آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-07-19, 07:07 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  نقاوم الطوفان و تغرقنا نظرة/ للكاتبة r46sho ، مكتملة
التعديل الأخير تم بواسطة لامارا ; 08-08-19 الساعة 11:03 AM | |||||||||||||
|  |
|
03-08-19, 12:46 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــــــــــــا بسم الله الرحمن الرحيم السلام عليكم ورحمة الله وبركاته إن بالعيون أسرار لا يستطيع أي امرئ أن يعرفها أو يكشفها، إنك فقط تعبر عن ما يدور في عقلك نظرة ابتسامة، وإن النظرات التي تبثها العيون والمشاعر الصادقة التي نلتمسها منها هي أصدقها.. -  التعديل الأخير تم بواسطة فيتامين سي ; 08-11-19 الساعة 09:32 AM | ||||
|
| |
|
29-10-19, 08:37 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| إن بالعيون أسرار لا يستطيع أي امرئ أن يعرفها أو يكشفها، إنك فقط تعبر عن ما يدور في عقلك نظرة ابتسامة، وإن النظرات التي تبثها العيون والمشاعر الصادقة التي نلتمسها منها هي أصدقها.. - - ناظر الشباك جنبه ولف على صوت فزاع:عمي كيف العمره! ان شاء الله تيسرت؟ ابتسم غازي:اي اي حمدلله فزاع:عسى ارتحت عمي؟ غازي:والله انا رايح عشان بيان تبي واصرت تروح العمره فزاع ابتسم:بيان هذي هي نايمه نزل راسه غازي ناظرها نايمه على فخذه وابتسم فزاع ناظر طريقه:عمي اذا تعبتك صحها عنك غازي:حاصل له احد تنام البيان على فخذه ويعكر اللحظه؟ فزاع:اللي يريحك عمي دق جوال غازي واخذه من جيبه ورد:هلا يوسف رفع يده على شعرها يمسح عليه:بكلمه بس بكره الحين انا تعبان وراجع من العمره اجل الموضوع لوقت ثاني هز راسه:خلاص بجيك الحين تنهد وقفل جواله ورفع راسه لفزاع:فزاع فزاع:سم عمي؟ غازي:لك جالون لك ولعيالك زمزم والباقي نزله لام وليد تدخله البيت وتبرد منه شوي فزاع:جزاك الله خير عمي ان شاء الله ابشر وقف عند البيت ولف غازي لبيان:بيان بيان تحركا بتعب وفتحت عيونها وناظرته ابتسم غازي:يالله وصلنا البيت نامي بغرفتك جلست وتلفتت ولفت له:ما بتنزل؟ غازي:لا نامي انتي شوي وارجع هزت راسها واخذت جوالها ونزلت مشت للبيت وفتحت لها ام وليد ام وليد:هلا هلا كيف عمرتكم؟ بيان بتعب:تعبانه فزوزه اذا صحيت نتكلم ام وليد:اجل وين عمي غازي؟ بيان:ما ادري طلع مشت الدرج وهي تسحب رجولها بتعب:فزوزه ضحكت ام وليد:هلا امري ياحلوة البنات بيان؛جهزي لي بجامتي بتروش والبسها ام وليد:اي ان شاء الله ولا يهمك بيان دخلت غرفتها رمت جوالها ومشت وهي تفضخ ملابسها وتدخل الحمام وام وليد وراها تلملم ملابسها من على الارض فتحت المويه وتروشت تقدمت للحمام ام وليد:حطيتها لك ياشيخة البنات بيان:شكراً مشت تاركتها تتروش - - بمكان ثاني شال يده عن عينه:هاه هاه اشغلتني يوسف وهو يتلفت:كلمت الرجال اللي قلت لك عليه وقف بملل ووقف قدامه وفصل بينهم باب حديد اسود مسك الحدايد وناظره:طيب؟ يوسف:بيخرجك من السجن بيدفع عنك ديونك سند بحده:يوسف ماني بحاجة احد يطلعني من السجن انا عاجبني الوضع يوسف:اسكت بس لا تعلي صوتك احد يسمعنا،وبعدين مو بكيفك بتطلع وبتروح له تشتغل عنده صدقني والله بيساعدك هذا واحد واصل وكبير سند عقد حواجبه:كبير؟ يوسف:بعمر الاربعين وفوق ماله عيال عشان كذا يساعد اللي زيك روح له سند خل العناد عنك سند تنهد وهز راسه:طيب متى؟ يوسف:كلمته انا وقال بكره بيجي وبيدفع عنك كل شي ويطلعك على كفالته بعد سند هز راسه:تمام يوسف:واترك عنك الديون يا سند واعقل سند مشى وطنشه وانسدح على الارض ويوسف مشى تاركه وراجع لشغله - صباح يوم جديد مشى لين الطاوله ولف لام وليد؛وين بيان؟ ام وليد:نايمه للحين غازي هز راسه:خلوها تنام تعبت ام وليد:ابشر عمي اجلس افطر غازي :لا مشغول خلي الفطور لبيان ام وليد:عمي هذا فطورك وبيان لها فطورها لا تبدي معدتها عن معدتك ابتسم غازي:لو تبي ابدي اولي ودوني تستاهل بيان ام وليد ابتسمت:على راحتك غازي؛انا استأذن ام وليد:بحفظه يارب مشى غازي وطلع من البيت وركب السياره وحرك فزاع فزاع:شلونك عمي؟ غازي:الحمدلله فزاع:وين ياعمي؟ غازي:ودني للسجن الحكومي فزاع:عسى ماشر غازي:ماشر سكت والتفت لطريقه فزاع - صحت ورفعت يدها على عيونها لفت تناظر الشمس من بين الستاره على عيونها وتاففت رفعت صوتها:فزوزه غمضت عيونها تنتظرها تدخل وهي تسمع صوت رجولها تسعى لها دخلت وناظرتها:هلا بيان:كم مره قلت قفلوا الستاره زين عمتني في عيوني الشمس وصحتني من نومي لفت ام وليد بخوف:ابشري بقفلها الحين زين لك ولا يهمك اخذت جوالها بيان وناظرت الساعه ام وليد:كملي نومك بيان:لا خلاص جلست بكسل ورفعت شعرها عن وجهها فوق ولمته ام وليد:افك الستاير يعني؟ بيان:فكيها شالت اللحاف بيان ومشت للحمام وام وليد فكت الشباك والبلكونه ومشت للسرير لملمت المخدات اللي على الارض ورتبت السرير طلعت بيان وهي تنشف وجهها:وين غازي؟ ام وليد:طلع يقول عنده شغل بيان تاففت:مو متعود يفطر معاي اصلاً ام وليد جلست على السرير:حرام عليك والله انه شح في اكله وفطوره عشانك بيان مشت للتسريحه وجلست؛اي صح ام وليد هزت راسها باسف وضحكت بيان لفت لها؛ليش تضحكين؟ ام وليد:عليكم فرق العمر بينكم شكبره لكن بينكم صفات مشتركه بيان لفت للتسريحه وناظرت شكلها:تتوقعين راح لابوي؟ ام وليد سكتت وبلعت ريقها ونشفت بيان ناظرت انعكاسها بالمرايه:شفيك نشفت؟ ام وليد:ولاشي بيان اخذت المشط وهي تناظرها ترتب وساكته - غازي رفع راسه اول ما دخل الشرطي:بوس راس عمك سدد عنك ديونك سند ناظر غازي وغازي ناظره بهدوء:انت سند؟ هز راسه سند واخذ نفس غازي وقف وربت على كتفه ولف للشرطي:هذا الواجب ما يحتاج يسلم على راسي يوسف طلبني وما رفضت له طلب لف لسند؛تعال معاي سند مشى وراه وهو يناظر الدنيا حوله جلس 8 شهور ونص بالسجن والحين شاف الدنيا حوله وقف غازي ولف له:بياخذك فزاع هذا هو فزاع مشى لهم ووقف غازي:بيوديك حلاق وكذا محل وبيجيبك لي في المستودع هناك نتكلم سند مارد وهو يناظره باتسغراب رجال بعمر الاربعين هادي وغامض ما يندرى عن احواله مشى عنهم رايح يمشي فزاع؛تعال سند لف له ومشى معاه وركب السياره جنبه فزاع؛اجل انت اللي جاي عشانك؟ سند لف له فزاع ابتسم؛وانا مثلك خريج سجون على كفالة هالرجال الطيب طلعني من بين ديون وخلاني اشتغل عنده وانا والله ما ادري كيف اكفي له واجبه سند هز راسه ولف للطريق فزاع:انا فزاع سند لف له وهمس:سند - بيان نزلت البيت الكبير عليها وعلى غازي تناظر حولها بملل كعادتها تجلس بالبيت لين يجي غازي متأخر حطت سماعتها باذنها ومشت تجلس على الكنبه تمددت برجولها وجلست على جوالها حطت ام وليد الاكل ولفت بيان:لا ابغى كورن فليكس ام وليد:كلي شي مفيد جبن وبيض بدال الخرابيط ماردت بيان وهي على جوالها وام وليد غيرت لها الاكل وحطته جلست بيان وهي تحرك راسها بهدوء على لحن اللي تسمعه وبدأت تاكل وام وليد قدامها تنظف - سند دخل المستودع وهو يناظر العمال وغازي جالس على كرسي ويتكلم معاهم مشى له وهو يناظر المستودع غازي لف:تعال اقعد سند جلس على الكرسي الخشب اللي جنبه وغازي لف له:اسمع هذا المستودع ما يخلص شغله ابغاك تشتغل معاهم تعاونهم وتلم لك كم قرش سند :لا مشكور يكفي خرجتني غازي لف للعمال:ابدا من بكره هاه واس.. قاطعه اول ما وقف:مشكور ماني بحاجة الم قروش ومشكور عشانك طلعتني غازي ناظره من فوق لتحت باستغراب:علامك؟ سند؛عزة نفسي والله ما تخليني اشتغل غازي هز راسه؛على هواك .ياعلي بشويش دخل الاغراض لف سند ومشى طالع من المستودع ركب تاكسي لين بيتهم نزل من السياره ومشى للباب بلع ريقه وتشجع ودق الباب فتح له ولد صغير:امممييي في رجال عند الباب سند ناظر البيت ومشت له حرمه ومن ناظرته سكتت سند:خاله.شلونك؟ تقدمت له وداد:امك لا تشوفك اطلع سند اطلع سند:خاله كلميها بس ابي اشوفها ترا مالي الا هي بعد سكت شوي:بعد وفاة ابوي وداد:هاه قلتها وفاة ابوك عشان وفاة ابوك ما تبي تشوفك سند ما صدقت تضحك معاي وتنسى سند بلع ريقه؛خاله وين اروح مالي مكان وداد:اي مكان بس لا تشوفك افن.. سكتت اول ما وقفت جنبها افنان وسند ناظرها وبلع ريقه؛امي مشى بيسلم على راسها وبعدته:شجابك؟ من طلعك؟ سند بهدوء:واحد طلعني واللي جابني اني مشتاق لك يمه لا تحمليني شي مالي ذنب فيه افنان رفعت حواجبها؛موتت ابوك مالك ذنب فيها؟ سند بقل حيله:امي ابوي مات قضاء وقدر انا مالي دخل م تفهمين اني ماني السبب بموتت ابوي؟ افنان تقدمت له بحده:لا انت انت السبب ابوك محد جلطه وموته الا مشاكلك اذلف عني مابي اشوفك اذلف قلت سند رجع خطوه وراه وهو يناظرها افنان دفته؛اذلف مابي اشوفك منت ولدي لعد عيني تشوفك اذلف رجع على ورا ودخلت افنان ووداد ناظرته بضيق وقفلت الباب لف لراعي التاكسي اللي ينتظره يدفع تنهد وركب وهمس بقل حيله؛رجعني مكان ما اخذتني | ||||
|
| |
|
29-10-19, 08:38 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - غازي وقف بيركب سيارته ولف اول ماشافه ينزل من السياره ويناظره ركب ومشى سند له وعض شفته فتح الشباك غازي وتكلم سند:بم.. غازي قاطعه:بكره تعال المستودع وروح لعلي هو بيقولك كل شي ولف لفزاع:فزاع فزاع:هلا عمي فزاع:انزل ادفع للتاكس فزاع نزل:ابشر غازي:اركب سند ركب قدام وغازي وراه وفزاع دفع للتاكسي وركب وحرك ناظر غازي من المرايه:وين عمي؟ غازي:البيت فزاع:ابشر لف سند يناظر غازي اللي ما يعصي طلب لغازي قطع تفكيره صوت غازي غازي:علامها عزة نفسك رجعتك؟ سند نزل راسه وسكت غازي:الله يحيك حنا نكرم ضيوفنا وانت عزيز على يوسف ويوسف عزيز علي سند:مشكور وقف فزاع عند البيت ونزل غازي ونزل سند يناظر البيت لف لسند:في ملحق هناك اجلس فيه ونام وانا موجود هذا بيتي سند هز راسه باحراج:مشكور غازي ربت على كتفه:عدينا مرحلة الشكر والا لا يفزاع؟ فزاع ابتسم:الله يسلمك ياعمي غازي:يالله اجل فزاع:تصبح على خير ان شاء الله ياعم غازي هز راسه ودخل البيت ناظر بيان منسدحه وعلى جوالها والسماعات باذنها لف للجهه الثانيه:ام وليد انتبهت له ومشت بسرعه؛امر عمي غازي ناظر بيان اللي ما انتبهت له.حطي العشا وودي شوي للملحق ام وليد:ابشر مشى غازي وعينه ما رمشت وهو يناظر بيان وقف قدام راسها ورفعت عيونها له ورجعت ناظرت الجوال نزل السماعه من اذنها ومشى جلس قدامها عدلت جلستها والسماعات في حظنها غازي؛كان البيان زعلانه؟والا بيان:رحت لابوي؟ غازي بدون اي ردة فعل رجع ظهره على ورا:لا بيان هزت راسها:اذا رحت بتوديني معك صح؟ غازي تنهد:شتبين في السجون؟ بيان:ابي ابوي ابي اشوفه غازي:ابشري اذا هذا اللي يرضيك،امري بعد؟ بيان هزت راسها بالنفي:سلامتك رجعت بتركب السماعه غازي:اتركي اللي في اذونك وسولفي معي بيان:على اساس عندي سوالف! غازي:اي دايم تحكيني عن المسلسل اللي تتابعينه هاه وش صار؟ بيان ابتسمت وحطت جوالها وقامت له جلست جنبه ولف له بجسمها:حكيتك انه تزوج عليها؟ ابتسم وهو يتأملها ويناظر حماسها ولمعة عيونها:لا حكيني بدت تسولف ومندمجه معاه وام وليد تحط الاكل وتناظرهم مبتسمه وقف غازي ورفع يده وحطها على كتوفه ومشى معاها للطاوله وهي باقي تتكلم غازي جلس وجلست جنبه بيان:باقي بكره الحلقه متحمسه تشوفها معاي؟ غازي ناظر الاكل:اذا ما كان عندي شغل شفتها بيان زمت شفايفها ولف غازي:ودي الاكل الملحق بيان:مين فيه؟ غازي:واحد بيان ناظرته يقطع لها ويحطه في صحنها بدات تاكل وهي تسولف معاه وهو فقط مستمع - سند ناظر الملحق وهو يفكر ونزل راسه بضيق من تذكر امه بلع ريقه وتنهد بألم تلومه بشي ماله يد فيه رفع راسه اول ماشاف حرمه واقفه وبيدها صينيه ابتسمت له:سلام سند:عليكم السلام ام وليد:انا فوزيه ام وليد نادني سند هز راسه:هلا ام وليد:انا اشتغل عند عمي غازي اذا بغيت نادني سند:وانتي بعد طلعك من السجون؟ بلعت ريقها ام وليد وجمدت محلها سند:اقصد زي فزاع؟ ام وليد:بالعافيه مشت وطلعت وسند ناظر الاكل مو فاهم شي من هذا الرجال ومن اللي يشتغلون عنده ولا فاهم يوسف ليش دله له بدأ ياكل وتفكيره في امه بلع ريقه وانسدت نفسه عن الاكل رجع كتفه ورا وهو يناظر قدامه - بيان مشت لغرفتها بتدخل ولفت تناظره ماشي وباله مشغول همست:غازي لف لها وناظرها نظره غريبه ما فهمتها عقدت حواجبها:تجي تسهر عندي؟ غازي ابتسم ومشى لها وهو يناظرها:علامك؟خايفه؟ بيان:لا بس ما يجيني النوم واجلس لحالي دايم ليش ما تسهر معاي؟ غازي:ماعليه انا تعبان وبكره وراي اشغال ان شاء الله بكره اسهر معاك بيان هزت راسها ودخلت غرفتها وغازي يناظر بابها الباب اللي تمنى يدخله ولا يخرج منه تمنى بس بعض الامنيات بعيده مشت لداخل الغرفه وناظرت سريرها وجلست على طرفه ناظرت التليفزيون شغال وظلت تناظره بهدوء لفت تناظر البلكونه بملل واخذت سماعتها وركبتها في اذنها ومشت للبلكونه وفتحتها ناظرت الحوش فاضي والسما صافيه وهوا يلفح ابتسمت واخذت جوالها بيدها وطلعت من غرفتها تاركه الباب مفتوح نزلت تحت وفتحت باب البيت ومشت وابتسمت وهي تسمع موسيقى هاديه تاخذها دايم لعالم غريب وبعيد ما شاركت هالموسيقى مع احد وحيدتها لحالها يمكن لان محد بينتبه للحنها ويحبه كثرها مشت حافيه وقفت فس نص الحوش رفعت راسها للسما بابتسامه هاديه على شفايفها وبدت تدور بخفه ورافه نفسها على اطراف رجولها ويدينها مرفوعه وكأنها بتطير - عقد حواجبه وهو يسمع صوت ولف يناظر الشباك مشى لين عنده وفتح الستاره ومن ناظرها وقف محله وابتسم بخفه وهو يناظرها تدور ومغمضه عيونها عقد حواجبه بابتسامه وهو يشوفها تبتسم بين لحظه ولحظه وكان الموسيقى تداعب قلبها جاه الفضول يسمع اللي تسمعه واللي خلاها تحس انها بحاجة الطيران نزل يده لجيبه وعينه عليها ودق على يوسف وانتظره يرد وهو يناظرها:يوسف؟ يوسف:هلا سند،فيك شي؟ سند:لا بغيت اسألك غازي عنده عيال؟ يوسف عقد حواجبه:لا يقولون ماعنده سند باستغراب:عايش لحاله؟ يوسف:هو والخدم هذا اللي اعرفه سند سكت ولارد يوسف:ليش وش بلاك؟ سند:لا ولا شي يالله سلام قفل وحط الجوال بجيبه وهو يناظرها تلهث بتعب وقفت ونزلت نفسها شبه راكعه وابتسمت رفعت راسها واخذت نفس طوييل ولفت للكرسي الخشب اللي عنده جلسه جلست وتربعت وسندت راسها وهي تناظر جوالها قفل الستاره سند وجلس على السرير:هذا بنت فوزيه ام وليد اذا ما خاب ظني - يوم جديد فزاع دق الباب وانتظره يفتح فتح الباب وهو يناظر بعين وحده:هلا؟ فزاع:باقي ما صحيت؟العم ينتظرك في المستودع وانت نايم؟ سند:الساعه كم؟ فزاع:ثمان سند ناظره:8؟ لا حول ولا قوة الا بالله قزاع؛يالله اخلص استناك سند هز راسه وقفل الباب ومشى يغسل لبس ملابسه وركب مع فزاع وهو يناظر الطريق فزاع:العم غازي ما يحب الكسل انت لازم تصحى بدري وتداوم سند مارد عليه وهو يناظر طريقه وقف عند المستودع ونزل سند ومعاه فزاع فزاع:جبته ياعمي غازي رفع راسه؛وراك متأخر؟ سند:كنت نايم غازي:خل النوم عنك من بكره تصحى ست سبع انت عند علي تعاونه؟ لف لعلي اللي واقف بكاسة شاي:علي خل بالك عليه علي؛ابشر ياعم غازي:روح معه مشى سند مع علي ودخل داخل وناظر العمال لابسيت بلايز كت ويشتغلون ويرفعون كراتين ويعبون شاحنات علي:هذا محلك تشتغل معاهم وتنقل الكراتين والبس شي خفيف عشان لا تجيني تقول حر ياعلي وبموت ياعلي سامع؟ سند ناظره شوي وهز راسه علي:يالله عاونهم مشى سند وناظر الكراتين:هذا وش؟ لف له عامل:مكيفات سند ناظر الكرتون مكتوب عليه غازي للمكيفات وعليه ارقام وعناوين شال الكرتون بصعوبه من ثقله ومشى لين الشاحنه بصعوبه حط الكرتون على الارض وسمع صوت علي من بعيد:يالله لا توقف شاله وعقد حواجبه بصعوبه لف غازي يناظره ولف لفزاع:فزاع روح للبيت واسأل بيان اذا بغت شي خذه لها بس لا تطلعها من البيت لين تقولي فزاع:ابشر ياعم - بيان ناظرت ام وليد تلملم ملابسها وتحطها بسله وتكلمت وهي على جوالها:فزوزه لفت لها:سمي بيان لفت:ليش زعلت يوم سألت عن ابوي؟ ام وليد نزلت راسها؛مازعلت لان الموضوع ما يخصني بيان جلست وناظرتها:لا تضايقت بفهم ليش ما تبيني اسأل عن ابوي؟ ام وليد جلست قدامها:لان اليد اللي انمدت لك لا تعورينها بيان:اذا قصدك غازي فهو ماله دخل ام وليد:بيان لا تضايقين عمي غازي وتحسيينه انك ما تبينه بيان؛ما حسست احد بس الصدق صدق انا انتظر ابوي يخرج من السجن واعيش عنده ليش اعيش عند غازي؟ ام وليد بعصبيه؛وشوله ذا الكلام الحين؟ صدق انك جاحده النعمه بيان ببرود جات بتتكلم دق جرس البيت عطتها نظره ام وليد وتركت الملابس وخرجت من الغرفه بهالحظه بيان ظلت تناظر حولها بضياع لين متى بعيده عن ابوها والكل يحاول يخبيها عن الحقيقه سمعت اسمها وقامت من على السرير ومشت برا غرفتها طلت مع الدرج وناظرت فزاع:مسيت بالخير يابيان بيان ماردت وهي تناظره فزاع:العم غازي قال اسألك تبين شي ناقصك شي؟ بيان:ابي السوبر ماركت فزاع:اي حاضر على هالخشم امري! بيان:انا بروح فزاع ناظر ام وليد اللي تناظرها:بكلم عمي غازي بيان بتهديد:قوله تبي تروح واذا ما راحت بترمي نفسها فزاع عقد حواجبه ولف لان وليد وهمس:علامها؟ ام وليد رفعت راسها تناظرها بحده | ||||
|
| |
|
29-10-19, 08:39 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الثالث - غازي بهدوء تام:قالت بترمي نفسها؟ فزاع؛اي والله ياعمي مدري وش بلاها غازي:خلاص خذني ونمر ناخذها فزاع؛اخذها واجيك ياعم غازي باصرار:لا خذني انا وبعدين نروح لها فزاع؛ابشر غازي لف لسند يناظره يشتغل والعرق ملى وجهه هز راسه:يالله مشى فزاع وركب غازي وراه وحرك للبيت وغازي يناظر الطريق لين وقف فزاع نزل من السياره ودخل البيت وثواني طلعت بيان معاه وهي متكتفه وركبت جنبه لف لها غازي وابتسم وبيان تناظر الشباك وساكته غازي اول ماركب فزاع تكلم:خذنا للسوبر ماركت للبيان بيان لفت له وناظرته:ليش جيت؟ فزاع رفع نظره بحده من المرايه غازي بهدوء:نروح سوا بيان ناظرته باصرار:وليش؟ غازي لف للطريق:افضل بيان:ليش ما اروح لحالي؟ غازي:لا بيان رفعت صوتها:ليش لا؟ غازي لف لها بهدوء:لا يعني لا بيان تقدمت له:كل شي لا ولا تعلمني السبب لا يصير عندك صحبات ولا تنادين احد للبيت ولا تروحين لاحد ولا تطلعين من البيت كل شي لا غازي:لانه مصلحتك بيان؛انت ماتعرف مصلحتي فزاع بحده:بيان احترمي عمي وقصري صوتك بيان:انت مالك شغل خلك بطريقك لفت لغازي اللي يناظرها بيان همست:لا تناظرني كذا كل مره وكأنك تطفي النيران اللي بصدري،عطني اجابه لكل اسئلتي غازي رفع يده وحطها على خدها:احياناً انا بنفسي ماعندي اجوبه بيان بضيق:لين متى؟ غازي ابتسم لها:اشتري كل شي نفسك فيه لو اخرج من السوبر ماركت ب10الاف بيان ظلت تناظره ولفت عنه تناظر الشباك - سند جلس بتعب وهو يلهث وشرب قارورة مويه كامله وهمس:الله لا يحوجنا نزل راسه ومسح جبينه علي:والله انك مسكين دوب جلدك طري على الشغل تعبت؟ سند؛اي تعبت ما ادري انت ما تحس تشتغل كل يوم كذا علي؛يستاهل عمي غازي لو يبيني ما انام واسهر عشانه سهرت سند رفع جبينه:ساحركم عمك ذا؟ علي جلس جنبه:له افضال كبيره علي تخيل يا سند انه يعطيني راتب ويحول لاهلي باليمن راتب ثاني انا ما قدرت اصرف عليهم سند لف لقدام وسكت علي:والله انه ما قصر معي وداري ما بيقصر معك سند هز راسه ووقف:اروح انا؟ علي:روح مع ان باقي نص ساعه بس روح سند مشى طالع من المستشفى ومشى بالشارع ولا يدري مين بيوديه ولا عنده قرش يركب تاكسي ظل يمشي وهو يناظر الشارع حوله بالسيارات - بيان رفعت رجولها على ركبته وفتحت شبس تاكل وتناظره غازي ابتسم لها:علامك تطالعين؟ بيان وهي تاكل ماردت غازي ناظر عيونها اللي تناظر بنظرات هاديه ولف للطريق يحس بالضياع والضيق واللوم والرغبه كل ذا من يشوف عيونها تناظر له اخذ نفس وهدا فزاع:عمي هذا سند غازي:وقف وقف فزاع وقف وفتح الشباك غازي:سنننند لف سند ومن ناظره مشى له غازي:خلصت شغلك؟ سند ناظر بيان منسدحه وتناظرهم وتاكل :اي غازي:اركب سند ناظره ومشى وركب قدام ومد رجله اليمين بالم غازي ناظره:تعبت؟ سند:لا غازي هز راسه وفزاع لف له:كان جيت مع علي بغيت تروح مشي سند:كان باقي خطوتين وقف فزاع عند البيت ونزلت بيان ومشت لداخل وسند وقف عند السياره يناظرها تدخل وقف غازي جنبه:هاك نزل نظره وناظر الفلوس غازي:200 تكفيك؟ سند؛لا ما يحتاج غازي حطها في كفه ومشى داخل فزاع ابتسم وربت على كتفه:والله ان عمي ما يخلي احد سند مارد وناظر الفلوس الفلوس اللي ضيعت مستقبله وحياته واهله محد قد عطاه قرش واحد والحين تنمد له 200 ريال كان يحلم فيها يسدد ديونه وجات الحين له بعد كل اللي صار فزاع؛انا راجع لابغيت شي كلمني لف له سند وهز راسه وبعد عن السياره حرك فزاع وسند مشى وهو يناظر الفلوس ودخل الملحق - بيان مشت ورمت عبايتها وانسدحت على السرير ودخل غازي وراها وناظر عبايتها على الارض شالها ورفعها وناظرها منسدحه على السرير واناظر جوالها جلس على السرير وهو يناظر الغرفه:اسهر معاك اليوم؟ بيان:لا روح شغلك غازي ابتسم ولف لها:بنت بيان اخذت سماعتها ولبستها ولفت للجهه الثانيه غازي رفع حاجب وتكى وسحب السماعه من اذنها وهي لازالت صاده همس لها في اذنها:امري ياكل البنات! بيان لفت له:ابي ابوي غازي ابي اشوفه غازي ناظرها ثواني وجلس واخذ نفس:بيان تكلمنا في ذا الموضوع صح؟ بيان جلست وشالت جوالها؛اي تكلمنا بس انا ما اقتنعت كل الناس والبنات يزورون اهاليهم اللي بالسجن انا عيب اروح؟ جات علي انا؟ غازي لف لها؛اي جات عليك انتي الوحيده اللي لا تقارنين نفسك باحد سامعه؟ بيان:وابوي؟ غازي وقف:لا حول ولا قوة الا بالله وقفت بيان جنبه:غازي انا عزيزه عليك؟ غازي لف لها ناظرها:اغلى من روحي بيان؛خلني اشوف ابوي كلها اصلاً كم سنه ويطلع خلني اشوفه غازي لف لقدام:يصير خير نامي الحين بكره نتكلم بيان ناظرته يطلع؛ما بتسهر معاي؟ غازي مارد وطلع من الغرفه جلست بيان بضيق ونزلت راسها ودموعها ملت عينها - سند طلع من الحمام وهو ينشف شعره واخذ جواله وناظره بضيق جلس وحط المنشفه على كتفه ودق على يوسف يوسف:هلا سند سند؛هلا فاضي؟ يوسف:والله مشغوله ماسك قضيه اشغلتني،انت فيك شي؟ سند؛لا بس مليت لحالي يوسف:اذا فضيت جيتك سند:طيب يوسف:كيف شغلك؟ سند:تمام يوسف:اذا بغيت شي كلمني هاه؟ سند:طيب يوسف:يالله اخليك قفل سند وحط جواله جنبه وناظر الشباك ووقف ومشى له بعد الستاره يناظر الحوش فاضي شاف ام وليد جايه وبيدها اغراض فتح لها الباب وام وليد تكلمت:هذا عشاك وشوية اغراض لك سند:مشكوره ام وليد حطت الاكل سند:الا اقولك لفت له ام وليد سند:عساك مازعلت مني ام وليد:لا مازعلت بيان وهي بيان تسمعني كلام اكثر منك وما زعلت سند عقد حواجبه:بنتك؟ ام وليد ابتسمت:بحسبت بنتي؟ سند:ليش ساكنه معكم؟ ام وليد:ما احب اطلع اسرار بيت عمي وانت توك غريب علينا اعذرني سند هز راسه:لا عادي مشت ام وليد وقفلت الباب وجلس سند يناظر الاكل غريب امرهم والاغرب وجود البنت هذي من بنته؟ - سند رفع راسه وناظر الكيس وتثاوب وفتح الشباك يناظر الشمس رجع فتح الكيس واخذ منه ليبتون وسكر اظرف مشى يدور في الرفوف وحصل كوب سوا له شاهي ولف من سمع صوت المويه في الحوش مشى للشباك وناظر ام وليد رافعه قميصها وتغسل الحوش نزل كوبه وهو يناظرها وخطر على باله امه تنهد بضيق وفجأه تشكلت على شفايفه ابتسامه يشوفها تركض للمويه ام وليد:بيان بيااان لا تطيحين وتنكسر ايديك يذبحنا عمي غازي ماردت بيان ووقفت قدامها:طشي علي تكفين ام وليد بضحكه؛اذلفي عن وجهي خل اغسل بيان:فزوزه تكفين ام وليد ناظرت غازي يطلع من الباب ويناظرها:عمي غازي هنا بيان لفت ناظرته وتكلمت بصوت عالي شوي:ابي العب بالمويه غازي ابتسم ومشى لها ام وليد:عمي لا تزلق تكفى غازي رفع يده ومسك يد بيان ووقف جنبها:يدخلك برد من المويه تعالي بيان مشت معاه لين الجلسه وجلس على الكرسي رفع يدينه ورا كتوفها وتكت براسها بيان غازي:بوديك لابوك رفعت راسها تناظره:جد؟ غازي هز راسه:بس مو الحين ولا اليوم بيان:تسحب علي كالعاده؟ غازي:انا من عادتي اسحب عليك؟ افا والله بيان رجعت حطت راسها على كتفه وسكتت فزاع دخل ورفع ثوبه:صبح الله بالخير ياعمي غازي:هلا فزاع فزاع؛جيت اخذ سند اوديه على المستودع اذا ماعندك مانع! غازي:خذه معاك سند من سمع صوت فزاع شرب شاهي بسرعه واخذ جواله وطلع فزاع:هاه يالله ياسند سند مشى من جنب ام وليد ووقف جنب فزاع فزاع همس له:سلم على عمك سند ناظره ولف لغازي وناظره وناظر بيان جنبه وتكلم بهدوء:صباح الخير غازي هز راسه واشر له بيده وبيان تناظره وتاكيه براسها على كتفه مشى سند وركب السياره مع فزاع فزاع:معد بعلمك الواجب هذا عمك سند؛ان شاء الله - | ||||
|
| |
|
29-10-19, 08:41 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الرابع - بيان ام وليد حطت القهوه عنده بيان؛مين هذا؟ غازي:واحد بيان؛من فين جبته؟ غازي:اعرفه احتاج شغل وسكن وجبته بيان؛يمني زي علي؟ غازي لف لها؛شعليك انتي؟ بيان؛اسأل استغربت شكله غازي:لا سعودي بيان هزت راسها غازي وقف:يالله انا رايح بيان وقفت ومشت وراه لف لها غازي:علامك لاحقتني؟ بيان:بوصلك غازي ناظر ام وليد مبتسمه تناظرهم بيان:فيها شي؟ غازي:لا تعالي بيان مشت معاه لين الباب ولف لها:انتبهي على نفسك هزت راسها وطلع غازي بيان لفت لام وليد:فزوزه لفت لها:هلا امري بيان:بغيت اكله شفتها في جوالي عجبتني سويها لي ام وليد:ااي ابشري بيان مدت لها الجوال:انا بغرفتي جيبها فوق ام وليد وهي تناظر الحوال:ابشري مشت ام وليد وبيان ابتسمت ومشت لغرفتها فوق اخذت عبايتها وطلعت بسرعه من البيت مشت وهي تناظر الشارع ووقفت سياره وركبت - سند رفع يدينه ومسح جبينه ناظر علي جالس قدام غازي ويسولف معاه عقد حواجبه ولف شال المكيف على ظهره وحطه بالشاحنه دق جواله واخذه وناظر الاسم ضحك بسخريه:تو تفضى لي مشى خطوتين ورجع دق يوسف مشى ورد بخوف:الو؟ يوسف غطى اذنه من الصراخ:وين غازي؟ سند عقد حواجبه ولف يناظر غازي:موجود يوسف؛خله يجي المركز عندنا بيان هنا سند ناظر غازي اللي يسولف مع علي:طيب قفل ومشى لغازي ووقف وبلع ريقه غازي ناظره؛هلا؟ سند:يوسف اتصل علي بغاك غازي مسك جيبه:اي جوالي بالبيت شغبى؟ سند:يقول وحده اسمها بيان عندهم في المركز وقف غازي وجمدت ملامحه وهو يناظر سند وسند ارتبك وسكت غازي؛بيان؟ عندهم؟ ليش؟ سند؛ما ادري بس عندهم صراخ ومافهمت منه شي غازي:امش امش وصلني سند سكت بربكه وغازي ماسكه من يده طالع من المستودع علي لحقهم؛هاك ياعم سيارتي سند ماعن.. غازي سحب المفتاح ومشى لبرا وسند معاه ركب سند وجنبه غازي وحرك سند بربكه غازي هز رجله بسرعه:وين كانت عنها؟ !وييييين ؟ بلل شفايفه بخوف سند وغازي شاد قبضة يده - :انت ما تفهم بشوف ابوي يوسف مارد عليها وهو واقف عند الباب بربكه بيان دفته بقوه وهي تصرخ؛وخر مالك حق تمنعني يوسف:لا جا ولي امرك يصير ندخلك بيان؛ولي امري داخل عندكم وخر سمعت صوت بريك سياره ورها بقوه ورجفت بخوف نزل غازي وسند نزل وهو يناظرهم سحبها بقوه من يدها لدرجة شكت انها انخلعت ولفت له بخوف مسك دقنها بقوووه:وش طلعك من البيت؟ بيان بلعت ريقها وعقدت حواجبها بالم غازي بقوه مسكها؛ردددي يوسف؛استاذ غازي ادخل مكتبي افضل غازي ناظر بيان وسحبها من يدها ودخل المكتب سند مشى ليوسف:شسالفه؟ سمع صوت صراخها ومشوا بسرعه بيان:لين متى تحرمني منه قلت لك بشوووفففه غازي تقدم لها ومسكه يوسف بخوف وسند واقف عند الباب ويناظرهم بارتباك غازي:قلت لك بوديك تعصين امري وتخرجين من البيت ليش؟ بيان بصراخ وعناد:لاني ماني عبده تحكمني ببيتك ومانع عني كل شي غازي وهو ياخذ نفس بغضب:انتي امانة ابوك عندي بيان؛وينه ابوي مخليني اشوفه انت اصلاً؟ يوسف:استاذ غازي هد شوي عشان صحتك بيان واقفه وتناظر نظرات غازي لها رجف فكها ورفعت اصبعها:حكم علي بالاعدام من يوم ما زوجني اياك جمدت ملامح سند ونقل نظره لها بصدمه مشت من جنبه ودفت كتفه وخرجت غازي جلس وناظر يوسف:وين فزاع؟ يوسف؛جاي اكيد برا سند ناظر يوسف وناظر غازي بصدمه بيان من شافت فزاع برا ركبت السياره ولاتكلمت بحرف ولا نزلت منها دمعه فزاع واقف ويرجف من شاف غازي متجه له غازي طلع ويوسف وسند وراه ناظر فزاع وتكلم بهدوء:اذلف وقول لام وليد لا اقابل وجهها عشان ما اذبحها فزاع بعد عن السياره ولف غازي لسند وسند مشى وركب وهو يبلع ريقه ركب غازي ورا جنب بيان وفتح الشباك وازرار ثوبه وحرك سند تكلم غازي بهدوء بدون لا يناظرها:اعدام؟ بديتك عن صحتي ونفسي عن كل شي بديتك ولا انرفض لك طلب من يوم ما سكنت تحت امري سند يناظر طريقه وهو يسمع كلامه بيان ماردت وهي تحس بالرجفه في جسمها غازي:ساكته سنين ليش تتمردين الحين؟ بيان لفت له وتكلمت بضيق:لاني تعبت يكفي امي ما ادري وين ارضها وابوي ما ادري متى بيخرج،رماني عليك وحطني امانه عندك ولا اهتم غازي بهدوء عكس اللي بداخله:اهتم من يوم ماحطك امانه عندي بيان نزلت دموعها بضعف:غازي تعبت غازي لف لها وناظر دموعها وسكت بيان تقدمت له شوي:تعبت منت مفهمني شي من كل ذا غازي مارد وسحب راسها لصدره ولا تكلم وبيان حطت راسها بضيق ونزلت نظرها وقفت السياره ونزل غازي وبيده محاوط بيان اللي تمشي داخله البيت تحت انظار المستمع المصدوم اللي راكب السياره ومنصدم من كل الحديث - بيان اول مادخلت البيت مع غازي طاحت عند رجوله ام وليد؛تكفى ياعمي والله مالي شغل بذا غازي:قومي قومي ام وليد اعصابي تالفه قومي بيان انسحبت من بين يدينه وطلعت لغرفتها ام وليد:تكفى ياعم والله انها غافلتني قالت لي اسوي لها اكل غازي:بكره نتكلم ام وليد:والله ما تنام وانت شايل علي تكفى انا سنين وانا تحت خدمتك تكفى ياعم اغفر لي هالمره غازي تنهد وناظر الدرج ورجع ناظرها:فوزيه رفعت نظرها اول ما نادها باسمها وهذا دليل جدية الموضوع غازي:شغير بيان؟ شفيها تنبش عن اشياء قديمه؟ ام وليد بربكه؛علمي علمك جابت لي سيرة ابوها قبل فتره غازي تنهد بخوف:انتبهي لها فوزيه تكفين فوزيه ام وليد:ابشر والله ياعمي لا تترجاني انا تحت امرك عند بيان دخلت غرفتها ومشت بعبايتها للبلكونه وفتحتها اخذت نفس ومشت لحد ما وقفت وتكت بيدينها بضيق غمضت عيونها وهي رافعه راسها وتاخذ نفس طويل بين فتره وفتره نزلت نظرها واستقرت في مكان معين وظلت تناظر الشخص اللي في السياره ويناظرها من القزاز ظلت تناظره بهدوء وتناظر نظراته حست بالفضول حوله ولفت اول ماسمعت صوت خطوات ناظرت غازي يدخل البلكونه ويحط يدينه جنب يدينها وبيان نقلت نظرها لمكان ثاني غازي:ليتك شفتيني من عرفت انك فارقت مكانك بيان ناظرته في السياره وهي تسمع سند غازي:ليتك تدرين بغلاتك في قلبي كان ماعذبتيني معاك بيان لفت له وناظرته:عارفه عارفه غازي انا كل يوم انام مطمئنه لاني ادري انك وراي منت مخليني بس افهمني غازي انك ما تعرف شي عن اهلك هذا الضياع بعينه غازي لف لها ومسك كتوفها؛لا تضيعين وانا جنبك انا حاميك وانا اللي بخليك مرتاحه بس لا تفتحين سالفة اهلك قفلي عليها خليني انا احلها بيان؛عطني وقت طيب عطني وقت خروج ابوي من السجن غازي بلع ريقه والربكه بانت على ملامحه:قريب بيان:متى! عفيت عن ناس كثير وطلعتهم وساعدتهم ما قدرت تطلع ابوي؟ غازي:لان ابوك ارتكب جريمه مو دين ويتسدد بيان بلعت ريقها ونزلت راسها تقدم غازي لها وضمها لصدره؛اوعدك انك بترتاحين مدامك عندي غمضت عيونها بيان وتمسكت باطراف ثوبه طاحت عين غازي بعين سند في السياره ويناظرهم ظل يناظرها وقت طويل لحد ما طلع جواله سند ناظر جواله سند وهو في السياره ودق بهدوء رفع نظره لغازي اللي يناظره وحط الجوال على اذنه يوسف:هلا سند صاير شي؟ سند:لا بس ابيك تعلمني شسالفه يوسف تنهد:سالفه طويله شتبي فيهم سند؛كيف شبي انا عبالي طول هالفتره بنته والا بنت اخوه يطلع متزوجها؟ يوسف:ماعليك منه وبعدين البنت مو صغيره بال20 سند؛صغيره عليه هو سند ناظر غازي اللي يدخل الغرفه مع بيان؛الشيب تارس وجهه ومتزوج ذي! يوسف:مو السالفه انها بنت صاحبه سند؛ووين ابوها؟ يوسف:بالسجن قاتل له واحد سند:ماشاء الله العايله كلها خريجة سجون! يوسف؛ماعليك انت خلك بشغلك ولا تحط راسك براسه غازي ذا مو اي احد سند مارد وهو يناظر الغرفه اللي انطفت انوارها يوسف؛يالله اخليك سند:اسمع يوسف؛هلا سند:كلم امي تكفى يوسف حاول فيها يوسف تنهد بضيق:انت تدري اني ما اقصر بس خالتي عنيده سند؛كلمها تكفى يوسف يوسف:ابشر بكلمها سند:يالله سلام قفل سند ونزل من السياره ومشى للملحق وهو يناظر الغرفه | ||||
|
| |
|
29-10-19, 08:44 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الخامس - غازي ناظر ملامحها نايمه ويدها ماسكه يده رفع شعرها وهو يناظرها وتنهد ناظر الغرفه حوله كيف انثويه والسرير اللي كله مخدات والاكل والمكياج اللي على اطراف التسريحه كانت المفروض انه يتشارك الغرفه معاها بس خايف يخطي هالخطوه وبيان واضح انها ابد ما تفكر بتفكيره بلع ريقه ولف يناظر ملامحها مره ثانيه بدون ملل وباس جبينها بخفه ميل راسه على راسها وغمض عيونه وهو يشم ريحتها بلل شفايفه وجلس وبعد يده ووقف وقف في نص الغرفه بربكه ولف يناظرها نايمه الحب لعب بقلبه مو قادر يمثل دور الاب اكثر ولا قادر يسوي شي ممكن يخلي بيان مجنونه وتتهور اكثر بس ينتظر وقت مناسب عشان تنتهي المسرحيه تقدم للبلكونه وناظر السياره فاضيه ومشى خارج من الغرفه لغرفته اللي كره بكل مره يدخلها - - سند منسدح ورافع راسه على جبينه ويفكر وقف ومشى للشباك وفتحه ناظر محلها اول ما شافها وذبحه الفضول وجره يبي يوصل لغازي ويفهم قصته باي طريقه - بيان صحت من النوم وناظرت السقف ثواني وجلست لفت لجوالها محطوط على الكومدينه اخذته وناظرته مكسور استغربت نزلت من السرير وطلعت من الغرفه ناظرت ام وليد تنظف ومن ناظرتها صدت نزلت بيان لتحت وناظرت غازي جالس:جوالي مكسور رفع راسه لها وابتسم:هلا تعالي اجلسي جلست جنبه وجوالها بيدها؛جوالي مكسور غازي:اي انكسر على ام وليد من هربت عفست الدنيا بيان نزلت جسمها شوي وانسدحت تناظر قدامها غازي ناظرها:عندك موعد اليوم بيان لفت به باستغراب:موعد وش؟ غازي:اسنان والا ناسيه ان بحلقك سلك شطوله بيان؛مو حلقي سنوني وبعدين عادي اجله مالي خلق وقفت للطاوله واخذت من عليها موزه غازي ناظرها؛لازم تروحين اليوم وانا فاضي ما وراي شي اقدر اجي معاك بيان اكلت الموز وهي تناظره ولا تكلمت غازي ابتسم وعقد حواجبه؛ليش تطالعيني كذا! بيان؛اول مره؟ غازي ابتسم بضحكه؛لا من عوايدك بيان حطت قشر الموز على الطاوله ومشت لام وليد ضمتها من ورا وتكلمت:ليش تزعلين وانت مالك علاقه بشي؟ ام وليد بعدت عنها وناظرتها ومشت للطاوله اخذت قشر الموز:عشان اللي سويتيه غلط بيان رفعت كتوفها تحت انظار غازي لها:بس مالك علاقه في اللي اسويه ام وليد؛لا تراضيني اجل بيان؛ما يهون علي ام وليد لفت لها تناظر برودها بيان؛للحين ابي الطبخه اللي بجوالي بس كسرتيه الله يسامحك ام وليد:منك خبصتيني ادورك مالقيتك بيان لفت لغازي اللي يناظرها غازي:اذا رحنا موعدك اجيب لك جوال جديد بيان؛مصر على موعدي؟ غازي:بتروحين بيان؛يصير خير مشت لغرفتها وقفلت الباب وانسدحت على السرير شغلت التليفزيون ولفت تناظر البلكونه بفضول ومشت لها وشالت الستاره وهي تناظر السياره محلها فتحت البلكونه وخرجت تناظر باب الملحق رفعت يدها على عينها من الشمس وهي تناظر الملحق لفت تناظر الساعه اللي بغرفتها 7:52 الصباح استغربت ومشت دخلت الغرفه وقفلت البلكونه على خروج سند مستعجل ويلبس تيشيرته وهو ماشي للسياره فتح السياره بربكه واستعجال ورجع على ورا ووقف من شافها واقفه بالبلكونه وتناظره وقف وظل يناظرها تناظر ببرود وبدون ملامح عليها اخذ دقيقه وهو يبادلها النظر وحرك سيارته ذبحها الفضول وما قدرت تدخل الغرفه ورجعت تراقبه - يوسف دخل البيت وابتسمت وداد؛هلا ماشاء الله مبكر اليوم يوسف:وين مبكر امي احد يداوم ليل ويرجع صبح؟ وداد:ماجور ان شاء الله يوسف ناظر افنان؛ان شاء الله شلونك خاله؟ افنان ابتسمت:حمدلله تمام يوسف ابتسم:بخير حمدلله لف لامه:تخيلي امي امس ماشاء الله مقابل سند وداد لفت لافنان اللي اختفت ابتسامتها يوسف؛ماشاء الله اشتغل وصار يكرف وداد:ماشاء الله زين يوسف ناظر افنان؛اي بما انه تغير ما ودك ياخاله تحنين شوي افنان؛على من احن؟ يوسف؛ولدك افنان؛انا ماعندي ولد يوسف تنهد ونزل عيونه وداد؛افنان سمعتيه قال اشتغل خلاص الولد تعب وماله الا انتي الحين ومالك الا هو افنان؛انا لي رب حمدلله ماني بحاجته قامت وطلعت من الغرفه ويوسف تنهد وداد:وراك تجيب طاريه عندها؟ يوسف؛امي سند مكلمني يترجاني شسوي وداد تنهدت؛لا حول ولا قوة بالله الله يهدي النفوس - غازي ناظر فزاع واقف وجا بيتكلم رفع يده غازي:روح فزاع بعدين اتكلم معاك بلع ريقه فزاع وخرج من البيت غازي لف لبيان:يالله مشت بيان معاه ووقفت تنتظر غازي رفعت نظرها لسند واقف عند السياره وينتظرهم قفل الباب غازي ومسك يدها:امشي مشت معاه وعينها عليه وهم صاد ركب غازي وبيان جنبه وحرك سند غازي:علمك العنوان فزاع؟ سند:اي غازي ناظره وصد يناظر الطريق ما انتبه للنظرات المسروقه بينهم كانت بيان تناظره مع المرايه لابس نظاره شمسيه وكأنه يخفي نظراته ركبت السماعات وهي تناظر المرايه وقف سند ونزلت بيان وغازي معاها سند مشى وراه وغازي تكلم:يالله اليوم ارتحت من شيل المكيفات مارد سند وهو ماشي وراهم دخلت بيان عند الدكتور وانسدحت ووقف سند عند الباب غازي ناظر الدكتور:هاه دكتور مطولين؟ الدكتور:لا ان شاء الله الشهرين الجايه اخر شي وننزل التقويم لف غازي وناظر بيان تناظر سند ناظرها وناظر سند:خلاص انتظرنا تحت مشى سند وطلع وبيان غمضت عيونها وغازي جلس ينتظرها تخلص - سند واقف عند السياره وينتظرهم ويناظر حوله همس:اخر عمري سواق وبودي قارد تلفت واخذ نفس اما بيان جالسه على مكتب الدكتور وتناظر الاوراق والقلم اخذتها وغازي ناظرها الدكتور:تنتبه لاكلها عشان ما يطول اكثر التقويم غازي:تمام متى موعدها الجاي؟ الدكتور:عادي اي وقت الشهر الجاي غازي مشى لها:وش تكتبين؟ عفطت الورقه ورمتها بشنطتها:شخاميط وقفت ومشت ولفت له:يالله؟ مشى معاها ونزلوا تحت ناظرهم سند وركب ولبس نظارته الشمسيه ركبت بيان وركبت سماعتها وغازي يناظرها رفعت نظرها بيان لسند في المرايه ورجعت ناظرت الجوال صد غازي للطريق وبيان ناظرت سند ورجعت تاظرت غازي تقدمت بسرعه للراديو ولف غازي يناظرها ضغطت البلوتوث وسند جمد محله وهو يحس فيها تخبي تحت فخذه ورقه بلع ريقه وضغط على الدريكسون غير قربها له لهالدرجه خبت شي تحته وهذا خلاه يرتبك رجعت ورا وناظرت غازي:بشغل اغنيه حلوه رح تحبها غازي:بيان ما احب الازعاج طفيه شغلت الاغنيه وطنشته ولفت تناظر الطريق وقف سند وقفلت الاغنيه بيان ونزلت ونزل غازي وسند ظل في السياره ولا تحرك لين شافهم يدخلون طلع اللي تحته وناظر الورقه رفع راسه يناظر ويراقب وبلع ريقه فتحها وعقد حواجبه "تقدر تساعدني؟" استغرب وانصدم بنفس الوقت والخرف تملكه بلل شفايفه ماتوقعهت تحتاج مساعده وليش طلبت منه وبهالشكل بدون لا احد يعرف خبى الورقه بجيبه ونزل من السياره ومشى للملحق - الساعه11:35 م ماسك الورقه ويناظرها كان خطها متعرج وكانها خايفه مافهم هذا كله مع انها كانت عكس اللي شافه كيف خايفه وهي ما تنام الا بحظنه معقوله في شي ورا ذا كله سمع البرق وصوت المطر الغزير وقف وناظر الحوش مليان مويه حس بنقطه تطيح من السقف على كتفه رفع راسه وناظر السقف وابتسم شوي لف واخذ الكرسي وطلع للسقف اللي مشتقق شوي حاول يكسر اكثر منه لين ما بدأت المويه تملى المكان عض شفته واخذ جاكيته وطلع يركض في الحوش - بيان نزلت من الغرفه بملل غازي:لا تشغلين جوالك بيان ماردت ومشى للشباك:فزوزه ام وليد ناظرت غازي ورجعت ناظرتها:هلا بيان عطتها ظهرها؛ابغى هوت تشوكليت ام وليد:الحار؟ بيان هز راسها ولفت لغازي:تشرب معاي؟ غازي:لا سوي لي شاهي انا ام وليد:ابشر دق الباب ولفت ام وليد وبيان عقدت حواجبها وهي تناظره رافع جاكيته ويدق الباب فتحت الباب وسند تكلم:السقف خر مويه ام وليد لفت لغازي:عمي شكل الملحق يخر غازي اشو لهابيده:خلي سند يدخل دخل سند ولفت بيان تناظرها ناظرها وناظر غازي وبلع ريقه ام وليد:ادخل ادخل مشى سند وجلس على الكنبه قدام غازي وهى يدفي نفسه:مشكور غازي:خر من وين؟ سند:من الصاله بيان صدت للشباك وهي تسمعه يتكلم غازي:جيبي له شاهي بعد وبطانيه سند:لا ما يحتاج ام وليد:لا عادي الحين اجيب عمي رفع نظره سند لغازي وصد بنظره جابت له بطانيه وتغطى فيها ام وليد:تعالي بيان سويت لك بيان مشت واخذته من يدها وجلست جنب غازي ونظرها على سند لف سند وناظرها تناظره وتوتر وصد بنظره وغازي ناظرها وشد من قبضة يده وهمس:بيان لفت له وناظرته بالكوب وهو بين يدينها غازي:شفيك تطالعين؟ بيان رفعت كتوفها:اول مره؟ غازي ابتسم:لا من عوايدك بيان؛اجل خلاص غازي ناظرها وهي ظلت تناظره وتشرب من الكوب هز راسه:بغلبك ذي المره بيان ابتسمت:اونو؟ غازي هز راسه ومد يده للاونو اللي على الطاوله وسند يناظرهم بفضول قدامهم وزع الورق غازي وابتسمت بيان بدأوا يلعبون وهم ساكتين غازي:تغيير لون رفعت راسها بيان:لون؟ غازي وهو يناظرها:احمر بيان لعبت وناظرته:ليش اخترته؟ غازي وهو يلعب:من الالوان الحلوه عليك سند صد وهو يسمعهم بيان ابتسمت وفازت؛ما كان اختيار موفق ابتسم غازي ونزلت الشاهي ام وليد على الطاوله رفعت نظرها بيان لسند وناظرها رمت الاوراق بعشوائيه على الطاوله لين وصل اطرافها لسند ناظر غازي وام وليد وبيان اللي تشرب وتناظره سرق ورقه وخباها بيده ام وليد لملمت الاوراق:تنثرينها كل مره بيان ماردت وغازي اخذها ووزع عقد حواجبه:ناقص ورقه؟ بيان؛ما ابغى العب غازي ناظرها:بكيفك حط الاوراق وشرب شاهي وسند يناظرهم لف لام وليد:بغيت حمام ام وليد ناظرت غازي اللي هز راسه ام وليد وقفت:تعال معاي وقف سند وحط يدينه بجيوبه ومشى وراها وصلته للحمام وابتسم لها ودخل الحمام قفل عليه وطلع ورقة الاونو بوهقه دور في الحمام شي يكتب فيه ماحصل الا علبة صغيره فتحها وحصل مكياج اخذ روج وفتحه ومن ناظره احمر رفع حاجبه وكتب فيه خبا الورقه وطلع وجلس مكانه بيان:بفتح جوالي غازي:لا البرق باقي بيان ماردت وفتحت جوالها سحبه من يدها وناظرها:قلنا ماخلص البرق والرعد بيان ناظرته وبان على ملامحها الغضب غازي حط الجوال جنبه وصد وبيان ناظرت سند اللي يناظرها وقفت وناظرته:عطني جوالي استغرب غازي من وقفتها وخصوصاً قدام سند همس:ليش؟ بيان؛مافي سبب ابي جوالي سكتت ثواني وكملت:مو دايم تحرمني السبب! تنهد ووقف قدامها:امشي معاي فوق بيان لفت ومشت من جهة سند وهي تناظره مد رجوله وجات بتطيح مسك يدها واخذت الورقه من يده غازي:صار لك شي؟ بيان:لا تعنقلت مرت وسند شال رجوله ومر غازي طلعوا فوق وبيان خبت الورقه بجيب بجامتها غازي ناظرها:شفيك؟ بيان احذت نفس:منضغطه جلس جنبها وبيان صاده لقدام ويدها بجيبها غازي مسك يدها الثانيه:اطلبي وانا امر بيان لفت له وتكلمت:غازي ابي الحريه ابي اروح واجي لحالي بدون ما تحكمني غازي نزل راسه:لا بيان انا معاك وين ما تبين بيان ظلت تناظره وهزت رجولها غازي:انتي قولي وين تبين قلتي تبين عمره ورحنا وين تبين؟ بيان؛اشوف ابوي غازي ناظرها وبلع ريقه وهز راسه؛مع انك غلطتي بس ابشري رفع يده على خشمه وبيان تكلمت؛جد؟ غازي:هالمره جد بيان؛متى؟ غازي:متى ما بغيت بيان ابتسمت له وحظنته:شكراً رفع يدينه غازي بهدوء وبعد عنها:ارتاحي ولا تشغلين تليفزيون بيان هزت راسها وطلع غازي ناظرها نظره اخيره وقفل الباب طلعت الورقه وعقدت حواجبها "اساعدك في ايش؟" زمت شفايفها ومشت للدرج فتحته على هدوء قطرات المويه وسكوت البرق والرعد طلعت ورقه وكتبت فيها وعفطتها واخذت من نفس الدرج ربطة شعر طويله ودست الورقه فيها عشان لا تتبلل لو رمتها وقفت في البلكونه وهي تنتظر وتناظر الجو وبيدها الربطه ناظرته يطلع وماشي للملحق ويناظر الجو ماتكلمت ولا نادته انتظرت تشوف ينتبه لها ويلتفت والا يمر عادي وقف سند عند باب الملحق ولف لفوق ومن ناظرها رجع خطوه على ورا وهي رمت عليه الربطه مسكها في يده وناظرها تناظره وتدخل قفل البلكونه وناظر الربطه بيده وعقد حواجبه دخل الملحق وناظره مبلول تافف ومشى للكنبه جلس وفتح الربطه وحصل الورقه فتحها وقراها"ابي خبر عن اهلي وخصوصاً ابوي" عقد حواجبه وزاد فضوله مانفع معاه المراسيل هذي في موضوع كبير لازم ينفهم بالكلام ووجهاً لوجه بس كيف ومتى !! | ||||
|
| |
|
29-10-19, 09:02 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم السادس - بيان قفلت البلكونه وسندت ظهرها عليها ظلت تناظر الغرفه اللي سكنت فيها 4 سنين كان كل شي فيها وكل رغبات البنت اللي بعمرها ملبيه واي شي تامر فيه ويصير بس كان ناقصها كثييير واكثر من هذا كله كان ناقصها خبر عن ابوها ومتى يخرج وامها اللي تخلت عنها وضحت فيها مشت للسرير وانسدحت ولمت اللحاف في حظنها تبي اي احد يساعدها بس حاولت طول هالسنين بس كان الكل يلبي لغازي ومستحيل يخون فيه وتوقعت ان سند بيكون زيهم وما بيرضى يعصي امر لغازي بس اللي خلاها تتأمل انه كان يناظرها بنظرات تحكي وتتكلم وكأنها سر ويبي يكشفه والدليل انه التفت اليوم لها ورد على مكتوبها ولا نطق لغازي كلمة عمي اللي الكل يناديه بهالاسم اخذت تنهيده وهي تستنجد بربها هالمره تصيب - غازي ناظر ام وليد تنظف وتكلم بهدوء:فوزيه لفت له وتقدمت له بخوف:هلا عمي غازي:اجلسي بتكلم معاك جلست وناظرته بفضول واستغراب:امر غازي:فوزيه انتي زي ما تعرفين اني ما تزوجت ولا جاني عيال عشت عشان بيان وطلب ابوها اني استر عليها واتزوجها واحرسها وهي مالها احد ام وليد باستغراب هزت راسها:اي؟ غازي:وبيني وبينك انا مابي الا هي ولا مضايقني وجودها ولو جلست طول عمري امثل دور الاب ما مليت ام وليد ابتسمت من فهمت كلامه غازي كمل:بس انا ابي احس اني متزوجها وانها تحت اسمي مكتوبه زوجه بكرت العايله بس خايف ام وليد:عمي انت لا تقول بيني وبينك وتخبي اكثر لانه واضح عليك كل جدران هالبيت تدري بحبك لها ومكانها بقلبك وانا مو غبيه عشان ما افهم غازي اخذ نفس وبهدوء:والحل؟ مابي اتقدم خطوه واندم وانا متأكد ان بيان ما بيرضيها الموضوع ام وليد:عمي انا بكلمها وانت حاول تغير من طبعك وطبع الابوه حسسها صدق انك زوجها وان لك كلمه عليها غازي:خايف فوزيه خايف اقسى وانكره وانعاف منها ام وليد تنهدت بضيق:ماعليك بكلمها انا واشوف غازي:تحلينها لي؟ ام وليد:ابشر ياعمي ما طلبت شي هز راسه غازي ووقفت ام وليد تكمل شغلها - يوم جديد طل من الشباك وينتظر متى تجي لحظه مناسبه يقدر يفهم كل شي ويسمع منها حك جبينه ونسى دوامه لف واخذ جاكيته وطلع يركض والمويه تبلل طرف بنطلونه ركب السياره وحرك لدوامه متجاهل كل شي - بيان شربت من الكوب ولفت لغازي غازي:كيف يعني راح؟ نسي ان السياره سيارتي ويوصلني ام وليد:والله مالقيته ولا لقيت السياره ياعمي غازي اخذ جواله وهو يدور رقمه:مهبول؟ دق وحط جواله على اذنه سند نزل من السياره ومشى بسرعه ودخل المستودع دق جواله واخذه ووقف من شاف الرقم ورد بهدوء:هلا غازي:وينك انت ماخذ السياره؟ سند ضرب جبينه:رحت المستودع تأخرت عليه غازي:وانا؟ من يوديني ؟ سند بهدوء:طيب الحين اجيك غازي:لا خلاص خلك سند:طيب قفل غازي وهو يدور رقم فزاع وبيان تناظره لفت لام وليد اللي نادتها من بعيد مشت لها ووقفت قدامها؛هلا؟ ام وليد سحبتها وهي مبتسمه ودخلتها غرفه بيان:شفيك بغيت شي؟ ام وليد ابتسمت:لا بغيتك بكلمة راس بيان؛وش ام وليد:الحين انتي وعمي غازي لين متى بتقعدون كذا؟ بيان عقدت حواجبها:مافهمت ام وليد اخذت نفس:اقصد انتي بغرفه وهو بغرفه لا نضحك على بعض تراكم متزوجين بيان جمدت ملامحها؛نعم؟ ام وليد:اي لا تنصدمين عمي كبر بالعمر لين متى بيجري وراك وانت هالطول؟ ويرضيك تقدمت لها ام وليد:الرجال مستحيل يصبر عن مّره نشفت بيان وهي تسمع كلامها ووقفت بعصبيه:من سمح لك تتكلمين معاي؟ وتتدخلين في حياتي؟ ام وليد؛انا شفت عمي وزعلانه على حاله ما ارضى عليه بيان؛مالك دخل خليك في شغلك ولا تتعدين حدودك ومحد غصبه ام وليد:الحب غاصبه وقفت قدامها وتكلمت بحده:عمت عينه عن كل شي الا عنك،انا لو احصل احد زي عمي كان ماخليته يتمنى امنيه يقرب مني بيان جن جنونها وتقدمت لها؛خذيه اجل انتي اشبعي فيه مشت بتروح مسكت يدها ام وليد:بيان اعقلي واسمعي كلمة عمي واجبري بخاطره وابدي انتي لا تخلينه هو يتقدم لانك بتندمين بيان دفت يدها وخرجت من الغرفه ولف غازي بعد ما كان خارج واستغرب عصبيتها بيان وقفت وناظرته:وين رايح؟ استغرب غازي وناظر ام وليد اللي تناظره من بعيد:المستودع؟ بيان مشت له خطوه وبلعت غضتها؛مع مين؟ غازي:فزاع،ليش انت بغيت شي؟ بيان،خذني معاك غازي:وين تجين بيان رايح المستودع انا بيان تقدمت له تخفي غصتها وربكتها؛ادري مخنوقه بطلع غازي ناظر ام وليد ورجع ناظرها:انتظرك مشت وطلعت غرفتها واخذت جوالها ولبست عبايتها ونزلت له ركبت جنبه وحرك فزاع فزاع:لو تدري ياعمي يوم دقيت علي طرت والله وجيتك ركض غازي مارد وهو يناظر بيان صاده وهي عادتها تنشغل بالسماعات باذنها صد غازي وحس انه تسرع وان الحوار بين بيان وفوزيه ما كان مريح وقف فزاع عند المستودع فتحت الشباك بيان وناظرت العمال يتشغلون ومن بينهم سند اللي كان يشتغل وعاقد حواجبه من التعب نزل المكيف في الشاحنه ولف وناظر السياره ووقف وهو يناظرها فاتحه الشباك وعينها عليه وغازي نازل من السياره ابتسم ابتسامه هاديه غريبه اول مره يشوفها هنا فهم انها جايه عشانه وتقدم وعينه عليها في السياره وقف قدام غازي:اسف خذتها من دون ما اعطيك خبر غازي ناظره وهز راسه؛حصل خير خلها معاك السياره فزاع بيحل اموري هز راسه سند:مشكور رفع نظره لبيان ورجع على ورا ولف ومشى يكمل شغله نزلت بيان وغازي لف لها:تعالي اجلسي هنا حط كرسي لها وجلسها وظل واقف ويتكلم مع علي سند كل ماحط مكيف في الشاحنه لف لها يناظرها مرت نص ساعه وغازي ماجلس ابد ومشغول باوراق مع علي والشاحنات تخرج من المستودع رفعت نظرها وشافته متقدم لها وهو يمسح جبينه وقف جنبها وعينه على مكان بعيد وهمس:تحت امرك ابتسمت بيان وهي تناظر غازي يكتب باوراق سند نزل راسه لها وناظر ابتسامتها ورجع صد؛متى ما بغيت كلميني ابتسمت بيان وهي لازالت على حالها مشى سند راجع لداخل وبيان ابتسمت وهي تحس ان الفرج جاها بس هالمره على هيئة انسان نزلت راسها ومن تذكرت كلام ام وليد ضاق صدرها رفعت نظرها تناظر غازي معقوله هو اللي قال وهو اللي اشتكى معقوله يفكر فيها تفكير غير اللي كان في بالها - سند جلس بين العمال وكل شوي يرفع راسه يراقبها ويراقب انحناء راسها وكانها تفكر وبين لحظه ولحظه ترفع نظرها وتراقب غازي شرب كاسة الشاهي وعينه عليها وهمس له واحد جنبه:لا تطالع لف له سند وعقد حواجبه :لا تطالع فيها ابد لان عينك بتنقلع هذي شيخة البنات بعين غازي سند رجع صد ولا رد عليه :لا تطولها مي لك سند وقف ولا رد عليه واخذه جاكيته ومشى طالع من المستودع طلع غازي وناداه ولف له سند مشى غازي لين عنده وتكلم بهدوء:راجع البيت؟ ابتسم ابتسامه صغيره سند من توقع طلبه:اي راجع غازي:رح مع فزاع انا باخذ السياره الثانيه اختفت ابتسامته سند وتقدم لهم فزاع:لا عمي تسوق وانا موجود؟ غازي:لا باخذ بيان مشوار لحالنا لف سند ناظر بيان اللي تراقبهم من بعيد وخاب ظنه كان بيوصل لطرف خيط ويجلس معاها ويفهم كل شي هز راسه ومشى وركب مع فزاع وحركوا وغازي تقدم لبيان وابتسم لها:قومي باخذك مكان بيان عقدت حواجبها ويلعت ريقها:وين؟ غازي:تعالي تعالي مد يده ووقفت بيان وحاوط كتفها ومشى للسياره فتح لها الباب وركبت وركب جنبها وحرك غازي ابتسم:من زمان ماسقت بيان ناظرته؛ليش ارسلتهم؟ غازي:بغيت نروح لحالنا بيان ناظرته وصدت للطريق - سند هز رجله وهو مع فزاع ويناظر الطريق لف لفزاع؛وقف وقف فزاع وقف بخوف:علامك؟ سند؛انت كمل روح للبيت انا نسيت شغله فزاع:تعال وش نسيت ركض سند راجع للمستودع لين ما حصل سيارة اجره ركب واشر له يحرك لين ماحصل السياره قدامه ابتسم وهمس:خلك ورا السياره رجع ظهره وهو يراقب السياره - غازي وقف وقفل السياره ولف لها بيان ناظرت المكان ولفت له:ليش جايبني هنا؟ غازي:حلو المكان بيان بلعت ريقها وناظرت المكان غازي:انزلي نزل ونزلت بيان بخطوات هاديه مشت لين عنده ولفت له:غازي ي.. قاطعها يوم رفع اصبعه على شفافيها سكتت وهي تناظره ابتسم وهمس:ليش تتسرعين الكلام؟ بيان ماردت وهي تناظره غازي تقدم لها ونزل يدينه ليدينها:تدرين؟ غمضت عيونها بربكه وهمست:لا تتكلم غازي ابتسم وناظر عيونها:خايفه من الكلام؟ بيان فتحت عيونها وناظرته:في كلام الافضل انه ما ينقال عشان لا يتغير شي كبير غازي:واللي ما يقدر يسكت! واللي اتعبه السكوت! بيان بهدوء:يكمل سكوته لان ساعات الكلام يعور اكثر من السكوت غازي:النور من ضيّي اختفى...والليل في عيوني غفى ،انا ماعدت انا بيان نزلت راسها بهدوء وهي تسمعه غازي:بيان انا مابي الا اني اصبح وامسي عليك انا مابي الا انك تعيشين حولي وقدام عيوني ومابي عينك تشوف الا انا بيان رفعت راسها له:غازي غازي تقدم لها اكثر وغمض عيونه وهمس:لمتى تحرميني من هالقرب؟ غمضت عيونها بقوه وهي تسمعه وقلبها يدق بسرعه غازي ثبت جبهته على جبهتها وهمس:لين متى نكذب ونمثل الابوه؟ بيان ماردت عليه وهي ترجف بين يدينه غازي:اذا انتي ماتبين انا اللي ابي وميت وابيك قرب لها وفتح عيونه:ميت وابيك بعدت عنه اول ماسمعت صوت السياره تدق وكأنه كانت بتنسرق بعدت عنه وصدت وضمت نفسها بيدينها اما غازي ظل يناظرها ولف للسياره مشى لها وقفل الصوت ولف لها يناظرها ركب السياره وخلى الباب مفتوح وبيان اخذت نفس ودقايق من وقته ومشت للسياره وركبت وقفل بابه غازي وحرك | ||||
|
| |
|
30-10-19, 02:38 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم السابع - سند حك جبينه بهوقه معقوله اللي سواه صح لف له راعي التاكسي:ليش سويت كذا؟ سند ناظره ولارد واشر له يحرك وقف عند البيت وناظر سيارة غازي واقفه نزل ومشى للملحق ودخل وقفل الباب جلس وعض شفته لو شافه مايدري شكان صار ولا يدري ليش سوا كذا ودق السياره وخلاها تصدر تحذير يمكن لانها استنجدت فيه وحس هالوقت مناسب عشان يتصرف تنهد وكل ما يتذكر اشكالهم يتوتر اكثر - بيان منسدحه بشكل افقي وضامه نفسها وتفكر بكل شي صار لها حرفياً ضايعه ولا تدري شتسوي كل اللي تفكر فيه انها مستحيل تعيش مع غازي كزوجه ولازم تزور ابوها وتسأله متى يطلع لفت من سمعت صوت الباب جلست وناظرت ام وليد معاها صينيه صدت عنها ورجعت على وضعها حطت الاكل ام وليد وجلست قدامها وبيان صاده بعيونها ولا تكلمت ام وليد:بيان ماردت عليها ولا ناظرتها ام وليد:بيان انا يمكن انفعلت وقليت ادبي معاك وتعديت حدودي بيان ناظرتها:يمكن؟ ام وليد تقدمت لها بهدوء:كله لمصلحتك والله تعرفيني انا من يوم جيت هالبيت وانا عادتك زي بنتي ومابي الا مصلحتك اخذت نفس ومسحت على شعرها:ما بتلقين احد يحبك كثره بيان؛مابي حبه هذا ام وليد:لا تعاندينه الرجال يمل بيان جلست وتاظرتها:خليه يمل فوزيه انا مابي مابي وافقت اتزوج عشان ابوي ما توقعت بيوم يفكر هالتفكير غازي عبالي طول عمري مع ابوي الثاني طلعت غلطانه ام وليد:لا نضحك على بعض مافي اب ثاني في الحياه اي رجل تجلس قدام عيونه بنت زي جمالك وما يلتفت لها يبقى اعمى بيان ناظرتها واخذت نفس:فوزيه ساعديني وطلعيني من هنا احتدت ملامحها بعضبيه:تبطين طلعه مافي واللي ما جا برضاك يجي غصب عنك بيان ناظرتها تقوم وتطلع من الغرفه ضغطت على يدها بقوه ورمت وجهها في المخده تصرخ - غازي وقف وهو يشرب شاهي ويفكر لف لام وليد:ما صحت؟ ام وليد:ماتبي تقوم والا سامعتني ادري فيها غازي نزل نظره للكوب وام وليد تقدمت له:عمي هي سفيه اذا بتمشي على كلامها ورضاها ما بتعيش لف ناظرها غازي وهمس:قولي لها اذا رجعت بنروح نزور ابوها ام وليد انصدمت:بتوديها لابوها؟ غازي هز راسه ومشى بيطلع ولحقته؛عمي لا تتهور وتكركب الامور اكثر غازي لف لها؛اذا ما راحت لابوها ما اقدر اراضيها ام وليد بلعت ريقها:براحتك مشى غازي وطلع وركب مع فزاع - سند وقف السياره ونزل دخل المستودع وتثاوب بتعب وكسل ناظر الكرسي الفاضي اللي عند البوابه وتذكرها يوم جلست هنا وقف وناظر الكرسي ومشى داخل لف له علي:لا تقعد اشتغل اليوم 5 شاحنات بتمشي من هنا سند ناظر العمال كلهم جالسين:لحالي بعبي الخمس؟ علي لف للعمال ووقفوا ومشوا لداخل وسند ناظر علي واستغرب نظراته وما اهتم ومشى معاهم - بيان بتوتر فركت يدها؛قولي له الحين بروح له ام وليد؛لا تتصلين فيه مشغول بيان ماودت ومشت لتليفون البيت وهي تدق عليه رجفت وهي تنتظره يرد غازي:هلا ام وليد بيان:غازي غازي وقف من سمع صوتها وهمس:هلا بيان؛جد بنروح لابوي؟ غازي:اي بيان ابتسمت براحه:زين متى؟ متى بنروح؟ غازي:لاجيت بيان؛لا تجي انا بجيك تكفى غازي غازي:وين تجين؟ بيان؛المستودع عشان مره وحده نروح من هناك غازي سكت ثواني واستوقفه كلمتها يوم كررتها:تكفى غازي اخذ نفس:طيب برسل لك فزاع بيان ابتسمت وقفلت السماعه وركضت لفوق تحت انظار ام وليد - سند قفل الشاحنه ولف يناظر الشاحنات الثانيه تافف بتعب وركع بتعب وهو ياخذ نفس سمع صوت سياره ولف يناظر فزاع وقف من شافها تنزل مسرعه وتركض لغازي استغرب والتفت يناظرهم بيان؛مطول طيب؟ غازي:لا اجلسي هنا لا تتحركين انا عندي كم شغله بيان هزت راسها ومشت بتجلس ناظرته يناظرها وقفت وناظرته واقف مشت للكرسي وجلست عليه سند تلفتت يناظر الشاحنات ويناظر غازي مشغول ومحد جنبه طلع في شاحنه وهي تناظره ورفع يده وناداها عقدت حواجبها وناظرت غازي وبلعت ريقها وقفت ومحد انتبه لها مشت بخطوات حذره وعينها على غازي رفعت يدها ومسكها سند وطلعها الشاحنه قفل الباب واظلمت الشاحنه وبيان رجفت بخوف سند تقدم شوي:قولي اللي تبين تقولينه قبل احد يحس بشي بيان بتوتر همست له؛مالقيت الا داخل شاحنه نتكلم؟ سند:هو انتي تقدرين تروحين مكان من دون غازي؟ بيان اخذت نفس:انا ابيك تروح معانا وتعرف ابوي متى يخرج من السجن؟ سند عقد حواجبه وهو مو شايف شي منها:طيب؟ بيان؛وابيك تعرف عنوان امي وتعطيني اياه سند جا بيتكلم وتشغلت الشاحنه جمد محله وبيان نشفت بخوف مشت الشاحنه وبيان بخوف تمسكت في الشاحنه؛تحركت ياويلي سند توتر وما يدري شيسوي وانصدم اول مادخل نور شمس للشاحنه وعرف انهم طلعوا من المستودع - غازي لف للشاحنه تتحرك ولف لعلي:كمل الاربعه الباقيه وانا مستعجل يروح علي هز راسه:ابشر ياعم لف غازي وجمد محله وهو يناظر كرسي بيان فاضي لف وناظر الشاحنه تطلع من المستودع وصرخ:وقفووووها ركض للسياره وشغلها يلحق الشاحنه عند سند وبيان جلست وناظرت سند واقف وانتبهت له من دخلت الشمس الشاحنه همست بخوف:شبنسوي؟ سند وهو واقف نزل نظره لها:ما ادري بيان بخوف تكلمت:وربي اليوم تصير مذبحه سند:لا ان شاء الله مو صاير شي لك بيان؛ما بيصير لي بيصير لك ناظرها سند وهي تناظره وظل واقف:عندك 5 دقايق تقدرين تشرحين لي كل شي؟ بيان؛اشرح ايش واحنا بين مكيفات وغازي لاحقنا؟ مهبول انت؟ سند اخذ نفس يهدي نفسه:احنا مقفوطين مقفوطين لذلك تكلمي على الاقل نستفيد من ذا كله بيان بلعت ريقها وصدت عنه بخوف جلس قدامها وناظرته بيان؛قولي لي كل شي بيان؛مافي شي ينقال انت بستاعدني ارجع لامي وابوي بس رفع حاجب سند؛ما اسوي شي وانا مو عارف القصه كامله ولا تنسين ان غازي له فضل علي وانا الحين عصيت امره والا! بيان ناظرته بهدوء وهو ظل يناظرها كان يناظر عيونها سند ويحس انها تتكلم وتسبق حروفها بيان:ابوي قتل واحد يقول انه كانت امي تخونه معاه سند ظل يسمع وهو يناظرها تتكلم بيان؛وانا ظليت بالحجز عندهم مالي احد امي هربت خايفه من ابوي يقتلها وابوي انسجن واهل الرجال ما تنازلوا عنه سند:وغازي؟ بيان ناظرته؛غازي طلب من ابوي يتزوجني بس عشان يرعاني بغياب ابوي سند:متى صار هذا كله؟ بيان؛من 4 سنوات سند رفع حاجبه:ومتى قال غازي ابوك بيطلع؟ بيان :كل ما سألته يقول قريب قريب اتوقع سنتين لان قال لي زمان ان 6 سنين بينسجن سند ضحك:5 سنين وهو قاتل واحد عمداً؟؟ من ضاحك عليك بيان لفت وناظرته بصدمه؛اجل؟ سند:ما ادري بس حتى اللي يسرق ما ينسجن 6 سنين بيان بلعت ريقها وسكتت لف وناظرها سند وهمس:بس بشوف لك انا بيان سمعت صوت بوري يدق ورا الشاحنه وناظرته بصدمه:غازي سند وقف وعض شفته بخوف وبيان مي قادره توقف على رجولها سند:وقفي واسمعي وش بقول لك - غازي يدق بوري بقوه وياشر لراعي الشاحنه ناظره السواق وهدا ووقف:امر ياعمي نزل غازي بسرعه ومشى له:افتح الشاحنه بسرعه نزل السواق وغازي وراه وفتح ابواب الشاحنه وعقد حواجبه غازي وهو يناظر بيان ضامه نفسها وتبكي همس:بيان؟ ناظرته ومشت بسرعه له وتمسكت فيه؛غازي غازي ناظر الشاحنه ورجع ناظرها:شطلعك؟ بيان وهي ترجف:غازي انا كنت اتفرج ودخلت بشوف وتقفلت علي غازي باستغراب:تشوفين ايش؟ بيان وهي متمسكه فيه؛غازي بغيت اموت خفت اموت ولا تقدر تجيني غازي مسح على شعرها وضمها لصدره؛وين اخليك انا خلاص اهدي بيان ناظرت الشاحنه بتوتر ومشت معاه للسياره فتح بها الباب وجلسها وناظرها:بتحكيني كل شي بس اهدي طيب؟ هزت راسها بيان وقفل الباب غازي واشر للسواق بيان ظلت تناظر الشاحنه والسواق يقفل ابوابها ركب غازي وحرك وهو يناظر بيان اللي هاديه - سند ناظر غازي وانشغاله ببيان ودخل مع الشباك اللي يفصل بين السواق والشاحنه من ورا وطلع من باب السواق وركض اختفت عن عيونه الشاحنه وسيارة غازي جلس بتعب وغمض عيونه وهو يتذكر كلامها عض شفته ووقف:لازم ارجع المستودع ركض في الشارع وهو يدور سياره تنقله - غازي وقف ولف لها؛شفيك بيان شفيك بيان ناظرته ورفعت كتوفها؛مافيني شي غازي:كيف مافيك شي وانتي هاربه ذاك اليوم والحين راكبه الشاحنه لف لها باستغراب:كأنك رجعت طفله شهالتصرفات؟ ماردت عليه بيان وهي تناظره غازي سكت ولف لجواله اللي يدق:هلا علي عقد حواجبه؛كيف يعني مو موجود؟ وين راح؟ لفت بيان له وبلعت ريقها بربكه غازي:خلاص انا قدام المستودع نازل لك قفل ولف لبيان:خليك بالسياره وتكفين لا تسوين شي بيان هزت راسها ونزل غازي مشى لعلي:وينه؟ علي:والله ما اعرف ياعمي دوروه العماب ما شافوه لف علي:هذا هو ياعم لف غازي وناظر سند اللي داخل من ورا المستودع:وين كنت؟ سند ناظره ببرود؛ورا باقي اخر شاحنه كنت ارتبها ناظر علي سند ورجع ناظر غازي غازي هز راسه ولف لعلي:تمام اجل انا رايح مشى غازي وسند مشى بيروح له علي مسكه من يده؛ادري انك كذاب وين كنت؟ سند؛اتوقع سمعتني مشى وتركه لحق غازي وناظرتهم بيان من السياره سند بتردد:عمي لف له غازي وناظره سند؛خل اوصلك انت باين تعبان غازي:لا مشوار صغير عادي سند؛عشان ارجع معاك لان فزاع مو موجود غازي تنهد وهز راسه مشى سند وركب ولفت له بيان بصدمه غازي فتح بابها ولفت له غازي:انزلي اركبي ورا سند بيودينا بيان نزلت وركبت ورا وجنبها غازي حرك سند ولف لغازي وتعمد النظره لبيان:على وين؟ بيان لفت لغازي اللي ناظرها؛بيان بنروح البيت بكر.. قاطعته باصرار؛انت وعدتني اليوم غازي تنهد:بس انتي تعبانه بيان:لا مافيني شي غازي صد وهو ضايع مابين رضا بيان والضغط اللي يحس فيه سند ناظر بيان من المرايه تناظر الشباك رجع ناظر الطريق وهو يحاول يطمنها بس ما التفت له اخذ نفس وسمع وصف غازي لين وقف عند المركز بيان ظلت تناظر المركز والسجن والعسكر اللي على بوابته وغازي نزل وهي ظلت في السياره نزل سند وفتح لها الباب وتقدم غازي يناظر المركز غمض عيونه بهدوء سند يطمنها وناظرته ونزلت لف غازي ومد يده:تعالي مشى سند وراهم وهو يناظرهم داخلين ناظر يدينهم ببعض ورجع ناظر المركز مشى غازي وبيان ماسكه يده وتناظر المركز بشعور غريب من زمان ما شافت ابوها وخايفه من كلام سند عن الحكم غازي:اجلسي هنا الحين اجيك دخل المكتب حق يوسف غازي وسند وقف عند كرسيها ناظر قدامه ومد يده لين لامست كتفها وهي جالسه رفعت نظرها وناظرت يده ناظرته يناظر قدامه رفعت يدها وحط في يدها ورقه وبعد عنها مسكت الورقه ونظرها على سند اللي غير مكانه وصار قدامها خبت الورقه من سمعت صوت غازي يوسف؛بشوف لك الحين واخذ اذن لكم ارتاح مشى يوسف وناظر سند باستغراب ومشى يشوف شغله وسند ناظر يوسف ورجع ناظر بيان اللي مخبيه الورقه ظلت تفكر بيان كيف تفتح الورقه وغازي جنبها رفعت يدها اللي فيها الورقه على فمها ولف لها غازي:بيان شفيك؟ بيان؛احسني بستفرغ غازي تلفتت:امشي تعالي تعالي هنا بيان مشت معاه لين الزباله وغازي واقف انحنت وفكت الورقه وقرتها برجفه "لا تخافين كل شي بينحل" رمت الورقه ورفعت ظهرها غازي:باقي تحسين باستفراغ؟ بيان:لا بس شكلي عشان الشاحنه تعبت غازي:تعالي اجل اجلسي جلست وناظرت سند وغازي ناظر يوسف:تعال استاذ غازي وقف غازي ومشت معاه بيان وسند ماشي وراهم دخلوا من بوابه حديد قدامهم زنزانات بلعت ريقها بربكه بيان وتمسكت بذراع غازي جلسهم في غرفه صغيره ولف لسند وهمس له:شعندك معاهم؟ سند مارد عليه وهو يناظرهم من بعيد سحبه يوسف وطلعه؛سند شفيك؟ سند:اصبر اصبر وقف من بعيد وناظر رجال يدخل عليهم مكلبشين يده بيان من ناظرته رجف فكها ويدينها اللي متمسكه بذراع غازي ابتسم لها وهمس:بيان بنتي بكت ووقفت له بسرعه وحظنته وهو رفع يدينه المكلبشه وغمض عيونه تمسكت فيه وهي تحاول تدخل في ضلوعه وتتخبى في احضانه بعد عنها وهي متمسكه فيه:خليني اشوف وجهك بعدها ومسح دموعها وجلس وجلست جنبه وابتسم لها:طولت علي غازي ظل يناظرهم وساكت وهادي خلف:بيان شلونك يا بنتي طيبه؟ بيان ماردت بحرف وهي تناظره ودموعها في عيونها خلف ابتسم ولف لغازي:شلونك غازي؟ شلونك ياخوي؟ غازي:حالي يسرك وحال بيان بعد لا تخاف عليها لف خلف لبيان:ليتها تتكلم بدال الدموع - سند يناظرهم وواقف ويوسف وراه مو فاهم شي لف ليوسف واخذ نفس:هلا يوسف يوسف:لا يا شيخ شجابك؟ سند؛وصلت غازي انا يوسف همس:شعلك سواق؟ سند اخذ نفس ورجع يناظرهم يوسف:سند والله وراك شي شجابك؟ سند لف له:ذا ابو البنت كم له هنا؟ يوسف؛خلف؟ 4 سنوات سند مشى وسحب يوسف لبعيد:وحكمه؟ يوسف بلع ريقه:شتبي تسأل؟ سند:اخلص يوسف هو قاتل عمد كم الديه؟ يوسف:30 مليون سند بلع ريقه بخوف وهمس:ومتى سكت وما قدر يكمل يوسف اخذ نفس:اعدامه قرب والديه ما اندفع منها شي واهل الميت ما تنازلوا سند بصدمه جلس على اقرب كرسي ويوسف يناظره سند:يعني اعدام؟ قصاص؟ يوسف بهدوء:وزي مو شايف بنته ما تدري وغازي ملزم ما تدري سند رفع راسه:تستهبل ابوها بيقصونه ولا تدري؟ ليش مو بنته؟ يوسف:خلاص سند الله يستر عليهم لا تدخل نفسك بمشاكل مع غازي خلك بعيد عنه سند؛انا بعيد عنه لف وناظر بيان وبداخله"بس قريب منها" - بيان في السياره تكت براسها على الشباك وساهيه وبين لحظه ولحظه تمسح دموعها ناظرها غازي وهمس:بيان ماردت عليه وهي تناظر الشارع وقف سند اشاره وغازي مد يده لبيان وسحبها لحظنه حطت راسها بيان وهي هاديه ناظرت سند يناظرهم مع المرايه وعقدت حواجبها بنظره فهمها من شافها وكأنه تستنجد فيه وتحاول تقوله ينقذها دقوا بواري وحرك وعينه على الطريق وقف عند البيت ونزلت بيان وغازي ماسكها وسند ظل بالسياره رجع راسه على ورا كيف يعطيها خبر ان ابوها اعدام وان مالها منقذ من غازي كيف يحل لغزها ويفك اسرها نزل راسه وناظر البيت ونزل مشى للملحق وفتحه ودخل وقفل الباب جلس على الكنبه وحط المفتاح على الطاوله وكل ما يتذكر شكل ابوها وهو يطمنها انه بيخرج يحس بطعون وسكاكين بصدره ليش يضحكون عليها ويوهمونها بخروجه ليش يعطونها امل مستحيل انه يتحقق - بيان منسدحه على السرير وتبكي من دون صوت وغازي جالس جنبها وام وليد واقفه وتناظرها غازي:ليش تبكين انتي الحين؟ شفت ابوك ومافيه الا العافيه بيان ماردت عليه وهي تمسح دموعها غازي اخذ نفس وقرب لها وبعدت بسرعه وناظرته استغرب وناظرها:شفيك؟ بيان:لا تقرب مني غازي ناظرها وام وليد تنحنحت:شفيك بيان كنه اول مره يلمسك والا يلمك؟طول عمرك مكانك بحظنه بيان لفت لها:مالك دخل انتي غازي:بيان لفت تناظره وتكلم بحده:لا تكلمينها كذا بيان رفعت حواجبها؛والله؟ على اساس ما ادري انا عن اللي يدور ببالك وبالها غازي ساكت ويسمعها وقفت بيان:غازي انا ماني زوجتك ولا بصير انا بنتظر ابوي يخرج وبعدها كل واحد يروح بطريق غازي ابتسم ابتسامه هاديه؛والله؟ ومتى بيطلع ابوك؟ بيان بلعت ريقها؛قريب غازي هز راسه ووقف:اذا طلع يصير خير وقتها بيان ناظرته طالع وتكلمت:افضل اننا نكون كذا غازي مارد وطلع برا الغرفه ناظرتها ام وليد بحده وطلعت من الغرفه جلست على السرير وهي تمسح دموعها خافت من ابتسامة غازي وسؤاله عن موعد خروج ابوها وقفت ومشت للبلكونه ناظرت الملحق وهي تنتظره يطلع | ||||
|
| |
|
30-10-19, 02:39 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الثامن - سند جالس ويهز رجوله لف وناظر الشباك ووقف له ناظر الحوش فاضي وتنهد غمض عيونه ثواني وهو يفكر مشى وفتح باب الملحق ومن ناظر البلكونه حصلها بلع ريقه اول ما فزت وناظرته وهي تنتظر جواب صد بعيونه بسرعه ومشى للسياره وبيان عقدت حواجبها وهي تناظره يركب السياره حرك ولا ناظر فيها ابد بلعت ريقها بربكه ولفت تناظر غرفتها باستغراب لاول مره تطيح عينها بعينه ويصد عنها ليش هالمره تصدد عنها معناته في شي صاير - عند سند وهو يمشي بالسياره ويفكر بضياع ما حصل الا رقم يوسف قدامه ودق عليه وقف السياره اول مارد عليه:هلا سند سند بهدوء:هلا يوسف يوسف:فيك شي؟ سند:لا يوسف:اجل شفيك داق؟ سند اخذ نفس:يوسف انا بقولك سالفه بس تكفى افهمها من كل الجهتين يوسف اخذ نفس:كنت حاس ان وراك شي اخلص قول سند بلع ريقه:يوسف البنت استنجدت فيني وانا ماقدرت اردها يوسف رفع حاجب:من؟ زوجة غازي؟ سند هز راسه:اي يوسف عقد حواجبه:شتبي استنجدت فيك؟ سند رفع كتوفه؛ما ادري مافهمت انا منها الا انها تبي ابوها وامها يوسف:عادي طيب سند:وش عادي تستهبل؟ ما قالت كذا الا انها في مصيبه عند غازي معناته انها ما تبيه يوسف:وانت شعليك؟ خلهم يصطفلون سند بحده؛يوسف وش وش عليك اقولك طلبت مني اساعدها وانا..انا من عرفت ان ابوها قصاص ما ادري شلون اقولها يوسف عقد حواجبه:وهو بينكم قول؟ سند ابعد عنها لا تتورط مع غازي سند؛مابيننا كلام بيننا مكاتبب يوسف ضحك بسخريه:لا والله مكاتيب وترسلها بطير زاجل والا شلون؟ سند من سمع ضحكته عصب:الشرهه علي انا داق عليك يوسف؛لان موضوعك غبي من الاساس وكبير لا يوديك غبائك بمكان ما جيت وانت تعرف من وين خرجك غازي سند مارد وقفل جواله ورماه جنبه وناظر الشارع قدامه متردد يكلمها ولا يدري كيف يقولها يخفي عنها ويتجاهلها والا يورط نفسه ويدخل بينها وبين غازي وهو متأكد انه ما بيربح وبيخسر كل شي - بيان جالسه في البلكونه وتنتظره يرجع الا تبي تعرف سبب تجاهله ناظرت السياره ووقف وناظرته يقفلها وعينه عليها بلعت ريقها ولفت فتحت دفترها وكتبت فيه تحت انظاره من السياره نزل وناظرها ترمي الورقه عند رجوله بلع ريقه وناظرها وعدى الورقه ومشى للملحق انصدمت وظلت تناظره داخل حست بالشتات بعد ما حست بالامل وانه بيساعدها يمر من جنبها ويتجاهلها وهي مستنجده فيه!! دخل الملحق وتكى على الباب وغمض عيونه اخذ نفس وانتظر دقايق وطلع ناظر البلكونه فاضيه وركض للورقه اخذها وفتحها وقراها "عطني الامل خل الامل منك تذكار" ظل يناظر الكلام لف وناظر البلكونه فاضيه مشى لباب البيت ودقه والورقه بيده هالمره بيوقف معاها وما بيخاف من شي فتحت الباب ام وليد وعقدت حواجبها:هلا؟ سند؛نادي لي بيان عقدت حواجبها اكثر وناظرته وناظرت وقفته واثق ويتكلم بجديه ويناظرها بهدوء ام وليد؛بيان؟ وقف غازي من سمع صوته واستغرب ووقف مشى ووقف ورا ام وليد:شتبي؟ بلع ريقه سند وتكلم بجديه:ابي بيان رفع نظره سند وناظرها تمشي باتجاههم مستغربه سند؛هذا هي؟ غازي:اي درينا انها هي شتبي فيها؟ سند ناظرها :في غرض بالسياره لها غازي عقد حواجبه؛طيب؟ سند؛تجي تاخذه غازي جا بيتكلم وتقدمت بيان وهي تخبي بجيبها سماعتها:سماعتي سند ناظرها وبيان هزت راسها:مو؟ سند هز راسه ومشت بيان مسك يدها غازي؛وين وين؟ خليه هو يجيبها بيان ناظرته:شفيك ما بهرب السياره بالحوش مشت وطنشته وسند ناظرهم ومشى وراها مشت بيان وفتحت باب السياره وناظرت الورقه اخذتها وخبتها بسرعه وطلعت سماعتها من جيبها ابتسمت براحه بيان ونزلت من السياره قفل الباب سند وابتسم ومشت بيان لداخل وغازي واقف ويناظرهم رفعت سماعتها له ودخلت وطلعت لفوق على طول قفلت الباب بسرعه وفتحت الورقه بحماس "على وعدي ووعدي ما خاب بس لازم نتكلم وجهاً لوجه" ابتسمت براحه وحطت الورقه على صدرها كان على بالها انه تخلى عنها وهي حاطه امالها كلها عليه اخذت نفس ومشت لسريرها جلست وهي تفكر في مكان تقدر تقابله وتتكلم معاه وتفهم كل شي منه - سند قفل السياره وناظر غازي ومشى للملحق ودخل داخل اخذ نفس براحه ونزل عينه للورقه بيده ابتسم من تذكر ابتسامتها وهي تاخذ الورقه دخل داخل وجلس على الكنبه وهو يفكر - صباح يوم جديد سند يشتغل وهو ساكت وباله مشغول وقف وناظر العمال متجمعين عليه عقد حواجبه وناظر علي واقف وراه ناظره ورفع حاجب:هلا؟ علي:اللعبه اللي بتلعبها على عمي غازي بنهيها انا سند ضحك شوي وناظره:مافهمت علي هز راسه وتقدم له اكثر:عمي ما بيدري عن شي وعن اللي يدور ببالك بس انا بعطيك درس عشان تبطل عيونك تحوم على شي مو لك تجمعوا عليه وضربوه وطاح على الارض وهو يتألم ضربوه وقت طويل وهو طايح على الارض مو قادر يسوي شي علي نزل له وناظره يتألم؛بيان زوجة عمي غازي لا تحلم بشي بعيد عنك سند تكلم بتعب:ما حلمت فيها اصلاً علي ضحك :احسن لك تسكت عشان ما اتعبك اكثر وقف ومشى تاركه والعمال مشوا كح سند دم وغمض عيونه بتعب مر وقت طويل وهو على حاله لين تشجع ووقف بصعوبه مسك بطنه ومشى بترنح خارج من المستودع ركب السياره ونزل راسه بألم ناظر وجهه بالمرايه وعقد حواجبه من الكدمات اللي بوجهه شغل السياره ويده على بطنه حرك وهو يحاول ينتبه بالطريق ويركز وقف عند بيت امه الملجأ الوحيد له حط راسه على الدريكسون ولا قدر يتحرك يوسف كان راجع من دوامه ومن ناظر سيارته مشى بسرعه له فتح الباب وحركه:سند؟ سند ناظره بألم ويوسف انصعق:من سوا فيك كذا؟ سند مارد عليه وهومغمض عيونه يوسف تافف:لا حول ولا قوة الا بالله قلت لك علمتك امش امش وحكني داخل نزل سند وهو متكي على يوسف دخله يوسف ومشت له وداد بخوف:بسم الله وش صاير له؟ ناظرته افنان وبلعت ريقها ولا تحركت سند ابتسم من ناظرها بين ترنحه:جيت ادور دواي عند امي يوسف هز راسه باسف وجلسه:اجلس اجلس بس رجع راسه على ورا سند وافنان محلها تناظره يوسف مشى واخذ اسعافات اوليه ووداد جابت ثلج ووقفت قدامه:من سوا فيك كذا؟ سند مارد ويوسف تكلم:عناده سوا فيه كذا وداد:وش السالفه ؟ يوسف:بعدين بعدين امي مسح جبين سند وسند مغمض عيونه وساكت جلس جنبه يوسف وافنان تناظره تكلمت بعد هدوءهم:ماتغيرت فتح عيونه سند وناظرها افنان:وجايني تدور رضاي وانت باقي بطيشك ياما جيت وانت مضروب وابوك ما نام الليل خايف عليك وانت للحين ما تغيرت وقفت وناظرته بحده:ما اثر عليك موت ابوك؟ جلس سند بتعب وناظرها:وانتي ما اثر عليك حنانك؟ افنان؛مابي اشوفك مشت ودخلت غرفتها وسند يناظرها وداد تنهدت؛لا حول ولا قوة الا بالله يوسف لف وناظر سند سند ناظره ونزل راسه:خلاص برجع وقف ووقف يوسف:وين تروح لا تدوخ وانت تسوق سند ناظره؛محد يهمه اذا امي ماهمها من بيهم تنهد يوسف ولحقه:خلني انا اوصلك طيب سند هز راسه بالنفي وخرج مشى لسيارته وركب ويوسف قفل الباب وتنهد حرك سند ولا درى عن الام دو القلب الكبير اللي تطل عليه من شباكها وعدت نفسها واوهمت نفسها انها ما تشوفه بس قلب الام وحنانها اكبر من وعود تنوعد - بيان تاففت وهي تفكر وتدور بغرفتها ما حصلت الا مكان واحد بس احتمال كبير انها تنكشف جازفت ومشت للبلكونه عقدت حواجبها ما حصلت السياره مع انه المفروض يرجع من دوامه انتظرت وهي تهز رجلها وناظرت سيارته وابتسمت نزل من السياره واختفت ابتسامتها من ناظرته يعرج بلعت ريقها بخوف وتقدمت اكثر وهمست؛سند مشى سند وعينه بالارض وماسك بطنه ويفكر بكلام امه وعنادها وصدها عنه تنهد ورفع راسه وناظرها تناظره بخوف ابتسم ورفع يده بضحكه على انه سليم عقدت حواجبها واشرت له على وجهها بمعنى اش صار لوجهك ؟ هز راسه بولاشي ومشى للملحق وهي تناظره دخل وقفل الباب وهي ظلت تفكر بخوف معقوله غازي عرف بشي وهو اللي سوا فيه كذا لفت بسرعه وفزت من سمعت اسمها على لسانه دخل البلكونه غازي وعقد حواجبه؛شفيك خفت؟ بيان؛كنت سرحانه غازي:انزلي كلي بيان هزت راسها ومشت من جنبه وطلعت وغازي مشى وراها وهو يراقبها تنهد بهدوء وسمعته بيان وبلعت ريقها وهي تتذكر كلمة ام وليد بان الرجال مالهم صبر وطولة بال جلست على الكرسي وتناظر الطاوله حطت الاكل ام وليد وشمقت عليها ومشت ناظرتها بيان وصدت للاكل غازي تكلم بهدوء:اعتذري لها رفعت نظرها بيان:نعم؟ لمين؟ غازي:لام وليد بيان؛ماغلطت عشان اعتذر غازي:لا غلطت كيف مالها دخل؟ بيان؛لان جد مالها دخل غازي:ام وليد لها دخل بكل شي وانا اامن منها ولا ا سكت ورفعت حاجبها بيان؛كمل ولا اامن منك انتي صح؟ غازي سكت ولارد بيان:خلاص تزوجها واعتقني انا غازي ناظرها بصدمه؛بيان انتي من لاعب بمخك وش غيرك؟وش بلاك؟ بيان؛ما بلاني ربي بشي انا بس ما قدرت اتجاهل اللي انقال لي غازي:اللي انقال لك الصدق انا زوجك والحياه هذي مافي اي احد يستحملها بيان ببرود:واللي ما يستحمل يطلق ويفتك قام بسرعه البرق غازي ورفعها من رقبتها وطاح كرسيه انصدمت وهي تناظره يناظرها بغضب وشاد على يدها غازي تكلم بين سنونه؛لا تجيبين طاري الطلاق لانه حلم ابليس بالجنه بيان دفت يده وصرخت بوجهه؛تسألني انا اللي تغيرت! انت اللي تغيرت وراح حنانك اللي كنت معيشني فيه اول بالاصح شيبت وصرت ما تتحملني غازي صفقها كف وطاح على الطاوله بيان انكسر الصحن اللي كان فيه اكله وطاحت بوجهها فيه خرجت ام وليد بخوف وناظرتهم رفعت راسها بيان بعيون مدمعه وشعرها ونص وجهها مليان اكل ودم خفيف ينزف من حاجبها ناظرت فيه وهزت راسها ومشت بسرعه لفوق غازي ناظر محلها والصحن المكسور وبلع ريقه ام وليد تقدمت له وهمست:ضربتها؟ يامصيبتي مشى بسرعه غازي وخرج من البيت قفل الباب بقوه ومشى للسياره تذكر المفتاح ومشى لسند فتح الباب عليه وفز سند يناظره غازي بدون ما ينتبه لوجهه رفع يده:المفتاح مده له صند باستغراب ومشى بسرعه غازي تارك الباب مفتوح وحرك بسرعه وسند عقد حواجبه وقف بخوف وقلق - بيان تغسل وجهها وتبكي بدون صوت ناظرت وجهها بالمرايه وبكت اكثر غمضت عيونها ورفعت شعرها المبلول عن وجهها اخذت نفس وناظرت انعكاس ام وليد بالمرايه همست؛اطلعي برا ظلت تناظرها بخوف ام وليد لفت وصرخت في وجهها؛اطلعععي طلعت ام وليد وجلست بيان عند المغسله وبكت وهي تشهق ماعمره مد يده عليها والحين تغير ومتأكده ان ام وليد لها دخل في تغيره وقفت واخذت منشفه ومشت للسرير كل ما تنخذل تلقاها تكتب مكاتيب له وتستنجد فيه كتبت ورقه وطلعت البلكونه ناظرت السياره ولا حصلتها معقوله اخذه غازي جلست وبيدها الورقه ناظرت لمبة الملحق تنقفل وقفت وهي تدور شي دخلت غرفتها وحصلت الريموت قدامها مشت للبلكونه ورمت الريموت وكسر شباكه عضت شفتها بصدمه وهي تنتظره فز سند وناظر الشباك مكسور:لا اليوم انا مقتول وقف وناظر الشباك طلع وناظرها في البلكونه ناظر الشباك واشر لها رمت له الورقه وتنهد وهز راسه واخذها قراها وناظرها وهز راسه اشرت له "الحين" ضرب جبينه ولف واشر على مكان السياره يحذرها هزت راسها بالنفس ورفعت كفوفها تترجاه اخذ نفس وبتعب هز راسه دخلت داخل غرفتها بسرعه واخذت دفترها ومشت برا الغرفه قفلت لمبات الغرفه وركضت بشويش وبخوف طلعت مع الدرج للسطح ودخلت قفلت الباب وجلست وهي تاخذ نفس تهدي نفس انتظرت وسرحت وهي تتذكر غازي | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
