آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-09-18, 10:50 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لعنتي اني اشبهها / للكاتبة الارز ، فلسطينية مكتملة
التعديل الأخير تم بواسطة لامارا ; 24-03-19 الساعة 03:17 PM | |||||||||||||
|  |
|
17-09-18, 10:52 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية https://up.top4top.net/downloadf-1178blxez1-docx.html بسم الله الرحمن الرحيم السلام عليكم ورحمة الله وبركاته لعنتي اني اشبهها انا أرز فتاة في مقتبل العمر هه من المفترض انني في مقتبل العمر...؟؟ بدأت معاناتي منذ صغري منذ ان خلقت اشبهها نعم جميع الفتيات يفرحن انهن شبه امهاتهن الا انا هذه كانت نقمتي او بالاصح لعنتي ... اشبه شخص يدعى امي ولكن للأسف لم اشعر قط بمعنى كلمة امي ولم اشعر بحنانها ولا ادري عنها شيئا غير اني نسخة عنها وبذلك خلقت اشبهها وبقيت تلاحقني ملامحها فعشت بلعنة وهي اني اشبهها.... سأترككم الان مع قصتي قصة أرز....  التعديل الأخير تم بواسطة فيتامين سي ; 24-03-19 الساعة 04:13 PM | ||||
|
| |
|
17-09-18, 10:53 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (لبارت الاول) >>>>الفصل الاول <<<< مقدمة واقفة على الجسر والهوا يطير بشعرها الطويل..... عيونها كلها دموع نازلة شلالات على خدودها .... منزلة راسها تراقب السيارات الكثيرة وهي تمر من تحتها تبكي بحرقة والم تصرخ وتقول :يخوووووووي لييييش لييييش رحت وخليتني لييييييش......؟؟؟ رفعت راسها لفوق وكملت بصراخ:بس كاااافي خلااااص ما عاد اقدر اتحمل بعدك اكثر خلاااااص...... كملت بصوت هامس وكله بكا:اذا كنت انت مستحيل ترد لي انا بروح لك.......؟؟؟ اخوووووي حبيبي انا جاية لك اشتقت لك حييييل مو قادرة اعيش بدونك اكثر... كملت وهي تصررررخ وتبكي بقهههر وحسسسرة من جوا قلبها :انا خلاااااااص تعبت من كل شي.... تكلم نفسها ودموعها مغرقة وجهها وصوتها نبح من كثر الصياح:انا اصلا كذا كذا حياتي قصيرة وبموت قريب,.. بس الي بعمله اني بختصر على نفسي عذااااب..... يااارب سامحني يااارب تعبببت والله تعببببببت.....!! غمضت عيونها خذت نفس وحبسته مدت رجلها وهي معلقة بالهوا تبي ترمي نفسها,....!! فجأة سمعت احد ينادي بصوت عالي وصراخ لاااااا تكفييين لا ترمين نفسك, ..... فتحت عيونها بسرعة لفت وجهها لجهة الصوت... نصعقت نصدمت مو مصدقة الي تشوفه عيونها .....؟؟!!!!!!! لكن للاسف فقدت توازنها و زلقت رجلها وطاحت وهي تصارخ ااااااااااه...... والشخص الي ناداها ماد يده ويصارخ لاااا..... ركض لها بسسرعة مد يده بفى يمسكها لكن زلقت يدها منه صرخ لاااااااااا ونزلت منه دمعه......؟!!!! ************* >>>>البداية<<<< صحت من النوم فتحت عيونها البنفسجية الوسيعة الجميلة المايلة الى رمادي ... كانت الساعة 6 الصبح أرز وهي تتأفف :اووووف ياربيي وانا ايش الي مقعدني هالحزة واحنا بأجازة شنو هالحالة هاذي..(-_-)..؟!؟ رجعت غمضت عيونها تحاول تنام وهي تتقلب بالفراش مرة تغطي وجهها مرة تحط المخدة فوق راسها فضلت كذاا لين مرت نص ساعة من المحاولات الفاشلة فقررت بالنهاية انها تقوم لان راسها صدع من كثر ما حاولت تنام .... قامت راحت خذت لها شاور تنعنش وبعد ما خلصت نزلت للصالة نادت على الخدامة تساوي لها نسكافيه عشان يروق راسها شوية... دقت على اغلى انسانة عندها واهي بنت عمها نسيم... أرز واهي تدق ويرن الهاتف تنتظر الرد ويرن ويرن بس ما احد رد سكرت التلفون وقالت:اوووووف اكيد نايمة ... حست انها متغاظة هي صاحية وهذيك نايمة حبت تعمل حركة نذالة خصوصا انها تعرف كم نسيم تحب النووووم وهو عندها شي مقدس... فرجعت دقت عليها مرة وثنتين وثلاثة لييين جالها صوت كله نوم نسيم: الوو.... أرز ببأتسامة شريرة وهي ترفع حاجب :الوووو صح النووووم هع هع.... نسيم كشرت منزعجة من أرز الي اقلقت نومها :أرز وبعدين عاد مو حالة هاذي كل مرة تدقين تزعجيني خلاص اتركيني اتهنى بالنومة مو كل مرة تساوين نفس الحركة اووووف.... أرز تبي تستفزها: والله قلت مو عدل انا اصحى هالحزة وانتي تبقين نايمة... قلت لاااازم صديقتي وبنت عمي تصحى معاي ولا مسمية علي صديقة بالاسم بسسسسس.. نسيم بنرفزة: اقوووول بلاش استهبال بس.... تراني مورايقة لك خلاص روحي بكلمك بعدين ان صحيت ... وسكرت الخط من غير ما تسمع رد أرز...!! أرز بغيظ ونرفزة: شوووف الخايسة تقفل بوجهي والله لاراويك يا نسيم حسابك عندي اصبري بس.. أرز بعد ما قفلت من نسيم كانت قاعدة وملانة فقررت تروح لمكانها المفضل>>>>>>>> جالسة بالحديقة تتأمل الشجر والورد المقصوص ومرتب بشكل حلو وجميل والي تقريبا حفظت شكلهم من كثر ما تقعد هناك بس ما تمل ابد بتجلس فيها لساعات.... تحب هالقعدة تحس في شي يربطها فيها جالسة تدندن وتشرب من النسكافيه........ بعد ساعتين تقريبا من جلسة التأمل قررت تدخل داخل لانها حست بالجوع وتبي تاكل كان وقت الفطور... في الداخل وتحديدا في الصالة عند السفرة ..... جالس على المائدة يحس بوحده وحزن وهو يناظر على الكراسي فاظية ما في غير اهو قاعد يتروق لوحده.. في هاذي اللحظة دخلت أرز وشافت ابوها وملامحه كلها حزن.... حزنت عليه وهو كذا كانت مترددة تروح له تتروق معاه ولا لا ..؟؟ فضلت خمس دقايق تفكر وبعدهها تشجعت وقررت تروح...!! أرز بتردد وبهمس:صباح الخير يبا... ابتسم شبه ابتسامة وسرعان ما اختفت لما رفع راسه وناظرها.. كشر بوجهها ونظر لها نظرات اهي تكرها من قلللب... ورد ناظر الصحن الي قدامه من غير نفس : صباح النور.. أرز حز بنفسها طريقته الي دوم معاها كذا..! قالت بأبتسامة يادوب باينة: تسمحلي افطر معاك...؟! قام من غير ما يطالعها قال: انا تأخرت لازم اروح الشركة اتروقي لوحدك.....؟! هنااا ارز حست بحزن كبييير وغصة الدموع ابتدت تتجمع بعيونها وقالت :لييه يعاملني كذاا يااارب والله ملييت...؟؟ نزلت دمعة تجر وراها دموووع كثيرة.... تذكرت اخوها بكت بزيادة من بين شهقاتها ودموعها وصوتها المخنوق: اهو الوحيد الي كان يخفف عني قسوتك وجفاك يبا ....اهو الوحيد الي كان يفهمني. ويحسسني بحنان الابو الي افتقده.... اااه بس وينهووو الحين وييييينهو...؟؟ ااااااااخخخ يخوووي.... وضمت نفسها عالكرسي غرقت بعالم الدموع والاحزان االي صار اخر فترة عالمها الوحيد ... وهي تبكي وغارقة بدموعها رن منبه تذكيري على شكل ساعة بيدها ناظرت له واهو يرن ابتسمت بسخرية وطفته.... بغت تطنش بس بالاخر قررت تقوم تاخذ علاجها لانها ما تبي تبلش ابوها معاها هو خلقة قاسي ما ودها تزيد الوضع سوء اكثر من كذا.... قامت صعدت لغرفتها وخذت حبة الدوا نسدحت عالسرير وماهي الا دقايق وراحت بعاشر نومة... <<<< نهاية الفصل >>>> في انتظار تعليقاتكم | ||||
|
| |
|
17-09-18, 11:05 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| >>> الفصل الثاني<<<< في قصر ابو سام>>>>> وفاء وهي صاعدة الدرج منرفزة من بنتها الغير مسؤولة فتحت الباب وهي تصارخ على نسيم لانها نايمة لهالوقت: نسييييييم قوووومي مالت عليك...... قومي علة الي تعلك فيه احد ينام للحين قوووومي . نسيم بنعس ومفتحة عين ومغمضة الثانية:هممم يمااا والي يسلمك خليني نايمة ليش اقوم ما في وراي شي وانا مجازة ما وراي حاجة اساويها ليش اقوم..؟؟ وفاء بعصبية: انتي تبين تنقطيني يا هالبنت...؟؟ اقول قومي راح يأذن العصر يلاااااا..... راحت لها كشفت عنها الغطا طفت المكيف وقالت: اتعلمي من اختك السنع اهي قايمة من الصباح مو مثلك يا خم النوم قوميييييي .... نسيم بتذمر ونرفزة تجلس عالسرير: قمت قمت.... شنو هالبيت الي ما يعرف الواحد ينام فيه براحة هففففففف.... وفاء: لا يكثر ويلا الحقيني تحت... وقت الغدا الحين بيجي ابوك واخوانك يبون ياكلون تعالي ساعديني بدل ما انتي ما منك فايدة خلنا نستفيد منك بشي. نسيم متذمرة : مش تقولين ريماس قايمة من الصبح ليه ما ساعدتك اهي ....؟؟؟ وبعدين الخدم لشو هنا ابي افهم انا ولا جايبينهم ندفع لهم عشان نخدم معاهم بعد...؟؟ وفاء بنرفزة: اقوووول قومي دام النفس عليك طيبة ... بعدين انا حرة كيفي احب احضر الاكل والسفرة بنفسي ما الك شغل وولا تخليني اراويك الوجه الشين الحين...؟؟ بعدين ريماس ساعدتني بتجهيز الغدا وانت حضرتك نايمة يلا خلصيني اجهزي والحقيني مو فاضيه لك..... تركتها عشان تتجهز وتلحقها ونزلت . نسيم بتملل: اوووففف ياربي امرها غريب عجيب .....!!عندها كل هالخدم وتحب اتعب نفسها من جد غاوية تعب ....خلني اقوم احسن ما ترد الحين واروح فيها ... قامت اخذت لها شاور سريع لبست ملابسها ونزلت عشان تساعد امها ..... نروح الحين بلد ثاني حيث موجود بطلنا سام ... <<<<<<< على احد شواطئ امريكا كانت الدنيا ليل مشغل اغاني بالسيارة وفاتح الباب قاعد على الرمل ووالهوا يلعب بشعره جالس وبعيونه حزن غضب وقهر يحس نفسه مغفل وغبي يحس نفسه اغبى واحد بالكون يحس انه ساذج لدرجة القرف مسك قفشة من الرمل بيده وناظر لها وحبات الرمل تنزل من بين اصابعه يكلم نفسه يقول وهو مو مستوعب ولا مصدق الي صار: معقول ....؟؟؟ معقول انا سام عبد الكريم يحصلي كذا....؟؟!! معقول انا الي ولا احد بالدنيا يقدر يقص علي بشي يحصلي كذا...؟؟!! وهو في نص تساؤلاته وعدم تصديقه جت اغنية لكاظم الساهر.... قالت لكل الاصدقاء هذا الذي ما حركته اميره بين النساء راهنتكم سيستدير كخاتم في اصبعي و يشب ناراً لو رأى شخصاً معي سترونه بيدي اضعف من ضعيف و ترونه ما بين اقدامي كأوراق الخريف يا مستبده الويل لي يا مستبده الويل لي من خنجرطعن الموده الويل لي كم نمت مخدوعا على تلك المخده الويل لي من فجر يوم ليتني ما عشت بعده تلك التي اسميتها تاج النساء اسفاه كانت يوما في دمائي تباً لعينيها حسبتهما سمائي انا خانني صدقي و دمرني وفائي الويل لي ومددت كفي كي اصافح صدمتي شكرا لجرح كانت فيه صحوتي هذا الذي فعلته فيَّ حبيبتي ثمناً لاخلاصي و محبتي الويل لي انت التي أسميتها تاج النساء اقسي على قلبي و مزقيه لو أساء حس ان الكلمات دخلت داخل قلبه وشعلته نااار.... زاد غضبه و كرهه وحقده زادت قوة قبضته على الرمل وقال: لا مو انا الي يحصلي كذا واسكت لااااازممم ارد اعتباري واعلمها شلون تلعب معاي ...... ؟؟ وبصراااخ الحقيييرةة..... رمى الرمل من يده وقام....؟؟!! (ا**لمجموعة الي بيروح لها بطلنا هم من نفس بلده الي هو منها لذلك الكلام كله بالعربي راح يكون)* وهو بقمة غضبه صعد للسيارة وساقها للمكان الي كان فيه ولما وصل نزل لقاهم يضحكون بطريقة استفزته وقال: لا هنتي يا نفسي اقعد بالقهر وهي تظحك على حمقي....!!؟؟!! هذا الشي زاااد غضبه اكثر وحقده وهو يناظرهم من بعييييد شافها وشبت جوا ضلوعه ناااااار..... غمض عيونه وحاول يهدأ... واخذ نفس شهيق وزفير عدة مرات عشان يهدا وينفذ الي براسه ويرد شوي من كرامته واعتباره........ فكر وابتسم بخبث وتوجه لهم وهو يوجه كلامه للبنت الي قاصدها .....قال ببرود عكس داخله: ايه نسيت اعطيك شي لما طلعت من هنا وجيت عشان اعطيك اياه ياا.. وما قال اسمها ....ابتسم ابتسامة جانبية بسخرية ومد يده على جيبه وطلع منه دولار......؟؟!! والكل قاعد يناظر مستغرب مو فاهم شي....؟!؟!؟! وقفت تناظره متفاجئة كيف نقلب حاله فجأة واجى هنا وبكل جرأة...؟؟!!!!! سام: نسيت اعطيكي اجار الوقت الي سلتيني فيه كل هاذي المدة يا حلوة ....واعتقد هذا المبلغ كفاية وزيادة لك تدرين الواحد بيدفع بقدر انبساطه واستمتاعه..... واناا اشوف هذا اكثر من اللازم بس يلا بكون كريم وبعطيك اياه كله....... ورمى الدولار بوجهها ,.......كمل بنبرة كلها احتقار مع ابتسامة ساخرة: خذيه لا تستحين هذا حقك ولازم اعطيك ااياه ... هي فتحت عيونها متفاجئة و مصدومة....!!!؟!؟؟!؟ حست بهذي اللحظة انها بنت شوارع ولا تسوى شي.....وجهها نقلب وصار احمممر شوي وتصيح .... ناظر لها وحس بأنتصار وهو يشوفها كذا وابتسم ابتسامة كلها اشمئزاز كانه يشوف شي قذر وقال: تشاو ياااا ... منيرررة مشى سحب حاله وطلع ...؟؟؟؟. اما هي فللحظة قعدت مصنمة تطالع الدولار الي عالارض قدامها ,.....من غير شعور نزلت طالته ووقفت تطالع فيه صفنت شوية تستوعب الي صار....؟!؟! فجأة ضغطت على الدولار بيدها بقوة وقالت: انا يرخصني كذا لييييه شنو شايفني .....؟؟؟ وبلشت تصيح وتكسر وتصارخ والي عندها مو قادرين يتكلمون بشي بس يتفرجون ومصدومين...... هي كانت تحس بقرف وانها بنت ما الها قيمة حست بأهااانة كبييييرة نقهرررررت قعدت تصارخ ومعصبة ووجها احممممر من التعصيب قالت: شلوووون يتجرأ ويكلمني انا كذا ؟؟ ووووربيييي ليدفع الثمن غاااااليييييي ... وخنق صوتها ونزلت دموعها لوحدهاااا وقعدت تبكي وتبكي ما عمرها حست انها رخيصة بحياتها كثر هالمرة..... <<<<< نهاية الفصل>>>>>> التعديل الأخير تم بواسطة لامارا ; 19-09-18 الساعة 07:07 PM | ||||
|
| |
|
19-09-18, 07:08 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وهذا ههو الفصل الثالث ارجو لكم قراءة ممتعة (الفصل الثالث) ارض الوطن الي يتواجد فيه ابطالنا>>>>>>> خلنا نروح لأرزة روايتنا في غرفتها<<<<<< فتحت عيونها بكسل ما تدري هي كم من الوقت بقت نايمة ناظرت للساعة لقتها 4,... تفاجأت أرز وفتحت عبونها على وسعها بشهقة: هييييييي كيييف نمت للوقت هذا ياربيي ...؟؟؟ قامت راحت غسلت وجهها وجت مسكت تلفونها شافت 5مكالمات فائتة من نسيم و2من صديقتها .. أرز: وه وه نسيم داقة خمس مرات وانا نايمة...!! الحين ان رجعت ادق عليها بتزفني وان ما دقيت هي بترجع ادق علي وتزفني... فخلني انا ادق احسن كذا كذا بنزف. خخخخخ...أرز وهي تدق على نسيم..... نسيم كانت تشرب شاي مع اختها على المرجيحة الخشب عند الحديقة بالخارج وكانت تطقطق على فونها الا تشوف اتصال من أرز...... صغرت نسيم عيونها ورفعت حاجب قالت" هيييين يا أرز الحين تتذكرين تدقين انا براويك....؟؟ نسيم بنرفزة وصوت عالي ردت: والله بدرررري ويييينك انا ادق عليكي وانتي سافهتيني ولا تردين,,..... خمس مراااات وانا ادق وانتي ولا هنا هااااا انتي تعرفين اشكثر انا اكره اني انسفه ...؟؟ ريماس وهي تناظر نسيم فجعتها من صوتها العالي قالت: بسم الله... الحمدلله والشكر ......خرعتيني.. شوي شوي عليها ترى يمكن ما عادت تخلف بسببك... !! نسيم وهي تقزها و تأشر لها بمعنى هسس اسكتي.... ريماس هزت براسها وكملت تقرأ بالكتاب الي معها أرز: وه وه بشويش علي كلتيني بقشوري شدعوة .....؟؟ وبعدين الناس تقول السلام عليكم ..مرحبا الاول ايش هالاسلوب عفشة ......؟؟ وترى مثل ما قالت اختك قطعت الخلف حشى صوت....!! نسيم بغيظ: بتسكتين ولا كلمة ...... ولك عييين تردين بعد....؟؟ اقووول بسسسرعة معك خمس ثواني وتقولين عذرك والا وربي سافهتك أسبوع ما اقعد اكلمك سااامعة....؟؟ أرز ببرود مستفز لأنها تحب تنرفز نسيم كثير: براحتك عاد ما احد خسران غيرك لو سويتي كذا.. نسيم شوي وتنفجر من أرز : والله كذااااا صاااارت.... ماااااشي يأرز انا براويك شوفي عيل مين الي راح يعبرك ويروح معك بكرا للمووووول.....؟؟؟ جت بتسكر..... أرز ويه ويه صدقت هاذي وربي تعملها و بسرعة تبي ترقع: استني استني يا مجنونة يا هبلة انتي يا عبيطة تعرفين اشكثر انا اعزك واحبك معقوول اسفهك كذا من غير سبب يا بطبوط...؟؟؟!!<<<<< اما ترقييع خخخخخخخ نسيم بلهجة غضب: بطبوط يبطك.... كم مرة قايلتلك لا تناديني باللقب هذا...؟؟ا شنو شايفتيني عندك امشي مثل البطة...... واخلصي قولي ليه ما رديتي يلا خلصت الخمس ثواني بسرعة.. أرز ولييه من جد ما ينمزح معها ذي: ولا شي يا قلبوو بس كنت نايمة خبرك الدوا الي باخذه في نسبة منوم ما أدري شلون نمت ما حسيت بنفسي ... نسيم حست بحزن وعبست شوي و تمالكت نفسها عشان ما تحب تبين لأرز انها حزنت او زعلت عليها لانها تدري شكثر بتضايق قالت وهي تحاول تخبي حزنها وتتكلم بنبرة طبيعية: اهااا لا اذا كذا خلاص عذرك مقنع وبسامحك اعفاء... أرز: هههههههههه الحمدلله الي صدر حكم البراءة وتم الاعفاء عني ... نسيم باستسخاف: هاهاها ما تضحك... أرز: المووهمم بكرا اي ساعة بنروح تراني حدددي طفشانة ابي اطلع اغير جووووو...؟؟ نسيم: الساعة 5 بمرك عشان نروح .... أرز: اوووك تماموووز.... نسيم :تمامووووز... يلا يا قلب امي تناديني بروح لها أراكي قلبووو مواهااات. أرز: بايووو حب مواهاتوووو. بعد ما خلصت مكالمتها مع نسيم نزلت تبي تاكللها شي قبل موعد الدوا من الصبح ما كلت بس على كاسة النسكافيه الي شربتها..... وهي نازلة على الدرج سمعت صوت ابوها بيتكلم بالتلفون ويضحك حست بوناسة من زمااان ما سمعته يضحك بالبيت من وقت ما اختفى همام بالحادث.... فرحت كانت تبي تسمع صوته وتحس بوجوده حتى لو من بعيد جلست على الدرج عشان تسمعه وهو يتكلم بالتلفون كان جالس على الكنبة وظهره لأرز فما بيقدر يشوفها ... ابو همام: هههههههههههه والله انت واحشني بالاكثر يخوي ... ايه ايه اكيييد والله نبغى مثل هاذي الجمعة من زمان ما اجتمعنا..... ايه ايه تمام ..... ماشي يخوي خبرهم وردلي خبر بأنتظارك يلا مع السلامة فمان الله... قام ابو همام وهو مستانس... أرز وهي تشوفه كيف مبسوط استانست حست بفرحة..... ولما شافته بيقوم بسرعة صعدت الدرج نقز ما حبت يشوفها ويتعكر مزاجه مثل كل مرة... فكبست عجرحها ملح وكابرت على نفسها راحت صعدت لين اتأكدت انه راح لمكتبه نزلت وتوجهت للمطبخ وهي كلها حزززن ومن جدد منقهرة... كانت جعانة حيييل بس نسدت نفسها ..... جبرت حالها تاكل كم لقمة عشان الدوا... لان اخر مرة خذت الدوا على معدة فاضية حست بطنها بيتمزع.... ارز المسكينة تاكل ودموعها اربع اربع وتقول بنفسها: يارب مين فيه بنت بالدنيا بتهرب خوف من ان ابوها يشوفها ويتعكر مزاجه...؟؟ وين فيه بنت بالدنيا مثل حالي وين..؟؟؟ وربي يبا احبك ليه تسوي فيني كذا..؟؟ وهي تشهق من بين دموعها كان في بفمها اكل وتشردقت: كحكحكحكحكح.... حست انها بتنخنق مو قااادرة حاسة بكل سعلة بتطلع روحها من الالم... وهي تسعل:كحكحكحكح ...أرز كانت تبغى تاخذ جلاس الماي بس للاسف وقع بالارض ونكسر ..زادت سعلتها ووجها صار احمممممر موو قادرة تنادي حد يجبلها مي .... ولسوء حظ أرز الشغالة كانت بالحديقة ترتب وتنظف... ابو همام بمكتبه يراجع بعض اوراق الشغل..... سمع صوت جلاس الماي وهو بينكسر وقدر يسمعه لان مكتبة بالطابق الارضي فيوصله الصوت وسمع صوت سعلة قوية تخوف.....!! ترك الاوراق الي بيده وقام يشوف ايش في....؟؟؟ لما وصل المطبخ ....شاف أرز وجهها قالب بنفسجي كأنها بتختنق وجلاس الماي واقع جنبها جارح رجلها وبتنزف.... حس بخوووف ايش ما كان هاذي بتضل بنته...... بسرعة مشى للثلاجة وراح جاب جلاس ماي وشرب أرز شوي شوي لين هدت... وهو يمسح عظهرها بكل حنية ويقول بقلق وخوف: بنتي انتي بخير ايش حاسة فيه...؟؟؟ أرز نست كل الالم الي حست فيه من االلفرحة مو مصدقة ان ابوها لأول مرة من مدة حن عليها وكان خايف عليها...؟؟!! دمعت عيونها وناظرت لأبوها قالت والدموع مالية عيونها: ايه يبا الحمدلله صرت احسن مشكوراحس اني بخير الحين.... ابو همام ماااا قدررر يتحمل يطالع بوجهها اكثر نزل نظره للطاولة... قال وهو يحاول يخفي نبرة القساوة: اجل انا بروح الحين لازم ارجع للمكتب باقي شغل ضروري لازم اخلصه وبنادي لك سيلا(الخدامة) خلها تيجي تنظف الزجاج وتضمد جرحك.... تركها وراااح....!! أرز حزن الدنيا كلهااااا فيها الدموع سيول سيول: لييييش يارب انا شذنبييي شذنبييييي...؟؟؟ قطع عليها صوت المنبه التذكيري.... واهي من كثر ما هي منفعلة قامت شالته ورمته بعيييد ونغمرت ببحروعالم الدموووع ...في هذي اللحظة جت سيلا ناظرت لأرز بحزن وهي تلملم الزجاج وتشوف رجل أرز تنزف تركت الزجاج وراحت تجيب صندوق الاسعافات وقالت لأرز:مس أرز انا بنزف جرهك وضمده لك ممكن..؟؟( انا بنظف جرحك وبضمده ممكن؟) أرز بس اكتفت انها تهزر رأسها بالموافقة وكملت صياح... في قصرابو سام>>>>>>> كان جالس هو ومرته يشربون شاي ويسولفون ابو سام: وفاء... وفاء: هلا... ابو سام: كنت بفكر لي مده نطلع نروح للشاليه حقنا لنا مدة ما رحنا شوينا واستانسنا... هاا شرأيك بعطلة نهاية الاسبوع نجتمع كلنا هناك مثل زمان...؟؟ وفاء بفرح: والله خوووش فكرة من زمان نبغى كذا طلعة خلنا نروح نستانس نجتمع نشوف بعض والله اشتقت لأم ايهم وام أوس ولمتهم وسوالفهم الحلوة.. ابو سام عيل تمام خلني ادق على اخوي عبد الرحمن أأكد عليه ان نهاية هذا الاسبوع بنروح الشاليه,..خذ محموله وطلب رقم اخوه ودق عليه... : السلام عليكم يخوي شخبارك..؟؟ ابو همام: هلا مشتاق لك شخبارك انت ان شاء الله بخير.. ابو سام: الحمدلله الامور طيبة وكله تمام ايش بغيت اقولك يخوي.. ابو همام: أمر يخوي..... ابو سام: ما يؤمر عليك عدو ... دقيت أأكدلك ان شاء الله نهاية هاذ الاسبوع بنروح كلنا للشاليه ..وألحين بكلم ماجد وعدنان أخبرهم... ابو همام: ان شاء الله خلنا نروح نستانس بدل ضغط الشغل الي ما يخلص... ابو سام: ايه والله صادق... يلا يخوي اسمحلي الحين بروح اخبر الباقي خلنا نرتب امورنا ونتفق... ابو همام: ماشي فمان الله الله معك...... ابو سام : سلام فمان الله.... دق ابو سام بأخوانه وخبرهم ان نهاية الاسبوع بيروحوا للشاليه والكل وافق و رحب بالفكرة كثير... قصر وعائلة ماجد وتحديدا في غرفة النوم<<<<<< كان ماجد وحنان مستلقيين على التخت ويتكلمون..... حنان: واااه اخيرا ما بغينا نروح نفك عن نفسنا شوية والله الطلعة ذي جت بوقتها... ماجد: ايه والله معك حق حبيبتي من زمان ما اجتمعنا اشتقت للجمعات هاذي ... وولهت على اولاد اخواني المهايييف... حنان: هههههههههه الله عليك يا قلبي حتى انا اشتقت لام ايهم وام سام حيييل ... ماجد:ههههههههه يا حليلك بس... وهو يناظر لحنان ويتأمل جمال الي خذت قلبه وعقله ويأشر لها ويقول تعالي قربي يا حنون اشتقت لك كثثييير... حنان ابتسمت بخجل وقربت له وصارت على ذراعه.. ماجد فدييييتك يا قلبي وحضنها وهمس لها بأذنها وقال احببك.... وكملوا ليلتهم كلها حب وغزل... >>>>انتهى الفصل<<<< و <<<<< انتهى البارت >>>>> | ||||
|
| |
|
21-09-18, 12:41 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (البارت الثاني) <<<<الفصل الرابع>>>>> في قصر ابو سام وتحديدا بغرفة هيثم كانت الساعة 9بالليل>>>>>>>>> قاعد سرحان يفكر في أريج ويقول بنفسه: يااا الله اش قد اشتقت لك يا أريج ولضحكتك وهبالك اااخ يا بنت عمتي شلون تعلقت فيك وحبيتك كذا مدررري سرقتي قلبي وملكتيه .....؟! بيتذكر اول لقاء له مع أريج وكان قبل اربع سنين.....>>>>>>. كانت قاعدة ويا نسيم وأرز وطاقينها هبال وضحك وسوالف في الحديقة الخارجية في قصر ابو سام ... أرز: ووربي منظرها كان تحففففة قال ايش نازلة تحرك الكرسي وتهز فيه تقول تخيلوا اوقع الحين ييي وربي فشلة ههههههههههههههههههههه والله ما كملت الجملة ما لقناها غير طايحة عظهرها وانا دوريني وقتها من الضحك انسدحت عالارض تذكرين يا اريج ههههههههههههههههه.....؟؟ أريج وهي تضحك :هههههههههههههه وليه هاذا شي ينتسى وربي يومها جنابي من الضحك فقعتتتت ههههههههههههههه.... نسيم عابسه وقالت بغيظ: اسحووون عاااد ليطقلكم عرق.... اصلا من انذل ما يكون انتوا الثنتين لتركتوني اطلع لوحدي وبقيتو تكملون غداكم.... قال ايش قال صرنا دافعين حق الاكل خسارة وجعانين نبي ناكل...؟!؟ من جددددد انكم نذلات درجة اولى وانا وقتها من الاحراج رحت برا المول بكبره وساااعة انطركم لتيجون مالت عليكم بسسس من صاحبات..... أريج: والله محد قالك تقعدين تستهبلين وحذرناك قلنالك خلاص يا بنت لتقعي وانتي ولا هنا من يدك ترى مالنا ذنب نتحمل عمايلك.... أرز بأستفزازية:<<<<< عشقهااا هالبنت تستفز نسيم خخخخخخخ>>>>>>: ايه مالنا شغل بهبالك قال تبينا نطلع عشان اهي تقعد تستهبل ووهقت نفسها وتبينا قال ايش نترك الاكل ونطلع معها ما دريتي اهم شي الاكل ترى اهم منك كلك بكبرك..... كانت كاتمة ضحكتها وهي تشوف وجه نسيم قلب احمر من التعصيب..... نسيم بعصبية: ما قووووول غيير مااالت عليكم وعلى الي بتجلس وياكم..... قامت بعصبية ودخلت داخل. أرز: ههههههههههههه فديتها تزعل بسرعة.... أريج: ويييييه يا أرز ليش قلتي كذا الحين ايش الي يراضيها ذي ان زعلت ... أرز ببرود: سيبك عاد هي شوي وتروق وترجع لوحدها عادي... أريج ما قدرت تطنش رحمت نسيم وقررت تروح تراضيها..: لا خلاص انا بروح اراضيها حرااام كسرت خاطري... أرز: دخيييل الحنووون يا ناس ومسكت كاس العصير وشربت منه خذت لها بسكوت وكملت|: أيه روحين لها راضيها ورجعيها المخبولة ذي انا بنتظرك هنا... أريج راحت للداخل تبي تراضي نسيم ... كان جالس يراجع بعض اوراق الجامعة الضرورية وهو بالعادة يراجعها بالمكتب الي بالقصر... و حس انه طفش ويبي يغير جو فقرر يطلع من المكتب وكان ناوي يروح يخبل بأرز ونسيم شوية ... ما كان يدري ان أريج موجودة..... هيثم وهو ماشي متوجه للحديقة وأريج ماشية تبي تروح لنسيم و بالصدفة التقوا وقف مصنم مكانه على الجمااال الي يشوفه قدامه .... أريج بطبعها خجولة وتتوتر حييييل لو شافت حد ما تعرفه عدل(للعلم أريج وهيثم اخر مرة التقوا فيها كانت وهم اعمارهم هي 5وهو11 عشان كذا ما يعرفون بعض عدل لان عمتهم ساكنة ببلد ثاني وعايشين بعيد عنهم.... وكانوا يجوون زيارات بس مو كثير يعني بتمر سنيين لين يجوا زيارة).... وقفت لما شافت هالشاب الحليوة الي واقف قدامها ما عرفت شلون تتصرف من الخجللل ..وهيثم يطالعها وسرحان.... زاد توترها بغت تتحرك تبي تروح ولا هوووب تعرقلت بششوزها كانت بتوقع لولا هيثم لحقها باللحظة الاخيرة ومسكها من كتوفها هيثم: بسم الله عليك... انتي بخير..؟؟ أريج تعالو دوروها من الخجللل بغى يغمى عليها وجها قلب طمااط خلاااص ذاابت: أريج بخجل وتوتر ويالله بالزوور طالع صوتها: لا ما ف..يني.. شي.. وعطووول هربت راحت للداخل.. هيثم يطالعها وهي تمشي: سبحان الي خلقك شحلاتك.... حط يده عقلبه لقى نبضاته سرييعة وأبتسم ابتسامة حلوووة ورد للمكتب يكمل مراجعة اوراقه..... قطع عليه ذكرياته الحلوة صوت نسيم الي امها طلبت منها تصعد تنادي اخوها عشان يتعشا وطبعا نسيم كسولة ما تحب تصعد وتنزل فهي من مكانها قامت تنادي..... نسيم بصراخ: هيثممممم يااااا هيثمممممم يااااا هيثممممم ..... هيثم عصب منها : اووووووفف ما تجوووز ذي عن تصرفات اليهااااال.... نزل وهو متنرفز منها وبعصبية: وبعدييين معاك انتي ما تجوزين عن هالتصرفات صار عمرك 19 سنة... لين متى بتبقين كذا يعني هااااا...؟؟ اعقلي وكبري وووجع .... نسيم ورجعت بيدها خصلة من شعرها وهي تحرك راسها بغرور : وليش اكبر انا احب نفسي كذا ..؟؟ هيثم وشوي بطقها من برودها: اقوووول لا يكثر وعن الهباااال .....وثاني مرة بتصعدين وتنادين عدل زي العالم ساااااامعة....؟؟ نسيم ببرود مستفز وهي ترفع حواجبها وتنزلها: مااابيي كذا ارييح... ودامك تسمعني انا اصعد واتعب نفسي ليييه....؟؟ هيثم رفع حاجب وناظرها وقال: نسيموووو شكلك اشتقتي للطق وجلدك يحكك....؟!! نسيم بلعت ريقها لانها حست انها زادتها معاه خافت يطقها صدق قالت تبي ترقع : خلاص تعال تعشى راح يبرد الاكل يلاا يا قلبييي وابتسمت ابتسامة هبال.... هيثم وهو يشوف شلون تحاول ترقع من الخوف ضحك ما قدر يمسك نفسه : ههههههههههههههههه وربي انك تحفة ... وراحوا عشان يتعشوا. في قصر ابو ايهم بنفس الوقت >>>>>>>> جالسين جميعهم على المائدة بتعشون وسيف قاعد بيطقطق على تلفونه ويضحك كل شوية وعامل ازعاج ايهم بأنزعاج: وبعدين معك هد المحمول من يدك وكل زي الناس .... سيف وهو يرفع حاجب: انا قاعد وباكل زي الناس ولا شنو شايف استاذ ايهم قاعد فوق الكرسي واكل برجلي مثلا...؟؟ ولا قاعد العب بالاكل واحوس فيه......؟؟ وقعد تخيل حاله انه ياكل برجله وقال ووواه تخيل عاد منظري بيبقى تحفة وقعد يضحك ههههههههههههه.. ايهم بنرفزة: اقول لا يكثر وعن السخافة عاد... نفسي مرة بس تترك عنك الهبل والخرابيط وتكلمني زي الرجال الراكز الناضج...بدل ما انت تتصرف مثل البزارين.. سيف تحسس من كلام اخوه قام من السفرة يبي يختصر وقال: انا بريحك مني وبقوم بروح انام تصبحون على خير.. ايهم كان بقمة استغرابه مو عوايد سيف يسكت ويقوم من غير ما يرد....؟؟!! هبة وريهام كانوا يطالعون بصمت:...... ابو ايهم وهو يتنهد: سيبك منه يا ايهم بكرا يعقل ويركز اتركه على راحته شاب وحابب يعيش حياته شوية.. ايهم: ادري يبا وكلامك على العين والراس بس لين متى وهو بالهبال وكل شي ماخذه لعب...؟؟ يبا انت تدري في مواقف كثير مرت كان لازمها الجدية والحزم وهو قعد يستهبل ويضحك مو صغير يبا عمره 22 سنة ابي افهم شنو الي غيره ما كان كذا...؟؟!! ابو ايهم بأسى: مدري ايش قلب حاله من وقت حادث همام وأرز وهو نقلب 180 درجة.....؟؟ ايهم حس بحزن قال وهو يقوم: الحمدلله شبعت بروح انام تصبحون على خير.. ابو ايهم وام ايهم: وانت من اهله.... هبة تعكر مزاجها وقررت تقوم تصعد لغرفتها: وانا الحمدلله بعد شبعت تصبحون على خير وحبت راس امها وابوها وصعدت... ريهام وكانت عادي ما تاثرت: وانا بعد بصعد انام حبت راس امها وابوها وصعدت...... ام ايهم وابو ايهم: وانتوا من اهله..... ام ايهم زعلانة ما تدري شنو تقول او ايش تسوي غير انها تسكت وتشوف الايام ويش مخبية وموكله امرها لله... ومن غير احساس منها نزلت دمعتها.... ابو ايهم شافها كذا مسك يدها وطبطب عليها مسح دمعتها وقال: لا تحزنين وتشيلين بقلبك يا خديجة ان شاء الله بينصلح حاله وبيرد مثل قبل.. ام ايهم بحززن وصوت مخنق :ادري يا عدنان بس مو هذا الي مخليني احاتي سيف.... انا الي حاز بنفسي كل ما اطلع بعيون ولدي بلاقي حزن كنه يحاول يخفي هالحزن والاسى بهاذي التصرفات..؟؟. ابو ايهم بأسى : لا حول ولا قوة الا بالله... خلاص اهدي الا ما ربنا يفرجها خلنا نقوم ننام...وراحوا ينامون... عند هبة بالغرفة كانت جالسة عالسرير حزنانة على سيف شلون قلب وصار كذا...؟؟ تذكرت كيف كان يوم العزا قاعد ولا قال كلمة كنه شبح ما له موجود.... ولا نزل حتى دمعة ....؟؟ مع ان همام كان غالي عنده حيييييييل... وهي غارقة بالتفكير في اخوها قطع عليها صوت باب غرفتها يدق وكانت ريهام.. .... ريهام وهي تدخل جلست على السرير جنب هبة: ليه مو نايمة للحين....؟؟؟. هبة وهي تتنهد: افكر بحال سيف ولين متى بيبقى كذا...؟؟ وربي كاسر خاطري احسه في اوقات كثير خاش عننا شي مو قادر يقوله او يفصح عنه..... ريهام وهي تهز رجليها بالهوا وتتأفف:هففف.. ايه هو حاله كذا من لما الحادث.... هذا بس الي يجيلنا من ورا أرز واخوها القرففف بسسس...... هبة كشرت وبنبرة تعصيب: ريهاام شنو هالكلام هذا ...؟؟ عيب عليك الزلمة مات وانتي تقولين هالكلام ...ما اصدق ايش كم الكره والسواد بقلبك..؟؟ وشنو سوا لك اهو عشان تقولين كذا...؟؟؟ وأرز المسكينة كافي الي صارلها ما بي اسمعك تتكلمين عنهم كذا مرة ثانية ..... وبنبرة تحذير: سمعتي..........؟؟؟؟؟ ريهام بعصبية: اقووول هاذي...(تقصد أرز) الي تدافعين عنها لو فيها خيييييير ما كان ابوها سافها كذا ويعاملها كنها بنت غريبة مو بنته .....وبعدييييين كيفي انا قول الي اريد وقت مابي ما احد له عندي شي ....وبعدين همام مو معروف عايش ولا ميت للحين ما احد لقي جثته مدري عنه عمي شلون سوا العزا من غير جثة...!!؟؟ هبة وصلللت معها من اسلوب ريهام الي قلبها ملياان كره وخصوصا تجاه أرز : صدق انك انسانة بليدة وما تحسين قووومي روحي لغرفتك ابي انام يلاااااااااا.... قامت ريهام وطلعت راحت لغرفتها... هبة: مدري هالبنت لمين طالعة قاسية ومتبلدة المشاعر كذا...؟؟ استغفر الله بسسس خلني انام ابركلي.... في امريكا حيث يوجد بطلنا سام>>>>>> جالس في الشقة الي استأجرها عشان الدراسة قاعد حاس بقلبه حزن و كره بيكبر يوم بعد يوم ما عاد يطيق شي اسمه حواء... يكرهم كره مو طبيعي وفقد الثقة فيهم ....حاس انه غبي شلون نقص عليه بهاي الطريقة...؟؟ مو قادر ينسى تغير صار انطوائي.... دوم جالس لوحده انقطع عن اصدقائه الي كانوا دوم يحاولون يطلعونه من الي اهو في بس هو ما كان يعطيهم وجه.... بالاخر يأسوا منه... صارت حياته من الجامعة للشقة ومن الشقة للجامعة ودراسة .... اخر مرة دق على اهله حس ان نسيم شوي وبتكشفه لانها اكثر شخص قريب له في العايلة .... تفهمه كويس وتحس فيه فقرر ما عاد يدق عليهم لين ما يروق ويهدا حاله ما يبي يقلقهم عليه.... وهو ما ضلله شي شهور ويخلص ويرد لبلده وعيلته..... نعود لارض الوطن..<<<<<< أرز جالسة تضبط نفسها عشان بتروح للمول مع نسيم.... نسيم جالسة تفكر في اخوها سام له اربع شهور ما دق عليهم..... قلقانه عليه خصوصا بعد اخر مرة كلمته فيها حست انه خاش عنهم شي.... نسيم بتدعي وتقول يااارب ان الي احس فيه يكون مجرد هواجس مو اكثر... الله يحميك يخوي ويردك سالم لينا يارب ...ونفضت كل هالافكار من راسها وقامت تجهز نفسها... جالسة تناظر الساعة.. عاقدة حواجبها وتهز رجلها بعصبية أرز: اففففف وينها ذي تأخررررت وبعدين عاد ..؟؟ قالت بتكون هنا خمسة والحين الساعة ستة.... ولا الغبية ادق عليها وما ترد ..؟؟اففففف..... الا ويدق محمول أرز وطالعت الرقم لقتها نسيم أرز بعصبية: والله وبدرررري عليك بعد ليه داقة اقول خليك كمان ساعتين سافهتني وما تردين......؟؟ نسيم بتضحك: هههههههههه وربي ما انتبهت يا قلبي للوقت وكان المحمول صامت ما سمعته ... انا خلاص وصلت وبستناك تتحت يلا انزلي..... أرز بغيظ: مووووووو نازلة خليك انطري مثل ما نطرتيني للحين وهاااا... نسيم :يوووه عااااد أررز خلاص مرقيها ....هي هالمرة الي تأخرت فيها عليك لا تصيرين معقدة ...؟؟ويلا انزلي خلنا نلحق نفر شوية... أرز بتفكير :مممممم بما انها اول مرة تعمليها وتتأخرين خلاص بسامحك... بس ديرييين بالك تعيدينها مرة ثانية وربي ما امرقها سمعتييي..؟؟ نسيم: سمعت سمعت يلا انزلي..... ونزلت أرز ركبت مع نسيم بالسيارة وانطلقوا للمول...... في المول أرز ونسيم يفرون من محل ملابس لشوزات لاكسسوارات ما خلوا محل بالمول ما راحوا له... ليين تعبوا ورجولهم وجعتهم فقرروا يجلسون بكافي يشربون شي؟.... أرز ونسيم جالسات يشوفون المنيو يبون يطلبون... أرز:مممممم انا بطلب لي ايس كوفي..وانتي نسيم ايش تبغين تشربي....؟؟ نسيم كانت قاعدة تفكر بأخوها وسرحااانة ومو مع أرز بالمرة,...\ أرز استغربت من نسيم الي تكلمها وما ترد أرز وهي تشوح بيدها قدام وجه نسيم وتقول :هلووووو انا اكلمك وين رحتي...؟؟؟!! نسيم الي صحت من سرحانها على صوت أرز: هلا أرز ايش بغيتي..؟؟ أرز رفعت حاجب : لا احلفييي....ايش فيك من اول ما طلعت معاك وانتي مو على بعضك في شي..؟؟ نسيم بتحاول ما تقلق أرز معها قالت: لا ما في شي... بس كذا بفكرانه قريب بتفتح المدارس وبنرجع للقرف مرة ثانية. أرز بعدم اقتناع: اهااا وبتحسبيني الحين بصدق ان هذا الي قالقك...؟؟؟ انتي اخر واحد يقلق بالمدرسة تكلمي نسيم قبل ما اعصب عليك... نسيم وهي تتنهد تدري عدل أرز عنيدة وما راح تهدها بحالها لين تعرف ايش فيها: افكر في سام له شهور ما دق علينا مو من عوايده يبقى كل هالمدة من غير ما يدق.. أرز: عادي يمكن مشغول انت تدرين هو يدرس تخصص جراحة قلب مو سهل ابد.. نسيم: ادري.. بس اخر مرة كلمته ما عجبني صوته حسيت ان في شي خاشه صوته وهو يكلمني قلقني عليه حيل.. أرز تبي تطمن صديقتها: عادي يا قلبي يمكن كان تعبان من الدراسة وتهيألك انه في شي ما تخافي بس انتي ادعين له يرد لكم قريب بالسلامة.. نسيم: الله يرده لنا سالم ياااارب وان شاء الله مثل ما تقولين تطلع اوهام براسي... وكملوا شرب وسوالف وبعد فترة ردوا للبيت... <<<<انتهى الفصل>>>>> | ||||
|
| |
|
21-09-18, 12:42 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (البارت الثاني) <<<<الفصل الرابع>>>>> في قصر ابو سام وتحديدا بغرفة هيثم كانت الساعة 9بالليل>>>>>>>>> قاعد سرحان يفكر في أريج ويقول بنفسه: يااا الله اش قد اشتقت لك يا أريج ولضحكتك وهبالك اااخ يا بنت عمتي شلون تعلقت فيك وحبيتك كذا مدررري سرقتي قلبي وملكتيه .....؟! بيتذكر اول لقاء له مع أريج وكان قبل اربع سنين.....>>>>>>. كانت قاعدة ويا نسيم وأرز وطاقينها هبال وضحك وسوالف في الحديقة الخارجية في قصر ابو سام ... أرز: ووربي منظرها كان تحففففة قال ايش نازلة تحرك الكرسي وتهز فيه تقول تخيلوا اوقع الحين ييي وربي فشلة ههههههههههههههههههههه والله ما كملت الجملة ما لقناها غير طايحة عظهرها وانا دوريني وقتها من الضحك انسدحت عالارض تذكرين يا اريج ههههههههههههههههه.....؟؟ أريج وهي تضحك :هههههههههههههه وليه هاذا شي ينتسى وربي يومها جنابي من الضحك فقعتتتت ههههههههههههههه.... نسيم عابسه وقالت بغيظ: اسحووون عاااد ليطقلكم عرق.... اصلا من انذل ما يكون انتوا الثنتين لتركتوني اطلع لوحدي وبقيتو تكملون غداكم.... قال ايش قال صرنا دافعين حق الاكل خسارة وجعانين نبي ناكل...؟!؟ من جددددد انكم نذلات درجة اولى وانا وقتها من الاحراج رحت برا المول بكبره وساااعة انطركم لتيجون مالت عليكم بسسس من صاحبات..... أريج: والله محد قالك تقعدين تستهبلين وحذرناك قلنالك خلاص يا بنت لتقعي وانتي ولا هنا من يدك ترى مالنا ذنب نتحمل عمايلك.... أرز بأستفزازية:<<<<< عشقهااا هالبنت تستفز نسيم خخخخخخخ>>>>>>: ايه مالنا شغل بهبالك قال تبينا نطلع عشان اهي تقعد تستهبل ووهقت نفسها وتبينا قال ايش نترك الاكل ونطلع معها ما دريتي اهم شي الاكل ترى اهم منك كلك بكبرك..... كانت كاتمة ضحكتها وهي تشوف وجه نسيم قلب احمر من التعصيب..... نسيم بعصبية: ما قووووول غيير مااالت عليكم وعلى الي بتجلس وياكم..... قامت بعصبية ودخلت داخل. أرز: ههههههههههههه فديتها تزعل بسرعة.... أريج: ويييييه يا أرز ليش قلتي كذا الحين ايش الي يراضيها ذي ان زعلت ... أرز ببرود: سيبك عاد هي شوي وتروق وترجع لوحدها عادي... أريج ما قدرت تطنش رحمت نسيم وقررت تروح تراضيها..: لا خلاص انا بروح اراضيها حرااام كسرت خاطري... أرز: دخيييل الحنووون يا ناس ومسكت كاس العصير وشربت منه خذت لها بسكوت وكملت|: أيه روحين لها راضيها ورجعيها المخبولة ذي انا بنتظرك هنا... أريج راحت للداخل تبي تراضي نسيم ... كان جالس يراجع بعض اوراق الجامعة الضرورية وهو بالعادة يراجعها بالمكتب الي بالقصر... و حس انه طفش ويبي يغير جو فقرر يطلع من المكتب وكان ناوي يروح يخبل بأرز ونسيم شوية ... ما كان يدري ان أريج موجودة..... هيثم وهو ماشي متوجه للحديقة وأريج ماشية تبي تروح لنسيم و بالصدفة التقوا وقف مصنم مكانه على الجمااال الي يشوفه قدامه .... أريج بطبعها خجولة وتتوتر حييييل لو شافت حد ما تعرفه عدل(للعلم أريج وهيثم اخر مرة التقوا فيها كانت وهم اعمارهم هي 5وهو11 عشان كذا ما يعرفون بعض عدل لان عمتهم ساكنة ببلد ثاني وعايشين بعيد عنهم.... وكانوا يجوون زيارات بس مو كثير يعني بتمر سنيين لين يجوا زيارة).... وقفت لما شافت هالشاب الحليوة الي واقف قدامها ما عرفت شلون تتصرف من الخجللل ..وهيثم يطالعها وسرحان.... زاد توترها بغت تتحرك تبي تروح ولا هوووب تعرقلت بششوزها كانت بتوقع لولا هيثم لحقها باللحظة الاخيرة ومسكها من كتوفها هيثم: بسم الله عليك... انتي بخير..؟؟ أريج تعالو دوروها من الخجللل بغى يغمى عليها وجها قلب طمااط خلاااص ذاابت: أريج بخجل وتوتر ويالله بالزوور طالع صوتها: لا ما ف..يني.. شي.. وعطووول هربت راحت للداخل.. هيثم يطالعها وهي تمشي: سبحان الي خلقك شحلاتك.... حط يده عقلبه لقى نبضاته سرييعة وأبتسم ابتسامة حلوووة ورد للمكتب يكمل مراجعة اوراقه..... قطع عليه ذكرياته الحلوة صوت نسيم الي امها طلبت منها تصعد تنادي اخوها عشان يتعشا وطبعا نسيم كسولة ما تحب تصعد وتنزل فهي من مكانها قامت تنادي..... نسيم بصراخ: هيثممممم يااااا هيثمممممم يااااا هيثممممم ..... هيثم عصب منها : اووووووفف ما تجوووز ذي عن تصرفات اليهااااال.... نزل وهو متنرفز منها وبعصبية: وبعدييين معاك انتي ما تجوزين عن هالتصرفات صار عمرك 19 سنة... لين متى بتبقين كذا يعني هااااا...؟؟ اعقلي وكبري وووجع .... نسيم ورجعت بيدها خصلة من شعرها وهي تحرك راسها بغرور : وليش اكبر انا احب نفسي كذا ..؟؟ هيثم وشوي بطقها من برودها: اقوووول لا يكثر وعن الهباااال .....وثاني مرة بتصعدين وتنادين عدل زي العالم ساااااامعة....؟؟ نسيم ببرود مستفز وهي ترفع حواجبها وتنزلها: مااابيي كذا ارييح... ودامك تسمعني انا اصعد واتعب نفسي ليييه....؟؟ هيثم رفع حاجب وناظرها وقال: نسيموووو شكلك اشتقتي للطق وجلدك يحكك....؟!! نسيم بلعت ريقها لانها حست انها زادتها معاه خافت يطقها صدق قالت تبي ترقع : خلاص تعال تعشى راح يبرد الاكل يلاا يا قلبييي وابتسمت ابتسامة هبال.... هيثم وهو يشوف شلون تحاول ترقع من الخوف ضحك ما قدر يمسك نفسه : ههههههههههههههههه وربي انك تحفة ... وراحوا عشان يتعشوا. في قصر ابو ايهم بنفس الوقت >>>>>>>> جالسين جميعهم على المائدة بتعشون وسيف قاعد بيطقطق على تلفونه ويضحك كل شوية وعامل ازعاج ايهم بأنزعاج: وبعدين معك هد المحمول من يدك وكل زي الناس .... سيف وهو يرفع حاجب: انا قاعد وباكل زي الناس ولا شنو شايف استاذ ايهم قاعد فوق الكرسي واكل برجلي مثلا...؟؟ ولا قاعد العب بالاكل واحوس فيه......؟؟ وقعد تخيل حاله انه ياكل برجله وقال ووواه تخيل عاد منظري بيبقى تحفة وقعد يضحك ههههههههههههه.. ايهم بنرفزة: اقول لا يكثر وعن السخافة عاد... نفسي مرة بس تترك عنك الهبل والخرابيط وتكلمني زي الرجال الراكز الناضج...بدل ما انت تتصرف مثل البزارين.. سيف تحسس من كلام اخوه قام من السفرة يبي يختصر وقال: انا بريحك مني وبقوم بروح انام تصبحون على خير.. ايهم كان بقمة استغرابه مو عوايد سيف يسكت ويقوم من غير ما يرد....؟؟!! هبة وريهام كانوا يطالعون بصمت:...... ابو ايهم وهو يتنهد: سيبك منه يا ايهم بكرا يعقل ويركز اتركه على راحته شاب وحابب يعيش حياته شوية.. ايهم: ادري يبا وكلامك على العين والراس بس لين متى وهو بالهبال وكل شي ماخذه لعب...؟؟ يبا انت تدري في مواقف كثير مرت كان لازمها الجدية والحزم وهو قعد يستهبل ويضحك مو صغير يبا عمره 22 سنة ابي افهم شنو الي غيره ما كان كذا...؟؟!! ابو ايهم بأسى: مدري ايش قلب حاله من وقت حادث همام وأرز وهو نقلب 180 درجة.....؟؟ ايهم حس بحزن قال وهو يقوم: الحمدلله شبعت بروح انام تصبحون على خير.. ابو ايهم وام ايهم: وانت من اهله.... هبة تعكر مزاجها وقررت تقوم تصعد لغرفتها: وانا الحمدلله بعد شبعت تصبحون على خير وحبت راس امها وابوها وصعدت... ريهام وكانت عادي ما تاثرت: وانا بعد بصعد انام حبت راس امها وابوها وصعدت...... ام ايهم وابو ايهم: وانتوا من اهله..... ام ايهم زعلانة ما تدري شنو تقول او ايش تسوي غير انها تسكت وتشوف الايام ويش مخبية وموكله امرها لله... ومن غير احساس منها نزلت دمعتها.... ابو ايهم شافها كذا مسك يدها وطبطب عليها مسح دمعتها وقال: لا تحزنين وتشيلين بقلبك يا خديجة ان شاء الله بينصلح حاله وبيرد مثل قبل.. ام ايهم بحززن وصوت مخنق :ادري يا عدنان بس مو هذا الي مخليني احاتي سيف.... انا الي حاز بنفسي كل ما اطلع بعيون ولدي بلاقي حزن كنه يحاول يخفي هالحزن والاسى بهاذي التصرفات..؟؟. ابو ايهم بأسى : لا حول ولا قوة الا بالله... خلاص اهدي الا ما ربنا يفرجها خلنا نقوم ننام...وراحوا ينامون... عند هبة بالغرفة كانت جالسة عالسرير حزنانة على سيف شلون قلب وصار كذا...؟؟ تذكرت كيف كان يوم العزا قاعد ولا قال كلمة كنه شبح ما له موجود.... ولا نزل حتى دمعة ....؟؟ مع ان همام كان غالي عنده حيييييييل... وهي غارقة بالتفكير في اخوها قطع عليها صوت باب غرفتها يدق وكانت ريهام.. .... ريهام وهي تدخل جلست على السرير جنب هبة: ليه مو نايمة للحين....؟؟؟. هبة وهي تتنهد: افكر بحال سيف ولين متى بيبقى كذا...؟؟ وربي كاسر خاطري احسه في اوقات كثير خاش عننا شي مو قادر يقوله او يفصح عنه..... ريهام وهي تهز رجليها بالهوا وتتأفف:هففف.. ايه هو حاله كذا من لما الحادث.... هذا بس الي يجيلنا من ورا أرز واخوها القرففف بسسس...... هبة كشرت وبنبرة تعصيب: ريهاام شنو هالكلام هذا ...؟؟ عيب عليك الزلمة مات وانتي تقولين هالكلام ...ما اصدق ايش كم الكره والسواد بقلبك..؟؟ وشنو سوا لك اهو عشان تقولين كذا...؟؟؟ وأرز المسكينة كافي الي صارلها ما بي اسمعك تتكلمين عنهم كذا مرة ثانية ..... وبنبرة تحذير: سمعتي..........؟؟؟؟؟ ريهام بعصبية: اقووول هاذي...(تقصد أرز) الي تدافعين عنها لو فيها خيييييير ما كان ابوها سافها كذا ويعاملها كنها بنت غريبة مو بنته .....وبعدييييين كيفي انا قول الي اريد وقت مابي ما احد له عندي شي ....وبعدين همام مو معروف عايش ولا ميت للحين ما احد لقي جثته مدري عنه عمي شلون سوا العزا من غير جثة...!!؟؟ هبة وصلللت معها من اسلوب ريهام الي قلبها ملياان كره وخصوصا تجاه أرز : صدق انك انسانة بليدة وما تحسين قووومي روحي لغرفتك ابي انام يلاااااااااا.... قامت ريهام وطلعت راحت لغرفتها... هبة: مدري هالبنت لمين طالعة قاسية ومتبلدة المشاعر كذا...؟؟ استغفر الله بسسس خلني انام ابركلي.... في امريكا حيث يوجد بطلنا سام>>>>>> جالس في الشقة الي استأجرها عشان الدراسة قاعد حاس بقلبه حزن و كره بيكبر يوم بعد يوم ما عاد يطيق شي اسمه حواء... يكرهم كره مو طبيعي وفقد الثقة فيهم ....حاس انه غبي شلون نقص عليه بهاي الطريقة...؟؟ مو قادر ينسى تغير صار انطوائي.... دوم جالس لوحده انقطع عن اصدقائه الي كانوا دوم يحاولون يطلعونه من الي اهو في بس هو ما كان يعطيهم وجه.... بالاخر يأسوا منه... صارت حياته من الجامعة للشقة ومن الشقة للجامعة ودراسة .... اخر مرة دق على اهله حس ان نسيم شوي وبتكشفه لانها اكثر شخص قريب له في العايلة .... تفهمه كويس وتحس فيه فقرر ما عاد يدق عليهم لين ما يروق ويهدا حاله ما يبي يقلقهم عليه.... وهو ما ضلله شي شهور ويخلص ويرد لبلده وعيلته..... نعود لارض الوطن..<<<<<< أرز جالسة تضبط نفسها عشان بتروح للمول مع نسيم.... نسيم جالسة تفكر في اخوها سام له اربع شهور ما دق عليهم..... قلقانه عليه خصوصا بعد اخر مرة كلمته فيها حست انه خاش عنهم شي.... نسيم بتدعي وتقول يااارب ان الي احس فيه يكون مجرد هواجس مو اكثر... الله يحميك يخوي ويردك سالم لينا يارب ...ونفضت كل هالافكار من راسها وقامت تجهز نفسها... جالسة تناظر الساعة.. عاقدة حواجبها وتهز رجلها بعصبية أرز: اففففف وينها ذي تأخررررت وبعدين عاد ..؟؟ قالت بتكون هنا خمسة والحين الساعة ستة.... ولا الغبية ادق عليها وما ترد ..؟؟اففففف..... الا ويدق محمول أرز وطالعت الرقم لقتها نسيم أرز بعصبية: والله وبدرررري عليك بعد ليه داقة اقول خليك كمان ساعتين سافهتني وما تردين......؟؟ نسيم بتضحك: هههههههههه وربي ما انتبهت يا قلبي للوقت وكان المحمول صامت ما سمعته ... انا خلاص وصلت وبستناك تتحت يلا انزلي..... أرز بغيظ: مووووووو نازلة خليك انطري مثل ما نطرتيني للحين وهاااا... نسيم :يوووه عااااد أررز خلاص مرقيها ....هي هالمرة الي تأخرت فيها عليك لا تصيرين معقدة ...؟؟ويلا انزلي خلنا نلحق نفر شوية... أرز بتفكير :مممممم بما انها اول مرة تعمليها وتتأخرين خلاص بسامحك... بس ديرييين بالك تعيدينها مرة ثانية وربي ما امرقها سمعتييي..؟؟ نسيم: سمعت سمعت يلا انزلي..... ونزلت أرز ركبت مع نسيم بالسيارة وانطلقوا للمول...... في المول أرز ونسيم يفرون من محل ملابس لشوزات لاكسسوارات ما خلوا محل بالمول ما راحوا له... ليين تعبوا ورجولهم وجعتهم فقرروا يجلسون بكافي يشربون شي؟.... أرز ونسيم جالسات يشوفون المنيو يبون يطلبون... أرز:مممممم انا بطلب لي ايس كوفي..وانتي نسيم ايش تبغين تشربي....؟؟ نسيم كانت قاعدة تفكر بأخوها وسرحااانة ومو مع أرز بالمرة,...\ أرز استغربت من نسيم الي تكلمها وما ترد أرز وهي تشوح بيدها قدام وجه نسيم وتقول :هلووووو انا اكلمك وين رحتي...؟؟؟!! نسيم الي صحت من سرحانها على صوت أرز: هلا أرز ايش بغيتي..؟؟ أرز رفعت حاجب : لا احلفييي....ايش فيك من اول ما طلعت معاك وانتي مو على بعضك في شي..؟؟ نسيم بتحاول ما تقلق أرز معها قالت: لا ما في شي... بس كذا بفكرانه قريب بتفتح المدارس وبنرجع للقرف مرة ثانية. أرز بعدم اقتناع: اهااا وبتحسبيني الحين بصدق ان هذا الي قالقك...؟؟؟ انتي اخر واحد يقلق بالمدرسة تكلمي نسيم قبل ما اعصب عليك... نسيم وهي تتنهد تدري عدل أرز عنيدة وما راح تهدها بحالها لين تعرف ايش فيها: افكر في سام له شهور ما دق علينا مو من عوايده يبقى كل هالمدة من غير ما يدق.. أرز: عادي يمكن مشغول انت تدرين هو يدرس تخصص جراحة قلب مو سهل ابد.. نسيم: ادري.. بس اخر مرة كلمته ما عجبني صوته حسيت ان في شي خاشه صوته وهو يكلمني قلقني عليه حيل.. أرز تبي تطمن صديقتها: عادي يا قلبي يمكن كان تعبان من الدراسة وتهيألك انه في شي ما تخافي بس انتي ادعين له يرد لكم قريب بالسلامة.. نسيم: الله يرده لنا سالم ياااارب وان شاء الله مثل ما تقولين تطلع اوهام براسي... وكملوا شرب وسوالف وبعد فترة ردوا للبيت... <<<<انتهى الفصل>>>>> | ||||
|
| |
|
21-09-18, 12:44 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (الفصل الخامس) نهاية الاسبوع والجميع قاعد يتجهز عشان يروحون للشاليه >>>>>>>>>> عند قصر ابو سام الكل مجتمع يبون يقسمون نفسهم بالسيارات............: أرز نسيم ريماس مع هيثم<< هبة وريهام مع اخوهم ايهم<< ماجد مع زوجته وعياله بسيارتهم<< ابو سام وابو همام بنفس السيارة مع زوجاتهم<< ابو ايهم وزوجته راحوا بسيارتهم<< اماا سيف كان الود وده ما يروح معاهم حاول يتهرب كثير بس ما زبط معاه... ابوه اصر عليه يجي وما خلاله مجال يناقشه. ..... عشان يضمنو انه يجي وما يطنش خلوه يجي مع ليث صديقه بالسيارة... وبنعرف بعدين ليش سيف ما يبي يروح معاهم وفيه سبب قوي بنعرفه خلال الاحداث....ليث صديق سيف الروح بالروح ويدرسون سوا نفس التخصص ...هو الوحيد الي يدري ليه سيف حاله انقلب من وقت الحادث بس ما يقدر يخون ثقة سيف ويقول عشان كذا هو حافظ السر وساكت.... بعد ما تأكدوا ان جميع الاغراض موجودة وما نسوا شي كل واحد ركب سيارته وانطلقوا الى الشاليه>>>>> بعد نصف ساعة بالطريق.....: سيف ساكت ما تكلم طول الوقت...ليث وهو شايفه سرحان وساكت رحمه وحاس فيه لانه يعرف سبب سكوته فحب يكسر حاجز الصمت و يحارشه شوي: ايوة يا ابو الشباب وش صار معاك بعدين وين وصلت...؟؟ سيف لف على ليث بأستغراب وقال: هااااااا... شصار معاي بشنو..؟؟ ليث ببتسامه: بالموضوع وغمزه...... سيف زاد استغرابه: اي موضوع...؟؟!!! ليث وشوي بيضحك على شكل سيف : الي خبري خبرك الموضوع ما غيرررره .. سيف صفن شوي وستوعب ان ليث يستهبل وياه ابتسم وقرر يكمل استهبال مع ليث: والله يا طويل العمر رحت وكلمتها وخذيت رقمها واتفقنا نلتقي بمطعم بعد الدوام... ليث بضحكة:ههههههههه والله وطلعت منت هين يا اللعيين.. سيف: هههههه افااااا انا سيف ما في شي يصعب علي بعجبك وغمزه.. وكملو استهبال طول الطريق وليث استانس ان قدر يطلع سيف من سرحانه وحزنه الي هو فيه... سيارة ابو سام قاعدين يتكلمون عن احوال الشغل والشركات وزوجاتهم بيتكلمون عن احوال البيت والولاد ... في سيارة ماجد مقضيها ضحك وغشمرة ويا حنان ولا يخلو الامر من بعض الغزل والحب... سيارة ايهم ..... ريهام قاعدة لاوية بوزها وكل شوي تقط كلمة وتتأفف: اففف يعني ابي افهم كانت هاذي الطلعة ضرورية..؟؟ ما بناخذ منها غير الغثة... هبة : والله ما غيرك الي بيغث اقول اسكتي صدعتي راسي لك ساعة تحنين خلاص.. ايهم اعطى ريهام من خلال المراية نظرة خرعتها وقال: اقول لا يكثر مو عاجبك بتسكتي فهمتي....؟؟ وشغل المسجل يبي يسمع اغاني ويروق بدل تذمر اخته الي أزعجه وخرب مزاجه... ريهام كشرت ولوت بوزها موعاجبها الوضع... سيارة هيثم قاعد يدندن ويغني ويا المغني وكانت شغالة اغنية شالع قلبي... نسيم بأنزعاج: يخي اسكت عاد خربت الاغنية بصوتك نبي نسمع ونستمتع اففف.. أرز: ايه والله خرب ام الاغنية بصوته..-_- هيثم طفى المسجل عناد فيهم صار يغني بصوته: ولاي لاي لاي لاي يا دوخة راسي انت واحلى دوخة راس يالمبدل احوالي واني ميت فيك... أرز ونسيم متغاظين: شغل المسجل بلا بياااااخة هيثم وهو يرفع حواجبه وينزلهم يبي يقهرهم: نو نو ما في انا بغنيلكم بصوتي طول الطريق ابرك من هالمسجل..... أرز ونسيم شهقو وسوا قالو: لااااااااااااااااااا والي يسلمك... هيثم وهو يبتسم: بسكت وبشغله بس عندي شرط... نسيم وأرز طالعوا بعض وقالوا بتملل: ايش هو..؟؟ هيثم ابتسم بخبث وقال: تحبون يديي وتعتذرون.... وبعد تعترفون ان صوتي حلو واحلى من صوت الي كان يغني يلا... أرز بأستنكار: لااااااااااااا احلف عاااااااااد لو تموت ما حبيت عيدك ويييع لا انا اقول غني طول الطريق احسن....قال ايش قال احب يده نسيم: اقول هيثم لا تزودها ترا مو طالبين هبالك شغل المسجل يلاا عاااد.. ريماس جالسة قدام بس تسمع وتبتسم عهبالهم.... هيثم وهو يسوي نفسه يفكر قال:مممممم خلاص رحمتكم مابيكم تحبون يدي بس اعتذروا وبيمشي الحال.. أرز ونسيم بدون نفس: اسفييين.. هيثم ابتسم وقال: وين الاعتراف...؟؟؟؟ أرز: اعتراف شنوووو...؟؟ نسيم بتملل: هيييي عااااد يخي صوتك يجننن احللى صوت بالعالم اخلص وشغل هالمسجلللل هيثم: هااا ما اسمع أرز الاعتراف....؟؟ نسيم بترجي: أرز والي يسلمك اعترفي فكينا من سخافته... أرز بسخرية : صووووتك يجنن عاد تدري ااخاف على حنجرتك الذهبية وصوتك يروح ولا كان قلتلك غنيلنا انت بدل المسجل تراها فرصة ما تتكرر بس شالعمل نبي نحافظ عصوتك عاااد ... هيثم: ههههههههههههههههههههه ايييه كذاا اتسنعو من الاول ناس ما تيجي االا بالعين الحمرا.... ورجع شغل المسجل الا تطلع اغنية يا اول عشق والي كانت أرز تسمعها دوم من اخوها همام وهو يغنيها ويعزفها عالجيتار لها .. أرز اول ما سمعتها حست بقلبها نقزة وحست انها مشتاقة حييييل لاخوهاااا حزنت كثييير وتبي تبكي بس ماسكة نفسها ما تبي تخرب عليهم الطلعة.... هيثم يعرف ان هاي الاغنية كان همام يغنيها كثير لأرز لانها تحبها كان يبغى يطفيها عشان ما ييبي أرز تزعل بس اهي قالت له يخليها .. هيثم بحزن: أرز ا أكيد ما تبي اطفيها....؟؟ أرز وعيونها كلها دموع هزت راسها بمعنى ايه معليش خلها شغالة.. وركت راسها على الشباك وسرحت بذكرياتها مع اخوها, ومن غير شعورهربت من عينها دمعة..... نسيم بان على وجهها ملامح الحزن وحضنت أرز من كتفها وتمت حاضنتها طول الطريق... وبعد ساعة الكل وصل .... من بعد ما وصلوا الشاليه الجميع نزل اغراضه دخلها للداخل... والشباب طلعوا عدة الشواء وكرة الطائرة الي جايبينها عشان يلعبون فيها ....وهم بناقلوا الاغراض سيف كان حامل الفحم وقدامه كان واقف هيثم بيركب عواميد الشواية وبيحضر نفسه عشان يشوي... سيف كان قريب لهيثم قال واهو يناديه :سيف بمزاح: اقوول هيثمم بنسلمك الشوي ترا دير بالك نبيه سنع وعدل مو ... وما انتبه على الحجر الي قدامه ما كمل جملته الا هو واقع ومطير كيس الفحم على هيثم وعباه شحار من اوله لأخره ... ايهم ما قدر يمسك نفسه وصار يضحك من قلب على الموقف الي شافه:هههههههههههههههههههه� �ههههههههه هيثم بعصبيه: يااالتببببن شوف شنو سااويييت الله ياخذك يا مهوي يا الدلخ يا المصرقع .... سيف وهو متألم لانه وقع على وجه واذى خشمه: يخي مو قصدي ترى ... وهو يحط يده على خشمه:ااااخخ يا خشمي يعورني...وكمل انت شفتني اني وقعت والكيس طار من يدي من غير قصد فماله داعي تزفني هالزفة.. ليث ما قدر يقاوم كان كاتم ضحكته بس لما شاف شكل سيف ما قدر يكتم ضحكته اكثر:ههههههههههههههه منظرك يبيلك صورة وانت كذا.... سيف مضيق عيونه: اقوووول كل تبن انت احسن غثيث.... ليث يكمل ضحك مو قادر يرد:ههههههههههههههههههههه� �ه سيف بغيظ من ليث الي يضحك عليه: ما اقول غير مالت عليك بسسسس ..... من بعد ما بدل هيثم ملابسه رجع يحضر للشوي هو وايهم...... ليث قاعد ينظف انف سيف لأن نزف شوي من الوقعة.... وكل شوي يضحك مو قادر يكتم ضحكته... وسيف يعطيه نظرة نفسه يطقه سيف وهو يبعد يد ليث عنه بقوة:ليييييث ان ما سكت الحين وربي طاقك طق اطلع كل حرتي فيك...... ليث وهو يحاول يكتم ضحكته:ههههه احم خلاص بسكت بس تعال خلني اكمل تنظيف الجرح...... عند البنات قاعدين يحضرون السلطات والمشروبات ويساعدون امهاتهم في اللحم ويغرزونه بالسياخ... أرز وهي تكح وتعاطس وعيونها تدمع وحالتها حالة كحكحكحكح هااتسوووووو.... قالت بنرفزة: نسيييم ووجععععع اللحم هنا تكتين الفلفل بوجهي ليييييه كحكحكحكحكح يما ابي اعطس هااا هاا هاتسوووووووووووو يا العلة... نسيم وهي تضحك عمنظر أرز مع خشمها وعيونها الحمر : ههههههههههههه وربي مو قصدي هو طار بوجهك مع الهوا ههههههههههه........ أرز بعصبية: وتضحكين بعد انا ااراوبك وحملت الفلفل تبي ترش على نسيم وهربت ..... أرز تلحقها وتقولها وقفي يالمطفوقة وربي لاراويك.... وهوووب ما تلاقي نفسها الا خبطت بششي قاسي ووقعت عالارض وقع منها الفلفل ونكسرت العلبة وتناثر بالارض ...... سيف كان في طريقه لداخل الشاليه يبي يجيب المروحة حقت الفحم ما لقى الا شي خبط فيه والمه ......؟؟؟وهو يناظر الي عالارض جمدد مكانه ....مو قادر يتحرك.... يبي يروح ما يبي يناظر لها مو قادر كل ما يناظرها يحس بتأنيب ضمير وحزنن .....؟!؟ >>>>انتهى الفصل<<<< في انتظار تعليقاتكم | ||||
|
| |
|
21-09-18, 12:46 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هذا هو الفصل السادس ارجو لكم قراءة ممتعة (الفصل السادس) أرز تحس مو قادرة تاخذ نفس ..... خنقت ووجها حمممر وصارت تكح..... سيف شافها كذا خاف عليها نزل لها وقال بخوف: أرز انتي بخير..... أرز شفيك..... اناديلك امي تساعدك .....؟؟؟؟!!! أرز وهي تسترد نفسها شوي شوي قالت بصوت يادوب طالع: لا ماله....كحكح..... ماله داعي تقلقها و لا تحاتي شوي واصير كويسة....... عادي ما في شي لا تخاف وابتسمت ابتسامة خفيفة تبي تطمنه.... سيف حزييين يحس هو السبب بالي هي فيه قالها وصوته كله حزن: اسف أرز ما كان قصدي..... مد يده لها وساعدها انها تقوم وقالها خلي بالك عنفسك,..... مشى راح ورد للشباب وفي داخله حزن الدنيا كلها..... عند ايهم وهيثم كانوا بيولعون الفحم... بعد ما خلصوا و صار جاهز الفحم للشوي...... راح هيثم عشان يجيب اللحم والدجاج.... وهو راد شاف على االكرسي بالخارج أرز جالسة....... راح لعندها وهو يتسائل ويا نفسه: ايش الي مجلس أرز هنا لوحدها وهاده البنات...؟؟!! هيثم وهو يقترب من أرز خطرله فكرة نذلة وبغى ينفذها ابتسم بخبث وهو يتقدم بحذرمن غير ما يطلع اي صوت لين صار ورا أرز وفجأة: بووووووه..... أرز خافت ونقزت من مكانها..... كانت تبي تزفه على هالحركة بس ما قدرت لانها صارت تسعل بشكل قوووي ويخووف وخنقتت ... هيثم بخووووف ترك اللحم من يده وراح لأرز وهو يمسح عظهرها: أرز بسم الله عليك.... ايش صارلك ...شفيك..؟؟؟ حاولي خذي نفس شوي شوي تنفسي...!!!. أرز وهي تحاول تنفذ كلام هيثم: كحكحكح..كل ما تحاول تاخذ نفس تسعلل وتزيد الخنقة.... هيثم ضرب على جبهته تذكر أرز ومرضها بسرعة قالها: أرز وين دواك بسرعة....؟؟ أرز اشرت له على حقيبتها الي كانت بالداخل على الكنبة...... راح هيثم بسرعة جابه وعطاها جلاس ماي شربها الدوا وبعد شوي أرز راقت ورجعت طبيعية... هيثم تنفس براحة لما شافها ردت طبيعية ندم ولام نفسه على غبائه..... قالها: اسف يا قلبي سامحيني وربي نسيت .....ما قصدت حبيت بس امزح معاك.... أرز شوي و تصيح..... زهقت من مرضها وحالها ..... تعبت من ان الكل حريص معاها خوف عليها مللت من مرضها الي جالها من بعد الحادث.... مو عارفة ترد مثل اول كل شي تغير عليها... قالت وهي كاتمة دموعها: عادي يا هيثم ما صار شي لا تحط ببالك ..... حبت تغير الجو الكئيب ناظرت اللحم وقالت بمزاح: والله شكلك يا هيثم ناوي على نفسك...؟؟ ترى ان جاعوا الربع ياكلوك بدل اللحم ان درو انه للحين ما نشوى ... هيثم والي يناظر اللحم وضرب على جبهته: وليييييه وربي الشباب ليزفوني زفة مرتبة الحين.... أرز وهي تضحك:هههههههههه قوم روح لهم قبل ليجون يدوروك يلقوك هنا يساون لك سالفة.. هيثم ضحك وقال: ههههههههههه معك حق خلن اقوم ....وانتي بعد قومي تعالي اجلسي ويا البنات لا تبقين هنا لوحدك يلا... أرز وهي تقوم يلا وراحت للبنات وهيثم راح للشباب ... طبعا زفوه عشان تاخر عليهم ... أرز وهي متوجهة مكان جمعة البنات.... شافت كرسي بعيد عنهم شوي.... راحت وجلست عليه ما كان لها خلق لشي ...بس تبغى تقعد لوحدها..... نسيم تناظر لأرز بأستغراب وتقول لهبة الي كانت جالسة جنبها: يوه... ؟!!! ويش فيها أرز جالسة هناك لوحدها مو عوايدها تسفهنا وتجلس لوحدها...؟؟؟؟ ليكون ريهام نقلت لها العدوة وصارت نفسيه زيها.....؟؟ هبة وهي تضحك على نسيم الي تتكلم بحرية وناسية نفسها: ههههههه اقول ترى ريهام اختي وما ارضى عليها... نسيم وهي تحرك فمها شمال ويمين قالت: يوووه ونعم الاخت والله..... وبعدين ما قلت شي غلط انا كاهي هناك جالسة لوحدها لاوية بوزها ومكشرة مو عاجبها شي .....!!! مو فاهمة انا هاذي اختك لمين طالعة كذا مااالت عليها ..؟؟؟ ليه مو طالعة لك وجهك سموح وروحك حلوة وش حلاتك فديتك ..... هبة وهي مبتسمة: يا قلبي والله تسلمين لي.. اما أختي فما قول غير الله يهديها بسسسس..مدري هالطبع متى بتغيره..؟؟ نسيم: أمييين.... نسيم وهي تتذكر أرز: يووووه نسيت أرز كله من اختك النفسية .....خلني اقوم اروح لها اشوف شنو سالفتها هاذي الثانية....؟؟ قامت نسيم راحت لأرز ولما وصلت عندها جلست على كرسي بجنبها ..... أرز كانت جالسة و تفكر في حالها واذا ممكن يتغير في يوم من الايام ولا بتبقى كذا...؟؟؟ لانها خلاص ملت وتعبت ما تدري لين متى تقدر تتحمل...؟؟ صبرها خلاص قرب ينفذذ...أرز تنهدت تنهيدة من قلببها كلها حزن وتعبب ..... قطع عليها تفكيرها وسرحانها صوت نسيم وهي تقول بصراخ: هلووووووووو أرزززززز بكلمك انا سامعتيني.......؟؟ أرز وهي تغمض عينها بسبب نسيم الي أذت اذنها من صوتها وبأنزعاج: وووووجععععع ليه تصارخين....؟؟ نسيم وهي جالسة عالكرسي.... ردت ظهرها لورا تخصرت لأرز وقالت: لااا عاااد احلفي...؟؟ اقول احلفي مرة ثانية .....؟؟؟ لي ساعة جالسة اكلمك وانتي بعالم ثاني مدري وين رايحة...؟؟!! سكتت شوي و ابتسمت ابتسامة خبيثة صغرت عينها وقالت: ليكووووون واقعة بشباك احد وتخشين عني ولا تقولييييين لي...؟؟؟ يلا اعترفي منو قولي ما بقول لاحد اوعدك..؟؟ أرز ناظرتها بطرف عينها وقالت بقلة صبر: والي يسلمك نسيم بلاش سخافة من جد مو رايقة لهبالك الحين... نسيم قطبت حواجها وطالعت أرز لاحظت ان أرز زعلانة من شي... استسخفت حالها هي قاعدة تستهبل وتمزح وصديقتها مضايقة.. نسيم قربت لأرز مسكت يدها بحنان وقالت: أرز ايش فيك يا قلبي قولين لي ويش مضايقك لا تخشين عني شي ..؟؟؟ طبعا أرز ما راح تقول لنسيم عن الي بقلبها لأنها ما تبي تخرب عليها الرحلة فقالت: ما في شي بس كذا حبيت اجلس مع نفسي شوية عادي يعني... حبت تغير الموضوع حطت يدها عبطنها ودورتها بحركة تدل انها جعانة قالت وهي تتصنع التذمر: نسيييييم ايش ذا اخوكي ليه كذا بطئ ...؟؟؟ انا متت من الجووووع ابي اكل... نسيم والي تفهم أرز عدل ومتأكدة انها تخش عنها شي بس ما حبت تضغط عليها لان شايفتها مضايقة وقالت: خسى الجوووووع قومي معي تعالي نشوف ايش الي جهز وناكل منه ... أرز وهي تقوم : يلا تراني حدي جعاااانة..... بعد ما الكل خلاص اكل وشبع ...قاعدين الي يسولف والي يلعب .... ابو ايهم وابو سام وابو همام جالسين بيشربون شاي ونسوانهم قاعدين وياهم ...اما الشباب كانوا يلعبون كرة طائرة معهم عمهم ماجد والبنات يشجعونهم ... ابو همام وهو يوجه كلامه لاخوه عبد الكريم: تخيل اني اكتشفت بالشركة عندي المحاسب أختلس فلوس وانا مدري...؟؟ ابو سام: أيه وشلون كشفته...؟؟!! ابو همام: كان فيه بيدي صفقة كبيرة اصريت اني يومها أراجع الحسابات بنفسي ووقتها تفاجأت ان الحسابات فيها غلط وان أحد متلاعب فيها ...!!! وانا يا غافل الك الله .... ابو سام بعتاب : وانت شلون تترك الحسابات بأهمال كذا...؟؟ المفروض كنت تراجع كل شي بنفسك اول بأول الزمن هاذ يخوف وانا اخوك.. ابو همام: هذا المحاسب كنت أأمنه على جميع فلوسي وهي كانت المرة الوحيدة الي صار فيها كذا .... ما كنت اتصور لو 1% انه يساويها ويختلس..... ولا انت تعرفني انا كثير حريص على فلوسي وشغليي ما أأمن لأي احد ولو ما كنت شايف انه كفو ما سلمته حسابات الشركة ابد.. ابو سام: و بعدين شنو تصرفت معاه...؟؟ ابوهمام: طلبته لعندي وواجهته..... هو بالاول انكر بس لما واجهته بالحسابات الي معاي اعترف بكل شي وقام يبكي بحرقة ويقول انه انجبر يعمل كذا عشان علاج ابنه كان مكلفه كثيير.... بغيت اسجنه بس كسر خاطري يوم قعد يترجاني ويحلف ما تتكرر وانها اول واخر مرة ومستعد يعمل اي شي عشان اسامحه لو حتى يضطر يبيع بيته ويرجعلي الفلوس المهم اسامحه... ابو ايهم بفضول سأل: وايش صار بعدين سامحته...؟؟؟ ابوهمام: قلتله بعطيك اخر فرصة... وحذرته ان تكررت بسجنه وما راح اسمع منه اي عذر ولا راح اسامحه.. ابو سام: ورجعته يشتغل عندك عادي يا عبد الرحمن مو خايف يرجع يختلس مرة ثانية ..؟؟ترى الي يعملها اول مرة يكررها مرة ثانية وثالثة,....؟! ابو همام ببتسامة: لا تخاف يا عبد الكريم اخوك فطن ما يفوته هالشي... انا حاطة تحت الاختبار دون ما يدري حركه مشبوهة مني مناك عطول بينطرد...وبينحبس ابو أيهم: ايه يخوي انت بالامور هاذي ما في خوف عليك.. ابو سام: عافية عليك وربي قدها... وكملوا سوالف.... بالناحية الثانية كانت وفاء (ام سام).,و حنان مع خديجة (ام ايهم) يسمعون القصة,.... وفاء قالت بلوم وغضب: يعني يكسر خاطره موظف عنده لمجرد ان بكاله وحلفله ما يعيدها ومو كاسر خاطره بنته المسكينة الي يعاملها بقسوة وجفاء.....؟ خديجة بهمس:اوسس قصري حسك ليسمعك الحين ويساوي لك سالفة .... وفاء بغيظ: يعني انت هاذ الي هامك الحين يسمعني ولا لا...؟؟ خديجة بأسى قالت: يا وفاء وانا بعد أرز كاسرة خاطري... ومو عاجبني وحاز بنفسي بعد مثلك انه يحن عالغريب وتارك بنته..... بس مو طالع بيدنا شي غير ندعي ربنا يحنن قلبو عليها... وفاء :اميين يارب الله يهديك يا ابو همام... حنان بتنهيدة ومن قلبها تقول: امييييين ... خديجة وهي تناظر لأوس بيده لعبة ونايم على الكرسي ضحكت وقالت:ههههه يا حليله ابنك يا حنان من التعب نام على الكرسي.. حنان وكان بحضنها ابنها الصغير نايم قالت: ايه لعب كثير اليوم نهد حيله.... خلني ادخل اخوه النايم بحضني للسرير وارد اخذه انيمه بسريره... وقامت حنان تودي ولادها.... الشباب وهم يلعبون بالكورة كانوا كالتالي: ايهم هيثم ماجد بفريق<<<<< ليث وسيف كانوا بفريق.<<<<<<. ماجد وهو يرمي الكرة بقوة وسيف كان يحاول يمسكها بس ما قدر...... ماجد بفرحة وصراخ رفع يدينه ويغني:وفززززناااااااا وهيييييييه اوليه اوليه اوليه اوليه .....ايهم وهيثم راحو حضنوا عمهم ووقعوه ووقعوا فوقه,,... ماجد وشوي بينخنق: قووم يا المفهي انت وياه خنقتوني... ما كانت لعبة ذي تموتوني عشانها قووم وهو يدفعهم عنه,.. هيثم وايهم وهم يقومون :هههههههههههههههههههههههه سيف وهو متغاظ يقول لليث: كله منك انت الي قعدت تستهبل وما تلعب من جد وخليتهم يفوزون... ليث بأستنكار رفع حاجبه : لا عاااااد.... من الي كل شوي يسرح مدري وين ...؟؟وما يصحى الا والكرة جاية بالارض.. سيف : انا الي اسرح ولا انت الي دلخ وما تعرف تلعب....؟؟ ليث بنرفزة: دلخ بعينك سيف عن الغلط عاااااد ...... سيف كان يبي يرد على ليث الا ما يلقى غير الكرة بنص وجه.....!!! ماجد بجدية يوجه كلامه لليث وسيف: بس عن تصرفات اليهاال هاذي نازلين تتهاوشون على لعبة وانتوا كبركم هالكبر....؟؟ استحوا عااد .. طبعا سيف يحس بدواااااار مو طبيعي.... لأن الكرة اجت بخشمه ... وهو اصلا كان واقع عليه من قبل يحس انه بيفقد توازنه خلاااص الدنيا لفت فييييه ووقع عالارض مغمى عليه...؟!!!!! ليث نزل لمستوى سيف وقعد يضرب خده عالخفيف وبخوف: سيف سيف قوم سيف تسمعني سيف...؟؟!!!! البنات شهقو بخوف وخصوصا ريماس بغت تموت من الخوف عليه .....وراحوا يركضون جهة سيف.... ماجد بخوف: هيثم جيب موية بسررعة.... هيثم وهو يطالع الموية الي كانت محطوطة عالارض قريبة منه عطول راح خذها واعطاها لعمه ماجد قعد يرش شوي شوي على وجه سيف لين فتح عيونه شوي وصحصح.....ماجد بقلق:سيف انت بخير تسمعني...؟؟؟ البنات كانوا يناظروا بخوف وقلق وريماس شوي وبتصيح.... سيف وهو يفتح عيونه ببطئ يشوف عمه والكل حواليه قلقانين قال: انا بخير لا تحاتون..... لف نظره لريماس شافها شوي وراح تصيح ابتسم لها يبي يطمنها ....وهي من غير شعور ردت له الابتسامة وقالت بنفسها: الحمدلله يارب انه بخير..... بعد ما صحصح سيف واطمنوا عليه قرروا انهم يردون يروحون ويجلسون مع الربع .... ا بعد ما جلسوا على الكراسي عند الاهل.... ابو ايهم وهو يناظر لولده سيف قال بتساؤل: ويش فيه خشمك مخمش كذا ...؟؟ سيف وهو يتحسس خشمه قال: ما في شي يبا بس تعورت واحنا نلعب بالكورة... ابو ايهم بتأنيب: وانت ليه ما تنتبه...... لين متى بتبقى ماخذ كل شي بأستهتار....؟؟ سيف تنهد سكت وغمض عيونه منزعج يحس راسه مصدع ماله خلق يرد:... ايهم يبي يهدي ابوه: يبا عادي ....كنا نلعب وهاذي اصابات عرضية وطبيعية تصير كثير اثناء اللعب .... ابو ايهم تنهد يهدي نفسه: استغفر الله العظيم.... ابو سام وهو يناظر لبناته نسيم وريماس ابتسم لهم وقال: نسيم قلبي تعالي يبا جنبي انتي واختك ولهت عليكم اليوم كله ما شفتكم ... نسيم وريماس راحوا لابوهم حضنوه وحبوا راسه وجلسوا كل واحدة على جهة وهم حاضنين ا ابوهم وبقيو على هالحال.... ام سام بعتاب : انت بس اقعد دللهم كذا لين يختربوا من كثر الدلال.. سيف بيمازح امه: يمااا ليكون غرتي...؟؟ عادي ترى اذا غرتي قولي خلني اقومهم لك واقعدك مكانهم....؟؟ ام سام خجلت وضربت سيف على كتفه وقالت: يا زينك وانت ساكت بس قال غرت قال... ابو سام :هههههههههههه افا يا ام سام يعني افهم انك ما تغارين علي...؟؟ ام سام خلاااص وصلت حدها من عبد الكريم وابنه قالت وهي تقوم: انا بروح ازهب الشاي احسن... والكل ضحك:ههههههههههههههههههه ابو سام ببتسامة كلها حب قال: يا حليلها استحت..... بعد فترة ام سام رجعت بالشاي والكيك..... جالسين بياكلون بالكيك ..... نسيم مسكت قطعة تبي تأكلها لأبوها قالت: يبااا كل هاذي القطعة من يدي.. ابو سام ابتسم لبنته واكل قطعة الكيك من يدها... ريهام قاعدة تناظر بغيرة نقهرت من حركات نسيم.... فقررت تاأكل ابوها من الحرة قالت لأبوها ببتسامة كلها غرور: يبا كل هاذي من يدي.... مدت له القطعة بغت تأكله الا توقع منها عالارض قبل لتوصل فم ابوها وحست بالفشششلة... نسيم وهي شمتانة وتضحك:هههههههههههههههه كذا يصير للي يحاول يقلد غيره.. ريهام انقهرت من نسيم قالت وهي تقوم: مالت عليك عاد من حلاتك اقلدك ,... مشت بتعصيب ودشت داخل عشان تنام..... نسيم بصوت واطي: بالطقاق يلا احسن القعدة كذا حلوت اكثر.. أرز كانت تراقب بحسرة... نسيم واختها وهم بحضن ابوهم.... وكيف يعاملهم بكل حنية وحب.... ولامهم له وضامهم كأنهم شي غالي خايف يفقده... ناظرت لابوها الي توه راد..... لانه ما كان موجود اجاه اتصال ضروري من الشركة وراح يتكلم بالداخل عن الازعاج... جلس عالكرسي وشاف انه في شاي وكيك مد يده بغى ياخذ من الي قدامه.... أرز عطول قامت وقالت عنك يبا انا بعطيك.... وخذت قطعة كيك وفنجان شاي ومدتهم له .... لكن ابوها سفهها وما عبرها ولا حتى ناظرها...!!! خذ له من الي عالطاولة وترك يدها معلقة بالهوا وهي ماسكة الشاي والكيك...... أرز ما اهتمت للموقف البايخ الي ابوها حطها فيه.... ولا للأحراج الي صار لها قدام الكل.....!! كان كل الي تفكر فيه هو هالسؤال الي دايم يدور في راسها: لييييييه تعاملني يبا كذا ليييييييه....؟؟؟؟!!! حطت الي بيدها توجهت بدون ولا كلمة لجهة البحر جلست عالشط وغرقت بدموعها....!!! أرز كسرت خاطر كل الي كانوا موجودين... حزنوا عليها كثيير مسكينة ما تستاهل ..... ابو سام لاخوه بعتاب: ليه كسرت بخاطرها المسكينة ايش يصير يعني لو خذيت من يدها الشاي..؟؟ ابو همام باين عليه الضيق وبقلة صبر: بنتي واعاملها كيف مابي ما احد له عندي...... ابو سام بأنفعال شوي: شلون يعني ما احد له عندك....؟؟؟؟ لين متى بتبقى تعاملها كذا...؟؟ تراها بشر وكل تصرفاتك معاها تأذيها وتأثر عليها ...ولا انت ناسي ويش فيها بنتك وانها مريضة.... ارحمها شوية مو كذا ...؟؟؟ ابو همام بغضب: عبد الكريم قلت لك لا تدخللل ...مالك شغل كيف بعاملها ...مو عاجبك ...؟؟ خذها ربيها انت.. ابو سام متفاجئ مو مصدق الي قاعد يسمعه بأنفعال قال: ايه باخذها وبربيها وبعاملها مثل بناتي ... احسن لها من انها تجلس مع اب قاسي يحن عالغريب ويقسى عبنته ...!! ابو همام بغضب وتهور:ايه يكون احسن بالطقاق بتريحني من اني اقابل وجهها كل يوم... ماجد وهو متفاجئ من رد اخوه: يخوي الله يهداك ويش هالكلام هذا...؟؟ استهدي بالله واستغفر ربك يا رجل...!!! ابو ايهم يبي يهدي الوضع: يا جماعة استهدوا بالله ما يصير كذا استغفر الله هاذ شيطان ودخل بينكم.... ابو همام مضايق حييييل قام ودش داخل راح لسريره .... جلس عليه نزل راسه وهو مهموم تنهد بحزن.... ما كان يبي يقول هالكلام ....ولا قاصد يطلع منه ما يدري شلون فلت لسانه وطلع الكلام ...؟؟؟ ابو سام ياخذ نفس ويطلعه قالل: استغفر الله العلي العظيم.... الله يهديك يا عبد الرحمن ويحنن قلبك عبنتك.... الكل من دون استثناء كان متفاجئ وبقمة استغرابه من ابو همام ....!! شلووون يقول هالكلام وكأنه الي بيتكلم عنها مو بنته ...؟؟ كأنه بيتكلم عن اي قطعة مالها قيمة عنده.... يرميها بكل سهولة ويستغني عنها كذا ببساطة.....؟؟!!! نسيم كانت قلقانة على أرز بغتت تروح لها.... بس ابوها قالها خليها تقعد لوحدها شوية .. بعد فترة الكل دش داخل عشان ينام >>>>> اما أرزز جالسة على الشط وسرحانة غرقانة بدموعها تفكر في ابوها وليه يعاملها كذا...؟؟ بهاي اللحظة حست انها بحاجة اخوها همام كثييييييير... حست انها مشتاقة له حييل... تبي تشوفه لو مرة بس....و تشكيله يحضنها ويخفف عنها مثل ما كان يساوي قبل.... أرز من بين دموعها وهي تناظر البحر من كثر تفكيرها بأخوها واحساسها القووووي انها بحاجته.... تهيأ لها صورته قدامها يبتسم وفاتح يدينه يبي يحضنها..... أرز حالتها الي هي فيها خلتها تفقد التفكير بشكل صحيح... وما تميزالوهم من الحقيقة فقامت بفرح مو مصدقة ان امنيتها تحققت و اخوها همام قدامها ....؟؟ راحت تتقدم له تبي تحضنه ...أرز وهي تمشي مادة يدها لجهة البحر وصلت المي لين نص رجلها ...وما زالت تمشي تبي توصل لأخوها وتمشي وصلت المي لين نص بطنها.....!!وما زالت تتقدم ليين غطاها البحر بالكامل....؟!؟!؟! >>>>انتهى الفصل<<<< >>>>وانتهى البارت<<<< | ||||
|
| |
|
23-09-18, 11:24 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هذا هو البارت الثالث ارجو لكم قراءة ممتعة (البارت الثالث) >>>>الفصل السابع<<<< هيثم ما قدر ينام أرز كاسرة خاطره يبي يروح يشوفها قلقان يبغى يتطمن عليها قام من سريره وراح توجه للمكان الي أرز فيه.. وصل الشط قعد يناظر يمين وشمال ما لقيها...؟؟!! مشى لقدام شوي الا يشوف حذاء أرز على الرمل واهي مو موجودة...!!! فهد يناظر الشوز بأستغراب قال بتساؤل: ئييه وين راحت هاذي ...؟؟معقول ردت للداخل ونست شوزها هنا...؟؟!! فهد نزل عشان ياخذ الشوز,.... وهو يمسكه وبرفع نفسه لف لجهة البحر لمح شي بس ما يدري ايش هو.....؟ صغر عيونه يبي يدقق عدل الا يشوف خيال..؟؟ ما يدري ليه قلبه نقزه وعالسريع من غير تفكير رمى الشوز وراح للبحر سبح لين الخيال.....!! لما وصل لقاها أرز سحبها حملها وصلها للشط ..... حطها عالرمل قعد يضرب خدها وينادي بخوووف وهو يهزها من كتافها: أرز.. أرز قومي فتحي عيونك أرز...!!!! نسيم وهي تناظر سرير أرز الفاضي قلقت عليها لانها ما ردت لهالحزة..... قامت بغت تروح لها عشان تدخلها للداخل لأن الجو بارد وما ودها أرز تمرض.... وهي تمشي لجهة الشط شافت هيثم وأرز ممددة على الرمل ... مااتت خوف صارت تركض لجهتهم .... اثناء وهي بتركض تعرقلت وطاحت عالرمل تألمت شوي بعدين قامت وكملت طريقها.... لما وصلت شافت هيثم كان يحاول يخلي أرز الي كلها غرقان موية تصحى....؟!؟!؟ تقدمت لهم بخوف ونزلت لمستواهم .... نسيم بصوت يرتجف ورايح من الخوف والدموع متجمعة بعيونها : ايش صار شفيها أرز...؟؟؟ يما أرز يماا وصارت تصيح..... هيثم بقلق وخوف ان أرز تكون ماتت: أرز ابوس يدك فتحي عيونك ... قوووميي و يضرب على وجهها الي صار احمر من كثر الكفوف....ويصرخ قوووميي.. أرز في هاذي اللحظة سعلت وخرجت من فمها كل الموية الي شربتها....!! نسيم بسرعة حضنتها وبكت وهي تقول: الحمدلله انك بخير الحمدلله لساتك عايشة وتبكي... هيثم غمض عيونه بأرتياح وكان يتنفس بسرعة يبي يسترد انفاسه الي نقطعت من السباحة وحملانه لأرز....رفع راسه لفوق ومسح على شعره .... حط يده على جنبه وهو لسى بيلهث بعدين اخذ نفس عميييق وزفرره وطالع لأرز الي كانت بحضن نسيم ... هيثم بعد نسيم عن أرز ومسك كتوفها وهزها بقوة وقالها بعتاب وتأنيب: أرز شنو الي بتساوينه قاعدة شنو الي يتهبأ لك...؟؟ تبين تنهين حياتك يا أرز تبين تنتحرين....؟!؟!؟ نسيم فتحت عيونها بصدمة : شنو تقصد.... !!! كيف يعني تنتحر...؟!؟! هيثم ايش الي قاعد تقوله..؟؟؟!!!!! أرز من بعد ما صحصحت واستوعبت الي صار...بعدت يدينه عنها.... قامت بضعف ووقفت ناظرت لهيثم الي قاعد يطالعها بنظرات كلها لوم وعتاب .....أرز توجه كلامها له وبعيونها حزن كبيرر: الموقف مو مثل ما انت فاهم يا هيثم .... وما قالت كلمة زايدة لفت ظهرها تبي تروح... نسيم وقفت عطول ومسكتها من يدها قالت: استني أرز بروح معاك ما راح اتركك وانتي بهالحالة.... مشت نسيم ويا أرز وراحوا للداخل ولما وصلوا للغرفة نسيم حطت أرز بالسرير وغطتها عدل مسحت على راسها بحنان باست جبينها وقالت لها: نامي يا قلبي وارتاحي ... أرز ناظرت لنسيم واهي فهمتها على طول وكملت ببتسامة حنونة: لا تحاتين ما راح اخبر احد عن الي صار ... يلا نامي الحين تصبحين على خير... أرز كانت تحس ان جسمها مهدوووود فنامت على طول... اما نسيم توجهت لسريرها طفت اللايت تمددت تحت الغطا ولكن هيهات وين تنام....؟؟ فضلت تفكر في كلام هيثم ليين شقشق الضو وبعدها ما تدري شلون راحت بالنوم .....؟! ثاني يوم الصبح الكل قاعد يتروق ما عدا.... أرز كانت صاحية من بدري قاعدة بالفراش تفكر بقرار صممت انها تنفذه بمجرد ما ترجع من الشاليه وما راح تتراجع عنه لو ايش ما صار.... لأنها خلاص ملت وقرفت وما عاد عندها صبر اكثر... نسيم بعدها نايمة لأنها كانت سهرانة طول الليل... هيثم برضو نايم لانه بقي على الشط يفكر في الي عملته أرز.... وليه ساوت كذا لين ما شاف الضو بلش يطلع قام دخل صلى الفجر ونام.... بعد ما خلص الجميع الفطور قاموا يجهزون نفسهم عشان بيردون لبيوتهم... في طريق الرجعة الكل كان ساكت ....... سيف اصر انه هو الي يسوق وكل شوي يميل بالسيارة عن الطريق ويرد له بسرعة.... وليث ينرفز منه كل مرة يزفه وسيف يظحك عليه...... هيثم ساكت وكل شوي يناظر أرز من المراية يبي يعرف لييه ساوت كذا...؟؟ ما راح يرتاح غير لما يقعد معها ويفهم كل شي .... نسيم ما كانت احسن من حال اخوها بس ما عرفت ولأول مرة بحياتها كيف تفتح الموضوع مع أرز او ايش تقول حست نفسها مربطة عشان كذا قررت لما يوصلون البيت تستفسر من هيثم عن الي صار... ريماس من بعد ما شافت سيف واهي بعالم ثاني سرحانة وتحس بسعادة.....!! أرز مطنشة نظرات هيثم الي فاهمتها عدل وتفكر بالي راح تساويه لما ترد البيت.... بعد ساعتين تقريبا وصل الجميع لمنازلهم<<<<< ابو ايهم وام ايهم طلعوا يريحون شوي لأنهم حسوا نفسم دايخين وتعبانين.... هبة حست انها مو تعبانة فقررت تروح ترسم بالحديقة الخارجية لمنزلهم.. ايهم راح لمكتبه بالشركة عنده معاملات وعقود ضرورية لازم يروح يراجعها ... سيف وليث قرروا يروحون لكافيه يلعبون ورق ويشربون قهوة ... ربهام كانت مستانسة ان هالفسحة خلصت وما صدقت على الله ترد للبيت راحت دقت على صديقتها وبلشت حششش وسب بكل البنات خصوصا نسيم الي قاهرتها بعد اخر موقف .... قصر ابو سام<<<< ام سام راحت لجارتها قالت تبيها ضروري ...ابو سام راح يريح بغرفته شوية... هيثم قعد بتعب على الكنبة ورجع راسه لورا وغمض عيونه... فتحهم على صوت ليث يدندن.... هيثم وهو يعدل جلسته قال: وين يا مهون تونا رادين من الشاليه ارتحلك شوي...؟؟ ليث قعد جنب هيثم ببتاسمة حلوة وبمزح قال: والله يا غالي انا بعدني شباب ما اتعب الهذرة على الي ختيرون خلاص... هيثم ابتسم ومسك ليث من رقبته وضفط عليها وقال: مين الي ختير هاااا..؟؟ توني 25 سنة بعز شباابي ليث يضحك:ههههههههه هدني خنقتني يا معود... هيثم وهو يترك رقبته : مع من بتروح...؟؟ ليث وهو يقوم قال : اهو في غيره سيف..؟؟يلا يخوي بروح بلاش اتأخر سلام.. هيثم ما زال قاعد: مع السلامة.. نسيم كانت نازلة من الدرج شافت اخوها جالس على الكنبة بالصالة راحت له قعدت جنبه...نسيم وهي قاعدة تناظر لهيثم نظرات كلها تساؤلات.. هيثم تنهد وقال بداخله يا ليييل الحين بتقعد تحقق وياي وربي مالي خلللق شي... شسوي ان ما خبرتها الحين بتقلقني وياها ... بس شقول...؟؟!! اذا كنت بنفسي مو عارف السالفة اااخ بسس... نسيم صبرها نفذ خلاص سكتت كثير تبي تعرف هاذي أرز مو اي احد.... لازم تعرف ايش السالفة واذا كانت من جد أرز بغت تنتحر..؟؟ نسيم بنفاذ صبر: وبعدين يا هيثم مو ناوي تقلي الي صار مع أرز ترى خلاص وصلت حدي ابي اعرف ايش السالفة...؟ هيثم كتف يدينه ورجع راسه لورا غمض عيونه وتنهد بقووة : وربي يا نسيم مدري ايش السالفة... بس الي اعرفه اني نشلت أرز من الماي واهي بتغرق ....والي تراوى لي وقتها انها كانت تحاول تنتحر و ايش الحقيقة للحين مدري بس ناوي اعرفها قريب من أرز.... نسيم :وانا بعد ابي اعرف السالفة من أرز لازم اروح لها افهم منها كل شي.. هيثم وهو يقوم قال: بنروح لها الحين يلا قومي... نسيم وهيثم راحو مشو ركبوا السيارة وانطلقوا متوجهين لبيت عمهم... قصر ابوهمام<<<<<<<<<<<<< جالسة تاكل بسكوت وتشرب نسكافيه ... تطالع مسلسل ومندمجة.... واهي بنص اندماجها انفتح الباب كان ابوها راد للبيت قعدت تطالعه.... جمعت كل شجاعتها وقالت: بروح اسلم عليه هو ابوي بالاخر ومو حاله هاذي....؟؟ ومشت أرز بكل شجاعة ولحقت ابوها....... ابو همام دخل البيت... وكان تعبان من المشوار يبي يريح شوية... شافها جالسة تطالع التلفاز ومندمجة نزل راسه ومشى من غير ما يكلمها..... وهو طالع الدرج جه صوت وقفه... أرزبسرعة: يبا .. ابو سام وقف شوي.. ورد كمل يطلع الدرج وكأن ما حد نداه من الاساس...؟؟؟!! أرز حز بنفسها هالشي بس هالمرة صممت تنفذ الي قررته..... وهو انها تواجه ابوها... خلااااص ملت من هالحال ما عاد تقدر تتحمل....؟! راحت تطلع الدرج ورا ابوها الي كان واصل فوق ورايح لغرفته فتح الباب ودخل كان يبي يسكره الا بيد أرز توقفه....!!! أرز وصلت وهي تلهث شافت ابوها كان بيسكر الباب بسرعة مشت ومسكته قبل ما يسكره...... أرز بترجي:يبا قلي ليش تساوي فيني كذا...؟؟ انا ايش ساويت ايش ذنبي..؟؟ ليه تعالمني كني مو بنتك كني بنت من الشارع....؟؟ ابو همام منرفزويطالع الارض:اقووول أرز روحي من هنا دام النفس عليك طيبة يلااا... أرز والدموع بدتت تتجمع بعيونها: يبا طالعني... ليه ما تطالعني...؟؟ فهمني ابي افهم اقنعني ليه بتساوي معاي كذا ...؟؟؟ تعبت والله تعبت مو حااالة هاذي..... أبو أرز وما زال يطالع الارض : مالك شغل... ولا يكثر يلا اذلفي لراويك شي ما يعجبك الحين ... أرز بعنااااد تبي تفهم ليه هالمعاملة ......؟؟وبحركة جريئة منها تقدمت لأبوها مسكت وجهه ورفعته صار بمستوى وجهها و عينه بعينها.... قالت وعيونها مليانة دموع: ليه كل مرة تطالعني فيها بسرعة تنزل نظرك للارض فهمني لييه ...؟؟؟ أبو أرز خلاااص وصلت معاه من أرز وعنادها ما يبي يفقد اعصابه ويندم ....فقال وهو يشيل يدها بقوة وعصبية: أرززز بتخرجين ولا شلووون........؟؟؟ أرز بعصبية وأنفعال ومن غير شعوربصراخ نفجرت قايلة: ماني خارجة ابي افهم ليه تتعامل معاي بالاسلوب هاذا...؟؟ حتى الخدامة تعاملها احسن مني ,....حرام عليك والله تعبببت تعببببببببت مو قادرة اتحمل اكثر ملييييييت ......حرام عليك انا شذنبي قلي شذنننننننبي....؟؟؟ شنو هالذنب العظيم الي ارتكبته بحياتي يخليك جاف وقاسي وبارد معاي.....؟؟ يخليك ما تحس ببنتك الوحيدة...؟؟ وربي يبااااا بحتاجك وبحتاج حنانك ليييييييه كذا ليييييه.....؟؟؟؟ ابو همام بقمة عصبيته ولأول مرة يوجه كلام لأرز وهو يناظرها: ذنبببببك انك بنتهااااا..... ذنببببك انك تشبيهنهاااا ..... بصراااخ عرفتي شنو ذنببببك....؟ أرز وهي تبكي وبأنفعال: ايه بنتهاا بس انا بعد بنتك....... مو كفاية هدتني وانا صغيرة ما حسيت قد بمعنى الام وحنانها.... وكمان انت تقسى كذا...؟؟؟ مو ذنبي ترا ان كنت اشبهها ...؟؟ وربي كرهت شكلي بسبب تعاملك معااااي..... ليه ما خليتها تاخذني دامك هالكثر كارهني هااا ليييه ....؟؟؟وكملت بكاها بشهاق وحرقة .... ابو همام بنفس العصبية و انفلات اعصاب ومن بين اسنانه: للااسففففف انك بنتي ....و للأسففففف ما كان في مجال انها تاخذك ولا كان من زمااااان تاركك وافتكيت من مجابلة وجهك .... أرز وهي تناظر لابوها متفاجئة وبعدم استيعاب دموعها تنزل لوحدها قالت:شنو يعني للاسف...؟؟ يعني انت اسف ان انا خلقت للدنيا....؟؟؟ يعني انت اسف ان انا بنتك وبقيت معاك ...؟؟ يعني انا عايشة مع اب... ما يبيني,,...؟؟؟!!!!!! سكتت شوي وكملت بهمس حزيييين وصوت كله بكاا...:.حرام عليك وربي.... انا انسانة واحس مو حجر تراا .....مو كفاية همام راح وخلاني..؟؟ كملت بكاها المؤلم تحس بوجع تحس بجراح..... أبو أرز بأنفعال وتهور: ياريت انت الي رحتي بالحادث وبقى همام عايش .... والحين انقلعي برا مابي اشوفك يلااااا....!!! يعني قد ما اوصفلكم بشااااعة الي تحس فيه أرز بهاذي اللحظة ما اقدر اوصف عشر بالمية من الي تحسه المسكينة أرز... حست كلامه مثل السكاكين الي تدخل وتخرج لقلبها حست بألم حزن وجع وجرررررررررررح كبييييييير أرز بقت ترجف بقوة وتشاهق مو مصدقة الي سمعته ناظرت لأبوها وبصوت يرجف يالله سمعه: الله..يسامحك...يبا... الله يسامحك.. خذت ببالعافية نفس قالت وصوتها يقطع من البحة: كان.. كل الي اتمناه.. اب يحسسني بالامان... كنت بس ابي احس بحبك مو اكثر..ما لي ذنب يبا ...لا تظلمني... سحبت حالها وهي تجر نفسها بخيبة والم وحزن وجراح كبيييرة في قلبها الي ما يحمل كل هالقسوة.. خرجتت وسكرت الباب وراها...... ابو همام حس بتأنيب الضمير شلون قال كذا لبنته حزن كثييير مو قادر يعاملها بشكل طبيعي حس لما ناظرها أكنه يناظر مرته مو بنته... طلع كل الكلام من غير شعورر.. أرز كاسرة خاطره بس هالشي غصب عنه مو بيده .... بحزنن قال: حسبي الله ونعم الوكيل فيك ... حسبي الله ونعم الوكيل فيك انت السبب,.....يا تيلدا< <<<< اسم ام أرز أرز يا أرز ويل حالها المسكينة... وصلت غرفتها وهي تحس نفسها بتنخنق... تحس روحها بتطللللع... تحس نفسها بتلفظ انفاسها الاخيرة.... الكلام الي قاله لها ابوها قاسي ما تقدر تتحمله.... قلبها ما يقدر يحمله كثير عليه....!! جالسة تشاهق وتبكي ويادوب قادرة تاخذ نفسها....؟؟ تحس بدوار.. تحس بألم نفسي وجسدي مو قادرة خلااص...... مرت نصف ساعة وحالة أرز من السئ للاسوأ حست نفسها بتموت...... ؟؟ من غير شعور قامت تبي تروح لأبوها ....؟!!! لكن من كثر الضعف والتخدير الي تحسه بجسمها وقعت....؟؟؟ كملت طريقها وهي تزحف بصعووووبة... فضلت تزحف لين وصلت غرفة ابوها ... جمعت كللل القوة الي تبقت بجسمها ... رفعت نفسها... فتحت الباب بالعافية لفتح معها... ووقعت من دون حراك.....!!!....؟؟؟؟؟ ابو همام قام مفزوع على الصوت الي سببه وقعة ارز عالارض .. راح يمشي لجهتها ببطئ.... وصل عند أرز يناظرها بصدمة.... حس رجوله مو قادرة تشيله من الخوف.. جلس بضعف على ركبه... قعد ينقل نظره لجسم أرز ووجهها.. يشوف بنته قدامه جثة شاحبة وشفافها مزرقة.... ابو همام بصدمة وعددم تصديق....؟!؟! حط يده على وجه أرز وكان بارد....!!! ابو همام بصوت مو طالع: بنتي.... بنتي أرز ماتت...؟؟!!! >>>>انتهى الفصل<<<< | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
العرض العادي
