آخر 10 مشاركات
عندما يعشقون صغاراً (2) *مميزة و مكتملة *.. سلسلة مغتربون في الحب (الكاتـب : bambolina - )           »          جاك...كارا (114) للكاتبة: Lynn Raye Harris (ج5 من سلسلة دماء سيئة) *كاملة* (الكاتـب : Gege86 - )           »          زوجة بالميراث (127) للكاتبة: Sara Craven *كاملة* (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          وأشرقت في القلب بسمة (2) .. سلسلة قلوب مغتربة *مميزة ومكتملة * (الكاتـب : Shammosah - )           »          شهم الطبايع يا بشر هذا هو الفهد *مميزة و مكتملة* (الكاتـب : Aurora - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          وابتسم القدر(وعندما اقتربت النهاية...ابتسم القدر) *مميزة ومكتملة* (الكاتـب : فاتن عبدالعظيم - )           »          غمد السحاب *مكتملة* (الكاتـب : Aurora - )           »          1011 - ها قد اتت المتاعب - ديبى ماكومبر - د.نـــ (عدد جديد) (الكاتـب : Dalyia - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 15-10-19, 11:32 AM   #11

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




#تشوه_خلقي
للكاتبة ام مصطفى
البارت السادس عشر

صعدني بالسياره
وكعد يمي
باوعتله
كال ديري وجهج مني مااريد اشوف خلقتج
-ليش ؟؟
هسه خلقتي صارت معاجبتك وين احبج وتخبلين
-اسس مااسمعلج صوت لج مصدكه روحها حلوه واحبها
-مااكول غير حسبي الله ونعم الوكيل بيك
ضربني بعكسه ع خاصرتي
-بسيطه تتحسبين علي نوصل لولا
اني اعلمج ضل يفشر فشار عمري مسامعته
طبعا جان اليسوق ابن عمي الي هو اخوه
بس جان يحجي ع كيف ع ساس بس الولد يسمع كلشي
كام يستغفر هيثم
استغفر الله
كافي ياسر كافي

وصلنا للبيت
دخلت ذبحوا دجاجه جوه رجلي
ومرت عمي شمرت شكر وتمن فوكاي مدري ليش
هلاهل اسمع
دخلت كعدوني بالاستقبال
طبت امي وبيبي ومرت خالي
ضلن يتسالمن مرت عمي سلمت ع امي
هله بيج دادا وفاء
امي كالت الها زين شفتج
-والله ملتهيه بالبيت وياسر صدمني بزواجه
ضربني ع راسي عاف بنات الناس كلها واخذ ملاك الحمد لله
قسمته عوجه هالولد
امي كالت الها محد ضربه ع ايده
-انت شتدرين نايمة ورجليج بالشمس
خليني ساكته اذا احجي تصير فضيحة
وراحت
اني كمت ارجف رجف خاف دكل لامي
ونيران تباوعلي بغضب
دكلي كله منج خليتي شرفنا بلسان وداد
امي التفتت علي عود شنو قصدها
-هاا شمدريني
كامت تعض باصابعها اخخ
كله من ابوج

وادك ع. رجليها هاي اولها هيج تاليها شلون
ولج مليكه اي شي تسويه لا تسكتيلها
اذا اذوج لو تسمعج حجي رديها
كليلها مدازه عليكم
وتعاي عوفيهم وتعاي والله للعن هيج قسمه وهيج زواج

يربي شيخلصها خلصت روحي
نيران كالت
والله اليجي منيده الله يزيده
-لاتدعين علي والله البيه مكفيني
الله يغفر ويسامح ليش احنه البشر منسامح
تره اني اذيت بس نفسي
اذا تردين اخابر علي واحجيله واعترفله
-لا لا ديري بالج ملاك لا فدوه
ديري بالج شترديه شيكول علينا
وج خلي يكرهني ولا يعرف اختي تبوك
واهلي تهموه
اسكتي عوفيها للزمن ربج شكاتبه النه يصير

باوعتلي شافتني ابجي
مسحت دموعي الله كريم
سلمي امرج لله هو كفيل ووكيل بيج
طب عمي كال صعدوها لغرفتها
حتى نزف وره منصب عشه الجن
صعدتني امي وهي تبجي
وتمسح دموعها بعبايتها
اووف شلعتي كلبي ملاك يمةة
ماجنت مصوره
تفتر بيج الدنيا وتجين يم وداد
صاحت وداد وشبيها عيني وداد
فوك مالفت بتج وسترتها
-احترمي نفسج ولجج بناتي اشرف من الشرف
انت شبيج مجلوبه شجاي تحجين وتخربطين
اذا ماارايده بنتي اخذها وياي تره
-اي تاخذيها هو انت صاح الجن رجال مثل ابني
لا تخافين اني فتره وادز عليج تاخذيها
-شنو قصدج فهميني
-ما مجبوره افهمج
ويله سون طريق للولد يصعد الله يعينه ع هالليله الغبره . احد يزوج وحش
-ماغيرج الوحش شوفي اسلوبج واخلاقج
محضوره بالناس والله جان شرشحرتج

نزلت امي وتحجي وتغلط
وعمتي غمتني روحي بدلي عساج لبستي جفنج وخلصنا منج
دخلت للغرفه
نزعت بدلتي كوه لحت السحاب
جان ثوب نوم معلك وروب
لبستهن
جسمي جان كلش حلو طولي ١٦٥ ووزني ٦٠ وبيضة بشكل جسمي كطن عبالك شخط مابيه وشعري طويل سرح اشكر
وعيوني خضر
بس وجهي يلعب النفس الف الحمد لله
لبست الثوب والروب
وكعدت.
والله ارجف وابجي بردانه بعز الصيف
وخايفه
اخاف منه الي شفته ذاك اليوم شي مرعب
سمعت هوسات بعدها دخل وسد الباب
اول شي سواه
نزع الحزام وطاح علي ضرب
ولج شلون تتحسبين علي بالسياره
فوك ماماخذج اني
كمت اتوسل بيه فدوه كافي
عوفني
حصلتي اربع جلدات ع ضهري وايدي
كال بيج بخت باهلج اهنا
وخاف يصعدون علينا
بجيت ليش هيج تصرف وياي اني شنو سويتلك
شنوو ذنبي وياك
كافي كافي لا تتمسكنين
يله انزعي وغطي وجهج مااشوفج
كام طفه الضوه

وعذبني تعذيب وحش حيوان مو بشر
رجعت انزف
بلحضتها

خلص وكام
شنو هاي الدمايه عود
لعبت نفسي تف عليج
وكام لبس وطلع
نزل جوه
بقيت ع كعدتي اتوجع
كمت ازحف ع ملابسي زحوف
لبست
دكت الباب امي
فاتت
شافت الروب كله دم وكمت كوه الها وشكلي متوجع
هاا ماما
حضنتها وبجيت اريدج يوم خل ارجع وياج
مااريد ازوج
كالت شبيج شسوالج شنوو هاي
فوتي غسلي الله لا يوفقه كون شبيه وحش وهاجم عليج دخيلك ياربي
انتجيت بامي
ودخلت للحمام جان بصف غرفتي
امي جابتلي ملابس للحمام
صعدت بيبي وعمتي نورس
وامي تحجيلهن شمسوي بيها ميكول طفله متتحمل
ماخذها النزف الله واكبر عليه ماكوو رحمة
صعدت وداد
وطلعت اني امي تلكتني تعاي يمة فوتي سوده علي
-شنوو شبيها بتج
-اسئلي ابنج شمسوي بيها الميخاف الله
عبالك حيوان وهاجم عليها
شوفي النزف شلون اخذها
-يااا زين والله اجتج فيت والله كلت راح تنفضح الشغله
-اكلج انت شتخربطين اشو تحجين شيش بيش
ممكت تحجين بوضوح
-ماكوو شي خبله اني لا تخذين بحجي مالتي
يله الولد يريد يصعد

امي كالت مااعوف بنتي بهاي الحاله
وهي عاطت مبيها شي تره عياره هاي
ويله انزلن
صعد ياسر اشرلي حضريلي ملابس راح اطب اسبح
مرت عمي صاحت روحي حضري لرجلج الحمام يله
كمت اتخطه تخطي بالمشي كوه امشي
كلت لامي مابيه شي ماما روحوا
سلمت علي وراحوا
وديتله الملابس
ورجعت كعدت هم غيرت ملابسي تلوثن من النزف
دخل هو شافني ابدل
بااع الجسم سبحان الله هالجمال خاله لهاي المشوهه
لبست بسرعه وابجي
هو صعد الجربايه
راح انام راسي صاير طبل
انت نزلي فراشج بالكاع ونامي لا تنامين يمي سمعتي

هزيتله راسي اي

جريت فراش وفرشت
ونمت بسرعه نمت طبعي احب النوم
ونومي ثكيل بس اخلي راسي ع المخدة انام

الصبح كعد ع صوت وداد
يله كومي
مصدكه روحج عروس شنوو كومي
ياسر صاح يمةةةة اريد انام اسحليها واطلعي مني
اي يمةة نام نوم العوافي
-يله ولج كوميي البيت مكلوب كلاب
كومي اريده يلمع لمع خاف تجي ناس تبارك عشتوو

اي عمةةة
جنت اخاف منها ارجف بس اريد ترضه علي وماتحجي لمي شي
لبست دشداشتي وحجابي ونزلت
كوه امشي وجع وتعب وراسي دايخ من البجي وحتى عشه مصعدولي
طبيت للمطبخ هوووووسه بمعنى الكلمة
يمة شينضفه هذا وحدي
قواطي ببسي وابطاله مي
ومواعين وجدورة العرس
اتسرفنت وكمت انضف اول شي
فاحت جيس مالت زبل
وكمت الم القواطي والبطاله
وعزلت المواعين نضفتهن من الفضاله مالت الاكل
بعدين بديت اغسل
كل شويه ماده راسها علي
بعدج مامخلصه يله كفينه
كملت المواعين
مسحت الكاونتر الطباخ الثلاجة
طاح حضي
يله خلصت
كالت فوتي للحوش يله اغسليه
اي عمه
كوه امشي
غسلته
وطبيت يله اخذي الفراش مالت الاستقبال اغسليه فوك
بالسطح
يله
عمة بس اتريك واشرب جاي راسي كام يوجعني

يله اسممي واصعدي
فتحت الثلاجه طكيت بيضه
واندك الباب ابوي وامي
هي صاحت بسع اصعدي غيري ملابسج
ولا تنزلين اله اني اصيحج يله ولي

صعدت فوك كوه دخت من الجوع والفره والبجي
لبست دراعة امي كالت هاي مالت الصباحيه

صعدت عمتي
تعاي يله انزلي
نزلت الدرج صار بوجهي هيثم
صباح الخير ملوكه
صباح النور

دخلت لاستقبال
امي كامت ها ماما صباح الخير شلون صرتي
الحمد لله
وجهج اصفر سوده علي جبتلج
ريوك اتريكي
اجت نور شايله الجاي سلمت ع ابوي وامي
امي كالت هذا الجاي ويمج صمون وكيمر اكلي
ماصدكت اكل
اكلت لمن شبعت كلت مدام امي كاعده اتحامه بيها
ماما باجر جيبيلي حلويات
اي بنتي ادري بيج تحبين الحلويات
جبتلج بقلاوة وزنود الست
شالت العلاكه كالت هاي صعديها
فرحت بيهن
جنت مثل الطفله افرح بكلشي وابجي ع كلشي
وفعلا بوكتها اني طفله مراهقه عمري ١٥ سنه

اخذت العلاليك صعدتهن فوك
ورجعت نزلت
امي لبستني كلاده ذهب
كالت هاي دلاعتج
وابوي شال ١٠٠ الف كال بابا هاي مصرف الج وكل اسبوع ادزلج مصروفج مااكطعه منج
جان جان مصرفنه اسبوعي كلولنه كلو وحده ٥٠ الف يطينه ابوي
نضم منهن بالقاصه الزايد نشتري ذهب ملابس
فكال مراح اكطعهن منج اعتبرج ممزوجه
الله يخليك بابا
كعد عموو
وراه هيثم فات وسلم
ابوي سئل ع ياسر شنو مكعد
كله عمي هذا تنبل مال نووم

راحوا اهلي.
وصعدت فوك
اجتني عمتي وين العلاليك جيبيهن
كتلها ليش
جيبيهن لج ام خلك الخايس تريد تاكلهن هي وحدها
اخذتهن ونزلت
كعد ياسر
لج كومي سويلي ريوك
اي
كمت سويتله ونزل يتريك
عمتي عاطت يله اصعدي اغسلي
عمه هسه صارت حاره الدنيا
العصر اغسلهن
امشي اصعدي يله نمشي ع مزاجج مو احنه
اووف صعدت مديتهن واغسل ب ١٢ الضهر
احتركت حرك
نزلت ميته حر
كلت افوت اسبح
سبحت وطلعت
فتت امشط بشعري
طب ياسر جرني
عوفني ياسر والله اتوجع
امشي بنت ال.... وجه ال...
فوكاها متقبل
انت مثل الحيوانه هنا
شوكت ميعجبني اجرج كلمه متحجين

الله لا يوفقة
شكد كرهته وكرهت نفسي

كلي شكد عدج فلوس
ليش
احجي
ماادري
وينهن
فتحت الجنطه جنت خاله فلوسي بيهن
فلوس واصلوني الناس بيهن وعندي هم
جر الجنطه مني
حسبهن ٥٠٠
يله يمشن الحال حطهن وطلع
ومارجع اله بالوحده بالليل

جنت نايمة
طب يصيح وريحته تكتل
وينج المشوهه الوحش
يله كومي
شتريد خليني نايمة
بنت ال ..
كومي جيبيلي العشه
وين اكوو عشة الساعه بالوحده
وانت تحاسبيني شنوو
يله
مااكوم اريد انام
غطيت وجهي
وهو نزع الحزام
وجر مني الغطه
وكام يضرب بيه
كمت اصرخ
انهزمت طلعت بالحولي
واصرخ مثل الطفله
طلع هيثم من غرفته
شبيج.
فدوه الحكلي ياسر موتني
طلع هو وراي وينج ويفشر كوه يمشي
اجه علي هيثم
شبيك لك انت متعقل مكافي هالسوالف
كدرتك ع هاي الطفله متستحي
-انت معليك لك مرتي واني اذبحهه اموتها بكيفي لا تدخل
-انجب لك
دمد ايدك عليها اله اكسرها الك والله كسر
جرني من شعري فوتي وضربني
ركض هيثم ضربه وتعاركوا
صار صوت صعدت عمتي وعموو
وعمتي اندارت علي بذاك الغلط والفشار
تكاتلوا الولد من وراج

#تشوه_خلقي
للكاتبة ام مصطفى
البارت السابع عشر

عمي ففاككهم
-كافيي شجاكم شنو القصة
وعمتي تصيح كله من وره هاي
من اول يوم طبت هجمت بيتي
هيثم حجه
-ادري لازم هاي الطفله ويضرب بيها شنو فصليه عنده هي
ميخاف الله
ميردها يرجعها لاهلها
مو ستر عليها
من كال هيج متت مستحة
جنت خاتله بزويه بالحولي الفوك وكاعده وابجي
وهمه كبالي
عمتي اجتني جرتني من شعري
هاي طفله وادافع عليها ولك هاي وحده ماعدها شرف
فوك ماسترنا عليها
عموو صاح عوفيها للبنيه الله لا يوفقكم
كافر وطاح بين اديكم شنوو
وانت ياسر ليش؟تضرب البنيه شمسويه الك
-خللللللل توووولي متسويلييي ععععععشه
-هاي شنوو سكران انت شو تعال يمي

جره عمي عليه شمةة وضربه راشدي
هاي من شوكت تسكر ولك
ايا كلب ياطايح الحظ
كفخة تكفج
وعمتي كلما يضربه تضربني وتفشر
راح طب للغرفه وقفلها وعافني
عمي ضل يغلط ويصيح
تالي نزل
وعمتي شبعتني غلط وفشاير وخاصرتي راحت من الضربات
نزلت كالت ضلي بمكانج نامي ماتنزلين جوه ولا تدخلين للغرفه عوفيه ينام الولد
صارت بيه حاله نفسيه من وراج
اول تالي هو يشرب غير من قهره
اني بس اهز راسي الها
نزلت
اباوع ع هيثم واكف اباب غرفته
ويستغفر
واني ابجي وامسح بدموعي
صعد ثائر ابن عمي الاصغر من ياسر
باوعلي مستغرب
جنت بملابس نوم ثوب نص ردن لا بسه
وبله حجاب طلعت شارده بوكتها ملحكت البس شي
ضل يباوع
عاط بيه هيثم وين جنت لهسه ولك
انتم شنوو مالكم رداد
-شبيك وي اصدقائي بالكهوه
لحد هسه بالكهوة الساعه ٢ بالليل
امشي ولي نام يله جوه
ليش انام يمك غير بغرفتنا
يحجي ويباوعلي مستغرب
كلي امشي انزل وجاي وراك افهمك
اي اي نازل بس بداعت الحسين لا دكل لابوي تاخرت
دروح روح يله
نزل
وتقرب مني
كومي خويه نامي بغرفتي وسدي الباب عليج من جوه اكو مفتاح وسركي سركيه
يله كومي
-مشكور خاف ياسر ميقبل
لو عمتي تحجي علي هي كالت نامي بمكاني
معليج بيهم انت روحي نامي
اي ان شاء الله
مسحت دموعي
وكمت فتت للغرفه
اباوعله واكف ع الدرج اشرلي اقفليه
هزيتله راسي ايي صار

دخلت الغرفه باردة تشتغل مبردة بيها
قفلت الباب ومسحت وجهي
ونمت بسرعه
كعدت ع صوت عمتي
وينها
هيثم اسمعه يكلها اني كتلها نامي بغرفتنا
واحنه نزلنا جوه
-ياااا والله خوش منومها ع البرد وانت نايم ع المروحه تذب حر عليكم
-يووم شبيج لعد ترديها تنام بالصاله بهيج وضع
مو عندج ثائر مراهق وعينه زايغه
-وهي متعرف تستر روحها
-اوو هسه دكي الباب تاخرت ع دوامي رحمه لوالديج
صاحت ولج اكعدي مكصوفة الركبة
نايمة ومرتاحه ع المبردة وولدي كتلهم الحر
كومي اني اعلمج
فتحت الباب
صباح الخير عمه
-ليش هو اليشوف وجهج يشوف خير
اطلعي خلي الولد يبدل يله
-ايي عمة
-يله وعمه العماج
ضليت واكفه يم باب الغرفه
دخل هيثم يبدل
صاحت متنزلين
-مو شلون انزل هيج
ملابسي جوه
-عشتوو مستحيه عمت عيني بس ما استحيتي من ...
دنكت يربي شلون راح تلزك بيه هاي السالفه للابد
فتح الباب ياسر
دايخ
شعدج هنا بره وهاي شلابسه
شاف هيثم يريد يطلع
فوتي بنت الكلب
فتت فات وراي
لج شلون هيج طالعه متستحين
-مو انت طردتني بالليل هيج
-اني طاردج
-ايي شبيك فقدت الذاكره
-هاا اي اي صدك اذكرت العركه
دمشي البسي كام يفشر علي

لبست ونزلت هم استلمتني
عمتي لزمتني البيت
وبناتها نايمات
كل شويه تنخاني
عمه تعبت خلي نور
امشي يله تشتغل عدج نور
لعد بس اني اشتغل عدكم والله يا الله
وج تلاسنين والله عمي الج عين وتحجين
لزمتني من اذني مااسمعلج بعد حجايه
اخخخ اخخخ عمه عليج الله عوفيني اذاني طكت
امشي يله ولي
دخلت نور
كالت شنوو هذا الترتكسود يجنن منيلج
-امي اشترته الي من فلسطين
-ماما اريد منه
-وعليمن اشتريلج
-ولج كومي انزعيه واطيه لنور
-لا شنو غير مالتي
-شكلت امشي لا تعاندين يله امشي
اصعديه بسع انزعيه والبسي غيره
صعدت اباوع ع تراكي والله حلو هسه اخذته وجديد
ليش تريد تاخذه مني
متت قهر
نزعته
ولبست غير شي
اباوعله يلمع
عساج ماتهنيتي بيه
جان بي سحابات
جريتهن بحلكي وخربت السحاب
كامت متسحب
ايي هيج ماتلبسه وتتهنه نويره
نزلت
-هاج هذا التراكسود
اي عفيه
كالت مرت عمي بعد اصعدي نور لغرفت
اخوج اليعجبج ملابس اخذهم الج
-اي ماما صار
-شنو تاخذهم لعد اني شلبس
اي شي البسي
انت تلبسين متلبسين ميبين عليج جنج قرد ولي يله سوي غده لنور
وشوفي ثائر نازع ملابسه اغسليهم

طلعت ردم وي نفسي سم لنور كون متعرف تسوي لروحها
لو معوقه واسويلها
لا وتريد تاخذ ملابسي الملطلطه

يلووك لم شلوك
حطيت الصينيه يمها
واخذت الملابس وافرك بيهن
تذكرت حيدر من يتوسل بيه اغسل ملابسه ومااقبل
من امداني مااغسل لاخواني جنت
تاليتي اخدم ذول اليهود ....

بعد كم يوم صارت السبعه
واجت امي محمله حلويات وملابس
اجتي نيران وسوزان وياها
من شفتهم ردت روحي الي
فرفحت تفرفح عليهم
امي شافتني شبيج يمة مصوفره
شجاج سوده علي شصايرلج
-مشتاقه الكم يمةة اخذيني وياج مااريدهم
-ليش شسوولج
-كلشي يمةة كلشي سوولي
فدووه ارجع وياج طلكوني
-ياا يمةة شدكول الناس علينه ولج
يحجون غير حجي بالسبعه واخذج
خليج خل اشوف تاليها وي ابوج ووياهم
اني الف نذر نذرت تطلكين واخلص منهم
عبالج نايمةة اني الليل منايمته تره

حضنتها وخليت راسي ع رجليها
يالتني مطلعت من حضنج ماما
ليش كبرت
لو باقيه بعالم الطفوله
كبرت من وكت يووم
سوده علي بنيتي شسوو بيج وهيج تحجين
كومي البسي فستانج جبتلج يله
مااريد مالي واهس يافستان ياعرس
خليني بحضنج ماما
كامت تمسح ع راسي امي
سئلت لعد وين رجلج
-طالع
-ياا عريس شلون يطلع
-ههه هو من اول يوم سهر واجاني سكران
-ياا صخام
-اي والله اخذيني وياج ماما فدوه
-وج يمةة هو لعب زوجوني طلكوني
-خل نشوف شراح يصير

راحووا اهلي
واني هذا حالي
ياسر بالليل يعذبني تعذيب
وبالنهار عمتي مسويتني وصلت مسح

وممنوع اصعد فوك بس بالليل
وياسر شكو فلس ينطونياه اهلي ياخذه
ونور اخذت ملابسي ومكياجي كولهن .

بعد فتره
طب ياسر
كال وين ذهبج
ليش
اطينياه كله
شسوي بيه ؟
ابيعه اريد اشتري سياره اريد ع
عدج مانع
-اي عندي مانع الذهب مالتي وبابا اشتراه الي ع اي اساس تاخذه انت ممشتريه
الي حتى تاخذه
-ولج اخذه وغصبن ع راسج
فتح الكنتور وكام يطشر بالملابس

لكة العلبه
ركضت جريتها ع السريع منه
مااطيه ذهبي
دفعني حيل
وجر الكلادة الابستها من ركبتي حيل
وكطعها
واخذها
بعد انزعي الحلقه والمحبس
يله بسرعه
مااطيهن
لج يله لا نخليني ادميج ادمي
-يله موتني خلصني منك
لزم ايد فرها حيل
اخخخ عوفني طكت ايدي
ذبي الحلقه والمحبس
ودفرني برجله
-ايي اي بجيت
عليك الله عوفني
جنت بسرعه ابجي
هاك هاك اخذهن
نزعتهم واطيتهن اله
بس متت بجي فوك

مرت هيج الايام شكد مااكول تعذبت واتعذب واوصف الي شفته
مايتوصف
طفله ويجيبوني هيج ويودوني هيج

بعد فترة
صار انفجار قوي بالسوك القريب يمنا
جان عمي بالسوك
طفروا كلهم يتراكضون عليه
ومرت عمي تصرخ
يمةة راح الزلمة
طلعت تركض
بقيت اني ونور نبجي
شويه واجه ثائر يصرخ
كال ابوي لكوه ميت بالانفجار
كمنا نتصارخ ع عموو
اووف ذاك اليوم مثل يوم القيامه
الدربومه كلها تتراكض
لان جان السوك قريب علينا كولش
والناس تسوك
جابو اثنين نسوان ميته ربونت بيت عمي
وطفل يبيع علاليك بالسوك
والصريخ
الدربونه كلها تصرخ ومفجوعة
جان صدك يوم مرعب

#تشوه_خلقي
للكاتبة ام مصطفى
البارت الثامن عشر

مثل الحلم بسرعة بسرعة
دخلوا عمي ميت بتابوت
من شفتهم شايليه ويصرخون
كمت ارجف رجف من الخوف
يربي شلون مات هستوه
يحجي وياه هسه كالي شنو مشتهيه اجيبه وياي
انتجيت ع الحايط ووكفت اباوع عليهم
من بعيد
شلون يبجون يصرخون عليه

اخذوا عمي وراحوا يدفنوه

والصريخ بالدربونه كل شويه يجي تابوت وتكب العياط والصريخ
فلان مات وفلانه ماتت
وكلها تبجي عليهم
اه ياوطن شكد شفت مأسات
شكد انطيت شهداء وراحت ناس مالها ذنب ..

بدت الناس تجينه بسرعة بسرعة انترس البيت
عماتي واهلي وخوالي وجوارين واقارب
انترس البيت وكلها تبجي وتسولف بالانفجار
كمت اجيب مايات وجايات للنسوان
والرياجيل كل شويه رايدين شي
اركض اجيبه الهم
بس اني من البيت عمتي ونور راحن وياهم للنجف
وبس اني اندل الاغراض اليردوها
ياسر يطب ويطلع
ساعة يبجي وساعة يغلط علي
جيبي هذا ووين رحتي
هيثم راح وياهم وبس هو وثائر بقى

لليل اجوا الدفانة
ورجع الصريخ من جديد عبالك ستوه مات
مرت عمي تصرخ وتملخ بنفسها دفته واجيت رحمن
ونور تصرخ يابه
والولد حضنوا امهم ويبجون
باوعت شفت عمتي فاطمة
من بعيد تصرخ وياهم
يااا اجوو شجابهم
بسرعة التفتت ع نيران اشوفها واكفة تبجي وعينها ع عمتي فاطمة
رحت وكفت يمها
اراقبها
كالت ملاك من شفت عمتي فاطمه كلبي كام يوجعني ع علي عبالك شفت علي

انقهرت عليها من هيج كالت
عفتها ورحت
جبت ماي ووزعت
وسلمت ع عمتي فاطمة سلمت علي
كالت عمةة مي اطيني يبس حلكي
اي صار عمةة
صبيت مي الها
كالت ردت اجي ابارك الكم تالي اجيت بعزه اخوييي اووي رحمن عمت عيني عليك يالفقير
الله لا يوفق السبب

كعدت كبالها ابجي
تالي طلعت ع صوت ياسر يصيح
باسمي ويغلط
ركضت هااا
ولج مو كتلج جيبي خاولي
ايي والله نسيت
ديله ولي جيبيه
لاكتني نيران فايته للمطبخ
هاا شبيه رجلج يصيح
يمعودة دزني ع خاولي نسيت اووف
دروحي بسرعه

نيران
من شفت عمتي فاطمة واني روحي راحت وفرفحت ع علي
باوستها وحضنتها
عمةة بيج ريحت علي
هزت راسها ولج وعمةة راح تخبلوني انت وياه
اووف عوفيني نيران كلبي محروك
ع اخوي الي كعدت عتاب وياج
كمت منها

ياربي ساعدني احبة مااكدر والله تعبت ع فراكة

وكفت اغسل الاستكاين ع السنك
وبالي يمه ياترى اجه وي عمتي ؟
سمعت صوت احم وراي
شلونج نيران
درت وجهي
واكف بضهري علي
باوعتله بلهفة وحب
عليي
-شلونج نيران
-الحمد لله
ضل صافن بوجهي
حيييل شكد مشتاقلج
جان لابس دشداشة سوده ولاف غتره ع جتافه
ومربي لحية
علي اسمراني مملوح طويل وعيونه كبار وحواجبة متخالطة

-حييل شكد مشتاقلج
-هزيت راسي ودرت وجهي خفت لا اضعف كدامة
ويسئلني ليش فسخت الخطبة
شكلة وشحجيلة
كمت اغسل بالاستكاين
-لهالدرجة كارهتني لو بس اعرف ليش شصار وراي بذاك اليوم
-علي دشوف الوقت مناسب لهيج موضوع احنه بياحال
-اسف بنت خالي بس متحملت اشوفج ومااحجي وياج اعتذر خاف ازعجتج
طلع
التفتت عليه يمشي رجع التفت علي شافني اباوعله
رجعت درت وجهي
لحد ماراح
كعدت بالكاع ابجي واصرخ من كل كلبي
حجة بحجتين
طلعت حركت كلبي كلها ملخت نفسي
كل ضنهم الطم ع عمي
صح اني مقهوره عليه
بس مو مثل نار كلبي
من اشوفين اعز انسان ع كلبج يروح من اديج وانت متكدرين تسويله شي

اخخخ يانار كلبي

بقيت ع كعدتي لحد ماتعبت

امي اجتني شبيج يمةة هيج املخة نفسج ميصير حرام
محجيت شي كومتني وغسلت وجهي
-ترحين للبيت ؟
-اي ماما اريد اروح مااتحمل ابقى
طلعت امي بره صاحت ع محمد حمودي تعال
شافت علي سلم عليها
جاوبت هله خاله
رجعت باوعتلي
هسه عرفت شبيج
يمةة كلشي بالقسمة والنصيب ترة
اذا الج قسمة وياه
ميصير ترة لغيرج واذا لا
لو ادكين باديج ورجليج ميصير الج
دخل حمودي
هاا ماما
تعال اخذ اختك للبيت وديها
-اني مااروح خلي حيدر يوديها بسيارة ابوي مو يعرف يسوق
-دروح يوم مو خاف يردون السيارة
-لا ميردوها هستوه راح جاب خالتي ناديه حيدر واجة
-يااا وينها شو مشفتها وشعده جايبها
-ابوي كله جيلها وتعال
-لعد صيحة ياخذ اخته مو فالح يجيب نويديه ويجي خدام عدها صاير

فتت جبت عباتي
لكيت حيدر لازم السويج يله نيران اوصلج للبيت
اي
طلعت عيوني وارمة وخشمي صاير احمر من البجي
صار بوجهي علي
وكعت دموعي تلقائين
حرك حواجبه شبيج بمعنى
دنكت
وحيدر دمشي يمعودة
هو انت مال بجي
لزمني من ايدي وطلعني لان هوسة من الرياجيل
صعدت بالسيارة
واباوعله من بعيد عينة علي
حركت السيارة واني اباوعلة لا اراديا
رجعت للبيت
مااكدر ابقى اني وياه نفس المكان
بس وصلت اجتني رسالة منه
ليش بجيتي نيران ليش صرختي من طلعت منج هالكد بكلبج قهر
لعد ليش فسختي الخطبة ليش بس فهميني مو راح تخبليني

قريتها وزدت بالبجي قفلت المبايل ومجاوبته ابد

ملاك
الفاتحة وكعت ع راسي كلها
اركض هيج واجي هيج هلكت واني اشتغل
خلصت الفاتحة وبيت عمتي فاطمة بقوا يمنا
للسبعة
وابوي يروح ويرجع
ناس تجينة للبيت
وكلها براسي
وامي وعمتي فاطمة لازمات الطبخ
والبقية علي تقريبا
ياسر ابد مصعد للغرفة بهاي الفتره
جنت مرتاحه انام براحتي شكد حلو اصعد اذب روحي محد يكعدني

نيران بس شافت علي طفرت ومااجت بعد
حاولت احجي وي علي وحجيله الصار بس استحيت
هو شافني وحدي بالمطبخ سئلني ع نيران ليش مااجت بيها شي
كتله مريضه فدنوب
ليش شبيها
متعرف شبيها يعني
البيهه انت
ملاك الله عليج تعرفين ليش فسخت الخطبة
-اي اعرف واتمنى اكلك بس مااكدر بس يجي يوم وتعرف وراح تعذرنا
-تعذرنا شنوو
-الله كريم علاوي بس اكلك شي نيران هسه وبعد تحبك

اووف لو لكدر اكله الي صار بيه
بس يجي يوم واحجيله
نور شافتني احجي وي علي
اجت يمنا سلمت
كلها البقية بحياتج
-وحياتك الباقية
علي جاي بسيارتك
-اي ليش؟
-متاخذني للمضمدة اقيس ضغطي يمكن هابط
-اي صدك جذب امشي اصعدي
-انتظرني بس البس صايتي واجي
-يله

طب ابوي ونيران
شافت علي يمي
سلمت جان وجهه تعبان
-ها اجيتي
-ايي ابوي جابني مقبل ابقى بالبيت وحدي لان حمودي وحيدر اجو وياه
طلعت نور
-يله علاوي نمشي حتى مسلمت ع نيران
طلعوا
-وين راحووا
-عشتو ضغطها صاعد مدري هابط
-ايي وعلي شكوو
-عنده سياره
-ليش؟ ياسر مو اشتره سيارة
-شبيج متقصدة هالحركة
-صدك بهيج وضع تسوي حركات
-لج بابا انت متعرفين ذن شنوو
بقت نيران عينها عليهم
لحد ماطلعوا
احسها انقهرت وغارت
-شبيج
-لا ماكوو شي منو جوه
-كولها جوه
ها اووف هسه شلون اسلم والله استحي
-دروحي سلمي يمعودة هو منو عماتج وخلاتج
اي فايته

شويه ورجعت نور تتبسم
اجت وكفت يمنا
والله ياعلي
ضحكني واني ضايجه
الله ينطيه العافيه
بقينا اني ونيران وحده تباوع ع الخ
شنو هالخفة الزايده

خلصت السبعة
وصار الليل
بيت عمتي كالوا باجر نروح
امي كل شويه ادز ع ابوي نروح ميقبل يكلها بعد وكت

-نيران
طول اليوم يطب ويطلع
ونور تركض توكف كباله حركت كلبي حرك
ولا تستحي ولا جنه ابوها ميت الحقيره

وكل شويه علاوي وعلاوي
اخر شي
دخل جان دكلة علاوي انطيني رقمك
مرات احتاجك ابعض المسائل

اي صار حفظي يمج
هو يرد وياوعلي وهي تسيف بمبايلها الرقم
واني خزرته عفته وطلعت من المكان

الصوج بيه شكو واكفه يمه وخليت نفسي بهيج موقف
رحت ع امي
ترحون لو اروح للبيت وحدي
-ابوج ميقبل كل شويه ادز عليه يكول العالم كاعده بعدها
صاح ابوي يله كومن نروح

-ايي يله كومي وين اختج سوزان مالها حس
سوزان ذيج جوه الدرج جايبه كتاب صف خامس وتقره
-هاي البنيه مو صاحيه الناس بالعطلة ترتاح
هي تقره ليل نهار
عوفيها يمةة بلكت يصير براسها خير
ديله روحي صيحيها
رحت يله سوزان نروح
طلعنا
جان واكف حتى مباوعت ولا قلدتله
لبسته فد لبسه
وطلعت

ملاك ..

خلصت السبعة بس هلكت
صعدت نمت بغرفتي

بالليل جان يطب ياسر
واني نايمة بالكاع لابسه ثوب قصير
ونص ردن اسود
دخل سويت روحي نايمة
جان يكول اكفر باع الجسم شوف البياض والشعر
يربي شيصير لو جهه حلو هسه
شريد من الله بعد جمال وفلوس
الك بيها ارادة
نزع قميصة ونام ع الجرباية
هاي الكلمات شكد اثرت بيه
يربي صدك ليش من دون البنات هيج وجهي شيصير لو اني بنيه عاديه

صاح ملاك ملاك
مسحت دموعي كمزت ها
تعاي نامي يمي هنا
وين
ع الجربايه
لا خليني هنا فدوه تعبانه
ولج تعاي بنت الكلب اصعدي
وغطي وجهج رحمه لربج مااريد اشوفه

كومي لاتخليني اصيح

بعد فترة طلعت حامل
وياسر سمع تخبل مااريد منها طفل يجيني مشوه ذبوه منها
وعمتي تغلط
حبلتي تردين عود تربطيه بيج
اعرف سوالفجن بنات وفاء
ذبي الطفل منريدة
-شلون اذبه يعني مااعرف
سوي روحج فقيره ومتعرفين شي
بس تعرفين تحبلين
كومي صعدي هاي القنينه فوك يله بالسطح
وضلي اصعدي ولنزلي
والله اخاف
رحت لياسر الله يخليك
ليش تريد تكتل الطفل
وج انت متفتهمين احنه زواجنا مؤقت
وثاني شي شنو ذنب الطفل يطلع مشوه

مااريده ذبيه لخاطر الله
وشوفيلج حجه حتى اطلكج
تره استحي من عمي
كولي اني مااريده كولي اي شي
اي اطلك بس الطفل عوفه فدوه
لا مااريده ملاك لا تخليني
استعمل القساوه وياج
عوفيني هالايام اكول خطيه

تعاي اكلج صدك عدج فلوس
-اي
جيبيهن يله ماعدي ولا فلس خل اطلع
اطيتهن اله وطلع
جنت اخاف ماانطيه
لان مره كتله ماعندي ودور بالجنط ولكه
وشبعني كتل بوكتها

بس طلع عمتي صعدتلي
شكدلت مو شيلي القنينة وانزلي بيها
يله منريد طفل منج يطلع مشوه مانريده
وللحكاية بقية
ام مصطفى





فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-10-19, 11:39 AM   #12

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#تشوه_خلقي
للكاتبة ام مصطفى
البارت التاسع عشر


نزلت عمتي جوه واني وراها
دخلت للمطبخ
-يله عوبه شيلي القنينة وصعديها القاطين وانزلي نزليها سمعتي
-اي
جنت خايفه كلش وارجف
لزمت القنينة بيد وايد لزمت بطني
اخاف شنو الي يصير راح شلون يوكع يعني
كل عرفة بالحمل مجنت اعرف
كل ضني تنفجر بطني راح
سحلت القنينة
وهي واكفة ع راسي
تخيلتها انسة منشن بمشهد من مسلسل سالي
جانت هيج قاسيه عمتي وياي

كالت
-شيليها شيل مو سحل واصعدي ولنزلي واكفتلج هنا
-فدوه عمة اخاف والله عليج بروح عمو رحمن عوفيني والله اطلك اني اكوله لابوي
اني مااريد طلكني والطفل مااخليه تشوفيه ابد وداعت امي ابد اخذه النه

جرتني من صدري ولج ولي اصعدي
تطلك ومنو يكول اخلي ياسر يطلكج
اشو خدامة وجايتنه بلاش ومصرف ياسر طالع منج عليمن يطلكج بعد
يزوج
عليج ويبقيج خدامة النه
هذا جزاج واكثر
-شنوو خدامة شنوو يزوج بس يجي ابوي اروح وياه وشتردون سووه
اني تحملت هاي الفترة
لخاطر عموو
-لج والله لو صدك حجيتي شي لهلج لكلة لابوج ع سوايتج
وي ياسر واطلع الف سالفة غيرها عليج
فاحترمي نفسج واسكتي ويله بله لغوه زايده اصعدي
شلت القنينه جانت ثكيله
واصعد بيها بايه بايه
ودموعي غسلت القنينه
اخخخ ياغلطة عمري اخ كله من وراي
ركضت وره الحب وانضحك علي وين جنت عايشه مدلله بجال اهلي
وامي امدللتني وابوي يتمنالي الرضا و ارضى
شسويت بحالي استاهل كل الي يجرالي
...
وصلت للطابق الثاني
صارت غرفة هيثم كبالي
كلت بلكت يساعدني بس هو بي رحمة بهذا البيت
دكيت الباب طلعلي
-ها ملاك خير شبيج تبجين
-هيثم فدوه ساعدني ابوس ايدك فدوه
-شكوو خير شبيج ياسر وياج
-كل الدنيا ضدي مو بس ياسر
هيثم تره مو مو خوش مثل ميصورون الك
وحق القران وحق القران مااعرف احد قبل غير ياسر ولا عندي سوالف ولد مثل ما امك تحجي علي وتفشر كدامكم
ياسر هو القشمرني
وصورلي اني حلوه وراح يزوجني
وحتى خلاني ابوك من اهلي افلوس وانطيه بحجة يشتغل ويجي يخطبني
واني مااعرف بحيل الولد
تعرف كلش زين امي متخليني اختلط وي احد دوم معتزلة بيه
من البيت للمدرسة ومن المدرسة للبيت
ياسر لعب بعقلي وعيشنه الحلم الوردي
وخلاني ابوك امي. وجابني للبيت وسوه الي سواه بيه
-معقووولة يطلع كل هذا من ياسر
توصل بيه يخليج تبوكين
وانتي وين عقلج
-والله هوو لعب بعقلي ومتصورت ابن عمي يجذب علي
كمت ابجي
-هسه شنو الي صار وشنو المطلوب مني
-ساعدني فدوه
-شلون
اني حامل
حجيتها بخجل وحزن ودنكت
-حامللل
_اي
-ايي وين المشكله عادي اي وحدة تزوج يصير حمل
-المشكله هاي
اشرت ع قنينة الغاز
-شنوو مفهمت
-امك وياسر ميردون طفل وعمتي تكلي شيلي القنينة واصعدي حتى يوكه الطفل
واني خايفه
فدوه خابرلي اهلي خل يجون ياخذوني تعبت ابوس ايدك بروح عمي عليك ساعدني
-ياربي شجاي يصير شنو هالظلم معقوله اكوو هيج بشر
-عمتي تهددني لو حجيت شي وكلت لهلي تحجي لابوي عن علاقتي بياسر قبل الزواج
فدوه ساعدني ابوس ايدك
دنك ع ايده ردت ابوسها
جر ايده
-شجاي تسوين استغفر الله
روحي فوتي لغرفتج ارتاحي واني اصرف
ولا اطلعين منها ابد اقفلي الباب عليج
-فدوه دخيلك يمك اني مو تعوفني
-دفوتي فوتي
ضل يستغفر ويهز بيدة امشي والتفت عليه بخوف وبتردد
طلع مبايله
-الو ياسر وين انت تعال اي هسه بسرعة نص ساعة الكاك يمي فهمت
يله انتضرك
سده
واني واكفة اباب الغرفة اباوعلة
هزلي راسه يطمني
-دفوتي وسدي الباب
صاحت عمتي
-ولج صخمان المشوهة المعوقة ينج عصيتي فووك
-فوتي اني اصرف
دخلت وسديت الباب
ضليت اطكط اصابعي من الخوف ياربي ساعدني
مااعرف شلون اطلع من هاي الورطة الدخلت روحي بيها
كمت افتر بالغرفة
سمعت صوت صياح وتكسر اغراض
وعمتي تصبح وتفشر علي
ادنيت من يم الباب خليت اذني ع الباب
كوه اسمع
هيثم يصيح ويكسر
خافوا الله انت وابنج كافي اعتقوا البنيه ورجعوها لهلها
تديها تقتل طفل ماله ذنب انتي شنوو
ماعدج رحمة تقبلين اليصير بيها يصير بنور
-بنتي شريفة ومرباية موومثل هاي
-وابنج ليش منو الي هيج سوه بيها مو ابنج

بقوا صياح وعياط
الى ان سمعت صوت ياسر وهم استلمة هيثم
امشي اصعد عدي حجي وياك فوك
صعدوا
وكفوا فوك
جنت اسمعهم بوضوح
-لك انت شوكت تكبر شوكت تعقل
طفله لعبت عليها وطيحت حضها شنو ذنبها وياك كلي
تريدها تنزل الطفل
افرض ماتت لو صار شي الها
متخاف الله
لك استحي من عمك الي واكف النه وزوجك وتحمل كل فلوس زواجك
وهسه واكف النه ومصاريف الفاتحة كلها ع راسه
ها مجازاتها وياك
اصحه اصحة ع روحك
لك وين تروح من الله شكد تعيش الف سنه اول ع تالي تموت وراح تتحاسب ع كل اعمالك
متريدها صير رجال وطلكها
كافي امك مناك وانت عليها
لك طفله مصاير ال ١٥ سنه عمرها لعبت بيها جوبه
شنو. من بشر انت
-كافييي هيثم كافي افتهمت واني اصلا اريد اطلكها وارجعها لهلها
بس هي طلعتلي بسالفة جديدة
سالفة الحمل شلون اطلكها وهي حامل
كتلها ذبيه
-ذبيه مفكرت هاي طفله ممكن تتاذه شنو ذبيه ولك بزون هي لو بشر

فوت ادخل لمرتك وتفاهم ويايها وتعذر منها بلكت تسامحك والله يغفرلك شويه من ذنوبك
يله ومالك شغل بكلام امي شتحجي خلي تحجي
-ان شاء الله
صعدت عمتي
الله لا يوفقها الشريفه العفيفه شلون وزتك علينا وسفه عليك وحده مثل هاي ادفعك ع امك
-اني محد يدفعني غير الحق انت يمةة وحدة ظالمة
-اني ولك انت زودتها كلش
احترم امك
اووووووو كافي اني كلت كلمة اتعاملوا وي ملاك زين لو تطلكوها
لو والله تشوفون غير هيثم
وانت فوت لمرتك يله
اي اي
ركضت كعدت ع حافة الجربايه
ذبيت حجابي لان عركت واختنكت من الخوف والتوتر
كعدت خايفه وكلبي يرجف احسه
دك الباب
-ملاك افتحي الباب
كمت فتحته وارجف
باوعلي شافني خايفة وارجف
جر حسرة
وسد الباب
بقيت واكفه ومدنكة
كال اكعدي
نزع قميصة علكة بالزاوية
اجه كعد بصفي
ملاك اني اسف ع كل الي صار
لحضة طيش مني وصارت
اتمنى تسامحيني واني راح اصلح كل اخطائي
اني من مات ابوي ولهسه هواي افكر واخاف من عذاب الله الي
هواي سويت مكسرات مو بس وياج هواي شغلات سويتها حرام
اتمنى اتوب واتغير
ملاك مراح اخليج تاذين نفسج وتذبين الطفل
راح تبقين هنا فترة الحمل اتحملي
بعدها راح اطلكج مثل ماتردين واريد اني
لان اني اجذب عليج لو اكلج راح اقبل اعيش وي وحده مشوهه مثلج
اني مو نبي ولا معصوم حتى اتقبلج بوضعج
اتمنى والله انت كاملة ومابيج هالشي
جان عوضتج عن كلشي وتقبلتج
بس الصراحة بهيج وضع تعذريني

اني بس اسمع وابجي شنو ذنبي اذا رب العالمين خلقني هيج
ليش يارب لو مسوي تشوه بعقلي ع الاقل ماافكر ولا احس

-كومي جيبيلي مي عطشت يبس ريجي
-اخاف انزل من عمتي خاف تضربني
-تضربج شنوو
جرني شافني ابجي
جرني يمةة دكافي لخاطر الله اني نازل
نزل
واني كمت ذبيت روحي ع الجربايه
احس ضهري انفصم نصين من دبة الغاز
هاي عود بس صعدتها
لو منزلتها شتسوي بيه
نمت بسرعة
حسيت ياسر نايم بصفي
كعدت صاير الليل
يبووي الساعه تسعه
هسه مرت عمي شسوي بيه
لبست حس ياسر علي
كال وين رايحة
-ها انزل خاف عمتي تحجي علي
-اوكفي ننزل سوه
يله انتضرك
لبس تشيرته
يله امشي الله بلاني بيج خره بهيجورطو
-شنوو شبيك
-دمشي رحمة لله خليني ساكت
شيخلصني من لسان امي هسه
-هاي انت هيج تحجي لعد اني شكول
دمشي امشي
نزلنا سوه
عمتي خزرتني
بعد وكت ست الحسن والجمال والله خوش عروس عرستي من جديد
ام المشاكل الشريفه
-يمةة كافي مااريد مشاكل رحمة لربج تره تعبت
خلي هالايام تمضي ع خير
-يااا والله ياسر كايم ادافع الها المشوه خذت عقلكم
-يووم رحمة لودايج خل تجيب وواطلكها وتخلصين واخلص بس اطيني مجال
-يبووووووي
كامت تعيط
ولك تريد طفل منها صدك تحجي
شسوتلك ام السحوره الصبح جنت تصيح مااريد هسه شنو الاستجد ولك
-يمةة كافي هي هاي مال سحوره الجاهل اشفتيها رحمه لربج
امشي لج بنت الكلب سويلي عشه يله وجه ال.....
-اي اي
ركضت طبيت للمطبخ
طلعت كبه
واسمعها تصيح وتحجي عليه
ولك انت هذا الطول والهيبه والجمال تخلف تريد من هاي
تخلص من الطفل من هسه لا تترط يمة
لا تورطك
-يمةة شسوي يعني اكتلها
-لا اشمرها ادفعها من الدرج وهو يوكع واخلص

#تشوه_خلقي
للكاتبة ام مصطفى
البارت العشرووون


سمعتها دكله اشمرها كمت ارجف
رعب رعب عشت ايام كلها رعب وخوف
الله لا يعودها
خليت يمه العشة
جنت حيل جواعنه
بس اول مره اخاف وتنسد شهيتي
بالرغم اني مااهتم لكلشي اكل وانام عبالك طفلة
كال اكعدي اكلي
-لا مااريد
حجيتها بخوف واباوعله
صاحت عمتي ولي للمطبخ اغسلي المواعين يله
اي
رحت اريد الزم المواعين مااكدر ايدي ترجف من الخوف
اتخيل اصعد فوك ويشمروني من فوك
لزمت الماعون دا اريد اجلفه مااكدر ايدي ترجف
وزاهي بيدي تزحلك من يدي ووكع الماعون تكسر
عزه هسه شيخلصني
دنكت الم بالكزاز
فاتت عمتي ولج شكسرتي
عزه بعينج كسرتي هذا الماعون من الدرزن الزين
تنكسر ايدج كون
عمةة والله ماادري اتزحلك من ايدي
-شبيج ماتدرين وين بالج ام السحوره
اموت واعرف شحجيتي لهيثم وكلبتي علينه
لزمتني من اذني وتحجي
محجيت شي صدكي

جذابة بسيطة اني اعلمج بت وفاء

اندكت الباب طلع ياسر يفتح الباب
شاف امه لازمتني من اذني
يمةة دعوفيها جلبتي خوما جلبتي لخاطر الله
اندار ع الباب يطلع
عافتني هي
نور كالت منو اجة
ماادري
مدت راسها من باب المطبخ
-اوو اجو اهلج امج ونيران وابوج ولا هله شعدهم
-لا هله بيج ليش تكولين هيج
-هاي عليمن بسيطة يرحون لولا
اندارت غميتها الله ياخذج كون
ركضت ع امي حضنتها
وابجي مشتاقتلج يوم
-شبيج تبجين ماما
-مشتاقتلج اروح وياج
-خل افوت بنتي هسه دسلمي ع ابوج
-رحت بست ابوي جنت مااكدر ارفع عيني بعينه استحي منه مدري ليش احس يعرف شي وساكت
نيران حضنتني
-ولج شلونج شنو صارلج ٣ اشهر من ازوجتي متجين النه صدك جذب
-شسوي ياريت اجي وياكم
تعالي فوتي هواي حجي عندي وياج
يله

دخلوا اهلي جوه ابوي كعد بالاستقبال فات هو وامي وياسر واني اخذت نيران
صعدت للغرفة وياها
-تعالي شصاير احجيلي
-اف نيران الحكيلي اني حامل
وعمتي وياسر يردون اذب الطفل واني اخاف تعاي فهميني
-شفهمج شنوو شتحجين انت فهميني ليش يردوج تذبيه
حجيتلها كول الي صار
-عززززه ولج دقيقة لا تبقين هنا بعد
امشي جيبي ذهبج وفلوسج وامشي ويانه وبحجة مشتاقيلج بعد لا ترجعين
اصلا احنه اجينة ناخذج
امي كالت لابوي نجيبها كم يوم يمنا
شنو قابل اشتروها
وتعاركت وي ابوي واجينه
-اييي فدوه اروح وياكم تعبت والقران اريد انام
-انت تفكرين بس بالنوم بعدج يولي المدرسة راح تبدي متداومين
شو ابوي كال احجي وي ياسر يخليج تكملين
-اييي اريد اداوم لعد شوون ان شاء الله اروح وياكم واقدم الوثيقة مالتي للعداديه
وين شبيج بعد شهر للدوام
والله دخت ماادري اليوم شكد بالشهر
وانت راح اداومين
اي اكيد اداوم
وشخبار علي
ماكووو
قبل فترة دزلي شعر عتاب واشتياق
ومجاوبته
وبعدها ماكوو
صدووك نيران
هاي نور اشوفها دوم تخابر
اخاف تحجي وي علي اني ماارتاح الها ابد نور وعمتي لمحت ع علي ونور
شنوو ياعمة منهن هاي وداد
دكول والله لو يتقدم لنور ازوجها اله واني الممنونه وين نلكه احسن منهم
يااا صدك عود
-اي والله توقعي كلشي منهن ذن لج حيايه والله مدري شنو من بشر
المهم خل الم ملابسي
فتحت الكنتور اطلع
كالت نيران
ولج وين ملابسج هنه بس ذن
ايي
لا شون كومه امي اشترتلج وينهن
-اخذتهن نور كلهن
-شنوو اخذتهم ولج
-ايي عجبنها وعمتي كالت الها اخذيهن الج بس حل متهنت بيهن لبست اسود
-شنوو عود صدك شنوو من بشر هذول
-انت اشايفه يختي اووف
شحجيلج والله الويل شايفته وجارعته
حرب ع الاكل ع السبح ع الملابس ع كولشي
والتعب لا تحجين كل البيت ع راسي والله هسه شهري يطاك مم وره القنينه
عندي وجع بضهري
عبالك الدودو جاي تجيني
-الله لا يوفقهم كون
امشي بعد ابد لا ترجعين لو شيصير
-لا وين مااريد ارجع ابد لو اعرف انهزم منكم كلكم وماارجع

تنهزمين شنوو يمعوده ان شاء الله امي تسويلج حل

نزلنا لكيت عمتي بالمطبخ
كالت وين طفرتي غير تسوين جاي لهلج
لو عندج خدم
نيران جاوبت
لعد هي خدامة عدجن شنو متكومن اتسون انتن لو ع رجليجن نقش الحنه
اختي حامل وومزين عليها التعب
باوعت عمتي عليها
والله عدجن لسان وتحجن
حامل المشوهة ع اساس راح تجيب ولي العهد
امشي ولي سوي قز القرط لهلج
-قز القرط ابطنج زين
عفناها وفتنا للاستقبال
امي اشرتلي حضري نفسج ترحين ويانه
-ايي اي
يوم اروح
ابوي اشرلي يله بابا كومي نروح
باوعت ع ياسر
كال روحي واني اجي اخذج ارتاحي كم يوم
كمت اجيب جنطتي وعباتي فوك
شفت عمتي متخوصره ولج عليمن قز القرط
طكيتها ركضه للغرفة
وهي تغلط
صعد ياسر وراي
ملاك روحي وحاولي لا ترجعين ابد
هذا كل الي اكدر اساعدج بيه
حتى لو اجيت ارجعج لا ترجعين بعد
اني ماافيدج
اي اوكي
شلت جنطتي ولبست عباتي
جاي اطلع
لزم ايدي
ملاك سامحيني
-الله كريم
جرني عليه راح اشتاقلج
-تشتاقلك العافية
عفته ونزلت وعمتي
-وين شو لابسة
-رايحة لهلي
-شكوو ماكو روحه
-مو بكيفج رايحه وماارجع بعد ابد
درت وجهي وفتت للاستقبال
شافوني وكاموا اهلي
يله نروح
ابوي كال لهيثم اي شي بوية تحتاجون لا يكضك لسانك اني مثل ابوكم اي شي عمكم موجود
-الله يحفظك النه عمو ويخليك خيمة فوك راسنا متقصر ابد
طلعوا وياسر نزل
هيثم صاح ملاك

رجعت عليه
وعمتي متخوصره واكفة اباب المطبخ
-ها هيثم
-لاترجعين ابد من يمج حليها رحمه لهلج
-لا لا ماارجع
-اي بعد اخوج وسلميلي ع سوزان
-هاااا
ضليت فاكة حلكي ومصدومه مثل هذا الملصق 😱
امي صاحت يله ماما
مشيت مثل المضروبة ع راسي هيثم وسوزان شكووو مجاي افتهم

صعدت بالسياره
وابوي يسئل شلونج بويه مرتاحة
لا بويه ابد ممرتاحة
ليش بوية
عمتي يابة ونور وياسر شبعوني ضيم يابه شحجيلج
ياسر اخذ ذهبي تره كوله باعة واشتره
سياره بيهن
امي حجت
-ياااا ولج شلون تنطيهن اله
-شسوي يوم غصب علي
ضربني واخذهن كوه مني
-ضربججج وليش؟متحجين ووشوكت هالحجي
-قبل لا يموت عمي باسبوع
-وانت ساكته ولج مضحك ثوله غبيه شنو من بشر انت
ابوي ضل ساكت
وامي تحجي عساه ما تهنه بيهن
من البداية اني كلت داخلين ع طمع واله شنو جابرهم عليج

وصلنا نزلت
افييييييبش ياريحت هلي
بيتنا بودي ابوس كاع البيت كولها
ركضت صعدت لغرفتنا
نيران
-ولج ع كيف يمعوده الطفل لا يصيرله شي
-شنوو الطفل ليش اختج حامل
-ايي ماما
صاحت امي ولج ملاك تعاي فهميني
حضنت سوزان
وهي هم ملاك حبيبتي مشتاقتلج شلونج
زينه
ولج ليش متسئلين
اذكرت هيثم ردت اكول الها شعدج وياه
بس كلت اخليها ع غير وكت
ذبت نظارتها وسدت الكتاب
ملوك مشتاقتلج
ليش؟هيج كطعتي بينه فد كطعة
شسوي الله لا يوفقهم شحجيلج شكولج
خليها ع الله
دخلت امي
تعاي ولج صدك حامل
ايي ماما حامل ويردوني اذبه
شنوو تذبيه ليش
ملاك اكو شي غريب بالموضوع فهميني يمةة
شلون عدج علاقة بيه شلون مترديه وتبجين
اختلطت الاوراق عندي فهميني بنيتي
اني امج سترج وغطاج

-ماما اريد احجيلج كولشي واعترفلج باغلاطي
بس اوعديني لو حجيتلج مترجعوني بعد
وتسامحيني لان والله جنت ماافتهم واعرف شنو من شر بالدنيا
-احجي ولج شكوو خوفتيني
نيران خزرتني
-لا نيران كافي بعد لازم احجي الي علي والي مو علي وانت اول وحده تأذيتي بسببي
-يوم اني جانت عندي علاقة بياسر قبل لا ازوج
وهو الي حرضني ابوك فلوسج وانطيهن اله
واتهمت علي ردت اخلص نفسي
-انت شتحجين ولج
-اي ماما
كمت ابجي وارجف من الخوف من امي
ماما سامحيني
ياسر قشمرني وجرجرني للبيتهم
وعمو من شافني ابيتهم اني وياسر وحدنا
غصب ياسر يزوجني
-شنوووو
كامت امي تضرب بيه اسسس كافي شتحجين انت
ولج شنوو يعني لا دكولين ياسر ماخذ شرفج قبل العرس
لا دكولين وداد تدري بيج وساترتج
ولج احجي
كامت تملخ بيه تملخ وتعض بيه
اوويلي عليج ولج احجييييييييي
لا يمة فدوه عوفيني كلشي ممسويه بس رحت نسولف اني وياه
ماسوالي شي
-تضحكين علي ولج عمج مااجة وخطبج لابنه اله اذا مسويلج فضيحة وراد يسترها
اويلي عليج ملاك ولج مشوهه وهيج لعبتي لعب هيج لو صاحية شلون
اليوم اموتج واخلص من عارج
كامت امي تضرب بيه وتضرب روحها
اول مره تضربني وتكلي مشوهه
تمنيت اموت ولا اشوف امي بهاي الحاله
البنات يجروها مني وهي تضرب
كوه طلعوها وسدوا الباب علي
بقت بس سوزان يمي
ولج ليش هيج سويتي ليش ليش
جنت اشوفجن انتي ونيران تحجن ومن اجي اني تسكتن
هيج مسويات بلاوووي
كامت تبجي
واني ابجي
احس شي حار نزل علي
اباوع رجلي والكاع كلها دم
ووجع قوووي ملخ بطني وضهري
اخخخ اخخخخ سوزان الحكيلي
صيحي امي راح امووت
شنوو شبيج
باوعت ع رجلي
شنوو هذا
كمت كوه احجي وحس اجر انفاسي الاخيره
من كد الضرب والكتل والتعب والقهر
فتحت الباب وصرخت ماما الحكوو

ملاك راح تمووت
اجوي كلهم يركضون حتى ابوي الميعرف شكوو
وامي شافتني اجر انفاسي الاخيره
ولج شبيج
كومي صاحت ع ابوي شيلها وياي
تنزف بنتك وكع الطفل
-شنوو طفل ليش؟هي حامل
-ايي مو كتها شيلها راح تمووت البت
كومني ابوي وامي منا
والبنات يصرخن واخواني واكفين
صعدوني سياره واني الدم ماخذني
لحد موصلت للمستشفى متت الف موته
دخلوني الصاله سوولي كرداج
شفت المووت بعيني بس اصرخ وجع مو طبيعي مووت بعينه
طلعت من الصاله منتهيه .
امي متباوع بوجي
وابوي ميعرف شكووو
نيران تبجي ع راسي تمنيت ميته ولا باقيه

#تشوه_خلقي
للكاتبة ام مصطفى
البارت الواحد والعشرون

ابوي متصل ع ياسر وبيت عمي
اجة ياسر ومرت عمي للمستشفى
امي بره جانت
ونيران يمي
جنت اتوجع
نيران اني ليش مامتت
-اسم الله لادكولين هيج
-بس امي كرهتني ومتريدني بعد
احس كلش اذيتها
-كلنا نغلط البشر مو معصوم
-بس اني غلطتي جبيره كولش
-صح ويامة نصحتج ومااخذتي بنصيحتي
اووف الصار صار ربي يسامحج ويهديج وتصيرلج درس وعبره
-تووبه توبه
طبت مرت عمي وامي وراها
-وكعتي الطفل ملاك وكعتي ابن ابني ولج مصارلج ساعتين من رحتي من عدنه
شسويتي ووكع الطفل
تحجي ومسويه روحها متأثره
استغفر الله ياربي
شنو من بشر هاي
امي حجت
لاتسوين نفسج متأثره
منين وكع الطفل غير من ورة دبة الغاز المشيلتها الها
انت الله متخافيه متعرفيه كوليلي
-شنوو ست ملاك هيج اتفقنا
-شوفي وداد البنكم وبينه انتها
من باجر خلي ابنج يطلك
وكلشي خل ياخذه اله منريد لا ذهب
وغرفتها ولا غايب ولا حاضر
وطلكو كافي المسرحية لهنا وانتهت
-ليش دادا شبدر من عدنه بنيتنه منبدلها بذهب عيني ياسر يريدها ميقبل يطلكها
-وداد كتلج المسرحيه خلصت وكلشي انكشف وعرفت كلشي ملاك كلشي حجتلي
وكافي مااكول بس حسب الله عليج وع ابنج بالي سويتوا ابنتي
-شنوو سوينه فوك مسترنه ع بتج الشريفه
طلاك ميطلك زين خدامة وجايتنه ابلاش ليش انطلك
-لعد احنه وياكم والمحاكم وخليكم تذبون الغايب والحاضر والذهب وكل فلس ماخذه منها
واشتكي ع ابنج باكني مليون ونص
والله لخليه يخيس بالسجن
ويله اطلعي بره بره
كامت تصيح امي
ووداد وجها كام يطي الوان
دخل ابوي وياسر
-شكوو شبيجن
-خل يطلعون بره ذول النصابين لا اشتكي عليهم
-شجاج تخبلتي شتحجين انت
-مثل مااكلك
شوف ياسر اذا مطلكت بنتي اشتكي عليك واخليك تكضي عمرك بالسجون
-كافي وفاء شنو هالحجي شصاير
-سلمان انت اسكت اوصل للبيت واحجيلك ع سوالف هذا وامة وهسه خل يطلع بره ويطلكها لا والقران
ادفع الثمن غالي
جرت وداد ابنها
-امشي يمةة طلعنا هسة احنه موزينين فوك ماسترنا ع بتها
الله يرحمك رحمن وين رحت تعال شوف طلعنا احنه مو زينين صدك لو كالوا اتق شر من احسنت اليه
-بره بره
طلعوا وابوي شسوه بامي
-انت لا غية وجودي انت تتصرفين وتحجين بكيفج شنو اطريهم واني موجود
تره كافي تعبت منج كرهتج موتيني كلمتج هي الي تمشي دوم علي
انت مو ام عدوه
ذيج خربتي خطبتها وكعدتيها وهاي تردين اطلكيها فهميني انت شنو من ام
-ع كيفك انت متعرف شي لو تعرف تعذرني
-مااريد اعرف وكل بيت تصير بي مشاكل
ماجنتي ابيت اهلي نهار كله مشاكل طلكتج لا اتحملتي وبعدها الله مكني وطلعنا. ماكوو بيت يخله من المشاكل

طلع ابوي من غرفة المستشفى
وامي رجعت علي
-عساج متي عساج ماتهنيتي
ولج نزلتي روسنا وضلت تغلط وتسب
ياربي اخذ امانتك وخلصني
شفتهمت هسه اني اشو حياتي عذاب بعذاب
المن خلقتني يربي
هم مشوهه وهم متعلعله شنو ذنبي اذا ضعاف النفوس استغلوني.
ابجي وابجي
دخلت الدكتوره
-هاي عليمن تبجين بعدج طفله ان شاء يصيرون درزن جهال عدج
كالت تكدرون تاخذوها واطلعون

رجعت للبيت
امي كالت لنيران مااريد اشوف وجها ابد
فوك حتى اكلها تصعدنه فوك
وماتنزل جوه ابد اكسر رجلها لو نزلت

ضليت فوك خواتي يدارني امي حجت لابوي ع ياسر وعندي علاقة بيه وهو محرضني ابوك امي
بوكتها بعد حتى ابوي مسئل عني
وياسر طلك دز ورقة من المحكمة تبليغ
وابوي كلف محامي
بعد ماخابر هيثم ورزله وعاتبه ع سوالف ياسر وامه

هاي واني اكل بروحي اكل عشت خوف وقلق هسه يصعدولي هسه يذبحني ابوي
وهسه وهسه ...
متت كل يوم اموت الف موته اصعب شي تحسبن نفسج منبوذه ومحد يريدج
وكلها تنضرلج نظرة كره

سوزان سئلتها ع هيثم
كالت ماكوو شي
-سوزان لا تغلطين مثلي ذول مو بشر وحوش محد يعاشرهم
-والله ماعدي شي
بس اكوو واحد يلاحكني من الطلع من المدرسه العام
وين مااروح يمشي وراي شكد احجي اغلط ميفيد
حتى صديقاتي والمدرسات شافنه وعرفنه كل مااطلع هو لازك بيه
اتصوري كاتب احبج سوزان ع حايط المدرسة
والمدرسة كلها عرفتني
مره اني طالعة وحيل مقهوره منه لان كاتب اسمي
فلحكني كالعاده
ووكفت اغلط وارزل وادعي عليه وابجي
وهو يكلي انت السبب متطيني مجال احجي وياج
محسيت اله هيثم واكف فوك راسي
كاي شبيه وياج
ارتبكت كلش وكمت ابجي
لزمه هيثم وشبعه ضرب
كله لو شفتك بعد يم المدرسة اخلص عليك
شرد حسن
وهيثم اندارلي كال اذاج شنو شسوالج شعندج وياه
حجيتله كولشي وصديقتي شهدتها ع كلامي هم حجتله شلون ماذيني
عاد هو ضل يتوعدله
بقى فتره يجي للمدرسة يشوفه خاف يجي
بس الولد ماجه بعد
وهاي هي والله صارت العطله
ومشفت هيثم اخر مره بفاتحة عمي
-سوزان ديري بالج صح هيثم خوش ولد بس امه واهله ماينحملون ولا يتعاشرون
وابد ابد لا تخلينه ابالج التهي بدروس
-اي اني اهم شي اريد اطلع معدل هالسنه زين تعرفيني دراستي اهم شي

نيران
وره كم يوم اجت عمتي فاطمة هي وزينب بنتها
تفاجئت بجيتها
طبت سلمت كالت ولو اني زعلانه
بس ماهان عليه اجي لبغداد وماامر اسلم عليكم
امي تلكتها وضلت تتعذر منها وانت مثل اختي فاطمه وقسمة ومصارت وهي والولد واذا الله كاتب الهم قسمة
تصير من نصيبه ان شاء الله
شنو شعجب جايه
والله زينب مريضه ووصفولي دكتور ابغداد كالو زين واجيت عليه
-ليش شخيرها
-راسها وفاء نهار كله تشكي منه
واجيت جابنه علي من البارحه
من كالت علي روحي احسها راحت
-لعد وين كاعدين
-يم بيت اخوي رحمن عفت علي واجيت اسلم عليكم
شنو ليش؟ملاك اطلكت سمعت حجي هواي ومصدكت اعرف بنات اخوي واعرف اخلاقهن كولش زين
-خليها الله خلصها وخلصنا
-صدك وفاء اكو دكتور بلبنان يسوي عمليات تجميل
سئلت ع حالة ملاك كال كلش سهله عنده ويسويها جلسات ويروح الحمار يسحبة كله من وجها
جيرانه تسوالف بنت حماها نفس حالة ملاك وساحبين الاحمرار من وجها
-صدك معقوله
-اي والله ومن حجتلي اجت ع بالي ملاك ليش متاخذوها تسوولها
-والله اذا صدك اخذها بس جيبيلي العنوان مضبوط وافتح الموضوع وي ابوها وانشوف
-يله اني اروح
-وين صدك جذب اتغدي يمنا
-لا اعذريني علي مناضرنا براس الدربونه

زينب اجت يمي
نيران علي هواي يحبج حاولي ترجعون علاقتكم
وديري بالج من نور تره لاطشه لعلي هالايام
ومرت خالي رحمن البارحه دكل لامي اخذو نور لعلي
نيران احنه نحبج وصديقات من الصغر وياج اذا تحبينه ارجعي لعلي
-زنوبه الشغله موو يمي يم علي ياترى علي راح يقبل يجي يخطبني من جديد بعد كل الي صار
-هو شنو الي صار غير تفهميه وتبرريله حتى يقتنع
موبس هو ابوي هم لازم يقتنع قابل لعب هو
-شفتي صعب كلش

صاحت عمتي يله زينب
طلعوا
ومديت راسي وراهم ردت اشوفه بس ماكوو مشفته
رجعت مقهوره صعدت فوك ابجي
ملاك شبيج نيران تبجين
اسكتي انتي كله بسببج عساج ماتهنين
غطيت راسي وابجي شنو. اسوي مااعرف

ثاني يوم جان بدايت اول يوم دوام
رحت مكسورة واهس
بالليل حاولت اثتع امي ترجع ملاك تكمل دراستها
بس ماقبلت وضليت اتوسل بيها
كالت منا لباجر الله كريم

عاد لبست ورحت للكلية
حيل مالي خلك وكارهه نفسي
بكل مكان اتخيل علي واكف هنا جان
وهنا حجه ع لبسي
اووف لشوكت هيج ابقى تعبت والله تعبت

ملاك
امي واخيرا وافقت ارجع للمدرسة بعد ملحة من نيران اووف نيران شلون اجازيج وكفاتج هواي صارن

طبعا خلتلي خط ياخذني ويجيبني اني وسوزان
بيت عمي ابد ماالتقينا بيهم
واني احس تجربتي كبرتني الف سنه
صرت مهمومه ومااختلط احد
حتى ص.يقاتي ابد مااختلط بيهم
وع طول راسي بكتابي
يكولون الضربه الي متموتك تقويك
قررت من هاليوم اصير قويه واصلح كل اخطائي بعد عرفت الناس وعرفت الدنيا
اهم شي نفسي ودراستي وماكو شي يرفع من شأني غير دراستي وان اثبت ذاتي

امي ابد ابد متحجي وياي ولا تلتقي بيه
اني من المدرسه كبل فوك لغرفتتنا اني والبنات

نيران
جنت كاعده ع كعدت الاستراحة بالكلية
اني وحنان صديقتي
اجه زميلي كال نيران كتبتي المحاضره
اني ملحكت اكتبها كلها
اي كتبتها
زين ممكن انقلها منج
اي اووكي
كعد بصفي انطيته دفتري وكعد يكتب
حنان كالت راح اجيب لفات الي وياج
متت جوع
اي عفيه
طلعت فلوس من جنطتي واطيتها
راحت

بقى زميلي يسئلني ع الكتابه كم كلمه جان خطي مواضح لان اكتب ع السريع
الاستاذ يحجي واني اكتب

فكال خرب بليسج ولج خط هذا لو ملحمة كلكامش
ضحكت مو يحجي سريع ماالحك اكتب شلون مكان واعدلهن بالبيت كلت
يله عادي المهم كتبتي
عاشت ايدج خلصت
مشكوره كام
انتبهت ع واحد متجتف وواكف

علي
كمت وكفت علي اي علي
تقرب مني
هو هذا الي عفتيني ع موده
-علي شلونك
دار وجهه
علي اوكف احجي وياك ليش جاي هنا
-اشتاقيتلج وردت اشوفج بس لو ما جاي احسن
-علي ليروح بالك بعيد والله زميلي ينقل من عندي المحاضره
-اي ينقل ولازك بيج بعد فدمره خليه بحضنج
صار عصبي وجهه صار احمر من يحجي
اموت عليه من يعصب ويغار
-علي لا تتصور احب غيرك بحياتي ولا اصير لغيرك
غيرك ميحلالي
تقدم مني
-لج انت خبلتيني تحجين شي ووتصرفين غير شي
فهميني نور شبيج
-نور منو نور اني نيران
-اووف لعنة الله عليك ياشيطان
-لازم متأثر بنور وهواي لسانك يذكر اسمها

رجعت ع مكاني شلت جنطتي والاوراق
-اوكفي نيران احجي وياج
-تره زلت لسان هاي من كد ماامي تكلي اخطبلك نور
باوعتله
-موفق علي
مع سلامة
مشيت سريع لاكتني حنان شايله اللفات
شبيج
بعدين حنان اني طالعة للبيت

ليش شصار
مصار شي يله باي
ولج واللفات
اكليهن الج
طلعت ونار بكلبي ليش هالشكل يصير وياي شلون ابررله شكله اختي باكت وانطت شرفها شراح يكول علينا
يجوز يحتقرنا ويكرهني للابد
خليني محافظه ع كرامتنا ع الاقل كدامة
هاي اذا مو نور هسه حجتله

طلعت وكفت ااشر كيه اصعد
اجه بسيارته كبالي اصعدي نيران
علي روح الله وياك طريقنا مسدود الله يوفقك وي نور
-ولج يانور الف وحده من نور ماابدلها باضفرج
انت بس فهميني وقنعيني ليش فسختي الخطبه شصار كولي اهلج ضغطوا عليج احجي
-مااكدر علي شي كولش جبير
وكفت الكية وصعدت
عفته وصعدت
رجعت ابجي وابجي

اجت ملاك من المدرسه

ملاك رجعت شفت نيران تبجي
سئلتها شبيها
حجتلي شايفه علي وحجتلي شصار
جانت تبجي بحركة ومقهوره
ومتأثره كلش
متحملت
اخذت مبايلها ودكيت ع علي
قررت احجيله كولشي
وللحكاية بقية
ام مصطفى



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-10-19, 11:43 AM   #13

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#تشوه_خلقي
للكاتبة ام مصطفى
البارت الثاني والعشرون


اخذت المبايل وصعد فوك القاطين
طبعا امي جانت مخليه سوزان تراقبني ع طول وين مااروح وشسوي
كالت سوزان وين
سوزان لازم احجي لعلي كولشي وهو يقرر
علي خوش ولد وعاقل. ويخاف الله
اكيد راح يتفهم وضعي
بس خايفه شلون شحجيله مستحيه والله
مع ذالك لازم اساعد نيران
دكيت ع علي
بسرعة جاوب
ها نيران
-علي اني ملاك مو نيران
-ليش وين نيران بيها شي
-نيران تعبانه وبس تبجي علي والقران نيران تحبك واني سبب كل الي صار بينكم
-شلون يعني انت سبب فهميني
انكطع الاتصال
اووو خلص رصيد
سوزان عفيه انزلي شوفي شكو ماكو وارجعيلي
خاف امي تصعد
-يله اوكي وانت بسرعة خلصي
طبعا امي حذرت منحجي الي صار لعلي
كالت مااريد فضايح خلي الي صار صار
اهم شي الشغله مستوره

بس خطيه نيران وعلي.

دك علي جاوبت
الوو
-ها ملاك فهميني شنوو الموضوع
-علي راح احجيلك كولشي بس احلفك بامير المؤمنين علي يظل هالسر بينا ميطلع منك
-كولي يمعوده صدك جذب
-علي نيران مالها ذنب بالي صار الذنب ذنبي
-حجيتله ع الفلوس وشلون قشمرني
كتله اني تهمتك اني شفتك
جنت احجي وابجي
سامحني علي والله مجنت بعقل هسه وهذا ياسر شيطان لعب بعقلي
وياريت بس ع هاي
جرجرني لبيتهم واخذ شرفي
ولوما عمي لحك وشافني جان هسه اني اهلي ذابحيني
كمت ابجي علي اعرف انصدمت بيه وكرهتني بس والله مالي ذنب قشمرني والقران واني ناقصة عقل ومصدكت احد باوعلي وكلي احبج طول عمر احس بنقص
جنت امشي وي صديقاتي وكلها تتباها بجمالها وحسن وجها
والولد الي بالشارع يباعون لصديقاتي ويغازلوهن بكلام حلو
اما اني الكل تقزز من شكلي وكلها تنظرلي غير نظره

-اني مصدوووم مو منج مصدوم من ابن عمج ياسر انت شرفه شلون واحد هيج يسوي ابنت عمه معقوله
وانصدمت من نيران معقوله شكت بيه اني ممن اسرق. وفسخت الخطبه
-لا لا علي والقران نيران ضلت تكول علي ميسويها ولو شيصير مااصدك بيج
-لعد ليش فسخت الخطبه
-رادت تحافظ ع كرامتك لان امي رادت تكول لعمتي فاطمه ع الي صار واني شفتك دخلت للغرفه حتى تفسخ الخطبه نيران مرادت تحطك بهيج موقف تحملت كولشي وكالت لامي ماكو داعي اني افسخ الخطبه ولا تخلين علي بموضع شك يم اهله
-اخ نيران كل هذا تحملتي واني وين بالي وين افكر الف حسبه اجت ابالي بس هاي لا مااجت
ملاك انطيني نيران بعد مااتحمل
اني فوك لابده واحجي وياك
راح انزل وارجع دك وانطيك نيران
-يله انتظرج
سديت الخط ونزلت ابجي شفت سوزان نازعه نظاراتها وتمسح دموعها
اووف ليش هيج يصير بينا
شفتي ملاك غلطة انت غلطتيها اثرت علينا كولنا
اثرت ع نيران وع امي وبابا وعلاقته وي بيت عمي وحتى علي
لوما غلطتج وي ياسر جان هيثم
فكر بيه بس اكيد اخذ نضرة موزينه علينا
لزمتها من ايدها سوزان كتلج لا تخلين هيثم ابالج ابد
غصب عني نيران غصب عني يجي ابالي
لا انسي انسي هالشي

عفتها كملت الدرج
وصلت يم نيران جانت منهارة احسه كارهتني هي كل ماتبجي ويصير شي
ترجع علي
دك المبايل
باوعتلي مشتغربة بيدي الجهاز بيدي
-منوو
-هذا علي مو كاتبه عليه حبيب الروح
-علي اي
-اجاوب
-لا عوفيه يدك
فتحت خط اني وهي تحجي
عوفيه يدك اكيد راح يعيدلي نفس السؤال
شنو اجاوبه اهلي اتهموه بالسرقه
مااريد يعرف شي عوفيه يدك
كافي اذيته هواي
خليت المبايل بيدها
جاوبي نيران علي يسمع كاعد
واني حجيتله كولشي وهو تفهم الوضع لان انسان عاقل وفاهم وصاحب دين
جاوبي نيران احجي وياه
طلعنا اني وسوزان وعفتها تحجي وياه

نيران
جاوبت الو
-نيران حبيبتي ليش ضميتي علي كول هذا ليش تحملتي العذاب هذا كله وحدج
-كلشي لعيونك يهون اهم شي مااريد احد يغثك ويقلل من قيمتك لو يحجي حجايه موزينه تأذيك
وثانيا شكلك اختي هيج سوت
جنت اخاف تاخذ نضره علينا موزينه
-مع الاسف عليج انت متعرفيني لهسه
الصوج مو بملاك الصوج باشباه الرجال الماعدها شرف ولا ضمير وتدني نفسها ع هيج طفله بوضع مختلف وتضحك ع عقلها والمصيبة عرضة وشرفة بنت عمه ملاك بدال ماهو يكون ضهرها ويخاف عليها من الغريب هيج يسوي بيها
-هذا ياسر حقير من قبل حاول يتحرش بيه بس منطيته مجال وهددته اكول لبوي عليه بعدها جاز مني
-شنووو ايا كلب
-بعدها التف ع ملاك
-المهم علي انت هسه بنضر اهلي بريء
ملاك حجت كولشي لهلي
-اهم شي هالشي
اني راح ارجع احجي وي ابوي بس ارجع للنجف
-صدك انت شسوي جاي
-اجيت اني وزينب عدها مراجعة وكاعدين يم بيت خالي رحمن
-شنووو كاعد يم نور قصدك لازم حلتلك الشغله
-يانور شبيج اني لو نور ابالي مااجيج للكلية ولا اتصل بيج
انت وبس شاغله بالي
-لعد لا تبقى يمهم جيب نور تعال يمنا
-مو استحي منكم يمعوده
-لا تعال واكسر حاجز المستحه
واني راح احجيلي لامي اني صارحتك
بس لا تجيب طاري لاحد
-ساعة واني يمكم
-انتضرك
فرحت هواي هم وانزاح مني اكو امل نرجع لبعض
فتحت الباب وحضنت ملاك اشكرج تصالحنا ووعدني ترجع علاقتنا
هسه راح يجي
شلبس كولي البس تراكسود لو البس
دشداشتي الجديده
اوو احنه فسخنه العقد لازم البس شي محتشم كدامه

وامي شلون شراح احجيلها خذرتنه منكول لبيت عمتي شي
-عوفيها علي هي كارهتني كارهتني كولي ملاك وحدها اتصرفت
المهم هاي فرحتج لا تضيعيها حبيبتي
والله يوفقكم يارب

نزلت لامي جانت عيوني وارمة
لكيتها تثرم بصل تريد تسوي كبة للعشة
كعدت بصفها رفعت راسها علي
ها ماما شبيج عافت السجين
شكوو بنتي شبيج باجية
ماما اريد اكولج شي
-كولي ماما
-اليوم اجاني علي للكلية
-اووف رطعنه نيران
-ماما اني وعلي مالنه ذنب ورحنا بالرجلين واني احبه حجيت ودنكت مستحه من امي
وهو يحبني ماما اسفة ع جرأتي
بس والله هاي مشاعر مو بيدي اتحكم بيها
-اي وشصار
-صراحة ماما ححيتله كولشي
وكفت امي
عزه بعينج نيران كتيله اختي باكت كتيله اختي اخذوا شرفها
ليش؟هيج ولج
-ماما علي يخاف الله وحلفلي هالشي سر بينه يبقى ومع ذالك علي كول هالشي مااهتم اله وراح يرجع فتح الموضوع وي ابوه ويرجع يخطبني
-ماما ابوس ايدج لزمت ايد امي وبستها لاتوكفين بطريقنا
-ولج بنتي راح يضل كل العمر يعيرج بهاي السالفه اني اسئليني خاف هسه مزة
وره الزواج غير
-ماما اني اتحمل كولشي مااتصور علي يسويها مدام صايم مصلي لا تخافين منه
خوفج من الميخاف من الله
ماما علي راح يجي هو زينب فدوه استقبليهم
-اوووووف كبرتن وكمت مااكدر الجن
انت حره وانت مسؤوله عن قرارج
تره اني مااكره علي وماعندي شي وياه بالعكس علي خوش ولد
بس خايفه عليج
-ماما لا تخافين

الله كريم بنتي

رجعت صعدت فرحانه لكيت ملاك اطك باصبعها خايفه
-شبيج
-امي حجت علي لان كلت لعلي
-لا اصلا مجبت طاريج

-صدك
-اي والله كتلها اني كتله انت معوزج هم
-فدوه لاختي
مسحت دموعها
واني لبست دشداشة مستوره وحجاب نسقته وياها
مكياج خفيف
ونزلت
بس اندكت الباب كلبي كام يدك بسرعة
طلع حيدر فتح الباب
رجع كال علي ابن عمتي وزينب وياه
كمت وكفت بس مرتبكة عبالك اول مرة يجينه
طلعت امي استقبلتهم
هله ومرحبا بيكم يمةة
فوتت علي للاستقبال وحيدر ومحمد يمه راحوا ابوي جان يومه يم نادية
ودخلت زينب يمنا
خطيه جانت كلش فرحانه
ركض خذناها فوك
جنه حيل مشتاقين الها
ضلت تسلم وجن مشتاقه الجن
شافت ملاك باجية
ليش؟تبجين ملوكه
-هيج ماكو شي
-سمعت هواي حجي عليج يم بيت خالي وممصدكه اي شي
حتى كرهتم معبالك بنت عمهم انت
-اوف الله لا يوفقهم ع الي سووه بيه
-تدرين شكد فرحت من علي كلي نروح هناك لبيت خالو سلمان
ولا جنت مرتاحة ع طول نور تاخذ غيبتجن ومرت خالي مدري شلون تحجي
اختنكت
-الله كريم ربي ياخذ حقي منهم
وياسر هم شفتي
-اي سيارته متفلشة
-ليش ....بيج قصص عراقيه حقيقيه من واقعنا.روعه الطائي
-داعمها وكوه طالع سالم منها بس السياره صايره قوطية
-حل عساه باكثر فلوس حرام فلوس ذهبي وعساه ماتهنه بيهن
نيران حجت
انسي ملاك ولا تسئلين عليه التهي حبيبتي بدروسج ومستقبلج وبس

صاحت امي ع نيران
خابري ع ابوج خل يجي
يمةة بس اليوم يوم خالتي ناديه
وشنو غير عدنه خطار خل يجي طبها مرض

خابرت ع بابا
بابا عدنه خطار
منو
علي وزينب بيت عمه فاطمة
هااا جاي
نيران
بديت اسوي عشه وي امي
ابوي اجه
ودخل يم علي
شويه وطلع
وفاء علي رجع طلب نيران ويباوعلي شدكولين
والله بكيفكم خاف دكولون وكفت بطريق بناتنا

ها بابا نيران
الي تشوفه بابا
بس يكول بعد ابوي اجيبه واجي
الله كريم

التهيت اسوي عشه وصبينا اله
بس مدخلت ابد للاستقبال استحيت من ابوي
دزلي رساله عاشت ايدج ع الاكل
-شلون عرفت اني سويت وي امي
-انفاسج بيه
-ها هجي عيني كام صايره عندك حاسة سادسه
-اي لعد شعبالج

صعدت يم البنات فوك ودك سوالف للصبح
الصبح كوه رحنا للدوام

رجعت جنت متلهفه
زينب رادتني اروح وياها للدكتور العصر عدها مراجعة
بدلت ورحت وياهم
طول الطريق علي يتبادل النظرات وياي
جان يستحي من زينب يحجي شي كدامها
بس جان فرحان كولش واني هم
الفرحة بعيونه مبينه

خلصنا من الدكتور ورجعنا للبيت
بعدها راحوا بس وصلونا
دزلي رسالة ادعيلي ابوي مايعارض
يارب

#تشوه_خلقي
للكاتبةام مصطفى
البارت الثالث والعشرون


علي
رجعت للنجف محتار شلون افتح الموضوع وي ابوي
اني اتقبلت الموضوع وافتهمت الموقف وعذرتها
ابوي شلون
شلون راح اقنعة شلون مااعرف
احسن شي اخلي امي تتفاهم وياه
وصلت للبيت تلكتني امي.
-هله يمة بيك الحمد لله ع السلامة
ها بشروا شكال الدكتور
-لازين صحتها متحسنه ع العلاج الاخذته
والتيفو قاله نسبته
هسه بدل العلاج بس اهم شي كال تتبهرز من الاكلات الحوم الدهون الالبان
-ايي ابد مااخليها تاكلهن اله اطيب
-يمةة راح ارتاح تعبان
-روح الله وياك
-اكول بس وليدي شعجب رايح لبيت خالك سلمان
شو خابرت مرت خالك رحمن دكول اخذ زينب وراح لبيت سلمان
صدك هالحجي هم رجعنا يمةة لنيران
تره ابوك ميقبل من هسه اكلك
-يووم خليني انام وارتاح وعود نتفاهم الله كريم ...
صعبتها امي عليه اكثر من ماهي صعبة

صعدت لغرفتي ذبيت المبايل والسويج ع الميز
نزعت قميصي
اجتي رساله رحت فتحتها
من نيران
ها علي وصلت طمني
كتبت الها
اي وصلت وراح انام لان تعبان واقفل جهازي ليضل بالج

دزت
اوكي نوم العوافي والحمد لله ع السلامة

اخخ يربي شراح يصير وين توصل بينه ماادري

نمت ع فراشي بسرعة غفيت من التعب ودوخة السيارة

كعدت ثاني يوم الصبح وي صلاة الفجر

شبعان نوم
نزلت لكيت كاعدين يصلون
غسلت وتوضيت واجيت اصلي
ابوي شافني
-الله يساعدك وليدي
-ويساعدك يابه
صليت

-وصحت يمةة جوعان
متسويلي ريوك
-اي صار
ابوي تقرب يمي شنوو البارحة رايح لبيت خالك سلمان
-اي يابه
-شنوو ردينه لو زياره عادية
-لا يابه كلت اسلم ع خالي عيب صار كم مره اروح وماامر عليهم
وهم سكتت
-وهم شمو كمل
-يابه الصراحة اريد ارجع اخطب بنت خالي جان اكو سوء فهم وانحل
-اسسسس لا تكمل صدك تحجي
شنو لعب هو نخطب وتفسخ ونرجع نخطب
انت ماعندك شخصيه
-يابه كتلك سوء فهم صار بينة وهسه نحل البنيه تحبني واني احبها تعرف
-كافي جان استحيت من نفسك رجال شكدك شكبرك وحده مسويته مضحك
خلي عندك كرامه شنو حب شنو سوء فهم
انت رجال لو جاهل
-يابه والله العظيم كتلك صايره شغله ومن حجتها الي عذرتها
-ماكو زواج منها خليلي كرامة اذا انت ماعندك كرامة خلي لابوك كرامة
اني واعوذ بالله من كلمة اني شيخ ....... الف واحد يتمنى يناسبني
تريدني انزل من كرامتي وارجع اخطبها الك
ليش قلة نسوان مثلا الف وحده تتمناك
-بس اني هوايها البنيه ومااريد الالف اريدها هي
-انسى وشيلها من بالك
طبت امي شايله الصينية
شافت ابوي عصبي
-خير شكو
-ابنج رجع ع سالفة ابن اخوج عقليه
كام ابوي
درت وجهي ع امي واني غيرها مااخذ
اريدها يمةة لو تدرين الصار جان عذرتيها
-كلي فهمني
-مااكدر سر وحلفتني
المهم اني متاكد هي تحبني ومعذوره بالي سوته
-وليدي فدوه انسى الموضوع وخلي اخطبلك نور
-لا اجيبيلي طاريهم بيت خالو رحمن همه سبب كل هاي المشاكل

دخل ابوي
-اسمع من باجر الصبح الكاك كاعد اول واحده بالحوزة تحضر الدرس
وهالموضوع انساه ولا تفتحه ابد
تريد تزوج اخذ من ثوبنا شبيهن بنات النجف ناقصهن شي
مو احسن من بت بغداد الي سوتك لعبة
حجت امي
-ابو مؤيد البنيه جان عدها ضرف ع كيفك
-اسس لا تدخلين انت وابنج سويتوني مضحك كدام اهلي وعمامي ومعارفي

خله عمامته ع راسه ولبس عباته
وكال تعال وراي للدرس

-ان شاء الله يابه

طلع
-يمةة مايصير هيج ليش محجيتي وياه
-شحجي غير كون اني اقتنع حتى اقنعه ليش اعرف ليش فسختوها وليش هسه تردون ترجعون
هو لعب خوما لعب يابني هذا زواج
تريك حبيبي وروح حقق حلمك مو طول عمرك تحلم تدرس وتعمم مثل ابوك
روح وليدي واذا الله قاسمها الك متصير لغيرك

دنكت اكلت لكمتين
وكمت لبست دشداشتي ورحت احضر درس فقه
كلت ارجع احاول وي ابوي مره لخ بلكت ثاني يوم هسه هو عصبي
نيران راح علي
واني مخليت دعاء مدعيته بي كون تعدي ع خير وابوه يوافق ابوه صعب كلش
بالاخص من صار معروف بعد السقوط
صار شخصية معروفه وكلها تعرفه وتحسبلة الف حساب
ويمكن اكثر الناس تتمنه تناسبة
اصلا ينطوهم نسوان هدايه كومة بس ماياخذوهن

ثاني يوم داومت
دكيت عليه ماكو مغلق كلت احتمال نايم
بعده

رجعت للبيت هم اتصلت ماكو
بقيت اتصل ماكو
تالي اتصلت ع عمتي فاطمة جاوبت
-هله عمه شلونج
-حبيبتي الحمد لله
-عمة اريد زينب
جنت استحي اسئلها ع علي
-نيران بنيتي من الاخير ابو مؤيد مقبل يرجع يخطبج لعلي وصارت مشاكل بينه وبين علي
ياريت تبتعدين هالفترة عنه
عوفيه يدرس راح بجامعة .......... الدينية
واذا الله كاتب الكم قسمه مراح تفترقون
-عمة والله اني احب علي والي سويته
اني مالي ذنب والله اني ضحية
-عمة الكلام ميفيد بعد الي صار صار
-يعني شنو
- شوفي طريقج بنيتي والله يوفقج بحياتج
مع سلامة
سدت الخط واني وكع مني المبايل
يربي ليش هيج يصير بيه اني مالي ذنب
يربي لا تحرمني منه والله احبه ومااكدر ع فراكه
هاليومين الي رجعت علاقتنا احس نفسي ملكت كل الدنيا
لبش حرام علي الفرحه ليش شنو ذنبي

ملاك
دخلت لكيت نيران تبجي
-شبيج تبجين
-اسكتي انت كل بسببج ارتاحي ماكو علي بعد
هاي هي ابوه ماقبل
اخخخ ياحركت كلبي ليش هيج كل من وراج اكرهج اكرهج
-نيران فدوه اني هم مثلج ضحية مجتمع فاشل
-لا تبررين لنفسج
كله من وراج كله من وراج

تهسترت نيران وتصرخ
وامي صعدت سمعتها
وهم طبكت وياها علي كله من وراج عساج متي وخلصت من عارج
اكيد علي ماقبلها ع نفسه ياخذ وحده اختها مثلج

وخري من وجهي وخري بكد ماحبيتج قبل وانهزمت بيج من كل الناس
هسه كرهتج وبودي اهج وخلص منج ومااشوفج ابد

طلعت من الغرفه وحبست نفسي
بالمخزن. سديت الباب وابجي ياربي موتني وخلصني كرهت روحي
وكرهت الدنيا كلها
يربي ليش خلقتني بيه نقص وخليتني يم ناس ماعدها رحمة محد يرحمني
ربي موتني وارحمني رحمتك ولا رحمة غيرك
شبعت بجي لحد مانمت ع كواني الطحين والتمن

ضليت لثاني يوم الصبح
محد دك الباب وكلف نفسه يطلعني لو يكلي
اطلعي اكلي نامي ع فراشج
كعدت تكسرت تكسر
ضهري مكسر وركبتي توجعني ملابسي كلها طحين
كمت انكت بهدومي
فتحت الباب
لكيت البنات ستوهن كاعدات
لاكتني سوزان يله البسي الخط راح يجي

كرهت روحي اني ليش موجوده بهذا العالم
صديقات ماعندي مثل الناس
والكل يباوعلي بنقص
تعبت وكرهت نفسي واهلي امي الي جانت تحبني صارت تشوف العمه ومتشوفني

لبست ملابسي جنطتي مالت العام جانت مشكوكه
خيطتها ع السريع
وسوزان يله متلها مشوفين اخيط بجنطتي
من نزلنه سوزان كالت لامي
-يوم اشتري لملاك جنطه خطيه كل يوم تخيطها
-اشتريلها سم كون مرض اليمرضها ..بيج قصص عراقيه حقيقيه من واقعنا.روعه الطائي
سمعتها ومتت بجي اصعب شي بالحياة من تشوفين الكل تكرهج ومتريدج
وانت مالج لازمة بالدنيا وبالوجود اصلا من صدك تتمنين الموت ......

بعد مرور ٣ اشهر
علي قفل مبايله مدري غير ارقامة لان نيران تخابر مغلق
انتكست نيران هواي وتمرضت وصارت حتى متكعد ويانه

بعدها اتقدم الها ابن خالي
ابوي كال لازم اخابر الشيخ وافتهم يردوها لولا
اخر مره علي اجه طلبها مني مره ثانيه

علي

حاولت وي ابوي هواي بس جان يعاند ويزيد
ومكدرت اسوي شي مااكدر اطلع من شور ابوي واستحي اكولها لنيران
استصعبها امي مختصرتلي الموضوع ومحاجيتها
ومن كلتلي لزمت المبايل وسويته طشار
وكسرت السيم كارت
وبقيت اداوم بالحوزه حتى للبيت مارجع بس خميس وجمعة
تعبت حيل من التفكير واعتكفت بنفسي

فديوم كاعد يم اهلي واتصل خالي ع ابوي
كله ابن خال نيران متقدم الها
وانتم مرجعتوا خبر
ابوي تعذر منه
وكاله خل تشوف طريقها
علي حاليا يدرس حوزة وميريد يزوج بالوقت الحالي

من سمعت تخبلت
يابه ليش هيج تسوي كافي حرام عليك تحرمني من الانسانه الي اختاريتها

-هاي الانسانه ماتوالمك ومو من ثوبك
تريد تزوج باجر اسطرلك الف وحده واختار اما هاي انساها ...

ملاك
ابوي حجه لامي ونيران ع الي صار
ونيران وامي رجعن علي مسبه وغلط كله منج
كالعادة اسكت وابلعها

هنا بيبتي ام امي توفت
وهم التهينا بالفاتحه واجلوا موضوع الخطبة
بس نيران رافضه ابد بوكتها

بفاتحة بيبي اجت عمتي. فاطمة
وامي عاتبتها
بس هي كالت الها مابيدها شي

جابت الها عنوان الدكتور البناني
بس امي ماهتمت اخذته وماهتمت للموضوع

صارت حياتي جحيم بالبيت بالمدرسة
وين مااروح
كرهت روحي عشت اصعب فترة بحياتي

نجحت من الرابع للخامس
وسوزان طلعت طب صيدلة وراحت كليه

ونيران تخرجت من كلية التربية
ضاع حلمها الهندسه الي ضحت بيه لخاطر علي
وضاع حبها احسها خسرت هواي وتأذت
اتمنى اخفف اعنها بس مابيدي شي

مرة حجيت وي امي ع مود الدكتور وضليت ابجي ودنكت ع رجلها بستها تسامحني
وتكوله لابوي ع الدكتور
نيران نزلت
سمعتني احجي
كالت لامي ماما
احنه الله امكنه وعدنه خير من الله
ليش متخلين ابوي ياخذها
وعسى ولعل تنجح العمليه
ماما اني من اصفن الها اكول ملاك ضحيه
نفسية ضعيفة مثل ياسر وهي طفله
ماما فكري للمستقبل لو صار. عليكم شي وين تروح ملاك

امي سكتت
ثاني يوم حاجت ابوي وابوي رحب بالموضوع وتحمس
وقرر يسويلي جواز اني وامي
كال مدام عطله

طرت فرح واحلم ليل نهار
كل شويه اتخيل وجهي حلو وصافي مبي شي
واتباهه بجمالي
واعيش حياتي حالي حال اي بنيه

بي صارت مشاكل خالتي ناديه تعاركت وي ابوي
شنو يسافر ويعوفها
واجت للبيت تعاركن هي وامي

امي طردتها وهي تكلها ع جنازتي تسافرون

يبوووي الفكر يضل فكر خرب حضي

من اجه ابوي امي حجتله
وتخبل شلون اجت للبيت وتعاركنه هاي اول مره تسويها

كال عناد بيها اله اكمل اجرات السفر
تعارك وي ناديه وكام ميروح الها

وهي عايفه البيت والجهال ورايحه لهلها
عاد ابوي جابهم واجه
عافهم يم البنات
كمل الجوازات ابوي
وحجز النه لبنان

سافرت واحلم ارجع انسانه عاديه
سافرت وجنت متفائله هواي

ومتحمسة
ودعت اخواتي ورحت
حاملة امنياتي واحلامي بين كفيه

#تشوه_خلفي
للكاتبة ام مصطفى
البارت الاخير

وصلنا لمطار لبنان

بوجهنا طلعنا للدكتور اطينا العنوان لسائق تكسي
ماشاء الله لبنان جنة شنو من خضار شنو من طبيعة طول الطريق نتفرج جمالية الطبيعة سبحان الله

وصلنا للمكان ونفس العنوان
ابوي سئل السائق اكو هنا فندق قرييب
كله اكيد موجود
اخذنه السائق لفندق
وبابا اتفق وي السائق يجينا بعد ساعة حتى نروح للدكتور

اول مره اسافر وادخل فندق شي حلو وجديد علي نفسيتي ارتاحت كولش
بس امي بعدها شايله علي ومتحجي وياي

غيرنا ملابسنا وبابا طلب اكل النه
طبعا طول الطريق ابوي يسئل السائق ع الصيرفه والاسعار وهواي استفسارات استفسر منه
وحتى اشترالنا سيم كارت لبناني

المهم اكلنا جان الاكل كولش طيب
ورتبنا ملابسنا
وره ساعه اتصل السائق كال اني جوه وصلت
متصورون شنو شعوري جنت متفائله كولش وفرحانه
جنت مستعده اخاطر حتى بحياتي
ع مود اسوي العملية

نزلنا جوه
جان الفندق يجنن شنو من ترتيب شنو من نظافه
جنت متعجبة بيه بس اباوع ع الجدران ع الاثاث.
لكينا السائق ينتظر بصالة الانتظار

شافنه وكف
بابا اشرله يله
صعدنه بالسياره
يربي شنو من مناظر شنو النظافه
لعد العراق شبيه يحضي 🤦‍♀️

وصلنا للعيادة مالته ونزلنا
كلبي يرجف ويدك
حجزنا وانتظرنه يوصل النه الدور
من صاح اسمي كمت وكفت وجنت مبين القلف والخوف

علي انخطف لوني
لزمني ابوي ودخلنا
شافني الدكتور
تفضلوا اهلا وسهلا
حجاله حالته
ابتسملي شكد عمرج
كتله ١٦ سنة

تقرب مني ضل يباوع ع وجهي واني ختمة القران بكلبي اخاف يكول متصير

كال سهلة ان شاء الله
بس تحاليل سوها الي ونتفاهم بعدين
رحت سويت تحاليل كامله
وانطيتهن اله
كال كلها سليمة
ان شاء الله تنجح العمليات ويرجع وجهج طبيعي
بقى يشرحلي ع حالتي
وكال يراد اربع خمس جلسات يله نكدر نسحب هذا الاحمرار من وجهج

ابوي كله عادي بي المهم بنتيجة
اتفقوا ع الفلوس وحددوا باجر اسوي اول جلسه

مااعرف شلون اوصف شعوري فرحانه فرحانه كلش
احس راح ابدي حياة جديده وره العملية

رجعنا للبيت
وبالليل اخذنا بابا والسايق نفتر ببيروت
جانت تجننن طبيعة خلابه

رجعنا بالليل
وللصبح متوترة وقلقه منايمة
شوكت يصبح الصبح

الصبح امي لكيتها تقره قران
جانت قلقه كلش
دنكت ع ايدها وبستها
سامحيني ماما وادعيلي
دعاء الام مستجاب
ربي يطلعج بالسلامة بنتي

رحنا لعيادة الدكتور
ودخلت عمليات خايفه متوتره. مشاعري متلخبطه بين خوف وفرح.

محسيت اله وره ساعتين
وجهي ملفوف ويوجعني وجع مو طبيعي
ماما ماما
ها ماما صحيتي الف الحمد لله ع سلامتج
يوم نجحت العملية
اي بنتي الحمد لله سحبو جزء منه
والبقيه جلسات يكملوها

جنت اتمنه اشيل اللفاف واشوف وجهي شنو الي تغير الصار بيه
بس الدكتور كال يومين يله

بقيت بالمستشفى يومين
بعدها شالو الفاف
امي وابوي ضلوا يصلون ع محمد

ماما مرايه فدوه
اي اي
الدكتور جان جايب بيده مرايحه وانطني اياها
تقريبا نص وجهي قال بيه الاحمرار الحنج ونص خدي صاير طبيعي صح اكو بيه شي قليل بس مو مثل البقيه الي بكصتي فرق جبير وواضح
كلش فرحت
دكتور شوكت تكمل
كال ان شاء الله بعد شهرين
-لعد شلون نبقى هنا
بيج قصص عراقيه حقيقيه من واقعنا.روعه الطائي
شرح لبابا لازم ننتضر فترة شهرين او اكثر يله نسوي عمليه لخ ونشوف

كال ابوي يعني نرجع لازم ونجي بعد شهرين

بقينا اسبوع بلبنان جنت فرحانه كلش واهلي فرحوا بالنتيجه
بس بابا هواي دفع فلوس كلفته هواي العمليه

رجعنا للبيت
اخواتي استقبلني
شافن وجهي طبعا هناك ابوي يتصل بيهن
وحجالهن ع العمليه ويرادلي بعد
من شافن وجهي نصه من الاحمرار اريح فرحلي هواي
بعد فتره ابوي صارتله مشاكل وي ناديه
الي عرف جايه ورانه ومعاركه اخواتي
وماخذه جهالها
ابوي معاركها لان راحت ورجعت بله علمة وهم مشاكل يبوووي ملينا
ابوي حيل تندم من زواجه بناديه وكام يعض اصبع الندم ع الورطه الورط روحه بيها

بعد شهرين رجعت لبنان
وكدرت اسوي عمليه ثانيه وهالمره هوايه صرف ابوي
وهم نجحت العمليه
بس بقى بوجهي شي قليل
بكصتي وع خدي نقاط حمر
الدكتور كال يراد جلسة نسحبة سحب بليزر

وهم كال غير مره
اباوع لوجهي يخبل صار عيوني برزت خضر
شكلي كله تغيير
الف الحمد لله والشكر ياربي فرجتها علي
معقوله هذا وجهي هيج صار
واخيرا صرت مثل بقية البنات الحمد لله والشكر
حتى لو يبقن ذن النقاط هم ميخالف
ولا بالاحلام وجهي صار طبيعي

بس خشمي بي لحمة زايده عبالك
كلي اسويلج عملية تجميل اله
بس ابوي مبقت عنده فلوس
العمليه مكلفة كلش جانت.

رجعت هالمره بس اني وابوي رحنا
امي شافتني وكامت تهلل رجعت الحياة الي ردت روحي بعد ماجنت ميته
بس بالاسم عايشة
داومت خامس علمي
الكل تفاجأ بالتغير الصار
الكل باركلي صديقاتي المدرسات
بس كالوا لو مكملة خشمج وهذن النقاط

كتلهم ان شاء الله ع العطلة اسويهن
وفعلا بابا كال ع السنه الجاية

داومت هاي السنه كلي اصرار وعزيمة
انجح واطلع درجات زينه
ردت اغير كل حياتي
ردت اثبت وجودي
ردت ياسر من يشوفني شصرت يعض اصبع الندم ع السواه بيه

نجحت للسادس
وجنت متوقعه ابوي ياخذني هاي السنه
بس مصار عنده فلوس
لو باقي ذهبي جان بعته بس مبقى شي عندي
حمدت الله وشكرته ع حالتي وكلت ميخالف هذا ولا قبل.

طبعا نيران. رفضت ابن خالي ومقبلت تزوج
وابوي دفع فلوس الها وعينها بمدرسة متوسطة مالت بنات

كامت تداوم تلهي نفسها
بس دوم حزينه
بيوم سمعنا خبر
نور بنت عمي رحمن حاركة روحها وليش محد يدري
بقت خمس ايام بالمستشفى وماتت

طبعا ابوي وكف وشال الفاتحه هو لازم نوكف وياهم
ا عمتي وداد متخبله ع بتها
من شفتها كلت هاي حوبتي

طبعا رحنا للفاتحه لان ابوي مقبل كال عيب من الناس واقاربنه

شفت ياسر هناك كبران عبالك ومربي لحية
شافني انصدم. ملاك معقولة
درت وجهي عنه
صاح وراي شلونج ملاك والله مشتاقلج
مجاوبت عفته وفتت يم النسوان

عمتي فاطمة اجت واكيد علي لكاها فرصة حتى يجي
طب علي لابس عمامة
ونيران شافته. وتخبلت ماتت قهر
دكلي ملاك راح اموت كلبي يدك وروحي ترجف احسها
اريد احجي وياه
طبعا اني تبرعت ورحت
جان واكف بالكراج صحت علي
بسرعه لزم عباته وتقدم
شلونج خويه الحمد لله ع السلامة والف مبروك نجاح العملية
الله يسلمك
شلونك مشتاقيلك وين اختفيت
جنت ادرس بالحوزة
ربي يوفقك
نيران شلونها شصار عدها
شنو شصار عدها ليش هي تزوجت ؟
مو كالوا تزوجت
منو كال
امي هيج سمعت منها انخطبت
-لا رادت تنخطب بس هي موافقت وانتضرتك علي العفو شيخ علي
-ذب حصره كال يصير خير

راح
رجعت لنيران حجيت الها الصار
ضلت تبجي انوب يعني عمتي مجذبه عليه واني اكول علي شلون اطاه كلبه سنتين ميحاول يحجي وياي ولا يشوفني ........
بعد مرور اربع اشهر
اجه علي تقدم لنيران من جديد
بعد ما مدخل ناس سادة ومشايخ حتى ياثرون ع ابوه ويوافق
والحمد لله وافق
وانخطبوا وره شهر تزوجوا علي ونيران

جانت نيران فرحانه وعلي طاير فرح بيها
رحنه كلنه للنجف للعرس

نيران
ممصدكة اليوم زواجنا بعد مسيرة عذاب وفراق
دخل علي
نيران ياحلم عمري ياحب طفولتي
واخيرا انسد علينا باب
سامحيني حبيبتي تعذبتي وتحملتي هواي بسببي بس والله راح اعوضج ع كل الي صار
وراح اعيشج اميره ابيتج
-حياتي علي اهم شي هسه اني وياك
المهم انت زوجي هسه ربي لا يفرقنا ابد
لزم ايدي باسها حتى بالنجف مااخليج
بي اكمل هاي السنه اشتريلج بيت ابغداد
ونروح نعيش هناك

ملاك. اتزوجت نيران وتركت فراغ كلش جبير بالبيت

ربي يسعدها حسيت ضميري ارتاح لمن ازوجوا جنت سبب بفراقهم لسنين

بعد مرور سنتين

علي ونيران اجوا لبغداد اشتروا بيت
صار عدهم ولد
واني داومت كلية طب اسنان
وسوزان اخر سنة صيدله الها
بيج قصص عراقيه حقيقيه من واقعنا.روعه الطائي
بهاي الفتره ابوي بعد مااخذني للدكتور ابد تعاجز وترهة علي

هواي الح عليه بس يكولي ماعندي وكت
وفلوس يرادلج
بقى يتحجج
بعدين عرفنا خالتي ناديه متقبل
تكله ذبيت فلوسك كلها عليها
احنه هم النه حق

طبعا هناك تعرفت ع شاب جان زميل الي
واحنه شله بنات وولد
جان هذا الشاب دوم حزين ومعتزل
شويه شويه حجالي قصته
جان متزوج وعنده ٣ اطفال اثنين ولد وبنيه
وزوجته متوفيه بحادث سيارة
وحالته ضعيفة
واطفاله يم امه مره جبيره مريضه

خالد جان شاب مواليد ٨٨
اكبر مني بست سنوات
جان مأجل ورجع داوم
بقه دوم يحجيلي معاناتة
وشويه شويه بدت تقوه علاقتنا
اخر سنه. تقدم الي
واهلي كيفوا
هنا ابوي قرر يكمل العملية واخذني كملت عملية خشمي وباقي وجهي

والحمد لله رجعت غير وحده وغير شكل
اتزوجت وحاليا عندي بنوته
وعندي عيادة طب اسنان

هذه كانت قصة حياة بنت معاقة ومشوهه ولاديا اتمنى تكون تجربتي عبرة لبقية البنات ولكل من تابع تقصتي
ملاك

شكرا لكم متابعيني
لا اقول وداعا بل اقول الى اللقاء بقصة جديدة
ام مصطفى




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 28-11-19, 10:38 PM   #14

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



لامارا غير متواجد حالياً   رد مع اقتباس
قديم 14-07-21, 06:08 AM   #15

ندى تدى

نجم روايتي

alkap ~
 
الصورة الرمزية ندى تدى

? العضوٌ??? » 142345
?  التسِجيلٌ » Oct 2010
? مشَارَ?اتْي » 8,582
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond repute
¬» مشروبك   pepsi
¬» قناتك mbc
?? ??? ~
My Mms ~
افتراضي

جميله جدا وقمة الروعه


تسلم ايدك حبيبتي ووفقك الله


ندى تدى غير متواجد حالياً  
التوقيع
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:12 PM



Powered by vBulletin®
Copyright ©2000 - 2024, vBulletin Solutions, Inc.