26-10-19, 06:32 PM
| #21 | ||||
 
|  الجزء الثامن عشر #نوى _#القلب Nour Ahmed الحياة تمر على بعض الاشخاص مرور الكرام ولاكن عند البعض الاخر تاخذ وقت اكثر في تخطي العقبات والمصاعب فهل ستمر الغيمه السوداء التي غطت سماء ابطالنا بشكل عابر ام ستمطرهم بوابل من الاحزان والمئاسيx ؟ شهاب بعد ماطلعت من يم نور احس الدنيا صارت سوده بوجهي ضليت اسأل نفسي شنو الصار ووصلنه لهذا الحال المفروض اليوم اسعد يوم بحياتنا ليش فرحتنه ناقصه حاولت ما ابين تعاستي لاحد بس ماعبرت على حازم وزهير ضلوا مركزين وياي بس ماسألوني شي جنه كلنه كاعدين بالحديقه الناس خفت مابقى بس المقربين سمعنه صريخ النسوان من داخل البيت الكل ركض للبيت نريد نعرف شنو الصار دخلت ونصدمت بشروق واكعه بالارض غامي عليه وجه مابي اي لون من الوان الحياة ركضت عليه وجريته من حضن امي واني اسأل شبيه يمه شبيه شنو الي صار ولك يمه الحك اختك مدري شصارله ضلت تصرخ من وجع راسه وخربت علينه اجه نوفل يركض وركع يمي على ركبه شهاب بسرعه خلي نوديه للمستشفى شروق حتضيع من ايدي جان يحجي ووجه اصفر صدمني موقف نوفل اباوع للكل متخردل الولد حازم وعادل اجوي ركض من برى ورى نوفل صاح عادل بصوت عالي بس بجي شبيكم وخرو كوم شهاب بسرعه خلي نوديه للمستشفىx جهينه امشي جيبيله عبايه بسرعه ما اذكر شلون وصلنه للمستشفى وشلون اخذو شروق مني احس نفسي بدوامه اختي بيديه بين الحياة والموت كعدت على صفحه ونتجيت على الحياط وايدي على راسي امي وجهينه ماكدرو مايجون جابهم عمي ابو ايمن ويه جدي وبيبي ورانا منهارت تمامآ نوفل خبلني موقفه اجه ابوه حظنه ونهار بحظنه كمت من كعدتي واني اذكر التحاليل الي سويناها لشروق توجهت على نوفل وكتله نوفل انت جبت تحاليل شروق شنو كلك الدكتور بوكته ؟ سألته بتردد واضح بصوتي والكل حاوطنه ينتظرون جواب نوفل الي وضعه غريب صدمنه كلنه من جاوبني بصوت واهن تعبان وياريته ماجاوبني شهشهاب شروق جاي تروح من ايدينه شروق طلع عده سرطان بالنخاع صدمة عمري بعدني مامستوعب كلامه نداريت على امي وجهينه الي وكعت بالارض امي كامت ادك وتلطم جدي نهد حيله بيبي مصدومه وماكمت اسمع شي بس نحيبهم صافن عليهم واهز راسي اريد اطرد جواب نوفل من دماغي لا يمه بنيتي يمه اسم الله الرحمن منين جاها يمه نوفل متأكد خاف التحليل غلط يمه شرووق يمه لاتلوعيني عليج مثل اخوج وابوج سوده عليه يمه بيه ولابيج نوفل انت شجاي تحجي اكيد غلط تأكدت هي كلمة وحده طلعت من حلكه بس دمرت الكل وبعدها كام يشرحلنه عمي ابو مؤيد عن وضع شروق وانوا المرض ببدايته وممكن علاجه اذا التزمت بنظام غذائي وبجرعات العلاج الكمياوي مثل مكال الدكتور بعد يومين حازم الي مرينه بي بهاي اليومين ماينوصف الم وحزن نتقل الخبر للاهل كلهم الكل منهار وتعبان وماعدنه قوة حتى نمد شروق بيه شهاب هام على وجه من سمع الخبر كاضيه كاعد بالمزرع معتكف عن الكل عمه امل بس تبجي وتدعي يطلع التحليل غلط جهينه تأزمت نفسيته وعادل حاير بيه ماتحجي ولا تشكي بس تبجي ولاتنام ولاتاكل بيبي ارتفع ضغطه وحالته النفسيه صفر جدي يمثل القوى بس ادري بي من داخله منتهي نوفل وما ادراك مانوفل مكابله وكاعد وشروق المسكينه ماتدري شنو بيه تحس اكو شي غريب بس مجاي تعرف ليش الكل حزين صح الكل يمثل كدامه بس ماعبرت عليه حالة الحزن الي دنمر بيه الدكتور كال ضروري المريضه تعرف مرضه مو من مصلحته ماتعرف من شنو تعاني لان راح تبدي جلسات الكمياوي ويفضل تسفروها لتركيا هناك العلاج افضل من العراق الى الان محد تبرع يبلغ شروق بمرضها واليوم راح نطلعها من المستشفى وجدي بلغنه نكمل اجرائات السفر حتى تباشر بعلاجه ضالين محتارين شلون نبلغها فاقترح عادل علينه نكله مشخصوا حالتج ومرضج شنوx ولازم نسوي تحاليل بتركيا ونخلي دكاترة تركيا هما ينقلولها الخبر حيسافر وياها شهاب وعمه امل ونوفل لان نوفل اختصاص صيدله ويفهم بالمسطلحات الطبيه السفر بعد يومين جهزنه كلشي وفيزنالهم كل هاي الاحداث الي مرينه بيه مكدرت تنسيني نوى ومحتار شلون اوصل لرقم تليفونه واتواصل وياها مؤيد بعد ماعرفت بمرض شروق حاولت قدر المستطاع اهون على نوفل وامي لان منهارين جنت احاول اوسيهم وانصحهم اني وابوي يكونون اقوياء لان شروق تحتاج القوى بهاي الفتره وتحتاج ناس تنطيها طاقه ايجابيه تساعده على التماسك لان مثل مذكر الطبيب محد راح ينقذ شروق غيرشروق نفسه اذا نفسيته جيده وعده اصرار تتشفى من مرضها اللعين ابارحه ابو ايمان رجعلنه خبر الموافقه على طلبنه وكال تفصلوا باي وقت البنيه صارت الكم اجذب اذا اكول مفرحت طرت من الفرح بس فرحتي ناقصه لان مستحيل اكدر هسه اكمل اجرائات الخطبه بهيج ظرف بلغت امي تبلغ ام نوى بموضوع شروق حتى تبرر لاهل ايمان ليش حنأجل العقد نوى متت قهر اني وايمان من سمعنه بحالة شروق وقررنه اليوم العصر نروح نزوره ايمان كالت عيب ولازم نروح نواسي نور وجهينه وشيخه نزهت لان حسب كلام ماما كلش مدمرين علمودها بس اني ودي ما اروح اول شي ما اريد التقي بحازم سوه عندي ردت فعل كلش قويه باخر موقف وياه صرت اخاف منه وصلني مرحلة احتقار الذات تجاوز هواي وثاني شي اني ما احب اواجه هيج موقف بنيه مثل الورد فجئ يداهمه هيج مرض وتذبل مراح اتحمل ادري بنفسي اني بس سمعت واحس بخوف وتوتر ذكرت من بابا راح منه بسرعه بسرعه بس بعد لازم اروح واسد مكان ماما صار العصر بدلنه وطلعنه مشي لبيت الشيخ وصلنه للبوابه وفتحه النه الحارس اول شي مرينه على بيت خاله ام زهير جانت حالته هم تمرد الگلب بس تبجي شروق اله معزه خاصه بكلوب الكل بعدين خذتنه خاله ام زهير ورحنه لبيت الشيخه دخلنه للصاله وبعدين اجت الشيخه نزهت وخاله ام نور وعمتهم سلمو علينه خاله هي فوك صعدوله تفرح بشوفتكم بس لاتحسسوه بشي ترى متدري عن مرضه هذا كان كلام عمه نوريه كالت هيج وضلت تبجي كامت ايمان وباسته من راسه وبجت وياها وباست راس الشيخه هم وكعدت تواسيهم واني جامده بمكاني ما اعرف شحجي او شلونx اتصرف بس اباوع عليهم بصدمه حسيت بايد اطبطب على فخذي نداريت شفت ام نور تباوع عليه باسى خاله هاي انتي من النوع اليكبت مو زين حبيبتي طلعي حزنج ولاتخلي بكلبج باوعتله بامتنان اشكره بعيوني على فهمه لدواخلي والصراع الي دا امر بي صعدنه فوك ويه خاله نوريه لغرفة البنات دكينه الباب ودخلنه شفنه هناك جهينه ونور وشروق وطيبه وحتى ايه الي استغربته جانت حاضنه شروق ونايمه بصفه اظاهر حيل تحبه السلام عليكم شلونكم بنات هلا حبيبتي ايمان شلونج شلونج نوى سلمت علينه نور وطيبه وجهينه ورحنه بوسنه شروق وتحمدناله السلامه واكيد ايمان حلت الجو بروحها المرحه ها ولج شروق تردين تشوفين معزتج بكلوب العالم وكمتي تدلعين علينه ههههه والله ايمان ما اعرف شبيهم تخبلوا عليه هنوب حيسفروني لتركيا يالله اشبع دلع ادري البومات هذول كالبين خلقتهم علمود اني حسافر وهن لا جانت تحجي بكل تفائل ومرح واحنا داخلنه يغلي من القهر عليهx ايه متحملت حظنته اكثر وكامت تبجي وجهينه مقبلت عليه كلتله ايه شدعوه ياعيني مبيه شي ترى لاتسوين هيج هي التحاليل بالعراق موزينه والدكتور كال بتركيا افضل ولوما نوفل عنده ايفاد جان لاشهاب ولاشروق راحوا جانت جهينه تحجي بنكسار وحرص وايه فهمت قصده جنت ارقب بس وكلامي جدآ قليل والبنات بدو يسولفون بكلشي حتى يغيرون جو الحزن جنت اراقب شروق الي الحزن مبين عليه ومن ملامحها عرفت ان شروق تعرف مرضها ومتريد تحجي بي او تنهار بسببه حتى لاتاذي الي تحبهم تقربت يمه وكعدت على السرير ولزمت ايده شروق حبيبتيx تدرين اني بحياتي مشفت وحده مثلج باشد حالات الوجع تضحك وتحاول تسعد الحواليه حتى لو على حساب مشاعرها وصحته انتي تعرفين صح باوعتلي وعيونه مليانه دموع وكالت اي نوى اعرف مرضي واعرف بي خطير واحتمال الموت كلش قريب مني جانت تحجي وياي همس حطيت ايدي على حلكها وكتله لاتستسلمين الاعمار بيد الله وهذا المرض مايموت بشر اليموت البشر هو اليأس والاحباط اريدج توعديني تصيرين اقوى من هاي القوى لخاطر الي يحبوج حضنتني وبجت لفتت نظر كل الموجودين وخوفتهم من تغيرها المفاجئ جفلت بالبدايه وبعدين حضنته وكمت اطبطب على ظهرها همستله اششش كله حيمر وتصير سوالف حتعيشين وتفرحين بايامج خليج قويه ولاتسمحين لليأس يضعف ايمانج شهكت جهينه من سمعت كلامي وايه اجت جرتني منه قوي ودفعتني لج شيطان ليش كلتيله شنو من بشر انتي البنات جانوا يوخروها عني وشروق تصيح عليه اخر شي صاحت بصوت عالي ايه هي مكلتلي شي اني ادري بمرضي بالمستشفى سمعت الممرضات يحجونx بمرضي وعرفت بس هي الوحيده الي حست بألمي وكشفت تمثيلي جانت تحجي وتبجي والبنات حاوطوها الي تواسيه والي تنتحب باسى عليه بدون شعور مني دموعي العصيه نزلت نسحبت من يمهم وطلعت من الغرفه نتجيت على الحايط وكمت ابجي بحركه على حال شروق واهلها تذكرت كل الي صار بية من فقدت بابا حسيت نفسي بديت انهار والذكريات ابد مرحمتني حالة شروق اذتني حيل اني اعرف نفسي ما اتحمل وهذا سبب ترددي بالجيه هنا حازم طلعت من غرفتي اني وايمن ومؤيد جنه نازلين حتى نمر على شهاب ونحاول نقنعه يجي للبيت تفاجئت بالواكفه تبجي بقهر يم باب غرفة البنات ايديه على وجه وجسمه كله يهتز جانت لابسه قميص طويل لونه نيلي على بنطرون سمائي فاتح وشال سمائي وترانشوز عرفته مو من بناتنا بس نصدمت من رفعت راسه هاي نوى شجابها هنا توجهت عليه والشباب وياي بس صارو على صفحه نوووى كلت اسمه متفاجئ وهي باوعتلي بعيونه الذبلانه هي بدون كلشي ساطرتني هنوب بهذا شكله تجنن جنه طفله مبرطمه وتبجي لو ما العيب اخذه بحضني هسه واطبطب عليه شبيج نووى ليش تبجين شصاير احد مضوجج هزت راسه تنفي كلامي ومستمره بالبجي شررروق حازم شرروق تدري بمرضها شنووو شلون درت مسحت عيونه وخشمه الاحمر وكالت اني نتبهت عليه من جانت تحاول تبين للكل انوا هي ماتدري بشي جانت تخاف على مشاعركم وتحاول تتماسك كدامكم حتى لاتنقهرون فضلت تعاني وحده على ان تشوفكم مقهورين وانتوا محسيتوا عليه ليش تخلوها تعاني وحده حرام والله حرام تحجي وتبجي مؤيد وايمن تقربوا اكثر علينه وهي مستمره بالبجي عبالك فاصله عنه وتحجي وحده وانتي شلون عرفتي بيه تدري ؟ حسيت بيه مبين عليه الالم حاجيته وطلبت منه تبطل تمثيل وتشارك المه وياكم حتى يخف عنه وشنو جانت ردت فعله نهارت وحضنتني وبدت تعتب لان محد فكر انو هي تعرف بوضعها يالله شكد شفافه هاي البنيه شلون كدرت تميز الم شروق ومعاناتها وهي متعرفه ومشايفته اله مرات قليله شلون خلته اطلع الي بكلبه يوميآ تصدميني بيج يانوى گلبي بس نوى كافي لتبجين الي بيه كافيني لاتزيدين عليه القهر بدموعج جنت احجي وزوج الثيران الي وراي كاموا يتحمحمون نوى رفعت راسه وباوعتلهم ومبين عليه هستوها نتبهت لوجودهم نفتح الباب وطلعت صاحبته ايمان تصيحها نوى عمري وين رحتي خو مابيج شي سوده عليه لج شصايره طماطه نداريت على مؤيد شفته سارح بكتلة الخبال الي مطنشه وجود الكل وملتهيه بنوى عبالك ماكو غيرها واكف حظنته عبالك ام وجاي تواسي طفلته المدلله شوي ونتبهت علينه واكفين نحرجت من شافت مؤيد وبين عليه الخجل السلام عليكم ردينه عليه كلنه ومؤيد تقدم عليه وعليكم السلام شلونج ايمان باوعتله بخجل وكالت الحمدلله بخير انت شلونك ماشيه الحمدلله باوعت للغبي مؤيد شلون يجواب بختصار عبالك جاي يحاجي بيبيته لكزته بكتفه وكتله بهمس لك مطي تلحلح واخذه واحجي وياه على نفرد بررله سبب تاخر العقد لك شبيك قابل مثلك خفيف هي تعرف سبب التاخير همس ايمن يأيدني بكلامي دخيل الله مؤيد شكد بارد حجت التحفه مالتي وطلبت من صاحبته يروحون يالله ايمان بس خلي نسلم على البنات ونروح لان تأخرنه هاا اي اوك ايمان احنا نوصلكم بطريقنه مترحون مشي كان كلام مؤيد امر مو طلب وهي البنيه هم مكالت لا ولا اعترضت بس بلووت كلبي اعترضت وكالت لا ميحتاج اني اريد امشي شوي لان متضايقه شفت كلامه مو مال تريد بس تعاند لان صدك مبين عليه مختنكه كلش بس مؤيد مقبل كال حيصير وكت غروب مترجعون وحدكم دخلو لغرفة البنات سلموا وطلعوا وبعدها وصلناهم للسكن اني جنت اسوق ومؤيد بصفي وايمن طلع بسيارته هو ونوفل الطريق كله اباوعله بالمرايه وهي ولا يمه سارحه بغير دنيا وصلنه ونزلوا واني نزلت وراهم ومؤيد هم مع السلامه ايمان ممكن شوي احاجيج تفضل مؤيد وايمان بتعدو شوي يسولفون واني رحت يم السرحانه الي مدوختني شلون صرتي هسه رفعت عيونه وباوعتلي الحمدلله احسن نوى ان شاء الله بس يرجعون من تركيا وشوي تتحسن شروق نجي نخطب فتحت عيونه على وسعهن مصومه فاجئتني ردت فعله وخوفتني حازم اني اريد اكلك شي اني ترى كعدت طول هاي الفتره وفكرت بموضوع خطبتنه وشفتها مترهم من كل الجهات اني وانت من بيئتين مختلفه ما اكدر ارتبط بيك لان اعرف نفسي مراح اتأقلم وياك فاسفه اذا نطيتك كلمه ووعد بس حتى اكون صريحه وياك اني ممتقبله فكرة ارتباطنه عقدت حواجبي وضغطت قبضة ايدي قوي شفته تباوعلي بخوف وترقب يعني طلعت الخاتون تلعب عليه بس علمود تخلص نفسه مني ذيج اليوم والله وذلتك بنيه ياحازم يعني حجيج بحفلة نور جان كله جذب وحيله اني جنت بموقف صعب ومن حقي اوهمك حتى احافظ على نفسي منك انت الي متجاوز وياي واني موعدتك بشي طلبك كان تحت التهديد يعني افهم من حجيج اني تقشمرت يعني طرحتيني زوج شنو قصدك اني مقشمرتك بشي ومن البدايه مبين اني وانت ماكو بينه تفاهم ولا نقطة وصل ليش تاذيني وتاذي نفسك اوك نوى خاتون مثل متردين بس اذكر اني بوقته حذرتج وكتلج اخذج من نص بيتكم واخليح انتي واهلج تتوسلون ازوجج شهكت بصوت مصدومه على مرعوبه تجاهلت ردت فعله ونداريت على مؤيد استعجله يالله مؤيد تاخرنه بس صعد مؤيد شخطت السياره بسرعه ونطلقة افكر واخطط شلون اذل الي ذلتني انتقامي منج يانوى حيكون مر امر من العلقم يتبع | ||||
|  |
|
26-10-19, 06:33 PM
| #22 | ||||
| الجزء التاسع عشر #نوى القلب# #Nour _Ahmed# الانتقام والحب ضدان صعب الجمع بينهما فلا وجود للانتقام اذا وجد الحب ولا وجود للحب اذا وجد الانتقام هي معادله غير قابله لادوات التوكيد بكل اللغات نور يوم نيشاني صار اتعس يوم بحايتي كلشي بي صار عكس ما اريد الفرحه ماتت بمكانه شهاب وانقلابه الغير مبرر من وجهة نطري مرض شروق الي صدمني صدمة عمري خلاني انسى مشكلتي مع شهاب وانسى كلشي تركيزي كله صار بحبيبة روحي شروق نسمة هوى بارد بالبيت ماجاي اتخيل حياتنه بدونه ابد نهارينه كلنه وبدال ما احنا نواسيه صارت هي تواسينه شهاب عتكف وكوه كدرو الولد يجبوا للبيت دخل علينه لغرفتنه وجانت عمه امل وجهينه وايه وياي بس شاف شروق ركض عليه حضنه وبجه مثل الطفل بحياتي مجنت متخيله اشوف شهاب يبجي او بموقف ضعف شهاب بعيني الرجل الحديد الي مايهتز لاي شي نصدمت وعلى نهياره نهاريت طلعنه من الغرفه اني وايه وخليناهم وحدهم البنات وامهم وشهاب لان محتاجين يطيبون جروحهم وحدهم بعد هالموقف بيومين سافرو لتركيا ومرت الايام علينه مره وصعبه شروق العلاج تعبه ضعفت ووكع نص شعرها الحلو وبدت نفسيآ تنهار نوفل وخاله امل ينقلولنه الصوره بس رغم كل الي ديصير بيه الاطباء كلامهم يبشر بالخير يكولون المرض جاي يتراجع والخلايا السرطانيه بدت تنتهي صارلهم شهر هناك وبعد شهر وقايه وحينطوها علاج تستمر عليه مدى الحياة ولازم تلتزم بنظام غذائي يعني لازم تقانل وتتمسك بالحياة شددو على الحاله النفسيه اله ضروري تكون باعلى درجاته طول هاي الفتره لاحاجيت شهاب ولاهو حاجاني وهاي فات نص الشهر الثاني وباقي على رجعتهم سبوعين واحنا ممتحاجين نوفل تعب وقهر مر عليه بهاي الشهرين بحياتي ممار بهيج وضع حبيبة روحي كدامي تتعذب واني مابيدي شي عليه مافاركته لحظه ومحد كدر يمنعني عنه حتى هي تستحي مني وماتريدني اشوفها بهذا وضعها بس منطيته فرصه تبتعد عني وخليته غصبآ عنه تتعود وتعتمد عليه بكلشي اني اوكله واعاند مع خاله امل بهذا الموضوع اني اراقب علاجه ولو بيدي اني اغسلله واسبحه هم جان سويت قررت بس نرجع نعقد واسويله احلى حفلة عرس وياويله الي يعارض روحي من الدنيا هاي جنت جاي اوكله وقررت افاتحها بالموضوع ناديته شروقي رفعت عيونه الذبلانه الي هممم انتي تدرين بيه احبج وما اكدر بعد اصبر بلاياج شروق اني اريدج وبس نرجع نعقد وما اريد اي اعتراض حسيته صفنت بوجهي كانوا دتفكر ورى شوي حجت نوفل اني هم احبك بس اني مريضه وما اريد تتاذئ اكثر وياي انت تستاهل الاحسن مني اخاف عليك مني اخاف تتعذب وياي انت اذا تتاذي اتاذى اني قاطات بتسمت ولزمت ايديه حبيبتي وروحي ونبض كلبي انتي اذا تريدين تأذيني رفضي زواجنه واني اوعدج ما اطول يومين بهاي الدنيا واموت بقهري حطت ايده على حلكي وكالت اسم الله عليك لاتجيب طاري الموت اقبل بس بشرط توعدني وعد انتي مو بس تشرطين انتي تامرين وعبدج نوفل ينفذ رفعت راسه وحطت عيونه المليانه دموع بعيني وكالت نوفل اذا متت ما اريدك تتاذى ما اريد تزعل ولاتنقهر اريدك فرحان دوم اريدك تعيش حياتك وتفرح بيها اريدك يصير عندك اولاد وعائله ما اريدلك العذاب لابوجودي ولا بعدمه شروق دخيل ربج لاتحجين هيج انتي مابيج شي الدكاتره كله كالت طبتي جاوبتني عبالك تقنع طفله نفالي ما اريدك تعيش بكذبه اي هاي الفتره زينه اني ماندري بعد سنه شنو يصير تريدني اتزوجك واعيش وياك هاي الفتره بسعاده لازم توعدني تدري اني مخايفه من الموت كد مخايفه من الفراك وعذاب احبابي من بعدي الله يخليك اوعدني بجيت على كلامه عيوني كامت تصب دمع حظنته بدون وعي مني بعد ما اتحمل احس كلبي جاي يتوسع ويكبر وحينفجر من القهر والحزن اوعدج ياروح نفالي ابقى احبج طول العمر واذا سعادتي هي مصدر فرحج فاني حكون سعيد دائمآ لخاطر هالعيون الحلوه بتعدت عنه ومسحت دموعي ودموعها وغنيتله مثل من جنه صغار عليك اسأل عليك اسأل عليك اسأل من الرايح ومن الجاي واحن ليك واحن ليك واحنلك مثل راعي ويحن للناي واكول اصبر على غيابك وفي وماتنسى احبابك لابد ماتجي وتضحك فرح دنياي لابد ماتجي وتضحك فرح دنياي حبك اضل اضل سفان مبحر والهوى شراعي واحن لعيونك الحلوات احن لعيونك الحلوات حنين لاهلي والكاعي وادير الوفي من طبعه للمحب يعتلك شمعه وادري الوفي من طبعه للمحب يعتلك شمعه لابد ماتجي وتضحك فرح دنياي لابد ماتجي وتضحك فرح دنياي مؤيد بيوم وصلنه اني وحازم البنات حاجيت ايمان ووضحتله الوضع وسبب تاخير الخطوبه جاوبتني بكل خجل ورزانه يوم بعد يوم تثبتلي هاي البنيه اختياري جان صح احسه فاهمه وواعيه وروحه مرحه وجميله بعد شريد الحمدلله الصارت من قسمتي مؤيد اني ماعندي مانع ولا اهلي انوا الخطبه والعقد تتأخر انتوا هسه بوضع صعب واني ما اقبل اسوي حفله ولا اريد نيشان اذا شروق متجي بالسلامه فماكو داعي تبررلي اريدك تعرف شي مهم عني المظاهر والاشياء الشكليه ابد مو مهمه بالنسبه الي اهم شي عندي المضمون مؤيد ترى اني تفكيري مو سطحي فرحت بكلامه وعجبني رده ايمان اني اعرف انتي شنو لعد هو كلبي هام بيج من فراغ فرحتيني هواي بكلامج جنت احاحيه وهي الوجه كلب احمر من الخجل ودي اكرطه كرط من كد ماتشهي شوي وسمعت صوت حازم العصبي يصيح عليه يالله مبين بلوت گلبه مثل ميكول سممت بدنه همزين ايمان مو مثل صاحبته ودعته وحازم مقصر شخط السياره وندار عليه مؤيد ما اريد ولا كلمه لاتسألني شصاير تمام حطيت ايدي على حلكي علامة الصمت ومحجيت شي ومن هذاك اليوم لهذا اليوم وحازم مو حازم كتلة من الاعصاب الكل يتجنبه ويحاول ميحتك بي وهو اباله شي ومبين ماجله الى ان يجون من تركيا وماباقي شي على جيتهم شيريد من هالبنيه ما ادري اول مره حازم هيج ينزل نفسه لوحده ويتعلق بيه عجيب امره جهينه من سافرو اهلي لليوم واني مدمره نفسيآ وجسديآ بيبي وحدو ونور معافوني وحدي ابد ايمن خطيه دوم يمينا يحاول يواسينه اني ونور وايه ودائما يجيبلنه شغلات من برى لو ياخذنه يفرنه بالسياره يحاول يطلعنه من جو الكأبه عادل جان يخفف عليه بطريقته الخاصه يوميه من يرجع من الدوام يصيلحلي بغرفته وميحجي شي بس ياخذني بحضنه ويملس على شعري هذا عادل ميعرف يعبر بالكلام فقط بالافعال وافعاله كانت كافيه بالنسبه الي يكفيني حظنه الحنين دائمآ جان ياخذني وياه للمزرعه وللاسواق صح كل طلعاتنه بالسياره بس الحلو بي ديحاول يسوي شي علمودي قليل الكلام بس كلمة وحده دوم يكرره ما اسمحلج تفاركيني ابد حسيته خايف لايصير بيه شي تعلقه بيه زاد واني هم صرت اذا ما اشوفه يوم واحد اكضيه بس بجي بحيث احس نفسي صرت مستعجله على زواجنه اكثر منه جدو قرر يزوجنه بس يرجعون من تركيا بعد مهر مؤيد بس الي فاجئ الكل عمه نوريه من كالت مهر مؤيد اسوي ورى ب3ايام نسوي مهر شروق ونوفل فرحت حيل بتمسك نوفل وعمتي بشروق رغم مرضها متركوها ابد ولا حسسوها بالنقص جنت كاعده كالعاده اني ونور وايه الي تغيرت حيل وصارت علاقته بالكل فوق الممتاز ومتكدر تفاركنه اني ونور وطيبه سبحان الغيرها رغم عدم رضى امها عليه بسبب تغيرها بس ايه احسه صحت على نفسه من وكت وعافت سمووم امها طب عادل للهول وصاحني الحكه فوك بدون كلام صعدت ورى فتحت باب غرفته ودخلت هلو عادل صاير شي جان كاعد على طرف السرير مبين عليه التعب حيل جهينه تعبان حيل احس بعد ما الي طاقه لا على الشغل ولا على اي شي بدون تررد رحت عليه حضنت راسه وخليته على صدري حسيته تشنج بالبدايه منصدم بردت فعلي كلتله عادل حبيبي اشكيلي همك ليش تكبت شنو الي متعبك افتحلي كلبك مثل ما اني فتحتلك كلبي حضني قوي ومددني على الفراش حسيته محتاجني حيل بهاي اللحظه كام يتجرء بالمساته واني مامنعته ابد خليته يفرغ كبته بالطريقه الي يريده شوي وسحبني على صدره وصار يحجي جهينه اني متحمل فوك طاقتي الشغل متعب حيل شهاب من سافر صار الحمل عليه وعلى حازم مثل متعرفين حازم وايمن عدهم شغلهم الخاص واني وشهاب شايلين شغل المخازن والكيعان اليوم لزمت واحد من العمال يبوك وحرت شلون اطلع قهري بي شهكت وكتله ضرربته اي ضربته وبعدين ندمت لان لوما الفكر ماباك بس شسوي طلعت عصبيتي بي وكلت هم يصير درس اله ولغيره ونبهت الي يحتاج يجيني وما اقصر وياه لايمد ايده بالحرام يالله مصار شي حبيبي انت هم حقك وتصرفك مو غلط بس انت طيب وضميرك حي لذالك هسه نفسيتك تعبانه جنت احجي وايدي اليسره على خده باوع عليه بنضره مافهمته وكال موجنج متوكحه شوي بويه ارحمي حالي ترى مو بس الشغل متعبني الاشتياق والاحتياج هم كبت ترى وانتي هيج كدامي وما اكدر اسوي الي براسي رحميني شوي بابت عمي ترى اني رجال شهكت وجيت اكوم اشرد من تلميحاته بس ملحكت جراني عليه ونكلب فوكي وحار شيسوي عادل عفيه لاتسوي هيج اشتعلوا اهله لعادل لج انتي تتنعوصين وتكللي لاتسوي بعد ماكو مفر ياقطة كلبي نوى شهرين فاتوا اني مشايفته لحازم ابد اجذب اذا اكول مرتاحيت اي ارتاحيت من التناقض الي بداخلي ارتاحيت من الضغط على مشاعري الي يسببه حازم اني هيج اريحلي ما اريد لاحب ولازواج بهاي الطريقه اساسآ اني وهو غلط ننجمع هو من بيئه واني من بيئه ثانيه وفوك هذا كله اني ما جاي اكدر احدد مشاعري سولفت لماما وكتله رفضته بوكته ماحجت شي وكالت براحتج بس الولد ممتاز ومابي عيوب وانتي براحتج هاي حياتج وانتي الج حق القرار الكل يشوفه فرصه والكل يكول زين ومايتفوت مهندس ووسيم وابن عائله من نص الدنيا الا اني اشوف الي ميكدرون يشوفوا اشوف عصبيته واشوف غيرته الغير مبرره واشوف همجيته بالتعامل مع المره ما احس راح ارتاح وياه حتى لو جاذبني وكدر يحرك انوثتي اكثر من مره بس لوما موقف الحمام وتجاوزه وياي جان وافقت بس بعد هذا الموقف واستهتاره مستحيل اقبل بي سمعت شروق رجعت للعراق من ايمان واحنا هسه عطلة نص السنه فما كدرنه نزورهم ماما وبابا قررو نروح ونتحمدلهم السلامه وايمان امه مقبلت تروح كالت عيب ميصبر يوميه رايحه عدهم فكلت الماما اني ما اروح انتوا روحوا واحنا نخابر شروق ونتحمدله السلامه بالتليفون ماما ما جبرتني واصلا ايدت فكرة عدم روحتي راحوا هي وبابا واني وساره ضلينه يم ايمان ساره هاي الفتره متغيره هواي تسرح هواي ودوم صافنه لحيت عليه حتى اعرف شنو بيه وصدمتنه اني وايمان من سولفتلنه على محمد وطلبه الغريب نصحناها تركز بدروسه وتعوف هاي المواضيع لوكته وخلي تبلغه حتى لايلح عليه انوا هاي الفتره هي عده سادس وماتريد تلتهي عن دروسه وهو هم الولد محترم وماتواصل وياها بعد احترام لقرارها بس اختي شكله تفكر بي وما الومها لان مراهقه وشي طبيعي تفرح من رجل مثل محمد يشوفها غير عن الكل ويتمناها زوجه رجعو ماما وعمو باليل وكالت حالة شروق زينه وحددو مهرها بعد مهر ايمان فرحت لشروق هواي وخابرته باركتله اني وايمان ايمان مهرها الخميس الجاي حيسوا هنا بالمدينه وبدينه اني وايمان نحضر لحفلته الي قررت تسويه بقاعة مناسبات نسائي ورادت تحجز ومؤيد مقبل كال هو حيحجز قاعتين وحده للرجال والثانيه للنساء وخاله نوريه بوكته رزلته ورزلتني وياها على الواهس لان فكرنه مجرد تفكير نحجز وندفع فلوس ومؤيد شكله زعل شوي وامونه كالت بعد الحفله اراضي لحبيبي الكلب اجه يوم الخميس يركض ركض ايمان حجزت بدله رماني طوخ تجنن وتسريحه ومكياج بسيطات هي هيج حبت واني اختايت فستان طويل كت ردت لون اخضر وايمان اصرت اله نفس لون فستانه شكد حاولت ردت عاندت اله اني وهي نفس اللون وتسريحه مردت خليت شعري مفتوح ومكياح سموكي وحمره حمره طوخ ماما مرضت ابد لا على الفستان ولا على المكياج بس اني اصريت عمو عثمان ودانه للصالون اني وايمان وكال بالخمسه يجي علينه مؤيد ياخذون صور ونروح كبل للقاعه لان هما ابارحه عقدو شيخ اني مرحت اخاف اشوف حازم وايمان ملحت عليه متريدني اضوج بس رغم هذا جنت خايفه لا يجي ويه مؤيد وصدك خوفي طلع بمحله جان هو الي يسوق السياره وياه خاله نوريه وام ايمان اني ضليت متحرجه منهم جنت لابسه فوك فستاني كب مفتوح يربط بقيطان من فوك بس وهو اول مشافني خزرني وعيونه كله غضب ما اكدر انكر خوفي منه ومن سكوته طول هذيج الفتره بس كالعاده كابرت ومحسسته بشي ومدرتله بال ركبنه بالسياره اني وام ايمان كعدنه بالمقعد الاخير وايمان ومؤيد بالنص عمه نوريه كدام السياره نوعها جكساره سبعه راكب جان مشغل اغاني مال اعراس بس غير وخله اغاني رومانسيه جنت منزله الجامه اليمي واباوع من الشباك محسيت اله الجامه نرفعت ونقفلت من يم السايق وهو عيونه بالمرايه عليه ومعصب نتبهت حجابي سارح وشعري مبين وهو يعض شفته ويخزر اوووف شلون بالله بي هذا مراح يعتقني من نضراته وصلنه للمصوره ونزلنه كلنه اخذت ايمان وعدلتله فستانه ونزعته البرنص ودخل مؤيد لغرفة التصوير واخذو صور جانوا يخبلون فدوه بعدين ايمان شاورت مؤيد بتسم وطلع لج شكلتيله للولد وطلعتي هههه كتله اطلع اريد اكص اني والحب صور ضحكت على امونه فديته رحت نزعت الكب وعدلت نفسي وحضنته وخلينه المصوره تاخذلنه كومه صور ولقطات خبال بالنص ساعه احنا صالبيهم برى بعدين صحنه ام ايمان وعمه نوريه واخذنه وياهم صور اخر شي لبست كبي وشالي واجه مؤيد واخذ صور وياهم وايمان لبست البرنص واجه حازم وكالو ناخذ صوره جماعيه كلنه اني صرت على صفحه بس مؤيد حرجني من صاحني وخلاني اخذ صوره وياهم اني صرت بصف ام ايمان بالطرف وحازم بالطرف الثاني كملنه وخاله نوريه كامت تهلهل وطلعنه كلنه للقاعه يم باب القاعه جانت هوسه وسولهم زفه حلوه جنت امشي ورى ايمان بالهوسه حسيت نفسي نسحبت فجئه من ايدي ودخلت بغرفه جانبيه حازم شهرين اني احاول اشيله من بالي حتى فكرت اخطب وانياها بس مكدرت حتى احلامي غزته تأكد اني مو بس حبيته وانما عشقته بهوس حتى انتقام مكدرت انتقم منه اخاف عليه من الهوى الطاير راقبته هاي الفتره بدون متحس جنت بس افكر شلون اخليه ترضى بيه رغم ظروفنه بالبيت وقلقنه على شروق بس مراحت من بالي مرت فترة علاج شروق بخير ورجعوا من تركيا اللقاء جان جدآ مؤثر شهاب ونوفل وعمه امل جانوا جدآ تعبانين وضعفانين وشروق رجعت مو نفسه المرض ماخذ منه هواي كدرنه نتجاوز الي صار وحاولنه نتأقلم وياه بدينه بالتجهيز لمهر مؤيد وبعده هم عدنه مهر شروق ونوفل وعرس عادل كله جدي راده تفض بهذا الشهر يريد يزوج الكل حتى اني وايمن ماسلمنه منه ايمن صارح جدي وكله هو يريد سهى بنت عمي ابو زهير وجدي فرح واني جدي اخذني على صفحه وكلي بصوره مباشره على ايه سكتت بالبدايه بس بعدين رفضت بلباقه وكتله بصراحه الكلب عاشك يجدي مو بيدي الامر طبطب على جتفي وكال يابوك الي تريده الك ومتصير لغيرك ماتعصى عليك مدام انت رايده ماتعصى عليك رجعني جدي لنقطة البدايه وخلاني ارجع كلي اصرار نوى الي ومتصير الغيري اليوم شعلت ابو ابوي من شفته رجعتني لحازم الاولي الي ميسيطر على تصرفاته وياها ومايفرق بين العيب والحرام بوجوده متحمل على اعصابي بالمصوره ما اخذه واضمه عن عيون الكل ومؤيد وعمتي كضوها ضحك عليه بس بالزفه غافلت الكل وجريته للغرفه مال المطبخ حتى احاجيه جانت خايفه ومتدري شنو الفلم بس من شافتني توحشت عيونه الحلوه وكالت انت شتريد مني وشلون تسحبني هيج متجوز انت من سوالفك جانت تحجي بعصبيه وانفعال وشاله سارح شوي وطالع شعرها هي تحجي واني اتقدم عليه اصور اني كتلج قبل فتره تحشمي وخلي لبسج معقول وانت منو اصلا واسمع منك هاا انت هواي مصدك نفسك اني منو كلتيلي اني الي حصير زوجج باقرب فرصه عيونه توسعتx وباوعتلي بنضرة استهزاء وشلون بالله حتصير زوجي اني رفضتك اصور باوعتله واكلته اكل بعيوني تجنن بنت اللذينه ودي تنزع هذا الكب واشوف شنو لابسه جوها لساني نطق بدون اراده مني شنو لابسه جوه الكب باوعتلي بريبه وكالت وانت شعليك وخر اريد اطلع اهلي هسه يضل بالهم وما اريد يفوت احد ويشوفني وياك نوى اليوم اني وجدي فاتحنه عمج بموضوع الخطوبه وهو رحب بالموضوع باوعتلي مصدومه وكالت خطوووبه خطوووبه منو وشنو يتبع دمتم في امان الله لاتنسو التصويت والتعليق😊 | ||||
|
| |
|
13-11-19, 11:55 AM
| #23 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| صباح الخيرات رأيت انك متواجده واليوم كان اخر ظهور لك روايتك متروكه من فتره طويله دون جديد اذا بقيت هكذا ستغلق ان شاء الله تكمليها وتستمرين تحياتي | |||||||
|
| |
|
13-12-19, 05:13 PM
| #24 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء 
| تنقل لقسم الروايات المنقولة لاستكمال تنزيل فصولها نظرا لان الكاتبة بتكمل التنزيل في الواتباد غير مكتملة التعديل الأخير تم بواسطة لامارا ; 28-04-22 الساعة 11:56 PM | ||||||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
