شظايا القلوب(3) سلسلة قلوب معلقة *مميزة ومكتملة*

[Nor BLack]

المشاركة الأصلية كتبت بواسطة merna zregat

فصل رائع جداا ومؤثر ..بكيت ع مشهد بدور وهي تتخيل انها حاضنه ابنها بكل القهر الموجوع داخل قلب ام مصدومه بفقدان ابنها ....جسدتي المشهد ببراعة كاتبه مبدعه 😍😍😍😍😍😍😍😍😍

شكرا لرايك الجميل حبيبتى اسعدتينى اتمنى القادم يعجبك فرحتينى حبيبتى باعجابك بالمشهد رغم وجعه

[Nor BLack]

المشاركة الأصلية كتبت بواسطة bella vida

اقسم بالله اكتر حاجه فعلا توجع
ان احنا فعلا مفيش في قلوبنا رحمه على بعض
ممدوح
كنت على يقين إنه هيندم أشد الندم لوصوله للحضيض
مش باحب الشخصيه دي نهائي من بدايه أفعاله بمريم واداركه لحقيقة وضعها والظلم كنت اتمنى ان تكون بدايه يبحث فيها عن ذاته ولكن للاسف استلسم لشيطانه ودمر نفسه
اتمنى ظهور اسراء في حياته علاج لعل تقدر تساعد اخوها وإنقاذ بقايا روحه من الضياع برغم كل شئ ممدوح مفتقد العائله وإحساس الاحتواء والانتماء ، ممدوح نتاج انانيه أب وضعف ام وحقد زوجه أب.
رايي ممدوح محتاج علاقات روحانيه خالصه محتاج بيئه مغايره بعد زرع الامل في التخلص من إثم جريمته في حق نفسه وحق طليقته.
أيوب وبناته
جميل جدا محاوله البدايه من جديد والبعد عن الوجع محاوله البحث عن الهويه عن الكيان في تراب شيبه لتراب فلسطين
محاوله البحث عن الشتات في كنف العيله المحبه وقريب من ارض الوطن المغتصب .
إصرار على استرداد الحق في وطن في هويه في ثقافه في تاريخ إصرار يدل أن حضن الوطن أحن و أدفء من اي حلم براق.
لورين
جميل جدا محاوله البدء من جديد بعيد عن موطن الوجع ومحاولةتخطي ما مضى،بس مش من حقها حرمان ممدوح من ابنه وحرمان ابنه من معرفه أبوه .
الطفل دا هيكون العلاج والامل ل لورين ويكون لممدوح الذنب الحي هيكون التذكره للحظه الحضيض.
عيله الراوي
عزام شيطان من شياطين الإنس ويستحق النهايه دي بالتهمه دي تهمه شرف وتسديد فاتوره جوان في اغتصاب شرفها وحقها ميستحقش كلام كتير بس للاسف الشديد الشيطان دا منتشر بكثره بنفس الكبر والخبث.
اسره ياسر
نوه وخالد ومنى استحقوا صفعه راشد عن جداره خذلوا وتخلوا عن رابطه الدم ،للاسف كله ساعد في دبح بدور حتى لو كانت عنيده
خالد برغم انك فارس الا اصعب امتحان وقعت فيه تخليت عن اختك في محنتها فتخلت الحبيبه والصفعه مؤلمه ومناسبه يمكن لو لم تتخلى عن الاخت كانت الحبيبه موجوده.
ياسر
كميه جبروت مالهاش حل ، مفيش كلام ممكن اوصفك بيه بترغم بنتك لدخول النار وبتراهن عاللحظه الاخيره سوى منها أو من طليقها وفي الاخر الكل يبكي للاسف ضاع وقت الدموع .
راشد
شابو راشد ومش ذنبك غباء الآخرين .
شابو على انتقامك من عزام ونادين.
شابو عالصفعه لأسره ياسر .
حقك تحمي ولادك وحقك تبحث عن مستقبل وحياه افضل ليهم بس مش حقك تحرمهم من حضن الأم مفيش اي حضن في الدنيا ممكن تعوضهم حنان الام واحتواء أو تعنيف الام، الام بالنسبه لولادها الطيب والشرير بس هي الملجا والأمان من كل شي في الدنيا هتوفرلهم كل حاجه الا حضن الأم.
بدور الراوي
الكل اختلف عليها من بيدافع والي بيكره
بدور من البدايه أنثى محطمه بعد انهيار صوره الأب القدوه وكان البديل قصه عشق من نار خلقتها من روحها وقلبها وعقلها واتكسر البديل في اصعب وقت لأي لست عاديه فما بالك لست عاشقه ومشوهه من الداخل.
ذنب بدور في رقبه أهلها الي شافوا تخبطها سنين وسابوها للاخر ذنبها في تخليهم عنها بحجه أنها كبيرة وفاهمه وعنيده
بدور للأسف مفيش حد كان بيحتويها صح من البدايه كلها محاولات غير حقيقية .
مشهد النهايه وانهيارها واستسلامها للانهيار والغيبوبه العقليه كانت فيه اشاراته له من اول حكايتها وزادت في المواقف الاخيره من استخدامها لعزام ومواجهتها لياسر وتهديداته ومواجهه أخواتها والعزله قبل الولادة ومشهد الحره وارتباطها المرضي بابنها كل المواقف دي بتوصل للنهايه بس هل الاهل عميان وفقدوا الاحساس بينهم للدرجه دي،هل جرح بدور هيطيب مع الزمن، هل هتنسى الخذلان و مرارته.
اعتقد كده بدور دفعت الفاتورة وبزياده لكل واحد.
بدور كانت ضريبه لياسر لمشوار كبير من الخيانه وكم بنت ضيعها وأصبحت سيئه السمعه بسببه كانت دين واتدفع كامل من احب أولاده دفعت من روحها وعقلها وحياتها.
وبرغم كل الانهيار عندي امل في يوم تقوم وتقف وتسترد روحها.

ا



الله الله الله والله مش عارفه ارد اقول ايه من جمال الرفيو وحياديته احسنت يا قمرى

[Nor BLack]

المشاركة الأصلية كتبت بواسطة ingyamer

فصل اكتر من روعه سلمت يمناك يا ذات القلم الءهبي.💔💔

شكرا لرايك الجميل حبيبتى اسعدتينى اتمنى القادم يعجبك ويكون عند حسن توقعك

[Nor BLack]

[QUOTE=Hoba Nasry;14720871]Nora Soliman

#شظايا_القلوب

شظايا القلوب هي مش مجرد رواية و لكنها ملحمة بتحكى و تناقش مواضيع و قضايا شائكة ومعقدة جداً بأسلوب السهل الممتنع و رؤية واضحة لكاتبه واعية و متمكنة من أدواتها الأدبية و قادرة على تحريك الشخصيات و صراعاتهم و دواخلهم و الغوص في أعماق روحهم و كأنها طبيب ماهر بيشرح النفس البشرية و تخليك تتوحد مع كل شخصية و معاناتها و تحس بمشاعرهم و في حالات تكون المدافع و المحامي في الدفاع عنهم و إيجاد أعذار و مبررات لتصرفاتهم و أحياناً تقف تهاجم غبائهم و تحطيمهم لأنفسهم و لكن في النهاية لا تملك غير إنك تعيش معاهم تفاصيل حياتهم و تخبطاتهم و تتمنى إنهم يحصلوا على السلام النفسي و ينجوا بأرواحهم و الخروج من النفق المظلم و كل واحد فيهم يحدد مسار حياته بناءً على قراراتهم و إختياراتهم و ده كله من خلال قلم مميز و سرد و حوار راقي و حبكة قوية و رؤية كاتبة متميزه بأفكارها و المعالجة لكل الشخصيات المطروحه
بحييكى جداً جداً و سلمت يمناك و دمتي مبدعة ومتميزة دائما يارب 👏👏👏👏👏👏👏👏👏👏👏👏👏

_الدروس المستفادة من خلال رواية شظايا القلوب هي

_طرح قضية اللاجئين و وطن مغتصب و ويلات الحرب و شتاتهم في العالم و دول بيعانوا فيها من العنصرية و التعصب و طمس الهوية و تفريق شلم أسرة و أطفال و تشويه أرواحهم زى اللى حصل مع أيوب و بناته

_كمان قضية الخيانة الزوجية و أسبابها ونتائجها على الأطفال و إزاى الإنتقام بيدمر و يحطم النفس و يسجنها في منطقة وسط و توقف عمرها و حياتها زى خيانة ياسر الراوي لزوجته منى القاضي و ده إزاى أثر بالسلب على علاقتهم ببعض و على أولادهم و بدور خاصة و اللى هى كمان تعرضت للخيانة مرتين من أبوها فارسها الأول و حبيبها و زوجها راشد و كانت نفسياً مدمرة و أذت نفسها كتير و سببت في فضائح لنفسها و لعائلتها و قطعت كل الروابط مع راشد و اللي كان رد فعله إنه يحمي أطفاله و يأخذهم بعيد عن جحيم عائلة الراوي بكل العطب المنتشر حواليهم و أدى لإنهيار بدور تماماً و قهر راشد بدوره على إتخاذه قرار زى ده و أثر على أطفاله سبنتى و إياب و سلسلة من الفقد و الفراق و الآلام لأطفال بيدفعوا ثمن خلافات أبائهم

_قضية خلط الأنساب و اللى بيترتب عليها من أذى و إنها مش حل عشان يصلحوا أخطائهم بسبب فعلة عزام و جوان و اللى كانت بتعيش في مجتمع غريب عن عادات وتقاليد مختلفة عن أصولها و ما تعرفش حاجه عن دينها و وقعت فريسة سهلة لذئب معدوم الضمير أستغلها و ده بسبب تغافل الوالدين و إنبهارهم بالغرب و نسيوا تعليم بنتهم و حمايتها و في النهاية حاسبوها هى و جنوا على جوان و سبنتى أم حرمت من بنتها و طفله هتكبر يلاحقها عار مالهاش ذنب فيه و لقب يطلقه عليها مجتمع عقيم يرى الخطأ في غيره و يطلق الأحكام بمنتهى الجحود و القسوة و شفنا إن مفيش سر بيظل مخبأ للأبد و الحقيقة كشفت و الدمار اللى لحق بسبنتى و لجوئها للمقابر تحتمى فيها

_ممدوح و هل من حق الإنسان في فرصة تانية للحياة و تصحيح أخطاءه و ده عن طريق نموذج ممدوح و اللى بيعيش في ماضي مظلم حاجب عنه أى نور و بصيص أمل و إزاى مستسلم لظلام روحه المشوهة و دور الضحية و لما بيمنح فرصة تانية للحياة ممكن الغضب و العناد يسيطر عليه و يضيعها زى ما عمل مع لورين و يا ترى ممكن يستعيد نفسه و إنسانيته من جديد ولا هيظل في مكابرته و عناده

Nor Black
⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤ ️⁩⁦❤️⁩⁦❤️⁩⁦❤️⁩⁦❤️⁩




هبه هبه هبه ايه الجمال دا يا قبلي احسنت والله واسعدتينى جدا بتوقف عند النقاط المطروحه في الروايه

[Nor BLack]

المشاركة الأصلية كتبت بواسطة omsama

الفصل رووووعه يانور موجع بشكل رهيب فصل الحرمان حرمان الروح والجسد من الحياه المتمثله فى قطعه من القلب والروح هو الابن والبنت

احسنت التعبير عن الفصل حبيبتى

[Nor BLack]

المشاركة الأصلية كتبت بواسطة مملكة الاوهام

تسلم ايدك بتخلينا نعيش أحاسيس ابطالك ومشاعرهم كأننا معاهم

شكرا لرايك الجميل حبيبتى اسعدتينى اتمنى القادم يعجبك ويكون عند حسن توقعك

[Nor BLack]

المشاركة الأصلية كتبت بواسطة باااااااارعه

الفصل غير موجود هل هناك مشكله خاصة ان المنتدى لم يفتح معي امس وكان مكتوب عطل في الموقع او للصيانه ارجو من الاشراف يجدو حل ويظهرو الفصل الاخير

الفصل نزل منذ يومين يا قلبي هتلاقي اللينك اول صفحه في الروايه

[Nor BLack]

المشاركة الأصلية كتبت بواسطة ليلة القمر

روايه جميله جدا سأقرا

اتمني تعجبك يا جميل

[Ayaomar]

#شظايا_القلوب
#الفصل_الخامس_والعشرون
#ممدوح_اسراء
ممدوح رجع لنفس الحاله اللي كان عليها زمان ممدوح باغتصابه للورين فقد انسانيته اللي معترف انه فعلا كده كان لازم ممدوح يفوق من اللي هو عمله كان لازم يدفع تمن غلطه ممكن تكون ترسبات الزمن هي اللي كونت فيه كده استسلامه لاسراء الاخير وان الدنيا مابقيتش فارقه معاه وخصوصا بعد اللي عمله هو قمه الضعف بالنسبه ليه اسراء كان لازم تكون عنيفه معاه لان ممدوح بطبيعته عاوز الشده والقوه اسراء كاخت اكيد بتتوجع من جواها لممدوح بس لازم تظهره انها مش كده وانها في تخدي معاه لازم تكسبه
لورين انا شايفه انها عملت الصح انها تعطي الاخقيه في التعامل لاسراء هي كانت عارفه ان شخصيه زي ممدوح مش هتغفر ليها اللي عملته بس ماكانتيش تتوقع ان ممكن يصل للقسوه كده
#بدور_ياسر
بدور وصلت لنقطه اللي هي انا مش عاوزه حاجه من الدنيا غير ابني وبس يمكن هي القشه اللي عاوزه تتعلق بيها علشان تقدر تكمل لان كل الشخصيات اللي حبيتها وكانت بالنسبه ليها قدوتها اتكسرت صورهم ادامها تحت الخيانه فبقت مذبذبه مش واثقه في نفسها
ياسر لما ضغط علي بدور من جوازها من عزام هو عارف انها هتتراجع بدليل ان وقت عقد القران لم يتحرك ولم يسمح لخالد ان يتحرك الا عندما تأكد من بدور تراجعت بس بعد مافات الاوان
ياسر كان عاوز يخلي بدور تحس باخطاءها علشان كده كان دايما في عكس اللي هي عاوزاه لان بدور من الشخصيه العنيده اللي لما تقولها علي الصح بتعمل الغلط والعكس ياسر لو كان وقف ضدها في الجوازه كانت اصرت بس علشان تعانده مش اكتر
مازالت اتعجب من شخصيه ياسر كأب يريد ان يحضن اولاده بس باسلوب وطريقه خاطئه
بدور في لحظه تذكرت راشد بكل ذكرياته الجميله معاها لم تستطع ان تجعل اخر يكون البديل له حتي وان رات انها لاتستطيع ان تسامحه علي فعلته
#نضال_جوان
جوان رجعت للصفر تاني لما راشد سافر بسبنتي للمره الثانيه وابتعدت عنها انهارت ولكن للاسوء ولذلك هي تري ان بدور هي السبب الرئيسي في محنتها تصرفات بدور هي اللي حكمت علي راشد ان يتخذ هذه الخطوه وان يبعد سبنتي عنها
جوان اصبحت خاويه من داخلها اكثر واكثر اتمني ان يكون هذا الموقف هو عوده جوان للاقوي والصمود مع حمايه نضال ومساعدته لها
نضال لن يتخلي عنها يمكن حبه لها سيبعده قليلا ليكون في هذا الوقت ليس الحبيب انما المدافع الحامي لها لن يسمح لاحد ان يقضي عليها لن يسمح لاحد ان تصل يده اليها فيخنقها اكثر اكثر
سيكون الضهر لها التي تستند عليها
#عزام_نادين
مش هتكلم عنهم غير انهم يستهلوا اللي حصلهم وده اقل عقاب ليهم
#المشهد_الاخير
#راشد
رجل تحمل الكثير وحاول ان يصلح اشياء ولكن فشل ليس بسببه ولكن بسبب الاشخاص اللي حواليه حاول مع بدور كتييير حتي بعد الولاده استحمل تصرفاتها بس هو كاي انسان هيفيض بيه هيوصل لدرجه خلاااص وده اللي حصل هو اخد سبنتي وابنه وبعد لعل في بعده تهدأ الامور ولعل في بعده يحاول ان يرمم نفسه اللي انكسرت حتي ولو مااظهريش كده هو بشر ليه مشاعر وطاقه جواه جرح عاوز يداويه مع نفسه او الايام هتقدر علي كده خايف علي اولاده فبعد عن جوهو شايف انه ماينفعيش يكمل فيه خصوصا مع انهيار سبنتي وخطوه #بدور للزواج حتي وهو عارف انها هتتراجع عن موقفها بس هي غبيه مافكرتيش الا ازاي تدمر راشد وبس حتي لما اخدت ابنها في حضنها كان ممكن تنسي كل حاجه علشانه كان ممكن تتنازل علشانه بس هي كملت ولما وصلت لنقطه معينه مقدرتيش افتكرت وقتها ابنها وحسيت ان في حاجه هتحصل ليه طب ماكان من الاول
طبعا وصولها الي الانهيار العقلي هو قمه الانكسار والوجع انتي يانور ابدعتي في وصفه لدرجه اني لما افتكرته دلوقتي عيني دمعت وقلبي وجعني ابهرتيني في سردك وتصورك لبدور وانهيارها👏👏👏👏👏👏👏👏👏👏👏👏👏👏👏👏
طبعا بدور بتجني مافعلته كل انسان بيحاسب علي افعاله ولاتزر وازره وزر اخري هتتصرفي بغلط هيرجع عليكي انتي وبس هتتصرفي برضو صح هيرجع عليكي مافيش تصرف بيعمله الواحد يتحمله التاني
#خالد
صدمه سفر سبنتي من غير وداع وترجيه لها انها ترجع وتكون معاه وانه حاسس انه وداع ياعالم هيتقابلوا تاني ولا لأ الصدمه خلته مش عارف يعمل ايه مع صدمه بدور وقف لا هو عارف يداوي جرحه ولا جرح اخته
في الاخر اقدر اقول الفصل كان موجع ومؤلم بكل كلمه فيه بمشاهده بالرغم من ان بدور كانت اكثرهم من الالم والوجع واتمني ان تستطيع بعد اللي حصل انها تقف ثانيه يمكن من اجل اياب والتفكير انه سيعود تاني ليها فتكون اقوي كأم
نور تسلم ايدك ويسلم قلمك اللي دايما هقف ادامه وانا مبهوره بيه 😍😍😍😍

[Nor BLack]

المشاركة الأصلية كتبت بواسطة Ayaomar

#شظايا_القلوب
#الفصل_الخامس_والعشرون
#ممدوح_اسراء
ممدوح رجع لنفس الحاله اللي كان عليها زمان ممدوح باغتصابه للورين فقد انسانيته اللي معترف انه فعلا كده كان لازم ممدوح يفوق من اللي هو عمله كان لازم يدفع تمن غلطه ممكن تكون ترسبات الزمن هي اللي كونت فيه كده استسلامه لاسراء الاخير وان الدنيا مابقيتش فارقه معاه وخصوصا بعد اللي عمله هو قمه الضعف بالنسبه ليه اسراء كان لازم تكون عنيفه معاه لان ممدوح بطبيعته عاوز الشده والقوه اسراء كاخت اكيد بتتوجع من جواها لممدوح بس لازم تظهره انها مش كده وانها في تخدي معاه لازم تكسبه
لورين انا شايفه انها عملت الصح انها تعطي الاخقيه في التعامل لاسراء هي كانت عارفه ان شخصيه زي ممدوح مش هتغفر ليها اللي عملته بس ماكانتيش تتوقع ان ممكن يصل للقسوه كده
#بدور_ياسر
بدور وصلت لنقطه اللي هي انا مش عاوزه حاجه من الدنيا غير ابني وبس يمكن هي القشه اللي عاوزه تتعلق بيها علشان تقدر تكمل لان كل الشخصيات اللي حبيتها وكانت بالنسبه ليها قدوتها اتكسرت صورهم ادامها تحت الخيانه فبقت مذبذبه مش واثقه في نفسها
ياسر لما ضغط علي بدور من جوازها من عزام هو عارف انها هتتراجع بدليل ان وقت عقد القران لم يتحرك ولم يسمح لخالد ان يتحرك الا عندما تأكد من بدور تراجعت بس بعد مافات الاوان
ياسر كان عاوز يخلي بدور تحس باخطاءها علشان كده كان دايما في عكس اللي هي عاوزاه لان بدور من الشخصيه العنيده اللي لما تقولها علي الصح بتعمل الغلط والعكس ياسر لو كان وقف ضدها في الجوازه كانت اصرت بس علشان تعانده مش اكتر
مازالت اتعجب من شخصيه ياسر كأب يريد ان يحضن اولاده بس باسلوب وطريقه خاطئه
بدور في لحظه تذكرت راشد بكل ذكرياته الجميله معاها لم تستطع ان تجعل اخر يكون البديل له حتي وان رات انها لاتستطيع ان تسامحه علي فعلته
#نضال_جوان
جوان رجعت للصفر تاني لما راشد سافر بسبنتي للمره الثانيه وابتعدت عنها انهارت ولكن للاسوء ولذلك هي تري ان بدور هي السبب الرئيسي في محنتها تصرفات بدور هي اللي حكمت علي راشد ان يتخذ هذه الخطوه وان يبعد سبنتي عنها
جوان اصبحت خاويه من داخلها اكثر واكثر اتمني ان يكون هذا الموقف هو عوده جوان للاقوي والصمود مع حمايه نضال ومساعدته لها
نضال لن يتخلي عنها يمكن حبه لها سيبعده قليلا ليكون في هذا الوقت ليس الحبيب انما المدافع الحامي لها لن يسمح لاحد ان يقضي عليها لن يسمح لاحد ان تصل يده اليها فيخنقها اكثر اكثر
سيكون الضهر لها التي تستند عليها
#عزام_نادين
مش هتكلم عنهم غير انهم يستهلوا اللي حصلهم وده اقل عقاب ليهم
#المشهد_الاخير
#راشد
رجل تحمل الكثير وحاول ان يصلح اشياء ولكن فشل ليس بسببه ولكن بسبب الاشخاص اللي حواليه حاول مع بدور كتييير حتي بعد الولاده استحمل تصرفاتها بس هو كاي انسان هيفيض بيه هيوصل لدرجه خلاااص وده اللي حصل هو اخد سبنتي وابنه وبعد لعل في بعده تهدأ الامور ولعل في بعده يحاول ان يرمم نفسه اللي انكسرت حتي ولو مااظهريش كده هو بشر ليه مشاعر وطاقه جواه جرح عاوز يداويه مع نفسه او الايام هتقدر علي كده خايف علي اولاده فبعد عن جوهو شايف انه ماينفعيش يكمل فيه خصوصا مع انهيار سبنتي وخطوه #بدور للزواج حتي وهو عارف انها هتتراجع عن موقفها بس هي غبيه مافكرتيش الا ازاي تدمر راشد وبس حتي لما اخدت ابنها في حضنها كان ممكن تنسي كل حاجه علشانه كان ممكن تتنازل علشانه بس هي كملت ولما وصلت لنقطه معينه مقدرتيش افتكرت وقتها ابنها وحسيت ان في حاجه هتحصل ليه طب ماكان من الاول
طبعا وصولها الي الانهيار العقلي هو قمه الانكسار والوجع انتي يانور ابدعتي في وصفه لدرجه اني لما افتكرته دلوقتي عيني دمعت وقلبي وجعني ابهرتيني في سردك وتصورك لبدور وانهيارها👏👏👏👏👏👏👏👏👏👏👏👏👏👏👏👏
طبعا بدور بتجني مافعلته كل انسان بيحاسب علي افعاله ولاتزر وازره وزر اخري هتتصرفي بغلط هيرجع عليكي انتي وبس هتتصرفي برضو صح هيرجع عليكي مافيش تصرف بيعمله الواحد يتحمله التاني
#خالد
صدمه سفر سبنتي من غير وداع وترجيه لها انها ترجع وتكون معاه وانه حاسس انه وداع ياعالم هيتقابلوا تاني ولا لأ الصدمه خلته مش عارف يعمل ايه مع صدمه بدور وقف لا هو عارف يداوي جرحه ولا جرح اخته
في الاخر اقدر اقول الفصل كان موجع ومؤلم بكل كلمه فيه بمشاهده بالرغم من ان بدور كانت اكثرهم من الالم والوجع واتمني ان تستطيع بعد اللي حصل انها تقف ثانيه يمكن من اجل اياب والتفكير انه سيعود تاني ليها فتكون اقوي كأم
نور تسلم ايدك ويسلم قلمك اللي دايما هقف ادامه وانا مبهوره بيه 😍😍😍😍

j

تسلم ليا انت حبيبتي ويسلم عمك تحليلك وجماله :c hirolp_krackr: