آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-10-19, 02:33 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  تشوه خلقي ، للكاتبة/ ام مصطفى " عراقيه " (مكتملة)
التعديل الأخير تم بواسطة فيتامين سي ; 31-10-19 الساعة 11:28 AM | |||||||||||||||||
|  |
|
13-10-19, 02:38 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنــــــــــــــــــا  #تشوه_خلقي للكاتبة ام مصطفى البارت الاول اخخ ضهري اخ سلمان اكعد فدوه شكوو خليني نايم دكعد يمعود وجع عندي مال ولادة فدوه الحكلي اجليها للصبح فدوه وفاء سلمان كوم فدوه شأجل راح اموت اهووووو خل اكوم يعني طلوكج ميصير اله نص الليل فدوه كوم كعد عمتي مابه حيل مداهر لا اداهرني وتحجي المي اخذني وجع موتني وخر منه المخدة وكام يتأفئف ويدردم واحد مايرتاح بالتهار عاع ويع ويتصارخن بناتها ملصدكنا انام كامت تطلك وي نومتي طلع يدرم واني الوجع ماخذني اخخ كمت كوه لازمه بطني وضهري من الوجع احس راح اجيب بمكاني بناتي نايمات يمي فتحت الكنتور ع كيف جريت جنطة جنت حايكتها بيدي وخاله بيها حضينه وملابس نفاس الطفل يارب اجيب ولد وافرح سلمان وافرح اني جريت عباتي الوجع ماخذني كوه مقاومة طبت عمتي هاا وفاء شنو عمة فدواتج طلوك عندي وطك مي الراس عندي يا تانين بس البس عباتي بيش الساعة هسه بالثنتين هاي من شغل البارحة صار عدج طلوك اي يمكن دوكفي شويه البس عباتي واجي منتضرتج عمه دخل سلمان اكلج يصير ترحين وي امي وحدجن منو ياخذنا اجرن تكسي يعني ناجر تكسي وانت عدك سيارة وين اكو تكسي نص الليل اسئلي نفسج اكو وحده تطلك بهيج وكت شبيك سلمان شجاك ليش بيدي اني ديله عود مااوصيج هم جيبي بت ثالثه وكولي بيدي لا ان شاء الله ولد اي مااريد بنيه بعد وين تراكسودي معلك ذاك بالزاويه بس فدوه كعد نرجس تجي تنام يم البنات خاف يفزن وهاي سوزان تفزز هسه خل البس طبت عمتي يله يمةة امشي شالت الجنطه سلمان جاب نرجس حماتي نامت يم البنات واخذوني للجدة ام مشتاق اول مطبيت فحصتني كالت _عيني هذا الطفل طالع راسه بسرعة خل اجيبج جانت الولادة كلش سهله بسرعه جبت كتلها شجبت كالت بنيه بس شنوو هاي الطفله وجها مشوه شنو كعدت ع حيلي حتى وجعي نسيته شنوو مشوه اخذتها بحضني وجان الصدمة الطفله نص وجها احمر وحمة حمره ع نص وجها عدل جانت كلش حلوه حتى عيونها بيهن لون وكبار وحلكها صغير وخشمها صغير وحلكها يجنن بس نص الوجه احمر ع ماروني اسود هيج شي احمر داكن من شفتها لطمت ع حضي هم بنيه وهم مشوها شبعت بجي ع حضها وانقهرت متت قهر عمتي ضلت مصدومه اخذت الجده البنت مني لبستها وكمطتها كالت شجاجن يمعودات خلقة الله الف الحمد لله والشكر تره تشوهات اشكال الوان تصير هاي كله بسبب الحروب يكولون من وره حربنا وي ايران صواريخهم وسلاحهم كله سام الله لا يوفقهم وضلت تسولف وي عمتي واني بغير عالم مصدومه اباوع ع الطفله وابجي يربي شنو مصيرها هاي وشلون راح تعيش عمتي كالت خل اطلع اكل لسلمان جابت منتظر ع نار مسحت دموعي عمه فدوه لا دكولين مشوهه هسه فدوه ضربتين ع الراس توجع كولي بنيه وبس يمةة هو اول ع تالي يدري اليوم قابل راح تضميها عليه ميخالف خل يشوفها هو بعينه طلعت عمتي واني حطيت بنتي وابجي ام مشتاق الجده -خاله موزين البجي وانت نفسه كولي يا الله وارضعي الطفله -خاله والله مستصعيتها يعني هم بنيه وهم متشوه وجها -كولي الحمد لله هاي ولا غيرها -الحمد لله خاله بس والله صعبة مااعرف شلون راح تعيش -الله كريم بنيتي رجعت عمتي كالت ها نروح عمة شكال سلمان شكال مالج شغل هو الله شوف شسوه بيه لان مايريد بنيه يصيح مارضى بجزه رضى بجزه وخروف ع كولة ابو المثل ماراد البنيه هسه اجته بنيه ومشوها -فدوه عمةة لا دكولين شوها كلبي ينعصر كومي الحمد لله ع كل حال كوموني شلت بنتي وامشي حتى وجع الولادةةنسيته احتاريت ابنتي صاحت ام مشتاق شراح تسميها ع مود اطلع البيان والله خاله ماادري اشوف ابوها شيسميها ماعندي اسم ابالي طلعت اتعثر ابنتي وبخيبة املي امشي وابجي شفت سلمان يدخن جكاير بالسياره شافني ابجي كل ضنه لان بنيه فتح باب السياره وطلع انقهر علي شبيج تبجين نعمة من الله شنسوي رزق الله ان شاء الله يجي الولد بسلامتج كتله الله كريم صعدني بالسيارة طول الطريق ساكته بس ابجي هو يباوعلي بمراية السيارة متعجب وصلت للبيت اسمع بجي سوزان للشارع طبيت لغرفتي ركضت علي جان عمرها سنه ونص تقريبا ماما ماما جلبت بذيال ثوبي نرجس كالت الحمد لله ع السلامة شنو جبتي عمتي كالت بنيه ضليت واكفه وضامتها جوه عباتي شلون اطلعها ويشوفون وجها عمتي انتبهت كالت طلعيها قابل راح تضلين العمر كله ضامتها قابل اول ع تالي يشوفوها وكلها تدري طلعتها من جوه العباية وخليتها بكاروك سوزان شافتها نرجس صاحت يمةةة شنو هاي شبي وجها شو تخوف التفت سلمان شنو شبيها تقرب ع السرير وفتح عيونه شنووووو هاييي ......... اني وفاء مواليد ٧٠ مخلصه ثالث متوسط ازوجت سلمان ابن عمتي مواليد ٦٨ زواج تقليدي عمتي خطبتني اله وابوي بسرعة وافق حتى مااخذ رأيي ازوجت ابيت عمتي عدها اثنين ولد مزوجين بالبيت وسلمان الثالث وبنات ٣ مزوجات ووحده لا صغيره بوكتها كعدتهم الي هي نرجس عمتي زوجها شهيد بحرب ايران وعدها بيت اطوها مال شهيد الدوله وولدها يشتغلون كلمن بشغله سلمان عندة كرونه تكسي يشتغل بيها شغلته خير مستوره والحمد لله سلمان طبعا عصبي بس كلبه طيب عمتي زينه وياي بس نسوان حمويني شدن وياي فد شدة ويخبثن وياي دوم كوه جارعتهن وعايشة وياهن حبلت وجبت نيران سلمان جان يتمنى ولد بس كال الحمد لله رزق بعدها هم حبلت وجبت سوزان ضاج كال جنت اتمنى ولد وضل ينك علي ليل نهار احبل يريد ولد نسوان حمويني عدهن ولد مرت رحمن وداد عدها ٣ ولد واثنين بنات ومرت جليل ميسون عدها اثنين ولد وبنيه سلمان دوم ينك علي بس اني ماعدي ولد احبلي حبلت وبنتي سوزان عمرها ٩ اشهر جان يتمنى اجيب ولد بس الحمد لله ع كل حال اني عن نفسي احب البنات اموت عليهن وماعدي مشكلة ابد بس عقلية الرجال ومجتمعنا هيج دائما يفضلون الولد ع البنيه .... سلمان : هاي شنو شبي. وجها ام رحمن :- تشوه خلفي سلمان : شنو يعني البنيه مشوهه هم بنيه وهم مشوهه صدك تحجن يمةةة كول الحمد لله رزق ربك هذا هيج رزق ميراد بنيه وكلت الحمد لله بس مشوها استغفر الله يربي شمسوي عندك وهيج انطيتني طفله هسه لو ولد عادي مايتعيب الولد بس بنيه ومشوها اخخخخ وفاء : اسمع وابجي هاي ابوها هيج يحجي لعد الناس شلون راح يرحموها الف الحمد لله والشكر ولا اعتراض ع حكمتك ربي ضل يحجي مقهور سلمان واخذ فراشة وراح نام بالاستقبال وعمتي نامت يمي للصبح عيني ماغمضت اني ممصدكه كل شويه اكعد اكول بلكت معجزه ووجها يصير مبي شي كل شويه تبجي واكعد ارضعها بس حسيتها شكد عزيزه هاي البنيه كل شويه احضنها ولضمها لصدري اووف يابنيتي شراح تشوفين بحياتج الصبح صار عمتي كامت مني واجت مرت حماي وداد وين وفاء ياااء صدك جبتي ومشوههه يمةة الله الله يساعد سلمان وين المشوهة خل اشوفها كتلها اولا الناس تكول الحمد لله ع السلامة وثانيا هاي رزق الله وثالثا هاي اول واخر مرة تكولين مشوهه يااا جاشنكول غير مشوهه بله اشوفهه عشتو راحت للكارك وصرخت يمةةةة اسم الله قل اعوذ برب الفلق شنوو هاي يمةة دخيلك يربي الله يساعدج عيني هاي تخترع حتى جهالي منها وطلعت من الغرفة اسمعها دكل لعمتي تخوف البنيه شكلها دخيل الله عمتي دكلها خلقة الله بعد مايصير نعيب عليها حشى خلقة الله حشى بس تخوف عمة وهسه شنسوي نلطم تردين لو نذبها لا بس اكلج لا دكليلي ولا اكلج الحمد لله اني اسمع وابجي اكول شلون راح تعيش بتي وي هيج ناس وهيج عقول نزلت ميسون صدك جايبه وذيج دكلها مشوها جايبه تخوف دخيل الله طبت عمتي بصينية الريوك يله يمة تريكي عمة مااشتهي فدوه دزي ع اهلي هسه اخابر عليهم اروح لبيت الجيران اخابر اي عمه اريد اروح يم اهلي فترة عمة شسوين ابوج مريض ومايحمل الجهال ميخالف اروح ارتاح فدوه خاف سلمان ميقبل عود انت اقنعي عمه فدوه دكلي وهسه اروح شويتلج لحم اكلي يمةة عمةة مااشتهي العسل مايصير وفاء انت مرضع اكلي شي مااريد بس جاي راسي موتني كعدت نيران جان عمرها ٤ سنوات ها ماما تعاي بستها شافت البنيه هاي منو هاي اختج جبتها من بطني راحت تباوع عليها ماما شبيه وجها ماما مريضه وكعت طلع دم منها اغسلي وجهاماما اي ماما اغسله دروحي اغسلي وجهج وتعاي اكلي راحت وعمتي راحت رضعت الطفله وكمت خليت ملابسنا بجنطه ولميت الفراش ساعة واجت امي جانت امي كلش حنينه علينا بس ابوي مو هالكد يعني يحبنا بس ماعنده مثل محنة ابوي وسلمان طالع ع ابوي ماجذب الكال ثلثين الولد ع الخال نفس طبعة ميحب البنات ... اجت امي شافتني ورامة عيوني حضنتني وبجت وياي وج يمة يالماعدج حض يالفقيرة هيج يصير بيج اي يوم شفتي وينها الطفلة خليتها بخضنها امي كامت تبوس بيها يمةة مابيها شي بس هاي مخالف موزين ع هاي ولا غيرها ناس معوقه تصير عدها وبيعن قلب وعميان خرسان الحمد لله بهاي ولا غير شي منا لحد متكبر الف حل يصير بردت كلبي امي كتلها يوم اخذيني وياج اختنكت والله وعباد الله كامت تشمت بيه منو يشمت خلقة الله هاي يمةة الناس ع كلشي تشمت نزلن يصحن وفاء جابت بت مشوها الله لا يوفقها كل وحده تقلد وتشمت ع خلقة الله يوم اخذي والله حاسة راح اطك واموت يمة كلتي لرجبج هو وينه رجلي بس شافها طفر اخذ فراشه وراح نام بالاستقبال حقه يمة هاي ثالث بنية ومشوهه لعد شبيدي يوم لا مبيدج شي جاي نحجي ودخل سلم ع امي كالتله راح اخذ؟وفاء وياي كلها اخذيها جان مامهتم لروحتي ومبين مقهور كلش اخذ ملابسه وطلع كال منتظركم بالسيارة حتى اوصلكم انوب من شفته لا ابالي متت قهر زايد شلت جنطتي وبناتي ورحت طول الطريق بس يشرب جكاير قبل لا نوصل كتله شنو اسميها كال بكيفج انت سميها امي كالت اني اسميها ملاك ضحك هو كلها وين الملاك بالموضوع تره الطفله كلش حلوه بس التشوه مخرب عليها اي تشوه لعد وين الملاك والله اله اسميها ملاك بالعناد اني حجيت جان يكول عسماة تسميها (نعال) سميها شعلي انقهرت من حجايته واحسها خنجر صاب كلبي نزلت ابجي دم احس وهو عافني وراح التعديل الأخير تم بواسطة فيتامين سي ; 15-10-19 الساعة 11:54 AM | ||||||||
|
| |
|
13-10-19, 02:39 AM
| #3 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت الثاني رجع المغرب سلمان فات للغرفه شافني شادة راسي بربطتي كال ياستار شكو اليوم مكلوب وجهج وشادة راسج طفرت ام لسان نيران بابا نور تصيح علي اخت الوحش دكول اختج وحش واختي حلوه اي بابا عادي ميخالف متفتهم جاهل -هي هاي كدرتك جاهل همة لو شايفيك مخوفهم محد يحجي هيجج اوووو اكلج اني راسي صاير طبل وضهري مكسور كومي حضري الحمام خل اسبح واصلي وسويلي عشه حتى الف راسي وانام تعبان ومالي خلكج انت وبناتج يلة كومي وحجاية مااسمع كمت حضرتله الحمام وسويت عشه عمتي دخلت للمطبخ شكو شصاير وراي بس اطلع تتكافشن جهال انت والله عمة اسئلي وداد وكليلها بدربج تربي جهالها وفاء انت صايره اعصاب ومتتحاجين من صارت عدج هاي البنيه والهسه هو يراد هيج وياكم هاي شنوو صايره ماتحترمين درت وجهي عليها عمه مو قصدي بس بنتي مااريد احد يقلد عليها هسه بنتج عمرها اشهر وين تفتهم عود تكبر والله كريم من هسه اخلي حد لحد يقلد ع بنتي مااسمح لاي احد اخذت صينية الاكل وطبيت وجهي احمر باوعلي سلمان ها هم تعاركتي والله مال اشمر بتج بالشارع اجت وجابت المشاكل وياها المشاكل متخلص مدام بهذا البيت سلمان مااريد ابقى هنا طلعني منا فدوه وين اطلعج منين اجيب فلوس ناجر فدوه وليش هالتبذير بدل ما ادفع فلوس ايجار اسويهن سلفه وتفيدنه الفلوس نشتري كاع بيهن بابا اتحملي لا يضحكن عليج ويطلعنج تردين نتبهذل بالايجار وهنا كاعدات ابيت ابوي اكعدي حالج حالهن ولا تلتقين بيهن لعد اعزل مااريد وياهم والعزال شله علاقه مااريد ابقى وياهن اعزلي بس وين تخلين مطبخ اكسملي من الصاله لو اخذها كلها واسد الباب مناك تصير بس النه هم اطبخ بيها وهم بناتي يلعبن بيها يعني اني ليل نهار حابستهن بالغرفه خل اكعد الجمعه واني اسويلج مطبخ بس فكيني يمعوده ولا تجيبين طاري الايجار فلوس الايجار نلمهن سكتت قنعني صدك المهن فلوس الايجار واشتري بيت واطلع ثاني يوم رحت لاهلي كلت لامي راح اعزل اريد مواعين واغراض عزال يمة ليش تعزلين خاف عيب من عمتج لا مو عيب اني معازله منها راح اعزل من وره نسوان حمويني نهار كله مشاكل مااريد التقي بيهن وعمتي سلمان يحجي وياهن -بكيفكم يمه ماادخل بيكم -شنو ابوي شبيه نايم -ابوج كلش تعبان البارحه تخربط واخذناه للمستشفى الضغط معلك عنده ومينزل -يا اسم الله شجاه -ماادري بس الولد شغلهم واكف وفلوس ماكو وابوج يهم بالعيشه -يوم اذا تردين ادزلج فلوس سلمان يشتغل خير من الله -لا بنيتي ضميهن يفيدنج اخذت ملاك مني فدووه شلون تضحك الي -اي ماما تضحك للهوه وهادئة عكس خواتها ياعيني فدوه تدرين يمة كصتها خير عليكم اي هم كلت لسلمان انرزقنه ع كصتها الله يحفظها الكم كامت امي لملمتلي اغراض زايده عدهم كتلها خليهن ذن هواي ادز سلمان يجيبهن بالسيارة الله كريم رجعت المغرب اهلي مو بعيدين علينه اروح مشي نص ساعه الهم مااصعد سياره اول مطبيت ميسون صاحت شرفت الخانم ام الخوانم شكوو خير اكلج احنه مو خدم عدج شنو عايفه العجين وطاح براسي الخبز هو مو شغلتج -ليش بس اني اكل قابل خبز شيصير لوخبزتي مره والله شغلتج انت تخبزين وانتن شنو شغلجن شو عمتي تركب واني اخبز واغسل الحوش علي والبيت كلمن تنظف غرفتها عود عليجن المواعين وهاي هي اخبزن يوم وجهي كسب من التنور -غصب عليج تخبزين وهاي اخر مره اخبز اني بدالج حبيبتي اصلا اني راح اعزل ويضل كوله عليجن 🙌 غميتها وطبيتي لغرفتي وهي ماتت ضلت بس تصيح وتغلط لليل طب سلمان وعمتي تلكته صدك تريدون تعزلون سلمان ضل يصيح اريد يوم اطب ماكو مشاكل والله تعبت خره بيها من عيشه لو عدي فلوس دقيقه ماابقى ومن باجر اسد باب الصاله وافتحها ع الغرفه واطلعلي باب وحدي ع الشارع واخلص متت منكم عمتي ضلت اتدعي وتصيح عافها وطب عياط علي موتيني ساعة سودة عليج وع بناتج خل اعزلج واريد بعد اسمعلج حس وحق الله اله اطردج لهلج سكتت محجيت لان اخاف يضربني ثاني يوم جمعة جان جاب خلفة بناء وسد باب الصاله وحط حايط بالحوش واخذ الصاله طريق من الحوش وخله باب النه للشارع اشترالي طباخ وثلاجه شكد فرحت بيهن وجبت غراضي من اهلي وعزلت خلصت منهن ومن جهالهن نهار كله قافله الباب ع بناتي ومااطلع ابد بناتي يلعبن كدام عيني واكل واشرب مرتاحه من المشاكل بس عمتي زعلت علي كلت اصالحها بس خل تهدأ الامور وفعلا وره فترة صالحتها تقريبا ارتاحيت هاي الفترة ومرت الايام ملوكه صار عمرها فوك السنه فدوه لعباتها تخبل واحبها اموت عليها احسها اعز من كل بناتي هنا حبلت اني بدت اوضاعنا تتحسن اول شي اشترة سيارة سلمان رجع ملوكة سوتلها معزة يم ابوها يجي تركضله واول ماحجت بابا تصيح واطلع لعبات يمه احسها بده يحبها ويلعبها هو طبعه ماله شغل بالبنات بس ملوكة لا لو لكاها نايمة يكول كعديها بعد فترة جبت ولد هنا سلمان طار فرح بيه وكام يسمي ملوكة ام الخير ع راسها ولد وع كصتها اجاني رزق كام يحبها يموت عليها ودللها دلال هنا اني ابد مااطلعها ولا اختلط بالناس ابد ولا احضر اعراس ولا اروح لاحد غير اهلي فديوم بسنة ٩٤ كاعدة واسمع صريخ طفرت شكو هاي عمتي تصرخ ركضت فتحت الباب شفتها جايه علي شكوو عمة جان دكول ابوج مات شنووو صرخت يمةةة شبيه يكولون صايره جلطه قوية عنده وبسرعه ميت يمةةة كمت اعيط واصرخ عفت بناتي و حيدوري جان عمره اشهر نسيتهم وطلعت اصرخ حافيه من بيتنا لبيت اهلي ع فد صرخة اوكع واكوم بوية يابوية الى ان وصلت شفت الناس ملتمة يعني صدك مات ابوي تلكوني اخواني شافوني حافيه بطرك ثوبي وربطتي جايه اركض حتى عبايه ملابسة جنه مخبله ركض حضنوني وفاااء ابوي مات طببوني ولكم شلون مات ليش؟ معقوله قبل كم يوم مابي شي اجيتكم اخخخ يابويه الله يرحمك جانت اصعب سنه بحياتي انكسرنا كسرة جبيره عليه وامي احسها كبرت ١٠٠ سنه بعد فترة سلمان طالب بحصته من البيت راد يشتري بيت كال اخذ حصتي ويضل البيت الهم يقسموه بالنص ويطوني حصتي عاد انطوه حصة وجمل العندة وجان عندي كم قطعة ذهب كدرنا نشتري كاع ونبنيها والحمد لله طلعت استقريت ابيت وحدي وهم حبلت وجبت ولد ثاني صاروا عندي ٣ بنات واثنين ولد هنا ملاك بدت تكبر وتتعرف عمرها صار اربع سنوات ونيران صف ثاني ابتدائير وسوزان خمس سنوات ونص علمتهن اختهن يحبنها وابد مايقلدن عليها لو يحسسنها بنقص والحمد لله يرجفن رجف لو واحد قلد ع اختهن ويحبنها واني هم مااطلع هوايه ع مودها بس الى متى اكول هم راح تكبر وتدخل مدرسة خايفة عليها هواي شلون راح تتعايش وي هاي الناس سلمان بهاي الفترة بده يتغير علي احسه بارد وياي وع طول سرحان وباله مو يمي اكلة شبيك يكلي شغل واني هم عفته كلت خطية ملتهي بالشغل الى فديوم اجاني وفاء عندي حجي وياج كول خير -مااعرف شلون ابدي وياج -شنو خوفتني خير صاريلك شي محتاج شي -لا بس اريد ازوج -شنووو شنو تزوج لعد اني شنو -انت زوجتي الاوله وبت خالي وام جهالي بس اني اريد ازوج -صدك تحجي عود -اي والله اكو وحده عاملة ويانه زوجها شهيد بحرب ايران وعدها اثنين بنات كلت اكسب اجر بيها واتزوجها -ضليت فاكة حلكي احس انضربت ع راسي شي مامتوقعته ولا مخليته ع بالي كتله مجاي استوعب عود صدك لو تشاقه -ليش شكو بيها الله محلل اربعة -من الله لا شافك وانتم ماتطبقون بالدين بس هاي والله لو صدك ماابقالك بالبيت -ليش شكو بيها انت ابيت وهي عدها بيت رجلها الشهيد بس اضل يوم هنا ويوم هناك -وهاي انت هيج مرتب امورك سلمان تريد تزوج علي ليش شبيه شنو ناقصني قصرت بشي وياك ولك -اسس كافي ولا اني مقصر وياج وهذا حقي شرعي ممسوي شي غلط وحرام ترضين ماترضين اتزوج -طلكني سلمان ماتزوج اذا مطلكني واخذ جهالي واروح لهلي وين لهلج حصرة عليهم الخبزه -ميخالف عسمى اموت جوع ومااضل يمك كمت اعيط وجهالي فوكاي وهو يكلي عدج حيطان طكي راسج بيهن اني اصلا رحت وخطبتها من اهلها وانتهى انوب هيج كال لو متت لحس نار وتحركني ملخت نفسي تملخ وبس ابجي يربي مصدكت ارتاحيت ابيت وطلعت انوب يزوج علي كمت اشيل بملابسي واحطهم بكونيه هسة توديني لهلي دقيقه ماابقالك اي روحي الله وياج بس ماتخذين ولا واحد وياج من جهالي واجيبها هي وبناتها هنا تعيش انوب حرك كلبي من هيج حجة كمت لابيه اروح ولابيه ابقى | ||||||||
|
| |
|
13-10-19, 02:40 AM
| #4 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت الثالث رجع المغرب سلمان فات للغرفه شافني شادة راسي بربطتي كال ياستار شكو اليوم مكلوب وجهج وشادة راسج طفرت ام لسان نيران بابا نور تصيح علي اخت الوحش دكول اختج وحش واختي حلوه اي بابا عادي ميخالف متفتهم جاهل -هي هاي كدرتك جاهل همة لو شايفيك مخوفهم محد يحجي هيجج اوووو اكلج اني راسي صاير طبل وضهري مكسور كومي حضري الحمام خل اسبح واصلي وسويلي عشه حتى الف راسي وانام تعبان ومالي خلكج انت وبناتج يلة كومي وحجاية مااسمع كمت حضرتله الحمام وسويت عشه عمتي دخلت للمطبخ شكو شصاير وراي بس اطلع تتكافشن جهال انت والله عمة اسئلي وداد وكليلها بدربج تربي جهالها وفاء انت صايره اعصاب ومتتحاجين من صارت عدج هاي البنيه والهسه هو يراد هيج وياكم هاي شنوو صايره ماتحترمين درت وجهي عليها عمه مو قصدي بس بنتي مااريد احد يقلد عليها هسه بنتج عمرها اشهر وين تفتهم عود تكبر والله كريم من هسه اخلي حد لحد يقلد ع بنتي مااسمح لاي احد اخذت صينية الاكل وطبيت وجهي احمر باوعلي سلمان ها هم تعاركتي والله مال اشمر بتج بالشارع اجت وجابت المشاكل وياها المشاكل متخلص مدام بهذا البيت سلمان مااريد ابقى هنا طلعني منا فدوه وين اطلعج منين اجيب فلوس ناجر فدوه وليش هالتبذير بدل ما ادفع فلوس ايجار اسويهن سلفه وتفيدنه الفلوس نشتري كاع بيهن بابا اتحملي لا يضحكن عليج ويطلعنج تردين نتبهذل بالايجار وهنا كاعدات ابيت ابوي اكعدي حالج حالهن ولا تلتقين بيهن لعد اعزل مااريد وياهم والعزال شله علاقه مااريد ابقى وياهن اعزلي بس وين تخلين مطبخ اكسملي من الصاله لو اخذها كلها واسد الباب مناك تصير بس النه هم اطبخ بيها وهم بناتي يلعبن بيها يعني اني ليل نهار حابستهن بالغرفه خل اكعد الجمعه واني اسويلج مطبخ بس فكيني يمعوده ولا تجيبين طاري الايجار فلوس الايجار نلمهن سكتت قنعني صدك المهن فلوس الايجار واشتري بيت واطلع ثاني يوم رحت لاهلي كلت لامي راح اعزل اريد مواعين واغراض عزال يمة ليش تعزلين خاف عيب من عمتج لا مو عيب اني معازله منها راح اعزل من وره نسوان حمويني نهار كله مشاكل مااريد التقي بيهن وعمتي سلمان يحجي وياهن -بكيفكم يمه ماادخل بيكم -شنو ابوي شبيه نايم -ابوج كلش تعبان البارحه تخربط واخذناه للمستشفى الضغط معلك عنده ومينزل -يا اسم الله شجاه -ماادري بس الولد شغلهم واكف وفلوس ماكو وابوج يهم بالعيشه -يوم اذا تردين ادزلج فلوس سلمان يشتغل خير من الله -لا بنيتي ضميهن يفيدنج اخذت ملاك مني فدووه شلون تضحك الي -اي ماما تضحك للهوه وهادئة عكس خواتها ياعيني فدوه تدرين يمة كصتها خير عليكم اي هم كلت لسلمان انرزقنه ع كصتها الله يحفظها الكم كامت امي لملمتلي اغراض زايده عدهم كتلها خليهن ذن هواي ادز سلمان يجيبهن بالسيارة الله كريم رجعت المغرب اهلي مو بعيدين علينه اروح مشي نص ساعه الهم مااصعد سياره اول مطبيت ميسون صاحت شرفت الخانم ام الخوانم شكوو خير اكلج احنه مو خدم عدج شنو عايفه العجين وطاح براسي الخبز هو مو شغلتج -ليش بس اني اكل قابل خبز شيصير لوخبزتي مره والله شغلتج انت تخبزين وانتن شنو شغلجن شو عمتي تركب واني اخبز واغسل الحوش علي والبيت كلمن تنظف غرفتها عود عليجن المواعين وهاي هي اخبزن يوم وجهي كسب من التنور -غصب عليج تخبزين وهاي اخر مره اخبز اني بدالج حبيبتي اصلا اني راح اعزل ويضل كوله عليجن 🙌 غميتها وطبيتي لغرفتي وهي ماتت ضلت بس تصيح وتغلط لليل طب سلمان وعمتي تلكته صدك تريدون تعزلون سلمان ضل يصيح اريد يوم اطب ماكو مشاكل والله تعبت خره بيها من عيشه لو عدي فلوس دقيقه ماابقى ومن باجر اسد باب الصاله وافتحها ع الغرفه واطلعلي باب وحدي ع الشارع واخلص متت منكم عمتي ضلت اتدعي وتصيح عافها وطب عياط علي موتيني ساعة سودة عليج وع بناتج خل اعزلج واريد بعد اسمعلج حس وحق الله اله اطردج لهلج سكتت محجيت لان اخاف يضربني ثاني يوم جمعة جان جاب خلفة بناء وسد باب الصاله وحط حايط بالحوش واخذ الصاله طريق من الحوش وخله باب النه للشارع اشترالي طباخ وثلاجه شكد فرحت بيهن وجبت غراضي من اهلي وعزلت خلصت منهن ومن جهالهن نهار كله قافله الباب ع بناتي ومااطلع ابد بناتي يلعبن كدام عيني واكل واشرب مرتاحه من المشاكل بس عمتي زعلت علي كلت اصالحها بس خل تهدأ الامور وفعلا وره فترة صالحتها تقريبا ارتاحيت هاي الفترة ومرت الايام ملوكه صار عمرها فوك السنه فدوه لعباتها تخبل واحبها اموت عليها احسها اعز من كل بناتي هنا حبلت اني بدت اوضاعنا تتحسن اول شي اشترة سيارة سلمان رجع ملوكة سوتلها معزة يم ابوها يجي تركضله واول ماحجت بابا تصيح واطلع لعبات يمه احسها بده يحبها ويلعبها هو طبعه ماله شغل بالبنات بس ملوكة لا لو لكاها نايمة يكول كعديها بعد فترة جبت ولد هنا سلمان طار فرح بيه وكام يسمي ملوكة ام الخير ع راسها ولد وع كصتها اجاني رزق كام يحبها يموت عليها ودللها دلال هنا اني ابد مااطلعها ولا اختلط بالناس ابد ولا احضر اعراس ولا اروح لاحد غير اهلي فديوم بسنة ٩٤ كاعدة واسمع صريخ طفرت شكو هاي عمتي تصرخ ركضت فتحت الباب شفتها جايه علي شكوو عمة جان دكول ابوج مات شنووو صرخت يمةةة شبيه يكولون صايره جلطه قوية عنده وبسرعه ميت يمةةة كمت اعيط واصرخ عفت بناتي و حيدوري جان عمره اشهر نسيتهم وطلعت اصرخ حافيه من بيتنا لبيت اهلي ع فد صرخة اوكع واكوم بوية يابوية الى ان وصلت شفت الناس ملتمة يعني صدك مات ابوي تلكوني اخواني شافوني حافيه بطرك ثوبي وربطتي جايه اركض حتى عبايه ملابسة جنه مخبله ركض حضنوني وفاااء ابوي مات طببوني ولكم شلون مات ليش؟ معقوله قبل كم يوم مابي شي اجيتكم اخخخ يابويه الله يرحمك جانت اصعب سنه بحياتي انكسرنا كسرة جبيره عليه وامي احسها كبرت ١٠٠ سنه بعد فترة سلمان طالب بحصته من البيت راد يشتري بيت كال اخذ حصتي ويضل البيت الهم يقسموه بالنص ويطوني حصتي عاد انطوه حصة وجمل العندة وجان عندي كم قطعة ذهب كدرنا نشتري كاع ونبنيها والحمد لله طلعت استقريت ابيت وحدي وهم حبلت وجبت ولد ثاني صاروا عندي ٣ بنات واثنين ولد هنا ملاك بدت تكبر وتتعرف عمرها صار اربع سنوات ونيران صف ثاني ابتدائير وسوزان خمس سنوات ونص علمتهن اختهن يحبنها وابد مايقلدن عليها لو يحسسنها بنقص والحمد لله يرجفن رجف لو واحد قلد ع اختهن ويحبنها واني هم مااطلع هوايه ع مودها بس الى متى اكول هم راح تكبر وتدخل مدرسة خايفة عليها هواي شلون راح تتعايش وي هاي الناس سلمان بهاي الفترة بده يتغير علي احسه بارد وياي وع طول سرحان وباله مو يمي اكلة شبيك يكلي شغل واني هم عفته كلت خطية ملتهي بالشغل الى فديوم اجاني وفاء عندي حجي وياج كول خير -مااعرف شلون ابدي وياج -شنو خوفتني خير صاريلك شي محتاج شي -لا بس اريد ازوج -شنووو شنو تزوج لعد اني شنو -انت زوجتي الاوله وبت خالي وام جهالي بس اني اريد ازوج -صدك تحجي عود -اي والله اكو وحده عاملة ويانه زوجها شهيد بحرب ايران وعدها اثنين بنات كلت اكسب اجر بيها واتزوجها -ضليت فاكة حلكي احس انضربت ع راسي شي مامتوقعته ولا مخليته ع بالي كتله مجاي استوعب عود صدك لو تشاقه -ليش شكو بيها الله محلل اربعة -من الله لا شافك وانتم ماتطبقون بالدين بس هاي والله لو صدك ماابقالك بالبيت -ليش شكو بيها انت ابيت وهي عدها بيت رجلها الشهيد بس اضل يوم هنا ويوم هناك -وهاي انت هيج مرتب امورك سلمان تريد تزوج علي ليش شبيه شنو ناقصني قصرت بشي وياك ولك -اسس كافي ولا اني مقصر وياج وهذا حقي شرعي ممسوي شي غلط وحرام ترضين ماترضين اتزوج -طلكني سلمان ماتزوج اذا مطلكني واخذ جهالي واروح لهلي وين لهلج حصرة عليهم الخبزه -ميخالف عسمى اموت جوع ومااضل يمك كمت اعيط وجهالي فوكاي وهو يكلي عدج حيطان طكي راسج بيهن اني اصلا رحت وخطبتها من اهلها وانتهى انوب هيج كال لو متت لحس نار وتحركني ملخت نفسي تملخ وبس ابجي يربي مصدكت ارتاحيت ابيت وطلعت انوب يزوج علي كمت اشيل بملابسي واحطهم بكونيه هسة توديني لهلي دقيقه ماابقالك اي روحي الله وياج بس ماتخذين ولا واحد وياج من جهالي واجيبها هي وبناتها هنا تعيش انوب حرك كلبي من هيج حجة كمت لابيه اروح ولابيه ابقى وللحكاية بقية ام مصطفى | ||||||||
|
| |
|
13-10-19, 02:43 AM
| #5 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت الرابع كمت احجي وياه سلمان عفيه صدك تحجي بيه قصور اني ليش هسج تسوي -ممسوي شي ولا بيج قصور انت بس اني اريد ازوج ومن حقي -بس اني مااكدر ابقى وياك ولو بقيت وياك تنتهي علاقتنا للابد يعني تشيلني من بالك -مو بكيفج تردين تبقين هنا نقبلين بكلشي ماكو تعوفين جهالج وترحين الله وياج شنو قصوري وياج تره مراح اقصر ولا تصيرين انانية مره متاكل مره -انت متحس ماعدك احساس اكو وحده تقبل زوجها يزوج تره ماكو -هاي اذا اقصر وياج متقبلين انت ابيت وهي ابيت ومراح يتغير شي مصرفج يمشي وكأنما شي لم يكن فقط يوم يمج ويوم يمها -وهيج بكل سهوله عندك واني احساسي مشاعري ماعدهن اهميه عندك فدوه سلمان اترجاك انسى هالموضوع لا تخرب حياتنا فدوه شوفنا شلون مرتاحين وعايشين بهدوء -نفس هاي حياتج تره ميتغير شي هي ابيت وانت بيت مراح اجيبها يمج حتى تصير مشاكل -مااكدر اعذرني ومن باجر اروح لهلي -اي عادي الله وياج وعوفي الجهال هنا -اعوفهم طز بيهم -مدام هيج امشي اوديج هسه -ايي امشي كمت اوصل للكنتور وارجع افتحه واسده صراع بين كرامتي الي انهانت وبين اطفالي شلون اعوفهم مااعرف شسوي اجه وكف يم الباب يله كفينه خل اوديج مدام متبقين كمت ابجي انتجيت ع الكنتور ابجي صوت عالي اجه اتقرب مني حضني ليش؟تبجين ؟ حاس بيج تره وحقج ومتوقع ردت فعلج بس والله تبقين انت العزيزة والجبيره وهي عدها ايتام اريد اكسب اجر بيها وهي ابيتها وانت ابيت لاتخربين بيتج وفاوي مدام النفس راضيه عليج وانت ام الحك هسه واني جاي اطلب منج توافقين لو رحتي لاهلج تخسرين الاول والتالي تره دفعته مني شكد سهلة عندك كسرة الكلوب تريد تزوج علي وتكلي حاس بيج مدام حاس بيه ليش تسوي هيج اني مااوافق ولو ازوجت اعوفلك البيت كله واطلع فتحت الكنتور جريت جنطة مااعرف شحطيت بيها ماحطيت شلت محمد ابني الصغير كتله يله وديني جره من ايدي عوفيه ماكو متاخذيه يرضع ع صدري عادي نحسيج متي وانسويله ممة اصعدي امشي وانتم هم اصوا اوديكم لامي كمت اباوع ع جهالي وابجي اريده يكلي لا ترحين ابقي اريد ابقى مااريد اخرب بيتي مااكدر افارك جهالي صعب علي بس جنت معاندة وراكبه راسي صعدت بس ابجي ومامصدكه للي صار يعني بساعة انكلبت حياتي قبل ساعة جنة نتعشه ونضحك ونسولف منين طلعلي بهلي السالفة وخرب حياتي يربي كون يطلع حلم واكعد منه يمشي هو بالسيارةة دخل بفرع عيالي كال للجهال انزلوا وانت نيران شيلي حمودي خليه يم امي جر مني ابني واطه لا نيران ضلت واكفه تبجي تباوعلي بتوسل ابقي ماما عاط بيها امشي طبوا جوه وماتفتحون حلكم بحجايه لمن ارجع نزلهم واحس روحي راحت يمهم راحن يم وداد وميسون جهالي راح يتبهذلون راح يشمتن بيه متت بجي كمت اناشغ وابجي ليش ليش هيج شسويتلك اني هيج تسوي بيه -استغفر الله شبيج شمسويلج تره عادي كلها تزوج اثنين و٣ بس اني قابل -سلمان بس اني مامقصرة وياك ليش هيج تجازيني -منو كال مقصرة اني هسه وبعد انت ع راسي اخليج بس هاي رغبتي بعد اريد ازوج ثانيه الله امكني ليش ماازوج حرك السيارة ومشى بعد ماطبوا جهالي لبيت رحمن لان عمتي كاعدة عدهم واني صرخت جهالي سلمان اريدهم مشه سريع والله حيرتيني وياج شنو تردين مو تكولين اريد اطلك اني مااطي جهالي الج اجيبها واجي ليش بعد اتبهذل -وتهون العشره عليك ولك شبيك ماتذكرلي شي زين وياك بسرعة بعتني بس صار فلوس عندك -مابعتج انت بعتينا -وزواجك شنو -عادي مسوين شي تره وصلنا لبيت اهلي كال يله انزلي -الله لايوفقك ولا يهنيك عساك ماتهنه اشوف بيك يوم كمت اصرخ اباب اهلي طلعوا اخواني شكوو خير واني فقدت حقير ابو النسوان ناكر العشرة ماتهنه جروني شكو طبي جوه فضحتينه الناس منا ولكم راح يزوج علي واخذ جهالي مني دفعني شاكر اخوي جوه بالحوش طبي خل نفتهم دخلت كله فوت ابو نيران خل نفتهم كله اختكم يمكم وهي تفهمكم ونلتقي بالمحكمة -محكمة شنو كول يا الله احنه اهل -والله اختكم تريد طلاك -اي خل نفتهم شكوو شغل سيارته وطلع سريع كعدت املخ بروحي يبوووي اريد جهالي يبوووي والطم امي اجتني تركض هااا شكو ولج شصاير ولج يمة النذل خذه جهالي خذه جهالي وراح يزوج ويجيب كح... ابيتي ..... نيران .. جنت صغيرة بس افتهم كولشي اسمع حجيهم وافتهمه ابوي يريد يزوج ع امي وامي ماتقبل وتعاركوا وابوي ذبنه يم بيبي لان عنده دوام الصبح وين نبقى جنت شايله اخوي حمودي بيدي جان يرضع من فتت لبيت عموو كلها تسئلني لعد امج وابوج وين واني اكلهم مدري وين راحوا وبيي دكلي شلون امج عافت الولد بيدج راح يموت من البجي ولج عده ممه لا بيبي جا شلون كالت لوداد اطيني برتقاله اعصرله وواكلة ضلت عمتي وداد تحجي والله خوش راحت تتونس هي ورجلها وذابه المزعطه عندي امده حضي وفاء تتونس براسي بيبي هسه موكت هالحجي خل نفتهم شصاير تره مو عوايدهم يذبون جهالهم ولج بيبي امج مريضة لا بيبي جاليش ذبتكم ماادري والله انت كلشي تدرين بس شيطانة ومتحجين خوما مثل بتي نور تححي الاول والتالي والله حضوض حتى الجهال بيبي حجت دجيبي روحي برتقاله للولد كافي تحجين بيبي جرت سوزان لحضنها بيبي امج وابوج تعاركوا اي بيبي وامي ضلت تبجي عضيت شفه الها لا تحجين بيبي كالت هاولج نيران شلون دكولين ماادري بيبي ابوي مايقبل احجي زين لعد لا تحجن يم وداد شي لا لا حيدوري اخوي عمره سنتين ضل ييجي واستغرب ومحمد يبجي هنا طب ابوي عيونه براسه وضايج بيبي كلتله ها سلمان شصاير باس بيبي وكلها هاي متعافيه بنت اخوج دفرت نعمتها تره برجلها بعد مترجع هاي هي واني راح ازوج يااااا ليش شنو هالحجي كول يا الله شصار كلي -كايل يا الله بس بت خوج الله متعرفه -يمةةة شمسويه ولك كلي شصاير بينكم مااصاير احجي ولك -يمةة بالمعمل اكو عامله فقيرة ومرت شهيد عدها اثنين بنات كلت اكسب اجر بيها وازوجها شو هاي كتلها وانكلبت علي طنطل -ياااا من كل عقلك تريد تزوج عليها ليش ولك شنو ناقصها يمةة مناقصها شي عادي ازوج لا اني اول ولا اخر واحد يزوج اثنين بعدين كتلج اكسب اجر -يمةة هيج اجر يهجم بيتك مانريده تريد تكسب اجر ساعدهم بفلوس وخلص يمةة المره تريد رجال يحميها وهي عدها بنات وانت تعرفين شلون الناس مترحم شنو مكطوعه من شجره ماعدها اهل عيال مو حجي هذا كول انت تريد تزوج وخلص اي من الاخير يمةة اني عشكتها واريدها -اي هيج كلي لا تسويلك فلم واساعدها واكسب اجر ومدري شنوو كول عشكتها وعفت مرتك -ماعفتها والله كتلها انت ابيت وهي ابيتها بس ماترضى وتكلي طلكني حكها والله ليش قصرت وياك كل مره ماترضى رجلها يزوج عليها -اني هذا العدي قبلت ماقبلت وذول الجهال خليهم عدج هالاسبوع لحد مااجيب المره الجديدة واجي اخذهم طلع فلوس وذبهن ع بيبي بيبي صاحت وراه تعال اخذ جهالك وفلوسك وروح رضي مرتك ماسمعها عافنه وطلع بيبي كامت ادك وتلطم وداد جانت تسنط سمعت كل الحجي اجت طبت يعني جهال وفاء راح يضلون عدي شني ملجأ روضه عدي اطي صبر خل نفتهم بسع بجيتي بعدين كاعدين يمي وبيت عمهم تره مو عدج هذا بيتي تره ومنو يخدمهم اني لو انت اني اخدمهم تعاركن بيبي وداد صياح صار وبيبي تصيح عليها وهي دكلها متعافيه وفيه واذا ازوج عليها شو فلوس وبيت وذهب بعد شتريد العياره يمةةة منهن كعدت واخذت اخوني يمي بزاويه من الخوف يربي شجابنه مااريد اضل هنا اريد ارجع لبيته جان دب بيد ملاك جرته منها زينة بنت عمي ضلت تصرخ ملاك مالتي مالتي وجرته تعاركن وبيبي وداد يتعاركن مايشوفنهن جريت الدب من زينه وهي ركضت عضت اختي ملاك ملاك خرمشتها كامت تصرخ اجت وداد منوو وياج اشرت ع ملاك ولج المشوهة ليش اضربيها لزمتها من اذانها هم بيج بله جنج الحسناء والوخش انوب لو مديتي ايدج اشوه صفحت وجهج الثانيه يله ولي ضلت تبجي ملاك اريد ماما بيبي اجتها خلتها بحضنها وضلت تغلط ع وداد يبوووي كوه فضت فرشت بيبي النه بغرفتها بس حمودي ماسكت بس يبجي نومت خواني بيبي ولبست عباتها كالت ديري بالج ع اخوانج رايحه اودي حمودي لمج الولد نط بجي ع امه شلون ينام غير يرضع ع صدرها اي بيبي صار قفلت الغرفه علينه من جوه ونمت بصف خواني وفاءء كعدت حجيت لهلي كولشي اخوي رعد كلي لو باقيه ابيتج ماطالعه احسن وخلي يزوج يروح الله وياه جهالج شنو ذنبهم خويه مااكدر والله اطك واموت غير اذا ضليت وهسه انت مرتاحه لا ممرتاحه خلص ين جهالج احسلج خويه وعوفيه يطبه مرض امي كالت صح حجايت اخوج صرخت ولكم حسوا بيه مااكدر اضل يمةة واسكت لازم اسوي شي ارد كرامتي تبرد نار كلبي يعني لو اطلكتي وبهذلتي جهالج ترد كرامتج اييي بس جهالي اريدهم ارفع دعوه عليه واخذهم خويه جهالج تعلموا ع الدلال وع بيتهم وانت هالشوفين وضعنا اني زلمه شكبرني ابيع واشتري خبز يابس بعربانه وذاك سعد عمال وامي مريضه وعلاج وبركبتنه جهال ياخويه وين تخلين جهالج يعني شنو اذا ماعدكم تتبرون مني والله مانتبره منج بس طلاك انسيه ماكو طلاك رجعي لجهالج وبيتج مرت اخوي منال كالت عيني وفاء هله بيج عين غطه وعين فراش انت وجهالج بس حرامات تعوفين بيتج وخير رجلج لوحده تاخذ الاول والتالي ارجعي اكعدي ابيتج وهي ابيتها والرجال لو راد شي تره يسويه مدام خله اباله يزوج يزوج تره ميكضه شي ويطلكج وجهالج يتبهذلون وانت بكيفج كمت ابجي ونار وماتطفى بكلبي منين اجتني هاي المصيبه الي لا ع البال ولا ع الخاطر وطشرتنا كاموا مني بقيت يم امي بغرفتها صدري كام يدر حليب كمت ابجي لزمته وابجي يمه حمودي جعت عمت عيني عليك اوف وليدي لا لايوفق سلمان بيوم بهذلنه الله لايوفق كل وحده تهجم بيت واحد متزوج وتلزك بيه الله واكبر عليجن. عساها ماتهنه طول عمرها كلمن تاخذ رجال من مرته يربي بين يوم وليله انهجم بيتي واطشروا جهالي اندك الباب وطبت عمتي شايله حمودي مفرفح بجي ركضت خذته منها وحضنته يمه وليدي بس شافني سكت رضعته بساع يمةة عمت عيني عليكم عساها بحضها وبختها البهذلتنه | ||||||||
|
| |
|
13-10-19, 02:44 AM
| #6 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت الخامس حطيت ابني بحضني ورضعته بسرعة نام وعمتي تسئل ليش عفتي بيتج -يعني عمةةماسولفلج الي صارر -لا حجالي بس انت غلطانة ليش تعوفين بيتج وتبهذلين جهالج يزوج الله وياه خليه -انتم مشكلتكم محد حاس احساسي عادي عدكم خل يزوج الله وياه كأنما اني ماعدي حساس مجردة من المشاعر صدك لا يؤلم الجرح الا من يشتكي منه -بنيتي والله حقج بس الي سويتي مو صح يعني هو مزوج مزوج ليش تتبهذلين وتيهذلين جهالج بنيتي ماكو وحده تجي اتداري جهالج وتربيهم مثلج وانت عندج هاي الطفله ملاك وضعها خاص فدوه اروحلج فكري بيها والله نامو يبجون -شنووعبالكم مرتاحه اني لو ماافكر بجهالي اني ميته هسه بين نارين جهالي ورجلي الي طار مني بليله ويوم امي حجت يمةة لا انتي اول ولا اخر وحده تزوج عليها ارضي بالي صار لخاطر جهالج ضل يحجن وياي بالساعة اخر شي كتلهن اقبل بس بشرط لا مايوصلني بعد -مووبكيفج مدامة رجلج اله حق يمج ياخذه لعد ماارجع ولج يمةة بيتي لا تخربي وجهالج يتبهذلون تره انت الخسرانه هذا الطفل شنو ذنبه اليوم عمتج جابته باجر يموت وراج اخخخخخخ ولك يابه محد يحس بيه يعني ترضوها يزوج عادي ليش شبيها زايد عني وياخذها بتي ذن نسوان ضالات يجلبن بالزلم تجلب ماعدهن ذمة وضمير اهم شي نفسهن ميفكرن هالرجال وراه مره ورجال ليش ادخل حياته واخربها ماكوواحساس ... هسه اصفيلج ع راي شنو يطلكني امي عاطت بيه شنو طلاك لا تجيبين هالكلمة ع لسانج ماعدنه وحده تطلك احنه فهمتي عمتي كالت اروح وحمودي شلون هسه اخذه يبقى كتلها يبقى خاف يحجي سلمان علي بنتي فدوه فكري بعقل باجر الصبح اجي اخذج وارجعج لبيتج وهو يزوج ميزوج عوفيه لو الج حق وحوبه ربج ياخذها هو مو ابني بس اني مراضيه لان زواجه ماله لازمة الثاني عده مره وخمس جهال ليش يزوج بعد بس شسوي لا حول ولا قوه طلع عمتي واني حاضنه ابني امي فرشت النه يمةة نامي والصباح رباح لا تفكر لها مدبرر ارجعي وي عمتج لبيتج وخلي عينج بعين الله ضليت ميته قهر شلون ارجع وعادي عندي يزوج اووف يالجهال يكسرون ضهر اكبر وحده الليل كله ابجي اريد ارتاح اريد تبرد نار كلبي ماكو اذن الفجر كمت صليت ولزمت القران قريت احس ارتاحيت رجعت نمت كعدت ع كعدت حمودي كعدت رضعته وضل يلعب ويضحك الي فدوه اروحلك يايمةة امي جابت الريوك خلته يمي تريكي بنيتي كمت غسلت وجهي واكلت لكمتين ع مود صدري يدر لو ماكلت ماكو حليب واله اني مااشتهي امي كالت تجي عمتج وارجعي لبيتج بتي باستني شسوين يمةة هذا الي الله كاتبه عليج والف الحمد لله والشكر شكد سهل عدهم الحجي عادي ارجعي واقبلي زوجج يزوج وعيشي محد يحس بيه الساعه بالعشره عمتي طبت وجهالي وياها ركضوا عليه ماما ماما واحضنهم وابوسهم جن سنه مفاركتهم شلت ابني ورجعت وي عمتي للبيت جان مقفل البيت بس اني عندي نسخة بجنطتي فتحت الباب وفتنا انقبضت روحي مااريده من شفت البيت شلي بالبيت لو راح راعية ذبيت عباتي وكمت الملم بالغراض وسفط واعزل لان عفته هوسه فتحت الثلاجة خليت اللحم ع النار عمتي كالت اليوم اني يمكم باقيه لحد ماتصفه الاوضاع كمت احمس باللحم سويت مركة صفره وكثرت لحم بيها ع مود عمتي جان المطبخ كبال باب الحوش اسمع صوت سيارة طبكت عرفتها سيارته انخمش كلبي خفت ومااريد يشوفني راجعة كرهت نفسيه بلحظتها بس شعجب جاي من وكت فتح الباب ويحجي شنو ويامن يحجي رجعت ليوره حتى ميشوفني اسمعه يكلها فوتي فوتي ماكو احد مو اكلج اباوع شفت وحده وراه لابسة اسود طويله بيضة هو يمشي كدامها وهي وراه ع اساس مستحيه تمشي ع كيف وهو يكلها فوتي شبيج رجعت ركض للهول عمة تعاي شوفي شكوو كمت ارجف جايب ك... للبيت شسويي الطم كامت عمتي طلعت صار بوجها اتفاجأ بيها كالتله منو هاي ها منو هاي اجيت وره عمتي وكفت كلها مرتي مرتك شنو شوكت ازوجت مو البارحة ع اساس تريد تزوج باوعلي انت شرجعت مو رحتي لهلج عمتي كلتله اني جبتها مالك شغل بيها كلي هاي شسوي جايبها هنا للبيت يالماتستحي ولك عليمن طالع انت شوهة سمعتني طايح الحض اندارت عمتي عليها وانت ماعدج اهل مره شكدج شكبرج عبابي صغيره حتى اكبر من مرته جان استحيتي ع نفسج جاي وي رجال للبيت استحن خاله تره رجلي هذا وخلخاله الخلخلت عظامج ركضت عليها اني ولج منو رجلج ساقطة بواكة الزلم الله جابج اليوم تعاي اريح كلبي بيج ركضت جريت شيلتها الي ع اساس حزينة ع رجلها الشهيد ولابسة شيله وانام بشعرها وعض بيها واغلط واضرب عمتي تجر وسلمان يجر بيه واني مجلبه جبت شعرها كله بيدي كوه فكوها مني اخذت شيلتها وعباتها وركضت تطلع بره اجه علي سلمان ضربني راشدي وركض وراها طلع شفتي عمة شفتي يبووووي ع حضي ودكللي ارجعي ولكم محد حاس بنار كلبي جايبها للبيت سلمان ماصدكت اروح هاي كاعده ع كلبك عمتي صاحت راسي راسي كمت ها عمه عدج حبوب وجع راس اي عدي اطيني راسي راح يطك راح انجلط يابه متت كمت جبتلها نيران مفوته الجهال بالغرفه وتسكت بيهم لان اخترعوا من الصريخ اطيت العمتي الحبوب ومي وشم ريحةة يبووي الحم احترك والتمن معطب ركضت طفيتهن وكعدت بالمطبخ اصرخ وابجي ع قسمتي وع مصيبتي الهجمت بيتي وين جنت راسي بارد وعايشة مرتاحة اجتني عمتي كومي يمه كومي كافي والله تره اني مريضه ومابيه حيل كومي سوي لجهالج غده وصيري سباعيه ازمة وتعدي ونزوه وتخلص عده ومرجعة الج والله كامت تبوس بيه كومي بعد عمتج وسلمي امرج لله لا انت اول ولا اخر وحده يتزوج عليها كولي يا الله اي اي عمه كمت ع حيلي لميت شعري المنكوش غسلت وجهي فرغت الجدوره ذبيتهن بالزبل وغسلتهن كليت طماطة وبتيته وباذنجان وخليتهن بصينيه عمة تعاي اكلي صحت جهالي وكعدتهم طب سلمان وي حطت الاكل عمتي جانت شادة راسها بشيلتها اجه طاير علي انت شلون هيج تضربين المره عمتي عاطت بيه اكعد والله لو طخيتها لا اني امك ولا اعرفك ولا تعرفني امشي ولي مو تريد تزوج روح الله وياك يله وهاي اني رجعتها للبيت كاعده ابيتها وانت اخذ ذيج والله وياك تره راسي موتني اظنه صعد الضغط عدي لا تجلطني سلمان تريد تزوج الله وياك روح سكت هو طب للاستقبال وركع الباب عمتي كالت اكلي يمه اكعدي عمة شلون الي نفس متشوفينه شلون صاير طنطل علي فوك شينة كواة عينه ميخالف يمة تحملي لخاطر جهالج .... دائما المره هي الي لازم تتحمل وتصبر ع القهر والجوع والالم والمشاكل وكلشي لخاطر جهالها تضحي بس الرجال لا اهم شي نزوته ونفسه لا يهمه جهال ولا بيت ولا زوجة ميفكر بهاي كولها اهم شي نفسه ونزوته مع الاسف ....... بقت عمتي يومين بعدها راحت علاقتي بسلمان هي والماكوو. بعد اسبوع ازوج سلمان وكعد وي مرته ابيتها كام يوم هنا ويوم هنا اول شهر نافخ نفسه ومايباوعلي ابد ولا يحجي وياي واني اكل بروحي اكل صرت اني والماكو وياه بس يحجي وي جهاله يخلي مصرف مسواك وهاي هيه بعدها بده يريد يصالحني بس مااطيه مجال احسه نزوته خلصت وياها وبده يرجع اني احبج واريدج وسامحيني بس مااحجي وياه مطيته اذن طرشه مثل ميكولون كتله انت اختاريت غيري ورحت الي بينه انتهى اني هنا لخاطر جهالي وبس مابطل مني كل مايجي يحاول يصالحني وبالليل يطب للغرفة يريد يتقربلي بس اطردة احسه تندم بس بعديش بعد ما كسر كلبي وازوج بعدها عرفت زوجته حامل بيوم طب علي وحاول يصالحني كتله طلكها وارجعلك زوجة كال مااكدر لان حامل انصدمت جنت متوقعه صدك نزوه ويعوفها فترة ويرجع بس لا صارت واقع حال ولازم اتقبله ... بعد فترة جابت ولد كال هاي الفترة كلها اني مملتقيه بيها ولا شايفتها غير مرة من جابها للبيت فديوم اجت امي كالت سلمان حاجاني يمةة يريد يصالحج ويرد رضاج لا تخسرينه مره ثانيه وحرام يمة ميصير هيج الرجال اله حق يمج وانت يحضي اكسبي الج بدال معليفته لشريجتج وحدها مااريده يمه خل تشبع بيه جذابه ترديه وميته عليه بس تكابرين اعرفج كمت ابجي يمها مااكدر بعد كلما اشوفه اذكر خيانته واتخيل هو شلون ينام يمها صعبه علي والله يمةة بنيتي بعد الصار صار ولازم تتقلين الوضع الرجال لوما يحبج مايريد يصالحج ورضاج راحت امي وبالليل اجه كال سويلي عشه تعجبت اليوم مو يومي جان يومها جنت منومه الجهال حتى مو وكت عشه كتله اي صار. طبيت للمطبخ سويتله نواشف واجيت خليتهن يمة اتعشه وصاح علي شيليها الصينيه شلتها اجه وراي للمطبخ حضني من وره مشتاقلج حاولت ادفعه كال محتاجج والله ومشتاقلج وفاوي كافي تعبت والله ومتندم وعاض اصبع الندم بليت روحي بوحده لا اصل ولا فصل وين انت وين هو يكول مايعرف خيرة اله يجرب غيره واني جربت غيرج يله عرفت قيمتج وفاوي بداعت العشره سامحيني | ||||||||
|
| |
|
13-10-19, 02:45 AM
| #7 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت السادس وفاوي بداعت العشرة سامحيني -هههه هسهةذكرت العشره شكد توسلت بيك تعوفها وماقبلت بس اسئلك سؤال ليش اليوم جاي شصاير بينكم واجيت -مااعرف شكلج بس طبعها غير طبعي مو مثلج تريد تطلع وتطب بكيفها تريد ترجع تشتغل بالمعمل ع طول مشاكل احسها مو من ثوبي وتورطت بيها كلشي بيها يختلف عنج اخ يابة شورطني والله احس نفسي بورطة ومامستقر يوم هنا ويوم هناك اتشتت -اليجي من ايدة عسى الله يزيدة انت جبتها لنفسك شوف سلمان اجذب عليك لو اكدر هسه اسامحك او اكلك ماااسمحك العمر كله لا بس اكلك اتركها للوكت بلكت يطيب جرحي واكدر انسى وارجع اتقبلك باوعلي وذب حسرة وراح نام هواي انقهرت عليه بس مجاي اتقبله حاليا خل يضوك شويه من الي ضكته بقه هذا حالنا مثل الاخوان اني وياه نحجي نسولف نطلع نواصل عايشين عادي بس هو اخوي واني اخته هواي حاول وياي اني قافله احسها رد لكرامتي بعد فترة سجلت ملاك وهاي اصعب مرحلة جانت علي وعليها ملاك متختلط ونعاملها عادي بالبيت ابد محد محسسها هي بيها نقص حتى من اطلع خطار مناسبات اعوفها يم اختي لو يم امي هي واخواتها يمكن اني غلطت لان ماخليتها تختلط بالناس بس جنت اخاف عليها تتعقد داومت ملاك اول يوم رحت وياها للمدرسه ولبستها احلى ملابس والشعر مالتها جان اشكر سويت الها كرون وشرايط بيض خليت الها فدوه تخبل والله لوما هالوحمة البوجها طبيت للصف وياها سلمت ع معلمتها وحجيت الها وضعها فدوه ديري بالج عليها بنتي حساسه مااريد تحس هي اقل من غيرها فدوه اتعاطفت المعلمة وياها وباستها شسمج ملاك اووي فدوه صدوك ملاك حبيبتي تعالي هنا اكعدي اول رحلة واريدج تصيرين شطوره هزت راسها اي جانت كلش فرحانه اخواتها وياها جانن بالمدرسة سوزان ثاالث و نيران خامس عفتها وطلعت وكلبي يمها ادعي من الله يوفقها رجعت للبيت سلمان جان نايم يروح للمعمل ب٩ من رجعت لكيته كاعد ها وين جنتي وديت ملاك وصيت المعلمة بيها ها عمت عيني بويه عليها شلون راح تتاقلم وي هاي الناس مااريد ادوم كون علي اخاف عليها لا شلون اهم شي مدرستها وهي شاطره هسه تعرف كل الاحرف نهار كله هي وسوزان يلعبن مدرسه وكامت تعرف الاحرف الله يوفقها بحياتها امين يارب حيدر وين راح وين راح مو سجلته روضه هاي شوكت شو ماادري انت بشنو تدري طول عمرك ملتهي بالشغل وكله علي غير اعرفج اصيله وشاطره وكدها وكدود شكرا باوعلي وفاوي لشوكت نضل هيج تره انشلع كلبي والله مشتاقلج ليش مسافره اني ومشتاقلي كمت الم بالفراش واحجي اسوي نفسي ممهتمة اله لزمني من يدي كافي ولج لو من صخر هم جان تفتت صار سنتين ونص ع هالحاله متعبتي عوفني سلمان وين اعوفج هاي فرصتي اليوم محد هنا حتى للمعمل مااروح وج ميت عليج ونادية تروحلج فدوه والله من لا جاره معاشرها انت الاصل والاكل بالكل جرني لحضنه ضعفت يمةة كلبي كام يدك سريع وارجف عبالك اول مره يتقربلي ولج مشتاقلج ميت عليج. اخخ يابه هسه ردت روحي ..... رجعت علاقتنا من يومها وكام حتى ميروح كل يومين مرات ٣ يله يروح الها بوكتها جانت حامل هي .... ........ملاك ....... داومت اول يوم جنت هواي فرحانه بالمدرسه لسة اذكر اول يوم امي راحت وياي جنت فرحانه هواي لان راح ادوام بالمدرسه من جنت صغيره ابجي من يرحن نيران وسوزان للمدرسة والزك بيهن بس مايقبلون اروح من داومت كلش فرحت كعدتني المعلمة اول رحلة وجنت فرحانه هواي بس البنات جانوا يباعون بوجهي ويسئلوني هذا شنو شبيه وجهج جنت مااعرف اجاوب بس اتذكر مره سئلت ماما كالت لان انتوحلوة كلش الله ميزج عن البنات وخله هذا الاحمرار بوجهج فمن يسئلوني شنو هذا مااجاوب صادقت البنات العب وياهم بس دائما يشاورن عليه وياشرن ع وجهي كمت اتمنى وجهي مثلهم ارجع لامي اكوللها ماما اصبغي وجهي ابيض دكلي ليش ماما البنات كلها تاشر ع وجهي ويقلدن يكولن مو حلو لعدانت ليش دكولين يعني انت حلوه ومميزه اي ماما والله انت حلوه كلش معليج بيهم يغارون منج حبيبتي سكتت ممقتنعه صارت سولتي اباوع بالمراية ليل نهار اتمنى وجهي مثل البنات بس ماما دئما ترفع معنوياتي ودكلي انت حلوه انت حلوه صيري شاطره ماما واقري حتى تصيرن احسن البنات كولهن وفعلا المعلمة كلش تحبني من كد ماشاطره ونظيفه وعاقله دوم يصفكولي وحجولي شريط احمر للشطاره واخضر للنظافه وصفكولي بالساحه هواي فرحت بوكتها بس وجهي واكثر البنات يضحكن علي بس ماما دوم دكلي معليج بيهن اجاهلين كمت اسمع كلام ماما واصادق بس الي متقلد علي وجهي نجحت للثاني ونفس الشي اجن بنات جدد وكامن يقلدن علي كمت اكره المدرسة مره رجعت لماما كتلها مااريد اداوم بعد كل البنات يقلدن علي والماتقلد تسئل ليش هيج وجهج ماما ضلت تحجي علي وانت شعليج بيهن مو كتلج اتجاهليهن -ماما بس اني ضجت من وجهي اريد مثلكم مااريد الجمال كمت ابجي وج ماما هاي خلقة رب العالمين ميصير نعترض عليها اكو ينخلقون معوقين تقبلين تنولدين خرسه لو عميه لو معوقه منو احسن احمرار بالوجه لو ذن هاا اي بنتي حبيبتي هاي خلقة رب العالمين لا تتذمرين ومعليج بالبنات عليج بنفسج وفاء ... تعبت كلش من ملاك كل يوم والثاني جاي تشكي وتبجي احتاريت شلون اتعامل وياها لاهي تفتهم وافهمها ماكو احسها بدت تفتهم وتنقهر حتى يدت تذبل ابوها ينقهر عليها يكلي بطليها اكوله شلون بالعكس هي المفروض تدرس لان بس شهادتها تفيدها خليها تطلع تواجه الناس وتصير عدها شخصيه لشوكت ضاميها بالبيت جان كلش مقهور عليها ويتمنى يسويلها شي بس مابليد حيله اخواتها كامن يتعاركن بالمدرسه ع مودها اخر شي ولد وياها مقلد عليها وكايل الها انت مو حلوة جنج وحش تخوفين واجت ميته بجي ومتريد اتداوم كمت احجي واقنع بيها بعدين عفتها يوم متروح رحت طلبت اجازه الها وحاجيت معلمتها كتلها بنتي نفسيتها تعبت وهيج قصتها وهي حساسه كولش عاد كالت منو مقلد ع ملاك اشروا ع ولد اثنين شهد عليهم الصف وبنيه هم كالت هاي تقلد عليها كلت للمعلمة اريدج تتصرفين وياهم مو تعاقبيهم بس تحجين وياهم بالتي هي احسن كون باجر تجيبها اداوم يغيرون معاملتهم وياها كالت تدللين حبيبتي رجعت للبيت عفتها نايمة سوده علي العصر كلت لابوها ناخذها للامام موسى بن جعفر نزورها بلكت يهديها ع مدرستها وتتغير نفسيتها اخذتهم كلهم ورحت زورتهم وابوهم دخلهم مطعم عشاهم هناك ورجعتهم ثاني يوم اخذتها للمدرسه لكيت المعلمه مسوي احتفال خاص الها .والولد قدموا الها ورد واعتذروا منها تشكرت من المعلمة وردت ابجي لهسه اذكرها ست سناء وردة جانت عدها انسانيه مو طبيعيه الله يذكرها بالخير وللحكايةةبقية ام مصطفى | ||||||||
|
| |
|
13-10-19, 11:44 PM
| #8 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت السابع بيومها رجعت بنتي ملاك فرحانه وتشوفني الهدايا الي انطوها الها اصدقائها جانت فرحانه .... فديوم كاعدة وجان يندك الباب طلع سلمان واسمع صوت مره مديت راسي اشوف نادية مرت سلمان طلعت هاي شجابها جايبه جهالها وجاية تحجي وياه دكله صارلك ٣ ايام متجي ولا تسئل اجيت اني -شكوو شصاير وليش جايه للبيت مو محذرج اني -والله استاذ سلمان حمويني اجو من اربيل وسامعين بيه مزوجه نقبلوا واخذوا البنات مني يكولون منخليهن يعيشن وي واحد غريب وانت مدام ازوجتي مالج ضله ابيت اخونه بعد وطردوني مثل متشوف من البارحه واني منتظرتك تسئل ماكو شوفلي مكان اني وجهالي -وين اخليج -مااعرف كعدني ويلك بالبيت مو مرتك اني هم قابل بس وفاء مرتك اجيت سريع عليها سلمان هاي شعدها جايه لبيتي كالت والله هذا هم بيتي تره بيت زوجي يعني بيتي -سلمان خل تروح من ييتي يله خلت وكعدت بالحوش والله مااطلع مثل مابيتج بيتي هم امشي طلعي بره يله كمت اصيح وهي تصيح سلمان عاط بينه كافيييي لخاطر الله خبلتني حجت هي اني وين اروح اني وجهالي جاي اكلك طردوني حمويني تفتهم لولا واهلي بعيدين علي -كومي طبي جوه -وين اتطب مالها طبه ابيتي -وفاء كافي اطيني مجال اشوفلها مكان شلون اشمره بالشارع هي وجهالي واني عدي بيت -مالي شغل بيتي متفوت بيه -كتلج بس اليوم اطلع ادور الها بيت ايجار -شنو ايجار اشتريلي بيت حالي حال هاي مرتك -انت اسسس ولا كلمة كومي فوتي يله فوتها للاستقبال واني ميته قهر طبيت للمطبخ اجه وراي شبيج خلي بكلبج رحمة يعني وين تروح لازم بنته جان وابنه يمشي وراه بابا بابا اووف متت قهر جانوا بعيدين عني ماانقهر هسه اشوف زوجي شايل غير جهالي وذيج تصيح زوجي اووف اريد اخنكها شبيج وفاء خلي الله بين عيونج خليهم اليوم هنا وباجر اشوف الهم حل -حسبي الله ونعم الوكيل مااكول غيرها وديني لهلي مااتحمل هي بالبيت ارجع ماالكاها -شبيج خبله انت خطار جيتج تعوفيها واطلعين بس اليوم اكلج صاح ع الجهال تعالوا بابا هذول اخوانكم هذا مصطفى وهاي مروة اخذ الجهال وراح يعرفهم ع بعض ويسولف الهم شويه واجه كملتي الغدة اي كملت صبي صينيه لناديه -اصب سم الها -كافي وفاء شبيج جاهل انت لو استوني مزوج قابل وهيج تغارين هي بس اليوم وباجر اشوف جاره الهم قابل وين يرحون اهلها محافظات تضل بالشارع هي وجهالي اتقي الله خليت اكل الها واطيته اله ياخذه الها بعد موصلت للاستقبال هو كاعد يمها مدري شيحجون للعصر طلع وعافها بودي اطب عليها املخها تملخ بس استغفرت ربي وكعدت هاي نيران شايله مروه وتفتر بيها كتلها شعدج شايلتها روحي اطيها لمها يله غير اختي ولي وديها لمها اختها هي جان محترك كلبي صراحة مااعرف شسوي وره ساعة اجه سلمان كال لكيت بيت ايجار اي زين يله اخذها اي فارغ هو بس اتجيب غراضها وتجي ليش؟وين البيت هذا الكبالنه الفارغ شنوووو جايبها كبالي لعد شكو بيها هنا قريب عليكم وعليها مااريد يمي تاجر الها مو بكيفج مااترديها شنو امشي برايج اني والله يا الله عافني وطلع عاط ناديه امشي جيبي عباتج انجيب الغراض يا غراض ؟؟ شنو باغراض ! غير مالت البيت عفتهن لبناتي شنو عفتيهن مو دكولين بناتج عمامهن اخذوهن اي لعد شنو عفتيهن الهن هاا مو كعد عمهن وياهن بالبيت شلون اخذ الاغراض منهن بعد واني مشتري الاغراض البناتج لو النه اثثت البيت كامل مكمل الج كوله جديد شنو تعوفيه البناتج منو كلج اني كلت خطيه يضل الهن واشتري غيرهن لج بابا انت خبله شنو اشتري غيرهن شفتيني تاجر اني امشي البسي انجيبهن ولو سئلوج كولي رجلي مقبل ضل وجها ينطي الاوان ومتريد تروح اني واكفة يم باب المطبخ اباوع عليهم لزمها من ايدها كلها من الاخير احجي الصدك نادية لا تلفين وادورين الصدك ايي احجي بعت الغراض كولهن من البارحة لدوار -ليش ولج بعتيهن -هاا موو -احجييييي ضربها احجييي -مو مطلوبه اني -المن مطلوبه ولج مطلوبة وانطيتهن للطلب المن مطلوبه جاي اسئلج لبو الذهب -والمن مشتريه ذهب مو عدج انت ذهب -اشتريت لبناتي ذهب ووفيت الدين بيهن -انت شفتيني جاهل الغراض وين الفلوس وين لزمها شبعها كتل انوب اني كمت افاكك بيهم وضل يغلط ويصيح الله عاقبني بيج وحده مهملةة صرافه مو مال بيت وغرض مال لبس وطلعة ودياحة ولج والله لوما ذول الجهال اطلكج وانعل ساعة السودة العرفتج بيها عاط بيه انت هوووي شكو شي زايد عندج طلعيه الها -شنو يعني فراش مواعين طلعيهن يله يله اكو وحده تجيب دوار وتبيع غراض البيت شلع اخخ كون اموتج خلاص شنو من بشر انت جهالها يبجون عليها وهي طلع من خشمها دم الصدك انقهرت عليها جبت مي الها غسلت وجها وطلعت شكووشي زايد بالمخزن اطيته الها كلت قربه الى الله ولو متستاهل اخذها للبيت الكبالنه كوه علي مااريدها كبالي بس شسوي غصب عني اجر بيت الها واشترالها اغراض جدد طباخ وكنتور وثلاجة وكاونتر وكعدت كبالي وبدت المشاكل يومية تسويلها مشكله وتهجم علينه وحده الله متخافه اذا شافتنه طالعين تعاركة وتسويلنه مشكله لو جابله مسواك لو اكله تصير سم علينا تعبت منه ومنها كتله لو اني لو هي بالدربونه كام واجر الها بيت بغير منطقه يله كدرت ارتاح منها بعد مرور ست سنوات وفاء حضري روح انتةوالجهال اختي فاطمة عازمتنا ع عرس مؤيد ابنها ايي اروح عفيه نفسيتنه تعبانا هم نزور وهم نغير جو بناتج وين تدري بنيران السنه سادس علمي ومتطلع تدرس بغرفتها وسوزان وملاك يقرن هم بس اروح افرحهن هنه هواي يحبن عمتهن فاطمة شوكت نروح الخميس اخذ اجازه الهم ونروح اي زين دخلت للبنات للغرفة وينكم بنات حضروا روكم بعد باجر ياخذكم ابوكم لبيت عمة فاطمة نيران صدك ماما اي والله كلت افرحجن وهم اطلعن من جو الدراسة كافي بعد ملاك اني مااروح عوفوني يم بيبي ليش؟ماما مااروح ماما عندي دراسة الدراسه مطير تره غير معزومين كولنه ع عرس بعدين عيب من عمتج يابنتي ماما تعرفين ليش مااريد اروح كافي بنتي خلي عندج ثقة بنفسج اني عندي ثقه بنفسي بس اضوج من نضرات الناس اسئلتهم المتخلص فعفوني هنا احسن لا ترحين مو بكيفج غصب عليج وحضري نفسج ....ملاك .... مااحب اطلع اعراس ومناسبات اكره الاقارب التقي بيهم الاكثر تسميني المشوها واجت المشوهه وذيج بت سلمان المشوهه واني هذا اللقب اتخبل منه حتى بالمدرسة اكو بنات يتعاطفن وياي بس من يردن يوصفني ملاك البوجها احمرار لو الوجها نص ونص بحيث محد يعرفني اله بهذا الوصف اووف شعور ماينوصف يوجع الكلب كلش اتمنى اصير بنيه عاديه بكلبي اموت قهر بس ماابين لاحد لان تعلمت من امي اصير قويه واي احد يقلد علي اجاهله ومااهتملة بالظاهر اني قوية بس بداخلي ضعيفة ورقيقه وهواي ابجي ع حالي واحلم ليل نهار اسوي وجي تجميل ويصير طبيعي بس احلام ماكو هيج شي ابوي بعد السقوط عزل المعمل لان استيراد كام يدخل ومحد ياخذ عراقي وهم هو انقصف قصفوه الامريكان فباعه ورجع اشتره تكسي يشتغل بيها والفلوس العنده اشتره بيت لخالتي نادية ورجعنا حالتنا ضعيفه متسمح يسفرني بابا بالرغم هو يكلي اذا اكو عملية تجميل اخذج ابيع البيوت واخذج اسويلج تجميل ...... نيران : ملاك ليش مترحين فدوه لا تخربين طلعتنا امشي ويانا ابوي يضوج ويجوز مايروح لو ما رحتي عفيه ضابجين خل نروح اممممم ادري بيج ليش تردين ترحين مدامج تدرين لا تصيرين مكروها عفية والله مشتاقتلة نيران جانت تحب علي ابن عمتي فاطمة وهوويحبها بين كل فترة جان يجي لبغداد ويلتقون يم بيت عمي لو ابيتنا علي كلش خوش ولد وحباب مؤدب همه ولد عمتي فاطمة كلهم مؤدبين وينحبون بسرعة .... افكر لو اروح لولا لج خبيثة وضربتني بالمخدة الله عليج كولي اروح شبيج يمعوده حبابه راح يصير خمس اشهر مشايفته -يله لا تبجين ان شاء الله نروح سوزان حجت اكولج بيت عمو رحمن يرحون -والله حبيبتي ماادري بس اكيد يرحون اكلجن خل نحضر شنو نلبس ملاك :" اني اي شي البس ماعندي مشكلة انتن روحن حضرن خل اكمل قراية كعدت اقره وهنه النهن ينزعن ويلبسن اني جنت هواي شاطرة واحب دروس درجاتي كولها من ٩٥ وفوك ... بيوم الخميس ابوي طلب اجازه النه كولنا وطلعنا للنجف #تشوه_خلقي للكاتبة ام مصطفى البارت الثامن وصلنا للنجف لبيت عمتي جان بيتهم جبير بس من البيوت القديمة استقبلنه عمتي وولدها عدها ٣ ولد مؤيد الجبير وعلي وكرار وزهراء وزينب البنات بكدنا والولد اكبر من عدنا تلكتنا عمتي يمةةة هله وميت هله بريحة هلي هله بيكم راحت حضنت ابوي هله خويه كل الهلا بيك ورجعت باست امي وباوستنه واحد واحد ابوي جان جايب مصطفى اخوي ابن ناديا وياه عمتي كالت منو هذا كالها مصطفى ابني هاا ياعيني تعال عمه باوسته كبران ياصف انت خامس ياعيني فدوه حبيبي دخلنا للبيت نزلوا الولد والبنات يسلمون علينا طاروا فرح بينه عمتي بسرعة حطت الغدة يمنا وكعدنا ناكل نيران وصلنا لبيت عمتي واحس كلبي يدك الف دكة بالثانيه تلكتنا عمتي واني ادور ع علي بعيوني جنت هواي مشتاقه اله دخلنا جوه وهمة نزلوا واحد وره الخ نزل علي يدور علي احسه بعيونه من شافني ابتسم وجر نفس اجه سلم سلام رسمي كدام اهلي عمتي صبت الغدة بسرعه النه لان ابوي كلها ميتين جوع منزلتهم للمطعم لان كلتي مسويه غده الكم كعدت اكل وهو يباوعلي كمت اغسل لكيته واكف يم المغسله جان كولش مودب دنك كال شلونج مشتاقلج والله واني هم كمت اغسل جنت لابسه بنطرون وقميص وحجاب باوعلي كال كم مره كايلج لا تلبسين هيج ضحكت شبي مابي شي الله كريم يصير خير ههه شبيك ضجت لا مااضوج اجت سوزان شافتنه هو استحى وراح اكلج نيران مو بدينه لاتشوفج امي وتسويلنه سالفه قابل شمسويه اسولف عادي وياه امي تعرف ولد عمتي مؤدبين ماتحجي اذا نسولف وياهم بكيفج اني حذرتج رجعت كعدوا يشربون جاي زهراء كالت تعالوا نصعد فوك بغرفتنا ولشوفكم غرفة العريس صعدنا وياها دخلت للغرفة مالت مؤيد جانت حلوه ومفروشه وبيها ورد مخلين كالت ها حلوه ايي ولله حلوه لعد تعالوا لغرفتنا اشوفكم الملابس الجبناهن للعرس يله طلعت زهراء فستانها شوفوا هذا حلو لولا ايي حلو وهذا للحنه كوستم بنطرون وقميص اي زين يقبلون تلبسن هيج اي بس جوه العباايه مو مثلكم يعني نلبس ها اي امي دكول العبايه ستر للبنيه وهسه اكولج مرت مؤيد هم حتلبسوها عبايه ايي لعد شوون ابوي ميقبل مو تعرفين ابوي شيخ واله سمعته هنا اكيد تلبس عباه اممممم وبوشي تره هم راح تلبس ياااا اي شبيج مؤيد شرط عليها تلبس بوشي وهي وافقت تعرف بينا عائلة محافظه زين انت شعجب ملابسين بوشي ابوي ميجبرنا ع شي يكول بكيفكم ملتزمين حجاب وعبايه وجواريب مطالع شي من عدنا بعدين منطلع هواي احنه مدارس تركنا مثل متعرفين من زمان ايي كالت عمه انقهرت عليكم بوكتها شنسوي مو ابوي بعهد صدام صار مراقب واخذوه اكثر من مره لان جان يصلي صلاة الجمعة وره السيد وبعد مااستشهد السيد اعتقلوا بابا وصارت عدنه ضروف صعبه بوكتها تركنه الدراسه وبيبي ماتت من الهبطة ع ابوي بعدها طلع بابا بس عليه اقامة جبريه بالبيت ومراقب بيتنا بعد مكدرنا نرجع للمدرسة 😔 حياتي الله كريم ربي يعوضكم خير اي والله الله كريم... بقينا بغرفة البنات منزلنا بعد ابد لليل صاحوا علينا ع العشه نزلنا صبولنا وحد البنات شويه اجو بيت عمي رحمن وصارت هوسة طبعا نور بت عمي نافخة نفسها دوم علينا جانت بالكلية اداوم وشايفه روحها كلش وولد عمي واحد زين هيثم والبقيه اخلاقهم زفت عوينجيه مثل منكول ويباعون ويذبون حجي هذا ياسر كلش بس اني مااحبه ابد ولا اتقرب منه ملعب ويبصص ع البنات شفته يباوع ع ملاك وي متروح خفت منه هواي لان ملاك بعدها صغيره واخاف يقشمرها بشي بعدين شفت ملوك ممهتمتله رجعنا هم صعدنا فوك سوالف ونور كامت تفيك علينا وهيج واحد خطبني ورفضته هيج اشتريت حسيت الكعده صارت مملة عفتهم وطلعت جان باب الغرفه ع السطح وكفت اباوع جانت المنارة مالت ضريح الامام علي ع مبينه ومنضرها حلو بس من بعيد كولش اشوفها تقربت ع السياج وكفت اباوع يمةة. تخوف جنها هيمة تخيلت نفسي بنص المكبرة عزه شلون عايشين هنا درت وجهي جان يصير علي بوجهي شسوين كمزت كمزه متت من الخوف كل ضني طلعلي ميت كمت ارجف من الخوفه واجر نفس شبيج يمعوده كمزتج -ايي والله متت ردت ابجي -اسف والله موقصدي بس -لا عادي بس عفيه انتم متخافون منا -ليش نخاف -المقبرة قريبه عليكم -ههه لا عادي متعودين بالعكس احنه محظوظين لان مجاورين امير المؤمنين -اي امنت بالله بس والله المقبرة تخوف قريبه عليكم -تره كولنا نموت وهاي المقبرة مسكنه اول واخر -ماادري بس اني صراحة اخاف من المقبرة بالاخص بالليل يمةة اتخيل يطلعلي ميتة😖 -ليش الموتى مو بشر مو اهلنا واقاربنا وجانوا عايشين ويانه قابل جن همه -يااا يعني عادي اذا طلعلك هسه ميت -ههههه هم سامعه ميت طلع يمشي شبيج بابا عوفينه من الموتى هسه شلونج بدراستج -زينه ان شاء الله اطلع هندسة ناوية -شمعنه هندسة -احب اصمم اني ديكورات وناوية افتح مكتب تصاميم ديكورات -مكتب ؟؟؟ -اي مكتب -مو خوش شغله لاعبين نفسج مراح اخليج اذا ازوجنا من كال هيج استحيت ودنكت كال نيران روحي كلية تربية او علوم اسلاميه حتى اذا صرتي مدرسة عادي اكدر اخليج اداومين -بس حلمي الهندسه بكيفج بس من هسه اكولج مراح اقبل تتعينين لو تفتحين مكتب مدري شنو اني فتحت الموضوع وي امي كالت تنجح هاي السنة واخطبها الك واحتمال اخليج هنا تكملين كليه -الله كريم -نيران متعرفين شكد احبج واحلم بيج ليل نهار تجين يمي منتضرج يوم يوم تخلصين السادس تدرين ع اساس ابوي يزوجني اني ومؤيد سوه وصديقة سيد انطاني بنته بس اني ماوافقت وحجيت لامي وهي تصرفت مااتخيل وحده غيرج زوجة الي هو يحجي واني ميته خجل اروح اني البنات هسه يدورن علي عفته وركضت للغرفه كلبي يدك ووروحي احسها رايحة من الفرحة شافني شكو شبيج جن واحد راكض وراج لا ماكو شي فحطت من الدرج نور كالت هسه جنت جوه مشفتج وين جنتي كتلها جوه اكولج انتبهت ع ملاك ماكوو لعد ملاك وين بيبي دزت عليها هاا بقيت اسولف وياهن ملاك جنت فوك بيبي دزت علي تريدني اغسل عبايتها اخذتها وطلعت جان الحمام بره شفت ياسر اشرلي ملوكة ها ياسر تعاي رحت يمة عادي هاا باوعلي وكرصني من خدي صايره تخبلين شوف الجسم والطول وغمزلي هااا صفنت بوجهه اول مره واحد يكلي حلوه وانوب ولد كيفت شكرا يسوري الورده عليمن شكرا وج احجي صدك ويباوع علي من فوك ليجوه اكولج انت وين تنامين راح فوك يم البنات ليش لا هيج صاح عليه مؤيد وراح بس شمرلي بوسه بالهوه تعجبت شبي هذا رحت غسلت عباة بيبي وشريتها ورجعت صعدت فوك صاحت علي نيران وين جنتي ها بيبي دزت علي اغسل عباتها الها ها اي فرشن البنات ع اساس انام بس بقينا للصبح وسوالف وضحك تالي نمنا وكعدنا ب ١٢ الظهر مورمة عيونه من السهر هم لكينا خطار كومه عدهم والاكثر مشايخ معممين جان يوم العرس وناس جايه ع الغده وهوسه امي كالت بعد وكت ادري جايات تنامن غير تنزلن تشوفن الناس تساعدن عمتجن شجاجن ماما والله نمنا متاخرين ديله امشوا تغدوا وبدلن المن جبتن هدوم العرس بعد وياجن نيران بدلنا لبس كلش حلو ومحتشم لان اعرفهم مايقبلون نلبس ضيق لو قصير عدهم وماما نبهتنا ناخذ ملابس مستوره احنه اي شي هناك ابغداد نلبس ابوي وامي ميدخلون بلبسنه بس الحجاب واجب علينا نلبسه واحنه هم نلبس لبس عادي بنطرون وقميص لو تنوره وهيج شي المهم بدلنا ونزلنا وبده العرس صارت الزفه ردنا نروح وياهم بس مقبلوا نطلع كالوا اله عبايه وبوشي لان رياجيل ومشايخ بره فكعدنا ومرحنا لشويه اجت الزفة ودخلوا العرس جانت كلش حلوه خلص العرس بابا كال نرجع بالليل عمتي جلبت بينه نبقى توسلت مقبل بابا قبل لا نطلع اشرلي علي يريد يحجي وياي رحت ها علاوي نيران هذا رقم مبايلي حاولي تخابرين من ايصير مجال بين فترة وفتره ابتسمت واخذته منه راح اشتاقلج واني هم رجعنا لبغداد بس كلبي بقى بالنجف يم علي هواي احبه وكل مانلتقي اتعلق بيه اكثر بعدها بدت امتحانات وكلنه مشغولين ندرس بس ملوكه اشوفها تتصفن هواي حاولت اسئلها شبيها واعرف منها بس متحجي ملاك ياسر كام كلما نروح لبيي يذبلي حجايه حلوه ويكلي انت حلوه ويغمولي واني ممصدكه واحد يكلي حلوه كام يجينه للبيت بس امي متخلينا نكعد وياه لان متحبه بس مره كلي وين مدرستج دليته عليها بعد فتره اجاني للمدرسة لكيته واكف بالركن من طلعت وصاح علي تعجيت شفته كال تعاي اطلعج اونسج كتله لا مااكدر اتاخر امي تنتظرني كال لعد اجيج واخذج الصبح وغيبي من المدرسه وبعدين ارجعج #تشوه_خلقي للكاتبة ام مصطفى البارت التاسع لا لا ماما متقبل شنو اغيب وامج شمدريها مو اني اريد اكلج شي كوله هسه لا هنا لا مااكدر يعني شي مثليش يعني انت حلوه واني احبج وهيج شي هاا اي دروحي يله عود اجيج غير مره ونطلع مثل مكتلج رجعت امشي وي صديقتي هذا منو ابن عمي وشراد منج مراد شي عادي شافني وسلم علي هاا تدرين ابن عمج حلو اي ادري رجعنا نمشي وصلت للبيت وافكر بالي كاله معقولة اني حلوه وياسر يحبني اشو مااصدك اي ليش لا ابن عمي قابل ليش يجذب بدت امتحانات وبديت اقره بعد مشفت ياسر مااجة للمدرسة بس مره اجانه للبيت وامي متقبل نطلع كدامة خلصت الامتحانات واستلمنا النتائج كولنا ناجحين امي فرحت بينا هواي خصوص ب نيران طلعت معدل زين بس رادت تدخل كلية تربية امي تعجبت ليش؟ مو ع اساس تردين هندسه لا غيرت رايي اريد اصير مدرسة متوسطة بلكت ليش حرامات معدلج زين مااريد بكيفج لعد بنيتي نيران بقيت كل فترة اخذ ميايل امي لو ابوي واتصل ع علي وقنعني ادخل تربيه ع مود يخليني اداوم جنت كولشي يكولي اكله حاضر هواي احبه واسمع كلامة بالعطلة اجت عمتي فاطمة هي كل عطلة تجي بس هالمره بس زينب وياها اجت وابنها كرار اول مااجت علينا كل مره هي تروح لبيت عمو رحمن لان بيبي كاعده عدهم بس هالمره اجت علينا راسا كيفت طبعا بجيتها وزنوبه طرنا بيها اخذناها فوك لغرفتنا ليش زهراء مااجت بقت يم ابوي هو احنه اساسه بسرعه نروح يومين ونرجع جايين بشغله ونروح شنوو شكوو باوعتلي وضحكت جايين نخطبج لعلاوي هااا اي سوي نفسج متدرين ابتسمت لج علي يموت عليج وحرك امي حرك حتى تجي تخطبج يكل لامي مااكدر انتظر اكثر روحي اخطبيها يمة فديته لاخوج هله هله طلع الحب اووف اموت عليه ولله الله يسعدكم. ان شاء الله تصيرون لبعض وتجين تعيشين يمنا بالنجف من كالت النجف انقفص كلبي حشى الامام علي ولا احب عيشتها هناك تخوف احسها مكبرة كلها وينقفص صدري منها ها وين صفنتي لا ماكو بس ليش متشيلون لبغداد انتوا لا ميقبل ابوي هناك ناسنا واقاربنا واصدقاء بابا وابوي يدرس فقه بجامعة ..... ها اي والله اصلا ابوي يموت ع النجف مااعرف انت ليش متحبيها لا مو مااحبها بس الصدك اخاف منها بالليل ههههههه جنج طفله شبيج موعايشن احنه هناك شنو بيها طناطل قابل ماادري الله كريم تعالي ننزل لا ترزلني امي خل اساعدها بالغده يله امشي نزلت وعمتي كل شويه تذبلي حجايه تخجلني حطينا الغدة الها بعدها كعدن يشربن جاي عمتي فاتحت امي بالموضوع بسرعة كمت اني بس ختلت وره الباب اسنط -عيني وفاء اريد نيران لعلي ابني -شنو يعني -شنو شنو اريد اخطبها لابني علي الصراحة الولد رايدها وميت عليها -والله فاجئتيني بس نيران تدرس مثل متعرفين وراها كلية -عادي تكمل عدنه -فاطمة انت وابنج ع عيني وراسي بس بناتي اعرفهن طبعهن غير طبعكم وبالخص نيران متحب تعيش هناك ومتتاقلم ادري بيها واطباعكم غير اطباعنا -شنوو القصة سويتينا كلش يمعوده شنو اطبعنا غير اطباعكم لعد اني مو بت بغداد وازوجت بالنجف مو هاي كدامج عشت وتاقلمت -خيه جيلنا غير عن جيلهم هسه يردن لبس وطلعه ونسه وميحبن احد يدخل بتصرفاتهن وميتحملن تره -اوكلج ضلمتيها عليه كلش شني قصتج جنج انت مراضيه -والله اني هم مقابله الصدك مااريد ازوج بناتي بعيد عني -وين بعيد هاي النجف ساعتين وتوصلين حتى لو بعيد عني واعرف بتي مترهم هناك ليش؟نتكابح وياكم من هسه -زين اسئليها وشوفي كامت عمتي شالت عباتها لبستها -هاا وين جنج زعلتي -لا بس رايحة لامي وعود رديلي خبر وبلغي اخوي بطلبي مااريد احرجكم خليكم ع راحتكم صاحت زينب يله عباتج يوم جيبيها طلعت مثل الزعلانه لان امي سدتها بوجها واني ضجت كلش انقهرت صح كل الكلام الكالته امي صحيح بس احب علي هوايه ومستعده اتحمل كلشي ع موده من طلعت عمتي امي صاحت علي -نيران شنو رايج عمتج جايه تخطبج لعلي -بكيفج يوم -شنو بكيفج يعني قابله انت سكتت احجي ترديه وج اكو شي بينكم -لا شكوو يعني قابله بيه ركضت صعدت فوك بقت تحجي وي سوزان وج اختج عدها شي وياه مااادري شنو متدرين فهمني ولجن لا اطرش بالزفه تخلني -ماما الي اعرفه هي تريد علي وتقبل بي -يعني عدها علاقه وياه لو شنوو -مو علاقة بس هيج نضرات -عززززه بعينجن وبعينه واني اكول ولد شيخ ومربايين مايباعون ع بناتي تالي عاشكها ونضرات ومدري شصاير بعد وينهاووين الزواج غير عدها كلية وتكمل رايحه حابه واحد عيشتهم غير عيشتنا وين تحمل عبايه وبوشي ولا طلعة ولا طبة عدهم منو يكول يقبلون تداوم يجوز بس بالبدايه اني اعرفهم بناتهم ماعدهن طبه وطلعه هاي هسه مرت مؤيد كبل لبسوها بوشي وين هي تحمل هيج صيحيها الي دخل ابوي شكووو شبيج حسج واصل لراس الدربونه -تعال شوف بناتك ملتهي وي ناديه انت -وج خير شكو -فاطمة اجت تخطب نيران لعلي ابنها -صدككك يا الله -شنوو شو فرحان ليش الكه احسن منهم ولد هيج الله يحبج ويزوجون من بناتج -ودراستها -شلها بالدراسه اول ع تالي تعلكها بالحايط خلي تزوج يمعوده هذا ابن شيخ ..... وج فخر النه لو خذوا بعد منا -يااااا متفقين علي انت وبتك -ليش نيران موافقه بعد ابوها تعرف مصلحتها فاطمة وين -راحت لامك وكالت اريد الرد -اي كلليلها الكم -صدك تحجون . -بس اريد اعرف شبيج متعصبه شكو -دراستها -ختولي الدراسه -يااا لادكول هيج هي كالتلي تكملها هناك -هااا بعد شكووو -بس بنتك مترهم هناك -معليج انت مدام هي وافقت مالج شغل لزم المبايل وخابر -ها فاطمة وين رحتي خويه تعاي تعاي لج المره اخذيها بهدومها من هسه لا لا مالج شغل وافقت امي ضلت صافنه على ابوي عبالك مصدك من اجت عمتي فاطمه امي شرطت عليها تكمل كلية وتزوج غيرها مااقبل تعاركت وي ابوي وصممت بعدين اتفقوا تكمل سنتين هنا واخر سنه هناك راحت عمتي وكالت الاسبوع الخ نجيكم نخطب طرت فرحححح من اتفقوا امي جن زعلانه علي كوه تحجي وياي مقتنعه ازوج بالنجف بس اني جنت اشوف بس علي وبس اكول مدام احبه ويحبني كولشي يهون بدت امي تطلعني نشتري ملابس وحاجات وكلما يعجبني شي دكلي وين يحضي هذا ميخلوج تلبسيه وميصير عدهم وانت ضلمتي نفسج ومن هالحجي بس اني جنت ممهتمة اكول عادي اخر شي اشترتلي فستان للخطبة جان بصلي لونه طويل وردن مستور جان بعدها اخذتني حفتلي واشترت هم ملابس للبنات ورجعنا بعدها بيوم الجمعة اجووي بيت عمي وبيبي من الصبح واني امي اخذتني للصالون ورحنا ملاك بيوم الخطبة مالت نيران اجووي بيت عمي واجه ياسرروياهم طبعا استغل غياب امي وكام يطب ويطلع يمنا خالتي وبيبي يطبخن وكل شويه يدزني اجيب حاجه دخلت للترك وجان يدخل ياسر وراي ويسرك باب الترك كتله شكوو تعاي ولج مشتاقلج شنو خل اطلع وين كام يلزم بيه. ويبوس عاد دفعته عيب شبيك شسويي وخر تره اصرخ ملوكه احبج اني شبيج غير لان احبج اسوي هيج خالتي كامت تصبح وينج ملاك جانت دازتني ع شغله كمز هو كال اطلعي واني اطلع وراج بسرعه طلعت كالت شنو. وين جنتي جوه خاله غير ادور ع المس وي الغراض ولكيته هذا بس هي شافتني مرتبكه شنو شبيج ماكوو شي رحنا للمطبخ بعدين شفته طلع من الترك معقوله يحبني لعد ليش الكل تقلد علي ومره صديقتي بالمدرسه دكلي محد يباوعلج ابد واصلا محد يزوجج وجعج مقزز زين معقوله ياسر حبني بقيت اقنع روحي وجنت طفله مراهقه بوكتها ماافتهم ومكيفه .... اجتي نيران من الصالون طالعة تخبل بعدها اجوي الخطابة نيران اول مدخلت للبيت اجوي بيت عمتي من النجف وكلها ضلت تصيح اجوي اجوي طلعت اباوع من شباك المطبخ دخلوا رياجيل اكثرهم معممين وعمتي والبنات فاتن وراهم ركضت كعدت بمكاني فاتت عمتي تسلم شافتني يمةةة صلوات شطالعه تخبلين باوستني والله اخليج بعيوني والبنات زهراء وزينب هم سلمن الكل فرحان اله امي احسها غصب عليها بعد شويه عقدنا ويدت هلاهل لبسني حلقه جان يستحي اكثر مني بعدين بيبي كالت عوفوهم وحدهم طلعوا من الغرفة وعافونه وحدنه بس انسد الباب رفع راسه علي وجر نفس لجج تخبلين طالعة شنووو هالجمال الله عليج اكدر انتضر بعد سنتين ابتسمت بخجل نيران كلش فرحان اني بيج واوعدج وعد راح اخليج اسعد انسانه ومراح تحتاجين شي واني موجود ان شاء الله لزم ايدي وباسها هاي الايد احلم جنت الزمها هسه لزمتها بالحلال الف الحمد لله والشكر طلع مبايل وفلوس من جيبه كال ذن الج وكل شهر اجي اجيبلج بكدهن انت بعد مسؤوله مني صرتي زوجتي بقوا للعصر وراحووو تمنيت اروح وياه وللحكاية بقية ام مصطفى | ||||||||
|
| |
|
13-10-19, 11:48 PM
| #9 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت العاشر بعد فتره داومت كلية وملاك ثالث متوسط داومت وسوزان رابع عام والولد اول متوسط حيدر ومحمد سادس ابتدائي بقى علي كل شهر يجيني يبات ويروح نتخابر ع طول بس يتذمر من لبسي ويحجي علي والبسي عباية اكوله من اجي للنجف الله كريم ميقبل ويتنحس بدة وياي يغار بشكل تصير بيناتنه مشاكل بس نتصالح لان حبنا اقوى ملاك اداوم ثالث متوسط كمت بديت اكره نفسي وشكلي هواي اباوع نفسي بالمريه اتمنى يروح هالتشوه منو وجهي جنت ماافكر بيه بس من صارت علاقه عندي وي ياسر كمت افكر اصير حلوه اكثر ياسر يجيني للمدرسه يحاول ياخذني بس اني اخاف بودي اروح وياه ونسولف لان بس هو يكلي انت حلوه ويحبني فكمت احاول اصير بعينه احلى خصوصا هو حلو وصديقاتي يتعجبن بيه من يجي جنت اكابل المرايه وابجي احاول اخفي التشوه بالحجاب انزله ع كصتي واصعده ع حنجي بس ماكو فايده مبين جنت البس احلى لبس خصوصا هاي الفتره ابوي رجع يشتغل وي صديقه ابو المعمل فتحوا معمل جديد وكاموا يصدرون تمور للخارج فحالتنه صارت كولش زينه توب التوب ابوي وامي يشترولي شريد يحاولون يعوضوني بس ميفيد الوجه هو الجمال كله اشبع قهر من احد يشوفني ويقلد علي لو يكلي شبيه وجهج اموت وانحرج واضل اكل بروحي ليش وليش بس ياسر لا غير عن الناس هو الوحيد الي مامهتم لوجهي بس دوم يضوج من اقبل اروح وياه بعد فتره كاعدين جان يخابرون ابوي صرخ ابوي ركضت امي شكووو كال امي ماتتت عمتي يمةةة يبوووييي نزلنا نركض شفنا امي تصرخ ولجن ماتت بيبيتجن هواي نحب بيبي احنه كمنا نصرخ وياها بعدين ركضنا لبسنه ورحنا لبيت عمو رحمن لكيناها ماخذيها للمستشفى وهناك ميته السكر صاعد عليها بوكتها بدت مراسيم الفاتحه واجتي الناس وعماتي اجن كلهن وصريخ ولطم بعدين راحن كلهن للنجف وامي وياهن رجعوا نص الليل بقينا احنه يم بيت عمي بايتين ثاني يوم هم هوسه ونسوان يجن يعزن وكلهه ملتهيه هنا ياسر يطب ويطلع ياشرلي اصعدي فوك اصعدي فشفت ماكو احد كلت اصعد هو صعد كدامي واني صعدت وراه شافني جرني تعاي مو اكلج اصعدي كلساع ااشر الج شبيج كل ساعه اصعد انتظرج ومتجين -موو اخاف لحد يشوفنه -محد منتبه كلها ملتهيه تعاي شنوو -مشتاقلج تعاي -وين معليج جرني للحمام الفوك وسده وبقى يلزم ويبوس واني مسلمه نفسي اله مكيفه يحبني دكت الباب ملاك اطلعي اسمع صوت نيران افتحوووا الباب عززه هاي نيران اسس معليج خل ادك شلون اخاف دكل لامي نيران جنه بفاتحة بيبي وكل شويه اشوف ياسر يفوت ويرجع وياشر لملاك اخر شي صعدت وراه كمت ردت اركض وراهم جان تصيح علي عمتي فاطمه جيبي جاي للحجيه ركضت صبيت الجاي وصعدت وراهم فتت كل الغرف ماكو بس اسمع حركه بالحمام والحمام مسدود دكيت الباب ملاك اطلعي متحجي رجعت دكيته اطلعي لا اصيح امي بسرعه الفطيره صاحت لا لا طالعه فتحته تفاجئت شفت ياسر وياها وجان اكو احمرار ع ركبة ملاك والحجاب واكع راسا ضربته راشدي حقير شدسوي حيوان ولك تدني نفسك ع هاي الطفله متستحي مو حرام عليك جان يكلي معليج اني احبها وهي تحبني .شبيج تغارين ايا حقيير صدك متسحي وانت ولج هذا يضحك عليج لزمتها ضربتها راشدي هو نزل شرد واني شبعتها ضرب جان دكلي انت شعليج اني احبه ويحبني مالج علاقه بيه لعد انت مجنتي تحبين علي وهناك بعرس مؤيد مو شفتج انت وياه بالصطح . لا تصيرين زينه براسي يااا ولج هيج تحجين وياي اي معليج ياسر يحبني وراح يزوجني ولج يضحك عليج من قبلج اني تحرش بيه وماطيته مجال رجع عليج لان يعرف حالتج شنو ويستغلج معليج انت معليج ولبست حجابها ونزلت ضليت فاكه حلكي معقوله هاي ملاك ذرة مستحه ماعدها ولا تخاف ولا تحترم انوب هي تصيح علي عبالك كلشي ممسويه نزلت جوه قطرت دم مابه من الموقف اتمنى اموتها كتل .لو اروح اكولها لامي بس اخاف تكبر المشكله بقيت اراقب بيها وين متروح وراها حتى علي دز علي يريد يحجي وياي تعذرت منه كتله مشغوله جنت اخاف اغفل عنها ويقشمرها هذا كمت اركض وراها وين متروح واحسها ضاجت مني لزمتها مره لخ حجيت وياها ملوكه هذا يقشمرج وديري بالج منه بس ماكو جانت متسع اذن من طين واذن من عجين عبالك مو اختي ملاك خلصت الفاتحه ورجعنا للبيت بس المنظر ابد ميروح من بالي وخايفه عليها كلش ........ بهاي الفترة اداوم كلية اني وهي وثالث متوسط علي كام يتنحس كل مايجي كل شهر يجيني للكليه هاي شلابسه -علي يعني مامعقولة كل ماتجيني نفس المشكله تكرر -غير كون تحسين اسكت كل مره واجي ع نفسي وانت ابد متتنازلين -انت تسوي شيء من لا شيء -يعني لا شيء لابسه ملابس ضيكة وفاضحة الله عليج انت مقتنعه بهذا لبسج وفوكها تارسه وجهج مكياج المن؟؟ تتبرجين المن كولي حتى تلفتين انظار الطلاب الج -علييي مااسمحلك -لعد المن كولي مو الله يكول بكتابة لا تتبرجوا تبرج الجاهليه -تره لبسي مابي شي خبصتني تعبت منك علي هاي اولها هيج اني لازم اعيد حساباتي وياك -ها هيج صارت يله ست نيران اني رايح وعيدي حساباتج دار وجهه وكام يطلع من الكلية اوففف ليش هيج زعلته ماهان علي ركضت وراه علي اوكف اسفه والله مو قصدي وكف نيران اذا تحسين نفسج تندمتي علي كولي لا تشلعين كلبي اكثر لا علي شدكول انت بس والله لبسي مابي شي شوف لبس البنات تره اني لبسي مستور -الشيطان يسوسلج هالشي وين الستر بنطرون ضيييق وقميص ضيق وقصير ومكياج انزعي الحجاب تره هاي اهانه تعتبر للحجاب انت بارزه مفاتن جسمج كولها ومغطيه راسج لو تنزعين الحجاب و تلبسين ملابس عريضه ومستوره احسن الج بعدين اني زوجج اغار واخاف عليج من العيون المتخاف الله شترديني اشوف واسكت مو طبعي هذا -علي فدوه والله تعبت كافي تره هواي لحيت بالموضوع كتله من اجي للنجف البس عود عبايه بعد شتريد -لا مااريد شي بله راجع للنجف وانت ارجعي يم زملائج -وين راجع ستوك اجيت -لا ماابقى مااتحمل والله اختنكت مع سلامه وخلي الله بين عيونج بلبسج راح اووف اووف شسوي احبه بس اكره اطباعة كمت حيل ضجت وانقهرت بوكتها حتى مبقيت بالكليه طلعت حاولت اتصل عليه بس جان مغلف اووف شسويي رجعت للبيت من وكت امي كالت اليوم من وكت يوم ضايجه . شنوو شبيج علي اوف شبيه اجاني للكليه اليوم وتعارك وياي ع مود ملابسي ورجع راح للنجف يبوووي موكتلج اطباعج غير اطباعه انت مدام قبلتي بالولد لازم تقبلين باطباعة يووم والله جاي اكوله هناك عود البس عبايه يكلي ليش الله بس بالنجف يعني اني راح اخنك نفسي من هسه اووف اكولج نيران الستر حلو تره يمه اذا تحبيه اتنازلي شويه وسوي الي يرده اذا احنه عايفيكم ع راحتكم ومنحجي وياكم تره علي وعائلته غير شي اوفف صعدت لغرفتنا غيرت ملابسي ونمت ع وجهي مقهوره محتاره شنو اسوي احس نفسي مااكدر اتحمل اطباع علي نمت ع صوت امي اكعدي ماما علي جوه يريدج شنوو مو راح للنجف لا جوه منتضرج اي هسه انزل ركضت فرحانه غسلت وجهي وبدلت ونزلت بلهفة اول شفته ابتسمت علي نيران اني اسف. مدكرت اعوفج واروح وانت مغثوثه مني تدرين نص الطريق ونزلت اخذت تكسي ورجعت احس قلبي يقودني واني هم قلبي احسه يقودني علي خلي نزوج من هسه ياريت بس امج شلون ماادري اني اقنعها اخاف افقدك تعبت من المشاكل اني اسف بس والله مو بيدي. احبج اغار عليج اموت من اشوفج هالشكل لابسه احس كول الطلاب تتفرج عليج وعينها منج حقك علاوي اني الي اسفه بس والله هو هذا لبسي هيج ومالي قصد بي اني اريد ازوج حتى تجبرني هناك البس الي يعجبك اهم شي انت وياي يله لعد همتج حبيبتي خلصي هالسنه مبقى شي حتى السنه الخ هناك تكملين ان شاء الله امشي البسي وامشينا نطلع وين نروح اي مكان نروح نزور الامام الكاظم ونطلع مكان نغير جو اوكي يله ركضت فرحانه اييي فرحانه سعادتي وي الشخص الي احبه مو هم كل شي المهم عندي اكون وي علي طلعنا سوه واكيد لان زياره لبست عبايه وعلي يقنع بيه .... ملاك نيران من شافتني فوك اني وياسر وهي تراقب بيه ومتحجي وياي بس اني كرهتها احسها واكفه بطريقي مااعرف ليش تكره ياسر بالرغم هو محبوب ويحبني لعد ليش تكلي عوفيه المفروض تفرحلي لان اكو واحد كدر يتقبلني بهذا شكلي ويحبني بس دوم دكلي يجذب عليج ومااعرف شنو اليجبره يجذب علي قابل شنو عندي اني ويجبره يجذب علي جنت مااعرف بوكتها غايته ولا اعرف شنو زواج عبالي هيج عيشه سوه ممفتهمه شي اصلا ومن دكلي طمعان بيج ويضحك عليج اكلها وشعندي طمعان بيه ياسر يجيني للمدرسه بين فتره وفتره كل شهر شهرين يحاول ياخذني بس اخاف اطلع وياه فدمره كلي محتاج فلوس كولش كتله منين اجيبلك كلي حاولي تاخذين من ابوج من امج بدون ميدرون وصدكي فتره وارجعهن الج. وترجعيهن انت كتله اشوف شلون اجيبلك ابوي جان عنده فلوس بكنتوره وامي هم كتله شكد تريد كال مليونين هااا هوايه دجيبي ولرجعهن الج اسبوع كتله اشوف بعد يومين اجيج الصبح للمدرسه اخذهن منج واسبوع يرجعن لا تخافين حبيبتي بس اريد اشتغل بيهن حتى نزوج كيفت 😍😘 كتله اوكي ورجعت للبيت وضليت ادور فرصه حتى اخذ الفلوس #تشوه_خلقي للكاتبة ام مصطفى البارت الحادي عشر رجعت للبيت لكيت امي جوه والولد طالعين بره سئلت ع نيران كالت امي طلعت وي علي -هاا زين لعد سوزان وين اجت قبلج واكلت ونامت انت اليوم متأخره اي مو عدنا درس اضافي هاا الله يوفقج بنيتي ويسهل عليج ويفرحج اووف يابنتي شايله همج والله كلت باجر اخذج اشتريلج كلادة عجبتني كولش كلت تلوك لركبتج شكرا ماما اكولج راح اروح لبيت بيبتج شو خابرت مرت خالج دكول مريضه ياا بيبي خطيهةشبيها ماادري والله يله اني راح واخذ حيدر وياي اذا اجه ابوج خل يجي وراي يجيبني ان شاء الله ماما طلعت امي والبيت كام يصوفر كلت هاي فرصتي صعدت بدلت شفت سوزان نايمه ونزلت لغرفة امي فتحت الكنتور دورت ع فلوس لكيت سفطة مالت فلوس خمسه وعشرينات بديت احسبهن اندك الباب ركضت ع السريع صعدت فوك خليت الفلوس بجنطتي وخليتها بخانتي وقفلت خانتي ونزلت اركض فتحت الباب علي ونيران جايين فرحانين جانوا هلو علاوي -هلو ملوكه شلونج الحمد لله فاتوا نيران متحجي وياي ولا اني كالت شنو محد اهنا اي محد هنا ماما راحت لبي خابرت عليها مرت خالوا دكول مريضه وسوزان نايمة وانت شنوو ستوني اجيت راح اتغده واصعد انام اخذوا راحتكم باوعت الها باستهزاء طبيت للمطبخ صبيت تمن فوكاه مركه كوه اكلت لكمه جنت قلقه وخايفه ومتوتره معدتي احسها تكلب مااشتهيت اكل خايفه هوايه خليت الماعون ع الميز وطلعت رجعت صعدت غطيت راسي ونمت بس منايمه بس افكر الي سويته صح لولا زين لو ماما فقدت الفلوس قبل اسبوع شلون لا لا ان شاء الله متفقدهم وياسر اكيد راح يرجعهن الي بسرعه هو بس يريد يسوي شغله بيهن حتى نزوج خطيه شكد يحبني نيران رجعت اني وعلي بعد ماصالحني لكيت ماكو احد بالبيت بس هاي الغبيه ملاك واني مااحجي وياها بس وضعها معاجيني لونها مخطوف واحسها ترجف رجعت صعدت فوك واني هم عفت علي وصعدت اشوف شكوو واغير ملابسي لكيتها نايمة ثول هاي شبيها لبست ثوب فانيله اسود وبيه ورد اصفر وخليت طاك ع شكل فيونكه اسود ع شعري ونزلت لكيت علي يكلب بفونه شافني نزل الفون هاي شنو الجمال صدقه تخبلين كمت امشي كدامة بدلع نيران لا تلعبين ع اعصابي تره الشيطان شاطر ههههههه شسوي يعني خليني ساكت بس شنو غير يخبل عليج هذا الثوب شكرا اروح اسويلك عصير جان كاعد بالصالة رحت للمطبخ بطريقي شفت غرفت امي مفتوحه والكنتور جان كبال الباب هم الباب مالته مفتوحه دخلت سديت باب الكنتور خطيه ماما يجوز نسته مفتوح لان قلقه ع بيبي صدك خل اخابرها طلعت سديت الباب وطلعت لزمت المبايل وخليته باذني وضغطت عليه بركبتي وكمت اسوي عصير برتقال دك جاوبت ماما ها ماما شلونج شنو شبيها بيبي -فلاونزوه ومصخنه -سوده علي بيبي متستاهل -اجيتي انت -اي ماما اجيت -واخواتج -نايمات ماما بس اني وعلي بالبيت -ديري بالج ع نفسج بنتي وسلميلي ع علي اوكي يله مع سلامه خلصت العصير خليته بكلاصات وفتت امشي واغني خليت العصير كدامه تفضل عيوني ضل يضحك لا انت اليوم ناويه ع موتي خل اشرب واروح -وين وين -لا مااكدر ابقى مامن اثنين الا وثالهم الشيطان. -الله يستر هههه شرب العصير وكام -يااا وين صدك -اي والله ارجع للنجف هم يله متاخر كلش وتعرفين ازدحامات -شكلك بعد ماارعرضلك الله وياك -حبيبتي نيران مااوصيج بعد -لا تووووبه من هالنووبه كلشي ولازعل علوشتي حبيبي واسوي حركات كدامة -اكولج سويلي طريق اولي اليوم راكبج شيطان علي واني اذا لزمتج مااعوفج هههههههه كمت اضحك وياه خطيه اسوي هيج لان الصبح قهرته .كلت اعوضه راح والله بس شكد ضجت انطاني مصرف اني مااريد اخذ منه عندي والله بس شسوي ميقبل كمت نظفت المطبخ والصاله وصعدت كعدت ذن العوبات ولج سوزان اكعدي راح يصير المغرب جان شته الوقت وبسرعه يغرب كعدت صدكككك يبووي عندي واجبات عود كلت لامي كعديني هي وين امي رايحه لبيبي لعد مكعدتج اختج لوهي هم نامت دكومي حضري دروسج واني هم خل اراجع هسه يجي بابا .. لليل اجتي امي جابها بابا خطيه ضايجه ع بيبي تعشت ونامت واحنه كل وحده تدرس كاعده نتاخر بالنوم الصبح رحت للكليه رجعت لكيت امي مخبوصه وادور شكووو ماما ولج فلوس البارحه خليتهن هنا مليون ونص بالكنتور ماكو مختفيات شنوو مختفيات ماما اول تالي تضيع فلوس عدنا اي والله هو جاي اكول ماما دوري خاف رجعتي خليتيهن بغير مكان لا متاكده هنا مع ذالك راح ادور ملاااك بالليل خابرت ياسر من مبايل محمد كتله جبت الفلوس باجر الصبح الكاك يم شارع المدرسه -ايي عاشت ايدج حبيبتي ملوكه كلشي اسوي ع مودج احبببج اموت عليج شوكت نزوج وادللج دلال حبيبتي تدرين هسه نايم واتخيلج بحضني انتي نايمه اخخخ اموت عليج الصبح اخذت الفلوس بالجنطه وطلعت لكيت ياسر منتضرني كلي شكد. جبتي ماادري انطتهن اله حسبهن مليون ونص كال يله ميخالف ادبر حالي ياسر اكيد ترجعهن لعد شلون حبيبتي عوفج من الفلوس هسه انت شطالعه ولج صايره تخبلين دمشي نطلع شبيج لج بس اريد اختلي بيج يعني شتسوي شسوي شبيج نسولف نسوي مثل مسوينه بالحمام وبس قابل شكوو لا اخاف من امي لج متدري انت اطلبي اجازه قبل يوم كولي باجر مااجي واني اجيج افكر اكولج مو دكولين اني اخذت منج فلوس لو شيصير لا لا لتخاف اي عفيه يله باي حبي الله وياك ياااااييي يجن اووف شوكت نزوج ولا افاركة حتى من المدرسه ابطل شعندي بالمدرسه ....... رجعت للبيت لكيت امي تدور وتصيح الفلوس انباكت وين راحت سئلتني شايفه الفلوس قبل لا اروح لبيبيتج شفتهن بالكنتور وين راحن بس انت بقيتج بالبيت احد اجانه احد طب علينا هاااا بسرعه صار علي كبالي كتلها بس علي من الخوف طبعا ذبيتها براس علي كتلها شفت علي طالع من غرفتج شنووو علي شفوته لغرفتي صاحت نيران نيران ولج نيران نزلت نيران تركض علي شيسوي بغرفتي وخزرت نيران امي شعدج وياه بالغرفه ماما مداخلين لغرفتج اني وياه الله شاهد بالصاله كعد الولد واني سويتله عصير رحت وشربه وراح حتى مبقى لعد مو اختج شايفته طالع من غرفتي معقوله علي يبوكنه ههه عود ابن شيخ صدك شيوخ تالي وكت باوعت نيران علي بغضب جذابه شوكت شفتيه . من جنتي تسوين عصير شفته طلع من للغرفه لا تجذبين ملاك وليش اجذب ماما شوفيها متطي بعلي حتى لو هو بايكنه انجبببي لا دكولين هيج علي يخاف الله وصارله سنين يمنا يجي منوصغير ماشفناهم واحد منهم مد ايده لو ضاع شي اني حجيت الي شفته مكلت باك عفتهم وصعدت ارجف من الخوف محتاره شسوي يربي شراح يصير كلش خفت نيران علي مستحيل يسويها بس اني من نزلت شفت الباب مفتوح معقول علي جان داخل للغرفه بس هي دكول من سويتي عصير نزلت وشفته شلون نزلت وهي نايمه عفتها ماادري ملاك تتبله ع علي بس ليش معقوله هي اخذت الفلوس لا لا مستحيل اختي متمد ايدها وليش تاخذهن قابل شسوي بيهن امي كامت تعيط نيران محد طب البيت غير علي ماما شنو قصدك علي اخذهم اكيد لا والله ماما علي ميسويها لا سواها طبت سوزان سئلتها امي والله ماما اني نمت ومكعدت اله المغرب وبقيت فوك ادرس حتى لفه نيران جابتلي فوك منزلت يعني لا شفت شي ولا ادري بشي وجن لا تخبلني الفلوس ويين كامت تحجي ماكو غير علي واني اموت من القهر لو ما امي اكوم اخنكها اعرف اخلاق علي كولش زين هو مصرف مالتي اذبه عليه وميقبل يكلي حرام انت مسؤوله مني هسه اووف شسوي اللغز كله عد شلون اخليها تحجي صعدت الها ملاك جاوبت هااا شتردين ملاك انت ماخذه الفلوس كولي لا مامخذتهن شسوي بيهن وليش اخذهم هي امي بالاصل تريد تشتريلي ذهب بيهم لعد ليش اتهمتي علي اني حجيت الي شفته ملاك لا تجذبين اني من رجعت لكيت غرفة امي وكنتورها مفتوح ومحد غيرج بالبيت شنووو قصدج تتهميني ع مود علي لا مااتهمج انيى بس انت جنتي نايمه شلون نزلتي وشفتيه ها نزلت عبالي ابوي اجه اريد اكوله امي كالت مر علي لبيت خالي يجيبها وشفت علي طالع من الغرفة معقووله يعني من بدلت ونزلت شفت باب الغرفه مفتوح معقوله علي اخذ الفلوس من جنت فوك ابدل ورجع دخل للغرفه وشافته ملاك لا لا استغفر الله علي ميسويها لا لا اشك بروحي ومااشك بيه ضليت احجي وي نفسي تخبلت سمعت صوت امي عله وابوي هم نزلت امي تصيح ابن اختك ابن الشيخ المتدين باكانه -كولي يا الله حليمة جهال فاطمه من همه صغار يجونه مافديوم مدو ايدهم ع حاجه شمعنه هسه والله ماادري اسئله روح محد غيره بالبيت وبعدين كنتورك مليان ورق دولارات وفلوس ليش ماباكهن هذا حرامي بيت ياخذ شويه شويه لو مستعجل ولكفهن حتى منحس عباله مااحسب فلوسي هسه تخابره وتخابر ابوه -صدك تحجين والله لو مليار ماخذ وشايفه بعيني هم مااخابر ابوه شنو نمونه المليون ونص هاي اذا صدك ماخذهم بس من سابع المستحيل علي يمد ايده شوفي منو باكتج وخل يولن سدي الموضوع . اني انطيج غيرهن ولا اتكابح وي اختي اني مو ع الفلوس سلمان اني ع سوايته معقوله هذا يبوك وانطيه بنتي صرخت من فوك الدرج كافييييي علي مو حرامي علي ميبوك علي اشرف واحد حرام عليج يوم تتهمي كافي -لا مو كافي وهذا متبقين وياه تذبين الحلقة بوجهه وتفسخيها سمعتي وغصب عليج شنووو لا بابا احجي احجي كولها علي ميسويها اسكتي مو اختج شافته بعيونها تاخذين واحد حرامي ومتستر بالدين اه. اه كمت اصرخ لا لا علي ميسويها كمت اصرخ واضرب ع وجهي. حرام عليكم حرام تتهموه احترك كلبي عليه والله اعرفه مو هيج اخلاقه معقوله انخدعت بيه اصرخ واعيط وجان ازلك من اخر بايه للكاع احس الدنيا صارت سوده بعيني واغمى عليه #تشوه_خلفي للكاتبة ام مصطفى البارت الثاني عشر فزيت ع امي تذب مي علي يمةةةة بنيتي راحت مني شالني ابوي وحطني بالسيارة وامي تركض وراه صعدت اووف بنيتي راحت مني الله لا يوفقك علي الله لا يهنيك كله من وراك عاط بيها ابوي كاااااافي الصمي حلكج وفااء كافي هالموضوع لوينفتح وروح امي اله اطلكج اسكتي البت بياحال مشوفيها شصار بيها اسكتي سدي الموضوع -وان شاء الله راح تبقى وياه نيران -هذا الشي نيران تقرره هي جبيره ودارسة وفاهمه وتعرف علي واذا هو اكيد راح تكشفه وكافي بعد هالموضوع مااسمع مفتوح كدامي جنت اسمع الهم وابجي والله علي ميسويها لو شيصير ماا اصدك علي هو يمد ايده وصلت للمستشفى نزلوني ابوي كلهم عثرت ووكعت من الدرج بسرعه سوولي اشاعه لكل جسمي مبي شي بس راسي يوجعني كلت لامي سوللي اشاعه مبي شي بس اني اتلمس اكو ورم براسي لان وكعت ع راسي ضربوني ابره ورجعت بس ابجي ونفسيتي مدمره ملاك شفت نيران وكعت ومتت قهر عليها كمت اكل بروحي اكل وبجيت من كل كلبي عليها اني ليش سويت هالشكل جان كلت ماادري ليش خليت علي بالموضوع يربي ساعدني خطيه نيران خاف تفسخ الخطبة وهي تحبه ماكوو غيرها اخابر ياسر واخليه يرجعلي الفلوس وخليهن بمكان بغرفة امي وهي راح تلكاهن رحت ع مبايل امي جان ع الشحن دكيت ع ياسر جنت حافظه رقمه ع الغيب جاوب الوو -ياسر -اي منو -اني ملاك -هله بملوكتي هله بيجج هله بوجه الخيير كله -شكرا ياسر اني وكعت بمشكله -شنوو شكوو -امي فقدت الفلوس وصارت مشكله اتهمت علي ابن عمة فاطمة بيهن ونيران تهسترت ووووو مشكله جبيره فدوه ياسر باجر رجعلي الفلوس حتى ارجعهن لامي اشمرهن بكنتورها - لج شتحجين الفلوس انصرفت وراحت اطيتهن للولد يشتري غراض للمحل مااكدر هسه ادبرهن الج اله بعد اسبوع وبعد اسبوع اذا رجعتهن امج راح تشك بيج اكيد عوفيهن عندي هسه من نتزوج اشتريلج حاجه ذهب مااريد يمعود حاجة ذهب نيران خطيه وكعت بيها شنو ذنبها -يمعوده خلي تفسخ الخطبه شكد اكرهه لعلي شايف نفسه ميستاهلها -لا خطيه واحد يحب الخ -ايي بس ميلوك الها حبيبتي انت لا شيلين هم هي تصفى ولا تتصرفين اي شي خليج طبيعيه لا يشكون بيج وديري بالج اتجيبن اسمي بالموضوع -لا لا يله حبيبتي باي -باي اووف والله خطيه نيران كمت افرك باديه شسويت اني رجعوا ركضت ع نيران الحمد لله ع السلامة كتلها مجاوبتني عافتني ودارت ع سوزان سوزي صعديني فووك فدوه امي حاجتها ابقي جوه شيصعدج بنتي -لا اريد اصعد فوك لزمتها سوزان وصعدتها جانت سوزان تبجي عليها وتبوس بيها احنه كلش حنينات وحده ع الخ بس الله لايوفق ياسر من قشمرني ودخل الشيطان بينا نيران صعدت فوك وسوزان تبجي علي كتلها كافي حبيبتي مبيه شي -نيران تره علي مستحيل يسوييها -اخخخ اني هم متاكده بس ملاك دكول شفته ماادري اصدك بيمن معقوله شصار بالدنيا اذا صدك علي يبوك بعد افقد ثقتي بكل الناس دك تليفوني جابته سوزان علي يخابر نيران اتركيه يدك ماريد اجاوبه -خطيه -عوفيه سوزان علي حساس كلش اخاف احجي حجايه يمة وينقهر -انت تشكين بيه -لا بس ملاك دكول شفته طالع من الغرفة شعنده ماادري راح اتخبل سكت المبايل اجتةرساله فتحتها حبيبتي شنوو وينج ليش مجاوبين ضل بالي لزمت المبايل وقفلته وبجيت صعدت امي شلون صرتي ماما زينه اووف الحمد لله ربج ستره ماصارلج شي كله من من ابن فاطمة ماما فدوه سدي الموضوع شتردين افسخ الخطبه هسه افسخها بس كافي. تعبت كرهت نفسي ياريتني ميته واخلص -اسم الله عليج بنتي ادري بيج تحبيه بس والله ميهون علي تاخذين واحد يمد ايده ويبوك -ماما علي مو حرامي وتجي الايام وتثبتلج هالشي كافي ماما ارتاحي هسه ويصير خير نزلت امي جوه وعيوني مبطلت بجي لليل اني لا متغدايه ولا متعشيه بس ابجي شلون راح اواجهه وشكله اخاف امي تحجي وتجرح مشاعره بكلمة اووف ياربي من يمك حلها ملاك اشوف نيران تبجي واني اتكطع عليها شسوي يربي اتمنى ارجع الفلوس واخلص بس ياسر اتصرف بيهن ثاني يوم رحت للمدرسه مشفت ياسر ابد ردت بس اشوفه واحجيله ماكووو امي تريد بس تفسخ الخطبه وصارت مشاكل بهاي اليومين ابوي شال ٣ ملايين واطاهن لامي كلها بس سدي الموضوع بس هي مقبلت وضلت تحجي الساكت عن الحق شيطان اخرس ابن اختك باكنه ليش نسكت عليه احنه الى ان صارت مشكله جبيره من رجعت للمدرسه لكيت امي وابوي اني تريد تخابر ع عمه فاطمة وتكللها وابوي رافض -لازم افضحه اله اخابر فاطمه -اني شكلت مو سدي الموضوع موكلت طلاكج علي -مااسده مستقبل بنتي -واني شنوو مو ابوها قابل مااخاف ع مستقبلها -انت تخاف ع مشاعر اختك تجامل ع احساب بنتي اني مراح اسكت لازم اسوي شي -يعني تعانديني -لا بس مااسكت ركض ابوي ضرب امي وكامت تصيح وكلها هسه ترحين لهلج تطردني سلمان بهذا العمر ع مود ابن فاطمه الحرامي -اي واكسر راسج. سويتيها سالفه شكبرها انت من الاول مقابله بيه ردتيها حجه عييب استحي ابن رجال معروف .شنوو عايز هو لو يردون يبوكون جان ابوه هم دخل بالحكومه وكام ياخذ بس الرجال دين ويخاف الله وولده وبناته كلها تضرب المثل بيهم ماعدهم اذيه ع بشر ضلت امي تغلط وتحجي عاد ابوي طردها نزلت نيران كااافييي كااافي راح افسخ الخطبه وارتاحوا لزمت المبايل الو علي اني وياك منتراهم تعال اخذ حلقتك والذهب وطلكني طلكني اذا تحبني اني مااستلهلك سدته وتهسترت ارتاحيتوو ارتاحيتووو يله كافي زواج مراح ازوج بعد كاعده ع كلبكم عساها بحضكم وبختكم وكامت تعيط ابوي رجع ع امي ملخها تملخ وامي لمت غراضها وراحت لهلها ثاني يوم اجت عمتي فاطمه دازهه علي لكتنه بس احنه بالبيت احتارينه شنحجي اني كلبي يتكطع ع السويته والصار ياريت لا شفت ياسر ولا حبيته كرهت نفسي عمتي سئلت ع امي كالت نيران الها عد بيت خالي بيبي مريضه -الله يشافيها نيران عمه شنو هالحجي الحاجيته وي علي -اي عمه فدوه كلمن يروح بطريقه اني وياه منتوالم طبعي غير طبعه جربت وشفت ماكو قسمه ليش نزوج ونطلك -شنو هو لعب عمةة خطوبه والناس كولها تعرف وهو يحبج تدرين من البارحه لليوم منايم راد يجي مخليته يريد يفتهم شصاير -ماكو شي خاله ياريت ميجي احسن مااريد اضعف كدامة اني -بس كوليلي ليش بدر شي من ابني -لا مبدر واني الي قررت اهلي معليهم ياريت عمه يطلكني نيران احجي ويتكطع كلبي كلت اكول هيج احسن ما توصله السالفة ويتهموه حرامي ويتأذه عاد اكول منتوالم احسن خلي يكرهني يحقد علي ولا تنجرح كرامته ويسمع اهلي متهميه بالسرقه كمت جبت علبة الذهب وانطيتها لعمتي عمه فدوه لا تضغطين علي واهلي مالهم شغل وابوي كلش مستحي منكم فليش تحرجيه اكثر خلي يطلكني وتخلص السالفه وج عمه شجاج شصاير مو انتوا واحد يحب الخ ليش هيج تسوين والله ابني يموت بحصرته عمةة والله جاي اسوي لمصلحته يامصلحه يمعود الولد تخبل منايم من البارحه وانت قافله جهازج ليش هيج خافي الله كلوب الناس لعبه بيدج عمةة. مااريد كوه خوما كوه مع الاسف عليج وع وفاء معرفت تربي كامت عمتي شالت الذهب وطلعت معرفت وين راحت من رجع ابوي كتله اجت عمه فاطمه واطيتها الذهب ضل يحجي ويغلط وكله من امج وبعد مترجع كتله امي مالها شغل اني قررت وخلص يابه واني رتح اروح اجيب امي كافي مشاكل عوفيها تتادب يم اهلها يابه فدوه كافي قسمه ومصارت طلع واني لبست ورحت لبيت خالي جبت امي واجيت كتلها ارتاحي فسخت الخطبه طببتها للبيت وصعدت لغرفتي اعتزلت حتى للكليه صار يومين ممداومه بس ابجي خطيه اختي سوزان تبجي وياي وحتى ملاك اشوفها تبجي وتباوعلي بقهر اخخخخ لوبس تحجي الي صار ماكوو. بعد يومين . اجه زوج عمتي الشيخ وابنه مؤيد دزوا علي كالوا نضيفه اي نضيفه حجه الشيخ كال علي وكلني اكول انت طالك من كالها صرخت ووكعت بالكاع كوموني واني منهاره وابجي اشفت منك شوكت ازوجت واطلكت حسبي الله ونعم الوكيل ع الي سواها وفرقنه ابوه كلي عمو لعد اذا هيج تحبيه ليش تردين طلاك باوعتله وابجي اخذني ابوي لامي لزم اصينية الجاي الجانت بيد امي وكسرها ارتاحيتي وفاء طلكها رجع ابوي للاستقبال واني نمت بالكاع بالصاله ع فد بجيه املخ بروحي ميته نار بكلبي متطفه امي تواسي بيه وج اسكتي يمه الله يعوضج بالاحسن مااريد الاحسن كافي كله منج انت السبب كرهج اكرهكم كلكم الله لايوفقكم عساها بحضكم وابختكم ماتتهنون كوون كمت بيه مابه لغرفتي ضليت فوك ماانزل اسبوع حتى الكليه مرايحه فتحت مبايلي لكيت كومه رسائل من علي اخر وحده كلي الله يوفقج بس غيرج متصيرلي مره وبعد ابد ماازوج وهواي كاتب عتاب وحجي ومواقف وكلام وياه يحاول يذكرني بيهن اقره وابجي اووف ماكو قسمة علاوي ملاك بعد اسبوعين اجاني ياسر للمدرسه ها ملوك مشتاقلج من اشوفه مدري شيصير بيه اضل ارجف عليه وروحي تروح ضل كالعاده يحجلي كلام حلو واخر شي كلي امشي اليوم مابيها مجال امي واخواني طالعين من البيت وراح اخذج للبيت ومن يخلص الدوام ارجعج لهلج كتله لا مااكدر زعل وبعد متشوفيني وانسيني دار وجه كتله لاتزعل خلص اروح وياك جنت اخاف يزعل وصدك يعوفني واني مصدكت واحد حبني كال ايي هاي ملوك حبيبتي شبيج والله نتونس هناك .اصلا بعد انت تكليلي خل نروح يوميه ابتسمتله يله نروح لزم ايدي واجر تكسي وصعدت وللحكاية بقية ام مصطفى | ||||||||
|
| |
|
14-10-19, 11:50 AM
| #10 | ||||||||
| مراقبة عامة ومشرفة منتدى الروايات المنقولة
| #تشوه_خلقي للكاتبة ام مصطفى البارت الثالث عشر .....نيران ..... اصعب اسبوع مر بحياتي هو هذا الاسبوع ليل نهار ابجي عليه هواي فاقدته ومشتاقتله جنت ماانام اله ع صوته واصبح ع صوته اخخخ هسه انام والدمع بعيني واصبح هم بعيوني الي قاهرني هو انو هسه عباله اني عفته بله سبب يربي ليش هيج يصير بية ليش امي الصبح صعدتلي -كافي يوم صارلج اسبوع غايبه من كليتج كومي داومي والله يعوضج بغيره يابنتي كلشي بالقسمة والنصيب عبالج اني راضية بالي صار ومرتاحة لا والله ميته قهر ع حضج بس هذا الي صار ويكول ابو المثل اعبر النهر مدامة ضيك -انتوا كلش سهله عدكم كسرة كلبي عادي افسخ الخطبه وعادي اعوفه عادي ينكسر كلبه عادي اتعذب انتوا متحسون وبالاخص انت يوم هواي تغيرتي جنتي تحبينه وجنتي طيبه كلش وماعدج سوء ظن باحد بس مع الاسف من صارت عندج فلوس تغيرتي عبالج كول الناس طمعانه بفلوس بابا شنو هي الفلوس شسوتلي الفلوس كولي فلوس الدنيا كلها متعوضني علي وكسرة كلبي -هيج تحجين وياي نيران -ايي ماما وعلي تره حوبته راح تلعب بيكم طوبه تهمتي شخص بريء ماله ذنب شوفي الله شراح يسوي بيكم -لججج اسكتي اني تهمته لو اختج تهمته -اختي اكبر جذابه لا تخليني احجي وطلع سوالفها خليني ساكته -شنوو شبيها احجي خل هي دكلج شعدها وي ياسر -ياا شعدها ولج هي تكلج ان شاء الله متتهنه ملاك ومتشوف راحة بحياتها مثل ما دمرت حياتي ملاك اجر تكسي ياسر وصعدني وره بس جنت خايفه وارجف كوه رحت اخاف يزعل جانت مشاعري تقودني بدون تفكير وصلنا لبيت عمي طبعا بيت عمي الثاني هاجروا لخارج العراق اول مصار السقوط لان عمو جان يداوم بالحزب فخاف ينكتل اخذ عايلته وطلع للاردن المهم وصلنا للبيت فتح الباب ياسر كال فوتي جنت خايفه كتله عفيه خل ارجع خاف احد يشوفني ويكل لامي لا لا تخافين محد هنا بس نور ونور تدري بيه احبج ها زين فتت وسد الباب وفتح باب الاستقبال ودخلني جوه -لعد وين نور ماادري يمكن طالعة هاا دفوتي معليج بيها عفيه خايفة هسه شنسوي جايين هنا -نتونس شبيج جر الجنطه مني ودفعني لغرفة عمتي فوتي شبيج والله تونسين اصلا قفل الباب علينه ويباوعلي بنضره تخوف عبالك يريد ياكلني حسيته وحش كال انزعي شنوووو انزعي اكولج صدك تحجي ايييي وعاط بيه. يله كام يضرب بيه ويجرجر بملابسي هجم علي بوكتها كرهته بكد مشفت البشاعه منه اصرخ ومحد يسمعني كام يسد حلكي اهدئي شبيج تخبلتي عوفني فدوه ياسر وج شلون اعوفج اني منتضر هاي الفرصة صار سنين اصرخ واصرخ متت اندك باب الغرفه منو هنا منو يصرخ اسمع صوت عمي اخخ وين جنت اجيت بالوقت المتاخر ياعمو بعد مافقدت عذريتي يله اجه عمي فتح باب الغرفه يمكن عنده مفتاح الباب ودخل شافنه تخبل هاي شنوو غطه وجهه لان جنت بوضع تعبان لا اله الا الله شنو هاي ولك ياسر تلعب ع بت عمك ع شرفك جره وصاح انت البسي واطلعي كوه لبست مجرحه تجرح ضربه راشدي بوكسيات موته تموت لك ناقص تلعب ع عرضك وك هاي بنت عمك هيج تسوي بيها طلعت ابجي عاط بيه شجابج انت عمو هو جابني وشلون جابج شنو ماعدج عقل دنكت مستحيه من عمي وابجي ميته بجي رجعت ختلت بالغرفه وهو يسب وغلط ع ياسر ولك شسوي شلون اباوع بوجه عمك الله اكبر عليك ياسر -يابه ساعة شيطان -ساعة شيطان هو انت الشيطان بعبنه ولك بت عمك مريضه وعدها نقص ع هيج تسوي بيها عقوبه عليك ازوجها الك -شنوو اني اخذ هاي المشوهه ليش يابه شناقصني واخذ مشوها -تاخذها ورجلك فوك راسك وباجر نروح نخطبها الك وهذا الاسبوع تزوج -يابه شنو قصتك صح اني غلطت بس مو هيج تريد تزوجنيها مشوهه -ولك مدام مشوهه شلون تدني نفسك عليها ماكو تزوجها لو اكتلك حلال جنت اسمع وابجي اذكرت ملاك من كالت يضحك عليج وطمعان بيج مسمعت كلامها هاي حوبة علي بيه طلعت خابر عمي ع عمتي وداد -وداد وينج ربع ساعه يمي انت ضليت اني بمكاني وع كعدتي وعمي يسب ويغلط يستحي يفوت يمي طبت عمتي هي ونور و مسره شافت ياسر مزورك وملخ تملخ كالت شكوو يمةة شبيه ابني متعارك ابنج عاررر ابنج سااقط شكووو شبيه شوفيه شمسوي وي بت عمه منوو بت عمه ذيج شوفيها ملاك جايبها للبيت و لاعب عليها شنووووووو دخلت للغرفه شافتني شجابج هنااا ولج عمةةة ياسر هو جابني ولج ك... س ... تردين تذبين بلاويجن علي ك . انت خواتج ذيج لعب عليها ابن الشيخ وعافها وهسه انت جاي تذبين بلاويبج ع ابني امشي اطلعي بره عمةة لا والله اسسسسسس دخل عمي هاي كدرتج ع الطفلة متحجين وي ابنج طايح الحض -هنه ممربايات بنات وفاء -وج عوفينه منها تعاي خل نلكه حل للمشكله -حل شنوو هي تولي لامها وطبها مرض هو منو ياخذها مشوها عادي محد يعرف الجانت بنيه واله لا -صدك تحجين عرض الناس عندج عادي ولج هاي بنت اخوي يعني عرضي -شتريد كلي -ابنج يزوجها -شنوووووو ابني ياخذ هاي المشوهه ليش شنو ناقصه -يطبه مرض هو جابها لنفسه وداد كلمه ومتصير اثنين لا وحق الحق وحق القران طلاكج ع ايدي وابنج اكتله خلاص واكله لعمه وهو يصرف اليوم بالليل اروح اطلبها من اخوي لياسر وهذا الاسبوع ازوجها اله ورجله فوك راسه ضلت عمتي تغلط علي وع امي واخواتي واني ابجي شصار بيه يربي شسويت بروحي شلون اخلص من هاي السالفة حازم كام يصيح مااريدها اكتل روحي لو زوجتوها الي تردون الناس تضحك علي ماخذ؟مشوها غلطت وعاقبوني مو تزوجوني ياها صار صياح ومرت عمي تفشر وتسب وتغلط واجتي دفرتني وفشرت انوب لزمتني من شعري شكووباقيه يله ولي عمي شافها جرها مني كالي بيش الساعة تحلين من دوامج ب ١٢ ونص عمو وابجي فدوه عمو سامحني عمو لا دكل لابوي والله امي تموتني كال انت ماريدج تحجين وتجيبن طاري هسه اغسلي وجهج والبسي وتصير ب ١٢ اوديج يم باب البيت وكانما مصاير شي واني اليوم اخطبج لياسر انت لو سئلوج كولي موافقه عمو تره لمصلحتج تزوجين ياسر . ادري بيه طايح حض وميستاهلج بس لازم نلم الموضوع ابوج وامج لو دروه يذبحوج جان يحجي واني اهز براسي وابجي عمتي تغلط وتصيح ولاسكتت وعمي يصيح على ياسر ونور هم تغلط اوووف اصعب يوم بحياتي صارت ب١٢ اخذني عمي وصلني لراس الفرع طبيت صارت امي بوجهي عصبيه ولججج ملاك شعدج وي ياسر هااا شنوو شعندي انت كولي شعدج نيران دكول عدها شي وي ياسر احجي ولج جرتني وضربتني وكعت بالكاع الدنيا افترت بيه من الصبح لهسه ابجي ونزف صار عندي وكعت وامي تصرخ كامت يمةة ملوكه شبيج راسي يفتر ومااشوف كومتني امي وغسلت وجهي يمةة مصوفره شبيج شافت دم ع رجلي شنوو هاي جايتج كتلها اي وج يمةة كولي شعدج وي ياسر صدك عندج شي احجي يمةة فدوه عوفيني والله تعبانه بس خل ارتاح واحجيلج #تشوه_خلقي للكاتبة ام مصطفى البارت الرابع عشر كوه عافتني امي صعدت الدرج كوه امشي وانتجي ع المحجر فتت للغرفه شفت نيران تبجي اخخخ شسويت بيج وبحالي شافتني دارت وجها فتحت كنتوري بهدوء اخذت ملابس ردت اطلع للحمام صاحت علي عساج ماتهنين ياملاك التفتت عليها دعوتج متنزل الكاع لا تخافين مراح اتهنه كالت شنو قصدج عفتها ورحت اسبح دخلت اسبح وغسلت ملابسي بيدي وطلعت جنت ابجي عيوني مسكتت ابد كل شويه اذكر الي صار واذكر بشاعته والي سواه وياه وكلامة مشوهه مااريدها لعد ليش دكلي احبج جنت تجذب علي ليش عيشتني بوهم جنت قابله بقدر رب العالمين ومامهتمه لتشوهي ليش دخلت حياتي شنو ذنبي اني فوك همي انت دمرتني شنو ذنبي ذنبي حبيتك وصدكتك اه ياربي موتني وخلصني ولا ارجع اله اتمنيت احجي لاحد عندي هواي اسئله ابالي اريد اعرف الها جواب رجعت فتت للغرفه شافتني نيران وكفت ملاك شنو قصدج شبيج ليش تبجين شصاير ماكو شي مصار نيران سامحيني اني كذبت علي مااخذ شي يعني مشفتيه لا لعد ليش؟كلتي هيج بعدين تعرفين بس سامحيني فدوه حوبتج بدت تحركني حرك وج ملوكه شصاير احجي كولي مو مهم علي انت اهم انت اختي كولي شصار كمت ابجي من هيج كالت انت تفكرين بيه واني خربت حياتج ومفكرت بيج نيران اني بمصيبه وكعت احجي اني اختج اساعدج اخاف احجي ليش اخاف امي تسمع لا والقران مااحجي لامي بس كولي شبيج مو موتيني خوف كعدت بالكاع ابجي واحجي حجيت الها ع الي صار اليوم بس مجبت طاري الفلوس جنت خايفه تكرهني كامت تضرب ع وجهاا يمةةةة عزه العزاج صخام بوجج وج شلون هيج سويتي انت تعرفين شسويتي ولج لو ابوي دره يذبحج خلاص وج انت هسه بله شرف ضحك عليج الناقص هذا يمةةةةة عزه بعينج كمت ابجي حيل اخخخ شسوي موتيني وداعت ابوي وداعت امي مااعرف هذا الحجي ولا اعرف شنو يعني كل ضني الزواج بس محاضن مااعرف والله محد معلمني هالشي -لا تتحجيين ولج شنو محد معلمج ولج امي شكد محذرتنه من ياسر من جان يجي مو دكل النه لا تطلعن لان تعرف اخلاقه موزينه اني مو حذرتج مو نصحتج وانت شسويتي عيرتيني بعلاقتي بعلي لج علي يسوه ياسر وعشيرته لج احنه مخطوبين وعاقدين وعمره مطلب مني شي جان يخاف علي اكثر من نفسي ليش هيج ليش شسوي هسه يربي شسوي بس كون عمي يضل ع حجايته ويجي يخطبج -يعني شنو. يعني لو وداد ماغيرته هسه وترست راسه عليج لج اذا ميزوجج يعني نهايتنا كولنه -ليش انتو شعليكم -وج هذا شرف عائلنه انت طفله صدك طفله ومتفتهمين لو صار عليج شي احنه كولنه راح تتدمر حياتنا فدوه دبريني ملاك شسوي اكتل نفسي واخلص نامي امشي لا تشوفج امي بهالحاله وخل ننتضر عمو منا لليل لو ماكوو اني اروح اله للبيت -ان شاء الله يجي بس خل اخلص من هالمشكله سئلت ملاك هواي اسئله يله افتهمت يعني شنوو مصدكوني اذا اكلكم كلشي ماافتهم جنت نمت ع سريري وارجف اشوف نيران تروح وترجع بالغرفه وتسب بياسر وترجع دكلي غبيه ثوله وتدعي الله يخلص هلي الشغله ع خير غفيت من البجي والقهر والوجع استحي اكلها لنيران ع الوجع البيه والدمايه نمت كعدت المغرب شفت نيران فارشه مصلايه وتقره قران نيران شصار بيش الساعة ماكو شي غمزتلي جانت سوزان تقره بالغرفه سوزان حياتها عباره عن دراسه تحب تدرس ومتلتقي باحد حتى احنه خواتها مو هلكد تسولف ويانه حتى بالعطله تجيب كتب وتدرس للسنه الخ التفتت شفت سوزان كالت نيران ارتاحي لا تكومين انت مريضه مبين عليج هسه سوزي تصعدلج اكل تاكليه يله سوزي اطفري خطيه تره ممتغدايه وذيج الشغله جايتها ومريضه خلت الكتاب ونزلت التفتت ع نيران ها مااجه عمي لا ولج ماكوو هو كال بالليل يله مضل شي لليل اخ منج ليش هيج سويتي بنفسج خليتي ركبتج بيد وداد ونور وج طول عمرهن يكرهنه وحاقدات علينه هسه ميصدكن يلزمن لزمه ع ماما ليش هيج ولج كافي تلوميني والله البيه كافيني دكومي توضي وصلي واستغفري ربج بلكت تقللين من ذنبج ولو ذنبج جبير كولش مااكدر مو نضيفه شنو يعني من هيج سوالي ياسر واني انزف يمةةة وهسه بعدج ها ماادري وج شلون بيج يرادلج دكتوره ولو رحنه تنفضحين شسوي هسه يربي كومي للحمام وتاكدي الله لايوفقه الحقير الحيوان كمت دخلت غسلت وبدلت ملابس الداخليه وطلعت هااا لا ماكو هسه مكطوع النزف اي الحمد لله بسع وجع عندي نيران اتحملي لعد شنسوي صعدت سوزان بيدها صينيه كالت ماما سئلت عليج وجانت ضايجه منج شكووو شمسويه لامي ممسويه شي صدك عمو رحمن يمنا جاي يصلي وامي دكول خلي وحده تنزل تساعدني نسوي عشه لان يمكن يتعشه راح يمنا باوعت ع نيران اجه جرت نفس الحمد لله كالت اني نازله نزلت نيران واني ع نار ولا كلت لكمه مااكدر سوزان كالت متاكلين مااشتهي مااريد لعد شكوو كلتي جيبيلي اكل مو اني نيران كالتلج دكلي يمعوده مااشتهي والله شويه ورجعت نيران -ها بشري عمي حجه لابوي وابوي صاح ع امي واني اجيت اكولج -ياربي دخيلك يله نازله شويه واصعدلج نيران رغم كل الي سوته بيه ملاك بس تبقى اختي اعرفها مو طبعها هذا بس ذاك الجلب يقره براسها وقشمرها وهي طفله مو ابرر الها بس هي عدها نقص ووضعها خاص اكيد ضعفت كدامه لان تعرف محد يتقبلها نزلت جوه لكيت امي مثل متعجبه شكوو يوم عمج خطب ملاك لياسر -هاا وانت شنو رايج يووم والله مصدومه ومجاي استوعب من يوم يومها وداد تكرهني وتقلد ع اختج هي وبناتها شنو الي تغير وشنو الي يجبر ياسر ياخذ وحده مشوهه اكوو شي بالموضوع غلط معقوله طمعانين بفلوسنا اييي اكيد ماكوو غيرها مع ذالك حتى لو طمعانين لازم اوافق لان منو يقبل باختج اووف تشوش فكري مااعرف شصرف دخل ابوي وفاء اصعدي لبنتج شوفي رايها شنو هاا غير كون اني اقتنع يله هي لج انت متعافيه غير الله رحم بحالها ويجي ياسر يخطبها والله كبر بعيني هو واخوي رحمن شفتي وتحجين عليهم ولج اخوي ياخذ بنتي لمشوهه لابنه لا وجماله الوسطاني يكلي مصدكت ابني رادها كلت ازوجه قبل اخوه الجبير -والله متدخل عقلي سلمان هاي السالفه انت طول عمرج عندج سوء الضن مثل مسويتي وي علي من جابوا طاري علي روحي راحت كلها بعد ممنوع تتدخلين بيهن مصدكت تزوج حمل جنت شايله ع ضهري روحي بابا اصعدي انت واسئليها حتى نحدد الخطبه ووره الامتحانات يزوجون -شنووو انت شتحجي -ايي اني تكفلت كل مصاريف الزواج هديه مني لياسر ع طلعته الي طلعها والله سبع طلع صعدت لملاك حجيت الها الصار ضلت ترجف شبيج مو هذا ياسر الترديه لج مسمعتي شلون يكول مشوهه ومااريدها وعمتي تفشر والله اخاف اعيش يمهم من بعد الي شفته اليوم انت غلطتي تحملي غلطتج اصلا الله يحبج عمي عرف ولملم الموضوع جان ابوي ذبحج ع القبله انت لحد الان مستهانه بالي سويتيه هسه ابوي منتضرني شكله ؟ كليله موافقه لعد شكله نزلت لابوي بابا موافقه راح يبلغ عمي وامي اندارت علي الصبح كتيلي ملاك عدها شي وي ياسر شي مثليش ولزمتني من ايدي اخخخ ماما يعني علاقه يحبها وتحبه هيج سمعت منها عزززه بعينجن خبلتني ولجن عود اني مانعتجن تلتقن باحد وهيج لو مطيتجن حريه شلون حرامات الربه بيجن علاقه وي ياسر ليش هووياسر بقه وحده ملعب عليها مو ذاك اليوم وحده كلتلي لازمته يراسل ابتها -منووو -وحده حلفتني مااكول اسمها وضلت اتدعي عليه تكول يجرجر ابتي اووف ضليت بحيره من امري الرفضته فرصه متتعوض البنتي والقبلت اخاف عليها منا وبالاول والاخير ابوج مراح يقبل شوفي ميصدك واحد يتقدم الكم بسرعه يقبل هسه شحجي للناس اصغر وحده تزوج اووف يوم خليها تزوج هي وضعها خاص واحنه غير الله يوفقها لا توكفين بطريقها اتفقوا بعد يومين الخطبه #تشوه_خلقي للكاتبة ام مصطفى البارت الخامس عشر ملاك بيوم الخطبة امي اخذتني تحفني ع اساس حتى ام الصالون تعجبت شلون ازوجت وشتحفين بيها بوكتها امي التفتت وهي تغم نفسها دكول امداني هاي تزوج واني ضاله حفتلي حواجبي ومكيجتني طوخ كلش بلكت يروح الحمار شويه صرت قرقوز عبالك استغفر الله يربي هسه ليش من دون البنات اني هيج شكلي وفوكاها صاربي بيه هيج من وره ياسر جنت ابد مفرحانه وحزينه جنت اكول لروحي مو هذا ياسر الجنت احلم ازوجه هاي اتزوجته ضوكي ملاك ضوكي رجعنا للبيت لحد الان محد جاي غير عمي ذاك اليوم وبعد لا خبر والااجوو حتى امي تحجي اذا مراضين شكوو ذبو احجاية وراحوو ابوي دخل كال بعد ساعة يجون اي زين وعوجت حلكها امي كدامه كلها جنج مقابله فوكاها لج احمدي الله واشكريه الف مره راح ياخذ بنتج يله حضرن شرابت والكيك الجبتهن جان ابوي كلش فرحان خوالي جانوا موجودين وبيبي هم جنت قلقه ومرتبكه ومبين علي الحزن والخوف كل شويه امي دكلي ليش مفرحانه شبيج متغيره اكولها مابيه شي ساعة ودخلوا مرت عمي مجايه بس نور وخالاته وعمي وولد عمي طبن امي سلمت وسئلت ع وداد جان دكول مريضه والله ومكدرت تجي امي تتعذر منج امي شصار بيها اشوف وجها يطي الوان نور وكفت يمي بدال متسلم كالت عابت لهالخلقة شطالعة جنج مهرج ويع الله يساعد ياسر اووف لو عدج ذرة كرامة كولي مااريده بس انت مصدكتي نزلت دمعتي يربي ساعدني شورطت روحي شسويت بحالي كعدن عبالك فاتحه ابوي صاح ع العقد راح يطب الملة يعقد الكم اي بابا كومتني نيران كومي نيران تخزر بنور لان سمعت كم كلمة كالت شتكولج يمعوده شتكول عوفيها اخخخ يالقهر هاي نويره تجاوز وترفع خشمها علينا امشي امشي لبست عبايه وطبيت دخل ياسر عبالك جايبه للاعدام السيد يسئله وهو ساكت كوه حجه خلصنا وطلع كبل بوجهه للاستقبال واني رجعت لا هلهلن ولا شي عبالك جنازه مرت خالي تالي هلهلت شنو شجاجن خايبات خطيه العرسان دهلهلن جان دكول نور اعذرينه منعرف امي ماتت قهر طلعوا بسرعه وامي بسطت بالكاع وتلطم مااريد افسخ الخطبه شنو مجبورين ذول خطبه لو فاتحه هاي بنتي عندي ولا هالمنيه ابوي عاط بيها اني العب يوميه تنخطب وحده وافسخها ولج انت ماتحمدين الله وتشكريه انت وحده متعافيه الصوج بيه دللتج زايد انت وبناتج اسكتي لو ترحين وي اهلج عاط بامي وضل يغلط وامي تحجي راد يضربها حيدر اخوي لزمه بابه ع كيفك بيبي خطيه اجت تتخربط ومرت خالي شصار بيها كامت ترجف اخر شي كلها ضله مااضلج بالبيت اروح يم ناديه هواي احسلي انت وحده متتعاشرين وبناتي مالج دخل بيهن وانت ملاك جهزي نفسج شوكت تخلص امتحانات تزوجين لزم سويج سيارته ومبايله وراح طلع بييي ضلت تحجي ع امي كافي يمه ميصير هيج يجوز المره صدك مريضه -ولج يمةة تعلميني بعيارة وداد وبمكرها هاي عدها شي مااعرف شنو غايتهم يربي راح اموت شجاب ياسر ع وداد اووف ولج فكرج خلاج يم وداد محد يعرفها مثلي ضلت امي تحرك واني شبعت بجي بيبي تسكت بيه بيي ميصلح كافي اووف يربي ساعة السودة عليك ياسر صعدت غسلت وجهي ونزعت وضليت فوك منزلت بس ابجي متت والله شلون راح اعيش وياهم شورطت روحي بس اكل باصابع ادي متندمه كلش شلون اخلص نيران كالت هسه ازوجي وانستري وعود نلكالها حل اذا معجيج الوضع اطلكي منه حبيبتي واخلصي وابوي شلون وامي لكل حادث حديث اهتمي بدروسج محد يفيدج وانت شاطرة حرامات تروح سنه عليج ادرسي حبيبتي وهي وين متصفى تصفى -اي ان شاء الله رجعت اداوم اخر ايام الدراسة يطونه تلخيصات ومرشحات وبعدها كعدت بالبيت عطله قبل الامتحان بهاي الايام ابد مشفت ياسر ولا اجاني بعد بس ابوي خابر عمي كله شكد تحتاج فلوس كلي ادزلك للعرس وملاك جهازها وذهبها علي طبعا ابوي مابات يمنا بعد ابد يجي ساعه ويروح لخالتي ناديه جان زعلان وميحجي وي امي وامي ميته قهر شال ابوي فلوس ٣ ملايين كال اشترولها ذهب وملابس واذا احتاجت بعد اطيها امي رادت اروح وياها كتلها عندي دراسه روحي انت اشتريلي جنت مفرحانه ولا عندي واهس اصلا احس راح اروح للموت من اسمع بالعرس .. عاد امي كامت تشتري وتجي اسبوع جهزتلي كلش طبعا لاحظت ابد مفرحانه حتى بالذهب كالت ليش يمةة مااشوف عدج فرحه بعيونج اشوفج حزينه ليش مو ع ساس انت تحبيه ويحبج لا ماكو شي يوم والله ميته قهر عليج بنيتي من جنتي صغيره شردت بيج من وداد لان جانت تعيرني بيج وتقلد عليج اعتزلت كل الناس وحرمت نفسي من الطلعة حتى محد يأذيج بكلمه وماتحسين بنقص عن البنات تالي لفيتي لفيتي ورديتي لوداد وج يمه متتعاشر والله عجيب ليش خطبتج لابنها ولو هي واضحه ابوج تحمل كل تكاليف الزواج اكيد هو هذا اليردوه افلوس طمعانين بالفلوس اووف شلون اقنع ابوج ويرفض المشكله عند وياي بسبب شغله علي ونيران حض ماعدجن شبيدي عليجن امي تحجي واني اكل بروحي اكل ليش شسويت اني زين ليش محد كلي هالحجي هسه يله عرفت عمتي وداد متحبه وتقلد علي ليش محد كلي اشو هسه كل الحجي طلع ولو اني مجنت اشوف غير ياسر جان معيشني بحلم وردي الحقير اووف اخذ الفلوس وشرفي الله لايوفقك طول العمر عساك ماتهنه بدت الامتحانات واني بديت اسوي تحدي وي نفسي اقره ومركزه بدروسي حتى اطلع درجات زينة نييران من يوم الي فسخت الخطبه وبعد علي لا خابر ولا سئل اشتاقيتله اتمنى اراسله اتمنى اخابره بس شكله اووف كمت اداوم للكليه وكالي واهس كلشي كل شويه اتخيله فوك راسي واكف ويكلي شلابسه غيري هالبس تعذب وتعبت ع فراكة علي اعرفه عنده كرامه وكبرياء مستحيل يرجع يتصل بعد بيه يارب ساعدني ملاك خلصت امتحانات بس تمنيت تطول بعد اكثر الايام مااريد زوج بس للاسف خلصت ركض ابوي قرر نزوج وبالاصح عمي يلح عليه جان خايف لا يصير شي ابوي كال هذا السبوع العرس شعدكم نواقص كملوهن امي ضلت تحجي -ادري بالصدك بالجذب يجون يكولون شمحتاجين يجي الولد لخطيبته فهمني شنوو قصتهم سلمان خاف انت مقترح عليهم يتزوجون ملاك لياسر وتطيهم فلوس كوول شنو الفلم -انت اسكتي لا تحجين مالي كلام وياج خلي تزوج ملاك وحسابج عسير وياي رجعوا تعاركوا من جديد يبووي كوه فاككناهم بعد كم يوم امي اجرتلي بدله للعرس حتى حنه مسويت كتلها مااريد اخذتني نيران للصالون -وج نيران شلون بيه راح اروح الهم اخاف والله اخاف يسوي بيه مثل ذاك اليوم والله حسيته مو بشر وحش اخاف منه كرهته وكرهت نفسي شسوي فهميني من البارحة افكر انهزم شدكولين انهزم واخلص -وج انت شتحجين شلون تفكرين تطلعين من غلط ادخلين نفسج بغلط اكبر منه شنو تنهزمين ليش؟ مراح يلكوج اسكتي اسكتي كبري عقلج كافي تصرفاتج الطفوليه هاي بطليها .اتصرفي بعقل هي مده وكولي مااريده وطلكوني واخلصي منهم والله يوم مااتحمل اعيش -هذا اختيارج وانت تحملي سوء اعمالج نيران خل اعترفلج -شنوو -اني اخذن الفلوس واطيتهن لياسر -شنوووو -ايي اني وتهمت علي ياسر كلي محتاج فلوس كم يوم وارجعهن بس كذب علي جان معيشني بوهم وبحلم صحيت منه ع كابوس -يمةة مدا اصدك ولج شلون تفكير عندج وج شنوو من غباء شايلته وخبث خبيثه فرقتينه اني وعلي كله بسببج -ادري كرهتيني هسه -مو بس كرهتج لا وحقدت عليج عساج بهذا الحال واخس تدرين شسويتي انت دمرتي حياتي كسرتي كلبي -ادري والله سامحيني نيران فدوه اروحلج ابوس ايدج سامحيني -كافي اسكتي مااريد اسمع صوتج ضلت هي تبجي واني ابجي رجعت من الصالون لكيت البيت هوسه امي عازمه خوالي وجوارينه وفوك هذا ابوي جايب خالتي ناديه واخواني وامي متخبله ماريدها تحضر بس تخاف من ابوي وساكته اجت مرت ابوي سلمت علي وباركتلي جان الخير مبين عليها لابسه الذهب كله وامي تشيل روحها واطكها بالكاع . تصيح حض ال .... وتسمع بيها وهي ولا يمها لابسة الوضع مثل منكول بيبي اطتني قران خلته بيدي بيبي الزميه يحفضج ان شاء الله ان شاء الله بيبي صاحت ع خالتي تعلمتي ع العرس تحجي واني مستحيه ياريت احد معلمني قبل بعد شوية اسمع هورنات كالو وصلوا كمت ارجف مثل السعفه من الخوف طب ياسر لابس قاط ماروني وطالع يجنن كلها تباوعله محد يباوعلي بالعاده الناس تباوع ع العروس اني العكس عايفيني ويباعون ع جمال ياسر لزم ايدي حيل راد يكسرها كتله ع كيفك جرني ومشاني للسياره طلعت من بيت ابوي بيت العز والدلال للضيم والذله والخدمة كله من ايدي لازم احصد الي زرعته وللحكاية بقية ام مصطفى | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
