07-11-19, 12:00 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  بسم الله الرحمن الرحيم: . مدخل الجزء الرابع: "أنا اللي رعَـى قيظ المسافـة وفا وعقوق حضنت السّحابَـة والعطش بلّل أطرافي." __________________ جالس بكل جبروت وهو يشوف كيف لافي مذلول يترجاه : انت وافق على الشرط ولك اللي تبي لو اتكفل بتسديد رواتب الموظفيين ماعندي اي مانع لافي وهو يمسح على وجهه بضيق: صعبه شرطك صعب ولا يجوز بالديين ابو ثامر وهو يلعب بالقلم: اللي عندي قلته وافقت كان خير ماوافقت الباب ينتظرك وغيرك كثير لافي عض شفته : ليش هالشرط ليش بنتي بذات كيف ازوجها لشخص انا ما اعرفه مايجوز ي ابو ثامر لازم اكون على علم من هالولد ومن اهله تبيني ازوج بنتي لرجال ما اعرفه ابو ثامر : براحتك الراي رايك وقف وهو ينطق بزعل : ماقصرت ي ابو ثامر ابو ثامر: معك لين بكره ترد لي خبر هز راسه وهو يطلع لبرا مكتوم لا ابعد حد كيف يساومه على بنته ركب سيارته وهو حاس حيله مهدود وصل البيت واعتزل مكتبه ارسل لزوجته تنادي الجادل دقايق بس وفتحت الباب وهي تدخل بكل هدوء وبرود نطقت/ سم اشر لها تجلس ..جلست وقلبها ناغزها من نظراته وكانه جالس يعتذر بنظراته شي غريب اردفت : يبه فيك شي فتح ازار ثوبه : اسمعي يابوك انا انحديت على امرين والراي كلهم لك طالعت ابوها ب استغراب من ملامحه واضح التعب وبكل يأس: يابوك طلب مني طلب غريب طيرني فوق اشر بيده وبعده رماني ب اسفل القاع ضرب الطاوله بغضب ووجهه احمر ..ذلني ياجادل ذلني يابوك ... رفع عيونه لها بخجل : قالي اسدد لك الديون كلها مع رواتب الموظفين ولا راح اطالبك بريال واحد بس بشرط ازوج بنتك لشخص انت ماتعرفه وفوقٍ على هذا بالسر نزل عيونه للارض... مارضيتها عليك وطلعت لو انسجن لو تخسر الشركه وتنفي ماراح اضحي فيك شبعنا تضحيات شبعنا ..قالها بنبره غامضه ومؤلمه ...فزت واقفه وعيونها لاول مره تعلن دمعها حضنت يدينه: يهون علي اتزوج بالسر ولا اشوفك بهالشكل مكسور انا موافقه يايبه موافقه ماعاش من يذلك وافق على شرطه هز راسه بلا: جادل انتي عارفه معنى اللي تقولينه تبيني اضحي فيك تبيني ازوج بنتي بنفسي لرجال ما اعرفه ولا بالسر مانتي رخيصه لهدرجه مانتي قاطعته وهي تحب راسه برجا: طلبتك يالغالي وافق طلبتك ولا تنسجن وتخسر شركتنا نطقت بضيق: تضحي بشخص ولا تضحي بعايلتنا كامله فكر بعمامي اللي اعمارهم الحين طقت الثلاثين من بيوظفهم بعد هالعمر اذ حنا متوظفين الباقي كلهم مو متوظفين انا موافقه اتزوج بالسر دنق راسه ودمعه بللة خده على طول مسحتها بسرعه وهي تضمه شد عليها وكأنه يتأسف له على خضوعه الغريب لابو ثامر كأنه يعتذر له على الزمن اللي اجبره ينكسر وهو لافي اللي عمره مانزلت له كلمه ومعروف ب افعاله دفن وجهه بشعرها وهو يشهق : ماهقيت بيوم ب انذل كسرني ياجادل كسرني بشكل ماتتوقعينه ماعمر احد نزل لي كلمه كنت دايم لاجيت المكان امليه بحظوري بس هالمره كنت مكسور لدرجه ودي امشي وانا مغبي وجهي كيف انا انزل لهشخص اللي ماصار له اربع سنين بالسوق وانا اللي دخلت السوق وانا صغير ومعروف من فعايل ابوي واجدادي كيف يستصغرني بهالشكل اههخ يابوك قالها وهو يشد بحضنه عليها مغمضه عيونها ب ألم اوجعها بحضنه بس مو قد وجعها من انكساره ردت وهي تاخذ نفس وتمسح على ظهره: لا ياعيون الجادل لاتنزل لك دمعه وانا موجوده بنسدد ديون الشركه وبترجع لافي اللي يضرب بالسوق ولا يهاب بترجع اللي يشرع بيته للصغير قبل الكبير للغريب قبل قريب بترجع لافي اللي لا انقال اسمه فزت قلوب اللي يهابونك ابعدت وهي تمسح دموعه ب ايدينها وبصوت مهزوز: انا موافقه والله العظيم موافقه بتتصل عليه الحين وتقوله اني موافقه بس قبلها ما اوقع الين يسلمك كل شي وصدقني الشيخ ماراح يرضى يزوجني الين تعرف من هالشخص ____ هز راسه وهو منوجع مو قادر يحط عيونه بعيونها قربت منه وهي ترفع ذقنه: ياروح بنتك حط عيونك بعيني لاتنزل عيونك طالعني يبه قالتها وبعدها بكت حضن وجهها وهو يبوس جبينها ويحضنها وهي حاطه راسها بحضنه: لاتبكين لاتوجعين ابوك وقفت بسرعه وهي تمسح دموعها : انا جاهزه بالوقت اللي تبيه هز راسه وهو يقوم: بغسل وجهي وبعده بشوف وش بيقول هزت راسها برضى وهي تطلع من المكتب سكرت الباب وهي حاطه ايدها على قلبها كانت متوعده تتهاوش وتزعل ليش يفصلها من دوامها كانت طول الصباح تلف بالجناح من القهر مافي احد ما اتصل يستفسر ليش انسحب ملفها واعتذرت كانت بتقوله ليش تسوي فيني كذا وانا ضي عيونك وبهجة خاطرك ليش تهدم احلامي وطموحاتي بس انخرست حواسها اول ماشافت ملامحه وايقنت ان هناك مووضوع كبير صاير تعرف هالنظرات تعرف نبرة هالحزن كان كلما يواجهه شي صعب يناديها ويقولها كل شي ويحضنها بس ماعمره بكى الا من فراق جدها غمضت عيونها وهي تجلس على سريرها بسرحان وعيونها حمرا وش هالصدف الموجوعه لها القدر جالس يرسم لها طريقه وهي تطالعه ب الم الطريق صار وعر صعب كانت احلامها وابسط احلامها تاخذ شخص ابوها يختاره لها تعيش مثل باقي البنات تنحب وتحب بس اللي جالس يصير عكس كل شي تثبت لها ان الحياه مو ب اختياراتنا ان الحياه راسمه طريقها من زمان وعلينا نمشي على هالطريق وحنا مقتنعين ضحكت بسخريه: جادل اللافي تتزوج بالسر اجل مسحت وجهها بحزن وهي توقف تاخذ لها شور يهدي شوي من اعصابها بالمكتب اتصل وهو يبلغه شروطه ابو ثامر من غير اهتمام: تمام الملكه بعد يومين خذ بنتك وسو لها فحوصات نطق بسخريه: اوامر ثانيه ابو ثامر بنفس الصوت : لا ماقصرت يا ابو ابراهييم سكر الجوال وهو يمسح على عيونه بوجع كيف يسلم روحه بهالسهوله حس انه ندم بس لامفر من الرجوع دام الجادل موافقه __ مرت يومين وجادل من بلغها ابوها وسوت فحوصات وهي معتزله غرفتها كانت طول اليومين تفكر وش مصيرها مع شخص غريب وحياه بالسر تنهدت ولبست وهي تشوف ابوها يرسل لها تنزل طلعت وهي تتحاشى اخوانها وامها بس ماتدري ليش رجعت بعد ماقربت تطلع رجعت تحضن امها وهمست: ماما ادعي لي امها ب ابتسامه: الله يوفقك يابنيتي ابعدت عنها وهي تتأملها وبعدها ابتسمت وطلعت تحت سخرية ابراهيم وحسن عليها ركبت السياره ومد ايديه وتمسك فيها وهو ساكت بعد ماحكى لها كل شي بالمكتب الفجر وصلو المحكمه ونزل وهو ينتظر ابو ثامر وهو حاس بتعب من التفكير والجادل ماكنت اقل منه وجع ..... ابو ثامر اللي كان متفق مع اردى واحد عنده يجي ويملك على الجادل كانت حركته بس رد اعتبار لنفسه قببل فيـاض وقف قبال المحكمه وهو يشوف لافي متلثم وعيونه حمرا ابتسم بشر وهو ينزل دخلوا عند الشيخ وهم ينتظرون عريس الغفله يدخل قلبت ملامح ابو ثامر لتوتر الرجال ماجا طول والشيخ بدا يتملل وهو ياخذ بيانات لافي وبعدها الشخص اللي جايبه ابو ثامر يشهد وقعوا كلهم وباقي المعرس اللي جالس يرقع له ابو ثامر وبداخله وده يذبحه مسلمه فلوسه علشان يتم هالموضوع ويرضى يتزوج ولا هو انسان اقل مايقال عنه داشر مايخاف الله من كثر بلاويه اختار هالشخص بعنايه ... نطق الشيخ: عباالكم انا فاضي لكم وراي ناس ينتظروني دقوا على معرسكم وخلوه يعجل ثواني ودخل بهيبته وهو ينطق : هذا انا وصلت التفتوا لافي ما اعطى الموضوع اهميه لانه مو عارفه اصلا اما ابو ثامر جمدت ملامحه وبدا يعصب وهو يخز اللي قدامه تقدم وهو ينطق : فيـاض الناصي رجفه غريبه سرت بجسمه بعد ماطالعه عجز يردد ورا الشيخ وفياض ماد ايده بسخريه : ابو العروسه مرتبك ياشيخ عطه فرصه ياخذ نفس الشيخ طالعهم بضيق : اخلصوا علي وراي اشغال الدنيا مسك ايد فياض وهو يردد ورا الشيخ وفياض بعده الشيخ : ابي اسمع راي البنت واذ عندها شروط نطق ابو ثامر: موافقه ولا عندها شروط الشيخ صغر عيونه :ماخبرك العروس او ابوها تنفس بقهر وهو يصد ووجهه محمر من كثر ماعصب ابتسم فياض وهو يسمع خاله يناديها دخلت وعيونها بالارض وماسكه يد ابوها الشيخ : موافقه يابنتي على فياض الناصي ردت بجمود: موافقه الشيخ : عندك شروط جادل رفعت عيونها بهدوء من غير لاتطالع لا احد: ايه الشيخ: وشو شروطك جادل: اكمل تعليمي وببرود نطقت مؤخر 500 الف طارت عيون ابوها بتوعد وصدمه وهو متفق معها مافي اي شروط اردف ابو ثامر : بس خبري زواج السر مابه شروط رد فيـاض: ومن قالك انه بسر الشيخ: الظاهر ملخبط يا ابو ثامر ذاك زواج المسيار عض شفته ثاني مره والشيخ مستقعد له على كل حرف لولهه حس انه متفق مع فيـاض التفت الشيخ: بس يابنيتي هذي شروطك هزت راسها ب ايه الشيخ ابتسم : على بركة الله اجل فيـاض وهو يطالع مكان المهر وكان مصدوم وهو يشوف المهر 10 الاف بس طالع لخاله: ماودك نغير المهر انتفخ وجهه لافي وهو مازال صامت وملامح الصدمه معتليه وجهه بعد ما اردف بصوت فياض خافت: شرايك تحطه كم حبة حشيش على مخدرات منها تستفيد وتفيد وبعدها نطق فياض : سجل عندك المهر90 الف طالعه خاله بنظرات حايره من تصرفاته وابو ثامر مو اقل منه وش هالمبلغ المبالغ فيه وقف بعد ماسلم عليه الشيخ وبارك له وبعده التفت لخاله وهو يمشي بجنبه متجاهل ابو ثامر : المهر يوصل بحسابها اليوم لافي وهو ياخذ نفس : فيـاض قاطعه: ترا كل اللي صار داخل بس علشان ما اطيح هيبتك قدام ابو ثامر والزواج مابي احد يعلم فيه ومتى ماطقت براسي ب اجي واخذ زوجتي واتحد بس احد يتكلم مثل ماقال بو ثامر بالسر متى مانويت اعلنه بعلنه بطريقتي وهاه هذا انا احذرك واعيد واكرر متى مابغيت زوجتي اخذتها ورحت ماقدر يتكلم الصدمه مخرسته وهو يطالع فيـاض يتعداه جادل اللي من قالت شروطها طلعت والغمامه على عيونها والصداع ذابحها واقفه عند باب سيارة ابوها والبرد يتسلل لجسدها من غير رحمه وملابسها الخفيفه اللي ماكانت الا شورت تحت العبايه وبدي كانها جالس تعذب حالها بهالجو واللبس ضمت ايدينها وراسها ذابحها وجسمها يرتجف من البرد تقدم لها ونطق لها وهو يدنق بجسمه عليها: اظلمتي حياة فيـاض ماهتمت وهي تحس صوته يتسلل لمسامعها بخمول رفعت عيونها له وهي تاخذ نفس نفس الشخص اللي انقذ حسن نفس الشخص اللي بنت خيالاتها معه وتمنت شخص مثل رجولته وشهامته معقوله هذا زوجها وش هالصدف اللي مالها طاقه على حملها اثقلت كتفها صدت بوجهها وهي تشوف ابوها جاي عيونه متسلطه عليها مركز على كل حركه تصدر منها تحاول تصمد وجسدها يرتعش تحاول تلقى الدفا يلفها وهي تضم ايدينها ترقب كل حركه منها شاف عيونها تطالع ابوها برجا وهو جاي وملامحه رايحه فيها من القهر نطقت: بابا ابتسم ابوها اللي كان معصب بس هدا من شافها ضم ايدينها : مبروك ياعين ابوك عقد حواجبه وهالمشهد ابد ماهو عاجبه ونظرة الشماته بعينه: اسمعي ياعين ابوك قالها بكل سخريه : هالعبايه ماترضيني ولا ترضي ربك خليني اشوفك المره الجايه بهالعبايه وعيونك تغطينها زي العالم والناس وايدينك تسترينهن لاتحسبيني مثل اللي بجنبك اعدي لك من هالحين انا اقولك ان شفتك بهالعبايه اقسم بالله ماتلومين الا حالك قرب لها وهو شايف الرفض بعيون خاله اللي موقادر حتى يتكلم همس ب اذنها بكلمات زادت من رجفة جسدها بضعف تجاهلها وهو يبعد ويركب سيارته ويحرك ركب لافي وركبت هي بصمت وعيونها مركزه بفراغ جت لهنا وهي تحس نفسها عادي وقويه لانها انقذت ابوها بس رجعت لنفس الكرسي واحساسها انها مسلوبه من روحها موجع حاسه نفسها دخلت بداومه ماتقدر ابد تطلع منها نظراته همسه كلامه سخريته ماتدل الا انه شخص قاسي لابعد درجه ملامحه على الرغم من برودتها الا انها قاسيه شهقت برعب وهي تاخذ نفس من شافت ابوها ينحرف عن الطريق ويطيح مغشي عليه حركت بسرعه السياره وهي تصارخ تحاول توقفها وبقدرة قادر قدرت توقف السياره وايدينها ترجف من شدة الموقف المرعب اللي حصلته كان وراهم يمشي ببطئ وهو مستغرب من انعوجات السياره شاف الموقف قدامه هالحين بضبط تاكد ان بعد ماجته رساله من ابو ثامر(ودع الراحه يافياض وسجلني عدوة من بعد هاليوم) ماهو مخليهم بسلاام وقف سيارته بسرعه وهو يتجه لهم فتح الباب وهو يصرخ عليها بقوه : انزلي بسرعه انزلي شفاتها ترجف ماهي قادره تنطق بس كانت تاشر على ابوها سحب خاله وهو يحاول يطلعه رغم نحافته الا ان جسمه ثقيل وطويل سحبه بكل قوته وهو يبعده عن السياره اشر لها : تعالي ساعديني شافها واقفه مو قادره تتحرك مسح على وجهه: يابنت اخلصي علي وساعديني تقدمت وهي تسند ابوها بضعف يوهمها انها ساندته بس الحقيقه انه هو اللي سانده وكل جسمه مايل عليه بس كانت تمشي بجنب ابوها وماسكه ايده دخله السياره وسدحه "اركبي قدام ولا تطلعين ابد راح للسياره وهو يفتحها وياخذ الاوراق المهمه طالع الكفرات وشافها مشققه مسح على وجهه : انا وين مالديت وجهي المصايب حايفتني حوف وقف وهو يشوف السياره بدت تدخن ابعد بسرعه وهو يركب سيارته ويحركها بكل سرعته للطريق العام رفع جواله وهو يبلغ على ان فيه سياره محترقه الدمع بعينها رافض ينزل تسمعه وهو يعجل على الدفاع والشرطه يجون بس عقلها توقف استيعابه وهو ينطق : بنزل ابوك على اقرب مستشفى بتدقين على واحد من اخوانك يجيه وبعدها سكت وهو يردف: بعدين تعرفين رفعت عيونها بعدم استيعاب وهي تشوفه فعلاً يدق ويشرح وضعه ويجهز المكان ظلت ساكته وهو يوقف عند المستشفى ودقايق وجاه الممرض يساعده وبعدها اشر لها تنزل نزلت وهي تمشي معه مسك ايدينها بسرعه وهو شايفها كيف ساكته وماتنطق بحرف مشى بسرعه وهو يطلع من الباب الثاني ويشكر واحد من الممرضين شافت السياره غير غمضت عينها وهي تعطي رقم اخوها للممرض ركبوا السياره بعجله وهو شايف صمتها كيف حرك وهو يتجهه للمطار رفع جواله وهو يرسل لخويه: انا طالع للكويت مال لابو ثامر فيها نفوذ رد ب استغراب: ماخبرتك جبان تنحاش منه فيـاض : ابو ثامر ماهو لحاله متعاون مع ناس اقوا مني ومنك كل شغلنا اللي اللي فات راح وانا هالحين رجال متزوج بيجلسون يذلوني فيها لازم ابعد وانا عارف انه مايعرف احد بالكويت ولا يقدر يوصلني كتب : انتبه لنفسك وبعدها نتقابل ونشوف وش الوضع فيـاض: امانتك اخواني حاول تجيبهم لي ب اقرب فرصه رد : لا تشيل هم كلنا معك فياض : طيب يرص على ايدها بقوه من غير لايستوعب الحره اللي فيه مجبور يطلع من الرياض ماصار له اسبوع وجته الامور كلها فوق راسه لازم يطلع مجبور على الطلعه مجبور تشوف ملامحه كيف تتبدل من قسوه لملامح سرحانه مكسوره وبعدها يرجع لقناع البرود طالعته بنظرات وهي مستغربه هدوئها راسها مصدع عيونها بدا يخف تركيزها غمضت عيونها بوجع من كثر مايشد على يدينها طلع صوتها الناعم بالعافيه: ارخ اعصابك بتخلع ايدي ارخ ايده وهو يمسح على وجهه وثواني وقف قدامه المضيف: الطياره جاهزه هز راسه وهو يمشي وراه ورجع يشد على ايدها ركبوا الطياره بهدوء رمى بجسده الثقيل على الكرسي غمضت عيونها ب الم الوقت فاتها ليش ساكته ليش مابكت ماتكلمت ليش رضخت بهالسهوله فيه شي جالس يصير مو طبيعي خمول بجسمها عدم استيعاب رفعت عيونها له وهي تطالع لملامحه المشدوده ومغمض عيونه ب الم ياترى من هالشخص يحمل نفس اسم عايلة فاطمه وفواز الناصي معقوله اخوهم بس اخوهم قالوا انه توفى مع ابوه حتى اسمه مانعرفه من هالشخص اللي ب اقل من ثلاث ساعات امتلكها وصار يتحكم فيها وهي ساكته اخذت نفس بصعوبه وهي تسمع المضيف يقوله: تم خروجك من غير لاتتسجل انك مسافر تواصلنا مع اللي هناك وضبطوا وضعك مد الاوراق هوايتكم الجديده وجوازتكم مغمضه بس شدها صوته وهو يقول: حتى الجنسيه المضيف: مجبورين هز راسه : جزاك الله خير طلع وبعدها لف على اللي بجنبه بس مسافة كرسين مايله بوجهها على الشباك وتتأمل تسمعه يقول: الاقلاع بعد ربع ساعه ماردت وهي لازالت لابسه نقابها البروده تمكن من جسدها خلاها ماتحس ابد حتى ردة الفعل ما اعطته طالعها : فكي نقابك ماعد احد داخل غير المضيفات ماردت عليه ماحست الا بيدينه القاسيه تسحب النقاب: لمن اقولك كلمه اسمعيها لاتحاولين تعانديني اشتري سلامتك يابنت لافي نطقت بنبره هاديه: ابوي وش صار عليه طالعها بنبره غريبه : بخير لاتخافين ابوك ذيب يعيش اكثر مني ومنك وبسؤال:غريب خضوعك مانتي خايفه ليش الدمع ماهو بعينك ابتسمت بسخريه: لاني مع زوجي ما اظن مع غريب واذ على هدوئي معك رفعت نظراتها : انا نفسي مدري ليش للحين هاديه وماصرخت يمكن الصوره اللي راسمتها لك جالس تشفع لك تخليني بهالرضا وياك بس ابوي قالي لاصار شي امشي هاديه ولاتعارضين يمكن ياخذك يمكن يبعدك خلك هاديه وضحي علشان اهلك وعمامك نزلت نظراتها ببعثره وهي تلملم عباتها: ابو ثامر ماهو شخص يستهين فيه مانت طالع منه الا انه فيه امر كايد صاير.... انا سألت وعرفت وش خوافيه وابوي بعد حذرني منه كثير مارد وهو يرجع ظهره لورا غارق بصمته العريق ماهو قادر يبوح كيف يبوح يالجادل وهو شخص اللي تعود يضحي بحياته لاجل غيره انسجن علشان ينقذ ابوه وتوفى قبل لايشوفه ولا يضمه كيف يتكلم ويرتب الكلام وهو من طلع من السجن اغترب لدنيا ثانيه وحياه ثانيه تعلم فيها الكثير تعود على الوحده رسم خطط كثيره عاش بخيالاته وابعد عن واقعها ولمن نوى يحقق اول احلامه لقى نفسه يضحي مره ثالثه بحياته وينقذك من شخص دنيء امس بضبط كان جالس مع ابو ثامر ويسولف معه هو ماهو غبي عارف خوافي هالانسان اكثر من نفسه كان دايم يتلبس قناع البرود والمحبه بس علشان يشوف وش نهايته معه تلاقوا علشان مصلحه وحده وانتهى فيه الوقت يضحي بحياته ويتغرب مايدري وين بتوديه هالحياه ولا وش بتصفي له بس اللي هو عارفه ان اللي بجنبه بتدخل بمتاهات مالها اخر معه ......التفت لها وهو يشوفها متلثمه كأنها جالسه تعانده ماله حيل يتكلم معها وظل ساكت وعيونه تتأمل سقف الطياره متعاجز يتجهه للغرفه الموجوده... جتهم المضيفه وهي تردف انهم بيقلعون الحين بس حست بوجع بصدرها عيونها غرقت بدموع وهي تعتذر لامها بقلبها تتأسف لاخوانها يشوف رجفة جسدها النحيف هو عارف انها توها تستوعب اللي صار نطق بسخرية الصدف اللي تعيد نفسها: بتتعودين على فراقهم تراهم فتره بس وبعدها بينسون طاريك ويكملون حياتهم ابوك ماراح يخليهم كذا بيدبر سالفه ويقولها لهم ماردت وهي ودها تصرخ فيه يسكت بس لقت نفسها تغرق بصمت اكثر واكثر وعيونها ترتخي غصبن عنها غمضت وارخت اعصابها نامت تحت انظاره وهو مستغرب هالانسانه اللي بجنبه تنام بعز مصايبها شلون يرتاح جفنها وهي مبعده عن اهلها كانها تقوله بهالتصرف انها ابرد من بروده بمراحل بس هو تعب تعب الين وصل لين الجمود اللي يغلفه هو فقد ومات وهو حي ماتت امه قدامه دمها غارق بلبسه ذنبها برقبته طفل عمره عشر سنين كيف تحمل امه غارقه بدمها قدامه ولا صار فيه شي ابتسم بسخريه: سابقك يالجادل بمراحل توك ماشفتي شي _________ _________ بالرياض: بالمستشفى صحى وهو يشوف الكل حوالينه التفت ونطق برعب: الجادل وينها بنيتي وش صار لها ابراهيم ب استغراب: اللي وصلك رجال لحاله مامعه احد ويقول ان سيارتك احترقت وانقذك بس مامعك اي احد صدره يرتفع وينزل التفت لبدر ورعد اللي يطالعونه ب استغراب ويطلبونه يهدا نطق برجفه بعد ماجاه الممرض وكان مكتوب على بلوزته كلامه بالانقلش بالخط الصغير اشر عليه بصمت فهم عليه وعيونه بتدت تلقط الكلام والممرض جالس يغير له المغذي دمعت عيونه بوجع فزوا وهم يحاولون يهدونه رعد: وش فيها الجادل وشمعنى الجادل وينها امها تقول اخر شي كانت معك كيف ماهي بالسياره هز راسه وهو يردف بعد ماهدا ويطالع ملامح عياله المستفسره واخوانه نطق بصوت مهزوز: زوجتها وسافرت مع زوجها صرخ ابراهيم وحسن عيونه طايره والاساله بوجيه اخوانه: كيف تزوجها وتسافر لا مو على كيفك منعتها من الدراسه وبعدها بظرف يوم تزوجها لافي وماله حيل يتكلم: جاكم العلم ولا ابي احد يسألني البنت راحت بحال سبيلها بدر: لامنت بصاحي تزوجها كذا كانها عايبه ولا مالها سند وفوق ذا يسافرون والناس وش يسكتها لاسألتنا وينها لافي وهو يرفع ايده مانع الاسئله : بنتي وكيفي ماحد له يناقشني فيها ولا اشوف احد ينبش وراها ولا ورا زوجها رعد ضاغط على ايده بقوه: من ولده هاه من لافي ب ابتسامه: مايخصكم ويلا اطلعوا هديتوا راسي خلوني ارتاح حسن: اخر واحد توقعته يبيع الجادل انت لافي رفع حاجبه: اطلع طلعوا وكان اخر واحد رعد يطالعه بنظرات قويه طلعوا وهم صامتين وكل وحد الاسئله تملاه نطق بدر: نجتمع ببيتي ونشوف وش نسوي بهالمصيبه ... اما داخل الغرفه ريح راسه وحط ايده على عيونه وطاحت دموعه ب الم وعيونه تعيد الكلام: بنتك بـ أمان سمعتها بين ايديك لاتخاف عليها بحاول ابعدها عن مشاكلك "خريج السجون مايدري يبتسم ولا يبكي متأكد دامها معه بينتبه عليها بنفس الوقت قلبه ناغزه ضحى فيها نفس ماضحى بغيرها الايام تعيد نفسها معه خسرته قبل وخسرته الحين خسارته الحين توجعه لابعد حد كيف يعد نفسه رجال وهو بغى يسلمها لناس ماتخاف الله حمد ربه طلع فياض بنص المعمعه وانقذ بنته ممتن له على كثر ماكره ممتن له على كثر ماتعبه وخسره بحياته الكثير اناني فوق مايتصوور فرحان انه انقذ بنته ونسى انه كسره مرات ومرات نسى ان حقدهم اعماهم وعيشوه بتعب وهموم مايتحملها احد ولما نوى يرجع يمارس حياته ويعد نفسه مع هالناس لقى روحه بمصيبه اكبر وهالمره مو لافي هالمره القدر رسم طريقه معه وكأنه يختبر قوة تحمله وصبره ________ بالمزرعه جالس بمكتبه بعد ماعفس الدنيا :كيف مو موجود وين ذلف هالكلب نطق اللي قدامه:مالقيته والله حتى انه ماطلع من الرياض بحثنا بكل مكان شيكنا على اللي طلعوا من السعوديه بس اسمه مو موجود وزوجته بعد يقولون مارجعت مع ابوها شد على سنونه بغضب: يعني قلب الطاوله علينا وين بتروح مني يافيـاض مصير الايام بتجيبك لي مصيرها يسمعه تهديده والابتسامه معتليه وجهه: جابتني الايام وخلصت دورها تجيبك دورها وقف بعد مافتح الحزام دنق عليها وهو يحاول يصحيها بس مافي اي استجابه تنهد وهو مو عارف يتصرف معها ابد نادا للمضيفه تحاول معها وهو بدا يطلع اوراقه واغراضه طالعها توقف وجسمها مرتخي على المضيفه نطق بسخريه: ياحلوه صحصحي فتحت عيونها بتعب نزلت نظراتها وهي تبعد يد المضيفه بضعف: اتركيني اخذ اغراضه ولبس جاكيته على ثوبه البني مسكها بقوه وهو يمشيها معه نزلوا للمطار وبدوا يكملون اجراءتهم طلعوا من المطار وهو حاس فيها وايدينها البارده لبسها جاكيته من غير لايتكلم وهي كذلك ركبوا التاكسي وبدا يوصف له البيت غمضت عيونها وتحاول تكون قاعده لين الاقل ماتوصل وصلو البيت المتواضع عقدت حواجبها ولفت عليه ب استغراب : شايف البيت كيف متهري كيف نسكن فيه! مارد وهو ينزل نزلت وراه بسرعه اخذ شنطته واغراضه فتح الباب اللي من حديد مصدي دخلت وراه سكر الباب وهو يشوف الحوش الصغير دخلوا البيت كان منظره متواضع جدا غرفتين داخل الصاله ومطبخ يالله يكفي شخصين وحمام ودوانيه بالحوش الثاني اللي كان صغير مسكت راسها وهي تقعد وممداها الا وتصارخ من الفار اللي يناقز على الكنب المغبر تعلقت فيه بخوف: الله يخليك طلعني من هينا والله ما راح اسوي اي شي اللي تبيه بيصير بس مابي اسكن هينا مابي ابتسم بداخله على خوفها واردف برود مصطنع: مجبوره تبقين مع زوجك وين مابغى صح ولا بعدين احمدي ربك بيت وسقف يلمنا ابعدت عنه وهي تطالع كل شي الا انها تحط عينها بعينه بس استغربت منه وهو يقرب منها بترقب وكأنه بيمسك شي وفجاءه حضنها بكل قوته ونفض عباتها بقوه وكانه يمسك شي صرخت وهي تصرخ فيه يبعد عنها ويفكها همس بخفوت: لاتتحركين اثبتي خلك ثابته قلبها يرجف تحلف انه يسمع نبضاتها المرتبكه: وش فيه وبلحظه نزع عباتها وهو ماسك شي غمضت عيونها: وشو لف عباتها وهو يرميها برا دخل : لمصلحتك ماتعرفين فتحت وهي تصغر عيونها بس حست بالجاكيت ينحط على كتوفها لفها له : اخر مره اشوفك لابسه هالبس جاء بيروح تمسكت فيه برجا: وين تخليني هنا لحالي نزل ايدينها بهدوء: بروح اجيب لك عبايه ولا بتطلعين كذا دمعت عيونها وفجاءه من غير سابق انذار انهارت: لاتتركني هينا تكفى خذني معك بدت تشاهق مالقى نفسه غير يطالعها بهدوء يحاول يتقدم يحضنها يقولها اعذريني على اللي بتشوفينه معي طلعها معه وهو حالف مايوجعها حالف يبعدها عن حقده مايبي يصفي الحسابات على حسابها مالها اي ذنب رماها القدر بطريقه ومالقى نفسه غير يحلف يلحفها بالامان ولا يعيشها رعب الغربه والمذله ولا تعيش شعور الحقد والانتقام تصفية حسابه مع خاله بس خاله هي مالها اي ذنب مسح على راسه وهو ينطق: خلاص اهدي اهدي ماني رايح طلع جواله وبدا يركب الشريحه الكويتيه وثواني وهو يتصل على واحد من اللي معه ورتبوا له المكان : البيت ناقصه اغراض واجد ابي بعد تجيب لي عبايه ايوه وقف وهو يتجه لها وهي ساكنه بين فتره وفتره تطلع شهقه منها وقفها ومالقى نفسه غير يشبرها طارت عيونها من طريقته من الحين يشبر غير جدتها رد : ايه طولها 8اشبار عقد حواجبه بعد ماسمع الضحك وانا شدراني كم طوالها نطقت بهدوء: 160 قاله وبعدها سكر وهو يحذف الجوال: البيت يبيله تنظيف من قلب وصيتهم يجبون الاغراض علشان تنظفين و قاطعته : انت معي ما انظف هالخرابه لحالي هز راسه : ماني مخليك بنقسمه بينا علشان نخلص بسرعه : بس امانه حق الحشرات رشه وفكني انا نقطة ضعفي الحشرات والصراصير ابتسم : زين شي ثاني هزت راسها بلا وهي تشوفه يوقف ويقولها تطلع معه جلسوا بالحوش اللي فيه مجلس الرجال تنهد بحيره وين يجلس نزل شماغه وهو يفتحه ويفرشه اشر لها تجي وتجلس جلست بمقابله وهم قربين من بعض رجع لصمته وسكوته جالسين بنص الحوش من كثر ما داخل يجيب الكئابه وغبار بس ضمت نفسها رغم الجاكيت الدافي اردف: بعد المغرب نطلع ونجيب لبس لك لو ظليتي كذا بتمرضين هزت راسها بصمت وعيونها حايره نزلتها بسرعه من تلاقت بعيونه وهو مازال مركز فيها انسانه واضحه قدامه شفافه بالنسبه له يقرا تفاصليها ويدرس اطباعها ما انهارت لانه ابعدها عن اهلها ماعارضت لمن دخل فيها لعالمه ولا سألت لمن دخلها المطار ليش مسافرين بس انهارت علشانه بييطلع كيف قادره تخبي هالحزن يجزم انها مابكت علشان خايفه تجلس لحالها بكت علشان بعدها عن اهلها بكت علشان مصيرها الجديد نظراتها كانت تقول وشفاتها تنطق عكس عيونها ماتدري ان اللي قبالها قد عاش نفس كبريائها كابر مر بنفس اللي جالسه تمر فيه تغرب سنين بمكان معزول كانت نظراته ضايعه مثل نظراتك بتمام كابر انه ماهمه ومن انعزل لحاله واستوعب بكى بكى والبكي بقانون الرجال ممنوع نزلت دمعته علشان حديد انصك عليه منعه من وداع ابوه وشوفة ملامحه مسح على وجهه بتعب وعيونه حمرا من قل النوم يومين مواصل ماخلا احد ماكلمه يساعده من عرف بنية ابو ثامر ماكان الامر يهمه بس لمن عرف من بنته فز وهو يحاول يبعد شر ابو ثامر قد مايقدر عن خواله وينشغل فيه اسند راسه على ركبه وهو ملاحظها عيونها تغفي وتفتح زفر والبخار يتصاعد مع انفاسه والهوا البارد يحرك شعره ضم ايدينه وهو نفسه يسند ظهره على المركى ______________ الرياض بيت بدر: مجتمعين بعد ماقرر بدر يجمعهم كلهم ويعلمهم نطق بهدوء: لافي زوج الجادل وسافرت مع زوجها شهقت امه : لا ماهو بصاحي كيف يزوجها كذا من غير ماندري بدر : مادري عن وليدك لاطلع تفاهمي معه عجزت وانا احاول افهم منه وش صار هزت راسها برفض: لاحول ولاقوة الا بالله رعد اللي كان ملتزم الصمت واخوانها ساكتين واضح من ملامحهم الوجع دخلت سهام على طول وهي تتنفس بغيض: اقسم بالله يابدر ان مافكيتني من خويك المجنون لا اكون مفضحه فيه بكل مكان والله فزوا بدر ورعد راح لها وهو يهديها وهي ترجف بقهر : وش صاير تكلمي سهام رفعت عيونها لبدر اللي طلع يدوره ودخل: أسال اللي زوجني اياه بدر بهدوء: انا متهاوش معه من فتره ليش و مسوي سهام وقفت وهي تطالع لهم: مابي منك الا انك تفكني منه اما وش مسوي ماقدر اقولك وطلعت وهي تسمع رعد يناديها ماردت وهي تتجه لبيت امها القريب قهرها الحقير ابتسمت من الرغم من حزنها وهي حاطه سماعه وكاميرا بسيارته سجلت كل شي بجوالها واخيرا مسكت عليه دليل تقدر تتطلق منه وتذله دخلت جناحها وهي تفسخ عباتها وتطالع تركي النايم على سريرها مسحت على وجهها وهي حاسه براحه تسري بجسمها من الرغم من كسرها الا انها فرحانه بتبعد عن هالعايله المريضه هو اهم ماعليه سمعته وسمعته كلها بيدي اقدر اخربها بثانيه بس لا بجلس اتحكم فيها لصالحي واخوفه واخليه يطلقني بهدوء ومن غير مشاكل اما رعد وقف عن مدخل جناحه وهو يشوفه فارغ بعد ما استئذنت منه تروح لاهلها سمح لها تروح وتنام عندهم لو بغت وده يختلي بروحه يشوف ابعاد اللي صار يحسه للحين مقهور على الجادل _______ فاطمه جالسه مقابل فواز بعد ماطلعوا لكافيه قريب يتقهون ويغيرون جو : اقولك دانه وش اسم اهلها ليش ماعمرها عزمتهم هينا او شفناهم حتى ماتسولف عنهم او احد يجيب طاريهم تهقى ليش فواز طالعها بغضب: رجعنا لطير ياللي انا وش قايلك انسسسي ولاتنبشين بالماضي ماهو بصالحك بعدين وش عرفني منو اهلها كل اللي اعرفه ان عمامها بالدمام وابوها متوفي من زمان وعايشه عند امها بس واخوها مدرس ذا اللي افهمه واعرفه فاطمه سكتت بعد ماشفت خالتها ندى تدخل : شفيه اصواتكم طالعه ناسين انكم بمطعم فواز وهو يوقف ويسلم عليها: ابد استفزتني بعض الناس ماترتاح الين تطلعني من طوري ندى ب ابتسامه: فطيم اعتذري له فاطمه بملل وقفت وهي تحب راسه: اسفين يالشيخ فواز ندى جلست بجنبه: ايوه اشوفكم صايرين تطلعون من غيري ولا تمروني تصحوني اروح وياكم زين رحمني السايق وعلمني وين رايحين فاطمه: كنت بجيك بس خفت تكونين نايمه وازعجك طالعت لفواز اللي رفع ايدينه: مالي شغل هي جتني وقالت امش بنطلع نفسيتي تعبانه ابتسمت بهدوء وبدت تطلب تحت هوشات فاطمه وفواز وحكيهم شكثر اشتاقت لهم ماتعودت تفارقهم الا لمن تزوجت سرحت وهي تتذكر زواجها العائلي واصرار باسم عليها كان غريب خطبها كثير وكانت ترفض الين ماغصبها لافي كانت مستغربه من هالشخص اللي ميت عليها لهدرجه مايدري اني تعبانه ومتحطمه صارحها من اول يوم انه يحبها ويعرفها من زمان كانت يبيها من يومها بالثانوي بس ابوها كان يرفض بعذر انها صغيره قالها راضي فيها وبكل عيوبها المهم انها تصير زوجته رغم رفض اللي حوالينه صدق انها جميله بس مشيتها وعينها خلوها من غير ثقه بس رجعت لها الثقه من صار باسم بحياتها وبدا يعالجها بمحبته رفعت راسها على صوت فواز وهو يضحك: ايه سرحت بباسم الله لنا فاطمه وهي تمسح على كف اخوها: شفت يافواز نستنا بسنتين بس ندى: اقول عن الخبال وقومي قهويني ضحكوا عليها كيف منحرجه فواز: هههههههههه ياخاله وش فيه وجهك صار طماطه شالت شنطتها بقهر منهم فواز: لا خلاص توبه اجلسي ولا ماعاد نحرجك فاطمه وهي تمد الفنجال: يحليلهم اللي يستحون بس وبدوا يسولفون ويتقهون وهم يحاولون يستغلون كل يوم بوجودها ______________ المجمعه: شاهر جالس بنص الصاله ويلاعب توق تحت انظار دانه والجد وفوزيه اللي تحط ترتب العشا: يلا تعالو وانت ياشاهر خف على البنيه قطعتها تراها بزر شاهر وهو يوقف ويشيلها : عاد احبها شسوي اتجه لهم وهو يجلس بجنب جده وهي بحضنه دانه وهي تتجه له: جيبها بعطيها للمربيه شاهر مدها بهدوء دانه اخذتها وهي تعطيها المربيه وبعدها رجعت تاكل بصمت اما الجد كان سرحان ويطالع بالاكل من غير شهيه فوزيه: يبه سم بالله واكل مايصير كل يوم نفس اللي قبله احاول فيك تاكل يايبه صحتك اهم من كل شي رفع عيونه الحزينه لها وهو ينطق: مالقوا فياض جيبوا لي فياض بشوفه شاهر وهو يمسك ايديه: يايبه فياض بخير انا كلمته قبل يومين طالعوه كلهم بترقب الجد: صادق ياشاهر شاهر : ايه والله كلمته وقال مايقدر يجي قلت له يجينا ب اقرب وقت الجد: وينه فيه شاهر: مسافر برا يكمل دراسته ومن تخلص بيجي وتفرح بشوفته الجد ب ابتسامه: الله يفرحك مثل مافرحتني تغصب الابتسامه علشان هالشايب المسكين : امين ياجدي امين _______________________ المزرعه دخل واحد من اللي يشتغلون عند ابو ثامر وشغل التسجيل وهو يسمع صوت فياض/ العذر والسموحه يا ابو ثامر بس ماهقيتها منك تغدر فيني بنص الطريق قايلك انتقم من خالي بس لاتقرب لاهله بس انت اخلفت بكلامك لاتعب نفسك وتدورني لانك ماراح تحصلني الا اذ طاح الحطب وشلت اللي براسك كله ذيك الساعه بجي اواجهك سكر الجوال وهو يشوف ابو ثامر معصب : وين بتروح يافياض وين جايبك جايبك التفت له اتصل على اللي يراقبونه واطلب منهم رقم اللي مرسليهم ضروري هز راسه وهو يطلع رجع راسه لورا وهو ناوي يتفق مع الناس اللي جوه قبل ويبون رقبة فيـاض بس رفض والحين والله لايتفق معهم ويعلمك كيف تلعب بالنار يافياض _________________ الكويـت: الساعه10 بعد ماجتهم العبايه والااغراض طلعوا على الطول السوق يمشي وراها بملل : يابنت خذي لك شي حلو ورخيص لاتطخين بالماركات ترا مامعي شي يكفي يادوب لبس يمشي الحال جادل: ومن قالك لبسي دايم من الماركات ترا ماني من هالنوعيه انا ابد اللي يعجبني ب اشتريه فيـاض: اشوفك شريتي للحين ماطلعتي الا بكيس واحد ورانا البيت حوسه وين بنام فيه هزت راسها وهي تدخل سنتر وتبدا تشتري وتنسق شاف بلوفر باللون العنابي ويتوسطه كلام بالابيض اعجبه طالع لزولها وهي تشتري وخمن ان مقاسها m اخذه وهو يحطه ب اغراضها وهي لاهيه تختار ورجع يوقف بملل ويطقطق بجواله ثواني اردفت: خلصت رح حاسب مسك الاغراض وراح يحاسب وبعدها طلعوا : تبين نتعشا هينا ولا بالبيت الجادل وعيونها على الناس : مالي نفس مارد عليها وهو يطلع مع اقرب بوابه اما هي تمشي ببطى خلفه خلاص حيلها وصل حده مافيها ابد تمد يدها ولا تتحرك بتنام بس بتنام بهدوء وتتخيل نفسها بغرفتها شغل السياره وهو يطالعها تركب بهدوء: رحمتن بحالك با اخذ فندق بس الليله هزت راسها : شكراً مارد وهو بحرك بصمت وبداخله ينطق: ياحظك تنامين متى مابغيتي ومرتاحه شايفه حالك معي ب أمان بس الحقيقه اني فاقد الامان _______ الريـاض بمقر دوامه / الحق حريقه بحي ... فيلا رقم .... جمدت حواسه وهو مو قادر يوقف من الرجفه هذا عنوان بيتهم الصدمه شلت حواسه افاق بعد ماضربه صديقه : البس والحقنا بسرعه مو وقت صدماتك ____________ الى هنا ولقائنا الاثنين القادم توقعاتكم الحلوه . استودعتكم الله | ||||
|  |
|
28-11-19, 11:22 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السـلام عليكم ورحمة الله وبركاته شكرا لكل من ارسل وسأل حبيت ابلغكم ان الروايه بتتوقف لفترة من زمان ارتب فيها افكاري ومنها اكمل الاجزاء لحتى النهايه ومايكون فيه انتظار كثير بالنسبه لكم كان قلة التفاعل سبب من الاسباب اللي خلتني افكر كتير بتوقف الروايه وعموماً التوقف ان شاءالله ماراح يكون طويل عباره عن كم شهر لحد ما تكون الروايه وخط الافكار مثل ما ابيه ... وبيكون حلو لي ولكم من ناحية ترتيب الافكار وكاتبة الاجزاء براحه واخذ الوقت الكافي لها ادامكم الله بصحة وعافيه وخليكم بالقرب مني استودعتكم الله واتمنى دعواتكم ترافقني. | ||||
|
| |
|
03-04-20, 12:41 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الخامس. مدخل: يٌدفن حي مع كل ميت الريـاض: اسدلت الشمس اشعتها لتمحي احداث الامس واقف قبال غرفها بضيق صار له ساعه يحاول بحسن يطلع بس ملتزم الصمت وعيونه على صورها بكل مكان اما امه اخذت اغراضها وطلعت لبيت اهلها زعلانه على ابوه وابوه مايدري وينه من طلع من المستشفى مابين تنهد وهو يضم كتبه لصدره وبصوت مرهق: ياحسن الله يخليك افتح الباب والله بتطمن عليك نطق بضيق: براحتك انت الخسران واتجه للدرج ونزل مسرع بغرفتها يسمع صوت اخوه وهو يحاول من الفجر يطلعه بس صوته خانه مو قادر يرد عليه وقف بتعب وهو يتذكر خوفه امس والبلاغات الكاذبه اللي صارت ولاول مره تصير وياهم عقد حواجبه وهو يتجه لسرير وينسدح بتعب وارهاق ولازال ملتزم الصمت ____________________________ بيت شاهر جالس الجد بصاله وفوزيه قدامه تحاول فيه: فوزيه: الله يخليك يبه بس هاللقمه صد بوجهه وهو ماله حيل ينطق قربت الاكل : يبه وراك علاجات مو زين لك وبكل غضب دف الطاوله بعصاه : ابي وليدي جيبوه لي كله من تحت راسك انتي وبنتك خليتوه يزعل علي فوزيه دمعت عيونها وهي توقف وتنادي الخادمه:تعالي شيلي الفطوور وبصوت عالي :شااااهر ياشاهررر نزل وهو يركض:سمي رفعت كمها وهي تسمح دموعها:ابوي مو راضي يفطر لين يجي فياض ال .. قاطعها بضيق:خلاص يمه انا بكلمه طلعت لفوق وهي تسمع دانه تلاعب بنتها دخلت عليها وهي تجلس وعلى طول بكت فزت دانه وهي تجيها:يمه تعوذي من ابليس وش صاير فوزيه وهي تشاهق: ابوي يقولي كلها منك ومن بنتك حاطني السبب بغياب فياض كأنه مايدري ان حفيده راع خرابيط وحبوب الحين عقب هالعمر يتحسب علي وعليك كاني طاقته ع ايده وقايله له انقلع برا ولا رح وبيع حبوب بس مقيوله ما غلى من الولد الا ولد الولد وحنا بالطقاق دانه وهي تمسح على كتفها: يمه الله يهداك عارفه ان جدي تعبان ورجال كبير واكيد مايقصد بكلامه بس هو بعد اتعبه فراق ولده ووفاة ضناه ولا هو بحمل خسارة فياض وغيابه فوزيه وهي تسحب نفس بصعوبه: وانا بعد بنته ليش مايحس فيني قبل كان بس ناصي والحين يطلع لي فياض نسى عمايل ناصي اللي ذبح مرته ودعم عايله كامله وزور اوراق ليش نسى كل هذا والفضايح اللي صارت بسبب ناصي ومن عقبه جاء ولده وكمل هالطريق دانه بحزن من كلام امها: يمه ماتجوز على الميت الا الرحمه وبعدين فياض مر ب اشياء تكسر الظهر مستخسره فيه محبة جدي مو كافي غيابه اللي اكل قلبه رفعت وجهها وهي تمسح دموعها : انتي ليكون للحين تحبينه دانه اخذت نفس وصدت: يمه انا مره متزوجه وش هالكلام حتى لو باقي له محبه اكيد بمسحها دامني بذمة غيره طالعتها وهي تتأملها: والله يابنت بطني انه ماطلع من قلبك بس خوذيها مني رعد لاتخسرينه ولاعمرك تفكرين تتركينه الرجال يحبك وشاريك دانه ضحكت بسخريه: خير ان شاءالله وقفت وهي تتجه لتوق وتاخذها : انا نازله بشوف جدي وابي اكلم شاهر فوزيه: طفي النور بنام عقدت حواجبي بضيق مو من طبع امي تنام هالوقت ما اعطيت الموضوع اهميه وانا انزل لجدي وبحضني توق تلعب بشعري ابتسمت بحنيه من اقبلت عليه وهو يبتسم لي ويأشر لتوق : هاتيها لي يـابوي ابتسمت من قلب على هالكلمه نزلتها بحضنه وهي تلعب بجيوبه وبسحبته حبيت راسه وانا اقول: كيف اصبحت يالغالي نطق والبسمه بدت تختفي من شفاته: الحمدالله دانه : عسى دايم يالغالي انا بنادي المربيه تجلس عندكم علشان توق لا اذتك تاخذها وبعدها التفتت لشاهر اللي ملتزم الصمت وجالس على جواله ويتجاهل وجودها : شاهر ممكن شوي رد وهو مازال على جواله: مشغول بطلع قامت وهي توقف قباله: ابيك ضروري هز راسه وهو يتقدمها ويدخل المجلس : قولي وش عندك بسرعه سكرت الباب وهي تجلس : من اخذت رعد وانت هذا اسلوبك متى يتعدل مرت على السالفه اكثر من سنتين ليش ماتقتنع ان مابيني وبينه نصيب وان كل شي قسمه ونصيب يرضيك تخسر اختك علشان واحد مافكر لا بجده ولا فيك شال نفسه واختفى وهذا هو دايم مختفي بوقت الضيق شاهر متى تلتف لنفسك متى تلتفت لي انا اختك وحيدتك مالي بهالدنيا الا انت حتى ابوي مامدانا نفرح بوجوده ولا اذكره بحياتي قد ما اذكرك انت انت ابوي وحياتي وكل دنيتي شاهر الله يخليك لاتتركني لاتخليني احس ان رعد ظهر وسند وياخذ دورك وانت موجود شاهر ابتسم بسخريه: الحين يعني انتي متخليه سبب زعلي فيـاض ولا رعد انا ماني فياض علشان ازعل عليك انا زعلان على الايام اللي راحت وانا زعلان عليك وعمري اللي راح وانا منتظره يمكن انتي تكونين خذلتيه ب انفصالك عنه وهو بحاجه لك بس انا وهو كنا اكثر من اخوان ويمكن لو عندي اخو ماكنا قراب من بعض مثل فياض بس صدمني من طلع وهو انسان ثاني مسح على وجهه وهو يكمل: ماني زعلان عليك يادانه مهما كان تبقين انتي اختي وهذا نصيبك واختيارك الله يهنيك ويسعدك قالها بنبره حزينه جدا وهو يتذكر ايامهم مع بعض وايام دانه وفياض لمن كان ناشب لهم ووعودهم وهوشاتهم على اسماء عيالهم وقف وهو يشوفها تبكي دنق عليها وهو يحضنها: كل شي بالدنيا نصيب وانتي اخذتي نصيبك ولا تحسين بيوم اني ممكن ازعل منك ولاضاقت فيك الدنيا تذكريني تذكري شاهر اللي قبل اللي كان يقلب الدنيا علشان دموعك انا هنا وموجود علشانك لاصار بينك وبين زوجك شي لايردك عن بيتنا شي سامعتني هزت راسها وهي تشاهق بقوه حست نفسها لاول مره تبكي بعد كم سنه تحس نفسها توها تستوعب حجم خسارتها لفياض وهي تطالع عيون اخوها وحزنه وهو يردد نصيبك يادانه واختيارك تجزم انه تذكر وعودهم واسماء عيالهم وهوشاتهم عليها وبكاها منهم كانوا ثلاثه مترابطين ببعض ايامهم ذكرياتهم بكاهم ونومهم طفولتهم اللي عاشوها مع بعض لين كبروا وخطبها وملك عليها مسح دموعها وهو ينطق: انسي وعيشي حياتك قلبي راضي عنك يادانه وبنبره خاصه فيه: دن دندنه ضحكت وهي تمسح عيونها: اشتقت والله ضحك معها وهو ماسك ايدينها: تذكرين يوم كنتي تعصبين وتزعلين هزت راسها : ماشفت اسخف مني ابتسم وهو يوقف: يلا استودعتك الله انا بطلع لخوي برياض ردت براحه: الله يحفظك طلع وهو يعدل شماغه ركب سيارته وهو ياخذ نفس ولقائه اليوم بشخص جداً مهم مسح عيونه : اهخ يافياض وين بتوصل نفسك لوين حرك وهو مسرع للرياض _____________________ الكـويت : بالفندق دخل شقته ومعه فطور نزله على الطاوله وهو يشوف الفوضى اللي صايره بسبب هوشتهم امس اخذ نفس بتعب وهو يجلس ماله خلق يروح لها وهو يتذكر كلامها له امس امس الساعه 11 وصلو الشقق ونزل وهو يأشر لها تنزل نزلت معه وهي تدخل الشقه ناظرت الشقه بقرف وهي تنطق: الله ماكثر فنادق الكويت ليش نسكن هنا قلة الاماكن فيـاض مارد وهو ينزل الاكياس ويجلس على الكنب صرخت ب انفعال: انا اكلمك ليش نجلس هنا ما عندك فلوس انا ادفع وبعدين قبل شوي جتني رساله انك حولت لي المهر يعني معقوله ماعندك شي تدفع فيه فندق محترم زي الناس مو شقق مازال صامت وهو يطالع السقف حمر وجهها وهي تحاول ماتتصرف بتصرف وتندم عليه وقفت قباله وعباتها وشيلتها مازالت عليها بس نقابها ب ايديها بصوت عالي : ليش ماترد علي مدت ايديها وهي تمسك وجهه: لمن اكلمك طالعني حط عينك بعيني لاتتهرب بهالطريقه فياض ابتسم وهو يطالع بعيونها ابعدت بسرعه وهي تنتفض من حط عيونه بعيونها نطق ببروده : مايعجبتس عجب دامك مو قد الحركه لاتسوينها وانا ما ارد على السفيه وانتي سفيه بحركاتس هذي انا ماتوقعتس كذا الصراحه عندتس نظره فوقيه بدال ماتقولين الحمدالله تجلسين تتبطرين ماردت وهي انفاسها يالله تكتمها بحضرته صرخت لمن شافته يوقف: لاتقرب خلك بمكانك فياض مارد وهو يقرب لعندها ومتجاهل صراخهاوبهدوء مسك طرف عباتها وهو يدفها عن مكان الباب وطلع وهو يسكر الباب بقوه غمضت عيونها بقوه من صفق الباب بكل قوته : وجع اخذت نفس وعيونها تتنقل بزوايا الشقه المتواضعه بنسبه لها : ياربي صبرك قالتها وهي تجلس ع الطاوله ب اشمئزاز من المكان بعد مافرغت غضبها وقلبت الصاله حوسه بعد مرور نص ساعه دخل بهدوء وهو ينزل المفرش الجديد طالعته ب استفهام: وش هذا رد وعينه على ابعد زوايه : مفرش وبسخريه : يشترونه علشان يتلحفون فيه ولا ماتعرفين بعد اوه معليش نسيت من تكونين الجادل بنت لافي اللي كل شي ينقدم لها على طبق من ذهب طالعته من فوق لتحت وهي مطنشه حكيه اخذت المفروش وقبل لاتدخل الغرفه : ترا ماله دخل ابد قالتها وهي تضرب الباب بقوه صرخ بقهر: ولعنه بتخسريني فلوس انتي صدره يرتفع وينزل بغضب وهو حاس نفسه استهلك نص طاقته بالصبر اليوم كله كانت هاديه مايدري وش فيها قلبت استغفر ربه وهو ماله خلق لها طلع بسرعه وهو يقفل الباب طلع لبرا وهو يركب سيارته وبحيره نزل وهو يسكرها ويتجه للحديقه اللي تبعد كم متر عن الشارع والشقق جلس على الكرسي وهو يضم ايدينه ويعقدها على صدره وهو حاس بشعور البرد تنفس بغيض بعد ماجاه خبر ان ابو ثامر جالس يلعب لعبه جدا قذره مع خاله وغير البلاغات اللي كانت بتودي خواله بستين داهيه ضحك بقهر وهو ينطق: ليش ما ابعد ليش للحين جالس اساعدهم رفع عيونه وصورة ابوه عالقه بين اهدابه مسح على عيونه وهو يحس بخجل من ابوه : سامحني يالغالي ماقدرت اثبت برائتك واخذ حقك ولدك غبي غبي لانه مو قادر يشوف خاله يذوق من نفس الكاس غبي لانه طيب غبي لانه وقف مع ضد اعداءه وقلب الناس عليه وهذا انا من 21سنه للحين وانا اهرب من مكان لمكان وبنبره مكسوره: هو كل من يفقد امه يفقد الطمأنينه مسح على وجهه بحزن وهو يسند راسه على جذع الشجر اللي خلف الكرسي محتاج وقت يعيد تفكيره محتاج وقت يوقف مه نفسه يشوف وش ممكن يسوي الهروب مو حل بس جابر وش يفهمه مو هو اللي اصر يطلعني من السعوديه ويبعدني ودي اعرف بس ليش جالس يسوي كذا وش يبي ولو وين بيوصل مرات احسه غامض ب افكاره وب اسئلته بس ما يمدييني اقول ليه وليش او بالاصح مايحق لي أسال كل اللي اعرفه اني امشي معه ونشوف وش نهاية هالطريق معه قاطع تساؤلاته وهو يشوف الشخص واقف قدامه رفع راسه وصد نطق بلهجته الكويتيه: شدعوه ماتسلم وبمرح وهو يدنق عليه: يعني لازم نسلم عليك غصب فيـاض وهو يتكتف: وش جايبك جابر ابتسم وهو يدخل ايدينه ب الجاكيت: ابد كنت مار من هينا وشفتك بعدين وين اهلك لايكون مخليهم لحالهم فيـاض مارد وهو يشيح بنظراته : مايخصك جابر تنهد : فيـاض شنو فيك ترا ماسويت لك شي كل شي سويته لك لمصلحتك عاجبك حالك ابو ثامر يتلاعب فيك وانت ساكت مهما كان عمر الزعل مايخلي الشخص يضر اهله عارف وشو يعني اهله يعني اخوان امه خواله مهما كان حجم النار اللي بصدرك اكتمها ولا تحرق اهلك بنفسك فيـاض: اي اهل واللي يعافيك اللي جالس تتكلم عنهم ذبحوا ابوي ذبحوني عيشوني بهم فقدت اخواني فقدت كل شي امي ابوي اخواني انرميت بالسجن زور خسرت دراستي حلمي جابر ب انفعال: حلمك حققته هذا انت دكتور قاطعه وهو يوقف: يرحم والدينك اي دكتور عقب مامات ابوي عقب ماخسرت شغفي وطموحي انا مستحيل امارس مهنة الطب عارف ليش لاني كلما جيت انقذ حاله تجيني صورة امي وهي غرقانه بدمها طفل عمره عشر سنين مابعد شاف الدنيا صح همه لعبه يركض وراها همه ينام ويشارك ولد عمته كل شي وبالاخير هالطفل انقتل باللحظه اللي دخل السكين ببطن امه وقتلها عارف وش معنى الموت مو انك تموت انك تكون فوق هالارض تتنفس و تعيش تجمعكم سماء وحده وارض وحده بس الفرق انك ميت كل شي قدامك يتقدم لونه اسود العزا للحين بقلبي للحين اعزي نفسي بفقدي لامي وابوي وبحزن وهو يبعده عن طريقه: لو عشت ربع ماعشته صدقني مانت مخلي لافي يعيش ويتمتع بصحته وفلوسه وهو منهي حياتك قبل لاتبدأ جابر وهو يمسك ايدينه: امش معي لاتجلس لحالك ماتعبت من الوحده ابعد ايده بهدوء :لاتتمادى اكثر فكني منك خنقتني ب اهتمامك كلما لفيت القاك بطريقي ياشيخ ليتني ما اغتربت وصادفتك جابر وهو متعود على كلامه اشر له ب صوت علي: اي روح وانحاش ماردك بتجيني ضايق وب ابتسامه: ماحد يعرف لعقدك كثري مارد عليه وهو يتجاهله ويركب السياره متجه للبحر اما جابر ابتسم وهو يركب سيارته : ايه يافيـاض مصير برودك يتوهج ولا من متى تمشي من غير لاتضرب ضحك وهو يتذكر مواقفهم بالغربه على كثر ماكان فياض غريب على انه يحسه مصدر ثقه وامان بغربته وياكثر ما اثبتت غربتهم انه رجال افعاله تسبق كلامه ماكان يتكلم كثير مثلي بس كان فعله يخليني اسكت واتأمل كم هالشخص عانئ علشان يطلع بهالشخصيه البارده الهاديه اللي حتى ملامح الغربه ما اثرت فيه تنهد وهو يمشي وراه من غير لايلاحظه فياض _____ طلعت من الغرفه وهي ترفع شعرها انعقدت حواجبها وهي تشوفه واقف واناقته تتكلم عنه بثوبه البني وجاكيته الاسود وغترته وساعته والاهم نظراته الهاديه وهدوء ملامحه لوهله حست انها تعرفه الملامح المريحه هذي مو غريبه عليه بس قاطع تأملها صوته الساخر: اقرب علشان تشوفين اكثر الجادل ماردت وهي تحس بوجهها حراره من احراجها تجاهلها وهو ينطق: صلي الفجر وبعدها تعالي افطري معي ما احب اكل لحالي او لا خلاص مافيه فطور مو لازم تاكلين قاطعت كلامه وهي تتجه له بعصبيه وتجلس بجنبه وتاكل بقهر اما هي جلست وكل خليه بجسمها ترجف بس حبت تعانده على كلامه لها وتأمره عليها تجاهلها وهو يأكل براحته ولا كأن فيه شخص بجنبه دق جواله طلعه وهو يرد : يارجال انت متى تفكيني من شرك من امس ناشب لي جابر :اول شي تراك قليل ادب قلت لك صباح الخير رد علي وش فيك حمقان بعدين جيب الاهل عندنا امي وخواتي متحمسين يتعرفون عليها فيـاض وهو يطالع لها : مانقدر اليوم عندنا اشغال خلها يوم ثاني جابر: تصدق ماكمل كلامه الا وهو مسكر نزل جواله : لقافه اما جابر لف وهو يطالع لامه وخواته شلون متحمسين: عيا يقول عندهم اشغال وتعرفين اليوم بينقلون البيت اللي ب اخر القطعه ام جابر بحزن : الله يعينها هالبيت مهجور وشعبي من يسكنه الحين والله ان قلبي قارصني عليهم وبعد سعوديين مو من اهل الديره مايعرفون شي فيها جابر وهو يتقدم بمرح ويمازيحها: افا يام جابر ووليدج وين راح هذاني معهم خطوه بخطوه وانا اللي شرت عليه يسكن بهالبيت علشان يكونون تحت عيني واهتم فيهم وبعدين من طلعت الدنيا والسعودي كويتي والكويتي سعودي يعني تطمني من هالناحيه ماعليه خوف انا موجود معه وانتي عارف غلا فياض بقليب وليدج ام جابر وهي تمسك ايدينه: عسى الله مايحرمني منك يالغالي ويخليك ذخر لنا جابر : امين يالغاليه امين ابتسمت هاجر: ايه مو الغلا كله لجابر ردت عليها رهف: الله لنا ياوخيتي مالنا بالمحبه نصيب دخلت حنان : اقول ياسنافر خلكم من جابر وتعالو ساعدوني عندي طلبيتين ورق عنب ولاني ملحقه هاجر وهي تضم رهف بحزن: مكتوب علينا الشقى حذفها جابر بالمنديل: ايه احسن حيلج فيهم ابي اسمع صياحهم وبحب وهو يتقدم لها ويحب راسها: وبعدين مانتي محتاجه تشتغلين اتركي عنج هالشغل ماصرنا نشوفج حنان: ياحبيبي ياخوي والله عارفه مانت مقصر معنا بس انا ارتاح لاشتغلت وانا احب اسوي هالشي واشوف الناس ترسل لي وتمدحني بشغلي وتدعمني جابر وهو يحضنها: عسى الله يكبر قدرج يا تاج راسي ابتسمت برقه : الله يسعدك حبيبي ابتسمت ام جابر وهي تدعي الله مايغير عليهم رهف طالعت هاجر : ياحسرتي ياخيتي ماحد يلمنا اهه يازمن اغبر ضحك جابر وهو يبعد عن حنان: انا طالع وانتم يا انيس وخميس لاجيت اوريكم الشغل _________ الرياض : صحى على صراخها فز بسرعه وهو يلبس ثوبه ويركض طالع من قسمه سهام وهي تصيح بصوت عالي: ولدي رااااح ولدي راح مني راح خطفه الكلب رعد وهو يجيها : وش صاير وش فيك ليش وجهك كذا ضربته على صدره ب انهيار تام وهي تأشر على نفسها : تعبت وانا اناديك ليش ماصحيت ليش ليش زادت بضربها ضمها بقوه وهو متوتر: وش صاير ليش وجهك كذا من ضاربك بدت تتكلم والكلمات تطلع منها متقطعه: جاء جـاء منصور وانا كنت بالحديقه اخذ مني تركي ولمن جيت بسحبه ضربني مو اول مره يضربني جسمي كله كدمات بسببه رعد وهو يشد عليها بقوه وبغضب : من متى سهام : من اخذته رعد دفها بقهر: توك تنطقين توك تتكلمين ليه ساكته ليه ماتكلمتي وين سهام القويه كيف راضيه عن نفسك وانتي مخليته ياخذ راحته ويضربك متى مابغى ليش ماجيتي قلتي لي مانتي شايفتني رجال قبالك ضرب ايده بالجدار بقهر : الله ياخذك يامنصور يعني كل مره كنتي تجينا وجهك شاحب وتعبانه كان بسبب ضربه لك اموت واعرف كيف تحطين راسك على المخده بجنبه وهو شخص اهانك بذمتك هذا كفو يصير ابو كفو ياختي انا دانه لارفعت صوتي عليها احس الندم ياكلني شهور سهام وهي توقف بتعب وتمسح دموعها: لاتسألني ليه تعلمت اصبر وما اتكلم قاطعها : لا ماكنتي تصبرين انتي اكثر وحده كنتي ماتحبين تتوجعين وتنتظرين وتصبرين من كانت تتضايق لاجينا نسافر علشان الطريق طويل من اللي لا رفعنا صوتنا عليه زعلت ليه ارخصتي نفسك بعذر الصبر سهام وهي تكتم عبرتها: ابي ولدي الله يخليك تراه مو بوعيه واضح سكران واضح ماتحمل اكثر وهو يصفقها كف بكل قوته : والله ياسهام ان هالكف جزء بسيط من قهري بسيط ابعدها بقوه وهو يهرول من الغضب اللي يشاطر روحه طلع جواله وهو يدق على عبد الرحمن ثواني ورد عبدالرحمن : الو رعد: فزعتك يالخوي عبدالرحمن : ابشر بعزك رعد: نسيبنا متهاوش مع اختي وماخذ ولدها مايمديه يعدي الشارع العام ابي اقرب دوريه لانه مو بوعيه عبدالرحمن وهو يوقف: ابشر الحين بطلع بنفسي وابلغ اقرب دوريه رعد وهو مستعجل: ماتقصر ركب سيارته وهو يتجه للشارع العام ______ اما سهام وقفت بتعب وهي تتجه لغرفتها قفلت الباب وهي تتجه للسرير وتكمل نحيبها : الله ياخذك يامنصور فضحتني بين اهلي الله ياخذ حقي منك صاحت بقهر وهي تتذكر جيته وكيف ضربها ودفها وتركي وصياح تركي للحين براسها اما فاطمه اللي كانت شاهده من بداية جيت منصور لين جاء رعد كانت تراقبهم بصمت عارم وبسمه فرح مرسومه على شفاتها ماتدري وش سببها بس ترتاح نفسياً لاشافت احد منهم متضايق ماتقدر تحدد شعورها ماتدري هي تحبهم ولا تكرهم ودها تكون انسانه طبيعيه مثل فواز اللي الكل يحبه وهو يحبهم الا هي كانت الشخصيه المناقضه لفواز قلبها القاسي عيونها العنيده دمعها الرافض ينزل صمتها الدايم كلماتها القاسيه تحس بتناقض يلف روحها وبرود يلمها نزلت الستاره وهي تتجه لسريرها وتنسدح بهدوء فتحت جوالها وهي تدخل تويتر وتغرد : احياناً الصمت نعمه والثرثره نقمه فاطمه الناصي ابتسمت وهي تسكر جوالها وترجعه :بنشوف اخرتها ______________ حسن طلع من الغرفه وهو يجر شنطته نزل من الدرج وملامح التعب مرسومه بوجهه صادفه ابوه اللي توه جاي/ على وين حسن : بسافر لافي وهو يتكتف: ماشاءالله على وين حسن دنق راسه : لكويت لافي ب استغراب: وش عندك بكويت حسن : كذا بروح استانس لافي:رح الله يسهلك دربك هز راسه حسن وهو يتعداه ويطلع اما لافي تنهد وهو يرمي نفسه على الكنب بعد ماجاء تحويل ب 90 الف ريال استغرب وبعدها تذكر مهر جادل وبتساؤل معقوله مهر الجادل _________ ريفا واقفه وهي تكلم اختها: بطلع تروحين معي ولا ريم: وين بتروحين ريفا بنعومه: لكوفي جديد ودي اجرب الايس لاتيه عندهم يمدحونه ريم: يلا قدام ريفا ابتسمت وهي تلبس عباتها : انتظرك مو تطولين ركبت سيارتها بحماس بعد ما ارسلت لابوها انها بتطلع هي وريم يفطرون برا ______ بعد مرور نص ساعه : بنفس الوقت بالشرطه واقف بثقله بعد ماجاه خبر انهم حصلو منصور ولقوه بحاله مو طبيعيه وجايبينه بالدوريه دخل رعد بخوف : لقيتوه عبدالرحمن وهو يأشر له يجلس: حياك الله اجلس واهدأ ولد اختك بخير ثواني ودخل الشرطي وهو شايل تركي اللي منهار بكي يقطع القلب فز رعد وهو ياخذه من الشرطي يهديه دخل وراهم منصور المكلبش اشمئز منه عبدالرحمن : طلعه برا ولاصحى ولا رجع لوعيه نبدا نحقق معه التفت لرعد وهو يشوفه يكتم غضبه: بكتب فيه بلاغ تعنيف زوجته وخطف الطفل وهو سكران عبدالرحمن هز راسه برضا: خل الولد عندي وروح للقسم البلاغات وقدم بلاغ الحين علشان يتم حجزه بتهمتين رعد وهو يتقدم ويترك تركي عنده : انتبه لتركي لين ارجع عبدالرحمن جاهد يبتسم بس عجز وهو اكره ماعنده صياح البزران شاله وهو يحاول يسكته بس انعقدت حواجبه وهو يتأمله جلس وحطه على الطاوله وهو يعطيه قلمه وهو يردف : اربع سّنين يا تركي.. وأيديني عليها ظلال أغطيها عن الناس لا تنعجب فيها وعقب هذا التعب والحّب والآمال تروح من أيّدي وشلون اخلِيها ؟ فز من سمع الصوت اللي مو غريب عليه عبدالرحمن ياعبدالرحمن طالع لتركي وهو ينزله على الارض فتح المكتب وهو يشوفها قباله عيونه بدت تتطاير بغضب اعمى قلبه وهو ينطق راص على سنونه: اتركوها ادخلي المكتب دخلت وهي تجلس وقلبها يرجف من عصبيته ابتسمت اول ماشافت الولد الصغير جالس ع الارض ويشاهق بشكل يوجع القلب شالته بسرعه وهي تحاول تسكته دخل وراها وهو ينطق بقهر: بسم الله عليتس حنونه مع الكل وبصرخه: شجايبتس انتي ماتستحين ريفا بلع ريقها وهذا اول لقاء معه بعد مارجعت: اسمعني انا جايتك ابي فزعتك ريم تركتها بسياره فيه شخص اعترض طريقي وصدم سيارتي من الخلف وتلفظ علي بكلام بذيء وانحاش بس ريم سجلت رقم لوحته وصورت وجهه مدت جوالها الصور بمحادثة ريم اخذ الجوال وهو يغلي من تصرفها عقد حواجبه : انتي متاكده منه ريفا: ايه متاكده عبدالرحمن: هذا حسن اللافي ريفا اخذت الجوال وهي تدقق بالصوره زين نطقت من غير ماتحس: هذا اللي بيوم المخيم اسعفته صدق انه حقير ماحست بنظراته اللي تحولت لغضب عارم سحب جوالها وهو يضربه بالجدار همس هو يقرب منها ويمسك عضدها بقوه : شفتي ذا الجدار لو حس انتي عمرتس ماحسيتي ابعد عنها ماشاف تركي خايف ويصيح بقوه اخذ نفس وهو يمسح على وجهه دخل رعد وهو مستعجل : قدمت بلاغ مشكور عبدالرحمن ماقصرت بس سكت وهو يشوف البنت الواقفه بجنب عبدالرحمن وبحضنها تركي رعد افتشل: اسف ماعبالي عندك احد عبدالرحمن وجهه قالب اسود من الغضب دنق عليها وهو يسحب تركي ويعطيه رعد: اكلمك بعدين طلع رعد وهو اتجه للباب وقفله وتكلم بصوت جاهد انه يكون هادي بعد مالمح دموعها ورجفتها: انتي كيف تجين المركز مدرعمه كان ماوراتس رجال مستوعبه وش مسويه ولا لا داخله بصراختس اللي هز المركز تدرين من انا ولا وش مكانتي بهالمركز ريفا وعيونها امتلت دموع : اسفه ماحسبالي بتزعل اني جيتك من غير لا افكر اسفه والله ما اعيدها طالع عيونها المدمعه وبعد صمت اردف : مانتي اسفه قصدتس جاهله وسفيه لاعاد تجين هالمكان لو فيها موتس لعنبو حيتس ماكفاتس اللي سويتيه اردف بنبره اشبه بالهمس: كم مره بتذبحيني ياريوف ماسمعتي ان الضرب بالميت حرام ماردت وهي تتعداه وتطلع وقبل لاتطلع رفعت ايدينها وهي تمسح عيونها اللي افضحتها وبكت اردفت بنبره مرتجفه: اسفه والله غمض عيونه وهو يعطيها ظهره بوجع من همسها : لو تسكرت الدروب بوجهتس لاتجين الله معتس ياريوف قالها بتشديد وبنبره مبحوحه طلعت من مكتبه وهي منهاره على الاخر ماتدري كيف وصلت السياره فتحت الباب وهي تركب وتنطق.: ليتني ماطعتك ياريم ليتني ماذليت عمري ورحت له عبدالرحمن مانسى عبدالرحمن للحين يحبني للحين نظراته كلامه وعصبيته ماتدل الا انه شخص موجوع مني ريم بحزن وهي تضم ايدينها: اهدي ياريفا خليه يتوجع من هينا لبكره وش عليك منه انسي خلاص اللي فات مات والماضي راح بحلوه ومره ريفا شهقت وهي تبكي: قالي ريوف ضمتها ريم وهي تهديها : يالله ليتني ماقلت لك نروح له ابعدت عنها وهي تمسح دموعها: عادي كنت محتاجه اصحى على نفسي كنت محتاجه اشوفه واسمع صوته كنت محتاجه اتأمل ملامحه تصدقين ماعمري ندمت كثر ماندمت على خسارتي له اكثر شي يوجعني انه كان بين يديني وحلالي وخسرته بغبائي وشوفة نفسي بس استاهل استاهل من ورا الشباك كان يتأملها وهي موقفه بالمواقف ومن اهتزاز جسمها وضمة اختها عرف انها انهارت وهو جازم انها انهارت بعد ماشاف ايدينها ترجف وهو يكلمها وعيونها مدمعه بس غمض اول ماكشفت وجهها وبدت تغسل وجهها بالمويه فتح عيونه بعد مالمحها استغفر وصد وهو يردد: " لبستي ثوب من القسا ما لاق لتس أنا أعرفتس أقسى انفعالاتس بكاتس" وبعدها اردف وهو يرجع ويشووفها تحرك سيارتها طالعه من المواقف: ماتدرين ان ما اقسى منتس الا دموعتس كم مره ناويه تذبحيني كم مره اخذ نفس بضيق وهو يجلس على الكرسي ثواني ودخل العسكري بعد ما القى التحيه: سيدي طالبينك شرطة الخرج وقف وهو يلبس طاقيته : يلا جايهم اخذ مسدسه وهو يحطه على خصره ويطلع للدوريه ___________________ الكويت وصلو البيت دخله وهو يشوفه مرتب ومرتب والمداخل مزينه بطاولات استقبال ناعمه والصاله مرتبه ومأثثه مع ديكورات بسيطه بالجدار والثريات جديده والمغاسل الجديده وكل شي جديد من الى نطق بحقد : اوريك ياجابر اوريك دخلت مع ب انبهار وهي تنطق: الله من مختار الاثاث الصراحه بدع بدع امس كان خرابه ماينجلس فيه بس الحين ماودك تطلع منه قالتها وهي فاتحه الكشره من الوناسه عض شفته بغيض وهو ينطق : مو ناقص الا ترقصين حمر وجهها وهي تهمس: حاسدني على الضحكه فيـاض: لاحشاي احسدك نطقت وهي تجلس براحه على الكنب: حدد يا سين ياكاف كل شوي لك لهجه فيـاض طارت عيونه وهو يسوي لها حركات بوجهه لعبت بحواجبها : عبالك بتلعب علي واقوم وتاخذ مكاني بصرخة اول ماحست بشي يمشي على جسمها وقفت وهي تركض وفياض كاتم ضحكته بشكل : تستاهلين صرخت : فياض الله يخليك ابعده عني فياااااض بدت تشاهق وهي تناديه فياض وهو يقرب منها ثبتها وهو حاس برجفتها ابعده عنها بقرف : علشان تتعلمين مره ثانيه ماتجلسين على عماك وبهدوء : جابر اكيد انه جاب شركه ترش البيت فطبيعي تلقينهم بكل مكان مازال جسدها يرتجف وهي تحس ب ايدينه متمسكه بكتوفها وجهها ممحمر بشكل مبالغ فيه عقد حواجبه وهو يفكها: فيك شي الجادل وهو تردف بصعوبه: ابي اخذ شوور كيف برد وجهه من سؤالها وبغيض: انتي كلما خفتي قلتي اشياء غبيه ماتنسأل الجادل غطت وجهها بخجل وهي حاسه نفسها مو مستوعبه اصلا وش يقول او وش قالت للحين تحس جسمها كاش ابعدته عن طريقها وهي تركض للمغاسل فياض وهو يغمض عيونه: يابلشتك يافياض وبصوت عالي: لاخلصتي غسلي وتعالي للسياره نتقضى اغراض البيت وبرسل شركه ترجع تنظف ابعدت بعد ماغسلت وجهها وهي تشوف اللي تحت المغاسل غمضت بقرف وهي تركض بسرعه للسياره ركبت وهي تنطق : فياض مابي اسكن هينا رجعني لابوي رجعني للرياض لفت وهي تبكي من قو انها مصدومه نست تلبس شيلتها بس ما استوعبت الا بالباب ينفتح بقوه وايد تجرها بغضب عارم صد ب انبهار وهو ينطق : ماشاءالله تبارك الله _____________ الرياض : ابو ثامر وهو مبتسم على الاخر: نقدر نقول تجيبونه لين هينا وتاخذون حقي وحقكم منه نطق الثاني بسخريه: الا قصدك بيندم على اليوم اللي جاء فيه ابو ثامر بسخريه: لا عاد بينا عيش وملح والعشره ماتهون الا على ابن الحرام نطق بغيض: اشوفه غدر فيك وتركك بعد مادرسته ورزيته قايل لك هالعايله مافيهم بذر صالحه كلهم خونه ابو ثامر بغموض: مو انا اللي ينغدر فيني وفياض نهايته ب ايدي وقريبه اقرب من وجودكم عندي نطق الثاني ب استخفاف: اتمنى ابو ثامر بغيض : الظاهر ودك تلحق خويك عض شفته وهو يتسمع لحديثهم: كيف اوصلك يافياض كييييف _____________________ الى هنا . وتوقعتكم | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
4Likes
العرض العادي
