14-09-19, 10:26 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  من يقول أن البشر مره تموت/ للكاتبة سُـهـد
التعديل الأخير تم بواسطة لامارا ; 30-09-19 الساعة 09:16 AM | |||||||||||||
|  |
|
15-09-19, 08:33 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السـلام عليـكم ورحمة الله وبركاته اقدم لكم ثـاني روايتي روايـة : "من يقول أن البشر مره تموت "  ____________________ اتمنى من الله نجاحـها كما اتمنى تفاعلكم الجميل وردوركم الموفيه وليسـت الـمختصره والـهادمه لابـداع الكـاتبه لسُت مبـدعه بكتابة المقدمـات ولـكن ارحـب بكل قـارئه لـروايتي ثانـي بدايـاتي ولـربما النـور الثانـي لكتاباتي حبيسة الملاحظات والـدفاتر * لاتلهيكم الروايه عن اداء صلاواتكم * الروايه عباره عن 40 جزء * موعد تنزيل الاجزاء * " الاثنين"الساعه10 مساءً ان حدث مني تقصير أعذروني __________________ التعديل الأخير تم بواسطة لامارا ; 30-09-19 الساعة 09:17 AM | ||||
|
| |
|
15-09-19, 08:34 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مدخل الجزء الاول : "يانجد قولي لهم اني اتوق لهم اليا طرا الشوق ولا ذعذع براده يانجد اني سئمتك بعد ماارتحلوا "كسرت باب الحزن وانفكت جياده" *منقول ____________________ قبـل سبع سنوات: السـاعه 1 فجراً طـريق ام الجمـاجم_ الريـاض: نطق بذعر : ياوليدي شسوي فيـاض وهو يحاول يهدي ابوه: اهدا اهدا ابـوه وعيونه تنطق خوفه: سواها عيال الـ... فيـاض نطق بغضب وهو يشوف ابوه يبكي: تعوذ من ابليس والله ما اكون فيـاض ان ماعلمتهم شغلهم لاتخاف ماتدخله وانـا حي ابو فيـاض بقهـر : الله لايبقي فيهم حي فيـاض وهو يتأمل الطريق وقف عند قرية ام الجماجم : يبه انزل هنا بسرعه ابو فياض وهو يطالع له: وانت فيـاض: ادبر عمري بس انت ادخل اي مسجد واجلس فيه ولا طلع الصبح شف لك اي كداد وارجع للبيت ابو فيـاض ب الـم وهو يطالع لولده: ماراح اخليك انا اسبب يكفي اللي عشته فيـاض وهو يطالع الئ الوقت وبعجله نزل وهو يفتح الباب وينزل ابوه بسرعه ضمه وهو يهمس له : انتبه لنفسك واقرب فرصه خذ اغراضك وانحاش لاي مكان المهم لاحد يعرف مكانك ابو فياض انهمرت دموعه: العتب علي يابوك فيـاض وهو يبعد ويمسح دموع ابوه بشماغه: قلتها وارجع اقولها لك ماتدخل السجن وانا حيي ابو فيـاض: الله يحفظك فيـاض وهو ينظر لعيون والده: وداعتك الله فيـاض ركب سيارته وهو مجزم ان اللي حط لهم هالكم الكبير من المخدرات مبلغ عن سيارتهم وبحركه سريعه مسك المخدرات وبدا يوزع بصماته عليها حرك سيارته مسرع وهو يعد من الواحد لين خمسين عدى نقطة التفتيش وثواني مثل ماحسبها ولا الدوريات خلـفه بدا يزيد بالسرعه علشان يوهمهم انه هو صاحب المخدرات والسياره بـ اسمه الشرطي من خلفه وهو يطالع صاحبه:اطلق على الكفرات توقفت السياره بعد ما اطلقوا عليها الرصاصات فيـاض وهو يربط عصابته وهمس: يـارب نزل من سيارته وبداو يفتشونه نطق العسكري بسخريه: ماشاءالله كمية المخدرات تغطي عين الشمس وصرخ : كلبشوه تكلبش وهو على الصامت ماكان يرد او يتكلم معهم دخلوه التوقيف وبعدها بساعه نادواه للغرفة التحقيق وبدا يحقق معه الشرطي لازال ملتزم الصمت المحقق: فيـاض ما انصحك تسكت تكلم دافع عن نفسك فيـاض ببرود: المخدرات وين لقيتوها المحقق: انت تسألني فيـاض وهو يطالع له بنفس النظرات: ايه المحقق: بسيارتك فيـاض: اجل خلاص انا المتهم ليش تزيد وتعيد بهالاسئله الـمحقق وهو يطالع بملفه: الاول على ابتدائيات الـرياض الاول على مستوى المتوسط الاول على مستوى الثانويه بجميع المراحل متخرج بنسبه 99 القسم العلمي وفوق ذا كله حافظ لكتاب الله كامل ودخلت مسابقة حفظ القران وفزت ب المركز الاول جتك بعثه للخارج على حساب الدوله وب ارقى الجامعات ورفضتـها دخلت جامعة الملك سعود بتخصص طب جراحه كملت بهالتخصص ربع سنه وكل تقاريرك ودرجاتك تقول انك انسان نـاجح ذكـي متفوق وفجاءه فيـاض هنـا مروج مخدرات وبحوزته مايقارب مية الف كيس ويتجول فيهم على طريق سفر وهو عـارف انه بيواجهه نقطة تفتيش ولكن المفارقه لمن نطالع سجل ابوك اللي من قضية نصب واحتيال ورشـاوي لين قضية قبل سنتين تسبب بوفاة عائلة بسبب استهتاره بالسواقه ولولا لطف الله ورحمته ماكان طلع من هالقضيه بس يحمد ربه ان ابو المتوفي عفا عنه الى اول قضاياه واللي تعتبر الاغرب بتاريخ القضايا وخروجه كان من المستحيل عارفها ولا اقولها لك فيـاض بصوت بارد: قتُلت زوجه على يد زوجها الخبر تصدر الجرايد لمدة اسبوع وبعد الفحص والتحقيق اكتشفوا انها هي اللي قتلت نفسها والفضل يرجع لبصماتها على السكين وفوق ذا الوالد كان خارج المنطقه ولا كيف يطلع منها ياحضرة المحـقق كل اللي قدامك تلفيق بظهر ابـوي المحـقق بـ استغراب: كيـف لك قلب وتتكلم عن وفاة امك وكانها شي عادي فيـاض : تبيني ابكي لك ولا انوح علشان موضوع قديم وتسكر المحـقق وهو ياخذ اوراقه: عموماً انا عارف ان مالك اي ايد بهالقضيه ولكن تحمل نتيجة اقوالك فيـاض ب ابتسامه: لي يد بهالقضيه وبتحمل اتعابها بعـد استغفر ربه من هالفيـاض مايقل عن ابوه ذكاء وحدة طبـع رجع للسـجن دخله وهو حـاس بتعب من طلع من جـامعته لييـن اتصال والده يفزعه يفزع له انرسمت على ثغرة ابتسامه خيبه وهو متـاكد كل اللي جـالس يصير لهم بسبب خواله وثارهم اللي حالفيـن مايتركونه بعد ما طلع ابوه براءه وقتها اخذوا التؤام فاطمه وفواز وهم صغـار اللي اعمارهم سنه الا فيـاض اللي كان عمره 10 سنين وقتها وكان رافض يروح ويترك ابوه لحـاله وسبب ثاني نفوره من خواله ...وهو انه شاف كل شي بعـينه حتى سبب انتحار امه اللي ماعلم اي مخلوق فيه رجع راسه على الجدار وهو متجاهل أسئلة اللي معه ______________ وصل الرياض بشق الانـفس دخل بيته وهو شبه يركض اخذ اغراضه وحطهم بالشنطه طلع ورقه وبدا يكتب بداخله كل الكلام اللي كان كاتمه بصدره ماحد كان يعرفه الا ولده فيـاض بدا يخط وصيته انتهى من كتابته وهو يحط الورقه تحت الابجوره بغرفة فيـاض تـأمل هالغرفه اللي شارك فياض فيها فيـاض اللي كان له نفس النور بوسط ظلمته وضيقته فيـاض اللي تعب لين طلعه من حالته النفسيه بعد انتـحار زوجته وبدا يستعيد نفسه مع فيـاض وبدا يدرسه ويشد عليه ويعلمه مسح دموعه اللي انهمرت مره ثانيه من تذكر همس فيـاض : اهخ يابوك اهخ وقـف وهو ينزل بسرعه ركب سيارته اللي مركونه بالحوش فتح البايكه وهو يطلع لازم يختفي قبل لايوصل العلم لا اهل زوجته عض شفته ب الم وهو يشوف زحمة الطريق بدا وجه يتعرق وهو حاس بالخوف من انه ينقتل قبل لايـشوف فياض بدا يتلفت لمح الاشاره صارت حمراء صرخ بغضب : ياالله لف وهو يشوف على يمينه سيارة واحد من خوال فيـاض وبتهور حرك سيارته وهو يقطع الطريق اصتدمت سياره ب احدى السيارات بدت السياره تتقلب وهو داخلها وانعاد عليه شريط حياته ببطئ واخر ماذكره وهو يعلم فيـاض كيف يصلي وينطق الشهاده نطقها وهو يرددها بخمول وبعدها غابت عييـونه عن الدنـيا تحت اصوات الناس والاسعاف من منظر السياره المفجع __________ بالـسجـن فجاءه وهو جالس حس بوجع بقلبه غمض عيونه بتعب وبدا يردد: يارب احفظ لي ابوي فز اللي جالس بجنبه وهو يسأله: فيك شي حرك ايده بـلا رجع راسه وبدا يتمم ب اذكاره اللي كان حافظها عن ظهر غيب من كان صغيير _________________________ بمستشفـى الريـاض العام: طلع الدكتور بعد ما اغطاه : جبر الله ما أصابكم نطـق ابـوه بحزن: اللهم اميين استند على عصاته والكون كله بعينه ضـاق ماعنده الا هالولد اللي اصر انه ياخذ ام فيـاض وهو عارف قشر هالعايله وتعاليهم على اللي اقل منهم بس ماسمع كلام ابوه وهذي نتايج عدم رده على والده اللي ياما حذره منهم وبالاخير هو اللي اكله هو وفيـاض هز راسه بحزن: ياما حذرتك بس طول عمرك عنيد مرحوم يابو فيـاض مرحوم _____________________________ بـعد سبع سنوات واقف وهو يطالع نفس المحقق قبـاله المحقق وهو ينظر له بريبه من نظراته نطق بهدوء: كمل اجراءات خروجـك فيـاض لازالت نظراته لو تقتل قتلت اللي قدامه سحب الاوراق وهو يوقع بكل برود وبعدها نطق : وش ممكن يرجعني للسجن عشر سنين؟ طالعـوه بـ استغراب وبعدها نطق الضابط: رح الله يستر عليك من يتمنى يرجع للسجن عقب خروجه فيـاض انرسمت على ثغره بسمه ونادراً ما يبتسم: امـين طلع من أسوار السجـن مشى وهو ينظـرلكل شي قباله مايـحس روحه هي روحه دخل هالمكان وهو متخذ مكان ابوه وهو عارف انه ابوه مظلوم دخله وهو عمره 19 سنه وطلع منه وعمره 25 اي جامعه بتقبله ولا اي وظيفه بتستقبله وهو خريج سجون والادهـى من كذا ابوه غيـاب ابوه اللي دام سبع سنين توقع الاقل يرسل سلامه يحط له محامي بس اختفائه فجاءه طول سبع السنين كان ينتظر بكل زياره يفز قلبه كلما يشوف اهالي المساجين الا هو لا ابوه ولا جده ولا ولد عمته لهدرجه بايعينه زفر بضيق وهو مو عارف كيف يوصل لبيته وهو مامعه ولا ريـال نطق بمأساه وهو يشوف طـرق الرياض : حتى انتي يانجد العذيه متغيره علي بدا يتلفت وهو يمشي مايدري وين رايح وهو مستغرب من التغير اللي صاير بالرياض لدرجه ماهو عارف كيف يوصل لبيته المباني الكبيره والعماير والاسواق كل شي بالرياض متغيير اشر بيده لسياره وقفت تقدم وهو يسأله: ممكن توصلني نطق راعي السياره : تمام اركب ركب وهو مستغرب من وضعه مدنق على جهاز بحجم الكف وسماعات ب اذنه صد وهو مو عارف وش اللي معه نطق يزن: وين بيتك وعطاه العنوان وبعد صمت نطق : هذا من سبع سنين مدري عاد اذ تغيير مكانه ولا يزن ب ابتسامه: اوه كل شي تغير بالرياض انت وينك مسافر ورجعت فيـاض بسخريه: كنت مسافر للسجن بتهمة اني مروج مخدرات تخيـل دخلته بلاش وطلعت بلاش بعد يزن التفت له بربكه : اها فيـاض طالع لملامحه كيف قلبت وارتبك: لاتخاف ماني راعي حبوب يزن لازالت ملامحه فاضحته : هذا الشارع اي بيت بيتكم فيـاض وهو يطالع لبيوت جيرانه المتغيره نطق بعد مالمح بيتهم : خلاص وقف وقف يزن : حسابك20 فيـاض وهو ينزل: ابشر كم حبه تبي يزن برد وجهه وهو يحرك بسرعه وخوف ضحك فيـاض وهو مايشوف الا غبرة سيارته: بزر _________________________ بالشركه اللي اقل مايقال عليها فخمه جالس بمكتبه الفخم وبهم نطق: طلع نطق اخوه: ايه طـلع والله يفكـنا من شره مارد وهو يلعب بسبحته وسرحان يفكر كيف ممكن يبعده عنهم _______________ الئ هنـا حبيت اعطيكم نبذه بسيطه عن بداية الاحداث شاركونيي توقعاتكم اختكم: سُـهـد | ||||
|
| |
|
29-09-19, 06:54 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسـم الله الرحمن الرحيـم . ___________________________ وقفه مع الاحداث الاخيره : " اللهم احفظ هذا الوطن بحفظك ، اللهم أدِم علينا الأمن والأمان ورد كيد الحاقدين في نحورهم ، اللهم احفظ بلادنا بعينك التي لا تنام " . _____________________ (الاسماء كلها من وحي الخيال لاتمت للواقع بصله ) تـابع الجزء الاول . مدخـل: فـي شعور الفقد يهزمـني السؤال من يقـول ان الـبشر مره تمـوت . _____________________ الـرياض الساعه9 صباحاً سنة 1438: جـالس على طرف الباب الداخـلي مو قـادر يدخله بسبب الكتـمه والغبار حاول ينظف اللي يقدر عليه بس بالاخير ترك كل شي وجلس عيونه حمراء وجهه المرهق وعوارضه اللي يشوفه يقول عمره 30 سنه رجع شعره الاسود الكثيف لوراء بضيق مامعه ولا ريال يحلق شعره المتناثر لين رقبته زفر بهم بعد مامرت عليه نسمة هواء بارده غرقت عيونه بالدمع ضم الاوراق بـ ايده وهو يـتأمل حرف حرف ميلان الحروف عن السطر دليل ان كان فيه شي عمر ابوه ماكتب بهالخط السريع الا اذ كان مشغول بشي رجع يقرا الاوراق بعيونه وبصمت تـام اكتب وصيتي هذي وانا مو عارف وش بيواجهني اوصيك يافيـاض ب اخوانك اخوانك لا تتركهم عند خـوالك ترا بيقهرونك فيهم انتبه منهم وخذ حذرك الكامل لاتتهور مثل ابوك لو صار لي شي ادمح خطاهم بس لاتنتقم منهم اشكي همك لربك هو يتولاهم لاتضيع عمرك مثل ماضيع عمره ابوك ملاحق وياهم هذولا ناس ماخافوا الله ب اختهم ولا بيخافون الله فيك وصيتي لك انتبه لنفسك وابعد عنهم هاجر لاتبقى بنفس المكان اللي هم فيه وحاول تاخذ اخوانك منهم ،،فيه كم الف انا مجمعهم للظروف تلقاهم بالتجوري اللي بغرفة امك المفتاح تحت سريرك ،،، استودعتك الله ولاتنسى تدمح لي خطاي وتعذرني على بُعدي وتلتمس لي العذر اسـف ماكنت اسهر لراحتك كثر ماسهرت انت لراحتي اسف اني ابوك . والدك . _____ رتب الورقه ودسها بمخبى ثوبه حط ايدينه على وجـهه بضيـق عـارم ثـواني ولا البـاب ينفـتح وقف وهو ينـاظر الشخص اللي دخل ونطق بـاستهزاء: الصـراحه ماتوقعت لك وجهه ترجع شـاهر وملامح الخجل تعتريه وهو يتقدم له: اسف فيـاض مد ايده وهو يبعده عنه: لاتسـلم وش تبي جـاي بعد سبع سنين شـاهر: من عرفت انك طلعت عجزت اجلس بالديـره وجيتك فيـاض وهو يعقد حواجبه: أي ديـره شـاهر وهو يطالع له : جـدي بعد ماتوفى خـالي حلف مايجلس بالرياض ورجع سـكن بـالديره حوالين الريـاض وانـا وامي رحنا معه مانقدر نخليه لحاله ظل يطالعه بهدوء وجمود : متئ توفى شـاهر : بنفس اليوم اللي انت دخلت فيه السجن توفى الصبح بحادث سياره ردد : ان لله وان اليه راجعون شـاهر وهو يطالع له متماسك ويردد هالكلمه نطق ب استغراب: لاتصدمني وتقول ماكنت تدري انه توفى نطق بستهزء وعينه على ابعد نقطه بهالحوش الوسيع : الفضل لك ولجدك خليتوني اشيل بخاطري عليه وهو ميت واعاتبه مالت شفته : وين دفنتوه شـاهر : مادري ماكنت موجود انت عارف اني كنت عمامي وجيت على اخر يوم عزاء فيـاض وب ابتسامه: وتارك جدك لحاله شـاهر: كنت مضطر فيـاض:انتهى وقتي معك تفضـل اطلع برا نطـق شـاهر برجاء: فيـاض سامحني ورب البيت كنت مضطر فيـاض وهو يعقد ايدينه لصدره نطق بجمود: شـاهر انت بالنسبه لي ولا شي من اليوم اللي جتني فيه ورقه من المحكمـه اطلق اختك من اليوم اللي دخلت فيه السـجن الييين قبل ساعات كنت ادور لك عذر تخييـل بس ادور اي شي ممكن يخليك تسوي هالشـي ويمنعك من انك تجيني وانت اللي تقاسمت معه عمري وطفولتـي كذا تسوي فيني عبـالك ماني عارف انك زوجتهـا لخـالي قاطعه شاهر : اللي وصلك هالاخبار ماعلمك بوفاة ابوك نطق بسخريه: لا للاسف ارسل لي صور اختك بملكتها تصدق وانا بين اربع جدارن ومسجون وتجيني هالصور وزياده تدري وش كان مكتوب باعك مثل ماباعوك شـاهر برد وجهه وهو يطالع له: مايفيد الحكي معك لانك ماراح تصدقني ماراح اتعب نفسي معك بس هي اللي رفضت تقول مابي اخذ خريج سجون وانا وقتها ماكان لي اي قرر لانها رجعت لعمـي وجلست عنده علشـان ما اعارضها فيـاض وهو يحط ايده على وجهه: ماهمتوني صدقوني لا هي ولا انت بس سؤال: كم الف عرضها عليك كم ارض اغارك فيها ولا كم عقـار بس عطني الجواب وصدقني بعدها مانـي بناشدٍ عنك لا انت ولا جدك ولا امك شـاهر وهو يصد عنه : مابعتك ابيع عمري ولا ابيعك وجدي للحين يبكيك ولا على لسانه الا فيـاض وامـي نفسه فيـاض ترا جدي هو اللي حلف علينا مانجيك ولا نزورك كان خايف من ربعك يضرونـا فيـاض وهو يرفع راسه لفوق وب استهزاء بان بصوته: ربـعي قصده مروجين المخدرات ولا خوالي طالع لشاهر : اعرفك لو تبي شي بتعاند ليـن تحصله يـاشاهر على العموم مشكور وماقصرت على جيـتك اللي جداً اسعدتني وهالحين لا يجمعني معك درب ولا طريق ولا اخوه شاهر : اللي يريحك سوه بس انتبه تظلمنا وتظلم حالك حنـا اهلك لو كرهتني وكرهت امي لاتنسـى جدك اللي ماينام الليل وهو يفكر فيك ويحسب لك الايام متئ تطلع لو فكرت تزوره تراه "بالمجمعه " فيـاض مارد وهو يشوفه يطلع ويسكر البـاب بقوه وقف وهو ينفض ثوبه دخل لداخل وهو يتعوذ من ابليس ويقرا اذكاره مشى لين ماوصل غرفته فتح الباب بحزن مشى ودنق واخذ مفتاح غرفة امه توجهه للغرفه المقفله من وفاة امه فتحها وهو يسعل بشده من كمية الغبار عبست ملامحه من الحشرات المتواجده بالغرفه ذكر اذكاره وهو يمشي للتجوري فتحه وهو ياخذ اربع رزم فلوس سكره وهو يطلع بسرعه نزل من الدرج وهو يمشي بهدوء طلع وسكر باب البيت الداخلي ورجع جلس بمكانه على العتبات فتح الرزمه وهو يحط الفلوس كلها طبعتها قديمه عقد حواجبه ب استغراب وهو يحسب: الف الفين ثلاث الاف كمل بالحسبه لين ماوصل لخمسين الف طالع ثلاث الرزم الباقيه بلع ريقه من فكرة ان ابوه ساحب الفلوس كلها اللي بالبنك بدا يفكك الرزم ويحسبها رغم شدة برودة الجو وهو ماعليه الا ثوبه الابيض وشماغه رابطه عصبه الا انه ما اهتم للبرد بعد مده انتهى من حسبتهم : 200 الف مسك راسه وهو ينطق بضيق: وشلون اتصرف فيهم وهم طبعه قديمه وفوق ذا مشكوك ب امري مالت شفته وهو مو عارف كيف يتصرف كل وقف وهو حاط الفلوس بحضنه دخل وحطهم فوق الطاوله اخذ مية ريال وطلع وهو يقفل البيبان طلع من البيت وهو يشوف جاره يركب السياره ويطالع له ب استغراب وناداه: ياولد التفت فيـاض: سم الرجال: من متى وانت هنـا فيـاض بهدوء : امس رجعت الرجـال: اها انت راع البيت هذا اللي كان مسجون فيـاض ب ابتسامه مستفزه: وصلت خيير الـرجال طالعه بنظرات: يُفضل تدور لك بيت وحاره ثانيه لان نظرة الناس لك وكلامهم عنك ابد ماتبشر بالخير وفوق كذا هاجرين البيت سبع سنين فيـاض بشر: لاصاررت الارض لك تكلم اشر له ترا الدنـيا واصله عندي هنـا وادور اي شي علشان ارجع فيه للسجن لاتخليني ارتكب جريمة واقتلك ترا الجرايـم عندي مثل السلام عليكم الرجـال : عوذه تجاهله وهو يمشي ومو عـارف لو ين بس كل اللي يعرفه انه بيبعد عن هالمنطقه وقف تكسي وهو يركب وبهدوء نطق: سوق الشعبي هز راسه الهندي وداه وصل وبدا يشتري له كم ثوب ولبس داخلي ومنشفه وبعده طلع وهو يهمس :الدنيا صايره غاليه طالع ب اشكـال الناس ولبسهم همس بتعـجب : صدق كل شي تغيـر دخل الحلاق وهو يحلق ويقصر من شعره بعدها طلع وهو يشوف الناس كلها تمشي ومعها نفس موديل الجوال اللي شافه ما اعطى للامر اهميه وهو يتوجه للحديقه اللي مقابله السوق جلس فيـها وهو حاس الدنيا متغيره عليـه الناس واطباعهـا هو بس 7 سنين جلسها محشور بين اربع جدران طلع وشاف العالم متغيره الرياض متغيره بس اللي بقى ماتغير بيته حتى جيرانهم هاجروا اسند راسه على الشجره اشتد عليه البرد ضم ايدينه وهو يوقف ويطلع من الحديقه رجع ينتظر الهندي اللي قاله خلص مشاويرك وارجع لي دقايق وجاء الهندي ركب وهو يقوله: ابيك توديني المجمعه الهندي: عادي مافي مشكله بس فلوس فيـاض: كم يبي الهندي:100 فيـاض بهدوء : طيب الحين يروح بيت ويعطيك وفعلاً وصل ودخل وهو ياخذ الف دخلها بجيبه وطلع ...عطاه ميه ومسك الخط وهو مستانس اما فيـاض راسه مصدع اسند راسه على الشباك وهو يـتأمل هالطريق بعد ساعتين نطق الهندي :وصلنا فيـاض وهو ينزل: شكراً الهندي: عفوا حرك سيارته ومشى وبقى فيـاض يطالع الطرق والحارات تنهد وهو مو عارف كيف يوصل لبيت جده وبدا يسأل هذا وذاك لين ماوصل وقف قدام البيت وهو مستغرب من حداثة البيت وشكله المبهر من برا ابتسم بسخريه: فضايل النسيب الجديد شاف ديوان جده مفتوح بس مايدري ليش حس بتراجع من فكرة انه يدخل طالع لبسه المغبر وحالته حاله وهو ماعمره تعود على هالحاله نقد على نفسه وهو يرجع لوراء ومعه اكيـاسه مشى بالطريق يحاول يلمح اي شقق بطريقه وفعلا لمح وحده ب اخر الشارع وصل وهو يطلع بطاقته الاحوال عطاها الاستقبال وهو ينتظرهم طالعوه بنظرات وبعدها نطق واحد فيهم: البطاقه منتهيه فيـاض مد يدينه وحطهم على خده واستند على الطاوله: اكيد بتكون منتهيه كنت مسافر وتوي راجع رفع واحد منهم حاجبه ب استغراب ورجع يدقق بالاسم : بس ذا الاسم مر علينا طالع لصديقه: تذكر معيي فيـاض النـاصي طالع لهم وهو ماسك اعصابه على الاخر السجن صنع منه الجمود وبرودة الاعصاب : هاه عرفتوا ولا اقولكم نطق واحد منهم: عرفنا مروج المخدرات الاشهر اللي تناقلت الصحف صوره لمدة سنه ابتسم: حلو اجل خلصتوا مباحثكم الغرفه ياطيب ترا الدنيا تفر فيني وبهمس: للاسف يعني جدا الحياه برا السجن حزينه طالعوه وهم مستغربين منه : معليش مانقدر ندخلك وش يضمن لنا انك مو مسوي شي بعدين سياسة الفندق مانستضيف مجرمين فيـاض بصبر وهو لازال مبتسم: تصحيحٍ لمعلوماتك مروج مو مجرم عارف متى اصير مجرم نطق بغباء : متى فيـاض: لاقتلك وانا الصراحه اتمنى ارجع للسجن حااز بخاطري اني مخليي اخوياي ونفسي ادخل بتهمه توديني وراء الشمس طالعوه وجيهم قمطت العافيه نطق بعصبيه: اخلصوا علي مدوا له المفتاح: غرفة 305 اخذه وهو ماله خلق استنفزوا طاقته كثييير دخل الغرفه وعلى طول فصخ ثوبه وتوجه لدورة المياه ياخذ شور بعدها بدقايق طلع وهو يلبس لبسه وثوبه عدل شماغه وبعدها جلس وهو يردد ويديه على قلبه: يـارب ارح بالي وراحم والدي يارب ارحمه واغفر له غمض عيونه ب الم وهو يحس بنبرة شاهر للحين تتردد على مسامعه ابوك توفى وده يبكي وده دموعه تنزل موطبيعي الجمود اللي جالس يعيشه يحس قلبه يبكي يحس مو قادر حتى ياخذ نفس من الوجع اللي بقلبه كان متوقع صاير شي احلامه ب ابوه ماكنت خيـال كانت تنذره لشي بيصير ماهو صار وخلص وش تفيده الدموع بس بيرتاح يبي يحس انه حي بس للاسف مسح وجهه بضيق وهو ينطق : ماعادنيي حيي وبـاقي لك يافيـاض باقي وقف وهو يلبس جزماته(اكرمكم الله ) وطلع نزل وهو يمشي مستعجل صادفه بطريقه واحد مع زوجته ما اعطاهم اي اهميه لانه كان يمشي وعيونه بالارض ومستعجل بس وقفه استهزاء الصوت اللي نطق: اوه ولد اختنا الكبير ياهلا والله وش هالصدفه ما ألتفت له وهو يكمل طريقه وقف عند الرسيبشن وهو يحس انه ميان عليهم نطق بعجله: فزعتكم ابي عطر طالعوا له بنظرات نطق واحد فيهم: توك خارشنا والحين تبي عطر فيـاض ب ابتسامه بانت فيها غمازته: كنت امزح معكم ياشيخ والله عندي موعد مهم مد له الثاني عطر اخذه وهو يتعطر بمبالغه نطق بعد ماطارت عيونه: هيه شوي شوي الحمدالله والشكر تراه غالي خويه اللي بجنبه: تستاهل فيـاض: ابشر بعزك بس اجي اجيب لك شي يحبه قلبك يطير عقلك طارت عيونهم بخوف: قسم بالله مجنون نزل العطر وهو يمشي بعد مالمح وجود خاله بنفس المكان طلع من الفندق وهو يمشي بعد ماحفظ الطريق تذكر كلام ابو ثـامر اللي قاله لاطلعت تعاال عندي وانا ادبر لك كل شي من الالف للياء سرح وهو يمشي مايدري يروح له ولا يسحب عليه فكر يجيه دامه بالمجمعه .....وصل بيت جده دخل الديوان وهو يشوف الرجال مجتمعين وشاهر يقهوي وجده على الكرسي طالع فخامة الديوان واضائته ونطق بسخريه: مجتمعين على الخييـر جـده اللي نطق بلهفه: فيـاض تقدم له فيـاض بمشاعر خاليه بارده : سلم عليه ببرود متجاهل دموع جده وبعدها سلموا عليه الرجـال ثواني بس من جلس دخل ابغض خلق الله بالنسبه له وقف فيـاض : عن اذنكم جاء بيطلع بس نطق خاله بسخريه: وين وين رايح لهدرجه مو قادر تواجهني فيـاض طالع جده: انا مالي دخله لبيتك وهذا موجود جده ب انكسار: بس هذا بيته التفت لشـاهز ودنق راسه شاهر فيـاض: مالك جلسه عنده اليوم بليل اجيك وتجي تسكن عندي خاله ب ابتسامه: بعيده عن شاربك فيـاض ببرود: الراي الاول الاخير لجدي مو بلك نطق جده: ماقدر اسكن عندك فيـاض كتم اسالته وهو يطالع له بملامح خاليه من التعبير: اللي تبيه بس انسى ان لك حفيد اسمه فيـاض وقدام هالرجاجيل كلهم لا اشوف واحد منكم بس يعتب باب بيتي ولايسـأل عني وخاصه انت اشر على شاهر وطلع وهو هادي عكس النار اللي تاكله بداخله صادف عمته اللي سمعت كل الحكي لان اصواتهم كانت عاليه طالعته بعتب: تجي وماتجي تسلم علي فيـاض وعيونه مركزها بفراغ وهو يشوف الزول اللي وراها تقدم لها وهو يسلم عليها غمض عينه من مرت عليه ريحة عطرها لمحها وهي تبعد عن امها وتدخل نطق بداخله  لابارك الله بقلبك يافيـاض )ابعد عن عمته وهو يهمس لها: صدقيني طلعت وانا مو شايل على احد كثر ماشلت عليك شفتيها بعيوني ورحتي علمتي ابوي وابوي ماقصر تهزيئ فيني وراح لعمامكم وخطبها وملكنا وبالاخيـر تخلينهم يطلقونها مني وانا ويني بالسجن توقعتها من الكل الا من اليديين اللي حضنتني وربتني ومسحت دموعي بوفاة امي وطبطبت على ظهري وقالت لي انا امك وانا كل اللي حولك تصدقين نفسها هاليدين صفقتني انتي عاتبك بيظل بقلبي ولو مات قلبي ابعد عنها وهو يسمع شهقاتها وطلع مو مخذول قد ماهو يحس ان الدنيا مو سايعه ضيقته للحين تمر عليه لياليه بالسجن للحين يفز من نومه منخرش للحيـن حاس نفسه بقيود للحين تمر عليه طعنت واحد من المساجين وقتها انقتل ورجع للحياه ولا احد درا عنه ولا احد جاه وزاره مسك خصره مكان الطعنه يحس بنفس الوجع هاللحظه يحس بنفس الالم بس مو هنـا بصدره طاري وفاة ابوه ماخلت فيه اي ذرة حياه ساقته خطاويه لابو ثامر بدا يتذكر توصيف بيته يتذكر انه قال انه بالمجمعه وصل للبيت وهو يطالع للبيت الفخم حس انه غلطان بس على ماجاء بيلف الا بصوت ابو ثـامر: فيـاض الناصي ياهلا ومرحبا نورت المجمعه التفت فيـاض وبصوت هـادي : هلابك ابو ثـامر : حياك الله دخل معه واستغرب لمن دخله البيت ونطق بهدوء: البيت خالي ثامر مسافر برا يكمل دراسته والبنت وامها تعرف وش صار عليهم هز راسه بهدوء وهو يجلس على الكنبه بتعب وهو من صحى على لحم بطنه ابو ثامر ب ابتسامه: شكلك ماكلت شي وجهك اصفر نطق فيـاض:امس طلعت ومالي نفس لشي ضحك ابو ثاامر: جاني خبرك الحمدالله المحامي اللي حطيته لك شاطر فيـاض ب ابتسامه: والله ان معرفتك شرف لي ابو ثامر بهدوء: اسمع دامني كبر ابوك وبينا عشره وايام ابي اطلب منك طلب فيـاض بمزح: والله انا اللي ابي اطلب منك ياخي خلهم يجبون اي شي بموت من الجوع ابو ثـامر: ابشر دق على السايق وارسله يجيب لهم عشاء وبعدها جلس وهو يطالع له نطق : ابيك تاخذ فتره تبعد عن كل شي فيـاض: ليش ابو ثـامر: فيه ناس ناوين لك الشر وانا مابي يمسك شي اترك كل شي على جنب وخل الاشياء الثانيه علي وانت سافر اي مكان تبيه وعلى حسابـي بعد كمل دراستك وطموح ابوك وخلني اشوفك راجع لي وانت دكتور فيـاض وهو يطالعه وبجديه نطق وهو يتربع: انسـى انحاش علشانهم اللي ناوين لي الشر انا ناوي لهم نيه بس مو قتها هالحين ابد ابو ثامر برجاء: اسمع مني طيب ابعد بس اربع سنين وبعدها انا بنفسي اللي بقولك تعال فيـاض: ليش ناوي تبعدني لهدرجه واصلت لك التهديدات ابو ثامر: ماوصلني الا كل خير انا ابيك تشوف حياتك برا تستعيد نفسك ترجع فياض بنشاطه وطموحه وافكاره مابيك بهالسلبيه فيـاض: تدري وش الغريب ابو ثامر وهو ينظر له : عارف بتقول لي انت لك اعمال سوداء وانت وانت بس مايلغي ان لي جانب ايجابي اطلعه للي احبهم واخاف عليهم وانا اخذت من الدنيا مايكفي وانت بنفسك شفت مسكوني سنه وطلعت براءه وبعينك شفت كيف انقلبت الادله ف لاتخاف مني او علي انا ابيك تبعد عن هالطريق وابيك تشوف لك اي شي تسويه وترجع شخص ثاني مو تعيش ب انتقام وافكار تجيب لك الهم وانت توك ماشفت من الحياه شي فيـاض: شفت ياابو ثامر شفت وشبعت ابوي اللي انتظر وجوده اللي على امل القاه حيي يطلع متوفي بنفس اليوم اللي انا دخلت فيه وادري انه مو مخفيك هالشي العتب عليكم ليش ولا واحد جاء علمني خلتوني ضايع مادري وين يساري من يميني من كثر التفكير وش جاء مني علشان ابوي يسوي كذا وبالاخير الرجال مات ولا حضرت عزاه وتبيني اكف شري ابو ثامر بجديه: لو عندك معزه لي ابيك تسافر انا ما اقولك كف شرك بالعكس خوذه ب ايدك ورجلك ان حصلت بس مو الحين كل شي بوقته حلو ابعد عنهم وخلني اضربهم بالسوق على نار هاديه وابعد يدك انت عن كل شي ليين الوقت اللي اقولك فيه تعال فيـاض بتفكير : بتبرد كبدي فيهم ابو ثامر ب ابتسامه: ولو انت أخبر بحول مجالي كله علشانك وأبدا معهم حبه حبه وبتسمع بنفسك الاخبار اللي مو بس تسرك اللي تخليك مستانس عشر ايام قدام ابتسم فياض وهو يمد يديه له ويشد عليه: انتظر هالاخبار على احر من جمر ابو ثامر وهو يشوف السواق جاي ومعه العشا وبدوا يرتبونه على الطاوله: حياك تتعشى وتملي بطينك وبعدها سيده على الفندق تجيب اغراضك وتجيني فيـاض وهو يسمي وبدا ياكل: ابشر وب استمتاع : ايه هذا الاكل الزيين ولا اكل السجن ابتسم ابو ثامر وهو ياخذ الملعقه وياكل بهدوء والمخطط براسه صار مثل ماهو يبي واحسن _____________________________ الـمجمعه: دخل الجد وهو يمشي بعصاته والحزن كاسي وجهه جلس بالصاله وحط شماغه على عيونه يمسح الدمع اللي فاض من عينه كلما يتذكر ملامح فياض وكلامه : رحت ماراح ابوك رحت دخلت على كلمته ومعها شاهر : لاتبكي يايبه لاتنزل دموعك الجد بحزن: ماطلعت من هالدنيا الا بهالولد والحفيد خسرت ناصي وبخسر فيـاض نطقت وهي تمسح دموعه: وانا يايبه وانا وعيالي وين رحنا شاهر بعد حفيدك وفيـاض زعلان بس يطخ اللي براسه بيجيك هز راسه وبعدها اردف وهو مسند ايدينه على عصاته: فيـاض راح مثل ماراح ابوه ولا بتشوفون وجهه اذ كان ناصي يسامح فيـاض مايسامح ان كان ناصي عنيد فيـاض اعند منه تعلميني بفيـاض الوجهه اللي الفى علي اليوم قسوة القلب اللي نطق بها لسانه ماهي الا دليل على ان فيـاض ماهو الاولي اللي لابكى اراضيه بحلاوه ولا بكم فلس ولا فيـاض اللي لازعل ماياخذ دقايق و يرضى فيـاض ماهو الاولي يافوزيه ماهو الاولي فوزيه اردفت: الله يهديه ويصلحه اردفوا: امين اما شاهر سكت وهو متكتف طلع وضرب كتفه بكتف اخته دانه همس بضيق: ابعدي عن وجهي دانه وعيونها امتلت بدموع: شفيك رجعت شاهر اللي قبل من طلع فيـاض ترا انا مالي اي ذنب باللي صار هو ماحد قاله يروح ويبيع مخدرات بعدين يجي يتزعل علينا شاهر اردف بسخريه وهو يلمح زول زوجها: هذا اللي ذبحتي نفسك علشانه ولا نسيتي همس وهو يحط يديه على كتفها لو انكرتي لهفة عيونك من طاريه بينت بس خسرتيه وابشرك ترا حتى طاريك ماجابه يعني بايعك باللتي هي ماردت وهي تطلع لزوجها اللي قالها بيروحون اليوم لاهله بالرياض ركبت وهي ساكته نطق وهو يشغل سيارته: وش صاير ولا رجعة الحبيب ذكرتك باللذي مضى دانه بهدوء وهي تلف عليه: اي حبيب وخرابيط انت عارف وش اللي بقلبي ولا ليش تزوجتني وانت كلما شفت وجهي جبت طاريه شاك ان بينا شي تكلم دامنا على بر مارد وهو يمسك خط الرياض تجاهلها مثل ماكانت تتجاهله بداية زواجهم ما اعطى نفسه اهميه يلتفت لها وهو عارف انها الحين تفرك ايدينها ببعض هذي عاداتها لاعصبت او توترت رجع شعره لوراء وهو مسرع ولابس سماعاته حتى صوتها مايبي يسمعه الكل يقول اخذها عناد بفيـاض اللي كان اصلا يسمع فيه بس الاصح انه لمحها مع اخته مره واعجب فيها ومن محاسن الصدف انها كانت مملكه على فيـاض وهو بالسجن ارسل اخته لها وعلمتها وطبعاً كتفكير اي بنت اغترت فيه وبفلوسه ووافقت ومنها قهر فيـاض واخذها وصلوا الريـاض على الساعه5 العصر : نطق بهدوء: على طول على الجناح لاتنزلين لين اقولك ماردت وهي تنزل بعصبيه دخلت من الباب الخلفي للجناحها المنعزل عن فلتهم او بالاصح قصرهم دخلت وهي تشيل نقابها وشيلتها طالعت نفسها وجهها اللي صار احمر من كثر ماهي كاتمه عصبيتها وبكيتها عيونها الحمراء جلست على اقرب كرسي وهي تبكي تلمست سلسالها اول سلسال من فياض لها ماقدرت تحذفه او تقطعه مسكته بقوه انهمرت دموعها وتوها حست انها فرطت فيه بعد مالمحت وجهه ونبرة صوته يااه الهم الباين بوجهه جسمه النحييل بس كله مايغني عن انه جمييل وملامح الرجوله اكتملت فيه وقفت وهي تتعوذ من ابليس كيف فكرت فيه وهي مره متزوجه توجهت لدورة المياه تاخذ شور لعل وعسى يبرد من حرقة قلبها وشكوك زوجها فيها _________ بنفس القصر تحت : بصاله كبيره شرحه بلون الابيض والكنب رمادي فاتح مجتمعين كلهم وبينهم فاطمه وفواز اللي اعمارهم ب 15 نطق اخوه الكبير(لافي): كيف اللي جيت منهم رعد بهدوء: ماعليهم نطق (بدر): عسى صادفة هذاك رعد وهو يطالع فواز جالس يحل واجباته بعرض الصاله طالع لملامحه ابد مايشبه فياض: لا لافي: اها التفت لامه المقعده : حلوة البن اخبارك اليوم نطقت بهدوء: الحمدالله بخير دخلت اختهم سهـام: اوف ياربي تعبت وربي تعبت لافي: بسم الله وش فيك سهـام: سلامتك بس ذا اللي خلتوني اوافق عليه طفشتي اذ مارديت عليه يزعل واذ تاخرت عليه يعصب بالله لاتزوجت بكره وش بيسوي فيني ابتسم بدر: روحي بس عبالي عندك سالفه لافي وهو يلمح ندى جايه ومعها المكسرات وراها الخدم معهم الضيافه: والله مافي اسنع من هالشيخه نطقت امهم بمحبه: هذي السنعه ماحد يطلع عليها ابتسمت بخجل : تسلمون فزوا فاطمه وفواز وهم يجون لها جلس واحد على يمينها والثاني بيسارها ضمتها فاطمه: اشتقتت لك كل هذا نوم ابتسمت وهي تضمهم بهدوء كيف ماتضمهم وهم اللي طالعوها من قمة حزنها هم اللي نوروا لها دنيتها وخلوها تثق بنفسها بعد ماكنت تحس انها هامش على هالحياه بعد الحادث اللي صار لها وفقدت عينها وسبب لها جرح عميق ب ايدها ورجلها وصارت معتزله الناس من حيكهم وانهم دايمًا ينادونها العرجه او العوره منها صارت تكرهه اي تجمع للناس حاولوا يعالجونها اهلها بس عجزوا عنها تركت الدراسه وجلست بالبيت وهي اللي ربت فواز وفاطمه من يوم هم باللفه لدرجه ينادونها يمه ساكنين معها بنفس الجناح ومشاركينها كل شي انرسمت على ثغرها بسمه حزينه :الله يرحمك ياندوا همس لافي لبدر: سكوت فيـاض مو مطمني بدر بنفس الهمس: اكيد انه سامحنا لافي بسخريه: هذا وجهي ان سامحك بدر: العتب عليك وعلى ابوي اجنوا حصاد افعالكم لافي مارد وهو يوقف: يلا استأذنكم امه بهدوء: الله معك بس خلنا نشوف عيالك صار لنا اسبوع ماشفت اي احد منهم لافي وهو ماشي: ابشري سهام وهي تهمس لرعد: كذاب هذا وجهي ان جابهم اللي يسمعه يقول ميتين على عياله بس امي الله يهديها متعلقه فيهم رغم كل الهوشاات اللي صارت وظلمهم عليها وتبيهم بعد رعد بنفس همسها: قلب الام بعد سهام وهي تلعب بجوالها: الله وصرنا نقول درر يسلم وجهه دانه اللي خلاك تعرف تطنق رعد حذفها بالمخده وهو يوقف: يلا وانا بعد بروح اريح وصحوني على العشاء سهام: اي رح رح رعد ابتسم وهو يطنشها ويطلع لجناحه دخل وهو مبتسم ناداها بصوت هادي ماردت تقدم للغرفه ولا شافها نايمه همس: مثلي وبنشوف وش نهايتك يادانه نزع ثوبه وهو يحطه على الشماعه اخذ بطانيته وهو يطلع للصاله انسدح على الكنب وهو متكسر من التعب ما اعطى نفسه يفكر بشي على طول نام _______________________ ثاني يوم الصباح يصحي بفيـاض : قم بسرعه لاتروح علينا الطياره فيـاض بتعب: لازم يعني ابو ثامر: ايه لازم اخلص علي السواق ينتظرك برا وقف وهو بالغصب يفتح عيونه غسل وجهه توجهه للكنب وهو ياخذ ثوبه ناداه ابو ثامر اللي لاف له توسته ومغلفها ضحك فيـاض: تراني ماني بزر ابو ثامر: عن تأنيب الضمير بس ابتسم: مانحرم جميلك عمري ماراح انساه ابو ثامر: لاتخاف باخذه منك بنفسي فيـاض: يلا مع السلامه . _____________________ بعد مرور 4 سنوات سنة 1441 : واقف بنفس المطار مطار الملك فهد وبهمس: رجعت لك يالريـاض وانا دكتور وغادرت منك انسان بلا شهاده انسان خريج سجون _________________________ بشركه رمى الاوراق بغضب : شلون تروح عننا هالمنقصه شلون الشركه كل مالها وتغرق بالديوان بعرف من له مصلحه يضربنا من تحت الطاوله وبصراخ من بدر : اهدا يالافي اهدا رعد : صحتك اهم من كل شي يكفي اللي صار السنه اللي طافت مانبي نخسرك لافي فتح زرار ثوبه: ابي اعرف بس من اللي قدر ينزل من سمعة شركاتنا من هذي رابع مره نخسر المناقصه الموظفين كل شوي جاييني واحد يستقيل فتحت باب التوظيف ولا احد فكر يجي عندنا امسك واحد واحد يعني واتراجهم يتوظفون عندنا عقب ماكانوا يتنافسون على الشركه حتى ابو ثامر سحب ايده من الشراكه بهدوء هو واللي معه كب الشركات جالسه تنسحب وتبوني اهدا بدر: بنحل كل شي صدقني بس روقنا انت رعد وقف: انا طالع عض شفته لافي بقهر/ خذ هذا اللي شاطر فيه رايح لست الحسن والدلال اهخ بس اهخ سمع كلامه وطنشه وهو يطلع بدر: تتوقعه فيـاض لافي: ما اتوقعه هالزفت من طلع وهو مكتفي بحاله حتى بيت جده من درا انه بيت رعد ماعاد يجيهم بعدين خريج سجون من بيكون بصفه ولا يثق فيه تلقاه يبيع ب حدى المحلات بدر بتفكير: على كلامك من بيثق فيه ويتبعه ____________________ استقبله ابو ثامر بفرحه: نورت الـرياض فيـاض: بوجودك بعدين انت كل شوي لك بيت ضحك ابو ثـامر: هاه شرايك بالاخبار فيـاض ب ابتسامه: ياانها شرحة خـاطري ابو ثـامر: الجاي بيسعدك يادكتورنا فيـاض: انت وش صار على اهلك ابو ثامر: ابد خلنا من سيرتهم انا ماعندي الا ثامر وثامر رفض يرجع للسعوديه عاجبته ديار الغرب خلص دراسته وتوظف مهندس هناك وبين فتره وفتره ازوره وبيني وبينك احسن مابيه يجيني وينتبهون عليه اللي حواليني فيـاض وهو يجلس والابتسامه زينة ثغره: نقول بدا اللعب ابو ثـامر: بالهداوه وش حادنا على العجله _________________ الـى هنـا وعذراً على التأخير توقعاتكم . وموعدنا الاثنين الجاي. | ||||
|
| |
|
29-09-19, 06:55 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // تنبيه : (اسماء الشخصيات لاتمس للواقع بصله) __________________ الـشخصيـات : عـايلة اللافي: 1/ أبراهيم لافي (متوفي) 2/ زوجته ام لافي(عمشه) العمر59 اولادهم: _______________________________ 1/لافي 40 وزوجته امنيه39: عيالهم. 1/ جـادل العمر 24 معيده بجامعة نوره قسم تربية الخاصه . 2/ابراهيم (22) جامعة الملك سعود طب عيون 3/ حسن (20 )جندي بالدفاع المدني ________________________________ 2/ندوا متوفيه بنتكلم عن عيالها بعايلة ناصي ______________________________ 3/ بدر( 38 )زوجته اماني(36) عنده تؤام بنتين عمشه واسيل اعمارهم(18) ولده عادل عمره17 سنه ثاني ثانوي علمي ___________________________________ 4/ ندى 30تزوجت متأخر وماعندها اطفال ________________________________ 5/ رعد28 زوجته دانه (موظفه بالاحوال) عندهم بنت وحده واسمها تـوق عمرها سنتين _______________________________ 6/سهام متزوجه من صديق بدر عمرها27 وعندها ولد واحد اسمه تركي عمره سنه _______________________________ ______ (عايلة الجد ناصر ) الجد(نـاصر) عمره60 سنه زوجته ام ناصي متوفيه . عنده ولد واحد وهو ناصي توفى اثر حادث اولاده: فيـاض: العمـر 28 دكتور جراحه التؤام: فاطمه وفواز اعمارهم19 _______________________ عمتهم فوزيه بنت اخو نـاصر توفوا اهلها بحادث وهي ( رضيعه )رضعتها ام ناصي وربتها مع ناصي واعتبروها بنتهم وعاشت عند اللي تعتبره ابوها اللي هو بالاصح عمها زوجها متوفي. _____________ عيـالها : شـاهر 29 : معـلم ريـاضيات (ابتدائي) دانه 25: موظفه بالاحوال. __________________________ (ابو ثـامر العمر(43).) ولده ثـامر العمر(26)موظف بالخارج ورافض العوده بنته (سُــورا ) العمر(21)خارج المملكه عايشه عند اهل امها مع امها بـ افغانستان. ________________________ *اتمنى وضحت الشخصيات. تنبيه : (اسماء الشخصيات لاتمس للواقع بصله) بسم الله الرحمن الرحييم: بمناسبة قرب اليوم الوطني : (كُل عامٍ ووطني يُعانق السّماء مجدًا، ويحضن السّحاب فخرًا وعزًا، دُمت حُبًا وعشقًا للأبد🇸🇦💚) ____________________ *الجزء الـثاني مدخل: (وساعة غفى جفني المحروم رميت حملي عن أكتافي حلمت باللي هواه حلوم يصب جمرٍ على أطرافي أنا احترق يالله المقسوم وأطفي النار بلحافي) ________________________ الـريـاض بقصر اللافي العـصر: وقفت سيارة الـسايق عند المدخل نزلت وهي تعدل نقابها شالت ولدها ووراهـا شغالتها شايله اغراضه دخلت وهـي هاديه عكس النار اللي بداخلها لقت امها ودانـه مرة اخوها جالسين يتقهون نطقت امها (عمشه): وش صاير سهـام وهي تنزل تركي بحضن دانه وتفصخ نقابها وشيلتها: مو صاير شي بس كنت طالعه وقلت امركم دنقت على راس امها حبتها ومن ثم جلست وهي تسـال دانه وتسولف معها دانه بهمس : مامر علي هالكلام سهام بنفس همسها: لاطلعنا فوق اعلمك لان لو ماتكلمت بمـوت دانه شدت على ايدها: هدي اهم شي نفسك سهـام هزت راسها وهي تاخذ الفنجال وتصب لنفسها قهوه وهي تحاول تعدل مزاجها اما دانه جلست تلعب تـركي دخل بشره وهو معصب: دانه ولعنه مخليه بنتك مع الشغاله ليه شاطره لي تشلين عيال الناس وتوق راميتها على الشغاله اخذت نفس وهي متعوده على فصلاته: قبل شوي رجعت من الشغل وبدلت وجلست عند عمتي وتوق كانت نايمه وقلت للمربيه تجلس عندها وبس نطقت سهام وهي تشوفه معصب: مشكور ياخوي الحين ولدي ولد الناس صار .. جيبيه قالتها بنفس عصبيته اخذت تركي وهي تقوم بتطلع مسكها مع عضدها وهو ينطق بهمس سمعته: اسف ماقصدت بس معصب لاتلوميني وانتي عارفه اوضاع الشركه سهـام وعيونها لمعة بـالدمع: ترا مو بس انت مضغوط انا بموت من كثر ماني مضغوطه دفت يده وهي تصعد لجناحها اما دانه جالسه وهي ساكته ام اللافي (عمشه) : خلاص يابنيتي روحي له لايعصب دانه وهي تطالع له وهو رايح: ابشري دقايق وارجع لك عمشه بهدوء: طيب مدت رجيلاتها وعصاتها بجنبها طالعت هالبيت الكبير اللي يشبهه وحدتها وعيالها اللي طلعوا ومابقى الا رعد عندها وبناتها تزوجوا وفاطمه وفواز اخذهم لافي عنده بجنـاح رعد دخلت بهدوئها المعتاد همست وهي تشوفه جالس وبحضنه توق : عمتي فضى البيت عليها المفروض نكون حوالينها وانت اربع وعشرين ساعه برا وانا دوام من اجي انزل لها تحت مابيها تحس بالوحده وحنا عندها وحريم اخوانك مايجون الا بالشهر مره اسفه لو ضايقتك وبنتي تأكد ماعندي اغلى منها علشان اطنشها او اهملها دنقت عليه وهي تبوس راسه: اسفه نطق رعد بهدوء وهو ماسك ايدين توق : تأسفي لبنتك مو لي انتي عارفه اني ما احب الخدم يدخلون جناحي او يتولون بنتي انتي ضامنتهم عارفه وش وراهم تدرين وش اطباعهم ليش تعانديني وتدخلينهم من اول يوم وانا معلمك بس الظاهر العباطه فيكم طبع دانه طالعته وهي لازالت هاديه: لاتجيب سيرة اهلي بشي سحبت توق منه ودخلت الغرفه نزلتها على السرير توجهت للكبت وهي تطلع لها لبس دخل وجلس على السرير وهو يفتح ثوبه وينزعه رجع راسه على ورا وهو يشوفها تجمع لبس توق تقدمت وهي تبدل لتوق وتلاعبها حطت البودر على جسمها ولبستها نفنوف وردي قصير مشطت شعرها وحطت لها طوق عطرتها وهي مبتسمه على حركات توق ابتسم رعد معها وهمس: الله يحفظها ماردت وهي تشيلها وتطلع سكرت باب الجناح وهي مطنشته اما هو : كان مراقب كل تحركاتها طول عمرها هاديه يحسدها على هدوئها وبرودها وقت اللي يكون معصب تكون هي بارده تمتص غضبه بطريقه عجيبه انسانه مو عارف يوصفها جميله هاديه بس مايدري وش وراها وش اللي بين ضلوعها رزقه الله بـتوق نسخة امها مصغره من دانه بجمالها بياضها والاهم شعرها الكثيف القصير من جابتها وهو معدل العصبيه عنده زايد يخاف عليها من العين وده يخبيها عن الكل تنهد وهو يردف: متى اعرف اللي بقلبك يادانه لف راسه وهو يتغطى باللحاف _________ دانه مرت على جناح سهام ضربت الباب : ادخل ولا ممنوع نطقت سهام بمحبه: ادخلي دخلت لجنـاح سهام الكبير بلون السكري هادي جداً والاثاث مابين الابيض والرمادي الفاتح وذوقها راقي وبنفس الوقت فخم جلست على الكنب وهي تشوف سهام تبدل لتركي وتلبسه نطقت بتعجب: سبحان اللي غيرك تذكرين سهام وهي ترفع تركي وتحطه بحضنها وهي تبتسم : وكيف ما اذكر اكره ماعندي امسك بزر دانه بنفس الابتسامه: وجاء تركي وغير مفهومك كله سهـام اختفت ابتسامتها تدريجياً وعيونها نزلتها وهي تتأمل اللي بين احضانها : تصدقين لو اقولك انه غلطه دانه وهي تعدل توق اللي تلعب ب اكسسوراتها : هذا نعمة من ربك غيرك يتمناه شوفي ندى صار لها سنتين وهي متشفقه على طفل يكون بحضنها واحمدي ربك سهـام اردفت بحزن: بس ابوه عقدني لو ماعندي تركـي كان تطلقت دانه ماقدر اصبر صبرت 3 سنين واحس روحي بتطلع تخيـلي ب اذني اسمع خواته يحرشونه علـي ويصدقهم لو ما يصدقهم عادي اليوم اليوم داخل علي وسحب جوالي وجلس يفتشه هذا انسان طبيعي انهمرت دموعها بقهر : وفوق ذا كله قدامي خواته يقولون بيزوجونه بنت خـالتهم من اول يوم اخذته ماشفت يوم حلو صبرت علشان خاطر بدر بس والحين ماقدر رفعت كم بلوفرها شهقت دانه: حقييير سهـام : شفتي بعينك لو اوريك ظهري وبطني وش تقولين دانه احسني خلاص ابوي الله يرحمه ماعمره مد يده علي اخواني ماعمرهم رفعوا اصواتهم حتى يضربوني وهو من اول اسبوع وماخذني تكفيخ ياليـت على شي يسوا على سوالف خواته ونطقت بفخر: بس لاتخافين اخذ حقي انا مضروبه مضروبه ف اجلس اتضارب معهم وما اسكت ضحكت دانه عليها : ام لسان سهام بنفس ضحكها وهي تمسح دموعها: اجل تبيني اسكت وانا بنت ابراهيم والله ما اسكت لهم رفعت تركي وهي تقلبه على بطنه: ذا النتفه غلطتي بس بنفس الوقت حبيبي والله مرات انضرب واحضنه اضحك دانه وهي توقف : قومي خذي لك شور وروقي وبدلي وتعالي عند عمتي وانا باخذ تروك معي يلا سهـام وهي توقف : وبعد وش فعالياتك دانه وهي تفكر: اطلب لك ورق عنب يحبه قلبك سهـام وهي تبتسم بفرح: ياشيخه الله يسعدك ضحكت دانه: امين وياك يلا مو تطولين سهـام : ابشري نزلت توق وهي تشيل تركي سهام اخذت توق وهي تبوسها بقوه لين خلتها تصيح دانه: سهاموه اتركيها اشوف سهام وهي تحطها ب ايد دانه الثانيه : انتبهي لهم وانتي تمشين دانه وهي تعقد حواجبها وهي تمشي: طيب بس اخلصي بسرعه هزت راسها وهي تزفر براحه بعد مافضفضت لدانه صديقتها واختها وكل حياتها صديقتها منذُ المتوسطه فهي شاطرتها روحها ونص حياتها اخرجت لبسها ومن ثم توجهت لـدورة المياه لتأخذ شور خفيف تهدي فيه نفسها ولاتبكي على ذاك السخيف اللذي اتعبها بحياتها وعلم على جسمها حقارته ______ دانه وصلت تحت قابلها فواز اللي كان جاي نطق بترحيب : ياهلا بـ ام توق ردت بخجل: هلابك تقدم منها وهو ياخذ تركي: هلا بهالشيخ والله لف عليها : اجل سهام وينها دانه : بجناحها تلبس رد بهدوء: طيب مشى وراها وهو يدخل الصاله تقدم لجدته وهو يمازحها: هلا بجدة فواز هلا بعموشه دانه نزلت توق بالارض واخذت القهوه وبدت تضيفهم تحت سوالف فواز وضحك ام لافي دفت يده: ابعد ياولد وش تبي ناشب لي فواز وهو يضحك: هههههه جده تراه كله ابو تريك وش فيك خايفه عليه دانه وهي تضحك: ههههه ياويلك منها هذا كانه ايفون عندها فواز وهو يوقف ويحط تركي بحضن جدته وبدا يلاعب توق : تعالي ياحلوه بدت تزحف له وهو يضحك : ايوه تعالي تعالي نطقت دانه بهدوء: وين فطوم صايره ماتجي كثير فواز مسك ايد توق وهو يوقفها: مدري عنها تهاوشنا من مده ولا نتكلم جدتهم ودانه : ليش فواز: شي بيني وبينها لا طاح اللي براسها ذيك الساعه اعتبرها اختي دانه: لا يافواز اذ هي صارت خبله انت اعقل منها كلنا نعرف فاطمه لسان بس يطيح اللي بقلبها تجيك وتعتذر فواز مارد نزل توق وهو يوقف : يلا عن اذنكم مواعد اخوياي جدته: تو الناس ودانه طالبه حلويات انتظر تحلى معنا فواز وهو يطالع جواله: كثر الله خيرك يام توق بس والله مشغول وبطلع تنهدت دانه وهي تنزل جلالها : الله يجمل الحال عمشه: امين يارب مرت عصريتهم ب احاديث بين دانه وسهام وبالاخير اتفقوا يطبخون العشاء سوا ____________ بنفـس الـحي وبفيلا تصميمها اقرب للفلل الامريكيه نزلت ايبادها بزعل : يـمه تراها جدتي ما ارضى عليها بعدين كافي حـارمتني منها ام ابراهيم: اقول صدعتي راسي بتروحين روحي لها لعنتك جـادل: ماعندي مشكله اروح بس مابي ازعلك مني على ما انهت كلمتها داخل والدها غاضب نزل شماغه وحذفه بعصبيه نظر لجـادل المبتسمه ونطق بغضب: وش اللي يضحك مضحاكه انا عندك كلما شفتي وجهي ضحكتي جـادل المتعوده على صراخ والدها وتهزئيه لها وقفت وهي تنطق: محشوم يا ابو الجـادل ماعاش من ينزل من قدرك يلا استأذنكم بروح اشوف فطوم اخذت ايبادها وصعدت تحت نظرات والدها تنهدت زوجته وهي تقرب له الضيافه وتبدا تقهويه: وش صار بعد معكم مسح وجهه بضيق: وش صار تخيلي انسحبت كل الشركات من شركاتنا مدري كيف بدبر رواتب الموظفين كل شوي جايني واحد بيستقيل جلست ووبجزع:غريبه من جالس يلعب بشركتكم لافي: مدري راجعنا كل الاوراق مافي اي شي يثبت ان فيه احد ناوي لنا على شي كلها اخطاء مننا نطقت وهي تمسح على ايده: هونها ان شاءالله وتهون لافي : ان شاءالله طالعت ملامحه التعب باين بوجهه: شرايك تقوم تريح شوي لافي : بنتظر صلاة المغرب وبعدها بريح بالمكتب هزت راسها وهي توقف: انا بقوم البس اختي ام ريان عازمتني لافي بهدوء: الله معك دخلوا ابراهيم وحسن وهم يتشاجران حسن بقهر: ابعد عني يالكلب يكفي اللي سويته ابراهيم وهو يبعد عن ضربات حسن: وش سويت ماسويت شي اني بس صرفت خويك الصراحه خويك ذاك احسه وراه بلا ماتشوف وجهه انت كيف حسن: مالك دخل بحياتي لاتسوي فيها كبير وقف ابوهم وهو ينطق: بزارين انتم وبعدين وش سالفة صديقك هاه حسن مارد وهو يصد بغضب من ابرهيم وسؤال والده ابرهيم وهو ينزع نظراته بهدوء: متعرف على واحد ويوم شفته شكل الولد مايريح وكلامه بذيء وتصرفاته مو لايقه انه يكون صديق حسن لافي بس ولدك يحب يعاند انا تعبت منه استلمه انت ابعد حسن عنه وهو يصعد لفوق جلس لافي وهو ياشر لحسن: اجلس حسن جلس وهو مازال صامت: متى تعقل دارسه ومارضيت تدرس قلت ابي وظيفه حفرنا لك القاع ووظفناك وش تبي اكثر حسن بهدوء: اللي تبيه يصير بس فكني من هالمحاضره ترا راسي بينفجر يكفي ولدك الخبل لافي وهو يلتفت يدور عقله اخذه وحذفه عليه بقوه صابت جزء من كتفه ووجهه مانطق او طالع لابوه وقف ورد بهدوء: مشكور يابو ابراهيم ناداه لافي بغضب: وقف وين رايح مارد وهو يطلع ويضرب الباب ب اقوا ماعنده ركب سيارته شغله ووجهه محمر من الغضب وكدمت الضربه موجوده بخده حرك السياره وهو يطلع اتصل على صديقه ورفيق دربه : فاضي رد بهدوء: لا والله مطلع اهلي للرياض بارك ليش فيك شي حسن: لا سلامتك مافيني الا العافيه بس حبيت اتمشى معك بس خلاص مره ثانيه سكر الجوال بسرعه ما اعطاه فرصه يتكلم عقد حواجبه ب استغراب منه وكمل طريقه بهدوء لا خلص بيجيه ويشوف وش اللي صاير معه حسن مسك طريق الثمامه ووقف على جنب الطريق ورجع راسه لورا حس بتخدر ب اجزاء جسمه غمض عيونه بشده: يارب لا يارب ثواني ومال راسه وسقطت ايده من مقبض السياره بنفس طريق الثمامه وقفت سيارتها المتواضعه بـاستغراب من السياره باذخة الثمن نزلت واتجهت بتردد فتحت الباب وهي تشوف صاحب السياره مغمئ عليه رجعت لسيارتها وهي تطلع شنطة الاسعافات الاوليه بحكم انها دكتوره اتجهت له وبدت تقيس السكر والضغط ومثل ما توقعت هبوط بالسكر طلعت الابره وبدت تعالجه بهدوء وهي مرتبكه ووالدها يتصل ارتبكت اكثر اخذت المويه وبدت تمسح على وجهه تبيه يصحى دقايق وفتح عيونه بخمول مانتظرت يفيق بالكامل نطقت ب استعجال: لاتنسى تمر المستشفى معك هبوط بالسكر وهذي علاجات للسكر انتظم عليها رفعت نفسها وهي تبعد عنه وتسكر باب السياره بتوتر.... ركبت سيارتها وهي متجهه لمخيم والدها بمناسبة فرحته بتخرجها عزم كل عمامها واقاربهم الخاصين وقفت سيارتها نزلت من سيارتها وهي تعدل عباتها ونقابها اخذت حقيبتها وجوالها وهي حاسه ب احد يناظر لها رفعت عيونها وهي تناظر ولد عمها عبد الرحمن ينظر لها بنظرات استحقار طنشته وهي تدخل على ترحيب والدها احتضنته وهي تهمس: عسى ربي لايحرمني منك ابو ريـفا : عسى الله يخليك لي ياحبيبة ابوك ابتسمت ريـفا: امين ياعمري ابعدت عنه وهي تسلم على عمامها رغم انها عارفه عدم رضاهم على منطق والدها وافكاره دخلت جوا وهي تسلم على حريم عمامها وجدتها وامها وخواتها جلست بجنب اختها ريم: واخيرا ريم : تعبتي وانتي تسلمين ريفا: اي وربي ماشاءالله ابوي مجمع الناس كلها برا المخيم واقف عند سيارته رافض الدخول وب استهزى: مستانسه بسيارتها قطع اي والله قاطعه بندر : وش فيك ماتدخل عبد الرحمن: ادخل على وشو هاه على اللي مستانسين فيها بندر: يارجال اهدا عادي واحد مستانس بنته بعدين يحق له تعبت واجتهدت علشان توصل للي هي فيه عبدالرحمن مارد وهو يفتح سيارته : قول لهم دقوا عليه الدوام بندر وهو يطالع له : الحمدالله والشكر مو صاحي مارد عليه وهو يحرك سيارته بسرعه دليل على غضبه غبر على المخيم بغضب ومسك الخط الرئيسي وهو حاس بوجع بيساره حط ايده على صدره وهو يردف: طنشها ياعبد الرحمن طنشها غمض عيونه ب الم وهو يشوف حلمه يتناثر قدامه فهو ليس ضد المرأه ولكن غيرته تجبره انه يمنع خواته واهله من دخول هالمجال فهو يكرهه مجال الاختلاط بكل طرقه وبنت عمه جالسه تستفزه بالاول دخلت تخصص عارضه وثاني سماح والدها بسياقة السياره هو يعلم ان تربيتها واخلاقها لاتسمح لها ان ترادد الرجال او تصادقهم واثق بتربيتها جداً ولكن معارض لافكـار عمه الذي تأثر بالخارج كثيراً حتى بات ينسى عائلته ولا يحسب حساب رايهم ___________________ بيت ابو ثـامر وقف وهو مبتسم: اكرمك الله يابو ثـامر ماقصرت ابـو ثـامر وهو ينظر له: الله يكرمك وماهذا قدرك فيـاض وهو يلتقط مفتاح سيارته من الحارس: يلا انا أستأذنك ابو ثـامر ب استغراب: وين رايح فيـاض: بمر على بيتي وبعدها بطلع لفندق وبقدم اوراقي على كذا مستشفى ابو ثـامر بهدوء: تروح لفندق وبيتي موجود فيـاض بحرج منه: ماقصر يابو ثامر بس ودي ارتب اغراض وارتاح بعدين من بكره تشوفني عندك ابو ثـامر: تمام استانك الصبح مر علي بنطلع للمزرعه وبكلم لك كذا دكتور وبنشوف فيـاض هز راسه وهو حاس ب اختناق : طيب يلا مع السلامه خرج وهو يركب سيـارته شغلها وهو عاقد حواجبه بضيق مسك الخط العام وهو متجهه لبيته القديم بس بثانيه غير الطريق لا اقرب فندق مافيه حييـل يواجه ذكرياته اللي ملازمته طول السنين مسك راسه بوجع وقف من لمح لوحة الفندق نزل وهو ياخذ شنطته دخل للرسيبشن مد بطاقته وب استعجال: ياليت تستعجلون بالاجراءت طالعه الموظف بنظرات تفحص وهو يمد المفتاح نطق بلكنته السوريه : حـي الله فيـاض الناصي رفع حاجبه ب استغراب من نطقه حس انه يستهزء فيه مارد عليه وهو يتجه لشقته بالطابق الثاني فتحها بالمفتاح وهو ينطق : كان ناقصني توجهت انظاره للشقه المتواضعه دخل حقيبته وهو يحطها فوق الكنبه سكر الباب وهو يتجه لغرفة النوم شغل التكيف من رغم برودة الجو تقدم قدام التكيف وهو يفتح ثوبه احمرار عيونه : يارب برد على قلبي يارب يشعر بالنار تلسعه بقلبه يشعر بجمرة فوق صدره ان صح التعبير منذُ دخوله المطار ووجوده هنـا وملامح والده بين عيناه مسح عيونه بخمول يُريد البكاء ولكن خانته دموعه ولم تنزل انسدح بتعب وخمول اخذ اللحاف وهو يتغطى بتعب لايريد شي سوى النوم ولـكن الارق يلازمه مد ايده لمخبأ ثوبه وهو يخرج حبوب المنوم اخذ واحده وهو يتناولها على عجاله رجع راسه وهو يهمس: اشكر اللي صنعك ___________________ بـالمجمعه : دخل بعد ماضيف الـرجال اردف وهو يمدد رجوله: اوف اليوم ازعاج من المدرسه لين الشيبان اللي جدي مدري كيف مخاويهم كلما شافني شايب سألني وراه ماتزوجت فوزيه وهي تنزل التمر : وهم صادقين ليمتى العمر يمشي ووظيفتك معك وبيتك واقف شـاهر وهو ينزع شماغه دلاله على غضبه : وانا قلت زواجي مع فيـاض فوزيه بسخريه: هـذاك اول فيـاض مايندرى وين ارضه من سماه بعدين واحد داشر وين بيحصل اللي بترضى فيه شـاهر وهو ينظر لها: يمه كم مره اقولك لاتقولين عنه داشر تدرين وش كانت ظروفه ولا وش السبب احسني الظن يام شاهر احسنيه فوزيه: محسنين الظن بس واحد انمسك وبيده كمية مخدرات وتقول لاتقولين داشر بعـدين انسى ازوجك معه ترا للحين مخليتك براحتك مافردت عضلاتي عليك وعلمتك الشغل شـاهر وهو يوقف: كثر الله خيرتس يكفي اللي سمعته سد نفسي دنق وهو ياخذ جواله ويطلع ركب سيارته وهو قاصد بيت عمه اللي فتحه وسكن فيه وعدل عليه وقف عند البيت وهو يـلمح احد واقف عند الباب بحيره نزل وهو متجهه للباب وبهدوء: سم الرجال ارتبك وهو يعدل لطمته: انت فيـاض شـاهر بهدوء : لا انا ولد عمته امر وش بغيت الرجال بتوتر وهو يتلفتت: لاخلاص مشكور شـاهر بشك وهو يمسكه: وش تبي فيه الرجال طالعه بعيون حمراء دفه بقوه وهو يركض استغرب شاهر : ناس مو صـاحيه فتح الباب بمفتاحه وهو يدخل البيت دخل لداخل وهو يجلس على اول كنبه صادفته والفلوس للان متنثره بمكانها عجز يقرب لها خوف انها تكون فلوس حرام او اشياء تثبت ادانته سمع ضرب الباب عقد حواجبه ب استغراب من ممكن يجي وقف وهو ينطق: ياليوم اللي مو راضي يعدي _____________________ الئ هنـا عذراً اذ كان الجزء قصير بس حبيت انزل لكم شي | ||||
|
| |
|
29-09-19, 06:57 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحييم: تـابع الجزء الـثاني . . "تختبر الأيام صبـري وأتقـاوى لو رضيت الدمع، ما أرضى بالهزيمة". _____________________ الـرياض : الساعه 6 صبـاحاً : اصبـح الصـبح لـيمحي سواد امس واحداثه صحت على صوت ابوها يصارخ فزت بسرعه وهي تطلع وبغضب: وش فيكم التفت لها ابوها ناظر لبسها : وش هالبس استري نفسك جادل طالعت لبسها ب استغراب كان عباره عن بجامه عاديه جدا وساتره: وش فيها بجامتي تهبل مارد لافي وهو خلقه عافس هالصبح عليهم : ابراهيم ولعنه ماقمت قم اخلص يلا ...وبدا الموال اللي طاح فيه من يومين اي شي يصارخ عليه ....حسن ياحسسسن وينك دخل جناح حسن وهو يلقاه فاضي نطق بقهر: ماجاء الكلب التفت لزوجته : وين تقولين لي جاء هااا وينه تغطين على ولدك انا اوريه بس خليه يجي امنيه وهي تمسح على وجهها دلاله على الضيق : الولد مريض لاتزيدها علي دق وقالي بينام عند صديقه يومنك تشتطت عليه ليش ناسي مرض ولدك ..يكفي شدة ابراهيم بتجي انت فوق راسه مارد وهو يتعداها ويطلع التفت لهم قبل يطلع وبصوت عالي : شغلكم مو هالحين ليا رجعت وانتي مافي روحه للجامعه انطقي بالبيت جـادل بهدوء: لارجعت نتفاهم ابراهيم تنهد: ابشر طلع وضرب الباب ب اقوا ماعنده ضحكت جادل بقوه طالعتها امها ب ابتسامه:الضحك دايماً يجيك بوقت غلط حطت ايديها على بطنها وهي تضحك بقوه لدرجه عيونها دمعت نطق ابراهيم وهو يضحك من ضحكتها: الحمدالله والشكر وش يضحك هذا وانتي متهزئه بعد جادل وهي توقف وتمسح دموعها: استغفر الله ماتلاحظون ان اكثر شي انطق بهالبيت الباب امس حسن واليوم ابوي ابراهيم ابتسم وهو يعدل نظاراته: فاطمه مالها حس تبدلت ملامح الجادل وبهدوء نطقت: راحت لجدتي امس مدري وش قايل لها ابوي مارضت حتى تعلمني بس انت تعرفها هالبنت راسها يابس وعنيده وماحد يتحدها بقوة باسها حتى دمعه ماشفتها بس اللي قالته بالحرف الواحد انا طالعه وعلمي ابوك اني مو انا اللي اقط نفسي على عياله او اناشبه بحلاله وثم طلعت ابراهيم انعقدت حواجبه بضيق الا فاطمه: طيب امهم تنادهم بهدوء: امشوا نفطر الخدم حطوا الفطور تحت نزلوا وراها وجلسوا يفطور بصمت ماعادا ضرب الملاعق بالصحون الاكواب ثواني جاملت فيها امها وبهدوء نطقت: كثر الله خيرك انا بطلع اتجهز اداوم امها: وابوك جادل وهي تصعد: هبة عرس وان جاء قبلي انا اعرف اتصرف معه بعدين اليوم دوامي بيكون بمدرسه بطلع مع الطالبات الميداني والصراحه نفسي اشوف الاطفال واحتياجتهم امها بهدوء: تمام بس حاولي تجين قبله جادل من فوق : طيب _______ دخلت جناحها الواسع المقسم لقسمين غرفتها الهاديه بلون البيج والسكري تطل على واجهة قصر عمامها والحديقة اللي بينهم مكانها كان استيراتيجي بالنسبه لها كانت لفـاطمه بس اخذتها منها لان الاطلاله مره ملهمه بالنسبه لها وفاطمه اقل اهتمامتها الاطلالات والخرابيط يتوسط غرفتها سريرها الواسع المصمم بطريقه كلاسيكيه وخلفه ديكور مضيئ من جهتين والقسم الثاني كانت غرفة ملابسها وحوستها وتخرين لاغراضها المليانه اتجهت لسرير وهي تحط جوالها وشواحنها بدلت البيجامه ولبست روبها ع السريع وهي تتجه للحمامها المصمم بطريقة الفنادق دخلت بسرعه غسلة وجهها وبدت تضع عنايتها الصباحيه وبعدها اخذت شور سريع طلعت ولهفتها نسمة برد من المكيف والجو ارتجفت اطرافها وهي تركض لغرفة الملابس طلعت لها قميص بلون الوردي الفاتح ويتوسطه شعار حصان لبسته ولبست تنورتها السودء بخامتها الضيقه والميد لبست شوزها الوردي عى السريع اتجهت لتسريحتها الغريبه جدا وكانت عباره عن ارفف معلقه على الجدار ومريه متوسطه بزخارف ذهبيه طالعت وجهها وابتسمت ماتحتاج اي شي بس مرطب يناسب هالجو البارد اخدت المرطب وواقي شمس وبعدها روج مات بلون البنك الباهت احترت تحط تنتت ولا طالعت لخدودها المحمره من البرد اخذت لوس بودر وهي تحاول تخفي اللون الاحمر اللي طاغي على وجهها دايما يضيقها وخاصه يوم كانت بالمدرسه كانت تطلعها الادرايه تخليها تغسل وجهها اكثر من مره ماهي مصدقه انها طبيعة فيها اللي ياما حاولت تعالجها ولا قدرت تنهدت وهي تاخذ احدى عطورها الصباحيه حطته بشنطته الظهر جمعت شعرها وربطته على السريع ولبست عباتها الكتف المزخرفه من الكتف بلون الاسود لفت شيلتها لبست نقابها اخذت ساعتها وطلعت بعد ما احرقها السايق ب اتصالاته طلعت مستعجله ركبت وهي تهمس: مدرسه.... الموقع ارسلته لك واتس اب الهندي: فيه معلوم مدام جادل ______ كانت تحت انظاره ابتسم بسخريه وعدل نظارته : اجل فاطمه كبرت ركب سيارته وهو يتجه لابو ثـامر ابراهيم طلع من البيت بعد مده واتجه وهو يمشي لبيت لجدته دخل البيت ب ابتسامه: صباح الخير جدته اللي كانت حاطه لها ركن خاص فيها كان عباره عن جلسه ارضيه سدو مطله على الحديقه وحاطه قهوتها وتمرها الرطب وعلاجتها على الطاوله الثانيه حركة كرسيها وهي تعدله ابتسم ابراهيم هو يحب راسها وايديها: شلونك افطرتي؟ جدته وهي تمد ايديها المتعجده وتمسك ب ايده : بشوفتكم حواليني اكون بخير والحمدالله مليت البطن ضحك ابراهيم ثم اردف : وحنا حوالينك وحولك ان شاءالله... واعذرينا دوامات وحوسه دخلت المجلس وهي معصبه ولابسه لبس المدرسه لانها تاخرت سنه مادخلت : جده شوف قطعت كلامها بعد مالتفت ابراهيم وعلى طول صد وهي رجعت لفوق دخلت غرفتها القديمه..وهي تزفر بغضب كان ناقصها هالابراهيم غير دانه اللي ماخذه السواق وكانه حلالها وناسيه ان وراي دوام دخلت عليها الشغاله وهي تنطق: بابا ابراهيم يقول يلبس عبايه وتعالي هو يودي فاطمه بزعل: هذا الناقص وش يصير لي علشان اركب معه طنشتها وهي تسكر الباب وتقفله بدلت مريولها ولبست بجامتها طالعت وجهها دايم يقولون ماتشبهم دامها ماتشبههم من تشبه ليش فواز ملامحه نفس ملامح خالي بدر وجدتي وانا لا معقوله اكون على عمامي كشرت بضيق من هالطاري فكت الربطه وحررت شعرها بتعب بتدت تدلك شعرها الطويل الي طوله يجبر العين تذكر الله توجهت لسريرها وهي تنسدح عليه وتنام --- لطالما عُرفت بشخصيتها الغريبه مره تكره وتحب نفس الشي ومره ماتحب تسمع حتى اسمه مزاجها المتقلب يخرب اغلب طلعاتها مع خالاتها او الجادل دايماً ينادونها نفسيه او انطوائيه لان بعز الجماعات والوناسه تكون منعزله بروحها ماتحب تختلط مع احد ملامحها جميله بنفس الوقت حاده تراكمت الزمن اللي يما اذاها غير من شخصية فاطمه الحبوبه الطيبه الى فاطمه ثانيه تشبه كل شي الا اسمها وطبعها الحاده والعصيبه دايما تسكت بس لاجاء الوقت اللي ينطق فيه اسمهها بشي تنفجر وتاخذ حقها ب ايديها ماتحب تبين ضعفها الا لجدتها وفواز وغيرهم لا مستحيل ____ تحت وقف ابراهيم وهو يستأذن جدته طلع والحزن كاسي قلبه نطق بقهر : ابو اللي بيراضيك يافاطمه خلك كذا الييين تخسريني بعد صدق ابوي لمن قال ياقشر طبعك يافطيم ياقشره __ الجده بعد ماشافته طلع شافت الحزن بعيونه تنهدت : ماهي نسخة فواز يا ابراهيم هذي فياض متمكن من طبعها وشكلها رجعت راسها لورا ونزلت دمعتها على حفيدها فيـاض اللي اخر مره شافته وهو عمره عشر سنين ونطقت ب اسئ: ابعدتوا فيـاض عنها وطلعت نسخته صدق هزت راسها وعصفت فيها ذكريات بنتها ندوا وفياض وناصي --- ندوا اللي كانت مثل النسمه تحوف البيت حوف اخذت ناصي غصبن عن ابوها نـاصي اللي يقرب لها من ناحية اهلي انتخت ب اخواني وزوجوها ناصي غصبن عن ابوها ولافي ومن يومها المشاكل بين هالعايليتن ماهدت وانا حاشني نصيبي من ابو لافي اللي منعني عن اخواني وشوفتهم بدت مشاكلهم من بعد ماجابت ندوا فياض وهم ملاحق مع ناصي يبونه يطلق بنيتنا جابت التوام وزاد حقد لافي عليهم لين ماتت ندوا والسر هنا كله عند لافي وابوه معقوله ندوا المصليه المسميه تنتحر على امور مثل هذي ماظنتي اللي غرفتها لا انتصف الليل اشتغل نورها وبدت تصلي وترها وتقرا وردها انها تنحتر بهالسهوله صدت بوجهها بحزن : عساك للجنه البارده يابنتي ___________ فيـاض طرا عليه يمر البيت قبل لايتوجه لابو ثامر ضاع بالبدايه وبعدها دل وقف قدام الباب وهو مستغرب من هالسياره اللي موقفه قدام البيت ما اعطا نفسه ينتظر وهو يقرب السياره على الجدار وينط تألم من الطيحه: اوخ تعدل وهو مستغرب من اللي مغير الحوش ومرتبه طق الباب الداخلي ثواني وفتح شـاهر اللي راحت عليه النومه وماداوم طالعوا لبعض ب استغراب وبعده ارتجفت ايد شاهر ولمعت عيونه وهو يردف: فيـاض فيـاض وهو يطالع له ببرود: وخر ... ازاحه عن طريقه وهو يشوف البيت زي ماهو ب اثاثه القديمه بس مغير مكيافته والستاير التفت للطاوله ولقى الفلوس زي ماهي نطق ب سخريه: لا امييين شـاهر مارد وهو يجلس : حيـاك وش سويت وين رحت واختفيت فيـاض وهو يطالع له ويجلس: اولاً هذا بيتي وب اسمي ثانياً من سمح لك تسكن هنـا ماخفت على نفسك من ربع تاجر المخدرات شـاهر: يعني خفت بس انتظارك هنـا كان اصعب خوف واجهته بحياتي كلها عارف ليش لانك مانت فيـاض الاولي انت تغيرت وهالحين ماتغيرت اطباعك وبس حتى شكلك مابقى منك الا عيونك وحدتها ابتسم فيـاض وبانت غمازته: اجل عبالك هالاربع سنين راحت عبث المهم تلم عفشك وتطلع من هالبيت ربع ساعه بس قدامك ولا والله مايردني الا الشرطه وانت عارفني ياشاهـر فـ احترم الايام اللي بينا واطلع شـاهر وهو يوقف بهدوء :ياليتك محترمها يافيـاض الحسوفه مو بعليك علي اللي انتظرتك طول هالسنين تعداه وهو ياخذ مفتاح سيارته وجوالاته تارك فراشه وبعض لبسه اللي بغرفة فيـاض فيـاض طالع البيت بحزن مسك راسه : اوه وانا كلما جيت انسى يذكرني شي وقف وهو ناوي يهجر هالبيت لان ابد ماعنده اي استعداد يعيش ذكرياته من اول وجديد هنـا ____ طلع وهو يقفل الباب ركب سيارته وتعدا شاهر اللي كان بسيارته وماحركها ابد كان عنده امل ان فيـاض يرجع ويعتذر منه حط ايده على خده ودمعه سالت من عينه مسحها بسرعه وهو يردف: الزمن كله تغير جت على فيـاض ابتسم بسخريه وهو يحرك للمجمعه بعد مرور وقت وصل وهو يركن سيارته استغرب لمن شاف سيارة رعد وهم بوسط الاسبوع دخل بهدوء طالع لساعته كانت1 الظهر دخل للصاله وهو ينادي امه: طلعت من المطبخ : هلا شاهر شاهر: غريبه ابو نسب موجود فوزيه: ايه يقول عنده كم مراجعه وجاي يخلصهم هنا ويرجع ومسكه جدك على الغداء شاهر : اها طيب انا بطلع لغرفتي تبين شي فوزيه: وليش ماتبي تتغدا شاهر: لا مابي اشوف وجهه واصلا مالي نفس للاكل رفعت حاجبها اعتراض على كلامه بس مارد وهو يطلع فعلاً لفوق فتح باب غرفته حط جواله على التسريحه ونزع ثوبه شغل المكيف رغم برودة الجو بس يحس النار بجوفه كلما تذكر فيـاض واسلوبه انسدح وهو يحاول ينام ___ تحت حطت الغدا وبدت تزيينه وبعدها ارسلت الشغاله توديه للرجال ابتسمت برضى بعد ماخلصت طلعت لجناحها تاخذ شور وتبدل قبل لايجي عمها ويريح ___ بعد دقايق نزلت وهي لابسه قميص روز واسع وساتر وشعرها لمته ولفت شيلتها ودخلت المطبخ شغلت الفحم اخذت الغلايه وهي تعبيها مويه وبعدها بدت تجهز صحون الحلا والقهوه والشاي ومتعتها من تزوجت دانه صارت الطبخ حاول فيها شاهر تفتح حساب وتجلس تبيع فيه بس رفضت خوف من حكي اهل زوج بنتها انرسمت على ثغره ابتسامه وهو يدخل ويشم ريحة البخور ثواني وطلعت وهي تبخر وراها الشغاله نزلت القهوه والشاي شافت رعد جاي ومعه الجد ابتسمت: ياحي الله مابغينا نشوفك تقدمت وهي تصافحه نزلت البخور عند طاولة الاستقبال قدام الباب واردفت وهي رايحه للمطبخ: انا بجيب الحلا والفطاير واجي لاتروح رعد ب ابتسامه وهو مستانس اكثر مايحب هالبيت وعمته الطيبه يحسد شاهر عليها ... هذا وهو مو ولدها حايفته حوف : ان شاءالله جلس وهو يقهوي الجد الجد اللي انرسمت بعيونه مراسم الحزن من غياب فيـاض ووفاة ولده واجباره انه يجلس بهالبيت علشان فوزيه وشرطها عليه من غاب فيـاض وهو ياكل بنفسه ويلوم روحه واحلامه بناصي وعتابه مو قادر يتجاهله تنهد وهو يحط ايده على العصا طالع ايده المتعجده اللي مابقى من ملامح وجهه اي شبه غير شايب وجهه متجعد بفعل الزمن خايف تجيه المنيه وهو للحين ماشاف فياض نطق بحزن: ياوليدي يارعد ابي منك طلب رعد وهو يشوف فوزيه جايه: سم ياعمي الجد بنبره مكسوره: ابي وليدي فياض ابيك تدوره بكل مكان ابي اشوفه قبل لا اخرف ولا اموت نطق رعد بفزعه: ابشر والله لا اجيبه لحد عندك بس كله ولا تتضايق يا عمي سمعت كلامهم كله اخذت نفس وعيونها حمرت فيـاض اللي الكل تجاهل سيرته طول الاربع سنين وش طراه على قلبك يايبه وش طراه تقدمت وهي ترسم بوجهها ابتسامه كاذبه : وهذا الحلا خلص هاه عاد ابي تقييم اهل الرياض الصح ضحك رعد: ابشري وزعت الصحون بينها وبينه والجد عطته الشاي وشوي بسكوت علشان سكره بس واجهها برفض : مابي اكل شي ابي ارتاح بس فوزيه: تبيني اوديك الغرفه الجد: ايه بقيل مدت ايدها وهي تمشي وتسولف عليه وبهدوء نطقت :شاهر جاء وطلع ينام فوق هز راسه بهدوء دخلت غرفته اللي تصميمها تراثي حتى المسجله حاطينها له ساعدته ينسدح على السرير وبعدها مسحت على راسه : تصبح على خير يبه الجد : لا اذن العصر قعديني فوزيه وهي تطلع وترد الباب: طيب وصلت المجلس وملامحها هاديه استغربت لمن مالقت رعد وصحنه مو موجود ماهتمت وجلست وهي تطلع جوالها وتطقطق فيه بضيق من البيت شبه الخالي ______ الجادل طالعت ساعتها برعب وفزت وهي توقف: يلا بنات اشوفكم على خير دقت على السايق اللي قالها اساساً برا ينتظرها لبست عباتها ونقابها وطلعت وكل خليه بجسمها تتراقص ركبت وهي تسأله: بابا جاء السايق: لا رددت براحه : اشوا فتحت جوالها الثاني نطقت بهدوء: كل هالمكالمات على ايش ضغطت على الرقم وهي تستنى الرد ثواني وجاها الرد: الو استغربت من الصوت الرجولي وسكرته بسرعه نزلت جوالها وما اعطت الموضوع اهميه برد وجهها وهي تشوف ابوها يوقف وسيارتها وقفت عضت شفايفها بقهر : اوف ياربي شافني اشر لها تنزل بسرعه اخذت شنطتها ونزلت بهدوء عكس داخلها مسك ايديها وهو يدخل وكلهم صامتين فتح الباب وهو للحينه هادي وهي مستغربه هالهدوء نطق بالعافيه: انا قايل لك مافي دوام ليش تعاندييني جادل ببنفس الهدوء: وانا قلت لك عندي دوام وماقدر اغيب لازم اقدم عذري وانت ماعطيتني فرصه اقدم اعتذار وش ذنب البنات اللي يجون من بعيد علشاني ابوها ترك ايديها: اطلعي ولا اشوف وجهك جادل طلعت ببرود لفوق فتحت باب جناحها وهي ترمي شنطتها دون اي اهتمام فيها نزلت عباتها ونقابها وتوجهت لدورة المياه تغسل وجهها بضيق اتجهت لغرفة الملابس وهي تلبس بجامه دافيه اخذت جوالها من الشنطه واتجهت للسرير فتحت جوالها وبدت تشوف صديقاتها يرسلون لها تطلع معهم بعد العصر دام الجو غيم وحلو انرسمت على ثغرها ابتسامة سخريه وارسلت لهم انها ماتقدر نزلت جوالها بضيق ثواني وفتح الباب حسن و ابتسامه اشتقت لك ياحلوه جادل بهدوء: جيت سوا لك شي؟ حسن: لا ولا طالعني اصلاً جادل ماتمالكت نفسها وبكت: منعني اداوم تخيييل اداوم واتعب وبالاخيييير يقول انثبري بالبييت حسن وهو يهديها: يابنت الحلال فتره وتعدي بس انتي خلي قلبك بارد وخلاص ماتعرفين ابوي يعني اكيد امور بشركه صايره سمعة شركتنا بالارض جادل: وانا وش ذنبي طيب امي وش ذنبها يصارخ عليه ويهزئها كأنها بزر حسن بهدوء : خلاص جدول لاتبكين قومي البسي عباتك ونروح نتغدا ونطلع للمخيم واخليك تفرين بالدباب على راحتك هاه وش قلتي جادل: وابوي حسن: عادي حنا متهاوششين متهاوشين خلينا الاقل يهاوشنا على سنع ضحكت: صدقت وقفت بحماس وهي تلبس عباتها تكلمت : شرايك نعزم عمتي سهام جوها فله حسن: لا بنطلع لحالنا الحين بينشبون لنا وزوجها تافه كل دقيقه بيدق علي ويشغلني جادل : تمام والقهوه حسن: يابنت الحلال بالمخيم اسويها والحلا وحنا طالعين ناخذ لنا هاه جادل بعد ماخلصت واخذت جاكيتها: يلا مشى قدامها وهو يشوف ابوه جالس بالصاله نطلع من الدرج الخلفي هزت راسها وهم يمشون بهدوء ومصمتين جوالاتهم ركبوا السياره وحركوا وهم مستانسسين ____________________ فيـاض وهو يتـأمل المزرعه قاطعه ابو ثامر: قدمت اوراقك فيـاض انتبه له: لا بشـوف كذا مكتبه يقدمون لي الكتروني ابو ثـامر بعد صمت: خلني اتوسط لك فيـاض برفض تام: لا انا اعرف ادبر امري ابو ثـامر بنبرة زعل: براحتك فيـاض طلع جواله وهو يشيك على السناب والانستا وتويتر ماشده شي وطلع وهو متممل من هالجو مايحب يجلس كذا ابو ثـامر وهو يشوف صمته الزايد: وش صاير لك من ثاني يوم انقلب مزاجك وحالتك حاله فيـاض وهو ينفض ثوبه عن التراب: ولا شي بس فيه ناس بطلع اشوفهم ابو ثامر رفع حاجبه وهو حاس بتغير فيـاض : اها ومنو هالناس فيـاض عقد حواجبه : ماتعرفهم على العموم كثر الله خيرك يلا تامر شي ابو ثامر طالعه بزعل: لا فيـاض : سلام تعداه وهو يطلع ركب سيارته وتوجهه لداخل الرياض اما ابو ثـامر زعل من اسلوبه صدق فيـاض طول عمره غامض معه ومايعلمه بشي ويجاوب على قد السؤال الا انه استغرب حركته اليوم تنهد وهو يرجع راسه لورا ومبتسم من تذكـر شركات لافي اللي بدت تنزل بالسوق واكتسحها ابو ثامر نطق بغرور: هذا اللي يلعب مع الكبير وضحك هههههههههه اهخ واخيراً جاء اليوم اللي اتشمت فيك يالافي _________ فيـاض وصل الفندق وهو يلغي حجزه اخذ اغراضه وطلع ابتسم وهو يشوف الجو غييم ونطق بحنيه: اشتقت لبردك وشبة النار مر على المحلات وهو ياخذ عزبته وخيمه واتجهه للبر مستحيل يطوف هالاجواء الحلوه ولو كان لحاله بدا يبني الخيمه لحاله بعد ما اخذ مكان جدا جميل وفيه زرع رتب الخيمه والعزبه شبك الماطور وهو بقمة استمتاعه بهالاجواء حضن ايدينه بعد مامرته نسمة هواء بارده وهو ماعليه الا ثوب واحد شتوي وشماغه تلثم بشماغه وهو يشغل الحطب ويبدا يسوي قهوته طالع لجـواله ولا الساعه 4 العصر نطق : اوه يالجو والوقت ظل يطالع تصاعد النار بعد القهوه وهو يحطها بالدله اخذ له فنجال وهو مرجع راسه لورا شكثر اشتاق يسمر مع ابوه وجده وشاهر غمض عيونه بضيق وهو يتذكر طلعتهم لمخيم قبل يوم هم صغار نفض افكاره من شاف نفسه بدا يحن لهم ونطق بقسوه : ماهم اهلك اللي تخلو عنك ماهم اهلك عقد حواجبه وهو يسمع صارخ بنت تعوذ من ابليس بس زاد صارخها وقف وهو ياخذ سكين من العزبه ويحطه بجيبه اتجهه لبرا الخيمه لفحه البرد عض شفته المرتجفه من البرد وهو يركب سيارته يدور على الصوت عقد حواجبه اكثر وهو يشوف بنت طالعه من السياره وتصيح وتصارخ وقف سيارته بضبط خلفهم نزل وهو بنطق بصوت عالي: وش فيه البنت وهي ترجف : اخوي اخوي اغمى عليه فجاءه وهو يسوق حاولت اصحيه وعجزت هو معه سكر من يومه صغير بس اول مره يصير له كذا مايصحى حاولت اعطيه شي حالي ومافي اي استجابه ما اهتم لشكلها كان مدنق راسه وهي تتكلم فصخ شماغه وهو يعطيها : تغطي جـادل هزت راسها وهي مازلت تبكي وترجف من البرد دنق راسه وهو ينطق باخذكم لخيمتي قريبه وادفى وبنشوف وش صار ب اخوك هزت راسها وهي تطالع له وهو يسحب حسن وحطه بالمرتبه الثانيه ومدده لف وجهه وهو ينطق: اركبي قدام مافي مساحه ورا جادل : لا بركب معه تنهد وهو ماله خلق يجـادلها اكثر ركب وشغل سيارة حسن ووقفها عند الخيمه التفت لها: سيارتي ماطفيتها هناك اذ ماعليك امر تجبينها والمسافه قريبه مو مره بعيده جادل: طيب نزلت بسرعه وهي شبه تركض لسيارته اما هو نزل حسن للخيمه وبدا يفحصه نطق : مثل ماتوقعت نوبة سكـر رجع لسيارة حسن وبدا يفتش فيها طلع كيس العلاجات والابر اخذ ابرة الانسولين وبطه بهدوء وبعدها طلع علاجاته وبدا يشوفهم واحد واحد سمع صوت السياره وقفت دخلت الجادل ومعها المفتاح: وقفتها مارد عليها وهو صاد عنها : اخوك جته نوبة سكر اعطيته ابره وشوي وبيصحى جـادل وصوتها المبحوح : مشكور مارد وهو يطلع: انا بركب سيارتي ولا احتجتي شي اشري لي وشوفو احد يوديكم انا مـا ادل بالرياض كثير جادل : ان شاءالله اما هو ركب سيارته وتنهد شاف الوقت ب استغراب:دخل وقت صلاة المغرب نزل بسرعه فتح الدبه وهو يطلع علبة مويه كبيره وبدا يتوضأ منها بعد ماخلص مر عليهم :ترا اذن المغرب وجركن الما بسياره جادل ظلت ساكته وهي تتأمل زوله وهو يمشي عقد حواجبها وهي تنطق:لو يعطيني من طوله ماشاءالله ايده اكبر من حياتي التفت لحسن وهي تمسح على وجهه بمويه فتح عيونه بخمول ونطق: وين حنا وش صار جادل :سالفه طويله بتصل ب ابراهيم يجينا ولا السواقين حسن وهو يجلس بكسل:لا انا ارجعك مانبي احد يدري طالعت جوالها :بس المكان هذا مافيه ارسال مو نفس مخيمنا واكيد الحين البيت منتفض بسببنا حسن :حنا وين جادل تنهدت وبدت تقوله كل شي حسن :طيب انا بطلع الحين واشوف اذ فيه شبكه ولا نطق فيـاض اللي كان واقف عند بال الخيمه: هالمكان مافيه ابراج اذ تبون اطلعوا للطريق العام حسن وهو يتقدم ويسلم عليه: مشكور ياخوي ماقصرت والله فيـاض وملامحه هاديه: حق وواجب واذ تبون اوصلكم الين الطريق العام وتتصلون ابشروا حسن : لا انا برجع الحين بسيارتي فيـاض: لا للحين السكر ماتضبط عندك لازم على المستشفى نشوف وش سبب هالنوبه حسن وهو حاس نفسه ضعيف: طيب فيـاض :يلا ركب سيارة حسن وحسن عن يمنيه وجادل ركبت ورا وهي مازالت متلثمه بشماغه لبست الكاب حق حسن ولا فيه فايده عضت شفتها بفشله مو وقته تضيع شيلتها اسندت راسها وهي تتأمل الطريق والجو مغيم نطق حسن: شكلها بتمطر فيـاض ببحه: وحنا جاين علشانها بتمطر ثواني وبدا المطر على خفيف وزاد ابتسمت جادل بفرحه طلعت جوالها وهي تصور المنظر بنسبه لها كان خيال مطر وبرد وبليل وماسكين طريق وريحة الحطب عالقه بملابسهم ابتسمت وهي تهمس: الله سمع همسها الخافت وابتسم اما حسن كان يصور سناب فيـاض وهو يشوفه بعد ماخلص: لك عين تصور وانت تعبان ضحك حسن: الجو مايتطوف فيـاض ابتسم وبانت غمازته: اللهم صيبا نافعاً بعدين نزلوا الجوالات مو زين الحين تجيكم صاعقه نزلوا جوالاتهم وهم ساكتين ثواني وبدت الرسايل تهل على الجادل وحسن فتحوها وكانت معضمها توعد من ابوهم لهم وامهم زعلت عليهم وعمامهم متصلين تنهدت ودق جوالها ردت بهدوء : هلا ابوها بغضب: وينك انتي وهالحمار الجـادل بهدوء وصوت واطي: جايين ابوها: معكم ربع ساعه ولا ورب البيت قاطعته بزعل: خلاص جاين سكرت وهي تنطق: ابوي يبينا حسن: واذ يجينا بالمستشفى دخلوا الرياض والمطر بدا يخف وقفوا قدام المستشفى: يلا تشرفت بمعرفتكم حسن: وحنا اكثر بس شلون ترجع فيـاض: ادبر نفسي ماعليك حسن: طيب اسمك فيـاض وهو يبتسم: مو لازم يلا عن اذنكم طفى السياره وهو ينزل دخل شوي عن المطر وطلب من حدا سواقين ابو ثامر يجيه وفعلا دقايق ولا السايق وصل ركب السياره تحت انظار الجادل اللي كانت واقفه عند باب المستشفى وتراقبه تنهدت وهي تدخل مع حسن ارسلت لابراهيم يجيهم فيـاض علم الهندي المكان ومسكوا الخط اما حسن وجادل ظلو بالمستشفى ثواني ودخل ابوهم والشر بعيونه : وش اللي مطلعكم ....وين نقابك وشيلتك جادل : ضاعوا بالبر ابوهم وهو يشوف حسن منسدح ومعطينه مغذي وابرا انسولين قدامي حسابك بالبيت ياحماره ماردت وهي تاخذ شنطتها وتطلع للسياره بعد ما رمى المفتاح عليها حسن وهو ينززل الكمام: لاتسوي لها شي ابوه طالعه بغضب: انطم حسن : اقسم بالله ان اشتكت من شي لا ابلغ عنك مسك نفسه مايكفخه وطلع وهو معصب ركب السياره وهو يضرب الباب بقوه خلت جادل تنتفض بداخلها بعد وقت وصل فيـاض المخيم : امـا عند فيـاض بدا يسكر خيمته ويدخل العزبه اللي تبللت ركب سيارته بتعب وحركها المجهود اللي بذله اليوم مو طبيعي اشر للهندي يحرك وحرك وراه ثواني ولا جواله يرن استغرب من هالرقم مارد بنفس اللحظه جته رساله: (لو انك ولد رجال رد مو تنحاش سنين وبعدها حتى المكالمه ترجف ماتقدر ترد خلك رجال شوي ) . . الئ هنا توقعاتكم❤ ان اخطئت بحرف ف اسمحوا لي | ||||
|
| |
|
30-09-19, 09:22 AM
| #8 | |||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اقتباس:
تم التعديل وحياك الله شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | |||||
|
| |
|
07-10-19, 10:20 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم: الجزء الثالث . " كل دمعة ما تطيح تصير غصّة والله إن قلبي من الغصّات تالف " . . بيت لافي : ماسكها بغضب جرها وقفها قدامه: انتي متى تعقلين هاه متى ماخذه اخوك راعي السكر وموديته للبر لو صار فيكم شي كلما اقول عقلتي تزيدين طيش خلاص اللي بعمرك متزوجه وعندها بزر وانتي ..ملتزمه الصمت وتطالعه بحرقه تكتفت وهي حاسه قلبها يغلي من كلام ابوها نزلت عيونها بالارض وهي تنتظره يخلص محاظرته بس رفعتها بسرعه على كلمته: انسي تدوامين يـاجادل وصرافاتك بوقفها وشفـتي ذا السايق بسفره وسيارتك ببيعها ووريني كيف بتروحين للدوامك ولا اقولك مايحتاج انا ادق على عميد الجامعه واسحب ملفك كله وانطقي هنا لا دراسه ولا غيره رفعت حاجبها : انا ماكملتها عندك بكملها عند زوجي لاتحسب بقرارتك هذي انت جالس تحرمني او تضايقني عادي اصلا دراسه اقدر اكملها لو قطعتها سياره ماني بحاجتها سايق راح الله معه بتمر الايام ويجي غيره واذ وقفت صرافاتي عني عادي راتبي اللي ماكنت اصرف منه يكفيني ويزود طالعها بنفس نظراتها الحاده: انقلعي فوق جادل : لا ماراح انقلع فوق انقلع لبيت جدتي ابرك لي من هالعيشه غمض عيونه يحاول يهدي : اطلعي وشوفي وش يصير لك ماردت وهي تصعد بزعل جلس على الكنبه وهو حاط ايده على وجهه وبعدها صرخ بقوه: امنيه يـ امنيه وينك جته وهي تمشي بهدوء : ليش تصرخ لافي: عيالك بيموتوني ناقص عمر اقولها لاتطلعين وتطلع وتعاندني ولسانها هالطوله ماحترمتني امنيه طالعته بضييق مدت ايدها وهي تمسك ايده: انت اهدا الحين بعدين ....انت ربيتهم على ان كل واحد له شخصيه مستقله له قرارته وماحد يعارضها انت بنيت شخصياتهم وطورت منهم تذكر قبل اذ اجتمعنا يضحكون عليك يقولون عيالك مؤدبين بس بنفس الوقت مايسكتون يظلون يجادلون ولو كانوا على خطا وهذي تربيتك انت ... وانت اللي ربيتها على انها ما تسكت ابد نسيت يوم كانت ف الابتدائي كانوا اغلب معلماتها يشكتون انها توقف لهم على كل حرف وتخليهم يعدون هالشرح ليش انت الحين متضايق هذي اخر تربيتك لها لافي وهو يشيل ايده ويوقف نطق بسخريه: هو انتي معي ولا ضدي انا اشكي منك بشي وتردين علي بشي اي صحيح ربيتهم على ان كل شخص له حريته وقرارته بس ماربيتها على قلة الادب والسناعه قاطعهم دخول ابراهيم ومعه حسن : نطق بسخريه: شرفي جاء طايح الحظ والمصاب حسن مارد وهو يبعد عن ابراهيم: يبه اتمنى تحترمنا شوي حنا ماسوينا لك شي علشان تجي كل مغرب وصبح وتنفض البيت فوق روسنا حاول تفصل بين دوامك والبيت لافي طالعه وهو يضيق عيونه: ايوه وبعد حسن وهو يجلس: مثلا شوف انا ادراي بالدفاع المدني هل يعقل اني اجي واتكلم عن الحرايق او اني انفضكم كل يوم بصراخ او ابراهيم هذا هو داخل طب عمرك شفته جاي وجايب كتبه فارشهم ويدرس ولا يجي يشرح علينا الامراض والادويه طبعاً لا لاننا نفصل بين الدوام والبيت للراحه بس مو نجي وتفجعنا بصراخك وهاوشك وارد اقولك ترا مالنا ذنب باللي جالس يصير بشركاتكم لافي : والله ما اقول الا الله يخلف علي انا وامك تجاهلهم وهو يدخل مكتبه ويضرب الباب بقوه سكر الباب وهو بكامل ضيقته رمى حاله على الكرسي فتح زرار ثوبه وهو يحاول ياخذ نفس اشتدت عروق رقبته بغضب من تذكر المكالمه من شخص غريب : تـارك بنتـك تروح وين ماتبي لاحسيب ولا رقيب يجزم انه جالس بس يستفزه لانه من خلص كلمته سكر بس من هذا وش يبي يراقب اهله وبنته رجع راسه وهو يفكر من يكون حاول يطلع الاسم بس للاسف كان متصل من جوال حدى البقالات لعبها صح النذل واثق من تربيته للجـادل بس اسلوب وكلام هذاك مو جالس بغيب عن مسامعه غير امور الشركه اللي جالسه تفلت من ايديه بكره اجتماع مهم بيروح يقابل ابو ثامر ويطلب مساعدته كارهه لهشي وده الساعات تمشي بطيئه مايتخيل شكله يروح يطلب مساعدة غيره او يتسلف علشان يسدد ديوان الشركه مسك راسه وهو يفكر وش ممكن يسوي ينزل نفسه لابو ثامر ولا يسحب عليه تنهد وهو يطلع ورقه وقلم ويبدا يكتب الفائض من رصيده ورصيد اخوانه ترك القلم وهو يشوف العجز الكبير كيف بيسده رجع راسه لورا غارق بتفكيره ____ غرفة الجـادل واقف حسن ومعه ابرهيم : ادخل انت اول حسن: طيب بدخل طق الباب بهدوء: جدوله ثواني وفتحت الباب وصدت وهي تمشي وتجلس على كرسي التسريحه طالعت نظراتهم المستغرببه : وش فيكم ادخلوا دخلوا ورا بعض جلس حسن على الكنب وابراهيم على السرير : قالك شي جادل بهدوء وهي تلعب ب اصابعها: لا بس منعني من الدراسه وجمد حساباتي ابراهيم: جـادل لاتتضايقين انتي عارفه طبع ابوي بس يهدا يراضييك جادل مالت شفتها ب اعتراض: مابي احد يراضيني.. اللي يبيه يصير وخلصنا حسن وهو ينسدح: والله ياريحة الحطب والمطر ترد الروح جادل ب ابتسامه: مرهه كان الجو خورافي ابراهيم: اقول انتم الاثنين الحين علموني وش صار معكم بدا حسن يتكلم عن اللي صار طالع للجادل : عاد الباقي عليها لانها هي اللي انقذتني جادل وهي تشغل نفسها بترتيب التسريحه: ابد والله جلسست اصارخ واصياح لين ماجاء ذاك الرجال وساعدنا ابراهيم: طيب ماعرفت من هو او اسمه حسن: لا والله عيا يعلمني سألته وقال مو لازم ابرهيم بتحذير وهو يوقف: اخر مره تروحون لحالكم فاهميين حسن وجادل: طيب طلع وقف حسن بعده: يلا اخليك انا وارتاحي ونامي ولاتشلين هم شي وانا معك ابتسمت ب امتنان: ياعيوني انت ابتسم حسن وهو يطلع ويسكر الباب وقفت هي وطفت النور شغلت الابجوره اللي عند راسها طالعت لبسها وهي مبتسمه مو قادره تغيره عشقها لريحة الحطب يقول لها تنام تحت تأثيره شافت الشماغ اللي داسته تحت المخده طلعته وهي تطالعه ب استغراب ليش محتفظه فيه غمضت عييونها من مرت تفاصيل اليوم عليها ابتسمت رغم حزنها دسته وهي تحاول تنام _________ عند بيت زوج سهـام: دخلت وهي تاخذ نفس بعد ماسحبت عليه وقفلت جوالها لمدة يوم كامل حضنت تركي وهي تدخل وراها شغالتها طالعت للصاله وهي تتقدم بهدوء وثقه ولا على صوت ام زوجها الساخر: جت ست الحسن والدلال سهـام وهي ترد بنفس نبرة الصوت الهادييه: زين عارفه اني ست الحسن والدلال نطقت اخته بغضب: ولك عييين بعد تترددين امي صدق ماتستحين التفت للشغاله: خذي تركي وطلعيه فوق اخذته وطلعت لفت عليها: نعم وش تبين ارد ولا ما ارد قلة ادب صدق تجاهلتهم وهي تطلع وهي تسمع وعيد امه واخته نطقت بحر ما بجوفها: ياعساني اشوف فيكن يوم وحده ورا الثانيه ان شاءالله دخلت شقتها وهي تضرب الباب بقوه على طلعت منصور: اوه جت الحلوه ... شبعتي من اهلك فرت راسك دانه وجيتي سهام: اقسم بالله هاه مالي خلق لك يكفي اللي تحت ونطقت بصوت واطي: الجنيه وبناتها منصور وهو ينزل جواله على الطاوله : الحمدالله والشكر يعني عارفه نفسك غلطانه وتهاوشين بعد ماردت وهي تدخل الغرفه وتنطق بقهر: اشغلوني الله يشغلهم ب انفسهم فتحت نقابها وشيلتها حطتهم على الشماعه نزلت عباتها طالعت للبسها كان عباره عن جينز وتيشرت بلون الاسود ربطت شعرها وهي تطلع مرت غرفة تركي وهي تشوفه نايم والشغاله معه ناداتها بهدوء: خلاص روز روحي نامي تحت هزت راسها وهي تطلع من الشقه التفت لمنصور اللي مازال جالس ومندمج بجواله تنهدت وهي تطالعه بحقد وكرهه : اقول منصور شرايك تنزل تحت منصور وهو يطالعها: وليش ركز بلبسها وبكل وقاحه نطق.. امانه على هاللبس كانك واحد من الشباب ماردت عليه وهي تعودت على اسلوبه الجارح وتفشيله وهي واثقه من جمالها ولبسها وتنسيقها بس هو دايم كذا انسان سطحي بارد مايعجبه شي ليش اضايق نفسي واهتم له قلعته لولا بدر بس اللي مو راضي يصدق فيه ولا كان امداني متطلقه وعايشه حياتي يطالع سرحانها وهو كاتم الكلام الحلو بداخله : وين وصلتي . ماردت وهي توقف: انا رايحه اريح بغرفة تروك يعني اذ حاب تمر ولدك وتشوفه وقف وراها وهو يدخل دخل غرفة تركي هو يبتسم على اللي بسريير الصغير دنق وهو يحب خده ابعد عنه وطالعها سرحانه بتركي: رجعنا للفهاوه هاه سهام انتبهت له وماردت وهي تجلس على الكرسي : اذ طلعت طف النور معك منصور طالعها بقهر وطلع وهو يسكر الباب رجع غرفته وهو يلبس ثوبه اخذ الكاب وهو ينزل صادف امه اللي بدت تصرخ عليه وتعلمه على سهام : ان شاءالله ارجع واعلمها شغلها ام منصور: ايه كفو مارد وهو يطلع ركب السياره و دق جواله رد بهدوء: هلا بالزين وبدا مشواره بالمغازل تحت انظار سهام اللي سكرت الستاره ودموعها بطرف عينها: حسبي الله عليك عبالك مدري عن سفراتك وخرابيطك بس هين خلني امسك عليك الدليل بس وقتها والله لااعلمك مين سهام راحت الغرفه وهي تاخذ فراشها وتفرشه بغرفة ولدها البرود اللي صاير بينهم هي كانت جزء منه اسلوبها نفورها منه من عرفت انه بدا يخونها ويكلم صارت ماتقرب منه ابد وتبين كرهها له قفلت الباب اخذت تركي وهي تنزله بجنبه حضنته وهي تتأمل ملامحه البراءه بوجهه: يويلك ياتروك لو تصير مثل طبع ابوك ياويلك وتكلمت بزعل طفولي: ازعل عليك ترا ابتسمت وهي تمسح دموعها وتنام وهي ماسكه ايد تركي الصغيره . _____________ بيت الجده . دخل تحت ضحكات دانه وفاطمه بالمطبخ: رعد :دايمه ان شاءالله فاطمه عقدت حواجبها فجاءه وسكتت رعد استغرب وهو يشوف وجهها باين عليه انها متضايقه : شفيك تبيني اطلع يعني ماردت وهي تطلع بسرعه دانه: ماعليك منها يمكن متضايقه من شي رعد مارد وهو يطلع لفوق من غير لايمر على امه طلعت دانه بعدهم وهي معها مويه توجهت لغرفة عمتها دخلت وهي تحط المويه وتبدا تعطيها علاجاتها وتسااعدها تنسدح بعد ماخلصت: هاه عمه تمرين على شي عمتها بمحبه: لا يابنيتي مشكوره دانه ب ابتسامه: ترا حطيت لك الكيكه والبفك بدرج الاول اعرفك تحبين تاكلين بنص الليل عمتها وهي تطلعها: طيب سرحت وهي تقارن دانه بـعيالها اللي ولا واحد فكر يجيها بدر صار لها فتره ماشفته ولافي غايب عنها وندى صار لها اسبوع ماجتها كلهم خذتهم مشاغل الدنيا عني الا دانه الغريبه اللي صارت تحن علي اكثر من عيالي ____________ دانه وصلت جناحها وهي تاخذ نفس فتحت الباب وهي تدخل سمعت صوت المويه عرفت انه جالس ياخذ شور دخلت غرفتهم وهي تشوف توق على نومتها غطتها زين دخلت غرفة الملابس وبدت تطلع لها بجامه وطلعت له بجامه حطت لبسه على السرير وطلعت وهي تلبس بغرفة توق بعد ماخلصت طلعت راحت للمطبخ التحضيري طلعت لها شبسات وحلا واخدت علبتين ببسي وحطتهم على الطاوله دخلت الغرفه بتناديه بس انصدمت وهي تشوفه نايم رفعت حاجبها من حركته وطلعت وهي تسكر الباب جلست بالصاله وشغلت الت في وهي تحط لها على فيلم : تكلمت بينها وبين نفسها : هدي نفسك مايتساهل تعصبين وتتضايقين علشانه لو هو بس حساب لك حساب على الاقل انتظرك مو نام وخلاك مسحت على عيونها وهي مو مركزه ابد مع الفيلم طالعت الاكل ونفسها انسدت عن الاكل وقفت وهي تطفي النور والتي في وطلعت لغرفة توق تنام فيها ___________ عند رعد بعد ماشافها طلعت تنهد وهو ماله خلق لها لف على توق وهو يطالعها: امك ذي مدري متى تحس على دمها حتى ماتعرف تجي وتراضي او تسأل تبيني دايم انا اللي ابادر..ليتها مثل ذرابة وحنية عمتي فوزيه وسنعها رفع الحاف وهو يتغطا بزعل عليها ____________ الساعه 10 بليل فيـاض اللي معه عصاته ويتمشـى بالمزرعه بعد ماجافت الارض ابتسم ولاول مره يبتسم وهو حاس ب انشراح بصدره بعد ماهل المطر غمض عيونه من لمس الاسواره اللي نستها بسيارته اخذها وهو يقراها (جادلٍ تفرد يديها للقمر وتطوله مالها فالارض حاجة والسماء مرباها) ابتسم بسخريه وهو يرجع الاسواره بثوبه ووقف وهو يطلع جواله ويفتحه بعد ماقفله بسبب الرقم اللي ازعجه والرسايل هلت عليه الرسايل مثل ماتوقع كلها سب وشتم واستفزاز له بس طنش وهو يسكر جواله ويرجعه لجيبه وطلع لسيارته من غير لايبلغ ابو ثامر اللي كان عنده ظيوف شغل سيارته وهو يتمشى بالريـاض من غير لايستوعب مر على حي خواله وقف سيارته ببداية الحي عقد حواجبه وهو يطفي السياره ويسند راسه على الجام وهو يطالع لبيوتهم بتمعن طارت عيونه وهو يشوف نفس الشخص اللي اخذه اليوم ركب سيارته ابتسم بسخريه: جيت وجابك الله بدا يراقب لين ماطلع بدر ومعه لافي وكانوا يتكلمون بكل عصبيه بعدها طلع بدر معصب ولافي عاقد ايدينه لصدره ويطالع له مالت شفته وهو ينطق:عساكم بهالحال واردى شغل سيارته وهو يحركها بسرعه عند لافي استغرب من هالسياره اللي مرت طايره ما اعطى الموضوع اهميه وهو يدخل جلس على اول كرسي وهو متضايق بعد ماتهاوش مع بدر اللي عصب لمن عرف انه بيروح لابو ثامر يطلب مساعدته اخذ نفس وهو يوقف ويتجه لفلته اما بدر وقف سيارته بعد ماتمشى بالشوارع من غير هدف رن جواله رفعه وهو يرد : هلا اماني اماني: وينك بدر: توني طالع لصديقي ليش فيه شي ؟ اماني بهدوء: لا بس وانت جاي جيب معك بيتزا لان بناتك غثوني من اليوم يبونه بدر ب ابتسامه: تمام نص ساعه وجايكم اماني: انتبه لنفسك يلا سلام بدر بنفس الهدوء: سلام سكرت وهي تاخذ نفس وبعدها ابتسمت : الله يحفظك اتجهت للتؤام اللي جالسين يطالعونها: هاه ماما وافق اماني وهي تجلس: يب مسافة الطريق بس ويجيب لنا احلى بيتزا اسيل وعمشه: يسسسس اما عادل دخل بهدوء: انا بنام وصحوني الصبح بدري اماني ب استغراب: مو من عوايدك تنام هالحين عادل وهو يصعد: تعبان يمه تعبان اماني بقلق: سلامتك اسيل تطالعه وهي مطيره عيونها لفت لامها: تلقينه متهاوش مع فواز ولا واحد من اخويانه اماني وهي توقف : الله العالم المهم خلوكم تحت علشان اذ جاء ابوكم انا بصعد اشوف وش فيه اسيل ردت ب ب ابتسامه : طيب اما عمشه على جوالها مو يمهم اسيل راقبت امها لين طلعت وبعدها لفت على عمشه: انتي هييهه وش فيك على الجوال اربع وعشرين ساعه عمشه طالعتها بغضب: وانتي وش دخلك امي ولا ابوي لاتحشرين نفسك بكل شي اسيل رفعت حاجبها: بالله احترمي نفسك وتكلمي زيين وعدلي حالك هالمايل لا اعلم ابوي ينسفك نسف عمشه تأففتت وهي توقف وتطلع للمطبخ ومعها جوالها : ناس مدري كيف تفكيرها اسيل سكتت بعد ماشفت ابوها يدخل وقفت وهي تروح له وتاخذ الا غراض منها وب ابتسامه: كثر الله خيرك ياقلب اسييل ابتسم بدر عليها: امين ياقلب بدر ضحكت وهي تحط الاغراض على الطاوله نطق ب اهتمام: وين امك واختك اسيل : عموش بالمطبخ وامي عند عدول بدر: ليش وش فيه عادل اسيل :مافي بس جاء بينام بدري وماما استغربت وراحت تشوف وش فيه بدر طالعها بهدوء وبعدها وقف؛ انا رايح اشوفهم وانتي ناداي اختك اسييل وقفت ببلاها : على هالخشم ابتسم وهو يصعد وصل لجناح عادل وهو يشوف الباب مفتوح وقف وهو يسمع صوت عادل المخنوق : يمه تعبت مابي اروح الدوام اماني: ليش يايمه وش صاير هناك عادل بملامح خايفه: يمه فيه شلة شباب مو تاركييني بحالي كل يوم يجوني يبون فلوس حتى المصروف ياخذونه مني ما اقدر استمر بهالمدرسه عيونهم علي حتى انهم يراقبوني من اطلع وادخل اماني وهي تضمه: لاتخاف منهم انت ابعد عنهم وبكره اكلم ابوك ينقلك عادل وصوته مبحوح: فكيني منهم بس لاتعلمين ابوي اخاف يسوي شي ويحقدون علي اماني: ابشر مثل ماتبي .. والحين شرايك تقوم معي وتغسل وجهك وننزل نتعشى مع ابوك وخواتك عادل وهو ينسدح ويغطي نفسه: ماني مشتهي بنام بس اماني وهي توقف: اقرا اذكارك ونام ولاتخاف من شي وحنا معك عادل هز راسه اماني طلعت وهي تسكر الباب ماستغربت لمن شافت بدر واقف لانها شافت طرف ثوبه وهي تتكلم مع عادل نطقت بهمس: شنسوي بدر مسك ايدينها: امشي نتعشا اول علشان البنات مايشكون وبعدها بنشوف وش الحل اماني وهي تشد على يده : طيب نزلوا وهم هادين قامت اسيل وهي توزع البيتزا بينهم تحت انظار عمشه اللي كانت معهم بس تفكيرها مشغول _________________ فيـاض اتصل على واحد من اللي معه : المكان جاهز نطق بهدوء: من احسن مايكون ابتسم فياض : خابرك وخابر افعالك ماقصرت رد ب ابتسامه: نفس المكان اللي خاطرك فيه بتلقاني سابقك عليه فيـاض وهو يلعب بالاسواره: بدري على هالحكي بدري خلنا نخلص من اللي معنا ______ ابو ثامر مازال ماعصب واعصابه تلفانه من فيـاض التفت للحارس وهو ينطق بغضب: شوف لي هالكلب وين راح راقبه لي وين يجي ويروح مو على كيفه متى مابغى جاء ومتى مابغى راح الحارس : ابشر ابو ثامر تنفس بغضب وهو يمشي لداخل: هين يافيـاض هييين حسابي معك بعدين _____ عند قصر اللافي: فاطمه مازالت قاعده فتحت باب الغرفه بهدوء وهي تراقب الوضع وبعدها نزلت للحديقه وهي تركض اخذت نفس وهي تطالع الحديقه والجو بارد ابتسمت بحب: يارب دخل فواز وهو يطالع له ما اعطاها اهميه وهو يجلس على اول كرسي ونطق بعد ما اعطاها نظره: كيف طالعه من غير لا جلال ولا شي يسترك لو مر واحد من عيال خالي فاطمه قربت منه وهي تهمس: للحين زعلان مني فواز الله يخليك لاتزعل مني انت عارفني ماعرف اعتذر الا لك انا غلطت معك حق بس مايعطيك الحق تعاملني كذا وانا اختك وكل شي بدنيتك ومالنا غير بعض فواز وملامحه هاديه: توعديني تشيلين التفكير الزفت من راسك وماتنبشين ورا خوالي فاطمه بهدوء وجمود: اللي تبيه يصير بس لاتحرمني منك فواز وهو يحط رجل على رجل: اول شي تعدلين طبعك هذذا ثاني شي مايتنعفس ملامحك لا لمحتي واحد منهم جاي صوتك لايعلى عليهم احترمي الكبير قبل الصغير خلي مره بس يجيني خالي بدر يمدحك مو يشكي منك ومن اسلوبك سمعتي عمامي انسي طاريهم لاتدورين عليهم لانهم مو موجودين بحياتنا حلو فاطمه ب ابتسامه: طيب هاه خلصت ولا باقي فواز وقف وهو يوقفها ويحضنها بهدوء: خلصت وياليت تحبين الناس مثل ماتحبين نفسك لاتصيرين انانيه مثل ابوي اللي ذبح امي وعاش حياته لين مات .. خوالي هم ربونا لهم فضل علينا انسي حقدك عليهم لا يقدم ولا يأخر فاطمه وهي تبعد : ترا خالتي ندى جايه فواز ب ابتسامه: طيب وين رايحه بسولف معك فاطمه ابتسمت لين بانت غمزتها: تعال داخل مو تقول الحين احد يجي من عيال خالي فواز وهو ياخذ جواله :يلا بس هاه الفيلم عليك فاطمه وهي ماسكه ايديه وهم يدخلون : والدوام فواز رفع حاجبه وبسخريه : حبيبة السهر عبالك بتمشي علي اكثر وحده تداوم مواصله انتي فاطمه بمزح: لا والله مدت ايدها وهي تضربه على خفيف ابتسم وهو يسمع ضحكاتهم نطق رعد وهو يراقبهم وساهي بملامح فاطمه : سبحان من سواك ونثر ملامح فياض بملامحك دنق راسه ورجع رفعه وهو مازال متضايق عجز ينام دخل جناحه بعد ما دخلوا غرفتهم سمع صوت توق ابتسم وهو يتجهه للغرفه لقاها صاحيه اخذها بحضنه وبدا يلاعبها وبعدها اتجهه وهو شايلها للصاله شغل التي في وهو يجلس وهي تلعب بحضنه ______ عند فيـاض طالع ساعته1 الفجر تنهد وهو منهد حييله اتجه للبيته الجـديد اللي كان بنفس الحي اللي يضم بيوت خواله وقف سيارته وهو يدخل تحت انظار جادل اللي صحت من كثر مادق حسن عليها وقال لها تفتح له الباب استغربت هذي الفيلا اللي تصميمها غريب معقوله للهرجال بس تلمست ايديها وتنهدت بحزن : ياربي وين راحت الاسواره سكرت الستاره وهي ترجع لسريرها : اوف يارببي عند فيـاض اللي دخل على طول للصاله رمى نفسه على اول كنبه بعد ما طلع حبوب المنوم اخذ له حبه وايدينه ترجف وبعدها نام كان واقف بالضبط ببداية الحي بعد ماشافه يدخل رفع جواله وهو يتصل: وصل ابتسم : حلو حلو اجل عينك عليه : متى طيب ابدا الرجال : مو الحين انتظر عليه شوي ياخذ اجواء الريـاض وبعدها لكل حادثاً حديث بس انتبه يغيب عن عيينك : ابشر انعقدت حواجبه: واخييرا فيـاض الناصي _________ الـى هنا اتوقف عن تنزيل الاجزاء لثلاث اسابيع لان عندي اختبارات تبدا الاسبوع الجاي وماتخلص الا بعد اسبوعين دعواتكم واعذروني. | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
4Likes
العرض العادي
