ ﺍﻻﻣﻴﺮ ﺑﻌﺪﻫﺎ ﻭﻛﻌﺪﻧﺎ ﻣﻄﻌﻢ ﻣﺨﻠﻴﺖ ﺷﻲ ﺑﻨﻔﺲ ﻓﺮﺡ ﺷﺘﺮﻳﺪ ﺗﺎﺷﺮ ﻭﺍﺧﺬﻟﻬﺎ ﻭﺍﺧﺬﺗﻠﻬﺎ ﺍﺧﺮ ﺷﻲ . ﺍﺳﻢ ﻓﺮﺣﻪ ﻋﻤﺮﻱ ﻟﻜﻴﺘﻪ ﺻﺪﻓﻪ ﻭﺍﺧﺬﺗﻪ ﻟﺒﺴﺘﻪ ﺍﻟﻬﺎ ﻛﻴﻔﺖ ﺍﻣﻲ ﺩﻣﻌﺖ ﻋﻴﻨﻬﺎ ﻧﻨﻪ ﺷﺘﺮﺩﻳﻦ ﺑﺲ ﺍﺷﺮﻱ ﻋﻤﺮﻱ ﺍﻧﺘﻲ ﺗﺮﻩ ﺷﺎﻳﻞ ﺧﻴﺮ ﻣﻦ ﺍﻟﻠﻪ ﻳﻤﻪ ﺍﻧﻲ ﻫﺎﻱ ﻓﺮﺣﻪ ﻓﺮﻭﺣﻪ ﺑﺎﻟﺪﻧﻴﺎ ﻟﻚ ﺗﺪﺭﻱ ﺑﻤﻌﺰﺗﻚ ﻟﻮ ﻣﺘﺪﺭﻱ ﺍﺩﺭﻱ ﺍﺩﺭﻱ ﻏﻴﺮ ﺍﻧﺘﻲ ﺩﻧﻴﺘﻲ ﺍﻟﺨﻀﺮﻩ ﻳﻮﻭﻡ ﺑﺘﻨﺎ ﺑﻴﻮﻣﻬﺎ ﺑﺎﻟﻔﻨﺪﻕ ﻭﺑﻠﻴﻞ ﻫﻢ ﻃﻠﻌﻨﺎ ﻟﻼﻣﻴﺮ ﻓﺮﺡ ﺣﻴﻞ ﺍﺭﺗﺎﺣﺖ ﻭﻧﻨﻪ ﻫﻢ ﻭﺍﻧﻲ ﺷﺒﻴﻪ ﺍﻧﻲ . ﻣﻌﻘﻮﻟﻪ ﺣﻀﻞ ﻃﻮﻝ ﺣﻴﺎﺗﻲ ﺍﺣﺲ ﺑﻬﺎﻟﻨﻘﺺ ﺍﻟﻌﺸﺖ ﺑﻲ ﺭﻏﻢ ﺗﻌﺐ ﻧﻨﻪ ﻭﻋﻤﻲ ﻋﻠﻲ ﺣﻀﻞ ﺍﺗﻤﻨﻰ ﺣﺐ ﻣﻦ ﻧﻮﻉ ﺛﺎﻧﻲ ﺑﺤﻴﺎﺗﻲ ﺑﺎﻭﻋﺖ ﻟﻠﻘﺒﻪ ﻣﺎﻝ ﺍﻣﻴﺮ ﻭﺟﺮﻳﺖ ﻧﻔﺲ ﺍﻧﺖ ﺗﻌﻠﻢ ﺩﺍﺧﻠﻲ ﻻ ﺍﻧﻲ ﺍﻻﺩﻭﺭ ﻣﺎﺩﻩ ﻭﻻﺍﻧﻲ ﺍﻻﺩﻭﺭ ﻣﻜﺴﺮﺍﺕ ﺑﺲ ﺷﻲ ﺑﻨﻔﺴﻲ ﺍﻛﻮﻥ ﻋﺎﺋﻠﻪ ﻣﺘﻤﺎﺳﻜﻪ ﻫﻮﺍﻱ ﻋﻠﻴﻪ ﻳﻌﻨﻲ ﺍﻧﻮﻟﺪﺕ ﻳﺘﻴﻢ ﺍﻻﺑﻮﻳﻦ ﻭﺭﻏﻢ ﺗﻌﺐ ﻧﻨﻪ ﻭﻳﺎﻳﻪ ﺑﺲ ﺍﺣﺲ ﺭﻭﺣﻲ . ﻣﻮ ﻣﺜﻞ ﺍﻟﺒﻘﻴﻪ ﻭﻣﻦ ﺗﺰﻭﺟﺖ ﺭﺩﺕ ﺍﺳﺪ ﺍﻟﻨﻘﺺ ﻣﻌﻘﻮﻟﻪ ﺣﻜﻀﻲ ﻛﻞ ﺣﻴﺎﺗﻲ ﻫﻴﺞ ﻏﻤﻀﺖ ﻭﺍﺭﺗﺠﻴﺖ ﻋﻠﻰ ﺣﺎﻳﻂ ﺍﻟﺤﻀﺮﻩ ﺟﺘﻲ ﻓﺮﺡ ﻳﻤﻲ ﻻﺑﺴﻪ ﺟﻠﺠﺎﺩﺭ ﺻﻐﻴﺮ ﺍﻧﻲ ﻣﺨﻴﻄﺘﻪ ﺍﻟﻬﺎ ﻳﺨﺒﻞ ﻋﻠﻴﻬﺎ ﻛﺎﻟﺖ ﺑﺎﺑﺎ ﺍﻧﺖ ﺣﺘﺘﺰﻭﺝ ﻏﻴﺮ ﻣﺎﻣﺎ ﺻﻔﻨﺖ ﻋﻠﻴﻬﺎ ﺍﺑﺘﺴﻤﺖ ﻭﺍﺫﺍ ﻣﺘﺰﻭﺟﺖ ﺑﺎﺑﺎ ﺑﺮﻃﻤﺖ ﻛﺎﻟﺖ ﻣﺎﺣﺒﻚ ﺑﻌﺪ ﺷﻠﺘﻬﺎ ﻭﺣﻀﻨﺘﻬﺎ ﻫﻤﺴﺖ ﻻﺑﺎﺑﺎ ﻣﺎﺍﺗﺰﻭﺝ ﻟﺘﺨﺎﻓﻴﻦ ﺑﺎﻭﻋﺖ ﺑﻌﻴﻨﻬﺎ ﺭﺻﺎﺻﻲ ﻣﺸﺨﻂ ﺑﺎﺳﻮﺩ ﺗﻠﻠﻤﻊ ﺑﺴﺘﻬﺎ ﻣﻦ ﺭﺍﺳﻬﺎ ﻛﺎﻟﺖ ﻫﺴﻪ ﻟﻌﺎﺑﺘﻲ ﻛﻌﺪﺕ ﻣﻦ ﺍﻟﻨﻮﻡ ﻫﻬﻬﻬﻬﻬﻪ ﺩﻣﺸﻲ ﻫﺴﻪ ﻧﺮﻭﺡ ﻟﻠﻔﻨﺪﻕ ﻭﺗﻨﺎﻡ ﻳﻤﺞ ﻋﻮﺩ ﻣﻮ ﺗﺪﻭﺧﻨﺎ ﺑﺒﺤﻴﻬﺎ ﻻﻉ ﻣﺎﺧﻠﻴﻬﺎ ﺗﺒﺤﻲ ﻋﻔﻴﻪ ﻳﻮﻣﻴﻦ ﻭﺭﺟﻌﻨﺎ ﻭﺍﻟﺒﻴﺖ ﻫﺎﺩﻱ ﻧﻔﺴﻴﺎ ﺍﺭﺗﺎﺣﻴﺖ ﻭﺟﻮﻩ ﻣﺼﻠﺤﺠﻴﻪ ﻣﺎﺷﻮﻑ ﻫﺎﻟﻔﺘﺮﻩ ﻓﺮﺡ ﺗﻌﻠﻤﺖ ﺗﺼﻠﻲ ﻭﻱ ﺑﻴﺒﻴﺘﻬﺎ ﺑﺲ ﻛﻠﺴﺎ ﻭﺳﺎﻟﺖ ﻣﺎمﺎ ﺷﻮﻛﺖ ﺗﺠﻲ ﺍﺫﺗﻨﻲ ﻓﺘﺮﻩ ﺍﺳﺒﻮﻉ ﻭﺩﺯ ﺍﺑﻮﻫﺎ ﻋﻠﻴﻪ ﻭﺍﻟﻠﻪ ﻛﺎﻡ ﻳﺼﻴﺒﻨﻲ ﻣﻐﺺ ﻣﻦ ﺍﺷﻮﻑ ﺭﻗﻤﻪ ﻳﺘﺼﻞ ﻛﺎﻝ ﺗﻌﺎﻝ ﻋﻤﻲ ﻧﺘﻔﺎﻫﻢ ﻭﺭﺣﺘﻠﻪ . ﻭﻛﻌﺪﻧﺎ ﻛﻠﻨﺎ ﺑﻴﻮﻣﻬﺎ ﺣﺘﻰ ﻧﻨﻪ ﺟﺘﻲ ﻃﺒﻜﺖ ﻭﻳﺎﻳﻪ ﻭﺍﻧﻲ ﺳﺎﻛﺖ ﺍﻟﺤﻠﻮ ﺑﺎﻟﻤﻮﺿﻮﻉ ﺗﻜﺬﺑﻨﺎ ﻭﻧﺴﺎﻝ ﻓﺮﺡ ﻭﻓﺮﺡ ﺗﺮﺩ ﺑﻌﻔﻮﻳﻪ ﻣﻌﺒﺎﻟﻬﺎ ﺷﻲ ﺣﻴﺴﻮﻱ ﻣﺸﻜﻠﻪ ﺿﻞ ﺍﺑﻮﻫﺎ ﻳﺴﺎﻝ ﻭﻳﺒﺎﻭﻉ ﻟﺒﻨﺘﻪ ﻛﺎﻝ ﺷﻮﻓﻲ ﺍﻛﻮﻟﺞ ﻫﺎﻟﻤﺮﻩ ﺻﺎﺭﺕ ﻣﺮﻩ ﻟﺦ ﺍﻧﻲ ﺍﺯﻭﺟﻪ ﻟﺮﺟﻠﺞ ﻣﻮ ﺗﻜﻮ ﻟﻴﻦ ﻣﻜﻠﺖ ﺧﺰﻳﺘﻴﻨﺎ ﻭﻱ ﺍﻟﻮﻟﺪ ﻛﺎﻓﻲ ﺑﺎﺑﺎ ﻋﻴﺐ ﺑﻘﻴﺖ ﺳﺎﻛﺖ ﻣﻨﺼﻲ ﺷﻮﻱ ﻭﻃﺒﺖ ﺧﺎﻟﺘﻬﺎ ﻭﻛﻔﻨﺎ ﻧﺴﻠﻢ ﺍﺑﺎﻭﻉ ﺷﻮ ﻫﺎﻱ ﻣﺘﺨﺸﺨﺸﻪ ﺑﺎﻟﺬﻫﺐ ﻣﻨﻴﻠﻬﺎ ﺟﺎﻥ ﺣﺎﻝ ﺍﻟﻀﻴﻢ ﺣﺎﻟﻬﻢ . ﻭﺗﻘﺮﺑﺖ ﻋﻠﻰ ﺩﻋﺎﺀ ﺑﻮﺱ ﺑﻮﺱ ﻭﺩﻋﺎﺀ ﺗﺒﺠﻲ ﻭﻫﻲ ﺗﻜﻮﻟﻠﻬﺎ ﻟﺘﺒﺠﻴﻦ ﺧﺎﻟﻪ ﻭﻻ ﻳﻬﻤﺞ ﺗﻌﺎﻱ ﻳﻤﻲ ﻋﻴﻦ ﺧﺪ ﻭﻋﻴﻦ ﻓﺮﺍﺵ ﺑﻘﻴﺖ ﺻﺎﻓﻦ ﻫﻮ ﺭﺟﻠﻬﺎ ﻣﺎﺕ ﺳﻮﻭ ﻓﺎﺗﺤﺘﻪ ﺑﺒﻴﺖ ﺍﻫﻞ ﺩﻋﺎﺀ ﻳﺎﻏﻄﺎ ﻳﺎﻓﺮﺍﺵ ﺑﻴﺖ ﻣﺎﻋﺪﻫﻢ ﻛﻠﻬﻢ ﺑﻐﺮﻓﻪ ﺗﺎﻟﻲ ﻣﻦ ﻛﻌﺪﻧﺎ ﻭﺿﻠﺖ ﺗﺤﺠﻲ ﻭﺗﺤﻤﺪ ﺑﺎﺑﻨﻬﺎ ﺍﺛﺎﺭﻱ ﺍﻟﻌﻴﻨﺘﻴﻦ ﻣﺸﺘﻐﻞ ﻭﻱ ﺍﻻﻣﺮﻳﻜﺎﻥ ﻭﻣﻨﺎ ﺍﻟﺤﻮﺍﺳﻢ ﻃﺎﻙ ﻟﻠﺴﺘﺎﺭ ﻭﻣﺸﺖ ﻱ ﺑﻴﺖ ﺷﻜﺒﺮﻩ ﻭﺍﻟﻌﺎﻟﻢ ﺗﻨﻄﻲ ﻓﻠﻮﺳﻬﺎ ﻳﺸﻐﻠﻬﺎ ﻭﻫﻮ ﺻﺎﺍﻳﻊ ﺍﻧﻲ ﺍﻋﺮﻓﻪ ﻣﺎﺭﻟﻲ ﻛﻢ ﻣﺮﻩ ﻟﻠﻮﺿﻴﻔﻪ ﻋﻠﻰ ﻣﻌﺎﻧﻠﻪ ﺗﻨﻜﺮ ﻧﻔﻂ ﻭﻱ ﺍﻟﻨﻘﻠﻴﺎﺕ ﻭﺍﻧﻲ ﺍﻛﻮﻝ ﺷﺠﺎﺑﻪ ﻫﺎﻟﻤﻜﻄﻢ ﺍﺛﺎﺭﻱ ﻳﺸﺘﻐﻞ ﻭﻱ ﺧﻮﺍﻟﻨﺎ ﺍﻻﻣﺮﻳﻜﺎﻥ ﻭﻃﺎﻙ ﺑﻘﻴﻨﺎ ﺳﺎﻋﻪ ﺍﻧﻲ ﺻﺎﻓﻦ ﻭﻧﻨﻪ ﻓﺎﻛﻪ ﺣﻠﻜﻬﺎ ﺭﺍﺳﻲ ﺻﺪﻙ ﻣﻦ ﺍﻟﻜﻨﺢ ﻭﺍﻟﻜﺬﺏ ﻭﻛﻔﺖ ﻳﻠﻪ ﻧﻨﻪ ﻳﻠﻪ ﻋﻤﻲ ﺍﻧﻲ ﺍﺗﺮﺧﺺ ﺍﺑﻮﻫﺎ ﻭﻛﺜﺠﻒ ﺗﺼﺎﻓﺢ ﻭﻳﺎﻳﻪ ﻧﺘﺮ ﺑﺒﻨﺘﻪ ﻳﻠﻪ ﻟﺞ ﺍﻣﺸﻲ ﺑﻮﺳﻲ ﺭﺟﻠﺞ ﻣﻦ ﺭﺍﺳﻪ ﺗﻘﺮﺑﺖ ﺗﺒﺎﻭﻉ ﺑﻌﻴﻦ ﻭﻛﺤﻪ ﻭﺗﺨﺰﺭ ﺑﺎﺳﺎﺗﻨﻲ ﻭﺭﺍﺣﺖ ﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ ﻭﺭﺍﻧﺎ ﺻﻌﺪﺕ ﺑﺎﻟﺴﻴﺎﺭﻩ ﻭﺍﺑﺎﻭﻉ ﺍﺑﻦ ﺧﺎﻟﺘﻬﺎ ﻣﺤﻔﺤﻒ ﻭﺍﻟﺴﻴﺎﺭﻩ ﺍﺧﺮ ﻣﻮﺩﻳﻞ ﺻﻌﺪﺕ ﻭﻃﻠﻌﺖ ﺣﺴﻬﺎ ﻧﻄﻠﻊ ﻳﻮﻣﻴﻦ ﻣﺎﺍﺳﻤﻊ ﺣﺴﻬﺎ ﻭﺍﻧﻲ ﺍﻧﺎﻡ ﺟﻮﻩ ﻭﻓﺮﺡ ﻳﻤﻲ ﺷﻮ ﻳﻮﻣﻴﻦ ﻭﺻﻌﺪﺕ ﻓﺮﺡ ﻭﻛﺎﻣﺖ ﺗﺘﻌﻠﻢ ﺗﺠﻴﺐ ﺣﺠﻲ ﻭﺗﻮﺩﻱ ﺣﺠﻲ ﻛﻠﺴﺎ ﻭﻛﺎﻟﺖ ﺑﺎﺑﺎ ﺑﻴﺒﻲ ﻫﻴﺞ ﺗﻜﻮﻝ ﺷﻨﻮ ﻣﺘﺤﺒﻨﻲ ﻻ ﺑﺎﺑﺎ ﺷﻮﻥ ﻣﺘﺤﺒﺞ ﻫﺎﻱ ﺑﻴﺒﻲ ﻣﺮﺕ ﺍﻻﻳﺎﻡ ﻭﺍﻧﻲ ﺗﻘﺮﻳﺐ ﺍﻟﺸﻬﺮ ﻣﺎﺍﺻﻌﺪ ﺻﺪﻗﺎ ﺗﻌﻠﺐ ﺭﻭﺣﻲ ﻭﻫﻲ ﺗﻨﻀﻒ ﺑﺎﻻﺳﺒﻮﻉ ﻣﺮﻩ ﻭﺍﻣﻲ ﻋﻠﻰ ﻛﻴﻔﻬﺎ ﺑﻴﺘﻨﺎ ﻣﻴﺤﺘﺎﺝ ﺗﻨﻀﻴﻒ ﺣﺘﻰ ﻓﺮﺡ ﻣﺮﺗﺒﻪ ﻣﻌﻠﻤﺘﻬﺎ ﺍﻣﻲ ﻭﺣﺘﻰ ﺩﻋﺎﺀ ﺗﻐﻴﺮﺕ ﻫﻮﺍﻱ ﺑﻨﻀﺎﻓﺘﻬﺎ ﻟﻠﻐﺮﻓﻪ ﻣﻮ ﻧﻔﺲ ﺑﺪﺍﻳﻪ ﺯﻭﺍﺟﻲ ﻣﻨﻬﺎ ﺑﺲ ﺍﺧﻼﻗﻬﺎ ﻣﺘﻐﻴﺮﺕ ﻟﻼﺳﻒ ﻭﺍﻟﻠﻪ ﻛﻤﻞ ﺍﻟﺸﻬﺮ ﻭﺍﻧﻲ ﺍﻛﻠﻲ ﻣﻦ ﺍﻳﺪ ﺍﻣﻲ ﻭﺍﻧﺎﻡ ﺟﻮﻩ ﺗﺎﻟﻲ ﺑﻴﻮﻡ ﺑﻠﻴﻞ ﻧﺰﻟﺖ ﺗﻮﻧﻲ ﺍﻏﻔﻰ ﺧﻠﺖ ﺍﻳﺪﻫﺎ ﻋﻠﻴﻪ ﻓﺰﻳﺖ ﻛﺎﻟﺖ ﺗﺼﻌﺪ ﻓﻮﻙ ﺗﻨﺎﻡ ﺩﺍﺍﺧﺎﻑ ﻭﺣﺪﻱ ﺑﻘﻴﺖ ﺻﺎﻓﻦ ﻫﺴﻪ ﺗﺬﻛﺮﺕ ﺗﺨﺎﻑ ﺑﺲ ﻣﺤﺠﻴﺖ ﺻﻌﺪﺕ ﻓﻮﻙ ﺭﺍﺳﻦ ﻻﻥ ﻛﻠﺒﻲ ﻻﻥ ﺣﺎﺟﺘﻲ ﺍﻟﻬﺎ ﻓﺎﻗﺖ ﻧﻤﺖ ﻋﺎﻟﺨﺮﺑﺎﻳﻪ ﺗﻘﺮﺑﺖ ﻣﻨﻲ ﺗﺤﻀﻨﻲ ﻭﺍﻧﻲ ﻣﺮﺗﺎﺡ ﻻﻥ ﺣﺴﻴﺖ ﺍﺷﺘﺎﻗﺘﻠﻲ ﺣﺴﻴﺖ ﺑﺎﻫﻤﻴﺘﻲ ﺗﺠﺎﻫﻪ ﺣﻀﻨﺘﻬﺎ ﻭﺗﻘﺮﺑﺖ ﻣﻨﻬﺎ ﺑﻠﻬﻔﻪ ﻭﻫﻲ ﺣﺎﻭﻟﺖ ﺗﺒﻴﻦ ﺍﻧﻪ ﻣﻨﺴﺠﻤﻪ ﺑﺲ ﺍﻧﻲ ﺍﻋﺮﻓﻬﺎ ﻣﻮ ﺩﻋﺎﺀ ﺍﻭﻝ ﺑﺮﻭﺩ ﻋﺪﻫﺎ ﻧﺎﺣﻴﺘﻲ ﻳﻤﻜﻦ ﻻﻥ ﺍﻟﻔﻠﻮﺱ ﺗﺼﻌﺪ ﻋﺪﻫﺎ ﺍﻟﺤﻤﺎﻭﻩ ﻣﺎﻋﺮﻑ ﻣﺎﺍﻋﺮﻑ ﻫﺎﻟﻤﺮﻩ ﺍﺑﺪﺍﺍﺍ ﻣﻮ ﻭﺍﺿﺤﻪ ﻭﺍﻧﻲ ﺍﺗﻌﺐ ﻫﻴﺞ ﻣﺘﻨﺤﺰﺭ ﺍﺑﺪﺍ ﺍﺑﺘﻌﺪﺕ ﺑﻘﺖ ﺑﺤﻀﻨﻲ ﻟﻠﺼﺒﺢ ﻣﻜﺪﺭﺕ ﺍﻧﺎﻡ ﺗﻌﺒﺖ ﻣﻦ ﺗﻔﻜﻴﺮﻱ ﺭﺣﺖ ﻟﺸﻐﻠﻲ ﻭﺭﺟﻌﺖ ﻭﺍﻟﻜﺎﻫﺎ ﻣﺘﻨﺎﻗﻪ ﺍﺧﺮ ﺍﻧﺎﻗﻪ ﺩﻋﺎﺀ ﺣﻠﻮﻩ ﻭﺟﺴﻤﻬﺎ ﻣﺮﺑﺮﺏ ﺻﺢ ﻛﺼﻴﺮﻩ . ﺑﺲ ﺣﻠﻮﻩ ﻛﻴﻔﺖ ﻣﻦ ﺷﻔﺘﻬﺎ ﻫﻴﺞ ﻭﺍﻣﻲ ﻛﻴﻔﺖ ﻛﻠﻨﺎ ﻫﺎﻩ ﻳﺎ ﺍﻟﻠﻪ ﺭﺍﺡ ﺗﺘﻐﻴﺮ ﺣﺘﻰ ﻭﻱ ﺍﻣﻲ ﺗﻐﻴﺮﺕ . ﺣﺪﻫﺎ ﻟﺮﺍﺱ ﺍﻟﺸﻬﺮ ﻭﻛﻠﺒﺖ ﻣﻦ ﻣﻨﻄﻴﺘﻬﺎ ﺑﺲ ٥٠ ﻛﺎﻟﺖ ﺑﻬﺪﻭﺀ ﺑﻴﺶ ﻗﺼﺮﺕ ﻭﻳﺎﻙ ﻭﺍﻧﺘﻲ ﺗﺴﻮﻳﻦ ﻫﻴﺞ ﻋﻠﻤﻮﺩ ﺍﻟﻔﻠﻮﺱ ﺷﻨﻮ ﺑﺎﺑﺎ ﺍﻧﺘﻲ --- ﻻ ﺑﺲ ﻣﺜﻞ ﻣﺎﺍﻧﻲ ﻣﻤﻘﺼﺮﻩ ﻣﺎﺭﻳﺪ ﺍﻧﺖ ﺗﻘﺼﺮ ﻣﻤﻘﺼﺮ ﺑﺲ ﻋﺬﺭﻳﻨﻲ ﻫﺎﻱ ﻛﺎﻓﻴﻪ ﻟﻮ ﺍﻧﻄﻴﺞ ﻣﻴﻪ ﻭﺍﻟﻠﻪ ﺗﻜﻔﻴﺞ ﻭﻋﻤﻲ ﺷﻮﻛﺖ ﻣﺘﺮﺩﻳﻦ ﺗﺮﺣﻴﻦ ﻟﻠﺴﻮﻙ ﻣﺴﻮﺍﻛﺞ ﻭﻣﻼﺑﺴﺞ ﻋﻠﻴﻪ ﺑﻌﺪﺩ ﺍﻧﻲ ﺍﺭﻳﺪ ﻓﻠﻮﺱ ﺑﻴﺪﻱ ﺩﻋﺎﺀ ﺍﻟﻠﻪ ﻋﻠﻴﺞ ﻭﻳﻦ ﺩﺗﻮﺩﻳﻬﻦ ﻫﻲ ﻭﻳﻨﻬﺎ ﻳﺎﺳﻴﻦ ﺷﺒﻴﻚ ﺟﺎﻧﺖ ﻫﺎﺩﺋﻪ ﺑﺎﺭﺩﻩ ﺣﻴﻞ ﻭﻛﺎﻧﻤﺎ ﻣﻄﻤﺎﻧﻪ ﺩﻋﺎﺀ ﺳﻨﺘﻴﻦ ﺍﻟﻘﺎﺻﻪ ﻛﺪﺍﻣﺞ ﻭﻓﺎﺭﻏﻪ ﺗﻮﻗﻌﺖ ﻣﺠﻤﻌﻪ ﺑﺎﻟﻘﻠﻴﻞ ﻓﺪ ﺳﺒﻌﻪ ﻭﺍﻟﻠﻪ ﺍﻟﻌﻀﻴﻢ ﻣﻄﻤﻦ ﻭﺍﻟﻘﺮﺍﻥ . ﺗﺎﻟﻲ ﺍﻧﺼﺪﻡ ﺍﻧﺖ ﻣﺘﺤﺲ ﺑﺎﻟﺼﺮﻑ ﺣﺒﻴﺒﻪ ﺍﻧﻲ ﻣﻮ ﺩﺍﺍﺻﺮﻑ ﻫﺎﺝ ﺧﻤﺴﻤﻴﻪ ﺑﺎﻟﺸﻬﺮ ﻛﻮﻩ ﺗﺨﻠﺺ ﻭﻣﺎﺧﻠﻲ ﺷﻲ ﻣﺎﺣﻴﺒﻪ ﻧﻘﺺ ﻣﺎﻛﻮ ﺍﻧﺘﻲ ﻣﻦ ﺑﻘﻪ ﺑﻴﺪﺝ ﺍﻟﻤﺼﺮﻑ ﻣﺎﻛﻮ ﺷﻜﻮﻟﻜﻢ ﺗﻜﻮﻟﻮﻥ ﺧﻠﺺ ﻭﺍﻣﻲ ﺍﻟﻔﻄﻴﺮﻩ ﺗﻜﻮﻟﻲ ﺧﻠﻴﻬﺎ ﺗﻠﺰﻡ ﺿﻬﺮﻙ ﺑﺎﻭﻋﺘﻠﻬﺎ ﻭﺩﺭﺕ ﻭﺟﻬﻲ ﺍﻟﻠﻪ ﻳﻌﻠﻢ ﻭﻳﻦ ﺩﺗﺮﻭﺡ ﻣﺠﺎﻭﺑﺖ ﻭﻛﺘﻠﻨﻲ ﺑﺮﻭﺩﻫﺎ ﻛﺎﻟﺖ ﺑﻬﺪﻭﺀ ﺍﺍﻧﻲ ﺍﺳﻤﻲ ﻃﻠﻊ ﺗﻮﺿﻔﺖ ﻣﻦ ﺷﻬﺮ ﺍﻟﻼﺥ ﺍﺷﺘﻐﻞ ﺷﻮﻥ ﻣﻨﻮ ﻃﻠﻌﻪ ﺍﺑﻦ ﺧﺎﻟﺘﻲ ﺭﻓﻌﺖ ﺣﺎﺟﺒﻲ ﻫﺎﺍﺍﺍﺍ ﻫﻴﺞ . ﻓﻴﺼﻞ ﺍﻓﻨﺪﻱ ﺻﺎﻳﺮ ﻳﻄﻠﻊ ﺍﻟﺘﻌﻴﻴﻨﺎﺕ ﻭﺍﻟﻠﻪ ﻋﻤﻲ ﻃﻜﻮ ﺍﻟﺤﻮﺍﺳﻢ ﻟﺘﻜﻮﻝ ﻋﻠﻴﻪ ﻫﻴﺞ ﺍﻟﻮﻟﺪ ﻳﺸﺘﻐﻞ ﺑﻜﺪﻩ ﺍﻱ ﻋﻤﻲ ﺣﻘﺞ ﻫﺎﻫﻲ ﻳﻠﻪ ﻣﺎﻛﻴﻒ ﻭﻳﻦ ﺗﻌﻴﻴﻨﺞ ﺑﺪﺍﺋﺮﻩ --- ﻫﺎﻩ ﺑﺲ ﺑﻌﻴﺪ ﻋﻦ ﺍﺧﺘﺼﺎﺻﺞ ﺷﺴﻮﻱ ﻫﺎﻫﻲ ﻋﺎﻟﺨﻴﺮ ﻳﻠﻪ ﺑﺪﻟﻲ ﺧﻞ ﻧﻄﻠﻊ ﺑﻬﺎﻟﻤﻨﺎﺳﺒﻪ ﻭﻳﻦ ﺗﺮﺩﻳﻦ ﺗﺮﻭﺣﻴﻦ ﻣﻄﻌﻢ ﻣﻨﺘﺰﻩ ﺍﺑﺘﺴﻤﺖ ﺑﺒﺮﻭﺩ ﻛﺎﻟﺖ ﻛﻴﻔﻚ ﺑﺲ ﻣﻼﺑﺲ ﻣﺎﻋﺪﻱ ﻋﻤﻲ ﻧﺠﻬﺰﺝ ﻭﻻ ﻳﻬﻤﺞ ﺑﻴﻮﻣﻬﺎ ﺭﻏﻢ ﻓﺮﺣﺘﻲ ﻫﺎﻟﺸﻬﺮ ﺑﺎﺗﺰﺍﻧﻬﺎ ﻭﻳﺎﻳﻪ ﻭﻻﻭﻝ ﻣﺮﻩ ﺑﺤﻴﺎﺗﻲ . ﻳﻮﻣﻴﻪ ﺍﻗﺘﺮﺏ ﻣﻨﻬﺎ ﻭﻫﻲ ﺑﺎﺭﺩﻩ ﻣﻮ ﻳﻤﻲ ﻣﻮ ﺩﻋﺎﺀ ﻗﺒﻞ ﺑﺲ ﺧﻔﺖ ﻣﻦ ﺑﺮﻭﺩﻫﺎ ﺣﻴﻞ . ﻃﻠﻌﻨﺎ ﺑﺲ ﺍﻧﻲ ﻭﻳﺎﻫﺎ ﺣﺘﻰ ﻓﺮﺡ ﻋﻔﺘﻬﺎ ﻳﻢ ﻧﻨﻪ ﻭﺍﺷﺘﺮﻳﺘﻠﻬﺎ ﻛﻠﺸﻲ ﺗﺮﻳﺪﻩ ﺑﺎﻟﻐﺖ ﻭﺍﺳﺘﻐﻠﺖ ﺑﺲ ﺍﻧﻲ ﻣﺮﺗﺎﺡ ﻻﻥ ﺭﻳﺤﺎﻧﻲ ﻫﺎﻟﺸﻬﺮ ﻭﺟﺮﺕ ﻋﺪﻝ ﺑﻠﻪ ﻣﺸﺎﻛﻞ ﺣﺘﻰ ﻭﻱ ﻧﻨﻪ ﺩﺍﻭﻣﺖ ﻳﻮﻣﻴﻦ ﺑﺎﻟﻮﺿﻴﻔﻪ ﻭﻓﺪ ﻣﺮﻩ ﺟﻴﺖ ﻗﺒﻠﻬﺎ ﺧﺎﺑﺮﺗﻬﺎ ﻛﺎﻟﺖ ﺑﺎﻟﻄﺮﻳﻖ ﻣﺪﺭﻱ ﻟﻴﺶ ﻓﻀﻮﻟﻲ ﺭﺍﺡ ﻟﻜﻨﺘﻮﺭﻫﺎ ﻭﻓﺘﺤﺘﻪ ﺑﻘﻴﺖ ﺍﺩﻭﺭ ﻣﻠﻜﻴﺖ ﻓﻠﻮﺱ ﻭﺍﻟﻠﻪ ﺍﺭﺗﺎﺣﻴﺖ ﻭﺍﻧﺼﺪﻡ ﻣﻦ ﺍﺷﻮﻑ ﺣﺒﻮﺏ ﻣﺎﻧﻊ ﺣﻤﻞ ﺑﻘﻴﺖ ﺻﺎﻓﻦ ﻳﻌﻨﻲ ﺍﻧﻲ ﻫﺎﻟﺸﻬﺮ ﻫﺎﻟﺸﻬﺮ ﻳﻠﻪ ﻓﻜﺮﺕ ﺍﺳﻮﻱ ﺟﺎﻫﻞ ﻟﺦ ﻻﻥ . ﺻﺎﺭﺕ ﺍﺩﻣﻴﻪ ﺑﺲ ﻟﻴﺶ ﺗﺎﺧﺬ ﻣﺎﻧﻊ ﻣﺘﺮﻳﺪ ﻃﻔﻞ ﻟﻴﺶ ﺷﻨﻮ ﺍﻟﺴﺒﺐ ﺭﺟﻌﺖ ﻛﻠﺸﻲ ﻟﻤﻜﺎﻧﻪ ﻭﻛﻌﺪﺕ ﻣﻀﺠﺖ ﻛﻠﺶ ﺫﺑﻴﺖ ﺍﻟﻠﻮﻡ ﺑﺎﻟﻮﺿﻴﻒ ﻛﻠﺖ ﻳﺠﻮﺯ ﻣﺘﺮﻳﺪ ﺗﻨﻠﺰﻡ ﺑﻄﻔﻞ ﻭﻫﻲ ﺗﻮﻫﺎ ﻭﺍﻧﻲ ﺍﻓﻤﺮ ﺳﻤﻌﺘﻬﺎ ﻃﺒﺖ ﻟﻠﻄﺮﻣﻪ ﻣﺪﻳﺖ ﺭﺍﺳﻲ ﺑﺎﻭﻋﺘﻠﻬﺎ ﻭﺻﺎﺭ ﺍﻧﻔﺠﺎﺭ ﻛﺴﺮ ﺟﺎﻡ ﺑﻴﺘﻨﺎ ﻧﺼﻪ --------- ---- ------- يتبع | ||||
|
| |
|
27-12-19, 09:55 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الحادي عشر النوك الحمر بقلم مريم السعدي --- تكسر الجام نصيت بصوره رد فعل وبالي يم ننه وفروح ودعاء ركضت جوه وره ثواني بس صياح فرح وترديد ننه يااربي رحمتك ارحمنا صحت بعلو حسي نننه فرح يممممج اي يمه انت ويننك هياتني خو مبيها شي لالا مبيها بس فزت دعاااء دعااء وين ركضت للطرمه شفتها واكعه ومضروب راسها ببنيد سيارتي يمكن اثر العصف هزيتها كعدت باوعتلي عيونها ذبلانه بيج شي شدتحسين اهلي اهلي فدوه اهلي طالعين عالشارع توني شفتهم فكيت عيني لزمت التلفون هي كوه وكفت طبت تغسل وجهه وامي ركضت بمي وشكر اخابر اهلها كل مغلق الشبكات وكفت فد نوب. دعاء تصيح دروح شوفهم بس تاكد يا اللله عليك من رجال على برودك شطلع مدتسمعييين الاسعافف منا لهنا متمشي السياره هسه يوم اني رايح مشي ننه- تعاال لك يمه وين رايح اي لعد ابقى كاعد مثل النسوان اي انتضر ياامييي لتخليني اتخبل كعدت يوم كعدت ها اهااا وبيدي التلفون ادك وماحصل بزعت روحي ودعاء تلوب ساعه ومكدرت بعد بس طبت ننه للغرفه تلم الخزاز طفرت لبيت خالتي والكه البيت مثبور ثبر وخالتي تدك وتلطم سالت ابن اخت دعاء كال جدو ماكو ديدورون عليه راسي افتر وياهم للليل لكو بالطب العدلي انكلب بيتهم دعاء ملخت روحها صدقا انقهرت عليه انسان عادل الله يرحمه وخلصت ايام الفاتحه بين عزاء وتركيب وابن هاله دعاء مقصر بالهبل ساعدهم ويتسوك ويجيب ويحط كمل العزه ورجعت لبيتي وي دعاء انهد حيلها وكفت وياها اتذكر اكثر فتره تقربت منها اوكلها بيدي وانيمها بحضني واخاف اغفه واكعد الكاها بالحمام تبجي كضت الايام ورجعنا لوضيفتنا. اتذكر ذيج الفتره صبيت اهتمامي بالبيت حتى كمت اساعد امي بالتنضيف وي ننه حتى دعاء متتعب لان الدوام بدايته اثبات جداره من جانت ترجع متكول شي ولا تعلق كبل تتغده وتنام واني عدي المهم امي ووجهي ابيض كدام الله فتره مو طويله وكلت كافي بعد حاولت اقترب منها مقبلت صدتني على نفسيتي تعبانه تركتها ونفسي كلش انكسره عفتها شهرر ثاني شهر كامل مقتربت منها وهي مو يمها تروح وتجي حتى لفرح هملتها والبيت فندق وكلشي معاجبها هنا اني فقدت اول نطلت عطت بيها وعياط ومصايح ارزل وهي تباوعلي ببرود نضرتها مستهزاه بابتسامه ردت اتخبل ضربتها وعاطت فرح تبجي وتصيح ماما تخبلت الا شوي وهي مو يمها شبيج انتي شبيييج فهميني هامله البيت وبنتج ننه تدرسها كالت غصبا عنها حبيبي غصبا عنها مو بت اخوها وكاعده ببيتك هاهي بيتيش للج بيتها هذا لتخليني اغلط بيتيش بابا الك الحصه الامبر تقربت عليها رفعت حاجبي لتخليني اتخبل و اخلي باسمها واطلعج من المولد بله حمص باوعتلي متفاجاه كالت شتريد مني تجرين عدل كل اسلوع البيت ينكرب يعني ارجع من البيت المه امي تنضف بغرفتي واتي عبالي انتي الدتنضفيها وحتى هدومج تغسلها شسوي وكت ماعدي دااتعب تريد انطيها فلوس فقدت كمت اضرب بله مااحس انهزمت مني وتعد وتصف بصياح فرت راسسسك فرته لراسك اييي تريد تزوجك بت القندررره وليش مااتزوج هو اني هم محسوب عالمتزوجين من امداني خركه صاير بيدج والنوب تبلع حب مانع امشي لمي هدومج اشمرج بيت ابوج امشيييي لا انعل والديج صعدت قبلي وحضرت هدومها ببرود خبلني واخذتها وذبيتها ورجعت مرتاح سبوع سبوعين وفرح ليل نهار تبحي هي ششايفها منها تبجين عليها. وفعلا قررت اتزوج وفاتحت امي كالت يمه المن اخذلك الدنيا متنحزر هاي بت خالتك وهيج سوت بيك بقيت صافن الويايه بالدوام كلهم ماخذين راحتهم مرشهر على بقيتها عد اهلها وكل متروح فرح وترجع تكول بيبي تطلب ماما هلكد وانطيهايعني فلوس اكلها وشربها مدفوعه بس خل اخلص. وبيوم بليل مكدرت انام كاره حياتي فرح نايمه جانت صف ثالث ابتدائي نزلت جوه لكيت امي دتصلي وتندعي وكفت وراها سمعتها كالت يارب فرج على بريسم بت حواء وفك كربتها وخلصها من الضلمرها دخيل اسمك فزيت وكل نبض بيه دك مدري شصار بيه من سمعت اسمها صار سنين من طلعنا من البستان واشكال احداث صارت ودوم على بالي الساده والبستان النوك الحمر وعيونها ورفه الشاهين على ايد عبد الله كملت صلاه امي التفتت ها امي حبيبي شبيك ننه ابها ببالج والله يمه حلمت بيها وفزيت كون الله تكون بخير ياربي هلكد مضلومه هالبنيه اجتتوسل بيه تكولي خاله انتي هواي تصلين ادعيلي اخلص منه وتطلع من عده ويكول ماريدها خطييه انكسر كلبي واخذني الحجي وي امي كالت خلمت بستانهم يحترك وهي تشيل على راسها تراب وتنكته لمعت عين ننه هي وتحجي المنام صدك كلبي لزمني لاهي وي مصايب الخاتون اللي مافد يوم حسيت براحه وياها وابد مسالت عنهم هان عليه الملح والزاد شكد عيب وكضت الايام ولكتلي امي وحده تخطبها الي جالت ارمله توها متزوجه ورحلها استشهد بانفجار كتلها عمي بس جون تقدر الرجال مرايد شي. وفعلا تقدمت امي ورحت وياها ورجعت لكيت فرح بالبيت ميته بجي لج بابا شبيج بابا اذا تزوجت غير ماما اكتلها لروحي بقيت صافن عليها كالت انت متحب ماما شكو بعد دااعيش وي مرت ابويه بس تتزوج اموتها لروحي والقران تحجي وتبجي اسكت اهدي ميفيد تركتها كلت توها عمرها عشر سنين تنسى طلعت فلوس الذهب وحضرتها لامي ردت زواج باتم مايكون بقيت بالليل افكر واتذكر ملامحها وداخلي يردد بس متشبه بريسم ردت وحده تشبهه ولو بخجلها وارتباكها ردت وحده ولو بس نفس نضراتها وخوفها استغفر الله ربي مو حقهم ميخلون احد يباوع لاهلهم هاك نضره وانحفرت ببالي صار سنين. الصبح طلعت للشغل وخليت الفلوس عالميز لننه جنت متفاهم قبل يوم وياها تشتري الذهب والملابس للبنيه ودعاء كلت اذا رجعت تبقى هنا واخذ امي واطلع ااجر بينما ما اقسم البيت هيج جنت مقرر وفعلا جبت مهندس وقسم البيت سوالي خريطه رهيبه كلت شهر وابلش لان جامع خوش مبلغ صدك وارجع من الدوام احجي وي امي عالذهب كالت جان بقيتلي الفلوس ياماما ورحت اشتريت وكفت صافن مو بقيتلج هنا عالميز كالت وين شوكت معوده الصبح جنتي نايمه يم فرح صفنت على فرح اللي ارتبكت وخافت تبعد بعينها تقربت منها همست فرح بابا الفوس وين مادري ماخذتهن مو عدي والله والله والله موعدي تحجي ووتبجي وترجف طكت وايراتي تخبلت لزمتها من شعرها اهدد اذبحج اذا بايكتهن مثل امج وامي ورايه تجر بيه تكولي لك امي عوفها. اني فصلت بعد ضربتها وطبت للحمام ركض وقفلت الباب عليها كمت اصيح اذا متحولين وين وديتيها تره اسجنها لامج صاحت لا بابا حببباب الله يخليك لتتزوج اتزوج وغصبا ماعليج وعلى امج تدافعيله بعدج هلكدوتج وتدافعيلها متدرين شسوت شون انتي دتبوكيني هي هم باكتتي امي تجر بيه تسكتني اني غديت نار بتي تبوك هاي الحقيره تعلمها البوك اااخ يانار كلبي احجي واصيح واهدد اموتها لامج بسيطه بسيطه خنست فرح واني تعبت بقيت كاعد صافن. شسوي الها هاي جتي يمي ننه صبتلي عصير ليمون شربته وايدي ترجع اعصابي تلفت شون شسوي تعلمها عالبوك هاي يمه غللط تصرفك غلطططط يمممه باااكتني هاي تعلوم الافنديه يووم اي انت كلتها شفتها شون ارتبكت وخافت اي هالمره هيج مره اللخ عادي تصير استغفر ربك يوم لج امي البارحه وديتها اليوم تخبلللت لطمت على وجهي اني بتي تمد ايدها وتبوك خرب اهلل دعاء من ساعه السووووده ساعه السوده الجتي خالتي بيها وشافتني ساعه المصصخمه كون جريت نفس اريد اهدي روحي وامي تلوب تروح وتجي تفرك بيدها تخاف تحاجيني شبيج ننه شكو يمه مطلعت فرح خاف تخربطت يمه تخاف لا اضربها اني داادك بالباب اشاورها اكولها اخليج بالغرفه وقفلي الباب متقبل غمضت عيني ووكفت متت خوف على بتي دكيت الباب بهدوء مردت حجيت وياها بابا احاجيج ماس ي شي بعد لتخافين ماكو رد خفت حيل كسرت الباب بصعوبه طكت والكاها خانكه روحها ومزركه بتعلاكه الحمام --------- يتبع..... | ||||
|
| |
|
27-12-19, 09:56 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني عشر النوك الحمر بقلم مريم السعدي ياسين- الدنيا وكفت بعيني امي ركضت وتردد بسم الله الرحمن الرحيم لك يمه ساعدددني لتصفن اباوعلها مزركه ترفس تبنجت وامي تصيح لك ماما ويايا عيينني. ياربي دخيلك دخيللك يارربي. ركضت شلتها وافل الشال من اللافته على ركبته صايره مثل الليه بيدي تخبلت اكعد بيها لج بابا فرررح فرح بابا عينها كلبتها تنفس اصطناعي اي اي همه هيح يسوون سويته الها غصت وكحت قوي وذبي من راسج غسلت وجهه اباوع امي كعدت مابيه وكفه بعد واني اعصابي ترتعش كوه شلتها واخذتها بره وكعدت عالقنفه اريد اجر نفس مدااكدر نفسي انكطع واباوعلها تتنفس ويصعد صدرها وينزل كوه فتحت عينها رد الهوى بصدري بجيت مكدرت وغطيت وجهي اني شسويت والله بلاني بهيج وحده بيش قصرت وياها شو اشرف الموضفين كلها اللي سوه بيت واللي اخذ كاع الا اني من وره جهرتها مكانك راوح مددتها ترتاح وغطيتها رحت لننه بعدها كاعده بمكانها على طابوريه الحمام ننه فدوه لعينج مابيها شي كومي يمه حيل حيلي انهد البنيه جان ماتت الله ستر باوعت لفرح عالقنفه ورجعت باوعت لننه كومي بره امي كومي هنا يمها كامت ويايه وانتجت عليه كعدت يم فرح فرح حسيت ومتريد تفتح عينها تقربت منها بابا كومي بدلي نروح نطلع كالت وديني لماما لا بابا دااحاجيج ليش هيج سويتي حبيبتي ليش اني هيج ربيتج مو ذاك اليوم حجينا وسولفنا اني وياج شتريدين كوليلي وداانطيج سبوعيتج تجمعيها عد بيبي وكتلج حرام السرقه قطع اليد عقابها مو صح حبيبتي جنت احجي همس مكنبص كدامها واحاجيها بهدوء البنيه راحت تروح من ايدي انعل ابو امها كلشي ولا فرح كالت وتبجي بابا اني مو حراميه لعد اليبوك شيسمو انتو تريدون تجيبون وحده غير ماما وتكوم تضربني وتكرهني ومنو كال اخلي احد يمد ايده عليج اني مماد ايدي عليج بعدين تكوم متحبني هاي منو مفهمج هيج بقت تفر بعينها مبرطمه حضنتها قوي . بابا تدرين لو صاير بيج شي اني قبلج اموت تدرين مااتحمل يصيبج شي بابا انت تحبني طبعا اموت عليج لعد ليش متحب ماما جريت نفس حبيبتي تكبرين وتعرفين لان ماما باكت مثلي بقيت ساكت همست منو كايلج عالحجي خاله اعراف سمعتها تكول لماما انتي صوجج كعدتي تبوكين من رجلج انصدمت بقيت ساكت اعراف اخت دعاء مرتاحه بحياتها وزوجها يحبها خوش انسان زوجها احترمه الضاهر هناك حاجين وياها شوي بردت ناري احد طبك ويايه مجاوبت فرح كالت اني من تتزوج اموت روحي بابا ماابقى عايشه ابد اروح يم الله وجدو اسم الله عليج حضنتها طفله مو مال تحاجيها وتوعيها هزيت راسي برضا ساكت مبتسم كالت الفلوس ماريدها اصلا مبكتها بس ضميها جوه الزوليه حتى متشتري ذهب هاهي بابا موضوع انتهى لازواج ولا غيره. جريت نفس تعبت مو مال استعجل خل تكبر شلت من راسي الموضوع وننه خابرت العالم صرفت نضر ودزيت واحد من الوضيفه ديريد يتزوج على هاي البنيه وفعلا خطبها بقيت فتره سنه كامله دعاء هناك وفرح هنا عد ننه صارت صف خامس متفوقه الاولى صلاه وحجاب تعلمتها من ننه نضافه وحتى دتتعلم تطبخ يوميه التكلاه بليل عليها العشا واني طاير بيها احير ششتري وتروح كل اسبوع مره بيت جدها تجي مكلوبه عالبطانه ونرجعها وره يومين كوه وفجاءه تمرضت فرح بامتحانات نص السنه تخبلت طكع جسمها كله ازرك واحمر صخونه حمى مااعرف راد يوكف كلبي اربع دكاتره وديتها. مفاد. كامت تهذي اخر شي بعد الرنين الايكو والاشعات طلع عدها فتحه ثلاثيه قلبيه الدنيا صغرت بعيني اول شي كاله الطبيب ابعدها عن كل توتر منكدر نسويلها شي هسه من تبلغ عمر ١٨ سنه يسوولها قسطرتين وان مافاد فتح قلب اي عمليه القلب المفتوح كرهت كلشي حلو بالدنيا صارت فرح كل همي ودومي بغير عالم وتعبان خايف عليها شتريد اسوي دون نقاش يوميه الكه امي تصبرني وتقويني عادي يمه فلانه سوتها وطابت وفلانه هنجم عدها وتعالجت. ارتاح ومن اسمع بجي امي بليل عالسجاده يتجدد رعبي مرت ايام رحعت لحياتها فرح ادرسها بهدوء اطلعها شتريد اسوي مرت فتره شهرين بحاله طيبه فجاه ---كالت بابا اريد امي رجعها للبيت اذا تحبني اويل يابه ششايفه منها حنان صخام دترديها سكتت ورحت مثل الكرته حشه اليسمع وطبيت بيت اهلها وكعدت وي امها خالتي وهي مطلعت وحجيت لخالتي حاله فرح وانه اريدها وصاحت على دعاء وجتي اباوعلها الخلقه مكلوبه حاجبها متغير ووجهه عبالك موهي ضعفانه والاضافر مطولتها وشفافها مبرطمه كعدت وكلبت عينها اني منا كارهه كالت شبيها بنتي اخذتها قبل ثلث شهور ورده مفتحه دعاء من الاخير بنتج دتريدج ترجعين لو لا حتى اكوللها مقبلت داانهي كلشي اني لعبت روحي كالت ارجع بشرروط ماارجع هيج بعد وي اختك المصون فركت وجهي باوعتلها شايله خشمها والله صدك لو كالو صعبه على الماشايف بقيت ساكت وشتريدين خاتون تعزلني عزل تام عن اختك اني ببيت وهي ببيت استغفر الله صار بسيطه اصلا اني مسويها بقه بس الشبابيك ووقفت لان ردت اتزوج بي بس مصارت معليه اني عود روح تزوج بذاك البيت مال اختك اني وبتي النا هاللبيت اوك ماشي بعد اي اوامر هاهي ششفتني فد يوم متطلبه وشوف اكولك سالفه كل حجايه واوديج لاهلج بعد تنساها بالقران اخذ بتي واطلع متشوفني بعد ومتدري بيه وين ماوين الجنت اخاف منه وراح لدار حقه ههههههاي اي والله كلتيها جبيرج راح امشي امشي هو اني جافص بعد امشي لاجل عين الكون كله يكرم مو الف عين اخذتها ورجعت جانت غير عن دعاء التتوسل اصالحها وتترجى مني حضن ونومه بفراشها رجعت للبيت حتى على ننه مسلمت بقت ننه صافنه وراحت لبنتها بلواكتها خبيبتي وحياتي وعمري وفرح الفطيره تبجيي ميته بجي مرت الايام عزلتها بالبيت اللي قسمته نصين ميه بميه بخارطه مهندس واني بقيت يم ننه وجهزت البيتين كاونترات واثاث وغرفتي مال نوم وديتها هناك وكملتها. بقيت يم ننه فرح مكامت توصل الا نادرا كمت اتسوك مسواكين لهنا وهناك ومقصرت بشي والله يشهد وبنتي فتره سبوعين ثلاثه كامت فرح من اجي تجي تتغده يم ننه وتكعد تدرس ووراها تروح ثاني يوم من نكعد وحدنا وادرسها الدروس الصعبه على ننه تكعد تحجي بابا بيبي هيج رزلتني بابا بيبي تكولي غبيه بابا بيبي تكولي ريحتج مطيبه بقيت صافن عليها اعرف تربايه امها او تعلمت نقل الحجي يسويلها انتباه وهي بعمر مراهقه تحب تجذب انتباه الناس الها جنت اهديها ببرود وحب لا بابا تحبج لابابا موقصدها هيج لحد مافاض صبري عطت بيها بسسس عااد اذا بعد حجيتي على بيبيتج حلكج اشكه فاااهمه سكتت وراحت تبجي لبيت الثاني وجتي دعاءتركض شعرها واكف مدري محروك مدري صابغته ومهلوس وبقت تصيح شنو تصيح على بتي من وره اختك وشنو و شنو ----وامي تتوسل بيه ماضربها شوي شوي وعله صوتي صبري فاض لج تسكتتتتين لا ابتلي بيج ننننه اطلعي فوتي لغرفتج ررروحي لغرفتتج من وراج كلها من وراج الديصير بيه وبعد وبعد هاي تططلع عينها طبعا تروحين لغرفتج لا وحق محمممد اطلع ماارجع بعد امي عافتني وايدها على حلكها تباوع لدعاء بخوف راحت ننه وباوعت لفرح وباوعت لدعاء شوفي دعاء. بنتج تلزميها يمج لهنا متوصل بعد بعددداحسن تتعلملي سوالف مكسره وحجي فارررغ وقال وقيل شلت ايدي وضربتها على وجهه بكل قوتي اجتي تريد تهجم تخرمشني باضافرها صفنت دفعتها اني مو مره دامد ايدي على مره صحت فاااقد اططلعي لبيتج طردتها وقفلت الباب البينه بقت فرح بالزويه خايفه وتبجي التفتت عليها شوفي لج هاي من وراج تودين وتجيبين حجي شوفي امج شسوت ببيبي شكد احبج ولخاطرج رجعت امج ومتزوجت وشوفيها لامج بس مهتمه بروحها ولبسها وعايفتج منو الديدرسج هااه ها منو الديسويلج. اكلل هدومج منو يكويها ويعدلها لج حتى تجليد كتب خياط قميص صخام بوجه امج كله بيبيتج تسوووووي من الفحر تكعد تسويلج ريوووك وانتي هيج تسوين بقت فرح تبجي وتتاسف كتلها بيبي هن بعد متريدج لا بابا ااني حروح اكولها اسفه وللي منااا لبيت امج ماريد توصلين بعددد مو بيبي متحبج وتكرهج وتسمعين من امج ولي يللله واذا وصلتي رجلج اكس ها خل اشوف امج شون تفيدج سكتت تشهك وراحت تلك بكتبها وغراض المدرسه طلعت امي من الغرفه همست فرح بيبي فرح بجت وهمست اسفه بيبي اني ماعرف شون هيج سويت كولي لبابا حبابه صحت يـ الــــلــــه فضيهااا --- يتبع.... | ||||
|
| |
|
27-12-19, 09:59 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث عشر النوك الحمر بقلم مريم السعدي ﻳﺲ - ﻳﻮﻣﻴﻦ ﻣﺮﺕ ﻓﺮﺡ ﻣﺘﺪﺧﻞ ﻋﺪﻱ ﻟﻠﺒﻴﺖ ﺑﺎﺣﺮ ﺩﻭﺍﻣﻬﺎ ﻭﺍﻧﻲ ﺍﻻﻭﺩﻳﻬﺎ ﻭﺍﺟﻴﺒﻬﺎ ﻻﺯﻡ ﺗﺘﺎﺩﺏ ﺍﺩﺭﻱ ﻣﺘﻜﺪﺭ ﺩﻭﻥ ﻧﻨﻪ . ﻭﻻﺍﻧﻲ ﺍﻻﺗﺤﻤﻞ ﻳﻤﺮ ﻳﻮﻡ ﻭﻣﺎﺷﻮﻓﻬﺎ ﺧﺎﻳﻒ ﻻ ﺗﺘﺨﺮﺑﻂ ﺑﻌﺪﻣﺎ ﺍﺫﻳﺘﻬﺎ ﺑﻜﻼﻣﻲ ﺻﺎﺭ ﺑﻴﻪ ﻭﺍﻫﺲ ﺍﺧﻠﻲ ﺍﺫﻧﻲ ﻋﻠﻰ ﺣﺎﻳﻂ ﺍﻟﻔﺎﺻﻞ ﺑﻴﻨﻨﺎ ﺍﺳﻤﻌﻬﺎ ﻛﻼﻣﻬﺎ ﺧﺎﻑ ﺑﻴﻬﺎ ﺷﻲ ﻭﻧﻨﻪ ﺗﺒﺎﻭﻋﻠﻲ ﺑﻌﺘﺐ ﻣﺎﻣﺎ ﺍﻟﺒﻨﻴﻪ ﻃﻔﻠﻪ ﺷﻮﻥ ﻣﺘﺠﻴﺒﻬﺎ ﺗﺠﻲ ﺑﻌﺪﻫﺎ ﺻﻔﻴﺮﻩ ﻭﻫﺎﻱ ﺍﻣﻬﺎ ﺗﺘﻌﻠﻢ ﻣﻦ ﻛﻼﻣﻬﺎ ﺍﻟﻠﻪ ﻳﻬﺪﻳﻬﺎ ﻫﺎﻫﻲ ﻧﻨﻪ ﻻﺯﻡ ﺗﺘﻌﻠﻢ ﻟﻮ ﺗﺴﻤﻊ ﻣﻨﻲ ﻟﻮﻣﻨﻬﺎ ﺧﻠﺺ ﻫﺬﺍ ﻭﻛﺖ ﺗﺎﺩﻳﺒﻬﺎ ﺗﺘﺬﻛﺮﻳﻦ ﻋﻤﻲ ﻋﻠﻲ ﺍﻟﻠﻪ ﻳﺮﺣﻤﻪ ﺷﺠﺎﻥ ﻳﻜﻮﻝ ﺳﻨﺘﻴﻦ ﺩﻟﻞ ﺳﻨﺘﻴﻦ ﻋﻠﻢ ﻭﺳﻨﺘﻴﻦ ﺍﺩﺩﺏ ﻳﻮﻭﻡ ﻛﻴﻔﻚ ﻳﻤﻪ ﻛﻴﻔﻚ ﺑﺲ ﺍﻟﺒﻨﻴﻪ ﻣﺰﺝ ﻳﻀﻪ ﺣﺒﻴﺒﻲ ﻣﻤﺘﻌﺎﻓﺎﻳﻪ ﺍﻧﻜﺲ ﻣﺮﺽ ﻣﺮﺽ ﺍﻻﺧﻼﻕ ﻧﻨﻪ ﻣﺎﺑﻴﻬﺎ ﺷﻲ ﺟﺮﻳﺖ ﻧﻔﺲ ﺍﻧﺸﺎﺀ ﺍﻟﻠﻪ ﺗﻌﺮﻑ ﺍﻟﺼﺢ ﻣﻦ ﺍﻟﻐﻠﻂ ﺛﺎﻧﻲ ﻳﻮﻡ ﺍﻟﺼﺒﺢ ﺑﺪﻟﺖ ﻭﺑﻘﻴﺖ ﺍﻧﺘﻀﺮ ﺟﻴﺘﻬﺎ ﻟﺒﻴﺘﻨﺎ ﻭﻛﺖ ﺩﻭﺍﻣﻬﺎ ﻣﺠﺘﻲ ﻃﻠﻌﺖ ﺑﺎﻟﺴﻴﺎﺭﻩ ﺷﻔﺘﻬﺎ ﻃﻠﻌﺖ ﻣﻦ ﺍﻟﺒﺎﺏ ﺷﺎﻓﺘﻨﻲ ﻭﻧﺼﺖ ﺭﺍﺳﻬﺎ ﻭﻛﻔﺖ ﻳﻤﻬﺎ ﻣﺎﺑﺎﻭﻋﻠﻬﺎ ﻋﺮﻓﺖ ﻭﻛﻐﺠﻔﺖ ﻋﻠﻰ ﻣﻮﺩﻫﺎ ﺍﻓﺘﺮﺕ ﻭﺻﻌﺪﺕ ﺳﺎﻛﺘﻪ ﻃﻠﻌﺖ ﺑﻬﺪﻭﺀ ﻣﺒﺎﻭﻋﺘﻠﻬﺎ ﺍﺑﺪ ﻭﺻﻠﺘﻬﺎ ﻭﻛﻔﺖ ﺑﺒﺎﺏ ﻣﺪﺭﺳﺘﻬﺎ ﺑﻘﺖ ﻛﺎﻋﺪﻩ ﺳﺎﻛﺘﻪ ﻭﺍﻧﻲ ﻣﺤﺠﻴﺖ ﻣﺎﺑﺎﻭﻋﻠﻬﺎ ﺍﺣﺲ ﺍﻋﺎﻗﺒﻬﺎ ﻭﺍﻋﺎﻗﺐ ﺭﻭﺣﻲ ﻭﻳﺎﻫﺎ ﺗﻘﺮﺏ ﺑﺎﺳﺘﻨﻲ ﻣﻦ ﺧﺪﻱ ﻭﻧﺰﻟﺖ ﺍﺑﺎﻭﻋﻠﻬﺎ ﻣﺒﺮﻃﻤﻪ ﻭﻣﻨﺼﻴﻪ ﺗﻤﺸﻲ ﺳﺮﻳﻊ ﻓﺎﺗﺖ ﻟﻠﻤﺪﺭﺳﻪ ﻭﻃﻠﻌﺖ ﻟﺪﻭﺍﻣﻲ ﺷﻐﻠﻪ ﻭﺣﺪﻩ ﻣﺴﻮﻳﺖ ﻋﺮﺍﻳﺾ ﻭﻫﻨﺪﺳﻪ ﻣﻴﺖ ﻣﺮﻩ ﻋﺪﺗﻬﺎ ﻣﺪﺍﺍﺭﻛﺰ ﺑﻌﻤﻠﻲ ﺗﻌﺒﺖ ﻭﻛﻌﺪﺕ ﺍﺭﺳﺖ ﺑﺎﻟﻲ ﻳﻢ ﺑﻨﺘﻲ ﻣﺎﻋﺮﻑ ﺷﻮﻥ ﺍﺗﺼﺮﻑ ﻫﺎﻟﻔﺘﺮﻩ ﺑﻨﻴﻪ ﻭﻳﺎﻧﺎ ﺍﺳﻤﻬﺎ ﻣﻴﺎﺩﻩ ﺣﺴﻴﺘﻬﺎ ﺗﺮﻳﺪ ﺗﻘﺘﺮﺏ ﻣﻨﻲ ﻛﻠﺴﺎ ﺟﺎﻳﺒﻪ ﺍﻭﺭﺍﻕ ﻭﺗﺴﺎﻟﻨﻲ ﺷﻮﻥ ﺗﺎﺻﺮﻑ ﻟﻜﻮﻧﻬﺎ ﺟﺪﻳﺪﻩ ﻋﺎﻟﻌﻤﻞ ﻭﺍﻋﻠﻤﻬﺎ ﻟﻮﺟﻪ ﺍﻟﻠﻪ ﺍﻟﺒﻨﻴﻪ ﺣﻠﻮﻩ ﻣﻘﺎﺻﺮﻩ . ﺭﻏﻢ ﺳﺒﻮﺭﺕ ﻭﺷﻘﺎﻫﺎ ﻭﻱ ﻛﻞ ﺍﻟﻤﻮﺿﻔﻴﻦ ﺑﺲ ﻧﻀﺮﺍﺗﻬﺎ ﺍﻟﻲ ﺍﺣﺴﻬﺎ ﻏﻴﺮ ﻭﺍﻧﻲ ﻛﻠﺒﻲ ﺧﻠﺺ ﻭﺍﻟﺸﻴﺐ ﺑﺪﻩ ﻳﻄﻠﻊ ﻭﺍﻧﻲ ﺗﻮﻧﻲ ﺑﺪﺍﻳﻪ ﺣﻴﺎﺗﻲ ﺍﻟﻤﺸﻔﺖ ﻣﻨﻬﺎ ﺍﻱ ﺷﻲ ﺣﻠﻮ ﻣﻴﺎﺩﻩ ﻫﺎﻟﻤﺮﻩ ﺟﺎﺑﺖ ﺍﻟﺮﻳﻮﻙ ﻭﻛﻌﺪﺕ ﻛﺪﺍﻣﻲ ﻛﺎﻟﺖ ﺻﺪﻳﻘﺎﺗﻲ ﺭﺍﺣﻮ ﺗﺮﻳﻜﻮ ﺑﺎﻟﻤﻄﻌﻢ ﻣﻠﻜﻴﺖ ﻏﻴﺮﻙ ﺍﺗﺮﻳﻚ ﻭﻳﺎﻩ ﻭﻟﺘﻤﻮﻟﻲ ﻣﺘﺰﻳﻚ ﻫﻬﻪ ﺍﻱ ﻭﺍﻟﻠﻪ ﻭﻱ ﺍﻟﺤﺠﻴﻪ ﺗﻜﻠﺖ ﺍﺍﻛﻌﺪﻱ ﺍﺧﺬﻱ ﺭﺍﺣﺘﺞ ﻭﺍﻟﻠﻪ ﻭﻛﻌﺪﺕ ﻓﺮﺷﺖ ﺷﻲ ﻋﺎﻟﻤﻴﺰ ﻭﺧﻠﺖ ﺍﻟﻐﺮﺍﺽ ﺑﻴﺾ ﻭﺍﺟﺒﺎﻥ ﻭﺣﻤﻴﺴﻪ ﻟﺤﻢ ﻭﺍﻟﺼﻤﻮﻥ ﺣﺎﺭ ﻭﺻﺒﺖ ﺍﻟﺠﺎﻱ ﻭﺍﻧﻲ ﺻﺎﻓﻦ ﻋﻠﻴﻬﺎ ﺑﻌﺪﺕ ﻏﺮﺍﺿﻲ ﻭﺍﻭﺭﺍﻗﻲ . ﻛﻌﺪﺕ ﻛﺒﺎﻟﻬﺎ ﻛﺎﻟﺖ ﻭﻳﺎﻳﻪ ﻟﺘﻔﺸﻠﻨﻲ ﻣﺪ ﺍﻳﺪﻙ ﻫﻬﻪ ﻻ ﺭﺍﺡ ﺍﻛﻞ ﻛﺎﻟﺖ ﻣﺘﺰﻭﺝ ﻭﻋﺪﻙ ﺑﻨﻴﻪ ﻛﺎﻟﻮ ﺍﻱ ﻫﻪ ﻓﺮﺡ ﻧﺼﻴﺖ ﻋﺎﻻﻛﻞ ﻭﺍﺣﺠﻲ ﻛﺎﻟﺖ ﺍﺑﻮ ﺍﻟﺤﺎﺳﺒﻪ ﻣﺤﻤﺪ ﻳﻜﻮﻝ ﻣﻄﻠﻚ ﻫﻬﻪ ﺍﺧﺒﺎﺭﻱ ﻃﺎﺷﻪ ﻫﻪ ﻻ ﺑﺲ ﻣﺮﻩ ﺍﺟﻪ ﺗﺒﻠﻴﻎ ﻟﻤﻜﺎﻥ ﻋﻤﻠﻚ ﺍﻣﻢ ﺻﺢ ﻓﻌﻼ ﻫﺰﻳﺖ ﺭﺍﺳﻲ ﻣﻨﺼﻲ ﺭﻓﻌﺖ ﻋﻴﻨﻲ ﺷﻔﺘﻬﺎ ﺻﺎﻓﻨﻪ ﺑﻮﺣﻬﻲ ﻭﺍﻳﺪﻫﺎ ﺟﻮﻩ ﺧﺪﻫﺎ ﻛﺎﻟﺖ ﺑﻄﺮﺍﻧﻪ ﻃﻠﻴﻘﺘﻚ ﺍﻟﻌﺪﻫﺎ ﺭﺣﺎﻝ ﺑﺎﺧﻼﻗﻚ ﻭﺭﺻﺎﻧﺘﻚ ﻣﻦ ﺍﻟﺒﻴﺖ ﻣﺘﻄﻠﻊ ﻧﺼﻴﺖ ﺭﺍﺳﻲ ﺭﺍﺣﺖ ﺍﻟﻀﺤﻜﻪ ﻛﺎﻟﺖ ﺷﻨﻮ ﻣﺸﻜﻠﺘﻬﺎ ﻭﻟﻮ ﺗﺪﺧﻞ ﻻ ﺍﻟﻌﻔﻮ ﻫﻴﺞ ﻣﺸﺎﻛﻞ ﺗﺎﻓﻬﻪ ﻭﻭﺗﺪﻋﻲ ﺍﻧﻲ ﺑﺨﻴﻞ ﻭﻫﺎﻟﺴﻮﺍﻟﻒ ﺑﺨﻴﻠﻴﺶ ﻋﻠﻰ ﺑﺨﺘﻚ ﻛﻞ ﻋﻴﺪ ﺟﺎﻳﺐ ﻛﻮﻣﻪ ﻛﻴﻚ ﺗﻮﺯﻉ ﻋﻠﻰ ﺭﻭﺡ ﺍﺑﻮﻙ ﻭﻛﻞ ﺗﺮﻗﻴﻪ ﻋﺎﺯﻣﻨﻪ ﺍﻟﺤﻤﺪ ﻟﻠﻪ ﺑﺲ ﺗﻜﻮ ﻋﺎﻟﻢ ﻣﺘﻜﺘﻔﻲ ﺑﺎﻭﻋﺘﻠﻲ ﻛﺎﻟﺖ ﻭﺍﻟﻠﻪ ﺍﻧﺖ ﻭﺣﺪﻙ ﻛﺎﻓﻲ ﺑﺲ ﻣﺘﻌﺮﻑ ﻗﺪﺭﻙ ﻧﺼﻴﺖ ﺭﺍﺳﻲ ﻣﺪﻳﻌﺠﺒﻨﻲ ﻛﻼﻣﻬﺎ ﺭﻏﻢ ﻛﻠﻪ ﺍﻃﺮﺍﺀ . ﺑﺲ ﻣﺎﺣﺐ ﻫﻴﺞ ﻧﻤﻮﺫﺝ ﻻﻥ ﻫﻮﺍﻱ ﺗﻌﺮﺿﺖ ﺍﻟﻪ ﻛﺎﻟﺖ ﺍﺳﻔﻪ ﻃﻮﺧﺖ ﺑﻜﻼﻣﻲ ﺟﺮﻳﺖ ﻧﻔﺲ ﺑﺎﻭﻋﺘﻠﻬﺎ ﻭﻧﺼﻴﺖ ﻛﺎﻟﺖ ﻓﺮﺡ ﺷﻮﻧﻚ ﻭﻳﺎﻫﺎ ﻭﺍﻟﻠﻪ ﻫﻬﻪ ﻣﻮﺯﻳﻦ ﻟﻠﺘﺎﻟﻲ ﺗﻌﺒﺘﻨﻲ ﻛﻤﺎﺩﺭﻱ ﺷﻮﻥ ﺣﺠﻴﺘﻬﺎ ﺑﺲ ﺭﺩﺕ ﺍﺣﺠﻲ ﻛﺎﻟﺖ ﺍﻛﻴﺪ ﺍﻻﻡ ﺗﺎﺛﺮ ﻋﻠﻴﻬﺎ ﺍﻟﻠﻪ ﻳﺴﺎﻋﺪﻙ ﺍﻱ ﻭﺍﻟﻠﻪ ﺍﻟﻨﻮﺏ ﻣﺮﻳﻀﻪ ﺑﺎﻟﻘﻠﺐ ﻻ ﻭﺍﻟﻠﻪ ﺍﻟﻠﻪ ﻳﻌﻴﻨﻚ ﻭﺍﻟﻠﻪ ﺍﺫﻳﺘﻨﻲ ﻫﺎﻱ ﺍﻧﺮ ﺍﻟﻠﻪ ﺣﺮﻳﺎ ﻧﻔﺲ ﺍﺭﺗﺠﻴﺖ ﻭﺟﺮﻳﺖ ﺍﻟﺠﺎﻱ ﺍﺑﺘﺴﻤﺘﻠﻬﺎ ﻋﺎﺷﺖ ﺍﻳﺪﺝ ﺍﻟﺠﺎﻱ ﻛﻠﺶ ﻃﻴﺐ ﺗﺨﺪﻳﺮﺗﻪ ﻣﻀﺒﻮﻃﻪ ﻫﻬﻪ ﺧﺒﺮﻩ ﺑﺎﻟﺠﺎﻱ ﺍﻧﻲ ﺍﻣﻢ ﻭﺍﺿﺢ ﺑﻘﻴﺖ ﺍﺑﺎﻭﻋﻠﻬﺎ ﺍﻋﺘﺰﺍﻟﻲ ﻋﻦ ﻋﺎﻟﻢ ﺣﻮﺍﺀ ﻭﻧﺴﻴﺎﻧﻲ ﻟﺮﻏﺒﺎﺗﻲ ﺧﻼﻧﻲ ﺑﻤﻮﻗﻒ ﻣﻨﺤﺎﺯ ﻣﺎﺩﺭﻱ ﺷﺴﻮﻱ ﻭﻫﻲ ﺗﻌﺮﺽ ﺭﻭﺣﻬﺎ ﻋﻠﻴﻬﺎ ﻭﺍﻧﻮﺛﺘﻬﺎ ﻭﺍﺿﺤﻪ ﻣﻦ ﻣﻼﺑﺴﻬﺎ ﻧﺴﻴﺖ ﺭﻭﺣﻲ ﻭﺍﻧﻲ ﺍﺗﺎﻣﻞ ﻭﺻﻠﺖ ﺣﺪ ﺗﻮﻧﻲ ﺍﺗﺨﻴﻠﻬﺎ ﻭﻳﺎﻳﻪ ﺑﻤﻮﻗﻒ ﺯﻭﺟﻪ ﻭﺯﻭﺟﻪ ﻭﻟﻌﺒﺖ ﺭﻭﺣﻲ ﻛﻤﺖ ﻣﻨﺘﻔﺾ ﻓﺎﺯ ﺍﺭﻳﺪ ﺍﻧﻬﺰﻡ ﺑﺮﻭﺣﻲ ﻛﺎﻟﺖ ﻭﻳﻦ ﻣﻜﻤﻠﺖ ﺭﻳﻮﻛﻚ ﺍﺍﻻﻻ ﺷﺒﻌﺖ ﻋﺪﻱ ﺷﻐﻠﻪ ﺍﻧﻬﺰﻣﺖ ﻟﻠﺤﺪﻳﻘﻪ ﻣﺎﻝ ﺩﺍﺋﺮﻩ ﺭﺩﺕ ﺍﻃﻠﻌﻬﺎ ﻣﻦ ﺭﺍﺳﻲ ﻟﻜﻴﺘﻬﺎ ﻣﺮﺟﻌﻪ ﻛﻠﺸﻲ ﻟﻤﻜﺎﻧﻪ ﻭﻣﺎﺳﺤﻪ ﺍﻟﻤﻴﺰ ﻭﻣﺨﻠﻴﻪ ﻭﺭﻗﻪ ﻭﺭﻗﻢ ﺗﻠﻔﻮﻧﻬﺎ ﻛﺎﺗﺒﻪ ﻣﻦ ﺗﺤﺘﺎﺝ ﺗﺤﺠﻲ ﺍﻧﻲ ﻣﻮﺟﻮﺩﻩ ﺍﻋﺘﺒﺮﻧﻲ ﺷﻮﻥ ﻣﺘﺮﻳﺪ --- ﻋﻘﺠﺖ ﺍﻟﻮﺭﻗﻪ ﻭﺫﺑﻴﺘﻬﺎ ﺑﺎﻟﺰﺑﻞ ﻭﻛﻌﺪﺕ ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻲ ﻏﻤﻀﺖ ﻋﻴﻨﻲ ﺍﺣﺘﺎﺟﻬﺎ ﺍﻱ ﺍﺣﺘﺎﺝ ﻭﺟﻮﺩ ﺍﻣﺮﺍﻩ ﺑﺤﻴﺎﺗﻲ ﻳﻤﻜﻦ ﺗﻜﻮﻡ ﺗﺤﺒﻨﻲ ﺣﺘﻰ ﻭﺍﻥ ﻛﻨﺖ ﻛﺎﺭﻩ ﺷﻲ ﺍﺳﻤﻪ ﺍﺭﺗﺒﺎﻁ ﺑﻌﺪ ﺑﺲ ﻳﻤﻜﻦ ﻫﻲ ﻏﻴﺮ ﺭﺟﻌﺖ ﻧﺼﻴﺖ ﻋﺎﻟﺰﺑﻞ ﺍﺧﺬﺕ ﺍﻟﺮﻗﻢ ﺿﻤﻴﺘﻪ ﺑﺠﻴﺒﻲ ﻛﻤﻞ ﺍﻟﺬﺩﻭﺍﻡ ﻭﻃﻠﻌﺖ ﻟﺮﺣﺖ ﺟﺒﺖ ﻓﺮﺡ ﺻﻌﺪﺕ ﺗﺒﺘﺴﻢ ﻛﺎﻟﺖ ﺑﺎﺑﺎ ﺣﺒﻴﺒﻲ ﺑﺎﻭﻋﺘﻠﻬﺎ ﺭﺍﻓﻊ ﺗﻚ ﺣﺎﺣﺐ ﻛﺎﻟﺖ ﺍﺧﺬﺕ ﻣﻴﻪ ﺑﺎﻟﺮﻳﺎﺿﻴﺎﺕ ﻻﻥ ﺍﻧﺖ ﺩﺭﺳﺘﻨﻲ ﺗﻨﻬﺪﺕ ﻣﺒﺘﺴﻢ ﺑﺎﻭﻋﺘﻠﻬﺎ ﻛﺎﻟﺖ ﺳﺎﻣﺤﻨﻲ ﺍﺟﻠﺨﺎﻃﺮ ﺍﻟﻨﻴﻪ ﻣﻴﻠﺖ ﺑﺮﺍﺳﻬﺎ ﻭﺑﺎﻭﻋﺘﻠﻲ ﺑﺘﻮﺳﻞ ﺿﺤﻜﺖ ﻣﻜﺪﺭﺕ ﺗﻘﺮﺑﺖ ﺑﺎﺳﺘﻨﻲ ﻣﻦ ﺧﺪﻱ ﻭﺍﺑﺘﻌﺪﺕ ﻭﺻﻠﻨﺎ ﻟﻠﺒﻴﺖ ﻧﺰﻟﺖ ﻭﻳﺎﻳﻪ ﺣﻀﻨﺘﻨﻲ ﻗﺮﻱ ﻭﺭﻛﻀﺖ ﺗﺼﻴﺢ ﺑﻴﺒﻴﻲ ﺑﻴﺒﻲ ﻧﺴﺮﻳﻦ ﺟﺎﻭﺑﺘﻪ ﻧﻨﻪ ﻫﻠﻪ ﺑﻔﺮﺡ ﻛﻠﺒﻲ ﻫﻠﻪ ﺭﻛﻀﺖ ﻋﻠﻴﻪ ﺗﺤﻀﻦ ﻭﺗﺒﻮﺱ ﺑﻴﻪ ﻭﺗﺒﺠﻲ ﻭﺗﻌﺘﺬﺭ ﺗﻘﺮﺑﺖ ﻣﻨﻬﺎ ﻣﻬﺪﺩ ﻓﺮﺡ ﺑﺎﺑﺎ ﺍﺧﺮﺭﺭ ﻣﺮﺭﺭﻩ ﺧﻠﻴﻬﺎ ﺑﺒﺎﻟﺞ ﻣﺮﻩ ﻟﺦ ﺍﺑﺪ ﻣﺘﺪﺧﻠﻴﻦ ﻫﻨﺎ ﺑﻌﺪ ﻻ ﺑﺎﺑﺎ ﺍﺧﺮ ﻣﺮﻩ ﺑﻴﺒﻲ ﺟﻮﻋﺎﻧﻪ ﻣﻴﺘﻪ ﺟﻮﻉ ﺷﻨﻮ ﻋﺪﺝ ﻏﺪﻩ ﻗﻴﻤﻪ ﺳﻮﻳﺖ ﺍﺑﻮﺝ ﻋﺎﺟﺒﻪ ﺍﻟﻠﻠﻪ ﺍﻟﺘﻤﻦ ﺑﻲ ﺣﻜﺎﻛﻪ ﺍﻳﻲ ﻃﺒﻌﺎ ﺗﻌﺎﻱ ﺍﺣﺠﻴﻠﻲ ﺷﺘﺎﻛﻠﻴﻦ ﻣﺘﺎﻛﻠﻴﻦ ﺑﻴﺒﻲ ﻛﻀﻴﺘﻬﺎ ﺻﻮﺻﺞ ﻭﺑﻴﺾ ﻻﻛﺮﻟﺞ ﻭﻻﺗﻜﻮﻟﻴﻠﻲ ﻳﺲ - ﺍﺳﻤﻊ ﻭﺍﺗﻜﻄﻊ ﻭﺍﻟﻠﻪ ﺍﻧﻌﻞ ﺍﺑﻮ ﺧﻴﺮﻛﻢ ﻛﻮﻣﻪ ﺩﺍﺍﺗﺴﻮﻙ ﻣﻦ ﺫﺍﻙ ﺍﻟﻴﻮﻡ ﻗﺮﺭﺕ ﻓﺮﺡ ﺍﻛﻠﻬﺎ ﻫﻨﺎ ﺑﻌﺪ ﻭﻫﻲ ﺧﻞ ﺗﺤﻴﺮ ﺑﺮﻭﺣﻬﺎ ﺑﺎﻻﻛﻞ ﻋﻠﻴﻪ ﺍﻟﺨﻂ ﻣﺎﻝ ﻛﻬﺮﺑﺎﺀ ﻭﺑﺲ ﻭﺭﺟﻌﺖ ﻓﺮﺡ ﻳﻤﻲ ﺗﺎﻛﻞ ﻭﺗﺪﺭﺱ ﻭﻫﺪﻭﻣﻬﺎ ﺗﺎﺧﺬﻫﺎ ﻣﻦ ﻧﻨﻪ ﻧﻀﻴﻔﻪ ﻣﻜﻮﻳﻪ ﻭﻣﻌﺪﻟﻪ ﻧﻨﻪ ﻫﻮﺍﻱ ﺷﻐﻼﺕ ﺗﻐﻴﺮﺕ ﺣﺴﺘﻬﺎ ﻛﺒﺮﺕ ﻛﺎﻣﺖ ﺍﺑﺪ ﻣﺘﺠﺮﺣﻬﺎ ﺑﺎﻟﻜﻼﻡ ﻭﻳﺎﻫﺎ ﺣﺘﻰ ﻟﻮ ﺑﺎﻟﺸﻘﻪ ﺟﺎﻧﺖ ﻗﺒﻞ ﺑﺎﻟﺸﻘﻪ ﺗﻜﻮﻟﻠﻬﺎ ﺷﻜﺪ ﻏﺒﻴﻪ ﻭﺗﻀﺤﻚ ﺩﻭﻣﻬﺎ . ﻫﺴﻪ ﺣﺘﻰ ﻫﺎﻱ ﺟﺎﺯﺕ ﻣﻨﻬﺎ ﺩﻭﻣﻬﺎ ﺗﻌﻠﻢ ﺑﺎﺑﺘﺴﺎﻣﻪ ﻭﻫﺪﻭﺀ ﻣﻔﺮﻁ ﺍﻣﻬﺎ ﺑﻠﻴﻞ ﺗﺨﺎﺑﺮﻫﺎ ﻭﺗﺮﻭﺡ ﻛﺎﻣﺖ ﻣﻦ ﺗﺠﻲ ﻣﺘﺠﻴﺐ ﺳﻴﺮﻩ ﺍﻣﻬﺎ ﺍﺑﺪ ﺍﻋﻠﻢ ﺍﺍﺩﺏ ﺍﺭﺯﻝ ﺑﻬﺪﻭﺀ ﻭﻫﻲ ﺗﺴﺘﻮﻋﺐ ﻭﺍﺣﺲ ﻣﺘﺮﺗﺎﺡ ﺍﻻ ﻳﻤﻲ ﻣﺸﻴﺘﻠﻬﺎ ﻣﺼﺮﻑ ﻭﺷﺘﺮﻳﺪ ﺍﺷﺘﺮﻳﻠﻬﺎ ﻳﻮﻣﻴﻪ ﺍﺷﻮﻑ ﺍﻣﻬﺎ ﺗﻄﻠﻊ ﺗﺮﻭﺡ ﻟﻠﻮﺿﻴﻔﻪ ﻭﺗﺮﺟﻊ ﻟﺒﺲ ﻳﻠﻌﺐ ﺍﻟﺮﻭﺡ ﺳﺎﻓﺮﺕ ﺑﻠﺒﻨﺎﻥ ﻋﻠﺴﺎﺱ ﺳﻔﺮﻩ ﻋﻤﻞ ﻋﺸﺮﻩ ﺍﻳﺎﻡ ﻭﺭﺟﻌﺖ ﺑﻘﺖ ﻫﺎﻟﻔﺘﺮﻩ ﻓﺮﺡ ﻳﻤﻲ ﺻﺎﺭﺕ ﺻﻒ ﺳﺎﺩﺱ ﻓﺎﺗﺤﺘﻬﺎ ﺑﺎﻟﻤﻮﺿﻮﻉ ﺍﻧﻪ ﺍﺭﻳﺪ ﺍﻃﻠﻚ ﺍﻣﻬﺎ ﻭﻫﻲ ﺗﺒﻘﻰ ﻳﻤﻲ ﻧﻔﺮﺕ ﻭﺑﺠﺖ ﻻ ﺑﺎﺑﺎ ﺣﺒﺎﺏ ﺍﺭﻳﺪ ﺍﺑﻘﻰ ﻫﻨﺎ ﻭﻫﻲ ﻫﻢ ﺗﺒﻘﻰ ﺑﺎﺑﺎ ﺍﺫﺍ ﻃﻠﻜﺘﻬﺎ ﺷﻌﺪﻫﺎ ﺑﺎﻗﻴﻪ ﺑﺎﻟﺒﻴﺖ ﺑﻌﺪ ﻫﺬﺍ ﺑﻴﺘﻲ ﻭﺑﻴﺖ ﺑﻴﺒﻲ ﺗﺮﺟﻊ ﻻﻫﻠﻬﺎ ﻻ ﺑﺎﺑﺎ ﻋﻔﻴﻪ ﻫﻨﺎﻙ ﻣﺎﺍﻛﺪﺭ ﺍﺭﻭﺡ ﻟﻤﺎﻣﺎ ﻟﺘﺮﻭﺣﻴﻦ ﻟﻌﺪ ﻛﺎﻣﺖ ﺗﺒﺤﻲ ﻣﻨﻬﺎﺭﻩ ﺗﺨﺮﺑﻄﺖ ﺑﻴﻮﻣﻬﺎ ﻭﻭﺩﻳﺘﻬﺎ ﻣﺴﺘﺸﻔﻰ ﻭﺳﺪﻳﺖ ﺍﻟﻤﻮﺿﻮﻉ ﻭﻋﺪﺕ ﺳﻨﻪ ﻟﺦ ﻭﺍﻧﻲ ﻟﺨﺎﻃﺮ ﻓﺮﺡ ﺳﺎﻛﺖ ﻭﻣﻤﻬﺘﻢ ﺻﺮﺍﺣﻪ ﺑﺲ ﺍﺣﺲ ﻣﺤﺘﺎﺝ ﺣﻴﺎﻩ ﺟﺪﻳﺪﻩ ﺍﺑﺪﻱ ﺑﻴﻬﺎ ﺍﻧﻲ ﺭﺣﻞ ﻭﺍﻟﻲ ﺍﺣﺘﻴﺎﺟﺎﺗﻲ ﻣﺤﺘﺎﺝ ﺍﺣﺐ ﻣﻦ ﺟﺪﻳﺪ ﻭﻣﺮﺕ ﺍﻻﻳﺎﻡ ﺩﺍﺍﻓﺘﺮ ﺑﺎﻟﺴﻮﻙ ﻭﻱ ﻧﻨﻪ ﺩﻧﺸﺘﺮﻱ ﻋﺒﺎﻳﻪ ﺍﻟﻬﺎ ﺍﺑﻮ ﺍﻟﻌﺒﺎﻳﺎﺕ ﻛﺎﻝ ﻫﺎﻱ ﻣﺸﻴﺮﺯﻩ ﺑﺨﻴﻂ ﺑﺮﻳﺴﻢ ﺍﺑﺘﺴﻤﺖ ﻭﺑﺎﻭﻋﺘﻠﻲ ﺍﻣﻲ ﻛﺎﻟﺖ ﻋﺴﺎﻫﺎ ﺑﺨﻴﺮ ﻛﻮﻥ ﻳﺎﺭﺑﻲ ﺑﻘﻴﺖ ﺍﺗﺬﻛﺮ ﻋﻴﺸﺘﻲ ﻫﻨﺎﻙ ﺑﺎﻭﻋﺖ ﻟﻨﻨﻪ ﻳﻤﻪ ﻳﻤﻜﻦ ﺍﺣﻠﻰ ﺍﻳﺎﻡ ﻛﻀﻴﺘﻬﺎ ﻫﻨﺎﻙ ﺗﺪﺭﻳﻦ ﻭﺍﻟﻠﻪ ﻳﻤﻪ ﻋﻴﺐ ﻣﻨﻬﻢ ﻻ ﺭﺣﻨﺎ ﻻﺳﺎﻟﻨﺎ ﻭﺍﻟﻠﻪ ﻓﺸﻠﻪ ﻭﺍﻟﻠﻪ ﻳﻤﻪ ﺷﻮﻓﻪ ﻋﻴﻨﺞ ﻣﻦ ﺍﻟﻮﺿﻴﻔﻪ ﻟﻔﺮﻭﺣﻪ ﺍﻱ ﺑﺲ ﻻﺯﻡ ﻧﻤﺮ ﺍﻧﻲ ﻛﻠﻤﺎ ﺍﺗﺬﻛﺮﻫﺎ ﺑﺎﻟﻤﻨﺎﻡ ﻣﺪﺭﻱ ﺷﻴﺼﻴﺮ ﺑﻴﻪ ﺍﻧﺸﺎﺀ ﺍﻟﻠﻪ ﻣﺎﻛﻮ ﺷﻲ ﺭﺟﻌﻨﺎ ﻭﺍﻟﺤﺪﻳﺚ ﺑﻤﻮﺿﻮﻋﻬﺎ ﺫﻣﺮﻧﻲ ﺑﻌﺒﺪ ﺍﻟﻠﻪ ﻭﺣﺴﻴﻦ ﺍﻟﻠﻪ ﺍﻟﻌﺎﻟﻢ ﺷﻮﻥ ﺻﺎﺭﻭ ﻋﺒﺪ ﺍﻟﻠﻪ ﻳﻤﻜﻦ ﻛﺒﺮﺍﻥ ﻭﺳﻴﺪ ﺣﺴﻴﻦ ﺻﺎﻟﺢ ﻭﺻﺎﺣﺐ ﺍﻟﻠﻪ ﺍﻟﻌﺎﻟﻢ ﻭﻳﻦ ﺻﺎﺭﻭ ﺍﻟﻨﻮﻙ ﺍﻟﺤﻤﺮ ﻭﻳﻦ ﺻﺎﺭﺕ ﺑﻌﺪﻫﻢ ﻳﺸﺘﻐﻠﻮﻥ ﺑﻴﻬﺎ ﻟﻮ ﻏﻴﺮﻭ ﺗﺠﺎﺭﺗﻬﻢ ﻭﻱ ﺍﻟﻬﻮﺳﻪ ﺍﻟﺼﺎﺭﺕ ﺑﺎﻟﺒﻠﺪ ﺍﺧﺬﻧﻲ ﺍﻟﺘﻔﻜﻴﺮ ﻭﻭﺻﻠﺖ ﻟﺒﻴﺘﻨﺎ ﺷﻔﺖ ﺣﺮﺱ ﺑﺒﺎﺏ ﺟﻴﺮﺍﻧﻨﺎ ﻛﻮﻣﻪ ﻭﺑﺎﻟﺒﻴﻮﻥ ﺩﻳﻔﺘﺸﻮﻥ ﻭﻱ ﺍﻻﻣﺮﻳﻜﺎﻥ ﺑﺎﻭﻋﻠﻲ ﻛﺎﻝ ﺗﻔﺘﻴﺶ ﻫﺰﻳﺖ ﺭﺍﺳﻲ ﺻﺎﺭ ﻃﺒﻴﺖ ﻟﻜﻴﺖ ﻓﺮﺡ ﺑﺒﻴﺘﻨﺎ ﻫﺎ ﺑﺎﺑﺎ ﺑﺎﺑﺎ ﺩﻣﻮ ﺍﻟﺒﺎﺏ ﻛﺘﻠﻪ ﻯﺤﺪﻱ ﺩﺭﻭﺣﻲ ﻛﻮﻟﻲ ﻻﻣﺞ ﺗﻔﺘﻴﺶ ﻣﺎﻣﺎ ﺳﺎﻓﺮﺕ ﻟﺘﺮﻛﻴﺎ ﺳﻔﺮﻩ ﻋﻤﻞ ﺿﺤﻜﺖ ﻣﻦ ﻛﻠﺒﻲ ﻭﺍﻟﻠﻪ ﻋﻤﻲ ﺯﻳﻦ ﻣﺘﻄﻠﻌﻲ ﺳﻔﺮﻩ ﻣﻦ ﺳﻔﺮﺍﺗﻬﺎ ﺑﻘﺖ ﺗﺒﺎﻭﻋﻠﻲ ﻓﺮﺡ ﻣﻘﻬﻮﺭﻩ ﻣﻦ ﻛﻼﻣﻲ ﺳﻜﺘﺘﻮﺭﺍﻫﺎ ﻭﻛﺘﻠﻬﺎ ﻟﻤﻠﻤﻲ ﺍﻟﺒﻴﺖ ﺩﻳﻔﺘﺸﻮ ﺣﺒﻴﺒﺘﻲ ﺭﺍﺣﺖ ﺷﻮﻱ ﺍﻱ ﻛﺎﻟﺖ ﻛﻤﻠﺖ ﻃﺒﻴﺖ ﻭﻃﺒﻮ ﻭﺭﺍﻳﻪ ﺍﻟﺤﺮﺱ ﻓﺘﺸﻮ ﻛﻠﺒﻮ ﺍﻟﺒﻴﺖ ﻛﻼﺏ ﻭﻧﺰﻟﻮ ﻣﻦ ﻓﻮﻙ ﺍﻟﻜﻨﺘﻮﺭ ﻓﺎﻳﻞ ﺍﺣﻤﺮ ﻛﻠﺒﻮ ﺑﻲ ﻭﺫﺑﻮ ﻣﻠﻜﻮ ﺑﻲ ﺷﻲ ﻳﻬﻤﻬﻢ ﻳﻤﻜﻦ ﺑﺲ ﻣﻦ ﻟﺰﻣﺘﻪ ﺍﻧﻲ ﺍﻧﺼﺪﻣﺖ ﺑﺎﺭﻗﺎﻡ ﺍﻟﻤﺒﺎﻟﻎ ﻭﻛﻠﺸﻲ ﺍﺳﺘﻨﺴﺎﺥ ﺑﺎﺳﻢ ----- ﺍﺭﻗﺎﻡ ﺑﺎﻟﻬﺒﻞ ﻣﻮﻗﻌﻪ ﻣﻦ ﻭﺯﺍﺗﻬﻢ ﻭﺍﻟﺘﺴﻠﻴﻢ ﺑﺎﺳﻤﻬﺎ ﻭﺍﺳﻢ ﺍﺑﻦ ﺧﺎﻟﺘﻬﺎ ﻭﺭﺍﻫﺎ ﻛﻠﺒﺖ ﺑﺎﻻﻭﺭﺍﻕ ﺩﻋﻮﻩ ﻗﻀﺎﺋﻴﻪ ﺿﺪ ﻧﻔﺲ ﺍﻻﺳﻢ . ﻣﺪﺭﻱ ﺷﺼﺎﺭ ﺑﻴﻪ ﻋﺮﻓﺖ ﺍﻟﺪﺗﻠﻌﺒﻬﺎ ﻟﻌﺒﻪ ﻭﺻﺨﻪ . ﻭﺍﺑﻦ ﺧﺎﻟﻬﺎ ﺍﻟﺴﺒﺐ ﺍﺧﺬﺕ ﻣﻦ ﻛﻞ ﻧﺴﺨﻪ ﻭﺭﻗﻪ ﻭﺭﺟﻌﺖ ﻛﻠﺸﻲ ﻣﻜﺎﻧﻪ ﻭﺭﺟﻌﺖ ﻟﻠﺒﻴﺖ ﺻﺎﻓﻦ ﻭﺍﻓﻜﺮ ﻳﻮﻡ ﻳﻮﻣﻴﻦ ﻭﻋﺸﺮﻩ ﻭﺭﺍﺳﻲ ﻣﺪﺍﺍﻛﺪﺭ ﺍﺗﺤﻤﻞ ﺑﻌﺪ ﻭﺍﺧﺬﺕ ﺯﻣﻨﻴﻪ ﻣﻦ ﺩﻭﺍﻣﻲ ﻭﺭﺣﺖ ﻟﺪﺍﺋﺮﺗﻬﺎ . ﺳﺎﻟﺖ ﻋﻦ ﻫﺎﻻﺳﻢ ﻛﺎﻟﻮ ﺟﺎﻥ ﻣﻮﺿﻒ ﻭﺍﻧﺴﺠﻦ ﺩﺍﺍﺣﺠﺠﻲ ﻭﻱ ﺍﻻﺳﺘﻌﻼﻣﺎﺕ ﻛﺎﻝ ﻣﺎﻋﺮﻑ ﺷﻲ ﺍﻧﺖ ﻟﻴﺶ ﺩﺗﺴﺎﻝ ﻭﺍﻟﻠﻪ ﻋﺪﻱ ﺍﺛﺒﺎﺗﺎﺕ ﻭﻭﺍﻟﺘﻔﺘﺖ ﺷﻔﺖ ﺍﻟﻤﺤﺮﻭﺳﻪ ﻭﻱ ﺍﺑﻦ ﺧﺎﻟﺘﻬﺎ ﻃﺒﻮ ﺷﺎﻓﺘﻨﻲ ﺍﻧﺼﺪﻣﺖ ﻛﺎﻟﺖ ﻳﺎﺳﻴﻦ ﻫﻠﻪ ﺍﻡ ﻓﺮﺡ ﺷﻨﻮ ﺷﺸﻌﺠﺐ ﺟﺎﻱ . ﺍﺑﻦ ﺧﺎﻟﺘﻬﺎ ﺍﺟﻪ ﺍﺑﺘﺴﻢ ﻣﺪ ﺍﻳﺪﻩ ﺗﺼﺎﻓﺢ ﻭﻳﺎﻳﻪ ﻭﺭﺩﻳﺖ ﺍﻟﺴﻼﻡ ﻛﺎﻝ ﻧﻮﺭﺕ ﺍﻟﻤﻮﺳﺴﻪ ﺍﻟﻨﻮﺭ ﻧﻮﺭﻙ ﺩﻋﺎﺀ - ﺷﻌﺠﺐ ﻣﻨﻮﺭﻧﺎ ﺧﻮﻣﺎﻛﻮ ﺷﻲ ﻳﺨﺺ ﻓﺮﺡ ﻫﺎ ﻻ ﻫﻴﺞ ﻋﺪﻱ ﺻﺎﺣﺒﻲ ﻫﻨﺎ ﺩﺍﺍﺳﺎﻝ ﻋﻠﻴﻪ ﻛﺎﻟﺖ ﻫﺎ ﺩﺗﻔﻀﻞ ﺍﺷﺮﺏ ﺟﺎﻱ ﻳﻤﻨﺎ ﺣﺎﻧﺖ ﺗﺤﺠﻲ ﻭﻋﻴﻮﻧﻬﺎ ﺗﺒﺘﺴﻢ ﻛﺎﻧﻤﺎ ﻛﻴﻔﺖ ﺟﻴﺘﻬﺎ ﻟﻤﻜﺎﻥ ﻋﻤﻠﻬﺎ ﺍﺑﻦ ﺧﺎﻟﺘﻬﺎ ﺭﺍﺡ ﻭﻫﻲ ﺑﻘﺖ ﺗﺘﻮﺳﻞ ﺑﻴﻪ ﺍﺑﻘﻰ ﺷﻲ ﺑﻴﻪ ﺭﺿﻪ ﻏﺮﻭﺭﻱ ﻛﺘﻠﻬﺎ ﻻ ﻏﻴﺮ ﻣﺮﻩ ﻛﺎﻟﺖ ﺗﺘﻐﺪﻩ ﻳﻤﻲ ﺑﺎﺟﺮ ﺧﻄﻴﻪ ﻓﺮﺡ ﺗﺘﻤﻨﻰ ﻧﺘﻐﺪﻩ ﺳﻮﻩ ﻳﺼﻴﺮ ﺧﻴﺮ ﺟﺎﻭﺑﺘﻬﺎ ﺗﺮﺧﺼﺖ ﻭﻃﻠﻌﺖ . ﺗﺎﻛﺪﺕ ﻣﺎﻋﺪﻫﺎ ﺷﻲ ﻭﻱ ﺍﺑﻦ ﺧﺎﻟﺘﻬﺎ ﺑﺲ ﺷﻮﻥ ﺗﺎﻛﺪﺕ ﻣﻦ ﺷﻔﺘﻬﺎ ﺟﻠﺒﺖ ﺑﻴﻪ ﻻ ﻫﺬﺍ ﻣﻮ ﺩﻟﻴﻞ ﻭﻟﻴﺶ ﺩﺍﺍﺷﻚ ﻟﺠﺒﻴﻬﺎ ﺍﺻﻼ ﻭﺍﻟﻠﻪ ﻣﺎﺩﺭﻱ ﻣﺎﺩﺭﻱ ﺑﻴﻌﻨﻲ ﺍﻟﺒﺰﺭ ﻳﻜﺴﺮ ﺍﻟﻀﻬﺮ ﻟﺨﺎﻃﺮ ﻓﺮﺡ ﻣﺒﻘﻴﻬﺎ ﺍﻻ ﺍﻧﻲ ﻣﺒﻘﻰ ﺷﻲ ﺑﻴﻨﻨﺎ ﻳﺮﺑﻄﻨﺎ ﺑﻌﺪ ﻏﻴﺮﻫﺎ ﻭﻛﺖ ﻭﻛﺖ ﻣﺴﺎﻟﻪ ﻭﻛﺖ ﺑﺲ ﺧﻞ ﺍﺳﻮﻳﻠﻬﺎ ﺍﻟﻌﻤﻠﻴﻪ ﻭﻣﺴﺘﺤﻴﻞ ﺍﺑﻘﻰ ﻭﻱ ﺍﻣﻬﺎ ﺑﻌﺪ ﺭﺟﻌﺖ ﻟﻠﺒﻴﺖ ﻭﺑﻘﻴﺖ ﺑﺘﻔﻜﻴﺮ ﻳﺼﻌﺪﻧﻲ ﻭﻳﻨﺰﻟﻨﻲ ﺭﺟﻌﺖ ﻃﻠﻌﺖ ﺍﻻﻭﺭﺍﻕ ﻗﺮﻳﺖ ﺍﺳﻢ ﺍﻟﻤﺤﻜﻤﻪ ﺑﺬﺍﻙ ﺍﻟﻮﻛﺖ ﺣﺎﻥ ﺍﻟﻠﻲ ﻳﻠﻌﺐ ﺑﻬﻬﻴﺞ ﺍﻭﺭﺍﻕ ﻳﻠﻌﺐ ﺑﻌﺪﺍﺩ ﻋﻤﺮﻩ ﺑﺲ ﻣﺪﺍﺍﻛﺪﺭ ﺗﺎﻧﻴﺐ ﺍﻟﻀﻤﻴﺮ ﻭﺑﺨﻴﺎﻟﻲ ﻣﻤﻜﻦ ﻋﺪﻩ ﻋﺎﺋﻠﻪ ﻣﻤﻜﻦ ﻣﻀﻠﻮﻡ ﻭﻣﻜﺮﺑﺴﻴﻦ ﺍﻟﺴﺎﻟﻔﻪ ﺑﺮﺍﺳﻪ ﻣﻜﺪﺭﺕ ﺑﻌﺪ ﻛﻌﺪﺕ ﻭﻱ ﻧﻨﻪ ﻭﺣﺠﻴﺖ ﻛﻠﺸﻲ ﻛﺎﻟﺖ ﺟﻴﺒﻬﺎ ﺍﻧﻲ ﺍﻭﺩﻳﻬﺎ ﺑﺎﺟﺮﻟﻠﻤﺮﻛﺰ ﻳﻤﻪ ﻭﻳﻦ ﺗﺮﺣﻴﻦ ﻣﺎﻣﺎ ﺍﻧﺖ ﻣﻌﻠﻠﻴﻚ . ﺍﻃﻠﻊ ﻣﻨﻬﺎ ﺍﻧﻲ ﺍﻭﺩﻳﻬﺎ ﻭﺍﺫﺍ ﺳﺎﻟﻮﻧﻲ ﻣﻨﻴﻦ ﺍﻛﻮﻟﻬﻢ ﻓﺎﻋﻞ ﺧﻴﺮ ﺳﻜﺘﺖ ﻭﺍﻋﺮﻑ ﺩﻭﻣﻬﺎ ﻧﻨﻪ ﺻﺢ ﺑﺲ ﺑﺴﺎﻟﻔﻪ ﺩﻋﺎﺀ ﻏﻠﻄﺎﻧﻪ ﻭﺍﻟﻐﻠﻂ ﺑﺎﻟﻒ ﻧﻄﻴﺘﻬﺎ ﺍﻻﻭﺭﺍﻕ ﻧﻨﻪ ﻓﺪﻭﻩ ﺧﺎﻑ ﻳﻀﻠﻮﻥ ﻳﺠﺮﺟﺮﻭﻥ ﺑﺎﻻﺳﺎﻟﻪ ﻣﺎﻣﺎ ﺍﻭﺩﻳﻬﺎ ﻟﻼﺩﻋﺎﺀ ﺍﻟﻌﺎﻡ ﺍﻧﻲ ﻣﻮ ﻣﺎﺍﻓﺘﻬﻢ ﻋﻤﻚ ﻋﻠﻲ ﻣﻔﻬﻤﻨﻲ ﻣﻦ ﺫﺍﻙ ﺍﻟﻮﻛﺖ ﻣﻮ ﺑﺖ ﺍﻟﺒﺎﺭﺣﻪ ﺍﻟﻜﺪﺍﻣﻚ ﺭﻭﺡ ﻭﻧﺎﻡ ﺭﻏﺪ ﺍﻟﻠﻪ ﻳﺴﺘﺮ ﺑﺲ ﺍﻧﻲ ﺍﺟﻲ . ﻭﻳﺎﺝ ﺍﻱ ﻭﺻﻠﻨﻲ ﻣﺎﺭﻳﺪ ﺗﻜﻮﻥ ﺑﺎﻟﺼﻮﺭﻩ ﺍﻭﻙ ﺳﻜﺘﺖ ﻭﺍﺑﺎﻭﻋﻠﻬﺎ ﻛﺒﺮﺕ ﻭﺍﺣﺴﻬﺎ ﺳﻨﺪ ﻏﺸﻴﻢ ﺍﻧﻲ . ﻭﺍﻓﻀﻞ ﻋﻠﻴﺞ ﻣﺮﻩ ﺍﻧﺘﻲ ﺑﺮﻭﺣﻲ ﺍﻓﺪﻳﺞ ﺍﺣﺠﻲ ﻭﻱ ﺭﻭﺣﻲ ﻭﺍﺑﺎﻭﻋﻠﻬﺎ ﺗﻘﺮﺑﺖ ﺑﺴﺘﻬﺎ ﻣﻦ ﺭﺍﺳﻬﺎ ﻭﺷﻤﻴﺘﻬﺎ ﻗﻮﻱ ﺷﻜﺪ ﻃﻴﺒﻪ ﺭﻳﺤﻪ ﺍﻟﺤﻨﻪ ﺑﺮﺍﺳﺞ ﻫﻬﻪ ﺍﻧﺖ ﻣﻦ ﺻﻐﺮﻙ ﺗﺤﺒﻬﺎ ﺗﻌﻠﻤﺖ ﻣﻦ ﻋﻤﻚ ﻋﻠﻲ ﺍﻟﻒ ﺭﺣﻤﻪ ﻋﻠﻰ ﺭﻭﺣﻪ ﻣﺮﺕ ﻳﻮﻣﻴﻦ ﻭﺍﻣﻲ ﻛﺎﻟﺖ ﺧﻠﻴﻬﺎ ﻫﺴﻪ ﻭﺍﻧﻲ ﻋﺒﺎﻟﻚ ﺍﺭﺗﺎﺣﻴﺖ ﻻﻥ ﺍﻣﺘﻠﻜﻨﻲ ﺍﻟﺨﻮﻑ ﺻﺪﻙ ﻭﺍﺭﺟﻊ ﻣﻦ ﺍﻟﺪﻭﺍﻡ ﻭﻃﻠﻌﺖ ﻣﻮﺩﻳﺘﻬﺎ . ﻭﺧﻠﺘﻨﻲ ﺍﻛﻤﺰ ﻟﻴﺶ ﻫﻴﺞ ﺗﺴﺘﻀﻐﺮﻳﻨﻲ ﻻ ﻳﻮﻡ ﺍﺧﺬﺕ ﺍﺳﺘﺨﺎﺭﻩ ﻭﺍﻟﻠﻪ ﻭﻛﻠﺖ ﻻﺯﻡ ﻫﺴﻪ ﺍﺭﻭﺡ ﻣﻮ ﺻﻐﻴﺮ ﺍﻧﻲ ﺩﺗﻀﺤﻜﻴﻦ ﻋﻠﻴﻪ ﻟﻚ ﻣﺎﻣﺎ ﺷﺒﻴﻚ ﻳﻤﻪ ﺩﺭﻭﺣﻲ ﻣﻮ ﻛﺘﻠﺞ ﺍﺟﻲ ﻭﻳﺎﺝ ﻫﺴﻪ ﺍﺣﺠﻴﻠﻲ ﻭﻳﻦ ﺭﺣﺘﻲ ﺭﺣﺖ ﻟﻼﺩﻋﺎﺀ ﺍﻟﻌﺎﻡ ﺍﻟﻠﻲ ﻣﺬﻛﻮﺭ ﺍﺳﻤﻪ ﺑﺎﻟﻮﺭﻗﻪ ﺳﺎﻟﺖ ﻛﺎﻟﻮﻟﻲ ﺫﻳﺞ ﻏﺮﻓﺘﻪ ﻭﻃﻴﺘﻬﻴﺎ ﻛﺘﻠﻪ ﻓﺎﻋﻠﻪ ﺧﻴﺮ ﺟﻠﺐ ﺑﻴﻪ ﻛﺘﻠﻪ . ﺗﺮﻩ ﺍﺫﺍ ﻟﺤﻴﺖ ﺍﻛﻮﻟﻬﻢ ﻣﺎﻋﺮﻓﻪ ﻭﺍﺳﻮﻱ ﺭﻭﺣﻲ ﻣﺨﺒﻠﻪ ﺑﻘﻪ ﺻﺎﻓﻦ ﻋﻠﻴﻪ ﺗﺮﻛﺖ ﺍﻟﻤﻜﺎﻥ ﻭﻃﻠﻌﺖ ﻭﻫﻮﺻﺎﻓﻦ ﺑﺎﻻﻭﺭﺍﻕ ﻳﻤﻪ ﺳﺎﻟﻔﺘﻬﻢ ﺟﺒﻴﺮﻫﻪ ﻭﺍﻟﻀﺎﻫﺮ ﺍﺑﻦ ﺧﺎﻟﺘﻬﺎ ﻭﺍﻛﻊ ﺑﻴﻬﺎ ﺍﻧﺖ ﻣﺎﺭﻳﺪ ﺗﺠﻴﺐ ﺍﺳﻢ ﺍﻻﻭﺭﺍﻕ ﺑﻌﺪ ﺍﺑﺪ ﻻ ﻃﺒﻌﺎ ﺷﻌﻠﻴﻪ ﺟﺎﻳﺰ ﻣﻦ ﺭﻭﺣﻲ ﻳﺎﺭﻭﺡ ﻣﺎﺑﻌﺪﺝ ﺭﻭﺡ ﻳﻌﻨﻲ ﻫﻮ ﻣﻜﻠﺢ ﺷﺘﻜﺮﺑﻴﻦ ﺍﻟﻬﻢ ﺳﺎﻟﻨﻲ ﻭﻛﺘﻠﻪ ﻛﺮﺍﺑﺘﻲ ﻭﺑﺘﺖ ﻳﻤﻬﻢ ﻭﻟﻜﻴﺖ ﺍﻻﻭﺭﺍﻕ ﻭﺑﻠﻐﺖ ﻻﻥ ﺍﻛﻮ ﻣﻀﻠﻮﻣﻴﻦ ﺑﻴﻬﺎ ﻫﺎﻩ ﻭﺍﻗﺘﻨﻊ ﺑﻌﺪ ﻣﺎﺩﺭﻱ ﺍﻟﻌﻠﻴﻨﺎ ﺳﻮﻳﻨﺎ ﻫﻢ ﺻﺪﻙ -- ﻣﺮﺕ ﻳﻮﻣﻴﻦ ﻳﻮﻣﻴﻦ ﺑﺴﺲ ﻭﺳﻴﺎﺭﻩ ﺷﺮﻃﻪ ﺑﺒﺎﺏ ﺑﻴﺘﻲ ﺗﺴﺎﻝ ﻋﻦ ﺍﺳﻢ ﺩﻋﺎﺀ ﺍﻟﺜﻼﺛﻲ ﻭﻣﻜﺎﻥ ﺗﻮﺍﺟﺪﻫﺎ ﺍﺷﺮﺕ ﺑﻬﺎﻟﺒﻴﺖ ﻭﺍﺧﺬﻭﻫﺎ ﻣﻜﻠﺒﺠﻪ ﻭﻓﺮﺡ ﺗﺒﺠﻲ ﻭﻣﻔﺮﻓﺤﻪ ﺍﻧﻲ ﺑﺲ ﺻﺎﻓﻦ ﻣﻌﻘﻮﻟﻪ ﻣﺘﻮﺭﻃﻪ ﻭﻳﺎﻫﻢ ﺑﺲ ﺍﻧﻲ ﻣﻘﺮﻳﺖ ﺍﺳﻤﻬﺎ ﺑﺲ ﺍﺳﻢ ﺍﺑﻦ ﺧﺎﻟﺘﻬﺎ . ﺗﺨﺒﻠﺖ ﺍﻧﻔﻀﺤﺖ ﺑﺎﻟﻤﻨﻄﻘﻪ ﻛﻠﻬﺎ ﻭﺻﻤﻤﺖ ﺍﻧﻬﻲ ﺣﻴﺎﺗﻲ ﻭﻳﺎﻫﺎ ﻭﻓﺮﺡ ﺑﻘﺖ ﺍﻟﻠﻴﻞ ﻛﻠﻪ ﺗﺒﺠﻲ ﻟﺤﺪ ﻣﺎﻃﻠﻊ ﺍﻟﺼﺒﺢ ﺗﺨﺮﺑﻄﺖ ﻭﻫﺎﻟﻤﺮﻩ ﺧﺮﺑﻄﺘﻬﺎ ﻗﻮﻳﻪ ﻭﺻﻠﺖ ﻟﻠﻤﻮﺕ..... يتبع.... | ||||
|
| |
|
27-12-19, 10:00 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع عشر النوك الحمر بقلم مريم السعدي يس- بيومها خابرت خالتي تبجي وتتوسل وتحلف مضلومه خاله اتي خاير بفرح الدمتور كال عمليه حالا اني بيا حال لك يمه والقران بتي ماعدها شي ذاك اليوم جتي وحجتلي كلشي كالت اني بس عرفت انه واحد متورط واستنسخت تحلف وتكول مع صحت بزعانه روحي اي خالله شسوييي رحمه لا الله شسوي شسوي يمه على بختك اوكفلها خل تنفصل من شغلها بس خل تطلع على بختك بروح عمك وبداعت فرح وواختك هسه خل اشوف فرح شمعرفني شسوي اني فيماللا خاله سديته بوجهه روحي طلعت امي تروح وتجي والسبحه بيدها طلع الدكتور والممرضين باوعلي كال الحمد لله عمليتها نجحت قسطرتين والسداده كعدت بمكانها بقه عالعلاج وتعب تره ابد ممنوع الها مدرستها دكتور ماكو بطلها اي تعب وارهاق تتاذه لتنسى عمليتها مو مال عمرها اضطريت اسويها هسه لانها حاله حرجه مرت بيها بقيت صافن على ننه ودموعي ودموعها تجري طلعت من العمليه وبقينا بالانتضار يومين استقرت حالتها بس متحجي ولا تقبل تتجاوب بس نايمه واني وننه ناكل بروحنا واني صافن ليش انسجنت هل جانت فعلا متورطه هل مشتركه ببلاوي ومورطه الرجال ووصل للموبد من وراها اخذت بنتي ورجعت اخذت اجازه اداريها وي ننه لان خفت اتركها مكدرت وبقيت وياها يوم بيوم حاولت اقترب احاجيها وهي كل ما اطبلها الكاها تبجي بهدوء بابا حبيبتي فروحه موزين عليج حبيبتي بابا اريد ماما ساعدها لخاطري تنهدت باوعت لننه ماتت بجي ادري بيها تحس بتانيب الضمير منو جان يتوقع انها متورطه كالت.. بابا اذا تحبني طلع ماما من السجن شون حعيش وامي مسجونه لخاطري بابا بهالاثناء طبت خالتي من اول مطبت تبجي وتشهك لك يمه والله ماعدي غيرك لا ورايه ولا كدامي خاله شكدر اسوي يمه لخاطري. رحت للمركز كالو الولد رايد تعويض ١٥ مليون وتنفصل من شغلها الله يخليك اوكفلها والله وشوف شون حتخليك بعينها ليش ابن خالتها وين طلعوا وسفرو وكومه ذبو فلوس علي والله يمه هو الورطها هي احتي كلتلي قبل شهر كالت يمه ولد ورطو وخلو اسمه بمكان غير اسم وكومه حصلو فلوس وهسه هو بالسجن واستنسخت كل الاوراق اللي ثبت التهمه وهي شعليها لعد جتي بالرجلين يمه مو هي عالتدقيق تكول خفت احجي خاله هذا موحجي هاي متورطه لعد سفراتها وعملياتها ولبنات وتركيا منيلها غشيم اني زعطوط والله يمه مضلومه استغفر الله خاله من الاخير اني مالي دخل طلعت فرح من الغرفه تمشي بثكل كالت فرح- بابا انت الاخذت الاوراق من فوك الكنتور انت الكتلهم مو بقيت صافن عليها اباوع ننه تخربطت يم الدرج ردت اتخبل الا ننه ركضت واصيح فاقد كوه كعدت ارتكزت عليه طيتها مي باوعتلي همست حموت قهر ياسين روح سويلها چاره مااكدر احرمها من امها بنتك دتموت يمه لخاطري بقيت اباوع بوجهه تحجي وتبجي وتهمس خالتي وفرح من بعيد بالممر يباوعولنا بشك عفت البيت وطلعت بقيت افتر بالشارع وروحي احس دتطلع مني البت الكلب لازمني من ايدي من روحي من الدنيا من فرح رجعت للبيت بالليل كلش كبل نمت ومردت اشوف احد حسيت الفجر على ونين فرح فزيت ركضت للغرفه ها بابا شبيج كلبي بابا يوجعني حموت لا لا بابا مبيج شي بابا الله يخليك دااحس روحي حموت وديني لامي بس اشوفها يمكن حموت اني اششششش لتكولين هيج بابا العمليه خلصنا منها خلص هاذ هو بس شوي انتي تعبانه اهدي بابا اهدي حبيبتي اهدي بابا مداااكدر اريد امي الله يخليك وديني الها لاحول ولا قوه الا بالله لج بابا انتي ليش تستغلللين ضعفي كددامج بابا امي ارريدها والا حتى العلاج اقطعه يس- سكتت صافن بعينها رجعت لفراشها وتغطت عفتها ورحعت لغرفه ننه انام شفتها تقره قران باوعتلي ونصت راسها احس قاطعوني كلهم الصبح كعدت راسن سويت ريوك لفرح واخذته الها كالت بنتره ماريد بابا وراج علاج كتلك علاج ماااخذ ويطبج طوووب صرخت طلعت للمطبخ اعصابي فارت احجي وي ننه متجاوبني ننه هاي شبيج سوي جاره لامها تره مااتحنل اعيش وي تانيب الضمير من ورايه انحرمت من امها رحت للدوام حتى اجازتي تركتها بس افور اغلي غلي واحد من جماعتي انتبه عليه كال محتاج شي لا سلامتك شوي تعبان الله يريحك تسلم دخن تريد جكاره بقيت صافن اخذتها حسيت روحي اريد اطلع قهر كلبي بشي دخنتها ووحده وره اللخ مرت اربع ايام لا اني الاحجي وي ننه ولا ننه الترد من احجي وفرح متقبل تاخذ علاجها وخالتي مستمره تتوسل وماعدي غيرك كاعد بمغربيه من المغربيات بالحديقه وادخن حسيت احد ورايه التفتت ننه بيدها جيس فلوس كالت هاي مجمعتها من الراتب اليبقى روح بلكن تكدر تسوي شي اخذتها باوعتلها كالت فرح كلبها مديفك الم مدتاخذ علاج ولا دتاكل غمضت عيني وكفت واخذت السياره وطلعت ومادري وين اولي لكيت روحي ابيع السياره واضيف الفلوس المخليها جوه ايدي وايد ننه واتداين فوكاها اربعه واروح اطلع دعاء من الحجز وادفع التكلفه طبعا التكلفه مجرد لصم حلوك والغاء اسمها من القائمه السوده واخذها وارجع للبيت جانت مكسوره وتبجي هادئه حيل واني مالي خلك احجي شي بعد طبت لبيتي وراحت لبنتها وتبوس وتحضن. لاتكول هي نفسها الهملتها سنين تبجي وتتوسل وتكول ماريد شي بعد غير بنتي تشكرت مني وتبجي واني ماريد اباوع بجهرتها عفت البيت وطلعت للنجف تركتهم كلهم خذلوني بقيت اربع ايام هناك ننه تخابر كل يوم تكولي ارجع مشتاقتلك واني ارد تركيني ارتاح كسرتوني وتبرر يمه لخاطر فروحه تعال شوف وجهه شون تفح اي خليها خل تشبع بامها مرت يومين لخ وفجاه ضغطي تخربط بليل رحت للمستشفى مال النجف قست الضغط طلع صاعد طوني ابره وبقيت اريد ارتاح شوي وعلكت بالمستشفى كالو هجوم عالامريكان صاير بالسماوه ومتصوبين وجايبيهم لمستشفى النجف لان متروسه المستشفيات بقيت صافن اتلفت وياهم والعالم مخبوصه كلها. تركض وعكل وناس تبجي ودمايه الممرات مال مستشفى تدمرت دخت انسطرت اختنكت فجاه واشوف بوجهي وجه شايفه قبل مو غريب عليه ابد عالسديه منتهي متصوب بصدره اربع طلقات طلعوها بالطواريء واني متت بس ردت اتاكد هذا سيد عبد الله لو اني متوهم اسال محد يرد واحس عيون الداير مدوري تعرفه ومتحجي هناك انتبه امريكان ويانا واكفين حراسه على عبد الله انسطرت انسحبت بهدوء واني اترقب حالته من انتبه واباوع السديه اللي بصفه ابن عمه صالح ميت غطو راسه تخبلت شوي وصاحو سيد حسين راااح راح السيد ولهنا حيلي انهد انكسس --- صدددفه --- مررت --- بحياتييي ----- يتبع...... | ||||
|
| |
|
27-12-19, 10:03 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس عشر النوك الحمر بقلم مريم السعدي ﻳﺎﺳﻴﻦ - ﺻﺪﻙ ﺗﺎﺫﻳﺖ ﻭﺍﺭﻛﺾ ﻭﻳﺎﻫﻢ ﻭﻛﺎﻧﻤﺎ ﻭﺍﺣﺪ ﻣﻦ ﺭﺑﻌﻬﻢ ﺍﻟﺼﻔﻨﻨﻲ ﺳﺎﻛﺘﻴﻦ ﺣﺴﻬﻢ ﻣﻄﻠﻊ ﺑﺲ ﻋﻴﻮﻧﻬﻢ ﺗﻨﻔﺾ ﺷﺮﺍﺭ ﺍﻟﻐﻀﺐ ﺳﻤﻌﺖ ﺍﻻﻣﺮﻳﻜﺎﻥ ﺑﻴﻨﻬﻢ ﻳﺤﺠﻮﻥ ﺍﺫﺍ ﺻﺤﻰ ﺍﻟﻤﺘﺼﻮﺏ ﻳﺎﺧﺬﻭ ﺗﺤﻘﻴﻖ ﺍﻛﻴﺪ ﻳﻨﻄﻲ ﺍﺧﺒﺎﺭ ﻋﻦ ﺍﻟﻬﺮﺑﻮ ﺑﻘﻴﺖ ﺻﺎﻓﻦ ﺷﻨﻮ ﻣﺴﻮﻳﻦ ﻫﺠﻮﻡ ﻋﺎﻻﻣﺮﻳﻜﺎﻥ ﺑﺲ ﻟﻮ ﺍﻓﻬﻢ ﺍﺧﺬﻭ ﺳﻴﺪ ﺣﺴﻴﻦ ﻭﻣﻦ ﺑﺎﺏ ﺍﻟﻤﺴﺘﺸﻔﻰ ﻳﺼﻴﺤﻮﻥ ﺛﺎﺭﺭﻙ ﺑﺎﻟﺮﻛﺐ ﺳﻴﺪ ﺟﺴﻤﻲ ﻧﻤﻞ ﻣﺪﺍﺍﻋﺮﻑ ﺷﺪﻳﺼﻴﺮ ﻣﺸﻴﺖ ﻭﺭﺍﻫﻢ ﺷﻴﻌﺘﻪ ﻭﺍﺧﺬﻭ ﻏﺴﻠﻮﻩ ﻭﻃﻠﻌﻮ ﺑﻲ ﻟﻠﻨﺠﻒ ﺑﺲ ﺍﺑﻮ ﻋﻮﻑ ﺑﻴﻬﻢ ﺍﻋﺮﻓﻪ ﺍﻟﺒﺎﻗﻴﻦ ﺍﺑﺪ ﻣﺸﺎﻳﻔﻬﻢ . ﺭﺟﻌﺖ ﻟﻠﻤﺴﺘﺸﻔﻰ ﻛﻠﺖ ﻣﺎﻋﻮﻑ ﻋﺒﺪ ﺍﻟﻠﻪ ﻟﻮ ﺗﻨﻄﺒﻚ ﺍﻟﺴﻤﺎ ﻋﺎﻟﻜﺎﻉ ﺑﻘﻴﺖ ﻭﺍﻛﻒ ﺍﻧﺘﻀﺮ ﻭﻃﻠﻌﻮﻩ ﺑﺎﻟﺴﺪﻳﻪ ﻭﺣﺮﺱ ﺍﻣﺮﻳﻜﺎﻥ ﻭﻳﺎﻩ ﻭﻭﺍﺣﺪ ﻣﻦ ﺍﻫﻠﻬﻢ ﻫﻢ ﻣﺸﺎﻳﻔﻪ ﻗﺒﻞ ﺑﻘﻴﺖ ﻣﺮﺍﻓﻘﻬﻢ ﺍﻟﻮﻟﺪ ﺍﻟﻮﻳﺎﻩ ﺍﻟﺘﻔﺖ ﻣﻦ ﺷﺎﻓﻨﻲ ﻃﺒﻴﺖ ﺍﻟﺮﺩﻫﻪ ﻛﺎﻝ ﻋﻤﻲ ﺗﻔﻀﻞ ﺯﺍﺩ ﻓﻀﻠﻚ ﺑﺎﻗﻲ ﻭﻱ ﺳﻴﺪ ﻋﺒﺪ ﺍﻟﻠﻪ ﺗﻌﺮﻓﻮﺍ ﺍﻱ ﺍﻋﺮﻓﻪ ﻣﻦ ﺯﻣﺎﻥ ﻛﺎﻝ ﻣﻦ ﻭﻳﻦ ﻣﺎﺷﺎﻳﻔﻚ ﺍﻧﻪ ﺍﻧﻲ ﺻﺪﻳﻖ ﺍﺧﻮ ﺑﺎﻭﻋﺖ ﻟﻼﻣﺮﻳﻜﺎﻥ ﻫﻤﺴﺖ ﺷﻮﺭﻃﻪ ﻭﻳﺎﻫﻢ ﺳﺎﻟﻔﻪ ﻃﻮﻳﻠﻪ ﻭﺟﺜﻴﺮﻩ ﺍﻟﻤﻮﺍﻗﻒ ﺭﺍﺣﺖ ﻛﻞ ﺍﻫﻠﻨﺎ ﺩﺍﺳﻮﻫﻢ ﺍﻟﻠﻪ ﻳﺴﺎﻋﺪﻛﻢ ﺑﻘﻴﺖ ﺍﺑﺎﻭﻉ ﻟﻌﺒﺪ ﺍﻟﻠﻪ ﻣﻠﻔﻠﻒ ﺟﺴﻤﻪ ﺷﻔﺎﻓﻪ ﻣﻔﻄﺮﻩ ﻃﻠﻊ ﺍﻟﻮﻟﺪ ﺍﻟﻠﻲ ﻋﺮﻓﺘﻪ ﻳﺴﻤﻮ ﻓﻀﻴﻞ ﻻﻥ ﻛﻠﺴﺎ ﻳﺨﺎﺑﺮﻭ ﻭﻳﻜﻮﻝ ﺍﻧﻪ ﻓﻀﻴﻞ ﺍﺑﻮﻱ ﻫﺪ ﺍﻟﺠﻮﺍﻝ ﻭﺭﺍﺡ ﻟﻠﻨﺠﻒ ﻳﺪﻓﻦ ﺍﻫﻠﻨﺎ ﻛﺎﻝ ﻋﻤﻲ ﺑﺲ ﺧﻠﻠﻴﻚ ﻫﻨﺎﻳﺎ ﺟﺎﻳﻚ ﺑﺲ ﺷﻮﻳﻪ ﺍﻧﻴﻪ ﺍﺷﺮﺑﻦ ﺟﻔﺖ ﻋﺮﻭﻛﻲ ﻫﺬﺍ ﺻﺎﺭ ﻧﺎﺭ -- ﺍﺷﺮ ﻋﺎﻟﺒﻄﻞ ﺭﻭﺡ ﺍﺧﺬ ﺭﺍﺣﺘﻚ ﺑﺎﻗﻲ ﻳﻤﻪ ﻃﻠﻊ ﻣﻦ ﺍﻟﻐﺮﻓﻪ ﻭﺑﻘﻴﺖ ﻳﻢ ﺍﻟﺴﻴﺪ ﺷﻔﺘﻪ ﻓﺎﻕ ﻛﺎﻡ ﻳﺤﺮﻙ ﺭﺍﺳﻪ ﻳﻤﻨﻪ ﻭﺑﺠﻴﺴﺮﻩ ﺑﻬﺪﻭﺀ ﻣﻐﻤﺾ ﻋﻴﻨﻪ ﺷﻔﺎﻓﻪ ﻣﻔﻄﺮ ﻭﻧﺎﺷﻔﻪ ﻛﺎﻡ ﻳﺒﻠﻠﻬﺎ ﺑﻄﺮﻑ ﻟﺴﺎﻧﻪ ﻭﻳﺒﻠﻊ ﺭﻳﻚ ﺳﻴﺪ ﻭﺍﻋﻲ ﻣﺎﻱ ﻫﻤﺲ ﻭﺻﻮﺗﻪ ﻣﻠﻴﺎﻥ ﺧﺸﻮﻧﻪ ﻭﺑﺤﻪ ﻗﺮﺑﺖ ﺍﻟﺒﻄﻞ ﺑﺎﻟﻘﺒﻎ ﻃﻴﺘﻪ ﻓﺘﺢ ﻋﻴﻨﻪ ﻋﻠﻰ ﻛﻴﻒ ﺑﺎﻭﻋﻠﻲ ﻭﻋﻜﺪ ﺣﺎﺟﺒﻪ ﺍﺑﺘﺴﻤﺖ ﻭﻛﻠﺒﻲ ﻣﻌﺼﻮﺭ ﻋﻠﻰ ﺳﻴﺪ ﺣﺴﻴﻦ ﻛﺎﻝ ﺍﺧﻮﻭﻱ ﻣﻌﺮﻓﺖ ﺷﻜﻮﻟﻪ ﺟﺮﻳﺖ ﻧﻔﺲ ﺑﺎﻭﻋﺖ ﻟﺸﺒﺎﻙ ﺍﻟﻐﺮﻓﻪ ﺍﺧﻮﻱ ﺍﺳﺘﺸﻬﺪ ﻣﻮ ﻫﻴﺞ ﺑﺎﻭﻋﺖ ﻟﻌﺒﺪ ﺍﻟﻠﻪ ﻋﻴﻮﻧﻲ ﻓﻀﺤﺘﻨﻲ ﻣﻦ ﺩﻣﻌﺖ ﺩﺍﺭ ﻭﺟﻬﻪ ﻭﻫﺰ ﺭﺍﺳﻪ ﻋﻘﺞ ﻭﺟﻬﻪ ﻭﻭﻥ ﺑﻬﺪﻭﺀ ﺍﺍﺍﺥ ﻳﺎﺧﻮﻭﻱ ﺷﻜﺜﺮ ﺗﺮﺟﻴﺘﻚ ﻟﺰﻣﺖ ﻛﺘﻔﻪ ﺑﻬﺪﻭﺀ ﺍﺫﻛﺮ ﺍﻟﻠﻪ ﺳﻴﺪ ﺍﺳﺘﻐﻔﺮ ﺍﻟﻠﻪ ﺭﺑﻲ ﻭﺍﺗﻮﺏ ﺍﻟﻴﻪ ﻛﺎﻟﻬﺎ ﻛﻮﻩ ﻭﺭﺟﻊ ﺑﺎﻭﻋﻠﻲ ﻭﻟﺪ ﻋﻤﻲ ﺑﺎﻭﻋﺘﻠﻪ ﻛﺘﻠﻪ ﻭﺍﻟﻠﻪ ﺭﺍﺣﻮ ﻟﻠﻨﺠﻒ ﻧﺰﻟﺖ ﺩﻣﻌﺘﻪ ﻭﻏﻤﺾ ﭼﺎ ﻧﺎﻳﻢ ﻭﺍﻫﻠﻨﺎ ﻳﺪﻓﻨﻮﻥ ﺍﺧﻮﻱ ﭼﻦ ﻻﻋﺪﻩ ﺿﻬﺮ ﻭﻻ ﺍﺧﻮ ﻳﺘﺤﺰﻣﻠﻪ ﺑﺪﻓﻨﺘﻪ ﺍﺧﺨﺦ ﻳﺎﺑﻪ ﺍﺧﺨﺦ ﻳﺎﺧﺮﻱ ﻳﻮﻥ ﺑﻬﺪﻭﺀ ﺣﻴﻞ ﻣﺒﻲ ﺳﻴﺪ ﻛﻮﻡ ﺑﺴﻼﻣﻪ ﻭﺗﺮﻭﺣﻠﻪ ﺭﻭﺣﻪ ﻫﺴﻪ ﻃﺘﻴﻔﻪ ﻋﻠﻴﻚ ﻫﺰ ﺭﺍﺳﻪ ﺑﺘﻌﺐ ﻫﻤﺲ ﻣﻐﻤﺾ ﻫﺬﺍ ﺍﻟﺘﻤﻨﺎﻩ ﻳﻠﺤﻚ ﺍﻫﻠﻮ ﻫﺬﺍ ﺍﻟﭽﺎﻥ ﻭﺩﻩ ﺍﻳﺎﻩ ﻫﺰﻳﺖ ﺭﺍﺳﻲ ﻓﻬﻤﺖ ﻗﺼﺪﻩ ﻋﻠﻰ ﺣﺒﻴﺒﺘﻪ ﻭﻣﺮﺗﻪ ﻭﺍﺑﻮ ﻭﺍﻣﻪ ﺭﺟﻊ ﺍﻟﺘﻔﺘﻠﻲ ﺑﺘﻌﺐ ﻫﻢ ﺍﻧﺖ ﻳﺎﻫﻮ ﺍﺑﺘﺴﻤﺖ ﻣﺎﺗﺬﻛﺮﺗﻨﻲ ﺑﻘﻪ ﺻﺎﻓﻦ ﻳﻜﺮﻣﺶ ﺑﻌﻴﻨﻪ ﻭﻳﺮﻣﺶ ﻭﻳﻐﻤﺾ ﻭﻳﺮﺟﻊ ﻳﻔﺘﺤﻬﺎ ﻫﻤﺲ ﺍﺑﻮ ﻓﺮﺣﻪ . ﺍﻳﻲ ﺑﺎﻟﻀﺒﻂ ﻫﻪ ﺷﺠﺎﺑﺞ ﻟﻴﺠﺎﻱ ﺻﺪﻓﻪ ﻭﺗﻼﻛﻴﻨﺎ ﻋﻤﻲ ﺳﺎﻋﺪﻧﻲ ﺍﺭﺩﻥ ﻻﻫﻠﻲ ﺣﺮﺍﻳﺮ ﺑﺤﺪﻫﻦ ﺩﺧﻴﻞ ﻣﺬﻫﺒﻚ ﻟﺘﺨﺎﻑ ﻣﺎﻋﻮﻓﻚ ﻟﺤﺪ ﻣﺎﺍﺍﻣﻦ ﻋﻠﻴﻚ ﭼﺎ ﺍﻟﺠﻴﺶ ﻫﺪﻭﻧﺎ ﻻ ﺍﻟﺤﺮﺱ ﺑﺎﻟﺒﺎﺏ ﺍﻧﻪ ﺍﻧﺘﻬﻴﺖ ﻋﺠﻞ ﻛﻠﻮﻧﻲ ﻭﺿﻠﻦ ﺍﻫﻠﻨﺎ ﺑﺒﺤﻴﺪﻫﻦ ﻟﻴﺶ ﺗﻜﻮﻝ ﻫﻴﺞ ﺷﻨﻮ ﺍﻟﺼﺎﺭ ﻫﻨﺎﻙ ﺍﺣﺠﻴﻠﻲ ﺍﺳﺎﻋﺪﻙ ﻛﺎﻝ ﺍﻟﺒﺮ ﺍﻫﺠﻤﺖ ﻋﻠﻴﻪ ﻃﻴﺮﺍﻥ ﺍﻣﺮﻳﻜﻲ ﻭﺭﻣﻮ ﻋﺸﻮﺍﺋﻲ ﻭﺍﺣﻨﺎ ﻛﻠﻤﻦ ﻟﺰﻡ ﺗﻔﺎﻛﺘﻪ ﻭﺭﻣﻪ ﺻﺎﺭ ﺍﻟﺮﻣﻲ ﺍﻭﺳﻊ ﻭﺗﻜﺘﻠﺖ ﺍﻫﻠﻨﺎ ﺳﻴﺪ ﺣﺴﻴﻦ ﺟﻦ ﺟﻨﻮﻧﻪ ﻛﺎﻝ ﺍﻻ ﺍﻃﻴﺤﻬﺎ ﻭﺿﻞ ﻳﺮﻣﻲ ﺭﻣﻮﻧﺎ ﻛﻠﻨﺎ ﺗﺎﻟﻲ ﺣﺘﻰ ﺍﻟﻨﻮﻙ ﻣﺎﺳﻠﻤﺖ ﻣﻨﻬﻢ ﻫﻤﻪ ﺍﻟﺒﺪﻭ ﺍﺣﻨﺎ ﻣﺎﻧﺘﺘﻘﺎﺭﺵ ﻭﻳﺎﻫﻢ ﻣﻦ ﺯﻣﺎﻥ ﺍﻭﻝ ﺑﺲ ﺍﻫﻤﻪ ﺍﻟﻠﻲ ﺍﺑﺘﺪﻭ ﻳﺮﻣﻮﻥ ﻻﺣﻮﻝ ﻭﻻﻗﻮﻩ ﺍﻻ ﺑﺎﻟﻠﻪ ﻫﺬﻭﻝ ﻣﺎﺭﺍﺡ ﻳﻬﺪﻭﻧﻲ ﺍﻻ ﻳﺎﺧﺬﻭﻧﻲ ﻟﺴﺠﻨﻬﻢ ﻭﺍﺫﺍ ﺧﺸﻴﺖ ﻣﺎﺭﺍﺡ ﺍﻃﻠﻊ ﺍﻟﻨﻮﺏ ﻟﺘﺨﺎﻑ ﻣﺎﺭﺍﺡ ﺍﻋﻮﻓﻚ ﺍﻣﻦ ﻃﻠﻌﺖ ﻭﺍﺟﻪ ﻓﻀﻴﻞ ﺻﺎﺭﻭ ﺑﻮﺟﻬﻲ ﺍﻻﻣﺮﻳﻜﺎﻥ ﺣﺠﻴﺖ ﻭﻳﺎﻫﻢ ﻭﻛﺘﻠﻬﻢ ﺍﻧﻲ ﺍﻋﺮﻓﻬﻢ ﻣﻦ ﺯﻣﺎﻥ ﻣﺴﺎﻟﻤﻴﻦ ﻭﺍﺧﺬﻭﻧﻲ ﺗﺤﻘﻴﻖ ﻭﺣﺠﻴﺖ ﻋﻨﻬﻢ ﻭﻋﻦ ﺗﺠﺎﺭﺗﻬﻢ ﻭﻋﻦ ﻋﻤﻠﻲ ﻭﻭﺿﻴﻔﺘﻲ ﻭﺣﺠﻴﺖ ﺷﻮﻥ ﺻﺎﺭﺕ ﺍﻟﻬﻮﺳﻪ ﻣﺎﻝ ﺍﻟﺒﺮ ﻧﻔﺲ ﻣﺎﺣﺠﺎﻟﻲ ﻋﺒﺪ ﺍﻟﻠﻪ ﻛﺎﻟﻮ ﻫﻤﻪ ﺭﻣﻮ ﺭﺻﺎﺻﺘﻴﻦ . ﻭﻣﺼﻮﺑﺖ ﺍﻟﻄﻴﺎﺭﻩ ﻭﺭﻣﻴﻨﺎ ﻧﺨﻮﻓﻬﻢ ﻣﻬﺪﺩﻳﻦ ﻭﻫﻤﻪ ﺿﻠﻮ ﻳﺮﻣﻮﻥ ﻋﺎﺩ ﺻﻔﻮﻫﻢ ﺑﻘﻴﺖ ﺻﺎﻓﻦ ﻛﺎﻟﻮ ﺍﺭﻫﺎﺑﻴﻴﻦ ﻻﻋﻤﻲ ﻣﻮ ﺍﺭﻫﺎﺏ ﺑﻘﻴﺖ ﺍﺣﺠﻲ ﺑﺴﻴﺎﺳﻪ ﻭﺍﻧﻪ ﺩﻭﻡ ﻳﺒﻴﻌﻮﻥ ﺍﻟﻨﻮﻙ ﻟﻠﺴﻌﻮﺩﻳﻴﻦ ﻭﺍﻻﻣﺮﻳﻜﻴﻦ ﺍﻟﻠﻲ ﻳﺮﻳﺪﻭﻥ ﻳﺸﺎﺭﻛﻮﻥ ﺑﺎﻟﻤﺎﺭﺍﺛﻮﻥ ﻭﺍﺟﻪ ﻓﻀﻴﻞ ﺣﻘﻘﻮ ﻭﻳﺎﻩ ﺍﻟﻠﻲ ﺧﻔﻒ ﺍﻟﻮﺿﻊ ﻭﻻ ﺍﻣﺮﻳﻜﻲ ﻣﻴﺖ ﺭﺍﺩﻭ ﺑﺠﻴﻨﺪﻟﻮﻥ ﺍﻟﺒﺴﺘﺎﻥ ﻭﻋﻴﺸﺘﻬﻢ ﺗﻮﻗﻌﻮﻫﻢ ﻓﻌﻼ ﺍﺭﻫﺎﺏ ﻭﺍﺧﺬﻭ ﻓﻀﻴﻞ ﻭﻭﺩﺍﻫﻢ ﻟﻤﻜﺎﻥ ﺳﻜﻨﻬﻢ ﻓﺘﺸﻮ ﻛﺎﻣﻞ ﺣﺘﻰ ﻣﺠﻨﺪﺍﺕ ﺩﺧﻠﻮ ﻟﺒﻴﻮﺗﻬﻢ ﻭﻓﺘﺸﻮﻫﺎ ﻭﺭﺟﻌﻮﺍ . ﻭﺗﺮﻛﻮ ﻋﺒﺪ ﻋﻠﻰ ﺍﻧﻪ ﺍﻟﻤﻮﺿﻮﻉ ﻏﻠﻄﻪ ﻭﺍﺻﺮﻭ ﺍﻧﻪ ﺍﻭﻝ ﺭﺻﺎﺻﻪ ﺍﻧﻄﻠﻘﺖ ﻣﻦ ﺑﺮﻫﻢ ﻭﺑﻘﻪ ﻓﻀﻴﻞ ﻭﺍﺑﻮ ﻋﻮﻑ ﺣﺎﻳﺮﻳﻦ ﻣﻨﻮ ﺍﻟﻄﻠﻖ ﻛﻠﻬﺎ ﺗﻌﺮﻑ ﺣﺪﻫﺎ . ﻭﻣﻴﺘﺠﺎﻭﺯﻭﺍ ﺍﻟﻤﻮﺿﻮﻉ ﺧﻠﺺ ﺑﻤﺴﺎﻋﺪﺗﻲ ﻭﻣﺴﺎﻋﺪﻩ ﻭﻟﺪ ﺧﺎﻟﻪ ﺍﻟﺠﺎﻧﻮ ﺑﻜﺮﺑﻼ ﺍﺟﻮﻱ ﻭﺷﻬﺪﻭﻟﻪ ﻭﻭﺍﺣﺪ ﻣﻨﻬﻢ ﺟﺎﻥ ﻳﺸﺘﻐﻞ ﻋﺪﻫﻢ ﺍﻻﻣﺮﻳﻜﺎﻥ ﺍﻗﺼﺪ . ﺑﻘﻮ ﺷﻬﺮ ﻭﺍﻧﻲ ﺍﺭﻭﺡ ﻟﺒﻐﺪﺍﺩ ﻭﺍﺭﺟﻊ ﻟﻠﻨﺠﻒ ﻭﻳﻦ ﻣﺒﻘﻪ ﻋﺒﺪ ﺍﻟﻠﻪ ﺑﺎﻟﻤﺴﺘﺸﻔﻰ . ﻭﻣﻜﻔﻰ ﺍﻟﻤﻮﺿﻮﻉ ﻃﻠﻊ ﻋﺒﺪ ﺑﺴﻼﻣﻪ ﻭﺍﺧﺬﻭ ﺍﻻﻣﺮﻳﻜﺎﻥ ﻭﺍﻧﺴﺠﻦ ﻭﻭﻟﺪ ﺧﺎﻟﻪ ﻭﻓﻀﻴﻞ ﺍﻧﺴﺠﻦ ﻭﻳﺎﻩ ﺑﺲ ﺍﺑﻮ ﻋﻮﻑ ﻻﻥ ﻛﺎﻥ ﺑﺎﻟﺒﺴﺘﺎﻥ ﺿﻞ ﺧﻄﻴﻪ ﻳﺮﻭﺡ ﻭﻳﺠﻲ ﻭﺍﻧﻲ ﻫﻢ ﻣﺘﺮﻛﺘﻪ . ﺍﻟﺴﺠﻦ ﻛﺎﻥ ﺑﺒﻐﺪﺍﺩ ﺟﻨﺖ ﻛﻠﻤﺎ ﺍﺭﻭﺡ ﺍﺧﺬ ﻭﻳﺎﻳﻪ ﻛﻮﻣﻪ ﺟﻜﺎﻳﺮ ﺍﻭﺯﻉ ﻋﺎﻟﺠﻴﺶ ﻭﺍﻟﻠﻪ ﺣﺘﻰ ﻧﻮﺑﺎﺕ ﻗﻮﺍﻃﻲ ﺑﻴﺮﻩ ﺣﺘﻰ ﺍﺷﻮﻓﻪ ﻭﺍﺣﺎﺟﻲ ﺟﺎﻥ ﻣﺎﻳﺲ ﺣﻴﻞ ﺑﻜﻌﺪﺗﻪ . ﻭﺍﺣﻨﺎ ﻧﺠﻴﺐ ﻧﺎﺱ ﻭﻧﻮﺩﻱ ﻧﺎﺱ ﻟﺤﺪ ﻣﺎ ﺍﺑﻦ ﺧﺎﻟﻪ ﺩﺑﺮﻟﻪ ﻣﻘﺎﺑﻠﻪ ﻭﻱ ﺟﻨﺮﺍﻝ ﺍﻣﺮﻳﻜﻲ ﻭﺣﺠﺎﻟﻪ ﺍﻟﻤﻮﺿﻮﻉ ﻛﻠﻪ ﻭﻭﻳﺎﻩ ﺷﻬﻮﺩ ﻭﺍﻟﻠﻲ ﺳﺎﻋﺪ ﺍﻛﺜﺮ ﻣﺎﻛﻮ ﺧﺴﺎﺋﺮ ﻣﻦ ﺍﻟﺠﻴﺶ ﺍﻻﻣﺮﻳﻜﻲ ﻣﺎﺍﻋﺮﻑ ﺷﻠﻮﻥ ﺍﻟﻠﻪ ﻣﻦ ﻋﺪﻩ ﻣﻦ ﺑﻌﺪ ﺳﺒﻊ ﺷﻬﻮﺭ ﺳﺠﻦ ﻃﻠﻌﻮ ﺑﻴﻮﻣﻬﺎ ﺍﺣﺲ ﺣﻤﻞ ﻭﺍﻧﺰﻝ ﻣﻦ ﺻﺪﺭﻱ ﻫﺎﻟﻔﺘﺮﻩ ﻛﻠﻬﺎ ﻓﺮﺡ ﺑﺎﺣﺴﻦ ﺣﺎﻝ ﺩﻋﺎﺀ ﺗﺮﻛﺖ ﺍﻟﻌﻤﻞ ﻛﺎﻧﺖ ﺗﺘﻮﺩﺩﻟﻲ ﻭﺩﻭﻡ ﻋﺪﻧﺎ ﺑﺎﻟﺒﻴﺖ ﻭﺍﺧﻼﻗﻬﺎ ﻣﺘﺤﺴﻨﻪ ﻭﺍﻧﻲ ﺭﻭﺣﻲ ﻧﻔﺮﺗﻬﺎ ﺑﻌﺪ ﻟﻠﻤﻮﺕ . ﺍﻟﺮﺍﺗﺐ ﺑﻴﺪ ﻱ ﺍﺗﺴﻮﻙ . ﻭﺍﺿﻢ ﺍﻟﺒﺎﻗﻲ ﻫﻮﺍﻱ ﺻﺮﻓﺖ ﻋﻠﻰ ﺳﻴﺪ ﻋﺒﺪ ﺍﻟﻠﻪ ﻭﻣﺎﺭﻳﺪ ﺍﺣﺠﻲ ﺑﻴﻬﺎ ﺑﺲ ﺭﺩﺗﻪ ﻳﻮﻛﻒ ﻋﻠﻰ ﺭﺟﻠﻪ ﺭﺟﻊ ﻟﻠﺒﺴﺘﺎﻥ ﻭﻳﺎﻳﻪ ﻭﺧﻄﻴﻪ ﺍﺳﺘﻘﺒﻠﻮ ﺑﺎﻟﺬﺑﺎﻳﺢ ﺍﺑﻮ ﻋﻮﻑ ﻃﻠﻊ ﺍﺑﻦ ﺍﺻﻞ ﻭﻣﺎﺗﺮﻙ ﺣﻼﻟﻬﻢ ﺑﺲ ﺍﻟﺒﺮ ﻣﻜﺪﺭ ﻳﺴﻴﻄﺮ ﻋﻠﻴﻪ . ﻃﺐ ﻋﺒﺪ ﺍﻟﻠﻬﻪ ﻟﻠﺒﺴﺘﺎﻥ ﺟﻨﺖ ﺍﻣﺸﻲ ﻭﺭﺍﻩ ﻋﺒﺎﻟﻚ ﺍﺑﻨﻲ ﻭﺧﺎﻳﻒ ﻋﻠﻴﻪ ﻳﺒﺎﻭﻉ ﻋﻠﻰ ﻧﺨﻠﻪ ﻧﺨﻠﻪ ﻋﻴﻮﻧﻪ ﺩﻡ ﻭﻳﺮﺩﺩ ﻫﺎﻱ ﺍﻟﺰﻛﺎﻫﺎ ﺳﻴﺪ ﺣﺴﻴﻦ ﻣﻦ ﻳﻮﻣﻬﺎ ﺍﻟﺴﻴﺪ ﻋﺒﺪ ﺍﻟﻠﻪ ﺍﻻﺳﻮﺩ ﻣﺬﺑﻪ ﻏﺘﺮﻩ ﻭﺩﺷﺪﺍﺷﻪ ﺳﻮﺩﻩ ﻭﺍﻟﻠﺤﻴﻪ ﻭﺍﻟﻮﺟﻪ ﺍﻟﻜﺌﻴﺐ . ﻋﺮﻓﺖ ﺑﻲ ﺗﺰﻭﺝ ﺑﺖ ﻋﻤﻪ ﺍﻟﻠﻲ ﺑﻜﺮﺑﻼ ﻭﺣﺪﻩ ﻣﻦ ﺧﻮﺍﺕ ﺻﺎﺣﺐ ﺍﻟﺢ ﺑﻨﺖ ﺍﻣﻪ ﻭﺍﺑﻮ ﻳﻌﻨﻲ ﻟﺰﻡ ﺍﻟﺒﺴﺘﺎﻥ ﻣﻦ ﺟﺪﻳﺪ ﻭﻉ ﻟﻠﺒﺮ ﻛﺎﻥ ﻫﺎﺩﻱﺀ ﻭﺳﺎﻛﺖ ﺣﻴﻞ ﻭﻣﻴﺤﺠﻲ ﺑﻘﻴﺖ ﻳﻤﻪ ﺍﺭﺑﻊ ﺍﻳﺎﻡ ﻭﻟﺪ ﺧﺎﻟﻪ ﺭﺟﻌﻮﺍ ﻭﺍﻧﻲ ﻫﻢ ﺭﺟﻌﺖ ﻟﺒﻐﺪﺍﺩ . ﻣﺎﻟﺢ ﻋﻠﻴﻪ ﺍﺿﻞ ﺑﺲ ﺗﻮﺳﻞ ﺑﻴﻪ ﺍﻣﺮ ﺩﻭﻡ ﻋﻠﻴﻪ ﻭﺍﺧﺬﻧﺎ ﺍﺭﻗﺎﻡ ﺑﻌﺾ ﻭﺭﺟﻌﺖ ﻭﺍﻧﻲ ﺍﺣﺲ ﺭﻭﺣﻲ ﺑﺎﻛﺒﺮ ﺍﻧﺠﺎﺯ ﺑﺤﻴﺎﺗﻲ ﺳﻮﻳﺘﻪ ﺭﺟﻌﺖ ﺣﺠﻴﺖ ﻟﻨﻨﻪ ﻛﻠﺸﻲ ﺟﺎﻧﺖ ﺗﺒﺠﻲ ﺑﻜﻞ ﺗﻔﺼﻴﻞ . ﻭﺍﻧﻲ ﺍﺣﺘﺮﻙ ﻟﺪﻣﻮﻋﻬﺎ ﻓﺮﺡ ﺻﺎﺭﺕ ﺍﺣﺴﻦ ﺭﺟﻌﺘﻬﺎ ﻟﻠﻤﺪﺭﺳﻪ ﻟﻼﻭﻝ ﻣﻊ ﺍﻟﻌﻠﻢ ﺯﻣﻴﻼﺗﻬﺎ ﺻﺎﺭﻭ ﺻﻒ ﺛﺎﻧﻲ ﻣﺘﻮﺳﻂ ﺑﺲ ﻛﺪﺭﻧﺎ ﻧﻌﺪﻱ ﻫﺎﻟﺴﻨﻪ ﺳﻼﻣﺎﺕ ﻳﻤﻜﻦ ﺣﺠﻴﺖ ﺳﺎﻟﻔﻪ ﻋﺒﺪ ﺍﻟﻠﻪ ﺑﺴﺮﻋﻪ ﺑﺲ ﺍﻟﺘﻔﺎﺻﻴﻞ ﺍﻟﺤﺎﻧﺖ ﺑﻴﻦ ﺳﻄﻮﺭﻫﺎ ﻣﻮﻟﻤﻪ ﺣﻴﻴﻞ ﺍﺫﻳﺘﻪ ﺑﺎﻟﺴﺠﻦ ﻭﻗﻬﺮﻩ ﻋﻠﻰ ﺍﺧﻮ ﻭﺍﻫﻠﻪ ﻭﺍﻟﺪﻣﺎﺭ ﺍﻟﺸﺎﻣﻞ ﺣﻴﻤﻮﺕ ﻭﻳﻌﺮﻑ ﻣﻨﻮ ﺍﻭﻝ ﺷﺨﺺ ﺭﻣﻪ ﻋﻠﻴﻬﻢ ﻭﺧﻠﻮﻫﻢ ﻳﺮﻣﻮﻥ ----- ﻳﺲ - ﻫﺎﻟﻔﺘﺮﻩ . ﻓﺮﺡ ﺍﺣﺴﻦ ﺑﺪﺕ ﺗﻜﺒﺮ ﻭﺗﻮﻋﻰ ﻭﺍﻣﻬﺎ ﻭﻧﻨﻪ ﻭﻳﺎﻫﺎ ﻭﺍﺣﻤﺪ ﺍﻟﻠﻪ ﻭﺍﺷﻜﺮﻩ ﻛﻞ ﻳﻮﻡ ﺍﻟﻒ ﻣﺮﻩ ﺍﻧﻬﺎ . ﺻﺤﺖ ﻟﺪﻧﻴﺘﻬﺎ . ﻭﺍﻟﺘﻔﺘﺖ ﻟﺒﻨﺘﻬﺎ ﺑﺲ ﺍﻟﺒﻴﻨﻨﻪ ﻣﺎﺍﻛﺪﺭ ﺍﺻﻠﺤﻪ ﺍﺣﺲ ﺭﻭﺣﻲ ﺍﻛﺘﻔﺖ ﻣﻨﻬﺎ ﺭﻏﻢ ﺩﻻﻟﻬﺎ ﺍﻟﺠﺪﻳﺪ ﺍﻟﻲ ﻭﻭﺩﻫﺎ ﻭﻣﺤﺎﻭﻟﻪ ﺗﻘﺮﺑﻬﺎ ﻣﻨﻲ ﻭﺍﻟﻜﻪ ﺭﻭﺣﻲ ﺍﻧﻬﺰﻡ ﻣﻨﻬﺎ ﻛﻤﺖ ﺍﺧﺎﻑ ﻻ ﺍﻗﺘﺮﺏ ﻭﺗﺘﺤﻮﻝ ﻟﻮﺣﺶ ﺧﻠﻴﻬﺎ ﻟﺒﻨﺘﻲ ﻛﺎﻓﻲ ﻣﻨﻬﺎ . ﺍﺫﻳﻪ ﺑﺲ ﺍﻛﺘﻔﺖ ﺭﻭﺣﻲ ﻓﺮﻭﺣﻪ ﺍﻟﺤﻤﺪ ﻟﻠﻪ ﻋﻤﻠﻴﺘﻬﺎ ﺑﺘﻨﻢ ﻣﺎﻳﻜﻮﻥ ﻧﺴﻴﻨﺎ ﺷﻲ ﻋﺪﻫﺎ ﺍﺳﻤﻪ ﻣﺮﺽ ﻗﻠﺒﻲ ﺗﺮﻛﺾ ﻭﺗﻠﻌﺐ ﻃﺎﻳﺮﻩ ﺍﺣﻮﺍﻟﻲ ﻧﻮﻋﺎ ﻣﺎ ﺗﺤﺴﻨﺖ . ﻭﺍﺭﺗﺎﺣﻴﺖ ﺑﻌﺪ ﻣﺎﻭﻓﻴﺖ ﺍﻟﺪﻳﻦ ﻣﺎﻝ ﺍﻣﻬﺎ ﻭﺳﺠﻠﺖ ﻋﻠﻰ ﻋﻤﺮﻩ ﻭﻱ ﻧﻨﻪ ﻓﺮﺡ ﺭﺍﺩﺕ ﺗﺠﻲ ﺑﺲ ﺍﻣﺘﺤﺎﻧﺎﺗﻬﺎ ﻭﺑﺪﺕ ﺭﺣﻤﻪ ﺍﻟﻠﻪ ﺩﻋﺎﺀ - ﺯﻳﻦ ﻟﻴﺶ ﻣﺘﺎﺧﺬﻧﺎ ﻭﻳﺎﻙ ﺑﻨﺘﺞ ﺍﻣﺘﺤﺎﻧﺎﺕ ﻛﻠﺘﻬﺎ ﻭﺩﺭﺕ ﻭﺟﻬﻲ ﺍﺻﺐ ﺟﺎﻱ ﺟﺘﻲ ﻭﺭﺍﻳﻪ ﺍﺣﺴﻬﺎ ﺗﻠﻮﺏ ﺩﺍﺷﻮﻑ ﺻﺒﺮﻫﺎ ﻟﻴﻮﻳﻦ ﻣﺴﺘﻐﺮﺏ ﺳﻜﻮﺗﻬﺎ ﻛﺎﻟﺖ ﺯﻳﻦ ﺍﻧﺖ ﺍﻻ ﻫﺴﻪ ﺗﺮﻭﺡ ﻣﺮﺩﻳﺖ ﺣﺮﻳﺖ ﻧﻔﺲ ﺑﺎﻭﻋﺘﻠﻬﺎ ﺭﻓﻌﺖ ﺗﻚ ﺣﺎﺟﺐ ﻣﻮ ﺟﻨﺞ ﺍﺧﺬﺗﻲ ﺭﺍﺣﺘﺞ ﻫﻤﺴﺖ ﻭﻋﻴﻮﻧﻲ ﻋﻠﻰ ﻓﺮﺡ ﺍﻟﻜﺎﻋﺪﻩ ﺑﻌﻴﺪ ﻭﺗﺒﺎﻭﻋﻠﻨﺎ ﺑﺨﻮﻑ ﺑﺎﻭﻋﺘﻠﻬﺎ ﻭﻛﺎﻟﺖ ﺑﺼﻮﺕ ﺍﻧﻲ ﻫﻢ ﺍﺭﻳﺪ ﺍﺧﺬ ﺑﻨﺘﻲ ﻭﺍﻭﻧﺴﻬﺎ ﻣﻮ ﺑﺲ ﺍﻧﺖ ﻭﺍﺧﺘﻚ ﺑﻘﻴﺖ ﺍﺑﺎﻭﻋﻠﻬﺎ ﺍﻳﻴﻲ ﺍﻱ ﺍﻃﻠﻌﻲ ﻋﻠﻰ ﺣﻘﻴﻘﺘﺞ ﺍﺣﺠﻲ ﻭﻱ ﺭﻭﺣﻲ ﻓﺮﺡ ﺻﺎﺣﺖ ﻻﻻ ﻣﺎﻣﺎ ﺑﺎﺑﺎ ﻣﻮﺍﻋﺪﻧﻲ ﻣﻦ ﻳﺠﻲ ﻳﺎﺧﺬﻧﻲ ﻟﺘﺮﻛﻴﺎ ﻭﻫﻮ ﺍﻟﺤﺎﻱ ﻣﻦ ﺍﻟﻌﻤﺮﻩ ﻫﻢ ﺗﺒﻘﺎﻟﻪ ﻓﻠﻮﺱ ﻭﻳﻦ ﻳﺒﻘﻰ ﻋﺪﻩ ﻓﺮﺡ ﺟﺎﻭﺑﺖ ﻣﺎﻣﺎ ﺑﺎﺑﺎ ﻣﺎﻓﺪ ﻳﻮﻡ ﻭﺍﻋﺪ ﻭﻣﻮﻓﻰ ﺑﻮﻋﺪﻩ ﺟﺮﻳﺖ ﻧﻔﺲ ﺍﺑﺘﺴﻢ ﺍﺑﺎﻭﻉ ﻟﻔﺮﺣﻪ ﻋﻤﺮﻱ ﻛﺒﺮﺕ ﻭﻛﺎﻣﺖ ﺗﻌﺮﻑ ﺻﻔﺎﺕ ﺍﺑﻮﻫﺎ ﺗﻘﺮﺑﺖ ﻧﻨﻪ ﻛﺎﻟﺖ ﻳﻤﻪ ﺧﺎﻑ ﻣﻮ ﻭﻛﺘﻬﺎ ﺷﻤﺮﺕ ﺍﻟﻜﻼﺹ ﺑﺎﻟﺴﻨﻚ ﺻﺤﺖ ﻟﺘﻌﻮﻭﻭﺭﺿﻮﻭﻥ ﺑﺤﻴﺎﺗﻲ ﻣﻄﺎﻟﻊ ﻓﺮﺡ - ﻻﻻﺑﺎﺑﺎ ﻭﺍﻟﻠﻪ ﺍﻧﻲ ﻣﻜﻴﻔﻪ ﺣﺘﺮﻭﺡ ﻟﺒﻴﺖ ﺍﻟﻠﻪ ﻳﺲ - ﺑﺎﻭﻋﺘﻠﻬﺎ ﻭﻧﺼﻴﺖ ﺭﺍﺳﻲ ﺩﻋﺎﺀ ﻛﺎﻟﺖ ﻋﻮﺩ ﺧﻠﻴﻠﻲ ﻣﺼﺮﻑ ﻳﺲ - ﻟﻴﺶ ﺍﻧﻲ ﻳﺎﻳﻮﻡ ﻋﺎﻳﻔﺞ ﺑﻠﻪ ﻓﻠﻮﺱ ﺩﺭﺩﻣﺖ ﻭﻱ ﺭﻭﺣﻬﺎ ﺩﻋﺎﺀ - ﺷﻮﻥ ﻓﻠﻮﺱ ﺻﺪﻗﻪ ﻧﻮﻩ ﻳﻨﻄﻴﻬﺎ ﺑﺎﻟﻜﻄﺎﺭﻩ ﺣﺠﺘﻬﺎ . ﺑﺪﺭﺟﻪ ﺻﻮﺕ ﺑﺲ ﺍﻧﻲ ﺍﺳﻤﻌﻬﺎ ﺳﻮﻳﺖ ﺭﻭﺣﻲ ﻣﺴﻤﻌﺖ ﻭﺷﻌﺮﺍﻳﻪ ﻣﺎﺍﺛﺮﺕ ﺑﻴﻪ ﺍﻟﻤﻬﻢ ﺑﻨﺘﻲ ﺑﺪﺕ ﺗﻌﺮﻑ ﺗﺤﻀﺮﻧﺎ ﻟﻠﻌﻤﺮﻩ ﻭﺧﺎﺑﺮﺕ ﺧﺎﻟﺘﻲ ﺗﺠﻲ ﻳﻤﻬﻢ ﻫﻨﺎ ﺩﻋﺎﺀ ﺗﺨﺒﻠﺖ ﻭﻋﻠﻴﺶ ﺩﺍﺯ ﻋﻠﻰ ﺍﻣﻲ ﺷﻨﻮ ﺻﻐﻴﺮﻩ ﺍﻧﻲ ﻻ ﻟﻴﺶ ﺑﺎﻟﻌﻜﺲ ﺍﻧﻲ ﺭﺩﺗﻬﺎ ﻭﻳﺎﻛﻢ ﻳﻀﻞ ﺑﺎﻟﻲ ﻭﺻﺮﺍﺣﻪ ﺍﻧﺘﻲ ﻣﺎ ﺍﺍﻣﻦ ﻭﺣﺪﺝ ﻣﺘﻌﺮﻓﻴﻦ ﺗﺘﺼﺮﻓﻴﻦ ﺍﺧﺎﻑ ﻋﻠﻰ ﺑﻨﺘﻲ ﻛﺎﻣﺖ ﺗﺼﻴﺢ ﻭﺗﻌﻴﻂ ﻭﺍﻧﻲ ﺑﺎﻟﺼﺎﻟﻪ ﻭﺣﺪﻱ ﻭﻳﺎﻫﺎ ﻋﻔﺘﻬﺎ ﺗﻬﻮﺱ ﺻﺎﺭﺕ ﻣﺜﻞ ﺍﻟﻤﻮﻟﺪﻩ ﺍﻟﺨﺮﺑﺎﻧﻪ ﺑﺤﻴﺎﺗﻲ ﺍﺧﻠﻴﻬﺎ ﺗﻬﻮﺱ ﺣﺪ ﻣﺎ ﺗﻄﻔﻰ ﻃﺒﺖ ﺧﺎﻟﺘﻲ ﻭﺧﻨﺴﺖ ﻧﺘﺮﺕ ﺑﻴﻬﺎ ﺩﻋﺎﺀ ﻭﺗﺎﻟﻴﻬﺎ ﻭﻳﺎﺍﺍﺝ ﻳﻮﻡ ﺑﻴﻨﻲ ﻭﺑﻴﻦ ﺯﻭﺟﻲ ﻣﺤﺪ ﻳﺘﺪﺧﻞ ﻳﺲ - ﺩﺭﺩﻣﺖ ﻣﺎﻛﻮ ﺷﻲ ﺑﻴﻨﻨﺎ ﺍﺳﻤﻪ ﺯﻭﺍﺝ ﺍﺣﺠﻲ ﻭﻣﺎﺑﺎﻭﻋﻠﻬﺎ ﻋﻔﺖ ﺍﻟﻐﺮﻓﻪ ﻭﻃﻠﻌﺖ ﻭﺻﻠﺖ ﻟﺨﺎﻟﺘﻲ ﺑﺴﺘﻬﺎ ﻣﻦ ﺭﺍﺳﻬﺎ ﻭﺍﻟﻠﻪ ﺧﺎﻝ ﻟﻮ ﻋﺪﻱ ﺍﺧﺬﺝ ﻭﻳﺎﻳﻪ ﺑﺲ ﻭﺭﻭﺡ ﻋﻤﻲ ﻋﻠﻲ ﺍﻟﻤﺮﻩ ﺍﻟﺠﺎﻳﻪ ﺍﻟﺞ ﻳﻤﻪ ﻓﺪﻭﻩ ﻟﻌﻴﻨﻚ ﻣﺘﻘﺼﺮ ﺣﺒﻴﺒﻲ . ﻳﻮﻣﻴﻦ ﻭﺍﺧﺬﺕ ﻧﻨﻪ ﻭﻃﻠﻌﺖ ﺭﻭﺣﻲ ﺿﻠﺖ ﺑﺎﻟﺒﺎﺏ ﻭﻓﺮﻭﺣﻪ ﺗﺬﺏ ﻭﺭﺍﻧﺎ ﺍﻟﻤﻲ ﻭﻱ ﺧﺎﻟﺘﻲ ﺗﻤﻨﻴﺘﻬﺎ ﻭﻳﺎﻳﻪ ﻭﺗﺨﺒﻠﺖ ﻣﻦ ﺷﻔﺘﻬﺎ ﺑﺠﺖ ﻭﻛﻔﺖ ﺍﻟﺴﻴﺎﺭﻩ ﻭﻧﺰﻟﺖ ﺑﺎﺑﺎ ﻟﺘﺒﺠﻴﻦ ﺑﺎﺑﺎ ﺣﺸﺘﺎﻗﻠﻜﻢ ﻫﺎﻱ ﺑﻴﺒﻲ ﻭﻳﺎﺝ ﺣﺒﻴﺒﺘﻲ ﻋﺸﺮ ﺍﻳﺎﻡ ﻭﺍﺭﺟﻊ ﺍﺷﺘﺮﻳﻠﺞ ﻛﻠﺸﻲ ﻳﻌﺠﺒﺞ ﺩﻳﺮ ﺑﺎﻟﻚ ﻋﻠﻰ ﺭﻭﺣﻚ ﻭﺑﻴﺒﻲ ﺧﺎﻑ ﻳﺨﻨﻜﻮﻫﺎ ﺑﺎﻻﺯﺩﺣﺎﻡ ﻫﻬﻬﻪ ﻣﻴﺨﺎﻟﻒ ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ ﺣﺒﻴﺒﺘﻲ ﻭﻋﻠﻰ ﺑﻴﺒﻴﺘﺞ ﺍﻭﻙ ﺑﺎﻱ ﺭﺟﻌﺖ ﺻﻌﺪﺕ ﻟﻠﺘﻜﺴﻲ ﻭﻃﻠﻌﺖ ﻛﺒﺮﺕ ﺣﺒﻴﺒﺘﻲ ﻭﺻﺎﺭﺕ ﻧﻔﺴﻲ ﺍﻻﺗﻨﻔﺴﻪ . ﺍﻛﺜﺮ ﻣﻦ ﻗﺒﻞ ﺗﻌﻠﻘﻬﺎ ﻭﺗﻔﻬﻤﻬﺎ ﻟﻼﻣﻮﺭ ﺑﻌﻘﻼﻧﻴﻪ ﺷﻲ ﻣﻐﺎﻳﺮ ﻟﺸﺨﺼﻴﺘﻬﺎ ﺍﻟﻄﻔﻮﻟﻴﻪ ﻭﺻﻠﻨﺎ ﻭﺍﺩﻳﻨﺎ ﺍﻟﻤﺮﺍﺳﻴﻢ ﻭﺍﻣﻲ ﺍﻋﺘﻤﺮﺕ ﻟﻌﻤﻲ ﻋﻠﻲ ﻭﺍﻧﻲ ﺍﻋﺘﻤﺮﺕ ﻟﺒﻮﻳﻪ ﻭﺍﻣﻲ ﺟﻨﺖ ﻣﺤﺘﻀﻦ ﺍﻣﻲ ﺑﻘﻮﺗﻲ ﺧﺎﻳﻒ ﻋﻠﻴﻬﺎ ﻭﺗﺒﻮﺱ ﺑﻜﺘﻔﻲ ﻭﺗﺮﺩﺩ ﻳﻤﻪ ﻛﻔﻴﺖ ﻭﻭﻓﻴﺖ ﻟﻮ ﺍﺑﻨﻲ ﻣﺎﻳﺴﻮﻳﻬﺎ ﻭﻳﺎﻳﻪ ﻛﻠﻤﺘﻴﻦ ﺟﺎﻧﺖ ﻛﻔﻴﻠﻪ ﺗﺨﻠﻴﻨﻲ ﺍﺳﻌﺪ ﺍﻧﺴﺎﻥ ﺑﺎﻟﺪﻧﻴﺎ ﻧﻨﻪ ﺍﻧﻲ ﺍﺑﻨﺞ ﻭﺭﻭﺣﺞ ﻧﺴﻴﺘﻲ ﺍﻱ ﻭﺍﻟﻠﻪ ﻭﺭﻭﺣﻪ ﻻﺑﻮﻳﻪ ﺍﻧﺖ ﺍﺣﻠﻰ ﻫﺪﻳﻪ ﻣﻦ ﺍﺑﻮﻳﻪ ﺍﻧﺖ ﺩﻧﻴﺘﻲ ﻳﺎﺳﻴﻦ ﻛﻤﻠﻨﺎ ﺍﻟﻌﻤﺮﻩ ﻭﺍﺷﺘﺮﻳﺖ ﺍﺷﻜﺎﻝ ﻟﻔﺮﺡ ﻭﺍﻣﻲ ﺍﺷﺘﺮﺕ ﻟﺪﻋﺎﺀ ﻣﺘﻘﺎﺭﺷﺖ ﻭﻳﺎﻫﺎ ﺍﺑﺪ ﺍﺩﺭﻱ ﻛﻠﺸﻲ ﻣﻴﻌﺠﺒﻬﺎ . ﻭﺧﺎﻟﺘﻲ ﺍﺧﺬﺗﻠﻬﺎ ﺍﺭﻗﻰ ﻋﺒﺎﻳﻪ ﺭﻏﻢ ﺑﻨﺘﻬﺎ ﻭﺍﺫﻳﺘﻬﺎ ﺑﺲ ﺧﺎﻟﺘﻲ ﺗﺴﺘﺎﻫﻞ ﺭﺟﻌﺖ ﻭﻓﺮﺡ ﻃﺎﻳﺮﻩ ﺗﻜﻤﺰ ﺑﻴﻦ ﺍﻟﺠﻨﻂ ﻭﻫﺪﺍﻳﺎﻫﺎ ﻭﻣﻤﻠﺖ ﻣﻦ ﺍﻻﺳﺎﻟﻪ . ﻭﺍﻧﻲ ﻣﻤﻠﻴﺖ ﻣﻦ ﺍﻟﺠﻮﺍﺏ ﻭﺩﻋﺎﺀ ﻛﺎﻋﺪﻩ ﻋﻠﻰ ﺻﻔﺤﻪ ﺑﻬﺪﻭﺀ ﻧﻄﺘﻬﺎ ﺍﻣﻲ ﺻﻮﻏﺘﻬﺎ ﻭﻫﻲ ﺍﺧﺬﺗﻬﺎ ﺑﻬﺪﻭﺀ ﻭﺑﻮﺳﺖ ﺍﻣﻲ ﺑﻘﻴﺖ ﺻﺎﻓﻦ ﻣﻮ ﻋﻮﺍﻳﺪﻫﺎ ﺍﺑﺪﺩ ﺭﺟﻌﺖ ﺩﺍﻭﻣﺖ ﻳﻮﻣﻴﻦ ﺛﻼﺛﻪ ﻭﻋﺮﻓﺖ ﺟﺎﻱ ﺍﺑﻦ ﺧﺎﻟﺘﻬﺎ ﻣﻦ ﺍﻟﺨﺎﺭﺝ ﻭﺭﻩ ﺳﻨﺘﻴﻦ ﻣﻦ ﻣﺼﻴﺒﺘﻬﻢ ﻳﻤﻜﻦ ﺑﺘﻐﻴﻴﺮ ﻭﺯﻳﺮﻫﻢ ﺍﻟﺘﺎﺑﻊ ﻟﺪﺍﺋﺮﺗﻬﻢ ﺗﻐﻴﺮﺕ ﻫﻮﺍﻱ ﺷﻐﻼﺕ ﺍﺳﺒﻮﻉ . ﺩﻋﺎﺀ ﺑﺎﻓﻀﻞ ﺍﻓﻀﻞ ﻣﺎﻳﻜﻮﻧﻦ . ﻭﻓﺠﺎﻩ ﻃﺒﺖ ﺑﻠﺒﺲ ﻧﻮﻡ ﻟﻐﺮﻓﺘﻲ ﺍﻟﻠﻲ ﺑﺒﻴﺘﻲ ﻭﻱ ﻧﻨﻪ ﺑﻨﺺ ﺍﻟﻠﻴﻞ ﻭﻧﻨﻪ ﻧﺎﻳﻤﻪ ﺻﻌﺪﺕ ﺑﻬﺪﻭﺀ ﻭﻃﺒﺖ ﻓﺰﻳﺖ ﻋﻠﻰ ﻟﻤﺴﺎﺗﻬﺎ ﻭﺟﺰﻳﺖ ﺭﻭﺣﻲ ﺿﻠﺖ ﺗﺤﺎﻭﻝ ﺗﺤﻀﻨﻨﻲ ﺗﺘﻘﺮﺏ ﻣﻨﻲ ﻭﺍﻧﻲ ﺍﺑﺘﻌﺪ ﻛﻤﺖ ﺍﺣﺴﻬﺎ ﻭﺑﺎﺀ ﺳﺒﺤﺎﻥ ﺍﻟﻠﻪ ﺣﺘﻰ ﺭﺟﻮﻟﺘﻲ ﻣﻦ ﺗﻮﺻﻞ ﻟﻤﺴﺘﻬﺎ ﺗﻄﻔﻰ ﺩﻓﻌﺘﻬﺎ ﺑﻘﻮﻩ ﻭﻧﺰﻟﺖ ﺗﺒﺠﻲ ﺍﺳﺘﻐﻔﺮﺕ ﺭﺑﻲ ﻭﻛﻤﺖ ﺍﺩﺧﻦ ﺍﺭﻭﺡ ﻣﻨﺎ ﻭﺍﺭﺟﻊ ﻣﻨﺎ ﻣﺎﺭﻳﺪﻫﺎ ﻣﻮ ﺑﻴﺪﻱ ﺍﺭﻳﺪ ﺍﺑﻘﻴﻬﺎ ﻟﺒﻨﺘﻬﺎ ﻭﻣﺎﺭﻳﺪ ﺗﻮﺻﻠﻠﻲ ﺭﺟﻌﺖ ﻧﻤﺖ ﻳﻮﻣﻴﻦ ﻭﺩﻋﺎﺀ ﺑﺲ ﺳﺎﻛﺘﻪ ﻣﻘﻬﻮﺭﻩ ﻓﺮﺡ ﺗﺘﻮﺳﻞ ﺑﻴﻬﺎ ﻣﺎﻣﺎ ﺷﺒﻴﺞ ﻭﻫﻲ ﻣﺘﺮﺩ ﻣﻦ ﻳﻮﻡ ﺍﻟﺘﺮﻛﺖ ﺍﻟﻌﻤﻞ ﺻﺎﺭ ﻏﺪﺍﻫﺎ . ﻋﺸﺎﻫﺎ ﻭﻳﺎﻧﺎ ﺑﺲ ﻧﻮﻣﺘﻬﻢ ﻫﻨﺎﻙ ﻓﺪﻭﻡ ﺑﺎﻟﺒﻴﺖ ﺗﺴﺎﻋﺪ ﻧﻨﻪ ﻭﻋﻠﻰ ﺍﺗﻢ ﻣﺎﻳﻜﻮﻥ ﻭﻓﺠﺎﻩ ﺑﻠﻴﻞ ﺍﻧﻔﺘﺢ ﻣﻮﺿﻮﻉ ﻛﺎﻟﺖ ﺑﺘﻮﺳﻞ ﺍﺍﺑﻦ ﺧﺎﻟﺘﻲ ﺭﺟﻊ ﻭﻃﻠﻊ ﺑﺮﺍﺀﻩ ﻭﻭﻛﺎﻝ ﺍﻛﺪﺭ ﺍﺭﺟﻊ ﺍﻋﻴﻨﺞ ﻭﻛﻔﺖ ﺑﻨﺘﺮﻩ ﺻﺤﺖ ﺷﻨﻮﻭﻭﻭﻭ ﻣﺴﺘﺤﻴﻞ ﺑﺎﻭﻋﺖ ﻟﻔﺮﺡ ﻓﺰﺕ ﺟﺘﻲ ﺭﻛﺾ ﻣﻦ ﺍﻟﻐﺮﻓﻪ ﻟﻴﺶ ﺑﻴﺶ ﻣﺎﺛﺮﻩ ﻋﻠﻴﻚ ﻋﻴﻨﻲ ﺗﺮﺩﻳﻦ ﺗﺮﺟﻌﻴﻦ ﻟﺸﻐﻠﺞ ﺍﻃﻠﻜﺞ ﻭﺭﻭﺣﻲ ﻟﻮﺻﻲ ﺯﻭﺭﻱ ﺻﺨﻤﻲ ﻭﺍﻟﻠﻪ ﺍﻧﻲ ﻣﻀﻠﻮﻣﻪ ﻣﺴﻮﻳﺖ ﺷﻲ ﺑﺲ ﻣﻜﺪﺭﺕ ﺍﺣﺠﻲ ﺍﺧﺎﻑ ﻣﻨﻬﻢ ﻳﻌﻨﻲ ﻋﻠﻰ ﺣﺠﻴﺞ ﻫﺬﺍ ﻳﻜﺪﺭﻭﻥ ﻳﻌﻴﺪﻭﻫﺎ ﻭﻳﻀﻠﻤﻮﺝ . ﺍﻱ ﻣﻌﻨﺎﻫﺎ ﻣﺘﺮﺟﻌﻴﻦ ﻟﻴﺶ ﻳﺎﺑﻪ ﻭﺍﻧﻲ ﺷﺸﺎﻳﻔﻪ ﻣﻨﻚ ﺭﺟﺎﻝ ﻣﺜﻞ ﺍﻟﻨﺎﺍﺍﺱ . ﻟﻮ ﺷﺨﺺ ﺍﻧﺴﻨﺪ ﻋﻠﻴﻪ ﺷﻮ ﺣﺘﻰ ﺭﺍﺗﺐ ﺗﻨﻄﻴﻨﻲ . ﺧﺮﺩﻩ ﺧﺮﺩﺗﻴﺶ ﻟﺞ ﺷﻮ ﺷﺘﺮﺩﻳﻦ ﻭﻧﺎﻃﻴﺞ ﺫﺍﻙ ﺍﻟﻴﻮﻡ ﻛﻠﺘﻲ ﺍﺭﺩ ﺍﺭﻭﺡ ﻟﻠﺴﻮﻙ ﺷﻠﺖ ٢٠٠ ﻃﻴﺘﺞ ﻟﺞ ﺍﻧﺘﻲ ﻣﺘﺸﺒﺒﺒﺒﻌﻴﻦ ﺍﻧﻲ ﺍﺭﻳﺪ ﺍﺭﺟﻊ ﻟﻠﺸﻐﻞ ﺍﻧﺖ ﻣﺎﻟﻚ ﺳﻠﻄﻪ ﻋﻠﻴﻪ ﻓﺎﻫﻢ ﻣﺎﻟﻚ ﺩﺧﻞ ﺑﻴﻪ ﻻ ﺍﻧﺖ ﺭﺟﻠﻲ ﻣﺜﻞ ﺍﻟﻨﺎﺱ ﻭﻻ ﺍﺑﺪ ﺍﻱ ﻫﺎﻫﻲ ﺭﻭﺣﻲ ﻻﻫﻠﺞ ﻭﺍﻃﻠﻜﺞ ﺗﺪﺭﻱ ﻛﻠﺶ ﺯﻳﻦ ﺑﻴﺖ ﺟﺪﻱ ﺑﺎﻋﻮ ﻭﻣﺎﻋﺪﻱ ﻣﻜﺎﻥ ﺍﺭﻭﺡ ﻫﻲ ﺍﻧﻲ ﻛﺎﻋﺪﻩ ﻭﻱ ﺍﺧﺘﻲ ﺑﺒﻴﺖ ﻫﻠﻜﺪﻭﺗﻪ ﺍﻱ ﺍﻧﻲ ﺷﻠﻲ ﺩﺧﻠﻠﻞ ﻣﻮ ﺗﺮﺩﻳﻦ ﺗﺸﺘﻐﻠﻴﻦ ﺗﺮﺣﻴﻦ ﻳﻢ ﺍﺧﺘﺞ ﻓﺮﺡ - ﻣﺎﻣﺎ ﻫﻢ ﺣﻨﺮﺟﻊ ﻟﻠﺸﻐﻞ ﻣﺎﺭﻳﺪ ﺗﺸﺘﻐﻠﻴﻦ ﻭﺍﻟﻠﻪ ﺍﺫﺍ ﺍﺷﺘﻐﻠﺘﻲ ﺑﻌﺪ ﻣﺎﺣﺎﺟﻴﺞ ﻭﻻ ﺭﻳﺪﺝ ﺍﻣﻲ ﺍﻱ ﺍﻱ ﺗﺮﺑﺎﻳﻪ ﺍﺑﻮﺝ ﻭﺑﺒﻴﺘﺞ ﺻﺪﻙ ﻟﻮ ﻛﺎﻟﻮ ﺭﺑﻮﻧﻲ ﻭﺍﻧﻪ ﻭﻟﻴﺪ ﺍﻫﻠﻲ ﻳﺲ - ﻫﺴﻪ ﻣﻦ ﺍﻻﺧﻴﺮ ﺗﺮﻩ ﺷﻐﻞ ﻣﺎﻛﻮ ﻭﺍﺫﺍ ﺍﺷﺘﻐﻠﺘﻲ ﺑﺎﺟﺮ ﺍﻃﻠﻜﺞ ﺧﻠﻠﻞ ﺍﺧﻠﻠﻠﺺ ﻭﺍﺷﻮﻑ ﺣﻴﺎﺗﻴﻴﻴﻲ ﻫﻲ ﻫﺎﻱ ﻫﻢ ﻋﻴﺸﻬﻬﻪ ﻓﺮﺡ - ﻻ ﺑﺎﺑﺎ ﻟﺘﻜﻮﻝ ﻫﻴﺞ ﻭﺍﻟﻠﻪ ﻣﺘﺸﺘﻐﻞ ﻭﺍﻟﻠﻪ ﺩﻋﺎﺀ - ﻟﻴﺶ ﺍﻧﺖ ﻫﻢ ﺯﻭﺟﻲ ﻫﻢ ﺗﻌﺘﺒﺮ ﺭﺟﺎﻝ ﻳﺲ - ﻏﺼﺒﺎ ﻣﺎ ﻋﻠﻰ ﺭﺍﺳﺲ ﺍﻛﺒﺮ ﻭﺍﺣﺪ ﺑﻴﻜﻢ ﺭﺟﺎﻝ ﻓﺎﻫﻤﻪ ﻭﺿﺮﺑﺘﻬﺎ ﺭﺍﺷﺪﻱ ﻭﻛﻌﺖ ﻋﺎﻟﻘﻨﻔﻪ ﺍﺛﺮﻫﺎ ﺍﺳﺘﻐﺮﺑﺖ ﻧﻨﻪ ﺍﺑﺪ ﻣﺘﺪﺧﻠﺖ ﺑﺲ ﻣﺒﺘﻌﺪﻩ ﺑﺎﻟﺒﺎﺏ ﻣﺎﻝ ﻏﺮﻓﺘﻬﺎ ﻭﺗﺴﺒﺢ ﻭﻏﺠﻔﺮﺡ ﺗﻠﻮﺏ ﻳﻤﻲ ﻭﻳﻤﻬﺎ ﺗﺘﻮﺳﻞ ﻣﻦ ﺿﺮﺑﺘﻬﺎ ﺻﺎﺣﺖ ﻻﺍﺍﺍ ﺑﺎﺑﺎ ﻣﻮ ﻫﻴﻴﻴﺞ ﻋﻔﺖ ﺍﻟﺒﻴﺖ ﻭﻃﻠﻌﺖ ﺷﻜﺪ ﺭﺩﺕ ﻣﺎﻣﺪ ﺍﻳﺪﻱ ﻋﻠﻴﻬﺎ ﻣﻮ ﺷﻔﻘﻪ ﻭﺭﺍﻓﻪ ﺍﺑﺪ ﺑﺲ ﻣﺎﺭﻳﺪ ﺗﺴﺘﻔﺰﻧﻲ ﻭﺗﺨﻠﻲ ﻧﻘﻄﻪ ﻋﻠﻴﻪ ﻛﺪﺍﻡ ﻓﺮﺡ ﻣﻜﺪﺭﺕ ﺣﻘﻴﺮﻩ ﻳﻮﻣﻴﻦ ﻭﺟﺘﻲ ﺧﺎﻟﺘﻲ ﻭﺍﻧﻲ ﻫﺎﻟﻴﻮﻣﻴﻦ ﺩﻋﺎﺀﻣﺘﺠﻲ ﻟﺒﻴﺘﻲ ﻭﻓﺮﺡ ﺗﺎﺧﺬﻟﻬﺎ ﺍﻻﻛﻞ ﺑﺎﻟﺼﻴﻨﻴﻪ ﻭﺍﺑﺪ ﻣﺠﺎﺑﺖ ﺳﻴﺮﺗﻬﺎ ﻛﺪﺍﻣﻲ ﺍﺟﺘﻲ ﺧﺎﻟﺘﻲ ﻛﺎﻟﺖ ﻳﻤﻪ ﻭﻳﻨﻬﺎ ﺍﻡ ﻓﺮﺡ ﺷﻮ ﻣﺎﻛﻮ ﻓﺮﺡ - ﺑﻴﺒﻲ ﻫﻨﺎﻙ ﻫﺎ ﺭﺟﻌﻨﺎ ﻟﻠﻐﻮﻩ ﺍﻟﺰﺍﻳﺪﻩ ﺑﺎﻭﻋﺖ ﻟﺨﺎﻟﺘﻲ ﺍﺑﺘﺴﻢ ﻛﺘﻠﻬﺎ ﻋﻘﻠﻴﻬﺎ ﻟﻮ ﺗﺎﺧﺬﻳﻬﺎ ﻭﻳﺎﺝ ﻟﺒﻴﺖ ﺍﺧﺘﻬﺎ ﺗﺮﻩ ﻭﺍﺻﻠﻪ ﻟﻬﻨﺎ ﺍﺷﺮﺕ ﻋﻠﻰ ﺧﺸﻤﻲ ﻛﺎﻟﺖ ﻣﺎﻟﻚ ﺩﺧﻞ ﺧﺎﻟﻪ ﺭﻭﺡ ﻋﻠﻰ ﺑﺎﺏ ﺍﻟﻠﻪ ﻳﻠﻪ ﻓﻴﻤﺎﻟﻼ ﻋﻔﺘﻬﻢ ﻭﻃﻠﻌﺖ ﺭﺟﻌﺖ ﺟﺎﻧﺖ ﺍﻟﺪﻧﻴﺎ ﻣﻜﻠﻮﺑﻪ ﻭﺣﺘﻰ ﻭﻱ ﻓﺮﺡ ﺗﻌﺎﺭﻛﺖ ﻭﺍﻧﻲ ﺗﺨﺒﻠﺖ ﺟﺮﻳﺖ ﻓﺮﺡ ﺑﻴﺘﻲ ﻭﺧﻠﻴﺘﻬﺎ ﺗﺒﺪﺩﻝ ﻭﻭﺩﻳﺘﻬﺎ ﺑﻴﺖ ﺍﺧﺘﻬﺎ . ﻳﻮﻣﻴﻦ ﺑﻘﻴﻨﺎ ﻭﺣﺪﻧﺎ ﻓﺮﺡ ﺑﻠﻴﻞ ﺍﺳﻤﻌﻬﺎ ﺗﺒﺠﻲ ﻫﺎﻟﻔﺘﺮﻩ ﻫﻮﺍﻱ ﺗﻌﻠﻘﺖ ﺑﻴﻬﺎ ﻻﻥ ﺗﺮﻛﺖ ﺍﻟﺸﻐﻞ ﻭﻓﺮﻏﺖ ﺭﻭﺣﻬﺎ ﺍﻟﻬﺎ ﻭﻫﻲ ﺑﻠﻴﻪ ﺷﻲ ﻋﺪﻫﺎ ﺍﻣﻬﺎ ﺭﻭﺣﻬﺎ ﻣﻦ ﺍﻟﺪﻧﻴﺎ ﻣﻮﻋﺎﺩ ﻫﺴﻪ ﺣﺎﻭﻟﺖ ﺍﻧﻲ ﻭﻧﻨﻪ ﺍﺳﻮﻟﻒ ﻭﻳﺎﻫﺎ ﺍﺭﺍﺿﻴﻬﺎ ﺗﻀﺤﻚ ﻭﺗﺤﺠﻲ ﺑﺲ ﺑﻠﻴﻞ ﺍﺳﻤﻊ ﺑﺠﻴﻬﺎ ﻭﺍﺗﺨﺒﻞ ﻧﻨﻪ - ﺩﺗﺴﻤﻌﻬﺎ ﺍﻱ ﻳﻮﻡ ﺍﺩﺭﻱ ﻫﺎﻱ ﻣﺘﺸﺘﺎﻗﻠﻬﺎ ﺷﻮﻥ ﺗﻜﺪﺭ ﺗﻐﻔﻰ ﻋﻴﻨﻬﺎ ﻭﺗﺪﺭﻱ ﺑﺒﺘﻬﺎ ﺗﺮﻳﺪﻫﺎ ﻧﻨﻪ ﻫﺎﻱ ﻣﻮ ﻣﺜﻠﺞ ﺗﺮﻩ ﺍﺳﺘﻐﻔﺮ ﺍﻟﻠﻪ . ﻭﺍﺗﻮﺏ ﺍﻟﻴﻪ ﻣﺮﺕ ﻳﻮﻣﻴﻦ ﻟﺦ ﻭﺟﺘﻲ ﺩﻋﺎﺀ . ﺷﻤﺮﻭﻫﺎ ﻣﻦ ﺍﻟﺒﺎﺏ ﻣﺒﻮﺯﻩ ﻭﺍﻟﻪ ﺧﻔﺖ ﺍﺣﺎﺟﻴﻬﺎ . ﺗﻨﻔﺠﺮ ﺗﺮﻛﺘﻬﺎ . ﻭﺣﺎﺟﻴﺖ ﺍﻣﻲ ﻣﺘﺤﺎﺟﻴﻬﺎ ﺗﻠﺒﺴﻬﺎ ﺣﺎﻟﻬﺎ ﺣﺎﻝ ﺣﺸﻪ ﺍﻟﻴﺴﻤﻊ ﺟﻠﺐ ﺍﻟﺸﺎﺭﻉ . ﻭﺣﺘﻰ ﻓﺮﺡ ﻣﺤﺎﺟﺘﻬﺎ ﻟﻠﻴﻞ ﻣﺘﺤﻤﻠﺖ ﻭﻋﺎﻃﺖ ﺑﺒﺘﻬﺎ ﻭﺑﺘﻬﺎ ﺻﻴﺤﺖ ﻋﻠﻴﻬﺎ ﻭﻛﺒﺖ ﻭﺗﺼﻴﺢ ﻧﺰﻟﺖ ﺭﻛﺾ ﻭﻃﺒﻴﺖ ﻫﺎﻱ ﺷﻜﻮﻭﻭ ﻣﺎﻣﻮ ﺷﻲ ﻋﻴﻨﻲ ﻣﻦ ﺍﻟﻠﻪ ﻻﻭﻓﻘﻚ ﻭﻻ ﻫﻨﺎﻙ ﻭﺍﻟﻠﻪ ﻻﺭﺯﻗﻚ ﻣﺜﻞ ﻣﻜﻄﻌﺖ ﺭﺯﻗﻲ ﻋﺒﺎﻟﻚ ﻛﺮﺍﺡ ﺗﻄﻠﻊ ﺑﻴﻚ ﺗﻄﻠﻊ ﻟﺘﺨﺎﻑ ﺗﻄﻠﻊ ﺍﺳﺘﻐﻔﺮﺭﺭ ﺍﻟﻠﻪ ﻟﻤﻲ ﻫﺪﻭﻣﺞ ﻻ ﺍﺣﺮﻙ ﺍﻟﺒﻴﺖ ﻋﻠﻴﺞ ﺍﻣﺸﻲ ﺍﻭﺩﻳﺞ ﻭﺍﻧﻌﻞ ﻋﺸﻴﺮﺗﺞ ﻭﺍﻟﻴﻮﻡ ﺍﻟﺸﻔﺘﺘﺞ ﺑﻲ. ﻓﺮﺡ - ﺑﺎﺑﺎ ﺣﺒﻴﺒﻲ ﺭﻭﺡ . ﺍﺍﺍﻧﻲ ﺍﺣﺎﺟﻴﻬﺎ ﻳﺲ - ﺍﺳﻜﺘﺘﺘﻲ ﺍﻧﺘﺘﺘﻲ ﺍﻣﺸﻲ ﻫﻨﺎﻙ ﻳﻠﻪ ﺭﻭﺣﻲ ﻟﺬﺍﻙ ﺍﻟﺒﺒﺒﻴﺖ ﺍﻱ ﺑﺎﺑﺎ ﺳﻜﺘﺖ ﺩﻋﺎﺀ ﻭﺿﻠﻴﺖ ﺍﺻﻴﺢ ﻭﺍﻋﻴﻂ ﻭﺍﺳﺤﻞ ﺑﻴﻬﺎ ﺗﺒﺪﻝ ﻭﻫﻲ ﻛﺎﻋﺪﻩ ﻣﻨﺼﻴﻪ ﻭﺍﻋﺼﺎﺏ ﺻﺎﻳﺮﻩ ﺻﺤﺖ ﻫﺎﺍﺍﺍ ﻣﺘﻮﻟﻴﻦ ﻻﻉ ﻟﻌﺪ ﺗﻜﻌﺪﻳﻦ ﺑﺎﺣﺘﺮﺍﻡ ﺗﺪﺭﻳﻦ ﺍﻧﺘﻲ ﻭﺍﻟﻘﻨﺪﺭﻩ ﻋﺪﻱ ﺳﻮﻩ ﻭﻟﺨﺎﻃﺮ ﻓﺮﺡ ﺍﻧﻲ ﺳﺎﺍﺍﻛﺖ ﻭﻣﺒﻘﻴﺞ ﺗﺮﻩ ﻣﻴﺮﺑﻄﻨﻲ ﺑﻴﺞ ﻏﻴﺮﺭﺭ ﺍﻟﻘﻬﺮﺭﺭﺭ ﻭﻓﺮﺡ ﺍﻱ ﺍﻱ ﻓﻬﻤﺖ ﺍﻱ ﻛﻌﺪﻱ ﺑﺎﺣﺘﺮﺍﻣﺞ ﺍﻗﻞ ﻏﻠﻄﻪ ﺗﺼﻔﻴﻦ ﺑﺎﻟﺸﺎﺭﻉ ﺭﺣﻞ ﺍﺧﺘﺞ ﻣﻤﺘﺤﻤﻠﺞ ﻳﻜﻮﻝ ﻣﺎﻟﻔﻲ . ﻣﺰﻭﺭﻳﻦ ﺧﻠﻒ ﺍﻟﻠﻪ ﻋﻠﻴﻪ ﻣﻦ ﺣﻤﻠﺘﺞ ﻃﻠﻌﺖ ﻣﻦ ﻳﻤﻬﺎ ﻛﺎﻟﺖ ﻳﺠﻴﻚ ﻳﻮﻡ ﻭﺍﺫﻟﻚ ﻳﺠﻲ ﻳﻮﻣﻚ ﺑﺴﻴﻄﻪ . ﺭﺟﻌﺖ ﻋﻠﻴﻬﺎ ﺷﻨﻮﻭ ﻛﻠﺘﻲ ﻋﻴﺪﻱ ﻋﻴﺪﻱ ﻣﻜﻠﺖ ﺷﻲ ﻛﺎﻟﺖ ﻭﻟﻄﻤﺖ ﻋﻠﻰ ﻭﺟﻬﻪ ﻣﻜﻠﺘﺘﺖ ﺷﻴﻲ ﻋﻔﺘﻬﺎ ﻭﻃﻠﻌﺖ ﻃﺒﻴﺖ ﻟﺒﻴﺘﻲ ﻓﺮﺡ ﺭﻛﻀﺖ ﻋﻠﻴﻪ ﺑﺎﺳﺘﻨﻲ ﻭﺗﺘﻮﺳﻞ ﺑﺎﺑﺎ ﻟﺘﻮﺩﻳﻬﺎ ﺷﻮﺩﻳﻬﺎ ﺑﺎﺑﺎ ﻛﺎﺳﺮﻩ ﺿﻬﺮﻱ ﺑﻴﺞ ﺷﻮﺩﺩﺩﻳﻬﺎ ﻣﻮ ﻛﺎﻟﻮﻫﺎ ﺍﻟﺒﺰﺭ ﻳﻜﺴﺮ . ﺍﻟﻀﻬﺮ ﺑﺎﺑﺎ ﺍﺍﻧﻲ ﺍﺳﻔﻪ ﺑﺲ ﻭﺍﻟﻠﻪ ﺍﺣﺐ ﻣﺎﻣﺎ ﺍﻱ ﻳﺎﺑﻪ ﻫﺎﻫﻲ ﺭﻭﺣﻲ ﺍﺭﺗﺎﺣﻲ ﺑﺎﺟﺮ ﺩﻭﺍﻣﺞ ﺍﻱ ﻣﺮﺕ ﺷﻬﻮﺭ ﻭﻓﺮﺡ ﻛﻤﻠﺖ ﺍﻻﻭﻝ ﻭﺩﺧﻠﺖ ﺛﺎﻧﻲ ﻭﺍﻧﻲ ﻭﻳﺎﻫﺎ ﻭﻳﺎﻫﺎ ﺟﻤﻌﺖ ﻭﺍﺷﺘﺮﻳﺖ ﺳﻴﺎﺭﻩ ﻟﺦ ﻭﺍﻟﺤﻤﺪ ﻟﻠﻪ ﻣﺼﺮﻑ ﺍﺗﺴﻮﻙ ﻟﺒﻴﺖ ﻭﺍﺣﺪ ﻭﻣﻤﺸﻲ ﺷﻬﺮﻳﻪ ﻭﺍﺳﺒﻮﻋﻴﻪ ﻟﺒﻨﺘﻲ ﻭﻻﻣﻬﺎ ﺍﻟﻠﻲ ﻣﻴﺮﺑﻄﻨﻲ ﺑﻴﻬﺎ ﻏﻴﺮ ﻓﺮﺡ ﻛﻤﻠﺖ ﺍﻟﻌﻄﻠﻪ ﻭﺍﺟﻪ ﺍﺑﻦ ﺧﺎﻟﺘﻬﺎ ﻟﺪﻋﺎﺀ ﻭﺧﺎﻟﺘﻬﺎ ﺑﻘﻮ ﻳﺘﻮﺳﻠﻮﻥ ﺑﻴﻪ ﺍﻗﺒﻞ ﺗﺮﺟﻊ ﻟﻠﺸﻐﻞ ﻋﻠﻰ ﺍﻧﻪ ﺍﻧﻀﻠﻤﻮ ﻭﺍﺳﻤﺎﺋﻬﻢ ﺑﺎﻟﻐﻠﻂ ﻭﺑﺪﻟﻴﻞ ﻣﻦ ﺭﺟﻊ ﻣﻦ ﺍﻟﺨﺎﺭﺝ ﻣﻠﺰﻣﻮ ﻋﺒﺎﻟﻪ ﺍﻧﻲ ﺯﻭﺝ ﻛﺘﻠﻪ ﻣﺴﺘﺤﻴﻞ ﺑﺘﻬﺎ ﻭﺑﻴﺘﻬﺎ ﺍﻭﻟﻪ ﺑﻴﻬﺎ ﻣﺘﺮﻳﺪ ﻋﺎﺩﻱ ﺍﻃﻠﻜﻬﺎ ﻭﺗﺮﻭﺡ ﺗﺎﺧﺬ ﺭﺍﺣﺘﻬﺎ ﺍﻳﺲ ﻣﻨﻲ ﻭﺭﺍﺡ ﻭﻫﻢ ﺍﻟﻌﻴﻨﺘﻴﻦ ﻛﻠﺒﺖ ﻋﻠﻰ ﻓﺮﺡ ﻭﺑﻘﺖ ﺯﻋﻼﻧﻪ ﺳﺒﻮﻉ ﻭﺭﺍﻫﺎ ﻓﻜﺖ ﻣﻦ ﻛﻄﻌﺖ ﺍﻟﺸﻬﺮﻳﻪ ﻛﺎﻣﺖ ﺗﻜﻠﺐ ﻣﻨﺎ ﻋﻠﻰ ﺑﺘﻲ ﺗﻘﺼﺮ ﺍﻗﺼﺮ ﺑﻴﺖ ﻛﺎﻋﺪﻫﺎ ﻳﻠﻔﻴﻬﺎ ﺍﻟﻠﻪ ﺍﻋﻠﻢ ﻟﻮ ﺍﺑﻦ ﺧﺎﻟﺘﻬﺎ ﻣﻤﺘﺰﻭﺝ . ﺑﺖ ﺍﻟﻤﺪﻳﺮ ﻣﺎﻝ ﺍﻟﻤﻮﺳﺴﻪ ﺍﻟﺠﺪﻳﺪ ﻳﺨﻠﻴﻬﺎ ﺗﻄﻠﻚ ﻭ ﻳﺘﺰﻭﺟﻬﺎ ﻫﻲ ﻫﻢ ﻣﺸﺎﻳﻔﻪ ﻣﻨﻲ ﺷﻲ ﻭﻻ ﺍﻧﻲ ﺍﻻﻛﺪﺭ ﺍﻛﻤﻞ ﺣﻴﺎﺗﻲ ﻭﻳﺎﻫﺎ ﺑﻌﺪ ﻫﻲ ﺷﺒﻘﺖ ﻣﻦ ﺣﻴﺎﺗﻲ ﺍﻧﺘﺮﺳﺖ ﺗﺠﺎﻫﺎ ﺷﻚ ﻭﺗﻌﺐ ﺣﺘﻰ ﺷﺎﻙ ﺑﻴﻬﺎ ﻋﺪﻫﺎ ﺷﻲ ﻭﻳﺎﻩ ﺑﺲ ﻣﻠﺼﻮﻡ ﻻﻥ ﺍﻡ ﺑﻨﺘﻲ ﺳﻴﺪ ﻋﺒﺪ ﺍﻟﻠﻪ ﻛﻞ ﺷﻬﺮﻳﻦ ﺛﻼﻟﺜﻪ ﻭﻳﺘﺼﻞ ﺧﻄﻴﻪ ﻳﺴﺎﻝ ﺷﻮﻧﻚ ﺷﻮﻥ ﺻﺤﺘﻚ ﻭﻳﺮﻭﺡ ﺍﻟﻌﺮﻓﺘﻪ ﺫﺍﺏ ﺗﻌﺒﻪ ﻋﺎﻟﺒﺴﺘﺎﻥ ﻭﺍﻟﺘﻤﺮ ﻭﻋﺎﻳﻒ ﺍﻟﻨﻮﻙ ﻻﻥ ﻓﻠﻮﺱ ﻣﺎﻋﺪﻩ ﻭﺩﻳﺮﻳﺪ ﻋﻠﻰ ﻣﻮﺳﻢ ﺣﺼﺎﺩ ﺍﻟﺘﻤﺮ ﻳﺸﺘﺮﻱ ﻧﺎﻛﻪ ﻭﻻﺩﻩ ﻭﻱ ﺍﻟﺴﻠﻴﻞ ﺍﻟﺼﻐﺎﺭ ﺍﻟﻌﺪﻩ ﺍﻟﻠﻲ ﻣﻔﺮﻭﺽ ﻫﺴﻪ ﻛﺒﺮﻭ ﻛﺎﻝ ﻣﺎﺑﻌﺘﻬﻢ ﻟﻠﺬﺑﺢ ﺧﻠﻲ ﻟﻠﺘﻜﺎﺛﺮ ﻭﻻﺟﻞ ﺍﻟﺠﺮﻱ ﻻﺯﻡ ﺍﺷﺘﺮﻱ ﺯﻭﺟﻴﻦ ﺩﺍﺍﺣﺠﻲ ﻭﺳﺎﻟﺖ ﺍﻣﻲ ﺍﺳﺎﻟﻪ ﻋﻦ ﺑﺮﺳﻴﻢ ﻛﺮﺍﻳﺒﻪ ﻣﺪﺭﻱ ﺷﺘﺼﻴﺮ ﻣﻨﻪ ﺗﺰﻭﺟﺖ ﺷﺨﺒﺎﺭﻫﺎ ﺍﺷﺮﺕ ﻻﻣﻲ ﺍﺷﺶ ﺳﻜﺘﺖ ﻭﻫﻮ ﺳﻜﺖ ﻛﺎﻝ ﻳﺎﻟﻪ ﻓﻴﻤﺎﻟﻼ ﻻﺗﻨﺴﺎﻧﺎ ﻋﻮﺩﻙ ﻣﺮ ﺍﻟﻠﻪ ﻛﺮﻳﻢ ﻋﻠﻰ ﺑﺎﻟﻲ ﻭﺍﻟﻠﻪ ﺗﻨﻮﺭ ﺍﻟﻜﺎﻉ ﺫﺭﻩ ﺫﺭﻩ ﺍﺑﻮ ﻓﺮﺣﻪ ﺳﺪﻳﺘﻪ ﻣﻨﻪ ﺑﺎﻭﻋﺖ ﻟﻨﻨﻪ ﺑﻠﻪ ﺑﺮﺑﺞ ﻫﺎﻱ ﺳﻮﺍﻳﻪ ﺗﺴﻮﻳﻬﺎ ﺍﻟﻮﻟﺪ ﺿﻞ ﺻﺎﻓﻦ ﺷﻤﺪﺭﻳﻨﻲ ﺑﺎﻟﻲ ﻳﻤﻬﺎ ﻭﺍﻟﻠﻪ ﻣﺎﺩﺭﻱ ﺍﻟﻠﻪ ﺍﻟﻌﺎﻟﻢ ﻳﺠﻮﺯ ﺯﻭﺟﻬﺎ ﻭﻱ ﺍﻟﻤﺎﺗﻮ ﻣﺎﺍﻛﺪﺭ ﺍﺳﺎﻟﻪ ﻣﺴﺘﺤﻴﻞ ﻫﻮ ﺟﺎﻥ ﺻﻐﻴﺮ ﻭﻣﺨﺒﻞ ﻣﻮﻋﺎﺩ ﻛﺒﺮ ﻫﺴﻪ ﻳﻜﻮﻝ ﻣﺎﻋﺪﻱ ﻏﻴﺮﻩ ﻧﺴﺮﻳﻦ - ﻻ ﺷﻌﻠﻴﻨﺎ ﺑﻌﺪ ﻣﻴﺼﻴﺮ ﻧﺘﺪﺧﻞ ﺟﺎﻥ ﻳﺤﺠﻲ ﺑﻤﺨﺘﺼﺮ ﻭﻳﺘﻮﺳﻞ ﺑﻴﻪ ﺍﺟﻲ ﻳﻤﻪ ﻛﻢ ﻳﻮﻡ ﻭﺍﻧﻲ ﺍﻟﺪﻧﻴﺎ ﺷﺎﻏﻠﺘﻨﻲ ﻓﺮﺡ ﻣﺎﺧﺬﻩ ﻛﻞ ﻭﻛﺘﻲ ﻭﻧﻨﻪ ﻫﻢ ﻭﻣﺼﺎﻳﺐ ﺩﻋﺎﺀ ﻭﺍﻟﻠﻪ ﺭﻏﻢ ﻛﻞ ﻫﺬﺍ ﻭﺍﻃﻠﻌﻬﻢ ﻭﺯﻳﺎﺭﺍﺕ ﻭﺷﻴﺮﺩﻭﻥ ﺍﺷﺘﺮﻱ ﺍﻟﻬﻢ ﻭﻓﺠﺎﺍﻩ ----- ﻧﻨﻪ ﺗﺨﺮﺑﻄﺖ ﻭﻧﺰﻑ ﺍﻧﻔﻬﺎ ﻭﺗﺨﺒﻠﺖ ﺍﻭﻝ ﻣﺮﻩ ﺑﺤﻴﺎﺗﻬﺎ ﺗﺸﻜﻲ ﻣﻦ ﺷﻲ ﺍﺧﺬﺗﻬﺎ ﻭﺭﻛﺾ ﻟﻠﻤﺴﺘﺸﻔﻰ . ﻓﺤﺺ ﻋﺎﻡ ﻛﺎﻟﻮ ﺿﻐﻂ ﺍﺭﺗﻔﺎﻉ ﻭﻧﻄﻮﻧﻲ ﺣﺒﻮﺏ ﻭﻛﻤﺖ ﺍﻧﻄﻴﻬﺎ ﺍﻟﻬﺎ ﺑﻴﺪﻱ ﺍﻧﻲ ﻭﻓﺮﺡ ﻧﺬﻣﺮﻫﺎ ﺟﻨﺖ ﺍﺗﺎﻣﻞ ﻣﻼﻣﺤﻬﺎ ﻳﻮﻣﻴﻪ ﺳﺎﻋﺎﺕ ﺍﺷﻮﻑ ﺷﻨﻮ ﺍﻟﺘﻐﻴﻴﺮ ﺑﻴﻬﺎ ﻻﻥ ﻣﺘﺸﻜﻲ ﺍﺑﺎﻭﻉ ﺷﻴﺒﺎﺗﻬﺎ ﺷﻴﺒﻪ ﺷﻴﺒﻪ ﺷﻜﺪ ﺯﺍﺩﺕ ﻭﺍﺷﻮﻑ ﺗﺠﺎﻋﻴﺪﻫﺎ ﻭﻭﺟﻬﺎ ﺍﺻﻔﺮ ﻟﻮ ﺗﻌﺒﺎﻥ ﻟﻮ ﺍﺣﻤﺮ ﺍﻋﺼﺮ ﺑﻴﺪﻱ ﻋﺼﻴﺮ ﺍﻟﻔﺎﻛﻬﻪ ﻭﺍﻧﻄﻴﻬﺎ ﺟﺎﻧﺖ ﺗﺒﺘﺴﻢ ﺍﺩﺭﻱ ﺑﻴﻬﺎ ﺗﻄﻤﻨﻲ ﻭﺍﺳﻤﻌﻬﺎ ﺑﻠﻴﻞ ﺗﻔﺘﺮ ﺑﺎﻟﺤﺪﻳﻘﻪ . ﻧﻮﺑﺎﺕ ﺍﻃﻠﻊ ﺗﻜﻮﻟﻲ ﻣﺎﻣﺎ ﺣﺒﻴﺒﻲ ﻧﺎﻡ ﺍﻧﻲ ﻣﺎﺑﻴﻪ ﺷﻲ ﻛﺎﻋﺪ ﻳﻤﺞ ﻧﻨﻪ ﺍﻧﺖ ﺗﻀﻞ ﺗﺴﻮﻟﻒ ﺍﺭﻳﺪ ﺍﺳﺒﺢ ﻳﻮﻡ ﻫﺎ ﻫﻴﺠﻲ ﺍﻱ ﻣﻮ ﺳﻮﻟﻔﻨﺎ ﺍﻟﻌﺼﺮ ﻳﺎﺍﻣﻲ ﻳﻠﻪ ﻛﻴﻔﺞ ﺑﺴﺘﻬﺎ ﻣﻦ ﺭﺍﺳﻬﺎ ﻭﺗﺮﻛﺘﻬﺎ ﺑﺲ ﻛﺬﺏ ﻣﻨﻤﺖ ﺍﺑﺎﻭﻉ ﺿﻠﻬﺎ ﻣﻦ ﻳﺮﻭﺡ ﻭﻳﺮﺟﻊ ﺧﺎﻑ ﺗﺘﺨﺮﺑﻂ ﻣﺜﻞ ﺫﺍﻙ ﺍﻟﻴﻮﻡ ﺧﺎﻑ ﺗﻮﻛﻊ ﻭﺍﻧﻲ ﻧﺎﻳﻢ ﻟﺤﺪ ﻣﺎ ﺗﻄﺐ ﻭﺗﻘﻔﻞ ﺍﻟﺒﺎﺏ ﺛﻮﺍﻧﻲ ﻭﺍﻏﻔﻰ ﻣﺮﺕ ﻓﺘﺮﻩ ﻋﺎﻟﺤﺒﻮﺏ ﺯﻳﻨﻪ ﺑﺲ ﺻﺎﺭ ﻋﺪﻫﺎ ﻭﺟﻊ ﺑﺮﺍﺳﻬﺎ ﺍﻧﺘﺒﻬﺖ ﺗﺒﻠﻊ ﺣﺒﻮﺏ ﻭﺟﻊ ﺭﺍﺱ ﺑﺎﻟﺒﺪﺍﻳﻪ ﺟﺎﻧﺖ ﺑﻴﻦ ﻳﻮﻡ ﻭﻳﻮﻡ ﺑﻌﺪﻫﺎ ﻳﻮﻣﻴﻪ ﻭﺭﺍﻫﺎ ﻛﺎﻣﺖ ﺑﺎﻟﻴﻮﻡ ﻣﺮﺗﻴﻦ ﻭﻣﺘﻘﺒﻞ ﺗﺮﻭﺡ ﻃﺒﻴﺐ ﻋﻠﻰ ﺍﺑﻮ ﺷﻨﻮ ﻣﻴﻔﻬﻤﻮﻥ ﺯﻣﺎﻳﻞ ﻛﻤﺖ ﺍﻣﺸﻲ ﻭﺍﺳﺎﻝ ﺳﺒﻮﻉ ﻣﺮ ﻭﺍﻣﻲ ﺗﻘﺮﻳﺒﺎ ﺑﺎﻟﻴﻮﻡ ﺣﺒﺎﻳﺘﻴﻦ ﺗﺒﻠﻊ ﺑﻌﺪ ﻣﻜﺪﺭﺕ ﺍﺧﺬﺗﻬﺎ ﻃﺒﻴﺐ ﻣﺨﺘﺺ ﺟﻤﻠﻪ ﻋﺼﺒﻴﻪ ﻻﻥ ﻣﻮ ﻃﺒﻴﻌﻲ ﻭﺟﻊ ﺭﺍﺳﻬﺎ ﻣﻮﻗﻀﻴﻪ ﺿﻐﻂ ﻭﻣﻦ ﺍﺧﺬﻟﻬﺎ ﺍﻟﻜﺎﻩ ﻃﺒﻴﻌﻲ ----- ﻳﺘﺒﻊ..... | ||||
|
| |
|
27-12-19, 10:05 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس عشر النوك الحمر بقلم مريم السعدي طبيت المشفى واخذت رنين عام رغم رفضها وتداعيها انها مدتشكي من شي بس اني اردد مبتسم لا يوم حتى واحد يرتاح. ويتطمن جنت اشوف جفن عينها الذبلان. ولمعه عينها المطفيه مدري شبيه يرجف ربي كلشي ولا امي اختبرني بروحي بعافيتي ولا امي مدري ليش ممرتاح ---يومين انتضرنا تطلع التحاليل ورحت عليها وحدي استلمها والطريق كله اردد ربي مسني الضر وانت ارحم الراحمين. وصلت وطبيت المستشفى وصلت الاستقبال سالت عن تحاليلها اخاف انطي اسمها دور دور الولد ونطاني فايلها اباوع بوجهه وهسه شنو شنو بيها روح لطبيبها مادري اني فقط تسليم ها اوك رحت لغرفه الطبيب شفت سره عبالك كيفت كعدت عبالك ماريد اعرف النتيجه خلص السره ووصل اسمي واني سارح بتفكيري من فطنت عليها اتذمر اول ذكرى اول صوره خزنتها مخيلتي وصاح السكرتير اسمي نعم -- دخلت ونطيت الطبيب الاوراق فتح الفايل واني واكف هز راسه وتنهد كال تفضل استريح ليش واكف امم كعدت واهز برجلي روحي لابت على جكاره كال والدتك مو اي اي انتو فاحصين قبل لالا هاي هاي اول مره احجي مرتبك كانما متاكد اكو شي كال للاسف اكو ورم بنهايه دماغها غطيت وجهي بيدي مثل الطفل لفيت ايدي على راسي ونمت عالميز ابجي صافن على روحي بحياتي مبجيت. الدمتور سكت همس لاحول ولا قوه الا بالله ابني قوي روحك عدها غيرك. اولاد لالا حجيت فشلان رفعت راسي وامسح بوجهي وارجع اشهك كال ابني مشوارنا صعب ووالدتك مجبيره واحتمال يكون الورد حميد بس بالحالتين لازم ينشال والحمد لله العلم تطور هزيت راسي دكتور فدوه شكد نسبه نجاح عمليتها ابني مااكدر احدد بعد بس تحاليل اريد احسن مشفى امكانيتك للسما لو تطلب عيوني يحفضها ربي الك نصيحتي اخذها للبنان مو اشكك بكادري ولا بمكان عملي بس امكانياتهم افضل هزيت راسي انصحني بدكتور هناك ومن باجر ابلش بالفيزه كلما كان اوكت كلما افضل واني انطيك اسم مشفى هناك وبروفيسور فعلا كفوء بس اسعاره-- معليه بالاسعار بس تكوم بسلامه الله يحفضها الك مرلي العصر العياده وره انتهاء دوامي بالمشفى اوك طلعت طاير لشغلي اخذت اجازه بدون راتب ورجعت للبيت سويت حساباتي اباوع كل العدي مليون بس شسوي ربي دبرني حبست روحي بالغرفه خابرت ولد ويايه بالشغل جان مخلي عينه عالسياره كالي من تبيعها اني شراي وفعلا بعتها مثل ميريد مناقشته ورجعت للبيت وفلوسها بجيبي جانت امي طول الوكت نايمه ونضرات فرح الي باستفهام خلتني انهزم منها صعدت ورحعت سويت حساباتي واتصلت بالدكتور كال احسب حسابك 7000 دولار كمت اشوفها تراب كدام عافيتها ووجودها ماعدي شي غيره البيت ابيع نصه ماعدي غيره احجي وي روحي وافكر مسطور طبت فرح همست بابا حبيبي مااكلت ماريد حبيبتي اكلي انتي زين عدي امتحان فيزيا تدرسني مااكدر بابا وغطيت وجهي بيدي كالت بابا شبيك ماكو شي زين عمو وين اخذ سيارتنا همست بعتها باباتي ليش لعد شون توديني وتجيبني للمدرسه عود اخليلج خط بابا شبيك كعدت يم رحلي جنت ممددها وراسي عالتاج مغمض والمناضر بعيني داسوي الحساب بابا انت مو تكولي صارحيني لتضمين عليه شي شبيك مابيه شي حبيبتي نزلي شوفي بيبيتج كعدت حتى بيبي بس نايمه بالغرفه لا املت لا شربت فزيت من مكاني خفت من كالت مطلعت زين مطبيتي عليهاالبس بشحاطتي واحجي بسرعه لا طبيت كالت بيبي اريد انام ركضت جوه فتحت الباب تمنيتها نثل قبل بس افتح الباب لو شكد ما على كيف تفز تصيح ياسين ماما جيت بس جانت نومتها ثكيله ولافه العصبه ربي اخذ عافيتي ولبسها الها يوم يوم همم كومي يضي عيني نتغده ماريد مانا روح تغده انت ماشتهي الاوياج يمه والله ماريد بس جيبيلي مي صار تنهدت جبتلها مي شربت ورحعت نامت بقيت صافن حشكت راسي بيها ونمت ٣٠ سنه عمرها هالنومه خوف والم لا افقدها بحياتي كلها معايشها والله وي بنتي معشته ربي شدعي وهي كل مغزه دعوتي ربي بجاه حبيبك ردلها العافيه. يومين ورحت لنفس المهندس السوه الخارطه لان عده مكتب دلاليه اخوه وعرضت البيت للبيع وبدو الناس يجون يشوفو. طبعا نصه مو كله ودعاء حست اكو شي من طلعو العالم جتي كالت شنو دتبيع البيت لو اني متوهمه ذبيت نضارتي وجريت نفس اي داابيعه ليش هيج ووين تعيشنه كلنا ب١٠٠ متر ميعجبج روحي بقصر اختج تنهدت ودرت وجهي محتاج فلوس هزيت راسي اريد احجي وجانت لغه الحوار وياها هادئه اريد اشكيلها ولو مامنها رجه اريد اكولها فزيت الدائره يداينوني محد عده الدنيا غبره كلها تركض عاللكمه وميته جوع حتى القرض كالولي ست شهور يله يطلع واني يوم واحد اشتري بذهب مو فلوس كالت وكعدت يمي ياسين شبيك مشايفتك بهيج حاله ابد اختصرت الحاله كلها باوعت بعينها امي مريضه ويحتاجلها عمليه فكت حلكها صافنه كالت سرطان بجيت وغطيت وجهي حضنتني بقوه رغم ماعدي اي علاقه بيها بس من الغريب احتاحيت هالحضنه من اي احد همست لتخاف انشاء الله ماكو شي داموت قبلها اني لا اسم الله الله يخليك لبنتك لتكول هيج اختبارهذا بقيت صافن عليها هم بيها حانب حلو يجوز اني مشايفه بيها معقوله ضلمتها بقيت اباوع بعينها كالت لتبيعه لعد منيلي روح لخالتي يداينك ابنها بقيت صافن هزيت راسي بالرفض نفس الشي ياسين راتبك تستلمه ويقسطه الدين عليه تنهدت همست مادري تريد اخابر واشوف شيكول هزيت راسي خابري هسه ومت ماعدي عكبه طالع لبنان شو لبنان سكتت وطلعت من الغرفه للعصر جتي امها وخالتها وابن خالتها عرفت محاجيتهم طبيت سلمت وابن خالتها قواني وخطيه خالتي امها بقت تبجي وتكولي يمه لتايس تطيب وترحع تزين بيتك الله كريم خاله ادعيلها فدوه كالت ليل نهار ادعي الله يفك كربتك ماكدر ماكدرشششش سدي الموضوع ماعدي احسن من هالمكان صدك تحجي بابا شبيها مستشفياتنا ابن خالتها كال يابه شتومر حاضر ولتشيل هم جاوبته تسلم. بلحضه نسيت كل الصار عازتي اذتني ونسيت السواه كال اني انطيك شكد متريد وشوكت متريد رجعه هزيت راسي عالراتب بس خل ارحع اقدم على قرض اجلان كالو ست شهور عمي التنطي فائده بالقرض انطي الي ونسد السالفه خوش حجي هاهي رحنا بيومها لمحامي خاص بي ووقعني على اوراق واخذت منه ميه مليون بضمانه البيت الكاعد بي لان باسمي حولته امي كله حتى عماني بوكتها تنازلو وعمي اللي بالخارج دز توكيل باسمي عالبيت لان بيت جدي ابو ابويه فياكلون بس همه تنازلو النا اني وننه وننه خلته باسمي يومين واخذتها وطلعت جانت مستغربه هالسفره ورافضه الا كتلها حجزت يله سكتت مستغربه هدوء دعاء وفرح اللي ماتت بجي بقيت خالتي عدهم وطلعت للبنان ننه اللي بس تحجي وتصنف صارت هادئه وبس نايمه -------- يتبع...... | ||||
|
| |
|
27-12-19, 10:07 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع عشر النوك الحمر بقلم مريم السعدي ﺟﺎﻧﺖ ﻫﺎﺩﺋﻪ ﻭﺑﺲ ﺗﺘﺼﻔﻦ ﻭﺗﺒﺎﻭﻋﻠﻲ ﻋﺒﺎﻟﻚ ﺣﺎﺳﻪ ﺭﻏﻢ ﺿﻤﻴﺖ ﺍﻟﻤﻲ ﺑﻜﻠﺒﻲ ﻭﺗﻀﺎﻫﺮﺕ ﺑﺎﻟﺮﺍﺣﻪ ﻭﺍﻧﻪ ﺍﻧﻲ ﺟﺎﻱ ﺍﺗﻮﻧﺲ ﺑﺲ ﺑﻌﺪ ﺍﻟﺮﻧﻴﻦ ﻣﻦ ﻃﻠﻌﺖ ﻛﺎﻟﺖ ﻳﻤﻪ ﺧﻨﻜﻨﻲ ﻫﺎﻟﺤﻬﺎﺯ ﻛﺘﻠﻚ ﻭﺟﻊ ﺭﺍﺳﻲ ﺭﺍﺡ ﻟﻴﺶ ﺗﻠﺢ ﺍﺑﺘﺴﻤﺖ ﺣﻀﻨﺘﻬﺎ ﻳﺎﻋﻤﺮﻱ ﺍﻧﺘﻲ ﺣﺘﻰ ﺍﺭﺗﺎﺡ ﻳﻮﻡ ﺍﻟﺤﻤﺪ ﻟﻠﻪ ﻃﻠﻊ ﻣﺎﻛﻮ ﺷﻲ ﻳﻌﻨﻲ ﺑﻌﺪ ﻣﺎﻓﻮﺕ ﺑﻲ ﺟﻨﻪ ﻛﺒﺮ ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﻳﻮﻡ . ﻻ ﺑﻌﺪ ﺍﺫﺍ ﺭﺍﺩﻭ ﻳﻔﻮﺗﻮﺝ ﺑﻲ ﺍﻛﻮﻟﻬﻢ ﻳﺨﺪﺭﻭﺝ ﻫﺎ ﺷﻜﻠﺘﻲ ﻫﺴﻪ ﺷﻜﻮ ﻣﻮ ﺳﻮﻳﺖ ﻫﻬﻪ ﻳﺎﺑﻌﺪ ﺭﻭﺣﻲ ﺍﻧﺘﻲ ﺍﻣﻲ ﻏﻴﺮ ﺍﺷﻮﻑ ﺷﻜﻮ ﻫﻨﺎ ﺣﺘﻰ ﺍﻓﻜﺎﺭﺝ ﺍﻗﺮﺍﻫﺎ ﻋﺒﺎﻟﺞ ﺧﺎﻑ ﻣﺨﻠﻴﻪ ﻭﺍﺣﺪ ﺟﻮﻩ ﺑﺎﻃﺞ ﺩﺍﺷﻮﻓﻪ ﻣﻦ ﻫﺬﺍ ﺍﻻﻋﻤﻰ ﺍﻟﻌﻴﻦ ﻟﺘﺨﺎﻑ ﻏﻴﺮﻙ ﻣﺎﻋﺪﻱ ﺭﻭﺣﻲ ﻣﻦ ﺍﻟﺪﻧﻴﺎ ﺍﻧﺖ ﻫﻬﻬﻪ ﺭﺣﺖ ﻓﺪﻭﻩ ﻟﻜﻠﺒﺞ ﻳﻮﻡ ﺭﺟﻌﻨﺎ ﻟﻠﻔﻨﺪﻕ ﻭﻧﺎﻣﺖ ﻭﺭﺩﻳﺖ ﺭﺟﻌﺖ ﻟﻠﻤﺴﺘﺸﻔﻰ ﺍﺧﺬﺕ ﺍﻻﺟﺮﺍﺀﺍﺕ ﻭﺍﻟﺪﻛﺘﻮﺭ ﻛﺎﻝ ﺑﺎﺳﺮﻉ ﻭﻛﺖ ﻻﺯﻡ ﺍﻟﻌﻤﻠﻴﻪ . ﺣﺪﺩ ﺍﻟﻤﻮﻋﺪ ﺑﻌﺪ ﻳﻮﻣﻴﻦ ﺑﻴﻮﻣﻬﺎ ﺍﺧﺬﺗﻬﺎ ﻭﺭﺣﺖ ﻋﺎﻟﺒﺤﺮ ﻏﻴﺮﻧﺎ ﺣﻮ ﺍﺣﺴﻬﺎ ﻃﺎﺑﺖ ﻣﻦ ﻛﻞ ﺍﻟﻢ . ﺍﺭﺗﺠﺖ ﻋﻠﻰ ﺟﺘﻔﻲ ﺗﺒﺘﺴﻢ ﻛﺎﻟﺖ ﻣﻜﺎﻥ ﻓﺮﺡ ﺧﺎﻟﻲ ﻻﺍﺍ ﻫﺎﻟﻄﻠﻌﻪ ﻟﺤﺒﻴﺒﻪ ﺭﻭﺣﻲ ﻟﻚ ﺍﻧﺖ ﻓﺪ ﺣﻴﺎﺍﻝ ﺍﻱ ﻳﻮﻡ ﺷﻨﻮ ﻏﻴﺮ ﺍﻧﺘﻲ ﺣﺒﻴﺒﺘﻲ ﺍﻟﻠﻪ ﻻﻳﺤﺮﻣﻨﻲ ﻣﻦ ﻫﺎﻟﻜﻠﻤﻪ ﺭﺑﻲ ﻫﻠﻜﺪ ﻳﺤﺒﻨﻲ ﻭﻃﺎﻧﻲ ﻫﻴﺞ ﻫﺪﻳﻪ ﺑﻘﻴﺖ ﺍﺑﺎﻭﻉ ﺑﻌﻴﻨﻬﺎ ﻳﻤﻪ ﻟﻮ ﻣﺎﺍﻧﺘﻲ ﻭﻋﻤﻲ ﻋﻠﻲ ﺍﻧﻲ ﻣﺎﺍﻋﺮﻑ ﺭﺍﺳﻲ ﻣﻦ ﺭﺟﻠﻲ ﺍﻟﻠﻪ ﻳﻌﻠﻢ ﺟﺎﻥ ﻫﺴﻪ ﺍﻛﺪﻱ ﺑﺎﻟﺸﺎﺭﻉ ﻟﺘﻜﻮﻝ ﻫﻴﺞ ﺗﻮﺟﻊ ﻛﻠﺒﻲ ﺍﺳﻢ ﺍﻟﻠﻪ ﻋﻠﻰ ﻛﻠﺒﺞ ﻳﻮﻡ ﺍﺳﻢ ﺍﻟﻠﻪ ﻋﻠﻴﺞ ﺣﻀﻨﺘﻬﺎ ﻭﺑﻘﻴﺖ ﺍﺑﺎﻭﻉ ﻋﺎﻟﺒﺤﺮ ﺧﺎﻳﻒ ﻣﻦ ﺑﺎﺟﺮ ﺣﻴﻞ . ﻛﺎﻟﺖ ﻳﺎﺳﻴﻦ ﻫﺎ ﺍﻣﻲ ﻳﺎﺳﻴﻦ ﻣﺎﻣﺎ ﻫﻢ . ﻧﻮﺑﺎﺕ ﺗﻜﻮﻝ ﻣﻦ ﻭﺭﻩ ﺍﻣﻲ ﻫﺎﻱ ﺣﻴﺎﺗﻲ ﻫﻴﺞ ﻫﻪ ﻟﻴﺶ ﻳﻤﻪ ﺷﺒﻴﻬﺎ ﺣﻴﺎﺗﻲ ﻳﻌﻨﻲ ﺯﻭﺟﺘﻚ ﻭﻫﺠﺮﺍﻧﻚ ﺍﻟﻬﺎ ﺍﻧﻲ ﻛﻠﺖ ﻣﺎﺍﺗﺪﺧﻞ ﺑﻌﺪ ﺑﻴﻨﺎﺗﻬﻢ ﻭﻣﺎﺍﺿﻐﻂ ﻋﻠﻴﻪ . ﺑﺲ ﺩﺍﺷﻮﻑ ﺩﺗﺘﺎﺫﻩ ﻭﺗﺎﺫﻳﻬﺎ ﻭﻳﺎﻙ . ﺍﻧﻲ ﻣﻦ ﻭﺭﺍﻳﻪ ﻻ ﺍﻣﻲ ﻫﺎﻱ ﻗﺴﻤﺘﻲ ﺷﻤﺪﺭﻳﺞ ﻫﻲ ﻫﻴﺞ ﻭﺍﻧﻲ ﺑﻌﺪ ﺟﺰﺕ ﺭﻭﺣﻲ ﻣﻦ ﻋﺪﻫﺎ ﺍﺧﺎﻑ ﺍﻛﻮﻟﻚ ﻃﻴﻬﺎ ﻓﺮﺻﻪ ﻳﻤﻪ ﺍﻧﻲ ﻋﺎﻳﺶ ﻟﻔﺮﺡ ﺑﻌﺪ ﺣﻴﺎﺗﻲ ﻛﻠﻬﺎ ﺍﻟﻬﺎ ﺍﻟﻠﻪ ﻳﺨﻠﻴﻚ ﺍﻟﻬﺎ ﻣﺎﻣﺎ . ﻟﺘﺸﻴﻠﻴﻦ ﻫﻤﻲ ﺯﻳﻦ ﺍﺣﻨﺎ ﻟﻴﺶ ﺟﻴﻨﺎ ﻟﺒﻨﺎﻥ ﻛﺘﻠﻲ ﺍﻳﻔﺎﺩ ﻭﺷﻮ ﺣﺘﻰ ﻣﺸﻔﺘﻚ ﺭﺣﺖ ﻟﻠﺸﻐﻞ ﺑﺎﺟﺮ ﺍﺧﻠﺺ ﻓﺤﺼﺞ ﻭﺍﺭﻭﺡ ﻟﺘﺨﺎﻓﻴﻦ ﻫﺴﻪ ﻟﻴﺶ ﺩﺗﺠﻨﻔﺤﺺ ﺑﻌﺪ ﻣﻮ ﻛﻠﻚ ﻣﺎﺑﻴﻪ ﺷﻲ ﻳﻤﻪ ﻧﺘﺎﻛﺪ ﻟﻴﺶ ﺗﻠﺤﻴﻦ ﺗﺎﺫﻳﻨﻲ ﺍﻭﻭﻭ ﻛﻴﻔﻚ ﺑﺎﻉ ﺍﻟﺮﻭﺝ ﺷﻮﻥ ﻳﺼﻌﺪ ﻫﺎﻱ ﻟﻮ ﻓﺮﻭﺣﻪ ﻫﻨﺎ ﺟﺎﻥ ﺗﺸﻠﻬﺖ ﻭﺳﺒﺤﺖ . ﺧﻞ ﺍﻃﻚ ﺻﻮﺭﻩ ﻭﺍﺩﺯﻟﻬﺎ ﺟﺎﻥ ﺑﻮﻛﺘﻬﺎ ﻧﺎﺯﻝ ﺍﻟﻔﺎﻳﺒﺮ ﻭﺍﻟﻔﻴﺲ ﻭﻫﺎﻟﺴﻮﺍﻟﻒ ﺍﻧﻲ ﻣﺎﺧﺬ ﻟﻔﺮﺡ ﺗﻠﻔﻮﻥ ﻭﻻﻣﻬﺎ ﻫﻢ ﻭﺍﺗﺮﺍﺳﻞ ﻭﻳﺎﻫﺎ ﺩﻭﻡ ﺩﺯﻳﺖ ﺻﻮﺭﺗﻨﺎ ﺍﻧﻲ ﻭﻧﻨﻪ ﻟﻔﺮﻭﺣﻪ ﻛﺎﻟﺖ ﺍﻟﻠﻪ ﺑﺎﺑﺎ ﻳﺨﺒﻞ ﺣﺘﻰ ﺑﻴﺒﻲ ﻋﺒﺎﻟﻚ ﻭﺟﻬﻪ ﺍﺣﺴﻦ ﺩﻳﺮ ﺑﺎﻟﻚ ﻋﻠﻴﻬﺎ ﻣﺎﺷﻲ ﻳﺎﺑﻪ ﺩﺗﺪﺭﺳﻴﻦ ﺑﺎﺑﺎ ﺍﺧﺬﺕ ٤٠ ﺑﺎﻟﻔﻴﺰﻳﺎ ﺍﻭﻭﻭﻭﻳﻠﻪ ﻣﻦ ﺍﺟﻲ ﺍﺩﺭﺳﺞ ﻟﺘﻨﻘﻬﺮﻳﻦ ﺍﺣﻔﻀﻲ ﻭﻟﻮ ﺑﺲ ﺍﻟﺪﺭﺧﻴﺎﺕ ﺍﻱ ﺩﺍﺍﺣﻔﻆ ﺑﺲ ﺩﺍﺍﺷﺘﺎﻗﻠﻜﻢ ﺑﻴﺒﻲ ﺷﻮﻧﻬﺎ ﺍﻣﺞ ﺷﻮﻧﻬﺎ ﺯﻳﻨﻴﻦ ﻭﺑﻴﺒﻲ ﺧﻄﻴﻪ ﻛﻠﺒﻬﺎ ﺑﻠﻴﻞ ﻳﻮﺟﻌﻬﺎ ﻣﺪﺭﻱ ﺷﺒﻴﻬﺎ ﺷﺒﻴﻬﺎ ﻳﺎﺳﺘﺎﺭ ﻣﺎﺩﺭﻱ ﺑﺎﺑﺎ ﻋﻤﻮ ﻋﺮﻓﺎﻥ ﺍﺟﻪ ﺍﺧﺬﻫﺎ ﻟﻠﻄﺒﻴﺐ ﻭﺟﺎﺏ ﻛﻮﻣﻪ ﺩﻭﺍﻳﺎﺕ ﻳﻮﻭ ﻳﻠﻪ ﻣﻦ ﺍﺟﻲ ﺍﺗﻔﺮﻏﻠﻬﺎ ﻫﻢ ﺗﻌﺒﺎﻧﻪ ﺧﻄﻴﻪ ﺍﻱ ﺑﺎﺑﺎ ﺑﺲ ﻟﺘﺘﺎﺧﺮ ﻻﻥ ﺍﻟﻴﻮﻡ ﺑﺪﻭﻧﻜﻢ ﻣﻴﻤﺸﻲ ﻣﻴﺨﺎﻟﻒ ﺣﺒﻴﺒﺘﻲ ﺑﺲ ﺻﻼﺗﺞ ﻟﺘﻜﻄﻌﻴﻬﺎ ﻭﺍﺩﻋﻴﻠﻬﺎ ﻟﺒﻴﺒﻲ ﻫﺎﻱ ﺗﺴﻠﻢ ﻋﻠﻴﺞ ﺍﻟﻠﻪ ﻳﺴﻠﻤﻬﺎ ﻳﺎﺭﺑﻲ ﺑﻮﺳﻠﻴﺎﻫﺎ ﻭﺻﻞ ﺣﺒﻴﺒﺘﻲ ﺑﻴﻮﻣﻬﺎ ﺍﻟﻠﻴﻞ ﻛﻠﻪ ﻣﻜﺪﺭﺕ ﺍﻧﺎﻣﻪ ﺩﺧﻨﺖ ﻳﻤﻜﻦ ﺑﺎﻛﻴﺘﻴﻦ ﻭﺍﺭﻭﺡ ﻭﺍﺟﻲ ﺍﺑﺎﻭﻉ ﺑﻮﺟﻪ ﺍﻣﻲ ﺍﺧﺎﻑ ﻫﺎﻱ ﺍﺧﺮ ﻟﻴﻠﻪ ﺍﺧﺎﻑ ﻳﺼﻴﺮ ﺷﻲ ﻭﺍﻧﺪﻡ ﻻﻥ ﺳﻮﻳﺘﻠﻬﺎ ﺍﻟﻌﻤﻠﻴﻪ ﻭﺟﺒﺘﻬﺎ ﻟﻬﻨﺎ ﻭﺍﺭﺟﻊ ﻭﺍﻛﻮﻝ ﻻ ﻏﻠﻄﺎﻥ ﺍﻧﻲ ﻫﺴﻪ ﺗﻄﻴﺐ ﻭﺗﺮﺟﻊ ﺍﻟﺪﻛﺘﻮﺭ ﻛﺎﻝ ﺑﻌﺪﻫﺎ ﺻﻐﻴﺮﻩ ﻭﺗﻮﻩ ﺑﺎﺩﻱ ﺛﺎﻧﻲ ﻳﻮﻡ ﺭﺣﻨﺎ ﻭﻓﺎﺗﺖ ﻟﻐﺮﻓﻪ ﺍﻟﻌﻤﻠﻴﺎﺕ ﻋﻠﻰ ﺍﻧﻪ ﺩﻳﺠﺮﻭﻟﻬﺎ ﻓﺤﺺ ﻣﻦ ﺍﺧﺬﻭﻫﺎ ﻣﻦ ﺍﻳﺪﻱ ﻭﻫﺪﺕ ﺍﻳﺪﻱ ﺍﻳﺪﻫﺎ ﺣﺴﻴﺖ ﺭﻭﺣﻲ ﺗﻄﻠﻊ ﺣﺘﻰ ﻛﻌﺪﻩ ﻣﻜﺪﺭﺕ ﺍﻛﻌﺪ ﺳﺎﻋﻪ ﺳﺎﻋﺘﻴﻦ ﺛﻼﺙ ﺳﺎﻋﺎﺕ ﻭﻧﺺ ﺣﺪ ﻣﺎ ﻛﻠﺖ ﻫﺎﻫﻲ ﺭﺍﺣﺖ ﻣﻦ ﺍﻳﺪﻱ ﺟﻴﺖ ﺍﺑﺠﻲ ﻭﻃﻠﻌﺖ ﺍﻟﻤﻤﺮﺿﻪ ﺍﺧﺎﻑ ﺍﺳﺎﻟﻬﺎ ﻛﺎﻟﺖ ﺍﻧﺖ ﻳﺎﺳﻴﻦ ﺍﻱ ﻧﻌﻢ ﺍﺣﻢ ﺍﻱ ﺍﻧﻲ ﻭﻛﻔﺖ ﺗﻘﺮﺑﺖ ﺧﻄﻮﻩ ﻛﺎﻟﺖ ﺍﺑﻨﺎ ﻟﻠﺴﺖ ﻧﺴﺮﻳﻦ ﺍﻱ ﺟﺮﻳﺖ ﻧﻔﺲ ﻳﺎ ﺧﻨﻜﻪ ﺍﻟﻠﻲ ﺑﺼﺪﺭﻱ ﻛﺎﻟﺖ ﺍﻟﺤﻤﺪ ﻟﻠﻪ ﻋﺴﻼﻣﺘﺎ ﺍﻣﻚ . ﻋﻤﻠﻴﺘﺎ ﻧﺠﺤﺖ ﻭﻫﻼ ﺍﻟﺪﻛﺘﻮﺭ ﺭﺍﺡ ﻳﻄﻠﻊ ﺑﺲ ﺣﺒﻴﺖ ﺍﻃﻤﻨﻚ ﺍﻧﻮ ﻣﺎﻓﻲ ﺷﻲ ﻳﺨﻮﻑ ﺗﺤﺠﻲ ﻭﺗﺠﺮ ﺑﺤﻠﻜﻬﺎ ﺑﺲ ﻭﺍﻟﻠﻪ ﺑﺮﺩﺕ ﻛﻠﺒﻲ ﺟﺎﻭﺑﺖ ﺑﺸﺮﺝ ﺍﻟﻠﻪ ﺑﺎﻟﺨﻴﺮ ﻃﻠﻌﻮﻫﺎ ﻻﻣﻲ ﺑﺎﻟﺴﺪﻳﻪ ﻟﻼﻧﻌﺎﺵ ﻭﺍﻟﺪﻛﺘﻮﺭ ﻃﻠﻊ ﺍﺑﺘﺴﻢ ﻛﺎﻝ ﺍﻟﻌﻤﻠﻴﻪ ﺗﻤﺖ ﺑﺎﺣﺴﻦ ﻣﺎﻛﻨﺎ ﻣﺘﺨﻴﻠﻴﻦ ﻭﺍﻟﻔﻀﻞ ﻟﻠﻪ ﺑﺠﻴﺖ ﻭﺑﻘﻴﺖ ﺳﺎﻛﺖ ﻭﺍﻣﺸﻲ ﻭﺭﻩ ﺍﻟﺴﺪﻳﻪ ﺩﺧﻠﻮﻫﺎ ﺍﻧﻌﺎﺵ ﻟﻠﻌﺼﺮ ﻃﻠﻌﻮﻫﺎ ﻭﺍﻧﻲ ﺻﺎﻓﻦ ﻋﺎﻟﻐﺮﻓﻪ ﻣﻦ ﺍﻟﺠﺎﻡ ﺍﺑﺎﻭﻉ ﻧﺎﻳﻤﻪ ﺑﺮﺍﺣﻪ ﻭﻣﻠﻔﻮﻑ ﺭﺍﺳﻬﺎ . ﺷﺤﺘﺴﻮﻱ ﻣﻦ ﺗﺸﻮﻑ ﺷﻌﺮﻫﺎ ﻣﺰﻳﻦ ﺷﺤﻴﺼﻴﺮ ﺑﻴﻬﺎ ﻣﻦ ﺗﻌﺮﻑ ﻛﺬﺑﺖ ﻋﻠﻴﻬﺎ ﺍﻟﻤﻬﻢ ﻛﺎﻣﺖ ﺑﺴﻼﻣﻪ ﺗﻮﺟﻬﺖ ﻟﻠﻌﻴﺎﺩﻩ ﻟﻠﻄﺒﻴﺐ ﺍﻟﻤﺨﺘﺺ ﺑﻴﻬﺎ ﻭﻛﺎﻝ ﺷﻠﻨﺎ ﺍﻟﻮﺭﻡ ﻭﺣﻠﻠﻨﺎﻩ ﻭﻛﺎﻥ ﺧﺒﻴﺚ ﻟﻼﺳﻒ ﺭﺍﺡ ﻧﺠﺮﻱ ﺍﻻﺷﻌﺎﻉ ﺑﺲ ﺑﻨﺴﺐ ﻗﻠﻴﻠﻪ ﺩﻛﺘﻮﺭ ﺍﻟﻮﺍﻟﺪﻩ ﻣﺘﺪﺭﻱ ﺑﻤﺮﺿﻬﺎ ﻃﻴﺐ ﻻﺯﻡ ﺗﻌﺮﻑ ﻧﺼﻴﺖ ﺭﺍﺳﻲ ﻣﺴﻄﻮﺭ ﻛﺎﻝ ﺭﺍﺡ ﻧﺒﺴﻄﻬﺎ ﺍﻟﻬﺎ ﻭﺻﺪﻛﻨﻲ ﺭﺍﺡ ﺗﻌﺬﺭﻙ ﺍﻟﻠﻪ ﻳﺴﻤﻊ ﻣﻨﻚ ﻭﺗﻬﻮﻥ ﺍﻧﺤﺼﺮﺕ ﺑﺰﺍﻭﻳﻪ ﻭﺻﺎﺭ ﻭﻛﺖ ﺍﻣﻲ ﺗﻌﺮﻑ ﻛﻠﺸﻲ ﻣﺜﻞ ﻗﺒﻞ ﺻﺤﺖ ﻭﺭﻩ ﺳﺎﻋﻪ ﻭﺷﺎﻓﺘﻨﻲ ﻛﺎﻟﺖ ﺍﻧﻲ ﻭﻳﻦ ﺟﻨﺖ ﻧﻨﻪ ﻋﻤﻠﻴﺘﺞ ﻧﺠﺤﺖ ﺍﺑﺘﺴﻤﺖ ﻭﻋﻴﻮﻧﻲ ﻏﺮﻛﺖ ﺩﻣﻊ . ﺑﻘﺖ ﺗﻔﺘﺢ ﻭﺗﻐﻤﺾ ﺑﻌﻴﻨﻬﺎ ﺑﻬﺪﻭﺀ ﻛﺎﻟﺖ ﻳﺎﻋﻤﻠﻴﻪ ﺑﺮﺍﺳﻲ ﺍﻱ ﻳﻮﻡ ﺍﻟﺤﻤﺪ ﻟﻠﻪ ﺧﻠﺼﺘﻲ بيج قصص عراقيه حقيقيه من واقعنا.روعه الطائي ﻳﺎﺳﻴﻦ ﺍﻣﻲ ﻣﺎﺗﺖ ﺑﻬﺎﻟﻤﺮﺽ ﺑﻬﺎﻟﻌﻤﺮ ﺍﺷﺸﺸﺸﺶ ﻧﻨﻪ ﺍﻟﻌﻠﻢ ﺗﻄﻮﺭ ﻣﺎﻣﺎ ﻟﺘﺘﻌﺐ ﻧﻔﺴﻚ ﻳﻮﻭﻭﻡ ﺑﺴﺲ ﺧﻠﺼﺖ ﻫﺎﻫﻲ ﺍﻟﻌﻤﻠﻴﻪ ﻧﺠﺤﺖ ﻏﻤﻀﺖ ﻗﻮﻱ ﻛﺎﻟﺖ ﺭﺍﺳﻲ ﻳﺎﺫﻳﻨﻲ ﻫﺴﻪ ﻳﻔﻚ ﺧﻞ ﺍﺻﻴﺢ ﺍﻟﻤﻤﺮﺿﻪ ﺻﺤﺘﻬﺎ ﻃﻜﺘﻬﺎ ﻣﺴﻜﻦ ﻭﺳﻜﻨﺖ ﻭﺑﻠﺸﻨﺎ ﻣﻦ ﺛﺎﻟﺚ ﻳﻮﻡ ﺍﺷﻌﺎﻉ ﻣﺨﻔﻒ ﻓﻲ ﺣﺎﻟﻪ ﺍﺫﺍ ﺑﻘﻪ ﺍﺛﺮ ﺍﻱ ﺧﻠﻴﻪ ﻳﻘﺘﻠﻬﺎ ﺑﺎﺫﻥ ﺍﻟﻠﻪ ﺟﺎﻧﺖ ﻣﺘﻌﺎﻭﻧﻪ ﺭﺩﺗﻠﻬﺎ ﺍﻟﻀﺤﻜﻪ ﻭﺍﻻﻟﻢ ﺭﺍﺡ ﺍﺧﺘﻔﻰ ﻟﻠﻪ ﺍﻟﺤﻤﺪ ﻭﻛﻤﻨﺎ ﻧﻄﻠﻊ ﺍﻟﺒﺴﻬﺎ ﺯﻳﻦ ﻭﺍﺧﺬﻫﺎ ﺑﺎﻟﻌﺮﺑﺎﻧﻪ ﺭﻏﻢ ﺗﻜﺪﺭ ﺗﻤﺸﻲ ﺑﺲ ﺍﺧﺎﻑ ﺗﻨﺘﻜﺲ ﻧﻄﻠﻊ ﻧﻔﺘﺮ ﻭﻫﻲ ﺗﻜﻴﻒ ﻭﺗﺒﻘﻰ ﺗﺴﻮﻟﻒ ﻳﺲ ﺗﺘﺬﻛﺮ ﻣﻦ ﻋﻤﻚ ﻋﻠﻲ ﻛﺎﻝ ﺍﺗﻤﻨﻰ ﺍﺯﻭﺭ ﻟﺒﻨﺎﻥ ﺍﻳﻴﻲ ﺍﻟﻠﻪ ﻳﺮﺣﻤﻪ ﺳﺒﺤﺎﻥ ﺍﻟﻠﻪ ﻳﻠﻪ ﻭﺭﺩﺗﻪ ﺩﺗﺰﻭﺭﻫﺎ ﺑﻤﻜﺎﻧﻪ ﺍﻳﻲ . ﺍﻟﻒ ﺭﺣﻤﻪ ﻋﻠﻰ ﺭﻭﺣﻪ ﺑﻌﺪ ﻟﺘﻀﻢ ﻋﻠﻴﻪ ﺷﻲ ﺍﺑﺪ ﻫﺎﻫﻲ ﺑﺎﻭﻋﺖ ﺑﻌﻴﻨﻬﺎ ﻣﺒﺘﺴﻢ ﺍﻟﺘﻔﺘﺖ ﻋﻴﻮﻧﻬﺎ ﺑﺎﻭﻋﺖ ﻟﻤﻜﺎﻥ ﻧﻀﺮﻫﺎ ﻭﺣﺪﻩ ﻻﺑﺴﻪ ﺑﻨﻄﺮﻭﻥ ﻣﺸﻜﻚ ﻭﻃﺎﻟﻌﻪ ﺻﺮﺗﻬﺎ ﺑﺎﻭﻋﺖ ﻭﻓﺮﺕ ﺑﺎﻳﺪﻫﺎ ﻫﺎ ﺗﻐﺎﺭﻳﻦ ﺍﺷﺘﺮﻳﻠﺞ ﻣﻨﻪ ﺩﺭﻭﺡ ﺭﻭﺡ ﻭﻳﻨﻬﺎ ﻋﻨﺞ ﺍﻡ ﻋﻮﻑ ﺟﺎﻥ ﻋﻠﺞ ﻋﻠﺠﺘﺞ ﻫﻬﻬﻬﻬﻬﻪ ﺷﺬﻛﺮﺝ ﺑﻴﻬﺎ ﻳﺎﻳﻤﻪ ﻟﻚ ﻳﻤﻪ ﻓﺪ ﻣﺮﻩ ﻣﺮﺕ ﺻﺎﺣﺐ ﺷﻮﻳﻪ ﺩﺷﺪﺍﺷﺘﻬﺎ ﺑﻴﻬﺎ ﻛﺼﻒ ﻭﻧﺰﻟﺖ ﺑﻴﻬﺎ ﺍﻟﺒﻴﺖ ﻛﻠﻪ ﻧﺴﻮﺍﻥ ﺑﻠﻴﻞ ﺑﻠﻴﻞ ﻳﺠﻮﻥ ﺍﻟﺮ ﻳﺎﺣﻴﻞ ﻫﺎﻱ ﺷﺎﻓﺘﻬﺎ ﻫﻴﺞ ﻭﺍﻧﺰﻟﻲ ﻋﻠﻴﻪ ﺍﻳﻴﻲ ﺑﻴﺎﻧﻪ ﻏﺰﺭ ﺑﻴﺞ ﺍﻟﺒﺎﺭﺣﻪ ﻧﺎﺯﻟﺘﻠﻲ ﺑﻬﺪﻭﻡ ﺍﻟﻨﻮﻡ ﺑﻌﺪﺩﺩﺝ ﻛﺘﻠﻬﺎ ﺍﻡ ﻋﻮﻑ ﻫﺎﻱ ﻫﺪﻭﻡ ﺍﻟﻨﻮﻡ ﻳﺎ ﺻﺪﻙ ﺟﺬﺏ ﻛﺎﻟﺖ ﻋﺠﻞ ﻣﺎ ﺗﺸﻮﻓﻴﻨﻬﺎ ﻣﻄﻠﻌﻬﺎ ﻛﻞ ﺩﻋﺎﺑﻴﻠﻬﺎ ﺧﻠﺘﻨﻲ ﺍﺧﺮﺏ ﺿﺤﻚ ﻫﻬﻬﻬﻬﻬﺎﻱ ﻭﺍﻟﻠﻪ ﻳﺎﻳﻮﻡ ﺷﺒﻌﺎﻧﻪ ﻭﻧﺴﻪ ﺑﺮﺍﺳﻬﻢ ﻭﺍﻟﻠﻪ ﻓﺪ ﻭﻧﺴﻪ ﻫﻨﺎﻙ ﺍﻭﺩﻳﺞ ﺑﺲ ﻧﺮﺟﻊ ﺍﻱ ﻭﺍﻟﻠﻪ ﺧﻠﻴﻨﻲ ﺍﺳﺎﻝ ﻋﻠﻰ ﺑﻨﺎﺗﻬﻢ ﺍﻡ ﻋﻮﻑ ﻣﻴﻨﺪﺭﻱ ﺷﺤﻞ ﺍﻟﺪﻫﺮ ﺑﻴﻬﺎ ﺑﺮﻳﺴﻢ ﺗﺰﻭﺟﺖ ﻟﻮ ﻻ ﻭﺫﻧﻪ ﺍﻟﺼﻐﺎﺭ ﻳﻤﻜﻦ ﻫﺴﻪ ﻛﺒﺮﺕ ﺳﻮﺩﻩ ﻋﻠﻴﻪ ﻳﺘﺎﻣﻰ ﺍﻟﻠﻪ ﻛﺮﻳﻢ ﺑﺲ ﺧﻞ ﻧﻜﻤﻞ ﻋﻼﺟﺞ ﻭﻧﺮﻭﺡ ﻓﺮﻭﺣﻪ ﻛﻠﺒﻲ ﻃﺎﻙ ﻋﻠﻴﻬﺎ ﺻﺪﻙ ﺧﻞ ﺍﺧﺎﺑﺮﻫﺎ . ﺧﺎﺑﺮﺗﻬﺎ ﻭﻓﺘﺤﺖ ﻓﺪﻳﻮ ﺑﺎﺑﺎ ﺣﺒﻴﺒﻲ ﻋﻤﺮ ﺍﺑﻮﺝ ﺍﻧﺘﻲ ﻫﺎ ﺑﺎﺑﺎ ﺷﻮﻧﺞ ﺯﻳﻨﻪ ﺑﺲ ﻟﺘﻀﻮﺝ ﺍﺧﺬﺕ ﺍﻟﻨﺘﻴﺠﻪ ﻃﻠﻌﺖ ﺏ٣ ﻟﺞ ﺑﺎﺑﺎ ﺍﻗﺮﻱ ﻣﺎﻋﺮﻑ ﻭﺣﺪﻱ ﻭﻣﺎﻣﺎ ﻣﺘﻌﺮﻑ ﻟﻠﻜﻴﻤﻴﺎ ﻭﺍﻟﺮﻳﺎﺿﻴﺎﺕ ﻭﺍﻟﻔﻴﺰﻳﺎ ﺑﺎﺑﺎ ﺷﻮﻧﻬﺎ ﻧﻨﻪ ﺷﺘﺎﻗﻴﺘﻠﻬﻞ ﻧﺴﺮﻳﻦ - ﻭﻟﺞ ﻓﺮﻭﺣﺘﻲ ﺯﻳﻨﻪ ﺍﻧﻲ ﺯﻳﻨﻪ ﺍﻗﺮﻱ ﺑﻴﺒﻲ ﺍﻗﺮﻱ ﺣﺮﺍﻣﺎﺕ ﺗﺮﻭﺡ ﻋﻠﻴﺞ ﺳﻨﻪ ﻟﺦ ﻫﻠﻮ ﺑﻴﺒﻲ ﻋﻤﺮﻱ ﺍﻧﺘﻲ ﻃﻴﺒﻲ ﺑﺴﻊ ﺍﻟﺒﻴﺖ ﻳﺨﻨﻚ ﺷﺴﻮﻱ ﻳﺎﺑﻴﺒﻲ ﺗﻌﻠﻤﺖ ﺍﻻ ﻭﻱ ﺑﺎﺑﺎ ﻳﻠﻪ ﺍﺭﺣﻌﻮ ﺑﺴﺮﻋﻪ ﻳﺲ - ﺍﻟﻠﻪ ﻳﺴﻬﻞ ﺷﻮﻧﻬﺎ ﺑﺒﻴﺘﺞ ﺯﻳﻨﻪ ﻫﺎﻱ ﺑﻴﺒﻲ ﺑﻴﺒﻲ ﻳﺎﺳﻴﻦ - ﻛﺎﻟﺖ ﺭﺍﻳﺤﻪ ﻟﺒﻴﺖ ﺧﺎﻟﻪ ﻋﻤﻮ ﻋﺮﻓﺎﻥ ﺍﺧﺬﻫﺎ . ﺷﻔﺖ ﺩﻋﺎﺀ ﻋﺪﻟﺖ ﺭﻭﺣﻬﺎ ﻛﺎﻟﺖ ﻫﺎ ﻳﺲ ﺷﻮﻧﻬﺎ ﺍﺧﺘﻚ ﺯﻳﻨﻪ ﻟﻠﻪ ﺍﻟﺤﻤﺪ ﺷﻮﻧﻜﻢ ﺍﻧﺘﻮ ﺧﻮ ﻣﻤﺤﺘﺎﺣﻴﻦ ﺷﻲ ﻻ ﺳﻼﻣﺘﻚ ﺷﻮﻛﺖ ﺗﺠﻮﻥ ﺑﻌﺪ ﻓﺪ ﺳﺒﻮﻋﻴﻦ ﺧﻠﻲ ﻳﻜﻤﻞ ﻋﻼﺝ ﻫﺎﻱ ﺷﻨﻮ ﻃﺎﻟﻌﻴﻦ ﻋﺎﻟﺸﻂ ﺧﻮﺵ ﻋﻼﺝ ﺩﻋﺎﺀ ﺭﻭﺣﻲ ﺩﺍﺍﺭﻭﺡ ﺍﻟﺠﻮ ﺑﺮﺩ ﻋﻠﻰ ﻧﻨﻪ ﺳﺪﻳﺘﻪ ﺑﻮﺟﻬﻪ ﺫﻳﻴﻞ ﺍﻟﺠﻠﺐ ﻋﻤﺮﻩ ﻣﻴﻨﻌﺪﻝ ﻛﻠﺘﻬﺎ ﺑﻜﻠﺒﻲ ﻛﻤﻞ ﺍﻻﺳﺒﻮﻋﻴﻦ ﻭﻛﻠﻤﺎ ﺍﺧﺎﺑﺮ ﺍﻟﻜﻪ ﺧﺎﻟﺘﻲ ﺑﻴﺖ ﻋﺮﻓﺎﻥ ﻋﺪﻳﻠﻲ . ﺭﺟﻌﺖ ﺑﻌﺪ ﻣﺎﻛﻤﻠﻨﺎ ﺍﻻﺷﻌﺎﻉ ﻭﺍﻟﺤﻤﺪ ﻟﻠﻪ ﺻﻔﺮﺕ ﺍﻟﺨﻼﻳﺎ ﺑﺠﺴﻤﻬﺎ ﺟﻨﺖ ﻃﺎﻳﺮ ﺷﻜﺪ ﻣﺎﺟﻨﻨﺎ ﻗﺮﻳﺒﻴﻦ ﺗﻘﺮﺑﻨﺎ ﺍﻛﺜﺮ ﻣﻦ ﺑﻌﻀﻨﺎ ﺻﺮﻧﺎ ﺭﻭﺣﻴﻦ ﺑﺮﻭﺡ ﻓﻌﻼ ﺍﺥ ﻭﺍﺧﺖ ﻭﺍﻡ ﻭﺍﺑﻦ ﺭﺟﻌﺖ ﺑﻌﺪ ﺷﻬﺮ ﻟﻔﺮﺡ . ﻭﺍﻣﻲ ﻭﻳﺎﻳﻪ ﻃﺎﻳﺒﻪ ﺍﻟﺤﻤﺪ ﻟﻠﻪ ﺫﺑﺤﺖ ﺫﺑﻴﺤﻪ ﻟﻮﺟﻪ ﺍﻟﻠﻪ ﻭﻣﺮ ﻳﻮﻣﻴﻦ ﻭﺧﺎﻟﺘﻲ ﻣﺠﺘﻲ . ﻭﺍﺗﻔﺎﺟﺎ ﺑﺎﻧﻪ ﺩﻋﺎﺀ ﺩﺗﺪﺍﻭﻡ ﻫﺎﻱ ﺷﻨﻮ ﻳﺎﺑﻪ ﺷﻨﻮ ﺷﺴﻮﻳﻠﻚ ﻃﻜﺖ ﺭﻭﺣﻲ ﺍﻣﺞ ﻟﻴﺶ ﻣﺘﺠﻲ ﻋﺪﻧﺎ ﺗﻼﻏﻴﺖ ﻭﻳﺎﻫﺎ ﻭﺭﺣﺎﺀﺍ ﻟﺘﺘﺪﺧﻞ ﺑﻴﻨﻲ ﻭﺑﻴﻨﻬﺎ ﻫﺎﺍﺍ ﻫﻴﺞ ﻳﻌﻨﻲ ﺩﺷﻮﻓﻲ ﻋﻴﻨﻲ ﺍﻟﺪﻭﺍﻡ ﺍﺫﺍ ﻣﺘﺒﻄﻠﻴﻦ ﺍﻧﻲ ﺍﻟﺒﺎﺟﺮ ﻣﻄﻠﻚ ﻳﺎﺳﻴﻴﻦ ﻣﻮ ﺟﺎﻳﻴﻨﻲ ﻣﺘﻮﻧﺲ ﻛﺎﺗﻞ ﻓﻠﻮﺳﻚ ﻭﺟﺎﻱ ﺗﺮﻩ ﻋﻴﺐ ﻣﻦ ﺍﻟﻮﻟﺪ ﺩﺍﻳﻨﻚ ﻭﻭﻛﻒ ﻭﻳﺎﻙ ﻭﺍﻟﻠﻪ ﻳﺎﻋﻴﻨﻲ ﺍﻟﺒﺎﺟﺮ ﺭﺍﻳﺤﻠﻪ ﺍﺑﻴﻊ ﻧﺺ ﺍﻟﺒﻴﺖ ﻭﺍﻧﻌﻞ ﺍﺑﻮ ﺍﻟﺪﻳﻦ ﻭﺗﻌﻴﺸﻨﺎ ﺑﻬﺎﻟﺒﻴﺖ ﺳﻮﻩ ﻣﻴﺖ ﻣﺘﺮ ﻣﻴﻌﺠﺒﺞ ﺭﻭﺣﻲ ﺑﻴﺖ ﺍﺧﺘﺞ ﻳﺎﺳﺴﻴﻦ ﺗﺮﻩ ﻃﻜﺖ ﺭﻭﺣﻲ ﺍﻧﻲ ﺷﺸﻔﺖ ﻣﻦ ﺣﻴﺎﺗﻲ ﻭﻳﺎﻙ ﺍﻟﻠﻪ ﻭﻛﻴﻠﺞ ﻭﻻ ﺍﻧﻲ ﺍﻟﺸﺎﻳﻒ ﺷﻲ ﺑﺲ ﻫﺬﺍ ﺍﻧﻲ ﻋﻤﻲ ﺍﻧﻲ ﺑﻠﻮﻋﻪ ﻣﺎﻝ ﻏﻠﻂ ﻋﻮﻓﻴﻨﻲ ﺍﺫﺍ ﺗﺮﺩﻳﻦ ﻭﺍﺫﺍ ﺭﺩﺗﻲ ﺗﺒﻘﻴﻦ ﺩﻭﺍﻡ ﺗﻨﺴﻲ ﻭﺍﻛﺪﺭ ﺍﻛﻮﻟﺞ ﺍﺑﺪﻱ ﺻﻔﺤﻪ ﺟﺪﻳﺪﻩ ﻭﺍﻱ ﻏﻠﻄﻪ ﺗﺮﺣﻴﻦ ﺑﺎﻟﺒﻴﺒﺎﻱ ﺑﻘﺖ ﺻﺎﻓﻨﻪ ﺑﻮﺟﻬﻲ ﻋﻔﺘﻬﺎ ﻭﺭﺣﺖ ﻟﺨﺎﻟﺘﻲ ﺟﺎﻧﺖ ﻣﺰﻳﻀﻪ ﻋﺮﻓﺎﻥ ﻛﺎﻝ ﻛﻠﺒﻬﺎ ﺗﻌﺒﺎﻥ ﺑﻘﻴﺖ ﻛﺎﻋﺪ ﻳﻤﻬﺎ ﻣﻦ ﺑﻘﻴﻨﺎ ﻭﺣﺪﻧﺎ ﻛﺎﻟﺖ ﻫﻤﺲ ﺑﺎﺫﻧﻲ ﺟﺮﺕ ﺭﺍﺳﻲ ﻫﻲ ﻭﻣﺘﻤﺪﺩﻩ ﻛﺎﻟﺖ ﻳﻤﻪ ﺩﻳﺮ ﺑﺎﻟﻚ ﻣﻦ ﺍﺑﻦ ﺑﺖ ﺧﺎﻟﻪ ﺍﺑﻮ ﺩﻋﺎﺀ ﺑﺎﻭﻋﺘﻠﻬﺎ ﻣﺴﺘﻐﺮﺏ ﺧﺎﻟﻪ ﺍﻟﻴﻮﻡ ﺍﺭﻭﺡ ﺍﻓﻚ ﺍﻟﺪﻳﻦ ﻋﻀﺖ ﺷﻔﺘﻬﺎ ﻭﺑﺠﺖ ﺧﺎﻟﻪ ﺷﺒﻴﺞ ﻳﻤﻪ ﻭﻋﻀﺖ ﺍﺻﺒﻌﻬﺎ ﺑﻘﻮﻩ ﻭﺗﺸﻬﻚ ﻭﺍﻳﺪﻫﺎ ﻋﻠﻰ ﻛﻠﺒﻬﺎ ﻭﻋﻴﻮﻧﻬﺎ ﻋﺎﻟﺒﺎﺏ ﺧﺎﻑ ﻋﺮﻓﺎﻥ ﻳﻄﺐ ﻓﻜﻴﺖ ﻋﻴﻨﻲ ﺻﺎﻓﻦ ﺧﺎﻟﻪ ﺷﻜﻮ ﺗﺮﻩ ﺗﺮﻩ ﺟﻤﺪﺗﻲ ﺩﻣﻲ ﻳﻤﻪ ﻣﺎﺩﺭﻱ ﺷﻜﻮﻟﺞ ﻭﺧﻠﺖ ﺍﻳﺪ ﺑﻴﺪ ﺗﻔﺮﻙ ﺑﻴﻬﺎ ﻭﺗﺒﺠﻲ ﻭﺗﻌﻆ ﺑﺸﻔﺘﻬﺎ ﺑﺴﺘﻬﺎ ﻣﻦ ﺭﺍﺳﻬﺎ ﺧﺎﻟﻪ ﺷﺒﻴﺞ ﺍﺣﺠﻲ ﻭﺍﻟﻠﻪ ﻣﺎﺍﺗﻬﻮﺭ ﻛﺎﻟﺖ ﻣﺎﺍﻛﺪﺭ ﺍﺣﺠﻲ ﻣﺎﺍﻛﺪﺭ ﻣﺎﺍﻛﺪﺭ ﺩﺍﺍﻣﻮﺕ ﻭﺭﻭﺣﻲ ﺗﺎﻛﻞ ﺑﺮﻭﺣﻲ ﺑﺲ ﻓﻚ ﻋﻴﻨﻚ ﻋﻠﻰ ﺑﻴﺘﻚ ﻭﻟﺘﺨﻠﻲ ﺩﻋﺎﺀ ﺗﺪﺍﻭﻡ يتبع..... | ||||
|
| |
|
27-12-19, 10:10 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثامن عشر النوك الحمر بقلم مريم السعدي يس- اعصابي تدمرت مكدرت حتى الزم روحي كدام امي فقدت يومين جمعه وسبت عطله للاحد رحتله وامي مخلت امام منخته وصلت للدائره وطبيت شفت العينتين كاعده عالميز بس شاقتني وكفت بخوف واني والنار تاكل بيه طبيت كبل لغرفته حسب مدلوني واقره عالميز المدير خرب حضي خرب وكت المرعبل صار مدير ذاك القاط وذاك المكتب من شافني ابتسم بشماته ها استاذ شونك. جيت تسدد كلمتيييين ورد غطاهاااااا وعافيييه امي ازوعك العافيه اقتلللك خلاااص كعد عالكرسي وارتجى يضحك بصوت عالي تخبلت عقل مضل براسي كال تفضل تفضل نضايفك بشي ابو علييي كمت اضرب عالميز. العقد الاصلي ويين احرك الشركه عالاسسه وروح ابويه دكافي تحلف بسسس بوخه مال تمن بس عاد عالعموم ديني توفي لو اخذ البيت براحتك اقلها تبقالك ٥٠ مليون تاجر بيها فكر بغجعقلتنيه ابو فررح جيتت علي مكدرت خنكته داس دكمه بالميز شوي وجوي الامن سحلوني بره واني اهدد بي واصيح اقتلك طفه عقلي من تفكيره صار كل همي احركه وابرد ناري عفته ورجعت للبيت مرت خمس شهورعلى سلامه امي الدوامه الخلتني بيها السافله دعاء وبنتي وبقاءها عد امها وموضوع الدين اللي انكلب عليه مدري شلون كلها خلتني التهي عنها وماراجع مره لخ رحت لبيت خالتي عياطي وصياحي فاقد وعرفان يحاول يهدي بيه اخر شي كال دعاء كاعده بشقه من شقق مجنع سكني هو مشترك بي وي ابو زوجته عقلي من راسي طار عرفان امشي وديني اجيب فرح بس تهده واني اصعد اجيبها وانزلك تبقى بره خوش اي اي زين هاذ هو اباوع خالتي صايره هلكدوتها وكفه متكدر توكف وعرفان كوه مدير اللكمه اله ولعائلته حاير بعلاجها هم. اخذني للمجمع صعد واني نار بي تغلي شوي ونزل هو وفرح نزلت من السياره ركض حضنتها ضلت تبحي بحضني بابا امشي ويايه بابا وين اروح امشي عدي مابقيج هنا بابا وماشوف ماما بعد مشتاقيتيلي بابا هيج مغزر بعينج شغله وحده كملت كلامي وماتت بجي فرح كالت كل يوم ابجي لحد مانام بس انت عفتني كلت هسه ثاني يوم تجي عليه بعد مجيت وماما تكولي شوفي ابوج لو حابج ميعوفج ابوج كل همه اخته ويريد يتزوج وانتي صدكتي بابا اني عبالي بيت خالتج وكلت هسه تخابرني اجيبها شفتج مخابرتي كلت لازم تعرف الصح من الغلط بابا شسوت ماما وطلكتها ليش هيج بس كولي علمود البيت صدك بعت بيت جدو جريت نفس باوعت بعينها حوه عيونها اسود ووجهه ذبلان اصفر بابا امشي ويايه وبعد متخليني اشوف ماما متجيبني لا بابا عود اجيبج الها بس امشي اخذتها ورجعت للبيت جانت بس صافنه وكلسا تبجي خابرتها امها تعيط وصيحت عليها ليش رحتي وسدت التلفون بوجهه يومين واني حاير من محامي لمحامي واسال يكلولي العقد سليم وهاي الشروط مكتوبه بصدقه بكاتب العدل واني جني ويتلبسني واكول مزور ميبين ميكدر احد يكشفه محد يسمع مني رجعت للبيت بيومها لكيت امي بالحمام تاخرت دكيت الباب اكثر من مره طلعت كالت ها يمه شسويت بقيت صافن ملامحها تعبانه حيل جاوبت لا يمه انحلت كلتها واقره عيونها نسيت حتى اني من نار كلبي كالت احلف والله يمه ماكو شي اتطمني دك تلفوني رديت عرفان ها عرفان كال ابو فرح خالتك طتك عمرها واني وحدي وحلفتني دعاء متجي بفاتحتها ولا تغسلها جمدت بمكاني جايك عرفان باوعت لامي يوم خالتي طتج عمرها لا اله الا الله صاحت فرح بيبي ماجده ماتت اي بابا الله يرحمها مريضه كلش جانت عزه بابا شون تعاركت وي ماما اخر شي هسه ماما تموت قهرسوده عليه بيبي مجاوبت لبست حذائي وطلعت وفرح ميته بجي. اخذناها وغسلتها رفاة بنتها وطلعناها شيعناها ودفنتها بيدي كال وصيتها تندفن بيدك. سبحان الله كانما دفنت اني اخر ذكرى من امي الماشفتها هي خالتي رغم عذابي وي بنتها بس جانت بصفي دوم الله يرحمها رجعنا وسوينا الفاتحه اول يوم اجه ابو علي طلعته من الفاتحه وعرفان كاله ابو علي روح خالتك حالفه متطب عزاها لا انت ولا بنتها طلع. وصاير اعصاب عود جاي يفيك بسيارته وقاطه بنص العزه ودعاء جايه لعزه النسوان ورفاه للباب مطببتها بقت فرح تبجي وحاقده عالمل ليش هيج تعاملون امي شريد اكوللها امج زنت مكدرت. امها تضل وصمه عار اخذتها ورجعت لبيتي وراسي من التفكير شطح باحر راس الشهر يعني يصير ١٦٠. ماعدي حل بس اروح احجي وي ابو يلزمه بلكن الله اكدر ااثر عليه رحت لبيت اهله. طلعت امه انكس من دعاء باوعتلي وعوحت حلكها طلبت ابوه شوي وطلع رحب بيه الرجال شفت ابن اخو طب سلم وجده طلب منه سويج السياره ورزله كدامي السياره بعد لتجي يمهااا فاهم عرفت هذا ابن اخو ابو علي اخو المتوفي اباوعله عينن عمه محفحف ومسقط ذب السويج بعصبيه وطلع. بقيت احجي وي الاب والرجال ختمها كال ابني مااكدر عليه من يوم مشكله التزوير واني مقاطعه وامه من تريد تشوفه تروحله لبيته اعذرني ماكدر اسويلك شي رجعت للبيت ممحصل شي طبيت لكيت امي عالمغسله ونزيف مستمر من انفها لهنا ووكفن دكات كلبي ننه شبيج حبيبتي يمه من البارحه ينزف ويرد يوكف غييير تحجي رب الحلووو فررح بابا فررح مترد ننه كالت عوفها يمه زعلانه علمود امها وزعللله كلك امشي امي امشي لبستها وطرت للمستشفى فحص وتحاليل وقفو النزيف بالقدره ورجعت للبيت صافن عليها ننه حبيبتي شيوجعج ميوجعني امي بس حرت بالدم وثولني لاصلاتي لا دعائي وقراني اريد اركز ماكو سلامتج ياروحي انتي باجر اخذ اجازه اسويلج فحص لالا يمه بس شوفلي فروحه مااكلت اليوم خوش طبيت للغرفه واني راسي مقبط مدري بيش احير لكيت فرح نايمه كعدتها بقت زعلانه متقبل تكوم حجيت وعاتبت هذا تعبي كله وياج هيج بس لامج شناطيتج كدما مانطيتج اني كدما دللتج دللتج قاطات بالتتمني جرالج بس متكتفين مثل امج امج تعرفين شسوت اي كلي شسوت شسوت امج اخذت عقد البيت ونطته لابن خالتها حتى ياخذ بيتنا ارتاحي روحي حبيها بعد انعل ابوج لابو الرادج لا بابا مستحيل ليش مستحيل موعمرج ٨ سنين وعلماج تبوكين فلوس الذهب من داريد اتزوج نسيتي لا بابا بس هي جانت تغار عليك تخاف تتزوج مو معقول تنطي البيت وليش شتستفاد اصلا هي كتلت روحها عالبييت لج بابا امشي ويايه فوك وشوفي بعينج صعدت ويايه جريت القاصه وشوفتها بقت صافنه هاا. شبييج بابا يعني ماما تبوك بقيت صافن لصفنتها اصعب شي من تشوف اقرب ناس الك وقدوتك مو مثل تصورك يخيبون الضن مجاوبتها تحسرت ونزلت شوي ونزلت ورايه صبت وتغديت وهي بس صافنه ودموعها تجري واني كلبي خلص ثاني يوم من الصبح اخذت ننه ورحت للمستشفى فحص عام وتحاليل وانصدم بورم جديد يم محور عينها جانت القاضيه بالنسبه الي. نغزات بكلبي كمت احس وي النفس وراسن رفعت رايه الاستسلام يوم يومين سبوع ورحت برجلي للدائره ووقعت على بيعه البيت ونطاني ٥٠ مليون وبيدي وديت فرح لامها واخذت امي وطرت للبنان رغم امتناع امي وهمتها انه اموري انحلت بوساطه ابو لابو علي وقبل يقسطلي المبلغ عالراتب وحلو حلو. حتى غراض البيت عفتها واتصلت بعرفان كتله كلهن اخذهن وخليهن عدك كال ابيعهن واضملك فلوسهن جان من يحجي يبجي عرفت حالتي شكد تبجي بسنه وحده مات بيه كلشي فرح اللي توسلت تجي ويايه واني اردد ماكدر بابا روحي لامج صفيت عالحديده ماتت بجي واعدتها من ارجع ااجربيت من راتبي ونكعد بي كالت بابا راح انتضرك اني كمت اكره ماما كل كلمه منها صداها لليوم باذني تدمرت اني مبقه مني شي ابد وصلت لبنان ورجعت لنفس الدكتور ورنين وتحاليل كال عمليه نسبه نجاحها ضئيله تخبلت وكتله سويها اريد امي عسى ما بروحي من طبت للعمليات هلمره كانت اقسى من الاولى خوفي وتعلقي باخر شي يثبت اني حي انه اخسره دخلت والدمعه بعينها همست دير بالك على فرح بوسلياها وحللني واوهبني بس انسدت الباب كعدت بالكع حسيت روحي ركام رمادد حطب خليت ايدي على راسي رفعت راسي ليفوك ربي بس هي خليها كلشي يضيع فدوه بس هي خليها لو بس نفس اداريها بعيوني ساعتين وطلع الطبيب كال الحمد لله شلناه بس اثر على وحده من عيونها غمضت عيني واحس اني انعميت موهي كال احمد الله وشكره اني كتلك كل شهر فحص جان كدرنا نسيطر عليه بجلسه اشعاع وتنتهي السالفه مرديت محد يعرف ضرف التمر بي غير روحك ومحد يسندك غير ضهرك. طلعت اني خلصت فلوس بقيت هناك سبوعين ورجعت ماريد احجي معاناه مرضه امي والمها واحساسها بيه وتعبي ماريد احجي راسي اللي صار رصاصي كثر الشيب البي وصلت لبغداد لاول مره بحياتي ماعدي نقطه رجوع ماعدي مكان اكعد بي وين اروح هسه خابرني عرفان ها وين انت وصلت باوعت لامي عالعربانه ادفعها كال غراض البيت بعتهن واجرتلك شقه صغيره بفرعنا. طابق اول وجهزناها ورتبتها الك حتى خط من عدي جريت مبعي ه علينا قريبه بقت انت من راتبك تنطي شهر اليجي غمضت عيني حزيت نفس الف رحمه عالحليب الرضعته عرفان منسوي شي ياسين لو بيدي اسوي اكثر بس الايد قصير والعين بصير الله يشهد عمي لو اخويه ميسندني هالسنده لتحجي شي متعرفه الاخ لو موجود مجان حرت بامك وحدك تدري المثلك قليلين اللي يجازيك بحياتك على وكفتك وي امك تسلم سديته منه ورحت لبيته ودلاني عالشقه طبيت لكيتها دافيه امي بس صافنه وتتلفت كالت هذا موبيتنا وتعصر بعينها تغوش ابتسمت وعيوني غدرت بيه بستها من راسها حبيبتي ديصبغو تركتها ترتاح. وطبيت للحمام شعدي تعب وبجي ذبيته اريد اصرخ صرخه. واطلع قهري بس بعد بيه صبر خسرت كلشي بس بعدن عدي العافيه ولاخر نفس بيه امي ماعوفها. بقه راسها ملفوف ويحكها واني باجر تخلص اجازتي خابرت فرح مردت عليه مره مرتين ماكو رد تركتها امي تك عين متشوف بيها علاجها وياها وياها فتره وشالو اللفاف والبلاستر ووجع الراس خف وشعرها بده يرجع يطلع واني مسيطر خلصت اجازتي ورحت اداوم وانصدم اسمي ملغي من اضباره الاجايز اثاري الاجازه ممقبوله وناطيني فصل لان شهر ممداوم والاضرب مخلين احد بمكاني كلشي راح بلحضه حياتي تدمرت مبقالي ايي شي حجيت توسلت ماكو قفلو مدير جديد وكلب ابن كلب جايب جماعته بمكاني نطيت اسبابي اوراق امي ماكو موضفين شهدولي كلهم وهو قافل فصل فصل حتى تقاعد ميرهملي رجعت فتحت سيم كارتي القديم والكه جماعتي موضفين كومه مخابريني من جنت بلبنان ورسايل ركع يس يمعود باجر اخر انذار يس رحمه لا الله داوم واني مادري صفنت على روحي اني شسويت وهيج افترت عليه ربي اختبارك صععب زجربي لخاطر صلاه اني وصلاتي لو تاخذ ارواحنا سوه لو تسهلها عليه ربي بجاهك وبمقامك لاعدي اب لاعدي اخ وين اروح وحملي ثكللل بيومها الساعه ٣ بالليل واني مثل الجهال كاعد ادخن وابجي بشباك الشقه بنص شهر التاسع ٢٠١٦. للصبح حد ماجهجر الوكت واني ادعي ودموعي على خدي الله يشهد حتى مكرم السامع جلاب الشارع صفنو عليه طلع الضوه فرشت السجادات وصليت بعدني لهاليوم افرش سجادتين وهالمره صدك حسيت روحي وحدي لاول مره احس روحه ممرافقتني سفره لبنان الاولى احسه ويايه بكل خطوه نوبات احاجي عمي علي وردتك مريضه. ادعيلها اتجنت اقرب من رب العالمين عمي علي وردتك تتوجع جنت تموت ولاتشوفه تتاذى من شي شفره لبنان الثانيه كنت احسه ويايه حتى تحس اشارات من مااندل شي اضل صافن احجي وياه اكوله دليني وينه المختبر او وينها العياده واصير كدامي شي استعقدت بي من صغزي انه عمي علي ويايه معايفني بس اليوم حسيت روحي وحدي نزلت لموضع السجود محسيت على روحي اجهشت بالبجي فقدت وكمت اشهك فزت امي عليه ماما حبيبي شبيك عمري انت يمه يسوني شبيك مابيه امي مابيه ابحي وارددمابيه مكدرت اسكت حضنتني وحضنتها بصدري اريد ادخلها ولايمسها شي ربي اختبارك صعب ربي تحاوطت من كل صفحه وانت تدري لا اخل حرام لا ماسه ربي دخيلك نضره وحده بس لعافيه امي احضن بيها وابحي وادعي بداخلي امي كالت يمه والله احس روحي زينه بس عيني شوي تغوش والله ماما مبيه شي لتخاف اي يوم الحمد لله ياسين شو باوعلي البيت راح مو هزيت راسي مغمض وكفتني كالت كوممم وكفت كوه مغمض عيني خجلان متها مسحت دموعي كالت بنتره انييي معرفت ارربي الضاهرر اني مربيت هيج رحال ضعيف ربيت. سبببع جان ماكل شارع السوك. ربيت هبه رريح شو باووعليييي صاحت فزيت باوعتلها بلعت ريك راحت العبره كالت شوف اكولللك تاشر وترزل باصبعها شوف باوعنييي اني بتك عييين انت عيوني اريدك سبع واذا مصرت سبع الوش سويتلي العمليه وخليتني اعييش المن حتى اشوووفك تنهااار كوم بوجه الدنيا انت تربايه علللي تعرفه لعلي لو اعرفك عليه اعرفه يوم اعرفه كلش زين لعد شوفني شون راح توكف لهالدنيا الزفرره هزيت راسي صارننه بستها من راسها كالت بنتك باحر تجيبهااا اي ننه لتصيحين صار امشي نام يله باجر وراك شغل صار كملت صلاتي وتمددت صافن بكم القوه الصارت عدي ---- منذ ان ابصرت وبك ابصر الدنيا بين اعينك اماه ماانتي ببشر لا والله انتي روح طاهره مطهره قطره عذب. نقيه منقات من ماء الكوثر امي عديني بالعدول عن تركي عديني بالا تستسلمي لدائك. عديني ان تكوني روحي القويه كما كنت كل لحضه من لحظات حياتي --------- من يومها وبديت ادور شغل بنتي الاتصل بيها باليوم الف مره مترد رحت للمجمع سالت كالو شالت خابرت عرفان كال مسافره ومامليت من اتصالي بيها. بقيت ادور رحعت للكهرباء والبواري والماطورات وحتى المجاري وكوه الاجار يطلع ولاالحك للكمه عرفان متركني هاليكدر عليه مسواك مخضر مجنت اقبل متحملت نفسي عزيزه صبغت بيته ورممته وياه يله كمت اقبل منه. لاهو العده ينطيني فلوس ترميم ولااني الطلبت بس صرنا بيت واحد تقريبا. امي بعد فتره شهرين بدت عوارض المرض والتعب ومكدرت اخذها طبيب بعد بقيت عالدعاء. واخذتها لمدينه الطب. وفحصت كالو توه بده. سلمت امري بيد الله وبعدها نستمره يوميه تنطيني قوه. بس بدت تخربط ساعه تكولي علي ساعه تذكرني اني ياسين. عيونها فد نوب صارت متشوف بيها الا خيال واني اشد بالبواري والعرك يصب والتعب اكل بيه اكل وبالي عد امي اخاف توكع لو تنضرب برجلها لان مركعت الكرسي للمطبخ نسيته ودك تلفوني رقم غريب اثير صفنت عليه رديت الو الو سلامن عليكم هلا حجي ياسين. ابو فرح اي بلي تفضل هههه ماعرفتني اول يالدنيا بريه سنتين لاتسال لاتكول رغمك انمسح من يمي بويه انت اسال كول عدي وليد بالجنوب چا اهل بغداد بس حجي لسان چا مو كتلي انت وليدي دمعت عيني كعدت همست بتعب سيد عبد الله وصلت هههه هالشكل عدكم تنسون بلعجل محجيت شي ساكت ودموعي جرت چني مخابر بوكت مازين احسن وكت كلتها وخنكتني العبره ها ههه شونك عمي موزين خيرك عمي ركابنا سداده بس كول ماعول اسدن وكفتك وياي محتاجك حيل مضل عدي احد كال افه عليك وينك انت انه جاي الولايه ازورن. الكاضم بس طيني بكان انه امرلك جريت نفس صافن واتذكر حجي امي احلى وكت كضيتها عدهم غمضت مرتجي مالي غيره وهذا الاتصال الوردني رحمه من الله وكفت واحجي بالتلفون ذبيت السبانه من ايدي ونزعت الجف جايك اوكف يم الشريف الرضي ------ مردت اتعمق بتفاصيل اذيه ياسين حاولت اختصر الاخداث كد مابيه هالقصه اكثر قصه اثرت بيه لكون شفت عيون ياسين من يروريها ومن تدمع لكل موقف مرض امه فقدانه لبيت ابو خسارته لوضيفته وناره اللي ضلت تسعر بكلبه وبنته اللي مكدر يسيطر عليها وعلى عقلها اللعبت امها بي فرح من مواليد اصغر من هالمواليد النطيتها الاحداث قبل الموعد الناطيته بس مردت انطيها بالمضبوط حتى متنعرف رغم بعدهم عن الولايه بس تصير ولان القصه واقعيه ميه بالميه. راح ينعرفون من اليوم منحدر جديد حيكون بالروايه. راح تتنفسون الصعداء ويانا رغم تعب ياسين بس ربك لابد يخلي فسحه امل لو تنسد كل البوب بوجهنا باب الله مفتوح...... متابعة ممتعة | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
4Likes
العرض العادي
