30-06-20, 07:50 PM
| #4251 | ||||
 
|  سلسلة قلوب معلقة الكاتبة المتميزة نور بلاك _شظايا_القلوب _سبنتى إحساس باليتم و الضياع و الغربة و هي شايفة آمانها الوحيد و سندها في الحياة و المتمثل في راشد معرضة لخطر الموت و إنها تفقده لثاني مرة، راشد بالنسبة ليها هو الأب و السند و الدرع الحامي ليها و البيت اللي بيظلل عليها و تنتمي إليه بتحاول تتعامل مع الوضع بأنها تنكره و إنها أزمة بسيطة و هيقوم منها، بتطمن نفسها و إياب و اللى هما الإتنين متشبثين ببعض، يدعموا و يبثوا الأمان لبعض و يحتموا كل واحد فيهم في حضن الآخر و إنه راشد أقوي من أي أزمة أو إنهيار هيقاوم عشانهم زي ما وعدها في السابق سبنتى و إنها تتجدد صدمة فقدانها لراشد تاني مره، و هي اللي كانت معاه في أزمته الأولي لوحدها في الغربة و معاها طفل صغير و كان الوضع فوق طاقة تحملها، و المرة دى إحساسها بأنها السبب خلاها تجلد نفسها و مع الخوف و الهلع اللي كانت فيه و غضبها من نفسها و من كل اللي أذي راشد و تحميله ذنوب الجميع، كل ده خلاها فاقدة للوعي و الإدراك بتهاجم نفسها و تهاجم بدور و كل واحدة تتراشق الكلام الجارح للآخري و خرجوا البركان الخامل في صدورهم و سبنتى واجهت بدور بالكلام اللي وصل راشد و زواجها من عزام و إزاي كان لآخر لحظة متعشم فيها إنها تلحقه و يقدروا يتداركوا كل أخطائهم و يصلحوها و كذب كل كلام الجرائد والمجلات لكن الطامة الكبري لما أتصل بالتليفون و اللى رد عليه أكد له أنه تم عقد القران و شخص مقرب منهم صدق على كلامه كل ده خلاها يفقد أمله فيها و تصور إنها قدرت تنفذ إنتقامها منه و طعنته بنفس السكين اللي قتلها به و للأسف أفعال بدور المتهورة خلته يصدق و إن سبنتى تشوف أبوها بيتحمل كل ده و محدش رحمه و شافه مجرد بشر ممكن يخطئ و يصيب و رأفوا به سبنتى كانت بتدافع عن حقها هي و إياب في راشد و خايفة عليه و لم تستثني أحد و هي أولهم إنهم حملوا راشد فوق طاقتها _سبنتى بعد كم الصدمات اللي توالت عليها، و رفضها إنها تصدق حالة راشد و أنفصلت عن الواقع و حالتها كانت أقرب للهذيان و حتى التعبير عن المشاعر دي و إنها تبوح بها كانت مش قادره تعمل كده، و كانت بتأن بصمت و تذوب من الداخل سبنتى للأسف الشديد أستسلمت لمصيرها اللي شافت إنها تستحقه و هو القبر المكان الوحيد اللي لما تضيق عليها الدنيا تلتجأ إليه و إنه كان من الأفضل لها لو لم تولد من الأساس و إنه الموت هو الراحة المنشودة ليها و مش خايفه منه سبنتى روحها بتنزف من وقت ما عرفت الحقيقة و راحت تحتمي في قبر جدها تبحث عن إجابات لوجعها و لكنها كانت بتتظاهر بأنها قوية و بخير و تخطت المحنة لكن الحقيقة إنها كانت بتموت بالبطئ، و تحولت لشظايا منثورة _خالد و حواره معاها و هو شايف تخبطها و ضعفها و إزاي الكل أغتالوا براءتها و سلبوها روحها النقية البراقة المشعة بهجة و تركوها خاوية الوفاض أسئلتها الوجودية و اللى كل إنسان بيسألها لنفسها لما تشتد الصعوبات عليه، و هل إحنا ربنا خلقنا عشان يعذبنا و الإجابة لأ زي ما خالد قدر بإيمانه و تربيته يفهمها إنه كل العثرات و العقبات في طريقنا دي تجارب تزيدنا قرب من الله و إيمان به و برحمته و إن الرضا و الثقة في رحمته و تقبل قدرنا هيمنحنا السكينة والطمأنينة و مفيش حاجه ممكن تأثر على سلامنا و نقاء روحنا _خالد و هو شايف إنهيار سبنتى و كلامها عن الموت و راحتها في المقابر بمنتهي البساطة أصابته بالذعر و الخوف عليها سبنتى أختلفت عن الدعسوقة العبثية الملونة اللي كان يعرفها و كل ما يحاول يكتشفها و ينير ظلمتها بتقاومه و تصد محاولاته مش عارف إزاي يخطو و يعبر كل الحواجز في طريقه إليها و يخترق حصونها و يمنحها الراحة لروحها المتعبة حبيت جداً تأكيده و إنه يرسخ في ذهنها أهميتها في حياتهم و الأرواح المتعلقة بها و حقه فيها و اللي مش هيتنازل عنه و مسؤوليتها تجاه راشد كأبنه عليها تساند أبوها، و مسؤوليتها تجاه إياب أخوها الصغير و اللى بيحتمي فيها من كل اللي بيحصل حواليه خالد قدر يستفز مشاعرها و يخليها تعترف بلسانها و تأكد الرابط و الصلة اللي بتربطها براشد و إنها بنته و بكريته و تصرح بجزء من مخاوفها و اللى دفعها تذبح راشد بكلامها و لأول مرة سبنتى تقولها صريحة لخالد إنها كانت عايزة تحمي راشد و تبعد عنه و في نفس الوقت تهرب من خالد و مشاعرها تجاهه مشاهد سبنتى كانت كلها وجع و صعبة جداً جداً و الفصل ثقيل و مليان بالأحداث و المشاعر و الإنفعالات لكل شخصية و جسدتيها في صورة حية بقلمك و خلتينا نعيش معاهم جوه الحدث الفصل كل مشاهده ماستر سين قوية جداً جداً سلمت أناملك الذهبية 👏👏👏👏👏👏👏 Nora Soliman | ||||
|  |
|
30-06-20, 11:23 PM
| #4252 | ||||
| يالهووووووووى على ده فصل 😢💔💔 الفصل موجع صعبانه عليه سبنتى كل ما تقوم تقع وتجرى عالمقابر والا راشد هنا هو مش كبير العيله لا هو أب لكل العيله ديه كله بأنهياره أنهار وتاهوا زى العيل اللى بيتوه من ابوه والا امه فصل متعب اووووى بجد ايهاب بقا وجوده فى الفصل عامل زى المطر اللى بينزل بعد ريح عنيف نافذة سلام وأمان فى الروايه بأحتوائه لمريم وأسرته هو كتلة حمايه لكل اللى حواليه دمتى مبدعه نور الأنوار😁😘💖💖 | ||||
|
| |
|
30-06-20, 11:31 PM
| #4253 | ||||
| سلسلة قلوب معلقة الكاتبة المتميزة نور بلاك _شظايا_القلوب _عائلة_أيوب _هما صوره لشعب أغتصبت أراضيه و مشتت و بيحلم بالعودة لدياره و يحتضن تراب وطنه شعب حرمهم مغتصب بتجبر من تحقيق حلمهم بالعودة و سلب أرضهم و كتب عليهم النزوح و الشتات و لكنهم برغم أنه طريقهم ملئ بالأشواك ما فقدوش الأمل و بيقاوموا لآخر رمق في روحهم و بيجاهروا بقضيتهم و يسمعوا العالم أجمع اللي صم أذانه عن رؤية معاناتهم، و إنهم صامدين و مش هيستسلموا لحين يعودوا لربوع الوطن و جذورهم اللي إنتزعوا منها رغماً عنهم، و الإحساس بدفئه اللي هيذيب برودة روحهم و يطيب آلامهم و إغترابهم و ضياعهم في بلاد سلبتهم إنسانيتهم و حاولت تطمس هويتهم لكنهم مقدروش _فرح و اللى بدأت تقاوم يأسها و متشبثة بالحلم إنها تعود لوطنها و تلتقي بصقرها الحامي عيسى و يلتم الشمل _مرح و اللى مولودة بروح قتالية باسلة ورثتها من أجدادها نبتة من أرض طيبة مقدروش يقمعوا روحها الأبية رفضت الخضوع و الإستسلام مرح بتحمل جواها بئر أسرار و جراح رافضة تبوح بها بإصرار و تحجبها عن الجميع _أيوب رجل حمل هموم أحنت ضهره و حطمته لكنه قدر يجمع شتات نفسه و يبحث عن أبنائه و يجمعهم تحت جناحه و يحاول يعالج كسورهم و كانت أمل هي فرحتهم اللي حرموا منها و رابط عائلي يجمعهم و البيت الخالي منها خلي الحزن يخيم عليهم من جديد لكن أيوب عارف إنه ممدوح هيمنحها اللي مقدرش هو يمنحه لأبنائه هيعطيها وطن و جذور و عائلة تنتمي إليها عشان ما تلقاش نفس مصيرهم في شتات بين ربوع أوطان كانوا فيها غرباء نازحين أيوب و هو بيشرح لمرح حقيقة وضع عرب ٤٨ و إنهم رفضوا يتركوا أرضهم و بيوتهم متمسكين بحقهم في وطنهم و ينفي عنهم الخيانة اللي بيحاول الحقراء تزييف الحقائق و إنه كل واحد في مكان بيدافع عن قضيته بطريقته المهم أنه يظل إسم فلسطين يتردد في جميع المحافل الدولية يذكرهم بخستهم و تقاعسهم فخر أيوب إنه أولاده ما نسيوش حلمهم بالعودة لوطنهم و جذورهم برغم كل اللي عانوا منه و عاشوه مهما تكالبت عليهم الظروف و الطغاة المتجبرين و سنوات عجاف Nora Soliman | ||||
|
| |
|
01-07-20, 05:20 AM
| #4258 | ||||
| سلسلة قلوب معلقة الكاتبة المتميزة نور بلاك _شظايا_القلوب _لورين لورين شخصية قوية و قاسية على نفسها قبل غيرها و ما تعرفش تفسر نفسها و تعبر عن مشاعرها بأى طريقة إختيار أمل البقاء مع ممدوح كانت الصفعة اللي تفوقها من غفلتها و قسوتها الجمود و القسوة دي اللي شكلت شخصيتها نتيجة لظروف قهرية نشأت عليها سلب وطنها، الحياة في المخيمات ، الإغتراب في بلاد الكوابيس اللي سلبتهم إنسانيتهم و حطمت المتبقي منهم و نزعتها من أسرتها و أخواتها و ذاقت الويلات في بيوت التبني من عنصرية و مهانة كل ده ما كانش سهل عليها تتقبله و تتعايش معاه و عشان تظل صامدة على رجليها إنتهجت القسوة أسلوب حياتها دي كانت طريقتها في المقاومة ممدوح حبت ممدوح و هو كمان حبها لكن كل واحد منهم كان محمل بندوب الماضي اللي شوهته و غلفت روحه بالسواد لقائهم كان في التوقيت الخاطئ لورين حبت تمنح ممدوح الفرصة اللي كانت تتمني يحصل عليها أيوب دافعها كان إنها تنفذ ممدوح حتي لو كانت النتيجة إنها تكسره مشكلة لورين إنها ما حاولتش تشرح أسبابها و دوافعها دي لممدوح يمكن كان تداركوا كسرهم بعضهم البعض و مع أمل بنتها قطعة من قلبها ما عرفتش تكون رابط قوي بيها و أكتفت إنها تلبي إحتياجاتها المادية و إنها بتلقي كل الحب و الحنان و الرعاية من أيوب و مرح و فرح و إنه وجودها معاهم أمر مسلم به لورين بتخاف من الفقد و ده من ضمن أسبابها في تجنب أمل و منحها مشاعرها الأمومية إنها تفقدها زي ما فقدت هي أيوب و نسرين و رفضها لطريقة اللي جاءت بها و إنها بتذكرها بممدوح كل ده بني حواجز في مشاعرها تجاه أمل و ما حاولتش مرة تعرفها صلتها بها و كان إختيار أمل البقاء مع ممدوح هي القشة الأخيرة اللي خلتها تواجه نفسها بأخطائها في حق كل اللي حواليها بداية من تحميلها أيوب الذنب في تشتتهم، ظلمها لأمها و ما حاولتش تطمنها عليها بعد ما عرفت إنها سامحت أيوب و عقابتها لغاية ما ماتت بحسرتها خطأها في حق ممدوح و طعنته في رجولته و كسرته حتى لو كان دافعها إنساني و طامتها الكبري هي ظلمها لبنتها و حرمتها من أمومتها و حنانها و حضنها و بعد أسبوع كامل من فراقها قررت إنها تحاول تتواصل معاها بعد ما يأست إنه أمل تطلب الكلام معاها و ده اللي نبهته إليه إسراء و إنها لو كانت صادقة في مشاعرها و حنينها لبنتها عليها تثبت ده لأمل و تنشئ علاقة حقيقية بينهم و تواصلي معاها لكن كلام لورين و واضح إنها أتخذت قرارها في شئ ناوية عليه و ده هيخليها تنشغل عن أمل لفترة يا ترى تفكيرها هيأخذها لفين Nora Soliman | ||||
|
| |
|
01-07-20, 05:21 AM
| #4259 | ||||
| سلسلة قلوب معلقة الكاتبة المتميزة نور بلاك _شظايا_القلوب _بدور_راشد برغم أنه كل واحد فيهم تسبب في الأذي و كسر الآخر لكنهم مربوطين في حلقة مقدروش يخرجوا منها حبهم وشم روحهم و قلبهم، و مقدروش يتخطوه و يمضي كل واحد في طريقه بدور إنهيار راشد زلزلها و هي اللي ما كانش يخطر على بالها إنه ممكن يمرض و يتهزم كده خوفها و هلعها على راشد خلاها في حالة عدم إتزان رفض إياب ليها و نظراته اللي كلها إتهام ليها إنها السبب في اللي حصل لوالده إتهامات سبنتى كل ده كان بيضغط عليها و بدور كانت على حافة الإنهيار و بركان على وشك الإنفجار و تسببت في أذى سبنتى غصب عنها بدور تخفت وراء قناع الصلابة و القوة لكنه كان مجرد قشرة بتنخفي وراها و تحميها من جرح جديد إنها تعرف إنه والدها كان يملك خيط يوصلها لإبنها لكنه كان من القسوة و الأنانية يتركها بتموت قدامه كل ثانية من غير ما يمد إيده و ينقذها عشان يحقق مصالحه الشخصية حتى لو كان على حساب مشاعرها و أمومتها إحساس بأنها ما كانتش ذات قيمة بالنسبة له شعور بالقهر و الخذلان من الجميع خلاها تنزوي بعيد عنهم و تنفرد بنفسها و تحاسبها _مفيش أقسي من الشعور بالندم و الخذلان و الخسارة و ده اللي شعرت به بدور و هي بتتلقي الصدمة تلو الآخري و هي بتقف قدام مرايتها و يمر شريط حياتها قدام عينيها من لحظة ما وقفت تجاهر لراشد بحبها، و لحظة ما ملكت قلبه لحظة خيانته و طعنته ليها في قلبها ظلمها و ظلمته، كسرها و كسرته و إزاي كانت معمية البصيرة إنساقت وراء إنتقامها اللي حطمها و خسرت نفسها و كرامتها و حرمانها من إبنها و لأول مرة تقر إنه أمها كانت على حق لما نصحتها ترمي راشد وراء ضهرها و تلتفت لحياتها لكنها كانت من العند و الغباء و التهور و رمت نفسها إلي الدرك الأسفل و تلظت في الجحيم و ناره حرقها _بدور و هي بتناجي راشد عشان يفوق هو مش بس حبيب عمرها و رجلها الأوحد، بتناجيه يقوم عشان يعيد ليها إبنها و اللى مش هيحصل غير بوجوده و مساعدته Nora Soliman | ||||
|
| |
 |
| الكلمات الدلالية (Tags) |
| #شظايا القلوب ... رومانسية .. اجتماعية .. درامية |
| أدوات الموضوع | |
| انواع عرض الموضوع | |
|
|
439Likes
العرض العادي
