30-03-20, 06:12 PM
| #2321 | ||||||||
 
|  اقتباس:
| ||||||||
|  |
|
30-03-20, 06:23 PM
| #2322 | ||||
| #شظايا_القلوب #الفصل_التاسع_و_العشرون #جوان جوان بروح نضال حقيقي اراها الان بهذا الشكل مراهقه لم تجد من يقف بجانبها وقت ماكانت تحتاج السند والحمايه فقط كل معاني الحياه بدايه عندما ضحك عليها عزام حتي بعد ولادتها لسبنتي لم تسلم من اقرب الناس لها والدها الذي حاول بكل طريقه ان يقهرها يذلها ولم يفكر ولو مره واحده ان يكون جدار تستند عليه ليأتي نضال ويأخذها مجرد جسد بلا روح انثي دون حياه كل مايشغل بالها ابنتها تراها تتلمسها تاخذها في حضنها هي كل ماتمنته في حياتها التي حرمت من ابسط حقوقها فيها ليكون نضال هو السند الحمايه الروح التي اعادت جوان ليس كما السابق بل اقوي واشد استطاع ان يداوي جروحها تحمل معها كل شئ هي كانت تريد انسان يتفهمها يحتويها ويحتوي ماحدث لها ومافعلته فكان نضال هذا الرجل فبالرغم من تجنبه ومعاملتها الفظه معه في كل وقت ودايما كانت تشعره انه مجرد شخص يساعدها للوصول الي ابنتها استطاع ان يكسر هذا الجدار والحاجز الذي بنته لاعوام تلك القوقعه التي ادخلت نفسها دون ان تخرج منها استطاع ان يكسرها ليخرج منها جوان التي اعتبرها الان انثي بروح بحياه تريد ان تعوض ماافتقدته في سنوات حياتها استطاع نضال ان يمحو كوابيسها آلامها وجعها ان يشعرها انها انسانه تستحق ان تعطي لنفسها فرصه ثانيه ان تمحو من سجل حياتها ماحدث سابقا لتكون جوان الجديده استطاع نضال ان يجعل من جوان امرأه تعشقه تتمني ان تستمر حياتهم مع بعض عادت جوان الي بر الامان اقوي وأشد محت كل ماضيها ليبقي حاضرها ومستقبلها مع رجل يقدرها ويعشقها رجل لم يتمني سوي ان تتعافي جوان محي ماضيها منذ لحظه لقاءهما حاوطها بحبه ورعايته وراعي صورتها امام اهله ليشعرها انه يريدها هي فقط دون غيرها حتي مسأله الحمل لم يضع لها اعتبار واهميه فجوان وحدها من ارادها لتكون هي امراته التي تربعت علي عرش قلبه | ||||
|
| |
|
30-03-20, 06:25 PM
| #2323 | ||||
| #شظايا_القلوب #الفصل_الواحد_و_الثلاثون راشد_بدور_اياب وقت مستقطع او هدنه مؤقته بينهما من اجل مصلحه ابنهما لعل هو الوحيد الذي جمع مابينهما علي رأي واحد هو الاهتمام به التنازل عن العند والكبرياء من احل ان يتربي وسط والديه دون ان يكبر علي نفسيه محطمه تجعله راوي اخر راشد وبدور مازال كل منهما القليل من الخب للاخر حتي وان حاول كليهما عدم الافصاح عنه امام الاخر ولكن بداخل كل منهما الحنين لاوقات تجمعهما معا راشد يعتذر لبدور بشكل غيرمباشر علي ابعاد اياب عنها عن طريق ان حببه في اشياء تحبها هي فيكون عوضها عن قسوته معها بدور كل تفكيرها الان هو اياب كيف تحاول ان تستميله ان تجعله يراها يحبها ولذلك كانت تتمني ان ينادي عليها بماما ولكن اكتفت باسمها لعل ذاك يكون بدايه لازاله الحاجز مابينهم اياب عندما عاد الي راشد احسن بالامان بجانب معامله راشد لبدور وجعلها تأكل معهم هو يريد ان يثبت لاياب انه علي ان يتقرب منها هي شخصيه طيبه لاخوف من الاقتراب واللعب معها لاخوف من الجلوس معها هذه الليله بكل ماحملته من معاني وصفتي مشاهدها بدقه ماهي الا بدايه لبدور بدايه عوده روحها ثانيه لانها بالفعل ادركت ان ابنها لايوازي ولايعادل اي شئ في الدنيا حتي ولو اتحدت مع راشد من اجله هو فقط #ممدوح_لورين بعد ان وقعت واستطاعت ان تقف ثانيه في أمل في ان تمحو سنوات لاتريد العوده او التفكير فيها ليعود الماضي ليتجسد امامها ثانيه في لحظه كانت ستنهي بيها هذه الفتره ان ترتبط بشخص لعله تري في أمل لعوده روحها التي سلبها ممدوح وقت اغتصابها عاد ممدوح ليهدم كل احلامها التي ارادت ان تبدءها تعويض عما قاسته معه عاد ليحطم جدار بنته بينها وبين الماضي عاد ليعيد لها ذكري لم تمحي من ذاكرتها بل عاد كل شئ لما انتهت اليه معه عادت الي نقطه الصفر ثانيه ومايهمها الان هي أمل املها في حياه جديده املها في نسيان ماعاشت فيه بمجئ ممدوح تحطم كل شئ علي الرغم من قوتها التي اظهرتها الا ان بداخلها رعب خوف ضعف عكس ماتظهره لورين قويه من الخارج ولكن هي هشه ضعيفه بالداخل استطاعت ان تقف امامه وان تدافع عن حقها عن ظلمه لها ولكن ماوراء ذلك تكمن شخصيه لن تستطيع الصمود امام غضب ممدوح لن تستطيع ان تواجه ايوب بما فعلته به ان سلبته حقه في الحياه ان يقر مايريده او لا ممدوح بحث عنها ولم يستسلم حتي وجدها لانه بداخله يشعر انه اهانها ذلها ولورين اردات ان تهرب من ماضيها في شخص كطه او اي شخص اخر المهم ان تنسي ممدوح بشخص اخر لورين وممدوح لكل فعل رد فعل انتي اهنتي كرامته بل محيتي ادميته في اتخاذ قرار وكان فعله في لحظه شيطانيه تملكه فلاااستطيع ان الوم كليكما فكل واحد منهما اخطأ في حق الاخر وكان لابد من المواجهه التي تستطيع من خلالها اما العوده او الابتعاد ولكن ممدوح لايريد الابتعاد بل عاد نادم علي فعلته نادم علي سنوات ضاعت من غيرها هو شخصيه اصبحت لاتستسلم بسهوله اصبحت اقوي للصمود في اخذ حقه ولورين حقه فلن يتنازل عنه خاصه اذا عرف عن أمل #طه اراك شخص ليس في الوقت او الموقف المناسب انت تبحث عن زوجه ووجدت ذلك في لورين ولكن ماتعلمه ان لورين كانت تهرب عن طريقك اري ان انسحابك الان هو خير ماتقدم عليه لانه لم يعد لك مكان الان بينهم #سبنتي هي في مفترق الطريق فهي لاتستطيع نسيان الماضي حبها لخالد الذي كسر قلبها وبين الحاضر الذي تحاول ان تصمد فيه مجرد رؤيتها لذكريات تعود الغصه في قلبها تصوريك لمشهدها فعلا ابدعتي فيه منتهي الروعه جعلت قلوبنا تتألم 👏👏👏👏 #نزار_شيماء لقاء عاجلا ان آجلا كان لابد منه وعلي الرغم من شعور كل منهما للحنين للاخر الا ان ماشعرت به شيماء من نبذ نزار لها وان سبب اعاقتها هي سبب الذي تجج كل منهما للاخر حتي يفترقوا نزار يشعر ان لو بيده عوده الزمن لاعادته الي هذه النقطه لكي يمحو بداخلها من كسرت لها نزار عاد الي بلاده ولن يرحل عنها من اجل حبه هو عاد لكي يثبت لها انه مازال متمسك بعد ولكن يبقي السؤال هل تستطيع شيماء ان تفتح له باب قلبها ثانيه علي الرغم من انه مازال بداخله هل ستغفر له هروبه وتركها بمفردها بعد ان كان لها البصر الذي تعيش به #جوش _هناء اتخذ قرار ان يعود اليها وان ترجع حياتهما ثانيه وهي رفضت حتي لم تعطيه فرصه لكي يكفر عما فعله بها علي الرغم اني اري ان جوش كفر عن ذنبه بان عاد بنزار شخص اخر يستطيع ان يخوض طريقه بمفرده قادر علي مواجهه صعوبات ومشاكل الحياه الي متي ستعاند هناء وهل ستسامحه عندما اعلن سفره وعدم عودته نور احيانا بقف ادام مشاهد صعب اني اوصفه بكلمات لان الكلمات لن تفي حقك في الابداع والتألق دمتي مبدعه ياحبيبتي 😍😍😍😍😍👏👏👏👏👏👏👏👏👏👏👏👏👏👏👏 | ||||
|
| |
|
30-03-20, 06:51 PM
| #2325 | ||||
| سلسلة قلوب معلقة الكاتبة المتميزة نور بلاك _شظايا_القلوب Nor Black مش عارفه ولا لاقية في قاموس اللغه العربية أى كلمات ممكن تعبر عن رأيي في قلمك و أفكارك و إزاى بتقدري بكلماتك توصلينا أننا نندمج في الأحداث و نتوحد مع شخصيات رسمتيها بمنتهي الحرفية و البراعة و قدرت تخليها تنطق مش مجرد شخصيات على ورق حقيقي يشرفني أنى تعرفت على كاتبة متميزه زيك بتكتب بإحساسها و مشاعرها بصدق و بيوصلنا إحساسك الجميل نور بلاك كاتبة من العيار الثقيل غول في السرد و الحوار جبارة بأفكارها و حبكتها و أسلوبها الراقي و اللي تقدر تتعرف عليه بسهولة لأنها لها بصمة واضحة جداً ما تقدرش تخطئها العين، أنتى بتوصلينا في مشاعرنا إننا نوصل من أقصي اليمن لأقصى اليسار عندك قدرة رهيبة لتحويل مسار أفكارنا و مشاعرنا مع الشخوص و الأبطال أنتى كاتبة محترفة بتجيد إستخدام أدواتها الأدبية ربنا حاباك بموهبة جميلة و حقيقى تستحقيها و فخورة إنك قلم نسائي مشرف لينا كلنا ربنا يوفقك و يديم تميزك و إبداعك زى ما بتمتعينا❤️❤️❤️❤️❤️❤️❤️❤️❤ ️❤️❤️❤️❤️❤️❤️❤️❤️❤️❤️ _هناء_مريم _حكمة الموت بتعلمنا إن الوقت دائما مش معانا عشان نقدر نقول للي يهمنا أمرهم إذا كنا بنحبهم أو نمنحهم السماح و الغفران عن أخطائهم في حقنا عشان نحصل على سلامنا و راحة البال مريم إحساسها بالندم بعد موت ياسر الراوي و إنها مقدرتش تمنحه الصفح والغفران عن ظلمه ليها مخليه في حالة نفسية سيئة لأنها كانت في فاكرة إنه الوقت مازال بين إيديها و تقدر تحصل على حقوقها فيه و في أبوته لكن للأسف القدر كان له الكلمة الأخيرة و مات قبل ما تنعم بشعورها نحوه بعاطفة الأب و تسامحه و ده اللي هي ندمانة عليه و برغم إقتناعها التام إنها مش قادره تصفح لكن الإحساس بالندم متملك منها و عشان كده هناء في حوارها معاها كانت بتحاول تخليها تتخلص من شعورها ده و تفهم الحكمة من موته و تشوف الجانب الآخر و إنها تسامحه و تدعي له بالرحمة والمغفرة و هو بين إيدين ربنا، و إننا لما بنمنح الصفح ده عشان نحصل إحنا على سلامنا و سعادتنا و يحمينا من كلمة لو قبل فوات الأوان، أحياناً السماح بيكون راحة لأرواحنا و نفوسنا إحنا قبل ما يكون للي أساء إلينا، و ده اللي أدركته مريم لما منحت السماح لإيهاب عن خطأه تجاهها و قدرت تحصل على سلامها النفسي و إستقرار أسرتها و إن أولادها يتربوا في كنف والدهم في جو صحي بعيد عن الأحقاد و الكره، و لأن إيهاب كان يملك في قلبها رصيد يجعلها تسامحه و تغفرله خطأه في حقها هناء وجهت مريم إنها ما ترفضش قرب خالد و أخواتها منها و إنه آن الأوان إنه يكون لها عائلة تنتمي إليها و تطوي صفحة الماضي لأجلها هي مريم كمان قدرت تنبه هناء من غير ما تشعر على خطأها في حق نفسها و إبنها لما حرمته من الإنتساب لإسم والده و يعرفه، و عشان كده أعترفت بأنها باللي عملته كانت بتحمي نفسها و إبنها و إسم عائلتها لكن في جزء جواها كان بينتقم من جوشوا لخداعها ليها و تثأر لنفسها و كرامتها و كبريائها لخداعه ليها و وقوعها في فخه ليبرتا و إياس نسخه مصغرة من إيهاب و مريم إياس ورث رجولة و حمائية إيهاب و ليبرتا ورثت مياعة و شقاوة مريم وجودهم حواليهم في مشهد رائع جداً 🥰🥰🥰🥰🥰🥰🥰🥰🥰🥰🥰🥰🥰🥰 🌸🌸🌸🌸🌸🌸🌸🌸🌸🌸🌸🌸🌸🌸🌸🌸 _هناء_نزار_جوشوا و أخيراً رجع الطير المهاجر لأرضه و وطنه بعد ما عرف خطأه و إن الوطن و العائلة و الجذور اللى كان بيتمناها و يسعي إليها مقدروش يعوضوه حنان و دفئ وطنه اللي نشأ فيه و حضن أمه، و ده اللي أدركه بعد ما حصل على الإسم و المكانة و العائلة لكنه كان جواه شعور بالإغتراب و الوحشة بينهم نزار رجع بعد ما تأكد أنه مش قادره على البعد عن حضن هناء و جوشوا كان مدرك لكل خلجة من مشاعره ، خوف نزار من رفض هناء هو اللي كان مانعه لكن جوشوا و اللى قدر ينفذ وعده لحبيبته و أم إبنه إنه يقومه و يصنع منه الرجل اللي بتتمناه و يكمل اللي بدأته، كلامه معاه و هما على أرض الوطن إن الآباء والأمهات مهما حصل بيظل حب أبنائهم و قلوبهم مفتوحة على الدوام عشان تستقبلهم و تمنحهم الغفران على عقوقهم و جحودهم في حقهم مشهد لقاء هناء مع نزار من بداية ما مريم فتحت له الباب و صدمتها من وجوده قدامه و حنينها لصديقها، لغاية ما وقف قدام هناء و هي بتتأمل في ملامحه اللي زادت وسامة و رجولة إشتياق و لهفة لأم لإبن قلبها و عمرها مشهد ما يتوصفش بالكلمات أو تعبر عنه إشتياق نزار و هناء الفرحة بعودته لحضن تصور إنه لفظه نهائياً و هي بتغمره في أحضانها تدحض كل ظنونه و إن قلب الأم هو الوطن و الحبيبة الأولى حبها ثابت ما بيتغيرش حب غير مشروط _جوشوا مازال في محاولاته المستميتة لإرجاع حبيبته العنيدة و تعويضها عن كل الألم و العذاب اللي سببه ليها و المرة دى هناء صارحته و لأول مرة إنها بالفعل مازالت بتحبه و بتخاف عليه من إنه يصيبه مكروه لكن مش قادر تنسي جرحها منه و إنها الحرة سقطت في فخه و كبريائها و كرامتها اللي أهانها لكن البروفيسور جوشوا مش بيستسلم و مصر إنه يحصل على صفحها و ترسو سفينته على شاطيء قلبها❤️❤️❤️ _نزار و اللى برغم تحذيرات هناء له أنه يبتعد عن شيماء و يتركها مقدرش و أعلن إنه مش هيتنازل عنها و عرف أنه أخطأ في حقها و كان معمي بثورة غضبه و إنتقامه عن حاجات كتير و غضبه منها كان ناتج عن تصرف أهوج لشاب غر في رؤية ألمها لما حاولت تبعده عن طريقها عشان تحميه و هو بحماقته صدقها وقتها إنها فعلاً تخلت عنه لكن دلوقتي بعد ما نضج و فهم و قدر الصورة كاملة و قلبه أعلن إنها هي حبيبته الوحيدة مقدرش يمنع نفسه من رؤيتها و يشبع روحه من لقائها حتى لو كان من بعيد _شيماء بقلبها النقي و إحساسها قدرت تحس بطيفه حواليها لكنها مش متأكدة من ده و تمنت رجوعه فعلاً و يحارب عشانها زى ما هي مازالت على عهدها معاه شيماء بتزور سبنتى أختها اللى غابت عنها فترة و رجعت تنفذ وعدها القديم و تظل دائماً معاها و واضح إنها كانت بتتكلم عنها و شوقها ليها مع سائقها طول الوقت 🌸🌸🌸🌸🌸🌸🌸🌸🌸🌸🌸🌸🌸🌸🌸🌸 _إبهاب_تميم إيهاب و برغم نقمته على ممدوح لكن شعوره بالحماية لكل أفراد عائلته و فضوله في معرفة مصير المرأة اللى أرتبط بها خلوه يطلب المساعدة من تميم رغم نفوره منه و رفضه التام التعامل معاه تميم الخطيب اللي عارف بشعور إيهاب و خالد نحوه و من قبلهم ياسر الراوي نفسه تجاهه و رفضهم له بسبب الأقاويل و الغموض حوالين شخصيته و لكنه قدر يحصل على المكانة و الشراكة مع إسم الراوي و مش مستعد يتنازل عن المكاسب اللي حصل عليها و خصوصاً بعد رجوع نمر الراوي راشد و بدور و مكانته في قلبها و إنه قدامه جبهات كتير هيحارب فيها لكنه مش هيخسر الواجهة البراقة و شراكته معاهم و ده يا إما بالمكر و التلاعب و بتقديم المساعدات ليهم و قبولهم له رغماً عنهم أو بالقسوة و الشراسة و عشان كده تميم قبل يساعد إيهاب في العثور على لورين و اللى عرف مكانها بسهولة هي و عائلتها و عرف كمان أهم معلومة و إن لها بنت تنتمي لممدوح زيدان و اللى سبق زاره عشان يعقد معاه صفقة، تميم الخطيب قدر يعثر عليهم و من كلامه كانت جواه غضب كبير يا ترى ده له علاقة بغزالته الشاردة اللي نعتته بالخيانة و مازالت موشومة في قلبه و ممكن تكون هي مرح بنت أيوب 🤔🤔🤔🤔 إيهاب تفاجئ بالمعلومات عنها و إنها طبيبه مناضلة بتسعي لعودتها لوطنها بهوية و مواطنة حرمت منها و مش هتتنازل عن حلمها ده و أستشف من نبرة صوت تميم الإعجاب والتقدير لشخصها 🌸🌸🌸🌸🌸🌸🌸🌸🌸🌸🌸🌸🌸🌸🌸🌸 _إيهاب_ممدوح ممدوح و اللى بيحاول مع إيهاب عشان ينال غفرانه و الصفح من مريم و إنهم ما كانوش هدفه و كان شخص مريض بالكره و الحقد بسبب الماضي اللي عاشه لكن إيهاب ما يملكش صفات الملائكة عشان ينسي و يسامح و كان شرطه عليه أنه يساعده على العثور على لورين في مقابل إنه ما يظهرش في حياته و طريق أسرته نهائياً و لو من قبيل الصدفة، إيهاب جواه شعور كان مشفق على إبن عمه الشاب المنحور و عارف أد إيه عاني في صغره لكنه مش قادر ينسي جريمته في حق شرفه و تعديه على زوجته و يمكن لشعوره بالشفقة عليه و حمايته لأى شخص من عائلته و يطلب مساعدته هو ده اللي خلاه يقدم على قبوله المساعدة و ممدوح رضخ لشرطه و لأنه هيعرف مكان حبيبته و إمرأته اللي طال بحثه عنه لهفته و هو بيقرأ المعلومات عنها و معرفة مكانها و كأنه كان في صحراء و عثر على قطرة ماء تروي ظمأ روحه المعذبة في بعدها و ذنبه تجاهها إيهاب في النهاية حقق غرضه عرفه مكانها لكنه ترك معلومة إنه له بنت و زواج لورين من آخر كنوع من عقاب يستحقه و لكنه سدد له نصيحة أخيرة إنه حربه الحقيقية لنول الصفح والغفران من لورين عشان تنال سلامك و سعادتك و تطيب جراحك و فرصتك اللي بتتمناها و تتخلي عن طيشك و ظلمك 🌸🌸🌸🌸🌸🌸🌸🌸🌸🌸🌸🌸🌸🌸🌸🌸 _جوان_عفاف_نضال _عفاف الأم اللي حظيت بها جوان بحبها و حنانها و عائلة نضال رممت جروحها و داوتها و بنت كيان جديد لجوان أقوي أنضج طبيبه ناجحة و زوجة عارفه حقوقها و واجباتها عفاف كانت المثال الحقيقي للأم و الحما الحنونه العوض لجوان عن كل اللي عانت منه في ماضيها من ألم و خذلان الجميع ليها حبيت جداً حنان عفاف و نصايحها لجوان و تربيتتها على قلبها في إنها تكون أم و تتمسك بإيمانها بالله، بتقويها و شايفة إن سعادة إبنها معاها مش في زوجة آخري ممكن يحظي منها على طفل _جوان أعترفت لنضال بعد كل اللي حصل بأنها فرصتها في إنها تنجب مرة أخرى ممكن حتى لو كان بنسبة بسيطة لكنه إحتمال قائم و إن والدتها و الطبيبة كانوا أكثر رحمة من والدها و تركوا لها فرصة تانية للإنجاب و إزاى كانت أمها بتساعدها لإخفاء الحقيقة دى عن والدها و المتلصصين التابعين له و اللي خلاها تصارح نضال إنها حست معاه بالآمان و الإستقرار لما أعترف بها زوجة و جابها تعيش في وسط عائلته و أظهرت قوة في الدفاع عن حقوقها و إنها مش هتسمح بأى إهانة من أى شخص مهما كانت مكانته بالنسبة ليها، نضال و اللى كان واقع المفاجأة عليه كبير لكنه قدر يتخطاها بعد هجر لشهرين من جانبه و قرروا يبدؤوا حياتهم من غير أكاذيب و حقائق منقوصة مهما كانت بنوا حياتهم من جديد ببداية مختلفة، جوان فتحت عيادة بمال و مساعدة نضال و بعدت نهائي عن والدها رغم محاولاته في تعكير صفو حياتها بإتصالاته و تهديدها عشان تنفصل عن نضال، تابت و واظبت على صلاتها و علاقتها بالله و حست إنها إنسانة من حقها فرصة تانية للتوبة و الحياة و خاصة بعد كلام نضال ليها و إحتواءه و تشجيعه ليها دائما و إن خطأها بسبب أنها ما كانتش على دراية و وعي لدينها و أصولها و العادات والتقاليد و قدر يخليها تطوي الصفحة دي بكل مرارتها و أوجاعها جوان مفيش حاجه ممكن تنسيها بنتها سبنتى و منتظرة تشوفها و بتتمني تسامحها على إنها كانت سبب في تحطيم حياتها برعونتها و لهفتها كأم وقتها و في إنتظار رجوع نمرتها الحنونة، و محاولاتها الحصول على طفل من نضال عشان يشعر بعاطفة الأب و ما تحرمهوش الحق ده و رغبتها في إسعاده و حبها له و عشان كده بتنفذ وصفات عفاف و أعشابها 😍😍😍😍😍😍😍😍😍😍 _نضال ترك الحراسات الخاصة و فتح جيم و ده كان واضح من إتصال خالد به و إنه كان رايح له صالة الألعاب الرياضية عشان يتكلم معاه بإعتبار إنهم أصبحوا أصدقاء بعيد عن جوان عشان ما ترجعش لقوقعتها و تخبطها من جديد و عشان كده أخفي إن سبنتى رجعت لأنه أدرك خطأه في حق سبنتى و مش عايز يكرره تاني و لحماية جوان من الدوامة دى و اللى ممكن تزعزع إستقرارها و سلامها النفسي و اللى كان حريص إنها تحظي به و ده غير أنه أخفي عن عائلته تفاصيل ماضيها و إنها عندها بنت لأنه مدرك لنظرتهم ليها هتكون إزاى و هو مش عايز يكسرها قدام حد _جوان و سبنتى للأسف الشديد إتحكم عليهم إنهم لو تقابلوا هيكون يا إما لقاء سري يقدروا يحظوا بوقت يشبعوا فيه من إحساس الأم و بنتها من غير عيون تراقبهم و تكشف النقاب عن الماضي و محدش يعرف الحقيقة و لو شافوا بعض ممكن يتنكروا لمعرفتهم ببعض لحماية كل واحدة فيهم حياة الآخري 😢😢😢😢😢😢😢😢😢😢😢😢😢😢 🌸🌸🌸🌸🌸🌸🌸🌸🌸🌸🌸🌸🌸🌸🌸🌸 _ممدوح_لورين ممدوح بعد ما أخيراً عثر على مكان لورين طار عليها بكل لهفته و إحساسه بالذنب تجاهها و هو عارف و متوقع لقائها و إنها هترفضه و يمكن تكون بتلعنه للضرر اللي تسبب لها فيه و أد إيه أذاها و فعلته لا تغتفر لكنه في بعدها و خلال فترة علاجه تخلص من أنانيته و شاف إنه كان حابس نفسه في شرنقته و ألمه لوحده و إنه في غيره بيتألموا لكنهم بيقاوموا و يحاربوا، بحث عن قضية لورين عشان يفهم تاريخها و معاناتها و بدأ يفهم و يستوعب قضيتها و اللي أصبحت هي كمان قصيته القومية اللي بيدافع عنها و من بعد ما كان بينكر أصوله العربية دلوقتي بيفتخر بإنتمائه لعروبته و أصوله و عقيدته هو بيمر في البلد و بيشوف فيها الدفء و أصالة المكان و بشاشة أهله و روحهم الجميلة لغاية ما وصل لبيتها و اللي تفاجئ بوجود إحتفال و إحساسه إنه هيتفجع و خاصة و كلام إيهاب بيرن في أذنه و بيدخل عشان يلاقي آخر حاجة توقعها و إن لورين اللي كان متصور إنها عايشة زيه بتتكوي بنار اللي عمله فيها صدمته إن إمرأته و زوجته بتتجوز مشاعر متضاربة جواه ما بين نار و غيرة و غضب و تملك لحبيبته و إنه تجرأ شخص آخر على لمس إيديها و بتحتفل بزواجها منه و هي بترقص و فرحانه و إحساس بأنه عايز يجري عليها يعتصرها في أحضانه يطلب منها الصفح والغفران عن جريمته في حقها و هوفي عز إستوعابه للصدمة بيصتدم بطفلة أخذت عينيه و ملامح لورين و فجأة مرح بتأخذها قبل حتى ما يفوق من ذهوله _لورين و اللى كانت بتحتفل بعقد قرانها على طه و اللي شايفة فيه الرجل اللي بتتمناه و هيساعدها في حلمها و قضية عودتها لوطنها رغم إحساسها بمعارضة أهله لكنها واثقة فيه و إنه رجل محدش يقدر يملي عليه تصرفاته و نظرتها لبنتها و إنها بتتمني لها حياة أفضل من اللى هما عاشوها لورين عارفه إنها أخطأت في حق ممدوح لما سلبته حقوقه و عاملته على أنه طفل فاقد الأهلية لكنها مهما كانت ما تستحقش النهاية المأساوية اللي أنتهت قصتهم بها و كسرتها على إيديه لورين اللي تفاجأت به في وسط بيتها صدمتها ما خلاتهاش تقدر تتكلم و ترد على أسئلته ولا حتى تمنع إحتواء الموقف المحتدم بينه وبين طه ممدوح و اللى مصر على إنها مازالت زوجته و أعلنها قدامهم على الملأ، ده فعلاً حقيقي ولا جهل منه بالشرع 🤔🤔🤔 بس الأكيد أن ممدوح مش هيتخلي عن بنته بعد ما عرف بوجودها و ده هيكون صراعه مع لورين 🌸🌸🌸🌸🌸🌸🌸🌸🌸🌸🌸🌸🌸🌸🌸🌸 الفصل جميل جداً و هادي و المشاعر الإنسانية كانت طاغية على أحداثه بس مش عارفه ليه حاسة إنه هدوء ما قبل العاصفة سلمت يمناك و دمتي مبدعة ومتميزة دائماً يارب 😘😘😘😘😘😘😘😘😘❤️❤️❤️❤️❤️❤️❤️❤️❤ ️ التعديل الأخير تم بواسطة ebti ; 30-03-20 الساعة 10:52 PM | ||||
|
| |
|
30-03-20, 07:05 PM
| #2326 | ||||
| سلسلة قلوب معلقة الكاتبة المتميزة نور بلاك _شظايا_القلوب _الفصل النهاردة كان بيحمل مفاجآت و مواجهات و مشاعر إنسانية لشخوص و أبطال شظايا الشظية الثلاثون كانت بتحمل في جعبتها الكشف عن جزء من وصية ياسر الراوي و غرضه لحماية عائلته و أرثه ، كل شخصية بتقف و تحدد أولوياتها و يتخذ دوره، برغم كل التخبط لكنهم بيمضوا في طريقهم للأفضل و التعلم من أخطاء الماضي بعد ما تعلموا بالطريقة الصعبة و المؤلمة و اللي شكلتهم من جديد و خلتهم ينضجوا و يتشد عودهم أحياناً الألم و المعاناة بتخلينا نتولد من جديد أقوى و أصلب و بتكون خير لينا و تفوقنا و علينا نتعلم من دروس الحياة و التجارب اللي بنمر بها و ده إحنا بنعيشه حالياً مع شخصيات رسمتها نور بلاك ببراعة شديدة و اللى بحس إنها في شظايا القلوب هي حياة كاملة و تجارب حياتية حقيقية _سبنتى_خالد_لانا _سبنتى حبيت جداً شموخها و قوتها و هي بتواجه خالد لأول مرة بعد خذلانه ليها و بتنجاهله و كأنه لا يعنيها في شئ و أثبت لها أنها كانت صح لما تبعت راشد و سافرت معاه خالد خذلها و خان وعده لها و حقق لياسر الراوي اللي هو عايزه لما أرتبط بلانا المرأة المثالية من وجهة نظره و تلائمه زى ما تعمد ياسر إنه يوصلها المعلومة دى و كان واضح أنه عارف بمكانهم من قبل ما راشد يمرر المعلومة لخالد و يوصلهم بس ياسر كالعاده ما أفصحش غير لما تتم خطته و خالد يخطب لانا و عشان كده سبنتى مجروحه من خالد جداً جداً و للأسف الشديد هو لغاية دلوقتي مش مدرك لحجم خطأه في حقها و إنه كسر قلبها و ثقتها فيه، لكن سبنتى قدرت تصنع من آلامها إمرأة قوية ناضجة محددة أهدافها و طريقها من غير ما تخسر نفسها و بتعرف تداري وجعها و في نفس الوقت محتفظة بنقاء روحها و قلبها و قدرت تتعلم من كل اللغط اللي حواليها و ما تسلكش في نفس تخبطهم أو تظل في مكانها تبكي على الأطلال و قدرت تتخطاها حتى لو بتعاني _خالد و اللى مازال مشاعره متخبطة أو بمعني أدق هو بيكذب على نفسه و على لانا خطيبته و اللى نسيها لحظة ما وقعت عينيه على سبنتى و ما تذكرهاش غير لما هي أعلنت عن وجودها و بعدته عن سبنتى لحظتها فقط فاق لهذيانه و إنه مازال سجين مشاعره و حبه للعبثية الصغيرة و ده خلاه يلجأ لصديقه نضال و يخرج كل إنفعالاته في الرياضة و نضال كان بيسمعه و يواجهه بالحقيقة اللي بيهرب منها إنه ألتزم بوعد و زيجة هو أختارها بنفسه و عليه يحترم تبعات قراره و ما يفضلش كده في المنطقة الوسطى متأرجح و ده نفس اللي حاولت تعمله مني معاه و تخليه يفهم خطأه في إنه يلتزم بالإرتباط بواحدة و قلبه و مشاعره مع غيرها لكن غضبه من سبنتى و اللى مش بتبدي أى إهتمام بوجوده مخليه مصر على المضي قدماً في مع لانا _لانا و اللى شافت بعينيها إزاى خطيبها و الرجل اللي أختارته شريك حياتها نسيها تماماً لما شاف سبنتى و ما أحترمتش دبلتها في إيده و مع ذلك هي مصرة تدخل في الدائرة دى و تكمل فيها تحدي و رهان مع نفسها و لازم تنتصر فيه على سبنتى غريمتها من وجهة نظرها و مش قادره تستوعب إن سبنتى نفسها هي اللي خرجت من الدائرة دى بإرادتها و إختيارها و أحتفظت بكبريائها و كرامتها و رفضت خالد _راشد_سبنتى حقيقي أنا بحب علاقة راشد و سبنتى جداً جداً العلاقة بين الأب و بنته كما ينبغي أن يكون حب و حنان و إحتواء و دعم و في وقت اللزوم حزم و تقويم و حماية حتى من نفسها _سبنتى بعد مقابلة خالد و لانا كانت ضعيفة حزينه و عشان كده لجأت لحضن راشد أبوها و سندها في الحياة حبيت حوارهم مع بعض و إنها متفهمة لأسبابه في إبعادها هي و إياب عن الجو المسموم بعيد عن عائلة الراوي و لكنها في نفس الوقت مختلفة معاه و متعاطفة مع بدور و حرمانها من إبنها و هو محترم وجهة نظرها و مش بيحاول يفرض عليها قناعاته _راشد بيعرف يحتوي سبنتىى و يسندها و يمدها بالقوة اللي بتحتاجها و بيمنحها الحرية و الثقة تحت جناحه و قدام عينيه و عشان كده رغم أنه متفهم لجرحها و ألمها من خالد لكنه رفض إنه يتركها لوحدها و أصر تيجي معاه و مرتب إنه يخلص إرتباطاته هنا و يرجع معاها لأنه رافض يتركها بعيدة عنه، كان موقفه حازم قوى لما منعها تهين نفسها قدامه و إنه على أد ما هو واثق و فخور بها لكنه مش بيطمن للمحيط حواليها و هيفرض عليها حمايته حتى لو رغماً عنها _راشد كأب نجح جداً مع أولاده و تربيته لهم ينشأوا بقوة و صلابة و يقدر يوجههم من غير ما يكسرهم أو يترك لهم العنان إنهم يخطأوا و ده اللي فشل فيه ياسر الراوي مع بدور خاصة و مقدرش يحتويها أو يوجهها و تركها لغاية ما دمرت نفسها بنفسها _بدور_نوة_سبنتى_مريم _بدور و نوة و اللى كانت بتحاول بدور تتواصل مع إياب و هو مازال رافضها شعور قاسي على أى أم إن إبنها يرفضها و يبعد عنها، في حوار بدور و نوة كانت بتحاول تلفت نظرها إزاى تكسبه و تقرب منه و إنه طريقها معاه مش هيحصل غير بالتعاون مع راشد شاءت أم أبت و الجميل إنه بدور ما أنفعلتش أو رفضت على طول و لكنها مستصعبة على نفسها إنها تتقبل من الرجل اللي حرمها من إبنها أى مساعده في التواصل مع إياب _نوة برغم إنها كانت من اللى رافضين خطوبة خالد و لانا و شايفة إنه مازال بيحب سبنتى ما كانتش متقبلة تصرف بدور في إنها تجمعهم سوا في مواجهة مع بعض حتى لو كان ده التصرف الصحيح بدل من الإختباء و الأسرار اللى حطمت حياتهم في السابق، و عشان كده لامت على بدور و وضحت لها أنه سبنتى مش زيها و مش هتوقف حياتها على شخص خانها زى ما هي عملت و بدور مدركة لكده و إن سبنتى أقوي منها لكنها حبت تمنحهم فرصة عادلة للإختيار _و سبنتى أثبتت لها أنها فعلاً إذا كانت تشبهها في القوة و الصلابة و الشموخ والكبرياء لكنها بتختلف عنها في راجحة عقلها و ردود أفعالها و رغم أنه بدور ما حافظتش على وعدها معاها لكنها مكملة للنهاية في وعدها إنها تخلي إياب يتقبلها و في نفس الوقت حذرتها إنها تكرر تصرفها ده تاني _مريم و اللى شايفة إنه الحياة أبسط من كل التعقيدات و إننا نقضيها في أحقاد و صراعات و إنه سعادتنا أننا نمنح السماح و الغفران و نستغل الفرصة الثانية، يمكن طريقتها و دلالها بيستفز بدور بس هي كانت عايزها تتوقف عن إنها تجمد حياتها و تعيش إياس و ليبرتا و إياب و اللى كان رافض أى تقارب بينه وبين ليبرتا و هي عايزة تفرض عليه وجودها و يتقبلها ما شاء الله كل واحد فيهم ورث جينات والديه، و إياس الغيران على بدور و إنها تنساه في وجود إياب حقيقي مشاهدهم جميلة أوى و فيها البراءة والنقاء و مريم فهمت غيرة إبنها و كانت مستمتعة بمشاكسات بنتها مع إياب _سبنتى_شيماء من أجمل العلاقات الإنسانية في شظايا علاقة الصداقة و الأخوة بين شيماء و سبنتى و إزاى كل واحدة فيهم سند و حماية و دعم للتانية، شيماء واضح إنها صارحت سبنتى بأنها حست بوجود نزار حواليها و عشان كده سبنتى حبت تتأكد من هناء و اللى أنكرت إنه رجع لرغبتها في حماية الإتنين حبيت أوى دفع سبنتى لشيماء و إنها لو فعلاً نزار رجع ما ترفضش فرصتها الأخيرة معاها لو أثبت تمسكه بها و حبه ليها و حاولت تدعي قدامها أو يمكن تقنع نفسها إنها لو قابلت الشخص اللي يحبها بجد و يثبت لها أنه جدير بها هتمنحه الفرصة، سبنتى و شيماء كانوا روح واحدة في جسدين الظروف بعدت بينهم لكنهم مازالوا على قلب واحد _راشد_تميم_بدور_خالد _راشد و تميم الخطيب الإتنين خصمين أقوياء جداً جداً و مش بيتنازلوا عن تحقيق أهدافهم و أحلامهم بسهولة تميم مش مستعد يخسر المكاسب اللي حققها في شراكته مع إسم الراوي و عشان كده ما كانش مبسوط برجوع راشد راشد و اللي بعد ما كان رافض بشدة لوصية ياسر الراوي لما قرأ رسالته و وصيته الحقيقية قبل أنه يقوم بدوره و هو إنه يكون ظهر و درع لخالد في السوق وسط حيتانه لغاية ما يشتد عوده و يقدر يكون مستعد إنه يدير الإمبراطورية دى لوحده وقتها راشد هيتنحي و يبعد تاني، ده غرض ياسر مش تهميش دور خالد أو عدم ثقة فيه و لكنه مدرك إنه كان مازال ينقصه الخبرة و القوة الكافية لمجابهة وحوش هتنقض عليه بمجرد خلو الساحة من الأسد العجوز و نمر الراوي و عشان كده وضع بند وجود راشد كرئيس للمجموعة و راشد تفهم ده و أدرك أن ياسر كان يعرف مكانه من قبل ما يوصل هو المعلومة لخالد و يوصلهم، و راشد قبل بتنفيذ الوصية لأنه زى ما قال لتميم إنه أحياناً القدر بيجبرك إنك تلعب نفس الدور اللي أستلمته من اللى قبلك و هو أستلم الراية من ياسر الراوي في حماية كل فرد من أفراد عائلته مهما كانت الخلافات بينهم و اللى بيحصل جوه العائلة بيظل جواها _حقيقى ما كنتش عارفه أضحك ولا أشفق علي بدور لحظة ما المحامي بلغها بوصية ياسر و إنها لازم ترجع لراشد من جديد و المحامي كان متخوف من رد فعلها و خالد بعد لآخر الغرفة و كأن منتظر إنفجار قنبلة قادرة أتفهم رغبة ياسر الراوي في إنه يصلح أخطاءه في حق أبنائه و يمنح راشد و بدور فرصة أخيرة و إبنهم يتربوا وسطهم، لكن بدور و راشد هما كمان لازم تكون جواهم نفس الرغبة و النية إنهم ما يكرروش أخطائهم _بدور كنت متفهمة موقفها جداً و رغبتها في إنها تستقل بحياتها مع إبنها و أكتفت خلاص إنها تخرج من الحلقة النارية اللي بتربطها مع راشد و إحساسها بأنها لعبة في إيديهم يحركوها كيفما شاءوا، قهرها و إن ياسر مازال بيتلاعب بيها مع راشد ده خلاها تثور في وجوههم _بدور و راشد الإتنين بيكونوا بشريين و يبدوا إنفعالات إنسانية في وجودهم مع بعض حتى لو كانت مشاجرة، لكن كل واحد منهم لوحده بيكون مجرد آلة للعمل فقط و عشان كده خالد ما حاولش يفك التلاحم اللي بينهم برغم تحفظه و رفضه لتصرفاتهم _محاولة تميم الخطيب في الإجتماع إنه يتلاعب بهم و يحقق هدف قدام راشد و إنه يوصله رساله إن بدور وافقت على الزواج منه و يستغل نقاط ضعفهم و اللى يعرفها بعد دراسة تاريخهم الطويل و إنه راشد متملك فيما يخص بدور و يلعب على وتر بدور و إنها ناقمة على راشد و ممكن تكون عايزة تنتقم منه و تقليله من دور خالد في وجود راشد عشان يثير غيرته، لكنه مقدرش يحقق هدفه اللي بيسعي إليه في التفرقة بينهم و كل اللي ناله هو لكمة قوية من خالد و رفض صريح من بدور بدور اللي كانت خايفة إنه راشد يصدق كلام تميم و يحرمها من إبنها مرة أخرى و حاولت تنفي كلامه و كأنها بتنفي عن نفسها تهمة _خالد أبدى تفهم لوصية ياسر و خاصة بعد كلامه مع نضال و إنه كان بيعمل لمصلحته و حمايته و تأمين ظهره بوجود راشد، حبيت مساندته لبدور و دعمه و إنه مصدقها و فاهم خبث شخصية تميم الخطيب _بدور و إياب أد إيه مشاهدهم جميلة صادقة أوى بدور بتحاول تتواصل معاه و تقرب منه و هو برغم رفضه لها لكنه كان متأثر ببكائها و بيحاول يخفف عنها، كلامه معاها و إنه هو كمان بيبكي و مش قادر يتنفس لأنه بعيد عن أبوه و مشتاق له أوى ده خلا بدور تبدي مصلحة إبنها عن أى خلافات بينهم و أقتنعت إنها عشان توصل لتقارب بينها وبين إياب و يتقبلها و يعرف الحقيقة لازم تتعاون مع راشد و أخذت أول قرار صح و إنها تروح توصل إياب بنفسها له _راشد كان برغم حبه لأبنائه و إشتياقه لإياب لكنه ما حاولش يمنع تواصله مع بدور و يعطيهم كل الوقت الكافي لتشبع حنينها و شوقها له برغم أن عارف حزن إياب لكنه بعد تماماً و منحها المساحة اللي محتاجاها للتواصل معاه _راشد فوجئ بموقف بدور و إنها تأخذ الخطوة دى و تيجي بنفسها لبيته و معاها إياب و تطلب مساعدته عرف و تأكد إنها إتغيرت فعلاً، شرطه أعتقد أنه مجرد مزحة عشان يشاكسها بها و مش هيرغمها على قبول الوصية و الزواج منه تاني لأن راشد نفسه برغم أن بدور حبه الوحيد و مش بيفكر في إمرأة غيرها لكنه مش واثق إنهم يقدروا يكونوا مع بعض من تاني الفصل ممتع جداً جداً و وضعم كلهم على أول خطوات تصحيح مسار حياتهم و مستقبلهم و إنهم أثبتوا أنهم نضجوا جداً سلمت يمناك 👏👏👏👏👏👏👏❤️❤️❤️❤️❤️❤️❤️❤️❤️❤️❤️ ❤️ التعديل الأخير تم بواسطة ebti ; 30-03-20 الساعة 10:53 PM | ||||
|
| |
|
30-03-20, 07:09 PM
| #2327 | ||||
| حبيت العلاقة بين بدور وسبنتي فعلا سبنتي كانت بحاجة للبكاء على صدر تفرغ فيه كل المها ومين هيكون متفهم الضعف ده قد بدور الي عايشت التجربة من قبلها لانا انا اشفق عليها جدا اي عقل وتعقل تتكلم عنه وهي بحاجة لرجل بكل كيانه ليقدم حبه وولائه لها واظن اختبارها له فاشل ولن يمنحها الاجابة او الحب المنشود وجود خالد ولانا خرب فرحة الكل بلحظات كانت هتكون اجمل من دون وجودهم عصفورة راوي الهشة عندها لسان وبتقصف فيه لا احد يتوقع هجومها ولا عصافير الا فوق دماغك ياراشد بتلف بتلف وهتنزل زي صواعق وتكهربك يابو سنونو اما استاذ تميم انا فعلا خايفة منه على بدور ولا اعتقد انه هيوقف عند كلمتها وهيفضل وراها لغاية ما راشد ياخد خطوة ضده وينهي كل حاجة تخصه تسلم ايدك يا نوارتنا فصل اقل مايقال عنه انه جميل❤❤❤❤❤❤ | ||||
|
| |
|
30-03-20, 07:25 PM
| #2329 | ||||
| سلسلة قلوب معلقة الكاتبة المتميزة نور بلاك _شظايا_القلوب شظايا القلوب هي ملحمة حقيقية سيمفونية بتعزف فيها نور بلاك على أوتار القلوب لشخوص شبهنا شظايا هي محاكاة واقعية لمواضيع و قضايا شائكة ومعقدة جداً برؤية كاتبة متميزه واعية تملك أدواتها الأدبية و مفردات لغوية و سرد و حوار راقي سلسل مميز 👏👏👏👏❤️❤️❤️❤️❤️ _راشد_بدور راشد و بدور الإتنين شخصياتهم نارية و برغم حبهم الشديد لبعض لكنهم كانوا ينقصهم الثقة و لغة حوار تجمعهم و عشان كده كانوا دائما بيأذوا و يجرحوا في بعض و تصرفاتهم رد فعل كل واحد فيهم بيرد على الآخر و يضربه في نقطة ضعفه خاضوا طريق طويل من الجروح و التخبط و أخيراً نضجوا و أدركوا أن كنزهم الغالي و الأهم إبنهم و اللى يستحق منهم إنهم يتنازلوا و يضحوا عشانه و يعيش في بيئة صحية مستقرة و ينحوا خلافاتهم و صراعاتهم و يعطوه حقوقه عليهم من حب و حنان و رعايه و الأهم الأمان في حضنهم هما الإتنين حتى لو كانوا منفصلين و ده اللي خلي بدور تقتنع بأنها تأخذ المبادرة دى و تقبل بمساعدة راشد عشان تكسب ثقة إياب و حبه ، بدور لما أخذت الخطوة دى ما كانش تنازل على أد ما هو نضج و فهم إزاى تزرع حبها و تستعيد مكانتها في قلب إياب ، بدور فهمت منى و قدرت تضحياتها عشانهم و بعد ما كانت بتلومها في السابق و بتعتبرها ضعف فهمت إن حب الأبناء بيجعلنا نقوم بحمايتهم مهما كان الثمن و ده اللي خلاها تتخلى عن كبريائها و غرورها من أجل قطعه من قلبها راشد أب بمعنى الكلمة حقيقي و بيهمه مصلحة أبنائه و حمايتهم في المقام الأول و عشان كده كانت فرحته كبيرة بخطوة بدور و إنها تمنح حقوق إياب لأنه عايز لإبنه يتمتع بحب أبوه و أمه و مدرك إنه جرحها و عشان كده أعترف بخطأه في حقها و ما تكبرش أو أستغل الفرصة و مبادرته إنهم يجتمعوا على مائدة الطعام واحدة و يتعاملوا كأب و أم ناضجين ، راشد يمكن مقدرش يحكي لإبنه عن بدور لكنه غرسها جواه و تشبه بيها و بعاداتها و كل حاجه بتحبها و تفضلها سواء في الطعام أو اللعبة المفضلة عنده هو ببساطة خلاه نسخه مصغرة منها مشهد راشد و هو بيعطي بدور إياب ذكرها بأول مرة وضعه في حضنها بعد ولادته بس الفرق بينهم إنها المرة دى كانت فاهمه إن إياب محتاجهم هما الإتنين يمكن تكون قصتهم أحترقت و أنتهت و يمكن تكون لسه هتبدأ فصول جديده بأتنين أكثر نضج و وعي و يقدروا يتلاقوا في منتصف الطريق من غير جروح و أذى لكن الأكيد إنهم لأول مرة يتخذوا قرار مشترك مع بعض و يخص إبنهم _سبنتى_شيماء_ياسر _سبنتى حبيت أوى تشجعيها لبدور و دعمها ليها إنها تتواصل مع إياب و تلجأ لراشد و إنسحابها بهدوء و تركتهم يجتمعوا كأسرة واحدة من غير ما تفرض نفسها عليهم عشان ما تزيدش من توتر بدور و تمنحهم فرصة يعيشوا لحظة فارقة في حياتهم سبنتى برغم القوة و الصلابة الظاهرة لكنها من جواها بتتألم في صمت و رافضة تبوح و تصرح بوجعها لأى شخص في أوضتها مساحتها الخاصة اللي بتختلي فيها بنفسها بتخلع ثوب شخصية سبنتى الكبيرة الناضجة و بتكون سبنتى الدعسوقة المراهقه اللي بتداريها عن الجميع و بتعيش آلامها و حزنها و خذلانها من خالد و اللي كانت مراهنة عليه و بتتحدي بحبه كلام ياسر الراوي و اللى قدر يوصلها بعيد عن حماية راشد و يزيد من تحطيمها و كسرها و معايرتها بماضي مالهاش ذنب فيه و كانت ضحيتهم كلهم و إنها مهما حصل مش هترقي لمستوى إبنه، سبنتى برغم كل ده كانت واثقة من حب خالد و لكنه للأسف الشديد خذلها و خان وعده لها و هي بتتبع أخباره من غير ما يعرف و بتشوف صوره مع لانا و شيماء فقط هي اللي تعرف باللي عمله أبوها ، سبنتى لأول مرة تخفي عن راشد حاجة لأنها واضح إنها ما حبتش تزيد الخلافات و الفجوة بين راشد و عمه أو تكون سبب في إصرار راشد إنه ما يرجعش و يتحرم إياب من أمه و ده اللي كانت بترفضه شيماء إنها تتحمل كل الألم و الوجع ده في صمت لوحدها و تتعامل معاه و كأنه لم يكن، خوفها عليها من إنها تضغط على نفسها و تحملها فوق طاقتها _سبنتى و شيماء هتظل من أفضل و أجمل العلاقات الإنسانية في شظايا علاقة تألف القلوب و الأرواح، الإتنين هما النقطه البيضاء في عائلة الراوي ما تلوثوش برغم كل الأحقاد و الصراعات حواليهم ولا قدرت كل اللي حصلهم و مروا بيه يغير من حبهم لبعض و نقاء قلوبهم و عشان كده سبنتى اللي دايما بتحمي شيماء لقطت من ليبرتا معلومة إنها قابلت نزار قباني و عرفت إنها تقصد نزار و حبت تتأكد و تقابله بنفسها و تعرف نواياه تجاه شيماء و إنه مش هيأذيها تاني قبل ما تعلق صديقتها و تقولها، و عشان كده تواصلت مع نزار و طلبت تقابله و ما نسيتش تشاكسه و تغيظه سبنتى قررت إنها تظل مع راشد و ما تسافرش تاني عشان تساند راشد و من أجل شيماء و طرف آخر جوان و تعوضها عن كل اللي حصلها و تحملته و من أجلها هتقف قدام راشد و تخالف أوامره _ياسر الراوي مش قادره أستوعب إزاى كان عارف بمكان راشد و إياب و سبنتى و شايف بنته بتتلقي العلاج في مصحة نفسية و منتظرة أى خبر يطمنها على إبنها و إبنه هو كمان بيتعذب و كل ده و هو شايف معاناتهم و فى إيده الدواء لكنه من أجل أفكاره و نظرته المتعجرفة قرر يحتفظ بالمعلومة دى عشان يحقق هدفه و يزوج خالد و لانا و يبعد سبنتى عن طريقه حتى لو حطمها و كسرها و نسي إنه عنده بنت في نفس ظروفها و لولا إن كانت جنبها رجل بجد كانت هتكون في مصير أسوأ من سبنتى اللي رافضها كنة لإبنه _نزار_شيماء نزار مازال بيحوم حوالين شيماء يتلمس عبيرها و يملي عينيه برؤياها و لكنه مش قادر يخطي تجاهها و يمتلك الجرأة على مواجهتها بعد آخر لقاء بينهم و كان سبب في جرحها منه و يمكن عشان كده كان متلهف لمبادرة سبنتى و إنها تساعده شيماء يمكن فقدت البصر لكنها تملك البصيرة و إنها تشوف الناس بعين قلبها و روحها النقية و ده اللي بيخليها تشعر بسبنتى و تحس بمشاعرها حتى لو كانت على بعد و ده اللي خلاها تشعر بأن نزار حواليها من غير ما تشوفه و قدرت تحس بطيفه حواليها و وجوده رغم إنكار مريم و مرورها جواره و تخبطها و هي حاسة و متلمسة حضوره و إنها كانت متأكدة من إحساسها مهما اللي حواليها أنكروا ، لقائهم ببعض و تصريح نزار إنه على عهده معاها و مهما عينيه شافت لكنه هيظل قلبه ملك لبحرية العينين العصفوره الموجودة خلف أسوار قصر الراوي نزار يا ترى هيقدر يداوي جرحها و تسامحه على رعونته معاها _جوشوا_هناء إن أردت شيئا فأطلق سراحه إن عاد إليك فهو ملك لك و إن لم يعد فهو لم يكن ملكك من الأساس و أعتقد أنه ده اللي عمله جوشوا مع هناء و إنه يشعرها إنه قدم كل في إستطاعته عشان تصفح عنه و تقبل برجوعها له جوشوا قرر إنه يأخذ آخر كرت عشان يرجع هناء بعد ما طاردها و حاصرها بوجوده حواليها كتير و إنه يشعرها إنه ممكن يختفي من حياتها و يبعد عن طريقها فعلاً و ينسحب بعد ما يأس من مسامحتها له و قبولها منحه فرصة أخيرة و محاولاته مع نزار عشان يتقبل الفكرة و يساعده مع هناء لكن نزار كالعاده أرعن و متهور و في حب هناء هو غيور و متملك جوشوا أنسحب و منح هناء مساحتها الخاصة للتفكير في مشاعرها من غير ضغطه و حصاره حواليها يا تقبل بطي صفحة الماضي للأبد و يحصلوا على فرصتهم في السعادة و تعويضها عن كل اللي فات أو إن حكايتهم أنتهت خلاص _و ده أشعر هناء بالخوف و إنه بعد ما حست بأنوثتها و إنها تعيش المشاعر الإنسانية اللى حرمت منها و حبيب يدللها و يكون لها السكن و السند لكنها مازالت بتعانى من تأثير الماضي و برغم حزنها على جوشوا و لكن كبريائها واقف بينهم و ده اللي لمسه نزار من رؤية ملامحها _ممدوح_لورين_أيوب_أمل ممدوح كان جاي و كله إصرار على التكفير عن خطأه في حق لورين بعد ما وقف حياته عليها و إزاى يخليها تسامحه و تغفرله لكنه فوجئ بأنها بتعقد قرانها على رجل آخر و قدرت تتخطاه شعور بالمرارة و الغضب تأجج جواه و بعد ما تصور إنه قدر يهذب و يتحكم في إنفعالاته لكن لورين بتقدر تخرج أسوأ ما فيه و مع ذلك حافظ على سمعتها و دافع عنها قدام والدها و كل الموجودين و إنه هو اللي طلقها و أعادها لعصمته من غير ما تعرف و كان حريص إنه يتكلم معاها لوحدهم من غير تدخل طرف آخر يطلع على إزاى كل واحد فيهم أذى الآخر و طعنه ممدوح طلق لورين في لحظة كان معمي بثورة غضبه و إنتقامه منها لكنه رجعها مرة أخرى و تأكد من إنها مازالت زوجته و على مرأى ومسمع من شهود و يرد لها حقوقها ممدوح معترف بخطأه في حقها و إنه أجرم بعكس لورين و اللى مازالت شايفة إنه اللي عملته معاه كان صح و قدرت تنقذه من مصير بائس _لورين اللي تفاجأت بوجوده قدامها و هي عارفه إنه مازال بيبحث عنها من والديها و ما أهتمتش و كانت مبسوطه باللي بيتلقاه منهم من إهانة، و ما أكتفتش بكده هى حكت بجزء من قصتها معاه لطه و إنه إنسان مخادع حقير و كذبت على أيوب و إنه كان رافض ينجب منها و مصرة إنها ما أخطأتش في حقه و بتجرحه لورين من أول زواجها من ممدوح و هي شايفاه بعينيها فرصة تانية تحقق فيه اللي كانت بتتمناه مع أيوب و ما شافتش ممدوح و حسسته إنه رجل ناقص في عينيها و كملت بأنها حرمته من حقه كإنسان و سلبته حقوقه و عاملته على أنه طفل فاقد الأهلية، ممدوح أنتهك الجسد الحاجة الوحيدة اللي يعرفها عشان يحقق إنتقامه منها و يرد على فعلتها في حقه و طعنتها لرجولته و كرامته و كسرها، لورين هي كمان كسرته و أغتصبت حقوقه و كرامته و رجولته و دلوقتي حرمته من بنته و حرمت بنتها من حنان و رعاية أبوها و خلتها تتصور إنه بيكرهها، لورين للأسف جنت على بنتها و بتظلمها و بتحرمها من حقها في أبوها لورين و ممدوح في مواجهتهم لبعض و اللي حاول ممدوح إنه يفهمها إنه تصرفها كان رد فعل قوى للي عملته معاه مدفوع بغضبه و إنها كانت عنده في مكانة محدش قدر يمتلكها في قلبها و حياته و منحها ثقته و رجعته لنقطة الصفر بعد ما كانت رفعته لعنان السماء رمته من أعلي قمة في الجبل و أعادته لممدوح المطعون بذكريات الماضي لكن لورين قابلت كل كلامه بالمكابرة و القسوة و بتزيد في جلده و التقليل منه و مش معترفة بجانبها من الخطأ لأنها مش بتعرف تتنازل من أجل أى شخص غير أخواتها و بنتها و مازالت بتلوم أيوب و مش قادره تشوفه مظلوم مثلهم _أيوب و اللى كان حزين على إن أول فرحة تدخل بيته اللي إتملي بالجراح ينقلب لفوضي و شجار و شاف إنه لورين كذبت عليه بخصوص قصة طلاقها من زوجها و تعامل مع الموضوع بتماسك و خبرة كبيرة في الحياة و التجارب اللي مرت بيه و كان حازم مع لورين و رافض إنها تكرر مأساتها في أمل و إزاى تصدي لمحاولة لورين إنها تستخدم ماضيها معاه نقطة ضده و اللى مازالت بتحاسبه عليه و ما سامحتهوش ولا تنازلت إنها تبدي مشاعر بنت لأبوها، و أصر إنها تعرف ممدوح بالحقيقة و إن أمل بنته و إنها تنهي خطوبتها مع طه لغاية ما تعرف وضعها مع زوجها _أمل و اللى كانت متلهفة للقاء ممدوح أبوها اللي لورين حكت لها عنه و إنه مسافر و عشان كده لما شافته جريت عليه بكل الحب و الشوق و هي بتنتظره لكن خاب أملها برد فعله و هو ما تعرفش عليها و شايفة إنه رافضها و ممدوح و اللى تفاجئ بتمسكها به و إنها عارفاه و شايف نظرات الخوف و الذعر في عيونهم و ملامحها اللي بتنطق و بيحاول يكذب إحساسه إنها قطعة منه، و حتى بعد كذبة مرح و إدعائها إنها أمها عشان تحمي أختها ممدوح ما أقتنعش بالتفسير ده و العيون دليله دائما مع البشر هي اللي عرفته على صلته بأمل و هيواصل عشان يتأكد الفصل رائع جداً جداً سلمت يمناك 👏👏👏👏👏❤️❤️❤️❤️ التعديل الأخير تم بواسطة ebti ; 30-03-20 الساعة 10:53 PM | ||||
|
| |
|
30-03-20, 07:28 PM
| #2330 | ||||
| سلسلة قلوب معلقة الكاتبة المتميزة نور بلاك _شظايا_القلوب الفصل النهاردة هو الهدوء ما قبل العاصفة مواجهة كل شخصية لنفسها و وقوفهم على صفيح ساخن تحته ثورة و حمم مشتعلة من مشاعر متضاربة على حافة الإنفجار حالياً قدام محك يا يجتازوه بنجاح و يوصلوا لبر الأمان والاستقرار يا يظلوا في تخبطهم و دائرة التوهة و كل ده هيتتحدد بناءً على إختياراتهم _خالد_راشد_ياسر _ياسر الراوي و مازالت وصيته بتحمل في جعبتها مفاجآت كتير و أسرار و غرضه الحقيقي من وضعه الوصية بالشكل ده أكيد له هدف و برغم ظلم ياسر لأولاده و تسييره لحياتهم لكنه في النهاية أب كان كل غرضه حماية أولاده و سعادتهم حتى لو كانت وسيلته خطأ و وصيته هي محاولة لرأب الصدع و لم شمل عائلته في كيان واحد ما ينفصلش، وضعه الوصية بالشكل ده و إن راشد لو مقبلش بزواجه من بدور مش تقليل و إذلال لبنته و إنه يضع مصيرها بين إيدين راشد عشان يتحكم فيها لكنه بيمنحها فرصة تعيش مع إبنها حياة مستقرة و يعوضها عن الأذى اللي عاشته و عارف إنها فيما يتعلق بأى قرار يخص راشد عاطفتها و إندفاعها و رغبتها في الإنتقام منه هى اللى بتحركها و مع ذلك هو ما أجبرهاش إنها تنفذ الوصية و لسبب في نفس بدور أخفت المعلومة دى عن خالد، الرسائل اللي تركها لراشد و ترك له الوقت المناسب لإعلانها لما يشوف إستعداد أولاده إنهم يتفهموا دوافعه الحقيقية و أعتقد أنها هتفاجئنا كمان إصرار ياسر الراوي إنه تميم الخطيب يظل شريك ليهم بنفس النسبة رغم معرفته بإعتراض إبنه و رفضه التام التعامل معاه أكيد في سبب وراه _راشد و حواره مع خالد و اللي كان بيحاول ينقله خبرته في مجال الأعمال و السوق و إزاى يحتاط لأصدقائه قبل أعداءه لأن دائماً الضربة القاضمة بتكون من أكثر مكان مأمن منه و أستخدم معاه لغته اللي بيفهمها إن الله سبحانه أمرنا إننا ما نكونش مستضعفين و أغبياء راشد صحيح حاسس بالذنب و الأسف تجاه خالد لكنه في نفس الوقت لو رجع به الزمن و بنفس الظروف كان هيتخذ نفس القرار لحماية أبناءه _خالد فارس آل الراوي و اللى سقط من على حصانه بسبب إختياراته و عايز يلقي اللوم و الذنب على راشد و سبنتى في ورطته لكن راشد صفعه بالحقيقة و وضعه قدام مرآيته خالد أعتبر سبنتى ملكية حصريه له تدور في مداره و تتنازل دائما من أجله و تقدم مشاعرها قربان له من غير ما تنتظر منه حاجة تعود على ده منها و هو متخبط في مشاعره تجاهها و مش قادر يحدد هي إيه بالنسبة له و لما أخيراً أخذ خطوة تجاهها كانت الظروف مش ملائمة و لما غابت عنه و بعدت لامها و أعتبرها خانته و بدل ما يتفهم وضعها و ينتظرها عشان يعاتبها و يسمع منها خطب إمرأة آخري لا يحمل ليها أى مشاعر و ظلمها معاه و دلوقتي هو ندمان و عاجز عن التراجع و حالياً هو أصبح كل ما يمقته ظالم و خاين و كذاب و إنه هو اللي ما يستحقش سبنتى _راشد تفاجئ من كلام خالد إن ياسر الراوي أوصاه بسبنتى و يكون لها الوطن و الأرض اللي تحتضنها و ترحب بها بعد ما ظلموها و حطموها و كأنه بيكفر عن خطأه في حقها و منح خالد المخرج المناسب للخروج من ورطته لكنه مش عايز يظلم لانا أكثر من كده و بيمضي في إرتباطه بيها مع أنه بيظلمها و يهينها بمشاعره الواضحة جداً تجاه سبنتى و مالهوش فيها حيلة و يمكن بيتمني من جواه إن لانا هي اللي تتراجع و تحله من الإرتباط ده _بدور_تميم حبيت جداً خطوة بدور تجاه تميم الخطيب و إنها تضع له حدود ما يتخطهاش و تحذره إنه التعامل بينهما هيكون في إطار العمل فقط و مش هي نصفه الآخر اللي هيكمله، و واجهته إنها فاهمه غرضه الحقيقي من طلبه الزواج منها أنه يقوي و يعزز مكانته في إمبراطورية الراوي بمساندتها له و يمكن ده سبب من ضمن الأسباب و إنها بتفكره بغزالته و حبيبته بقوتها و عنفوانها، و نصيحة بدور لتميم إنه ما يستهنش بخصمه راشد ضارية قادر إنه يفترسه بمنتهى السهولة و يضربه ضربة ما يتوقعهاش _بدور حبت ما تدخلش طرف آخر في معركتها القادمة مع راشد و تعلمت من دروس الماضي إزاى قبل ما تواجهه تكون جاهزة بعتادها و أسلحتها اللي هتشرعها في وجهه في الوقت المناسب و تحاسبه على حرمانها من إبنها لكنها حالياً في هدنة مؤقتة بينهم عشان تكسب ثقة إياب و حبه ده هدفها المرحلة دى و راشد فاهمها كويس أوى و هو كمان مستعد للحظة دى و يمكن بيتمني إنها تتخلى عن تحفظها معاه و تخرج كل إنفعالاتها _سبنتى سبنتى طوال حياتها كانت مخفيه عن الأعين لرغبة راشد في حمايتها و كانت الحجة لأنها طفلة و مش عايز يخدش براءة طفولتها و سبنتى تعودت على حياتها اللي بتميل للبساطة في كل شيء و ما بتحبش الإختلاط و تكوين صداقات و تراقب و تحلل اللي حواليها مش لأنها مش إجتماعية أو خجوله و لكنها بتحب تكون في مساحتها الخاصة و عشان كده كانت رافضة هالة المجتمع المخملي و السيارة الفارهة و الجامعة الخاصة كل ده مش شبهها و راشد مدرك لطبيعة شخصيتها و لكن في نفس الوقت الوضع الحالي بيفرض عليه إنها تعيش كبنت بلال الراوي و أخت راشد عاجلاً أم أجلا لازم هتظهر في طبقتهم و ما يقدرش يحجبها طول الوقت عشان ما يثيرش الأقاويل حواليها و برغم محاولات سبنتى إنها تظل غير مرئية و تمنع تقرب زملائها و رغبتهم في التعرف عليها لكنهم بيفرضوا نفسهم على حياتها، مروان و اللى شايف فيها صيد ثمين عايز يقتنصه لنفسه و يخضعها له و مايا بحقدها و غيرتها منها مش هيتركوها لحالها و المسألة بالنسبة ليهم تحدي للفوز به _سبنتى_بدور_شيماء _جميل التقرب و العلاقه اللي بتنشأ بين بدور و سبنتى إياب كان نقطة تواصل بينهم و اللى عاشته بدور خلاها تعيد حساباتها و تستوعب أخطائها في حق سبنتى الطفلة الصغيرة اليتيمة و حملتها ذنب حقدها من راشد و غيرتها منها و ندمها على اللي عملته فيها و معاملتها السيئة و إنها ما حاولتش سبنتى ترد ده في إبنها و بالعكس هى اللى بتساعدها تبني جسر تتواصل فيه مع إياب _سبنتى كمان و إحساسها بالندم و الذنب إنها دخلتها صراع مالهاش يد فيه بسبب كذبتها عليها لكن بدور لأول مرة تتصرف كإنسانة ناضجة و تبدي مشاعر حقيقية تجاه سبنتى و إنها مقدرة و فاهمه أسبابها اللي دفعتها لكده و إنها لو كانت أحتضنتها و هي طفلة ما كانتش هتعمل كده تفهم بدور إن سبنتى و أمها ضحايا مثلها الشعور ده فاجئ سبنتى لأنها ما توقعتش إعتراف زى كده يصدر من بدور _سبنتى و شيماء علاقة جميلة جداً جداً أخت بنكهة صديقه ولا أنوي إستبدالها أبداً قلبهم متوحد بنبض واحد حبهم و مشاعرهم لبعض صادقة مفيش حاجه ممكن تفرق بينهم مهما بعدت بينهم المسافات بيشعروا ببعض و موجودين دائما لحماية بعض _و يمكن بدور لاحظت أن شيماء حتى في فترة غيابها ما بطلتش كلام عن سبنتى و كأنها عارفه مكانهم و بتتواصل معاها و رؤيتها لملامح سبنتى خلتها تشك لكنها بتحاول تنفض عنها الوسواس دى لأنها مش هتتحمل إن أختها تشوفها بتتعذب لفراقها إبنها و هي عارفه أى خيط يوصلها له و ما تقولش، بدور صدمتها هتكون كبيرة جداً لما تعرف إن والدها و أختها كانوا عارفين و سكتوا بإختلاف دوافع و أسباب كل واحد فيهم و إذا كان فعلاً شيماء كانت على معرفة بمكانهم ولا مجرد تواصل بينهم _بدور و مساندتها و دعمها لسبنتى و إنها حاسة بجرحها و ألمها و هي شايفة اللي بتحبه مع غيرها بيمسك إيديها و تغازله قدامها و دافعها عنها قدام خالد و إنه مالهوش صفة في حياتها و شكلت هي و شيماء جبهة ضده لحماية سبنتى بدور و هي بتأخذها من إيديها و تنفرد بها و تخليها تبكي و تخرج صرختها و ما تسمحش إنها تنكسر قدامه سبنتى و اللى أحتضنتها و شكت وجعها و هي بتسمعه بيقول لوالدته إن لانا هي إختياره المثالي و إنه خطبها في نفس اليوم اللى وعدها هتكون له و إزاى كانت مراهنة عليه و منتظراه قلبها الموجوع و هي بتحاول تتظاهر بالقوة و الصلابة لكنها من جواها بتتألم _بدور أكثر شخص بيحس بآلامها لأنها ذاقت مرارة نفس الكأس و الخيانة يمكن الفرق بينهم إنه بدور وقفت حياتها على راشد لأ قدرت تتخطاه و تكمل حياتها بدونه ولا قدرت تغفر له و تمنحه فرصة تانية للتعويض بعكس سبنتى صحيح بتتألم و مجروحه لكنها أقوي أنضج و بتكمل دراستها و بتعيش حياتها و بتحاول تسعد بوقتها و تقوي نفسها و تستمد قوتها من شيماء و راشد و إياب دروعها _إياب و الرابط اللي بدأ يتشكل ناحية بدور من بعد ما خلته يشوف راشد و هو أعتبرها صديقته المفضلة و إنه يطلبها بنفسه تنضم ليهم في نزهتهم للملاهي و شقاوته مع بدور و سبنتى دفاعه عن سبنتى و غيرته عليها قدام خالد و يمنعه يمسك إيديها إبن راشد عن جدارة 🥰🥰🥰🥰🥰🥰 تردد إياب في إنه مش عارف يدخل البيت مع سبنتى ولا يروح مع بدور و لجوئه لسبنتى عشان تقوله يعمل إيه حيرته و تمزعه إنه عايز يقضي وقته مع راشد و بدور إزاى لما شاف راشد حكي له عن يومه و إزاى دافع عن أخته و وصفه خالد كان عايز يمسكها إزاى و بدور قالت كلمة عيب 🥰🥰🥰🥰 _شيماء و اللى حاولت تثني خالد و لانا عن إنهم يروحوا معاها للقاء سبنتى و رفضها القاطع لإرتباطهم إحساسها بالضعف لما أشارت لانا لحالتها و كأنها عاجزة إهتمام شيماء بمساندة و إحتواء سبنتى قدام أخوها و لانا و إنها رفضت تتركها لوحدها و تقضي بقية اليوم معاها و برغم حبها لراشد لكنها مش قادره تسامحه إنه حرمها منها _خالد_لانا لانا و اللى دائما بتأخد العقل و المنطق منهج في حياتها بتمشي به و تنحية المشاعر من حساباتها و ده كان الأساس اللي أختارت خالد زوج مستقبلي على أساسه و بناءً على توجيهات و نصائح والديها اللي بيخططوا حياتها طول الوقت و برغم أنها كانت عارفه بحبه لآخري لكنها صدقت وعوده و كلامه إنها أنتهت قصتهم تماماً لكنها مش قادره تسيطر على شعورها بالقهر و المهانة و هي بتتخان على الملأ و كذبه عليها و هي شايفة تصرفاته تجاه سبنتى و ده بيخليها تتصرف تصرفات بعيدة عن شخصيتها و تنزل لمستوى منحدر من تحدي و غيرة في منافستها و هي بتحاول تتظاهر أمام الجميع بالثقة و العقلانية و تحارب لوحدها عشان علاقتهم و برغم غضبي منها لكني مشفقة عليها جداً إنها دخلت دائرة دى مع شخص ما حسمش أمره و مشاعره _خالد و اللي مجرد بيسمع إسم سبنتى و بيشوفها حاله بيتقلب و ما يقدرش يسيطر على مشاعره و غيرته عليها و بينسي نفسه و اللى حواليه و بينفصل عن العالم كله و عايز يتحكم فيها و في تصرفاتها و ملابسها لكن سبنتى صفعته بوضعه في حياتها إنه مالوش صفة ولا حقوق عليها بإرادته و إختياره و مع كده هو مشدود بين وترين كل وتر بيجذبه ناحيته قلبه من جهة و ضميره و عقله من جهة أخرى خالد و اللي ما أهتمش إنه يسأل سبنتى هتأكل إيه لكنه عملها طبقها المفضل بنفسه و بيبرر غيرته الحارقة عليها قدام خطيبته إنها من عائلته و محارمه فقط و معتمد على عقل لانا و نسي إنها إنسانة _إختبار لانا له و طلبها إنه يقبلها هو إهانة لنفسها و كرامتها و كبريائها كأنثى لكنها عايز تمنح آخر فرصة لعلاقتهم قبل ما تأخذ قرارها النهائي أو يمكن تكون لها خطة آخري _راشد_بدور راشد و إستفزازه لبدور لأنه متأكد أن هدنتها دى بتخفي وراها حمم مشتعلة من الغضب و بتغلفها بوجهتها الباردة دى و هو عايزها تواجهه و يتعاتبوا و كل واحد فيهم يأخذ حقه من الآخر عشان يخرجوا من الدائرة اللي أستنزفتهم و بعدها يقدروا يمضوا في حياتهم أو يكون لهم بداية جديدة على أرض صلبة راشد معترف بخطأه في حقها و إنه خانها و كسرها و ندمان حرمانها من إبنها ده اللي شافه التصرف الصحيح و الوحيد اللي يحمي به إبنه و مش ندمان، راشد قالها لبدور أى مشاعر بتتنفي قدام أولاده سبنتى و إياب و ده اللي خلاه يقرر إنه يقول قدام الكل إن بدور هي اللي رفضت الرجوع إليه عشان يحميها و سمعة إبنه من أى أقاويل و شائعات تمسه بدور معترفة في قرارة نفسها إنها كانت هتعمل نفس اللي عمله راشد و تحرمه من إياب و إن اللي دفع الثمن إبنهم إتفاق بدور مع راشد إنه يتصرف بالطريقة اللي يشوفها صح عشان يحمي بنته حتى لو كان قدام أخوها بدور مش ممكن تسامح و تنسي أن راشد حرمها من إياب بأنها بتستجدي وصاله و حبه دلوقتي و أكيد هتأخذ بثأرها منه بس أتمنى أنها ما تتهورش و ترجع لتصرفاتها الغبية تاني الفصل رائع جداً جداً و منتظرة باقي العاصفة و نشوف هترسي سفينتهم لمرساها الآمن ولا لاء تسلم الأيادي الذهبية يا نوارة القلوب❤️❤️❤️❤️❤️❤️ التعديل الأخير تم بواسطة ebti ; 30-03-20 الساعة 10:54 PM | ||||
|
| |
 |
| الكلمات الدلالية (Tags) |
| #شظايا القلوب ... رومانسية .. اجتماعية .. درامية |
| أدوات الموضوع | |
| انواع عرض الموضوع | |
|
|
439Likes
العرض العادي
