18-11-19, 03:22 AM
| #1093 | ||||
 
|  مظاهر الهدنة اللي بين راشد وبدور دي وإن لم تكن مبشرة لرجوعهم لبعض أكيد بس أهي هدنة يعني على كلام نور إننا ما شاء الله الله أكبر لسه بنسمي وندخل عنق الزجاجة يعني لسه هيقطعوا بعض سؤال محير بقى ايه اللي ممكن أي من الاتنين يعمله يخرب الهدنة دي؟ أعتقد دلوقتي الاتنين بينهم إتفاق ضمني على إن ابنهم أهم منهم ومن أي حاجة في الدنيا عشان كدا مبيقتلوش بعض بالإضافة لده بدور رجعت لوعيها المفروض بدليل كلامها عن إنها أكيد مش هتمنع راشد عن ابنه وعايزة تحاوطه بأكبر قدر من المشاعر حتى لو هي مش طايقة راشد (هنعمل مصدقينها هنا 🌝) أكيد اللي هيحصل مع سَبنتي من البقر نضال وجوان هيشقلب حياة راشد بس ممكن يفكر إن بدور بتنفذ تهديدها للقديم ليه ؟ وهل بدور هتتعلم من كارثتها مع هناء ومتدخلش في اللي ملهاش فيه وتبوظ الدنيا في مصيبة سَبنتي ولا هتبهرنا كالعادة | ||||
|  |
|
18-11-19, 03:23 AM
| #1094 | ||||
| مواجهة دامية جديدة في السلسلة وإن كانت دي أقساهم وأشدهم أثراً في نفسي لورين وشبح ماضيها المذنب الأكبر في نظرها وسبب كل مصابهم لوهلة حسيت لورين شبه ممدوح في مرحلة ما قبل تقبل مساعدتها عايز يفضل في ظلامه شايف نفسه ميستحقش إنه يكمل حياته ويحصل عالمغفرة ويغفر لنفسه حسيت إن لورين شبه كدا برده إنها لو سمحت لأيوب بالقرب هتلاقيه رجع لشخصيته القديمة الأولى أبوها اللي بتحبه مش أيوب اللي ضيعهم خايفة إنه لو بقى كدا فعلاً وقرب منها هتسامحه وزي ما مفتاح أوضة ممدوح الضلمة كان اعترافه بحقيقة مريم والأهم تقبله للمساعدة كهف لورين اللي تحت الأنقاض مفتاحه هو أيوب ومغفرتها له المواجهة مروعة عياط للركب هنا وإجابة صريحة لسؤال ليه أيوب مراحش للورين الأول عشان هو معندوش حاجة تشفعله عندها ولا أي حاجة والمعرفة اللي كان فاكرها هتبقى في صفه طلعت لعنة عليها وعليه بالتالي مفيش غير التوأم اللي يقدر يغريها بيهم أيوب ذكي جداً وعارف إن لورين مش هتسمعه لو عاملها زي التوأم وأغدقهم بحنانه صعب قوي إنه يجلدها كدا بس متأكدة إن الضربة كانت بتنزل عليه مضاعفة قبلها خاصة لما عرفها بموت نسرين 💔 ولما لامها عشان منعت نفسها عنها وماتت واسمها أخر اسم على لسانها وانهيار لورين وكأن نسرين هي الورقة اللي كانوا متعلقين بيها وموتها وقعهم وكسرهم كلهم المشهد موجع لأقصى درجة 💔💔💔 شبه تاني بين حالة لورين وممدوح لما قالت عنه صديقها بتحمي نفسها بإيذاء أيوب كانت عايزة تأذي أيوب بأي تمن حتى لو على حساب اي شخص لدرجة إنها مكنتش مستوعبة أصلا إنها بتأذي ممدوح | ||||
|
| |
|
18-11-19, 03:24 AM
| #1095 | ||||
| هناء وإدراكها المتأخر لخطأها في حق نفسها قبل جوشوا ونزار خطأ نتيجته قهرتها هي أكتر منهم رغم إن المفروض نزار أكتر واحد تضرر بس قلب الأم ملوش قوانين واعترافها التاني إن سوء تصرفات نزار نتاج صفاتهم هم الاتنين بعد ما كانت مقتنعة إن صفاته السيئة من جوشوا وبس جوشوا الفارس النبيل اللي لسه بيجلد نفسه لحد دلوقتي مش بس على ضياعهم منه زمان لا ده على تصرفات مبقاش محاسب عليها بعد إسلامه اللي رغم فقده الأمل في عودة هناء ليه بس مش قادر يبعد ولا قادر ميكونش سند ليها بيحاسب نفسه على وعد مكنش في ايده ابدا ينفذه والهدنة أخيراً الاتنين اللي صراعهم مع نفسهم قبل المجتمع والناس والقيم وضد بعض من زمان قوي مرتاحوش آه ومش هيرتاحوا قبل ما ابنهم يرتاح ويرجع لحضن أمه بس الهدنة بينهم معناها كبير قوي بالنسبالهم | ||||
|
| |
|
18-11-19, 03:25 AM
| #1096 | ||||
| من بداية ظهور جوان وإحساسي بيها طفلة عندها 15 سنة خدعها صديق العائلة الموثوق فيه وانتهك برائتها في حرب ملهاش علاقة بيها وبعدها أبوها ضهرها وحمايتها في الدنيا بدل ما يجيب حقها رمى اللوم عليها وتحولت من ضحية لجاني واجب عقابه كمان رغم إن حتى لو عزام مكنش بيخدعها هتبقى ضحية لأبيها برده هم انشغلوا عنها بحياتهم ونسيوا يزرعوا فيها قيم دينهم وعاداتهم ولما حصل اللي حصل ظهرت النزعة الشرقية الأسوء وهي لوم الضحية وجلدها قلت إن لقاء جوان وسَبنتي هيبقى أم وبنتها الاتنين في نفس السن الفرق إن البنت أذكى وأعقل وأكثر ثقة بنفسها مليون مرة عن أمها بس ذكائها ده للأسف كان ضدها مع تهور أمها وعدم قدرتها على لجام نفسها ورهبة الموقف كمان اللي خلتها متلاحظش رعب سَبنتي من الإستنتاج اللي وصله عقلها مقدرش أهاجم جوان يعني هناء وبدور اللي كانوا محاطين بالحب والحماية فترة كبرهم وحتى لما كبروا لما حصل معاهم مصيبة وبدأوا يخبطوا في الحلل الناس بقت تديهم العذر بس جوان اللي من يومها بيتداس عليها نرجمها ؟! في رأيي اللوم هنا على نضال كنت متخيلة إنه هيبقى لجام جوان يمنعها من أذية سَبنتي وهي مش واخدة بالها بس طلع معمي تماماً في كل ما يخص جوان وبدل ما يساعدها بيجاريها في تصرفاتها و هي أصلا متخبطة ومينفعش تاخد قرارات بدل ما يكون هو العقل وصمام الأمان بينفذ كل رغباتها بطواعية مريبة والنتيجة ؟! حالة من الهلع انتابت سَبنتي لأن جوان في غمرة مشاعر اللقاء بعد طول فراق وصلتلها معلومة غلط إن الوحيد اللي بيحبها وبيراعيها وأكتر شخص بتحبه في الدنيا كلها هيبقى سبب دمارها ولفت انتباهي كمان لما سَبنتي قالتلهم خدوا بدور كوميديا سودا في رأيي هي شايفة إن بدور أهم منها في عيلة الراوي وخطف بدور هو اللي يجبر عيلة الراوي على أي حاجة بس خطفها هي ميعملش ده رغم كل الحب اللي موجود ليها بس إحساسها باليتم متغلب عليه صعبانة عليا جداً وأنا شايفة مأساة أمها بتتكرر وإن اختلفت المصيبة واختلفت الابنة عن الأم | ||||
|
| |
|
18-11-19, 06:52 AM
| #1097 | ||||
| الوصف الأدق لحالة أيوب هو اللي حسته مرح كأنه خسر معركته الأكبر أمله كله متعلق بلورين أول الأبناء ليه مكانة خاصة مهما جاء أبناء غيره وبقول مفضلين للأبوين محدش بيقرب حتى من أول فرحتهم خسارة المواجهة دي مع لورين فكرته بخسارة الوطن والأهل والعرض فكرته بكل اللي راحوا أبوه اللي مقدرش حتى يدفنه طلعت كل مشاعر الذنب والندم عالسطح وفجرتها بعد طول تماسك أظهرت الضعف اللي كان مستخبي تحت قوة موجودة فقط عشان يلاقي ولاده ويضمهم لحضنه تاني بالفعل هي معركته الأكبر بس مخسرش الحرب على جانب أخر مرح جنبه عايزة تساعده حتى وهي متعرفش تساعده على ايه ولا إزاي عايزة تقف قدام أيا كان اللي أشهر سيفه في وجه أبيها خطوة كبيرة ومهمة لأيوب في حرب استرجاع ما سُلب منه بغير حق على قد ما اتوجعت عليه وقهرتني ذكرياته على قد ما فرحت بموقف مرح معاه مرح القوية كالعادة رغم كل اللي مرت بيه | ||||
|
| |
|
18-11-19, 06:52 AM
| #1098 | ||||
| وكأن كل الآباء في الرواية كتب عليهم المحاربة لأجل صغارهم راشد على أعتاب معركة حياته الفعلية مش المناوشات اللي بينه وبين بدور معركته الأهم هي الحفاظ على سَبنتي اللي قال لبدور أيا كان اللي في الكفة التانية حتى لو أنتي كفة سَبنتي ترجح نمر الراوي صاحب الصيت الواسع في مجال الأعمال القاسي مصاب بالهلع وخوف هستيري من تلميح إنها تكون عرفت معلومة عن حقيقتها والأبشع معلومة نصها الأهم خطأ وهيتسبب في كارثة في كل جوانب حياته وأهمها علاقته بيها لما سَبنتي افتكرت ظهور مريم وحقيقة نسب نزار وشبههم بموقفها قلت ياريت كنتي زيهم مصيبتك تقهر أكتر منهم أبوكي جنبك حواليكي ورافضك أمك عايشة محرومة منها زي ما اتحرمت هي منك دايما عايشة بإحساس اليتم هيكون إيه إحساسها لما تعرف أن والديها عايشين وكمان أبوها رافضها تماماً ومن تعامله معاها بتحسه بيكرهها موجع قوي التخيل معرفش راشد يقدر يعمل ايه عشان يعوضها ومقدرش ألومه على إخفاء الأمر عنها حتى بعد اللي حصل لنزار الموضوع مختلف تماماً على الأقل نزار عاش في حضن أمه وأبوه كان هيموت من فرط الاشتياق والبحث عنهم | ||||
|
| |
|
18-11-19, 06:53 AM
| #1099 | ||||
| نضال وإحساسه الملازم بالذنب الذنب اللي مبيعملش أي حاجة عشان يمحيه أو يكفر عنه غير طبعاً شوية الغضب على جوان هل كفاية عليا جلد الذات اللي بيعمله طول الوقت ده؟ استفدت ايه أنا كدا حتى الفايدة الوحيدة اللي قلنا هيعملها وهي إنه يبقى العقل ويحجم تصرفات جوان النابعة من عاطفة أم بقالها 15 سنة محرومة من حضن بنتها بردك لحد دلوقتي بيفشل ناهيك عن الطريقة المروعة اللي متخذينها عشان يعرفوا سَبنتي حقيقتها بعيد عن راشد اللي ممكن في معمعة المعلومات القذرة الزايدة عن اللازم دي علاقته بسَبَنتي تهتز يعني عمود حياتها المستقرة يتشرخ !! هل ده هيبقى كويس يعني ؟ هيبقى رجع الحق لصحابه ؟ المفروض انه عارف جوان أكتر من أي حد في المرحلة دي من حياتها ومتأكد إن مينفعش يسيبلها الأمر كله تتصرف فيه ويقف يتفرج أتمنى يكون ليه دور يحجم الأضرار الكارثية اللي هتحصل في حياة الغلبانة دي | ||||
|
| |
|
18-11-19, 06:54 AM
| #1100 | ||||
| ممدوح ولورين وبداية الاختبار الحقيقي هيقدر يستحملها في فترة حربها مع أشباحها زي ما بتعمل معاه ولا نفسه القديمة هتظهر على السطح وتسيطر عليه تاني ويأذيها وكأن لورين ينقصها التخبط ده بالإضافة للقايمة الطويلة من الآلام في قلبها وروحها لحد دلوقتي ممدوح العون والسند ليها من أول الخطوة اللي أفسحها لأيوب عشان يقرب من لورين كأنه بيشجعه ويعطيه موافقته الضمنية على القرب وده نابع من عقدته من حسين مش هاين عليه علاقة بالسمو والدفء اللي عمره ما حس بيه ولا سمع عنه تنتهي كدا ومتكملش وبعدها تشجيعها على زيارة التوأم وإنها من القوة والعدل اللي تخليهم يتقبلوها كأنه بيقولها مين يقدر ميقبلكيش في حياته مين أفضل من ممدوح يشجع لورين على لم الشمل مع عيلتها مين عارف أكتر منه وجع عدم وجود عيلة ودفء حواليه ومين هيعرف أكتر منه الندم على فقدان ما تبقى من عيلة بسبب أفعاله عشان كدا محدش أحسن منه يشجعها تروحلهم محدش يقدر يعمل الدور ده مع لورين أفضل من شخص فقد كل ده | ||||
|
| |
 |
| الكلمات الدلالية (Tags) |
| #شظايا القلوب ... رومانسية .. اجتماعية .. درامية |
| أدوات الموضوع | |
| انواع عرض الموضوع | |
|
|
439Likes
العرض العادي
