ماعاد يمديني : أرد أعتباري !

[شعور_]

-

خان أشتياقي رغبتي ياهوى البال !
... ... ... ... وصرت أبتعد لكن؟ عليك .. آتلفت


شعور

[شعور_]

-

خافوا الله ! من دعاء المسلمين
... ... ... ... وارحموا ..! يرحمكم الله في سماه

ما بقى فينا من الغصه أنين
... ... ... ... ومن ظلم ؟ يأخذ بهالدنيا : جزاه !

عاجزه أنفاس صدري تستكين
... ... ... ... والحزن غطى على صوتي : صداه


شعور

[شعور_]

-

ينقدون الطيب؟! والطيٌب يعيش ..
... ... ... ... بعد موته في ربوع الذاكره ،

قدم الحاجه ولا تسأل لإيش ..!
... ... ... ... يكفي انها عند ربي عامره

شعور

[شعور_]

-

كن العمر وقف على ليل فرقاه!
... ... ... ... وكن العيون امن الدموع استراحت

بالضبط كانت : سبعه شهور وياه
... ... ... ... احلى شهورٍ في حياتي ؟! و.. راحت



شعور

[شعور_]

-

الشوق لـ يدين القوافي خذاني
... ... ... ... وانا لو انه في يدي؟ ما تكلمت

حبك على مبدأ الطويله حداني
... ... ... ... ولا فادني صبري ! كثر ما تحملت

بهديك شطرٍ ما يفارق لساني :
... ... ... ... ( لو ما تخون الذاكره؟ ما تسللت)




اللي بين قوسين شطر للشاعر :
متعب التركي



شعور

[شعور_]

-



( يسعد مساكم )



المساء اليوم بأبهى حلته . .
... ... ... ... والسماء بنتٍ تحلت بالخجل

امتزج لون البياض بحمرته
... ... ... ... قلت أمسي قبل لايرحل عجل!



شعور

[شعور_]

-


ريم : وش أقول؟ وكيف أوفي ممنونه اكثر من ماتتخيلين
لوجودج جنبي



منك الوصل دايم يغذي شعوري !
... ... ... ... ولا أظن منك؟ في طهر قلبك أثنين ،

دايم حضورك من دواعي سروري
... ... ... ... وانتي محلك : قلبٍ و روحٍ و.. عين

يا ريم كيف أشكر وصالك بـ دوري !
... ... ... ... ياللي انولدتي عام سبعه وتسعين

أصبح وجودك في حياتي ضروري
... ... ... ... شكراً لانك دايم الدوم :- تـآتيــن



لقلبج

شعور

[شعور_]

-

يا يبه فيك الشعر مفغور فاه !
... ... ... ... مال حبك في سما عمري حدود

ابتسامه وجهك لـ قلبي حياه
... ... ... ... جعل عمرك عن عمر بنتك يزود

لا رضيت؟ فـ محد آدور رضاه
... ... ... ... جعل تبطي يابعدهم في الوجود



شعور

[Reem1997]

المشاركة الأصلية كتبت بواسطة شعور_

-


ريم : وش أقول؟ وكيف أوفي ممنونه اكثر من ماتتخيلين
لوجودج جنبي



منك الوصل دايم يغذي شعوري !
... ... ... ... ولا أظن منك؟ في طهر قلبك أثنين ،

دايم حضورك من دواعي سروري
... ... ... ... وانتي محلك : قلبٍ و روحٍ و.. عين

يا ريم كيف أشكر وصالك بـ دوري !
... ... ... ... ياللي انولدتي عام سبعه وتسعين

أصبح وجودك في حياتي ضروري
... ... ... ... شكراً لانك دايم الدوم :- تـآتيــن



لقلبج

شعور

هههههه شكرا لك من القلب والله اسعدتيني الله يسعدك دنيا وآخرة ❤❤❤❤❤
كلماتك اعتز بها جدا 🌹🌹

[شعور_]

المشاركة الأصلية كتبت بواسطة reem1997

هههههه شكرا لك من القلب والله اسعدتيني الله يسعدك دنيا وآخرة ❤❤❤❤❤
كلماتك اعتز بها جدا 🌹🌹

قليل بحقج يا جميلة وعسى السعادة ماتغيب
عنج ، لاعدمتج حبيبتي


-



مشاركة :

تنبيك عن حزن العيون ابتسامه !
... ... ... في باسها تشبه : مُودع يوصيك

لك شاعرٍ زعٌزع بـ بعدك سلامه
... ... ... ولا لقى لك فالبشر من يضاهيك


شعور